’di lta ste gso sbyoṅ bcwa lṅa pa de ñid la dge sloṅ gñug mar gnas pa bźi’am lhag pa dag ’dug ciṅ mthun par gyur pa na |
de dag gis de na glo bur (199b1) du ’oṅs pa’i rnam pa daṅ | glo bur du ’oṅs pa’i rtags daṅ | glo bur du ’oṅs pa’i mtshan ma ’di lta ste | gźan gyi ltuṅ bzed daṅ | chos gos daṅ | khar ba daṅ | gtur bu daṅ | ril ba spyi glugs daṅ | ’bru mar snod daṅ | źwa daṅ | lha ma sgro gu can (2) daṅ | mchil lham dag mthoṅ na
de dag ’di sñam du sems te | dge sloṅ gaṅ dag ma lhags pa dag yod na | dge sloṅ gaṅ dag ma lhags pa de dag med par bdag cag gis gsol ba byas te gso sbyoṅ bya źiṅ | so sor thar pa’i mdo gdon pa gdon du ruṅ ṅam (3) ’on te de dag med par bdag cag gis gsol ba byas te gso sbyoṅ bya źiṅ | so sor thar pa’i mdo gdon pa gdon du mi ruṅ sñam nas |
yid gñis kyis don du gñer ba yid gñis kyi yo byad can de dag gis gsol ba byas te gso sbyoṅ byed ciṅ so sor thar pa’i mdo (4) gdon pa ’don par byed pa las |
de’i ’og tu dge sloṅ glo bur du ’oṅs pa ches ñuṅ ba dag lhags na | de dag gis yaṅ gsol ba byas te gso sbyoṅ bya źiṅ so sor thaRa pa’i mdo gdon pa gdon par bya ste |
dge sloṅ sṅa ma dag la ni yid gñis kyi ñer bsdogs las (5) ’gal tshabs can du ’gyur ro ||