.
.
.
.
.
.
.
.
.
.
.
.
.
de’i ’og tu rgya mtsho’i ’gram du soṅ ste gtsug lag khaṅ rta babs mthon po daṅ ldam pa | mthoṅs khuṅ daṅ skar khuṅ dra bcan daṅ ldan pa | lan ka na gyis brgyan pa | sñiṅ daṅ mig ’phrog (3) par byed pa | mtho ris kyi them skas su gyur ba | khri daṅ khri’u daṅ yo byad phun sum tshogs pa gñis pa źig sprul te | der rgya mtsho chen po’i klu dag bram ze daṅ | khyim bdag gi cha byad kyis mṅon du lhags nas de dag de la chos ñan par byed do ||
de dag gis de la chos (4) thos nas dge sloṅ glo bur du ’oṅs pa daṅ ’gro bar chas pa rnams la yo byad thams cad kyis stobs par byed do ||
rgan źugs śig gtsug lag khaṅ der dbyar gnas nas mñan yod du soṅ ṅo ||
drug sde dag gi kun du spyod pa ni ’dir bdag cag gis bra ma ze daṅ khyim bdag (5) ’oṅs śiṅ lhags pa rnams la yaṅ chos bstan par bya | rgol ba dag kyaṅ tshar gcad par bya | raṅ gi grags pa yaṅ bsgrug par bya’o sñam pas drug sde dag las gaṅ yaṅ ruṅ bas rgyal byed kyi tshal gyi sgo stoṅ par mi ’jog pas ñe dga’ naṅ bar sdar laṅs te so śiṅ bor (6) nas snam sbyar dmar ser gyon te rgyal byed kyi tshal gyi sgo na ’chag ciṅ ’dug go ||
des thag riṅ po kho na nas rgan źugs mgo smra ba’i me tog ltar skya ba smin ma ’phyaṅ ba źig ’oṅ ba de mthoṅ nas des bsams pa | ’di ni dge sloṅ gnas brtan ’ga’ źig yin gor ma chag (7) sñan nas des de bsu ste gnas brtan byon pa legs so byon pa legs so źes byas pa daṅ des smras pa | slob dpon phyag ’tshal lo ||
ñe dga’ sa bsams pa | kye ma ’di ni rgan źugs śig ste | slob dpon yaṅ mi śes mkhan po yaṅ mi śes so stam nas | des de la smras (99b1) pa | rgan źugs khyod ga las ’oṅs | rgya mtsho’i ’gram nas so ||
ci de na gtsug lag khaṅ yod dam | des smras pa | gtsug lag khaṅ yod do ||
ci de gtsug lag khaṅ yin nam | ’on te phoṅs pa yin | gtsug lag khaṅ ni ci ’dra | phoṅs pa ni ci ’dra | gaṅ (2) na yo byad thams cad daṅ ldan pa ni gtsug lag khaṅ yin la | gaṅ na yo byad thams cad daṅ bral ba de ni phoṅs pa yin no ||
de gtsug lag khaṅ yin no ||
de na ci yod | de na dge sloṅ chos smra pa gnas te | de de na bram ze daṅ khyim bdag rnams la chos ston par byed ciṅ (3) de dag gis de la chos thos nas dge sloṅ glo bur du ’oṅs pa daṅ ’gro bar chas pa rnams la yo byad thams cad kyis stobs par byed do ||
drug sde dag gi kun du spyod pa ni gaṅ cuṅ zad ci thos pa de phyi ’bred kyi dus kyi tshe gcig tu ’dus nas phan tshun rjod par byed pa yin pas ñe dga’ (4) gtsug lag khaṅ du soṅ ste drug sde dag la smras pa | tshe daṅ ldan pa dag bdag cag gis yun ji srid kyis brel ba spaṅ bar bya | khyod kyis thos bcuṅ źig yod dam | ñe daga’asa smras pa yod de | rgya mtsho’i ’gram na gtsug lag khaṅ yod do ||
de na ci yod | de (5) na dge sloṅ chos smra ba gnas te | de de na bram ze daṅ khyim bdag rnams la chos ston par byed ciṅ de dag gis de las chos thos nas dge sloṅ glo bur du ’oṅs pa daṅ ’gro bar chas pa rnams la yo byad thams cad kyim stobs par byed kyis | tshur śog bdag cag der ’doṅ ṅo | (6) de dag der doṅ ba daṅ | des de dag thag riṅ po kho na nas ’oṅ ba mthoṅ nas des bsams pa | gnas ṅan len kun du spyod pa de dag ’dir yaṅ ’oṅs so sñam mo ||
des yaṅ bsams pa | bdag ’di dag la cud zad kyaṅ rag lus pa med na ’di dag gis bdag la ci byar (7) yod sñam mo ||