’di lta ste gso sbyoṅ bcwa lṅa pa de ñid la dge sloṅ glo bur du ’oṅs pa daṅ | gñug mar gnas pa bźi’am lhag pa dag ’dug ciṅ mthun par gyur pa na |
de dag ’di sñam du dge sloṅ (3) gaṅ dag ma lhags pa dag yod do sñam du mi sems śiṅ | chos kyi ’du śes can mthun pa’i ’du śes can de dag gis gsol ba byas te gso sbyoṅ byed ciṅ so soRa thar pa’i mdo gdon pa ’don par byed na | dge ’dun gyis so sor thar pa bton ciṅ gso sbyoṅ (4) byas pa yin no || ’khor de laṅs śiṅ dge sloṅ kha cig ni doṅ | kha cig ni ma doṅ bar
de’i ’og tu dge sloṅ gñug mar gnas pa mñam pa dag lhags na | de dag gis gal te re źig tshogs pa rñed na de dag gis yaṅ de dag gi don du gsol ba byas te gso (5) sbyoṅ bya źiṅ so sor thar pa’i mdo gdon pa gdon par bya’o ||
ci ste ma rñed na de dag gis dkyil ’khor bar doṅ ste gso sbyoṅ bya źiṅ so sor thar pa’i mdo gdon pa gdon par bya ste |
dge sloṅ sṅa ma dag la yaṅ ’gal tshabs can du mi ’gyur ro ||