de’i ’og tu ’chi ba’i tshe (6) smon lam ’di skad ces | bdag gis bcom ldan ’das de bźin gśegs pa yaṅ dag par rdzogs pa’i saṅs rgyas yon gnas bla na med pa ’od sruṅ la tshe ji srid par tshaṅs par spyod pa spyad na yon tan gyi chogs ’ga’ yaṅ mtho ste | bdag gis tshe ji srid par tshaṅs par spyod pa (7) spyad pa’i dge ba’i rtsa ba ’dis bcom ldan ’das de bźin gśegs pa yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la | bram ze’i khye’u khyod ma ’oṅs pa’i dus na skye dgu’i tshe lo brgya thub pa na de bźin gśegs pa dgra bcom pa yaṅ dag par rdzogs pa’i (44b1) saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba bla na med pa | lha daṅ mi rnams kyi ston pa | saṅs rgyas bcom ldan ’das śākya thub pa źes bya bar ’gyur ro źes luṅ bstan pa de’i bstan pa la (2) bdag rab tu byuṅ nas ñon moṅs pa thams cad spaṅs nas dgra bcom pa ñid mṅon du byed ciṅ | ji ltar mkhan po ’di bcom ldan ’das de bźin gśegs pa yaṅ dag par rdzogs pa’i saṅs rgyas ’od sruṅ gis śes rab chen po daṅ lhan pa rnams daṅ | spobs pa (3) chen po daṅ ldan pa rnams kyi mchog tu bstan pa de bźin du ||
bdag kyaṅ bcom ldan ’das śākya thub pa | śākya ’i seṅ ge | śākya ’i rgyal po gtso bo des śes rab chen po daṅ ldan pa rnams daṅ | spobs pa chen po daṅ ldan pa rnams kyi mchog tu bsten par gyur cig ces gdab (4) bar brtsams pas smon lam de’i dbaṅ gis da ltar de bźin gśegs pas śes rab chen po daṅ ldan pa rnams daṅ | spobs pa chen po daṅ ldan pa rnams kyi mchog tu bstan to ||
yaṅ dge sloṅ rnams the tshom skyes nas the tshom thams cad gcod pa saṅs rgyas bcom ldan ’das (5) la źus pa | btsun pa tshe daṅ ldan pa maud gal gyi bu chen pos las ji źi ga bgyis na las de’i rnam par smin pas rdzu ’phrul che ba daṅ mthu che bar gyur | bcom ldan ’das kyis bka’ stsal ba | dge sloṅ dag maud gal gyi bu ñid kyis las tshogs rñed pa | rkyen yoṅs su bsgyur ba | (6) ’od pa bźin du ñe bar gnas pa gdon mi za par ’byuṅ bar ’gyur bdag byas śiṅ bsags pas maud gal gyi bu ñid kyis las byas śiṅ bsags bdag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni phyi rol gyi sa’i khams la rnam par smin (7) par ma ’gyur | chu’i khams la mi ’gyur | mo’i khams la mi ’gyur | rluṅ gi khams la mi ’gyur gyi | ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ khams daṅ skye mched dgal rnam par smin par ’gyur te | las rnams bskal ba brgyar (45a1) | yaṅ ni | chud mi za ba’aṅ tshogs daṅ dus ||
rñed na lus can rnams la ni ||
’bras bu dag tu ’gyur ba ñid ||
dge sloṅ dag sṅon byuṅ bgroṅ khyer bā rā ṇa sī nas ha caṅ thag mi riṅ ba’i bsti gnas śig na draṅ sroṅ byams pa’i bdag ñid can | sñiṅ rje daṅ (2) ldan pa | sems can thams cad la byams pa źig ’dug go ||
ji tsam na mi dbul po źig śiṅ khur thogs te bsti gnas der soṅ nas śiṅ khur phog ste ṅal so źiṅ ’dug pa draṅ sroṅ des mthoṅ nas | de de la sñiṅ rje skyes te ñon moṅs pa ’di sṅon gyi las kyi ñes pas mir skyes (3) kyaṅ tshegs chen pos ’tsho ba sbyor bar byed kyis | bdag gis ’di rab tuṅ byuṅ ṅo sñam nas smras pa | bu khyod su źig yin | des smras pa | ’phags pa bdag ni mi dbul pa śiṅ gis ’tsho ba sbyor ba źig lags so ||
draṅ sroṅ gis smras pa | bu ’o na khyod ci’i phyir rab tu mi (4) ’byuṅ | des smras pa | ’phags pa bdag ni mi dbul po źig ste śiṅ btsoṅs śiṅ btsoṅs nas tshegs chen pos ’tsho ba skyoṅ bar bgyid pa lags na | su źig gis bdag rab tu ’byin par ’gyur |