dge sloṅ źig gi gan du rab tu ’byuṅ bar ’dod pa źig ’oṅs pa na | bcom ldan ’das kyis dge sloṅ tshur śog ces bya bas rab tu ’byin par mdzad ciṅ | dge sloṅ tshur śog ces bya bas bsñen pa rdzogs par mdzad par ’gyur ro sñam nas | des da khrid de (2) bcom ldan ’das gal ba der soṅ ba daṅ | des bcom ldan ’das kyi spyan sṅar ma phyin pa kho nar bar ma dor rgyun chad ciṅ śi bar gyur te | de ñid de’i legs par gsuṅs pa’i chos ’dul ba la rab tu ’byuṅ ba daṅ | bsñen pa rdzogs pa dge sloṅ gi dṅos por ’gyur pa’i bar (3) chad du gyur pa’i skabs de bcom ldan ’das la dge sloṅ rnams kyis gsol ba daṅ | bcom ldan ’das kyis dgoṅs pa | kye ma ṅa’i ñan thos rnams thag riṅ po daṅ ches riṅ po nas ’oṅ ba rnams ṅal bar ’gyur ro sñam nas bka’ stsal pa | de lta bas na deṅ nas dge ’dun (4) gyis rab tu dbyuṅ ba daṅ | dge ’dun gyis bsñen par rdzogs par bya bar gnaṅ ṅo ||
bcom ldan ’das kyis dge ’dun gyis rab tu dbyuṅ bar bya ba daṅ | dge ’dun gyis bsñen par rdzogs par bya’o źes bka’ stsal nas | de dag gis ji ltar rab tu dbyuṅ bar bya ba (5) daṅ | ji ltar bsñen par rdzogs par bya ba mi śes pa’i skabs de bcom ldan ’das la dge sloṅ rnams kyis gsol ba daṅ | bcom ldan ’das kyis bka’ stsal pa | ’ga’ źig gi gan du rab tu ’byuṅ bar ’dod pa ’oṅs na | des de gzuṅ bar bya źiṅ bzuṅ nas dge (6) ’dun thams cad ’dus pa na cha lugs ’di bźin byas śiṅ rgan rims la phyag ’tshal du bcug ste | thal mo sbyar nas tsog tsog por ’dug tu bcug ste | lan gsum gsol ba ’debs su bcug nas dge sloṅ gcig gis gsol ba daṅ bźi’i las kyis cig car rab (7) tu ’byuṅ ba daṅ bsñen par rdzogs pa ñe bar bsgrub par bya’o ||
des ’di skad ces brjod par bya ste | dge ’dun btsun pa rnams gsan du gsol | bdag miṅ ’di źes bgyi ba dge ’dun las rab tu ’byuṅ ba daṅ | bsñen par rdzogs pa dge sloṅ gi dṅos por gsol na (48a1) thugs brtsen ba can dge ’dun btsun pa rnams kyis thugs brtse ba’i slad du bdag rab tu dbyuṅ du gsol | bsñen par rdzogs par mdzad du gsol | de bźin du lan gñis lan gsum du bzlas |
de’i ’og tu dge sloṅ gcig gis gsol ba byas te (2) las bya’o ||
’di ltar byas te ’dug la ’di skad brjod par bya ste | dge ’dun btsun pa rnams gsan du gsol | miṅ ’di źes bgyi ba ’di dge ’dun la rab tu ’byuṅ ba daṅ bsñen par rdzogs pa dge sloṅ gi dṅos po gsol na | gal te dge ’dun gyi dus la ba bciṅ bzod na (3) dge ’dan gyis gnaṅ par mdzod cig daṅ | dge ’dun gyis miṅ ’di źes bgyi ba rab tu ’byin to ||
bsñen par rdzogs par mdzad do ||