de na ’dis tshe ji srid par tshaṅs par spyod pa spyad na yon tan gyi tshogs ’ga’ yaṅ ’thob nas | de’i ’og tu ’chi ba’i tshe smon lam ’di skad ces bdag gis bcom ldan ’das de bźin gśegs pa yaṅ (47a1) dag par rdzogs pa’i saṅs rgyas yon gnas bla na med pa ’od sruṅ la tshe ji srid par tshaṅs par spyod pa spyad na yod tan gyi tshogs ’ga’ yaṅ ma thob ste | bdag gis tshe ji srid par tshaṅs par spyod pa spyad pa’i dge ba’i rtsa ba ’dis bcom ’das de bźin (2) gśegs pa yaṅ dag par rdzogs pa’i saṅs rgyas ’od sruṅ gis bram ze’i khye’u bla ma la | bram ze’i khye’u khyod ma ’oṅs pa’i dus na skye dgu’i tshe lo brgya thub pa na de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar (3) gśegs pa | ’jig rten mkhyen pa | skyes ba gdul bya’i kha lo sgyur ba bla med pa | lha daṅ mi rnams kyi ston pa | saṅs rgyas bcom ldan ’das śākya thub pa źes bya bar ’gyur ro źis luṅ bstan pa de’i bstan pa la rab tu byuṅ nas ñon moṅs pa thams cad spaṅs (4) pas dgra bcom pa ñid mṅon du byed ciṅ | ji ltar mkhan po ’di bcom ldan ’das de bźin gśegs pa yaṅ dag par rdzogs pa’i saṅs rgyas ’od sruṅ gis so so yaṅ dag par rig pa thob pa rnams kyi mchog tu bstan pa do bźin bu | bdag kyaṅ bcom ldan ’das śākya (5) thub pa | śākya ’i seṅ ge || śākya ’i rgyal po gtso bo des so so yaṅ dag par rig pa thob pa rnams kyi mchog tu bstan par gyur cig ces gdab par brtsams pas smon lam de’i dbaṅ gis da ltar de bźin gśegs pas so so yaṅ dag par rig pa thob pa rnams kyi mchog tu (6) bstan to ||
http://www2.hf.uio.no/common/apps/permlink/permlink.php?app=polyglotta&context=ctext&uid=097ba880-d14c-11e4-bbf3-001cc4ddf0f4