’di skad bdag gis thos pa dus gcig na | bcom ldan ’das rgyas po’i khab na | bya rgod kyi (3) phuṅ po’i ri la dge sloṅ lṅa stoṅ tsam gyi dge sloṅ gi dge ’dun chen po daṅ thabs cig tu bźugs te | thams cad kyaṅ dgra bcom pa | zag pa zad pa | ñon moṅs pa med pa | dbaṅ daṅ ldan par gyur (4) pa | sems śin tu rnam par grol ba | śes rab śin tu rnam par grol ba | caṅ śes pa | glaṅ po chen po | bya ba byas pa | byed pa byas pa | khur bor ba | bdag gi don rjes su thob pa | (5) srid par kun tu sbyor ba yoṅs su zad pa | yaṅ dag pa’i śes pas sems śin tu rnam par grol ba | sems thams cad kyi dbaṅ dam pa’i pha rol tu son pa śa stag ste | gaṅ zag gcig ma gtogs (2a1) pa ni ’di lta ste tshe daṅ ldan pa kun dga’ bo’o ||
grags ’dzin mdaṅ | skye dgu’i bdag mo chen mo la sogs pa dge sloṅ ma lṅa brgya tsam daṅ | dge bsñen daṅ dge bsñen ma rab tu maṅ po thams cad kyaṅ chos mthoṅ ba śa stag daṅ | byaṅ chub sems dpa’ (2) sems dpa’ chen po tshad med graṅs med pa thams cad kyaṅ gzuṅs thob pa stoṅ ba ñid la gnas pa | mtshan ma med pa’i spyod yul pa | ma brtags pa’i smon lam daṅ ldan pa | chos thams cad la mñam pa ñid kyi bzod pa thob pa | chags pa med pa’i gzuṅs thob pa | (3) mṅon par śes pa mñams pa | gzuṅ ba’i tshig daṅ ldan pa | tshul ’chos pa med pa | kha gsag med pa | śes kyi khe daṅ rñed pa’i sems med pa | zaṅ ziṅ med pa’i sems kyis chos ston pa | chos zab mo la bzod pa’i pha rol tu son pa | mi ’jigs pa (4) thob pa | bdud kyi las thams cad las yaṅ dag par ’das pa | las kyi sgrib pa rgyun chad pa | chos rab tu rnam par ’byed ciṅ rnam par dbye ba ston pa la mkhas pa | bskal pa graṅs med pa nas smon lam śin tu brtsams pa | bźin ’dzum pa daṅ ldan pa | gsoṅ (5) por smra ba | bźin khro gñer med pa | pha rol la tshigs su bcad pa’i dbyaṅs kyis brjod pa la mkhas pa | sems źum pa med pa spobs pa mi chod pa | ’khor mtha’ yas pa zil gyis gnon pa’i mi ’jigs pa daṅ ldan pa | bskal pa bye ba mtha’ yas (6) pas ṅes par ’byuṅ ba la mkhas pa chos thams cad sgyu ma daṅ smig rgyu daṅ chu zla daṅ rmi lam daṅ brag cha daṅ mig yor daṅ gzugs brñan daṅ sprul pa lta bur khoṅ du chud pa | sems can thams cad kyi sems kyi spyod pa daṅ | mos pa daṅ phra ba mkhyen pa khoṅ du (2b1) chud par bya ba la mkhas pa | sems thogs pa med pa bzod pa rlabs po che daṅ ldan pa | bdag ñid ji lta ba bźin du ’jug pa la mkhas pa | saṅs rgyas kyi źiṅ mtha’ yas pa thams cad rnam par bkod pa’i smon lam gyis ’jug pas yoṅs su zin pa | ’jig rten gyi khams (2) graṅs med pa na bźugs pa’i saṅs rgyas rjes su dran pa’i tiṅ ṅe ’dzin rtag tu rgyun mi chad par mṅon du gyur pa | saṅs rgyas dpag tu med pa la gsol ba ’debs pa la mkhas pa | lta ba daṅ bag la ñal daṅ | kun nas dkris pa daṅ | ñon moṅs pa sna tshogs rab tu źi bar bya ba (3) la mkhas pa | tiṅ ṅe ’dzin gyis rnam par rtse ba ’bum mṅon par bsgrub pa la mkhas pa śa stag la ’di lta ste | byaṅ chub sems dpa’ sems dpa’ chen po bzaṅ skyoṅ daṅ | dkon mchog ’byuṅ gnas daṅ | rin po ches byin daṅ | rin chen byin daṅ | ded dpon bzaṅ po daṅ | (4) chu lha’i lha daṅ | phug sbas daṅ | dbaṅ pos byin daṅ | blo gros dam pa daṅ | blo gros khyad par can daṅ | blo gros ’phel ba daṅ | blo gros mtha’ yas daṅ | mthoṅ ba don yod daṅ | blo gros sgrib med daṅ | śin tu yaṅ dag źugs daṅ | rab kyi rtsal gyis rnam par gnon pa (5) daṅ | brtson ’grus mtha’ yas daṅ | rtag tu brtson daṅ | rtag tu sbyor daṅ | brtson pa mi gtoṅ daṅ | ñi ma’i sñiṅ po daṅ | blo gros dpe med daṅ | spyan ras gzigs dbaṅ phyug daṅ | mthu chen thob daṅ | ’jam dpal gźon nur gyur pa daṅ | bdud kyi stobs rab tu ’joms pa (6) daṅ | rdo rje blo gros daṅ | lag na phyag rgya rin po che daṅ | rtag tu phyag brkyaṅ daṅ | sñiṅ rje cher sems daṅ | bkod pa chen po daṅ | bkod pa’i rgyal po daṅ | lhun po’i rtse mo daṅ | byaṅ chub sems dpa’ sems dpa’ chen po byams pa la sogs pa de dag daṅ | gźan yaṅ byaṅ (7) chub sems dpa’ bye ba khrag khrig ’bum phrag du ma daṅ thabs cig go ||
de nas de’i tshe | bcom ldan ’das ñid kyis gdan seṅ ge’i khri bśams nas | skyil mo kruṅ bcas te | sku draṅ por bsraṅ nas dran pa mṅon du bźag ste bźugs so ||
der bźugs nas tiṅ ṅe ’dzin (3a1) gaṅ du tiṅ ṅe ’dzin thams cad chud pa daṅ ’dus pa daṅ ’ub ciṅ yaṅ dag par gźol ba tiṅ ṅe ’dzin gyi rgyal po źes bya ba la sñoms par źugs so ||
de nas bcom ldan ’das dran pa daṅ ldan źiṅ mkhyen bźin du tiṅ ṅe ’dzin de las bźeṅs te | lha’i spyan gyis ’jig (2) rten gyi khams thams cad la rnams par gzigs so ||
rnam par gzigs nas sku thams cad kyis ’dzum pa mdzad de | de’i źabs kyi mthil ’khor lo rtsibs stoṅ daṅ ldan pa gñis las ’od zer bye ba khrag khrig ’bum phrag drug cu drug cu byuṅ ṅo ||
źabs kyi sor mo bcu las kyaṅ (3) ’od zer bye ba khrag khrig ’bum phrag drug cu drug cu byuṅ ṅo ||
de bźin du źabs kyi loṅ bu gñis daṅ | byin pa gñis daṅ | pus mo gñis daṅ | brla gñis daṅ | sta zur gñis daṅ | lte ba khuṅ daṅ | rtsib logs gñis daṅ | skyes bu chen po’i mtshan thugs ka’i (4) dpal be’u las kyaṅ ’od zer bye ba khrag khrig ’bum phrag drug cu drug cu byuṅ ṅo ||
phyag gi sor mo bcu las kyaṅ ’od zer bye ba khrag khrig ’bum phrag drug cu drug cu byuṅ ṅo ||
de bźin du phyag lag ṅar gñis daṅ | sku phrag pa gñis daṅ | mgur daṅ | tshems mche ba bźi daṅ | (5) tshems bźi bcu daṅ | spyan gñis daṅ | sñan gñis daṅ | śaṅs kyi bu ga gñis daṅ | smin mtshams kyi mdzod spu daṅ steṅ gi gtsug tor daṅ źal gyi sgo nas kyaṅ ’od zer bye ba khrag khrig ’bum phrag drug cu drug cu byuṅ ste | ’od zer bye ba khrag khrig ’bum phrag drug cu drug cu po de (6) dag thams cad kyis thams cad daṅ ldan pa’i stoṅ gsum gyi stoṅ chen po’i ’jig rten gyi khams ’di snaṅ ba chen pos khyab par byas te | śar phyogs su ’jig rten gyi khams gaṅ g’i kluṅ gi bye ma sñed dag ’od zer gyi snaṅ ba chen po des khyab par snaṅ bar byas so ||
de bźin du lho (7) daṅ nub daṅ byaṅ phyogs daṅ byaṅ śar daṅ śar lho daṅ lho nub daṅ nub byaṅ gi phyogs mtshams daṅ | ’og daṅ | stoṅ gi phyogs su phyogs re rer yaṅ ’jig rten gyi khams gaṅ g’i kluṅ gi bye ma sñed dag ’od zer gyi snaṅ ba chen po des khyab par snaṅ bar byas so ||
sems can gaṅ (3b1) dag gis ’od de mthoṅ ba daṅ | gaṅ dag ’od zer gyi snaṅ ba des reg pa de dag thams cad bla na med pa yaṅ dag par rdzogs pa’i byaṅ chub las phyir mi ldog par gyur to ||
de nas yaṅ bcom ldan ’das kyis spu’i khuṅ bu thams cad nas ’od zer bkye ste | spu’i khuṅ bu re re nas kyaṅ ’od (2) zer bye ba khrag khrig ’bum phrag drug cu drug cu byuṅ nas | ’od zer de dag gis kyaṅ stoṅ gsum gyi stoṅ chen po’i ’jig rten gyi khams ’di snaṅ ba chen pos khyab par byas te | de dag gis śar phyogs su ’jig rten gyi khams gaṅ g’i kluṅ gi bye ma sñed dag snaṅ ba chen pos khyab par snaṅ (3) bar byas so ||
de bźin du lho daṅ nub daṅ byaṅ phyogs daṅ byaṅ śar daṅ śar lho daṅ lho nub daṅ nub byaṅ gi phyogs mtshams daṅ ’og daṅ | steṅ gi phyogs su phyogs re rer yaṅ ’jig rten gyi khams gaṅ g’i kluṅ gi bye ma sñed dag ’od zer gyi snaṅ ba des khyab par snaṅ bar byas so ||
sems (4) can gaṅ dag gis ’od de mthoṅ ba daṅ | gaṅ dag ’od zer gyi snaṅ ba des reg pa de dag thams cad bla na med pa yaṅ dag par rdzogs pa’i byaṅ chub las phyir mi ldog par gyur to ||
de nas yaṅ bcom ldan ’das kyis de bźin gśegs pa’i raṅ bźin gyi ’od gaṅ yin pa’i ’od (5) des stoṅ gsum gyi stoṅ chen po’i ’jig rten gyi khams ’di snaṅ ba chen pos khyab par mdzad do ||
śar phyogs su ’jig rten gyi khams gaṅ g’i kluṅ gi bye ma sñed dag snaṅ ba chen po des khyab par mdzad do ||
de bźin du lho daṅ nub daṅ byaṅ phyogs daṅ byaṅ śar daṅ śar lho daṅ lho (6) nub daṅ nub byaṅ gi phyogs mtshams daṅ ’og daṅ | steṅ gi phyogs su phyogs re rer yaṅ ’jig rten gyi khams gaṅ g’i kluṅ gi bye ma sñed dag snaṅ ba chen po des khyab par mdzad do ||
sems can gaṅ dag gis ’od de mthoṅ bad daṅ gaṅ dag ’od des reg pa de dag thams cad bla na med (7) pa yaṅ dag par rdzogs pa’i byaṅ chub las phyir mi ldog par gyur to ||
de nas yaṅ bcom ldan ’das kyis źal gyi sgo nas ljags kyi dbaṅ po phyuṅ nas | thams cad daṅ ldan pa’i stoṅ gsum gyi stoṅ chen po’i ’jig rten gyi khams ’di ljags kyi dbaṅ pos khebs par mdzad (4a1) de | stoṅ gsum gyi stoṅ chen po’i ’jig rten gyi khams ljags kyi dbaṅ pos khyab par mdzad nas ’dzum pa mdzad do ||
ljags kyi dbaṅ po de las kyaṅ ’od zer kha dog sna tshogs bye ba khrag khrig ’bum phrag du ma byuṅ ste | ’od zer de dag thams cad la rin po (2) che sna tshogs kyi rgyu las byuṅ ba’i pad ma gser gyi mdog tu snaṅ ba ’dab ma stoṅ daṅ ldan pa sna tshogs su ’dug pa | blta na sdug pa | yid du ’oṅ ba | kha dog bzaṅ ba | dri źim pa | ’jam pa | ka tsa lin di ka ltar reg na bde ba śa stag kun tu gnas par gyur te | pad mo (3) de dag la yaṅ de bźin gśegs pa’i sku maṅ po bźugs śiṅ ’di lta ste | pha rol tu phyin pa drug daṅ ldan pa’i chos bstan pa ’di ñid ston pa mdzad de | de dag śar phyogs su ’jig rten gyi khams gaṅ g’i kluṅ gi bye ma sñed dag tu gśegs śiṅ de dag tu byon nas kyaṅ ’di lta ste | (4) pha rol tu phyin pa drug daṅ ldan pa’i chos bstan pa ’di ñid kyi chos ston to ||
de bźin du lho daṅ nub daṅ byaṅ phyogs daṅ byaṅ śar daṅ śar lho daṅ lho nub daṅ nub byaṅ gi phyogs mtshams daṅ | ’og daṅ | ste gi phyogs su phyogs re rer yaṅ ’ig rten gyi khams gaṅ g’i kluṅ gi (5) bye ma sñed dag tu gśegs śiṅ | de dag tu byon nas kyaṅ ’di lta ste | pha rol tu phyin pa drug daṅ ldan pa’i chos bstan pa ’di ñid kyi chos ston to ||
sems can gaṅ dag gis chos bstan pa de thos pa de dag thams cad kyaṅ bla na med pa yaṅ dag par rdzogs pa’i byaṅ chub las phyir mi (6) ldog par gyur to ||
de nas bcom ldan ’das gdan seṅ ge’i khri de ñid la bźugs bźin du seṅ ge rnam par rol pa źes bya ba’i tiṅ ṅe ’dzin la sñoms par źugs nas | ’di lta bu’i rdzu ’phrul mṅon par ’du mdzad pa mṅon par mdzad de | rdzu ’phrul de mṅon par ’du mdzad pas (7) stoṅ gsum gyi stoṅ chen po’i ’jig rten gyi khams ’di rnam pa drug tu g-yos te g-yos rab tu g-yos kun tu rab tu g-yos so ||
’gul rab tu ’gul kun tu rab tu ’gul to ||
ldeg rab tu ldeg kun tu rab tu ldeg go ||
’khrugs rab tu ’khrugs kun tu rab tu ’khrugs (4b1) so ||
’ur ’ur rab tu ’ur ’ur kun tu rab tu ’ur ’ur ro ||
chem chem rab tu chem chem kun tu rab tu chem chem mo ||
mtha’ mtho na ni dbus dma’ | dbus mtho na ni mtha’ dma’ ste | ’jam pa daṅ | snum pa daṅ | sems can thams cad la phan pa daṅ bde ba bskyed par gyur to ||
(2) de nas skad cig thaṅ cig yud tsam de la stoṅ gsum gyi stoṅ chen po’i ’jig rten gyi khams ’di na | sems can dmyal ba daṅ | dud ’gro’i skye gnas daṅ | gśin rje’i ’jig rten thams cad rgyun chad par gyur | mi khom pa thams cad kyaṅ med par gyur te | sems can de (3) dag thams cad mi rnams daṅ skal pa mñam par skyes par gyur to ||
de bźin du rgyal chen bźi’i ris daṅ sum cu rtsa gsum pa daṅ ’thab bral daṅ | dga’ ldan daṅ ’phrul dga’ daṅ gźan ’phrul dbaṅ byed kyi lha rnams daṅ skal pa mñam par skyes par gyur to ||
de nas mi (4) de dag daṅ | lha de dag dga’ ba daṅ | mchog tu dga’ ba de ñid kyis sṅon gyi tshe rabs rjes su dran par gyur te | rjes su dran nas kyaṅ | bcom ldan ’das ga la ba der doṅ ste phyin nas | bcom ldan ’das kyi źabs la phyag ’tshal te | thal mo sbyor źiṅ ’dud par gyur to ||
(5) de bźin du śar phyogs kyi ’jig rten gyi khams gaṅ g’i kluṅ gi bye ma sñed dag daṅ | lho daṅ nub daṅ byaṅ daṅ phyogs mtshams daṅ ’og daṅ steṅ daṅ phyogs bcu kun gyi phyogs re rer yaṅ | ’jig rten gyi khams gaṅ g’i kluṅ gi bye ma sñed dag gi sems can dmyal ba thams cad daṅ | (6) dud ’gro’i skye gnas thams cad daṅ | gśin rje’i ’jig rten thams cad rgyun chad par gyur | mi khom pa thams cad kyaṅ med par gyur te | sems can de dag thams cad lha daṅ mi rnams daṅ skal ba mñam par skyes par gyur to ||
de nas mi de dag daṅ lha de dag dga’ ba daṅ | (7) mchog tu dga’ ba de ñid kyis sṅon gyi tshe rabs rjes su dran par gyur te | rjes su dran nas kyaṅ dga’ ba daṅ | mchog tu dga’ ba de ñid kyis raṅ raṅ gi saṅs rgyas kyi źiṅ na | saṅs rgyas gaṅ dag bźugs pa de dag gi druṅ du doṅ ste phyin nas | saṅs rgyas bco mldan ’das de (5a1) dag gi źabs la phyag ’tshal te | thams cad thal mo sbyor źiṅ ’dud par gyur to ||
de nas de’i tshe stod gsum gyi stod chen po’i ’jig rten gyi khams ’di na | sems can loṅ ba gaṅ dag ’khod pa de dag thams cad kyis ni | gzugs rnams mthoṅ bar gyur to ||
(2) sems can ’on pa rnams ni sgra dag thos par gyur to ||
smyon pa rnams ni dran pa rñed par gyur to ||
sems rnam par g-yeṅ ba rnams ni sems rtse gcig par gyur to ||
gcer bu rnams ni gos rñed par gyur to ||
dbul po rnams ni nor rñed par gyur to ||
bkres pa rnams ni zas (3) rñed par gyur to ||
skom pa rnams ni btuṅ ba rñed par gyur to ||
nad kyis btab pa rnams ni nad med par gyur to ||
dbaṅ po ñams śiṅ mtshaṅ ba rnams ni dbaṅ po yoṅs su tshaṅ bar gyur to ||
lus ṅal ba rnams ni lus ṅal ba med par gyur to ||
lus daṅ ṅag daṅ yid kyi las (4) kyi mtha’ daṅ ’tsho ba mi dge ba ma spaṅs pa rnams ni | lus daṅ ṅag daṅ yid kyi las kyi mtha’ daṅ | ’cho ba mi dge ba daṅ bral bar gyur to ||
sems can thams cad kyaṅ sems can thams cad la ’di lta ste | pha ma daṅ mtshuṅs pa’i sems daṅ | phu nu daṅ sriṅ mo daṅ mtshuṅs (5) pa’i sems daṅ mdza’ ba śes daṅ ñe du daṅ | snag gi gñen mtshams daṅ mtshuṅs pa’i sems kyis sems mñam par gyur to ||
dge ba bcu’i las kyi lam daṅ ldan źiṅ tshaṅs par spyod la | gtsaṅ źiṅ ñes pa’i dri ṅa ba med de | mi dge ba’i rnam par rtog pa thams cad daṅ (6) bral bar gyur to ||
de’i tshe sems can thams cad bde ba thams cad ’byor par gyur te | dper na dge sloṅ bsam gtan gsum pa la sñoms par źugs pa’i bde ba de lta bu’i bde ba daṅ ldan par gyur to ||
de’i tshe sems can thams cad ’di lta bu’i śes rab daṅ ldan par gyur te | (7) ’di ltar sbyin pa ni legs pa’o ||
legs par sdom pa ni legs pa’o ||
tshaṅs par spyod pa la gnas pa ni legs pa’o ||
srog chags ’byuṅ po rnams la rnam par mi ’tshe ba ni legs pa’o ||
źes bya bar śes par gyur to ||
de’i tshe (5b1) saṅs rgyas kyi źiṅ gźan dag na bźugs pa’i saṅs rgyas bcom ldan ’das rnams kyis | kye ma sems can ’di dag ’di ltar sbyin pa ni legs pa’o ||
legs par sdom pa ni legs pa’o ||
tshaṅs par spyod pa la gnas pa ni legs pa’o ||
(2) srog chags ’byuṅ po rnams la rnam par mi ’tshe ba ni legs pa’o źes bya bar śes pa’i śes rab de lta bu daṅ ldan par gyur pa ni ṅo mtshar to źes ched du brjod pa ched du brjod do ||
de nas bcom ldan ’das gdan seṅ ge’i khri de ñid la bźugs bźin du ’di lta ste dper na yoṅs su (3) dag pa’i nam mkha’ la ñi ma stobs daṅ ldan pa daṅ | zla ba ña ba’i zla ba’i dkyil ’khor bźin du | ’od daṅ | sku mdog daṅ | gzi brjid daṅ | dpal gyis stoṅ gsum gyi stoṅ chen po’i ’jig rten gyi khams ri rab daṅ bcas pa | khor yug daṅ bcas pa | lha’i (4) gnas daṅ bcas pa | dbaṅ po bcas pa | tshaṅs pa daṅ bcas pa | dbaṅ byed daṅ bcas pa | gnas gtsaṅ ma daṅ bcas pa | lha daṅ lha ma yin gyi ris daṅ bcas pa ’di zil gyis mnan te | mdzes śiṅ lham me lhan ne lhaṅ ṅer bźugs so ||
de bźin du bcom (5) ldan ’das kyis śar phyogs kyi ’jig rten gyi khams gaṅ g’i kluṅ gi bye ma sñed dag | ’od daṅ | sku mdog daṅ | gzi brjid daṅ | dpal gyis zil gyis mnan to ||
lho daṅ | nub daṅ | byaṅ daṅ | phyogs mtshams daṅ | ’og daṅ | steṅ daṅ | (6) phyogs bcu kun gyi ’jig rten gyi khams gaṅ g’i kluṅ gi bye ma sñed dag | ’od daṅ | sku mdog daṅ | gzi brjid daṅ | dpal gyis zil gyis mnan te | mdzes śiṅ | lham me lhan ne lhaṅ ṅer bźugs so ||
’di lta ste dper na | ri’i rgyal po ri rab ni de las (7) gźan pa’i ri thams cad zil gyis mnan te | mdzes śiṅ lha ma me lhan ne lhaṅ ṅer ’dug go ||
’di lta ste dper na | zla ba’i dkyil ’khor ni skar ma’i gzugs thams cad zil gyis mnan te | mdzes śiṅ lham me lhan me lhaṅ ṅer ’dug go ||
’di lta ste dper na | ñi ma’i dkyil (6a1) ’khor ni de las gźan pa’i snaṅ ba thams cad zil gyis mnan te | mdzes śiṅ lham me lhan ne lhaṅ ṅer ’dug go ||
de bźin du bcom ldan ’das kyis kyaṅ | ’od daṅ | sku mdog daṅ | gzi brjid daṅ | dpal gyis phyogs bcu’i ’jig rten gyi khams lha (2) daṅ bcas pa | dbaṅ po daṅ bcas pa | tshaṅs pa daṅ bcas pa | gnas gtsaṅ mdaṅ bcas pa | lha daṅ lha ma yin daṅ bcas pa thams cad zil gyis mnan te | mdzes śiṅ lham me lhan ne lhaṅ ṅer bźugs so ||
de nas yaṅ bcom ldan ’das kyis stoṅ gsum gyi stoṅ (3) chen po’i ’jig rten gyi khams kyi sems can rnams kyi lus ci ’dra ba de daṅ ’thun par sku tha mal pa bstan bstan to ||
de nas stoṅ gsum gyi stoṅ chen po’i ’jig rten gyi khams ’di na gnas gtsaṅ ma’i ris kyi lha’i bu rnams nas | tshaṅs ris daṅ | gźan ’phrul dbaṅ byed daṅ ’phrul (4) dga’ daṅ dga’ ldan daṅ | ’thab bral daṅ sum cu rtsa gsum pa daṅ | rgyal chen bźi’i lha’i ris kyi bar ji sñed yod pa de dag thams cad kyis de bźin gśegs pa’i sku blta bas chog mi śes pa mthoṅ nas | de dag tshim źiṅ mgu la yi raṅs te | rab tu dga’ nas | dga’ (5) ba daṅ yid bde ba skyes te | lha’i me tog dag khyer źiṅ lha’i me tog phreṅ daṅ | lha’i spos daṅ | lha’i byug pa daṅ | lha’i phye ma daṅ | lha’i bdug pa daṅ | lha’i utpala daṅ | pad ma daṅ | ku mud daṅ | pad ma dkar po daṅ | na lin daṅ | dri mchog daṅ | lha’i me tog (6) klu śiṅ gi me tog daṅ | ta ma la’i lo ma daṅ | lha’i gos daṅ | lha’i rgyan daṅ | lha’i gdugs daṅ | rgyal mtshan daṅ | ba dan dag khyer te | bcom ldan ’das ga la ba der doṅ ṅo ||
stoṅ gsum gyi stoṅ chen po’i ’jig rten gyi khams ’di na ’dul ba daṅ | snod (7) du gyur pa’i mi gaṅ dag ’khod pa de dag gis kyaṅ | de bźin gśegs pa sku blta bas chog mi śes pa mthoṅ nas thaṅ las skyes pa daṅ | chu las skyes pa’i me tog rnams khyer te | de bźin gśegs pa’i sku blta bas chog mi śes pa ga la ba der doṅ ṅo ||
de nas (6b1) lha de dag daṅ mi de dag gis lha’i me tog daṅ | spos daṅ | bdug pa daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan de dag daṅ | chu las skyes pa daṅ | thaṅ las skyes pa’i me tog de dag de bźin (2) gśegs pa’i sku la gtor | mṅon par gtor | mṅon par rab tu gtor to ||
de nas me tog daṅ | spos daṅ | bdug pa daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan gyi char daṅ | thaṅ las (3) skyes pa daṅ | chu las skyes pa’i me tog gaṅ dag bcom ldan ’das la gtor ba de dag thams cad bcom ldan ’das kyi byin gyis rlabs kyis | bcom ldan ’das kyi dbu’i draṅ thad kyi steṅ gi nam mkha’ la khaṅ pa brtsegs pa | stoṅ gsum gyi stoṅ chen po’i ’jig rten gyi khams (4) kyi tshad tsam źig tu red de gnas par gyur to ||
khaṅ pa brtsegs pa de las kyaṅ lha’i me tog daṅ | dar gyi la ldi dag ’phyaṅ | rab tu ’phyaṅ | mṅon par rab tu ’phyaṅ ste | me tog gi lda ldi daṅ | ṅar gyi lda ldi de dag gis kyaṅ | stoṅ gsum gyi stoṅ chen po’i ’jig (5) rten gyi khams ’di śin tu mdzes par gyur to ||
bcom ldan ’das kyi ’od snaṅ ba gser gyi kha dog lta bu phyogs bcur ’phros pa des kyaṅ phyogs re rer ’jig rten gyi khams gaṅ g’i kluṅ gi bye ma sñed dag khyab par snaṅ bar gyur to ||
stoṅ gsum gyi stoṅ chen po’i ’jig rten gyi (6) khams ’di na | ’dzam bu’i gliṅ gi ’jig rten gyi khams thams cad kyi lha daṅ mi de dag so so nas ’di sñam du sems te | de bźin gśegs pa ni bdag cag gi mdun na bźugs śiṅ chos ston to sñam mo ||
de bźin du nub kyi ba glaṅ spyod daṅ | śar gyi lus ’phags daṅ | (7) byaṅ gi sgra mi sñan daṅ | rgyal chen bźi’i ris kyi lha rnams daṅ | ’og min gyi lha rnams kyi bar daṅ de bźin du stoṅ gi ’jig rten gyi khams daṅ | stoṅ gñis kyi ’jig rten gyi khams daṅ | stoṅ gsum gyi stoṅ chen po’i ’jig rten gyi khams kyi lha daṅ | mi de dag thams cad (7a1) ’di sñam du sems te | de bźin gśegs pa ni bdag cag gi mdun na bźugs śiṅ chos ston to sñam mo ||
de nas bcom ldan ’das gdan seṅ ge’i khri de ñid la bźugs bźin du yaṅ ’dzum pa mdzad de | ’dzum pa’i snaṅ ba des stoṅ gsum gyi stoṅ chen (2) po’i ’jig rten gyi khams ’di gsal bar gyur te | stoṅ gsum gyi stoṅ chen po’i ’jig rten gyi khams ’di na | sems can gaṅ dag ’khod pa de dag thams cad kyis śar phyogs kyi ’jig rten gyi khams gaṅ g’i kluṅ gi bye ma sñed dag na | saṅs rgyas bcom ldan ’das (3) ñan thos kyi dge ’dun daṅ bcas pa dag mthoṅ bar gyur to ||
śar phyogs kyi ’jig rten gyi khams gaṅ g’i kluṅ gi bye ma sñed dag na | sems can gaṅ dag ’khod pa de dag gis kyaṅ | ’jig rten gyi khams mi mjed ’di daṅ | bcom ldan ’das śkya thub pa | dge (4) sloṅ gi dge ’dun daṅ thabs cig tu bźugs pa mthoṅ ṅo ||
de bźin du ’jig rten gyi khams mi mjed du gtogs pa’i sems can rnams kyis lho daṅ | nub daṅ | byaṅ phyogs daṅ | byaṅ śar daṅ | śar lho daṅ | lho nub daṅ | nub byaṅ gi phyogs mtshams daṅ | ’og (5) daṅ steṅ gi phyogs kyi ’jig rten gyi khams gaṅ g’i kluṅ gi bye ma sñed dag na | saṅs rgyas bcom ldan ’das ñan thos kyi dge ’dun daṅ thabs cig tu bźugs pa dag mthoṅ ṅo ||
’jig rten gyi khams gaṅ g’i kluṅ gi bye ma sñed po de dag na sems can gaṅ dag ’khod pa de (6) dag gis kyaṅ ’jig rten gyi khams mi mjed ’di daṅ | bcom ldan ’das śkya thub pa dge sloṅ gi dge ’dun daṅ thabs cig tu bźugs pa mthoṅ ṅo ||
de nas śar phyogs su ’jig rten gyi khams gaṅ g’i kluṅ gi bye ma sñed ’das pa kun gyi pha rol na | ’jig rten gyi (7) khams rin chen can źes bya ba yod de | de na de bźin gśegs pa dgra bcom pa yaṅ dag par rdzogs pa’i saṅs rgyas dkon mchog ’byuṅ gnas źes bya ba da ltar bźugs te | ’tsho źiṅ gźes so ||
de byaṅ chub sems dpa’ rnams la śes rab kyi pha rol tu phyin pa ’di (7b1) ñid ston to ||
de nas ’jig rten gyi khams de na byaṅ chub sems dpa’ sems dpa’ chen po kun nas ’od zer źes bya ba ’dug pas snaṅ ba chen po de daṅ | sa cher g-yos pa de daṅ | bcom ldan ’das kyi sku blta bas chog mi śes pa de mthoṅ nas | bcom ldan (2) ’das de bźin gśegs pa dkon mchog ’byuṅ gnas ga la ba der soṅ ste phyin nas | de bźin gśegs pa dkon mchog ’byuṅ gnas de la ’di skad ces gsol to ||
bcom ldan ’das snaṅ ba chen po ’jig rten du byuṅ ba ’di daṅ | dogs cher g-yos pa ’di daṅ | (3) de bźin gśegs pa’i sku blta bas chog mi śes pa gda’ ba ’di’i rgyu gaṅ lags | rkyen gaṅ lags | de skad ces gsol pa daṅ | bcom ldan ’das dkon mchog ’byuṅ gnas kyis | byaṅ chub sems dpa’ kun nas ’od zer de la ’di skad ces bka’ stsal to ||
(4) rigs kyi bu nub phyogs su ’jig rten gyi khams gaṅ g’i kluṅ gi bye ma sñed ’das pa na | ’jig rten gyi khams mi mjed ces bya ba yod de | de na de bźin gśegs pa śkya thub pa źes bya ba da ltar bźugs te ’tsho źiṅ gźes la byaṅ chub sems dpa’ rnams la chos kyaṅ ston (5) te | ’di ni de’i mthu yin te de ’dra’o ||
de nas de bźin gśegs pa dkon mchog ’byuṅ gnas la byaṅ chub sems dpa’ kun nas ’od zer gyis ’di skad ces gsol to ||
bcom ldan ’das bdag bcom ldan ’das de bźin gśegs pa śkya thub pa de la blta ba daṅ | (6) phyag bgyi ba daṅ | bsñen bkur bgyi ba daṅ | byaṅ chub sems dpa’ sems dpa’ chen po de dag kyaṅ phal cher gźon nur gyur pa | gzuṅs daṅ so so yaṅ dag par rig pa rab tu thob pa | tiṅ ṅe ’dzin daṅ | sñoms par ’jug pa thams cad la dbaṅ thob pa de dag blta ba’i (7) slad du ’jig rten gyi khams mi mjed du mchi’o ||
bcom ldan ’das kyis bka’ stsal pa | rigs kyi bu de’i dus la bab par śes na khyod soṅ śig | de nas de bźin gśegs pa dkon mchog ’byuṅ gnas kyis | byaṅ chub sems dpa’ kun nas ’od zer la pad ma rin po (8a1) che sna tshogs kyi rgyu las byuṅ ba | gser gyi mdog can ’adabada ma stoṅ daṅ ldan pa stoṅ bskur te | rigs kyi bu khyod kyis de bźin gśegs pa śkya thub pa de la pad ma ’di dag gis gtor cig | rigs kyi bu khyod saṅs rgyas kyi źiṅ der śes bźin du spyod cig | (2) de ci’i phyir źe na | ’jig rten gyi khams mi mjed der skyes pa’i byaṅ chub sems dpa’ de dag bsñen par dka’ ba’i phyir ro ||
de nas byaṅ chub sems dpa’ kun nas ’od zer gyis | de bźin gśegs pa dkon mchog ’byuṅ gnas las | rin po che’i rgyu las byuṅ ba’i pad (3) ma gser gyi mdog can ’dab ma stoṅ daṅ ldan pa de dag blaṅs te | byaṅ chub sems dpa’ khyim pa daṅ | rab tu byuṅ ba daṅ khye’u daṅ | bu mo bye ba khrag khrig phrag ’bum phrag du mas yoṅs su bskor ciṅ mdun du bdar te | lhan cig tu saṅs rgyas kyi źiṅ de nas mi snaṅ bar gyur nas (4) śar phyogs na saṅs rgyas bcom ldan ’das ji sñed cig bźugs te ’tsho źiṅ gźes pa de dag thams cad la | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis (5) bsti staṅ du byas | bla mar byas | ri mor byas | mchod pa byas nas | byaṅ chub sems dpa’i rdzu ’phrul chen po daṅ | byaṅ chub sems dpa’i mthu chen pos ’jig rten gyi khams mi mjed ga la ba der phyin te | de bźin gśegs pa śkya thub pa ga la ba der soṅ nas | phyin (6) pa daṅ | bcom ldan ’das kyi źabs la mgo bos phyag ’tshal te | phyogs gcig tu ’dug go ||
phyogs gcig tu ’dug nas | byaṅ chub sems dpa’ kun nas ’od zer gyis | bcom ldan ’das de bźin gśegs pa śkya thub pa de la ’di skad ces gsol to ||
(7) bcom ldan ’das de bźin gśegs pa dkon mchog ’byuṅ gnas | bcom ldan ’das la sñun gsol te | gnod pa chuṅ ṅam | ñam ṅa ba ñuṅ ṅam | bskyod pa yaṅ ṅam | ’tsho ’am | stobs daṅ ldan nam | bde bar reg pa la gnas sam źes sñun gsol lo ||
(8b1) bcom ldan ’das dkon mchog ’byuṅ gnas kyis pad ma ’di dag kyaṅ | bcom ldan ’das la bskur ro ||
de nas bcom ldan ’das de bźin gśegs pa śkya thub pas pad ma de dag bźes nas | śar phyogs kyi saṅs rgyas bcom ldan ’das gaṅ g’i kluṅ gi bye ma (2) sñed po de dag gas la ba de logs su gtor to ||
pad ma de dag gis ’jig rten gyi khams de dag khyab par gyur te | pad ma de dag la saṅs rgyas kyi sku dag bźugs śiṅ | saṅs rgyas kyi źiṅ de ṅag na ’di lta ste | śes rab kyi pha rol tu phyin pa daṅ ldan pa ’di ñid kyi chos (3) ston to ||
sems can gaṅ dag gis chos de thos pa de dag bla na med pa yaṅ dag par rdzogs pa’i byaṅ chub tu ṅes par gyur to ||
de nas byaṅ chub sems dpa’ khyim na gnas pa daṅ | rab tu byuṅ ba de dag daṅ | khye’u daṅ | bu mo de dag gis kyaṅ raṅ raṅ gi dge ba’i (4) rtsa ba de dag gis | bcom ldan ’das de bźin gśegs pa śkya thub pa la bsti staṅ du byas | bla mar byas | ri mor byas | mchod pa byas te | phyogs gcig tu ’khod do ||
de nas lho phyogs su ’jig rten gyi khams gaṅ g’i kluṅ gi bye ma sñed ’das pa kun gyi pha (5) rol na | ’jig rten gyi khams mya ṅan thams cad med pa źes bya ba yod de | de na de bźin gśegs pa dgra bcom pa yaṅ dag par rdzogs pa’i saṅs rgyas mya ṅan med pa’i dpal źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems (6) dpa’ chen po mya ṅan med pa źes bya ba ’dug pas źes bya ba nas phyogs gcig tu ’khod do źes bya ba’i bar du rgyas par sbyar ro ||
de bźin du nub phyogs na ’jig rten gyi khams ñe bar źi ba źes bya ba yod de | de na de bźin gśegs pa dgra bcom pa yaṅ dag par rdzogs pa’i (7) saṅs rgyas rin chen ’od ’phro źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems dpa’ chen po spyod pa’i blo gros źes bya ba ’dug pas źes bya ba nas | phyogs gcig tu ’khod do źes bya ba’i bar du rgyas par sbyar ro ||
byaṅ phyogs na (9a1) ’jig rten gyi khams rgyal ba źes bya ba yod de | de na de bźin gśegs pa dgra bcom pa yaṅ dag par rdzogs pa’i saṅs rgyas rgyal ba’i dbaṅ po źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems dpa’ chen po rgyal (2) bas byin źes bya ba ’dug pas źes bya ba nas | phyogs gcig tu ’khod do źes bya ba’i bar du rgyas par sbyar ro ||
de bźin du byaṅ śar gyi phyogs mtshams na | ’jig rten gyi khams tiṅ ṅe ’dzin gyis brgyan pa źes bya ba yod de | de na de bźin gśegs pa dgra bcom (3) pa yaṅ dag par rdzogs pa’i saṅs rgyas tiṅ ṅe ’dzin gyi glaṅ po dam pa’i dpal źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems dpa’ dacena po rnam par rgyal bas rnam par gnon pa źes bya ba ’dug pas źes bya ba nas phyogs (4) gcig tu ’khod do źes bya ba’i bar du rgyas par sbyar ro ||
śar lho’i phyogs mtshams na ’jig rten gyi khams byaṅ chub kyi sñiṅ po’i rgyan śin tu mdzes pa źes bya ba yod de | de na de bźin gśegs pa dgra bcom pa yaṅ dag par rdzogs pa’i saṅs rgyas pad ma mchog gi dpal (5) źes bya ba da ltar bźugs te | ’tsho źiṅ gźes so ||
de na byaṅ chub sems dpa’ sems dpa’ chen po lag na pad ma źes bya ba ’dug pas źes bya ba nas | phyogs gcig tu ’khod do źes bya ba’i bar du rgyas par sbyar ro ||
lho nub kyi phyogs mtshams na | ’jig (6) rten gyi khams rdul gyi tshogs daṅ bral ba źes bya ba yod de | de na de bźin gśegs pa dgra bcom pa yaṅ dag par rdzogs pa’i saṅs rgyas ñi ma’i dkyil ’khor sgron ma mchog gi dpal źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems (7) dpa’ chen po ñi ma’i ’od ces bya ba ’dug pas źes bya ba nas | phyogs gcig tu ’khod do źes bya ba’i bar du rgyas par sbyar ro ||
nub byaṅ gi phyogs mtshams na | ’jig rten gyi khams dbaṅ du gyur pa źes bya ba yod de | de na de bźin gśegs pa dgra bcom pa yaṅ dag par (9b1) rdzogs pa’i saṅs rgyas gdugs gcig pa źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems dpa’ chen po rin chen mchog ces bya ba ’dug pas źes bya ba nas | phyogs gcig tu ’khod do źes bya ba’i bar du rgyas par sbyar ro ||
’og gi (2) phyogs na | ’jig rten gyi khams pad ma źes bya ba yod de | de na de bźin gśegs pa dgra bcom pa yaṅ dag par rdzogs pa’i saṅs rgyas pad ma’i dpal źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems dpa’ chen po pad ma mchog ces (3) bya ba ’dug pas źes bya ba nas | phyogs gcig tu ’khod do źes bya ba’i bar du rgyas par sbyar ro ||
de nas steṅ gi phyogs su ’jig rten gyi khams gaṅ g’i kluṅ gi bye ma sñed ’das pa kun gyi pha rol na | ’aji.iga rten gyi khams dga’ ba źes bya ba yod de | de na de bźin (4) gśegs pa dgra bcom pa yaṅ dag par rdzogs par saṅs rgyas dga’ ba’i dpal źes bya ba da ltar bźugs te ’tsho źiṅ gźes so ||
de na byaṅ chub sems dpa’ sems dpa’ chen po dga’ bas byin źes bya ba ’dug pas snaṅ ba chen po de daṅ | sa cher g-yos pa de daṅ | (5) de bźin gśegs pa’i sku blta bas chog mi śes pa de mthoṅ nas | bcom ldan ’das de bźin gśegs pa dga’ ba’i dpal ga la ba der soṅ ste phyin nas | de bźin gśegs pa dga’ ba’i dpal la ’di skad ces gsol to ||
bcom ldan ’das snaṅ ba chen po (6) ’jig rten du byuṅ ba ’di daṅ | dogs cher g-yos pa ’di daṅ | de bźin gśegs pa’i sku blta bas chog mi śes pa gda’ ba ’di’i rgyu gaṅ lags | rkyen gaṅ lags | de skad ces gsol ba daṅ | bcom ldan ’das dga’ ba’i dpal gyis | byaṅ chub sems (7) dpa’ dga’ bas byin pa la ’di skad ces bka’ stsal to ||
rigs kyi bu ’og gi phyogs su ’jig rten gyi khams gaṅ g’i kluṅ gi bye ma sñed ’das pa na | ’jig rten gyi khams mi mjed ces bya ba yod de | de na de bźin gśegs pa dgra bcom pa yaṅ dag par (10a1) rdzogs pa’i saṅs rgyas śkya thub pa źes bya ba da ltar bźugs te ’tsho źiṅ gźes la | byaṅ chub sems dpa’ rnams la chos kyaṅ ston te | ’di ni de’i mthu yin te de ’dra’o ||
de nas de bźin gśegs pa dga’ ba’i dpal la | byaṅ chub sems (2) dpa’ dga’ bas byin gyis ’di skad ces gsol to ||
bcom ldan ’das bdag de bźin gśegs pa śkya thub pa de la blta ba daṅ | phyag bgyi ba daṅ | bsñen bkur bgyi ba daṅ | byaṅ chub sems dpa’ sems dpa’ chen po de dag kyaṅ phal cher gźon nur (3) gyur pa | gzuṅs daṅ so so yaṅ dag par rig pa thob pa | tiṅ ṅe ’dzin daṅ sñoms par ’jug pa thams cad la dbaṅ thob pa de dag blta ba’i slad du ’jig rten gyi khams mi mjed du mchi’o ||
bcom ldan ’das kyis bka’ stsal pa | rigs kyi bu de’i dus la bab (4) par śes na khyod soṅ śig | de nas de bźin gśegs pa dga’ ba’i dpal gyis | byaṅ chub sems dpa’ dga’ bas byin la pad ma rin po che sna tshogs kyi rgyu las byuṅ ba gser gyi mdog can ’dab ma stoṅ daṅ ldan pa stoṅ bskur te | rigs kyi bu khyod kyis de bźin (5) gśegs pa śkya thub pa la pad ma ’di dag gis gtor cig | rigs kyi bu khyod saṅs rgyas kyi źiṅ der śes bźin du spyod cig | de ci’i phyir źe na | ’jig rten gyi khams mi mjed der skyes pa’i byaṅ chub sems dpa’ de dag bsñen par dka’ ba’i phyir ro ||
de nas (6) byaṅ chub sems dpa’ dga’ bas byin gyis | de bźin gśegs pa dga’ ba’i dpal las rin po che’i rgyu las byuṅ ba’i pad ma gser gyi mdog can ’dab ma stoṅ daṅ ldan pa de dag blaṅs te | byaṅ chub sems dpa’ khyim pa daṅ | rab tu byuṅ ba daṅ | khye’u daṅ | bu (7) mo bye ba khrag khrig phrag ’bum phrag du mas yoṅs su bskor ciṅ mdun du bdar te | lhan cig tu saṅs rgyas kyi źiṅ de nas mi snaṅ bar gyur nas | steṅ gi phyogs na saṅs rgyas bcom ldan ’das ji sñed cig bźugs te ’tsho źiṅ gźes pa de dag thams cad (10b1) la | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byas | bla mar byas | ri mor byas | mchod par byas nas | byaṅ chub sems (2) dpa’i rdzu ’phrul chen po daṅ | byaṅ chub sems dpa’i mthu chen pos ’jig rten gyi khams mi mjed ga la ba der phyin te | de bźin gśegs pa śkya thub pa ga la ba der soṅ nas phyin pa daṅ | bcom ldan ’das kyi źabs la mgo bos phyag ’tshal te | phyogs (3) gcig tu ’dug go ||
phyogs gcig tu ’dug nas | byaṅ chub sems dpa’ dga’ bas byin gyis | bcom ldan ’das śkya thub pa de la ’di skad ces gsol to ||
bcom ldan ’das de bźin gśegs pa dga’ ba’i dpal | bcom ldan ’das la sñun gsol (4) te | gnod pa chuṅ ṅam | ñam ṅa ba ñuṅ ṅam | bskyod pa yaṅ ṅam | ’tsho’am | stobs daṅ ldan nam | bde bar reg pa la gnas sam źes sñun gsol to ||
bcom ldan ’das dga’ ba’i dpal gyis pad ma ’di dag kyaṅ | bcom ldan ’das la bskur ro ||
(5) de nas bcom ldan ’das de bźin gśegs pa śkya thub pas | pad ma de dag bźes nas | steṅ gi phyogs kyi saṅs rgyas bcom ldan ’das gaṅ g’i kluṅ gi bye ma sñiṅ po de dag ga la ba de logs su gtor to ||
pad ma de dag gis kyaṅ ’jig rten gyi khams de dag khyab (6) par gyur te | pad ma de dag la saṅs rgyas kyi sku dag bźugs śiṅ | saṅs rgyas kyi źiṅ de dag na | ’di lta ste śes rab kyi pha rol tu phyin pa daṅ ldan pa ’di ñid kyi chos ston to ||
sems can gaṅ dag gis chos de thos pa de dag kyaṅ | bla na med pa yaṅ dag (7) par rdzogs pa’i byaṅ chub tu ṅes par gyur to ||
de nas byaṅ chub sems dpa’ khyim na gnas pa daṅ | rab tu byuṅ bde dag daṅ | khye’u daṅ | bu mo de dag gis kyaṅ | Raṅa raṅ gi dge ba’i rtsa ba de dag gis bcom ldan ’das śkya thub pa la bsti staṅ du byas | bla (11a1) mar byas | ri mor byas | mchod par byas te | phyogs gcig tu ’khod do ||
de nas skad cig thaṅ cig yud tsam de la stoṅ gsum gyi stoṅ chen po’i ’jig rten gyi khams ’di rin po che’i raṅ bźin du gnas par gyur te | me tog sil ma sna tshogs (2) kyis gaṅ ba daṅ | dar gyi lda ldi maṅ po bres pa daṅ | pog phor nas bdug pa daṅ | dpag bsam gyi śiṅ ljon pa rgyan daṅ | ’bras bu sna tshogs kyis yal ga’i rtsa mo g-yur za ba dag daṅ | me tog gi śiṅ ljon pa dag daṅ | ’bras bu’i śiṅ ljon pa dag daṅ | (3) spos kyi śiṅ ljon pa dag daṅ | me tog phreṅ gi śiṅ ljon pa dag daṅ | phye ma’i śiṅ ljon pa dag gis mdzes par byas par gyur te | ’di lta ste dper na | de bźin gśegs pa kun nas me tog gi saṅs rgyas kyi źiṅ gaṅ na | ’jam dpal gźon nur gyur pa ’dug pa daṅ | (4) lha’i bu blo spos rab gnas daṅ | byaṅ chub sems dpa’ sems dpa’ chen po gzi brjid che ba | gzi brjid che ba gźan dag kyaṅ gnas pa’i ’jig rten gyi khams pad ma can bźin du gyur to ||
śes rab kyi pha rol tu phyin pa khri brgyad stoṅ ba las | gleṅ gźi’i le’u (5) źes bya ste daṅ po’o || ||
de’i tshe bcom ldan ’das kyis ’jig rten lha daṅ bcas pa | bdud daṅ bcas pa | tshaṅs pa daṅ bcas pa | dge sbyoṅ daṅ bram ze’i skye dgu daṅ bcas pa | lha daṅ mir bcas pa ’dus pa daṅ | byaṅ chub sems dpa’ sems (6) dpa’ chen po phal cher gźon nur gyur pa de dag ’dus par thugs su chud nas | de nas bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu ’di la byaṅ chub sems dpa’ sems dpa’ chen po chos (7) thams cad rnam pa thams cad du mṅon par rdzogs par byaṅ chub par ’dod pas śes rab kyi pha rol tu phyin pa la brtson par bya’o ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom (11b1) ldan ’das byaṅ chub sems dpa’ sems dpa’ chen po chos thams cad rnam pa thams cad du mṅon par rdzogs par byaṅ chub par ’tshal bas | ji ltar śes rab kyi pha rol tu phyin pa brtson par bgyi | de skad ces gsol ba daṅ | bcom ldan ’das kyis tshe daṅ (2) ldan pa ś ri’i bu la ’di skad ces bka’ stsal to ||
ś ri’i bu ’di la byaṅ chub sems dpa’ sems dpa’ chen po gnas pa med pa’i tshul du śes rab kyi pha rol tu phyin pa la gnas te | sbyin par bya ba daṅ | sbyin pa po daṅ | len pa po mi dmigs pa’i phyir | (3) yoṅs su gtaṅ ba med pa’i tshul gyis | sbyin pa’i pha rol tu phyin pa yoṅs su rdzogs par bya’o ||
ltuṅ ba mi ’byuṅ ba daṅ | lhag par ltuṅ ba mi ’byuṅ ba’i phyir | tshul khrims kyi pha rol tu phyin pa yoṅs su rdzogs par bya’o ||
’khrugs pa med pa’i phyir | (4) bzod pa’i pha rol tu phyin pa yoṅs su rdzogs par bya’o ||
lus daṅ sems kyi brtson ’grus ma gtaṅ ba’i phyir | brtson ’grus kyi pha rol tu phyin pa yoṅs su rdzogs par bya’o ||
ro myaṅ ba med pa’i phyir | bsam gtan gyi pha rol tu phyin pa yoṅs su rdzogs par bya’o ||
(5) chos thams cad mi dmigs pa’i phyir | śes rab kyi pha rol tu phyin pa yoṅs su rdzogs par bya’o ||
ś ri’i bu | byaṅ chub sems dpa’ sems dpa’ chen po | śes rab kyi pha rol tu phyin pa la gnas te | dran pa ni dmigs pa’i phyir | dran pa ñe bar gźag (6) pa bźi yoṅs su rdzogs par bya’o ||
yaṅ dag pa’i spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa yoṅs su rdzogs par bya’o ||
stoṅ pa ñid kyi tiṅ (7) ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin bsgom par bya’o ||
bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | rnam par thar pa brgyad daṅ | mthar gyis gnas pa’i sñoms (12a1) par ’jug pa dgu daṅ | ’du śes dgu bsgom par bya’o ||
dgu gaṅ źe na | ’di lta ste | rnam par bam pa’i ’du śes daṅ | phyed du chad pa’i ’du śes daṅ | rnam par rnags pa’i ’du śes daṅ | rnam par dmar pa’i ’du śes daṅ | rnam par sdos (2) pa’i ’du śes daṅ | rnam par zos pa’i ’du śes daṅ | rnam par ’thor ba’i ’du śes daṅ | rus goṅ gi ’du śes daṅ | rnam par tshig pa’i ’du śes te | de dag ni ’du śes dgu’o ||
saṅs rgyas rjes su dran pa daṅ | chos rjes su dran pa daṅ | dge ’dun rjes su (3) dran pa daṅ | tshul khrims rjes su dran pa daṅ | gtoṅ ba rjes su dran pa daṅ | lha rjes su dran pa bsgom par bya’o ||
dbugs rdub pa daṅ | ’byuṅ ba rjes su dran pa daṅ | skyo ba rjes su dran pa daṅ | ’chi ba rjes su dran pa daṅ | lus su gtogs pa rjes su dran pa bsgom (4) par bya’o ||
mi rtag pa’i ’du śes daṅ | sdug bsṅal ba’i ’du śes daṅ | bdag med pa’i ’du śes daṅ | mi gtsaṅ ba’i ’du śes daṅ | ’chi ba’i ’du śes daṅ | ’jig rten thams cad la mṅon par mi dga’ ba’i ’du śes daṅ | ’jig rten thams cad la yid mi rton (5) pa’i ’du śes daṅ | sdug bsṅal śes pa daṅ | kun ’byuṅ ba śes pa daṅ | ’gog pa śes pa daṅ | lam śes pa daṅ | zad pa śes pa daṅ | mi skye ba śes pa daṅ | chos śes pa daṅ | rjes su rtogs pa’i śes pa daṅ | kun rdzob śes pa daṅ | yoṅs su ’dris (6) pa śes pa daṅ | sgra ji bźin śes pa daṅ | rtog pa daṅ bcas dpyod pa daṅ bcas pa’i tiṅ ṅe ’dzin daṅ | rtog pa med ciṅ dpyod pa’i tiṅ ṅe ’dzin daṅ | rtog pa yaṅ med dpyod pa yaṅ med pa’i tiṅ ṅe ’dzin daṅ | mi śes pa kun śes par byed pa’i dbaṅ po daṅ | kun (7) śes pa’i dbaṅ po daṅ | kun śes pa daṅ ldan pa’i dbaṅ po daṅ | zil gyis gnon pa’i skye mched daṅ | zad par gyi skye mched daṅ | bsdu ba’i dṅos po bźi daṅ | rnam par dgod pa bźi daṅ | sa bcu daṅ spyod pa bcu daṅ | bzod pa bcu daṅ | lhag pa’i bsam (12b1) pa ñi śu daṅ | thams cad mkhyen pa’i ye śes daṅ | źi gnas daṅ | lhag mthoṅ śes pa daṅ | rig pa gsum daṅ | so so yaṅ dag par rig pa bźi daṅ | mi ’jigs pa bźi daṅ | mñams pa’i mṅon par śes pa lṅa daṅ | pha rol tu phyin pa drug daṅ | yaṅ (2) dag par sdud par ’gyur ba’i chos drug daṅ | nor bdun daṅ | skyes bu chen po’i rnam par rtog pa brgyad daṅ | sems can gyi gnas dgu daṅ | de bźin gśegs pa’i stobs bcu daṅ | saṅs rgyas kyi chos ma ’dres pa bcwa brgyad daṅ | byams pa chen po daṅ | (3) sñiṅ rje chen po yoṅs su rdzogs par bya’o ||
byaṅ chub sems dpa’ sems dpa’ chen po rnam pa thams cad mkhyen pa’i ye śes rnam pa thams cad kyi mchog daṅ ldan pa mṅon par rdzogs par byaṅ chub par ’dod pa daṅ | lam gyi rnam pa śes pa ñid yoṅs su rdzogs (4) par bya bar ’dod pa daṅ | thams cad śes pa ñid yoṅs su rdzogs par bya bar ’dod pa daṅ | sems can thams cad kyi sems kyi spyod pa’i rnam pa śes pa ñid yoṅs su rdzogs par bya bar ’dod pas | śes rab kyi pha rol tu phyin pa la brtson par bya’o ||
byaṅ (5) chub sems dpa’ sems dpa’ chen po bag chags daṅ | mtshams sbyor ba daṅ | ñon moṅs pa thams cad yaṅ dag par ’joms par ’dod pas | śes rab kyi pha rol tu phyin pa la brtson par bya ste | ś ri’i bu byaṅ chub sems dpa’ sems dpa’ chen pos | (6) de ltar śes rab kyi pha rol tu phyin pa la bslab par bya’o ||
ś ri’i bu byaṅ chub sems dpa’ sems dpa’ chen po ||
byaṅ chub sems dpa’i skyon med pa la ’jug par ’dod pa daṅ | ñan thos daṅ | raṅ saṅs rgyas kyis las ’da’ bar ’dod pa daṅ | phyir mi ldog (7) pa’i sa la gnas par ’dod pa daṅ | sems can thams cad kyi sems kyi spyod pa daṅ rnam par g-yo ba śes par ’dod pa daṅ | ñan thos daṅ | raṅ saṅs rgyas thams cad kyi śes pa zil gyis gnon par ’dod pa daṅ | gzuṅs kyi sgo thob par ’dod pa daṅ | ñan thos daṅ | (13a1) raṅ saṅs rgyas thams cad la sbyin pa sbyin pa na | rjes su yi raṅ ba daṅ ldan pa’i sems babaskyeda pa gcig gis zil gyis gnon par ’dod pas | śes rab kyi pha rol tu phyin pa la bslab par bya’o ||
byaṅ chub sems dpa’ sems dpa’ chen po ñan (2) thos daṅ | raṅ saṅs rgyas thams cad kyi tshul khrims rjes su yi raṅ ba daṅ ldan pa’i sems bskyed pa gcig gis zil gyis gnon par ’dod pas | śes rab kyi pha rol tu phyin pa la bslab par bya’o ||
byaṅ chub sems dpa’ sems dpa’ chen po ñan thos daṅ | raṅ (3) saṅs rgyas thams cad kyi tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes mthoṅ ba rjes su yi raṅ ba daṅ ldan pa’i sems bskyed pa gcig gis zil gyis gnon par ’dod pas | śes rab kyi pha rol tu phyin pa la bslab par bya’o ||
(4) byaṅ chub sems dpa’ sems dpa’ chen po ñan thos daṅ | raṅ saṅs rgyas thams cad kyi bsam gtan daṅ | tiṅ ṅe ’dzin daṅ | sñoms par ’jug pa thams cad rjes su yi raṅ ba daṅ ldan pa’i sems bskyed pa gcig gis zil gyis gnon par ’dod pas | śes (5) rab kyi pha rol tu phyin pa la bslab par bya’o ||
byaṅ chub sems dpa’ sems dpa’ chen po sems can thams cad kyi ched du sbyin pa chuṅ du byin yaṅ thabs mkhas pas | thams cad mkhyen pa ñid du yoṅs su bsdos pas | tshad med graṅs med par ’gyur bar ’dod pas śes (6) rab kyi pha rol tu phyin pa la bslab par bya’o ||
de bźin du byaṅ chub sems dpa’ sems dpa’ chen po sems can thams cad kyi ched du tshul khrims chuṅ ṅu sruṅ | bzod pa chuṅ ṅu sgom | brtson ’grus chuṅ ṅu rtsom | bsam gtan chuṅ ṅu la sñoms par ’jug | śes (7) rab chuṅ ṅu sgom yaṅ | thabs mkhas pas | thams cad mkhyen pa ñid du yoṅs su bsṅos pas | de dag graṅs med | tshad med par ’gyur bar byed ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems (13b1) dpa’ chen po sbyin pa’i pha rol tu phyin pa la spyod pas | śes rab kyi pha rol tu phyin pa la bslab par bya’o ||
de bźin du byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa daṅ | bzod pa’i pha rol tu phyin pa daṅ | brtson ’grus kyi pha rol tu phyin (2) pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyod pas | śes rab kyi pha rol tu phyin pa la bslab par bya’o ||
śri’i bu gźan yaṅ byaṅ chub sems dpa’ sems dpa’ chen po saṅs rgyas kyi sku mṅon par bsgrub par ’dod pas | śes rab kyi pha rol tu phyin pa la (3) bslab par bya’o ||
skyes bu chen po’i mtshan sum cu rtsa gñis daṅ | dpe byad bzaṅ po brgyad cu bsgrub par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po saṅs rgyas kyi rigs su skye (4) bar ’dod pas | śes rab kyi pha rol tu phyin pa la bslab par bya’o ||
byaṅ chub sems dpa’ sems dpa’ chen po gźon nu’i sa gnon par ’dod pa daṅ saṅs rgyas daṅ | byaṅ chub sems dpa’ daṅ mi ’bral bar ’dod pas | śes rab kyi pha rol tu phyin pa la bslab (5) par bya’o ||
ś ri’i bu gźan yaṅ byaṅ chub sems dpa’ sems dpa’ chen po dge ba’i rtsa ba gaṅ daṅ gaṅ dag gis | de bźin gśegs pa dgra bcom pa yaṅ dag par rdzogs pa’i saṅs rgyas bcom ldan ’das rnams la bsti staṅ du bya ba daṅ | bla mar bya ba daṅ | (6) ri mor bya ba daṅ | mchod par bya ba’i dge ba’i rtsa ba de dag bdag la ’byor par ’dod pa des | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po | bza’ ba daṅ | btuṅ ba daṅ | me tog daṅ | (7) spos daṅ | gos daṅ | me tog phreṅ daṅ | bdug pa daṅ | phye ma daṅ | byug pa daṅ | mal cha daṅ | stan daṅ | khaṅ khyim daṅ | nor daṅ | ’bru daṅ | na ba’i gsos sman daṅ | rgyan daṅ | rin po che daṅ | nor bu daṅ | be DUrya daṅ | (14a1) śel daṅ | byi ru daṅ | skyed mos tshal daṅ | rgyal srid la sogs pa’i yo byad rnams kyis sems can thams cad kyi yid kyi re ba yoṅs su rdzogs par byed par ’dod pa des | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub (2) sems dpa’ sems dpa’ chen po ’jig rten chos kyi dbyiṅs kyis klas pa | nam mkha’i khams kyi mthas gtugs pa’i sems can thams cad sbyin pa’i pha rol tu phyin pa la dgod par ’dod pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | (3) brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la dgod par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po sems (4) bskyed pa gcig kyaṅ byaṅ chub kyi sñiṅ po la mṅon par rdzogs par saṅs rgyas kyi bar du mi zad par byed par ’dod pa des | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po phyogs bcu dag na | saṅs (5) rgyas gaṅ dag bźugs pa de dag bdag gi bsṅags pa rjod par ’dod pa des | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po sems bskyed pa gcig gis śar phyogs kyi ’jig rten gyi khams gaṅ g’i (6) kluṅ gi bye ma sñed dag tu ’gro bar ’dod pas | śes rab kyi pha rol tu phyin pa la bslab par bya’o ||
de bźin du byaṅ chub sems dpa’ sems dpa’ chen po sems bskyed pa gcig gis lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | (7) nub byaṅ daṅ | ’og daṅ | steṅ gi phyogs re rer yaṅ ’jig rten gyi khams gaṅ g’i kluṅ gi bye ma sñed dag tu ’gro bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po śar phyogs (14b1) kyi ’jig rten gyi khams gaṅ g’i kluṅ gi bye ma sñed dag sgra gcig gis go bar byed par ’dod pa daṅ | de bźin du lho daṅ | nub daṅ | byaṅ daṅ | phyogs mtshams rnams daṅ | ’og daṅ | steṅ gi phyogs kyi ’jig rten gyi khams gaṅ g’i kluṅ gi bye ma sñed (2) dag sgra gcig gis go bar byed par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po saṅs rgyas kyi rigs rgyun mi ’chad par bya ba’i phyir gnas par ’dod pas | śes rab kyi (3) pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po naṅ stoṅ pa ñid la gnas par ’dod pas | śes rab kyi pha rol tu phyin pa la bslab par bya’o ||
de bźin du phyi stoṅ ba ñid daṅ | phyi naṅ stoṅ pa ñid daṅ | stoṅ pa (4) ñid stoṅ pa ñid daṅ | chen po stoṅ pa ñid daṅ | don dam pa stoṅ pa ñid daṅ | ’dus byas stoṅ pa ñid daṅ | ’dus ma byas stoṅ pa ñid daṅ | mtha’ las ’das pa stoṅ pa ñid daṅ | thog ma daṅ tha ma med pa stoṅ pa ñid daṅ | dor ba med pa stoṅ pa ñid daṅ | raṅ (5) bźin stoṅ ba ñid daṅ | chos thams cad stoṅ pa ñid daṅ | raṅ gi mtshan ñid stoṅ pa ñid daṅ | mi dmigs pa stoṅ pa ñid daṅ | dṅos po med pa stoṅ pa ñid daṅ | ṅo bo ñid stoṅ pa ñid daṅ | dṅos po med pa’i ṅo bo ñid stoṅ pa ñid la gnas par ’dod pas | śes rab (6) kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po chos thams cad kyi de bźin ñid daṅ | chos kyi dbyiṅs kyi de bźin ñid daṅ | yaṅ dag pa’i mtha’i de bźin ñid khoṅ du chud par ’doṅ bas | śes rab kyi pha (7) rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po stoṅ gsum gyi stoṅ chen po’i ’jig rten gyi khams na | sa’i rdul phra rab kyi rdul ji sñed yod pa de dag śes par ’dod pa daṅ | rgya mtsho chen po daṅ | ’bab chu (15a1) daṅ | mtsho daṅ | mtshe’u daṅ | khron pa daṅ | ’bab chu’i dṅo’i chu’i rdul phra rab rnams śes par ’dod pa daṅ | me’i rdul phra rab rnams śes par ’dod pa daṅ | stoṅ gsum gyi stoṅ chen po’i ’jig rten gyi khams thams cad kyi rluṅ gi rdul phra rab (2) rnams śes par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po stoṅ gsum gyi stoṅ chen po’i ’jig rten gyi khams na | bsregs pa’i bskal pa’i me ’bar ba kha’i dbugs gcig (3) gis źi bar bya bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po rnam par ’khrug pa chen po’i rluṅ gi dkyil ’khor byuṅ ste | rluṅ gi dkyil na | gaṅ ri rab daṅ ri rab (4) chen po daṅ | khor yug daṅ | khor yug chen po nas bzuṅ ste | ri thams cad daṅ | sa chen po thams cad g-yo bar byed pa daṅ | rnam par ’thor bar byed pa daṅ | rmeg med par byed pa’i rnam par ’khrug par byed pa’i rluṅ gi dkyil ’khor de sor mo gcig gi rtse (5) mos gźil bar ’dod pas | śes rab kyi pha rol tu phyin pa la bslab par bya’o ||
ś ri’i du gźan yaṅ byaṅ chub sems dpa’ sems dpa’ chen po stoṅ gsum gyi stoṅ chen po’i ’jig rten gyi khams na | ri rab daṅ | ri rab chen po daṅ | khor yug daṅ | khor (6) yug chen po la sogs pa ri gaṅ dag yod pa de dag sgra ñag ma gcig gis sbams te | ’jig rten gyi khams graṅs med dpag tu med par ’phaṅ ṅo sñam na yaṅ | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems (7) dpa’ chen po stoṅ gsum gyi stoṅ chen po’i ’jig rten gyi khams kyi nam mkha’i khams ji tsam pa de thams cad skyil mo kruṅ gcig gis rgyal par dgaṅ bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems (15b1) dpa’ chen po śar phyogs kyi ’jig rten gyi khams gaṅ g’i kluṅ gi bye ma sñed dag gi saṅs rgyas bcom ldan ’das ñan thos kyi dge ’dun daṅ bcas pa rnams bsod sñoms gcig gis khyed par bya bar ’dod pas | śes rab kyi pha rol tu phyin pa la bslab par bya’o ||
deṅ źin (2) du me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan gyi sprin rnams kyis de bźin gśegs pa dgra bcom pa yaṅ dag par rdzogs pa’i saṅs rgyas de dag la bsti staṅ du (3) bya bar ’dod pa daṅ | bla mar bya bar ’dod pa daṅ | ri mor bya bar ’dod pa daṅ | mchod pa bya bar ’dod pas | śes rab kyi pha rol tu phyin pa la bslab par bya’o ||
de bźin du byaṅ chub sems dpa’ sems dpa’ chen po lho daṅ | nub daṅ | byaṅ daṅ | byaṅ (4) śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi phyogs re rer yaṅ ’jig rten gyi khams gaṅ g’i kluṅ gi bye ma sñed dag gi saṅs rgyas bcom ldan ’das ñan thos kyi dge ’dun daṅ bcas pa rnams bsod sñoms gcig gis (5) khyed par bya bar ’dod pa daṅ | de bźin du me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan gyi sprin rnams kyis de bźin gśegs pa dgra bcom pa yaṅ dag par rdzogs pa’i saṅs (6) rgyas de dag la bsti staṅ du bya bar ’dod pa daṅ | bla mar bya bar ’dod pa daṅ | ri mor bya bar ’dod pa daṅ | mtshed pa bya bar ’dod pas śes rab kyi pha rol tu phyin pa la bslab par bya’o || ||
’phags pa śes rab kyi pha rol tu phyin pa khri brgyad stoṅ (7) pa | bam po gñis pa | ś ri’i bu gźan yaṅ byaṅ chub sems dpa’ sems dpa’ chen po śar phyogs kyi ’jig rten gyi khams gaṅ g’i kluṅ gi bye ma sñed dag na | sems can gaṅ dag ’khod pa de dag tshul khrims kyi phuṅ po la dgod par ’dod pa daṅ | tiṅ (16a1) ṅe ’dzin gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes mthoṅ ba’i phuṅ po la dgod par ’dod pa daṅ | de bźin du rgyun tu źugs pa’i ’bras bu daṅ | lan cig phyiṅ ’oṅ ba’i ’bras bu daṅ | phyir (2) mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub la dgod par ’dod pa daṅ | phuṅ po lhag ma med pa’i mya ṅan las ’das pa’i dbyiṅs kyi bar la dgod par ’dod pas | śes rab kyi pha rol tu phyin pa la bslab par bya’o ||
śar phyogs la ji lta ba bźin du lho daṅ | (3) nub daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi ’jig rten gyi khams gaṅ g’i kluṅ gi bye ma sñed dag kyaṅ de bźin du sbyar bar bya’o ||
ś ri’i bu gźan yaṅ byaṅ chub sems dpa’ sems (4) dpa’ chen po | śes rab kyi pha rol tu phyin pa la spyod ciṅ sbyin pa sbyin pa’i tshe | sbyin pa ’di ltar byin na ni | ’bras bu chen por ’gyur | sbyin pa ’di ltar byin na ni rgyal rigs śiṅ s la chen po lta bu rnams su skye bar ’gyur | de bźin du bram ze’i rigs śiṅ s (5) la chen po lta bu rnams daṅ | khyim bdag gi rigs śiṅ s la chen po lta bu rnams su skye bar ’gyur | sbyin pa ’di ltar byin na ni rgyal chen bźi’i ris kyi lha rnams kyi naṅ du skye bar ’gyur | de bźin du sum cu rtsa gsum pa daṅ | ’thab bral daṅ | dga’ ldan daṅ | (6) ’phrul dga’i lha rnams kyi naṅ du skye bar ’gyur | sbyin pa ’di ltar byin na ni gźan ’phrul dbaṅ byed kyi lha rnams kyi naṅ du skye bar ’gyur | sbyin pa ’di ltar byin na ni | bsam gtan daṅ po thob par ’gyur | de bźin du bsam gtan gñis pa daṅ | bsam gtan (7) gsum pa thob par ’gyur | sbyin pa ’di ltar byin na ni | bsam gtan bźi pa thob par ’gyur | sbyin pa ’di ltar byin na ni | ’du śes med pa’i skye mched kyi sñoms par ’jug par thob par ’gyur | sbyin pa ’di ltar byin na ni | nam mkha’ mtha’ yas skye mched kyi sñoms (16b1) par ’jug pa thob par ’gyur | de bźin du rnam śes mtha’ yas skye mched daṅ | ci yaṅ med pa’i skye mched kyi sñoms par ’jug pa thob par ’gyur | sbyin pa ’di ltar byin na ni | ’du śes med ’du śes med min skye mched kyi sñoms par ’jug pa thob par ’gyur | sbyin pa ’di (2) ltar byin na ni | byaṅ chub kyi phyogs kyi chos sum cu rtsa bdun thob par ’gyur | de bźin du rgyun tu źugs pa’i ’bras bu thob par ’gyur | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid thob par ’gyur par śes so ||
ś ri’i bu gźan yaṅ byaṅ chub (3) sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas sbyin pa ’di ltar byin na ni | sbyin pa’i pha rol tu phyin pa yoṅs su rdzogs par byed | de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha (4) rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su rdzogs par byed do źes bya bar śes par bya’o ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub (5) sems dpa’ sems dpa’ chen pos sbyin pa ji ltar stsal na | sbyin pa’i pha rol tu phyin pa yoṅs su rdzogs par bgyis pa lags | byaṅ chub sems dpa’ sems dpa’ chen pos sbyin pa ji ltar stsal na | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson (6) ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su rdzogs par bgyis pa lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu sbyin par bya ba daṅ | (7) gtoṅ ba pho daṅ | len pa po mi dmigs te | ’khor gsum yoṅs su dag pas | sbyin pa’i pha rol tu phyin pa yoṅs su rdzogs par byas pa yin | ltuṅ ba mi ’byuṅ ba daṅ | lhag par ltuṅ bar mi ’byuṅ ba’i phyir | tshul khrims kyi pha rol tu phyin pa loṅs su rdzogs par byas pa yin | sems ’khrug (17a1) pa med pa’i phyir | bzod pa’i pha rol tu phyin pa yoṅs su rdzogs par byas pa yin | lus daṅ sems kyi brtson ’grus ma btaṅ ba’i phyir brtson ’grus kyi pha rol tu phyin pa yoṅs su rdzogs par byas pa yin | rnam par g-yeṅ ba daṅ | kun tu rtog pa med (2) pa’i phyir bsam gtan gyi pha rol tu phyin pa yoṅs su rdzogs par byas pa yin | chos thams cad rab tu śes pa mi dmigs pa’i tshul gyis | śes rab kyi pha rol tu phyin pa yoṅs su rdzogs par byas pa yin te | ś ri’i bu byaṅ chub sems dpa’ sems dpa’ (3) chen po sbyin pa’i pha rol tu phyin pa la | pha rol tu phyin pa drug po thams cad yoṅs su rdzogs par byas pa yin no ||
de bźin du tshul khrims kyi pha rol tu phyin pa la pha rol tu phyin pa drug po thams cad yoṅs su rdzogs par byas pa yin no ||
de bźin du bzod pa’i pha rol tu phyin pa daṅ | (4) brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la pha rol tu phyin pa drug po dag yoṅs su rdzogs par byas pa yin no ||
ś ri’i bu gźan yaṅ byaṅ chub sems dpa’ sems dpa’ chen po saṅs rgyas bcom ldan (5) ’das ’das pa daṅ | ma byon pa daṅ | da ltar byuṅ ba rnams kyi saṅs rgyas kyi yon tan thob par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po ’dus byas daṅ | ’dus ma byas kyi (6) chos rnams kyi pha rol tu ’gro bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po chos ’das pa daṅ | ma ’oṅs pa daṅ | da ltar byuṅ ba thams cad kyi de bźin ñid khoṅ du chud par ’dod (7) pa daṅ | de bźin du chos kyi dbyiṅs skye ba med pa’i mthar phyin par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po ñan thos daṅ | raṅ saṅs rgyas kyi sṅon du ’gro bar ’dod pas | (17b1) śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po saṅs rgyas bcom ldan ’das rnams la rim gro bya bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub (2) sems dpa’ sems dpa’ chen po saṅs rgyas bcom ldan ’das rnams kyi naṅ gi ’khor du ’gyur bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po ’khor maṅ po daṅ ldan par ’dod pa daṅ | (3) byaṅ chub sems dpa’i ’khor thob par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po sbyin pa yoṅs su dag par bya bar ’dod pas | śes rab kyi pha rol tu phyin pa la bslab par bya’o ||
(4) ś ri’i bu gźan yaṅ byaṅ chub sems dpa’ sems dpa’ chen po ser sna’i sems tshar gcad par ’dod pas | śes rab kyi pha rol tu phyin pa la bslab par bya’o ||
de bźin du ’chal ba’i tshul khrims kyi sems mi bskyed par ’dod pa daṅ | gnod sems kyi sems (5) mi bskyed par ’dod pa daṅ | le lo’i sems dor bar ’dod pa daṅ | rnam par g-yeṅ ba’i sems dor bar ’dod pa daṅ | ’chal ba’i śes rab kyi sems dor bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub (6) sems dpa’ sems dpa’ chen po sems can thams cad sbyin pa las byuṅ ba’i bsod nams bya ba’i dṅos po la dgod par ’dod pa daṅ | tshul khrims las byuṅ ba daṅ | bsgom pa las byuṅ ba daṅ | źal ta bya ba daṅ ldan pa daṅ | rdzas las byuṅ ba’i bsod nams bya ba’i (7) dṅos po la dgod par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po mig lṅa bskyed par ’dod pas | śes rab kyi pha rol tu phyin pa la bslab par bya’o ||
lṅa gaṅ źe na | ’di lta (18a1) ste | śa’i mig daṅ | lha’i mig daṅ | śes rab kyi mig daṅ | chos kyi mig daṅ | saṅs rgyas kyi mig ste | de dag bskyed par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ (2) sems dpa’ chen po śar phyogs kyi saṅs rgyas bcom ldan ’das gaṅ g’i kluṅ gi bye ma sñed dag lha’i mig gis blta bar ’dod pas | śes rab kyi pha rol tu phyin pa la bslab par bya’o ||
de bźin du lho daṅ | nub daṅ | byaṅ daṅ | byaṅ śar daṅ | śar lho (3) daṅ | lho nub daṅ | nub byaṅ daṅ | ’og daṅ | steṅ gi phyogs kyi saṅs rgyas bcom ldan ’das gaṅ g’i kluṅ gi bye ma sñed dag lha’i mig gis blta bar ’dod pas | śes rab kyi pha rol tu phyin pa la bslab par bya’o ||
saṅs rgyas bcom ldan ’das de (4) dag chos gaṅ ston pa’i chos de lha’i rna bas mñan par ’dod pa daṅ | saṅs rgyas bcom ldan ’das de dag gi thugs yaṅ dag pa ji lta ba bźin du sems kyis khoṅ du chud par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ (5) byaṅ chub sems dpa’ sems dpa’ chen po gaṅ dag saṅs rgyas bcom ldan ’das gaṅ dag phyogs bcu kun gyi ’jig rten gyi khams thams cad na chos ston pa de thams cad thos nas dran pa’i stobs bskyed pa gcad du mi chod pas yaṅ dag par gzuṅ bar ’dod pa daṅ | bla na med pa yaṅ dag (6) par rdzogs pa’i byaṅ chub mṅon par rdzogs par saṅs rgyas kyi bar du thams cad chud mi za bar bya bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po saṅs rgyas bcom ldan ’das ’das (7) bdag gi saṅs rgyas kyi źiṅ rnams blta bar ’dod pa daṅ | saṅs rgyas bcom ldan ’das ma byon pa rnams daṅ | saṅs rgyas bcom ldan ’das gaṅ dag da ltar phyogs bcu kun gyi ’jig rten na bźugs te | ’tsho źiṅ gźes pa’i saṅs rgyas bcom ldan ’das (18b1) de dag gi saṅs rgyas kyi źiṅ rnams blta bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po de bźin gśegs pa rnams kyi mdo’i sde daṅ | dbyaṅs kyis bsñad pa’i sde daṅ | (2) luṅ du bstan pa’i sde daṅ | tshigs su bcad pa’i sde daṅ | ched du brjod pa’i sde daṅ | gleṅ gźi’i sde daṅ | de lta bu byuṅ ba’i sde daṅ | skyes pa’i rabs kyi sde daṅ | śin tu rgyas pa’i sde daṅ | rmad du byuṅ ba’i chos kyi sde daṅ | rtogs pa brjod pa’i sde daṅ | gtan (3) la bab par bstan pa’i sde gaṅ ci bstan pa daṅ | ñan thos daṅ | raṅ saṅs rgyas kyis ma thos pa gaṅ yin pa de thams cad kun chub par byed par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems (4) dpa’ chen po śar phyogs su saṅs rgyas bcom ldan ’das rnams kyis gaṅ ci gsuṅs pa daṅ | gsuṅ ba daṅ | gsuṅ bar ’gyur ba de dag thams cad gzuṅ bar ’dod pa daṅ | bcaṅ bar ’dod pa daṅ | klag par ’dod pa daṅ | de bźin ñid du sgrub par ’dod (5) pa daṅ | gźan dag la yaṅ rgya cher ston par ’dod pas | śes rab kyi pha rol tu phyin pa la bslab par bya’o ||
de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | ’og daṅ | steṅ gi phyogs su saṅs rgyas (6) bcom ldan ’das rnams kyis gaṅ ci gsuṅs pa daṅ | gsuṅ ba daṅ | gsuṅ bar ’gyur pa de thams cad kyi rjes su ’braṅ bar ’dod pa daṅ | gzuṅ bar ’dod pa daṅ | bcaṅ bar ’dod pa daṅ | klag par ’dod pa daṅ | de bźin ñid du sgrub par ’dod pa daṅ | (7) gźan dag la yaṅ rgya cher rab tu ston par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po śar phyogs kyi ’jig rten gyi khams gaṅ g’i kluṅ gi bye ma sñed dag na | mun pa mud (19a1) nag tu gyur pa gaṅ na ñi ma daṅ zla ba’i ’od mi ’bab pa de dag thams cad snaṅ bar bya bar ’dod pa daṅ | de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi ’jig (2) rten gyi khams gaṅ g’i kluṅ gi bye ma sñed dag na | mun pa mun nag tu gyur pa gaṅ na ñi ma daṅ | zla ba’i ’od kyaṅ mi ’bab pa de dag thams cad ’od kyis snaṅ bar bya bar ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ (3) chub sems dpa’ sems dpa’ chen po śar phyogs kyi ’jig rten gyi khams gaṅ g’i kluṅ gi bye ma sñed dga’ | gaṅ na saṅs rgyas kyi źiṅ tha dad pa dag tu skyes pa’i sems can de dag thams cad la saṅs rgyas kyi sgra daṅ | chos kyi sgra daṅ | dge ’dun gyi sgra sgrogs (4) par ’dod pa daṅ | yaṅ dag pa’i lta ba la dgod par ’dod pas | śes rab kyi pha rol tu phyin pa la bslab par bya’o ||
de bźin du byaṅ chub sems dpa’ sems dpa’ chen po lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | (5) nub byaṅ daṅ | ’og daṅ | steṅ gi phyogs kyi ’jig rten gyi khams gaṅ g’i kluṅ gi bye ma sñed dag na | gaṅ na saṅs rgyas daṅ | chos daṅ | dge ’dun daṅ | yaṅ dag pa’i lta ba’i sgra mi grag pa’i ’jig rten gyi khams de dag tu sems can rnams kyis saṅs (6) rgyas daṅ | chos daṅ | dge ’dun gyi sgra thos par bya bar ’dod pa daṅ | sems can dag yaṅ dag pa’i lta ba la dgod par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po śar (7) phyogs kyi ’jig rten gyi khams gaṅ g’i kluṅ gi bye ma sñed dag na | sems can gaṅ dag loṅ bar gyur pa de dag bdag gi mthus mig gis gzugs rnams mthoṅ bar ’gyur bar ’dod pas | śes rab kyi pha rol tu phyin pa la bslab par bya’o ||
de bźin du (19b1) ’on pa rnams rna bas sgra thos pa daṅ | smyon pa rnams dran pa rñed par ’gyur ba daṅ | gcer bu rnams gos dag rñed pa daṅ | sems can bkres pa rnams ’graṅs pa daṅ | skom pa rnams skom ṅoms pa daṅ | sems can ṅan soṅ na gnas pa rnams ṅan soṅ (2) thams cad las thar te | mir skye ba thob par ’gyur ba daṅ | tshul khrims ’chal ba rnams tshul khrims kyi phuṅ po dgod par bya’o sñam pa daṅ | mñam par ma bźag pa rnams tiṅ ṅe ’dzin gyi phuṅ po daṅ | śes rab kyi phuṅ po daṅ | rnam par grol ba’i (3) phuṅ po daṅ | rnam par grol ba’i ye śes mthoṅ ba’i phuṅ po la dgod par bya’o sñam pa daṅ | bden pa ma mthoṅ ba rnams rgyun tu źugs pa’i ’bras bu la dgod par bya’o sñam pa daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom (4) pa ñid daṅ | raṅ byaṅ chub daṅ | bla na med pa yaṅ dag par rdzogs pa’i byaṅ chub la dgod par bya’o sñam pas | śes rab kyi pha rol tu phyin pa la bslab par bya’o ||
de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | (5) nub byaṅ daṅ | ’og daṅ | steṅ gi phyogs kyi ’jig rten gyi khams gaṅ g’i kluṅ gi bye ma sñed dag na | sems can gaṅ dag loṅ bar gyur pa de dag bdag gi mthus mig gis gzugs rnams mthoṅ bar ’gyur bar ’dod pas | śes rab kyi pha rol tu phyin pa la (6) bslab par bya’o ||
de bźin du ’on pa rnams rna bas sgra thos pa daṅ | smyon pa rnams dran pa rñed par ’gyur ba daṅ | gcer bu rnams gos dag rñed pa daṅ | sems can bkres pa rnams ’graṅs pa daṅ | skom pa rnams skom ṅoms pa daṅ | sems (7) can ṅan soṅ na gnas pa rnams ṅan soṅ thams cad las thar te | mir skye ba thob par ’gyur ba daṅ | tshul khrims ’chal pa rnams tshul khrims kyi phuṅ po la dgod par bya’o sñam pa daṅ | mñam par ma bźag pa rnams tiṅ ṅe ’dzin gyi phuṅ po daṅ | śes (20a1) rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes mthoṅ ba’i phuṅ po la dgod par bya’o sñam pa daṅ | bden pa ma mthoṅ ba rnams rgyun tu źugs pa’i ’bras bu la dgod par bya’o sñam pa daṅ | lan cig phyir ’oṅ (2) ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par rdzogs pa’i byaṅ chub la dgod par bya’o sñam pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ (3) chub sems dpa’ sems dpa’ chen po de bźin gśegs pa’i spyod lam la slob par ’dod pas | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas ’di ltar (4) brtag par bya ste | nam źig na bdag gis glaṅ po che’i lta staṅs kyis blta bar bya sñam pa daṅ | ji ltar na bdag sa chen po la rkaṅ pa sor bźi tsam gyis mi reg par ’gro bar ’gyur sñam pas | śes rab kyi pha rol tu phyin pa la bslab par bya’o ||
ś ri’i bu gźan (5) yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas ’di ltar brtag par bya ste | ji ltar na bdag rgyal chen bźi’i ris kyi lha daṅ | sum cu rtsa gsum daṅ | ’thab bral daṅ | dga’ ldan daṅ | ’phrul dga’ daṅ | gźan (6) ’phrul dbaṅ byed daṅ | tshaṅs pa’i mdun na ’don daṅ | tshaṅs ris daṅ | tshaṅs ’khor daṅ | ’od chuṅ daṅ | tshad med ’od daṅ | ’od gsal daṅ | dge chuṅ daṅ | tshad med dge daṅ | dge rgyas daṅ | ’bras bu che daṅ | gnas gtsaṅ ma daṅ | gya nom (7) snaṅ daṅ | śin tu mthoṅ daṅ | mi che daṅ | mi gduṅ daṅ | ’og min gyi lha bye ba khrag khrig phrag ’bum du ma dag gis yoṅs su bskor ciṅ mdun du bdar te | byaṅ chub kyi sñiṅ por ’gro bar ’gyur sñam na yaṅ | śes rab kyi pha rol tu phyin pa la bslab par bya’o ||
(20b1) ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas | ’di ltar brtag par bya ste | ji ltar na rgyal chen bźi’i ris kyi lha nas | ’og min gyi ris kyi lha’i bar dag byaṅ chub kyi sñiṅ po’i śiṅ druṅ du bdag gi stan ’diṅ bar (2) ’gyur sñam na yaṅ | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas ’di ltar brtag par bya ste | ji ltar na bdag bla na med pa yaṅ dag par rdzogs pa’i byaṅ (3) chub mṅon par rdzogs par saṅs rgyas nas | ’gro ba daṅ | ’greṅ ba daṅ | ’dug pa daṅ | ñal ba’i sa phyogs de rdo rje’i raṅ bźin du ’gyur sñam na yaṅ | śes rab kyi pha rol tu phyin pa la bslab par bya’o ||
ś ri’i bu gźan yaṅ byaṅ chub sems dpa’ (4) sems dpa’ chen po śes rab kyi pha rol tu phyin pa la spyod pas | ’di ltar brtag par bya ste | ji ltar na bdag ñi ma gaṅ la mṅon par byuṅ ba’i ñi ma de ñid la | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur | mṅon par (5) rdzogs par saṅs rgyas nas | ñi ma de ñid la chos kyi ’khor lo bskor bar ’gyur | ’khor lo bskor nas | sems can tshad med graṅs med pa dag chos la chos kyi mig rdul daṅ bral źiṅ | dri ma med pa rnam par dag par ’gyur | sems can tshad med graṅs med (6) pa dag len pa med par zag pa rnams las sems rnam par grol bar ’gyur | sems can tshad med graṅs med pa dag bla na med pa yaṅ dag par rdzogs pa’i byaṅ chub las phyir mi ldog par ’gyur sñam na yaṅ | śes rab kyi pha rol tu phyin pa la bslab par bya’o ||
ś ri’i bu (7) gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas | ’di ltar brtag par bya ste | ji ltar na bdag gi ñan thos kyi dge ’dun tshad med graṅs med par ’gyur | chos bstan pa gcig gis sems can tshad med graṅs (21a1) med pa dag stan gcig pa’i dgra bcom par ’gyur | stan gcig pa’i byaṅ chub sems dpar ’gyur źiṅ | bla na med pa yaṅ dag par rdzogs pa’i byaṅ chub las phyir mi ldog par ’gyur | byaṅ chub sems dpa’i dge ’dun dpag tu med | graṅs (2) med tshad med par ’gyur | tshe’i tshad dpag tu med par ’gyur | ’od dpag tu med pa phun sum tshogs par ’gyur sñam na yaṅ | śes rab kyi pha rol tu phyin pa la bslab par bya’o ||
byaṅ chub sems dpa’ sems dpa’ chen pos ji ltar na bdag bla na med pa (3) yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ’dod chags daṅ | źe sdaṅ daṅ | gti mug gi sgra thams cad kyi thams cad du mi grag par ’gyur sñam na yaṅ | śes rab kyi pha rol tu phyin pa la bslab par bya’o ||
byaṅ chub (4) sems dpa’ sems dpa’ chen pos | ji ltar na bdag gi saṅs rgyas kyi źiṅ de na sems can thams cad sbyin pa ni legs pa’o ||
legs par sdom pa ni legs pa’o ||
tshaṅs par spyod pa ni legs pa’o ||
srog chags ’byuṅ po (5) rnams la rnam par mi ’tshe ba ni legs pa’o źes bya bar śes pa’i śes rab de lta bu daṅ ldan par ’gyur sñam pa daṅ | byaṅ chub sems dpa’ sems dpa’ chen pos ji ltar na bdag yoṅs su mya ṅan las ’das nas | dam pa’i chos nub pa’i sgra yaṅ mi grag par ’gyur sñam (6) pa daṅ | byaṅ chub sems dpa’ sems dpa’ chen po ji ltar na | bdag gi miṅ thos pa tsam gyis ’jig rten gyi khams gaṅ g’i kluṅ gi bye ma sñed dag na | sems can gaṅ dag ’khod pa de dag bla na med pa yaṅ dag par rdzogs pa’i byaṅ chub tu ṅes par ’gyur sñam na yaṅ | (7) des śes rab kyi pha rol tu phyin pa la bslab par bya’o | ś ri’i bu gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa spyod ciṅ | yon tan ’di dag skyed par byed pa de’i tshe | stoṅ gsum gyi stoṅ chen po’i ’jig rten gyi khams na | (21b1) rgyal po chen po bźi po gaṅ dag ’khod pa de dag ’di sñam du sems te | sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams la sṅon gyi rgyal po chen po bźi po de dag gis lhuṅ bzed dag phul ba ltar bdag cag gis kyaṅ | byaṅ chub sems (2) dpa’ sems dpa’ chen po ’di la lhuṅ bzed bźi dbul bar bya’o sñam du sems śiṅ yid dga’ bar ’gyur ro ||
sum cu rtsa gsum pa’i lha rnams daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams kyaṅ ’di sñam (3) du | de ltar na lha ma yin gyi ris rnams ni yoṅs su ’grib par ’gyur źiṅ | lha’i ris rnams ni mṅon par ’phel bar ’gyur bas | bdag cag gis byaṅ chub sems dpa’ sems dpa’ chen po ’di la rim gro bskyed par bya’o sñam du sems śiṅ yid dga’ bar ’gyur ro ||
stoṅ (4) gsum gyi stoṅ chen po’i ’jig rten gyi khams na tshaṅs pa chen po dag daṅ | tshaṅs ris kyi lha nas bzuṅ ste | tshaṅs pa thams cad daṅ | ’og min gyi bar gyi lha dag ’di sñam du | byaṅ chub sems dpa’ sems dpa’ chen po ’di mṅon par rdzogs par saṅs rgyas nas | (5) chos kyi ’khor lo bskor ba’i don du bdag cag gis gsol ba gdab par bya’o sñam du sems śiṅ yid dga’ bar ’gyur ro ||
ś ri’i bu gźan yaṅ gaṅ gi tshe | byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ pha rol tu phyin pa drug (6) gis rnam par ’phel ba de’i tshe | rigs kyi bu daṅ | rigs kyi bu mo rnams kyaṅ ’di sñam du | bdag cag ni byaṅ chub sems dpa’ sems dpa’ chen po ’di’i pha daṅ | ma daṅ | chuṅ ma daṅ | bu daṅ | mdza’ bśes daṅ | ñe du daṅ | snag gi gñen (7) mtshams dag tu ’gyur ro sñam du sems śiṅ | yid dga’ bar ’gyur ro ||
rgyal po chen po bźi daṅ | sum cu rtsa gsum pa’i lha rnams daṅ | ’og min gyi bar gyi lha rnams kyaṅ ’di sñam du de ni sems can rnams byaṅ chub la ṅes par sbyar ba’i phyir | kun tu sbyor bar ’gyur ba’i (22a1) chos rnams kyis kun tu mi sbyor źiṅ | tshaṅs par spyod par ’gyur te | de ’di skad du bdag sems daṅ po bskyed pa nas bzuṅ ste | tshaṅs par spyad par bya’i | mi tshaṅs par spyad par ni mi bya’o ||
de ci’i phyir źe na | ’dod pa rnams la bsten pa ni | (2) tshaṅs pa’i ’jig rten du skye ba la yaṅ bar du gcod par ’gyur na | bla na med pa yaṅ dag par rdzogs pa’i byaṅ chub lta la smos kyaṅ ci dgos te | de lta bas na byaṅ chub sems dpa’ sems dpa’ chen pos ni | khyim nas mṅon par byuṅ źiṅ tshaṅs par spyad pa ñid (3) kyis | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’i | mi tshaṅs par spyod pas ni ma yin no źes smon lam ’debs pas na | byaṅ chub sems dpa’ ’khrig pa kun tu sbyor ba la mi ’jug pas | yid dga’ bar ’gyur ro ||
(4) de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das ci byaṅ chub sems dpa’ sems dpa’ chen po la pha ma daṅ | mchis ’braṅ daṅ | bu daṅ | mdza’ bśes daṅ | ñe du daṅ | snag gi (5) gñen mtshams dag ṅes par ’tshal lags sam | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu byaṅ chub sems dpa’ sems dpa’ chen po kha cig la ni pha daṅ | ma daṅ | chuṅ ma daṅ | (6) bu dag dgos so ||
byaṅ chub sems dpa’ sems dpa’ chen po kha cig ni sems daṅ po bskyed pa ñid nas bzuṅ ste | tshaṅs par spyod pa yaṅ dag par len ciṅ | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du de rtag tu (7) gźon nur gyur pa ñid kyis | byaṅ chub sems dpa’i spyad pa spyod par byed do ||
byaṅ chub sems dpa’ sems dpa’ chen po kha cig ni thabs la mkhas pas | sems can yoṅs su smin par bya ba’i phyir ’dod pa’i yon tan lṅa la spyad nas | btsun mo’i ’khor gyi (22b1) naṅ nas mṅon par byuṅ ste | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar byed do ||
ś ri’i bu byaṅ chub sems dpa’ sems dpa’ chen po kha cig ni śes rab kyi pha rol tu phyin pa zab mo la gnas pa thob nas | ’dod pa’i ñon moṅs (2) pa rnams daṅ bral yaṅ de dag sems can yoṅs su smin par bya ba’i phyir | ’dod pa’i yon tan lṅa ñe bar ’dzin par ston la | yoṅs su spyod par ni mi byed do ||
ś ri’i bu ’di lta ste dper na | sgyu ma mkhan nam | sgyu ma mkhan gyi slob ma mkhas pa | sgyu ma’i (3) rig sṅags daṅ sbyor ba śes pa | legs par bslabs pa źig gis ’dod pa’i yon tan lṅa mṅon par sprul te | ’dod pa’i yon tan lṅa po de dag gis bdag ñid rtse źiṅ dga’ la dga’ mgur spyod pa bstan na | ś ri’i bu ’di ji sñam du sems | sgyu ma mkhan nam sgyu (4) ma mkhan gyi slob ma des ’dod pa’i yon tan lṅa po de dag la yoṅs su spyad pa yod sñam ’am | ś ri’i bus gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | ś ri’i bu de bźin du byaṅ chub sems dpa’ sems dpa’ chen (5) po thabs la mkhas pas | sems can yoṅs su smin par bya ba’i phyir | ’dod pa’i yon tan lṅa la yoṅs su spyod ciṅ | byaṅ chub sems dpa’ sems dpa’ chen po ’dod pa’i yon tan dag gis gos pa yaṅ med do ||
ś ri’i bu rnam graṅs des na | byaṅ chub (6) sems dpa’ sems dpa’ chen po ’dod pa rnams ni kun tu ’bar ba’o ||
’dod pa rnams ni smad pa’o ||
’dod pa rnams ni gsod pa’o ||
’dod pa rnams ni phyir rgol ba’o źes ’dod pa rnams kyi bsṅags pa ma yin pa brjod do ||
ś ri’i bu de ltar na byaṅ chub sems (7) dpa’ sems dpa’ chen po sems can yoṅs su smin par bya ba’i phyir | ’dod pa’i yon tan rnams ñe bar ’dzin to ||
śes rab kyi pha rol tu phyin pa khri brgyad stoṅ pa las | sems bskyed pa’i le’u źes bya ste gñis pa’o || ||
de nas bcom (23a1) ldan ’das la tshe daṅ ldan pa ś ri’i bus ’di skad ces gsol to | bcom ldan ’das byaṅ chub sems dpa’ sems dpa’ chen pos ji ltar śes rab kyi pha rol tu phyin pa la sbyaṅ par bgyi | de skad ces gsol pa daṅ | bcom ldan ’das kyis tshe daṅ (2) ldan pa ś ri’i bu la ’di skad ces bka’ stsal to ||
ś ri’i bu ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | byaṅ chub sems dpar gyur bźin du byaṅ chub sems dpa’ yaṅ dag par rjes su mi mthoṅ ṅo ||
byaṅ (3) chub sems dpa’i miṅ yaṅ yaṅ dag par rjes su mi mthoṅ ṅo ||
byaṅ chub kyaṅ yaṅ dag par rjes su mi mthoṅ ṅo ||
śes rab kyi pha rol tu phyin pa yaṅ yaṅ dag par rjes su mi mthoṅ ṅo ||
spyod ces bya bar yaṅ yaṅ dag par rjes su mi mthoṅ ṅo ||
mi spyod ces bya (4) bar yaṅ yaṅ dag par rjes su mi mthoṅ ṅo ||
spyod kyaṅ spyod la | mi spyod kyaṅ mi spyod ces bya bar yaṅ yaṅ dag par rjes su mi mthoṅ ṅo ||
spyod pa yaṅ ma yin | mi spyod pa yaṅ ma yin źes bya bar yaṅ yaṅ dag par rjes su mi mthoṅ ṅo ||
gzugs yaṅ dag par (5) rjes su mi mthoṅ ṅo ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ yaṅ dag par rjes su mi mthoṅ ṅo ||
de ci’i phyir źe na | ś ri’i bu ’di ltar byaṅ chub sems dpa’i miṅ de ni miṅ gi ṅo bo ñid kyis stoṅ gi | stoṅ pa ñid (6) kyis byaṅ chub sems dpa’i miṅ stoṅ pa ni ma yin | byaṅ chub sems dpa’ yaṅ byaṅ chub sems dpa’i ṅo bo ñid kyis stoṅ gi stoṅ pa ñid kyis byaṅ chub sems dpa’ stoṅ pa ni ma yin | byaṅ chub kyaṅ byaṅ chub kyi ṅo bo ñid kyis stoṅ gi | stoṅ pa ñid kyis byaṅ chub stoṅ pa ni ma (7) yin | śes rab kyi pha rol tu phyin pa yaṅ śes rab kyi pha rol tu phyin pa’i ṅo bo ñid kyis stoṅ gi | stoṅ pa ñid kyis śes rab kyi pha rol tu phyin pa stoṅ pa ni ma yin | gzugs ni gzugs kyi ṅo bo ñid kyis stoṅ gi | stoṅ pa ñid kyis gzugs stoṅ pa ni ma yin | tshor ba daṅ | (23b1) ’du śes daṅ | ’du byed rnams daṅ | rnam par śes pa ni rnam par śes pa’i ṅo bo ñid kyis stoṅ gi | stoṅ pa ñid kyis rnam par śes pa stoṅ pa nam yan pa’i pyir ro ||
de ce’i phyir źe na | ’di ltar byaṅ chub sems dpa’i miṅ gi stoṅ pa ñid gaṅ yin pa de ni byaṅ chub (2) sems dpa’i miṅ ma yin la | stoṅ pa ñid las gud na yaṅ byaṅ chub sems dpa’i miṅ med de | byaṅ chub sems dpa’i miṅ ñid stoṅ pa ñid yin la stoṅ pa ñid kyaṅ byaṅ chub sems dpa’i miṅ yin pa daṅ | byaṅ chub sems dpa’i stoṅ pa ñid gaṅ yin pa de ni | byaṅ (3) chub sems dpa’ ma yin la | stoṅ pa ñid las gud na yaṅ byaṅ chub sems dpa’ med de | byaṅ chub sems dpa’ ñid stoṅ pa ñid yin la | stoṅ pa ñid kyaṅ byaṅ chub sems dpa’ yin pa daṅ | byaṅ chub kyi stoṅ pa ñid gaṅ yin pa de byaṅ chub ma yin la | soṅ ba ñid (4) las gud na yaṅ byaṅ chub med de | byaṅ chub ñid stoṅ pa ñid yin la | stoṅ pa ñid kyaṅ byaṅ chub yin pa daṅ | śes rab kyi pha rol tu phyin pa’i stoṅ pa ñid gaṅ yin pa de śes rab kyi pha rol tu phyin pa ma yin la | stoṅ pa ñid las gud na yaṅ śes rab kyi pha rol tu phyin pa (5) med de | śes rab kyi pha rol tu phyin pa ñid stoṅ pa ñid yin la | stoṅ pa ñid kyaṅ śes rab kyi pha rol tu phyin pa yin pa daṅ | gzugs kyi stoṅ pa ñid gaṅ yin pa de gzugs ma yin la | stoṅ pa ñid las gu dan yaṅ gzugs med de | gzugs ñid stoṅ pa ñid yin la | (6) stoṅ pa ñid kyaṅ gzugs ma yin pa daṅ | tshor ba daṅ | ’du śes daṅ | ’du byed rnams daṅ | rnam par śes pa’i stoṅ pa ñid gaṅ yin pa de rnam par śes pa ma yin la | stoṅ pa ñid las gud na yaṅ rnam par śes pa med de | rnam par śes pa ñid stoṅ pa ñid (7) yin la | stoṅ pa ñid kyaṅ rnam par śes pa yin pa’i phyir ro ||
de ci’i phyir źe na | ’di ltar ’di lta ste | byaṅ chub sems dpa’ źes bya ba de ni miṅ tsam du zad | ’di lta ste | byaṅ chub sems dpa’i miṅ źes bya ba daṅ | byaṅ chub ces bya ba daṅ | śes (24a1) rab kyi pha rol tu phyin pa źes bya ba daṅ | gzugs źes bya ba daṅ | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes bya ba de ni miṅ tsam du zad | ’di lta ste | stoṅ pa ñid ces bya ba de ni miṅ tsam (2) du zad pa’i phyir ro ||
de ci’i phyir źe na | ṅo bo ñid med pa la ni skye ba med | ’gag pa med | ’grib pa med | ’phel ba med | kun nas ñon moṅs pa med | rnam par byaṅ ba med pa’i phyir ro ||
de ci’i phyir źe na | gzugs ni sgyu ma lta bu | tshor ba ni sgyu ma lta (3) bu | ’du śes ni sgyu ma lta bu | ’du byed rnams ni sgyu ma lta bu | rnam par śes ba ni sgyu ma lta bu yin pa’i phyir ro ||
sgyu ma yaṅ miṅ tsam du zad de | yul na mi gnas | phyogs na mi gnas pas sgyu ma mthoṅ ba ni log par gyur pa ste | yod pa ma yin źiṅ ṅo bo ñid (4) daṅ bral ba ste | byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni chos gaṅ la yaṅ skye bar yaṅ dag par rjes su mi mthoṅ ṅo ||
’gag par yaṅ dag par rjes su mi mthoṅ ṅo ||
gnas par yaṅ dag par rjes su mi mthoṅ (5) ṅo ||
’grib par yaṅ dag par rjes su mi mthoṅ ṅo ||
’phel bar yaṅ dag par rjes su mi mthoṅ ṅo ||
kun nas ñon moṅs par yaṅ dag par rjes su mi mthoṅ ṅo ||
rnam par byaṅ bar yaṅ dag par rjes su mi mthoṅ ṅo ||
gzugs yaṅ dag par rjes su mi (6) mthoṅ ṅo ||
tshor ba daṅ | ’du śes daṅ | ’du byed rnams daṅ | rnam par śes pa yaṅ dag par rjes su mi mthoṅ ṅo ||
gaṅ la byaṅ chub ces bya ba ’am | byaṅ chub sems dpa’ źes bya ba de yaṅ dag par rjes su mi mthoṅ ṅo ||
de ci’i phyir źe na | ’di ltar (7) miṅ ni bcos ma yin pa’i phyir | chos so so tha dad pa de dag ni btags pa ste | yaṅ dag pa ma yin pa | glo bur du btags pa’i miṅ gis rjes su tha sñad ’dogs te | ji lta ji ltar rjes su tha sñad ’dogs pa de lta de ltar mṅon par źen to ||
byaṅ chub sems dpa’ (24b1) sems dpa’ chen po śes rab kyi pha rol tu phyin pa la spyod pas ni | miṅ de dag thams cad ṅo bo ñid du yaṅ dag par rjes su mi mthoṅ ṅo ||
yaṅ dag par rjes su ma mthoṅ bas mṅon par źen par mi ’gyur ro ||
ś ri’i bu gźan yaṅ byaṅ chub sems dpa’ sems (2) dpa’ chen po śes rab kyi pha rol tu phyin pa la spyod pa ’di ltar yoṅs su rtog ste | ’di lta ste | byaṅ chub sems dpa’ źes bya ba de ni miṅ tsam mo ||
’di lta ste byaṅ chub ces bya ba de ni miṅ tsam mo ||
’di lta ste saṅs rgyas źes bya ba de ni miṅ tsam mo ||
’di (3) lta ste śes rab kyi pha rol tu phyin pa śes bya ba de ni miṅ tsam mo ||
’di lta ste | śes rab kyi pha rol tu phyin pa la spyod ces bya ba de ni miṅ tsam mo ||
’di lta ste | gzugs źes bya ba de ni miṅ tsam mo ||
’di lta ste | tshor ba daṅ | ’du śes daṅ | ’du byed rnams daṅ | (4) rnam par śes pa źes bya ba de ni miṅ tsam mo źes yoṅs su rtog go ||
ś ri’i bu ’di lta ste dper na | bdag bdag ces brjod kyaṅ bdag kyaṅ mi dmigs sems can daṅ | srog daṅ | gaṅ zag kyaṅ mi dmigs te | ’di ltar miṅ gis tha sñad btags par zad kyi | (5) mi dmigs pa stoṅ pa ñid kyi phyir de dag ni rnam pa thams cad du dmigs su med do ||
de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ | byaṅ chub sems dpa’ yaṅ dag par rjes su mi mthoṅ ṅo ||
rnam par śes pa’i (6) bar du yaṅ dag par rjes su mi mthoṅ ṅo ||
miṅ gaṅ gis tha sñad ’dogs pa’i miṅ de yaṅ yaṅ dag par rjes su mi mthoṅ ste | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pas ni | miṅ sigs pa stoṅ pa ñid kyi phyir (7) de bźin gśegs pa’i śes rab ma gtogs par ñan thos daṅ | raṅ saṅs rgyas thams cad kyi śes rab zil gyis gnon to ||
de ci’i phyir źe na | ’di ltar gaṅ gis mṅon par źen par ’gyur ba de yaṅ des yaṅ dag par rjes su mi mthoṅ ba’i phyir te | ś ri’i bu (25a1) de ltar spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa yin no ||
ś ri’i bu ’di lta ste dper na | ’dzam bu’i gliṅ ’di ś ri’i bu daṅ | mo.oda gal gyi bu lta bu’i dge sloṅ śa stag gis ’dam bu’i tshal lam | ’od (2) ma’i tshal lam | bu ram śiṅ gi tshal lam | mda’ rgyu’i tshal lam | ’bras kyi źiṅ dam | til gyi źiṅ ltar yoṅs su gaṅ bar gyur kyaṅ | de dag gi śes rab gaṅ yin pa des ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i śes (3) rab kyi brgya’i char yaṅ ñe bar mi ’gro’o ||
stoṅ gi cha daṅ | ’bum gyi cha daṅ | graṅs daṅ | cha daṅ | ’graṅ ba daṅ | dpe daṅ rgyur yaṅ mi bzod do ||
de ci’i phyir źe na | ś ri’i bu ’di ltar byaṅ chub sems dpa’ sems dpa’ chen po’i śes rab gaṅ yin pa de (4) ni sems can thams cad yoṅs su mya ṅan las bzla ba’i don du ñe bar gnas pa’i phyir ro ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i śes rab ñin gcig yoṅs su bsgom pa gaṅ yin pa des kyaṅ ñan thos daṅ | (5) raṅ saṅs rgyas rnams kyi śes rab zil gyis gnon to ||
ś ri’i bu ’dzam bu’i gliṅ ’di ś ri’i bu daṅ | mo.oda gal gyi bu lta bu’i dge sloṅ śa stag gis yoṅs su gaṅ blta źog gi | ś ri’i bu gal te stoṅ gsum gyi stoṅ chen po’i ’jig rten gyi khams ’di ś ri’i bu daṅ (6) mo.oda gal gyi bu lta bu’i dge sloṅ śa stag gis yoṅs su gaṅ bar gyur kyaṅ | de dag gi śes rab kyis | byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i śes rab ñin gcig bsgoms pa’i brgya’i char yaṅ ñe bar mi ’gro ba nas | (7) rgyu’i bar du yaṅ mi bzod do ||
ś ri’i bu stoṅ gsum gyi stoṅ chen po’i ’jig rten kyi khams ’di ś ri’i bu daṅ | mo.oda gal gyi bu lta bu’i dge sloṅ śa stag gis yoṅs su gaṅ ba lta yaṅ źog gi ||
ś ri’i bu gal te śar phyogs kyi ’jig rten gyi khams gaṅ g’i kluṅ gi bye (25b1) ma sñed dag ś ri’i bu daṅ | mo.oda gal gyi bu lta bu’i dge sloṅ śa stag gis yoṅs su gaṅ bar gyur ciṅ | de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi ’jig rten gyi (2) khams gaṅ g’i kluṅ gi bye ma sñed dag ś ri’i bu daṅ | mo.oda gal gyi bu lta bu’i dge sloṅ śa stag gis yoṅs su gaṅ bar gyur kyaṅ | de dag gi śes rab kyis | byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i śes rab ñin gcig (3) bsgoms pa gaṅ yin pa de’i brgya’i char yaṅ ñe bar mi ’gro ba nas | rgyu’i bar du yaṅ mi bzod do ||
de nas bcom ldan ’das la tshe daṅ ldan pa ś ri’i bus | ’di skad ces gsol to ||
bcom ldan ’das ñan thos rgyun tu źugs pa rnams daṅ | lan cig phyir ’oṅ ba (4) rnams daṅ | phyir mi ’oṅ ba rnams daṅ | dgra bcom pa rnams kyi śes rab gaṅ lags pa daṅ | raṅ saṅs rgyas rnams daṅ | byaṅ chub sems dpa’ rnams daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi śes rab (5) gaṅ lags pa’i śes rab de dag thams cad ni tha dad pa ma lags pa | dben pa | ma skyes pa ṅo bo ñid kyis stoṅ pa lags te | bcom ldan ’das tha dad pa ma lags śiṅ | dben la ma skyes pa | raṅ bźin gyis stoṅ pa la ni tha daṅ du dbye ba ’am | khyad par mi (6) dmigs lags na | bcom ldan ’das ji ltar byaṅ chub sems dpa’ sems dpa’ chen po’i śes rab gdugs gcig bsgoms pa gaṅ lags pa des ñan thos daṅ | raṅ saṅs rgyas thams cad kyi śes rab zil gyis gnon par ’gyur ba lags | de skad ces (7) gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu ’di ji sñam du sems | byaṅ chub sems dpa’ sems dpa’ chen po śes rab kyi pha rol tu phyin pa la spyod pa rnam pa thams cad kyi mchog daṅ ldan pa | (26a1) rnam pa thams cad mkhyen pa ñid la spyod pa | sems can thams cad kyi don byed pas bdag gis | chos thams cad rnam pa thams cad du mṅon par rdzogs par byaṅ chub par byas la | sems can thams cad yoṅs su mya ṅan las bzla’o (2) źes ñin gcig bsgoms pa’i śes rab gaṅ gi don du ñe bar gnas pa ltar ñan thos daṅ | raṅ saṅs rgyas thams cad kyi śes rab ñe bar gnas pa yin sñama’ama | ś ri’i bus gsol pa | bcom ldan ’das de ni ma lags so ||
bcom ldan ’das kyis bka’ stsal pa | (3) ś ri’i bu ’di ji sñam du sems | ñan thos daṅ | raṅ saṅs rgyas thams cad ’di sñam du bdag cag gis bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par byas la sems can thams cad phuṅ po lhag ma med pa’i mya ṅan las ’das pa’i (4) dbyiṅs su yoṅs su mya ṅan las bzla’o sñam du sems sñam ’am | ś ri’i bus gsol pa | bcom ldan ’das de ni ma lags so ||
bcom ldan ’das kyis bka’ stsal pa | ś ri’i bu rnam graṅs des na | khyod kyis ’di ltar ñan thos daṅ raṅ saṅs rgyas thams (5) cad kyi śes rab gaṅ yin pa des ni byaṅ chub sems dpa’ sems dpa’ chen pos ñin gcig bsgoms pa’i śes rab kyi brgya’i char yaṅ ñe bar mi ’gro ba nas | rgyu’i bar du yaṅ mi bzod de | ñan thos daṅ | raṅ saṅs rgyas rnams kyi śes rab zil gyis gnon par rig par (6) bya’o ||
ś ri’i bu ’di ji sñam du sems | ñan thos daṅ | raṅ saṅs rgyas thams cad ’di sñam du bdag cag gis pha rol tu phyin pa drug la spyad de | sems can rnams yoṅs su smin par byas la | saṅs rgyas kyi źiṅ yoṅs su dag par byas te | de bźin (7) gśegs pa’i stobs bcu yoṅs su rdzogs par byas la | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad yoṅs su rdzogs par byas te | bla na med pa yaṅ dag par rdzogs pa’i byaṅ chub mṅon par (26b1) rdzogs par saṅs rgyas nas | sems can dpag tu med graṅs med tshaṅ med pa rnams yoṅs su mya ṅan las bzla bar bya’o sñam du sems sñam ’am | ś ri’i bus gsol pa | bcom ldan ’das de ni ma lags so ||
bcom ldan ’das kyis bka’ stsal pa | (2) ś ri’i bu byaṅ chub sems dpa’ sems dpa’ chen po ni ’di sñam du sems te | bdag gis pha rol tu phyin pa drug la spyad de | sems can rnams yoṅs su smin par byas la | saṅs rgyas kyi źiṅ yoṅs su dag par byas te | de bźin gśegs pa’i stobs bcu yoṅs (3) su rdzogs par byas la | mi ’jigs pa bźi daṅ | so so yaṅ dag par rig pa bźi daṅ | saṅs rgyas rgyas kyi chos ma ’dres pa bcwa brgyad yoṅs su rdzogs par byas te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | sems (4) can dpag tu med graṅs med tshad med pa rnams yoṅs su mya ṅan las bzla’o sñam du sems so ||
ś ri’i bu ’di lta ste dper na | srog chags kyi rigs srin bu me khyer ni ’di sñam du bdag gi ’od kyis ’dzam bu’i gliṅ snaṅ bar bya źiṅ | bdag gi ’od kyis ’dzam bu’i gliṅ (5) khyab par bya’o sñam du mi sems so ||
ś ri’i bu de bźin du ñan thos daṅ | raṅ saṅs rgyas thams cad kyaṅ ’di sñam du bdag cag gis pha rol tu phyin pa drug la spyad de | sems can rnams yoṅs su smin par byas la | saṅs rgyas kyi źiṅ yoṅs su dag par byas (6) te | de bźin gśegs pa’i stobs bcu yoṅs su rdzogs par byas la | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad yoṅs su rdzogs par byas te | bla na med pa yaṅ dag par rdzogs pa’i byaṅ chub (7) mṅon par rdzogs par saṅs rgyas nas | sems can dpag tu med graṅs med tshad med pa rnams yoṅs su mya ṅan las bzla bar bya’o sñam du mi sems so ||
ś ri’i bu ’di lta ste dper na | ñi ma’i dkyil ’khor śar bas ni ’dzam bu’i gliṅ thams cad snaṅ bas khyab (27a1) par byed ciṅ | ’dzam bu’i gliṅ thams cad snaṅ bas gsal bar byed do ||
ś ri’i bu de bźin du byaṅ chub sems dpa’ sems dpa’ chen po yaṅ pha rol tu phyin pa drug la spyad de | sems can rnams yoṅs su smin par byas la | saṅs rgyas kyi źiṅ yaṅ (2) yoṅs su dag par byas te | de bźin gśegs pa’i stobs bcu yoṅs su rdzogs par byas la | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad yoṅs su rdzogs par byas te | bla na med pa yaṅ dag par (3) rdzogs pa’i byaṅ chub mṅon par rdzogs par saṅs rgyas nas | sems can dpag tu med graṅs med tshad med pa rnams yoṅs su mya ṅan las ’da’ bar byed do ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
(4) bcom ldan ’das ji ltar na byaṅ chub sems dpa’ sems dpa’ chen po ñan thos daṅ | raṅ saṅs rgyas kyi sa las śin tu ’da’ źiṅ | phyir mi ldog pa’i byaṅ chub sems dpa’i sa thob pa daṅ | byaṅ chub kyi lam yoṅs su sbyoṅ ba lags | de skad ces gsol pa (5) daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu ’di la byaṅ chub sems dpa’ sems dpa’ chen po sems daṅ po bskyed phyin chad | pha rol tu phyin pa drug la spyod ciṅ | stod pa ñid daṅ mtshan ma med pa daṅ | smon pa (6) med pa’i chos rnams la gnas te | ñan thos daṅ | raṅ saṅs rgyas kyis las śin tu ’das nas | phyir mi ldog pa’i byaṅ chub sems dpa’i sa ’thob bo ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
(7) bcom ldan ’das byaṅ chub sems dpa’ sems dpa’ chen pos gaṅ la gnas na | ñan thos daṅ | raṅ saṅs rgyas thams cad kyi sbyin pa’i gnas su ’gyur ba lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces (27b1) bka’ stsal to ||
ś ri’i bu sems daṅ po bskyed phyin chad | byaṅ chub sems dpa’ sems dpa’ chen po pha rol tu phyin pa drug la spyod pa nas | byaṅ chub kyi sñiṅ po la ’dug gi bar gyi byaṅ chub sems dpa’ sems dpa’ chen po ni rtag par rgyun tu ñan thos daṅ | (2) raṅ saṅs rgyas thams cad kyi sbyin pa’i.o gnas su gyur pa yin no ||
de ci’i phyir źe na | ś ri’i bu ’di ltar byaṅ chub sems dpa’ sems dpa’ chen po la brten nas dge ba’i chos thams cad ’jig rten du ’byuṅ bar ’gyur ba’i phyir te | ’di lta ste dge ba bcu’i (3) las kyi lam rnams daṅ | yan lag lṅa daṅ ldan pa’i tshul khrims daṅ | yan lag brgyad daṅ ldan pa’i tshul khrims daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | ’phags pa’i bden pa bźi (4) daṅ | dran pa ñe bar gźag pa bźi daṅ | yaṅ dag pa’i spoṅ pa bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa ’jig rten du ’byuṅ bar ’gyur ro ||
pha rol tu (5) phyin pa drug daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad kyi bar du ’jig rten du ’byuṅ bar ’gyur ro ||
dge (6) ba’i chos de dag ’jig rten du byuṅ bas | rgyal rigs śiṅ s la chen po lta bu dag ’jig rten na yod pa yin | bram ze’i rigs śiṅ s la chen po lta bu dag yod pa yin | khyim bdag gi rigs śiṅ s la chen po lta bu dag yod pa yin | rgyal chen bźi’i ris kyi lha (7) rnams daṅ | sum cu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs pa’i mdun na ’don daṅ | tshaṅs ris daṅ | tshaṅs ’khor daṅ | ’od chuṅ daṅ | tshad med ’od daṅ | ’od gsal daṅ | dge (28a1) mched daṅ | rnam śes mtha’ yas skye mched daṅ | ci yaṅ med pa’i skye mched daṅ | ’du śes med ’du śes med min skye mched kyi lha rnams yod pa yin no ||
rgyun tu źugs pa rnams ’jig rten du byuṅ ba yin | lan cig phyir ’oṅ ba rnams daṅ | phyir mi ’oṅ ba (2) mched daṅ | rnam śes mtha’ yas skye mched daṅ | ci yaṅ med pa’i skye mched daṅ | ’du śes med ’du śes med min skye mched kyi lha rnams yod pa yin no ||
rgyun tu źugs pa rnams ’jig rten du byuṅ ba yin | lan cig phyir ’oṅ ba rnams daṅ | phyir mi ’oṅ ba (3) rnams daṅ | dgra bcom pa rnams daṅ | raṅ saṅs rgyas rnams daṅ | byaṅ chub sems dpa’ sems dpa’ chen po rnams daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams ’jig rten du ’byuṅ ba yin no ||
ś ri’i bus gsol (4) pa | bcom ldan ’das ci byaṅ chub sems dpa’ sems dpa’ chen po sbyin pa yoṅs su sbyoṅ bar bgyid dam | ’on te mi bgyid lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po ni rnam graṅs kyis sbyin pa yoṅs su sbyoṅ (5) bar byed do ||
de ci’i phyir źe na | ś ri’i bu byaṅ chub sems dpa’ sems dpa’ chen po’i sbyin pa ni śin tu rnam par dag pa ñid kyi phyir ro ||
ś ri’i bu ’di ltar byaṅ chub sems dpa’ sems dpa’ chen po ni sbyin pa po yin te | ci źig gi sbyin pa po yin źe na | dge ba’i (6) chos rnams kyi sbyin pa po yin no ||
dge ba’i chos gaṅ dag gi sbyin pa po yin źe na | ’di lta ste dge ba bcu’i las kyi lam rnams daṅ | bslab pa’i gźi lṅa daṅ | yan lag brgyad daṅ ldan pa’i gso sbyoṅ daṅ | saṅs rgyas kyi chos ma ’dres pa bcwa brgyad kyi bar dag gi sbyin pa (7) po yin no ||
ś ri’i bus gsol pa | bcom ldan ’das byaṅ chub sems dpa’ sems dpa’ chen pos ji ltar śes rab kyi pha rol tu phyin pa la brtson par bgyis na | brtson źes bgyi ba lags | bcom ldan ’das kyis bka’ stsal pa | ś ri’i bu ’di las byaṅ chub (28b1) sems dpa’ sems dpa’ chen po gzugs kyi stoṅ pa ñid la brtson na brtson źes bya’o ||
de bźin du tshor ba’i stoṅ pa ñid daṅ | ’du śes kyi stoṅ pa ñid daṅ | ’du byed rnams kyi stoṅ pa ñid daṅ | rnam par śes pa’i stoṅ pa ñid la brtson na brtson źes bya’o ||
ś ri’i (2) bu gźan yaṅ byaṅ chub sems dpa’ sems dpa’ chen po mig gi stoṅ pa ñid la brtson na brtson źes bya’o ||
de bźin du rna ba daṅ | sna daṅ | lce daṅ | lus daṅ | yid kyi stoṅ pa ñid la brtson na brtson źes bya’o ||
gzugs kyi stoṅ pa ñid la brtson na brtson źes bya’o ||
de (3) bźin du sgra daṅ | dri daṅ | ro daṅ | reg bya daṅ | chos kyi stoṅ pa ñid la brtson na brtson źes bya’o ||
mig gi rnam par śes pa’i khams kyi stoṅ pa ñid la brtson na brtson źes bya’o ||
rna pa’i rnam par śes pa’i khams daṅ | sna’i rnam par śes pa’i khams daṅ | (4) lce’i rnam par śes pa’i khams daṅ | lus kyi rnam par śes pa’i khams daṅ | yid kyi rnam par śes pa’i khams kyi stoṅ pa ñid la brtson na brtson źes bya’o ||
sdug bsṅal gyi stoṅ pa ñid la brtson na brtson źes bya’o ||
kun ’byuṅ ba daṅ | ’gog pa daṅ | lam gyi (5) stoṅ pa ñid la brtson na brtson źes bya’o ||
ma rig pa’i stoṅ pa ñid la brtson na brtson źes bya’o ||
’du byed daṅ | rnam par śes pa daṅ | miṅ daṅ | gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | (6) skye ba daṅ | rga śi’i stoṅ pa ñid la brtson na brtson źes bya’o ||
chos thams cad kyi stoṅ pa ñid la brtson na brtson źes bya’o ||
’dus byas daṅ | ’dus ma byas kyi chos kyi stoṅ pa ñid la brtson na brtson źes bya’o ||
ś ri’i bu gźan yaṅ byaṅ chub sems dpa’ sems (7) dpa’ chen po śes rab kyi pha rol tu phyin pa la spyod pa raṅ bźin gyis stoṅ pa ñid la brtson na brtson źes bya’o ||
ś ri’i bu byaṅ chub sems dpa’ sems dpa’ chen po de ltar śes rab kyi pha rol tu phyin pa la spyod pa stoṅ pa ñid bdun po ’di dag gis brtson na brtson źes bya’o ||
(29a1) byaṅ chub sems dpa’ de stoṅ pa ñid bdun po de dag gis śes rab kyi pha rol tu phyin pa la spyod pa’i tshe | re źig brtson źe ’am mi brtson źes mi brjod do ||
de ci’i phyir źe na | ’di ltar des gzugs skye ba’i chos can nam ’gag pa’i chos can du yaṅ dag (2) par rjes su mi mthoṅ ṅo ||
tshor ba daṅ | ’du śes daṅ | ’du byed rnams daṅ | rnam par śes pa skye ba’i chos can nam ’gag pa’i chos can du yaṅ dag par rjes su mi mthoṅ ṅo ||
gzugs kun nas ñon moṅs pa’i chos can nam | rnam par byaṅ ba’i chos can du yaṅ (3) dag par rjes su mi mthoṅ ṅo ||
tshor ba daṅ | ’du śes daṅ | ’du byed rnams daṅ | rnam par śes pa kun nas ñon moṅs pa’i chos can nam | rnam par byaṅ ba’i chos can du yaṅ dag par rjes su mi mthoṅ ba’i phyir ro ||
ś ri’i bu gźan yaṅ byaṅ chub sems dpa’ (4) sems dpa’ chen po gzugs ni tshor ba daṅ lhan cig yaṅ dag par ’du ba źes bya bar yaṅ dag par rjes su mi mthoṅ ṅo ||
de bźin du tshor ba ni ’du śes daṅ | ’du śes ni ’du byed rnams daṅ | ’du byed rnams ni rnam par śes pa daṅ lhan cig yaṅ dag par ’du ba źes bya bar (5) yaṅ dag par rjes su mi mthoṅ ṅo ||
rnam par śes pa ni ’du byed rnams daṅ lhan cig yaṅ dag par ’du ba źes bya bar yaṅ dag par rjes su mi mthoṅ ba’o ||
de ci’i phyir źe na | raṅ bźin gyis stoṅ pa ñid kyi phyir | chos gaṅ yaṅ chos gaṅ daṅ yaṅ lhan cig yaṅ dag par (6) ’du ba med pa’i phyir ro ||
de ci’i phyir źe na | ś ri’i bu ’di ltar gzugs kyi stoṅ pa ñid gaṅ yin pa de ni gzugs ma yin | tshor ba daṅ | ’du śes daṅ | ’du byed rnams daṅ | rnam par śes pa’i stoṅ pa ñid gaṅ yin pa de ni | rnam par śes pa ma yin pa’i phyir ro ||
(7) de ci’i phyir źe na | ś ri’i bu ’di ltar gzugs kyi stoṅ pa ñid gaṅ yin pa de gzugs su yod pa ma yin | tshor ba’i stoṅ pa ñid gaṅ yin pa de tshor bar byed pa ma yin | ’du śes kyi stoṅ pa ñid gaṅ yin pa de kun tu śes par byed pa ma yin | ’du byed rnams kyi stoṅ pa ñid (29b1) gaṅ yin pa de mṅon par ’du byed pa ma yin | rnam par śes pa’i stoṅ pa ñid gaṅ yin pa de rnam par śes par byed pa ma yin pa’i phyir ro ||
de ci’i phyir źe na | ś ri’i bu ’di ltar gzugs kyaṅ gźan ma yin la | stoṅ pa ñid kyaṅ gźan ma yin | stoṅ pa ñid kyaṅ gźan (2) ma yin la | gzugs kyaṅ gźan ma yin te | gzugs ñid stoṅ pa ñid yin la | stoṅ pa ñid kyaṅ gzugs yin | de bźin du tshor ba yaṅ gźan ma yin la | stoṅ pa ñid kyaṅ gźan ma yin | ’du śes kyaṅ gźan ma yin la | stoṅ pa ñid kyaṅ gźan ma yin | (3) ’du byed rnams kyaṅ gźan ma yin la | stoṅ pa ñid kyaṅ gźan ma yin | rnam par śes pa yaṅ gźan ma yin la | stoṅ pa ñid kya ṅa gźan ma yin te | rnam par śes pa ñid stoṅ pa ñid yin la | stoṅ pa ñid kyaṅ rnam par śes pa yin pa’i phyir ro ||
de ci’i phyir źe na | ś (4) ri’i bu stoṅ pa ñid gaṅ yin pa de ni mi skye mi ’gag ciṅ | kun nas ñon moṅs pa med | rnam par byaṅ ba med la | ’grib pa med ciṅ | ’phel pa med pa ste | de ni ’das pa yaṅ ma yin | ma ’oṅs pa yaṅ ma yin | da ltar byuṅ ba yaṅ ma yin pa’i phyir ro ||
’di ’dra ba gaṅ (5) yin pa de la ni gzugs med do ||
rnam par śes pa med do ||
nam mkha’i khams med do ||
rnam (6) par śes pa’i khams med do ||
mig gi skye mched med do ||
gzugs kyi skye mched med do ||
rna ba’i skye mched med do ||
sgra’i skye mched med do ||
sna’i skye mched med do ||
dri’i skye mched med do ||
lce’i skye mched med do ||
ro’i skye mched med do ||
lus kyi skye mched (7) med do ||
reg bya’i skye mched med do ||
yid kyi skye mched med do ||
chos kyi skye mched med do ||
gzugs kyi khams med do ||
mig gi rnam par śes pa’i khams med do ||
rna ba’i (30a1) rnam par śes pa’i khams med do ||
sna’i rnam par śes pa’i khams med do ||
lce’i rnam par śes pa’i khams med do ||
reg bya’i khams (2) med do ||
lus kyi rnam par śes pa’i khams med do ||
yid kyi rnam par śes pa’i khams med do ||
ma rig pa ’gag pa med do ||
’du byed ’gag pa med do ||
rnam par (3) śes pa med do ||
rnam par śes pa ’gag pa med do ||
miṅ daṅ gzugs ’gag pa med do ||
skye mched drug med do ||
skye mched drug ’gag pa med do ||
tshor ba ’gag pa (4) med do ||
sred pa ’gag pa med do ||
srid pa ’gag pa med do ||
skye ba ’gag pa med do ||
(5) kun ’byuṅ ba med do ||
mṅon par rtogs pa med do ||
rgyun tu źugs pa med do ||
rgyun tu źugs pa’i ’bras bu med do ||
lan cig phyir ’oṅ ba med do ||
lan cig phyir ’oṅ ba’i ’bras bu med do ||
phyir mi (6) ’oṅ ba med do ||
phyir mi ’oṅ ba’i ’bras bu med do ||
dgra bcom pa ñid med do ||
de la ni saṅs rgyas med do ||
’phags pa śes rab kyi pha rol tu phyin pa khri brgyad stoṅ pa | (7) bam po gsum pa | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni brtson pa źes bya ste | śes rab kyi pha rol tu phyin pa la spyod pa de gzugs la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
(30b1) tshor ba daṅ | ’du śes daṅ | ’du byed rnams daṅ | rnam par śes pa la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
mig la brtson źes bya ba ’am mi brtson źes bya bar yaṅ dag par rjes su mi mthoṅ ṅo ||
rna ba daṅ | sna daṅ | lce daṅ | (2) lus daṅ | yid la brtson źes bya ba’am mi brtson źes bya ba ra yaṅ dag par rjes su mi mthoṅ ṅo ||
gzugs la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
sgra daṅ | dri daṅ | ro daṅ | reg bya daṅ | chos rnams la brtson źes bya ba’am | (3) mi brtson źes bya bar yaṅ dag par rjes su mi mthoṅ ṅo ||
mig gi khams la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
gzugs kyi khams daṅ | mig gi rnam par śes pa’i khams daṅ | yid kyi khams kyi bar daṅ | chos kyi khams (4) daṅ | yid kyi rnam par śes pa’i khams la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
dran pa ñe bar gźag pa rnams la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
de bźin du yaṅ dag pa’i spoṅ ba daṅ | rdzu (5) ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
bden pa bźi la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
de bźin (6) gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | mṅon par śes pa lṅa daṅ | saṅs rgyas kyi chos ma ’dres pa bcwa brgyad la brtson źes bya ba ’am mi brtson źes bya bar yaṅ dag par rjes su mi mthoṅ ṅo ||
rnam pa thams cad mkhyen pa ñid (7) kyi ye śes rnam pa thams cad kyi mchog daṅ ldan pa’i bar la brtson źes bya ba’am mi brtson źes bya bar yaṅ dag par rjes su mi mthoṅ ṅo ||
ś ri’i bu rnam graṅs des na | byaṅ chub sems dpa’ sems dpa’ chen po śes rab kyi pha rol tu phyin pa la de ltar brtson pa ni brtson pa źes bya (31a1) bar rig par bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni stoṅ pa ñid daṅ stoṅ pa ñid du sbyor bar mi byed | mi sbyor bar yaṅ mi byed de | stoṅ pa ñid kyi rnal ’byor daṅ yaṅ ma yin no ||
mtshan ma (2) med pa daṅ | mtshan ma med par sbyor bar mi byed | mi sbyor bar yaṅ mi byed de | mtshan ma med pa’i rnal ’byor daṅ yaṅ ma yin no ||
smon pa med pa daṅ | smon pa med par sbyor bar mi byed | mi sbyor bar yaṅ mi byed de | smon pa med pa’i rnal ’byor daṅ yaṅ ma yin no ||
de (3) ci’i phyir źe na | ’di ltar stoṅ pa ñid ni rnal ’byor yaṅ ma yin | rnal ’byor ma yin pa yaṅ ma yin źiṅ | de bźin du mtshan ma med pa daṅ smon pa med pa yaṅ rnal ’byor yaṅ ma yin | rnal ’byor ma yin pa yaṅ ma yin pa’i phyir ro ||
ś ri’i bu de ltar brtson pa’i byaṅ chub sems (4) dpa’ sems dpa’ chen po ni | śes rab kyi pha rol tu phyin pa la brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni chos rnams kyi raṅ gi mtshan ñid stoṅ pa ñid la ’jug ste | de ltar ’jug pa na gzugs (5) la sbyor bar mi byed | mi sbyor bar yaṅ mi byed do ||
tshor ba daṅ | ’du śes daṅ | ’du byed rnams daṅ | rnam par śes pa la sbyor bar mi byed mi sbyor bar yaṅ mi byed do ||
gzugs daṅ sṅon gyi mthar sbyor bar mi byed de | ’di ltar sṅon gyi mtha’ ñid kyaṅ yaṅ dag par rjes su (6) mi mthoṅ ṅo ||
gzugs daṅ phyi ma’i mthar sbyor bar mi byed de | ’di ltar phyi ma’i mtha’ ñid kyaṅ yaṅ dag par rjes su mi mthoṅ ṅo ||
gzugs daṅ da ltar byuṅ bar sbyor bar mi byed de | ’di ltar da ltar byuṅ ba ñid kyaṅ yaṅ dag par rjes su mi mthoṅ ṅo ||
de bźin du tshor ba daṅ | (7) ’du śes daṅ | ’du byed rnams daṅ | rnam par śes pa daṅ sṅon gyi mthar sbyor bar mi byed de | ’di ltar sṅon gyi mtha’ ñid kyaṅ yaṅ dag par rjes su mi mthoṅ ṅo ||
rnam par śes pa daṅ phyi ma’i mthar sbyor bar mi byed de | ’di ltar phyi ma’i mtha’ ñid kyaṅ yaṅ dag par (31b1) rjes su mi mthoṅ ṅo ||
rnam par śes pa daṅ | da ltar byuṅ bar sbyor bar mi byed de | ’di ltar da ltar byuṅ ba ñid kyaṅ yaṅ dag par rjes su mi mthoṅ ṅo ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni dus gsum mñam (2) pa ñid kyi phyir | sṅon gyi mtha’ daṅ | phyi ma’i mthar sbyor bar mi byed de | phyi ma’i mtha’ daṅ | sṅon gyi mthar sbyor bar mi byed do ||
da ltar byuṅ ba daṅ | sṅon gyi mtha’ ’am phyi ma’i mthar sbyor bar mi byed de | sṅon gyi mtha’ ’am | phyi ma’i mtha’ daṅ | da ltar byuṅ bar sbyor (3) bar mi byed do ||
ś ri’i bu de ltar brtson pa’i byaṅ chub sems dpa’ sems dpa’ chen po ni śes rab kyi pha rol tu phyin pa la brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni ’di ltar brtson par byed (4) de | ji ltar brtson par byed na | rnam pa thams cad mkhyen pa ñid daṅ ’das par sbyor bar mi byed de | ’das pa ñid kyaṅ yaṅ dag par rjes su mi mthoṅ na | rnam pa thams cad mkhyen pa ñid ’das pa daṅ sbyor bar ji ltar ’gyur | rnam pa thams cad mkhyen pa ñid daṅ ma (5) ’oṅs par sbyor bar mi byed de | ma ’oṅs pa ñid kyaṅ yaṅ dag par rjes su mi mthoṅ na | rnam pa thams cad mkhyen pa ñid ma ’oṅs pa daṅ sbyor bar ji ltar ’gyur | rnam par thams cad mkhyen pa ñid daṅ da ltar byuṅ bar sbyor bar mi byed de | da ltar byuṅ ba ñid kyaṅ yaṅ dag (6) par rjes su mi mthoṅ na | rnam pa thams cad mkhyen pa ñid da ltar byuṅ ba daṅ sbyor bar lhag la ’gyur te | ś ri’i bu de ltar spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la brtson pa źes bya’o ||
ś ri’i bu gźan yaṅ byaṅ chub (7) sems dpa’ sems dpa’ chen po śes rab kyi pha rol tu phyin pa la spyod pa ni | gzugs daṅ rnam pa thams cad mkhyen pa ñid du sbyor bar mi byed de | gzugs ñid kyaṅ yaṅ dag par rjes su mi mthoṅ ṅo ||
de bźin du tshor ba daṅ | ’du śes daṅ | ’du byed rnams daṅ | (32a1) rnam par śes pa daṅ rnam pa thams cad mkhyen pa ñid du sbyor bar mi byed de | rnam par śes pa ñid kyaṅ yaṅ dag par rjes su mi mthoṅ ṅo ||
de bźin du mig daṅ rnam pa thams cad mkhyen pa ñid du sbyor bar mi byed de | mi gñid kyaṅ yaṅ dag par rjes su mi mthoṅ (2) ṅo ||
rna ba daṅ | sna daṅ | lce daṅ | lus daṅ | yid daṅ | rnam pa thams cad mkhyen pa ñid du sbyor bar mi byed de | yid ñid kyaṅ yaṅ dag par rjes su mi mthoṅ ṅo ||
gzugs daṅ rnam pa thams cad mkhyen pa ñid du sbyor bar mi byed de | gzugs ñid kyaṅ yaṅ dag par rjes su (3) mi mthoṅ ṅo ||
de bźin du sgra daṅ | dri daṅ | ro daṅ | reg bya daṅ | chos rnams daṅ | rnam pa thams cad mkhyen pa ñid du sbyor bar mi byed de | chos ñid kyaṅ yaṅ dag par rjes su mi mthoṅ ṅo ||
ś ri’i bu de ltar brtson pa’i byaṅ chub sems dpa’ sems dpa’ chen po ni śes rab (4) kyi pha rol tu phyin pa la brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | sbyin pa’i pha rol tu phyin pa daṅ | rnam pa thams cad mkhyen pa ñid du sbyor bar mi byed de | sbyin pa’i pha rol tu phyin pa ñid kyaṅ yaṅ (5) dag par rjes su mi mthoṅ ṅo ||
de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | rnam pa thams cad mkhyen pa ñid du sbyor bar mi byed de | (6) śes rab kyi pha rol tu phyin pa ñid kyaṅ yaṅ dag par rjes su mi mthoṅ ṅo ||
dran pa ñe bar gźag pa rnams daṅ | rnam pa thams cad mkhyen pa ñid du sbyor bar mi byed de | dran pa ñe bar gźag pa rnams ñid kyaṅ yaṅ dag par rjes su mi mthoṅ ṅo ||
de bźin du yaṅ dag pa’i spoṅ ba rnams daṅ | (7) rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | mṅon (32b1) par śes la lṅa daṅ | saṅs rgyas kyi chos ma ’dres pa bcwa brgyad daṅ | rnam pa thams cad mkhyen pa ñid du sbyor bar mi byed de | saṅs rgyas kyi chos ma ’dres pa rnams ñid kyaṅ dag par rjes su mi mthoṅ ṅo ||
ś ri’i bu de ltar brtson pa’i byaṅ chub sems dpa’ sems dpa’ chen po (2) ni śes rab kyi pha rol tu phyin pa la brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | saṅs rgyas daṅ | rnam pa thams cad mkhyen pa ñid du sbyor bar mi byed | rnam pa thams cad mkhyen pa ñid daṅ saṅs (3) rgyas su sbyor bar mi byed de | saṅs rgyas ñid kyaṅ yaṅ dag par rjes su mi mthoṅ ṅo ||
byaṅ chub daṅ | rnam pa thams cad mkhyen pa ñid du sbyor bar mi byed | rnam pa thams cad mkhyen pa ñid daṅ | byaṅ chub tu sbyor bar mi byed de | byaṅ chub ñid kyaṅ yaṅ dag par rjes su mi mthoṅ ṅo ||
(4) de ci’i phyir źe na | saṅs rgyas ñid kyaṅ rnam pa thams cad mkhyen pa ñid yin | rnam pa thams cad mkhyen pa ñid kyaṅ saṅs rgyas yin | byaṅ chub ñid kyaṅ rnam pa thams cad mkhyen pa ñid yin | rnam pa thams cad mkhyen pa ñid kyaṅ byaṅ chub yin pa’i phyir ro ||
ś ri’i bu byaṅ chub (5) sems dpa’ sems dpa’ chen po śes rab kyi pha rol tu phyin pa la de ltar spyod pa ni brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni gzugs ’byuṅ ṅo źes bya bar mi sbyor ro ||
gzugs ’jig go źes (6) bya bar mi sbyor ro ||
de bźin du tshor daṅ | ’du śes daṅ | ’du byed rnams daṅ | rnam par śes pa ’byuṅ ṅo źes bya bar mi sbyor ro ||
rnam par śes pa ’jig go źes bya bar mi sbyor ro ||
gzugs rtag ces bya bar mi sbyor ro ||
gzugs mi rta gces bya bar mi sbyor ro ||
(7) tshor ba daṅ | ’du śes daṅ | ’du byed rnams daṅ | rnam par śes pa rtag ces bya bar mi sbyor ro ||
rnam par śes pa mi rtag ces bya bar mi sbyor ro ||
gzugs bde źes bya bar mi sbyor ro ||
gzugs sdug bsṅal źes bya bar mi sbyor ro ||
de bźin du tshor ba daṅ | ’du śes (33a1) daṅ | ’du byed rnams daṅ | rnam par śes pa bde źes bya bar mi sbyor ro ||
rnam par śes pa sdug bsṅal źes bya bar mi sbyor ro ||
gzugs bdag ces bya bar mi sbyor ro ||
gzugs bdag med ces bya bar mi sbyor ro ||
tshor ba daṅ | ’du śes daṅ | (2) ’du byed rnams daṅ | rnam par śes pa bdag ces bya bar mi sbyor ro ||
rnam par śes pa bdag med ces bya bar mi sbyor ro ||
gzugs źi źes bya bar mi sbyor ro ||
gzugs ma źi źes bya bar mi sbyor ro ||
tshor ba daṅ | ’du śes daṅ | ’du byed rnams daṅ | rnam par (3) śes pa źi źes bya bar mi sbyor ro ||
rnam par śes pa ma źi źes bya bar mi sbyor ro ||
gzugs stoṅ źes bya ba’am mi stoṅ źes bya bar mi sbyor ro ||
tshor ba daṅ | ’du śes daṅ | ’du byed rnams daṅ | rnam par śes pa stoṅ źes bya ba ’am mi stoṅ źes bya bar mi sbyor ro ||
(4) gzugs mtshan ma yod ces bya ba mtshan ma med ces bya bar mi sbyor ro ||
tshor ba daṅ | ’du śes daṅ | ’du byed rnams daṅ | rnam par śes pa mtshan ma yod ces bya ba ’am mtshan ma med ces bya bar mi sbyor ro ||
gzugs smon pa yod ces bya ba’am smon pa med ces bya (5) bar mi sbyor ro ||
tshor ba daṅ | ’du śes daṅ | ’du byed rnams daṅ | rnam par śes pa smon pa yod ces bya ba’am smon pa med ces bya bar mi sbyor ro ||
gzugs skye źes bya ba’am gag ces bya bar mi sbyor ro ||
de bźin du tshor ba daṅ | ’du śes daṅ | ’du byed rnams daṅ | (6) rnam par śes pa skye źes bya ba ’am ’gag ces bya bar mi sbyor ro ||
gzugs ’das pa źas bya bar mi sbyor ro ||
gzugs ma ’oṅs pa źes bya bar mi sbyor ro ||
gzugs da ltar byuṅ ba źes bya bar mi sbyor ro ||
de bźin du tshor ba daṅ | ’du śes daṅ | ’du byed rnams daṅ | rnam (7) par śes pa ’das pa źes bya bar mi sbyor ro ||
rnam par śes pa ma ’oṅs pa źes bya bar mi sbyor ro ||
rnam par śes pa da ltar byuṅ ba źes bya bar mi sbyor ro ||
gzugs sñiṅ po can źes bya ba’am ñam chuṅ ba źes bya bar mi sbyor ro ||
de bźin du tshor ba daṅ | ’du śes daṅ | ’du (33b1) byed rnams daṅ | rnam par śes pa sñiṅ po can źes bya ba’am ñam chuṅ ba źes bya bar mi sbyor ro ||
gzugs yod do źes bya ba’am med do źes bya bar mi sbyor ro ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yod do źes bya ba’am med do źes (2) bya bar mi sbyor ro ||
gaṅ de ltar spyod pa de śes rab kyi pha rol tu phyin pa la spyod ces bya bar khas mi len | mi spyod ces bya bar khas mi len | spyod kyaṅ spyod la | mi spyod kyaṅ mi spyod ces bya bar khas mi len | spyod pa yaṅ ma yin | mi spyod pa yaṅ ma yin źes bya bar khas mi len te | (3) ś ri’i bu de ltar spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | sbyin pa’i pha rol tu phyin pa’i ched du śes rab kyi pha (4) rol tu phyin pa la mi spyod do ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i ched du śes rab kyi pha rol tu phyin pa la mi spyod do ||
phyir mi (5) ldog pa’i sa’i ched du śes rab kyi pha rol tu phyin pa la mi spyod do ||
sems can yoṅs su smin par bya ba’i ched daṅ | saṅs rgyas kyi źiṅ yoṅs su dag par bya ba’i cheṅ daṅ | de bźin gśegs pa’i stobs bcu’i ched daṅ | mi ’jigs pa bźi’i ched daṅ | so so yaṅ dag par (6) rig pa bźi’i ched daṅ | saṅs rgyas kyi chos ma ’dres pa bcwa brgyad kyi ched du śes rab kyi pha rol tu phyin pa la mi spyod do ||
nad stoṅ pa ñid kyi ched du śes rab kyi pha rol tu phyin pa la mi spyod do ||
phyi stoṅ pa ñid daṅ | phyi naṅ stoṅ pa ñid daṅ | stoṅ pa ñid stoṅ pa ñid daṅ | chen po stoṅ pa (7) ñid daṅ | don dam pa stoṅ pa ñid daṅ | ’dus byas stoṅ pa ñid daṅ | ’dus ma byas stoṅ pa ñid daṅ | mtha’ las ’das pa stoṅ pa ñid daṅ | thog ma daṅ tha ma med pa stoṅ pa ñid daṅ | dor ba med pa stoṅ pa ñid daṅ | raṅ bźin gyis stoṅ pa ñid daṅ | raṅ gi mtshan ñid stoṅ pa ñid daṅ | (34a1) chos thams cad stoṅ pa ñid daṅ | skye ba med pa stoṅ pa ñid daṅ | dṅos po med pa stoṅ pa ñid daṅ | ṅo bo ñid stoṅ pa ñid daṅ | dṅos po med pa’i ṅo bo ñid stoṅ pa ñid kyi ched du śes rab kyi pha rol tu phyin pa la mi spyod do ||
de bźin ñid daṅ | chos kyi dbyiṅs daṅ | (2) yaṅ dag pa’i mtha’i ched du śes rab kyi pha rol tu phyin pa la mi spyod do ||
de ci’i phyir źe na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | chos gaṅ la yaṅ tha dad par yaṅ dag par rjes su mi mthoṅ ba’i phyir te | ś ri’i bu de ltar spyod (3) pa’i byaṅ chub sems dpa’ sems dpa’ chen po ni śes rab kyi pha rol tu phyin pa la brtson pa źes bya’o ||
de lha’i mig gi ched du śes rab kyi pha rol tu phyin pa la mi spyod do ||
lha’i rna ba daṅ | pha rol gyi sems śes pa daṅ | sṅon gyi gnas rjes su dran pa daṅ | rdzu ’phrul gyi yul (4) gyi ched du śes rab kyi pha rol tu phyin pa la mi spyod do ||
de ci’i phyir źe na | ’di ltar śes rab kyi pha rol tu phyin pa la spyod pa de śes rab kyi pha rol tu phyin pa ñid kyaṅ yaṅ dag par rjes su mi mthoṅ na | byaṅ chub sems dpa’ lta ci smos te | rnam pa thams cad du mṅon par śes pa thams cad (5) lta ga la yod | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | ’di sñam du bdag gis lha’i (6) mig gis śar phyogs kyi ’jig rten gyi khams gaṅ g’i kluṅ gi bye ma sñed dag na ’khod pa’i sems can rnams kyi ’chi ’pho daṅ skye ba śes par bya’o ||
lha’i rna bas de dag gi sgra thos par bya’o ||
de dag gi sems rnams kyaṅ śes par bya’o ||
de dag gi sṅon gyi gnas rnams kyaṅ rjes su (7) dran par byas la | rdzu ’phrul gyis soṅ ste | chos bstan par bya’o ||
de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi ’jig rten gyi khams gaṅ g’i kluṅ gi (34b1) bye ma sñed dag na ’khod pa’i sems can rnams kyi ’chi ’pho daṅ | skye ba lha’i mig gis śes par bya’o ||
lha’i rna bas de dag gi sgra thos par bya’o ||
de dag gi sems rnams kyaṅ śes par bya’o ||
de dag gi sṅon gyi gnas rnams kyaṅ rjes su dran par byas la | rdzu ’phrul gyis (2) soṅ ste chos bstan par bya’o sñam du sems so ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni brtson pa źes bya’o ||
sems can dpag tu med graṅs med pa dag kyaṅ yoṅs su mya ṅan las ’da’ bar byed de | ś ri’i bu (3) byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa la ni bdud sdig can gyis kyaṅ glags mi rñed do ||
’jig rten pa’i ñon moṅs pa gaṅ ji sñed pa de dag thams cad kyaṅ rab tu bsal bar ’gyur ro ||
śar phyogs kyi ’jig rten gyi khams gaṅ g’i (4) kluṅ gi bye ma sñed dag na saṅs rgyas bcom ldan ’das gaṅ dag bźugs pa de dag daṅ lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi phyogs re re’i ’jig rten gyi khams gaṅ g’i kluṅ gi bye ma sñed dag na | (5) saṅs rgyas bcom ldan ’das gaṅ dag bźugs pa’i saṅs rgyas bcom ldan ’das de dag kyaṅ byaṅ chub sems dpa’ sems dpa’ chen po de la ñan thos kyis ’am | raṅ saṅs rgyas kyi sar ltuṅ du ’oṅ ṅo źes sruṅ ba mdzad do ||
rgyal chen bźi’i ris kyi lha rnams daṅ | sum cu rtsa (6) gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams daṅ | tshaṅs ris kyi lha rnams daṅ | ’og min gyi bar gyi lha gaṅ dag ’khod pa de dag kyaṅ byaṅ chub sems dpa’ sems dpa’ chen po de la la la źig bar chad byed (7) du ’oṅ ṅo źes sruṅ ba byed do ||
de la lus kyi skyon du bya ba gaṅ ci yod pa de dag kyaṅ tshe ’di ñid la thams cad kyi thams cad du med par ’gyur ro ||
de ci’i phyir źe na | ’di ltar byaṅ chub sems dpa’ sems dpa’ chen po de sems can thams cad la byams pas khyab par byed pa’i (35a1) phyir ro ||
ś ri’i bu de ltar spyod pa’i byaṅ chub sems dpa’ sems dpa’ chen po ni śes rab kyi pha rol tu pyin pa la brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa la ni gzuṅs kyi sgo (2) daṅ | tiṅ ṅe ’dzin gyi sgo dag kyaṅ tshegs chuṅ dus mṅon du ’gyur ro ||
skye ba’i gnas thams cad du yaṅ de bźin gśegs pa dgra bcom pa yaṅ dag par rdzogs pa’i saṅs rgyas rnams mñes par byed par ’gyur źiṅ | bla na med pa yaṅ dag par rdzogs pa’i byaṅ chub mṅon par rdzogs (3) par saṅs rgyas kyi bar du saṅs rgyas bcom ldan ’das de dag daṅ nam yaṅ ’bral bar mi ’gyur ro ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni brtson pa śes bya’o ||
ś ri’i gźan yaṅ byaṅ chub sems dpa’ sems (4) dpa’ chen po śes rab kyi pha rol tu phyin pa la spyod pa ni ’di sñam du gaṅ chos rnams daṅ ’du ba ’am | ’bral pa ’am | ’phrad pa’am | mi ’phrad par ’gyur ba’i chos ’ga’ źig yod dam sñam du mi sems so ||
de ci’i phyir źe na | ’di ltar des chos gaṅ ’du ba ’am | (5) ’bral ba ’am | ’phrad pa’am | mi ’phrad par ’gyur ba de yaṅ dag par rjes su mi mthoṅ ba’i phyir te | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni brtson pa ches bya’o ||
ś ri’i bu gźan yaṅ byaṅ chub sems dpa’ (6) sems dpa’ chen po śes rab kyi pha rol tu phyin pa la spyod pa ni ’di sñam du bdag gis myur du chos kyi dbyiṅs mṅon par rdzogs par rtogs par ’gyur ram | mṅon par rdzogs par rtogs par mi ’gyur sñam du mi sems so ||
de ci’i phyir źe na | chos kyi dbyiṅs kyis chos kyi (7) dbyiṅs mṅon par rdzogs par rtogs pa med pa’i phyir te | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la (35b1) spyod pa ni | chos kyi dbyiṅs la ma gtogs pa’i chos gaṅ yaṅ yaṅ dag par rjes su mi mthoṅ ṅo ||
chos kyi dbyiṅs daṅ chos tha dad du mi byed do ||
de yaṅ ’di sñam du chos kyi dbyiṅs ’di de ltar khoṅ du chud par ’gyur ram | khoṅ du chud par mi ’gyur sñam du mi sems te | (2) ’di ltar chos gaṅ gis chos gaṅ khoṅ du chud par ’gyur ba’i chos de yaṅ dag par rjes su mi mthoṅ ba’i phyir ro ||
’di ltar de chos kyi dbyiṅs stoṅ źes bya bar yaṅ mi sbyor | mi stoṅ źes bya bar yaṅ mi sbyor te | ś ri’i bu byaṅ chub sems dpa’ sems dpa’ chen po śes rab kyi (3) pha rol tu phyin pa la de ltar spyod pa ni brtson pa źes bya’o ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni gzugs daṅ stoṅ pa ñid du mi sbyor | stoṅ pa ñid daṅ gzugs su mi sbyor | de bźin du tshor ba daṅ | ’du (4) śes daṅ | ’du byed rnams daṅ | rnam par śes pa daṅ stoṅ pa ñid du mi sbyor | stoṅ pa ñid daṅ rnam par śes par mi sbyor ro ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | mig gi khams daṅ stoṅ pa ñid du mi (5) sbyor | stoṅ pa ñid daṅ mig gi khams su mi sbyor | gzugs kyi khams daṅ stoṅ pa ñid du mi sbyor | stoṅ pa ñid daṅ gzugs kyi khams su mi sbyor | mig gi rnam par śes pa’i khams daṅ stoṅ pa ñid du mi sbyor | stoṅ pa ñid daṅ mig gi rnam par śes pa’i khams su mi sbyor (6) ro ||
de bźin du rna ba’i khams daṅ | sgra’i khams daṅ | rna ba’i rnam par śes pa’i khams daṅ | sna’i khams daṅ | dri’i khams daṅ | sna’i rnam par śes pa’i khams daṅ | lce’i khams daṅ | ro’i khams daṅ | lce’i rnam par śes pa’i khams daṅ | lus (7) kyi khams daṅ | reg bya’i khams daṅ | lus kyi rnam par śes pa’i khams daṅ | yid kyi khams daṅ stoṅ pa ñid du mi sbyor | stoṅ pa ñid daṅ yid kyi khams su mi sbyor | chos kyi khams daṅ | stoṅ pa ñid du mi sbyor | stoṅ pa ñid daṅ chos kyi khams su mi sbyor | (36a1) yid kyi rnam par śes pa’i khams daṅ stoṅ pa ñid du mi sbyor | stoṅ pa ñid daṅ yid kyi rnam par śes pa’i khams su mi sbyor ro ||
de ci’i phyir źe na | ś ri’i bu ’di lta ste | stoṅ pa ñid kyi rnal ’byor ’di ni byaṅ chub sems dpa’ sems dpa’ chen po’i rnal ’byor dam (2) pa yin pa’i phyir ro ||
ś ri’i bu byaṅ chub sems dpa’ sems dpa’ chen po stoṅ pa ñid la spyod pa ni ñan thos kyis ’am | raṅ saṅs rgyas kyi sar mi ltuṅ la | saṅs rgyas kyi źiṅ yaṅ yoṅs su dag par byed | sems can rnams kyaṅ yoṅs su smin par byed ciṅ bla na med (3) pa yaṅ dag par rdzogs pa’i byaṅ chub kyaṅ myur du mṅon par rdzogs par ’tshaṅ rgya’o ||
ś ri’i bu rnal ’byor du bya ba gaṅ dag ci yaṅ ruṅ ste | de dag gi naṅ na śes rab kyi pha rol tu phyin pa’i rnal ’byor ni mchog ces bya’o ||
ltag na med pa źes bya’o ||
de ci’i phyir źe na | ’di lta ste | śes rab kyi pha rol tu phyin pa’i rnal ’byor ’di ni stoṅ pa ñid daṅ | mtshan ma med pa daṅ | smon pa med pa’i rnal ’byor te | bla na med pa’i rnal (5) ’byor yin pa’i phyir ro ||
ś ri’i bu de ltar brtson pa’i byaṅ chub sems dpa’ sems dpa’ chen po ni luṅ bstan pa’am | luṅ bstan pa daṅ ñe bar gyur par gzuṅ bar bya’o ||
ś ri’i bu de ltar brtson pa’i byaṅ chub sems dpa’ sems dpa’ chen po ni sems can dpag (6) tu med graṅs med tshad med pa rnams kyi don kyaṅ byed la | de ’di sñam du bdag la ni saṅs rgyas bcom ldan ’das rnams luṅ ston pa mdzad do ||
bdag ni luṅ bstan pa la ñe bar gyur to ||
bdag gis saṅs rgyas kyi źiṅ yaṅ yoṅs su dag par bya’o ||
bdag gis sems (7) can rnams yoṅs su smin par bya’o ||
bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas chos kyi ’khor lo bskor bar bya’o sñam du mi sems so ||
de ci’i phyir źe na | ’di ltar de chos kyi dbyiṅs la mtshan mar mi ’dzin ciṅ | chos kyi (36b1) dbyiṅs ma gtogs par gaṅ śes rab kyi pha rol tu phyin pa la spyod pa’am | gaṅ la saṅs rgyas bcom ldan ’das rnams kyis luṅ bstan par bya ba ’am | gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos gźan yaṅ yaṅ dag (2) par rjes su mi mthoṅ ba’i phyir ro ||
de ci’i phyir źe na | ’di ltar śes rab kyi pha rol tu phyin pa la spyod pa’i byaṅ chub sems dpa’ sems dpa’ chen po de la sems can gyi ’du śes mi ’byuṅ ba’i phyir ro ||
de ci’i phyir źe na | ’di ltar sems can gtan skye ba med ciṅ ’gag pa (3) med de | chos rnams kyi chos ñid skye ba daṅ ’gag pa med pa’i phyir ro ||
gaṅ la skye ba daṅ ’gag pa med pa de śes rab kyi pha rol tu phyin pa la spyod par yaṅ ji ltar ’gyur te | ś ri’i bu de ltar spyod pa’i byaṅ chub sems dpa’ sems dpa’ chen po ni sems can skye ba med pa daṅ | (4) ’gag pa med par śes rab kyi pha rol tu phyin pa la spyod pa yin | sems can stoṅ pa ñid du śes rab kyi pha rol tu phyin pa la spyod pa yin | sems can dmigs su med pa daṅ | sems can dben pa daṅ | sems can raṅ bźin med pa daṅ | sems can ṅo bo ñid med par śes rab kyi (5) pha rol tu phyin pa la spyod pa yin te | ś ri’i bu ’di lta ste | stoṅ pa ñid kyi rnal ’byor ’di ni byaṅ chub sems dpa’ sems dpa’ chen po rnams kyi rnal ’byor dam pa yin no ||
ś ri’i bu ’di ni byaṅ chub sems dpa’ sems dpa’ chen po śes rab kyi pha rol tu phyin pa la spyod (6) pa’i rnal ’byor te | des de las gźan pa’i rnal ’byor gaṅ yin pa rnams zil gyis mnan nas gnas so ||
ś ri’i bu rnal ’byor ’di la spyod pa’i byaṅ chub sems dpa’ sems dpa’ chen po ni de bźin gśegs pa’i stobs bcu mṅon par sgrub bo ||
mi ’jigs (7) pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad mṅon par sgrub bo ||
ś ri’i bu rnal ’byor ’di la gnas pa’i byaṅ chub sems dpa’ sems dpa’ chen po ni ser sna’i (37a1) sems mi bskyed do ||
’chal ba’i tshul khrims kyi sems daṅ | gnod sems kyi sems daṅ | le lo’i sems daṅ | rnam par g-yeṅ ba’i sems daṅ | ’chal pa’i śes rab kyi sems mi bskyed do ||
de skad ces bka’ stsal pa daṅ | bcom (2) ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu phyin pa’i rnal ’byor ’dis gnas pa de gaṅ nas śi ’phos te ’dir skyes pa lags | ’di nas śi ’phos nas ni gaṅ du (3) skye bar ’gyur ba lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu byaṅ chub sems dpa’ sems dpa’ chen po gaṅ śes rab kyi pha rol tu phyin pa’i rnal ’byor ’dis gnas pa de ni | saṅs rgyas kyi (4) źiṅ gźan gnas śi ’phos te ’dir skyes pa’am | dga’ ldan gyi lha’i ris dag nas śi ’phos te ’dir skyes pa’am | mi rnams kyi naṅ nas śi ’phos te | ’dir skyes par rig par bya’o ||
ś ri’i bu de la byaṅ chub sems dpa’ sems dpa’ chen po gaṅ saṅs rgyas kyi źiṅ (5) gźan dag nas śi ’phos te | ’dir skyes pa de ni | ’di lta ste | śes rab kyi pha rol tu phyin pa’i rnal ’byor ’di la myur bar rnal ’byor du sñoms par ’jug ste | tshe ’di brjes nas kyaṅ chos zab mo ’di mṅon du ’gyur źiṅ | phyis kyaṅ śes rab kyi pha rol tu phyin pa’i rnal ’byor (6) la sñoms par ’jug go ||
saṅs rgyas kyi źiṅ gaṅ daṅ | gaṅ dag na de bźin gśegs pa dgra bcom pa yaṅ dag par rdzogs pa’i saṅs rgyas rnams bźugs te | ’tsho źiṅ gźes pa de daṅ de dag tu yaṅ skye bar ’gyur źiṅ | de bźin gśegs pa de dag mñes par byed (7) par yaṅ ’gyur ro ||
ś ri’i bu de la byaṅ chub sems dpa’ sems dpa’ chen po gaṅ dga’ ldan gyi lha’i ris dag nas śi ’phos te | ’dir skyes pa de ni skye ba gcig gis thogs pa ste | de’i pha rol tu phyin pa drug ñams pa med pas na gzuṅs kyi sgo daṅ | tiṅ ṅe ’dzin gyi sgo thams (37b1) cad kyaṅ der ’dus śiṅ ñams pa med pa yin no ||
ś ri’i bu de la byaṅ chub sems dpa’ sems dpa’ chen po gaṅ mi rnams kyi naṅ nas śi ’phos te | mi ñid daṅ skal pa mñam par skyes pa ni | byaṅ chub sems dpa’ sems dpa’ chen po phyir mi ldog pa ma gtogs (2) par byaṅ chub sems dpa’ sems dpa’ chen po de’i dbaṅ po rnams rtul ba yin te | śes rab kyi pha rol tu phyin pa’i rnal ’byor ’di la yaṅ myur du sñoms par mi ’jug ciṅ | de la gzuṅs kyi sgo daṅ | tiṅ ṅe ’dzin gyi sgo rnams kyaṅ mṅon du mi ’gyur ro ||
ś ri’i bu (3) khyod ’di skad du byaṅ chub sems dpa’ sems dpa’ chen po gaṅ śes rab kyi pha rol tu phyin pa’i rnal ’byor ’dis gnas pa de ’di nas śi ’phos nas gaṅ du skye bar ’gyur ba lags źes zer ba ni | ś ri’i bu byaṅ chub sems dpa’ sems dpa’ chen po gaṅ śes rab kyi pha rol (4) tu phyin pa’i rnal ’byor ’dis gnas pa de ni | saṅs rgyas kyi źiṅ ’di nas śi ’phos nas gaṅ na saṅs rgyas bcom ldan ’das rnams bźugs te ’tsho źiṅ gźes pa’i saṅs rgyas kyi źiṅ nas saṅs rgyas kyi źiṅ du ’gro bar ’gyur te | bla na med pa yaṅ dag par rdzogs pa’i (5) byaṅ chub mṅon par rdzogs par saṅs rgyas kyi bar du nam yaṅ saṅs rgyas bcom ldan ’das rnams daṅ ’bral bar mi ’gyur źiṅ | saṅs rgyas bcom ldan ’das de dag mñes par byed par yaṅ ’gyur ro ||
ś ri’i bu byaṅ chub sems dpa’ sems dpa’ sems dpa’ chen po thabs la mi (6) mkhas pa gaṅ la la dag bsam gtan bźi la sñoms par ’jug ciṅ | pha rol tu phyin pa drug pa spyod kyaṅ | de dag bsam gtan thob pas lha tshe riṅs po’i naṅ du skyes nas | gal te mi’i naṅ du skye ba thob pa na | saṅs rgyas bcom ldan ’das rnams mñes par byed na yaṅ de (7) dag dbaṅ po rnams rtul źiṅ mi rno ba dag kyaṅ yod do ||
ś ri’i bu byaṅ chub sems dpa’ sems dpa’ chen po bsam gtan rnams la sñoms par ’jug ciṅ | śes rab kyi pha rol tu phyin pa la spyod kyaṅ | de dag thabs la mi mkhas pas | bsam gtan rnams (38a1) spaṅs nas | de dag kyaṅ ’dod pa’i khams su skye ba yaṅ yod de | ś ri’i bu byaṅ chub sems dpa’ sems dpa’ chen po de dag kyaṅ dbaṅ po rnams rtul ba yin te | rno ba ma yin no ||
ś ri’i bu byaṅ chub sems dpa’ sems dpa’ chen po bsam gtan bźi (2) daṅ | tshad med pa bźi pa la yaṅ sñoms par ’jug | gzugs med pa’i sñoms par ’jug pa bźi daṅ | dran pa ñe bar gźag pa daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams (3) la yaṅ sñoms par ’jug kyaṅ sñiṅ rje chen po daṅ ldan źiṅ thabs la mkhas pas bsam gtan gyi dbaṅ gis kyaṅ mi skye | tshad med pa daṅ | gzugs med pa’i sñoms par ’jug pa’i dbaṅ gis kyaṅ mi skye ste | gaṅ na saṅs rgyas bcom ldan ’das rnams bźugs te ’tsho źiṅ (4) gźes pa de daṅ der skye źiṅ | de dag śes rab kyi pha rol tu phyin pa’i rnal ’byor daṅ ma bral bas bskal pa bzaṅ po ’di ñid la bla na med pa yaṅ dag par rdzogs pa’i byaṅ chub mṅon par rdzogs pa’i byaṅ chub mṅon par rdzogs par ’tshaṅ rgya bar ’gyur ba dag kyaṅ yod do ||
ś ri’i bu byaṅ chub sems dpa’ sems (5) dpa’ chen po bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi bskyed nas de dag thabs la mkhas pas bsam gtan daṅ | tiṅ ṅe ’dzin thams cad las log ste | ’dod pa’i khams rnams su skye źiṅ | rgyal rigs śiṅ s la (6) chen po lta bu rnams su’am | bram ze’i rigs śiṅ s la chen po lta bu rnams su’am | khyim bdag gi rigs śiṅ s la chen po lta bu rnams su skye ba dag kyaṅ yod de | de yaṅ srid pa ’dod pa’i phyir ma yin gyi | sems can yoṅs su smin par bya ba’i phyir skye’o ||
ś (7) ri’i bu gźan yaṅ byaṅ chub sems dpa’ sems dpa’ chen po bsam gtan bźi la yaṅ sñoms par ’jug | tshad med pa bźi daṅ | gzugs med pa’i sñoms par ’jug pa bźi la yaṅ sñoms par ’jug la | de dag thabs la mkhas pas bsam gtan daṅ | tiṅ ṅe (38b1) ’dzin daṅ | sñoms par ’jug ’i dbaṅ gis kyaṅ mi skye ste | de dag rgyal chen bźi’i ris kyi lha rnams daṅ skal ba mñam par skye | sum cu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams daṅ skal ba (2) mñam par skye źiṅ | de dag tu gnas nas | sems can rnams kyaṅ yoṅs su smin par byed | saṅs rgyas kyi źiṅ yaṅ yoṅs su dag par byed ciṅ | saṅs rgyas bcom ldan ’das rnams mñes par byed pa dag kyaṅ yod do ||
ś ri’i bu byaṅ chub sems dpa’ sems (3) dpa’ chen po śes rab kyi pha rol tu phyin pa la spyod ciṅ | thabs la mkhas pas bsam gtan bźi la yaṅ sñoms par ’jug | tshad med pa bźi daṅ | gzugs med pa’i sñoms par ’jug pa bźi la yaṅ sñoms par ’jug ciṅ | de dag ’di nas śi ’phos nas | (4) tshaṅs pa’i ’jig rten du skye ste | de dag der tshaṅs pa’i tshaṅs pa chen por gyur nas | de dag tshaṅs pa’i gnas de dag tu gnas te | saṅs rgyas kyi źiṅ gaṅ dag na de bźin gśegs pa dgra bcom pa yaṅ dag par rdzogs pa’i saṅs rgyas rnams bla na med pa yaṅ (5) dag par rdzogs pa’i byaṅ chub mṅon par rdzogs par saṅs rgyas pa’i de bźin gśegs pa de dag la chos kyi ’khor lo bskor bar gsol ba’i don du saṅs rgyas kyi źiṅ nas saṅs rgyas kyi źiṅ du ’gro ba dag kyaṅ yod do ||
ś ri’i bu byaṅ chub sems dpa’ sems dpa’ chen po (6) skye ba gcig gis thogs pa | śes rab kyi pha rol tu phyin pa la spyod pa dag thabs la mkhas pas | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi la yaṅ sñoms par ’jug | dran pa ñe bar gźag pa daṅ | yaṅ dag par (7) spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams kyaṅ sgom | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin la yaṅ sñoms par ’jug la de dag de rnams kyi dbaṅ gis kyaṅ mi skye źiṅ | (39a1) saṅs rgyas bcom ldan ’das mṅon du gyur pa rnams mñes par byas te | der tshaṅs par spyod pa spyad nas | yaṅ dga’ ldan gyi lha rnams daṅ skal ba mñam par skye ste | de dag der tshe’i yun ji srid par gnas nas | dbaṅ po mñams la dran pa daṅ śes bźin (2) daṅ ldan par lha bye ba khrag khrig phrag ’bum phrag du mas yoṅs su bskor ciṅ | mdun du bdar nas | ’dir skye ba bstan nas | saṅs rgyas kyi źiṅ tha dad pa dag tu bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba dag kyaṅ yod do ||
ś ri’i (3) bu byaṅ chub sems dpa’ sems dpa’ chen po mṅon par śes pa drug thob pa de dag ’dod pa’i khams su yaṅ mi skye | gzugs kyi khams daṅ | gzugs med pa’i khams su yaṅ mi skye bar de dag de bźin gśegs pa dgra bcom pa yaṅ dag par rdzogs pa’i saṅs rgyas rnams (4) la bsti staṅ du byed | bla mar byed | ri mor byed | mchod pa byed ciṅ | saṅs rgyas kyi źiṅ nas saṅs rgyas kyi źiṅ du ’gro ba dag kyaṅ yod do ||
ś ri’i bu byaṅ chub sems dpa’ sems dpa’ chen po mṅon par śes pa drug thob pa de dag mṅon par śes pa drug po de dag gis (5) rnam par rtse źiṅ | saṅs rgyas kyi źiṅ gaṅ dag na saṅs rgyas kyi theg pa ma gtogs par ñan thos kyi theg pa daṅ | raṅ saṅs rgyas kyi theg pa’i sgra yaṅ mi grag pa’i saṅs rgyas kyi źiṅ nas | saṅs rgyas kyi źiṅ du ’gro ba dag kyaṅ yod do ||
ś ri’i bu byaṅ chub sems dpa’ (6) sems dpa’ chen po mṅon par śes pa drug thob pa de dag mṅon par śes pa drug po de dag gis rnam par rtse źiṅ | saṅs rgyas kyi źiṅ gaṅ dag na sems can rnams kyi tshe’i tshad dpag tu med pa’i saṅs rgyas kyi źiṅ nas saṅs rgyas kyi źiṅ du ’gro ba dag kyaṅ yod do ||
ś ri’i bu byaṅ (7) chub sems dpa’ sems dpa’ chen po mṅon par śes pa drug thob pa de dag ’jig rten gyi khams gaṅ na saṅs rgyas kyi sgra mi grag pa daṅ | chos kyi sgra mi grag pa daṅ | dge ’dun gyi sgra mi grag pa’i ’jig rten gyi khams nas ’jig rten gyi khams su ’gro źiṅ | de dag der (39b1) soṅ nas kyaṅ sems can rnams la saṅs rgyas kyi sgra sgrog | chos kyi sgra sgrog | dge ’dun gyi sgra sgrog ciṅ | dkon mchog gsum gyi bsṅags pa brjod pa dag kyaṅ yod do | sems can de dag kyaṅ saṅs rgyas kyi sgra daṅ | chos kyi smra daṅ | dge ’dun gyi sgra des sems rab tu daṅ (2) bar gyur nas | de dag nas śi ’phos te | gaṅ na saṅs rgyas bcom ldan ’das dag bźugs pa de dag tu skye’o ||
ś ri’i bu byaṅ chub sems dpa’ sems dpa’ chen po sems daṅ po bskyed phyin chad | bsam gtan bźi daṅ | tshad med pa bźi daṅ | gzugs med pa’i (3) sñoms par ’jug pa bźi thob par gyur ciṅ | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | ’phags pa’i lam sgom la | de bźin gśegs pa’i stobs bcu daṅ | mi (4) ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad thob pa dag ’dod pa’i khams su yaṅ mi skye | gzugs kyi khams su yaṅ mi skye | gzugs med pa’i khams su yaṅ mi skye la | de dag tu sems can rnams kyi don (5) byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po gaṅ dag sems daṅ po bskyed pa ñid kyis byaṅ chub sems dpa’i skyon med pa la źugs nas | phyir mi ldog pa’i sa la gnas par byed pa dag kyaṅ yod do ||
ś ri’i bu byaṅ chub sems dpa’ sems (6) dpa’ chen po sems daṅ po bskyed pa ñid kyis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya źiṅ | chos kyi ’khor lo bskor te | sems can tshad med graṅs med pa rnams kyi don byas nas | phuṅ po lhag ma med pa’i mya ṅan las ’das pa’i dbyiṅs (7) su yoṅs su mya ṅan las ’da’ źiṅ | yoṅs su mya ṅan las ’das nas kyaṅ | de dag gi dam pa’i chos bskal pa ’am | bskal pa las lhag par gnas par byed pa dag kyaṅ yod do ||
ś ri.i’i bu byaṅ chub sems dpa’ sems dpa’ chen po sems daṅ po bskyed pa ñid (40a1) kyis śes rab kyi pha rol tu phyin pa’i rnal ’byor la sñoms par ’jug ciṅ | de dag saṅs rgyas bcom ldan ’das rnams blta ba daṅ | sems can yoṅs su smin par bya ba daṅ | saṅs rgyas kyi źiṅ yoṅs su dag par bya ba’i phyir | byaṅ chub sems dpa’ bye ba (2) khrag khrig phrag ’bum phrag du ma daṅ lhan cig tu saṅs rgyas kyi źiṅ nas saṅs rgyas kyi źiṅ du ’gro ba dag kyaṅ yod do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa | bsam gtan bźi thob pa daṅ | tshad med pa bźi thob pa daṅ | (3) gzugs med pa’i sñoms par ’jug pa bźi thob pa daṅ | bsam gtan daṅ | tshad med pa daṅ | gzugs med pa’i sñoms par ’jug pa de dag gis rnam pa du mar rnam par rtse źiṅ | ’di lta ste | de dag bsam gtan daṅ po la sñoms par ’jug go ||
de las laṅs (4) nas | ’gog pa’i sñoms par ’jug pa la sñoms par ’jug go ||
de las laṅs nas | bsam gtan gñis pa la sñoms par ’jug go ||
de las laṅs nas | ’gog pa’i sñoms par ’jug pa la sñoms par ’jug go ||
de las laṅs nas | bsam (5) gtan gsum pa la sñoms par ’jug go ||
de las laṅs nas | ’gog pa’i sñoms par ’jug pa la sñoms par ’jug go ||
de las laṅs nas | bsam gtan bźi pa la sñoms par ’jug go ||
de las laṅs nas | ’gog pa’i sñoms par ’jug pa la (6) sñoms par ’jug go ||
de las laṅs nas | nam mkha’ mtha’ yas skye mched la sñoms par ’jug go ||
de las laṅs nas | ’gog pa’i sñoms par ’jug pa la sñoms par ’jug go ||
de las laṅs nas | rnam śes mtha’ yas skye mched la sñoms par ’jug (7) go ||
de las laṅs nas | ’gog pa’i sñoms par ’jug pa la sñoms par ’jug go ||
de las laṅs nas | ci yaṅ med pa’i skye mched la sñoms par ’jug go ||
de las laṅs nas | ’gog pa’i sñoms par ’jug pa la sñoms par ’jug go ||
de las laṅs nas | (40b1) ’du śes mdo ’du śes mdo min skye mched la sñoms par ’jug go ||
de las laṅs nas | ’gog pa’i sñoms par ’jug pa la sñoms par ’jug ste | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa thabs la mkhas pa daṅ (2) ldan pa dag bsam gtan daṅ | tshad med pa daṅ | tiṅ ṅe ’dzin daṅ | sñoms par ’jug pa de dag la thod rgal du sñoms par ’jug pa dag kyaṅ yod do ||
ś ri’i bu byaṅ chub sems dpa’ sems dpa’ chen po dran pa ñe bar gźag pa daṅ | yaṅ dag pa’i spoṅ ba daṅ | rdzu (3) ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | ’phags pa’i lam thob ciṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad thob pa (4) dag | rgyun tu źugs pa’i ’bras bu thob par mi byed | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub thob par mi byed par | de dag śes rab kyi pha rol tu phyin pa la spyod ciṅ thabs la mkhas pas sems (5) can gyi sems kyi rgyun rnams lam la źugs par byas te | rnam par sbyaṅs nas | rgyun tu źugs pa’i ’bras bu thob par byed | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub thob par byed pa de dag kyaṅ (6) yod de | ś ri’i bu ñan thos daṅ | raṅ saṅs rgyas rnams kyi ’bras bu thob par byed pa’i śes pa gaṅ yin pa de ni byaṅ chub sems dpa’ sems dpa’ chen po’i bzod pa’o źes bya’o ||
ś ri’i bu byaṅ chub sems dpa’ sems dpa’ chen po gaṅ dag śes rab kyi pha rol tu phyin (7) pa ’di la gnas pa de dag ni phyir mi ldog pa yin par rig par bya’o ||
ś ri’i bu byaṅ chub sems dpa’ sems dpa’ chen po pha rol tu phyin pa drug la gnas śiṅ | dga’ ldan gyi gnas yoṅs su sbyoṅ bar byed pa dag kyaṅ yod do ||
ś ri’i bu de dag ni bskal pa bzaṅ po pa’i (41a1) byaṅ chub sems dpa’ sems dpa’ chen po yin par rig par bya’o ||
ś ri’i bu byaṅ chub sems dpa’ sems dpa’ chen po gaṅ dag bsam gtan bźi thob ciṅ | saṅs rgyas kyi chos ma ’dres pa’i bar dag thob pa de dag ni bden pa bźi khoṅ du chud par (2) bya ba’i phyir spyod kyaṅ | de dag bden pa bźi rtogs par mi byed pa dag kyaṅ yod do ||
ś ri’i bu de dag ni skye ba gcig gis thogs pa’i byaṅ chub sems dpa’ sems dpa’ chen po yin par rig par bya’o ||
ś ri’i bu byaṅ chub sems dpa’ sems dpa’ chen po gaṅ dag pha (3) rol tu phyin pa drug la spyod ciṅ | ’jig rten gyi khams nas ’jig rten gyi khams su ’gro ste | de dag tu yaṅ sems can rnams byaṅ chub la yaṅ dag par ’dzud ciṅ | saṅs rgyas kyi źiṅ yoṅs su dag par byed pa dag kyaṅ yod de | ś ri’i bu byaṅ chub sems dpa’ sems (4) dpa’ chen po de dag ni bskal pa tshad med graṅs med pa dag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
ś ri’i bu byaṅ chub sems dpa’ sems dpa’ chen po pha rol tu phyin pa drug la gnas śiṅ | sems can rnams kyi (5) ched du rtag tu brtson pa dag lan ’ga’ yaṅ don med pa daṅ ldan pa’i tshig mi smra źiṅ don med pa daṅ ldan pa’i lus daṅ ṅag daṅ yid kyi las mi byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po gaṅ dag pha rol tu phyin pa drug la spyod ciṅ | sems can (6) rnams kyi ched du rtag tu brtson pa dag saṅs rgyas kyi źiṅ nas saṅs rgyas kyi źiṅ du ’gro źiṅ | sems can rnams kyi ṅan soṅ gsum gyi lam gcod par byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po gaṅ dag pha rol tu phyin pa drug la gnas śiṅ | (7) sbyin pa’i pha rol tu phyin pa lhur byas nas | sems can rnams la bde ba’i yo byad thams cad ñe bar sgrub ciṅ | ’di ltar zas ’dod pa rnams la ni zas | skom ’dod pa rnams la ni skom | me tog daṅ | me tog phreṅ daṅ | spos daṅ | byug pa daṅ | bdug spos daṅ | (41b1) mal stan daṅ | rgyab rten daṅ | gos daṅ | rgyanda daṅ | ’tsho ba daṅ | khyim daṅ | nor daṅ | ’bru daṅ | nor bu daṅ | mu tig daṅ | gser daṅ | dṅul daṅ | byi ru daṅ | ’tsho ba’i yo byad gaṅ yaṅ ruṅ ba de dag ñe bar sgrub par byed pa dag kyaṅ yod do ||
ś (2) ri’i bu byaṅ chub sems dpa’ sems dpa’ chen po gaṅ dag pha rol tu phyin pa drug la gnas śiṅ | tshul khrims kyi pha rol tu phyin pa lhur byas nas sems can rnams kyi lus daṅ ṅag daṅ yid sdom pa la ’god par byed pa dag kyaṅ yod do ||
ś ri’i bu byaṅ chub sems dpa’ (3) sems dpa’ chen po gaṅ dag pha rol tu phyin pa drug la gnas śiṅ | bzod pa’i pha rol tu phyin pa lhur byas nas | sems can rnams khro ba med pa daṅ | gnod sems med pa la ’god par byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po gaṅ dag (4) pha rol tu phyin pa drug la gnas śiṅ | brtson ’grus kyi pha rol tu phyin pa lhur byas nas | sems can rnams dge ba’i chos la mṅon par brtson pa la ’god par byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po gaṅ dag pha rol tu phyin pa drug (5) la gnas śiṅ | bsam gtan gyi pha rol tu phyin pa lhur byas nas | sems can rnams źi gnas rtse gcig tu bya ba daṅ | ’dod pa las dben pa la ’god par byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po gaṅ dag pha rol tu phyin pa drug la (6) gnas śiṅ | śes rab kyi pha rol tu phyin pa lhur byas nas | de bźin gśegs pa’i sku ci ’dra ba de ’dra ba ñid kyi lus mṅon par sprul nas | sems can dmyal ba pa’i sems can rnams daṅ | dud ’gro’i skye gnas pa rnams daṅ | gśin rje’i ’jig rten pa’i sems can (7) rnams la ṅan ’gro thams cad las yaṅ dag par bzla ba’i phyir | chos ston par byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po pha rol tu phyin pa drug la gnas śiṅ | saṅs rgyas kyi sku ci ’dra ba de ’dra ba ñid kyi lus mṅon par sprul nas | (42a1) śar phyogs kyi saṅs rgyas kyi źiṅ gaṅ g’i kluṅ gi bye ma sñed dag tu soṅ źiṅ | sems can rnams la chos ston pa daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams la bsñen bkur byed pa daṅ | chos kyaṅ ñan pa daṅ | (2) byaṅ chub sems dpa’i dge ’dun daṅ | saṅs rgyas kyi źiṅ gi yon tan bkod pa dag kyaṅ mthoṅ bar byed ciṅ | de dag gis saṅs rgyas kyi źiṅ de dag gi mtshan ma yoṅs su bzuṅ nas de bas kyaṅ rgya che ba daṅ | khyad par du ’phags pa’i saṅs rgyas kyi źiṅ maṅ po yoṅs su (3) sgrub ciṅ | saṅs rgyas kyi źiṅ de dag tu byaṅ chub sems dpa’ sems dpa’ chen po skye ba gcig gis thogs pa śa stag sgrub par byed pa dag kyaṅ yod do ||
de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og (4) daṅ | steṅ gi phyogs kyi phyogs re rer yaṅ saṅs rgyas kyi źiṅ gaṅ g’i kluṅ gi bye ma sñed dag tu soṅ źiṅ | sems can rnams la chos ston pa daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams la bsñen bkur byed pa daṅ | chos ñan pa (5) daṅ | byaṅ chub sems dpa’i dge ’dun daṅ | saṅs rgyas kyi źiṅ gi yon tan bkod pa dag mthoṅ bar byed ciṅ | de dag gis saṅs rgyas kyi źiṅ de dag gi mtshan ma yoṅs su bzuṅ nas | de bas kyaṅ rgya che ba daṅ | khyad par du ’phags pa’i saṅs rgyas kyi źiṅ maṅ po yoṅs (6) su sgrub ciṅ | saṅs rgyas kyi źiṅ de dag tu byaṅ chub sems dpa’ sems dpa’ chen po skye ba gcig gis thogs pa śa stag sgrub par byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po pha rol tu phyin pa drug la spyod ciṅ | skyes bu chen po’i mtshan (7) sum cu rtsa gñis daṅ ldan par byas te | dbaṅ po gsal źiṅ yoṅs su dag pa rnams daṅ ldan par gyur nas | de dag lus yoṅs su dag pa de dag gis skye bo maṅ po dga’ źiṅ daṅ bskyed par byed de | de dag skye bo maṅ po’i yid du ’oṅ źiṅ dga’ bar gyur nas | sems can de (42b1) dag kyaṅ sems rab tu daṅ bar gyur pa de ñid kyi dge ba’i rtsa bas theg pa gsum po dag gis rim gyis yoṅs su mya ṅan las ’da’ bar byed pa dag kyaṅ yod do ||
ś ri’i bu de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pas lus yoṅs su (2) dag pa la bslab par bya’o ||
ṅag yoṅs su dag pa daṅ | yid yoṅs su dag pa la bslab par bya’o ||
ś ri’i bu byaṅ chub sems dpa’ sems dpa’ chen po pha rol tu phyin pa drug la spyod ciṅ | dbaṅ po gsal ba dge thob par gyur nas de dag dbaṅ po gsal ba de dag gis (3) bdag la stod par mi byed ciṅ | gźan la smod par mi byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po sems daṅ po bskyed phyin chad sbyin pa’i pha rol tu phyin pa daṅ | tshul khrims kyi pha rol tu phyin pa la gnas nas | phyir mi ldog pa’i sa (4) thob kyi bar du nam yaṅ dbul por mi ’gyur źiṅ | ṅan soṅ ṅan ’gro log par mi ltuṅ ba dag kyaṅ yod do ||
ś ra’i bu byaṅ chub sems dpa’ sems dpa’ chen po sems daṅ po bskyed phyin chad | phyir mi ldog pa’i sa thob kyi bar du nam yaṅ dge ba bcu’i las kyi lam mi gtoṅ (5) ba dag kyaṅ yod do ||
ś ri’i bu byaṅ chub sems dpa’ sems dpa’ chen po sbyin pa’i pha rol tu phyin pa daṅ | tshul khrims kyi pha rol tu phyin pa la gnas śiṅ | ’khor los sgyur ba’i rgyal por gyur nas | sems can rnams dge ba bcu’i las kyi lam rnams la ’god (6) ciṅ | sbyin pa daṅ | sñan par smra bas | sems can rnams sdud pa dag kyaṅ yod do ||
ś ri’i bu byaṅ chub sems dpa’ sems dpa’ chen po sbyin pa’i pha rol tu phyin pa daṅ | tshul khrims kyi pha rol tu phyin pa la gnas śiṅ | ’khor los sgyur ba’i rgyal srid du ma (7) yoṅs su bzuṅ nas ’khor los sgyur ba’i rgyal srid brgya stoṅ du ma byed du ’jug ciṅ | de la gnas nas saṅs rgyas bye ba khrag khrig phrag ’bum phrag du ma mñes par byed de | saṅs rgyas bcom ldan ’das de dag la yo byad thams cad daṅ | mchod pa thams cad kyis (43a1) bsti staṅ du byed | bla mar byed | ri mo byed ciṅ mchod pa byed pa dag kyaṅ yod do ||
ś ri’i bu byaṅ chub sems dpa’ sems dpa’ chen po pha rol tu phyin pa drug la gnas nas | sems can log par lta ba’i mun pa can rnams la saṅs rgyas kyi chos kyis snaṅ (2) bar byed ciṅ | bdag ñid kyaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ saṅs rgyas kyi chos kyi snaṅ ba de daṅ mi ’bral bar byed pa dag kyaṅ yod do ||
ś ri’i bu ’di ni byaṅ chub sems dpa’ sems dpa’ chen po rnams (3) saṅs rgyas kyi chos rnams la ’byuṅ ba yin no ||
ś ri’i bu de lta bas na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas kha na ma tho ba daṅ bcas pa’i lus daṅ | ṅag daṅ | yid kyi las rnams kyi go mi dbye’o || ||
(4) ’phags pa śes rab kyi pha rol tu phyin pa khri brgyad stoṅ pa | bam po bźi pa | de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen po’i lus kyi las (5) kha na ma tho ba daṅ bcas pa daṅ ṅag gi las kha na ma tho ba daṅ bcas pa daṅ | yid kyi las kha na ma tho ba daṅ bcas pa gaṅ lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu ’di la byaṅ chub (6) sems dpa’ sems dpa’ chen po gaṅ gi tshe | ’di sñam du ’di ni lus yin te | des lus kyi las rtsom pa byed | ’di ni ṅag yin te | des ṅag gi las rtsom pa byed | ’di ni yid yin te | des yid kyi las rtsom pa byed do sñam du sems na | ś ri’i bu de ni byaṅ chub (7) sems dpa’ sems dpa’ chen po’i lus daṅ | ṅag daṅ yid kyi las rtsom pa kha na ma tho ba daṅ bcas pa yin te | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni lus mi dmigs | ṅag mi dmigs | yid mi dmigs so ||
(43b1) ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa la gal te lus dmigs pa daṅ | ṅag dmigs pa daṅ | yid migs pa yod par gyur na | de de’i tshe lus daṅ gaṅ daṅ yid des ser sna’i sems bskyed par ’gyur źiṅ | ’chal (2) pa’i tshul khrims kyi sems daṅ | gnod sems kyi sems daṅ | le lo’i sems daṅ | rnam par g-yeṅ ba’i sems daṅ | ’chal pa’i śes rab kyi sems kyaṅ bskyed par ’gyur ba źig na | ś ri’i bu de ltar na rig par mi bya ste | ’di ltar byaṅ chub sems dpa’ sems (3) dpa’ chen po śes rab kyi pha rol tu pyin pa la spyod pa ni lus daṅ | ṅag daṅ | yid kyi gnas ṅan len skyed pa de ni gnas med do ||
de ci’i phyir źe na | ś ri’i bu ’di ltar byaṅ chub sems dpa’ sems dpa’ chen po gaṅ pha rol tu phyin pa drug la spyod pa ni lus kyi gnas ṅan (4) len sbyoṅ ba daṅ | ṅag gi gnas ṅan len sbyoṅ ba daṅ | yid kyi gnas ṅan len sbyoṅ bar byed pa’i phyir te | ś ri’i bu de ni byaṅ chub sems dpa’ sems dpa’ chen po’i lus daṅ ṅag daṅ yid kyi las kha na ma tho ba med pa yin no ||
ś ri’i bus gsol pa | bcom (5) ldan ’das byaṅ chub sems dpa’ sems dpa’ chen po ji ltar na lus daṅ ṅag daṅ yid kyi gnas ṅan len sbyoṅ par bgyid pa lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po ’di ltar lus mi dmigs pa daṅ | ṅag (6) mi dmigs pa daṅ | yid mi dmigs pa ste | ś ri’i bu de ltar na byaṅ chub sems dpa’ sems dpa’ chen po lus daṅ | ṅag daṅ | yid kyi gnas ṅan len sbyoṅ bar byed pa yin no ||
ś ri’i bu gal te byaṅ chub sems dpa’ sems dpa’ chen po sems daṅ po bskyed (7) phyin chad dge ba bcu’i las kyi lam yaṅ dag par blaṅs nas gnas te | ñan thos kyi sems sam | raṅ saṅs rgyas kyi sems mi skyed par de rtag par sems can thams cad la sñiṅ rje chen po’i sems ñe bar ’jog par byed na | de lta bu ni byaṅ chub sems dpa’ sems (44a1) dpa’ chen po’i lus daṅ | ṅag daṅ | yid kyi gnas ṅan len yoṅs su dag pa yin no źes ṅa smra’o ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa byaṅ chub kyi lam yoṅs su sbyoṅ ba ni sbyin pa’i pha (2) rol tu phyin pa la spyod pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyod pa dag kyaṅ yod do ||
ś ri’i (3) bus gsol pa | bcom ldan ’das byaṅ chub sems dpa’ sems dpa’ chen po rnams kyi byaṅ chub kyi lam gaṅ lags | bcom ldan ’das kyis bka’ stsa la pa | ś ri’i bu byaṅ chub kyi lam gaṅ la spyod na | byaṅ chub sems dpa’ sems dpa’ chen po (4) rnams lus mi dmigs | ṅag mi dmigs | yid mi dmigs | sbyin pa’i pha rol tu phyin pa mi dmigs | tshul khrims kyi pha rol tu phyin pa mi dmigs | bzod pa’i pha rol tu phyin pa mi dmigs | brtson ’grus kyi pha rol tu phyin pa mi dmigs | bsam (5) gtan gyi pha rol tu phyin pa mi dmigs | śes rab kyi pha rol tu phyin pa mi dmigs | ñan thos kyi theg ma mi dmigs | Raṅa saṅs rgyas kyi theg pa mi dmigs | byaṅ chub sems dpa’i theg pa mi dmigs | yaṅ dag par rdzogs pa’i saṅs rgyas kyi theg pa mi (6) dmigs śiṅ | ’di lta ste | chos thams cad dmigs su med pa ’di ni | ś ri’i bu byaṅ chub sems dpa’ sems dpa’ chen po rnams kyi byaṅ chub kyi lam yin te | ś ri’i bu byaṅ chub sems dpa’ sems dpa’ chen po lam ’di nas ’gro źiṅ | pha rol tu phyin (7) pa drug la soṅ pa ni | sus kyaṅ thul bar mi nus so ||
ś ri’i bus gsol pa | bcom ldan ’das byaṅ chub sems dpa’ sems dpa’ chen po ji ltar spyod pa dag sus kyaṅ mi thul ba lags | bcom ldan ’das kyis bka’ stsal pa | ś ri’i bu ’di la byaṅ chub sems (44b1) dpa’ sems dpa’ chen po pha rol tu phyin pa drug pa spyod pa gzugs la rlom sems su mi byed pa daṅ | tshor ba daṅ | ’du śes daṅ | ’du byed rnams daṅ | rnam par śes pa la rlom sems su mi byed pa daṅ | sa’i khams la rlom sems su mi byed pa daṅ | chu’i khams (2) daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams la rlom sems su mi byed pa daṅ | mig daṅ gzugs la rlom sems su mi byed pa daṅ | rna ba daṅ | sgra daṅ | sna daṅ | dri daṅ | lce daṅ | ro daṅ | lus daṅ | (3) reg bya daṅ | yid daṅ | chos la rlom sems su mi byed pa daṅ | mig gi khams daṅ | gzugs kyi khams daṅ | mig gi rnam par śes pa’i khams la rlom sems su mi byed pa daṅ | de bźin du rna ba’i khams daṅ | sgra’i khams daṅ | rna ba’i rnam par śes pa’i (4) khams daṅ | sna’i khams daṅ | dri’i khams daṅ | sna’i rnam par śes pa’i khams daṅ | lce’i khams daṅ | ro’i khams daṅ | lce’i rnam par śes pa’i khams daṅ | lus kyi khams daṅ | reg bya’i khams daṅ | lus kyi rnam par śes pa’i khams la (5) rlom sems su mi byed pa daṅ | yid kyi khams la rlom sems su mi byed pa daṅ | chos kyi khams la rlom sems su mi byed pa daṅ | yid kyi rnam par śes pa’i khams la rlom sems su mi byed pa daṅ | dran pa ñe bar gźag pa daṅ | yaṅ dag par spoṅ ba daṅ | rdzu (6) ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams la rlom sems su mi byed pa daṅ | sbyin pa’i pha rol tu phyin pa la rlom sems su mi byed pa daṅ | tshul khrims daṅ | bzod pa daṅ | brtson ’grus daṅ | bsam gtan (7) daṅ | śes rab kyi pha rol tu phyin pa la rlom sems su mi byed pa daṅ | de bźin gśegs pa’i stobs bcu la rlom sems su mi byed pa daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad la rlom sems su mi (45a1) byed pa daṅ | rgyun du źugs pa’i ’bras bu la rlom sems su mi byed pa daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid la rlom sems su mi byed pa daṅ | raṅ byaṅ chub sems su mi byed pa daṅ | byaṅ (2) chub sems dpa’ la rlom sems su mi byed pa daṅ | bla na med pa yaṅ dag par rdzogs pa’i byaṅ chub la rlom sems su mi byed pa ste | ś ri’i bu byaṅ chub sems dpa’ sems dpa’ chen po de ltar pha rol tu phyin pa drug gis rnam par ’phel ba ni sus kyaṅ mi thul ba yin no ||
ś (3) ri’i bu byaṅ chub sems dpa’ sems dpa’ chen po pha rol tu phyin pa drug la gnas te | rnam pa thams cad mkhyen pa ñid kyi ye śes yoṅs su rdzogs par byed ciṅ | ye śes de daṅ ldan pas | ṅan soṅ rnams kyi sgo thams cad gcod pa daṅ | dbul źiṅ rgud pa’i mir mi ’gyur (4) ba daṅ | lus gaṅ gis lha daṅ bcas pa’i ’jig rten na smad par ’gyur ba de lta bu’i lus yoṅs su ’dzin par mi ’gyur ba dag kyaṅ yod do ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems (5) dpa’ chen po’i rnam pa thams cad mkhyen pa’i pa’i ye śes gaṅ lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po ye śes de daṅ ldan pa ni śar phyogs kyi ’jig rten gyi khams gaṅ g’i kluṅ gi bye ma sñed dag na bźugs pa’i de (6) bźin gśegs pa dgra bcom pa yaṅ dag par rdzogs pa’i saṅs rgyas gaṅ g’i kluṅ gi bya ma sñed dag kyaṅ mthoṅ ṅo ||
byaṅ chub sems dpa’i dge ’dun yaṅ mthoṅ ṅo ||
saṅs rgyas kyi źiṅ gi yon tan bkod pa rnam par dag pa yaṅ mthoṅ ṅo ||
de (7) bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi phyogs re rer yaṅ ’jig rten gyi khams gaṅ g’i kluṅ gi bye ma sñed dag na bźugs pa’i de bźin gśegs pa dgra bcom pa yaṅ dag (45b1) par rdzogs pa’i saṅs rgyas gaṅ g’i kluṅ gi bye ma sñed dag kyaṅ mthoṅ ṅo ||
byaṅ chub sems dpa’i dge ’dun yaṅ mthoṅ ṅo ||
saṅs rgyas kyi źiṅ gi yon tan bkod pa rnam par dag pa yaṅ mthoṅ ṅo ||
ye śes de daṅ ldan pa’i byaṅ chub sems dpa’ (2) sems dpa’ chen po rnams ni saṅs rgyas kyi ’du śes mi skyed do ||
byaṅ chub sems dpa’i ’du śes mi skyed do ||
ñan thos kyi ’du śes daṅ | raṅ saṅs rgyas kyi ’du śes daṅ | bdag gi ’du śes daṅ | gźan gyi ’du śes daṅ | saṅs rgyas kyi źiṅ gi ’du śes mi skyed (3) do ||
ye śes de daṅ ldan pa’i byaṅ chub sems dpa’ ni sbyin pa’i pha rol tu phyin pa la spyod ciṅ | de bźin du tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la yaṅ spyod de | pha rol tu phyin pa drug dag kyaṅ mi (4) dmigs so ||
ye śes de daṅ ldan pa’i byaṅ chub sems dpa’ ni | dran pa ñe bar gźag pa rnams kyaṅ sgom la | dran pa ñe bar gźag pa rnams kyaṅ mi dmigs so ||
yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi (5) yan lag daṅ | lam yaṅ sgom la | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam yaṅ mi dmigs so ||
stobs rnams daṅ | mi ’jigs pa rnams daṅ | so so yaṅ dag par rig pa (6) rnams daṅ | saṅs rgyas kyi chos ma ’dres pa rnams kyaṅ mi dmigs so ||
ś ri’i bu de ni byaṅ chub sems dpa’ sems dpa’ chen po’i rnam pa thams cad mkhyen pa’i ye śes yin te | ye śes de daṅ ldan pa’i byaṅ chub sems dpa’ sems dpa’ chen po ni saṅs rgyas kyi (7) chos thams cad yoṅs su rdzogs par byed kyaṅ | saṅs rgyas kyi chos thams cad yaṅ dag par rjes su mi mthoṅ ṅo ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa | mig lṅa ’thob pa daṅ | yoṅs su sbyoṅ ba dag kyaṅ yod (46a1) de | lṅa gaṅ źe na | ’di lta ste | śa’i mig daṅ | lha’i mig daṅ | śes rab kyi mig daṅ | chos kyi mig daṅ | saṅs rgyas kyi mig go ||
ś ri’i bus gsol pa | bcom ldan ’das byaṅ chub sems dpa’ sems dpa’ chen po’i śa’i mig yoṅs (2) su dag pa gaṅ lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po’i śa’i mig gis dpag tshad brgya mthoṅ ba yod do ||
byaṅ chub sems dpa’i śa’i mig gis dpag tshad ñis brgya mthoṅ ba yod do ||
byaṅ chub sems dpa’i (3) śa’i mig gis ’dzam bu’i gliṅ mthoṅ ba yod do ||
byaṅ chub sems dpa’i śa’i mig gis gliṅ gñis mthoṅ ba yod do ||
byaṅ chub sems dpa’i śa’i mig gis gliṅ bźi pa’i ’jig rten gyi khams mthoṅ ba yod do ||
byaṅ chub sems dpa’i śa’i mig gis stoṅ gi ’jig rten (4) gyi khams mthoṅ ba yod do ||
byaṅ chub sems dpa’i śa’i mig gis stoṅ gñis pa’i ’jig rten gyi khams mthoṅ ba yod do ||
byaṅ chub sems dpa’i śa’i mig gis stoṅ gsum gyi stoṅ chen po’i ’jig rten gyi khams mthoṅ ba yod do ||
ś ri’i bu de ni byaṅ chub sems dpa’ (5) sems dpa’ chen po’i śa’i mig yoṅs su dag pa yin no ||
ś ri’i bus gsol pa | bcom ldan ’das byaṅ chub sems dpa’ sems dpa’ chen po’i lha’i mig yoṅs su dag pa gaṅ lags | bcom ldan ’das kyis bka’ stsal pa | ś ri’i bu rgyal chen bźi’i ris kyi (6) lha rnams kyi lha’i mig gaṅ yin pa de ni byaṅ chub sems dpas rab tu śes so ||
sum cu rtsa gsum pa’i lha rnams daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams kyi lha’i mig gaṅ yin pa de ni byaṅ chub sems dpas (7) rab tu śes so ||
tshaṅs pa’i mdun na ’don daṅ | tshaṅs ris daṅ | tshaṅs pa kun ’khor daṅ | ’od chuṅ daṅ | tshad med ’od daṅ | ’od gsal daṅ | dge chuṅ daṅ | tshad med dge daṅ | dge rgyas daṅ | sprin med daṅ | bsod nams skyes daṅ | ’bras bu che (46b1) ba daṅ | sems can ’du śes med pa daṅ | gnas gtsaṅ ma daṅ | mi che ba daṅ | mi gduṅ ba daṅ | gya nom snaṅ ba daṅ | śin tu mthoṅ daṅ | ’og min gyi lha rnams kyi lha’i mig gaṅ yin pa de ni byaṅ chub sems dpas rab tu śes so ||
ś ri’i bu byaṅ chub sems dpa’ (2) sems dpa’ chen po’i lha’i mig gaṅ yin pa de ni rgyal chen bźi’i ris kyi lha rnams kyis mi śes so ||
goṅ ma bźin du sbyar te | byaṅ chub sems dpa’i lha’i mig gaṅ yin pa de ni ’og min gyi bar gyi lha rnams kyis mi śes so ||
lha’i mig yoṅs su dag pa de ñid kyis śar phyogs (3) kyi ’jig rten gyi khams gaṅ g’i kluṅ gi bye ma sñed dag na ’khod pa’i sems can rnams kyi ’chi ’pho daṅ skye ba yaṅ dag pa ji lta ba bźin du rab tu śes so ||
de bźin du lho daṅ | nub daṅ | byaṅ daṅ | phyogs mtshams daṅ | ’og daṅ | steṅ gi phyogs kyi ’jig rten gyi khams gaṅ (4) g’i kluṅ gi bye ma sñed dag na ’khod pa’i sems can rnams kyi ’chi ’pho daṅ | skye ba yaṅ dag pa ji lta ba bźin du rab tu śes te | ś ri’i bu de ni byaṅ chub sems dpa’ sems dpa’ chen po’i lha’i mig yoṅs su dag pa yin no ||
ś ri’i bus gsol pa | bcom ldan ’das byaṅ chub (5) sems dpa’ sems dpa’ chen po’i śes rab kyi mig yoṅs su dag pa gaṅ lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po’i śes rab kyi mig de daṅ ldan pa ni ’dus byas sam | ’dus ma byas sam | dge ba’am | mi dge (6) ba ’am | kha na ma tho ba daṅ bcas pa ’am | kha na ma tho ba med pa ’am | zag pa daṅ bcas pa ’am | zag pa med pa ’am | ñon moṅs pa daṅ bcas pa ’am | ñon moṅs pa med pa’am | ’jig rten pa ’am | ’jig rten las ’das pa ’am | kun nas ñon moṅs pa ’am | (7) rnam par byaṅ ba’i chos gaṅ yaṅ mi śes pa med do ||
byaṅ chub sems dpa’ sems dpa’ chen po śes rab kyi mig de daṅ ldan pa ni chos gaṅ yaṅ ma mthoṅ ba’am thos pa’am | mi dran pa ’am | rnam par mi śes par gyur pa ci ’aṅ med de | ś ri’i bu de ni byaṅ chub sems dpa’ (47a1) sems dpa’ chen po’i śes rab kyi mig yoṅs su dag pa yin no ||
ś ri’i bus gsol pa | bcom ldan ’das byaṅ chub sems dpa’ sems dpa’ chen po’i chos kyi mig yoṅs su dag pa gaṅ lags | bcom ldan ’das kyis bka’ stsal pa | ś ri’i bu (2) ’di la byaṅ chub sems dpa’ sems dpa’ chen po’i chos kyi mig gis gaṅ zag ’di ni daṅ pas rjes su ’braṅ ba’o ||
’di ni chos kyi rjes su ’braṅ ba’o ||
’di ni stoṅ pa ñid la gnas pa | ’di ni mtshan ma med pa la gnas pa | ’di ni smon pa med pa la gnas pa ste | rnam (3) par thar pa’i sgo rnams kyis gaṅ zag de’i dbaṅ po lṅa po dag skye bar ’gyur ro ||
dbaṅ po lṅas bar chad med pa’i tiṅ ṅe ’dzin la reg par ’gyur ro ||
bar chad med pa’i tiṅ ṅe ’dzin gyis rnam par grol ba’i ye śes mthoṅ ba bskyed par ’gyur ro ||
rnam par grol ba’i ye śes (4) mthoṅ bas ’jig tshogs la lta ba daṅ | the tshom daṅ | tshul khrims daṅ | brtul źugs mchog tu ’dzin pa’i kun tu sbyor ba gsum spoṅ bar ’gyur te | gaṅ zag de ni rgyun tu źugs pa źes bya’o ||
des bsgom pa’i lam thob nas ’dod pa la ’dod chags daṅ | gnod (5) sems sra ba mor byed par ’gyur te | gaṅ zag de ni lan cig phyir ’oṅ ba źes bya’o ||
des lam de ñid śas cher bsgoms pas ’dod pa la ’dod chags daṅ | gnod sems spoṅ bar ’gyur te | gaṅ zag de ni phyir mi ’oṅ ba źes bya’o ||
des lam de ñid śas cher bsgoms (6) pas gzugs la ’dod chags daṅ | gzugs med pa la ’dod chags daṅ | ma rig pa daṅ | ṅa rgyal daṅ | rgod pa spoṅ bar ’gyur te | gaṅ zag de ni dgra bcom pa źes bya’o ||
gaṅ zag ’di ni stoṅ pa ñid la gnas pa ste | rnam par thar pa’i sgo stoṅ pa ñid kyis dbaṅ po lṅa (7) po dag thob par ’gyur źiṅ | bar chad med pa’i tiṅ ṅe ’dzin la reg par ’gyur ro ||
bar chad med pa’i tiṅ ṅe ’dzin gyis rnam par grol ba’i ye śes mthoṅ ba bskyed par ’gyur ro ||
źes bya ba nas | dgra bcom pa ñid thob par ’gyur ro źes bya ba’i bar du sṅa ma bźin du sbyar ro ||
gaṅ (47b1) zag ’di ni mtshan ma med pa la gnas pa ste | rnam par thar pa’i sgo mtshan ma med pas dbaṅ po lṅa po dag thob par ’gyur źes bya ba nas | dgra bcom pa ñid thob par ’gyur ro źes bya ba’i bar du sṅa ma bźin du sbyar ro ||
gaṅ zag ’di ni smon pa med pa la gnas pa ste | rnam par thar pa’i sgo (2) smon pa med pas dbaṅ po lṅa po dag thob par ’gyur ro ||
de nas bar chad med pa’i tiṅ ṅe ’dzin la reg par ’gyur te | bar chad med pa’i tiṅ ṅe ’dzin thob nas | rnam par grol ba’i ye śes mthoṅ ba skye bar ’gyur ro źes bya ba nas | dgra bcom pa ñid thob par ’gyur ro źes bya ba’i bar (3) du śes te | ś ri’i bu de ni byaṅ chub sems dpa’ sems dpa’ chen po’i chos kyi mig yoṅs su dag pa yin no ||
ś ri’i bu gźan yaṅ byaṅ chub sems dpas ’di ltar kun ’byuṅ ba’i chos gaṅ ci yod pa de thams cad ’gog pa’i chos yin no źes bya bar rtogs nas | dad pa la sogs pa (4) dbaṅ po lṅa ’thob par ’gyur te | ś ri’i bu de yaṅ byaṅ chub sems dpa’ sems dpa’ chen po’i chos kyi mig yoṅs su dag pa yin no ||
ś ri’i bu gźan yaṅ byaṅ chub sems dpa’ sems dpa’ chen pos ’di ltar byaṅ chub sems dpa’ sems dpa’ chen po ’di ni sems (5) daṅ po bskyed pa ste | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | śes rab kyi pha rol tu phyin pa’i bar la spyod ciṅ | de de nas daṅ pa’i dbaṅ po daṅ | brtson ’grus kyi dbaṅ po thob la | de thabs la mkhas pa daṅ yaṅ ldan | dge ba’i rtsa bas kyaṅ brtan (6) pas | bsams bźin du lus yoṅs su ’dzin te | byaṅ chub sems dpa’ sems dpa’ chen po ’di ni rgyal rigs śiṅ s la chen po lta bu rnams su skye bar ’gyur | ’di ni bram ze’i rigs śiṅ s la chen po lta bu rnams su skye bar ’gyur | ’di ni khyim bdag gi rigs śiṅ s la (7) chen po lta bu rnams su skye bar ’gyur | ’di ni rgyal chen bźi’i ris kyi lha rnams kyi naṅ du skye bar ’gyur | ’di ni sum cu rtsa gsum pa rnams su | ’di ni ’thab bral du | ’di ni dga’ ldan du | ’di ni ’phrul dgar | ’di ni gźan ’phrul dbaṅ byed kyi lha rnams su skye bar ’gyur (48a1) ro ||
de der gnas nas | sems can rnams yoṅs su smin par byed par yaṅ ’gyur te | bde ba’i yo byad thams cad kyis sems can de dag la ñe bar gnas par yaṅ ’gyur | saṅs rgyas kyi źiṅ yoṅs su dag par byed par yaṅ ’gyur źiṅ | de bźin (2) gśegs pa dgra bcom pa yaṅ dag par rdzogs pa’i saṅs rgyas rnams la mñes par byed par ’gyur | bsti staṅ du byed par ’gyur | bla mar byed par ’gyur | ri mor byed par ’gyur | mchod par byed par ’gyur la | ñan thos kyis ’am | raṅ saṅs rgyas kyi sar ltuṅ (3) bar yaṅ mi ’gyur te | byaṅ chub sems dpa’ sems dpa’ chen po ’di ni bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du phyir ldog par mi ’gyur ro źes bya bar rab tu śes te | ś ri’i bu de yaṅ byaṅ chub sems dpa’ sems dpa’ chen po’i (4) chos kyi mig yoṅs su dag pa yin no ||
ś ri’i bu gźan yaṅ byaṅ chub sems dpa’ sems dpa’ chen pos byaṅ chub sems dpa’ sems dpa’ chen po ’di dag ni bla na med pa yaṅ dag par rdzogs pa’i byaṅ chub tu luṅ bstan pa’o ||
byaṅ chub sems dpa’ sems dpa’ chen po (5) ’di dag ni luṅ ma bstan pa’o ||
’di dag ni ma ṅes pa’o ||
’di dag ni luṅ bstan par ’gyur ba’o ||
’di dag ni luṅ bstan par mi ’gyur ba’o ||
’di dag ni phyir mi ldog pa’o ||
’di dag ni phyir mi ldog pa ma yin pa’o ||
’di’i mṅon par (6) śes pa rnams ni yoṅs su rdzogs so ||
’di’i mṅon par śes pa rnams ni yoṅs su ma rdzogs so ||
byaṅ chub sems dpa’ sems dpa’ chen po ’di ni mṅon par śes pa rnams yoṅs su rdzogs pas śar phyogs kyi ’jig rten gyi khams gaṅ g’i kluṅ gi bye ma sñed dag tu soṅ (7) źiṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams mñes par byed | bsñen bkur byed | bsti staṅ du byed | bla mar byed | ri mor byed | mchod pa byed do ||
de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho (48b1) nub daṅ | nub byaṅ daṅ | ’og daṅ | steṅ gi phyogs kyi phyogs re rer yaṅ ’jig rten gyi khams gaṅ g’i kluṅ gi bye ma sñed dag tu soṅ źiṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams mñes par byed | bsñen bkur byed | bsti staṅ du (2) byed | bla mar byed | ri mor byed | mchod pa byed do ||
’di ni mṅon par śes pa rnams ’thob par ’gyur ro ||
’di ni mṅon par śes pa rnams ’thob par mi ’gyur ro ||
’di ni bzod pa thob pa’o ||
’di ni bzod pa ma thob pa’o ||
byaṅ chub sems dpa’ sems dpa’ chen (3) po ’di’i saṅs rgyas kyi źiṅ ni yoṅs su dag par ’gyur ro ||
’di’i saṅs rgyas kyi źiṅ ni yoṅs su dag par mi ’gyur ro ||
byaṅ chub sems dpa’ sems dpa’ chen po ’di ni smon lam chen po daṅ ldan pa’o ||
’di ni smon lam chen po daṅ mi ldan pa’o ||
’dis ni sems can yoṅs (4) su smin par byas so ||
’dis ni sems can yoṅs su smin par ma byas so ||
byaṅ chub sems dpa’ sems dpa’ chen po ’di la ni phyogs bcu’i ’jig rten gyi khams gaṅ g’i kluṅ gi bye ma sñed dag gi saṅs rgyas bcom ldan ’das rnams bsṅags pa rjod pa mdzad do ||
’di la ni bsṅags (5) pa rjod par mi mdzad do ||
byaṅ chub sems dpa’ sems dpa’ chen po ’di dag ni saṅs rgyas bcom ldan ’das rnams daṅ ñe bar gnas par ’gyur ro ||
’di dag ni ñe bar gnas par mi ’gyur ro ||
byaṅ chub sems dpa’ ’di’i tshe ni dpag tu yod par ’gyur ro ||
’di’i tshe ni dpag tu med (6) par ’gyur ro ||
’di’i ’od daṅ | dbyaṅs daṅ | dge sloṅ gi dge ’dun ni dpag tu med par ’gyur ro ||
’di ni dpag tu yod par ’gyur ro ||
byaṅ chub sems dpa’ sems dpa’ chen po ’di ni bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas (7) byaṅ chub sems dpa’i dge ’dun daṅ ldan par ’gyur ro ||
’di ni ldan par mi ’gyur ro ||
’di ni dka’ ba spyad pa spyod par ’gyur ro ||
’di ni spyod par mi ’gyur ro ||
’di ni srid pa tha ma pa’o ||
’di ni srid pa tha ma pa ma yin no ||
’di ni byaṅ chub kyi sñiṅ po la ’dug par ’gyur ro ||
(49a1) ’di ni ’dug par mi ’gyur ro ||
byaṅ chub sems dpa’ sems dpa’ chen po ’di dag la ni bdud ’byuṅ bar ’gyur ro ||
’di dag la ni ’byuṅ bar mi ’gyur ro źes bya bar rab tu śes te | ś ri’i bu de yaṅ byaṅ chub sems dpa’ sems dpa’ chen po’i chos kyi mig yoṅs (2) su dag pa yin no ||
ś ri’i bus gsol pa | bcom ldan ’das byaṅ chub sems dpa’ sems dpa’ chen po’i saṅs rgyas kyi mig yoṅs su dag pa gaṅ lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po byaṅ chub kyi sems (3) kyi mjug thogs su rdo rje lta bu źes bya ba’i tiṅ ṅe ’dzin la sñoms par źugs nas rnam pa thams cad mkhyen pa ñid thob par byed de | de ni de bźin gśegs pa’i stobs bcu daṅ ldan pa yin | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres (4) pa bcwa brgyad daṅ | byams pa chen po daṅ | sñiṅ rje chen po daṅ | saṅs rgyas kyi rnam par thar pa sgrib pa med pa daṅ ldan pa yin no ||
de ni de’i mig yin te | mig de daṅ ldan pa’i byaṅ chub sems dpa’ sems dpa’ chen pos ni rnam pa thams cad du ma mthoṅ ba’am | ma thos pa (5) ’am | mi dran pa’am | rnam par mi śes pa ci ’aṅ med de | ś ri’i bu de ni byaṅ chub sems dpa’ sems dpa’ chen po’i bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi mig yoṅs su dag pa yin no ||
ś ri’i bu de lta bas na | (6) byaṅ chub sems dpa’ sems dpa’ chen po’i mig lṅa yoṅs su sbyoṅ bar ’dod pa daṅ | thob par ’dod pas pha rol tu phyin pa drug la brtson par bya’o ||
de ci’i phyir źe na | ś ri’i bu ’di ltar dge ba’i chos thams cad daṅ | ñan thos kyi cos thams cad daṅ | raṅ saṅs rgyas (7) kyi chos thams cad daṅ | byaṅ chub sems dpa’i chos thams cad daṅ | saṅs rgyas kyi chos thams cad pha rol tu phyin pa drug gi naṅ du ’dus pa’i phyir ro ||
ś ri’i bu śes rab kyi pha rol tu phyin pa der dge ba’i chos thams cad ’dus so źes yaṅ dag par smra bas smra na | yaṅ dag (49b1) par smra bas smra ba yin no ||
de ci’i phyir źe na | ś ri’i bu de ltar śes rab kyi pha rol tu phyin pa ni pha rol tu phyin pa thams cad daṅ | mig lṅa po de dag skyed pa ste | mig lṅa po de dag la bslabs pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i (2) byaṅ chub mṅon par rdzogs par ’tshaṅ rgya bar ’gyur ba’i phyir ro ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa de ni mṅon par śes pa’i pha rol tu phyin pa ’thob ciṅ | des rdzu ’phrul bya ba rnam pa du ma myoṅ bar ’gyur te | des (3) yaṅ g-yo bar byed do ||
gcig tu gyur nas maṅ por ’gyur ba daṅ | maṅ por gyur nas kyaṅ gcig tu ’gyur ba daṅ | snaṅ bar ’gyur źiṅ | mi snaṅ bar ’gyur ba yaṅ myoṅ bar byed do ||
rtsig pa la yaṅ thad kar ’gro’o ||
ra ba la yaṅ thad kar ’gro’o ||
ril yaṅ (4) lus mi thogs par thad kar ’gro ste | dper na nam mkha’ la bya ba bźin no ||
nam mkha’ la yaṅ skyil mo kruṅ bcas nas ’gro ste | dper na ’dab chags bya ba bźin no ||
sa la yaṅ steṅ du ’byuṅ ba daṅ | byi’u zul byed de | dper na chu la bya ba bźin no ||
chu la (5) yaṅ mi nub par ’gro ste | dper na sa la bya ba bźin no ||
du ba ’thul bar yaṅ byed ’bar bar yaṅ bar yaṅ byed de | dper na me’i phuṅ po chen po bźin no ||
zla ba daṅ ñi ma ’di ltar rdzu ’phrul che ba ’di ltar mthu che ba | ’di ltar gzi brjid che ba ’di dag la yaṅ lag pas nom źiṅ kun tu (6) ñug par byed do ||
tshaṅs pa’i ’jig rten gyi bar du yaṅ lus kyis dbaṅ sgyur ro ||
ṅo bo ñid kyis stoṅ pa ñid daṅ | ṅo bo ñid kyis dben pa ñid daṅ | ṅo bo ñid kyis skye ba med pa ñid kyi phyir | des gaṅ gis rlom sems su byed pa’i rdzu ’phrul de yaṅ mi dmigs | gaṅ rlom sems (7) su byed pa daṅ | gaṅ gis rlom sems su byed pa de yaṅ mi dmigs te | de rnam pa thams cad mkhyen pa ñid yid la byed pa ma gtogs par rdzu ’phrul du sems pa ’am | rdzu ’phrul mṅon par bsgrub pa’i sems pa yaṅ mi skyed do ||
ś ri’i bu byaṅ chub sems dpa’ sems dpa’ chen po (50a1) śes rab kyi pha rol tu phyin pa la de ltar spyod pa ni | rdzu ’phrul bya ba mṅon sum du bya ba’i mṅon par śes pa’i śes pa mṅon par sgrub bo ||
des lha’i rna ba rnam par dag pa mi’i las ’das pa | ’di lta ste | lha daṅ mi’i sgra rnams thos te | ṅo bo ñid kyis stoṅ pa ñid daṅ | (2) ṅo bo ñid kyis dben pa ñid daṅ | ṅo bo ñid kyis skye ba med pa ñid kyi phyir ro ||
’di ltar des sgra de mi dmigs pas bdag gis sgra thos so sñam du lha’i rna ba des rlom sems su mi byed do ||
de rnam pa thams cad mkhyen pa ñid yid la byed pa ma gtogs par lha’i rna bar sems pa yaṅ mi skyed ciṅ (3) mi dmigs so ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni lha’i rna ba mṅon sum du bya ba’i mṅon par śes pa’i śes pa mṅon par sgrub bo ||
des sems can gźan rnams daṅ | gaṅ zag gźan dag gi sems kyaṅ sems (4) kyis yaṅ dag pa ji lta ba bźin du rab tu śes te | ’dod chags daṅ bcas pa’i sems la yaṅ ’dod chags daṅ bcas pa’i sems su yaṅ dag pa ji lta ba bźin du rab tu śes so ||
’dod chags bral ba’i sems la yaṅ ’dod chags daṅ bral ba’i sems su yaṅ dag pa ji lta ba bźin (5) du rab tu śes so ||
de bźin du źe sdaṅ daṅ bcas pa daṅ | źe sdaṅ daṅ bral ba daṅ | gti mug daṅ bcas pa daṅ | gti mug daṅ bral ba daṅ | sred pa daṅ bcas pa daṅ | sred pa daṅ bral ba daṅ | len pa daṅ bcas pa daṅ | len pa med pa daṅ | bsdus pa daṅ | rnam (6) par g-yeṅs pa daṅ | chuṅ ṅu daṅ | chen por gyur pa daṅ | mñam par bźag pa daṅ | mñam par ma bźag pa daṅ | rnam par grol ba daṅ | rnam par ma grol ba daṅ | zag pa daṅ bcas pa daṅ | zag pa med pa daṅ | ñon moṅs pa daṅ bcas pa daṅ | ñon moṅs pa med pa daṅ | (7) bla na yod pa’i sems la yaṅ bla na yod pa’i sems su yaṅ dag pa ji lta ba bźin du rab tu śes so ||
bla na med pa’i sems la yaṅ bla na med pa’i sems su yaṅ dag pa ji lta ba bźin du rab tu śes so ||
’di ltar sems de yaṅ sems ma yin pa ste | bsam gyis mi khyab pa’i byir ṅes rlom sems (50b1) su mi byed do ||
des gaṅ gis rlom sems su mi byed pa’i sems de ñid kyaṅ mi dmigs te | ṅo bo ñid kyis stoṅ pa ñid daṅ | ṅo bo ñid kyis dben pa ñid daṅ | ṅo bo ñid kyis skye ba med pa ñid kyi phyir bdag gis śes so sñam du rlom sems su mi byed do ||
de rnam pa thams cad (2) mkhyen pa ñid yid la byed pa ma gtogs par sems la sems pa yaṅ mi skyed do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni sems can thams cad kyi sems kyi spyod pa mṅon sum du bya ba’i mṅon par śes pa’i śes (3) pa mṅon par sgrub bo ||
de sṅon gyi gnas rnam pa du ma rjes su dran pa’i śes pa mṅon sum du bya ba’i mṅon par śes pa’i śes pa mṅon par sgrub ste | des sems gcig gam | sems brgya’i bar du yaṅ rjes su dran no ||
źag gcig daṅ | źag brgya’i bar daṅ | zla (4) ba gcig daṅ | zla ba brgya’i par daṅ | lo gcig daṅ | lo brgya’i bar daṅ | bskal pa gcig daṅ | bskal pa brgya’i bar daṅ | bskal pa brgya phrag du ma ’am | bskal pa stoṅ phrag du ma’am | bskal pa ’bum phrag du ma’am | bskal pa bye ba khrag khrig (5) phrag ’bum phrag du ma’i bar du rjes su dran źiṅ | sṅon gyi mtha’i mur thug pa’i bar du yaṅ rjes su dran te | bdag ni ge mo źig na ’dug ’dug ste | miṅ ni ’di źes bya | rus ni ’di źes bya | rigs ni ’di źes bya | kha zas ni ’di lta bu źig za za | ’tsho ba ni ’di ’dra (6) ba źig | yun ni ’di srid cig tu ’dug ’dug | tshe’i mtha’ ni ’di tsam źig tu gyur | de nas śi ’phos nas ni ga ge mo źig tu skyes | de nas śi ’phos nas ni ’dir skyes so źes de ltar rnam pa daṅ bcas | yul phyogs daṅ bcas | gźi ci las gyur pa daṅ bcas par bdag (7) daṅ gźan dag gi sṅon gyi gnas rnam pa du ma rjes su dran no ||
’di ltar śes pa de yaṅ śes pa ma yin pa ste | bsam gyis mi khyab pa’i phyir sṅon gyi gnas rjes su dran pa’i mṅon par śes pa’i śes pa des kyaṅ rlom sems su mi byed do ||
des gaṅ gis rlom sems su mi byed pa’i (51a1) śes pa de ñid kyaṅ mi dmigs te | ṅo bo ñid kyis stoṅ pa ñid daṅ | ṅo bo ñid kyis dben pa ñid daṅ | ṅo bo ñid kyis skye ba med pa ñid kyi phyir | bdag gis śes so sñam du rlom sems su mi byed do ||
de rnam pa thams cad mkhyen pa ñid yid la byed pa ma gtogs (2) par rjes su dran pa’i śes par sems pa yaṅ mi skyed do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni sṅon gyi gnas rjes su dran pa mṅon sum du bya ba’i mṅon par śes pa’i śes pa mṅon par sgrub bo ||
de lha’i mig rnam par dag pa mi’i las (3) ’das pas sems can rnams mthoṅ ste | sems can ’chi ’pho ba daṅ | skye ba daṅ | kha dog sdug pa daṅ | kha dog mi sdug pa daṅ | bzaṅ po daṅ | ṅan pa daṅ | bde ’gro daṅ | ṅan ’gro daṅ | las ci lta ba bźin du ’gro ba dag rab tu śes so ||
sems can ’di dag ni lus (4) gyi ñes par spyod pa daṅ ldan pa | dag gi ñes par spyod pa daṅ | yid kyi ñes par spyod pa daṅ ldan pa | ’phags pa la skur pa ’debs pa log par lta ba can yin te | log par lta ba’i las kyi gźi daṅ rgyus lus źig nas śi ba’i ’og tu ṅan soṅ ṅan ’gro log par ltuṅ ba rnams su skye (5) bar ’gyur ro ||
sems can ’di dag ni lus kyi legs par spyod pa daṅ ldan pa | ṅag gi legs par spyod pa daṅ | yid kyi legs par spyod pa daṅ ldan pa | ’phags pa rnams la skur pa mi ’debs pa yaṅ dag pa’i lta ba can te | de dag lus daṅ ṅag daṅ yid kyi legs par (6) spyod pa’i gñi daṅ rgyus lus źig nas bde ’gro mtho ris kyi ’jig rten du lha rnams kyi naṅ du skye bar ’gyur ro ||
źes lha’i mig rnam par dag pa mi’i las ’das pas | phyogs bcu’i ’jig rten gyi khams kun tu ’jig rten gyi chos kyi dbyiṅs kyis klas pa | nam mkha’i khams kyi (7) mthas gtugs pa dag na | ’gro ba drug gi sems can rnams kyi ’chi ’pho daṅ skye ba yaṅ dag pa ji lta ba bźin du rab tu śes so ||
’di ltar mig de ni mig ma yin pa ste | bsam gyis mi khyab pa’i phyir des kyaṅ rlom sems su mi byed do ||
des gaṅ gis rlom sems su byed pa’i mig de (51b1) ñid mi dmigs te | de ṅo bo ñid kyis stoṅ pa ñid daṅ | ṅo bo ñid kyis dben pa ñid daṅ | ṅo bo ñid kyis skye ba med pa ñid kyi phyir | bdag gis śes so sñam du rlom sems su mi byed do ||
de rnam pa thams cad mkhyen pa ñid yid la byed pa ma gtogs par mig tu sems pa yaṅ mi rgyed (2) do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni lha’i mig mṅon sum du bya ba’i mṅon par śes pa’i śes pa mṅon par sgrub bo ||
de zag pa zad pa mṅon sum du bya ba’i mṅon par śes pa’i śes pa yaṅ mṅon par sgrub la | (3) ñan thos daṅ | raṅ saṅs rgyas kyi sar yaṅ mi ltuṅ ste | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba ma gtogs par chos gźan gaṅ la yaṅ smon pa med do ||
de mṅon par śes pa des rdo rje lta bu’i tiṅ ṅe ’dzin la brten nas | bag (4) chags daṅ | mtshams sbyor ba daṅ | ñon moṅs pa thams cad spoṅ bar byed do ||
’di ltar śes pa de ni śes pa ma yin pa ste | bsam gyis mi khyab pa’i phyir | zag pa zad pa mṅon sum du bya ba’i mṅon par śes pa’i śes pa mṅon par bsgrubs pa’i dge ba des rlom sems su mi (5) byed do ||
de śes pa de ñid mi dmigs te | ṅo bo ñid kyis stoṅ pa ñid daṅ | ṅo bo ñid kyis dben pa ñid daṅ | ṅo bo ñid kyis skye ba med pa ñid kyi phyir | bdag gis śes so sñam du rlom sems su mi byed do ||
de rnam pa thams cad mkhyen pa ñid yid la byed pa ma gtogs par śes pa (6) de la sems pa yaṅ mi skyed do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni zag pa zad pa mṅon sum du bya ba’i mṅon par śes pa’i śes pa mṅon par sgrub bo ||
ś ri’i bu yaṅ byaṅ chub sems dpa’ sems dpa’ chen po (7) śes rab kyi pha rol tu phyin pa la de ltar spyod pa ni mṅon par śes pa drug yoṅs su rdzogs par ’gyur | yoṅs su dag par ’gyur te | mṅon par śes pa rnams yoṅs su dag pas rnam pa thams cad mkhyen pa ñid thob par byed do ||
ś ri’i bu byaṅ chub sems dpa’ sems dpa’ chen po (52a1) śes rab kyi pha rol tu phyin pa la spyod pa gaṅ dag mtha’ las ’das pa stoṅ pa ñid kyis yoṅs su ’dzin pa med pa’i phyir sbyin pa’i pha rol tu phyin pa la gnas te | rnam pa thams cad mkhyen pa ñid kyi lam sbyoṅ ba dag kyaṅ yod do ||
ś ri’i bu byaṅ chub sems dpa’ sems (2) dpa’ chen po śes rab kyi pha rol tu phyin pa la spyod pa | mtha’ las ’das pa stoṅ pa ñid kyis ltuṅ ba mi ’byuṅ ba daṅ | lhag par ltuṅ ba mi ’byuṅ ba’i phyir tshul khrims kyi pha rol tu phyin pa la gnas te | rnam pa thams cad mkhyen pa ñid kyi lam sbyoṅ bdag kyaṅ yod do ||
(3) ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa | mtha’ las ’das pa stoṅ pa ñid kyis ’khrug pa med pa’i phyir | bzod pa’i pha rol tu phyin pa la gnas te | rnam pa thams cad mkhyen pa ñid kyi lam sbyoṅ ba dag kyaṅ yod do ||
(4) ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa | mtha’ las ’das pa stoṅ pa ñid kyis lus daṅ sems kyi brtson ’grus ma btaṅ ba’i phyir | brtson ’grus kyi pha rol tu phyin pa la gnas te | rnam pa thams cad mkhyen pa ñid kyi lam (5) sbyoṅ ba dag kyaṅ yod do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa mtha’ las ’das pa stoṅ pa ñid kyis rnam par g-yeṅ ba med pa’i phyir bsam gtan gyi pha rol tu phyin pa la gnas te | rnam pa thams cad mkhyen pa ñid kyi lam (6) sbyoṅ ba dag kyaṅ yod do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa mtha’ las ’das pa stoṅ pa ñid kyis śes rab ’chal ba’i sems mi dmigs pa’i phyir śes rab kyi pha rol tu phyin pa la gnas te | rnam pa thams cad (7) mkhyen pa ñid kyi lam sbyoṅ ba dag kyaṅ yod do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni mtha’ las ’das pa stoṅ pa ñid kyis ’gro ba daṅ | ’oṅ ba med pa daṅ | ’dzin pa med pa’i phyir pha rol tu phyin pa drug po dag la (52b1) gnas te | rnam pa thams cad mkhyen pa ñid kyi lam sbyoṅ bar byed do ||
sbyin pa ni yoṅs su ’dzin pa yod pa’i phyir gdags so ||
tshul khrims ni ’chal pa’i tshul khrims yod pa’i phyir gdags so ||
bazodada pa ni ’khrug pa yod pa’i phyir gdags so ||
brtson ’grus (2) ni le lo yod pa’i phyir gdags so ||
tiṅ ṅe ’dzin ni mñam par ma bźag pa yod pa’i phyir gdags so ||
śes rab ni ’chal pa’i śes rab yod pa’i phyir gdags te | de ni brgal to źes bya bar rlom sems med do ||
ma brgal to źes bya bar rlom sems med do ||
sbyin (3) pa daṅ ser sna źes bya bar rlom sems med do ||
tshul khrims daṅ tshul khrims ma yin pa źes bya bar rlom sems med do ||
bzod pa daṅ ’khrug pa źes bya bar rlom sems med do ||
brtson ’grus daṅ le lo źes bya bar rlom sems med do ||
mñam par bźag pa daṅ | (4) mñam par ma bźag pa źes bya bar rlom sems med do ||
śes rab daṅ | śes rab ’chal ba źes bya bar rlom sems med do ||
bdag la spyos so źes bya bar rlom sems med do ||
bdag la phyag byas so źes bya bar rlom sems med do ||
bdag la bsti staṅ byas so (5) źes bya bar rlom sems med do ||
bdag la bsti staṅ ma byas so źes bya bar rlom sems med do ||
de ci’i phyir źe na | ś ri’i bu ’di ltar skye ba med pa ni bdag la spyos so źes bya bar rlom sems su mi byed | phyag byas so źes rlom sems su mi byed | bdag la bsti staṅ byas (6) so źes rlom sems su mi byed | bdag la bsti staṅ ma byas so źes rlom sems su mi byed pa’i phyir ro ||
de ci’i phyir źe na | ’di ltar śes rab kyi pha rol tu phyin pa ni rlom sems thams cad gcod pa’i phyir ro ||
ś ri’i bu ’di la byaṅ chub sems dpa’ sems dpa’ chen (7) po śes rab kyi pha rol tu phyin pa la spyod pa’i yon tan gaṅ yin pa de dag ni ñan thos daṅ raṅ saṅs rgyas thams cad la med de | de ni yon tan de dag yoṅs su rdzogs par byed ciṅ | sems can rnams kyaṅ yoṅs su smin par byed | saṅs rgyas kyi źiṅ yaṅ yoṅs su dag par (53a1) byed de | rnam pa thams cad mkhyen pa ñid kyaṅ thob par byed do ||
ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni sems can thams cad la mñam pa ñid kyi sems skyed par byed de | des sems can (2) thams cad la mñam pa ñid kyi sems bskyed pas chos thams cad mñam pa ñid thob par ’gyur ro ||
des chos thams cad mñam pa ñid thob pas sems can thams cad chos thams cad mñam pa ñid la ’god par byed do ||
de tshe ’di ñid la yaṅ saṅs rgyas bcom ldan ’das rnams (3) la sdug ciṅ thugs su byon par ’gyur ro ||
byaṅ chub sems dpa’ thams cad daṅ | ñan thos thams daṅ | raṅ saṅs rgyas thams cad la yaṅ sdug ciṅ yid du ’oṅ bar ’gyur ro ||
de gaṅ daṅ gaṅ du skyes pa de daṅ der nas kyaṅ mig gis gzugs yid du mi ’oṅ ba rnams (4) mthoṅ bar mi ’gyur ro ||
rna bas sgra yid du mi ’oṅ ba rnams thos par mi ’gyur ro ||
snas dri yid du mi ’oṅ ba rnams tshor bar mi ’gyur ro ||
lces ro yid du mi ’oṅ ba rnams myoṅ bar mi ’gyur ro ||
lus kyis reg bya yid du mi ’oṅ ba rnams reg par mi ’gyur ro ||
yid kyis (5) chos yid du mi ’oṅ ba rnams śes par mi ’gyur ro ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni bla na med pa yaṅ dag par rdzogs pa’i byaṅ chub las yoṅs su ñams par mi ’gyur ro ||
śes rab kyi pha rol tu phyin pa (6) bstan pa ’di bśad pa na | dge sloṅ sum brgyas gos ci gyon pa rnams bcom ldan ’das kyi sku la gsol te | bla na med pa yaṅ dag par rdzogs pa’i byaṅ chub tu sems kyaṅ bskyed do ||
de nas de’i tshe | bcom ldan ’das kyis ’dzum pa mdzad do ||
de nas tshe daṅ ldan pa kun (7) dga’ bo stan las laṅs te | bla gos phrag pa gcig tu gzar nas pus mo g-yas pa’i lha ṅa sa la btsugs te | bcom ldan ’das ga la ba de logs su thal mo sbyar ba btud nas | bcom ldan ’das la ’di skad ces gsol to ||
bcom ldan ’das de bźin gśegs pa dgra (53b1) bcom pa yaṅ dag par rdzogs pa’i saṅs rgyas rnams ni rgyu ma mchis | rkyen ma mchis par ’dzum pa mi mdzad na | ’dzum pa mdzad pa’i rgyu gaṅ lags rkyen gaṅ lags de skad ces gsol pa daṅ | bcom ldan ’das kyis tshe daṅ ldan pa kun dga’ bo la ’di skad ces bka’ stsal (2) to ||
kun dga’ bo dge sloṅ sum brgya po ’di dag ni ’di nas śi ’phos nas de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa bźugs pa’i saṅs rgyas kyi źiṅ du skye bar ’gyur te | de dag bskal pa drug cu rtsa gcig na bskal pa skar ma (3) lta bu la de bźin gśegs pa dgra bcom pa yaṅ dag par rdzogs pa’i saṅs rgyas me tog chen po źes bya ba dag tu ’jig rten du ’byuṅ bar ’gyur ro ||
’dod pa na spyod pa’i lha’i bu drug khris kyaṅ bla na med pa yaṅ dag par rdzogs pa’i byaṅ chub tu sems bskyed do ||
de dag ni de (4) bźin gśegs pa dgra bcom pa yaṅ dag par rdzogs pa’i saṅs rgyas byams pa yaṅ mñes par byed par ’gyur te | de ñid du rab tu byuṅ nas | tshaṅs par spyad pa spyod par ’gyur źiṅ | de bźin gśegs pa byams pa des kyaṅ de dag bla na med pa yaṅ dag par rdzogs pa’i byaṅ chub tu (5) luṅ ston par ’gyur ro ||
de nas de’i tshe saṅs rgyas kyi mthus ’khor bźi po dag gis ’di nas śar phyogs na saṅs rgyas khri bźugs pa mthoṅ ṅo ||
phyogs bcu khor yug gi bar du yaṅ saṅs rgyas khri khri mthoṅ ṅo ||
saṅs rgyas bcom ldan ’das de dag gi ’jig rten gyi khams (6) de dag na saṅs rgyas kyi źiṅ gi yon tan bkod pa gaṅ dag snaṅ ba’i saṅs rgyas kyi źiṅ gi yon tan bkod pa de dag ni ’jig rten gyi khams mi mjed ’di na mi snaṅ ṅo ||
de nas ’khor de las srog chags khris bdag cag kyaṅ las ’di lta bu byas te | las de byas pas | saṅs rgyas kyi (7) źiṅ de dag tu skye bar gyur cig ces smon lam btab bo ||
de nas bcom ldan ’das kyis rigs kyi bu de dag gi bsam pa thugs su chud nas ’dzum pa mdzad do ||
de nas bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das saṅs rgyas (54a1) bcom ldan ’das rnams ni rgyu ma mchis | rkyen ma mchis par ’dzum pa mi mdzad na | ’dzum pa mdzad pa’i rgyu gaṅ lags | rkyen gaṅ lags | bcom ldan ’das kyis bka’ stsal pa | kun dga’ bo srog chags khri bo ’di dag khyod kyis mthoṅ ṅam | gsol (2) pa | bcom ldan ’das mthoṅ lags so ||
bcom ldan ’das kyis bka’ stsal pa | kun dga’ bo srog chags khri po ’di dag ni ’di nas śi ’phos nas | saṅs rgyas kyi źiṅ de dag tu skye bar ’gyur te | nams kyaṅ de bźin gśegs pa dgra bcom pa yaṅ dag par (3) rdzogs pa’i saṅs rgyas rnams daṅ ’bral bar mi ’gyur la | phyis de bźin gśegs pa dgra bcom pa yaṅ dag par rdzogs pa’i saṅs rgyas bkod pa’i rgyal po źes bya bar ’gyur ro ||
śes rab kyi pha rol tu phyin pa khri brgyad stoṅ pa las | ñe bar brtag pa’i le’u ste gsum (4) pa’o || ||
de nas bcom ldan ’das la tshe daṅ ldan pa ś ri’i bu daṅ | tshe daṅ ldan pa mo.oda gal gyi bu chen po daṅ | tshe daṅ ldan pa rab ’byor daṅ | tshe daṅ ldan pa byams ma’i bu gaṅ po daṅ | tshe daṅ ldan pa ’od sruṅ chen po daṅ | de dag daṅ gźan (5) yaṅ dge sloṅ daṅ | dge sloṅ ma daṅ | dge bsñen daṅ | dge bsñen ma mṅon par śes pa mṅon par śes pa dag daṅ | byaṅ chub sems dpa’ sems dpa’ chen po rab tu maṅ po dag gis ’di skad ces gsol to ||
bcom ldan ’das ’di lta ste | śes rab kyi pha (6) rol tu phyin pa ’di ni byaṅ chub sems dpa’ sems dpa’ chen po rnams kyi pha rol tu phyin pa chen po lags so ||
bcom ldan ’das śes rab kyi pha rol tu phyin pa ’di ni byaṅ chub sems dpa’ sems dpa’ chen po rnams kyi pha rol tu phyin pa yaṅs pa lags so ||
bcom (7) ldan ’das śes rab kyi pha rol tu phyin pa ’di ni byaṅ chub sems dpa’ sems dpa’ chen po rnams kyi pha rol tu phyin pa mchog lags so ||
’di ni pha rol tu phyin pa khyad par du ’phags pa lags so ||
’di ni pha rol tu phyin pa rab daṅ | rab mchog daṅ | gya nom pa (54b1) lags so ||
’di ni pha rol tu phyin pa bla na ma mchis pa lags so ||
’di ni pha rol tu phyin pa goṅ na ma mchis pa lags so ||
’di ni pha rol tu phyin pa mñam pa ma mchis pa lags so ||
’di ni pha rol tu phyin pa mi mñam pa daṅ mñam pa lags so ||
’di ni pha rol (2) tu phyin pa źi ba daṅ dul ba lags so ||
’di ni pha rol tu phyin pa mtshuṅs pa ma mchis pa lags so ||
’di ni pha rol tu phyin pa dpe ma mchis pa lags so ||
’di ni pha rol tu phyin pa nam mkha’ lta bu lags so ||
’di ni raṅ gi mtshan ñid stoṅ pa ñid kyi pha rol tu phyin pa (3) lags so ||
’di ni yon tan thams cad daṅ ldan pa’i pha rol tu phyin pa lags so ||
bcom ldan ’das ’di lta ste śes rab kyi pha rol tu phyin pa ’di ni byaṅ chub sems dpa’ sems dpa’ chen po rnams kyi thub pa ma mchis pa’i pha rol tu phyin pa lags so ||
bcom ldan (4) ’das byaṅ chub sems dpa’ sems dpa’ chen po śes rab kyi pha rol tu phyin pa ’di la spyod pa rnams kyis ni mi mñam pa daṅ mñam pa’i sbyin pa stsal lags so ||
de dag gis ni mi mñam pa daṅ mñam pa’i sbyin pa’i pha rol tu phyin pa yoṅs su rdzogs par bgyis lags so ||
de (5) dag gis ni mi mñam pa daṅ mñam pa’i lus thob lags so ||
de dag gis ni ’di lta ste | bla na med pa yaṅ dag par rdzogs pa’i byaṅ chub kyi chos mi mñam pa daṅ mñam pa thob par ’gyur lags so ||
de bźin du mi mñam pa daṅ mñam pa’i tshul khrims daṅ | bzod pa daṅ | (6) brtson ’grus daṅ | bsam gtan daṅ | śes rab bsgoms lags so ||
de dag gis ni mi mñam pa daṅ mñam pa’i lus thob lags so ||
de dag gis ni ’di lta ste | bla na me pa yaṅ dag par rdzogs pa’i byaṅ chub kyi chos mi mñam pa daṅ mñam pa thob par ’gyur lags (7) so ||
bcom ldan ’das kyis kyaṅ śes rab kyi pha rol tu phyin pa ’di ñid la spyod pas mi mñam pa daṅ mñam pa’i gzugs brñes par gyur lags so ||
ma mñam pa daṅ mñam pa’i tshor ba daṅ | ’du śes daṅ | ’du byed rnams daṅ | mi mñam pa daṅ mñam pa’i rnam par (55a1) śes pa brñes par gyur lags so ||
mi mñam pa daṅ mñam pa’i byaṅ chub mṅon par rdzogs par saṅs rgyas lags so ||
mi mñam pa daṅ mñam pa’i chos kyi ’khor lo bskor lags so ||
de bźin du ’das pa daṅ | ma byon pa daṅ | da ltar byuṅ (2) ba’i saṅs rgyas bcom ldan ’das rnams kyis kyaṅ śes rab kyi pha rol tu phyin pa ’di ñid la spyad pas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par gyur lags so ||
mṅon par rdzogs par saṅs rgyas lags so ||
mṅon par rdzogs par (3) ’tshaṅ rgya bar ’gyur lags so ||
bcom ldan ’das de lta lags bas | byaṅ chub sems dpa’ sems dpa’ chen po chos thams cad kyi pha rol tu phyin par ’tshal ba rnams kyis śes rab kyi pha rol tu phyin pa la brtson par bgyi’o ||
bcom ldan ’das byaṅ chub sems dpa’ sems dpa’ (4) chen po śes rab kyi pha rol tu phyin pa ’di la spyod pa gaṅ lags pa de dag ni lha daṅ mi daṅ lha ma yin du bcas pa’i ’jig rten gyis phyag bgyi ba’i gnas lags so ||
de skad ces gsol pa daṅ | bcom ldan ’das kyis ñan thos chen po de dag daṅ | byaṅ chub sems dpa’ sems dpa’ (5) chen po rab tu maṅ po de dag la ’di skad ces bka’ stsal to ||
rigs kyi bu dag de de bźin te | de de bźin no ||
rigs kyi bu dag khyed ji skad zer ba bźin te | byaṅ chub sems dpa’ sems dpa’ chen po śes rab kyi pha rol tu phyin pa la spyod pa gaṅ yin pa de dag ni lha daṅ mi daṅ lha ma (6) yin du bcas pa’i ’jig rten gyis phyag bya ba’i gnas yin no ||
ś ri’i bu byaṅ chub sems dpa’ sems dpa’ chen po la brten nas | ’jig rten du mi’i ’jig rten ’byuṅ ṅo ||
’jig rten du lha’i ’jig rten ’byuṅ ṅo ||
de bźin du rgyal rigs śiṅ s la chen po lta bu dag daṅ (7) bram ze’i rigs śiṅ s la chen po lta bu dag daṅ | khyim bdag gi rigs śiṅ s la chen po lta bu dag daṅ | ’khor los sgyur ba’i rgyal po dag daṅ | rgyal chen bźi’i ris kyi lha rnams daṅ | sum cu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | (55b1) gźan ’phrul dbaṅ byed daṅ | tshaṅs pa’i mdun na ’don daṅ | tshaṅs ris daṅ | tshaṅs ’khor daṅ | ’od chuṅ daṅ | tshad med ’od daṅ | ’od gsal daṅ | dge chuṅ daṅ | tshad med dge daṅ | dge rgyas daṅ | ’bras bu che daṅ | sems can ’du śes med (2) pa daṅ | gnas gtsaṅ ma mi che ba daṅ | śin tu mthoṅ daṅ | gya nom snaṅ daṅ | mi gduṅ daṅ | ’og min daṅ | nam mkha’ mtha’ yas skye mched du ñe bar ’gro ba daṅ | rnam śes mtha’ yas skye mched du ñe bar ’gro ba daṅ | ci yaṅ med pa’i skye mched du ñe bar ’gro ba daṅ | ’du śes (3) med ’du śes med min skye mched du ñe bar ’gro ba’i lha rnams ’jig rten du ’byuṅ ṅo ||
rgyun du źugs pa rnams daṅ | lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams daṅ | byaṅ chub sems dpa’ rnams daṅ (4) de bźin gśegs pa dgra bcom pa yaṅ dag par rdzogs pa’i saṅs rgyas rnams ’jig rten du ’byuṅ ṅo ||
ś ri’i bu byaṅ chub sems dpa’ la brten nas | dkon mchog gsum ’jig rten du ’byuṅ ṅo ||
’jig rten pa’i ’tsho ba’i yo byad zas daṅ | skom daṅ | mal cha daṅ | (5) stan daṅ | na ba’i gso sman daṅ | ’tshog chas daṅ | nor bu daṅ | mu tig daṅ | be.e durya daṅ | duṅ daṅ | man śel daṅ | byi ru daṅ | dṅul daṅ | gser ’jig rten du ’byuṅ ṅo ||
ś ri’i bu lha rnams daṅ | mi rnams kyi bde ba’i yo byad ji sñed pa rnams daṅ | (6) srid pa’i bde ba rnams daṅ | mya ṅan las ’das pa’i bde ba de dag thams cad kyaṅ | ś ri’i bu byaṅ chub sems dpa’ sems dpa’ chen po la brten te ’jig rten du ’byuṅ ba yin no ||
de ci’i phyir źe na | ś ri’i bu byaṅ chub sems dpa’ ni | byaṅ chub sems dpa’i spyad pa spyod pa (7) na pha rol tu phyin pa drug po dag la gnas te | bdag ñid kyaṅ sbyin pa sbyin par byed la | gźan dag kyaṅ sbyin pa la sbyor bar byed | bdag ñid kyaṅ tshul khrims sruṅ la | gźan dag kyaṅ tshul khrims la sbyor bar byed | bdag ñid kyaṅ bzod bsgom la | gźan dag kyaṅ bzod pa la (56a1) sbyor bar byed | bdag ñid kyaṅ brtson ’grus rtsom la | gźan dag kyaṅ brtson ’grus la sbyor bar byed | bdag ñid kyaṅ bsam gtan rnams skyed la | gźan dag kyaṅ bsam gtan rnams la sbyor bar byed | bdag ñid kyaṅ śes rab sgom la | gźan (2) dag kyaṅ śes rab sgom pa la sbyor bar byed pa’i phyir ro ||
ś ri’i bu de bas na byaṅ chub sems dpa’ sems dpa’ chen po ni sems can thams cad la phan pa daṅ bde ba bya ba’i phyir źugs pa yin no ||
śes rab kyi pha rol tu phyin pa khri brgyad stoṅ pa las mi mñam pa daṅ (3) mñam pa’i le’u źes bya ste | bźi pa’o || ||
śes rab kyi pha rol tu phyin pa khri brgyad stoṅ pa | bam po lṅa pa | de nas de’i tshe | bcom ldan ’das kyi źal gyi sgo nas ljags kyi dbaṅ po phyuṅ nas stoṅ gsum gyi stoṅ chen po’i ’jig rten gyi khams (4) ’di khyab par mdzad do ||
de nas ljags kyi dbaṅ po de las ’od ’phro ba kha dog sna tshogs byuṅ ṅo ||
de byuṅ nas śar phyogs su ’jig rten gyi khams gaṅ g’i kluṅ gi bye ma sñed dag snaṅ ba chen pos khyab par gyur to ||
de bźin du lho daṅ | nub daṅ | byaṅ daṅ | (5) byaṅ śar daṅ | śar lho daṅ | lho nub daṅ | nub byaṅ daṅ | ’og daṅ | steṅ gi phyogs kyi ’jig rten gyi khams gaṅ g’i kluṅ gi bye ma sñed dag snaṅ ba chen pos khyab par gyur to ||
de nas śar phyogs kyi ’jig rten gyi khams gaṅ g’i kluṅ gi bye ma sñed po de dag gi byaṅ chub (6) sems dpa’ sems dpa’ chen po dpag tu med graṅs med pa dag gis ’od kyi bkod pa de mthoṅ nas | raṅ raṅ gi saṅs rgyas kyi źiṅ gi saṅs rgyas bcom ldan ’das rnams la źus pa | bcom ldan ’das ’di ltar ’jig rten gyi khams ’di dag snaṅ ba chen pos khyab par gda’ ba ’di su’i mthu (7) lags | saṅs rgyas bcom ldan ’das de dag gis byaṅ chub sems dpa’ chen po de dag la bka’ stsal pa | rigs kyi bu dag ’di ni nub phyogs logs na | ’jig rten gyi khams mi mjed ces bya ba źig yod de | de na de bźin gśegs pa dgra bcom pa yaṅ dag par (56b1) rdzogs pa’i saṅs rgyas śkya thub pa źes bya ba bźugs te | des ’di lta ste | byaṅ chub sems dpa’ sems dpa’ chen po rnams la śes rab kyi pha rol tu phyin pa bstan pa’i phyir | ljags kyi dbaṅ po phyuṅ ste | phyogs bcu dag tu phyogs re rer yaṅ ’jig rten gyi khams gaṅ (2) g’i kluṅ gi bye ma sñed po ’di dag snaṅ ba chen pos khyab par mdzad do ||
de bźin du lho daṅ | nub daṅ | byaṅ daṅ | ’og daṅ | steṅ daṅ | phyogs bcu kun gyi bar gyi ’jig rten gyi khams gaṅ g’i kluṅ gi ba ye ma sñed dag tu yaṅ de bźin du sbyar bar bya’o ||
de nas byaṅ chub (3) sems dpa’ sems dpa’ chen po de dag gis saṅs rgyas bcom ldan ’das de dag la ’di skad ces gsol to ||
bcom ldan ’das bdag cag kyaṅ | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa de la blta ba daṅ (4) phyag bgyi ba daṅ | bsñen bkur bgyi ba daṅ | byaṅ chub sems dpa’ sems dpa’ chen po phyogs bcu nas ’dus pa de dag kyaṅ blta ba daṅ | śes rab kyi pha rol tu phyin pa de yaṅ mñan pa’i slad du ’jig rten gyi khams mi mjed der mchi bar ’tshal lo ||
saṅs rgyas bcom ldan (5) ’das de dag gis bka’ stsal pa | rigs kyi bu dag de’i dus la da bab par śes na deṅ śig | de nas byaṅ chub sems dpa’ sems dpa’ chen po de dag de bźin gśegs pa dgra bcom pa yaṅ dag par rdzogs pa’i saṅs rgyas de dag gi źabs la mgo bos phyag ’tshal nas | (6) lan bdun bskor ba byas te | phyogs bcu nas gdugs daṅ | rgyal mtshan daṅ | ba dan daṅ | me tog daṅ | me tog phreṅ daṅ | spos daṅ | byug pa daṅ | phye ma daṅ | na bza’ daṅ | gser gyi me tog daṅ | dṅul gyi me tog rnam pa du ma dag khyer nas | sil (7) sñan daṅ | pheg rdob pa daṅ | rol mo’i sgra daṅ chas te | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa ga la ba der doṅ ṅo ||
de nas rgyal chen bźi’i ris kyi lha rnams daṅ | ’og min gyi bar gyi lha rnams kyis lha’i me tog (57a1) daṅ | me tog phreṅ daṅ | spos daṅ | byug pa daṅ | phye ma daṅ | lha’i me tog ud pa la daṅ | pad ma daṅ | ku mud daṅ | pad ma dkar po daṅ | man d ra ba daṅ | man d ra ba chen po daṅ | klu śiṅ gi me tog daṅ | ta ma la’i lo ma rnams khyer (2) te | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa ga la ba der doṅ ṅo ||
de nas byaṅ chub sems dpa’ sems dpa’ chen po de dag daṅ | lha de dag gis me tog daṅ | me tog phreṅ daṅ | spos daṅ | byug pa (3) daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan de dag gis | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa la gtor | mṅon par gtor | mṅon par rab tu gtor to ||
(4) de nas me tog la sogs pa de dag ni steṅ gi nam mkha’ la mṅon par ’phags nas stoṅ gsum gyi stoṅ chen po’i ’jig rten gyi khams ’dir me tog gi khaṅ pa brtsegs pa | gru bźi lham pa | ka ba bźi zug pa | cha mñam pa | śin tu rnam par phye ba | ñams dga’ ba yid du (5) ’oṅ ba źig tu red de ’dug par gyur to ||
de nas ’khor de las srog chags bye ba khrag khrig phrag ’bum stan las laṅs te | bcom ldan ’das ga la ba de logs su thal mo sbyar ba btud nas bcom ldan ’das la ’di skad ces gsol to ||
bcom ldan ’das de bźin gśegs (6) pa dgra bcom pa yaṅ dag par rdzogs pa’i saṅs rgyas kyis chos ci lta bu dag brñes pa’i chos de lta bu dag bdag cag gis kyaṅ ma ’oṅs pa’i dus na thob par gyur cig | da ltar de bźin gśegs pa ji ltar chos ston pa de bźin du ñan thos kyi dge ’dun la luṅ ’bogs śiṅ | ’khor ’di (7) lta bu dag la chos ston par yaṅ gyur cig | de nas bcom ldan ’das kyis rigs kyi bu de dag gi bsam pa thugs su chud de | chos thams cad skye ba med pa daṅ | mṅon par ’du byed pa med pa daṅ | chos thams cad ’byuṅ ba med par bzod par gyur par mkhyen nas ’dzum pa mdzad (57b1) do ||
de nas bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das ’dzum pa mdzad pa’i rgyu gaṅ lags | rkyen gaṅ lags | bcom ldan ’das kyis bka’ stsal pa | kun dga’ bo ’khor ’di las srog chags bye ba khrag khrig (2) phrag ’bum gyis mi skye ba’i chos la bzod pa thob ste | ’di dag ni ma ’oṅs pa’i dus na bskal pa bye ba phrag drug cu rtsa bźi na | bskal pa me tog ’byuṅ gnas źes bya ba la | de bźin gśegs pa dgra bcom pa yaṅ dag par rdzogs pa’i saṅs rgyas byaṅ chub kyi yan lag gi (3) me tog ces bya ba dag ’jig rten du ’byuṅ bar ’gyur ro ||
śes rab kyi pha rol tu phyin pa khri brgyad stoṅ pa las | ljags kyi dbaṅ po’i le’u źes bya ste lṅa pa’o || ||
de nas bcom ldan ’das kyis tshe daṅ ldan pa rab ’byor la bka’ stsal pa | rab ’byor ci (4) nas byaṅ chub sems dpa’ sems dpa’ chen po rnams śes rab kyi pha rol tu phyin pa la ṅes par ’byuṅ bar ’gyur bar śes rab kyi pha rol tu phyin pa las brtsams te | byaṅ chub sems dpa’ sems dpa’ chen po rnams la chos kyi gtam bya bar khyod spobs par gyis śig | de nas (5) byaṅ chub sems dpa’ sems dpa’ chen po de dag daṅ | ñan thos chen po de dag daṅ | lha’i bu de dag ’di sñam du sems te | ci tshe daṅ ldan pa rab ’byor ’di raṅ gi śes rab daṅ | spobs pa’i stobs bskyed pa’i go chas | byaṅ chub sems dpa’ sems dpa’ chen po rnams la (6) śes rab kyi pha rol tu phyin pa ston par byed dam | ’on te saṅs rgyas kyi mthus ston par byed sñam mo ||
de nas saṅs rgyas kyi mthus | tshe daṅ ldan pa rab ’byor gyis | byaṅ chub sems dpa’ sems dpa’ chen po de dag daṅ | ñan thos chen po de dag daṅ | lha’i bu de dag gi (7) sems kyi yoṅs su rtog pa sems kyis śes nas | tshe daṅ ldan pa ś ri’i bu la smras pa | tshe daṅ ldan pa ś ri’i bu bcom ldan ’das kyi ñan thos rnams smra ba daṅ | ston pa daṅ | rjod pa gaṅ ci yaṅ ruṅ ste | de dag thams cad ni de bźin gśegs pa’i mthu yin no ||
de bźin (58a1) gśegs pas chos bstan pa gaṅ yin pa de dag thams cad ni chos ñid daṅ mi ’gal lo ||
rigs kyi bu de dag chos bstan pa de la slob na yaṅ chos ñid de mṅon sum du byed do ||
ś ri’i bu de bźin gśegs pa ’di ñid thabs la mkhas pa’i tshul gyis (2) byaṅ chub sems dpa’ sems dpa’ chen po rnams la śes rab kyi pha rol tu phyin pa ston gyi | tshe daṅ ldan pa ś ri’i bu ’di la ñan thos daṅ | raṅ saṅs rgyas daṅ | byaṅ chub sems dpa’ sems dpa’ chen po thams cad ni śes rab kyi pha rol tu phyin pa ston par mi nus te | (3) yul ma yin no ||
de nas bcom ldan ’das la tshe daṅ ldan pa rab ’byor gyis | ’di skad ces gsol to ||
bcom ldan ’das ’di lta ste | byaṅ chub sems dpa’ sems dpa’ chen po źes bgyi na | byaṅ chub sems dpa’ sems dpa’ chen po źes bgyi bde chos gaṅ (4) gi tshig bla dgas lags | bcom ldan ’das bdag gis ni ’di lta ste | byaṅ chub sems dpa’ źes bgyi ba’i miṅ gi chos de yaṅ dag par rjes su ma mthoṅ ste | bcom ldan ’das byaṅ chub sems dpa’ sems dpa’ chen po de dag daṅ | śes rab kyi pha rol tu phyin pa de daṅ (5) byaṅ chub sems dpa’i miṅ de yaṅ bdag gis yaṅ dag par rjes su ma mthoṅ lags na | byaṅ chub sems dpa’ sems dpa’ chen po gaṅ źig śes rab kyi pha rol tu phyin pa gaṅ la gdams par bgyi | rjes su bstan par bgyi | bcom ldan ’das kyis bka’ stsal pa | (6) rab ’byor ’di lta ste | śes rab kyi pha rol tu phyin pa daṅ | byaṅ chub sems dpa’ daṅ | byaṅ chub sems dpa’i miṅ de ni miṅ tsam du zad de | miṅ ṅe yaṅ naṅ na yaṅ med | phyi rol na yaṅ med gñi ga med par yaṅ mi dmigs so ||
rab ’byor ’di lta ste dper na | sems (7) can sems can źes bya bar miṅ du brjod kyaṅ | sems can gaṅ yaṅ mi dmigs te | de ni miṅ du btags pa tsam du zad la | btags pa’i chos gaṅ yin pa de la ni miṅ daṅ brda tsam gyis tha sñad gdags pa ma gtogs par skye ba med ’gag pa med do ||
de bźin du bdag daṅ | (58b1) srog daṅ | skye ba po daṅ | gso ba po daṅ | skyes bu daṅ | gaṅ zag daṅ | śed las skyes pa daṅ | śed bu daṅ | byed pa po daṅ | byed du ’jug pa po daṅ | sloṅ ba po daṅ | kun nas sloṅ ba po daṅ | tshor ba po daṅ | tshor bar byed du ’jug pa po daṅ | śes pa (2) po daṅ | mthoṅ ba po de dag thams cad kyag btags pa’i chos yin la | btags pa’i chos gaṅ yin pa de la ni skye ba med ’gag pa med de | ’di ltar miṅ daṅ brda tsam gyis tha sñad du gdags par zad do ||
miṅ de yaṅ naṅ na yaṅ med | phyi rol na yaṅ med | gñi ga (3) med par yaṅ mi dmigs so ||
rab ’byor de bźin du śes rab kyi pha rol tu phyin pa gaṅ yin pa daṅ | byaṅ chub sems dpa’ gaṅ yin pa daṅ | byaṅ chub sems dpa’i miṅ gaṅ yin pa de dag thams cad ni btags pa’i chos yin la | btags pa’i chos de la ni miṅ daṅ (4) brdas tha sñad du gdags pa ma gtogs par skye ba med ’gag pa med de | rab ’byor ’di lta ste dper na | naṅ gi lus gaṅ yin pa de la | gzugs źes bya ba ’di ni chos su btags pa tsam du zad la | chos su btags pa de la ni miṅ daṅ brda tsam gyis tha sñad du gdags (5) pa ma gtogs par skye ba med | ’gag pa med de | miṅ de yaṅ naṅ na yaṅ med phyi rol na yaṅ med gñi ga med par yaṅ mi dmigs so ||
de bźin du tshor ba daṅ | ’du śes daṅ | ’du byed rnams daṅ | rnam par śes pa źes bya ba ’di ni chos su btags pa tsam du zad (6) la | chos su btags pa de la ni miṅ daṅ brda tsam gyis tha sñad du gdags pa ma gtogs par skye ba med ’gag pa med de | miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor de bźin du śes rab kyi pha rol tu phyin pa (7) daṅ | byaṅ chub sems dpa’ daṅ | byaṅ chub sems dpa’i miṅ źes bya ba gaṅ yin pa de dag thams cad ni btags pa’i chos yin la | btags pa’i chos gaṅ yin pa de la ni miṅ daṅ brda tsam gyis tha sñad du gdags pa ma gtogs par skye ba med ’gag pa med do ||
rab ’byor ’di lta (59a1) ste mi gces bya ba de ni chos su btags pa tsam du zad la | chos su btags pa de la ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de ||
’di lta ste mig ces bya ba’i miṅ de yaṅ naṅ na yaṅ med phyi rol na yaṅ med | gñi (2) ga med par yaṅ mi dmigs so ||
rab ’byor de bźin du rna ba daṅ | sna daṅ | lce daṅ | lus daṅ | yid ces bya ba de ni | ’di lta ste | chos su btags pa tsam du zad la | chos su btags pa de la ni miṅ daṅ brda tsam gyis tha sñad du gdags pa ma gtogs par (3) skye ba med ’gag pa med do ||
’di lta ste yid ces bya ba’i miṅ de yaṅ naṅ na yaṅ med phyi rol na yaṅ med gñi ga med par yaṅ mi dmigs so ||
rab ’byor gzugs źes bya ba de ni chos su btags pa tsam du zad la | chos su btags pa de la ni miṅ daṅ brda tsam gyis tha sñad du (4) gdags pa ma gtogs par skye ba med ’gag pa med de | miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor de bźin du sgra daṅ | dri daṅ | ro daṅ | reg bya daṅ | chos źes bya ba de ni chos su btags pa tsam du zad la | (5) chos su btags pa de la ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de | chos źes bya ba’i miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor mig gi khams źes bya ba de ni chos (6) su btags pa tsam du zad la | chos su btags pa de la ni miṅ daṅ brda tsam gyis tha sñad du gdags pa ma gtogs par skye ba med ’gag pa med de | mig gi khams źes bya ba’i miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor (7) gzugs kyi khams źes bya ba de ni chos su btags pa tsam du zad la | chos su btags pa de la ni miṅ daṅ brda tsam gyis tha sñad du gdags pa ma gtogs par skye ba med ’gag pa med do ||
gzugs kyi khams źes bya ba’i miṅ de yaṅ naṅ na yaṅ med | phyi rol na yaṅ med | gñi ga (59b1) med par yaṅ mi dmigs so ||
rab ’byor mig gi rnam par śes pa’i khams źes bya ba de ni chos su btags pa tsam du zad la | chos su btags pa de la ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de | mig gi rnam par śes pa’i (2) khams źes bya ba’i miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor de bźin du rna ba’i khams daṅ | sgra’i khams daṅ | rna ba’i rnam par śes pa’i khams daṅ | sna’i khams daṅ | dri’i khams daṅ | sna’i (3) rnam par śes pa’i khams daṅ | lce’i khams daṅ | ro’i khams daṅ | lce’i rnam par śes pa’i khams daṅ | lus kyi khams daṅ | reg bya’i khams daṅ | lus kyi rnam par śes pa’i khams daṅ | yid kyi khams daṅ | chos kyi khams daṅ | yid kyi (4) rnam par śes pa’i khams źes bya ba de ni chos su btags pa tsam du zad la | chos su btags pa de la ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de | yid kyi rnam par śes pa’i khams źes bya ba’i miṅ de yaṅ naṅ na yaṅ med | (5) phyi rol na yaṅ med | gñi ga med par yaṅ mi dmigs so ||
rab ’byor de bźin du ’di lta ste | śes rab kyi pha rol tu phyin pa źes bya ba daṅ | byaṅ chub sems dpa’ źes bya ba daṅ | byaṅ chub sems dpa’i miṅ źes bya ba de ni ’di ltar btags pa’i chos yin la | (6) btags pa’i chos de la ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de | śes rab kyi pha rol tu phyin pa źes bya ba daṅ | byaṅ chub sems dpa’ źes bya ba daṅ | byaṅ chub sems dpa’i miṅ źes bya ba de yaṅ naṅ na yaṅ med | phyi (7) rol na yaṅ med | gñi ga med par yaṅ mi dmigs so ||
rab ’byor ’di lta ste dper na | naṅ gi lus źes bya ba ’di ni miṅ tsam gyis tha sñad gdags pa ste | mgo bo daṅ | mjiṅ ba daṅ | phrag pa daṅ | lag pa daṅ | rgal tshigs daṅ | rtsib ma daṅ | dpyi daṅ | brla daṅ | (60a1) rje ṅar daṅ | rkaṅ pa’i rus pa źes bya bar miṅ gis tha sñad du ’dogs pa de dag ni chos su btags pa tsam du zad la | chos su btags pa de dag ni miṅ daṅ brda tsam gyis tha sñad du bdags pa ma gtogs par skye ba med ’gag pa med de | miṅ de yaṅ (2) naṅ na yaṅ med phyi rol na yaṅ med | gñi ga med par yaṅ mi dmigs so ||
rab ’byor de bźin du ’di lta ste | śes rab kyi pha rol tu phyin pa źes bya ba daṅ | byaṅ chub sems dpa’ źes bya ba daṅ | byaṅ chub sems dpa’i miṅ źes bya ba de dag thams cad ni btags pa’i (3) chos yin la | btags pa’i chos de dag la ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de | miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor ’di lta ste dper na | phyi rol gyi (4) rtswa daṅ | śiṅ daṅ | yal ga daṅ | lo ma daṅ | ’dab ma źes bya ba gaṅ yin pa de dag thams cad ni miṅ sna tshogs kyis tha sñad du gdags par zad la | miṅ de dag kyaṅ miṅ daṅ brda tsam gyis tha sñad du gdags pa ma gtogs par skye ba med | ’gag pa med de | miṅ de dag (5) kyaṅ na ṅan yaṅ med | phyi rol na yaṅ med | gñi ga med par yaṅ mi dmigs so ||
rab ’byor de bźin du ’di lta ste | śes rab kyi pha rol tu phyin pa źes bya ba daṅ | byaṅ chub sems dpa’ źes bya ba daṅ | byaṅ chub sems dpa’ miṅ źes bya ba de dag thams cad ni btags (6) pa’i chos yin la | btags pa’i chos de dag la ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de | miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor ’di lta ste dper na ’das (7) pa’i saṅs rgyas bcom ldan ’das rnams kyi mtshan ni miṅ daṅ brda tsam gyis tha sñad du gdags pa ma gtogs par skye ba med | ’gag pa med de | mtshan de dag kyaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor ’di lta ste dper na | (60b1) rmi lam daṅ | brag ca daṅ | mig yor daṅ | sgyu ma daṅ | smig rgyu daṅ | chu zla daṅ | de bźin gśegs pa’i sprul pa źes bya ba’i chos de dag thams cad ni btags pa tsam du zad la | btags pa de dag la ni miṅ daṅ brda tsam gyis tha sñad du gdags pa ma gtogs par skye (2) ba med | ’gag pa med de | miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
rab ’byor de bźin du ’di lta ste | śes rab kyi pha rol tu phyin pa źes bya ba daṅ | byaṅ chub sems dpa’ źes bya ba daṅ | byaṅ chub sems dpa’i miṅ (3) źes bya ba’i chos ’di dag thams cad ni btags pa tsam du zad la | btags pa’i chos de la ni miṅ daṅ brda tsam gyis tha sñad du gdags pa ma gtogs par skye ba med ’gag pa med de | miṅ de yaṅ naṅ na yaṅ med | phyi rol na yaṅ med | gñi ga med par yaṅ mi dmigs so ||
(4) rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pas miṅ gi brdar btags pa daṅ | gdams ṅag tu btags pa daṅ | chos su btags pa la bslab par bya’o ||
rab ’byor byaṅ chub sems dpa’ sems dpa’ chen po śes rab kyi (5) pha rol tu phyin pa la de ltar spyod pa ni gzugs rtag ces bya bar yaṅ dag par rjes su mi mthoṅ ṅo ||
gzugs mi rtag ces bya bar yaṅ dag par rjes su mi mthoṅ ṅo ||
gzugs bde źes bya ba daṅ | sdug bsṅal źes bya ba daṅ | bdag yod ces bya ba daṅ | bdag med ces bya ba daṅ | (6) źi źes bya ba daṅ | ma źi źes bya ba daṅ | stoṅ źes bya ba daṅ | mi stoṅ źes bya ba daṅ | mtshan ma yod ces bya ba daṅ | mtshan ma med ces bya ba daṅ | smon pa yod ces bya ba daṅ | smon pa med ces bya ba daṅ | ’dus byas źes bya ba daṅ | ’dus ma byas źes bya ba daṅ | (7) skye ba źes bya ba daṅ | ’gag pa ces bya ba daṅ | dben pa źes bya ba daṅ | mi dben pa źes bya ba daṅ | dge ba daṅ | mi dge ba daṅ | kha na ma tho ba daṅ bcas pa daṅ | kha na ma tho ba med pa daṅ | zag pa daṅ bcas pa daṅ | zag pa med pa daṅ | (61a1) ñon moṅs pa daṅ bcas pa daṅ | ñon moṅs pa med pa daṅ | ’jig rten pa daṅ | ’jig rten las ’das pa daṅ | kun nas ñon moṅs pa daṅ | rnam par byaṅ ba daṅ | gzugs ’khor ba źes bya bar yaṅ dag par rjes su mi mthoṅ ṅo ||
gzugs (2) mya ṅan las ’das pa źes bya bar yaṅ dag par rjes su mi mthoṅ ṅo ||
de bźin du tshor ba daṅ | ’du śes daṅ | ’du byed rnams daṅ | rnam par śes pa rtag ces bya bar yaṅ dag par rjes su mi mthoṅ ṅo ||
mi rtag ces bya bar yaṅ dag par rjes su mi mthoṅ ṅo ||
(3) de bźin du bde ba daṅ | sdug bsṅal ba daṅ | bdag yod pa daṅ | bdag med pa daṅ | źi ba daṅ | ma źi ba daṅ | stoṅ pa daṅ | mi stoṅ pa daṅ | mtshan ma yod pa daṅ | mtshan ma med pa daṅ | smon pa yod pa daṅ | smon pa med pa daṅ | ’dus byas daṅ | ’dus (4) ma byas daṅ | skye ba daṅ | ’gag pa daṅ | dben pa daṅ | mi dben pa daṅ | dge ba daṅ | kha na ma tho ba daṅ bcas pa daṅ | kha na ma tho ba med pa daṅ | zag pa daṅ bcas pa daṅ | zag pa med pa daṅ | ñon moṅs pa daṅ bcas pa daṅ | ñon moṅs pa (5) med pa daṅ | ’jig rten pa dag | ’jig rten las ’das pa daṅ | kun nas ñon moṅs pa daṅ | rnam par byaṅ ba daṅ | ’khor ba daṅ | mya ṅan las ’das ba źes bya bar yaṅ dag par rjes su mi mthoṅ ṅo ||
de bźin du mig gi khams rtag ces bya ba daṅ | mi rtag ces bya ba daṅ | (6) gzugs kyi khams rtag ces bya ba daṅ | mi rtag ces bya ba daṅ | mig gi rnam par śes pa’i khams rtag ces bya ba daṅ | mi rtag ces bya bar yaṅ dag par rjes su mi mthoṅ ste | ’khor pa źes bya ba daṅ | mya ṅan las ’das pa źes bya ba’i bar du yaṅ dag par rjes su mi mthoṅ ṅo ||
(7) de bźin du rna ba’i khams daṅ | sgra’i khams daṅ | rna ba’i rnam par śes pa’i khams daṅ | sna’i khams daṅ | dri’i khams daṅ | sna’i rnam par śes pa’i khams daṅ | lce’i khams daṅ | ro’i khams daṅ | lce’i rnam par śes pa’i khams daṅ | lus kyi khams (61b1) daṅ | reg bya’i khams daṅ | lus kyi rnam par śes pa’i khams daṅ | yid kyi khams daṅ | chos kyi khams daṅ | yid kyi rnam par śes pa’i khams rtag ces bya ba daṅ | mi rtag ces bya bar yaṅ dag par rjes su mi mthoṅ ste | ’khor ba źes bya ba daṅ | mya ṅan las ’das (2) pa źes bya ba’i bar du yaṅ dag par rjes su mi mthoṅ ṅo ||
mig daṅ | gzugs daṅ | mig gi rnam par śes pa ’dus te reg pa’i rkyen gyis byuṅ ba’i tshor ba bde ba’am | sdug bsṅal ba’am | bde ba yaṅ ma yin | sdug bsṅal ba yaṅ ma yin pa gaṅ yin pa de yaṅ rtag ces bya ba (3) daṅ | mi rtag ces bya bar yaṅ dag par rjes su mi mthoṅ ste | ’khor ba daṅ | mya ṅan las ’das pa źes bya ba’i bar du yaṅ dag par rjes su mi mthoṅ ṅo ||
de bźin du rna ba daṅ | sgra daṅ | rna ba’i rnam par śes pa daṅ | sna daṅ | dri daṅ | sna’i rnam par śes pa daṅ | (4) lce daṅ | ro daṅ | lce’i rnam par śes pa daṅ | lus daṅ | reg bya daṅ | lus kyi rnam par śes pa daṅ | yid daṅ | chos daṅ | yid kyi rnam par śes pa ’dus te reg pa’i rkyen gyis byuṅ ba’i tshor ba ’adeba’ama | sdug bsṅal ba’am | bde ba yaṅ ma yin sdug bsṅal (5) ba yaṅ ma yin pa de yaṅ rtag ces bya ba daṅ mi rtag ces bya bar yaṅ dag par rjes su mi mthoṅ ste | ’khor ba źes bya ba daṅ | mya ṅan las ’das pa źes bya ba’i bar du yaṅ dag par rjes su mi mthoṅ ṅo ||
de ci’i phyir źe na | ’di ltar byaṅ chub sems dpa’ de śes rab kyi pha rol tu phyin (6) pa la spyod pas śes rab kyi pha rol tu phyin pa de dag daṅ | byaṅ chub sems dpa’ de daṅ | byaṅ chub sems dpa’i miṅ de ’dus byas kyi khams sam | ’dus ma byas kyi khams na yaṅ dag par rjes su mi mthoṅ ba’i phyir ro ||
de ci’i phyir źe na | ral ’byor ’di ltar byaṅ chub sems (7) dpa’ sems dpa’ chen po śes rab kyi pha rol tu phyin pa la spyod pa chos de dag thams cad la mi rtog ciṅ rnam par mi rtog pa’i phyir ro ||
rnam par mi rtog pa’i chos la gnas te | dran pa ñe bar gźag pa rnams sgom źiṅ | śes rab kyi pha rol tu phyin pa la spyod pa de | śes rab kyi (62a1) pha rol tu phyin pa daṅ | śes rab kyi pha rol tu phyin pa’i miṅ yaṅ | yaṅ dag par rjes su mi mthoṅ ṅo ||
byaṅ chub sems dpa’ daṅ | byaṅ chub sems dpa’i miṅ yaṅ yaṅ dag par rjes su mi mthoṅ ṅo ||
de bźin du yaṅ dag par spoṅ ba daṅ | rdzu ’phrul gyi rkaṅ pa daṅ | (2) dbaṅ po daṅ | stobs daṅ | byaṅ chub kyi yan lag daṅ | lam daṅ | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi (3) pha rol tu phyin pa daṅ | stobs daṅ | mi ’jigs pa daṅ | saṅs rgyas kyi chos ma ’dres pa’i bar du sgom źiṅ | śes rab kyi pha rol tu phyin pa la spyod pa’i tshe | rnam pa thams cad mkhyen pa ñid yid la byed pa ma gtogs par śes rab kyi pha rol tu phyin pa daṅ | śes rab kyi pha (4) rol tu phyin pa’i miṅ daṅ | byaṅ chub sems dpa’ daṅ | byaṅ chub sems dpa’i miṅ yaṅ yaṅ dag par rjes su mi mthoṅ ṅo ||
byaṅ chub sems dpa’ sems dpa’ chen po śes rab kyi pha rol tu phyin pa la spyod pa des chos rnams kyi mtshan ñid śin tu rtogs par ’gyur te | chos rnams (5) kyi chos kyi mtshan ñid gaṅ yin pa de yaṅ kun nas ñon moṅs par mi ’gyur | rnam par byaṅ bar mi ’gyur ro ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pas chos su btags pa’i miṅ daṅ brda tsam yin par khoṅ du chud par bya’o ||
(6) des chos su btags pa’i miṅ daṅ brda tsam yin par khoṅ du chud na gzugs la mṅon par źen par mi ’gyur ro ||
tshor ba daṅ | ’du śes daṅ | ’du byed rnams daṅ | rnam par śes pa la mṅon par źen par mi ’gyur ro ||
mig la mṅon par źen par mi ’gyur ro ||
(7) gzugs daṅ | mig gi rnam par śes pa daṅ | mig gi ’dus te reg pa la mṅon par źen par mi ’gyur ro ||
mig gi ’dus te reg pa’i rkyen gyis byuṅ ba’i tshor ba bde ba ’am sdug bsṅal ba ’am | sdug bsṅal ba yaṅ ma yin | bde ba yaṅ ma yin pa de la yaṅ mṅon par źen par mi ’gyur (62b1) ro ||
de bźin du rna ba daṅ | sna daṅ | lce daṅ | lus daṅ | yid daṅ | chos daṅ | yid kyi rnam par śes pa daṅ | yid kyi ’dus te reg pa la mṅon par źen par mi ’gyur ro ||
yid kyi ’dus te reg pa’i rkyen gyis byuṅ ba’i tshor ba bde ba ’am | sdug bsṅal ba ’am | (2) sdug bsṅal ba yaṅ ma yin | bde ba yaṅ ma yin pa gaṅ yin pa de la yaṅ mṅon par źen par mi ’gyur ro ||
’dus byas kyi khams daṅ | ’dus ma byas kyi khams la yaṅ mṅon par źen par mi ’gyur ro ||
sbyin pa’i pha rol tu phyin pa la yaṅ mṅon par źen par mi ’gyur ro ||
(3) tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la yaṅ mṅon par źen par mi ’gyur ro ||
de dag gi miṅ daṅ | mtshan ñid la yaṅ mṅon par źen par mi ’gyur ro ||
byaṅ chub sems dpa’i lus la yaṅ mṅon (4) par źen par mi ’gyur ro ||
śa’i mig daṅ | lha’i mig daṅ | śes rab kyi mig daṅ | chos kyi mig daṅ | saṅs rgyas kyi mig la yaṅ mṅon par źen par mi ’gyur ro ||
de bźin du mṅon par śes pa’i pha rol tu phyin pa daṅ | naṅ stoṅ pa ñid daṅ | phyi stoṅ (5) pa ñid daṅ | phyi naṅ stoṅ pa ñid la yaṅ mṅon par źen par mi ’gyur ro ||
dṅos po med pa’i ṅo bo ñid stoṅ pa ñid kyi bar la yaṅ mṅon par źen par mi ’gyur ro ||
de bźin ñid la yaṅ mṅon par źen par mi ’gyur ro ||
yaṅ dag pa’i mtha’ la yaṅ mṅon par źen par mi (6) ’gyur ro ||
chos kyi dbyiṅs la yaṅ mṅon par źen par mi ’gyur ro ||
sems can yoṅs su smin par bya ba daṅ | saṅs rgyas kyi źiṅ yoṅs su dag par bya ba daṅ | thabs la mkhas pa la yaṅ mṅon par źen par mi ’gyur ro ||
de ci’i phyir źe na | ’di ltar gaṅ mṅon par (7) źen par ’gyur ba daṅ | gaṅ gis mṅon par źen par ’gyur ba daṅ | gaṅ la mṅon par źen par ’gyur ba’i chos de dag thams cad med pa’i phyir ro ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni chos thams cad la mṅon (63a1) par źen pa med pas | sbyin pa’i pha rol tu phyin pas rnam par ’phel lo ||
tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pas rnam par ’phel te | byaṅ chub sems dpa’i skyon med pa la ’jug (2) ciṅ | phyir mi ldog pa’i sa gnon te | mṅon par śes pa yoṅs su rdzogs par byed do ||
de mṅon par śes pa yoṅs su rdzogs par byas nas saṅs rgyas kyi źiṅ yoṅs su dag par bya ba daṅ | saṅs rgyas bcom ldan ’das rnams la blta ba’i phyir sems can rnams ni yoṅs (3) su smin par byed | saṅs rgyas bcom ldan ’das rnams la ni bsti staṅ du byed | bla mar byed | ri mor byed | mchod pa byed ciṅ saṅs rgyas kyi źiṅ nas saṅs rgyas kyi źiṅ du ’gro bar ’gyur te | saṅs rgyas bcom ldan ’das de dag mthoṅ nas kyaṅ | dge ba’i rtsa ba gaṅ dag (4) gis saṅs rgyas bcom ldan ’das de dag la bsti staṅ du bya ba daṅ | bla mar bya ba daṅ | ri mor bya ba daṅ | mchod pa bya bar ’dod pa’i dge ba’i rtsa ba de dag kyaṅ de la ’byuṅ bar ’gyur te | dge ba’i rtsa ba de ñid kyis saṅs rgyas bcom ldan ’das de dag gi thad du skye bar ’gyur ro ||
(5) saṅs rgyas bcom ldan ’das de dag las chos kyaṅ thos par ’gyur ro ||
des chos thos pa de dag kyaṅ byaṅ chub kyi sñiṅ po la thug gi bar du nams kyaṅ rgyun chad par mi ’gyur ro ||
gzuṅs kyi sgo rnams kyaṅ ’thob par ’gyur ro ||
tiṅ ṅe ’dzin gyi sgo rnams kyaṅ ’thob par ’gyur ro ||
(6) rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pas chos su btags pa miṅ daṅ brda can yin par khoṅ du chud par bya’o ||
rab ’byor ’di ji sñam du sems | gaṅ byaṅ chub sems dpa’ źes bya ba gzugs byaṅ chub sems dpa’ (7) yin sñam ’am | gzugs las gźan źig byaṅ chub sems dpa’ yin sñam ’am | gzugs la byaṅ chub sems dpa’ yod sñam ’am | byaṅ chub sems dpa’ la gzugs yod sñam ’am | gzugs can ma yin pa źig byaṅ chub sems dpa’ yin sñam ’am | gsol pa | (63b1) bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | tshor ba daṅ | ’du śes daṅ | ’du byed rnams daṅ | rnam par śes pa byaṅ chub sems dpa’ yin sñam ’am | rnam par śes pa las gźan źig byaṅ chub (2) sems dpa’ yin sñam ’am | rnam par śes pa la byaṅ chub sems dpa’ yod sñam ’am | byaṅ chub sems dpa’ la rnam par śes pa yod sñam ’am | rnam par śes pa med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
(3) bcom ldan ’das kyis bka’ stsal pa | rab ’byor ’di ji sñam du sems | mig byaṅ chub sems dpa’ yin sñam ’am | mig las gźan źig byaṅ chub sems dpa’ yin sñam ’am | mig la byaṅ chub sems dpa’ yod sñam ’am | byaṅ chub sems dpa’ la mig yod (4) sñam ’am | mig med pa źig byaṅ chub sems dpa’ yin sñam ’am | gsol pa bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | rna ba daṅ | sna daṅ | lce daṅ | lus daṅ | yid byaṅ chub sems (5) dpa’ yin sñam ’am | yid las gźan źig byaṅ chub sems dpa’ yin sñam ’am | yid la byaṅ chub sems dpa’ yod sñam ’am | byaṅ chub sems dpa’ la yid yod sñam ’am | yid med pa źig byaṅ chub sems dpa’ yin sñam ’am | gsol pa | bcom ldan (6) ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | gzugs byaṅ chub sems dpa’ yin sñam ’am | gzugs las gźan źig byaṅ chub sems dpa’ yin sñam ’am | gzugs la byaṅ chub sems dpa’ yod sñam ’am | (7) byaṅ chub sems dpa’ la gzugs yod sñam ’am | gzugs med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | smra daṅ | dri daṅ | ro daṅ | (64a1) reg bya daṅ | chos rnams byaṅ chub sems dpa’ yin sñam ’am | chos rnams las gźan źig byaṅ chub sems dpa’ yin sñam ’am | chos rnams la byaṅ chub sems dpa’ yod sñam ’am | byaṅ chub sems dpa’ la chos rnams yod sñam ’am | chos (2) rnams med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | mig daṅ | gzugs daṅ | mig gi rnam par śes pa rnams byaṅ chub sems dpa’ (3) yin sñam ’am | de dag las gźan źig yin sñam ’am | de dag la de yod sñam ’am | de la de dag yod sñam ’am | mig daṅ | gzugs daṅ | mig gi rnam par śes pa rnams med pa źig byaṅ chub sems dpa’ yin sñam ’am | gsol pa | bcom ldan ’das de ni (4) ma lags so ||
bcom ldan ’das kyis bka’ stsal pa | rab ’byor ’di ji sñam du sems | rna ba daṅ | sgra daṅ | rna ba’i rnam par śes pa daṅ | sna daṅ | dri daṅ | sna’i rnam par śes pa daṅ | lce daṅ | ro daṅ | lce’i rnam par śes pa daṅ | lus daṅ | reg bya daṅ | (5) lus kyi rnam par śes pa daṅ | yid daṅ | chos daṅ | yid kyi rnam par śes pa rnams byaṅ chub sems dpa’ yin sñam ’am | de dag las gźan źig yin sñam ’am | de dag la de yod sñam ’am | de la de dag yod sñam ’am | yid daṅ | chos daṅ | yid kyi rnam par (6) śes pa rnams med pa źig byaṅ chub sems dpa’ yid sñam ’am | gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | sa’i khams byaṅ chub sems dpa’ yin sñam ’am | sa’i khams las gźan (7) źig byaṅ chub sems dpa’ yin sñam ’am | sa’i khams la byaṅ chub sems dpa’ yod sñam ’am | byaṅ chub sems dpa’ la sa’i khams yod sñam ’am | sa’i khams med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
(64b1) bcom ldan ’das kyis bka’ stsal pa | rab ’byor ’di ji sñam du sems | chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams byaṅ chub sems dpa’ yin sñam ’am | rnam par śes pa’i khams (2) las gźan źig byaṅ chub sems dpa’ yin sñam ’am | rnam par śes pa’i khams la byaṅ chub sems dpa’ yod sñam ’am | byaṅ chub sems dpa’ la rnam par śes pa’i khams yod sñam ’am | rnam par śes pa’i khams med pa źig byaṅ chub sems dpa’ yin (3) sñam ’am | gsol pa | bcom ldan ’das ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | ma rig pa byaṅ chub sems dpa’ yin sñam ’am | ma rig pa las gźan źig byaṅ chub sems dpa’ yin sñam ’am | ma (4) rig pa la byaṅ chub sems dpa’ yod sñam ’am | byaṅ chub sems dpa’ la ma rig pa yod sñam ’am | ma rig pa med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
bcom ldan ’das kyis bka’ stsal pa | (5) rab ’byor ’di ji sñam du sems | ’du byed daṅ | rnam par śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi byaṅ chub sems dpa’ yin sñam ’am | rga śi las (6) gźan źig byaṅ chub sems dpa’ yin sñam ’am | rga śi la byaṅ chub sems dpa’ yod sñam ’am | byaṅ chub sems dpa’ la rga śi yod sñam ’am | rga śi med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
bcom (7) ldan ’das kyis bka’ stsal pa | rab ’byor ’di ji sñam du sems | gzugs kyi de bźin ñid gaṅ yin pa de byaṅ chub sems dpa’ yin sñam ’am | gzugs kyi de bźin ñid las gźan źig byaṅ chub sems dpa’ yin sñam ’am | gzugs kyi de bźin ñid la byaṅ chub sems dpa’ (65a1) yod sñam ’am | byaṅ chub sems dpa’ la gzugs kyi de bźin ñid yod sñam ’am | gzugs kyi de bźin ñid med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
bcom ldan ’das kyis bka’ (2) stsal pa | de bźin du tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid byaṅ chub sems dpa’ yin sñam ’am | rnam par śes pa’i de bźin ñid las gźan źig byaṅ chub sems dpa’ yin sñam ’am | rnam par śes pa’i de bźin ñid (3) la byaṅ chub sems dpa’ yod sñam ’am | byaṅ chub sems dpa’ la rnams par śes pa’i de bźin ñid yod sñam ’am | rnam par śes pa’i de bźin ñid med pa źig byaṅ chub sems dpa’ yin sñam ’am | gsol pa | bcom ldan ’das de ni ma lags so ||
bcom (4) ldan ’das kyis bka’ stsal pa | de bźin du khams daṅ | skye mched daṅ | rten ciṅ ’brel par ’byuṅ ba rga śi’i bar gyi de bźin ñid byaṅ chub sems dpa’ yin sñam ’am | rga śi’i de bźin ñid las gźan źig byaṅ chub sems dpa’ yin sñam ’am | rga śi’i de bźin (5) ñid la byaṅ chub sems dpa’ yod sñam ’am | byaṅ chub sems dpa’ la rga śi’i de bźin ñid yod sñam ’am | rga śi’i de bźin ñid med pa źig byaṅ chub sems dpa’ yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das (6) kyis bka’ stsal ba | rab ’byor khyod don gyi dbaṅ gaṅ ñe bar bzuṅ nas gzugs byaṅ chub sems dpa’ ma yin | phuṅ po daṅ | khams daṅ | skye mched daṅ | rten ciṅ ’brel bar ’byuṅ ba rga śi’i bar gyi de bźin ñid byaṅ chub sems dpa’ ma yin źes zer | rab (7) ’byor gyis gsol pa | bcom ldan ’das sems can gtan ma mchis śiṅ mi dmigs na | gzugs de byaṅ chub sems dpar ’gyur ba lta ga la mchis | gzugs las gźan źig byaṅ chub sems dpar ’gyur ba lta ga la mchis | gzugs la byaṅ chub sems dpa’ (65b1) mchis par ’gyur pa lta ga la mchis | byaṅ chub sems dpa’ la gzugs mchis par ’gyur ba lta ga la mchis | gzugs ma mchis pa źig byaṅ chub sems dpa’ ’gyur ba lta ga la mchis | tshor ba daṅ | ’du śes daṅ | ’du byed rnams daṅ | rnam par śes pa (2) byaṅ chub sems dpar ’gyur ba lta ga la mchis | rnam par śes pa las gźan źig byaṅ chub sems dpar ’gyur ba lta ga la mchis | rnam par śes pa la byaṅ chub sems dpa’ mchis par ’gyur ba lta ga la mchis | byaṅ chub sems dpa’ la rnam par śes pa (3) mchis par ’gyur ba lta ga la mchis | rnam par śes pa ma mchis pa źig byaṅ chub sems dpar ’gyur ba lta ga la mchis | khams daṅ | skye mched daṅ | rten ciṅ ’brel bar ’byuṅ ba rnams la yaṅ de bźin du sbyar te | bcom ldan ’das sems can gtan ma (4) mchis śiṅ mi dmigs na | rga śi byaṅ chub sems dpar ’gyur ba lta ga la mchis | rga śi las gźan źig byaṅ chub sems dpar ’gyur ba lta ga la mchis | rga śil byaṅ chub sems dpa’ mchis par ’gyur ba lta ga la mchis | byaṅ chub sems dpa’ la rga śi mchis (5) par ’gyur ba lta ga la mchis | rga śi ma mchis pa źig byaṅ chub sems dpar ’gyur ba lta ga la mchis | bcom ldan ’das sems can gtan ma mchis śiṅ mi dmigs na | ’di la gzugs kyi de bźin ñid dmigs par ’gyur ba lta ga la mchis | phuṅ po daṅ | (6) khams daṅ | skye mched daṅ | rten ciṅ ’brel par ’byuṅ ba rnams la yaṅ de bźin du sbyar te | bcom ldan ’das sems can gtan ma mchis śiṅ mi dmigs na | de la rga śi’i de bźin ñid dmigs par ’gyur pa lta ga la mchis te | de ni gnas ma mchis so ||
(7) bcom ldan ’das kyis bka’ stsal pa | rab ’byor legs so legs so ||
rab ’byor byaṅ chub sems dpa’ sems dpa’ chen pos sems can mi dmigs pas | śes rab kyi pha rol tu phyin pa la de ltar bslab par bya’o ||
rab ’byor khyod gaṅ yaṅ ’di skad du | bcom ldan ’das (66a1) ’di lta ste | byaṅ chub sems dpa’ sems dpa’ chen po źes bgyi na | byaṅ chub sems dpa’ sems dpa’ chen po źes bgyi ba de chos gaṅ gi tshig bla dgas lags źes zer ba la | rab ’byor ’di ji sñam du sems | byaṅ chub sems dpa’ źes bya ba de gzugs kyi (2) tshis bla dgas yin sñam ’am | byaṅ chub sems dpa’ źes bya ba de tshor ba daṅ | ’du śes daṅ | ’du byed rnams daṅ | rnam par śes pa’i tshig bla dgas yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis (3) bka’ stsal pa | rab ’byor ’di ji sñam du sems | byaṅ chub sems dpa’ źes bya ba de gzugs rtag pa ñid kyi tshig bla dgas yin sñam ’am | byaṅ chub sems dpa’ źes bya ba de gzugs mi rtag pa ñid kyi tshig bla dgas yin sñam ’am | de bźin du byaṅ chub sems dpa’ źes bya ba de (4) gzugs bde ba ñid daṅ | gzugs sdug bsṅal ba ñid daṅ | gzugs bdag yod pa ñid daṅ | gzugs bdag med pa ñid daṅ | gzugs źi ba ñid daṅ | gzugs ma źi ba ñid kyi tshig bla dgas yin sñam ’am | de bźin du byaṅ chub sems dpa’ źes bya ba de tshor ba daṅ | (5) ’du śes daṅ | ’du byed rnams daṅ | rnam par śes pa rtag pa ñid daṅ | rnam par śes pa mi rtag pa ñid daṅ | rnam par śes pa bde ba ñid daṅ | rnam par śes pa sdug bsṅal ba ñid daṅ | rnam par śes pa bdag yod pa ñid daṅ | rnam par śes pa bdag med pa ñid daṅ | (6) rnam par śes pa źi ba ñid daṅ | rnam par śes pa ma źi ba ñid kyi tshig bla dgas yin sñam ’am | rab ’byor ’di ji sñam du sems | byaṅ chub sems dpa’ źes bya ba de gzugs stoṅ pa ñid daṅ | gzugs mi stoṅ pa ñid daṅ | gzugs mtshan ma yod pa ñid daṅ | gzugs (7) mtshan ma med pa ñid daṅ | gzugs smon pa yod pa ñid daṅ | gzugs smon pa med pa ñid kyi tshig bla dgas yin sñam ’am | rab ’byor ’di ji sñam du sems | byaṅ chub sems dpa’ źes bya ba de tshor ba daṅ | ’du śes daṅ | ’du byed rnams daṅ | rnam par śes pa stoṅ (66b1) pa ñid daṅ | rnam par śes pa mi stoṅ pa ñid daṅ | rnam par śes pa mtshan ma yod pa ñid daṅ | rnam par śes pa mtshan ma med pa ñid daṅ | rnam par śes pa smon pa yod pa ñid daṅ | rnam par śes pa smon pa med pa ñid kyi tshig bla dgas yin sñam ’am | rab ’byor gyis gsol (2) pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor khyod don gyi dbaṅ gaṅ ñe bar bzuṅ nas | ’di skad du byaṅ chub sems dpa’ źes bya ba de gzugs rtag pa’i tshig bla dgas ma yin | mi rtag pa’i tshig bla dgas ma yin | (3) de bźin du byaṅ chub sems dpa’ źes bya ba de gzugs bde ba daṅ | sdug bsṅal ba’i tshig bla dgas ma yin | bdag yod pa’i tshig bla dgas ma yin | bdag med pa’i tshig bla dgas ma yin | źi ba’i tshig bla dgas ma yin | ma źi ba’i tshig bla dgas ma yin | stoṅ pa (4) ñid kyi tshig bla dgas ma yin | mi stoṅ pa’i tshig bla dgas ma yin | mtshan ma yod pa’i tshig bla dgas ma yin | mtshan ma med pa’i tshig bla dgas ma yin | smon pa yod pa’i tshig bla dgas ma yin | smon pa med pa’i tshig bla dgas ma yin | de bźin du byaṅ chub sems (5) dpa’ tshor ba daṅ | ’du śes daṅ | ’du byed rnams daṅ | rnam par śes pa rtag pa’i tshig bla dgas ma yin | mi rtag pa’i tshig bla dgas ma yin | bde ba daṅ | sdug bsṅal ba daṅ | bdag yod pa daṅ | bdag med pa daṅ | źi ba daṅ | ma źi ba daṅ | stoṅ pa daṅ | (6) mi stoṅ pa daṅ | mtshan ma yod pa daṅ | mtshan ma med pa daṅ | smon pa yon pa daṅ | smon pa med pa’i tshig bla dgas ma yin źes zer | rab ’byor gyis gsol pa | bcom ldan ’das gzugs gtan ma mchis śiṅ mi dmigs na | byaṅ chub sems dpa’ gzugs (7) kyi tshig bla dgas su ’gyur ba lta ga la mchis | bcom ldan ’das tshor ba daṅ | ’du śes daṅ | ’du byed rnams daṅ | rnam par śes pa gtan ma mchis śiṅ mi dmigs na | byaṅ chub sems dpa’ rnam par śes pa’i tshig bla dgas su ’gyur pa lta ga la mchis | bcom (67a1) ldan ’das rtag pa daṅ | mi rtag pa gtan ma mchis śiṅ mi dmigs na | byaṅ chub sems dpa’ gzugs rtag pa’i tshig bla dgas su ’gyur ba daṅ | mi rtag pa’i tshig bla dgas su ’gyur ba lta ga la mchis | de bźin du bde ba daṅ | sdug bsṅal ba (2) daṅ | bdag mchis pa daṅ | bdag ma mchis pa daṅ | źi ba daṅ | ma źi ba daṅ | stoṅ pa daṅ | mi stoṅ pa daṅ | mtshan ma mchis pa daṅ | mtshan ma ma mchis pa daṅ | smon pa mchis pa daṅ | smon pa ma mchis pa gtan ma mchis śiṅ mi dmigs (3) na | byaṅ chub sems dpa’ gzugs smon pa ma mchis pa’i tshig bla dgas su ’gyur ba lta ga la mchis | bcom ldan ’das de bźin du rtag pa daṅ | mi rtag pa gtan ma mchis śiṅ mi dmigs na | byaṅ chub sems dpa’ rnam par śes pa rtag pa daṅ mi rtag pa’i chig (4) bla dgas su ’gyur ba lta ga la mchis | de bźin du bde ba daṅ | sdug bsṅal ba daṅ | bdag mchis pa daṅ | bdag ma mchis pa daṅ | źi ba daṅ | ma źi ba daṅ | stoṅ pa daṅ | mi stoṅ pa daṅ | mtshan ma mchis pa daṅ | mtshan ma mchis pa daṅ | (5) smon pa mchis pa daṅ | smon pa ma mchis pa gtan ma mchis śiṅ mi dmigs na | byaṅ chub sems dpa’ smon pa ma mchis pa’i tshig bla dgas su ’gyur ba lta ga la mchis | bcom ldan ’das kyis bka’ stsal pa | rab ’byor legs so legs so ||
byaṅ chub (6) sems dpa’ sems dpa’ chen po śes rab kyi pha rol tu phyin pa la de ltar spyod pas gzugs kyi tshig bla dgas mi dmigs | tshor ba daṅ | ’du śes daṅ | ’du byed rnams daṅ | rnam par śes pa mi rtag pa’i tshig bla dgas mi dmigs | gzugs rtag pa daṅ | mi rtag (7) ba daṅ | bde ba daṅ | sdug bsṅal ba daṅ | bdag yod pa daṅ | bdag med pa daṅ | źi ba daṅ | ma źi ba daṅ | stoṅ pa daṅ | mi stoṅ pa daṅ | mtshan ma yod pa daṅ | mtshan ma med pa daṅ | smon pa yod pa daṅ | smon pa med pa’i tshig bla dgas mi dmigs | tshor (67b1) ba daṅ | ’du śes daṅ | ’du byed rnams daṅ | rnam par śes pa rtag pa’i tshig bla dgas mi dmigs | rnam par śes pa mi rtag pa daṅ | bde ba daṅ | sdug bsṅal ba daṅ | bdag yod pa daṅ | bdag med pa daṅ | źi ba daṅ | ma źi ba daṅ | stoṅ pa daṅ | mi (2) stoṅ pa daṅ | mtshan ma yod pa daṅ | mtshan ma med pa daṅ | smon pa yod pa daṅ | smon pa med pa’i bar kyi tshig bla dgas mi dmigs par śes rab kyi pha rol tu phyin pa la bslab par bya’o ||
rab ’byor khyod kyis ’di lta ste | byaṅ chub sems dpa’ źes bgyi ba’i chos de bdag (3) gis yaṅ dag par rjes su ma mthoṅ ṅo źes de skad ces zer ba yaṅ rab ’byor chos kyis chos kyi dbyiṅs yaṅ dag par rjes su mi mthoṅ ṅo ||
chos kyi dbyiṅs kyis chos yaṅ dag par rjes su mi mthoṅ ṅo ||
rab ’byor gzugs kyi khams kyis chos kyi dbyiṅs yaṅ dag par rjes su mi mthoṅ ṅo ||
chos (4) kyi dbyiṅs kyis kyaṅ gzugs kyi khams yaṅ dag par rjes su mi mthoṅ ṅo ||
rab ’byor de bźin du tshor ba’i khams daṅ | ’du śes kyi khams daṅ | ’du byed kyi khams daṅ | rnam par śes pa’i khams kyis chos kyi dbyiṅs yaṅ dag par rjes su mi mthoṅ ṅo ||
chos kyi dbyiṅs kyis (5) kyaṅ rnam par śes pa’i khams yaṅ dag par rjes su mi mthoṅ ṅo ||
mig gi khams kyis chos kyi dbyiṅs yaṅ dag par rjes su mi mthoṅ ṅo ||
de bźin du rna ba’i khams daṅ | sna’i khams daṅ | lce’i khams daṅ | lus kyi khams daṅ | yid kyi khams kyis chos kyi dbyiṅs yaṅ (6) dag par rjes su mi mthoṅ ṅo ||
chos kyi dbyiṅs kyis kyaṅ yid kyi khams yaṅ dag par rjes su mi mthoṅ ṅo ||
rab ’byor ’dus byas kyi khams kyis ’dus ma byas kyi khams yaṅ dag par rjes su mi mthoṅ ṅo ||
’dus ma byas kyi khams kyis kyaṅ ’dus byas kyi khams yaṅ dag par (7) rjes su mi mthoṅ ṅo ||
de ci’i phyir źe na | ’dus byas la ma gtogs par yaṅ ’dus ma byas gdags par mi nus la | ’dus ma byas la ma gtogs par yaṅ ’dus byas gdags par mi nus pa’i phyir ro ||
rab ’byor byaṅ chub sems dpa’ sems dpa’ chen po śes rab kyi pha rol tu phyin (68a1) pa la de ltar spyod pas chos gaṅ yaṅ yaṅ dag par rjes su mi mthoṅ ste | yaṅ dag par rjes su ma mthoṅ bas | mi skrag mi dṅaṅ źiṅ daṅ ’bar mi ’gyur te | chos gaṅ la yaṅ de’i sems mi źum mi ’goṅ źiṅ | de’i yid ’gyod par yaṅ mi ’gyur ro ||
de ci’i (2) phyir źe na | rab ’byor ’di ltar byaṅ chub sems dpa’ sems dpa’ chen pos śes rab kyi pha rol tu phyin pa la spyod pas gzugs yaṅ dag par rjes su mi mthoṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ dag par rjes su mi mthoṅ | (3) mig yaṅ dag par rjes su mi mthoṅ | rna ba daṅ | sna daṅ | lce daṅ | lus daṅ | yid yaṅ dag par rjes su mi mthoṅ | gzugs yaṅ dag par rjes su mi mthoṅ | sgra daṅ | dri daṅ | ro daṅ | reg bya daṅ | chos yaṅ dag par rjes su mi mthoṅ | ma rig pa (4) yaṅ dag par rjes su mi mthoṅ | ’du byed daṅ | rnam par śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi yaṅ dag par rjes su mi mthoṅ | ’dod chags yaṅ (5) dag par rjes su mi mthoṅ | źe sdaṅ daṅ | gti mug yaṅ dag par rjes su mi mthoṅ | bdag yaṅ dag par rjes su mi mthoṅ | sems can daṅ | srog daṅ | gso ba daṅ | skyes bu daṅ | gaṅ zag daṅ | skye ba bo daṅ | śed las skyes daṅ | śed bu daṅ | (6) byed pa po daṅ | tshor ba po daṅ | śes pa po daṅ | mthoṅ ba po yaṅ dag par rjes su mi mthoṅ | ’dod pa’i khams yaṅ dag par rjes su mi mthoṅ | gzugs kyi khams daṅ | gzugs med pa’i khams yaṅ dag par rjes su mi mthoṅ | ñan thos daṅ | ñan thos (7) kyi chos rnams yaṅ dag par rjes su mi mthoṅ | Raṅa saṅs rgyas daṅ | raṅ saṅs rgyas kyi chos rnams yaṅ dag par rjes su mi mthoṅ | byaṅ chub sems dpa’ ya ṅa dag par rjes su mi mthoṅ | byaṅ chub sems dpa’i chos rnams yaṅ dag par rjes su mi mthoṅ | saṅs rgyas yaṅ (68b1) dag par rjes su mi mthoṅ | saṅs rgyas kyi chos rnams yaṅ dag par rjes su mi mthoṅ | byaṅ chub yaṅ dag par rjes su mi mthoṅ | chos thams cad kyi bar du yaṅ dag par rjes su mi mthoṅ ba’i phyir ro ||
de chos thams cad yaṅ dag par rjes su ma mthoṅ bas | mi skrag (2) mi dṅaṅ źiṅ dṅaṅ bar mi ’gyur ro ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa ci’i slad du chos thams cad la sems mi źum mi ’goṅ ba lags | bcom ldan ’das kyis bka’ stsal pa | (3) rab ’byor ’di ltar byaṅ chub sems dpa’ sems dpa’ chen pos sems daṅ sems las byuṅ ba’i chos rnams mi dmigs śiṅ yaṅ dag par rjes su mi mthoṅ ste | rab ’byor de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | chos (4) thams cad la sems źum par mi ’gyur źiṅ ’goṅ bar mi ’gyur ro ||
rab ’byor gyis gsol pa | bcom ldan ’das ji ltar na | byaṅ chub sems dpa’ sems dpa’ chen po’i yid skrag par mi ’gyur ba lags | bcom ldan ’das kyis bka’ stsal pa | rab ’byor ’di (5) ltar byaṅ chub sems dpa’ sems dpa’ chen pos sems daṅ sems kyi chos rnams daṅ | yid daṅ yid kyi chos rnams mi dmigs śiṅ yaṅ dag par rjes su mi mthoṅ ste | rab ’byor de ltar na byaṅ chub se mas dpa’ sems dpa’ chen po’i yid skrag par mi ’gyur ro ||
rab (6) ’byor byaṅ chub sems dpa’ sems dpa’ chen pos de ltar chos thams cad mi dmigs pas śes rab kyi pha rol tu phyin pa la spyad par bya’o ||
rab ’byor byaṅ chub sems dpa’ sems dpa’ chen pos śes rab kyi pha rol tu phyin pa la spyod pa gal te śes rab kyi pha rol tu phyin pa mi dmigs (7) śiṅ | byaṅ chub sems dpa’ di daṅ | byaṅ chub sems dpa’i miṅ de daṅ | byaṅ chub kyi sems de yaṅ mi dmigs na | ’di ñid byaṅ chub sems dpa’ sems dpa’ chen po’i śes rab kyi pha rol tu phyin pa la gdams pa yin te | ’di ñid rjes su bstan pa yin no ||
(69a1) śes rab kyi pha rol tu phyin pa khri brgyad stoṅ pa las | rab ’byor gyi le’u źes bya ste | drug pa’o || ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems (2) dpa’ chen po gzugs yoṅs su rtogs par ’tshal bas śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po tshor ba daṅ | ’du śes daṅ | ’du byed rnams daṅ | rnam par śes pa yoṅs su rtogs par ’tshal bas śes rab kyi pha rol tu phyin (3) pa la bslab par bgyi’o ||
byaṅ chub sems dpa’ sems dpa’ chen po mig yoṅs su rtogs par ’tshal bas śes rab kyi pha rol tu phyin pa la bslab par bgyi’o ||
de bźin du byaṅ chub sems dpa’ sems dpa’ chen po | rna ba daṅ | sna daṅ | lce daṅ | lus daṅ | yid yoṅs su (4) rtogs par ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po gzugs yoṅs su rtogs par ’tshal bas | śes rab kyi pha rol tu phyin pa la bslab par bgyi’o ||
de bźin du byaṅ chub sems dpa’ sems dpa’ chen (5) po sgra daṅ | dri daṅ | ro daṅ | reg bya daṅ | chos yoṅs su rtogs par ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po mig gi rnam par śes pa yoṅs su rtogs par ’tshal bas śes rab kyi pha rol tu phyin pa la (6) bslab par bgyi’o ||
byaṅ chub sems dpa’ sems dpa’ chen po yid kyi rnam par śes pa’i bar du yoṅs su rtogs par ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po mig gi ’dus te reg pa yoṅs su rtogs par (7) ’tshal ba daṅ | yid kyi ’dus te reg pa’i bar du yoṅs su rtogs par ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po mig gi ’dus te reg pa las byuṅ ba’i tshor ba yoṅs su rtogs par ’tshal ba daṅ | yid kyi (69b1) ’dus te reg pa las byuṅ ba’i tshor ba’i bar du yoṅs su rtogs par ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po ma rig pa yoṅs su rtogs par ’tshal bas | śes rab kyi pha rol tu phyin pa la bslab par bgyi’o ||
(2) de bźin du byaṅ chub sems dpa’ sems dpa’ chen po ’du byed daṅ | rnam par śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi yoṅs su rtogs par ’tshal (3) bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po ’dod chags daṅ | źe sdaṅ daṅ | gti mug spaṅ bar ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen (4) po ’jig tshogs la lta ba spaṅ bar ’tshal ba daṅ | the tshom daṅ | tshul khrims daṅ | brtul źugs mchog tu ’dzin pa daṅ | ’dod pa’i ’dod chags daṅ | gnod sems spaṅ bar ’tshal ba daṅ | ’dod pa’i ’dod chags daṅ | gzugs kyi ’dod chags daṅ | (5) gzugs med pa’i ’dod chags yoṅs su rtogs par ’tshal ba daṅ | kun tu sbyor ba daṅ | bag la ñal daṅ | kun nas ldaṅ ba rnams spaṅ bar ’tshal bas | śes rab kyi pha rol tu phyin pa la bslab par bgyi’o ||
gźan yaṅ byaṅ chub sems dpa’ sems dpa’ chen po sbyor (6) ba bźi daṅ | chu bo bźi daṅ | mdud pa bźi daṅ | len pa bźi daṅ | phyin ci log bźi’i bar du spaṅ bar ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po mi dge ba’i las kyi lam bcu spaṅ bar ’tshal bas | (7) śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po dge ba bcu’i las kyi lam yoṅs su rdzogs par bgyi bar ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po sbyin pa’i (70a1) pha rol tu phyin pa yoṅs su rdzogs par bgyi bar ’tshal bas | śes rab kyi pha rol tu phyin pa la bslab par bgyi’o ||
de bźin du byaṅ chub sems dpa’ sems dpa’ chen po tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson (2) ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su rdzogs par bgyi bar ’tshal bas śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po bsam gtan bźi daṅ | tshad (3) med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | so so yaṅ (4) dag par rig pa bźi daṅ | mi ’jigs pa bźi daṅ | mṅon par śes pa drug daṅ | de bźin gśegs pa’i stobs bcu daṅ | saṅs rgyas kyi chos ma ’dres pa bcwa brgyad yoṅs su rdzogs par bgyi bar ’tshal bas | śes rab kyi pha rol tu phyin pa la bslab par bgyi’o ||
byaṅ chub (5) sems dpa’ sems dpa’ chen po byaṅ chub kyi yan lag yod pa’i tiṅ ṅe ’dzin la sñoms par ’jug par ’tshal bas śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po seṅ ge rnam par rtse ba’i tiṅ ṅe ’dzin la sñoms par ’jug par ’tshal ba daṅ | (6) seṅ ge rnam par bskyiṅs pa’i tiṅ ṅe ’dzin la sñoms par ’jug par ’tshal ba daṅ | gzuṅs kyi sgo daṅ | tiṅ ṅe ’dzin gyi sgo thams cad thob par ’tshal ba daṅ | dpa’ bar ’gro ba’i tiṅ ṅe ’dzin la sñoms par ’jug par ’tshal ba daṅ | rin chen phyag rgya’i tiṅ ṅe ’dzin daṅ | zla (7) ba’i ’od kyi tiṅ ṅe ’dzin daṅ | zla ba’i rgyal mtshan tog gi tiṅ ṅe ’dzin daṅ | chos thams cad kyi phyag rgyar gyur pa’i tiṅ ṅe ’dzin daṅ | kun tu lta ba’i phyag rgya’i tiṅ ṅe ’dzin daṅ | chos kyi dbyiṅs su ṅes pa’i tiṅ ṅe ’dzin daṅ | ṅes pa’i rgyal mtshan tog gi tiṅ ṅe ’dzin daṅ | (70b1) rdo rje lta bu’i tiṅ ṅe ’dzin daṅ | chos thams cad la ’jug pa’i sgo’i tiṅ ṅe ’dzin daṅ | tiṅ ṅe ’dzin gyi rgyal po’i tiṅ ṅe ’dzin daṅ | rgyal po’i phyag rgya’i tiṅ ṅe ’dzin daṅ | dpuṅ bkod pa’i tiṅ ṅe ’dzin daṅ | yaṅ dag par ’phags pa’i tiṅ ṅe ’dzin daṅ | chos thams cad kyi ṅes pa’i (2) tshig la gdon mi za bar ’jug pa’i tiṅ ṅe ’dzin daṅ | chos thams cad śes pa’i bzod pa la ’jug pa’i tiṅ ṅe ’dzin daṅ | phyogs bcur rnam par lta ba’i tiṅ ṅe ’dzin daṅ | chos thams cad kyi gzuṅs kyi sgo’i phyag rgya’i tiṅ ṅe ’dzin daṅ | chos thams cad brjed pa med pa’i tiṅ ṅe ’dzin (3) daṅ | chos thams cad yaṅ dag par ’du ba’i rnam pa’i phyag rgya’i tiṅ ṅe ’dzin daṅ | nam mkha’i gnas la gnas pa’i tiṅ ṅe ’dzin daṅ | ’khor gsum yoṅs su dag pa’i tiṅ ṅe ’dzin pa daṅ | mṅon par śes pa mi ñams pa’i tiṅ ṅe ’dzin daṅ | snod du gyur pa’i tiṅ ṅe ’dzin daṅ | (4) rgyal mtshan gyi rtse mo’i dpuṅ rgyan gyi tiṅ ṅe ’dzin daṅ | ñon moṅs pa thams cad ṅes par sreg pa’i tiṅ ṅe ’dzin daṅ | bdud bźi’i dpuṅ stobs med par byed pa’i tiṅ ṅe ’dzin daṅ | ye śes sgron ma’i tiṅ ṅe ’dzin daṅ | stobs bcu’i stobs kyis ’phags pa’i tiṅ ṅe ’dzin daṅ | (5) nam mkha’ ltar chags pa med pas rnam par grol źiṅ gos pa med pa’i tiṅ ṅe ’dzin la sñoms par ’jug par ’tshal bas | śes rab kyi pha rol tu phyin pa la bslab par bgyi’o ||
byaṅ chub sems dpa’ sems dpa’ chen po tiṅ ṅe ’dzin gyi sgo de dag daṅ | gźan dag kyaṅ thob (6) par ’tshal bas | śes rab kyi pha rol tu phyin pa la bslab par bgyi’o || ||
śes rab kyi pha rol tu phyin pa khri brgyad stoṅ pa | bam po drug pa | bcom ldan ’das gźan yaṅ byaṅ chub sems dpa’ sems dpa’ chen po sems can thams cad kyi bsam (7) pa yoṅs su rdzogs par bgyi bar ’tshal bas | śes rab kyi pha rol tu phyin pa la bslab par bgyi’o ||
bcom ldan ’das gźan yaṅ byaṅ chub sems dpa’ sems dpa’ chen po dge ba’i rtsa ba gaṅ dag yoṅs su rdzogs pas ṅan soṅ rnams su mi ltuṅ ba daṅ | rigs dma’ ba (71a1) rnams su mi skye ba daṅ | ñan thos daṅ | raṅ saṅs rgyas kyi sar mi ltuṅ ba daṅ | byaṅ chub sems dpa’i skyon gyi spyi gtsug tu mi ltuṅ ba’i dge ba’i rtsa ba thams cad yoṅs su rdzogs par bgyi bar ’tshal bas | śes rab kyi pha rol tu phyin pa la bslab par bgyi’o ||
de (2) nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ji ltar na byaṅ chub sems dpa’i skyon gyi spyi gtsug tu ltuṅ ba yin | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems dpa’ chen po (3) thabs la mi mkhas pas pha rol tu phyin pa drug la spyod ciṅ | thabs la mi mkhas pas stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin la brten te ñan thos kyis daṅ | raṅ saṅs rgyas kyi sar yaṅ mi ltuṅ la | byaṅ chub sems dpa’i smyon med par yaṅ (4) mi ’jug pa ’di ni byaṅ chub sems dpa’i skyon źes bya’o ||
ś ri’i bus smras pa | tshe daṅ ldan pa rab ’byor ci’i phyir | ’di byaṅ chub sems dpa’ sems dpa’ chen po’i skyon du ’gyur | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems (5) dpa’ chen po’i skyon źes bya ba ni ’di lta ste | chos la sred pa’o ||
ś ri’i bus smras pa | tshe daṅ ldan pa rab ’byor chos la sred pa gaṅ yin | rab ’byor gyis smras pa | tshe daṅ ldan pa ś ri’i bu ’di la byaṅ chub sems dpa’ sems dpa’ chen po śes rab kyi pha rol tu phyin pa (6) la spyod pa na gzugs la stoṅ źes bya bar mṅon par źen ciṅ gnas te | kun tu śes pa daṅ | de bźin du tshor ba daṅ | ’du śes daṅ | ’du byed rnams daṅ | rnam par śes pa la stoṅ źes bya bar mṅon par źen ciṅ gnas te | kun tu śes pa de ni tshe daṅ ldan pa ś ri’i bu byaṅ (7) chub sems dpa’ sems dpa’ chen po’i ’thun pa’i chos la sred pa ste | skyon źes bya’o ||
tshe daṅ ldan pa ś ri’i bu gźan yaṅ byaṅ chub sems dpa’ gzugs la mi rtag ces bya bar mṅon par źen ciṅ gnas te kun tu źes pa daṅ | gzugs sdug bsṅal ba daṅ | bdag (71b1) med pa daṅ mi sdug pa daṅ | źi ba daṅ | stoṅ pa daṅ | mtshan ma med pa daṅ | smon pa med pa źes bya bar mṅon par źen ciṅ gnas te kun tu śes pa de ni tshe daṅ ldan pa ś ri’i bu byaṅ chub sems dpa’i ’thun pa’i chos la sred pa ste skyon no ||
de bźin du tshor ba daṅ | ’du śes (2) daṅ | ’du byed rnams daṅ | rnam par śes pa la mi rtag ces bya bar mṅon par źen ciṅ gnas te kun tu śes pa daṅ | sdug bsṅal ba daṅ | bdag med pa daṅ | mi sdug pa daṅ | źi ba daṅ | stoṅ pa daṅ | mtshan ma med pa daṅ | smon pa med pa źes bya bar mṅon par źen ciṅ (3) sa nas te kun tu śes pa de ni tshe daṅ ldan pa ś ri’i bu byaṅ chub sems dpa’ sems dpa’ chen po’i rjes su ’thun pa’i chos la sred pa ste skyon no ||
gal te ’di ltar gzugs spaṅ bar bya’o ||
’dis gzugs spaṅ bar bya’o ||
’di ltar tshor ba daṅ | ’du śes daṅ | ’du byed rnams daṅ | (4) rnam par śes pa spaṅ bar bya’o ||
’di ltar sdug bsṅal yoṅs su śes par bya’o ||
’dis sdug bsṅal ba yoṅs su śes par bya’o ||
’di ltar kun ’byuṅ ba spaṅ bar bya’o ||
’dis kun ’byuṅ ba spaṅ bar bya’o ||
’di ltar ’gog pa mṅon sum du (5) bya’o ||
’dis ’gog pa mṅon sum du bya’o ||
’di ltar lam bsgom par bya’o ||
’dis lam bsgom par bya’o ||
’di ni kun nas ñon moṅs pa’o ||
’di ni rnam par byaṅ ba’o ||
chos ’di dag ni bsñen par bya ba’o ||
chos ’di dag ni bsten par mi bya ba’o ||
’di la ni byaṅ chub (6) sems dpas spyad par bya’o ||
’di la ni spyad par mi bya’o ||
’di ni byaṅ chub sems dpa’i lam mo ||
’di ni byaṅ chub sems dpa’i bslab pa’o ||
’di ni bslab pa ma yin no ||
’di ni byaṅ chub sems dpa’i sbyin pa’i pha rol tu phyin pa’o ||
’di ni tshul (7) khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa’o ||
’di ni byaṅ chub sems dpa’i sbyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa ma yin no ||
(72a1) ’di ni byaṅ chub sems dpa’i thabs la mkhas pa’o ||
’di ni thabs la mkhas pa ma yin no ||
’di ni byaṅ chub sems dpa’i skyon med pa’o ||
’di ni skyon no źes bya bar chos de dag la mṅon par źen ciṅ gnas te kun tu śes na | de ni byaṅ chub sems dpa’ sems (2) dpa’ chen po’i ’thun pa’i chos la sred pa ste skyon no ||
ś ri’i bus smras pa | tshe daṅ ldan pa rab ’byor byaṅ chub sems dpa’ sems dpa’ chen po’i skyon med pa gaṅ yin | rab ’byor gyis smras pa | tshe daṅ ldan pa ś ri’i bu ’di la byaṅ chub sems dpa’ sems dpa’ chen po śes rab (3) kyi pha rol tu phyin pa la spyod pa nad stoṅ pa ñid la phyi stoṅ pa ñid yaṅ dag par rjes su mi mthoṅ | phyi stoṅ pa ñid la naṅ stoṅ pa ñid yaṅ dag par rjes su mi mthoṅ | phyi naṅ stoṅ pa ñid la stoṅ pa ñid stoṅ pa ñid yaṅ dag par rjes su mi mthoṅ | stoṅ pa ñid stoṅ pa ñid la phyi naṅ stoṅ pa ñid (4) yaṅ dag par rjes su mi mthoṅ | stoṅ pa ñid stoṅ pa ñid la chen po stoṅ pa ñid yaṅ dag par rjes su mi mthoṅ | chen po stoṅ pa ñid la stoṅ pa ñid stoṅ pa ñid yaṅ dag par rjes su mi mthoṅ | chen po stoṅ pa ñid la don dam pa stoṅ pa ñid yaṅ dag par rjes su mi mthoṅ | don dam pa stoṅ pa ñid (5) la chen po stoṅ pa ñid yaṅ dag par rjes su mi mthoṅ | don dam pa stoṅ pa ñid la ’dus byas stoṅ pa ñid yaṅ dag par rjes su mi mthoṅ | ’dus byas stoṅ pa ñid la don dam pa stoṅ pa ñid yaṅ dag par rjes su mi mthoṅ | ’dus byas stoṅ pa ñid la ’dus ma byas stoṅ pa ñid yaṅ dag par rjes (6) su mi mthoṅ | ’dus ma byas stoṅ pa ñid la ’dus byas stoṅ pa ñid yaṅ dag par rjes su mi mthoṅ | ’dus ma byas stoṅ pa ñid la thog ma daṅ tha ma med pa stoṅ pa ñid yaṅ dag par rjes su mi mthoṅ | thog ma daṅ tha ma med pa stoṅ pa ñid la ’dus ma byas stoṅ pa ñid yaṅ dag par rjes su mi (7) mthoṅ | thog ma daṅ tha ma med pa stoṅ pa ñid la dor ba med pa stoṅ pa ñid yaṅ dag par rjes su mi mthoṅ | dor ba med pa stoṅ pa ñid la thog ma daṅ tha ma med pa stoṅ pa ñid yaṅ dag par rjes su mi mthoṅ | dor ba med pa stoṅ pa ñid la raṅ bźin gyis stoṅ pa ñid yaṅ dag par rjes su mi mthoṅ | (72b1) raṅ bźin gyis stoṅ pa ñid la dor ba med pa stoṅ pa ñid yaṅ dag par rjes su mi mthoṅ | raṅ bźin gyis stoṅ pa ñid la raṅ gi mtshan ñid stoṅ pa ñid yaṅ dag par rjes su mi mthoṅ | raṅ gi mtshan ñid stoṅ pa ñid la raṅ bźin gyis stoṅ pa ñid yaṅ dag par rjes su mi mthoṅ | raṅ gi (2) mtshan ñid stoṅ pa ñid la chos thams cad stoṅ pa ñid yaṅ dag par rjes su mi mthoṅ | chos thams cad stoṅ pa ñid la raṅ gi mtshan ñid stoṅ pa ñid yaṅ dag par rjes su mi mthoṅ | chos thams cad stoṅ pa ñid la dṅos po med pa stoṅ pa ñid yaṅ dag par rjes su mi mthoṅ | (3) dṅos po med pa stoṅ pa ñid la chos thams cad stoṅ pa ñid yaṅ dag par rjes su mi mthoṅ | dṅos po med pa stoṅ pa ñid la ṅo bo ñid stoṅ pa ñid yaṅ dag par rjes su mi mthoṅ | ṅo bo ñid stoṅ pa ñid la dṅos po med pa stoṅ pa ñid yaṅ dag par rjes su mi mthoṅ | ṅo bo ñid stoṅ (4) pa ñid la dṅos po med pa’i ṅo bo ñid stoṅ pa ñid yaṅ dag par rjes su mi mthoṅ | dṅos po med pa’i ṅo bo ñid stoṅ pa ñid la ṅo bo ñid stoṅ pa ñid yaṅ dag par rjes su mi mthoṅ ste | tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la (5) de ltar spyod na | byaṅ chub sems dpa’i skyon med pa la ’jug pa yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la de ltar slob pas gzugs śes par bya ste | des rlom sems su yaṅ mi bya’o ||
(6) tshor ba daṅ | ’du śes daṅ | ’du byed rnams daṅ | rnam par śes pa śes par bya ste | des rlom sems su yaṅ mi bya’o ||
mig daṅ | rna ba daṅ | sna daṅ | lce daṅ | lus daṅ | yid śes par bya ste | des rlom sems su yaṅ mi bya’o ||
gzugs (7) daṅ | sgra dar | dri daṅ | ro daṅ | reg bya daṅ | chos rnams śes par bya ste | des rlom sems su yaṅ mi bya’o ||
sbyin pa’i pha rol tu phyin pa śes par bya ste | des rlom sems su yaṅ mi bya’o ||
tshul khrims daṅ | bzod pa daṅ | brtson ’grus daṅ | bsam (73a1) gtan daṅ | śes rab kyi pha rol tu phyin pa śes par bya ste | de dag gis rlom sems su yaṅ mi bya’o ||
bsam gtan daṅ | tshad med pa daṅ | gzugs med pa’i sñoms par ’jug pa rnams śes par bya ste | de dag gis rlom sems su yaṅ mi bya’o ||
de bźin (2) du mṅon par śes pa lṅa daṅ | mig lṅa daṅ | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | mi ’jigs pa bźi daṅ | so so yaṅ dag par rig pa bźi daṅ | saṅs (3) rgyas kyi chos ma ’dres pa bcwa brgyad po dag śes par bya ste | de dag gis rlom sems su yaṅ mi bya’o ||
tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pas byaṅ chub kyi sems kyis kyaṅ rlom sems su mi bya’o ||
mi mñam pa (4) daṅ mñam pa’i sems daṅ | rlabs po che’i sems kyis kyaṅ rlom sems su mi bya’o ||
de ci’i phyir źe na | ’di ltar sems de sems ma yin te | sems kyi raṅ bźin ’od gsal ba’i phyir ro ||
ś ri’i bus smras pa | tshe daṅ ldan pa rab ’byor sems kyi raṅ bźin ’od gsal ba gaṅ (5) yin | rab ’byor gyis smras pa | tshe daṅ ldan pa ś ri’i bu sems gaṅ ’dod chags daṅ ldan pa yaṅ ma yin | bral ba yaṅ ma yin | źe sdaṅ daṅ | gti mug daṅ ldan pa yaṅ ma yin | bral ba yaṅ ma yin | kun nas ldaṅ ba rnams daṅ | sgrib pa rnams daṅ | bag la ñal ba (6) rnams daṅ | kun tu sbyor ba rnams daṅ lta bar gyur ba rnams daṅ | ñan thos daṅ | Raṅa saṅs rgyas kyi sems rnams daṅ ldan pa yaṅ ma yin | bral ba yaṅ ma yin pa ste | tshe daṅ ldan pa ś ri’i bu de ni byaṅ chub sems dpa’ sems dpa’ chen po’i sems kyi raṅ bźin ’od gsal pa’o ||
(7) ś ri’i bus smras pa | tshe daṅ ldan pa rab ’byor sems gaṅ la sems ma yin no źes bya ba’i sems de yod dam | rab ’byor gyis smras pa | tshe daṅ ldan pa ś ri’i bu ci gaṅ sems ma yin pa de la yod pa’am med pa dmigs pa yod par ’gyur ram | ś ri’i bus smras pa | tshe daṅ ldan (73b1) pa rab ’byor de ni med do ||
rab ’byor gyis smras pa | tshe daṅ ldan pa ś ri’i bu gal te sems ma yin pa de la yod pa’am med pa med ciṅ mi dmigs na | tshe daṅ ldan pa ś ri’i bu khyod kyis ’di skad smras te | sems gaṅ la sems ma yin pa źes bya ba’i sems de yod dam źes brgal (2) źiṅ brtag pa ’di ji ga rigs sam | ś ri’i bus smras pa | tshe daṅ ldan pa rab ’byor sems ma yin pa de gaṅ yin | rab ’byor gyis smras pa | tshe daṅ ldan pa ś ri’i bu sems ma yin pa ni ’gyur ba med ciṅ rnam par mi rtog pa ste | de ni chos thams cad kyi de bźin ñid de | (3) ’di ni sems ma yin pa bsam gyis mi khyab pa źes bya’o ||
ś ri’i bus smras pa | tshe daṅ ldan pa rab ’byor ji ltar sems ’gyur ba med ciṅ rnam par rtog pa med pa de bźin du gzugs kyaṅ ’gyur ba med ciṅ rnam par rtog pa med pa yin nam | de bźin du tshor ba daṅ | ’du śes (4) daṅ | ’du byed rnams daṅ | rnam par śes pa yaṅ ’gyur ba med ciṅ rnam par rtog pa med pa yin nam | ji ltar sems la ’gyur ba med ciṅ rnam par rtog pa med pa de bźin du mig gi khams daṅ | gzugs kyi khams daṅ | mig gi rnam par śes pa’i khams kyaṅ ’gyur (5) ba med ciṅ rnam par rtog pa med dam | de bźin du rna ba’i khams daṅ | sna’i khams daṅ | lce’i khams daṅ | lus kyi khams daṅ | yid kyi khams daṅ | yid kyi rnam par śes pa’i khams kyaṅ ’gyur ba med ciṅ rnam par rtog pa med dam | de bźin du skye mched (6) rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | mṅon par śes pa rnams daṅ | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | mi ’jigs (7) pa daṅ | so so yaṅ dag par rig pa daṅ | stobs daṅ | saṅs rgyas kyi chos ma ’dres pa daṅ | bla na med pa yaṅ dag par rdzogs pa’i byaṅ chub kyaṅ ’gyur ba med ciṅ rnam par rtog pa med pa yin nam | rab ’byor gyis smras pa | tshe daṅ ldan pa ś ri’i bu de de bźin te | (74a1) ji ltar sems ’gyur ba med ciṅ rnam par rtog pa med pa de bźin du phuṅ po daṅ | khams daṅ | skye mched daṅ | rten ciṅ ’brel bar ’byuṅ ba daṅ | pha rol tu phyin pa daṅ | mṅon par śes pa daṅ | byaṅ chub kyi phyogs kyi chos rnams daṅ | stobs daṅ | (2) mi ’jigs pa daṅ | saṅs rgyas kyi chos ma ’dres pa daṅ | bla na med pa yaṅ dag par rdzogs pa’i byaṅ chub kyi bar yaṅ ’gyur ba med ciṅ rnam par rtog pa med do ||
ś ri’i bus smras pa | tshe daṅ ldan pa rab ’byor legs so legs so ||
’di lta ste khyod ni bcom ldan (3) ’das kyi sras thugs las skyes pa | źal nas skyes pa | chos las skyes pa | chos kyis sprul pa | chos kyi bgo skal la spyod pa | zaṅ ziṅ gi bgo skal la spyod pa ma yin pa | chos rnams la mṅon sum gyi mig daṅ ldan pa lus mṅon sum du gyur pa ste ñan thos (4) ñon moṅs pa med par gnas pa rnams kyi mchog tu bcom ldan ’das kyis gsuṅs te | bstan pa ’di ’aṅ de’i tshul daṅ ’dra’o ||
tsho daṅ ldan pa rab ’byor byaṅ chub sems dpa’ sems dpa’ chen pos kyaṅ śes rab kyi pha rol tu phyin pa la de ltar bslab par bya’o ||
(5) byaṅ chub sems dpa’ sems dpa’ chen po phyir mi ldog pa yaṅ ’di las yoṅs su śes par bya’o ||
de ltar na byaṅ chub sems dapa sems dpa’ chen po śes rab kyi pha rol tu phyin pa daṅ ma bral bar śes par bya’o ||
tshe daṅ ldan pa rab ’byor byaṅ chub sems dpa’ sems dpa’ chen (6) po ñan thos kyis la slob par ’dod pas kyaṅ bsgrims te | śes rab kyi pha rol tu phyin pa ’di ñid mñan par bya | gzuṅ bar bya | bcaṅ bar bya | bklag par bya | kun chub par bya | tshul bźin du yid la bya’o ||
byaṅ chub sems dpa’ sems dpa’ chen po raṅ saṅs rgyas kyi (7) sa daṅ | byaṅ chub sems dpa’i sa daṅ | saṅs rgyas kyis la slob par ’dod pas kyaṅ bsgrims te | śes rab kyi pha rol tu phyin pa ’di ñid mñan par bya | gzuṅ bar bya | bcaṅ bar bya | bklag par bya | kun chub par bya | tshul bźin du yid la bya’o ||
de ci’i phyir (74b1) źe na | ’di ltar byaṅ chub sems dpa’ sems dpa’ chen po rnams kyis ñan thos daṅ raṅ saṅs rgyas daṅ | byaṅ chub sems dpa’ daṅ | saṅs rgyas kyis gaṅ dag la bslab par bya ba’i theg pa gsum po dag śes rab kyi pha rol tu phyin pa ’di las rgya cher bstan pa’i phyir ro ||
śes (2) rab kyi pha rol tu phyin pa khri brgyad stoṅ pa las | skyon med pa la ’jug pa’i le’u źes bya ste | bdun pa’o || ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das bdag gis byaṅ chub sems dpa’ (3) daṅ | śes rab kyi pha rol tu phyin pa ma ’tshal ma dmigs yaṅ dag par rjes su ma mthoṅ na | byaṅ chub sems dpa’ gaṅ źig śes rab kyi pha rol tu phyin pa gaṅ la gdams śiṅ rjes su bstan par bgyi | bcom ldan ’das bdag gis dṅos po ma ’tshal ma dmigs yaṅ (4) dag par rjes su ma mthoṅ ste | bcom ldan ’das bdag gis dṅos po ma ’tshal ma dmigs yaṅ dag par rjes su ma mthoṅ bźin du chos gaṅ gis chos gaṅ la gdams śiṅ rjes su bstan par bgyi ste | ’di ñid bdag gi ’gyod par ’gyur lags so ||
bcom ldan ’das (5) ’di ltar bdag gis chos thams cad ma ’tshal ma dmigs yaṅ dag par rjes su ma mthoṅ na | byaṅ chub sems dpa’ źes bgyi ba’am | śes rab kyi pha rol tu phyin pa źes bgyi ba’i miṅ tsam gyis ji ltar ’phel ba daṅ ’grib par bgyi ste | ’di ñid bdag gi ’gyod par (6) ’gyur lags so ||
bcom ldan ’das miṅ de yaṅ gnas pa ma mchis thug pa ma mchis pa lags so ||
de ci’i slad du źe na | miṅ de ma mchis pas | de ltar na miṅ de gnas pa ma mchis | thug pa ma mchis pa lags so ||
bcom ldan ’das bdag gis gzugs kyi ’phel (7) ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis tshor ba daṅ | ’du śes daṅ | ’du byed rnams daṅ | rnam par śes pa’i ’phel pa daṅ ’grib pa ma dmigs yaṅ dag par rjes su ma mthoṅ na | byaṅ chub sems dpa’ źes gaṅ la miṅ du (75a1) gdags par bgyi | bcom ldan ’das rnam graṅs des na miṅ de yaṅ gnas pa ma mchis thug pa ma mchis pa lags so ||
de ci’i slad du źe na | miṅ de ma mchis pas | de ltar na miṅ de gnas pa ma mchis thug pa ma mchis pa lags so ||
bcom ldan ’das (2) bdag gis mig gi ’phel ba daṅ | ’grib pa ma dmigs yaṅ dag par rjes su ma mthoṅ | bcom ldan ’das bdag gis rna ba daṅ | sna daṅ | lce daṅ | lus daṅ | yid kyi ’phel pa daṅ ’grib pa ma dmigs yaṅ dag par rjes su ma mthoṅ | de bźin du khams daṅ | skye mched (3) daṅ | rten ciṅ ’brel bar ’byuṅ ba rnams kyi ’phel ba daṅ ’grib pa ma dmigs yaṅ dag par rjes su ma mthoṅ na | byaṅ chub sems dpa’ źes ji ltar miṅ du gdags par bgyi | bcom ldan ’das gzugs kyi miṅ daṅ | tshor ba daṅ | ’du śes daṅ | ’du byed rnams daṅ | (4) rnam par śes pa daṅ | mig daṅ | rna ba daṅ | sna daṅ | lce daṅ | lus daṅ | yid kyi miṅ de dag ni gnas pa ma mchis thug pa ma mchis pa lags so ||
de ci’i slad du źe na | miṅ de dag ma mchis pas de ltar na miṅ de gnas pa ma mchis | thug pa ma mchis pa lags (5) so ||
bcom ldan ’das bdag gis mig gi rnam par śes pa’i ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis rna ba daṅ | sna daṅ | lce daṅ | lus daṅ | yid kyi rnam par śes pa’i ’phel ba daṅ ’grib pa ma dmigs (6) yaṅ dag par rjes su ma mthoṅ ste | bcom ldan ’das bdag gis mig gi rnam par śes pa daṅ | rna ba daṅ | sna daṅ | lce daṅ | lus daṅ | yid kyi rnam par śes pa ma dmigs yaṅ dag par rjes su ma mthoṅ bźin du | ji ltar byaṅ chub sems dpa’ źes miṅ du (7) gdags par bgyi | bcom ldan ’das miṅ lags pa de yaṅ gnas pa ma mchis thug pa ma mchis pa lags so ||
de ci’i slad du źe na | miṅ de ma mchis pas | de ltar na miṅ de gnas pa ma mchis | thug pa ma mchis pa lags so ||
bcom ldan ’das bdag gis (75b1) mig gi ’dus te reg pa daṅ | rna ba daṅ | sna daṅ | lce daṅ | lus daṅ | yid kyi ’dus te reg pa daṅ | mig gi ’dus te reg pa’i rkyen gyis tshor ba’i ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis rna ba daṅ | (2) sna daṅ | lce daṅ | lus daṅ | yid kyi ’dus te reg pa’i rkyen gyis tshor ba’i ’phel ba daṅ | ’grib pa ma dmigs yaṅ dag par rjes su ma mthoṅ | bcom ldan ’das bdag gis sa’i khams kyi ’phel ba daṅ ’grib pa ma dmigs yaṅ dag par rjes su ma mthoṅ (3) bcom ldan ’das bdag gis chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis ma rig pa’i ’phel ba daṅ | (4) ’grib pa ma dmigs yaṅ dag par rjes su ma mthoṅ | bcom ldan ’das bdag gis ’du byed rnams daṅ | rnam par śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi’i (5) ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis ’dod chags daṅ | źe sdaṅ daṅ | gti mug gi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis kun nas ldaṅ ba rnams daṅ | sgrib (6) pa rnams daṅ | bag la ñal ba rnams daṅ | kun tu sbyor ba rnams kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis lta ba’i rnam pa drug cu rtsa gñis kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan (7) ’das bdag gis bdag gi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis sems can daṅ | srog daṅ | gso ba daṅ | skyes bu daṅ | gaṅ zag daṅ | skye ba po daṅ | śed las skyes daṅ | śed bu daṅ | byed pa po daṅ | (76a1) tshor ba po daṅ | śes pa po daṅ | mthoṅ ba po rnams kyi ’phel ba daṅ | ’grib pa ma dmigs yaṅ dag par rjes su ma mthoṅ | bcom ldan ’das bdag gis sbyin pa’i pha rol tu phyin pa’i ’phel ba daṅ ’grib pa ma dmigs yaṅ dag par rjes su ma mthoṅ | bcom ldan (2) ’das bdag tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa’i ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis stoṅ pa ñid thams cad kyi ’phel ba daṅ ’grib pa ma (3) dmigs yaṅ dag par rjes su ma mthoṅ | bcom ldan ’das bdag gis dran pa ñe bar gźag pa rnams kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das de bźin du bdag gis yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po (4) daṅ | stobs daṅ | byaṅ chub kyi yan lag daṅ | lam rnams kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis rnam par thar pa’i sgo stoṅ pa ñid daṅ | mtshan ma med pa daṅ | smon pa med pa’i ’phel ba daṅ | ’grib pa ma (5) dmigs yaṅ dag par rjes su ma mthoṅ | bcom ldan ’das bdag gis bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi po dag gi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis (6) saṅs rgyas rjes su dran pa daṅ | chos rjes su dran pa daṅ | dge ’dun rjes su dran pa daṅ | tshul khrims rjes su dran pa daṅ | gtoṅ ba rjes su dran pa daṅ | lha rjes su dran pa daṅ | lus su gtogs pa rjes su dran pa daṅ | skyo ba rjes su dran pa daṅ | dbugs rṅub pa daṅ | (7) ’byuṅ ba rjes su dran pa daṅ | ’chi ba rjes su dran pa’i ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis mig lṅa daṅ | mṅon par śes pa drug daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | (76b1) saṅs rgyas kyi chos ma ’dres pa bcwa brgyad kyi ’phel ba daṅ ’grib pa ma dmigs yaṅ dag par rjes su ma mthoṅ na | byaṅ chub sems dpa’ źes gaṅ la miṅ du gdags par bgyi | bcom ldan ’das miṅ de yaṅ gnas pa ma mchis thug pa ma mchis pa lags so ||
de ci’i slad du źe na | (2) miṅ de ma mchis pas | de ltar na miṅ de gnas pa ma mchis | thug pa ma mchis pa lags so ||
bcom ldan ’das bdag gis rmi lam lta bu’i ñe bar len pa’i phuṅ po lṅa po dag gi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis sgyu (3) ma lta bu daṅ | smig rgyu lta bu daṅ | dri za’i groṅ khyer lta bu daṅ | brag ca lta bu daṅ | mig yor lta bu daṅ | gzugs brñan lta bu daṅ | sprul pa lta bu’i phuṅ po lṅa po dag gi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis (4) dben pa daṅ | źi ba daṅ | skye ba ma mchis pa daṅ | ’gag pa ma mchis pa daṅ | ’byuṅ ba ma mchis pa daṅ | mṅon par ’du bgyi ba ma mchis pa daṅ | kun nas ñon moṅs pa ma mchis pa daṅ | rnam par byad pa ma mchis pa’i ’phel ba daṅ ’grib pa ma dmigs yaṅ dag (5) par rjes su ma mthoṅ | bcom ldan ’das bdag gis de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ daṅ | bsam (6) gyis mi khyab pa’i dbyiṅs kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das de bźin du bdag gis dge ba daṅ | mi dge ba rnams daṅ | kha na ma tho ba daṅ bcas pa daṅ | kha na ma tho ba ma mchis pa rnams daṅ | zag pa daṅ bcas pa daṅ | (7) zag pa ma mchis pa rnams daṅ | ñon moṅs pa daṅ bcas pa daṅ | ñon moṅs pa ma mchis pa rnams daṅ | ’jig rten pa daṅ | ’jig rten las ’das pa rnams daṅ | ’dus byas daṅ | ’dus ma byas rnams daṅ | kun nas ñon moṅs pa daṅ | rnam par byaṅ ba (77a1) rnams daṅ | ’khor ba pa rnams daṅ | mya ṅan las ’das pa’i chos rnams kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis ’das pa daṅ ma ’oṅs pa daṅ | da ltar byuṅ ba’i chos rnams kyi ’phel ba daṅ ’grib pa (2) ma dmigs yaṅ dag par rjes su ma mthoṅ | bcom ldan ’das bdag gis bcom ldan ’das kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis śar phyogs kyi ’jig rten gyi khams gaṅ g’i kluṅ gi bye ma sñed dag na de bźin (3) gśegs pa dgra bcom pa yaṅ dag par rdzogs pa’i saṅs rgyas ñan thos kyi dge ’dun daṅ bcas pa | byaṅ chub sems dpa’i tshogs daṅ bcas pa bźugs pa rnams kyi ’phel ba daṅ ’grib pa ma dmigs yaṅ dag par rjes su ma mthoṅ | bcom ldan ’das bdag gis lho daṅ | nub (4) daṅ | byaṅ daṅ | byaṅ śar daṅ | śar lho daṅ | lho nub daṅ | nub byaṅ daṅ | ’og daṅ steṅ gi phyogs kyi ’jig rten gyi khams gaṅ g’i kluṅ gi bye ma sñed dag na | de bźin gśegs pa dgra bcom pa yaṅ dag par rdzogs pa’i saṅs rgyas ñan thos kyi dge ’dun daṅ bcas pa | byaṅ (5) chub sems dpa’i tshogs daṅ bcas pa bźugs pa rnams kyi ’phel ba daṅ ’grib pa ma dmigs yaṅ dag par rjes su ma mthoṅ na | byaṅ chub sems dpa’ gaṅ źig śes rab kyi pha rol tu phyin pa gaṅ la gdams śiṅ rjes su bstan par bgyi | bcom ldan ’das miṅ de yaṅ gnas pa ma (6) mchis | thug pa ma mchis pa lags so ||
de ci’i slad du źe na | miṅ de ma mchis pas | de ltar na miṅ de gnas pa ma mchis thug pa ma mchis pa lags so ||
bcom ldan ’das ’di ltar bdag gis chos thams cad kyi de bźin ñid kyi ’phel ba daṅ ’grib pa ma dmigs yaṅ dag par (7) rjes su ma mthoṅ | chos thams cad kyi de bźin ñid kyi miṅ yaṅ ma dmigs yaṅ dag par rjes su ma mthoṅ na | byaṅ chub sems dpa’ gaṅ źig śes rab kyi pha rol tu phyin pa gaṅ la gdams śiṅ rjes su bstan par bgyi | bcom ldan ’das de bźin ñid kyi miṅ de yaṅ gnas pa ma (77b1) mchis thug pa ma mchis pa lags so ||
de ci’i slad du źe na | mid de ma mchis pas | de ltar na mid de gnas pa ma mchis | thug pa ma mchis pa lags so ||
bcom ldan ’das ’di lta ste | gaṅ yaṅ byaṅ chub sems dpa’ źes chos ñid kyi brdar gdags pa de yaṅ phuṅ po rnams (2) sam | khams rnams sam | skye mched rnams sam | saṅs rgyas kyi chos ma ’dres pa rnams kyi bar du gaṅ du yaṅ brjod du ma mchis te | chos su gdags pa tsam du bas lags so ||
bcom ldan ’das ’di lta ste | rmi lam źes bgyi ba’i miṅ ni gaṅ gis kyaṅ brjod du ma mchis (3) pa lags so ||
sgyu ma daṅ | brag ca daṅ | mig yor daṅ | smig rgyu daṅ | chu zla daṅ | sprul pa źes bgyi ba’i miṅ ni gaṅ gis kyaṅ brjod du ma mchis pa lags so ||
nam mkha’ źes bgyi ba’i miṅ ni gaṅ gis kyaṅ brjod du ma mchis pa lags so ||
de bźin du sa daṅ | chu (4) daṅ | me daṅ | rluṅ źes bgyi ba’i miṅ ni gaṅ gis kyaṅ brjod du ma mchis pa lags so ||
’di lta ste | de bźin ñid ces bgyi ba’i miṅ ni gaṅ gis kyaṅ brjod du ma mchis pa lags so ||
ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos (5) kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ źes bgyi ba’i miṅ ni gaṅ gis kyaṅ brjod du ma mchis pa lags so ||
sbyin pa’i pha rol tu phyin pa daṅ | tshul khrims daṅ | bzod pa daṅ | brtson ’grus daṅ | bsam gtan (6) daṅ | śes rab kyi pha rol tu phyin pa’i miṅ ni gaṅ gis kyaṅ brjod du ma mchis pa lags so ||
tshul khrims źes bgyi ba daṅ | tiṅ ṅe ’dzin ces bgyi ba daṅ | śes rab ces bgyi ba daṅ | rnam par grol ba źes bgyi ba daṅ | rnam par grol ba’i ye śes mthoṅ ba źes bgyi ba’i (7) miṅ ni gaṅ gis kyaṅ brjod du ma mchis pa lags so ||
rgyun du źugs pa źes bgyi ba’i miṅ ni gaṅ gis kyaṅ brjod du ma mchis pa lags so ||
rgyun du źugs pa’i chos rnams źes bgyi ba’i miṅ daṅ | lan cig phyir ’oṅ ba źes bgyi ba daṅ | phyir mi ’oṅ ba źes bgyi ba daṅ | (78a1) dgra bcom pa źes bgyi ba daṅ | raṅ saṅs rgyas źes bgyi ba daṅ byaṅ chub sems dpa’ źes bgyi ba daṅ | byaṅ chub sems dpa’i tshes rnams źes bgyi ba’i miṅ daṅ | saṅs rgyas źes bgyi ba’i miṅ daṅ | saṅs rgyas kyi chos rnams źes bgyi ba’i (2) miṅ ni dge ba’am | mi dge ba’am | luṅ bstan du mchis pa’am | luṅ du ma bstan pa’am | kha na ma tho ba daṅ bcas pa’am | kha na ma tho ba ma mchis pa’am | rtag pa’am | mi rtag pa’am | bde ba’am | sdug bsṅal ba’am | bdag gam | bdag (3) ma mchis pa’am | źi ba’am | ma źi ba’am | dben pa’am | mi dben pa’am | dṅos po’am | dṅos po ma mchis pa gaṅ gis kyaṅ brjod du ma mchis te | bcom ldan ’das bdag gis don gyi dbaṅ ’di mthoṅ bas ’di skad du bdag gis chos thams cad kyi (4) ’phel ba daṅ ’grib pa ma dmigs yaṅ dag par rjes su ma mthoṅ bźin du | ’di lta ste | byaṅ chub sems dpa’ źes bgyi ba’am | śes rab kyi pha rol tu phyin pa źes bgyi bar miṅ du gdags pa ni bdag gis ’gyod par ’gyur ba lags so źes gsol to ||
bcom (5) ldan ’das miṅ de yaṅ gnas pa ma mchis thugs pa ma mchis pa lags so ||
de ci’i slad du źe na | miṅ de ma mchis pas | de ltar na miṅ de gnas pa ma mchis | thug pa ma mchis pa lags so ||
bcom ldan ’das gal te byaṅ chub sems dpa’ la śes rab kyi pha rol tu phyin (6) pa brjod pa’i tshe | sems źum par mi ’gyur | kun tu źum par mi ’gyur la ’gyod par mi ’gyur źiṅ | mi skrag | mi dṅaṅ la | dṅaṅ bar mi ’gyur na | byaṅ chub sems dpa’ sems dpa’ chen po de ni phyir mi ldog pa’i sa la mi gnas pa’i tshul gyis gnas nas rnam pa (7) thams cad mkhyen pa ñid du ṅes par ’byuṅ bar rig par bgyi’o ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas gzugs la gnas par mi bgyi’o ||
tshor ba daṅ | ’du śes daṅ | ’du byed rnams daṅ | (78b1) rnam par śes pa la gnas par mi bgyi’o ||
des mig la gnas par mi bgyi’o ||
rna ba daṅ | sna daṅ | lce daṅ | lus daṅ | yid la gnas par mi bgyi’o ||
des gzugs la gnas par mi bgyi’o ||
sgra daṅ | dri daṅ | ro daṅ | reg bya daṅ | chos la gnas par (2) mi bgyi’o ||
des mig gi rnam par śes pa la gnas par mi bgyi’o ||
rna ba daṅ | sna daṅ | lce daṅ | lus daṅ | yid kyi rnam par śes pa la gnas par mi bgyi’o ||
des mig gi ’dus te reg pa la gnas par mi bgyi’o ||
mig gi ’dus te reg pa’i rkyen gyis tshor ba (3) la gnas par mi bgyi’o ||
rna ba daṅ | sna daṅ | lce daṅ | lus daṅ | yid kyi ’dus te reg pa la gnas par mi bgyi’o ||
yid kyi ’dus te reg pa’i rkyen gyis tshor ba la gnas par mi bgyi’o ||
des sa’i khams la gnas par mi bgyi’o ||
chu’i khams daṅ | me’i (4) khams daṅ | rluṅ gi khams daṅ | nam mkha’i khams daṅ | rnam par śes pa’i khams la gnas par mi bgyi’o ||
des ma rig pa la gnas par mi bgyi’o ||
’du byed daṅ | rnam par śes pa daṅ | miṅ daṅ gzugs daṅ | skye mched drug daṅ | reg pa daṅ | (5) tshor daṅ | sred pa daṅ | len pa daṅ | srid pa daṅ | skye ba daṅ | rga śi la gnas par mi bgyi’o ||
de ci’i slad du źe na | bcom ldan ’das ’di ltar gzugs ni gzugs kyis stoṅ źiṅ | tshor ba daṅ | ’du śes daṅ | ’du byed rnams daṅ | rnam par śes pa ni rnam par (6) śes pas stoṅ pa’i slad du’o ||
bcom ldan ’das gzugs kyi stoṅ pa ñid gaṅ lags pa de gzugs ma lags la | gzugs las gud na yaṅ stoṅ pa ñid ma mchis te | gzugs ñid kyaṅ stoṅ pa ñid lags | stoṅ pa ñid kyaṅ gzugs lags so ||
bcom ldan ’das tshor ba’i stoṅ (7) pa ñid gaṅ lags pa de tshor ba ma lags la | tshor ba las gud na yaṅ stoṅ pa ñid ma mchis te | tshor ba ñid kyaṅ stoṅ pa ñid lags | stoṅ pa ñid kyaṅ tshor ba lags so ||
bcom ldan ’das ’du śes kyi stoṅ pa ñid gaṅ lags pa de ’du śes ma lags la | ’du śes las gud (79a1) na yaṅ stoṅ pa ñid ma mchis te | ’du śes ñid kyaṅ stoṅ pa ñid lags | stoṅ pa ñid kyaṅ ’du śes lags so ||
bcom ldan ’das ’du byed rnams kyi stoṅ pa ñid gaṅ lags pa de ’du byed rnams ma lags la | ’du byed rnams las gud na yaṅ stoṅ pa ñid ma mchis (2) te | ’du byed rnams ñid kyaṅ stoṅ pa ñid lags | stoṅ pa ñid kyaṅ ’du byed rnams lags so ||
bcom ldan ’das rnam par śes pa’i stoṅ pa ñid gaṅ lags pa de rnam par śes pa ma lags la | rnam par śes pa las gud na yaṅ stoṅ pa ñid ma mchis te | rnam par śes (3) pa ñid kyaṅ stoṅ pa ñid lags | stoṅ pa ñid kyaṅ rnam par śes pa lags so ||
bcom ldan ’das rnam graṅs des na byaṅ chub sems dpa’ sems dpa’ chen po śes rab kyi pha rol tu phyin pa la spyod pas gzugs la gnas par mi bgyi’o ||
tshor ba daṅ | ’du śes daṅ | ’du (4) byed rnams daṅ | rnam par śes pa la gnas par mi bgyi’o ||
khams daṅ | skye mched rnams la yaṅ de bźin du sbyar ro ||
sa’i khams ni sa’i khams kyis stoṅ ste | sa’i khams kyi stoṅ pa ñid gaṅ lags pa de sa’i khams ma lags la | sa’i khams las gud (5) na yaṅ stoṅ pa ñid ma mchis te | sa’i khams ñid kyaṅ stoṅ pa ñid lags | stoṅ pa ñid kyaṅ sa’i khams lags so ||
chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams ni rnam par śes pa’i khams kyis (6) stoṅ ste | rnam par śes pa’i khams kyi stoṅ pa ñid gaṅ lags pa de rnam par śes pa’i khams ma lags la | rnam par śes pa’i khams las gud na yaṅ stoṅ pa ñid ma mchis te | rnam par śes pa’i khams ñid kyaṅ stoṅ pa ñid lags | stoṅ pa ñid kyaṅ rnam par śes pa’i khams (7) lags so ||
ma rig pa ni ma rig pas stoṅ ste | ma rig pa’i stoṅ pa ñid gaṅ lags pa de ma rig pa ma lags la | ma rig pa las gud na yaṅ stoṅ pa ñid ma mchis te | ma rig pa ñid kyaṅ stoṅ pa ñid lags | stoṅ pa ñid kyaṅ ma rig pa lags so ||
’du byed daṅ | rnam par (79b1) śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi ni rga śis stoṅ ste | rga śi’i stoṅ pa ñid gaṅ lags pa de rga śi ma lags la | rga śi las gud na yaṅ stoṅ pa ñid (2) ma mchis te | rga śi ñid kyaṅ stoṅ pa ñid lags | stoṅ pa ñid kyaṅ rga śi lags so ||
bcom ldan ’das rnam graṅs des na byaṅ chub sems dpa’ sems dpa’ chen po śes rab kyi pha rol tu phyin pa la spyod pas | ma rig pa daṅ rga śi’i bar la gnas par mi bgyi’o ||
(3) bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas | dran pa ñe bar gźag pa rnams la gnas par mi bgyi’o ||
de ci’i slad du źe na | bcom ldan ’das ’di ltar dran pa ñe bar gźag pa rnams ni dran pa ñe (4) bar gźag pas stoṅ ste | bcom ldan ’das dran pa ñe bar gźag pa rnams kyi stoṅ pa ñid gaṅ lags pa de dran pa ñe bar gźag pa rnams ma lags la | dran pa ñe bar gźag pa rnams las gud na yaṅ stoṅ ba ñid ma mchis te | dran pa ñe bar gźag pa rnams ñid kyaṅ stoṅ pa (5) ñid lags | stoṅ pa ñid kyaṅ dran pa ñe bar gźag pa rnams lags pa’i slad du’o ||
bcom ldan ’das rnam graṅs des na byaṅ chub sems dpa’ sems dpa’ chen po śes rab kyi pha rol tu phyin pa la spyod pas dran pa ñe bar gźag pa rnams la gnas par mi bgyi’o ||
de bźin (6) du yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | ’phags pa’i bden pa daṅ | bsam gtan daṅ | tshad med pa daṅ | gzugs med pa’i sñoms par ’jug pa daṅ | rnam par thar pa brgyad (7) daṅ | mthar gyis gnas pa’i sñoms par ’jug pa dgu daṅ | stoṅ pa ñid daṅ | mtshan ma mchis pa daṅ | smon pa ma mchis pa daṅ | mṅon par śes pa daṅ | stobs bcu daṅ | mi ’jigs pa daṅ | so so yaṅ dag par rig pa daṅ | byams pa chen po daṅ | sñiṅ rje (80a1) chen po daṅ | saṅs rgyas kyi chos ma ’dres pa rnams la gnas par mi bgyi’o ||
de ci’i slad du źe na | ’di ltar saṅs rgyas kyi chos ma ’dres pa ni saṅs rgyas kyi chos ma ’dres pas stoṅ ste | saṅs rgyas kyi chos ma ’dres pa rnams kyi stoṅ pa ñid gaṅ lags pa de saṅs (2) rgyas kyi chos ma ’dres pa rnams ma lags la | saṅs rgyas kyi chos ma ’dres pa rnams las gud na yaṅ stoṅ pa ñid ma mchis te | saṅs rgyas kyi chos ma ’dres pa rnams ñid kyaṅ stoṅ pa ñid lags | stoṅ pa ñid kyaṅ saṅs rgyas kyi chos ma ’dres pa rnams lags pa’i slad du’o ||
bcom (3) ldan ’das rnam graṅs des na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | saṅs rgyas kyi chos ma ’dres pa rnams la gnas par mi bgyi’o ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha (4) rol tu phyin pa la spyod pas | sbyin pa’i pha rol tu phyin pa la gnas par mi bgyi’o ||
de ci’i slad du źe na | bcom ldan ’das ’di ltar sbyin pa’i pha rol tu phyin pa ni | sbyin pa’i pha rol tu phyin pas stoṅ ste | bcom ldan ’das sbyin pa’i pha rol tu phyin pa’i stoṅ pa ñid gaṅ lags (5) pa de sbyin pa’i pha rol tu phyin pa ma lags la | sbyin pa’i pha rol tu phyin pa las gud na yaṅ stoṅ pa ñid ma mchis te | sbyin pa’i pha rol tu phyin pa ñid kyaṅ stoṅ pa ñid lags | stoṅ pa ñid kyaṅ sbyin pa’i pha rol tu phyin pa lags pa’i slad du’o ||
de bźin du tshul khrims kyi pha rol tu phyin (6) pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la gnas par mi bgyi’o ||
de ci’i slad du źe na | bcom ldan ’das ’di ltar śes rab kyi pha rol tu phyin pa ni śes rab kyi pha (7) rol tu phyin pas stoṅ ste | bcom ldan ’das śes rab kyi pha rol tu phyin pa’i stoṅ pa ñid gaṅ lags pa de śes rab kyi pha rol tu phyin pa ma lags la | śes rab kyi pha rol tu phyin pa las gud na yaṅ stoṅ pa ñid ma mchis te | śes rab kyi pha rol tu phyin pa ñid kyaṅ stoṅ pa ñid lags | stoṅ (80b1) pa ñid kyaṅ śes rab kyi pha rol tu phyin pa lags pa’i klad du’o ||
bcom ldan ’das rnam graṅs des na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | śes rab kyi pha rol tu phyin pa la gnas par mi bgyi’o ||
bcom ldan ’das (2) gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas | yi ge rnams la gnas par mi bgyi’o ||
yi ge mṅon par bsgrub pa rnams la gnas par mi bgyi’o ||
gcig brjod pa daṅ | gñis brjod pa daṅ | tha dad pa brjod pa (3) la gnas par mi bgyi’o ||
de ci’i slad du źe na | bcom ldan ’das ’di ltar yi ge rnams ni yi ge rnams kyis stoṅ ste | bcom ldan ’das yi ge rnams kyi stoṅ pa ñid gaṅ lags pa de yi ge rnams ma lags la | yi ge rnams las gud na yaṅ stoṅ pa ñid ma mchis te | yi ge rnams (4) ñid kyaṅ stoṅ pa ñid lags | stoṅ pa ñid kyaṅ yi ge rnams lags pa’i slad du’o ||
bcom ldan ’das rnam graṅs des na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | yi ge rnams la gnas par mi bgyi’o ||
bcom ldan ’das gźan (5) yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gzugs mi rtag go źes bgyi bar gnas par mi bgyi’o ||
tshor ba daṅ | ’du śes daṅ | ’du byed rnams daṅ | rnam par śes pa mi rtag go źes bgyi bar gnas par mi bgyi’o ||
(6) de ci’i slad du źe na | bcom ldan ’das de ltar gzugs mi rtag pa ni gzugs mi rtag pa’i ṅo bo ñid kyis stoṅ ste | mi rtag pa ñid kyi stoṅ pa ñid gaṅ lags pa de mi rtag pa ñid ma lags la | stoṅ pa ñid las gud na yaṅ mi rtag pa ñid ma mchis te | mi rtag pa ñid kyaṅ stoṅ pa ñid lags | (7) stoṅ pa ñid kyaṅ mi rtag pa ñid lags pa’i slad du’o ||
bcom ldan ’das rnam graṅs des na byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gzugs mi rtag ces bgyi bar gnas par mi bgyi’o ||
de bźin du tshor ba daṅ | ’du śes daṅ | (81a1) ’du byed rnams daṅ | rnam par śes pa mi rtag ces bgyi bar gnas par mi bgyi’o ||
de ci’i slad du źe na | bcom ldan ’das rnam par śes pa mi rtag pa ni rnam par śes pa mi rtag pa’i ṅo bo ñid kyis stoṅ ste | mi rtag pa ñid kyi stoṅ pa ñid gaṅ lags pa de mi rtag pa ñid ma (2) lags la | stoṅ pa ñid las gud na yaṅ mi rtag pa ñid ma mchis te | mi rtag pa ñid kyaṅ stoṅ pa ñid lags | stoṅ pa ñid kyaṅ mi rtag pa ñid lags pa’i slad du’o ||
bcom ldan ’das rnam graṅs des na byaṅ chub sems dpa’ sems dpa’ chen po śes rab kyi pha rol tu phyin pa la spyod (3) pas rnam par śes pa la gnas par mi bgyi’o ||
de bźin du gzugs sdug bsṅal ba daṅ | bdag med pa daṅ | źi ba daṅ | stoṅ pa daṅ | mtshan ma med pa daṅ | smon pa med pa daṅ | dben pa źes bgyi ba ra gnas par mi bgyi’o ||
de bźin du tshor ba daṅ | ’du śes daṅ (4) ’du byed rnams daṅ | rnam par śes pa sdug bsṅal ba daṅ | bdag med pa daṅ | źi ba daṅ | stoṅ pa daṅ | mtshan ma med pa daṅ | smon pa med pa daṅ | dben pa źes bgyi bar gnas par mi bgyi’o ||
de ci’i slad du źe na | bcom ldan ’das ’di ltar rnam par śes pa’i (5) dben pa ni rnam par śes pa’i dben pas stoṅ ste | rnam par śes pa’i dben pa ñid gaṅ lags pa de rnam par śes pa ma lags la | rnam par śes pa las guṅ na yaṅ dben pa ñid ma mchis te | rnam par śes pa ñid kyaṅ dben pa ñid lags dben pa ñid kyaṅ rnam par śes pa lags (6) pa’i slad du’o ||
bcom ldan ’das rnam graṅs des na | byaṅ chub sems dpa’ sems dpa’ chen po śes rab kyi pha rol tu phyin pa la spod pas | rnam par śes pa dben pa źes bgyi bar gnas par mi bgyi’o ||
bcom ldan ’das gźan yaṅ byaṅ chub sems dpa’ sems dpa’ (7) chen po śes rab kyi pha rol tu phyin pa la spyod pas | de bźin ñid la gnas par mi bgyi’o ||
de ci’i slad du źe na | bcom ldan ’das ’di ltar de bźin ñid ni de bźin ñid kyis stoṅ ste | bcom ldan ’das de bźin ñid kyi stoṅ pa ñid gaṅ lags pa de de bźin ñid ma lags la | stoṅ (81b1) pa ñid las gud na yaṅ de bźin ñid ma mchis te | de bźin ñid kyaṅ stoṅ pa ñid lags | stoṅ pa ñid kyaṅ de bźin ñid lags pa’i slad du’o ||
bcom ldan ’das rnam graṅs des na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas de bźin (2) ñid la gnas par mi bgyi’o ||
de bźin du chos ñid daṅ | chos kyi dbyiṅs daṅ | chos skyon med pa ñid daṅ | yaṅ dag pa’i mtha’ la gnas par mi bgyi’o ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la (3) spyod pas gzuṅs kyi sgo thams cad la gnas par mi bgyi’o ||
de ci’i slad du źe na | ’di ltar gzuṅs kyi sgo ni gzuṅs kyi sgos stoṅ ste | bcom ldan ’das gzuṅs kyi sgo’i stoṅ pa ñid gaṅ lags pa de gzuṅs kyi sgom lags la | stoṅ pa ñid las gud na yaṅ gzuṅs kyi (4) sgo ma mchis te | gzuṅs kyi sgo ñid kyaṅ stoṅ pa ñid lags | stoṅ pa ñid kyaṅ gzuṅs kyi sgo lags pa’i slad du’o ||
bcom ldan ’das rnams graṅs des na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gzuṅs kyi sgo thams (5) cad la gnas par mi bgyi’o ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mi mkhas pas gal te ṅar ’dzin pa daṅ | ṅa yir ’dzin par lhuṅ ba’i yid kyis gzugs lags na | de gzugs mṅon (6) par ’du bgyi pa la spyod pa lags kyi | śes rab kyi pha rol tu phyin pa la spyod pa ma lags so ||
gal te tshor ba daṅ | ’du śes daṅ | ’du byed rnams daṅ | rnam par śes pa la gnas na | de rnam par śes pa mṅon par ’du bgyi ba la spyod pa lags kyi śes rab kyi pha rol tu (7) phyin pa la spyod pa ma lags so ||
de ci’i slad du źe na | mṅon par ’du bgyi ba la spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la sgom pa ma lags | śes rab kyi pha rol tu phyin pa yoṅs su ’dzin pa ma lags | śes rab kyi pha (82a1) rol tu phyin pa’i rnal ’byor la sñoms par ’jug pa ma lags te | śes rab kyi pha rol tu phyin pa yoṅs su rdzogs par ma gyur pa rnam pa thams cad mkhyen pa ñid du ṅes par ’byuṅ bar mi ’gyur ba’i slad du’o ||
bcom ldan ’das byaṅ chub sems dpa’ sems (2) dpa’ chen po śes rab kyi pha rol tu phyin pa la spyod pa thabs la mi mkhas pas | gal te ṅar ’dzin pa daṅ | ṅa yir ’dzin par lhuṅ ba’i yid kyis gzuṅs kyi sgo rnams la gnas na | de mṅon par ’du bgyi ba la spyod pa lags kyi śes rab kyi pha rol tu phyin pa la spyod pa ma lags so ||
(3) de ci’i slad du źe na | mṅon par ’du bgyi ba la spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la sgom pa ma lags | śes rab kyi pha rol tu phyin pa yoṅs su ’dzin pa ma lags | śes rab kyi pha rol tu phyin pa’i rnal ’byor la sñoms par ’jug pa (4) ma lags te | śes rab kyi pha rol tu phyin pa yoṅs su rdzogs par ma gyur par rnam pa thams cad mkhyen pa ñid du ṅes par ’byuṅ bar mi ’gyur ba’i slad du’o ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mi mkhas pas (5) gal te ṅar ’dzin pa daṅ | ṅa yir ’dzin par lhuṅ ba’i yid kyis de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ la (6) gnas na | re mṅon par ’du bgyi ba la spyod pa lags kyi | śes rab kyi pha rol tu phyin pa la spyod pa ma lags so ||
de ci’i slad du źe na | mṅon par ’du bgyi ba la spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la sgom pa ma lags | śes (7) rab kyi pha rol tu phyin pa yoṅs su ’dzin pa ma lags | śes rab kyi pha rol tu phyin pa’i rnal ’byor la sñoms par ’jug pa ma lags te | śes rab kyi pha rol tu phyin pa yoṅs su rdzogs par ma gyur par rnam pa thams cad mkhyen pa ñid du ṅes par ’byuṅ bar mi ’gyur ba’i slad du’o ||
(82b1) de ci’i slad du źe na | bcom ldan ’das ’di ltar gzugs ni yoṅs su bzuṅ ba ma mchis | tshor ba daṅ | ’du śes daṅ | ’du byed rnams daṅ | rnam par śes pa ni yoṅs su bzuṅ ba ma mchis pa’i slad du’o ||
de ci’i slad du źe na | gzugs kyi yoṅs su bzuṅ ba ma mchis pa gaṅ lags pa de raṅ (2) bźin gyis stoṅ pa ñid lags pas | gzugs ma lags śiṅ | tshor ba daṅ | ’du śes daṅ | ’du byed rnams daṅ | rnam par śes pa’i yoṅs su bzuṅ ba ma mchis pa gaṅ lags pa de | raṅ bźin gyis stoṅ pa ñid lags pas rnam par śes pa ma lags pa’i slad du’o ||
(3) yaṅ dag pa’i mtha’i bar ni yoṅs su bzuṅ ba ma mchis pa lags so ||
de ci’i slad du źe na | yaṅ dag pa’i mtha’i yoṅs su bzuṅ ba ma mchis pa gaṅ lags pa de’i raṅ bźin gyis stoṅ pa ñid lags pas yaṅ dag pa’i mtha’ ma lags pa’i slad du’o ||
śes rab kyi pha rol tu phyin pa (4) de yaṅ raṅ bźin gyis stoṅ pa’i slad du yoṅs su bzuṅ ba ma mchis pa lags so ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pas chos thams cad raṅ bźin gyis stoṅ par brtag par bgyi ste | ci nas chos gaṅ la yaṅ (5) yid rnam par rgyu bar mi ’gyur ba de ltar yoṅs su brtag par bgyi’o ||
bcom ldan ’das ’di ni byaṅ chub sems dpa’ sems dpa’ chen po’i tiṅ ṅe ’dzin gyi dkyil ’khor chos thams cad yoṅs sum bzuṅ ba źes bgyi ste | rgya che ba phul du bgyi ba | tshad ma mchis pa | des pa (6) mi ’phrogs pa | ñan thos daṅ raṅ saṅs rgyas thams cad daṅ thun moṅ ma lags pa ste | tiṅ ṅe ’dzin gyi dkyil ’khor de la gnas pa’i byaṅ chub sems dpa’ sems dpa’ chen po ni rnam pa thams cad mkhyen pa ñid du ṅes par ’byuṅ bar ’gyur lags so ||
rnam pa thams cad (7) mkhyen pa ñid de yaṅ naṅ stoṅ pa ñid daṅ | phyi stoṅ pa ñid daṅ | phyi naṅ stoṅ pa ñid daṅ | stoṅ pa ñid stoṅ pa ñid daṅ | chen po stoṅ pa ñid daṅ | don dam pa stoṅ pa ñid daṅ | ’dus byas stoṅ pa ñid daṅ | ’dus ma byas stoṅ pa ñid daṅ | mtha’ las ’das pa stoṅ pa ñid daṅ | (83a1) thog ma daṅ tha ma med pa stoṅ pa ñid daṅ | dor ba med pa stoṅ pa ñid daṅ | raṅ bźin gyis stoṅ pa ñid daṅ | chos thams cad stoṅ pa ñid daṅ | raṅ gi mtshan ñid stoṅ pa ñid daṅ | mi dmigs pa stoṅ pa ñid daṅ | dṅos po med pa stoṅ pa ñid daṅ | ṅo bo ñid stoṅ pa (2) ñid daṅ | dṅos po med pa’i ṅo bo ñid stoṅ pa ñid kyi slad du yoṅs su bzuṅ ba ma mchis pa lags so ||
de ci’i slad du źe na | de ni mtshan mar brjod pa ma lags te | ’di ltar mtshan ma ni ñon moṅs pa lags pa’i slad du’o ||
mtshan ma gaṅ lags źe na | gzugs ni mtshan (3) ma lags so ||
tshor ba daṅ | ’du śes daṅ | ’du byed rnams daṅ | rnam par śes pa ni mtshan ma lags so ||
mig ni mtshan ma lags so ||
rna ba daṅ | sna daṅ | lce daṅ | lus daṅ | yid ni mtshan ma lags so ||
gzugs ni mtshan ma lags so ||
sgra (4) daṅ | dri daṅ | ro daṅ | reg bya daṅ | chos rnams ni mtshan ma lags so ||
mig gi rnam par śes pa ni mtshan ma lags so ||
rna ba’i rnam par śes pa daṅ | sna’i rnam par śes pa daṅ | lce’i rnam par śes pa daṅ | lus kyi rnam par śes pa daṅ | yid kyi rnam par (5) śes pa ni mtshan ma lags so ||
mig gi ’dus te reg pa ni mtshan ma lags so ||
rna ba’i ’dus te reg ba daṅ | sna’i ’dus te reg pa daṅ | lce’i ’dus te reg pa daṅ | lus kyi ’dus te reg pa daṅ | yid kyi ’dus te reg pa ni mtshan ma lags so ||
mig gi (6) ’dus te reg pa las byuṅ ba’i tshor ba ni mtshan ma lags so ||
rna ba’i ’dus te reg pa las byuṅ ba’i tshor ba daṅ | sna’i ’dus te reg pa las byuṅ ba’i tshor ba daṅ | lce’i ’dus te reg pa las byuṅ ba’i tshor ba daṅ | lus kyi ’dus te reg pa las byuṅ ba’i tshor ba daṅ | yid (7) kyi ’dus te reg pa las byuṅ ba’i tshor ba ni mtshan ma lags so ||
sa’i khams ni mtshan ma lags so ||
chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams ni mtshan ma lags so ||
ma rig pa ni mtshan ma (83b1) lags so ||
’du byed daṅ | rnam par śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi ni mtshan ma lags so ||
dran pa ñe bar gźag pa daṅ | yaṅ dag par spoṅ (2) ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | pha rol tu phyin pa rnams daṅ | stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa rnams daṅ | stoṅ pa (3) ñid daṅ | mtshan ma mchis pa daṅ | smon pa ma mchis pa daṅ | mṅon par ’du bgyi ba ma mchis pa daṅ | chos kyi dbyiṅs daṅ | chos ñid daṅ | chos skyon med pa ñid daṅ | tiṅ ṅe ’dzin gyi sgo daṅ | gzuṅs kyi sgo rnams ni mtshan ma lags so ||
yi ge rnams ni mtshan ma (4) lags so ||
gcig brjod pa ni mtshan ma lags so ||
gñis brjod pa ni mtshan ma lags so ||
tha dad pa brjod pa ni mtshan ma lags so ||
mṅon par śes pa ni mtshan ma lags so ||
gzuṅs kyi sgo daṅ | tiṅ ṅe ’dzin gyi sgo thams cad ni mtshan ma lags te | de ni ñon moṅs (5) pa źes bgyi’o ||
gal te śes rab kyi pha rol tu phyin pa de mtshan mar gzuṅ bar bgyi ba źig lags na ni kun tu rgyu bzo sbyaṅs de bstan pa ’dir thams cad mkhyen pa’i ye śes de la dad pa thob par mi ’gyur lags so ||
dad pa gaṅ źe na | ’di lta ste śes rab kyi pha rol tu phyin pa la yid (6) ches pa daṅ | rtog pa daṅ | mos pa daṅ | rten pa daṅ | sems pa daṅ | ’jal ba daṅ | dpyod pa ste | de yaṅ mtshan ma’i tshul du ma lags | mtshan ma ma mchis ’i tshul du yaṅ ma lags so ||
de ltar de ni mtshan ma daṅ | mtshan ma ma mchis pa daṅ | gzuṅ ba ma (7) mchis par bzuṅ bar bgyi ba lags te | kun tu rgyu bzo sbyaṅs kyaṅ thams cad mkhyen pa’i ye śes ’di la mos nas | dad pas rjes su ’braṅ bas ñi tshe ba’i śes pas źugs te | de źugs nas gzugs yoṅs su ma bzuṅ | de bźin du tshor ba daṅ | ’du śes daṅ | ’du byed rnams (84a1) daṅ | rnam par śes pa yoṅs su ma bzuṅ lags so ||
de ci’i slad du źe na | ’di ltar des raṅ gi mtshan ñid kyis stoṅ pa’i chos thams cad la yoṅs su ’dzin pa po ma dmigs pa’i slad du’o ||
de yaṅ ci’i slad du źe na | ’di ltar des śes pa de thob pa daṅ | mṅon (2) par rtogs pa lags par naṅ du yaṅ dag par rjes su ma mthoṅ | phyi rol tu yaṅ dag par rjes su ma mthoṅ | śes pa de thob pa daṅ | mṅon par rtogs pa lags par phyi naṅ du yaṅ dag par rjes su ma mthoṅ | śes pa de thob pa daṅ mṅon par rtogs pa lags par gźan du yaṅ (3) yaṅ dag par rjes su ma mthoṅ ba’i slad du’o ||
de ci’i slad du źe na | ’di ltar des gaṅ gis rtogs par bgyid pa daṅ | gaṅ rtogs par bgyid pa daṅ | gaṅ rtogs par bgyi ba’i chos de ma dmigs yaṅ dag par rjes su ma mthoṅ ste | śes pa de gzugs kyi naṅ du yaṅ dag par (4) rjes su ma mthoṅ | śes pa de tshor ba daṅ | ’du śes daṅ | ’du byed rnams daṅ | rnam par śes pa’i naṅ du yaṅ dag par rjes su ma mthoṅ | śes pa de gzugs kyi phyi rol tu yaṅ dag par rjes su ma mthoṅ | śes pa de tshor ba daṅ | ’du śes daṅ | ’du byed rnams daṅ | (5) rnam par śes pa’i phyi rol tu yaṅ dag par rjes su ma mthoṅ | śes pa de gzugs kyi naṅ daṅ phyi rol tu yaṅ dag par rjes su ma mthoṅ | śes pa de tshor ba daṅ | ’du śes daṅ | ’du byed rnams daṅ | rnam par śes pa’i naṅ daṅ phyi rol tu yaṅ dag par rjes su ma mthoṅ | phyi naṅ (6) stoṅ pa ñid kyi slad du śes pa de gzugs las gźan du yaṅ dag par rjes su ma mthoṅ | śes pa de tshor ba daṅ | ’du śes daṅ | ’du byed rnams daṅ | rnam par śes pa las gźan du yaṅ yaṅ dag par rjes su mi mthoṅ ba’i slad du’o ||
de bźin du śes pa de yaṅ (7) dag pa’i mtha’i bar gyi naṅ du yaṅ dag par rjes su ma mthoṅ | śes pa de yaṅ dag pa’i mtha’i phyi rol tu yaṅ dag par rjes su ma mthoṅ | śes pa de yaṅ dag pa’i mtha’i phyi naṅ du yaṅ dag par rjes su ma mthoṅ | phyi naṅ stoṅ pa ñid kyi slad du śes pa de yaṅ dag pa’i mtha’ (84b1) las gźan du yaṅ dag par rjes su ma mthoṅ ba’i slad du’o ||
rnam graṅs ’di la kun tu rgyu bzo sbyaṅs mos par gyur te | de ’dir mos nas dad pas rjes su ’braṅ bas chos ñid tshad mar bgyi ste | chos thams cad mi dmigs pa’i slad du | rnam pa thams cad mkhyen pa ñid kyi ye (2) śes la źugs par gyur te | de de ltar mos nas | des chos gaṅ yaṅ mtshan ma ma mchis par yid la bgyid pa’i slad du chos gaṅ yaṅ yoṅs su gzuṅ ba ma mchis lags so ||
chos thams cad gzuṅ du ma mchis pa daṅ | gtaṅ du ma mchis pa’i slad du | des gaṅ yoṅs su (3) gzuṅ bar bgyi ba’am gtaṅ bar bgyi ba’i chos gaṅ yaṅ ma dmigs te | chos thams cad la rlom sems ma mchis pa’i slad du de ni mya ṅan las ’das pas kyaṅ rlom sems su ’gyur ba ma mchis lags so ||
bcom ldan ’das chos thams cad yoṅs su gzuṅ ba ma mchis pa’i (4) slad du gaṅ gzugs yoṅs su mi ’dzin pa daṅ | tshor ba daṅ | ’du śes daṅ | ’du byed rnams daṅ | rnam par śes pa yoṅs su mi ’dzin pa daṅ | chos thams cad yoṅs su gzuṅ ba ma mchis pa’i slad du yaṅ dag pa’i mtha’i bar du yoṅs su mi ’dzin pa de ni gźan (5) gyi pha rol tu mchi bas byaṅ chub sems dpa’ sems dpa’ chen po’i śes rab kyi pha rol tu phyin pa lags so ||
de ni smon lam dag yoṅs su rdzogs śiṅ | saṅs rgyas kyi chos ma ’dres pa bcwa brgyad kyi bar dag yoṅs su ma rdzogs kyi bar du bar ma dor yoṅs su mya ṅan las (6) mi ’da’ lags so ||
de ci’i slad du źe na | smon lam de dag smon lam ma lags | stobs de dag stobs ma lags | mi ’jigs pa de dag mi ’jigs pa ma lags | so so yaṅ dag par rig pa de dag so so yaṅ dag par rig pa ma lags śiṅ | saṅs rgyas kyi chos ma ’dres pa (7) rnams kyi bar du saṅs rgyas kyi chos rnams ma lags te | de dag ni chos kyaṅ ma lags | chos ma lags pa yaṅ ma lags pa’i slad du’o ||
bcom ldan ’das chos thams cad yoṅs su gzuṅ ba ma mchis pa’i slad du gaṅ gzugs yoṅs su mi ’dzin pa daṅ | yaṅ dag pa’i mtha’i (85a1) bar du yoṅs su mi ’dzin pa de ni gźan gyi pha rol tu mchi bas | byaṅ chub sems dpa’ sems dpa’ chen po’i śes rab kyi pha rol tu phyin pa lags so || ||
śes rab kyi pha rol tu phyin pa khri brgyad stoṅ pa | bam po bdun pa | bcom (2) ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas | ’di ltar yoṅs su brtag par bgyi ste | śes rab kyi pha rol tu phyin pa ’di ni gaṅ | śes rab kyi pha rol tu phyin pa ’di ni gaṅ gi ||
śes rab kyi pha rol tu phyin pa ’di ni (3) ci’i phyir śes rab kyi pha rol tu phyin pa ’di ni ci źig na źes yoṅs su brtag par bgyi’o ||
de de ltar yoṅs su rtog ciṅ | de ltar ṅes par sems pa’i tshe | gal te chos ma mchis śiṅ mi dmigs pa gaṅ lags pa de śes rab kyi pha rol tu phyin pa lags par yaṅ dag par rjes su (4) mthoṅ na | de legs par mthoṅ ba lags te | bcom ldan ’das ’di ltar chos thams cad ni ma mchis śiṅ mi dmigs pa’i slad du’o ||
de nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor chos gaṅ dag med ciṅ (5) mi dmigs pa yin | rab ’byor gyis smras pa | tshe daṅ ldan pa ś ri’i bu naṅ stoṅ pa ñid daṅ | phyi stoṅ pa ñid daṅ | phyi naṅ stoṅ pa ñid daṅ | stoṅ pa ñid stoṅ pa ñid daṅ | chen po stoṅ pa ñid daṅ | don dam pa stoṅ pa ñid daṅ | ’dus byas stoṅ pa ñid daṅ | ’dus ma byas stoṅ (6) pa ñid daṅ | mtha’ las ’das pa stoṅ pa ñid daṅ | thog ma daṅ tha ma med pa stoṅ pa ñid daṅ | dor ba med pa stoṅ pa ñid daṅ | raṅ bźin gyis stoṅ pa ñid daṅ | chos thams cad stoṅ pa ñid daṅ | raṅ gi mtshan ñid stoṅ pa ñid daṅ | mi dmigs pa stoṅ pa ñid daṅ | dṅos po med pa (7) stoṅ pa ñid daṅ | ṅo bo ñid stoṅ pa ñid daṅ | dṅos po med pa’i ṅo bo ñid stoṅ pa ñid kyi phyir | tshe daṅ ldan pa ś ri’i bu śes rab kyi pha rol tu phyin pa med ciṅ mi dmigs so ||
bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin (85b1) pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa med ciṅ mi dmigs so ||
tshe daṅ ldan pa ś ri’i bu naṅ stoṅ pa ñid kyaṅ med ciṅ mi dmigs so ||
tshe daṅ ldan pa ś ri’i bu dṅos po med pa’i ṅo bo ñid stoṅ pa ñid kyi bar yaṅ med ciṅ mi dmigs so ||
tshe daṅ (2) ldan pa ś ri’i bu naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir gzugs med ciṅ mi dmigs so ||
tshe daṅ ldan pa ś ri’i bu tshor ba daṅ | ’du śes daṅ | ’du byed rnams daṅ | rnam par śes pa med ciṅ mi dmigs so ||
byaṅ chub kyi phyogs kyi (3) chos sum cu rtsa bdun gyi bar du med ciṅ mi dmigs so ||
mṅon par śes pa med ciṅ mi dmigs so ||
saṅs rgyas kyi chos ma ’dres pa bcwa brgyad kyi bar du med ciṅ mi dmigs so ||
tshe daṅ ldan pa ś ri’i bu de bźin ñid med ciṅ mi dmigs so ||
tshe daṅ ldan pa ś ri’i bu chos ñid (4) daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’i bar du med ciṅ mi dmigs so ||
tshe daṅ ldan pa ś ri’i bu rgyun du źugs pa yaṅ med ciṅ mi dmigs so ||
tshe daṅ ldan pa ś ri’i bu dgra bcom pa daṅ raṅ saṅs rgyas daṅ byaṅ (5) chub sems dpa’ daṅ | saṅs rgyas kyi bar du yaṅ med ciṅ mi dmigs so ||
naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir | thams cad śes pa ñid kyaṅ med ciṅ mi dmigs so ||
lam gyi rnam pa śes pa ñid med ciṅ mi dmigs so ||
tshe daṅ ldan (6) pa ś ri’i bu rnam pa thams cad mkhyen pa ñid kyaṅ med ciṅ mi dmigs so ||
tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa gal te sems mi źum mi ’god la mi skrag mi dṅaṅ źiṅ dṅaṅ bar mi ’gyur na | byaṅ chub sems (7) dpa’ sems dpa’ chen po de ni rnam pa thams cad mkhyen pa ñid daṅ ma bral bar rig par bya’o ||
de nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ci’i phyir | byaṅ chub sems dpa’ sems dpa’ chen po rnam pa thams (86a1) cad mkhyen pa ñid daṅ ma bral bar rig par bya’o ||
rab ’byor gyis smras pa | tshe daṅ ldan pa ś ri’i bu gzugs ni gzugs kyi raṅ bźin daṅ bral ba ste | byaṅ chub sems dpa’ sems dpa’ chen po śes rab kyi pha rol tu phyin pa la spyod pas de yaṅ dag pa ji lta ba (2) bźin du rab tu śes so ||
tshe daṅ ldan pa ś ri’i bu tshor ba daṅ | ’du śes daṅ | ’du byed rnams daṅ | rnam par śes pa ni rnam par śes pa’i raṅ bźin daṅ bral ba’o ||
tshe daṅ ldan pa ś ri’i bu sbyin pa’i pha rol tu phyin pa ni sbyin pa’i pha rol tu phyin pa’i raṅ bźin daṅ bral (3) ba’o ||
tshe daṅ ldan pa ś ri’i bu tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ni śes rab kyi pha rol tu phyin pa’i raṅ bźin daṅ bral (4) ba’o ||
de bźin du sbyar te | tshe daṅ ldan pa ś ri’i bu saṅs rgyas kyi chos ma ’dres pa bcwa brgyad ni saṅs rgyas kyi chos kyi raṅ bźin daṅ bral ba’o ||
yaṅ dag pa’i mtha’ ni yaṅ dag pa’i mtha’i raṅ bźin daṅ bral ba’o ||
ś ri’i bus smras pa | tshe daṅ ldan pa rab ’byor (5) gzugs kyi raṅ bźin ji lta bu yin | tshor ba daṅ | ’du śes daṅ | ’du byed rnams daṅ | rnam par śes pa’i raṅ bźin ji lta bu yin | tshe daṅ ldan pa rab ’byor yaṅ dag pa’i mtha’i bar gyi raṅ bźin ji lta bu yin | rab ’byor gyis smras pa | tshe daṅ ldan pa ś ri’i bu gzugs | (6) kyi raṅ bźin ni dṅos po med pa’o ||
tshor ba daṅ | ’du śes daṅ | ’du byed rnams daṅ | rnam par śes pa’i raṅ bźin ni dṅos po med pa’o ||
tshe daṅ ldan pa ś ri’i bu yaṅ dag pa’i mtha’i bar gyi raṅ bźin ni dṅos po med pa ste | tshe daṅ ldan pa ś ri’i bu rnam graṅs des na | ’di (7) ltar gzugs ni gzugs kyi raṅ bźin daṅ bral ba’o ||
tshor ba daṅ | ’du śes daṅ | ’du byed rnams daṅ | rnam par śes pa ni rnam par śes pa’i raṅ bźin daṅ bral ba’o ||
de bźin du yaṅ dag pa’i mtha’i bar ni yaṅ dag pa’i mtha’i raṅ bźin daṅ bral bar rig par bya’o ||
tshe (86b1) daṅ ldan pa ś ri’i bu gźan yaṅ gzugs ni gzugs kyi mtshan ñid daṅ bral ba’o ||
tshor ba daṅ | ’du śes daṅ | ’du byed rnams daṅ | rnam par śes pa ni rnam par śes pa’i mtshan ñid daṅ bral ba’o ||
de bźin du yaṅ dag pa’i mtha’i bar ni yaṅaRa dag pa’i mtha’i mtshan ñid daṅ bral (2) ba’o ||
mtshan ñid kyaṅ mtshan ñid kyi raṅ bźin daṅ bral ba’o ||
mtshan ñid kyi raṅ bźin yaṅ mtshan ñid kyi raṅ bźin daṅ bral ba’o ||
ś ri’i bus smras pa tshe daṅ ldan pa rab ’byor byaṅ chub sems dpa’ sems dpa’ chen po gaṅ bslab pa ’di la slob pa de rnam pa thams cad mkhyen (3) pa ñid du ṅes par ’byuṅ bar ’gyur ram | rab ’byor gyis smras pa | tshe daṅ ldan pa ś ri’i bu de de bźin no ||
de de bźin te | byaṅ chub sems dpa’ sems dpa’ chen po gaṅ bslab pa ’di la slob pa de ni rnam pa thams cad mkhyen pa ñid du ṅes par ’byuṅ bar ’gyur ro ||
de ci’i phyir (4) źe na | tshe daṅ ldan pa ś ri’i bu ’di ltar chos thams cad ma skyes śiṅ byuṅ ba med pa’i phyir ro ||
ś ri’i bus smras pa | tshe daṅ ldan pa rab ’ebyora ci’i phyir chos thams cad ma skyes śiṅ ṅes par byuṅ ba med pa yin | rab ’byor gyis smras pa | tshe daṅ ldan pa ś ri’i bu gzugs ni (5) gzugs kyis stoṅ ste | de la skye ba daṅ ṅes par ’byuṅ ba mi dmigs so ||
de bźin du tshor ba daṅ | ’du śes daṅ | ’du byed rnams daṅ | rnam par śes pa ni rnam par śes pas stoṅ ste | de la skye ba daṅ ’byuṅ ba mi dmigs so ||
de bźin du yaṅ dag pa’i mtha’i bar ni yaṅ (6) dag pa’i mthas stoṅ ste | de la skye ba daṅ | ṅes par ’byuṅ ba mi dmigs so ||
tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni bla na med pa yaṅ dag par rdzogs pa’i byaṅ chub daṅ ñe ba yin no ||
de ji lta ji ltar bla na (7) med pa yaṅ dag par rdzogs pa’i byaṅ chub daṅ ñe bar gyur pa de lta de ltar lus yoṅs su dag pa daṅ | ṅag yoṅs su dag pa daṅ | sems yoṅs su dag pa daṅ | mtshan yoṅs su dag pa thob par ’gyur ro ||
byaṅ chub sems dpa’ sems dpa’ chen po ji lta ji ltar lus yoṅs (87a1) su dag pa daṅ | ṅag yoṅs su dag pa daṅ | sems yoṅs su dag pa daṅ | mtshan yoṅs su dag pa thob par ’gyur ba de lta de ltar ’dod chags daṅ ldan pa’i sems mi bskyed do ||
źe sdaṅ daṅ ldan pa daṅ | gti mug daṅ ldan pa daṅ | ṅa rgyal daṅ ldan pa (2) daṅ | sgyu daṅ g-yo daṅ ldan pa daṅ | phrag dog daṅ | ser sna daṅ ldan pa daṅ | chags pa daṅ ldan pa daṅ | lta ba daṅ ldan pa’i sems mi bskyed do ||
de ’dod chags daṅ ldan pa’i sems mi bskyed ciṅ | źe sdaṅ daṅ | gti mug daṅ | ṅa rgyal daṅ | sgyu daṅ | g-yo (3) daṅ | phrag dog daṅ | ser sna daṅ | chags pa daṅ | lta ba daṅ ldan pa’i sems mi bskyed pas nam yaṅ ma’i mṅal du mi skye źiṅ | rtag par rgyun tu rdzus te skye bar ’gyur ro ||
sems can yoṅs su smin par bya ba’i ched ma gtogs par nam yaṅ dag ṅan soṅ rnams su (4) mi skye’o ||
de sems can rnams yoṅs su smin par byed la | saṅs rgyas kyi źiṅ yoṅs su dag par byed ciṅ | saṅs rgyas kyi źiṅ nas saṅs rgyas kyi źiṅ du ’gro ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ (5) saṅs rgyas bcom ldan ’das rna[)] daṅ bral bar mi ’gyur ro ||
tshe daṅ ldan pa ś ri’i bu de lta bas na | byaṅ chub sems dpa’ sems dpa’ chen po yon tan daṅ phan yon de dag thob par ’dod pas | śes rab kyi pha rol tu phyin pa ’di la brtson pa mi gtaṅ bar spyad par bya (6) ste | tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni bla na med pa yaṅ dag par rdzogs pa’i byaṅ chub daṅ ñe ba yin no ||
śes rab kyi pha rol tu phyin pa khri brgyad stoṅ pa las | kun tu rgyu bzo sbyaṅs kyi le’u źes (7) bya ste | brgyad pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa gal te thabs la mi mkhas pas (87b1) gzugs la spyod na mtshan ma la spyod pa lags te | śes rab kyi pha rol tu phyin pa la spyod pa ma lags so ||
tshor ba daṅ | ’du śes daṅ | ’du byed rnams daṅ | rnam par śes pa la spyod na | mtshan ma la spyod pa lags te | śes rab kyi pha rol tu phyin pa la spyod pa ma lags (2) so ||
gal te gzugs la rtag ces bgyi ba’am mi rtag ces bgyi bar spyod na mtshan ma la spyod pa lags te | śes rab kyi pha rol tu phyin pa la spyod pa ma lags so ||
tshor ba daṅ | ’du śes daṅ | ’du byed rnams daṅ | rnam par śes pa la rtag ces bgyi ba’am mi rtag ces bgyi bar spyod (3) na mtshan ma la spyod pa lags te | śes rab kyi pha rol tu phyin pa la spyod pa ma lags so ||
gal te gzugs la bde źes bgyi ba’am sdug bsṅal źes bgyi bar spyod na mtshan ma la spyod pa lags | gal te tshor ba daṅ | ’du śes daṅ | ’du byed rnams daṅ | rnam par (4) śes pa la bde źes bgyi ba ’am sdug bsṅal źes bgyi bar spyod na | mtshan ma la spyod pa lags | gal te gzugs la bdag ces bgyi ba’am bdag ma mchis źes bgyi bar spyod na mtshan ma la spyod pa lags | gal te tshor ba daṅ | ’du śes daṅ | ’du byed rnams daṅ | (5) rnam par śes pa la bdag ces bgyi ba’am | bdag ma mchis źes bgyi bar spyod na | mtshan ma la spyod pa lags | gal te gzugs la źi źes bgyi ba’am | ma źi źes bgyi bar spyod na mtshan ma la spyod pa lags | gal te tshor ba daṅ | ’du śes daṅ | ’du byed (6) rnams daṅ | rnam par śes pa la źi źes bgyi ba’am ma źi źes bgyi bar spyod na | mtshan ma la spyod pa lags | gal te gzugs la dben źes bgyi ba’am mi dben źes bgyi bar spyod na mtshan ma la spyod pa lags | gal te tshor ba daṅ | ’du śes daṅ | ’du byed rnams (7) daṅ | rnam par śes pa la dben źes bgyi ba’am mi dben źes bgyi bar spyod na mtshan ma la spyod pa lags te | śes rab kyi pha rol tu phyin pa la spyod pa ma lags so ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa (88a1) thabs la mi mkhas pas | gal te byaṅ chub kyi phyogs kyi chos sum cu rtsa bdun la spyod na mtshan ma la spyod pa lags | de bźin du mṅon par śes pa rnams daṅ | pha rol tu phyin pa rnams daṅ | mig lṅa daṅ | stobs rnams daṅ | mi ’jigs pa rnams (2) daṅ | saṅs rgyas kyi chos ma ’dres pa rnams kyi bar dag la spyod na mtshan ma la spyod pa lags te | śes rab kyi pha rol tu phyin pa la spyod pa ma lags so ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa gal te ’di sñam du (3) bdag ni | śes rab kyi pha rol tu phyin pa la spyod do sñam du sems na | dmigs pa la spyod pa lags te | byaṅ chub sems dpa’ sems dpa’ chen po de ni mtshan ma ñid la spyod pa lags so ||
bcom ldan ’das byaṅ chub sems dpa’ sems dpa’ chen po gal te ’di sñam du gaṅ (4) de ltar spyod pa de ni śes rab kyi pha rol tu phyin pa la spyod pa yin | de ni śes rab kyi pha rol tu phyin pa la sgom pa yin no sñam du sems na | de mtshan ma ñid la spyod pa lags te | de ni byaṅ chub sems dpa’ sems dpa’ chen po’i thabs la mi mkhas par rig par bgyi ba lags so ||
(5) ś ri’i bus smras pa | tshe daṅ ldan pa rab ’byor ci’i phyir ’di byaṅ chub sems dpa’ sems dpa’ chen po’i thabs la mi mkhas par rig par bya ba yin | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa (6) la spyod pa ’di ltar gzugs la gnas śiṅ kun tu śes te mos | tshor ba daṅ | ’du śes daṅ | ’du byed rnams daṅ | rnam par śes pa la gnas śiṅ kun tu śes te mos na | de gzugs mṅon par ’du byed pa la spyod pa yin | tshor ba daṅ | ’du śes daṅ | ’du byed (7) rnams daṅ | rnam par śes pa mṅon par ’du byed pa la spyod pa yin te | de ni de’i skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa byed pa yin no ||
(88b1) gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mi mkhas pas | gal te mig la gnas śiṅ kun tu śes te mos | rna ba daṅ | sna daṅ | lce daṅ | lus daṅ | yid la gnas śiṅ kun tu śes te mos | gzugs (2) la gnas śiṅ kun tu śes te mos | sgra daṅ | dri daṅ | ro daṅ | reg bya daṅ | chos la gnas śiṅ kun tu śes te mos | mig gi rnam par śes pa la gnas śiṅ kun tu śes te mos | rna ba’i rnam par śes pa daṅ | sna’i rnam par śes pa daṅ | lce’i rnam par śes pa (3) daṅ | lus kyi rnam par śes pa daṅ | yid kyi rnam par śes pa la gnas śiṅ kun tu śes te mos | gal te mig gi ’dus te reg pa la gnas śiṅ kun tu śes te mos | gal te rna ba daṅ | sna daṅ | lce daṅ | lus daṅ | yid kyi ’dus te reg pa la gnas śiṅ (4) kun tu śes te mos | gal te mig gi ’dus te reg pa’i rkyen gyis byuṅ ba’i tshor ba bde ba’am | sdug bsṅal ba’am | sdug bsṅal ba yaṅ ma yin | bde ba yaṅ ma yin pa la gnas śiṅ kun tu śes te mos | gal te rna ba daṅ | sna daṅ | lce daṅ | lus daṅ | yid (5) kyi ’dus te reg pa’i rkyen gyis byuṅ ba’i tshor ba bde ba’am | sdug bsṅal ba’am | sdug bsṅal ba yaṅ ma yin | bde ba yaṅ ma yin pa la gnas śiṅ kun tu śes te mos | gal te byaṅ chub kyi phyogs kyi chos sum cu rtsa bdun la gnas śiṅ kun tu śes te mos | mig lṅa (6) daṅ | mṅon par śes pa drug daṅ | pha rol tu phyin pa drug daṅ | mi ’jigs pa bźi daṅ | tshad med pa bźi daṅ | bsam gtan bźi daṅ | gzugs med pa’i sñoms par ’jug pa bźi daṅ | de bźin gśegs pa’i stobs bcu la gnas śiṅ kun tu śes te (7) mos | saṅs rgyas kyi chos ma ’dres pa bcwa brgyad la gnas śiṅ kun tu śes te mos | dgra bcom pa ñid daṅ | raṅ saṅs rgyas daṅ | byaṅ chub sems dpa’ daṅ | saṅs rgyas kyi chos rnams la gnas śiṅ kun tu śes te mos na | mṅon par ’du byed pa la spyod pa (89a1) yin te | mṅon par ’du byed pa la spyod pa ni skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa dag las yoṅs su mi thar źiṅ | sdug bsṅal la sogs pa (2) las yoṅs su mi ’grol lo ||
tshe daṅ ldan pa ś ri’i bu byaṅ chub sems dpa’ de ni ñan thos kyi sa’am | raṅ saṅs rgyas kyis mṅon sum du bya ba’i skal pa yaṅ med na | de bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (3) bar ltag la ’gyur te | de ni gnas med do ||
tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni thabs la mi mkhas par rig par bya’o ||
ś ri’i bus smras pa | tshe daṅ ldan pa rab ’byor byaṅ chub sems dpa’ sems (4) dpa’ chen po śes rab kyi pha rol tu phyin pa la ji ltar spyod na | thabs mkhas par rig par bya | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa gaṅ gi tshe | gzugs la mi spyod | tshor ba daṅ | (5) ’du śes daṅ | ’du byed rnams daṅ | rnam par śes pa la mi spyod | gzugs kyi mtshan ma la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i mtshan ma la mi spyod | gzugs rtag ces bya bar mi spyod | de bźin du gzugs mi rtag ces (6) bya ba daṅ | bde źes bya ba daṅ | sdug bsṅal źes bya ba daṅ | bdag ces bya ba daṅ | bdag med ces bya ba daṅ | źi źes bya ba daṅ | ma źi źes bya bar mi spyod | tshor ba daṅ | ’du śes daṅ | ’du byed rnams daṅ | rnam par śes pa rtag ces bya ba daṅ | mi rtag ces (7) bya ba daṅ | bde źes bya ba daṅ | sdug bsṅal źes bya ba daṅ | bdag ces bya ba daṅ | bdag med ces bya ba daṅ | źi źes bya ba daṅ | ma źi źes bya bar mi spyod | gzugs stoṅ źes bya bar mi spyod | mi stoṅ źes bya ba daṅ | mtshan ma yod ces bya ba daṅ | mtshan ma med (89b1) ces bya ba daṅ | smon pa yod ces bya ba daṅ | smon pa med ces bya bar mi spyod | tshor ba daṅ | ’du śes daṅ | ’du byed rnams daṅ | rnam par śes pa stoṅ źes bya bar mi spyod | mi stoṅ źes bya ba daṅ | mtshan ma yod ces bya ba daṅ | mtshan ma med ces bya ba daṅ | (2) smon pa yod ces bya ba daṅ | smon pa med ces bya bar mi spyod | gzugs dben źes bya bar mi spyod | mi dben źes bya bar mi spyod | tshor ba daṅ | ’du śes daṅ | ’du byed rnams daṅ | rnam par śes pa dben źes bya bar mi spyod | mi dben źes bya bar mi spyod na | tshe daṅ (3) ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni thabs la mkhas par rig par bya’o ||
de ci’i phyir źe na | tshe daṅ ldan pa ś ri’i bu ’di ltar gzugs kyi stoṅ pa ñid gaṅ yin pa de ni gzugs ma yin | stoṅ pa ñid las gud (4) na yaṅ gzugs med | gzugs las gud na yaṅ stoṅ pa ñid med de | gzugs ñid kyaṅ stoṅ pa ñid yin la stoṅ pa ñid kyaṅ gzugs yin pa daṅ | tshor ba daṅ | ’du śes daṅ | ’du byed rnams daṅ | rnam par śes pa’i stoṅ pa ñid gaṅ yin pa de yaṅ rnam par śes pa ma yin | (5) stoṅ pa ñid las gud na yaṅ rnam par śes pa med | rnam par śes pa las gud na yaṅ stoṅ pa ñid med de | rnam par śes pa ñid kyaṅ stoṅ pa ñid yin la stoṅ pa ñid kyaṅ rnam par śes pa yin pa’i phyir ro ||
tshe daṅ ldan pa ś ri’i bu de bźin du | khams rnams daṅ | skye mched rnams (6) daṅ | rten ciṅ ’brel bar ’byuṅ ba rnams daṅ | byaṅ chub kyi phyogs kyi chos sum cu rtsa bdun daṅ | pha rol tu phyin pa rnams daṅ | mṅon par śes pa rnams daṅ | de bźin gśegs pa’i stobs rnams daṅ | mi ’jigs pa rnams daṅ | so so yaṅ dag par rig pa rnams (7) daṅ | saṅs rgyas kyi chos ma ’dres pa rnams kyi bar gyi stoṅ pa ñid gaṅ yin pa de dag ni saṅs rgyas kyi chos rnams ma yin | stoṅ pa ñid las gud na yaṅ saṅs rgyas kyi chos rnams med | saṅs rgyas kyi chos rnams las gud na yaṅ stoṅ pa ñid med de | stoṅ pa ñid kyaṅ saṅs (90a1) rgyas kyi chos rnams yin la | saṅs rgyas kyi chos rnams kyaṅ stoṅ pa ñid yin pa’i phyir te | tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni thabs la mkhas par rig par bya’o ||
tshe daṅ (2) ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i skal ba yod pa yin no ||
śes rab kyi pha rol tu phyin pa la spyod pa de gal te (3) chos ’ga’ źig khas len na | śes rab kyi pha rol tu phyin pa la spyod pa ma yin no ||
khas mi len na yaṅ śes rab kyi pha rol tu phyin pa la spyod pa ma yin no ||
khas len kyaṅ len la | khas mi len kyaṅ mi len na yaṅ śes rab kyi pha rol tu phyin pa la spyod pa ma yin no ||
khas len kyaṅ len la | khas mi len kyaṅ mi len na yaṅ śes rab kyi pha rol tu phyin pa la spyod pa ma yin no ||
khas (4) len pa yaṅ ma yin | khas mi len pa yaṅ ma yin na yaṅ śes rab kyi pha rol tu phyin pa la spyod pa ma yin no ||
ś ri’i bus smras pa | tshe daṅ ldan pa rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pas ci’i phyir khas mi len | rab ’byor (5) gyis smras pa | tshe daṅ ldan pa ś ri’i bu ’di ltar śes rab kyi pha rol tu phyin pa ṅo bo ñid med ciṅ mi dmigs pa’i phyir ro ||
de ci’i phyir źe na | tshe daṅ ldan pa ś ri’i bu ’di ltar śes rab kyi pha rol tu phyin pa dṅos po med pa’i phyir te | rnam graṅs des na | byaṅ chub sems dpa’ (6) sems dpa’ chen po śes rab kyi pha rol tu phyin pa la spyod pa ni | spyod do źes bya bar khas mi len | mi spyod do źes bya bar khas mi len | spyod kyaṅ spyod la | mi spyod kyaṅ mi spyod do źes bya bar khas mi len | spyod pa yaṅ ma yin | mi spyod pa yaṅ ma yin no źes bya bar khas mi len (7) to ||
de ci’i phyir źe na | ’di ltar des chos thams cad dṅos po med pa’i raṅ bźin du khoṅ du chud ciṅ ma blaṅs pa’i phyir te | de ltar slob pa’i byaṅ chub sems dpa’ sems dpa’ chen po de ni rnam pa thams cad mkhyen pa ñid daṅ ñe ba yin no ||
rnam pa thams cad mkhyen pa ñid de (90b1) yaṅ chos thams cad dṅos po med pa’i ṅo bo ñid du mñam pa ñid kyi phyir gñis su med ciṅ gñis su dbyer med de | de ni byaṅ chub sems dpa’ sems dpa’ chen po rnams kyi tiṅ ṅe ’dzin chos thams cad skye ba med pa źes bya ste | rgya che ba phul du bya ba | tshad med pa | ṅes pa | mi (2) ’phrogs pa | ñan thos daṅ | raṅ saṅs rgyas thams cad daṅ thun moṅ ma yin pa ste | tiṅ ṅe ’dzin ’dis gnas pa’i byaṅ chub sems dpa’ sems dpa’ chen po ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
ś ri’i bus smras pa | (3) tshe daṅ ldan pa rab ’byor tiṅ ṅe ’dzin ’di kho nas gnas pa’i byaṅ chub sems dpa’ sems dpa’ chen po myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ’am | ’on te tiṅ ṅe ’dzin gźan dag gis kyaṅ ’gyur | rab ’byor gyis smras pa | tshe daṅ (4) ldan pa ś ri’i bu tiṅ ṅe ’dzin gźan dag gis gnas pas kyaṅ | byaṅ chub sems dpa’ sems dpa’ chen po myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
ś ri’i bus smras pa | tshe daṅ ldan pa rab ’byor tiṅ ṅe ’dzin gźan dag gis (5) gnas pas | byaṅ chub sems dpa’ sems dpa’ chen po myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba de dag gaṅ yin | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems dpa’ chen po rnams kyi tiṅ ṅe (6) ’dzin dpa’ bar ’gro ba źes bya ba yod de | tiṅ ṅe ’dzin des gnas pa’i byaṅ chub sems dpa’ sems dpa’ chen po ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
de bźin du rin chen phyag rgya źes bya ba’i tiṅ ṅe ’dzin daṅ | seṅ ge rnam (7) par rtse ba źes bya ba’i tiṅ ṅe ’dzin daṅ | zla ba bzaṅ po źes bya ba’i tiṅ ṅe ’dzin daṅ | zla ba’i rgyal mtshan to gces bya ba’i tiṅ ṅe ’dzin daṅ | chos thams cad las śin tu ’phags pa źes bya ba’i tiṅ ṅe ’dzin daṅ | chos thams cad kyi phyag rgya źes bya ba’i tiṅ ṅe ’dzin daṅ | spyi (91a1) gtsug rnam par lta ba źes bya ba’i tiṅ ṅe ’dzin daṅ | chos kyi dbyiṅs su ṅes pa źes bya ba’i tiṅ ṅe ’dzin daṅ | ṅes pa’i rgyal mtshan tog ces bya ba’i tiṅ ṅe ’dzin daṅ | rdo rje rin po che źes bya ba’i tiṅ ṅe ’dzin daṅ | chos thams cad la ’jug pa’i phyag rgya źes bya (2) ba’i tiṅ ṅe ’dzin daṅ | tiṅ ṅe ’dzin gyi rgyal po la śin tu gnas pa źes bya ba’i tiṅ ṅe ’dzin daṅ | ’od zer rab tu ’gyed pa źes bya ba’i tiṅ ṅe ’dzin daṅ | dpuṅ bkod pa źes bya ba’i tiṅ ṅe ’dzin daṅ | mñam par gźag pa’i gnas la gnas pa źes bya ba’i tiṅ ṅe ’dzin daṅ | (3) rgyal po’i phyag rgya źes bya ba’i tiṅ ṅe ’dzin daṅ | brtson ’grus kyi stobs źes bya ba’i tiṅ ṅe ’dzin daṅ | yaṅ dag par ’phags pa źes bya ba’i tiṅ ṅe ’dzin daṅ | ṅes pa’i tshig la gdon mi za bar ’jug pa źes bya ba’i tiṅ ṅe ’dzin daṅ | nam mkha’ khyab par byed (4) ’dzin daṅ | phyogs la rnam par lta ba źes bya ba’i tiṅ ṅe ’dzin daṅ | phyag rgya yoṅs su ’dzin pa źes bya ba’i tiṅ ṅe ’dzin daṅ | brjed pa med pa źes bya ba’i tiṅ ṅe ’dzin daṅ | chos thams cad yaṅ dag par ’du ba rgya mtsho źes bya ba’i tiṅ ṅe ’dzin daṅ | nam mkha’ khyab par byed (5) pa źes bya ba’i tiṅ ṅe ’dzin daṅ | rdo rje’i dkyil ’khor źes bya ba’i tiṅ ṅe ’dzin daṅ | rgyal mtshan gyi rtse mo’i dpuṅ rgyan źes bya ba’i tiṅ ṅe ’dzin daṅ | dbaṅ po tog ces bya ba’i tiṅ ṅe ’dzin daṅ | rgyun gyi rjes su soṅ ba źes bya ba’i tiṅ ṅe ’dzin daṅ | seṅ ge rnam par bsgyiṅs pa (6) źes bya ba’i tiṅ ṅe ’dzin daṅ | snrel źi źes bya ba’i tiṅ ṅe ’dzin daṅ | rin po che spoṅ ba źes bya ba’i tiṅ ṅe ’dzin daṅ | rnam par snaṅ ba źes bya ba’i tiṅ ṅe ’dzin daṅ | tshol ba med pa źes bya ba’i tiṅ ṅe ’dzin daṅ | gnas la rten pa med pa źes bya ba’i tiṅ ṅe ’dzin daṅ | (7) sems med pa źes bya ba’i tiṅ ṅe ’dzin daṅ | dri ma med pa’i sgron ma źes bya ba’i tiṅ ṅe ’dzin daṅ | ’od mtha’ yas pa źes bya ba’i tiṅ ṅe ’dzin daṅ | ’od byed pa źes bya ba’i tiṅ ṅe ’dzin daṅ | kun tu snaṅ ba źes bya ba’i tiṅ ṅe ’dzin daṅ | dag pa dam pa źes bya ba’i tiṅ ṅe (91b1) ’dzin daṅ | ’od dri ma med pa źes bya ba’i tiṅ ṅe ’dzin daṅ | dga’ ba byed pa źes bya ba’i tiṅ ṅe ’dzin daṅ | glog gi sgron ma źes bya ba’i tiṅ ṅe ’dzin daṅ | zad mi śes pa źes bya ba’i tiṅ ṅe ’dzin daṅ | mi pham pa źes bya ba’i tiṅ ṅe ’dzin daṅ | gzi brjid yod pa źes bya ba’i tiṅ (2) ṅe ’dzin daṅ | zad pa daṅ bral ba źes bya ba’i tiṅ ṅe ’dzin daṅ | mi g-yo ba źes bya ba’i tiṅ ṅe ’dzin daṅ | ’gyur ba med pa źes bya ba’i tiṅ ṅe ’dzin daṅ | ñi ma’i sgron ma źes bya ba’i tiṅ ṅe ’dzin daṅ | zla ba dri ma med pa źes bya ba’i tiṅ ṅe ’dzin daṅ | śes rab sgron ma źes bya (3) ba’i tiṅ ṅe ’dzin daṅ | snaṅ ba dag pa źes bya ba’i tiṅ ṅe ’dzin daṅ | snaṅ ba byed pa źes bya ba’i tiṅ ṅe ’dzin daṅ | bya ba byed pa źes bya ba’i tiṅ ṅe ’dzin daṅ | ye śes tog ces bya ba’i tiṅ ṅe ’dzin daṅ | rdo rje lta bu źes bya ba’i tiṅ ṅe ’dzin daṅ | sems gnas pa źes bya (4) pa’i tiṅ ṅe ’dzin daṅ | kun tu snaṅ ba źes bya ba’i tiṅ ṅe ’dzin daṅ | rab tu gnas pa źes bya ba’i tiṅ ṅe ’dzin daṅ | rin chen mtha’ źes bya ba’i tiṅ ṅe ’dzin daṅ | chos dam pa’i phyag rgya źes bya ba’i tiṅ ṅe ’dzin daṅ | chos thams cad mñam pa ñid ces bya ba’i tiṅ ṅe ’dzin (5) daṅ | dga’ ba spoṅ ba źes bya ba’i tiṅ ṅe ’dzin daṅ | chos kyis ’phags źiṅ rdzogs pa źes bya ba’i tiṅ ṅe ’dzin daṅ | rnam par ’thor ba źes bya ba’i tiṅ ṅe ’dzin daṅ | chos thams cad kyi tshig rab tu ’byed pa źes bya ba’i tiṅ ṅe ’dzin daṅ | yi ge mñam par ’god pa źes bya ba’i tiṅ (6) ṅe ’dzin daṅ | yi ge daṅ bral ba źes bya ba’i tiṅ ṅe ’dzin daṅ | dmigs pa gcod pa źes bya ba’i tiṅ ṅe ’dzin daṅ | ’gyur ba med pa źes bya ba’i tiṅ ṅe ’dzin daṅ | rnam pa med pa źes bya ba’i tiṅ ṅe ’dzin daṅ | miṅ ṅes par ’jug pa źes bya ba’i tiṅ ṅe ’dzin daṅ | gnas med par (7) spyod pa źes bya ba’i tiṅ ṅe ’dzin daṅ | rab rib med pa źes bya ba’i tiṅ ṅe ’dzin daṅ | spyod pa daṅ ldan pa źes bya ba’i tiṅ ṅe ’dzin daṅ | g-yo ba med pa źes bya ba’i tiṅ ṅe ’dzin daṅ | yul las rgal ba źes bya ba’i tiṅ ṅe ’dzin daṅ | yon tan thams cad kyi tshogs su gyur pa źes bya ba’i (92a1) tiṅ ṅe ’dzin daṅ | sems med par gnas pa źes bya ba’i tiṅ ṅe ’dzin daṅ | dge ba’i me tog rgyas śiṅ dag pa źes bya ba’i tiṅ ṅe ’dzin daṅ | byaṅ chub kyi yan lag yod pa źes bya ba’i tiṅ ṅe ’dzin daṅ | spobs pa mtha’ yas pa źes bya ba’i tiṅ ṅe ’dzin daṅ | (2) mi mñam pa daṅ mnam pa źes bya ba’i tiṅ ṅe ’dzin daṅ | chos thams cad las ’da’ ba źes bya ba’i tiṅ ṅe ’dzin daṅ | yoṅs su gcod pa źes bya ba’i tiṅ ṅe ’dzin daṅ | nem nur rnam par sel ba źes bya ba’i tiṅ ṅe ’dzin daṅ | gnas su bya ba med pa źes bya ba’i tiṅ ṅe ’dzin daṅ | (3) bkod pa gcig pa źes bya ba’i tiṅ ṅe ’dzin daṅ | rnam pa mṅon par sgrub pa źes bya ba’i tiṅ ṅe ’dzin daṅ | rnam pa gcig tu gyur pa źes bya ba’i tiṅ ṅe ’dzin daṅ | rnam pa dor ba med pa źes bya ba’i tiṅ ṅe ’dzin daṅ | rtogs pas srid pa’i mun pa thams cad daṅ bral ba źes bya ba’i tiṅ ṅe (4) ’dzin daṅ | brda daṅ sgra thams cad la ’jug pa źes bya ba’i tiṅ ṅe ’dzin daṅ | sgra dbyaṅs kyi yi ge thams cad daṅ bral ba źes bya ba’i tiṅ ṅe ’dzin daṅ | me sgron źes bya ba’i tiṅ ṅe ’dzin daṅ | mtshan ñid yoṅs su sbyoṅ ba źes bya ba’i tiṅ ṅe ’dzin daṅ | bzod pa rñog pa med pa źes (5) bya ba’i tiṅ ṅe ’dzin daṅ | rnam pa thams cad kyi mchog daṅ ldan pa źes bya ba’i tiṅ ṅe ’dzin daṅ | bde ba daṅ sdug bsṅal thams cad la mṅon par dga’ ba med pa źes bya ba’i tiṅ ṅe ’dzin daṅ | zad mi śes pa’i za ma tog ces bya ba’i tiṅ ṅe ’dzin daṅ | gzuṅs kyi blo gros źes bya ba’i (6) tiṅ ṅe ’dzin daṅ | yaṅ dag pa daṅ log pa thams cad yaṅ dag par sel ba źes bya ba’i tiṅ ṅe ’dzin daṅ | ’gal ba daṅ ’gog pa thams cad yaṅ dag par źi bźes bya ba’i tiṅ ṅe ’dzin daṅ | ’thun pa daṅ ’gal ba med pa źes bya ba’i tiṅ ṅe ’dzin daṅ | ’od dri ma med pa źes bya ba’i tiṅ (7) ṅe ’dzin daṅ | sñiṅ po daṅ ldan pa źes bya ba’i tiṅ ṅe ’dzin daṅ | zla ba ña ba’i ’od dri ma med pa źes bya ba’i tiṅ ṅe ’dzin daṅ | glog gi ’od ces bya ba’i tiṅ ṅe ’dzin daṅ | bkod pa chen po źes bya ba’i tiṅ ṅe ’dzin daṅ | ’jig rten thams cad du ’od byed pa źes bya ba’i tiṅ ṅe ’dzin daṅ | (92b1) tiṅ ṅe ’dzin mñam pa ñid ces bya ba’i tiṅ ṅe ’dzin daṅ | rdul med ciṅ rdul daṅ bral ba’i tshul daṅ ldan pa źes bya ba’i tiṅ ṅe ’dzin daṅ | sgra med pa daṅ sgra daṅ bcas pa thams cad yaṅ dag par ’du ba źes bya ba’i tiṅ ṅe ’dzin daṅ | ñon moṅs pa med par yaṅ dag par ’du ba źes bya ba’i (2) tiṅ ṅe ’dzin daṅ | gnas la brten pa med pa la brtson pa źes bya ba’i tiṅ ṅe ’dzin daṅ | de bźin ñid la gnas śiṅ sems med pa źes bya ba’i tiṅ ṅe ’dzin daṅ | lus kyi skyon yaṅ dag par sel ba źes bya ba’i tiṅ ṅe ’dzin daṅ | ṅag gi skyon rnam par ’jig pas nam mkha’ ltar gyur (3) pa źes bya ba’i tiṅ ṅe ’dzin daṅ | nam mkha’ ltar chags pa med pas rnam par grol źiṅ gos pa med pa źes bya ba’i tiṅ ṅe ’dzin dag yod de | tiṅ ṅe ’dzin de dag gis gnas pa’i byaṅ chub sems dpa’ sems chen po ni myur du bla na med pa yaṅ dag par rdzogs pa’i byaṅ chub mṅon par (4) rdzogs par ’tshaṅ rgya’o ||
tshe daṅ ldan pa ś ri’i bu de dag ni byaṅ chub samesa pada’a sems dpa’ chen po’i tiṅ ṅe ’dzin te | tiṅ ṅe ’dzin de dag gis gnas pa’i byaṅ chub sems dpa’ sems dpa’ chen po ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (5) ste | gaṅ la bslabs pas byaṅ chub sems dpa’ sems dpa’ chen po rnams myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i tiṅ ṅe ’dzin gyi sgo daṅ | gzuṅs kyi sgo tshad med graṅs med pa gźan dag kyaṅ yod do ||
de nas saṅs rgyas kyi mthus (6) tshe daṅ ldan pa rab ’byor gyis yaṅ ’di skad ces smras so ||
tshe daṅ ldan pa ś ri’i bu a la la byaṅ chub sems dpa’ sems dpa’ chen po gaṅ tiṅ ṅe ’dzin de dag gis gnas pa de ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis kyaṅ bla na (7) med pa yaṅ dag par rdzogs pa’i byaṅ chub tu luṅ bstan ciṅ | da ltar phyogs bcu’i ’jig rten gyi khams gaṅ g’i kluṅ gi bye ma sñed dag na | de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag bźugs te | ’tsho źiṅ gźes pa’i de bźin gśegs (93a1) pa dgra bcom pa yaṅ dag par rdzogs pa’i saṅs rgyas de dag gis kyaṅ | byaṅ chub sems dpa’ sems dpa’ chen po de luṅ ston par rig par bya ste | tiṅ ṅe ’dzin de dag gis gnas pa des ni tiṅ ṅe ’dzin kyaṅ yaṅ dag par rjes su mi mthoṅ ṅo ||
bdag ni (2) sñoms par źugs so ||
bdag ni sñoms par ’jug go ||
bdag ni sñoms par ’jug par ’gyur ro źes bya bar tiṅ ṅe ’dzin tes rlom sems su ’gyur ba yaṅ med de | byaṅ chub sems dpa’ sems dpa’ chen po de la rnam par rtog pa de dag thams cad med ciṅ mi ’byuṅ ṅo ||
(3) ś ri’i bus smras pa | tshe daṅ ldan pa rab ’byor ci tiṅ ṅe ’dzin de dag la gnas pa’i byaṅ chub sems dpa’ sems dpa’ chen po la de bźin gśegs pa dgra bcom pa yaṅ dag par rdzogs pa’i saṅs rgyas rnams kyis luṅ bstan du yod dam | rab ’byor gyis smras pa | tshe daṅ (4) ldan pa ś ri’i bu de ni med do ||
de ci’i phyir źe na | tshe daṅ ldan pa ś ri’i bu śes rab kyi pha rol tu phyin pa yaṅ gźan la | tiṅ ṅe ’dzin kyaṅ gźan źiṅ | byaṅ chub sems dpa’ yaṅ gźan źes bya ba med kyi | byaṅ chub sems dpa’ ñid kyaṅ tiṅ ṅe ’dzin yin la tiṅ ṅe (5) ’dzin ñid kyaṅ byaṅ chub sems dpa’ yin pa’i phyir ro ||
ś ri’i bus smras pa | tshe daṅ ldan pa rab ’byor gal te chos thams cad mñam pa ñid kyi phyir tiṅ ṅe ’dzin kyaṅ gźan ma yin la | byaṅ chub sems dpa’ yaṅ gźan ma yin | byaṅ chub sems dpa’ yaṅ gźan (6) ma yin la | tiṅ ṅe ’dzin kyaṅ gźan ma yin te | tiṅ ṅe ’dzin ñid kyaṅ byaṅ chub sems dpa’ yin byaṅ chub sems dpa’ ñid kyaṅ tiṅ ṅe ’dzin yin na | tiṅ ṅe ’dzin bstan par nus sam | rab ’byor gyis smras pa | tshe daṅ ldan pa ś ri’i bu de ni ma yin no ||
ś ri’i bus smras pa (7) tshe daṅ ldan pa rab ’byor rigs kyi bu des ci tiṅ ṅe ’dzin de dag kun tu śes sam | rab ’byor gyis smras pa | tshe daṅ ldan pa ś ri’i bu kun tu śes pa med do ||
ś ri’i bus smras pa | tshe daṅ ldan pa rab ’byor ci ltar kun tu śes pa med | rab ’byor gyis smras pa | tshe daṅ ldan pa ś (93b1) ri’i bu ji ltar rnam par rtog par mi byed pa ltar ro ||
ś ri’i bu smras pa | ji ltar rnam par rtog par mi byed | rab ’byor gyis smras pa | chos thams cad med pa’i phyir de ltar tiṅ ṅe ’dzin de dag la rnam par rtog par mi byed de | tshe daṅ ldan pa ś ri’i bu rnam graṅs des na | rigs kyi (2) bu des tiṅ ṅe ’dzin de dag rnam par mi śes śiṅ | kun tu mi śes so ||
ś ri’i bus smras pa | tshe daṅ ldan pa rab ’byor ci’i phyir na | des rnam par mi śes śiṅ kun tu mi śes | rab ’byor gyis smras pa | tshe daṅ ldan pa ś ri’i bu tiṅ ṅe ’dzin de daṅ | byaṅ chub sems dpa’ sems (3) dpa’ chen po de med pa ñid kyi phyir | rnam par mi śes śiṅ kun tu mi śes so ||
de nas bcom ldan ’das kyis tshe daṅ ldan pa rab ’byor la legs so źes bya ba byin te | rab ’byor ji ltar ṅas ñan thos ñon moṅs pa med par gnas pa rnams kyi mchog tu bstan pa khyod kyis bśad pa ni de (4) yin te | tshig de dag legs par smras pa ni legs so ||
rab ’byor byaṅ chub sems dpa’ sems dpa’ chen pos kyaṅ śes rab kyi pha rol tu phyin pa la de ltar bslab par bya’o ||
bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | (5) bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la de ltar bslab par bya’o ||
de bźin du byaṅ chub kyi phyogs kyi chos sum cu rtsa bdun po dag la bslab par bya’o ||
saṅs rgyas kyi chos ma ’dres pa bcwa brgyad kyi bar dag la yaṅ de ltar (6) bslab par bya’o ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen po de ltar slob pa śes rab kyi pha rol tu phyin pa la slob pa lags sam | bcom ldan ’das kyis bka’ stsal pa | ś ri’i (7) bu byaṅ chub sems dpa’ sems dpa’ chen po de ltar slob pa ni śes rab kyi pha rol tu phyin pa la slob pa yin te | de yaṅ mi dmigs pa’i tshul gyis slob bo ||
de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin (94a1) pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la slob ste | de yaṅ mi dmigs pa’i tshul gyis slob bo ||
de bźin du byaṅ chub kyi phyegs kyi chos sum cu rtsa bdun po dag la slob ste | de yaṅ mi dmigs pa’i tshul gyis slob bo ||
(2) de bźin du saṅs rgyas kyi chos ma ’dres pa rnams kyi bar la slob ste | de yaṅ mi dmigs pa’i tshul gyis slob bo ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das de ltar slob pa’i byaṅ chub sems dpa’ sems dpa’ chen po śes (3) rab kyi pha rol tu phyin pa la mi dmigs pa’i tshul gyis slob pa lags sam | bcom ldan ’das kyis bka’ stsal pa | ś ri’i bu de ltar slob pa’i byaṅ chub sems dpa’ sems dpa’ chen po ni śes rab kyi pha rol tu phyin pa la mi dmigs pa’i tshul gyis slob pa yin no ||
ś ri’i bus (4) gsol pa | bcom ldan ’das ci źig mi dmigs pa lags | bcom ldan ’das kyis bka’ stsal pa | ś ri’i bu śin tu rnam par dag pa’i phyir bdag mi dmigs so ||
śes pa po daṅ | mthoṅ pa po’i bar dag mi dmigs so ||
śin tu rnam par dag pa’i phyir | phuṅ po (5) daṅ | khams daṅ | skye mched daṅ | rten ciṅ ’brel par ’byuṅ ba mi dmigs so ||
śin tu rnam par dag pa’i phyir sdug bsṅal mi dmigs so ||
śin tu rnam par dag pa’i phyir kun ’byuṅ ba daṅ | ’gog pa daṅ | las mi dmigs so ||
śin tu rnam par dag pa’i (6) phyir | ’dod pa’i khams daṅ | gzugs kyi khams daṅ | gzugs med pa’i khams mi dmigs so ||
śin tu rnam par dag pa’i phyir byaṅ chub kyi phyogs kyi chos sum cu rtsa bdun po dag mi dmigs so ||
śin tu rnam par dag pa’i phyir saṅs rgyas kyi chos ma ’dres pa bcwa (7) brgyad kyi bar dag mi dmigs so ||
śin tu rnam par dag pa’i phyir rgyun du źugs pa mi dmigs so ||
śin tu rnam par dag pa’i phyir lan cig phyir ’oṅ ba daṅ | phyir mi ’oṅ ba daṅ | dgra bcom pa ñid daṅ | raṅ saṅs rgyas mi dmigs so ||
śin tu rnam par dag pa’i (94b1) phyir byaṅ chub sems dpa’ daṅ | byaṅ chub daṅ | saṅs rgyas kyi bar du mi dmigs so ||
ś ri’i bus gsol pa | bcom ldan ’das rnam par dag pa gaṅ lags | bcom ldan ’das kyis bka’ stsal pa | ś ri’i bu chos thams cad kyi skye ba med pa daṅ | ’gag pa (2) med pa daṅ | kun nas ñon moṅs pa med pa daṅ | rnam par byaṅ ba med pa daṅ | ’byuṅ ba med pa daṅ | dmigs su med pa daṅ | mṅon par ’du bya ba med pa ni rnam par dag pa źes bya ba’o ||
ś ri’i bus gsol pa | bcom ldan ’das de ltar slob pa’i byaṅ chub sems dpa’ (3) sems dpa’ chen po chos gaṅ dag la slob pa lags | bcom ldan ’das kyis bka’ stsal pa | ś ri’i bu de ltar slob pa’i byaṅ chub sems dpa’ sems dpa’ chen po ni chos gaṅ la yaṅ mi slob bo ||
de ci’i phyir źe na | ś ri’i bu chos ’di dag ni ji ltar byis pa so so’i skye bo (4) rnams mṅon par źen pa de lta bur yod pa ma yin pa’i phyir ro ||
ś ri’i bus gsol pa | bcom ldan ’das chos ’di dag ji lta bur mchis pa lags | bcom ldan ’das kyis bka’ stsal pa | ś ri’i bu ji ltar med pa de ltar yod la | de ltar yod pa ma yin pas | de’i (5) phyir ma rig pa źes bya’o ||
ś ri’i bus gsol pa | bcom ldan ’das ci’i slad du mchis pa ma lags pa la ma rig pa źes bgyi | bcom ldan ’das kyis bka’ stsal pa | ś ri’i bu naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir gzugs (6) yod pa ma yin | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir | tshor ba daṅ | ’du śes daṅ | ’du byed rnams daṅ | rnam par śes pa yod pa ma yin | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir | (7) khams daṅ | skye mched daṅ | rten ciṅ ’brel bar ’byuṅ ba daṅ | pha rol tu phyin pa rnams yod pa ma yin | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir byaṅ chub kyi phyogs kyi chos sum cu rtsa bdun yod pa ma yin | naṅ stoṅ pa ñid daṅ | (95a1) dṅos po med pa’i ṅo bo ñid stoṅ pa ñid kyi bar gyi phyir | saṅs rgyas kyi chos ma ’dres pa bcwa brgyad kyi bar dag yod pa ma yin na | de la byis pa gaṅ dag ma rig pa daṅ | sred pa dag gis mṅon par źen pa de dag gis yod pa ma yin pa la brtags te | yod pa ma (2) yin pa la mṅon par źen nas | ’di lta ste rtag pa daṅ | chad pa’i mtha’ gñis la chags pas na | de dag ni mi śes mi mthoṅ ba ste | de dag gis chos gaṅ dag yod pa ma yin pa’i chos de dag yoṅs su brtags pas | miṅ daṅ gzugs la mṅon par źen ciṅ | dren pa (3) ñe bar gźag pa rnams la mṅon par źen pa nas | saṅs rgyas kyi chos ma ’dres pa bcwa brgyad kyi bar dag la yaṅ mṅon par źen to ||
de dag de ltar mṅon par źen pas na | yod pa ma yin pa’i chos rnams la rtog par byed pa’i phyir te | de dag ni mi śes mi mthoṅ ba yin no ||
(4) ci źig mi śes mi mthoṅ źe na | gzugs mi śes mi mthoṅ ṅo ||
tshor ba daṅ | ’du śes daṅ | ’du byed rnams daṅ | rnam par śes pa mi śes mi mthoṅ ṅo ||
khams daṅ | skye mched daṅ | rten ciṅ ’brel par ’byuṅ ba daṅ | byaṅ chub kyi phyogs kyi chos rnams mi (5) śes mi mthoṅ ṅo ||
saṅs rgyas kyi chos ma ’dres pa bcwa brgyad kyi bar dag mi śes mi mthoṅ bas de’i phyir byis pa źes bya ba’i graṅs su ’gro ba yin no ||
de dag ni ṅas par ’byuṅ ba ma yin te | gaṅ nas ṅes par ’byuṅ ba ma yin źe na | ’dod pa’i khams nas ṅes par ’byuṅ ba (6) ma yin no ||
gzugs kyi khams nas ṅes par ’byuṅ ba ma yin no ||
gzugs med pa’i khams nas ṅes par ’byuṅ ba ma yin no ||
ñan thos daṅ | raṅ saṅs rgyas kyi chos rnams las ṅes par ’byuṅ ba ma yin no ||
de dag ni ma dad pa yin te ci źig la ma dad ce (7) na | gzugs ni gzugs kyis stoṅ źes bya bar ma dad pa nas | byaṅ chub ni byaṅ chub kyis stoṅ źes bya ba’i bar dag la ma dad pa yin no ||
de dag ni mig nas pa yin te | ci źig la mi gnas źe na | sbyin pa’i pha rol tu phyin pa la mi gnas so ||
tshul khrims kyi pha rol tu (95b1) phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la mi gnas so ||
phyir mi ldog pa’i sel mi gnas so ||
saṅs rgyas kyi chos rnams kyi bar dag la mi gnas pa (2) yin te | de’i phyir byis pa rnams źes bya’o ||
de dag ni mṅon par źen pa yin te | ci źig la mṅon par źen pa yin źe na | gzugs la mṅon par źen pa yin no ||
tshor ba daṅ | ’du śes daṅ | ’du byed rnams daṅ | rnam par śes pa rnams la mṅon par źen pa (3) yin no ||
mig la mṅon par źen pa yin no ||
rna ba daṅ | sna daṅ | lce daṅ | lus daṅ | yid la mṅon par źen pa yin no ||
gzugs la mṅon par źen pa yin no ||
sgra daṅ | dri daṅ | ro daṅ | reg bya daṅ | chos rnams la mṅon par źen pa yin no ||
(4) phuṅ po daṅ | khams daṅ | skye mched rnams la mṅon par źen pa yin no ||
’dod chags daṅ | źe sdaṅ daṅ | gti mug rnams la mṅon par źen pa yin no ||
lta bar gyur pa rnams la mṅon par źen pa yin no ||
byaṅ chub kyi bar dag la mṅon par źen pa yin te | (5) de’i phyir de dag ni byis pa źes bya ba’i graṅs su ’gro ba yin no ||
ś ri’i bus gsol pa | bcom ldan ’das de ltar slob pa’i byaṅ chub sems dpa’ sems dpa’ chen po śes rab kyi pha rol tu phyin pa la slob pa ma lags śiṅ | rnam pa thams cad mkhyen pa ñid du ṅes par (6) mi ’byuṅ ba lags sam | bcom ldan ’das kyis bka’ stsal pa | ś ri’i bu de ltar slob pa’i byaṅ chub sems dpa’ sems dpa’ chen po ni śes rab kyi pha rol tu phyin pa la slob pa ma yin źiṅ | rnam pa thams cad mkhyen pa ñid du ṅes par ’byuṅ ba ma yin no ||
ś ri’i bus (7) gsol pa | bcom ldan ’das ci’i slad du byaṅ chub sems dpa’ sems dpa’ chen po de śes rab kyi pha rol tu phyin pa la slob pa ma lags śiṅ | rnam pa thams cad mkhyen pa ñid du ṅes par ’byuṅ ba ma lags | bcom ldan ’das kyis bka’ stsal pa | ś ri’i bu ’di la byaṅ (96a1) chub sems dpa’ sems dpa’ chen po thabs la mi mkhas pas | śes rab kyi pha rol tu phyin pa la brtags nas | mṅon par źen par byed | de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin (2) pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la brtags nas mṅon par źen par byed | saṅs rgyas kyi chos thams cad daṅ | thams cad śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid kyi bar dag la brtags (3) nas mṅon par źen par byed de | ś ri’i bu rnam graṅs des na | byaṅ chub sems dpa’ sems dpa’ chen po de ni śes rab kyi pha rol tu phyin pa la slob pa ma yin źiṅ | rnam pa thams cad mkhyen pa ñid du ṅes par ’byuṅ ba ma yin no ||
ś ri’i bus gsol pa | bcom ldan ’das de ltar (4) slob pa’i byaṅ chub sems dpa’ sems dpa’ chen po śes rab kyi pha rol tu phyin pa la slob pa ma lags śiṅ | rnam pa thams cad mkhyen pa ñid du ṅes par mi ’byuṅ ba lags mod | bcom ldan ’das kyis bka’ stsal pa | ś ri’i bu de ltar slob pa’i byaṅ chub sems dpa’ sems (5) dpa’ chen po ni śes rab kyi pha rol tu phyin pa la slob pa ma yin źiṅ | rnam pa thams cad mkhyen pa ñid du ṅes par mi ’byuṅ ba yin no ||
ś ri’i bus gsol pa | bcom ldan ’das byaṅ chub sems dpa’ sems dpa’ chen po ji ltar na śes rab kyi pha rol tu phyin pa la slob pa lags (6) śiṅ | ji ltar bskabs na rnam pa thams cad mkhyen pa ñid du ṅes par ’byuṅ ba lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa gaṅ gi tshe | śes rab kyi pha rol tu phyin pa mi dmigs (7) yaṅ dag par rjes su mi mthoṅ na | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar slobpa ni mi dmigs pa’i tshul gyis rnam pa thams cad mkhyen pa ñid du ṅes par ’byuṅ ṅo ||
de bźin du bsam gtan gyi pha rol tu phyin pa daṅ | brtson ’grus (96b1) kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la spyod pa | sbyin pa’i pha rol tu phyin pa mi dmigs yaṅ dag par rjes su mi mthoṅ | byaṅ chub kyi bar dag mi dmigs yaṅ dag par rjes su mi mthoṅ | (2) thams cad śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid kyi bar dag kyaṅ mi dmigs yaṅ dag par rjes su mi mthoṅ na | ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni śes rab kyi pha rol tu (3) phyin pa la slob pa yin te | mi dmigs pa’i tshul gyis rnam pa thams cad mkhyen pa ñid du ṅes par ’byuṅ ṅo ||
ś ri’i bus gsol pa | bcom ldan ’das ci źig mi dmigs pa’i tshul gyis ṅes par ’byuṅ ba lags | bcom ldan ’das kyis bka’ stsal pa | ś ri’i bu (4) rnam pa thams cad mkhyen pa ñid kyi stoṅ pa ñid mi dmigs pa’i tshul gyis ṅes par ’byuṅ ṅo ||
śes rab kyi pha rol tu phyin pa khri brgyad stoṅ pa las mtshan ma’i le’u źes bya ste dgu pa’o || ||
de nas bcom ldan ’das la tshe daṅ ldan pa rab ’byor gyis ’di skad (5) ces gsol to ||
bcom ldan ’das la la źig ’di skad du ’dri ste | ci sgyu ma’i skyes bu ’di śes rab kyi pha rol tu phyin pa la bslabs nas | rnam pa thams cad mkhyen pa ñid du ṅes par ’byuṅ bar ’gyur ram | rnam pa thams cad mkhyen pa ñid thob par ’gyur ram źes mchin | bcom (6) ldan ’das de skad ’dri ba de la ji skad bstan par bgyi | de bźin du ci sgyu ma’i skyes bu ’di bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la (7) bslabs nas | rnam pa thams cad mkhyen pa ñid du ṅes par ’byuṅ bar ’gyur ram | rnam pa thams cad mkhyen pa ñid thob par ’gyur ram źes mchi na | bcom ldan ’das de skad ’dri ba de la ji skad bstan par bgyi | byaṅ chub kyi phyogs kyi chos sum cu rtsa bdun gyi bar daṅ | rnam (97a1) pa thams cad mkhyen pa ñid kyi bar dag la bslabs nas | rnam pa thams cad mkhyen pa ñid du ṅes par ’byuṅ bar ’gyur ram | rnam pa thams cad mkhyen pa ñid thob par ’gyur ram źes mchi na | bcom ldan ’das de skad ’dri ba de la ji skad bstan par bgyi | (2) bcom ldan ’das kyis bka’ stsal pa | rab ’byor de khyod ñid la dris | khyod kyis ji ltar bzod pa de ltar lan thob śig | rab ’byor ’di ji sñam du sems | sgyu ma yaṅ gźan la | gzugs kyaṅ gźan źig yin sñam ’am | sgyu ma yaṅ gźan la | tshor ba daṅ | ’du (3) śes daṅ | ’du byed rnams daṅ | rnam par śes pa yaṅ gźan źig yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | sgyu ma yaṅ gźan la | mig (4) kyaṅ gźan źig yin sñam ’am | sgyu ma yaṅ gźan la | rna ba daṅ | sna daṅ | lce daṅ | lus daṅ | yid kyaṅ gźan źig yin sñam ’am | sgyu ma yaṅ gźan la | gzugs kyaṅ gźan źig yin sñam ’am | sgyu ma yaṅ gźan la | sgra daṅ | dri daṅ | ro daṅ | reg bya daṅ | (5) chos rnams kyaṅ gźan źig yin sñam ’am | sgyu ma yaṅ gźan la | mig gi rnam par śes pa yaṅ gźan źig yin sñam ’am | sgyu ma yaṅ gźan la | rna ba’i rnam par śes pa daṅ | sna’i rnam par śes pa daṅ | lce’i rnam par śes pa daṅ | lus kyi rnam par śes pa daṅ | yid kyi (6) rnam par śes pa yaṅ gźan źig yin sñam ’am | sgyu ma yaṅ gźan la | mig gi ’dus te reg pa yaṅ gźan źig yin sñam ’am | sgyu ma yaṅ gźan la rna ba’i ’dus te reg pa daṅ | sna’i ’dus te reg pa daṅ | lce’u ’dus te reg pa daṅ | lus kyi ’dus te reg pa daṅ | yid kyi (7) ’dus te reg pa yaṅ gźan źig yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | sgyu ma yaṅ gźan la | mig gi ’dus te reg pa’i rkyen gyis tshor ba bde ba’am | sdug (97b1) bsṅal ba’am | sdug bsṅal ba yaṅ ma yin | bde ba yaṅ ma yin pa yaṅ gźan źig yin sñam ’am | sgyu ma yaṅ gźan la | rna ba’i ’dus te reg pa’i rkyen gyis tshor ba daṅ | sna’i ’dus te reg pa’i rkyen gyis tshor ba daṅ | lce’i ’dus te reg pa’i rkyen gyis tshor ba daṅ | lus (2) kyi ’dus te reg pa’i rkyen gyis tshor ba daṅ | yid kyi ’dus te reg pa’i rkyen gyis tshor ba bde ba’am | sdug bsṅal ba’am | sdug bsṅal ba yaṅ ma yin | bde ba yaṅ ma yin pa yaṅ gźan źig yin sñam ’am | rab ’byor gyis gsol pa | bcom ldan ’das de ni ma lags so ||
(3) bcom ldan ’das kyis bka’ stsal pa | rab ’byor ’di ji sñam du sems | sgyu ma yaṅ gźan la | byaṅ chub kyi phyogs kyi chos sum cu rtsa bdun po dag kyaṅ gźan źig yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal (4) pa | rab ’byor ’di ji sñam du sems | sgyu ma yaṅ gźan la | stoṅ pa ñid kyaṅ gźan źig yin sñam ’am | sgyu ma yaṅ gźan la | mtshan ma med pa yaṅ gźan źig yin sñam ’am | sgyu ma yaṅ gźan la | smon pa med pa yaṅ gźan źig yin sñam ’am | rab ’byor gyis gsol pa | (5) bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | sgyu ma yaṅ gźan la | de bźin gśegs pa’i stobs bcu yaṅ gźan źig yin sñam ’am | sgyu ma yaṅ gźan la | saṅs rgyas kyi chos ma ’dres pa bcwa brgyad kyi bar (6) dag kyaṅ gźan źig yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | sgyu ma yaṅ gźan la | rnam pa thams cad mkhyen pa ñid kyaṅ gźan źig yin sñam ’am | rab ’byor (7) gyi gsol pa | bcom ldan ’das de ni ma lags so ||
bcom ldan ’das sgyu ma yaṅ gźan ma lags | gzugs kyaṅ gźan ma lags te | bcom ldan ’das gzugs ñid kyaṅ sgyu ma lags la | sgyu ma ñid kyaṅ gzugs lags so ||
bcom ldan ’das sgyu ma yaṅ gźan ma (98a1) lags | tshor ba daṅ | ’du śes daṅ | ’du byed rnams daṅ | rnam par śes pa yaṅ gźan ma lags te | bcom ldan ’das rnam par śes pa ñid kyaṅ sgyu ma lags la | sgyu ma ñid kyaṅ rnam par śes pa lags so ||
bcom ldan ’das sgyu ma yaṅ (2) gźan ma lags | mig kyaṅ gźan ma lags te | bcom ldan ’das mig ñid kyaṅ sgyu ma lags la | sgyu ma ñid kyaṅ mig lags so ||
bcom ldan ’das sgyu ma yaṅ gźan ma lags | rna ba daṅ | sna daṅ | lce daṅ | lus daṅ | yid kyaṅ gźan ma lags te | (3) bcom ldan ’das yid ñid kyaṅ sgyu ma lags la | sgyu ma ñid kyaṅ yid lags so ||
bcom ldan ’das sgyu ma yaṅ gźan ma lags | gzugs kyaṅ gźan ma lags te | bcom ldan ’das gzugs ñid kyaṅ sgyu ma lags la | sgyu ma ñid kyaṅ gzugs lags so ||
(4) bcom ldan ’das sgyu ma yaṅ gźan ma lags | sgra daṅ | dri daṅ | ro daṅ | reg bya daṅ | chos rnams kyaṅ gźan ma lags te | bcom ldan ’das chos rnams ñid kyaṅ sgyu ma lags la | sgyu ma ñid kyaṅ chos rnams lags so ||
bcom ldan ’das sgyu ma yaṅ gźan ma (5) lags | mig gi rnam par śes pa yaṅ gźan ma lags te | bcom ldan ’das mig gi rnam par śes pa ñid kyaṅ sgyu ma lags la | sgyu ma ñid kyaṅ mig gi rnam par śes pa lags so ||
bcom ldan ’das sgyu ma yaṅ gźan ma lags | rna ba’i rnam par śes pa daṅ | sna’i (6) rnam par śes pa daṅ | lce’i rnam par śes pa daṅ | lus kyi rnam par śes pa daṅ | yid kyi rnam par śes pa yaṅ gźan ma lags te | bcom ldan ’das yid kyi rnam par śes pa ñid kyaṅ sgyu ma lags la | sgyu ma ñid kyaṅ yid kyi rnam par śes pa lags so ||
bcom (7) ldan ’das sgyu ma yaṅ gźan ma lags | mig gi ’dus te reg pa yaṅ gźan ma lags te | bcom ldan ’das mig gi ’dus te reg pa ñid kyaṅ sgyu ma lags la | sgyu ma ñid kyaṅ mig gi ’dus te reg pa lags so ||
bcom ldan ’das sgyu ma yaṅ gźan ma lags | rna ba’i ’dus te (98b1) reg pa daṅ | sna’i ’dus te reg pa daṅ | lce’i ’dus te reg pa daṅ | lus kyi ’dus te reg pa daṅ | yid kyi ’dus te reg pa yaṅ gźan ma lags te | bcom ldan ’das yid kyi ’dus te reg pa ñid kyaṅ sgyu ma lags la | sgyu ma ñid kyaṅ yid kyi ’dus te reg pa lags so ||
(2) bcom ldan ’das sgyu ma yaṅ gźan ma lags | mig gi ’dus te reg pa’i rkyen gyis tshor ba bde ba’am | sdug bsṅal ba’am | sdug bsṅal yaṅ ma lags | bde ba yaṅ ma lags pa yaṅ gźan ma lags te | bcom ldan ’das mig gi ’dus te reg pa’i rkyen gyis tshor (3) ba bde ba’am | sdug bsṅal ba’am | sdug bsṅal yaṅ ma lags | bde ba yaṅ ma lags pa ñid kyaṅ sgyu ma lags la | sgyu ma ñid kyaṅ mig gi ’dus te reg pa’i rkyen gyis tshor ba bde ba’am | sdug bsṅal ba’am | sdug bsṅal yaṅ ma lags | bde ba yaṅ ma lags pa (4) lags so ||
bcom ldan ’das sgyu ma yaṅ gźan ma lags | rna ba’i ’dus te reg pa’i rkyen gyis tshor ba daṅ | sna’i ’dus te reg pa’i rkyen gyis tshor ba daṅ | lce’i ’dus te reg pa’i rkyen gyis tshor ba daṅ | lus kyi ’dus te reg pa’i rkyen gyis tshor ba daṅ | yid kyi ’dus te reg pa’i (5) rkyen gyis tshor ba bde ba’am | sdug bsṅal ba ’am | sdug bsṅal yaṅ ma lags | bde ba yaṅ ma lags pa yaṅ gźan ma lags te | bcom ldan ’das yid kyi ’dus te reg pa’i rkyen gyis tshor ba bde ba ’am | sdug bsṅal ba’am | sdug bsṅal yaṅ ma lags | bde ba yaṅ (6) ma lags pa ñid kyaṅ sgyu ma lags la | sgyu ma ñid kyaṅ yid kyi ’dus te reg pa’i rkyen gyis tshor ba bde ba’am | sdug bsṅal ba’am | sdug bsṅal yaṅ ma lags | bde ba yaṅ ma lags pa lags so ||
bcom ldan ’das sgyu ma yaṅ gźan ma lags | byaṅ chub kyi phyogs kyi chos (7) sum cu rtsa bdun yaṅ gźan ma lags te | bcom ldan ’das byaṅ chub kyi phyogs kyi chos sum cu rtsa bdun ñid kyaṅ sgyu ma lags la | sgyu ma ñid kyaṅ byaṅ chub kyi phyogs kyi chos sum cu rtsa bdun lags so ||
bcom ldan ’das sgyu ma yaṅ gźan ma lags | stoṅ pa ñid kyaṅ gźan ma (99a1) lags te | bcom ldan ’das stoṅ pa ñid kyaṅ sgyu ma lags la | sgyu ma ñid kyaṅ stoṅ pa ñid lags so ||
bcom ldan ’das sgyu ma yaṅ gźan ma lags | mtshan ma ma mchis pa yaṅ gźan ma lags te | bcom ldan ’das mtshan ma mchis pa ñid kyaṅ sgyu ma (2) lags la | sgyu ma ñid kyaṅ mtshan ma mchis pa lags so ||
bcom ldan ’das sgyu ma yaṅ gźan ma lags | smon pa ma mchis pa yaṅ gźan ma lags te | bcom ldan ’das smon pa ma mchis pa ñid kyaṅ sgyu ma lags la | sgyu ma ñid kyaṅ smon pa ma chis pa lags so ||
(3) bcom ldan ’das sgyu ma yaṅ gźan ma lags | de bźin gśegs pa’i stobs bcu yaṅ gźan ma lags te | bcom ldan ’das de bźin gśegs pa’i stobs rnams ñid kyaṅ sgyu ma lags la | sgyu ma ñid kyaṅ de bźin gśegs pa’i stobs rnams lags so ||
bcom ldan (4) ’das sgyu ma yaṅ gźan ma lags | saṅs rgyas kyi chos ma ’dres pa bcwa brgyad kyi bar dag kyaṅ gźan ma lags te | bcom ldan ’das saṅs rgyas kyi chos rnams kyi bar dag ñid kyaṅ sgyu ma lags la | sgyu ma ñid kyaṅ saṅs rgyas kyi chos rnams kyi bar dag lags so ||
bcom (5) ldan ’das sgyu ma yaṅ gźan ma lags | rnam pa thams cad mkhyen pa ñid kyaṅ gźan ma lags te | bcom ldan ’das rnam pa thams cad mkhyen pa ñid kyaṅ sgyu ma lags la | sgyu ma ñid kyaṅ rnam pa thams cad mkhyen pa ñid lags so ||
bcom ldan ’das kyis bka’ stsal pa | (6) rab ’byor ’di ji sñam du sems | sgyu ma la kun nas ñon moṅs pa ’am | rnam par byaṅ ba yod sñam ’am | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor ’di ji sñam du sems | sgyu ma la skye (7) ba’am ’gag pa yod sñam ’am | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor ’di ji sñam du sems | gaṅ la skye ba med pa daṅ | ’gag pa med pa daṅ | kun nas ñon moṅs pa med pa (99b1) daṅ | rnam par byaṅ ba med pa de śes rab kyi pha rol tu phyin pa la slob par ’gyur sñam ’am | rnam pa thams cad mkhyen pa ñid du ṅes par ’byuṅ bar ’gyur sñam ’am | rnam pa thams cad mkhyen pa ñid kyi bar du thob par ’gyur sñam ’am | rab ’byor gyis gsol pa | bcom (2) ldan ’das de ni ma lags so || ||
śes rab kyi pha rol tu phyin pa khri brgyad stoṅ pa | bam po brgyad pa ||
bcom ldan ’das kyis bka’ stsal pa | rab ’byor ’di ji sñam du sems | ñe bar len pa’i phuṅ po lṅa po ’di dag la ’di lta ste | byaṅ chub (3) sems dpa’ źes bya bar miṅ daṅ brdas tha sñad du gdags su yod dam | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor ’di ji sñam du sems | miṅ daṅ brdas tha sñad du gdags pa tsam gyis ñe (4) bar len pa’i phuṅ po lṅa po dag gi skye ba’am | ’gag pa’am | kun nas ñon moṅs pa’am | rnam par byaṅ ba dag dmigs su yod dam | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor ’di (5) ji sñam du sems | gaṅ la miṅ daṅ mtshan ma med pa daṅ | brda med pa daṅ gdags pa med pa daṅ tha sñad med pa daṅ | miṅ med pa daṅ | miṅ du gdags pa med pa daṅ | lus med pa daṅ | lus gyi las med pa daṅ | ṅag med pa daṅ | ṅag gi las med pa daṅ | yid med (6) pa daṅ | yid kyi las med pa daṅ | skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa de śes rab kyi pha rol tu phyin pa la bslabs śiṅ rnam pa thams cad mkhyen pa ñid du ṅes par ’byuṅ bar ’gyur sñam ’am | rnam pa thams cad (7) mkhyen pa ñid thob par ’gyur sñam ’am | rab ’byor gyis gsol pa | bcom ldan ’das de ni mi ’gyur lags so ||
bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen pos mi dmigs pa’i tshul gyis | śes rab kyi pha rol tu phyin (100a1) pa la de ltar bslabs na | rnam pa thams cad mkhyen pa ñid du ṅes par ’byuṅ bar ’gyur źiṅ | rnam pa thams cad mkhyen pa ñid thob par ’gyur ro ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin (2) pa la de ltar slob ciṅ | bla na med pa yaṅ dag par rdzogs pa’i byaṅ chub tu ṅes par ’byuṅ bar ’tshal bas ni sgyu ma’i skyes bus bslab pa ltar | bla na med pa yaṅ dag par rdzogs pa’i byaṅ chub la bslab par bgyi’o ||
de ci’i slad du źe na | bcom ldan ’das ’di ltar phuṅ po lṅa po gaṅ dag (3) lags pa de ñid sgyu ma’i skyes bur rig par bgyi ba lags pa’i slad du’o ||
bcom ldan ’das kyis bka’ stsal pa | rab ’byor ’di ji sñam du sems | phuṅ po lṅa po ’di dag śes rab kyi pha rol tu phyin pa la bslabs śiṅ | rnam pa thams cad mkhyen pa ñid du ṅes par ’byuṅ bar (4) ’gyur sñam ’am | rnam pa thams cad mkhyen pa ñid thob par ’gyur sñam ’am | rab ’byor gyis gsol pa | bcom ldan ’das de ni mi ’gyur lags so ||
de ci’i slad du źe na | bcom ldan ’das ’di ltar phuṅ po lṅa po dag ni dṅos po ma mchis pa’i raṅ bźin lags la | (5) dṅos po ma mchis pa’i raṅ bźin de yaṅ dmigs su ma mchis pa’i slad du’o ||
bcom ldan ’das kyis bka’ stsal pa | rab ’byor ’di ji sñam du sems | rmi lam lta bu’i phuṅ po lṅa po dag śes rab kyi pha rol tu phyin pa la bslabs śiṅ | rnam pa thams cad mkhyen pa ñid du ṅes par ’byuṅ (6) bar ’gyur sñam ’am | rab ’byor gyis gsol pa | bcom ldan ’das de ni mi ’byuṅ lags so ||
de ci’i slad du źe na | bcom ldan ’das ’di ltar rmi lam ni dṅos po ma mchis pa’i raṅ bźin lags la | dṅos po ma mchis pa’i raṅ bźin de yaṅ dmigs su ma mchis pa’i slad du’o ||
(7) bcom ldan ’das kyis bka’ stsal pa | rab ’byor ’di ji sñam du sems | phrag ca lta bu’i phuṅ po lṅa po dag daṅ | mig yor lta bu daṅ | chu zla lta bu daṅ | sgyu ma lta bu daṅ | smig rgyu lta bu daṅ | sprul pa lta bu daṅ | gzugs brñan lta bu’i phuṅ po lṅa po dag śes rab kyi pha rol (100b1) tu phyin pa la bslabs śiṅ | rnam pa thams cad mkhyen pa ñid du ṅes par ’byuṅ bar ’gyur sñam ’am | rab ’byor gyis gsol pa | bcom ldan ’das de ni mi ’gyur lags so ||
de ci’i slad du źe na | bcom ldan ’das ’di ltar brag ca ni dṅos po ma mchis pa’i raṅ bźin | mig (2) yor yaṅ dṅos po ma mchis pa’i raṅ bźin | chu zla yaṅ dṅos po ma mchis pa’i raṅ bźin | sgyu ma yaṅ dṅos po ma mchis pa’i raṅ bźin | smig rgyu yaṅ dṅos po ma mchis pa’i raṅ bźin | sprul pa yaṅ dṅos po ma mchis pa’i raṅ bźin | gzugs brñan yaṅ dṅos po ma (3) mchis pa’i raṅ bźin lags pa | dṅos po ma mchis pa’i raṅ bźin de yaṅ dmigs su ma mchis pa’i slad du’o ||
de ci’i slad du źe na | bcom ldan ’das ’di ltar gzugs ni sgyu ma lta bu | tshor ba daṅ | ’du śes daṅ | ’du byed rnams daṅ | rnam par śes pa ni sgyu ma (4) lta bu lags te | rnam par śes pa gaṅ lags pa de ni dbaṅ po drug lags śiṅ | de dag ni phuṅ po lṅa po dag lags la | de dag ni naṅ stoṅ pa ñid kyis dmigs su ma mchis śiṅ | dṅos po med pa’i ṅo bo ñid stoṅ pa ñid kyi bar gyis dmigs su ma mchis pa’i slad du’o ||
de (5) nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das theg pa la gsar du źugs pa’i byaṅ chub sems dpa’ sems dpa’ chen pos bstan pa ’di thos na skrag ste dṅaṅ źiṅ dṅaṅ bar mi ’gyur lags graṅ | bcom ldan ’das kyis (6) bka’ stsal pa | rab ’byor gal te byaṅ chub sems dpa’ sems dpa’ chen po theg pa la gsar du yaṅ dag par źugs pa yaṅ yin la | thabs la yaṅ mi mkhas par rig ste | dge ba’i bśes gñen gyi lag tu yaṅ ma soṅ na | skrag ciṅ dṅaṅ la | dṅaṅ bar yaṅ ’gyur ro ||
(7) rab ’byor gyis gsol pa | bcom ldan ’das byaṅ chub sems dpa’ sems dpa’ chen po thabs la mkhas pa gaṅ daṅ ldan pas bstan pa ’di thos na mi skrag mi dṅaṅ źiṅ dṅaṅ bar mi ’gyur ba’i thabs la mkhas pa gaṅ lags | bcom ldan ’das kyis bka’ stsal pa | rab ’byor ’di la byaṅ (101a1) chub sems dpa’ sems dpa’ chen po śes rab kyi pha rol tu phyin pa la spyod pa ni | rnam pa thams cad mkhyen pa ñid daṅ ldan pa’i yid la bya ba dag gis gzugs la mi rtag pa’i rnam par so sor rtog ste de yaṅ mi dmigs so ||
rnam pa thams cad mkhyen pa ñid daṅ ldan (2) pa’i yid la bya ba dag gis tshor ba daṅ | ’du śes daṅ | ’du byed rnams daṅ | rnam par śes pa la mi rtag pa’i rnam par so sor rtog ste | de yaṅ mi dmigs so ||
rab ’byor ’di ni byaṅ chub sems dpa’ sems dpa’ chen po’i śes rab kyi pha rol tu phyin pa la spyod (3) pa’i thabs la mkhas par rig par bya’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | rnam pa thams cad mkhyen pa ñid daṅ ldan pa’i yid la bya ba dag gis gzugs la sdug bsṅal ba’i rnam pa daṅ | bdag (4) med pa’i rnam pa daṅ | źi ba’i rnam pa daṅ | stoṅ pa’i rnam pa daṅ | mtshan ma med pa’i rnam pa daṅ | smon pa med pa’i rnam pa daṅ | mṅon par ’du bya ba med pa’i rnam pa daṅ | dben pa’i rnam par so sor rtog ste | de yaṅ mi dmigs so ||
rnam pa thams cad mkhyen (5) pa ñid daṅ ldan pa’i yid la bya ba dag gis tshor ba daṅ | ’du śes daṅ | ’du byed rnams daṅ | rnam par śes pa la sdug bsṅal ba’i rnam pa daṅ | bdag med pa’i rnam pa daṅ | źi ba’i rnam pa daṅ | stoṅ pa’i rnam pa daṅ | mtshan ma med pa’i rnam pa daṅ | smon pa (6) med pa’i rnam pa daṅ | mṅon par ’du bya ba med pa’i rnam pa daṅ | dben pa’i rnam par so sor rtog ste de yaṅ mi dmigs so ||
rab ’byor de ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i thabs la mkhas par rig par bya’o ||
rab ’byor (7) gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | rnam pa thams cad mkhyen pa ñid daṅ ldan pa’i yid la bya ba dag gis gzugs la mi rtag ces bya bar so sor rtog ste | de yaṅ mi dmigs so ||
rnam pa thams cad mkhyen pa ñid daṅ ldan pa’i yid la (101b1) bya ba dag gis tshor ba daṅ | ’du śes daṅ | ’du byed rnams daṅ | rnam par śes pa la mi rtag ces bya bar so sor rtog ste | de yaṅ mi dmigs so ||
rab ’byor de ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i thabs la mkhas pa yin no ||
(2) rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | rnam pa thams cad mkhyen pa ñid daṅ ldan pa’i yid la bya ba dag gis gzugs la sdug bsṅal źes bya bar so sor rtog ste | de yaṅ mi dmigs so ||
tshor pa daṅ | ’du śes (3) daṅ | ’du byed rnams daṅ | rnam par śes pa la sdug bsṅal źes bya bar so sor rtog ste | de yaṅ mi dmigs so ||
rab ’byor gźan yaṅ byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i yid la bya ba dag gis gzugs la bdag med ces (4) bya bar so sor rtog ste | de yaṅ mi dmigs so ||
tshor ba daṅ | ’du śes daṅ | ’du byed rnams daṅ | rnam par śes pa la bdag med ces bya bar so sor rtog ste | de yaṅ mi dmigs so ||
rab ’byor gźan yaṅ byaṅ chub sems dpa’ sems dpa’ chen po rnam pa thams cad (5) mkhyen pa ñid daṅ ldan pa’i yid la bya ba dag gis gzugs la źi źes bya bar so sor rtog ste | de yaṅ mi dmigs so ||
tshor ba daṅ | ’du śes daṅ | ’du byed rnams daṅ | rnam par śes pa la źi źes bya bar so sor rtog ste | de yaṅ mi dmigs so ||
rab ’byor gźan yaṅ byaṅ (6) chub sems dpa’ sems dpa’ chen po śes rab kyi pha rol tu phyin pa la spyod pa ni ||
rnam pa thams cad mkhyen pa ñid daṅ ldan pa’i yid la bya ba dag gis gzugs la stoṅ źes bya bar so sor rtog ste | de yaṅ mi dmigs so ||
tshor ba daṅ | ’du śes daṅ | ’du byed rnams daṅ | (7) rnam par śes pa la stoṅ źes bya bar so sor rtog ste | de yaṅ mi dmigs so ||
gzugs la mtshan ma med ces bya bar so sor rtog ste | de yaṅ mi dmigs so ||
tshor ba daṅ | ’du śes daṅ | ’du byed rnams daṅ | rnam par śes pa la mtshan ma med ces bya bar so sor (102a1) rtog ste | de yaṅ mi dmigs so ||
gzugs la smon pa med ces bya bar so sor rtog ste | de yaṅ mi dmigs so ||
tshor ba daṅ | ’du śes daṅ | ’du byed rnams daṅ | rnam par śes pa la smon pa med ces bya bar so sor rtog ste | de yaṅ mi dmigs (2) so ||
gzugs la mṅon par ’du bya ba med ces bya bar so sor rtog ste | de yaṅ mi dmigs so ||
tshor ba daṅ | ’du śes daṅ | ’du byed rnams daṅ | rnam par śes pa la mṅon par ’du bya ba med ces bya bar so sor rtog ste | de yaṅ mi dmigs so ||
gzugs (3) la dben źes bya bar so sor rtog ste | de yaṅ mi dmigs so ||
tshor ba daṅ | ’du śes daṅ | ’du byed rnams daṅ | rnam par śes pa la dben źes bya bar so sor rtog ste | de yaṅ mi dmigs so ||
rab ’byor de ni byaṅ chub sems dpa’ sems dpa’ chen po śes rab kyi (4) pha rol tu phyin pa la spyod pa’i thabs la mkhas pa yin no ||
rab ’byor byaṅ chub sems dpa’ sems dpa’ chen po de de ltar so sor rtog pa na ’di sñam du sems te | bdag gis sems can thams cad la gzugs mi rtag ces bya bar chos bstan par bya ste | de yaṅ mi dmigs pa’i tshul (5) gyis bya’o ||
tshor ba daṅ | ’du śes daṅ | ’du byed rnams daṅ | rnam par śes pa mi rtag ces bya bar chos bstan par bya ste | de yaṅ mi dmigs pa’i tshul gyis bya’o ||
gzugs sdug bsṅal źes bya ba daṅ bdag med ces bya ba daṅ | źi źes bya ba daṅ | stoṅ źes bya ba (6) daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar chos bstan par bya ste | de yaṅ mi dmigs pa’i tshul gyis bya’o ||
tshor ba daṅ | ’du śes daṅ | ’du byed rnams daṅ | rnam par śes pa sdug (7) bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar chos bstan par bya ste | de yaṅ mi dmigs pa’i tshul gyis bya’o sñam (102b1) du sems so ||
rab ’byor de ni byaṅ chub sems dpa’ sems dpa’ chen po’i sbyin pa’i pha rol tu phyin pa ste | des na byaṅ chub sems dpa’ sems dpa’ chen po mi skrag mi dṅaṅ źiṅ dṅaṅ bar mi ’gyur ro ||
rab ’byor gźan yaṅ byaṅ chub sems dpa’ sems dpa’ chen po (2) ñan thos daṅ | raṅ saṅs rgyas daṅ ldan pa ma yin pa’i yid la bya ba dag gis gzugs mi rtag ces bya bar yid la byed do | de yaṅ mi dmigs pa’i tshul gyis byed do ||
ñan thos daṅ | raṅ saṅs rgyas daṅ ldan pa ma yin pa’i yid la bya ba dag gis tshor ba daṅ | ’du śes (3) daṅ | ’du byed rnams daṅ | rnam par śes pa mi rtag ces bya bar yid la byed de | de yaṅ mi dmigs pa’i tshul gyis byed do ||
ñan thos daṅ | raṅ saṅs rgyas daṅ ldan pa ma yin pa’i yid la bya ba dag gis gzugs sdug bsṅal źes bya bar yid la byed de | de yaṅ mi (4) dmigs pa’i tshul gyis byed do ||
rnam par śes pa’i bar du sdug bsṅal źes bya bar yid la byed de | de yaṅ mi dmigs pa’i tshul gyis byed do ||
gzugs bdag med ces bya ba daṅ | gzugs źi źes bya ba daṅ | gzugs stoṅ źes bya ba daṅ | gzugs mtshan ma med ces (5) bya ba daṅ | gzugs smon pa med ces bya ba daṅ | gzugs mṅon par ’du bya ba med ces bya ba daṅ | gzugs dben źes bya bar yid la byed de | de yaṅ mi dmigs pa’i tshul gyis byed do ||
tshor ba daṅ | ’du śes daṅ | ’du byed rnams daṅ | rnam par śes pa bdag med ces (6) bya ba daṅ | rnam par śes pa źi źes bya ba daṅ | rnam par śes pa stoṅ źes bya ba daṅ | rnam par śes pa mtshan ma med ces bya ba daṅ | rnam par śes pa smon pa med ces bya ba daṅ | rnam par śes pa mṅon par ’du bya ba med ces bya ba daṅ | rnam par śes pa dben źes bya bar yid la byed (7) de | de yaṅ mi dmigs pa’i tshul gyis byed do ||
rab ’byor de ni byaṅ chub sems dpa’ sems dpa’ chen po’i tshul khrims kyi pha rol tu phyin pa nag nog med pa ste | des na byaṅ chub sems dpa’ sems dpa’ chen po mi skrag mi dṅaṅ źiṅ dṅaṅ par mi ’gyur ro ||
rab ’byor gźan yaṅ byaṅ chub sems (103a1) dpa’ sems dpa’ chen po śes rab kyi pha rol tu phyin pa la spyod pa na | chos gaṅ dag la mi rtag pa’i rnam pa daṅ | sdug bsṅal ba’i rnam pa daṅ | bdag med pa’i rnam pa daṅ | źi ba’i rnam pa daṅ | stoṅ ba’i rnam pa daṅ | mtshan ma med pa’i rnam pa daṅ | smon pa (2) med pa’i rnam pa daṅ | mṅon par ’du bya ba med pa’i rnam pa daṅ | dben pa’i rnam par so sor rtog ciṅ bzod la ’dod pa de ni byaṅ chub sems dpa’ sems dpa’ chen po’i bzod pa’i pha rol tu phyin pa ste | des na byaṅ chub sems dpa’ sems dpa’ chen po mi skrag mi dṅaṅ źiṅ dṅaṅ bar mi (3) ’gyur ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | rnam pa thams cad mkhyen pa ñid daṅ ldan pa’i yid la bya ba dag gis gzugs mi rtag ces bya bar so sor rtog ste | de yaṅ mi dmigs pa’i tshul gyis byed do ||
(4) gzugs sdug bsṅal źes bya ba daṅ | gzugs bdag med ces bya ba daṅ | gzugs źi źes bya ba daṅ | gzugs stoṅ źes bya ba daṅ | gzugs mtshan ma med ces bya ba daṅ | gzugs smon pa med ces bya ba daṅ | gzugs mṅon par ’du bya ba med ces bya ba daṅ | (5) gzugs dben źes bya bar so sor rtog ste | de yaṅ mi dmigs pa’i tshul gyis byed do ||
tshor ba daṅ | ’du śes daṅ | ’du byed rnams daṅ | rnam par śes pa mi rtag ces bya ba daṅ | sdug bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes bya (6) ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar so sor rtog ciṅ | de yaṅ mi dmigs pa’i tshul gyis byed de | de’i rnam pa thams cad mkhyen pa ñid daṅ ldan pa’i yid la bya ba rnams mi gtoṅ źiṅ | (7) brtson pa mi ’dor ba gaṅ yin pa de ni byaṅ chub sems dpa’ sems dpa’ chen po’i brtson ’grus kyi pha rol tu phyin pa ste | des na byaṅ chub sems dpa’ sems dpa’ chen po mi skrag mi dṅaṅ źiṅ dṅaṅ par mi ’gyur ro ||
rab ’byor gźan yaṅ byaṅ chub sems dpa’ sems dpa’ chen (103b1) po śes rab kyi pha rol tu phyin pa la spyod pa gaṅ gi tsho | ñan thos daṅ | raṅ saṅs rgyas kyi yid la byed pa daṅ ldan pa daṅ | de las gźan pa mi dge ba’i chos gaṅ byaṅ chub kyi bar du gcod par byed pa dag gi skabs mi ’byed pa de ni byaṅ chub sems dpa’ sems dpa’ chen po’i bsam (2) gtan gyi pha rol tu phyin pa ste | rab ’byor byaṅ chub sems dpa’ sa chas dpa’ chen po bsam gtan gyi pha rol tu phyin pa la de ltar spyod pa ni mi skrag mi dṅaṅ źiṅ dṅaṅ bar mi ’gyur ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa (3) la spyod pa ni | ’di ltar so sor rtog ste | gzugs kyi stoṅ pa ñid kyis gzugs stoṅ pa ma yid gyi | gzugs ñid kyaṅ stoṅ pa ñid do ||
stoṅ pa ñid kyaṅ gzugs so ||
tshor ba daṅ | ’du śes daṅ | ’du byed rnams daṅ | rnam par śes pa’i stoṅ pa ñid kyis rnam (4) par śes pa stoṅ pa ma yin gyi | rnam par śes pa ñid kyaṅ stoṅ pa ñid do ||
stoṅ pa ñid gyaṅ rnam par śes pa’o ||
mig gi stoṅ pa ñid kyis mig stoṅ pa ma yin gyi | mig ñid kyaṅ stoṅ pa ñid do ||
stoṅ pa ñid kyaṅ mig go ||
rna ba daṅ | sna daṅ | lce daṅ | lus (5) daṅ | yid kyi stoṅ pa ñid kyis | yid stoṅ pa ma yin gyi | yid ñid kyaṅ stoṅ pa ñid do ||
stoṅ pa ñid kyaṅ yid do ||
gzugs kyi stoṅ pa ñid kyis gzugs stoṅ pa ma yin gyi | gzugs ñid kyaṅ stoṅ pa ñid do ||
stoṅ pa ñid kyaṅ gzugs so ||
sgra daṅ | dri daṅ | ro (6) daṅ | reg bya daṅ | chos kyi stoṅ pa ñid kyis chos rnams stoṅ pa ma yin gyi | chos rnams ñid kyaṅ stoṅ pa ñid do ||
stoṅ pa ñid kyaṅ chos rnams so ||
mig gi rnam par śes pa’i stoṅ pa ñid kyis mig gi rnam par śes pa soṅ pa ma yin gyi | mig gi rnam par śes pa ñid kyaṅ stoṅ (7) pa ñid do ||
stoṅ pa ñid kyaṅ mig gi rnam par śes pa’o ||
rna ba’i rnam par śes pa daṅ | sna’i rnam par śes pa daṅ | lce’i rnam par śes pa daṅ | ’ud kye rnam par śes pa daṅ | yid kyi rnam par śes pa’i stoṅ pa ñid kyis | yid kyi rnam par śes pa stoṅ ba ma yin gyi | yid kyi (104a1) rnam par śes pa ñid kyaṅ stoṅ pa ñid do ||
stoṅ pa ñid kyaṅ yid kyi rnam par śes pa’o ||
mig gi ’dus te reg pa’i stoṅ pa ñid kyis mig gi ’dus te reg pa stoṅ pa ma yin gyi | mig gi ’dus te reg pa ñid kyaṅ stoṅ pa ñid do ||
stoṅ pa ñid kyaṅ mig gi ’dus te reg pa’o ||
(2) rna ba’i ’dus te reg pa daṅ | sna ba’i ’dus te reg pa daṅ | lce’i ’dus te reg pa daṅ | lus kyi ’dus te reg pa daṅ | yid kyi ’dus te reg pa’i stoṅ pa ñid kyis yid kyi ’dus te reg pa stoṅ pa ma yin gyi | yid kyi ’dus te reg pa ñid kyaṅ stoṅ pa ñid do ||
stoṅ pa ñid kyaṅ yid kyi ’dus (3) te reg pa’o ||
mig gi ’dus te reg pa’i rkyen gyis tshor ba’i stoṅ pa ñid kyis | mig gi ’dus te reg pa’i rkyen gyis tshor ba stoṅ pa ma yin gyi | mig gi ’dus te reg pa’i rkyen gyis tshor ba ñid kyaṅ stoṅ pa ñid do ||
stoṅ pa ñid kyaṅ mig gi ’dus te reg pa’i rkyen gyis tshor ba’o ||
(4) rna ba’i ’dus te reg pa’i rkyen gyis tshor ba daṅ | sna’i ’dus te reg pa’i rkyen gyis tshor ba daṅ | lce’i ’dus te reg pa’i rkyen gyis tshor ba daṅ | lus kyi ’dus te reg pa’i rkyen gyis tshor ba daṅ | yid kyi ’dus te reg pa’i rkyen gyis tshor ba’i stoṅ pa ñid kyis | yid kyi ’dus te reg pa’i (5) rkyen gyis tshor ba stoṅ ba ma yin gyi | yid kyi ’dus te reg pa’i rkyen gyis tshor ba ñid kyaṅ stoṅ pa ñid do ||
stoṅ pa ñid kyaṅ yid kyi ’dus te reg pa’i rkyen gyis tshor ba’o ||
dran pa ñe bar gźag pa rnams kyi stoṅ pa ñid kyis | dran pa ñe bar gźag pa rnams stoṅ ba ma yin gyi | dran ma ñe bar (6) gźag pa rnams ñid kyaṅ stoṅ pa ñid do ||
stoṅ pa ñid kyaṅ dran pa ñe bar gźag pa rnams so ||
yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam gyi stoṅ pa ñid kyis lam stoṅ pa ma yin (7) gyi lam ñid kyaṅ stoṅ pa ñid do ||
stoṅ pa ñid kyaṅ lam mo ||
stobs daṅ | mi ’jigs pa daṅ | saṅs rgyas kyi chos ma ’dres pa rnams kyi bar gyi stoṅ pa ñid kyis | saṅs rgyas kyi tshos rnams stoṅ pa ma yin gyi | saṅs rgyas kyi chos rnams ñid kyaṅ stoṅ pa ñid do ||
stoṅ pa ñid kyaṅ saṅs (104b1) rgyas kyi chos rnams te | rab ’byor de ni byaṅ chub sems dpa’ sems dpa’ chen po’i śes rab kyi pha rol tu phyin pa’o ||
rab ’byor de ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i thabs la mkhas pa yin te | thabs de daṅ ldan na byaṅ chub (2) sems dpa’ sems dpa’ chen po bstan pa ’di thos na | mi skrag mi dṅaṅ źiṅ dṅaṅ bar mi ’gyur ro ||
rab ’byor gyis gsol pa | bcom ldan ’das dge ba’i bśes gñen gaṅ dag gis yoṅs su zin na | śes rab kyi pha rol tu phyin pa bstan pa ’di thos na mi skrag mi dṅaṅ (3) źiṅ dṅaṅ bar mi ’gyur ba’i byaṅ chub sems dpa’ sems dpa’ chen po’i dge ba’i bśes gñen dag gaṅ lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po’i dge ba’i bśes gñen dag ni gaṅ dag de la gzugs mi (4) rtag ces bya bar chos ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar yoṅs su mi bsṅo ba daṅ | de bźin du tshor ba daṅ | ’du śes daṅ | ’du (5) byed rnams daṅ | rnam par śes pa mi rtag ces bya bar chos ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyis ’am | raṅ saṅs rgyas kyi sar yoṅs su mi bsṅo ba ste | rab ’byor de dag ni byaṅ (6) chub sems dpa’ sems dpa’ chen po’i dge ba’i bśes gñen du rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i dge ba’i bśes gñen ni gaṅ de la gzugs sdug bsṅal źes bya bar ston | bdag med ces bya ba daṅ | źi źes bya ba daṅ | (7) stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyis ’am | (105a1) raṅ saṅs rgyas kyi sar yoṅs su mi bsṅo ba daṅ | de bźin du tshor ba daṅ | ’du śes daṅ | ’du byed rnams daṅ | rnam par śes pa sdug bsṅal źes bya bar ston | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba (2) daṅ | smon pa med ces bya ba daṅ | mṅon par ’du bya ba med ces bya ba daṅ ||
dben źes bya bar ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar (3) yoṅs su mi bsṅo ba ste | rab ’byor de dag ni byaṅ chub sems dpa’ sems dpa’ chen po’i dge ba’i bśes gñen du rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i dge ba’i bśes gñen ni gaṅ dag de la mig mi rtag ces bya bar ston | sdug bsṅal (4) źes bya ba daṅ | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar ston te | de yaṅ mi dmigs pa’i tshul gyis ston ciṅ | dge ba’i rtsa (5) ba de dag kyaṅ rnam pa thams cad mkhyen pa ñid ma gtogs pa’i ñan thos kyi sa’am | raṅ saṅs rgyas kyi sar yoṅs su mi bsṅo ba daṅ | de bźin du rna ba daṅ | sna daṅ | lce daṅ | lus daṅ | yid mi rtag ces bya bar ston | sdug bsṅal źes bya ba daṅ | bdag med ces bya ba daṅ | (6) źi źes bya ba daṅ | stoṅ źes bya ba daṅ ||
mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rna ma pa thams cad mkhyen pa ñid ma gtogs (7) par ñan thos kyi sa’am | raṅ saṅs rgyas kyi sar yoṅs su mi bsṅo ba ste | rab ’byor de dag ni byaṅ chub sems dpa’ sems dpa’ chen po’i dge ba’i bśes gñen du rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i dge ba’i bśes gñen ni gaṅ dag de la (105b1) gzugs mi rtag ces bya ba daṅ | sdug bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar ston te | de yaṅ (2) mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar yoṅs su mi bsṅo ba daṅ | de bźin du sgra daṅ | dri daṅ | ro daṅ | reg bya daṅ | chos mi rtag ces bya ba daṅ | sdug (3) bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar ston te | de yaṅ mi dmigs pa’i tshul gyis ston ciṅ | (4) dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar yoṅs su mi bsṅo ba ste | rab ’byor de dag ni byaṅ chub sems dpa’ sems dpa’ chen po’i dge ba’i bśes gñen du rig par bya’o ||
rab ’byor gźan yaṅ byaṅ (5) chub sems dpa’ sems dpa’ chen po’i dge ba’i bśes gñen ni gaṅ dag de la mig gi rnam par śes pa daṅ | mig gi ’dus te reg pa daṅ | mig gi ’dus te reg pa’i rkyen gyis tshor ba mi rtag ces bya bar chos ston | sdug bsṅal źes bya ba daṅ | bdag med ces bya ba daṅ | źi (6) źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar chos ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa (7) ñid ma gtogs par ñan thos kyi sa’am | raṅ saṅs rgyas kyi sar yoṅs su mi bsṅo ba daṅ | de bźin du rna ba’i rnam par śes pa daṅ | rna ba’i ’dus te reg pa daṅ | rna ba’i ’dus te reg pa’i rkyen gyis tshor ba daṅ | de bźin du sna daṅ | lce daṅ | lus daṅ | yid kyi rnam par (106a1) śes pa daṅ | yid kyi ’dus te reg pa daṅ | yid kyi ’dus te reg pa’i rkyen gyis cho rab mi rtag ces bya bar chos ston | sdug bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa (2) med ces bya ba daṅ | mṅon par ’du bya ba med ces bya ba daṅ | dben źes bya bar chos ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar yoṅs su mi (3) bsṅo ba ste | rab ’byor de dag ni byaṅ chub sems dpa’ sems dpa’ chen po’i dge ba’i bśes gñen du rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i dge ba’i bśes gñen ni gaṅ dag de la dran pa ñe bar gźag pa rnams mi rtag ces bya bar chos (4) ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar yoṅs su mi bsṅo ba daṅ | de bźin du yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ (5) bo daṅ | stobs daṅ | byaṅ chub kyi yan lag daṅ | lam rnams mi rtag ces bya bar chos ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar yoṅs (6) su mi bsṅo ba daṅ | de bźin du mi ’jigs pa rnams daṅ | so so yaṅ dag par rig pa rnams daṅ | stobs rnams daṅ | saṅs rgyas kyi chos ma ’dres pa rnams mi rtag ces bya bar chos ston ciṅ | rnam pa thams cad mkhyen pa ñid sgom du gźug pa’i phyir chos ston te | de yaṅ mi (7) dmigs pa’i tshul gyis ston pa daṅ | byaṅ chub sgom du gźug pa’i phyir chos ston te | de yaṅ mi dmigs pa’i tshul gyis ston ciṅ | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos kyi sa’am | raṅ saṅs rgyas kyi sar yoṅs su mi bsṅo ba ste | rab (106b1) ’byor de dag ni byaṅ chub sems dpa’ sems dpa’ chen po’i dge ba’i bśes gñen rnams te | de dag gis yoṅs su zin pa ni bstan pa ’di thos na mi skrag mi dṅaṅ źiṅ dṅaṅ bar mi ’gyur ro ||
rab ’byor gyis gsol pa | bcom ldan ’das ji ltar na byaṅ chub sems dpa’ sems (2) dpa’ chen po śes rab kyi pha rol tu phyin pa la spyod pa thabs la mi mkhas pas | sdig pa’i grogs po’i sug par mchis śiṅ | dge ba’i bśes gñen gyis yoṅs su spaṅs nas | śes rab kyi pha rol tu phyin pa bstan pa ’di thos na skrag ste | dṅaṅ źiṅ dṅaṅ par ’gyur ba (3) lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa rnam pa thams cad mkhyen pa ñid daṅ ldan pa’i yid la bya ba dag daṅ bral bas śes rab kyi pha rol tu phyin pa sgom źiṅ dmigs te | śes (4) rab kyi pha rol tu phyin pa des kyaṅ rlom sems su byed pa daṅ | de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa sgom źiṅ dmigs (5) te | sbyin pa’i pha rol tu phyin pa des kyaṅ rlom sems su byed pa daṅ | rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | rnam pa thams cad mkhyen pa ñid daṅ ldan pa’i yid la bya ba dag daṅ bral bas gzugs naṅ stoṅ pa źes bya (6) bar yid la byed | gzugs phyi stoṅ pa źes bya bar yid la byed | gzugs phyi naṅ stoṅ pa źes bya bar yid la byed | gzugs dṅos po med pa’i ṅo bo ñid stoṅ pa źes bya ba’i bar du yid la byed | tshor ba daṅ | ’du śes daṅ | ’du byed rnams daṅ | rnam par śes pa naṅ stoṅ (7) pa źes bya bar yid la byed | rnam par śes pa phyi stoṅ pa źes bya bar yid la byed | rnam par śes pa phyi naṅ stoṅ pa źes bya bar yid la byed | rnam par śes pa dṅos po med pa’i ṅo bo ñid stoṅ pa źes bya ba’i bar du yid la byed ciṅ | naṅ stoṅ pa ñid de yaṅ dmigs | phyi stoṅ pa (107a1) ñid de yaṅ dmigs | phyi naṅ stoṅ pa ñid de yaṅ dmigs | dṅos po med pa’i ṅo bo ñid stoṅ pa ñid kyi bar de yaṅ dmigs te | dmigs pa’i mal gyis rlom sems su byed pa daṅ | mig naṅ stoṅ pa źes bya bar yid la byad | mig phyi stoṅ pa źes bya bar yid la byed | (2) mig phyi naṅ stoṅ pa źes bya bar yid la byed | mig dṅos po med pa’i ṅo bo ñid stoṅ pa źes bya ba’i bar du yid la byed ciṅ | stoṅ pa ñid de dag kyaṅ dmigs te | dmigs pa’i tshul gyis rlom sems su byed pa daṅ | rna ba daṅ | sna daṅ | lce daṅ | lus daṅ | yid naṅ stoṅ pa źes bya bar (3) yid la byed | yid phyi stoṅ pa źes bya bar yid la byed | yid phyi naṅ stoṅ pa źes bya bar yid la byed | yid dṅos po med pa’i ṅo bo ñid stoṅ pa źes bya ba’i bar du yid la byed ciṅ | stoṅ pa ñid de dag kyaṅ dmigs te | dmigs pa’i tshul gyis rlom sems su byed pa daṅ | de bźin (4) du gzugs daṅ | sgra daṅ | dri daṅ | ro daṅ | reg bya daṅ | chos rnams la yaṅ bya’o ||
de bźin du mig gi rnam par śes pa daṅ | rna ba daṅ | sna daṅ | lce daṅ | lus daṅ | yid kyi rnam par śes pa daṅ | mig gi ’dus te reg pa daṅ | rna ba daṅ | sna daṅ | (5) lce daṅ | lus daṅ | yid kyi ’dus te reg pa daṅ | mig gi ’dus te reg pa’i rkyen gyis tshor ba daṅ | rna ba daṅ | sna daṅ | lce daṅ | lus daṅ | yid kyi ’dus te reg pa’i rkyen gyis tshor ba naṅ stoṅ pa źes bya bar yid la byed | phyi stoṅ pa źes bya bar yid la byed | phyi naṅ (6) stoṅ pa źes bya bar yid la byed | dṅos po med pa’i ṅo bo ñid stoṅ pa źes bya ba’i bar du yid la byed ciṅ | stoṅ pa ñid de dag kyaṅ dmigs te | dmigs pa’i tshul gyis rlom sems su byed pa daṅ | de bźin du sbyaṅ te | ma rig pa daṅ | rga śi’i bar du naṅ stoṅ pa źes bya bar yid la (7) byed | phyi stoṅ pa źes bya bar yid la byed | phyi naṅ stoṅ pa źes bya bar yid la byed | dṅos po med pa’i ṅo bo ñid stoṅ pa źes bya ba’i bar du yid la byed ciṅ | stoṅ pa ñid de dag kyaṅ dmigs te | dmigs pa’i tshul gyis de dag gis kyaṅ rlom sems su byed pa daṅ | rab ’byor gźan (107b1) yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | rnam pa thams cad mkhyen pa ñid daṅ ldan pa’i yid la bya ba dag daṅ bral bas | dran pa ñe bar gźag pa rnams sgom źiṅ | dran pa ñe bar gźag pa de dag kyaṅ dmigs te | dmigs pa’i (2) tshul gyis de dag gis kyaṅ rlom sems su byed pa daṅ | de bźin du yaṅ dag pa’i sgoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | de bźin (3) gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar dag sgom źiṅ | de dag kyaṅ dmigs te | dmigs pa’i tshul gyis de dag gis kyaṅ rlom sems su byed pa ste | rab ’byor byaṅ (4) chub sems dpa’ sems dpa’ chen po śes rab kyi pha rol tu phyin pa la de lhar spyod pa thabs la mi mkhas pa ni | śes rab kyi pha rol tu phyin pa bstan pa ’di thos na skrag ste | dṅaṅ źiṅ dṅaṅ bar ’gyur ro ||
rab ’byor gyis gsol ba | bcom ldan ’das ji ltar na byaṅ chub sems (5) dpa’ sems dpa’ chen po’i sdig pa’i grogs po’i sug par mchis te | sdig pa’i grogs po des yoṅs su zin pas śes rab kyi pha rol tu phyin pa bstan pa ’di thos na skrag ste | dṅaṅ źiṅ dṅaṅ bar ’gyur ba lags | bcom ldan ’das kyis bka’ stsal pa | rab ’byor ’di la byaṅ chub (6) sems dpa’ sems dpa’ chen po’i sdig pa’i grogs po ni gaṅ ’di skad du ’di ni de bźin gśegs pa dgra bcom pa yaṅ dag par rdzogs pa’i saṅs rgyas kyis gsuṅs pa ma yin gyis ’di la bslab par mi bya’o ||
’di dag ni sñan daṅ gis mkhan gyi raṅ bzo yin pas ’di dag ni mñan par mi bya’o ||
tshul bźin du yid la mi bya’o ||
gźan dag la’aṅ bstan par mi bya’o źes śes rab kyi pha rol tu phyin pa daṅ ’bral bar byed | bsam gtan gyi pha rol tu phyin pa daṅ | (108a1) brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa daṅ ’bral bar byed pa ste | rab ’byor de ni byaṅ chub sems dpa’ sems dpa’ chen po’i sdig pa’i grogs por rig par (2) bya’o ||
rab ’byor gźan yaṅ byaṅ chub sems dpa’ sems dpa’ chen po’i sdig pa’i grogs po ni ’di ltar bdud sdig can saṅs rgyas kyi cha byad du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas | ’di skad du rigs kyi bu śes rab kyi pha rol tu phyin pa bsgoms (3) pas khyod la ci źig bya | bsam gtan gyi pha rol tu phyin pas khyod la ci źig bya | brtson ’grus kyi pha rol tu phyin pas khyod la ci źig bya | bzod pa’i pha rol tu phyin pas khyod la ci źig bya | tshul khrims kyi pha rol tu phyin pas khyod la ci źig bya | sbyin pa’i pha rol tu phyin pa bsgoms pas (4) khyod la ci źig bya źes zer źiṅ ’bral bar byed do źes de la bdud kyi las rnams mi ston ciṅ bdud kyi ñes pa dag mi rjod pa gaṅ yin pa ste | rab ’byor de ni byaṅ chub sems dpa’ sems dpa’ chen po’i sdig pa’i grogs por rig par bya’o ||
rab ’byor gźan yaṅ byaṅ chub sems dpa’ sems (5) dpa’ chen po’i sdig pa’i grogs po ni ’di ltar bdud sdig can saṅs rgyas kyi cha byad du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas | ñan thos daṅ ldan pa’i mdo’i sde daṅ | dbyaṅs kyis bsñad pa’i sde daṅ | luṅ du bstan pa’i sde daṅ | de lta bu byuṅ ba’i (6) sde daṅ | skyes pa’i rabs kyi sde daṅ | gleṅ gźi’i sde daṅ | rtogs pa brjod pa’i sde dag ston par byed | rab tu ston par byed | rnam par ’byed par byed | gsal bar byed | yaṅ dag par rab tu ston par byed ciṅ | bdud kyi las ’di lta bu de dag skyed par ’gyur ro źes de la bdud kyi las (7) rnams mi ston pa gaṅ yin pa ste | rab ’byor de ni byaṅ chub sems dpa’ sems dpa’ chen po’i sdig pa’i grogs por rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i sdig pa’i grogs po ni | bdud sdig can saṅs rgyas kyi cha byaṅ du bsgyur ciṅ | byaṅ chub (108b1) sems dpa’ sems dpa’ chen po’i druṅ du ’oṅs nas | ’di skad du rigs kyi bu khyod la ni byaṅ chub kyi sems cuṅ zad kyaṅ med do ||
khyod ni phyir mi ldog pa yaṅ ma yin no ||
khyod kyis ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar yaṅ mi nus so (2) źes zer ro źes bdud kyi las de lta bu de dag de la mi rjod mi ston pa gaṅ yin pa ste | rab ’byor de ni byaṅ chub sems dpa’ sems dpa’ chen po’i sdig pa’i grogs por rig par bya’o ||
rab ’byor gźan yaṅ bdud sdig can saṅs rgyas kyi cha byad du bsgyur ciṅ | byaṅ chub sems dpa’ sems (3) dpa’ chen po’i druṅ du ’oṅs nas | ’di skad du rigs kyi bu mig ni bdag daṅ bdag gis stoṅ ṅo ||
rna ba daṅ | sna daṅ | lce daṅ | lus daṅ | yid ni bdag daṅ bdag gis stoṅ ṅo ||
gzugs ni bdag daṅ bdag gis stoṅ ṅo ||
sgra daṅ | dri daṅ | ro daṅ | reg bya (4) daṅ | chos rnams ni bdag daṅ bdag gis stoṅ ṅo ||
mig gi rnam par śes pa ni bdag daṅ bdag gis stoṅ ṅo ||
rna ba’i rnam par śes pa daṅ | sna’i rnam par śes pa daṅ | lce’i rnam par śes pa daṅ | lus kyi rnam par śes pa daṅ | yid kyi rnam par śes pa ni bdag (5) daṅ bdag gis stoṅ ṅo ||
mig gi ’dus te reg pa ni bdag daṅ bdag daṅ bdag gis stoṅ ṅo ||
rna ba’i ’dus te reg pa daṅ | sna’i ’dus te reg pa daṅ | lce’i ’dus te reg pa daṅ | lus kyi ’dus te reg pa daṅ | yid kyi ’dus te reg pa ni bdag daṅ bdag gis stoṅ ṅo ||
mig gi (6) ’dus te reg pa’i rkyen gyis tshor ba ni bdag daṅ bdag gis stoṅ ṅo ||
rna ba’i ’dus te reg pa’i rkyen gyis chor ba daṅ | sna’i ’dus te reg pa’i rkyen gyis tshor ba daṅ | lce’i ’dus te reg pa’i rkyen gyis tshor ba daṅ | lus kyi ’dus te reg pa’i rkyen gyis tshor ba daṅ | yid kyi ’dus (7) te reg pa’i rkyen gyis tshor ba ni bdag daṅ bdag gis stoṅ ṅo ||
de bźin du sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pa rol tu phyin pa daṅ | śes rab kyi pha (109a1) rol tu phyin pa ni bdag daṅ bdag gis stoṅ ṅo ||
dran pa ñe bar gźag pa rnams ni bdag daṅ bdag gis stoṅ ṅo ||
yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams (2) daṅ lam daṅ | saṅs rgyas kyi chos ma ’dres pa rnams kyi bar ni bdag daṅ bdag gis stoṅ na | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pas ci źig bya źes zer ro źes bdud kyi las de lta bu de dag mi rjod mi ston pa gaṅ yin pa ste | rab ’byor de ni byaṅ (3) chub sems dpa’ sems dpa’ chen po’i sdig pa’i grogs por rig par bya’o ||
rab ’byor gźan yaṅ bdud sdig can saṅs rgyas kyi cha byad du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas | ’di skad du rigs kyi bu śar phyogs ni | saṅs rgyas bcom (4) ldan ’das rnams daṅ | byaṅ chub sems dpa’ rnams daṅ | ñan thos rnams kyis stoṅ ste | ’di la saṅs rgyas kyaṅ med | byaṅ chub sems dpa’ yaṅ med | ñan thos kyaṅ med do ||
de bźin du phyogs bcu kun kyaṅ saṅs rgyas bcom ldan ’das rnams daṅ | byaṅ chub sems (5) dpa’ rnams daṅ | ñan thos rnams kyis stoṅ ste | ’di la saṅs rgyas kyaṅ med | byaṅ chub sems dpa’ yaṅ med | ñan thos kyaṅ med do źes zer ro źes bdud kyi las de lta bu de dag mi rjod mi ston pa gaṅ yin pa de dag ni byaṅ chub sems dpa’ sems dpa’ chen po’i sdig pa’i grogs por (6) rig par bya’o ||
rab ’byor gźan yaṅ bdud sdig can ñan thos kyi cha byad du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas | rnam pa thams cad mkhyen pa ñid daṅ ldan pa’i yid la byed pa dag zlog ciṅ | ñan thos daṅ | raṅ saṅs rgyas daṅ ldan pa’i (7) yid la byed pa dag la ’doms te | rjes su ston par byed do źes bdud kyi las de lta bu de dag mi rjod mi ston pa gaṅ yin pa de ni | rab ’byor byaṅ chub sems dpa’ sems dpa’ chen po’i sdig pa’i grogs por rig par bya’o ||
rab ’byor gźan yaṅ bdud sdig can mkhan po daṅ | slob (109b1) dpon gyi cha byad du bsgyur ciṅ byaṅ chub sems dpa’ sems dpa’ chen po’i druṅ du ’oṅs nas byaṅ chub sems dpa’i spyod pa daṅ ’bral bar byed la | rnam pa thams cad mkhyen pa ñid daṅ ldan pa’i yid la byed pa dag daṅ ’bral bar byed ciṅ | dran pa ñe bar gźag pa rnams la sbyor bar byed | (2) ’phags pa’i lam yan lag brgyad pa’i bar dag la yaṅ sbyor bar byed | stoṅ pa ñid daṅ | mtshan ma med pa daṅ | smon pa med pa’i chos rnams la yaṅ sbyor bar byed ciṅ | ’di skad du rigs kyi bu khyod kyis chos ’di dag bsgoms la ñan thos kyis mṅon sum du gyis śig | (3) bla na med pa yaṅ dag par rdzogs pa’i byaṅ chub kyis ci źig bya źes zer ba’i bdud kyi las de lta bu de dag mi rjod mi ston pa gaṅ yin pa de ni | rab ’byor byaṅ chub sems dpa’ sems dpa’ chen po’i sdig pa’i grogs por rig par bya’o ||
rab ’byor gźan yaṅ bdud sdig can pha (4) daṅ ma’i cha byad du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas | ’di skad du rigs kyi bu gaṅ gi don du bskal pa tshad med graṅs med par ’khor ba na ’khor źiṅ lag pa gcad pa daṅ | rkaṅ pa gcad pa daṅ | mgo gcad pa dpag tu med pa dag (5) ñams su myoṅ bar ’gyur źiṅ | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pas khyod la ci źig bya | gaṅ la rgyun du źugs pa’i ’bras bu mṅon sum du byar yod pa de la brtson par gyis śig gaṅ la dgra bcom pa ñid kyi ’bras bu mṅon sum du byar yod (6) pa de la brtson par gyis śig ces zer ba’i bdud kyi las de lta bu de dag mi rjod mi ston pa gaṅ yin pa de ni | rab ’byor byaṅ chub sems dpa’ sems dpa’ chen po’i sdig pa’i grogs por rig par bya’o ||
rab ’byor gźan yaṅ bdud sdig can dge sloṅ gi cha byad du bsgyur ciṅ | byaṅ chub sems (7) dpa’ sems dpa’ chen po’i duṅ du ’oṅs nas | mig mi rtag ces bya bar dmigs pa’i tshul gyis ston | de bźin du mig sdug bsṅal źes bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | (110a1) mṅon par ’du bya ba med ces bya ba daṅ | dben źes bya bar dmigs pa’i tshul gyis ston pa daṅ | rna ba daṅ | sna daṅ | lce daṅ | lus daṅ | yid mi rtag ces bya ba daṅ | sdug bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes (2) bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar dmigs pa’i tshul gyis ston pa daṅ | de bźin du dran pa ñe bar gźag pa rnams mi rtag ces bya ba daṅ | sdug bsṅal źes bya ba daṅ | bdag med ces (3) bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya ba daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs (4) rnams daṅ | byaṅ chub kyi yan lag rnams daṅ | lam mi rtag ces bya ba daṅ | sdug bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ | dben źes bya bar (5) dmigs pa’i tshul gyis ston pa daṅ | saṅs rgyas kyi chos ma ’dres pa’i bar du mi rtag ces bya ba daṅ | sdug bsṅal źes bya ba daṅ | bdag med ces bya ba daṅ | źi źes bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | mṅon par ’du bya ba med ces bya ba daṅ (6) dben źes bya bar dmigs pa’i tshul gyis ston pa’i bdud kyi las de lta bu de dag mi rjod mi ston pa gaṅ yin pa de ni | byaṅ chub sems dpa’ sems dpa’ chen po’i sdig pa’i grogs por rig par bya ste | rig nas kyaṅ yoṅs su spaṅ bar bya’o ||
śes rab kyi pha rol tu phyin pa khri brgyad stoṅ pa las | (7) sgyu ma lta bu’i le’u źes bya ste bcu pa’o || ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ źes bgyi ba’i gźi’i don gaṅ lags de skad ces gsol pa daṅ | bcom ldan (110b1) ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’i gźi’i don ni gźi med pa’i don to ||
de ci’i phyir źe na | rab ’byor byaṅ chub kyaṅ skye ba med sems dpa’ yaṅ skye ba med da | rab ’byor byaṅ chub daṅ | sems dpa’ la skye ba daṅ (2) yod pa ñid med ciṅ mi dmigs so ||
rab ’byor byaṅ chub la yaṅ gźi med | sems dpa’ la yaṅ gźi med de | de lta bas na byaṅ chub sems dpa’i gźi’i don ni gźi med pa’i don to ||
rab ’byor ’di lta ste dper na | nam mkha’ la bya’i rjes med ciṅ mi dmigs so ||
rab ’byor (3) de bźin du byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | rmi lam la gźi med ciṅ mi dmigs so ||
rab ’byor de bźin du byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | sgyu ma la (4) gźi med ciṅ mi dmigs so ||
smig rgyu daṅ | chu zla daṅ | brag ca daṅ | mig yor daṅ | gzugs brñan daṅ | de bźin gśegs pas sprul pa la gźi med ciṅ mi dmigs so ||
rab ’byor de bźin du byaṅ chub sems dpa’i gźi’i don kyaṅ med ciṅ mi dmigs so ||
rab ’byor (5) ’di lta ste dper na | de bźin ñid la gźi med ciṅ mi dmigs so ||
rab ’byor de bźin du byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | ma nor ba de bźin ñid la gźi med ciṅ mi dmigs so ||
gźan ma yin pa de bźin ñid daṅ | chos ñid (6) daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ la gźi med ciṅ mi dmigs so ||
rab ’byor de bźin du byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | sgyu ma’i skyes bu la gzugs (7) daṅ | tshor ba daṅ | ’du śes daṅ | ’du byed rnams daṅ | rnam par śes pa’i gźi med ciṅ mi dmigs so ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don kyaṅ med ciṅ mi dmigs so ||
rab ’byor (111a1) ’di lta ste dper na | sgyu ma’i skyes bu la mig gi gźi med ciṅ mi dmigs so ||
rna ba daṅ | sna daṅ | lce daṅ | lus daṅ | yid kyi gźi med ciṅ mi dmigs so ||
gzugs daṅ | sgra daṅ | dri daṅ | ro daṅ | reg bya daṅ | chos kyi gźi med ciṅ mi dmigs so ||
(2) rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | sgyu ma’i skyes bu’i mig gi rnam par śes pa la gźi med ciṅ mi dmigs so ||
rna ba’i rnam (3) par śes pa daṅ | sna’i rnam par śes pa daṅ | lce’i rnam par śes pa daṅ | lus kyi rnam par śes pa daṅ | yid kyi rnam par śes pa la gźi med ciṅ mi dmigs so ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub (4) sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | sgyu ma’i skyes bu naṅ stoṅ pa ñid la spyod pa’i gźi’i don kyaṅ med ciṅ mi dmigs so ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems (5) dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | sgyu ma’i skyes bu dṅos po med pa’i ṅo bo ñid stoṅ pa ñid kyi bar la spyod pa’i gźi’i don kyaṅ med ciṅ mi dmigs so ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la (6) spyod pa’i byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | sgyu ma’i skyes bu dran pa ñe bar gźag pa rnams la spyod pa’i gźi’i don kyaṅ med ciṅ mi dmigs so ||
rab ’byor ’di lta ste dper na | sgyu ma’i skyes bu ’phags pa’i lam yan lag (7) brgyad pa’i bar daṅ | de bźin gśegs pa’i stobs bcu daṅ | mi ’jigs pa bźi daṅ | saṅs rgyas kyi chos ma ’dres pa bcwa brgyad kyi bar la spyod pa’i gźi’i don kyaṅ med ciṅ mi dmigs so ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu (111b1) phyin pa la spyod pa’i byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | de bźin gegs pa dgra bcom pa yaṅ dag par rdzogs pa’i saṅs rgyas la gzugs kyi gźi med ciṅ mi dmigs so ||
rab ’byor de bźin du byaṅ chub sems (2) dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | de bźin gśegs pa dgra bcom pa yaṅ dag sar rdzogs pa’i saṅs rgyas la tshor ba daṅ | ’du śes daṅ | ’du byed (3) rnams daṅ | rnam par śes pa’i gźi med ciṅ mi dmigs so ||
de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don kyaṅ med ciṅ mi dmigs so ||
rab ’byor ’di lta ste dper na | de bźin gśegs pa dgra bcom (4) pa yaṅ dag par rdzogs pa’i saṅs rgyas la mig gi gźi med do ||
rna ba daṅ | sna daṅ | lce daṅ | lus daṅ | yid kyi gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don kyaṅ med do ||
(5) rab ’byor ’di lta ste dper na | de bźin gśegs pa dgra bcom pa yag dag par rdzogs pa’i saṅs rgyas la naṅ stoṅ pa ñid kyi gźi med do ||
dṅos po med pa’i ṅo bo ñid stoṅ pa ñid kyi bar gyi gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol (6) tu phyin pa la spyod pa’i byaṅ chub sems dpa’i gźi’i don kyaṅ med do ||
rab ’byor ’di lta ste dper na | de bźin gśegs pa dgra bcom pa yaṅ dag par rdzogs pa’i saṅs rgyas la dran pa ñe bar gźag pa rnams kyi gźi med do ||
saṅs rgyas kyi chos ma ’dres pa bcwa brgyad kyi bar dag gi gźi med (7) do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | ’dus ma byas kyi khams la ’dus byas kyi khams kyi gźi med do ||
’dus byas kyi khams (112a1) la yaṅ ’dus ma byas kyi khams kyi gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | skye ba med pa la gźi med do ||
rab (2) ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | ’gag pa med pa daṅ | mṅon par ’du bya ba med pa daṅ | ’byuṅ ba med pa daṅ | dmigs su med (3) ba daṅ | kun nas ñon moṅs pa med pa daṅ | rnam par byaṅ ba med pa la gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor gyis gsol pa | bcom (4) ldan ’das skye ba ma mchis pa la gaṅ gi gźi ma mchis pa lags kun nas ñon moṅs pa ma mchis pa daṅ | rnam par byaṅ ba ma mchis pa’i bar la gaṅ gi gźi ma mchis pa lags | bcom ldan ’das kyis bka’ stsal pa | rab ’byor skye ba med pa la gzugs kyi gźi med do ||
skye ba (5) med pa la tshor ba daṅ | ’du śes daṅ | ’du byed rnams daṅ | rnam par śes pa’i gźi med do ||
rab ’byor kun nas ñon moṅs pa med pa daṅ | rnam par byaṅ ba med pa’i bar la gzugs kyi gźi med do ||
kun nas ñon moṅs pa med pa daṅ | rnam par byaṅ ba med pa’i bar la (6) tshor ba daṅ | ’du śes daṅ | ’du byed rnams daṅ | rnam par śes pa’i med do ||
de bźin du skye ba med pa la khams rnams daṅ | skye mched rnams kyi gźi med do ||
kun nas ñon moṅs pa med pa daṅ | rnam par byaṅ ba med pa’i bar la khams daṅ skye mched rnams kyi gźi (7) med do ||
skye ba med pa la byaṅ chub kyi phyogs kyi chos sum cu rtsa bdun daṅ | stobs daṅ | mi ’jigs pa daṅ | saṅs rgyas kyi chos ma ’dres pa bcwa brgyad kyi bar dag gi gźi med do ||
kun nas ñon moṅs pa med pa daṅ | rnam par byaṅ ba med pa la saṅs rgyas kyi chos ma | (112b1) ’dres pa bcwa brgyad kyi bar dag gi gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | gzugs la skye ba med pa daṅ | ’gag pa med (2) pa daṅ | mṅon par ’du bya ba med pa daṅ | ’byuṅ ba med pa daṅ | dmigs su med pa daṅ | kun nas ñon moṅs pa med pa daṅ | rnam par byaṅ ba med pa’i gźi’i don med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i (3) byaṅ chub sems dpa’i gźi’i don med do ||
rab ’byor ’di lta ste dper na | tshor ba daṅ | ’du śes daṅ | ’du byed rnams daṅ | rnam par śes pa la skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa’i bar gyi gźi med do ||
(4) rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | gzugs śin tu rnam par dag pa la mtshan ma’i gźi med do ||
rab ’byor de bźin du byaṅ chub sems (5) dpa’ sems dpa’ chen po’i śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | tshor ba daṅ | ’du śes daṅ | ’du byed rnams daṅ | rnam par śes pa śin tu rnam par dag pa la mtshan ma’i gźi med do ||
rab (6) ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
de bźin du khams daṅ | skye mched daṅ | rten ciṅ ’brel par ’byuṅ ba śin tu rnam par dag pa mtshan ma’i gźi med do ||
rab (7) ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | dran pa ñe bar gźag pa rnams śin tu rnam par dag pa la mtshan ma’i gźi med do ||
rab ’byor de bźin (113a1) du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi (2) yan lag daṅ | lam daṅ | stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa bcwa brgyad kyi bar dag śin tu rnam par dag pa la mtshan ma’i gźi med do ||
rab ’byor de bźin du byaṅ chub sems dpa’ sems dpa’ chen po (3) śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | bdag med pa’i phyir | bdag śin tu rnam par dag pa la gźi med do ||
śes pa po daṅ mthoṅ ba po med pa’i phyir | śes pa po daṅ | mthoṅ ba po’i bar du śin tu (4) rnam par dag pa la gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | ñi ma’i dkyil ’khor śaRa ba la mun pa’i gźi med do ||
rab ’byor (5) de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | sreg pa’i bskal pa la ’du byed thams cad kyi gźi med do ||
rab ’byor de bźin du byaṅ chub sems dpa’ sems (6) dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | de bźin gśegs pa dgra bcom pa yaṅ dag par rdzogs pa’i saṅs rgyas kyi tshul khrims la ’chal pa’i tshul khrims kyi gźi med do ||
rab ’byor de bźin du (7) byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | de bźin gśegs pa’i tiṅ ṅe ’dzin la rnam par g-yeṅ ba’i gźi med do ||
de bźin gśegs pa’i śes rab la ’chal (113b1) pa’i śes rab kyi gźi med do ||
de bźin gśegs pa’i rnam par grol ba la rnam par ma grol ba’i gźi med do ||
de bźin gśegs pa’i rnam par grol ba’i ye śes mthoṅ ba la rnam par grol ba’i ye śes mthoṅ ba ma yin pa’i gźi med do ||
rab ’byor de bźin du byaṅ chub sems dpa’ (2) sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
rab ’byor ’di lta ste dper na | ñi ma daṅ zla ba’i ’od la mun pa’i gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu pyin pa la spyod pa’i (3) byaṅ chub sems dpa’i gźi’i don med do ||
rab ’byor ’di lta ste dper na | gza’ daṅ | skar ma daṅ | nor bu rin po che daṅ | glog gi ’od la gźi med do ||
rab ’byor de bźin du byaṅ chub sems dpa’ sems dpa’ chen po śes rab kayi pha rol tu phyin pa la spyod pa’i byaṅ chub sems (4) dpa’i gźi’i don med do ||
rab ’byor ’di lta ste dper na | rgyal chen bźi’i ris kyi lha rnams daṅ | sum cu rtsa gsum pa’i lha rnams daṅ | ’thab bral gyi lha rnams daṅ | dga’ ldan gyi lha rnams daṅ | ’phrul dga’i lha rnams daṅ | gźan ’phrul dbaṅ byed kyi lha rnams daṅ | (5) tshaṅs ris kyi lha rnams daṅ | ’og min gyi bar gyi lha rnams kyi ’od la gźi med do ||
de bźin gaśegaspa ’i bar gyi ’od la gźi med do ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub sems dpa’i gźi’i don med do ||
(6) de ci’i phyir źe na | rab ’byor ’di ltar byaṅ chub gaṅ yin pa daṅ | byaṅ chub sems dpa’ gaṅ yin pa daṅ | byaṅ chub sems dpa’i gźi’i don gaṅ yin pa’i chos de dag thams cad ni ldan pa yaṅ ma yin | mi ldan pa yaṅ ma yin | gzugs med pa | bstan du med pa | thogs pa (7) med pa | ’di ltar mtshan ñid med par mtshan ñid gcig pa yin te | rab ’byor byaṅ chub sems dpa’ sems dpa’ chen pos chos thams cad kyi med pa ñid la bslab par bya’o ||
rab ’byor byaṅ chub sems dpa’ sems dpa’ chen pos chos thams cad khoṅ du chud par bya’o ||
rab (114a1) ’byor gyis gsol pa | bcom ldan ’das chos thams cad ni gaṅ lags | byaṅ chub sems dpa’ sems dpa’ chen pos chos thams cad kyi ma mchis pa ñid la ni ji ltar bslab par bgyi | byaṅ chub sems dpa’ sems dpa’ chen pos chos thams cad ni ji ltar khoṅ du (2) chud par bgyi | bcom ldan ’das kyis bka’ stsal pa | rab ’byor chos thams cad ces bya ba ni dge ba daṅ | mi dge ba daṅ | luṅ bstan du yod pa daṅ | luṅ du ma bstan pa daṅ | ’jig rten pa daṅ | ’jig rten las ’das pa daṅ | zag pa daṅ bcas pa daṅ | zag (3) pa med pa daṅ | ’dus byas daṅ | ’dus ma byas daṅ | kha na ma tho ba daṅ bcas pa daṅ | kha na ma tho ba med pa daṅ | thun moṅ daṅ | thun moṅ ma yin pa dag go ||
rab ’byor de dag ni chos thams cad ces bya ste | byaṅ chub sems dpa’ sems dpa’ chen pos de dag gi (4) med pa ñid la bslab par bya’o ||
byaṅ chub sems dpa’ sems dpa’ chen pos chos thams cad khoṅ du chud par bya ba yaṅ de dag yin no || ||
śes rab kyi pha rol tu phyin pa khri brgyad stoṅ pa | bam po dgu pa | rab ’byor gyis gsol pa | bcom ldan (5) ’das ’jig rten pa’i dge ba’i chos rnams gaṅ lags | bcom ldan ’das kyis bka’ stsal pa | ’jig rten pa’i dge ba’i chos rnams źes bya ba ni phar ’dzin pa daṅ | mar ’dzin pa daṅ | dge sbyoṅ du ’dzin pa daṅ | bram zer ’dzin pa daṅ | rigs kyi gtso bo la rim gro byed (6) pa daṅ | sbyin pa las byuṅ ba’i bsod nams bya ba’i dṅos po daṅ | tshul khrims las byuṅ ba daṅ | sgom pa las byuṅ ba’i bsod nams bya ba’i dṅos po daṅ | źal ta byed pa daṅ ldan pa daṅ | thabs la mkhas pa daṅ | dge ba bcu’i las kyi lam rnams daṅ | ’jig rten pa’i (7) rnam par bam pa’i ’du śes daṅ | rnam par rnags pa’i ’du śes daṅ | rnam par ’bus gźigs pa’i ’du śes daṅ | rnam par dmar ba’i ’du śes daṅ | rnam par sṅos pa’i ’du śes daṅ | rnam par zos pa’i ’du śes daṅ | rnam par ’thor ba’i ’du śes daṅ | rus goṅ (114b1) gi ’du śes daṅ | rnam par tshig pa’i ’du śes daṅ | ’jig rten pa’i bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | ’jig rten pa’i saṅs rgyas rjes su dran pa daṅ | chos rjes su dran pa daṅ | dge ’dun rjes su dran pa (2) daṅ | tshul khrims rjes su dran pa daṅ | gtoṅ ba rjes su dran pa daṅ | lha rjes su dran pa daṅ | dbugs dbyuṅ ba daṅ rdub pa rjes su dran pa daṅ | ’chi ba rjes su dran pa daṅ | lus su gtogs pa rjes su dran pa daṅ | skyo ba rjes su dran pa ste | rab ’byor de dag ni ’jig rten (3) pa’i dge ba’i chos rnams źes bya’o ||
rab ’byor gyis gsol pa | bcom ldan ’das ’jig rten pa’i cos mi dge ba rnams gaṅ lags | bcom ldan ’das kyis bka’ stsal pa | rab ’byor ’jig rten pa’i chos mi dge ba ni srog gcod pa daṅ | ma byin par len pa daṅ | ’dod (4) pas log par g-yem pa daṅ | brdzun du smra ba daṅ | phra ma daṅ | ṅag rtsub po daṅ | tshig kyal pa daṅ | brnab sems daṅ | gnod sems daṅ | log par lta ba daṅ | khro ba daṅ | khon du ’dzin pa daṅ | ’chab pa daṅ | ’tshig pa daṅ | rnam par ’tshe ba daṅ | phrag dog (5) daṅ | ser sna daṅ | ṅa rgyal te | rab ’byor de dag ni ’jig rten pa’i chos mi dge ba rnams źes bya’o ||
rab ’byor gyis gsol ba | bcom ldan ’das luṅ du ma bstan pa’i chos rnams gaṅ lags | bcom ldan ’das kyis bka’ stsal pa | lus kyi las ni luṅ du ma bstan pa’o ||
(6) ṅag gi las ni luṅ du ma bstan pa’o ||
yid kyi las ni luṅ du ma bstan pa’o ||
’byuṅ ba chen po bźi ni luṅ du ma bstan pa’o ||
dbaṅ po lṅa ni luṅ du ma bstan pa’o ||
skye mched drug ni luṅ du ma bstan pa’o ||
gzugs med pa’i sñoms par ’jug pa bźi ni luṅ du ma bstan pa’o ||
phuṅ po (7) daṅ | khams daṅ | skye mched rnams ni luṅ du ma bstan pa’o ||
rnam par smin pa ni luṅ du ma bstan pa ste | rab ’byor ’di dag ni luṅ du ma bstan pa’i chos rnams źes bya’o ||
gsol pa | bcom ldan ’das ’jig rten pa’i chos rnams gaṅ lags | bcom ldan ’das kyis bka’ (115a1) stsal pa | rab ’byor ’jig rten pa’i chos rnams źes bya ba ni phuṅ po lṅa daṅ | skye mched bcu gñis daṅ | khams bcwa brgyad daṅ | dge ba bcu’i las kyi lam rnams daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug (2) pa bźi daṅ | mṅon par śes pa lṅa daṅ | ’jig rten las ’das pa’i chos ma gtogs par ’jig rten pa’i chos gaṅ ji sñed pa de dag ni ’jig rten pa’i chos rnams źes bya’o ||
rab ’byor gyis gsol pa | bcom ldan ’das ’jig rten las ’das pa’i chos rnams gaṅ lags | (3) bcom ldan ’das kyis bka’ stsal pa | ’jig rten las ’das pa’i chos rnams źes bya ba ni dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ ba bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags (4) pa’i lam yan lag brgyad pa daṅ | rnam par thar pa’i sgo stoṅ pa ñid daṅ | rnam par thar pa’i sgo mtshan ma med pa daṅ | rnam par thar pa’i sgo smon pa med pa daṅ | mi śes pa kun śes par byed pa’i dbaṅ po daṅ | kun śes pa’i dbaṅ po daṅ | kun śes pa daṅ ldan pa’i dbaṅ po daṅ | (5) rtog pa daṅ bcas dpyod pa daṅ bcas pa’i tiṅ ṅe ’dzin daṅ | rtog pa med ciṅ dpyod pa’i tiṅ ṅe ’dzin daṅ | mi rtog mi dpyod pa’i tiṅ ṅe ’dzin daṅ | rig pa daṅ | rnam par grol ba daṅ | dran pa daṅ | śes bźin daṅ | tshul bźin yid la byed pa daṅ | rnam par thar pa (6) brgyad de | brgyad gaṅ źe na | gzugs can gzugs rnams la lta ba ’di ni rnam par thar pa daṅ po’o ||
naṅ gzugs med par ’du śes pas phyi rol gyi gzugs rnams la lta ba ’di ni rnam par thar pa gñis pa’o ||
sdug pa ñid du mos pa ’di ni rnam par thar pa gsum pa’o ||
(7) de rnam pa thams cad du gzugs kyi ’du śes rnams las yaṅ dag par ’das te | thogs pa’i ’du śes rnams nub par gyur ciṅ | sna tshogs kyi ’du śes rnams yid la mi byed pas nam mkha’ mtha’ yas so sñam nas | nam mkha’ mtha’ yas skye mched bsgrubs te gnas pa ’di ni (115b1) rnam par thar pa bźi pa’o ||
de rnam pa thams cad du nam mkha’ mtha’ yas skye mched las yaṅ dag par ’das te | rnam rapa śes pa mtha’ yas so sñam nas rnam śes mtha’ yas skye mched bsgrubs te gnas pa ’di ni rnam par thar pa lṅa pa’o ||
de rnam pa thams cad du rnam śes (2) mtha’ yas skye mched las yaṅ dag par ’das te | ci yaṅ med do sñam nas | ci yaṅ med pa’i skye mched bsgrubs te gnas pa ’di ni rnam par thar pa drug pa’o ||
de rnam pa thams cad du ci yaṅ med pa’i skye mched las yaṅ dag par ’das nas | ’du śes med ’du śes med min skye (3) mched bsgrubs te gnas pa ’di ni rnam par thar pa bdun pa’o ||
de rnam pa thams cad du ’du śes med ’du śes med min skye mched las yaṅ dag par ’das nas | ’du śes daṅ tshor ba ’gog pa bsgrubs te gnas pa ’di ni rnam par thar pa brgyad pa ste | de dag ni rnam par thar ba brgyad (4) pa’o ||
mthar gyis gnas pa’i sñoms par ’jug pa dgu ste | dgu gaṅ źe na | ’dod pa dag las dben pa sdig pa mi dge ba’i chos rnams las dben pa rtog pa daṅ bcas pa dpyod pa daṅ bcas pa | dben pa las skyes pa’i dga’ ba daṅ bde ba can bsam gtan daṅ po bsgrubs te gnas pa (5) daṅ | de rtog pa daṅ dpyod pa daṅ bral źiṅ naṅ yoṅs su daṅ ste | sems kyi rgyud gcig tu gyur pas rtog pa med pa dpyod pa med pa’i tiṅ ṅe ’dzin las skyes pa’i dga’ ba daṅ bde ba can bsam gtan gñis pa bsgrubs te gnas pa daṅ | de dga’ ba’i ’dod chags daṅ bral bas (6) btaṅ sñoms la gnas śiṅ | dran pa daṅ śes bźin can yin te | bde ba lus kyis myoṅ la ’phags pa rnams kyis gaṅ de dran pa daṅ ldan pa bde ba la gnas pa btaṅ sñoms pa’o źes brjod pa ste | dga’ ba med pa’i bsam gtan gsum pa bsgrubs te gnas pa daṅ | de bde ba yaṅ (7) spaṅs | sṅa nas sdug bsṅal yaṅ spaṅs śiṅ | yid bde ba daṅ | yid mi bde ba yaṅ nub pas bde ba yaṅ ma yin | sdug bsṅal ba yaṅ ma yin pa btaṅ sñoms daṅ dran pa yoṅs su dag pa bsam gtan bźi pa bsgrubs te gnas pa daṅ | de rnam pa thams cad du gzugs kyi ’du (116a1) śes rnams las yaṅ dag par ’das te | thogs pa’i ’du śes rnams nub par gyur ciṅ sna tshogs kyi ’du śes rnams yid la mi byed pas | nam mkha’ mtha’ yas so sñam nas nam mkha’ mtha’ yas skye mched bsgrubs te gnas pa daṅ | de rnam pa thams cad du nam mkha’ (2) mtha’ yas skye mched las yaṅ dag par ’das te | rnam par śes pa mtha’ yas so sñam nas rnam śes mtha’ yas skye mched bsgrubs te gnas pa daṅ | de rnam pa thams cad du rnam śes mtha’ yas skye mched las yaṅ dag par ’das te | ci yaṅ med do sñam nas | ci yaṅ med (3) pa’i skye mched bsgrubs te gnas pa daṅ | de rnam pa thams cad du ci yaṅ med pa’i skye mched las yaṅ dag par ’das nas ’du śes med ’du śes med min skye mched bsgrubs te gnas pa daṅ | de rnam pa thams cad du ’du śes med ’du śes med min skye mched las yaṅ dag par ’das te | (4) ’du śes daṅ tshor ba ’gog pa bsgrubs nas gnas pa ste | de dag ni mthar gyis gnas ’i sñoms par ’jug pa dgu’o ||
naṅ stoṅ pa ñid nas dṅos po med pa’i ṅo bo ñid stoṅ pa ñid kyi bar daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ (5) dag par rig pa bźi daṅ | saṅs rgyas kyi chos ma ’dres pa bcwa brgyad rnams te | de dag ni ’jig rten las ’das pa’i chos rnams źes bya’o ||
de la zag pa daṅ bcas pa’i chos rnams gaṅ źe na | ’di lta ste | phuṅ po lṅa daṅ | skye mched bcu gñis daṅ | khams (6) bcwa brgyad daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi ste | de dag ni zag pa daṅ bcas pa’i chos rnams źes bya’o ||
de la zag pa med pa’i chos rnams gaṅ źe na | dran pa ñe bar gźag pa bźi daṅ | yaṅ (7) dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs (116b1) rgyas kyi chos ma ’dres pa bcwa brgyad kyi bar dag ste | de dag ni zag pa med pa’i chos rnams źes bya’o ||
de la ’dus byas kyi chos rnams gaṅ źe na | ’dod pa’i khams daṅ | gzugs kyi khams daṅ | gzugs med pa’i khams daṅ | de ma yin pa gźan gaṅ dag (2) ’dus byas su gtogs pa’i chos byaṅ chub kyi phyogs kyi chos sum cu rtsa bdun daṅ | saṅs rgyas kyi chos ma ’dres pa bcwa brgyad kyi bar dag kyaṅ yin te | de dag ni ’dus byas kyi chos rnams źes bya’o ||
de la ’dus ma byas kyi chos rnams gaṅ źe na | chos gaṅ dag la skye ba (3) daṅ | ’jig pa daṅ | gźan du ’gyur bar mi snaṅ ba dag ste | ’dod chags zad pa daṅ | źe sdaṅ zad pa daṅ | gti mug zad pa daṅ | de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs ñid (4) daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ ste | de dag ni ’dus ma byas kyi chos rnams źes bya’o ||
de la thun moṅ gi chos rnams gaṅ źe na | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi (5) daṅ | mṅon par śes pa lṅa ste | de dag ni thun moṅ gi chos rnams źes bya’o ||
de la thun moṅ ma yin pa’i chos rnams gaṅ źe na | byaṅ chub kyi pyogs kyi chos sum cu rtsa bdun daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | rnam par (6) thar pa’i sgo gsum daṅ | saṅs rgyas kyi chos ma ’dres pa bcwa brgyad kyi bar dag ste | de dag ni thun moṅ ma yin pa’i chos rnams źes bya’o ||
de la byaṅ chub sems dpa’ sems dpa’ chen po śes rab kyi pha rol tu phyin pa la spyod pas | chos thams cad la rtog pa med pa daṅ | dpyod pa med (7) pa’i phyir raṅ gi mtshan ñid kyis stoṅ pa’i chos rnams la chags pa med pa daṅ | yod pa ma yin par bslab par bya’o ||
chos thams cad gñis su med pa’i tshul du khoṅ du chud par bya’o ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom (117a1) ldan ’das byaṅ chub sems dpa’ sems dpa’ chen po źes bgyi ba ci’i slad du | byaṅ chub sems dpa’ sems dpa’ chen po źes bgyi | bcom ldan ’das kyis bka’ stsal pa | rab ’byor sems can gyi phuṅ po chen po daṅ | sems can gyi ris phal po che’i phul (2) byed par ’gyur bas | de’i phyir byaṅ chub sems dpa’ sems dpa’ chen po źes bya’o ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ gi phul bgyid par ’gyur ba’i sems can gyi tshogs chen po ni gaṅ lags | sems can (3) gyi ris phal po che ni gaṅ lags | bcom ldan ’das kyis bka’ stsal pa | rab ’byor sems can gyi tshogs chen po źes bya ba ni ’di lta ste | rigs kyis daṅ | brgyad pa daṅ | rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | (4) raṅ saṅs rgyas daṅ | sems daṅ po bskyed pa’i byaṅ chub sems dpa’ daṅ | phyir mi ldog pa’i sa la gnas pa’i byaṅ chub sems dpa’ sems dpa’ chen po’i bar dag go ||
rab ’byor de ni sems can gyi tshogs chen po daṅ | sems can gyi ris phal po che źes bya ste | byaṅ (5) chub sems dpa’ sems dpa’ chen po ni de’i phul byed par ’gyur ro ||
de la byaṅ chub sems dpa’ sems dpa’ chen pos rdo rje lta bu’i sems bskyed de | sems can gyi tshogs chen po daṅ | sems can gyi ris phal po che’i phul du ’gyur bar bya’o ||
rab ’byor gyis gsol (6) pa | bcom ldan ’das rdo rje lta bu’i sems bskyed pa gaṅ lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po ’di ltar sems bskyed de | ’khor ba dpag tu med par sems can thams cad kyi don du bdag gis go (7) cha bgo bar bya’o ||
bdag gis bdog pa thams cad yoṅs su gtad par bya’o ||
bdag gis sems can thams cad la sems mñam pa ñid bskyed par bya’o ||
bdag gis sems can thams cad theg pa gsum gyis yoṅs su mya ṅan las bzla bar bya’o ||
sems can thams cad (117b1) yoṅs su mya ṅan las ’das kyaṅ | sems can gaṅ yaṅ yoṅs su mya ṅan las ’das pa med pas | chos thams cad skye ba med pa daṅ | ’gag pa med pa bdag gis rtogs par bya’o ||
bdag gis rnam pa thams cad mkhyen pa ñid kyi sems ma ’dres pas pha rol tu phyin pa (2) drug la spyad par bya’o ||
bdag gis sems can thams cad kyi rjes su soṅ ba’i chos rtogs pa yoṅs su grub pa la bslab par bya’o ||
chos rnams tshul gcig tu bsgrub pa bdag gis rtogs par bya’o ||
bdag gis chos dpag tu med pa’i par dag bsgrub pa rtogs par bya ba’i (3) phyir bslab par bya’o sñam du sems bskyed de | rab ’byor de ni byaṅ chub sems dpa’ sems dpa’ chen po’i sems bskyed pa rdo rje lta bu ste | de la gnas nas byaṅ chub sems dpa’ sems dpa’ chen po sems can gyi tshogs chen po daṅ | sems can gyi ris phal po che’i phul byed par (4) ’gyur te | de yaṅ mi dmigs pa’i tshul gyis byed do ||
rab ’byor gźan yaṅ byaṅ chub sems dpa’ sems dpa’ chen po sems ’di ltar bskyed de | sems can dmyal ba daṅ | dud ’gro’i skye gnas daṅ | gśin rje’i ’jig rten du skyes pa’i sems can ji sñed cig sdug (5) bsṅal gyi tshor ba myoṅ bar gyur pa de dag gi don du bdag gis sdug bsṅal gyi tshor ba de ñams su myoṅ bar bya’o sñam du sems bskyed do ||
de la byaṅ chub sems dpa’ sems dpa’ chen pos goṅ du sems ’di ltar bskyed par bya ste | bdag gis sems can de dag phuṅ po’i lhag ma med pa’i (6) mya ṅan las ’das pa’i dbyiṅs su yoṅs su mya ṅan las ’das par ma gyur gyi bar du sems can gcig gi don du yaṅ bskal pa bye ba khrag khrig phrag ’bum phrag maṅ por sems can dmyal ba’i sdug bsṅal de bdag gis ñams su myoṅ bar bya’o źes thabs de lta bus sems can de dag phuṅ (7) po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’das par ma gyur gyi bar du sems can thams cad kyi ched du bdag gis sems can dmyal ba’i sdug bsṅal de ñams su myaṅ bar bya’o ||
phyis gdod bdag gi don du dge ba’i rtsa ba dag bskyed de | bskal (118a1) pa bye ba khrag khrig phrag ’bum du byaṅ chub kyi tshogs bsags la | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o sñam du sems bskyed par bya’o ||
rab ’byor de ni byaṅ chub sems dpa’ sems dpa’ chen po’i sems bskyed (2) pa rdo rje lta bu ste | de la gnas nas byaṅ chub sems dpa’ sems dpa’ chen po sems can gyi tshogs chen po daṅ | sems can gyi ris phal po che’i phul byed par ’gyur ro ||
rab ’byor gźan yaṅ byaṅ chub sems dpa’ sems dpa’ chen pos sems gaṅ gis sems can (3) thams cad kyi phul du ’gyur ba’i sems rlabs po che rtag par rgyun du bskyed par bya’o ||
de la byaṅ chub sems dpa’ sems dpa’ chen po’i sems rlabs po che ni | gaṅ sems daṅ po bskyed pa nas bzuṅ ste | ’dod chags kyi sems mi bskyed | źe sdaṅ gi sems mi bskyed | (4) gti mug gi sems mi bskyed | rnam par ’tshe ba’i sems mi bskyed | ñan thos daṅ raṅ saṅs rgyas kyi sems mi bskyed pa ste | rab ’byor de ni byaṅ chub sems dpa’ sems dpa’ chen po’i sems rlabs po che yin te | des sems can thams cad kyi phul du phyin par byed ciṅ des (5) rlom sems su ’aṅ mi byed do ||
rab ’byor gźan yaṅ byaṅ chub sems dpa’ sems dpa’ chen pos mi sgul ba’i sems su bya’o ||
de la byaṅ chub sems dpa’ sems dpa’ chen po’i sems mi sgul ba ni ’di yin te | gaṅ rnam pa thams cad mkhyen pa ñid daṅ ldan pa’i yid la byed pas (6) rlom sems su mi byed pa ste | rab ’byor de ni byaṅ chub sems dpa’ sems dpa’ chen po’i sems mi sgul ba’o ||
rab ’byor gźan yaṅ byaṅ chub sems dpa’ sems dpa’ chen pos sems can thams cad la phan pa daṅ bde bar bya ba’i sems bskyed par bya’o ||
de la byaṅ chub sems (7) dpa’ sems dpa’ chen po’i phan pa daṅ | bde bar bya ba’i sems ni ’di yin te | gaṅ sems can thams cad skyob ciṅ sems can thams cad yoṅs su mi gtoṅ la | des rlom sems su’aṅ mi byed pa ste | rab ’byor de ni byaṅ chub sems dpa’ sems dpa’ chen po’i phan pa daṅ bde bar (118b1) bya ba’i sems so ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni sems can thams cad kyi phul du phyin par byed par ’gyur te | de yaṅ mi dmigs pa’i tshul gyis byed do ||
rab ’byor gźan yaṅ byaṅ chub sems dpa’ (2) sems dpa’ chen pos rtag par rgyun du chos ’dod par bya’o ||
chos la dga’ bar bya’o ||
chos la kun dga’ bar bya’o ||
chos la kun tu dga’ ba’i rnal ’byor la brtson par bya’o ||
de la chos gaṅ źe na | ’di lta ste | chos thams cad dbyer med pa ste | de ni chos źes (3) bya’o ||
de la chos ’dod pa gaṅ źe na | gaṅ chos la ’dod ciṅ mos pa ste | de ni chos ’dod pa źes bya’o ||
de la chos la dga’ ba gaṅ źe na | gaṅ chos la dga’ źiṅ mṅon par dga’ ba ste | de ni chos la dga’ ba źes bya’o ||
de la chos la kun tu dga’ ba gaṅ źe na | (4) gaṅ chos la yon tan daṅ | phan yon du lta ba ste | de ni chos la kun tu dga’ ba źes bya’o ||
de la chos la kun tu dga’ ba’i rnal ’byor la brtson pa gaṅ źe na | chos de ñid la sgom źiṅ maṅ du byed pa ste | de ni chos la kun tu dga’ ba’i rnal ’byor la brtson pa źes bya’o ||
rab ’byor (5) byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pas | sems can gyi tshogs chen po daṅ | sems can gyi ris phal po che’i phul du phyin par bya ste | de yaṅ mi dmigs pa’i tshul gyis bya’o ||
rab ’byor gźan yaṅ byaṅ chub sems dpa’ (6) sems dpa’ chen po śes rab kyi pha rol tu phyin pa la spyod pas | naṅ stoṅ pa ñid la gnas dṅos po med pa’i ṅo bo ñid stoṅ pa ñid kyi bar la gnas nas | sems can gyi tshogs chen po daṅ | sems can gyi ris phal po che’i phul du phyin par bya ste | de yaṅ mi dmigs pa’i tshul gyis bya’o ||
(7) rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pas | byaṅ chub kyi phyogs kyi chos sum cu rtsa bdun la gnas | stobs daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa bcwa (119a1) brgyad kyi bar dag la gnas nas | sems can gyi tshogs chen po daṅ | sems can gyi ris phal po che’i phul du phyin par bya ste | de yaṅ mi dmigs pa’i tshul gyis bya’o ||
rab ’byor gźan yaṅ byaṅ chub sems dpa’ sems dpa’ chen po ses rab kyi pha rol (2) tu phyin pa la spyod pas | rdo rje lta bu’i tiṅ ṅe ’dzin la gnas pas | nam mkha’ ltar chags pa med pas rnam par grol źiṅ gos pa med pa’i tiṅ ṅe ’dzin gyi bar la gnas te | sems can gyi tshogs chen po daṅ | sems can gyi ris phal po che’i phul du phyin par bya ste | de yaṅ (3) mi dmigs pa’i tshul gyis bya’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa chos de dag la gnas te | sems can gyi tshogs chen po daṅ | sems can gyi ris phal po che’i phul du phyin par byed par ’gyur te | (4) de’i phyir byaṅ chub sems dpa’ sems dpa’ chen po źes bya’o ||
śes rab kyi pha rol tu phyin pa khri brgyad stoṅ pa las | khrel yod pa’i le’u źes bya ste | bcu gcig pa’o || ||
de nas bcom ldan ’das la | tshe daṅ ldan pa ś ri’i bus ’di skad ces gsol (5) to ||
bcom ldan ’das don gaṅ gis byaṅ chub sems dpa’ sems dpa’ chen po źes bgyi ba la bdag kyaṅ spobs lags so ||
bcom ldan ’das kyis bka’ stsal pa | ś ri’i bu don gaṅ gis byaṅ chub sems dpa’ sems dpa’ chen po źes bya ba la khyod spobs par gyis (6) śig | ś ri’i bus gsol pa | bcom ldan ’das bdag tu lta ba spaṅ ba’i slad du sems can rnams la chos ston pa daṅ | de bźin du sems can du lta ba daṅ | srog tu lta ba daṅ | gaṅ zag tu lta ba daṅ | gso ba daṅ | skyes bu daṅ | śed las skyes daṅ | śed bu (7) daṅ | byed pa po daṅ | byed du ’jug pa po daṅ | sloṅ ba po daṅ | kun nas sloṅ ba po daṅ | tshor ba po daṅ | tshor bar byed du ’jug ba po daṅ | śes pa po daṅ | mthoṅ ba por lta ba daṅ | chad par lta ba daṅ | rtag par lta ba daṅ | yod par lta ba daṅ | med par lta ba (119b1) daṅ | phuṅ por lta ba daṅ | khams su lta ba daṅ | skye mched du lta ba daṅ | dben par lta ba daṅ | rten ciṅ ’brel bar ’byuṅ bar lta ba daṅ | pha rol tu phyin par lta ba daṅ | byaṅ chub kyi phyogs kyi chos su lta ba daṅ | stobs daṅ | mi ’jigs par lta ba daṅ | saṅs (2) rgyas kyi chos ma ’dres par lta ba daṅ | sems can yoṅs su smin par bgyi bar lta ba daṅ | saṅs rgyas kyi źiṅ yoṅs su dag par bgyi bar lta ba daṅ | byaṅ chub tu lta ba daṅ | saṅs rgyas su lta ba daṅ | chos su lta ba daṅ | dge ’dun du lta ba daṅ | chos kyi ’khor lo skor bar (3) lta ba daṅ | yoṅs su mya ṅan las ’das par lta ba spaṅ ba’i slad du | mi dmigs pa’i tshul gyis sems can rnams la chos ston te | don des na byaṅ chub sems dpa’ sems dpa’ chen po źes bgyi’o ||
de nas tshe daṅ ldan pa rab ’byor gyis tshe daṅ ldan pa ś ri’i bu la ’di skad (4) ces smras so ||
tshe daṅ ldan pa ś ri’i bu ci’i phyir źe na byaṅ chub sems dpa’ sems dpa’ chen po gzugs su lta bar ’gyur ba yin | tshor ba daṅ | ’du śes daṅ | ’du byed rnams daṅ | rnam par śes par lta bar ’gyur ba yin | saṅs rgyas kyi chos ma ’dres pa’i bar du lta (5) bar ’gyur ba yin | ś ri’i bus smras pa tshe daṅ ldan pa rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mi mkhas pas | gzugs la dmigs śiṅ dmigs pa’i tshul gyis lta ba bskyed do ||
de bźin du tshor ba daṅ | (6) ’du śes daṅ | ’du byed rnams daṅ | rnam par śes pa la dmigs śiṅ | dmigs pa’i tshul gyis lta ba bskyed do ||
saṅs rgyas kyi chos ma ’dres pa’i bar du dmigs śiṅ dmigs pa’i tshul gyis lta ba bskyed de | tshe daṅ ldan pa rab ’byor de’i phyir | byaṅ chub sems (7) dpa’ sems dpa’ chen po gzugs su lta bar ’gyur ba yin | saṅs rgyas kyi chos ma ’dres pa’i bar du lta bar ’gyur ba yin te | de la byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas lta ba de dag spaṅ ba’i phyir | mi dmigs (120a1) pa’i tshul gyis chos ston to ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das don gaṅ gis byaṅ chub sems dpa’ sems dpa’ chen po źes bgyi ba la bdag kyaṅ spobs lags so ||
bcom ldan (2) ’das kyis bka’ stsal pa | rab ’byor khyod spobs par gyis śig | rab ’byor gyis gsol pa | bcom ldan ’das byaṅ chub kyi sems zag pa med pa’i sems | mñam pa med pa’i sems | mi mñam pa daṅ mñam pa’i sems ñan thos daṅ | raṅ saṅs rgyas thams cad (3) daṅ thun moṅ ma lags pa’i sems gaṅ lags pa’i sems de la yaṅ chags pa ma mchis pas | don des na byaṅ chub sems dpa’ sems dpa’ chen po źes bgyi’o ||
de ci’i slad źe na | ’di ltar thams cad mkhyen pa ñid kyi sems de ni zag pa ma mchis śiṅ khoṅs su gtogs (4) pa ma lags pa lags te | thams cad mkhyen pa ñid kyi sems zag pa ma mchis śiṅ khoṅs su gtogs pa ma lags pa’i sems de la yaṅ chags pa ma mchis pas de’i slad du byaṅ chub sems dpa’ sems dpa’ chen po źes bgyi ba’i graṅs su mchi’o ||
de nas tshe daṅ ldan pa ś ri’i (5) bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor byaṅ chub sems dpa’ sems dpa’ chen po’i sems mi mñam pa daṅ mñam pa ñan thos daṅ | raṅ saṅs rgyas thams cad daṅ thun moṅ ma yin pa’i sems de gaṅ yin | rab ’byor gyis smras pa | (6) tshe daṅ ldan pa ś ri’i bu ’di la byaṅ chub sems dpa’ sems dpa’ chen po sems daṅ po bskyed phyin cad chos gaṅ la yaṅ skye ba’am ’gag par yaṅ dag par rjes su mi mthoṅ | ’grib pa daṅ | ’phel ba daṅ | ’oṅ ba daṅ | ’gro ba daṅ | kun nas ñon moṅs pa daṅ | rnam (7) par byaṅ bar yaṅ dag par rjes su mi mthoṅ ste | tshe daṅ ldan pa ś ri’i bu gaṅ la skye ba med pa daṅ | ’gag pa med pa daṅ | ’grib pa med pa daṅ | ’phel ba med pa daṅ | ’oṅ ba med pa daṅ | ’gro ba med pa daṅ | kun nas ñon moṅs pa med pa daṅ | rnam par byaṅ (120b1) pa med pa de la ñan thos kyi sems med raṅ saṅs rgyas kyi sems med | byaṅ chub sems dpa’i sems med | yaṅ dag par rdzogs pa’i saṅs rgyas kyi sems med de | tshe daṅ ldan pa ś ri’i bu de ni byaṅ chub sems dpa’ sems dpa’ chen po’i sems mi mñam pa daṅ mñam pa ste | (2) ñan thos daṅ raṅ saṅs rgyas thams cad daṅ thun moṅ ma yin pa’i sems so ||
ś ri’i bus smras pa | tshe daṅ ldan pa rab ’byor khyod kyis ’di skad du thams cad mkhyen pa ñid kyi sems zag pa med pa | khoṅs su gtogs pa ma yin pa gaṅ yin pa’i sems de la yaṅ chags pa (3) med ces smras na | tshe daṅ ldan pa rab ’byor gzugs kyaṅ chags pa med pa yin nam | tshor ba daṅ | ’du śes daṅ | ’du byed rnams daṅ | rnam par śes pa yaṅ chags pa med pa yin nam | rab ’byor gyis smras pa | tshe daṅ ldan pa ś ri’i bu de de bźin te | gzugs (4) kyaṅ chags pa med do ||
tshor ba daṅ | ’du śes daṅ | ’du byed rnams daṅ | rnam par śes pa yaṅ chags pa med do ||
byaṅ chub kyi phyogs kyi chos sum cu rtsa bdun daṅ | stobs daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma (5) ’dres pa rnams kyi bar du yaṅ chags pa med do ||
ś ri’i bus smras pa | tshe daṅ ldan pa rab ’byor khyod kyis ’di skad du thams cad mkhyen pa ñid kyi sems gaṅ yin pa de yaṅ zag pa med ciṅ | khoṅs su gtogs pa ma yin no źes smras na | tshe daṅ ldan pa rab ’byor byis pa so so’i (6) skye bo rnams kyi sems kyaṅ raṅ bźin gyis stoṅ pa ñid kyi phyir | zag pa med ciṅ khoṅs su gtogs pa ma yin pa yin nam | ñan thos daṅ | raṅ saṅs rgyas kyi sems daṅ | saṅs rgyas bcom ldan ’das rnams kyi thugs kyaṅ raṅ bźin gyis stoṅ pa ñid kyi phyir | zag pa med (7) ciṅ khoṅs su gtogs pa ma yin pa yin nam | rab ’byor gyis smras pa | tshe daṅ ldan pa ś ri’i bu de de bźin no ||
ś ri’i bus smras pa | tshe daṅ ldan pa rab ’byor de gzugs kyaṅ raṅ bźin gyis stoṅ pa ñid kyi phyir zag pa med ciṅ khoṅs su gtogs pa ma yin pa yin nam | tshor (121a1) ba daṅ | ’du śes daṅ | ’du byed rnams daṅ | rnam par śes pa yaṅ raṅ bźin gyis stoṅ pa ñid kyi phyir zag pa med ciṅ khoṅs su gtogs pa ma yin pa yin nam | rab ’byor gyis smras pa | tshe daṅ ldan pa ś ri’i bu de de bźin no ||
ś ri’i bus smras pa | tshe (2) daṅ ldan pa rab ’byor byaṅ chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar dag kyaṅ raṅ bźin gyis stoṅ pa ñid kyi phyir | zag pa med ciṅ khoṅs (3) su gtogs pa ma yin pa yin nam | rab ’byor gyis smras pa | tshe daṅ ldan pa ś ri’i bu ji skad smras pa de de bźin te | byis pa so so’i skye bo rnams kyi sems kyaṅ raṅ bźin gyis stoṅ pa ñid kyi phyir | zag pa med ciṅ khoṅs su gtogs pa ma yin no ||
ñan thos daṅ | raṅ (4) saṅs rgyas thams cad kyi sems daṅ | saṅs rgyas bcom ldan ’das rnams kyi thugs kyaṅ raṅ bźin gyis stoṅ pa ñid kyi phyir | zag pa med ciṅ khoṅs su gtogs pa ma yin no ||
gzugs kyaṅ raṅ bźin gyis stoṅ pa ñid kyi phyir zag pa med ciṅ khoṅs su gtogs pa ma yin no ||
(5) rnam par śes pa’i bar du yaṅ raṅ bźin gyis stoṅ pa ñid kyi phyir | zag pa med ciṅ khoṅs su gtogs pa ma yin no ||
byaṅ chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma (6) ’dres pa bcwa brgyad kyi bar dag kyaṅ raṅ bźin gyis stoṅ pa ñid kyi phyir zag pa med ciṅ khoṅs su gtogs pa ma yin no ||
ś ri’i bus smras pa | tshe daṅ ldan pa rab ’byor khyod kyis gaṅ ’di skad du sems med pa’i phyir | sems de la yaṅ chags pa med ces smras na | tshe daṅ (7) ldan pa rab ’byor gzugs med pa yaṅ gzugs la chags pa med dam | tshor ba med pa yaṅ tshor ba la chags pa med dam | ’du śes med pa yaṅ ’du śes la chags pa med dam | ’du byed rnams med pa yaṅ ’du byed rnams la chags pa med dam | rnam par śes pa med (121b1) pa yaṅ rnam par śes pa la chags pa med dam | rab ’byor gyis smras pa | tshe daṅ ldan pa ś ri’i bu de de bźin no ||
ś ri’i bus smras pa | tshe daṅ ldan pa rab ’byor byaṅ chub kyi phyogs kyi chos rnams med pa yaṅ byaṅ chub kyi phyogs kyi chos rnams la chags pa med dam | saṅs rgyas (2) kyi chos ma ’dres pa’i bar dag med pa yaṅ saṅs rgyas kyi chos ma ’dres pa rnams la chags pa med dam | rab ’byor gyis smras pa | tshe daṅ ldan pa ś ri’i bu de de bźin no ||
ji skad smras pa bźin te | gzugs med pa yaṅ gzugs la chags pa med do ||
tshor ba daṅ | (3) ’du śes daṅ | ’du byed rnams daṅ | rnam par śes pa med pa yaṅ rnam par śes pa la chags pa med do ||
khams rnams daṅ | skye mched rnams daṅ | rten ciṅ ’brel bar ’byuṅ ba rnams daṅ | byaṅ chub kyi phyogs kyi chos rnams daṅ | stobs daṅ | mi ’jigs pa (4) daṅ | so so yaṅ dag par rig pa daṅ | saṅs rgyas kyi chos ma ’dres pa’i bar dag med pa yaṅ | saṅs rgyas kyi chos ma ’dres pa rnams la chags pa med do ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni | byaṅ chub (5) kyi sems mi mñam pa daṅ mñam pa’i sems ñan thos daṅ | raṅ saṅs rgyas thams cad daṅ thun moṅ ma yin pa’i sems des kyaṅ chos thams cad mi dmigs pa’i tshul gyis rlom sems su ’gyur ba med | mṅon par źen par ’gyur ba med de | de’i phyir byaṅ chub sems dpa’ (6) sems dpa’ chen po źes bya’o ||
śes rab kyi pha rol tu phyin pa khri brgyad stoṅ pa las | lta ba spoṅ ba’i le’u źes bya ste bcu gñis pa’o || ||
de nas bcom ldan ’das la tshe daṅ ldan pa byams ma’i bu gaṅ pos ’di skad ces gsol to ||
bcom ldan (7) ’das don gaṅ gis byaṅ chub sems dpa’ sems dpa’ cen po źes bgyi ba la bdag kyaṅ spobs lags so ||
bcom ldan ’das kyis bka’ stsal pa | gaṅ po khyod spobs par gyis śig | gaṅ pos gsol pa | bcom ldan ’das sems can de ni go cha chen po bgos pa lags (122a1) sems can de ni theg pa chen po la yaṅ dag par źugs pa lags | sems can de ni theg pa chen po la yaṅ dag par gnas pa lags te | bcom ldan ’das de’i slad du byaṅ chub sems dpa’ sems dpa’ chen po źes bgyi’o ||
de nas cho daṅ ldan pa ś (2) ri’i bus | tshe daṅ ldan pa byams ma’i bu gaṅ po la ’di skad ces smras so ||
tshe daṅ ldan pa gaṅ po ji tsam gyis na | byaṅ chub sems dpa’ sems dpa’ chen po go cha chen po bgos pa źes bya | gaṅ pos smras pa | tshe daṅ ldan pa ś ri’i bu ’di la byaṅ chub sems dpa’ sems (3) dpa’ chen po ni ñi tshe ba’i sems can rnams kyi ched du | byaṅ chub kyi phyir spyod pa ma yin | sbyin pa’i pha rol tu phyin pa la gnas te | sbyin pa sbyin pa ma yin gyi | sems can thams cad kyi don du sbyin pa’i pha rol tu phyin pa la spyod ciṅ sbyin pa sbyin par byed do ||
ñi tshe’i sems can (4) rnams kyi ched du tshul khrims kyi pha rol tu phyin pa la gnas te | tshul khrims sruṅ ba ma yin gyi | sems can thams cad kyi ched du tshul khrims kyi pha rol tu phyin pa la spyod ciṅ tshul khrims sruṅ ṅo ||
ñi tshe’i sems can rnams kyi ched du bzod pa’i pha rol tu phyin pa la gnas te | bzod (5) pa sgom pa ma yin gyi | sems can thams cad kyi ched du bzod pa’i pha rol tu phyin pa la spyod ciṅ bzod pa sgom par byed do ||
ñi tshe’i sems can rnams kyi ched du brtson ’grus kyi pha rol tu phyin pa la gnas te | brtson ’grus rtsom pa ma yin gyi | sems can thams cad kyi ched du brtson (6) ’grus kyi pha rol tu phyin pa la spyod ciṅ brtson ’grus rtsom mo ||
ñi tshe’i sems can rnams kyi ched du bsam gtan gyi pha rol tu phyin pa la gnas te | bsam gtan sgom pa ma yin gyi | sems can thams cad kyi ched du bsam gtan gyi pha rol tu phyin pa la spyod ciṅ bsam gtan rnams (7) bskyed do ||
ñi tshe’i sems can rnams kyi ched du śes rab kyi pha rol tu phyin pa la gnas te | śes rab sgom pa ma yin gyi | sems can thams cad kyi ched du śes rab kyi pha rol tu phyin pa la spyod ciṅ śes rab sgom par byed do ||
byaṅ chub sems dpa’ sems dpa’ chen po ni (122b1) sems can ’di sñed cig ni phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las bzla bar bya’o ||
sems can ’di sñed cig ni yoṅs su mya ṅan las bzla bar mi bya’o źe’am | sems can ’di sñed cig ni byaṅ chub la dgod par bya’o ||
sems can ’di (2) sñed cig ni byaṅ chub la dgod par mi bya’o źes sems can yoṅs su dpag pas go cha mi gyon gyi | byaṅ chub sems dpa’ sems dpa’ chen po ni sems can thams cad kyi ched du go cha gyon no ||
de ’di sñam du sems te | bdag gis kyaṅ sbyin pa’i pha rol tu phyin pa yoṅs su rdzogs (3) par bya’o ||
sems can thams cad kyaṅ sbyin pa’i pha rol tu phyin pa la sbyar bar bya’o ||
de bźin du bdag gis kyaṅ tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes (4) rab kyi pha rol tu phyin pa yoṅs su rdzogs par bya’o ||
sems can thams cad kyaṅ śes rab kyi pha rol tu phyin pa la sbyar bar bya’o sñam mo ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sbyin pa’i pha rol tu phyin pa la spyod pa ñan thos daṅ raṅ saṅs (5) rgyas daṅ ldan pa’i yid la bya ba dag gis ma yin gyi | rnam pa thams cad mkhyen pa ñid daṅ ldan pa’i yid la bya ba dag gis sbyin pa sbyin źiṅ | dge ba’i rtsa ba de yaṅ sems can thams cad daṅ thun moṅ du byas nas | bla na med pa yaṅ dag par rdzogs pa’i byaṅ chub tu yoṅs su bsṅo ba de (6) ni | tshe daṅ ldan pa ś ri’i bu byaṅ chub sems dpa’ sems dpa’ chen po sbyin pa’i pha rol tu phyin pa la spyod pa’i sbyin pa’i pha rol tu phyin pa go cha’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sbyin pa’i pha rol tu phyin pa la spyod pa | rnam pa thams (7) cad mkhyen pa ñid daṅ ldan pa’i yid la bya ba dag gis sbyin pa sbyin źiṅ | ñan thos daṅ raṅ saṅs rgyas kyi sar yogs su mi bsṅo ba de ni | byaṅ chub sems dpa’ sems dpa’ chen po sbyin pa’i pha rol tu phyin pa la spyod pa | sbyin pa sbyin pa’i tshul khrims kyi pha rol tu phyin pa’i go cha’o ||
(123a1) tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sbyin pa sbyin pa rnam pa thams cad mkhyen pa ñid daṅ ldan pa’i yid la bya ba dag gis chos de dag la bzod pa daṅ | mos pa gaṅ yin pa de ni byaṅ chub sems dpa’ sems dpa’ chen po sbyin (2) pa’i pha rol tu phyin pa la spyod pa | sbyin pa sbyin pa’i bzod pa’i pha rol tu phyin pa’i go cha’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sbyin pa sbyin pa rnam pa thams cad mkhyen pa ñid daṅ ldan pa’i yid la bya ba dag gis brtson ’grus ma btaṅ ba gaṅ (3) yin pa de ni byaṅ chub sems dpa’ sems dpa’ chen po sbyin pa’i pha rol tu phyin pa la spyod pa | sbyin pa sbyin pa’i brtson ’grus kyi pha rol tu phyin pa’i go cha’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sbyin pa sbyin pa ’di lta ste | rnam pa thams cad (4) mkhyen pa ñid daṅ ldan pa’i yid la bya ba dag gis sems rtse gcig tu byed de | ñan thos daṅ | raṅ saṅs rgyas daṅ ldan pa’i sems rnams kyi skabs mi ’byed pa gaṅ yin pa de ni byaṅ chub sems dpa’ sems dpa’ chen po sbyin pa’i pha rol tu phyin pa la spyod pa | sbyin pa sbyin pa’i (5) bsam gtan gyi pha rol tu phyin pa’i go cha’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sbyin pa sbyin źiṅ | de gcig pu la dmigs pa’i phyir | chos thams cad la sgyu mas byas pa’i ’du śes ñe bar gnas śiṅ | de sbyin pa po yaṅ mi dmigs (6) sbyin pa yaṅ mi dmigs | len pa po yaṅ mi dmigs pa de ni byaṅ chub sems dpa’ sems dpa’ chen po sbyin pa’i pha rol tu phyin pa la spyod pa | sbyin pa sbyin pa’i śes rab kyi pha rol tu phyin pa’i go cha’o ||
tshe daṅ ldan pa ś ri’i bu byaṅ chub sems dpa’ sems dpa’ chen po gaṅ gi tshe (7) rnam pa thams cad mkhyen pa ñid daṅ ldan pa’i yid la bya ba dag gis pha rol tu phyin pa de dag la mtshan mar mi ’dzin ciṅ mi dmigs pa ni | tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa go cha chen po bgos par rig par bya (123b1) pa yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa | rnam pa thams cad mkhyen pa ñid daṅ ldan pa’i yid la bya ba dag gis sbyin pa sbyin źiṅ de yaṅ sems can thams cad daṅ thun moṅ du byas nas bla na (2) med pa yaṅ dag par rdzogs pa’i byaṅ chub tu yoṅs su bsṅo ba de ni byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa’i sbyin pa’i pha rol tu phyin pa’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po tshul khrims kyi pha (3) rol tu phyin pa la spyod pa ñan thos daṅ | raṅ saṅs rgyas kyis la yaṅ ’dod pa med na so so’i skye bo’i sa la lta smos kyaṅ ci dgos pa de ni byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa’i tshul khrims kyi pha rol tu phyin pa’o ||
tshe daṅ ldan pa ś (4) ri’i bu gźan yaṅ byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa | rnam pa thams cad mkhyen pa ñid daṅ ldan pa’i yid la bya ba dag gis chos de dag la bzod pa daṅ mos pa gaṅ yin pa de ni | byaṅ chub sems dpa’ sems dpa’ chen po tshul (5) khrims kyi pha rol tu phyin pa la spyod pa’i bzod pa’i pha rol tu phyin pa’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa rnam pa thams cad mkhyen pa ñid daṅ ldan pa’i yid la bya ba dag gis brtson ’grus mi ñams (6) mi ’goṅ ba gaṅ yin pa de ni byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa’i brtson ’grus kyi pha rol tu phyin pa’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa | rnam (7) pa rnams mkhyen pa ñid daṅ ldan pa’i yid la bya ba dag gis gnas pa ñan thos daṅ | raṅ saṅs rgyas daṅ ldan pa’i sems rnams kyi skabs mi ’byed ciṅ | sems bskyed pa de yaṅ sems can thams cad daṅ thun moṅ du byas nas bla na med pa yaṅ dag par rdzogs pa’i byaṅ chub tu yoṅs (124a1) su bsṅo ba’i de ni byaṅ chub sems dpa’ sems dpa’ chen po tshul khrims kyi pha rol tu phyin pa la spyod pa’i bsam gtan gyi pha rol tu phyin pa’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po tshul khrims kyi pha rol tu phyin pa la spyod (2) pa rnam pa thams cad mkhyen pa ñid daṅ ldan pa’i yid la bya ba dag gis chos thams cad la sgyu mas byas pa’i ’du śes ñe bar gnas te | raṅ bźin gyis stoṅ ba ñid kyi phyir tshul khrims des rlom sems su yaṅ mi byed la mi dmigs pa de ni | tshe daṅ ldan pa ś ri’i bu byaṅ chub sems (3) dpa’ sems dpa’ chen po tshul khrims kyi pha rol tu phyin pa la spyod pa’i śes rab kyi pha rol tu phyin pa’o ||
tshe daṅ ldan pa ś ri’i bu byaṅ chub sems dpa’ sems dpa’ chen po tshul khrims kyi pha rol tu phyin pa la de ltar spyod pa ni pha rol tu phyin pa drug po thams cad yoṅs su ’dzin te | de’i (4) phyir go cha chen po bgos pa źes bya’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po bzod pa’i pha rol tu phyin pa la spyod pa ñan thos daṅ | raṅ saṅs rgyas daṅ ldan pa’i yid la bya ba dag gis ma yin gyi | rnam pa thams cad mkhyen pa ñid daṅ ldan pa’i (5) yid la bya ba dag gis sbyin pa sbyin źiṅ | dge ba’i rtsa ba de dag sems can thams cad daṅ thun moṅ du byas te | bla na med pa yaṅ dag par rdzogs pa’i byaṅ chub tu yoṅs su bsṅo ba de ni byaṅ chub sems dpa’ sems dpa’ chen po bzod pa’i pha rol tu phyin pa la spyod pa’i sbyin pa’i pha rol tu (6) phyin pa’o ||
bzod pa’i pha rol tu phyin pa la spyod pa’i tshul khrims kyi pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa yaṅ de bźin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po bzod pa’i pha (7) rol tu phyin pa la spyod pa ñan thos daṅ | raṅ saṅs rgyas daṅ ldan pa’i yid la bya ba dag gis ma yin gyi | śes rab kyis rnam pa thams cad mkhyen pa ñid daṅ ldan pa’i yid la bya ba dag gis saṅs rgyas kyi chos thams cad yaṅ dag par bsgrub pa daṅ | sems can thams cad yoṅs su (124b1) smin par bya ba’i phyir sbyor te | dge ba’i rtsa ba de yaṅ sems can thams cad daṅ thun moṅ du byas nas | bla na med pa yaṅ dag par rdzogs pa’i byaṅ chub tu yoṅs su bsṅo ba de ni byaṅ chub sems dpa’ sems dpa’ chen po bzod pa’i pha rol tu phyin pa la spyod pa’i śes rab kyi pha rol tu phyin pa’o ||
(2) tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po brtson ’grus kyi pha rol tu phyin pa la gnas te | ñan thos daṅ | raṅ saṅs rgyas daṅ ldan pa’i yid la bya ba dag gis ma yin gyi | rnam pa thams cad mkhyen pa ñid daṅ ldan pa’i yid la bya ba dag gis | (3) sbyin pa sbyin źiṅ dge ba’i rtsa ba de yaṅ sems can thams cad daṅ thun moṅ du byas te | bla na med pa yaṅ dag par rdzogs pa’i byaṅ chub tu yoṅs su bsṅo ba de ni byaṅ chub sems dpa’ sems dpa’ chen po brtson ’grus kyi pha rol tu phyin pa la spyod pa’i sbyin pa’i pha rol tu phyin pa’o ||
brtson (4) ’grus kyi pha rol tu phyin pa la spyod pa’i tshul khrims kyi pharol tu phyin pa daṅ | bzod pa’i pha rol tu phyin pa daṅ | bsam gtan gyi pha rol tu phyin pa yaṅ de bźin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po brtson ’grus kyi pha rol tu phyin pa la (5) gnas te | ñan thos daṅ | raṅ saṅs rgyas daṅ ldan pa’i yid la bya ba dag gis ma yin gyi | rnam pa thams cad mkhyen pa ñid daṅ ldan pa’i yid la bya ba dag gis śes rab kyi pha rol tu phyin pa sgom źiṅ | dge ba’i rtsa ba de yaṅ sems can thams cad daṅ thun moṅ du byas te | bla na (6) med pa yaṅ dag par rdzogs pa’i byaṅ chub tu yoṅs su bsṅo ba de ni byaṅ chub sems dpa’ sems dpa’ chen po brtson ’grus kyi pha rol tu phyon pa la spyod pa’i śes rab kyi pha rol tu phyin pa’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po bsam gtan gyi pha rol tu (7) phyin pa la gnas te | ñan thos daṅ | raṅ saṅs rgyas daṅ ldan pa’i yid la bya ba dag gis ma yin gyi rnam pa thams cad mkhyen pa ñid daṅ ldan pa’i yid la bya ba dag gis sbyin pa sbyin źiṅ | dge ba’i rtsa ba de yaṅ sems can thams cad daṅ thun moṅ du byas te | bla na med pa yaṅ dag par rdzogs (125a1) pa’i byaṅ chub tu yoṅs su bsṅo ba de ni byaṅ chub sems dpa’ sems dpa’ chen po bsam gtan gyi pha rol tu phyin pa la spyod pa’i sbyin pa’i pha rol tu phyin pa’o ||
bsam gtan gyi pha rol tu phyin pa la spyod pa’i tshul khrims kyi pha rol tu phyin pa daṅ | bzod pa’i pha rol tu phyin (2) pa daṅ | brtson ’grus kyi pha rol tu phyin pa yaṅ de bźin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po bsam gtan gyi pha rol tu phyin pa la gnas te | śes rab kyi pha rol tu phyin pa sgom źiṅ | chos thams cad la sgyu mas byas pa’i ’du (3) śes ñe bar ’jog ste | de yaṅ ñan thos daṅ | raṅ saṅs rgyas daṅ ldan pa’i yid la bya ba dag gis ma yin gyi | rnam pa thams cad mkhyen pa ñid daṅ ldan pa’i yid la bya ba dag gis byed ciṅ | dge ba’i rtsa ba de yaṅ sems can thams cad daṅ thun moṅ du byas te | bla na med pa (4) yaṅ dag par rdzogs pa’i byaṅ chub tu yoṅs su bsṅo ba de ni | byaṅ chub sems dpa’ sems dpa’ chen po bsam gtan gyi pha rol tu phyin pa la spyod pa’i śes rab kyi pha rol tu phyin pa’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po śes rab kyi (5) pha rol tu phyin pa la gnas te | ñan thos daṅ | raṅ saṅs rgyas daṅ ldan pa’i yid la bya ba dag gis ma yin gyi | rnam pa thams cad mkhyen pa ñid daṅ ldan pa’i yid la bya ba dag gis ’khor gsum yoṅs su dag par sbyin pa sbyin źiṅ | dge ba’i rtsa ba de yaṅ sems can thams cad daṅ (6) thun moṅ du byas te | bla na med pa yaṅ dag par rdzogs pa’i byaṅ chub tu yoṅs su bsṅo ba de ni | byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i sbyin pa’i pha rol tu phyin pa’o ||
śes rab kyi pha rol tu phyin pa la spyod pa’i tshul khrims kyi pha rol tu phyin (7) pa daṅ | bzod pa’i pha rol tu phyin pa daṅ | brtson ’grus kyi pha rol tu phyi pa daṅ | bsam gtan gyi pha rol tu phyin pa yaṅ de bźin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | śes rab kyi pha rol tu (125b1) phyin pa sgom źiṅ | de pha rol tu phyin pa thams cad daṅ chos thams cad la sgyu ma daṅ | rmi lam daṅ | mig yor daṅ | brag ca daṅ | gzugs brñan daṅ | sprul pa lta bu’i ’du śes ñe bar gnas pa yin te | de ñan thos daṅ | raṅ saṅs rgyas daṅ ldan pa’i yid la bya ba (2) dag gis ma yin gyi | rnam pa thams cad mkhyen pa ñid daṅ ldan pa’i yid la bya ba dag gis gnas śiṅ | dge ba’i rtsa ba de yaṅ sems can thams cad daṅ thun moṅ du byas te | bla na med pa yaṅ dag par rdzogs pa’i byaṅ chub tu yoṅs su bsṅo ba de ni byaṅ chub sems dpa’ sems (3) dpa’ chen po śes rab kyi pha rol tu phyin pa la spyod pa’i śes rab kyi pha rol tu phyin pa’o ||
tshe daṅ ldan pa ś ri’i bu de ltar byaṅ chub sems dpa’ sems dpa’ chen po pha rol tu phyin pa re re la gnas te | pha rol tu phyin pa drug po thams cad yoṅs su rdzogs par byed do ||
tshe daṅ (4) ldan pa ś ri’i bu gźan yaṅ byaṅ chub sems dpa’ sems dpa’ chen po ni bsam gtan rnams la yaṅ sñoms par ’jug la | bsam gtan rnams kyi ro myoṅ bar yaṅ mi byed ciṅ | de dag gis kyaṅ mi ’phrogs te | de dag gi dbaṅ gis kyaṅ mi skye | tshad med pa daṅ | gzugs (5) med pa’i sñoms par ’jug pa dag la yaṅ sñoms par ’jug la ro myoṅ bar yaṅ mi byed ciṅ | de dag gis kyaṅ mi ’phrogs la | de dag gi dbaṅ gis kyaṅ mi skye ste | tshe daṅ ldan pa ś ri’i bu de ni byaṅ chub sems dpa’ sems dpa’ chen po’i thabs la mkhas pa daṅ ldan pa’i śes rab (6) kyi pha rol tu phyin par rig par bya’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po ni bsam gtan daṅ | tshad med pa daṅ | gzugs med pa’i sñoms par ’jug pa dag la dben par mthoṅ nas gnas | stoṅ pa ñid daṅ | mtshan ma med pa daṅ | (7) smon pa med par mthoṅ nas gnas kyaṅ | yaṅ dag pa’i mtha’ yaṅ mṅon sum du mi byed de | de ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i thabs la mkhas pa’i go cha chen po yin te | tshe daṅ ldan pa ś ri’i bu de ltar na byaṅ chub sems dpa’ (126a1) sems dpa’ chen po go cha chen po bgos pa źes bya’o ||
tshe daṅ ldan pa ś ri’i bu byaṅ chub sems dpa’ sems dpa’ chen po de ltar go cha bgos pa la phyogs bcu dag na bźugs pa’i saṅs rgyas bcom ldan ’das rnams kyaṅ ’jig rten gyi khams ga ge mo źig ces (2) bya ba źig na | byaṅ chub sems dpa’ sems dpa’ cen po go cha chen po bgos pa źig sems can rnams kyaṅ yogs su smin par byed | saṅs rgyas kyi źiṅ yaṅ yoṅs su dag par byed do źes ched du brjod pa ched du brjod ciṅ bsṅags pa yaṅ gsuṅ la miṅ yaṅ yoṅs su sgrogs śiṅ | (3) byaṅ chub sems dpa’ de’i sgra rjod pa yaṅ mdzad la | dbyaṅs rjes su sgrogs pa yaṅ mdzad do ||
ś ri’i bus smras pa | tshe daṅ ldan pa gaṅ po ji tsam gyis na | byaṅ chub sems dpa’ sems dpa’ chen po theg pa chen po la yaṅ dag par źugs pa yin | byaṅ chub sems dpa’ (4) sems dpa’ chen po’i theg pa chen po ni gaṅ yin | gaṅ pos smras pa | tshe daṅ ldan pa ś ri’i bu ’di la byaṅ chub sems dpa’ sems dpa’ chen po pha rol tu phyin pa drug la spyod ciṅ | de sbyin pa’i pha rol tu phyin pa la spyod pa na ’dod pa dag las dben pa | sdig pa mi dge ba’i chos (5) rnams las dben pa | rtog pa daṅ bcas pa dpyod pa daṅ bcas pa | dben pa las skyes pa’i dga’ ba daṅ bde ba can bsam gtan daṅ po rdzogs par byas te gnas pa daṅ | de bźin du bsam gtan gñis pa daṅ | gsum pa daṅ | bźi pa rdzogs par byas te | (6) gnas pa daṅ | de byams pa daṅ ldan pa’i sems yaṅs pa | rgya chen por gyur pa | tshad med pa | mi gñis pa | kho na med pa | ’gran zla med pa | gnod pa med pa | śin tu bsgoms pas ’jig rten chos kyi dbyiṅs kyis klas pa | nam mkha’i khams kyi mthas gtugs (7) pa’i phyogs bcu khyab par byas te gnas pa daṅ | de bźin du sñiṅ rje daṅ ldan pa daṅ | dga’ ba daṅ ldan pa daṅ | btaṅ sñoms daṅ ldan pa’i sems yaṅ pa rgya chen por gyur ba | tshad med pa | mi gñis pa | kho na med pa | ’gran zla med pa | gnod pa med pa | śin tu (126b1) bsgoms pas ’jig rten chos kyi dbyiṅs kyis klas pa | nam mkha’i khams kyi mthas gtugs pa’i phyogs bcu khyab par byas te gnas pa daṅ | de bźin du nam mkha’ mtha’ yas skye mched daṅ | rnam śes mtha’ yas skye mched daṅ | ci yaṅ med pa’i skye mched daṅ | ’du (2) śes med ’du śes med min skye mched rdzogs par byas te | gnas pa de ni byaṅ chub sems dpa’ sems dpa’ chen po’i bsam gtan rnams daṅ | tshad med pa rnams daṅ | gzugs med pa’i sñoms par ’jug pa rnams te | byaṅ chub sems dpa’ sems dpa’ chen po sbyin pa’i (3) pha rol tu phyin pa la spyod pa gaṅ gi tshe | nam mkha’i rnam pa daṅ | rtags daṅ | mtshan ma rnams kyis bsam gtan de dag daṅ | tshad med pa de dag daṅ | gzugs med pa de dag la sñoms par ’jug ciṅ ldaṅ ba na | dge ba’i rtsa ba de dag kyaṅ sems can thams cad daṅ thun (4) moṅ du byas nas | bla na med pa yaṅ dag par rdzogs pa’i byaṅ chub tu yoṅs su sṅo bar byed do ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa la spyod pa la yaṅ goṅ ma (5) bźin du sbyar bar bya’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi po dag la sñoms par ’jug ste | (6) gaṅ gi tshe byaṅ chub sems dpa’ bsam gtan de dag daṅ | tshad med pa de dag daṅ | gzugs med pa’i sñoms par ’jug pa de dag gis gnas śiṅ | de bsam gtan daṅ | tshad med pa daṅ | gzugs med pa’i sñoms par ’jug pa de dag la sñoms par ’jug la ldaṅ ba na | (7) nam mkha’i rnam pa daṅ | rtags daṅ | mtshan ma rnams yid la byed de | śes rab kyi pha rol tu phyin pa la spyod pa de | dge ba’i rtsa ba de dag daṅ | gźan dag kyaṅ rnam pa thams cad mkhyen pa ñid daṅ ldan pa’i yid la bya ba dag gis sems can thams cad daṅ thun moṅ du byas nas | (127a1) bla na med pa yaṅ dag par rdzogs pa’i byaṅ chub tu yoṅs su sṅo bar byed do ||
tshe daṅ ldan pa ś ri’i bu de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems dpa’ chen po theg pa chen po la yaṅ dag par (2) źugs pa yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po byams pa daṅ ldan pa’i sems yaṅs pa | rgya chen por gyur pa | tshad med pa | mi gñis pa | kho na med pa | ’gran zla med pa | gnod pa med pa | śin tu bsgoms (3) pas ’jig rten chos kyi dbyiṅs kyis klas pa | nam mkha’i khams kyi mthas gtugs pa’i phyogs gcig khyab par byas te gnas śiṅ | phyogs bcu’i bar du khyab par byas te gnas pa daṅ | sñiṅ rje daṅ ldan pa daṅ | dga’ ba daṅ ldan pa yaṅ de bźin te | tshe daṅ ldan pa ś ri’i (4) bu ’di la byaṅ chub sems dpa’ sems dpa’ chen po btaṅ sñoms daṅ ldan pa’i sems yaṅs pa | rgya chen por gyur pa | tshad med pa | mi gñis pa | kho na med pa | ’gran zla med pa | gnod pa med pa | śin tu bsgoms pas ’jig rten chos kyi dbyiṅs kyis klas pa | (5) nam mkha’i khams kyi mthas gtugs pa’i.i phyogs bcu’i phyogs re re khyab par byas nas gnas pa de ni byaṅ chub sems dpa’ sems dpa’ chen po’i tiṅ ṅe ’dzin ces bya’o ||
yaṅ byaṅ chub sems dpa’ sems dpa’ chen po de rnam pa thams cad mkhyen pa ñid daṅ ldan pa’i sems sñiṅ rje (6) chen po sṅon du ’gro bas sems can thams cad kyi ñon moṅs pa bsal ba’i phyir bsam gtan daṅ | tshad med pa daṅ | gzugs med pa’i sñoms par ’jug pa rnams gźan dag la yaṅ rjod ciṅ ston te rab tu ’chad la | rnam par ’byed de gsal bar byed ciṅ | de dag gi ro myoṅ ba daṅ | (7) ñes dmigs daṅ | ṅes par ’byuṅ ba yaṅ tshul bźin du ston pa de ni byaṅ chub sems dpa’ sems dpa’ chen po’i sbyin pa’i pha rol tu phyin pa’o ||
rnam pa thams cad mkhyen pa ñid daṅ ldan pa’i yid la bya ba de dag ñid kyis bsam gtan daṅ po daṅ | bsam gtan bźi pa’i bar dag (127b1) gnon ciṅ sgom ste | bsam gtan daṅ po daṅ | bsam gtan bźi pa’i bar de la yaṅ gnas la ’di lta ste | ñan thos kyi sems sam | raṅ saṅs rgyas kyi sems daṅ ldan pa’i sems bskyed pa gźan dag gi skabs mi ’byed pa de ni | byaṅ chub sems dpa’ sems dpa’ chen po’i (2) tshul khrims kyi pha rol tu phyin pa nag nog med pa’o ||
byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i yid la bya ba dag gis gnas pa de ’di sñam du sems te | sems can thams cad kyi ñon moṅs pa zad par bya ba’i phyir chos bstan to sñam (3) nas yid la byed pa de dag la ’dod pa daṅ | bzod pa daṅ | yoṅs su rtog pa daṅ | khoṅ du chud par byed pa daṅ | ñe bar ṅes par sems pa gaṅ yin pa de ni byaṅ chub sems dpa’ sems dpa’ chen po’i bzod pa’i pha rol tu phyin pa’o ||
tshe daṅ ldan pa ś ri’i bu gźan yaṅ byaṅ (4) chub sems dpa’ sems dpa’ chen po rnam pa thams cad mkhyen pa ñid daṅ ldan pa’i yid la bya ba dag gis dge ba’i rtsa ba thams cad sems can thams cad daṅ thun moṅ du byas nas rnam pa thams cad mkhyen pa ñid du yoṅs su bsṅo źiṅ | brtson ’grus kyaṅ mi gtoṅ ba de ni byaṅ chub sems dpa’ (5) sems dpa’ chen po’i brtson ’grus kyi pha rol tu phyin pa’o ||
byaṅ chub sems dpa’ sems dpa’ chen po gaṅ gi tshe rnam pa thams cad mkhyen pa ñid daṅ ldan pa’i yid la bya ba dag gis bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa thams cad (6) la sñoms par ’jug ciṅ ldaṅ yaṅ ñan thos kyi sa’am | raṅ saṅs rgyas kyi sar yaṅ mi ltuṅ źiṅ dge ba’i rtsa ba de yaṅ sems can thams cad daṅ thun moṅ du byas nas bla na med pa yaṅ dag par rdzogs pa’i byaṅ chub tu yoṅs su bsṅo ba de ni byaṅ chub sems dpa’ sems dpa’ chen po’i bsam gtan gyi pha (7) rol tu phyin pa’o ||
byaṅ chub sems dpa’ sems dpa’ chen po gaṅ gi tshe | rnam pa thams cad mkhyen pa ñid daṅ ldan pa’i yid la bya ba dag gis bsam gtan daṅ po’i yan lag rnams daṅ | bsam gtan gñis pa daṅ | gsum pa daṅ | bźi pa’i yan lag rnams la mi rtag pa’i (128a1) rnam pa daṅ | sdug bsṅal ba’i rnam pa daṅ | bdag med pa’i rnam pa daṅ | źi ba’i rnam pa daṅ | stoṅ pa’i rnam pa daṅ | mtshan ma med pa’i rnam pa daṅ | smon pa med pa’i rnam par so sor rtog pa de ni byaṅ chub sems dpa’ sems dpa’ chen po’i śes rab kyi pha rol (2) tu phyin pa’o ||
tshe daṅ ldan pa ś ri’i bu de ni byaṅ chub sems dpa’ sems dpa’ chen po’i pha rol tu phyin pa drug gi theg pa chen po yin te | de ltar na byaṅ chub sems dpa’ sems dpa’ chen po theg pa chen po la yaṅ dag par źugs pa yin no ||
tshe daṅ ldan pa ś ri’i (3) bu gźan yaṅ byaṅ chub sems dpa’ sems dpa’ chen po’i theg pa chen po rnam pa thams cad du byaṅ chub kyi phyogs kyi chos sum cu rtsa bdun sgom pa daṅ | rnam pa thams cad du rnam par thar pa’i sgo stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin sgom pa daṅ | (4) rnam pa thams cad du stobs rnams daṅ | mi ’jigs pa rnams daṅ | saṅs rgyas kyi chos ma ’dres pa bcwa brgyad kyi bar dag sgom pa’o ||
tshe daṅ ldan pa ś ri’i bu de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems (5) dpa’ chen po theg pa chen po la yaṅ dag par źugs pa yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po byams pa’i tiṅ ṅe ’dzin la sñoms par ’jug ciṅ | bdag gis sems can thams cad bskyab bo źes mṅon par gźol bar byed pa daṅ | sñiṅ (6) rje’i tiṅ ṅe ’dzin la sñoms par ’jug ciṅ | sems can rnams la sñiṅ rje ba daṅ | sñiṅ brtse bar ṅes par gźo ba daṅ | dga’ ba’i tiṅ ṅe ’dzin la yaṅ sñoms par ’jug ciṅ | bdag ñid kyis sems can thams cad dgrol bar bya’o ||
źes sems can rnams la ṅes par gźol ba (7) daṅ | btaṅ sñoms kyi tiṅ ṅe ’dzin la yaṅ sñoms par ’jug ciṅ ||
sems can rnams kyi zag pa zad par bya ba la ṅes par gźol bar byed pa ste | de ni byaṅ chub sems dpa’ sems dpa’ chen po tshaṅ med parnamasa la spyod pa’i sbyin pa’i pha rol tu phyin pa’o ||
byaṅ chub sems dpa’ sems (128b1) dpa’ chen po gaṅ gi tshe | bsam gtan daṅ tshad med pa rnams kyi rnam pa daṅ | rtags daṅ | mtshan ma dag la sñoms par ’jug ciṅ ldaṅ yaṅ | rnam pa thams cad mkhyen pa ñid ma gtogs par ñan thos daṅ | raṅ saṅs rgyas kyi sar yoṅs su mi bsṅo ba de ni | byaṅ chub sems (2) dpa’ sems dpa’ chen po tshad med pa rnams la spyod pa’i tshul khrims kyi pha rol tu phyin pa nag nog med pa’o ||
byaṅ chub sems dpa’ sems dpa’ chen po gaṅ gi tshe | bsam gtan daṅ | tshad med pa daṅ | gzugs med pa’i sñoms par ’jug pa de dag gis ma ’dres par gnas (3) śiṅ | ñan thos kyi sa’am | raṅ saṅs rgyas kyi sa’am | sa gñis po de dag tu ’dod par mi byed kyi | de rnam pa thams cad mkhyen pa ñid la bzod ciṅ ’dod pa de ni | byaṅ chub sems dpa’ sems dpa’ chen po tshad med pa rnams la spyod pa’i bzod pa’i pha rol tu phyin pa’o ||
(4) byaṅ chub sems dpa’ sems dpa’ chen po gaṅ gi tshe rnam pa thams cad mkhyen pa ñid daṅ ldan pa’i sems bskyed pa dag gis mi dge ba’i chos spaṅ ba daṅ | dge ba’i chos phun sum tshogs par bya ba’i phyir brtson pa mi gtoṅ ba de ni byaṅ chub sems dpa’ sems dpa’ chen po tshad med pa (5) rnams la spyod pa’i brtson ’grus kyi pha rol tu phyin pa’o ||
byaṅ chub sems dpa’ sems dpa’ chen po gaṅ gi tshe | bsam gtan de dag daṅ | tshad med pa de dag daṅ | gzugs med pa’i sñoms par ’jug pa de dag la yaṅ sñoms par ’jug ste | bsam gtan daṅ | tshad (6) med pa daṅ | gzugs med pa’i sñoms par ’jug pa’i dbaṅ gis kyaṅ mi skye la | de dag gi ro myoṅ bar yaṅ mi byed ciṅ | de dag gis kyaṅ mi ’phrogs pa de ni byaṅ chub sems dpa’ sems dpa’ chen po tshad med pa rnams la spyod pa’i bsam gtan gyi pha rol tu phyin pa’o ||
(7) byaṅ chub sems dpa’ sems dpa’ chen po gaṅ gi tshe rnam pa thams cad mkhyen pa ñid daṅ ldan pa’i yid la bya ba dag gis bsam gtan daṅ | tshad med pa daṅ | gzugs med pa’i sñoms par ’jug pa de dag la sñoms par ’jug ciṅ ldaṅ bar yaṅ byed la | de yaṅ mi rtag (129a1) pa’i rnam pa daṅ | sdug bsṅal ba’i rnam pa daṅ | bdag med pa’i rnam pa daṅ | źi ba’i rnam pa daṅ | stoṅ pa ñid kyi rnam pa daṅ | mtshan ma med pa’i rnam pa daṅ | smon pa med pa’i rnam par so sor rtog kyaṅ ñan thos kyi skyon med pa daṅ | raṅ saṅs rgyas (2) kyi skyon med par yaṅ mi ’jug pa de ni | byaṅ chub sems dpa’ sems dpa’ chen po’i śes rab kyi pha rol tu phyin pa’o ||
tshe daṅ ldan pa ś ri’i bu de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems dpa’ chen (3) po theg pa chen po la yaṅ dag par źugs pa yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po’i theg pa chen po ni mi dmigs pa’i tshul gyis naṅ stoṅ pa ñid śes pa gaṅ yin pa daṅ | mi dmigs pa’i tshul gyis dṅos po med pa’i ṅo bo ñid (4) stoṅ pa ñid kyi bar du śes pa’o ||
tshe daṅ ldan pa ś ri’i bu de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems dpa’ chen po theg pa chen po la yaṅ dag par źugs pa yin no ||
tshe daṅ ldan pa ś ri’i bu gźan (5) yaṅ byaṅ chub sems dpa’ sems dpa’ chen po’i theg pa chen po ni gaṅ chos thams cad la sems rnam par g-yeṅ ba med ciṅ mñam par bźag par śes pa’o ||
tshe daṅ ldan pa ś ri’i bu de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ (6) chub sems dpa’ sems dpa’ chen po’i theg pa chen po la yaṅ dag par źugs pa yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po’i theg pa chen po ni rtag ces bya bar śes pa mi ’jug | mi rtag ces bya ba daṅ | bde źes bya ba daṅ | sdug (7) bsṅal źes bya ba daṅ | bdag ces bya ba daṅ | bdag med ces bya ba daṅ | źi źes bya ba daṅ | ma źi źes bya ba daṅ | stoṅ źes bya ba daṅ | mi stoṅ źes bya ba daṅ | mtshan ma med ces bya ba daṅ | smon pa yod ces bya ba daṅ | smon pa med (129b1) ces bya bar śes pa mi ’jug ste | tshe daṅ ldan pa ś ri’i bu de yaṅ mi dmigs pa’i tshul gyis de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems dpa’ chen po theg pa chen po la yaṅ dag par źugs pa yin no ||
tshe (2) daṅ ldan pa ś ri’i bu gźan yaṅ byaṅ chub sems dpa’ sems dpa’ chen po’i theg pa chen po ni ’das pa’i dus la śes pa mi ’jug | ma ’oṅs pa’i dus la śes pa mi ’jug | da ltar byuṅ ba’i dus la śes pa yaṅ mi ’jug la | de dus gsum po dag mi śes pa yaṅ ma yin pa (3) ste | tshe daṅ ldan pa ś ri’i bu de yaṅ mi dmigs pa’i tshul gyis de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems dpa’ chen po theg pa chen po la yaṅ dag par źugs pa yin no ||
tshe daṅ ldan pa ś ri’i bu gźan yaṅ (4) byaṅ chub sems dpa’ sems dpa’ chen po’i theg pa chen po ni ’dod pa’i khams su śes pa mi ’jug | gzugs kyi khams daṅ gzugs med pa’i khams su śes pa mi ’jug la | de ’dod pa’i khams daṅ | gzugs kyi khams daṅ | gzugs med pa’i khams mi śes pa (5) yaṅ ma yin pa ste | tshe daṅ ldan pa ś ri’i bu de yaṅ mi dmigs pa’i tshul gyis de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems dpa’ chen po theg pa chen po la yaṅ dag par źugs pa yin no ||
tshe daṅ ldan pa ś ri’i (6) bu gźan yaṅ byaṅ chub sems dpa’ sems dpa’ chen po’i theg pa chen po ni ’jig rten pa’i chos rnams la śes pa mi ’jug | ’jig rten las ’das pa’i chos rnams daṅ | zag pa daṅ bcas pa rnams daṅ | zag pa med pa rnams daṅ | ’dus byas daṅ | ’dus ma byas kyi (7) chos rnams la yaṅ śes pa mi ’jug la | de ’jig rten pa daṅ | ’jig rten las ’das pa’i chos rnams mi śes pa yaṅ ma yin | zag pa daṅ bcas pa daṅ | zag pa med pa daṅ | ’dus byas daṅ | ’dus ma byas kyi chos rnams mi śes pa yaṅ ma yin pa ste | tshe daṅ ldan (130a1) pa ś ri’i bu de’aṅ mi dmigs pa’i tshul gyis de ni byaṅ chub sems dpa’ sems dpa’ chen po’i theg pa chen po yin te | de ltar na byaṅ chub sems dpa’ sems dpa’ chen po theg pa chen po la yaṅ dag par źugs pa yin no ||
de nas tshe daṅ ldan pa ś ri’i bus | (2) tshe daṅ ldan pa byams ma’i bu gaṅ po la ’di skad ces smras so ||
tshe daṅ ldan pa gaṅ po ci tsam gyis na byaṅ chub sems dpa’ sems dpa’ chen po theg pa chen po la yaṅ dag par gnas pa źes bya | gaṅ pos smras pa | tshe daṅ ldan pa ś ri’i bu ’di la byaṅ chub sems dpa’ sems (3) dpa’ chen po śes rab kyi pha rol tu phyin pa la spyod pa | sbyin pa’i pha rol tu phyin pa la yaṅ dag par gnas la | de sbyin pa’i pha rol tu phyin pa yaṅ mi dmigs | byaṅ chub sems dpa’ yaṅ mi dmigs | len pa po yaṅ mi dmigs te | de ltar na byaṅ chub sems dpa’ sems (4) dpa’ chen po mi dmigs pa’i tshul gyis sbyin pa’i pha rol tu phyin pa la yaṅ dag par gnas pa źes bya’o ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa la yaṅ dag par (5) gnas pa yaṅ de bźin no ||
tshe daṅ ldan pa ś ri’i bu ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni śes rab kyi pha rol tu phyin pa la yaṅ dag par gnas la | de śes rab kyi pha rol tu phyin pa yaṅ mi dmigs | byaṅ chub sems dpa’ (6) yaṅ mi dmigs | yid la byed pa yaṅ mi dmigs te | tshe daṅ ldan pa ś ri’i bu de ltar na byaṅ chub sems dpa’ sems dpa’ chen po mi dmigs pa’i tshul gyis śes rab kyi pha rol tu phyin pa la yaṅ dag par gnas pa źes bya’o ||
tshe daṅ ldan pa ś ri’i bu gźan yaṅ byaṅ chub sems dpa’ (7) sems dpa’ chen po rnam pa thams cad mkhyen pa ñid daṅ ldan pa’i sems ma ’dres pas bsgom pa rnam par gźig pa’i phyir naṅ stoṅ pa ñid sgom ste | de yaṅ mi dmigs pa’i tshul gyis sgom mo ||
rnam pa thams cad mkhyen pa ñid daṅ ldan pa’i sems ma ’dris pa dag gis bsgom pa (130b1) rnam par gźig pa’i phyir dṅos po med pa’i ṅo bo ñid stoṅ pa ñid kyi bar du sgom ste | de yaṅ mi dmigs pa’i tshul gyis sgom mo ||
tshe daṅ ldan pa ś ri’i bu de ltar na byaṅ chub sems dpa’ sems dpa’ chen po theg pa chen po la yaṅ dag par gnas pa źes bya’o ||
tshe daṅ ldan (2) pa ś ri’i bu gźan yaṅ byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i sems ma ’dres pa dag gis bsgom pa rnam par gźig pa’i phyir byaṅ chub kyi phyogs kyi chos sum cu rtsa bdun sgom ste | de yaṅ mi dmigs pa’i tshul gyis sgom mo ||
(3) rnam pa thams cad mkhyen pa ñid daṅ ldan pa’i sems ma ’dres pa dag gis bsgom pa rnam par gźig pa’i phyir stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin sgom ste | de yaṅ mi dmigs pa’i tshul gyis sgom mo ||
rnam pa thams cad mkhyen pa ñid daṅ (4) ldan pa’i sems ma ’dres pa dag gis bsgom pa rnam par gźig pa’i phyir stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar dag sgom ste | de yaṅ mi dmigs pa’i tshul gyis sgom mo ||
tshe daṅ (5) ldan pa ś ri’i bu de ltar na byaṅ chub sems dpa’ sems dpa’ chen po theg pa chen po la yaṅ dag par gnas pa źes bya ba’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sems can gyi khams dmigs su med pa’i phyir | ’di lta ste | byaṅ chub (6) sems dpa’ źes bya ba de ni tha sñad tsam du zad par śes so ||
gzugs dmigs su med pa’i phyir | ’di lta ste | gzugs źes bya ba de yaṅ mi tsam du zad do ||
rnam par śes pa’i bar du dmigs su med pa’i phyir | ’di lta ste | tshor ba daṅ | ’du śes daṅ | ’du (7) byed rnams daṅ | rnam par śes pa źes bya ba de ni miṅ tsam du zad do ||
mig dmigs su med pa’i phyir | ’di lta ste | mig ces bya ba de ni miṅ tsam du zad do ||
yid dmigs su med pa’i phyir | ’di lta ste | yid ces bya ba’i bar de ni miṅ tsam du zad do ||
khams rnams daṅ (131a1) skye mched rnams daṅ | rten ciṅ ’brel bar ’byuṅ ba daṅ | byaṅ chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyaṅ de bźin no ||
(2) naṅ stoṅ pa ñid dmigs su med pa’i phyir | ’di lta ste | naṅ stoṅ pa ñid ces bya ba de ni miṅ tsam du zad do ||
dṅos po med pa’i ṅo bo ñid stoṅ pa ñid dmigs su med pa’i phyir | dṅos po med pa’i ṅo bo ñid stoṅ pa ñid kyi bar de ni miṅ tsam du zad do ||
saṅs rgyas kyi chos dmigs (3) su med pa’i phyir | saṅs rgyas kyi chos rnams źes bya ba de ni miṅ tsam du zad do ||
yaṅ dag pa’i mtha’ dmigs su med pa’i phyir | ’di lta ste | de bźin ñid daṅ | chos ñid daṅ | chos kyi dbyiṅs daṅ | chos skyon med pa ñid daṅ | yaṅ dag pa’i mtha’ źes bya ba de (4) ni miṅ tsam du zad do ||
saṅs rgyas dmigs su med pa’i phyir ’di lta ste | byaṅ chub daṅ | saṅs rgyas źes bya ba de ni miṅ tsam du zad do źes bya bar śes te | tshe daṅ ldan pa ś ri’i bu de ltar na byaṅ chub sems dpa’ sems dpa’ chen po theg pa chen po la yaṅ dag par gnas pa (5) źes bya’o ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po mṅon par śes pa rnams yoṅs su rdzogs pa’i phyir sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du sems can rnams yoṅs su smin par byed do ||
saṅs (6) rgyas kyi źeṅ nas saṅs rgyas kyi źiṅ du ’gro’o ||
saṅs rgyas kyi źiṅ daṅ | saṅs rgyas kyi źiṅ na gaṅ la gaṅ ’os pa’i mchod pa daṅ | rim gro bya ba dag gis saṅs rgyas bcom ldan ’das rnams la bsti staṅ du byed do ||
saṅs rgyas bcom ldan ’das de dag las ’di lta ste | theg pa chen po ’di ñid kyi chos ñan to ||
de theg pa chen po de la źon te | saṅs rgyas kyi źiṅ nas saṅs rgyas kyi źiṅ du ’gro źiṅ | saṅs rgyas kyi źiṅ yaṅ yoṅs su dag par byed | sems can rnams kyaṅ (131b1) yoṅs su smin par byed la | de la saṅs rgyas kyi źiṅ gi ’du śes kyaṅ mi ’byuṅ | sems can gyi ’du śes kyaṅ mi ’byuṅ ṅo ||
de gñis su med pa’i sa la gnas te | lus ci lta bus sems can rnams kyi don byed nus pa de lta bu’i lus bsams bźin du yoṅs su ’dzin to ||
(2) de rnam pa thams cad mkhyen pa ñid kyi ye śes thob par gyur gyi bar du nam yaṅ theg pa de daṅ bral bar mi ’gyur ro ||
des rnam pa thams cad mkhyen pa ñid thob nas kyaṅ ñan thos daṅ | raṅ saṅs rgyas thams cad daṅ | lha daṅ | klu daṅ | gnod sbyin daṅ | dri za daṅ | lha (3) ma yin daṅ | nam mkha’ ldiṅ daṅ | mi ’am ci daṅ | lto ’phye chen po daṅ | mi daṅ mi ma yin pa daṅ bcas pa’i ’jig rten gyis bskor bar mi nus pa’i chos kyi ’khor lo bskor ro ||
de bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa na | śar (4) phyogs kyi ’jig rten gyi khams gaṅ g’i kluṅ gi bye ma sñed dag na bźugs pa’i saṅs rgyas bcom ldan ’das dag kyaṅ de’i bsṅags pa rjod de | ’jig rten gyi khams rab ’byam ga ge mo źes bya ba źig na | byaṅ chub sems dpa’ sems dpa’ chen po ’di źes bya ba źig theg pa (5) chen po la źon nas rnam pa thams cad mkhyen pa ñid thob ste | rnam pa thams cad mkhyen pa ñid thob nas kyaṅ chos kyi ’khor lo bskor to źes sñan pa sgrogs śiṅ dbyaṅs rjod pa mdzad do ||
de bźin du lho daṅ | nub daṅ | byaṅ daṅ | byaṅ śar daṅ | śar lho daṅ | lho (6) nub daṅ | nub byaṅ daṅ | ’og daṅ | steṅ gi phyogs kyi ’jig rten khams gaṅ g’i kluṅ gi bye ma sñed dag na bźugs pa’i saṅs rgyas bcom ldan ’das rnams kyaṅ de’i bsṅags pa rjod de | ’jig rten gyi khams ga ge mo źes bya ba źig na byaṅ chub sems dpa’ sems (7) dpa’ chen po ’di źes bya ba źig rnam pa thams cad mkhyen pa ñid thob ste | rnam pa thams cad mkhyen pa ñid thob nas kyaṅ chos kyi ’khor lo bskor to źes sñan pa sgrogs śiṅ dbyaṅs rjod pa mdzad do ||
tshe daṅ ldan pa ś ri’i bu de ltar na byaṅ chub sems dpa’ sems dpa’ chen po (132a1) theg pa chen po la yaṅ dag par gnas pa źes bya’o ||
śes rab kyi pha rol tu phyin pa khri brgyad stoṅ pa las | pha rol tu phyin pa drug gi le’u źes bya ste bcu gsum pa’o || ||
śes rab kyi pha rol tu phyin pa khri brgyad stoṅ pa | bam (2) po bcu pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das go cha chen po bgos | go cha chen po bgos źes bgyi na | bcom ldan ’das ci tsam gyis na | byaṅ chub sems dpa’ sems dpa’ chen po go cha chen (3) po bgos źes bgyi ba lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po theg pa chen po’i go cha bgos pa ’di lta ste | sbyin pa’i pha rol tu phyin pa’i go cha bgos | de bźin du tshul khrims kyi pha rol tu (4) phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i go cha bgos | dran pa ñe bar gźag pa’i go cha bgos | yaṅ dag pa’i spoṅ ba daṅ | rdzu ’phrul gyi (5) rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam gyi go cha bgos | naṅ stoṅ pa ñid kyi go cha bgos | dṅos po med pa’i ṅo bo’i ñid stoṅ pa ñid kyi bar gyi go cha bgos | stobs kyi go cha bgos | mi ’jigs pa’i go cha bgos | so so yaṅ (6) dag par rig pa’i go cha bgos | saṅs rgyas kyi chos ma ’dres pa bcwa brgyad kyi go cha bgos | rnam pa thams cad mkhyen pa ñid kyi go cha bgos | saṅs rgyas kyi sku’i go cha bgos nas stoṅ gsum gyi stoṅ chen po’i ’jig rten gyi khams snaṅ bas khyab par byed ciṅ g-yo bar yaṅ (7) byed de | sems can dmyal ba thams cad kyi gnas rnams su me rab tu źi bar byas nas | sems can dmyal ba pa’i sems can rnams kyi sdug bsṅal rnams rab tu źi bar byas te | sems can de dag la sdug bsṅal rnams źi bar rig par byed ciṅ | byaṅ chub sems dpa’ de (132b1) ’di skad ces de bźin gśegs pa dgra bcom pa yaṅ dag par rdzogs pa’i saṅs rgyas la phyag ’tshal lo źes bya ba’i sgra rjod ciṅ dbyaṅs sgrog go ||
de nas sems can dmyal ba pa de dag gis saṅs rgyas kyi sgra de thos nas bde ba daṅ | yid bde ba thob ste | bde ba daṅ | yid (2) bde ba de ñid kyis sems can dmyal ba de dag nas byuṅ nas | gaṅ daṅ gaṅ na saṅs rgyas bcom ldan ’das rnams bźugs te mthoṅ źiṅ mñes par byar yod pa daṅ | lha daṅ mir skye bar ’gyur ba’i ’jig rten gyi khams de daṅ der skye’o ||
de bźin du dud ’gro’i skye gnas daṅ | (3) gśin rje’i ’jig rten nas sems can rnams byuṅ nas | gaṅ daṅ gaṅ na saṅs rgyas bcom ldan ’das rnams bźugs pa de daṅ der skye’o ||
de bźin du śar daṅ | lho daṅ | nub daṅ | byaṅ phyogs daṅ | byaṅ śar daṅ | śar lho daṅ | lho nub daṅ | nub byaṅ daṅ | (4) ’og daṅ | steṅ gi phyogs gi ’jig rten gyi khams gaṅ g’i kluṅ gi bye ma sñed dag snaṅ bas khyab par byed ciṅ | rnam pa drug tu g-yo bar yaṅ byed de | sems can dmyal ba thams cad kyi gnas rnams su me rab tu źi bar byas nas | sems can dmyal ba pa’i sems can (5) rnams kyi sdug bsṅal rnams rab tu źi bar byas te | sems can de dag la sdug bsṅal rnams źi bar rig par byed ciṅ | byaṅ chub sems dpa’ de ’di skad ces | de bźin gśegs pa dgra bcom pa yaṅ dag par rdzogs pa’i saṅs rgyas la phyag ’tshal lo ||
źes bya ba’i (6) sgra rjod ciṅ dbyaṅs sgrog go ||
de nas sems can dmyal ba de dag gis saṅs rgyas kyi sgra de thos nas bde ba daṅ | yid bde ba thob ste | bde ba daṅ | yid bde ba de ñid kyis sems can dmyal ba de dag nas byuṅ nas | gaṅ daṅ gaṅ na saṅs rgyas bcom ldan ’das (7) rnams bźugs te | mthoṅ źiṅ | bsñen bkur byar yod pa daṅ | lha daṅ mir skye bar ’gyur ba’i ’jig rten gyi khams de ṅaṅ der skye’o ||
mir skyes nas saṅs rgyas bcom ldan ’das de dag la mñes par byed do ||
de bźin dud ’gro’i skye gnas rnams daṅ | gśin (133a1) rje’i ’jig rten rnams nas sems can de dag śi ’phos te | gaṅ daṅ gaṅ na saṅs rgyas bcom ldan ’das rnams bźugs pa’i ’jig rten gyi khams de daṅ der skye’o ||
rab ’byor de ltar na byaṅ chub sems dpa’ sems dpa’ chen po go cha chen po bgos pa źes (2) bya’o ||
rab ’byor ’di lta ste dper na | sgyu ma mkhan nam | sgyu ma mkhan gyi slob ma mkhas pa źig gis lam po che’i bźi mdor skye bo phal po che’i mdun du sems can dmyal ba dag daṅ | dud ’gro’i skye gnas daṅ | gśin rje’i ’jig rten mṅon par sprul la | des (3) mṅon par sprul nas | sems can de dag la saṅs rgyas kyi sgra daṅ | chos kyi sgra daṅ | dge ’dun gyi sgra bsgrags te | de nas sprul pa de dag saṅs rgyas kyi sgra daṅ | chos kyi sgra daṅ | dge ’dun gyi sgra des sems can dmyal ba de dag daṅ | dud ’gro’i skye gnas daṅ (4) gśin rje’i ’jig rten nas byuṅ bar gyur na | rab ’byor ’di ji sñam du sems | sgyu ma mkhan nam | sgyu ma mkhan gyi slob ma des sems can ’ga’ yaṅ sems can dmyal ba rnams daṅ | dud ’gro’i skye gnas daṅ | gśin rje’i ’jig rten dag nas phyuṅ ba yod (5) sñam ’am | gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ sems dpa’ chen pos ’jig rten gyi khams graṅs med dpag tu med pa rnams su sems can rnams ṅan (6) ’gro gsum po dag las yoṅs su bkrol yaṅ sems can ’ga’ yaṅ yoṅs su bkrol bar gyur pa med do ||
de ci’i phyir źe na | rab ’byor sgyu ma’i chos ñid ñe bar bzuṅ nas chos rnams kyi chos ñid ’di yin pa’i phyir te | rab ’byor de ltar na byaṅ chub sems dpa’ sems (7) dpa’ chen po go cha chen po bgos pa źes bya’o ||
rab ’byor gźan yaṅ byaṅ chub sems dpa’ sems dpa’ cen po sbyin pa’i pha rol tu phyin pa la gnas te | go cha chen po bgos nas stoṅ gsum gyi stoṅ chen po’i ’jig rten gyi khams be.e dUrya’i raṅ bźin du mṅon par sprul te | (133b1) stoṅ gsum gyi stoṅ chen po’i ’jig rten gyi khams be.e dUrya’i daṅ bźin du mṅon par sprul nas | ’khor los sgyur ba’i bkod pa mṅon par sprul pa byed do ||
des ’khor los sgyur ba’i bkod pa mṅon par sprul nas | zas ’dod pa rnams la zas sbyin par byed do ||
de bźin (2) du btuṅ ba daṅ | gos daṅ | bźon pa daṅ | spos daṅ | me tog phreṅ daṅ | me tog daṅ | bdug pa daṅ | byug pa daṅ | phye ma daṅ | yo byad daṅ | gnas daṅ | mal cha daṅ | bgo ba daṅ | ’tsho ba’i yo byad daṅ | rtsi sman daṅ | gser daṅ | (3) dṅul daṅ | nor bu daṅ | rin po che daṅ | byi ru daṅ | duṅ daṅ | man śel daṅ | mu tig daṅ | rgyan dag daṅ | yo byad gaṅ yaṅ dud bdag sbyin par byed do ||
ṅes zas ’dod pa rnams la zas sbyin źiṅ yo byad gaṅ yaṅ ruṅ ba’i bar dag byin nas sems can de (4) dag la ’di lta ste | pha rol tu phyin pa drug daṅ ldan pa’i chos bstan pa ’di ñid kyi chos ston to ||
sems can de dag gis kyaṅ chos bstan pa de thos nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du pha rol tu phyin pa drug daṅ nam yaṅ (5) ’bral bar mi ’gyur ro ||
rab ’byor ’di lta ste dper na | sgyu ma mkhan nam | sgyu ma mkhan gyi slob ma mkhas pa źig gis lam po che’i bźi mdor skye bo phal po che’i mdun du skye bo’i tshogs chen po źig mṅon par sprul te | zas ’dod pa rnams la zas byin źiṅ | mi’i yo (6) byad gaṅ yaṅ ruṅ ba’i bar du byin na | rab ’byor ’di ji sñam du sems | sgyu ma mkhan nam | sgyu ma mkhan gyi slob ma des sems can gaṅ la yaṅ ci yaṅ byin pa yod sñam ’am | gsol pa | bcom ldan ’das de ni ma mchis lags so ||
bcom ldan ’das kyis bka’ (7) stsal pa | rab ’byor de bźin du byaṅ chub sems dpa’ sems dpa’ chen pos ’khor los sgyur ba’i bkod pa mṅon par sprul te | zas ’dod pa rnams la zas byin źiṅ | mi’i yo byad gaṅ yaṅ ruṅ ba’i bar du byin yaṅ | sems can gaṅ la yaṅ ci yaṅ byin pa med do ||
de (134a1) ci’i phyir źe na | sgyu ma’i chos ñid ñe bar bzuṅ na | chos rnams kyi chos ñid ’di yin pa’i phyir te | rab ’byor de ltar na byaṅ chub sems dpa’ sems dpa’ chen po go cha chen po bgos pa źes bya’o ||
rab ’byor gźan yaṅ byaṅ chub sems dpa’ sems (2) dpa’ chen po tshul khrims kyi pha rol tu phyin pa la gnas te | bsams bźin du skye ba yoṅs su ’dzin ciṅ ’khor los sgyur ba’i rigs su skye ste | ’khor los sgyur ba’i dbaṅ phyug de la gnas nas | sems can rnams dge ba bcu’i las kyi lam la ’god par byed | bsam (3) gtan bźi daṅ | tshad med pa bźi daṅ | gzugs med pa’i sñoms par ’jug pa bźi la ’god par byed | byaṅ chub kyi phyogs kyi chos sum cu rtsa bdun gyi bar dag la ’god par byed | saṅs rgyas kyi chos ma ’dres pa bcwa brgyad kyi bar dag la ’god par byed ciṅ | (4) sems can de dag kyaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ chos bstan pa de daṅ ’bral bar mi ’gyur ro ||
rab ’byor ’di lta ste dper na | sgyu ma mkhan nam | sgyu ma mkhan gyi slob ma mkhas pa źig gis (5) lam po che’i bźi mdor skye bo phal po’i mdun du skye bo’i tshogs chen po źig mṅon par sprul nas dge ba bcu’i las kyi lam la bkod ciṅ | saṅs rgyas kyi chos ma ’dres pa bcwa brgyad kyi bar dag la bkod na | rab ’byor ’di ji sñam du sems | sgyu ma mkhan nam | sgyu ma (6) mkhan gyi slob ma des sems can ’ga’ yaṅ dge ba bcu’i las kyi lam la bkod pa’am | saṅs rgyas kyi chos ma ’dres pa bcwa brgyad kyi bar dag la bkod pa yod sñam ’am | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis (7) bka’ stsal pa | rab ’byor de bźin du byaṅ chub sems dpa’ sems dpa’ chen pos sems can graṅs med tshaṅ med pa dag dge ba bcu’i las kyi lam la bkod ciṅ | saṅs rgyas kyi chos ma ’dres pa bcwa brgyad kyi bar dag la bkod kyaṅ | sems can ’ga’ yaṅ dge ba bcu’i (134b1) las kyi lam la bkod pa ’am | saṅs rgyas kyi chos ma ’dres pa bcwa brgyad kyi bar dag la bkod pa med do ||
de ci’i phyir źe na | rab ’byor sgyu ma’i chos ñid ñe bar bzuṅ nas chos rnams kyi chos ñid ’di yin pa’i phyir te | rab ’byor de ltar na byaṅ chub sems dpa’ sems (2) dpa’ chen po go cha chen po bgos pa źes bya’o ||
rab ’byor gźan yaṅ byaṅ chub sems dpa’ sems dpa’ chen po bzod pa’i pha rol tu phyin pa la gnas te | sems can thams cad bzod pa’i pha rol tu phyin pa la sbyor źiṅ ’god par byed do ||
rab ’byor ji ltar na byaṅ chub sems (3) dpa’ sems dpa’ chen po bzod pa’i pha rol tu phyin pa la gnas te | sems can rnams bzod pa’i pha rol tu phyin pa la sbyor źiṅ ’god ce na | rab ’byor ’di la byaṅ chub sems dpa’ sems dpa’ chen po sems daṅ po bskyed phyin chad ’di ltar go cha chen po bgos te | gal te (4) sems can thams cad kyis bdag la dbyig pa daṅ | boṅ ba daṅ | khu tshur daṅ | lag cha daṅ | mtshon gyis ’debs kyaṅ de la bdag gis ’khrug pa’i sems ’ga’ yaṅ bskyed par mi bya’o sñam źiṅ | sems can thams cad kyaṅ bzod pa de lta bu la ’god do ||
rab ’byor (5) ’di lta ste dper na sgyu ma mkhan nam | sgyu ma mkhan gyi slob ma mkhas pa źig gis lam po che’i bźi mdor skye bo phal po che’i mdun du skye bo’i tshogs chen po źig mṅon par sprul nas bzod pa’i pha rol tu phyin pa la sbyar ciṅ bkod na | rab ’byor ’di ji sñam du sems | sgyu ma mkhan nam | (6) sgyu ma mkhan gyi slob ma des sems can ’ga’ yaṅ bzod pa’i pha rol tu phyin pa la bkod pa yod sñam ’am | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ (7) sems dpa’ chen pos sems can graṅs med tshad med pa dag bzod pa’i pha rol tu phyin pa la bkod kyaṅ | sems can ’ga’ yaṅ bzod pa’i pha rol tu phyin pa la bkod pa med do ||
de ci’i phyir źe na | rab ’byor sgyu ma’i chos ñid ñe bar bzuṅ na | chos rnams kyi chos ñid (135a1) ’di yin pa’i phyir te | rab ’byor de ltar na byaṅ chub sems dpa’ sems dpa’ chen po go cha chen po bgos pa źes bya’o ||
rab ’byor gźan yaṅ byaṅ chub sems dpa’ sems dpa’ chen po brtson ’grus kyi pha rol tu phyin pa la gnas te | sems can thams cad (2) brtson ’grus kyi pha rol tu phyin pa yaṅ dag par ’dzin du ’jug ciṅ ’dzud de ’god par byed do ||
rab ’byor ji ltar na byaṅ chub sems dpa’ sems dpa’ chen po sems can thams cad brtson ’grus kyi pha rol tu phyin pa yaṅ dag par ’dzin du ’jug ciṅ ’dzud de ’god ce na | rab (3) ’byor ’di la byaṅ chub sems dpa’ sems dpa’ chen po brtson ’grus kyi pha rol tu phyin pa la gnas śiṅ | rnam pa thams cad mkhyen pa ñid daṅ ldan pa’i yid la bya ba dag gis sems can thams cad lus daṅ sems kyi brtson ’grus yaṅ dag par ’dzin du ’jug ciṅ (4) ’dzud de ’god par byed do ||
rab ’byor ’di lta ste dper na | sgyu ma mkhan nam | sgyu ma mkhan gyi slob ma mkhas pa źig gis lam po che’i bźi mdor skye bo phal po che’i mdun du | skye bo’i tshogs chen po źig mṅon par sprul nas | lus daṅ | sems kyi brtson (5) ’grus yaṅ dag par ’dzin du ’jug ciṅ ’dzud de bkod na | rab ’byor ’di ji sñam du sems | sgyu ma mkhan nam | sgyu ma mkhan gyi slob ma des sems can ’ga’ yaṅ lus daṅ | sems kyi brtson ’grus yaṅ dag par ’dzin du bcug ciṅ btsud de bkod pa yod sñam ’am | (6) rab ’byor gyis gsol ba | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ sems dpa’ chen pos sems can thams cad lus daṅ | sems kyi brtson ’grus yaṅ dag par ’dzin du (7) bcug ciṅ bdud de bkod kyaṅ | sems can ’ga’ yaṅ lus daṅ sems kyi brtson ’grus yaṅ dag par ’dzin du bcug ciṅ btsud de bkod pa med do ||
de ci’i phyir źe na | rab ’byor sgyu ma’i chos ñid ñe bar bzuṅ na | chos rnams kyi chos ñid ’di yin pa’i phyir te | rab (135b1) ’byor de ltar na byaṅ chub sems dpa’ sems dpa’ chen po ni go cha chen po bgos pa źes bya’o ||
rab ’byor gźan yaṅ byaṅ chub sems dpa’ sems dpa’ chen po bsam gtan gyi pha rol tu phyin pa la gnas te | sems can thams cad bsam gtan gyi pha rol tu phyin (2) pa yaṅ dag par ’dzin du ’jug ciṅ ’dzud de ’god par byed do ||
rab ’byor ji ltar na byaṅ chub sems dpa’ sems dpa’ chen po bsam gtan gyi pha rol tu phyin pa la gnas te | sems can thams cad bsam gtan gyi pha rol tu phyin pa yaṅ dag par ’dzin du ’jug ciṅ ’dzud (3) de ’god ce na | rab ’byor ’di la byaṅ chub sems dpa’ sems dpa’ chen po chos thams cad kyi mñam pa ñid la gnas śiṅ | chos gaṅ la yaṅ rnam par g-yeṅ ba ’am | rnam par g-yeṅ ba med par yaṅ dag par rjes su mi mthoṅ ṅo ||
rab ’byor de ltar na byaṅ chub (4) sems dpa’ sems dpa’ chen po bsam gtan gyi pha rol tu phyin pa la gnas pa yin te | des de bźin du sems can thams cad kyaṅ bsam gtan gyi pha rol tu phyin pa yaṅ dag par ’dzin du ’jug ciṅ ’dzud de ’god par byed do ||
yaṅ dag par ’dzin du bźug pa de dag kyaṅ bla na (5) med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ bsam gtan gyi pha rol tu phyin pa daṅ ’bral bar mi ’gyur ro ||
rab ’byor ’di lta ste dpar na | sgyu ma mkhan nam | sgyu ma mkhan gyi slob ma mkhas pa źig gis lam po che’i bźi (6) mdor skye bo phal po che’i mdun du skye bo’i tshogs chen po źig mṅon par sprul nas bsam gtan gyi pha rol tu phyin pa yaṅ dag par ’dzin du bcug ciṅ bcud de bkod na | rab ’byor ’di ji sñam du sems | sgyu ma mkhan nam | sgyu ma mkhan gyi slob ma des sems can ’ga’ yaṅ (7) bsam gtan gyi pha rol tu phyin pa yaṅ dag par ’dzin du bcug ciṅ btsud de bkod pa yod sñam ’am | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ sems (136a1) dpa’ chen pos sems can thams cad bsam gtan gyi pha rol tu phyin pa yaṅ dag par ’dzin du bcug ciṅ btsud de bkod kyaṅ | sems can ’ga’ yaṅ bsam gtan gyi pha rol tu phyin pa la bkod pa med do ||
de ci’i phyir źe na | rab ’byor sgyu ma’i chos ñid (2) ñe bar bzuṅ na | chos rnams kyi chos ñid ’di yin pa’i phyir te | rab ’byor de ltar na byaṅ chub sems dpa’ sems dpa’ chen po go cha chen po bgos pa źes bya’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la gnas (3) te | sems can thams cad kyaṅ śes rab kyi pha rol tu phyin pa yaṅ dag par ’dzin du ’jug ciṅ ’dzud de ’goṅ par byad do ||
rab ’byor ji ltar na byaṅ chub sems dpa’ sems dpa’ chen po śes rab kyi pha rol tu phyin pa la gnas te | sems can thams cad śes rab kyi (4) pha rol tu phyin pa yaṅ dag par ’dzin du ’jug ciṅ ’dzud de ’god ce na | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pas | chos gaṅ la yaṅ skye ba ’am | ’gag pa ’am | kun nas ñon moṅs pa’am | (5) rnam par byaṅ ba ’am | tshu rol lam | pha rol mi dmigs so ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la gnas pa yin te | des de bźin du sems can thams cad kyaṅ śes rab kyi pha rol tu phyin pa yaṅ dag (6) par ’dzin du ’jug ciṅ ’jud de ’god do ||
rab ’byor ’di lta ste dper na | sgyu ma mkhan nam | sgyu ma mkhan gyi slob ma mkhas pa źig gis lam po che’i bźi mdor skye bo phal po che’i mdun du skye bo’i tshogs chen po źig mṅon par sprul nas | śes rab kyi pha rol tu phyin (7) pa yaṅ dag par ’dzin du bcug ciṅ btsud de bkod na | rab ’byor ’di ji sñam du sems | sgyu ma mkhan nam | sgyu ma mkhan gyi slob ma des sems can ’ga’ yaṅ śes rab kyi pha rol tu phyin pa la bkod pa yod sñam ’am | rab ’byor gyis gsol pa | bcom ldan (136b1) ’das de ni ma mchis lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ sems dpa’ chen pos sems can thams cad śes rab kyi pha rol tu phyin pa la bkod kyaṅ | sems can ’ga’ yaṅ śes rab kyi pha rol tu phyin pa (2) la bkod pa med do ||
de ci’i phyir źe na | rab ’byor sgyu ma’i chos ñid ñe bar bzuṅ na chos rnams kyi chos ñid ’di yin pa’i phyir te | rab ’byor de ltar na byaṅ chub sems dpa’ sems dpa’ chen po go cha chen po bgos pa źes bya’o ||
rab ’byor gźan yaṅ (3) byaṅ chub sems dpa’ sems dpa’ chen po go cha chen po bgos pa ni śar phyogs kyi ’jig rten gyi khams gaṅ g’i kluṅ gi bye ma sñed dag tu soṅ źiṅ | de ji ltar bdag sbyin pa’i pha rol tu phyin pa la gnas pa bźin du | ’jig rten gyi khams de dag na sems can gaṅ dag (4) ’khod pa’i sems can dag kyaṅ sbyin pa’i pha rol tu phyin pa yaṅ dag par ’dzin du ’jug ciṅ ’dzud de ’god par byed do ||
de bźin du ji ltar bdag tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | (5) bsam gtan gyi pha rol tu phyin pa daṅ | śes rab kyi pha rol tu phyin pa la gnas pa bźin du sems can de dag kyaṅ śes rab kyi pha rol tu phyin pa’i bar dag yaṅ dag par ’dzin du ’jug ciṅ ’dzud de ’god par byed la | ’di lta ste | pha rol tu phyin pa drug daṅ ldan pa (6) ’di ñid kyi chos kyaṅ ston to ||
sems can de dag kyaṅ chos de thos nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ pha rol tu phyin pa drug daṅ ’bral bar mi ’gyur ro ||
de bźin du lho daṅ | nub daṅ | (7) byaṅ daṅ | byaṅ śar daṅ | śar lho daṅ | lho nub daṅ | ’og daṅ | steṅ gi phyogs kyi phyogs re rer yaṅ ’jig rten gyi khams gaṅ g’i kluṅ gi bye ma sñed dag tu soṅ źiṅ | de ji ltar bdag sbyin pa’i pha rol tu phyin pa la gnas pa bźin du ’jig (137a1) rten gyi khams de dag na sems can gaṅ dag ’khod pa’i sems can de dag kyaṅ sbyin pa’i pha rol tu phyin pa la yaṅ dag par ’dzin du ’jug caṅ ’dzud de ’god do ||
de bźin du ji ltar bdag tshul khrims kyi pha rol tu phyin pa daṅ | bzod pa’i pha rol tu phyin pa daṅ | (2) brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la gnas pa bźin du sems can de dag kyaṅ śes rab kyi pha rol tu phyin pa’i bar dag yaṅ dag par ’dzin du ’jug ciṅ ’dzud de ’god la ’di lta ste | pha rol tu phyin pa (3) drug daṅ ldan pa ’di ñid kyi chos kyaṅ ston to ||
sems can de dag kyaṅ chos de thos nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ pha rol tu phyin pa drug daṅ ’bral bar mi ’gyur ro ||
rab ’byor ’di lta ste | dper na (4) sgyu ma mkhan nam | sgyu ma mkhan gyi slob ma mkhas pa źig gis lam po che’i bźi mdor skye bo phal po che’i mdun du skye bo’i tshogs chen po źig mṅon par sprul nas | pha rol tu phyin pa drug yaṅ dag par ’dzin du bcug ciṅ btsud de bkod na | rab ’byor ’di ji sñam du sems | (5) sgyu ma mkhan nam | sgyu ma mkhan gyi slob ma des sems can ’ga’ yaṅ pha rol tu phyin pa drug yaṅ dag par ’dzin du bcug ciṅ btsud de bkod pa yod sñam ’am | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal (6) pa | rab ’byor de bźin du byaṅ chub sems dpa’ sems dpa’ chen pos śar phyogs daṅ | phyogs bcu kun gyi ’jig rten gyi khams gaṅ g’i kluṅ gi bye ma sñed po de dag gi sems can de dag thams cad pha rol tu phyin pa drug la bkod kyaṅ sems can ’ga’ yaṅ pha rol tu phyin pa (7) drug la bkod pa med do ||
de ci’i phyir źe na | rab ’byor sgyu ma’i chos ñid ñe bar bzuṅ na | chos rnams kyi chos ñid ’di yin pa’i phyir te | rab ’byor de ltar na byaṅ chub sems dpa’ sems dpa’ chen po go cha chen po bgos pa źes bya’o ||
rab ’byor de gźan yaṅ byaṅ chub (137b1) sems dpa’ sems dpa’ chen po go cha chen po bgos pa ni | rnam pa thams cad mkhyen pa ñid daṅ ldan pa’i sems kyis gnas śiṅ | sems bskyed pa gźan gyi skabs mi ’byed de | bdag gis sems can ’di sñed cig ni sbyin pa’i pha rol tu phyin pa la dgod par bya’o ||
’di (2) sñed cig ni dgod par mi bya’o ||
sems can ’di sñed cig ni tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la dgod par bya’o ||
(3) ’di sñed cig ni dgod par mi bya’o ||
sems can ’di sñed cig ni dran pa ñe bar gźag pa rnams la dgod par bya’o ||
’di sñed cig ni dgod par mi bya’o ||
sems can ’di sñed cig ni saṅs rgyas kyi chos ma ’dres pa bcwa brgyad kyi bar dag la dgod par bya’o ||
’di sñed (4) cig ni dgod par mi bya’o ||
sems can ’di sñed cig ni rgyun du źugs pa’i ’bras bu la dgod par bya’o ||
’di sñed cig ni dgod par mi bya’o ||
sems can ’di sñed cig ni lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid la (5) dgod par bya’o ||
’di sñed cig ni dgod par mi bya’o ||
sems can ’di sñed cig ni raṅ byaṅ chub la dgod par bya’o ||
’di sñed cig ni dgod par mi bya’o ||
sems can ’di sñed cig ni rnam pa thams cad mkhyen pa ñid la dgod par bya’o ||
’di sñed cig ni dgod (6) par me bya’o sñam du mi sems kyi gźan du na de ’di sñam du sems te | bdag gis sems can tshad med graṅs med pa dag pha rol tu phyin pa drug la dgod par bya’o ||
byaṅ chub kyi phyogs kyi chos sum cu rtsa bdun la dgod par bya’o ||
de bźin gśegs pa’i stobs bcu daṅ | (7) mi ’jigs pa bźi daṅ | so so yaṅ dag par rig pa bźi daṅ ||
saṅs rgyas kyi chos ma ’dres pa bcwa brgyad la dgod par bya’o ||
rgyun du źugs pa’i ’bras bu la dgod par bya’o ||
lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra (138a1) bcom pa ñid daṅ | raṅ byaṅ chub la dgod par bya’o ||
bdag gis sems can tshad med graṅs med pa dag rnam pa thams cad mkhyen pa ñid kyi bar dag la dgod par bya’o sñam du sems so ||
rab ’byor ’di lta ste dper na | sgyu ma mkhan nam | sgyu (2) ma mkhan gyi slob ma mkhas pa źig gis lam po che’i bźi mdor skye bo phal po che’i mdun du skye bo’i tshogs chen po źig mṅon par sprul nas | ’di sñam du bdag gis sems can tshad med graṅs med pa ’di dag pha rol tu phyin pa drug la dgod par bya’o ||
dran pa ñe bar gźag (3) pa bźi la dgod par bya’o ||
’phags pa’i lam yan lag brgyad pa daṅ | saṅs rgyas kyi chos ma ’dres pa bcwa brgyad kyi bar dag la dgod par bya’o ||
rgyun du źugs pa’i ’bras bu la dgod par bya’o ||
dgra bcom pa ñid daṅ | raṅ byaṅ chub kyi bar la dgod par bya’o ||
(4) rnam pa thams cad mkhyen pa ñid la dgod par bya’o sñam du sems bskyed na | rab ’byor ’di ji sñam du sems | sgyu ma mkhan gyi slob ma des sems can dga’ yaṅ pha ral tu phyin pa drug la bkod pa daṅ | rnam pa thams cad mkhyen pa ñid kyi bar la bkod pa (5) yod sñam ’am | rab ’byor gyis gsol pa | bcom ldan ’das de ni ma mchis lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ sems dpa’ chen pos sems can tshad med graṅs med pa dag pha rol tu phyin pa drug daṅ | (6) rnam pa thams cad mkhyen pa ñid rnam pa thams cad kyi mchog daṅ ldan pa’i bar dag la dgod par sems bskyed kyaṅ sems can ’ga’i don gyi phyir yaṅ sems bskyed pa med do ||
de ci’i phyir źe na | rab ’byor sgyu ma’i chos ñid ñe bar bzuṅ na | chos rnams kyi chos ñid ’di yin pa’i phyir te | (7) rab ’byor de ltar na byaṅ chub sems dpa’ sems dpa’ chen po ni go cha chen po bgos pa źes bya’o ||
rab ’byor gyis gsol pa | bcom ldan ’das | bdag gis bcom ldan ’das kyis gsuṅs pa’i don ’tshal ba ltar na | chos rnams kyi raṅ gi mtshan ñid stoṅ pa ñid (138b1) kyi slad du sgyu ma’i chos ñid ñe bar bzuṅ na | byaṅ chub sems dpa’ sems dpa’ chen po de ni go cha ma mchis pa’i go cha ’tshal bar rig par bgyi ba lags pa sñam bgyid do ||
de ci’i slad du źe na | bcom ldan ’das ’di ltar gzugs ni gzugs kyis stoṅ | tshor ba daṅ | (2) ’du śes daṅ | ’du byed rnams daṅ | rnam par śes pa ni rnam par śes pas stoṅ | mig ni mig gis stoṅ | rna ba daṅ | sna daṅ | lce daṅ | lus daṅ | yid ni yid kyis stoṅ | gzugs ni gzugs kyis stoṅ | sgra daṅ | dri daṅ | ro daṅ | reg bya daṅ | (3) chos ni chos kyis stoṅ | mig gi rnam par śes pa ni mig gi rnam par śes pas stoṅ | rna ba daṅ | sna daṅ | lce daṅ | lus daṅ | yid kyi rnam par śes pa ni yid kyi rnam par śes pas stoṅ | mig gi ’dus te reg pa ni mig gi ’dus te reg pas stoṅ | rna ba daṅ | (4) sna daṅ | lce daṅ | lus daṅ | yid kyi ’dus te reg pa ni yid kyi ’dus te reg pas stoṅ | mig gi ’dus te reg pa’i rkyen gyis tshor ba ni mig gi ’dus te reg pa’i rkyen gyis tshor bas stoṅ | rna ba daṅ | sna daṅ | lce daṅ | lus daṅ | yid kyi ’dus te reg pa’i rkyen gyis (5) tshor ba ni yid kyi ’dus te reg pa’i rkyen gyis tshor bas stoṅ | sbyin pa’i pha rol tu phyin pa ni sbyin pa’i pha rol tu phyin pas stoṅ | śes rab kyi pha rol tu phyin pa’i bar ni śes rab kyi pha rol tu phyin pa’i bar gyis stoṅ | naṅ stoṅ pa ñid ni naṅ stoṅ pa ñid kyis stoṅ | dṅos po med pa’i (6) ṅo bo ñid stoṅ pa ñid kyi bar ni | dṅos po med pa’i ṅo bo ñid stoṅ ba ñid kyi bar gyis stoṅ | dran pa ñe bar gźag pa rnams ni dran pa ñe bar gźag pa rnams kyis stoṅ | saṅs rgyas kyi chos ma ’dres pa bcwa brgyad kyi bar ni saṅs rgyas kyi chos ma ’dres pa bcwa brgyad kyi bar gyis stoṅ (7) la | bcom ldan ’das byaṅ chub sems dpa’ yaṅ byaṅ chub sems dpas stoṅ | go cha chen po yaṅ go cha chen pos stoṅ pa’i slad du ste | bcom ldan ’das rnam graṅs des na | byaṅ chub sems dpa’ sems dpa’ chen po ni go cha ma mchis pa’i go cha ’tshal bar rig par (139a1) bgyi’o ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | ji skad smras pa bźin no ||
de ci’i phyir źe na | rab ’byor ’di ltar rnam pa thams (2) cad mkhyen pa ni ma byas | ma bśig | mṅon par ’dus ma byas la | byaṅ chub sems dpa’ sems dpa’ chen pos gaṅ dag gi don du go cha chen po bgos pa’i sems can de dag kyaṅ ma byas | ma bśig | mṅon par ’dus ma byas pa’i phyir ro ||
rab ’byor (3) gyis gsol pa | bcom ldan ’das ci’i slad du rnam pa thams cad mkhyen pa ñid ma bgyis | ma bśig | mṅon par ’dus ma bgyis śiṅ | byaṅ chub sems dpa’ sems dpa’ chen pos gaṅ dag gi don du go cha chen po ’tshal ba’i sems can de dag kyaṅ ma bgyis | ma (4) bśig | mṅon par ’dus ma bgyis pa lags | bcom ldan ’das kyis bka’ stsal pa | rab ’byor byed pa po mi dmigs pas | rnam pa thams cad mkhyen pa ñid ma byas | ma bśig | mṅon par ’dus ma byas śiṅ | byaṅ chub sems dpa’ sems dpa’ chen (5) pos gaṅ dag gi don du go cha chen po bgos pa’i sems can de dag kyaṅ ma byas | ma bśig | mṅon par ’dus ma byas pa yin no ||
de ci’i phyir źe na | rab ’byor ’di ltar gzugs ni mi byed | mi ’jig | mṅon par ’du mi byed | tshor ba daṅ | ’du śes daṅ | (6) ’du byed rnams daṅ | rnam par śes pa ni mi byed | mi ’jig | mṅon par ’du mi byed | mig ni mi byed | mi ’jig | mṅon par ’du mi byed | rna ba daṅ | sna daṅ | lce daṅ | lus daṅ | yid ni mi byed | mi ’jig | mṅon par ’du mi byed | gzugs ni mi (7) byed | mi ’jig | mṅon par ’du mi byed | sgra daṅ | dri daṅ | ro daṅ | reg bya daṅ | chos rnams ni mi byed | mi ’jig | mṅon par ’du mi byed | mig gi rnam par śes pa ni mi byed | mi ’jig | mṅon par ’du mi byed | rna ba daṅ | sna daṅ | lce daṅ | lus (139b1) daṅ | yid kyi rnam par śes pa na mi byed | mi ’jig | mṅon par ’du mi byed | mig gi ’dus te reg pa ni mi byed | mi ’jig | mṅon par ’du mi byed | rna ba daṅ | sna daṅ | lce daṅ | lus daṅ | yid kyi ’dus te reg pa ni mi byed | mi ’jig | mṅon par ’du mi (2) byed | mig gi ’dus te reg pa’i rkyen gyis tshor ba ni mi byed | mi ’jig | mṅon par ’du mi byed | rna ba daṅ | sna daṅ | lce daṅ | lus daṅ | yid kyi ’dus te reg pa’i rkyen gyis tshor ba ni mi byed | mi ’jig | mṅon par ’du mi byed pa’i phyir ro ||
rab ’byor bdag (3) ni mi byed | mi ’jig | mṅon par ’du mi byed | sems can daṅ | srog daṅ | śes pa po daṅ ||
mthoṅ ba po’i bar ni mi byed | mi ’jig | mṅon par ’du mi byed do ||
de ci’i phyir źe na | ’di ltar de dag gtan med ciṅ mi dmigs pa’i phyir ro ||
rab ’byor (4) rmi lam ni mi byed | mi ’jig | mṅon par ’du mi byed do ||
sgyu ma daṅ | brag ca daṅ | mig yor daṅ | gzugs brñan daṅ | smig rgyu daṅ | sprul pa ni mi byed | mi ’jig | mṅon par ’du mi byed do ||
de ci’i phyir źe na | ’di ltar de dag gtan med ciṅ mi (5) dmigs pa’i phyir ro ||
rab ’byor naṅ stoṅ pa ñid ni mi byed | mi ’jig | mṅon par ’du mi byed do ||
de ci’i phyir źe na | ’di ltar de gtan med ciṅ mi dmigs pa’i phyir ro ||
rab ’byor dṅos po med pa’i ṅo bo ñid stoṅ pa ñid kyi bar ni mi byed | mi ’jig | mṅon (6) par ’du mi byed do ||
de ci’i phyir źe na | ’di ltar de dag gtan med ciṅ mi dmigs pa’i phyir ro ||
rab ’byor byaṅ chub kyi phyogs kyi chos sum cu rtsa bdun ni mi byed | mi ’jig | mṅon par ’du mi byed do ||
de ci’i phyir źe na | ’di ltar de dag gtan med ciṅ mi dmigs (7) pa’i phyir ro ||
stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar dag ni mi byed mi ’jig | mṅon par ’du mi byed do ||
de ci’i phyir źe na | ’di ltar de dag gtan med ciṅ mi dmigs (140a1) pa’i phyir ro ||
rab ’byor de bźin ñid ni mi byed | mi ’jig | mṅon par ’du mi byed do ||
de ci’i phyir źe na | ’di ltar de dag gtan med ciṅ mi dmigs pa’i phyir ro ||
rab ’byor de bźin du ma nor ba de bźin ñid daṅ | gźan ma yin pa de bźin ñid daṅ | (2) chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ ni mi byed | mi ’jig | mṅon par ’du mi byed do ||
de ci’i phyir źe na | ’di ltar de dag gtan med ciṅ mi dmigs pa’i phyir ro ||
rab ’byor byaṅ (3) chub ni mi byed | mi ’jig | mṅon par ’du mi byed do ||
thams cad śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid ni mi byed | mi ’jig | mṅon par ’du mi byed do ||
de ci’i phyir źe na | ’di ltar de dag gtan med ciṅ mi dmigs (4) pa’i phyir ro ||
rab ’byor rnam graṅs des na | khyod kyis rnam pa thams cad mkhyen pa ñid kyaṅ ma byas | ma bśig | mṅon par ’dus ma byas la | byaṅ chub sems dpa’ sems dpa’ chen pos gaṅ dag gi don du go cha chen po bgos pa’i sems can de dag kyaṅ ma byas | (5) ma bśig | mṅon par ’dus ma byas pa yin par rig par bya’o ||
rab ’byor de ltar na byaṅ chub sems dpa’ sems dpa’ chen po go cha chen po bgos pa źes bya’o ||
rab ’byor gyis gsol pa | bcom ldan ’das bdag gis bcom ldan ’das kyis gsuṅs pa’i (6) don ’tshal ba ltar na | bcom ldan ’das gzugs ni ma bciṅs ma grol ba lags so ||
bcom ldan ’das tshor ba daṅ | ’du śes daṅ | ’du byed rnams daṅ | rnam par śes pa ni ma bciṅs ma grol ba lags so ||
byams ma’i bu gaṅ pos smras pa | tshe daṅ ldan (7) pa rab ’byor gzugs ni ma bciṅs ma grol ba źes smra’am | tshe daṅ ldan pa rab ’byor tshor ba daṅ | ’du śes daṅ | ’du byed rnams daṅ | rnam par śes pa ma bciṅs ma grol ba źes smra’am | rab ’byor gyis smras pa | tshe daṅ ldan pa gaṅ po de de bźin no ||
tshe daṅ (140b1) ldan pa gaṅ po de de bźin te | tshe daṅ ldan pa gaṅ po gzugs ni ma bciṅs ma grol ba’o ||
tshor pa daṅ | ’du śes daṅ | ’du byed rnams daṅ | rnam par śes pa ni ma bciṅs ma grol ba’o ||
gaṅ pos smras pa | tshe daṅ ldan pa rab ’byor gzugs ma bciṅs ma (2) grol ba gaṅ yin | tshor ba daṅ | ’du śes daṅ | ’du byed rnams daṅ | rnam par śes pa ni ma bciṅs ma grol ba gaṅ yin | rab ’byor gyis smras pa | tshe daṅ ldan pa gaṅ po rmi lam lta bu’i gzugs gaṅ yin pa de ni ma bciṅs ma grol ba’o ||
rmi lam lta bu’i (3) tshor ba daṅ | ’du śes daṅ | ’du byed rnams daṅ | rmi lam lta bu’i rnam par śes pa gaṅ yin pa de ni ma bciṅs ma grol ba’o ||
de bźin du brag ca lta bu daṅ | sgyu ma lta bu daṅ | smig rgyu lta bu daṅ | mig yor lta bu daṅ | gzugs brñan lta bu daṅ | sprul (4) pa lta bu’i gzugs gaṅ yin pa de ni ma bciṅs ma grol ba’o ||
sprul pa lta bu’i tshor ba daṅ | ’du śes daṅ | ’du byed rnams daṅ | rnam par śes pa gaṅ yin pa de ni ma bciṅs ma grol ba’o ||
tshe daṅ ldan pa gaṅ po ’das pa’i gzugs ni ma bciṅs ma grol ba’o ||
(5) tshe daṅ ldan pa gaṅ po ’das pa’i tshor ba daṅ | ’du śes daṅ | ’du byed rnams daṅ | ’das pa’i rnam par śes pa ni ma bciṅs ma grol ba’o ||
tshe daṅ ldan pa gaṅ po de bźin du ma ’oṅs pa’i gzugs ni ma bciṅs ma grol ba’o ||
tshe daṅ ldan pa gaṅ po ma ’oṅs pa’i tshor ba daṅ | (6) ’du śes daṅ | ’du byed rnams daṅ | ma ’oṅs pa’i rnam par śes pa ni ma bciṅs ma grol ba’o ||
tshe daṅ ldan pa gaṅ po da ltar byuṅ ba’i gzugs ni ma bciṅs ma grol ba’o ||
tshe daṅ ldan pa gaṅ po da ltar byuṅ ba’i tshor ba daṅ | ’du śes daṅ | ’du byed rnams daṅ | da (7) ltar byuṅ ba’i rnam par śes pa ni ma bciṅs ma grol ba’o ||
de ci’i phyir źe na | tshe daṅ ldan pa gaṅ po gzugs ñid med pa’i phyir | gzugs de ma bciṅs ma grol ba’o ||
tshor ba daṅ | ’du śes daṅ | ’du byed rnams med pa daṅ | rnam par śes pa ñid med pa’i phyir | (141a1) rnam par śes pa de ma bciṅs ma grol ba’o ||
de bźin du gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa dben pa daṅ | źi ba daṅ | stoṅ pa daṅ | mtshan ma med pa daṅ | smon pa med pa daṅ | mṅon par ’du (2) bya ba med pa daṅ | skye ba med pa’i phyir ma bciṅs ma grol ba’o ||
tshe daṅ ldan pa gaṅ po gzugs dge ba daṅ | mi dge ba daṅ | ñon moṅs pa daṅ bcas pa daṅ | ñon moṅs pa med pa daṅ | kha na ma tho ba daṅ bcas pa daṅ | kha na ma tho ba med pa daṅ | zag pa daṅ bcas (3) pa daṅ | zag pa med pa daṅ | ’jig rten pa daṅ | ’jig rten las ’das pa daṅ | kun nas ñon moṅs pa daṅ | rnam par byaṅ ba ni ma bciṅs ma grol ba’o ||
de ci’i phyir źe na | gzugs ñid med pa’i phyir gzugs de ma bciṅs ma grol ba’o ||
tshe daṅ ldan pa gaṅ (4) po de bźin du tshor ba daṅ | ’du śes daṅ | ’du byed rnams daṅ | rnam par śes pa dge ba’am mi dge ba nas rnam par byaṅ ba’i bar yaṅ ma bciṅs ma grol ba’o ||
de ci’i phyir źe na | rnam par śes pa ñid med pa’i phyir rnam par śes pa de ma bciṅs ma grol ba’o ||
tshe (5) daṅ ldan pa gaṅ po chos thams cad kyaṅ ma bciṅs ma grol ba’o ||
de ci’i phyir źe na | chos thams cad med pa’i phyir ma bciṅs ma grol ba’o ||
de bźin du dben pa la sogs pa’i phyir ma bciṅs ma grol ba’o ||
tshe daṅ ldan pa gaṅ po sbyin pa’i pha rol tu phyin pa ni ma bciṅs (6) ma grol ba’o ||
de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yaṅ ma bciṅs ma grol ba ste | med pa’i phyir (7) ma bciṅs ma grol ba’o ||
dben pa la sogs pa’i phyir ma bciṅs ma grol ba’o ||
tshe daṅ ldan pa gaṅ po naṅ stoṅ pa ñid kyaṅ ma bciṅs ma grol ba’o ||
tshe daṅ ldan pa gaṅ po dṅos po med pa’i ṅo bo ñid stoṅ pa ñid kyi bar du yaṅ ma bciṅs ma grol ba’o ||
tshe daṅ ldan pa (141b1) gaṅ po byaṅ chub kyi phyogs kyi chos sum cu rtsa bdun yaṅ ma bciṅs ma grol ba’o ||
tshe daṅ ldan pa gaṅ po stobs bcu daṅ | mi ’jigs pa bźi daṅ | so so yaṅ dag par rig pa bźi’i bar daṅ | saṅs rgyas kyi chos ma ’dres pa bcwa brgyad kyi bar du yaṅ ma bciṅs ma grol (2) ba ste | med pa’i phyir ma bciṅs ma grol ba’o ||
dben pa la sogs pa’i phyir ma bciṅs ma grol ba’o ||
tshe daṅ ldan pa gaṅ po byaṅ chub kyaṅ ma bciṅs ma grol ba rnam pa thams cad mkhyen pa ñid kyaṅ ma bciṅs ma grol ba | byaṅ chub sems dpa’ yaṅ ma bciṅs ma (3) grol ba ste | med pa’i phyir ma bciṅs ma grol ba’o ||
dben pa’i phyir ma bciṅs ma grol ba’o ||
skye ba med pa’i phyir ma bciṅs ma grol ba’o ||
tshe daṅ ldan pa gaṅ po de bźin ñid kyaṅ ma bciṅs ma grol ba’o ||
tshe daṅ ldan pa gaṅ po ma nor ba de bźin ñid (4) daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ yaṅ ma bciṅs ma grol ba ste | med pa daṅ | dben pa’i phyir ma bciṅs ma grol ba’o ||
(5) skye ba med pa’i phyir ma bciṅs ma grol ba’o ||
tshe daṅ ldan pa gaṅ po de ltar na byaṅ chub sems dpa’ sems dpa’ chen po ni ma bciṅs ma grol ba’o ||
de ltar na pha rol tu phyin pa drug po dag kyaṅ ma bciṅs ma grol ba’o ||
rnam pa thams cad mkhyen pa’i bar dag kyaṅ (6) ma bciṅs ma grol ba’o ||
sems can gaṅ dag yoṅs su mya ṅan las bzla bar ’gyur ba de dag kyaṅ ma bciṅs ma grol ba’o ||
saṅs rgyas kyi źiṅ gaṅ dag dag par bya bar ’gyur ba de dag kyaṅ ma bciṅs ma grol ba’o ||
bsñen bkur bya bar ’gyur ba’i saṅs rgyas bcom (7) ldan ’das rnams kyaṅ ma bciṅs ma grol ba’o ||
thos par ’gyur ba’i chos kyaṅ ma bciṅs ma grol ba’o ||
saṅs rgyas bcom ldan ’das rnams daṅ nam yaṅ bral bar mi ’gyur ba’aṅ bciṅs ma grol ba’o ||
mṅon par śes pa rnams daṅ bral bar mi ’gyur ba (142a1) daṅ | mig lṅa daṅ bral bar mi ’gyur ba daṅ | tiṅ ṅe ’dzin rnams daṅ bral bar mi ’gyur ba yaṅ ma bciṅs ma grol ba’o ||
lam gyi rnam pa śes pa ñid bskyed par ’gyur ba yaṅ ma bciṅs ma grol ba’o ||
rnam pa thams cad mkhyen pa ñid rtogs par (2) ’gyur ba yaṅ ma bciṅs ma grol ba’o ||
chos kyi ’khor lo bskor bar ’gyur ba yaṅ ma bciṅs ma grol ba’o ||
theg pa gsum po dag gis sems can rnams yoṅs su mya ṅan las bzla bar ’gyur ba yaṅ ma bciṅs ma grol ba’o ||
tshe daṅ ldan pa gaṅ po med pa daṅ | (3) dben pa daṅ | skye ba med pa’i phyir byaṅ chub sems dpa’ sems dpa’ chen po de ltar ma bciṅs ma grol ba ni pha rol tu phyin pa drug po dag gis chos thams cad mṅon par rtogs par ’gyur ro ||
śes rab kyi pha rol tu phyin pa khri brgyad stoṅ pa las ma bciṅs ma grol ba’i le’u (4) źes bya ste | bcu bźi pa’o || ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po’i theg pa chen po ni gaṅ lags | bcom ldan ’das ji tsam (5) gyis byaṅ chub sems dpa’ sems dpa’ chen po theg pa chen po la yaṅ dag par źugs par rig par bgyi | theg pa de ni gaṅ la yaṅ dag par źugs pa lags | theg pa de ni gaṅ du gnas par ’gyur ba lags | theg pa des ni su źig ṅes par ’byuṅ bar ’gyur ba lags | (6) de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor khyod gaṅ ’di skad du | bcom ldan ’das byaṅ chub sems dpa’ sems dpa’ chen po’i theg pa chen po ni gaṅ lags źes zer ba ni | rab ’byor pa (7) rol tu phyin pa drug ni byaṅ chub sems dpa’ sems dpa’ chen po’i theg pa chen po yin te | drug gaṅ źe na | ’di lta ste | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | (142b1) bsam gtan gyi pha rol tu phyin pa daṅ | śes rab kyi pha rol tu phyin pa’o ||
de la sbyin pa’i pha rol tu phyin pa gaṅ źe na | rab ’byor ’di la byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i sems bskyad pa dag gis ’di lta ste | phyi daṅ (2) naṅ gi dṅos po rnams sbyin pa sbyin par byed ciṅ | dge ba’i rtsa ba de dag kyaṅ sems can thams cad daṅ thun moṅ du byas nas mi dmigs pa’i tshul gyis bla na med pa yaṅ dag par rdzogs pa’i byaṅ chub tu yoṅs su sṅo bar byed pa ste | de ni byaṅ chub sems dpa’ sems dpa’ chen (3) po’i sbyin pa’i pha rol tu phyin pa yin no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po’i tshul khrims kyi pha rol tu phyin pa gaṅ lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems (4) dpa’ chen po rnam pa thams cad mkhyen pa ñid daṅ ldan pa’i sems bskyed pa dag gis mi dmigs pa’i tshul gyis bdag kyaṅ dge ba bcu’i las kyi lam yaṅ dag par blaṅs śiṅ gnas la sems can gźan dag kyaṅ dge ba bcu’i las kyi lam yaṅ dag par ’dzin du ’jug ciṅ (5) ’dzud de rab tu bgod par byed pa de ni | byaṅ chub sems dpa’ sems dpa’ chen po’i tshul khrims kyi pha rol tu phyin pa nag nog med pa yin | rab ’byor gyis gsol pa | bcom ldan ’das byaṅ chub sems dpa’ sems dpa’ chen po’i bzod pa’i pha rol tu phyin pa (6) gaṅ lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i sems bskyed pa dag gis | bdag kyaṅ bzod pa phun sum tshogs pa daṅ ldan la | gźan dag kyaṅ bzod pa (7) yaṅ dag par ’dzin du ’jug ciṅ | de yaṅ mi dmigs pa’i tshul gyis byed pa de ni rab ’byor byaṅ chub sems dpa’ sems dpa’ chen po’i bzod pa’i pha rol tu phyin pa yin no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po’i brtson (143a1) ’grus kyi pha rol tu phyin pa gaṅ lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i sems bskyed pa dag gis bdag kyaṅ pha rol tu phyin pa lṅa la (2) brtson pa mi ’dor źiṅ | gźan dag kyaṅ pha rol tu phyin pa lṅa yaṅ dag par ’dzin du ’jug ste | de yaṅ mi dmigs pa’i tshul gyis byed pa de ni rab ’byor byaṅ chub sems dpa’ sems dpa’ chen po’i brtson ’grus kyi pha rol tu phyin pa yin no ||
rab ’byor gyis gsol pa | (3) bcom ldan ’das byaṅ chub sems dpa’ sems dpa’ chen po’i bsam gtan gyi pha rol tu phyin pa gaṅ lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i sems bskyed (4) pa dag gis thabs la mkhas pas bdag kyaṅ bsam gtan la sñoms par ’jug ciṅ | de dag gi dbaṅ gis kyaṅ mi skye la | gźan dag kyaṅ bsam gtan rnams yaṅ dag par ’dzin du ’jug ste | de yaṅ mi dmigs pa’i tshul gyis byed pa de ni rab ’byor byaṅ chub sems (5) dpa’ sems dpa’ chen po’i bsam gtan gyi pha rol tu phyin pa yin no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po’i śes rab kyi pha rol tu phyin pa gaṅ lags | bcom ldan ’das kyis bka’ stsal pa | rab ’byor ’di (6) la byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i sems bskyed pa dag gis mi dmigs pa’i tshul gyis chos thams cad la mṅon par źen pa med pa daṅ | chos thams cad kyi raṅ bźin la so sor rtog par byed ciṅ | gźan dag kyaṅ (7) chos thams cad la mṅon par źen pa med pa daṅ | chos thams cad kyi raṅ bźin la so sor rtog pa yaṅ dag par ’dzin du ’jug pa de ni rab ’byor byaṅ chub sems dpa’ sems dpa’ chen po’i śes rab kyi pha rol tu phyin pa yin te | rab ’byor de ni byaṅ chub sems dpa’ (143b1) sems dpa’ chen po’i theg pa chen po yin no || ||
śes rab kyi pha rol tu phyin pa khri brgyad stoṅ pa | bam po bcu gcig pa | rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | naṅ stoṅ pa ñid (2) daṅ | phyi stoṅ pa ñid daṅ | phyi naṅ stoṅ pa ñid daṅ | stoṅ pa ñid stoṅ pa ñid daṅ | chen po stoṅ pa ñid daṅ | don dam pa stoṅ pa ñid daṅ | ’dus byas stoṅ pa ñid daṅ | ’dus ma byas stoṅ pa ñid daṅ | mtha’ las ’das pa stoṅ pa ñid daṅ | thog ma daṅ tha (3) ma med pa stoṅ pa ñid daṅ | dor ba med pa stoṅ pa ñid daṅ | raṅ bźin stoṅ pa ñid daṅ | chos thams cad stoṅ pa ñid daṅ | raṅ gi mtshan ñid stoṅ pa ñid daṅ | mi dmigs pa stoṅ pa ñid daṅ | dṅos po med pa stoṅ pa ñid daṅ | ṅo bo ñid stoṅ pa ñid daṅ | dṅos (4) po med pa’i ṅo bo ñid stoṅ pa ñid yin no ||
de la naṅ stoṅ pa ñid gaṅ źe na | naṅ gi chos rnams te | mig daṅ | rna ba daṅ | sna daṅ | lce daṅ | lus daṅ | yid de | de la ther zug tu gnas pa med pa daṅ | ’jig pa med pa’i phyir | mig ni mig gis (5) stoṅ ṅo ||
de ci’i phyir źe na | de’i raṅ bźin de yin pa’i phyir ro ||
ther zug tu gnas pa med pa daṅ | ’jig pa med pa’i phyir | rna ba ni rna bas stoṅ ṅo ||
de ci’i phyir źe na | de’i raṅ bźin de yin pa’i phyir ro ||
ther zug tu gnas pa med pa daṅ | ’jig (6) pa med pa’i phyir | sna ni snas stoṅ ṅo ||
de ci’i phyir źe na | de’i raṅ bźin de yin pa’i phyir ro ||
ther zug tu gnas pa med pa daṅ | ’jig pa med pa’i phyir | lce ni lces stoṅ ṅo ||
de ci’i phyir źe na | de’i raṅ bźin de yin pa’i phyir ro ||
ther zug tu (7) gnas pa med pa daṅ | ’jig pa med pa’i phyir | lus ni lus kyis stoṅ ṅo ||
de ci’i phyir źe na | de’i raṅ bźin de yin pa’i phyir ro ||
ther zug tu gnas pa med pa daṅ | ’jig pa med pa’i phyir | yid ni yid kyis stoṅ ṅo ||
de ci’i phyir źe na | de’i (144a1) raṅ bźin de yin pa’i phyir te | de ni naṅ stoṅ pa ñid ces bya’o ||
de la phyi stoṅ pa ñid gaṅ źe na | phyi rol gyi chos rnams te | ’di lta ste | gzugs daṅ | sgra daṅ | dri daṅ | ro daṅ | reg bya daṅ | chos rnams so ||
de la ther zug tu gnas (2) pa med pa daṅ | ’jig pa med pa’i phyir | gzugs ni gzugs kyis stoṅ ṅo ||
de ci’i phyir źe na | de’i raṅ bźin de yin pa’i phyir ro ||
de bźin du ther zug tu gnas pa med pa daṅ | ’jig pa med pa’i phyir | sgra daṅ | dri daṅ | ro daṅ | reg bya daṅ | (3) chos ni chos kyis stoṅ ṅo ||
de ci’i phyir źe na | de’i raṅ bźin de yin pa’i phyir te | de ni phyi stoṅ pa ñid ces bya’o ||
de la phyi naṅ stoṅ pa ñid gaṅ źe na | naṅ gi skye mched drug daṅ | phyi’i skye mched drug po de dag ni phyi daṅ naṅ gi chos rnams źes bya’o ||
de (4) la naṅ gi chos rnams phyi’i chos rnams kyis stoṅ pa gaṅ źe na | ther zug tu gnas pa med pa daṅ | ’jig pa med pa’i phyir | naṅ gi mig daṅ | rna ba daṅ | sna daṅ | lce daṅ | lus daṅ | yid rnams ni phyi’i gzugs daṅ | sgra daṅ | dri daṅ | ro daṅ | reg bya (5) daṅ | chos kyis stoṅ ṅo ||
de ci’i phyir źe na | de’i raṅ bźin de yin pa’i phyir ro ||
ther zug tu gnas pa med pa daṅ | ’jig pa med pa’i phyir | phyi rol gyi chos gzugs daṅ | sgra daṅ | dri daṅ | ro daṅ | reg bya daṅ | chos rnams ni naṅ gi chos mig daṅ | (6) rna ba daṅ | sna daṅ | lce daṅ | lus daṅ | yid rnams kyis stoṅ ṅo ||
de ci’i phyir źe na | de’i raṅ bźin de yin pa’i phyir te | de ni phyi naṅ stoṅ pa ñid ces bya’o ||
de la stoṅ pa ñid stoṅ pa ñid gaṅ źe na | ther zug tu gnas pa med pa daṅ | ’jig pa med pa’i phyir | chos (7) thams cad kyi stoṅ pa ñid gaṅ yin pa’i stoṅ pa ñid des stoṅ pa ñid stoṅ pa’o ||
de ci’i phyir źe na | de’i raṅ bźin de yin pa’i phyir te | de ni stoṅ pa ñid stoṅ pa ñid ces bya’o ||
de la chen po stoṅ pa ñid gaṅ źe na | ther zug tu gnas pa med pa daṅ | ’jig pa med pa’i phyir (144b1) śar phyogs ni | śar phyogs kyis stoṅ ṅo ||
lho phyogs ni lho phyogs kyis stoṅ ṅo ||
nub phyogs ni nub phyogs kyis stoṅ ṅo ||
byaṅ phyogs ni byaṅ phyogs kyis stoṅ ṅo ||
’og gi phyogs ni ’og gi phyogs kyis stoṅ ṅo ||
steṅ gi phyogs ni steṅ gi phyogs kyis stoṅ ṅo ||
(2) de bźin du phyogs mtshams rnams ni phyogs mtshams rnams kyis stoṅ ṅo ||
de ci’i phyir źe na | de’i raṅ bźin de yin pa’i phyir te | de ni chen po stoṅ pa ñid ces bya’o ||
de la don dam pa stoṅ pa ñid gaṅ źe na | don dam pa źes bya ba ni mya ṅan las ’das pa ste | ther zug tu gnas (3) pa med pa daṅ | ’jig pa med pa’i phyir | mya ṅan las ’das pa de yaṅ mya ṅan las ’das pas stoṅ ṅo ||
de ci’i phyir źe na | de’i raṅ bźin de yin pa’i phyir te | de ni don dam pa stoṅ pa ñid ces bya’o ||
de la ’dus byas stoṅ pa ñid gaṅ źe na | ’dus byas źes bya ba ni ’dod (4) pa’i khams daṅ | gzugs kyi khams daṅ | gzugs med pa’i khams te | de la ther zug tu gnas pa med pa daṅ | ’jig pa med pa’i phyir | ’dod pa’i khams ni ’dod pa’i khams kyis stoṅ | gzugs kyi khams ni gzugs kyi khams kyis stoṅ | gzugs (5) med pa’i khams ni gzugs med pa’i khams kyis stoṅ ṅo ||
de ci’i phyir źe na | de’i raṅ bźin de yin pa’i phyir te | de ni ’dus byas stoṅ pa ñid ces bya’o ||
de la ’dus ma byas stoṅ pa ñid gaṅ źe na | de la ’dus ma byas źes bya ba ni gaṅ la skye ba med pa daṅ | (6) ’gag pa med pa daṅ | ’jig pa med pa daṅ | gnas pa med pa daṅ | gźan du ’gyur ba med pa de ni ’dus ma byas pa ste | ther zug tu gnas pa med pa daṅ | ’jig pa med pa’i phyir | ’dus ma byas de yaṅ ’dus ma byas kyis stoṅ ṅo ||
de ci’i phyir źe na | de’i raṅ (7) bźin de yin pa’i phyir te | de ni ’dus ma byas stoṅ pa ñid ces bya’o ||
de la mtha’ las ’das pa stoṅ pa ñid gaṅ źe na | gaṅ la mtha’ mi dmigs pa de ni mtha’ las ’das pa ste | ther zug tu gnas pa med pa daṅ | ’jig pa med pa’i phyir | mtha’ ni mthas (145a1) stoṅ ṅo ||
de ci’i phyir źe na | de’i raṅ bźin de yin pa’i phyir te | de ni mtha’ las ’das pa stoṅ pa ñid ces bya’o ||
de la thog ma daṅ tha ma med pa stoṅ pa ñid gaṅ źe na | gaṅ la thog ma daṅ tha ma mi dmigs pa de la dbus med ciṅ | gaṅ la thog ma (2) daṅ tha ma daṅ dbus med pa de la ’oṅ ba daṅ ’gro ba med pa ste | ther zug tu gnas pa med pa daṅ | ’jig pa med pa’i phyir | thog ma daṅ dbus daṅ tha ma rnams ni | thog ma daṅ dbus daṅ tha ma rnams kyis stoṅ ste | de ni thog ma daṅ tha ma med pa stoṅ pa ñid ces bya’o ||
(3) de la dor ba med pa stoṅ pa ñid gaṅ źe na | chos gaṅ la yaṅ dor du med pa ste | ther zug tu gnas pa med pa daṅ | ’jig pa med pa’i phyir | dor ba med pa ni dor ba med pas stoṅ ṅo ||
de ci’i phyir źe na | de’i raṅ bźin de yin pa’i phyir te | de ni dor ba med pa stoṅ pa (4) ñid ces bya’o ||
de la raṅ bźin gyis stoṅ pa ñid gaṅ źe na | ’dus byas sam | ’dus ma byas kyi chos thams cad kyi raṅ bźin gaṅ yin pa de ni ñan thos rnams kyis ma byas | raṅ saṅs rgyas rnams kyis ma byas | byaṅ chub sems dpa’ rnams kyis ma byas | de (5) bźin gśegs pa dgra bcom pa yaṅ dag par rdzogs pa’i saṅs rgyas rnams kyis ma mdzad pa ste | ther zug tu gnas pa med pa daṅ | ’jig pa med pa’i phyir | raṅ bźin ni Raṅa bźin gyis stoṅ ṅo ||
de ci’i phyir źe na | de’i raṅ bźin de yin pa’i phyir te | de ni raṅ bźin (6) gyis stoṅ pa ñid ces bya’o ||
de la chos thams cad stoṅ pa ñid gaṅ źe na | chos thams cad ces bya ba ni gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa daṅ | mig daṅ | rna ba daṅ | sna daṅ | lce daṅ | lus daṅ | yid daṅ (7) gzugs daṅ | sgra daṅ | dri daṅ | ro daṅ | reg bya daṅ | chos rnams daṅ | mig gi rnam par śes pa daṅ | rna ba’i rnam par śes pa daṅ | sna’i rnam par śes pa daṅ | lce’i rnam par śes pa daṅ | lus kyi rnam par śes pa daṅ | yid kyi rnam par śes pa daṅ | mig (145b1) gi ’dus te reg pa daṅ | rna ba daṅ | sna daṅ | lce daṅ | lus daṅ | yid kyi ’dus te reg pa daṅ | mig gi ’dus te reg pa’i rkyen gyis tshor ba daṅ | rna ba daṅ | sna daṅ | lce daṅ | lus daṅ | yid kyi ’dus te reg pa’i rkyen gyis tshor ba daṅ | gzugs can gyi (2) chos rnams daṅ | gzugs med pa’i chos rnams daṅ | ’dus byas kyi chos rnams daṅ | ’dus ma byas kyi chos de dag ni chos thams cad ces bya ste | de la ther zug tu gnas pa med pa daṅ | ’jig pa med pa’i phyir | chos thams cad ni chos thams cad kyis stoṅ ṅo ||
de (3) ci’i phyir źe na | de’i raṅ bźin de yin pa’i phyir te | de ni chos thams cad stoṅ pa ñid ces bya’o ||
de la raṅ gi mtshan ñid stoṅ pa ñid gaṅ źe na gzugs kyi mtshan ñid ni gzugs su ruṅ ba | tshor ba’i mtshan ñid ni myoṅ ba | ’du śes kyi mtshan ñid ni ’dzin par byed pa | ’du byed (4) rnams kyi mtshan ñid ni mṅon par ’du byed pa | rnam par śes pa’i mtshan ñid ni rnam par śes par byed pa ste | ther zug tu gnas pa med pa daṅ | ’jig pa med pa’i phyir | ’dus byas kyi chos rnams kyi mtshan ñid gaṅ yin pa daṅ | ’dus ma byas kyi chos rnams kyi mtshan (5) ñid gaṅ yin pa’i chos de dag thams cad ni raṅ raṅ gi mtshan ñid kyis stoṅ ṅo ||
de ci’i phyir źe na | de’i raṅ bźin de yin pa’i phyir te | de ni raṅ gi mtshan ñid stoṅ pa ñid ces bya’o ||
de la mi dmigs pa stoṅ pa ñid gaṅ źe na | ’das pa daṅ | ma ’oṅs pa daṅ | da ltar (6) byuṅ ba’i chos gaṅ yin pa de dag ni dmigs su med pa ste | ’das pa rnams ni ma ’oṅs pa la mi dmigs | ma ’oṅs pa rnams kyaṅ ’das pa la mi dmigs | da ltar byuṅ ba rnams kyaṅ ’das pa daṅ ma ’oṅs pa la mi dmigs so ||
ther zug tu gnas pa med pa daṅ | (7) ’jig pa med pa’i phyir | mi dmigs pa ni mi dmigs pas stoṅ ṅo ||
de ci’i phyir źe na | de’i raṅ bźin de yin pa’i phyir te | de ni mi dmigs pa stoṅ pa ñid ces bya’o ||
de la dṅos po med pa stoṅ pa ñid gaṅ źe na | gaṅ la dṅos po ’ga’ yaṅ mi dmigs pa ste | (146a1) ther zug tu gnas pa med pa daṅ | ’jig pa med pa’i phyir | dṅos po med pa ni dṅos po med pas stoṅ ṅo ||
de ci’i phyir źe na | de’i raṅ bźin de yin pa’i phyir te | de ni dṅos po med pa stoṅ pa ñid ces bya’o ||
de la ṅo bo ñid stoṅ pa ñid gaṅ źe na | (2) gaṅ la ṅo bo ñid ’ga’ yaṅ mi dmigs pa ste | ther zug tu gnas pa med pa daṅ | ’jig pa med pa’i phyir | ṅo bo ñid ni ṅo bo ñid kyis stoṅ ṅo ||
de ci’i phyir źe na | de’i raṅ bźin de yin pa’i phyir te | de ni ṅo bo ñid stoṅ pa ñid ces bya’o ||
de la dṅos po med pa’i ṅo (3) bo ñid stoṅ pa ñid gaṅ źe na | chos rnams rten ciṅ ’brel bar ’byuṅ ba’i phyir ’dus pa las byuṅ ba’i chos kyi ṅo bo ñid med pa ste | ther zug tu gnas pa med pa daṅ | ’jig pa med pa’i phyir | ’dus pa ni ’dus pas stoṅ ṅo ||
de ci’i phyir źe na | de’i raṅ bźin de (4) yin pa’i phyir te | de ni dṅos po med pa’i ṅo bo ñid stoṅ pa ñid ces bya’o ||
rab ’byor gźan yaṅ dṅos po med pa’i ṅo bo ñid stoṅ pa ñid ces bya ba ni | dṅos po ni dṅos pos stoṅ | dṅos po med pa ni dṅos po med pas stoṅ | ṅo bo ñid ni ṅo bo ñid kyis stoṅ | gźan gyi (5) dṅos po ni gźan gyi dṅos pos stoṅ pa ste | des dṅos po gaṅ źe na | dṅos po źes bya ba ni phuṅ po lṅa ste | de la phuṅ po lṅa po dag ni ma skyes pa’i phyir dmigs su med pas | de ltar na dṅos po ni dṅos pos stoṅ ṅo ||
dṅos po med pa yaṅ dṅos po med pas ji ltar stoṅ (6) źe na | dṅos po med pa źes bya ba ni ’dus ma byas pa ste | de la ’dus ma byas pa yaṅ ’dus ma byas pas stoṅ bas | de ltar na dṅos po med pa ni dṅos po med pas stoṅ ṅo ||
ji ltar na ṅo bo ñid ṅo bo ñid kyis stoṅ źe na | ṅo bo ñid ces bya ba ni phyin ci ma log pa’i raṅ bźin te | (7) de la stoṅ pa ñid gaṅ yin pa de ni śes pas ma byas mthoṅ bas ma byas pas na de ni ṅo bo ñid stoṅ pa ñid ces bya’o ||
de la gźan gyi dṅos po stoṅ pa ñid gaṅ źe na | gaṅ de bźin gśegs pa rnams byuṅ yaṅ ruṅ | ma byuṅ yaṅ ruṅ ste | chos gnas pa ñid daṅ | chos (146b1) ñid daṅ | chos kyi dbyiṅs daṅ | chos skyon med pa ñid daṅ | de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | yaṅ dag pa’i mtha’ de ni gnas pa ñid de | de ltar gźan gyi stoṅ pa gaṅ yin pa de ni gźan gyi dṅos po stoṅ pa ñid ces bya’o (2) rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | dpa’ bar ’gro ba źes bya ba’i tiṅ ṅe ’dzin daṅ | rin chen phyag rgya źes bya ba’i tiṅ ṅe (3) ’dzin daṅ | seṅ ge rnam par rtse ba źes bya ba’i tiṅ ṅe ’dzin daṅ | zla ba bzaṅ po źes bya ba’i tiṅ ṅe ’dzin daṅ | zla ba’i rgyal mtshan tog ces bya ba’i tiṅ ṅe ’dzin daṅ | chos thams cad las śin tu ’phags pa źes bya ba’i tiṅ ṅe ’dzin daṅ | spyi gtsug rnam par lta ba źes bya (4) ba’i tiṅ ṅe ’dzin daṅ | chos kyi dbyiṅs su ṅes pa źes bya ba’i tiṅ ṅe ’dzin daṅ | ṅes pa’i rgyal mtshan tog ces bya ba’i tiṅ ṅe ’dzin daṅ | rdo rje rin po che źes bya ba’i tiṅ ṅe ’dzin daṅ | chos thams cad la ’jug pa’i phyag rgyu źes bya ba’i tiṅ ṅe ’dzin daṅ | tiṅ ṅe ’dzin la (5) rgyal po ltar rab tu gnas pa źes bya ba’i tiṅ ṅe ’dzin daṅ | ’od zer rab tu ’gyed pa źes bya ba’i tiṅ ṅe ’dzin daṅ | dpuṅ bkod pa źes bya ba’i tiṅ ṅe ’dzin daṅ | yaṅ dag par ’phags pa źes bya ba’i tiṅ ṅe ’dzin daṅ | ṅes pa’i tshig bstan pa la ’jug pa źes bya ba’i tiṅ ṅe ’dzin daṅ | (6) tshig bla dgas la yaṅ dag par ’jug pa źes bya ba’i tiṅ ṅe ’dzin daṅ | phyogs la rnam par lta ba źes bya ba’i tiṅ ṅe ’dzin daṅ | phyag rgya yoṅs su ’dzin pa źes bya ba’i tiṅ ṅe ’dzin daṅ | brjed pa med pa źes bya ba’i tiṅ ṅe ’dzin daṅ | chos thams cad yaṅ dag par ’du (7) ba rgya mtsho’i phyag rgya źes bya ba’i tiṅ ṅe ’dzin daṅ | nam mkha’ khyab par byed pa źes bya ba’i tiṅ ṅe ’dzin daṅ | rdo rje’i dkyil ’khor źes bya ba’i tiṅ ṅe ’dzin daṅ | rin po che spoṅ ba źes bya ba’i tiṅ ṅe ’dzin daṅ | rnam par snaṅ ba źes bya ba’i tiṅ ṅe ’dzin daṅ | tshol ba (147a1) med pa źes bya ba’i tiṅ ṅe ’dzin daṅ | gnas la brten pa med pa źes bya ba’i tiṅ ṅe ’dzin daṅ | sems pa med pa źes bya ba’i tiṅ ṅe ’dzin daṅ | dri ma med pa’i sgron ma źes bya ba’i tiṅ ṅe ’dzin daṅ | ’on mtha’ yas pa źes bya ba’i tiṅ ṅe ’dzin daṅ | ’od (2) byed pa źes bya ba’i tiṅ ṅe ’dzin daṅ | kun tu snaṅ ba źes bya ba’i tiṅ ṅe ’dzin daṅ | dag pa dam pa źes bya ba’i tiṅ ṅe ’dzin daṅ | ’od dri ma med pa źes bya ba’i tiṅ ṅe ’dzin daṅ | dga’ ba byed pa źes bya ba’i tiṅ ṅe ’dzin daṅ | glog gi sgron ma źes bya ba’i tiṅ ṅe (3) ’dzin daṅ | zad mi śes pa źes bya ba’i tiṅ ṅe ’dzin daṅ | gzi brjid yod pa źes bya ba’i tiṅ ṅe ’dzin daṅ | zad pa daṅ bral ba źes bya ba’i tiṅ ṅe ’dzin daṅ | mi g-yo ba źes bya ba’i tiṅ ṅe ’dzin daṅ | ’gyur ba med pa źes bya ba’i tiṅ ṅe ’dzin daṅ | ñi ma’i (4) sgron ma źes bya ba’i tiṅ ṅe ’dzin daṅ | zla ba dri ma med pa źes bya ba’i tiṅ ṅe ’dzin daṅ | snaṅ ba dag pa źes bya ba’i tiṅ ṅe ’dzin daṅ | snaṅ ba byed pa źes bya ba’i tiṅ ṅe ’dzin daṅ | bya ba byed pa źes bya ba’i tiṅ ṅe ’dzin daṅ | ye śes tog ces bya ba’i tiṅ ṅe ’dzin daṅ | (5) rdo rje lta bu źes bya ba’i tiṅ ṅe ’dzin daṅ | sems gnas pa źes bya ba’i tiṅ ṅe ’dzin daṅ | kun tu snaṅ ba źes bya ba’i tiṅ ṅe ’dzin daṅ | rab tu gnas pa źes bya ba’i tiṅ ṅe ’dzin daṅ | rin chen mtha’ źes bya ba’i tiṅ ṅe ’dzin daṅ | chos dam pa’i phyag rgya źes bya (6) ba’i tiṅ ṅe ’dzin daṅ | chos thams cad mñam pa ñid ces bya ba’i tiṅ ṅe ’dzin daṅ | dga’ ba spoṅ ba źes bya ba’i tiṅ ṅe ’dzin daṅ | chos kyis ’phags śiṅ rdzogs pa źes bya ba’i tiṅ ṅe ’dzin daṅ | rnam par ’thor ba źes bya ba’i tiṅ ṅe ’dzin daṅ | chos thams cad kyi (7) tshig rab tu ’byed pa źes bya ba’i tiṅ ṅe ’dzin daṅ | yi ge mñam par ’god pa źes bya ba’i tiṅ ṅe ’dzin daṅ | yi ge daṅ bral ba źes bya ba’i tiṅ ṅe ’dzin daṅ | dmigs pa gcod pa źes bya ba’i tiṅ ṅe ’dzin daṅ | ’gyur ba med pa źes bya ba’i tiṅ ṅe ’dzin daṅ | rnam (147b1) pa med pa źes bya ba’i tiṅ ṅe ’dzin daṅ | miṅ ṅes par ’jug pa źes bya ba’i tiṅ ṅe ’dzin daṅ | gnas med par spyod pa źes bya ba’i tiṅ ṅe ’dzin daṅ | rab rib med pa źes bya ba’i tiṅ ṅe ’dzin daṅ | spyod pa daṅ ldan pa źes bya ba’i tiṅ ṅe ’dzin daṅ | g-yo ba med pa źes bya (2) ba’i tiṅ ṅe ’dzin daṅ | yul las rgal ba źes bya ba’i tiṅ ṅe ’dzin daṅ | yon tan thams cad kyi tshogs su gyur pa źes bya ba’i tiṅ ṅe ’dzin daṅ | sems med par gnas pa źes bya ba’i tiṅ ṅe ’dzin daṅ | dge ba’i me tog rgyas śiṅ dag pa źes bya ba’i tiṅ ṅe ’dzin daṅ | (3) byaṅ chub kyi yan lag yod pa źes bya ba’i tiṅ ṅe ’dzin daṅ | spobs pa mtha’ yas pa źes bya ba’i tiṅ ṅe ’dzin daṅ | mi mñam pa daṅ mñam pa źes bya ba’i tiṅ ṅe ’dzin daṅ | yoṅs su gcod pa źes bya ba’i tiṅ ṅe (4) ’dzin daṅ | nem nur rnam par sel ba źes bya ba’i tiṅ ṅe ’dzin daṅ | gnas su bya ba med pa źes bya ba’i tiṅ ṅe ’dzin daṅ | bkod pa gcig pa źes bya ba’i tiṅ ṅe ’dzin daṅ | rnam pa mṅon par bsgrub pa źes bya ba’i tiṅ ṅe ’dzin daṅ | rnam pa gcig tu gyur pa źes bya ba’i tiṅ (5) ṅe ’dzin daṅ | rnam par dor ba med pa źes bya ba’i tiṅ ṅe ’dzin daṅ | rtogs pas srid pa’i mun pa thams cad bral ba źes bya ba’i tiṅ ṅe ’dzin daṅ | brda daṅ sgra la ’jug pa źes bya ba’i tiṅ ṅe ’dzin daṅ | sgra dbyaṅs kyi yi ge daṅ bral ba źes bya ba’i tiṅ ṅe ’dzin daṅ | (6) sgron ma ’bar ba źes bya ba’i tiṅ ṅe ’dzin daṅ | mtshan ñid yoṅs su sbyoṅ ba źes bya ba’i tiṅ ṅe ’dzin daṅ | mṅon par ma dmigs pa źes bya ba’i tiṅ ṅe ’dzin daṅ | rnam pa thams cad kyis mchog daṅ ldan pa źes bya ba’i tiṅ ṅe ’dzin daṅ | bde ba daṅ sdug bsṅal (7) thams cad la mṅon par dga’ ba med pa źes bya ba’i tiṅ ṅe ’dzin daṅ | zad mi śes pa’i za ma tog ces bya ba’i tiṅ ṅe ’dzin daṅ | gzuṅs kyi blo gros źes bya ba’i tiṅ ṅe ’dzin daṅ | yaṅ dag pa daṅ log pa thams cad yaṅ dag par sel ba źes bya ba’i tiṅ ṅe ’dzin (148a1) daṅ | ’gal ba daṅ ’gog pa thams cad yaṅ dag par źi bar byed pa źes bya ba’i tiṅ ṅe ’dzin daṅ | mthun pa daṅ ’gal ba med pa źes bya ba’i tiṅ ṅe ’dzin daṅ | ’od dri ma med pa źes bya ba’i tiṅ ṅe ’dzin daṅ | sñiṅ po daṅ ldan pa źes bya ba’i tiṅ ṅe ’dzin (2) daṅ | zla ba ña ba’i ’od dri ma med pa źes bya ba’i tiṅ ṅe ’dzin daṅ | gduṅ ba med pa’i glog gi ’od ces bya ba’i tiṅ ṅe ’dzin daṅ | bkod pa chen po źes bya ba’i tiṅ ṅe ’dzin daṅ | rnam pa thams cad du ’od byed pa źes bya ba’i tiṅ ṅe ’dzin daṅ | tiṅ ṅe ’dzin mñam pa ñid ces bya (3) ba’i tiṅ ṅe ’dzin daṅ | ñon moṅs pa med par yaṅ dag par ’du ba źes bya ba’i tiṅ ṅe ’dzin daṅ | sgra med pa daṅ | sgra daṅ bcas pa thams cad yaṅ dag par ’du ba źes bya ba’i tiṅ ṅe ’dzin daṅ | gnas la brten pa med par brtson pa źes bya ba’i tiṅ ṅe ’dzin daṅ | de (4) bźin ñid la gnas śiṅ sems med pa źes bya ba’i tiṅ ṅe ’dzin daṅ | lus kyi skyon yaṅ dag par sel ba źes bya ba’i tiṅ ṅe ’dzin daṅ | ṅag gi skyon rnam par ’jig pas nam mkha’ ltar gyur pa źes bya ba’i tiṅ ṅe ’dzin daṅ | nam mkha’ ltar chags pa med pas rnam par (5) grol źiṅ gos pa med pa źes bya ba’i tiṅ ṅe ’dzin to ||
de la dpa’ bar ’gro ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ tiṅ ṅe ’dzin thams cad kyi spyod yul ñams su myoṅ bar byed pa ste | de ni dpa’ bar ’gro ba’i tiṅ ṅe ’dzin ’dzin ces bya’o ||
de la rin chen phyag rgya źes (6) bya ba’i tiṅ ṅe ’dzin gaṅ źe na | tiṅ ṅe ’dzin gaṅ gis tiṅ ṅe ’dzin thams cad rgyas btab pa ste | de ni rin chen phyag rgya’i tiṅ ṅe ’dzin ces bya’o ||
de la seṅ ge rnam par rtse ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyis rnam par rtse (7) bar byed pa ste | de ni seṅ ge rnam par rtse ba źes bya ba’i tiṅ ṅe ’dzin ces bya’o ||
de la zla ba bzaṅ po źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad snaṅ bar byed pa ste | de ni zla ba bzaṅ po źes bya ba’i tiṅ ṅe ’dzin ces bya’o ||
de la (148b1) zla ba’i rgyal mtshan tog ces bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi rgyal mtshan ’dzin par byed pa ste | de ni zla ba’i rgyal mtshan tog ces bya ba’i tiṅ ṅe ’dzin ces bya’o ||
de la chos thams cad las śin tu ’phags pa źes bya (2) ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyis śin tu ’phags par ’gro ba ste | de ni chos thams cad las śin tu ’phags pa źes bya ba’i tiṅ ṅe ’dzin ces bya’o ||
de la spyi gtsug rnam par lta ba źes bya ba’i tiṅ ṅe ’dzin gaṅ źe na | (3) tiṅ ṅe ’dzin gaṅ la gnas na tiṅ ṅe ’dzin thams cad kyi spyi gtsug la rnam par lta bar byed pa ste | de ni spyi gtsug rnam par lta ba źes bya ba’i tiṅ ṅe ’dzin ces bya’o ||
de la chos kyi dbyiṅs su ṅes pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na chos kyi dbyiṅs (4) su ṅes par ’gro ba ste | de ni chos kyi dbyiṅs su ṅes pa źes bya ba’i tiṅ ṅe ’dzin ces bya’o ||
de la ṅes pa’i rgyal mtshan tog ces bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi ṅes pa’i rgyal mtshan ’dzin par byed pa ste | de ni ṅes pa’i (5) rgyal mtshan tog ces bya ba’i tiṅ ṅe ’dzin ces bya’o ||
de la rdo rje rin po che źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad mi phyed pa ste | de ni rdo rje rin po che źes bya ba’i tiṅ ṅe ’dzin ces bya’o ||
de la chos thams cad kyi phyag rgyal (6) ’jug pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na chos thams cad kyi phyag rgya la ’jug pa ste | de ni chos thams cad la ’jug pa’i phyag rgya źes bya ba’i tiṅ ṅe ’dzin ces bya’o ||
de la tiṅ ṅe ’dzin la rgyal po ltar rab tu gnas pa źes bya ba’i tiṅ ṅe ’dzin (7) gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad la rgyal po’i gnas pa lta bus gnas pa ste | de ni tiṅ ṅe ’dzin la rgyal po ltar rab tu gnas pa źes bya ba’i tiṅ ṅe ’dzin ces bya’o ||
de la ’od zer rab tu ’gyed pa źes bya ba’i tiṅ ṅe ’dzin gaṅ źe na | (149a1) tiṅ ṅe ’dzin gaṅ la gnas na | tiṅ ṅe ’dzin thams cad kyi ’od zer rab tu ’gyed pa ste | de ni ’od zer rab tu ’gyed pa źes bya ba’i tiṅ ṅe ’dzin ces bya’o ||
del dpuṅ bkod pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin (2) thams cad kyi dpuṅ ’god par byed pa ste | de ni dpuṅ bkod pa źes bya ba’i tiṅ ṅe ’dzin ces bya’o ||
de la yaṅ dag par ’phags pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad yaṅ dag par ’grub pa ste | de ni yaṅ dag par (3) ’phags pa źes bya ba’i tiṅ ṅe ’dzin ces bya’o ||
de la ṅes pa’i tshig bstan pa la ’jug pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi ṅes pa’i tshig bstan pa la ’jug pa ste | de ni ṅes pa’i tshig bstan pa la ’jug pa (4) źes bya ba’i tiṅ ṅe ’dzin ces bya’o ||
de la tshig bla dgas la yaṅ dag par ’jug pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi miṅ daṅ tshig bla dgas la ’jug pa ste | de ni tshig bla dgas la yaṅ dag par ’jug pa źes (5) bya ba’i tiṅ ṅe ’dzin ces bya’o ||
de la phyogs la rnam par lta ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi phyogs la rnam par lta ba ste | de ni phyogs la rnam par lta ba źes bya ba’i tiṅ ṅe ’dzin ces bya’o ||
de la phyag rgya (6) yoṅs su ’dzin pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi phyag rgya yoṅs su ’dzin pa ste | de ni phyag rgya yoṅs su ’dzin pa źes bya ba’i tiṅ ṅe ’dzin ces bya’o ||
de la brjid pa med pa źes bya ba’i tiṅ ṅe ’dzin gaṅ źe na | (7) tiṅ ṅe ’dzin gaṅ la gnas na tiṅ ṅe ’dzin thams cad mi brjed pa ste | de ni brjed pa med pa źes bya ba’i tiṅ ṅe ’dzin ces bya’o ||
de la chos thams cad yaṅ dag par ’du ba rgya mtsho’i phyag rgya źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad (149b1) yaṅ dag par ’du ba daṅ | yaṅ dag par gźol ba ste | de ni chos thams cad yaṅ dag par ’du ba rgya mtsho’i phyag rgya źes bya ba’i tiṅ ṅe ’dzin ces bya’o ||
de la nam mkha’ khyab par byed pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na nam mkha’ khyab par (2) byed pas tiṅ ṅe ’dzin thams cad khyab par byed pa ste | de ni nam mkha’ khyab par byed pa źes bya ba’i tiṅ ṅe ’dzin ces bya’o ||
de la rdo rje’i dkyil ’khor ces bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi dkyil ’khor yoṅs su (3) ’dzin pa ste | de ni rdo rje’i dkyil ’khor ces bya ba’i tiṅ ṅe ’dzin ces bya’o ||
de la rin po che’i spoṅ ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin gyi mtshan ma thams cad kyaṅ spoṅ na | ñon moṅs pa rnams kyi mtshan ma dag lta ci smos (4) te | de’i phyir rin po che’i spoṅ ba źes bya ba’i tiṅ ṅe ’dzin ces bya’o ||
de la rnam par snaṅ ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad lham me lhan ne lhaṅ ṅer snaṅ ba ste | de’i phyir rnam par snaṅ ba źes bya ba’i tiṅ ṅe ’dzin (5) ces bya’o ||
de la tshol ba med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na chos ’ga’ yaṅ mi tshol ba ste | de’i phyir tshol ba med pa źes bya ba’i tiṅ ṅe ’dzin ces bya’o ||
de la gnas la brten pa med pa źes bya ba’i tiṅ ṅe ’dzin gaṅ źe na | tiṅ ṅe ’dzin (6) gaṅ la gnas na chos ’ga’ yaṅ gnas la brten par yaṅ dag par rjes su mi mtho ba ste | de’i phyir gnas la brten pa med pa źes bya ba’i tiṅ ṅe ’dzin ces bya’o ||
de la sems med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na sems daṅ sems las (7) byuṅ ba’i chos rnams mi ’jug pa ste | de’i phyir sems med pa źes bya ba’i tiṅ ṅe ’dzin ces bya’o ||
de la dri ma med pa’i sgron ma źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi sgron ma dri ma med par byed pa ste | de’i phyir dri ma med (150a1) pa’i sgron ma źes bya ba’i tiṅ ṅe ’dzin ces bya’o ||
de la ’od mtha’ yas pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na ’od mtha’ yas pa byed pa ste | de’i phyir ’od mtha’ yas pa źes bya ba’i tiṅ ṅe ’dzin ces bya’o ||
de la ’od byed pa źes bya (2) ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi ’od byed pa ste | de’i phyir ’od byed pa źes bya ba’i tiṅ ṅe ’dzin ces bya’o ||
de la kun tu snaṅ ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin de thob ma (3) thag tu tiṅ ṅe ’dzin thams cad kyi sgo snaṅ ba ste | de’i phyir kun tu snaṅ ba źes bya ba’i tiṅ ṅe ’dzin ces bya’o ||
de la dag pa dam pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi dag pa mñam pa ñid thams cad rjes su thob pa ste | (4) de’i phyir dag pa dam pa źes bya ba’i tiṅ ṅe ’dzin ces bya’o ||
de la ’od dri ma med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi dri ma sel ba daṅ | tiṅ ṅe ’dzin thams cad snaṅ bar byed pa ste | de’i phyir ’od dri ma med pa źes (5) bya ba’i tiṅ ṅe ’dzin ces bya’o ||
de la dga’ ba byed pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi dga’ ba ñams su myoṅ bar byed pa ste | de’i phyir dga’ ba byed pa źes bya ba’i tiṅ ṅe ’dzin ces bya’o ||
de la glog gi sgron (6) ma źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi sgron ma byed pa ste | de’i phyir glog gi sgron ma źes bya ba’i tiṅ ṅe ’dzin ces bya’o ||
de la zad mi śes pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe (7) ’dzin thams cad kyi zad pa daṅ | mi zad pa yaṅ dag par rjes su mi mthoṅ ba ste | de’i phyir zad mi śes pa źes bya ba’i tiṅ ṅe ’dzin ces bya’o ||
de la gzi brjid yod pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi gzi brjid daṅ | (150b1) dpal gyis ’bar bar byed pa ste | de’i phyir gzi brjid yod pa źes bya ba’i tiṅ ṅe ’dzin ces bya’o ||
de la zad pa daṅ bral ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi zad pa yaṅ dag par rjes su mi mthoṅ źiṅ | ji (2) ltar chos phra rab kyaṅ yaṅ dag par rjes su mi mthoṅ ba de ltar yaṅ dag par rjes su mthoṅ ba ste | de’i phyir zad pa daṅ bral ba źes bya ba’i tiṅ ṅe ’dzin ces bya’o ||
de la mi g-yo ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad (3) la rlom sems su mi byed | spros par mi byed ciṅ | mi g-yo mi ’gul ba ste | de’i phyir mi g-yo ba źes bya ba’i tiṅ ṅe ’dzin ces bya’o ||
de la ’gyur ba med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi ’gyur ba yaṅ dag (4) par rjes su mi mthoṅ ba ste | de’i phyir ’gyur ba med pa źes bya ba’i tiṅ ṅe ’dzin ces bya’o ||
de la ñi ma’i sgron ma źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi ’od zer gyi sgo snaṅ bar byed pa ste | de’i phyir ñi ma’i sgron ma źes bya (5) ba’i tiṅ ṅe ’dzin ces bya’o ||
de la zla ba dri ma med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi mun pa med par byed pa ste | de’i phyir zla ba dri ma med pa źes bya ba’i tiṅ ṅe ’dzin ces bya’o ||
de la snaṅ ba dag ba źes bya’i tiṅ (6) ṅe ’dzin gaṅ źe na | tiṅ ṅe ’dzin gaṅ la gnas nas tiṅ ṅe ’dzin thams cad kyi so so yaṅ dag par rig pa bźi ’thob pa ste | de’i phyir snaṅ ba dag pa źes bya ba’i tiṅ ṅe ’dzin ces bya’o ||
de la snaṅ ba byed pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | (7) tiṅ ṅe ’dzin thams cad kyi sgo snaṅ bar byed pa ste | de’i phyir snaṅ ba byed pa źes bya ba’i tiṅ ṅe ’dzin ces bya’o ||
de la bya ba byed pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi bya ba’i rnam par dag pa byed pa ste | de’i phyir bya (151a1) ba byed pa źes bya ba’i tiṅ ṅe ’dzin ces bya’o ||
de la ye śes tog ces bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi ye śes kyi tog yaṅ dag par rjes su mthoṅ ba ste | de ni ye śes tog ces bya ba’i tiṅ ṅe ’dzin ces (2) bya’o ||
de la rdo rje lta bu źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na chos thams cad rtogs śiṅ | tiṅ ṅe ’dzin kyaṅ yaṅ dag par rjes su mi mthoṅ ba ste | de ni rdo rje lta bu źes bya ba’i tiṅ ṅe ’dzin ces bya’o ||
de la sems gnas pa źes bya ba’i tiṅ ṅe (3) ’dzin gaṅ źe na | tiṅ ṅe ’dzin gaṅ la gnas na de’i sems mi g-yo mi ldog la yoṅs su yi ’chad par mi ’gyur źiṅ | sgyid lug par mi ’gyur la | de ’di sñam du ’di ni sems yin no źes bya bar yaṅ mi sems pa ste | de’i phyir sems gnas pa źes bya ba’i tiṅ ṅe ’dzin (4) ces bya’o ||
de la kun tu snaṅ ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi kun tu snaṅ ba mthoṅ ba ste | de’i phyir kun tu snaṅ ba źes bya ba’i tiṅ ṅe ’dzin ces bya’o ||
de la rab tu gnas pa źes bya ba’i tiṅ ṅe ’dzin gaṅ źe na | (5) tiṅ ṅe ’dzin gaṅ la gnas na tiṅ ṅe ’dzin thams cad la rab tu gnas par ’gyur ba ste | de ni rab tu gnas pa źes bya ba’i tiṅ ṅe ’dzin ces bya’o ||
de la rin chen mtha’ źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad rin po che’i (6) mtha’ lta bur kun tu snaṅ ba ste | de’i phyir rin chen mtha’ źes bya ba’i tiṅ ṅe ’dzin ces bya’o ||
de la chos dam pa’i phyag rgya źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na rgya med pa’i mtha’i rgyas btab pa’i phyir tiṅ ṅe ’dzin thams cad phyag rgyas btab pa (7) yin te | de’i phyir chos dam pa’i phyag rgya źes bya ba’i tiṅ ṅe ’dzin ces bya’o ||
de la chos thams cad mñam pa ñid ces bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | mñam pa ñid ma gtogs par chos ’ga’ yaṅ yaṅ dag par rjes su mi mthoṅ ba (151b1) ste | de’i phyir chos thams cad mñam pa ñid ces bya ba’i tiṅ ṅe ’dzin ces bya’o ||
de la dga’ ba spoṅ ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad daṅ | chos thams cad kyi dga’ ba spoṅ bar byed pa ste | de’i phyir (2) dga’ ba spoṅ ba źes bya ba’i tiṅ ṅe ’dzin ces bya’o ||
de la chos kyis ’phags śiṅ rdzogs pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na chos thams cad kyis ’phags par ’gyur źiṅ | saṅs rgyas kyi chos thams cad kyis rdzogs par (3) ’gyur ba ste | de’i phyir chos kyis ’phags śiṅ rdzogs pa źes bya ba’i tiṅ ṅe ’dzin ces bya’o ||
de la rnam par ’thor ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyis chos thams cad rnam par ’thor bar byed pa ste | (4) de’i phyir rnam par ’thor ba źes bya ba’i tiṅ ṅe ’dzin ces bya’o ||
de la chos thams cad kyi tsheg rab tu ’byed pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad daṅ | chos thams cad kyi tshig thams cad rab tu ’byed par byed pa ste | (5) de’i phyir chos thams cad kyi tshig rab tu ’byed pa źes bya ba’i tiṅ ṅe ’dzin ces bya’o ||
de la yi ge mñam par ’god pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi yi ge mñam pa ñid thob pa ste | de ni yi ge mñam par ’god (6) pa źes bya ba’i tiṅ ṅe ’dzin ces bya’o ||
de la yi ge daṅ bral ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi yi ge gcig kyaṅ mi dmigs pa ste | de’i phyir yi ge daṅ bral ba źes bya ba’i tiṅ ṅe ’dzin ces bya’o ||
de la (7) dmigs pa gcod pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ge ’dzin thams cad kyi dmigs pa gcod par byed pa ste | de’i phyir dmigs pa gcod pa źes bya ba’i tiṅ ṅe ’dzin ces bya’o ||
de la ’gyur ba med pa źes bya ba’i tiṅ ṅe ’dzin gaṅ (152a1) źe na | tiṅ ṅe ’dzin gaṅ la gnas na | chos thams cad kyi ’gyur ba mi dmigs pa ste | de’i phyir ’gyur ba med pa źes bya ba’i tiṅ ṅe ’dzin ces bya’o ||
de la rnam pa med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin (2) thams cad kyi rnam pa mi dmigs pa ste | de’i phyir rnam pa med pa źes bya ba’i tiṅ ṅe ’dzin ces bya’o ||
de la gnas pa med par spyod pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi gnas mi dmigs pa ste | de’i phyir gnas (3) med par spyod pa źes bya ba’i tiṅ ṅe ’dzin ces bya’o ||
de la rab rib med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi rab rib rnam par spoṅ ba ste | de’i phyir rab rib med pa źes bya ba’i tiṅ ṅe ’dzin ces bya’o ||
de la (4) dpyod pa daṅ ldan pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi dpyod pa yaṅ dag par rjes su mi mthoṅ ba ste | de’i phyir dpyod pa daṅ ldan pa źes bya ba’i tiṅ ṅe ’dzin ces bya’o ||
de la g-yo ba med pa źes bya ba’i tiṅ ṅe ’dzin (5) gaṅ źe na | tiṅ ṅe ’dzin gaṅ la gnas na | tiṅ ṅe ’dzin gaṅ la gnas na | tiṅ ṅe ’dzin thams cad kyi g-yo ba yaṅ dag par rjes su mi mthoṅ ba ste | de’i phyir g-yo ba med pa źes bya ba’i tiṅ ṅe ’dzin ces bya’o ||
de la yul las rgal ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ (6) ṅe ’dzin thams cad kyi yul las yaṅ dag par ’da’ ba ste | de’i phyir yul las rgal ba źes bya ba’i tiṅ ṅe ’dzin ces bya’o ||
de la yon tan thams cad kyi tshogs su gyur pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | chos thams cad daṅ | tiṅ ṅe ’dzin (7) thams cad kyi yon tan gyi tshogs rjes su ’thob pa ste | de ni yon tan thams cad kyi tshogs su gyur pa źes bya ba’i tiṅ ṅe ’dzin ces bya’o ||
de la sems med par gnas pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad la sems (152b1) mi ’jug pa ste | de ni sems med par gnas pa źes bya ba’i tiṅ ṅe ’dzin ces bya’o ||
de la dge ba’i me tog rgyas śiṅ dag pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi dge ba’i me tog rgyas śiṅ dag pa ’thob pa ste | de ni (2) dge ba’i me tog rgyas śiṅ dag pa ’thob pa źes bya ba’i tiṅ ṅe ’dzin ces bya’o ||
de la byaṅ chub kyi yan lag yod pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | byaṅ chub kyi yan lag bdun po dag ’thob pa ste | de ni byaṅ chub kyi yan lag yod pa źes (3) bya ba’i tiṅ ṅe ’dzin ces bya’o ||
de la spobs pa mtha’ yas pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad la spobs pa mtha’ yas pa ’thob pa ste | de ni spobs pa mtha’ yas pa źes bya ba’i tiṅ ṅe ’dzin ces bya’o ||
de (4) la mi mñam pa daṅ mñam pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi mi mñam pa daṅ mñam pa ’thob pa ste | de ni mi mñam pa daṅ mñam pa źes bya ba’i tiṅ ṅe ’dzin ces bya’o | de la chos thams cad las ’da’ ba (5) źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | khams gsum pa thams cad las yaṅ dag par ’da’ ba ste | de ni chos thams cad las ’da’ ba źes bya ba’i tiṅ ṅe ’dzin ces bya’o ||
de la yoṅs su gcod pa źes bya ba’i tiṅ ṅe ’dzin gaṅ źe na | (6) tiṅ ṅe ’dzin gaṅ la gnas na | chos thams cad daṅ | tiṅ ṅe ’dzin thams cad kyi yoṅs su gcod pa snaṅ ba ste | de ni yoṅs su gcod pa źes bya ba’i tiṅ ṅe ’dzin ces bya’o ||
de la nem nur rnam par sel ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la (7) gnas na chos thams cad daṅ | tiṅ ṅe ’dzin thams cad kyi nem nur rnam par sel ba rjes su ’thob pa ste | de ni nem nur rnam par sel ba źes bya ba’i tiṅ ṅe ’dzin ces bya’o ||
de la gnas su bya ba med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na (153a1) chos thams cad kyi gnas yaṅ dag par rjes su mi mthoṅ ba ste | de ni gnas su bya ba med pa źes bya ba’i tiṅ ṅe ’dzin ces bya’o ||
de la bkod pa gcig pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na chos gaṅ la yaṅ gñis su (2) med pa yaṅ dag par rjes su mi mthoṅ ba ste | de ni bkod pa gcig pa źes bya ba’i tiṅ ṅe ’dzin ces bya’o ||
de la rnam pa mṅon par bsgrub pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na chos thams cad daṅ | tiṅ ṅe ’dzin thams cad kyi rnam pa (3) mṅon par bsgrab pa yaṅ dag par rjes su mi mthoṅ ba ste | de ni rnam pa mṅon par bsgrub pa źes bya ba’i tiṅ ṅe ’dzin ces bya’o ||
de la rnam pa gcig tu gyur pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi rnam pa yaṅ (4) dag par rjes su mi mthoṅ ba ste | de’i phyir rnam pa gcig tu gyur pa źes bya ba’i tiṅ ṅe ’dzin ces bya’o ||
de la rnam pa dor ba med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gan na | tiṅ ṅe ’dzin thams cad la gñis su yaṅ dag par rjes su mi mthoṅ (5) ba ste | de ni rnam pa dor ba med pa źes bya ba’i tiṅ ṅe ’dzin ces bya’o ||
de la rtogs pas srid pa’i mun pa thams cad daṅ bral ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi ṅes par ’byed pa’i śes pa ’thob ciṅ de thob nas (6) kyaṅ chos ’ga’ yaṅ khoṅ du ma chud pa med pa ste | de ni rtogs pas srid pa’i mun pa thams cad daṅ bral ba źes bya ba’i tiṅ ṅe ’dzin ces bya’o ||
de la brda daṅ sgra la ’jug pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi brda (7) daṅ sgra dag la ’jug par ’gyur ba ste | de’i phyir brda daṅ sgra la ’jug pa źes bya ba’i tiṅ ṅe ’dzin ces bya’o ||
de la sgra dbyaṅs kyi yi ge daṅ bral ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad yi ge daṅ bral bar yaṅ (153b1) dag par rjes su mthoṅ ba ste | de’i phyir sgra dbyaṅs kyi yi ge daṅ bral ba źes bya ba’i tiṅ ṅe ’dzin ces bya’o ||
de la sgron ma ’bar ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad gzi brjid kyis lham me | lhan ne | lhaṅ ṅer snaṅ ba ste | (2) de’i phyir sgron ma ’bar ba źes bya ba’i tiṅ ṅe ’dzin ces bya’o ||
de la mtshan ñid yoṅs su sbyoṅ ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi mtshan ñid yoṅs su dag par ’gyur ba ste | de’i phyir mtshan ñid yoṅs su sbyoṅ ba (3) źes bya ba’i tiṅ ṅe ’dzin ces bya’o ||
de la mṅon par mi dmigs pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad mṅon par ma dmigs pa yin te | de’i phyir mṅon par ma dmigs pa źes bya ba’i tiṅ ṅe ’dzin ces bya’o ||
(4) de la rnam pa thams cad kyi mchog daṅ ldan pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad rnam pa thams cad kyi mchog daṅ ldan par ’gyur ba ste | de’i phyir rnam pa thams cad kyi mchog daṅ ldan pa źes bya ba’i tiṅ ṅe ’dzin ces (5) bya’o ||
de la bde ba daṅ sdug bsṅal thams cad la mṅon par dga’ ba med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | bde ba daṅ sdug bsṅal thams cad yaṅ dag par rjes su mi mthoṅ ba ste | de’i phyir bde ba daṅ | sdug bsṅal thams (6) cad la mṅon par dga’ ba med pa źes bya ba’i tiṅ ṅe ’dzin ces bya’o ||
de la zad mi śes pa’i za ma tog ces bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi zad pa yaṅ dag par rjes su mi mthoṅ ba ste | de’i phyir zad mi śes (7) pa’i za ma tog ces bya ba’i tiṅ ṅe ’dzin ces bya’o ||
de la gzuṅs kyi blo gros źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi gzuṅs thams cad ’dzin par byed pa ste | de’i phyir gzuṅs kyi blo gros źes bya ba’i tiṅ ṅe (154a1) ’dzin ces bya’o ||
de la yaṅ dag pa daṅ log pa thams cad yaṅ dag par sel ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi yaṅ dag pa ñid daṅ | log pa ñid yaṅ dag par rjes su mi mthoṅ ba ste | (2) de’i phyir yaṅ dag pa daṅ log pa thams cad yaṅ dag par sel ba źes bya ba’i tiṅ ṅe ’dzin ces bya’o ||
de la ’gal ba daṅ ’gog pa thams cad yaṅ dag par źi bar byed pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad kyi (3) ’gal ba daṅ ’gog pa yaṅ dag par rjes su mi mthoṅ ba ste | de’i phyir ’gal ba daṅ ’gog pa thams cad yaṅ dag par źi bar byed pa źes bya ba’i tiṅ ṅe ’dzin ces bya’o ||
de la ’thun pa daṅ ’gal ba med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la (4) gnas na chos thams cad daṅ | tiṅ ṅe ’dzin thams cad kyi ’thun pa daṅ ’gal ba med pa yaṅ dag par rjes su mi mthoṅ ba ste | de’i phyir ’thun pa daṅ ’gal ba med pa źes bya ba’i tiṅ ṅe ’dzin ces bya’o ||
de la ’od dri ma med pa źes bya ba’i tiṅ ṅe ’dzin gaṅ źe na | tiṅ ṅe ’dzin (5) gaṅ la gnas na | tiṅ ṅe ’dzin thams cad kyi ’od kyi dkyil ’khor mi dmigs pa ste | de’i phyir ’od dri ma med pa źes bya ba’i tiṅ ṅe ’dzin ces bya’o ||
de la sñiṅ po daṅ ldan pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad (6) sñiṅ po med par mi dmigs pa ste | de’i phyir sñiṅ po daṅ ldan pa źes bya ba’i tiṅ ṅe ’dzin ces bya’o ||
de la zla ba ña ba’i ’od dri ma med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na ’di lta ste dper na | zla ba ña ba’i zla ba’i dkyil ’khor ltar tiṅ ṅe (7) ’dzin thams cad yoṅs su rdzogs par ’gyur ba ste | de’i phyir zla ba ña ba’i ’od dri ma med pa źes bya ba’i tiṅ ṅe ’dzin ches bya’o ||
de la bkod pa chen po źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad bkod pa chen po daṅ (154b1) ldan par ’gyur ba ste | de’i phyir bkod pa chen po źes bya ba’i tiṅ ṅe ’dzin ces bya’o ||
de la rnam pa thams cad du ’od byed pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na tiṅ ṅe ’dzin thams cad daṅ | chos thams cad snaṅ bar byed pa ste | de’i phyir rnam (2) pa thams cad du ’od byed pa źes bya ba’i tiṅ ṅe ’dzin ces bya’o ||
de la tiṅ ṅe ’dzin mñam pa ñid ces bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad la rnam par g-yeṅ ba daṅ | rtse gcig par yaṅ dag par rjes su mi mthoṅ ba ste | (3) de’i phyir tiṅ ṅe ’dzin mñam pa ñid ces bya ba’i tiṅ ṅe ’dzin ces bya’o ||
de la ñon moṅs pa med par yaṅ dag par ’du ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad ñon moṅs pa med par byed pa ste | de’i phyir ñon (4) moṅs pa med par yaṅ dag par ’du ba źes bya ba’i tiṅ ṅe ’dzin ces bya’o ||
de la sgra med pa daṅ | sgra daṅ bcas pa thams cad yaṅ dag par ’du ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad sgra mi ’byin pa ste | de’i (5) phyir sgra med pa daṅ | sgra daṅ bcas pa thams cad yaṅ dag par ’du ba źes bya ba’i tiṅ ṅe ’dzin ces bya’o ||
de la gnas la brten pa med pa la brtson pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi gnas mi dmigs pa (6) ste | de’i phyir gnas la brten pa med pa la brtson pa źes bya ba’i tiṅ ṅe ’dzin ces bya’o ||
de la de bźin ñid la gnas śiṅ sems med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi de bźin ñid las mi ldog pa ste | (7) de’i phyir de bźin ñid la gnas śiṅ sems med pa źes bya ba’i tiṅ ṅe ’dzin ces bya’o ||
de la lus kyi skyon yaṅ dag par sel ba źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi lus mi dmigs pa ste | de’i phyir lus kyi (155a1) skyon yaṅ dag par sel ba źes bya ba’i tiṅ ṅe ’dzin ces bya’o ||
de la ṅag gi skyon rnam par ’jig pas nam mkha’ ltar gyur pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | tiṅ ṅe ’dzin thams cad kyi ṅag gi las mi dmigs pa (2) ste | de’i phyir ṅag gi skyon rnam par ’jig pas nam mkha’ ltar gyur pa źes bya ba’i tiṅ ṅe ’dzin ces bya’o ||
de la nam mkha’ ltar chags pa med pas rnam par grol źiṅ gos pa med pa źes bya ba’i tiṅ ṅe ’dzin gaṅ źe na | tiṅ ṅe ’dzin gaṅ la gnas na | chos (3) thams cad nam mkha’ ltar chags pa med pas rnam par grol źiṅ gos pa med pa rjes su ’thob pa ste | de’i phyir nam mkha’ ltar chags pa med pas rnam par grol źiṅ gos pa med pa źes bya ba’i tiṅ ṅe ’dzin ces bya ste | rab ’byor de ni byaṅ chub sems dpa’ sems (4) dpa’ chen po’i śes rab kyi pha rol tu phyin pa la spyod pa’i theg pa chen po yin no ||
śes rab kyi pha rol tu phyin pa khri brgyad stoṅ pa las | tiṅ ṅe ’dzin gyi le’u źes bya ste | bcwa lṅa pa’o || ||
śes rab kyi pha rol tu phyin pa khri brgyad stoṅ pa | bam (5) po bcu gñis pa | rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | dran pa ñe bar gźag pa bźi ste | bźi gaṅ źe na | lus dran pa ñe bar gźag pa daṅ | tshor ba dran pa ñe bar gźag pa daṅ | sems dran pa ñe (6) bar gźag pa daṅ | chos dran pa ñe bar gźag pa’o ||
de la lus dran pa ñe bar gźag pa gaṅ źe na | rab ’byor ’di la byaṅ chub sems dpa’ sems dpa’ chen po rtun pa śes bźin can | dran pa daṅ ldan pas ’jig rten la brnab sems daṅ | yid mi bde ba (7) rnam par bsal nas | naṅ gi lus la lus kyi rjes su lta źiṅ gnas te | de yaṅ mi dmigs pa’i tshul gyis gnas śiṅ | lus daṅ ldan pa’i rnam par rtog pa rnams la yaṅ rnam par mi rtog go ||
phyi’i lus la lus kyi rjes su lta źiṅ gnas | naṅ daṅ phyi’i lus la lus kyi (155b1) rjes su lta źiṅ gnas te | de yaṅ mi dmigs pa’i tshul gyis gnas śiṅ | lus daṅ ldan pa’i rnam par rtog pa rnams la yaṅ rnam par mi rtog go ||
rtun pa śes bźin can dran pa daṅ ldan pas ’jig rten la brnab sems daṅ yid mi bde ba rnam par bsal nas naṅ gi tshor ba (2) rnams daṅ | sems daṅ naṅ gi chos rnams la chos kyi rjes su lta źiṅ gnas te | de yaṅ mi dmigs pa’i tshul gyis gnas śiṅ chos daṅ ldan pa’i rnam par rtog pa rnams la yaṅ rnam par mi rtog go ||
phyi rol gyi tshor ba rnams daṅ | sems daṅ chos rnams la chos kyi (3) rjes su lta źiṅ gnas te | de yaṅ mi dmigs pa’i tshul gyis gnas śiṅ chos daṅ ldan pa’i rnam par rtog pa rnams la yaṅ rnam par mi rtog go ||
naṅ daṅ phyi’i tshor ba rnams daṅ | sems daṅ | chos rnams la yaṅ chos kyi rjes su lta źiṅ gnas te | de yaṅ mi dmigs (4) pa’i tshul gyis gnas śiṅ | chos daṅ ldan pa’i rnam par rtog pa rnams la yaṅ rnam par mi rtog go ||
rab ’byor byaṅ chub sems dpa’ sems dpa’ chen po ji ltar na naṅ gi lus la lus kyi rjes su lta źiṅ gnas śe na | rab ’byor ’di la byaṅ chub sems dpa’ sems dpa’ (5) chen po de naṅ gi lus la lus kyi rjes su lta źiṅ gnas te | spyod na yaṅ spyod par rab tu śes so ||
’greṅ na yaṅ bdag ’greṅ bar rab tu śes so ||
’dug na yaṅ bdag ’dug par rab tu śes so ||
ñal na yaṅ bdag ñal bar rab tu śes so ||
de’i lus ji lta ji (6) lta bur gnas par gyur pa de lta de lta bur de rab tu śes te | rab ’byor de ltar na byaṅ chub sems dpa’ sems dpa’ chen po rtun pa śes bźin can dran pa daṅ ldan pas ’jig rten la brnab sems daṅ | yid mi bde ba rnam par bsal nas | naṅ gi lus la lus kyi rjes (7) su lta źiṅ gnas so ||
rab ’byor gźan yaṅ byaṅ chub sems dpa’ sems dpa’ chen po naṅ gi lus la lus kyi rjes su lta źiṅ gnas pa de ’gro ba ’am ldog kyaṅ śes bźin du spyod pa yin | kun tu lta ’am | rnam par lta yaṅ śes bźin du spyod pa yin | bskum (156a1) pa daṅ | brkyaṅ ba daṅ | snam sbyar daṅ | lhuṅ bzed daṅ | chos gos thogs pa daṅ | za ba daṅ | ’thuṅ ba daṅ | ’cha’ ba daṅ | myaṅ ba daṅ | ñal ba daṅ | gñid kyis non pa bsal ba daṅ | ’oṅ ba daṅ | ’gro ba daṅ | ’greṅ ba (2) daṅ | ’dug pa daṅ | ñal ba daṅ | mi ñal ba daṅ | smra ba daṅ | mi smra ba daṅ | naṅ du yaṅ dag ’jog pa na yaṅ śes bźin du spyod pa yin te | rab ’byor te ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa naṅ gi (3) lus la lus kyi rjes su lta źiṅ gnas te | de yaṅ mi dmigs pa’i tshul gyis gnas so ||
rab ’byor gźan yaṅ byaṅ chub sems dpa’ sems dpa’ chen po dran bźin du dbugs brṅubs na dran bźin du dbugs brṅubs par yaṅ dag pa ji lta ba bźin du rab tu śes so ||
(4) dran bźin du dbugs phyuṅ na dran bźin du dbugs phyuṅ bar yaṅ dag pa ji lta ba bźin du rab tu śes so ||
dbugs riṅ du brṅubs na | dbugs riṅ du brṅubs par yaṅ dag pa ji lta ba bźin du rab tu śes so ||
dbugs riṅ du phyuṅ na | dbugs riṅ du phyuṅ bar yaṅ (5) dag pa ji lta ba bźin du rab tu śes so ||
dbugs thuṅ du brṅubs na dbugs thuṅ du brṅubs par yaṅ dag pa ji lta ba bźin du rab tu śes so ||
dbugs thuṅ du phyuṅ na dbugs thuṅ du phyuṅ bar ya ṅa dag pa ji lta ba bźin du rab tu śes so ||
rab ’byor ’di lta ste dper na | (6) rdza mkhan nam | rdza mkhan gyi slob ma mkhas pa’i phaṅ lo bskor ba ni riṅ du srub na yaṅ riṅ du srub par rab tu śes so ||
thuṅ du srub na yaṅ thuṅ du srub par rab tu śes so ||
rab ’byor de bźin du byaṅ chub sems dpa’ sems dpa’ chen po ni dran bźin du dbugs brṅubs na | dran (7) bźin du dbugs brṅubs par yaṅ dag pa ji lta ba bźin du rab tu śes so ||
dran bźin du dbugs phyuṅ na yaṅ dran bźin du dbugs phyuṅ bar yaṅ dag pa ji lta ba bźin du rab tu śes so ||
dbugs riṅ du brṅubs na dbugs riṅ du brṅubs par yaṅ dag pa ji lta ba (156b1) bźin du rab tu śes so ||
dbugs riṅ du phyuṅ na yaṅ dbugs riṅ du phyuṅ bar yaṅ dag pa ji lta ba bźin du rab tu śes so ||
dbugs thuṅ ṅu brṅubs na | dbugs thuṅ ṅu brṅubs na | dbugs thuṅ ṅu brṅubs par yaṅ dag pa ji lta ba bźin du rab tu śes so ||
dbugs thuṅ du phyuṅ na | dbugs (2) thuṅ du phyuṅ bar yaṅ dag pa ji lta ba bźin du rab tu śes so ||
rab ’byor de ltar na byaṅ chub sems dpa’ sems dpa’ chen po rtun pa śes bźin can | dran pa daṅ ldan pas ’jig rten la brnab sems daṅ | yid mi bde ba rnam par bsal nas | naṅ gi lus la lus kyi (3) rjes su lta źiṅ gnas te | de yaṅ mi dmigs pa’i tshul gyis gnas so ||
rab ’byor gźan yaṅ byaṅ chub sems dpa’ sems dpa’ chen po lus ’di ñid la khams kyis yaṅ dag pa ji lta ba bźin du so sor rtog par byed de | lus ’di la ni sa’i khams daṅ | chu’i (4) khams daṅ | me’i khams daṅ | rluṅ gi khams yod do sñam du rtog go ||
rab ’byor ’di lta ste dper na | ba laṅ gsod pa’am | ba laṅ gsod pa’i slob ma mkhas pas | mtshon rnon pos ba laṅ bsad nas bag bźir gśegs te | gzugs bźir phye nas | (5) ’greṅ ṅam ’dug ste so sor rtog pa de bźin du | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ lus ’di ñid la khams kyis so sor rtog par byed de | lus ’di la ni sa’i khams daṅ | chu’i khams daṅ | me’i khams (6) daṅ | rluṅ gi khams yod do ||
sñam du so sor rtog ste | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ ’greṅ ṅam ’dug kyaṅ naṅ gi lus la lus kyi rjes su lta źiṅ gnas te | de yaṅ mi dmigs pa’i tshul gyis (7) gnas so ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni lus ’di ñid la rkaṅ pa’i mthil yan chad skra daṅ mgo bo man chad na | sen mo daṅ spu daṅ | pags pa la thugs pa’i bar du mi gtsaṅ ba sna tshogs kyis (157a1) gaṅ bar yaṅ dag pa ji lta ba bźin du so sor rtog ste | lus ’di la ni skra daṅ | spu daṅ | sen mo daṅ | so daṅ | bags śun daṅ | śa daṅ | rgyus pa daṅ | khrag daṅ | rus pa daṅ | rkaṅ daṅ | sñiṅ daṅ | mkhal ma daṅ | mchin pa daṅ | glo (2) ba daṅ | mcher pa daṅ | loṅ ka daṅ | rgyu ma daṅ | gñe ma daṅ | lgaṅ pa daṅ | gcin daṅ | phyi sa daṅ | mchi ma daṅ | rdul daṅ | tshil daṅ | snabs daṅ | ṅar snabs daṅ | rnag daṅ | mkhris pa daṅ | bad kan daṅ | źag daṅ | chu ser daṅ | dri (3) ma daṅ | mgo bo daṅ | klad pa daṅ | mig rdul daṅ | rna spabs dag yod par lus ’di la yaṅ dag pa ji lta ba bźin du so sor rtog go ||
rab ’byor ’di lta ste dper na | źiṅ pa’i sbyaṅ ’bras so ba daṅ | ’bru daṅ | til daṅ | ’bras drus daṅ | mon sran (4) sde’u daṅ | mon sran gre’u daṅ | sran chuṅ daṅ | nas daṅ | gro daṅ | yuṅs ’bru daṅ | ’bru sna tshogs kyis gaṅ ba mig daṅ ldan pa’i mis phye ste brtags na | ’di ltar ’di ni ’bras so ba yin no ||
’di ni ’bras (5) drus yin no ||
’di ni mon sran sde’u yin no ||
’di ni mon sran gre’u yin no ||
’di ni sran chuṅ yin no ||
’di ni yuṅs ’bru yin no sñam du śes so ||
rab ’byor de bźin du byaṅ chub sems dpa’ sems dpa’ chen (6) po lus ’di ñid la rkaṅ pa’i mthil yan chad skra daṅ | mgo bo man chad sen mo daṅ | spu daṅ | pags pa la thug gi bar du mi gtsaṅ ba sna tshogs kyis gaṅ bar yaṅ dag pa ji lta ba bźin du so sor rtog ste | lus ’di la ni skra daṅ | spu daṅ | sen mo daṅ | so (7) daṅ | pags śun daṅ | śa daṅ | rgyus pa daṅ | khrag daṅ | rus pa daṅ | rkaṅ daṅ | sñiṅ daṅ | mkhal ma daṅ | mchin pa daṅ | glo ba daṅ | mcher pa daṅ | loṅ ka daṅ | rgyu ma daṅ | gñe ma daṅ | lgaṅ pa daṅ | gcin daṅ | phyis daṅ | (157b1) mchi ma daṅ | rṅul daṅ | tshil daṅ | snabs daṅ | dar snabs daṅ | rnag daṅ | mkhris pa daṅ | bad kan daṅ | źag daṅ | chu ser daṅ | dri ma daṅ | mgo bo daṅ | klad pa daṅ | mig rdul daṅ | rna spabs dag yod do sñam du rtog go ||
rab ’byor de (2) ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa | rtun pa śes bzin can | dran pa daṅ ldan pas | ’jig rten la brnab sems daṅ yid mi bde ba rnam par bsal nas | naṅ gi lus la lus kyi rjes su lta źiṅ gnas te | (3) de yaṅ mi dmig pa’i tshul gyis gnas so ||
rab ’byor gźan yaṅ byaṅ chub sems dpa’ sems dpa’ chen po gaṅ gi tshe | dur khrod na gnas pa na | dur khrod du bor ba’i gzugs sna tshogs śi nas źag gcig lon pa’am | śi nas źag gñis lon pa (4) ’am | śi nas źag gsum lon pa’am | śi nas źag bźi lon pa’am | śi nas źag lṅa lon pa’am | rnam par bam pa’am | rnam par sṅos pa’am | rnam par rul ba’am | rnam par ’bus gźigs pa dag mthoṅ ba na | de lus ’di yaṅ ’di lta (5) bu’i chos can daṅ | ’di lta bu’i raṅ bźin can yin te | chos ñid de daṅ ma bral ba yin no źes lus ’di ñid kyaṅ tshul de daṅ sbyor bar byed do ||
rab ’byor de ltar na byaṅ chub sems dpa’ sems dpa’ chen po rtun pa śes bźin can | dran pa daṅ ldan pas ’jig rten la (6) brnab sems daṅ | yid mi bde ba rnam par bsal nas | lus la lus kyi rjes su lta źiṅ gnas so ||
rab ’byor gźan yaṅ byaṅ chub sems dpa’ sems dpa’ chen po gaṅ gi tshe | dur khrod du mi ro bor ba | śi nas źag drug lon pa’am | śi nas źag (7) bdun lon pa’am | bya rog rnams za źiṅ ’dug pa’am | go bo daṅ | chun lag daṅ | bya rgod daṅ | skyugs za daṅ | spyaṅ ku daṅ | wa daṅ | khyi dag gam | srog chags kyi rigs gaṅ yaṅ ruṅ ba rnam pa sna tshogs dag za źiṅ ’dug pa dag mthoṅ ba na de (158a1) lus ’di yaṅ ’di lta bu’i chos can daṅ | ’di lta bu’i raṅ bźin can yin te | chos ñid ’di daṅ ma bral ba’o źes lus ’di ñid kyaṅ tshul de daṅ sbyor bar byed do ||
rab ’byor de ltar na byaṅ chub sems dpa’ sems dpa’ chen po rtun pa śes bźin can dran pa (2) daṅ ldan pas | ’jig rten la brnab sems daṅ | yid mi bde ba rnam par bsal nas | phyi rol gyi lus la lus kyi rjes su lta źiṅ gnas so ||
rab ’byor gźan yaṅ byaṅ chub sems dpa’ sems dpa’ chen po gaṅ gi tshe | dur khrod du mi ro bo rab rnam par zos pa (3) daṅ | mi gtsaṅ ba daṅ | rul ba daṅ | mnam pa dag mthoṅ ba na | de lus ’di yaṅ ’di lta bu’i chos can daṅ | ’di lta bu’i raṅ bźin can yin te | chos ñid ’di daṅ ma bral ba yin no źes lus ’di ñid kyaṅ tshul de daṅ sbyor bar byed do ||
rab ’byor de ltar na byaṅ chub (4) sems dpa’ sems dpa’ chen po rtun pa śes bźin can dran pa daṅ ldan pas | ’jig rten la brnab sems daṅ | yid mi bde ba rnam par bsal nas | lus la lus kyi rjes su lta źiṅ gnas so ||
rab ’byor gźan yaṅ byaṅ chub sems dpa’ sems dpa’ chen po gaṅ gi (5) tshe | dur khrod du keṅ rus śa daṅ | khrag ra ri chags śiṅ rgyus pas braṅ breṅ du ’brel ba dag mthoṅ ba na | de la lus ’di yaṅ ’di lta bu’i chos can daṅ | ’di lta bu’i raṅ bźin can yin te | chos ñid de daṅ ma bral ba yin no źes lus ’di ñid kyaṅ tshul de daṅ sbyor bar (6) byed do ||
rab ’byor de ltar na byaṅ chub sems dpa’ sems dpa’ chen po rtun pa śes bźin can dran pa daṅ ldan pas | ’jig rten la brnab sems daṅ | yid mi bde ba rnam par bsal nas lus la lus kyi rjes su lta źiṅ gnas so ||
rab ’byor gźan yaṅ byaṅ chub (7) sems dpa’ sems dpa’ chen po gaṅ gi tshe | dur khrod du keṅ rus śa daṅ khrag med ciṅ rgyus pas ma ’brel ba | duṅ gi mdog ltar gyur pa dag mthoṅ ba na | de lus ’di yaṅ ’di lta bu’i chos can daṅ | ’di lta bu’i raṅ bźin can yin te | chos ñid de daṅ ma bral ba yin no źes (158b1) lus ’di ñid kyaṅ tshul de daṅ sbyor bar byed do ||
rab ’byor de ltar na byaṅ chub sems dpa’ sems dpa’ chen po rtun pa śes bźin can dran pa daṅ ldan pas | ’jig rten la brnab sems daṅ | yid mi bde ba rnam par bsal nas | lus la lus kyi rjes su lta źiṅ (2) gnas so ||
rab ’byor gźan yaṅ byaṅ chub sems dpa’ sems dpa’ chen po gaṅ gi tshe | dur khrod du ker rus zuṅs med ciṅ gyes te | duṅ sa la gtor ba lta bu dag mthoṅ ba na | de lus ’di yaṅ ’di lta bu’i chos can daṅ | ’di lta bu’i raṅ bźin can yin te | (3) chos ñid de daṅ ma bral ba yin no źes lus ’di ñid kyaṅ tshul de daṅ sbyor bar byed do ||
rab ’byor de ltar na byaṅ chub sems dpa’ sems dpa’ chen po rtun pa śes bźin can dran pa daṅ ldan pas ’jig rten la brnab sems daṅ | yid mi bde ba rnam par bsal nas | lus la (4) lus kyi rjes su lta źiṅ gnas so ||
rab ’byor gźan yaṅ byaṅ chub sems dpa’ sems dpa’ chen po gaṅ gi tshe | dur khrod du rus pa rnams sa la phyogs daṅ phyogs mtshams su rnam par ’thor te | rkaṅ pa’i rus pa rnam kyaṅ gźan na | rje ṅar kyi rus pa rnams kyaṅ (5) gźan na | brla’i rus pa rnams kyaṅ gźan na | dpyi’i rus pa rnams kyaṅ gźan na | sgal tshigs kyi rus pa rnams kyaṅ gźan na | rtsib ma’i rus pa rnams kyaṅ gźan na | dpuṅ pa’i rus pa rnams kyaṅ gźan na | mjiṅ pa’i rus pa rnams kyaṅ gźan na | mgo (6) bo’i thod pa rnams kyaṅ gźan na ’dug pa dag mthoṅ ba na | de lus ’di yaṅ ’di lta bu’i chos can nam | ’di lta bu’i raṅ bźin can yin te | chos ñid de daṅ ma bral ba yin no źes lus ’di ñid kyaṅ tshul de daṅ sbyor bar byed do ||
rab ’byor de ltar na byaṅ chub sems (7) dpa’ sems dpa’ chen po rtun pa śes pa bźin can dran pa daṅ ldan pas | ’jig rten la brnab sems daṅ yid mi bde ba rnam par bsal nas | lus la lus kyi rjes su lta źiṅ gnas so ||
rab ’byor gźan yaṅ byaṅ chub sems dpa’ sems dpa’ chen po gaṅ gi (159a1) tshe | dur khrod du rus pa lo du ma lon pa | rluṅ daṅ ñi mas gduṅs pa duṅ gi mdog ltar gyur pa dag mthoṅ ba na | lus ’di yaṅ ’di lta bu’i chos can daṅ | ’di lta bu’i raṅ bźin can yin te | chos ñid de daṅ ma bral ba yin no źes lus ’di ñid kyaṅ (2) tshul de daṅ sbyor bar byed do ||
rab ’byor de ltar na byaṅ chub sems dpa’ sems dpa’ chen po rtun pa śes bźin can dran pa daṅ ldan pas | ’jig rten la brnab sems daṅ yid mi bde ba rnam par bsal nas | lus la lus kyi rjes su lta źiṅ gnas so ||
rab ’byor (3) gźan yaṅ byaṅ chub sems dpa’ sems dpa’ chen po gaṅ gi tshe | dur khrod du rus pa lo du ma lon pa | sṅo ba thi ba’i mdog ltar gyur pa | zags śiṅ brul ba sa’i rdul daṅ ’dra bar gyur pa dag mthoṅ ba na | de lus ’di yaṅ ’di lta bu’i chos can daṅ | ’di lta bu’i (4) raṅ bźin can yin te | chos ñid de daṅ ma bral ba yin no źes lus ’di ñid kyaṅ tshul de daṅ sbyor bar byed do ||
rab ’byor de ltar na byaṅ chub sems dpa’ sems dpa’ chen po rtun pa śes bźin can dran pa daṅ ldan pas | ’jig rten la brnab sems daṅ yid mi bde (5) ba rnam par bas la nas | naṅ gi lus la lus kyi rjes su lta źiṅ gnas so ||
phyi’i lus la lus kyi rjes su lta źiṅ gnas so ||
naṅ daṅ phyi’i lus la lus kyi rjes su lta źiṅ gnas so ||
de bźin du rtun pa śes bźin can dran pa daṅ ldan pas | ’jig rten la (6) brnab sems daṅ | yid mi bde ba rnam par bsal nas | tshor ba rnams daṅ | sems daṅ | chos rnams la chos kyi rjes su lta źiṅ gnas so ||
rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub (7) sems dpa’ sems dpa’ chen po’i theg pa chen po ni ’di lta ste | yaṅ dag pa’i spoṅ ba bźi’o ||
bźi gaṅ źe na | rab ’byor ’di la byaṅ chub sems dpa’ sems dpa’ chen po sdig pa mi dge ba’i chos ma skyes pa rnams mi bskyed pa’i phyir ’dun pa skyed ciṅ rtsol la brtson (159b1) ’grus rtsom ste | sems rab tu ’dzin ciṅ yaṅ dag par rab tu ’jog pa daṅ | sdig pa mi dge ba’i chos skyes pa rnams spaṅ ba’i phyir ’dun bskyed ciṅ rtsol ba brtson ’grus rtsom ste | sems rab tu ’dzin ciṅ | yaṅ dag par rab tu ’jog pa daṅ | dge ba’i chos ma skyes pa (2) rnams bskyed pa’i phyir | ’dun pa skyed ciṅ rtsol la brtson ’grus rtsom ste | sems rab tu ’dzin ciṅ yaṅ dag par rab tu ’jog pa daṅ | dge ba’i chos skyes pa rnams gnas pa daṅ | phyir źiṅ ’byuṅ ba daṅ | mi brjed pa daṅ | ñams par mi ’gyur ba daṅ | yoṅs (3) su rdzogs par bya ba’i phyir ’dun pa skyed ciṅ rtsol la brtson ’grus rtsom ste | sems rab tu ’dzin ciṅ yaṅ dag par rab tu ’jog pa’o ||
de yaṅ mi dmigs pa’i tshul gyis ’jog ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab (4) ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | rdzu ’phrul gyi rkaṅ pa bźi’o ||
bźi gaṅ źe na | rab ’byor ’di la byaṅ chub sems dpa’ sems dpa’ chen po ’dun pa’i tiṅ ṅe ’dzin spoṅ ba’i ’du byed daṅ ldan pa’i rdzu ’phrul gyi rkaṅ (5) pa dben pa la gnas pa ’dod chags daṅ bral ba la gnas pa | ’gog pa la gnas pa | rnam par spoṅ bas yoṅs su bsgyur bsgom pa daṅ | brtson ’grus daṅ | sems daṅ | dpyod pa’i tiṅ ṅe ’dzin spoṅ ba’i ’du byed daṅ ldan pa’i rdzu ’phrul gyi rkaṅ pa dben pa la gnas (6) pa | ’dod chags daṅ bral ba la gnas pa | ’gog pa la gnas pa | rnam par spoṅ bas yoṅs su bsgyur bsgom źiṅ | de yaṅ mi dmigs pa’i tshul gyis sgom pa ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab (7) ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | dbaṅ po lṅa’o ||
lṅa gaṅ źe na daṅ pa’i dbaṅ po daṅ | brtson ’grus kyi dbaṅ po daṅ | dran pa’i dbaṅ po daṅ | tiṅ ṅe ’dzin gyi dbaṅ po daṅ | śes rab kyi dbaṅ po ste | rab (160a1) ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | stobs lṅa’o ||
lṅa gaṅ źe na dad pa’i stobs daṅ | brtson ’grus kyi (2) stobs daṅ | dran pa’i stobs daṅ | tiṅ ṅe ’dzin gyi stobs daṅ | śes rab kyi stobs so ||
de yaṅ mi dmigs pa’i tshul gyis te | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems (3) dpa’ sems dpa’ chen po’i theg pa chen po ni ’di lta ste | byaṅ chub kyi yan lag bdun te | bdun gaṅ źe na | dran pa yaṅ dag byaṅ chub kyi yan lag daṅ | chos rnam par ’byed pa yaṅ dag byaṅ chub kyi yan lag daṅ | brtson ’grus yaṅ dag byaṅ chub kyi yan lag daṅ (4) dga’ ba yaṅ dag byaṅ chub kyi yan lag daṅ | śin tu sbyaṅs pa yaṅ dag byaṅ chub kyi yan lag daṅ | tiṅ ṅe ’dzin yaṅ dag byaṅ chub kyi yan lag daṅ | btaṅ sñoms yaṅ dag byaṅ chub kyi yan lag dben pa la gnas pa ’dod chags daṅ bral ba la gnas pa | (5) ’gog pa la gnas pa | rnam par spoṅ bas yoṅs su bsgyur ba sgom źiṅ de yaṅ mi dmigs pa’i tshul gyis sgom pa ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen (6) po’i theg pa chen po ni ’di lta ste | ’phags pa’i lam yan lag brgyad pa’o ||
’phags pa’i lam yan lag brgyad pa gaṅ źe na | ’di lta ste | yaṅ dag pa’i lta ba daṅ | yaṅ dag pa’i ṅag daṅ | yaṅ dag pa’i las kyi mtha’ (7) daṅ | yaṅ dag pa’i ’tsho ba daṅ | yaṅ dag pa’i rtsol ba daṅ | yaṅ dag pa’i dran pa daṅ | yaṅ dag pa’i tiṅ ṅe ’dzin to ||
de yaṅ mi dmigs pa’i tshul gyis te | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab (160b1) ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | rnam par thar pa’i sgo gsum gyi tiṅ ṅe ’dzin gsum ste | gsum gaṅ źe na | stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe (2) ’dzin to ||
de la stoṅ pa ñid kyi tiṅ ṅe ’dzin gaṅ źe na | chos thams cad raṅ gi mtshan ñid kyis stoṅ par so sor rtog pa’i sems gnas pa gaṅ yin pa ste | de ni stoṅ pa ñid kyi rnam par thar pa’i sgo stoṅ pa ñid kyi tiṅ ṅe ’dzin ces bya’o ||
de la mtshan ma med pa’i tiṅ ṅe (3) ’dzin gaṅ źe na | chos thams cad mtshan ma med par so sor rtog pa’i sems gnas pa gaṅ yin pa ste | de ni mtshan ma med pa’i rnam par thar pa’i sgo mtshan ma med pa’i tiṅ ṅe ’dzin ces bya’o ||
de la smon pa med pa’i tiṅ ṅe ’dzin gaṅ źe na | chos thams cad mṅon par du (4) byed pa med par so sor rtog pa’i sems gnas pa gaṅ yin pa ste | de ni smon pa med pa’i rnam par thar pa’i sgo smon pa med pa’i tiṅ ṅe ’dzin ces bya’o ||
rnam par thar pa’i sgo gsum po dag gi tiṅ ṅe ’dzin ni | byaṅ chub sems dpa’ sems dpa’ chen po’i theg pa chen po (5) yin te | rnam par thar pa’i sgo gsum po de dag la bslab par bya’o ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | śes pa bcu gcig go ||
bcu gcig gaṅ źe na | sdug bsṅal śes pa daṅ | kun ’byuṅ ba śes (6) pa daṅ | ’gog pa śes pa daṅ | lam śes pa daṅ | zad pa śes pa daṅ | mi skye ba śes pa daṅ | chos śes pa daṅ | rjes su rtogs pa śes pa daṅ | kun rdzob śes pa daṅ | yoṅs su ’dris pa śes pa daṅ | sgra ji bźin śes pa’o ||
de la sdug bsṅal śes pa (7) gaṅ źe na | sdug bsṅal mi skye bar śes pa gaṅ yin pa ste | de ni sdug bsṅal śes pa źes bya’o ||
de la kun ’byuṅ ba śes pa gaṅ źe na | kun ’byuṅ ba spaṅ ba śes pa gaṅ yin pa ste | de ni kun ’byuṅ ba śes pa źes bya’o ||
de la ’gog pa śes pa gaṅ źe na | (161a1) sdug bsṅal ’gog pa śes pa gaṅ yin pa ste | de ni ’gog pa śes pa źes bya’o ||
de la lam śes pa gaṅ źe na | ’phags pa’i lam yan lag brgyad pa śes pa gaṅ yin pa ste | de ni lam śes pa źes bya’o ||
de la zad pa śes pa gaṅ źe na | (2) ’dod chags daṅ | źe sdaṅ daṅ | gti mug zad par śes pa gaṅ yin pa’o ||
de la mi skye ba śes pa gaṅ źe na | srid par ’gro ba mi skye ba śes pa gaṅ yin pa’o ||
de la chos śes pa gaṅ źe na | phuṅ po lṅa po rnams bcos mar yoṅs su gcod pa’i śes pa gaṅ (3) yin pa’o ||
de la rjes su rtogs pa śes pa gaṅ źe na | mig mi rtag pa daṅ | rna ba daṅ | sna daṅ | lce daṅ | lus daṅ | yid mi rtag par śes pa ste | de bźin du phuṅ po daṅ | khams daṅ | skye mched daṅ | chos thams cad kyi bar du sbyar bar bya’o ||
de la (4) kun rdzob śes pa gaṅ źe na | sems can gźan rnams daṅ | gaṅ zag gźan dag gi sems sems kyis śes pa gaṅ yin pa’o ||
de la yoṅs su ’dris pa śes pa gaṅ źe na | lam śes pa daṅ | yoṅs su zad pa śes pa gaṅ yin pa’o ||
de la sgra ji (5) bźin śes pa gaṅ źe na | de bźin gśegs pas sgra thams cad mkhyen pa gaṅ yin pa’o ||
de yaṅ mi dmigs pa’i tshul gyis śes pa ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ (6) chub sems dpa’ sems dpa’ chen po’i theg pa chen po ni ’di lta ste | dbaṅ po gsum ste | gsum gaṅ źe na | mi śes pa kun śes par byed pa’i dbaṅ po daṅ | kun śes pa’i dbaṅ po daṅ | kun śes pa daṅ ldan pa’i dbaṅ po’o ||
de la mi śes pa kun śes (7) par byed pa’i dbaṅ po gaṅ źe na | slob pa’i gaṅ zag mṅon par rtogs par ma gyur pa rnams kyi dad pa’i dbaṅ po daṅ | brtson ’grus kyi dbaṅ po daṅ | dran pa’i dbaṅ po daṅ | tiṅ ṅe ’dzin gyi dbaṅ po daṅ | śes rab kyi dbaṅ po snaṅ ba med pa | dregs pa ’dul ba (161b1) gaṅ yin pa ste | de ni mi śes pa kun śes par byed pa’i dbaṅ po źes bya’o ||
de la kun śes pa’i dbaṅ po gaṅ źe na | slob pa’i gaṅ zag kun śes par gyur pa rnams kyi dad pa’i dbaṅ po daṅ | brtson ’grus kyi dbaṅ po daṅ | dran pa’i dbaṅ po daṅ | tiṅ ṅe (2) ’dzin gyi dbaṅ po daṅ | śes rab kyi dbaṅ po gaṅ yin pa ste | de ni kun śes pa’i dbaṅ po źes bya’o ||
de la kun śes pa daṅ ldan pa’i dbaṅ po gaṅ źe na | mi slob pa’i gaṅ zag dgra bcom pa rnams daṅ | Raṅa saṅs rgyas rnams daṅ | byaṅ chub sems dpa’ (3) rnams daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi dad pa’i dbaṅ po daṅ | brtson ’grus kyi dbaṅ po daṅ | dran pa’i dbaṅ po daṅ | tiṅ ṅe ’dzin gyi dbaṅ po daṅ | śes rab kyi dbaṅ po gaṅ yin pa ste | de ni kun (4) śes pa daṅ ldan pa’i dbaṅ po źes bya ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | tiṅ ṅe ’dzin gsum mo ||
gsum (5) gaṅ źe na | rtog pa daṅ bcas dpyod pa daṅ bcas pa’i tiṅ ṅe ’dzin daṅ | rtog pa med pa dpyod pa tsam gyi tiṅ ṅe ’dzin daṅ | mi rtog mi dpyod pa’i tiṅ ṅe ’dzin to ||
de la rtog pa daṅ bcas dpyod pa daṅ bcas pa’i tiṅ ṅe ’dzin gaṅ źe na | rab ’byor ’di la byaṅ chub (6) sems dpa’ sems dpa’ chen po ’dod pa dag las dben pa sdig pa mi dge ba’i chos rnams las dben pa | rtog pa daṅ bcas pa dpyod pa daṅ bcas pa | dben pa las skyes pa’i dga’ ba daṅ bde ba can bsam gtan daṅ po bsgrubs nas gnas pa ste | de ni rtog pa daṅ (7) bcas dpyod pa daṅ bcas pa’i tiṅ ṅe ’dzin ces bya’o ||
de la rtog pa med la dpyod pa tsam gyi tiṅ ṅe ’dzin gaṅ źe na | bsam gtan daṅ po daṅ | bsam gtan gñis pa’i bar gaṅ yin pa ste | de ni rtog pa med la dpyod pa tsam gyi tiṅ ṅe ’dzin ces bya’o ||
de la mi rtog (162a1) mi dpyod pa’i tiṅ ṅe ’dzin gaṅ źe na | bsam gtan gñis pa nas | ’du śes med ’du śes med min skye mched kyi sñoms par ’jug pa’i bar gaṅ yin bra dag ste | de ni mi rtog mi dpyod pa’i tiṅ ṅe ’dzin ces bya ste | rab ’byor de ni byaṅ chub sems (2) dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | rjes su dran pa bcu’o ||
bcu gaṅ źe na | saṅs rgyas rjes su dran pa daṅ | chos rjes su dran pa daṅ | dge (3) ’dun rjes su dran pa daṅ | tshul khrims rjes su dran pa daṅ | gtoṅ ba rjes su dran pa daṅ | lha rjes su dran pa daṅ | skyo ba rjes su dran pa daṅ | ’chi ba rjes su dran pa daṅ | lus su gtogs pa rjes su dran pa daṅ | dbugs rṅub pa daṅ ’byuṅ ba rjes su dran (4) pa’o ||
de yaṅ mi dmigs pa’i tshul gyis rjes su dran par byed de | rab ’byor rjes su dran pa bcu po de dag ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni (5) ’di lta ste | tshad med pa bźi’o ||
bźi gaṅ źe na | byams pa daṅ ldan pa’i sems yaṅs pa | rgya chen por gyur pa | tshad med pa | mi gñis pa | kho na med pa | ’gran zla med pa | gnod pa med pa | śin tu bsgoms pas ’jig rten chos kyi dbyiṅs (6) kyis klas pa | nam mkha’i khams kyi mthas gtugs pa’i phyogs bcu khyab par byas te gnas pa daṅ | de bźin du sñiṅ rje daṅ ldan pa daṅ | dga’ ba daṅ ldan pa daṅ | btaṅ sñoms dag ldan pa’i sems yaṅs pa | rgya chen por gyur pa | tshad med pa | mi (7) gñis pa | kho na med pa | ’gran zla med pa | gnod pa med pa | śin tu bsgoms pas | ’jig rten chos kyi dbyiṅs kyis klas pa | nam mkha’i khams kyi mthas gtugs pa’i phyogs bcu khyab par byas nas gnas pa ste | rab ’byor de ni byaṅ chub (162b1) sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | bsam gtan bźi’o ||
bźi gaṅ źe na | ’dod pa dag las dben pa sdig pa mi dge ba’i chos (2) rnams las dben pa | rtog pa daṅ bcas pa | dpyod pa daṅ bcas pa | dben pa las skyes pa’i dga’ ba daṅ | bde ba can bsam gtan daṅ po bsgrubs te gnas pa daṅ | de la rtog pa daṅ dpyod pa daṅ bral źiṅ naṅ yoṅs su daṅ ste | sems kyi rgyud (3) gcig tu gyur pas | rtog pa med pa dpyod pa med pa’i tiṅ ṅe ’dzin las skyes pa’i dga’ ba daṅ bde ba can bsam gtan gñis pa bsgrubs te gnas pa daṅ | de dga’ ba’i ’dod chags daṅ bral bas | btaṅ sñoms la gnas śiṅ dran pa daṅ | śes (4) bźin can yin te | bde ba lus kyis myoṅ la ’phags pa rnams kyis gaṅ de dran pa daṅ ldan pa | bde ba la gnas pa | btaṅ sñoms pa’o źes brjod pa ste | dga’ ba med pa bsam gtan gsum pa bsgrubs te gnas pa daṅ | de bde ba yaṅ spaṅs te | (5) sṅa nas sdug bsṅal yaṅ spaṅs śiṅ | yid bde ba daṅ | yid mi bde ba yaṅ nub pas | bde ba yaṅ ma yin | sdug bsṅal yaṅ ma yin pa | btaṅ sñoms daṅ | dran pa yoṅs su dag pa bsam gtan bźi pa bsgrubs nas gnas pa ste | rab ’byor de ni byaṅ chub (6) sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | gzugs med pa’i sñoms par ’jug pa bźi’o ||
bźi gaṅ źe na | de rnam pa thams cad du gzugs (7) kyi ’du śes rnams las yaṅ dag par ’das te thogs pa’i ’du śes rnams nub par gyur ciṅ sna tshogs kyi ’du śes rnams yid la mi byed pas nam mkha’ mtha’ yas so sñam nas nam mkha’ mtha’ yas skye mched bsgrubs te gnas pa daṅ | de rnam pa thams cad du nam mkha’ (163a1) mtha’ yas skye mched las yaṅ dag par ’das te | rnam par śes pa mtha’ yas so sñam nas rnam śes mtha’ yas skye mched bsgrubs te gnas pa daṅ | de rnam pa thams cad du rnam śes mtha’ yas skye mched las yaṅ dag par ’das te | ci yaṅ med do sñam (2) nas | ci yaṅ med pa’i skye mched bsgrubs te gnas pa daṅ | de rnam pa thams cad ci yaṅ med pa’i skye mched las yaṅ dag par ’das nas ’du śes med ’du śes med min skye mched bsgrubs nas gnas pa ste | rab ’byor de ni byaṅ chub sems dpa’ sems dpa’ chen po’i (3) theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | rnam par thar pa brgyad do ||
brgyad gaṅ źe na | gzugs can gzugs rnams la lta ba ’di ni rnam par thar pa daṅ bo’o ||
naṅ gzugs med (4) par ’du śes pas phyi rol gyi gzugs rnams la lta ba ’di ni rnam par thar pa gñis pa’o ||
sdug pa ñid du mos pa ’di ni rnam par thar pa gsum pa’o ||
de rnam pa thams cad du gzugs kyi ’du śes rnams las yaṅ dag par ’das te | thogs pa’i ’du śes rnams (5) nub par gyur ciṅ | sna tshogs kyi ’du śes rnams yid la mi byed pas | nam mkha’ mtha’ pas so sñam nas nam mkha’ mtha’ yas skye mched bsgrubs te gnas pa ’di ni rnam par thar pa bźi pa’o ||
de rnam pa thams cad du nam mkha’ mtha’ yas skye mched las yaṅ (6) dag par ’das te | rnam par śes pa mtha’ yas so sñam nas | rnam śes mtha’ yas skye mched bsgrubs te gnas pa ’di ni rnam par thar pa lṅa pa’o ||
de rnam pa thams cad du rnam śes mtha’ yas skye mched las yaṅ dag par ’das te ci yaṅ med do sñam nas | ci yaṅ med (7) ba’i skye mched bsgrubs te gnas pa ’di ni rnam par thar pa drug pa’o ||
de rnam pa thams cad du ci yaṅ med pa’i skye mched las yaṅ dag par ’das nas | ’du śes med ’du śes med min skye mched bsgrubs te gnas pa ’di ni rnam par thar pa bdun pa’o ||
de rnam pa thams cad du (163b1) ’du śes med ’du śes med min skye mched las yaṅ dag par ’das te | ’du śes daṅ tshor ba ’gog pa bsgrubs te gnas pa ’di ni rnam par thar pa brgyad pa ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan (2) yaṅ byaṅ chub sems dpa’ sems dpa’ chen po’i theg pa chen po ni ’di lta ste | mthar gyis gnas pa’i sñoms par ’jug pa dgu’o ||
dgu gaṅ źe na | ’dod pa ṅag las dben pa sdig pa mi dge ba’i chos rnams las dben pa | rtog pa daṅ bcas pa | (3) dpyod pa daṅ bcas pa | dben pa las skyes pa’i dga’ ba daṅ bde ba can bsam gtan daṅ po bsgrubs te gnas pa daṅ | de rtog pa daṅ dpyod pa daṅ bral źiṅ | naṅ yoṅs su daṅ ste | sems kyi rgyud gcig tu gyur pas rtog pa med pa dpyod pa med pa | tiṅ ṅe (4) ’dzin las skyes pa’i dga’ ba daṅ bde ba can bsam gtan gñis pa bsgrubs te gnas pa daṅ | de dga’ ba’i ’dod chags daṅ bral bas btaṅ sñoms la gnas śiṅ | dran pa daṅ śes bźin can yin te | bde ba lus kyis myoṅ la | ’phags pa rnams kyis (5) gaṅ de dran pa daṅ ldan pa | bde ba la gnas pa | btaṅ sñoms pa’o źes brjod pa ste | dga’ ba med pa bsam gtan gsum pa bsgrubs te gnas pa daṅ | de bde ba yaṅ spaṅs | sṅa nas sdug bsṅal yaṅ spaṅs śiṅ | yid bde ba daṅ | yid mi bde ba yaṅ nub (6) pas | bde ba yaṅ ma yin | sdug bsṅal ba yaṅ ma yin pa btaṅ sñoms daṅ dran pa yoṅs su dag pa bsam gtan bźi pa bsgrubs te gnas pa daṅ | de rnam pa thams cad du gzugs kyi ’du śes rnams las yaṅ dag par ’das te | thogs pa’i ’du śes rnams (7) nub par gyur ciṅ | sna tshogs kyi ’du śes rnams yid la mi byed pas | nam mkha’ mtha’ yas so sñam nas nam mkha’ mtha’ yas skye mched bsgrubs te gnas pa daṅ | de rnam pa thams cad du nam mkha’ mtha’ yas skye mched las yaṅ dag par ’das te | (164a1) rnam par śes pa mtha’ yas so sñam nas rnam śes mtha’ yas skye mched bsgrubs te gnas pa daṅ | de rnam pa thams cad du rnam śes mtha’ yas skye mched las yaṅ dag par ’das te | ci yaṅ med do sñam nas | ci yaṅ med pa’i skye mched bsgrubs te (2) gnas pa daṅ | de rnam pa thams cad du ci yaṅ med pa’i skye mched las yaṅ dag par ’das nas ’du śes med ’du śes med min skye mched bsgrubs te gnas pa daṅ | de rnam pa thams cad du ’du śes med ’du śes med min skye mched las yaṅ dag par ’das te | ’du (3) śes daṅ tshor ba ’gog pa bsgrubs nas gnas pa ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | de bźin gśegs pa’i (4) stobs bcu ste | bcu gaṅ źe na | gnas la yaṅ gnas su yaṅ dag pa ji lta ba bźin du rab tu śes | gnas ma yin pa la yaṅ gnas ma yin par yaṅ dag pa ji lta ba bźin du rab tu śes pa daṅ | ’das pa daṅ | ma ’oṅs pa daṅ | da ltar byuṅ ba’i las rnams (5) daṅ | las yaṅ dag par len pa rnams kyi gnas daṅ | rnam par smin pa yaṅ dag pa ji lta ba bźin du rab tu śes pa daṅ | ’jig rten gyi khams sna tshogs pa | khams du ma yaṅ dag pa ji lta ba bźin du rab tu śes pa daṅ | sems can gźan dag daṅ | gaṅ (6) zag gźan rnams kyi mos pa sna tshogs daṅ | mos pa dum pa yaṅ dag pa ji lta ba bźin du rab tu śes pa daṅ | sems can gźan dag daṅ | gaṅ zag gźan rnams kyi dbaṅ po daṅ | brtson ’grus kyi rim pa yaṅ dag pa ji lta ba bźin du rab tu śes pa daṅ | thams (7) cad du ’gro ba’i lam yaṅ dag pa ji lta ba bźin du rab tu śes pa daṅ | bsam gtan daṅ | rnas par thar pa daṅ | tiṅ ṅe ’dzin daṅ | sñoms par ’jug pa’i kun nas ñon moṅs pa daṅ | rnam par byaṅ ba daṅ | ldaṅ pa yaṅ dag pa ji lta ba bźin du rab tu śes pa (164b1) daṅ | sṅon gyi gnas rnam pa du ma rjes su dran pa daṅ | lha’i mig gis ’chi ’pho daṅ skye pa śes pa yaṅ dag pa ji lta ba bźin du rab tu śes pa daṅ | zag pa rnams zad pas zag pa med pa’i sems rnam par grol ba daṅ | śes rab rnam par grol ba tshe ’di ñid la raṅ gi (2) mṅon par śes pas mṅon sum du byas nas bsgrubs te gnas śiṅ bdag gi skye ba ni zad do ||
tshaṅs par spyod pa ni spyad do ||
phyin chad ’di lta bu med do sñam du rab tu śes śiṅ de yaṅ mi dmigs pa’i tshul gyis rab tu śes pa ste | rab ’byor de (3) ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | mi ’jigs pa bźi ste | bźi gaṅ źe na | ṅa yaṅ dag par rdzogs pa’i saṅs rgyas so źes (4) dam bcas na | kye ma de la chos ’di rnams mṅon par rdzogs par saṅs ma rgyas so źes lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas pa’i skye dgu’i ’jig rten na | chos daṅ ’thun par ’ga’ źig bdag (5) la rgol lo sñam pa’i rgyu de yaṅ dag par rjes su mi mthoṅ ste | ’dir rgyu de yaṅ dag par rjes su ma mthoṅ bas | bde ba thob ciṅ | bag tsha ba med pa thob la mi ’jigs pa thob ste | gnas kyis khyu mchog rlabs po che’i gnas su dam bca’o ||
’khor gyi naṅ du seṅ (6) ge’i sgra yaṅ dag par sgrog go ||
tshaṅs pa’i ’khor lo dge sbyoṅ ṅam | bram ze’am | lha’am | bdud dam | tshaṅs pa ’am | su yaṅ ruṅ bas chos daṅ ’thun par ’jig rten du bskor bar mi nus pa bdag gis bskor bar bya’o źes bya ba daṅ | ṅa zag pa zad (7) do źes dam bcas na | kye ma de la khyod kyis zag pa ’di dag ma zad do źes lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas pa’i skye dgu’i ’jig rten na chos daṅ ’thun par ’ga’ źig bdag la rgol lo sñam (165a1) pa’i rgyu de yaṅ dag par rjes su mi mthoṅ ste | ’dir rgyu de yaṅ dag par rjes su ma mthoṅ bas | bde ba thob ciṅ | bag tshab med pa thob la mi ’jigs pa thob ste | gnas kyis khyu mchog rlabs po che’i gnas su dam bca’o ||
’khor gyi naṅ du (2) seṅ ge’i sgra yaṅ dag par bsgrag go ||
tshaṅs pa’i ’khor lo dge sbyoṅ ṅam | bram ze’am | lha’am bdud dam | tshaṅs pa’am | su yaṅ ruṅ bas chos daṅ ’thun par ’jig rten du bskor bar mi nus pa bdag gis bskor bar bya’o źes bya ba daṅ ṅas gaṅ dag par du (3) gcod pa’i chos su gsuṅs pa de dag bsten na | bar du gcod pa’i chos su mi ’gyur ba de’i gnas med pa de la de dag bsten kyaṅ bar du gcod par mi ’gyur ro źes lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas (4) pa’i skye dgu’i ’jig rten na chos daṅ ’thun par ’ga’ źig bdag la rgol lo sñam pa’i rgyu de yaṅ dag par rjes su mi mthoṅ ste | ’dir rgyu de yaṅ dag par rjes su ma mthoṅ bas | bde ba thob ciṅ | bag tsha ba med pa thob la mi ’jigs pa thob ste | gnas kyis khyu mchog (5) rlabs po che’i gnas su dam bca’o ||
’khor gyi naṅ du seṅ ge’i sgra yaṅ dag par bsgrag go ||
tshaṅs pa’i ’khor lo dge sbyoṅ ṅam | bram ze’am | lha’am bdud dam | tshaṅs pa’am | su yaṅ rug bas chos daṅ ’thun par ’jig rten du bskor bar mi nus pa bdag gis (6) bskor bar bya’o źes bya ba daṅ | ṅas ’phags pa ṅes par ’byin pa’i lam gaṅ dag bstan te | de byed pa’i sdug bsṅal yaṅ dag par zad par ṅes par ’byuṅ ba de dag bsgrubs na | sdug bsṅal yaṅ dag par zad par mi ’gyur ba de’i gnas med pa de la de dag bsgrubs kyaṅ zag (7) pa zad par mi ’gyur ro ||
źes lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas pa’i skye dgu’i ’jig rten na chos daṅ ’thun par ’ga’ źig bdag la rgol lo sñam pa’i rgyu de yaṅ dag par rjes su mi mthoṅ ste | ’dir (165b1) rgyu de yaṅ dag par rjes su ma mthoṅ bas bde ba thob ciṅ | bag tsha ba med pa thob la | mi ’jigs pa thob ste | gnas kyis khyu mchog rlabs po che’i gnas su dam bca’o ||
’khor gyi naṅ du seṅ ge’i sgra yaṅ dag par bsgrag go ||
tshaṅs pa’i ’khor lo dge sbyoṅ ṅam bram (2) ze’am | lha’am | bdud dam | tshaṅs pa’am su yaṅ ruṅ bas chos daṅ ’thun par ’jig rten du bskor bar mi nus pa bdag gis bskor bar bya’o źes bya ba’o ||
de yaṅ mi dmigs pa’i tshul gyis byed de | rab ’byor de ni byaṅ chub sems dpa’ sems dpa’ chen po’i (3) theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | so so yaṅ dag par rig pa bźi ste | bźi gaṅ źe na | don so so yaṅ dag par rig pa daṅ | chos so so yaṅ dag par rig pa daṅ | ṅes pa’i (4) tshig so so yaṅ dag par rig pa daṅ | spobs pa so so yaṅ dag par rig pa’o ||
de yaṅ mi dmig pa’i tshul gyis rig pa ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems (5) dpa’ chen po’i theg pa chen po ni ’di lta ste | saṅs rgyas kyi chos ma ’dres pa bcwa brgyad de | bcwa brgyad gaṅ źe na | de bźin gśegs pa gaṅ gi nub mo bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa nas | ’jig rten lha daṅ bcas (6) pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas pa’i skye dgu daṅ | lha daṅ mi daṅ lha ma yin du bcas pa rnams sdug bsṅal zad par ’gyur ba’i lam gyis rjes su bstan nas | gaṅ gi nub mo phuṅ po’i lhag ma med pa’i (7) mya ṅan las ’das pa’i dbyiṅs su yoṅs su mya ṅan las ’das kyi bar du | de bźin gśegs pa la ’khrul pa med pa daṅ | ca co med pa daṅ | bsñel ba med pa daṅ | tha dad pa’i ’du śes med pa daṅ | sems mñam par ma bźag pa med pa daṅ | so sor ma (166a1) brtags pa’i btaṅ sñoms med pa daṅ | ’dun pa ñams pa med pa daṅ | brtson ’grus ñams pa med pa daṅ | dran pa ñams pa med pa daṅ | tiṅ ṅe ’dzin ñams pa med pa daṅ | śes rab ñams pa med pa daṅ | rnam par grol ba ñams pa (2) med pa daṅ | rnam par grol ba’i ye śes mthoṅ ba ñams pa med pa daṅ | lus kyi las thams cad ye śes sṅon du ’gro źiṅ ye śes kyi rjes su ’braṅ ba daṅ | ṅag gi las thams cad ye śes sṅon du ’gro źiṅ ye śes kyi rjes su ’braṅ ba daṅ | yid kyi las (3) thams cad ye śes sṅon du ’gro źiṅ ye śes kyi rjes su ’braṅ ba daṅ | ’das pa’i dus la ma chags ma thogs pa’i ye śes mthoṅ ba ’jug pa daṅ | ma ’oṅs pa’i dus la ma chags ma thogs pa’i ye śes mthoṅ ba ’jug pa daṅ | da ltar gyi dus la ma chags (4) ma thogs pa’i ye śes mthoṅ ba ’jug pa’o ||
de yaṅ mi dmigs pa’i tshul gyis ’jug pa ste | rab ’byor de ni byaṅ chub sems dpa’ sems dpa’ chen po’i theg pa chen po yin no ||
rab ’byor gźan yaṅ byaṅ chub sems dpa’ sems dpa’ chen po’i theg pa (5) chen po ni ’di lta ste | gzuṅs kyi sgo rnams te | gzuṅs kyi sgo rnams gaṅ źe na | ’di lta ste yi ge’i tshul mñam pa ñid daṅ | yi ge’i sgo daṅ | yi ges ’jug pa’o ||
de la yi ge’i sgo daṅ | yi ges ’jug pa gaṅ źe na | a źes bya ba ni gzod ma nas ma skyes (6) pa’i phyir chos thams cad kyi sgo yin no ||
ra źes bya ba ni rdul daṅ bral ba’i phyir chos thams cad kyi sgo yin no ||
pa źes bya ba ni don dam par khyad par med pa’i phyir | chos thams cad kyi sgo yin no ||
tsa źes bya ba ni ’chi ’pho daṅ skye ba mi dmigs pa’i tshul gyis chos thams (7) cad kyi sgo yin no ||
na źes bya ba ni miṅ mi dmigs pa’i tshul gyis miṅ med pa’i phyir | chos thams cad kyi sgo yin no ||
la źes bya ba ni ’jig rten las ’das śiṅ sred pa’i ’khri śiṅ gi rgyu daṅ rkyen yaṅ dag par bcom pa’i phyir | chos thams cad kyi sgo yin no ||
da (166b1) źes bya ba ni dul ba daṅ | dul bar gnas pa yoṅs su ṅes pa’i phyir chos thams cad kyi sgo yin no ||
ba źes bya ba ni bciṅs pa las rnam par grol ba’i phyir chos thams cad kyi sgo yin no ||
Ta źes bya ba ni khrag khrug daṅ bral ba’i phyir chos thams cad kyi sgo yin no ||
(2) sa źes bya ba ni chags pa mi dmigs pa’i phyir chos thams cad kyi sgo yin no ||
b źes bya ba ni ṅag gi lam gyi sgra yaṅ dag par chad pa’i phyir chos thams cad kyi sgo yin no ||
ta źes bya ba ni de bźin ñid las ma g-yos pa’i phyir | chos thams cad kyi sgo yin no ||
ya (3) źes bya ba ni ji lta ba bźin du ma skyes pa’i phyir chos thams cad kyi sgo yin no ||
sta źes bya ba ni kheṅs pa mi dmigs pa’i phyir chos thams cad kyi sgo yin no ||
ka źes bya ba ni byed pa po mi dmigs pa’i phyir chos thams cad kyi sgo yin no ||
sa źes bya ba ni mñam pa ñid las (4) mi ’da’ źiṅ mñam pa ñid mi dmigs pa’i phyir chos thams cad kyi sgo yin no ||
ma źes bya ba ni ṅa yir ’dzin pa mi dmigs pa’i phyir | chos thams cad kyi sgo yin no ||
ga źes bya ba ni ’gro ba mi dmigs pa’i phyir | chos thams cad kyi sgo yin no ||
tha źes byaṅ (5) ni gnas mi dmigs pa’i phyir | chos thams cad kyi sgo yin no ||
dza źes bya ba ni skye ba mi dmigs pa’i phyir chos thams cad kyi sgo yin no ||
śwa źes bya ba ni dbugs mi dmigs pa’i phyir chos thams cad kyi sgo yin no ||
dha źes bya ba ni chos mi dmigs pa’i phyir chos (6) thams cad kyi sgo yin no ||
śa źes bya ba ni źi gnas mi dmigs pa’i phyir chos thams cad kyi sgo yin no ||
kha źes bya ba ni nam mkha’ daṅ mñam pa ñid mi dmigs pa’i phyir | chos thams cad kyi sgo yin no ||
kśa źes bya ba ni zad pa mi dmigs pa’i phyir | chos thams (7) cad kyi sgo yin no ||
dzñ źes bya ba ni ye śes mi dmigs pa’i phyir chos thams cad kyi sgo yin no ||
ha źes bya ba ni rgyu mi dmigs pa’i phyir chos thams cad kyi sgo yin no ||
bha źes bya ba ni ’jigs pa mi dmigs pa’i phyir chos thams cad kyi sgo yin no ||
tsha źes bya ba ni (167a1) mdog mi dmigs pa’i phyir chos thams cad kyi sgo yin no ||
sma źes bya ba ni dran pa mi dmigs pa’i phyir chos thams cad kyi sgo yin no ||
h źes bya ba ni bod pa mi dmigs pa’i phyir chos thams cad kyi sgo yin no ||
tas źes bya ba ni chos thams cad (2) la spro ba mi dmigs pa’i phyir chos thams cad kyi sgo yin no ||
gha źes bya ba ni stug po mi dmigs pa’i phyir chos thams cad kyi sgo yin no ||
Tha źes bya ba ni rnam par bsgrub pa mi dmigs pa’i phyir chos thams cad kyi sgo yin no ||
Na źes bya ba ni ñon moṅs pa med (3) pa’i phyir chos thams cad kyi sgo yin no ||
pha źes bya ba ni ’bras bu mi dmigs pa’i phyir chos thams cad kyi sgo yin no ||
ska źes bya ba ni phuṅ po mi dmigs pa’i phyir | chos thams cad kyi sgo yin no ||
dza źes bya ba ni rga ba mi dmigs pa’i phyir chos thams cad kyi sgo (4) yin no ||
tsa źes bya ba ni spyod pa mi dmigs pa’i phyir chos thams cad kyi sgo yin no ||
Ta źes bya ba ni sdig pa mi dmigs pa’i phyir chos thams cad kyi sgo yin no ||
ha źes bya ba ni ṅar ’dzin pa mi dmigs pa’i phyir chos thams cad kyi sgo yin no ||
de yan chad ni yi ger (5) brjod pa med do ||
de ci’i phyir źe na | ’di ltar gaṅ la yaṅ gaṅ gis tha sñad ’dogs pa daṅ | gaṅ gis brjod pa daṅ | gaṅ gis bstan pa daṅ | gaṅ gis rtogs par byed pa daṅ | gaṅ gis mthoṅ ba’i miṅ ci yaṅ med pa’i phyir ro ||
rab ’byor ’di lta ste chos (6) thams cad ni nam mkha’ daṅ ’dra bar khoṅ du chud par bya’o ||
rab ’byor a źes bya ba la sogs pa’i yi ge bstan pa la ’jug pa ’di ni gzuṅs kyi sgo la ’jug pa yin no ||
rab ’byor byaṅ chub sems dpa’ sems dpa’ chen po gaṅ la la a źes bya ba la sogs pa’i yi ge la (7) mkhas par bya ba ’di śes pa de ni sgra gaṅ la yaṅ thogs par mi ’gyur źiṅ chos thams cad mñam pa ñid kyis yaṅ dag par sgrub par gyur te | sgra śes pa la mkhas pa yaṅ thob par ’gyur ro ||
rab ’byor byaṅ chub sems dpa’ sems dpa’ chen po gaṅ la la a źes (167b1) bya ba la sogs pa yi ge la ’jug pa’i phyag rgya a źes bya ba la sogs pa yi ge’i phyag rgya’i tshig ’di dag thos la thos nas kyaṅ mi dmigs pa’i tshul gyis ṅes par gyur pa’i sems kyi rgyun gyis ’dzin pa daṅ | ’chaṅ ba daṅ | klog pa daṅ | kun chub par byed pa daṅ | (2) gźan dag la yaṅ rgya cher ston pa de la ni phan yon ñi śu yod pa śes par bya’o ||
ñi śu gaṅ źe na | dran pa daṅ ldan par ’gyur ba daṅ | blo gros daṅ ldan par ’gyur ba daṅ | rtogs pa daṅ ldan par ’gyur ba daṅ | blo daṅ ldan par ’gyur ba daṅ | brtan pa daṅ ldan par (3) ’gyur ba daṅ | ṅo tsha śes pa daṅ ldan par ’gyur ba daṅ | śes rab daṅ ldan par ’gyur ba daṅ | spobs pa daṅ ldan par ’gyur ba daṅ | gzuṅs kyi sgo ’di yaṅ tshegs chuṅ dus ’thob ciṅ | som ñi med la | yid gñis za bar mi ’gyur ba daṅ | gźan dag (4) las tshig ’jam po thos na yaṅ rjes su chags par mi ’gyur la | tshig rtsub po thos na yaṅ źe ’gras par mi ’gyur te | mtho bar mi ’gyur | dma’ bar mi ’gyur źiṅ | tha mal bar gnas par ’gyur ba daṅ | sgra la mkhas par ’gyur ba daṅ | phuṅ po la (5) mkhas par ’gyur ba daṅ | khams la mkhas par ’gyur ba daṅ | skye mched la mkhas par ’gyur ba daṅ | rten ciṅ ’brel bar ’byuṅ ba la mkhas par ’gyur ba daṅ | rgyu la mkhas par ’gyur ba daṅ | rkyen la mkhas par ’gyur ba daṅ | chos ñid la mkhas (6) par ’gyur ba daṅ | dbaṅ po mchog daṅ mchog ma yin pa śes pa la mkhas par ’gyur ba daṅ | pha rol gyi sems śes pa la mkhas pa daṅ | rdzu ’phrul bya ba śes pa la mkhas pa daṅ | lha’i rna ba śes pa la mkhas pa daṅ | sṅon gyi gnas rjes su dran pa śes pa la (7) mkhas pa daṅ | ’chi ’pho daṅ skye ba śes pa la mkhas pa daṅ | zag pa zad pa śes pa la mkhas pa daṅ | gnas daṅ gnas ma yin pa śes pa la mkhas pa daṅ | ’gro ba la mkhas pa daṅ | ldog pa la mkhas pa daṅ | spyod lam la mkhas par ’gyur ba ste | (168a1) phan yon ñi śu po de dag ’thob par ’gyur ro ||
rab ’byor gzuṅs kyi sgo a źes bya ba la sogs pa yi ge la ’jug pa de ni byaṅ chub sems dpa’ sems dpa’ chen po’i theg pa chen po yin no ||
śes rab kyi pha rol tu phyin pa khri brgyad stoṅ pa las gzuṅs (2) kyi sgor ’jug pa’i le’u źes bya ste | bcu drug pa’o || ||
śes rab kyi pha rol tu phyin pa khri brgyad stoṅ pa | bam po bcu gsum pa | rab ’byor khyod ’di skad du ji ltar byaṅ chub sems dpa’ sems dpa’ chen po theg pa chen po la yaṅ dag par (3) źugs pa yin źes zer ba ni | rab ’byor ’di la byaṅ chub sems dpa’ sems dpa’ chen po pha rol tu phyin pa drug po la spyod pa ni | sa nas sar ’phar te | byaṅ chub sems dpa’ sems dpa’ chen po pha rol tu phyin pa drug po dag la spyod pas sa nas sar ji ltar ’phar źe na | (4) ’di lta ste | chos thams cad ’pho ba med pas so ||
de ci’i phyir źe na | chos gaṅ yaṅ ’oṅ ba’am | ’gro ba’am ’pho ba’am | ñe bar ’pho ba med pa’i phyir ro ||
’on kyaṅ chos thams cad kyis gaṅ yin pa de la yaṅ rlom sems su mi byed ciṅ | mi sems la | (5) sa yoṅs su sbyoṅ bar yaṅ byed de | sa de yaṅ yaṅ dag par rjes su mi mthoṅ ṅo ||
byaṅ chub sems dpa’ sems dpa’ chen po’i sa yoṅs su sbyaṅ ba gaṅ źe na | rab ’byor byaṅ chub sems dpa’ sems dpa’ chen po sa daṅ po rab tu dga’ ba la gnas pas | (6) sa yoṅs su sbyaṅ ba bcu bya’o ||
bcu gaṅ źe na | lhag pa’i bsam pa yoṅs su sbyaṅ bar byas te | de yaṅ mi dmigs pa’i tshul gyis bya ba daṅ mtshan ma mi dmigs pa’i phyir | phan pa bya ba’i dṅos po yoṅs su sbyaṅ ba daṅ | sems can mi dmigs pa’i phyir | (7) sems can thams cad la sems mñam pa yoṅs su sbyaṅ ba daṅ | sbyin par bya ba daṅ | sbyin pa po daṅ | len pa po mi dmigs pa’i phyir gtoṅ ba yoṅs su sbyaṅ ba daṅ | de dag gis rlom sems su mi byed pa’i phyir | dge ba’i bśes gñen la bsten pa yoṅs su (168b1) sbyaṅ ba daṅ | chos thams cad mi dmigs pa’i phyir chos tshol ba yoṅs su sbyaṅ ba daṅ | khyim mi dmigs pa’i phyir rgyun mi ’chad par mṅon par ’byuṅ ba yoṅs su sbyaṅ ba daṅ | mtshan daṅ dpe byad bzaṅ po’i mtshan ma mi dmigs pa’i phyir saṅs rgyas kyi sku ’dod pa yoṅs (2) su sbyaṅ ba daṅ | chos kyi dbye ba mi dmigs pa’i phyir | chos rnam par ’grel ba yoṅs su sbyaṅ ba daṅ | chos kyi yod pa ñid mi dmigs pa’i phyir | ṅa rgyal gyis kheṅs pa ṅes par gźom pa yoṅs su sbyaṅ ba daṅ | tshig mi dmigs pa’i phyir | bden pa’i tshig yoṅs (3) su sbyaṅ ba ste | rab ’byor byaṅ chub sems dpa’ sems dpa’ chen po sa daṅ po la gnas pas yoṅs su sbyaṅ ba bcu po ’di dag bya’o ||
rab ’byor gźan yaṅ byaṅ chub sems dpa’ sems dpa’ chen po sa gñis pa la gnas pas rtag tu chos brgyad yid la bya źiṅ de dag (4) la nan tan bya’o ||
brgyad gaṅ źe na | ’di lta ste | tshul khrims yoṅs su dag pa daṅ byas pa gzo źiṅ byas pa tshor ba daṅ | bzod pa’i stobs la gnas pa daṅ | mchog tu dga’ źiṅ dga’ ba ñams su myaṅ bar bya ba daṅ | sems can thams cad yoṅs su (5) mi gtaṅ ba daṅ | sñiṅ rje chen po mṅon du bya ba daṅ | bla ma rnams la dad pas gus śiṅ ston pa’i ’du śes kyis sri źu che ba daṅ | pha rol tu phyin pa rnams brtson pas yoṅs su tshol ba ste | rab ’byor byaṅ chub sems dpa’ sems dpa’ chen pos gñis pa la gnas pas (6) chos brgyad po de dag rtag tu yid la bya źiṅ de dag la nan tan bya’o ||
rab ’byor gźan yaṅ byaṅ chub sems dpa’ sems dpa’ chen pos gsum pa la gnas pas chos lṅa la gnas par bya’o ||
lṅa gaṅ źe na | ’di lta ste | maṅ du thos pas chog mi śes śiṅ | de (7) la yaṅ yi ge la mṅon par źen par mi bya ba daṅ | zaṅ ziṅ med par chos kyi sbyin pa rnam par ’grol bar byed la | des kyaṅ rlom sems su mi byed pa daṅ saṅs rgyas kyi źiṅ yoṅs su dag par bya ba’i dge ba’i rtsa ba bskyed ciṅ | yoṅs su bsṅo la des kyaṅ rlom sems (169a1) su mi byed pa daṅ | ’khor ba dpag tu med pas yoṅs su mi skyo źiṅ des kyaṅ rlom sems su mi byed pa daṅ | ṅo tsha śes pa daṅ | khrel yod pa la gnas śiṅ | des kyaṅ rlom sems su mi byed pa ste | rab ’byor byaṅ chub sems dpa’ sems dpa’ chen (2) bos gsum pa la gnas pas | chos lṅa po de dag la gnas par bya’o ||
rab ’byor gźan yaṅ byaṅ chub sems dpa’ sems dpa’ chen pos bźi pa la gnas pas | chos bcu yaṅ dag par blaṅs te gnas par bya źiṅ de yoṅs su spaṅ bar mi bya’o ||
bcu gaṅ źe na | (3) ’di lta ste | dgon pa la gnas pa yoṅs su mi gtaṅ ba daṅ | ’dod pa chuṅ ba daṅ | chog śes pa daṅ | sbyaṅs pa’i yon tan daṅ | yo byad bsñuṅs pa mi gtaṅ ba daṅ | bslab pa yoṅs su mi gtaṅ ba daṅ | ’dod pa’i yon tan la smad pa daṅ | mya ṅan las ’das pa (4) daṅ ldan pa’i sems bskyed pa daṅ | bdog pa thams cad yoṅs so gtaṅ ba daṅ | sems mi ’dre ba daṅ | dṅos po thams cad la mi blta ba ste | rab ’byor byaṅ chub sems dpa’ sems dpa’ chen po sa bźi pa la gnas pas chos bcu po de dag yoṅs su gtaṅ bar mi bya (5) źiṅ yaṅ dag par blaṅs te gnas par bya’o ||
rab ’byor gźan yaṅ byaṅ chub sems dpa’ sems dpa’ chen pos lṅa pa la gnas pas chos bcu yoṅs su spaṅ bar bya’o ||
bcu gaṅ źe na ’di lta ste | khyim pa daṅ ’dris par byed pa yoṅs su spaṅ bar bya źiṅ | dge (6) sloṅ daṅ | dge sloṅ ma daṅ ’dris par byed pa yoṅs su spaṅ bar bya ba daṅ | khyim la ser sna byed pa yoṅs su spaṅ bar bya ba daṅ | ’du ’dzi’i gnas yoṅs su spaṅ bar bya ba daṅ | gnod sems yoṅs su spaṅ bar bya ba daṅ | bdag la stoṅ pa yoṅs su spaṅ bar (7) bya źiṅ | gźan la smod pa yoṅs su spaṅ bar bya ba daṅ | mi dge ba bcu’i las kyi lam rnams yoṅs su sbaṅ bar bya ba daṅ | lhag pa’i ṅa rgyal daṅ | kheṅs pa yoṅs su spaṅ bar bya ba daṅ | phyin ci log yoṅs su spaṅ bar bya ba daṅ | the tshom yoṅs su spaṅ bar bya ba (169b1) daṅ | ’dod chags daṅ | źe sdaṅ daṅ | gti mug gi bag chags yoṅs su spaṅ bar bya ba ste | rab ’byor byaṅ chub sems dpa’ sems dpa’ chen po sa lṅa pa la gnas pas chos bcu po de dag yoṅs su spaṅ bar bya’o ||
rab ’byor gźan yaṅ byaṅ chub sems (2) dpa’ sems dpa’ chen pos drug pa la gnas pas | chos drug yoṅs su rdzogs par bya ste | drug gaṅ źe na | ’di lta ste | pha rol tu phyin pa drug yoṅs su rdzogs par bya’o ||
gźan yaṅ chos drug yoṅs su spaṅ bar bya ste | drug gaṅ źe na | ñan thos kyi (3) sems yoṅs su spaṅ bar bya ba daṅ | Raṅa saṅs rgyas kyi sems yoṅs su spaṅ bar bya ba daṅ | yoṅs su yi ’chad pa’i sems yoṅs su spaṅ bar bya ba daṅ | sloṅ ba mthoṅ na sems źum par mi bya ba daṅ | dṅos po thams cad yoṅs su btaṅ nas yid mi bde bar mi bya ba (4) daṅ | sloṅ ba bskrad par mi bya ba ste | rab ’byor byaṅ chub sems dpa’ sems dpa’ chen pos drug pa la gnas pas | chos drug po ’di dag yoṅs su spaṅ bar bya’o ||
rab ’byor gźan yaṅ byaṅ chub sems dpa’ sems dpa’ chen pos bdun pa la gnas pas chos ñi (5) śu mi bya’o ||
ñi śu gaṅ źe na | ’di lta ste | bdag tu ’dzin par mi bya ba daṅ | sems can du ’dzin pa daṅ | srog tu ’dzin pa daṅ | gaṅ zag tu ’dzin pa daṅ | chad par ’dzin pa daṅ | rtag par ’dzin pa daṅ | mtshan ma’i ’du śes daṅ | rgyur lta ba daṅ | (6) miṅ daṅ gzugs la mṅon par źen pa daṅ | phuṅ po la mṅon par źen pa daṅ | khams la mṅon par źen pa daṅ | skye mched la mṅon par źen pa daṅ | khams gsum la mṅon par źen pa daṅ | khams gsum la lhag par źen pa daṅ | khams gsum la (7) chags pa daṅ | saṅs rgyas su lta ba la rten ciṅ mṅon par źen pa daṅ | chos su lta ba la rten ciṅ mṅon par źen pa daṅ | dge ’dun du lta ba la rten ciṅ mṅon par źen pa daṅ | tshul khrims su lta ba la rten ciṅ mṅon par źen pa daṅ | chos rnams stoṅ ṅo źes bya (170a1) bas sgyid lug pa daṅ | stoṅ pa ñid daṅ ’gal ba ste | rab ’byor byaṅ chub sems dpa’ sems dpa’ chen pos bdun pa la gnas pas chos ñi śu po de dag mi bya’o ||
sa bdun pa la gnas pa des chos ñi śu yoṅs su rdzogs par bya ste | ñi śu gaṅ (2) źe na | ’di lta ste | stoṅ pa ñid rtogs pa daṅ | mtshan ma med pa mṅon sum du bya ba daṅ | smon pa med pa śes pa daṅ | ’khor gsum yoṅs su dag pa daṅ | sems can thams cad la sñiṅ brtse źiṅ sñiṅ rje ba daṅ | sems can de dag la brñes par mi bya ba (3) daṅ | chos thams cad la mñam pa ñid du lta źiṅ de la yaṅ mṅon par źen par mi bya ba daṅ | yaṅ dag pa’i tshul rtogs śiṅ des rlom sems su yaṅ mi bya ba daṅ | mi skye bar bzod pa daṅ | mi skye ba śes pa daṅ | tshul gcig tu bstan pa daṅ | chos thams (4) cad la rtog pa yaṅ dag par gźom pa daṅ | lta ba bzlog pa daṅ | ñon moṅs pa bzlog pa daṅ | źi gnas ṅes par sems pa daṅ | lhag mthoṅ la mkhas pa’i sa daṅ | sems dul ba daṅ | sems źi ba daṅ | śes pa thogs pa med pa daṅ | rjes su (5) ’chags pa’i sa ma yin pa daṅ | źiṅ gaṅ du ’dod par ’gro ba ste | rab ’byor byaṅ chub sems dpa’ sems dpa’ chen po sa bdun pa la gnas pas chos ñi śu po de dag yoṅs su rdzogs par bya’o ||
rab ’byor gźan yaṅ byaṅ chub sems dpa’ sems dpa’ (6) chen pos brgyad pa la gnas pas | chos bźi yoṅs su rdzogs par bya ste | bźi gaṅ źe na | ’di lta ste | sems can thams cad kyi sems la ’jug pa daṅ | mṅon par śes pas rnam par rtse ba daṅ | saṅs rgyas kyi źiṅ la lta źiṅ | saṅs rgyas kyi źiṅ ji (7) ltar mthoṅ ba de dag kyaṅ yoṅs su bsgrub pa daṅ | saṅs rgyas la bsñen bkur bya źiṅ | saṅs rgyas kyi sku la yaṅ dag pa ji lta ba bźin du brtag pa ste | rab ’byor chos bźi po de dag yoṅs su rdzogs par bya’o ||
rab ’byor gźan yaṅ byaṅ chub sems dpa’ sems (170b1) dpa’ chen po sa brgyad pa la gnas pas chos bźi yoṅs su rdzogs par bya ste | bźi gaṅ źe na | dbaṅ po mchog daṅ mchog ma yin pa śes pa daṅ | saṅs rgyas kyi źiṅ yoṅs su dag par bya ba daṅ | sgyu ma lta bu’i tiṅ ṅe ’dzin la rgyun mi chad par sñoms par ’jug pa (2) daṅ | ji lta ji lta bur sems can rnams kyi dge ba’i rtsa ba yoṅs su ’grub par ’gyur ba de lta de lta bu’i lus yoṅs su sgrub ciṅ | bsam bźin du srid pa ñe bar len pa ste | rab ’byor byaṅ chub sems dpa’ sems dpa’ chen po sa brgyad pa la gnas pas chos bźi (3) po de dag yoṅs su rdzogs par bya’o ||
rab ’byor gźan yaṅ byaṅ chub sems dpa’ sems dpa’ chen pos dgu pa la gnas pas chos bcu gñis yoṅs su rdzogs par bya ste | bcu gñis gaṅ źe na | ’di lta ste | smon lam mtha’ yas pa yoṅs su bzuṅ ba ste | (4) de smon lam ji lta ji lta bu ’debs pa de lta de lta bur ’grub par ’gyur ba daṅ | lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po’i skad ces pa khoṅ du chud pa daṅ | spobs pa’i kluṅ khoṅ (5) du chud pa daṅ | mṅal du ’jug pa phun sum tshogs pa daṅ | rigs phun sum tshogs pa daṅ | cho rigs phun sum tshogs pa daṅ | rus phun sum tshogs pa daṅ | ’khor phun sum tshogs pa daṅ | skye ba phun sum tshogs pa daṅ | mṅon par ’byuṅ ba phun (6) sum tshogs pa daṅ | byaṅ chub kyi śiṅ gi bkod pa phun sum tshogs pa daṅ | yon tan thams cad yoṅs su rdzogs pa phun sum tshogs pa ste | rab ’byor byaṅ chub sems dpa’ sems dpa’ chen po sa dgu pa la gnas pas chos bcu gñis po de dag yoṅs su rdzogs (7) par bya’o ||
rab ’byor byaṅ chub sems dpa’ sems dpa’ chen po sa bcu pa la gnas pa ni de bźin gśegs pa ñid ces bya’o ||
de skad ces bka’ stsal nas | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan (171a1) ’das byaṅ chub sems dpa’ sems dpa’ chen po sa daṅ po la gnas pa’i lhag pa’i bsam pa yoṅs su sbyaṅ bar bgyi ba gaṅ lags | bcom ldan ’das kyis bka’ stsal pa | rnam pa thams cad mkhyen pa ñid daṅ ldan pa’i yid la bya ba dag gis (2) dge ba’i rtsa ba thams cad yaṅ dag par sgrub pa gaṅ yin pa ste | rab ’byor de ni byaṅ chub sems dpa’ sems dpa’ chen po’i lhag pa’i bsam pa yoṅs su sbyaṅ ba yin no ||
de la sems can thams cad la sems mñam pa yoṅs su sbyaṅ ba gaṅ źe na | rnam pa (3) thams cad mkhyen pa ñid daṅ ldan pa’i yid la bya ba dag gis tshad med pa bźi po byams pa daṅ | sñiṅ rje daṅ | dga’ ba daṅ | btaṅ sñoms mṅon par sgrub pa gaṅ yin pa ste | de ni sems can thams cad sems mñam pa yoṅs su sbyaṅ ba źes bya’o ||
de (4) la byaṅ chub sems dpa’ sems dpa’ chen po’i gtoṅ ba yoṅs su sbyaṅ ba gaṅ źe na | sems can thams cad la rnam par rtog pa med par sbyin pa sbyin pa ste | de ni gtoṅ ba yoṅs su sbyaṅ ba źes bya’o ||
de la byaṅ chub sems dpa’ sems dpa’ chen po’i dge ba’i (5) bśes gñen la bsten pa yoṅs su sbyaṅ ba gaṅ źe na | de la byaṅ chub sems dpa’ sems dpa’ chen po’i dge ba’i bśes gñen dag ni gaṅ dag rnam pa thams cad mkhyen pa ñid la yaṅ dag par ’dzud ciṅ ’jog la rab tu ’god par byed pa’i dge ba’i bśes gñen de (6) dag la bsten pa daṅ | bsñen bkur byed pa daṅ | sri źu byed pa ste | de ni byaṅ chub sems dpa’ sems dpa’ chen po’i dge ba’i bśes gñen la bsten pa yoṅs su sbyaṅ ba yin no ||
de la byaṅ chub sems dpa’ sems dpa’ chen po’i chos tshol ba yoṅs su sbyaṅ (7) ba gaṅ źe na | rnam pa thams cad mkhyen pa ñid daṅ ldan pa’i sems kyis chos tshol bar byed la | ñan thos daṅ | raṅ saṅs rgyas kyi sar yaṅ ma lhuṅ ba gaṅ yin pa ste | de ni byaṅ chub sems dpa’ sems dpa’ chen po’i chos tshol ba yoṅs su sbyaṅ ba yin no ||
(171b1) de la byaṅ chub sems dpa’ sems dpa’ chen po’i rgyun mi ’chad par mṅon par ’byuṅ ba yoṅs su sbyaṅ ba gaṅ źe na | tshe rabs thams cad du ’dre ba med par mṅon par ’byuṅ źiṅ | de bźin gśegs pa’i bstan pa la yaṅ rab tu ’byuṅ la | su yaṅ de’i bar (2) chad byed par mi ’gyur ba gaṅ yin pa ste | de ni byaṅ chub sems dpa’ sems dpa’ chen po’i rgyun mi ’chad par mṅon par ’byuṅ ba yoṅs su sbyaṅ ba yin no ||
de la byaṅ chub sems dpa’ sems dpa’ chen po’i saṅs rgyas kyi sku ’dod pa yoṅs su sbyaṅ ba gaṅ źe (3) na | saṅs rgyas kyi sku mthoṅ na | rnam pa thams cad mkhyen pa ñid thob kyi bar du nams kyaṅ saṅs rgyas yid la byed pa daṅ ’bral bar mi ’gyur ba gaṅ yin pa ste | rab ’byor de ni byaṅ chub sems dpa’ sems dpa’ chen po’i saṅs rgyas kyi sku ’dod pa yoṅs su sbyaṅ ba (4) yin no ||
de la byaṅ chub sems dpa’ sems dpa’ chen po’i chos rnam par ’grel pa yoṅs su sbyaṅ ba gaṅ źe na | byaṅ chub sems dpa’ sems dpa’ chen po de bźin gśegs pa mṅon sum du bźugs kyaṅ ruṅ mya ṅan las ’das kyaṅ ruṅ sems can rnams la (5) chos ston te | tshaṅs par spyod pa thog mar dge ba | bar du dge ba | tha mar dge ba | don bzaṅ po | tshig ’bru bzaṅ po | ma ’dres pa | yoṅs su rdzogs pa | yoṅs su dag pa | yoṅs su byaṅ ba ’di lta ste | mdo’i sde daṅ | dbyaṅs kyis bsñad (6) pa’i sde daṅ | luṅ bstan pa’i sde daṅ | tshigs su bcad pa’i sde daṅ | ched du brjod pa’i sde daṅ | gleṅ gźi’i sde daṅ | de ltar byuṅ ba’i sde daṅ | skyes pa rabs kyi sde daṅ | śin tu rgyas pa’i sde daṅ | rmad du byuṅ ba’i chos kyi sde daṅ | rtogs pa brjod pa’i (7) sde daṅ | gtan la bab par bstan pa’i sde yaṅ dag par ston pa gaṅ yin pa ste | de ni byaṅ chub sems dpa’ sems dpa’ chen po’i chos rnam par ’grel ba yoṅs su sbyaṅ ba yin no ||
de la byaṅ chub sems dpa’ sems dpa’ chen po’i ṅa rgyal gyis kheṅs pa (172a1) ṅes par gźom pa yoṅs su sbyaṅ ba gaṅ źe na | ṅa rgyal gyis kheṅs pa gźom pa gaṅ gis nams kyaṅ rigs dma’ ba rnams su skye bar mi ’gyur ba ste | de ni byaṅ chub sems dpa’ sems dpa’ chen po’i ṅa rgyal gyis kheṅs pa ṅes par gźom pa (2) yoṅs su sbyaṅ ba yin no ||
de la byaṅ chub sems dpa’ sems dpa’ chen po’i bden pa’i tshig yoṅs su sbyaṅ ba gaṅ źe na | ’di lta ste | ji skad smras pa de bźin du byed pa ste | de ni byaṅ chub sems dpa’ sems dpa’ chen po’i bden pa’i tshig yoṅs su sbyaṅ ba (3) yin no ||
rab ’byor bcu po de dag ni byaṅ chub sems dpa’ sems dpa’ chen po sa daṅ po la gnas pas yoṅs su sbyaṅ bar bya ba yin no ||
de la byaṅ chub sems dpa’ sems dpa’ chen po’i tshul khrims yoṅs su dag pa gaṅ źe na | ’di lta ste | ñan (4) thos daṅ | raṅ saṅs rgyas kyi sems daṅ | gźan yaṅ ’chal pa’i tshul khrims su byed pa | byaṅ chub la bar chad byed pa’i chos gaṅ yin pa de dag yid la mi byed pa ste | de ni byaṅ chub sems dpa’ sems dpa’ chen po’i tshul khrims yoṅs su dag pa yin no ||
(5) de la byaṅ chub sems dpa’ sems dpa’ chen po’i byas pa gzo źiṅ byas pa tshor ba gaṅ źe na | byaṅ chub sems dpa’ sems dpa’ chen po byaṅ chub sems dpa’i spyad pa spyod pa na | phan chuṅ ṅu źig byas na yaṅ ’khor ba’i mtha’i bar du chud mi gzon na | chen po lta (6) ci smos te | de ni byaṅ chub sems dpa’ sems dpa’ chen po’i byas pa gzo źiṅ byas pa tshor ba yin no ||
de la byaṅ chub sems dpa’ sems dpa’ chen po’i bzod pa’i stobs la gnas pa gaṅ źe na | gaṅ sems can thams cad la gnod sems med ciṅ rnam (7) par ’tshe ba’i sems med pa ste | de ni byaṅ chub sems dpa’ sems dpa’ chen po’i bzod pa’i stobs la gnas pa yin no ||
de la byaṅ chub sems dpa’ sems dpa’ chen po’i mchog tu dga’ źiṅ dga’ ba ñams su myaṅ bar bya ba gaṅ źe na | ’di lta ste | (172b1) theg pa gsum po dag la sems can yoṅs su smin par byed pa ste | de ni byaṅ chub sems dpa’ sems dpa’ chen po’i mchog tu dga’ źiṅ dga’ ba ñams su myaṅ bar bya ba yin no ||
de la byaṅ chub sems dpa’ sems dpa’ chen po’i sems can thams cad yoṅs (2) su mi gtaṅ ba gaṅ źe na | ’di lta ste | sems can thams cad yoṅs su skyob pa ste | de ni byaṅ chub sems dpa’ sems dpa’ chen po’i sems can thams cad yoṅs su mi gtaṅ ba yin no ||
de la byaṅ chub sems dpa’ sems dpa’ chen po’i sñiṅ rje chen (3) po mṅon du bya ba gaṅ źe na | gaṅ byaṅ chub sems dpa’ sems dpa’ chen po byaṅ chub sems dpa’i spyad pa spyod pa na | ’di sñam du sems te | sems can re re’i don gyi phyir yaṅ bdag bskal pa chen po gaṅ g’i kluṅ gi bye ma sñed du sems can dmyal ba dag (4) tu ’dug la | sems can de saṅs rgyas kyi ye śes la ma bźag gi bar du der gcad pa daṅ | gśag pa daṅ | brduṅ ba daṅ | btso ba daṅ | bsreg pa dag kyaṅ ñams su myaṅ bar bya’o sñam ste | de bźin du sems can thams cad kyi phyir mṅon par spro źiṅ (5) yoṅs su mi skyo ba’i bar du ste | de ni byaṅ chub sems dpa’ sems dpa’ chen po’i sñiṅ rje chen po mṅon du bya ba źes bya’o ||
de la byaṅ chub sems dpa’ sems dpa’ chen po’i bla ma rnams la dad pas gus śiṅ sri źu che ba gaṅ źe na | ’di lta ste | bla ma rnams (6) la ston pa’i ’du śes ’jog pa ste | de ni byaṅ chub sems dpa’ sems dpa’ chen po’i bla ma la dad pas gus śiṅ sri źu che ba źes bya’o ||
de la byaṅ chub sems dpa’ sems dpa’ chen po’i pha rol tu phyin pa rnams brtson pas tshol ba gaṅ źe na | ’di lta ste | (7) sems can thams cad yoṅs su smin par bya ba’i phyir las gźan mi byed par pha rol tu phyin pa rnams yoṅs su tshol ba ste | de ni byaṅ chub sems dpa’ sems dpa’ chen po’i pha rol tu phyin pa rnams brtson pas tshol ba źes bya’o ||
de la byaṅ chub sems dpa’ (173a1) sems dpa’ chen po’i maṅ du thos pas chog mi śes pa gaṅ źe na | ’di lta ste | saṅs rgyas bcom ldan ’das rnams kyis ’jig rten gyi khams ’di ’am | phyogs bcu khor yug gi ’jig rten gyi khams kyi bar dag tu gaṅ ci gsuṅs pa de thams (2) cad gzuṅ bar bya’o sñam du chog mi śes pa gaṅ yin pa ste | de ni byaṅ chub sems dpa’ sems dpa’ chen po’i maṅ du thos pas chog mi śes pa yin no ||
de la byaṅ chub sems dpa’ sems dpa’ chen po’i zaṅ ziṅ med par chos kyi sbyin pa rnam par ’grel bar byed pa (3) gaṅ źe na | byaṅ chub sems dpa’ sems dpa’ chen po chos ston kyaṅ chos kyi sbyin pa’i dge ba’i rtsa ba des tha na byaṅ chub la yaṅ re ba med pa ste | de ni byaṅ chub sems dpa’ sems dpa’ chen po’i zaṅ ziṅ med par chos kyi sbyin pa rnam par ’grel bar byed pa yin no ||
de (4) la byaṅ chub sems dpa’ sems dpa’ chen po’i saṅs rgyas kyi źiṅ yoṅs su dag par bya ba’i dge ba’i rtsa ba bskyed ciṅ yoṅs su bsṅo ba gaṅ źe na | dge ba’i rtsa ba gaṅ daṅ gaṅ dag gis saṅs rgyas kyi źiṅ yoṅs su dag par byed pa bdag daṅ gźan gyi saṅs rgyas kyi źiṅ yoṅs (5) su dag par byed pa’i dge ba’i rtsa ba de dag yoṅs su sgrub pa ste | de ni byaṅ chub sems dpa’ sems dpa’ chen po’i saṅs rgyas kyi źiṅ yoṅs su dag par bya ba’i dge ba’i rtsa ba bskyed ciṅ yoṅs su bsṅo ba yin no ||
de la byaṅ chub sems dpa’ sems dpa’ chen po’i ’khor (6) ba dpag tu med pas yoṅs su mi skyo ba gaṅ źe na | ’di lta ste | dge ba’i rtsa bas ñe bar brtan pa ste | dge ba’i rtsa ba gaṅ dag gis ñe bar brtan na | sems can rnams kyaṅ yoṅs su smin par byed ciṅ | saṅs rgyas kyi źiṅ yaṅ yoṅs su dag par byed la | saṅs (7) rgyas kyi chos thams cad daṅ | rnam pa thams cad mkhyen pa ñid yoṅs su rdzogs par gyur gyi bar du nams kyaṅ skyo bar mi ’gyur ba ste | de ni byaṅ chub sems dpa’ sems dpa’ chen po’i ’khor ba dpag tu med pas yoṅs su mi skyo ba yin no ||
de la byaṅ chub (173b1) sems dpa’ sems dpa’ chen po’i ṅo tsha śes pa daṅ | khrel yod pa la gnas pa gaṅ źe na | ñan thos daṅ | raṅ saṅs rgyas kyi sems la smod pa ste | de ni byaṅ chub sems dpa’ sems dpa’ chen po’i ṅo tsha śes pa daṅ | khrel yod pa la gnas pa yin (2) no ||
de la byaṅ chub sems dpa’ sems dpa’ chen po’i dgon pa la gnas pa yoṅs su mi gtoṅ ba gaṅ źe na | ñan thos daṅ | raṅ saṅs rgyas kyi sa las śin tu ’da’ ba gaṅ yin pa ste | de ni byaṅ chub sems dpa’ sems dpa’ chen po’i dgon pa la (3) gnas pa yoṅs su mi gtoṅ ba yin no ||
de la byaṅ chub sems dpa’ sems dpa’ chen po’i ’dod pa chuṅ ba gaṅ źe na | byaṅ chub sems dpa’ sems dpa’ chen pos byaṅ chub kyaṅ mi ’dod pa gaṅ yin pa ste | de ni byaṅ chub sems dpa’ sems dpa’ (4) chen po’i ’dod pa chuṅ ba yin no ||
de la byaṅ chub sems dpa’ sems dpa’ chen po’i chog śes pa gaṅ źe na | rnam pa thams cad mkhyen pa ñid thob kyaṅ rlom sems su mi byed pa gaṅ yin pa ste | de ni byaṅ chub sems dpa’ sems dpa’ chen po’i chog śes (5) pa yin no ||
de la byaṅ chub sems dpa’ sems dpa’ chen po’i sbyaṅs ba’i yon tan daṅ | yo byad bsñuṅs pa mi gtaṅ ba gaṅ źe na | ’di lta ste | chos zab mo dag la ṅes par sems pa’i bzod pa gaṅ yin pa ste | de ni byaṅ chub sems dpa’ sems (6) dpa’ chen po’i sbyaṅs pa’i yon tan daṅ | yo byad bsñuṅs pa mi gtoṅ ba yin no ||
de la byaṅ chub sems dpa’ sems dpa’ chen po’i bslab pa yoṅs su mi gtoṅ ba gaṅ źe na | gaṅ la bslab pa thams cad rgyu ba med pa ste | de ni byaṅ chub sems dpa’ sems (7) dpa’ chen po’i bslab pa yoṅs su mi gtoṅ ba yin no ||
de la byaṅ chub sems dpa’ sems dpa’ chen po’i ’dod pa’i yon tan la smad pa gaṅ źe na | ’dod pa la sems mi bskyed pa gaṅ yin pa ste | de ni byaṅ chub sems dpa’ sems dpa’ chen po’i ’dod pa’i (174a1) yon tan la smad pa yin no ||
de la byaṅ chub sems dpa’ sems dpa’ chen po’i mya ṅan las ’das pa daṅ ldan pa’i sems bskyed pa gaṅ źe na | ’di lta ste | gaṅ chos thams cad la mṅon par ’du byed pa med pa ste | de ni byaṅ chub sems dpa’ (2) sems dpa’ che po’i mya ṅan las ’das pa daṅ ldan pa’i sems bskyed pa yin no ||
de la byaṅ chub sems dpa’ sems dpa’ chen po’i bdog pa thams cad yoṅs su gtaṅ ba gaṅ źe na | naṅ daṅ phyi rol gyi chos rnams ’dzin par mi byed pa gaṅ yin pa ste | de ni byaṅ chub (3) sems dpa’ sems dpa’ chen po’i bdog pa thams cad yoṅs su gtaṅ ba yin no ||
de la byaṅ chub sems dpa’ sems dpa’ chen po’i sems mi ’dre ba gaṅ źe na | gaṅ rnam par śes pa gnas pa rnams la de’i sems mi sbyor ba ste | de ni byaṅ chub sems dpa’ (4) sems dpa’ chen po’i sems mi ’dre ba yin no ||
de la byaṅ chub sems dpa’ sems dpa’ chen po’i dṅos po thams cad la mi blta ba gaṅ źe na | dṅos po thams cad yid la mi byed pa gaṅ yin pa ste | de ni byaṅ chub sems dpa’ sems dpa’ chen po’i dṅos po (5) thams cad la mi blta ba ma yin no ||
de la byaṅ chub sems dpa’ sems dpa’ chen po’i khyim pa daṅ ’dris par byed pa yoṅs su spaṅ ba gaṅ źe na | ’di lta ste | saṅs rgyas kyi źiṅ nas saṅs rgyas kyi źiṅ du ’gro źiṅ brdzus te skye ba daṅ | mgo bregs śiṅ ṅur smrig (6) gyon pa ste | de ni byaṅ chub sems dpa’ sems dpa’ chen po’i khyim pa daṅ ’dris par byed pa yoṅs su spaṅ pa yin no ||
de la byaṅ chub sems dpa’ sems dpa’ chen po’i dge sloṅ daṅ | dge sloṅ ma daṅ ’dris par byed pa yoṅs su spaṅ ba gaṅ źe na | dge sloṅ (7) daṅ | dge sloṅ ma rnams daṅ se go la gtogs pa srid du yaṅ lhan cig mi gnas śiṅ de dag med na yaṅ yoṅs su yi ’chad par mi ’gyur ba gaṅ yin pa ste | de ni byaṅ chub sems dpa’ sems dpa’ chen po’i dge sloṅ daṅ | dge sloṅ ma daṅ ’dris par byed pa (174b1) yoṅs su spaṅ ba yin no ||
de la byaṅ chub sems dpa’ sems dpa’ chen po’i khyim la ser sna byed pa yoṅs su spaṅ ba gaṅ źe na | rab ’byor ’di la byaṅ chub sems dpa’ sems dpa’ chen pos ’di ltar sems bskyed par bya ste | bdag gis sems can (2) thams cad la bde ba’i yo byad sbyar bar bya na | sems can ’di dag ni raṅ gi bsod nams kyis bde bar gyur pa yin gyis | ’di la bdag gis ser sna’i sems bskyed par mi bya’o źes bya ba ste | de ltar byaṅ chub sems dpa’ sems dpa’ chen pos khyim la ser sna (3) byed pa yoṅs su spaṅ bar bya’o ||
de la byaṅ chub sems dpa’ sems dpa’ chen pos ’du ’dzi’i gnas yoṅs su spaṅ bar bya ba ji lta bu źe na | byaṅ chub sems dpa’ sems dpa’ chen po ’du ’dzi’i gnas gaṅ du gnas na | ñan thos daṅ | raṅ saṅs rgyas (4) yod pa’am | de daṅ ldan pa’i gtam gyi gliṅ ldaṅ bar ’gyur ba’am | de daṅ ldan pa’i sems bskyed pa bskyed par ’gyur ba der byaṅ chub sems dpa’ sems dpa’ chen po gnas par mi bya ba ste | de ni byaṅ chub sems dpa’ sems dpa’ chen po’i ’du ’dzi’i (5) gnas yoṅs su spaṅ ba yin no ||
de la byaṅ chub sems dpa’ sems dpa’ chen pos gnod sems yoṅs su spaṅ bar bya ba ji lta bu yin źe na | gaṅ gnod sems daṅ | rnam par ’tshe ba’i sems kyi skabs mi ’byed pa daṅ | ’thab pa’i sems daṅ | rtsod pa’i (6) sems kyi skabs mi ’byed pa ste | de ni byaṅ chub sems dpa’ sems dpa’ chen po’i gnod sems yoṅs su spaṅ ba yin no ||
de la byaṅ chub sems dpa’ sems dpa’ chen po’i bdag la stod pa yoṅs su spaṅ ba gaṅ źe na | gaṅ naṅ gi chos rnams yaṅ dag (7) par rjes su mi mthoṅ ba ste | de ni byaṅ chub sems dpa’ sems dpa’ chen po’i bdag la stod pa yoṅs su spaṅ ba yin no ||
de la byaṅ chub sems dpa’ sems dpa’ chen po’i gźan la smod pa yoṅs su spaṅ ba gaṅ źe na | ’di lta ste phyi rol gyi chos rnams yaṅ (175a1) dag par rjes su mi mthoṅ ba ste | de ni byaṅ chub sems dpa’ sems dpa’ chen po’i gźan la smod pa yoṅs su spaṅ ba yin no ||
de la byaṅ chub sems dpa’ sems dpa’ chen po’i mi dge ba bcu’i las kyi lam rnams yoṅs su spaṅ bar bya ba ji lta bu źe (2) na | ’di ltar ’di dag ni bde ’gro la yaṅ bar du gcod par byed na | ’phags pa’i lam lta la ci smos śiṅ | byaṅ chub lta la ci smos pa ste | de ltar byaṅ chub sems dpa’ sems dpa’ chen pos mi dge ba bcu’i las kyi lam rnams yoṅs su spaṅ bar bya’o ||
de (3) la byaṅ chub sems dpa’ sems dpa’ chen po’i lhag pa’i ṅa rgyal yoṅs su spaṅ bar bya ba ji lta bu źe na | ’di ltar des chos ci yaṅ yaṅ dag par rjes su mi mthoṅ na | gaṅ gis lhag par rlom sems su byed pa’i lhag pa lta ga la yod ces de ltar lhag pa’i ṅa rgyal (4) spaṅ bar bya’o ||
de la byaṅ chub sems dpa’ sems dpa’ chen pos ji ltar kheṅs pa yoṅs su spaṅ bar bya źe na | ’di ltar gaṅ la de’i kheṅs pa skye bar ’gyur ba’i dṅos po de yaṅ dag par rjes su mi mthoṅ ba ste | de ltar byaṅ chub sems dpa’ sems dpa’ (5) chen pos kheṅs pa yoṅs su spaṅ bar bya’o ||
de la byaṅ chub sems dpa’ sems dpa’ chen pos phyin ci log yoṅs su spaṅ bar bya ba ji lta bu źe na | dṅos po rnams mi dmigs pa’i phyir te | de ltar byaṅ chub sems dpa’ sems dpa’ chen pos phyin ci log (6) yoṅs su spaṅ bar bya’o ||
de la byaṅ chub sems dpa’ sems dpa’ chen pos ’dod chags daṅ | źe sdaṅ daṅ | gti mug gi bag chags yoṅs su spaṅ bar bya ba ji lta bu źe na | ’di ltar ’dod chags daṅ | źe sdaṅ daṅ | gti mug rnams kyi dṅos po yaṅ (7) dag par rjes su mi mthoṅ ba ste | de ltar byaṅ chub sems dpa’ sems dpa’ chen pos ’dod chags daṅ | źe sdaṅ daṅ | gti mug gi bag chags yoṅs su spaṅ bar bya’o ||
de la byaṅ chub sems dpa’ sems dpa’ chen pos sa drug pa la chos drug yoṅs su (175b1) rdzogs par bya ba gaṅ źe na | ’di lta ste | pha rol tu phyin pa drug ste | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | (2) śes rab kyi pha rol tu phyin pa ste | pha rol tu phyin pa drug po de dag yoṅs su rdzogs par bya’o ||
saṅs rgyas bcom ldan ’das rnams daṅ | ñan thos rnams daṅ | raṅ saṅs rgyas rnams kyaṅ pha rol tu phyin pa drug pa ’di dag la gnas nas | śes bya’i rgya mtsho (3) rnam pa lṅa’i pha rol tu phyin par gyur to ||
lṅa gaṅ źe na | ’di lta ste | ’das pa daṅ | ma ’oṅs pa daṅ | da ltar byuṅ ba daṅ | brjod du med pa daṅ | ’dus ma byas pa ste | de ltar byaṅ chub sems dpa’ sems dpa’ (4) chen pos pha rol tu phyin pa drug po rnams yoṅs su rdzogs par bya’o ||
de la byaṅ chub sems dpa’ sems dpa’ chen pos ji ltar yaṅ ñan thos kyi sems yoṅs su spaṅ bar bya ste | de ci’i phyir źe na | ’di ltar de ni byaṅ chub kyi lam ma yin pa’i phyir ro ||
raṅ saṅs (5) rgyas kyi sems yoṅs su spaṅ bar bya ste | de ci’i phyir źe na | ’di ltar de ni byaṅ chub kyi lam ma yin pa’i phyir ro ||
yoṅs su yi ’chad pa’i sems yoṅs su spaṅ bar bya ste | de ci’i phyir źe na | ’di ltar de ni byaṅ chub kyi lam ma yin pa’i phyir ro ||
sloṅ ba mthoṅ na sems (6) źum par mi bya’o ||
de ci’i phyir źe na | ’di ltar de ni byaṅ chub kyi lam ma yin pa’i phyir ro ||
dṅos po thams cad yoṅs su btaṅ nas | yid mi bde bar mi bya’o ||
de ci’i phyir źe na | ’di ltar de ni byaṅ chub kyi lam ma yin pa’i phyir ro ||
sems daṅ po bskyed phyin (7) chad rtag tu sbyin pa sbyin par bya źiṅ | sems gsog tu mi bya ste | chos drug po de dag yoṅs su spaṅ bar bya’o ||
de la byaṅ chub sems dpa’ sems dpa’ chen pos ji ltar yaṅ bdag tu ’dzin par mi bya ste | ’di ltar yaṅ bdag gtan med pa’i phyir ro ||
sems (176a1) can du ’dzin pa daṅ | srog tu ’dzin pa daṅ | gaṅ zag tu ’dzin pa la yaṅ de bźin du sbyar te | de ci’i phyir źe na | ’di ltar de dag gtan med pa’i phyir ro ||
de la byaṅ chub sems dpa’ sems dpa’ chen pos ji ltar yaṅ chad par ’dzin par mi bya’o ||
(2) de ci’i phyir źe na | ’di ltar chos thams cad gtan ma skyes pas | chos gaṅ yaṅ chad pa med pa’i phyir ro ||
de la byaṅ chub sems dpa’ sems dpa’ chen pos ji ltar yaṅ rtag par ’dzin par mi bya ste | ’di ltar chos gaṅ mi skye ba de rtag pa daṅ chad par mi ’gyur ba’i phyir (3) ro ||
de la byaṅ chub sems dpa’ sems dpa’ chen pos ji ltar yaṅ mtshan ma’i ’du śes mi bya ste | ’di ltar kun nas ñon moṅs pa gtan med pa’i phyir ro ||
de la byaṅ chub sems dpa’ sems dpa’ chen pos ji ltar yaṅ rgyur blta bar mi bya’o ||
de ci’i phyir źe (4) na | ’di ltar des lta ba de yaṅ dag par rjes su mi mthoṅ ba’i phyir ro ||
de la byaṅ chub sems dpa’ sems dpa’ chen pos ji ltar yaṅ miṅ daṅ gzugs la mṅon par źen par mi bya’o ||
de ci’i phyir źe na | ’di ltar dṅos po de mi dmigs pa’i phyir te | de ltar (5) byaṅ chub sems dpa’ sems dpa’ chen pos miṅ daṅ gzugs la mṅon par źen par mi bya’o ||
de bźin du phuṅ po daṅ | khams daṅ | skye mched rnams la mṅon par źen par mi bya’o ||
de ci’i phyir źe na | ’di ltar chos de dag raṅ bźin gyis med pa’i phyir te | (6) de ltar phuṅ po daṅ | khams daṅ | skye mched la mṅon par źen par mi bya’o ||
de la byaṅ chub sems dpa’ sems dpa’ chen pos ji ltar yaṅ khams gsum la mṅon par źen par mi bya’o ||
de ci’i phyir źe na | ’di ltar de raṅ bźin med pa’i phyir te | de ltar (7) khams gsum la mṅon par źen par mi bya’o ||
de la byaṅ chub sems dpa’ sems dpa’ chen pos ji ltar yaṅ khams gsum la lhag par źen par mi bya’o ||
de ci’i phyir źe na | ’di ltar dṅos po de med ciṅ mi dmigs pa’i phyir te | de ltar byaṅ chub sems (176b1) dpa’ sems dpa’ chen pos khams gsum la lhag par źen par mi bya’o ||
de la byaṅ chub sems dpa’ sems dpa’ chen pos ji ltar yaṅ khams gsum la chags par mi bya’o ||
de ci’i phyir źe na | ’di ltar ṅo bo ñid med pa’i phyir te | de ltar byaṅ chub sems (2) dpa’ sems dpa’ chen pos khams gsum la chags par mi bya’o ||
de la byaṅ chub sems dpa’ sems dpa’ chen pos ji ltar yaṅ saṅs rgyas su lta ba la brten par mi bya’o ||
de ci’i phyir źe na | ’di ltar saṅs rgyas su lta ba la brten pas saṅs rgyas mthoṅ (3) bar mi ’gyur te | de ltar byaṅ chub sems dpa’ sems dpa’ chen pos saṅs rgyas su lta ba la brten par mi bya’o ||
de la byaṅ chub sems dpa’ sems dpa’ chen pos ji ltar yaṅ chos su lta ba la brten par mi bya’o ||
de ci’i phyir źe na | ’di ltar chos su lta ba la (4) brten pas chos mthoṅ bar mi ’gyur te | de ltar byaṅ chub sems dpa’ sems dpa’ chen pos chos su lta ba la brten par mi bya’o ||
de la byaṅ chub sems dpa’ sems dpa’ chen pos ji ltar yaṅ dge ’dun du lta ba la brten par mi bya’o ||
de ci’i phyir źe na | ’di (5) ltar dge ’dun du lta ba la brten pas dge ’dun mthoṅ bar mi ’gyur te | de ltar byaṅ chub sems dpa’ sems dpa’ chen pos dge ’dun du lta ba la brten par mi bya’o ||
de la byaṅ chub sems dpa’ sems dpa’ chen pos ji ltar yaṅ tshul khrims su lta ba la mṅon par (6) źen par mi bya’o ||
de ci’i phyir źe na | ’di ltar tshul khrims su lta ba la brten pas tshul khrims yoṅs su dag par mi ’gyur te | de ltar byaṅ chub sems dpa’ sems dpa’ chen pos tshul khrims su lta ba la mṅon par źen par mi bya’o ||
de la byaṅ chub sems (7) dpa’ sems dpa’ chen pos ji ltar yaṅ chos rnams stoṅ ṅo źes bya bas sgyid lug par mi bya ste | ’di ltar chos thams cad ni raṅ gi mtshan ñid kyis stoṅ gi | stoṅ pa ñid kyis stoṅ pa ni ma yin pa’i phyir te | de ltar byaṅ chub sems dpa’ sems dpa’ chen pos chos (177a1) rnams stoṅ ṅo źes bya bas sgyid lug par mi bya’o ||
de la byaṅ chub sems dpa’ sems dpa’ chen pos ji ltar yaṅ stoṅ pa ñid daṅ ’gal bar mi bya ste | ’di ltar raṅ gi mtshan ñid kyis stoṅ pa ñid stoṅ pas stoṅ pa ñid ni stoṅ pa ñid daṅ ’gal bar mi byed pa’i phyir (2) te | de ltar byaṅ chub sems dpa’ sems pada’a chen pos stoṅ pa ñid daṅ ’gal bar mi bya’o ||
de la byaṅ chub sems dpa’ sems dpa’ chen pos ji ltar yaṅ stoṅ pa ñid rtogs par bya ste | ’di ltar stoṅ pa ñid kyis stoṅ pa ñid stoṅ gi | stoṅ pa ñid la stoṅ pa ñid rtogs (3) par mi byed pa’i phyir te | de ltar byaṅ chub sems dpa’ sems dpa’ chen pos stoṅ pa ñid rtogs par bya’o ||
de la byaṅ chub sems dpa’ sems dpa’ chen po’i mtshan ma med pa mṅon sum du bya ba gaṅ źe na | ’di lta ste | chos thams cad yid la mi byed pa’o ||
de (4) la byaṅ chub sems dpa’ sems dpa’ chen po’i smon pa med pa śes pa gaṅ źe na | gaṅ khams gsum pa’i sems can thams cad la mi gnas pa’o ||
de la byaṅ chub sems dpa’ sems dpa’ chen po’i ’khor gsum yoṅs su dag pa gaṅ źe na | ’di lta ste | (5) dge ba bcu’i las kyi lam yoṅs su rdzogs pa’o ||
de la byaṅ chub sems dpa’ sems dpa’ chen po’i sems can thams cad la sñiṅ brtse źiṅ sñiṅ rje ba yoṅs su rdzogs pa gaṅ źe na | ’di lta ste | sñiṅ rje chen po thob pa’o ||
de la byaṅ chub sems dpa’ sems (6) dpa’ chen pos ji ltar sems can thams cad la brñas par mi bya źe na | ’di lta ste | sems can gyi źiṅ yoṅs su dag pa’i phyir ro ||
de la byaṅ chub sems dpa’ sems dpa’ chen po’i chos thams cad la mñam pa ñid du lta ba gaṅ źe na | ’di lta ste | chos (7) thams cad la bsnan pa med pa daṅ | dpri ba med pa’i phyir ro ||
de la byaṅ chub sems dpa’ sems dpa’ chen po’i yaṅ dag pa’i tshul rtogs pa gaṅ źe na | gaṅ chos thams cad rab tu rtogs pa med pa’o ||
de la byaṅ chub sems dpa’ sems dpa’ chen po’i mi (177b1) skye bar bzod pa gaṅ źe na | gaṅ chos thams cad skye ba med pa daṅ | ’gag pa med pa daṅ | mṅon par ’du bya ba med par bzod pa ste | de ni mi skye ba’i bzod pa’o ||
de la byaṅ chub sems dpa’ sems dpa’ chen po’i mi skye ba śes pa gaṅ źe na | gaṅ (2) miṅ daṅ gzugs mi skye ba śes pa ste | de ni byaṅ chub sems dpa’ sems dpa’ chen po’i mi skye ba śes pa’o ||
de la byaṅ chub sems dpa’ sems dpa’ chen po’i tshul gcig tu bstan pa gaṅ źe na | gaṅ chos gñis su kun tu spyod pa med pa ñid de | de ni tshul (3) gcig tu bstan pa’o ||
de la byaṅ chub sems dpa’ sems dpa’ chen po’i rtog pa yaṅ dag par gźom pa gaṅ źe na | gaṅ chos thams cad la rtog pa med pa’o ||
de la byaṅ chub sems dpa’ sems dpa’ chen po’i lta ba bzlog pa gaṅ źe na | gaṅ ñan thos daṅ raṅ (4) saṅs rgyas kyi lta ba thams cad zlog pa’o ||
de la byaṅ chub sems dpa’ sems dpa’ chen po’i ñon moṅs pa bzlog pa gaṅ źe na | gaṅ bag chags daṅ | mtshams sbyor ba daṅ | ñon moṅs pa thams cad ’dor ba’o ||
de la byaṅ chub sems dpa’ sems (5) dpa’ chen po’i ni gnas daṅ lhag mthoṅ gi sa gaṅ źe na | ’di lta ste | rnam pa thams cad mkhyen pa ñid kyi ye śes so ||
de la byaṅ chub sems dpa’ sems dpa’ chen po’i sems dul ba gaṅ źe na | gaṅ khams gsum la mṅon par dga’ ba med pa’o ||
(6) de la byaṅ chub sems dpa’ sems dpa’ chen po’i sems źi ba gaṅ źe na | gaṅ dbaṅ po drug po dag nas rab tu mi ’phro ba’o ||
de la byaṅ chub sems dpa’ sems dpa’ chen po’i śes pa thogs pa med pa gaṅ źe na | gaṅ saṅs rgyas kyi spyan thob pa’o ||
de la (7) byaṅ chub sems dpa’ sems dpa’ chen po’i rjes su ’chags pa la mi ’jug pa’i śes pa gaṅ źe na | skye mched drug la btaṅ sñoms su ’jog pa’o ||
de la byaṅ chub sems dpa’ sems dpa’ chen po’i źiṅ gaṅ du ’dod par ’gro ba gaṅ źe na | ’khor gyi dkyil (178a1) ’khor de daṅ der lus ston pa’o ||
de la byaṅ chub sems dpa’ sems dpa’ chen po’i sems can thams cad kyi sems la ’jug pa gaṅ źe na | gaṅ sems gcig gis sems can thams cad kyi sems daṅ sems las byuṅ ba rnams śes pa’o ||
(2) de la byaṅ chub sems dpa’ sems dpa’ chen po’i mṅon par śes pas rnam par rtse ba gaṅ źe na | saṅs rgyas blta ba’i phyir | mṅon par śes pa gaṅ dag gis rnam par rtse źiṅ | saṅs rgyas kyi źiṅ nas saṅs rgyas kyi źiṅ du ’gro la | saṅs rgyas kyi ’du śes kyaṅ mi (3) bskyed pa’o ||
de la byaṅ chub sems dpa’ sems dpa’ chen po’i saṅs rgyas kyi źiṅ la lta ba gaṅ źe na | gaṅ saṅs rgyas kyi źiṅ gcig nas kyaṅ ma g-yos la | saṅs rgyas kyi źiṅ thams cad na yaṅ snaṅ źiṅ de saṅs rgyas kyi źiṅ gi ’du śes kyaṅ mi bskyed pa’o ||
(4) de la byaṅ chub sems dpa’ sems dpa’ chen po’i saṅs rgyas kyi źiṅ ji ltar mthoṅ ba de dag yoṅs su sgrub pa gaṅ źe na | stoṅ gsum gyi stoṅ chen po’i ’jig rten gyi khams kyi dbaṅ phyug ’khor los sgyur ba’i sa la gnas nas | sems can yoṅs su smin par bya ba’i phyir ’jig (5) rten gyi khams de thams cad yoṅs su gtoṅ źiṅ | des rlom sems su yaṅ mi byed pa’o ||
de la byaṅ chub sems dpa’ sems dpa’ chen po’i saṅs rgyas la bsñen bkur byed pa gaṅ źe na | sems can thams cad la phan gdags pa’i phyir gaṅ chos la bsñen (6) bkur byed pa’o ||
de la byaṅ chub sems dpa’ sems dpa’ chen po’i saṅs rgyas kyi sku la yaṅ dag pa ji lta ba bźin du brtag pa gaṅ źe na | chos kyi sku la yaṅ dag pa ji lta ba bźin du rtog pa’o ||
de la byaṅ chub sems dpa’ sems dpa’ chen po’i dbaṅ po mchog (7) daṅ mchog ma yin pa śes pa gaṅ źe na | stobs bcu la gnas nas | sems can thams cad kyi dbaṅ po yoṅs su rdzogs par śes pa’o ||
de la byaṅ chub sems dpa’ sems dpa’ chen po’i saṅs rgyas kyi źiṅ yoṅs su dag par bya ba gaṅ źe na | mi dmigs pa’i (178b1) tshul gyis sems can thams cad kyi sems yoṅs su dag par byed pa’o ||
de la byaṅ chub sems dpa’ sems dpa’ chen po’i sgyu ma lta bu’i tiṅ ṅe ’dzin gaṅ źe na | byaṅ chub sems dpa’ sems dpa’ chen po’i tiṅ ṅe ’dzin gaṅ la gnas nas | bya ba thams cad (2) byed la de’i sems chos gaṅ la yaṅ mi ’jug pa’o ||
de la byaṅ chub sems dpa’ sems dpa’ chen po rgyun mi ’chad par sñoms par ’jug pa gaṅ źe na | gaṅ byaṅ chub sems dpa’ sems dpa’ chen po’i rnam par smin pa las byuṅ ba’i tiṅ ṅe ’dzin to ||
de la ji ltar (3) byaṅ chub sems dpa’ sems dpa’ chen po ji lta ji lta bur sems can rnams kyi dge ba’i rtsa ba yoṅs su ’grub par ’gyur ba de lta de lta bu’i lus yoṅs su sgrub ce na | ’di la byaṅ chub sems dpa’ sems dpa’ chen pos ji lta ji lta bur sems can yoṅs su smin par ’gyur (4) ba de lta de lta bu’i lus bsams bźin du yoṅs su ’dzin pa’o ||
de la byaṅ chub sems dpa’ sems dpa’ chen po ji ltar bsams bźin du srid pa ñe bar len ce na | ’di lta ste | sems can yoṅs su smin par bya ba’i phyir ro ||
de la byaṅ chub sems dpa’ (5) sems dpa’ chen pos smon lam ji lta ji lta bur ’debs pa de lta de lta bur ’grub par ’gyur ba ji lta bu źe na | ’di la byaṅ chub sems dpa’ sems dpa’ chen pos pha rol tu phyin pa drug po dag yoṅs su rdzogs par byas pas smon lam ji lta ji lta bur ’debs pa de lta (6) de lta bur ’grub par ’gyur ro ||
de la byaṅ chub sems dpa’ sems dpa’ chen pos lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po’i skad śes pa khoṅ du chud pa ji lta bu źe na | ’di lta (7) ste | ṅes pa’i tshig so so yaṅ dag par rig pa’o ||
de la byaṅ chub sems dpa’ sems dpa’ chen pos spobs pa’i kluṅ khoṅ du chud pa ji lta bu źe na | ’di lta ste | spobs pa so so yaṅ dag par rig pa’o ||
de la byaṅ chub sems dpa’ sems dpa’ chen po’i (179a1) mṅal du ’jug pa phun sum tshogs pa gaṅ źe na | ’di la byaṅ chub sems dpa’ sems dpa’ chen po tshe rabs thams cad du rdzus śiṅ skye ba ste | de ni byaṅ chub sems dpa’ sems dpa’ chen po’i mṅal du ’jug pa phun sum tshogs pa yin no ||
(2) de la byaṅ chub sems dpa’ sems dpa’ chen po’i rigs phun sum tshogs pa gaṅ źe na | byaṅ chub sems dpa’ sems dpa’ chen po rigs chen po dag tu skye ba ste | de ni byaṅ chub sems dpa’ sems dpa’ chen po’i rigs phun sum tshogs pa yin no ||
de la byaṅ chub (3) sems dpa’ sems dpa’ chen po’i cho rigs phun sum tshogs pa gaṅ źe na | byaṅ chub sems dpa’ sems dpa’ chen po rgyal rigs śiṅ s la chen po lta bu dag daṅ | bram ze’i rigs śiṅ s la chen po lta bu dag tu skye ba ste | de ni byaṅ chub sems dpa’ sems (4) dpa’ chen po’i cho rigs phun sum tshogs pa yin no ||
de la byaṅ chub sems dpa’ sems dpa’ chen po’i rus phun sum tshogs pa gaṅ źe na | rigs gaṅ las sṅon gyi byaṅ chub sems dpa’ sems dpa’ chen po dag byuṅ bar gyur pa ste | de ni byaṅ chub sems dpa’ (5) sems dpa’ chen po’i rus phun sum tshogs pa yin no ||
de la byaṅ chub sems dpa’ sems dpa’ chen po’i ’khor phun sum tshogs pa gaṅ źe na | ’di lta ste | sems can rnams byaṅ chub tu bkod nas | byaṅ chub sems dpa’i ’khor ñid daṅ ldan pa ste | de ni (6) byaṅ chub sems dpa’ sems dpa’ chen po’i ’khor phun sum tshogs pa yin no ||
de la byaṅ chub sems dpa’ sems dpa’ chen po’i skye ba phun sum tshogs pa gaṅ źe na | skyes ma thag tu ’jig rten gyi khams thams cad snaṅ bas khyab par ’gyur źiṅ | de dag kyaṅ (7) rnam pa drug tu g-yo bar ’gyur pa ste | de ni byaṅ chub sems dpa’ sems dpa’ chen po’i skye ba phun sum tshogs pa yin no ||
de la byaṅ chub sems dpa’ sems dpa’ chen po’i mṅon par ’byuṅ ba phun sum tshogs pa gaṅ źe na | byaṅ chub sems dpa’ sems dpa’ chen (179b1) po sems can bye ba khrag khrig phrag ’bum phrag du ma dag daṅ | khyim nas rab tu ’byuṅ źiṅ mṅon par ’byuṅ la | sems can de dag kyaṅ theg pa gsum po dag la ṅes par ’gyur ba ste | de ni byaṅ chub sems dpa’ sems dpa’ chen po’i mṅon par ’byuṅ ba phun sum (2) tshogs pa yin no ||
de la byaṅ chub sems dpa’ sems dpa’ chen po’i byaṅ chub kyi śiṅ gi bkod pa phun sum tshogs pa gaṅ źe na | byaṅ chub kyi śiṅ gi rtsa ba ni | gser las grub pa | sdoṅ po ni be.e dUrya las grub pa | yal ga daṅ | lo ma daṅ ’dab ma rnams ni (3) rin po che sna bdun las grub pa yin la | yal ga daṅ | lo ma daṅ | ’dab ma de dag gis phyogs bcu’i ’jig rten gyi khams mtha’ yas pa’i bar dag tu snaṅ bas khyab par byed pa ste | de ni byaṅ chub sems dpa’ sems dpa’ chen po’i byaṅ chub kyi śiṅ gi bkod pa (4) phun sum tshogs pa yin no ||
de la byaṅ chub sems dpa’ sems dpa’ chen po’i yon tan thams cad yoṅs su rdzogs pa phun sum tshogs pa gaṅ źe na | byaṅ chub sems dpa’ sems dpa’ chen po’i sems can yoṅs su smin par byas pas | saṅs rgyas kyi źiṅ (5) yoṅs su dag pa ste | de ni byaṅ chub sems dpa’ sems dpa’ chen po’i yon tan thams cad yoṅs su rdzogs pa phun sum tshogs pa yin no ||
de la byaṅ chub sems dpa’ sems dpa’ chen po sa bcu pa la gnas pa ji ltar na de bźin gśegs pa ñid ces bya źe na | byaṅ (6) chub sems dpa’ sems dpa’ chen po gaṅ gi tshe pha rol tu phyin pa bcu po dag yoṅs su rdzogs par gyur pa daṅ | saṅs rgyas kyi chos ma ’dres pa bcwa brgyad daṅ | rnam pa thams cad mkhyen pa ñid kyi ye śes kyi bar dag yoṅs su rdzogs par gyur pa daṅ | bag chags daṅ | (7) mtshams sbyor ba daṅ | ñon moṅs pa thams cad spaṅs pa daṅ | saṅs rgyas kyi chos thams cad yoṅs su rdzogs par gyur pa’i phyir te | rab ’byor de ltar na byaṅ chub sems dpa’ sems dpa’ chen po sa bcu ba la gnas pa ni de bźin gśegs pa ñid ces bya’o ||
rab (180a1) ’byor de la byaṅ chub sems dpa’ sems dpa’ chen po’i sa bcu po dag gaṅ źe na | rab ’byor ’di la byaṅ chub sems dpa’ sems dpa’ chen po thabs la mkhas pa pha rol tu phyin pa drug po thams cad la spyod pa byaṅ chub kyi phyogs kyi chos sum cu rtsa bdun (2) po dag la bslabs pa | saṅs rgyas kyi chos ma ’dres pa bcwa brgyad kyi bar dag la spyod pa ni dkar po rnam par mthoṅ ba’i sa las yaṅ dag par ’da’ źiṅ | rigs kyi sa daṅ | brgyad pa’i sa daṅ | mthoṅ ba’i sa daṅ | bsrabs pa’i sa daṅ | ’dod chags daṅ (3) bral ba’i sa daṅ | byas pa rtogs pa can gyi sa daṅ | raṅ saṅs rgyas kyi sa daṅ byaṅ chub sems dpa’i sa ste | rab ’byor byaṅ chub sems dpa’ sems dpa’ chen po ni sa dgu po ’di dag las ’das nas | saṅs rgyas kyi sa la gnas par ’gyur te | rab ’byor de (4) dag ni byaṅ chub sems dpa’ sems dpa’ chen po’i sa bcu yin no ||
rab ’byor de ltar na byaṅ chub sems dpa’ sems dpa’ chen po ni theg pa chen po la yaṅ dag par źugs pa yin no ||
śes rab kyi pha rol tu phyin pa khri brgyad stoṅ pa las | sa yoṅs su sbyaṅ ba’i (5) le’u źes bya ste bcu bdun pa’o || ||
rab ’byor gaṅ khyod ’di skad du theg pa de gaṅ nas ṅes par ’byuṅ bar ’gyur źes zer ba ni khams gsum nas ṅes par ’byuṅ bar ’gyur źiṅ | rnam pa thams cad mkhyen pa ñid ga la ba der gnas par (6) ’gyur te | de yaṅ gñis su med pa’i tshul gyis gnas par ’gyur ro ||
de ci’i phyir źe na | rab ’byor ’di ltar theg pa chen po gaṅ yin pa daṅ | rnam pa thams cad mkhyen pa ñid gaṅ yin pa’i chos ’di gñis ni ldan pa yaṅ ma yin mi ldan pa yaṅ ma yin te | gzugs (7) med pa | bstan du med pa | thogs pa med pa ste | ’di ltar mtshan ñid med par mtshan ñid gcig pa’o ||
de ci’i phyir źe na | rab ’byor mtshan ñid med pa’i chos la ni ṅes par ’byuṅ ba’am | ṅes par ’byuṅ bar ’gyur ba’am | ṅes par ’byuṅ bar gyur pa med pa’i (180b1) phyir ro ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni de bźin ñid la ṅes par ’byuṅ bar ’dod du zad do ||
rab ’byor de bźin du mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni yaṅ dag (2) pa’i mtha’ daṅ | bsam gyis mi khyab pa’i dbyiṅs daṅ | spoṅ ba’i dbyiṅs daṅ | ’dod chags daṅ bral ba’i dbyiṅs daṅ | ’gog pa’i dbyiṅs la ṅes par ’byuṅ bar ’dod du zad do ||
de ci’i phyir źe na | rab ’byor de bźin ñid kyi ṅo bo ñid ni khams (3) gsum nas ṅes par ’byuṅ bar mi ’gyur ba’i phyir ro ||
de ci’i phyir źe na | de bźin ñid ni de bźin ñid kyi ṅo bo ñid kyis stoṅ pa’i phyir ro ||
’gog pa’i dbyiṅs kyi bar du yaṅ de bźin du sbyar ro ||
rab ’byor mtshan ñid med pa’i chos rnams la ṅes par ’byuṅ bar (4) ’dod pa gaṅ yin pa de ni gzugs kyi stoṅ pa ñid la ṅes par ’byuṅ bar ’dod du zad do ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni tshor ba daṅ | ’du śes daṅ | ’du byed rnams daṅ | rnam par śes pa’i stoṅ pa ñid la (5) ṅes par ’byuṅ bar ’dod du zad do ||
de ci’i phyir źe na | rab ’byor gzugs kyi stoṅ pa ñid ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
tshor ba’i stoṅ pa ñid daṅ | ’du śes kyi stoṅ (6) pa ñid daṅ | ’du byed kyi stoṅ pa ñid daṅ | rnam par śes pa’i stoṅ pa ñid ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor ’di ltar gzugs ni gzugs (7) kyis stoṅ | tshor ba daṅ | ’du śes daṅ | ’du byed rnams daṅ | rnam par śes pa ni rnam par śes pas stoṅ pa’i phyir ro ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni mig gi stoṅ pa ñid la ṅes par ’byuṅ bar ’dod du (181a1) zuṅ ṅo ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni rna ba daṅ | sna daṅ | lce daṅ | lus daṅ | yid kyi stoṅ pa ñid la ṅes par ’byuṅ bar ’dod du zad do ||
rab ’byor de bźin du mtshan ñid med pa’i (2) chos rnams la ṅes par ’byuṅ bar ’dod pa gaṅ yin pa de ni gzugs kyi stoṅ pa ñid daṅ | sgra daṅ | dri daṅ | ro daṅ | reg bya daṅ | chos kyi stoṅ pa ñid daṅ | mig gi rnam par śes pa’i stoṅ pa ñid daṅ | rna ba daṅ | sna daṅ | lce daṅ | lus daṅ | yid kyi (3) rnam par śes pa stoṅ pa ñid daṅ | mig gi ’dus te reg pa’i stoṅ pa ñid daṅ | rna ba daṅ | sna daṅ | lce daṅ | lus daṅ | yid kyi ’dus te reg pa’i stoṅ pa ñid daṅ | mig gi ’dus te reg pa las byuṅ ba’i tshor ba’i stoṅ pa ñid daṅ | rna ba daṅ | sna daṅ | lce daṅ | (4) lus daṅ | yid kyi ’dus te reg pa las byuṅ ba’i tshor ba stoṅ pa ñid la ṅes par ’byuṅ bar ’dod du zad do ||
de ci’i phyir źe na | rab ’byor mig gi stoṅ pa ñid ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi (5) ’gyur ba’i phyir ro ||
de bźin du sbyar te | yid kyi ’dus te reg pa las byuṅ ba’i tshor ba’i stoṅ pa ñid kyi bar ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor (6) ’di ltar mig gis stoṅ pa’i phyir ro ||
de bźin du sbyar te | yid kyi ’dus te reg pa las byuṅ ba’i tshor ba’i bar dag kyaṅ | yid kyi ’dus te reg pa las byuṅ ba’i tshor bas stoṅ pa’i phyir ro ||
rab ’byor mtshan ñid med pa’i chos rnams la ṅes par ’byuṅ bar (7) ’dod pa gaṅ yin pa de ni rmi lam la ṅes par ’byuṅ bar ’dod du zad do ||
rab ’byor de bźin du mtshan ñid med pa’i chos rnams la ṅes par ’gyur bar ’dod pa gaṅ yin pa de ni sgyu ma daṅ | smig rgyu daṅ | brag ca daṅ | mig yor daṅ | de bźin gśegs pas (181b1) sprul pa la ṅes par ’byuṅ bar ’dod du zad do ||
de ci’i phyir źe na | rab ’byor rmi lam kyi raṅ bźin ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba daṅ | rab ’byor de bźin du sgyu ma’i raṅ bźin daṅ | (2) smig rgyu daṅ | brag ca daṅ | mig yer daṅ | de bźin gśegs pas sprul pa’i raṅ bźin ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor ’di ltar rmi (3) lam gyi raṅ bźin ni rmi lam gyi raṅ bźin gyis stoṅ pa daṅ | sgyu ma’i raṅ bźin ni sgyu ma’i raṅ bźin gyis stoṅ pa daṅ | smig rgyu’i raṅ bźin ni smig rgyu’i raṅ bźin gyis stoṅ pa daṅ | brag ca’i raṅ bźin ni brag ca’i raṅ bźin gyis stoṅ pa daṅ | mig yor gyi raṅ (4) bźin ni mig yor gyi raṅ bźin gyis stog pa daṅ | de bźin gśegs pas sprul pa’i raṅ bźin ni de bźin gśegs pas sprul pa’i raṅ bźin gyis stoṅ pa’i phyir ro ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni sbyin pa’i (5) pha rol tu phyin pa la ṅes par ’byuṅ bar ’dod du zad do ||
rab ’byor de bźin du mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam (6) gtan gyi pha rol tu phyin pa daṅ | śes rab kyi pha rol tu phyin pa la ṅes par ’byuṅ bar ’dod du zad do ||
de ci’i phyir źe na | rab ’byor sbyin pa’i pha rol tu phyin pa’i raṅ bźin ni khams gsum nas ṅes par ’byuṅ bar mi ’gyur źiṅ rnam pa thams cad mkhyen pa ñid la gnas par (7) mi ’gyur ba daṅ | de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i raṅ bźin ni khams gsum nas ṅes par ’byuṅ (182a1) bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor ’di ltar sbyin pa’i pha rol tu phyin pa’i raṅ bźin ni sbyin pa’i pha rol tu phyin pa’i raṅ bźin gyis stoṅ pa daṅ | de bźin du sbyar te | (2) tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i raṅ bźin ni śes rab kyi pha rol tu phyin pa’i raṅ bźin gyis stoṅ pa’i phyir ro ||
(3) rab ’byor mtshan ñid med pa’i chos rnams la ṅes par ’byuṅ bar ’adado pa gaṅ yin pa de ni naṅ stoṅ pa ñid la ṅes par ’byuṅ bar ’dod du zad do ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni dṅos po med pa’i ṅo bo ñid stoṅ pa ñid kyi bar (4) dag la ṅes par ’byuṅ bar ’dod du zad do ||
de ci’i phyir źe na | rab ’byor ’di ltar naṅ stoṅ pa ñid kyi raṅ bźin daṅ | dṅos po med pa’i ṅo bo ñid stoṅ pa ñid kyi bar gyi raṅ bźin ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid (5) la gnas par mi ’gyur ba’i phyir ro ||
de ci’i phyir źe na | rab ’byor ’di ltar naṅ stoṅ pa ñid kyi raṅ bźin ni naṅ stoṅ pa ñid kyi raṅ bźin gyis stoṅ pa daṅ | dṅos po med pa’i ṅo bo ñid stoṅ pa ñid kyi bar gyi raṅ bźin ni dṅos po med pa’i ṅo bo ñid stoṅ pa ñid kyi raṅ bźin gyis (6) stoṅ pa’i phyir ro ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni dran pa ñe bar gźag pa rnams la ṅes par ’byuṅ bar ’dod du zad do ||
de ci’i phyir źe na | rab ’byor ’di ltar dran pa ñe bar gźag pa rnams kyi raṅ bźin ni (7) khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor ’di ltar dran pa ñe bar gźag pa rnams kyi raṅ bźin ni dran pa ñe bar gźag pa rnams kyi raṅ bźin gyis stoṅ (182b1) pa’i phyir ro ||
rab ’byor de bźin du mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | (2) lam la ṅes par ’byuṅ bar ’dod du zad do ||
de ci’i phyir źe na | rab ’byor ’di ltar lam gyi bar gyi raṅ bźin gaṅ yin pa de ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | (3) rab ’byor lam ni lam gyis stoṅ pa’i phyir ro ||
rab ’byor de bźin du mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa (4) bcwa brgyad la ṅes par ’byuṅ bar ’dod du zad do ||
de ci’i phyir źe na | rab ’byor ’di lter saṅs rgyas kyi chos rnams kyi raṅ bźin gaṅ yin pa de ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir (5) ro ||
de ci’i phyir źe na | rab ’byor ’di ltar saṅs rgyas kyi chos rnams ni saṅs rgyas kyi chos rnams kyis stoṅ pa’i phyir ro ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni dgra bcom pa la ṅes par ’byuṅ bar ’dod du zad do ||
(6) rab ’byor de bźin du mtshan ñid med pa’i chos rnams la ṅes par ’byuṅ bar ’dod pa gaṅ yin pa de dag ni raṅ saṅs rgyas daṅ | byaṅ chub sems dpa’ daṅ | de bźin gśegs pa dgra bcom pa yaṅ dag par rdzogs pa’i saṅs rgyas la ṅes par ’byuṅ bar ’dod du zad do ||
(7) de ci’i phyir źe na | rab ’byor ’di ltar dgra bcom pa’i raṅ bźin gaṅ yin pa daṅ | raṅ saṅs rgyas kyi raṅ bźin gaṅ yin pa daṅ | byaṅ chub sems dpa’i raṅ bźin gaṅ yin pa daṅ | de bźin gśegs pa dgra bcom pa yaṅ dag par rdzogs pa’i saṅs rgyas kyi raṅ (183a1) bźin gaṅ yin pa de ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor ’di ltar dgra bcom pa’i raṅ bźin ni dgra bcom pa’i raṅ (2) bźin gyis stoṅ | raṅ saṅs rgyas kyi raṅ bźin ni raṅ saṅs rgyas kyi raṅ bźin gyis stoṅ | byaṅ chub sems dpa’i raṅ bźin ni byaṅ chub sems dpa’i raṅ bźin gyis stoṅ | de bźin gśegs pa’i raṅ bźin ni de bźin gśegs pa’i raṅ bźin gyis stoṅ pa’i (3) phyir ro ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni rgyun du źugs pa’i ’bras bu la ṅes par ’byuṅ bar ’dod du zad do ||
rab ’byor de bźin du mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni (4) lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | lam gyi rnam pa śes pa ñid daṅ | rnam pa thams cad mkhyen pa ñid du ṅes par ’byuṅ bar ’dod du zad do ||
de ci’i phyir źe na | rab ’byor ’di (5) ltar rgyun du źugs pa’i ’bras bu’i raṅ bźin gaṅ yin pa de ni khams gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba daṅ | de bźin du lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | (6) dgra bcom pa ñid daṅ | raṅ byaṅ chub daṅ | lam gyi rnam pa śes pa ñid daṅ | rnam pa thams cad mkhyen pa ñid kyi raṅ bźin gaṅ yin pa de ni khams gsum nas ṅes par ’byuṅ bar mi ’gyur źiṅ | rnam pa thams ca da mkhyen pa ñid la gnas par mi ’gyur pa’i (7) phyir ro ||
de ci’i phyir źe na | rab ’byor ’di ltar rgyun du źugs pa’i ’bras bu ni | rgyun du źugs pa’i ’bras bus stoṅ pa daṅ | de bźin du lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | (183b1) lam gyi rnam pa śes pa ñid daṅ | rnam pa thams cad mkhyen pa ñid ni rnam pa thams cad mkhyen pa ñid kyis stoṅ pa’i phyir ro ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni miṅ las ṅes par ’byuṅ bar ’dod du zad do ||
(2) rab ’byor de bźin du mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni mtshan ma daṅ brda daṅ | tha sñad daṅ | gdags pa la ṅes par ’byuṅ bar ’dod du zad do ||
de ci’i phyir źe na | rab ’byor ’di ltar gdags pa’i raṅ bźin ni khams (3) gsum nas ṅes par ’byuṅ bar mi ’gyur źiṅ | rnam pa thams cad mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor ’di ltar gdags pa ni gdags pa’i raṅ bźin gyis stoṅ pa’i phyir ro ||
rab ’byor mtshan ñid med pa’i chos rnams (4) la ṅes par ’byuṅ bar ’dod pa gaṅ yin pa de ni skye ba med pa la ṅes par ’byuṅ bar ’dod du zad do ||
rab ’byor mtshan ñid med pa’i chos rnams la ṅes par ’byuṅ bar ’dod pa gaṅ yin pa de ni ’gag pa med pa daṅ | kun nas ñon moṅs pa med pa daṅ | rnam par byaṅ (5) ba med pa daṅ | mṅon par ’du byed pa med pa la ṅes par ’byuṅ bar ’dod du zad do ||
de ci’i phyir źe na | rab ’byor ’di ltar mṅon par ’du byed pa med pa’i raṅ bźin gaṅ yin pa de ni khams gsum nas ṅes par ’byuṅ bar mi ’gyur źiṅ | rnam pa thams cad (6) mkhyen pa ñid la gnas par mi ’gyur ba’i phyir ro ||
de ci’i phyir źe na | rab ’byor ’di ltar mṅon par ’du byed pa med pa ni | mṅon par ’du byed pa med pas stoṅ pa’i phyir ro ||
rab ’byor de ltar na theg pa chen po de ni khams gsum nas ṅes par ’byuṅ bar mi ’gyur źiṅ | (7) rnam pa thams cad mkhyen pa ñid la gnas par mi ’gyur te | theg pa de ni bskyod du med pa yin no || ||
śes rab kyi pha rol tu phyin pa khri brgyad stoṅ pa | bam po bcu bźi pa | rab ’byor gaṅ khyod ’di skad du theg pa de gaṅ du gnas par ’gyur (184a1) źes zer ba ni theg pa de gaṅ du yaṅ gnas par ’gyur ba med do ||
de ci’i phyir źe na | ’di ltar chos thams cad gnas pa med pa’i phyir ro ||
rab ’byor ’on kyaṅ theg pa de ni mi gnas pa’i tshul gyis gnas par ’gyur ro ||
rab ’byor ’di lta ste dper (2) na | de bźin ñid ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
rab ’byor ’di lta ste dper na | yaṅ dag pa’i mtha’ daṅ | bsam gyis mi khyab pa’i (3) dbyiṅs ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor de bźin ñid kyi raṅ bźin ni gnas pa ’am mi gnas pa ma yin źiṅ | (4) yaṅ dag pa’i mtha’i raṅ bźin daṅ | bsam gyis mi khyab pa’i dbyiṅs kyi raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar de bźin ñid kyi raṅ bźin ni de bźin ñid kyi raṅ bźin gyis stoṅ pa daṅ | de bźin du yaṅ dag (5) pa’i mtha’i raṅ bźin ni yaṅ dag pa’i mtha’i raṅ bźin gyis stoṅ pa daṅ | bsam gyis mi khyab pa’i dbyiṅs kyi raṅ bźin ni bsam gyis mi khyab pa’i dbyiṅs kyi raṅ bźin gyis stoṅ pa’i phyir ro ||
rab ’byor ’di lta ste dper na | nam mkha’i khams ni gnas (6) pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
rab ’byor ’di lta ste dper na | spoṅ ba’i dbyiṅs daṅ | ’dod chags daṅ bral ba’i dbyiṅs daṅ | ’gog (7) pa’i dbyiṅs ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor nam mkha’i khams kyi raṅ bźin ni gnas pa’am mi gnas pa (184b1) ma yin pa daṅ | spoṅ ba’i dbyiṅs kyi raṅ bźin daṅ | ’dod chags daṅ bral ba’i dbyiṅs kyi raṅ bźin daṅ | ’gog pa’i dbyiṅs kyi raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar nam mkha’i khams kyi raṅ bźin ni nam (2) mkha’i khams kyi raṅ bźin gyis stoṅ pa daṅ | spoṅ pa’i dbyiṅs kyi raṅ bźin ni spoṅ ba’i dbyiṅs kyi raṅ bźin gyis stoṅ pa daṅ | ’dod chags daṅ bral ba’i dbyiṅs kyi raṅ bźin ni ’dod chags daṅ bral ba’i dbyiṅs kyi raṅ bźin gyis stoṅ pa daṅ | ’gog pa’i (3) dbyiṅs kyi raṅ bźin ni ’gog pa’i dbyiṅs kyi raṅ bźin gyis stoṅ pa’i phyir ro ||
rab ’byor ’di lta ste dper na | gzugs kyi stoṅ pa ñid ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin (4) mi gnas pa yaṅ ma yin no ||
rab ’byor ’di lta ste dper na | tshor ba’i stoṅ pa ñid daṅ | ’du śes kyi stoṅ pa ñid daṅ | ’du byed rnams kyi stoṅ pa ñid daṅ | rnam par śes pa’i stoṅ pa ñid ni gnas pa yaṅ ma yin mi gnas pa yaṅ ma yin no ||
rab (5) ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor gzugs kyi raṅ bźin ni gnas pa’am mi gnas pa ma yin pa daṅ | rnam par śes pa’i raṅ bźin gyi bar du gnas pa’am mi gnas pa ma yin (6) pa’i phyir ro ||
de ci’i phyir źe na | ’di ltar gzugs ni gzugs kyis stoṅ pa daṅ | rnam par śes pa’i bar du rnam par śes pas stoṅ pa’i phyir ro ||
rab ’byor ’di lta ste dper na | mig gi stoṅ pa ñid ni gnas pa yaṅ ma yin mi gnas pa yaṅ ma yin no ||
yid (7) kyi stoṅ pa ñid kyi bar du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor mig gi raṅ bźin ni gnas pa’am mi gnas pa ma yin pa daṅ | (185a1) yid kyi raṅ bźin gyi bar du gnas pa’am mi gnas pa ma yin pa’i phyir ro ||
de ci’i phyir źe na | ’di ltar mig ni mig gis stoṅ pa daṅ | yid kyi bar du yid kyis stoṅ pa’i phyir ro ||
rab ’byor ’di lta ste dper na | gzugs kyi stoṅ pa ñid (2) ni gnas pa yaṅ ma yin mi gnas pa yaṅ ma yin no ||
chos kyi stoṅ pa ñid kyi bar du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor gzugs kyi raṅ (3) bźin ni gnas pa’am mi gnas pa ma yin pa daṅ | chos kyi raṅ bźin gyi bar du gnas pa’am mi gnas pa ma yin pa’i phyir ro ||
de ci’i phyir źe na | rab ’byor ’di ltar gzugs ni gzugs kyis stoṅ pa daṅ | chos rnams kyi bar ni chos rnams kyis stoṅ pa’i phyir ro ||
(4) rab ’byor ’di lta ste dper na | mig gi rnam par śes pa’i stoṅ pa ñid ni gnas pa yaṅ ma yin mi gnas pa yaṅ ma yin no ||
yid kyi rnam par śes pa’i stoṅ pa ñid kyi bar du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po (5) de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor mig gi rnam par śes pa’i raṅ bźin ni gnas pa’am mi gnas pa ma yin pa daṅ | yid kyi rnam par śes pa’i raṅ bźin gyi bar du gnas pa’am mi gnas pa ma yin pa’i phyir ro ||
(6) de ci’i phyir źe na | ’di ltar mig gi rnam par śes pa ni mig gi rnam par śes pas stoṅ pa daṅ | yid kyi rnam par śes pa’i bar du yid kyi rnam par śes pas stoṅ pa’i phyir ro ||
rab ’byor ’di lta ste dper na | mig gi ’dus te reg pa’i stoṅ pa ñid ni gnas pa yaṅ ma yin (7) mi gnas pa yaṅ ma yin no ||
yid kyi ’dus te reg pa’i stoṅ pa ñid kyi bar du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor mig gi (185b1) ’dus te reg pa’i raṅ bźin ni gnas pa’am mi gnas pa ma yin pa daṅ | yid kyi ’dus te reg pa’i raṅ bźin gyi bar du gnas pa’am mi gnas pa ma yin pa’i phyir ro ||
de ci’i phyir źe na | ’di ltar mig gi ’dus te reg pa ni mig gi ’dus te reg pas stoṅ pa daṅ | yid (2) kyi ’dus te reg pa’i bar du yid kyi ’dus te reg pas stoṅ pa’i phyir ro ||
rab ’byor ’di lta ste dper na | mig gi ’dus te reg pa’i rkyen gyis tshor ba’i stoṅ pa ñid ni gnas pa yaṅ ma yin mi gnas pa yaṅ ma yin no ||
yid kyi ’dus te reg pa’i rkyen gyis tshor ba’i (3) stoṅ pa ñid kyi bar du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
rab ’byor de ci’i phyir źe na | mig gi ’dus te reg pa’i rkyen gyis tshor ba’i raṅ bźin ni (4) gnas pa’am mi gnas pa ma yin pa daṅ | yid kyi ’dus te reg pa’i rkyen gyis tshor ba’i raṅ bźin gyi bar du gnas pa’am mi gnas pa ma yin pa’i phyir ro ||
de ci’i phyir źe na | ’di ltar mig gi ’dus te reg pa’i rkyen gyis tshor ba ni mig gi ’dus te reg pa’i (5) rkyen gyis tshor bas stoṅ pa daṅ | yid kyi ’dus te reg pa’i rkyen gyis tshor ba’i bar du yid kyi ’dus te reg pa’i rkyen gyis tshor bas stoṅ pa’i phyir ro ||
rab ’byor ’di lta ste dper na rmi lam ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen (6) po de yaṅ gnas pa yaṅ ma yin mi gnas pa yaṅ ma yin no ||
rab ’byor ’di lta ste dper na | sgyu ma daṅ | smig rgyu daṅ | brag ca daṅ | mig yor daṅ | de bźin gśegs pas sprul pa ni gnas pa yaṅ ma yin mi gnas pa yaṅ ma yin no ||
rab ’byor de bźin du theg (7) pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor rmi lam gyi raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar rmi lam gyi raṅ bźin ni rmi lam gyi raṅ bźin gyis stoṅ pa’i phyir ro ||
(186a1) sgyu ma daṅ | smig rgyu daṅ | brag ca daṅ | mig yor daṅ | de bźin gśegs pas sprul pa ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar sgyu ma’i raṅ bźin ni sgyu ma’i raṅ bźin gyis stoṅ pa daṅ | smig rgyu’i (2) raṅ bźin ni smig rgyu’i raṅ bźin gyis stoṅ pa daṅ | brag ca’i raṅ bźin ni brag ca’i raṅ bźin gyis stoṅ pa daṅ | mig yor gyi raṅ bźin ni mig yor gyi raṅ bźin gyis stoṅ pa daṅ | de bźin gśegs pas sprul pa’i raṅ bźin ni de bźin gśegs pas sprul pa’i raṅ (3) bźin gyis stoṅ pa’i phyir ro ||
rab ’byor ’di lta ste dper na | sbyin pa’i pha rol tu phyin pa ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
rab ’byor ’di lta ste (4) dper na | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ni gnas pa yaṅ ma yin mi gnas pa yaṅ ma yin no ||
rab ’byor (5) de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor sbyin pa’i pha rol tu phyin pa’i raṅ bźin ni gnas pa’am mi gnas pa ma yin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa (6) daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar sbyin pa’i pha rol tu phyin pa’i raṅ bźin ni | sbyin pa’i (7) pha rol tu phyin pa’i raṅ bźin gyis stoṅ pa daṅ | śes rab kyi pha rol tu phyin pa’i raṅ bźin gyi bar du śes rab kyi pha rol tu phyin pa’i raṅ bźin gyis stoṅ pa’i phyir ro ||
rab ’byor ’di lta ste dper na | naṅ stoṅ pa ñid ni gnas pa yaṅ ma yin mi gnas pa yaṅ ma yin no ||
(186b1) rab ’byor de bźin du theg pa chen po de yaṅ gnas pa yaṅ ma yin | mi gnas pa yaṅ ma yin no ||
rab ’byor ’di lta ste dper na | dṅos po med pa’i ṅo bo ñid stoṅ pa ñid kyi bar du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen (2) po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor naṅ stoṅ pa ñid kyi raṅ bźin ni gnas pa’am mi gnas pa ma yin pa daṅ | dṅos po med pa’i ṅo bo ñid stoṅ pa ñid kyi raṅ bźin gyi bar du gnas pa’am mi gnas pa ma yin (3) pa’i phyir ro ||
de ci’i phyir źe na | ’di ltar naṅ stoṅ pa ñid kyi raṅ bźin ni naṅ stoṅ pa ñid kyi raṅ bźin gyis stoṅ pa daṅ | dṅos po med pa’i ṅo bo ñid stoṅ pa ñid kyi raṅ bźin gyi bar du dṅos po med pa’i ṅo bo ñid stoṅ pa ñid kyi raṅ bźin gyis stoṅ pa’i phyir ro ||
rab (4) ’byor ’di lta ste dper na | dran pa ñe bar gźag pa rnams ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor dran pa ñe bar gźag pa’i raṅ (5) bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar dran pa ñe bar gźag pa’i raṅ bźin ni dran pa ñe bar gźag pa’i raṅ bźin gyis stoṅ pa’i phyir ro ||
rab ’byor ’di lta ste dper na | ’phags pa’i lam yan lag brgyad pa’i bar (6) du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor ’di ltar ’phags pa’i lam yan lag brgyad pa’i bar gyi raṅ bźin ni gnas pa’am mi (7) gnas pa ma yin pa’i phyir ro ||
de ci’i phyir źe na | ’di ltar lam ni lam gyis stoṅ pa’i phyir ro ||
rab ’byor ’di lta ste dper na | de bźin gśegs pa’i stobs bcu ni gnas pa yaṅ ma yin mi gnas pa yaṅ ma yin no ||
saṅs rgyas kyi chos ma ’dres pa (187a1) bcwa brgyad kyi bar du gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor de bźin gśegs pa’i stobs bcu’i raṅ bźin ni (2) gnas pa’am mi gnas pa ma yin pa daṅ | saṅs rgyas kyi chos ma ’dres pa bcwa brgyad kyi bar gyi raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar de bźin gśegs pa’i stobs bcu ni de bźin gśegs pa’i stobs rnams kyis stoṅ (3) pa daṅ | saṅs rgyas kyi chos ma ’dres pa bcwa brgyad kyi bar dag ni saṅs rgyas kyi chos ma ’dres pa rnams kyis stoṅ pa’i phyir ro ||
rab ’byor ’di lta ste dper na | dgra bcom pa zag pa zad pa ni gnas pa yaṅ ma yin mi gnas pa yaṅ ma yin no ||
raṅ saṅs rgyas ni (4) gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor dgra bcom pa’i raṅ bźin ni gnas pa’am mi gnas pa ma yin pa daṅ | raṅ saṅs rgyas (5) kyi raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar dgra bcom pa’i raṅ bźin ni dgra bcom pa’i raṅ bźin gyis stoṅ pa daṅ | raṅ saṅs rgyas kyi raṅ bźin ni raṅ saṅs rgyas kyi raṅ bźin gyis stoṅ pa’i phyir ro ||
rab ’byor ’di lta (6) ste dper na | byaṅ chub sems dpa’ sems dpa’ chen po ni gnas pa yaṅ ma yin mi gnas pa yaṅ ma yin no ||
de bźin gśegs pa dgra bcom pa yaṅ dag par rdzogs pa’i saṅs rgyas ni gnas pa yaṅ ma yin mi gnas pa yaṅ ma yin no ||
rab ’byor de bźin (7) du theg pa chen po de yaṅ gnas pa yaṅ ma yin mi gnas pa yaṅ ma yin no ||
de ci’i phyir źe na | rab ’byor byaṅ chub sems dpa’i raṅ bźin ni gnas pa’am mi gnas pa ma yin pa daṅ | de bźin gśegs pa’i raṅ bźin ni gnas pa’am mi gnas pa ma yin pa’i (187b1) phyir ro ||
de ci’i phyir źe na | ’di ltar byaṅ chub sems dpa’i raṅ bźin ni byaṅ chub sems dpa’i raṅ bźin gyis stoṅ pa daṅ | de bźin gśegs pa’i raṅ bźin ni de bźin gśegs pa’i raṅ bźin gyis stoṅ pa’i phyir ro ||
rab ’byor ’di lta ste dper na | (2) rgyun du źugs pa’i ’bras bu ni gnas pa yaṅ ma yin mi gnas pa yaṅ ma yin no ||
dgra bcom pa ñid kyi bar du gnas pa yaṅ ma yin mi gnas pa yaṅ ma yin no ||
raṅ byaṅ chub ni gnas pa yaṅ ma yin mi gnas pa yaṅ ma yin no ||
rab ’byor de bźin du theg (3) pa chen po de yaṅ gnas pa yaṅ ma yin | mi gnas pa yaṅ ma yin no ||
de ci’i phyir źe na | rab ’byor rgyun du źugs pa’i ’bras bu’i raṅ bźin ni gnas pa’am mi gnas pa ma yin pa daṅ | dgra bcom pa ñid kyi raṅ bźin gyi bar du gnas pa’am mi gnas pa ma yin (4) pa daṅ | raṅ byaṅ chub kyi raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar rgyun du źugs pa’i ’bras bu’i raṅ bźin gyis stoṅ pa daṅ | dgra bcom pa ñid kyi raṅ bźin gyi bar du dgra (5) bcom pa ñid kyi raṅ bźin gyis stoṅ pa daṅ | raṅ byaṅ chub kyi raṅ bźin ni raṅ byaṅ chub kyi raṅ bźin gyis stoṅ ba’i phyir ro ||
rab ’byor ’di lta ste dper na | lam gyi rnam pa śes pa ñid ni gnas pa yaṅ ma yin mi gnas pa yaṅ ma yin no ||
rnam pa thams cad mkhyen pa (6) ñid ni gnas pa yaṅ ma yin | mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin | mi gnas pa yaṅ ma yin no ||
de ci’i phyir źe na | rab ’byor lam gyi rnam pa śes pa ñid kyi raṅ bźin ni gnas pa’am mi gnas pa ma (7) yin pa daṅ | rnam pa thams cad mkhyen pa ñid kyi raṅ bźin ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar lam gyi rnam par śes pa ñid kyi raṅ bźin ni lam gyi rnam pa śes pa ñid kyi raṅ bźin gyis stoṅ pa daṅ | rnam pa thams cad mkhyen (188a1) pa ñid kyi raṅ bźin ni rnam pa thams cad mkhyen pa ñid kyi raṅ bźin gyis stoṅ pa’i phyir ro ||
rab ’byor ’di lta ste dper na | miṅ ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas (2) pa yaṅ ma yin no ||
rab ’byor ’di lta ste dper na | mtshan ma daṅ | brda daṅ | tha sñad daṅ | gdags pa ni gnas pa yaṅ ma yin | mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
(3) de ci’i phyir źe na | rab ’byor miṅ gi raṅ bźin mi gnas pa’am mi gnas pa ma yin pa daṅ | mtshan ma’i raṅ bźin daṅ | brda’i raṅ bźin daṅ | tha sñad kyi raṅ bźin daṅ | gdags pa’i raṅ bźin ni gnas pa’am mi gnas pa ma yin pa’i phyir ro ||
de ci’i phyir (4) źe na | ’di ltar miṅ gi raṅ bźin ni miṅ gi raṅ bźin gyis stoṅ pa daṅ | mtshan ma’i raṅ bźin ni mtshan ma’i raṅ bźin gyis stoṅ pa daṅ | brṅa’i raṅ bźin ni brṅa’i raṅ bźin gyis stoṅ pa daṅ | tha sñad kyi raṅ bźin ni tha sñad kyi raṅ bźin gyis stoṅ pa daṅ | gdags (5) pa’i raṅ bźin ni gdags pa’i raṅ bźin gyis stoṅ pa’i phyir ro ||
rab ’byor ’di lta ste dper na | skye ba med pa ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ ma yin mi gnas pa yaṅ ma yin no ||
(6) rab ’byor ’di lta ste dper na | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa daṅ | mṅon par ’du bya ba med pa ni gnas pa yaṅ ma yin mi gnas pa yaṅ ma yin no ||
rab ’byor de bźin du theg pa chen po de yaṅ gnas pa yaṅ (7) ma yin mi gnas pa yaṅ ma yin no ||
de ci’i phyir źe na | rab ’byor skye ba med pa’i raṅ bźin ni gnas pa’am mi gnas pa ma yin pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa daṅ | mṅon par ’du bya ba med pa’i raṅ bźin (188b1) ni gnas pa’am mi gnas pa ma yin pa’i phyir ro ||
de ci’i phyir źe na | ’di ltar skye ba med pa’i raṅ bźin ni skye ba med pa’i raṅ bźin gyis stoṅ pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa daṅ | mṅon par ’du (2) bya ba med pa’i raṅ bźin ni mṅon par ’du byed pa med pa’i raṅ bźin gyis stoṅ pa’i phyir ro ||
rab ’byor de ltar na theg pa de ni mi gnas par gnas pa’i tshul daṅ bskyod du med pa’i tshul gyis gaṅ du yaṅ gnas par ’gyur ba med do ||
rab ’byor khyod ’di skad du theg pa (3) des su źig ṅes par ’byuṅ bar ’gyur źes zer ba ni theg pa ṅes su yaṅ ṅes par ’byuṅ ba med do ||
de ci’i phyir źe na | rab ’byor ’di ltar theg pa gaṅ yin pa de daṅ | gaṅ ṅes par ’byuṅ bar ’gyur ba daṅ | gaṅ gis ṅes par ’byuṅ bar ’gyur ba daṅ | gaṅ nas (4) ṅes par ’byuṅ bar ’gyur ba’i chos de dag thams cad med ciṅ mi dmigs pa’i phyir ro ||
de ltar tshos thams cad med ciṅ mi dmigs pa’i chos gaṅ źig chos gaṅ gis ṅes par ’byuṅ bar ’gyur | de ci’i phyir źe na | rab ’byor ’di ltar bdag śin tu rnam par dag pa’i phyir (5) bdag mi dmigs pa daṅ | sems can daṅ | srog daṅ | gaṅ zag daṅ | byed pa po daṅ | tshor ba po daṅ | śes pa po daṅ | mthoṅ ba po mi dmigs | śin tu rnam par dag pa’i phyir de bźin ñid mi dmigs | yaṅ dag pa’i mtha’ mi dmigs | śin tu (6) rnam par dag pa’i phyir | bsam gyis mi khyab pa’i dbyiṅs mi dmigs śin tu rnam par dag pa’i phyir phuṅ po daṅ | khams daṅ | skye mched rnams mi dmigs | śin tu rnam par dag pa’i phyir | sbyin pa’i pha rol tu phyin pa mi dmigs | de bźin du śin tu rnam par (7) dag pa’i phyir | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa mi dmigs | śin tu rnam par dag pa’i phyir naṅ stoṅ pa ñid (189a1) mi dmigs | śin tu rnam par dag pa’i phyir | dṅos po med pa’i ṅo bo ñid stoṅ pa ñid kyi bar du mi dmigs | śin tu rnam par dag pa’i phyir | byaṅ chub kyi phyogs kyi chos sum cu rtsa bdun mi dmigs | śin tu rnam par dag pa’i phyir stobs bcu daṅ | (2) mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres ba bcwa brgyad mi dmigs | de bźin du śin tu rnam par dag pa’i phyir rgyun tu źugs pa mi dmigs | śin tu rnam par dag pa’i phyir lan cig phyir ’oṅ ba daṅ | phyir mi ’oṅ (3) ba daṅ | dgra bcom pa daṅ | raṅ saṅs rgyas daṅ | byaṅ chub sems dpa’ daṅ | de bźin gśegs pa dgra bcom pa yaṅ dag par rdzogs pa’i saṅs rgyas mi dmigs | de bźin du śin tu rnam par dag pa’i phyir | rgyun tu źugs pa’i ’bras bu daṅ | lan cig (4) phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | lam gyi rnam pa śes pa ñid daṅ | rnam pa thams cad mkhyen pa ñid mi dmigs | śin tu rnam par dag pa’i phyir | skye ba med pa mi dmigs | de bźin (5) du śin tu rnam par dag pa’i phyir | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa daṅ | mṅon par ’du byaṅ ba med pa mi dmigs | śin tu rnam par dag pa’i phyir | sṅon gyi mtha’ mi dmigs | de bźin du śin tu rnam par dag (6) ba’i phyir phyi ma’i mtha’ daṅ | da ltar byuṅ ba mi dmigs | de bźin du śin tu rnam par dag pa’i phyir | ’oṅ ba daṅ | ’gro ba daṅ | gnas pa daṅ | ’chi ’pho daṅ skye ba mi dmigs | de bźin du śin tu rnam par dag pa’i phyir ’grib pa daṅ | ’phel ba mi dmigs (7) pa’i phyir ro ||
gaṅ dmigs su med pas thams cad mi dmigs źe na | chos kyi dbyiṅs dmigs su med pas mi dmigs so ||
de ci’i phyir źe na | rab ’byor chos kyi dbyiṅs dmigs su med pas chos kyi dbyiṅs mi dmigs so ||
skye ba med pa daṅ | ’gag (189b1) pa med pa daṅ | kun nas ñon moṅs pa med pa daṅ | rnam par byaṅ ba med pa daṅ | mṅon par ’du byed pa med pa dmigs su med pas mṅon par ’du byed pa med pa mi dmigs so ||
de bźin ñid dmigs su med pas de bźin ñid mi dmigs so ||
yaṅ dag pa’i (2) mtha’ dmigs su med pas yaṅ dag pa’i mtha’ mi dmigs so ||
sbyin pa’i pha rol tu phyin pa dmigs su med pas sbyin pa’i pha rol tu phyin pa mi dmigs so ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa (3) daṅ | bsam gtan gyi pha rol tu phyin pa daṅ | śes rab kyi pha rol tu phyin pa dmigs su med pas | śes rab kyi pha rol tu phyin pa mi dmigs so ||
naṅ stoṅ pa ñid dmigs su med pas naṅ stoṅ pa ñid mi dmigs so ||
dṅos po med pa’i ṅo bo ñid stoṅ pa ñid kyi (4) bar du dmigs su med pas dṅos po med pa’i ṅo bo ñid stoṅ pa ñid mi dmigs so ||
dran pa ñe bar gźag pa rnams dmigs su med pas | dran pa ñe bar gźag pa rnams mi dmigs so ||
de bźin du yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po (5) daṅ | stobs daṅ | byaṅ chub kyi yan lag daṅ | lam dmigs su med pas | lam mi dmigs so ||
de bźin du stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad dmigs su (6) med pas | saṅs rgyas kyi chos rnams mi dmigs so ||
rgyun du źugs pa dmigs su med pas rgyun tu źugs pa mi dmigs so ||
lan cig phyir ’oṅ ba daṅ | phyir mi ’oṅ ba daṅ | dgra bcom pa dmigs su med pas dgra bcom pa mi dmigs so ||
raṅ (7) saṅs rgyas dmigs su med pas raṅ saṅs rgyas mi dmigs so ||
de bźin gśegs pa’i bar du dmigs su med pas | de bźin gśegs pa mi dmigs so ||
rgyun tu źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras (190a1) bu daṅ | dgra bcom pa ñid daṅ | raṅ saṅs rgyas ñid daṅ | saṅs rgyas ñid dmigs su med pas | saṅs rgyas ñid mi dmigs so ||
de bźin dus dmigs su med pas rab tu dga’ ba’i sa mi dmigs so ||
śin tu rnam par dag pa’i phyir (2) sa dmigs su med pas | dri ma med pa daṅ | ’od byed pa daṅ | ’od ’phro ba can daṅ | śin tu sbyaṅ dka’ ba daṅ | mṅon du gyur ba daṅ | riṅ du soṅ ba daṅ | mi g-yo ba daṅ | legs pa’i blo gros daṅ | chos kyi sprin gyis mi dmigs so ||
gźan yaṅs (3) dmigs su med pas | sa bcu mi dmigs te | bcu gaṅ źe na | sa daṅ po dkar po rnam par mthoṅ ba’i sa daṅ | rigs kyi sa daṅ | brgyad pa’i sa daṅ | mthoṅ ba’i sa daṅ | bsrabs pa’i sa daṅ | ’dod chags daṅ bral ba’i sa daṅ | byas pa rtogs pa can (4) gyi sa daṅ | raṅ saṅs rgyas kyi sa daṅ | byaṅ chub sems dpa’i sa daṅ | saṅs rgyas kyi sa ste | naṅ stoṅ pa ñid kyis sa daṅ po mi dmigs so ||
dṅos po med pa’i ṅo bo ñid stoṅ pa ñid kyi bar gyis sa daṅ po mi dmigs so ||
śin tu rnam par dag pa’i phyir naṅ (5) stoṅ pa daṅ ñid daṅ | dṅos po med pa’i ṅo bo ñid stoṅ pa ñid kyi bar gyis sa bcu’i bar du mi dmigs so ||
śin tu rnam par dag pa’i phyir | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyis sems can yoṅs su smin par byed pa mi dmigs so ||
(6) śin tu rnam par dag pa’i phyir | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyis saṅs rgyas kyi źiṅ yoṅs su dag pa mi dmigs so ||
śin tu rnam par dag pa’i phyir naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyis (7) mig lṅa mi dmigs so ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa ni chos thams cad mi dmigs pa’i tshul gyis theg pa chen pos rnam pa thams cad mkhyen pa ñid du ṅes par ’byuṅ bar ’gyur ro ||
śes rab (190b1) kyi pha rol tu phyin pa khri brgyad stoṅ pa las | theg pa chen po’i sa ṅes par ’byuṅ ba bstan pa’i le’u źes bya ste bcwa brgyad pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das theg pa chen (2) po theg pa chen po źes bgyi ba ’di ni lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur te | de’i slad du theg pa chen po źes bgyi’o ||
bcom ldan ’das theg pa de ni nam mkha’ daṅ mñam pa lags so ||
bcom ldan ’das ’di (3) lta ste dper bgyin nam mkha’ ni sems can dpag tu ma mchis graṅs ma mchis | tshad ma mchis pa rnams kyi go ’byed pa lags so ||
bcom ldan ’das de bźin du theg pa chen po de yaṅ sems can dpag tu ma mchis | graṅs ma mchis tshad ma mchis pa rnams kyi go (4) ’byed pa lags te | bcom ldan ’das de ltar na de ni byaṅ chub sems dpa’ sems dpa’ chen po’i theg pa chen po lags so ||
bcom ldan ’das theg pa chen po de la ni ’oṅ ba ’am | ’gro ba ’am | gnas pa mi dmigs | sṅon gyi mtha’ yaṅ mi dmigs | phyi ma’i (5) mtha’ yaṅ mi dmigs | dbus kyaṅ mi dmigs lags so ||
bcom ldan ’das ’di lta ste dper bgyi na | nam mkha’ la ni ’oṅ ba mi dmigs | ’gro ba mi dmigs | gnas pa mi dmigs lags so ||
bcom ldan ’das de bźin du theg pa chen po ’di la (6) yaṅ ’oṅ ba mi dmigs | ’gro ba mi dmigs | gnas pa mi dmigs lags so ||
bcom ldan ’das ’di lta ste dper bgyi na | dus gsum mñam pa ñid kyi slad du nam mkha’ la ni sṅon gyi mtha’ mi dmigs | phyi ma’i mtha’ mi dmigs | dbus mi dmigs (7) lags so ||
bcom ldan ’das de bźin du theg pa chen po de la yaṅ sṅon gyi mtha’ mi dmigs | phyi ma’i mtha’ mi dmigs | dbus mi dmigs lags pas | bcom ldan ’das ’di lta ste | theg pa chen po de ni dus gsum mñam pa ñid kyi theg pa lags te | (191a1) de’i slad du theg pa chen po theg pa chen po źes bgyi’o ||
bcom ldan ’das kyis bka’ stsal pa | rab ’byor de de bźin te | de de bźin no ||
’di lta ste | pha rol tu phyin pa drug ni byaṅ chub sems dpa’ sems dpa’ chen po’i theg pa chen po yin te | (2) sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ste | rab ’byor de ni byaṅ chub sems dpa’ (3) sems dpa’ chen po’i theg pa chen po źes bya’o ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | gzuṅs kyi sgo thams cad daṅ | tiṅ ṅe ’dzin gyi sgo thams cad de dpa’ bar ’gro ba’i tiṅ ṅe ’dzin daṅ | nam mkha’ (4) ltar chags pa med pas rnam par grol źiṅ gos pa med pa’i tiṅ ṅe ’dzin gyi bar dag ste | de ni byaṅ chub sems dpa’ sems dpa’ chen po’i theg pa chen po źes bya’o ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | (5) naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar dag ste | de ni byaṅ chub sems dpa’ sems dpa’ chen po’i theg pa chen po źes bya’o ||
rab ’byor gźan yaṅ byaṅ chub sems dpa’ sems dpa’ chen po’i theg pa chen po ni ’di lta ste | dran pa (6) ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | de bźin gśegs pa’i stobs bcu daṅ | mi (7) ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar dag ste | de ni byaṅ chub sems dpa’ sems dpa’ chen po’i theg pa chen po źes bya’o ||
rab ’byor gaṅ yaṅ khyod kyis ’di skad du theg pa chen po de ni (191b1) lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur źes smras pa la | lha daṅ | mi daṅ | lha ma yin du bcas pa’i ’jig rten gaṅ źe na | ’di lta ste | ’dod pa’i khams daṅ | gzugs kyi khams daṅ | (2) gzugs med pa’i khams so ||
rab ’byor de la gal te ’dod pa’i khams de bźin du gyur te | ma nor ba daṅ | gźan ma yin pa daṅ | phyin ci ma log pa daṅ | de kho na daṅ | yaṅ dag pa daṅ | bden pa daṅ | ji lta ba bźin daṅ | rtag pa daṅ | (3) brtan pa daṅ | ther zug daṅ | mi ’gyur ba’i chos can yin la | dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir | (4) ’dod pa’i khams ni brtags pa rnam par bsgrubs pa tshig gis bstan pa ste | de thams cad mi rtag mi brtan źiṅ | ther zug ma yin la ’gyur ba’i chos can te | dṅos po med ciṅ dṅos po yod pa ma yin pas de’i phyir | theg pa chen pos lha daṅ | mi daṅ | lha (5) ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te gzugs kyi khams de bźin du gyur te | ma nor ba daṅ | gźan ma yin pa daṅ | phyin ci ma log pa daṅ | de kho na daṅ | yaṅ dag pa daṅ | bden pa daṅ | (6) ji lta ba bźin daṅ | rtag pa daṅ | brtan pa daṅ | ther zug daṅ | mi ’gyur ba’i chos can yin la | dṅos po med pa ma yin na ni ||
theg pa chen po ’dis lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | (7) rab ’byor gaṅ gi phyir gzugs kyi khams ni brtags pa | rnam par bsgrubs pa tshig gis bstan pa ste | de thams cad mi rtag mi brtan źiṅ | ther zug ma yin la ’gyur ba’i chos can te | dṅos po med ciṅ dṅos po yod pa ma yin pas | de’i phyir theg pa chen pos lha (192a1) daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te gzugs med pa’i khams de bźin du gyur te | ma nor ba daṅ | gźan ma yin pa daṅ | phyin ci ma log pa daṅ | de kho (2) na daṅ | yaṅ dag pa daṅ | bden pa daṅ | ji lta ba bźin daṅ | rtag pa daṅ | brtan pa daṅ | ther zug daṅ | mi ’gyur ba’i chos can yin la | dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten (3) zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir gzugs med pa’i khams ni brtags pa rnam par bsgrubs pa tshig gis bstan pa ste | de thams cad mi rtag mi brtan źiṅ ther zug ma yin la | ’gyur ba’i chos can te | dṅos po med ciṅ (4) dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te gzugs de bźin du gyur te | ma nor ba daṅ | gźan ma yin pa daṅ | phyin ci (5) ma log pa daṅ | de kho na daṅ | yaṅ dag pa daṅ | bden pa daṅ | ji lta ba bźin daṅ | rtag pa daṅ | brtan pa daṅ | ther zug daṅ | mi ’gyur ba’i chos can yin la | de dṅos po med pa ma yin na ni theg pa chen po ’dis lha daṅ | mi daṅ | lha ma yin du (6) bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir gzugs ni brtags pa | rnam par bsgrubs pa | tshig gis bstan pa ste | de thams cad mi rtag mi brtan źiṅ ther zug ma yin la | ’gyur ba’i chos can te | (7) dṅos po med ciṅ dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor de bźin du gal te tshor ba daṅ | ’du śes daṅ | ’du byed rnams (192b1) daṅ | rnam par śes pa de bźin du gyur te | ma nor ba daṅ | gźan ma yin pa daṅ | phyin ci ma log pa daṅ | de kho na daṅ | yaṅ dag pa daṅ | bden pa daṅ | ji lta ba bźin daṅ | rtag pa daṅ | brtan pa daṅ | ther zug daṅ | mi ’gyur ba’i chos can (2) yin la | de dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir rnam par śes pa ni brtags pa | rnam pa bsgrubs pa | (3) tshig gis bstan pa ste | de thams cad mi rtag mi brtan źiṅ ther zug ma yin la | ’gyur ba’i chos can te | dṅos po med ciṅ dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes (4) par ’byuṅ bar ’gyur ro ||
rab ’byor de bźin du sbyar te | gal te mig daṅ | rna ba daṅ | sna daṅ | lce daṅ | lus daṅ | yid daṅ | gzugs daṅ | sgra daṅ | dri daṅ | ro daṅ | reg bya daṅ | chos rnams daṅ | mig gi rnam par śes pa daṅ | rna (5) ba daṅ | sna daṅ | lce daṅ | lus daṅ | yid kyi rnam par śes pa daṅ | mig gi ’dus te reg pa daṅ | rna ba daṅ | sna daṅ | lce daṅ | lus daṅ | yid kyi ’dus te reg pa daṅ | mig gi ’dus te reg pa las byuṅ ba’i tshor ba daṅ | rna ba daṅ | sna daṅ | (6) lce daṅ | lus daṅ yid kyi ’dus te reg pa las byuṅ ba’i tshor ba de bźin du gyur te | ma nor ba daṅ | gźan ma yin pa daṅ | phyin ci ma log pa daṅ | de kho na daṅ | yaṅ dag pa daṅ | bden pa daṅ | ji lta ba bźin daṅ | rtag pa daṅ | brtan pa daṅ | ther (7) zug daṅ | mi ’gyur ba’i chos can yin la | de dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir yid kyi ’dus te reg (193a1) pa las byuṅ ba’i tshor ba ni brtags pa | rnam par bsgrubs pa | tshig gis bstan pa ste | de thams cad mi rtag mi brtan źiṅ ther zug ma yin la ’gyur ba’i chos can te | dṅos po med ciṅ dṅos po yoṅ pa ma yin pas | de’i phyir theg pa chen pos lha daṅ (2) mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te sa’i khams daṅ | chu daṅ | me daṅ | rluṅ daṅ | nam mkha’ daṅ | rnam par śes pa’i khams daṅ | ma rig pa daṅ | ’du byed daṅ | rnam par (3) śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi de bźin du gyur te | ma nor ba daṅ | gźan ma yin pa daṅ | phyin ci ma log pa daṅ | de kho na daṅ | yaṅ (4) dag pa daṅ | bden pa daṅ | ji lta ba bźin daṅ | rtag pa daṅ | brtan pa daṅ | ther zug daṅ | mi ’gyur ba’i chos can yin la | de dṅos po med pa ma yin na ni theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas (5) ṅes par ’byuṅ bar mi ’gyur ba źig na | rab ’byor gaṅ gi phyir rga śi ni brtags pa rnam par bsgrubs pa | tshig gis bstan pa ste | mi rtag mi brtan źiṅ ther zug ma yin la | ’gyur ba’i chos can te | dṅos po med ciṅ dṅos po yod pa ma yin pas | de’i phyir theg (6) pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te de bźin ñid dṅos po yin te | dṅos po med pa ma yin na ni | theg pa chen po ’dis lha daṅ mi daṅ lha ma yin du bcas pa’i (7) ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir de bźin ñid dṅos po med ciṅ dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis mnan (193b1) nas ṅes par ’byuṅ bar ’gyur ro ||
rab ’byor gal te ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | ya ṅa dag pa’i mtha’ daṅ | bsam (2) gyis mi khyab pa’i dṅos po yin te | dṅos po med pa ma yin na ni | theg pa chen po ’dis lha daṅ | mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir ma nor ba de bźin ñid daṅ | (3) gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ daṅ | bsam gyis mi khyab pa’i dbyiṅs dṅos po med ciṅ | dṅos po yod pa ma yin pas de’i phyir theg (4) pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te sbyin pa’i pha rol tu phyin pa dṅos po yin te | dṅos po med pa ma yin na ni | theg pa chen po ’dis lha daṅ mi daṅ (5) lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir sbyin pa’i pha rol tu phyin pa dṅos po med ciṅ dṅos po yoṅ pa ma yin pas | de’i phyir theg pa chen pos lha daṅ | mi daṅ | lha ma yin du bcas (6) pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor de bźin du gal te tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi (7) pha rol tu phyin pa dṅos po yin te | dṅos po med pa ma yin na ni theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir śes rab kyi pha rol tu phyin pa dṅos po med ciṅ | (194a1) dṅos po yod pa ma yin pas | de’i phyir theg pa chen pos lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te naṅ stoṅ pa ñid dṅos po yin te | dṅos po med pa ma yin na ni | theg (2) pa chen po ’dis lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir naṅ stoṅ ba ñid dṅos po med ciṅ dṅos po yod pa ma yin pas | de’i phyir theg pa chen pos lha daṅ mi daṅ lha ma yin du (3) bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor de bźin du gal te dṅos po med pa’i ṅo bo ñid stoṅ pa ñid kyi bar du dṅos po yin te | dṅos po med pa ma yin na ni theg pa chen po ’dis lha daṅ mi daṅ lha ma yin du bcas pa’i ’jig rten (4) zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir dṅos po med pa’i ṅo bo ñid stoṅ pa ñid kyi bar du dṅos po med ciṅ dṅos po yod pa ma yin pas | de’i phyir theg pa chen pos lha daṅ mi daṅ | lha ma yin du bcas pa’i ’jig rten zil gyis mnan (5) nas ṅes par ’byuṅ bar ’gyur ro ||
rab ’byor gal te dran pa ñe bar gźag pa bźi dṅos po yin te | dṅos po med pa ma yin na ni | thig pa chen po ’dis lha daṅ mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab (6) ’byor gaṅ gi phyir dran pa ñe bar gźag pa bźi dṅos po med ciṅ dṅos po yod pa ma yin pas | de’i phyir theg pa chen po ’dis lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te yaṅ dag par spoṅ ba bźi daṅ | (7) rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa dṅos po yin te | dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i (194b1) ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir lam dṅos po med ciṅ dṅos po yod pa ma yin pas | de’i phyir theg pa chen pos lha daṅ mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur (2) ro ||
rab ’byor gal te tshad med pa rnams daṅ | bsam gtan rnams daṅ | gzugs med pa’i sñoms par ’jug pa rnams dṅos po yin te | dṅos po med pa ma yin na ni theg pa chen po ’dis lha daṅ mi daṅ | lha ma yin du bcas pa’i ’jig rten zil gyis mnan (3) nas ṅes par ’byuṅ bar mi ’gyur ba źig na | rab ’byor gaṅ gi phyir tshad med pa rnams daṅ | bsam gtan rnams daṅ | gzugs med pa’i sñoms par ’jug pa rnams dṅos po med ciṅ dṅos po yod pa ma yin pas | de’i phyir theg pa chen pos lha daṅ mi daṅ | (4) lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad dṅos po yin te | dṅos (5) po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir saṅs rgyas kyi chos ma ’dres pa bcwa brgyad dṅos po med ciṅ dṅos po yod pa ma (6) yin pas | de’i phyir theg pa chen pos lha daṅ mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te rigs kyi sa’i chos rnams dṅos po yin te | dṅos po med pa ma yin na ni | theg pa chen po ’dis (7) lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir rigs kyi sa’i chos rnams dṅos po med ciṅ dṅos po yod pa ma yin pas | de’i phyir theg pa chen pos lha daṅ | mi daṅ | lha ma (195a1) yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te brgyad pa’i sa’i chos rnams dṅos po yin te | dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i (2) ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir brgyad pa’i chos rnams dṅos po med ciṅ | dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis (3) mnan nas ṅes par ’byuṅ bar ’gyur ro ||
de bźin du rgyun du źugs pa’i chos rnams daṅ | lan cig phyir ’oṅ ba’i chos rnams daṅ | phyir mi ’oṅ ba’i chos rnams daṅ | dgra bcom pa’i chos rnams daṅ | raṅ saṅs rgyas kyi chos rnams daṅ | byaṅ chub sems dpa’i (4) chos rnams daṅ | rab ’byor gal te saṅs rgyas kyi chos rnams dṅos po yin te | dṅos po med pa ma yin na ni theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ (5) gi phyir saṅs rgyas kyi chos rnams dṅos po med ciṅ | dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te rigs kyis dṅos po yin te | (6) dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir rigs kyis dṅos po med ciṅ | dṅos po yod pa ma yin pas de’i phyir theg pa (7) chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te brgyad pa’i sa daṅ | rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs (195b1) rgyas daṅ | byaṅ chub sems dpa’ daṅ | rab ’byor gal te saṅs rgyas dṅos po yin te | dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab (2) ’byor gaṅ gi phyir saṅs rgyas dṅos po med ciṅ | dṅos po yod pa ma yin pas de’i phyir theg pa chen pos lha daṅ | mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te lha daṅ | mi daṅ | lha ma yin du (3) bcas pa’i ’jig rten dṅos po yin te | dṅos po med pa ma yin na ni | theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir lha daṅ | mi daṅ | lha ma (4) yin du bcas pa’i ’jig rten dṅos po med ciṅ dṅos po yod pa ma yin pas | de’i phyir theg pa chen po ’dis lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te sems daṅ po bskyed (5) pa nas ñe bar bzuṅ ste | byaṅ chub kyi sñiṅ po la thug gi bar du bar der byaṅ chub sems dpa’ sems dpa’ chen po’i sems bskyed pa gaṅ yin pa de dag dṅos po yin te | dṅos po med pa ma yin na ni | theg pa chen po ’dis lha daṅ | mi daṅ lha ma yin du bcas pa’i (6) ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir sems daṅ po bskyed pa nas ñe bar bzuṅ ste | byaṅ chub kyi sñiṅ po la thug gi par du bar der byaṅ chub sems dpa’ sems dpa’ chen po’i sems bskyed pa gaṅ yin pa de dag dṅos (7) po med ciṅ | dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te byaṅ chub sems dpa’ sems dpa’ chen po’i rdo rje lta bu’i ye śes (196a1) dṅos po yin te | dṅos po med pa ma yin na ni | theg pa chen po ’dis lha daṅ mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir byaṅ chub sems dpa’ sems dpa’ chen (2) po’i rdo rje lta bu’i ye śes dṅos po med ciṅ | dṅos po yod pa ma yin pas | de’i phyir theg pa chen pos lha daṅ | mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te byaṅ chub sems dpa’ sems dpa’ (3) chen po’i rdo rje lta bu’i ye śes dṅos po yin te | dṅos po med pa ma yin na ni | theg pa chen po ’dis byaṅ chub sems dpa’ sems dpa’ chen pos bag chags daṅ | mtshams sbyor ba daṅ | ñon moṅs pa thams cad dṅos po med par rtogs nas | rnam pa thams cad mkhyen (4) pa ñid gyi ye śes rnam pa thams cad kyi mchog daṅ ldan pa thob nas lha daṅ mi daṅ | lha ma yin du bcas pa’i ’jig rten zil gyis mnan te | ṅes par ’byuṅ bar mi ’gyur ba źig na | rab ’byor gaṅ gi phyir byaṅ chub sems dpa’ sems dpa’ chen po’i rdo rje lta bu’i ye śes (5) dṅos po med ciṅ | dṅos po yod pa ma yin pas | de’i phyir byaṅ chub sems dpa’ sems dpa’ chen pos bag chags daṅ | mtshams sbyor ba daṅ | ñon moṅs pa thams cad dṅos po med par rtogs nas rnam pa thams cad mkhyen pa ñid kyi ye śes rnam pa thams cad kyi (6) mchog daṅ ldan pa thob ste | lha daṅ mi daṅ | lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||
rab ’byor gal te de bźin gśegs pa dgra bcom pa yaṅ dag par rdzogs pa’i saṅs rgyas kyi skyes bu chen po’i mtshan sum cu rtsa (7) gñis dṅos po yin te | dṅos po med pa ma yin na ni | de bźin gśegs pa dgra bcom pa yaṅ dag par rdzogs pa’i saṅs rgyas kyi ’od daṅ | sku mdog daṅ | gzi brjid daṅ | dpal gyis lha daṅ | mi daṅ | lha ma yin du bcas pa’i ’jig rten zil gyis mnan te | (196b1) mdzes śiṅ lha ma me | lha na ne lhaṅ ṅer mi ’gyur ba źig na | rab ’byor gaṅ gi phyir de bźin gśegs pa dgra bcom pa yaṅ dag par rdzogs pa’i saṅs rgyas kyi skyes bu chen po’i mtshan sum cu rtsa gñis dṅos po med ciṅ | dṅos po yod pa ma yin pas | de’i phyir de bźin (2) gśegs pa dgra bcom pa yaṅ dag par rdzogs pa’i saṅs rgyas kyi ’od daṅ | sku mdog daṅ | gzi brjid daṅ | dpal gyis lha daṅ | mi daṅ | lha ma yin du bcas pa’i ’jig rten zil gyis mnan te | mdzes śiṅ lham me | lhan ne | lhaṅ ṅe’o ||
rab ’byor (3) gal te de bźin gśegs pa dgra bcom pa yaṅ dag par rdzogs pa’i saṅs rgyas kyi ’od dṅos po yin te | dṅos po med pa ma yin na ni | de bźin gśegs pa dgra bcom pa yaṅ dag par rdzogs pa’i saṅs rgyas kyi ’od kyis ’jig rten gyi khams gaṅ g’i kluṅ gi bye ma (4) sñed dag snaṅ bas khyab par mi ’gyur ba źig na | rab ’byor gaṅ gi phyir de bźin gśegs pa dgra bcom pa yaṅ dag par rdzogs pa’i saṅs rgyas kyi ’od dṅos po med ciṅ dṅos po yod pa ma yin pas | de’i phyir de bźin gśegs pa dgra bcom pa yaṅ dag par rdzogs (5) pa’i saṅs rgyas kyi ’od kyis ’jig rten gyi khams gaṅ g’i kluṅ gi bye ma sñed dag snaṅ bas khyab par ’gyur ro ||
rab ’byor gal te de bźin gśegs pa dgra bcom pa yaṅ dag par rdzogs pa’i saṅs rgyas kyi dbyaṅs kyi yan lag drug cu daṅ ldan pa dṅos po yin te | (6) dṅos po med pa ma yin na ni | de bźin gśegs pa dgra bcom pa yaṅ dag par rdzogs pa’i saṅs rgyas kyi dbyaṅs kyis phyogs bcu’i ’jig rten gyi khams dpag tu med graṅs med pa dag tu go bar mi ’gyur ba źig na | rab ’byor gaṅ gi phyir de bźin gśegs pa dgra (7) bcom pa yaṅ dag par rdzogs pa’i saṅs rgyas kyi dbyaṅs kyi yan lag drug cu daṅ ldan pa dṅos po med ciṅ | dṅos po yod pa ma yin pas | de’i phyir de bźin gśegs pa dgra bcom pa yaṅ dag par rdzogs pa’i saṅs rgyas kyi dbyaṅs kyis phyogs bcu’i ’jig rten (197a1) gyi khams graṅs med dpag tu med pa dag tu go bar ’gyur ro ||
rab ’byor gal te de bźin gśegs pa dgra bcom pa yaṅ dag par rdzogs pa’i saṅs rgyas kyi chos kyi ’khor lo dṅos po yin te | dṅos po med pa ma yin na ni | de bźin gśegs (2) pa dgra bcom pa yaṅ dag par rdzogs pa’i saṅs rgyas kyis dge sbyoṅ ṅam | bram ze’am | lha ’am | bdud dam | tshaṅs pa ’am | sus kyaṅ ’jig rten du chos daṅ ’thun par bskor bar mi nus pa’i chos kyi ’khor lo bskor bar mi ’gyur ba źig na | rab ’byor gaṅ (3) gi phyir de bźin gśegs pa dgra bcom pa yaṅ dag par rdzogs pa’i saṅs rgyas kyi chos kyi ’khor lo dṅos po med ciṅ | dṅos po yod pa ma yin pas de’i phyir de bźin gśegs pa dgra bcom pa yaṅ dag par rdzogs pa’i saṅs rgyas kyis dge sbyoṅ ṅam | bram ze’am | lha’am | (4) bdud dam | tshaṅs pa’am | sus kyaṅ ’jig rten du chos daṅ ’thun par bskor bar mi nus pa’i chos kyi ’khor lo bskor ro ||
rab ’byor gal te sems can rnams dṅos po yin te | dṅos po med pa ma yin na ni | gaṅ dag gi ched du de bźin gśegs pa dgra bcom pa (5) yaṅ dag par rdzogs pa’i saṅs rgyas kyis chos kyi ’khor lo bskor ba’i sems can de dag phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’da’ bar mi ’gyur ba źig na | rab ’byor gaṅ gi phyir sems can rnams dṅos po med ciṅ | dṅos po (6) yod pa ma yin pas | de’i phyir gaṅ dag gi ched du de bźin gśegs pas chos kyi ’khor lo bskor ba’i sems can de dag phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’da’o ||
yoṅs su mya ṅan las ’das so ||
yoṅs su mya ṅan las (7) ’da’ bar ’gyur ro || ||
śes rab kyi pha rol tu phyin pa khri brgyad stoṅ pa | bam po bcwa lṅa pa | rab ’byor gaṅ yaṅ khyod kyis ’di skad du theg pa chen po de ni nam mkha’ daṅ mñam pa lags so źes smras pa ni | rab ’byor de de bźin no ||
de de bźin (197b1) te | rab ’byor theg pa de ni nam mkha’ daṅ mñam pa yin no ||
rab ’byor ’di lta ste dper na | nam mkha’ la ni śar phyogs mṅon pa med do ||
lho daṅ | nub daṅ | byaṅ daṅ | ’og daṅ | steṅ daṅ | phyogs mtshams mṅon par med do ||
rab ’byor de bźin (2) du theg pa chen po de la yaṅ śar phyogs mṅon par med do ||
lho daṅ | nub daṅ | byaṅ daṅ | ’og daṅ | steṅ daṅ | phyogs mtshams mṅon pa med de | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni (3) riṅ po ma yin | thuṅ du ma yin | lham pa ma yin | zlum po ma yin | mñam pa ma yin | mi mñam pa ma yin no ||
rab ’byor de bźin du theg pa chen po de yaṅ riṅ po ma yin | thuṅ ṅu ma yin | lham pa ma yin | zlum po ma yin | zlum po ma yin | mñam pa ma yin | mi (4) mñam pa ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni sṅon po ma yin | ser po ma yin | dmar po ma yin | dkar po ma yin | btsod ka ma yin | śel daṅ dṅul gyi kha dog lta bu (5) yin no ||
rab ’byor de bźin du theg pa chen po de yaṅ sṅon po ma yin | ser po ma yin | dmar po ma yin | dkar po ma yin | btsod ka ma yin | śel daṅ | dṅul gyi kha dog lta bu ma yin te | de’i phyir theg pa de ni nam mkha’ daṅ mñam pa (6) źes bya’o ||
rab ’byor ’di lta ste dper na | nam mkha’ ni ’das pa ma yin | ma ’oṅs pa ma yin | da ltar byuṅ ba ma yin no ||
rab ’byor de bźin du theg pa chen po de yaṅ ’das pa ma yin | ma ’oṅs pa ma yin | da ltar byuṅ ba ma yin te | de’i phyir theg pa (7) de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ la ni ’grib pa med | ’phel ba med | ’bri ba med do ||
rab ’byor de bźin du theg pa chen po de la yaṅ ’grib pa med | ’phel pa med | ’bri ba med do ||
de’i phyir theg pa (198a1) de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ la ni kun nas ñon moṅs pa med | rnam par byaṅ ba med do ||
rab ’byor de bźin du theg pa chen po de la yaṅ kun nas ñon moṅs pa med rnam par byaṅ ba med de | de’i (2) phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ la ni skye ba med | ’gag pa med | gnas pa med | gnas pa daṅ bral ba med | gnas pa las gźan du ’gyur ba med do ||
rab ’byor de bźin du theg pa chen (3) po de la yaṅ skye ba med | ’gag pa med | gnas pa med | gnas pa daṅ bral ba med | gnas pa las gźan du ’gyur ba med de | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni dge ba ma yin | mi dge (4) ba ma yin | luṅ bstan du yod pa ma yin | luṅ du ma bstan pa ma yin no ||
rab ’byor de bźin du theg pa chen po de yaṅ dge ba ma yin | mi dge ba ma yin | luṅ bstan du yod pa ma yin | luṅ du ma bstan pa ma yin te | de’i phyir theg pa de ni nam mkha’ daṅ mñam pa (5) źes bya’o ||
rab ’byor ’di lta ste dper na | nam mkha’ ni mthoṅ ba ma yin | thos pa ma yin | dran pa ma yin | rnam par śes pa ma yin no ||
rab ’byor de bźin du theg pa chen po de yaṅ mthoṅ ba ma yin | thos pa ma yin | dran pa ma yin | rnam par śes pa (6) ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni śes par bya ba ma yin | śes par mi bya ba yaṅ ma yin | yoṅs su śes par bya ba ma yin | smad par bya ba ma yin | mṅon sum du bya ba ma yin | (7) bsgom par bya ba ma yin no ||
rab ’byor de bźin du theg pa chen po de yaṅ śes par bya ba ma yin | śes par mi bya ba ma yin | yoṅs su śes par bya ba ma yin | spaṅ bar bya ba ma yin | mṅon sum du bya ba ma yin | bsgom par bya ba ma yin te | de’i phyir theg (198b1) pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni rnam par smin pa ma yin | rnam par smin pa’i chos can ma yin no ||
rab ’byor de bźin du theg pa chen po de yaṅ rnam par smin pa ma yin | rnam par smin pa’i chos can ma (2) yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni ’dod pa’i khams su gtogs pa ma yin | gzugs kyi khams su gtogs pa ma yin | gzugs med pa’i khams su gtogs pa ma yin no ||
(3) rab ’byor de bźin du theg pa chen po de yaṅ ’dod pa’i khams su gtogs pa ma yin | gzugs kyi khams su gtogs pa ma yin | gzugs med pa’i khams su gtogs pa ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste (4) dper na | nam mkha’ ni ’dod chags daṅ bcas pa ma yin | ’dod chags daṅ bral ba ma yin | źe sdaṅ daṅ bcas pa ma yin | źe sdaṅ daṅ bral ba ma yin | gti mug daṅ bcas pa ma yin | gti mug daṅ bral ba ma yin no ||
rab ’byor de bźin du theg pa (5) chen po de yaṅ ’dod chags daṅ bcas pa ma yin | ’dod chags daṅ bral ba ma yin | źe sdaṅ daṅ bcas pa ma yin | źe sdaṅ daṅ bral ba ma yin | gti mug daṅ bcas pa ma yin | gti mug daṅ bral ba ma yin te | de’i phyir theg pa de ni nam mkha’ daṅ (6) mñam pa źes bya’o ||
rab ’byor ’di lta ste dper na | nam mkha’ la ni sems daṅ po bskyed pa med | gñis pa med | gsum pa med | bźi pa med | lṅa pa med | drug pa med | bdun pa med | brgyad pa med | dgu pa med ciṅ | sems bskyed (7) pa bcu pa med do ||
rab ’byor de bźin du theg pa chen po de la yaṅ sems daṅ po bskyed pa med | gñis pa med | gsum pa med | bźi pa med | lṅa pa med | drug pa med | bdun pa med | brgyad pa med | dgu ba med ciṅ sems bskyed pa bcu pa med de | (199a1) de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ la ni dkar po rnam par mthoṅ ba’i sa med | rigs kyi sa med | brgyad pa’i sa med | mthoṅ ba’i sa med | bsrabs pa’i sa med | ’dod (2) chags daṅ bral ba’i sa med | byas pa rtogs pa can gyis med do ||
rab ’byor de bźin du theg pa chen po de la yaṅ dkar po rnam par mthoṅ ba’i sa med | rigs kyi sa med | brgyad pa’i sa med | mthoṅ ba’i sa med | bsrabs pa’i sa med | ’dod chags daṅ (3) bral ba’i sa med | byas pa rtogs pa can gyi sa med de | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ la ni rgyun du źugs pa’i ’bras bu med | lan cig phyir ’oṅ ba’i ’bras bu med | phyir mi ’oṅ ba’i (4) ’bras bu med | dgra bcom pa ñid med | raṅ byaṅ chub med do ||
rab ’byor de bźin du theg pa chen po de la yaṅ rgyun du źugs pa’i ’bras bu med | lan cig phyir ’oṅ ba’i ’bras bu med | phyir mi ’oṅ ba’i ’bras bu med | dgra bcom pa ñid med | raṅ byaṅ chub (5) med de | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ la ni ñan thos kyi sa med | raṅ saṅs rgyas kyi sa med | byaṅ chub sems dpa’i sa med | yaṅ dag par rdzogs pa’i saṅs rgyas kyi sa med do ||
rab (6) ’byor de bźin du theg pa chen po de la yaṅ ñan thos kyis med | raṅ saṅs rgyas kyi sa med | byaṅ chub sems dpa’i sa med | yaṅ dag par rdzogs pa’i saṅs rgyas kyis med de | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | (7) nam mkha’ ni gzugs can ma yin | gzugs med pa ma yin | bstan du yod pa ma yin | bstan du med pa ma yin | thogs pa daṅ bcas pa ma yin | thogs pa med pa ma yin | ldan pa ma yin | mi ldan pa ma yin no ||
rab ’byor de bźin du theg pa chen po (199b1) de yaṅ gzugs can ma yin | gzugs med pa ma yin | bstan du yod pa ma yin | bstan du med pa ma yin | thogs pa daṅ bcas pa ma yin | thogs pa med pa ma yin | ldan pa ma yin | mi ldan pa ma yin te | de’i phyir theg pa de ni nam mkha’ daṅ mñam pa źes (2) bya’o ||
rab ’byor ’di lta ste dper na | nam mkha’ ni rtag pa ma yin | mi rtag pa ma yin | bde ba ma yin | sdug bsṅal ba ma yin | bdag ma yin | bdag med pa ma yin | źi ba ma yin | ma źi ba ma yin no ||
rab ’byor de bźin du theg pa chen po de yaṅ rtag (3) pa ma yin | mi rtag pa ma yin | bde ba ma yin | sdug bsṅal ba ma yin | bdag ma yin | bdag med pa ma yin | źi ba ma yin | ma źi ba ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ (4) ni stoṅ pa ma yin | mi stoṅ pa ma yin | mtshan ma yod pa ma yin | mtshan ma med pa ma yin | smon pa yod pa ma yin | smon pa med pa ma yin no ||
rab ’byor de bźin du theg pa chen po de yaṅ stoṅ pa ma yin | mi stoṅ pa ma yin | mtshan ma yod pa ma yin | mtshan (5) ma med pa ma yin | smon pa yod pa ma yin | smon pa med pa ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni dben pa ma yin | mi dben pa ma yin | snaṅ ba ma yin | mun pa ma yin no ||
(6) rab ’byor de bźin du theg pa chen po de yaṅ dben pa ma yin | mi dben pa ma yin | snaṅ ba ma yin | mun pa ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni ’thob pa ma yin | dmigs su yod (7) pa ma yin no ||
rab ’byor de bźin du theg pa chen po de yaṅ ’thob pa ma yin | dmigs su yod pa ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor ’di lta ste dper na | nam mkha’ ni brjod du yod pa ma yin | brjod du med pa ma (200a1) yin no ||
rab ’byor de bźin du theg pa chen po de yaṅ brjod du yod pa ma yin | brjod du med pa ma yin te | de’i phyir theg pa de ni nam mkha’ daṅ mñam pa źes bya’o ||
rab ’byor gaṅ yaṅ khyod kyis ’di skad du bcom ldan ’das ’di lta ste dper bgyi (2) na | nam mkha’ ni sems can dpag tu ma mchis | graṅs ma mchis | tshad ma mchis pa rnams kyi go ’byed lags so ||
bcom ldan ’das de bźin du theg pa chen po de yaṅ sems can dpag tu ma mchis | graṅs ma mchis | tshad ma mchis pa rnams kyi go (3) ’byed lags te | de’i slad du theg pa chen po źes bgyi’o źes smras pa ni | rab ’byor de de bźin te | de de bźin no ||
rab ’byor ji ltar nam mkha’ sems can dpag tu med | graṅs med | tshad med pa rnams kyi go ’byed pa de bźin du theg pa chen po de yaṅ sems (4) can dpag tu med | graṅs med | tshad med pa rnams kyi go ’byed do ||
de ci’i phyir źe na | rab ’byor sems can med pa’i phyir | nam mkha’ med par rig par bya źiṅ | nam mkha’ med pa’i phyir | theg pa chen po med par rig par bya ba’i phyir te | rab (5) ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar sems can gaṅ yin pa daṅ | dpag tu med pa gaṅ yin pa daṅ | nam mkha’ gaṅ yin pa daṅ | theg (6) pa chen po gaṅ yin pa de dag thams cad dmigs su med pa’i phyir ro ||
rab ’byor gźan yaṅ sems can dpag tu med pa’i phyir | nam mkha’ dpag tu med par rig par bya’o ||
nam mkha’ dpag tu med pa’i phyir | theg pa chen po dpag tu med par rig par bya ste | rab (7) ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar sems can rnams gaṅ yin pa daṅ | dpag tu med pa gaṅ yin pa daṅ | nam mkha’ gaṅ yin pa daṅ | theg pa chen (200b1) po gaṅ yin pa de dag thams cad dmigs su med pa’i phyir ro ||
rab ’byor gźan yaṅ sems can graṅs med pa’i phyir nam mkha’ graṅs med par rig par bya’o ||
nam mkha’ graṅs med pa’i phyir theg pa chen po graṅs med par rig par bya ste | rab ’byor de ltar na theg pa chen (2) po de ni sems can dpag tu sems | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar sems can rnams gaṅ yin pa daṅ | graṅs med pa gaṅ yin pa daṅ | nam mkha’ gaṅ yin pa daṅ | theg pa chen po gaṅ yin pa de dag (3) thams cad dmigs su med pa’i phyir ro ||
rab ’byor gźan yaṅ sems can tshad med pa’i phyir nam mkha’ tshad med par rig par bya’o ||
nam mkha’ tshad med pa’i phyir theg pa chen po tshad med par rig par bya ste | rab ’byor de ltar na theg pa chen po de ni sems can dpag tu med | (4) graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar sems can rnams gaṅ yin pa daṅ | tshad med pa gaṅ yin pa daṅ | nam mkha’ gaṅ yin pa daṅ | theg pa chen po gaṅ yin pa de dag thams cad dmigs su med pa’i phyir ro ||
(5) rab ’byor gźan yaṅ sems can med pa’i phyir | chos kyi dbyiṅs med par rig par bya’o ||
chos kyi dbyiṅs med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu (6) med pa yod pa ma yin par rig par bya’o ||
dpag tu med pa yod pa ma yin pa’i phyir graṅs med pa yod pa ma yin par rig par bya’o ||
graṅs med pa yod pa ma yin pa’i phyir tshad med pa yod pa ma yin par rig par bya ste | rab ’byor de ltar na theg pa chen po de ni sems can (7) dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar sems can rnams gaṅ yin pa daṅ | chos kyi dbyiṅs gaṅ yin pa daṅ | nam mkha’ gaṅ yin pa daṅ | theg pa chen po gaṅ yin pa daṅ | dpag tu (201a1) med pa gaṅ yin pa daṅ | graṅs med pa gaṅ yin pa daṅ | tshad med pa gaṅ yin pa de dag thams cad dmigs su med pa’i phyir ro ||
rab ’byor gźan yaṅ sems can med pa’i phyir de bźin ñid med par rig par bya’o ||
de bźin ñid med pa’i phyir (2) nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa yod pa ma yin par rig par bya’o ||
dpag tu med pa yod pa ma yin pa’i phyir graṅs med pa yod pa ma yin par rig (3) par bya’o ||
graṅs med pa yod pa ma yin pa’i phyir tshad med pa yod pa ma yin par rig par bya’o ||
tshad med pa yod pa ma yin pa’i phyir chos thams cad med par rig par bya ste | rab ’byor de’i phyir theg pa chen po de ni sems can dpag tu med | graṅs med | (4) tshad med pa rnams kyi go ’byed pa yin no ||
de ci’i phyir źe na | rab ’byor ’di ltar sems can rnams gaṅ yin pa daṅ | de bźin ñid gaṅ yin pa daṅ | nam mkha’ gaṅ yin pa daṅ | theg pa chen po gaṅ yin pa daṅ | dpag tu med pa gaṅ yin pa daṅ | graṅs (5) med pa gaṅ yin pa daṅ | tshad med pa gaṅ yin pa daṅ | chos thams cad gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir sems can med par rig par bya’o ||
sems can med pa’i phyir srog daṅ | skye ba po daṅ (6) gso ba po daṅ | skyes bu daṅ | gaṅ zag daṅ | śed las skyes daṅ | śed bu daṅ | byed pa po daṅ | tshor ba po daṅ | śes pa po daṅ | mthoṅ ba po med par rig par bya’o ||
śes pa po daṅ | mthoṅ ba po med pa’i phyir yaṅ dag pa’i mtha’ med par (7) rig par bya’o ||
yaṅ dag pa’i mtha’ med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa daṅ | tshad med pa yod pa ma (201b1) yin par rig par bya’o ||
tshad med pa yod pa ma yin pa’i phyir chos thams cad med par rig par bya ste | rab ’byor de ltar na theg pa chen po de ni sems can dpag tu med graṅs med tshad med pa rnams kyi go ’byed pa yin no ||
de ci’i phyir źe na | rab ’byor ’di ltar bdag (2) gaṅ yin pa daṅ | śes pa po daṅ | mthoṅ ba po’i bar gaṅ yin pa daṅ | yaṅ dag pa’i mtha’ gaṅ yin pa daṅ | nam mkha’ gaṅ yin pa daṅ | theg pa chen po gaṅ yin pa daṅ | dpag tu med pa gaṅ yin pa daṅ | graṅs med pa gaṅ yin pa daṅ | tshad med pa (3) gaṅ yin pa daṅ | chos thams cad kyi bar gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir sems can med pa daṅ | śes pa po daṅ | mthoṅ ba po’i bar du med par rig par bya’o ||
śes pa po daṅ mthoṅ ba po med pa’i phyir bsam gyis mi (4) khyab pa’i dbyiṅs med par rig par bya’o ||
bsam gyis mi khyab pa’i dbyiṅs med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa daṅ | tshad med (5) pa yod pa ma yin par rig par bya’o ||
tshad med pa yod pa ma yin pa’i phyir chos thams cad med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab (6) ’byor ’di ltar bdag gaṅ yin pa daṅ | chos thams cad kyi bar gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir | sems can med pa daṅ | śes pa po daṅ | mthoṅ ba po’i bar du med par rig par bya’o ||
(7) śes pa po daṅ | mthoṅ ba med pa’i phyir gzugs med par rig par bya’o ||
gzugs med pa’i phyir tshor ba daṅ | ’du śes daṅ | ’du byed rnams daṅ | rnam par śes pa med par rig par bya’o ||
rnam par śes pa med pa’i phyir nam mkha’ med par rig par (202a1) bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa daṅ | tshad med pa yod pa ma yin par rig par bya’o ||
tshad med pa yod pa ma yin pa’i phyir | chos thams (2) cad med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar bdag gaṅ yin pa daṅ | chos thams cad kyi bar gaṅ yin pa de dag thams cad (3) dmigs su med pa’i phyir ro ||
rab ’byor gźan yaṅ bdag med pa’i phyir | sems can med pa daṅ | śes pa po daṅ | mthoṅ ba po’i bar du med par rig par bya’o ||
śes pa po daṅ | mthoṅ ba po med pa’i phyir mig med par rig par bya’o ||
mig med pa’i phyir | (4) rna ba daṅ | sna daṅ | lce daṅ | lus daṅ | yid med par rig par bya’o ||
yid med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa (5) daṅ | tshad med pa yod pa ma yin par rig par bya’o ||
tshad med pa yod pa ma yin pa’i phyir | chos thams cad med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe (6) na | rab ’byor ’di ltar bdag gaṅ yin pa daṅ | chos thams cad kyi bar gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir sems can med pa daṅ | śes pa po daṅ | mthoṅ ba po’i bar du med par rig par bya’o ||
(7) śes pa po daṅ | mthoṅ ba po med pa’i phyir | sbyin pa’i pha rol tu phyin pa med par rig par bya’o ||
sbyin pa’i pha rol tu phyin pa med pa’i phyir tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi (202b1) pha rol tu phyin pa daṅ | śes rab kyi pha rol tu phyin pa med par rig par bya’o ||
śes rab kyi pha rol tu phyin pa med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | (2) graṅs med pa daṅ | tshad med pa yod pa ma yin par rig par bya’o ||
tshad med pa yod pa ma yin pa’i phyir chos thams cad med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
(3) de ci’i phyir źe na | rab ’byor ’di ltar bdag gaṅ yin pa daṅ | chos thams cad kyi bar gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir sems can med pa daṅ | śes pa po daṅ | mthoṅ ba po’i bar du med par (4) rig par bya’o ||
śes pa po daṅ | mthoṅ ba po med pa’i phyir naṅ stoṅ pa ñid med par rig par bya’o ||
naṅ stoṅ pa ñid med pa’i phyir dṅos po med pa’i ṅo bo ñid stoṅ pa ñid kyi bar du med par rig par bya’o ||
dṅos po med pa’i ṅo bo ñid stoṅ pa ñid med pa’i phyir nam mkha’ (5) med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa daṅ | tshad med pa yod pa ma yin par rig par bya’o ||
tshad med pa yod pa ma yin pa’i phyir chos thams cad (6) med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar bdag gaṅ yin pa daṅ | chos thams cad kyi bar gaṅ yin pa de dag thams cad (7) dmigs su med pa’i phyir ro ||
rab ’byor gźan yaṅ bdag med pa’i phyir sems can med pa daṅ | śes pa po daṅ | mthoṅ ba po’i bar du med par rig par bya’o ||
śes pa po daṅ | mthoṅ ba po med pa’i phyir | dran pa ñe bar gźag pa med par rig par bya’o ||
(203a1) dran pa ñe bar gźag pa med pa’i phyir | yaṅ dag par spoṅ ba med par rig par bya’o ||
yaṅ dag par spoṅ ba med pa’i phyir | rdzu ’phrul gyi rkaṅ pa med par rig par bya’o ||
rdzu ’phrul gyi rkaṅ pa med pa’i phyir | dbaṅ po med par rig par bya’o ||
dbaṅ (2) po med pa’i phyir stobs med par rig par bya’o ||
stobs med pa’i phyir byaṅ chub kyi yan lag med par rig par bya’o ||
byaṅ chub kyi yan lag med pa’i phyir lam med par rig par bya’o ||
lam med pa’i phyir stobs bcu med par rig par bya’o ||
stobs bcu med pa’i phyir mi ’jigs (3) pa med par rig par bya’o ||
mi ’jigs pa med pa’i phyir so so yaṅ dag par rig pa med par rig par bya’o ||
so so yaṅ dag par rig pa med pa’i phyir saṅs rgyas kyi chos ma ’dres pa med par rig par bya’o ||
saṅs rgyas kyi chos ma ’dres pa med pa’i phyir | nam mkha’ med par (4) rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir | dpag tu med pa daṅ | graṅs med pa daṅ | tshad med pa yod pa ma yin par rig par bya’o ||
tshad med pa yod pa ma yin pa’i phyir | chos thams cad (5) med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’gyed pa yin no ||
de ci’i phyir źe na | rab ’byor ’di ltar bdag gaṅ yin pa daṅ | chos thams cad kyi bar gaṅ yin pa de dag thams (6) cad dmigs su med pa’i phyir ro ||
rab ’byor gźan yaṅ bdag med pa’i phyir | sems can med pa daṅ | śes pa po daṅ | mthoṅ ba po’i bar du med par rig par bya’o ||
śes pa po daṅ | mthoṅ ba po med pa’i phyir | rigs kyi sa’i chos rnams med par rig (7) par bya’o ||
rigs kyi sa’i chos rnams med pa’i phyir | brgyad pa’i sa’i chos rnams daṅ | mthoṅ ba’i sa’i chos rnams daṅ | bsrabs pa’i sa’i chos rnams daṅ | ’dod chags daṅ bral ba’i sa’i chos rnams daṅ | byas pa rtogs pa can gyi sa’i chos rnams med par (203b1) rig par bya’o ||
byas pa rtogs pa can gyi sa’i chos rnams med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa daṅ | tshad med pa yod (2) pa ma yin par rig par bya’o ||
tshad med pa yod pa ma yin pa’i phyir chos thams cad med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di (3) ltar bdag gaṅ yin pa daṅ | chos thams cad kyi bar gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir sems can med pa daṅ | śes pa po daṅ | mthoṅ ba po’i bar du med par rig par bya’o ||
śes pa po (4) daṅ | mthoṅ ba po med pa’i phyir rgyun du źugs pa med par rig par bya’o ||
rgyun du źugs pa med pa’i phyir lan cig phyir ’oṅ ba med par rig par bya’o ||
lan cig phyir ’oṅ ba med pa’i phyir phyir mi ’oṅ ba med par rig par bya’o ||
phyir mi ’oṅ ba med pa’i phyir dgra bcom pa med (5) par rig par bya’o ||
dgra bcom pa med pa’i phyir nam mkha’ daṅ | theg pa chen po daṅ | dpag tu med pa daṅ | graṅs med pa daṅ | tshad med pa daṅ | chos thams cad kyi bar du med par rig par bya ste | rab ’byor de ltar na theg pa chen po de ni sems can dpag tu (6) med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar bdag gaṅ yin pa daṅ | chos thams cad kyi bar gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir sems (7) can med pa daṅ | śes pa po daṅ | mthoṅ ba po’i bar du med par rig par bya’o ||
śes pa po daṅ | mthoṅ ba po med pa’i phyir saṅs rgyas med par rig par bya’o | saṅs rgyas med pa’i phyir byaṅ chub sems dpa’ med par rig par bya’o ||
byaṅ chub sems dpa’ (204a1) med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa daṅ | tshad med pa yod pa ma yin par rig par bya’o ||
tshad med pa (2) yod pa ma yin pa’i phyir | chos thams cad med par rig par bya ste | rab ’byor de ltar na theg pa chen po de ni sems can dpag tu med graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar bdag gaṅ yin pa daṅ | chos thams (3) cad kyi bar gaṅ yin pa de dag thams cad dmigs su med pa’i phyir ro ||
rab ’byor gźan yaṅ bdag med pa’i phyir | sems can med pa daṅ | śes pa po daṅ | mthoṅ ba po’i bar du med par rig par bya’o ||
śes pa po daṅ | mthoṅ ba po med pa’i phyir ñan thos kyi theg (4) pa med par rig par bya’o ||
ñan thos kyi theg pa med pa’i phyir raṅ saṅs rgyas kyi theg pa med par rig par bya’o ||
raṅ saṅs rgyas kyi theg pa med pa’i phyir saṅs rgyas kyi theg pa med par rig par bya’o ||
saṅs rgyas kyi theg pa med pa’i phyir rnam pa thams cad mkhyen pa ñid med (5) par rig par bya’o ||
rnam pa thams cad mkhyen pa ñid med pa’i phyir nam mkha’ med par rig par bya’o ||
nam mkha’ med pa’i phyir theg pa chen po med par rig par bya’o ||
theg pa chen po med pa’i phyir dpag tu med pa daṅ | graṅs med pa daṅ | tshad med pa yod pa ma (6) yin par rig par bya’o ||
tshad med pa yod pa ma yin pa’i phyir chos thams cad med par rig par bya ste | rab ’byor de ltar na theg pa chen po de ni sems can dpag tu med | graṅs med | tshad med pa rnams kyi go ’byed pa yin no ||
de ci’i phyir źe na | rab ’byor ’di ltar bdag (7) gaṅ yin pa daṅ | chos thams cad kyi bar gaṅ yin pa de dag thams cad dmigs su med pa’i phyir ro ||
rab ’byor ’di lta ste dper na | mya ṅan las ’das pa’i dbyiṅs ni sems can dpag tu med | graṅs med tshad med pa rnams kyi go ’byed do ||
rab ’byor de bźin du theg pa (204b1) chen po de yaṅ sems can dpag tu med | graṅs med | tshad med pa rnams kyi go ’byed de | rab ’byor rnam graṅs des na | ji ltar nam mkha’ sems can dpag tu med graṅs med | tshad med pa rnams kyi go ’byed pa de bźin du | theg pa chen po de yaṅ sems can dpag tu (2) med graṅs med | tshad med pa rnams kyi go ’byed pa yin no ||
rab ’byor gaṅ yaṅ khyod kyis ’di skad du bcom ldan ’das theg pa chen po de la ni ’oṅ ba’am ’gro ba mi dmigs śiṅ | gnas pa mi dmigs źes smras pa ni | rab ’byor de de bźin no ||
de de bźin te | (3) theg pa chen po de la ni ’oṅ ba daṅ ’gro ba mi dmigs śiṅ gnas pa mi dmigs so ||
de ci’i phyir źe na | rab ’byor chos thams cad ni g-yo ba med pa ste | de dag ni gaṅ da’aṅ ’doṅ ba med | gaṅ nas kyaṅ ’oṅ ba med | gaṅ na yaṅ gnas pa med pa’i phyir ro ||
de ci’i (4) phyir źe na | rab ’byor gzugs kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med | tshor ba daṅ | ’du śes daṅ | ’du byed rnams daṅ | rnam par śes pa’i raṅ bźin ni gaṅ nas kyaṅ ’oṅ ba med | gaṅ du yaṅ (5) ’gro ba med | gaṅ na yaṅ gnas pa med | gzugs kyi de bźin ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med | tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid ni gaṅ nas kyaṅ ’oṅ ba med | (6) gaṅ du yaṅ ’gro ba med gaṅ na yaṅ gnas pa med | gzugs kyi ṅo bo ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med | tshor ba daṅ | ’du śes daṅ | ’du byed rnams daṅ | rnam par śes pa’i ṅo bo ñid ni gaṅ nas kyaṅ ’oṅ ba (7) med | gaṅ du yaṅ ’gro ba med | gaṅ na yaṅ gnas pa med | gzugs kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med | tshor ba daṅ | ’du śes daṅ | ’du byed rnams daṅ | rnam par śes pa’i mtshan ñid ni gaṅ (205a1) nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor de bźin du mig gi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med | rna ba daṅ | sna daṅ | lce daṅ | (2) lus daṅ | yid kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor de bźin du mig gi de bźin ñid daṅ | ṅo bo ñid daṅ | mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | (3) gaṅ na yaṅ gnas pa med la | rna ba daṅ | sna daṅ | lce daṅ | lus daṅ | yid kyi de bźin ñid daṅ | ṅo bo ñid daṅ | mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor sa’i khams kyi raṅ bźin (4) daṅ | de bźin ñid daṅ | ṅo bo ñid daṅ | mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med la | chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams kyi (5) raṅ bźin daṅ | de bźin ñid daṅ | ṅo bo ñid daṅ | mtshan ñid kyaṅ gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor chos kyi dbyiṅs kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | (6) gaṅ na yaṅ gnas pa med ciṅ | chos kyi dbyiṅs kyi de bźin ñid daṅ | ṅo bo ñid daṅ | mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor de bźin ñid kyi raṅ bźin ni gaṅ nas kyaṅ ’oṅ ba med | (7) gaṅ du yaṅ ’gro ba med | gaṅ na yaṅ gnas pa med ciṅ | de bźin ñid kyi de bźin ñid daṅ | de bźin ñid kyi ṅo bo ñid daṅ | de bźin ñid kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor (205b1) yaṅ dag pa’i mtha’i raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med ciṅ | rab ’byor yaṅ dag pa’i mtha’i de bźin ñid daṅ | yaṅ dag pa’i mtha’i ṅo bo ñid daṅ | yaṅ dag pa’i mtha’i mtshan ñid ni gaṅ nas kyaṅ ’oṅ ba med | (2) gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor bsam gyis mi khyab pa’i dbyiṅs kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med ciṅ | bsam gyis mi khyab pa’i dbyiṅs kyi de bźin ñid (3) daṅ | bsam gyis mi khyab pa’i dbyiṅs kyi ṅo bo ñid daṅ | bsam gyis mi khyab pa’i dbyiṅs kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor sbyin pa’i pha rol tu phyin pa’i raṅ bźin ni gaṅ (4) nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med la | sbyin pa’i pha rol tu phyin pa’i de bźin ñid daṅ | sbyin pa’i pha rol tu phyin pa’i ṅo bo ñid daṅ | sbyin pa’i pha rol tu phyin pa’i mtshan ñid ni gaṅ nas kyaṅ ’oṅ ba med | gaṅ du yaṅ ’gro (5) ba med | gaṅ na yaṅ gnas pa med ciṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i raṅ bźin ni gaṅ nas kyaṅ ’oṅ ba (6) med | gaṅ du yaṅ ’gro ba med | gaṅ na yaṅ gnas pa med la | śes rab kyi pha rol tu phyin pa’i de bźin ñid daṅ | śes rab kyi pha rol tu phyin pa’i ṅo bo ñid daṅ | śes rab kyi pha rol tu phyin pa’i mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ (7) na yaṅ gnas pa med pa’i phyir ro ||
rab ’byor dran pa ñe bar gźag pa rnams kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med la | rab ’byor dran pa ñe bar gźag pa rnams kyi de bźin ñid daṅ | dran pa ñe bar gźag pa (206a1) rnams kyi ṅo bo ñid daṅ | dran pa ñe bar gźag pa rnams kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med ciṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | (2) stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | mṅon par śes pa drug daṅ | saṅs rgyas kyi (3) chos ma ’dres pa bcwa brgyad po dag gi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med la | de bźin du saṅs rgyas kyi chos ma ’dres pa bcwa brgyad kyi de bźin ñid daṅ | saṅs rgyas kyi chos ma ’dres pa bcwa brgyad kyi ṅo bo (4) ñid daṅ | saṅs rgyas kyi chos ma ’dres pa bcwa brgyad kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor byaṅ chub kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ (5) gnas pa med pa | byaṅ chub kyi de bźin ñid daṅ | byaṅ chub kyi ṅo bo ñid daṅ | byaṅ chub kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor saṅs rgyas kyi raṅ bźin ni gaṅ nas kyaṅ ’oṅ ba med | (6) gaṅ du yaṅ ’gro ba med | gaṅ na yaṅ gnas pa med la | saṅs rgyas kyi de bźin ñid daṅ | saṅs rgyas kyi ṅo bo ñid daṅ | saṅs rgyas kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor (7) ’dus byas kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med la | ’dus byas kyi de bźin ñid daṅ | ’dus byas kyi ṅo bo ñid daṅ | ’dus byas kyi mtshan ñid ni gaṅ nas kyaṅ ’oṅ ba med | gaṅ du yaṅ ’gro ba med | (206b1) gaṅ na yaṅ gnas pa med pa’i phyir ro ||
rab ’byor ’dus ma byas kyi raṅ bźin ni gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med la | ’dus ma byas kyi de bźin ñid daṅ | ’dus ma byas kyi ṅo bo ñid daṅ | ’dus ma byas kyi mtshan ñid ni (2) gaṅ nas kyaṅ ’oṅ ba med | gaṅ du yaṅ ’gro ba med | gaṅ na yaṅ gnas pa med pa’i phyir ro ||
rab ’byor de ltar na theg pa chen po de la ni ’oṅ ba mi dmigs | ’gro ba mi dmigs | gnas pa yaṅ mi dmigs so ||
rab ’byor gaṅ yaṅ khyod kyis ’di skad du | (3) bcom ldan ’das theg pa de la ni sṅon gyi mtha’ yaṅ mi dmigs | phyi ma’i mtha’ yaṅ mi dmigs | dbus kyaṅ mi dmigs lags pas | de ni dus gsum mñam pa ñid kyi theg pa lags te | de’i slad du theg pa chen po theg pa chen po źes bgyi’o źes smras pa ni rab (4) ’byor de de bźin no ||
de de bźin te | theg pa chen po de la ni sṅon gyi mtha’ yaṅ mi dmigs | phyi ma’i mtha’ yaṅ mi dmigs | dbus kyaṅ mi dmigs pas | de ni dus gsum mñam pa ñid kyi theg pa yin te | de’i phyir theg pa chen po theg pa chen po źes bya’o ||
de (5) ci’i phyir źe na | rab ’byor ’di ltar ’das pa’i dus kyaṅ ’das pa’i dus kyis stoṅ | ma ’oṅs pa’i dus kyaṅ ma ’oṅs pa’i dus kyis stoṅ | da ltar byuṅ ba’i dus kyaṅ da ltar byuṅ ba’i dus kyis stoṅ | dus gsum mñam pa ñid kyaṅ dus gsum mñam pa ñid kyis stoṅ | (6) theg pa chen po yaṅ theg pa chen pos stoṅ | byaṅ chub sems dpa’ yaṅ byaṅ chub sems dpas stoṅ la | rab ’byor stoṅ pa ñid la ni gcig ces bya ba med ciṅ | gñis sam | gasuma’ama | bźi’am | lṅa’am | drug gam | bdun nam | brgyad dam | dgu (7) ’am | bcu źes bya ba’am | tha dad du dbye ba med pa’i phyir te | de bas na ’di ni byaṅ chub sems dpa’ sems dpa’ chen po rnams kyi dus gsum mñam pa ñid kyi theg pa yin te | theg pa chen po de la ni mñam pa daṅ mi mñam pa mi dmigs so ||
de la ni ’dod chags (207a1) daṅ ’dod chags daṅ bral ba yaṅ mi dmigs so ||
źe sdaṅ daṅ źe sdaṅ med pa yaṅ mi dmigs so ||
gti mug daṅ gti mug med pa yaṅ mi dmigs so ||
miṅ daṅ miṅ med pa yaṅ mi dmigs so ||
de bźin du dge ba daṅ mi dge ba yaṅ mi dmigs (2) so ||
zag pa dag bcas pa daṅ | zag pa med pa yaṅ mi dmigs so ||
kha na ma tho ba daṅ bcas pa daṅ kha na ma tho ba med pa yaṅ mi dmigs so ||
ñon moṅs pa daṅ bcas pa daṅ | ñon moṅs pa med pa yaṅ mi dmigs so ||
’jig rten pa daṅ ’jig rten las ’das (3) pa yaṅ mi dmigs so ||
kun nas ñon moṅs pa daṅ rnam par byaṅ ba yaṅ mi dmigs so ||
’khor ba daṅ mya ṅan las ’das pa yaṅ mi dmigs so ||
de la ni rtag pa daṅ mi rtag pa yaṅ mi dmigs so ||
bde ba daṅ sdug bsṅal ba yaṅ mi dmigs so ||
bdag daṅ (4) bdag med pa yaṅ mi dmigs so ||
źi ba daṅ ma źi ba yaṅ mi dmigs so ||
’dod pa’i khams daṅ | ’dod pa’i khams las yaṅ dag par ’da’ ba yaṅ mi dmigs so ||
gzugs kyi khams daṅ | gzugs kyi khams las yaṅ dag par ’da’ ba yaṅ mi dmigs (5) so ||
gzugs med pa’i khams daṅ | gzugs med pa’i khams las yaṅ dag par ’da’ ba yaṅ mi dmigs so ||
de ci’i phyir źe na | rab ’byor ’di ltar de’i raṅ bźin dmigs su med pa’i phyir te | rab ’byor ’das pa’i gzugs ni ’das pa’i gzugs kyis stoṅ ṅo ||
(6) de bźin du ’das pa’i tshor ba daṅ | ’du śes daṅ | ’du byed rnams daṅ | ’das pa’i rnam par śes pa ni ’das pa’i rnam par śes pas stoṅ ṅo ||
rab ’byor ma ’oṅs pa’i gzugs ni ma ’oṅs pa’i gzugs kyis stoṅ ṅo ||
de bźin du ma ’oṅs pa’i tshor ba daṅ | ’du (7) śes daṅ | ’du byed rnams daṅ | ma ’oṅs pa’i rnam par śes pa ni ma ’oṅs pa’i rnam par śes pas stoṅ ṅo ||
rab ’byor da ltar byuṅ ba’i gzugs ni da ltar byuṅ ba’i gzugs kyis stoṅ ṅo ||
de bźin du da ltar byuṅ ba’i tshor ba daṅ | ’du śes daṅ | ’du byed (207b1) rnams daṅ | da ltar byuṅ ba’i rnam par śes pa ni | da ltar byuṅ ba’i rnam par śes pas stoṅ ṅo ||
de ci’i phyir źe na | rab ’byor ’di ltar stoṅ pa ñid la ’das pa’i gzugs dmigs su med pa’i phyir te | stoṅ pa ñid kyaṅ stoṅ pa ñid kyis stoṅ pas dmigs su med na | stoṅ (2) pa ñid la ’das pa’i gzugs dmigs par lta ga la ’gyur | stoṅ pa ñid la ’das pa’i tshor ba daṅ | ’du śes daṅ | ’du byed rnams daṅ | rnam par śes pa dmigs su med de | stoṅ pa ñid kyaṅ stoṅ pa ñid kyis stoṅ pas dmigs su med na | stoṅ pa ñid la ’das (3) pa’i tshor ba daṅ | ’du śes daṅ | ’du byed rnams daṅ | rnam par śes pa dmigs par ltag la ’gyur | de bźin du stoṅ pa ñid la ma ’oṅs pa’i gzugs dmigs su med de | stoṅ pa ñid kyaṅ stoṅ pa ñid kyis stoṅ pas dmigs su med na | stoṅ pa ñid lam (4) ’oṅs pa’i gzugs dmigs par lta ga la ’gyur | stoṅ pa ñid la ma ’oṅs pa’i tshor ba daṅ | ’du śes daṅ | ’du byed rnams daṅ | rnam par śes pa dmigs su med de | stoṅ pa ñid kyaṅ stoṅ pa ñid kyis stoṅ pas dmigs su med na | stoṅ pa ñid la ma ’oṅs pa’i (5) tshor ba daṅ | ’du śes daṅ | ’du byed rnams daṅ | rnam par śes pa dmigs par lta ga la ’gyur | stoṅ pa ñid la da ltar byuṅ ba’i gzugs dmigs su med de | stoṅ pa ñid kyaṅ stoṅ pa ñid kyis stoṅ pas dmigs su med na | stoṅ pa ñid la da ltar byuṅ ba’i gzugs (6) dmigs par lta ga la ’gyur | stoṅ pa ñid la da ltar byuṅ ba’i tshor ba daṅ | ’du śes daṅ | ’du byed rnams daṅ | rnam par śes pa dmigs su med de | stoṅ pa ñid kyaṅ stoṅ pa ñid kyis stoṅ pas dmigs su med na | stoṅ pa ñid la da ltar byuṅ ba’i tshor ba daṅ | (7) ’du śes daṅ | ’du byed rnams daṅ | rnam par śes pa dmigs par lta ga la ’gyur | rab ’byor sbyin pa’i pha rol tu phyin pa ni phyi ma’i mthar mi dmigs so ||
rab ’byor sbyin pa’i pha rol tu phyin (208a1) pa ni da ltar byuṅ bar mi dmigs so ||
rab ’byor sbyin pa’i pha rol tu phyin pa ni dus gsum mñam pa ñid la mi dmigs te | rab ’byor mñam pa ñid la ni ’das pa’i dus mi dmigs so ||
mñam pa ñid la ni ma ’oṅs pa’i dus mi dmigs so ||
mñam (2) pa ñid la ni da ltar byuṅ ba’i dus mi dmigs te | mñam pa ñid la mñam pa ñid kyaṅ mi dmigs na | mñam pa ñid la ’das pa daṅ ma ’oṅs pa daṅ da ltar byuṅ ba’i sbyin pa’i pha rol tu phyin pa dmigs par lta ga la ’gyur | rab ’byor tshul khrims kyi pha rol tu phyin pa (3) daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa ni sṅon gyi mtha’ daṅ | phyi ma’i mtha’ daṅ | da ltar byuṅ ba’i dus rnams ni mi dmigs so ||
rab ’byor śes rab kyi pha rol tu phyin pa ni sṅon gyi mtha’ daṅ | (4) phyi ma’i mtha’ daṅ | da ltar byuṅ ba’i dus rnams ni mi dmigs so ||
śes rab kyi pha rol tu phyin pa ni dus gsum mñam pa ñid la mi dmigs te | rab ’byor mñam pa ñid la ni ’das pa daṅ ma ’oṅs pa daṅ da ltar byuṅ ba’i dus mi dmigs te | mñam pa ñid la mñam pa (5) ñid kyaṅ mi dmigs na | mñam pa ñid la ’das pa daṅ | ma ’oṅs pa daṅ | da ltar byuṅ ba’i śes rab kyi pha rol tu phyin pa dmigs par lta ga la ’gyur | rab ’byor gźan yaṅ dran pa ñe bar gźag pa rnams ni sṅon gyi mtha’ daṅ | phyi ma’i mtha’ daṅ | dbus rnams (6) ni mi dmigs so ||
dran pa ñe bar gźag pa rnams ni dus gsum mñam pa ñid la mi dmigs so ||
rab ’byor mñam pa ñid la ni ’das pa daṅ | ma ’oṅs pa daṅ | da ltar byuṅ ba’i dus mi dmigs te | mñam pa ñid la mñam pa ñid kyaṅ mi dmigs na | mñam (7) pa ñid la ’das pa daṅ ma ’oṅs pa daṅ | da ltar byuṅ ba’i dran pa ñe bar gźag pa rnams dmigs par lta ga la ’gyur | rab ’byor de bźin du yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | (208b1) stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa bcwa brgyad po dag ni sṅon gyi mtha’ daṅ | phyi ma’i mtha’ daṅ | dbus rnams su mi dmigs so ||
saṅs rgyas kyi chos ma ’dres pa bcwa brgyad kyi bar ni dus gsum (2) mñam pa ñid la mi dmigs so ||
rab ’byor mñam pa ñid la ni ’das pa’i dus mi dmigs | ma ’oṅs pa’i dus mi dmigs | da ltar byuṅ ba’i dus mi dmigs te | mñam pa ñid la mñam pa ñid kyaṅ mi dmigs na | mñam pa ñid la ’das pa daṅ | ma ’oṅs pa daṅ | (3) da ltar byuṅ ba’i saṅs rgyas kyi chos ma ’dres pa bcwa brgyad kyi bar dag dmigs par lta ga la ’gyur | rab ’byor gźan yaṅ so so’i skye bo ni sṅon gyi mthar mi dmigs so ||
so so’i skye bo ni phyi ma’i mthar mi dmigs so ||
so so’i skye bo ni da ltar byuṅ bar mi dmigs so ||
so (4) so’i skye bo ni dus gsum mñam pa ñid la mi dmigs so ||
de ci’i phyir źe na | rab ’byor sems can dmigs su med pa’i phyir ro ||
rab ’byor gźan yaṅ ñan thos ni sṅon gyi mthar mi dmigs so ||
raṅ saṅs rgyas daṅ | byaṅ chub sems dpa’ ni sṅon gyi mthar mi (5) dmigs so ||
de bźin gśegs pa ni sṅon gyi mthar mi dmigs so ||
de bźin gśegs pa ni phyi ma’i mthar mi dmigs so ||
de bźin gśegs pa ni da ltar byuṅ bar mi dmigs so ||
de bźin gśegs pa ni dus gsum mñam pa ñid la mi dmigs so ||
de ci’i (6) phyir źe na | de bźin gśegs pa dmigs su med pa’i phyir ro ||
rab ’byor byaṅ chub sems dpa’ sems dpa’ chen pos śes rab kyi pha rol tu phyin pa la de ltar gnas te | dus gsum mñam pa ñid la de ltar bslabs śiṅ | rnam pa thams cad mkhyen pa ñid yoṅs su (7) rdzogs par bya’o ||
rab ’byor de ni byaṅ chub sems dpa’ sems dpa’ chen po’i dus gsum mñam pa ñid ces bya ba’i theg pa chen po yin te | de la gnas nas byaṅ chub sems dpa’ sems dpa’ chen pos lha daṅ | mi daṅ | lha ma yin du bcas pa’i ’jig rten zil (209a1) gyis mnan nas rnam pa thams cad mkhyen pa ñid du ṅes par ’byuṅ bar ’gyur ro ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das ji tsam du bcom ldan ’das kyis byaṅ chub sems dpa’ sems (2) dpa’ chen po rnams kyi dus gsum mñam pa ñid ces bgyi ba’i theg pa chen po ’di legs par bka’ stsal pa ni | legs so legs so ||
bcom ldan ’das ’das pa’i byaṅ chub sems dpa’ sems dpa’ chen po rnams kyis kyaṅ theg pa chen po ’di la bslabs nas | (3) rnam pa thams cad mkhyen pa ñid thob lags so ||
bcom ldan ’das ma ’oṅs pa’i byaṅ chub sems dpa’ sems dpa’ chen po rnams kyaṅ theg pa chen po ’di la slob ciṅ | rnam pa thams cad mkhyen pa ñid thob par ’gyur lags so ||
bcom ldan ’das gaṅ dag (4) da ltar phyogs bcu’i ’jig rten gyi khams dpag tu ma mchis graṅs ma mchis tshad ma mchis pa dag na mchis pa’i byaṅ chub sems dpa’ sems dpa’ chen po dpag tu ma mchis | graṅs ma mchis | tshad ma mchis pa de dag kyaṅ theg pa chen po ’di la bslabs śiṅ | rnam pa (5) thams cad mkhyen pa ñid thob par bgyid lags te | bcom ldan ’das de’i slad du de’i slad du de ni byaṅ chub sems dpa’ sems dpa’ chen po rnams kyi theg pa chen po lags te | ’di ltar dus gsum mñam pa ñid ces bgyi ba’i theg pa lags so ||
de skad ces gsol pa daṅ | bcom (6) ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | ’das pa daṅ | ma byon pa daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyis kyaṅ theg pa (7) chen po ’di la bslabs śiṅ | rnam pa thams cad mkhyen pa ñid brñes so ||
śes rab kyi pha rol tu phyin pa khri brgyad stoṅ pa las zil gyis gnon pa’i le’u źes bya ste bcu dgu pa’o || ||
(209b1) śes rab kyi pha rol tu phyin pa khri brgyad stoṅ pa | bam po bcu drug pa | de nas bcom ldan ’das la tshe daṅ ldan pa byams ma’i bu gaṅ pos ’di skad ces gsol to ||
bcom ldan ’das gnas brtan rab ’byor ’di ni de bźin gśegs pa dgra bcom pa yaṅ dag par (2) rdzogs pa’i saṅs rgyas kyis śes rab kyi pha rol tu phyin pa’i slad du bskul ba mdzad pas ’di ni theg pa chen po bstan par sems lags so ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag gis śes (3) rab kyi pha rol tu phyin pa daṅ ’gal bar theg pa chen po bstan pa’am gcig tu ma gyur lags sam | bcom ldan ’das kyis bka’ stsal pa | rab ’byor de ltar gyur pa med de | rab ’byor khyod ni śes rab kyi pha rol tu phyin pa daṅ ’thun par theg pa chen po ston pa yin no ||
(4) de ci’i phyir źe na | rab ’byor ’di ltar ñan thos kyi chos rnams sam | raṅ saṅs rgyas kyi chos rnams sam | byaṅ chub sems dpa’i chos rnams sam | saṅs rgyas kyi chos rnams sam | dge ba’i chos gaṅ ci yaṅ ruṅ ba de dag thams cad ni śes rab kyi pha rol tu phyin pa’i (5) naṅ du ’dus śiṅ | yaṅ dag par gźol ba’i phyir ro ||
rab ’byor gyis gsol pa | bcom ldan ’das ñan thos kyi chos daṅ | raṅ saṅs rgyas kyi chos daṅ | byaṅ chub sems dpa’i chos daṅ | saṅs rgyas kyi chos gaṅ dag śes rab kyi pha rol tu phyin pa’i naṅ du (6) ’dus śiṅ yaṅ dag par gźol ba’i byaṅ chub kyi phyogs kyi dge ba’i chos de dag gaṅ lags | bcom ldan ’das kyis bka’ stsal pa | rab ’byor ’di lta ste | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ (7) po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | rnam par thar pa’i sgo stoṅ pa ñid daṅ | mtshan ma med pa daṅ | smon pa med pa daṅ | bsam gtan bźi daṅ | tshad med pa bźi daṅ | gzugs med (210a1) pa’i sñoms par ’jug pa bźi daṅ | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin (2) pa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad daṅ | bsñel ba mi mṅa’ ba’i chos ñid daṅ rtag tu btaṅ sñoms (3) su gnas pa ste | rab ’byor de dag ni ñan thos kyi tshos daṅ | raṅ saṅs rgyas kyi chos daṅ | byaṅ chub sems dpa’i chos daṅ | saṅs rgyas kyi chos gaṅ dag śes rab kyi pha rol tu phyin pa’i naṅ du ’dus śiṅ | yaṅ dag par gźol ba’i byaṅ chub kyi phyogs kyi dge ba’i (4) chos rnams yin no ||
rab ’byor de la theg pa chen po gaṅ yin pa daṅ | śes rab kyi pha rol tu phyin pa gaṅ yin pa daṅ | bsam gtan gyi pha rol tu phyin pa gaṅ yin pa daṅ | brtson ’grus kyi pha rol tu phyin pa gaṅ yin pa daṅ | bzod pa’i pha rol tu phyin pa gaṅ (5) yin pa daṅ | tshul khrims kyi pha rol tu phyin pa gaṅ yin pa daṅ | sbyin pa’i pha rol tu phyin pa gaṅ yin pa daṅ | gzugs gaṅ yin pa daṅ | tshor ba daṅ | ’du śes daṅ | ’du byed rnams daṅ | rnam par śes pa gaṅ yin pa daṅ | mig gaṅ yin pa daṅ | (6) gzugs gaṅ yin pa daṅ | mig gi rnam par śes pa gaṅ yin pa daṅ | mig gi ’dus te reg pa gaṅ yin pa daṅ | mig gi ’dus te reg pa las byuṅ ba’i tshor ba gaṅ yin pa daṅ | rna ba daṅ | sna daṅ | lce daṅ | lus daṅ | yid gaṅ yin pa daṅ | chos (7) rnams gaṅ yin pa daṅ | yid kyi rnam par śes pa gaṅ yin pa daṅ | yid kyi ’dus te reg pa gaṅ yin pa daṅ | dran pa ñe bar gźag pa rnams daṅ | yaṅ dag par spoṅ ba rnams daṅ | rdzu ’phrul gyi (210b1) rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam daṅ | de bźin gśegs pa’i stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | stoṅ pa ñid daṅ | mtshan ma med pa (2) daṅ | smon pa med pa daṅ | ’dus byas kyi chos rnams daṅ | ’dus ma byas kyi chos rnams daṅ | sdug bsṅal ba daṅ | kun ’byuṅ ba daṅ | ’gog pa daṅ | lam daṅ | ’dod pa’i khams daṅ | gzugs kyi khams daṅ | gzugs med pa’i khams gaṅ yin pa (3) daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gaṅ yin pa daṅ | tiṅ ṅe ’dzin rnams gaṅ yin pa daṅ | gzugs kyi sgo rnams gaṅ yin pa daṅ | saṅs rgyas kyi chos ma ’dres pa bcwa brgyad kyi bar dag gaṅ yin pa daṅ | de bźin gśegs pa gaṅ (4) yin pa daṅ | de bźin gśegs pas gsuṅs pa’i chos ’dul ba gaṅ yin pa daṅ | chos kyi dbyiṅs gaṅ yin pa daṅ | de bźin ñid gaṅ yin pa daṅ | yaṅ dag pa’i mtha’ gaṅ yin pa daṅ | bsam gyis mi khyab pa’i dbyiṅs gaṅ yin pa daṅ | mya ṅan las ’das pa (5) gaṅ yin pa’i chos de dag thams cad ni ldan pa yaṅ ma yin | mi ldan pa yaṅ ma yin | gzugs med pa | bstan du med pa | thogs pa med pa ste | ’di ltar mtshan ñid med par mtshan ñid gcig pa yin pas | rab ’byor rnam graṅs des na | khyod ni śes rab kyi pha rol (6) tu phyin pa daṅ | ’thun par theg pa chen po ston pa yin no ||
de ci’i phyir źe na | rab ’byor theg pa chen po yaṅ gźan la śes rab kyi pha rol tu phyin pa yaṅ gźan | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin (7) pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa yaṅ gźan | theg pa chen po gaṅ gźan | dran pa ñe bar gźag pa rnams kyaṅ gźan źiṅ | theg pa chen po yaṅ gźan pa ma yin pa’i phyir te | de ltar na theg pa chen po daṅ | dran pa ñe bar (211a1) gźag pa de dag ni gñis su med ciṅ gñis su dbyer med do ||
theg pa chen po yaṅ gźan la saṅs rgyas kyi chos ma ’dres pa bcwa brgyad kyi bar dag kyaṅ gźan pa ma yin te | de ltar na theg pa chen po daṅ | saṅs rgyas kyi chos de dag ni gñis su med ciṅ (2) gñis su dbyer med do ||
rab ’byor de’i phyir theg pa chen po bstan pas śes rab kyi pha rol tu phyin pa bstan par ’gyur ro ||
śes rab kyi pha rol tu phyin pa bstan pas theg pa chen po bstan par ’gyur ro ||
de nas bcom ldan ’das la tshe daṅ ldan pa rab ’byor gyis ’di skad (3) ces gsol to ||
bcom ldan ’das ’di ltar yaṅ byaṅ chub sems dpa’ ni sṅon gyi mthar khas mi len lags so ||
byaṅ chub sems dpa’ ni phyi ma’i mthar khas mi len lags so ||
byaṅ chub sems dpa’ ni dbus su khas mi len lags so ||
bcom ldan ’das (4) gzugs mu ma mchis pa’i slad du | byaṅ chub sems dpa’ mu ma mchis par rig par bgyi’o ||
tshor ba daṅ | ’du śes daṅ | ’du byed rnams daṅ | rnam par śes pa mu ma mchis pa’i slad du | byaṅ chub sems dpa’ mu ma mchis par rig par bgyi’o ||
bcom (5) ldan ’das gzugs byaṅ chub sems dpa’ źes bgyi ba de lta bu yaṅ ma mchis śiṅ mi dmigs lags so ||
tshor ba daṅ | ’du śes daṅ | ’du byed rnams daṅ | rnam par śes pa byaṅ chub sems dpa’ źes bgyi ba de lta bu yaṅ ma mchis śiṅ mi dmigs lags so ||
(6) bcom ldan ’das de ltar bdag gis thams cad rnam pa thams cad kyi thams cad du byaṅ chub sems dpa’ sems dpa’ chen po yaṅ dag par rjes su ma mthoṅ | ma dmigs lags na | byaṅ chub sems dpa’ sems dpa’ chen po gaṅ źig śes rab kyi pha rol tu phyin pa (7) gaṅ la gdams śiṅ rjes su bstan par bgyi | bcom ldan ’das ’di lta ste | byaṅ chub sems dpa’ źes bgyi ba de ni miṅ tsam du bas lags so ||
bcom ldan ’das ’di lta ste dper bgyi na | bdag bdag ces bgyi ba yaṅ bdag mṅon par grub pa ni gtan ma mchis (211b1) lags so ||
bcom ldan ’das de bźin du byaṅ chub sems dpa’ byaṅ chub sems dpa’ źes bgyi yaṅ | byaṅ chub sems dpa’ mṅon par grub pa ni gtan ma mchis lags so ||
bcom ldan ’das de ltar chos rnams raṅ bźin ma mchis pa lags na | gaṅ mṅon par (2) grub pa’i gzugs de gaṅ lags | gaṅ mṅon par grub pa’i tshor ba daṅ | ’du śes daṅ | ’du byed rnams daṅ | gaṅ mṅon par grub pa’i rnam par śes pa de gaṅ lags | bcom ldan ’das gaṅ mṅon par ma grub pa de ni gzugs ma lags so ||
gaṅ mṅon par ma (3) grub pa de ni tshor ba daṅ | ’du śes daṅ | ’du byed rnams daṅ | rnam par śes pa ma lags so ||
bcom ldan ’das mṅon par ma grub pa las gud na gaṅ byaṅ chub kyi slad du spyod pa’i byaṅ chub sems dpa’ dmigs su ma mchis na | ci mṅon par ma grub pa de mṅon par ma grub (4) pa’i śes rab kyi pha rol tu phyin pa la gdams par bgyi źiṅ rjes su bstan par bgyi lags sam | bcom ldan ’das de ltar bstan pa’i tshe | byaṅ chub sems dpa’ sems dpa’ chen po’i sems mi źum mi ’god źiṅ | yid ’gyor par mi ’gyur la mi skrag mi dṅaṅ źiṅ dṅaṅ bar (5) mi ’gyur na | byaṅ chub sems dpa’ sems dpa’ chen po de ni śes rab kyi pha rol tu phyin pa la spyod pa lags par rig par bgyi’o ||
de nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ci’i phyir | byaṅ (6) chub sems dpa’ sṅon gyi mthar khas mi len pa yin | byaṅ chub sems dpa’ phyi ma’i mthar khas mi len pa yin | byaṅ chub sems dpa’ dbus su khas mi len pa yin | tshe daṅ ldan pa rab ’byor ci’i phyir | gzugs mu med pa’i phyir byaṅ chub sems dpa’ mu med par (7) rig par bya | tshor ba daṅ | ’du śes daṅ | ’du byed rnams daṅ | rnam par śes pa mu med pa’i phyir | byaṅ chub sems dpa’ mu med par rig par bya | tshe daṅ ldan pa rab ’byor ci’i phyir gzugs byaṅ chub sems dpa’ źes bya ba de lta bu yaṅ med ciṅ mi dmigs pa (212a1) yin | tshor ba daṅ | ’du śes daṅ | ’du byed rnams daṅ | rnam par śes pa byaṅ chub sems dpa’ źes bya ba de lta bu yaṅ med ciṅ mi dmigs pa yin | tshe daṅ ldan pa rab ’byor ci’i phyir ’di skad du | bcom ldan ’das de ltar bdag gis thams cad kyi (2) thams cad rnam pa thams cad kyi thams cad du | byaṅ chub sems dpa’ sems dpa’ chen po yaṅ dag par rjes su ma mthoṅ | ma dmigs lags na | byaṅ chub sems dpa’ sems dpa’ chen po gaṅ źig śes rab kyi pha rol tu phyin pa gaṅ la gdams par bgyi źiṅ rjes su (3) bstan par bgyi źes smra | tshe daṅ ldan pa rab ’byor ci’i phyir ’di skad du | byaṅ chub sems dpa’ źes bgyi ba de ni miṅ tsam du bas lags so źes bya ba’i bar du smra | tshe daṅ ldan pa rab ’byor ci’i phyir ’di skad du | bcom ldan ’das dper bgyi na | bdag bdag ces bgyi (4) yaṅ bdag mṅon par grub pa ni gtan ma mchis lags so ||
bcom ldan ’das de bźin du byaṅ chub sems dpa’ byaṅ chub sems dpa’ źes bgyi yaṅ byaṅ chub sems dpa’ mṅon par grub pa ni gtan ma mchis lags so źes smra | tshe daṅ ldan pa rab ’byor ci’i phyir ’di (5) skad du | bcom ldan ’das de ltar chos rnams dṅos po ma mchis pa’i ṅo bo ñid lags na | gaṅ mṅon par ma grub pa’i gzugs de gaṅ lags | gaṅ mṅon par ma grub pa’i tshor ba daṅ | ’du śes daṅ | ’du byed rnams daṅ | gaṅ mṅon par ma grub pa’i rnam (6) par śes pa de gaṅ lags | gaṅ mṅon par ma grub pa de ni gzugs ma lags so ||
gaṅ mṅon par ma grub pa de ni tshor ba daṅ | ’du śes daṅ | ’du byed rnams daṅ | rnam par śes pa ma lags so źes smra | tshe daṅ ldan pa rab ’byor ci’i phyir ’di skad du | (7) ci mṅon par ma grub pa de mṅon par ma grub pa’i śes rab kyi pha rol tu phyin pa la gdams par bgyi źiṅ rjes su bstan par bgyi lags sam źes smra | tshe daṅ ldan pa rab ’byor ci’i phyir ’di skad du | bcom ldan ’das mṅon par ma grub pa las gud na yaṅ gaṅ byaṅ chub kyi slad du (212b1) spyod pa’i byaṅ chub sems dpa’ sems dpa’ chen po dmigs su ma mchis pa lags so źes smra | tshe daṅ ldan pa rab ’byor ci’i phyir ’di skad du | bcom ldan ’das gal te de ltar bstan pa’i tshe | byaṅ chub sems dpa’ sems dpa’ chen po’i sems mi źu ma | mi ’goṅ źiṅ (2) yid ’gyod par mi ’gyur la | mi skrag mi dṅaṅ źiṅ | dṅaṅ bar mi ’gyur na | byaṅ chub sems dpa’ sems dpa’ chen po de ni śes rab kyi pha rol tu phyin pa la spyod pa lags par rig par bgyi’o źes smra | rab ’byor gyis smras pa | tshe daṅ ldan pa ś ri’i bu sems can (3) med pa’i phyir | byaṅ chub sems dpa’ son gyi mthar khas mi len to ||
tshe daṅ ldan pa ś ri’i bu sems can stoṅ pa’i phyir byaṅ chub sems dpa’ sṅon gyi mthar khas mi len to ||
tshe daṅ ldan pa ś ri’i bu sems can dben pa’i phyir byaṅ chub sems dpa’ sṅon gyi mthar khas (4) mi len to ||
tshe daṅ ldan pa ś ri’i bu sems can dṅos po med pa’i phyir byaṅ chub sems dpa’ sṅon gyi mthar khas mi len to ||
tshe daṅ ldan pa ś ri’i bu gzugs med pa’i phyir byaṅ chub sems dpa’ sṅon gyi mthar khas mi len to ||
gzugs stoṅ pa daṅ | gzugs (5) dben pa daṅ | gzugs ṅo bo ñid med pa’i phyir byaṅ chub sems dpa’ sṅon gyi mthar khas mi len to ||
de bźin du tshor ba daṅ | ’du śes daṅ | ’du byed rnams daṅ | rnam par śes pa med pa’i phyir byaṅ chub sems dpa’ sṅon gyi mthar khas mi len to ||
rnam par (6) śes pa stoṅ pa daṅ | rnam par śes pa dben pa daṅ | rnam par śes pa ṅo bo ñid med pa’i phyir | byaṅ chub sems dpa’ sṅon gyi mthar khas mi len to ||
tshe daṅ ldan pa ś ri’i bu sbyin pa’i pha rol tu phyin pa med pa’i phyir | byaṅ chub sems dpa’ sṅon gyi mthar khas (7) mi len to ||
sbyin pa’i pha rol tu phyin pa stoṅ pa daṅ | sbyin pa’i pha rol tu phyin pa dben pa daṅ | sbyin pa’i pha rol tu phyin pa ṅo bo ñid med pa’i phyir byaṅ chub sems dpa’ sṅon gyi mthar khas mi len to ||
de bźin du tshul khrims kyi pha rol tu phyin pa daṅ | bzod pa’i (213a1) pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa med pa’i phyir | byaṅ chub sems dpa’ sṅon gyi mthar khas mi len to ||
śes rab kyi pha rol tu phyin pa stoṅ pa (2) daṅ | śes rab kyi pha rol tu phyin pa dben pa daṅ | śes rab kyi pha rol tu phyin pa ṅo bo ñid med pa’i phyir | byaṅ chub sems dpa’ sṅon gyi mthar khas mi len to ||
de ci’i phyir źe na | tshe daṅ ldan pa ś ri’i bu ’di ltar stoṅ pa ñid la sṅon gyi mtha’ daṅ | phyi ma’i (3) mtha’ daṅ | dbus rnams kyaṅ mi dmigs te | stoṅ pa ñid kyaṅ gźan la | byaṅ chub sems dpa’ yaṅ gźan źiṅ | sṅon gyi mtha’ daṅ | phyi ma’i mtha’ daṅ | dbus rnams kyaṅ gźan ma yin pas | tshe daṅ ldan pa ś ri’i bu de ltar na stoṅ pa ñid gaṅ yin pa daṅ | (4) byaṅ chub sems dpa’ gaṅ yin pa daṅ | sṅon gyi mtha’ daṅ | phyi ma’i mtha’ daṅ | dbus gaṅ yin pa de dag thams cad ni gñis su med ciṅ gñis su dbyer med pa’i phyir ro ||
tshe daṅ ldan pa ś ri’i bu rnam graṅs des na | byaṅ chub sems dpa’ sṅon gyi mtha’ daṅ | (5) phyi ma’i mtha’ daṅ | dbus rnams su khas mi len to ||
tshe daṅ ldan pa ś ri’i bu | med pa yaṅ gźan | stoṅ pa ñid kyaṅ gźan | dben pa yaṅ gźan | ṅo bo ñid med pa yaṅ gźan | byaṅ chub sems dpa’ yaṅ gźan | sbyin pa’i pha rol tu phyin pa yaṅ (6) gźan | tshul khrims kyi pha rol tu phyin pa yaṅ gźan | bzod pa’i pha rol tu phyin pa yaṅ gźan | brtson ’grus kyi pha rol tu phyin pa yaṅ gźan | bsam gtan gyi pha rol tu phyin pa yaṅ gźan | śes rab kyi pha rol tu phyin pa yaṅ gźan źiṅ | sṅon gyi mtha’ daṅ | phyi (7) ma’i mtha’ daṅ | dbus rnams kyaṅ gźan pa ma yin te | tshe daṅ ldan pa ś ri’i bu de ltar na med pa gaṅ yin pa daṅ | stoṅ pa ñid gaṅ yin pa daṅ | dben pa gaṅ yin pa daṅ | ṅo bo ñid med pa gaṅ yin pa daṅ | pha rol tu phyin pa drug gaṅ yin pa daṅ | byaṅ chub sems dpa’ (213b1) gaṅ yin pa daṅ | sṅon gyi mtha’ daṅ | phyi ma’i mtha’ daṅ | dbus rnams gaṅ yin pa de dag thams cad ni gñis su med ciṅ gñis su dbyer med do ||
tshe daṅ ldan pa ś ri’i bu rnam graṅs des na | byaṅ chub sems dpa’ sṅon gyi mtha’ daṅ phyi ma’i mtha’ daṅ | dbus rnams su (2) khas mi len to ||
de ci’i phyir źe na | tshe daṅ ldan pa ś ri’i bu naṅ stoṅ pa ñid med pa’i phyir | byaṅ chub sems dpa’ sṅon gyi mthar khas mi len to ||
dṅos po med pa’i ṅo bo ñid stoṅ pa ñid kyi bar du med pa’i phyir | byaṅ chub sems dpa’ sṅon gyi mtha’ daṅ | phyi ma’i mtha’ (3) daṅ | dbus rnams su khas mi len to ||
de ci’i phyir źe na | tshe daṅ ldan pa ś ri’i bu naṅ stoṅ pa ñid med pa daṅ | naṅ stoṅ pa ñid stoṅ pa daṅ | naṅ stoṅ pa ñid dben pa daṅ | naṅ stoṅ pa ñid ṅo bo ñid med pa la sṅon gyi mtha’ daṅ | phyi ma’i mtha’ daṅ | dbus (4) rnams mi dmigs pa’i phyir ro ||
dṅos po med pa’i ṅo bo ñid stoṅ pa ñid kyi bar du med pa daṅ | dṅos po med pa’i ṅo bo ñid stoṅ pa ñid stoṅ pa ñid daṅ | dṅos po med pa’i ṅo bo ñid stoṅ pa ñid dben pa daṅ | dṅos po med pa’i ṅo bo ñid stoṅ pa ñid ṅo bo ñid med pa la sṅon gyi (5) mtha’ daṅ | phyi ma’i mtha’ daṅ | dbus rnams mi dmigs pa’i phyir ro ||
naṅ stoṅ pa ñid med pa daṅ | stoṅ pa daṅ | dben pa daṅ | ṅo bo ñid med pa yaṅ gźan la | dṅos po med pa’i ṅo bo ñid stoṅ pa ñid kyi bar du med pa daṅ | stoṅ pa daṅ | dben pa daṅ | (6) ṅo bo ñid med pa yaṅ gźan źiṅ byaṅ chub sems dpa’ yaṅ gźan | sṅon gyi mtha’ daṅ | phyi ma’i mtha’ daṅ | dbus rnams kyaṅ gźan pa ma yin te | tshe daṅ ldan pa ś ri’i bu de ltar na naṅ stoṅ pa ñid med pa daṅ | stoṅ pa daṅ | dben pa daṅ | ṅo bo ñid med pa gaṅ yin pa daṅ | dṅos po med pa’i ṅo bo (7) ñid stoṅ pa ñid kyi bar du med pa daṅ | stoṅ pa daṅ | dben pa daṅ | ṅo bo ñid med pa gaṅ yin pa daṅ | byaṅ chub sems dpa’ gaṅ yin pa daṅ | sṅon gyi mtha’ daṅ | phyi ma’i mtha’ daṅ | dbus rnams gaṅ yin pa de dag thams cad ni gñis su med ciṅ gñis su dbyer (214a1) med do ||
tshe daṅ ldan pa ś ri’i bu rnam graṅs des na | byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
tshe daṅ ldan pa ś ri’i bu gźan yaṅ dran pa ñe bar gźag pa rnams med pa’i phyir | byaṅ chub (2) sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
dran pa ñe bar gźag pa rnams stoṅ pa daṅ | dran pa ñe bar gźag pa rnams dben pa daṅ | dran pa ñe bar gźag pa rnams ṅo bo ñid med pa’i phyir | byaṅ chub sems dpa’ (3) sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
de bźin du yaṅ dag par spaṅ ba rnams med pa daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | stobs daṅ | mi ’jigs pa daṅ | (4) so so yaṅ dag par rig pa daṅ | saṅs rgyas kyi chos ma ’dres pa rnams med pa’i phyir | byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
de bźin du sbyar te | saṅs rgyas kyi chos rnams stoṅ pa daṅ | saṅs rgyas (5) kyi chos rnams dben pa daṅ | saṅs rgyas kyi chos rnams ṅo bo ñid med pa’i phyir | byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
de ci’i phyir źe na | tshe daṅ ldan pa ś ri’i bu ’di ltar med pa daṅ | stoṅ ba daṅ | (6) dben pa daṅ | ṅo bo ñid med pa la sṅon gyi mtha’ daṅ | phyi ma’i mtha’ daṅ | dbus rnams mi dmigs pa’i phyir ro ||
med pa yaṅ gźan ma yin | stoṅ pa yaṅ gźan ma yin | dben pa yaṅ gźan ma yin | ṅo bo ñid med pa yaṅ gźan ma yin źiṅ | dran pa te (7) bar gźag pa rnams kyaṅ gźan ma yin la | saṅs rgyas kyi chos rnams kyi bar du yaṅ gźan ma yin źiṅ | sṅon gyi mtha’ daṅ | phyi ma’i mtha’ daṅ | dbus rnams kyaṅ gźan ma yin pa’i phyir te | tshe daṅ ldan pa ś ri’i bu de ltar na | dran pa ñe bar gźag pa rnams med (214b1) pa daṅ | stoṅ pa daṅ | dben pa daṅ | ṅo bo ñid med pa gaṅ yin pa daṅ | saṅs rgyas kyi chos ma ’dres pa rnams kyi bar daṅ | sṅon gyi mtha’ daṅ | phyi ma’i mtha’ daṅ | dbus rnams gaṅ yin pa de dag thams cad ni gñis su med ciṅ gñis su dbyer med do ||
tshe daṅ ldan pa (2) ś ri’i du rnam graṅs des na | byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
tshe daṅ ldan pa ś ri’i bu gźan yaṅ tiṅ ṅe ’dzin thams cad med pa daṅ | gzuṅs kyi sgo thams cad med pa daṅ | chos kyi dbyiṅs med pa daṅ | (3) de bźin ñid med pa daṅ | yaṅ dag pa’i mtha’ med pa daṅ | yaṅ dag pa’i mtha’ stoṅ pa daṅ | yaṅ dag pa’i mtha’ dben pa daṅ | yaṅ dag pa’i mtha’ ṅo bo ñid med pa’i phyir byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
(4) de ci’i phyir źe na | tiṅ ṅe ’dzin med pa daṅ | yaṅ dag pa’i mtha’i bar du med pa daṅ | yaṅ dag pa’i mtha’i bar du ṅo bo ñid med pa la sṅon gyi mtha’ daṅ | phyi ma’i mtha’ daṅ | dbus rnams mi dmigs pa’i phyir ro ||
tshe daṅ ldan pa ś ri’i bu med pa yaṅ gźan | stoṅ (5) pa yaṅ gźan | dben pa yaṅ gźan | ṅo bo ñid med pa yaṅ gźan | byaṅ chub samesa dpa’ yaṅ gźan | yaṅ dag pa’i mtha’i bar du yaṅ gźan źiṅ | sṅon gyi mtha’ daṅ | phyi ma’i mtha’ daṅ | dbus rnams kyaṅ gźan pa ma yin te | che daṅ ldan pa ś (6) ri’i bu de ltar na med pa gaṅ yin pa daṅ | ṅo bo ñid med pa’i bar gaṅ yin pa daṅ | tiṅ ṅe ’dzin gaṅ yin pa daṅ | yaṅ dag pa’i mtha’i bar daṅ | byaṅ chub sems dpa’ daṅ | sṅon gyi mtha’ daṅ | phyi ma’i mtha’ daṅ | dbus rnams gaṅ yin pa de dag ni thams (7) cad kyi thams cad rnam pa thams cad kyi thams cad du gñis su med ciṅ gñis su dbyer med do ||
tshe daṅ ldan pa ś ri’i bu rnam graṅs des na | byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
tshe daṅ ldan pa ś (215a1) ri’i bu gźan yaṅ ñan thos med pa’i phyir byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
ñan thos stoṅ pa daṅ | ñan thos dben pa daṅ | ñan thos ṅo bo ñid med pa’i phyir byaṅ chub sems dpa’ sṅon (2) gyi mtha’ daṅ | phyi ma’i mtha’ daṅ | dbus rnams su khas mi len to ||
raṅ saṅs rgyas med pa daṅ | byaṅ chub sems dpa’ med pa daṅ | rnam pa thams cad mkhyen pa ñid med pa daṅ | rnam pa thams cad mkhyen pa ñid stoṅ pa daṅ | rnam pa thams cad mkhyen pa (3) ñid dben pa daṅ | rnam pa thams cad mkhyen pa ñid ṅo bo ñid med pa’i phyir | byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
de ci’i phyir źe na | tshe daṅ ldan pa ś ri’i bu med pa daṅ | stoṅ pa daṅ | dben pa daṅ (4) ṅo bo ñid med pa la sṅon gyi mtha’ daṅ | phyi ma’i mtha’ daṅ | dbus rnams mi dmigs pa’i phyir ro ||
med pa daṅ | stoṅ pa daṅ | dben pa daṅ | ṅo bo ñid med pa yaṅ gźan źiṅ byaṅ chub sems dpa’ daṅ | ñan thos daṅ | raṅ saṅs rgyas kyaṅ gźan la sṅon (5) gyi mtha’ daṅ | phyi ma’i mtha’ daṅ | dbus rnams kyaṅ gźan ma yin te | tshe daṅ ldan pa ś ri’i bu de ltar na med pa daṅ | stoṅ pa daṅ | dben pa daṅ | ṅo bo ñid med pa daṅ | ñan thos daṅ | raṅ saṅs rgyas daṅ | byaṅ chub sems dpa’ daṅ | saṅs rgyas (6) de dag ni gñis su med ciṅ gñis su dbyer med do ||
tshe daṅ ldan pa ś ri’i bu rnam graṅs des na byaṅ chub sems dpa’ sṅon gyi mtha’ daṅ | phyi ma’i mtha’ daṅ | dbus rnams su khas mi len to ||
tshe daṅ ldan pa ś ri’i bu khyod gaṅ ’di skad du | tshe daṅ ldan pa rab (7) ’byor ci’i phyir | gzugs mu med pa’i phyir byaṅ chub sems dpa’ mu med par rig par bya | tshor ba daṅ | ’du śes daṅ | ’du byed rnams daṅ | rnam par śes pa mu med pa’i phyir byaṅ chub sems dpa’ mu med par rig par bya źes zer ba ni | tshe daṅ ldan pa ś ri’i (215b1) bu gzugs ni nam mkha’ daṅ mñam pa yin no ||
tshor ba daṅ | ’du śes daṅ | ’du byed rnams daṅ | rnam par śes pa ni nam mkha’ daṅ mñam pa yin no ||
de ci’i phyir źe na | tshe daṅ ldan pa ś ri’i bu ’di lta ste dper na nam mkha’ la ni mtha’ daṅ | dbus daṅ (2) mtha’ mi dmigs kyaṅ | nam mkha’ źes tha sñad ’dogs so ||
tshe daṅ ldan pa ś ri’i bu de bźin du gzugs stoṅ pa ñid yin pa’i phyir gzugs kyi sṅon gyi mtha’ mi dmigs | phyi ma’i mtha’ mi dmigs | dbus mi dmigs te | stoṅ pa ñid la ni mtha’ ’am | (3) dbus dmigs su med pa’i phyir ro ||
tshe daṅ ldan pa ś ri’i bu de bźin du tshor ba daṅ | ’du śes daṅ | ’du byed rnams daṅ | rnam par śes pa stoṅ pa ñid yin pa’i phyir tshor ba daṅ | ’du śes daṅ | ’du byed rnams daṅ | rnam par śes pa’i sṅon gyi mtha’ mi (4) dmigs | phyi ma’i mtha’ mi dmigs | dbus mi dmigs te | stoṅ pa ñid la ni mtha’ ’am | dbus dmigs su med pa’i phyir ro ||
tshe daṅ ldan pa ś ri’i bu rnam graṅs des na | gzugs mu med pa’i phyir byaṅ chub sems dpa’ mu med par rig par bya’o ||
(5) tshor ba daṅ | ’du śes daṅ | ’du byed rnams daṅ | rnam par śes pa mu med pa’i phyir byaṅ chub sems dpa’ mu med par rig par bya’o ||
tshe daṅ ldan pa ś ri’i bu de bźin du khams daṅ | skye mched rnams daṅ | dran pa ñe bar gźag pa daṅ | yaṅ dag par (6) spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa rnams ni nam mkha’ daṅ mñam pa yin no ||
(7) de ci’i phyir źe na | tshe daṅ ldan pa ś ri’i bu ’di lta ste dper na | mtha’ yas mu med pa’i phyir nam mkha’ la mtha’ ’am | dbus mi dmigs kyaṅ nam mkha’ źes tha sñad ’dogs so ||
tshe daṅ ldan pa ś ri’i bu de bźin du saṅs rgyas kyi chos rnams kyi bar du stoṅ pa ñid (216a1) yin pa’i phyir | saṅs rgyas kyi chos rnams la mtha’ ’am | dbus mi dmigs te | stoṅ pa ñid la mtha’ ’am | dbus dmigs su med pa’i phyir ro ||
tshe daṅ ldan pa ś ri’i bu rnam graṅs des na | saṅs rgyas kyi chos rnams mu med pa’i phyir byaṅ chub (2) sems dpa’ mu med par rig par bya’o ||
tshe daṅ ldan pa ś ri’i bu gaṅ yaṅ khyod ’di skad du | tshe daṅ ldan pa rab ’byor ci’i phyir gzugs byaṅ chub sems dpa’ źes bya ba de lta bu yaṅ med ciṅ mi dmigs pa yin | tshor ba daṅ | ’du śes daṅ | ’du byed rnams daṅ | (3) rnam par śes pa byaṅ chub sems dpa’ źes bya ba de lta bu yaṅ med ciṅ mi dmigs pa yin nam źes zer ba ni tshe daṅ ldan pa ś ri’i bu gzugs ni gzugs kyis stoṅ ṅo ||
tshe daṅ ldan pa ś ri’i bu tshor ba daṅ | ’du śes daṅ | ’du byed rnams daṅ | rnam par śes pa ni rnam par śes (4) bas stoṅ ṅo ||
de ci’i phyir źe na | tshe daṅ ldan pa ś ri’i bu stoṅ pa ñid la ni gzugs med ciṅ mi dmigs so ||
stoṅ pa ñid la ni byaṅ chub sems dpa’ med ciṅ mi dmigs la | de bźin du stoṅ pa ñid la ni tshor ba daṅ | ’du śes daṅ | ’du byed rnams daṅ | rnam bar (5) śes pa med ciṅ mi dmigs | stoṅ ba ñid la ni byaṅ chub sems dpa’ med ciṅ mi dmigs pa’i phyir te | tshe daṅ ldan pa ś ri’i bu rnam graṅs des na | gzugs byaṅ chub sems dpa’ źes bya ba de lta bu yaṅ med ciṅ mi dmigs pa yin no ||
tshor ba daṅ | ’du śes daṅ | (6) ’du byed rnams daṅ | rnam par śes pa byaṅ chub sems dpa’ źes bya ba de lta bu yaṅ med ciṅ mi dmigs pa yin no ||
tshe daṅ ldan pa ś ri’i bu gźan yaṅ sbyin pa’i pha rol tu phyin pa ni sbyin pa’i pha rol tu phyin pas stoṅ ṅo ||
de bźin du tshul khrims kyi pha rol tu phyin pa daṅ | (7) bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ni śes rab kyi pha rol tu phyin pas stoṅ ṅo ||
de ci’i phyir źe na | tshe daṅ ldan pa ś ri’i bu stoṅ pa ñid la ni śes rab kyi pha rol tu (216b1) phyin pa med ciṅ | stoṅ ba ñid la ni byaṅ chub sems dpa’ med pa’i phyir ro ||
tshe daṅ ldan pa ś ri’i bu naṅ stoṅ pa ñid ni naṅ stoṅ pa ñid kyis stoṅ ṅo ||
dṅos po med pa’i ṅo bo ñid stoṅ pa ñid kyi bar ni dṅos po med pa’i ṅo bo ñid stoṅ pa ñid kyi bar gyis stoṅ ṅo ||
dran pa ñe bar gźag (2) pa rnams ni | dran pa ñe bar gźag pa rnams kyis stoṅ ṅo ||
yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam rnams daṅ | stobs bcu daṅ | mi ’jigs pa (3) rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams ni saṅs rgyas kyi chos ma ’dres pa rnams kyis stoṅ ṅo ||
chos kyi dbyiṅs ni chos kyi dbyiṅs kyis stoṅ ṅo ||
de bźin ñid ni de bźin ñid kyis stoṅ ṅo ||
yaṅ dag pa’i mtha’ ni (4) yaṅ dag pa’i mthas stoṅ ṅo ||
bsam gyis mi khyab pa’i dbyiṅs ni bsam gyis mi khyab pa’i dbyiṅs kyis stoṅ ṅo ||
tiṅ ṅe ’dzin ni tiṅ ṅe ’dzin gyis stoṅ ṅo ||
gzuṅs kyi sgo rnams ni gzuṅs kyi sgo rnams kyis stoṅ ṅo ||
thams cad śes pa ñid ni thams cad śes pa ñid (5) kyis stoṅ ṅo ||
lam gyi rnam pa śes pa ñid ni lam gyi rnam pa śes pa ñid kyis stoṅ ṅo ||
rnam pa thams cad mkhyen pa ñid ni rnam pa thams cad mkhyen pa ñid kyis stoṅ ||
ñan thos kyi theg pa ni ñan thos kyi theg pas stoṅ ṅo ||
raṅ saṅs rgyas kyi theg pa ni raṅ saṅs rgyas kyi (6) theg pas stoṅ ṅo ||
saṅs rgyas kyi theg pa ni saṅs rgyas kyi theg pas stoṅ ṅo ||
ñan thos ni ñan thos kyis stoṅ ṅo ||
raṅ saṅs rgyas ni raṅ saṅs rgyas kyis stoṅ ṅo ||
byaṅ chub sems dpa’ ni byaṅ chub sems dpas stoṅ ṅo ||
de bźin gśegs pa ni de bźin (7) gśegs pas stoṅ ste | tshe daṅ ldan pa ś ri’i bu de bźin gśegs pa stoṅ pa ñid la ni gzugs med ciṅ mi dmigs so ||
de bźin gśegs pa stoṅ pa ñid la ni tshor ba daṅ | ’du śes daṅ | ’du byed rnams daṅ | rnam par śes pa med ciṅ mi dmigs so ||
tshe daṅ (217a1) ldan pa ś ri’i bu rnam graṅs des na | gzugs byaṅ chub sems dpa’ źes bya ba de lta bu yaṅ med ciṅ mi dmigs pa yin no ||
tshor ba daṅ | ’du śes daṅ | ’du byed rnams daṅ | rnam par śes pa byaṅ chub sems dpa’ źes bya ba de lta bu yaṅ med ciṅ mi (2) dmigs pa yin no ||
tshe daṅ ldan pa ś ri’i bu gaṅ yaṅ khyod ’di skad du | tshe daṅ ldan pa rab ’byor ci’i phyir ’di skad du | bcom ldan ’das de ltar bdag gis thams cad kyi thams cad rnam pa thams cad kyi thams cad du | byaṅ chub sems dpa’ sems dpa’ chen po yaṅ dag (3) par rjes su ma mthoṅ | ma dmigs lags na | byaṅ chub sems dpa’ gaṅ źig śes rab kyi pha rol tu phyin pa gaṅ la gdams par bgyi źiṅ rjes su bstan par bgyi źes smra źes zer ba ni | tshe daṅ ldan pa ś ri’i bu gzugs ni gzugs la dmigs su med do ||
gzugs ni (4) tshor ba la dmigs su med do ||
tshor ba ni tshor ba la dmigs su med do ||
tshor ba ni gzugs la dmigs su med do ||
gzugs daṅ | tshor ba dag ni ’du śes la dmigs su med do ||
’du śes ni ’du śes la dmigs su med do ||
’du śes ni gzugs daṅ | tshor ba (5) dag la dmigs su med do ||
’du byed rnams ni ’du śes la med ciṅ mi dmigs so ||
’du byed rnams ni ’du byed rnams la med ciṅ mi dmigs so ||
’du śes ni ’du byed rnams la med ciṅ mi dmigs so ||
rnam par śes pa ni ’du byed rnams la med ciṅ mi dmigs so ||
(6) ’du byed rnams ni rnam par śes pa la med ciṅ mi dmigs so ||
gzugs daṅ | tshor ba daṅ | ’du śes ni ’du byed rnams la med ciṅ mi dmigs so ||
rnam par śes pa ni rnam par śes pa la med ciṅ mi dmigs so ||
gzugs daṅ | tshor ba daṅ | ’du śes daṅ | (7) ’du byed rnams ni rnam par śes pa la med ciṅ mi dmigs so ||
rnam par śes pa ni gzugs daṅ | tshor ba daṅ | ’du śes daṅ | ’du byed rnams la med ciṅ mi dmigs so ||
tshe daṅ ldan pa ś ri’i bu mig ni mig la med ciṅ mi dmigs so ||
mig ni rna ba la med (217b1) ciṅ mi dmigs so ||
rna ba ni mig la med ciṅ mi dmigs so ||
rna ba ni rna ba la med ciṅ mi dmigs so ||
rna ba ni sna la med ciṅ mi dmigs so ||
sna ni sna la med ciṅ mi dmigs so ||
sna ni mig daṅ rna ba la med ciṅ mi dmigs so ||
sna ni lce la med ciṅ mi (2) dmigs so ||
lce ni lce la med ciṅ mi dmigs so ||
lce ni mig daṅ rna ba daṅ | sna dag la med ciṅ mi dmigs so ||
lce ni lus la med ciṅ mi dmigs so ||
lus ni lus la med ciṅ mi dmigs so ||
lus ni mig daṅ | rna ba daṅ | sna daṅ | lce rnams la (3) med ciṅ mi dmigs so ||
lus ni yid la med ciṅ mi dmigs so ||
yid ni yid la med ciṅ mi dmigs so ||
yid ni mig daṅ | rna ba daṅ | sna daṅ | lce daṅ | lus rnams la med ciṅ mi dmigs so ||
gzugs ni gzugs la med ciṅ mi dmigs so ||
(4) gzugs ni sgra daṅ | dri daṅ | ro daṅ | reg bya daṅ | chos rnams la med ciṅ mi dmigs so ||
sgra ni sgra la med ciṅ mi dmigs so ||
sgra ni gźan dag la yaṅ med ciṅ mi dmigs so ||
de bźin du dri ni dri daṅ | gźan dag la yaṅ med ciṅ mi dmigs so ||
ro (5) ni ro daṅ gźan dag la yaṅ med ciṅ mi dmigs so ||
reg bya ni reg bya daṅ gźan dag la yaṅ med ciṅ mi dmigs so ||
chos ni chos rnams daṅ gźan dag la yaṅ med ciṅ mi dmigs so ||
mig gi rnam par śes pa ni mig gi rnam par śes pa la med ciṅ mi dmigs so ||
(6) gźan dag kyaṅ de la med ciṅ mi dmigs so ||
de dag la yaṅ de med ciṅ mi dmigs so ||
rna ba’i rnam par śes pa daṅ | sna’i rnam par śes pa daṅ | lce’i rnam par śes pa daṅ | lus kyi rnam par śes pa daṅ | yid kyi rnam par śes pa ni de bźin te | yid kyi rnam (7) par śes pa yaṅ yid kyi rnam par śes pa la med ciṅ mi dmigs so ||
gźan dag kyaṅ de la med ciṅ mi dmigs so ||
de yaṅ gźan dag la med ciṅ mi dmigs so ||
mig gi ’dus te reg pa ni mig gi ’dus te reg pa la med ciṅ mi dmigs so ||
de ni (218a1) gźan dag la yaṅ med ciṅ mi dmigs so ||
de la gźan dag kyaṅ med ciṅ mi dmigs so ||
rna ba’i ’dus te reg pa daṅ | sna’i ’dus te reg pa daṅ | lce’i ’dus te reg pa daṅ | lus kyi ’dus te reg pa daṅ | yid kyi ’dus te reg pa yaṅ de bźin te | (2) yid kyi ’dus te reg pa ni yid kyi ’dus te reg pa la med ciṅ mi dmigs so ||
yid kyi ’dus te rig pa la yaṅ reg pa gźan dag med ciṅ mi dmigs so ||
mig gi ’dus te reg pa las byuṅ ba’i tshor ba ni | mig gi ’dus te reg pa las byuṅ ba’i tshor ba la med ciṅ mi dmigs (3) so ||
de la yaṅ gźan dag daṅ gźan dag la yaṅ gźan dag med ciṅ mi dmigs so ||
rna ba daṅ | sna daṅ | lce daṅ | lus daṅ | yid kyi ’dus te reg pa las byuṅ ba’i tshor ba yaṅ yid kyi ’dus te reg pa las byuṅ pa’i tshor ba la med ciṅ mi dmigs so ||
de la (4) yaṅ gźan dag daṅ | gźan dag la yaṅ gźan dag med ciṅ mi dmigs so ||
dran pa ñe bar gźag pa rnams ni dran pa ñe bar gźag pa rnams la med ciṅ mi dmigs so ||
de bźin du yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po (5) rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad po dag ni saṅs rgyas kyi (6) chos rnams la med ciṅ mi dmigs so ||
so so yaṅ dag par rig pa rnams ni so so yaṅ dag par rig pa rnams la med ciṅ mi dmigs so ||
saṅs rgyas kyi chos rnams ni | so so yaṅ dag par rig pa rnams la med ciṅ mi dmigs so ||
so so yaṅ dag par rig pa (7) rnams ni saṅs rgyas kyi chos rnams la med ciṅ mi dmigs so ||
chos thams cad ni chos thams cad la med ciṅ mi dmigs so ||
chos thams cad ni saṅs rgyas kyi chos rnams la med ciṅ mi dmigs so ||
naṅ stoṅ pa ñid ni naṅ stoṅ pa ñid la med ciṅ mi dmigs so ||
(218b1) naṅ stoṅ pa ñid ni | dṅos po med pa’i ṅo bo ñid stoṅ pa ñid kyi bar la med ciṅ mi dmigs so ||
dṅos po med pa’i ṅo bo ñid stoṅ pa ñid kyaṅ dṅos po med pa’i ṅo bo ñid stoṅ pa ñid la med ciṅ mi dmigs so ||
dṅos po med pa’i ṅo bo ñid stoṅ pa ñid ni naṅ stoṅ pa ñid kyi bar la med (2) ciṅ mi dmigs so ||
tiṅ ṅe ’dzin ni tiṅ ṅe ’dzin la med ciṅ mi dmigs so ||
tiṅ ṅe ’dzin ni gzuṅs rnams la med ciṅ mi dmigs so ||
gzuṅs ni gzuṅs la med ciṅ mi dmigs so ||
gzuṅs ni tiṅ ṅe ’dzin la med ciṅ mi dmigs so ||
so so’i skye bo’i sa ni (3) so so’i skye bo’i sa la med ciṅ mi dmigs so ||
rigs kyi sa daṅ | brgyad pa’i sa daṅ | mthoṅ ba’i sa daṅ | ’dod chags daṅ bral ba’i sa daṅ | bsrab pa’i sa daṅ | byas pa rtogs pa can gyi sa daṅ | raṅ saṅs rgyas kyi sa daṅ | byaṅ chub sems dpa’i sa daṅ | (4) de bźin gśegs pa’i sa daṅ | rnam pa thams cad mkhyen pa’i sa ni rnam pa thams cad mkhyen pa’i sa la med ciṅ mi dmigs so ||
de bźin du rgyun du źugs pa ni rgyun du źugs pa la med ciṅ mi dmigs so ||
lan cig phyir ’oṅ ba daṅ | phyir mi ’oṅ ba daṅ | dgra bcom pa (5) daṅ | raṅ saṅs rgyas ni raṅ saṅs rgyas ñid la med ciṅ mi dmigs so ||
byaṅ chub sems dpa’ daṅ | yaṅ dag par rdzogs pa’i saṅs rgyas ni | yaṅ dag par rdzogs pa’i saṅs rgyas la med ciṅ mi dmigs so ||
byaṅ chub sems dpa’ ni śes rab kyi pha rol tu (6) phyin pa la med ciṅ mi dmigs so ||
śes rab kyi pha rol tu phyin pa yaṅ śes rab kyi pha rol tu phyin pa la med ciṅ mi dmigs so ||
gdams pa daṅ | rjes su bstan pa ni śes rab kyi pha rol tu phyin pa la med ciṅ mi dmigs so ||
gdams pa daṅ | rjes su bstan pa ni | (7) gdams pa daṅ | rjes su bstan pa la med ciṅ mi dmigs so ||
byaṅ chub sems dpa’ ni gdams pa daṅ | rjes su bstan pa la med ciṅ mi dmigs so ||
tshe daṅ ldan pa ś ri’i bu de ltar na tshes thams cad med ciṅ mi dmigs pas | byaṅ chub sems dpa’ yaṅ med (219a1) ciṅ mi dmigs te bstan du med do ||
tshe daṅ ldan pa ś ri’i bu gaṅ yaṅ khyod ’di skad du | tshe daṅ ldan pa rab ’byor ci’i phyir ’di lta ste | byaṅ chub sems dpa’ źes bgyi ba de ni miṅ tsam du bas lags so źes smra źes zer ba ni | tshe daṅ ldan pa ś ri’i bu ’di lta (2) ste | byaṅ chub sems dpa’ źes bya ba de ni glo bur du miṅ du btags pa ste | de’i phyir ’di lta ste | byaṅ chub sems dpa’ źes bya ba de ni miṅ tsam źes bya’o ||
tshe daṅ ldan pa ś ri’i bu ’di ltar chos thams cad kyi miṅ de ni phyogs bcu gaṅ nas kyaṅ mi ’oṅ gaṅ du yaṅ mi (3) ’gro’o ||
de bźin du byaṅ chub sems dpa’i miṅ yaṅ gaṅ nas kyaṅ mi ’oṅ | gaṅ du yaṅ mi ’gro’o ||
’di ltar ’di lta ste | gzugs źes bya ba daṅ | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes (4) bya ba de dag ni glo bur du miṅ du btags pa yin no ||
miṅ gaṅ yin pa de yaṅ gzugs ma yin | tshor ba ma yin | ’du śes ma yin | ’du byed rnams ma yin | rnam par śes pa ma yin no ||
de ci’i phyir źe na | ’di ltar miṅ ni miṅ gi ṅo bo ñid kyis stoṅ la | stoṅ pa (5) gaṅ yin pa de ni miṅ ma yin pa’i phyir te | de’i phyir ’di lta ste | byaṅ chub sems dpa’ źes bya ba de ni miṅ tsam źes bya’o ||
tshe daṅ ldan pa ś ri’i bu gźan yaṅ ’di lta ste | sbyin pa’i pha rol tu phyin pa źes bya ba de ni miṅ tsam ste | miṅ la yaṅ sbyin pa’i pha rol tu phyin pa (6) med la | sbyin pa’i pha rol tu phyin pa la yaṅ miṅ med do ||
de ci’i phyir źe na | tshe daṅ ldan pa ś ri’i bu ’di ltar miṅ gaṅ yin pa daṅ | sbyin pa’i pha rol tu phyin pa gaṅ yin pa de gñi ga yaṅ med ciṅ mi dmigs pa’i phyir te | de’i phyir ’di lta ste | byaṅ chub sems dpa’ (7) źes bya ba de ni miṅ tsam du zad do ||
de bźin du ’di lta ste | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa źes bya ba de ni miṅ (219b1) tsam ste | miṅ la yaṅ śes rab kyi pha rol tu phyin pa med la | śes rab kyi pha rol tu phyin pa la yaṅ miṅ med do ||
de ci’i phyir źe na | tshe daṅ ldan pa ś ri’i bu ’di ltar miṅ gaṅ yin pa daṅ | śes rab kyi pha rol tu phyin pa gaṅ yin pa de gñi ga yaṅ med ciṅ mi dmigs pa’i (2) phyir te | de’i phyir ’di lta ste | byaṅ chub sems dpa’ źes bya ba de ni glo bur du miṅ du btags pa yin pas | ’di lta ste | byaṅ chub sems dpa’ źes bya ba de ni miṅ tsam du zad do ||
tshe daṅ ldan pa ś ri’i bu ’di lta ste | naṅ stoṅ pa ñid ces bya ba daṅ | dṅos po med (3) pa’i ṅo bo ñid stoṅ pa ñid ces bya ba’i bar de ni miṅ tsam ste | naṅ stoṅ pa ñid las gud na yaṅ miṅ med la | miṅ la yaṅ naṅ stoṅ pa ñid med do ||
dṅos po med pa’i ṅo bo ñid stoṅ pa ñid kyi bar las gud na yaṅ miṅ med la | miṅ la yaṅ dṅos po med pa’i ṅo bo ñid stoṅ pa ñid kyi bar (4) dag med do ||
de ci’i phyir źe na | tshe daṅ ldan pa ś ri’i bu ’di ltar miṅ gaṅ yin pa daṅ | naṅ stoṅ pa ñid gaṅ yin pa daṅ | dṅos po med pa’i ṅo bo ñid stoṅ pa ñid kyi bar gaṅ yin pa de gñi ga yaṅ med ciṅ mi dmigs pa’i phyir te | tshe daṅ ldan pa ś ri’i bu rnam graṅs des na (5) ’di lta ste | byaṅ chub sems dpa’ źes bya ba de ni miṅ tsam du zad do ||
tshe daṅ ldan pa ś ri’i bu ’di lta ste | dran pa ñe bar gźag pa rnams źes bya ba de ni glo bur du miṅ du btags pa ste | dran pa ñe bar gźag pa rnams las gud na yaṅ miṅ med la | miṅ la yaṅ dran pa ñe (6) bar gźag pa rnams med do ||
de ci’i phyir źe na | tshe daṅ ldan pa ś ri’i bu ’di ltar miṅ gaṅ yin pa daṅ | dran pa ñe bar gźag pa rnams gaṅ yin pa de gñi ga yaṅ med ciṅ mi dmigs pa’i phyir ro ||
de bźin du yaṅ dag par spoṅ ba rnams daṅ | rdzu ’phrul gyi rkaṅ pa (7) rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa (220a1) brgyad ces bya ba de dag ni glo bur du miṅ du btags pa ste | saṅs rgyas kyi chos rnams las gud na yaṅ miṅ med la | miṅ la yaṅ saṅs rgyas kyi chos rnams med do ||
de ci’i phyir źe na | tshe daṅ ldan pa ś ri’i bu ’di ltar miṅ gaṅ yin pa daṅ | saṅs rgyas kyi (2) chos rnams gaṅ yin pa de gñi ga yaṅ med ciṅ mi dmigs pa’i phyir ro ||
tshe daṅ ldan pa ś ri’i bu de bźin du ’di lta ste | tiṅ ṅe ’dzin ces bya ba daṅ | gzuṅs kyi sgo rnams źes bya ba daṅ | rnam pa thams cad mkhyen pa ñid ces bya ba’i bar dag ni glo bur du miṅ du btags pa ste | (3) rnam pa thams cad mkhyen pa ñid las gud na yaṅ miṅ med la | miṅ la yaṅ rnam pa thams cad mkhyen pa ñid med do ||
de ci’i phyir źe na | tshe daṅ ldan pa ś ri’i bu ’di ltar miṅ gaṅ yin pa daṅ | rnam pa thams cad mkhyen pa ñid kyi bar gaṅ yin pa de gñi ga yaṅ med ciṅ mi (4) dmigs pa’i phyir ro ||
tshe daṅ ldan pa ś ri’i bu gaṅ yaṅ khyod ’di skad du | tshe daṅ ldan pa rab ’byor ci’i phyir ’di skad du | ’di lta ste | dper bgyi na | bdag bdag ces bgyi ba yaṅ bdag mṅon par grub pa ni gtan ma mchis lags so źes smra źes zer ba ni | tshe (5) daṅ ldan pa ś ri’i bu bdag gtan med ciṅ mi dmigs na | de mṅon par ’grub par ’gyur ba lta ga la yod | tshe daṅ ldan pa ś ri’i bu sems can daṅ | srog daṅ | skye ba po daṅ | gso ba daṅ | skyes bu daṅ | gaṅ zag daṅ | śed las skyes daṅ | śed bu daṅ | (6) byed pa po daṅ | tshor ba po daṅ | śes pa po daṅ | mthoṅ ba po gtan med ciṅ mi dmigs na | de mṅon par ’grub par ’gyur ba lta ga la yod | tshe daṅ ldan pa ś ri’i bu gzugs gtan med ciṅ mi dmigs na | de mṅon par ’grub par ’gyur ba lta ga la yod | tshor (7) ba daṅ | ’du śes daṅ | ’du byed rnams daṅ | rnam par śes pa gtan med ciṅ mi dmigs na | de mṅon par ’grub par ’gyur ba lta ga la yod | tshe daṅ ldan pa ś ri’i bu mig gtan med ciṅ mi dmigs na | de mṅon par ’grub par ’gyur ba lta ga la yod | de bźin (220b1) du rna ba daṅ | sna daṅ | lce daṅ | lus daṅ | yid gtan med ciṅ mi dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu gzugs gtan med ciṅ mi dmigs na | de mṅon par ’grub par ’gyur ba lta ga la yod | de bźin du (2) sgra daṅ | dri daṅ | ro daṅ | reg bya daṅ | chos rnams gtan med ciṅ mi dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu mig gi rnam par śes pa gtan med ciṅ mi dmigs na | de mṅon par ’grub par ’gyur ba lta ga la yod | (3) rna ba daṅ | sna daṅ | lce daṅ | lus daṅ | yid kyi rnam par śes pa gtan med ciṅ mi dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu meg gi ’dus te reg pa gtan med ciṅ mi dmigs na | de mṅon par ’grub par ’gyur ba lta ga (4) la yoṅ | de bźin du rna ba daṅ | sna daṅ | lce daṅ | lus daṅ | yid kyi ’dus te reg pa gtan med ciṅ mi dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu mig gi ’dus te reg pa las byuṅ ba’i tshor ba gtan med ciṅ mi dmigs (5) na | de mṅon par ’grub par ’gyur ba lta ga la yod | rna ba daṅ | sna daṅ | lce daṅ | lus daṅ | yid kyi ’dus te reg pa las byuṅ ba’i tshor ba gtan med ciṅ mi dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu sbyin pa’i pha rol (6) tu phyin pa gtan med ciṅ mi dmigs na | de mṅon par ’grub par ’gyur ba lta ga la yod | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin (7) pa gtan med ciṅ mi dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu naṅ stoṅ pa ñid gtan med ciṅ mi dmigs na | de mṅon par ’grub par ’gyur ba lta ga la yod | dṅos po med pa’i ṅo bo ñid stoṅ pa ñid kyi bar du gtan med ciṅ mi (221a1) dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu dran pa ñe bar gźag pa rnams gtan med ciṅ mi dmigs na | de dag mṅon par ’grub par ’gyur ba lta ga la yod | yaṅ dag par spoṅ ba rnams daṅ | rdzu ’phrul (2) gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma (3) ’dres pa bcwa brgyad gtan med ciṅ mi dmigs na | de dag mṅon par ’grub par ’gyur ba lta ga la yod | tshe daṅ ldan pa ś ri’i bu tiṅ ṅe ’dzin rnams daṅ | gzuṅs kyi sgo rnams gtan med ciṅ mi dmigs na | de dag mṅon par ’grub par ’gyur ba lta ga la yod | (4) ñan thos gtan med ciṅ mi dmigs na | de mṅon par ’grub par ’gyur ba lta ga la yod | raṅa saṅs rgyas gtan med ciṅ mi dmigs na | de mṅon par ’grub par ’gyur ba lta ga la yod | byaṅ chub sems dpa’ gtan med ciṅ mi dmigs na | de mṅon par ’grub par (5) ’gyur ba lta ga la yod | de bźin gśegs pa dgra bcom pa yaṅ dag par rdzogs pa’i saṅs rgyas gtan med ciṅ mi dmigs na | de mṅon par ’grub par ’gyur ba lta ga la yod de | tshe daṅ ldan pa ś ri’i bu rnam graṅs des na | bdag bdag ces bya ba yaṅ bdag (6) mṅon par grub pa ni gtan med pa yin no ||
tshe daṅ ldan pa ś ri’i bu gźan yaṅ khyod ’di skad du | ci’i phyir ’di ltar chos thams cad dṅos po ma mchis pa’i ṅo bo ñid lags na źes smra źes zer ba ni | tshe daṅ ldan pa ś ri’i bu de de bźin no ||
de ci’i phyir źe na | tshe (7) daṅ ldan pa ś ri’i bu ’di ltar ’dus pa las byuṅ ba’i ṅo bo ñid med pa’i phyir ro ||
ś ri’i bus smras pa | tshe daṅ ldan pa rab ’byor gaṅ gi ’dus pa las byuṅ ba’i ṅo bo ñid med | rab ’byor gyis smras pa | tshe daṅ ldan pa ś ri’i bu gzugs kyi ’dus pa las byuṅ ba’i ṅo bo (221b1) ñid med do ||
tshor ba daṅ | ’du śes daṅ | ’du byed rnams daṅ | rnam par śes pa’i ’dus pa las byuṅ ba’i ṅo bo ñid med do ||
tshe daṅ ldan pa ś ri’i bu mig gi ’dus pa las byuṅ ba’i ṅo bo ñid med do ||
de bźin du rna pa daṅ | sna daṅ | lce daṅ | lus daṅ | (2) yid kyi ’dus pa las byuṅ ba’i ṅo bo ñid med do ||
tshe daṅ ldan pa ś ri’i bu de bźin du gzugs daṅ | sgra daṅ | dri daṅ | ro daṅ | reg bya daṅ | chos rnams daṅ | mig gi rnam par śes pa daṅ | rna ba daṅ | sna daṅ | lce daṅ | lus daṅ | yid kyi rnam par śes pa (3) daṅ | mig gi ’dus te reg pa daṅ | rna ba daṅ | sna daṅ | lce daṅ | lus daṅ | yid kyi ’dus te reg pa daṅ | mig gi ’dus te reg pa las byuṅ ba’i tshor ba daṅ | rna ba daṅ | sna daṅ | lce daṅ | lus daṅ | yid kyi ’dus te reg pa las byuṅ ba’i tshor ba’i ’dus (4) pa las byuṅ ba’i ṅo bo ñid med do ||
tshe daṅ ldan pa ś ri’i bu sbyin pa’i pha rol tu phyin pa’i ’dus pa las byuṅ ba’i ṅo bo ñid med do ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin (5) pa daṅ | śes rab kyi pha rol tu phyin pa’i ’dus pa las byuṅ ba’i ṅo bo ñid med de | tshe daṅ ldan pa ś ri’i bu rnam graṅs des na | chos thams cad ni dṅos po med pa’i ṅo bo ñid yin no ||
tshe daṅ ldan pa ś ri’i bu gźan yaṅ chos thams cad ni mi rtag pa ste | gaṅ daṅ yaṅ bral bas (6) ma yin no ||
ś ri’i bus smras pa | tshe daṅ ldan pa rab ’byor chos thams cad ni mi rtag pa ste | gaṅ daṅ yaṅ bral bas ma yin pa de gaṅ yin | rab ’byor gyis smras pa | tshe daṅ ldan pa ś ri’i bu gzugs ni mi rtag pa ste | gaṅ daṅ yaṅ bral bsam yin no ||
tshe daṅ ldan (7) pa ś ri’i bu tshor ba daṅ | ’du śes daṅ | ’du byed rnams daṅ | rnam par śes pa ni mi rtag pa ste | gaṅ daṅ yaṅ bral bas ma yin no ||
de ci’i phyir źe na | tshe daṅ ldan pa ś ri’i bu ’di ltar mi rtag pa gaṅ yin pa de ni zad pa’i dṅos po med pa’o ||
de bźin du chos thams cad (222a1) ni sdug bsṅal ba daṅ | bdag med pa daṅ | źi pa daṅ | stoṅ pa daṅ | mtshan ma med pa daṅ | smon pa med pa ste | gaṅ daṅ yaṅ bral bsam yin no ||
de ci’i phyir źe na | tshe daṅ ldan pa ś ri’i bu ’di ltar smon pa med pa gaṅ yin pa de ni zad pa’i dṅos (2) po med pa’o ||
tshe daṅ ldan pa ś ri’i bu de bźin du chos thams cad ni dge ba daṅ | kha na ma tho ba med pa daṅ | zag pa med pa daṅ | ñon moṅs pa med pa daṅ | ’jig rten las ’das pa daṅ | rnam par byaṅ ba daṅ | ’dus ma byas pa ste | gaṅ daṅ yaṅ bral bas ma (3) yin no ||
de ci’i phyir źe na | tshe daṅ ldan pa ś ri’i bu ’di ltar ’dus ma byas pa gaṅ yin pa de ni zad pa’i dṅos po med pa’i phyir te | tshe daṅ ldan pa ś ri’i bu rnam graṅs des na | chos thams cad ni ṅo bo ñid med pa ste | gaṅ daṅ yaṅ bral bas ma yin no ||
tshe daṅ (4) ldan pa ś ri’i bu gźan yaṅ chos thams cad ni ther zug tu gnas pa ma yin | ’jig pa ma yin no ||
ś ri’i bus smras pa | tshe daṅ ldan pa rab ’byor ci’i phyir chos thams cad ther zug tu gnas pa ma yin | ’jig pa ma yin | rab ’byor gyis smras pa | tshe daṅ ldan pa ś ri’i (5) bu gzugs ni ther zug tu gnas pa ma yin | ’jig pa ma yin no ||
de ci’i phyir źe na | de’i raṅ bźin de yin pa’i phyir ro ||
tshe daṅ ldan pa ś ri’i bu tshor ba daṅ | ’du śes daṅ | ’du byed rnams daṅ | rnam par śes pa ni ther zug tu gnas pa ma yin | ’jig pa ma (6) yin no ||
de ci’i phyir źe na | de’i raṅ bźin de yin pa’i phyir ro ||
de bźin du dge ba daṅ | mi dge ba daṅ | kha na ma tho ba daṅ bcas pa daṅ | kha na ma tho ba med pa daṅ | zag pa daṅ bcas pa daṅ | zag pa med pa daṅ | ñon moṅs pa daṅ bcas pa daṅ | ñon moṅs (7) ba med pa daṅ | ’jig rten pa daṅ | ’jig rten las ’das pa daṅ | ’dus byas daṅ | ’dus ma byas daṅ | kun nas ñon moṅs pa daṅ | rnam par byaṅ ba’i chos rnams daṅ | ’khor ba daṅ mya ṅan las ’das pa yaṅ ther zug tu gnas pa ma yin | ’jig pa (222b1) ma yin no ||
de ci’i phyir źe na | de’i raṅ bźin de yin pa’i phyir te | tshe daṅ ldan pa ś ri’i bu rnam graṅs des na | chos thams cad ni dṅos po med pa’i ṅo bo ñid yin no ||
tshe daṅ ldan pa ś ri’i bu gaṅ yaṅ khyod ’di skad du | ci’i phyir gaṅ mṅon par grub pa’i gzugs (2) de gaṅ lags | gaṅ mṅon par grub pa’i tshor ba daṅ | ’du śes daṅ | ’du byed rnams daṅ | gaṅ mṅon par grub pa’i rnam par śes pa de gaṅ lags źes smra źes zer ba ni | tshe daṅ ldan pa ś ri’i bu ’di ltar gzugs ni mṅon par ’dus ma byas pa’o ||
tshor ba daṅ (3) ’du śes daṅ | ’du byed rnams daṅ | rnam par śes pa ni mṅon par ’dus ma byas pa’o ||
de ci’i phyir źe na | tshe daṅ ldan pa ś ri’i bu ’di ltar mṅon par ’du byed pa po med pa’i phyir ro ||
tshe daṅ ldan pa ś ri’i bu mig ni mṅon par ’dus ma byas pa’o ||
de ci’i phyir źe na | (4) ’di ltar mṅon par ’du byed pa po med pa’i phyir ro ||
tshe daṅ ldan pa ś ri’i bu de bźin du rna ba daṅ | sna daṅ | lce daṅ | lus daṅ | yid ni mṅon par ’dus ma byas pa’o ||
de ci’i phyir źe na | ’di ltar mṅon par ’du byed pa po med pa’i phyir ro ||
tshe daṅ ldan pa ś ri’i (5) bu gźan yaṅ gzugs daṅ | sgra daṅ | dri daṅ | ro daṅ | reg bya daṅ | chos rnams ni mṅon par ’dus ma byas pa’o ||
de ci’i phyir źe na | ’di ltar mṅon par ’du byed pa po mi dmigs pa’i phyir ro ||
chos thams cad kyi bar du yaṅ mṅon par ’dus ma byas pa’o ||
(6) de ci’i phyir źe na | ’di ltar mṅon par ’du byed pa po mi dmigs pa’i phyir ro ||
tshe daṅ ldan pa ś ri’i bu rnam graṅs des na | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa rnams ni mṅon par ma grub pa źes bya’o ||
tshe daṅ (7) ldan pa ś ri’i bu gaṅ yaṅ khyod ’di skad du | ci’i phyir gaṅ mṅon par ma grub pa de | gzugs ma lags | gaṅ mṅon par ma grub pa de | tshor ba daṅ | ’du śes daṅ | ’du byed rnams daṅ | rnam par śes pa ma lags źes smra źes zer ba ni | tshe daṅ ldan pa (223a1) ś ri’i bu de de bźin te | de de bźin no ||
tshe daṅ ldan pa ś ri’i bu ’di ltar gzugs ni raṅ bźin gyis stoṅ ste | raṅ bźin gyis stoṅ pa gaṅ yin pa de la skye ba med ciṅ ’jig pa med do ||
gaṅ la skye ba med ciṅ ’jig pa med pa gaṅ yin pa de la gźan du (2) ’gyur ba med do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa ni raṅ bźin gyis stoṅ ste | raṅ bźin gyis stoṅ pa gaṅ yin pa de la skye ba med ciṅ | ’jig pa med do ||
gaṅ la skye ba med ciṅ ’jigs pa med pa de la gźan du ’gyur (3) ba med do ||
chos thams cad kyi bar du raṅ bźin gyis stoṅ ste | gaṅ dag raṅ bźin gyis stoṅ pa de dag la skye ba med ciṅ ’jig pa med do ||
gaṅ dag la skye ba med ciṅ ’jig pa med pa de dag la gźan du ’gyur ba med de | rnam graṅs des na | gaṅ mṅon par ma grub pa (4) de ni gzugs ma yin no ||
gaṅ mṅon par ma grub pa de ni tshor ba daṅ | ’du śes daṅ | ’du byed rnams daṅ | rnam par śes pa ma yin no ||
tshe daṅ ldan pa ś ri’i bu gaṅ yaṅ khyod ’di skad du ci’i phyir ci mṅon par ma grub pa de mṅon par ma grub pa’i śes rab kyi pha rol tu (5) phyin pa la gdams par bgyi źiṅ rjes su bstan par bgyi lags sam źes smra źes zer ba ni | tshe daṅ ldan pa ś ri’i bu ’di ltar mṅon par ma grub pa gaṅ yin pa de ni śes rab kyi pha rol tu phyin pa’o ||
śes rab kyi pha rol tu phyin pa gaṅ yin pa de ni mṅon par ma grub pa ste | (6) de ltar na mṅon par ma grub pa daṅ | śes rab kyi pha rol tu phyin pa de ni gñis su med ciṅ gñis su dbyer med de | tshe daṅ ldan pa ś ri’i bu rnam graṅs des na | kho bos ’di skad du | ci mṅon par ma grub pa de mṅon par ma grub pa’i śes rab kyi pha rol tu phyin pa la gdams (7) par bgyi źiṅ rjes su bstan par bgyi lags sam źes smras so ||
tshe daṅ ldan pa ś ri’i bu gaṅ yaṅ khyod ’di skad du ci’i phyir mṅon par ma grub pa las gud na yaṅ gaṅ byaṅ chub kyi slad du spyod pa’i byaṅ chub sems dpa’ sems dpa’ chen po dmigs su ma mchis lags so (223b1) źes smra źes zer ba ni | tshe daṅ ldan pa ś ri’i bu ’di ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pas | mṅon par ma grub pa yaṅ gźan la | byaṅ chub sems dpa’ yaṅ gźan źes bya bar yaṅ dag par rjes su mi mthoṅ ste | de ltar (2) na mṅon par ma grub pa daṅ | byaṅ chub sems dpa’ źes bya ba de ni gñis su med ciṅ gñis su dbyer med do ||
mṅon par ma grub pa las gud na gzugs yaṅ dag par rjes su mi mthoṅ | mṅon par ma grub pa las gud na tshor ba daṅ | ’du śes daṅ | ’du byed rnams (3) daṅ | rnam par śes pa yaṅ dag par rjes su mi mthoṅ ste | de ltar na mṅon par ma grub pa daṅ | gzugs de ni gñis su med ciṅ gñis su dbyer med do ||
de ltar na mṅon par ma grub pa daṅ | tshor ba daṅ | ’du śes daṅ | ’du byed rnams daṅ | rnam par śes pa de (4) ni gñis su med ciṅ gñis su dbyer med do ||
de bźin du mṅon par ma grub pa las gud na chos thams cad kyi bar du yaṅ dag par rjes su mi mthoṅ ste | de ltar na mṅon par ma grub pa daṅ | chos thams cad kyi bar de ni gñis su med ciṅ gñis su dbyer med do ||
tshe daṅ ldan (5) pa ś ri’i bu rnam graṅs des na | mṅon par ma grub pa las gud na gaṅ byaṅ chub kyi phyir spyod pa’i byaṅ chub sems dpa’ dmigs su med pa yin no || ||
śes rab kyi pha rol tu phyin pa khri brgyad stoṅ pa | bam po bcu bdun pa | tshe daṅ ldan pa ś ri’i bu gaṅ (6) yaṅ khyod ’di skad du ci’i phyir gal te de ltar bstan pa’i tshe | byaṅ chub sems dpa’ sems dpa’ chen po’i sems mi źum mi ’god źiṅ | yid ’gyod par mi ’gyur la | mi skrag mi dṅaṅ źiṅ | dṅaṅ bar mi ’gyur na | byaṅ chub sems dpa’ sems dpa’ chen po de ni (7) śes rab kyi pha rol tu phyin pa la spyod pa lags par rig par bgyi’i źes smra źes zer ba ni | tshe daṅ ldan pa ś ri’i bu ’di ltar byaṅ chub sems dpa’ sems dpa’ chen pos ni chos thams cad g-yo ba med par yaṅ dag par rjes su mthoṅ źiṅ chos thams cad rmi lam lta bu daṅ | (224a1) sgyu ma lta bu daṅ | smig rgyu lta bu daṅ | brag ca lta bu daṅ | mig yor lta bu daṅ | gzugs brñan lta bu daṅ | sprul pa lta bur yaṅ dag par rjes su mthoṅ ste | tshe daṅ ldan pa ś ri’i bu rnam graṅs des na | byaṅ chub sems dpa’ sems dpa’ chen po (2) śes rab kyi pha rol tu phyin pa la spyod pa ni | bstan pa ’di thos na mi skrag mi dṅaṅ źiṅ dṅaṅ bar mi ’gyur ro ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das gaṅ gi tshe | byaṅ chub sems dpa’ sems dpa’ (3) chen po śes rab kyi pha rol tu phyin pa la spyod ciṅ chos de dag la de ltar ñe bar rtog pa de’i tshe gzugs khas mi len ciṅ mi ’dzin la | gnas par mi bgyid de | mṅon par źen par mi bgyid ciṅ | ’di ni gzugs so źes ’dogs par mi bgyid lags so ||
de’i tshe tshor ba (4) daṅ | ’du śes daṅ | ’du byed rnams daṅ | rnam par śes pa khas mi len ciṅ | mi ’dzin la gnas par mi bgyid de | mṅon par źen par mi bgyid ciṅ | ’di ni rnams par śes pa’o źes ’dogs par mi bgyid lags so ||
de bźin du de’i tshe | mig khas (5) mi len ciṅ | mi ’dzin la gnas par mi bgyid de | mṅon par źen par mi bgyid ciṅ | ’di ni mig go źes ’dogs par mi bgyid lags so ||
de bźin du de’i tshe rna ba daṅ | sna daṅ | lce daṅ | lus daṅ ||
yid khas mi len ciṅ mi ’dzin la gnas par mi bgyid (6) de | mṅon par źen par mi bgyid ciṅ ’di ni yid do źes ’dogs par mi bgyid lags so ||
de’i tshe sbyin pa’i pha rol tu phyin pa khas mi len ciṅ mi ’dzin la gnas par mi bgyid de | mṅon par źen par mi bgyid ciṅ | ’di ni sbyin pa’i pha rol tu phyin pa’o źes ’dogs (7) par mi bgyid lags so ||
de bźin du de’i tshe tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ ||
śes rab kyi pha rol tu phyin pa khas mi len ciṅ mi ’dzin la gnas par (224b1) mi bgyid de | mṅon par źen par mi bgyid ciṅ | ’di ni śes rab kyi pha rol tu phyin pa’i źes ’dogs par mi bgyid lags so ||
de’i tshe naṅ stoṅ pa ñid khas mi len ciṅ mi ’dzin la gnas par mi bgyid de | mṅon par źen par mi bgyid ciṅ ’di ni naṅ stoṅ pa ñid do źes (2) ’dogs par mi bgyid lags so ||
de bźin du de’i tshe dṅos po med pa’i ṅo bo ñid stoṅ pa ñid kyi bar du khas mi len ciṅ ||
mi ’dzin la gnas par mi bgyid de ||
mṅon par źen par mi bgyid ciṅ | ’di ni dṅos po med pa’i ṅo bo ñid stoṅ pa ñid do źes ’dogs par mi (3) bgyid lags so ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni ||
dran pa ñe bar gźag pa rnams khas mi len ciṅ | mi ’dzin la gnas par mi bgyid de | mṅon par źen par mi bgyid ciṅ ’di ni (4) dran pa ñe bar gźag pa rnams so źes ’dogs par mi bgyid lags so ||
de bźin du byaṅ chub sems dpa’ de’i tshe | yaṅ dag par spoṅ ba rnams daṅ ||
rdzu ’phrul gyi rkaṅ ba rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams (5) daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ ||
saṅs rgyas kyi chos ma ’dres pa bcwa brgyad khas mi len ciṅ | mi ’dzin la gnas par mi bgyid de | mṅon par źen (6) par mi bgyid ciṅ | ’di dag ni saṅs rgyas kyi chos rnams so źes ’dogs par mi bgyid lags so ||
bcom ldan ’das gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni tiṅ ṅe ’dzin gyi sgo thams cad daṅ | gzuṅs (7) kyi sgo thams cad khas mi len ciṅ | mi ’dzin la gnas par mi bgyid de | mṅon par źen par mi bgyid ciṅ ||
’di dag ni tiṅ ṅe ’dzin daṅ | gzuṅs kyi sgo rnams so źes ’dogs par mi bgyid lags so ||
de ci’i slad du źe na | bcom ldan ’das ’di ltar byaṅ chub (225a1) sems dpa’ sems dpa’ chen po śes rab kyi pha rol tu phyin pa la spyod pa ni gzugs yaṅ dag par rjes su mi mthoṅ | de bźin du phuṅ po daṅ | khams daṅ | skye mched rnams yaṅ dag par rjes su mi mthoṅ | byaṅ chub kyi phyogs kyi chos sum (2) cu rtsa bdun yaṅ dag par rjes su mi mthoṅ | pha rol tu phyin pa rnams yaṅ dag par rjes su mi mthoṅ | saṅs rgyas kyi chos ma ’dres pa bcwa brgyad daṅ | rnam pa thams cad mkhyen pa ñid kyi bar du yaṅ dag par rjes su mi mthoṅ ba’i slad du’o ||
de ci’i slad du źe na | (3) bcom ldan ’das ’di ltar gzugs ni ma skyes pa ste | gzugs kyi skye ba ma mchis pa gaṅ lags pa de gzugs ma lags pa’i slad du’o ||
de ltar na gzugs daṅ | skye ba ma mchis pa de gñis su ma mchis śiṅ gñis su dbyer ma mchis lags so ||
de ci’i (4) slad du źe na | bcom ldan ’das ’di ltar skye ba ma mchis pa ni gcig ma lags | maṅ po ma lags pa’i slad du’o ||
tshor ba daṅ | ’du śes daṅ | ’du byed rnams daṅ | rnam par śes pa’i skye ba ma mchis pa gaṅ lags pa de ni rnam par śes pa ma (5) lags so ||
mig gi skye ba ma mchis pa gaṅ lags pa de ni mig ma lags so ||
rna ba daṅ | sna daṅ | lce daṅ | lus daṅ | yid kyi skye ba ma mchis pa gaṅ lags pa de ni yid ma lags so ||
sbyin pa’i pha rol tu phyin pa’i skye ba ma mchis pa gaṅ lags pa de ni sbyin (6) pa’i pha rol tu phyin pa ma lags so ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i skye ba ma mchis pa gaṅ lags pa de ni (7) śes rab kyi pha rol tu phyin pa ma lags pa’i slad du’o ||
de ltar na śes rab kyi pha rol tu phyin pa daṅ skye ba ma mchis pa de ni gñis su ma mchis śiṅ gñis su dbyer ma mchis lags so ||
naṅ stoṅ pa ñid kyi skye ba ma mchis pa gaṅ lags pa de ni naṅ stoṅ pa ñid ma (225b1) lags so ||
dṅos po med pa’i ṅo bo ñid stoṅ pa ñid kyi bar gyi skye ba ma mchis pa gaṅ lags pa de ni dṅos po med pa’i ṅo bo ñid stoṅ pa ñid ma lags te | de ltar na dṅos po med pa’i ṅo bo ñid stoṅ pa ñid daṅ | skye ba ma mchis pa de ni gñis su ma mchis śiṅ gñis su dbyer ma (2) mchis lags so ||
bcom ldan ’das dran pa ñe bar gźag pa rnams kyi skye ba ma mchis pa gaṅ lags pa de ni dran pa ñe bar gźag pa rnams ma lags te | de ltar na dran pa ñe bar gźag pa rnams daṅ skye ba ma mchis pa de ni gñis su ma mchis śiṅ gñis su dbyer ma mchis (3) lags so ||
de bźin du yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | mi ’jigs pa rnams daṅ | mṅon par śes pa rnams daṅ | stobs bcu daṅ | so so yaṅ dag par rig pa (4) rnams daṅ | saṅs rgyas kyi chos ma ’dres pa bcwa brgyad kyi skye ba ma mchis pa gaṅ lags pa de dag ni saṅs rgyas kyi chos rnams ma lags te | de ltar na saṅs rgyas kyi chos rnams daṅ | skye ba ma mchis pa de ni gñis su ma mchis śiṅ gñis su dbyer ma mchis lags so ||
(5) de ci’i slad du źe na | ’di ltar saṅs rgyas kyi chos rnams kyi skye ba ma mchis pa gaṅ lags pa de dag ni saṅs rgyas kyi chos rnams ma lags pa’i slad du’o ||
bcom ldan ’das ’di ltar de bźin ñid ni ma skyes pa ste | de bźin ñid kyi skye ba ma mchis pa gaṅ lags pa de ni de bźin (6) ñid ma lags te | de ltar na de bźin ñid daṅ | skye ba ma mchis pa de ni gñis su ma mchis śiṅ gñis su dbyer ma mchis lags so ||
de ci’i slad du źe na | bcom ldan ’das ’di ltar skye ba ma mchis pa ni gcig ma lags | maṅ po ma lags pa’i slad du ste | de’i slad du (7) de bźin ñid kyi skye ba ma mchis pa gaṅ lags pa de ni de bźin ñid ma lags so ||
ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ daṅ | (226a1) bsam gyis mi khyab pa’i dbyiṅs kyi skye ba ma mchis pa gaṅ lags pa de ni bsam gyis mi khyab pa’i dbyiṅs ma lags so ||
de ci’i slad du źe na | ’di ltar bsam gyis mi khyab pa’i dbyiṅs daṅ | skye ba ma mchis pa de ni gñis su ma mchis śiṅ (2) gñis su dbyer ma mchis pa’i slad du’o ||
bcom ldan ’das byaṅ chub daṅ | rnam pa thams cad mkhyen pa ñid kyi skye ba ma mchis pa gaṅ lags de ni | rnam pa thams cad mkhyen pa ñid ma lags te | de ltar na rnam pa thams cad mkhyen pa ñid daṅ | skye ba ma (3) mchis pa de ni gñis su ma mchis śiṅ gñis su dbyer ma mchis lags so ||
de ci’i slad du źe na | bcom ldan ’das ’di ltar skye ba ma mchis pa ni gcig ma lags | maṅ po ma lags pa’i slad du ste | de’i slad du rnam pa thams cad mkhyen pa ñid daṅ | skye ba ma (4) mchis pa de ni gñis su ma mchis śiṅ gñis su dbyer ma mchis lags so ||
bcom ldan ’das ’di ltar gzugs ni mi rtag pa ste | gzugs kyi ’grib pa gaṅ lags pa de ni gzugs ma lags so ||
tshor ba daṅ | ’du śes daṅ | ’du byed rnams daṅ | (5) rnam par śes pa’i ’grib pa gaṅ lags pa de ni rnam par śes pa ma lags te | de ltar na phuṅ po rnams daṅ | ’grib pa de ni gñis su ma mchis śiṅ gñis su dbyer ma mchis lags so ||
de ci’i slad du źe na | bcom ldan ’das ’di ltar ’grib pa ni gcig ma (6) lags | maṅ po ma lags pa’i slad du’o ||
khams daṅ | skye mched rnams kyi ’grib pa gaṅ lags pa de dag ni khams daṅ | skye mched rnams ma lags te | de ltar na khams daṅ | skye mched rnams daṅ | ’grib pa de ni gñis su ma mchis śiṅ gñis su (7) dbyer ma mchis lags so ||
bcom ldan ’das sbyin pa’i pha rol tu phyin pa’i ’grib pa gaṅ lags pa de ni | sbyin pa’i pha rol tu phyin pa ma lags te | de ltar na sbyin pa’i pha rol tu phyin pa daṅ ’grib pa de ni gñis su ma mchis śiṅ gñis su dbyer ma mchis lags so ||
(226b1) de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i ’grib pa gaṅ lags pa de ni śes rab kyi pha rol tu phyin pa ma lags te | (2) de ltar na śes rab kyi pha rol tu phyin pa daṅ | ’grib pa de ni gñis su ma mchis śiṅ gñis su dbyer ma mchis lags so ||
de ci’i slad du źe na | bcom ldan ’das ’di ltar ’grib pa ni gcig ma lags | maṅ po ma lags pa’i slad du ste | de’i slad du śes rab kyi pha (3) rol tu phyin pa’i ’grib pa gaṅ lags pa de ni śes rab kyi pha rol tu phyin pa ma lags so ||
bcom ldan ’das naṅ stoṅ pa ñid kyi ’agribapa gaṅ lags pa de ni naṅ stoṅ pa ñid ma lags te | de ltar na naṅ stoṅ pa ñid daṅ ’grib pa de ni gñis su ma mchis śiṅ gñis su (4) dbyer ma mchis lags so ||
de ci’i slad du źe na | bcom ldan ’das ’di ltar ’grib pa ni gcig ma lags | maṅ po ma lags pa’i slaṅ du ste | de’i slad du naṅ stoṅ pa ñid kyi ’grib pa gaṅ lags pa de ni naṅ stoṅ pa ñid ma lags so ||
de bźin du dṅos po (5) med pa’i ṅo bo ñid stoṅ pa ñid kyi bar gyi ’grib pa gaṅ lags pa de ni dṅos po med pa’i ṅo bo ñid stoṅ pa ñid ma lags te | de ltar na dṅos po med pa’i ṅo bo ñid stoṅ pa ñid daṅ | ’grib pa de ni gñis su ma mchis śiṅ gñis su dbyer ma mchis lags so ||
de ci’i slad du źe na | (6) bcom ldan ’das ’di ltar ’grib pa ni gcig ma lags | maṅ po ma lags pa’i slad du ste | de’i slad du dṅos po med pa’i ṅo bo ñid stoṅ pa ñid kyi ’grib pa gaṅ lags pa de ni dṅos po med pa’i ṅo bo ñid stoṅ pa ñid ma lags so ||
bcom ldan ’das dran pa ñe bar gźag pa (7) rnams kyi ’grib pa gaṅ lags pa de ni | dran pa ñe bar gźag pa rnams ma lags te | de ltar na dran pa ñe bar gźag pa rnams daṅ | ’grib pa de ni gñis su ma mchis śiṅ gñis su dbyer ma mchis lags so ||
de ci’i slad du źe na | bcom ldan ’das ’di ltar (227a1) ’grib pa ni gcig ma lags | maṅ po ma lags pa’i slad du ste | de’i slad du dran pa ñe bar gźag pa rnams kyi ’grib pa gaṅ lags pa de ni dran pa ñe bar gźag pa rnams ma lags so ||
ya ṅa dag par spoṅ ba rnams daṅ | rdzu ’phrul gyi rkaṅ pa (2) rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa’i ’grib pa gaṅ lags pa de ni lam ma lags te | de ltar na lam daṅ | ’grib pa de ni gñis su ma mchis śiṅ gñis su dbyer (3) ma mchis lags so ||
de ci’i slad du źe na | bcom ldan ’das ’di ltar ’grib pa ni gcig ma lags | maṅ po ma lags pa’i slad du ste | de’i slad du lam gyi ’grib pa gaṅ lags pa de ni lam ma lags so ||
de bźin du mṅon par śes pa rnams daṅ | mi (4) ’jigs pa rnams daṅ | so so yaṅ dag par rig pa rnams daṅ | stobs bcu daṅ | saṅs rgyas kyi chos ma ’dres pa bcwa brgyad kyi ’grib pa gaṅ lags pa de dag ni saṅs rgyas kyi chos ma ’dres pa rnams ma lags te | de ltar na saṅs rgyas kyi chos ma ’dres pa rnams daṅ ’grib (5) pa de ni gñis su ma mchis śiṅ gñis su dbyer ma mchis lags so ||
de ci’i slad du źe na | bcom ldan ’das ’di ltar ’grib pa ni gcig ma lags | maṅ po ma lags pa’i slad du ste | de’i slad du saṅs rgyas kyi chos ma ’dres pa rnams kyi ’grib pa gaṅ lags (6) pa de ni saṅs rgyas kyi chos ma ’dres pa rnams ma lags so ||
bcom ldan ’das gaṅ yaṅ gzugs źes bgyi ba de ni gñis su ma mchis pa’i graṅs su bgyis pa lags so ||
de bźin du gaṅ yaṅ tshor ba daṅ | ’du śes daṅ | ’du byed rnams daṅ | rnam par śes (7) pa źes bgyi ba de ni gñis su ma mchis pa’i graṅs su bgyis pa lags so ||
gaṅ yaṅ rnam pa thams cad mkhyen pa ñid ces bgyi ba’i bar de yaṅ gñis su ma mchis pa’i graṅs su bgyis pa lags so ||
śes rab kyi pha rol tu phyin pa khri brgyad stoṅ pa las | gñis (227b1) su med pa’i le’u źes bya ste ñi śu pa’o || ||
de nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa chos ’di (2) dag la ni ji ltar ñe bar rtog | tshe daṅ ldan pa rab ’byor byaṅ chub sems dpa’ ni gaṅ yin | śes rab kyi pha rol tu phyin pa ni gaṅ yin | ñe bar rtog pa ni gaṅ yin | rab ’byor gyis smras pa | che daṅ ldan pa ś ri’i bu gaṅ khyod ’di skad du byaṅ chub sems dpa’ ni gaṅ yin źes (3) zer ba ni | tshe daṅ ldan pa ś ri’i bu byaṅ chub gaṅ yin pa ñid sems dpa’ yin pas | de’i phyir byaṅ chub sems dpa’ źes bya’o ||
byaṅ chub des kyaṅ chos thams cad kyi rnam pa śes te | chos de dag la mṅon par źen pa yaṅ med do ||
chos gaṅ dag gi rnam pa śes śes (4) na | gzugs kyi rnam pa śes te | de la yaṅ mṅon par źen pa med do ||
tshor ba daṅ | ’du śes daṅ | ’du byed rnams daṅ | rnam par śes pa rnam pa śes tede la yaṅ mṅon par źen pa med do ||
de bźin du khams rnams daṅ | skye mched rnams daṅ | (5) rten ciṅ ’brel bar ’byuṅ ba daṅ | byaṅ chub kyi phyogs kyi chos sum cu rtsa bdun gyi rnam pa śes te | de la yaṅ mṅon par źen pa med do ||
stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa (6) brgyad kyi rnam pa śes te | de la yaṅ mṅon par źen pa med do ||
ś ri’i bus smras pa | tshe daṅ ldan pa rab ’byor chos thams cad kyi rnam pa gaṅ yin | rab ’byor gyis smras pa | tshe daṅ ldan pa ś ri’i bu rnam pa gaṅ dag daṅ | rtags gaṅ dag daṅ | mtshan ma gaṅ (7) dag gis chos rnams ’dzin pa ste | ’di lta ste rnam pa gaṅ dag daṅ | rtags gaṅ dag daṅ | mtshan ma gaṅ dag gis ’dus byas daṅ | ’dus ma byas kyi chos rnams daṅ | gzugs rnams sam | sgra rnams sam | dri rnams sam | ro rnams sam | rig (228a1) bya rnams sam | chos rnams sam | naṅ daṅ phyi’i chos rnams su ’dzin pa ste | de ni chos thams cad kyi rnam pa źes bya’o ||
tshe daṅ ldan pa ś ri’i bu gaṅ yaṅ khyod ’di skad du | śes rab kyi pha rol tu phyin pa ni gaṅ yin źes zer ba ni | tshe daṅ ldan pa (2) ś ri’i bu gaṅ la śes rab kyi pha rol tu phyin pa źes bya ba de ni riṅ du soṅ ba ste | de’i phyir śes rab kyi pha rol tu phyin pa źes bya’o ||
gaṅ las riṅ du soṅ źe na | tshe daṅ ldan pa ś ri’i bu phuṅ po rnams daṅ khams rnams daṅ | skye mched rnams daṅ | rten ciṅ ’brel (3) par ’byuṅ ba las riṅ du soṅ | ñon moṅs pa thams cad daṅ | lta bar gyur ba thams cad las riṅ du soṅ | ’gro ba drug las riṅ du soṅ ba ste | de’i phyir riṅ du soṅ ba źes bya’o ||
sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha (4) rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa las riṅ du soṅ ba ste | de’i phyir riṅ du soṅ ba źes bya’o ||
naṅ stoṅ ba ñid daṅ | dṅos po med pa’i ṅo bo ñid stoṅ pa ñid kyi bar las riṅ du soṅ ba ste | de’i phyir riṅ du soṅ ba (5) źes bya’o ||
dran pa ñe bar gźag pa rnams daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa las riṅ du soṅ ba (6) ste | de’i phyir śes rab kyi pha rol tu phyin pa ’di riṅ du soṅ ba źes bya’o ||
stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad po dag las riṅ du soṅ ba ste | de’i phyir śes rab kyi pha (7) rol tu phyin pa ’di riṅ du soṅ ba źes bya’o ||
rnam pa thams cad mkhyen pa ñid kyi bar las riṅ du soṅ ba ste | de’i phyir śes rab kyi pha rol tu phyin pa ’di riṅ du soṅ ba źes bya’o ||
tshe daṅ ldan pa ś ri’i bu rnam graṅs des na ’di lta ste | śes rab kyi pha rol tu phyin pa (228b1) ’di ni riṅ du soṅ ba źes bya’o ||
tshe daṅ ldan pa ś ri’i bu gaṅ yaṅ khyod ’di skad du ñe bar rtog pa ni gaṅ yin źes zer ba ni | tshe daṅ ldan pa ś ri’i bu ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | gzugs rtag ces bya (2) ba daṅ | mi rtag ces bya bar ñe bar mi rtog go ||
gzugs bde źes bya ba daṅ | sdug bsṅal źes bya bar ñe bar mi rtog go ||
gzugs bdag ces bya ba daṅ | bdag med ces bya bar ñe bar mi rtog go ||
gzugs źi źes bya ba daṅ | ma źi źes bya bar ñe bar mi (3) rtog go ||
gzugs stoṅ źes bya ba daṅ | mi stoṅ źes bya bar ñe bar mi rtog go ||
gzugs mtshan ma yod ces bya ba daṅ | mtshan ma med ces bya bar ñe bar mi rtog go ||
gzugs smon pa yod ces bya ba daṅ | smon pa med ces bya bar ñe bar mi rtog go ||
(4) gzugs dben źes bya ba daṅ | mi dben źes bya bar ñe bar mi rtog go ||
de bźin du tshor ba daṅ | ’du śes daṅ | ’du byed rnams daṅ | rnam par śes pa rtag ces bya ba daṅ | mi rtag ces bya bar ñe bar mi rtog go ||
rnam par śes pa bde źes bya ba daṅ | (5) sdug bsṅal źes bya bar ñe bar mi rtog go ||
rnam par śes pa bdag ces bya ba daṅ | bdag med ces bya bar ñe bar mi rtog go ||
rnam par śes pa źi źes bya ba daṅ | ma źi źes bya bar ñe bar mi rtog go | rnam par śes pa stoṅ źes bya ba daṅ | mi stoṅ źes bya bar ñe bar mi (6) rtog go ||
rnam par śes pa mtshan ma yod ces bya ba daṅ | mtshan ma med ces bya bar ñe bar mi rtog go ||
rnam par śes pa smon pa yod ces bya ba daṅ | smon pa med ces bya bar ñe bar mi rtog go ||
rnam par śes pa dben źes bya ba daṅ | mi dben źes bya bar ñe bar mi (7) rtog go ||
de bźin du sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa rtag ces bya ba daṅ | mi (229a1) rtag ces bya bar ñe bar mi rtog go ||
de bźin du sbyar te | śes rab kyi pha rol tu phyin pa bde źes bya ba daṅ | sdug bsṅal źes bya ba daṅ | bdag ces bya ba daṅ | bdag med cis bya ba daṅ | źi źes bya ba daṅ | ma źi źes bya ba daṅ | stoṅ źes bya ba daṅ | (2) mi stoṅ źes bya ba daṅ | mtshan ma yod ces bya ba daṅ | mtshan ma med ces bya ba daṅ | smon ba yod ces bya ba daṅ | smon pa med ces bya ba daṅ | dben źes bya ba daṅ | mi dben źes bya bar ñe bar mi rtog go ||
de bźin du naṅ stoṅ pa ñid rtag ces bya ba daṅ | mi rtag (3) ces bya bar ñe bar mi rtog go ||
de bźin du sbyar te | dṅos po med pa’i ṅo bo ñid stoṅ pa ñid kyi bar du rtag ces bya ba daṅ | mi rtag ces bya bar ñe bar mi rtog (4) go ||
dben źes bya ba daṅ | mi dben źes bya ba’i bar du ñe bar mi rtog go ||
de bźin du dran pa ñe bar gźag pa rnams rtag ces bya ba daṅ | mi rtag ces bya bar ñe bar mi rtog go ||
de bźin du sbyar te | yaṅ dag par spoṅ ba rnams daṅ | rdzu ’phrul gyi rkaṅ pa rnams (5) daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres ba bcwa brgyud daṅ | (6) tiṅ ṅe ’dzin thams cad daṅ | gzuṅs kyi sgo thams cad daṅ | rnam pa thams cad mkhyen pa ñid rtag ces bya ba daṅ | mi rtag ces bya bar ñe bar mi rtog go ||
bde źes bya ba daṅ | sdug bsṅal źes bya ba daṅ | bdag ces bya ba daṅ | bdag med ces bya ba daṅ | źi źes (7) bya ba daṅ | ma źi źes bya ba daṅ | stoṅ źes bya ba daṅ | mi stoṅ źes bya ba daṅ | mtshan ma yod ces bya ba daṅ | mtshan ma med ces bya ba daṅ | smon pa yod ces bya ba daṅ | smon pa med ces bya ba daṅ | dben źes bya ba daṅ | mi dben źes bya bar ñe bar mi rtog ste | (229b1) tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | chos de dag la de ltar ñe bar rtog par byed do ||
ś ri’i bus smras pa | tshe daṅ ldan pa rab ’byor ci’i phyir khyod ’di skad du | bcom ldan ’das ’di ltar gzugs (2) kyi ma skyes pa gaṅ lags pa de ni gzugs ma lags so ||
tshor ba daṅ | ’du śes daṅ | ’du byed rnams daṅ | rnam par śes pa’i ma skyes pa gaṅ lags pa de ni rnam par śes pa ma lags so ||
de bźin du khams daṅ | skye mched daṅ | rten ciṅ ’brel bar ’byuṅ (3) ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | tiṅ ṅe ’dzin rnams daṅ | gzuṅs kyi sgo rnams daṅ | saṅs rgyas (4) kyi chos ma ’dres pa bcwa brgyad daṅ | rnam pa thams cad mkhyen pa ñid kyi skye ba ma mchis pa gaṅ lags pa de | rnam pa thams cad mkhyen pa ñid ma lags so źes smra | rab ’byor gyis smras pa | tshe daṅ ldan pa ś ri’i bu gzugs ni gzugs kyis stoṅ ṅo ||
tshe daṅ ldan (5) pa ś ri’i bu gzugs kyi stoṅ pa ñid gaṅ yin pa de ni gzugs ma yin te | skye ba med do ||
tshe daṅ ldan pa ś ri’i bu rnam graṅs des na | gzugs kyi skye ba med pa gaṅ yin pa de ni gzugs ma yin no ||
tshe daṅ ldan pa ś ri’i bu tshor ba daṅ | ’du śes daṅ | ’du byed (6) rnams daṅ | rnam par śes pa ni rnam par śes pas stoṅ ṅo ||
tshe daṅ ldan pa ś ri’i bu rnam par śes pa’i stoṅ pa ñid gaṅ yin pa de ni rnam par śes pa ma yin te | skye ba med do ||
tshe daṅ ldan pa ś ri’i bu rnam graṅs des na | rnam par śes pa’i skye ba med pa gaṅ (7) yin pa de ni rnam par śes pa ma yin no ||
tshe daṅ ldan pa ś ri’i bu sbyin pa’i pha rol tu phyin pa ni sbyin pa’i pha rol tu phyin pas stoṅ ṅo ||
sbyin pa’i pha rol tu phyin pa’i stoṅ pa ñid gaṅ yin pa de ni | sbyin pa’i pha rol tu phyin pa ma yin te | skye ba med do ||
tshe daṅ ldan (230a1) pa ś ri’i bu de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ni śes rab kyi pha rol tu phyin pas stoṅ ṅo ||
(2) śes rab kyi pha rol tu phyin pa’i stoṅ pa ñid gaṅ yin pa de ni śes rab kyi pha rol tu phyin pa ma yin te | skye ba med do ||
tshe daṅ ldan pa ś ri’i bu rnam graṅs ṅes na | śes rab kyi pha rol tu phyin pa’i skye ba med pa gaṅ yin pa de ni | śes rab kyi pha rol tu phyin pa ma yin no ||
(3) tshe daṅ ldan pa ś ri’i bu naṅ stoṅ pa ñid ni naṅ stoṅ pa ñid kyis stoṅ ṅo ||
naṅ stoṅ pa ñid kyi stoṅ pa ñid gaṅ yin pa de ni naṅ stoṅ pa ñid ma yin te | skye ba med do ||
dṅos po med pa’i ṅo bo ñid stoṅ pa ñid kyi bar ni dṅos po med pa’i ṅo bo ñid stoṅ pa ñid kyis stoṅ ṅo ||
dṅos (4) po med pa’i ṅo bo ñid stoṅ pa ñid kyi stoṅ pa ñid gaṅ yin pa de ni | dṅos po med pa’i ṅo bo ñid stoṅ pa ñid ma yin te | skye ba med do ||
tshe daṅ ldan pa ś ri’i bu rnam graṅs ṅes na | dṅos po med pa’i ṅo bo ñid stoṅ pa ñid kyi skye ba med pa gaṅ yin pa de ni | dṅos po med pa’i ṅo bo ñid (5) stoṅ pa ñid ma yin no ||
tshe daṅ ldan pa ś ri’i bu dran pa ñe bar gźag pa rnams ni dran pa ñe bar gźag pa rnams kyis stoṅ ṅo ||
dran pa ñe bar gźag pa rnams kyi stoṅ pa ñid gaṅ yin pa de ni dran pa ñe bar gźag pa rnams ma yin te | skye ba med do ||
tshe daṅ ldan pa ś ri’i bu de bźin (6) du yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | stobs bcu daṅ | mi ’jigs pa daṅ | so so yaṅ dag par rig pa rnams daṅ | tiṅ ṅe ’dzin daṅ | gzuṅs kyi sgo daṅ | saṅs rgyas kyi (7) chos daṅ | rnam pa thams cad mkhyen pa ñid ni rnam pa thams cad mkhyen pa ñid kyis stoṅ ṅo ||
rnam pa thams cad mkhyen pa ñid kyi stoṅ pa ñid gaṅ yin pa de ni | rnam pa thams cad mkhyen pa ñid ma yin te | skye ba med do ||
tshe daṅ ldan pa ś ri’i bu rnam graṅs des na | rnam (230b1) pa thams cad mkhyen pa ñid kyi skye ba mid pa gaṅ yin pa de ni rnam pa thams cad mkhyen pa ñid ma yin no ||
ś ri’i bus smras pa | tshe daṅ ldan pa rab ’byor ci’i phyir khyod ’di skad du | ’di ltar gzugs kyi ’grib pa gaṅ lags pa de ni gzugs ma lags so ||
tshor ba (2) daṅ | ’du śes daṅ | ’du byed rnams daṅ | rnam par śes pa’i ’grib pa gaṅ lags pa de ni rnam par śes pa ma lags so ||
de bźin du khams daṅ | skye mched pa daṅ | rten ciṅ ’brel par ’byuṅ ba daṅ | stoṅ pa ñid daṅ | byaṅ chub kyi phyogs kyi chos rnams (3) daṅ | pha rol tu phyin pa rnams daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos rnams daṅ | rnam pa thams cad mkhyen pa ñid kyi bar gyi ’grib pa gaṅ lags pa de ni rnam pa thams cad mkhyen pa ñid (4) ma lags źes zer | rab ’byor gyis smras pa | tshe daṅ ldan pa ś ri’i bu ’di ltar ’grib pa gaṅ yin pa daṅ | gzugs gaṅ yin pa daṅ | gñis su dbyer med pa gaṅ yin pa daṅ | ’grib pa gaṅ yin pa daṅ | tshor ba daṅ | ’du śes daṅ | ’du byed rnams (5) daṅ | rnam par śes pa gaṅ yin pa daṅ | gñis su dbyer med pa gaṅ yin pa’i chos de dag thams cad ni ldan pa yaṅ ma yin | mi ldan pa yaṅ ma yin źiṅ | gzugs med pa | bstan du med pa | thogs pa med pa ste | ’di ltar mtshan ñid med par mtshan ñid (6) gcig pa’o ||
khams daṅ | skye mched daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | byaṅ chub kyi phyogs kyi chos rnams daṅ | stoṅ pa ñid thams cad daṅ | stobs bcu daṅ | mi ’jigs pa rnams daṅ | so so yaṅ dag par rig pa (7) rnams daṅ | saṅs rgyas kyi chos ma ’dres pa bcwa brgyad daṅ | rnam pa thams cad mkhyen pa ñid kyaṅ de bźin te ||
de ltar na ’grib pa gaṅ yin pa daṅ | rnam pa thams cad mkhyen pa ñid gaṅ yin pa daṅ | gñis su dbyer med pa gaṅ yin pa’i chos de dag thams cad kyaṅ (231a1) ldan pa yaṅ ma yin | mi ldan pa yaṅ ma yin źiṅ | gzugs med pa | bstan du med pa | thogs pa med pa ste | ’di ltar mtshan ñid med par mtshan ñid gcig pa’o ||
tshe daṅ ldan pa ś ri’i bu rnam graṅs des na | gzugs kyi ’grib pa gaṅ yin (2) pa de ni gzugs ma yin no ||
tshor ba daṅ | ’du śes daṅ | ’du byed rnams daṅ | rnam par śes pa’i ’grib pa gaṅ yin pa de ni rnam par śes pa ma yin no ||
de bźin du sbyar te | rnam pa thams cad mkhyen pa ñid kyi bar gyi ’grib pa gaṅ yin pa de ni rnam pa thams (3) cad mkhyen pa ñid ma yin no ||
ś ri’i bus smras pa | tshe daṅ ldan pa rab ’byor ci’i phyir | khyod ’di skad du gaṅ yaṅ gzugs źes bgyi ba de ni gñis su ma mchis pa’i graṅs su bgyis pa lags so ||
de bźin du tshor ba daṅ | ’du śes daṅ | ’du byed rnams daṅ | (4) rnam par śes pa źes bgyi ba de ni gñis su ma mchis pa’i graṅs su bgyis pa lags so ||
gaṅ yaṅ rnam pa thams cad mkhyen pa ñid ces bgyi ba’i bar de yaṅ gñis su ma mchis pa’i graṅs su bgyis pa lags so źes smra | rab ’byor gyis smras pa | tshe daṅ ldan pa ś ri’i bu (5) ’di ltar skye ba med pa yaṅ gźan ma yin la gzugs kyaṅ gźan ma yin te | skye ba med pa ñid kyaṅ gzugs so ||
gzugs ñid kyaṅ skye ba med pa’o ||
skye ba med pa yaṅ gźan ma yin la | tshor ba daṅ | ’du śes daṅ | ’du byed rnams daṅ | rnam par śes pa yaṅ (6) gźan ma yin te | skye ba med pa ñid kyaṅ rnam par śes pa’o ||
rnam par śes pa ñid kyaṅ skye ba med pa ste | tshe daṅ ldan pa ś ri’i bu rnam graṅs des na | gaṅ yaṅ gzugs źes bya ba de ni gñis su med pa’i graṅs su byas pa yin no ||
gaṅ yaṅ tshor ba daṅ | ’du śes (7) daṅ | ’du byed rnams daṅ | rnam par śes pa źes bya ba de ni gñis su med pa’i graṅs su byas pa yin no ||
khams daṅ | skye mched rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | byaṅ chub kyi phyogs kyi chos rnams daṅ | stoṅ pa (231b1) ñid thams cad daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams kyaṅ de bźin no ||
tshe daṅ ldan pa ś ri’i bu ’di ltar rnam pa thams cad mkhyen pa ñid kyaṅ gźan ma yin la | skye ba med pa yaṅ (2) gźan ma yin te | skye ba med pa ñid kyaṅ rnam pa thams cad mkhyen pa ñid do ||
rnam pa thams cad mkhyen pa ñid kyaṅ skye ba med pa ste | tshe daṅ ldan pa ś ri’i bu rnam graṅs des na | gaṅ yaṅ rnam pa thams cad mkhyen pa ñid ces bya ba de ni gñis su med pa’i graṅs su byas pa yin no ||
(3) de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ chos de dag la de ltar ñe bar rtog par bgyid pa de’i tshe śin tu rnam par dag (4) pa’i slad du | gzugs kyi skye ba ma mchis pa mthoṅ lags so ||
śin tu rnam par dag pa’i slad du | tshor ba daṅ | ’du śes daṅ | ’du byed rnams daṅ | rnam par śes pa’i skye ba ma mchis pa mthoṅ lags so ||
śin tu rnam par dag pa’i slad du | bdag (5) gi skye ba ma mchis pa mthoṅ lags so ||
śin tu rnam par dag pa’i slad du | sems can daṅ | srog daṅ | gso ba daṅ | skyes bu daṅ | gaṅ zag daṅ | śed las skyes daṅ | śed bu daṅ | byed pa po daṅ | tshor ba po daṅ | śes pa po daṅ | mthoṅ ba (6) po’i skye ba ma mchis pa mthoṅ lags so ||
de bźin du śin tu rnam par dag pa’i slad du | khams daṅ | skye mched rnams daṅ | rten ciṅ ’brel bar ’byuṅ ba’i skye ba ma mchis pa mthoṅ lags so ||
śin tu rnam par dag pa’i slad du | sbyin pa’i pha rol tu phyin pa’i (7) skye ba ma mchis pa mthoṅ lags so ||
de bźin du śin tu rnam par dag pa’i slad du | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu (232a1) phyin pa’i skye ba ma mchis pa mthoṅ lags so ||
śin tu rnam par dag pa’i slad du | naṅ stoṅ pa ñid kyi skye ba ma mchis pa mthoṅ lags so ||
śin tu rnam par dag pa’i slad du | dṅos po med pa’i ṅo bo ñid stoṅ pa ñid kyi bar gyi skye ba ma mchis pa mthoṅ lags (2) so ||
śin tu rnam par dag pa’i slad du | dran pa ñe bar gźag pa rnams kyi skye ba ma mchis pa mthoṅ lags so ||
śin tu rnam par dag pa’i slad du | yaṅ dag par spoṅ ba daṅ | rdzu ’phrul gyi rkaṅ ba daṅ | dbaṅ po daṅ | stobs daṅ | byaṅ chub kyi yan lag daṅ | (3) lam daṅ | stobs bcu daṅ | mi ’jigs pa daṅ | so so yaṅ dag par rig pa daṅ | gzuṅs daṅ | tiṅ ṅe ’dzin gyi sgo daṅ | saṅs rgyas kyi chos ma ’dres pa bcwa brgyad daṅ | rnam pa thams cad mkhyen pa ñid kyi skye ba ma mchis pa mthoṅ lags so ||
śin tu rnam (4) par dag pa’i slad du | so so’i skye bo’i skye ba ma mchis pa mthoṅ lags so ||
śin tu rnam par dag pa’i slad du | so so’i skye bo’i chos rnams kyi skye ba ma mchis pa mthoṅ lags so ||
śin tu rnam par dag pa’i slad du | rgyun du źugs pa daṅ | rgyun du źugs pa’i (5) chos rnams daṅ | lan cig phyir ’oṅ ba daṅ | lan cig phyir ’oṅ ba’i chos rnams daṅ | phyir mi ’oṅ ba daṅ | phyir mi ’oṅ ba’i chos rnams daṅ | dgra bcom pa daṅ | dgra bcom pa’i chos rnams daṅ | raṅ saṅs rgyas daṅ | raṅ saṅs rgyas kyi chos rnams daṅ | byaṅ (6) chub sems dpa’ daṅ | byaṅ chub sems dpa’i chos rnams daṅ | saṅs rgyas kyi skye pa ma mchis pa mthoṅ lags so ||
saṅs rgyas kyi chos rnams kyi skye ba ma mchis pa mthoṅ lags so ||
ś ri’i bus smras pa | tshe daṅ ldan pa rab ’byor gyis smras pa’i don kho bos śes pa ltar (7) na | gzugs ni skye ba med pa yin | tshor ba daṅ | ’du śes daṅ | ’du byed rnams daṅ | rnam par śes pa yaṅ skye ba med pa yin | khams rnams skye ba med pa yin | skye mched rnams skye ba med pa yin | rten ciṅ ’brel bar ’byuṅ ba skye ba med pa yin | pha rol tu phyin pa (232b1) rnams skye ba mod pa yin | stoṅ pa ñid thams cad skye ba med pa yin | byaṅ chub kyi phyogs kyi chos sum cu rtsa bdun skye ba med pa yin | tiṅ ṅe ’dzin rnams daṅ | gzuṅs kyi sgo rnams skye ba med pa yin | stobs bcu daṅ | mi ’jigs pa rnams daṅ | so so (2) yaṅ dag par rig pa rnams daṅ | saṅs rgyas kyi chos ma ’dres pa bcwa brgyad skye ba med pa yin | rnam pa thams cad mkhyen pa ñid kyaṅ skye ba med pa yin | so so’i skye bo yaṅ skye ba med pa yin | so so’i skye bo’i chos rnams kyaṅ skye ba med pa yin | rgyun du źugs pa daṅ | (3) rgyun du źugs pa’i chos rnams daṅ | lan cig phyir ’oṅ ba daṅ | lan cig phyir ’oṅ ba’i chos rnams daṅ | phyir mi ’oṅ ba daṅ | phyir mi ’oṅ ba’i chos rnams daṅ | dgra bcom pa daṅ | dgra bcom pa’i chos rnams daṅ | raṅ saṅs rgyas daṅ | raṅ saṅs rgyas kyi (4) chos rnams daṅ | byaṅ chub sems dpa’ daṅ | byaṅ chub sems dpa’i chos rnams daṅ | saṅs rgyas kyaṅ skye ba med pa yin | saṅs rgyas kyi chos rnams kyaṅ skye ba med pa yin no ||
tshe daṅ ldan pa rab ’byor gal te gzugs kyaṅ skye ba med la | saṅs rgyas kyi chos (5) rnams kyi bar du yaṅ skye ba med pa yin na ni | tshe daṅ ldan pa rab ’byor ñan thos kyis kyaṅ | ñan thos kyi byaṅ chub thob zin par mi ’gyur ram | de bźin du so so’i skye bos kyaṅ | Raṅa saṅs rgyas kyi byaṅ chub daṅ | de bźin du byaṅ chub sems dpas kyaṅ rnam pa thams (6) cad mkhyen pa ñid thob zin par mi ’gyur ram | ’gro ba rnam pa lṅa yaṅ tha dad pa med par ’gyur ro ||
byaṅ chub sems dpa’ sems dpa’ chen pos byaṅ chub rnam pa lṅa yaṅ thob zin par ’gyur ro ||
tshe daṅ ldan pa rab ’byor gal te chos thams cad skye ba med pa yin (7) na | ci’i phyir rgyun du źugs pas ni kun tu sbyor ba gsum spaṅ ba’i phyir lam bsgom par bya | lan cig phyir ’oṅ bas ni ’dod chags daṅ | źe sdaṅ daṅ gti mug bsrab pa’i phyir lam bsgom par bya | phyir mi ’oṅ bas ni tha ma’i cha daṅ ’thun pa’i kun tu sbyor ba lṅa spaṅ ba’i | (233a1) phyir lam bsgom par bya | dgra bcom pas ni goṅ ma’i cha daṅ ’thun pa’i kun tu sbyor ba lṅa spaṅ ba’i phyir lam bsgom par bya | raṅ saṅs rgyas kyi theg pa pa rnams kyis ni raṅ byaṅ chub thob par bya ba’i phyir lam bsgom par bya | ci’i phyir byaṅ chub sems dpa’ sems (2) dpa’ chen po ni sems can rnams kyi ched du dka’ ba spyad pa spyod ciṅ sdug bsṅal gaṅ yin pa de dag ñams su myoṅ bar byed | ci’i phyir de bźin gśegs pa dgra bcom pa yaṅ dag par rdzogs pa’i saṅs rgyas kyis ni bla na med pa yaṅ dag par rdzogs pa’i byaṅ chub mṅon par rdzogs par (3) saṅs rgyas | ci’i phyir de bźin gśegs pas ni chos kyi ’khor lo bskor | rab ’byor gyis smas pa | tshe daṅ ldan pa ś ri’i bu kho bo ni chos ma skyes pa la ’thob pa daṅ | mṅon par rtogs pa yod par mi ’dod do ||
kho bo ni ma skyes pa la rgyun du źugs pa ñid yod par (4) mi ’dod do ||
rgyun du źugs pa’i ’bras bu yod par mi ’dod do ||
lan cig phyir ’oṅ ba daṅ | lan cig phyir ’oṅ ba’i ’bras bu daṅ | phyir mi ’oṅ ba daṅ | phyir mi ’oṅ ba’i ’bras bu daṅ | dgra bcom pa ñid daṅ | dgra bcom pa ñid kyi ’bras bu daṅ | skye ba (5) med pa la raṅ byaṅ chub daṅ | raṅ saṅs rgyas yod par mi ’dod do ||
tshe daṅ ldan pa ś ri’i bu kho bo ni | byaṅ chub sems dpa’ dka’ ba spyad pa spyod par mi ’dod de | byaṅ chub sems dpa’ sems dpa’ chen po yaṅ dka’ ba’i ’du śes kyis mi spyod do ||
de ci’i (6) phyir źe na | tshe daṅ ldan pa ś ri’i bu ’di ltar dka’ ba’i ’du śes la gnas pas na | sems can dpag tu med | graṅs med pa rnams kyi don byed par mi nus pa’i phyir ro ||
tshe daṅ ldan pa ś ri’i bu ’on kyaṅ phar ’du śes bskyed pa daṅ | mar ’du śes bskyed (7) pa daṅ | bur ’du śes bskyed pa daṅ | bdag tu ’du śes bskyed pas sems can dpag tu med | graṅs med pa rnams kyi don byed par nus so ||
tshe daṅ ldan pa ś ri’i bu byaṅ chub sems dpa’ sems dpa’ chen pos ’di sñam du sems bskyed par bya ste | ji (233b1) ltar bdag bdag ces bya ba yaṅ de ni thams cad kyi thams cad rnam pa thams cad kyi thams cad du med ciṅ mi dmigs pa de bźin du phyi daṅ naṅ gi chos rnams la yaṅ de ltar sems bskyed par bya’o ||
gal te de lta bu’i ’du śes bskyed par ’gyur na | dka’ ba’i ’du śes (2) bskyed par mi ’gyur ro ||
de ci’i phyir źe na | ’di ltar byaṅ chub sems dpa’ sems dpa’ chen po ni thams cad kyi thams cad | rnam pa thams cad kyi thams cad du chos ’ga’ ya ṅa mi len ciṅ mi dmigs pa’i phyir ro ||
tshe daṅ ldan pa ś ri’i bu kho bo ni skye ba med (3) pa la de bźin gśegs pa yod par mi ’dod do ||
bla na med pa yaṅ dag par rdzogs pa’i byaṅ chub daṅ | chos kyi ’khor lo bskor ba yod par mi ’dod do ||
chos ma skyes pas kyaṅ ’thob pa ma skyes pa ’thob par mi ’dod do ||
ś ri’i bus smras pa | tshe (4) daṅ ldan pa rab ’byor ci ma skyes pa’i chos kyis ’thob pa skyes pa ’thob bam | ’on te skyes pa’i chos kyis ’thob pa ma skyes pa ’thob | rab ’byor gyis smras pa | tshe daṅ ldan pa ś ri’i bu kho bo ni skyes pa’i chos kyis ’thob pa ma skyes pa ’thob par yaṅ mi ’dod la | (5) ma skyes pa’i chos kyis ’thob pa skyes pa ’thob par yaṅ mi ’dod do ||
ś ri’i bus smras pa | tshe daṅ ldan pa rab ’byor ci ’thob pa yaṅ med la | mṅon par rtogs pa yaṅ med dam | rab ’byor gyis smras pa | tshe daṅ ldan pa ś ri’i bu ’thob pa yaṅ yod | (6) mṅon par rtogs pa yaṅ yod de gñis kyi tshul gyis ni ma yin no ||
tshe daṅ ldan pa ś ri’i bu ’thob pa daṅ | mṅon par rtogs pa dag ni ’jig rten gyi tha sñad kyis gdags pa’o ||
rgyun du źugs pa’am | lan cig phyir ’oṅ ba’am | phyir mi ’oṅ (7) ba’am | dgra bcom pa’am | raṅ saṅs rgyas sam | byaṅ chub sems dapa’a’ama | saṅs rgyas kyaṅ ’jig rten gyi tha sñad kyis gdags pa yin te | don dam par ni ’thob pa yaṅ med | mṅon par rtogs pa yaṅ med | rgyun du źugs pa yaṅ (234a1) med | lan cig phyir ’oṅ ba yaṅ med | phyir mi ’oṅ ba yaṅ med | dgra bcom pa yaṅ med | raṅ saṅs rgyas kyaṅ med | byaṅ chub sems dpa’ yaṅ med | saṅs rgyas kyaṅ med do ||
ś ri’i bus smras pa | tshe daṅ ldan pa rab (2) ’byor ’thob pa daṅ | mṅon par rtogs pa ji ltar ’jig rten gyi tha sñad du gzugs med pa | bstan du med pa | thogs pa med pa ste | ’di ltar mtshan ñid med par mtshan ñid gcig pa bźin du | skye ba med pa’aṅ de lta yin nam | rab ’byor gyis (3) smras pa | tshe daṅ ldan pa ś ri’i bu de de bźin te | tshe daṅ ldan pa ś ri’i bu rnam graṅs des na | skye ba’aṅ mi skye la skye ba med pa’aṅ mi skye’o ||
ś ri’i bus smras pa | tshe daṅ ldan pa rab ’byor chos ma skyes so chos ma skyes so źes bya bar brjod par khyod spobs (4) sam | tshe daṅ ldan pa rab ’byor chos ma skyes pa rnams kyi skye ba med pa yaṅ brjod par spobs sam | rab ’byor gyis smras pa | tshe daṅ ldan pa ś ri’i bu chos ma skyes so chos ma skyes so źes bya bar brjod par khyod spobs sam źes zer ba ni tshe daṅ ldan pa ś ri’i bu chos (5) ma skyes so chos ma skyes so źes bya bar brjod pa’i spobs pa yaṅ kho bo la med do ||
chos ma skyes pa rnams kyi skye ba med par brjod pa’i spobs pa yaṅ kho bo la med do ||
de ci’i phyir źe na | tshe daṅ ldan pa ś ri’i bu ’di ltar chos ma skyes pa gaṅ yin pa daṅ | skye ba med pa (6) gaṅ yin pa daṅ | spobs pa gaṅ yin pa daṅ | brjod pa gaṅ yin pa daṅ | mi skye ba gaṅ yin pa’i chos de dag thams cad ni ldan pa yaṅ ma yin | mi ldan pa yaṅ ma yin źiṅ | gzugs can ma yin pa bstan du med pa | thogs pa med pa ste | ’di (7) ltar mtshan ñid med par mtshan ñid gcig pa’i phyir ro ||
ś ri’i bus smras pa | tshe daṅ ldan pa rab ’byor brjod pa yaṅ skye ba med | spobs pa yaṅ skye ba med | chos kyaṅ skye ba med de | gaṅ dag las brtsams te | brjod par bya ba’i chos de dag kyaṅ (234b1) skye ba med pa yin nam | rab ’byor gyis smras pa | tshe daṅ ldan pa ś ri’i bu de de bźin te | brjod pa ni skye ba med pa’o ||
spobs pa ni skye ba med pa’o ||
gaṅ dag las brtsams te | brjod par spobs pa’i chos de dag kyaṅ skye ba med (2) pa’o ||
de ci’i phyir źe na | gzugs skye ba med pa daṅ | tshor ba daṅ | ’du śes daṅ | ’du byed rnams daṅ | rnam par śes pa skye ba med pa daṅ | de bźin du khams rnams daṅ | skye mched rnams daṅ | rten ciṅ ’brel bar ’byuṅ ba (3) daṅ | pha rol tu phyin pa rnams daṅ | byaṅ chub kyi phyogs kyi chos sum cu rtsa bdun daṅ | stoṅ pa ñid thams cad daṅ | tiṅ ṅe ’dzin thams cad daṅ | gzuṅs kyi sgo thams cad daṅ | stobs rnams daṅ | mi ’jigs pa rnams daṅ | so so yaṅ (4) dag par rig pa rnams daṅ | saṅs rgyas kyi chos ma ’dres pa bcwa brgyad kyaṅ skye ba med pa daṅ | rnam pa thams cad mkhyen pa ñid kyi bar du yaṅ skye ba med pa’i phyir ro ||
ś ri’i bus smras pa | tshe daṅ ldan pa rab ’byor de de bźin te | brjod pa skye ba med do ||
(5) spobs pa skye ba med do ||
gaṅ dag las brtsams te | brjod par spobs pa’i chos de dag kyaṅ skye ba med do ||
phuṅ po daṅ | khams daṅ | skye mched daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | (6) byaṅ chub kyi phyogs kyi chos rnams daṅ | stoṅ pa ñid thams cad daṅ | tiṅ ṅe ’dzin thams cad daṅ | gzuṅs kyi sgo thams cad daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas (7) kyi chos ma ’dres pa rnams kyi bar du skye ba med do ||
de bźin du sbyar te | rnam pa thams cad mkhyen pa ñid kyi bar du skye ba med do ||
de ltar na ’jig rten gyi tha sñad kyis ’gro ba lṅa po dag tha dad pa yin gyi | don dam par ni ma yin no ||
rab ’byor gyis (235a1) smras pa | tshe daṅ ldan pa ś ril bu de de bźin no ||
de de bźin te | tshe daṅ ldan pa ś ri’i bu ji ltar ’thob pa daṅ | mṅon par rtogs pa ’jig rten gyi tha sñad du yod pa de bźin du | ’gro ba lṅa po dag kyaṅ ’jig rten gyi tha sñad kyis tha dad (2) kyi | don dam par ni ma yin no ||
de ci’i phyir źe na | tshe daṅ ldan pa ś ri’i bu ’di ltar don dam par ni las kyi rnam par smin pa yaṅ med | skye ba yaṅ med | ’gag pa yaṅ med | kun nas ñon moṅs pa yaṅ med | rnam par byaṅ ba yaṅ med pa’i (3) phyir ro ||
ś ri’i bus smras pa | che daṅ ldan pa rab ’byor ci chos ma skyes pa skye ’am | ’on te chos skyes pa skye | rab ’byor gyis smras pa | tshe daṅ ldan pa ś ri’i bu kho bo ni chos ma skye bar yaṅ mi ’dod la | chos skyes pa skye bar yaṅ mi (4) ’dod do ||
ś ri’i bus smras pa | tshe daṅ ldan pa rab ’byor khyod cho sa ma skyes pa gaṅ skye bar mi ’dod | rab ’byor gyis smras pa | tshe daṅ ldan pa ś ri’i bu kho bo ni gzugs ma skyes pa skye bar mi ’dod do ||
kho bo ni tshor ba daṅ | ’du śes daṅ | (5) ’du byed rnams daṅ | rnam par śes pa ma skyes pa skye bar mi ’dod do ||
de bźin du khams rnams daṅ | skye mched rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | byaṅ chub kyi phyogs kyi chos rnams daṅ | stoṅ (6) pa ñid thams cad daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | byaṅ chub ma skyes pa ’thob par mi ’dod | mṅon par rtogs par mi ’dod do ||
(7) ś ri’i bus smras pa | tshe daṅ ldan pa rab ’byor chos skyes pa gaṅ skye bar mi ’dod | rab ’byor gyis smras pa | tshe daṅ ldan pa ś ri’i bu kho bo ni gzugs skyes pa ṅo bo ñid kyis stoṅ pa skye bar mi ’dod do ||
tshe daṅ ldan pa ś ri’i bu kho bo ni tshor ba daṅ | (235b1) ’du śes daṅ | ’du byed rnams daṅ | rnam par śes pa skyes pa ṅo bo ñid kyis stoṅ pa skye bar mi ’dod do ||
tshe daṅ ldan pa ś ri’i bu de bźin du sbyar te | kho bo ni byaṅ chub kyi bar du skyes pa ṅo bo ñid kyis stoṅ pa skye bar mi ’dod do ||
ś ri’i bus smras pa | (2) tshe daṅ ldan pa rab ’byor ci ma skyes pa’i chos skye’am | skyes pa’i chos skye | rab ’byor gyis smras pa | tshe daṅ ldan pa ś ri’i bu ma skyes pa yaṅ mi skye la | skyes pa yaṅ mi skye’o ||
de ci’i phyir źe na | tshe daṅ ldan pa ś ri’i bu ’di ltar skyes pa gaṅ yin pa daṅ ma (3) skyes pa’i chos gaṅ yin pa de gñi ga yaṅ ldan pa yaṅ ma yin mi ldan pa yaṅ ma yin te skye ba med pa’i phyir ro ||
de ci’i phyir źe na | tshe daṅ ldan pa ś ri’i bu ’di ltar gzugs skye ba med pa daṅ | tshor ba daṅ | ’du śes daṅ | ’du byed rnams daṅ | rnam par śes pa skye ba (4) med pa daṅ | de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | byaṅ chub kyi phyogs kyi chos sum cu rtsa bdun daṅ | stoṅ pa ñid thams cad daṅ | tiṅ ṅe ’dzin thams cad daṅ | (5) gzuṅs kyi sgo thams cad daṅ | stobs bcu daṅ | mi ’jigs pa bźi daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad daṅ | de bźin du sbyar te | lus kyi ’du byed rnams daṅ | ṅag gi ’du byed rnams daṅ | (6) yid kyi ’du byed rnams daṅ | rnam pa thams cad mkhyen pa ñid kyi bar du skye ba med pa’i phyir te | tshe daṅ ldan pa ś ri’i bu rnam graṅs des na | brjod pa skye ba med | spobs pa skye ba med | chos skye ba med | gaṅ dag las brtsams te | brjod par (7) spobs pa’i chos de dag kyaṅ skye ba med do ||
ś ri’i bus smras pa | tshe daṅ ldan pa rab ’byor ni chos smra ba rnams kyi mchog tu bźag pa’o ||
de ci’i phyir źe na | ’di ltar tshe daṅ ldan pa rab ’byor ni gaṅ daṅ gaṅ yoṅs su dris pa de daṅ de ñid las ṅes par ’byuṅ ba’i (236a1) phyir ro ||
rab ’byor gyis smras pa | ’di ltar chos thams cad la mi gnas pa’i phyir ro ||
ś ri’i bus smras pa | tshe daṅ ldan pa rab ’byor ji ltar na | chos thams cad la mi gnas pa yin | rab ’byor gyis smras pa | tshe daṅ ldan (2) pa ś ri’i bu gzugs ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe daṅ ldan pa ś ri’i bu tshor ba daṅ | ’du śes daṅ | ’du byed rnams daṅ | rnam par śes pa ni raṅ (3) bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe daṅ ldan pa ś ri’i bu mig ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med (4) par yaṅ mi dmigs so ||
tshe daṅ ldan pa ś ri’i bu de bźin du rna ba daṅ | sna daṅ | lce daṅ | lus daṅ | yid ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe daṅ (5) ldan pa ś ri’i bu gzugs ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe daṅ ldan pa ś ri’i bu sgra daṅ | dri daṅ | ro daṅ | reg bya daṅ | chos rnams ni raṅ bźin gyis stoṅ (6) ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe daṅ ldan pa ś ri’i bu sbyin pa’i pha rol tu phyin pa ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med (7) par yaṅ mi dmigs so ||
tshe daṅ ldan pa ś ri’i bu de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ni (236b1) raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe daṅ ldan pa ś ri’i bu naṅ stoṅ pa ñid ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis (2) ka med par yaṅ mi dmigs so ||
tshe daṅ ldan pa ś ri’i bu dṅos po med pa’i ṅo bo ñid stoṅ pa ñid kyi bar ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe daṅ ldan pa ś (3) ri’i bu dran pa ñe bar gźag pa rnams ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
de bźin du yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ (4) po rnams daṅ | stobs rnams daṅ | byaṅ chub kyi yan lag rnams daṅ | lam ni raṅ bźin gyis stoṅ ste | de dag ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
stobs rnams daṅ | mi (5) ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad ni raṅ bźin gyis stoṅ ste | de dag ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs so ||
tshe (6) daṅ ldan pa ś ri’i bu rnam pa thams cad mkhyen pa ñid kyi bar ni raṅ bźin gyis stoṅ ste | de ni naṅ na yaṅ mi gnas | phyi rol na yaṅ mi gnas | gñis ka med par yaṅ mi dmigs te | tshe daṅ ldan pa ś ri’i bu rnam graṅs ṅes na | chos thams cad ni raṅ (7) bźin gyis stoṅ pa’i phyir mi gnas pa yin no ||
tshe dag ldan pa ś ri’i bu de ltar na | byaṅ chub sems dpa’ sems dpa’ chen po pha rol tu phyin pa drug la spyod pas gzugs yoṅs su sbyaṅ bar bya’o ||
tshor ba daṅ | ’du śes daṅ | ’du byed rnams daṅ | rnam (237a1) par śes pa yoṅs su sbyaṅ bar bya’o ||
khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos sum cu rtsa bdun daṅ | tiṅ (2) ṅe ’dzin rnams daṅ | gzuṅs kyi sgo rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad yoṅs su sbyaṅ bar bya’o ||
rnam pa thams cad mkhyen pa ñid kyi bar du (3) yoṅs su sbyaṅ bar bya’o ||
ś ri’i bus smras pa | tshe daṅ ldan pa rab ’byor byaṅ chub sems dpa’ sems dpa’ chen po pha rol tu phyin pa drug la spyod pa | ji ltar byaṅ chub kyi lam yoṅs su sbyoṅ bar byed | rab ’byor gyis smras pa | tshe daṅ ldan pa ś ri’i (4) bu sbyin pa’i pha rol tu phyin pa ni ’jig rten pa yaṅ yod | ’jig rten las ’das pa yaṅ yod do ||
de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin (5) pa daṅ | śes rab kyi pha rol tu phyin pa ni ’jig rten pa yaṅ yod | ’jig rten las ’das pa yaṅ yod do ||
ś ri’i bus smras pa | tshe daṅ ldan pa rab ’byor ’jig rten pa’i sbyin pa’i pha rol tu phyin pa ni gaṅ yin | ’jig rten las ’das pa ni gaṅ yin | rab (6) ’byor gyis smras pa | tshe daṅ ldan pa ś ri’i bu ’di la byaṅ chub sems dpa’ sems dpa’ chen po ni sbyin pa po daṅ | sbyin bdag tu gyur ciṅ | dge sbyoṅ daṅ | bram ze daṅ | bkren pa daṅ | sdug phoṅs pa daṅ | ’dron pa daṅ | sloṅs mo pa zas (7) ’dod pa rnams la ni zas | skom ’dod pa rnams la ni skom | bźon pa ’dod pa rnams la ni bźon pa | gos ’dod pa rnams la ni gos | me tog ’dod pa rnams la ni me tog | me tog phreṅ ’dod pa rnams la ni me tog phreṅ | spos ’dod pa rnams la ni (237b1) spos | byug pa ’dod pa rnams la ni byug pa | gnas ’dod pa rnams la ni gnas | mal cha daṅ stan ’dod pa rnams la ni mal cha daṅ stan | ’tshog chas ’dod pa rnams la ni ’tshog chas | sman ’dod pa rnams la ni sman | mi’i yo byad gaṅ yaṅ ruṅ ba’i (2) bar dag sbyin par byed ciṅ | bu ’dod pa rnams la ni bu sbyin par byed | bu mo ’dod pa rnams la ni bu mo sbyin par byed | chuṅ ma ’dod pa rnams la ni chuṅ ma sbyin par byed | rgyal srid ’dod pa rnams la ni rgyal srid sbyin par byed | mgo ’dod pa rnams la ni mgo (3) sbyin par byed | mig ’dod pa rnams la ni mig sbyin par byed | yan lag daṅ ñiṅ lag ’dod pa rnams la ni yan lag daṅ ñiṅ lag sbyin par byed | śa daṅ | khrag daṅ | rkaṅ ’dod pa rnams la ni śa daṅ khrag daṅ rkaṅ sbyin par byed la de yaṅ gnas śiṅ (4) yoṅs su gtoṅ bar byed de | de ’di sñam du bdag ni sbyin pa byed pa’o ||
bdag ni ser sna med pa’o ||
bdag ni bdog pa thams cad yoṅs su gtoṅ ba’o ||
bdag ni saṅs rgyas (5) kyi bka’ bźin byed pa’o ||
bdag ni sbyin pa’i pha rol tu phyin pa la spyod pa’o sñam du sems śiṅ sbyin pa de yaṅ byin nas | dmigs pa’i tshul gyis sems can thams cad daṅ thun moṅ du byas śiṅ bdag gi sbyin pa’i ’bras bu ’dis sems can ’di dag tshe ’di la yaṅ (6) bde bar ’gyur źiṅ | len pa med par yoṅs su mya ṅan las ’da’ bar gyur cig ces bla na med pa yaṅ dag par rdzogs pa’i byaṅ chub tu yoṅs su sṅo bar byed do ||
de ni chags pa gsum la chags śiṅ sbyin pa sbyin par byed de | gsum gaṅ źe na | ’di lta ste | (7) bdag tu ’du śes pa daṅ | gźan du ’du śes pa daṅ | sbyin par ’du śes pa ste | chags pa gsum po de dag la chags śiṅ sbyin pa sbyin par byed de | de ni ’jig rten pa’i sbyin pa’i pha rol tu phyin pa źes bya’o ||
ci’i phyir ’jig rten pa’i sbyin pa’i pha rol tu phyin (238a1) pa źes bya źe na | ’di lta ra ’jig rten las mi g-yo mi ’phags śiṅ mi ’da’ ste | de’i phyir ’jig rten pa’i sbyin pa’i pha rol tu phyin pa źes bya’o ||
de la ’jig rten las ’das pa’i sbyin pa’i pha rol tu phyin pa gaṅ źe na | ’di lta ste | ’khor (2) gsum yoṅs su dag pa’o ||
de la ’khor gsum yoṅs su dag pa gaṅ źe na | tshe daṅ ldan pa ś ri’i bu ’di la byaṅ chub sems dpa’ sems dpa’ chen po sbyin pa sbyin pa na | bdag tu mi dmigs | len par mi dmigs | sbyin par mi dmigs śiṅ | de (3) de’i rnam par smin pa la yaṅ mṅon par dga’ ba med pa ste | tshe daṅ ldan pa ś ri’i bu de ni byaṅ chub sems dpa’ sems dpa’ chen po’i ’khor gsum yoṅs su dag pa yin no ||
tshe daṅ ldan pa ś ri’i bu gźan yaṅ byaṅ chub sems dpa’ sems dpa’ chen po sbyin pa sbyin (4) pa na | sbyin pa’i de sems can thams cad la sñoms par byed pa kyaṅ sems can thams cad kyaṅ mi dmigs | bdag kyaṅ mi dmigs | sbyin pa yaṅ mi dmigs | sbyin pa de yaṅ bla na med pa yaṅ dag par rdzogs pa’i byaṅ chub tu yoṅs su sṅo bar byed ciṅ | byaṅ (5) chub kyaṅ mi dmigs pa de ni | tshe daṅ ldan pa ś ri’i bu ’jig rten las ’das pa’i sbyin pa’i pha rol tu phyin pa źes bya’o ||
ci’i phyir ’jig rten las ’das pa’i sbyin pa’i pha rol tu phyin pa źes bya źe na | tshe daṅ ldan pa ś ri’i bu ’di ltar ’jig rten las g-yo źiṅ ’phags (6) la ’da’ ste | de’i phyir ’jig rten las ’das pa’i sbyin pa’i pha rol tu phyin pa źes bya’o ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa yaṅ de bźin no || ||
(7) śes rab kyi pha rol tu phyin pa khri brgyad stoṅ pa | bam po bcwa brgyad pa | tshe daṅ ldan pa ś ri’i bu śes rab kyi pha rol tu phyin pa yaṅ ’jig rten pa’i yaṅ yod | ’jig rten las ’das pa’i yaṅ yod de | de la ’jig rten pa’i śes rab kyi pha rol tu phyin pa gaṅ (238b1) źe na | tshe daṅ ldan pa ś ri’i bu ’di la byaṅ chub sems dpa’ sems dpa’ chen po bdag gis ser sna’i sems tshar bcad do ||
źes dmigs pa la gnas nas sbyin pa sbyin par byed de | de yaṅ bdag daṅ | sems can daṅ | sbyin pa’i ’du śes la gnas śiṅ | (2) de bdog pa thams cad yoṅs su gtoṅ ste | dmigs pa la gnas nas | phyi daṅ naṅ gi dṅos po’am | zin pa’am | ma zin pa’am | ci bdog pa thams cad yoṅs su gtoṅ ba daṅ | de sbyaṅs pa’i yon tan la gnas śiṅ | lus daṅ | ṅag daṅ sems (3) kyi dmigs pa la gnas te | bdag tu lta ba la gnas | sems can du lta ba daṅ | dge bar lta ba la gnas śiṅ | tshul khrims daṅ | dge ba bcu’i las kyi lam de dag la bsten pa tshul khrims dag sems can thams cad daṅ thun moṅ du byas śiṅ byaṅ chub (4) dmigs nas | dmigs pa’i tshul gyis byaṅ chub tu yoṅs su bsṅo ba daṅ | de bdag la stoṅ ciṅ gźan la smod pa daṅ | bdag daṅ sems can daṅ | bzod par lta ba la gnas śiṅ | sems can thams cad kyis ñes par byas pa bzod par byed la | (5) dge ba’i rtsa ba de yaṅ sems can thams cad daṅ thun moṅ du byas nas | dmigs pa’i tshul gyis bla na med pa yaṅ dag par rdzogs pa’i byaṅ chub tu yoṅs su bsṅo ba daṅ | de lus dmigs śiṅ | bsod nams kyi tshogs dmigs la | ye śes kyi tshogs (6) dmigs śiṅ | bdag dmigs la sems can rnams dmigs te | byaṅ chub dmigs śiṅ brtson ’grus rtsom ste | de brtson ’grus rtsom pa des rlom sems su byed pa daṅ | de byams pa daṅ | sñiṅ rje daṅ | dga’ ba daṅ | btaṅ sñoms sgom (7) par byed ciṅ | bsam gtan rnams daṅ | mṅon par śes pa rnams daṅ | tiṅ ṅe ’dzin rnams daṅ | sñoms par ’jug pa rnams la yaṅ sñoms par ’jug la | ldaṅ bar yaṅ byed ciṅ | de dag gi ro myoṅ bar yaṅ byed la | de dag gis (239a1) rlom sems su yaṅ byed ciṅ | dmigs pa’i lta ba can du gyur nas | dge ba’i rtsa ba rnams sems can thams cad daṅ thun moṅ du byas śiṅ | byaṅ chub tu yoṅs su bsṅo ba de ni ’jig rten pa’i’o ||
de gzugs stoṅ ṅo źes bya bar dmigs | (2) tshor ba daṅ | ’du śes daṅ | ’du byed rnams daṅ | rnam par śes pa stoṅ ṅo źes bya bar dmigs śiṅ | de bźin du saṅs rgyas kyi byaṅ chub kyi bar du dmigs nas | stoṅ pa ñid sgom ste | de dmigs pa la spyod ciṅ | dge ba’i rtsa ba de dag kyaṅ sems (3) can thams cad daṅ thun moṅ du byas nas | de yaṅ dmigs pa’i tshul gyis bla na med pa yaṅ dag par rdzogs pa’i byaṅ chub tu yoṅs su bsṅo ba daṅ | dmigs pa’i tshul gyis sdig pa thams cad so sor ’chags pa daṅ | bdag daṅ gźan gyi bsod nams thams cad la (4) rjes su yi raṅ ba daṅ | bdag daṅ gźan gyi don gyi phyir dmigs nas | thabs ma yin pas saṅs rgyas thams cad la gsol ba ’debs pa daṅ | phuṅ po gsum pa’i bsod nams thabs ma yin pas sems can thams cad daṅ thun moṅ du byas nas rnam pa thams (5) cad mkhyen pa ñid du yoṅs su bsṅo ba de ni ’jig rten pa’i śes rab kyi pha rol tu phyin pa źes bya’o ||
de la ’jig rten las ’das pa’i śes rab kyi pha rol tu phyin pa gaṅ źe na | bdag daṅ | sems can daṅ | sbyin par bya ba mi dmigs pa’i śes rab ’khor (6) gsum yoṅs su dag pas byaṅ chub kyi phyir sbyin pa’i pha rol tu phyin pa yoṅs su sbyoṅ bar byed pa daṅ | bdag daṅ | sems can daṅ | tshul khrims daṅ | byaṅ chub mi dmigs te | ’khor gsum yoṅs su dag pas byaṅ chub kyi phyir tshul khrims (7) yoṅs su sbyoṅ bar byed pa daṅ | bdag daṅ | bzod pa daṅ | byaṅ chub mi dmigs te | ’khor gsum yoṅs su dag pas | byaṅ chub kyi phyir bzod pa’i pha rol tu phyin pa yoṅs su sbyoṅ bar byed pa daṅ | bdag daṅ | lus daṅ | sems daṅ | (239b1) brtson ’grus daṅ | bsod nams daṅ | ye śes mi dmigs te | ’khor gsum yoṅs su dag pas byaṅ chub kyi phyir | brtson ’grus kyi pha rol tu phyin pa yoṅs su sbyoṅ bar byed pa daṅ | bdag daṅ | sems can daṅ | bsam gtan daṅ | tiṅ (2) ṅe ’dzin daṅ | sñoms par ’jug pa rnams mi dmigs te | ’khor gsum yoṅs su dag pas byaṅ chub kyi phyir bsam gtan gyi pha rol tu phyin pa yoṅs su sbyoṅ bar byed pa daṅ | sems can thams cad mi dmigs pas byaṅ chub kyi phyir | śes rab kyi pha (3) rol tu phyin pa yoṅs su sbyoṅ bar byed pa daṅ | dge ba’i rtsa ba thams cad kyaṅ yoṅs su bsṅo ba dug med pa daṅ | yoṅs su bsṅo ba bla na med pa daṅ | yoṅs su bsṅo bo mi mñam pa daṅ mñam pa daṅ | yoṅs su bsṅo ba bsam gyis mi khyab pa daṅ | yoṅs (4) su bsṅo ba mtshuṅs pa med pa daṅ | yoṅs su bsṅo ba dpag tu med pas | bla na med pa yaṅ dag par rdzogs pa’i byaṅ chub tu yoṅs su sṅo bar byed pa ste | de ni ’jig rten las ’das pa’i śes rab kyi pha rol tu phyin pa źes bya’o ||
ci’i phyir na | ’jig (5) rten pa źes bya | ci’i phyir na | ’jig rten las ’das pa źes bya źe na | de la ’jig rten pa źes bya ba ni | gaṅ dag gis ’jig rten du ’gyur ba daṅ | gaṅ dag ’jig rten ’grub par byed pa daṅ | gaṅ dag gis ’jig rten daṅ mñam pa daṅ | (6) gaṅ dag gis ’jig rten gyi phyir sbyin pa daṅ | gaṅ dag gis ’jig rten las ’byuṅ bar mi ’gyur ba daṅ | gaṅ dag ’jig rten ’byuṅ bar ’gyur ba daṅ | gaṅ dag ’jig rten du ’byuṅ bar ’gyur ba ste | de dag ni ’jig rten pa źes bya’o ||
de la (7) ’jig rten las ’das pa gaṅ źe na | gaṅ dag gis ’jig rten sgrol pa daṅ | gaṅ dag ’jig rten sel bar byed pa daṅ | ’jig rten gaṅ dag gis sgrol bar byed pa daṅ | gaṅ dag ’jig rten ma yin par ’gyur ba daṅ | gaṅ dag gis (240a1) ’jig rten las ’byuṅ bar ’gyur ba daṅ | gaṅ dag ’jig rten las sgrol ba daṅ | gaṅ dag ’jig rten du sgrol bar byed pa ste | de dag ni ’jig rten las ’das pa źes bya’o ||
tshe daṅ ldan pa ś ri’i bu byaṅ chub sems dpa’ (2) sems dpa’ chen po pha rol tu phyin pa drug la spyod pa ni | de ltar byaṅ chub kyi lam yoṅs su sbyoṅ bar byed do ||
ś ri’i bus smras pa | tshe daṅ ldan pa rab ’byor byaṅ chub sems dpa’ sems dpa’ chen po’i byaṅ chub kyi lam gaṅ yin | rab ’byor gyis (3) smras pa | tshe daṅ ldan pa ś ri’i bu dran pa ñe bar gźag pa bźi ni | byaṅ chub sems dpa’ sems dpa’ chen po’i byaṅ chub kyi lam yin no ||
yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa (4) daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | rnam par thar pa’i sgo stoṅ pa ñid daṅ | mtshan ma med pa daṅ | smon pa med pa daṅ | naṅ stoṅ pa ñid daṅ | dṅos po med pa’i ṅo bo ñid ñid stoṅ pa ñid kyi bar (5) daṅ | tiṅ ṅe ’dzin thams cad daṅ | gzuṅs kyi sgo thams cad daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | byams (6) pa chen po daṅ | sñiṅ rje chen po ste | tshe daṅ ldan pa ś ri’i bu de dag ni | byaṅ chub sems dpa’ sems dpa’ chen po’i byaṅ chub kyi lam źes bya’o ||
ś ri’i bus smras pa | tshe daṅ ldan pa rab ’byor de pha rol tu phyin pa gaṅ gi skyes bu’i (7) rtsal yin | rab ’byor gyis smras pa | tshe daṅ ldan pa ś ri’i bu de ni | śes rab kyi pha rol tu phyin pa’i skyes bu’i rtsal yin no ||
de ci’i phyir źe na | tshe daṅ ldan pa ś ri’i bu ’di ltar śes rab kyi pha rol tu phyin pa ni ñan thos kyi chos rnams daṅ | (240b1) raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs rgyas kyi chos rnams daṅ | dge ba’i chos thams cad skyed par byed pa yin pa’i phyir te | tshe daṅ ldan pa ś ri’i bu śes rab kyi pha rol tu phyin pa ni | ñan thos kyi (2) chos rnams daṅ | raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs rgyas kyi chos rnams daṅ | dge ba’i chos thams cad yoṅs su ’dzin źiṅ | yaṅ dag par ’dzin par byed pa yin no ||
tshe daṅ (3) ldan pa ś ri’i bu sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis kyaṅ | śes rab kyi pha rol tu phyin pa ’di la spyad nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas (4) par gyur to ||
tshe daṅ ldan pa ś ri’i bu ma byon pa’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ | śes rab kyi pha rol tu phyin pa ’di ñid la bslabs nas | bla na med pa yaṅ dag par rdzogs pa’i (5) byaṅ chub mṅon par rdzogs par ’tshaṅ rgya bar ’gyur ro ||
tshe daṅ ldan pa ś ri’i bu de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag da ltar phyogs bcu’i ’jig rten na bźugs te | ’tsho źiṅ gźes pa de (6) dag kyaṅ | śes rab kyi pha rol tu phyin pa ’di ñid la bslabs nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
tshe daṅ ldan pa ś ri’i bu śes rab kyi pha rol tu phyin pa ’di bśad pa na | (7) gal te byaṅ chub sems dpa’ sems dpa’ chen po nem nur med ciṅ rmoṅs pa med par gyur na | byaṅ chub sems dpa’ sems dpa’ chen po de ni | ’di lta ste | sems can thams cad bskyab pa daṅ sems can thams cad yoṅs su mi (241a1) gtaṅ ba’i phyir | ’di ltar gnas pa ’dis gnas pa yin par rig par bya ste | de yaṅ mi gnas pa’i tshul gyis gnas śiṅ | byaṅ chub sems dpa’ sems dpa’ chen po de ni ’di lta ste | sñiṅ rje chen po yid la byed pa de daṅ ma bral bar rig par bya’o ||
(2) ś ri’i bus smras pa | tshe daṅ ldan pa rab ’byor ’di lta ste | sñiṅ rje chen po yid la byed pa’i yid la byed pa de daṅ ma bral bar gnas pa des gnas pa de byaṅ chub sems dpa’ sems dpa’ chen po yin par ’dod na | tshe daṅ ldan pa rab ’byor de ltar na sems can thams cad kyaṅ (3) byaṅ chub sems dpa’ yin par ’gyur ro ||
de ci’i phyir źe na | tshe daṅ ldan pa rab ’byor ’di ltar sems can thams cad ni yid la byed pa daṅ ma bral ba’i phyir ro ||
rab ’byor gyis smras pa | tshe daṅ ldan pa ś ri’i bu legs so legs so ||
tshe daṅ ldan pa ś ri’i bus (4) yaṅ dag pa’i tshig brjod pas don de ñid yoṅs su bzuṅ ba ni | tshe daṅ ldan pa ś ri’i bu dmigs su phebs so ||
de ci’i phyir źe na | tshe daṅ ldan pa ś ri’i bu sems can med pa’i phyir yid la byed pa med par rig par bya | sems can stoṅ pa ñid kyi phyir yid la byed pa stoṅ (5) pa ñid du rig par bya | sems can dben pa’i phyir yid la byed pa dben par rig par bya | sems can ṅo bo ñid med pa’i phyir yid la byed pa ṅo bo ñid med par rig par bya źiṅ sems can mṅon par rdzogs par ’tshaṅ rgya ba med pa’i phyir yid la byed pa mṅon par rdzogs par (6) ’tshaṅ rgya ba med par rig par bya ba’i phyir ro ||
tshe daṅ ldan pa ś ri’i bu gzugs med pa’i phyir | yid la byed pa med par rig par bya | gzugs stoṅ pa ñid kyi phyir yid la byed pa stoṅ pa ñid du rig par bya | gzugs dben pa ñid kyi phyir yid la byed pa dben pa (7) ñid du rig par bya | gzugs ṅo bo ñid med pa’i phyir yid la byed pa ṅo bo ñid med par rig par bya | gzugs mṅon par rdzogs par ’tshaṅ rgya ba med pa’i phyir yid la byed pa mṅon par rdzogs par ’tshaṅ rgya ba med par rig par bya’o ||
de bźin du tshor ba daṅ | ’du śes daṅ | (241b1) ’du byed rnams daṅ | rnam par śes pa med pa’i phyir yid la byed pa med par rig par bya’o ||
rnam par śes pa stoṅ pa ñid kyi phyir yid la byed pa stoṅ pa ñid du rig par bya’o ||
rnam par śes pa dben pa ñid kyi phyir yid la byed pa dben pa ñid du rig par bya’o ||
rnam par śes pa (2) ṅo bo ñid med pa’i phyir yid la byed pa ṅo bo ñid med par rig par bya’o ||
rnam par śes pa mṅon par rdzogs par ’tshaṅ rgya ba med pa’i phyir yid la byed pa mṅon par rdzogs par ’tshaṅ rgya ba med par rig par bya’o ||
de bźin du khams rnams daṅ | skye mched rnams daṅ | rten (3) ciṅ ’brel par ’byuṅ ba daṅ | bden pa daṅ | byaṅ chub kyi phyogs kyi chos daṅ | pha rol tu phyin pa daṅ | stoṅ pa ñid thams cad daṅ | tiṅ ṅe ’dzin thams cad daṅ | gzuṅs kyi sgo thams cad daṅ | rnam pa thams cad mkhyen pa ñid kyi bar du med pa’i phyir | yid la (4) byed pa med par rig par bya’o ||
de bźin du rnam pa thams cad mkhyen pa ñid stoṅ pa ñid daṅ | rnam pa thams cad mkhyen pa ñid dben pa daṅ | rnam pa thams cad mkhyen pa ñid ṅo bo ñid med pa daṅ | rnam pa thams cad mkhyen pa ñid mṅon par rdzogs par ’tshaṅ rgya ba med pa’i phyir (5) yid la byed pa mṅon par rdzogs par ’tshaṅ rgya ba med par rig par bya ste | tshe daṅ ldan pa ś ri’i bu rnam graṅs des na | byaṅ chub sems dpa’ sems dpa’ chen po ni gnas pa ’di daṅ | yid la byed pa ’di daṅ ma bral lo źes kho bo smra’o ||
de nas bcom ldan ’das kyis (6) tshe daṅ ldan pa rab ’byor la legs so źes bya ba byin te | rab ’byor legs so legs so ||
’di ltar de bźin gśegs pa’i mthus | ji ltar khyod kyis bstan pa de ltar byaṅ chub sems dpa’ sems dpa’ chen po rnams la yaṅ śes rab kyi pha rol tu phyin pa bstan par bya (7) ste | byaṅ chub sems dpa’ sems dpa’ chen pos kyaṅ ji ltar khyod kyis bstan pa de ltar śes rab kyi pha rol tu phyin pa la bslab par bya’o ||
tshe daṅ ldan pa rab ’byor gyis śes rab kyi pha rol tu phyin pa’i le’u ’di bśad pa na | stoṅ gsum gyi stoṅ chen po’i ’jig rten gyi (242a1) khams ’di rnam pa drug tu rab tu g-yos te | g-yos rab tu g-yos | kun tu rab tu g-yos so ||
’gul rab tu ’gul | kun tu rab tu ’gul to ||
ldeg rab tu ldeg | kun tu rab tu ldeg go ||
’khrugs rab tu ’khrugs | kun tu rab tu ’khrugs so ||
(2) ’ur ’ur | rab tu ’ur ’ur | kun tu rab tu ’ur ’ur ro ||
chem chem | rab tu chem chem | kun tu rab tu chem chem mo ||
śar phyogs dma’ na nub phyogs mtho | nub phyogs dma’ na śar phyogs mtho | lho phyogs dma’ na byaṅ phyogs mtho | byaṅ phyogs dma’ na lho phyogs (3) mtho ||
dbus dma’ na mtha’ mtho | mtha’ dma’ na dbus mtho bar gyur to ||
de nas de’i tshe | bcom ldan ’das ’dzum pa mdzad do ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ’dzum pa mdzad pa’i rgyu gaṅ lags | (4) rkyen gaṅ lags | bcom ldan ’das kyis bka’ stsal pa | rab ’byor ji ltar ’jig rten gyi khams mi mjed ’di naṅ śes rab kyi pha rol tu phyin pa ston pa de bźin du | śar phyogs kyi ’jig rten gyi khams dpag tu med | graṅs med pa dag na yaṅ | de bźin gśegs pa dgra (5) bcom pa yaṅ dag par rdzogs pa’i saṅs rgyas rnams byaṅ chub sems dpa’ sems dpa’ chen po rnams la śes rab kyi pha rol tu phyin pa ’di ñid ston par mdzad do ||
de bźin du phyogs bcu khor yug kun gyi ’jig rten gyi khams dpag tu med | graṅs med pa dag na | de bźin gśegs (6) pa dgra bcom pa yaṅ dag par rdzogs pa’i saṅs rgyas rnams byaṅ chub sems dpa’ sems dpa’ chen po rnams la śes rab kyi pha rol tu phyin pa ’di ñid ston par mdzad do ||
tshe daṅ ldan pa rab ’byor gyis śes rab kyi pha rol tu phyin pa bstan pa ’di bśad pa na | lha daṅ mi’i skye dgu rnams las (7) srog chags ’bum ñi khris mi skye ba’i chos la bzod pa thob par gyur to ||
phyogs bcu kun gyi ’jig rten gyi khams su saṅs rgyas bcom ldan ’das de dag gis | byaṅ chub sems dpa’ sems dpa’ chen po rnams la śes rab kyi pha rol tu phyin pa ’di ñid ston pa mdzad na yaṅ sems can (242b1) dpag tu med | graṅs med rnams kyis bla na med par yaṅ dag par rdzogs pa’i byaṅ chub tu sems bskyed par gyur to ||
saṅs rgyas daṅ byaṅ chub sems dpa’ thams cad kyi yum | śes rab kyi pha rol tu phyin pa khri brgyad stoṅ pa las | gnas brtan rab ’byor gyi (2) le’u źes bya ste | ñi śu rtsa gcig pa’o || ||
de nas stoṅ gsum gyi stoṅ chen po’i ’jig rten gyi khams ’di na rgyal po chen po gaṅ daṅ ’khod pa de dag thams cad lta’i bu bye ba khrag khrig phrag ’bum phrag du ma daṅ lhan cig tu ’khor de ñid du ’dus par gyur to ||
(3) de bźin du lha’i dbaṅ po brgya byin rnams daṅ | rab ’thab bral rnams daṅ | yoṅs su dga’ ldan rnams daṅ | ’phrul dga’ rnams daṅ | gźan ’phrul dbaṅ byed rnams daṅ | tshaṅs pa’i mdun na ’dod rnams kyaṅ | tshaṅs pa’i bar dag daṅ lhan cig tu (4) ’dus par gyur to ||
stoṅ gsum gyi stoṅ chen po’i ’jig rten gyi khams ’di na tshaṅs pa daṅ | gnas gtsaṅ ma’i ris kyi bar gyi lha’i bu gaṅ dag ji sñed ’khod pa rnams kyaṅ lha’i bu bye ba khrag khrig phrag ’bum phrag du ma daṅ lhan cig tu ’dus par gyur to ||
rgyal chen (5) bźi’i ris kyi lha’i bu de dag gi las kyi rnam par smin pa las byuṅ ba’i lus kyi ’od gaṅ yin pa daṅ | sum cu rtsa gsum daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs pa daṅ | gnas gtsaṅ ma’i ris kyi (6) bar gyi lha’i bu rnams kyi las kyi rnam par smin pa las byuṅ ba’i lus kyi ’od gaṅ yin pa de dag ni de bźin gśegs pa’i raṅ bźin gyi ’od kyi brgya’i char yaṅ ñe bar mi ’gro’o ||
stoṅ gi cha daṅ | ’bum gyi cha daṅ | bye ba phrag ’bum gyi cha daṅ | graṅs daṅ | cha daṅ | (7) bgraṅ ba daṅ | dpe daṅ | rgyur yaṅ mi bzod do ||
de bźin gśegs pa’i raṅ bźin gyi ’od kyi gan na | lha rnams kyi las kyi rnam par smin pa las byuṅ ba’i lus kyi ’od de dag thams cad ni lha ma me ma yin | lhan ne ma yin | lhaṅ ṅe ma yin no ||
de (243a1) bźin gśegs pa’i ’od ni de dag gi naṅ na mchog tu snaṅ ṅo ||
khyad par du ’phags par snaṅ ṅo ||
rab daṅ | rab mchog daṅ | gya nom pa daṅ | bla na med pa daṅ | goṅ na med par snaṅ ṅo ||
’di lta ste dper na | ’dzam bu chu bo’i (2) gser gyi gnan lcags nag po ni ka ba tshig pa bźin du lham me ma yin | lhan ne ma yin | lhaṅ ṅe ma yin no ||
de bźin du | de bźin gśegs pa’i raṅ bźin gyi ’od kyi gan na lha rnams kyi las kyi rnam par smin pa las byuṅ ba’i lus kyi ’od de dag thams cad kyaṅ lham me ma (3) yin | lhan ne ma yin | lhaṅ ṅe ma yin te | de bźin gśegs pa’i ’od ni de dag gi naṅ na mchog tu snaṅ ṅo ||
khyad par du ’phags par snaṅ ṅo ||
rab daṅ | rab mchog daṅ | gya nom pa daṅ | bla na med pa daṅ | goṅ na med par snaṅ ṅo ||
(4) de nas lha’i dbaṅ po brgya byin gyis tshe daṅ ldan pa rab ’byor la ’di skad ces smras so ||
btsun pa rab ’byor stoṅ gsum gyi stoṅ chen po’i ’jig rten gyi khams ’di na rgyal chen bźi’i ris kyi lha rnams daṅ | sum cu rtsa gsum pa rnams daṅ | ’thab bral rnams daṅ | dga’ ldan (5) rnams daṅ | ’phrul dga’ rnams daṅ | gźan ’phrul dbaṅ byed rnams daṅ | gnas gtsaṅ ma’i ris kyi bar gyi lha’i bu gaṅ dag ’khod pa de dag thams cad btsun pa rab ’byor la chos ñan pa’i phyir ’dus te | śes rab kyi pha rol tu phyin pa bstan pa ñan par ’dod na | (6) btsun pa rab ’byor byaṅ chub samesa pa’ sems dpa’ chen pos ji ltar śes rab kyi pha rol tu phyin pa la gnas par bya | byaṅ chub sems dpa’ sems dpa’ chen po’i śes rab kyi pha rol tu phyin pa ni gaṅ yin | byaṅ chub sems dpa’ sems dpa’ chen po’i śes rab kyi pha rol tu phyin pa ni gaṅ yin | byaṅ chub sems dpa’ sems dpa’ chen pos śes rab kyis (7) rol tu phyin pa la ni ji ltar bslab par bya | de skad ces smras pa daṅ | tshe daṅ ldan pa rab ’byor gyis lta’i dbaṅ po brgya byin la ’di skad ces smras so ||
kau śi ka de’i phyir legs par rab tu ñon la | yid la zuṅ śig daṅ | saṅs rgyas kyi mthu daṅ | saṅs rgyas (243b1) kyi byin gyi rlabs kyis byaṅ chub sems dpa’ sems dpa’ chen po rnams kyi śes rab kyi pha rol tu phyin pa gaṅ yin pa daṅ | byaṅ chub sems dpa’ sems dpa’ chen pos ji ltar śes rab kyi pha rol tu phyin pa la gnas par bya ba daṅ | byaṅ chub sems dpa’ sems dpa’ chen (2) pos ji ltar śes rab kyi pha rol tu phyin pa la bslab par bya ba dag bstan par byas | lha’i bu gaṅ dag gis bla na med pa yaṅ dag par rdzogs pa’i byaṅ chub tu sems ma bskyed pa de dag gis kyaṅ | bla na med pa yaṅ dag par rdzogs pa’i byaṅ chub tu sems bskyed par gyis śig | gaṅ (3) dag yaṅ dag pa’i skyon med pa la źugs pa de dag ni bla na med pa yaṅ dag par rdzogs pa’i byaṅ chub tu sems bskyed pa’i mthu med do ||
de ci’i phyir źe na | de dag gis ’khor ba’i rgyun gyi mtshams bcad pa’i phyir ro ||
’on kyaṅ gal te de dag bla na med pa yaṅ dag par rdzogs (4) pa’i byaṅ chub tu sems bskyed na | kho bo ni dge ba’i phyogs kyi bar chad mi byed pas de dag la yaṅ rjes su yi raṅ ste | khyad par du ’phags pa’i chos rnams las khyad par du ’phags pa’i chos rnams la lhag par dmigs par bya’o ||
kau śi ka de la byaṅ chub sems dpa’ (5) sems dpa’ chen po’i śes rab kyi pha rol tu phyin pa gaṅ źe na | kau śi ka ’di la byaṅ chub sems dpa’ sems dpa’ chen pos rnam pa thams cad mkhyen pa ñid daṅ ldan pa’i sems bskyed pas gzugs mi rtag par yid la bya’o ||
sdug bsṅal ba daṅ | bdag med pa daṅ | (6) stoṅ pa daṅ | nad daṅ | ’bras daṅ | zug rṅu daṅ | sdig pa daṅ | gźan la rag las pa daṅ | ’jig pa’i chos can daṅ | mi brtan pa daṅ | rab tu ’jig pa’i ṅaṅ tshul can daṅ | ’jigs pa daṅ | ’tshe ba daṅ | ’go ba’i nad lta bur yid la bya ste | de yaṅ (7) mi dmigs pa’i tshul gyis yid la bya’o ||
de bźin du tshor ba daṅ | ’du śes daṅ | ’du byed rnams daṅ | rnam par śes pa daṅ | de bźin du mig daṅ | rna ba daṅ | sna daṅ | lce daṅ | lus daṅ | yid daṅ | de bźin du sa’i khams daṅ | chu’i khams daṅ | me’i (244a1) khams daṅ | rluṅ gi khams daṅ | nam mkha’i khams daṅ | rnam par śes pa’i khams mi rtag par yid la bya’o ||
sdug bsṅal ba daṅ | bdag med pa daṅ | stoṅ pa daṅ | nad daṅ | ’bras daṅ | zug rṅu daṅ | sdig pa daṅ | gźan (2) la rag las pa daṅ | ’jig pa’i chos can daṅ | mi brtan pa daṅ | rab tu ’jig pa’i ṅaṅ tshul can daṅ | ’jigs pa daṅ | ’tshe ba daṅ | ’go ba’i nad lta bur yid la bya ste | de yaṅ mi dmigs pa’i tshul gyis yid la bya’o ||
rnam pa thams cad mkhyen (3) pa ñid daṅ ldan pa’i sems bskyed pas ma rig pa’i rkyen gyis ’du byed rnams źes bya bar yid la bya ste | de yaṅ mi rtag pa daṅ | sdug bsṅal ba daṅ | bdag med pa daṅ | źi ba daṅ | dben pa daṅ | stog par yid la bya’o ||
’du byed kyi rkyen gyis rnam par śes pa | (4) rnam par śes pa’i rkyen gyis miṅ daṅ gzugs | miṅ daṅ gzugs kyi rkyen gyis skye mched drug | skye mched drug gi rkyen gyis reg pa | reg pa’i rkyen gyis tshor ba | tshor ba’i rkyen gyis sred pa | sred pa’i rkyen gyis len pa | len pa’i rkyen gyis srid pa | srid pa’i rkyen (5) gyis skye ba | skye ba’i rkyen gyis rga śi daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa rnams ’byuṅ ste | de ltar na sdug bsṅal gyi phuṅ po chen po ’ba’ źig po ’di ’byuṅ bar ’gyur te | de yaṅ mi rtag pa daṅ | (6) sdug bsṅal ba daṅ | bdag med pa daṅ | źi ba daṅ | dben pa daṅ | stoṅ par yid la bya ste | de yaṅ mi dmigs pa’i tshul gyis bya’o ||
rnam pa thams cad mkhyen pa ñid daṅ ldan pa’i yid la bya ba dag gis ma rig pa ’gags pas ’du byed ’gag ste | de yaṅ (7) mi rtag pa daṅ | sdug bsṅal ba daṅ | bdag med pa daṅ | źi ba daṅ | dben pa daṅ | stoṅ pa ñid daṅ | mtshan ma med pa daṅ | smon pa med pa daṅ | mṅon par ’du bya ba med par yid la bya’o ||
’du byed ’gags pas rnam par śes pa ’gag | rnam par (244b1) śes pa ’gags pas miṅ daṅ gzugs ’gag | miṅ daṅ gzugs ’gags pas skye mched drug ’gag | skye mched drug ’gags pas reg pa ’gag | reg pa ’gags pas tshor ba ’gag | tshor ba ’gags pas sred pa ’gag | sred pa ’gags pas (2) len pa ’gag | len pa ’gags pas srid pa ’gag | srid pa ’gags pas skye ba ’gag | skye ba ’gags pas rga śi daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa rnams ’gag ste | de ltar na sdug bsṅal (3) gyi phuṅ po chen po ’ba’ źig po ’di ’gag par ’gyur te | de yaṅ bdag med pa daṅ | źi ba daṅ | dben pa daṅ | stoṅ pa ñid daṅ | mtshan ma med pa daṅ | smon pa med pa daṅ | mṅon par ’du byed pa med par yid la bya ste | de yaṅ mi dmigs pa’i tshul gyis bya’o ||
(4) kau śi ka gźan yaṅ byaṅ chub sems dpa’ sems dpa’ chen pos rnam pa thams cad mkhyen pa ñid daṅ ldan pa’i sems bskyed pas dran pa ñe bar gźag pa bźi bsgom ste | de yaṅ mi dmigs pa’i tshul gyis bsgom mo ||
de bźin du yaṅ dag par spoṅ ba bźi daṅ | rdzu ’phrul (5) gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas (6) kyi chos ma ’dres pa bcwa brgyad bsgom ste | de yaṅ mi dmigs pa’i tshul gyis bsgom mo ||
kau śi ka gźan yaṅ byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i sems bskyed pas sbyin pa’i pha rol tu phyin pa la spyod de | de yaṅ mi (7) dmigs pa’i tshul gyis spyod do ||
de bźin du rnam pa thams cad mkhyen pa ñid daṅ ldan pa’i sems bskyed pa dag gis tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu (245a1) phyin pa daṅ | śes rab kyi pha rol tu phyin pa la spyod de | de yaṅ mi dmigs pa’i tshul gyis spyod do ||
kau śi ka gźan yaṅ gaṅ gi tshe | byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshe | ’di ltar chos daṅ | (2) chos rnams sbyor bar byed ciṅ | rtog sbyor du byed la | yoṅs su rdzogs par byed ciṅ | yoṅs su khyab par byed de | chos ’di dag thams cad ni bdag med ciṅ | bdag daṅ bdag ga daṅ bral ba’o źes so sor rtog par byed do ||
de ci’i phyir źe na | ’di ltar byaṅ (3) chub sems dpa’ sems dpa’ chen po’i dge ba’i rtsa ba’i sems gaṅ yin pa de ni byaṅ chub kyi sems daṅ ’grogs pa ma yin la | yoṅs su bsṅo ba’i sems gaṅ yin pa de yaṅ dge ba’i rtsa ba’i sems daṅ ’grogs pa ma yin pa’i phyir te | kau śi ka dge ba’i rtsa ba’i (4) sems gaṅ yin pa de ni byaṅ chub kyi sems la med ciṅ mi dmigs | byaṅ chub kyi sems gaṅ yin pa de yaṅ dge ba’i rtsa ba’i sems la med ciṅ mi dmigs | byaṅ chub kyi sems gaṅ yin pa de ni yoṅs su bsṅo ba’i sems la med ciṅ mi dmigs | yoṅs su bsṅo (5) ba’i sems gaṅ yin pa de yaṅ byaṅ chub kyi sems la med ciṅ mi dmigs la | dge ba’i rtsa ba’i sems gaṅ yin pa de yaṅ dge ba’i rtsa ba’i sems la med | byaṅ chub kyi sems gaṅ yin pa de yaṅ byaṅ chub kyi sems la med | yoṅs su bsṅo ba’i sems gaṅ (6) yin pa de yaṅ yoṅs su bsṅo ba’i sems la med de | kau śi ka gaṅ de ltar chos thams cad la so sor rtog kyaṅ | chos gaṅ la yaṅ mṅon par źen pa med ciṅ mi dmigs pa de ni | byaṅ chub sems dpa’ sems dpa’ chen po’i śes rab kyi pha rol tu phyin pa (7) yin no ||
de skad ces smras pa daṅ | lha’i dbaṅ po brgya byin gyis | tshe daṅ ldan pa rab ’byor la ’di skad ces smras so ||
btsun pa rab ’byor ji ltar na yoṅs su bsṅo ba’i sems byaṅ chub kyi sems daṅ mi ’grogs pa yin | ji ltar na byaṅ chub kyi sems (245b1) yoṅs su bsṅo ba’i sems daṅ mi ’grogs pa yin | ji ltar na yoṅs su bsṅo ba’i sems byaṅ chub kyi sems la med ciṅ mi dmigs pa yin | ji ltar na byaṅ chub kyi sems yoṅs su bsṅo ba’i sems la med ciṅ mi dmigs pa yin | rab ’byor gyis smras pa | ko.o śi (2) ka yoṅs su bsṅo ba’i sems gaṅ yin pa de ni sems ma yin la | byaṅ chub kyi sems gaṅ yin pa de yaṅ sems ma yin te | de ltar na sems ma yin pa gaṅ yin pa de ni bsam gyis mi khyab pa yin la | bsam gyis mi khyab pa gaṅ yin pa de yaṅ sems ma yin (3) pas sems ma yin pas ni | sems ma yin par yoṅs su sṅo bar mi byed la | bsam gyis mi khyab pas ni | bsam gyis mi khyab par yoṅs su sṅo bar mi byed de | de ltar na sems ma yin pa gaṅ yin pa de ni | bsam gyis mi khyab pa yin la | bsam (4) gyis mi khyab pa gaṅ yin pa de yaṅ sems ma yin te | kau śi ka de ni byaṅ chub sems dpa’ sems dpa’ chen po’i śes rab kyi pha rol tu phyin pa yin no ||
de nas bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor legs so (5) legs so ||
rab ’byor gaṅ khyod byaṅ chub sems dpa’ sems dpa’ chen po rnams la śes rab kyi pha rol tu phyin pa ston ciṅ | spro ba skyed pa ni yaṅ khyod legs so ||
rab ’byor gyis gsol pa | bcom ldan ’das bdag gis ni byas pa gzo bar bgyi ste | byas (6) pa mi gzo bar mi bgyi lags so ||
’di ltar bcom ldan ’das kyis sṅon byaṅ chub sems dpa’i spyod pa spyad pa mdzad pa na | sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyi thad na de dag gi ñan thos rnams kyis pha rol tu phyin pa (7) drug la gdams śiṅ rjes su bstan te | yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dgyes par bgyis śiṅ gźug pa bgyis te bźag nas | bcom ldan ’das byaṅ chub sems dpar gyur pas pha (246a1) rol tu phyin pa drug po de la bslabs te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas lags so ||
bcom ldan ’das de bźin du bdag cag gis kyaṅ byaṅ chub sems dpa’ sems dpa’ chen po rnams pha rol tu phyin pa (2) drug la gdams par bgyi | rjes su bstan par bgyi | yaṅ dag par bstan par bgyi | yaṅ dag par ’dzin du stsal bar bgyi | yaṅ dag par gzeṅs bstod par bgyi | yaṅ dag par rab tu dga’ bar bgyi | gzuṅ par bgyi źiṅ gźug par bgyi lags so ||
bdag (3) cag gis byaṅ chub sems dpa’ sems dpa’ chen po rnams pha rol tu phyin pa drug la gdams śiṅ rjes su bstan te | yaṅ dag par bstan | yaṅ dag par ’dzin du stsal | yaṅ dag par gzeṅs bstod | yaṅ da par rab tu dga’ bar bgyis śiṅ btsud de bźaṅ pa rnams (4) ni | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur lags so ||
de nas tshe daṅ ldan pa rab ’byor gyis | lha’i dbaṅ po brgya byin la ’di skad ces smras so ||
kau śi ka de’i phyir legs par rab tu ñon la yid la zuṅ śig daṅ | byaṅ (5) chub sems dpa’ sems dpa’ chen pos ji ltar śes rab kyi pha rol tu phyin pa la gnas par bya ba daṅ | ji ltar gnas par mi bya ba dag bśad par bya’o ||
kau śi ka gzugs ni gzugs kyis stoṅ | tshor ba daṅ | ’du śes daṅ | ’du byed rnams daṅ | rnam par śes (6) pa ni rnam par śes pas stoṅ | byaṅ chub sems dpa’ ni byaṅ chub sems dpas stoṅ ste | kau śi ka de ltar na gzugs kyi stoṅ pa ñid gaṅ yin pa daṅ | tshor ba daṅ | ’du śes daṅ | ’du byed rnams daṅ | rnam par śes pa’i stod pa ñid gaṅ yin pa daṅ | byaṅ (7) chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med de | kau śi ka byaṅ chub sems dpa’ sems dpa’ chen pos de ltar śes rab kyi pha rol tu phyin pa la gnas par bya’o ||
kau śi ka gźan yaṅ mig ni mig gis stoṅ | rna ba daṅ | sna (246b1) daṅ | lce daṅ | lus daṅ | yid ni yid kyis stoṅ | byaṅ chub sems dpa’ ni byaṅ chub sems dpas stoṅ ste | de ltar na mig gi stoṅ pa ñid gaṅ yin pa daṅ | rna ba daṅ | sna daṅ | lce daṅ | lus daṅ | yid kyi stoṅ pa ñid gaṅ yin pa daṅ | byaṅ chub sems (2) dpa’i stoṅ pa ñid gaṅ yin pa de ni gñis su med ciṅ gñis su dbyer med de | kau śi ka byaṅ chub sems dpa’ sems dpa’ chen pos de ltar śes rab kyi pha rol tu phyin pa la gnas par bya’o ||
kau śi ka gźan yaṅ sa’i khams ni sa’i khams kyis stoṅ | chu’i khams daṅ | (3) me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams ni rnam par śes pa’i khams kyis stoṅ | byaṅ chub sems dpa’ ni byaṅ chub sems dpas stoṅ ste | de ltar na sa’i khams kyi stoṅ pa ñid gaṅ yin pa daṅ | chu’i khams (4) daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams kyi stoṅ pa ñid gaṅ yin pa daṅ | byaṅ chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med de | kau śi ka byaṅ chub sems dpa’ sems (5) dpa’ chen pos de ltar śes rab kyi pha rol tu phyin pa la gnas par bya’o ||
kau śi ka gźan yaṅ ma rig pa ni ma rig pas stoṅ | de bźin du ’du byed daṅ | rnam par śes pa daṅ | miṅ daṅ | gzugs daṅ | skye mched drug daṅ | reg pa daṅ | tshor ba daṅ | sred pa daṅ | (6) len pa daṅ | srid pa daṅ | skye ba daṅ | rga śi ni rga śis stoṅ | ma rig pa ’gag pa ni ma rig pa ’gag pas stoṅ | de bźin du ’du byed daṅ | rnam par śes pa daṅ | miṅ daṅ | gzugs daṅ | skye mched drug daṅ | reg pa daṅ | tshor ba daṅ | sred pa daṅ | (7) len pa daṅ | srid pa daṅ | skye ba daṅ | rga śi ’gag pa ni rga śi ’gag pas stoṅ | byaṅ chub sems dpa’ ni byaṅ chub sems dpas stoṅ ste | de ltar na ma rig pa’i stoṅ pa ñid gaṅ yin pa daṅ | ma rag pa ’gag pa’i stoṅ pa ñid gaṅ yin pa daṅ | rga śi’i bar gyi (247a1) stoṅ pa ñid gaṅ yin pa daṅ | rga śi ’gag pa’i bar gyi stoṅ pa ñid gaṅ yin pa daṅ | byaṅ chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med do ||
kau śi ka byaṅ chub sems dpa’ sems dpa’ chen pos de ltar śes (2) rab kyi pha rol tu phyin pa la gnas par bya’o ||
kau śi ka gźan yaṅ sbyin pa’i pha rol tu phyin pa ni sbyin pa’i pha rol tu phyin pas stoṅ | de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam (3) gtan gyi pha rol tu phyin pa daṅ | śes rab kyi pha rol tu phyin pa ni śes rab kyi pha rol tu phyin pas stoṅ | byaṅ chub sems dpa’ ni byaṅ chub sems dpas stoṅ ste | de ltar na sbyin pa’i pha rol tu phyin pa’i stoṅ pa ñid gaṅ yin pa daṅ | tshul khrims kyi pha rol tu phyin pa daṅ | (4) bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i stoṅ pa ñid gaṅ yin pa daṅ | byaṅ chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med do ||
(5) kau śi ka gźan yaṅ naṅ stoṅ pa ñid ni naṅ stoṅ pa ñid kyis stoṅ | dṅos po med pa’i ṅo bo ñid stoṅ pa ñid kyi bar ni | dṅos po med pa’i ṅo bo ñid stoṅ pa ñid kyi bar gyis stoṅ | byaṅ chub sems dpa’ ni byaṅ chub sems dpas stoṅ ste | de ltar na naṅ stoṅ ba ñid kyi stoṅ ba (6) ñid gaṅ yin pa daṅ | dṅos po med pa’i ṅo bo ñid stoṅ pa ñid kyi bar gyi stoṅ pa ñid gaṅ yin pa daṅ | byaṅ chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med do ||
kau śi ka gźan yaṅ dran pa ñe bar gźag pa rnams ni dran pa ñe (7) bar gźag pa rnams kyis stoṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu (247b1) daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams kyi bar ni | saṅs rgyas kyi chos ma ’dres pa rnams kyis stoṅ | byaṅ chub sems dpa’ ni byaṅ chub sems dpas stoṅ ste | de ltar na dran pa ñe (2) bar gźag pa rnams kyi stoṅ ba ñid gaṅ yin pa daṅ | saṅs rgyas kyi chos ma ’dres pa rnams kyi bar gyi stoṅ ba ñid gaṅ yin pa daṅ | byaṅ chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med do ||
kau śi ka gźan yaṅ tiṅ ṅe ’dzin rnams (3) ni tiṅ ṅe ’dzin rnams kyis stoṅ | gzuṅs kyi sgo rnams ni gzuṅs kyi sgo rnams kyis stoṅ | byaṅ chub sems dpa’ ni byaṅ chub sems dpas stoṅ ste | de ltar na tiṅ ṅe ’dzin rnams kyi stoṅ pa ñid gaṅ yin pa daṅ | gzuṅs kyi sgo rnams kyi stoṅ ba ñid gaṅ yin pa daṅ | (4) byaṅ chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med do ||
kau śi ka gźan yaṅ ñan thos kyi theg pa ni ñan thos kyi theg pas stoṅ | raṅ saṅs rgyas kyi theg pa ni raṅ saṅs rgyas kyi theg pas stoṅ | theg pa chen po ni theg pa chen pos stoṅ | (5) ñan thos ni ñan thos ñid kyis stoṅ | raṅ saṅs rgyas ni raṅ saṅs rgyas ñid kyis stoṅ | saṅs rgyas ni saṅs rgyas ñid kyis stoṅ | byaṅ chub sems dpa’ ni byaṅ chub sems dpas stoṅ ste | de ltar na ñan thos kyi theg pa’i stoṅ pa ñid gaṅ yin pa daṅ | ñan thos kyi (6) stoṅ pa ñid gaṅ yin pa daṅ | theg pa chen po’i bar gyi stoṅ pa ñid gaṅ yin pa daṅ | saṅs rgyas kyi stoṅ pa ñid gaṅ yin pa daṅ | byaṅ chub sems dpa’i stoṅ pa ñid gaṅ yin pa de ni gñis su med ciṅ gñis su dbyer med do ||
kau śi ka gźan yaṅ rnam pa thams cad (7) mkhyen pa ñid kyi bar ni rnam pa thams cad mkhyen pa ñid kyi bar gyis stoṅ | byaṅ chub sems dpa’ ni byaṅ chub sems dpas stoṅ ste | de ltar na rnam pa thams cad mkhyen pa ñid kyi bar gyi stoṅ pa ñid gaṅ yin pa daṅ | byaṅ chub sems dpa’i stoṅ pa ñid gaṅ yin pa (248a1) de ni gñis su med ciṅ gñis su dbyer med de | kau śi ka byaṅ chub sems dpa’ sems dpa’ chen pos de ltar śes rab kyi pha rol tu phyin pa la gnas par bya’o ||
de nas lha’i dbaṅ po brgya byin gyis | tshe daṅ ldan pa rab ’byor la ’di skad ces smras (2) so | |btsun pa rab ’byor byaṅ chub sems dpa’ sems dpa’ chen pos ji ltar śes rab kyi pha rol tu phyin pa la gnas par mi bya ba yin | rab ’byor gyis smras pa | kau śi ka ’di la byaṅ chub sems dpa’ sems dpa’ chen pos gzugs la dmigs pa’i tshul gyis (3) gnas par mi bya’o ||
tshor ba daṅ | ’du śes daṅ | ’du byed rnams daṅ | rnam par śes pa la dmigs pa’i tshul gyis gnas par mi bya’o ||
mig la gnas par mi bya’o ||
gzugs la gnas par mi bya’o ||
mig gi rnam par śes pa la gnas par mi bya’o ||
(4) mig gi ’dus te reg pa la gnas par mi bya’o ||
mig gi ’dus te reg pa las byuṅ ba’i tshor ba la gnas par mi bya’o ||
de bźin du rna ba daṅ | sna daṅ | lce daṅ | lus daṅ | yid la gnas par mi bya’o ||
chos rnams daṅ | yid kyi rnam par śes pa daṅ | yid kyi (5) ’dus te reg pa daṅ | yid kyi ’dus te reg pa las byuṅ ba’i tshor ba la dmigs pa’i tshul gyis gnas par mi bya’o ||
sa’i khams la dmigs pa’i tshul gyis gnas par mi bya’o ||
chu’i khams daṅ | me’i khams daṅ | rluṅ gi khams daṅ | nam mkha’i khams (6) daṅ | rnam par śes pa’i khams la dmigs pa’i tshul gyis gnas par mi bya’o ||
dran pa ñe bar gźag pa rnams la dmigs pa’i tshul gyis gnas par mi bya’o ||
yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs (7) rnams daṅ | byaṅ chub kyi yan lag rnams daṅ | lam daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid la dmigs pa’i tshul gyis (248b1) gnas par mi bya’o ||
rgyun du źugs pa’i ’bras bu la dmigs pa’i tshul gyis gnas par mi bya’o ||
lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid la dmigs pa’i tshul gyis gnas par mi (2) bya’o ||
saṅs rgyas ñid la dmigs pa’i tshul gyis gnas par mi bya’o ||
kau śi ka de ltar na gzugs źes bya bar dmigs pa’i tshul gyis gnas par mi bya’o ||
rnam pa thams cad mkhyen pa ñid ces bya ba’i bar du dmigs pa’i tshul gyis gnas par mi bya’o ||
de ltar (3) na rgyun du źugs pa’i ’bras bu źes bya bar dmigs pa’i tshul gyis gnas par mi bya’o ||
saṅs rgyas ñid ces bya ba’i bar du dmigs pa’i tshul gyis gnas par mi bya’o ||
gzugs rtag ces bya bar dmigs pa’i tshul gyis gnas par mi bya’o ||
de bźin du mi rtag (4) ces bya ba daṅ | bde źes bya ba daṅ | sdug bsṅal źes bya ba daṅ | bdag ces bya ba daṅ | bdag med ces bya ba daṅ | źi źes bya ba daṅ | ma źi źes bya ba daṅ | mi dben źes bya ba daṅ | stoṅ źes bya ba daṅ | mi stoṅ źes bya ba daṅ | (5) mtshan ma yod ces bya ba daṅ | mtshan ma med ces bya ba daṅ | smon pa yod ces bya ba daṅ | smon pa med ces bya bar dmigs pa’i tshul gyis gnas par mi bya’o ||
de bźin du tshor ba daṅ | ’du śes daṅ | ’du byed rnams daṅ | rnam par śes pa rtag ces bya ba (6) daṅ | mi rtag ces bya ba daṅ | bde źes bya ba daṅ | sdug bsṅal źes bya ba daṅ | bdag ces bya ba daṅ | bdag med ces bya ba daṅ | źi źes bya ba daṅ | ma źi źes bya ba daṅ | dben źes bya ba daṅ | mi dben źes bya ba daṅ | stoṅ źes bya ba daṅ | (7) mi stoṅ źes bya ba daṅ | mtshan ma yod ces bya ba daṅ | mtshan ma med ces bya ba daṅ | smon pa yod ces bya ba daṅ | smon pa med ces bya bar dmigs pa’i tshul gyis gnas par mi bya’o ||
de bźin du khams rnams daṅ | skye mched rnams daṅ | rten ciṅ ’brel (249a1) bar ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa (2) rnams rtag ces bya ba daṅ | mi rtag ces bya ba daṅ | smon pa yod ces bya ba daṅ | smon pa med ces bya ba’i bar du dmigs pa’i tshul gyis gnas par mi bya’o ||
kau śi ka gźan yaṅ rgyun du źugs pa’i ’bras bu ni ’dus ma byas kyis rab tu phye pa’o źes bya bar dmigs (3) pa’i tshul gyis gnas par mi bya’o ||
de bźin du lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ni ’dus ma byas kyis rab tu phye ba’o źes bya bar dmigs pa’i tshul gyis gnas par mi bya’o ||
rnam pa thams (4) cad mkhyen pa ñid kyi bar du ’dus ma byas kyis rab tu phye ba’o źes bya bar dmigs pa’i tshul gyis gnas par mi bya’o ||
rgyun du źugs pa ni sbyin gnas so źes bya bar dmigs pa’i tshul gyis gnas par mi bya’o ||
de bźin du lan cig phyir ’oṅ ba daṅ | phyir mi ’oṅ ba daṅ | (5) dgra bcom pa ñid daṅ | raṅ saṅs rgyas daṅ | de bźin gśegs pa dgra bco ma pa yaṅ dag par rdzogs pa’i saṅs rgyas ni sbyin gnas so źes bya bar dmigs pa’i tshul gyis gnas par mi bya’o ||
kau śi ka gźan yaṅ byaṅ chub sems dpa’ sems dpa’ chen pos sa (6) daṅ po la dmigs pa’i tshul gyis gnas par mi bya’o ||
de bźin du sa bcu pa’i bar la dmigs pa’i tshul gyis gnas par mi bya’o ||
de ci’i phyir źe na | gnas pa yod na g-yo bar ’gyur ba’i phyir ro ||
kau śi ka gźan yaṅ byaṅ chub sems dpa’ sems dpa’ chen pos (7) sems daṅ po bskyed pa la gnas te | sbyin pa’i pha rol tu phyin pa yoṅs su rdzogs par bya’o sñam du dmigs pa’i tshul gyis gnas par mi bya’o ||
de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa (249b1) daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su rdzogs par bya’o sñam du dmigs pa’i tshul gyis gnas par mi bya’o ||
dran pa ñe bar gźag pa rnams yoṅs su rdzogs par bya’o sñam du dmigs pa’i tshul gyis gnas par mi (2) bya’o ||
yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po daṅ | stobs daṅ | byaṅ chub kyi yan lag daṅ | lam rnams yoṅs su rdzogs par bya’o sñam du dmigs pa’i tshul gyis gnas par mi bya’o ||
byaṅ chub sems dpa’ sems (3) dpa’ chen pos byaṅ chub sems dpa’i skyon med pa la ’jug par bya’o sñam du dmigs pa’i tshul gyis gnas par mi bya’o ||
byaṅ chub sems dpa’ sems dpa’ chen pos byaṅ chub sems dpa’i skyon med pa la źugs nas phyir mi ldog pa’i sa la gnas par bya’o sñam du (4) dmigs pa’i tshul gyis gnas par mi bya’o ||
byaṅ chub sems dpa’ sems dpa’ chen pos mṅon par śes pa lṅa yoṅs su rdzogs par bya’o sñam du dmigs pa’i tshul gyis gnas par mi bya’o ||
byaṅ chub sems dpa’ sems dpa’ chen pos byaṅ chub sems dpa’i (5) mṅon par śes pa lṅa la gnas te | saṅs rgyas bcom ldan ’das rnams la phyag bya ba daṅ | bsñen bkur bya ba daṅ | chos mñan pa’i phyir saṅs rgyas kyi źiṅ dpag tu med graṅs med pa rnams su ’gro bar bya źiṅ | chos thos nas kyaṅ de bźin ñid du bsgrub (6) ciṅ | gźan dag la yaṅ bstan par bya’o sñam du dmigs pa’i tshul gyis gnas par mi bya’o ||
byaṅ chub sems dpa’ sems dpa’ chen pos saṅs rgyas bcom ldan ’das de dag gi saṅs rgyas kyi źiṅ ci ’dra ba de lta bu dag bsgrub par bya’o sñam du dmigs pa’i tshul (7) gyis gnas par mi bya’o ||
byaṅ chub sems dpa’ sems dpa’ chen pos śes rab kyi pha rol tu phyin pa la spyad de | sems can rnams bla na med pa yaṅ dag par rdzogs pa’i byaṅ chub tu yoṅs su smin par bya’o sñam du dmigs pa’i tshul gyis gnas par mi bya’o ||
(250a1) byaṅ chub sems dpa’ sems dpa’ chen pos ’jig rten gyi khams dpag tu med graṅs med pa dag tu soṅ źiṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams la me tog daṅ | spos daṅ | bdug pa daṅ | me tog (2) phreṅ daṅ | byug pa daṅ | na bza’ daṅ | gdugs daṅ | rgyal mtshan daṅ | ba dan dag gis bkur stir bya | bla mar bya | brjed par bya | mchod par bya źiṅ | ras bcos bu bye ba khrag khrig phrag ’bum phrag du ma dag gis | de bźin gśegs pa dgra (3) bcom pa yaṅ dag par rdzogs pa’i saṅs rgyas de dag gi sku la gsol bar bya’o ||
sñam du yaṅ dmigs pa’i chul gyis gnas par mi bya’o ||
byaṅ chub sems dpa’ sems dpa’ chen pos sems can dpag tu med graṅs med | tshad med pa dag bla na med pa yaṅ dag par rdzogs (4) pa’i byaṅ chub la dgod par bya’o sñam du dmigs pa’i tshul gyis gnas par mi bya’o ||
byaṅ chub sems dpa’ sems dpa’ chen pos mig lṅa bsgrub par bya ste | śa’i mig daṅ | lha’i mig daṅ | śes rab kyi mig daṅ | chos kyi mig daṅ | saṅs rgyas kyi mig (5) bsgrub par bya’o sñam du dmigs pa’i tshul gyis gnas par mi bya’o ||
tiṅ ṅe ’dzin thams cad bsgrub par bya’o sñam du dmigs pa’i tshul gyis gnas par mi bya’o ||
tiṅ ṅe ’dzin gaṅ daṅ gaṅ gis rnam par rtse bar ’dod pa’i tiṅ ṅe ’dzin de daṅ des rnam par rtse bar bya’o sñam du (6) dmigs pa’i tshul gyis gnas par mi bya’o ||
gzuṅs kyi sgo thams cad bsgrub par bya’o ||
sñam du dmigs pa’i tshul gyis gnas par mi bya’o ||
byaṅ chub sems dpa’ sems dpa’ chen pos de bźin gśegs pa’i stobs bcu bsgrub par bya’o sñam du dmigs pa’i tshul (7) gyis gnas par mi bya’o ||
mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad yoṅs su rdzogs par bya’o sñam du dmigs pa’i tshul gyis gnas par mi bya’o ||
byams pa chen po daṅ | sñiṅ rje chen po (250b1) bsgrub par bya’o sñam du dmigs pa’i tshul gyis gnas par mi bya’o ||
skyes bu chen po’i mtshan sum cu rtsa gñis lus la bsgrub par bya’o sñam du dmigs pa’i tshul gyis gnas par mi bya’o ||
dpe byad bzaṅ po brgyad cu lus la bsgrub par bya’o sñam du dmigs pa’i tshul gyis gnas (2) par mi bya’o ||
dad pas rjes su ’braṅ ba daṅ | chos kyi rjes su ’braṅ ba ni brgyad pa’o źes bya ba daṅ | re ltar thogs na srid pa lan ’dun pa ni rgyun du źugs pa’o źes bya bar dmigs pa’i tshul gyis gnas par mi bya’o ||
rigs nas rigs su skye ba daṅ | bar chad gcig (3) pa źes bya bar dmigs pa’i tshul gyis gnas par mi bya’o ||
tshe zad pa daṅ | ñon moṅs pa zad pa ni gaṅ zag mgo mñam pa’o źes bya bar dmigs pa’i tshul gyis gnas par mi bya’o ||
rgyun du źugs pa ni bar ma dor yoṅs su mya ṅan las ’das par ’gyur ro źes bya bar (4) dmigs pa’i tshul gyis gnas bar mi bya’o ||
lan cig phyir ’oṅ ba ni ’jig rten ’dir lan cig ’oṅs nas sdug bsṅal mthar phyin par ’gyur ba’o źes bya bar dmigs pa’i tshul gyis gnas par mi bya’o ||
phyir mi ’oṅ ba’i ’bras bu mṅon sum du bya ba’i phyir źugs pa’o źes bya (5) bar dmigs pa’i tshul gyis gnas par mi bya’o ||
phyir mi ’oṅ ba ni der yoṅs su mya ṅan las ’da’ ba’o źes bya bar dmigs pa’i tshul gyis gnas par mi bya’o ||
dgra bcom pa’i ’bras bu mṅon sum du bya ba’i phyir źugs pa’o źes bya bar dmigs pa’i tshul gyis gnas par (6) mi bya’o ||
dgra bcom pa ni ’di ñid la phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’da’ ba’o źes bya bar dmigs pa’i tshul gyis gnas par mi bya’o ||
raṅ saṅs rgyas źes bya bar dmigs pa’i tshul gyis gnas par mi bya’o ||
byaṅ (7) chub sems dpa’ ni ñan thos kyis daṅ | raṅ saṅs rgyas kyi sa las śin tu ’das nas byaṅ chub sems dpa’i sa la gnas par ’gyur ro źes bya bar dmigs pa’i tshul gyis gnas par mi bya’o ||
lam gyi rnam pa śes pa’i ye śes la dmigs pa’i tshul gyis gnas par mi (251a1) bya’o ||
chos thams cad rnam pa thams cad du mṅon par rdzogs par saṅs rgyas nas bag chags daṅ | mtshams sbyor ba daṅ | ñon moṅs pa thams cad zad do źes bya bar dmigs pa’i tshul gyis gnas par mi bya’o ||
de bźin gśegs pa dgra bcom (2) pa yaṅ dag par rdzogs pa’i saṅs rgyas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | chos kyi ’khor lo bskor bar bya’o sñam du dmigs pa’i tshul gyis gnas par mi bya’o ||
saṅs rgyas kyi mdzad pa byas nas sems can dpag tu med | (3) graṅs med pa dag yoṅs su mya ṅan las bzla bar bya’o sñam du de lta bur yaṅ dmigs pa’i tshul gyis gnas par mi bya’o ||
rdzu ’phrul gyi rkaṅ pa bźi la gnas te | tiṅ ṅe ’dzin gaṅ la sñoms par źugs pas | bskal pa gaṅ g’i kluṅ gi bye ma sñed du gnas par ’gyur ba de (4) lta bu’i tiṅ ṅe ’dzin la sñoms par ’jug par bya’o sñam du yaṅ dmigs pa’i tshul gyis gnas par mi bya’o ||
bdag gi tshe’i tshad ni dpag tu med par ’gyur ro źes bya bar yaṅ dmigs pa’i tshul gyis gnas par mi bya’o ||
bdag gi mtshams sum cu rtsa gñis kyi mtshan re re yaṅ bsod (5) nams brgyas yoṅs su grub par ’byuṅ bar ’gyur ro sñam du yaṅ dmigs pa’i tshul gyis gnas par mi bya’o ||
bdag gi saṅs rgyas kyi źiṅ gcig gi khyon yaṅ śar phyogs kyi ’jig rten gyi khams gaṅ g’i kluṅ gi bye ma sñed dag daṅ | de bźin du lho daṅ | nub daṅ | byaṅ (6) phyogs kyi ’jig rten gyi khams gaṅ g’i kluṅ gi bye ma sñed dag gi khyon ci tsam pa de tsam du ’gyur ro źes bya bar yaṅ dmigs pa’i tshul gyis gnas par mi bya’o ||
bdag gi stoṅ gsum gyi stoṅ chen po’i ’jig rten gyi khams rdo rje las grub par ’gyur ro źes bya bar yaṅ dmigs (7) pa’i tshul gyis gnas par mi bya’o ||
bdag gi byaṅ chub kyi śiṅ las sems can gaṅ dag gis dri bsnams pa de dag ’dod chags kyi gnod pa med pa daṅ | źe sdaṅ ba daṅ | gti mug gi gnod pa med ciṅ | ñan thos daṅ | raṅ saṅs rgyas kyi sems ’ga’ yaṅ bskyed par (251b1) mi ’gyur bar sems can de dag thams cad bla na med pa yaṅ dag par rdzogs pa’i byaṅ chub tu ṅes par ’gyur ba daṅ | sems can gaṅ dag dri de la snom par ’gyur ba de dag la lus daṅ | sems kyi nad ’ga’ yaṅ ’byuṅ bar mi ’gyur ba de lta bu’i dri dag ’byuṅ bar ’gyur cig ces bya (2) bar yaṅ dmigs pa’i tshul gyis gnas par mi bya’o ||
bdag gi saṅs rgyas kyi źiṅ der gzugs kyi sgra ’byuṅ bar mi ’gyur ba daṅ | tshor ba daṅ | ’du śes daṅ | ’du byed rnams daṅ | rnam par śes pa’i sgra ’byuṅ bar mi ’gyur ro źes bya bar yaṅ dmigs pa’i tshul (3) gyis gnas par mi bya’o ||
sbyin pa’i pha rol tu phyin pa’i sgra ’byuṅ bar mi ’gyur ba daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu (4) phyin pa’i sgra ’byuṅ bar mi ’gyur ro źes bya bar yaṅ dmigs pa’i tshul gyis gnas par mi bya’o ||
dran pa ñe bar gźag pa rnams kyi sgra ’byuṅ bar mi ’gyur ba daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams (5) daṅ | byaṅ chub kyi yan lag rnams daṅ | ’phags pa’i lam yan lag rgyad pa daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams kyi sgra ’byuṅ bar mi ’gyur źes bya ba daṅ | rgyun du (6) źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs rgyas daṅ | byaṅ chub sems dpa’ daṅ | saṅs rgyas kyi sgra ’byuṅ bar mi ’gyur ro źes bya bar yaṅ dmigs pa’i tshul gyis gnas par mi bya’o ||
de ci’i phyir źe na | (7) ’di ltar de bźin gśegs pa dgra bcom pa yaṅ dag par rdzogs pa’i saṅs rgyas kyis | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas chos thams cad ma dmigs pa’i phyir ro ||
kau śi ka byaṅ chub sems dpa’ sems dpa’ chen (252a1) pos de ltar śes rab kyi pha rol tu phyin pa la dmigs pa’i tshul gyis gnas par mi bya’o ||
de nas tshe daṅ ldan pa ś ri’i bu ’di sñam du sems te | ’o na ci ltar byaṅ chub sems dpa’ sems dpa’ chen pos śes rab kyi pha rol tu phyin pa la gnas par bya sñam mo ||
de nas (2) tshe daṅ ldan pa rab ’byor gyis tshe daṅ ldan pa ś ri’i bu’i sems kyi yoṅs su rtog pa sems kyis śes nas | tshe daṅ ldan pa ś ri.i’i bu la ’di skad ces smras so ||
tshe daṅ ldan pa ś ri’i bu ’di ji sñam du sems | de bźin gśegs pa ci la gnas sñam | ś ri’i bus smras pa | tshe (3) daṅ ldan pa rab ’byor de bźin gśegs pa ni ci la yaṅ mi gnas pa yin la | tshe daṅ ldan pa rab ’byor de bźin gśegs pa dgra bcom pa yaṅ dag par rdzogs pa’i saṅs rgyas kyi thugs kyaṅ ci la yaṅ gnas pa ma yin te | de ni gzugs la yaṅ mi gnas | tshor ba daṅ | ’du (4) śes daṅ | ’du byed rnams daṅ | rnam par śes pa la yaṅ mi gnas | ’dus byas kyi khams la yaṅ mi gnas | ’dus ma byas kyi khams la yaṅ mi gnas śiṅ | de bźin du saṅs rgyas kyi chos ma ’dres pa bcwa brgyad kyi bar la yaṅ mi gnas | rnam pa thams cad (5) mkhyen pa ñid kyi bar la yaṅ mi gnas pa yin no ||
de skad ces smras pa daṅ | tshe daṅ ldan pa rab ’byor gyis | tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu ji ltar de bźin gśegs pa dgra bcom pa yaṅ dag par rdzogs pa’i saṅs rgyas (6) gzugs la gnas pa yaṅ ma yin | mi gnas pa yaṅ ma yin no ||
tshor ba daṅ | ’du śes daṅ | ’du byed rnams daṅ | rnam par śes pa la gnas pa yaṅ ma yin | mi gnas pa yaṅ ma yin źiṅ | rnam pa thams cad mkhyen pa ñid kyi bar la yaṅ gnas pa (7) yaṅ ma yin | mi gnas pa yaṅ ma yin pa de ltar byaṅ chub sems dpa’ sems dpa’ chen pos śes rab kyi pha rol tu phyin pa la gnas par bya ste | tshe daṅ ldan pa ś ri’i bu byaṅ chub sems dpa’ sems dpa’ chen pos de ltar śes rab kyi pha rol tu phyin pa la mi (252b1) gnas pa’i tshul gyis gnas par bya’o || ||
śes rab kyi pha rol tu phyin pa khri brgyad stoṅ pa | bam po bcu dgu pa | de nas ’khor de las lha’i bu kha cig ’di sñam du sems te | gnod sbyin rnams kyis gnod sbyin gyi skad daṅ | gnod sbyin (2) gyis smras pa daṅ | gnod sbyin gyis brjod pa daṅ | gnod sbyin gyi tshig gaṅ dag yod pa de dag ni brjod na śes par yaṅ ruṅ gi | ’di lta ste | gnas brtan rab ’byor śes rab kyi pha rol tu phyin pa smra ba daṅ | brjod pa daṅ | ’chad pa daṅ | ston pa ’di ni śes par mi ruṅ ṅo (3) sñam mo ||
de nas tshe daṅ ldan pa rab ’byor gyis | lha’i bu de dag gi sems kyi yoṅs su rtog pa sems kyis śes nas lha’i bu de dag la smras pa | lha’i bu dag gaṅ smras pa śes par mi ruṅ ṅam | lha’i bu rnams kyis smras pa | ’phags pa rab ’byor śes par mi ruṅ ṅo ||
rab (4) ’byor gyis smras pa | lha’i bu dag ’di ltar yi ge gcig kyaṅ ma brjod de | gaṅ ma brjod pa de ni thos par mi ruṅ ṅo ||
de ci’i phyir źe na | śes rab kyi pha rol tu phyin pa ni yi ge med pa ste | de la ni ñan pa’am ston pa’aṅ med la | de bźin gśegs pa dgra bcom pa yaṅ (5) dag par rdzogs pa’i saṅs rgyas rnams kyi yaṅ dag par rdzogs pa’i saṅs rgyas kyi byaṅ chub la yaṅ yi ge med pa’i phyir ro ||
lha’i bu dag ’di lta ste dper na | de bźin gśegs pa dgra bcom pa yaṅ dag par rdzogs pa’i saṅs rgyas kyis saṅs rgyas sprul pa sprul pa mdzad de | (6) ’khor bźi po dge sloṅ daṅ | dge sloṅ ma daṅ | dge bsñen daṅ | dge bsñen ma dag kyaṅ mṅon par sprul la | sbrul pa des sprul pa’i ’khor bźi po de dag la chos bstan par gyur na lha’i bu dag ’di ji sñam du sems | de las sus kyaṅ ci yaṅ bstan pa ’am | mñan pa (7) yod sñam ’am | lha’i bu rnams kyis smras pa | btsun pa rab ’byor de ni med do ||
rab ’byor gyis smras pa | lha’i bu de bźin du chos thams cad kyaṅ sprul pa lta bu ste | de la sus kyaṅ bśad pa med ciṅ | sus kyaṅ mñan pa med la | sus kyaṅ śes pa med do ||
(253a1) lha’i bu dag ’di lta ste dper na mi gñid kyis log pa’i rmi lam na | de bźin gśegs pa dgra bcom pa yaṅ dag par rdzogs pa’i saṅs rgyas chos ston pa źig mthoṅ bar gyur na lha’i bu dag ’di ji sñam du sems | de la sus kyaṅ bśad pa’am | (2) mñam pa’am | śes pa yod sñam ’am | lha’i bu rnams kyis smras pa | btsun pa rab ’byor de ni med do ||
rab ’byor gyis smras pa | lha’i bu dag de bźin du chos thams cad kyaṅ rmi lam lta bu ste | de la sus kyaṅ bśad pa med ciṅ | sus kyaṅ mñan pa med la | (3) sus kyaṅ śes pa med do ||
lha’i bu dag ’di lta ste dper na | mi gñis śig ri khrod cig tu ’khod de | saṅs rgyas kyi bsṅags pa brjod | chos kyi bsṅags pa brjod | dge ’dun gyi bsṅags pa brjod nas de gñis kyi skad kyi brag ca byuṅ bar gyur na | lha’i bu dag ’di ji (4) sñam du sems | de la gcig gi drag cas | cig śos kyi brag ca’i sgra śes par gyur sñam ’am | lha’i bu rnams kyis smras pa | btsun pa rab ’byor de ni ma yin no ||
rab ’byor gyis smras pa | lha’i bu dag de bźin du chos thams cad kyaṅ brag ca lta bu ste | de la sus (5) kyaṅ bśad pa med ciṅ | sus kyaṅ mñan pa med la | sus kyaṅ śes pa med do ||
lha’i bu dag ’di lta ste dper na | sgyu ma mkhan nam | sgyu ma mkhan gyi slob ma mkhas pa źi.iga gis | lam po che’i bźi mdor | de bźin gśegs pa dgra bcom pa yaṅ dag (6) par rdzogs pa’i saṅs rgyas śig mṅon par sprul nas | des sprul pa’i ’khor bźi po dag la chos bstan par gyur na | lha’i bu dag ’di ji sñam du sems | de la sus kyaṅ bśad pa’am | mñam pa’am | śes pa yod sñam ’am | lha’i ba rnams kyis smras ba | (7) btsun pa rab ’byor de ni med do ||
rab ’byor gyis smras pa | lha’i bu dag de bźin du chos thams cad kyaṅ sgyu ma lta bu ste | de la sus kyaṅ bśad pa med ciṅ | sus kyaṅ ñan pa med la | sus kyaṅ śes pa med do ||
de nas lha’i bu de dag ’di sñam du sems te | kye ma (253b1) ’phags pa rab ’byor ’di ni zab pa bas kyaṅ ches zab pa ston | phra ba bas kyaṅ ches phra ba la ’jug pas | kye ma ’phags pa rab ’byor ’di ni śes rab kyi pha rol tu phyin pa gsal bar byed pa’o ||
kye ma ’phags pa rab ’byor ’di ni śes rab kyi pha rol tu phyin pa gsal bar (2) byed pa’o sñam mo ||
de nas tshe daṅ ldan pa rab ’byor gyis lha’i bu de dag gi sems kyi yoṅs su rtog pa sems kyis śes nas lha’i bu de dag la ’di skad ces smras so ||
lha’i bu dag gzugs ni zab pa ma yin | phra ba ma yin no ||
tshor ba daṅ | ’du śes daṅ | ’du byed (3) rnams daṅ | rnam par śes pa ni zab pa ma yin | phra ba ma yin no ||
de ci’i phyir źe na | lha’i bu dag ’di ltar gzugs kyi raṅ bźin ni zab pa ma yin | phra ba ma yin | tshor ba daṅ | ’du śes daṅ | ’du byed rnams daṅ | rnam par śes pa’i raṅ bźin ni (4) zab pa ma yin | phra ba ma yin no ||
mig ni zab pa ma yin | phra ba ma yin | rna ba daṅ | sna daṅ | lce daṅ | lus daṅ | yid ni zab pa ma yin | phra ba ma yin no ||
gzugs ni zab pa ma yin | phra ba ma yin no ||
sgra daṅ | dri daṅ | ro daṅ | reg bya (5) daṅ | chos rnams ni zab pa ma yin | phra ba ma yin | sa’i khams ni zab pa ma yin | phra ba ma yin | chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams ni zab pa ma yin | phraṅ ba ma yin | (6) sbyin pa’i pha rol tu phyin pa ni zab pa ma yin | phra ba ma yin | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ni zab pa ma (7) yin | phra ba ma yin | naṅ stoṅ pa ñid ni zab pa ma yin | phra ba ma yin | dṅos po med pa’i ṅo bo ñid stoṅ pa ñid kyi bar ni zab pa ma yin | phra ba ma yin | dran pa ñe bar gźag pa rnams ni zab pa ma yin | phra ba ma yin | de bźin du yaṅ dag par spoṅ ba (254a1) rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa bźi daṅ | so so yaṅ dag par (2) rig pa bźi daṅ | saṅs rgyas kyi chos ma ’dres pa bcwa brgyad kyi bar ni zab pa ma yin | phra ba ma yin | tiṅ ṅe ’dzin thams cad daṅ | gzuṅs kyi sgo thams cad ni zab pa ma yin | phra ba ma yin | rnam pa thams cad mkhyen pa ñid kyi bar ni zab pa ma yin | phra ba ma yin (3) no ||
de ci’i phyir źe na | ’di ltar rnam pa thams cad mkhyen pa ñid kyi bar gyi raṅ bźin ni zab pa ma yin | phra ba ma yin pa’i phyir ro ||
de nas lha’i bu de dag ’di sñam du sems te | ’on chos bstan pa ’di la gzugs su btags pa yaṅ med dam | tshor ba daṅ | ’du śes (4) daṅ | ’du byed rnams daṅ | rnam par śes par btags pa yaṅ med dam | khams rnams daṅ | skye mched rnams daṅ | rten ciṅ ’brel bar ’byuṅ bar btags pa yaṅ med dam | pha rol tu phyin pa rnams daṅ | byaṅ chub kyi phyogs kyi chos rnams su btags pa yaṅ (5) med dam | stoṅ pa ñid thams cad daṅ | tiṅ ṅe ’dzin thams cad daṅ | gzuṅs kyi sgo thams cad daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad du btags pa yaṅ med dam | chos (6) bstan pa ’di la rgyun du źugs pa’i ’bras bur btags pa yaṅ med dam | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid du btags pa yaṅ med dam | byaṅ chub sems dpar btags pa yaṅ (7) med dam | saṅs rgyas ñid du btags pa yaṅ med dam | yi ge rnams su btags pa yaṅ med dam sñam mo ||
de nas tshe daṅ ldan pa rab ’byor gyis lha’i bu de dag gi sems kyi yoṅs su rtog pa sems kyis śes nas | lha’i bu de dag la ’di skad ces smras so ||
(254b1) lha’i bu dag de de bźin no ||
de de bźin te | de bźin gśegs pa rnams kyi byaṅ chub ni brjod du med ciṅ | bsñad du med pa ste | de ni sus kyaṅ mñan du med ciṅ śes par byar med de ||
lha’i bu dag de ltar na gaṅ dag rgyun du źugs pa’i ’bras bu la gnas par ’dod pa (2) daṅ | rgyun du źugs pa’i ’bras bu mṅon sum du bya bar ’dod pa de dag gis kyaṅ bzod pa ’di la mi brten du mi ruṅ ṅo ||
gaṅ dag lan cig phyir ’oṅ ba’i ’bras bu daṅ | gaṅ dag phyir mi ’oṅ ba’i ’bras bu daṅ | gaṅ dag dgra bcom pa ñid daṅ | gaṅ dag raṅ saṅs (3) rgyas ñid daṅ | gaṅ dag saṅs rgyas ñid mṅon sum du bya bar ’dod pa de dag gis kyaṅ bzod pa ’di la mi brten du mi ruṅ ste | lha’i bu dag byaṅ chub sems dpa’ sems dpa’ chen pos sems daṅ po bskyed phyin chad bsñad du med pa daṅ | mñan du med par de ltar śes rab kyi pha (4) rol tu phyin pa la gnas par bya’o ||
śes rab kyi pha rol tu phyin pa khri brgyad stoṅ pa las | brgya byin gyi le’u daṅ po źes bya ste ñi śu rtsa gñis pa’o || ||
de nas lha’i bu de dag ’di sñam du sems te | gnas brtan rab ’byor la chos ñan pa ji lta bu dag tu ’dod par bya sñam (5) mo | |de nas tshe daṅ ldan pa rab ’byor gyis | lha’i bu de dag gi sems kyi yoṅs su rtog pa sems kyis śes nas | lha’i bu de dag la ’di skad ces smras so ||
lha’i bu dag bdag la chos ñan pa ni sgyu ma’i skyes bu lta bur ’dod par bya’o ||
bdag la chos ñan pa ni sprul pa lta (6) bur ’dod par bya ste | de dag ni cuṅ zad kyaṅ ñan pa med ciṅ | kun chub par byed pa med la | mṅon sum du byed pa med do ||
de nas lha’i bu de dag gis | tshe daṅ ldan pa rab ’byor la ’di skad ces smras so ||
btsun pa rab ’byor ci sems can de dag kyaṅ sgyu ma lta bu yin la | (7) chos ñan pa de dag kyaṅ sgyu ma lta bu yin nam | sems can de dag kyaṅ sprul pa lta bu yin la | chos ñan pa de dag kyaṅ sprul pa lta bu yin nam | lha’i bu dag sems can rnams ni rmi lam lta bu daṅ | sgyu ma lta bu yin te | lha’i bu dag gzugs kyaṅ rmi lam lta bu daṅ | sgyu ma (255a1) lta bu yin no ||
lha ba’i dag tshor ba daṅ | ’du śes daṅ | ’du byed rnams daṅ | rnam par śes pa yaṅ rmi lam lta bu daṅ | sgyu ma lta bu yin no ||
lha’i bu dag mig kyaṅ rmi lam lta bu daṅ | sgyu ma lta bu yin no ||
de bźin du rna ba daṅ | sna daṅ | (2) lce daṅ | lus daṅ | yid kyaṅ rmi lam lta bu daṅ | sgyu ma lta bu yin no ||
lha’i bu dag gzug sa kyaṅ rmi lam lta bu daṅ | sgyu ma lta bu yin no ||
sgra daṅ | dri daṅ | ro daṅ | reg bya daṅ | chos rnams kyaṅ rmi lam lta bu daṅ | sgyu ma lta bu yin no ||
lha’i bu dag (3) mig gi rnam par śes pa daṅ | mig gi ’dus te reg pa daṅ | mig gi ’dus te reg pa las byuṅ ba’i tshor ba yaṅ rmi lam lha bu daṅ | sgyu ma lta bu yin no ||
de bźin du rna ba daṅ | sna daṅ | lce daṅ | lus daṅ | yid kyi rnam par śes pa daṅ | yid kyi ’dus te reg (4) pa daṅ | yid kyi ’dus te reg pa las byuṅ ba’i tshor ba yaṅ rmi lam lta bu daṅ | sgyu ma lta bu yin no ||
sbyin pa’i pha rol tu phyin pa yaṅ rmi lam lta bu daṅ | sgyu ma lta bu yin no ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus (5) kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yaṅ rmi lam lta bu daṅ | sgyu ma lta bu yin no ||
naṅ stoṅ pa ñid kyaṅ rmi lam lta bu daṅ | sgyu ma lta bu yin no ||
dṅos po med pa’i ṅo bo ñid stoṅ pa ñid kyi bar yaṅ rmi (6) lam lta bu daṅ | sgyu ma lta bu yin no ||
dran pa ñe bar gźag pa rnams kyaṅ rmi lam lta bu daṅ | sgyu ma lta bu yin no ||
yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams (7) daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams kyaṅ rmi lam lta bu daṅ | sgyu ma lta bu yin no ||
rgyun du źugs pa’i ’bras bu (255b1) yaṅ rmi lam lta bu daṅ | sgyu ma lta bu yin no ||
rgyun du źugs pa yaṅ rmi lam lta bu daṅ | sgyu ma lta bu yin no ||
lan cig phyir ’oṅ ba’i ’bras bu daṅ | lan cig phyir ’oṅ ba daṅ | phyir mi ’oṅ ba’i ’bras bu daṅ | phyir mi ’oṅ ba daṅ | dgra bcom pa ñid daṅ | dgra (2) bcom pa yaṅ rmi lam lta bu daṅ | sgyu ma lta bu yin no ||
raṅ byaṅ chub kyaṅ rmi lam lta bu daṅ | sgyu ma lta bu yin no ||
raṅ saṅs rgyas kyaṅ rmi ma lta bu daṅ | sgyu ma lta bu yin no ||
bla na med pa yaṅ dag par rdzogs pa’i byaṅ chub kyaṅ rmi lam lta bu daṅ | sgyu ma lta bu yin (3) no | |saṅs rgyas ñid kyaṅ rmi lam lta bu daṅ | sgyu ma lta bu yin no ||
de nas lha’i bu de dag gis | tshe daṅ ldan pa rab ’byor la ’di skad ces smras so ||
btsun pa rab ’byor saṅs rgyas ñid kyaṅ rmi lam lta bu daṅ | sgyu ma lta bu yin no ||
ci mya ṅan las ’das pa yaṅ rmi lam (4) lta bu daṅ | sgyu ma lta bu’o źes smra’am | rab ’byor gyis smras pa | lha’i bu dag kho bo ni mya ṅan las ’das pa yaṅ rmi lam lta bu daṅ | sgyu ma lta bu’o źes smra ste | lha’i bu dag gal te | mya ṅan las ’das pa bas ches khyad par du ’phags pa’i chos ’ga’ źig yod (5) na yaṅ de yaṅ rmi lam lta bu daṅ | sgyu ma lta bu’o źes kho bo smra’o ||
de ci’i phyir źe na | lha’i bu dag ’di ltar rmi lam gaṅ yin pa daṅ | sgyu ma gaṅ yin pa daṅ | mya ṅan las ’das pa gaṅ yin pa de ni gñis su med ciṅ gñis su dbyer med pa’i phyir ro ||
de nas tshe daṅ ldan pa (6) ś ri’i bu daṅ | tshe daṅ ldan pa mo.oda gal gyi bu chen po daṅ | tshe daṅ ldan pa gsus po che daṅ | tshe daṅ ldan pa k ty’i bu chen po daṅ | tshe daṅ ldan pa byams ma’i bu gaṅ po daṅ | tshe daṅ ldan pa ’od sruṅ chen po daṅ | byaṅ chub sems dpa’ sems dpa’ chen po stoṅ phrag du ma dag (7) gis tshe daṅ ldan pa rab ’byor la ’di skad ces smras so ||
btsun pa rab ’byor śes rab kyi pha rol tu phyin pa ’di ltar zab pa | ’di ltar mthoṅ bar dka’ ba | ’di ltar rtogs par dka’ ba | ’di ltar źi ba | ’di ltar gya nom pa | ’di ltar phra ba | ’di ltar gźan (256a1) ma yin pa | ’di ltar rtog ge’i spyod yul ma yin pa | ’di ltar mkhas pa | ’di ltar śin tu ’phags pa | ’di ltar mkhas pa daṅ | mdzaṅs pas rig par bya ba ’di len par byed par ’gyur ba su dag yod | de skad ces smras pa daṅ | tshe daṅ ldan pa rab (2) ’byor gyis ñan thos chen po de dag daṅ | byaṅ chub sems dpa’ sems dpa’ chen po de dag la ’di skad ces smras so ||
tshe daṅ ldan pa dag phyir mi ldog pa’i byaṅ chub sems dpa’ sems dpa’ chen po dag śes rab kyi pha rol tu phyin pa ’di ltar zab pa | ’di ltar mthoṅ bar (3) dka’ ba | ’di ltar rtogs par dka’ ba | ’di ltar źi ba | ’di ltar gya nom pa | ’di ltar phra ba | ’di ltar gźan ma yin pa | ’di ltar rtog ge’i spyod yul ma yin pa | ’di ltar mkhas pa | ’di ltar śin tu ’phags pa | ’di ltar mkhas pa daṅ | mdzaṅs (4) bas rig par bya ba ’di len par byed par ’gyur ro ||
bden pa mthoṅ ba’i gaṅ zag gam | dgra bcom pa zag pa zad pa ’am | brnag pa yoṅs su rdzogs pa ’am | sṅon gyi rgyal ba la lhag par bya ba byas pa’am | saṅs rgyas bye ba phrag maṅ po las dge ba’i rtsa ba bskyed (5) pa ’am | dge ba’i bśes gñen gyis yoṅs su zin pa’i rigs kyi bu ’am | rigs kyi bu mo dag kyaṅ śes rab kyi pha rol tu phyin pa ’di ltar zab pa | ’di ltar mthoṅ bar dka’ ba | ’di ltar rtogs par dka’ ba | ’di ltar źi ba | ’di ltar gya nom pa | ’di ltar phra ba (6) ’dir ltar gźan ma yin pa | ’di ltar rtog ge’i spyod yul ma yin pa | ’di ltar mkhas pa | ’di ltar śin tu ’phags pa | ’di ltar mkhas pa daṅ | mdzaṅs pas rig par bya ba ’di len par byed par ’gyur te | de dag ni gzugs stoṅ ṅo źes bya bar rnam par rtog par (7) mi ’gyur ro ||
stoṅ pa ñid gzugs so źes bya bar rnam par rtog par mi ’gyur ro ||
tshor ba daṅ | ’du śes daṅ | ’du byed rnams daṅ | rnam par śes pa stoṅ ṅo źes bya bar rnam par rtog par mi ’gyur ro ||
stoṅ pa ñid rnam par śes pa’o źes bya bar rnam par rtog par (256b1) mi ’gyur ro ||
gzugs mtshan ma med do źes bya bar rnam par rtog par mi ’gyur ro ||
mtshan ma med pa gzugs so źes bya bar rnam par rtog par mi ’gyur ro ||
tshor ba daṅ | ’du śes daṅ | ’du byed rnams daṅ | rnam par śes pa mtshan ma med do źes bya bar rnam (2) par rtog par mi ’gyur ro ||
mtshan ma med pa rnam par śes pa’o źes bya bar rnam par rtog par mi ’gyur ro ||
gzugs smon pa med do źes bya bar rnam par rtog par mi ’gyur ro ||
smon pa med pa gzugs so źes bya bar rnam par rtog par mi ’gyur ro ||
gzugs skye ba med (3) do źes bya bar rnam par rtog par mi ’gyur ro ||
skye ba med pa gzugs so źes bya bar rnam par rtog par mi ’gyur ro ||
gzugs ’gag pa med do źes bya bar rnam par rtog par mi ’gyur ro ||
’gag pa med pa gzugs so źes bya bar rnam par rtog par mi ’gyur ro ||
de bźin (4) du źi źes bya ba daṅ | ma źi źes bya ba daṅ | dben źes bya ba daṅ | mi dben źes bya bar rnam par rtog par mi ’gyur ro ||
tshor ba daṅ | ’du śes daṅ | ’du byed rnams daṅ | rnam par śes pa smon pa med do źes bya bar rnam par rtog par mi ’gyur ro ||
smon pa med (5) pa rnam par śes pa źes bya bar rnam par rtog par mi ’gyur ro ||
de bźin du skye ba med ces bya ba daṅ | ’gag pa med ces bya ba daṅ | źi źes bya ba daṅ | dben źes bya bar rnam par rtog par mi ’gyur ro ||
de bźin du khams rnams daṅ | skye mched rnams daṅ | rten (6) ciṅ ’brel par ’byuṅ ba rnams daṅ | pha rol tu phyin pa rnams daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | dran pa ñe bar gźag pa rnams daṅ | yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po (7) rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad (257a1) daṅ | tiṅ ṅe ’dzin thams cad daṅ | gzuṅs kyi sgo thams cad daṅ | de bźin du rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid kyaṅ (2) de bźin no ||
rnam pa thams cad mkhyen pa ñid stoṅ ṅo źes bya bar rnam par rtog par mi ’gyur ro ||
stoṅ pa ñid rnam pa thams cad mkhyen pa ñid do źes bya bar rnam par rtog par mi ’gyur ro ||
rnam pa thams cad mkhyen pa ñid mtshan ma med do źes bya bar rnam par rtog par mi (3) ’gyur ro ||
mtshan ma med pa rnam pa thams cad mkhyen pa ñid do źes bya bar rnam par rtog par mi ’gyur ro ||
rnam pa thams cad mkhyen pa ñid smon pa med do źes bya bar rnam par rtog par mi ’gyur ro ||
smon pa med pa rnam pa thams cad mkhyen pa ñid do źes bya bar rnam par rtog (4) par mi ’gyur ro ||
rnam pa thams cad mkhyen pa ñid skye ba med ces bya ba daṅ | ’gag pa med ces bya ba daṅ | źi źes bya ba daṅ | dben źes bya bar rnam par rtog par mi ’gyur ro ||
’dus byas kyi khams stoṅ źes bya bar rnam par rtog par mi ’gyur ro ||
stoṅ pa ñid (5) ’dus byas kyi khams so źes bya bar rnam par rtog par mi ’gyur ro ||
’dus byas kyi khams mtshan ma med do źes bya bar rnam par rtog par mi ’gyur ro ||
mtshan ma med pa ’dus byas kyi khams so źes bya bar rnam par rtog par mi ’gyur ro ||
’dus byas kyi khams smon (6) pa med do źes bya bar rnam par rtog par mi ’gyur ro ||
smon pa med pa ’dus byas kyi khams so źes bya bar rnam par rtog par mi ’gyur ro ||
de bźin du ’dus byas kyi khams skye ba med ces bya ba daṅ | ’gag pa med ces bya ba daṅ | źi źes bya ba daṅ | dben źes bya bar (7) rnam par rtog par mi ’gyur ro ||
’dus ma byas kyi khams stoṅ źes bya bar rnam par rtog par mi ’gyur ro ||
stoṅ pa ñid ’dus ma byas kyi khams so źes bya bar rnam par rtog par mi ’gyur ro ||
’dus ma byas kyi khams mtshan ma med do źes bya bar rnam par rtog par mi ’gyur (257b1) ro | |mtshan ma med pa ’dus ma byas kyi khams so źes bya bar rnam par rtog par mi ’gyur ro ||
’dus ma byas kyi khams smon pa med do źes bya bar rnam par rtog par mi ’gyur ro ||
smon pa med pa ’dus ma byas kyi khams źes bya bar rnam par rtog par mi ’gyur ro ||
de bźin du (2) ’dus ma byas kyi khams skye ba med ces bya ba daṅ | ’gag pa med ces bya ba daṅ | źi źes bya ba daṅ | dben źes bya bar rnam par rtog par mi ’gyur ro ||
lha’i bu dag rnam graṅs des na | śes rab kyi pha rol tu phyin pa ’di ltar zab pa | ’di ltar śin tu ’phags pa | (3) ’di ltar mkhas pa daṅ | mdzaṅs pas rig par bya ba’i bar ’di la len par byed pa ’di su yaṅ med do ||
de ci’i phyir źe na | ’di ltar ’dir chos ’ga’ yaṅ ma bśad ma brjod | ma bstan pa’i phyir te | ji ltar ’dir chos ’ga’ yaṅ ma bśad | ma brjod | ma bstan pa (4) de ltar ’di len par byed pa’i sems can su yaṅ med do ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor śes rab kyi pha rol tu phyin pa ’di las theg pa gsum po ’di lta ste | ñan thos kyi theg pa daṅ | raṅ saṅs (5) rgyas kyi theg pa daṅ | yaṅ dag par rdzogs pa’i saṅs rgyas kyi theg pa rgya cher bsten ciṅ | byaṅ chub sems dpa’ sems dpa’ chen po rnams yoṅs su gzuṅ ba’i phyir sems daṅ po bskyed pa nas ñe bar bzuṅ ste | sems bcu pa bskyed pa’i bar dag kyaṅ bstan la | byaṅ (6) chub sems dpa’i lam ’di lta ste | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | (7) dran pa ñe bar gźag pa rnams daṅ | yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs (258a1) pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar dag kyaṅ bstan ciṅ | byaṅ chub sems dpa’ sems dpa’ chen po rnams yoṅs su gzuṅ ba’i phyir | de bźin du byaṅ chub sems dpa’ sems (2) dbaṅ chen po śes rab kyi pha rol tu phyin pa la spyod pa rnams rdzus te skye bar ’gyur ba daṅ | de bźin du mṅon par śes pa yoṅs su mi ñams pa’i chos can du ’gyur źiṅ | dge ba’i rtsa ba gaṅ dag gis ’dod na | saṅs rgyas kyi źiṅ nas saṅs rgyas kyi źiṅ du ’gro bar ’gyur źiṅ | (3) saṅs rgyas bcom ldan ’das de dag la bsti staṅ du bya ba daṅ | bla mar bya ba daṅ | brjed par bya ba daṅ | mchod par byed par ’gyur ba’i dge ba’i rtsa ba de lta bu dag ’grub par ’gyur ba daṅ | saṅs rgyas bcom ldan ’das de dag las chos gaṅ thos pa de | bla na med pa yaṅ (4) dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ brjed par mi ’gyur ba daṅ | rnam g-yeṅ ba med ciṅ | mñam par gźag pa’i tshul gyis rtag tu mñam par gźag par ’gyur ba daṅ | thogs pa med pa’i spobs daṅ | rgyun mi (5) ’chad pa’i spobs pa daṅ | mñam par gźag pa’i spobs pa daṅ | rigs pa’i spobs pa daṅ | ’brel ba’i spobs pa daṅ | don daṅ ldan pa’i spobs pa daṅ | ’jig rten thams cad las khyad par du ’phags pa’i spobs pa can du ’gyur ba dag kyaṅ bstan pa ma yin (6) nam | rab ’byor gyis smras pa | tshe daṅ ldan pa ś ri’i bu de de bźin te | de de bźin no ||
ji skad smras pa bźin te | śes rab kyi pha rol tu phyin pa ’di las theg pa gsum po ’di lta ste | ñan thos kyi theg pa daṅ | raṅ saṅs rgyas kyi theg pa daṅ | yaṅ dag par (7) rdzogs pa’i saṅs rgyas kyi theg pa yaṅ rgya cher bstan to ||
de bźin du sbyar te | byaṅ chub sems dpa’ sems dpa’ chen po rnams yoṅs su gzuṅ ba’i phyir | byaṅ chub sems dpa’ sems dpa’ chen po rnams ’jig rten thams cad las khyad par du ’phags pa’i (258b1) spobs pa can du ’gyur ba’i bar dag kyaṅ bstan te | de yaṅ mi dmigs pa’i tshul gyis bstan to ||
ci źig mi dmigs pa’i tshul gyis źe na | bdag mi dmigs pa’i tshul daṅ | śes pa po daṅ | mthoṅ ba po’i bar du mi dmigs pa’i tshul daṅ | gzugs mi (2) dmigs pa’i tshul daṅ | tshor ba daṅ | ’du śes daṅ | ’du gyed rnams daṅ | rnam par śes pa mi dmigs pa’i tshul daṅ | mig mi dmigs pa’i tshul daṅ | rna ba daṅ | sna daṅ | lce daṅ | lus daṅ | yid mi dmigs pa’i tshul daṅ | sa’i khams mi (3) dmigs pa’i tshul daṅ | chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams mi dmigs pa’i tshul daṅ | sbyin pa’i pha rol tu phyin pa mi dmigs pa’i tshul daṅ | tshul khrims kyi pha rol tu phyin pa daṅ | (4) bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa mi dmigs pa’i tshul | naṅ stoṅ pa ñid mi dmigs pa’i tshul daṅ | dṅos po med pa’i dṅos po med pa’i ṅo bo ñid stoṅ pa ñid kyi bar du mi (5) dmigs pa’i tshul daṅ | dran pa ñe bar gźag pa rnams mi dmigs pa’i tshul daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan (6) lag brgyad pa mi dmigs pa’i tshul daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad mi dmigs pa’i tshul daṅ | rnam pa thams cad mkhyen pa ñid kyi bar du mi dmigs pa’i (7) tshul gyis bstan to ||
de nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ci’i phyir | śes rab kyi pha rol tu phyin pa ’di las theg pa gsum po dag mi dmigs pa’i tshul gyis rgya cher bstan | ci’i phyir byaṅ (259a1) byaṅ chub sems dpa’ sems dpa’ chen po rnams yoṅs su gzuṅ ba’i phyir | byaṅ chub sems dpa’ sems dpa’ chen po rnams ’jig rten thams cad las khyad par du ’phags pa’i spobs pa can du ’gyur ba’i bar dag kyaṅ mi dmigs pa’i tshul gyis bstan | (2) rab ’byor gyis smras pa | tshe daṅ ldan pa ś ri’i bu naṅ stoṅ pa ñid kyi phyir | theg pa gsum po dag mi dmigs pa’i tshul gyis rgya cher bstan to ||
phyi stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir | theg pa gsum po dag mi dmigs pa’i tshul (3) gyis rgya cher bstan to ||
naṅ stoṅ pa ñid kyi phyir byaṅ chub sems dpa’ sems dpa’ chen po rnams yoṅs su gzuṅ ba’i don du byaṅ chub sems dpa’ sems dpa’ chen po rnams ’jig rten thams cad las khyad par du ’phags pa’i spobs pa can du ’gyur ba’i bar dag kyaṅ bstan (4) to ||
phyi stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi phyir byaṅ chub sems dpa’ sems dpa’ chen po rnams yoṅs su gzuṅ ba’i don du byaṅ chub sems dpa’ sems dpa’ chen po rnams ’jig rten thams cad las khyad par du ’phags pa’i spobs pa can du (5) ’gyur ba’i bar dag kyaṅ bstan to ||
śes rab kyi pha rol tu phyin pa khri brgyad stoṅ pa las | rtogs par dka’ ba źes bya ba’i le’u ste | ñi śu gsum pa’o || ||
de nas lha’i dbaṅ po brgya byin ’di sñam du sems te | gnas brtan rab ’byor gyis chos kyi (6) char phab ciṅ bstan pa ’di la mchod pa bya ba’i phyir bdag gis me tog dag cig mṅon par sprul la | me tog de dag gis saṅs rgyas bcom ldan ’das daṅ | byaṅ chub sems dpa’ sems dpa’ chen po rnams daṅ | dge sloṅ gi dge ’dun daṅ | gnas brtan rab ’byor (7) daṅ | śes rab kyi pha rol tu phyin pa la gtor bar bya’o ||
mṅon par gtor bar bya’o ||
mṅon par rab tu gtor bar bya’o sñam mo ||
stoṅ gsum gyi stoṅ chen po’i ’jig rten gyi khams na rgyal chen bźi’i ris kyi lha’i bu daṅ | ’og min gyi bar gyi lha’i bu ji sñed ’khod pa (259b1) de dag thams cad kyaṅ ’di sñam du sems te | gnas brtan rab ’byor gyis chos kyi char phab ciṅ | bstan pa ’di la mchod pa bya ba’i phyir | bdag cag gis me tog dag cig mṅon par sprul la | me tog de dag gis saṅs rgyas bcom ldan ’das daṅ | byaṅ chub sems (2) dpa’ sems dpa’ chen po rnams daṅ | dge sloṅ gi dge ’dun daṅ | gnas brtan rab ’byor daṅ | śes rab kyi pha rol tu phyin pa la gtor bar bya’o ||
mṅon par gtor bar bya’o | mṅon par rab tu gtor bar bya’o sñam mo ||
de nas lha’i dbaṅ po brgya byin daṅ | stoṅ (3) gsum gyi stoṅ chen po’i ’jig rten gyi khams na rgyal chen bźi’i ris kyi lha’i bu daṅ | ’og min gyi bar gyi lha’i bu ji sñed ’khod pa de dag gis lha’i me tog man d ra ba dag mṅon par sprul nas | me tog de dag gis saṅs rgyas bcom ldan ’das daṅ | byaṅ chub sems (4) dpa’ sems dpa’ chen po rnams daṅ | dge sloṅ gi dge ’dun daṅ | gnas brtan rab ’byor daṅ | śes rab kyi pha rol tu phyin pa ’di la gtor | mṅon par gtor | mṅon par rab tu gtor to ||
lha’i dbaṅ po brgya byin daṅ | ’og min gyi bar gyi lha’i bu de dag (5) gis me tog de dag mṅon par gtor ma thag tu | de nas stoṅ gsum gyi stoṅ chen po’i ’jig rten gyi khams ’di me tog gis chal par bkram par gyur ciṅ | steṅ gi bar snaṅ la yaṅ me tog gi khaṅ pa brtsegs pa ñams dga’ ba | yid du ’oṅ ba źig tu yaṅ kun nas (6) gnas par gyur to ||
de nas gnas brtan rab ’byor ’di sñam du sems te | gaṅ dag lha’i bu dag gis mṅon par gtor ba’i me tog ’di lta bu dag ni bdag gis sṅon chad lha’i gnas thams cad na yaṅ spyod par ma mthoṅ ṅo ||
gaṅ dag lha’i bu dag gis mṅon par gtor (7) ba’i me tog ’di dag ni yal ga ’gel ba las skyes pa yaṅ ma yin | chu las skyes pa yaṅ ma yin | thaṅ las skyes pa yaṅ ma yin te | me tog ’di dag ni sprul pa yin no ||
gaṅ dag lha’i bu dag gis mṅon par gtor ba’i me tog ’di dag ni yid las (260a1) byuṅ ba yin te | yal ga ’gel ba las skyes pa ni ma yin no sñam mo ||
de nas lha’i dbaṅ po brgya byin gyis | tshe daṅ ldan pa rab ’byor la ’di skad ces smras so ||
btsun pa rab ’byor me tog ’di dag ni yid las byuṅ ba yaṅ ma yin | yal ga ’gel ba (2) las skyes pa yaṅ ma yin te | me tog ’di dag ni ma skyes pa yin no ||
rab ’byor gyis smras pa | kau śi ka ’di skad du | me tog ’di dag ni yid las byuṅ ba yaṅ ma yin la | yal ga ’gel ba las skyes pa yaṅ ma yin te | me tog ’di dag ni ṅes par ma skyes pa yin no (3) źes zer ba ni | kau śi ka gaṅ dag ṅes par ma skyes pa de dag ni me tog ma yin no ||
brgya byin gyis smras pa | btsun pa rab ’byor ci me tog ’di dag ñi tshe ṅes par ma skyes par zad dam | ’on te gzugs kyaṅ ṅes par ma skyes pa yin la | tshor ba daṅ | ’du śes daṅ | (4) ’du byed rnams daṅ | rnam par śes pa yaṅ ṅes par ma skyes pa yin | rab ’byor gyis smras pa | kau śi ka me tog ’di dag ñi tshe ma skyes par ma zad kyi | kau śi ka gzugs kyaṅ ṅes par ma skyes pa ste | ṅes par ma skyes pa gaṅ yin pa de ni gzugs ma yin (5) no | |kau śi ka tshor ba daṅ | ’du śes daṅ | ’du byed rnams daṅ | rnam par śes pa yaṅ ṅes par ma skyes pa ste | ṅes par ma skyes pa gaṅ yin pa de ni rnam par śes pa ma yin no ||
kau śi ka mig kyaṅ ṅes par ma skyes pa ste | ṅes par ma skyes pa gaṅ yin pa de (6) ni mig ma yin no ||
kau śi ka rna ba daṅ | sna daṅ | lce daṅ | lus daṅ | yid kyaṅ ṅes par ma skyes pa ste | ṅes par ma skyes pa gaṅ yin pa de ni yid ma yin no ||
kau śi ka sa’i khams kyaṅ ṅes par ma skyes pa ste | ṅes par ma skyes pa gaṅ yin pa de ni sa’i (7) khams ma yin no ||
kau śi ka’i chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams kyaṅ ṅes par ma skyes pa ste | ṅes par ma skyes pa gaṅ yin pa de ni rnam par śes pa’i khams ma yin no ||
ko.o śi (260b1) ka sbyin pa’i pha rol tu phyin pa yaṅ ṅes par ma skyes pa ste | ṅes par ma skyes pa gaṅ yin pa de ni sbyin pa’i pha rol tu phyin pa ma yin no ||
kau śi ka tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam (2) gtan gyi pha rol tu phyin pa daṅ | śes rab kyi pha rol tu phyin pa yaṅ ṅes par ma skyes pa ste | ṅes par ma skyes pa gaṅ yin pa de ni śes rab kyi pha rol tu phyin pa ma yin no ||
kau śi ka naṅ stoṅ pa ñid kyaṅ ṅes par ma skyes pa ste | ṅes par ma skyes pa gaṅ yin pa de ni naṅ stoṅ pa (3) ñid ma yin no ||
kau śi ka dṅos med pa’i ṅo bo ñid stoṅ pa ñid kyi bar yaṅ ṅes par ma skyes pa ste | ṅes par ma skyes pa gaṅ yin pa de ni dṅos po med pa’i ṅo bo ñid stoṅ pa ñid ma yin no ||
kau śi ka dran pa ñe bar gźag pa rnams kyaṅ ṅes par ma skyes pa ste | ṅes par (4) ma skyes pa gaṅ yin pa de ni dran pa ñe bar gźag pa rnams ma yin no ||
kau śi ka de bźin du yaṅ dag bar spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | byaṅ chub kyi yan lag rnams daṅ | ’phags pa’i lam (5) yan lag brgyad pa yaṅ ṅes par ma skyes pa ste | ṅes par ma skyes pa gaṅ yin pa de ni lam ma yin no ||
kau śi ka de bźin du stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyaṅ ṅes (6) par ma skyes pa ste | ṅes par ma skyes pa gaṅ yin pa de ni saṅs rgyas kyi chos rnams ma yin no ||
kau śi ka rgyun du źugs pa’i ’bras bu ṅes par ma skyes pa ste | ṅes par ma skyes pa gaṅ yin pa de ni rgyun du źugs pa’i ’bras bu ma yin no ||
kau śi ka lan cig phyir ’oṅ ba’i (7) ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid kyaṅ ṅes par ma skyes pa ste | ṅes par ma skyes pa gaṅ yin pa de ni raṅ saṅs rgyas ñid ma yin no ||
kau śi ka thams cad śes pa ñid daṅ | lam gyi rnam pa śes pa ñid (261a1) daṅ | rnam pa thams cad mkhyen pa ñid kyi bar yaṅ ṅes par ma skyes pa ste | ṅes par ma skyes pa gaṅ yin pa de ni rnam pa thams cad mkhyen pa ñid ma yin no ||
kau śi ka rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra (2) bcom pa daṅ | raṅ saṅs rgyas daṅ | de bźin gśegs pa dgra bcom pa yaṅ dag par rdzogs pa’i saṅs rgyas kyaṅ ṅes par ma skyes pa ste | ṅes par ma skyes pa gaṅ yin pa de ni de bźin gśegs pa dgra bcom pa yaṅ dag par rdzogs pa’i saṅs rgyas ma yin no ||
(3) de nas lha’i dbaṅ po brgya byin ’di sñam du sems te | kye ma gnas brtan rab ’byor ’di ni btags pa daṅ yaṅ mi ’gal la | chos ñid kyaṅ ston pa ni śes rab zab pa yin no sñam mo ||
de nas bcom ldan ’das kyis lha’i dbaṅ po brgya byin la ’di skad ces bka’ stsal to ||
(4) kau śi ka de de bźin no ||
de de bźin te | kye ma gnas brtan rab ’byor ’di btags pa daṅ yaṅ mi ’gal la | chos ñid kyaṅ ston pa ni śes rab zab pa yin no ||
de nas bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das ji (5) ltar na | gnas brtan rab ’byor ’di btags pa daṅ yaṅ mi ’gal la | chos ñid kyaṅ ston par bgyid pa lags | bcom ldan ’das kyis bka’ stsal pa | kau śi ka gzugs ni btags pa tsam ste | btags pa tsam gaṅ yin pa de ni chos ñid yin pas | rab (6) ’byor ni de daṅ mi ’gal bar ston to ||
kau śi ka tshor ba daṅ | ’du śes daṅ | ’du byed rnams daṅ | rnam par śes pa ni btags pa tsam ste | btags pa tsam gaṅ yin pa de ni chos ñid yin pas | rab ’byor ni de daṅ mi ’gal bar ston to ||
de ci’i phyir źe na | (7) chos ñid gaṅ yin pa de ni ’gal ba med pa yin la | gaṅ ’gal ba med pa de ni rab ’byor ston par byed ciṅ | mi ’gal bar byed pa’i phyir ro ||
kau śi ka de bźin du khams rnams daṅ | skye med rnams daṅ | de bźin du sbyin pa’i pha rol tu phyin pa daṅ | tshul (261b1) khrims kyi pha rol tu phyin daṅ | bzod ’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | de bźin du naṅ stoṅ pa ñid daṅ | dṅos po med pa’i ṅo bo ñid stoṅ ba ñid kyi bar daṅ | (2) de bźin du dran pa ñe bar gźag pa rnams daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa rnams daṅ | stobs (3) bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad daṅ | de bźin du rgyun du źugs pa’i ’bras bu daṅ | lan cag phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom (4) pa ñid daṅ | raṅ saṅs rgyas ñid daṅ | de bźin du rgyun du źugs pa yaṅ btags pa tsam mo ||
kau śi ka lan cig phyir ’oṅ ba daṅ | phyir mi ’oṅ ba daṅ | dgra bcom pa ñid daṅ | raṅ saṅs rgyas daṅ | de bźin gśegs pa dgra bcom pa yaṅ dag par rdzogs (5) pa’i saṅs rgyas kyaṅ btags pa tsam ste | btags pa tsam gaṅ yin pa de ni chos ñid yin pas | rab ’byor ni de daṅ mi ’gal bar ston to ||
de ci’i phyir źe na | kau śi ka chos ñid gaṅ yin pa de ni ’gal ba med pa yin la | ’gal pa med pa gaṅ yin pa de ni | rab (6) ’byor ston par byed ciṅ mi ’gal bar byed pa’i phyir te | kau śi ka de ltar na | rab ’byor ni btags pa daṅ yaṅ mi ’gal la | chos ñid kyaṅ ston to ||
rab ’byor gyis smras pa | kau śi ka de de bźin te | ji ltar bcom ldan ’das kyis chos thams cad btags pa tsam (7) du bstan pa de ni de bźin no ||
kau śi ka byaṅ chub sems dpa’ sems dpa’ chen pos de ltar chos thams cad btags pa tsam du rig par byas la | śes rab kyi pha rol tu phyin pa la bslab par bya’o ||
kau śi ka de ltar slob pa’i byaṅ chub sems dpa’ sems dpa’ chen (262a1) po ni gzugs la mi slob bo ||
tshor ba daṅ | ’du śes daṅ | ’du byed rnams daṅ | rnam par śes pa la mi slob bo ||
de ci’i phyir źe na | ’di ltar des gaṅ la bslab par bya ba’i gzugs yaṅ dag par rjes su mi mthoṅ źiṅ | gaṅ la bslab par bya ba’i (2) tshor ba daṅ | ’du śes daṅ | ’du byed rnams daṅ | rnam par śes pa yaṅ dag par rjes su mi mthoṅ ba’i phyir ro ||
kau śi ka de ltar slob pa’i byaṅ chub sems dpa’ sems dpa’ chen po ni sbyin pa’i pha rol tu phyin pa la mi slob bo ||
de ci’i phyir źe na | ’di ltar des gaṅ la (3) bslab par bya ba’i sbyin pa’i pha rol tu phyin pa yaṅ dag par rjes su mi mthoṅ ba’i phyir ro ||
de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol (4) tu phyin pa la mi slob bo ||
de ci’i phyir źe na | ’di ltar des gaṅ la bslab par bya ba’i śes rab kyi pha rol tu phyin pa yaṅ dag par rjes su mi mthoṅ ba’i phyir ro ||
naṅ stoṅ pa ñid la yaṅ mi slob bo ||
dṅos po med pa’i ṅo bo ñid stoṅ pa ñid kyi bar la yaṅ mi slob bo ||
de ci’i phyir (5) źe na | ’di ltar des gaṅ la bslab par bya ba’i naṅ stoṅ pa ñid kyaṅ yaṅ dag par rjes su mi mthoṅ la | dṅos po med pa’i ṅo bo ñid stoṅ pa ñid kyi bar yaṅ dag par rjes su mi mthoṅ ba’i phyir ro ||
dran pa ñe bar gźag pa rnams la yaṅ mi slob bo ||
yaṅ dag par sproṅ ba rnams daṅ | (6) rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi (7) chos ma ’dres pa bcwa brgyad kyi bar la yaṅ mi slob bo ||
rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid la yaṅ mi slob bo ||
rnam pa thams cad mkhyen pa ñid kyi (262b1) bar la yaṅ mi slob bo ||
de ci’i phyir źe na | ’di ltar des gaṅ la bslab par bya ba’i rnam pa thams cad mkhyen pa ñid kyi bar dag yaṅ dag par rjes su mi mthoṅ ba’i phyir ro ||
de nas lha’i dbaṅ po brgya byin gyis | tshe daṅ ldan pa rab ’byor la ’di skad ces smras so ||
btsun pa rab (2) ’byor de ci’i phyir | byaṅ chub sems dpa’ sems dpa’ chen pos gzugs yaṅ dag par rjes su mi mthoṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ dag par rjes su mi mthoṅ | de bźin du khams rnams daṅ | skye mched rnams daṅ | rten (3) ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams yaṅ dag par rjes su mi mthoṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos (4) ma ’dres pa bcwa brgyad yaṅ dag par rjes su mi mthoṅ | ci’i phyir rnam pa thams cad mkhyen pa ñid kyi bar dag yaṅ dag par rjes su mi mthoṅ | rab ’byor gyis smras pa | kau śi ka ’di ltar gzugs ni gzugs kyis stoṅ | tshor ba daṅ | ’du śes daṅ | ’du byed rnams daṅ | (5) rnam par śes pa ni rnam par śes pas stoṅ | de bźin du khams rnams daṅ | skye mched rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams ni byaṅ chub kyi phyogs kyi chos rnams (6) kyis stoṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad ni saṅs rgyas kyi chos ma ’dres pa rnams kyis stoṅ | rnam pa thams cad mkhyen pa ñid kyi bar ni | rnam pa thams cad mkhyen pa (7) ñid kyi bar gyis stoṅ pa’i phyir ro ||
de ci’i phyir źe na | kau śi ka gzugs stoṅ pa ñid ni gzugs stoṅ pa ñid la mi slob | rnam pa thams cad mkhyen pa ñid kyi bar gyi stoṅ pa ñid ni rnam par thams cad mkhyen pa ñid kyi bar gyi stoṅ pa ñid la mi slob pa’i phyir ro ||
kau śi ka (263a1) gaṅ stoṅ pa ñid la mi slob pa de ni gñis su dbyer med par stoṅ pa ñid la slob pa yin no ||
de ni gñis su dbyer med par gzugs stoṅ pa ñid la slob pa yin no ||
de bźin du de ni gñis su dbyer med par rnam pa thams cad mkhyen pa ñid kyi bar la slob pa yin no ||
(2) kau śi ka gaṅ gñis su dbyer med par gzugs stoṅ pa ñid la slob pa daṅ | gñis su dbyer med par rnam pa thams cad mkhyen pa ñid kyi bar la slob pa de ni gñis su dbyer med par sbyin pa’i pha rol tu phyin pa la yaṅ slob pa yin no ||
de bźin du gñis su dbyer med par tshul khrims (3) kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la yaṅ slob pa yin no ||
gñis su dbyer med par naṅ sdoṅ pa ñid la yaṅ slob pa yin no ||
dṅos po (4) med pa’i ṅo bo ñid stoṅ pa ñid kyi bar la yaṅ slob pa yin no ||
de ni gñis su dbyer med par dran pa ñe bar gźag pa rnams la slob pa yin no ||
gñis su dbyer med par yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | (5) byaṅ chub kyi yan lag rnams daṅ | lam rnams la slob pa yin no ||
de ni gñis su dbyer med par stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams la slob pa yin no ||
de ni gñis su dbyer (6) med par rgyun du źugs pa’i ’bras bu la slob pa yin no ||
lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid daṅ | saṅs rgyas ñid daṅ | rnam pa thams cad mkhyen pa ñid la slob pa yin no ||
gñis (7) su dbyer med par saṅs rgyas ñid daṅ | rnam pa thams cad mkhyen pa ñid la slob pa de ni | saṅs rgyas kyi chos graṅs med dpag tu med pa rnams la slob pa yin no ||
gaṅ saṅs rgyas kyi chos graṅs med dpag tu med pa rnams la slob pa de ni gzugs ’phel bar bya ba daṅ | (263b1) ’grib par bya ba’i phyir mi slob bo ||
tshor ba daṅ | ’du śes daṅ | ’du byed rnams daṅ | rnam par śes pa ’phel bar bya ba daṅ | ’grib par bya ba’i phyir mi slob bo ||
de bźin du khams rnams daṅ | skye mched rnams ’phel bar bya ba daṅ | ’grib par bya ba’i phyir mi slob bo ||
rten (2) ciṅ ’brel bar ’byuṅ ba ’phel bar bya ba daṅ | ’grib par bya ba’i phyir mi slob bo ||
sbyin pa’i pha rol tu phyin pa ’phel bar bya ba daṅ | ’grib par bya ba’i phyir mi slob bo ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa (3) daṅ | bsam gtan gyi pha rol tu phyin pa daṅ | śes rab kyi pha rol tu phyin pa ’phel bar bya ba daṅ | ’grib par bya ba’i phyir mi slob bo ||
dran pa ñe bar gźag pa rnams ’phel bar bya ba daṅ | ’grib par bya ba’i phyir mi slob bo ||
de bźin du yaṅ dag par spoṅ ba rnams daṅ | (4) rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam ’phel bar bya ba daṅ | ’grib par bya ba’i phyir mi slob bo ||
naṅ stoṅ pa ñid ’phel bar bya ba daṅ | ’grib par bya ba’i phyir mi slob bo ||
dṅos po med (5) pa’i ṅo bo ñid stoṅ pa ñid kyi bar du ’phel bar bya ba daṅ | ’grib par bya ba’i phyir mi slob bo ||
stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid ’phel bar bya ba (6) daṅ | ’grib par bya ba’i phyir mi slob bo ||
gaṅ gzugs ’phel bar bya ba daṅ | ’grib par bya ba’i phyir mi slob pa daṅ | gaṅ rnam pa thams cad mkhyen pa ñid kyi bar du ’phel bar bya ba daṅ | ’grib par bya ba’i phyir mi slob pa de ni gzugs yoṅs su gzuṅ ba daṅ | med par bya (7) ba’i phyir mi slob bo ||
tshor ba daṅ | ’du śes daṅ | ’du byed rnams daṅ | rnam par śes pa yoṅs su gzuṅ ba daṅ | med par bya ba’i phyir mi slob bo ||
de bźin du rnam pa thams cad mkhyen pa ñid kyi bar du yoṅs su gzuṅ ba daṅ | med par bya ba’i (264a1) phyir mi slob bo || ||
śes rab kyi pha rol tu phyin pa khri brgyad stoṅ pa | bam po ñi śu pa | ś ri’i bus smras pa | tshe daṅ ldan pa rab ’byor ci’i phyir | byaṅ chub sems dpa’ sems dpa’ chen po gzugs yoṅs su gzuṅ ba daṅ | med par (2) bya ba’i phyir mi slob | tshor ba daṅ | ’du śes daṅ | ’du byed rnams daṅ | rnam par śes pa yoṅs su gzuṅ ba daṅ | med par bya ba’i phyir mi slob | de bźin du rnam pa thams cad mkhyen pa ñid kyi bar du yoṅs su gzuṅ ba daṅ | med par bya ba’i phyir mi slob | rab ’byor (3) gyis smras pa | tshe daṅ ldan pa ś ri’i bu ’di ltar gzugs la yoṅs su gzuṅ ba med do ||
de ci’i phyir źe na | ’di ltar naṅ stoṅ pa ñid kyi phyir gzugs la gzugs yoṅs su mi ’dzin pa’i phyir ro ||
tshe daṅ ldan pa ś ri’i bu tshor ba daṅ | ’du śes daṅ | ’du byed rnams daṅ | (4) rnam par śes pa la yoṅs su gzuṅ ba med do ||
de ci’i phyir źe na | ’di ltar naṅ stoṅ pa ñid kyi phyir rnam par śes pa la rnam par śes pa yoṅs su mi ’dzin pa’i phyir ro ||
tshe daṅ ldan pa ś ri’i bu de bźin du rnam pa thams cad mkhyen pa ñid kyi bar la yaṅ yoṅs su gzuṅ ba (5) med do ||
de ci’i phyir źe na | ’di ltar naṅ stoṅ pa ñid daṅ | phyi stoṅ pa ñid kyi phyir rnam pa thams cad mkhyen pa ñid la rnam pa thams cad mkhyen pa ñid yoṅs su mi ’dzin pa’i phyir te | tshe daṅ ldan pa ś ri.i’i bu chos thams cad yoṅs su gzuṅ ba med pa’i tshul gyis | rnam pa (6) thams cad mkhyen pa ñid la de ltar slob pa’i byaṅ chub sems dpa’ sems dpa’ chen po ni rnam pa thams cad mkhyen pa ñid du ṅes par ’byuṅ bar ’gyur ro ||
ś ri’i bus smras pa | tshe daṅ ldan pa rab ’byor de ltar slob pa’i byaṅ chub sems dpa’ sems dpa’ chen po śes rab kyis (7) rol tu phyin pa la bslabs nas | rnam pa thams cad mkhyen pa ñid du ṅes par ’byuṅ bar ’gyur ram | rab ’byor gyis smras pa | tshe daṅ ldan pa ś ri’i bu de ltar slob pa’i byaṅ chub sems dpa’ sems dpa’ chen po ni chos thams cad yoṅs su gzuṅ ba med pa’i tshul (264b1) gyis śes rab kyi pha rol tu phyin pa la bslabs nas rnam pa thams cad mkhyen pa ñid du ṅes par ’byuṅ bar ’gyur ro ||
ś ri’i bus smras pa | tshe daṅ ldan pa rab ’byor de ltar slob pa’i byaṅ chub sems dpa’ sems dpa’ chen po ji ltar na chos thams cad yoṅs su gzuṅ bar bya ba’i phyir (2) ma yin źiṅ med par bya ba’i phyir ma yin par bslabs nas | rnam pa thams cad mkhyen pa ñid du ṅes par ’byuṅ bar ’gyur | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gzugs kyi (3) skye ba daṅ | ’gag pa daṅ | blaṅ ba daṅ | dor ba daṅ | kun nas ñon moṅs pa daṅ | rnam par byaṅ ba daṅ | ’grib pa daṅ | ’phel ba yaṅ dag par rjes su mi mthoṅ ṅo ||
de ci’i phyir źe na | tshe daṅ ldan pa ś ri’i bu ’di ltar gzugs ni gzugs kyi ṅo bo ñid kyis med pa’i (4) phyir ro ||
tshe daṅ ldan pa ś ri’i bu de bźin du | byaṅ chub sems dpa’ sems dpa’ chen pos tshor ba daṅ | ’du śes daṅ | ’du byed rnams daṅ | rnam par śes pa’i skye ba daṅ | ’gag pa daṅ | blaṅ ba daṅ | dor ba daṅ | kun nas ñon moṅs pa daṅ | rnam par (5) byaṅ ba daṅ | ’grib pa daṅ | ’phel ba yaṅ dag par rjes su mi mthoṅ ṅo ||
de ci’i phyir źe na | tshe daṅ ldan pa ś ri’i bu ’di ltar rnam par śes pa ni rnam par śes pa’i ṅo bo ñid kyis med pa’i phyir ro ||
tshe daṅ ldan pa ś ri’i bu de bźin du | khams rnams daṅ | skye (6) mched rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | byaṅ chub kyi phyogs kyi chos rnams daṅ | stoṅ pa ñid thams cad daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi (7) chos ma ’dres pa bcwa brgyad daṅ | rnam pa thams cad mkhyen pa ñid kyi skye ba daṅ | ’gag pa daṅ | blaṅ ba daṅ | dor ba daṅ | kun nas ñon moṅs pa daṅ | rnam par byaṅ ba daṅ | ’grib pa daṅ | ’phel ba yaṅ dag par rjes su mi mthoṅ ṅo ||
de ci’i phyir źe na | (265a1) tshe daṅ ldan pa ś ri’i bu ’di ltar rnam pa thams cad mkhyen pa ñid ni rnam pa thams cad mkhyen pa ñid kyi ṅo bo ñid kyis med pa’i phyir te | tshe daṅ ldan pa ś ri’i bu de ltar chos thams cad skye ba med pa daṅ | ’gag pa med pa daṅ | blaṅ ba med pa daṅ | dor ba med pa daṅ | kun (2) nas ñon moṅs pa med pa daṅ | rnam par byaṅ ba med pa daṅ | ’grib pa med pa daṅ | ’phel ba med par slob pa’i byaṅ chub sems dpa’ sems dpa’ chen po ni slob pa med pa daṅ | ṅes par ’byuṅ ba med pa’i tshul gyis śes rab kyi pha rol tu phyin pa la slob ciṅ | rnam pa thams (3) cad mkhyen pa ñid du ṅes par ’byuṅ bar ’gyur ro ||
de nas lha’i dbaṅ po brgya byin gyis tshe daṅ ldan pa ś ri’i bu la ’di skad ces smras so ||
btsun pa ś ri’i bu śes rab kyi pha rol tu phyin pa gaṅ nas btsal bar bya | ś ri’i bus smras pa | kau śi ka śes rab kyi pha rol tu phyin pa ni | rab (4) ’byor gyi le’u las btsal bar bya’o ||
de nas lha’i dbaṅ po brgya byin gyis | tshe daṅ ldan pa rab ’byor la ’di skad ces smras so ||
btsun pa rab ’byor ’phags pa ś ri’i bu ’di skad du | kau śi ka śes rab kyi pha rol tu phyin pa ni | tshe daṅ ldan pa rab ’byor gyi le’u las btsal bar (5) bya’o źes zer na ci de ’phags pa khyod kyi byin gyi rlabs yin nam | de khyod kyi mthu yin nam | rab ’byor gyis smras pa | kau śi ka de ni kho bo’i mthu ma yin no ||
de ni kho bo’i byin gyi rlabs ma yin no ||
brgya byin gyis smras pa | btsun pa rab ’byor ’o na de su’i mthu yin | de su’i byin (6) gyi rlabs yin | rab ’byor gyis smras pa | kau śi ka ’di ni de bźin gśegs pa’i mthu yin no ||
’di ni de bźin gśegs pa’i byin gyi rlabs yin no ||
brgya byin gyis smras pa | btsun pa rab ’byor chos thams cad ni byin gyi rlabs med pa yin na | ci’i phyir ’di skad (7) du ’di ni de bźin gśegs pa’i mthu yin no ||
’di ni de bźin gśegs pa’i byin gyi rlabs yin no ||
źes smra | rab ’byor gyis smras pa | kau śi ka de de bźin no ||
de de bźin te | byin gyi rlabs med pa’i chos ñid la de bźin gśegs pa dmigs su med | byin gyi (265b1) rlabs med pa’i chos ñid las gud na yaṅ de bźin gśegs pa dmigs su med | de bźin gśegs pa la yaṅ byin gyi rlabs med pa’i chos ñid dmigs su med | de bźin gśegs pa las gud na yaṅ byin gyi rlabs med pa’i chos ñid dmigs su med do ||
de bźin ñid la yaṅ de bźin (2) gśegs pa dmigs su med la | de bźin gśegs pa la yaṅ de bźin ñid dmigs su med do ||
gzugs kyi de bźin ñid la yaṅ de bźin gśegs pa dmigs su med la | de bźin gśegs pa la yaṅ gzugs kyi de bźin ñid dmigs su med do ||
gzugs kyi chos ñid (3) la yaṅ de bźin gśegs pa dmigs su med la | de bźin gśegs pa la yaṅ gzugs kyi chos ñid dmigs su med do ||
tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid la yaṅ de bźin gśegs pa dmigs su med la | de bźin (4) gśegs pa la yaṅ rnam par śes pa’i de bźin ñid dmigs su med do ||
rnam par śes pa’i chos ñid la yaṅ de bźin gśegs pa dmigs su med la | de bźin gśegs pa la yaṅ rnam par śes pa’i chos ñid dmigs su med do ||
de bźin du khams rnams daṅ | skye mched (5) rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | rnam par thar ba’i sgo rnams daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams (6) daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid kyi bar gyi de bźin ñid la yaṅ de bźin gśegs pa dmigs su med la | de bźin gśegs pa la yaṅ rnam pa thams cad mkhyen pa ñid kyi bar gyi de bźin ñid dmigs su med do ||
rnam (7) pa thams cad mkhyen pa ñid kyi chos ñid la yaṅ de bźin gśegs pa dmigs su med la | de bźin gśegs pa la yaṅ rnam pa thams cad mkhyen pa ñid kyi chos ñid dmigs su med do ||
de ci’i phyir źe na | kau śi ka de bźin gśegs pa’i chos ñid gaṅ yin pa de ni gzugs (266a1) kyi chos ñid daṅ ldan pa yaṅ ma yin | mi ldan pa yaṅ ma yin la | kau śi ka de bźin gśegs pa’i chos ñid gaṅ yin pa de ni | tshor ba daṅ | ’du śes daṅ | ’du byed rnams daṅ | rnam par śes pa’i chos ñid daṅ ldan pa yaṅ ma yin | mi ldan pa yaṅ ma yin | (2) gzugs kyi chos ñid ma yin pa gźan daṅ ldan pa yaṅ ma yin | mi ldan pa yaṅ ma yin | tshor ba daṅ | ’du śes daṅ | ’du byed rnams daṅ | rnam bar śes pa’i chos ñid ma yin pa gźan daṅ ldan pa yaṅ ma yin | mi ldan pa yaṅ ma yin | gzugs kyi de bźin ñid daṅ ldan (3) pa yaṅ ma yin | mi ldan pa yaṅ ma yin | tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid daṅ ldan pa yaṅ ma yin | mi ldan pa yaṅ ma yin | gzugs kyi de bźin ñid ma yin pa gźan daṅ ldan pa yaṅ ma yin | mi ldan pa yaṅ (4) ma yin | tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid ma yin pa gźan daṅ ldan pa yaṅ ma yin | mi ldan pa yaṅ ma yin la | de bźin du de bźin gśegs pa’i chos ñid gaṅ yin pa de ni rnam pa thams cad mkhyen pa ñid kyi (5) bar gyi chos ñid daṅ ldan pa yaṅ ma yin | mi ldan pa yaṅ ma yin | rnam pa thams cad mkhyen pa ñid kyi bar gyi da bźin ñid daṅ ldan pa yaṅ ma yin | mi ldan pa yaṅ ma yin | rnam pa thams cad mkhyen pa ñid kyi bar gyi chos ñid ma yin pa gźan daṅ ldan pa yaṅ ma yin | mi ldan (6) pa yaṅ ma yin | rnam pa thams cad mkhyen pa ñid kyi bar gyi de bźin ñid ma yin pa gźan daṅ ldan pa yaṅ ma yin | mi ldan pa yaṅ ma yin pa’i phyir te | kau śi ka de ltar chos thams cad ldan pa yaṅ ma yin | mi ldan pa yaṅ ma yin pas na | byin gyi rlabs med pa’i tshul (7) gyis de ni de’i mthu yin no ||
de ni de’i byin gyi rlabs yin no ||
kau śi ka gaṅ khyod ’di skad du byaṅ chub sems dpa’ sems dpa’ chen po śes rab kyi pha rol tu phyin pa gaṅ nas btsal bya źes zer ba ni | kau śi ka gzugs las kyaṅ btsal bar mi bya’o ||
gzugs las (266b1) gźan du yaṅ btsal bar mi bya’o ||
tshor ba daṅ | ’du śes daṅ | ’du byed rnams daṅ | rnam par śes pa las kyaṅ btsal bar mi bya’o ||
rnam par śes pa las gźan du yaṅ btsal bar mi bya’o ||
de ci’i phyir źe na | kau śi ka ’di ltar śes rab kyi pha rol tu phyin pa gaṅ (2) yin pa daṅ | gzugs gaṅ yin pa daṅ | tshor ba daṅ | ’du śes daṅ | ’du byed rnams daṅ | rnam par śes pa gaṅ yin pa’i chos de dag thams cad ni ldan pa yaṅ ma yin | mi ldan pa yaṅ ma yin źiṅ | gzugs can ma yin pa | bstan du med pa | thogs pa med pa ste | (3) ’di ltar mtshan ñid med par mtshan ñid gcig pa’i phyir ro ||
kau śi ka gźan yaṅ byaṅ chub sems dpa’ sems dpa’ chen pos śes rab kyi pha rol tu phyin pa ni khams rnams daṅ | skye mched rnams daṅ | rten ciṅ ’brel bar ’byuṅ ba las kyaṅ btsal bar mi bya’o ||
rten ciṅ ’brel bar (4) ’byuṅ ba las gźan du yaṅ btsal bar mi bya’o ||
pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | de bźin gśegs pa’i stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs (5) rgyas kyi chos ma ’dres pa bcwa brgyad daṅ | rnam pa thams cad mkhyen pa ñid kyi bar las kyaṅ btsal bar mi bya’o ||
rnam pa thams cad mkhyen pa ñid las gźan du yaṅ btsal bar mi bya’o ||
de ci’i phyir źe na | ’di ltar śes rab kyi pha rol tu phyin pa gaṅ yin pa daṅ | rnam pa (6) thams cad mkhyen pa ñid gaṅ yin pa daṅ | btsal ba gaṅ yin pa’i chos de dag thams cad ni ldan pa yaṅ ma yin | mi ldan pa yaṅ ma yin źiṅ | gzugs can ma yin pa | bstan du med pa | thogs pa med pa ste | ’di ltar mtshan ñid med par mtshan ñid gcig (7) pa’i phyir ro ||
de ci’i phyir źe na | kau śi ka ’di ltar gzugs kyaṅ śes rab kyi pha rol tu phyin pa ma yin la | gzugs las gud na yaṅ śes rab kyi pha rol tu phyin pa med | de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ (267a1) śes rab kyi pha rol tu phyin pa ma yin la | rnam par śes pa las gud na yaṅ śes rab kyi pha rol tu phyin pa med | de bźin du rnam pa thams cad mkhyen pa ñid kyi bar yaṅ śes rab kyi pha rol tu phyin pa ma yin la | rnam pa thams cad mkhyen pa ñid las gud na yaṅ śes (2) rab kyi pha rol tu phyin pa med | de bźin du gzugs kyi de bźin ñid kyaṅ śes rab kyi pha rol tu phyin pa ma yin la | gzugs kyi de bźin ñid las gud na yaṅ śes rab kyi pha rol tu phyin pa med | tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid kyaṅ śes rab (3) kyi pha rol tu phyin pa ma yin la | rnam par śes pa’i de bźin ñid las gud na yaṅ śes rab kyi pha rol tu phyin pa med | rnam pa thams cad mkhyen pa ñid kyi bar gyi de bźin ñid kyaṅ śes rab kyi pha rol tu phyin pa ma yin la | rnam pa thams cad mkhyen pa ñid kyi de bźin ñid las gud na yaṅ (4) śes rab kyi pha rol tu phyin pa med | gzug kyi chos ñid kyaṅ śes rab kyi pha rol tu phyin pa ma yin la | gazugasasa kyi chos ñid las gud na yaṅ śes rab kyi pha rol tu phyin pa med | tshor ba daṅ | ’du śes daṅ | ’du byed rnams daṅ | rnam par śes pa’i chos ñid kyaṅ śes rab kyi (5) pha rol tu phyin pa ma yin la | rnam par śes pa’i chos ñid las gud na yaṅ śes rab kyi pha rol tu phyin pa med | rnam pa thams cad mkhyen pa ñid kyi bar gyi chos ñid kyaṅ śes rab kyi pha rol tu phyin pa ma yin la | rnam pa thams cad mkhyen pa ñid kyi chos ñid las gud na yaṅ śes rab (6) kyi pha rol tu phyin pa med pa’i phyir ro ||
de ci’i phyir źe na | kau śi ka ’di ltar chos ’di dag thams cad ni yod pa ma yin źiṅ dmigs su med pa’i phyir te | de ltar chos thams cad yod pa ma yin źiṅ dmigs su med pas na | gzugs kyaṅ śes rab kyi pha rol tu phyin pa (7) ma yin no ||
gzugs las gud na yaṅ śes rab kyi pha rol tu phyin pa med do ||
gzugs kyi de bźin ñid kyaṅ śes rab kyi pha rol tu phyin pa ma yin no ||
gzugs kyi de bźin ñid las gu da na yaṅ śes rab kyi pha rol tu phyin pa med do ||
gzugs kyi chos ñid kyaṅ śes (267b1) rab kyi pha rol tu phyin pa ma yin no ||
gzugs kyi chos ñid las gud na yaṅ śes rab kyi pha rol tu phyin pa med do ||
de bźin du sbyar te | rnam pa thams cad mkhyen pa ñid kyaṅ śes rab kyi pha rol tu phyin pa ma yin no ||
rnam pa thams cad mkhyen pa ñid las gud na yaṅ śes rab kyi pha (2) rol tu phyin pa med do ||
rnam pa thams cad mkhyen pa ñid kyi de bźin ñid kyaṅ śes rab kyi pha rol tu phyin pa ma yin no ||
rnam pa thams cad mkhyen pa ñid kyi de bźin ñid las gud na yaṅ śes rab kyi pha rol tu phyin pa med do ||
rnam pa thams cad mkhyen pa ñid kyi chos ñid kyaṅ śes rab (3) kyi pha rol tu phyin pa ma yin no ||
rnam pa thams cad mkhyen pa ñid kyi chos ñid las gud na yaṅ śes rab kyi pha rol tu phyin pa med do ||
de nas lha’i dbaṅ po brgya byin gyis | tshe daṅ ldan pa rab ’byor la ’di skad ces smras so ||
btsun pa rab ’byor ’id lta ste | byaṅ chub sems dpa’ (4) sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni che ba’o ||
btsun pa rab ’byor ’di lta ste | byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni tshad med pa’o ||
btsun pa rab ’byor ’di lta ste | byaṅ (5) chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni dpag tu med pa’o ||
btsun pa rab ’byor ’di lta ste | byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni mtha’ yas pa ste | (6) de la bslabs nas rgyun du źugs pa rnams kyis kyaṅ rgyun du źugs pa’i ’bras bu thob bo ||
lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams kyis kyaṅ dgra bcom pa ñid thob bo ||
’thob par (7) ’gyur ro ||
raṅ saṅs rgyas rnams kyis kyaṅ | raṅ byaṅ chub mṅon par rdzogs par saṅs rgyas so ||
mṅon par rdzogs par ’tshaṅ rgya’o ||
mṅon par rdzogs par ’tshaṅ rgya bar ’gyur ro ||
byaṅ chub sems dpa’ sems dpa’ chen po rnams kyis kyaṅ sems can rnams (268a1) yoṅs su smin par byas śiṅ | saṅs rgyas kyi źiṅ yoṅs su dag par byas nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
mṅon par rdzogs par ’tshaṅ rgya’o ||
mṅon par rdzogs par ’tshaṅ rgya bar ’gyur ro ||
rab ’byor (2) gyis smras pa | kau śi ka de de bźin no ||
de de bźin te | ’di lta ste | byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni che ba’o ||
byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu (3) phyin pa ’di ni tshad med pa’o ||
byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni dpag tu med pa’o ||
byaṅ chub sems dpa’ sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni mtha’ yas pa ste | (4) de la bslabs nas rgyun tu źugs pa rnams kyis kyaṅ rgyun tu źugs pa’i ’bras bu thob bo ||
lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams kyis kyaṅ dgra bcom pa ñid thob bo ||
’thob par ’gyur (5) ro | |raṅ saṅs rgyas rnams kyis kyaṅ | raṅ byaṅ chub mṅon par rdzogs par saṅs rgyas so ||
mṅon par rdzogs par ’tshaṅ rgya’o ||
mṅon par rdzogs par ’tshaṅ rgya bar ’gyur ro ||
byaṅ chub sems dpa’ sems dpa’ chen po rnams kyis kyaṅ sems can rnams yoṅs su smin (6) par byas te | saṅs rgyas kyi źiṅ yoṅs su dag par byas nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
mṅon par rdzogs par ’tshaṅ rgya’o ||
mṅon par rdzogs par ’tshaṅ rgya bar ’gyur ro ||
de ci’i phyir źi na | kau śi ka gzugs (7) che ba’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ che ba yin no ||
de ci’i phyir źe na | kau śi ka ’di ltar gzugs kyi sṅon gyi mtha’ mi dmigs | phyi ma’i mtha’ mi dmigs | dbus mi dmigs pa’i phyir ro ||
kau śi ka tshor ba daṅ | (268b1) ’du śes daṅ | ’du byed rnams daṅ | rnam par śes pa che ba’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ che ba yin no ||
de ci’i phyir źe na | kau śi ka ’di ltar rnam par śes pa’i sṅon gyi mtha’ mi dmigs | phyi ma’i mtha’ mi dmigs | dbus (2) mi dmigs pa’i phyir ro ||
kau śi ka de bźin du sbyar te | rnam pa thams cad mkhyen pa ñid kyi bar du che ba’i phyir | byaṅ chub sems dpa’ sems dpa’ chen po rnams kyi pha rol tu phyin pa ’di yaṅ che ba yin no ||
de ci’i phyir źe na | kau śi ka ’di ltar rnam pa thams cad mkhyen pa ñid kyi sṅon gyi (3) mtha’ mi dmigs | phyi ma’i mtha’ mi dmigs | dbus mi dmigs pa’i phyir te | kau śi ka rnam graṅs des na | ’di lta ste | byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni che ba yin no ||
kau śi ka gzugs tshad med (4) pa’i phyir | byaṅ chub sems dpa’ sems dpa’ chen po rnams kyi pha rol tu phyin pa ’di yaṅ tshad med pa yin no ||
de ci’i phyir źe na | kau śi ka ’di ltar gzugs kyi tshad dmigs su med pa’i phyir ro ||
kau śi ka ’di lta ste dper na | nam mkha’i tshad ni dmigs su med do ||
de bźin (5) du gzugs kyi tshad kyaṅ dmigs su med do ||
nam mkha’ tshad med pa’i phyir gzugs tshad med do ||
gzugs tshad med pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ tshad med do ||
de bźin du sbyar te | rnam pa thams cad mkhyen pa (6) ñid kyi bar du tshad med pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ tshad med pa yin no ||
de ci’i phyir źe na | kau śi ka ’di ltar rnam pa thams cad mkhyen pa ñid kyi tshad dmigs su med pa’i phyir ro ||
kau śi ka ’di lta ste dper na | nam mkha’i (7) tshad ni dmigs su med do || ||
kau śi ka de bźin du rnam pa thams cad mkhyen pa ñid kyi tshad kyaṅ dmigs su med do ||
nam mkha’ chad med pa’i phyir rnam pa thams cad mkhyen pa ñid tshad med do ||
rnam pa thams cad mkhyen pa ñid tshad med pa’i phyir byaṅ chub sems dpa’ sems (269a1) dpa’ chen po rnams kyi śes rab kyi pha rol tu phyin pa ’di yaṅ tshad med pa yin te | kau śi ka rnam graṅs des na | byaṅ chub sems dpa’ sems dpa’ chen po rnams kyi pha rol tu phyin pa ’di tshad med pa yin no ||
kau śi ka gzugs dpag tu med pa’i phyir byaṅ chub sems dpa’ (2) sems dpa’ chen po rnams kyi pha rol tu phyin pa ’di yaṅ dpag tu med pa yin no ||
de ci’i phyir źe na | kau śi ka ’di ltar gzugs dpag tu med pa’i phyir ro ||
kau śi ka ’di lta ste dper na | nam mkha’ ni dpag tu med do ||
de bźin du gzugs kyaṅ dpag tu med do ||
nam mkha’ (3) dpag tu med pa’i phyir gzugs dpag tu med do ||
gzugs dpag tu med pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ dpag tu med do ||
de bźin du rnam pa thams cad mkhyen pa ñid kyi bar du dpag tu med pa’i phyir byaṅ chub sems (4) dpa’ sems dpa’ chen po rnams kyi pha rol tu phyin pa ’di yaṅ dpag tu med pa yin no ||
de ci’i phyir źe na | kau śi ka ’di ltar rnam pa thams cad mkhyen pa ñid dpag tu med pa’i phyir ro ||
kau śi ka ’di lta ste dper na | nam mkha’ ni dpag tu med do ||
de bźin du rnam pa thams (5) cad mkhyen pa ñid kyaṅ dpag tu med do ||
nam mkha’ dpag tu med pa’i phyir rnam pa thams cad mkhyen pa ñid kyaṅ dpag tu med do ||
rnam pa thams cad mkhyen pa ñid dpag tu med pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ dpag tu med pa (6) yin te | kau śi ka rnam graṅs des na | ’di lta ste | byaṅ chub sems dpa’ sems dpa’ chen po rnams kyi pha rol tu phyin pa ’di dpag tu med pa yin no ||
kau śi ka gzugs mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ (7) yas pa yin no ||
de ci’i phyir źe na | kau śi ka ’di ltar gzugs kyi mtha’ daṅ | dbus mi dmigs pa’i phyir ro ||
kau śi ka tshor ba daṅ | ’du śes daṅ | ’du byed rnams daṅ | rnam par śes pa mtha’ yas pa’i phyir byaṅ chub sems dpa’ sems dpa’ chen po rnams kyi pha (269b1) rol tu phyin pa ’di yaṅ mtha’ yas pa yin no ||
de ci’i phyir źe na | kau śi ka ’di ltar rnam par śes pa’i mtha’ daṅ | dbus mi dmigs pa’i phyir ro ||
kau śi ka de bźin du sbyar te | rnam pa thams cad mkhyen pa ñid kyi bar du mtha’ yas pa’i phyir byaṅ chub sems dpa’ sems dpa’ chen (2) po rnams kyi pha rol tu phyin pa ’di yaṅ mtha’ yas pa yin no ||
de ci’i phyir źe na | kau śi ka ’di ltar rnam pa thams cad mkhyen pa ñid kyi mtha’ daṅ | dbus mi dmigs pa’i phyir te | kau śi ka rnam graṅs des na | gzugs mtha’ yas pa daṅ | rnam pa thams cad mkhyen pa ñid kyi bar du (3) mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin no ||
kau śi ka gźan yaṅ dmigs pa mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin no ||
lha’i (4) dbaṅ pos smras pa | btsun pa rab ’byor ji ltar na dmigs pa mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di mtha’ yas pa yin no ||
rab ’byor gyis smras pa | kau śi ka rnam pa thams cad mkhyen pa ñid mtha’ yas pa’i phyir (5) byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin no ||
kau śi ka gźan yaṅ chos kyi dmigs pa mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin no ||
lha’i dbaṅ (6) pos smras pa | btsun pa rab ’byor ji ltar na | chos kyi dmigs pa mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di mtha’ yas pa yin | rab ’byor gyis smras pa | kau śi ka chos kyi dbyiṅs mtha’ yas pa’i phyir byaṅ chub sems dpa’ (7) sems dpa’ chen po rnams kyi pha rol tu phyin pa ’di yaṅ mtha’ yas pa yin no ||
kau śi ka gźan yaṅ de bźin ñid kyi dmigs pa mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin no ||
lha’i dbaṅ pos smras pa | (270a1) btsun pa rab ’byor ci ltar na | de bźin ñid kyi dmigs pa mtha’ yas pa’i phyir byaṅ chub sems dpa’ sems dpa’ chen po rnams kyi pha rol tu phyin pa ’di mtha’ ya sa pa yin | rab ’byor gyis smras pa | kau śi ka ’di ltar de bźin ñid mtha’ yas pa’i phyir | dmigs (2) pa mtha’ yas pa yin no ||
dmigs pa mtha’ yas pa’i phyir de bźin ñid mtha’ yas pa yin te | kau śi ka de bźin ñid kyi dmigs pa mtha’ yas pa’i phyir | ’di lta ste | byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin (3) no ||
kau śi ka gźan yaṅ sems can mtha’ yas pa’i phyir | byaṅ chub sems dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin no ||
lha’i dbaṅ pos smras pa | btsun pa rab ’byor ci ltar na | sems can mtha’ yas pa’i phyir byaṅ chub sems (4) dpa’ sems dpa’ chen po rnams kyi pha rol tu phyin pa ’di yaṅ mtha’ yas pa yin | rab ’byor gyis smras pa | kau śi ka ’di ji sñam du sems | ’di lta ste sems can sems can źes bya ba de chos gaṅ gi tshig bla dgas yin sñam | lha’i dbaṅ pos smras pa | btsun pa rab ’byor (5) de ni chos kyi tshig bla dgas kyaṅ ma yin chos ma yin pa’i tshig bla dgas kyaṅ ma yin te | ’di lta ste sems can sems can źes bya ba de ni glo bur du miṅ du btags pa’o ||
de ni dṅos po med par miṅ du btags pa’o ||
de ni dmigs pa med par miṅ du btags pa’o ||
rab ’byor gyis smras (6) pa | kau śi ka ’di ji sñam du sems | śes rab kyi pha rol tu phyin pa ’di la ’ga’ yaṅ sems can du yoṅs so brjod pa yod sñam ’am | lha’i dbaṅ pos smras pa | btsun pa rab ’byor de ni med do ||
rab ’byor gyis smras pa | kau śi ka gaṅ la ’ga’ yaṅ sems can du yoṅs su (7) brjod pa med pa de la sems can mtha’ yas pa ci źig yod | kau śi ka gal te de bźin gśegs pa dgra bcom pa yaṅ dag par rdzogs pa’i saṅs rgyas bskal pa gaṅ g’i kluṅ gi bye ma sñed du bźugs te | sems can sems can źes gsuṅ du brjod na | kau śi ka ’di ji sñam du (270b1) sems | de la sems can ’ga’ yaṅ skyes pa’am | ’gags pa yod sñama’ama | lha’i dbaṅ pos smras pa | btsun pa rab ’byor de ni med do ||
de ci’i phyir źe na | sems can gzod ma nas rnam par dag pa’i phyir ro ||
rab ’byor gyis smras pa | kau śi ka rnam graṅs des (2) na | sems can mtha’ yas pa’i phyir śes rab kyi pha rol tu phyin pa mtha’ yas par rig par bya’o ||
śes rab kyi pha rol tu phyin pa khri brgyad stoṅ pa las | mtha’ yas pa’i le’u źes bya ste ñi śu bźi pa’o || ||
de nas dbaṅ po daṅ bcas pa’i lha rnams daṅ | (3) tshaṅs pa daṅ bcas pa rnams daṅ | skye dgu’i bdag po daṅ bcas pa rnams daṅ | skyes pa daṅ | bud med rnams daṅ | draṅ sroṅ gi tshogs rnams kyis ’di lta ste | de bźin gśegs pa’i mthu daṅ | de bźin gśegs pa’i byin gyi rlabs kyis | gnas brtan rab ’byor (4) gyis gaṅ bśad pa daṅ | brjod pa daṅ | bstan pa daṅ | yaṅ dag par rab tu bstan pa’i chos ’di ni a la la legs par bśad pa’o ||
a la la chos ’di ni legs par bśad pa’o ||
a la la chos kyi chos ñid ’di ni legs par bśad pa’o źes ched du brjod pa lan gsum (5) ched du brjod de | bcom ldan ’das byaṅ chub sems dpa’ sems dpa’ chen po gaṅ dag śes rab kyi pha rol tu phyin pa ’di daṅ mi ’bral ba de dag ni bdag cag gis de bźin gśegs pa ñid du gzuṅ bar bgyi’o ||
gzugs sam | tshor ba’am | ’du śes sam | ’du byed rnams (6) sam | rnam par śes pa’am | rnam pa thams cad mkhyen pa ñid kyi bar du chos gaṅ yaṅ dmigs su ma mchis kyaṅ | theg pa gsum po ñan thos kyi theg pa daṅ | raṅ saṅs rgyas kyi theg pa daṅ | theg pa chen po dag rnam par dgod pa yaṅ mdzad do źes kyaṅ gsol to ||
de nas bcom (7) ldan ’das kyis lha’i bu de dag la bka’ stsal pa | lha’i bu dag de de bźin te | de de bźin no ||
ji skad smras pa de bźin te | gzugs sam | tshor ba’am | ’du śes sam | ’du byed rnams sam | rnam par śes pa’am | rnam pa thams cad mkhyen pa ñid kyi bar du chos (271a1) gaṅ yaṅ dmigs su med kyaṅ theg pa gsum po ñan thos kyi theg pa daṅ | raṅ saṅs rgyas kyi theg pa daṅ | theg pa chen po dag rnam par dgod pa yaṅ mdzad do ||
lha’i bu dag byaṅ chub sems dpa’ sems dpa’ chen po gaṅ dag mi dmigs pa’i tshul gyis (2) śes rab kyi pha rol tu phyin pa ’di daṅ mi ’bral bar de dag kyaṅ de bźin gśegs pa ñid du gzuṅ bar bya ba yin no ||
de ci’i phyir źe na | ’di ltar śes rab kyi pha rol tu phyin pa ’di las theg pa gsum po gñan thos kyi theg pa daṅ | raṅ saṅs rgyas kyi theg pa daṅ | theg pa chen po (3) dag rgya cher bstan ciṅ | sbyin pa’i pha rol tu phyin pa las gud na yaṅ de bźin gśegs pa dmigs su med la | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | (4) śes rab kyi pha rol tu phyin pa las gud na yaṅ de bźin gśegs pa dmigs su med | naṅ stoṅ pa ñid daṅ | dṅos po med pa’i ṅo bo ñid stoṅ pa ñid stoṅ pa ñid kyi bar las gud na yaṅ de bźin gśegs pa dmigs su med | dran pa ñe bar gźag pa rnams las gud na yaṅ de bźin (5) gśegs pa dmigs su med | yaṅ dag par spoṅ ba rnams daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams las gud na yaṅ de bźin gśegs pa dmigs su med | stobs bcu daṅ | mi ’jigs pa (6) rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams las gud na yaṅ de bźin gśegs pa dmigs su med | rnam pa thams cad mkhyen pa ñid kyi bar las gud na yaṅ de bźin gśegs pa dmigs su med la | lha’i bu dag (7) byaṅ chub sems dpa’ sems dpa’ chen po rnams kyaṅ sbyin pa’i pha rol tu phyin pa la sogs pa chos de dag la slob ciṅ | rnam pa thams cad mkhyen pa ñid kyi bar dag la yaṅ slob par byed pa’i phyir te | lha’i bu dag de lta bas na byaṅ chub sems dpa’ sems dpa’ chen (271b1) po gaṅ dag śes rab kyi pha rol tu phyin pa ’di daṅ mi ’bral bar spyod pa de dag ni de bźin gśegs pa ñid du brjod par bya ba yin no ||
lha’i bu dag gaṅ gi tshe ṅa de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad kyi thad na rgyal po’i pho braṅ ’khor pad (2) ma can źes bya ba’i tshoṅ dus kyi dbus na ’dug ciṅ mi dmigs pa’i tshul gyis | sbyin pa’i pha rol tu phyin pa daṅ bral bar ma gyur | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin (3) ba daṅ | śes rab kyi pha rol tu phyin pa daṅ bral bar ma gyur | naṅ stoṅ pa ñid daṅ bral bar ma gyur | dṅos po med pa’i ṅo bo ñid stoṅ pa ñid kyi bar daṅ bral bar ma gyur | dran pa ñe bar gźag pa rnams daṅ bral bar ma gyur | yaṅ dag par spoṅ ba daṅ | rdzu ’phrul gyi rkaṅ pa (4) daṅ | dbaṅ po daṅ | stobs daṅ | byaṅ chub kyi yan lag daṅ | lam rnams daṅ bral bar ma gyur | bsam gtan bźin daṅ | tshad med pa bźi daṅ | gzugs med pa’i sñoms par ’jug pa bźi daṅ | tiṅ ṅe ’dzin thams cad daṅ | gzuṅs kyi sgo thams cad daṅ | (5) de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | byams pa chen po daṅ | sñiṅ rje chen po daṅ | saṅs rgyas kyi chos dpag tu med pa gźan dag daṅ yaṅ (6) bral bar ma gyur pa de’i tshe | lha’i bu dag de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad des ṅa la bram ze’i khye’u khyod ma ’oṅs pa’i dus kyi bskal pa graṅs med pa ’das pa’i ’og tu bskal pa bzaṅ po la ’jig rten gyi khams ’di (7) ñid du | de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa źes bya ba | rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba | bla na med pa | lha daṅ mi rnams kyi ston (272a1) pa | saṅs rgyas bcom ldan ’das su ’gyur ro źes ṅa bla na med pa yaṅ dag par rdzogs pa’i byaṅ chub tu luṅ bstan to ||
de nas bcom ldan ’das la lha’i bu de dag gis ’di skad ces gsol to ||
bcom ldan ’das ci tsam du śes rab kyi pha rol tu phyin (2) pa ’di ni gzugs yoṅs su mi ’dzin | mi ’dor ba’i tshul daṅ | tshor ba daṅ | ’du śes daṅ | ’du byed rnams daṅ | rnam par śes pa yoṅs su mi ’dzin | mi ’dor ba’i tshul daṅ | de bźin du rnam pa thams cad mkhyen pa ñid kyi bar du yoṅs su mi ’dzin | (3) mi ’dor ba’i tshul gyis | byaṅ chub sems dpa’ sems dpa’ chen po rnams kyi rnam pa thams cad mkhyen pa ñid ’thun par yoṅs su ’dzin pa ni ṅo mtshar lags so ||
de nas bcom ldan ’das kyis ’khor bźi po dge sloṅ daṅ | dge sloṅ ma daṅ | dge bsñen daṅ | (4) dge bsñen ma rnams daṅ | byaṅ chub sems dpa’ sems dpa’ chen po rnams daṅ | rgyal po chen po bźi daṅ | rgyal chen bźi’i ris kyi lha’i bu rnams daṅ | ’og min gyi bar gyi lha’i bu rnams ’dus te | ’dug par thugs su chud nas de dag thams cad dbaṅ (5) por bźag ste | lha’i dbaṅ po brgya byin la ’di skad ces bka’ stsal to ||
kau śi ka byaṅ chub sems dpa’ sems dpa’ chen po’am | dge sloṅ ṅam | dge sloṅ ma’am | dge bsñen nam | dge bsñen ma’am | rigs kyi bu’am | rigs kyi bu mo’am | lha’i (6) bu’am | lha’i bu mo gaṅ la la dag śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | sgom pa daṅ | gźan dag la yaṅ yaṅ dag par rab tu ston pa daṅ | tshul bźin du yid la byed ciṅ | rnam pa thams cad (7) mkhyen pa ñid kyi sems daṅ bral bar mi ’gyur ba de dag la ni bdud dam | bdud kyi ris kyi lha rnams kyis glags rñed par mi ’gyur ro ||
de ci’i phyir źe na | ’di ltar rigs kyi bu daṅ rigs kyi bu mo de dag gis gzugs stoṅ pa ñid du legs par gnas su byas par ’gyur źiṅ | (272b1) tshor ba daṅ | ’du śes daṅ | ’du byed rnams daṅ | rnam par śes pa stoṅ pa ñid du legs par gnas su byas par ’gyur ba’i phyir ro ||
de ci’i phyir źe na | ’di ltar stoṅ pa ñid la stoṅ pa ñid kyis glags mi rñed ciṅ | mtshan ma med pa la yaṅ mtshan ma med pas glags mi (2) rñed la | smon pa med pa la yaṅ smon pa med pas glags mi rñed pa’i phyir ro ||
de bźin du rigs kyi bu daṅ | rigs kyi bu mo de dag gis rnam pa thams cad mkhyen pa ñid kyi bar du stoṅ pa ñid du legs par gnas su byas par ’gyur ba’i phyir ro ||
de ci’i phyir źe na | ’di ltar stoṅ pa (3) ñid la stoṅ pa ñid kyis glags mi rñed ciṅ | mtshan ma med pa la yaṅ mtshan ma med pas glags mi rñed la | smon pa med pa la yaṅ smon pa med pas glags mi rñed pa’i phyir ro ||
de ci’i phyir źe na | ’di ltar gaṅ gis glags rñed par ’gyur ba daṅ | gaṅ du glags rñed par ’gyur (4) ba daṅ | gaṅ la glags rñed par ’gyur ba de dag ṅo bo ñid med pa’i phyir ro ||
kau śi ka rigs kyi bu’am rigs kyi bu mo de dag la mi daṅ | mi ma yin pa rnams kyis kyaṅ glags rñed par mi ’gyur ro ||
de ci’i phyir źe na | ’di ltar rigs kyi bu daṅ | rigs kyi bu mo de dag gis sems (5) can thams cad la byams pa daṅ | sñiṅ rje daṅ | dga’ ba daṅ | btaṅ sñoms śin tu bsgoms śiṅ | de yaṅ mi dmigs pa’i tshul gyis bsgoms pa’i phyir ro ||
kau śi ka rigs kyi bu’am | rigs kyi bu mo de dag ni | gśis ṅan du ’chi bar mi ’gyur ro ||
de ci’i phyir źe na | (6) ’di ltar rigs kyi bu’am | rigs kyi bu mo de dag gis sbyin pa’i pha rol tu phyin pa la spyod pas sems can thams cad la yaṅ dag par yoṅs su spyad pa dag gis bsñen bkur byas pa’i phyir ro ||
kau śi ka stoṅ gsum gyi stoṅ chen po’i ’jig rten gyi khams su gtogs pa’i rgyal chen (7) bźi’i ris kyi lha’i bu rnams daṅ | sum cu rtsa gsum pa’i ris kyi lha rnams daṅ | ’thab bral rnams daṅ | dga’ ldan rnams daṅ | ’phrul dga’ rnams daṅ | gźan ’phrul dbaṅ byed rnams daṅ | tshaṅs ris rnams daṅ | ’od gsal rnams daṅ | dge (273a1) rgyas rnams daṅ | ’bras bu che ba’i lha’i bu gaṅ dag gis bla na med pa yaṅ dag par rdzogs pa’i byaṅ chub tu sems bskyed pa rnams daṅ | lha’i bu gaṅ dag gis śes rab kyi pha rol tu phyin pa ’di ma thos pa daṅ | ma bzuṅ ba daṅ | ma bcaṅs pa daṅ | kun (2) chub par ma byas pa daṅ | tshul bźin du yid la ma byas pa’i lha’i bu de dag gis kyaṅ rnam pa thams cad mkhyen pa ñid kyi sems daṅ ma bral bas śes rab kyi pha rol tu phyin pa ’di mñan par bya | gzuṅ bar bya | bcaṅ bar bya | bklag par bya | kun chub par bya | tshul (3) bźin du yid la bya’o ||
kau śi ka gźan yaṅ rigs kyi bu’am | rigs kyi bu mo gaṅ dag śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed ciṅ | rnam pa thams cad mkhyen pa ñid kyi sems (4) daṅ ’bral bar mi ’gyur | kau śi ka rigs kyi bu daṅ | rigs kyi bu mo de dag ni khyim stoṅ pa na ’dug kyaṅ ruṅ | bla gab med pa na ’dug kyaṅ ruṅ | lam gol ba na ’dug kyaṅ ruṅ ste | ’jigs pa’am | pag tsha bar ’gyur ba med do ||
de ci’i phyir źe na | kau śi ka (5) ’di ltar rigs kyi bu daṅ | rigs kyi bu mo dag gis mi dmigs pa’i tshul gyis naṅ stoṅ pa ñid śin tu bsgoms śiṅ mi dmigs pa’i tshul gyis phyi stoṅ pa ñid kyaṅ śin tu bsgoms la | mi dmigs pa’i tshul gyis dṅos po med pa’i ṅo bo ñid stoṅ pa ñid kyi bar dag kyaṅ śin tu (6) bsgoms pa’i phyir ro ||
de nas bcom ldan ’das la stoṅ gsum gyi stoṅ chen po’i ’jig rten gyi khams na | rgyal chen bźi’i ris kyi lha’i bu daṅ | sum cu rtsa gsum pa daṅ | ’thab bral daṅ | dga’ ldan daṅ | ’phral dga’ daṅ | gźan ’phrul dbaṅ byed (7) daṅ | gnas gtsaṅ ma’i ris kyi bar gyi lha’i bu ji sñed ’khod pa de dag gis ’di skad ces gsol to ||
bcom ldan ’das bdag cag gis kyaṅ rigs kyi bu daṅ rigs kyi bu mo gaṅ dag śes rab kyi pha rol tu phyin pa zab mo ’di ñid la mos pa daṅ | ’dzin pa daṅ | ’char (273b1) ba daṅ | klog pa daṅ | kun chub par bgyid pa daṅ | tshul bźin du yid la bgyid ciṅ | rnam pa thams cad mkhyen pa ñid kyi sems daṅ ’bral bar mi ’gyur ba de dag rtag par rgyun mi ’chad par bsruṅ ba daṅ | bskyab pa daṅ | sba bar bgyi’o ||
de ci’i slad du (2) źen | bcom ldan ’das ’di ltar byaṅ chub sems dpa’ sems dpa’ chen po la brten nas sems can dmyal ba rnams rgyun chad par ’gyur | dud ’gro’i skye gnas rnams daṅ | gśin rje’i ’jig rten rnams daṅ | lha dbul po rnams daṅ | mi dbul po rnams (3) daṅ | yams kyi bro nad rnams daṅ | bro nad ’go ba rnams daṅ | gnod pa daṅ | ’tshe ba thams cad rgyun chad par ’gyur | byaṅ chub sems dpa’ sems dpa’ chen po la brten nas dge ba bcu’i las kyi lam rnams kyaṅ ’jig rten du ’byuṅ ba daṅ | bsam gtan bźi (4) daṅ | tshad med pa bźi daṅ | gzugs med pa’i sñoms par ’jug pa bźi daṅ | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa (5) daṅ | śes rab kyi pha rol tu phyin pa daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar dag kyaṅ ’jig rten du ’byuṅ ba daṅ | byaṅ chub sems dpa’ la brten nas dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul (6) gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs (7) rgyas kyi chos ma ’dres pa bcwa brgyad daṅ | rnam pa thams cad mkhyen pa ñid kyi bar dag kyaṅ ’jig rten du ’byuṅ bar ’gyur ba’i slad du’o ||
bcom ldan ’das gźan yaṅ byaṅ chub sems dpa’ sems dpa’ chen po la brten nas | rgyal rigs śiṅ s la chen po lta bu (274a1) rnams ’jig rten na mchis lags so ||
bram ze’i rigs śiṅ sba la chen po lta bu rnams ’jig rten na mchis lags so ||
khyim bdag gi rigs śiṅ s la chen po lta bu rnams ’jig rten na mchis lags so ||
’khor los sgyur ba’i rgyal rigs dag (2) ’jig rten na mchis lags so ||
rgyal chen bźi’i ris kyi lha’i bu rnams ’jig rten na mchis lags so ||
’og min gyi ris kyi bar gyi lha’i bu dag ’jig rten na mchis lags so ||
bcom ldan ’das gźan yaṅ byaṅ chub sems dpa’ sems dpa’ chen po la brten nas rgyun du (3) źugs pa’i ’bras bu ’jig rten na mchis lags so ||
rgyun du źugs pa ’jig rten na mchis lags so ||
lan cig phyir ’oṅ ba’i ’bras bu daṅ | lan cig phyir ’oṅ ba daṅ | phyir mi ’oṅ ba’i ’bras bu daṅ | phyir mi ’oṅ ba daṅ | dgra bcom pa ñid daṅ | dgra bcom pa ’jig (4) rten na mchis lags so ||
raṅ byaṅ chub daṅ raṅ saṅs rgyas ’jig rten na mchis lags so ||
byaṅ chub sems dpa’ sems dpa’ chen po la brten nas sems can yoṅs su smin par bgyi ba ’jig rten na mchis lags so ||
saṅs rgyas kyi źiṅ yoṅs su dag pa ’jig rten na (5) mchis lags so ||
de bźin gśegs pa dgra bcom pa yaṅ dag par rdzogs pa’i saṅs rgyas ’jig rten na bźugs lags so ||
chos kyi ’khor lo bskor ba ’jig rten na mchis lags so ||
saṅs rgyas dkon mchog ’jig rten na bźugs lags so ||
chos dkon (6) mchog ’jig rten na mchis lags so ||
dge ’dun dkon mchog ’jig rten na mchis lags so ||
bcom ldan ’das rnam graṅs des na byaṅ chub sems dpa’ sems dpa’ chen po ni lha daṅ mi daṅ | lha ma yin du bcas pa’i ’jig rten gyis bsruṅ ba daṅ | bskyab pa daṅ | sba (7) bar bgyi ba lags so ||
de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka de de bźin no ||
de de bźin te | byaṅ chub sems dpa’ sems dpa’ chen po la brten nas sems can dmyal ba daṅ | dud ’gro’i (274b1) skye gnas daṅ | gśin rje’i ’jig rten rgyun chad par ’gyur ro ||
de bźin du saṅs rgyas dkon mchog daṅ | chos dkon mchog daṅ | dge ’dun dkon mchog gi bar du ’jig rten na yod pa yin no ||
kau śi ka de lta bas na | lta daṅ | mi daṅ | lha ma yin du bcas pa’i (2) ’jig rten gyis byaṅ chub sems dpa’ sems dpa’ chen po la rgyun mi ’chad par bkur stir bya | bla mar bya | rjed par bya | mchod par bya źiṅ | bsruṅ ba daṅ | bskyab pa daṅ | sba bar bya’o ||
kau śi ka gaṅ dag byaṅ chub sems dpa’ sems dpa’ chen po la bsti staṅ du bya ba (3) daṅ | bla mar bya ba daṅ | rjed par bya ba daṅ | mchod par bya bar sems pa de dag ni ṅa la bsti staṅ du bya ba daṅ | bla mar bya ba daṅ | rjed par bya ba daṅ | mchod par bya bar sems pa yin te | kau śi ka de lta bas na | lha daṅ | mi daṅ | lha ma yin du bcas pa’i ’jig (4) rten gyis byaṅ chub sems dpa’ sems dpa’ chen po la rtag tu rgyun mi ’chad par bsti staṅ du bya | bla mar bya | rjed par bya | mchod par bya źiṅ | bsruṅ ba daṅ | bskyab pa daṅ | sba bar bya’o ||
kau śi ka stoṅ gsum gyi stoṅ chen po’i ’jig rten gyi khams ’di ñan thos daṅ | (5) raṅ saṅs rgyas śa stag gis | ’di lta ste dper na | bu ram śiṅ gi tshal lam | ’dam bu’i tshal lam | ’od ma’i tshal lam | mda’ rgyu’i tshal lam | ’bras kyi źiṅ ṅam | til gyi źiṅ ltar yoṅs su gaṅ par gyur nas de dag la rigs kyi bu’am | rigs kyi bu mol la (6) źig gis ji srid ’tsho’i bar du yo byad thams cad kyis bsti staṅ du byas | bla mar byas | rjed par byas | mchod par byas pa bas gaṅ gis byaṅ chub sems dpa’ sems dpa’ chen po sems daṅ po bskyed pa | pha rol tu phyin pa drug daṅ ma bral ba gcig cig la bsti (7) staṅ du byas | bla mar byas | rjed par byas | mchod par byas na | de ñid sṅa ma bas ches bsod nams maṅ du skyed do ||
de ci’i phyir źe na | kau śi ka ’di ltar ñan thos daṅ | raṅ saṅs rgyas rnams la brten nas byaṅ chub sems dpa’ sems dpa’ chen po rnams (275a1) daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams ’jig rten na yod pa ma yin gyi | byaṅ chub sems dpa’ sems dpa’ chen po la brten nas | ñan thos daṅ | raṅ saṅs rgyas rnams daṅ | de bźin gśegs pa dgra (2) bcom pa yaṅ dag par rdzogs pa’i saṅs rgyas rnams ’jig rten na yod pa yin pa’i phyir ro ||
kau śi ka de lta bas na | lha daṅ | mi daṅ | lha ma yin du bcas pa’i ’jig rten gyis byaṅ chub sems dpa’ sems dpa’ chen po la rtag tu rgyun mi ’chad par bsti staṅ du bya | bla mar bya | (3) rjed par bya | mchod par bya źiṅ | bsruṅ ba daṅ | bskyab pa daṅ | sba bar bya’o ||
śes rab kyi pha rol tu phyin pa khri brgyad stoṅ pa las | brgya byin gyi le’u gñis pa ste | ñi śu rtsa lṅa pa || ||
śes rab kyi pha rol tu phyin pa khri brgyad stoṅ pa | bam po ñi śu (4) rtsa gcig pa | de nas bcom ldan ’das la | lha’i dbaṅ po brgya byin gyis ’di skad ces gsol to ||
bcom ldan ’das ci tsam du byaṅ chub sems dpa’ sems dpa’ chen po de dag gis śes rab kyi pha rol tu phyin pa ’di bzuṅ ṅam | bcaṅs sam | klags sam | kun chub par (5) bgyis sam | tshul bźin du yid la bgyis na | tshe ’di la yon tan ’di dag yoṅs su ’dzin par ’gyur te | sems can rnams yoṅs su smin par bgyid pa daṅ | saṅs rgyas kyi źiṅ yoṅs su dag par bgyid pa daṅ | saṅs rgyas bcom ldan ’das rnams la bsñen bkur (6) bgyi ba’i slad du saṅs rgyas kyi źiṅ nas saṅs rgyas kyi źiṅ du mchi ba daṅ | dge ba’i rtsa ba gaṅ dag gis saṅs rgyas bcom ldan ’das de dag la bsti staṅ du bgyi ba daṅ | bla mar bgyi ba daṅ | rjed par bgyi ba daṅ | mchod par bgyid par ’tshal na yaṅ | dge ba’i rtsa ba de dag (7) gis de bźin du ’grub par ’gyur ba daṅ | saṅs rgyas bcom ldan ’das de dag gi spyan sṅar mchis śiṅ chos ñan par bgyid pa daṅ | de dag gi chos de yaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ bskyud par mi ’gyur (275b1) ba daṅ | rigs phun sum tshogs pa yoṅs su ’dzin pa daṅ | miṅ phun sum tshogs pa daṅ | tshe rabs phun sum tshogs pa daṅ | ’khor phun sum tshogs pa daṅ | mtshan phun sum tshogs pa daṅ | ’od phun sum tshogs pa daṅ | mig phun sum tshogs pa daṅ | dbyaṅs (2) phun sum tshogs pa daṅ | tiṅ ṅe ’dzin phun sum tshogs pa daṅ | gzuṅs phun sum tshogs pa yoṅs su ’dzin pa daṅ | thabs la mkhas pas bdag ñid saṅs rgyas kyi skur mṅon par sprul nas gaṅ du saṅs rgyas bcom ldan ’das rnams mi ’byuṅ ba’i ’jig rten gyi khams nas (3) ’jig rten gyi khams su mchi źiṅ der mchis nas kyaṅ | sbyin pa’i pha rol tu phyin pa’i bsṅags pa rjod par bgyid | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | (4) śes rab kyi pha rol tu phyin pa’i bsṅags pa rjod par bgyid | naṅ stoṅ pa ñid kyi bsṅags pa rjod par bgyid | dṅos po med pa’i ṅo bo ñid stoṅ pa ñid kyi bar gyis bsṅags pa rjod par bgyid | bsam gtan rnams kyi bsṅags pa rjod par bgyid | tshad med pa rnams daṅ | gzugs (5) med pa’i sñoms par ’jug pa rnams kyi bsṅags pa rjod par bgyid | dran pa ñe bar gźag pa rnams kyi bsṅags pa rjod par bgyid | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan (6) lag rnams daṅ | ’phags pa’i lam yan lag brgyad pa’i bsṅags pa rjod par bgyid | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad kyi bar gyi bsṅags pa rjod par bgyid ciṅ | (7) thabs la mkhas pas sems can rnams theg pa gsum po ñan thos kyi theg pa daṅ | raṅ saṅs rgyas kyi theg pa daṅ | theg pa chen pos ’dul la | chos ston par bgyid pa ni ṅo mtshar lags so ||
de nas yaṅ bcom ldan ’das la | lha’i dbaṅ po brgya byin gyis ’di (276a1) skad ces gsol to ||
bcom ldan ’das ji tsam du śes rab kyi pha rol tu phyin pa ’di yoṅs su bzuṅ bas | pha rol tu phyin pa lṅa po thams cad kyaṅ yoṅs su bzuṅ bar ’gyur źiṅ | de bźin du byaṅ chub kyi phyogs kyi chos thams cad daṅ | tiṅ ṅe ’dzin (2) thams cad daṅ | gzuṅs kyi sgo thams cad daṅ | stoṅ pa ñid thams cad daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad kyi bar dag yoṅs su bzuṅ bar ’gyur ba daṅ | rgyun du (3) źugs pa’i ’bras bu yoṅs su bzuṅ bar ’gyur ba daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | rnam pa thams cad mkhyen pa ñid kyi bar dag yoṅs su bzuṅ bar ’gyur ba daṅ | bcom (4) ldan ’das śes rab kyi pha rol tu phyin pa yoṅs su bzuṅ bas | saṅs rgyas kyi chos thams cad yoṅs su bzuṅ bar ’gyur ba ni ṅo mtshar lags so ||
de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
(5) kau śi ka de de bźin no ||
de de bźin te | kau śi ka śes rab kyi pha rol tu phyin pa yoṅs su bzuṅ bas | pha rol tu phyin pa lṅa po thams cad kyaṅ yoṅs su bzuṅ bar ’gyur la | de bźin du rnam pa thams cad mkhyen pa ñid kyi bar dag kyaṅ yoṅs su bzuṅ bar ’gyur (6) pa yin no ||
kau śi ka gźan yaṅ śes rab kyi pha rol tu phyin pa ’di yoṅs su bzuṅ ṅam | bcaṅs sam | blags sam | kun chub par byas sam | tshul bźin du yid la byas na | rigs kyi bu’am rigs kyi bu mo de dag gis tshe ’di ñid la yon tan gaṅ dag thob (7) par ’gyur ba de dag legs par rab tu ñon la yid la zuṅ śig daṅ | ṅas khyod la bśad par bya’o ||
lha’i dbaṅ po brgya byin gyis | bcom ldan ’das de bźin no źes gsol to | bcom ldan ’das kyis ltar ñan pa daṅ | bcom ldan ’das kyis ’di skad ces bka’ (276b1) stsal to ||
kau śi ka gźan mu stegs can kun tu rgyu ’am | bdud dam | bdud kyi ris kyi lha’am | gaṅ zag lhag pa’i ṅa rgyal can gaṅ la la dag | byaṅ chub sems dpa’ sems dpa’ chen po’am | rigs kyi bu’am | rigs kyi bu mo dag la ’thab par ’dod | rtsod par (2) ’dod | dpral bar ’dod | ’gal bar bya bar ’dod kyaṅ de dag gi ’thab par ’dod pa daṅ | rtsod par ’dod pa daṅ | dpral bar ’dod pa daṅ | ’gal bar bya bar ’dod pa de dag myur pa ñid du med par ’gyur źiṅ | ’thab par ’dod pa daṅ | rtsod par ’dod pa daṅ | dpral (3) bar ’dod pa daṅ | ’gal bar bya bar ’dod pa de dag gi bsam pa de dag yoṅs su rdzogs par mi ’gyur ro ||
de ci’i phyir źe na | kau śi ka ’di ltar byaṅ chub sems dpa’ sems dpa’ chen pos yun riṅ por sbyin pa’i pha rol tu phyin pa la spyad ciṅ | tshul khrims kyi pha rol tu pyin (4) pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyad pas gaṅ dag gi ched du sems can rnams yun riṅ po nas ’thab pa daṅ | rtsod pa daṅ | ’bral ba daṅ | ’gal (5) bar byed par gyur pa’i phyi daṅ naṅ gi chos de dag thams cad byaṅ chub sems dpa’ sems dpa’ chen pos rtag par yoṅs su btaṅ ste | sems can rnams sbyin pa’i pha rol tu phyin pa la bkod pa daṅ | gaṅ dag gi ched du sems can rnams yun riṅ po nas ’chal pa’i tshul khrims can (6) du gyur pa’i byi daṅ | naṅ gi chos de dag thams cad byaṅ chub sems dpa’ sems dpa’ chen pos rtag par yoṅs su btaṅ ste | sems can rnams tshul khrims kyi pha rol tu phyin pa la bkod pa daṅ | gaṅ dag gi ched du sems can rnams yun riṅ po nas ’thab mo daṅ | ’thabs (7) daṅ | rtsod par gyur pa’i phyi daṅ naṅ gi chos de dag thams cad byaṅ chub sems dpa’ sems dpa’ chen pos rtag par yoṅs su btaṅ ste | sems can rnams bzod pa’i pha rol tu phyin pa la bkod pa daṅ | gaṅ dag gi ched du sems can rnams yun riṅ po nas le lo can du gyur pa’i phyir (277a1) daṅ naṅ gi chos de dag thams cad byaṅ chub sems dpa’ sems dpa’ chen pos rtag par yoṅs su btaṅ ste | sems can rnams brtson ’grus kyi pha rol tu phyin pa la bkod pa daṅ | gaṅ dag gi ched du sems can rnams yun riṅ po nas rgyun du sems rnam par g-yeṅs (2) par gyur pa’i phyi daṅ naṅ gi chos de dag thams cad byaṅ chub sems dpa’ sems dpa’ chen pos rtag par yoṅs su btaṅ ste | sems can rnams bsam gtan gyi pha rol tu phyin pa la bkod pa daṅ | gaṅ dag gi ched du sems can rnams yun riṅ po nas ’chal ba’i śes rab can du gyur (3) pa’i phyi daṅ naṅ gi chos de dag thams cad byaṅ chub sems dpa’ sems dpa’ chen pos rtag par yoṅs su btaṅ ste | sems can rnams śes rab kyi pha rol tu pyin pa la bkod ciṅ | yaṅ dag par ’dzin du bcug pa daṅ | kau śi ka gaṅ dag gi ched du sems can rnams ’di lta ste | (4) rjes su chags pa daṅ | khoṅ khro ba daṅ | kun nas dkris pas yun riṅ por ’khor ba na ’khor bar ’gyur ba’i sems can de dag gi rjes su chags pa daṅ | khoṅ khro ba daṅ kun nas dkris pa de dag byaṅ chub sems dpa’ sems dpa’ chen pos thabs la mkhas pas rnam par bsal (5) nas bsam gtan bźi yaṅ dag par ’dzin du bcug | tshad med pa bźi daṅ | gzugs med pa’i sñoms par ’jug pa bźi yaṅ dag par ’dzin du bcug | dran pa ñe bar gźag pa bźi daṅ | yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams (6) daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | rnam par thar pa’i sgo stoṅ pa ñid daṅ | mtshan ma med pa daṅ | smon pa med pa daṅ | tiṅ ṅe ’dzin rnams daṅ | gzuṅs kyi sgo rnams la bkod ciṅ yaṅ dag (7) par ’dzin du bcug | de bźin gśegs pa’i stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad la bkod ciṅ yaṅ dag par ’dzin du bcug | rgyun du źugs pa’i ’bras bu daṅ | lan cig (277b1) phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub la bkod ciṅ yaṅ dag par ’dzin du bcug pa’i phyir te | kau śi ka byaṅ chub sems dpa’ sems dpa’ chen po byaṅ chub sems dpa’i spyad pa spyod pa na | tshe ’di’i yon tan de (2) lta bu dag kyaṅ ’byuṅ bar ’gyur la | tshe phyi ma la yaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya źiṅ | chos kyi ’khor lo bskor te | sems can rnams smon lam ji lta ba bźin du bkod ciṅ | phuṅ po lhag ma med pa’i mya ṅan las ’das pa’i (3) dbyiṅs su yoṅs su mya ṅan las ’da’ bar byed par ’gyur te | kau śi ka de dag ni byaṅ chub sems dpa’ sems dpa’ chen po’i tshe phyi ma la ’byuṅ bar ’gyur ba’i yon tan daṅ | phan yon yin no ||
kau śi ka gźan yaṅ sa phyogs gaṅ du rigs kyi bu ’am | rigs kyi bu mo (4) gaṅ dag śes rab kyi pha rol tu phyin pa ’di ’dzin tam | ’chaṅ ṅam | klog gam | kun chub par byed dam | tshul bźin du yid la byed pa’i sa phyogs der ni bdud dam | bdud kyi ris kyi lha rnams sam | gźan mu stegs can kun tu rgyu rnams sam | gaṅ zag lhag pa’i ṅa (5) rgyal can rnams kyis kyaṅ śes rab kyi pha rol tu phyin pa ’di la brgal ba daṅ | brtsad pa daṅ | ’gal ba bya ba daṅ | gźig par bya ba’i phyir sems rnam par dkrugs par mi nus la | de’i steṅ du de dag la yon tan daṅ | phan yon ’di lta bu dag kyaṅ ’byuṅ bar ’gyur te | gaṅ (6) dag gis śes rab kyi pha rol tu phyin pa ’di thos pa dag theg pa gsum po dag gis rim gyis ṅes par ’byuṅ źiṅ sdug bsṅal mthar byed par yaṅ ’gyur ro ||
kau śi ka ’di lta ste dper na | rtsi ma ghi ches bya ba dug thams cad rab źi bar byed pa źig yod de | der srog chags skye ba po (7) sbrul gdug pa bkres pas zin ciṅ | kha zas tshol ba źig gis srog chags kyi rigs ’ga’ źig mthoṅ bar gyur nas | des srog chags kyi rigs de bza’ bar ’dod nas srog chag sa kyi rigs de’i phyi bźin bsñags pa daṅ | de nas srog chags kyi rigs de ’chibs ’jigs (278a1) śiṅ skrag nas | rtsi ma ghi źes bya ba ga la ba der bres pa daṅ | sbrul gdug pa des | rtsi de’i dri tshor nas phyir ldog par byed do ||
de ci’i phyir źe na | ’di ltar rtsi de’i sman gyi yon tan gyis sbrul gdug pa de’i dug gaṅ yin pa de zil gyis non pa’i phyir te | kau śi ka rtsi ma ghi źes bya ba (2) de ni de ltar mthu daṅ ldan pa yin no ||
kau śi ka de bźin du rigs kyi bu’am rigs kyi bu mo gaṅ la la dag śes rab kyi pha rol tu phyin pa ’di ’dzin tam | ’chaṅ ṅam | klog gam | kun chub par byed dam | tshul bźin du yid la byed na | kau śi ka der ’thab pa daṅ | rtsod pa daṅ | ’gal bar (3) byed pa dag ’byuṅ bar gyur kyaṅ śes rab kyi pha rol tu phyin pa’i gzi brjid daṅ | śes rab kyi pha rol tu phyin pa’i mthus de dag myur du ñe bar źi bar ’gyur źiṅ med par ’gyur te | gaṅ daṅ gaṅ nas byuṅ ba de daṅ de ñid du med par ’gyur te | rnam par ’phel bar mi ’gyur ro ||
de ci’i phyir źe na | ko.o śi (4) ka ’di ltar śes rab kyi pha rol tu phyin pa ni | sdig pa mi dge ba’i chos thams cad ñe bar źi bar byed ciṅ | rnam par ’phel bar mi byed pa’i phyir ro ||
sdig pa mi dge ba’i chos gaṅ dag ñe bar źi bar byed ciṅ | rnam par ’phel bar mi byed ce na | ’di lta ste | ’dod chags daṅ | źe sdaṅ (5) daṅ | gti mug daṅ | ma rig pa daṅ | ’du byed daṅ | rnam par śes pa daṅ | miṅ daṅ | gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śi daṅ | mya ṅan daṅ | smre sṅags ’don pa daṅ | (6) sdug bsṅal ba daṅ | yid mi bde ba daṅ | ’khrug pa daṅ | sdug bsṅal gyi phuṅ po chen po ’ba’ źig po ’di ñe bar źi bar byed ciṅ rnam par ’phel bar mi byed pa yin no ||
sgrib pa daṅ | bar du gcod pa daṅ | rjes su chags pa daṅ | bag la ñal daṅ | kun nas dkris pa daṅ | (7) bdag tu lta ba daṅ | sems can du lta ba daṅ | srog tu lta ba daṅ | gaṅ zag tu lta ba daṅ | śes pa po daṅ | mthoṅ ba po’i bar du lta ba daṅ | rtag par lta ba daṅ | chad par lta ba daṅ | yod par lta ba daṅ | med par lta ba daṅ | lta bar gyur pa thams cad kyi bar dag (278b1) daṅ | ser sna daṅ | ’chal ba’i tshul khrims daṅ | gnod sems daṅ | le lo daṅ | rnam par g-yeṅ ba daṅ | ’chal ba’i śes rab daṅ | rtag par ’du śes pa daṅ | bde bar ’du śes pa daṅ | bdag tu ’du śes pa daṅ | sdug par ’du śes pa daṅ | sred (2) pa la spyod pa rnams daṅ | gzugs su ’dzin pa daṅ | tshor ba daṅ | ’du śes daṅ | ’du byed rnams daṅ | rnam par śes par ’dzin pa daṅ | sbyin pa’i pha rol tu phyin par ’dzin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus (3) kyi pha rol tu phyin pa daṅ | bsam gtan gyi pha rol tu pyin pa daṅ | śes rab kyi pha rol tu phyin par ’dzin pa daṅ | naṅ stoṅ pa ñid du ’dzin pa daṅ | dṅos po med pa’i ṅo bo ñid stoṅ pa ñid kyi bar du ’dzin pa daṅ | dran pa ñe bar gźag par ’dzin pa daṅ | yaṅ dag par spoṅ ba daṅ | rdzu (4) ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres par ’dzin pa daṅ | thams cad (5) śes pa ñid daṅ | lam gyi rnam pa śes pa ñid du ’dzin pa daṅ | rnam pa thams cad mkhyen pa ñid du ’dzin pa daṅ | mya ṅan las ’das pa ñid du ’dzin pa dag ñe bar źi bar byed ciṅ rnam par ’phel bar mi byed pa yin no ||
kau śi ka rigs kyi bu ’am rigs kyi bu mo gaṅ dag śes (6) rab kyi pha rol tu phyin pa ’di ’dzin tam | ’chaṅ ṅaRama | klog gam | kun chub par byed dam | tshul bźin du yid la byed pa de dag la stoṅ gsum gyi stoṅ chen po’i ’jig rten gyi khams ’di na rgyal po chen po rnams daṅ | ’jig rten skyoṅ ba rnams daṅ | lha rnams daṅ | (7) lha’i dbaṅ po brgya byin rnams daṅ | tshaṅs pa rnams daṅ | mi mjed kyi bdag po tshaṅs pa rnams daṅ | ’og min gyi bar gyi lha’i bu gaṅ dag ’khod pa de dag kyaṅ rtag tu rgyun mi ’chad par bsruṅ ba daṅ | bskyab pa daṅ | sba bar byed par ’gyur ro ||
rigs kyi bu’am rigs (279a1) kyi bu mo gaṅ śes rab kyi pha rol tu phyin pa ’di ’dzin tam | ’chaṅ ṅam | klog gam | kun chub par byed dam | tshul bźin du yid la byed pa de dag la phyogs bcu’i ’jig rten gyi khams na saṅs rgyas bcom ldan ’adasa’a gaṅ dag bźugs te | ’tsho źiṅ (2) gźes pa de dag kyaṅ rtag tu rgyun mi ’chad par bsruṅ ba daṅ | bskyab pa daṅ | sba bar mdzad par ’gyur ro ||
’di ltar de dag gi mi dge ba’i chos rnams ni yoṅs su ’bri bar ’gyur | dge ba’i chos rnams ni rnam par ’phel bar ’gyur te | ’di lta ste | sbyin pa’i pha rol tu (3) phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa mi dmigs pa’i tshul gyis rnam par ’phel bar ’gyur źiṅ | yoṅs su ñams (4) par me ’gyur ro ||
naṅ stoṅ pa ñid mi dmigs pa’i tshul gyis rnam par ’phel bar ’gyur źiṅ | yoṅs su ñams par mi ’gyur ro ||
dṅos po med pa’i ṅo bo ñid stoṅ pa ñid kyi bar dag mi dmigs pa’i tshul gyis rnam par ’phel bar ’gyur źiṅ | yoṅs su ñams par mi ’gyur ro ||
(5) dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams mi dmigs pa’i tshul gyis rnam par ’phel bar ’gyur źiṅ | yoṅs su ñams par mi ’gyur ro ||
stobs bcu daṅ | mi (6) ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa brgyad mi dmigs pa’i tshul gyis rnam par ’phel bar ’gyur źiṅ | yoṅs su ñams par mi ’gyur ro ||
tiṅ ṅe ’dzin thams cad daṅ | gzuṅs kyi sgo thams cad mi dmigs (7) pa’i tshul gyis rnam par ’phel bar ’gyur źiṅ | yoṅs su ñams par mi ’gyur ro ||
rnam pa thams cad mkhyen pa ñid kyi bar du mi dmigs pa’i tshul gyis rnam par ’phel bar ’gyur źiṅ | yoṅs su ñams par mi ’gyur ro ||
de’i tshig btsun par ’gyur | tshig ran par ’gyur źiṅ | (279b1) tshig ’chal bar mi ’gyur ro ||
khro bas zil gyis non par mi ’gyur | ṅa rgyal gyis zil gyis non par mi ’gyur | ser snas zil gyis non par mi ’gyur źiṅ | phrag dog can du mi ’gyur ro ||
de bdag kyaṅ srog gcod pa spoṅ bar byed la | gźan dag kyaṅ srog gcod pa spoṅ ba yaṅ dag (2) par ’dzin du ’jug ciṅ srog gcod pa spoṅ ba’i bsṅags pa yaṅ rjod la | gźan gaṅ dag srog gcod pa spoṅ ba de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ ma byin par len pa spoṅ bar byed la | gźan dag kyaṅ ma byin par len pa spoṅ ba yaṅ dag par ’dzin du (3) ’jug ciṅ | ma byin par len pa spoṅ ba’i bsṅags pa yaṅ rjod la | gźan gaṅ dag ma byin par len pa spoṅ ba de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ ’dod pa la log par g-yem pa spoṅ bar byed la | gźan dag kyaṅ ’dod pa la log par g-yem pa spoṅ (4) ba yaṅ dag par ’dzin du ’jug ciṅ | ’dod pa la log par g-yem pa spoṅ ba’i bsṅags pa yaṅ rjod la | gźan gaṅ dag ’dod pa la log par g-yem pa spoṅ ba de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ brdzun du smra ba spoṅ bar byed la | gźan dag (5) kyaṅ brdzun du smra ba spoṅ ba yaṅ dag par ’dzin du ’jug ciṅ | brdzun du smra ba spoṅ ba’i bsṅags pa yaṅ rjod la | gźan gaṅ dag brdzun du smra ba spoṅ ba de dag gi bsṅags pa yaṅ rjod ciṅ rjes su dga’ bar ’gyur ro ||
de bźin du bdag kyaṅ phra ma daṅ | tshig rtsub po daṅ | tshig kyal pa smra (6) ba spoṅ bar byed la | gźan dag kyaṅ tshig kyal pa smra ba spoṅ ba ya ṅa dag par ’dzin du ’jug ciṅ | tshig kyal pa smra ba spoṅ ba’i bsṅags pa yaṅ rjod la | gźan gaṅ dag tshig kyal pa smra ba spoṅ ba de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ brnab (7) sems daṅ | gnod sems daṅ | log par lta ba spoṅ bar byed la | gźan dag kyaṅ log par lta ba spoṅ ba yaṅ dag par ’dzin du ’jug ciṅ | log par lta ba spoṅ ba’i bsṅags pa yaṅ rjod la | gźan gaṅ dag log par lta ba spoṅ bar byed pa de dag gi bsṅags pa (280a1) yaṅ rjod ciṅ rjes su dga’ bar ’gyur ro ||
bdag kyaṅ sbyin pa’i pha rol tu phyin pa la gnas par byed la | gźan dag kyaṅ sbyin pa’i pha rol tu phyin pa yaṅ dag par ’dzin du ’jug ciṅ | sbyin pa’i pha rol tu phyin pa’i bsṅags pa yaṅ rjod la | gźan gaṅ dag sbyin (2) pa’i pha rol tu phyin pa la spyod pa de dag gi bsṅags pa yaṅ rjod ciṅ rjes su dga’ bar ’gyur ro ||
de bźin du bdag kyaṅ tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | (3) śes rab kyi pha rol tu phyin pa la gnas par byed la | gźan dag kyaṅ śes rab kyi pha rol tu phyin pa yaṅ dag par ’dzin du ’jug ciṅ | śes rab kyi pha rol tu phyin pa’i bsṅags pa yaṅ rjod la | gźan gaṅ dag śes rab kyi pha rol tu phyin pa la spyod pa de dag gi bsṅags pa yaṅ (4) rjod ciṅ rjes su dga’ bar ’gyur ro ||
bdag kyaṅ naṅ stoṅ pa ñid sgom par byed la | gźan dag kyaṅ naṅ stoṅ pa ñid yaṅ dag par ’dzin du ’jug ciṅ | naṅ stoṅ pa ñid kyi bsṅags pa yaṅ rjod la | gźan gaṅ dag naṅ stoṅ pa ñid sgom pa de dag gi bsṅags pa yaṅ rjod ciṅ rjes su dga’ (5) bar ’gyur ro ||
de bźin du bdag kyaṅ dṅos po med pa’i ṅo bo ñid stoṅ pa ñid kyi bar dag sgom par byed la | gźan dag kyaṅ dṅos po med pa’i ṅo bo ñid stoṅ pa ñid kyi bar dag yaṅ dag par ’dzin du ’jug ciṅ | dṅos po med pa’i ṅo bo ñid stoṅ pa ñid kyi bar dag gi bsṅags pa yaṅ rjod la | (6) gźan gaṅ dag dṅos po med pa’i ṅo bo ñid stoṅ pa ñid kyi bar dag sgom pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ tiṅ ṅe ’dzin thams cad la sñoms par ’jug par byed la | gźan dag kyaṅ tiṅ ṅe ’dzin thams cad la sñoms par ’jug pa yaṅ dag par (7) ’dzin du ’jug ciṅ | tiṅ ṅe ’dzin thams cad la sñoms par ’jug pa’i bsṅags pa yaṅ rjod la | gźan gaṅ dag tiṅ ṅe ’dzin thams cad la sñoms par ’jug pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ gzuṅs thob par byed la | gźan dag kyaṅ (280b1) gzuṅs thob pa yaṅ dag par ’dzin du ’jug ciṅ | gzuṅs thob pa’i bsṅags pa yaṅ rjod la | gźan gaṅ dag gzuṅs thob pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ bsam gtan daṅ po la sñom par ’jug la | gźan dag kyaṅ bsam gtan (2) daṅ po la sñoms par ’jug pa yaṅ dag par ’dzin du ’jug ciṅ | bsam gtan daṅ po la sñoms par ’jug pa la gnas pa’i bsṅags pa yaṅ rjod la | gźan gaṅ dag bsam gtan daṅ po la sñoms par ’jug pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ (3) bsam gtan gñis pa daṅ | bsam gtan gsum pa daṅ | bsam gtan bźi pa la sñoms par ’jug par byed la | gźan dag kyaṅ bsam gtan bźi pa la sñoms par ’jug pa yaṅ dag par ’dzin du ’jug ciṅ | bsam gtan bźi pa’i bsṅags pa yaṅ rjod la | gźan gaṅ (4) dag bsam gtan bźi pa la sñoms par ’jug pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ byams pa la sñoms par ’jug par byed la | gźan dag kyaṅ byams pa la sñoms par ’jug pa yaṅ dag par ’dzin du ’jug ciṅ | byams pa’i tiṅ ṅe (5) ’dzin gyi bsṅags pa yaṅ rjod la | gźan gaṅ dag byams pa la sñoms par ’jug pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ sñiṅ rje daṅ | dga’ ba daṅ | btaṅ sñoms la sñoms par ’jug par byed la | gźan dag kyaṅ sñiṅ rje daṅ | dga’ (6) ba daṅ | btaṅ sñoms la sñoms par ’jug pa yaṅ dag par ’dzin du ’jug ciṅ | btaṅ sñoms kyi tiṅ ṅe ’dzin gyi bsṅags pa yaṅ rjod la | gźan gaṅ dag btaṅ sñoms la sñoms par ’jug pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ nam mkha’ (7) mtha’ yas skye mched la sñoms par ’jug par byed | rnam śes mtha’ yas skye mched daṅ | ci yaṅ med pa’i skye mched daṅ | ’du śes med ’du śes med min skye mched kyi sñoms par ’jug pa yaṅ dag par ’dzin du ’jug ciṅ | ’du śes med ’du śes med min skye mched kyi sñoms (281a1) par ’jug pa’i bsṅags pa yaṅ rjod la | gźan gaṅ dag ’du śes med min skye mched kyi sñoms par ’jug pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ dran pa ñe bar gźag pa bźi sgom par (2) byed la | gźan dag kyaṅ dran pa ñe bar gźag pa bźi sgom pa yaṅ dag par ’dzin du ’jug ciṅ | dran pa ñe bar gźag pa rnams sgom pa’i bsṅags pa yaṅ rjod la | gźan gaṅ dag dran pa ñe bar gźag pa rnams sgom pa de dag gi bsṅags pa yaṅ rjod ciṅ rjes su dga’ bar ’gyur (3) ro | |de bźin du bdag kyaṅ yaṅ dag par spoṅ ba bźi daṅ | rdzu ’phrul gyi rkaṅ pa bźin daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa sgom par byed la | gźan dag kyaṅ ’phags pa’i lam yan lag brgyad (4) pa sgom pa yaṅ dag par ’dzin du ’jug ciṅ | ’phags pa’i lam yan lag brgyad pa sgom pa’i bsṅags pa yaṅ rjod la | gźan gaṅ dag ’phags pa’i lam yan lag brgyad pa sgom pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ stoṅ pa ñid daṅ | mtshan (5) ma med pa daṅ | smon pa med pa’i tiṅ ṅe ’dzin sgom par byed la | gźan dag kyaṅ stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin sgom pa yaṅ dag par ’dzin du ’jug ciṅ | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin sgom pa’i bsṅags pa (6) yaṅ rjod la | gźan gaṅ dag stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin sgom pa de dag gi bsṅags pa yaṅ rjod ciṅ rjes su dga’ bar ’gyur ro ||
bdag kyaṅ rnam par thar pa brgyad la sñoms par ’jug par byed la | gźan dag kyaṅ rnam par thaRa pa brgyad la (7) sñoms par ’jug pa yaṅ dag par ’dzin du ’jug ciṅ | rnam par thar pa brgyad kyi bsṅags pa yaṅ rjod la | gźan gaṅ dag rnam par thar pa brgyad la sñoms par ’jug pa de dag gi bsṅags pa yaṅ rjod ciṅ rjes su dga’ ba ’gyur ro ||
bdag kyaṅ mthar gyis gnas pa’i sñoms (281b1) par ’jug pa dgu la sñoms par ’jug par byed la | bdag kyaṅ de bźin gśegs pa’i stobs bcu la sñoms par ’jug par byed | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | bsñel ba mi mṅa’ ba’i chos ñid la (2) sñoms par ’jug par byed | bdag kyaṅ rnam pa thams cad mkhyen pa ñid thob par byed la | gźan dag kyaṅ rnam pa thams cad mkhyen pa ñid thob pa yaṅ dag par ’dzin du ’jug ciṅ | rnam pa thams cad mkhyen pa ñid thob pa’i bsṅags pa yaṅ rjod la | gźan gaṅ dag rnam pa thams (3) cad mkhyen pa ñid thob par byed pa de dag gi bsṅags pa yaṅ rjod ciṅ rjes su dga’ bar ’gyur ro ||
kau śi ka gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pa ni | sbyin pa gaṅ sbyin pa de thams cad sems can thams cad daṅ thun moṅ du byas śiṅ mi dmigs (4) pa’i tshul gyis bla na med pa yaṅ dag par rdzogs pa’i byaṅ chub tu yoṅs su sṅo bar byed do ||
de bźin du tshul khrims gaṅ bsruṅ ba daṅ | bzod pa gaṅ sgom pa daṅ | brtson ’grus gaṅ rtsom pa daṅ | bsam gtan gaṅ la sñoms par ’jug pa daṅ | śes rab gaṅ sgom pa de dag thams cad (5) sems can thams cad daṅ thun moṅ du byas śiṅ mi dmigs pa’i tshul gyis bla na med pa yaṅ dag par rdzogs pa’i byaṅ chub tu yoṅs su sṅo bar byed do ||
de ltar pha rol tu phyin pa drug la spyod pa’i rigs kyi bu’am rigs kyi bu mo dag ni dran pa ’di lta bu skye bar ’gyur te | gal te bdag gis sbyin pa (6) ma btaṅ na | dbul po’i rigs rnams su skye bar ’gyur te | bdag sems can yoṅs su smin par byed par yaṅ mi ’gyur | saṅs rgyas kyi źiṅ yoṅs su dag par byed par yaṅ mi ’gyur | rnam pa thams cad mkhyen pa ñid thob par yaṅ mi ’gyur ro sñam du sems so ||
de ’di (7) sñam du gal te bdag gis tshul khrims ma bsruṅs na bdag ṅan soṅ gsum gyi sgo ’byed par ’gyur źiṅ | lha daṅ mir skye bar mi ’gyur te | bdag sems can yoṅs su smin par byed pa daṅ | saṅs rgyas kyi źiṅ yoṅs su dag par byed par yaṅ mi ’gyur na | rnam pa thams cad mkhyen (282a1) pa ñid thob par lta ga la ’gyur sñam du sems so ||
de ’di sñam du gal te bdag gis bzod pa ma bsgoms na | bdag gi dbaṅ po rnams ñams par ’gyur źiṅ | bdag gi bźin gyi dkyil ’khor mog mog por ’gyur te | bdag gzugs phun sum tshogs pa (2) gaṅ gi byaṅ chub sems dpa’i spyad pa spyod pa mthoṅ ma thag tu sems can rnams bla na med pa yaṅ dag par rdzogs pa’i byaṅ chub tu ṅes par ’gyur ba’i gzugs phun sum tshogs pa yaṅ ’thob par mi ’gyur | gzugs phun sum tshogs pa ma thob par sems can rnams yoṅs su (3) smin par byed par yaṅ mi ’gyur | saṅs rgyas kyi źiṅ yoṅs su dag par byed par yaṅ mi ’gyur na | rnam pa thams cad mkhyen pa ñid thob par ltag la ’gyur sñam du sems so ||
de ’di sñam du gal te | bdag le lo can du gyur te | brtson ’grus ma brtsams na | byaṅ chub (4) sems dpa’i lam ’di la yaṅ sgom par mi ’gyur na | saṅs rgyas kyi chos rnams yoṅs su rdzogs par byed par lta ji ltar ’gyur te | rnam pa thams cad mkhyen pa ñid ’thob par ltag la ’gyur sñam du sems so ||
de ’di sñam du bdag sems rnam par g-yeṅs par gyur na | (5) tiṅ ṅe ’dzin thams cad yoṅs su bsgrub pa’i phyir | slob par yaṅ mi ’gyur la | sems can rnams yoṅs su smin par byed par yaṅ mi ’gyur | saṅs rgyas kyi źiṅ yoṅs su dag par byed par yaṅ mi ’gyur na | rnam pa thams cad mkhyen pa ñid thob par lta ga la ’gyur sñam du sems (6) so ||
de ’di sñam du gal te bdag ’chal ba’i śes rab can du gyur na | śes rab daṅ thabs la mkhas pa ’di la yaṅ slob par mi ’gyur źiṅ | ñan thos daṅ | raṅ saṅs rgyas kyi sa las śin tu ’das nas | sems can rnams yoṅs su smin par byed par yaṅ mi ’gyur | saṅs (7) rgyas kyi źiṅ yoṅs su dag par byed par yaṅ mi ’gyur na | rnam pa thams cad mkhyen pa ñid mṅon par rdzogs par ’tshaṅ rgya bar ltag la ’gyur sñam du sems śiṅ | de ’di ltar yaṅ dag par slob ste | gaṅ bdag gis ser sna’i dbaṅ gis sbyin pa’i pha rol tu phyin pa yoṅs su rdzogs par mi (282b1) bya ba daṅ | ’chal ba’i tshul khrims kyi dbaṅ gis tshul khrims kyi pha rol tu phyin pa daṅ | gnod sems kyi dbaṅ gis bzod pa’i pha rol tu phyin pa daṅ | le lo’i dbaṅ gis brtson ’grus kyi pha rol tu phyin pa daṅ | rnam par g-yeṅs pa’i dbaṅ gis bsam gtan gyi pha rol tu phyin pa daṅ | (2) ’chal ba’i śes rab kyi dbaṅ gis śes rab kyi pha rol tu phyin pa yoṅs su rdzogs par mi bya ba de ni bdag la rigs pa ma yin te | sbyin pa’i pha rol tu phyin pa yoṅs su ma rdzogs pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin (3) pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su ma rdzogs par ni | rnam pa thams cad mkhyen pa ñid du ṅes par ’byuṅ bar yaṅ mi ’gyur ro sñam du sems so ||
kau śi ka de ltar rigs kyi bu ’am rigs kyi bu mo gaṅ dag śes rab kyi pha rol tu phyin pa (4) ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed ciṅ | rnam pa thams cad mkhyen pa ñid kyi sems daṅ ma bral ba de dag gis ni tshe ’di daṅ | tshe phyi ma’i yon tan daṅ | phan yon de lta bu dag ’thob par ’gyur ro ||
de skad ces bka’ (5) stsal pa daṅ | bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das ci tsam du śes rab kyi pha rol tu phyin pa ’di byaṅ chub sems dpa’ sems dpa’ chen po rnams yoṅs su ’dul ba daṅ | kheṅs pa ma mchis par bgyi ba’i don du ñe bar gnas pa ni (6) ṅo mtshal lags so ||
bcom ldan ’das kyis bka’ stsal pa | kau śi ka ji ltar na śes rab kyi pha rol tu phyin pa ’di ni byaṅ chub sems dpa’ sems dpa’ chen po rnams yoṅs su ’dul ba daṅ | kheṅs pa med par bya ba’i phyir ñe bar gnas pa yin | de skad ces bka’ stsal pa daṅ | bcom ldan (7) ’das la lha’i dbaṅ po brgya byin gyis ’di skad ces gsol to ||
bcom ldan ’das ’di la byaṅ chub sems dpa’ sems dpa’ chen po ’jig rten pa’i sbyin pa’i pha rol tu phyin pa la spyod ciṅ | saṅs rgyas bcom ldan ’das rnams daṅ | byaṅ chub sems dpa’ rnams daṅ | raṅ saṅs (283a1) rgyas rnams daṅ | ñan thos rnams la sbyin pa gtoṅ bar bgyid pa’i tshe | thabs la mi mkhas pas de ’di sñam du | bdag ni saṅs rgyas bcom ldan ’das rnams daṅ | byaṅ chub sems dpa’ rnams daṅ | raṅ saṅs rgyas rnams daṅ | ñan thos rnams daṅ | bkren (2) pa daṅ | sdug phoṅs pa daṅ | ’dron po daṅ | sloṅs mo pa rnams la sbyin pa gtoṅ bar bgyid pa’o sñam du sems na | de sbyin pa des kheṅs par ’gyur lags so ||
byaṅ chub sems dpa’ de ’jig rten pa’i tshul khrims bsruṅ ba ni thabs la mi mkhas pas | de ’di sñam du bdag ni (3) tshul khrims kyi pha rol tu phyin pa la spyod pa’o ||
bdag ni tshul khrims kyi pha rol tu phyin pa yoṅs su rdzogs par ’gyur ro sñam du sems na de tshul khrims des kheṅs par ’gyur lags so ||
de bźin du thabs la mi mkhas pas bdag ni bzod pa’i pha rol tu phyin pa la spyod pa’o ||
bdag ni (4) brtson ’grus kyi pha rol tu phyin pa la spyod pa’o ||
bdag ni bsam gtan gyi pha rol tu phyin pa la spyod pa’o ||
bdag ni śes rab kyi pha rol tu phyin pa la spyod pa’o sñam du sems na | de ’jig rten pa’i śes rab kyi pha rol tu phyin pa des kheṅs par ’gyur lags so ||
de ’jig rten pa’i (5) dran pa ñe bar gźag pa rnams sgom pa na | thabs la mi mkhas pas bdag ni dran pa ñe bar gźag pa rnams sgom pa’o ||
bdag ni yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams (6) daṅ | ’phags pa’i lam yan lag brgyad pa sgom pa’o ||
bdag ni stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin sgom pa’o ||
bdag ni tiṅ ṅe ’dzin thams cad daṅ | gzuṅs kyi sgo thams cad sgom pa’o ||
bdag ni stobs bcu daṅ | mi (7) ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad sgom pa’o ||
bdag ni sems can rnams yoṅs su smin par byed do ||
bdag ni saṅs rgyas kyi źiṅ yoṅs su dag par byed do ||
bdag gis ni rnam pa thams cad (283b1) mkhyen pa ñid thob par ’gyur ro sñam du sems na | de ṅar ’dzin pa daṅ | ṅa yir ’dzin pa la mṅon par źen pa des kheṅs par ’gyur lags te | bcom ldan ’das de ltar na byaṅ chub sems dpa’ sems dpa’ chen po ’jig rten pa’i chos rnams la spyod pa ni ṅar ’dzin pa daṅ | ṅa yir (2) ’dzin pa la mṅon par źen pa lags pas | de dag la ni śes rab kyi pha rol tu phyin pa ’di yoṅs su ’dul ba daṅ | kheṅs pa ma mchis par bgyi ba’i slad du ñe bar gnas ba ma lags so ||
bcom ldan ’das ’di la byaṅ chub sems dpa’ sems dpa’ chen po ’jig rten las ’das pa’i (3) chos rnams la spyod pa ni sbyin pa gtoṅ ba na sbyin pa po yaṅ mi dmigs | sbyin par bgyi ba yaṅ mi dmigs | len pa po yaṅ mi dmigs lags te | de ltar na śes rab kyi pha rol tu phyin pa ni | byaṅ chub sems dpa’ sems dpa’ chen po yoṅs su ’dul ba daṅ | kheṅs pa ma mchis (4) par bgyi ba’i slad du ñe bar gnas pa lags so ||
de bźin du tshul khrims sruṅ ba daṅ | bzod pa sgom pa daṅ | brtson ’grus rtsem pa daṅ | bsam gtan sgom pa daṅ | śes rab kyi pha rol tu phyin pa sgom pa na | śes rab kyaṅ mi dmigs | śes rab daṅ ldan pa yaṅ mi dmigs | (5) chos rnams kyaṅ mi dmigs lags so ||
de bźin du dran pa ñe bar gźag pa rnams daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa (6) yaṅ mi dmigs | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad sgom pa yaṅ mi dmigs | de bźin du byams pa chen po daṅ | sñiṅ rje chen po sgom pa yaṅ mi dmigs | rnam pa thams cad mkhyen pa (7) ñid kyi bar du sgom pa yaṅ mi dmigs lags pas | bcom ldan ’das de ltar na śes rab kyi pha rol tu phyin pa ni byaṅ chub sems dpa’ sems dpa’ chen po yoṅs su ’dul ba daṅ | kheṅs pa ma mchis par bgyi ba’i slad du ñe bar gnas pa lags so ||
śes rab kyi pha rol tu (284a1) phyin pa khri brgyad stoṅ pa las yoṅs su bzuṅ ba’i le’u źes bya ste ñi śu rtsa drug pa || ||
de nas bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka rigs kyi bu ’am rigs kyi bu mo śes rab kyi pha rol tu phyin pa zab mo (2) ’di ’dzin tam | ’chaṅ ṅam | klog gam | kha ton tu byed dam | ston par byed dam | ’don tam | ’thun par byed dam | tshul bźin du yid la byed pa gaṅ la la źig g-yul ṅo’i gdoṅ la soṅ ste | g-yul ’gyed pa’i naṅ du źugs sam | ’jug gam | ’gro ’am | ’dug gam | (3) ’greṅ bar gyur kyaṅ ruṅ | kau śi ka rigs kyi bu ’am rigs kyi bu mo gaṅ śes rab kyi pha rol tu phyin pa zab mo ’di ’dzin pa’am | ’chaṅ ba’am | klog pa’am | kha ton du byed pa’am | ston par byed pa’am | ’don pa’am | ’thun par byed pa’am | tshul bźin du yid la byed pa de la (4) mda’ ’am | dbyigs pa’am | śiṅ ṅam | boṅ ba’am | mtshon cha gaṅ gis ’phaṅs par gyur kyaṅ | de’i lus la mtshon cha de dag gis phog par ’gyur ba ni gnas med ciṅ skabs med la | pha rol gyi gnod pas srog gi bar chad du ’gyur ba de’i gnas med do ||
de ci’i phyir źe na | kau śi ka (5) ’di ltar rigs kyi bu’am rigs kyi bu mo des yun riṅ po nas śes rab kyi pha rol tu phyin pa la spyad ciṅ | raṅ gi ’dod chags kyi mda’ rnams daṅ | ’dod chags kyi mtshon rnams kyaṅ ṅes par bcom | gźan dag gi ’dod chags kyi mda’ rnams daṅ | ’dod chags kyi mtshon rnams kyaṅ (6) ṅes par bcom | raṅ gi źe sdaṅ gi mda’ rnams daṅ | gti mug gi mda’ rnams daṅ | źe sdaṅ gi mtshon rnams daṅ | gti mug gi mtshon rnams kyaṅ ṅes par bcom | gźan dag gi źe sdaṅ gi mṅa’ rnams daṅ | gti mug gi mṅa’ rnams daṅ | źe sdaṅ gi mtshon rnams daṅ | gti (7) mug gi mtshon rnams kyaṅ ṅes par bcom | Raṅa gi lta bar gyur pa’i mda’ rnams daṅ | lta bar gyur pa’i mda’ rnams daṅ | lta bar gyur pa’i mtshon rnams kyaṅ ṅes par bcom | gźan dag gi lta bar gyur pa’i mda’ rnams daṅ | lta bar gyur pa’i mtshon rnams kyaṅ ṅes par bcom | raṅ gi kun nas ldaṅ ba’i (284b1) mda’ rnams daṅ | kun nas ldaṅ ba’i mtshon rnams kyaṅ ṅes par bcom | gźan dag gi kun nas ldaṅ ba’i mda’ rnams daṅ | kun nas ldaṅ ba’i mtshon rnams kyaṅ ṅes par bcom | raṅ gi bag la ñal gyi mda’ rnams daṅ | bag la ñal gyi mtshon rnams kyaṅ ṅes par bcom (2) gźan dag gi bag la ñal gyi mda’ rnams daṅ | bag la ñal gyi mtshon rnams kyaṅ ṅes par bcom pa’i phyir te | kau śi ka rnam graṅs des na | rigs kyi bu ’am rigs kyi bu mo de’i lus la mda’ ’am | mtshon gyis ’phaṅs kyaṅ phog par mi ’gyur ro ||
kau śi ka gźan yaṅ (3) rigs kyi bu’am rigs kyi bu mo gaṅ śes rab kyi pha rol tu phyin pa zab mo ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed ciṅ rnam pa thams cad mkhyen pa ñid kyi sems daṅ mi ’bral ba de la | gal te la la źig gis sman ma (4) yin pas gtor tam | byad byas sam | me’i ’obs ñe bar bsgrubs sam | mtshon gyis btab bam | dug blud dam | chus gtor bar gyur na yaṅ de dag thams cad kyis de la mi tshugs so ||
de ci’i phyir źe na | kau śi ka ’di lta ste | śes rab kyi pha rol tu phyin pa ’di ni rigs (5) sṅags chen mo yin la | kau śi ka ’di lta ste | śes rab kyi pha rol tu phyin pa ’di ni rig sṅags bla na med pa yin źiṅ | kau śi ka ’di lta ste śes rab kyi pha rol tu phyin pa ’di ni rig sṅags mi mñam pa daṅ mñam pa yin te | kau śi ka de la slob pa’i rigs kyi bu’am rigs kyi bu mo dag ni (6) bdag la yaṅ gnod par bya bar mi sems | gźan yaṅ gnod par bya bar mi sems | gñi ga la yaṅ gnod par bya bar mi sems pa’i phyir ro ||
de ci’i phyir źe na | ’di ltar des bdag kyaṅ mi dmigs | gźan yaṅ mi dmigs | gñi ga yaṅ mi dmigs | gzugs kyaṅ mi (7) dmigs | tshor ba daṅ | ’du śes daṅ | ’du byed rnams daṅ | rnam par śes pa yaṅ mi dmigs | khams rnams daṅ | skye mched rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos (285a1) rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid kyi bar dag kyaṅ mi dmigs pa’i phyir ro ||
mi dmigs pas na bdag la gnod pa bya (2) bar yaṅ mi sems | gźan la gnod pa bya bar yaṅ mi sems | gñi ga la yaṅ gnod pa bya bar yaṅ mi sems la | bla na med pa yaṅ dag par rdzogs pa’i byaṅ chub kyaṅ ’thob ciṅ | sems can thams cad la lta bar ’gyur ro ||
de ci’i phyir źe na | ’das pa’i de bźin gśegs (3) pa dgra bcom pa yaṅ dag par rdzogs pa’i saṅs rgyas rnams kyis kyaṅ rig sṅags ’di la bslabs nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas la | gaṅ dag ma ’oṅs pa’i dus na ’byuṅ bar ’gyur ba’i de bźin gśegs pa dgra bcom pa yaṅ (4) dag par rdzogs pa’i saṅs rgyas de dag kyaṅ śes rab kyi pha rol tu phyin pa ’di la bslabs te | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur źiṅ | gaṅ dag da ltar phyogs bcu’i ’jig rten gyi khams dag tu byuṅ ba’i de bźin gśegs pa dgra bcom pa (5) yaṅ dag par rdzogs pa’i saṅs rgyas de dag kyaṅ śes rab kyi pha rol tu phyin pa ’di la bslabs nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i phyir ro ||
kau śi ka gźan yaṅ gaṅ du śes rab kyi pha rol tu phyin pa ’di yi ger bris te ’chaṅ na | ma (6) bzuṅ | ma bla gas | kha don du ma byas | kun chub par ma byas | tshul bźin du yid la ma byas kyaṅ ruṅ ste | der mi daṅ mi ma yin pa glags lta ba rnams kyis glags rñed par mi ’gyur ro ||
de ci’i phyir źe na | ’di ltar śes rab kyi pha rol tu phyin pa ’di la mchod pa bya ba’i phyir (7) stoṅ gsum gyi stoṅ chen po’i ’jig rten gyi khams ’di na rgyal chen bźi’i res kyi lha’i bu daṅ | sum cu rtsa gsum pa daṅ | ’og min gyi ris kyi bar gyi lha’i bu gaṅ dag ’khod pa daṅ | ’jig rten gyi khams graṅs med dpag tu med pa dag na rgyal chen bźi’i ris kyi lha’i bu daṅ | (285b1) sum cu rtsa gsum pa daṅ | ’og min gyi ris kyi ba bgyi lta’i bu gaṅ dag ’khod pa de dag thams cad rigs kyi bu’am rigs kyi bu mo de dag la rtag par rgyun du sruṅ ba daṅ | skyob pa daṅ | sbed par byed ciṅ gaṅ du śes rab kyi pha rol tu phyin pa ’di yi ger bris nas ’chaṅ ba der lta’i bu (2) de dag ’oṅs nas śes rab kyi pha rol tu phyin pa ’di la bsti staṅ du byed | bla mar byed | rjed par byed | mchod par byed de | mchod pa byas nas kyaṅ phyir ’gro bar ’gyur ba’i phyir ro ||
kau śi ka gaṅ la las śes rab kyi pha rol tu phyin pa ’di yi ger bris śiṅ ’chad na yaṅ | de la tshe ’di’i (3) yon tan daṅ | phan yon de lta bu de dag ’byuṅ bar ’gyur na | gaṅ gis śes rab kyi pha rol tu phyin pa ’di yi ger bris nas | ’dzin pa daṅ | ’chaṅ ba daṅ | klog pa daṅ | kha don du byed pa daṅ | kun chub par byed pa daṅ | tshul bźin du yid la byed pa dag lta la smos kyaṅ ci dgos | ko.o (4) śi ka ’di lta ste dper na | mir gyur pa’am | dud ’gro’i skye gnas su skyes pa’i srog chags gaṅ la la źig | byaṅ chub kyi sñiṅ po’am | byaṅ chub kyi sñiṅ po’i ñen ’khor tam | byaṅ chub kyi sñiṅ po’i naṅ du soṅ na | de la mi ’am | mi ma yin pas rnam par gtse ba’am | thob btsam par mi nus (5) so | |de ci’i phyir źe na | sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag kyaṅ der bźugs nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas la | da ltar byuṅ ba daṅ | ma byon pa’i de bźin gśegs pa dgra bcom (6) pa yaṅ dag par rdzogs pa’i saṅs rgyas de dag kyaṅ der bźugs nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya źiṅ mṅon par rdzogs par ’tshaṅ rgya bar ’gyur te | mṅon par rdzogs par saṅs rgyas nas kyaṅ sems can thams cad ’jigs pa med pa daṅ | (7) kho na med pa daṅ | gnod pa med pa daṅ | gcugs med pa la bkod de ’jigs pa med pa daṅ | kho na med pa daṅ | gnod pa med pa daṅ | gcugs med pa la bkod nas kyaṅ sems can dpag tu med graṅs med pa dag lha daṅ | mi’i phun sum tshogs pa dag la bkod ciṅ | rgyun du (286a1) źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par rdzogs pa’i byaṅ chub la bkod pa’i phyir ro ||
de ci’i phyir źe na | kau śi ka śes rab kyi (2) pha rol tu phyin pa ’di ñid kyis sa phyogs de sems can thams cad kyi mchod rten du gyur par byas pas na me tog daṅ | ’dug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis mchod par ’os (3) pa daṅ | ri mo bya bar ’os pa daṅ | bsti staṅ du bya bar ’os śiṅ | phyag bya bar ’os pa yin pa’i phyir ro ||
te skad ces bka’ stsal ba daṅ | bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das rigs kyi bu’am rigs kyi bu mo gaṅ la la (4) źig gis śes rab kyi pha rol tu phyin pa ’di yi ger bris śiṅ glegs bam du bgyis te | bcaṅs la de la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ (5) du bgyid | bla mar bgyid | ri mor bgyid | mchod par bgyid pa daṅ | gaṅ gis de bźin gśegs pa dgra bcom pa yaṅ dag par rdzogs pa’i saṅs rgyas yoṅs su mya ṅan las ’das ba’i sku gduṅ rnams mchod rten du stsal te | stsal nas kyaṅ yoṅs su ’dzin ciṅ ’chaṅ la | (6) de la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ du bgyid | bla mar bgyid | ri mor bgyid | mchod par bgyid na | de las gaṅ bsod nams ches (7) maṅ du skyed par ’gyur lags | de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka ṅe’i phyir | de khyod ñid la dris | khyod kyis ji ltar bzod pa de ltar lan thob śigkau śi ka ’di ji sñam du sems | (286b1) de bźin gśegs pa dgra bcom pa yaṅ dag par rdzogs pa’i saṅs rgyas kyis rnam pa thams cad mkhyen pa ñid brñes pa daṅ | de bźin gśegs pas sku ’di lta bu mṅon par grub pa de | de bźin gśegs pa dgra bcom pa yaṅ dag par rdzogs pa’i saṅs rgyas kyis lam gaṅ la bslabs nas | (2) bla na med pa yaṅ dag par rdzogs pa’i byaṅ chub mṅon par rdzogs par saṅs rgyas te | rnam pa thams cad mkhyen pa ñid brñes śiṅ | sku ’di lta bu mṅon par grub pa yin sñama’ama | de skad ces bka’ stsal pa daṅ | bcom ldan ’das la lha’i dbaṅ po brgya byin gyis ’di skad ces gsol to ||
(3) bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis śes rab kyi pha rol tu phyin pa ’di ñid la bslabs nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas te | rnam pa thams cad mkhyen pa ñid brñes śiṅ sku ’di lta bu (4) mṅon par grub lags so ||
bcom ldan ’das kyis bka’ stsal pa | kau śi ka de de bźin no ||
de de bźin te | de bźin gśegs pa dgra bcom pa yaṅ dag par rdzogs pa’i saṅs rgyas kyis śes rab kyi pha rol tu phyin pa ’di ñid la bslabs nas bla na med pa yaṅ dag par rdzogs pa’i byaṅ chub (5) mṅon par rdzogs par saṅs rgyas te | rnam pa thams cad mkhyen pa ñid brñes śiṅ | sku ’di lta bu mṅon par grub pa yin no ||
kau śi ka de lta bas na sku ’di lta bu brñes pas de bźin gśegs pa de bźin gśegs pa źes bya ba’i graṅs su ’gro ba ma yin gyi | rnam pa thams cad mkhyen pa ñid (6) brñes pas de bźin gśegs pa de bźin gśegs pa źes bya ba’i graṅs su ’gro ba yin te | kau śi ka rnam pa thams cad mkhyen pa ñid gaṅ yin pa de ni | śes rab kyi pha rol tu phyin pa las ṅes par byuṅ ba yin la | de bźin du de bźin gśegs pa’i sku lus ’di lta bu brñes pa yaṅ śes (7) rab kyi pha rol tu phyin pa las ṅes par byuṅ ba yin pas | des ni rnam pa thams cad mkhyen pa ñid kyi gźir gyur pa yin no ||
rnam pa thams cad mkhyen pa ñid kyi ye śes yod par (287a1) grags pa de las saṅs rgyas yod par grags pa yin | chos yod par grags pa yin | dge ’dun yod par grags pa yin no ||
de ltar na sku brñes pa ni rnam pa thams cad mkhyen pa ñid kyi ye śes kyi gźir gyur pa yin te | gźir gyur pa’i phyir sems can thams cad kyi mchod (2) rten du gyur ciṅ phyag bya bar ’os pa daṅ | ri mo bya bar ’os pa daṅ | mchod par bya bar ’os pa daṅ | bsti staṅ bya bar ’os pa daṅ | bla mar bya bar ’os pa daṅ | gsol bar ’os pa yin źiṅ | ṅa yoṅs su mya ṅan las ’das na yaṅ sku gduṅ de dag la mchod par ’gyur ro ||
kau śi ka de lta (3) pas na | rigs kyi bu ’am rigs kyi bu mo gaṅ la las śes rab kyi pha rol tu phyin pa ’di yi ger bris te | glegs bam du byas śiṅ | gus par bcaṅs la | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal (4) mtshan daṅ | ba dan dag daṅ | mchod pa sna tshogs kyis bsti staṅ du byed pa daṅ | bla mar byed pa daṅ | ri mor byed pa daṅ | mchod par byed pa daṅ | rjed par byed pa daṅ | gsol bar byed pa ñid de bas bsod nams ches maṅ du skyed do ||
de ci’i phyir źe na | kau śi ka ’di ltar (5) rigs kyi bu’am rigs kyi bu mo des rnam pa thams cad mkhyen pa ñid kyi ye śes la mchod pa byas par gyur pa’i phyir ro ||
rigs kyi bu’am rigs kyi bu mo gaṅ la las śes rab kyi pha rol tu phyin pa ’di yi ger bris śiṅ | glegs bam du byas te | bsti staṅ du byed | bla mar byed | (6) ri mor byed | mchod par byed | rjed par byed | gsol bar byed na | de ñid de bas bsod nams ches maṅ du skyed do ||
de ci’i phyir źe na | des rnam pa thams cad mkhyen pa ñid kyi ye śes la mchod pa byas par ’gyur ba daṅ | pha rol tu phyin phyin pa lṅa yaṅ ’di las ṅes par byuṅ ba (7) daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams daṅ | stobs bcu daṅ | mi (287b1) ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyaṅ ’di las ṅes par byuṅ ba daṅ | tiṅ ṅe ’dzin thams cad daṅ | gzuṅs kyi sgo thams cad kyaṅ ’di las ṅes par byuṅ ba daṅ | sems can yoṅs su smin par bya ba yaṅ ’di las ṅes (2) par byuṅ ba daṅ | saṅs rgyas kyi źiṅ yoṅs su dag pa yaṅ ’di las ṅes par byuṅ ba daṅ | byaṅ chub sems dpa’ sems dpa’ chen po rnams kyi rigs phun sum tshogs pa daṅ | loṅs spyod phun sum tshogs pa daṅ | ’khor phun sum tshogs pa yaṅ ’di las ṅes par byuṅ ba daṅ | byams (3) pa chen po daṅ | sñiṅ rje chen po yaṅ ’di las ṅes par byuṅ ba daṅ | rgyal rigs śiṅ s la chen po lta bu rnams daṅ | bram ze’i rigs śiṅ s la chen po lta bu rnams daṅ | khyim bdag gi rigs śiṅ s la chen po lta bu rnams kyaṅ ’di las ṅes par byuṅ ba daṅ | rgyal chen bźi’i ris kyi lha’i (4) bu rnams daṅ | ’og min gyi bar gyi lha’i bu rnams kyaṅ ’di las ṅes par byuṅ ba daṅ | rgyun du źugs pa rnams daṅ | lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams kyaṅ ’di las ṅes par byuṅ ba daṅ | byaṅ chub sems dpa’ (5) sems dpa’ chen po rnams kyaṅ ’di las ṅes par byuṅ ba daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ ’di las ṅes par byuṅ ba daṅ | rnam pa thams cad mkhyen pa ñid kyaṅ ’di las ṅes par byuṅ ba’i phyir ro || ||
śes rab kyi pha rol (6) tu phyin pa khri brgyad stoṅ pa | bam po ñi śu gñis pa | de nas bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das ’dzam bu’i gliṅ gi mi gaṅ dag śes rab kyi pha rol tu phyin pa ’di la me tog daṅ | bdug pa daṅ | spos daṅ | me tog phreṅ daṅ | byug (7) pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ du mi bgyid | bla mar mi bgyid | ri mor mi bgyid | mchod par mi bgyid | rjed par mi bgyid | gsol bar mi bgyid pa de dag gis śes rab kyi pha rol tu pyin pa la mchod pas gyis (288a1) na | de ltar mthu che ba daṅ | śes rab kyi pha rol tu phyin pa la mchod pa bgyis na | de ltar phan yon che bar ma ’tshal lags sam | de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka ’di ji sñam du sems | (2) ’dzam bu’i gliṅ gi mi de dag las gaṅ dag saṅs rgyas la dad pa mi phyed pa daṅ ldan pa daṅ | gaṅ dag chos daṅ | dge ’dun la dad pa mi phyed pa daṅ ldan pa daṅ | gaṅ dag saṅs rgyas la nem nur med pa daṅ | gaṅ dag chos daṅ | dge ’dun la nem nur med pa daṅ | gaṅ dag saṅs rgyas la (3) śin tu rton pa daṅ | gaṅ dag chos daṅ dge ’dun la śin tu rton pa gaṅ ji sñed cig yod sñam ’am | de skad ces bka’ stsal pa daṅ | bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das ’dzam bu’i gliṅ gi mi de dag las gaṅ dag saṅs rgyas (4) la dad pa mi phyed pa daṅ ldan pa daṅ | gaṅ dag chos daṅ | dge ’dun la dad pa mi phyed pa daṅ ldan pa daṅ | gaṅ dag saṅs rgyas la nem nur ma mchis pa daṅ | gaṅ dag chos daṅ dge ’dun la nem nur ma mchis pa daṅ | gaṅ dag saṅs rgyas la śin tu rton pa daṅ | gaṅ dag chos (5) daṅ dge ’dun la śin tu rton pa ni ñuṅ lags so ||
bcom ldan ’das kyis bka’ stsal pa | kau śi ka de de bźin no ||
de de bźin te | ’dzam bu’i gliṅ gi mi de dag las | gaṅ dag saṅs rgyas daṅ | chos daṅ | dge ’dun la dad pa mi phyed pa daṅ ldan pa ni ñuṅ ṅo ||
de bas kyaṅ (6) gaṅ dag dge ba bcu’i las kyi lam la bsten pa ni ches ñuṅ ṅo ||
de bas kyaṅ gaṅ dag sbyin pa daṅ | tshul khrims bsgoms pa la śin tu brtson pa ni ches ñuṅ ṅo ||
de bas kyaṅ gaṅ dag byaṅ chub kyi phyogs kyi chos sum cu rtsa bdun bsgom pa ni ches ñuṅ ṅo ||
de bas kyaṅ gaṅ dag rnam par (7) thar pa’i sgo gsum bsgom pa ni ches ñuṅ ṅo ||
de bas kyaṅ gaṅ dag rnam par thar pa brgyad bsgom pa ni ches ñuṅ ṅo ||
de bas kyaṅ gaṅ dag mthar gyis gnas pa’i sñoms par ’jug pa dgu bsgom pa ni ches ñuṅ ṅo ||
de bźin du gaṅ dag so so yaṅ dag par rig pa bźi daṅ | mṅon par (288b1) śes pa drug bsgom pa yaṅ ches ñuṅ ṅo ||
kau śi ka ’dzam bu’i gliṅ gi mi rnams las gaṅ dag gis kun tu sbyor ba gsum spaṅs pa’i phyir rgyun du źugs pa daṅ | ’dod chags daṅ | źe sdaṅ daṅ | gti mug bsrabs pa’i phyir lan cig phyir ’oṅ ba daṅ | tha ma’i cha daṅ ’thun pa’i kun tu sbyor ba (2) lṅa spaṅs pas | phyir mi ’oṅ ba daṅ | goṅ ma’i cha daṅ ’thun pa’i kun tu sbyor ba lṅa spaṅs pa’i phyir dgra bcom pa thob pa ni ji sñed cig yod | ’dzam bu’i gliṅ gi mi rnams las gaṅ dag raṅ saṅs rgyas kyi theg pa la yaṅ dag par źugs pa ni ji sñed cig yod | ’dzam bu’i gliṅ gi mi (3) rnams las bla na med pa yaṅ dag par rdzogs pa’i byaṅ chub la yaṅ dag par źugs pa ni ji sñed cig yod | brgya byin gyis gsol pa | bcom ldan ’das ’dzam bu’i gliṅ gi mi rnams las gaṅ dag dge ba bcu’i las kyi lam la bsten pa daṅ | de bźin du sbyar to | gaṅ dag bla na med pa yaṅ (4) dag par rdzogs pa’i byaṅ chub la yaṅ dag par źugs pa’i bar dag ni śin tu ñuṅ lags so ||
bcom ldan ’das kyis bka’ stsal pa | kau śi ka de de bźin no ||
ji skad smras pa de bźin te | de bas kyaṅ gaṅ dag byaṅ chub kyi phyir spyod pa ni ches ñuṅ ṅo ||
de ci’i phyir źe na | ’di ltar de dag ’khor (5) ba na ’khor bas | saṅs rgyas ma mthoṅ | chos ma thos | dge ’dun la bsñen bkur ma byas | sbyin pa ma byin | tshul khrims ma bsten | śes rab ma bsgoms śiṅ | sbyin pa’i pha rol tu phyin pa ma thos | tshul khrims daṅ | bzod pa daṅ | brtson ’grus daṅ | bsam gtan daṅ | (6) śes rab kyi pha rol tu phyin pa ma thos | naṅ stoṅ pa ñid ma thos | dṅos po med pa’i ṅo bo ñid stoṅ pa ñid kyi bar dag ma thos | byaṅ chub kyi phyogs kyi chos sum cu rtsa bdun ma thos | tiṅ ṅe ’dzin rnams daṅ | gzuṅs kyi sgo rnams daṅ | stobs bcu daṅ | mi ’jigs pa rnams daṅ | so so (7) yaṅ dag par rig pa rnams daṅ | saṅs rgyas kyi chos ma ’dres pa bcwa brgyad ma thos ma bsgoms | rnam pa thams cad mkhyen pa ñid kyi bar du ma thos ma bsgoms pa’i phyir te | kau śi ka rgyu des na ’dzam bu’i gliṅ gi sems can rnams las gaṅ dag saṅs rgyas la dad pa mi phyed pa daṅ ldan pa daṅ | (289a1) de bźin du sbyar te | gaṅ dag bla na med pa yaṅ dag par rdzogs pa’i byaṅ chub la yaṅ dag par źugasapa ’i bar dag ni ches ñuṅ ṅo ||
de bas kyaṅ gaṅ dag byaṅ chub kyi phyir spyod pa ni ches ñuṅ ṅo ||
de bas kyaṅ gaṅ dag byaṅ chub tu sems bskyed pa ni ches ñuṅ ṅo ||
de bas kyaṅ gaṅ dag (2) śes rab kyi pha rol tu phyin pa la rnal ’byor du byed pa ni ches ñuṅ ṅo ||
de bas kyaṅ gaṅ dag śes rab kyi pha rol tu phyin pa la spyod pa ni ches ñuṅ ṅo ||
de bas kyaṅ gaṅ dag phyir mi ldog pa’i sa la gnas śiṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba ni ches (3) ñuṅ ṅo ||
kau śi ka ’di la ṅas saṅs rgyas kyi spyan sgrib pa mi mṅa’ bas | śar phyogs na sems can dpag tu med graṅs med pa dag gis bla na med pa yaṅ dag par rdzogs pa’i byaṅ chub tu sems bskyed de | śes rab kyi pha rol tu phyin pa la spyod kyaṅ | de dag las byaṅ chub sems dpa’ gcig (4) gam | gñis śig phyir mi ldog pa ñid la gnas par zad kyi | phal cher ni thabs la mkhas pa daṅ bral bas ñan thos kyis daṅ | raṅ saṅs rgyas kyi sa la gnas pa dag mthoṅ ṅo ||
de ci’i phyir źe na | kau śi ka bla na med pa yaṅ dag par rdzogs pa’i byaṅ chub ni le lo na | brtson ’grus (5) źan pa | sñiṅ stobs chuṅ ba | dman pa la mos pa | śes rab ’chal ba rnams kyis bsgrub par dka’ ba’i phyir ro ||
de bźin du ṅas saṅs rgyas kyi spyan sgrib pa mi mṅa’ bas | lho daṅ | nub daṅ | byaṅ daṅ | ’og daṅ | steṅ daṅ | phyogs mtshams dag na yaṅ sems can dpag (6) tu med graṅs med pa dag gis bla na med pa yaṅ dag par rdzogs pa’i byaṅ chub tu sems bskyed de | śes rab kyi pha rol tu phyin pa la spyod kyaṅ | de dag las byaṅ chub sems dpa’ gcig gam | gñis śig phyir mi ldog pa ñid la gnas par zad kyi | phal cher ni thabs la mkhas (7) pa daṅ bral bas | ñan thos kyi sa daṅ | raṅ saṅs rgyas kyi sa la gnas pa dag mthoṅ ṅo ||
de ci’i phyir źe na | kau śi ka bla na med pa yaṅ dag par rdzogs pa’i byaṅ chub ni le lo can | brtson ’grus źan pa | sñiṅ stobs chuṅ ba | dman pa la mos pa | śes rab ’chal pa (289b1) rnams kyis bsgrub par dka’ ba’i phyir ro ||
kau śi ka de lta bas na rigs kyi bu’am rigs kyi bu mo myur du bla na med pa yaṅ dag par rdzogs pa’i byaṅ chub bde blag tu mṅon par rdzogs par ’tshaṅ rgya bar ’dod pas yaṅ daṅ yaṅ du śes rab kyi pha rol tu phyin pa ’di ñid mñan par bya | (2) gzuṅ bar bya | bcaṅ bar bya | glag par bya | kun chub par bya | ’jug par bya | yoṅs su dri bar bya | tshul bźin du yid la bya źiṅ | me tog daṅ | bdug pa daṅ | spos daṅ | me to phreṅ daṅ | byug pa daṅ | phye ma daṅ | gos daṅ | gdugs daṅ | rgyal (3) mtshan daṅ | ba dan dag gis kyaṅ bsti staṅ du bya | bla mar bya | ri mor bya | mchod par bya’o ||
dge ba’i chos gźan gaṅ dag śes rab kyi pha rol tu phyin pa’i naṅ du ’dus pa ’di lta ste | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu (4) phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | naṅ stoṅ pa ñid daṅ | phyi stoṅ pa ñid daṅ | phyi naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | tiṅ ṅe ’dzin thams cad daṅ | gzuṅs kyi sgo thams cad daṅ | (5) dran pa ñe bar gźag pa rnams daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | stobs bcu daṅ | mi ’jigs pa bźi daṅ | (6) so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | byams pa chen po daṅ | sñiṅ rje chen po de dag kyaṅ gzuṅ bar bya | bcaṅ bar bya | klag par bya | kun chub par bya źiṅ | tshul bźin du yid la bya’o ||
saṅs rgyas kyi ches dpag tu med pa gźan (7) gaṅ dag śes rab kyi pha rol tu phyin pa’i naṅ du ’dus pa de dag kyaṅ gzuṅ bar bya | bcaṅ bar bya | klag par bya | kun chub par bya źiṅ | tshul bźin du yid la bya’o ||
de ci’i phyir źe na | kau śi ka ’di ltar rigs kyi bu’am rigs kyi bu mo de dag gis ’di ltar | de bźin gśegs pa (290a1) śes rab kyi pha rol tu phyin pa ’di la slob pa na yaṅ śes rab kyi pha rol tu phyin pa daṅ | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu (2) phyin pa daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | tiṅ ṅe ’dzin thams cad daṅ | gzuṅs kyi sgo thams cad daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwa (3) brgyad daṅ | byams pa chen po daṅ | sñiṅ rje chen po daṅ | saṅs rgyas kyi chos dpag tu med pa gźan dag la yaṅ bslab pa mdzad kyis | bdag cag gis kyaṅ de’i rjes su bslab par bya ste | śes rab kyi pha rol tu phyin pa ’di ni bdag cag gi ston pa yin no sñam du śes pa’i phyir (4) ro ||
kau śi ka de lta bas na byaṅ chub sems dpa’ sems dpa’ chen po rnams kyis kyaṅ de bźin gśegs pa bźugs kyaṅ ruṅ yoṅs su mya ṅan las ’das kyaṅ ruṅ ste | śes rab kyi pha rol tu phyin pa ’di ñid la brten par bya’o ||
de nas bcom ldan ’das la lha’i dbaṅ po brgya byin (5) gyis ’di skad ces gsol to ||
bcom ldan ’das rigs kyi bu’am rigs kyi bu mo gaṅ śes rab kyi pha rol tu phyin pa ’di la mchod pa bgyid pa de | bsod nams ji tsam źig skyed par ’gyur ba lags | bcom ldan ’das kyis bka’ stsal pa | kau śi ka gal te rigs kyi bu’am (6) rigs kyi bu mo gaṅ gis de bźin gśegs pa yoṅs su mya ṅan las ’das pa la mchod pa’i phyir rin po che sna bdun gyi mchod rten byed du bcug ste | byas nas kyaṅ ji srid ’tsho’i bar du lha’i me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | (7) gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod pa byed par gyur na | kau śi ka ’di ji sñam du sems | rigs kyi bu ’am rigs kyi bu mo de gźi de las bsod nams maṅ du skyed sñam ’am | brgya byin | (290b1) gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo gaṅ rnam pa thams cad mkhyen pa ñid kyi sems daṅ ma bral bas śes rab kyi pha rol tu phyin pa ’di ’dzin pa (2) daṅ | ’chaṅ ba daṅ | klog pa daṅ | kun chub par byed pa daṅ | gźan dag la yaṅ dag par rab tu ston pa daṅ | tshul bźin du yid la byed pa daṅ | yi ger bris nas me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs (3) daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod par byed pa de ches bsod nams maṅ du skyed do ||
kau śi ka rin po che sna bdun gyi mchog rten lta źog gi | kau śi ka gal te rigs kyi bu’am rigs kyi bu mo gaṅ la la źig gis de bźin gśegs pa (4) yoṅs su mya ṅan las ’das pa la mchod pa’i phyir ’dzam bu’i gliṅ ’di rin po che sna bdun las byas pa’i mchod rten ’phaṅ du dpag tsad tsam yod pa śa stag gis yoṅs su bkaṅ ste | de dag la lha’i me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos (5) daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod par byed | rjed par byed | gsol bar byed na | kau śi ka ’di ji sñam du sems | rigs kyi bu ’am rigs kyi bu mo de gźi de las bsod nams maṅ du skyed sñam ’am | brgya (6) byin gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’ad kyis bka’ stsal pa | kau śi ka de bas kyaṅ rigs kyi bu ’am rigs kyi bu mo gag rnam patams cad mkhyen pa ñid kyi sems daṅ ma bral bas | śes rab kyi pha rol tu phyin pa ’di (7) ’dzin pa daṅ | ’chaṅ ba daṅ | klog pa daṅ | kun chub par byed pa daṅ | gźan dag la yaṅ yaṅ dag par rab tu ston pa daṅ | tshul bźin du yid la byed pa daṅ | yi ger bris nas | me tog daṅ | bdug pa daṅ | spos daṅ | me tog phreṅ daṅ | phye ma daṅ | byug pa daṅ | gos daṅ | (291a1) gdugs daṅ | rgyal mtshan daṅ | ba dan daṅ | mchod pa sna tshogs dag gis bsti staṅ du byed | bla mar byed | ri mor byed | mchod par byed | rjed par byed | gsol bar byed pa de ches bsod nams maṅ du skyed do ||
kau śi ka ’dzam bu’i gliṅ ’di de bźin gśegs pa’i (2) mchod rten gyis yoṅs su bkaṅ ba lta yaṅ źog gi | kau śi ka gal te rigs kyi bu’am rigs kyi bu mo gaṅ la la źig gis | de bźin gśegs pa yoṅs su mya ṅan las ’das pa la mchod pa’i phyir | gliṅ bźi pa’i ’jig rten gyi khams ’di rin po che sna bdun las byas pa’i mchod rten ’phaṅ du (3) dpag tshad tsam yod pa śa stag gis yoṅs su bkaṅ ste | de dag la lha’i me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod (4) par byed | rjed par byed | gsol bar byed na | kau śi ka ’di ji sñam du sems | rigs kyi bu ’am rigs kyi bu mo de gźi de las bsod nams maṅ du skyed sñam ’am | brgya byin gyis gsol pa | bcom ldan ’das maṅ lags so ||
bde par gśegs pa maṅ lags so ||
(5) bcom ldan ’das kyis bka’ stsal pa | kau śi ka de bas kyaṅ rigs kyi bu ’am rigs kyi bu mo gaṅ rnam pa thams cad mkhyen pa ñid kyi sems daṅ ma bral bas | śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | gźan dag la yaṅ (6) yaṅ dag par rab tu ston pa daṅ | tshul bźin du yid la byed pa daṅ | tha na glegs bam du chud par byas te | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti (7) staṅ du byed | bla mar byed | ri mor byed | mchod par byed | rjed par byed | gsol bar byed pa de ches bsod nams maṅ du skyed do ||
kau śi ka gliṅ bźi pa’i ’jig rten gyi khams ’di de bźin gśegs pa’i mchod rten gyis yoṅs su bkaṅ ba lta yaṅ źog gi | kau śi ka gal te (291b1) rigs kyi bu ’am rigs kyi bu mo gaṅ la la źig gis de bźin gśegs pa yoṅs su mya ṅan las ’das pa la mchod pa’i phyir | stoṅ spyi phud kyi ’jig rten gyi khams ’di rin po che sna bdun las byas pa’i mchod rten ’phaṅ du dpag tshad tsam yod pa śa stag gis yoṅs su bkaṅ ste | bkaṅ nas kyaṅ (2) de dag la lha’i me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod par byed | rjed par byed | gsol bar byed na | kau śi ka (3) ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas kyaṅ rigs kyi bu (4) ’am rigs kyi bu mo gaṅ la las śes rab kyi pha rol tu phyin pa ’di tha na yi ger bris śiṅ glegs bam du byas te | ’dzin par byed | ’chaṅ bar byed | klog par byed | kun chub par byed | tshul bźin du yid la byed ciṅ | me tog daṅ | bdug pa daṅ | spos daṅ | me tog phreṅ daṅ | byug pa (5) daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod par byed pa de ñid gźi de las bsod nams ches maṅ du skyed do ||
kau śi ka stoṅ gi ’jig rten gyi khams rin po che sna tshogs kyi mchod rten gyis yoṅs (6) su bkad pa lta yaṅ źog gi | kau śi ka gal te mi la la źig gis de bźin gśegs pa yoṅs su mya ṅan las ’das pa la mchod pa’i phyir | stoṅ gñis pa’i ’jig rten gyi khams ’di ni rin po che sna tshogs las byas pa’i mchod rten ’phaṅ du dpag tshad tsam yod pa śa stag gis yoṅs su (7) gaṅ bar byed du bcug ste | byas nas kyaṅ me tog daṅ | bdug pa daṅ | spos daṅ | me tog phreṅ ba daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod par byed ciṅ mchod na | (292a1) kau śi ka ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | ko.o (2) śi ka de bas kyaṅ rigs kyi bu ’am rigs kyi bu mo gaṅ gis śes rab kyi pha rol tu phyin pa ’di tha na glegs bam du chud par byas te | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos pa daṅ | gdugs daṅ | rgyal mtshan daṅ | ba dan dag (3) gis bsti staṅ du byed | bla mar byed | ri mor byed | mchod par byed ciṅ mchod na de ñid de bas ches bsod nams maṅ du skyed do ||
kau śi ka stoṅ gñis pa’i ’jig rten gyi khams ’di rin po che sna tshogs kyi mchod rten gyis yoṅs su bkaṅ ba lta’aṅ źog gi | kau śi ka gal te rigs kyi bu (4) ’am rigs kyi bu mo gaṅ la la źig gis de bźin gśegs pa yoṅs su mya ṅan las ’das pa la mchod pa’i phyir stoṅ gsum gyi stoṅ chen po’i ’jig rten gyi khams ’di rin po che sna bdun las byas pa’i mchod rten ’phaṅ du dpag tshad tsam yod pa śa stag gis yoṅs su bkaṅ ste | bkaṅ (5) nas kyaṅ rigs kyi bu’am rigs kyi bu mo des me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis mchod rten de dag la bsti staṅ du byed | bla mar byed | ri mor byed | mchod par byed (6) na | kau śi ka ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka (7) de bas kyaṅ rigs kyi bu’am rigs kyi bu mo gaṅ gis śes rab kyi pha rol tu phyin pa ’di tha na yi ger bris te glegs bam du byas nas ’dzin par byed | ’chaṅ bar byed | klog par byed | kun chub par byed ciṅ | me tog daṅ | bdug pa daṅ | spos daṅ | me tog phreṅ daṅ | byug pa daṅ | (292b1) phye ma daṅ | gos daṅ | gdugs daṅ | rgyal mtshan daṅ | ba dan dag gis de la bsti staṅ du byed | bla mar byed | ri mor byed | mchod par byed ciṅ | mchod na de ches bsod nams maṅ du skyed do ||
kau śi ka stoṅ gsum gyi stoṅ chen po’i ’jig rten gyi khams ’di rin po che sna tshogs (2) kyi mchod rten gyis yoṅs su bkaṅ ste mchod pa lta’aṅ źog gi | kau śi ka gal te stoṅ gsum gyi stoṅ chen po’i ’jig rten gyi khams na sems can du bsdu bar bsdus pa’i sems can gaṅ dag ’khod pa de dag las sems can re res kyaṅ | de bźin gśegs pa yoṅs su mya ṅan las ’das (3) pa la mchod pa’i phyir | rin po che sna bdun las byas pa’i mchod rten dag byed du bcug ste | de dag la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar (4) byed | ri mor byed | mchod par byed pa bas | rigs kyi bu ’am rigs kyi bu mo gaṅ rnam pa thams cad mkhyen pa ñid kyi sems daṅ ma bral bas | śes rab kyi pha rol tu phyin pa ’di glegs bam du chud par byas te | ’dzin par byed | ’chaṅ bar byed | klog par byed | kun chub par byed | (5) tshul bźin du yid la byed ciṅ | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis mchod par byed na | de ñid de bas ches bsod nams maṅ du skyed do ||
de skad ces bka’ stsal pa daṅ | (6) bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das de de lta lags so ||
de de lta lags te | bcom ldan ’das śes rab kyi pha rol tu phyin pa la bsti staṅ du bgyis pa daṅ | bla mar bgyis pa daṅ | ri mor bgyis pa daṅ | mchod par bgyis pas ni | ’das (7) pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams la bsti staṅ du bgyis pa daṅ | bla mar bgyis pa daṅ | ri mor bgyis pa daṅ | mchod pa bgyis par ’gyur lags so ||
bcom ldan ’das gaṅ yaṅ śar phyogs kyi ’jig rten gyi khams gaṅ g’i kluṅ gi bye ma (293a1) sñed dag gi sems can de dag las sems can re res kyaṅ de bźin gśegs pa yoṅs su mya ṅan las ’das pa la mchod pa’i slad du rin po che sna bdun las bgyis pa’i mchod rten ’phaṅ du dpag tshad tsam mchis pa śa stag bgyid du stsal nas | de dag las bskal pa ’am | (2) bskal pa las lhag par lha’i me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ du bgyid | bla mar bgyid | mchod par bgyid na | bcom ldan ’das (3) rigs kyi bu’am rigs kyi bu mo de dag gźi de las bsod nams maṅ du skyed lags sam | bcom ldan ’das de bźin du phyogs bcu re re’i ’jig rten gyi khams gaṅ g’i kluṅ gi bye ma sñed dag gi sems can de dag las sems can re res kyaṅ de bźin gśegs pa yoṅs su mya ṅan las ’das pa la (4) mchod pa’i slad du rin po che sna bdun las bgyis pa’i mchod rten ’phaṅ du dpag tshad tsam mchis pa śa stag bgyid du stsal ciṅ | de dag la bskal pa’am | bskal pa las lhag par lha’i me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ (5) daṅ | gdugs daṅ | rgyal mtshan daṅ | ba dan dag gis bsti staṅ du bgyid | bla mar bgyid | ri mor bgyid | mchod par bgyid na | bcom ldan ’das rigs kyi bu’am rigs kyi bu mo de dag gźi de las bsod nams maṅ du skyed lags sam | bcom ldan ’das kyis bka’ stsal pa | ko.o śi (6) ka de de bźin no ||
de de bźin te | kau śi ka maṅ ṅo ||
brgya byin gyis gsol pa | bcom ldan ’das de bas kyaṅ rigs kyi bu’am rigs kyi bu mo gaṅ śes rab kyi pha rol tu phyin pa ’di yi ger bris te glegs bam du bgyis nas | ’dzin par bgyid | ’chaṅ bar bgyid | klog par bgyid | kun (7) chub par bgyid | tshul bźin du yid la bgyid ciṅ | de la yaṅ me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ du bgyid | bla mar bgyid | ri mor bgyid | mchod par (293b1) bgyid pa de ches bsod nams maṅ du skyed lags so ||
de ci’i slad du źe na | bcom ldan ’das ’di ltar śes rab kyi pha rol tu phyin pa ’dir dge ba’i chos thams cad ’dus pa’i slad du ste | ’di lta ste | dge ba bcu’i las kyi lam daṅ | bsam gtan bźi daṅ | cho yid pa bźi daṅ | gzugs (2) med pa’i sñoms par ’jug pa bźi daṅ | byaṅ chub kyi phyogs kyi chos sum cu rtsa bdun daṅ | rnam par thar pa’i sgo gsum daṅ | ’phags pa’i bden pa bźi daṅ | mṅon par śes pa drug daṅ | rnam par thar pa brgyad daṅ | mthar gyis gnas pa’i sñoms par ’jug pa daṅ | sbyin (3) pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | naṅ stoṅ pa ñid daṅ | dṅos po med pa’i ṅo ba ñid stoṅ pa ñid kyi bar daṅ | (4) tiṅ ṅe ’dzin thams cad daṅ | gzuṅs kyi sgo thams cad daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | byams pa chen po daṅ | sñiṅ rje chen po daṅ | thams cad (5) śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid daṅ | dge ba’i chos thams cad śes rab kyi pha rol tu phyin pa’i naṅ du ’dus pa’i slad du’o ||
bcom ldan ’das de’i slad du ’di ni saṅs rgyas bcom ldan ’das rnams kyi bstan pa lags te | de la (6) bslabs nas ’das pa daṅ | ma ’oṅs pa daṅ | da ltar byuṅ ba’i byaṅ chub sems dpa’ rnams daṅ | raṅ saṅs rgyas rnams daṅ | ñan thos rnams kyaṅ ṅes par byuṅ lags so ||
ṅes par ’byuṅ bar ’gyur lags so ||
śes rab kyi pha rol tu phyin pa khri (7) brgyad stoṅ pa las | mchod rten gyi le’u źes bya ste | ñi śu rtsa bdun pa’o || ||
de nas bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka de de bźin no ||
de de bźin te | rigs kyi bu’am rigs kyi bu mo gaṅ dag gis śes rab kyi (294a1) pha rol tu phyin pa ’di yi ger bris śiṅ glegs bam du byas te | ’dzin tam | ’chaṅ ṅam | klog gam | kun chub par byed dam | tshul bźin du yid la byed kyi steṅ du | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs (2) daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod pa byed pa de dag ni gźi de las bsod nams maṅ po tshad med | graṅs med | bsam gyis mi khyab | gźal du med | dpag tu med bdag skyed par ’gyur ro ||
de ci’i phyir źe na | kau śi ka de bźin (3) gśegs pa dgra bcom pa yaṅ dag par rdzogs pa’i saṅs rgyas rnams kyi rnam pa thams cad mkhyen pa ñid kyaṅ śes rab kyi pha rol tu phyin pa las ṅes par byuṅ la | kau śi ka pha rol tu phyin pa lṅa daṅ | stoṅ pa ñid thams cad daṅ | byaṅ chub kyi phyogs kyi chos sum cu rtsa bdun daṅ | stobs bcu daṅ | (4) mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma dres pa rnams daṅ | mig lṅa daṅ | mṅon par śes pa drug daṅ | sems can yoṅs su smin par bya ba daṅ | saṅs rgyas kyi źiṅ phun sum tshogs pa yaṅ śes rab kyi pha rol tu phyin pa las ṅes par byuṅ źiṅ | (5) kau śi ka thams cad śes pa ñid | lam gyi rnam pa śes pa ñid daṅ | rnam pa thams cad mkhyen pa ñid kyaṅ śes rab kyi pha rol tu phyin pa las ṅes par byuṅ ba yin | kau śi ka ñan thos kyi theg pa daṅ | raṅ saṅs rgyas kyi theg pa daṅ | theg pa chen po yaṅ śes rab kyi pha rol tu phyin pa las ṅes par byuṅ ba (6) yin źiṅ | kau śi ka bla na med pa yaṅ dag par rdzogs pa’i byaṅ chub kyaṅ śes rab kyi pha rol tu phyin pa las ṅes par byuṅ ba yin pa’i phyir ro ||
kau śi ka de lta bas na | rigs kyi bu ’am rigs kyi bu mo gaṅ la la śes rab kyi pha rol tu pa ’di yi ger bris śiṅ glegs bam du chud par byas te | ’dzin pa daṅ | (7) ’chaṅ ba daṅ | klog pa daṅ | kun chub par byed pa daṅ | tshul bźin du yid la byed ciṅ | de la yaṅ me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod pa (294b1) byed pa’i bsod nams mṅon par ’du byed pa de la bsod nams mṅon par ’du bya ba sṅa ma des brgya’i char yaṅ ñe bar mi ’gro | stoṅ gi cha daṅ | ’bum gyi cha daṅ | bye ba phrag ’bum gyi bar gyi char yaṅ ñe bar mi ’gro’o ||
graṅs daṅ | cha daṅ | rgyu daṅ | dpe’i bar du yaṅ mi bzod do ||
de ci’i phyir źe na | ko.o śi (2) ka ji srid du śes rab kyi pha rol tu phyin pa ’di ’dzam bu’i gliṅ na gnas par ’gyur ba de srid du saṅs rgyas dkon mchog med par mi ’gyur | chos dkon mchog daṅ | dge ’dun dkon mchog med par mi ’gyur źiṅ | de srid du dge ba bcu’i las kyi lam daṅ | bsam gtan bźi daṅ | tshad med pa bźi (3) daṅ | gzugs med pa’i sñoms par ’jug pa bźi daṅ | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | dran pa ñe bar (4) gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | thams (5) cad śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid ’jig rten du ’byuṅ bar ’gyur la | rgyal rigs śiṅ s la chen po lta bu rnams daṅ | bram ze’i rigs śiṅ s la chen po lta bu rnams daṅ | khyim bdag gi rigs śiṅ s la chen po lta bu rnams daṅ | rgyal (6) chen bźi’i ris kyi lha rnams daṅ | sum cu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | ’og min gyi bar gyi lha rnams kyaṅ ’jig rten du ’byuṅ bar ’gyur | rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir (7) mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | byaṅ chub sems dpa’ rnams kyaṅ yaṅ dag par ’byuṅ bar ’gyur | saṅs rgyas kyi mkhyen pa bla na med pa daṅ | chos kyi ’khor lo bskor ba daṅ | sems can yoṅs su smin par bya ba daṅ | saṅs rgyas kyi źiṅ yoṅs su dag pa yaṅ (295a1) yod pa’i phyir ro ||
de nas lha’i dbaṅ po brgya byin gyis stoṅ gsum gyi stoṅ chen po’i ’jig rten gyi khams ’di na rgyal chen bźi’i ris kyi lha’i bu daṅ | ’og min gyi bar gyi lha’i bu de dag la smras pa | grogs po dag śes rab kyi pha rol tu phyin pa gzuṅ bar bya | bcaṅ bar bya | klag par bya | (2) kun chub par bya’o ||
grogs po dag śes rab kyi pha rol tu phyin pa gdon par bya | śes rab kyi pha rol tu phyin pa tshul bźin du yid la bya’o ||
de ci’i phyir źe na | grogs po dag śes rab kyi pha rol tu phyin pa bzuṅ ṅam | bcaṅs sam | blags sam | kun chub par byas sam | tshul bźin du yid la (3) byas na | mi dge ba’i chos thams cad ni yoṅs su ’grib par ’gyur | dge ba’i chos thams cad ni mṅon par ’phel bar ’gyur | lha ma yin gyi ris rnams ni yoṅs su ’grib par ’gyur | lha’i ris rnams ni mṅon par ’phel bar ’gyur źiṅ | grogs po dag śes rab kyi pha rol tu phyin pa bzuṅ (4) ṅam | bcaṅs sam | blags sam | kun chub par byas sam | tshul bźin du yid la byas na saṅs rgyas kyi tshul rgyun chad par mi ’gyur | chos kyi tshul daṅ | dge ’dun gyi tshul rgyun chad par mi ’gyur źiṅ | dkon mchog gsum gyi gduṅ rgyun chad par mi ’gyur la | grogs po dag pha rol tu (5) phyin pa thams cad kyaṅ ’jig rten du ’byuṅ bar ’gyur | byaṅ chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar du yaṅ ’jig rten du ’byuṅ bar ’gyur la | byaṅ chub sems (6) dpa’i spyod pa rnams kyaṅ ’jig rten du ’byuṅ bar ’gyur | rgyun du źugs daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs rgyas daṅ | byaṅ chub sems dpa’ sems dpa’ chen po rnams kyaṅ ’jig rten du ’byuṅ bar ’gyur źiṅ yo da pa’i phyir ro ||
de nas bcom ldan ’das (7) kyis lha’i dbaṅ po brgya byin la ’di skad ces bka’ stsal to ||
kau śi ka khyod kyis śes rab kyi pha rol tu phyin pa zuṅ śig | kau śi ka khyod kyis śes rab kyi pha rol tu phyin pa choṅs śig | klogs śig | kun chub par gyis śig | tshul bźin du yid la gyis śig | de ci’i phyir źe na | kau śi ka gaṅ gi tshe lha ma yin rnams ’di (295b1) sñam du sum cu rtsa gsum pa’i lha rnams daṅ lhan cig tu g-yul sprad par bya’o sñam du sems śiṅ śom pa de’i tshe | kau śi ka khyod kyis śes rab kyi pha rol tu phyin pa ’di yid la soms la kha ton du gyis śig daṅ | des lha ma yin de dag gi bsam pa de phyir nur bar ’gyur źiṅ | phyis kyaṅ g-yul sprod pa’i sems (2) skyed par mi ’gyur ba’i phyir ro ||
kau śi ka lha’i bu’am lha’i bu mo gaṅ dag ’chi ’pho ba’i tshe yaṅ de dag gi mdun du khyod kyis śes rab kyi pha rol tu phyin pa ’di kha ton gyis śig daṅ | gal te de dag gis bdag ñid ṅan soṅ du skye bar mthoṅ na yaṅ | de dag gis śes rab kyi pha rol tu phyin pa ’di thos pas | ṅan soṅ du skye ba’i (3) sems bskyed pa de nub ciṅ | lha’i gnas de ñid du phyir skye bar ’gyur te | kau śi ka śes rab kyi pha rol tu phyin pa ’di mñan pa ni de ltar mthu che ba yin no ||
kau śi ka rigs kyi bu’am rigs kyi bu mo’am | lha’i bu’am | lha’i bu mo gaṅ yaṅ ruṅ ba’i rna lam du śes rab kyi pha rol tu phyin pa ’di grags par (4) gyur pa de dag thams cad ni dge ba’i rtsa ba des rim gyis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
de ci’i phyir źe na | kau śi ka ’di ltar ’das pa’i dus kyi de bźin gśegs pa dgra bcom pa yaṅ dag par rdzogs pa’i saṅs rgyas ñan thos kyi dge ’dun (5) daṅ bcas pa gaṅ dag byuṅ bar gyur pa de dag gis kyaṅ śes rab kyi pha rol tu phyin pa ’di ñid la bslabs nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas la | gaṅ dag ma ’oṅs pa’i dus kyi saṅs rgyas bcom ldan ’das ñan thos kyi dge ’dun daṅ bcas pa (6) rnams daṅ | da ltar phyogs bcu’i ’jig rten na | da ltar byuṅ ba’i dus kyi saṅs rgyas bcom ldan ’das gaṅ dag bźugs te | ’tsho źiṅ gźes pa de dag thams cad kyaṅ śes rab kyi pha rol tu phyin pa ’di ñid la bslabs nas | bla na med pa yaṅ dag par rdzogs pa’i byaṅ chub mṅon par rdzogs (7) par ’tshaṅ rgya ba’i phyir ro ||
de ci’i phyir źe na | ’di ltar saṅs rgyas kyi chos thams cad daṅ | byaṅ chub sems dpa’i chos thams cad daṅ | raṅ saṅs rgyas kyi chos thams cad daṅ | ñan thos kyi chos thams cad śes rab kyi pha rol tu phyin pa’i naṅ du ’dus pa’i phyir ro ||
de skad ces bka’ stsal (296a1) pa daṅ | bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das ’di lta ste | śes rab kyi pha rol tu phyin pa ’di ni rig sṅags chen mo lags so ||
bcom ldan ’das ’di lta ste | śes rab kyi pha rol tu phyin pa ’di ni rig sṅags bla na ma mchis (2) pa lags so ||
bcom ldan ’das ’di lta ste | śes rab kyi pha rol tu phyin pa ’di ni rig sṅags mi mñam pa daṅ mñam pa lags so ||
de ci’i slad du źe na | bcom ldan ’das ’di ltar śes rab kyi pha rol tu phyin pa ni mi dgeg ba’i chos thams cad spoṅ ba daṅ | dge ba’i chos thams cad yoṅs su (3) rdzogs par bgyi ba’i ched du yaṅ dag par źugs pa’i slad du’o ||
de skad ces gsol ba daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka de de bźin no ||
de de bźin te | kau śi ka ’di lta ste | śes rab kyi pha rol tu phyin pa ’di rig sṅags chen mo (4) yin no ||
kau śi ka ’di lta ste | śes rab kyi pha rol tu pyin pa ’di ni rig sṅags bla na med pa yin no ||
kau śi ka ’di lta ste | śes rab kyi pha rol tu phyin pa ’di ni rig sṅags mi mñam pa daṅ mñam pa yin no ||
de ci’i phyir źe na | kau śi ka ’di ltar śes rab kyi pha rol tu phyin pa ’di ñid la brten (5) nas gaṅ dag phyogs bcu’i ’jig rten na ’das pa daṅ | ma byon pa daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas de dag thams cad kyaṅ mṅon par rdzogs par saṅs rgyas mṅon par rdzogs par ’chaṅ rgya | mṅon par rdzogs par ’tshaṅ rgya bar ’gyur (6) ba daṅ | kau śi ka śes rab kyi pha rol tu phyin pa ’di ñid la brten nas | dge ba bcu’i las kyi lam ’jig rten na yod pa daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | pha rol tu phyin pa thams cad daṅ | stoṅ pa ñid thams cad daṅ | byaṅ (7) chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyaṅ ’jig rten na yod pa daṅ | rnam par thar pa’i sgo rnams daṅ | chos kyi dbyiṅs daṅ | yaṅ dag pa’i mtha’ daṅ | de bźin ñid daṅ | (296b1) ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos gnas pa ñid daṅ | chos mi ’gyur ba ñid daṅ | chos skyon med pa ñid kyaṅ ’jig rten na yod pa daṅ | mig lṅa daṅ mṅon par śes pa drug daṅ | rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ (2) ba’i ’bras bu daṅ | dgra bcom pa ñid daṅ | raṅ saṅs rgyas ñid daṅ | byaṅ chub sems dpa’ daṅ | rnam pa thams cad mkhyen pa ñid kya ṅa ’jig rten na yod pa daṅ | kau śi ka byaṅ chub sems dpa’ la brten nas kyaṅ dge ba bcu’i las kyi lam rnams ’jig rten na yod pa daṅ | rnam pa thams cad mkhyen pa (3) ñid kyi bar dag ’jig rten na yod pa daṅ | de bźin gśegs pa dgra bcom pa yaṅ dag par rdzogs pa’i saṅs rgyas kyi bar dag ’jig rten na yod pa’i phyir ro ||
kau śi ka ’di lta ste dper na | zla ba’i dkyil ’khor la brten nas rtsi daṅ | skar ma’i tshogs thams cad yod pa yin no ||
kau śi ka de bźin du byaṅ (4) chub sems dpa’i zla ba’i dkyil ’khor la brten nas kyaṅ dge ba bcu’i las kyi lam daṅ | dge ba’i spyod pa daṅ | yaṅ dag pa’i spyod pa daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos sum cu rtsa bdun daṅ | stoṅ pa ñid daṅ | mtshan ma med pa daṅ | smon pa med (5) pa’i tiṅ ṅe ’dzin gyi rtsi dag kyaṅ yod pa yin la | slob pa daṅ mi slob pa rnams daṅ | ñan thos daṅ raṅ saṅs rgyas thams cad kyi rgyu skar daṅ | skar ma dag kyaṅ yod pa yin | thams cad śes pa ñid kyaṅ yod pa yin | de bźin gśegs pa yaṅ yod pa yin te | gaṅ gi tshe saṅs rgyas bcom ldan (6) ’das ’jig rten pa mṅon par rdzogs par saṅs ma rgyas śiṅ | de bźin gśegs pa ma byuṅ ba de’i tshe | byaṅ chub sems dpa’ sems dpa’ chen po de dag ñid sems can rnams la ’jig rten daṅ | ’jig rten las ’das pa’i chos rnams ston par byed do ||
de ci’i phyir źe na | ’di ltar lha’i (7) theg pa daṅ | mi’i theg pa daṅ | ñan thos kyi theg pa daṅ | raṅ saṅs rgyas kyi theg pa daṅ | theg pa chen po yaṅ byaṅ chub sems dpa’ las ṅes par byuṅ la byaṅ chub sems dpa’ sems dpa’ chen po’i thabs la mkhas pa gaṅ gis pha rol tu phyin pa drug yoṅs su rdzogs par byed pa daṅ | stoṅ pa (297a1) ñid thams cad la sgom pa daṅ | byaṅ chub kyi phyogs kyi chos sum cu rtsa bdun sgom pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad thob par byed pa daṅ | skyes bu chen po’i mtshan sum cu rtsa gñis daṅ | (2) dpe byad bzaṅ po brgyad cu thob par byed pa daṅ | ñan thos daṅ raṅ saṅs rgyas kyi sa mṅon sum du mi byed pa daṅ | sems can rnams yoṅs su smin par byed pa daṅ | saṅs rgyas kyi źiṅ yoṅs su dag par byed pa daṅ | byaṅ chub sems dpa’i phun sum tshogs pa yoṅs su ’dzin par byed pa daṅ | rnam pa (3) thams cad mkhyen pa ñid thob par byed pa’i thabs la mkhas pa de ni śes rab kyi pha rol tu phyin pa las ṅes par byuṅ ba’i phyir ro ||
kau śi ka gźan yaṅ rigs kyi bu’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin (4) du yid la byed pa de ni tshe ’di’i yon tan ’di dag daṅ yaṅ ldan par ’gyur ro ||
de skad ces bka’ stsal pa daṅ | bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das rigs kyi bu’am rigs kyi bu mo gaṅ dag śes rab kyi pha rol tu phyin pa ’di ’dzin pa daṅ | ’chaṅ (5) ba daṅ | klog pa daṅ | kun chub par bgyid pa daṅ | tshul bźin du yid la bgyid pa de dag tshe ’di’i yon tan gaṅ dag daṅ ldan par ’gyur ba lags | bcom ldan ’das kyis bka’ stsal pa | kau śi ka rigs kyi bu’am rigs kyi bu mo gaṅ ṅag śes rab kyi pha rol tu phyin pa ’di ’dzin pa daṅ | ’chaṅ ba daṅ | (6) klog pa daṅ | kun chub par byed pa daṅ | tshul bźin du yid la byed pa de dag ni dug gis ’chi ba’i dus byed par mi ’gyur | me daṅ mtshon daṅ | chus kyaṅ ’chi ba’i dus byed par mi ’gyur źiṅ | nad gaṅ yaṅ ruṅ ba’i bar dag gis kyaṅ ’chi ba’i dus byed par mi ’gyur te | las kyi rnam par smin pa ni ma (7) gtogs so ||
kau śi ka gal te rigs kyi bu ’am rigs kyi bu mo de la rgyal po’i pho braṅ nas ’tshe ba źig khyuṅ bar gyur na yaṅ de śes rab kyi pha rol tu phyin pa ’di kha don du byas te rgyal po’i pho braṅ du źugs na de la glags lta ba de dag gis glags btsal kyaṅ glags rñed par mi ’gyur ro ||
de ci’i phyir źe na | (297b1) śes rab kyi pha rol tu phyin pa ’di ñid kyi gzi brjid yin pa’i phyir ro ||
kau śi ka gal te rigs kyi bu’am rigs kyi bu mo gaṅ śes rab kyi pha rol tu phyin pa ’di kha ton du ’don ciṅ rgyal po’i pho braṅ der soṅ na | de la rgyal po’i bu ’am | rgyal po’i blon po sna chen po la gtogs pa dag kyaṅ gsoṅ por smra bar bya’o ||
(2) sñam du sems | sñan par smra bar bya’o sñam du sems | dga’ bar bya’o sñam du sems par ’gyur ro ||
de ci’i phyir źe na | ’di ltar rigs kyi bu’am rigs kyi bu mo de dag gis sems can thams cad la byams pa’i sems ñe bar gźag ciṅ sñiṅ rje daṅ | dga’ ba daṅ | btaṅ sñoms kyi sems ñe bar (3) gźag pa’i phyir ro ||
kau śi ka rigs kyi bu’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed par | tshul bźin du yid la byed pa de ni tshe ’di’i yon tan de dag daṅ ldan par ’gyur ro ||
kau śi ka gźan yaṅ rigs kyi bu’am rigs (4) kyi bu mo gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed pa de ni tshe phyi ma’i yon tan ’di dag daṅ yaṅ ldan par ’gyur te | ’di lta ste | nam du yaṅ dge ba bcu’i las kyi lam daṅ ’bral bar mi ’gyur | nam (5) du yaṅ bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa rnams daṅ | so so yaṅ dag par rig (6) pa rnams daṅ | saṅs rgyas kyi chos ma ’dres pa bcwa brgyad daṅ ’bral bar mi ’gyur ro ||
de sems can yoṅs su smin par bya ba’i phyir smon lam gyi dbaṅ ma gtogs par nam du yaṅ sems can dmyal ba daṅ | dud ’gro’i skye gnas daṅ | gśin rje’i ’jig rten rnams su skye bar mi ’gyur | nam du yaṅ (7) dbaṅ po mtshaṅ bar mi ’gyur | nam du yaṅ yan lag ma tshaṅ bar mi ’gyur | nam du yaṅ dbul po’i khyim rnams su skye bar mi ’gyur | ’od ma mkhan gyi khyim rnams su skye bar mi ’gyur | g-yuṅ po’i khyim rnams su skye bar mi ’gyur | dmaṅs rigs rnams su skye bar mi ’gyur źiṅ | de de phyin chad kyaṅ rtag (298a1) par rgyun du skyes bu chen po’i mtshan sum cu rtsa gñis kyis brgyan pa’i lus thob par ’gyur la | ’jig rten gyi khams gaṅ na saṅs rgyas bcom ldan ’das bźugs pa der saṅs rgyas bcom ldan ’das rnams kyi spyan sṅar pad ma las rdzus te skye bar ’gyur źiṅ | nam du yaṅ mṅon par śes pa ñams par mi ’gyur ro ||
(2) de ’dod na saṅs rgyas bcom ldan ’das de dag la bsñen bkur bya ba daṅ | chos ñan pa’i phyir | saṅs rgyas kyi źiṅ nas saṅs rgyas kyi źiṅ du ’gro bar ’gyur ro ||
saṅs rgyas kyi źiṅ nas saṅs rgyas kyi źiṅ du ’gro ba na yaṅ sems can rnams kyaṅ yoṅs su smin par byed | saṅs rgyas kyi źiṅ yaṅ yoṅs su dag par byed par ’gyur ro ||
(3) kau śi ka de lta bas na rigs kyi bu’am rigs kyi bu mo yon tan phun sum tshogs pa de dag thob par ’dod pas śes rab kyi pha rol tu phyin pa ’di gzuṅ bar bya | bcaṅ bar bya | klag par bya | kun chub par bya | tshul bźin du yid la bya źiṅ rnam pa thams cad mkhyen pa ñid kyi sems daṅ ya mi ’dral bar bya ste | de ni bla na med pa yaṅ dag (4) par rdzogs pa’i byaṅ chub mṅon par rdzogs par saṅs rgyas kyi bar du tshe ’di’i yon tan daṅ | tshe phyi ma’i yon tan de dag daṅ nam du yaṅ ’bral bar mi ’gyur ro ||
śes rab kyi pha rol tu phyin pa khri brgyad stoṅ pa las | byaṅ chub kyi sems kyi yon tan yoṅs su brjod pa’i le’u źes bya ste | ñi śu rtsa brgyad pa’o || ||
(5) de nas gźan mu stegs can kun tu rgyu klan ka tshol ba’i bsam pa can rab tu maṅ po brgya źig klan ka btsal ba’i phyir | bcom ldan ’das ga la ba der doṅ ṅo ||
de nas lha’i dbaṅ po brgya byin ’di sñam du sems te | gźan mu stegs can kun tu rgyu | bcom ldan ’das kyi bstan pa la klan ka tshol ba’i bsam pa can rab tu maṅ po brgya (6) por di dag bcom ldan ’das ga la ba der doṅ gis | gźan mu stegs can kun tu rgyu ’di dag ci nas kyaṅ bcom ldan ’das kyi thad du mi ’doṅ śiṅ | śes rab kyi pha rol tu phyin pa ston pa’i bar chad byed par mi ’gyur bar | bdag gis bcom ldan ’das las śes rab kyi pha rol tu phyin pa ji tsam źig gzuṅ bde bdag gis ṅes par kha ton (7) du bya’o sñam mo | de nas lha’i dbaṅ po brgya byin gyis bcom ldan ’das las śes rab kyi pha rol tu phyin pa ji tsam źig gzuṅ bde kha ton du byas so ||
de nas gźan mu stegs can kun tu rgyu de dag gis rgyaṅ riṅ po nas bcom ldan ’das la bskor ba byas te | lam gaṅ nas lhags pa’i lam de ñid nas phyir doṅ ṅo ||
de nas tshe daṅ ldan pa ś ri’i (298b1) bu ’di sñam du sems te | ci’i phyir gźan mu stegs can kun tu rgyu klan ka tshol ba’i bsam pa can ’di dag rgyaṅ riṅ po nas | bcom ldan ’das la bskor ba byas nas gaṅ nas lhags pa’i lam de ñid nas phyir doṅ źig gu sñam mo ||
de nas bcom ldan ’das kyis tshe daṅ ldan pa ś ri’i bu’i sems kyi yoṅs su rtog pa (2) thugs kyis mkhyen nas | tshe daṅ ldan pa ś ri’i bu la bka’ stsal pa | ś ri’i bu lha’i dbaṅ po brgya byin gyis śes rab kyi pha rol tu phyin pa ’di bsams te | des na gźan mu stegs can kun tu rgyu ’di dag gis rgyaṅ riṅ po ñid nas | ṅa la bskor ba byas te | lam gaṅ nas lhags pa de ñid nas phyir doṅ ṅo ||
ś ri’i bu (3) gźan yaṅ mu stegs can kun tu rgyu ’di dag gi naṅ na gcig la yaṅ dkar po’i cha yod par ṅas ma mthoṅ ṅo ||
gźan mu stegs can kun tu rgyu ’di dag thams cad ni źe ’gras pa’i sems daṅ | klan ka tshol ba’i bsam pas ’oṅ bar sems te | ś ri’i bu gaṅ śes rab kyi pha rol tu phyin pa la klan ka btsal ba’i (4) bsam pa’am | źe ’gras pa’i sems kyis ’oṅ bar nus pa de ni ’jig rten lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas pa’i skye dgu’i naṅ na ṅas ma mthoṅ ste | de ni gnas med do ||
de ci’i phyir źe na | ś ri’i bu ’di ltar stoṅ gsum gyi stoṅ chen po’i (5) ’jig rten gyi khams ’di na rgyal chen bźi’i ris kyi lha rnams daṅ | ’og min man chad kyi lha rnams daṅ | ñan thos gaṅ dag daṅ | raṅ saṅs rgyas kyi theg pa la yaṅ dag par źugs pa gaṅ dag daṅ | byaṅ chub sems dpa’ gaṅ dag ’khod pa de dag thams cad kyis kyaṅ śes rab kyi pha rol tu phyin pa ’di yoṅs su gzuṅ (6) pa’i phyir ro ||
de ci’i phyir źe na | ’di ltar de dag thams cad ni śes rab kyi pha rol tu phyin pa las byuṅ ba’i phyir ro ||
ś ri’i bu gźan yaṅ śar phyogs kyi ’jig rten gyi khams gaṅ g’i kluṅ gi bye ma sñed dag daṅ | phyogs bcu’i bar du phyogs re rer yaṅ ’jig rten gyi khams gaṅ g’i kluṅ gi bye ma sñed dag gi saṅs rgyas (7) bcom ldan ’das ñan thos kyi dge ’dun daṅ bcas pa rnams daṅ | raṅ saṅs rgyas rnams daṅ | byaṅ chub sems dpa’ sems dpa’ chen po rnams daṅ | lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi’am ci daṅ | lto ’phye chen po gaṅ yin pa de dag thams cad kyis kyaṅ śes rab kyi (299a1) pha rol tu phyin pa ’di yoṅs su gzuṅ ba’i phyir ro ||
de ci’i phyir źe na | ’di ltar de dag thams cad ni śes rab kyi pha rol tu phyin pa las byuṅ ba’i phyir ro ||
de nas ’du sdig can ’di sñam du sems te | de bźin gśegs pa dgra bcom pa yaṅ dag par rdzogs pa’i saṅs rgyas kyi ’khor bźi po ’di dag spyan sṅa na (2) ’khod ciṅ | ’dod pa na spyod pa daṅ | gzugs na spyod pa’i lha’i bu ’di dag kyaṅ spyan sṅa na ’khod pa las na | byaṅ chub sems dpa’ sems dpa’ chen po rnams ’di ltar bla na med pa yaṅ dag par rdzogs pa’i byaṅ chub tu luṅ ston par ’gyur du ṅes kyis | mig gis mi rtsol bar bya ba’i phyir bdag bcom ldan ’das ga la ba der (3) ’gro bar bya’o sñam mo ||
de nas bdud sdig can gyis dpuṅ gi tshogs yan lag bźi pa mṅon par sprul nas | bcom ldan ’das ga la ba der ’gro bar bsams so ||
de nas lha’i dbaṅ po brgya byin ’di sñam du sems te | kye ma bdud sdig can ’di ni dpuṅ gi tshogs yan lag bźi pa mṅon par sprul nas | bcom ldan ’das (4) ga la ba der ’gro bar ’dod de | bdud sdig can ’di dpuṅ gi tshogs yan lag bźi pa’i bkod pa gaṅ yin pa | dpuṅ gi tshogs yan lag bźi pa’i bkod pa ’di lta bu ’di ni rgyal po gzugs can sñiṅ po’i yaṅ ma yin | dpuṅ gi tshogs yan lag bźi pa’i bkod pa ’di lta bu ni rgyal po gsal rgyal gyi yaṅ ma yin | (5) śkya rnams kyi yaṅ ma yin | liṅ tsa pi rnams kyi yaṅ ma yin gyi | bdud sdig can ni yun riṅ po nas | bcom ldan ’das la glags lta źiṅ skabs tshol ba daṅ | sems can yaṅ dag pa la źugs pa rnams la | gtse ba’i bsam pa daṅ ldan pa yin pas | dpuṅ gi tshogs yan lag bźi pa gaṅ yin pa ’di ni bdud sdig can gyis (6) mṅon par sprul pa yin gyis | bdag gis śes rab kyi pha rol tu phyin pa ’di bsam par bya’o ||
dran nas kyaṅ kha ton du bya’o sñam mo ||
de nas lha’i dbaṅ po brgya byin gyis śes rab kyi pha rol tu phyin pa ’di bsams so ||
dran nas kyaṅ kha ton du byas te | lha’i dbaṅ po brgya byin gyis śes rab kyi pha rol tu phyin pa ’di ji (7) tsam du kha ton byed pa de tsam du | bdud sdig can lam de ñid daṅ | sgo de ñid nas phyir log go ||
de nas ’khor der rgyal chen bźi’i ris kyi lha’i bu rnams daṅ | ’og min man chad kyi lha gaṅ yin pa de dag gis lha’i me tog rnams mṅon par sprul nas | bar snaṅ la ’khod bźin du bcom ldan (299b1) ’das sa la ba de logs su ’dor źiṅ ’thor bar byed la | tshig ’di skad ces śes rab kyi pha rol tu phyin pa ’di ji srid du ’dzam bu’i gliṅ gi mi rnams la gnas pa de srid du | de bźin gśegs pa dgra bcom pa yaṅ dag par rdzogs pa’i saṅs rgyas med par mi ’gyur źiṅ | dam pa’i chos kyaṅ yun riṅ du gnas (2) par ’gyur la | dge ’dun yaṅ ’jig rten du ’byuṅ bar ’gyur ba daṅ | de bźin du stoṅ gsum gyi stoṅ chen po’i ’jig rten gyi khams daṅ | de bźin du phyogs bcu’i saṅs rgyas kyi źiṅ thams cad du byaṅ chub sems dpa’ sems dpa’ chen po rnams kyi spyod pa’i khyad par yaṅ grags par ’gyur la | phyogs (3) gaṅ phogs na rigs kyi bu’am rigs kyi bu mo śes rab kyi pha rol tu phyin pa ’di yi ger bris te | glegs bam du byas nas ’chaṅ ba’i phyogs de snaṅ ba daṅ ldan par ’gyur la | gaṅ na śes rab kyi pha rol tu phyin pa ’di spyod pa’i sa phyogs de yaṅ mgon yod ciṅ mun pa daṅ bral bar ’gyur bas na | śes rab kyi pha rol tu (4) phyin pa ’di ’dzam bu gliṅ pa’i mi rnams yun riṅ du spyod par gyur cig ces smras so ||
de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka de de bźin te | kau śi ka phyogs gaṅ daṅ | gaṅ gi ’jig rten gyi khams rab ’byam na śes rab kyi pha rol tu (5) phyin pa ’di spyod ciṅ glegs pa ma la bres pa yod pa’i sa phyogs de ni snaṅ bar gyur pa yin te | sa phyogs de ni mgon yod ciṅ | mun pa mun na gdaṅ bral bar ’gyur ro ||
de nas lha’i bu de dag gis lha’i me tog rnams mṅon par sprul nas | bcom ldan ’das ga la ba de logs su gtor te | tshig ’di skad ces (6) gsol to ||
bcom ldan ’das rigs kyi bu’am rigs kyi bu mo gaṅ la la śes rab kyi pha rol tu phyin pa ’di ’dzin pa daṅ | ’char ba daṅ | klog pa daṅ | kun chub par byed pa daṅ | tshul bźin du yid la bgyid pa de la ni bdud dam | bdud kyi ris kyi lha rnams kyis glags rñed par mi ’gyur lags so ||
bcom (7) ldan ’das bdag cag gis kyaṅ rigs kyi bu’am rigs kyi bu mo de la rtag tu rgyun mi ’chad par bsruṅ ba daṅ | bskyab pa daṅ | spa bar bgyi’o ||
bdag cag ni rigs kyi bu gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | kun chub par byed pa daṅ | klog pa daṅ | tshul bźin du yid (300a1) la bgyid pa de la ston pa lags so sñam du ’dzin lags so ||
de nas bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das rigs kyi bu’am rigs kyi bu mo gaṅ dag śes rab kyi pha rol tu phyin pa ’di ’dzin tam | ’chaṅ ṅam | klog gam | kun chub (2) par bgyid dam | tshul bźin du yid la bgyid pa de dag ni dge ba’i rtsa ba dan don daṅ ldan pa ma lags so ||
rigs kyi bu’am rigs kyi bu mo de dag ni sṅon gyi rgyal ba thams cad la lhag par bgyi ba bgyis pa lags so ||
rigs kyi bu’am rigs kyi bu mo gaṅ dag śes rab kyi pha rol tu phyin pa ’di ’dzin pa daṅ | (3) tshul bźin du yid la bgyid pa’i bar dag tu bgyid pa de dag ni saṅs rgyas maṅ po la bsñen bkur bgyid bgyid pa daṅ | dge ba’i bśes gñen gyis yoṅs su zin pa lags so ||
de ci’i slad du źe na | rnam pa thams cad mkhyen pa ñid ni ’di lta ste | śes rab kyi pha rol tu phyin pa ’di las byuṅ ba lags la | (4) śes rab kyi pha rol tu phyin pa yaṅ ’di lta ste | rnam pa thams cad mkhyen pa ñid las byuṅ ba lags pa’i slad du’o ||
de ci’i slad du źe na | ’di ltar rnam pa thams cad mkhyen pa ñid kyaṅ gźan ma lags la | śes rab kyi pha rol tu phyin pa yaṅ gźan ma lags pa’i slad du ste | de ltar na rnam pa thams (5) cad mkhyen pa ñid daṅ | śes rab kyi pha rol tu phyin pa ’di ni gñis su ma mchis te gñis su dbyer ma mchis śiṅ tha mi dad de | gcad du ma mchis lags so ||
de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka de de bźin no ||
(6) ji skad smras pa de de bźin te | rnam pa thams cad mkhyen pa ñid daṅ | śes rab kyi pha rol tu phyin pa ’di ni gñis su med de gñis su dbyer med ciṅ tha mi dad de gcad du med do ||
śes rab kyi pha rol tu phyin pa khri brgyad stoṅ pa las gźan mu stegs can gyi le’u źes bya ste | ñi śu (7) rtsa dgu pa’o || ||
de nas bcom ldan ’das la tshe daṅ ldan pa kun dga’ bos ’di skad (2) ces gsol to ||
bcom ldan ’das ci ltar śes rab kyi pha rol tu phyin pa’i miṅ yoṅs su brjod pa mdzad pa ltar | sbyin pa’i pha rol tu phyin pa’i bsṅags pa yoṅs su brjod pa (3) ma mdzad lags so ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa’i (4) bsṅags pa yoṅs su brjod pa ma mdzad pa lags so ||
de bźin du saṅs rgyas kyi chos ma ’dres pa bco brgyad kyi bar gyi miṅ yoṅs su brjod pa ma mdzad lags so ||
de skad ces (5) gsol pa daṅ | bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo śes rab kyi pha rol tu phyin pa ni ’di lta ste | pha rol tu phyin pa (2a1) lṅa po rnams daṅ | de bźin du sbyar te | saṅs rgyas kyi chos ma ’dres pa bcwo brgyad kyi bar gyi sṅon du ’gro ba yin no ||
kun dga’ bo ’di ji sñam du sems | sbyin pa rnam pa thams cad mkhyen pa ñid du yoṅs su ma bsṅos par pha rol tu (2) phyin pa’i miṅ ’thob par ’gyur sñam ’am | kun dga’ bo ’di ji sñam du sems | tshul khrims daṅ | bzod pa daṅ | brtson ’grus daṅ | bsam gtan daṅ | śes rab rnam pa thams cad mkhyen pa ñid du yoṅs su ma bsṅos par pha rol tu phyin pa’i ma’i (3) ’thob par ’gyur sñam ’am | kun dga’ bos gsol pa | bcom ldan ’das de ni ma lags na | bcom ldan ’das sbyin pa rnam pa thams cad mkhyen pa ñid du yoṅs su bsṅos pa daṅ | tshul khrims daṅ | bzod pa daṅ | brtson ’grus daṅ | bsam (4) gtan daṅ | śes rab rnam pa thams cad mkhyen pa ñid du yoṅs su bsṅos pas | ji ltar pha rol tu phyin pa’i miṅ thob par ’gyur ba lags | bcom ldan ’das kyis bka’ stsal pa | kun dga’ bo | sbyin pa daṅ | tshul khrims daṅ | bzod pa (5) daṅ | brtson ’grus daṅ | bsam gtan daṅ | śes rab gñis su med pa’i tshul gyis rnam pa thams cad mkhyen pa ñid du yoṅs su bsṅos na | pha rol tu phyin pa’i miṅ thob par ’gyur ro ||
len pa med pa’i tshul daṅ | mi dmigs pa’i tshul (6) gyis rnam pa thams cad mkhyen pa ñid du yoṅs su bsṅos na | pha rol tu phyin pa’i miṅ thob par ’gyur ro ||
kun dga’ bos gsol pa | bcom ldan ’das sbyin pa gñis su ma mchis pa’i tshul gyis rnam pa thams cad mkhyen pa ñid du | yoṅs su bsṅos (2b1) pas ji ltar pha rol tu phyin pa’i miṅ thob par ’gyur ba lags | bcom ldan ’das tshul khrims daṅ | bzod pa daṅ | brtson ’grus daṅ | bsam gtan daṅ | śes rab gñis su ma mchis pa’i tshul gyis rnam pa thams cad mkhyen pa ñid du yoṅs su bsṅos (2) pas | ji ltar pha rol tu phyin pa’i miṅ thob par ’gyur ba lags | bcom ldan ’das kyis bka’ stsal pa | kun dga’ bo gzugs gñis su med pa daṅ | tshor ba daṅ | ’du śes daṅ | ’du byad rnams daṅ | rnam par śes pa daṅ | byaṅ chub kyi bar (3) du gñis su med pa’i tshul gyis yoṅs su bsṅos pa’i phyir ro ||
kun dga’ bos gsol pa | bcom ldan ’das gzugs gñis su ma mchis pa’i tshul ji lta bu lags | tshor ba daṅ | ’du śes daṅ | ’du byed rnams daṅ | rnam par śes pa gñis su ma (4) mchis pa’i tshul ji lta bu lags | byaṅ chub kyi bar du gñis su ma mchis pa’i tshul ji lta bu lags | bcom ldan ’das kyis bka’ stsal pa | ’di ltar gzugs ni gzugs kyis stoṅ ṅo ||
tshor ba ni tshor bas stoṅ ṅo ||
’du śes ni ’du śes kyis stoṅ ṅo ||
(5) ’du byed rnams ni ’du byed rnams kyis stoṅ ṅo ||
rnam par śes pa ni rnam par śes pas stoṅ ṅo ||
de ci’i phyir źe na | ’di ltar gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa daṅ | pha rol tu phyin pa de ni gñis su med (6) ciṅ gñis su dbyer med pa daṅ | pha rol tu phyin pa daṅ | byaṅ chub kyi bar de ni gñis su med ciṅ gñis su dbyer med pa’i phyir ro ||
kun dga’ bo de bas na ’di la śes rab kyi pha rol tu phyin pa ñid pha rol tu phyin pa lṅa po rnams daṅ | byaṅ chub daṅ | rnam pa thams (7) cad mkhyen pa ñid kyi bar gyi sṅon du ’gro ba yin no ||
kun dga’ bo ’di lta ste dper na | sa chen po la brten nas tshogs pa’i dbaṅ gis sa bo na rnams skye bar ’gyur ro ||
kun dga’ bo de bźin du śes rab kyi pha rol tu phyin pa la brten na | pha rol tu phyin pa thams cad daṅ | (3a1) byaṅ chub kyi phyogs kyi chos sum cu rtsa bdun daṅ | rnam pa thams cad mkhyen pa ñid kyi bar du skye bar ’gyur ro ||
rnam pa thams cad mkhyen pa ñid la brten na yaṅ | pha rol tu phyin pa thams cad daṅ | byaṅ chub kyi phyogs kyi chos sum cu rtsa bdun (2) daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams skye bar ’gyur ro ||
kun dga’ bo de bas na | śes rab kyi pha rol tu phyin pa ñid pha rol tu phyin pa ’di dag daṅ | saṅs rgyas (3) kyi chos ’dres pa bco brgyad daṅ | rnam pa thams cad mkhyen pa ñid kyi bar gyi yoṅs su ’dren pa yin no ||
brgya byin gyis gsol pa | bcom ldan ’das rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa (4) daṅ | kun chub par bgyid pa daṅ | tshul bźin du yid la bgyid pa de | śes rab kyi pha rol tu phyin pa’i yon tan gaṅ dag yoṅs su ’dzin pa’i yon tan de dag thams cad de bźin gśegs pa dgra bcom pa yaṅ dag par rdzogs pa’i saṅs rgyas kyis yoṅs su brjod pa (5) sa mdzad lags so ||
bcom ldan ’das śes rab kyi pha rol tu phyin pa bzuṅ źiṅ tshul bźin du yid la bgyis pas ni | dge ba bcu’i las kyi lam rnams ’jig rten du ’byuṅ lags so ||
bsam gtan bźi daṅ | tshad med pa bźi daṅ | gzugs med pa’i sñoms par (6) ’jug pa bźi daṅ | saṅs rgyas kyi chos ma ’dres pa bco brgyad kyi bar dag ’jig rten du ’byuṅ lags so ||
bcom ldan ’das śes rab kyi pha rol tu phyin pa bzuṅ ba nas | tshul bźin du yid la bgyid pa’i bar du bgyis pas ni rgyal rigs śiṅ s la chen po lta bu rnams (7) ’jig rten na mchis pa lags so ||
bram ze’i rigs śiṅ s la chen po lta bu rnams daṅ | khyim bdag gi rigs śiṅ s la chen po lta bu rnams ’jig rten na mchis pa lags so ||
rgyal chen bźi’i rigs kyi lha rnams daṅ | ’og min gyi bar gyi lha rnams ’jig rten na mchis (3b1) pa lags so ||
bcom ldan ’das śes rab kyi pha rol tu phyin pa bzuṅ ba nas | tshul bźin du yid la bgyid pa’i bar du bgyis pas mi rgyun du źugs pa rnams ’jig rten na mchis pa lags so ||
lan cig phyir ’oṅ ba rnams daṅ | phyir mi ’oṅ ba rnams daṅ | (2) dgra bcom pa rnams mchis pa lags so ||
raṅ saṅs rgyas rnams mchis pa lags so ||
byaṅ chub sems dpa’ rnams mchis pa lags so ||
bcom ldan ’das śes rab kyi pha rol tu phyin pa bzuṅ ba nas | tshul bźin du yid la bgyid pa’i bar du bgyis (3) bas ni | de bźin gśegs pa dgra bcom pa yaṅ dag par rdzogs pa’i saṅs rgyas rnams ’jig rten na bźugs pa lags so ||
de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka rigs kyi (4) bu’am rigs kyi bu mo gaṅ dag gis śes rab kyi pha rol tu phyin pa ’di bzuṅ ba nas | tshul bźin du yid la byed pa’i bar du byas pas de dag gi yon tan ni de tsam du zad ces ṅa mi smra’o ||
de ci’i phyir źe na | kau śi ka rigs kyi bu ’am rigs kyi bu mo śes rab kyi pha (5) rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed pa gaṅ yin pa de dag ni | tshul khrims kyi phuṅ po tshad med pa daṅ ldan par ’gyur la | rnam pa thams cad mkhyen pa ñid kyi sems daṅ (6) yaṅ ’bral bar mi ’gyur ro ||
gaṅ dag śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed pa dag ni tiṅ ṅe ’dzin gyi phuṅ po daṅ | śes rab kyi phuṅ po daṅ | rnam par (7) grol ba’i phuṅ po daṅ | rnam par grol ba’i ye śes mthoṅ ba’i phuṅ po tshad med pa daṅ ldan par ’gyur la | rnam pa thams cad mkhyen pa ñid kyi sems daṅ yaṅ ’bral bar mi ’gyur ro ||
kau śi ka rigs kyi bu ’am rigs kyi bu mo tshul bźin du yid la byed pa’i bar du byed (4a1) pa de dag ni de bźin gśegs pa daṅ ’dra bar rig par bya ste | rnam pa thams cad mkhyen pa ñid kyi sems daṅ yaṅ ’bral bar mi ’gyur ro ||
kau śi ka ñan thos daṅ | raṅ saṅs rgyas thams cad kyi tshul khrims kyi phuṅ po daṅ | tiṅ ṅe ’dzin (2) gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes mthoṅ ba’i phuṅ po gaṅ yin pa’i tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes mthoṅ (3) ba’i phuṅ po de ni kau śi ka rigs kyi bu ’am rigs kyi bu mo śes rab kyi pha rol tu phyin pa la gnas pa rnams kyi tshul khrims kyi phuṅ po nas | rnam par grol ba’i ye śes mthoṅ ba’i phuṅ po’i bar gaṅ yin pa’i tshul khrims kyi phuṅ po nas | rnam par grol ba’i ye śes (4) mthoṅ ba’i phuṅ po’i bar de’i brgya’i char yaṅ ñe bar mi ’gro źiṅ | stoṅ gi cha daṅ | ’bum gyi cha daṅ | graṅs daṅ | cha daṅ | bgraṅ ba daṅ | dpe daṅ | rgyur yaṅ mi bzod do ||
de ci’i phyir źe na | ’di ltar rigs kyi bu daṅ rigs kyi bu mo de dag gi sems ni ñan (5) thos daṅ | raṅ saṅs rgyas kyis las rnam par grol źiṅ | chos gaṅ daṅ yaṅ bral ba med la skyes ba yaṅ med pa’i phyir ro ||
kau śi ka rigs kyi bu’am rigs kyi bu mo śes rab kyi pha rol tu phyin pa ’di yi ger bris nas ’chaṅ źiṅ me tog daṅ | bdug pa daṅ | sbos (6) daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bkur sti byed | bla mar byed | ri mor byed | mchod pa byed pa gaṅ yin pa’i rigs kyi bu ’am rigs kyi bu mo de dag gis kyaṅ tshe ’di daṅ | tshe phyi (7) ma’i yon tan rnams ’thob par re bar bya’o ||
de skad ces bka’ stsal pa daṅ | bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | (4b1) ’chaṅ ba daṅ | klog pa daṅ | kun chub par bgyid pa daṅ | tshul bźin du yid la bgyid ciṅ | śes rab kyi pha rol tu phyin pa ’di la me tog daṅ | bdug pa daṅ | spos daṅ | me tog phreṅ daṅ | byug ba daṅ | phye ma daṅ | gos daṅ | gdugs daṅ | rgyal mtshan (2) daṅ | bdan dag gis bkur sti bgyir | bla mar bgyid | ri mor bgyid | mchod pa bgyid pa gaṅ lags pa de la bdag gis kyaṅ rtag tu rgyun mi ’chad par bsruṅ ba daṅ bskyab pa daṅ sba bar bgyi’o ||
rnam pa thams cad mkhyen pa ñid kyi sems daṅ yaṅ ’bral bar mi ’gyur (3) lags so ||
de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka rigs kyi bu’am rigs kyi bu mo śes rab kyi pha rol tu phyin pa ’di kha ton du byed pa de’i gan du lha’i bu ’bum phrag maṅ po chos ñan pa’i phyir (4) ’oṅ bar ’gyur te | lha’i bu rnams rigs kyi bu’am rigs kyi bu mo de dag la śes rab kyi pha rol tu phyin pa daṅ ldan pa’i spobs pa ne bar sgyu ba par sems par ’gyur ro ||
gaṅ gi tshe chos smra ba de dag smra bar mi ’dod pa na yaṅ lha’i bu de dag ñid chos la gus pas spobs (5) pa ñe bar sgrub bar sems par ’gyur ro ||
kau śi ka rigs kyi bu ’am rigs kyi bu mo gaṅ źig śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub bar byed pa daṅ | tshul bźin du yid la byed ciṅ de glegs pa ma du yaṅ bris (6) nas | me tog daṅ | bdug pa daṅ | spos daṅ | me tog phreṅ daṅ | byug ba daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ byed | bla mar byed | ri mor byed | mchod pa byed ba de ni tshe ’di’i yon tan de dag kyaṅ thob par (7) ’gyur ro ||
kau śi ka gźan yaṅ rigs kyi bu’am rigs kyi bu mo śes rab kyi pha rol tu phyin pa ’di ston pa de dag ni ’khor bźi po dag gi mdun du bdag la la la źig bka’ gcog ciṅ klan ka tshol du ’oṅ ṅo stam du sems źum par mi ’gyur ro ||
de ci’i phyir źe na | (5a1) ’di ltar rigs kyi bu ’am rigs kyi bu mo de dag la śes rab kyi pha rol tu phyin pa ’di sruṅ źiṅ skyob la sbed par byed pa’i phyir ro ||
’di ltar śes rab kyi pha rol tu phyin pa la ni ’jig rten pa rnams daṅ | ’jig rten las ’das pa rnams daṅ | (2) zag pa daṅ bcas pa rnams daṅ | zag pa med pa rnams daṅ | thun moṅ ba rnams daṅ | thun moṅ ma yin pa rnams daṅ | dge ba rnams daṅ | mi dge ba rnams daṅ | ’dus byas rnams daṅ | ’dus ma byas rnams daṅ | ñan thos kyi chos rnams daṅ | (3) raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs rgyas kyi chos rnams daṅ | chos thams cad tha dad pa med do ||
de ci’i phyir źe na | ’di ltar rigs kyi bu’am rigs kyi bu mo naṅ stoṅ pa ñid la gnas pa daṅ | dṅos (4) po med pa’i ṅo bo ñid stoṅ pa ñid kyi bar la gnas pa des ni śes rab kyi pha rol tu phyin pa la klan ka tshol ba yaṅ dag par rjes su mi mthoṅ źiṅ | klan ka tshol bar byed pa de yaṅ yaṅ dag par rjes su mi mthoṅ ba’i phyir ro ||
de ltar na rigs kyi bu’am rigs kyi bu mo (5) śes rab kyi pha rol tu phyin pas yoṅs su zin pa de la ni klan ka tshol ba med do ||
kau śi ka gźan yaṅ rigs kyi bu’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | tshul bźin du yid la byed pa’i bar du byed pa ni | sems źum par mi ’gyur | (6) kun tu źum par mi ’gyur | skrag par mi ’gyur | dṅaṅ bar mi ’gyur | kun tu dṅaṅ bar mi ’gyur ro ||
de ci’i phyir źe na | ’di ltar rigs kyi bu’am rigs kyi bu mo de dag gis ni gaṅ źum pa ’am | kun tu źum pa ’am | skrag pa ’am | dṅaṅ pa ’am | kun (7) tu dṅaṅ bar ’gyur ba’i dṅos po yaṅ dag par rjes su ma mthoṅ ba’i phyir ro ||
kau śi ka rigs kyi bu’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed ciṅ | me tog (5b1) daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod pa byed pa de ni tshe ’di’i yon tan de dag yoṅs su ’dzin par (2) ’gyur ro ||
kau śi ka gźan yaṅ rigs kyi bu’am rigs kyi bu mo gaṅ la la śes rab kyi pha rol tu phyin pa ’di ’dzin ba daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed ciṅ de glegs bam du yaṅ bris te | me tog daṅ | (3) bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod pa byed ba de ni pha daṅ | mdza’ bo daṅ | phyi ’khor daṅ | gñen (4) daṅ | snag gi gñen mtshams rnams daṅ | dge sbyoṅ daṅ | bram ze rnams kyi sñiṅ du sdug par ’gyur ro ||
byaṅ chub sems dpa’ de ni phyogs bcu’i ’jig rten gyi khams thams cad na bźugs pa’i saṅs rgyas bcom ldan ’das rnams daṅ | byaṅ chub sems (5) daṅ ba rnams daṅ | raṅ saṅs rgyas rnams daṅ | dgra bcom pa rnams daṅ | slob pa thams cad daṅ | mi slob pa de dag thams cad la sdug par ’gyur ro ||
’jig rten lha daṅ bcas pa | bdud daṅ bcas pa | tshaṅs pa daṅ bcas pa | dge sbyoṅ daṅ | bram zer (6) bcas pa’i skye dgu rnams daṅ | lha daṅ | mi daṅ | lha ma yin du bcas pa rnams kyi yid du ’oṅ bar ’gyur ro ||
spobs pa mi chod pa daṅ yaṅ ldan par ’gyur ro ||
sbyin pa’i pha rol tu phyin pa mi chod pa daṅ yaṅ ldan par ’gyur ro ||
tshul khrims daṅ | bzod pa daṅ | (7) brtson ’grus daṅ | bsam gtan daṅ | śes rab kyi pha rol tu phyin pa mi chod pa daṅ yaṅ ldan par ’gyur ro ||
naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar du mi chod pa daṅ | dran pa ñe bar gźag pa rnams daṅ | yaṅ dag par spoṅ ba rnams daṅ | (6a1) rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam rnams daṅ | de bźin gśegs pa’i stobs bcu daṅ | mi ’jigs pa bźi mi chod pa daṅ | so so yaṅ dag par (2) rig pa bźi mi chod pa daṅ | saṅs rgyas kyi chos ma ’dres pa bco brgyad mi chod pa daṅ | tiṅ ṅe ’dzin gyi sgo daṅ | gzuṅs kyi sgo rnams mi chod pa daṅ | mṅon par śes pa rnams daṅ | sems can yoṅs su smin par bya ba daṅ | saṅs rgyas kyi źiṅ (3) yoṅs su dag par bya ba mi chod pa daṅ | rnam pa thams cad mkhyen pa ñid mi chod pa daṅ ldan par ’gyur ro ||
mu stegs can gyi rgol ba byuṅ ṅo cog la | chos daṅ ldan pas tshar gcod nus par ’gyur ro ||
kau śi ka rigs kyi bu’am rigs kyi bu mo gaṅ (4) śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed ciṅ de yi ger yaṅ bris te | me tog daṅ | bdug pa daṅ | spos daṅ | me tog phreṅ daṅ | phyug pa daṅ | phye ma daṅ | (5) gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod pa byed pa ni tshe ’di daṅ | tshe phyi ma’i yon tan de dag kyaṅ yoṅs su ’dzin par ’gyur te | rnam pa thams cad mkhyen pa ñid kyi sems daṅ yaṅ (6) ’bral bar mi ’gyur ro ||
kau śi ka gźan yaṅ rigs kyi bu ’am rigs kyi bu mo śes rab kyi pha rol tu phyin pa ’di glegs bam du bris te | ’chaṅ bar byed pa der | kau śi ka stoṅ gsum gyi stoṅ chen po’i ’jig rten gyi khams na ’khod pa’i rgyal chen bźi’i ris kyi lha’i (7) bu bla na med pa’i byaṅ chub la yaṅ dag par źugs pa gaṅ yin pa de dag der lhags nas | śes rab kyi pha rol tu phyin pa ’di ’dzin par byed | ’chaṅ bar byed | klog par byed | kun chub par byed ciṅ | phyag byas te btud nas phyir ’doṅ bar ’gyur ro ||
de bźin du sum (6b1) cu rtsa gsum pa rnams daṅ | ’thab bral rnams daṅ | dga’ ldan rnams daṅ | ’phrul dga’ rnams daṅ | gźan ’phrul dbaṅ byed rnams daṅ | tshaṅs ris rnams daṅ | tshaṅs pa’i mdun na ’don rnams daṅ | tshaṅs ’khor rnams daṅ | ’od chuṅ rnams (2) daṅ | tshad med ’od rnams daṅ | ’od gsal rnams daṅ | dge chuṅ rnams daṅ | tshad med dge rnams daṅ | dge rgyas rnams daṅ | ’bras bu che ba rnams daṅ | tshaṅs pa gaṅ dag bla na med pa yaṅ dag par rdzogs pa’i byaṅ chub tu smon lam btab pa de (3) dag kyaṅ der lhags nas | śes rab kyi pha rol tu phyin pa ’di gzuṅ ba daṅ | bcaṅ ba daṅ | klag pa daṅ | kun chub par byas nas phyir ’doṅ bar ’gyur ro ||
kau ri ka de la gnas gtsaṅ ma’i ris kyi lha’i bu mi che ba daṅ | śin tu mthoṅ ba daṅ | (4) gya nom snaṅ ba daṅ | mi gduṅ ba daṅ | ’og min gyi lha’u bu gaṅ yin pa de dag kyaṅ der lhags nas | śes rab kyi pha rol tu phyin pa ’di gzuṅ ba daṅ | bcaṅ ba daṅ | klag pa daṅ | kun chub par byas te | phyag byas nas phyir ’doṅ bar (5) sems par ’gyur ro ||
kau śi ka rigs kyi bu ’am rigs kyi bu mo des kyag ’di sñam du sems bskyed par bya ste | phyogs bcu’i ’jig rten gyi khams dag na ’khod pa’i lha’i bu rgyal chen bźi’i ris su gtogs pa nas ’bras bu che ba man chad bla na med pa yaṅ dag (6) par rdzogs pa’i byaṅ chub la yaṅ dag par źugs pa gaṅ yin pa de dag daṅ | gnas gtsaṅ ma’i ris kyi lha’i bu gaṅ yin pa rnams daṅ | gźan yaṅ lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am (7) ci daṅ | lto ’phye chen po gaṅ yin pa de dag ’dir lhags nas | śes rab kyi pha rol tu phyin pa ’di gzuṅ ba daṅ | bcaṅ ba daṅ | klag pa daṅ | kun chub par byas śiṅ phyag byas te | mchod pa byas pa rnams phyir deṅ śig | chos kyi sbyin pa ’di yaṅ (7a1) de dag la byin par gyur cig sñam du sems bskyed par bya’o ||
phyogs bcu’i ’jig rten gyi khams dag na ’khod pa’i rgyal chen bźi’i ris kyi lha’i bu gaṅ yin pa rnams daṅ | ’bras bu che ba’i lha’i bu man chad bla na med pa yaṅ dag par rdzogs pa’i byaṅ (2) chub la yaṅ dag par źugs pa gaṅ yin pa rnams daṅ | gnas gtsaṅ ma’i ris kyi lha’i bu gaṅ yin pa de dag kyaṅ der lhags nas | śes rab kyi pha rol tu phyin pa ’di ’dzin par byed | ’chaṅ bar byed | klog par byed | kun chub par byed ciṅ phyag byas (3) te | btuṅ nas phyir ’dod par sems so ||
stoṅ gsum gyi stoṅ chen po’i ’jig rten gyi khams ’di na ’khed pa’i rgyal chen bźi’i ris kyi lta’i bu gaṅ yin pa rnams daṅ | ’og min gyi lha’i bu man chad daṅ | phyogs bcu’i ’jig rten gyi khams dag na ’khod (4) pa’i rgyal chen bźi’i ris kyi lha’i bu rnams daṅ | ’og min gyi lha man chad gaṅ yin pa de dag kyaṅ rigs kyi bu’am rigs kyi bu mo de la sruṅ ba daṅ | skyob pa daṅ | sbed par byed ciṅ | de la glags tshol ba gaṅ gis kyaṅ glags mi rñed de | las kyi rnam (5) par smin pa ni ma gtogs so ||
kau śi ka rigs kyi bu’am rigs kyi bu mo de dag ni tshe ’di’i yon tan de dag kyaṅ yoṅs su ’dzin par ’gyur ro ||
de ci’i phyir źe na | ’di ltar rigs kyi phu ’am rigs kyi bu mo de dag ni bla na med pa yaṅ dag par rdzogs pa’i byaṅ (6) chub la yaṅ dag par źugs pa | sems can thams cad kyi skyabs bya ba daṅ | sems can thams cad yoṅs su mi gtoṅ ba daṅ | sems can thams cad la phan pa daṅ bde ba bya ba’i ched du yaṅ dag par źugs pa’i phyir ro ||
de nas bcom ldan ’das la (7) lha’i dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa ’di gzuṅ ba daṅ | bcaṅ ba daṅ | klag pa daṅ | kun chub par bgyi ba daṅ | bsti staṅ du bgyi ba daṅ | bla mar bgyi ba daṅ | ri mor bgyi ba daṅ | mchod (7b1) par bgyi ba daṅ | phyag bgyi ba daṅ | gdud par bgyi ba’i slad du phyogs bcu’i khor khor yug dag nas rgyal chen bźi’i ris kyi lha’i bu rnams der mchi ba daṅ | ’og min gyi lha’i bu man chad mchi bar rigs kyi bu ’am rigs kyi bu mo de dag gis ji ltar rtogs (2) par bgyi | bcom ldan ’das kyis bka’ stsal pa | kau śi ka gal te rigs kyi bu ’am rigs kyi bu mos mi ma yin pa’i lha’i dri sṅon ma myoṅ bar tshor bar gyur na | des lha’i bu gzi brjid che ba gzi brjid che ba dag śes rab kyi pha rol tu phyin pa ’di mñan pa daṅ | (3) gzuṅ ba daṅ | bcaṅ ba daṅ | klag pa daṅ | kun chub par bya ba daṅ | bsti staṅ du bya ba daṅ | bla mar bya ba daṅ | ri mor bya ba daṅ | mchod pa bya ba’i phyir ’dir lhags so sñam du śes par bya’o ||
kau śi ka gźan yaṅ rigs kyi bu’am rigs kyi bu mo des (4) gtsaṅ sbra byas na | gtsaṅ sbra byas pa des lha de dag lhags nas | śes rab kyi pha rol tu phyin pa ’di gzuṅ ba daṅ | bcaṅ ba daṅ | klag pa daṅ | kun chub par bya ba daṅ | bsti staṅ du bya ba daṅ | bla mar bya ba daṅ | ri bror bya ba daṅ | mchod pa byas (5) nas yi raṅs par ’gyur ro ||
phyogs de ni lha gzi brjid chuṅ du gaṅ yin pa de dag ni | lha gzi brjid che ba gzi brjid che ba de dag gi gzi brjid daṅ | phyin mi bzod pas de nas gud du ’dod bar sems so ||
lha gzi brjid che ba gzi brjid che ba de dag ji tsam du der ’oṅ (6) ba de tsam du rigs kyi bu ’am rigs kyi bu mo de dag rgya cher mos par ’gyur ro ||
sa phyogs der yaṅ gtsaṅ sbra mi byed pa’i bag spyad par mi bya ste | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal (7) mtshan daṅ | ba dan dag gis kyaṅ sa phyogs de brgyan ciṅ spos kyis byugs la me tog sil mas gtor bar bya’o ||
dar gyi lṅa lṅi maṅ po sbyaṅ źiṅ bla re bres la rnam pa du mas sa phyogs de brgyan par bya’o ||
kau śi ka gźan yaṅ rigs kyi bu ’am rigs kyi bu mo de’i lus dal (8a1) bar mi ’gyur ba daṅ | lus bde bar ’gyur ba daṅ | lus yaṅ bar ’gyur ba daṅ | lus las su ruṅ ba daṅ | sems yaṅ ba daṅ | sems las su ruṅ ba daṅ | sems bde bar ñams su tshor bar ’gyur te | de phyin chad de śes rab kyi pha (2) rol tu phyin pa la bsam pa thag pa nas yoṅs su rtog ciṅ sdig pa’i rmi lam rmi lam rmi bar mi ’gyur ro ||
de rmi lam na de bźin gśegs pa dgra bcom pa yaṅ dag par rdzogs pa’i saṅs rgyas skyes bu chen po’i mtshan sum cu rtsa gñis kyis spras pa | sku gser gyi kha dog (3) can | dge sloṅ gi dge ’dun gyis mdun gyis bltas pa | byaṅ chub sems dpa’i tshogs kyis mdun gyis bltas pa | chos ston ciṅ bźugs pa dag mthoṅ bar ’gyur te | de bźin gśegs pa de dag las pha rol tu phyin pa drug daṅ ldan pa’i gtam ñid thos (4) par ’gyur źiṅ | byaṅ chub kyi phyogs kyi chos sum cu rtsa bdun daṅ ldan pa daṅ | saṅs rgyas kyi chos ma ’dres pa bco brgyad kyi bar daṅ ldan pa’i gtam ñid thos par ’gyur te | pha rol tu phyin pa de dag gi don thos pa nas | saṅs rgyas kyi chos ma ’dres pa bco (5) brgyad kyi bar gyi don thos par ’gyur ro ||
byaṅ chub kyi śiṅ yaṅ mthoṅ bar ’gyur ro ||
byaṅ chub sems dpa’ sems dpa’ chen po byaṅ chub kyi sñiṅ por ’gro ba yaṅ mthoṅ bar ’gyur ro ||
bla na med pa yaṅ dag par rdzogs pa’i byaṅ chub mṅon par rdzogs (6) par ’tshaṅ rgya ba yaṅ mthoṅ bar ’gyur ro ||
byaṅ chub sems dpa’ bye ba khrag khrig phrag ’bum phrag maṅ po rnam pa thams cad mkhyen pa ñid ni ’di ltar yoṅs su gzuṅ bar bya’o ||
sems can rnams ni ’di ltar yoṅs su smin par bya’o ||
saṅs rgyas kyi źiṅ (7) mi ’di ltar yoṅs su gzuṅ bar bya źes | chos bgro ba byed pa dag kyaṅ mthoṅ bar ’gyur ro ||
śar phyogs nas saṅs rgyas bye ba khrag khri phrag ’bum phrag maṅ po dag gi sgra yaṅ thos par ’gyur ro ||
de bźin du lho daṅ | nub daṅ | byaṅ daṅ | ’og daṅ | (8b1) steṅ daṅ | phyogs mtshams dag nas | saṅs rgyas bye ba khrag khrig phrag ’bum phrag maṅ po’i sgra thos par ’gyur te | ’jig rten gyi khams ga ge mo źig na | de bźin gśegs pa dgra bcom pa yaṅ dag par rdzogs pa’i saṅs rgyas ’di źes bya ba | byaṅ (2) chub sems dpa’ bye ba khrag khrig phrag ’di sñed cig daṅ | ñan thos bye ba khrag khrig phrag ’bum phrag ’di sñed cig gis mdun gyis bltas nas | yoṅs su bskor te chos ston ciṅ bźugs so źes thos par ’gyur ro ||
śar phyogs na saṅs rgyas bye ba (3) khrag khrig phrag ’bum phrag maṅ po yoṅs su mya ṅan las ’da’ ba dag kyaṅ mthoṅ źiṅ phyogs bcu’i bar du saṅs rgyas bye ba khrag khrig phrag ’bum phrag du ma yoṅs su mya ṅan las ’da’ ba dag kyaṅ mthoṅ bar ’gyur ro ||
de bźin gśegs pa de dag gi mchod rten sku (4) gduṅ gi riṅ bsrel gyi rten rin po che sna tshogs las byas pa’i mchod rten bye ba khrag khrig phrag ’bum dag kyaṅ mthoṅ bar ’gyur ro ||
mchod rten de dag la yaṅ me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | (5) gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod pa byed pa dag mthoṅ bar ’gyur te | kau śi ka de ltar rigs kyi bu’am rigs kyi bu mo rmi lam bzaṅ po de lta bu de dag rmi bar ’gyur ro ||
bde bar gñid (6) kyis log ciṅ bde bar sad par ’gyur te | lus la gzi brjid bcug par ñams su tshor źiṅ lus kyaṅ lci ba med de | yaṅ bar ñams su tshor bar ’gyur ro ||
de kha zas la yaṅ brkam pa’i śas che bar mi ’gyur ro ||
gos daṅ | zas daṅ | mal cha daṅ | stan (7) daṅ | na ba’i gsos sman daṅ | yo byad la brkam par mi ’gyur te | kau śi ka ’di lta ste dper na | dge sloṅ rnal ’byor spyod pa tiṅ ṅe ’dzin las laṅs pa de ni yid la byed pas tshim par gyur pa’i sems kyi zas la brkam pa’i śas che bar mi ’gyur gyi chuṅ bar ’gyur ba (9a1) bźin no | kau śi ka de bźin du rigs kyi bu’am rigs kyi bu mo de la mi ma yin pa rnams gzi brjid sgrub par ’gyur ro ||
phyogs bcu na saṅs rgyas bcom ldan ’das gaṅ dag bźugs pa de dag daṅ | lha daṅ | klu daṅ | gnod sbyin daṅ | dri za (2) daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po de dag kyag lus la gzi brjid ’jug par byed do ||
kau śi ka rigs kyi bu’am rigs kyi bu mo gaṅ gis rnam pa thams cad mkhyen pa ñid kyi sems daṅ ldan pas | śes rab kyi pha rol (3) tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed pa de ni tshe ’di’i yon tan de dag yoṅs su ’dzin par ’gyur ro ||
kau śi ka gźan yaṅ rigs kyi bu’am rigs kyi bu mo gaṅ śes rab kyi pha rol tu phyin pa (4) ’di ’dzin par mi byed | ’chad par mi byed | klog par mi byed | kun chub par mi byed | tshul bźin du yid la mi byed par glegs ba ma du bris te ’chaṅ la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | (5) gdugs daṅ | rgyal mtshan daṅ | ba dan dag gsi bsti staṅ du byed | bla mar byed | ri mor byed | mchod pa byed kyaṅ | kau śi ka rigs kyi bu’am rigs kyi bu mo de gźi de las bsod nams maṅ du skyed par ’gyur gyi | gaṅ gis phyogs bcu khor yug gi ’jig (6) rten gyi khams na de bźin gśegs pa dgra bcom pa yaṅ dag par rdzogs pa’i saṅs rgyas bźugs pa ñan thos kyi dge ’dun daṅ bcas pa rnams la gos daṅ | zas daṅ | mal cha daṅ | stan daṅ | na ba’i gsos sman daṅ | yo byad rnams kyis bsti staṅ du byed | bla mar (7) byed | ri mor byed | mchod pa byed pa daṅ | de bźin gśegs pa dgra bcom pa yaṅ dag par rdzogs pa’i saṅs rgyas de dag yoṅs su mya ṅan las ’das pa’i mchod rten daṅ | ñan thos daṅ bcas pa’i dge ’dun la yaṅ gos daṅ | zas daṅ | mal cha daṅ | stan daṅ | (9b1) na ba’i gsos sman daṅ | yo byad rnams kyis bsti staṅ du byed | bla mar byed | ri mor byed | mchod pa byed pa ni de lta ma yin no ||
śes rab kyi pha rol tu phyin pa khri brgyad stoṅ pa las ’dzin pa daṅ | ri mo byed pa’i phan yon gyi le’u źes bya ste sum cu pa’o ||
(2) de nas bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka gal te ’dzam bu gliṅ ’di de bźin gśegs pa’i sku gduṅ gis byur bur byas te bkaṅ la | de dag la yaṅ me tog daṅ | bdug pa daṅ | spos daṅ | me tog phreṅ (3) daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan ṅag gis bsti stag du byed | bla mar byed | ri mor byed | mchod pa byed pa gaṅ yin pa daṅ | śes rab kyi pha rol tu phyin pa ’di khyod la byin pa gaṅ yin pa cha ’di gñis (4) las khyod gaṅ ’dom | brgya byin gyis gsol pa | bcom ldan ’das gal te ’dzam bu’i gliṅ ’di de bźin gśegs pa’i sku gduṅ gis byur bur gaṅ ba bdag la stsal ba daṅ | śes rab kyi pha rol tu phyin pa ’di glegs bam du bris te stsal ba la | bdag ni cha ’di gñis (5) bźag pa las śes rab kyi pha rol tu phyin pa ’tshal lags so ||
de ci’i slad du źe na | bcom ldan ’das bdag ni de bźin gśegs pa’i sku gduṅ de dag la ma gus pa yaṅ ma lags so ||
bcom ldan ’das bdag ni gus pa kho na lags te | bdag ni de bźin gśegs pa’i sku (6) gduṅ dag la bsti staṅ du bgyid par mi ’tshal ba’am | bla mar bgyid par mi ’tshal ba’am | ri mor bgyid par mi ’tshal ba’am | mchod pa bgyid par mi ’tshal ba yaṅ ma lags mod kyi | ’on kyaṅ bcom ldan ’das ’di ltar de bźin gśegs pa’i sku gduṅ rnams ni (7) śes rab kyi pha rol tu phyin pa ’di las byuṅ ba lags te | de’i slad du de dag la bsti staṅ du bgyi ba daṅ | bla mar bgyi ba daṅ | ri mor ba gyi ba daṅ | mchod par bgyi ba lags so ||
de bźin gśegs pa’i sku gduṅ rnams ni śes rab kyi pha rol tu phyin pas yoṅs su (10a1) bsgos pa lags te | de’i slad du de bźin gśegs pa’i sku gduṅ rnams kyis mchod pa brñes pa lags so ||
de nas tshe daṅ ldan pa ś ri’i bus lha’i dbaṅ po brgya byin la ’di skad ces smras so ||
kau śi ka śes rab kyi pha rol tu phyin pa ’di ni gzuṅ (2) du med pa | bstan du med pa | thogs pa med pa ste | ’di ltar mtshan ñid med pa mtshan ñid gcig pa yin no ||
śes rab kyi pha rol tu phyin pa gzuṅ du med pa | bstan du med pa | thogs pa med pa | ’di ltar mtshan ñid med par mtshan ñid gcig pa de | bon (3) khyod kyis ji ltar blaṅ bar sems | de ci’i phyir źe na | śes rab kyi pha rol tu phyin pa ni gzuṅ ba’am | mi gzuṅ ba’am | ’grib pa’am | ’phel ba’am | dbri ba’am | bsnan pa’am | kun nas ñon moṅs pa’am | rnam par byaṅ ba’i phyir gnas pa ma yin | (4) saṅs rgyas kyi chos rnams sbyin par byed pa ma yin | so so’i skye bo’i chos rnams ’dor bar byed pa ma yin | byaṅ chub sems dpa’i chos rnams daṅ | raṅ saṅs rgyas kyi chos rnams daṅ | slob pa’i chos rnams daṅ | mi slob pa’i chos rnams sbyin par byed pa ma yin | (5) so so’i skye bo’i chos rnams ’dor bar byed pa ma yin | ’dus ma byas kyi kams sbyin par byed pa ma yin | ’dus byas kyi khams ’dor bar byed pa ma yin | naṅ stoṅ pa ñid daṅ dṅos po med pa’i ṅo bo ñid stoṅ pa ñid kyi bar du sbyin par byed pa ma yin | pha rol tu (6) phyin pa rnams daṅ | dran pa ñe bar gźag pa rnams daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | saṅs rgyas kyi chos ma ’dres pa bco brgyad sbyin par byed pa ma yin | (7) rnam pa thams cad mkhyen pa ñid sbyin par byed pa ma yin pa’i phyir ro ||
brgya byin gyis smras pa | btsun pa ś ri’i bu de de bźin te | śes rab kyi pha rol tu phyin pa ni | saṅs rgyas kyi chos rnams daṅ | rnam pa thams cad mkhyen pa ñid kyi bar du sbyin par byed pa ma yin (10b1) par bdag gis kyaṅ śes so ||
de ci’i phyir źe na | śes rab kyi pha rol tu phyin pa gñis su med pa’i phyir | śes rab gyi pha rol tu phyin pa ni gñis su ñe bar gnas pa ma yin no ||
de bźin du bsam gtan gyis rol tu phyin pa daṅ | brtson ’grus kyi pha rol tu phyin (2) pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa yaṅ sbyin pa’i pha rol tu phyin pa gñis su med pa’i phyir gñis su ñe bar gnas pa ma yin no ||
de nas bcom ldan ’das kyis lha’i dbaṅ po brgya byin la (3) legs so źes bya ba byin te | kau śi ka de de bźin no ||
ji skad smras pa de bźin te legs so legs so ||
śes rab kyi pha rol tu phyin pa gñis su med pa’i phyir | śes rab kyi pha rol tu phyin pa ni gñis su ñe bar gnas pa ma yin no ||
de bźin du bsam gtan gyi (4) pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa yaṅ sbyin pa’i pha rol tu phyin pa gñis su med pa’i phyir gñis su ñe bar gnas pa ma yin no ||
kau śi (5) ka śes rab kyi pha rol tu phyin pa la gñis su ’dod pa gaṅ yin pa de ni chos kyi dbyiṅs la gñis su ’dod par zad do ||
de ci’i phyir źe na | kau śi ka chos kyi dbyiṅs daṅ | śes rab kyi pha rol tu phyin pa ni gñis su med ciṅ gñis su dbyer med do ||
de bźin du bsam (6) gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa daṅ | chos kyi dbyiṅs kyaṅ gñis su med ciṅ gñis su dbyer med do ||
de bźin du (7) sbyar te | śes rab kyi pha rol tu phyin pa la gñis su ’dod pa gaṅ yin pa de ni de bźin ñid la gñis su ’dod par zad do ||
de ni yaṅ dag pa’i mtha’ daṅ | bsam gyis mi khyab pa’i dbyiṅs kyi bar du gñis su ’dod par zad do ||
brgya byin gyis gsol pa | bcom ldan (11a1) ’das byaṅ chub sems dpa’ sems dpa’ chen pos gaṅ la bslabs na | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba’i śes rab kyi pha rol tu phyin pa ni lha daṅ | mi daṅ lta ma yin du bcas pa’i ’jig (2) rten gyis phyag bgyi ba’i gnas lags so ||
bcom ldan ’das gaṅ gi tshe | lha’i ’dun sa chos bzaṅ na | lha’i dbaṅ po’i stan la bdag mchis pa’i gnas la | bdag mchis pa na der lha’i bu dag bdag la bsñen bkur bgyid pa’i slad du mchis te | gaṅ gi tshe bdag (3) gi seṅ ge’i khril bdag ma mchis pa de’i tshe | lha’i bu de dag chos kyi stan ’di la | lha’i dbaṅ po brgya byin ’dug nas sum cu rtsa gsum gyi lha rnams la chos bstan to źes bdag gi stan de la phyag bgyis nas slar mchi’o ||
bcom ldan ’das de bźin du gaṅ du śes rab kyi pha (4) rol tu phyin pa ’di yi ger bris pa gnas sam | kha don du bgyid dam | gźan dag la yaṅ dag par ston pa der phyogs bcu nas lha’i bu daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po (5) gaṅ lhags pa de dag śes rab kyi pha rol tu phyin pa ’di la phyag ’tshal du mchi źiṅ | phyag bgyis nas slar mchi bar sems lags so ||
de ci’i slad du źe na | de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ ’di las byuṅ la | (6) sems can thams cad kyi bde ba’i yo byad rnams kyaṅ ’di las skyes te | de bźin gśegs pa’i sku gduṅ gaṅ lags pa de dag kyaṅ śes rab kyi pha rol tu phyin pa ’di las byuṅ ba’i slad du’o ||
de bźin du śes rab kyi pha rol tu phyin pa ’di ni de bźin gśegs pa byaṅ (7) chub kyi spyad pa spyod pa na yaṅ rnam pa thams cad mkhyen pa ñid kyi rten du gyur ciṅ | rkyen du gyur | rgyur gyur | stobs par gyur pa lags so ||
bcom ldan ’das de ltar lags pas bdag ni cha de gñis las | śes rab kyi pha rol tu phyin pa ñid ’tshal lags te | (11b1) śes rab kyi pha rol tu phyin pa ’di blaṅs nas | dam pa’i chos la sems gduṅs pas kha ton du bgyi’o ||
bcom ldan ’das gaṅ gi tshe bdag śes rab kyi pha rol tu phyin pa yid la bgyid pa de’i tshe | ’jigs par ’gyur ba ’am | bag ’khum par ’gyur ba’i rgyu yaṅ (2) dag par rjes su mi mthoṅ lags so ||
de ci’i slad du źe na | bcom ldan ’das śes rab kyi pha rol tu phyin pa ni mtshan ma ma mchis śiṅ | bcom ldan ’das śes rab kyi pha rol tu phyin pa ni rtags ma mchis | brjod du ma mchis | smos su ma mchis pa lags (3) pa’i slad du’o ||
bcom ldan ’das de bźin du bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa nas | rnam pa thams cad mkhyen pa ñid kyi bar du smos su ma mchis pa’i slad du’o ||
bcom ldan ’das gal (4) te śes rab kyi pha rol tu phyin pa mtshan ma daṅ bcas pa źig lags te | mtshan ma ma mchis pa ma lags na ni | de bźin gśegs pa dgra bcom pa yaṅ dag par rdzogs pa’i saṅs rgyas kyis cos thams cad mtshan ma ma mchis pa daṅ | rtags ma mchis pa daṅ | brjod (5) du ma mchis pa daṅ | smos su ma mchis par thugs su chud nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas te | sems can rnams la mtshan ma ma mchis pa daṅ | rtags ma mchis pa daṅ | brjod du ma mchis pa daṅ | smos (6) su ma mchis par chos ston par mi ’gyur ba źig na | bcom ldan ’das gaṅ gi slad du śes rab kyi pha rol tu phyin pa mtshan ma ma mchis | rtags ma mchis | brjod du ma mchis | smos sum mchis pa lags pa de’i slad du de bźin gśegs pas chos thams cad mtshan ma (7) ma mchis pa daṅ | rtags ma mchis pa daṅ | brjod du ma mchis pa daṅ | smos su ma mchis pa daṅ | bsam gyis mi khyab par thugs su chud nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas te | sems can rnams la mtshan (12a1) ma ma mchis pa daṅ | rtags ma mchis pa daṅ | brjod du ma mchis pa daṅ | smos su ma mchis pa daṅ | bsam gyis mi khyab pa daṅ | tha sñad ma mchis pa’i chos ston lags so ||
bcom ldan ’das de ltar lags pas śes rab kyi pha rol (2) tu phyin pa ’di la ni lha daṅ bcas pa’i ’jig rten gyis me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ du bgyi ba daṅ | bla mar bgyi ba daṅ | (3) ri mor bgyi ba daṅ | mchod pa bgyi ba daṅ | gzuṅ ba daṅ | bcaṅ ba daṅ | klag pa daṅ | kun chub par bgyi ba lags te | de la ni sems can dmyal ba daṅ | dud ’gro’i skye gnas daṅ | gśin rje’i ’jig rten gyi ’gro ba ma mchis par ’tshal bar bgyi lags so ||
(4) ñan thos kyis daṅ | raṅ saṅs rgyas kyis ra ltuṅ ba yaṅ ma mchis par ’tshal bar bgyi ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par gyur gyi bar du | de bźin gśegs pa mthoṅ ba daṅ | sems can yoṅs su (5) smin par bgyi ba daṅ | saṅs rgyas kyi źiṅ nas saṅs rgyas kyi źiṅ du mchi ba daṅ | de bźin gśegs pa de dag la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan (6) dag gis bsti staṅ du bgyi ba daṅ | bla mar bgyi ba daṅ | ri mor bgyi ba daṅ | mchod pa bgyi ba daṅ ’bral bar mi ’gyur lags so ||
bcom ldan ’das gźan yaṅ gal te stoṅ gsum gyi stoṅ chen po’i ’jig rten gyi khams ’di de bźin gśegs pa’i sku gduṅ gis (7) yoṅs su bkaṅ ste | byur bur bgyis pa źig kyaṅ bdag la stsal la | śes rab kyi pha rol tu phyin pa ’di glegs bam du bris pa źig kyaṅ bdag la stsal na | bdag ni cha gñis bźag pa ’di las śes rab kyi pha rol tu phyin pa ’di ñid ’tshal lags so ||
de (12b1) ci’i slad du źe na | de bźin gśegs pa’i sku gduṅ rnams ni de las byuṅ ste | bsti staṅ du bgyi ba daṅ | bla mar bgyi ba daṅ | ri mor bgyi ba daṅ | mchod pa bgyi ba lags pas des na | rigs kyi bu gaṅ dag gis bsti staṅ du bgyid | bla mar bgyid | ri mor (2) bgyid | mchod pa bgyid na | de dag ṅan ’gro dag tu skye bar mi ’gyur te | lha daṅ mi’i phun sum tshogs pa ñams su myoṅ nas | smon lam ji ltar btab pa bźin du ñan thos kyi theg pa’am | raṅ saṅs rgyas kyi theg pa’am | theg pa chen pos yoṅs su mya ṅan las (3) ’da’ bar ’gyur ba’i slad du’o ||
bcom ldan ’das de bźin gśegs pa mthoṅ ba gaṅ lags pa daṅ | śes rab kyi pha rol tu phyin pa mthoṅ ba gaṅ lags pa ’di ni mtshuṅs pa lags te | bcom ldan ’das de ltar lags pas śes rab kyi pha rol tu phyin pa (4) gaṅ lags pa daṅ | de bźin gśegs pa gaṅ lags pa ’di ni gñis su ma mchis śiṅ gñis su dbyer ma mchis lags so ||
bcom ldan ’das gźan yaṅ de bźin gśegs pa dgra bcom pa yaṅ dag par rdzogs pa’i saṅs rgyas kyis cho ’phrul rnam pa (5) gsum gyis mdo’i sde daṅ | dbyaṅs kyis bsñad pa’i sde daṅ | luṅ bstan pa’i sde daṅ | gtan la phab par bstan pa’i sde’i bar du yan lag bcu gñis pa’i chos bstan pa gaṅ lags pa daṅ | rigs kyi bu’am rigs kyi bu mos śes rab kyi pha rol tu phyin pa (6) ’di bzuṅ ste | kun chub par bgyis nas gźan dag la yaṅ bstan pa gaṅ lags pa de ni mtshuṅs pa lags so ||
de ci’i slad du źe na | bcom ldan ’das cho ’phrul rnam pa gsum daṅ | mdo’i sde daṅ | dbyaṅs kyis bsñad pa’i sde daṅ | luṅ bstan pa’i sde daṅ | (7) gtan la phab par bstan pa’i sde’i bar dag ni ’di las byuṅ ba’i slad du’o ||
bcom ldan ’das gźan yaṅ śar phyogs na de bźin gśegs pa gaṅ g’i kluṅ gi bye ma sñed dag cho ’phrul rnam pa gsum gyis mdo’i sde daṅ | dbyaṅs kyi bsñad pa’i sde daṅ | luṅ bstan pa’i sde daṅ | (13a1) gtan la phab par bstan pa’i sde’i bar gyi chos ston pa gaṅ lags pa daṅ | de bźin du lto phyogs daṅ | nub phyogs daṅ | byaṅ phyogs daṅ | steṅ daṅ | ’og daṅ | phyogs mtshams kyi bar gyi ’jig rten gyi khams gaṅ g’i kluṅ gi bye ma sñed dag na (2) saṅs rgyas bcom ldan ’das dag cho ’phrul rnam pa gsum gyis mdo’i sde daṅ | dbyaṅs kyis bsñad pa’i sde daṅ | luṅ bstan pa’i sde daṅ | gtan la phab par bstan pa’i sde’i bar du chos ston pa gaṅ lags pa daṅ | rigs kyi bu’am rigs kyi bu mo śes rab kyi pha rol tu phyin pa (3) ’di yoṅs su ’dzin pa nas | gźan dag la ston pa’i bar du bgyid pa gaṅ lags pa de ni mtshuṅs pa lags so ||
de ci’i slad du źe na | de bźin gśegs pa rnams kyaṅ ’di las byuṅ ba lags la | mdo’i sde daṅ | dbyaṅs kyis bsñad pa’i sde daṅ | luṅ bstan pa’i sde daṅ | (4) gtan la phab par bstan pa’i sde’i bar de dag kyaṅ ’di las byuṅ ba’i slad du’o ||
bcom ldan ’das gźan yaṅ phyogs bcu’i phyogs re rer yaṅ de bźin gśegs pa dgra bcom pa yaṅ dag par rdzogs pa’i saṅs rgyas gaṅ g’i kluṅ gi bye ma sñed gaṅ lags pa de dag la yaṅ me (5) tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ du bgyid | bla mar bgyid | ri mor bgyid | mchod pa bgyid pa daṅ | gaṅ gis śes rab kyi pha (6) rol tu phyin pa ’di glegs bam du bris te | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag gis bsti staṅ du bgyid | bla mar bgyid | ri mor bgyid | mchod pa (7) bgyid pa de ni mtshuṅs pa lags so ||
de ci’i slad du źe na | de bźin gśegs pa dgra bcom pa yaṅ dag par rdzogs pa’i saṅs rgyas rnams ni ’di las byuṅ ba’i slad du’o ||
bcom ldan ’das gźan yaṅ rigs kyi bu’am rigs kyi bu mo śes rab kyi pha rol tu phyin pa ’di (13b1) ’dzin pa daṅ | ’chaṅ ba daṅ | klag pa daṅ | kun chub par bgyid pa daṅ | tshul bźin du yid la bgyid pas | gźan dag la yaṅ yaṅ dag par ston pa gaṅ lags pa de la ni sems can dmyal ba daṅ | dud ’gro’i skye gnas daṅ | gśin rje’i ’jig rten gyi ’gro ba ma (2) mchis par ’tshal bar bgyi lags so ||
ñan thos daṅ | raṅ saṅs rgyas kyi sar ltuṅ ba yaṅ ma mchis par ’tshal bar bgyi ste | phyir mi ldog pa’i byaṅ chub sems dpa’i la gnas pa lags so ||
de ci’i slad du źe na | ’di ltar rigs kyi bu’am rigs kyi bu mo śes (3) rab kyi pha rol tu phyin pa ’di yi ger bris nas | ’dzin pa daṅ | ’chaṅ ba daṅ | klog pa daṅ | kun chub par bgyid pa daṅ | tshul bźin du yid la bgyid pa daṅ | de la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na (4) bza’ daṅ | gdugs daṅ | rgyal mtshan daṅ | ba dan dag gis bsti staṅ du bgyid | bla mar bgyid | ri mor bgyid | mchod pa bgyid pa de la ni gaṅ las kyaṅ ’jigs pa ’byuṅ ba ma mchis par ’tshal bar bgyi lags so ||
bcom ldan ’das dper bgyin | bu lon (5) pas ’jigs pa’i mi rgyal po la brten na | de rgyal po la ’khor bas | de gaṅ dag gis ’jigs par gyur pa de dag ñid kyis brten par ’gyur te | de dag gis ’jigs par yaṅ mi ’gyur lags so ||
de ci’i slad du źe na | bcom ldan ’das mthu daṅ ldan pa la brten pa ni de ltar (6) ’gyur ba’i slad du ste rgyal po la brten pa ni ’jigs pa ma mchis pa lags so ||
bcom ldan ’das de bźin du śes rab kyi pha rol tu phyin pas yoṅs su bsgos pa’i sku gduṅ rnams kyis ni mchod pa brñes lags so ||
bcom ldan ’das de la rgyal po de ji lta ba de bźin du ni (7) śes rab kyi pha rol tu phyin pa blta par bgyi lags so ||
rgyal po la brten pa’i mi mchod pa ’thob pa ji lta ba de bźin du ni | de bźin gśegs pa’i sku gduṅ śes rab kyi pha rol tu phyin pas yoṅs su bsgos pas mchod pa brñes par blta bar bgyi lags so ||
(14a1) thams cad mkhyen pa’i ye śes gaṅ lags pa de yaṅ śes rab kyi pha rol tu phyin pas yoṅs su bsgos par rig par bgyi lags so ||
de lta lags pas bdag ni cha ’di gñis las śes rab kyi pha rol tu phyin pa ’di ñid ’tshal lags so ||
de ci’i (2) slad du źe na | de bźin gśegs pa’i sku gduṅ rnams ni ’di las byuṅ ba lags | skyes bu chen po’i mtshan sum cu rtsa gñis ni ’di las byuṅ ba lags | de bźin gśegs ’i stobs bcu daṅ | mi ’jigs pa bźi daṅ | so so yaṅ dag par rig pa bźi (3) daṅ | saṅs rgyas kyi chos ma ’dres pa bco brgyad ni ’di las byuṅ ba lags | byams pa chen po daṅ | sñiṅ rje chen po ni ’di las byuṅ ba lags | bcom ldan ’das pha rol tu phyin pa lṅa po rnams ni ’di las byuṅ bas | pha rol tu phyin pa’i miṅ thob pa lags | de bźin (4) gśegs pa’i rnam pa thams cad mkhyen pa ñid ni ’di las byuṅ ba lags pa’i slad du’o || ||
’phags pa śes rab kyi pha rol tu phyin pa khri brgyad stoṅ pa | bam po ñi śu bźi pa | bcom ldan ’das stoṅ gsum gyi stoṅ chen po’i ’jig rten gyi khams (5) gaṅ na sems can rnams śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par bgyid pa der sems can de dag la mi’am | mi ma lags pa glags tshol bas kyaṅ glags rñed par mi ’gyur te | sems can de dag thams cad ni (6) rim gyis mya ṅan las ’da’ ba’i chos can du yaṅ ’gyur lags so ||
bcom ldan ’das śes rab kyi pha rol tu phyin pa ’di ni de ltar rin po che ltar don che ba lags so ||
bcom ldan ’das śes rab kyi pha rol tu phyin pa ni stoṅ gsum gyi stoṅ chen po’i ’jig rten gyi khams na (7) sems can gaṅ dag ’khod pa de dag la saṅs rgyas kyi phrin las bgyid pa’i slad du ñe bar gnas pa lags so ||
bcom ldan ’das ’jig rten gyi khams gaṅ na | śes rab kyi pha rol tu phyin pa ’di spyod pa’i ’jig rten gyi khams der ni | saṅs rgyas byuṅ bar ’tshal bar bgyi’o ||
(14b1) bcom ldan ’das dper bgyi na nor bu rin po che chen po rin thaṅ ma mchis pa źig mchis la | nor bu rin po che de yaṅ yon tan ’di lta bu dag daṅ ldan te | nor bu rin po che chen po de gaṅ daṅ gaṅ du bźag pa de daṅ der mi ma lags pas glags rñed par mi ’gyur źiṅ | gaṅ daṅ gaṅ (2) na skyes ba ’am | bud med mi ma lags pas zin pa de ṅaṅ der | nor bu rin po che de phyuṅ na | nor bu rin po che der phyuṅ ma thag tu mi ma lags pa de nor bu rin po che chen po de’i bzi brjid mi bzod pas ’bros bar ’gyur lags so ||
mkhris pa’i dbaṅ gis tsha bar gyur pa’i (3) lus la nor bu rin po che de btags na | mkhris pa de yaṅ sel bar ’gyur źiṅ | rnam par ’phel bar mi ’gyur la | źi bar ’gyur lags so ||
bser ma’i bro nad kyis thebs pa’i lus la nor bu rin po che de btags na yaṅ rluṅ de yaṅ sel bar ’gyur lags so ||
bad (4) kan gyi bro nad kyis thebs pa’i lus la nor bu rin po che de btags na yaṅ | bad kan de dag thams cad źi bar ’gyur lags so ||
rigs kyi bu’am rigs kyi bu mo ’dus pa’i bro nad kyis thebs pa de’i lus la nor bu rin po che de btags na yaṅ de’i nad de źi bar ’gyur (5) lags so ||
nor bu rin po che de mtshan mo yaṅ snaṅ bar bgyid par ’gyur lags so ||
tsha ba’i dus la bab pa’i tshe sa phyogs gaṅ du nor bu rin po che de bźag pa’i sa phyogs de yaṅ bsil bar ’gyur lags so ||
lhags pa’i dus la bab pa’i tshe | sa phyogs gaṅ (6) du nor bu rin po che de bźag pa’i sa phyogs de yaṅ dro bar ’gyur lags so ||
nor bu rin po che de gaṅ du bźag pa’i sa phyogs de graṅ yaṅ mi graṅ ||
tsha yaṅ mi tsha ste | dus tshigs bde bar ’gyur lags so ||
sa phyogs gaṅ du nor bu rin po che de gnas pa’i sa (7) phyogs der sbrul gdug pa daṅ | sdig pa la sogs pa’am | sdig sprul rnams kyaṅ gnas par mi ’gyur lags so ||
rigs kyi bu’am rigs kyi bu mo gaṅ la la źig sprul gdug pas zin par gyur pa de la nor bu rin po che de bstan na | de la bstan thag tu dug de dag (15a1) thams cad ma mchis par ’gyur lags so ||
nor bu rin po che de ni yon tan de dag la sogs pa daṅ ldan pa lags te | bcom ldan ’das skyes pa’am | bud med bro nad sna tshogs kyis thebs pa gaṅ lags po de dag gis lus la gal te nor bu (2) rin po che de btags na | de dag gi bro nad thams cad kyaṅ źi bar ’gyur lags so ||
bcom ldan ’das chab gaṅ gi naṅ du nor bu rin po che stsal ba’i chab de dag thams cad kyaṅ raṅ bźin gyi kha dog ji lta ba daṅ yan lag brgyad daṅ ldan par ’gyur lags so ||
bcom (3) ldan ’das gal te nor bu rin po che de ras sṅon pos dkris te chab kyi naṅ du stsal na yaṅ chab de sṅon por ’gyur bar bgyid lags so ||
gal te ser po’am | gal te dmar po’am | gal te btsod ka’am | gal te śel gyi kha dog lta bu’i ras kyis nor bu (4) rin po che de dkris te chab kyi naṅ du stsal na yaṅ chab de yaṅ de dag gi kha dog tu ’gyur lags so ||
ras tshon sna tshogs su bsgral ba’i ras kyis nor bu rin po che de dkris nas chab kyi naṅ du stsal na yaṅ chab de kha dog sna tshogs su ’gyur bar bgyid lags so ||
bcom (5) ldan ’das | chab rñog ma can gaṅ gi naṅ du nor bu rin po che de stsal ba’i chab de dag thams cad kyaṅ daṅ bar ’gyur te | nor bu rin po che de ni yon tan de dag la sogs pa daṅ ldan pa lags so ||
de nas tshe daṅ ldan pa kun dga’ bos | lha’i dbaṅ po brgya byin la ’di (6) skad ces smras so ||
kau śi ka ’di ci sñam du sems | nor bu rin po che de lha’i yin nam | ’on te ’dzam bu’i gliṅ gi mi rnams la yaṅ rin po che de lta bu yod sñam ’am | brgya byin gyis smras pa | btsun pa kun dga’ bo nor bu rin po che de ni lha’i yin no ||
’dzam bu’i gliṅ (7) gi mi rnams kyi nor bu rin po che gaṅ yin pa ni chud la lci’o ||
lha’i nor bu rin po che gaṅ yin ba de dag ni che la yaṅ ste | ’dzam bu’i gliṅ gi mi rnams kyi nor bu rin po che rnams ni | lha’i rin po che de dag ltar yon tan gyi rnam pa śin tu yoṅs su rdzogs pa ma yin te | ’dzam bu gliṅ (15b1) ba’i nor bu rin po che de dag ni lha’i rin po che rnams kyi graṅs su yaṅ ñe bar mi ’gro ste | cha daṅ bgraṅ ba daṅ dper yaṅ mi bzod do ||
de nas bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das nor bu rin po che de za ma tog gi naṅ du stsal ba las | (2) gaṅ gi tshe nor bu rin po che de za ma tog de’i naṅ nas phyuṅ na yaṅ nor bu rin po che de de’i naṅ na mchis mchis so źes za ma tog de yaṅ yid du mchi bar ’gyur lags so ||
bcom ldan ’das de bźin du sa phyogs gaṅ na śes rab kyi pha rol tu phyin pa ’di spyod pa der | rigs kyi (3) bu’am rigs kyi bu mo dag gi lus daṅ | sems kyi sdug bsṅal daṅ | gnod pa mis bgyis pa’am | mi ma lags pas bgyis pa rnams ’byuṅ bar mi ’gyur lags so ||
de la nor bu rin po che chen po źes bgyi ba de ni | śes rab kyi pha rol tu phyin pa daṅ | (4) thams cad mkhyen pa’i ye śes kyi tshig bla dgas lags so ||
śes rab kyi pha rol tu phyin pa’i yon tan ni dpag tu ma mchis pa lags na | śes rab kyi pha rol tu phyin pa’i yon tan ji sñed cig yoṅs su brjod par rdo thogs lags | de bźin du bsam gtan gyi pha (5) rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | dran pa ñe bar gźag (6) pa rnams daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam daṅ | saṅs rgyas kyi chos ma ’dres pha bcwo brgyad kyi bar daṅ | thams cad mkhyen pa (7) ñid kyi ye śes daṅ | chos kyi dbyiṅs daṅ | chos skyon med pa ñid daṅ | de bźin ñid daṅ | yaṅ dag pa’i mtha’ daṅ | bsam gyis mi khyab pa’i dbyiṅs kyi yon tan yaṅ de bźin te | rnam pa thams cad mkhyen pa ñid kyi ye śes kyi yon tan de dag gis de bźin (16a1) gśegs pa yoṅs su mya ṅan las ’das pa’i sku gduṅ rnams kyis mchod pa brñes par ’gyur ba lags so ||
bcom ldan ’das gźan laṅ sku gduṅ de dag ni rnam pa thams cad mkhyen pa ñid kyi ye śes daṅ | bag chags daṅ | ñiṅ mtshams sbyor ba (2) daṅ | ñon moṅs pa thams cad spoṅ ba daṅ | rtag tu btaṅ sñoms su gnas pa daṅ | bsñel ba mi mṅa’ ba’i chos ñid kyi snod du gyur pa lags te | de’i slad du de bźin gśegs pa’i sku gduṅ rnams kyis mchod pa brñes pa lags so ||
bcom ldan ’das sku gduṅ de (3) dag ni pha rol tu phyin pa rin po che rnams kyi snod du gyur pa lags so ||
de bźin gśegs pa’i sku gduṅ de dag ni kun nas ñon moṅs pa ma mchis pa daṅ | rnam par byaṅ ba ma mchis pa’i pha rol tu phyin pa daṅ | skye ba ma mchis pa daṅ | ’gag pa ma mchis pa’i (4) pha rol tu phyin pa daṅ | blaṅ ba ma mchis pa daṅ | dor ba ma mchis pa’i pha rol tu phyin pa daṅ | ’od ba ma mchis ba daṅ | ’gro ba ma mchis pa’i pha rol tu phyin pa’i snod du gyur pa lags so ||
de bźin gśegs pa’i sku gduṅ de dag ni chos ñid kyi pha rol tu phyin pa’i (5) snod du gyur pa lags so ||
de bźin gśegs pa’i sku gduṅ de dag ni | chos ñid kyis yoṅs su bsgos pa lags te de’i slad du de bźin gśegs pa’i sku gduṅ rnams ni mchod pa brñes pa lags so ||
bcom ldan ’das gźan yaṅ stoṅ gsum gyi stoṅ chen po’i ’jig rten (6) gyi khams de bźin gśegs pa’i sku gduṅ gis yoṅs su bkaṅ ste | byur bur bgyis pa lta źog lags kyi | bcom ldan ’das gal te ’jig rten gyi khams gaṅ g’i kluṅ gi bye ma sñed de bźin gśegs pa’i sku gduṅ gis yoṅs su bkaṅ ste | byur bur bgyis la | (7) śes rab kyi pha rol tu phyin pa ’di yaṅ glegs bam du bris te stsal na | bcom ldan ’das bdag ni cha ’di gñis bźag pa las śes rab kyi pha rol tu phyin pa ’di ’tshal lags so ||
de ci’i slad du źe na | de bźin gśegs pa’i sku gduṅ śes rab kyi pa rol tu phyin pas yoṅs (16b1) su bsgos pa ni de las byuṅ ba’i slad du mchod pa brñes pa lags so ||
bcom ldan ’das rigs kyi bu’am rigs kyi bu mo de bźin gśegs pa’i sku gduṅ rnams la bsti staṅ du bgyid | bla mar bgyid | ri mor bgyid | mchod pa bgyid pa gaṅ lags pa de’i dge ba’i rtsa ba de (2) ni mthar phyin nas | lha rnams daṅ | mi rnams kyi bde ba dag ñams su myoṅ ste | rgyal rigs śiṅ s la chen bo lta bu rnams su’am | bram ze’i rigs śiṅ s la chen po lta bu rnams su’am | khyim bdag gi rigs śiṅ s la chen po lta bu rnams su’am | rgyal chen (3) bźi’i ris kyi lha’i bu daṅ | sum cu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams kyi naṅ du bde ba ñams su myoṅ ste | dge ba’i rtsa ba de ñid kyi sdug bsṅal mthar bgyid par ’gyur ba tsam du bas (4) kyi | rigs kyi bu’am rigs kyi bu mo śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par bgyid pa daṅ | tshul bźin du yid la bgyid pa gaṅ lags bde ni bsam gtan gyi pha rol tu phyin pa yaṅ yoṅs su rdzogs par ’gyur lags (5) so ||
bsam gtan gyi pha rol tu phyin pas kyaṅ | brtson ’grus kyi pha rol tu phyin pa yoṅs su rdzogs par bgyid lags so ||
brtson ’grus kyi pha rol tu phyin pas kyaṅ | bzod pa’i pha rol tu phyin pa yoṅs su rdzogs par bgyid lags so ||
bzod pa’i pha rol tu (6) phyin pas kyaṅ | tshul khrims kyi pha rol tu phyin pa yoṅs su rdzogs par bgyid lags so ||
tshul khrims kyi pha rol tu phyin pas kyaṅ | sbyin pa’i pha rol tu phyin pa yoṅs su rdzogs par bgyid lags so ||
de bźin du byaṅ chub kyi phyogs kyi chos sum cu rtsa bdun daṅ | (7) saṅs rgyas kyi chos ma ’dres pa bco brgyad kyi bar du yoṅs su rdzogs par bgyid lags te | ñan thos daṅ raṅ saṅs rgyas kyi sa las ’das nas | byaṅ chub sems dpa’i skyon ma mchis pa la ’jug par bgyid lags so ||
byaṅ chub sems dpa’i skyon ma mchis pa la źugs (17a1) nas | byaṅ chub sems dpa’i mṅon par śes pa rnams thob par ’gyur lags so ||
byaṅ chub sems dpa’i mṅon bar śes pa rnams thob nas | saṅs rgyas kyi źiṅ nas saṅs rgyas kyi źiṅ du mchi źiṅ lus gaṅ dag gis sems can rnams (2) yoṅs su smin par bgyid par ’gyur ba’i lus bsam bźin du len par bgyid de | yaṅ na ’khor los sgyur ba’i lus sam | rgyal rigs śiṅ s la chen po lta bu’am | bram ze’i rigs śiṅ s la chen po lta bu’am | khyim bdag gi rigs śiṅ s la chen po (3) lta bu’i lus blaṅs nas | sems can rnams yoṅs su smin par bgyid lags so ||
bcom ldan ’das de lta lags pas | bdag ni de bźin gśegs pa’i sku gduṅ rnams la gus par mi bgyid pa yaṅ ma lags la | len par mi ’tshal ba yaṅ ma lags mod kyi | (4) ’on kyaṅ śes rab kyi pha rol tu phyin pa la bsti staṅ bgyis pas | de bźin gśegs pa’i sku gduṅ rnams la yaṅ bsti staṅ bgyid par ’gyur | bla mar bgyis par ’gyur | ri mor bgyid par ’gyur | mchod pa bgyis par ’gyur lags so ||
bcom ldan (5) ’das gźan yaṅ phyogs bcu’i ’jig rten gyi khams graṅs ma mchis dpag tu ma mchis pa dag na | de bźin gśegs pa dgra bcom pa yaṅ dag par rdzogs pa’i saṅs rgyas bźugs pa de dag chos kyi sku daṅ | gzugs kyi skur mthoṅ bar ’tshal ba gaṅ lags pa de ni | (6) śes rab kyi pha rol tu phyin pa ’di ñid gzuṅ bar bgyi | bcad par bgyi | klag par bgyi | kun chub par bgyi | gźan dag la yaṅ rgya char yaṅ dag par bstan par bgyi źiṅ tshul bźin du yaṅ yid la bgyi’o ||
rigs kyi bu’am rigs kyi bu mo gaṅ phyogs bcu’i (7) de bźin gśegs pa dgra bcom pa yaṅ dag par rdzogs pa’i saṅs rgyas de dag mthoṅ bar ’tshal ba’i rigs kyi bya’am rigs kyi bu mo śes rab kyi pha rol tu phyin pa la spyod pa des ni | chos ñid du saṅs rgyas rjes su dran pa bsgom par bgyi’o ||
bcom ldan ’das chos ñid (17b1) ni ’di gñis lags te | gñis gaṅ źe na ’di lta ste | ’dus byas kyi chos kyi chos ñid daṅ | ’dus ma byas kyi chos kyi chos ñid lags so ||
bcom ldan ’das de la ’dus byas kyi chos kyi chos ñid gaṅ lags źe na | naṅ stoṅ pa ñid ’tshal ba daṅ | dṅos (2) po med pa’i ṅo bo ñid stoṅ pa ñid ’tshal ba gaṅ lags pa’i bar daṅ | byaṅ chub kyi phyogs kyi chos sum cu rtsa bdun ’tshal ba gaṅ lags pa daṅ | de bźin gśegs pa’i stobs bcu ’tshal ba gaṅ lags pa daṅ | mi ’jigs pa bźi ’tshal ba gaṅ lags pa daṅ | (3) so so yaṅ dag par rig pa bźi ’tshal ba gaṅ lags pa daṅ | saṅs rgyas kyi chos ma ’dres pa bco brgyad ’tshal ba gaṅ lags pa daṅ | dge ba daṅ mi dge ba’i chos rnams ’tshal ba gaṅ lags pa daṅ | zag pa daṅ bcas pa daṅ | zag pa ma mchis pa rnams daṅ (4) kha na ma tho ba daṅ bcas pa daṅ | kha na ma tho ba ma mchis pa rnams daṅ | ’jig rten pa daṅ | ’jig rten las ’das pa rnams daṅ | kun nas ñon moṅs pa daṅ | rnam par byaṅ ba ’atsala ba’i chos rnams ’tshal ba gaṅ lags pa ste | ’di ni ’dus byas kyi chos kyi chos ñid (5) ces bgyi’o ||
de la ’dus ma byas kyi chos kyi chos ñid gaṅ lags źe na | chos gaṅ la skye ba ma mchis pa daṅ | ’gag pa ma mchis pa daṅ | gnas pa ma mchis pa daṅ | gnas pa las gźan du ’gyur ba ma mchis pa daṅ | kun nas ñon moṅs pa ma (6) mchis pa daṅ | rnam par byaṅ ba ma mchis pa daṅ | ’grib pa ma mchis pa daṅ | ’phel ba ma mchis pa daṅ | chos thams cad ṅo bo ñid ma mchis pa ñid kyi bar dag lags so ||
chos thams cad ṅo bo ñid ma mchis pa ñid kyag gaṅ lags źe na | chos (7) thams cad ni dṅos po ma mchis pa’i ṅo bo ñid lags pas ’di ni ’dus ma byas kyi chos kyi chos ñid ces bgyi’o ||
de nas bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka de de bźin no de de bźin te | ’das pa’i dus na de bźin gśegs (18a1) pa dgra bcom pa yaṅ dag par rdzogs pa’i saṅs rgyas byuṅ ba gaṅ yin pa de dag kyaṅ śes rab kyi pha rol tu phyin pa ’di ñid la brten nas | bla na med pa yaṅ dag par rdzogs pa’i byaṅ chub mṅon bar rdzogs par saṅs rgyas so ||
ma ’oṅs pa’i (2) dus na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ’byuṅ bar ’gyur ba de dag kyaṅ śes rab kyi pha rol tu pyin pa ’di ñid la brten nas | bla na med pa yaṅ dag par rdzogs pa’i byaṅ chub tu mṅon par rdzogs par ’tshaṅ rgya bar ’gyur ro ||
(3) da ltar phyogs bcu’i ’jig rten gyi khams graṅs med dpag tu med pa dag na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag bźugs te | ’tsho źiṅ gźes pa de dag kyaṅ śes rab kyi pha rol tu phyin pa ’di ñid la brten te | (4) bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas so ||
’das pa’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyi ñan thos su gyur pa gaṅ yin pa de dag daṅ | ma byon pa’i de bźin gśegs pa dgra (5) bcom pa yaṅ dag par rdzogs pa’i saṅs rgyas rnams kyi ñan thos su ’gyur ba gaṅ yin pa de dag daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyi ñan thos da ltar ’khod pa gaṅ yin pa de dag gis kyaṅ śes rab kyi pha (6) rol tu phyin pa ’di ñid la brten nas rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa’i ’bras bu thob bo ||
’das pa’i dus na raṅ saṅs rgyas su gyur (7) pa gaṅ yin pa de dag daṅ | ma ’oṅs pa’i dus na raṅ saṅs rgyas su ’gyur ba gaṅ yin pa de dag daṅ | da ltar phyogs bcu’i ’jig rten gyi khams dpag tu med | graṅs med pa dag na raṅ saṅs rgyas gnas te | ’tsho źiṅ sdod pa gaṅ yin pa de dag gis kyaṅ (18b1) śes rab kyi pha rol tu phyin pa ’di ñid la brten nas | raṅ byaṅ chub thob bo ||
de ci’i phyir źe na | ’di ltar śes rab kyi pha rol tu phyin pa ’di las theg pa gsum rgya cher bstan pa’i phyir te | de dag kyaṅ mtshan ma med pa’i (2) tshul daṅ | skye ba med pa daṅ | ’gag pa med pa’i tshul daṅ | kun nas ñon moṅs pa med pa daṅ | rnam par byaṅ ba med pa’i tshul daṅ | mṅon par ’du byed pa med pa’i tshul daṅ | blaṅ ba med pa daṅ | dor ba med pa’i tshul daṅ | dbri ba med pa daṅ | (3) bsṅon pa med pa’i tshul daṅ | gzuṅ ba med pa daṅ | spoṅ ba med pa’i tshul gyis bstan te | de yaṅ ’jig rten gyi tha sñad kyis bya ba yin gyi | don dam par ni ma yin no ||
de ci’i phyir źe na | śes rab kyi pha rol tu phyin pa ni pha rol tu phyin pa yaṅ ma yin | pha (4) rol tu phyin pa ma yin pa yaṅ ma yin pa’i phyir te | śes rab kyi pha rol tu phyin pa ni pha rol lam | tshu rol lam | thaṅ ṅam | gśoṅ ṅam | mñam pa ’am | mi mñam pa ’am | mtshan ma ’am | mtshan ma med pa ’am | ’jig rten pa ’am | ’jig rten (5) las ’das pa’am | ’dus byas sam | ’dus ma byas sam | dge ba’am | mi dge ba’am | ’das pa’am | ma ’oṅs pa’am | da ltar byuṅ ba yaṅ ma yin no ||
kau śi ka śes rab kyi pha rol tu phyin pa ni chos gaṅ yaṅ sbyin par byed pa ma yin te | raṅ (6) saṅs rgyas kyi chos rnams daṅ | dgra bcom pa’i chos rnams chos rnams daṅ | so so’i skye bo’i chos rnams kyaṅ sbyin par byed pa ma yin no ||
brgya byin gyis gsol pa | bcom ldan ’das ’di lta ste | śes rab kyi pha rol tu phyin pa ’di ni ches che ba lags so ||
bcom ldan (7) ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni sems can thams cad kyi sems kyi spyod pa rnams kyaṅ rab tu ’tshal la sems can yaṅ mi dmigs | śes pa po daṅ | mthoṅ ba po’i bar yaṅ mi dmigs | gzugs kyaṅ mi (19a1) dmigs | tshor ba daṅ | ’du śes daṅ | ’du byed rnams daṅ | rnam par śes pa yaṅ mi dmigs | mig kyag mi dmigs | gzugs kyaṅ mi dmigs | mig gi rnam par śes pa yaṅ mi dmigs | mig gi ’dus te reg pa (2) yaṅ mi dmigs | mig gi ’dus te reg pa’i rkyen gyis byuṅ ba’i tshor ba bde ba’am | sdug bsṅal ba’am | bde ba yaṅ ma lags | sdug bsṅal ba yaṅ ma lags pa gaṅ lags pa de yaṅ mi dmigs lags so ||
de bźin du rna ba daṅ | sna daṅ | (3) lce daṅ | lus daṅ | yid kyaṅ mi dmigs | yid kyi rnam par śes pa daṅ | yid kyi ’dus te reg pa daṅ | yid kyi ’dus te reg pa’i rkyen gyis byuṅ ba’i tshor ba bde ba’am | sdug bsṅal ba’am | bde ba yaṅ ma lags | sdug bsṅal ba yaṅ ma lags pa (4) gaṅ lags pa de yaṅ mi dmigs lags so ||
dran pa ñe bar gźag pa rnams kyaṅ mi dmigs | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam yaṅ mi dmigs lags so ||
de (5) bźin gśegs pa’i stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa bco brgyad kyaṅ mi dmigs lags so ||
byaṅ chub daṅ | saṅs rgyas daṅ | saṅs rgyas kyi chos rnams kyaṅ mi dmigs lags so ||
(6) de ci’i slad du źe na | śes rab kyi pa rol tu phyin pa ’di ni mi dmigs pa’i tshul gyis ñe bar gnas pa ma lags pa’i slad du’o ||
de ci’i slad du źe na | ’di ltar gaṅ gis dmigs pa daṅ | gaṅ la dmigs pa raṅ bźin gyis ma mchis pa’i slad du’o ||
bcom (7) ldan ’das kyis bka’ stsal pa | kau śi ka de de bźin no ||
de de bźin te | kau śi ka ’di ltar byaṅ chub sems dpa’ sems dpa’ chen po mi dmigs pa’i tshul gyis śes rab kyi pha rol tu phyin pa la spyod pa de ni | byaṅ chub kyaṅ mi dmigs na | byaṅ chub sems dpa’ lta ci smos | (19b1) byaṅ chub sems dpa’i chos rnams lta yaṅ ci smos | brgya byin gyis gsol pa | bcom ldan ’das byaṅ chub sems dpa’ sems dpa’ chen po ci’i slad du śes rab kyi pha rol tu phyin pa ’ba’ źig la spyod par bgyid kyi pha rol tu phyin pa gźan dag la spyod par mi bgyid (2) lags | bcom ldan ’das kyis bka’ stsal pa | kau śi ka byaṅ chub sems dpa’ ni śes rab kyi pha rol tu phyin pa ’ba’ źig la spyod pa ma yin gyi | pha rol tu phyin pa thams cad la yaṅ spyod do ||
de yaṅ mi dmigs pa’i tshul gyis spyod de | de sbyin pa yaṅ mi (3) dmigs | sbyin pa po yaṅ mi dmigs | len pa po yaṅ mi dmigs so ||
tshul khrims kyaṅ mi dmigs | tshul khrims daṅ ldan pa yaṅ mi dmigs | tshul khrims ’chal pa yaṅ mi dmigs so ||
bzod pa yaṅ mi dmigs | bzod par bya ba yaṅ mi dmigs | (4) bzod pa daṅ ldan pa yaṅ mi dmigs so ||
brtson ’grus kyag mi dmigs | bya ba yaṅ mi dmigs | lus daṅ sems kyag mi dmigs so ||
sems kyag mi dmigs | tiṅ ṅe ’dzin kyaṅ mi dmigs | mñam par bźag pa yaṅ mi dmigs so ||
śes rab kyaṅ mi (5) dmigs | śes par bya ba yaṅ mi dmigs | śes rab daṅ ldan pa yaṅ mi dmigs so ||
kau śi ka śes rab kyi pha rol tu phyin pa ni chos thams cad mi dmigs pa’i tshul gyis | byaṅ chub sems dpa’ sems dpa’ chen po sbyin pa sbyin pa’i sṅon du ’gro ba yin no ||
(6) śes rab kyi pha rol tu phyin pa ni byaṅ chub sems dpa’ tshul khrims sruṅ ba daṅ | bzod pa sgom pa daṅ | brtson ’grus rtsom pa daṅ | bsam gtan la sñoms par ’jug pa’i sṅon du ’gro ba yin no ||
śes rab kyi pha rol tu phyin pa ni byaṅ chub sems dpa’i chos rnams (7) rnam par ’byed pa’i sṅon du ’gro ba yin no ||
de bźin du phuṅ po daṅ | khams daṅ | skye mched rnams la yaṅ mi dmigs pa’i tshul gyis sbyar bar bya’o ||
byaṅ chub kyi phyogs kyi chos sum cu rtsa bdun la yaṅ mi dmigs pa’i tshul gyis sbyar bar bya’o ||
stobs rnams (20a1) daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad la yaṅ mi dmigs pa’i tshul gyis sbyar bar bya’o ||
rnam pa thams cad mkhyen pa ñid kyi bar du yaṅ mi dmigs pa’i tshul (2) gyis sbyar bar bya’o ||
kau śi ka ’di lta ste dper na | ’dzam bu’i gliṅ gi śiṅ ljon ba lo ma tha dad pa daṅ ’bras bu tha dad pa’i śiṅ ljon pa ji sñed ba de dag gi brib ma ni grib ma grib ma źes bya ba’i graṅs su ’gro ba ma gtogs par khyad par ram tha dad du dbye ba med do ||
kau śi ka de (3) bźin du pha rol tu phyin pa lṅa mi dmigs pa’i tshul gyis | śes rab kyi pha rol tu phyin pas yoṅs su zin pa daṅ | rnam pa thams cad mkhyen pa ñid du yoṅ su bsṅos pa rnams la ni khyad par ram | tha dad du dbye ba med do ||
brgya byin gyis gsol pa | bcom ldan ’das śes (4) rab kyi pha rol tu phyin pa ’di ni sñiṅ rje chen po daṅ ldan pa lags | yon tan thams cad yoṅs su rdzogs par bgyid pa lags | yon tan tshad ma mchis pa daṅ ldan pa lags | yon tan mtha’ yas pa daṅ ldan pa lags | śes rab kyi pha rol tu phyin pa ’di ni yon tan thug pa (5) ma mchis pa daṅ ldan pa lags so ||
bcom ldan ’das rigs kyi bu’am rigs kyi bu mo gaṅ la las śes rab kyi pha rol tu phyin pa ’di glegs bam la yaṅ bris te ’chaṅ la | me tog daṅ | spos daṅ | bdug pa daṅ | me tog phreṅ daṅ | byug pa daṅ | phye ma daṅ | na (6) bza’ daṅ | gdugs daṅ | rgyal mtshan daṅ | bdan dag gis bsti staṅ du bgyid | bla mar bgyid | ri mor bgyid | mchod par bgyid de | ji ltar luṅ phog pa bźin du yaṅ śes rab kyi pha rol tu phyin pa tshul bźin du yid la bgyid pa daṅ | rigs kyi bu’am rigs kyi bu (7) mo gaṅ gis śes rab kyi pha rol tu phyin pa ’di glegs bam la bris te | gźan dag la stsal na | ’di gñis las gaṅ bsod nams ches maṅ du skyed pa lags | bcom ldan ’das kyis bka’ stsal pa | kau śi ka de’i phyir ’di khyod ñid la dris | khyod kyis ji ltar bzod pa de (20b1) ltar lan thob śig | kau śi ka ’di ji sñam du sems | rigs kyi bu’am rigs kyi bu mo gaṅ la las de bźin gśegs pa’i sku gduṅ rnams la me tog daṅ | bdug pa daṅ | spos daṅ | me tog phreṅ daṅ | byug ba daṅ | phye ma daṅ | gos daṅ | gdugs daṅ | rgyal (2) mtshan daṅ | ba dan dag gis bsti staṅ du byed | bla mar byed | ri mor byed | mchod par byed pa daṅ | rigs kyi bu’am rigs kyi bu mo gaṅ gis de bźin gśegs pa’i sku gduṅ yuṅs ’bru tsam gźan dag la byin te | bgo bśa’ byas nas | rigs kyi bu’am rigs kyi bu mo (3) de yaṅ de bźin gśegs pa’i sku gduṅ yuṅs ’bru cam po de la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du byed | bla mar byed | ri mor byed | mchod (4) par byed na | de gñis las gaṅ bsod nams ches maṅ du skyed sñam ’am | brgya byin gyis gsol pa | bcom ldan ’das kyis bka’ stsal ba’i don bdag gis ’tshal ba ltar na | rigs kyi bu’am rigs kyi ba mo gaṅ de bźin gśegs pa’i sku gduṅ de dag la bdag ñid kyaṅ me (5) tog la sogs pas bsti staṅ du bgyid | bla mar bgyid | ri mor bgyid | mchod par bgyid ciṅ | gźan dag la yaṅ stsol bar bgyid pa de ni | de las bsod nams ches maṅ du skyed lags so ||
de bźin gśegs pas don gyi dbaṅ de gzigs nas | sems can (6) gyi tshogs kyi naṅ na | sems can de bźin gśegs pa’i sku gduṅ gis ’dul bar ’gyur ba rnams la thugs rje chen po bskyed de | de bźin gśegs pas rdo rje lta bu’i tiṅ ṅe ’dzin la sñoms par źugs nas | rdo rje lta bu’i sku bśig ste | de bźin gśegs pa’i sku gduṅ rnams (7) su byin gyis brlabs lags so ||
bcom ldan ’das tha na de bźin gśegs pa yoṅs su mya ṅan las ’das pa’i de bźin gśegs pa’i sku gduṅ yuṅs ’bru tsam la mchod pa bgyid pa’i dge ba’i rtsa ba ni yoṅs su mya ṅan las ’das par gyur gyi bar du de dag thams cad kyis de’i mtha’ rtogs par (21a1) rṅo mi thogs lags so ||
bcom ldan ’das kyis bka’ stsal pa | kau śi ka de de bźin no ||
de de bźin te | kau śi ka rigs kyi bu’am rigs kyi bu mo gaṅ la la źig śes rab kyi pha rol tu phyin pa ’di la me tog daṅ | bdug pa daṅ | spos daṅ | me tog phreṅ daṅ | (2) byug ba daṅ | phye ma daṅ | gos daṅ | gdugs daṅ | rgyal mtshan daṅ | ba dan ṅag gis bsti staṅ du byed pa daṅ | bla mar byed pa daṅ | ri mor byed pa daṅ | mchod par byed pa bas gaṅ gis yi ger bris nas gźan dag la sbyin bar byed na | rigs kyi bu ’am rigs kyi bu mo de de (3) las ches bsod nams maṅ du bskyed do ||
kau śi ka gźan yaṅ rigs kyi bu’am rigs kyi bu mo gaṅ śes rab kyi pha rol tu phyin pa ’di ji ltar luṅ phog pa bźin du gźan dag gi druṅ du soṅ ste | ’chad ciṅ ston pa daṅ | rjod ciṅ ’grel ba daṅ | gsal bar byed na | rigs kyi bu’am | (4) rigs kyi bu mo de ni | rigs kyi bu’am rigs kyi bu mo sṅa ma bas | ches bsod nams maṅ du skyed de | ston pa ’am bla ma’i gnas tshaṅs pa mtshuṅs par spyod pa mkhas pa gaṅ yaṅ ruṅ ba źig yin par śes par bya’o ||
de ci’i phyir źe na | ’di la ston pa yaṅ gźan la | śes (5) rab kyi pha rol tu phyin pa yaṅ gźan pa ni ma yin gyi | śes rab kyi pha rol tu phyin pa ’di ñid ston pa yin la | ston pa ñid śes rab kyi pha rol tu phyin pa yin pas na | ’di ltar śes rab kyi pha rol tu phyin pa ’di ñid ston pa yin par blta’o ||
de ci’i phyir źe na | ’das pa daṅ | (6) ma byon pa daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ | śes rab kyi pha rol tu phyin pa ’di la bslabs pas byuṅ ba yin la | tshaṅs pa mtshuṅs par spyod pa mkhas pa gaṅ yaṅ ruṅ ba dag daṅ | phyir mi ldog (7) pa la gnas pa’i byaṅ chub sems dpa’ gaṅ yin pa de dag kyaṅ śes rab kyi pha rol tu phyin pa ’di ñid la bslabs pas | bla na med pa yaṅ dag par rdzogs pa’i byaṅ chub mṅon bar rdzogs par saṅs rgyas pa’i phyir ro ||
śes rab kyi pha rol tu phyin pa ’di la bslabs pas | ñan thos (21b1) kyi theg pa ba rnams kyis kyaṅ dgra bcom pa ñid thob par gyur to ||
raṅ saṅs rgyas kyi theg pa pa rnams kyis kyaṅ raṅ byaṅ chub thob par gyur to ||
byaṅ chub sems dpa’ rnams kyaṅ byaṅ chub sems dpa’i skyon med pa la źugs so ||
kau śi ka de (2) bas na rigs kyi bu’am rigs kyi bu mo de bźin gśegs pa dgra bcom pa yaṅ dag par rdzogs pa’i saṅs rgyas rnams mṅon sum du bya bar ’dod pa daṅ | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan (3) daṅ | ba dan dag gis bsti stag du bya ba daṅ | bla mar bya ba daṅ | ri mor bya ba daṅ | mchod pa bya bar ’dod pa des śes rab kyi pha rol tu phyin pa ’di ñid glegs bam la bris te | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | (4) gdugs daṅ | rgyal mtshan daṅ | ba dan dag gis bsti staṅ du bya | bla mar bya | ri mor bya | mchod par bya’o ||
ṅa bla na med pa yaṅ dag par rdzogs pa’i byaṅ chub mṅon bar rdzogs par saṅs rgyas te | don gyi dbaṅ ’di mthoṅ nas | ’di sñam du bsams te | ṅas gaṅ la brten (5) te gnas bar bya | gaṅ źig la ni bsti staṅ bya | bla mar bya | ri mor bya | mchod par bya sñam pa las | kau śi ka de’i tshe ṅas ’jig rten lha daṅ bcas pa | bdud daṅ bcas pa | dge sbyoṅ daṅ | bram zer bcas pa’i skye dgu’i naṅ na | ṅa daṅ ’dra ba ma mthoṅ ste | ṅa daṅ ’dra ba yaṅ (6) dag bar rjes sum mthoṅ nas | yaṅ ’di sñam du bsams te | ’o na de ltar ṅas chos gaṅ mṅon bar rdzogs par saṅs rgyas pa’i chos de ñid la bdag gis bsti staṅ du bya | bla mar bya | ri mor bya | mchod par bya źiṅ brten te | gnas par bya’o sñam du bsams pa’i chos gaṅ yin pa de (7) ni | kau śi ka śes rab kyi pha rol tu phyin pa ’di ñid yin te | kau śi ka śes rab kyi pha rol tu phyin pa ’di la ni ṅa ñid kyaṅ bsti staṅ du byed | bla mar byed | ri mor byed | mchod par byed de | bsti staṅ du byas | bla mar byas | ri mor byas | mchod par byas nas rten ciṅ gnas na | (22a1) gau śi ka rigs kyi bu ’am rigs kyi bu mo bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod bas | śes rab kyi pha rol tu phyin pa ’di la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | (2) gos daṅ | gdugs daṅ | rgyal mtshan daṅ | ba dan dag gis bsti staṅ du bya ba daṅ | bla mar bya ba daṅ | ri mor bya ba daṅ | mchod par bya ba daṅ | rigs kyi bu ’am rigs kyi bu mo ñan thos kyi theg pa la yaṅ dag par źugs pa’am | raṅ saṅs rgyas kyi theg pa la yaṅ dag par (3) źugs pa dag gis | śes rab kyi pha rol tu phyin pa ’di la me tog daṅ | bdug pa daṅ | spos daṅ | me tog briṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du bya ba daṅ | bla mar bya ba daṅ | ri mor bya ba daṅ | mchod (4) par bya ba lta ci smos | de ci’i phyir źe na | śes rab kyi pha rol tu phyin pa las ni | byaṅ chub sems dpa’ rnams byuṅ la byaṅ chub sems dpa’ las ni de bźin gśegs pa dgra bcom pa yaṅ dag par rdzogs pa’i saṅs rgyas rnams byuṅ źiṅ | de bźin gśegs pa las ni ñan thos daṅ | raṅ (5) saṅs rgyas rnams byuṅ ba’i phyir te | kau śi ka de lta bas na | rigs kyi bu ’am rigs kyi bu mo theg pa pa chen po ba rnams daṅ | ñan thos kyi theg pa pa rnams daṅ | raṅ saṅs rgyas kyi theg pa pa rnams kyis gaṅ la bslabs na | rigs kyi bu ’am rigs kyi bu mo rnams | bla na med pa (6) yaṅ dag par rdzogs pa’i byaṅ chub mṅon par rdzogs par saṅs rgyas pa daṅ | mṅon par rdzogs par ’tshaṅ rgya ba daṅ | mṅon par rdzogs par ’tshaṅ rgya bar ’gyur ba’i śes rab kyi pha rol tu phyin pa ’di ñid la me tog daṅ | bdug pa daṅ | spos daṅ | me tog phreṅ daṅ | byug pa daṅ | (7) phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du bya’o ||
śes rab kyi pha rol tu phyin pa khri brgyad stoṅ pa las sku gduṅ gi le’u źes bya ste | sum cu rtsa gcig pa’o || ||
kau śi ka (22b1) sems can gcig cig rgyun du źugs pa’i ’bras bu la bźag pa ni | bsod nams ches dpag tu med pa yin gyi | ’dzam bu’i gliṅ gi sems can rnams dge ba bcu’i las kyi lam rnams la bkod pa ni de lta ma yin no ||
de ci’i phyir źe na | kau śi ka sems can dge ba bcu’i (2) las kyi lam rnams la bkod pa dag ni | sems can dmyal ba daṅ | dud ’gro’i skye gnas daṅ | gśin rje’i ’jig rten daṅ | lha ma yin gyi ’gro ba dag gis yoṅs su btaṅ ba ma yin gyi | sems can rgyun du źugs pa’i ’bras bu la bźag pa ni | ṅan ’gro thams cad (3) las thar pa yin pa’i phyir ro ||
de bźin du sems can gcig cig raṅ byaṅ chub la gźag pa ni bsod nams ches maṅ ba yin gyi | ’dzam bu’i gliṅ gi sems can rnams dge ba bcu’i las kyi lam rnams la bkod pa ni de lta ma yin no ||
kau śi ka rigs kyi bu’am rigs kyi bu mo (4) gaṅ la las | sems can gcig cig bla na med pa yaṅ dag par rdzogs pa’i byaṅ chub la bźag na | de ni de bas ches bsod nams maṅ du skyed do ||
de ci’i phyir źe na | de ni saṅs rgyas kyi tshul rgyun mi ’chad par bgyi ba’i ched du bźag pa’i phyir ro ||
kau śi ka rigs kyi bu (5) ’am rigs kyi bu mo bla na med pa yaṅ dag par rdzogs pa’i byaṅ chub la ’jog pa gaṅ yin pa de ni | bsod nams maṅ du skyed do ||
de ci’i phyir źe na | ’di ltar byaṅ chub sems dpa’ las ni dkon mchog gsum byuṅ la | dkon mchog gsum yaṅ ’jig rten thams cad kyi (6) mchod pa’i gnas yin pa’i phyir te | kau śi ka de bas na | byaṅ chub sems dpa’ sems dpa’ chen po la ni ’jig rten lha daṅ bcas pa | bdud daṅ bcas pa | tshaṅs pa daṅ bcas pa | dge sbyoṅ daṅ | bram zer bcas pa’i skye dgus | me tog daṅ | bdug pa daṅ | (7) spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du bya’o ||
kau śi ga gźan yaṅ rigs kyi bu’am rigs kyi bu mo gaṅ la las ’dzam bu’i gliṅ (23a1) gi sems can rnams dge ba bcu’i las kyi lam rnams la bkod na | kau śi ka ’di ji sñam du sems | ci gźi de las rigs kyi bu’am rigs kyi bu’am rigs kyi bu mo de bsod nams maṅ du skyed sñam ’am | brgya byin gyis gsol pa | bcom ldan ’das maṅ lags so ||
(2) bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas na rigs kyi bu’am rigs kyi bu mo gaṅ gis śes rab kyi pha rol tu phyin pa ’di glegs bam la bris nas tha na dpe bri ba daṅ | bklag pa tsam gyi phyir yaṅ gźan la sbyin par byed pa de ches (3) bsod nams maṅ du skyed do ||
de ci’i phyir źe na | rigs kyi bu’am rigs kyi bu mo rnams kyi gaṅ la bslabs na | yaṅ dag pa’i skyon med pa la źugs pa daṅ | ’jug pa daṅ ’jug par ’gyur ba daṅ | dgra bcom pa ñid kyi bar du thob par gyur pa daṅ | ’thob daṅ | (4) thob par ’gyur ba daṅ | byaṅ chub sems dpa’ sems dpa’ chen po rnams skyon med pa la źugs te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa daṅ | mṅon par rdzogs par ’tshaṅ rgya ba daṅ | mṅon par rdzogs par ’tshaṅ rgya bar (5) ’gyur ba’i zag pa med pa’i chos rnams śes rab kyi pha rol tu phyin pa ’di las rgya cher bstan pa’i phyir ro ||
kau śi ka zag pa med pa’i chos rnams gaṅ źe na | ’di lta ste pha rol tu phyin pa rnams daṅ | byaṅ chub kyi phyogs kyi chos sum cu rtsa bdun daṅ | bden pa bźi daṅ | naṅ (6) stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | de bźin gśegs pa’i stobs bcu daṅ | saṅs rgyas kyi chos tshad med pa’i bar du | de bźin gśegs pa dgra bcom pa yaṅ dag par rdzogs pa’i saṅs rgyas rnams kyis | śes rab kyi pha (7) rol tu phyin pa las rgya cher bstan pa dag yin no ||
kau śi ka de bas na rnam graṅs des kyaṅ rigs kyi bu’am rigs kyi bu mo gaṅ dag gis śes rab kyi pha rol tu phyin pa glegs bam la bris te | tha na dpe ’dri ba daṅ | klog pa tsam gyi phyir yaṅ gźan la sbyin par byed pa de | ches (23b1) bson nams maṅ du skyed par rig par bya’o ||
de ci’i phyir źe na | kau śi ka ’di ltar chos gaṅ dag gis rgyal rigs śiṅ s la chen po lta bu rnams yod pa daṅ | bram ze’i rigs śiṅ s la chen po lta bu rnams daṅ | khyim bdag gi rigs śiṅ s la chen po lta bu rnams yod pa (2) daṅ | rgyal chen bźi’i ris kyi lha rnams yod pa daṅ | sum cu rtsa gsum pa daṅ | ’du śes med ’du śes med min skye mched du ñe bar ’gro ba’i bar gyi lha rnams yod pa daṅ | pha rol tu phyin pa rnams yod pa daṅ | byaṅ chub kyi phyogs kyi chos sum cu rtsa bdun gyi bar du (3) yod pa daṅ | rnam pa thams cad mkhyen pa ñid kyi bar du yod pa daṅ | rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs rgyas rnams yod pa’i chos thams cad śes rab kyi pha rol tu phyin pa las rgya cher bstan pa’i phyir (4) ro ||
kau śi ka ’dzam bu’i gliṅ gi sems can rnams raṅ byaṅ chub kyi bar la bkod pa lta źog gi | kau śi ka gliṅ bźi pa’i ’jig rten gyi khams na sems can ji sñed yod pa de dag thams cad rigs kyi bu’am rigs kyi bu mo gaṅ la las dge ba bcu’i las kyi lam rnams la bkod na | (5) kau śi ka ’di ji sñam du sems | ci rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas (6) na rigs kyi bu’am rigs kyi bu mo gaṅ gis śes rab kyi pha rol tu phyin pa ’di glegs bam la bris nas | tha na dpe bri ba daṅ | klog pa tsam gyi phyir yaṅ gźan la sbyin par byed pa de | ches bsod nams maṅ du skyed do ||
de ci’i phyir źe na | kau śi ka ’di ltar ñan thos daṅ | raṅ saṅs rgyas (7) daṅ | byaṅ chub sems dpa’i chos daṅ | saṅs rgyas kyi chos thams cad ni śes rab kyi pha rol tu phyin pa las byuṅ ba’i phyir ro ||
de bźin du sbyar te | kau śi ka gliṅ chen po bźi’i ’jig rten gyi khams na | sems can ’khod pa rnams dge ba bcu’i las kyi lam rnams daṅ | dgra (24a1) bcom pa’i bar daṅ | raṅ saṅs rgyas kyi bar du bkod pa lta źog gi | rigs kyi bu’am rigs kyi bu mo gaṅ la las stoṅ gi ’jig rten gyi kams na sems can gaṅ dag ’khod pa de dag thams cad dge ba bcu’i las kyi lam rnams la bkod pa daṅ | dgra (2) bcom pa ñid kyi bar daṅ | raṅ saṅs rgyas ñid kyi bar du bkod pa bas | rigs kyi bu’am rigs kyi bu mo gaṅ źig śes rab kyi pha rol tu phyin pa ’di glegs bam la bris nas | tha na dpe bri ba daṅ | bklag pa tsam gyi phyir yaṅ gźan la sbyin par byed pa de ni de bas ches bsod (3) nams maṅ du skyed do ||
de bźin du sbyar te | kau śi ka stoṅ gi ’jig rten gyi kams na sems can ’khod pa lta źog gi | stoṅ gñis kyi ’jig rten gyi khams na | sems can gaṅ dag ’khod pa de dag thams cad de dge ba bcu’i las kyi lam daṅ | dgra bcom pa ñid daṅ | (4) raṅ saṅs rgyas ñid kyi bar du bkod pa bas | rigs kyi bu’am rigs kyi bu mo gaṅ źig śes rab kyi pa rol tu phyin pa ’di glegs bam la bris nas | tha na dpe bri ba daṅ | bklag pa tsam gyi phyir yaṅ | gźan dag la sbyin par byed pa de ni de bas ches bsod nams maṅ du skyed (5) do ||
de bźin du sbyar te | kau śi ka stoṅ gñis kyi ’jig rten gyi khams na | sems can ji sñed ’khod pa rnams dge ba bcu’i las kyi lam daṅ | raṅ saṅs rgyas ñid kyi bar du bkod pa lta źog gi | kau śi ka rigs kyi bu’am rigs kyi bu mo gaṅ la las stoṅ gsum gyi (6) stoṅ chen po’i ’jig rten gyi khams na | sems can ji sñed gnas pa de dag dge ba bcu’i las kyi lam la bkod pa daṅ | raṅ saṅs rgyas ñid kyi bar du bkod pa bas | rigs kyi bu ’am rigs kyi bu mo gaṅ źig śes rab kyi pha rol tu phyin pa ’di glegs bam la bris nas | (7) than dpe bri ba daṅ | bklag pa tsam gyi phyir yaṅ gźan la sbyin par byed na | rigs kyi bu’am rigs kyi bu mo de ni de bas ches bsod nams maṅ du skyed do ||
de bźin du sbyar te | kau śi ka stoṅ gsum gyi stoṅ chen po’i ’jig rten gyi khams na ’khod pa’i sems can rnams lta (24b1) źog gi | kau śi ka ’jig rten gyi khams gaṅ g’i kluṅ gi bye ma sñed dag na sems can ji sned gnas pa de dag thams cad rigs kyi bu’am rigs kyi bu mo gaṅ dag gis dge ba bcu’i las kyi lam la bkod pa daṅ | dgra bcom pa ñid daṅ | raṅ saṅs rgyas ñid kyi (2) bar du bkod pa bas | rigs kyi bu’am rigs kyi bu mo gaṅ źig śes rab kyi pha rol tu phyin pa ’di glegs bam la bris nas | tha na dpe bri ba daṅ | bklag pa tsam gyi phyir yaṅ gźan la sbyin par byed na | kau śi ka rigs kyi bu’am rigs kyi bu mo de ni de bas ches (3) bsod nams maṅ du skyed do ||
kau śi ka gźan yaṅ ’dzam bu’i gliṅ gi sems can gaṅ yin pa de dag rigs kyi bu’am rigs kyi bu mo la la źig gis bsam gtan bźi la bkod ciṅ | tshad med pa bźi daṅ | gzugs med pa’i sñoms par ’jug pa bźi daṅ | (4) mṅon par śes pa lṅa la bkod na | ci rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ (5) stsal pa | kau śi ka de bas na rigs kyi bu’am rigs kyi bu mo gaṅ źig śes rab kyi pha rol tu phyin pa ’di glegs bam la bris nas | tha na dpe bri ba daṅ | bklag pa tsam gyi phyir yaṅ gźan la sbyin par byed na | de ni de bas ches bsod nams maṅ du skyed do ||
de ci’i (6) phyir źe na | śes rab kyi pha rol tu phyin pa ’di las chos thams cad rgya cher bstan pa’i phyir ro ||
kau śi ka gźan yaṅ rigs kyi bu ’am rigs kyi bu mo śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin (7) du yid la byed pa’i rigs kyi bu’am rigs kyi bu mo de bsod nams ches maṅ du skyed kyi | ’dzam bu’i gliṅ gi sems can rnams | dge ba bcu’i las kyi lam rnams daṅ | bsam gtan daṅ | tshad med pa daṅ | gzugs med pa daṅ | mṅon napara śes pa rnams la bkod (25a1) pa ni de lta ma yin no ||
de la tshul bźin du yid la byed ba ni ’di yin te gñis su spyod pa ma yin pa’i blos śes rab kyi pha rol tu phyin pa ’di ’dzin ba daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed (2) pa daṅ | gñis su spyod pa ma yin pa’i blos bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod ’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa ’dzin pa daṅ | ’chaṅ ba daṅ | (3) klog pa daṅ | kun chub par byed pa daṅ | tshul bźin du yid la byed ba daṅ | gñis su spyod pa ma yin pa’i blos naṅ stoṅ pa ñid tshul bźin du yid la byed ba daṅ | dṅos po med pa’i ṅo bo ñid stoṅ pa ñid kyi bar du tshul bźin du yid la byed pa daṅ | gñis su spyod pa (4) ma yin pa’i blos dran pa ñe bar gźag pa daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam tshul bźin du yid la byed ba daṅ | gñis su spyod pa ma yin pa’i blos | saṅs rgyas (5) kyi chos ma ’dres pa bco brgyad daṅ | rnam pa thams cad mkhyen pa ñid kyi bar du tshul bźin du yid la byed pa yin no ||
kau ba ni ka gźan yaṅ rigs kyi bu’am rigs kyi bu mo gaṅ la la rnams graṅs des śes rab kyi pha rol tu phyin ba gźan dag la rgya cher ston ciṅ ’chad la rab tu ’byed (6) ba daṅ | ’grel ciṅ gsal bar byed pa daṅ | don kyaṅ ston par byed la | de la śes rab kyi pa rol tu phyin pa’i don ni ’di yin te | gaṅ śes rab kyi pha rol tu phyin pa la gñis su mi lta gñis su med par mi lta źiṅ | mtshan mar ma yin | mtshan ma med par ma yin | (7) blaṅ bar ma yin | dor par ma yin | dbri bar ma yin | bsnan par ma yin | kun nas ñon moṅs par ma yin | rnam par byaṅ bar ma yin | skye bar ma yin | ’gag par ma yin | gzuṅ bar ma yin | spaṅ bar ma yin | gnas su ma yin | gnas ma (25b1) yin par ma yin | yaṅ dag par ma yin | log par ma yin | rig par ma yin | mi rig par ma yin | bag tsam du ma yin | bag tsam ma yin par ma yin | cha śas su ma yin | cha śas med par ma yin | chos su ma yin | chos ma yin par ma yin | de bźin (2) ñid du ma yin | de bźin ñid ma yin par ma yin | yaṅ dag pa’i mthar ma yin źiṅ | yaṅ dag pa’i mtha’ ma yin par yaṅ mi lta ba ste | ’di ni gñis su med pa’i don to ||
rigs kyi bu’am rigs kyi bu mo gaṅ śes rab kyi pha rol tu phyin pa gźan dag la rgya cher ston (3) ciṅ ’chad la | rab tu ’byed ba daṅ | ’grel ciṅ gsal bar byed pa daṅ | don kyaṅ ston par byed pa de ni gźi de las bsod nams maṅ du skyed kyi | gaṅ bdag ’ba’ źig ’dzin pa daṅ | ’chaṅ ba daṅ | klog pa daṅ | kun chub par byed ba daṅ | tshul bźin du yid la (4) byed pa ni de lta ma yin no ||
kau śi ka gźan yaṅ rigs kyi bu’am rigs kyi bu mo gaṅ bdag ñid śes rab kyi pa rol tu phyin pa ’dzin pa daṅ | ’chad ba daṅ | glog pa daṅ | kun chub par byed pa daṅ | tshul bźin du yid la byed pa bas gaṅ źig gźan dag la rgya cher ston ciṅ (5) ’doms par byed ba daṅ | de la ’god par byed ba daṅ | rnam par ’byed ciṅ gsal bar byed la don kyaṅ ston par byed na | de ni de bas ches bsod nams maṅ du skyed do ||
brgya byin gyis gsol ba | bcom ldan ’das de de ltar lags te | de de ltar lags so ||
bcom (6) ldan ’das kyis bka’ stsal pa | kau śi ka rigs kyi bu’am rigs kyi bu mos de ltar śes rab kyi pha rol tu phyin pa don daṅ bcas tshig ’bru daṅ bcas par bstan par bya’o ||
rigs kyi bu’am rigs kyi bu mos de ltar bstan na | bsod nams kyi phuṅ po dpag tu (7) med | graṅs med tshad med pa dag daṅ ldan par ’gyur ro ||
gal te rigs kyi bu’am rigs kyi bu mo la las phyogs bcu’i phyogs re rer | de bźin gśegs pa dgra bcom pa yaṅ dag par rdzogs pa’i saṅs rgyas graṅs med | dpag tu med pa dag la ji srid (26a1) ’tsho’i bar du me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan daṅ | bde ba’i yo byad thams cad kyis bsti staṅ du byed | bla mar med | ri mor byed | mchod (2) par byed pa bas | kau śi ka rigs kyi bu’am rigs kyi bu mo gaṅ źig śes rab kyi pha rol tu phyin pa ’di rnam graṅs du mar gźan dag la rgya cher ston ciṅ | don go bar byed la rnam par ’byed ciṅ ’grel te gsal bar byed na | rigs kyi bu ’am rigs kyi bu mo de ni de bas ches (3) bsod nams maṅ du skyed do ||
de ci’i phyir źe na | ’das pa daṅ | ma byon pa daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas de dag gis kyaṅ śes rab kyi pha rol tu phyin pa ’di la bslabs pas bla na med pa yaṅ dag (4) bar rdzogs pa’i byaṅ chub mṅon par rdzogs par saṅs rgyas pa daṅ | mgon par rdzogs par ’tshaṅ rgya ba daṅ | mṅon par rdzogs par ’tshaṅ rgya bar ’gyur ba’i phyir ro ||
kau śi ka gźan yaṅ rigs kyi bu’am rigs kyi bu mo gaṅ gis bskal pa graṅs med pa | dpag tu (5) med par dmigs pa’i tshul gyis | sbyin pa’i pha rol tu phyin pa spyad pa bas | gaṅ źig śes rab kyi pha rol tu phyin pa gźan dag la rgya cher ston ciṅ rjod pa daṅ | mchod pa’i bar du byed la | de yaṅ mi dmigs pa’i tshul gyis byed na | de ni de bas ches bsod nams maṅ du (6) skyed do ||
kau śi ka de la dmigs pa gaṅ źe na | byaṅ chub sems dpa’ dmigs pa’i tshul gyis sbyin pa sbyin pa gaṅ yin pa ste | ’di sñam du bdag gis sbyin pa sbyin no ||
’di ni sbyin pa yin te | gźan la sbyin no sñam du sems na | de ni sbyin pa ñid la gnas pa yin gyi | (7) sbyin pa’i pha rol tu phyin pa ni ma yin no ||
’di ni tshul khrims so ||
bdag ni tshul khrims can yin gyis | sems can ’di dag gi don du sruṅ ṅo sñam du sems na | de ni tshul khrims kyi pha rol tu phyin pa ma yin no ||
bdag ni bzod pa can no ||
(26b1) ’di la bzod par bya ste | bzod pa ’di la gnas par bya’o sñam du sems na | de ni bzod pa’i pha rol tu phyin pa ma yin no ||
bdag gis brtson ’grus rtsom mo ||
’di ni brtson ’grus so ||
’di dag gi don du brtson ’grus ’di la gnas par bya’o sñam du sems na | (2) de ni brtson ’grus kyi pha rol tu phyin pa ma yin no ||
bdag bsam gtan la sñoms par ’jug go ||
’di dag gi don du sñoms par źugs te | bsam gtan ’di la gnas par bya’o sñam du sems na | de ni bsam gtan gyi pha rol tu phyin pa (3) ma yin no ||
bdag gis śes rab sgom mo ||
’di dag gi don du śes rab ’di la gnas par bya’o sñam du sems na | ’di ni śes rab kyi pa rol tu phyin pa ma yin no ||
ko.au śi ka rigs kyi bu’am rigs kyi bu mo de ltar dmigs pa la spyod pa’i sbyin (4) pa’i pha rol tu phyin pa yoṅs su rdzogs pa ma yin no ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su (5) rdzogs pa ma yin no || ||
śes rab kyi pha rol tu phyin pa khri brgyad stoṅ pa bam po ñi śu lṅa pa | brgya byin gyis gsol pa | bcom ldan ’das ji ltar sbyaṅ na | byaṅ chub sems dpa’ sems dpa’ chen po’i sbyin pa’i pha rol tu phyin pa yoṅs su rdzogs (6) par ’gyur ba lags | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su rdzogs par ’gyur ba lags | bcom (7) ldan ’das kyis bka’ stsal pa | kau śi ka ’di la byaṅ chub sems dpa’ sems dpa’ chen po sbyin pa sbyin pa na | sbyin pa po daṅ | sbyin pa daṅ | len pa po mi dmigs na | de ni de’i sbyin pa’i pha rol tu phyin pa yin no ||
tshul khrims daṅ | tshul khrims can daṅ | (27a1) sems can mi dmigs na | de ni de’i tshul khrims kyi pha rol tu phyin pa yin no ||
bzod pa daṅ bzod par bya ba daṅ | bzod pa can mi dmigs na | de ni de’i bzod pa’i pha rol tu phyin pa yin no ||
brtson ’grus daṅ | bya ba’i dṅos po daṅ | (2) sems can mi dmigs na | de ni de’i brtson ’grus kyi pha rol tu phyin pa yin no ||
bsam gtan daṅ | bsam gtan pa daṅ | bsam gtan du bya ba mi dmigs na | de ni de’i bsam gtan gyi pha rol tu phyin pa yin no ||
śes rab daṅ | śes rab can daṅ | (3) śes par bya ba’i don mi dmigs na | de ni de’i śes rab kyi pha rol tu phyin pa yin te | kau śi ka byaṅ chub sems dpa’ chen po de ltar spyod pa’i sbyin pa’i pha rol tu phyin pa yoṅs su rdzogs par ’gyur ro ||
tshul khrims kyi pha rol tu phyin pa daṅ | bzod pa’i pha (4) rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su rdzogs par ’gyur ro ||
kau śi ka rigs kyi bu’am rigs kyi bu mo des de ltar mi dmigs pa’i tshul gyis | śes rab kyi pha (5) rol tu phyin pa ’di don daṅ bcas | tshig ’bru daṅ bcas par bstan par bya’o ||
de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin (6) pa’i pha rol tu phyin pa yaṅ bstan par bya’o ||
de ci’i phyir źe na | kau śi ka ma ’oṅs pa’i dus na | rigs kyi bu’am rigs kyi bu mo śes rab kyi pha rol tu phyin pa ltar bcos pa ston pa dag ’byuṅ bar ’gyur te | der rigs kyi bu’am rigs kyi bu mo bla na med (7) zar yaṅ dag par rdzogs pa’i byaṅ chub la yaṅ dag par źugs pa dag śes rab kyi pha rol tu phyin pa ltar bcos pa thos par byas pas | phuṅ bar byed de | de dag ni śes rab kyi pa rol tu phyin pa ’di don daṅ bcas | tshig ’bru daṅ bcas par ston par mi byed (27b1) pa’i phyir ro ||
brgya byin gyis gsol pa | bcom ldan ’das śes rab kyi pha rol tu phyin pa ltar bcos pa de gaṅ lags | bcom ldan ’das kyis bka’ stsal pa | kau śi na ’di la rigs kyi bu’am rigs kyi bu mo śes rab kyi pha rol tu phyin pa ltar bcos pa ni ’di ltar bur ston to ||
(2) de la śes rab kyi pha rol tu phyin pa ltar bcos pa ni ’di yin te | gzugs mi rtag go źes gaṅ de ltar spyod pa de ni śes rab kyi pha rol tu phyin pa la spyod pa yin no źes ston to ||
rigs kyi bu’am rigs kyi bu mo gaṅ dag la bstan pa de dag kyaṅ gzugs mi rtag go źes dpyod (3) ciṅ | tshor ba daṅ | ’du śes daṅ | ’du byed rnams daṅ | rnam par śes pa mi rtag go źes dpyod par byed do ||
gaṅ dag śes rab kyi pha rol tu phyin pa ltar bcos pa ston pa de dag kyaṅ | śes rab kyi pha rol tu phyin pa ltata bcos pa la spyod par ’gyur te | (4) de dag mig mi rtag go źes ston par byed do ||
rna ba daṅ | sna daṅ | lce daṅ | lus daṅ | yid mi rtag go źes ston par byed do ||
gzugs mi rtag go źes ston par byed do ||
sgra daṅ | dri daṅ | ro daṅ | reg bya daṅ | chos rnams mi rtag go źes ston par byed do ||
(5) sa’i khams mi rtag go źes ston par byed do ||
chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams mi rtag go źes ston par byed do ||
mig gi khams mi rtag go źes ston par byed do ||
rna ba’i khams daṅ | (6) sna’i khams daṅ | lce’i khams daṅ | lus kyi khams daṅ | yid kyi khams mi rtag go źes ston par byed do ||
gzugs kyi khams daṅ | sgra’i khams daṅ | dri’i khams daṅ | ro’i khams daṅ | reg bya’i khams daṅ | chos kyi khams mi rtag go źes ston par byed do ||
(7) mig gi rnam par śes pa’i khams mi rtag go źes ston par byed do ||
rna ba daṅ | sna daṅ | lce daṅ | lus daṅ | yid kyi rnam par śes pa’i khams mi rtag go źes ston par byed do ||
mig gi ’dus te reg ba mi rtag go źes ston par byed do ||
rna ba daṅ | sna daṅ | lce daṅ | lus (28a1) daṅ | yid kyi ’dus te reg pa mi rtag go źes ston par byed do ||
gzugs sdug bsṅal lo źes bya ba daṅ | bdag med do źes bya ba daṅ | mi sdug pa’o źes ston par byed do ||
tshor ba daṅ | ’du śes daṅ | ’du byed rnams daṅ | rnam par śes pa sdug (2) bsṅal ba daṅ | bdag med pa daṅ | mi sdug pa’o źes ston par byed do ||
de bźin du mig daṅ | gzugs daṅ | mig gi rnam par śes pa’i khams sdug bsṅal ba daṅ | bdag med pa daṅ | mi sdug pa’o źes ston par byed do ||
rna ba daṅ | sna daṅ | lce daṅ | lus daṅ | yid (3) daṅ | chos daṅ | yid kyi rnam par śes pa’i khams sdug bsṅal ba daṅ | bdag med pa daṅ | mi sdug pa’o źes ston par byed do ||
de bźin du sbyar te | de bźin du bsam gtan gyi pha rol tu phyin pa ltar bcos pa daṅ | brtson ’grus kyi pha rol tu phyin pa daṅ | bzod pa’i (4) pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa ltar bcos pa ston par byed do ||
gzugs mi rtag pa daṅ | sdug bsṅal ba daṅ | bdag med pa daṅ | mi sdug pa’o źes ston par byed do ||
tshor ba daṅ | ’du śes daṅ | (5) ’du byed rnams daṅ | rnam par śes pa mi rtag pa daṅ | sdug bsṅal ba daṅ | bdag med pa daṅ | mi sdug pa’o źes ston par byed do ||
de bźin du mig daṅ | gzugs daṅ | mig gi rnam par śes pa’i bar du mi rtag pa daṅ | sdug bsṅal ba daṅ | bdag med pa (6) daṅ | mi sdug pa’o źes ston par byed do ||
de bźin du rna ba daṅ | sna daṅ | lce daṅ | lus daṅ | yid kyi rnam par śes pa’i khams mi rtag pa daṅ | sdug bsṅal ba daṅ | bdag med pa daṅ | mi sdug pa’o źes ston par byed do ||
de bźin du sbyin pa’i pha rol tu phyin pa (7) daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa mi rtag pa daṅ | sdug bsṅal ba daṅ | bdag med pa daṅ | mi sdug pa’o źes (28b1) ston par byed do ||
de bźin du tshad med pa rnams daṅ | gzugs med pa’i sñoms par ’jug pa rnams mi rtag pa daṅ | sdug bsṅal ba daṅ | bdag med pa daṅ | mi sdug pa’o źes ston par byed do ||
dran pa ñe bar gźag pa mi rtag pa daṅ | sdug bsṅal ba (2) daṅ | bdag med pa daṅ | mi sdug pa’o źes ston par byed do ||
yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam mi rtag pa daṅ | sdug bsṅal ba daṅ | bdag med pa daṅ | mi sdug pa’o (3) źes ston par byed do ||
rnam pa thams cad mkhyen pa ñid kyi bar du mi rtag pa daṅ | sdug bsṅal ba daṅ | bdag med pa daṅ | mi sdug pa’o źes ston par byed de | ’di skad du de ltar spyod pa gaṅ yin pa de ni śes rab kyi pha rol tu phyin pa la spyod pa yin no źes kyaṅ ther te | (4) kau śi ka ’di ni śes rab kyi pha rol tu phyin pa ltar bcos pa yin no ||
kau śi ka gźan yaṅ rigs kyi bu’am rigs kyi bu mo de dag śes rab kyi pha rol tu phyin pa ston pa ni | ’di skad du ston te rigs kyi bu śes rab kyi pha rol tu phyin pa sgoms śig | khyod śes rab kyi pha rol (5) tu phyin pa bsgoms na | sa daṅ po daṅ sa bcu pa’i bar la gnas par ’gyur ro ||
de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol (6) tu phyin pa bsgoms na | sa daṅ po la gnas par ’gyur źiṅ | sa bcu pa’i bar la gnas par ’gyur ro źes ston te | de yaṅ mtshan ma’i tshul daṅ | dmigs pa’i tshul daṅ | dus kyi ’du śes kyi sa de śes rab kyi pha rol tu phyin pa sgom par byed do ||
kau śi ka (7) ’di ni śes rab kyi pha rol tu phyin pa ltar bcos pa yin no ||
kau śi ka gźan yaṅ rigs kyi bu’am rigs kyi bu mo de dag ’di skad du | rigs kyi bu khyod tshur śog | śes rab kyi pha rol tu phyin pa sgoms śigkhyod śes rab kyi pha rol tu phyin pa bsgoms na | ñan (29a1) thos kyi sa las yaṅ dag par ’da’ bar ’gyur źiṅ | raṅ saṅs rgyas kyi sa las yaṅ dag par ’da’ bar ’gyur ro ||
źes ston par byed de | ’di ni śes rab kyi pha rol tu phyin pa ltar bcos pa yin no ||
kau śi ka gźan yaṅ rigs kyi bu (2) ’am rigs bu mo de dag theg pa chen po pa’i rigs kyi bu’am rigs kyi bu mo de dag la ston pa na | ’di skad du rigs kyi bu khyod tshur śog | śes rab kyi pha rol tu phyin pa sgoms śig | de ltar bsgoms na | byaṅ chub sems dpa’i skyon med pa la ’jug par ’gyur (3) ro ||
źes ston par byed de | ’di ni śes rab kyi pha rol tu phyin pa ltar bcos pa yin no ||
kau śi ka gźan yaṅ rigs kyi bu’am rigs kyi bu mo de dag rigs kyi bu’am rigs kyi bu mo de dag la | śes rab kyi pha rol tu phyin pa ston pa na | ’di skad du rigs kyi (4) bu khyod tshur śog | śes rab kyi pha rol tu phyin pa sgoms śig | khyod śes rab kyi pha rol tu phyin pa bsgoms na | mi skye ba’i chos la bzod pa thob par ’gyur ro ||
khyod mi skye ba’i chos la bzod pa thob pa ne | byaṅ chub sems dpa’i mṅon par śes pa la gnas (5) par ’gyur ro ||
byaṅ chub sems dpa’i mṅon par śes pa la gnas na | saṅs rgyas bcom ldan ’das rnams la bsti staṅ du bya ba daṅ | bla mar bya ba daṅ | ri mor bya ba daṅ | mchod par bya ba daṅ | rjed par bya ba’i phyir | saṅs rgyas kyi źiṅ nas saṅs rgyas (6) kyi źiṅ du ’gro bar ’gyur ro źes ston te | kau śi ka rigs kyi bu’am rigs kyi bu mo de dag de ltar śes rab kyi pha rol tu phyin pa ltar bcos pa ston par byed do ||
kau śi ka gźan yaṅ rigs kyi bu’am rigs kyi bu mo de dag byaṅ chub sems dpa’i theg pa pa’i rigs kyi bu’am rigs (7) kyi bu mo de dag la ’di skad du | rigs kyi bu dag gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed pa de ni bsod nams kyi phuṅ po graṅs med dpag tu med | tshad med pa daṅ ldan par (29b1) ’gyur ro źes ston na | kau śi ka rigs kyi bu’am rigs kyi bu mo de dag śes rab kyi pha rol tu phyin pa ltar bcos pa ston pa yin no ||
kau śi ka gźan yaṅ rigs kyi bu’am rigs kyi bu mo de dag ni rigs kyi bu’am rigs kyi bu mo byaṅ chub sems dpa’i theg pa pa da ṅag (2) la ’di skad du | rigs kyi bu khyod tshur śog | ’das pa daṅ | ma byon pa daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyi thugs daṅ po bskyed pa nas | bla na med pa yaṅ dag par rdzogs pa’i byaṅ chub mṅon (3) par rdzogs par saṅs rgyas kyi bar du | dge ba’i rtsa ba ci mṅa’ ba de dag thams cad la rjes su yi raṅ bar byas nas | gcig tu bsdus la bla na med pa yaṅ dag par rdzogs pa’i byaṅ chub tu yoṅs su sṅos śig ces ston na | kau śi ka rigs kyi bu’am rigs (4) kyi bu mo de dag ni śes rab kyi pha rol tu phyin pa ltar bcos pa ston pa yin no ||
brgya byin gyis gsol pa | bcom ldan ’das rigs kyi bu’am rigs kyi bu mo de dag gis ji skad du bstan na | rigs kyi bu’am rigs kyi bu mo theg pa chen po la yaṅ dag par (5) źugs pa de dag la śes rab kyi pha rol tu phyin pa ltar bcos pa mi ston pa lags | bcom ldan ’das kyis bka’ stsal pa | kau śi ka ’di la rigs kyi bu’am rigs kyi bu mo de dag ’di ltar ston na | rigs kyi bu’am rigs kyi bu mo theg pa chen po la yaṅ dag par (6) źugs pa rnams la | śes rab kyi pha rol tu phyin pa ltar bcos pa ston pa ma yin te | rigs kyi bu khyod tshur śog | śes rab kyi pa rol tu phyin pa bsgoms la gzugs mi rtag par yaṅ ma lta śig | de ci’i phyir źe na | gzugs ni gzugs kyi ṅo bo ñid (7) kyis stoṅ ste | gzugs kyi ṅo bo ñid gaṅ yin pa de yaṅ dṅos po med la | dṅos po med pa gaṅ yin pa de ni śes rab kyi pha rol tu phyin pa yin te | śes rab kyi pha rol tu phyin pa gaṅ yin pa de la ni gzugs rtag ces bya ba’am | mi rtag ces bya bar brjod du med pa’i (30a1) phyir ro ||
de ci’i phyir źe na | de la ni gzugs ñid kyag med na | rtag pa’am mi rtag par lta ga la ’gyur źes de skad du ston na | kau śi ka rigs kyi bu’am rigs kyi bu mo de dag ni śes rab kyi pha rol tu phyin pa ltar bcos pa ston pa ma yin no ||
de (2) bźin du tshor ba daṅ | ’du śes daṅ | ’du byed rnams daṅ | rnam par śes pa mi rtag par yaṅ ma lta śig | de ci’i phyir źe na | rnam par śes pa ni rnam par śes pa’i ṅo bo ñid kyis stoṅ ste | rnam par śes pa’i ṅo bo ñid gaṅ yin pa de yaṅ dṅos po med la (3) dṅos po med pa gaṅ yin pa de ni śes rab kyi pha rol tu phyin pa yin te | śes rab kyi pha rol tu phyin pa gaṅ yin pa de la ni | rnam par śes pa rtag ces bya ba’am | mi rtag ces bya bar brjod du med pa’i phyir ro ||
de ci’i phyir źe na | de la ni rnam par śes pa ñid kyaṅ (4) med na rtag pa’am mi rtag par lta ga la ’gyur źes de skad du ston na | kau śi ka rigs kyi bu’am rigs kyi bu mo de dag ni śes rab kyi pha rol tu phyin pa ltar bcos pa ston pa ma yin no ||
kau śi ka gźan yaṅ rigs kyi bu’am rigs kyi bu mo śes rab kyi pha rol tu phyin pa (5) sgom pa ’di skad du ston te | rigs kyi bu khyod tshur śog | śes rab kyi pha rol tu phyin pa bsgoms la | rigs kyi bu khyod chos ci la yaṅ ma lta śig | chos gaṅ la yaṅ gnas par ma byed cig | de ci’i phyir źe na | śes rab kyi pha rol tu phyin pa la ni chos (6) gaṅ las ’da’ bar bya ba’am | gaṅ la gnas par bya ba’i chos de med pa’i phyir ro ||
de ci’i phyir źe na | kau śi ka ’di ltar chos thams cad ni raṅ bźin gyis stoṅ ste | chos gaṅ raṅ bźin gyis stoṅ pa de ni dṅos po med la | dṅos po med pa gaṅ yin pa de ni (7) śes rab kyi pha rol tu phyin pa yin te | śes rab kyi pha rol tu phyin pa gaṅ yin pa de la ni chos gaṅ blaṅ ba’am | dor ba’am | skye ba’am ’gag pa med ba’i phyir ro źes de ltar ston na | kau śi ka rigs kyi bu’am rigs kyi bu mo de dag ni śes rab kyi pha rol tu (30b1) phyin pa ltar bcos pa ston pa ma yin no ||
phuṅ po daṅ | khams daṅ | skye mched rnams daṅ | rten ciṅ ’brel bar ’byuṅ ba daṅ | pha rol tu phyin pa thams cad daṅ | byaṅ chub kyi phyogs kyi chos sum cu rtsa bdun daṅ | stoṅ pa ñid thams cad daṅ | stobs (2) rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad la yaṅ de bźin du sbyar bar bya’o ||
rigs kyi bu de ltar rnam pa thams cad mkhyen pa ñid la mi rtag par yaṅ ma lta śig | de ci’i (3) phyir źe na | ’di ltar rnam pa thams cad mkhyen pa ñid ni rnam pa thams cad mkhyen pa ñid kyi ṅo bo ñid kyis stoṅ ste | rnam pa thams cad mkhyen pa ñid kyi ṅo bo ñid gaṅ yin pa de yaṅ dṅos po med la | dṅos po med pa gaṅ yin pa de ni śes rab kyi pha rol tu phyin (4) pa yin te | śes rab kyi pha rol tu phyin pa gaṅ yin pa de la ni rnam pa thams cad mkhyen pa ñid rtag ces bya ba’am | mi rtag ces bya bar brjod du med pa’i phyir ro ||
de ci’i phyir źe na | de la ni rnam pa thams cad mkhyen pa ñid kyaṅ med na rtag pa’am | mi rtag (5) par lta ga la ’gyur źes de skad du ston na | kau śi ka rigs kyi bu’am rigs kyi bu mo de dag ni śes rab kyi pha rol tu phyin pa ltar bcos pa ston pa ma yin no ||
kau śi ka de bas na | rigs kyi bu’am rigs kyi bu mos śes rab kyi pha rol tu phyin pa’i don de ltar bstan (6) par bya’o ||
kau śi ka rigs kyi bu’am rigs kyi bu mo de ltar ston na | bsod nams ches maṅ du skyed do ||
kau śi ka gźan yaṅ ’dzam bu’i gliṅ gi sems can ji sñed yod pa de dag | rigs kyi bu’am rigs kyi bu mo gaṅ la la źig gi rgyun du źugs pa’i ’bras bu la (7) bkod na | kau śi ka ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin gyis gsol ba | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ (31a1) stsal pa | kau śi ka de bas na | rigs kyi bu’am rigs kyi bu mo gaṅ gis śes rab kyi pha rol tu phyin pa don daṅ bcas | tshig ’bru daṅ bcas par gźan dag la rnam graṅs du mar rjod ciṅ ’chad la | rnam par ’byed de gsal bar byed ciṅ (2) yaṅ dag par ston la | ’di skad du rigs kyi bu khyod tshur śog | śes rab kyi pha rol tu phyin pa zuṅ śig | choṅs śig | lhogs śig | kun chub par gyis śig | tshul bźin du yid la gyis śig | ji skad bstan pa’i śes rab kyi pha rol tu phyin pa la nan (3) tan gyis śig ces kyaṅ zer na | de ches bsod nams maṅ du skyed do ||
de ci’i phyir źe na | kau śi ka rgyun tu źugs pa daṅ | rgyun du źugs pa’i ’bras bu ni | śes rab kyi pha rol tu phyin pa ’di las ’byuṅ ba’i phyir ro ||
kau śi ka ’dzam bu’i gliṅ gi sems can rnams (4) rgyun du źugs pa’i ’bras bu la btul ba lta yaṅ źog | stoṅ gi ’jig rten gyi khams kyi sems can thams cad rgyun du źugs pa’i ’bras bu la btul ba lta yaṅ źog | stoṅ gñis kyi ’jig rten gyi khams kyi sems can thams cad rgyun tu źugs pa’i ’bras bu la btul ba lta yaṅ źog | (5) kau śi ka stoṅ gsum gyi stoṅ chen po’i ’jig rten gyi khams kyi sems can thams cad rgyun du źugs pa’i ’bras bu la btul ba lta yaṅ źog gi | kau śi ka śar phyogs su ’jig rten gyi khams gaṅ g’i kluṅ gi bye ma sñed dag na | sems can ji sñed ’khod pa de dag rigs kyi bu’am (6) rigs kyi bu mo la las rgyun du źugs pa’i ’bras bu la bkod la | de bźin du lho phyogs daṅ | nub phyogs daṅ | byaṅ phyogs daṅ | phyogs mtshams rnams daṅ | steṅ daṅ | ’og tu ’jig rten gyi khams gaṅ g’i kluṅ gi bye ma sñed dag na | sems can ji sñed ’khod ba de (7) dag thams cad rigs kyi bu’am rigs kyi bu mo gaṅ la la źig gis rgyun du źugs pa’i ’bras bu la bkod na | kau śi ka ’di ji sñam du sems | rigs kyi bu’am rigs kyi bu mo de gźi de las bsod nams ches maṅ du skyed sñam ’am | brgya byin gyis gsol pa | bcom ldan ’das (31b1) maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas na rigs kyi bu’am rigs kyi bu mo gaṅ gis śes rab kyi pha rol tu phyin pa ’di don daṅ bcas | tshig ’bru daṅ bcas par gźan dag la rgya cher ’chaṅ ciṅ yaṅ (2) dag par ston la | rnam par ’byed ciṅ ’grel te | gsal bar byed la ’di skad du | rigs kyi bu khyod tshur śog | śes rab kyi pha rol phyin pa zuṅ śig | choṅs śiglhogs śigkun chub par gyis śig | tshul bźin du yid la gyis śig | ji (3) skad bstan pa’i śes rab kyi pha rol tu phyin pa la nan tan gyis śig ces kyaṅ zer na | de ches bsod nams maṅ du skyed do ||
de ci’i phyir źe na | kau śi ka rgyun du źugs pa ni śes rab kyi pha rol tu phyin pa las byuṅ ba’i phyir ro ||
kau śi ka gźan yaṅ rigs kyi bu’am rigs (4) kyi bu mo gaṅ la las ’dzam bu’i gliṅ gi sems can ji sñed pa de dag thams cad lan cig phyir ’oṅ ba’i ’bras bu la bkod phyir mi ’oṅ ba’i ’bras bu la bkod dgra bcom pa ñid kyi bar du bkod na | kau śi ka ’di ji sñam du sems | rigs kyi bu’am rigs kyi bu mo de gźi de (5) las bsod nams ches maṅ du skyed sñam ’am | brgya byin gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas na rigs kyi bu’am rigs kyi bu mo gaṅ gis śes (6) rab kyi pha rol tu phyin pa ’di don daṅ bcas | tshi ’bru daṅ bcas par sems can gźan dag la rgya cher ’chad pa nas | yaṅ dag par rab tu ston pa’i bar du byed la | ’di skad du rigs kyi bu khyod tshur śog | śes rab kyi pha rol tu phyin pa zuṅ śig | choṅs śig | lhogs (7) śig | kun chub par gyis śig | tshul bźin du yid la gyis śig | ji skad bstan pa’i śes rab kyi pa rol tu phyin pa la nan tan gyis śig ces kyaṅ zer na | de ches bsod nams maṅ du skyed do ||
de ci’i phyir źe na | kau śi ka dgra bcom pa ñid kyi bar du śes rab kyi pha (32a1) rol tu phyin pa ’di las ’byuṅ ba’i phyir ro ||
kau śi ka ’dzam bu’i gliṅ gi sems can thams cad dgra bcom pa’i bar du btul ba lta źog gi | rigs kyi bu’am rigs kyi bu mo gaṅ la las gliṅ bźi pa’i sems can thams cad dgra bcom pa ñid kyi bar du (2) bkod la stoṅ gi ’jig rten gyi khams kyi sesama can rnams daṅ | stoṅ gñis kyi ’jig rten gyi khams kyi sesama can rnams daṅ | stoṅ gsum gyi stoṅ chen po’i ’jig rten gyi khams kyi sems can rnams dgra bcom pa ñid kyi bar du bkod de | kau śi ka śar phyogs (3) su ’jig rten gyi khams gaṅ g’i kluṅ gi bye ma sñed dag na | sems can ’khod pa de dag thams cad dgra bcom pa ñid kyi bar du bkod na | kau śi ka ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin (4) gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas na rigs kyi bu’am rigs kyi bu mo gaṅ gis śes rab kyi pha rol tu phyin pa ’di gźan dag la yaṅ dag par ston (5) ciṅ ’chad la | ’di skad du rigs kyi bu khyod tshur śog | śes rab kyi pha rol tu phyin pa zuṅ śig | kun chub par bya ba’i bar du gyis śig | ji skad bstan pa’i śes rab kyi pha rol tu phyin pa la nan tan gyis śig ces kyaṅ zer na | de ches bsod nams maṅ du skyed do ||
de ci’i (6) phyir źe na | kau śi ka lan cig phyir ’oṅ ba daṅ | phyir mi ’oṅ ba daṅ | dgra bcom pa ni śes rab kyi pha rol tu phyin pa ’di las ’byuṅ ba’i phyir ro | kau śi ka gźan yaṅ phyogs bcu’i phyogs re rer yaṅ ’jig rten gyi khams gaṅ g’i kluṅ gi bye ma sñed dag na | sems can ji (7) sñed ’khod pa de dag thams cad rigs kyi bu’am rigs kyi bu mo la ya źig gis | raṅ saṅs rgyas ñid la bkod na | kau śi ka ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñam ’am | brgya byin gyis gsol pa | bcom (32b1) ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas na | rigs kyi bu’am rigs kyi bu mo gaṅ gis śes rab kyi pha rol tu phyin pa ’di ’dod pa dag la don daṅ bcas | mig ’bru daṅ bcas par ston (2) ciṅ yaṅ dag par ston pa’i bar du byed la | ’di skad du rigs kyi bu khyod tshur śog | śes rab kyi pha rol tu phyin pa zuṅ śig | kun chub par gyis śig | ji skad bstan pa’i śes rab kyi pha rol tu phyin pa la nan tan gyis śig ces kyaṅ zer na | de ches bsod nams maṅ (3) du skyed do ||
de ci’i phyir źe na | kau śi ka raṅ saṅs rgyas ni śes rab kyi pha rol tu phyin pa ’di las ’byuṅ ba’i phyir ro ||
kau śi ka gźan yaṅ ’dzam bu’i gliṅ gi sems can gaṅ yin pa de dag rigs kyi bu’am rigs kyi bu mo gaṅ la la źig gis | bla na med pa yaṅ dag par (4) rdzogs pa’i byaṅ chub la bkod pa bas gaṅ źig śes rab kyi pha rol tu phyin pa ’di don daṅ bcas | tshig ’bru daṅ bcas par gźan dag la rgya cher ’chad ciṅ yaṅ dag par ston pa’i bar du byed la | ’di skad du rigs kyi bu khyod ji lta ji ltar śes rab kyi pha rol tu phyin pa ’di la slob pa de (5) lta de ltar khyod kyis rnam pa thams cad mkhyen pa ñid kyi chos rnams thob par ’gyur ro ||
ji lta ji ltar khyod kyis rnam pa thams cad mkhyen pa ñid kyi chos rnams thob par ’gyur ba de lta de ltar khyod kyi śes rab kyi pha rol tu phyin pa rgya cher bsgom pa yoṅs su rdzogs par ’gyur ro ||
(6) ji lta ji ltar khyod kyi śes rab kyi pha rol tu phyin pa rgya cher bsgom pa yoṅs su rdzogs par ’gyur ba de lta de ltar khyod bla na med pa yaṅ dag par rdzogs pa’i byaṅ chub daṅ ñe bar ’gyur ro źes kyaṅ zer na | de ches bsod nams maṅ du skyed do ||
de ci’i phyir źe na | kau śi ka byaṅ chub sems (7) dpa’ sems dpa’ chen po sems daṅ po bskyed pa rnams ni de las byuṅ la phyogs bcu’i phyogs re rer yaṅ ’jig rten gyi khams gaṅ g’i kluṅ gi bye ma sñed dag na | byaṅ chub sems dpa’ gaṅ su dag ’khod pa de dag thams cad kyaṅ | śes rab kyi pha rol tu phyin pa las byuṅ ste | (33a1) bla na med pa yaṅ dag par rdzogs pa’i byaṅ chub mṅon bar rdzogs par saṅs rgyas pa’i phyir ro ||
kau śi ka gźan yaṅ rigs kyi bu’am rigs kyi bu mo la la źig gis phyogs bcu’i phyogs re rer yaṅ ’jig rten gyi khams gaṅ g’i kluṅ gi bye ma (2) sñed dag na | sems can ji sñed ’khod pa de dag thams cad phyir mi ldog pa ñid la bkod na | kau śi ka ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñama’ama | brgya byin gyis gsol pa | bcom ldan (3) ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | kau śi ka de bas na | rigs kyi bu’am rigs kyi bu mo gaṅ gis śes rab kyi pha rol tu phyin pa ’di don daṅ bcas | tshig ’bru daṅ bcas par gźan dag (4) la ’chad ciṅ yaṅ dag par ston pa’i bar du byed la | ’di skad du rigs kyi bu khyod tshur śog | śes rab kyi pha rol tu phyin pa zuṅ śig | ji skad bstan pa’i śes rab kyi pha rol tu phyin pa la nan tan bya ba’i bar du gyis śig daṅ | rigs kyi bu khyod ji lta ji skad (5) bstan pa’i śes rab kyi pha rol tu phyin pa la nan tan byed pa de lta de ltar rigs kyi bu khyod kyis rnam pa thams cad mkhyen pa’i chos rnams thob par ’gyur ro ||
de bźin du sbyor te | bla na med pa yaṅ dag par rdzogs pa’i byaṅ chub kyi bar du mṅon par rdzogs par ’tshaṅ (6) rgya bar ’gyur ro źes de skad kyaṅ zer na | kau śi ka de ches bsod nams maṅ du skyed do ||
de ci’i phyir źe na | kau śi ka phyir mi ldog pa’i byaṅ chub sems dpa’ rnams śes rab kyi pa rol tu phyin pa ’di las byuṅ ba’i phyir ro ||
kau śi ka gźan yaṅ ’dzam bu’i (7) gliṅ gi sems can ji sñed pa de dag thams cad bla na med pa yaṅ dag par rdzogs pa’i byaṅ chub la yaṅ dag par źugs pa bas ni | de dag la rigs kyi bu’am rigs kyi bu mo gaṅ la la źig gis śes rab kyi pha rol tu phyin pa ’di don daṅ bcas | tshig ’bru daṅ bcas par ’chad ciṅ yaṅ dag (33b1) par ston pa’i bar du byed la | ’di skad du rigs kyi bu khyod tshur śog | śes rab kyi pha rol tu phyin pa ’di zuṅ śig | ji skad bstan pa’i śes rab kyi pha rol tu phyin pa ’di la nan tan bya ba’i bar du gyis śig daṅ | rigs kyi bu khyod ji skad bstan pa’i śes rab kyi pha rol (2) tu phyin pa la ji lta ji ltar nan tan byed pa de lta de ltar khyod śes rab kyi pa rol tu phyin pa la bslabs pas | phyir mi ldog pa ñid la gnas par ’gyur te | rim gyis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar yaṅ ’gyur ro źes kyaṅ (3) zer na | kau śi ka rigs kyi bu’am rigs kyi bu mo de ches bsod nams maṅ du skyed do ||
kau śi ka gźan yaṅ gliṅ bźi pa’i ’jig rten gyi khams na sems can ’khod ba rnams daṅ | stoṅ gi ’jig rten gyi khams daṅ | stoṅ gñis kyi ’jig rten gyi khams daṅ | stoṅ (4) gsum gyi stoṅ chen po’i ’jig rten gyi kams na sems can ’khod ba rnams daṅ | phyogs bcu’i phyogs re rer yaṅ ’jig rten gyi khams gaṅ g’i kluṅ gi bye ma sñed dag na | sems can ji sñed ’khod pa de dag rigs kyi bu’am rigs kyi bu mo la la źig gis bla na med pa yaṅ (5) dag par rdzogs pa’i byaṅ chub la bkod pa bas | rigs kyi bu’am rigs kyi bu mo gaṅ gis śes rab kyi pha rol tu phyin pa ’di don daṅ bcas | tshig ’bru daṅ bcas par sems can de dag la bśad ciṅ yaṅ dag par bstan la | ’di skad ces rigs kyi bu khyod tshur śog | (6) śes rab kyi pha rol tu phyin pa ’di zuṅ śig | ji skad bstan pa’i śes rab kyi pha rol tu phyin pa ’di la nan tan bya ba’i bar du gyis śig daṅ | khyod ’di la nan tan byas pas | phyir mi ldog pa’i sa la gnas par ’gyur te | rim gyis bla na med pa yaṅ dag par rdzogs (7) pa’i byaṅ chub mṅon par rdzogs par ’tshaṅ rgya bar yaṅ ’gyur ro źes kyaṅ zer na | de ches bsod nams maṅ du skyed do ||
kau śi ka gźan yaṅ rigs kyi bu’am rigs kyi bu mo gaṅ la la źig | ’dzam bu’i gliṅ gi sems can ji sñed yod pa de dag thams cad bla na med pa yaṅ dag par (34a1) rdzogs pa’i byaṅ chub las phyir mi ldog pa ñid la bkod de | de dag la śes rab kyi pha rol tu phyin pa yaṅ don daṅ bcas | tshig ’bru daṅ bcas par bśad pa nas | yaṅ dag par bstan pa’i bar du byed pa bas | de dag gi naṅ nas gcig cig ’di skad du | (2) bdag ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod do źes zer ba de la | rigs kyi bu’am rigs kyi bu mo la la źig śes rab kyi pha rol tu phyin pa ’di don daṅ bcas | tshig ’bru daṅ bcas par ston na | de ches bsod nams maṅ (3) du skyed do ||
phyogs bcu’i phyogs re rer yaṅ ’jig rten gyi khams gaṅ g’i kluṅ gi bye ma sñed dag na | sems can ji sñed ’khod pa de dag la la źig gis phyir mi ldog pa’i sa la bkod pa daṅ | la la źig gis de dgas śes rab kyi pha rol tu phyin pa ’di bśad pa bas ni | (4) de dag gi naṅ nas ’ga’ źig ’di skad du bdag ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o źes zer ba de la gaṅ źig śes rab kyi pha rol tu phyin pa ’di don daṅ bcas | tshi ’bru daṅ bcas par ston na | de ches (5) bsod nams maṅ du skyed do ||
brgya byin gyis gsol pa | bcom ldan ’das byaṅ chub sems dpa’ sems dpa’ chen po ni ji lta ji ltar bla na med pa yaṅ dag par rdzogs pa’i byaṅ chub daṅ ñe bar gyur pa de lta de ltar byaṅ chub sems dpa’ sems dpa’ chen po śes rab kyi pha rol (6) tu phyin pa la gdams śiṅ rjes su bstan ’tshal lags te | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod ba’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la gdams śiṅ rjes su (7) bstan ’tshal lags so ||
stoṅ pa ñid thams cad la gdams śiṅ rjes su bstan ’tshal lags so ||
dran pa ñe bar gźag pa rnams daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams (34b1) la gdams śiṅ rjes su bstan ’tshal lags so ||
de bźin gśegs pa’i stobs bcu daṅ | mi ’jigs pa daṅ | so so yaṅ dag pa’i rigs pa daṅ | saṅs rgyas kyi chos ma ’dres pa bco brgyad la gdams śiṅ rjes su bstan ’tshal lags so ||
gos daṅ | zas daṅ | (2) ma la cha daṅ | stan daṅ | na ba’i gsos sman daṅ | yo byad rnams kyis sman gdags ’tshal lags so ||
byaṅ chub sems dpa’ sems dpa’ chen po de ni chos daṅ | zaṅ ziṅ gi bsdu ba gñis kyis sman gdags ’tshal te | chos daṅ | zaṅ ziṅ gis sman ’dogs (3) pa de ni sṅa ma gñis bas ches bsod nams maṅ du skyed lags so ||
de ci’i slad du źe na | de ni ’di ltar byaṅ chub sems dpa’ sems dpa’ chen po pha rol tu phyin pa rnams kyis ’doms śiṅ rjes su ston pa daṅ | stoṅ pa ñid thams cad daṅ | byaṅ chub kyi phyogs (4) kyi chos sum cu rtsa bdun daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad kyis ’doms śiṅ rjes su ston pa’i slad du’o ||
de nas tshe daṅ ldan pa rab ’byor gyis | lha’i dbaṅ po brgya byin (5) la ’di skad ces smras so ||
kau śi ka gaṅ khyod kyis rigs kyi bu’am rigs kyi bu mo byaṅ chub sems dpa’i theg pa pa rnams kyi spro ba bskyed pa ni legs so legs so ||
khyod kyi las ni de yin no ||
’phags pa ñan thos gaṅ sems can rnams la phan gdags par ’dod pa des ni (6) byaṅ chub sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub la spro ba bskyed par bya’o ||
chos daṅ | zaṅ ziṅ gi bsdu bas | byaṅ chub sems dpa’ rnams la phan gdags par bya źiṅ yoṅs su bskyaṅ bar bya’o ||
de ci’i phyir źe na | bcom ldan (7) ’das kyi ñan thos kyi dge ’dun ni de las byuṅ ste | raṅ saṅs rgyas kyi theg pa yaṅ de las byuṅ la | theg pa chen po yaṅ de las byuṅ ba’i phyir ro ||
gal te byaṅ chub sems dpa’ sems dpa’ chen pos bla na med pa yaṅ dag par rdzogs pa’i byaṅ chub tu sems bskyed par ma gyur la | (35a1) gal te byaṅ chub sems dpa’ sems dpa’ chen pos pha rol tu phyin pa drug la ma bslabs te | byaṅ chub kyi phyogs kyi chos sum cu rtsa bdun daṅ | stobs rnams daṅ | mi ’jigs pa rnams daṅ | so so yaṅ dag par rigs pa rnams daṅ | saṅs rgyas kyi chos (2) ma ’dres pa bco brgyad la ma bslabs na | chos de dag la ma bslabs pas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur ro ||
mṅon par rdzogs par saṅs ma rgyas na bla na med pa yaṅ dag par rdzogs pa’i byaṅ chub daṅ | raṅ saṅs (3) rgyas kyi byaṅ chub daṅ | ñan thos kyi byaṅ chub yod par mi ’gyur ba źig na | kau śi ka gaṅ gi phyir byaṅ chub sems dpa’ pha rol tu phyin pa drug daṅ | saṅs rgyas kyi chos thams cad kyi bar dag la slob pa de’i phyir byaṅ chub sems dpa’ sems dpa’ chen po bla na med pa yaṅ dag (4) par rdzogs pa’i byaṅ chub mṅon par rdzogs par ’tshaṅ rgya bar ’gyur te | bla na med pa yaṅ dag par rdzogs pa’i byaṅ chub mṅon bar rdzogs par saṅs rgyas nas | ’jig rten gyi khams thams cad kyi sems can dmyal ba rnams rgyun gcod par ’gyur źiṅ | dud ’gro’i skye gnas (5) daṅ | yi dgas kyi yul thams cad rgyun gcod par ’gyur ro ||
rgyal rigs śiṅ s la chen po lta bu ’byuṅ bar ’gyur ro ||
bram ze’i rigs śiṅ s la chen po lta bu ’byuṅ bar ’gyur ro ||
khyim bdag gi rigs śiṅ s la chen po lta bu ’byuṅ bar ’gyur ro ||
rgyal chen bźi’i (6) ris kyi lha rnams ’byuṅ bar ’gyur ro ||
sum cu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs ris daṅ | tshaṅs pa’i mdun na ’don daṅ | tshaṅs ’khor daṅ | ’od chuṅ daṅ | tshad med ’od daṅ | (7) ’od gsal daṅ | dge chuṅ daṅ | tshad med dge daṅ | dge rgyas daṅ | ’bras bu che ba daṅ | gnas gtsaṅ ma mi che ba daṅ | gya nom snaṅ daṅ | śin tu mthoṅ daṅ | mi gduṅ ba daṅ | ’og min daṅ | nam mkha’ mtha’ yas skye mched du ñe bar ’gro ba daṅ | rnam śes (35b1) mtha’ yas skye mched du ñe bar ’gro ba daṅ | ci yaṅ med pa’i skye mched du ne bar ’gro ba daṅ | ’du śes med ’du śes med min skye mched du ñe bar ’gro ba’i lha rnams yod par ’gyur ro ||
sbyin pa’i pha rol tu phyin pa ’jig rten du ’byuṅ ṅo ||
tshul khrims kyi pha rol tu phyin pa (2) daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ’jig rten du ’byuṅ ṅo ||
naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar dag ’jig rten tu ’byuṅ (3) ṅo ||
byaṅ chub kyi phyogs kyi chos sum cu rtsa bdun ’jig rten du ’byuṅ ṅo ||
saṅs rgyas kyi chos ma ’dres pa bco brgyad kyi bar dag ’jig rten du ’byuṅ ṅo ||
ñan thos kyi theg pa daṅ | raṅ saṅs rgyas kyi theg pa daṅ | theg pa chen po ’jig rten du ’byuṅ ṅo ||
śes rab kyi (4) pha rol tu phyin pa khri brgyad stoṅ pa las bsod nams kyi khyad par gyi le’u źes bya ste sum cu rtsa gñis pa’o || ||
de nas byaṅ chub sems dpa’ sems dpa’ chen po byams pas | gnas brtan rab ’byor la ’di skad ces smras so ||
btsun pa rab (5) ’byor byaṅ chub sems dpa’ sems dpa’ chen po’i rjes su yi raṅ ba’i mod las skyes pa’i bsod nams bya ba’i dṅos po gaṅ sems can thams cad daṅ thun moṅ du byas nas | bla na med pa yaṅ dag par rdzogs pa’i byaṅ chub tu yoṅs su bsṅos te | de yaṅ mi dmigs pa’i (6) tshul gyis yoṅs su bsṅos na | sems can thams cad kyi rjes su yi raṅ ba’i mod las skyes pa’i bsod nams bya ba’i dṅos po gaṅ yin pa daṅ | ñan thos kyi theg pa la yaṅ dag par źugs pa rnams daṅ | raṅ saṅs rgyas kyi theg pa la yaṅ dag par źugs pa (7) rnams kyi sbyin pa las byuṅ ba’i bsod nams bya ba’i dṅos po daṅ | tshul khrims las byuṅ ba’i bsod nams bya ba’i dṅos po daṅ | bsgom pa las byuṅ ba’i bsod nams bya ba’i dṅos po gaṅ yin pa de bas ni | byaṅ chub sems dpa’i rjes su yi raṅ ba’i mod las skyes pa’i (36a1) bsod nams bya ba’i dṅos po sems can thams cad daṅ thun moṅ du byas te | bla na med pa yaṅ dag par rdzogs pa’i byaṅ chub tu yoṅs su bsṅos pa de mchog ces bya | phul du byuṅ ba źes bya | gtso bo źes bya | rab ces bya | rab mchog ces bya | gyo nom (2) pa źes bya | bla na med pa źes bya | goṅ na med pa źes bya’o ||
de ci’i phyir źe na | ’di ltar ñan thos daṅ | raṅ saṅs rgyas kyi theg pa pa rnams kyi sbyin pa las byuṅ ba daṅ | tshul khrims las byuṅ ba daṅ | bsgom pa las byuṅ ba’i bsod nams bya ba’i dṅos po de dag (3) thams cad ni bdag ñid dul bar bya ba daṅ | bdag ñid źi bar bya ba daṅ | bdag ñid yoṅs su mya ṅan las ’da’ bar bya ba’i phyir byed ciṅ | byaṅ chub kyi phyogs kyi chos sum cu rtsa bdun daṅ | stoṅ pa ñid daṅ | mtshan ma med pa daṅ | smon pa med pa’i bar du yaṅ bdag ñid (4) dul bar bya ba daṅ | bdag ñid źi bar bya ba daṅ | bdag ñid yoṅs su mya ṅan las ’da’ bar bya ba’i phyir yin gyi | byaṅ chub sems dpa’i rjes su yi raṅ ba’i mdo las skyes pa’i bsod nams bya ba’i dṅos po de ni sems can thams cad du la bar bya ba daṅ | sems can thams (5) cad źi bar bya ba daṅ | sems can thams cad yoṅs su mya ṅan las ’da’ bar bya ba’i phyir | bla na med pa yaṅ dag par rdzogs pa’i byaṅ chub tu yoṅs su bsdos pa yin pa’i phyir ro ||
de nas tshe daṅ ldan pa rab ’byor gyis | byaṅ chub sems dpa’ sems dpa’ chen po byams ṅa (6) la ’di skad ces smras so ||
byams pa byaṅ chub sems dpa’ sems dpa’ chen pos śar phyogs kyi ’jig rten gyi khams graṅs med tshad med pa dag gi ’jig rten gyi khams re rer yaṅ saṅs rgyas bcom ldan ’das graṅs med dpag tu med pa yoṅs su mya ṅan las ’das pa gaṅ yi (7) pha de dag gi thugs daṅ po bskyed pa nas bzuṅ ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i bar dag daṅ | phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’das pa’i bar dag daṅ | ji srid du dam (36b1) pa’i chos nub par ma gyur pa’i bar de’i pha rol tu phyin pa drug daṅ ldan pa’i dge ba’i rtsa ba gaṅ yin pa daṅ | de dag gi ñan thos kyi theg pa ba dag gi sbyin pa las byuṅ ba’i bsod nams bya ba’i dṅos po daṅ | tshul khrims las byuṅ ba daṅ | bsgom pa las byuṅ ba’i (2) bsod nams bya ba’i dṅos po gaṅ yin pa daṅ | slob pa daṅ | mi slob pa rnams kyi zag pa med pa’i dge ba’i rtsa ba gaṅ yin pa dag daṅ | de bźin gśegs pa de dag gi tshul khrims kyi phuṅ po daṅ | tiṅ ṅe ’dzin gyi phuṅ po daṅ | śes rab kyi phuṅ po daṅ | rnam par (3) grol ba’i phuṅ po daṅ | rnam par grol ba’i ye śes gzigs pa’i phuṅ po gaṅ yin pa dag daṅ | phan par bźed pa gaṅ yin pa dag daṅ | thugs rje chen po daṅ | saṅs rgyas kyi chos dpag tu med pa | graṅs med pa gaṅ yin pa dag daṅ | saṅs rgyas (4) bcom ldan ’das de dag gis chos bstan pa gaṅ yin pa dag daṅ | chos bstan pa de dag gi rgyun du źugs pa’i ’bras bu thob pa daṅ | dgra bcom pa ñid kyi bar daṅ | raṅ byaṅ chub thob pa’i bar daṅ | byaṅ chub sems dpa’i skyon med pa la źugs pa gaṅ (5) yin pa de dag gi dge ba’i rtsa ba gaṅ yin pa dag daṅ | de bźin gśegs pa bźugs pa ’am | yoṅs su mya ṅan las ’das pa de dag la gaṅ dag gis dge ba’i rtsa ba bskyed pa de dag thams cad mṅon par bsdus te | rjes su yi raṅ ba’i mchog gis rjes su yi raṅ (6) źiṅ | rjes su yi raṅ ba’i gtso bo daṅ | khyad par du ’phags pa daṅ | rab daṅ | rab mchog daṅ | gya nom pa daṅ | bla ma daṅ | bla na med pa daṅ | goṅ na med pa daṅ | mñam pa med pa daṅ | mi mñam pa daṅ | mñam pa’i rjes su yi raṅ pas rjes su (7) yi raṅ nas | rjes su yi raṅ ba’i mod las skyes pa’i dge ba’i rtsa ba sems can thams cad daṅ thun moṅ du byas te | bla na med pa yaṅ dag par rdzogs pa’i byaṅ chub bsgrub par gyur cig ces | bla na med pa yaṅ dag par rdzogs pa’i byaṅ chub tu yoṅs su bsdos la | (37a1) theg pa chen po pa gaṅ yin pa des de skad du smras te | sems kyis de ltar yoṅs su sṅo bar byed na | dmigs pa gaṅ daṅ | dṅos po gaṅ dag gis sems de bskyed pa’i dṅos po de dag daṅ | dmigs pa de dag rigs kyi bu de dag gis ji ltar (2) mtshan mar bzuṅ ba de bźin du yod ciṅ dmigs pa źig yin nam | byams pas smras pa | btsun pa rab ’byor gyis dṅos po de dag daṅ | dmigs pa de dag ni theg pa chen po pa’i rigs kyi bu de dag gis ji ltar mtshan mar bzuṅ nas | bla na med pa yaṅ dag par rdzogs (3) pa’i byaṅ chub tu yoṅs su bsṅos pa bźin du yod pa ma yin źiṅ dmigs su med do ||
rab ’byor gyis smras pa | gal te dṅos po med pa la dmigs pa med pa dag gis phyags bcu’i ’jig rten gyi khams rab ’byam thams cad na | saṅs rgyas bcom ldan ’das gaṅ dag (4) bźugs pa de dag mtshan mar bzuṅ nas | de dag gis thugs daṅ po bskyed pa nas bzuṅ ste | dam pa’i chos gnas pa’i bar gyi dge ba’i rtsa ba gaṅ yin pa dag daṅ | ñan thos kyi theg pa ba slob pa daṅ | mi slob pa de dag gi dge ba’i rtsa ba gaṅ yin pa de dag thams cad (5) mṅon par bsdus te | bla na med pa yaṅ dag par rdzogs pa’i byaṅ chub tu yoṅs su bsdos na | mi rtag pa la rtag par ’du śes phyin ci log pa daṅ | sems phyin ci log pa daṅ | lta ba phyin ci log pa daṅ | sdug bsṅal ba la bde bya ba daṅ | bdag med pa la bdag ces bya (6) ba daṅ | mi sdug pa la sdug ces bya bar ’du śes phyin ci log pa daṅ | sems phyin ci log pa daṅ | lta ba phyin ci log pa daṅ | ji lta ba bźin du de yaṅ phyin ci log par mi ’gyur graṅ | yaṅ na dṅos po ji lta ba bźin du dmigs pa yaṅ de kho na lta bu yin źiṅ | byaṅ chub (7) kyaṅ de kho na bźin la sems kyaṅ de kho na bźin | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yaṅ de kho (37b1) na bźin | byaṅ chub kyi phyogs kyi chos sum cu rtsa bdun yaṅ de kho na bźin | de bźin gśegs pa’i stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwo brgyad kyaṅ de kho na bźin pa źig yin la | (2) de ltar gal te dṅos po ji lta ba bźin du dmigs pa yaṅ de kho na bźin te | byaṅ chub kyaṅ de lta bu yin la | sems kyaṅ de bźin | gzugs kyaṅ de bźintshor ba daṅ | ’du śes daṅ | ’du byed rnams daṅ | rnam par śes pa yaṅ de bźin | mig kyaṅ de bźin | rna ba (3) daṅ | sna daṅ | lce daṅ | lus daṅ | yid kyaṅ de bźin | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar du yaṅ de bźin | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub (4) kyi yan lag daṅ | lam yaṅ de bźin | stobs bcu yaṅ de bźin | mi ’jigs pa rnams kyaṅ de bźin | so so yaṅ dag par rig pa rnams kyaṅ de bźin | saṅs rgyas kyi chos ma ’dres pa bcwo brgyad kyaṅ de bźin ba źig yin na | de la dṅos po ni gaṅ yin | dmigs (5) pa ni gaṅ yin | tiṅ ṅe ’dzin ni gaṅ yin | sems ni gaṅ yin | dge ba’i rtsa ba da dag ni gaṅ yin | rjes su yi raṅ ba’i moṅ las skyes pa’i sems gaṅ bla na med pa yaṅ dag par rdzogs pa’i byaṅ chub tu yoṅs su bsṅo ba ni gaṅ yin | byams pas smras pa | btsun pa rab ’byor (6) gal te byaṅ chub sems dpa’ sems dpa’ chen po de dag pha rol tu phyin pa drug la spyod spyod pa yaṅ yin la | saṅs rgyas maṅ po la bsñen bkur byed pa yaṅ yin | dge ba’i rtsa ba skyed skyed pa yaṅ yin | dge ba’i bśes gñen gyis yoṅs su zin pa yaṅ yin | raṅ gi (7) mtshan ñid kyis stoṅ pa’i chos rnams la slob slob pa yaṅ yin na ni | de dag gis dṅos po de dag daṅ | dmigs pa de dag daṅ | saṅs rgyas bcom ldan ’das de dag daṅ | dge ba’i rtsa ba de dag daṅ | rjes su yi raṅ ba’i mod las skyes pa’i bsod nams bya ba’i dṅos po de dag (38a1) mtshan mar bzuṅ ste | bla na med pa yaṅ dag par rdzogs pa’i byaṅ chub tu yoṅs su sṅo bar mi byed kyi gñis su med pa’i tshul daṅ | mtshan ma med pa’i tshul ji lta ba de bźin du yoṅs su sṅo bar byed de | dmigs pa’i tshul daṅ | dmigs pa (2) med pa’i tshul daṅ | kun nas ñon moṅs pa’i tshul daṅ | rnam par byaṅ ba’i tshul daṅ | skye ba’i tshul daṅ | ’gag pa’i tshul gyis ni ma yin no ||
gal te byaṅ chub sems dpa’ de dag gis pha rol tu phyin pa drug la yaṅ ma bslabs | saṅs rgyas maṅ po la yaṅ bsñen (3) bkur ma byas | dge ba’i rtsa ba rnams kyaṅ ma bskyed | dge ba’i bśes gñen gyis kyaṅ yoṅs su ma zin | raṅ gi mtshan ñid kyis stoṅ pa’i chos rnams la yaṅ ma bslabs na | de dag gis ni dṅos po de dag daṅ | dmigs pa de dag daṅ | dge ba’i rtsa ba de dag (4) daṅ | rjes su yi raṅ ba’i mod las skyes pa’i sems bskyed pa de dag mtshan mar bzuṅ nas | bla na med pa yaṅ dag par rdzogs pa’i byaṅ chub tu yoṅs su bsṅo bar ’gyur ro ||
btsun pa rab ’byor śes rab kyi pha rol tu phyin pa de ltar bstan pa ’di ni theg pa la gsar du (5) yaṅ dag par źugs pa’i byaṅ chub sems dpa’i mdun du brjod par mi bya’o ||
de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rolatu phyin pa daṅ | tshul khrims kyi pha rol tu phyin pa daṅ | sbyin pa’i pha (6) rol tu phyin pa daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar du bstan par mi bya’o ||
de ci’i phyir źe na | de’i dad pa tsam daṅ | daṅ ba tsam daṅ | dga’ ba tsam daṅ | gus pa tsam yod pa gaṅ yin pa de yaṅ med par ’gyur ba’i phyir ro ||
(7) phyir mi ldog pa’i byaṅ chub sems dpa’ sems dpa’ chen po’i mdun du ni brjod par bya | bstan par bya ste | raṅ gi mtshan ñid kyis stoṅ pa’i chos rnams kyi bar du yaṅ bstan par bya’o ||
de ni de lta bu thos na mi skrag mi dṅaṅ źiṅ dṅaṅ bar mi ’gyur ro ||
gal te de dge ba’i (38b1) bśes gñen gyis zin la sṅon gyi rgyal ba dag la lhag par bya ba byas śiṅ dge ba’i rtsa ba bskyed pa daṅ | saṅs rgyas maṅ po la bsñen bkur byas pa źig yin na ni | btsun pa rab ’byor byaṅ chub sems dpa’ sems dpa’ chen po des rjes su yi raṅ ba’i mod las skyes pa’i (2) bsod nams bya ba’i dṅos po bla na med pa yaṅ dag par rdzogs pa’i byaṅ chub tu de ltar yoṅs su bsṅo bar bya’o || ||
śes rab kyi pha rol tu phyin pa khri brgyad stoṅ pa | bam po ñi śu drug pa | rab ’byor gyis smras pa | byams pa sems gaṅ gis rjes su (3) yi raṅ nas yoṅs su sṅo bar byed pa’i sems de ni zad ciṅ ’gag la med de | rnam par gyur pa yin la | dṅos po de dag daṅ | dmigs pa de dag daṅ | dge ba’i rtsa ba de dag daṅ | rjes su yi raṅ ba’i mod las skyes pa’i bsod nams bya ba’i dṅos po de yaṅ zad ciṅ ’gag la (4) med do ||
rnam par gyur pa yin na | rjes su yi raṅ ba’i mod las skyes pa’i sems de ni gaṅ yin | dṅos po de dag ni gaṅ yin | dmigs pa de dag ni gaṅ yin | dge ba’i rtsa ba gaṅ dag bla na med pa yaṅ dag par rdzogs pa’i byaṅ chub tu yoṅs su bsṅo ba ni gaṅ yin | (5) ci sems kyis sems yoṅs su bsṅo’am | gal te sesama kyis sems yoṅs su bsṅon ni sesama gñis phrad par ’gyur ba med de | sems kyi raṅ bźin gaṅ yin pa de ni yoṅs su bsṅo bar mi nus so ||
byams pas smras pa | gal te byaṅ chub sems dpa’ sems (6) dpa’ chen po śes rab kyi pha rol tu phyin pa la spyod pa ’di ltar śes rab kyi pha rol tu phyin pa dṅos po med pa daṅ | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pa rol tu phyin pa daṅ | sbyin (7) pa’i pha rol tu phyin pa dṅos po med pa daṅ | gzugs dṅos po med pa daṅ | tshor ba daṅ | ’du śes daṅ | ’du byed rnams daṅ | rnam par śes pa dṅos po med pa daṅ | byaṅ chub kyi phyogs kyi chos sum cu rtsa bdun dṅos po med pa daṅ | stobs rnams daṅ | mi ’jigs pa (39a1) rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad dṅos pa med pa daṅ | byaṅ chub dṅos po med par ’du śes na | ’di ltar byaṅ chub sems dpa’ sems dpa’ chen pos rjes su yi raṅ ba’i mod las skyes (2) pa’i bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su bsṅo bar bya ste | gal te de ltar bsṅos na | bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
byaṅ chub sems dpa’ byams pas | gnas brtan rab (3) ’byor la ’di skad ces smras so ||
btsun pa rab ’byor theg pa la gsar du yaṅ dag par źugs pa’i byaṅ chub sems dpa’ sems dpa’ chen pos bstan pa ’di thos na skrag ste | dṅaṅ źiṅ dṅaṅ par mi ’gyur graṅ | btsun pa rab ’byor theg pa la gsar du yaṅ dag par źugs (4) pa’i byaṅ chub sems dpa’ sems dpa’ chen pos dge ba’i rtsa ba de dag kyaṅ ji ltar bla na med pa yaṅ dag par rdzogs pa’i byaṅ chub tu yoṅs su bsṅo bar bya | rjes su yi raṅ ba’i mod las skyes pa’i bsod nams bya ba’i dṅos po yoṅs su bzuṅ ba yaṅ | ji ltar bla na med pa yaṅ dag (5) par rdzogs pa’i byaṅ chub tu yoṅs su bsṅos par ’gyur | rab ’byor gyis smras ba | byams pa gal te theg pa la gsar du yaṅ dag par źugs pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod la | śes rab kyi pha rol tu phyin pa de yaṅ mi (6) dmigs pa’i tshul gyis ’dzin gyi | mtshan ma’i tshul gyis ma yin pa daṅ | de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa | (7) spyod la | sbyin pa’i pha rol tu phyin pa de yaṅ mi dmigs pa’i tshul gyis ’dzin gyi | mtshan ma’i tshul gyis ma yin pa daṅ | naṅ stoṅ pa ñid la spyod la | stoṅ pa ñid de yaṅ mi dmigs pa’i tshul gyis ’dzin gyi | mtshan ma’i tshul gyis ma yin pa daṅ | dṅos po med pa’i ṅo bo ñid (39b1) stoṅ pa ñid kyi bar la spyod la | dṅos po med pa’i ṅo bo ñid stoṅ pa ñid de yaṅ mi dmigs pa’i tshul gyis ’dzin gyi | mtshan ma’i tshul gyis ma yin pa daṅ | byaṅ chub kyi phyogs kyi chos sum cu rtsa bdun la spyod la | byaṅ chub kyi phyogs kyi chos sum cu rtsa bdun de dag kyaṅ mi dmigs (2) pa’i tshul gyis ’dzin gyi | mtshan ma’i tshul gyis ma yin pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad la spyod la | de dag kyaṅ mi dmigs pa’i tshul gyis ’dzin gyi | mtshan ma’i tshul (3) gyis ma yin no ||
de ltar na śes rab kyi pha rol tu phyin pa la mos pa maṅ bar ’gyur | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la mos pa maṅ (4) bar ’gyur | naṅ stoṅ pa nid la mos pa maṅ bar ’gyur | dṅos po med pa’i ṅo bo ñid stoṅ pa ñid kyi bar la mos pa maṅ bar ’gyur | byaṅ chub kyi phyogs kyi chos sum cu rtsa bdun la mos pa maṅ bar ’gyur | stobs bcu daṅ | mi ’jigs pa bźi daṅ | so so yaṅ dag par rig pa (5) bźi daṅ | saṅs rgyas kyi chos ma ’dres pa bco brgyad la mos pa maṅ bar ’gyur źiṅ | dge ba’i bśes gñen gyis kyaṅ yoṅs su zin par ’gyur te | dge ba’i bśes gñen de dag kyaṅ de la śes rab kyi pha rol tu phyin pa ’di ñid daṅ | sbyin pa’i pha rol tu phyin pa’i bar du don daṅ (6) bcas | tshig ’bru daṅ bcas pa ston te | ci nas kyaṅ byaṅ chub sems dpa’i skyon med par źugs kyi bar du śes rab kyi pha rol tu phyin pa daṅ ’bral bar mi ’gyur ba daṅ | de bźin du byaṅ chub sems dpa’i skyon med par źugs kyi bar du pha rol tu phyin pa thams cad kyi bar daṅ ’bral bar mi (7) ’gyur ba daṅ | stoṅ pa ñid thams cad daṅ | byaṅ chub kyi phyogs kyi chos sum cu rtsa bdun daṅ | stobs daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa bco brgyad kyi bar dag daṅ yaṅ ’bral bar mi ’gyur ba de lta bur yaṅ ston to ||
(40a1) bdud kyi las rnams kyaṅ ston te | des bdud kyi las de dag thos na ’grib par yaṅ mi ’gyur ’phal bar yaṅ mi ’gyur ro ||
de ci’i phyir źe na | ’di ltar bdud kyi las de dag raṅ bźin gyis mi dmigs pa’i phyir ro ||
de ni byaṅ chub sems dpa’i skyon med par (2) źugs kyi bar du saṅs rgyas bcom ldan ’das rnams daṅ yaṅ ’bral bar mi ’gyur źiṅ de dag la yaṅ dge ba’i rtsa ba skyed par ’gyur te | dge ba’i rtsa ba de dag gis kyaṅ byaṅ chub sems dpa’i rigs yoṅs su ’dzin par ’gyur ro ||
bla na med pa yaṅ dag par rdzogs pa’i byaṅ chub mṅon (3) par rdzogs par saṅs rgyas kyi bar du | byaṅ chub sems dpa’i rigs de daṅ yaṅ ’bral bar mi ’gyur ro ||
byams pa gźan yaṅ theg pa la gsar du yaṅ dag par źugs pa’i byaṅ chub sems dpa’ sems dpa’ chen pos saṅs rgyas bcom ldan ’das lam gyi rgyun bcad pa | spros (4) pa daṅ srid par khrid pa’i rgyun bcad pa | tshig gi lam chad pa | khur bor ba tsher ma bsal ba | srid par kun tu sbyor ba bcad pa | mñam pa ñid kyi ye śes kyis rnam par grol ba’i de bźin gśegs pa dgra bcom pa yaṅ dag par rdzogs pa’i saṅs rgyas phyogs bcu’i ’jig rten gyi (5) khams dpag tu med | graṅs med pa dag na bźugs te | ’tsho źiṅ gźes pa gaṅ yin pa de dag daṅ | saṅs rgyas bcom ldan ’das de dag gi ñan thos rnams kyi bsod nams mṅon par ’du byed pa gaṅ yin pa daṅ | de dag la gaṅ dag gis dge ba’i rtsa ba bskyed pa dag daṅ | (6) rgyal rigs śiṅ s la chen po lta bu rnams daṅ | bram ze’i rigs śiṅ s la chen po lta bu rnams daṅ | khyim bdag gi rigs śiṅ s la chen po lta bu rnams daṅ | rgyal chen bźi’i ris kyi lha rnams daṅ | gnas gtsaṅ ma’i ris kyi lha rnams kyi bar dag gi phyir dge ba’i rtsa ba (7) bskyed pa gaṅ yin pa de dag thams cad mṅon par bsdus nas | gcig tu brtul ciṅ gźal te | rjes su yi raṅ ba’i mchog gis rjes su yi raṅ bar bya’o ||
rjes su yi raṅ ba phul du byuṅ ba daṅ | gtso bo daṅ | rab daṅ | rab mchog daṅ | gya nom pas rjes su yi raṅ (40b1) nas | rjes su yi raṅ ba’i mod las skyes pa’i dge ba’i rtsa ba bla na med pa yaṅ dag par rdzogs pa’i byaṅ chub tu yoṅs su bsṅo bar bya’o ||
byams pas smras pa | btsun pa rab ’byor gal te theg pa la gsar du yaṅ dag par źugs pa’i byaṅ chub sems dpa’ sems dpa’ chen (2) pos saṅs rgyas bcom ldan ’das ñan thos kyi dge ’dun daṅ bcas pa de dag gi dge ba’i rtsa ba thams cad la bsams te | rjes su yi raṅ ba’i mchog gis rjes su yi raṅ la | rjes su yi raṅ ba goṅ na med pa’i bar gyis rjes su yi raṅ źiṅ | rjes su yi raṅ nas kyaṅ bla na med pa (3) yaṅ dag par rdzogs pa’i byaṅ chub tu yoṅs su sṅo bar byed na | byaṅ chub sems dpa’ sems dpa’ chen po de ’du śes phyin ci log pa daṅ | sems phyin ci log pa daṅ | lta ba phyin ci log par ji ltar mi ’gyur | rab ’byor gyis smras pa | byams pa gal te byaṅ chub sems dpa’ (4) sems dpa’ chen pos saṅs rgyas bcom ldan ’das ñan thos kyi dge ’dun daṅ bcas pa de dag la bsams te | de la yaṅ saṅs rgyas su ’du śes par mi ’gyur źiṅ | dge ba’i rtsa bar ’du śes par mi ’gyur la | sems gaṅ gis yoṅs su bsṅos pa’i sems de la yaṅ sems (5) su ’du śes par mi ’gyur te | de ltar bsṅos na | byaṅ chub sems dpa’i ’du śes phyin ci log par mi ’gyur | sems phyin ci log par mi ’gyur | lta ba phyin ci log par mi ’gyur ro ||
gal te byaṅ chub sems dpas saṅs rgyas bcom ldan ’das de dag daṅ | dge ba’i (6) rtsa ba de dag la bsams śiṅ mtshan mar ’dzin te | mtshan mar bzuṅ nas rjes su yi raṅ źiṅ | bla na med pa yaṅ dag par rdzogs pa’i byaṅ chub tu sṅo bar byed na | de ltar sṅo na ni ’du śes daṅ | sems daṅ | lta ba phyin ci log par ’gyur ro ||
gal te byaṅ chub sems dpas saṅs (7) rgyas bcom ldan ’das de dag daṅ | dge ba’i rtsa ba de dag daṅ | sems gaṅ gis bsams pa de dag de bźin du zad pa la zad do źes bya ba daṅ | zad pa gaṅ yin pa de yaṅ yoṅs su sṅo bar mi nus pa daṅ | sems gaṅ gis yoṅs su bsṅos pa’i sems de yaṅ de’i chos ñid yin (41a1) pa daṅ | gaṅ du yoṅs su bsṅos pa de yaṅ de’i chos ñid yin par de ltar śes te | gal te de ltar bsṅos na | ’thun par yoṅs su sṅo ba yin te | yaṅ dag par yoṅs su sṅo ba yin źiṅ mi ’thun par yoṅs su sṅo ba ma yin la | log par yoṅs su sṅo ba ma (2) yin te | byaṅ chub sems dpa’ sems dpa’ chen pos de ltar yoṅs su bsṅo bar bya’o ||
gal te byaṅ chub sems dpa’ sems dpa’ chen pos ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams las so so’i skye bo gaṅ dag gis dge ba’i rtsa bskyed (3) ba dag daṅ chos bstan pa thos pa gaṅ yin pa dag daṅ | de dag la lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po gaṅ dag gis dge ba’i rtsa ba bskyed pa dag daṅ | rgyal rigs śiṅ s la chen po lta bu (4) rnams daṅ | bram ze’i rigs śiṅ s la chen po lta bu rnams daṅ | khyim bdag gi rigs śiṅ s la chen po lta bu rnams daṅ | rgyal chen bźi’i ris kyi lha rnams kyis chos thos śiṅ | dge ba’i rtsa ba yaṅ bskyed pa dag daṅ | bla na med pa yaṅ dag par rdzogs pa’i byaṅ chub tu (5) yaṅ sems bskyed pa de dag thams cad yoṅs su bsdus nas | gcig tu brtul ciṅ gźal te | rjes su yi raṅ ba’i mchog gis rjes su yi raṅ ba daṅ | rjes su yi Raga ba phul du byuṅ ba daṅ | gtso bo daṅ | rab daṅ | rab mchog daṅ | gya nom pas rjes su yi raṅ ba daṅ | (6) rjes su yi raṅ pa mñam pa med pa daṅ | mi mñam pa daṅ mñam pas rjes su yi raṅ ste | rjes su yi raṅ nas kyaṅ de dag thams cad bla na med pa yaṅ dag par rdzogs pa’i byaṅ chub tu yoṅs sṅo bar byed de | gal te chos de dag ni zad pa daṅ | ’gags pa daṅ | med pa daṅ | (7) rnam par gyur pa yin la | gaṅ du yoṅs su bsṅo ba’i chos de yaṅ rag bźin gyis stoṅ ṅo źes de ltar yaṅ dag par śes te | gal te de ltar yoṅs su bsṅo na | bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
gal te chos rnams kyis chos rnams (41b1) yoṅs su sṅo bar mi byed de | de ci’i phyir źe na | ’di ltar chos thams cad ni raṅ bźin gyis stoṅ pa’i phyir ro źes bya bar de ltar yaṅ dag par śes la gal te de ltar yoṅs su sṅo na | bla na med pa yaṅ dag par rdzogs pa’i byaṅ chub tu yoṅs bsṅos pa yin no ||
byaṅ chub (2) sems dpa’ śes rab kyi pha rol tu phyin pa la de ltar spyod pa daṅ | bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa la spyod pa’i ’du śes phyin ci log pa daṅ | sems phyin ci log pa daṅ | lta ba phyin ci log par mi ’gyur ro ||
(3) de ci’i phyir źe na | ’di ltar yoṅs su bsṅo ba de dag daṅ | dge ba’i rtsa ba de dag daṅ | byaṅ chub de daṅ | sems de la mṅon par źen pa med ciṅ | gaṅ du mṅon par źen pa de yaṅ yaṅ dag par rjes su mi mthoṅ ba’i phyir te | de ni byaṅ chub sems dpa’ sems dpa’ chen po’i bla na (4) med pa yaṅ dag par rdzogs pa’i byaṅ chub tu yoṅs su bsṅo ba yin no ||
gal te byaṅ chub sems dpa’ sems dpa’ chen pos bsod nams bya ba’i dṅos po mṅon par ’du byed pa de | phuṅ po daṅ | khams daṅ | skye mched rnams kyis dben par yaṅ dag par śes śiṅ | śes (5) rab kyi pha rol tu phyin pas dben par yaṅ dag par śes | bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pas dben par yaṅ dag par śes | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyis (6) dben par yaṅ dag par śes | byaṅ chub kyi phyogs kyi chos sum cu rtsa bdun po dag gis dben par yaṅ dag par śes | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad po dag gis dben par yaṅ (7) dag par śes na | de ltar na byaṅ chub sems dpa’ chen pos bsod nams bya ba’i dṅos po bla na med pa yaṅ dag par rdzogs pa’i byaṅ chub tu yoṅs su bsṅos pa yin no ||
gal te byaṅ chub sems dpa’ rjes su yi raṅ ba’i mod las skyes pa’i bsod nams bya ba’i dṅos po ni | (42a1) rjes su yi raṅ ba’i mod las skyes pa’i bsod nams bya ba’i dṅos po’i raṅ bźin gyis dben par yaṅ dag par śes śiṅ | saṅs rgyas bcom ldan ’das de dag kyaṅ | saṅs rgyas kyi raṅ bźin gyis dben pa daṅ | dge ba’i rtsa ba rnams kyaṅ dge ba’i rtsa ba’i (2) raṅ bźin gyis dben pa daṅ | mṅon par ’du byed pa yaṅ mṅon par ’du byed pa’i raṅ bźin gyis dben pa daṅ | byaṅ chub kyi sems kyaṅ byaṅ chub kyi sems kyi raṅ bźin gyis dben pa daṅ | yoṅs su sṅo ba’i sems kyaṅ yoṅs su sṅo ba’i sems kyi raṅ bźin gyis dben pa daṅ | (3) byaṅ chub kyaṅ byaṅ chub kyi raṅ bźin gyis dben pa daṅ | śes rab kyi pha rol tu phyin pa yaṅ śes rab kyi pha rol tu phyin pa’i raṅ bźin gyis dben pa daṅ | de bźin du bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa yaṅ sbyin (4) pa’i pha rol tu phyin pa’i raṅ bźin gyis dben pa daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar yaṅ naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi raṅ bźin gyis dben pa daṅ | byaṅ chub kyi phyogs kyi chos sum cu rtsa bdun daṅ | (5) stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad po dag kyaṅ saṅs rgyas kyi chos kyi raṅ bźin gyis dben par yaṅ dag par śes na | byaṅ chub sems dpa’ sems dpa’ chen pos śes rab kyi pha (6) rol tu phyin pa dben pa la de ltar spyod par bya ste | de ni byaṅ chub sems dpa’ sems dpa’ chen po’i śes rab kyi pha rol tu phyin pa yin no ||
gźan yaṅ byaṅ chub sems dpa’ sems dpa’ chen po saṅs rgyas bcom ldan ’das yoṅs su mya ṅan las ’das pa de dag gi dge ba’i rtsa ba de (7) dag yaṅ dag par rjes su dran pas | ’di ltar yoṅs su bsṅo bar bya ste | gaṅ gis yoṅs su bsṅo ba’i sems de ni yoṅs su sṅo ba de ji lta ba de kho na bźin te | de’i raṅ bźin can daṅ | de’i ṅo bo ñid yin par gal te de ltar yaṅ dag par śes nas | bla na med pa yaṅ dag (42b1) par rdzogs pa’i byaṅ chub tu yoṅs su bsṅos pa yin te | de ltar yoṅs su sṅo ba ni ’du śes phyin ci log pa ma yin | sems phyin ci log pa ma yin | lta ba phyin ci log pa ma yin no ||
gal te byaṅ chub sems dpa’ sems dpa’ chen po śes rab kyi pha rol tu phyin pa la spyod (2) pas | saṅs rgyas bcom ldan ’das de dag gi dge ba’i rtsa ba de dag mtshan ma’i tshul gyis śes na | bla na med pa yaṅ dag par rdzogs pa’i byaṅ chub tu yoṅs su sṅo ba ma yin no ||
gal te ’das pa’i saṅs rgyas bcom ldan ’das yoṅs su mya ṅan las ’das pa | mtshan ma med pa (3) yul ma yin pa gaṅ yin pa de dag ’di ltar dran par byas śiṅ | mtshan mar ’dzin par byed na | dge ’bi rtsa ba de dag bla na med pa yaṅ dag par rdzogs pa’i byaṅ chub tu yoṅs su bsṅos pa ma yin te | de ltar na de ni ’du śes phyin ci log pa daṅ | sems phyin ci log pa daṅ | lta ba phyin (4) ci log pa yin no ||
gal te saṅs rgyas bcom ldan ’das de dag daṅ | dge ba’i rtsa ba de dag daṅ | mṅon par ’du byed pa de dag daṅ | sems bskyed pa de dag śes par mi byed ciṅ | mtshan mar mi ’dzin na | dge ba’i rtsa ba de dag bla na med pa yaṅ dag par rdzogs pa’i byaṅ chub (5) tu yoṅs su bsṅos pa yin te | de ltar na byaṅ chub sems dpa’ sems dpa’ chen po de ’du śes phyin ci log pa ma yin | sems phyin ci log pa ma yin | lta ba phyin ci log pa ma yin no ||
byams pas smras pa | btsun pa rab ’byor byaṅ chub sems dpa’ sems dpa’ chen (6) po mtshan mar yaṅ mi ’dzin la | yoṅs su sṅo par yaṅ byed pa ji lta bu yin | rab ’byor gyis smras pa | byaṅ chub sems dpa’ sems dpa’ chen pos śes rab kyi pha rol tu phyin pa ’di la thabs la mkhas pa de dag bslabs pas | de’i phyir byaṅ chub sems dpa’ sems dpa’ (7) chen po ni śes rab kyi pha rol tu phyin pa la thabs la mkhas par rig par bya ste | śes rab kyi pha rol tu phyin pa la ma brten par ni bsod nams bya ba’i dṅos po yoṅs su bsṅo bar yaṅ mi nus so ||
byams pas smras pa | btsun pa rab ’byor śes rab kyi pha rol tu phyin ba la ni saṅs (43a1) rgyas bcom ldan ’das de dag daṅ | dge ba’i rtsa ba de dag daṅ | mṅon par ’du byed pa de dag daṅ | bla na med pa yaṅ dag par rdzogs pa’i byaṅ chub tu yoṅs su sṅo ba gaṅ yin pa’i sems bskyed pa de dag kyaṅ med pa yin | ’di skyon du mi ’gyur ram | (2) de la byaṅ chub sems dpa’ sems dpa’ chen po śes rab kyi pha rol tu phyin pa la spyod pa des ni ’di ltar rnam par brtag par bya ste | sku de dag daṅ | dge ba’i rtsa ba de dag daṅ | mṅon par ’du mdzad pa de dag ni ’gags pa yin na | ’on kyaṅ mtshan mar bzuṅ nas rnam par rtog par (3) byed de | saṅs rgyas bcom ldan ’das de dag daṅ | dge ba’i rtsa ba de dag daṅ | mṅon par ’du mdzad pa de dag daṅ | sems bskyed pa de dag mtshan mar bzuṅ nas | rnam par rtog par byed do ||
de bźin gśegs pa dgra bcom pa yaṅ dag par rdzogs pa’i saṅs (4) rgyas rnams kyis ni | de ltar mtshan ma’i tshul gyis yoṅs su sṅo ba la rjes su yi raṅ bar gnaṅ bar mi mdzad do ||
de ci’i phyir źe na | saṅs rgyas bcom ldan ’das yoṅs su mya ṅan las ’das pa dag mtshan mar ’dzin ciṅ rnam par brtags nas | dmigs pa gaṅ yin pa de (5) ñid de’i dmigs pa chen po yin pa’i phyir ro ||
de bas na byaṅ chub sems dpa’ sems dpa’ chen po dge ba’i rtsa ba de dag yoṅs su sṅo bar ’dod pas ni dmigs nas mtshan mar bzuṅ ste | yoṅs su bsṅo bar mi bya’o ||
dmigs pa’i ’du śes daṅ | mtshan ma’i ’du śes (6) kyis yoṅs su sṅo ba ni | de bźin gśegs pa dgra bcom pa yaṅ dag par rdzogs pa’i saṅs rgyas rnams kyis don che bar ma gsuṅs so ||
de ci’i phyir źe na | bsṅo ba de ni dug daṅ bcas pa | zug rṅu daṅ bcas pa yin pa’i phyir ro ||
’di lta ste dper na | kha zas (7) bsod pa | dug daṅ sbyar ba | kha dog daṅ | dri daṅ ldan pa de la byis pa’i raṅ bźin can gyi mis bza’ bar bsams nas | des de zab na kha dog daṅ dris kyag dga’ bar byed la | źu ba’i tshe ni sdug bsṅal ba’i rnam par smin par ’gyur ro ||
de bźin du ’di la kha cig log par (43b1) zin pa daṅ | log par śes pa daṅ | log par bslabs pas | don ma rtogs te | khoṅ du ma chud par ’di skad du | rigs kyi bu khyod tshur śog | ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyi thugs daṅ po bskyed ba nas bzuṅ ste | (2) bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas pa’i bar daṅ | phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’das pa’i bar daṅ | ji srid du dam pa’i chos nub par ma gyur pa’i bar der śes rab kyi pha rol tu phyin (3) pha la spyad pas | dge ba’i rtsa ba mṅon par ’du mdzad pa gaṅ yin pa rnams daṅ | de bźin du bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa la spyad pas | dge ba’i rtsa ba mṅon par ’du mdzad pa gaṅ yin pa rnams (4) daṅ | bsam gtan bźi daṅ ldan pa daṅ | tshad med pa bźi daṅ | gzugs med pa’i sñoms par ’jug pa bźi daṅ | byaṅ chub kyi phyogs kyi chos sum cu rtsa bdun daṅ | de bźin gśegs pa’i stobs bcu daṅ | mi ’jigs pa daṅ | so so yaṅ dag par rig pa daṅ (5) ldan pa’i dge ba’i rtsa ba mṅon par ’du mdzad pa rnams daṅ | saṅs rgyas kyi chos ma ’dres pa bco brgyad daṅ ldan pa’i dge ba’i rtsa ba mṅon par ’du mdzad pa rnams daṅ | dge ba’i rtsa ba mṅon par ’du mdzad pa gaṅ dag gis | saṅs rgyas kyi źiṅ rnams yoṅs su dag par (6) mdzad ciṅ | sems can rnams yoṅs su smin par mdzad pa dag daṅ | saṅs rgyas bcom ldan ’das de dag gi tshul khrims kyi phuṅ po daṅ | tiṅ ṅe ’dzin gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes gzigs (7) pa’i phuṅ po gaṅ yin pa dag daṅ | rnam pa thams cad mkhyen pa ñid kyi ye śes kyi bar daṅ | bsñel ba mi mṅa’ ba’i chos ñid daṅ | rtag tu btaṅ sñoms la gnas pa daṅ | de dag gi ñan thos kyi theg pa pa dag gis de dag la dge ba’i rtsa ba bskyed pa gaṅ yin pa dag daṅ | (44a1) raṅ saṅs rgyas rnams luṅ bstan pa gaṅ yin pa dag daṅ | lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po gaṅ dag gi de dag la dge ba’i rtsa ba mṅon par ’dus byas pa de dag thams cad (2) yoṅs su bsdus nas gcig tu brtul ciṅ gźal te | bla na med pa yaṅ dag par rdzogs pa’i byaṅ chub tu yoṅs su sṅos śig ces ston par byed de | de ltar des yoṅs su bsṅo ba mtshan ma’i tshul daṅ | dmigs pa’i tshul gyis yoṅs su bsṅos pa ni ’di lta ste | kha zas dug tsan (3) bźin du dug ñid du ’gyur ro ||
dmigs par lta ba’i sṅo ba ni sṅo bar yaṅ mi ’gyur ro ||
de ci’i phyir źe na | dmigs pa de ni dug daṅ bcas pa | mtshan ma daṅ bcas pa | rgyu daṅ bcas pa | rkyen daṅ bcas pa yin pa’i phyir ro ||
de ltar bsṅos pas ni de bźin gśegs pa (4) la skur pa btab pa yin te | de bźin gśegs pas gsuṅs pa bźin du smra ba yaṅ ma yin la chos smra ba yaṅ ma yin no źes brtag par bya’o ||
de la rigs kyi bu’am rigs kyi bu mo byaṅ chub sems dpa’i theg pa pa dag gis ni ’di ltar bslab par bya ste | ’das pa daṅ | (5) ma byon pa daṅ | da ltar byuṅ ba’i saṅs rgyas bcom ldan ’das rnams kyi dge ba’i rtsa ba dag la ji ltar rjes su yi raṅ nas | yoṅs su bsṅo bar bya | thugs daṅ po bskyed pa nas bzuṅ ste | ñan thos kyi dge ’dun daṅ bcas pa rnams phuṅ po’i lhag ma med pa’i mya ṅan las (6) ’das pa’i dbyiṅs su yoṅs su mya ṅan las ’das pa’i bar daṅ | ji srid du dam pa’i chos gnas pa’i bar der śes rab kyi pha rol tu phyin pa la spyod pa’i dge ba’i rtsa ba mṅon par ’du mdzad pa gaṅ yin pa rnams daṅ | rnam pa thams cad mkhyen pa ñid brñes pa’i bar daṅ | (7) lta daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi’am ci daṅ | lto ’bye chen po dag gis dge ba’i rtsa ba skyed pa’i bar dag la ji ltar rjes su yi raṅ nas | yoṅs su bsṅo bar bya | dge ba’i rtsa ba de dag ji ltar yoṅs su bsṅos na | (44b1) bla na med pa yaṅ dag par rdzogs pa’i byaṅ chub tu yoṅs su bsdos par ’gyur źe na | rigs kyi bu ’am rigs kyi bu mo theg pa chen po pa śes rab kyi pha rol tu phyin pa ’di la spyod ciṅ | de bźin gśegs pa la skur pa gdab par mi ’dod pas ni | ’di skad du yoṅs su (2) bsṅo bar bya ste | de bźin gśegs pa dgra bcom pa yaṅ dag par rdzogs pa’i saṅs rgyas rnams gyis saṅs rgyas kyi ye śes bla na med pas dge ba’i rtsa ba de dag ji ltar thugs su chud pa daṅ | raṅ bźin gaṅ yin pa daṅ | ṅo bo ñid gaṅ yin pa daṅ | mtshan ñid (3) gaṅ yin pa daṅ | chos ñid gaṅ gis yod pa de bźin du bdag kyaṅ rjes su yi raṅ ṅo ||
saṅs rgyas bcom ldan ’das de dag gis ji ltar thugs su chud pa de bźin du bdag gis kyaṅ bla na med pa yaṅ dag par rdzogs pa’i byaṅ chub tu yoṅs su bsṅo’o źes rigs kyi bu ’am (4) rigs kyi bu mo theg pa chen po pas dge ba’i rtsa ba rnams bla na med pa yaṅ dag par rdzogs pa’i byaṅ chub tu de ltar yoṅs su bsṅo bar bya’o ||
de ltar yoṅs su bsṅos na | de bźin gśegs pa la yaṅ skur pa btab par mi ’gyur la | de bźin gśegs pas gsuṅs pa bźin du (5) smra ba daṅ | chos smra bar yaṅ ’gyur ro ||
de ltar na byaṅ chub sems dpa’ sems dpa’ chen po de’i yoṅs su bsṅo pa dug med pa yin no źes bslab par bya’o ||
gźan yaṅ rigs kyi bu’am rigs kyi bu mo theg pa chen po la yaṅ dag par źugs pa śes rab kyi pha (6) rol tu phyin pa la spyod pas | dge ba’i rtsa ba de dag ’di ltar yoṅs su bsṅo bar bya ste | ’di ltar gzugs ni ’dod pa’i khams daṅ | gzugs kyi khams daṅ | gzugs med pa’i khams su gtogs pa ma yin no ||
tshor ba daṅ | ’du śes daṅ | ’du byed rnams (7) daṅ | rnam par śes pa ni ’dod pa’i khams daṅ | gzugs kyi khams daṅ | gzugs med pa’i khams su gtogs pa ma yin no ||
de bźin du khams rnams daṅ | skye mched rnams daṅ | śes rab kyi pha rol tu phyin pa yaṅ ’dod pa’i khams daṅ | gzugs kyi (45a1) khams daṅ | gzugs med pa’i khams su gtogs pa ma yin no ||
de bźin du bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa yaṅ ’dod pa daṅ | gzugs daṅ | gzugs med pa’i (2) khams su gtogs pa ma yin te | ma gtogs pa gaṅ yin pa de ni ’das pa yaṅ ma yin | ma ’oṅs pa yaṅ ma yin | da ltar byuṅ ba yaṅ ma yin no ||
de bźin du naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar du ’dod pa daṅ | gzugs daṅ | (3) gzugs med pa’i khams su gtogs pa ma yin no ||
byaṅ chub kyi phyogs kyi chos sum cu rtsa bdun ’dod pa daṅ | gzugs daṅ | gzugs med pa’i khams su gtogs pa ma yin no ||
stobs bcu daṅ | mi ’jigs pa rnams daṅ | so so yaṅ dag par rig pa rnams (4) daṅ | saṅs rgyas kyi chos ma ’dres pa bco brgyad ’dod pa daṅ | gzugs daṅ | gzugs med pa’i khams su gtogs pa ma yin no ||
de bźin du de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos gnas pa (5) ñid daṅ | chos mi ’gyur ba ñid daṅ | yaṅ dag pa’i mtha’ daṅ | bsam gyis mi khyab pa’i dbyiṅs daṅ | tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes gzigs pa rnams daṅ | rnam par thams cad mkhyen (6) pa ñid daṅ | bsñel ba mi mṅa’ ba’i chos ñid daṅ | rtag tu btaṅ sñoms la gnas pa | ’dod pa daṅ | gzugs daṅ | gzugs med pa’i khams su gtogs pa ma yin te | ma gtogs pa gaṅ yin pa de ni ’das pa yaṅ ma yin | ma ’oṅs pa yaṅ ma yin | da ltar (7) byuṅ ba yaṅ ma yin no ||
de ci’i phyir źe na | de ni de ltar gtogs pa ma yin pa ñid kyi phyir ma gtogs so ||
de bźin du yoṅs su bsṅo pa yaṅ gtogs ba ma yin no ||
chos gaṅ la yoṅs su bsṅo ba’i chos de dag kyaṅ gtogs pa ma yin no ||
yoṅs su bsṅo ba gaṅ yin pa de (45b1) yaṅ gtogs pa ma yin no ||
saṅs rgyas bcom ldan ’das de dag kyaṅ gtogs pa ma yin no ||
dge ba’i rtsa ba de dag kyaṅ gtogs pa ma yin no ||
ñan thos daṅ raṅ saṅs rgyas de dag kyaṅ gtogs pa ma yin no ||
de dag gi dge ba’i rtsa ba de dag kyaṅ ’dod pa daṅ | (2) gzugs daṅ | gzugs med pa’i khams su gtogs pa ma yin te | ma gtogs pa gaṅ yin pa de ni ’das pa yaṅ ma yin | ma ’oṅs pa yaṅ ma yin | da ltar byuṅ ba yaṅ ma yin no źes yoṅs su bsṅo bar bya | byaṅ chub sems dpa’ śes rab kyi pha rol tu phyin pa la (3) spyod pas | gal te ’di ltar śes te | gzugs gaṅ yin pa de ni ’dod pa’i khams daṅ | gzugs kyi khams daṅ | gzugs med pa’i khams su gtogs pa ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa ’dod pa’i (4) khams daṅ | gzugs kyi khams daṅ | gzugs med pa’i khams su gtogs pa ma yin no ||
de bźin du khams rnams daṅ | skye mched rnams ’dod pa’i khams daṅ | gzugs kyi khams daṅ | gzugs med pa’i khams su gtogs pa ma yin te | ma gtogs (5) pa gaṅ yin pa de ni ’das pa yaṅ ma yin | ma ’oṅs pa yaṅ ma yin | da ltar byuṅ ba yaṅ ma yin te | de ni mtshan ma’i tshul lam | dmigs pa’i tshul gyis yoṅs su bsṅo bar mi nus so ||
de ci’i phyir źe na | de la ni raṅ bźin med de | gaṅ la raṅ bźin med pa de ni (6) dṅos po med pa ste | dṅos po med pa ni dṅos po med pas yoṅs su bsṅo bar mi nus so ||
tshor ba daṅ | ’du śes daṅ | ’du byed rnams daṅ | rnam par śes pa daṅ | khams rnams daṅ | skye mched rnams kyaṅ de bźin no ||
sbyin pa’i pha rol tu pyin pa daṅ | tshul (7) khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yaṅ de bźin no ||
naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar du (46a1) yaṅ de bźin no ||
byaṅ chub kyi phyogs kyi chos sum cu rtsa bdun daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad daṅ | rnam pa thams cad mkhyen pa ñid (2) daṅ | bsñel ba mi mṅa’ ba’i chos ñid daṅ | rtag tu btaṅ sñosama la gnas pa yaṅ de bźin du ’dod pa’i khams su gtogs pa ma yin | gzugs kyi khams su gtogs pa ma yin | gzugs med pa’i khams su gtogs pa ma yin te | ma gtogs pa gaṅ (3) yin pa de ni ’das pa yaṅ ma yin | ma ’oṅs pa yaṅ ma yin | da ltar byuṅ ba yaṅ ma yin no ||
gaṅ ’das pa yaṅ ma yin | ma ’oṅs pa yaṅ ma yin | da ltar byuṅ ba yaṅ ma yin pa de ni mtshan ma’i tshul daṅ | dmigs pa’i tshul gyis yoṅs su bsṅo bar mi nus so ||
(4) de ci’i phyir źe na | ’di ltar de la ni raṅ bźin med de | gaṅ la raṅ bźin med pa de ni dṅos po med pa yin la | dṅos po med pa ni dṅos po med pas yoṅs su bsṅo bar mi nus pa’i phyir ro ||
źes bya bar śes na | de ltar na byaṅ chub sems dpa’i bsṅo ba de dug med pa yin no ||
(5) rigs kyi bu’am rigs kyi bu mo theg pa chen po la yaṅ dag par źugs pa gaṅ mtshan ma’i tshul daṅ | dmigs pa’i tshul gyis dge ba’i rtsa ba de dag yoṅs su sṅo bar byed pa de ni dge ba’i rtsa ba de dag log par yoṅs su sṅo ba yin te | yaṅ dag par yoṅs su sṅo ba ma yin no ||
(6) log par yoṅs su sṅo ba la ni saṅs rgyas bcom ldan ’das rnams gyis bsṅags pa mi mdzad do ||
gaṅ saṅs rgyas bcom ldan ’das rnams kyis bsṅags pa ma mdzad pa’i yoṅs su bsṅo bas yoṅs su sṅo ba de ni sbyin pa’i pha rol tu phyin pa yoṅs su rdzogs par mi byed do ||
tshul (7) khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus gyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa yoṅs su rdzogs par mi byed do ||
gaṅ pha rol tu phyin pa drug po dag yoṅs su rdzogs par mi (46b1) byed ba de ni | byaṅ chub kyi phyogs kyi chos sum cu rtsa bdun yoṅs su rdzogs par mi byed do ||
naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs (2) rgyas kyi chos ma ’dres ba bco brgyad yoṅs su rdzogs par mi byed do ||
de ni saṅs rgyas kyi źiṅ yoṅs su dag par mi byed do ||
sems can rnams yoṅs su smin par mi byed do ||
gaṅ saṅs rgyas kyi źiṅ yoṅs su dag par mi byed pa daṅ | sems can rnams yoṅs su smin (3) par mi byed pa de ni | bla na med pa yaṅ dag par rdzogs pa’i byaṅ chub tu mṅon par rdzogs par ’tshaṅ rgya bar mi ’gyur ro ||
de ci’i phyir źe na | ’di ltar de’i sṅo ba ni dug daṅ bcas pa yin pa’i phyir ro ||
gźan yaṅ byaṅ chub sems dpa’ sems dpa’ chen po śes rab kyi pha (4) rol tu phyin pa la spyod bas | ’di ltar brtag par bya ste | saṅs rgyas bcom ldan ’das de dag gis chos ñid ’dis dge ba’i rtsa ba yoṅs su bsṅo bar bya’o źes thugs su chud pa de lta bur bdag gis kyaṅ de ltar chos ñid des bla na med pa yaṅ dag par rdzogs pa’i byaṅ chub tu yoṅs su bsṅo (5) bar bya’o ||
sñam du brtag par bya’o ||
de nas bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor legs so legs so ||
rab ’byor khyod kyis ’di ltar byaṅ chub sems dpa’ sems dpa’ chen po rnams kyis yoṅs su bsṅo ba’i phuṅ po (6) mtshams med pa’i tshul daṅ | dmigs pa med pa’i tshul daṅ | skye ba med pa’i tshul daṅ | ’byuṅ ba med pa’i tshul daṅ | kun nas ñon moṅs pa med pa’i tshul daṅ | rnam par byaṅ ba med pa’i tshul daṅ | dṅos po med pa’i ṅo bo ñid kyi tshul daṅ | raṅ gi mtshan ñid stoṅ pa ñid kyi (7) tshul daṅ | chos kyi dbyiṅs kyi tshul daṅ | de bźin ñid kyi tshul daṅ | ma nor ba de bźin ñid kyi tshul daṅ | gźan ma yin pa de bźin ñid kyi tshul gyis bstan pa ni legs so ||
rab ’byor gal te stoṅ gsum gyi stoṅ chen po’i ’jig rten gyis khams na | sems can ’khod ba (47a1) de dag thams cad kyi dge ba bcu’i las kyi lam rnams thob par gyur ciṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | mṅon par śes ba lṅa thob par gyur na | rab ’byor ’di ji (2) sñam du sems | sems can de dag gźi de las bsod nams maṅ du skyed sñam ’am | rab ’byor gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas na rigs (3) kyi bu’am rigs kyi bu mo gaṅ gis dge ba’i rtsa ba rnams gos pa med pas yoṅs su bsdos na | de ches bsod nams maṅ du skyed do ||
rab ’byor rigs kyi bu’am rigs kyi bu mo de’i dge ba’i rtsa ba yoṅs su bsṅo ba de lta bu de ni mchog ces bya | phul du byuṅ ba źes bya | gtso (4) bo źes bya | rab ces bya | rab mchog ces bya | gya nom ba źes bya | bla na med pa źes bya | goṅ na med pa źes bya’o ||
rab ’byor gźan yaṅ stoṅ gsum gyi stoṅ chen po’i ’jig rten gyi khams na sems can ji sñed ’khod pa de dag thams cad rgyun du źugs par gyur (5) tam | lan cig phyir ’oṅ ba’am | phyir mi ’oṅ pa’am | dgra bcom par gyur nas dgra bcom pa de dag thams cad la | rigs kyi bu’am rigs kyi bu mo la la źig gis | ji srid ’tsho’i bar du gos daṅ | zas daṅ | mal cha daṅ | stan daṅ | na ba’i gsos sman (6) daṅ | yo byad rnams kyis bsti staṅ du byed | bla mar byed | ri mor byed | mchod pa byed na | rab ’byor ’di ji sñam du sems | rigs kyi bu’am rigs kyi bu mo de bźin de las ches bsod nams maṅ du skyed sñam ’am | rab ’byor gyis gsol pa | bcom ldan ’das (7) maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas na rigs kyi bu’am rigs kyi bu mo gaṅ gis ’di ltar dge ba’i rtsa ba gos pa med pa’i yoṅs su bsṅo bas yoṅs su bsdos na | de ches bsod nams maṅ (47b1) du skyed do ||
rab ’byor gźan yaṅ stoṅ gsum gyi stoṅ chen po’i ’jig rten gyi khams na sems can ’khod pa de dag thams cad raṅ saṅs rgyas su gyur nas | de dag thams cad la rigs kyi bu’am rigs kyi bu mo la la źig gis ji srid ’tsho’i bar du gos daṅ | zas daṅ | mal (2) cha daṅ | stan daṅ | na ba’i gsos sman daṅ | yo byad rnams kyis bsti staṅ du byed | bla mar byed | ri mor byed | mchod pa byed na | rab ’byor ’di ji sñam du sems | rigs kyi bu’am rigs kyi bu mo de bźi de las bsod nams ches maṅ du skyed sñam ’am | rab ’byor (3) gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas ni | rigs kyi bu’am rigs kyi bu mo gaṅ gis ’di ltar dge ba’i rtsa ba rnams gos ba med pa’i yoṅs su (4) bsdobs yoṅs su bsdos na | de ches bsod nams maṅ du skyed do ||
rab ’byor gźan yaṅ stoṅ gsum gyi stoṅ chen po’i ’jig rten gyi khams na | sems can gaṅ dag ’khod ba de dag thams cad bla na med pa yaṅ dag par rdzogs pa’i byaṅ chub la yaṅ dag par źugs (5) par gyur la | der byaṅ chub sems dpa’ de dag re re la yaṅ śar phyogs kyi ’jig rten gyi khams gaṅ g’i kluṅ gi bye ma sñed dag na | sems can gaṅ dag ’khod pa de dag thams cad kyis bskal pa gaṅ g’i kluṅ gi bye ma sñed du | gos daṅ | zas daṅ | mal cha (6) daṅ | stan daṅ | na ba’i gsos sman daṅ | yo byad rnams kyis bsti staṅ du byed | bla mar byed | ri mor byed | mchod pa byed ciṅ bde ba’i yo byad thams cad gyis bkur stir byed de | de bźin du lho daṅ | nub daṅ | byaṅ daṅ | phyogs mtshams rnams daṅ | steṅ (7) daṅ | ’og gi phyogs kyi ’jig rten gyi khams gaṅ g’i kluṅ gi bye ma sñed dag na | sems can gaṅ dag ’khod pa de dag thams cad kyis byaṅ chub sems dpa’ de dag las | byaṅ chub sems dpa’ re re la yaṅ bskal pa gaṅ g’i kluṅ gi bye ma sñed du gos daṅ | zas daṅ | ma la (48a1) cha daṅ | stan daṅ | na ba’i gsos sman daṅ | yo byad rnams kyis bsti staṅ du byed | bla mar byed | ri mor byed | mchod par byed ciṅ bde ba’i yo byad thams cad kyis bkur stir byed na | rab ’byor ’di ji sñam du sems | rigs kyi bu’am rigs kyi bu (2) mo de dag ches bsod nams maṅ du skyed sñam ’am | rab ’byor gyis gsol pa | bcom ldan ’das maṅ lags so ||
bde bar gśegs pa maṅ lags te | dpag tu ma mchis | graṅs ma mchis | tshad ma mchis lags so ||
bcom ldan ’das bsod nams (3) bgyi ba’i dṅos po de la ni dpe bgyi bar yaṅ sla ba ma lags so ||
bcom ldan ’das gal te bsod nams bgyi ba’i dṅos po de la gzugs mchis su lags na ni | ’jig rten gyi khams gaṅ g’i kluṅ gi bye ma sñed dag tu yaṅ mi śoṅ bar ’gyur lags so ||
de skad ces gsol (4) ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor legs so legs so ||
rab ’byor gaṅ khyod kyis de skad smras pa ni legs so ||
rab ’byor de bas na rigs kyi bu’am rigs kyi bu mo gaṅ gis ’di ltar dge ba’i rtsa ba (5) gos pa med pa’i yoṅs su bsṅo bas | bla na med pa yaṅ dag par rdzogs pa’i byaṅ chub tu yoṅs su sṅo bar byed pa de | ches bsod nams maṅ du skyed do ||
rab ’byor de ltar na rigs kyi bu’am rigs kyi bu mo de’i dge ba’i rtsa ba yoṅs su bsṅo ba ’di ni mchog ces bya | phul du (6) byuṅ ba źes bya | gtso bo źes bya | rab ces bya | rab mchog ces bya | gya nom pa źes bya | bla na med pa źes bya | goṅ na med pa źes bya ste | rab ’byor gos pa med pas bsṅo ba’i bsod nams kyi phuṅ po de la ni bsod nams kyi phuṅ po sṅa ma des brgya’i char yaṅ ñe bar (7) mi ’gro’o ||
stoṅ gi cha daṅ | ’bum gyi cha daṅ | bye ba’i cha daṅ | bye ba brgya’i cha daṅ | bye ba phrag ’bum gyi cha daṅ | graṅs daṅ | cha daṅ | bgraṅ ba daṅ | dpe daṅ | rgyur yaṅ mi bzod do ||
de tsi’i phyir źe na | ’di ltar rigs kyi bu’am rigs kyi bu mo de dag dmigs (48b1) ba’i ’du śes daṅ ldan źiṅ dge ba bcu’i las kyi lam daṅ ldan pa daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | mṅon par śes pa lṅa daṅ ldan pa’i phyir ro ||
de ci’i phyir źe na | ’di ltar rigs kyi bu’am rigs (2) kyi bu mo de dag ni dmigs pa’i ’du śes daṅ ldan źiṅ | gos daṅ | zas daṅ | mal cha daṅ | sñan daṅ | na ba’i gsos sman daṅ | yo byad rnams kyis bsti staṅ du byed | bla mar byed | ri mor byed | mchod pa byed ciṅ | bde ba’i yo byad thams cad kyis bkur sti byed la | (3) byaṅ chub sems dpa’ dmigs pa can gaṅ yin pa de dag la bsti staṅ du byed | bla mar byed | ri mor byed | mchod pa byed pa’i phyir ro ||
de nas rgyal chen bźi’i ris kyi lha’i bu rnams kyi naṅ nas | lha’i bu ñi khri thal mo sbyar te | bcom ldan ’das la phyag ’tshal nas ’di skad ces gsol to ||
(4) bcom ldan ’das kye ma byaṅ chub sems dpa’ sems dpa’ chen po’i thabs la mkhas pas gos pa ma mchis pa’i tshul daṅ | dmigs pa ma mchis pa’i tshul daṅ | mtshan ma ma mchis pa’i tshul daṅ | bgyid pa ma mchis ga’i tshul gyis dge ba’i rtsa ba de dag bla na med pa yaṅ dag par (5) rdzogs pa’i byaṅ chub tu yoṅs su sṅo ba daṅ | ji ltar gñis daṅ | gñis su ma mchis par yaṅ khas mi len pa de ltar yoṅs su sṅo bar bgyid pa de ni yoṅs su bsṅo ba chen po lags so ||
de nas lha’i dbaṅ po brgya byin sum cu rtsa gsum pa’i lha’i bu rnams daṅ lhan cig tu | lha’i (6) me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | na bza’ daṅ | gdugs daṅ | rgyal mtshan daṅ | ba dan dag khyer te | lha’i sil sñan daṅ | pheg rdob ba daṅ | rol mo’i sgra dag gis bcom ldan ’das la mchod pa byas nas tshig (7) ’di skad ces gsol to ||
bcom ldan ’das byaṅ chub sems dpa’ sems dpa’ chen po rnams kyi thabs la mkhas pa ’dis dmigs pa ma mchis pa’i tshul daṅ | gos pa ma mchis pa’i tshul daṅ | mtshan ma mchis pa’i tshul gyis dge ba’i rtsa ba de dag bla na med pa yaṅ dag par (49a1) rdzogs pa’i byaṅ chub tu yoṅs su sṅo ba daṅ | ji ltar gñis daṅ | gñis su ma mchis bar yaṅ khas mi len pa de ltar yoṅs su bsṅo bar bgyis pa de ni yoṅs su bsṅo ba chen po lags so ||
de nas tshaṅs rigs kyi lha’i bu bye ba khrag khrig phrag ’bum (2) phrag du ma dag bcom ldan ’das ga la ba der doṅ ste lhags nas bcom ldan ’das kyi źabs la mgo bos phyag ’tshal te | bcom ldan ’das ’di ltar byaṅ chub sems dpa’ sems dpa’ chen po śes rab kyi pha rol tu phyin pa daṅ thabs mkhas pas yoṅs su zin pa dag goṅ du smos pa’i (3) byaṅ chub sems dpa’ sems dpa’ chen po daṅ | rigs kyi bu’am rigs kyi bu mo dmigs pa can de dag gi dge ba’i rtsa ba de dag zil gyis gnon pa ni ṅo mtshar lags so źes sgra bsgrags śiṅ dbyaṅs su brjod do ||
de bźin du tshaṅs ris daṅ | tshaṅs pa’i mdun na ’don daṅ | (4) tshaṅs ’khor daṅ | ’od chuṅ daṅ | tshad med ’od daṅ | ’od gsal daṅ | dge chuṅ daṅ | tshad med dge daṅ | dge rgyas daṅ | sprin med daṅ | bsod nams skyes daṅ | ’bras bu che ba daṅ | mi che ba daṅ | śin tu mthoṅ daṅ | gya nom snaṅ daṅ | mi gduṅ ba daṅ | (5) ’og min gyi lha rnams kyaṅ lha’i bu bye ba khrag khrig phrag ’bum phrag du ma dag daṅ lhan cig tu | bcom ldan ’das ga la pa der doṅ ste lhags nas | bcom ldan ’das kyi źabs la mgo bos phyag ’tshal nas bcom ldan ’das ’di ltar byaṅ chub sems dpa’ sems dpa’ chen po (6) śes rab kyi pha rol tu phyin pa daṅ | thabs la mkhas pas yoṅs su zin pa dag goṅ du smos pa’i byaṅ chub sems dpa’ sems dpa’ chen bo daṅ | rigs kyi bu ’am rigs kyi bu mo dmigs pa la spyod pa de dag gi dge ba’i rtsa ba de dag zil gyis gnon pa ni ṅo mtshar lags so (7) źes sgra brjod pa byas so ||
de nas bcom ldan ’das kyis | rgyal chen bźi’i ris kyi lha’i bu rnams daṅ | ’og min gyi lha’i bu’i bar dag la bka’ stsal pa | lha’i bu dag gal te stoṅ gsum gyi stoṅ chen po’i ’jig rten gyi khams na sems can gaṅ dag ’khod pa de dag (49b1) thams cad bla na med pa yaṅ dag par rdzogs pa’i byaṅ chub la yaṅ dag par źugs par gyur la | de dag thams cad kyis ’das pa daṅ | ma byon pa daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas ñan thos kyi dge ’dun daṅ bcas pa (2) rnams kyi dge ba’i rtsa ba gaṅ yin pa thugs daṅ po bskyed pa nas bzuṅ ste | dam pa’i chos ji srid gnas pa’i bar der saṅs rgyas bcom ldan ’das de dag daṅ | ñan thos de dag daṅ | raṅ saṅs rgyas de dag daṅ | de dag las gźan pa sems can thams cad kyi dge ba’i rtsa ba (3) sbyin pa’i pha rol tu phyin pa las byuṅ ba daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa las byuṅ ba daṅ | tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i (4) ye śes mthoṅ ba’i phuṅ po daṅ | saṅs rgyas kyi chos tshad med pa gźan dag daṅ | de dag thams cad mṅon par bsdus nas dmigs pa’i tshul gyis rjes su yi raṅ ste | rjes su yi raṅ nas bla na med pa yaṅ dag par rdzogs pa’i byaṅ chub tu yoṅs su bsṅos la | rigs kyi (5) bu’am rigs kyi bu mo gaṅ źig bla na med pa yaṅ dag par rdzogs pa’i byaṅ chub la yaṅ dag par źugs te | des ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das ñan thos kyi dge ’dun daṅ | raṅ saṅs rgyas daṅ bcas pa rnams kyi thugs daṅ po (6) bskyed pa nas bzuṅ ste | dam pa’i chos ji srid gnas pa’i bar der | sbyin pa’i pha rol tu phyin pa daṅ | śes rab kyi pha rol tu phyin pa’i bar daṅ | saṅs rgyas kyi chos tshad med pa’i bar de dag thams cad mṅon par bsdus nas | mi dmigs pa’i tshul daṅ | gñis su med (7) pa’i tshul daṅ | mtshan ma med pa’i tshul daṅ | gos pa med pa’i tshul daṅ | byed ba med pa’i tshul gyis rjes su yi raṅ ba mchog gis rjes su yi raṅ ste | rjes su yi raṅ nas bla na med pa yaṅ dag par rdzogs pa’i byaṅ chub tu yoṅs su sṅo bar byed nas ’di ltar byaṅ chub sems dpa’ (50a1) sems dpa’ chen po rigs kyi bu’am rigs kyi bu mo de ni | sṅa ma’i rigs kyi bu’am rigs kyi bu mo de dag pas ches bsod nams maṅ du skyed de | sṅa ma’i dge ba’i rtsa ba de yaṅ dge ba’i rtsa ba ’di’i brgya’i char yaṅ ñe bar mi ’gro ba nas rgyu’i bar du yaṅ mi bzod do ||
byaṅ (2) chub sems dpa’ sems dpa’ chen pos mi dmigs pa’i tshul gyis bsdos pa gaṅ yin pa de ni mchog ces bya ba nas | goṅ na med pa źes bya ba’i bar du ’gyur ro ||
rab ’byor gyis gsol pa | bcom ldan ’das kyis ’di skad du | ’di ltar rigs kyi bu ’am rigs kyi bu mo de’i (3) dge ba’i rtsa ba thams cad kyi rjes su yi raṅ ba daṅ | yoṅs su bsṅo ba’i bar gyi bsod nams kyi phuṅ po gcig tu brtul nas rjes su yi raṅ ba mchog gis rjes su yi raṅ ste | rjes su yi raṅ ba goṅ na med pa’i bar dag gis rjes su yi raṅ bar byed pa źes bka’ stsal pa de la | (4) bcom ldan ’das rjes su yi raṅ ba’i mchog daṅ | rjes su yi raṅ ba goṅ na mchis pa’i bar du ni ji lta bu lags | bcom ldan ’das kyis bka’ stsal pa | rigs kyi bu’am rigs kyi bu mo de gaṅ gi tshe | ’das pa daṅ | ma byon pa daṅ | da ltar byuṅ ba’i de bźin (5) gśegs pa dgra bcom pa yaṅ dag par rdzogs pa’i saṅs rgyas ñan thos daṅ bcas pa rnams daṅ | de dag gi raṅ saṅs rgyas rnams daṅ | sems can thams cad kyi dge ba’i rtsa ba de dag mi ’dzin mi ’dor la | rlom sems su mi byed ciṅ brñas par yaṅ mi byed la | mi dmigs (6) śiṅ de ’di sñam du ’di la chos ’ga’ yaṅ skye ba med | ’gag pa med | kun nas ñon moṅs pa med | rnam par byaṅ ba med la | chos de dag ni ’grib pa yaṅ med | ’phel ba yaṅ med | ’oṅ ba yaṅ med | ’gro ba yaṅ med | phuṅ por gyur pa yaṅ med do sñam du (7) sems śiṅ | rnam graṅs des ’das pa daṅ | ma ’oṅs pa daṅ | da ltar byuṅ ba’i chos de dag gi de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos gnas pa ñid daṅ | chos skyon med pa ñid ji lta ba de bźin du bdag rjes su (50b1) yi raṅ ste | rjes su yi raṅ nas | bla na med pa yaṅ dag par rdzogs pa’i byaṅ chub tu yoṅs su sṅo bar byed de | de ltar yoṅs su sṅo ba’i byaṅ chub sems dpa’ sems dpa’ chen po’i rjes su yi raṅ ba mchog tu ’gyur ba nas | rjes su yi raṅ ba goṅ na med pa’i bar du ’gyur ro ||
(2) rab ’byor rjes su yi raṅ ba gźan thams cad ni rjes su yi raṅ ba de’i brgya’i char yaṅ ñe bar mi ’gro ba nas | rgyu’i bar du yaṅ mi bzod do ||
rjes su yi raṅ ba ’di ni rjes su yi raṅ ba gźan dag pas rjes su yi raṅ ba’i mchog ces bya ba nas | goṅ na med pa źes bya ba’i (3) bar du ’gyur ro ||
rab ’byor gźan yaṅ rigs kyi bu’am rigs kyi bu mo theg pa la gsar du yaṅ dag par źugs pa daṅ | ’das pa daṅ | ma byon pa daṅ | da ltar byuṅ ba’i de bźin gśegs pa dgra bcom pa yaṅ dag par rdzogs pa’i saṅs rgyas ñan thos kyi dge ’dun daṅ | (4) bcas pa | raṅ saṅs rgyas daṅ bcas pa de dag gi thugs daṅ po bskyed pa nas bzuṅ ste | dam pa’i chos ji srid gnas pa’i bar der dge ba’i rtsa ba sbyin pa’i pha rol tu phyin pa daṅ ldan pa gaṅ yin pa daṅ | tshul khrims daṅ | bzod pa daṅ | brtson ’grus daṅ | (5) bsam gtan daṅ | śes rab kyi pha rol tu phyin pa daṅ ldan pa daṅ | saṅs rgyas kyi chos tshad med pa daṅ ldan pa’i bar daṅ | de ma yin pa gźan sems can thams cad kyi dge ba’i rtsa ba gaṅ yin pa de dag thams cad la rjes su yi raṅ bar ’dod pa des ni | ’di ltar rjes (6) su yi raṅ bar bya ste | rnam par grol ba ji lta ba bźin du | sbyin pa yaṅ de bźin no ||
rnam par grol ba ji lta pa bźin du | tshul khrims daṅ | bzod pa daṅ | bsam gtan yaṅ de bźin no ||
rnam par grol ba ji lta ba bźin (7) bu śes rab kyi pha rol tu phyin pa yaṅ de bźin no ||
rnam par grol ba ji lta bźin du gzugs daṅ | tshor ba daṅ | ’du śes daṅ | ’du byed rnams kyaṅ de bźin no ||
rnam par pa yaṅ de bźin no ||
rnam par grol ba ji lta ba bźin du naṅ stoṅ pa ñid daṅ | dṅos po med (51a1) pa’i ṅo bo ñid stoṅ pa ñid kyi bar yaṅ de bźin no ||
rnam par grol ba ji lta ba bźin du byaṅ chub kyi phyogs kyi chos sum cu rtsa bdun yaṅ de bźin no ||
rnam par grol ba ji lta ba bźin du stobs rnams daṅ | mi ’jigs pa rnams daṅ | so so yaṅ dag par rig (2) pa rnams daṅ | saṅs rgyas kyi chos ma ’dres pa bco brgyad kyaṅ de bźin no ||
rnam par grol ba ji lta ba bźin du rnam par grol ba’i ye śes mthoṅ ba yaṅ de bźin no ||
rnam par grol ba ji lta ba bźin du mos pa yaṅ de bźin no ||
rjes su yi raṅ ba yaṅ de bźin no ||
rnam (3) bar grol ba ji lta ba bźin du ’das pa daṅ | ma byon pa daṅ | da ltar byuṅ ba’i saṅs rgyas kyi chos de dag kyaṅ de bźin no ||
rnam par grol ba ji lta ba bźin du saṅs rgyas bcom ldan ’das de dag kyaṅ de bźin no ||
rnam par grol ba ji lta ba bźin du saṅs rgyas bcom ldan ’das (4) de dag gi mṅon par rdzogs par byaṅ chub ba yaṅ de bźin no ||
rnam par grol ba ji lta ba bźin du saṅs rgyas bcom ldan ’das de dag gi yoṅs su mya ṅan las ’das pa yaṅ de bźin no ||
rnam par grol ba ji lta ba bźin du saṅs rgyas bcom ldan ’das de dag gi ñan thos rnams kyaṅ (5) de bźin no ||
raṅ saṅs rgyas rnams kyaṅ de bźin no ||
ñan thos daṅ | raṅ saṅs rgyas rnams kyi yoṅs su mya ṅan las ’das pa yaṅ de bźin no ||
rnam par grol ba ji lta ba bźin du saṅs rgyas bcom ldan ’das de dag gi chos ñid kyaṅ de bźin no ||
rnam par grol ba ji lta ba (6) bźin du ñan thos daṅ | raṅ saṅs rgyas thams cad kyi chos ñid kyaṅ de bźin no ||
rnam par grol ba ji lta ba bźin du chos thams cad kyi de bźin ñid kyaṅ de bźin no źes rjes su yi raṅ bar bya’o ||
de bźin du bciṅs pa med pa daṅ | grol ba med pa daṅ | kun nas ñon moṅs pa (7) med pa daṅ | rnam par byaṅ ba med pa’i chos de dag gi chos rnams kyi chos ñid gaṅ yin pa daṅ | skye ba med pa gaṅ yin pa daṅ | ’byuṅ ba med pa daṅ | ’gag pa med pa’i chos rnams kyi chos ñid kyaṅ de bźin te | ’pho ba med pa daṅ | rnam par ’jig pa med pa’i phyir de ltar (51b1) bla na med pa yaṅ dag par rdzogs pa’i byaṅ chub tu yoṅs su sṅo bar byed na | rab ’byor de ni byaṅ chub sems dpa’ sems dpa’ chen po rnams kyi rjes su yi raṅ ba mchog yin te | rab ’byor byaṅ chub sems dpa’ sems dpa’ chen po rjes su yi raṅ ba de daṅ ldan pa ni myur du bla (2) na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
rab ’byor gźan yaṅ phyogs bcu’i phyogs re rer yaṅ ’jig rten gyi khams gaṅ g’i kluṅ gi bye ma sñed dag na | saṅs rgyas bcom ldan ’das ñan thos kyi dge ’dun daṅ bcas pa (3) bźugs te | ’tsho źiṅ gźes pa gaṅ yin pa’i de bźin gśegs pa dgra bcom pa yaṅ dag par rdzogs pa’i saṅs rgyas ñan thos kyi dge ’dun daṅ bcas pa de dag la | rigs kyi bu’am rigs kyi bu mo theg pa chen po la źugs pa la la źig gis ji srid ’tsho’i bar (4) du bde ba’i yo byad thams cad daṅ | gos daṅ | zas daṅ | mal cha daṅ | stan daṅ | na ba’i gsos sman daṅ | yo byad rnams kyis bsti staṅ du byed | bla mar byed | ri mor byed | mchod pa byed ciṅ saṅs rgyas bcom ldan ’das yoṅs su mya ṅan las ’das pa de dag la ñin (5) mtshan du me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis bsti staṅ du bya ba daṅ | bla mar bya ba daṅ | ri mor bya ba daṅ | mchod pa bya bar spro ba skyed pa daṅ | tshul khrims (6) la gnas te | de yaṅ dmigs pa’i tshul gyis gnas pa daṅ | bzod pa sgom pa daṅ | brtson ’grus rtsom pa daṅ | bsam gtan la sñoms par ’jug pa daṅ | śes rab sgom ste | de yaṅ dmigs pa’i tshul gyis sgom la | rigs kyi bu’am rigs kyi bu mo bla na (7) med pa yaṅ dag par rdzogs pa’i byaṅ chub la yaṅ dag par źugs pa | sbyin pa’i pha rol tu phyin pa la spyod ciṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la spyod pa gaṅ źig dge ba’i rtsa ba de dag mi (52a1) dmigs pa’i tshul gyis bla na med pa yaṅ dag par rdzogs pa’i byaṅ chub tu yoṅs su sṅo bar byed na | bsod nams mgon par ’du byed pa de la ni | sṅa ma’i bsod nams mṅon par ’du byed pas | brgya’i char yaṅ ñe bar mi ’gro ba nas | rgyu’i bar du yaṅ mi (2) bzod do ||
yoṅs su bsṅo ba de ni mchog ces bya ba nas | goṅ na med pa źes bya ba’i bar du ’gyur ro ||
rab ’byor byaṅ chub sems dpa’ sems dpa’ chen po sbyin pa’i pha rol tu phyin pa la spyod pa daṅ | tshul khrims daṅ | bzod ba daṅ | brtson ’grus daṅ | bsam gtan daṅ | (3) śes rab kyi pha rol tu phyin pa la spyod pa thabs la mkhas pas ni mi dmigs pa’i tshul gyis dge ba’i rtsa ba de dag de ltar yoṅs su bsṅo bar bya’o ||
śes rab kyi pha rol tu phyin pa khri brgyad stoṅ pa las rjes su yi raṅ ba daṅ | yoṅs su bsṅo ba’i le’u źes bya ste | sum cu rtsa gsum (4) pa’o ||
’phags pa śes rab kyi pha rol tu phyin pa khri brgyad stoṅ pa | bam po ñi śu rtsa bdun pa | de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha rol tu phyin ba ni śin tu rnam par (5) dag pa’i slad du snaṅ bar bgyid lags | bcom ldan ’das śes rab kyi pha rol tu phyin pa ni | phyag bgyi bar ’os pa lags | bcom ldan ’das śes rab kyi pha rol tu phyin pa la bdag phyag ’tshal lags | bcom ldan ’das śes rab kyi pha rol tu phyin pa ni | khams gsum thams (6) cad kyis ma gos pa lags | bcom ldan ’das śes rab kyi pha rol tu phyin pa ni ñon moṅs pa daṅ lta ba’i mun pa thams cad bsal ba’i slad du | rab rib ma mchis par bgyid pa lags | bcom ldan ’das śes rab kyi pha rol tu phyin pa ni byaṅ chub kyi phyogs kyi chos (7) rnams kyi mchog tu bgyid pa lags | bcom ldan ’das śes rab kyi pha rol tu phyin pa ni ’jigs pa daṅ | khon daṅ | gnod pa thams cad spaṅs pa’i slad du bde bar bgyid pa lags | bcom ldan ’das śes rab kyi pha rol tu phyin pa ni sems can rnams kyi mig lṅa yoṅs (52b1) u ’dzin pa’i slad du gsal bar bgyid ba lags | bcom ldan ’das śes rab kyi pha rol tu phyin pa ni sems can śul ṅan par źugs pa rnams kyi mtha’ rnam par spoṅ ba’i slad du śul ston par bgyid pa lags | bcom ldan ’das śes rab kyi pha rol tu phyin pa ni bag chags daṅ (2) mtshams sbyor ba daṅ | ñon moṅs pa thams cad spoṅ ba’i slad du rnam pa thams cad mkhyen pa ñid du bgyid pa lags | bcom ldan ’das śes rab kyi pha rol tu phyin pa ni saṅs rgyas kyi chos thams cad skyed par bgyid pa’i slad du byaṅ chub sems dpa’ sems dpa’ chen po rnams kyi ma (3) lags | bcom ldan ’das śes rab kyi pha rol tu phyin pa ni raṅ gi mtshan ñid stoṅ pa ñid kyi slad du ma skyes pa daṅ | ma ’gags pa lags | bcom ldan ’das śes rab kyi pha rol tu phayina pa ni ther zug tu gnas pa ma mchis pa daṅ | ’jig pa ma mchis pa’i slad du ’khor ba’i (4) gñen po lags | bcom ldan ’das śes rab kyi pha rol tu phyin pa ni chos rin po che thams cad stsal ba’i slad du sems can mgon ma mchis pa rnams kyi mgon bgyid pa lags | bcom ldan ’das śes rab kyi pha rol tu phyin pa ni mi thul ba’i slad du stobs bcu bgyid pa lags | bcom (5) ldan ’das śes rab kyi pha rol tu phyin pa ni skor ba ma mchis pa daṅ | ldog pa ma mchis ba’i slad du lan gsum du bzlas te | chos kyi ’khor lo rnam pa bcu gñis su skor ba | bgyid pa lags | bcom ldan ’das śes rab kyi pha rol tu phyin pa ni dṅos po ma mchis pa’i ṅo bo ñid stoṅ pa ñid (6) kyi slad du chos thams cad kyi ṅo bo ñid ston bar bgyid ba lags na | bcom ldan ’das śes rab kyi pha rol tu phyin pa la ji ltar gnas par bgyi | bcom ldan ’das kyis bka’ stsal pa | ś ri’i bu ji ltar ston pa la gnas par bya ba de ltar śes rab kyi pha rol tu phyin pa la gnas par bya’o ||
(7) ji ltar ston pa la phyag bya ba de ltar śes rab kyi pha rol tu phyin pa la phyag bya’o ||
de ci’i phyir źe na | śes rab kyi pha rol tu phyin pa ’di ñid kyaṅ ston pa las gźan ma yin la | ston pa yaṅ śes rab kyi pha rol tu phyin pa las gźan ma yin te | śes rab kyi pha rol tu pyin pa ñid kyaṅ ston pa yin la | (53a1) ston pa ñid kyaṅ śes rab kyi pha rol tu phyin pa yin te | de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ śes rab kyi pha rol tu phyin pa ’dis rab tu phye ba yin te | byaṅ chub sems dpa’ rnams daṅ | raṅ saṅs rgyas rnams daṅ | (2) dgra bcom pa rnams daṅ | phyir mi ’oṅ ba rnams daṅ | lan cig pyir ’od ba rnams daṅ | rgyun du źugs pa rnams kyaṅ ’dis rab tu phye ba yin | dge ba bcu’i las kyi lam rnams kyaṅ ’dis rab tu phye ba yin | bsam gtan bźi daṅ | tshad med pa bźi daṅ | gzugs med (3) pa’i sñoms par ’jug pa bźi yaṅ ’dis rab tu phye ba yin | mṅon par śes pa lṅa daṅ | pha rol tu phyin pa lṅa daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | byaṅ chub kyi phyogs kyi chos sum cu rtsa bdun daṅ | de bźin gśegs pa’i stobs bcu (4) daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad kyaṅ ’dis rab tu phye ba yin | rnam pa thams cad mkhyen pa ñid kyi bar yaṅ ’dis rab tu phye ba yin pa’i phyir ro ||
de nas lha’i dbaṅ po brgya byin ’di sñam du sems (5) te | btsun pa ś ri’i bu’i źu ba ’di ni ci las byuṅ gleṅ gźi ni gaṅ yin sñam mo ||
de nas tshe daṅ ldan pa ś ri’i bus lha’i dbaṅ po brgya byin gyi sems kyi yoṅs su rtog pa sems kyis śes nas | lha’i dbaṅ po brgya byin la ’di skad ces smras so ||
kau śi ka gaṅ khyod ’di sñam (6) du | btsun pa ś ri’i bu’i źu ba ’di ni ci las byuṅ | gleṅ gźi ni gaṅ yin du rnam par rtog pa ni | kau śi ka śes rab kyi pha rol tu phyin pas yoṅs su zin pa’i byaṅ chub sems dpa’ sems dpa’ chen po rnams ni thabs la mkhas pas ’das pa daṅ | ma byon pa daṅ | da ltar (7) byuṅ ba’i saṅs rgyas bcom ldan ’das de dag gi thugs daṅ po bskyed pa nas | dam pa’i chos ji srid gnas pa’i bar der dge ba’i rtsa ba gaṅ ji sñed pa de dag thams cad rnam pa thams cad mkhyen pa ñid du yoṅs su sṅo bar byed do sñam nas | bdag gi źu ba byuṅ ṅo ||
kau śi ka byaṅ chub (53b1) sems dpa’ sems dpa’ chen po rnams kyi śes rab kyi pha rol tu phyin pa ’di ni sbyin pa’i pha rol tu phyin pa zil gyis gnon par byed ba yin no ||
de bźin du tshul khrims daṅ | bzod pa daṅ | brtson ’grus daṅ | bsam gtan gyi pha rol tu phyin pa zil gyis gnon par byed pa (2) yin no ||
kau śi ka ’di lta ste dper na | dmus loṅ rnams ni brgya’am | stoṅ ṅam | ’bum yaṅ ruṅ ste | dmigs bu med na lam du ’jug par yaṅ mi nus na | groṅ khyer du phyin par lta ga la nus | kau śi ka de bźin du pha rol tu phyin pa lṅa po dmus loṅ lta bur gyur pa ’di (3) dag kyaṅ | śes rab kyi pha rol tu phyin pa’i dmigs bu med na | byaṅ chub kyi lam du ’jug par yaṅ mi nus na | rnam pa thams cad mkhyen pa ñid kyi groṅ khyer chen por phyin par lta ga la nus | kau śi ka gaṅ gi tshe pha rol tu phyin pa lṅa po dag kyaṅ | śes rab kyi pha rol tu (4) phyin pas yoṅs su bzuṅ na | de’i tshe mig daṅ ldan pas | pha rol tu phyin pa źes bya ba’i miṅ ’thob bo ||
brgya byin gyis smras pa | btsun pa ś ri’i bu gaṅ khyod ’di skad du | pha rol tu phyin pa lṅa po dag kyaṅ śes rab kyi pha rol tu phyin pas yoṅs su bzuṅ na | pha rol (5) tu phyin pa’i miṅ ’thob bo źes zer na | btsun pa ś ri’i bu ’o na | pha rol tu phyin pa lṅa po dag sbyin pa’i pha rol tu phyin pas yoṅs su bzuṅ na | pha rol tu phyin pa’i miṅ mi ’thob bam | de bźin du tshul khrims daṅ | bzod pa daṅ | brtson ’grus daṅ | bsam gtan gyi pha rol (6) tu phyin pas yoṅs su bzuṅ na yaṅ pha rol tu phyin pa lṅa po dag gis pha rol tu phyin pa’i miṅ mi ’thob bam | ś ri’i bus smras pa | kau śi ka de ni de lta ma yin no ||
de ni de lta ma yin te | kau śi ka pha rol tu phyin pa lṅa po dag sbyin pa’i pha rol tu phyin pas yoṅs su bzuṅ bas ni | pha rol (7) tu phyin pa’i miṅ mi ’thob bo ||
de bźin du tshul khrims daṅ | bzod pa daṅ | brtson ’grus daṅ | bsam gtan gyi pha rol tu phyin pas yoṅs su bzuṅ bas kyaṅ | pha rol tu phyin pa lṅa po dag gis pha rol tu phyin pa’i miṅ mi ’thob bo ||
kau śi ka de lta bas na | śes rab kyi pha rol tu (54a1) phyin pa ni pha rol tu phyin pa lṅa po dag gi mchog ces bya’o ||
phul daṅ | rab daṅ | rab mchog daṅ | gya nom pa daṅ | bla na med pa daṅ | goṅ na med pa źes bya’o ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan (2) ’das śes rab kyi pha rol tu phyin pa ’di ji ltar mṅon par bsgrub par bgyi | bcom ldan ’das kyis bka’ stsal pa | ś ri’i bu gzugs mṅon par bsgrub tu med pa’i phyir | śes rab kyi pha rol tu phyin pa mṅon par bsgrub par bya’o ||
tshor ba daṅ | ’du śes daṅ | ’du (3) byed rnams daṅ | rnam par śes pa mṅon par bsgrub tu med pa’i phyir śes rab kyi pha rol tu phyin pa mṅon par bsgrub par bya’o ||
de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | sbyin pa’i pha rol tu phyin pa mṅon par bsgrub tu med pa’i phyir | śes rab (4) kyi pha rol tu phyin pa mṅon par bsgrub par bya’o ||
tshul khrims daṅ | bzod pa daṅ | brtson ’grus daṅ | bsam gtan gyi pha rol tu phyin pa mṅon par bsgrub tu med pa’i phyir | śes rab kyi pha rol tu phyin pa mṅon par bsgrub par bya’o ||
nad stoṅ pa ñid mṅon par bsgrub tu med pa’i phyir | śes rab kyi pha (5) rol tu phyin pa mṅon par bsgrub par bya’o ||
dṅos po med pa’i ṅo bo ñid stoṅ pa ñid kyi bar dag mṅon par bsgrub tu med pa’i phyir | śes rab kyi pha rol tu phyin pa mṅon par bsgrub par bya’o ||
byaṅ chub kyi phyogs kyi chos sum cu rtsa bdun mṅon par bsgrub tu med pa’i phyir | śes (6) rab kyi pha rol tu phyin pa mṅon par bsgrub par bya’o ||
stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams mṅon bar bsgrub tu med pa’i phyir | śes rab kyi pha rol tu phyin pa mṅon par bsgrub par bya’o ||
(7) rnam pa thams cad mkhyen pa ñid mṅon par bsgrub tu med pa’i phyir | śes rab kyi pha rol tu phyin pa mṅon par bsgrub par bya ste | de ltar chos de dag thams cad mṅon par bsgrub tu med pa’i phyir | śes rab kyi pha rol tu phyin pa mṅon par bsgrub par bya’o ||
ś ri’i bus gsol pa | (54b1) bcom ldan ’das ji ltar gzugs mṅon par bsgrub tu ma mchis pa’i slad du | śes rab kyi pha rol tu phyin pa mṅon par bsgrub par bgyi | bcom ldan ’das ji ltar chos thams cad kyi bar dag mṅon par bsgrub tu ma mchis pa’i slad du | śes rab kyi pha rol tu phyin pa mṅon par bsgrub (2) par bgyi | bcom ldan ’das kyis bka’ stsal pa | ś ri’i bu gzugs mṅon par ’du byed pa med pa daṅ | skye ba med pa daṅ | ’gag pa med pa daṅ | ’byuṅ ba med pa daṅ | ’jig pa med pa daṅ | dmigs su med pas śes rab kyi pha rol tu phyin pa mṅon par bsgrub par bya’o ||
(3) chos thams cad kyi bar dag mṅon par ’du byed pa med pa daṅ | skye ba med pa daṅ | ’gag pa med pa daṅ | ’byuṅ ba med pa daṅ | ’jig pa med pa daṅ | dmigs su med pas śes rab kyi pha rol tu phyin pa mṅon par bsgrub par bya’o ||
ś ri’i bus gsol pa | bcom (4) ldan ’das de ltar śes rab kyi pha rol tu phyin pa mṅon par bsgrub na | chos gaṅ źig thob par bgyid pa lags | bcom ldan ’das kyis bka’ stsal pa | ś ri’i bu de ltar śes rab kyi pha rol tu phyin pa mṅon par bsgrub na | chos gaṅ yaṅ thob par mi byed de | (5) gaṅ gi phyir chos gaṅ yaṅ thob par mi byed pa de’i phyir | śes rab kyi pha rol tu phyin pa źes bya ba’i graṅs su ’gro’o ||
ś ri’i bus gsol pa | bcom ldan ’das chos gaṅ dag thob par mi bgyid pa lags | bcom ldan ’das kyis bka’ stsal pa | ś ri’i bus dge ba’i chos (6) rnams thob par mi byed do ||
mi dge ba’i chos rnams thob par mi byed do ||
de bźin du kha na ma tho ba daṅ bcas pa daṅ kha na ma tho ba med pa daṅ | zag pa daṅ bcas pa daṅ | zag pa med pa daṅ | ’dus byas daṅ | ’dus ma byas daṅ | ñon moṅs pa daṅ bcas pa daṅ | ñon moṅs pa med pa (7) daṅ | ’jig rten pa daṅ | ’jig rten las ’das pa daṅ | kun nas ñon moṅs pa daṅ | rnam par byaṅ ba’i chos rnams thob par mi byed do ||
’khor ba’i chos rnams thob par mi byed do ||
mya ṅan las ’das pa’i chos rnams thob par mi byed do ||
de ci’i phyir źe na | śes (55a1) rab kyi pha rol tu phyin pa ni chos gaṅ la yaṅ dmigs pa’i tshul gyis ñe bar gnas pa ma yin pa’i phyir te | des na chos gaṅ yaṅ thob par mi byed do ||
de nas bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das ci śes rab kyi pha (2) rol tu byin pa ’di rnam pa thams cad mkhyen pa ñid kyaṅ thob par mi bgyid lags sam | bcom ldan ’das kyis bka’ stsal pa | kau śi ka gad yaṅ khyod ’di skad du | bcom ldan ’das ci śes rab kyi pha rol tu phyin pa ’di rnam pa thams cad mkhyen pa ñid kyaṅ thob par mi bgyid pa (3) lags sam źes zer ba ni | kau śi ka de de bźin no ||
de de bźin te | kau śi ka śes rab kyi pha rol tu phyin pa ni chos gad yaṅ thob par mi byed | dmigs par mi byed pas | rnam pa thams cad mkhyen pa ñid kyaṅ thob par mi byed do ||
brgya byin gyis (4) gsol pa | bcom ldan ’das ji ltar śes rab kyi pha rol tu phyin pa ’di rnam pa thams cad mkhyen pa ñid kyaṅ thob par mi bgyid ciṅ dmigs par mi bgyid ba lags | bcom ldan ’das kyis bka’ stsal pa | kau śi ka śes rab kyi pha rol tu phyin pa ni miṅ ji lta ba daṅ | mtshan ma ji lta ba (5) daṅ | mṅon bar ’du bya ba ji lta ba de ltar thob par mi byed pa yin no ||
brgya byin gyis gsol pa | bcom ldan ’das ’o na ji ltar thob par bgyid pa lags | bcom ldan ’das kyis bka’ stsal pa | kau śi ka ci nas kyaṅ mi dmigs pa daṅ | khas mi len pa daṅ | mi (6) gnas pa daṅ | mi ’dor ba daṅ | mṅon par źen pa med pa daṅ | mi ’dzin pa daṅ | mi gtoṅ ba de ltar śes rab kyi pha rol tu phyin pa rnam pa thams cad mkhyen pa ñid thob par byed de | chos gaṅ yaṅ thob par byed pa med do ||
brgya byin gyis gsol pa | bcom ldan ’das (7) ji ltar śes rab kyi pha rol tu phyin pa ’di chos thams cad skye ba ma mchis pa daṅ | ’gag pa ma mchis pa daṅ | mṅon par ’du bgyid pa ma mchis pa daṅ | dmigs pa ma mchis pa daṅ | rnam par byaṅ ba ma mchis pa daṅ | rnam par ’jig pa ma mchis pa’i slad du ñe bar gnas pa ni ṅo (55b1) mchar lags so ||
de nas bcom ldan ’das la tshe daṅ ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshe | gal te śes rab kyi pha rol tu phyin pa ni chos thams cad thob bar bgyid pa’o ||
(2) śes rab kyi pha rol tu phyin pa ni chos thams cad thob par mi bgyid pa’o źes bgyi ba de lta bu’i ’du śes su ’gyur na | bcom ldan ’das de ni śes rab kyi pha rol tu phyin pa spoṅ bar bgyid pa lags so ||
de ni śes rab kyi pha rol tu phyin pa rgyad riṅ du bgyid pa lags so ||
bcom ldan (3) ’das kyis bka’ stsal pa | rab ’byor rnam graṅs gaṅ gis byaṅ chub sems dpa’ sems dpa’ chen po śes rab kyi pha rol tu pyin pa spoṅ ba daṅ | śes rab kyi pha rol tu phyin pa rgyad riṅ du byed pa’i rnam graṅs yod de | gal te byaṅ chub sems dpa’ sems dpa’ chen po śes rab (4) kyi pha rol tu phyin pa la spyod pa’i tshe | ’di sñam du śes rab kyi pha rol tu phyin pa ’di ni gsog go ||
śes rab kyi pha rol tu phyin pa ’di ni gsob daṅ | sñiṅ po med pa daṅ | ya ma brla’o ||
źes bya bar de lta bu’i ’du śes su gyur na | byaṅ chub sems dpa’ sems dpa’ (5) chen po de ni śes rab kyi pha rol tu phyin pa spoṅ bar byed pa yin no ||
byaṅ chub sems dpa’ sems dpa’ chen po de ni śes rab kyi pha rol tu phyin pa rgyad riṅ du byed pa yin no ||
rab ’byor gyis gsol pa | bcom ldan ’das kyis śes rab kyi pha rol tu phyin pa la glo ba ches pas | (6) chos gaṅ dag la glo ba ches par mi ’gyur ba lags | bcom ldan ’das kyis bka’ stsal pa | rab ’byor śes rab kyi pha rol tu phyin pa la yid ches pas | gzugs la yid mi ches so ||
tshor ba daṅ | ’du śes daṅ | ’du byed rnams daṅ | rnam par śes pa la yid mi (7) ches so ||
rna ba daṅ | sna daṅ | lce daṅ | lus daṅ | yid la yid mi ches so ||
gzugs la yid mi ches so ||
sgra daṅ | dri daṅ | ro daṅ | reg bya daṅ | chos rnams la yid mi ches so ||
sbyin pa’i pha rol tu phyin pa la yid mi ches so ||
tshul (56a1) khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la yid mi ches so ||
naṅ stoṅ pa ñid la yid ches so ||
dṅos po med pa’i ṅo bo ñid stoṅ pa ñid kyi bar la yid mi ches so ||
byaṅ chub kyi phyogs kyi chos (2) sum cu rtsa bdun la yid mi ches so ||
stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad la yid mi ches so ||
rgyun du źugs pa’i ’bras bu la yid mi ches so ||
lan cig phyir ’oṅ ba’i ’bras bu (3) daṅ | phyir mi ’od ba’i ’bras bu daṅ | dgra bcom pa ñid daṅ | raṅ saṅs rgyas ñid la yid mi ches so ||
bla na med pa yaṅ dag par rdzogs pa’i byaṅ chub la yid mi ches so ||
śes rab kyi pha rol tu phyin pa la yid ches pas | rnam pa thams cad mkhyen pa ñid la (4) yid mi ches so ||
rab ’byor gyis gsol pa | bcom ldan ’das ji ltar na śes rab kyi pha rol tu phyin pa la glo ba ches pas | gzugs la glo ba mi ches pa lags | rnam pa thams cad mkhyen pa ñid kyi bar dag la yaṅ glo ba mi ches pa lags | bcom ldan ’das kyis bka’ (5) stsal pa | rab ’byor gzugs mi dmigs pas śes rab kyi pha rol tu pyin pa la yid ches so ||
rnam pa thams cad mkhyen pa ñid kyi bar du mi dmigs pas śes rab kyi rab kyi pha rol tu phyin pa la yid ches so | rab ’byor de ltar na | śes rab kyi pha rol tu phyin pa la yid ches pas | (6) gzugs la yid mi ches pa yin no ||
rnam pa thams cad mkhyen pa ñid kyi bar dag la yaṅ yid mi ches pa yin no ||
rab ’byor gyis gsol pa | bcom ldan ’das ’di lta ste śes rab kyi pha rol tu phyin pa ’di ni che ba lags so ||
bcom ldan ’das kyis bka’ stsal pa | (7) rab ’byor ’di ji sñam du sems | rnam graṅs gaṅ gis ’di lta ste | śes rab kyi pha rol tu phyin pa pha rol tu phyin pa ’di che ba yin sñam ’am | rab ’byor gyis gsol pa | bcom ldan ’das śes rab kyi pha rol tu phyin pa ni gzugs che bar mi bgyid | chuṅ bar mi bgyid | tshor ba (56b1) daṅ | ’du śes daṅ | ’du byed rnams daṅ | rnam par śes pa che bar mi bgyid | chuṅ bar mi bgyid | de bzin du khams rnams daṅ | skye mched rnams daṅ | rten ciṅ ’brel bar ’byuṅ ba che bar mi bgyid | chuṅ bar mi bgyid | sbyin pa’i pha rol tu phyin pa che bar mi bgyid | (2) chuṅ bar mi bgyid | de bźin du tshul khrims daṅ | bzod pa daṅ | brtson ’grus daṅ | bsam gtan gyi pha rol tu phyin pa che bar mi bgyid | chuṅ bar mi bgyid | naṅ stoṅ pa ñid che bar mi bgyid | chuṅ bar mi bgyid | dṅos po med pa’i ṅo bo ñid stoṅ pa ñid kyi bar dag (3) che bar mi bgyid | chuṅ bar mi bgyid | byaṅ chub kyi phyogs kyi chos sum cu rtsa bdun che bar mi bgyid | chuṅ bar mi bgyid | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams che bar mi (4) bgyid | chuṅ bar mi bgyid | byaṅ chub che bar mi bgyid | chuṅ bar mi bgyid | saṅs rgyas che bar mi bgyid | chuṅ bar mi bgyid pa lags so ||
gzugs sdud par mi bgyid | ’phro bar mi bgyid | tshor ba daṅ | ’du śes daṅ | ’du byed rnams daṅ | rnam par (5) śes pa sdud par mi bgyid | ’phro bar mi bgyid | byaṅ chub daṅ saṅs rgyas kyi bar du yaṅ sdud par mi bgyid | ’phro bar mi bgyid pa lags so ||
gzugs tshad mchis par mi bgyid | tshad ma mchis bar mi bgyid | tshor ba daṅ | ’du śes daṅ | ’du byed rnams (6) daṅ | rnam par śes pa tshad mchis par mi bgyid | tshad ma mchis par mi bgyid | byaṅ chub daṅ saṅs rgyas kyi bar du yaṅ tshad mchis par mi bgyid | tshad ma mchis par mi bgyid pa lags so ||
gzugs yaṅs par mi bgyid | dog par mi bgyid | tshor ba (7) daṅ | ’du śes daṅ | ’du byed rnams daṅ | rnam par śes pa yaṅs par mi bgyid | dog par mi bgyid | byaṅ chub daṅ | saṅs rgyas kyi bar du yaṅ yaṅs par mi bgyid | dog par mi bgyid pa lags so ||
gzugs stobs daṅ ldan par mi bgyid | stobs chuṅ (57a1) bar mi bgyid | tshor ba daṅ | ’du śes daṅ | ’du byed rnams daṅ | rnam par śes pa stobs daṅ ldan par mi bgyid | stobs chuṅ bar mi bgyid | byaṅ chub daṅ saṅs rgyas kyi bar du yaṅ stobs daṅ ldan par mi bgyid | stobs chuṅ bar mi bgyid pa lags te | (2) bcom ldan ’das rnam graṅs des na | ’di lta ste | byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni che ba lags so ||
bcom ldan ’das gal te theg pa la gsar du yaṅ dag par źugs pa’i byaṅ chub sems dpa’ (3) sems dpa’ chen po śes rab kyi pha rol tu phyin pa la brten te | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin ba daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la brten nas ’di sñam du śes rab kyi (4) pha rol tu phyin pa ni gzugs che bar mi bgyid | chuṅ bar mi bgyid pa’o ||
saṅs rgyas kyi bar du che bar mi bgyid | chuṅ bar mi bgyid pa’o ||
gzugs stobs daṅ ldan par mi bgyid | stobs chuṅ bar mi bgyid pa’o źes bgyi ba’i bar du ’du śes par gyur na | bcom ldan ’das de ltar ’du (5) śes su gyur ba’i byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa ma lags so ||
de ci’i slad du źe na | bcom ldan ’das ’di ltar gaṅ gzugs che ba ’am | chuṅ bar bgyid pa daṅ | saṅs rgyas kyi bar du yaṅ che ba’am | chuṅ bar bgyid pa de ni śes (6) rab kyi pha rol tu phyin pa’i rgyun ’thun pa ma lags la gaṅ gzugs stobs daṅ ldan par bgyid pa ’am | stobs chuṅ bar bgyid pa daṅ | saṅs rgyas kyi bar du stobs daṅ ldan par bgyid pa’am | stobs chuṅ bar bgyid pa de ni śes rab kyi pha rol tu phyin pa’i rgyun ’thun pa ma lags pa’i slad (7) du’o ||
de ci’i slad du źe na | dmigs pa’i ’du śes can la byaṅ chub ma mchis pa’i slad du’o ||
’di ltar sems can skye ba ma mchis pa’i slad du śes rab kyi pha rol tu phyin pa skye ba ma mchis par rig par bgyi’o ||
de bźin du gzugs skye ba ma mchis pa’i slad du | śes rab kyi pha rol tu (57b1) phyin pa skye ba ma mchis par rig par bgyi’o ||
saṅs rgyas kyi bar du skye ba ma mchis pa’i slad du śes rab kyi pha rol tu phyin pa skye ba ma mchis par rig par bgyi’o ||
sems can ṅo bo ñid ma mchis pa’i slad du | śes rab kyi pha rol tu phyin pa ṅo bo ñid ma mchis par rig par bgyi’o ||
gzugs (2) ṅo bo ñid ma mchis pa’i slad du śes rab kyi pha rol tu phyin pa ṅo bo ñid ma mchis par rig par bgyi’o ||
saṅs rgyas kyi bar du ṅo bo ñid ma mchis pa’i slad du | śes rab kyi pha rol tu phyin pa ṅo bo ñid ma mchis par rig par bgyi’o ||
sems can dṅos po ma mchis pa’i slad du | śes rab (3) kyi pha rol tu phyin pa dṅos po ma mchis par rig par bgyi’o ||
gzugs dṅos po ma mchis pa’i slad du | śes rab kyi pha rol tu phyin pa dṅos po ma mchis par rig par bgyi’o ||
tshor ba daṅ | ’du śes daṅ | ’du byed rnams daṅ | rnam par śes pa dṅos po ma mchis pa’i slad du | (4) śes rab kyi pha rol tu phyin pa dṅos po ma mchis par rig par bgyi’o ||
saṅs rgyas kyi bar du dṅos po ma mchis pa’i slad du | śes rab kyi pha rol tu phyin pa dṅos po ma mchis par rig par bgyi’o ||
sems can stoṅ pa’i slad du | śes rab kyi pha rol tu phyin pa stoṅ par rig par (5) bgyi’o ||
gzugs stoṅ pa’i skad du | śes rab kyi pha rol tu phyin pa stoṅ par rig par bgyi’o ||
tshor ba daṅ | ’du śes daṅ | ’du byed rnams daṅ | rnam par śes pa stoṅ pa’i slad du | śes rab kyi pha rol tu phyin pa stoṅ par rig par bgyi’o ||
saṅs rgyas kyi bar du stoṅ (6) pa’i slad du | śes rab kyi pha rol tu phyin pa stoṅ par rig par bgyi’o ||
de bźin du sems can mtshan ma mchis pa daṅ | smon pa ma mchis pa’i slad du | śes rab kyi pha rol tu phyin pa mtshan ma mchis pa daṅ | smon pa ma mchis par rig par bgyi’o ||
gzugs (7) mtshan ma ma mchis pa daṅ | smon pa ma mchis pa’i slad du | śes rab kyi pha rol tu phyin pa mtshan ma ma mchis pa daṅ | smon pa ma mchis par rig par bgyi’o ||
tshor ba daṅ | ’du śes daṅ | ’du byed rnams daṅ | rnam par śes pa mtshan ma mchis pa daṅ | smon (58a1) pa ma mchis pa’i slad du | śes rab kyi pha rol tu phyin pa mtshan ma ma mchis pa daṅ | smon pa ma mchis par rig par bgyi’o ||
saṅs rgyas kyi bar du mtshan ma ma mchis pa daṅ | smon pa ma mchis pa’i slad du | śes rab kyi pha rol tu phyin pa mtshan ma (2) ma mchis pa daṅ | smon pa ma mchis par rig par bgyi’o ||
de bźin du sems can dben ba daṅ | sems can ma mchis pa’i slad du | śes rab kyi pha rol tu phyin pa dben pa daṅ ma mchis par rig par bgyi’o ||
sems can bsam gyis mi khyab pa’i slad du | śes rab kyi (3) pha rol tu phyin pa bsam gyis mi khyab par rig par bgyi’o ||
sems can rnam par bśig pa ma mchis pa’i slad du | śes rab kyi pha rol tu byin pa rnam par bśig pa ma mchis par rig par bgyi’o ||
sems can mṅon par rdzogs par byaṅ chub ba ma mchis pa’i slad du | śes (4) rab kyi pha rol tu phyin pa mṅon par rdzogs par byaṅ chub ba ma mchis par rig par bgyi’o ||
gzugs mṅon par rdzogs par byaṅ chub pa ma mchis pa’i slad du | śes rab kyi pha rol tu phyin pa mṅon par rdzogs par byaṅ chub pa ma mchis par rig par bgyi’o ||
de bźin (5) du tshor ba daṅ | ’du śes daṅ | ’du byed rnams daṅ | rnam par śes pa mṅon par rdzogs par byaṅ chub pa ma mchis pa’i slad du | śes rab kyi pha rol tu phyin pa mṅon par rdzogs par byaṅ chub ba ma mchis par rig par bgyi’o ||
saṅs rgyas kyi bar du mṅon (6) par rdzogs par byaṅ chub pa ma mchis pa’i slad du | śes rab kyi pha rol tu phyin pa mṅon par rdzogs par byaṅ chub pa ma mchis par rig par bgyi’o ||
sems can stobs daṅ mi ldan pa’i slad du | śes rab kyi pha rol tu phyin pa stobs daṅ mi ldan par rig par bgyi’o ||
gzugs (7) stobs daṅ mi ldan pa’i slad du | śes rab kyi pha rol tu phyin pa stobs daṅ mi ldan par rig par bgyi’o ||
tshor ba daṅ | ’du śes daṅ | ’du byed rnams daṅ | rnam par śes pa stobs daṅ mi ldan pa’i slad du | śes rab kyi pha rol tu phyin pa stobs daṅ mi ldan par rig par bgyi’o ||
(58b1) saṅs rgyas kyi bar du stobs daṅ mi ldan pa’i slad du | śes rab kyi pha rol tu phyin pa stobs daṅ mi ldan par rig par bgyi ste ||
bcom ldan ’das rnam graṅs des kyaṅ ’di lta ste | byaṅ chub sems dpa’ sems dpa’ chen po rnams kyi śes rab kyi pha rol tu phyin pa pha rol tu phyin pa ’di ni (2) che ba lags so ||
śes rab kyi pha rol tu phyin pa khri brgyad stoṅ pa las mṅon par bsgrub pa’i yon tan yaṅ dag par bsṅags pa’i le’u źes bya ste sum cu rtsa bźi pa’o || ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
(3) bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu phyin pa ’di la mos pa de gaṅ nas śi ’phos te ’dir mchis pa lags | rigs kyi bu’am rigs kyi bu mo gaṅ śes rab kyi pha rol tu pyin pa ’di la don daṅ | tshul las mos pa de bla na med pa yaṅ dag par (4) rdzogs pa’i byaṅ chub las yaṅ dag par źugs nas ni ji srid cig lags | des de bźin gśegs pa dgra bcom pa yaṅ dag par rdzogs pa’i saṅs rgyas ji sñed cig la ni bsñen bkur bgyis pa lags | des sbyin pa’i pha rol tu phyin pa la spyad nas ni ji srid cig lags | des tshul (5) khrims daṅ | bzod pa daṅ | brtson ’grus daṅ | bsam gtan gyi pha rol tu phyin pa la spyad nas ni ji srid cig lags | des śes rab kyi pha rol tu phyin pa la spyad nas ni ji srid cig lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad (6) ces bka’ stsal to ||
ś ri’i bu byaṅ chub sems dpa’ sems dpa’ chen po de ni phyogs bcu’i de bźin gśegs pa dgra bcom pa yaṅ dag par rdzogs pa’i saṅs rgyas rnams la bsñen bkur byas nas | ’dir ’oṅs śiṅ ’dir skyes pa yin no ||
ś ri’i bu byaṅ chub sems (7) dpa’ sems dpa’ chen po de ni bskal pa bye ba khrag khrig phrag ’bum phrag graṅs med tshad med pa nas bla na med pa yaṅ dag par rdzogs pa’i byaṅ chub la yaṅ dag par źugs pa min no ||
de ni sems daṅ po bskyed phyin chad nas | sbyin pa’i pha rol tu phyin pa la spyad ciṅ tshul khrims daṅ | (59a1) bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la spyad nas | ’dir skyes pa yin no ||
de ni de tshun chad nas de bźin gśegs pa dgra bcom pa yaṅ dag par rdzogs pa’i saṅs rgyas graṅs med tshad med dpag tu med | (2) bsam gyis mi khyab gźal du med pa dag la bsñen bkur byas śiṅ ’dir ’oṅs pa yin te | ś ri’i bu byaṅ chub sems dpa’ sems dpa’ chen po de ni śes rab kyi pha rol tu phyin pa mthoṅ ṅam | thos na yaṅ ’di sñam du bdag gis ston pa mthoṅ ṅo sñam pa’i sems skye bar ’gyur źiṅ | (3) bdag gis ston pa thos so sñam pa’i sems skye bar ’gyur te | ś ri’i bu byaṅ chub sems dpa’ sems dpa’ chen po des ni mtshan ma med pa daṅ | gñis su med pa daṅ dmigs su med pa’i tshul gyis śes rab kyi pha rol tu phyin pa ’di don daṅ tshul khoṅ du chud bar ’gyur ro ||
de nas (4) bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa blta ba’am | mñan bar nus lags sam | bcom ldan ’das kyis bka’ stsal pa | rab ’byor de ni ma yin te | rab ’byor chos bems bo ñid kyi (5) phyir | śes rab kyi pha rol tu phyin pa la lta ba po daṅ | ñan pa po ni med pas na | des śes rab kyi pha rol tu phyin pa mi mthoṅ mi thos so ||
de bźin du chos bems po ñid kyi phyir | bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol (6) tu phyin pa mi mthoṅ mi thos so ||
chos bems po ñid kyi phyir des naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi ba dag mi mthoṅ mi thos so ||
de bźin du chos bems po ñid kyis phyir | dran pa ñe bar gźag pa rnams mi mthoṅ mi thos so ||
chos bems bo ñid (7) kyi phyir | yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam mi mthoṅ mi thos so ||
chos bems po ñid kyi phyir | de bźin gśegs pa’i stobs bcu daṅ | mi ’jigs pa (59b1) bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad mi mthoṅ mi thos so ||
chos bems po ñid kyi phyir | byaṅ chub mi mthoṅ mi thos so ||
saṅs rgyas mi mthoṅ mi thos so ||
de nas bcom ldan ’das la tshe daṅ ldan pa rab ’byor gyis (2) ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu pyin pa zab mo ’di la rnal ’byor du bgyid pa des yun ji srid cig nas spyad pa lags | bcom ldan ’das kyis bka’ stsal pa | rab ’byor de ni rnam par dbye źiṅ (3) bśad dgos te | rab ’byor byaṅ chub sems dpa’ sems dpa’ chen po gaṅ sems daṅ po bskyed phyin chad nas | śes rab kyi pha rol tu phyin pa zab mo ’di la rnal ’byor du byed ciṅ | de bźin du bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | (4) bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la rnal ’byor du byed de | de yaṅ thabs la mkhas pas rnal ’byor du byed ciṅ chos ’ga’ yaṅ spoṅ bar mi byed la | ji ltar ’phel ba daṅ ’grib pa mi mthoṅ bas na nam du yaṅ pha rol tu (5) phyin pa drug daṅ bral bar mi ’gyur źiṅ | saṅs rgyas bcom ldan ’das rnams daṅ yaṅ ’bral bar mi ’gyur la mchod pa’i khyad par gaṅ dag gis | saṅs rgyas bcom ldan ’das rnams la bsti staṅ du bya ba daṅ | bla mar bya ba daṅ | ri mor bya ba daṅ | mchod pa bya bar ’dod pa’i mchod (6) pa’i khyad par de dag des sems bskyed ma thag tu ’grub par ’gyur źiṅ | saṅs rgyas kyi źiṅ nas saṅs rgyas kyi źiṅ du ’gro bar yaṅ ’gyur ro ||
nam du yaṅ ma’i mṅal du skye bar mi ’gyur | nam du yaṅ mṅon par śes pa rnams daṅ ’bral bar mi ’gyur | ñon moṅs pa gaṅ daṅ (7) yaṅ ’grogs par mi ’gyur | ñan thos kyi sems daṅ | raṅ saṅs rgyas kyi sems daṅ yaṅ ’grogs par mi ’gyur źiṅ | sems can rnams kyaṅ yoṅs su smin par byed la | saṅs rgyas kyi źiṅ yaṅ yoṅs su dag par byed ciṅ | saṅs rgyas kyi źiṅ nas saṅs rgyas kyi źiṅ (60a1) du ’gro ste | rab ’byor byaṅ chub sems dpa’ sems dpa’ chen po de dag ni śes rab kyi pha rol tu phyin pa zab mo ’di la rnal ’byor du byed do ||
rab ’byor byaṅ chub sems dpa’i theg pa pa’i rigs kyi bu’am rigs kyi bu mo gaṅ dag gis | saṅs rgyas brgya phrag (2) maṅ po daṅ | saṅs rgyas stoṅ phrag maṅ po daṅ | saṅs rgyas bye ba khrag khrig phrag ’bum phrag maṅ po dag mthoṅ bar gyur la | de dag gi druṅ na slob pa’i tshe | dmigs pa’i tshul gyis sbyin pa byin pa daṅ | tshul khrims daṅ | bzod pa daṅ | brtson ’grus daṅ | bsam gtan (3) daṅ | śes rab bsgoms pa dag yod de | de dag ni śes rab kyi pha rol tu phyin pa zab mo ’di ston pa na ’khor de nas ’gro bar ’gyur te | rigs kyi bu’am rigs bu mo de dag ni śes rab kyi pha rol tu phyin pa zab mo ’di ston pa na gus pa med pas | saṅs rgyas bcom ldan (4) ’das de dag gi druṅ nas ’gro bar ’gyur ro ||
rigs kyi bu ’am rigs kyi bu mo theg pa chen po pa de dag ni ’di ñid du yaṅ ’dus te | gaṅ dag śes rab kyi pha rol tu phyin pa zab mo ’di ston pa na ’gro bar byed ba dag yin no ||
de ci’i phyir źe na | ’di ltar byaṅ chub sasemasa dpa’ (5) sems dpa’ chen po de dag ni sṅon gyi mthar yaṅ śes rab kyi pha rol tu phyin pa zab mo ’di bstan pa na phyir soṅ bar gyur la | da ltar śes rab kyi pha rol tu phyin pa zab mo ’di ston pa na yaṅ de dag phyir ’gro bar byed ciṅ | lus daṅ sems kyi tshogs par mi byed bas | de dag śes rab (6) ’chal bar ’gyur ba’i las sogs par ’gyur te | de dag gis śes rab ’chal bar ’gyur ba’i las byas śiṅ bsags pa des | śes rab kyi pha rol tu phyin pa zab mi ’di ston pa na spoṅ bar ’gyur ro ||
de dag gis śes rab kyi pha rol tu phyin pa zab mo ’di spaṅs pas | ’das (7) pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyi rnam pa thams cad mkhyen pa ñid kyaṅ spaṅs par ’gyur la | de dag gis rnam pa thams cad mkhyen pa ñid spaṅs pa las byuṅ ba’i las mṅon par ’du bya ba byas śiṅ bsags pa de dad | chos kyis phoṅs (60b1) par ’gyur ba’i las byas śiṅ bsags pa des lo maṅ po daṅ | lo brgya phrag maṅ po daṅ | lo stoṅ phrag maṅ po daṅ | lo ’bum phrag maṅ po daṅ | lo bye ba khrag khrig phrag ’bum phrag maṅ po’i bar du sems can dmyal ba rnams su sreg par ’gyur ro ||
de dag sems can dmyal ba (2) chen po rnams nas | sems can dmyal ba chen po rnams su ’gro bar ’gyur źiṅ | de dag sems can dmyal ba chen po rnams nas | sems can dmyal ba chen po rnams su ’gro ba na | med ’jig pa’am | chus ’jig pa’am | rluṅ gis ’jig pa dag kyaṅ ’byuṅ bar ’gyur (3) te | de dag der ’jig pa dag byuṅ ba na | ’jig rten gyi khams gźan dag gi sems can dmyal ba chen po rnams gaṅ yin pa de dag tu ’phen par ’gyur ro ||
de dag der skyes nas kyaṅ | sems can dmyal ba chen po rnams nas | sems can dmyal ba chen po rnams su ’gro (4) bar ’gyur źiṅ | de dag sems can dmyal ba chen po rnams nas | sems can dmyal ba chen po rnams su ’gro ste | yaṅ ’jig pa byuṅ ba na de dag ’jig rten gyi khams de dag nas ’jig rten gyi khams gźan dag tu ’phen par ’gyur ro ||
de dag tu yaṅ gaṅ gi tshe ’jig (5) pa byuṅ ba na de dag śar phyogs su ’phen par ’gyur | lho daṅ | nub daṅ | byaṅ daṅ | phyogs mtshams rnams daṅ | ’og daṅ steṅ gi phyogs rnams kyi sems can dmyal ba chen po rnams su ’phen par ’gyur ro ||
’jig rten gyi khams de dag tu yaṅ ’jig pa byuṅ na | de dag ’jig (6) rten gyi khams gźan dag gi sems can dmyal ba chen po rnams su ’phen par ’gyur ro ||
’jig rten gyi khams de dag tu yaṅ ’jig pa byuṅ ba na | chos kyis phoṅs par ’gyur ba’i las ma zad pas | ’jig rten gyi khams gźan dag nas śi ’phos nas | yaṅ ’di ñid du skye (7) bar ’gyur źiṅ | de dag yaṅ sems can dmyal ba chen po rnams nas | sems can dmyal ba chen po rnams su ’gro bar ’gyur ro ||
de dag sems can dmyal ba chen po de rnams su skyes pa na yaṅ | sems can dmyal ba’i sdug bsṅal rnams ñams su myoṅ bar ’gyur źiṅ | ji srid (61a1) du ’jig pa ’byuṅ bar mi ’gyur ba de sri du | sems can dmyal ba’i sdug bsṅal rnams ñams su myoṅ bar ’gyur ro ||
’jig pa byuṅ ba na yaṅ ’di nas śi ’phos nas | ’jig rten gyi khams gźan dag gi sems can dmyal ba chen po rnams su skye bar ’gyur ro ||
(2) de bźin du yaṅ nas yaṅ du phyogs bcu kun gyi dud ’gro’i skye gnas rnams su yaṅ skye bar ’gyur ro ||
yaṅ daṅ yaṅ du phyogs bcu kun gyi gśin rje’i ’jig rten rnams su yaṅ skye bar ’gyur te | de dag tu skyes nas sdug bsṅal gyi tshor ba dag myoṅ bas | las zad bar byed bar ’gyur ro ||
(3) de dag gis sdug bsṅal maṅ po de dag myoṅ bas | las zad par byas nas | ji ste brgya la mir skye ba ’thob par ’gyur na yaṅ chos kyis phoṅs bar ’gyur ba’i las byas śiṅ bas gas pa de ñid kyis de dag gaṅ daṅ gaṅ du skye bar ’gyur ba de dag der dmus loṅ gi khyim rnams su skye bar ’gyur ro ||
(4) gdol ba’i khyim rnams sam | g-yuṅ po’i khyim rnams sam | ma rabs kyi khyim rnams su skye bar ’gyur ro ||
de dag tu skyes na yaṅ loṅ ba rnams su ’gyur ba ’am | źar ba rnams sam | lce med pa rnams sam | lag pa med pa rnams sam | rkaṅ pa med pa rnams sam | (5) rna ba med pa rnams sam | sna med pa rnams sam | gaṅ na saṅs rgyas kyi sgra thos par mi ’gyur ba daṅ | chos kyi sgra daṅ | dge ’dun gyi sgra thos par mi ’gyur ba daṅ | byaṅ chub sems dpa’i sgra daṅ raṅ saṅs rgyas kyi sgra thos par mi ’gyur ba de lta bur skye bar ’gyur ro ||
de nas (6) bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das mtshams ma mchis pa lṅa po dag ni | chos kyis phoṅs par ’gyur ba’i su ga las bgyis śiṅ bsags pa de’i ’ol du yaṅ mi mchis lags so ||
bcom ldan ’das kyis bka’ stsal pa | (7) ś ri’i bu gaṅ dag śes rab kyi pha rol tu phyin pa ston pa na zlog par sems śiṅ | de dag ’di skad du ’di ni chos ma yin | ’di ni ’dul ba ma yin | ’di ni ston pa’i bka’ ma yin | ’di ni saṅs rgyas kyi bstan pa ma yin | ’di ni de bźin gśegs pa dgra bcom pa yaṅ (61b1) dag par rdzogs pa’i saṅs rgyas rnams kyis ma gsuṅs | mi gsuṅ gsuṅ bar mi ’gyur ba yin gyis | ’di la bslab par mi bya’o źes zer źiṅ | de bdag gis kyaṅ bzlog par bya’o sñam du sems la | sems can gźan dag kyaṅ ’bral bar ’gyur bar byed | de raṅ (2) gi sems kyi rgyud la yaṅ gnod pa byas nas | gźan gyi sems kyi rgyud la yaṅ gnod par bya bar sems | de raṅ gi sems kyi rgyud kyaṅ dug daṅ bcas par byas nas | gźan gyi sems kyi rgyud kyaṅ dug daṅ bcas par byed par ’gyur | de bdag kyaṅ chud gzon ciṅ gźan (3) yaṅ chud gzon par ’dod | de bdag kyaṅ śes rab kyi pha rol tu phyin pa zab mo ma rtogs śiṅ mi śes pas zlog par śes la gźan dag kyaṅ de bźin du ’dzin par ’gyur bar byed pas na | chos kyis phoṅs par ’gyur ba’i las byas śiṅ bsags pa de’i ’ol du yaṅ mi ’od do źes (4) brjod par bya ste | ś ri’i bu ṅas ni gaṅ zag de lta bu dag thos par bya bar yaṅ ma gnaṅ na | blta ba lta ci smos te gnas su lta ga la ruṅ | de ci’i phyir źe na | ś ri’i bu gaṅ zag de lta bu dag ni chos sun ’byin pa yin par rig par bya źiṅ | ś ri’i bu gaṅ zag de lta bu dag ni (5) śiṅ rul pa lta bu daṅ nag po’i raṅ bźin can yin par rig par bya ba’i phyir ro ||
ś ri’i bu gaṅ dag gaṅ zag de lta bu de dag la dad ciṅ mñan par bya bar sems pa de dag kyaṅ tshul ma yin pas sdug bsṅal bar ’gyur ro ||
ś ri’i bu gaṅ pa’i śes rab kyi pha rol tu phyin pa la sun ’byin (6) pa’i gaṅ zag de ni chos sun ’byin par byed par rig par bya’o ||
ś ri’i bus gsol pa | bcom ldan ’das bcom ldan ’das kyis chos sun ’byin par bgyid pa’i gaṅ zag der skyes pa de’i lus kyi tshad ni bka’ ma stsal lags so ||
bcom ldan ’das kyis bka’ stsal pa | ś ri’i (7) bu chos sun ’byin par byed pa’i gaṅ zag der skyes pa de’i lus kyi tshad ni źog śig | de ci’i phyir źe na | chos sun ’byin par byed pa’i gaṅ zag de’i lus kyi tshad thos na | ci tsam du chos sun ’byin par byed pa’i gaṅ zag de’i lus thob pa’i tshad de ni ’di ’dra ste | de la de ’dra ba’i skyon de (62a1) yod do źes kha nas khrag dron po skyug par ’gyur ba’am | ’chi bar ’gyur ba’am | śil thug pa’i sdug bsṅal du ’gyur ba’am | thos na mya ṅan gyi zug rdu daṅ ldan par ’gyur ba’am | ’dam bu sṅon po brdas pa ltar skam źiṅ rñis par ’gyur du ’od do źes (2) bcom ldan ’das kyis tshe daṅ ldan pa ś ri’i bu la | de’i lus kyi tshad ’di tsam du ’gyur ro źes skabs dbye ba ma mdzad do ||
ś ri’i bus gsol pa | bcom ldan ’das chos kyis phoṅs par ’gyur ba’i sug las bgyis śiṅ bsags pa de | chos sun ’byin par bgyid pa’i gaṅ (3) zag rnams de lta bu’i lus yoṅs su ’dzin par ’gyur ro źes | slad ma’i skye bo rnams la snaṅ ba bgyid par ’gyur lags na | bcom ldan ’das kyis bka’ stsal du gsol | bcom ldan ’das kyis bka’ stsal pa | ś ri’i bu de ni chos kyis phoṅs par ’gyur ba’i las rdzogs par (4) byas śiṅ bsags pa des | de srid du sems can dmyal ba rnams su sdug bsṅal myoṅ bar ’gyur źiṅ | sdug bsṅal de’i tshad med de | maṅ ba daṅ yun de srid du sdug bsṅal myoṅ bar ’gyur ro ||
źes bya ba de ñid kyis kyaṅ phyi ma’i skye bo rnams la snaṅ ba byas par ’gyur ba yin no ||
(5) ś ri’i bus gsol pa | bcom ldan ’das ’di ñid kyis dkar po’i raṅ bźin can gyi rigs kyi bu’am rigs kyi bu mo chos kyis phoṅs par ’gyur ba’i sug las de dag las ldog par ’gyur te | bdag cag kyaṅ sdug bsṅal ’di lta bu dag daṅ ’phrad du ’od do źes de dag srog gi slad du yaṅ (6) dam pa’i chos spoṅ bar mi bgyid lags so ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das dam pa’i chos spoṅ ba’i ṅag gis las bgyis śiṅ bsags pa des ni | chos kyis phoṅs par ’gyur ba’i sug las bgyid ciṅ sogs (7) par ’gyur pas | bcom ldan ’das rigs kyi bu ’am rigs kyi bu mo bdag cag sdug bsṅal ’di lta bu dag daṅ ’phrad dam | de bźin gśegs pa mi mthoṅ ṅam | chos mi thos sam | dge ’dun la bsñen bkur mi byed dam | saṅs rgyas ’byuṅ ba med pa’i saṅs rgyas kyi źiṅ (62b1) rnams su skye ba ’am | mi dbul po rnams su skye ba ’am | tshig gzuṅ bar mi ’os par gyur na mi ruṅ ṅo źes | lus daṅ ṅag daṅ | yid kyi las rnams legs par bsdam par bgyi lags so ||
bcom ldan ’das kyis bka’ stsal pa | rab ’byor mi blun po gaṅ dag (2) legs par gsuṅs pa’i chos ’dul ba ’di la rab tu byuṅ źiṅ | śes rab kyi pha rol tu phyin pa ’di la sun dbyuṅ bar bya’o ||
sñam du sems pa de dag ni dag gis las byas śiṅ bsags pa des | chos kyis phoṅs par ’gyur ba’i las byed ciṅ sogs bar ’gyur te | rab ’byor (3) śes rab kyi pha rol tu phyin pa la sun dbyuṅ ba byas śiṅ | bzlog pas saṅs rgyas bcom ldan ’das rnams kyi byaṅ chub la sun dbyuṅ bar byas śiṅ bzlog pa yin no ||
saṅs rgyas bcom ldan ’das rnams kyi byaṅ chub la sun dbyuṅ bar byas śiṅ bzlog pas ni | ’das pa daṅ | (4) ma byon pa daṅ | da ltar byuṅ ba’i saṅs rgyas bcom ldan ’das rnams kyi rnam pa thams cad mkhyen pa ñid la sun ’byuṅ bar byas śiṅ bzlog pa yin no ||
rnam pa thams cad mkhyen pa ñid sun dbyuṅ ba byas śiṅ bzlog pas ni | chos bzlog pa yin no ||
chos bzlog pas (5) ni dge ’dun bzlog pa yin no ||
dge ’dun bzlog pas ni ’jig rten pa’i yaṅ dag pa’i lta ba daṅ | ’jig rten las ’das pa’i yaṅ dag pa’i lta ba bzlog pa yin no ||
de bźin du pha rol tu phyin pa drug daṅ | byaṅ chub kyi phyogs kyi chos sum cu rtsa bdun daṅ | stobs bcu (6) daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwo brgyad daṅ | rnam pa thams cad mkhyen pa ñid kyi bar dag bzlog pa yin no ||
rnam pa thams cad mkhyen pa ñid bzlog pas bsod nams ma yin pa’i phuṅ po tshad med | graṅs (7) med dpag tu med pa dag yoṅs su bzuṅ ba yin no ||
bsod nams ma yin pa’i phuṅ po yoṅs su bzuṅ ba des | sdug bsṅal daṅ | yid mi bde ba tshad med graṅs med dpag tu med pa dag kyaṅ yoṅs su bzuṅ ba yin no ||
rab ’byor gyis gsol pa | bcom ldan ’das mi blun po gaṅ dag (63a1) śes rab kyi pha rol tu phyin pa zab mo ’di zlog par bgyid pa de dag rnam pa du źig gis śes rab kyi pha rol tu phyin pa zab mo ’di zlog par bgyid pa lags | bcom ldan ’das kyis bka’ stsal pa | rab ’byor mi blun po de dag ni rnam pa bźis śes rab (2) kyi pha rol tu phyin pa zab mo ’di zlog par byed de | bźi gaṅ źe na | ’di lta ste | mi blun po de dag bdud kyis byin gyis brlabs pa daṅ | chos zab mo rnams la mos pa med ciṅ | dad pa ma rñed pa daṅ | de dag sdig pa’i grogs po’i lag tu soṅ bas | phuṅ po lṅa la mṅon (3) par źe na par ’gyur ba daṅ | mi blun po de dag ñes pa spyod ciṅ | bdag la stoṅ pa daṅ | gźan la smod pa yin te | rab ’byor mi blun po de dag ni rnam pa de bźi daṅ ldan pas | śes rab kyi pha rol tu phyin pa zab mo ’di zlog par byed ba yin no ||
rab ’byor gyis gsol (4) pa | bcom ldan ’das śes rab kyi pha rol tu phyin pa ni mṅon par mi brtson pa daṅ | dge ba’i rtsa ba daṅ bral ba daṅ | sdig pa’i grogs po’i sug par mchis pa dag gis mos par dka’ ba lags so ||
bcom ldan ’das kyis bka’ stsal pa | rab ’byor de de bźin no ||
(5) de de bźin te | śes rab kyi pha rol tu phyin pa zab mo ni mṅon par mi brtson pa rnams daṅ | dge ba’i rtsa ba med pa rnams daṅ | sdig pa’i grogs po’i lag tu soṅ ba rnams kyis mos par dka’ ba yin no ||
rab ’byor gyis gsol pa | bcom ldan ’das gaṅ de (6) ltar mos par dka’ ba’i śes rab kyi pha rol tu phyin pa de ci tsam du zab pa lags | bcom ldan ’das kyis bka’ stsal pa | rab ’byor gzugs ni ma bciṅs ma grol ba’o ||
de ci’i phyir źe na | gzugs dṅos po med pa’i raṅ bźin ni gzugs yin pa’i phyir ro ||
(7) rab ’byor de bźin du tshor ba daṅ | ’du śes daṅ | ’du byed rnams daṅ | rnam par śes pa ni ma bciṅs ma grol ba’o ||
de ci’i phyir źe na | rnam par śes pa dṅos po med pa’i raṅ bźin ni | rnam par śes pa yin pa’i phyir ro ||
rab ’byor sbyin pa’i pha rol tu phyin pa ni ma (63b1) bciṅs ma grol ba’o ||
de ci’i phyir źe na | sbyin pa’i pha rol tu phyin pa dṅos po med pa’i raṅ bźin ni | sbyin pa’i pha rol tu phyin pa yin pa’i phyir ro ||
rab ’byor de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol (2) tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ni ma bciṅs ma grol ba’o ||
de ci’i phyir źe na | śes rab kyi pha rol tu phyin pa dṅos po med pa’i raṅ bźin ni | śes rab kyi pha rol tu phyin pa yin pa’i phyir ro ||
rab ’byor naṅ stoṅ ba ñid ni (3) ma bciṅs ma grol ba’o ||
de ci’i phyir źe na | naṅ stoṅ pa ñid dṅos po med pa’i raṅ bźin ni | naṅ stoṅ pa ñid yin pa’i phyir ro ||
rab ’byor dṅos po med pa’i ṅo bo ñid kyi stoṅ pa ñid kyi bar ni ma bciṅs ma grol ba’o ||
de ci’i phyir źe na | dṅos po med pa’i ṅo bo ñid stoṅ pa (4) ñid dṅos po med pa’i raṅ bźin ni | dṅos po med pa’i ṅo bo ñid stoṅ pa ñid yin pa’i phyir ro ||
rab ’byor dran pa ñe bar gźag pa rnams ni ma bciṅs ma grol ba’o ||
de ci’i phyir źe na | dran pa ñe bar gźag pa rnams dṅos po med pa’i raṅ bźin ni | dran pa ñe bar gźag pa (5) rnams yin pa’i phyir ro ||
rab ’byor de bźin du yaṅ dag par spoṅ ba rnams daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams ni ma bciṅs ma grol ba’o ||
de ci’i phyir źe na | lam dṅos po med pa’i raṅ bźin ni lam (6) yin pa’i phyir ro ||
rab ’byor de bźin du stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwo brgyad daṅ | rnam pa thams cad mkhyen pa ñid ni ma bciṅs ma grol ba’o ||
de ci’i phyir źe na | rnam pa thams (7) cad mkhyen pa ñid dṅos po med pa’i raṅ bźin ni | rnam pa thams cad mkhyen pa ñid yin pa’i phyir ro ||
rab ’byor gzugs kyi sṅon gyi mtha’ ni ma bciṅs ma grol ba’o ||
de ci’i phyir źe na | sṅon gyi mtha’ dṅos po med pa’i raṅ bźin ni gzugs yin pa’i phyir ro ||
rab (64a1) ’byor de bźin du tshor ba daṅ | ’du śes daṅ | ’du byed rnams daṅ | rnam par śes pa daṅ | rnam pa thams cad mkhyen pa ñid kyi bar gyi sṅon gyi mtha’ ni ma bciṅs ma grol ba’o ||
de ci’i phyir źe na | sṅon gyi mtha’ dṅos po med pa’i raṅ bźin ni | rnam pa (2) thams cad mkhyen pa ñid yin pa’i phyir ro ||
rab ’byor gzugs kyi phyi ma’i mtha’ ni ma bciṅs ma grol ba’o ||
de ci’i phyir źe na | phyi ma’i mtha’ dṅos po med pa’i raṅ bźin ni | gzugs yin pa’i phyir ro ||
rab ’byor de bźin du tshor ba daṅ | ’du śes daṅ | ’du byed (3) rnams daṅ | rnam par śes pa daṅ | rnam pa thams cad mkhyen pa ñid kyi bar gyi phyi ma’i mtha’ ni ma bciṅs ma grol ba’o ||
de ci’i phyir źe na | phyi ma’i mtha’ dṅos po med pa’i raṅ bźin ni | rnam pa thams cad mkhyen pa ñid yin pa’i phyir ro ||
rab ’byor gzugs da ltar (4) byuṅ ba ni ma bciṅs ma grol ba’o ||
de ci’i phyir źe na | da ltar byuṅ ba dṅos po med pa’i raṅ bźin ni gzugs yin pa’i phyir ro ||
rab ’byor de bźin du tshor ba daṅ | ’du śes daṅ | ’du byed rnams daṅ | rnam par śes pa daṅ | rnam pa thams cad mkhyen pa ñid kyi (5) bar da ltar byuṅ ba ni ma bciṅs ma grol ba’o ||
de ci’i phyir źe na | da ltar byuṅ ba dṅos po med pa’i raṅ bźin ni | rnam pa thams cad mkhyen pa ñid yin pa’i phyir ro ||
rab ’byor gyis gsol pa | bcom ldan ’das śes rab kyi pha rol tu phyin pa ni mṅon par mi brtson (6) pa rnams daṅ | dge ba’i rtsa ba ma bskrun pa rnams daṅ | sdig pa’i grogs po’i sug par mchis pa rnams daṅ | bdud kyi dbaṅ du mchis ba rnams daṅ | le lo can rnams daṅ | brtson ’grus źan pa rnams daṅ | bskyud ṅas pa rnams daṅ | śes bźin can ma (7) lags pa rnams kyis mos par dka’ ba lags so | bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor śes rab kyi pha rol tu phyin pa ni mṅon par mi brtson pa rnams daṅ | śes bźin can ma yin pa’i bar dag gis mos (64b1) par dka’ ba yin no ||
rab ’byor gzugs rnam par dag pa gaṅ yin pa de ni ’bras bu rnam par dag pa ñid do ||
tshor ba daṅ | ’du śes daṅ | ’du byed rnams daṅ | rnam par śes pa rnam par dag pa gaṅ yin pa de ni ’bras bu rnam par dag pa ñid do ||
rnam pa (2) thams cad mkhyen pa ñid kyi bar du rnam par dag pa gaṅ yin pa de ni ’bras bu rnam par dag pa ñid do || ||
’phags pa śes rab kyi pha rol tu phyin pa khri brgyad stoṅ pa | bam po ñi śu rtsa brgyad pa | rab ’byor gźan yaṅ gzugs rnam par dag (3) pa gaṅ yin pa de ni ’bras bu rnam par dag pa’o ||
’bras bu rnam par dag pa gaṅ yin pa de ni | śes rab kyi pha rol tu phyin pa rnam par dag pa’o ||
śes rab kyi pha rol tu phyin pa rnam par dag pa gaṅ yin pa de ni gzugs rnam par dag pa’o ||
rnam pa thams cad (4) mkhyen pa ñid kyi bar du rnam par dag pa gaṅ yin pa de ni ’bras bu rnam par dag pa’o ||
’bras bu rnam par dag pa gaṅ yin pa de ni śes rab kyi pha rol tu phyin pa rnam par dag pa’o ||
śes rab kyi pha rol tu phyin pa rnam par dag pa gaṅ yin pa de ni rnam pa thams cad mkhyen pa (5) ñid kyi bar du rnam par dag pa ste | de ltar na gzugs rnam par dag pa daṅ | ’bras bu rnam par dag pa daṅ | śes rab kyi pha rol tu phyin pa rnam par dag pa daṅ | rnam pa thams cad mkhyen pa ñid kyi bar du rnam par dag pa ’di dag ni gñis su med de | gñis su (6) dbyer med ciṅ tha mi dad de gcad du med do ||
rab ’byor gźan yaṅ gzugs rnam par dag pa gaṅ yin pa de ni śes rab kyi pha rol tu phyin pa rnam par dag pa’o ||
śes rab kyi pha rol tu phyin pa rnam par dag pa gaṅ yin pa de ni gzugs rnam par dag pa’o ||
rnam pa thams (7) cad mkhyen pa ñid kyi bar du rnam par dag pa gaṅ yin pa de ni śes rab kyi pha rol tu phyin pa rnam par dag pa’o ||
śes rab kyi pha rol tu phyin pa rnam par dag pa gaṅ yin pa de ni | rnam pa thams cad mkhyen pa ñid kyi bar du rnam par dag pa ste | de ltar na gzugs rnam par dag pa (65a1) daṅ | rnam pa thams cad mkhyen pa ñid kyi bar du rnam par dag pa daṅ | śes rab kyi pha rol tu phyin pa rnam par dag pa ’di ni gñis su med de | gñis su dbyer med ciṅ tha mi dad de gcad du med do ||
rab ’byor gźan yaṅ bdag rnam par dag pa gaṅ yin (2) ba de ni gzugs rnam par dag pa’o ||
gzugs rnam par dag pa gaṅ yin pa de ni | bdag rnam par dag pa ste | de ltar na bdag rnam par dag pa daṅ | gzugs rnam par dag pa ’di ni gñis su med de gñis su dbyer med ciṅ tha mi dad de gcad du med do ||
sems can daṅ | (3) srog daṅ | śes pa po daṅ | mthoṅ ba po’i bar du rnam par dag pa daṅ | gzugs rnam par dag pa daṅ | tshor ba daṅ | ’du śes daṅ | ’du byed rnams daṅ | rnam par śes pa rnam par dag pa daṅ | rnam pa thams cad mkhyen pa ñid kyi bar du rnam par dag pa ’di ni gñis (4) su med de | gñis su dbyer med ciṅ tha mi dad de gcad du med do ||
rab ’byor gźan yaṅ ’dod chags rnam par dag pas gzugs rnam par dag pa daṅ | rnam pa thams cad mkhyen pa ñid kyi bar du rnam par dag pa ste | de ltar na ’dod chags rnam par dag pa daṅ | gzugs rnam par (5) dag ba daṅ | rnam pa thams cad mkhyen pa ñid kyi bar du rnam par dag pa ’di ni gñis su med de | gñis su dbyer med ciṅ tha mi dad de gcad du med do ||
de bźin du źe sdaṅ daṅ | gti mug rnam par dag pas | gzugs rnam par dag pa daṅ | rnam pa thams cad mkhyen pa ñid kyi (6) bar du rnam par dag pa ste | de ltar na źe sdaṅ daṅ | gti mug rnam par dag pa daṅ | gzugs rnam par dag pa daṅ | rnam pa thams cad mkhyen pa ñid kyi bar du rnam par dag pa ’di ni gñis su med de | gñis su dbyer med ciṅ tha mi dad de gcad du med do ||
rab ’byor gźan (7) yaṅ ’dod chags daṅ | źe sdaṅ daṅ | gti mug rnam par dag pas | gzugs rnam par dag pa daṅ | rnam pa thams cad mkhyen pa ñid kyi bar du rnam par dag pa ste | de ltar na ’dod chags daṅ | źe sdaṅ daṅ | gti mug rnam par dag pa daṅ | gzugs rnam pa’i dag pa daṅ | (65b1) rnam pa thams cad mkhyen pa ñid kyi bar du rnam par dag pa ’di ni | gñis su med de gñis su dbyer med ciṅ | tha mi dad de gcad du med do ||
rab ’byor gźan yaṅ ma rig pa rnam par dag pas | ’du byed rnam par dag pa’o ||
’du byed rnam par dag pas | rnam par śes pa rnam (2) par dag pa’o ||
de bźin du miṅ daṅ gzugs rnam par dag pa’o ||
skye mched drug rnam par dag pa’o ||
reg pa rnam par dag pa’o ||
tshor ba rnam par dag pa’o ||
sred pa rnam par dag pa’o ||
len pa rnam par dag pa’o ||
srid pa rnam par dag pa’o ||
skye ba rnam par dag pa’o ||
skye (3) ba rnam par dag pas | rga śi rnam par dag pa’o ||
rga śi rnam par dag pas | sbyin pa’i pha rol tu phyin pa rnam par dag pa’o ||
sbyin pa’i pha rol tu phyin pa rnam par dag pas | tshul khrims kyi pha rol tu phyin pa rnam par dag pa’o ||
tshul khrims kyi pa rol tu phyin pa rnam par dag pas | (4) bzod pa’i pha rol tu phyin pa rnam par dag pa’o ||
bzod pa’i pha rol tu phyin pa rnam par dag pas | brtson ’grus kyi pha rol tu phyin pa rnam par dag pa’o ||
brtson ’grus kyi pha rol tu phyin pa rnam par dag pas | bsam gtan gyi pha rol tu phyin pa rnam par dag pa’o ||
bsam gtan (5) gyi pha rol tu phyin pa rnam par dag pas | śes rab kyi pha rol tu phyin pa rnam par dag pa’o ||
śes rab kyi pha rol tu phyin pa rnam par dag pas | naṅ stoṅ pa ñid rnam par dag pa’o ||
naṅ stoṅ pa ñid rnam par dag pas | dṅos po med pa’i ṅo bo ñid stoṅ pa ñid kyi bar du rnam par (6) dag pa’o ||
dṅos po med pa’i ṅo bo ñid stoṅ pa ñid rnam par dag pas | dran pa ñe bar gźag pa rnam pa rnam par dag pa’o ||
de bźin du yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams (7) daṅ | lam rnam par dag pa’o ||
lam rnam par dag pas | thams cad śes pa ñid rnam par dag pa’o ||
thams cad śes pa ñid rnam par dag pas | stobs bcu rnam par dag pa’o ||
stobs bcu rnam par dag pas | mi ’jigs pa rnam par dag pa’o ||
mi ’jigs pa rnam (66a1) par dag pas | so so yaṅ dag par rig pa daṅ | saṅs rgyas kyi chos ma ’dres pa rnam par dag pa’o ||
saṅs rgyas kyi chos ma ’dres pa rnam par dag pas | rnam pa thams cad mkhyen pa ñid rnam par dag pa ste | de ltar na rnam pa thams cad mkhyen pa ñid (2) rnam par dag pa daṅ | saṅs rgyas kyi chos ma ’dres pa rnam par dag pa ’di ni gñis su med de gñis su dbyer med ciṅ tha mi dad de gcad du med do ||
rab ’byor gźan yaṅ śes rab kyi pha rol tu phyin pa rnam par dag pa gaṅ yin pa de ni gzugs rnam par dag pa’o ||
gzugs (3) rnam par dag pa gaṅ yin pa de ni | rnam pa thams cad mkhyen pa ñid kyi bar du rnam par dag pa ste | de ltar na śes rab kyi pha rol tu phyin pa rnam par dag pa daṅ | gzugs rnam par dag pa daṅ | rnam pa thams cad mkhyen pa ñid kyi bar du rnam par dag pa ’di ni gñis su med de (4) gñis su dbyer med ciṅ tha mi dad de gcad du med do ||
de bźin du bsam gtan gyi pha rol tu phyin pa rnam par dag pa daṅ | brtson ’grus kyi pha rol tu phyin pa rnam par dag pa daṅ | bzod pa’i pha rol tu phyin pa rnam par dag pa daṅ | tshul khrims kyi pha rol tu phyin pa rnam par dag pa (5) daṅ | sbyin pa’i pha rol tu phyin pa rnam par dag pa gaṅ yin pa de ni | gzugs rnam par dag pa’o ||
gzugs rnam par dag pa gaṅ yin pa de ni rnam pa thams cad mkhyen pa ñid kyi bar du rnam par dag pa ste | de ltar na sbyin pa’i pha rol tu phyin pa rnam par dag pa daṅ | gzugs (6) rnam par dag pa daṅ | rnam pa thams cad mkhyen pa ñid kyi bar du rnam par dag pa ’di ni gñis su med de gñis su dbyer med ciṅ tha mi dad de gcad du med do ||
naṅ stoṅ pa ñid rnam par dag pa daṅ | dṅos po med pa’i ṅo bo ñid stoṅ ba ñid kyi bar du rnam par dag pas | rnam pa thams cad mkhyen (7) pa ñid kyi bar du rnam par dag pa’o ||
byaṅ chub kyi phyogs kyi chos sum cu rtsa bdun rnam par dag pas | rnam pa thams cad mkhyen pa ñid kyi bar du rnam par dag pa’o ||
stobs daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa rnam par (66b1) dag pas | rnam pa thams cad mkhyen pa ñid kyi bar du rnam par dag pa ste | de ltar na phuṅ po daṅ | khams daṅ | skye mched daṅ | pha rol tu phyin pa rnams daṅ | stoṅ ba ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so (2) yaṅ dag par rig pa rnams daṅ | saṅs rgyas kyi chos ma ’dres pa rnam par dag pa daṅ | rnam pa thams cad mkhyen pa ñid rnam par dag pa ’di ni gñis su med de gñis su dbyer med ciṅ tha mi dad de gcad du med do ||
rab ’byor gźan yaṅ ’dus byas rnam par dag pas | ’dus ma byas (3) rnam par dag pa’o ||
’dus ma byas rnam par dag pas | rnam pa thams cad mkhyen pa ñid kyi bar du rnam par dag pa ste | de ltar na ’dus byas rnam par dag pa daṅ | ’dus ma byas rnam par dag pa daṅ | rnam pa thams cad mkhyen pa ñid kyi bar du rnam par dag pa ’di ni gñis su (4) med de gñis su dbyer med ciṅ tha mi dad de gcad du med do ||
rab ’byor gźan yaṅ ’das pa rnam par dag pas | ma ’oṅs pa rnam par dag pa’o ||
ma ’oṅs pa rnam par dag pas | ’das pa rnam par dag pa’o ||
da ltar byuṅ ba rnam par dag pas | ’das pa daṅ | ma (5) ’oṅs ba rnam par dag pa’o ||
’das pa daṅ ma ’oṅs pa rnam par dag pas | da ltar byuṅ ba rnam par dag pa ste | de ltar na ’das pa rnam par dag pa daṅ | ma ’oṅs pa rnam par dag pa daṅ | da ltar byuṅ ba rnam par dag pa ’di ni gñis su med de gñis su dbyer med ciṅ tha (6) mi dad de gcad du med do ||
śes rab kyi pha rol tu phyin pa khri brgyad stoṅ pa las | sems can dmyal ba’i le’u źes bya ste sum cu rtsa lṅa pa’o || ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das rnam par dag (7) pa ’di ni za ba lags so ||
bcom ldan ’das kyis bka’ stsal pa | ś ri’u bu śin tu rnam par dag pa’i phyir zab bo ||
ś ri’i bus gsol pa | bcom ldan ’das gaṅ śin tu rnam par dag pa’i slad du zab pa lags | bcom ldan ’das kyis bka’ stsal pa | ś ri’i bu gzugs (67a1) śin tu rnam par dag pa’i phyir zab pa yin no ||
tshor ba daṅ | ’du śes daṅ | ’du byed rnams daṅ | rnam par śes pa śin tu rnam par dag pa’i phyir źab pa yin no ||
sa’i khams daṅ | chu’i khams daṅ | me’i khams daṅ | rluṅ gi khams daṅ | (2) nam mkha’i khams daṅ | rnam par śes pa’i khams śin tu rnam par dag pa’i phyir zab pa yin no ||
mig daṅ | rna ba daṅ | sna daṅ | lce daṅ | lus daṅ | yid śin tu rnam par dag pa’i phyir zab pa yin no ||
gzugs daṅ | sgra daṅ | dri daṅ | ro daṅ | reg bya daṅ | (3) chos śin tu rnam par dag pa’i phyir zab ba yin no ||
sbyin pa’i pha rol tu phyin pa śin tu rnam par dag pa’i phyir zab pa yin no ||
tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa śin tu rnam par dag pa’i phyir zab pa (4) yin no ||
naṅ stoṅ pa ñid śin tu rnam par dag pa’i phyir zab ba yin no ||
dṅos po med pa’i ṅo bo ñid stoṅ pa ñid kyi bar du śin tu rnam par dag pa’i phyir zab pa yin no ||
dran pa ñe bar gźag pa rnams śin tu rnam par dag pa’i phyir zab pa yin no ||
yaṅ dag (5) par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam śin tu rnam par dag pa’i phyir zab pa yin no ||
stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres (6) pa rnams śin tu rnam par dag pa’i phyir zab pa yin no ||
byaṅ chub śin tu rnam par dag pa daṅ | rnam pa thams cad mkhyen pa ñid kyi bar du śin tu rnam par dag pa’i phyir zab pa yin no ||
ś ri’i bus gsol pa | bcom ldan ’das rnam par dag pa ni snaṅ ba lags so ||
(7) bcom ldan ’das kyis bka’ stsal pa | ś ri’i bu śin tu rnam par dag pa’i phyir | rnam par dag pa ni snaṅ ba yin no ||
ś ri’i bus gsol pa | bcom ldan ’das gaṅ śin tu rnam par dag pa’i slad du snaṅ ba lags | bcom ldan ’das kyis bka’ stsal pa | ś ri’i bu gzugs (67b1) śin tu rnam par dag pa’i phyir | rnam par dag pa ni snaṅ ba yin no ||
tshor ba daṅ | ’du śes daṅ | ’du byed rnams daṅ | rnam par śes pa śin tu rnam par dag pa’i phyir rnam par dag pa ni snaṅ ba yin no ||
mig śin tu rnam par dag pa’i phyir rnam par dag pa ni snaṅ ba (2) yin no ||
rna ba daṅ | sna daṅ | lce daṅ | lus daṅ | yid śin tu rnam par dag pa’i phyir rnam par dag pa ni snaṅ ba yin no ||
gzugs daṅ | sgra daṅ | dri daṅ | ro daṅ | reg bya daṅ | chos śin tu rnam par dag pa’i phyir rnam par dag pa ni snaṅ ba yin no ||
sa’i khams daṅ | (3) chu’i khams daṅ | me’i khams daṅ | rluṅ khams daṅ | nam kha’ khams daṅ | rnam par śes pa’i khams śin tu rnam par dag pa’i phyir rnam par dag pa ni snaṅ ba yin no ||
sbyin pa’i pha rol tu phyin pa śin tu rnam par dag pa’i phyir | rnam par dag pa ni snaṅ ba yin no ||
(4) tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa śin tu rnam par dag pa’i phyir | rnam par dag pa ni snaṅ ba yin no ||
naṅ stoṅ pa ñid śin tu rnam par dag pa’i phyir rnam par dag pa ni snaṅ ba yin no ||
dṅos po med (5) pa’i ṅo bo ñid stoṅ pa ñid kyi bar du śin tu rnam par dag pa’i phyir rnam par dag pa ni snaṅ ba yin no ||
dran pa ñe bar gźag pa śin tu rnam par dag pa’i phyir rnam par dag pa ni snaṅ ba yin no ||
yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ (6) chub kyi yan lag daṅ | lam śin tu rnam par dag pa’i phyir rnam par dag pa ni snag ba yin no ||
stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres ba bco brgyad śin tu rnam par dag pa’i phyir rnam par dag pa ni snaṅ ba yin (7) no ||
rnam pa thams cad mkhyen pa ñid kyi bar du śin tu rnam par dag pa’i phyir rnam par dag pa ni snaṅ ba yin no ||
ś ri’i bus gsol pa | bcom ldan ’das rnam par dag pa ni | ñiṅ mtshams sbyor ba ma mchis pa lags so ||
bcom ldan ’das kyis bka’ stsal pa | ś ri’i bu (68a1) śin tu rnam par dag pa’i phyir ro ||
ś ri’i bus gsol pa | bcom ldan ’das gaṅ ñiṅ mtshams sbyor ba ma mchis pas | rnam par dag pa lags | bcom ldan ’das kyis bka’ stsal pa | ś ri’i bu gzugs ’pho ba med pas | ñiṅ mtshams (2) sbyor ba med pa ni rnam par dag pa yin no ||
rnam pa thams cad mkhyen pa ñid kyi bar du ’pho ba med pas | ñiṅ mtshams sbyor ba med pa ni rnam par dag pa yin no ||
ś ri’i bus gsol pa | bcom ldan ’das rnam par dag pa ni kun nas ñon moṅs pa ma mchis pa lags (3) so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das gaṅ la kun nas ñon moṅs pa ma mchis pas rnam par dag pa lags | bcom ldan ’das kyis bka’ stsal pa | ś ri’i bu (4) gzugs ni raṅ bźin gyis kun nas ñon moṅs pa med pa’i phyir rnam par dag pa yin no ||
rnam pa thams cad mkhyen pa ñid kyi bar ni raṅ bźin gyis kun nas ñon moṅs pa med pa’i phyir rnam par dag pa yin no ||
ś ri’i bus gsol pa | bcom ldan ’das rnam par dag pa (5) ni thob pa daṅ | mṅon par rtogs pa ma mchis pa lags so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das gaṅ la thob pa ma mchis pa daṅ | mṅon par rtogs pa ma mchis pa’i slad du (6) rnam par dag pa lags | bcom ldan ’das kyis bka’ stsal pa | ś ri’i bu gzugs la thob pa med pa daṅ | mṅon par rtogs pa med pa’i phyir rnam par dag pa yin no ||
rnam pa thams cad mkhyen pa ñid kyi bar la thob pa med pa daṅ | mṅon par rtogs pa med pa’i phyir rnam (7) par dag pa yin no ||
ś ri’i bus gsol pa | bcom ldan ’das rnam par dag pa ni mṅon par ma grub pa lags so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das gaṅ mṅon (68b1) par grub pa ma mchis pa’i slad du rnam par dag pa lags | bcom ldan ’das kyis bka’ stsal pa | ś ri’i bu gzugs mṅon par grub pa med pa’i phyir rnam par dag pa yin no ||
rnam pa thams cad mkhyen pa ñid kyi bar du mṅon par grub pa med pa’i phyir rnam par dag pa yin no ||
(2) ś ri’i bus gsol pa | bcom ldan ’das rnam par dag pa ni ’dod pa’i khams su mi skye lags so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das ji ltar na rnam par dag pa ’dod pa’i (3) khams su mi skye ba lags | bcom ldan ’das kyis bka’ stsal pa | ś ri’i bu ’dod pa’i khams kyi raṅ bźin dmigs su med pa’i phyir rnam par dag pa mi skye’o ||
ś ri’i bus gsol pa | bcom ldan ’das rnam par dag pa ni gzugs kyi khams su mi skye lags so ||
(4) bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das ji ltar na rnam par dag pa gzugs kyi khams su mi skye ba lags | bcom ldan ’das kyis bka’ stsal pa | ś ri’i bu gzugs kyi khams kyi (5) raṅ bźin dmigs su med pa’i phyir rnam par dag pa mi skye’o ||
ś ri’i bus gsol pa | bcom ldan ’das rnam par dag pa ni gzugs ma mchis pa’i khams su mi skye lags so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś (6) ri’i bus gsol pa | bcom ldan ’das ji ltar na rnam par dag pa gzugs ma mchis pa’i khams su ma skye ba lags | bcom ldan ’das kyis bka’ stsal pa | ś ri’i bu gzugs med pa’i khams kyi raṅ bźin dmigs su med pa’i phyir rnam par dag pa mi skye’o ||
ś ri’i (7) bus gsol pa | bcom ldan ’das rnam par dag pa ni ’tshal ba ma mchis pa lags so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das ji ltar na rnam par dag pa ’tshal ba ma mchis pa (69a1) lags | bcom ldan ’das kyis bka’ stsal pa | ś ri’i bu chos bems po ñid kyi phyir rnam par dag pa ni śes pa med pa yin no ||
ś ri’i bus gsol pa | bcom ldan ’das rnam par dag pa ni gzugs ma ’tshal ba lags so ||
bcom ldan ’das kyis (2) bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das ji ltar na rnam par dag pas gzugs ma ’tshal ba lags | bcom ldan ’das kyis bka’ stsal pa | ś ri’i bu raṅ gi mtshan ñid stoṅ pa ñid kyi phyir rnam par dag pas (3) gzugs mi śes so ||
ś ri’i bus gsol pa | bcom ldan ’das de bźin du rnam par dag pa ni tshor ba daṅ | ’du śes daṅ | ’du byed rnams daṅ | rnam par śes pa ma ’tshal ba lags so ||
bcom ldan ’das kyis bka’ stsal pa | ś ri’i bu śin tu rnam par dag (4) pa’i phyir ro ||
ś ri’i bus gsol pa | bcom ldan ’das ji ltar na rnam par dag pas tshor ba daṅ | ’du śes daṅ | ’du byed rnams daṅ | rnam par śes pa ma ’tshal ba lags | bcom ldan ’das kyis bka’ stsal pa | ś ri’i bu raṅ gi mtshan ñid stoṅ pa ñid kyi phyir (5) rnam par dag pas tshor ba daṅ | ’du śes daṅ | ’du byed rnams daṅ | rnam par śes pa mi śes so ||
ś ri’i bus gsol pa | bcom ldan ’das rnam par dag pa ni chos thams cad ma ’tshal ba lags so ||
bcom ldan ’das kyis bka’ stsal pa | ś ri’i bu śin tu rnam (6) par dag pa’i phyir ro ||
ś ri’i bus gsol pa | bcom ldan ’das ji ltar na rnam par dag pa’i chos thams cad ma ’tshal ba lags | bcom ldan ’das kyis bka’ stsal pa | ś ri’i bu chos thams cad dmigs su med pa’i phyir | rnam par dag pas chos thams cad mi (7) śes so ||
ś ri’i bus gsol pa | bcom ldan ’das śes rab kyi pha rol tu phyin pa ni rnam pa thams cad mkhyen pa ñid la phan par yaṅ mi bgyid | gnod par mi bgyid pa lags so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
(69b1) ś ri’i bus gsol pa | bcom ldan ’das ji ltar na śes rab kyi pha rol tu phyin pa rnam pa thams cad mkhyen pa ñid la phan par yaṅ mi bgyid | gnod par yaṅ mi bgyid pa lags | bcom ldan ’das kyis bka’ stsal pa | ś ri’i bu chos kyi dbyiṅs gnas pa ñid kyi (2) phyir | śes rab kyi pha rol tu phyin pa ni rnam pa thams cad mkhyen pa ñid la phan par yaṅ mi byed | gnod par yaṅ mi byed do ||
ś ri’i bus gsol pa | bcom ldan ’das śes rab kyi pha rol tu phyin pa rnam par dag pa ni chos gaṅ yaṅ yoṅs su ’dzin par mi bgyid pa lags (3) so ||
bcom ldan ’das kyis bka’ stsal pa | ś ri’i bu śin tu rnam par dag pa’i phyir ro ||
ś ri’i bus gsol pa | bcom ldan ’das ji ltar na śes rab kyi pha rol tu phyin pa rnam par dag pa chos gaṅ yaṅ yoṅs su ’dzin par mi bgyid pa lags | bcom ldan ’das (4) kyis bka’ stsal pa | ś ri’i bu chos kyi dbyiṅs mi g-yo ba ñid kyi phyir ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag rnam par dag pa’i slad du | gzugs rnam par dag pa lags so ||
bcom ldan (5) ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du | bdag rnam par dag pas | gzugs śin tu rnam par dag pa lags | bcom ldan ’das kyis bka’ stsal pa | rab ’byor bdag med (6) pa’i phyir gzugs med pa ni śin tu rnam par dag pa yin no ||
rab ’byor gyis gsol pa | bcom ldan ’das bdag rnam par dag pa’i slad du | tshor ba daṅ | ’du śes daṅ | ’du byed rnams daṅ | rnam par śes pa rnam par dag pa lags so ||
bcom ldan ’das kyis (7) bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du bdag rnam par dag pas | tshor ba daṅ | ’du śes daṅ | ’du byed rnams daṅ | rnam par śes pa śin tu rnam par dag ba lags | bcom ldan ’das (70a1) kyis bka’ stsal pa | rab ’byor bdag med pa’i phyir | tshor ba daṅ | ’du śes daṅ | ’du byed rnams daṅ | rnam par śes pa bdag med pa ni śin tu rnam par dag pa yin no ||
rab ’byor gyis gsol pa | bcom ldan ’das bdag rnam par dag pa’i slad du | (2) sbyin pa’i pha rol tu phyin pa rnam par dag pa lags so ||
bcom ldan ’das de bźin du bdag rnam par dag pa’i slad du | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa rnam par dag pa lags so ||
bcom ldan ’das (3) bdag rnam par dag pa’i slad du | dran pa ñe bar gźag pa rnams rnam par dag pa lags so ||
bcom ldan ’das bdag rnam par dag pa’i slad du | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams (4) rnam par dag pa lags so ||
bcom ldan ’das bdag rnam par dag pa’i slad du | de bźin gśegs pa’i stobs bcu rnam par dag pa lags so ||
bcom ldan ’das de bźin du mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma (5) ’dres pa rnam par dag pa lags so ||
bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du bdag rnam par dag pas | saṅs rgyas kyi chos thams cad rnam par dag pa lags | (6) bcom ldan ’das kyis bka’ stsal pa | rab ’byor bdag med pa’i phyir | saṅs rgyas kyi chos thams cad med pa ni śin tu rnam par dag pa yin no ||
rab ’byor gyis gsol pa | bcom ldan ’das bdag rnam par dag pa’i slad du | rgyun du źugs pa’i ’bras bu rnam par dag pa lags so ||
(7) bcom ldan ’das de bźin du bdag rnam par dag pa’i slad du | lan cig phyir ’oṅ ba’i ’bras bu daṅ | phyir mi ’od ba’i ’bras bu daṅ | dgra bcom pa ñid daṅ | raṅ byaṅ chub rnam par dag pa lags so ||
bcom ldan ’das kyis bka’ stsal pa | rab ’byor raṅ gi mtshan ñid stoṅ pa ñid kyi (70b1) phyir ro ||
rab ’byor gyis gsol pa | bcom ldan ’das ci’i slad du | bdag rnam par dag pas | rgyun du źugs pa’i ’bras bu rnam par dag pa daṅ | bdag rnam par dag pas | lan cig phyir ’od ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ (2) chub rnam par dag pa lags | bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das bdag rnam par dag pa’i slad du | byaṅ chub rnam par dag pa lags | bcom ldan ’das kyis bka’ stsal pa | (3) rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du bdag rnam par dag pas | byaṅ chub rnam par dag pa lags | bcom ldan ’das kyis bka’ stsal pa | rab ’byor raṅ gi mtshan ñid stoṅ pa ñid kyi phyir ro ||
rab ’byor gyis gsol (4) pa | bcom ldan ’das bdag rnam par dag pa’i slad du rnam pa thams cad mkhyen pa ñid rnam par dag pa lags | bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du bdag rnam par (5) dag pas | rnam pa thams cad mkhyen pa ñid rnam par dag pa lags | bcom ldan ’das kyis bka’ stsal pa | rab ’byor śes pa ma rñed ma stor ba’i phyir ro ||
rab ’byor gyis gsol pa | bcom ldan ’das gñis su ma mchis śiṅ | rnam par dag pa ni thob pa ma mchis ba daṅ | (6) mṅon par rtogs pa ma mchis pa lags | bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du gñis su ma mchis śiṅ | rnam par dag pa thob pa ma mchis ba daṅ | mṅon par rtogs pa (7) ma mchis pa lags | bcom ldan ’das kyi bka’ stsal pa | rab ’byor kun nas ñon moṅs pa med pa daṅ | rnam par byaṅ ba med pa’i phyir ro ||
rab ’byor gyis gsol pa | bcom ldan ’das bdag mu ma mchis pa’i slad du gzugs mu ma mchis pa lags | bcom ldan ’das (71a1) kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du bdag mu ma mchis pas | gzugs mu ma mchis śiṅ rnam par dag pa lags | bcom ldan ’das kyis bka’ stsal pa | rab ’byor mtha’ (2) las ’das pa stoṅ pa ñid daṅ | thog ma daṅ tha ma med pa stoṅ pa ñid kyi phyir ro ||
rab ’byor gyis gsol pa | bcom ldan ’das bdag mu ma mchis pa’i slad du | tshor ba daṅ | ’du śes daṅ | ’du byed rnams daṅ | rnam par śes pa mu ma mchis pa lags | bcom ldan ’das kyis (3) bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du bdag mu ma mchis pas | tshor ba daṅ | ’du śes daṅ | ’du byed rnams daṅ | rnam par śes pa mu ma mchis śiṅ rnam par dag pa lags | bcom ldan (4) ’das kyis bka’ stsal pa | rab ’byor mtha’ las ’das pa stoṅ pa ñid daṅ | thog ma daṅ tha ma med pa stoṅ pa ñid kyi phyir ro ||
rab ’byor gyis gsol pa | bcom ldan ’das de ltar rtogs pa gaṅ lags pa de ni byaṅ chub sems dpa’ sems dpa’ chen po’i śes rab kyi pha rol tu phyin pa (5) lags | bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du | de ltar rtogs pa gaṅ lags pa de byaṅ chub sems dpa’ sems dpa’ chen po’i śes rab kyi pha rol tu phyin pa lags | (6) bcom ldan ’das kyis bka’ stsal pa | rab ’byor lam gyi rnam pa śes pa ñid kyi phyir ro ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po rnams kyi śes rab kyi pha rol tu phyin pa ni tshu rol gyi ’gram ’am | pha rol gyi ’gram ’am | gñig (7) ma mchis pa la yaṅ mi dmigs pa lags | bcom ldan ’das kyis bka’ stsal pa | rab ’byor śin tu rnam par dag pa’i phyir ro ||
rab ’byor gyis gsol pa | bcom ldan ’das ci’i slad du | byaṅ chub sems dpa’ sems dpa’ chen po rnams kyi śes rab kyi pha rol tu phyin pa tshul (71b1) rol gyi ’gram ’am | pha rol gyi ’gram ’am | gñig ma mchis pa la yaṅ mi dmigs pa lags | bcom ldan ’das kyis bka’ stsal pa | rab ’byor dus gsum mñam pa ñid kyi phyir ro ||
rab ’byor gyis gsol pa | bcom ldan ’das gal te theg pa chen po ba’i rigs kyi (2) bu ’am rigs kyi bu mo thabs la mi mkhas pa | śes rab kyi pha rol tu phyin pa ’di la ’di ltar dmigs pa’i tshul gyis ’du śes su bgyid na | de ni śes rab kyi pha rol tu phyin pa gsog tu bgyid pa lags so ||
śes rab kyi pha rol tu phyin pa rgyaṅ riṅ du bgyid pa lags so ||
bcom (3) ldan ’das kyis bka’ stsal pa | rab ’byor legs so legs so ||
rab ’byor de de bźin no ||
de de bźin te | miṅ du yaṅ chags | mtshan mar yaṅ chags te | rab ’byor chos thams cad ni mtshan ma med pa miṅ med pa’o ||
rab ’byor gyis gsol pa | bcom ldan ’das (4) ji ltar na miṅ du yaṅ chags pa lags | mtshan mar yaṅ chags pa lags | bcom ldan ’das kyis bka’ stsal pa | rab ’byor ’di la theg pa chen po’i rigs kyi bu’am rigs kyi bu mo dag śes rab kyi pha rol tu phyin pa la miṅ du yaṅ ’dzin par byed | mtshan mar yaṅ ’dzin (5) par byed ciṅ | miṅ daṅ mtshan mar bzuṅ nas śes rab kyi pha rol tu phyin pa la rlom sems su byed de | de dag śes rab kyi pha rol tu phyin pa la rlom sems su byed pas | śes rab kyi pha rol tu phyin pa spoṅ źiṅ rgyaṅ riṅ du byed pa yin no ||
rab ’byor gyis gsol pa | bcom ldan ’das (6) ’di ltar byaṅ chub sems dpa’ sems dpa’ chen po rnams la śes rab kyi pha rol tu phyin pa ’di daṅ | chags pa daṅ | ma chags pa ’di dag legs par bśad ciṅ śin tu mthar gtugs pa ni ṅo mtshar lags so ||
de nas tshe daṅ ldan pa ś ri’i bus | tshe daṅ ldan pa rab ’byor la ’di skad (7) ces smras so ||
tshe daṅ ldan pa rab ’byor byaṅ chub sems dpa’ sems dpa’ chen po rnams śes rab kyi pha rol tu phyin pa la chags pa ni gaṅ yin | ma chags pa ni gaṅ yin | rab ’byor gyis smras pa | tshe daṅ ldan pa ś ri’i bu ’di la byaṅ chub sems dpa’i theg pa pa’i (72a1) rigs kyi bu’am rigs kyi bu mo thabs la mi mkhas pa gzugs stoṅ źes bya bar ’du śes na chags pa yin no ||
tshor ba daṅ | ’du śes daṅ | ’du byed rnams daṅ | rnam par śes pa stoṅ źes bya bar ’du śes na chags pa yin no ||
khams rnams (2) daṅ | skye mched rnams daṅ | rten ciṅ ’brel par ’byuṅ ba rnams la yaṅ de bźin no ||
sbyin pa’i pha rol tu phyin pa stoṅ źes bya bar ’du śes na chags pa yin no ||
de bźin du tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu (3) phyin pa stoṅ źes bya bar ’du śes na chags pa yin no ||
de bźin du dran pa ñe bar gźag pa rnams stoṅ źes bya bar ’du śes na chags pa yin no ||
de bźin du yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam (4) daṅ | stobs bcu daṅ | mi ’jigs pa rnams daṅ | so so yaṅ dag par rig pa daṅ | saṅs rgyas kyi chos ma ’dres pa daṅ | rnam pa thams cad mkhyen pa ñid kyi bar du stoṅ źes bya bar ’du śes na chags pa yin no ||
tshe daṅ ldan pa ś ri’i bu gźan yaṅ byaṅ chub sems dpa’i (5) theg pa pa’i rigs kyi bu’am rigs kyi bu mo thabs la mi mkhas pa ’das pa’i chos rnams la ’das pa’i chos źes bya bar ’du śes na chags pa yin no ||
ma ’oṅs pa’i chos rnams la ma ’oṅs pa źes bya bar ’du śes na chags pa yin no ||
da ltar byuṅ ba’i chos rnams la | (6) da ltar byuṅ ba źes bya bar ’du śes na chags pa yin no ||
tshe daṅ ldan pa ś ri’i bu gźan yaṅ byaṅ chub sems dpa’i theg pa pa’i rigs kyi bu’am rigs kyi bu mo sems daṅ po bskyed phyin chad dmigs pa’i tshul gyis sbyin pa’i pha rol tu phyin pa la spyod na chags pa yin no ||
tshul khrims (7) daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la spyod na chags pa yin no ||
dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam (72b1) rnams la spyod na chags pa yin no ||
stobs bcu daṅ | mi ’jigs pa rnams daṅ | so so yaṅ dag par rig pa daṅ | saṅs rgyas kyi chos ma ’dres pa daṅ | rnam pa thams cad mkhyen pa ñid la spyod na chags pa yin no ||
tshe daṅ ldan pa ś ri’i bu gaṅ yaṅ khyod ’di skad du byaṅ (2) chub sems dpa’ sems dpa’ chen po rnams śes rab kyi pha rol tu phyin pa la spyod pa’i ma chags pa gaṅ yin źes zer ba ni | tshe daṅ ldan pa ś ri’i bu byaṅ chub sems dpa’ sems dpa’ chen po thabs la mkhas pa | śes rab kyi pha rol tu phyin pa la spyod pa ni | ’di sñam du (3) gzugs kyis gzugs kun tu mi śes so ||
tshor ba daṅ | ’du śes daṅ | ’du byed rnams daṅ | rnam par śes pas rnam par śes pa kun tu mi śes so ||
’das pa’i chos rnams kyis ’das pa’i chos rnams kun tu mi śes so ||
ma ’oṅs pa’i chos rnams kyis ma ’oṅs (4) pa’i chos rnams kun tu mi śes so ||
da ltar byuṅ ba’i chos rnams kyis da ltar byuṅ ba’i chos rnams kun tu mi śes so sñam du mi sems so ||
tshe daṅ ldan pa ś ri’i bu | byaṅ chub sems dpa’ sems dpa’ chen po thabs la mkhas pa | śes rab kyi pha rol tu phyin pa la spyod pa ni | (5) naṅ stoṅ pa ñid daṅ | phyi stoṅ pa ñid daṅ | phyi naṅ stoṅ pa ñid daṅ | stoṅ pa ñid stoṅ pa ñid daṅ | chen po stoṅ pa ñid daṅ | don dam pa stoṅ pa ñid daṅ | ’dus byas stoṅ pa ñid daṅ | ’dus ma byas stoṅ pa ñid daṅ | mtha’ las ’das pa stoṅ pa ñid daṅ | thog ma daṅ tha ma (6) med pa stoṅ pa ñid daṅ | dor ba med pa stoṅ pa ñid daṅ | raṅ bźin stoṅ pa ñid daṅ | chos thams cad stoṅ pa ñid daṅ | raṅ gi mtshan ñid stoṅ pa ñid daṅ | mi dmigs pa stoṅ pa ñid daṅ | dṅos po med pa stoṅ pa ñid daṅ | ṅo bo ñid stoṅ pa ñid daṅ | dṅos po med pa’i ṅo bo ñid stoṅ pa ñid (7) kyi phyir ’di sñam du | bdag gis sbyin pa sbyin par bya’o ||
’di la sbyin par bya’o ||
’di sbyin par bya’o źe ’am | de bźin du bdag gis tshul khrims daṅ | bzod pa daṅ | brtson ’grus daṅ | bsam gtan daṅ | śes rab bsgom par bya’o ||
śes rab ’di bsgom par bya’o ||
(73a1) śes rab ’di ltar bsgom par bya’o źe’am | bdag gis bsod nams spel bar byed pa’o ||
bsod nams ’di spel bar bya’o ||
bsod nams ’di ltar spel bar bya’o źe’am | bdag ni byaṅ chub sems dpa’i skyon med pa ’jug pa’o ||
bdag ni (2) saṅs rgyas kyi źiṅ yoṅs su dag par byed pa’o ||
bdag ni sems can rnams yoṅs su smin par byed pa’o ||
bdag ni rnam pa thams cad mkhyen pa ñid rjes su thob par byed pa’o sñam du mi sems te | tshe daṅ ldan pa ś ri’i bu byaṅ chub sems dpa’ sems dpa’ chen po thabs la (3) mkhas pa śes rab kyi pha rol tu phyin pa la spyod pa bdag la ni de lta bu’i rnam par rtog pa dag med do ||
tshe daṅ ldan pa ś ri’i bu de dag ni byaṅ chub sems dpa’ sems dpa’ chen po thabs la mkhas pa śes rab kyi pha rol tu phyin pa la spyod pa’i ma chags pa yin no ||
de nas lha’i dbaṅ (4) po brgya byin gyis | tshe daṅ ldan pa rab ’byor la ’di skad ces smras so ||
btsun pa rab ’byor rnam graṅs gaṅ gis byaṅ chub sems dpa’ sems dpa’ chen po chags par ’gyur ba yin | rab ’byor gyis smras pa | kau śi ka ’di la byaṅ chub sems dpas sems su kun tu śes pa daṅ | (5) sbyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab tu kun tu śes pa daṅ | naṅ stoṅ pa ñid du kun tu śes pa daṅ | dṅos po med pa’i ṅo bo ñid stoṅ pa ñid kyi bar du kun tu śes pa daṅ | stobs bcu daṅ | mi ’jigs pa (6) rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams su kun tu śes pa daṅ | saṅs rgyas bcom ldan ’das rnams su kun tu śes pa daṅ | saṅs rgyas las bskyed pa’i dge ba’i rtsa ba rnams su kun tu śes pa de dag thams cad mṅon par (7) bsdus te | brtul ciṅ gźal nas bla na med pa yaṅ dag par rdzogs pa’i byaṅ chub tu yoṅs su sṅo bar byed pa de ni byaṅ chub sems dpa’ sems dpa’ chen po’i chags pa ste | de ni chags pa med pa’i śes rab kyi pha rol tu phyin pa la spyod par mi nus so ||
de ci’i phyir źe na | kau śi ka ’di (73b1) ltar gzugs kyi raṅ bźin ni yoṅs su bsṅo bar mi nus la | kau śi ka tshor ba daṅ | ’du śes daṅ | ’du byed rnams daṅ | rnam par śes pa’i raṅ bźin yaṅ yoṅs su bsṅo bar mi nus śiṅ | de bźin du rnam pa thams cad mkhyen pa ñid kyi bar gyi raṅ bźin yaṅ yoṅs su bsṅo (2) bar mi nus pa’i phyir ro ||
kau śi ka gźan yaṅ bla na med pa yaṅ dag par rdzogs pa’i byaṅ chub kyi don du gźan dag la ston par ’dod pa daṅ | yaṅ dag par ’dzin du ’jug par ’dod pa’i byaṅ chub sems dpa’ sems dpa’ chen pos yaṅ dag pa ji lta ba bźin du rtogs pa’i (3) yid kyis yaṅ dag par bstan par bya | yaṅ dag par ’dzin du gźug par bya | yaṅ dag par gzeṅs bstod par bya | yaṅ dag par rab tu dga’ bar bya źiṅ | sbyin pa’i pha rol tu phyin pa la spyod pa’i tshe | ci nas kyaṅ bdag ni sbyin pa sbyin par byed pa’o ||
bdag ni tshul (4) khrims sruṅ ba’o ||
bdag ni bzod pa’i sgom pa’o ||
bdag ni brtson ’grus rtsom pa’o ||
bdag ni bsam gtan la sñoms par ’jug pa’o ||
bdag ni śes rab sgom pa’o ||
bdag ni naṅ stoṅ pa ñid la spyod pa’o ||
bdag ni dṅos po med pa’i ṅo bo ñid stoṅ pa ñid kyi bar la spyod (5) pa’o ||
bdag ni byaṅ chub kyi phyogs kyi chos sum cu rtsa bdun sgom pa’o ||
bdag ni byaṅ chub kyi phyir spyod pa’o sñam du rnam par rtog par mi ’gyur ba de ltar yaṅ dag par bstan par bya’o ||
byaṅ chub sems dpa’ sems dpa’ chen po gaṅ de ltar gźan dag la yaṅ dag par ston (6) ba daṅ | yaṅ dag par ’dzin du ’jug pa daṅ | yaṅ dag par gzeṅs stod pa daṅ | yaṅ dag par rab tu dag ’a bar byed pa de ni | bdag kyaṅ ñams par mi ’gyur la | de dag la yaṅ saṅs rgyas kyis gnaṅ ba’i yaṅ dag par ’dzin du ’jug pa yin no ||
kau śi ka byaṅ chub sems dpa’ (7) sems dpa’ chen pos de ltar gźan dag la yaṅ dag par bstan par bya | yaṅ dag par ’dzin du gźug par bya | yaṅ dag par gzeṅs bstod par bya | yaṅ dag par rab tu dga’ bar bya ste | kau śi ka rigs kyi bu’am rigs kyi bu mo de dag gis de ltar chags pa’i mtha’ (74a1) thams cad yoṅs su spaṅ bar bya’o ||
de nas bcom ldan ’das kyis tshe daṅ ldan pa rab ’byor la bka’ stsal pa | rab ’byor gaṅ khyod kyis byaṅ chub sems dpa’ sems dpa’ chen po rnams la chags pa’i mtha’ de dag bstan pa legs so legs so ||
(2) rab ’byor chags pa’i rnam pa de bas kyaṅ phra ba gźan dag kyaṅ khyod la bstan par byas | de dag legs par rab tu ñon la yid la zuṅ śig daṅ | ṅas khyod la bśad par bya’o ||
de nas tshe daṅ ldan pa rab ’byor gyis bcom ldan ’das de bźin no źes gsol te | bcom (3) ldan ’das kyi ltar ñan pa daṅ | bcom ldan ’das kyis ’di skad ces bka’ stsal to ||
rab ’byor ’di la bla na med pa yaṅ dag par rdzogs pa’i byaṅ chub la yaṅ dag par źugs pa’i rigs kyi bu ’am rigs kyi bu mo dag gis | de bźin gśegs pa mtshan mar yid (4) la byed na | rab ’byor ji tsam du mtshan mar yid la byed pa de tsam du chags pa yin no ||
gaṅ yaṅ de bźin gśegs pa de dag gi thugs daṅ po bskyed pa nas ñe bar bzuṅ ste | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas śiṅ | phuṅ (5) po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’das nas | ji srid du dam pa’i chos gnas pa’i bar de’i dge ba’i rtsa ba gaṅ ji sñed pa de dag thams cad mtshan mar yid la byed ciṅ | yid la byas nas kyaṅ | bla na med pa yaṅ dag par rdzogs pa’i (6) byaṅ chub tu yoṅs su sṅo bar byed na | rab ’byor ji tsam du mtshan mar yid la byed pa de tsam du chags pa yin no ||
de bźin gśegs pa tshags pa thams cad daṅ bral ba rnams kyi dge ’bi rtsa ba gaṅ yin pa de dag daṅ | de las gźan pa sems can rnams kyi dge ’bi rtsa ba de (7) dag kyaṅ mtshan mar yid la byas nas | bla na med pa yaṅ dag par rdzogs pa’i byaṅ chub tu yoṅs su sṅo bar byed na | rab ’byor ji tsam du mtshan mar yid la byed pa de tsam du chags pa yin no ||
de ci’i phyir źe na | rab ’byor de bźin gśegs pa ni mtshan mar yid la bya ba ma yin (74b1) la | de dag las gźan pa rnams kyi dge ba’i rtsa ba dag kyaṅ mtshan mar yid la bya ba ma yin pa’i phyir ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa ni zab ba lags so ||
bcom (2) ldan ’das kyis bka’ stsal pa | rab ’byor chos thams cad raṅ bźin gyis dben pa’i phyir ro ||
rab ’byor gyis gsol pa | bcom ldan ’das śes rab kyi pha rol tu phyin pa la bdag phyag ’tshal lags so ||
bcom ldan ’das kyis bka’ stsal pa | rab (3) ’byor ’di ltar śes rab kyi pha rol tu phyin pa ni ma byas śiṅ mṅon par ’dus ma byas pa ste | de ni sus kyaṅ mṅon par rdzogs par rtogs par mi nus so ||
rab ’byor gyis gsol pa | bcom ldan ’das chos thams cad ni mṅon par rdzogs par rtogs par dka’ (4) ba lags so ||
bcom ldan ’das kyis bka’ stsal pa | rab ’byor ’di ltar chos kyi rab bźin ni gñis ma yin te | gcig tu zad do ||
rab ’byor chos kyi raṅ bźin gcig pa gaṅ yin pa de ni raṅ bźin ma yin no ||
gaṅ raṅ bźin ma yin pa de ni ma byas pa’o ||
(5) gaṅ ma byas pa de ni mṅon par ’dus ma byas pa ste | rab ’byor byaṅ chub sems dpa’ sems dpa’ chen pos de ltar raṅ bźin gcig pa daṅ | raṅ bźin ma yin pa daṅ | ma byas pa daṅ | mṅon par ’dus ma byas par śes na chags pa’i mtha’ thams cad yoṅs su (6) spaṅs pa yin no ||
rab ’byor gyis gsol pa | bcom ldan ’das śes rab kyi pha rol tu phyin pa ni rtogs par dka’ ba lags so ||
bcom ldan ’das kyis bka’ stsal pa | rab ’byor ’di ltar śes rab kyi pha rol tu phyin pa ni sus kyaṅ ma mthoṅ ma thos śiṅ bye phrag ma phyed (7) de | rnam par ma śes la mṅon par rdzogs par khoṅ du ma chud pa yin no ||
rab ’byor gyis gsol pa | bcom ldan ’das śes rab kyi pa rol tu phyin pa ni bsam gyis mi khyab pa lags so ||
bcom ldan ’das kyis bka’ stsal pa | rab ’byor ’di ltar śes rab kyi pha (75a1) rol tu phyin pa ni sus kyaṅ mi śes pa ste gzugs kyi.isa mi śes so ||
tshor ba daṅ | ’du śes daṅ | ’du byed rnams daṅ | rnam par śes pas mi śes so ||
khams daṅ | skye mched daṅ | rten ciṅ ’brel par ’byuṅ ba rnams kyis mi śes so ||
pha rol tu phyin pa (2) rnams daṅ | stoṅ pa ñid thams cad daṅ | byaṅ chub kyi phyogs kyi chos rnams kyis mi śes so ||
stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams kyis mi śes so ||
śes rab kyi pha rol tu phyin (3) pa khri brgyad stoṅ pa las | chos thams cad rnam par dag par bstan pa’i le’u źes bya ste sum cu rtsa drug pa’o || ||
de nas bcom ldan ’das la tshe daṅ ldan par ’byor gyis ’di skad ces gsol to ||
bcom ldan ’das śes rab kyi pha rol tu phyin pa ni bgyid (4) pa po ma lags so ||
bcom ldan ’das kyis bka’ stsal pa | rab ’byor śes rab kyi pha rol tu phyin pa ni chos thams cad dmigs su med par byed pa’o ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen pos śes rab kyi pha (5) rol tu phyin pa la ji ltar spyad par bgyi | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshe | gal te gzugs la mi spyod na | śes rab kyi pha rol tu phyin pa la spyod pa yin (6) no ||
gal te tshor ba daṅ | ’du śes daṅ | ’du byed rnams daṅ | rnam par śes pa la mi spyod na | śes rab kyi pha rol tu phyin pa la spyod pa yin no ||
de bźin du khams rnams daṅ | skye mched rnams daṅ | rten ciṅ ’brel par ’byuṅ ba rnams daṅ | pha rol tu phyin pa rnams (7) daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid kyi bar dag la mi spyod (75b1) na | śes rab kyi pha rol tu phyin pa la spyod pa yin no ||
gal te gzugs rtag ces bya ba ’am | mi rtag ces bya bar mi spyod na śes rab kyi pha rol tu phyin pa la spyod pa yin no ||
gal te gzugs bde źes bya ba daṅ | sdug bsṅal źes bya ba daṅ | bdag ces bya ba daṅ | bdag (2) med ces bya ba daṅ | sdug ces bya ba daṅ | mi sdug ces bya bar mi spyod na | śes rab kyi pha rol tu phyin pa la spyod pa yin no ||
de bźin du gal te | rnam pa thams cad mkhyen pa ñid kyi bar du rtag ces bya ba daṅ | mi rtag ces bya bar mi spyod na | śes rab kyi pha rol tu (3) phyin pa la spyod pa yin no ||
bde źes bya ba daṅ | sdug bsṅal źes bya ba daṅ | bdag ces bya ba daṅ | bdag med ces bya ba daṅ | sdug ces bya ba daṅ | mi sdug ces bya bar mi spyod na | śes rab kyi pha rol tu phyin pa la spyod pa yin no ||
de ci’i phyir źe na | gaṅ rtag pa (4) ’am | mi rtag pa’am | bde ba’am | sdug bsṅal ba’am | bdag gam | bdag med pa’am | sdug pa’am | mi sdug par ’gyur ba de lta bu’i gzugs med la | gaṅ rtag pa’am | mi rtag pa’am | bde ba’am | sdug bsṅal ba’am | bdag gam | bdag med pa’am | (5) sdug pa’am | mi sdug par ’gyur ba de lta bu’i tshor ba daṅ | ’du śes daṅ | ’du byed rnams daṅ | rnam par śes pa yaṅ med ciṅ | de bźin du gaṅ rtag pa’am | mi rtag pa’am | bde ba’am | sdug bsṅal ba’am | bdag gam | bdag med pa’am | sdug pa’am | mi sdug par (6) ’gyur ba de lta bu’i rnam pa thams cad mkhyen pa ñid kyi bar dag kyaṅ med pa’i phyir ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshe | gal te gzugs yoṅs su rdzogs pa’am | yoṅs su ma rdzogs pa źes bya bar (7) mi spyod na | śes rab kyi pha rol tu phyin pa la spyod pa yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yoṅs su rdzogs pa ’am | yoṅs su ma rdzogs pa źes bya bar mi spyod na | śes rab kyi pha rol tu phyin pa la spyod pa yin no ||
de bźin (76a1) du rnam pa thams cad mkhyen pa ñid kyi bar du yoṅs su rdzogs pa’am | yoṅs su ma rdzogs pa źes bya bar mi spyod na | śes rab kyi pha rol tu phyin pa la spyod pa yin no ||
de ci’i phyir źe na | gzugs yoṅs su rdzogs pa’am | yoṅs su ma rdzogs pa gaṅ (2) yin pa de gzugs ma yin no źes bya ba de ltar yaṅ mi spyod na | śes rab kyi pha rol tu phyin pa la spyod pa yin la | de bźin du tshor ba daṅ | ’du śes daṅ | ’du byed rnams daṅ | rnam par śes pa yoṅs su rdzogs pa’am | yoṅs su ma rdzogs pa gaṅ yin pa de rnam par śes (3) pa ma yin no źes bya ba de ltar yaṅ mi spyod na | śes rab kyi pha rol tu phyin pa la spyod pa yin źiṅ | de bźin du rnam pa thams cad mkhyen pa ñid kyi bar du yoṅs su rdzogs pa’am | yoṅs su rdzogs pa gaṅ yin pa de | rnam pa thams cad mkhyen pa ñid kyi bar ma yin no źes bya (4) ba de ltar yaṅ mi spyod na | śes rab kyi pha rol tu phyin pa la spyod pa yin pa’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ’di ltar chags pa daṅ | chags pa ma mchis pa gaṅ (5) lags pa de dag | bcom ldan ’das kyis byaṅ chub sems dpa’ sems dpa’ chen po rnams la legs par gsuṅs pa ni ṅo mtshar lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | de bźin gśegs pa dgra bcom pa (6) yaṅ dag par rdzogs pa’i saṅs rgyas kyis | byaṅ chub sems dpa’ sems dpa’ chen po rnams la chags pa daṅ | ma chags pa dag legs par bśad do ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshe | (7) gzugs chags pa med pa źes bya bar mi spyod na | śes rab kyi pha rol tu phyin pa la spyod pa yin no ||
tshor ba daṅ | ’du śes daṅ | ’du byed rnams daṅ | rnam par śes pa chags pa med pa źes bya bar mi spyod na | śes rab kyi pha rol tu phyin pa la spyod pa yin no ||
(76b1) mig chags pa med pa źes bya bar mi spyod na | śes rab kyi pha rol tu phyin pa la spyod pa yin no ||
de bźin du rna ba daṅ | sna daṅ | lce daṅ | lus daṅ | yid chags pa med pa źes bya bar mi spyod na | śes rab kyi pha rol tu phyin pa la spyod pa yin no ||
sbyin pa’i pha rol tu phyin (2) pa chags pa med pa źes bya bar mi spyod na | śes rab kyi pha rol tu phyin pa la spyod pa yin no ||
de bźin du tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa chags pa med pa źes bya bar mi spyod na | śes rab kyi pha (3) rol tu phyin pa la spyod pa yin no ||
de bźin du stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad daṅ | rnam pa thams cad mkhyen pa ñid chags pa med pa źes bya bar mi spyod na | śes (4) rab kyi pha rol tu phyin pa la spyod pa yin no ||
rab ’byor byaṅ chub sems dpa’ sems dpa’ chen po de ltar spyod pa’i gzugs chags pa med pa źes bya bar ’du śes pa med do ||
tshor ba daṅ | ’du śes daṅ | ’du byed rnams daṅ | rnam par śes pa chags pa med pa źes bya (5) bar ’du śes pa med do ||
rnam pa thams cad mkhyen pa ñid kyi bar du chags pa med pa źes bya bar ’du śes pa med do ||
rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | (6) bla na med pa yaṅ dag par rdzogs pa’i byaṅ chub chags pa med pa źes bya bar ’du śes pa med do || ||
śes rab kyi pha rol tu phyin pa khri brgyad stoṅ pa | bam po ñi śu dgu pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom (7) ldan ’das ’di ltar chos bstan pa zab mo ’di bśad kyaṅ ’phel ba ma mchis la | ma bśad kyaṅ ’grib pa ma mchis pa de ni ṅo mtshar lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin (77a1) no ||
de de bźin te | śes rab kyi pha rol tu phyin pa ni bśad kyaṅ ’phel ba med la ma bśad kyaṅ ’grib pa med do ||
rab ’byor ’di lta ste dper na | de bźin gśegs pa dgra bcom pa yaṅ dag par rdzogs pa’i saṅs rgyas ji srid ’tsho’i bar du (2) bźugs śiṅ nam mkha’i bsṅags pa daṅ | bsṅags pa ma yin pa brjod par gyur kyaṅ | nam mkha’ la ni bsṅags pa brjod kyaṅ ’phel ba med la | bsṅags pa ma yin pa brjod kyaṅ ’grib pa med de | nam mkha’ la ni bsṅags kyaṅ ’phel ba med la | ma bsṅags (3) kyaṅ ’grib pa med do ||
rab ’byor ’di lta ste dper na | sgyu ma’i skyes bu la ni bsṅags pa brjod kyaṅ ’phel ba med la | bsṅags pa ma yin pa brjod kyaṅ ’grib pa med de | bsṅags pa brjod kyaṅ rjes su chags pa med bsṅags pa ma yin pa brjod kyaṅ khoṅ khro ba med (4) do ||
rab ’byor de bźin du chos rnams kyi chos ñid gaṅ yin pa de yaṅ bśad kyaṅ de bźin la | ma bśad kyaṅ de bźin no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu phyin pa la spyod ciṅ | (5) śes rab kyi pha rol tu phyin pa la sgom pa ni źum par yaṅ mi ’gyur la | śes rab kyi pha rol tu phyin pa ’di la rnal ’byor du bgyid pa daṅ | bla na med pa yaṅ dag par rdzogs pa’i byaṅ chub las kyaṅ slar mi ldog pa de dag ni dka’ ba bgyid pa lags so ||
de ci’i slad du źe na | (6) bcom ldan ’das ’di lta ste | śes rab kyi pha rol tu phyin pa sgom pa de ni nam mkha’ sgom pa lags te | nam mkha’ la ni śes rab kyi pha rol tu phyin pa ma mchis | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin (7) pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa yaṅ ma mchis | nam mkha’ la ni gzugs kyaṅ ma mchis | tshor ba daṅ | ’du śes daṅ | ’du byed rnams daṅ | rnam par śes pa yaṅ ma mchis | nam mkha’ la ni naṅ stoṅ pa ñid kyaṅ ma (77b1) mchis | dṅos po med pa’i ṅo bo ñid stoṅ pa ñid kyi yaṅ bar yaṅ ma mchis | nam mkha’ la ni dran pa ñe bar gźag pa rnams kyaṅ ma mchis | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams kyaṅ ma (2) mchis | nam mkha’ la ni stobs bcu daṅ | mi ’jigs pa rnams daṅ | so so yaṅ dag par rig pa daṅ rnams daṅ | saṅs rgyas kyi chos ma ’dres pa rnams kyaṅ ma mchis | nam mkha’ la ni rgyun tu źugs pa’i ’bras bu yaṅ ma mchis | de bźin du lan cig phyir ’oṅ ba’i (3) ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub kyaṅ ma mchis | bla na med pa yaṅ dag par rdzogs pa’i byaṅ chub kyaṅ ma mchis pa’i slad du’o ||
bcom ldan ’das byaṅ chub sems dpa’ sems dpa’ chen po gaṅ dag gis sems (4) can rnams kyi slad du | go cha ’tshal ba de dag ni nam mkha’i slad du brtson par ’tshal ba daṅ | ’bad par ’tshal ba daṅ | rtsol bar ’tshal ba lags so ||
bcom ldan ’das gaṅ dag sems can rnams kyi slad du go cha ’tshal ba de dag ni nam mkha’ yoṅs su dgrol bar ’tshal (5) ba lags so ||
bcom ldan ’das byaṅ chub sems dpa’ sems dpa’ chen po gaṅ dag gis nam mkha’ lta bu’i chos thams cad kyi slad du | go cha ’tshal ba de dag ni go cha chen po ’tshal ba lags so ||
bcom ldan ’das gaṅ dag gis sems can rnams kyi slad du | go (6) cha chen po ’tshal ba de dag ni nam mkha’ bar snaṅ la gdeg par ’tshal ba lags so ||
bcom ldan ’das byaṅ chub sems dpa’ sems dpa’ chen po gaṅ dag sems can rnams kyi slad du | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (7) bar ’tshal ba de dag ni brtson ’grus kyi pha rol tu phyin pa thob pa lags te | bcom ldan ’das byaṅ chub sems dpa’ sems dpa’ chen po gag dag gis de lta bu’i go cha ’tshal ba de dag la bdag phyag ’tshal lags so ||
de ci’i slad du źe na | bcom ldan ’das gal te | stoṅ (78a1) gsum gyi stoṅ chen po’i ’jig rten gyi khams ’di de bźin gśegs pa dag gis | ’di lta ste dper bgyin ’dam bu’i tshal lam | ’od ma’i tshal lam | bu ram śiṅ gi tshal lam | mda’ rgyu’i tshal lam | til gyi źiṅ ltar yoṅs su gtams par gyur ciṅ | de (2) bźin gśegs pa de dag gis bskal pa’am | bskal pa las lhag par chos bśad par gyur nas | de bźin gśegs pa re res kyaṅ sems can tshad ma mchis | graṅs ma mchis pa dag yoṅs su smin par mdzad kyaṅ | bcom ldan ’das sems can gyi khams la ni ’grib (3) pa’am ’phel bar mi mṅon pa’i slad du’o ||
de ci’i slad du źe na | bcom ldan ’das sems can ma mchis pa daṅ | sems can dben pa’i slad du’o ||
bcom ldan ’das de bźin du phyogs bcu thams cad kyi ’jig rten gyi khams re rer yaṅ | de bźin gśegs pa dag gis (4) ’di lta ste dper bgyin | ’dam bu’i tshal lam | ’od ma’i tshal lam | bu ram śiṅ gi tshal lam | mda’ rgyu’i tshal lam | til gyi źiṅ ltar yoṅs su gtams par gyur ciṅ bźugs la | de bźin gśegs pa de dag gis bskal pa’am | bskal ba las lhag par chos (5) bśad par gyur nas | de bźin gśegs pa re res kyaṅ sems can tshad ma mchis | graṅs ma mchis pa dag yoṅs su smin par mdzad kyaṅ | bcom ldan ’das sems can gyi khams la ni ’grib pa’am ’phel bar mi mṅon lags so ||
de ci’i slad du źe na | bcom (6) ldan ’das sems can ma mchis pa daṅ | sems can dben pa’i slad du ste | bcom ldan ’das rnam graṅs des na | bdag gis ’di skad du byaṅ chub sems dpa’ sems dpa’ chen po gaṅ dag sems can rnams kyi slad du | bla na med pa yaṅ dag par rdzogs pa’i byaṅ chub mṅon (7) par rdzogs par ’tshaṅ rgya bar ’tshal ba de dag ni nam mkha’ yoṅs su dgrol bar ’tshal ba lags so źes gsol to ||
de nas dge sloṅ źig ’di sñam du sems te ’di lta ste | chos gaṅ yaṅ skye ba yaṅ med | ’gag pa yaṅ med pa tshul khrims kyi phuṅ po yaṅ yod | śes rab kyi phuṅ (78b1) po daṅ | tiṅ ṅe ’dzin gyi phuṅ po daṅ | rnam par grol ba’i phuṅ po daṅ | rnam par grol ba ye śes mthoṅ ba’i phuṅ po yaṅ yod | rgyun tu źugs pa’i ’bras bu yaṅ yod | lan cig phyir ’oṅ ba’i ’bras bu daṅ | phyir ma’i ’oṅ ba’i ’bras bu daṅ | dgra bcom pa ñid daṅ | (2) raṅ byaṅ chub kyaṅ yod de bźin gśegs pa dgra bcom pa yaṅ dag par rdzogs pa’i saṅs rgyas kyaṅ yod | dkon mchog gsum po saṅs rgyas daṅ chos daṅ dge ’dun yaṅ yod | chos kyi ’khor lo bskor ba yaṅ yod pa’i bcom ldan ’das ma śes rab kyi pha rol tu phyin pa la bdag (3) phyag ’tshal lo sñam mo ||
de nas lha’i dbaṅ po brgya byin gyis tshe daṅ ldan pa rab ’byor la ’di skad ces smras so ||
btsun pa rab ’byor byaṅ chub sems dpa’ sems dpa’ chen po gaṅ śes rab kyi pha rol tu phyin pa ’di la rnal ’byor du byed pa de gaṅ la rnal ’byor du byed pa yin | (4) rab ’byor gyis smras pa | kau śi ga byaṅ chub sems dpa’ sems dpa’ chen po gaṅ śes rab kyi pha rol tu phyin pa ’di la bslab par bya bar sems pa de ni nam mkha’ la rnal ’byor du byed pa yin no ||
de nas bcom ldan ’das la lha’i dbaṅ po brgya byin gyis ’di skad ces gsol (5) to ||
bcom ldan ’das rigs kyi bu’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par byed ba daṅ | tshul bźin du yid la bgyid pa de la bdag gis bsruṅ ba daṅ | bskyab ba daṅ | sba ba ji lta bu źig (6) bgyi lags | rab ’byor gyis smras pa | kau śi ka khyod kyis gaṅ la bsruṅ ba daṅ | bskyab pa daṅ | sba bar bya ba’i chos de yaṅ dag par rjes su mthoṅ ṅam | brgya byin gyis smras pa | btsun pa rab ’byor gaṅ la bsruṅ ba daṅ | bskyab pa daṅ | sba bar bya ba’i chos de (7) ni kho bos yaṅ dag par rjes su ma mthoṅ ṅo ||
rab ’byor gyis smras pa | kau śi ka gal te rigs kyi bu’am rigs kyi bu mo ji skad bstan pa’i śes rab kyi pha rol tu phyin pa ’di la gnas na ’di ñid de la sruṅ ba daṅ | skyob pa daṅ | sbed bar ’gyur ro ||
ji skad bstan pa’i śes (79a1) rab kyi pha rol tu phyin pa ’di daṅ ma bral na | de la mi daṅ mi ma yin pa rnams kyis kyaṅ glags rñed par mi ’gyur ro ||
kau śi ka byaṅ chub sems dpa’ sems dpa’ chen po śes rab kyi pha rol tu phyin pa la spyod pa la gaṅ źig bsruṅ ba daṅ | bskyab pa daṅ | sba (2) bar bya bar sems pa de ni nam mkha’ la bsruṅ ba daṅ | bskyab pa daṅ | sba bar sems pa yin no ||
kau śi ka ’di ji sñam du sems | khyod kyis sgyu ma daṅ | smig rgyu daṅ | rmi lam daṅ | brag ca daṅ | mig yor dag bsruṅ ba daṅ | bskyab pa daṅ | sba bar nus sñam ’am | brgya (3) byin gyis smras pa | btsun pa rab ’byor de ni mi nus so ||
rab ’byor gyis smras pa | kau śi ka de bźin du gaṅ źig byaṅ chub sems dpa’ sems dpa’ chen po śes rab kyi pha rol tu phyin pa la spyod pa bdag la bsruṅ ba daṅ | bskyab pa daṅ | sba bar bya bar sems pa de yaṅ ’di (4) ltar mi ’grub pa daṅ | ṅal ba’i skal ba can du ’gyur bar zad do ||
kau śi ka ’di ji sñam du sems | khyod kyis de bźin gśegs pa’am | de bźin gśegs pa’i sprul pa dag bsruṅ ba daṅ | bskyab pa daṅ | sba bar nus sñam ’am | brgya byin gyis smras pa | btsun (5) pa rab ’byor de ni mi nus so ||
rab ’byor gyis smras pa | kau śi ka de bźin du gaṅ źig byaṅ chub sems dpa’ sems dpa’ chen po śes rab kyi pa rol tu phyin pa la spyod pa dag la bsruṅ ba daṅ | bskyab pa daṅ | sba bar bya bar sems pa de yaṅ ’di ltar mi ’grub pa daṅ | ṅal (6) ba’i skal ba can du ’gyur bar zad do ||
kau śi ka ’di ji sñam du sems | khyod kyis chos kyi dbyiṅs daṅ yaṅ dag pa’i mtha’ daṅ | de bźin ñid daṅ | bsam gyis mi khyab pa’i dbyiṅs bsruṅ ba daṅ | bskyab ba daṅ | sba bar nus sñam ’am | brgya byin gyis smras pa | btsun pa rab ’byor de (7) ni mi nus so ||
rab ’byor gyis smras pa | kau śi ka de bźin du gaṅ źig byaṅ chub sems dpa’ sems dpa’ chen po śes rab kyi pha rol tu phyin pa la spyod pa dag la bsruṅ ba daṅ | bskyab pa daṅ | sba ba bya bar sems pa de yaṅ ’di ltar mi ’grub pa daṅ | ṅal ba’i skal ba can du ’gyur bar zad (79b1) do ||
brgya byin gyis smras pa | btsun pa rab ’byor byaṅ chub sems dpa’ sems dpa’ chen po śes rab kyi pha rol tu pyin pa la spyod pas | ji tsam gyis na chos thams cad rmi lam lta bu daṅ | sgyu ma lta bu daṅ | smig rgyu lta bu daṅ | brag ca lta bu daṅ | mig yor lta bu daṅ | dri za’i groṅ (2) khyer lta bu daṅ | chos thams cad sprul pa lta bur yoṅs su śes par ’gyur źiṅ | de ltar yoṅs su śes nas kyaṅ byaṅ chub sems dpa’ sems dpa’ chen po rnams rmi lam du rlom sems su mi byed | rmi lam bdag gi źes bya bar rlom sems su mi byed | rmi lam la rlom sems su mi byed | rmi (3) lam gyi mtshan mar yaṅ rlom sems su mi byed ciṅ | sprul pa’i bar du rlom sems su mi byed | sprul pa bdag gi źes bya bar rlom sems su mi byed | sprul pa la rlom sems su mi byed | sprul pa’i mtshan mar yaṅ rlom sems su mi byed pa yin | rab ’byor gyis smras pa | kau śi ka byaṅ (4) chub sems dpa’ sems dpa’ chen po śes rab kyi pha rol tu phyin pa la spyod pa gal te | gzugs rlom sems su mi byed | gzugs bdag gi źes bya bar rlom sems su mi byed | gzugs la rlom sems su mi byed | gzugs kyi mtshan mar yaṅ rlom sems su mi byed na | rmi lam (5) du rlom sems su mi byed | rmi lam bdag gi źes bya bar rlom sems su mi byed | rmi lam la rlom sems su mi byed | rmi lam gyi mtshan mar yaṅ rlom sems su mi byed ciṅ | sgrul pa’i bar du rlob sems su mi byed | sbrul pa bdag gi źes bya bar rlom sems su mi byed | (6) sprul pa la rlom sems su mi byed | sprul pa’i mtshan mar yaṅ rlom sems su mi byed ba yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa rlom sems su mi byed | rnam par śes pa bad gi źes bya bar rlom sems su mi byed | rnam (7) par śes pa la rlom sems su mi byed | rnam par śes pa’i mtshan mar yaṅ rlom sems su mi byed la | rnam pa thams cad mkhyen pa ñid kyi bar du rlom sems su mi byed | rnam pa thams cad mkhyen pa ñid bdag gi źes bya bar rlom sems su mi byed | rnam pa thams cad mkhyen pa (80a1) ñid la rlom sems su mi byed | rnam pa thams cad mkhyen pa ñid kyi mtshan mar yaṅ rlom sems su mi byed na | rmi lam du rlom sems su mi byed | rmi lam bdag gi źes bya bar rlom sems su mi byed | rmi lam la rlom sems su mi byed | rmi lam gyi mtshan mar (2) yaṅ rlom sems su mi byed ciṅ | sprul pa’i bar du rlom sems su mi byed | sprul pa bdag gi źes bya bar rlom sems su mi byed | sprul pa la rlom sems su mi byed | sprul pa’i mtshan mar yaṅ rlom sems su mi byed pa yin no ||
de nas saṅs rgyas kyi mthus stoṅ gsum gyi (3) stoṅ chen po’i ’jig rten gyi khams ’di na rgyal chen bźi’i ris kyi lha daṅ | sum cu rtsa gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed daṅ | tshaṅs ris daṅ | tshaṅs pa’i mdun na ’don daṅ | tshaṅs ’khor daṅ | gnas (4) gtsaṅ ma’i rigs kyi bar gyi lha’i bu gaṅ ji sñed ’khod pa de dag thams cad lha’i tsan dan gyi phye ma dag thogs te | bcom ldan ’das ga la ba de logs su mṅon par ’thor źiṅ | bcom ldan ’das ga la ba der doṅ ste lhags nas | bcom ldan ’das kyi źabs la mgo bos phyag ’tshal (5) te phyogs gcig tu ’khod do ||
de nas saṅs rgyas kyi mthus rgyal po chen po bźi daṅ | brgya byin daṅ | tshaṅs pa daṅ | gnas gtsaṅ ma’i ris kyi bar gyi lha’i bu rnams kyis | śar phyogs na saṅs rgyas stoṅ rnam pa ’di dag ñid daṅ | miṅ ’di dag ñid kyis chos ston ciṅ | (6) saṅs rgyas kyi mthus dge sloṅ rab ’byor ces bya ba śa stag gis | śes rab kyi pha rol tu phyin pa ’di daṅ śes rab kyi pha rol tu phyin pa’i le’u ’di ñid yoṅs su źu ba daṅ | lha’i dbaṅ po brgya byin śa stag gis śes rab kyi pha rol tu phyin pa ’di ñid yoṅs su źu ba dag bsams par (7) gyur to ||
de bźin du lho daṅ | nub daṅ | byaṅ daṅ | ’og daṅ | steṅ daṅ | phyogs mtshams kun na yaṅ saṅs rgyas stoṅ stoṅ rnam pa de dag ñid daṅ miṅ ’di dag ñid kyis chos ston ciṅ | saṅs rgyas kyi mthus dge sloṅ rab ’byor ces bya ba śa stag gis | śes rab kyi pha rol (80b1) tu phyin pa ’di daṅ | śes rab kyi pha rol tu phyin pa’i le’u ’di ñid yoṅs su źu ba daṅ | lha’i dbaṅ po brgya byin śa stag gis śes rab kyi pha rol tu phyin pa ’di ñid yoṅs su źu ba dag bsams par gyur to ||
de nas bcom ldan ’das kyis tshe daṅ ldan pa rab ’byor ba ’di skad ces bka’ stsal to ||
(2) rab ’byor byaṅ chub sems dpa’ sems dpa’ chen po byams pa bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas kyaṅ sa phyogs ’di ñid du śes rab kyi pha rol tu phyin pa ’di ñid stoṅ par ’gyur ro ||
gaṅ dag bskal pa bzaṅ po ’di la ’byuṅ ba’i de bźin (3) gśegs pa dgra bcom pa yaṅ dag par rdzogs pa’i saṅs rgyas de dag kyaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | sa phyogs ’di ñid du śes rab kyi pha rol tu phyin pa ’di ñid ston par ’gyur ro ||
de skad ces bka’ stsal pa daṅ | (4) bcom ldan ’das la tshe daṅ ldan pa rab ’byor ’di skad ces gsol to ||
bcom ldan ’das byaṅ chub sems dpa’ sems dpa’ chen po byams pa bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | rnam pa gaṅ dag daṅ rtags gaṅ dag daṅ mtshan (5) ma gaṅ dag gis śes rab kyi pha rol tu phyin la ’di ston par ’gyur ba lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po byams pa bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | gzugs (6) rtag ces bya ba’am | mi rtag ces bya bar chos ston par mi ’gyur ro ||
de bźin du gzugs ba de źes bya ba daṅ sdug bsṅal źes bya ba daṅ | gzugs bdag ces bya ba daṅ bdag med ces bya daṅ | gzugs sdug ces bya ba daṅ mi sdug ces bya bar chos ston par mi ’gyur ro ||
gzugs bciṅs (7) źes bya ba daṅ grol źes bya bar chos ston par mi ’gyur ro ||
de bźin du tshor ba daṅ | ’du śes daṅ | ’du byed rnams daṅ | rnam par śes pa rtag ces bya ba daṅ mi rtag ces bya ba daṅ | rnam par śes pa bde źes bya ba daṅ sdug bsṅal źes bya ba daṅ | rnam par śes pa bdag (81a1) ces bya ba daṅ bdag med ces bya ba daṅ | rnam par śes pa sdug ces bya ba daṅ mi sdug ces bya bar chos ston par mi ’gyur ro ||
rnam par śes pa bciṅs źes bya ba daṅ grol źes bya bar chos ston par mi ’gyur ro ||
gzugs ’das pa daṅ ma ’oṅs pa daṅ | da ltar (2) byuṅ ba źes bya bar chos ston par mi ’gyur ro ||
de bźin du tshor ba daṅ | ’du śes daṅ | ’du byed rnams daṅ | rnam par śes pa ’das pa daṅ ma ’oṅs pa daṅ | da ltar byuṅ ba źes bya bar chos ston par mi ’gyur ro ||
de bźin du rnam pa thams cad mkhyen pa ñid kyi bar du ’das pa daṅ | (3) ma ’oṅs pa daṅ | da ltar byuṅ ba źes bya bar chos ston par mi ’gyur ro ||
rnam pa thams cad mkhyen pa ñid bciṅs źes bya ba daṅ | grol źes bya bar chos ston par mi ’gyur ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan (4) ’das byaṅ chub sems dpa’ sems dpa’ chen po byams pa bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ji ltar chos ston par ’gyur lags | bcom ldan ’das kyis bka’ stsal pa | rab ’byor gzugs śin tu rnam par dag go źes (5) śin tu rnam par dag pa’i chos ston par ’gyur ro ||
de bźin du tshor ba daṅ | ’du śes daṅ | ’du byed rnams daṅ | rnam par śes pa śin tu rnam par dag go źes śin tu rnam par dag pa’i chos ston par ’gyur ro ||
de bźin du rnam pa thams cad mkhyen pa ñid kyi bar du śin tu (6) rnam par dag go źes śin tu rnam par dag pa’i chos ston par ’gyur ro ||
rab ’byor gyis gsol pa | bcom ldan ’das śes rab kyi pha rol tu phyin pa ni yoṅs su dag pa lags so ||
bcom ldan ’das kyis bka’ stsal pa | rab ’byor gzugs yoṅs su dag pa’i phyir śes (7) rab kyi pha rol tu phyin pa yoṅs su dag pa yin no ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa yoṅs su dag pa’i phyir | śes rab kyi pha rol tu phyin pa yoṅs su dag pa yin no ||
rab ’byor rnam pa thams cad mkhyen pa ñid kyi bar du (81b1) yoṅs su dag pa’i phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar na gzugs yoṅs su dag pa’i slad du śes rab kyi pha rol tu phyin pa yoṅs su dag pa lags | ji ltar na tshor ba daṅ | ’du śes daṅ | ’du byed (2) rnams daṅ | rnam par śes pa yoṅs su dag pa’i slad du | śes rab kyi pa rol tu phyin pa yoṅs su dag pa lags | bcom ldan ’das ji ltar na rnam pa thams cad mkhyen pa ñid kyi bar du yoṅs su dag pa’i slad du | śes rab kyi pha rol tu phyin pa yoṅs su dag pa lags | bcom (3) ldan ’das kyis bka’ stsal pa | rab ’byor gzugs skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa ni gzugs yoṅs su dag pa yin no ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa skye ba (4) med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa ni rnam par śes pa yoṅs su dag pa yin no ||
rab ’byor de bźin du rnam pa thams cad mkhyen pa ñid kyi bar du skye ba daṅ | ’gag pa med pa daṅ | kun nas ñon moṅs pa med pa (5) daṅ | rnam par byaṅ ba med pa ni rnam pa thams cad mkhyen pa ñid yoṅs su dag japa yin no ||
rab ’byor gźan yaṅ nam mkha’ yoṅs su dag pa’i phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar nam mkha’ (6) yoṅs su dag pa’i slad du | śes rab kyi pha rol tu phyin pa yoṅs su dag pa lags | bcom ldan ’das kyis bka’ stsal pa | rab ’byor nam mkha’ ni skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa’i phyir yoṅs su dag pa (7) ste | rab ’byor nam mkha’ gos pa med pa’i phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar na nam mkha’ gos pa ma mchis pa’i slad du | śes rab kyi pha rol tu phyin pa yoṅs su dag pa lags | bcom (82a1) ldan ’das kyis bka’ stsal pa | rab ’byor nam mkha’ gzuṅ du med pa’i phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar na nam mkha’ gzuṅ du ma mchis pa’i slad du | śes rab (2) kyi pha rol tu phyin pa yoṅs su dag pa lags | bcom ldan ’das kyis bka’ stsal pa | rab ’byor nam mkha’ smra ba med pa’i phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar na nam mkha’ smra ba ma mchis pa’i (3) slad du | śes rab kyi pha rol tu phyin pa yoṅs su dag pa lags | bcom ldan ’das kyis bka’ stsal pa | rab ’byor ’di lta ste dper na | brag ca gñis kyi sgra ji lta ba de bźin du | rab ’byor nam mkha’ smra ba med pa’i phyir | śes rab kyi pha rol tu phyin pa yoṅs su dag pa yin (4) no ||
rab ’byor nam mkha’ rab tu brjod pa med pa’i phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar na nam mkha’ rab tu brjod pa ma mchis pa’i slad du | śes rab kyi pha rol tu phyin pa yoṅs su dag pa lags (5) bcom ldan ’das kyis bka’ stsal pa | rab ’byor nam mkha’ la ni rab tu brjod pa gaṅ yaṅ med de | de ltar na nam mkha’ rab tu brjod pa med pa’i phyir | śes rab kyi pha rol tu phyin pa yoṅs su dag pa yin no | rab ’byor nam mkha’ dmigs su med pa’i phyir | śes (6) rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar na nam mkha’ dmigs su ma mchis pa’i slad du | śes rab kyi pha rol tu phyin pa yoṅs su dag pa lags | bcom ldan ’das kyis bka’ stsal pa | rab ’byor nam mkha’ (7) la ni ci yaṅ dmigs su med do ||
rab ’byor de ltar na nam mkha’ dmigs su med pa’i phyir | śes rab kyi pa rol tu phyin pa yoṅs su dag pa yin no ||
rab ’byor gzugs śin tu rnam par dag pa daṅ | dmigs su med pa daṅ | skye ba med pa daṅ | ’gag pa med pa daṅ | kun (82b1) nas ñon moṅs pa med pa daṅ | rnam par byaṅ ba med pa’i phyir | śes rab kyi pha rol tu phyin pa yoṅs su dag pa yin no ||
rab ’byor de bźin du tshor ba daṅ | ’du śes daṅ | ’du byed rnams daṅ | rnam par śes pa śin tu rnam par dag pa daṅ | dmigs su med pa daṅ | skye ba med pa (2) daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa’i phyir | śes rab kyi pha rol tu phyin pa yoṅs su dag pa yin no ||
rab ’byor de bźin du rnam pa thams cad mkhyen pa ñid kyi bar du śin tu rnam par dag pa daṅ | dmigs su med pa daṅ | skye (3) ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa’i phyir | śes rab kyi pha rol tu phyin pa yoṅs su dag pa yin no ||
rab ’byor chos thams cad śin tu rnam par dag pa daṅ | gaṅ dmigs su med pa daṅ | skye ba med pa daṅ | ’gag (4) ba med pa daṅ | kun nas ñon moṅs pa med pa daṅ | rnam par byaṅ ba med pa’i phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das ji ltar na chos thams cad śin tu rnam par dag pa daṅ | dmigs su ma mchis pa daṅ | skye ba ma (5) mchis pa daṅ | ’gag pa ma mchis pa daṅ | kun nas ñon moṅs pa ma mchis pa daṅ | rnam par byaṅ ba ma mchis pa’i slad du | śes rab kyi pha rol tu phyin pa yoṅs su dag pa lags | bcom ldan ’das kyis bka’ stsal pa | rab ’byor chos thams cad śin tu rnam par dag pa’i (6) phyir | śes rab kyi pha rol tu phyin pa yoṅs su dag pa yin no ||
rab ’byor gyis gsol pa | bcom ldan ’das rigs kyi bu ’am rigs kyi bu mo gaṅ śes rab kyi pha rol tu phyin pa ’di ’dzin pa daṅ | ’chaṅ ba daṅ | klog pa daṅ | kun chub par bgyid pa daṅ | tshul bźin du yid la (7) bgyid pa de la ni mig gi nad ’byuṅ bar mi ’gyur lags so ||
rna ba’i nad daṅ | sna’i nad daṅ | lce’i nad daṅ | lus kyi nad ’byuṅ bar mi ’gyur lags so ||
yid kyi nad ’byuṅ bar mi ’gyur lags so ||
yan lag mtshaṅ bar mi ’gyur lags so ||
lus ṅal bar mi ’gyur lags so ||
(83a1) rigs kyi bu’am rigs kyi bu mo de ni gśis ṅan du ’gum par mi ’gyur lags so ||
de’i slad bźin du chos ñan par ’tshal ba’i lta stoṅ phrag maṅ po dag kyaṅ ’braṅ bar ’gyur lags so ||
rgyal chen bźi’i ris kyi lta rnams daṅ | gnas gtsaṅ ma’i ris kyi bar gyi lha rnams (2) kyaṅ slad bźin du ’braṅ bar ’gyur lags so ||
gaṅ na dam pa’i chos smra ba’i rigs kyi bu’am rigs kyi bu mo dag tshes brgyad daṅ | bcu bźi daṅ | bco lṅa dag la śes rab kyi pha rol tu pyin pa ’di smra bar bgyid pa der lha’i tshogs maṅ po dag kyaṅ ’du bar ’gyur lags so ||
rigs kyi bu’am (3) rigs kyi bu mo śes rab kyi pha rol tu phyin pa ’di smra bar bgyid pa de ni bsod nams maṅ du skyed par ’gyur te | bsod nams dpag tu ma mchis | graṅs ma mchis | bsam gyis mi khyab | gźal du ma mchis pa dag skyed par ’gyur lags so ||
bcom ldan ’das kyis bka’ stsal pa | rab ’byor (4) de de bźin no ||
de de bźin te | rigs kyi bu ’am rigs kyi bu mo gaṅ tshes brgyad daṅ | bcu bźi daṅ | bco lṅa dag la lha’i ’khor gyi mdun du śes rab kyi pha rol tu phyin pa smra bar byed pa de ni bsod nams dpag tu med | graṅs med | bsam gyis mi khyab | gźal du med | brjod du med pa (5) dag skyed par ’gyur ro ||
de ci’i phyir źe na | rab ’byor ’di lta ste | śes rab kyi pha rol tu phyin pa ’di ni rin po che yin pa’i phyir ro ||
rab ’byor de la śes rab kyi pha rol tu phyin pa rin po che ’di la brten na sems can dmyal ba las thar bar ’gyur ro ||
dud ’gro’i skye gnas las thar bar ’gyur (6) ro ||
gśin rje’i ’jig rten las thar bar ’gyur ro ||
mi dbul po las thar bar ’gyur ro ||
rgyal rigs śiṅ s la chen po lta bu rnams su skye bar ’gyur ro ||
bram ze’i rigs śiṅ sṅa la chen po lta bu rnams su skye bar ’gyur ro ||
khyim bdag gi rigs śiṅ sṅa la chen po lta bu rnams (7) su skye bar ’gyur ro ||
rgyal chen bźi’i ris kyi lta rnams su skye bar ’gyur ro ||
’du śes med ’du śes med min skye mched du ñe bar ’gro ba’i bar gyi lha rnams su skye bar ’gyur ro ||
śes rab kyi pha rol tu phyin pa ’di ni rgyun du źugs pa’i ’bras bu skyed par byed ba yin no ||
lan cig phyir (83b1) ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par rdzogs pa’i byaṅ chub skyed par byed pa yin no ||
de ci’i phyir źe na | ’di ltar śes rab kyi pha rol tu phyin pa ’di las dge ba bcu’i las kyi lam rnams rgya cher (2) bstan te | de la brten nas rgyal rigs śiṅ s la chen po lta bu rnams yod pa daṅ | bram ze’i rigs śiṅ s la chen po lta bu rnams yod pa daṅ | khyim bdag gi rigs śiṅ s la chen po lta bu rnams yod pa daṅ | rgyal chen bźi’i ris kyi lha rnams daṅ | sum cu rtsa gsum pa daṅ | ’thab (3) bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams yod pa daṅ | tshaṅs pa’i mdun na ’don rnams yod pa daṅ | tshaṅs ris daṅ | tshaṅs pa kun ’khor daṅ | ’od chuṅ daṅ | tshad med ’od daṅ | ’od gsal daṅ | dge chuṅ daṅ | tshad med dge daṅ | dge rgyas (4) daṅ | ’bras bu che ba daṅ | ’du śes med pa’i sems can rnams daṅ | śin tu mthoṅ ba daṅ | gya nom snaṅ ba daṅ | mi che ba daṅ | mi gduṅ ba daṅ | ’og min gyi lha rnams daṅ | nam mkha’ mtha’ yas skye mched daṅ | rnam śes mtha’ yas skye mched daṅ | ci yaṅ med pa’i skye (5) mched daṅ | ’du śes med ’du śes med min skye mched du ñe bar ’gro ba’i lha rnams yod pa daṅ | rgyun du źugs pa’i ’bras bu yod pa daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par (6) rdzogs pa’i byaṅ chub yod pa daṅ | śes rab kyi pha rol tu phyin pa ’di la bsam gtan bźi yod pa daṅ | tshad med pa bźi daṅ | gzugs med pa’i sñoms par ’jug pa bźi daṅ | sbyin pa’i pha rol tu phyin pa yod pa daṅ | tshul khrims daṅ | bzod pa daṅ | brtson ’grus daṅ | (7) bsam gtan daṅ | śes rab kyi pha rol tu phyin pa yod pa daṅ | dran pa ñe bar gźag pa rnams yod pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams yod pa daṅ | naṅ stoṅ pa ñid yod pa daṅ | (84a1) dṅos po med pa’i ṅo bo ñid stoṅ pa ñid kyi bar du yod pa daṅ | stobs bcu yod pa daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad yod pa daṅ | rnam pa thams cad mkhyen pa ñid kyi bar du yod pa’i (2) phyir te | śes rab kyi pha rol tu phyin pa ’di las de dag la sogs pa’i chos rnams rgya cher bstan pas na | de’i phyir ’di lta ste | śes rab kyi pha rol tu phyin pa pha rol tu phyin pa ’di ni rin po che źes bya’o ||
rab ’byor śes rab kyi pha rol tu phyin pa la ni skye ba’am | ’gag pa’am | kun nas (3) ñon moṅs pa’am | rnam par byaṅ ba’am | yoṅs su gzuṅ ba’am | dor ba’i chos gaṅ yaṅ med do ||
de ci’i phyir źe na | ’di ltar gaṅ dag skye ba’am ’gag pa’am | kun nas ñon moṅs pa’am | rnam par byaṅ ba’am | yoṅs su gzuṅ ba’am ’dor bar bya ba’i chos de dag med pa’i (4) phyir ro ||
rab ’byor śes rab kyi pha rol tu phyin pa rin po che ’di la ni dge ba’am | mi dge ba’am | zag pa daṅ bcas pa’am | zag pa med pa’am | kha na ma tho ba daṅ bcas pa’am | kha na ma tho ba med pa’am | ñon moṅs pa daṅ bcas pa’am | ñon moṅs pa med pa’am | (5) ’jig rten pa’am | ’jig rten las ’das pa’am | ’dus byas sam | ’dus ma byas kyi chos gaṅ yaṅ dmigs su med do ||
rab ’byor rnam graṅs des kyaṅ pha rol tu phyin pa ’di ni rin po che yin te | rab ’byor pha rol tu phyin pa rin po che de ni chos gaṅ gis kyaṅ ma gos pa yin no ||
(6) de ci’i phyir źe na | ’di ltar gaṅ gis gos par ’gyur ba’i chos de dmigs su med pa’i phyir te | rab ’byor des na pha rol tu phyin pa rin po che ’di ni gos pa med pa yin no ||
rab ’byor byaṅ chub sems dpa’ chen po śes rab kyi pha rol tu phyin pa la spyod pa gal te | de ltar (7) ’du śes par yaṅ mi byed | de ltar rnam par rtog par yaṅ mi byed | de ltar spros par yaṅ mi byed na | śes rab kyi pha rol tu phyin pa la spyod pa daṅ | śes rab kyi pha rol tu phyin pa la sgom pa daṅ | saṅs rgyas bcom ldan ’das rnams mthoṅ ba yin te | saṅs rgyas bcom ldan (84b1) ’das rnams la bsti staṅ du bya ba daṅ | bla mar bya ba daṅ | ri mor bya ba daṅ | mchod par bya ba’i phyir saṅs rgyas kyi źiṅ nas saṅs rgyas kyi źiṅ du ’gro źiṅ | saṅs rgyas kyi źiṅ nas saṅs rgyas kyi źiṅ du soṅ nas kyaṅ | sems can rnams yoṅs su smin par byed ciṅ | saṅs (2) rgyas kyi źiṅ yoṅs su dag par byed do ||
rab ’byor śes rab kyi pha rol tu phyin pa ’di ni chos gaṅ yaṅ thob par byed pa ma yin | ston par byed pa ma yin | ’dzin par byed pa ma yin | sbyin par byed ba ma yin | skyed bar byed pa ma yin | ’gog par byed ba ma yin | kun nas ñon (3) moṅs par byed ba ma yin | rnam par byaṅ bar byed pa ma yin | ’grib par byed pa ma yin | ’phel bar byed pa ma yin | ’das pa yaṅ ma yin | ma ’oṅs pa yaṅ ma yin | da ltar byuṅ ba yaṅ ma yin no ||
rab ’byor śes rab kyi pha rol tu phyin pa ’di ni ’dod pa’i khams (4) las yaṅ dag par ’da’ bar byed ba yaṅ ma yin | gnas par byed pa yaṅ ma yin | gzugs kyi khams daṅ | gzugs med pa’i khams las yaṅ dag par ’da’ bar byed ba yaṅ ma yin | gnas par byed pa yaṅ ma yin | sbyin pa’i pha rol tu phyin pa sbyin par byed pa yaṅ ma (5) yin | ’dor bar byed ba yaṅ ma yin | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa sbyin par byed pa yaṅ ma yin | ’dor bar byed pa yaṅ ma yin | naṅ stoṅ pa ñid sbyin par byed pa yaṅ ma yin | ’dor bar byed pa (6) yaṅ ma yin | dṅos po med pa’i ṅo bo ñid stoṅ pa ñid kyi bar du sbyin par byed pa yaṅ ma yin | ’dor bar byed ba yaṅ ma yin | dran pa ñe bar gźag pa rnams sbyin par byed ba yaṅ ma yin | ’dor bar byed pa yaṅ ma yin | de bźin du yaṅ dag par spoṅ ba daṅ | rdzu ’phrul gyi rkaṅ (7) pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams sbyin par byed pa yaṅ ma yin | ’dor bar byed ba yaṅ ma yin | stobs bcu sbyin par byed ba yaṅ ma yin | ’dor bar byed pa yaṅ ma yin | mi ’jigs pa bźi daṅ | so so yaṅ dag par rig (85a1) pa bźi daṅ | saṅs rgyas kyi chos ma ’dres pa bco brgyad sbyin par byed pa yaṅ ma yin | ’dor bar byed pa yaṅ ma yin | rgyun du źugs pa’i ’bras bu sbyin par byed pa yaṅ ma yin | ’dor bar byed ba yaṅ ma yin | lan cig phyir ’oṅ ba’i ’bras bu daṅ | phyir (2) mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid daṅ | rnam pa thams cad mkhyen pa ñid sbyin par byed pa yaṅ ma yin | ’dor bar byed pa yaṅ ma yin no ||
śes rab kyi pha rol tu phyin pa ’di ni saṅs rgyas kyi chos rnams sbyin par byed pa yaṅ ma yin | (3) ’dor bar byed pa yaṅ ma yin | so so’i skye bo’i chos rnams sbyin par byed pa yaṅ ma yin | ’dor bar byed pa yaṅ ma yin | ñan thos daṅ | raṅ saṅs rgyas kyi chos rnams sbyin par byed pa yaṅ ma yin | ’dor bar byed pa yaṅ ma yin | saṅs rgyas kyi chos rnams sbyin par byed (4) pa yaṅ ma yin | ’dor bar byed pa yaṅ ma yin no ||
rab ’byor śes rab kyi pha rol tu phyin pa ’di ni ’dus byas kyi khams ’dor bar byed pa yaṅ ma yin | ’dus ma byas kyi khams sbyin par byed pa yaṅ ma yin no ||
de ci’i phyir źe na | de bźin gśegs pa rnams byuṅ yaṅ ruṅ | (5) de bźin gśegs pa rnams ma byuṅ yaṅ ruṅ | chos kyi dbyiṅs kyi tshul ’di ni gnas pa ñid de | de de bźin gśegs pas mṅon par rdzogs par saṅs rgyas śiṅ mṅon par thugs su chud de | mṅon par rdzogs par saṅs rgyas śiṅ | mṅon par thugs su chud nas kyaṅ | (6) gsuṅ ba daṅ | rnam par ’grel ba daṅ | rnam par ’byed pa daṅ | ston par mdzad pa’i phyir ro ||
de nas lha’i bu ’bum phrag rab tu maṅ po dag steṅ gi bar snaṅ la ’khod nas | ca co daṅ | ga źa ’don ciṅ | lha’i me tog ud pa la daṅ | pad ma daṅ | ku mu da daṅ | (7) pad ma dkar po daṅ | man da ra ba dag gis gtor nas | ’di skad du | a la la ’dzam bu’i gliṅ du chos kyi ’khor lo lan gñis bskor ba ’di mthoṅ ṅo ||
źes tshig tu yaṅ brjod do ||
śes rab kyi pha rol tu phyin pa ’di bstan pa na | de las lha’i bu stoṅ phrag du ma dag (85b1) phyir mi skye ba’i chos la bzod pa thob par gyur ro ||
de nas bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor dṅos po med pa’i ṅo bo ñid stoṅ pa ñid kyi phyir | śes rab kyi pha rol tu phyin pa ’di ni chos gaṅ yaṅ ’jug par bya ba’am | (2) ldog par bya ba’i phyir ñe bar gnas pa ma yin pas | rab ’byor ’di ni chos kyi ’khor lo bskor ba gñis pa yaṅ ma yin | gcig pa yaṅ ma yin ||
rab ’byor gyis gsol pa | bcom ldan ’das gaṅ gi tshe | śes rab kyi pha rol tu phyin pa ’di ni chos gaṅ yaṅ ’jug (3) par bgyi ba ’am | ldog par bgyi ba’i slad du ñe bar gnas pa ma lags pa’i dṅos po ma mchis pa’i ṅo bo ñid stoṅ pa ñid gaṅ lags | bcom ldan ’das kyis bka’ stsal pa | rab ’byor śes rab kyi pha rol tu phyin pa ni | śes rab kyi pha rol tu phyin pas stoṅ ṅo ||
de bźin (4) du bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa ni sbyin pa’i pha rol tu phyin pas stoṅ ṅo ||
nad stoṅ pa ñid ni naṅ stoṅ pa ñid kyis stoṅ ṅo ||
dṅos po med pa’i ṅo bo ñid stoṅ pa ñid kyi bar ni dṅos po med pa’i ṅo bo ñid stoṅ pa (5) ñid kyis stoṅ ṅo ||
dran pa ñe bar gźag pa rnams ni dran pa ñe bar gźag pa rnams kyis stoṅ ṅo ||
de bźin du yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ pa daṅ | stobs daṅ | byaṅ chub kyi yan lag daṅ | lam rnams ni lam gyis stoṅ ṅo ||
stobs bcu ni stobs (6) bcus stoṅ ṅo ||
mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad ni saṅs rgyas kyi chos ma ’dres pa rnams kyis stoṅ ṅo ||
rgyun du źugs pa’i ’bras bu ni rgyun du źugs pa’i ’bras bus stoṅ ṅo ||
de bźin du lan cig (7) phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas ñid daṅ | rnam pa thams cad mkhyen pa ñid ni rnam pa thams cad mkhyen pa ñid kyis stoṅ ṅo ||
rab ’byor gyis gsol pa | bcom ldan ’das ’di lta ste | dṅos po ma (86a1) mchis pa’i ṅo bo ñid stoṅ pa ñid śes rab kyi pha rol tu phyin pa pha rol tu phyin pa ’di ni che ba lags te | chos thams cad kyaṅ chos thams cad kyi raṅ bźin gyis stoṅ la | byaṅ chub sems dpa’ sems dpa’ chen po rnams kyaṅ | śes rab kyi pha rol tu phyin pa la (2) brten nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba yaṅ | chos gaṅ yaṅ mṅon par rdzogs par ’tshaṅ rgya ba ma mtshis śiṅ | chos kyi ’khor lo yaṅ skor la chos gaṅ yaṅ ’jug par bgyid pa’am | ldog par bgyid pa yaṅ ma mchis (3) te | chos gaṅ yaṅ yoṅs su mthoṅ ba yaṅ ma mchis la | chos gaṅ yaṅ yoṅs su ma mthoṅ ba yaṅ ma mchis lags so ||
de ci’i slad du źe na | ’di ltar gaṅ yaṅ ’jug pa’am | ldog pa’i chos de dmigs su ma mchis pa’i slad du ste | ’di ltar chos thams cad gtan mṅon (4) par ma grub pa lags pas stoṅ pa ñid ni ’jug par bgyid pa’am | ldog par bgyid pa ma lags la | mtshan ma ma mchis pa daṅ | smon pa ma mchis pa yaṅ ’jug par bgyid pa’am | ldog par bgyid pa ma lags so ||
de ltar na gaṅ śes rab kyi pha rol tu phyin pa bstan pa (5) daṅ | rab tu bstan pa daṅ | brjod pa daṅ | gdags pa daṅ | ’jug pa daṅ | rnam par ’grel ba daṅ | rnam par ’byed pa daṅ | smos pa daṅ | gsal bar bgyid pa daṅ | yaṅ dag par rab tu ston pa ’di ni śes rab kyi pha rol tu phyin pa bstan pa yoṅs su dag pa lags (6) so ||
śes rab kyi pha rol tu phyin pa bstan pa de yaṅ sus kyaṅ ma bstan | sus kyaṅ ma bzuṅ lags so ||
gaṅ sus kyaṅ ma bstan sus kyaṅ ma bzuṅ ba de ni sus kyaṅ mṅon sum du ma bgyid lags so ||
gaṅ sus kyaṅ ma bstan sus kyaṅ ma bzuṅ | sus kyaṅ mṅon (7) sum cu ma bgyis pa de la ni yoṅs su mya ṅan las ’das pa su yaṅ ma mchis te | chos bstan pa ’di la su yaṅ sbyin gnas su ’gyur ba yaṅ ma mchis lags so ||
śes rab kyi pha rol tu phyin pa khri brgyad stoṅ pa las gnas med pa’i le’u źes bya ste sum cu rtsa bdun pa’o || ||
(86b1) de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ma mchis pa lags so ||
bcom ldan ’das kyis bka’ stsal pa | rab ’byor nam mkha’ med pa’i pyir ro ||
(2) rab ’byor gyis gsol pa | bcom ldan ’das śes rab kyi pha rol tu phyin pa pha rol tu phyin pa ’di ni mñam pa ñid lags so ||
bcom ldan ’das kyis bka’ stsal pa | rab ’byor chos thams cad dmigs su med par mñam pa ñid kyi phyir ro ||
rab ’byor gyis gsol (3) pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni dben pa lags so ||
bcom ldan ’das kyis bka’ stsal pa | mtha’ las ’das pa stoṅ pa ñid kyi phyir ro ||
rab ’byor gyis gsol pa | bcom ldan ’das ’di lta ste | śes (4) rab kyi pha rol tu phyin pa pha rol tu phyin pa ’di ni rdzi ba ma mchis pa lags so ||
bcom ldan ’das kyis bka’ stsal pa | chos thams cad dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha (5) rol tu phyin pa ’di ni gźi ma mchis pa lags so ||
bcom ldan ’das kyis bka’ stsal pa | miṅ med pa daṅ lus med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni nam mkha’ lta bu (6) lags so ||
bcom ldan ’das kyis bka’ stsal pa | dbugs phyi naṅ du rgyu ba dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni brjod du ma mchis pa lags so ||
(7) bcom ldan ’das kyis bka’ stsal pa | rnam par rtog pa daṅ | rnam par dpyod pa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni miṅ ma mchis pa lags so ||
bcom (87a1) ldan ’das kyis bka’ stsal pa | tshor ba daṅ | ’du śes daṅ | ’du byed rnams daṅ | rnam par śes pa’i phuṅ po dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin (2) pa ’di ni ’gro ba ma mchis pa lags so ||
bcom ldan ’das kyis bka’ stsal pa | chos thams cad ’gro ba med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mi ’phrogs pa lags so ||
(3) bcom ldan ’das kyis bka’ stsal pa | chos thams cad gzuṅ du med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mi bsab lags so ||
bcom ldan ’das kyis bka’ stsal pa ||
(4) chos thams cad śin tu byaṅ źiṅ zad pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni skye ba mchis pa lags so ||
bcom ldan ’das kyis bka’ stsal pa | chos thams cad kyi skye ba (5) med pa daṅ | ’gag pa med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni byed pa po ma mchis pa lags so ||
bcom ldan ’das kyis bka’ stsal pa | byed pa po dmigs su med (6) pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni śes pa po mchis pa lags so ||
bcom ldan ’das kyis bka’ stsal pa | śes pa po dmigs su med pa’i phyir ro ||
rab ’byor (7) gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ’pho ba ma mchis pa lags so ||
bcom ldan ’das kyis bka’ stsal pa | ’chi ’pho daṅ skye ba dmigs su med pa’i phyir ro ||
rab ’byor gyis gsol gsol pa | bcom ldan (87b1) ’das ’di lta ste | śes rab kyi pha rol tu phyin pa pha rol tu phyin pa ’di ni ’jig pa ma mchis pa lags so ||
bcom ldan ’das kyis bka’ stsal pa | chos thams cad raṅ bźin gyis ’jig pa med pa’i phyir ro ||
rab ’byor gyis gsol pa | bcom ldan ’das ’di lta ste | (2) śes rab kyi pha rol tu phyin pa pha rol tu phyin pa ’di ni rmi lam lta bu lags so ||
bcom ldan ’das kyis bka’ stsal pa | rmi lam rmis pa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu (3) phyin pa ’di ni brag ca lta bu lags so ||
bcom ldan ’das kyis bka’ stsal pa | sgra’i brjod pa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu pyin pa ’di ni mig yor lta bu lags so ||
(4) bcom ldan ’das kyis bka’ stsal pa | gzugs brñan dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni smig rgyu lta bu lags so ||
bcom ldan ’das kyis bka’ stsal pa ||
(5) chub bab pa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni sgyu ma lta bu lags so ||
bcom ldan ’das kyis bka’ stsal pa | mtshan ma dmigs su med pa’i phyir ro ||
rab ’byor (6) gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni gti mug ma mchis pa lags so ||
bcom ldan ’das kyis bka’ stsal pa | ma rig pa’i mun pa dmigs su med pa’i phyir ro ||
rab ’byor gyis gsol pa | bcom ldan (7) ’das ’di lta ste | śes rab kyi pha rol tu phyin pa pha rol tu phyin pa ’di ni kun nas ñon moṅs pa ma mchis pa lags so ||
bcom ldan ’das kyis bka’ stsal pa | kun nas ñon moṅs pa dmigs su med pa’i phyir ro ||
rab ’byor gyis gsol pa | bcom ldan ’das (88a1) ’di lta ste | śes rab kyi pha rol tu phyin pa pha rol tu phyin pa ’di ni rnam par byaṅ ba ma mchis pa lags so ||
bcom ldan ’das kyis bka’ stsal pa | kun nas ñon moṅs pa yoṅ par mi dmigs pa’i phyir ro ||
rab ’byor gyis gsol pa | bcom (2) ldan ’das ’di lta ste | śes rab kyi pha rol tu phyin pa pha rol tu phyin pa ’di ni gnas ma mchis pa lags so ||
bcom ldan ’das kyis bka’ stsal pa | chos thams cad dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes (3) rab kyi pha rol tu phyin pa pha rol tu phyin pa ’di ni dmigs su ma mchis pa lags so ||
bcom ldan ’das kyis bka’ stsal pa | gnas dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu (4) phyin pa ’di ni spros pa ma mchis pa lags so ||
bcom ldan ’das kyis bka’ stsal pa | sbros pa thams cad yaṅ dag par bcom pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni rlom (5) sems ma mchis pa lags so ||
bcom ldan ’das kyis bka’ stsal pa | rlom sems can thams cad yaṅ dag par bcom pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni g-yo ba ma mchis pa (6) lags so ||
bcom ldan ’das kyis bka’ stsal pa | chos kyi dbyiṅs su gnas pa ñid kyi phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ’dod chags daṅ bral ba lags so ||
bcom ldan ’das (7) kyis bka’ stsal pa | chos thams cad ma nor ba de bźin ñid du mṅon par rdzogs par byaṅ chub par byed pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni kun nas ldaṅ ba ma mchis pa lags so ||
(88b1) bcom ldan ’das kyis bka’ stsal pa | chos thams cad rnam par rtog pa med pa ñid kyi phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni źi ba lags so ||
bcom ldan ’das kyis bka’ stsal pa | (2) chos thams cad mtshan ma med ciṅ dmigs su med pa ñid kyi phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ’dod chags ma mchis pa lags so ||
bcom ldan ’das kyis bka’ stsal pa | ’dod (3) chags kyi mtshan ma dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni źe sdaṅ ma mchis pa lags so ||
bcom ldan ’das kyis bka’ stsal pa | źe sdaṅ yod pa ma yin pa’i (4) phyir ro || ||
śes rab kyi pha rol tu phyin pa khri brgyad stoṅ pa | bam po sum cu pa | rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni gti mug ma mchis pa lags so ||
bcom ldan ’das (5) kyis bka’ stsal pa | gti mug gi mun pa rnam par sel ba ñid kyi phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ñon moṅs pa ma mchis pa lags so ||
bcom ldan ’das kyis bka’ stsal (6) pa | yoṅs su rtog pa med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni sems can ma mchis pa lags so ||
bcom ldan ’das kyis bka’ stsal pa | sems can dmigs su (7) med pa ñid kyi phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni tshad ma mchis pa lags so ||
bcom ldan ’das kyis bka’ stsal pa | chos thams cad kun nas ldaṅ ba med pa’i phyir ro ||
(89a1) rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mtha’ gñis su ma mchis pa lags so ||
bcom ldan ’das kyis bka’ stsal pa | mtha’ dmigs su med pa ñid kyi phyir ro ||
(2) rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ma ’dres pa lags so ||
bcom ldan ’das kyis bka’ stsal pa | chos thams cad ’dres ba med pa’i phyir ro ||
rab ’byor gyis gsol pa | bcom ldan (3) ’das ’di lta ste | śes rab kyi pha rol tu phyin pa pha rol tu phyin pa ’di ni nag nog ma mchis pa lags so ||
bcom ldan ’das kyis bka’ stsal pa | ñan thos daṅ | raṅ saṅs rgyas kyi sa las yaṅ dag par ’das pa’i phyir ro ||
rab ’byor gyis gsol pa | bcom ldan ’das (4) ’di lta ste | śes rab kyi pha rol tu pyin pa pha rol tu phyin pa ’di ni rnam par mi rtog pa lags so ||
bcom ldan ’das kyis bka’ stsal pa | rnam par rtog pa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha (5) rol tu phyin pa pha rol tu phyin pa ’di ni tshad ma mchis pa lags so ||
bcom ldan ’das kyis bka’ stsal pa | chos thams cad kyi tshad dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di (6) ni nam mkha’ lta bu lags so ||
bcom ldan ’das kyis bka’ stsal pa | chos thams cad nam mkha’ ltar chags pa med pa’i phyir ro ||
rab ’byor gyis gsol ba | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mi rtag pa lags (7) so ||
bcom ldan ’das kyis bka’ stsal pa | chos thams cad ’jig pa med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni sdug bsṅal ba lags so ||
bcom ldan ’das kyis bka’ stsal (89b1) pa | chos thams cad lhag par chags par bya ba’i ’os ma yin pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni bdag ma mchis pa lags so ||
bcom ldan ’das kyis bka’ stsal pa | (2) chos thams cad mṅon par źen pa med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni stoṅ pa ñid lags so ||
bcom ldan ’das kyis bka’ stsal pa | chos thams cad kyi raṅ bźin dmigs (3) su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mtshan ñid ma mchis pa lags so ||
bcom ldan ’das kyis bka’ stsal pa | chos thams cad mtshan ma med pa’i phyir ro ||
rab ’byor (4) gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni naṅ stoṅ pa ñid lags so ||
bcom ldan ’das kyis bka’ stsal pa | naṅ gi chos rnams dmigs su med pa’i phyir ro ||
rab ’byor gyis gsol pa | bcom ldan (5) ’das ’di lta ste | śes rab kyi pha rol tu phyin pa ’di ni phyi stoṅ pa ñid lags so ||
bcom ldan ’das kyis bka’ stsal pa | phyi’i chos rnams dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha (6) rol tu phyin pa pha rol tu phyin pa ’di ni phyi naṅ stoṅ pa ñid lags so ||
bcom ldan ’das kyis bka’ stsal pa | phyi daṅ naṅ gi chos rnams dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa (7) ’di ni stoṅ pa ñid stoṅ pa ñid lags so ||
bcom ldan ’das kyis bka’ stsal pa | stoṅ pa ñid stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni chen po stoṅ pa ñid (90a1) lags so ||
bcom ldan ’das kyis bka’ stsal pa | chen po stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni don dam pa stoṅ pa ñid lags so ||
bcom (2) ldan ’das kyis bka’ stsal pa | don dam pa stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ’dus byas stoṅ pa ñid lags so ||
bcom ldan ’das kyis bka’ (3) stsal pa | ’du byas stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ’dus ma byas stoṅ pa ñid lags so ||
bcom ldan ’das kyis bka’ stsal pa | ’dus (4) ma byas stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mtha’ las ’das pa stoṅ pa ñid lags so ||
bcom ldan ’das kyis bka’ stsal pa | mtha’ las ’das pa (5) stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu pyin pa pha rol tu phyin pa ’di ni thog ma daṅ tha ma med pa stoṅ pa ñid lags so ||
bcom ldan ’das kyis bka’ stsal pa | thog ma daṅ tha ma med (6) pa stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni dor ba med pa stoṅ pa ñid lags so ||
bcom ldan ’das kyis bka’ stsal pa | dor ba med pa stoṅ pa ñid dmigs (7) su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa pha rol tu phyin pa ’di ni raṅ bźin stoṅ pa ñid lags so ||
bcom ldan ’das kyis bka’ stsal pa | ’dus byas daṅ ’dus ma byas kyi chos dmigs su (90b1) med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni chos thams cad stoṅ pa ñid lags so ||
bcom ldan ’das kyis bka’ stsal pa | chos thams cad stoṅ pa ñid dmigs su med pa’i phyir (2) ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni raṅ gi mtshan ñid stoṅ pa ñid lags so ||
bcom ldan ’das kyis bka’ stsal pa | raṅ gi mtshan ñid stoṅ pa ñadi dmigs su med pa’i phyir ro ||
rab (3) ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mi dmigs pa stoṅ pa ñid lags so ||
bcom ldan ’das kyis bka’ stsal pa | mi dmigs pa stoṅ pa ñid dmigs su med pa’i phyir ro ||
rab ’byor gyis (4) gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni dṅos po med pa stoṅ pa ñid lags so ||
bcom ldan ’das kyis bka’ stsal pa | dṅos po med pa stoṅ pa ñid dmigs su med pa’i phyir ro ||
rab ’byor gyis gsol pa | (5) bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni ṅo bo ñid stoṅ pa ñid lags so ||
bcom ldan ’das kyis bka’ stsal pa | ṅo bo ñid stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | (6) śes rab kyi pha rol tu phyin pa pha rol tu phyin pa ’di ni dṅos po med pa’i ṅo bo ñid stoṅ pa ñid lags so ||
bcom ldan ’das kyis bka’ stsal pa | dṅos po med pa’i ṅo bo ñid stoṅ pa ñid dmigs su med pa’i phyir ro ||
rab ’byor gyis gsol pa | bcom ldan ’das ’di (7) lta ste | śes rab kyi pha rol tu phyin pa pha rol tu phyin pa ’di ni dran pa ñe bar gźag pa lags so ||
bcom ldan ’das kyis bka’ stsal pa | lus daṅ | tshor ba daṅ | sems daṅ | chos dmigs su med pa’i phyir ro ||
rab ’byor gyis gsol pa | bcom ldan ’das ’di (91a1) lta ste | śes rab kyi pha rol tu phyin pa pha rol tu phyin pa ’di ni yaṅ dag pa’i spoṅ ba lags so ||
bcom ldan ’das kyis bka’ stsal pa | dge ba daṅ | mi dge ba’i chos rnams dmigs su med pa’i phyir ro ||
rab ’byor gyis gsol pa | bcom (2) ldan ’das ’di lta ste | śes rab kyi pha rol tu phyin pa pha rol tu phyin pa ’di ni rdzu ’phrul gyi rkaṅ pa lags so ||
bcom ldan ’das kyis bka’ stsal pa | rdzu ’phrul gyi rkaṅ pa bźi dmigs su med pa’i phyir ro ||
rab ’byor gyis gsol pa | bcom ldan ’das ’di (3) lta ste | śes rab kyi pha rol tu phyin pa pha rol tu phyin pa ’di ni dbaṅ po lags so ||
bcom ldan ’das kyis bka’ stsal pa | dbaṅ po lṅa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol (4) tu phyin pa ’di ni stobs lags so ||
bcom ldan ’das kyis bka’ stsal pa | stobs lṅa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni byaṅ chub kyi yan lag lags so ||
(5) bcom ldan ’das kyis bka’ stsal pa | byaṅ chub kyi yan lag bdun dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni lam lags so ||
bcom ldan ’das kyis bka’ (6) stsal pa | lam yan lag brgyad pa dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni stoṅ pa ñid lags so ||
bcom ldan ’das kyis bka’ stsal pa | lta bar gyur pa (7) dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pa rol tu phyin pa pha rol tu phyin pa ’di ni mtshan ma ma mchis pa lags so ||
bcom ldan ’das kyis bka’ stsal pa | rnam par rtog pa dmigs su med pa’i phyir (91b1) ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni smon pa ma mchis pa lags so ||
bcom ldan ’das kyis bka’ stsal pa | smon lam dmigs su med pa’i phyir ro ||
rab ’byor gyis gsol pa | (2) bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni rnam par thar pa lags so ||
bcom ldan ’das kyis bka’ stsal pa | rnam par thar pa brgyad dmigs su med pa’i phyir ro ||
rab ’byor gyis gsol pa | bcom ldan ’das ’di (3) lta ste | śes rab kyi pha rol tu phyin pa pha rol tu phyin pa ’di ni sñoms par ’jug pa lags so ||
bcom ldan ’das kyis bka’ stsal pa | mthar gyis gnas pa’i sñoms par ’jug pa dgu dmigs su med pa’i phyir ro ||
rab ’byor gyis gsol pa | bcom ldan ’das (4) ’di lta ste | śes rab kyi pha rol tu phyin pa ’di ni ’phags pa’i bden pa lags so ||
bcom ldan ’das kyis bka’ stsal pa | sdug bsṅal ba daṅ | kun ’byuṅ ba daṅ | ’gog pa daṅ | lam dmigs su med pa’i phyir ro ||
rab ’byor gyis gsol pa | (5) bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni sbyin pa lags so ||
bcom ldan ’das kyis bka’ stsal pa | ser sna dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha (6) rol tu phyin pa pha rol tu phyin pa ’di ni tshul khrims lags so ||
bcom ldan ’das kyis bka’ stsal pa | ’chal pa’i tshul khrims dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu (7) phyin pa ’di ni bzod pa lags so ||
bcom ldan ’das kyis bka’ stsal pa | gnod sems dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni brtson ’grus lags (92a1) so ||
bcom ldan ’das kyis bka’ stsal pa | le lo dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni bsam gtan lags so ||
bcom ldan (2) ’das kyis bka’ stsal pa | g-yeṅ ba dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni śes rab lags so ||
bcom ldan ’das kyis bka’ stsal pa | ’chal (3) pa’i śes rab dmigs su med pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni stobs bcu lags so ||
bcom ldan ’das kyis bka’ stsal pa | chos thams cad dmigs su med (4) pa’i phyir ro ||
rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mi ’jigs pa lags so ||
bcom ldan ’das kyis bka’ stsal pa | lam gyi rnam pa śes pa ñid dmigs su med pa’i phyir ro ||
rab ’byor (5) gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni so so yaṅ dag par rig pa lags so ||
bcom ldan ’das kyis bka’ stsal pa | thams cad du ye śes chags pa med ciṅ thogs pa med pa’i phyir ro ||
rab ’byor gyis (6) gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni sñiṅ rje chen po lags so ||
bcom ldan ’das kyis bka’ stsal pa | sems can thams cad yoṅs su mi gtoṅ ba’i phyir ro ||
rab ’byor gyis gsol pa | bcom (7) ldan ’das ’di lta ste | śes rab kyi pha rol tu phyin pa pha rol tu phyin pa ’di ni saṅs rgyas kyi chos ma ’dres pa lags so ||
bcom ldan ’das kyis bka’ stsal pa | ñan thog daṅ | raṅ saṅs rgyas kyi chos thams cad las yaṅ dag par ’das pa’i phyir ro ||
rab (92b1) ’byor gyis gsol pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni de bźin ñid lags so ||
bcom ldan ’das kyis bka’ stsal pa | brjod pa thams cad kyi de bźin ñid yin pa’i phyir ro ||
rab ’byor gyis gsol (2) pa | bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni raṅ byuṅ lags so ||
bcom ldan ’das kyis bka’ stsal pa | chos thams cad la dbaṅ sgyur ba’i phyir ro ||
rab ’byor gyis gsol pa | bcom ldan ’das ’di lta ste | (3) śes rab kyi pha rol tu phyin pa pha rol tu phyin pa ’di ni saṅs rgyas lags so ||
bcom ldan ’das kyis bka’ stsal pa | chos thams cad rnam pa thams cad du mṅon par rdzogs par byaṅ chub pa’i phyir ro ||
śes rab kyi pha rol tu phyin pa khri brgyad stoṅ pa las | (4) dmigs su med pa’i le’u źes bya ste sum cu rtsa brgyad pa’o || ||
de nas lha’i dbaṅ po brgya byin ’di sñam du sems te | rigs kyi bu’am rigs kyi bu mo gaṅ dag gi rnal ma du śes rab kyi pha rol tu phyin pa ’di grag pa de dag kyaṅ sṅon gyi rgyal ba la lhag par bya (5) ba byas pa yin la | gaṅ dag gi rna lam du śes rab kyi pha rol tu phyin pa ’di grag par ’gyur ba de dag kyaṅ | de bźin gśegs pa las dge ba’i rtsa ba rnams bskyed ciṅ | dge ba’i bśes gñen gyis yoṅs su zin pa yin no ||
gaṅ dag ’dzin pa daṅ | ’chaṅ ba (6) daṅ | klog pa daṅ | kun chuṅ bar byed pa daṅ | bzuṅ źiṅ bcaṅs la blags śiṅ kun chub par byas nas kyaṅ | de bźin ñid du sgrub par byed pa dag lta smos kyaṅ ci dgos | rigs kyi bu’am rigs kyi bu mo gaṅ dag śes rab kyi pha rol tu phyin pa ’di ’dzin pa (7) daṅ | ’chaṅ ba daṅ | klog pa daṅ | kun chub par byad pa daṅ | bzuṅ źiṅ bcaṅs la blags śiṅ kun chub par byas nas kyaṅ | de bźin ñid du sgrub par byed pa de dag gis ni saṅs rgyas maṅ po dag la bsñen bkur byas ba yin no ||
rigs kyi bu’am rigs (93a1) kyi bu mo gaṅ dag gis śes rab kyi pha rol tu phyin pa zab mo ’di thos nas kyaṅ mi skrag mi dṅaṅ źiṅ | dṅaṅ bar mi ’gyur ba de dag gis ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams la yaṅ yoṅs su źu ba (2) byas pa yin no ||
gaṅ dag gis śes rab kyi pha rol tu phyin pa zab mo ’di thos nas kyaṅ mi skrag mi dṅaṅ źiṅ dṅaṅ bar mi ’gyur ba de dag gis ni bskal pa bye ba phrag maṅ po dag nas | sbyin pa’i pha rol tu phyin pa la spyad ciṅ | tshul khrims daṅ | bzod pa daṅ | (3) brtson ’grus daṅ | bsam gtan daṅ | śes rab kyi pha rol tu phyin pa la spyad pa yin no sñam mo ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das rigs kyi bu’am rigs kyi bu mo gaṅ dag śes rab kyi pha rol (4) tu phyin pa zab mo ’di thos nas mi skrag mi dṅaṅ źiṅ | dṅaṅ par mi ’gyur la | ’chaṅ ba daṅ | klog pa daṅ | kun chub par bgyid pa daṅ | tshul bźin du yaṅ brtson par bgyid pa’i rigs kyi bu’am rigs kyi bu mo de dag ni phyir mi ldog pa’i byaṅ chub sems (5) dpa’ sems dpa’ chen po rnams ji lta ba de ltar gzuṅ bar bgyid lags so ||
de ci’i slad du źe na | bcom ldan ’das ’di ltar śes rab kyi pha rol tu phyin pa ’di ni zab lags te | sṅon pha rol tu phyin pa drug po dag lam spyad pa dag gis ni | śes rab kyi pha rol tu (6) phyin pa zab mo ’di la mos par rṅo mo thogs pa’i slad du’o ||
bcom ldan ’das rigs kyi bu’am rigs kyi bu mo ṅag gis śes rab kyi pha rol tu phyin pa zab mo ’di spoṅ bar sems pa’i rigs kyi bu’am rigs kyi bu mo de dag gis ni | sṅon gyi mthar yaṅ śes rab kyi pha (7) rol tu phyin pa zab mo ’di spaṅs pa lags so ||
de ci’i slad du źe na | bcom ldan ’das ’di ltar rigs kyi bu ’am rigs kyi bu mo de dag ni śes rab kyi pha rol tu phyin pa zab mo ’di la dad pa ma mchis pa daṅ | dga’ ba ma mchis pa daṅ | dad pa ma mchis pas (93b1) rigs kyi bu’am rigs kyi bu mo de dag gis saṅs rgyas rnams daṅ | saṅs rgyas kyi ñan thos rnams ’di skad du | sbyin pa’i pha rol tu phyin pa la ni ji ltar spyad par bgyi | tshul khrims daṅ | bzod pa daṅ | brtson ’grus daṅ | bsam gtan daṅ | śes rab (2) kyi pha rol tu phyin pa la ni ji ltar spyad par bgyi | naṅ stoṅ pa ñid la ni ji ltar bsgom par bgyi | phyi stoṅ pa ñid la ni ji ltar bsgom par bgyi | phyi naṅ stoṅ pa ñid la ni ji ltar bsgom par bgyi | dṅos po med pa’i ṅo bo ñid stoṅ pa ñid kyi bar la ni ji ltar bsgom par (3) bgyi | dran pa ñe bar gźag pa rnams la ni ji ltar bsgom par bgyi | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams la ni ji ltar bsgom par bgyi | de bźin gśegs pa’i (4) stobs bcu la ni ji ltar bsgom par bgyi | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams la ni ji ltar bsgom par bgyi | źes yoṅs su źu ba ma bgyis pa’i slad du’o ||
de nas lha’i dbaṅ po brgya byin (5) gyis tshe daṅ ldan pa ś ri’i bu la ’di skad ces smras so ||
btsun pa ś ri’i bu de ltar ṅo mtshar yaṅ ci che ste | śes rab kyi pha rol tu phyin pa ni śin tu zab pas na | byaṅ chub sems dpa’ sems dpa’ chen po gaṅ sṅon gyi mthar yaṅ śes rab kyi pha rol tu phyin pa zab (6) mo ’di la mos par ma gyur pa daṅ | sbyin pa’i pha rol tu phyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la mos par ma gyur pa daṅ | naṅ stoṅ pa ñid la mos par gyur pa daṅ | dṅos (7) po med pa’i ṅo bo ñid stoṅ pa ñid kyi bar la mos par ma gyur pa daṅ | byaṅ chub kyi phyogs kyi chos sum cu rtsa bdun la mos par ma gyur pa daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | mṅon par śes pa lṅa daṅ | saṅs (94a1) rgyas kyi chos ma ’dres pa bco brgyad la mos par ma gyur pa dag gis śes rab kyi pha rol tu phyin pa zab mo ’di spoṅ bar byed pa ni ṅo mtshar mi che’o ||
btsun pa ś ri’i bu gaṅ źes rab kyi pha rol tu phyin pa la phyag ’tshal ba de ni | rnam pa thams cad (2) mkhyen pa ñid kyi ye śes la phyag ’tshal ba yin bas na | bcom ldan ’das ma śes rab kyi pha rol tu phyin pa la bdag phyag ’tshal lo ||
de nas bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka de de bźin no ||
de de bźin te | (3) gaṅ śes rab kyi pha rol tu phyin pa la phyag ’tshal ba de ni | rnam pa thams cad mkhyen pa ñid kyi ye śes la phyag ’tshal ba yin no ||
de ci’i phyir źe na | kau śi ka ’di ltar saṅs rgyas bcom ldan ’das rnams kyi rnam pa thams cad mkhyen pa ñid kyaṅ śes rab kyi pha rol (4) tu phyin pa ’di las ṅes par byuṅ la | śes rab kyi pha rol tu phyin pa yaṅ rnam pa thams cad mkhyen pa ñid kyi ye śes kyis rab tu bskyed pa yin pa’i phyir te | kau śi ka rnam pa thams cad mkhyen pa ñid la gnas par ’dod pa’i rigs kyi bu’am rigs kyi bu mos śes (5) rab kyi pha rol tu phyin pa la gnas par bya’o ||
de bźin du rnam pa thams cad mkhyen pa ñid kyi ye śes skyed par ’dod pa daṅ | bag chags kyi mtshams sbyor ba daṅ | ñon moṅs pa thams cad yaṅ dag par ’joms par ’dod pa daṅ | bla na med pa yaṅ dag par (6) rdzogs pa’i byaṅ chub mṅon par rdzogs par ’tshaṅ rgya bar ’dod pa daṅ | chos kyi ’khor lo skor bar ’dod pa’i rigs kyi bu’am rigs kyi bu mos kyaṅ śes rab kyi pha rol tu phyin pa la gnas par bya’o ||
de bźin du sems can rnams rgyun tu źugs pa’i ’bras bu la (7) dgod par ’dod pa daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid la dgod par ’dod pa daṅ | raṅ byaṅ chub la dgod par ’dod pa daṅ | sems can rnams bla na med pa yaṅ dag par rdzogs pa’i byaṅ (94b1) chub la dgod par ’dod pa daṅ | dge sloṅ gi dge ’dun yoṅs su bsdu bar ’dod pa’i byaṅ chub sems dpa’ sems dpa’ chen pos kyaṅ śes rab kyi pha rol tu phyin pa la rnal ’byor du bya’o ||
de skad ces bka’ stsal pa daṅ | bcom ldan ’das la lha’i dbaṅ po brgya (2) byin gyis ’di skad ces gsol to ||
bcom ldan ’das ji ltar na byaṅ chub sems dpa’ sems dpa’ chen po de śes rab kyi pha rol tu phyin pa la gnas pa lags | ji ltar na rnal ’byor du bgyid pa lags | ji ltar na bsam gtan daṅ | brtson ’grus daṅ | bzod pa (3) daṅ | tshul khrims daṅ | sbyin pa’i pha rol tu phyin pa la gnas pa lags | ji ltar na rnal ’byor du bgyid pa lags | ji ltar na śes rab kyi pha rol tu phyin pa la spyad na | naṅ stoṅ pa ñid la rnal ’byor du bgyid pa lags | ji ltar na dṅos po med pa’i ṅo bo ñid (4) stoṅ pa ñid kyi bar la rnal ’byor du bgyid pa lags | bcom ldan ’das byaṅ chub sems dpa’ sems dpa’ chen pos ji ltar śes rab kyi pha rol tu phyin pa la spyad na | byaṅ chub kyi phyogs kyi chos sum cu rtsa bdun la rnal ’byor du bgyid pa lags | de bźin du byaṅ (5) chub sems dpa’ sems dpa’ chen pos ji ltar śes rab kyi pha rol tu phyin pa la spyad na | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | mṅon par śes pa lṅa daṅ | saṅs rgyas kyi chos ma ’dres pa bco (6) brgyad la rnal ’byor du bgyid pa lags | de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka gaṅ khyod de bźin gśegs pa la don de yoṅs su źu bar sems pa ni legs so legs so ||
kau śi ka khyod (7) kyi spobs pa skyes pa de yaṅ saṅs rgyas kyi mthu yin te | kau śi ka de’i phyir legs par rab tu ñon la yid la zuṅ śig daṅ | ṅas khyod la bśad par bya’o ||
kau śi ka ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa gzugs la mi (95a1) gnas te | gaṅ gi tshe gzugs la mi gnas pa de’i tshe gzugs la rnal ’byor du byed pa yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la mi gnas te | gaṅ gi tshe rnam par śes pa la mi gnas (2) pa de’i tshe | rnam par śes pa la rnal ’byor du byed pa yin no ||
de bźin du mig la mi gnas | rna ba daṅ | sna daṅ | lce daṅ | lus daṅ | yid la mi gnas te | de ltar śes rab kyi pha rol tu phyin pa la rnal ’byor du byed do ||
de bźin du gzugs la mi gnas | (3) sgra daṅ | dri daṅ | ro daṅ | reg bya daṅ | chos rnams la mi gnas te | de ltar śes rab kyi pha rol tu phyin pa la rnal ’byor du byed do ||
de bźin du sbyin pa’i pha rolo tu phyin pa la mi gnas par śes rab kyi pha rol tu phyin pa la rnal ’byor du byed do ||
de bźin du tshul khrims (4) daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la mi gnas par śes rab kyis pha rol tu phyin pa la rnal ’byor du byed do ||
naṅ stoṅ pa ñid la mi gnas par śes rab kyi pha rol tu phyin pa la rnal ’byor du byed do ||
dṅos po med (5) pa’i ṅo bo ñid stoṅ pa ñid kyi bar la mi gnas par śes rab kyi pha rol tu phyin pa la rnal ’byor du byed do ||
dran pa ñe bar gźag pa rnams la mi gnas pad śes rab kyi pha rol tu phyin pa la rnal ’byor du byed do ||
de bźin du yaṅ dag pa’i spoṅ ba rnams daṅ | rdzu ’phrul gyi (6) rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam la mi gnas par śes rab kyi pha rol tu phyin pa la rnal ’byor du byed do ||
tshad med pa bźi la mi gnas par śes rab kyi pha rol tu phyin pa la rnal ’byor du byed (7) do ||
bsam gtan bźi daṅ | gzugs med pa’i sñoms par ’jug pa bźi daṅ | mṅon par śes pa lṅa la mi gnas | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad la mi gnas (95b1) par śes rab kyi pha rol tu phyin pa la rnal ’byor du byed do ||
de ci’i phyir źe na | ’di ltar gaṅ la gnas pa daṅ gaṅ la rnal ’byor du byed pa’i gzugs de dmigs su med pa daṅ | de bźin du gaṅ la gnas pa daṅ | gaṅ la rnal ’byor du byed pa’i tshor ba daṅ | ’du śes (2) daṅ | ’du byed rnams daṅ | rnam par śes pa daṅ | de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | byaṅ chub kyi phyogs kyi chos sum cu rtsa bdun daṅ | stoṅ pa ñid thams cad daṅ | stobs (3) bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad dmigs su med pa’i phyir ro ||
kau śi ka gźan yaṅ byaṅ chub sems dpa’ sems dpa’ chen po gzugs la sbyor bar mi byed de | gaṅ gi phyir (4) gzugs la sbyor bar mi byed pa de ltar gzugs la rnal ’byor du byed do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la sbyor bar mi byed de | gaṅ gi phyir rnam par śes pa la sbyor bar mi byed pa de ltar rnam par śes pa la rnal (5) ’byor du byed do ||
de bźin du khams rnams daṅ | skye mched rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | byaṅ chub kyi phyogs kyi chos sum cu rtsa bdun daṅ | stoṅ pa ñid thams cad daṅ | stobs bcu daṅ | mi ’jigs pa rnams daṅ | (6) so so yaṅ dag par rig pa rnams daṅ | saṅs rgyas kyi chos ma ’dres pa bco brgyad la sbyor bar mi byed de | gaṅ gi phyir saṅs rgyas kyi chos ma ’dres pa bco brgyad la sbyor bar mi byed ba de ltar | saṅs rgyas kyi chos ma ’dres pa bco brgyad la rnal ’byor du byed do ||
de ci’i (7) phyir źe na | ’di ltar byaṅ chub sems dpa’ sems dpa’ chen po des gzugs sṅon gyi mthar mi dmigs | gzugs phyi ma’i mthar mi dmigs | gzugs da ltar byuṅ bar mi dmigs śiṅ de bźin du tshor ba daṅ | ’du śes daṅ | ’du byed rnams daṅ | rnam par śes (96a1) pa sṅon gyi mthar mi dmigs | rnam par śes pa phyi ma’i mthar mi dmigs | rnam par śes pad ltar byuṅ bar mi dmigs pa de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | (2) byaṅ chub kyi phyogs kyi chos sum cu rtsa bdun daṅ | stoṅ pa ñid thams cad daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad sṅon gyi mthar mi dmigs | phyi ma’i mthar mi dmigs | (3) da ltar byuṅ bar mi dmigs pa’i phyir ro ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha rol tu phyin pa ni zab pa lags so ||
bcom ldan ’das kyis bka’ stsal pa | ś ri’i bu gzugs kyi de bźin ñid (4) zab pa’i phyir | śes rab kyi pha rol tu phyin pa zab pa yin no ||
ś ri’i bu de ba ni na du tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid zab ba’i phyir | śes rab kyi pha rol tu phyin pa zab pa yin no ||
ś ri’i bu de bźin du khams rnams (5) daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos (6) ma ’dres pa’i de bźin ñid zab pa’i phyir | śes rab kyi pha rol tu phyin pa zab pa yin no ||
ś ri’i bus gsol pa | bcom ldan ’das śes rab kyi pha ro tu phyin pa ne gtiṅ dpag dka’ ba lags so ||
bcom ldan ’das kyis bka’ stsal pa | ś ri’i bu gzugs gtiṅ dpag (7) dka’ ba’i phyir | śes rab kyi pha rol tu phyin pa gtiṅ dpag dka’ ba yin no ||
ś ri’i bu de bźin du tshor ba daṅ | ’du śes daṅ | ’du byed rnams daṅ | rnam par śes pa gtiṅ dpag dka’ ba’i phyir | śes rab kyi pha rol tu phyin pa gtiṅ dpag dka’ ba yin no ||
ś ri’i (96b1) bu de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams (2) daṅ | saṅs rgyas kyi chos ma ’dres pa rnams gtiṅ dpag dka’ ba’i phyir | śes rab kyi pha rol tu phyin pa gtiṅ dpag dka’ ba yin no ||
ś ri’i bus gsol pa | bcom ldan ’das śes rab kyi pha rol tu phyin pa ni tshad ma mchis pa lags so ||
bcom ldan ’das (3) kyis bka’ stsal pa | ś ri’i bu gzugs tshad med pa’i phyir | śes rab kyi pha rol tu phyin pa tshad med pa yin no ||
ś ri’i bu tshor ba daṅ | ’du śes daṅ | ’du byed rnams daṅ | rnam par śes pa tshad med pa’i phyir | śes rab kyi pha rol tu phyin pa tshad med pa yin no ||
(4) ś ri’i bu de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag (5) par rig pa rnams daṅ | saṅs rgyas kyi chos ma ’dres pa rnams tshad med pa’i phyir | śes rab kyi pha rol tu phyin pa tshad med pa yin no ||
ś ri’i bus gsol pa | bcom ldan ’das ji ltar na byaṅ chub sems dpa’ sems dpa’ chen po śes rab kyi pha rol tu phyin pa la (6) spyod pa lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po gal te | gzugs zab ces bya bar mi spyod na | śes rab kyi pha rol tu phyin pa la spyod yin no ||
de bźin du tshor ba daṅ | ’du śes daṅ | ’du byed rnams (7) daṅ | rnam par śes pa zab ces bya bar mi spyod na | śes rab kyi pha rol tu phyin pa la spyod pa yin no ||
de bźin du la mas rnams daṅ | skye mched rnams daṅ | rten ciṅ ’drel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs (97a1) kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams zab ces bya bar mi spyod na | śes rab kyi pha rol tu phyin pa la spyod pa yin no ||
de ci’i phyir źe na | ś ri’i (2) bu ’di ltar gzugs kyi zab pa ñid gaṅ yin pa de ni gzugs ma yin la | tshor ba daṅ | ’du śes daṅ | ’du byed rnams daṅ | rnam par śes pa zab pa ñid gaṅ yin pa de ni rnam par śes pa ma yin źiṅ | de bźin du khams rnams daṅ | skye mched rnams daṅ | rten ciṅ ’brel par (3) ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams kyi zab pa ñid gaṅ yin pa de ni (4) saṅs rgyas kyi chos rnams ma yin no ||
źes bya ba de ltar yaṅ mi spyod na | śes rab kyi pha rol tu pyin pa la spyod pa yin pa’i phyir ro ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni gal te gzugs gtiṅ dpag dka’ źes bya bar mi (5) spyod na | śes rab kyi pha rol tu phyin pa la spyod pa yin no ||
gal te tshor ba daṅ | ’du śes daṅ | ’du byed rnams daṅ | rnam par śes pa gtiṅ dpag dka’ źes bya bar mi spyod na | śes rab kyi pha rol tu phyin pa la spyod pa yin no ||
de bźin du khams rnams daṅ | skye mched (6) rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres (7) pa rnams gtiṅ dpag dka’ źes bya bar mi spyod na | śes rab kyi pha rol tu phyin pa la spyod pa yin no ||
de ci’i phyir źe na | ś ri’i bu ’di ltar gzugs kyi gtiṅ dpag dka’ ba ñid gaṅ yin pa de ni gzugs ma yin la | tshor ba daṅ | ’du śes daṅ | ’du byed rnams (97b1) daṅ | rnam par śes pa’i gtiṅ dpag dka’ ba ñid gaṅ yin pa de ni rnam par śes pa ma yin źiṅ | de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi (2) phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams kyi gtiṅ dpag dka’ ba ñid gaṅ yin pa de ni saṅs rgyas kyi chos rnams ma yin no źes bya bar yaṅ mi spyod na | śes (3) rab kyi pha rol tu phyin pa la spyod pa yin pa’i phyir ro ||
de ci’i phyir źe na | saṅs rgyas kyi chos rnams kyi gtiṅ dpag dka’ ba ñid gaṅ yin pa de ni saṅs rgyas kyi chos rnams ma yin pa’i phyir ro ||
ś ri’i bu gźan yaṅ byaṅ chub sems dpa’ sems dpa’ chen po śes rab (4) kyi pha rol tu phyin pa la spyod pa gal te | gzugs tshad med do źes bya bar mi spyod na | śes rab kyi pha rol tu phyin pa la spyod pa yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa tshad med do źes bya bar mi spyod na | śes rab kyi pha (5) rol tu phyin pa la spyod pa yin no ||
de ci’i phyir źe na | ś ri’i bu ’di ltar gzugs kyi tshad med pa gaṅ yin pa de ni gzugs ma yin la | tshor ba daṅ | ’du śes daṅ | ’du byed rnams daṅ | rnam par śes pa tshad med pa ñid gaṅ yin pa de ni rnam par śes pa ma yin źiṅ de (6) bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa rnams daṅ | so so yaṅ dag par rig (7) pa rnams daṅ | saṅs rgyas kyi chos ma ’dres pa rnams kyi tshad med pa ñid gaṅ yin pa de ni saṅs rgyas kyi chos rnams ma yin no źes bya ba de ltar yaṅ mi spyod na | śes rab kyi pha rol tu phyin pa la spyod pa yin pa’i phyir ro ||
de ci’i phyir źe na | ś ri’i bu ’di ltar saṅs rgyas kyi (98a1) chos rnams kyi tshad med pa ñid gaṅ yin pa de ni saṅs rgyas kyi chos rnams ma yin pa’i phyir ro ||
ś ri’i bus gsol pa | bcom ldan ’das śes rab kyi pha rol tu phyin pa ’di ni de tsam du zab pa daṅ | de tsam du gtiṅ dpag dka’ ba daṅ | de tsam du rtogs (2) par dka’ ba daṅ | de tsam du tshad ma mchis pa lags te | bcom ldan ’das śes rab kyi pha rol tu phyin pa ’di ni theg pa la gsar du źugs pa’i byaṅ chub sems dpa’ sems dpa’ chen po rnams kyi mdun du bśad par mi bgyi ste | de dag gis śes rab kyi pha rol tu phyin pa ’di (3) thos na skrag ciṅ dṅaṅ la dṅaṅ bar ’gyur lags so ||
bcom ldan ’das ’di ni phyir mi ldog pa’i byaṅ chub sems dpa’ sems dpa’ chen po’i mdun du bśad par bgyi ste | des śes rab kyi pha rol tu phyin pa zab mo ’di thos na mi skrag mi dṅaṅ la dṅaṅ bar mi ’gyur źiṅ | nem (4) nur bgyid par mi ’gyur | the tshom ’tshal bar mi ’gyur ba’i steṅ du thos nas kyaṅ mor par ’gyur lags so ||
de nas lha’i dbaṅ po brgya byin gyis tshe daṅ ldan pa ś ri’i bu la ’di skad ces smras so ||
btsun pa ś ri’i bu theg pa la gsar du źugs pa’i byaṅ chub sems dpa’ (5) sems dpa’ chen po’i mdun du gal te | śes rab kyi pha rol tu phyin pa ’di bśad na | ñes pa cir ’gyur | ś ri’i bus smras pa | kau śi ka theg pa la gsar du źugs pa’i byaṅ chub sems dpa’ sems dpa’ chen po’i mdun du gal te | śes rab kyi pha rol tu (6) phyin pa zab mo ’di bśad par gyur na | skrag ciṅ dṅaṅ la | dṅaṅ par ’gyur źiṅ | phyir spoṅ bar ’gyur te | mos par mi ’gyur la | kau śi ka gaṅ gi phyir theg pa la gsar du źugs pa’i byaṅ chub sems dpa’ sems dpa’ chen po des śes rab kyi pha rol tu phyin pa zab mo ’di (7) thos na phyir sloṅ źiṅ | log par ltuṅ bar ’gro ba lags par ’gyur te | yun riṅ pos kyaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar dka’ ba’i gnas de yod do ||
brgya byin gyis smras pa | btsun pa ś ri’i bu byaṅ chub sems dpa’ (98b1) sems dpa’ chen po luṅ ma bstan pa gaṅ dag gis śes rab kyi pha rol tu phyin pa zab mo ’di thos na | mi skrag mi dṅaṅ źiṅ | dṅaṅ bar mi ’gyur ba lta yod dam | ś ri’i bus smras pa | kau śi ka byaṅ chub sems dpa’ sems dpa’ chen po gaṅ dag gis śes rab kyi pha (2) rol tu phyin pa zab mo ’di thos na | mi skrag mi dṅaṅ źiṅ | dṅaṅ bar mi ’gyur ba de dag ni riṅ po mi thogs par bla na med pa yaṅ dag par rdzogs pa’i byaṅ chub tu luṅ bstan pa ’thob par ’gyur te | de dag ni de bźin gśegs pa gcig gam | gñis las mi ’da’ ba’i bar (3) gyis bla na med pa yaṅ dag par rdzogs pa’i byaṅ chub tu luṅ bstan pa ’thob par ’gyur ba yin no ||
de nas bcom ldan ’das kyis tshe daṅ ldan pa ś ri’i bu la bka’ stsal pa | ś ri’i bu de de bźin no ||
de de bźin te | ś ri’i bu byaṅ chub sems dpa’ sems dpa’ chen po (4) gaṅ dag gis śes rab kyi pha rol tu phyin pa zab mo ’di thos na | mi skrag mi dṅaṅ źiṅ | dṅaṅ bar mi ’gyur ba’i steṅ du thos nas kyaṅ ’dzin pa daṅ | ’chaṅ ba daṅ | klog pa daṅ | kun chub par byed ciṅ ji skad bstan pa bźin du | śes rab kyi pha rol tu phyin pa la (5) gnas par ’gyur ba de dag ni | yun riṅ po nas theg pa la yaṅ dag par źugs śiṅ | pha rol tu phyin pa drug la spyod spyod pa daṅ | saṅs rgyas maṅ po la bsñen bkur byed byed pa yin no ||
de nas bcom ldan ’das la tshe daṅ ldan pa ś ri’i bus ’di skad ces gsol (6) to ||
bcom ldan ’das dper brjod par bdag śin tu spobs lags so ||
bde bar gśegs pa bdag spobs lags so ||
bcom ldan ’das kyis bka’ stsal pa | ś ri’i bu khyod spobs par gyis śig | ś ri’i bus gsol pa | bcom ldan ’das ’di lta (7) ste dper bgyin | theg pa chen po la yaṅ dag par źugs pa’i rigs kyi bu’am rigs kyi bu mo źig gi g-yar lam du | śes rab kyi pha rol tu phyin pa la sgom pa daṅ | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol (99a1) tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la sgom pa daṅ | byaṅ chub kyi sñiṅ po la mchis pa’i bar dag rmis par gyur na | bcom ldan ’das rigs kyi bu’am rigs kyi bu mo de ni bla na med pa yaṅ dag par rdzogs (2) pa’i byaṅ chub daṅ ñe bar gyur pa lags par rigs par bgyi na | bcom ldan ’das gaṅ dag sad pa na | śes rab kyi pha rol tu phyin pa la sgom pa daṅ | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rolo tu phyin pa daṅ | (3) tshul khrims kyi pha rol tu phyin pa daṅ | sbyin pa’i pha rol tu phyin pa la sgom pa daṅ | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas śiṅ | mṅon par rdzogs par saṅs rgyas nas kyaṅ | byaṅ chub kyi sñiṅ po la mchis śiṅ | chos (4) kyi ’khor lo bskor bar sems pa’i rigs kyi bu’am rigs kyi bu mo de dag bla na med pa yaṅ dag par rdzogs pa’i byaṅ chub daṅ ñe bar ’gyur ba lta smos kyaṅ ci ’tshal te | bcom ldan ’das rigs kyi bu’am rigs kyi bu mo gaṅ dag gis śes rab kyi pha rol tu phyin pa zab (5) mo ’di mñan pa’i slad du rñed ciṅ thos nas kyaṅ | de bźin ñid du sgrub par bgyid pa de dag ni dge ba’i rtsa ba yoṅs su smin pa lags so ||
bcom ldan ’das rigs kyi bu’am rigs kyi bu mo gaṅ dag śes rab kyi pha rol tu phyin pa zab mo ’di thos nas | ’dzin pa daṅ | ’chaṅ (6) ba daṅ | klog pa daṅ | kun chub par bgyid pa daṅ | tshul bźin du yid la bgyid pa de dag ni yun riṅ po nas theg pa la yaṅ dag par źugs pa daṅ | dge ba’i rtsa ba bskrun pa daṅ | saṅs rgyas maṅ po la bsñen bkur bgyis pa daṅ | dge ba’i bśes gñen gyis yoṅs (7) su zin pa lags so ||
bcom ldan ’das byaṅ chub sems dpa’ rnams daṅ | rigs kyi bu’am rigs kyi bu mo gaṅ dag gis śes rab kyi pha rol tu phyin pa ’di rñed par ’gyur źiṅ | rñed par gyur nas kyaṅ ’dzin pa daṅ | ’chaṅ ba daṅ | klog pa daṅ | kun chub par bgyid (99b1) pa daṅ | tshul bźin du yid la bgyid pa’i rigs kyi bu’am rigs kyi bu mo de dag ni bla na med pa yaṅ dag par rdzogs pa’i byaṅ chub tu luṅ bstan du ñe ba’am | luṅ bstan par ’gyur ba’am | bla na med pa yaṅ dag par rdzogs pa’i byaṅ chub las phyir mi ldog par ’gyur lags (2) so ||
bcom ldan ’das ’di lta ste dper bgyi na | mi źig ’brog dgon pa dpag tshad brgya pa źig nas byuṅ bar gyur tam | ’brog dgon pa dpag tshad ñis brgya pa źig nas sam | dpag tshad sus brgya pa źig nas sam | dpag tshad bźi brgya pa źig nas sam | dpag (3) tshad lṅa brgya pa źig nas byuṅ bar gyur nas | de byuṅ ba’i tshe groṅ khyer gyi sṅa ltas pa laṅ rdzi dag gam | phyugs rdzi dag gam sa mtshams sam | kun dga’ raba’ama tshal dag gam | skyed mos tshal dag mthoṅ bar gyur tam | groṅ khyer gyi sṅa ltas groṅ dag gam | groṅ (4) rdal dag gam ljoṅs dag gam | yul ’khor dag gam mtshan ma gźan gaṅ yaṅ ruṅ ba dag mthoṅ bar gyur na | de ’di sñam du sṅa ltas ’di lta bu ’di dag gda’ ba las na | ’di nas groṅ daṅ | groṅ rdal daṅ | groṅ khyer daṅ | yul ’khor daṅ | rgyal po’i pho braṅ daṅ (5) ñe bar ’gyur ro sñam nas | dbugs phyin par ’gyur źiṅ | de la slan chad chom rkun gyis ’jigs pa’am | gdugs pas ’jigs pa’am | gdol pas ’jigs pa ’am | gcan gzan khro bos ’jigs pa ’am | bkres pa daṅ skom pas ’jigs pa dag ’byuṅ bar mi (6) ’gyur lags so ||
bacacoma ldan ’das de bźin du byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di rñed par ’gyur źiṅ rñed par ’gyur nas kyaṅ ’dzin par bgyid | ’chaṅ bar bgyid | klog par bgyid | kun chub par bgyid | tshul (7) bźin du yid la bgyid na | bcom ldan ’das byaṅ chub sems dpa’ sems dpa’ chen po de ni luṅ bstan du ñe ba daṅ | bla na med pa yaṅ dag par rdzogs pa’i byaṅ chub kyaṅ riṅ po mi thogs par mṅon par rdzogs par ’tshaṅ rgya bar ’gyur bar rig par bgyi ste | byaṅ chub (100a1) sems dpa’ sems dpa’ chen po des ñan thos kyi sa’am | raṅ saṅs rgyas kyis sa ’jigs par mi bgyid lags so ||
de ci’i slad du źe na | ’di ltar byaṅ chub sems dpa’ sems dpa’ chen po des ’di lta ste | śes rab kyi pha rol tu phyin pa zab mo ’di la (2) blta ba daṅ phyag bgyi ba daṅ bsñen bkur bgyi brñed ciṅ mñan du rñed de | sṅa ltas de dag mchis pa’i slad du’o ||
de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to | ś ri’i bu de de bźin no ||
de de bźin te | ś ri’i (3) bu saṅs rgyas kyi mthus khyod śin tu spobs par gyis śig | ś ri’i bus gsol pa | bcom ldan ’das ’di lta ste dper bgyi na mi źig rgya mtsho chen po lta ’tshal bar gyur nas de rgya mtsho chen po blta ba’i slad du mchis na ji lta ji ltar rgya mtsho chen po blta ba’i slad du mchis pa | de lta de ltar (4) des yal ga gel ba’am | yal ga gel ba’i mtshan ma’am | ri’am ri’i mtshan ma dag mthoṅ bar gyur na des ’di ltar rgya mtshor chen po ni ’di nas thag riṅ ste rgya mtsho chen po ni ’di nas thag ñe ba ma lags so sñam du rig par bgyi’o ||
de ci’i slad du źe na | rgya mtsho chen po daṅ ñe ba (5) na yal ga gel ba’am | yal ga gel ba’i mtshan ma’am | ri’am ri’i mtshan ma dag ma mchis pa’i slad du’o ||
bcom ldan ’das ’di lta ste dper bgyi na | mi źig rgya mtsho chen po lta ’tshal bar gyur nas | ji lta ji ltar mchis pa de lta de ltar des yal ga gel ba’am | yal (6) ga gel ba’i mtshan ma’am | ri’am ri’i mtshan ma dag ma mthoṅ bar gyur na | de ’di sñam du rgya mtsho chen po ni ’di nas thag mi riṅ ṅo sñam du sems par ’gyur lags so ||
de ci’i slad du źe na | rgya mtsho chen po daṅ ñe ba na yal ga gel ba’am | yal ga gel ba’i mtshan (7) ma’am | ri’am ri’i mtshan ma dag mi gda’ ba’i slad du’o ||
mi de’i mig gis rgya mtsho chen po ma mthoṅ du lags kyaṅ | des bdag ni rgya mtsho chen po daṅ ñe bar gyur te | rgya mtsho chen po ni ’di nas thag ñe’o ||
rgya mtsho chen po ni ’di nas thag mi riṅ ṅo źes bgyi bar ṅes (100b1) par rtogs lags so ||
bcom ldan ’das de bźin du byaṅ chub sems dpa’ sems dpa’ chen po śes rab kyi pha rol tu phyin pa ’di ñan pa daṅ | ’dzin pa daṅ | ’chaṅ ba daṅ | klog pa daṅ | kun chub bar bgyid pa des kyaṅ ’di ltar rig par bgyi źiṅ | ’di ltar (2) bsam par bgyi ste | bdag de bźin gśegs pas bskal pa ’di sñed cig gam | bskal pa brgya phrag ’di sñed cig gam | bskal pa stoṅ phrag ’di sñed cig gam | bskal pa ’bum phrag ’di sñed cig gam | bskal pa bye ba khrag khrig phrag ’bum phrag ’di sñed (3) cig na | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
źes mṅon sum du luṅ ma bstan kyaṅ | byaṅ chub sems dpa’ sems dpa’ chen po des bdag bla na med pa yaṅ dag par rdzogs pa’i byaṅ chub tu luṅ bstan du ñe ba (4) lags so sñam du rig par bgyi’o ||
de ci’i slad du źe na | ’di ltar bdag gis śes rab kyi pha rol tu phyin pa zab mo ’di blta źiṅ mñan du rñed la thos nas kyaṅ gzuṅ ba daṅ | bcaṅ ba daṅ | klag ba daṅ | kun chub par bgyid pa daṅ | tshul bźin du yid la bgyir (5) mchis so sñam du sems pa’i slad du’o ||
bcom ldan ’das ’di lta ste | dper bgyin | dpyid byuṅ ste | yal ga ’gel ba rnam | sa kyi lo ma daṅ | ’dab ma lhags par gyur pa na | ’dzam bu’i gliṅ gi mi rnams kyis ’di ltar da ni riṅ po mi thogs par lo ma daṅ | mo tog daṅ | (6) ’bras bu dag ’byuṅ bar ’gyur ro sñam du rig par bgyi lags so ||
de ci’i slad du źe na | ’di ltar yal ga ’gel ba rnams la sṅa ltas de dag gda’ ba’i slad du ste | ’dzam bu’i gliṅ gi mi rnams kyis yal ga ’gel ba rnams la sṅa ltas de dag mthoṅ nas | ’di sñam du da ni (7) riṅ po mi thogs par lo ma daṅ | me tog daṅ | ’bras bu dag ’byuṅ bar ’gyur ro sñam nas | yid ga’ bar ’gyur lags so ||
bcom ldan ’das de bźin du gaṅ gi tshe | byaṅ chub sems dpa’ sems dpa’ chen pos śes rab kyi pha rol tu phyin pa zab mo ’di blta ba (101a1) daṅ | mñan pa’i slad du rñed ciṅ thos nas kyaṅ ’dzin par bgyid | ’chaṅ bar bgyid | klog par bgyid | kun chub par bgyid | tshul bźin du yid la bgyid na | bcom ldan ’das byaṅ chub sems dpa’ sems dpa’ chen po de ni dge (2) ba’i rtsa ba yoṅs su smin pa lags par rig par bgyi’o ||
bcom ldan ’das rigs kyi bu’am | rigs kyi bu mo de ni | saṅs rgyas maṅ po la bsñen bkur bgyid bgyid pa lags par rig par bgyi’o ||
bcom ldan ’das byaṅ chub sems dpa’ sems dpa’ (3) chen po de dag gis kyaṅ ’di sñam du | gaṅ gi slad du bdag cag gi śes rab kyi pha rol tu phyin pa zab mo ’di rñed ciṅ bltar mchis pa daṅ | mñan du mchis pa daṅ | phyag bgyir mchis pa daṅ | ji skad bstan pa’i śes rab kyi pha rol tu phyin pa la bsgrub tu mchis (4) pa las na | bdag cag ni sṅon gyi dge ba’i rtsa ba dag gis | bla na med pa yaṅ dag par rdzogs pa’i byaṅ chub la bsñen pa lags so sñam du rig par bgyi lags so ||
de na gaṅ dag sṅon saṅs rgyas mthoṅ bar gyur pa’i lha’i bu dag ’di sñam du | sṅon gyi byaṅ chub (5) sems dpa’ sems dpa’ chen po rnams la yaṅ luṅ bstan par ’gyur ba’i sṅa ltas ’di lta bu de dag byuṅ bar gyur pas na | byaṅ chub sems dpa’ sems dpa’ chen po ’di dag kyaṅ | riṅ po mi thogs par bla na med pa yaṅ dag par rdzogs pa’i byaṅ chub tu luṅ bstan par (6) ’gyur ro | sñam nas yi raṅs śiṅ rab tu dga’ ste | dga’ ba daṅ yid bde ba skye lags so ||
bcom ldan ’das ’di lta ste dper bgyi na | bud med sbrum pa ni ji lta ji ltar bu btsa’ bar ñe ba de lta de ltar de’i lus ’gyur te | lus ṅal ba’i tshor ba chen po skye ba (7) daṅ | ’chag par mi bgyid pa daṅ | dran pa chuṅ ba daṅ | g-yar zas kyi dad chuṅ ba daṅ | rmugs pa daṅ | gñid chuṅ ba daṅ | tshor ba de lta bu dag byuṅ bas smra ba ñuṅ ba daṅ | des sṅon tshul bźin ma lags pa yid la bgyis śiṅ bsten pa daṅ | lan maṅ du (101b1) bgyis śiṅ kun du bsten pas ’di lta bu’i tshor ba ’di dag ñams su myoṅ ṅo sñam du rtogs nas | mi sten pa’i ṅaṅ tshul can du ’gyur źiṅ | bud med gźan dag gis kyaṅ | bud med de’i mtshan ma gaṅ lags pa de dag mthoṅ nas | ’di sñam du bud med ’di ni riṅ po mi (2) thogs par bu btsa’ bar ’gyur ro | źes rtogs par ’gyur lags so ||
bcom ldan ’das de bźin du byaṅ chub sems dpa’ sems dpa’ chen po dge ba’i rtsa ba bskrun pa | saṅs rgyas maṅ po la bsñen bkur bgyis pa spyod pa legs par spyad pa | dge ba’i (3) bśes gñen gyis yoṅs su zin pa dge ’bi rtsa ba yoṅs su smin pa dag śes rab kyi pha rol tu phyin pa zab mo ’di rñed ciṅ rñed nas kyaṅ | ’dzin pa daṅ | ’chaṅ ba daṅ | klog pa daṅ | kun chub par bgyid pa daṅ | tshul bźin du yid la bgyid pa’i byaṅ chub sems (4) dpa’ sems dpa’ chen po de dag kyaṅ riṅ po mi thogs par | bla na med pa yaṅ dag par rdzogs pa’i byaṅ chub tu laṅ bstan par ’gyur bar rig par bgyi lags so ||
bcom ldan ’das kyis bka’ stsal pa | ś ri’i bu khyod spobs pa skyes pa ’di ni saṅs rgyas kyi mthu (5) yin te | ś ri’i bu legs so legs so || ||
’phags pa śes rab kyi pha rol tu phyin pa khri brgyad stoṅ pa | bam po sum cu rtsa gcig pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ’di ltar (6) de bźin gśegs pa dgra bcom pa yaṅ dag par rdzogs pa’i saṅs rgyas kyis byaṅ chub sems dpa’ chen po rnams la sman btags pa ni ṅo mtshar lags so ||
bcom ldan ’das kyis bka’ stsal pa | rab ’byor ’di ltar byaṅ chub sems dpa’ sems (7) dpa’ chen po rnams ni skye bo maṅ po la phan pa daṅ | skye bo maṅ po la bde ba daṅ | ’jig rten la sñiṅ brtse ba daṅ | lha daṅ mi rnams kyi skye bo phal po che’i don daṅ | phan pa daṅ bde ba’i phyir | bla na med pa yaṅ dag par rdzogs pa’i byaṅ chub tu źugs pa yin te | byaṅ (102a1) chub sems dpa’ sems dpa’ chen po de dag spyad pa spyod pa na | bsdu ba’i dṅos po bźi po sbyin pa daṅ | sñan par smra ba daṅ | don ’thun pa daṅ | don spyad pa dag gis byaṅ chub sems dpa’ stoṅ phrag maṅ po dag la phan ’dogs śiṅ | sems (2) can rnams kyaṅ dge ba bcu’i las kyi lam rnams yaṅ dag par ’dzin du ’jug pa daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi yaṅ dag par ’dzin du ’jug ciṅ | bdag kyaṅ chos de dag la gnas par byed do ||
(3) bdag kyaṅ sbyin pa’i pha rol tu phyin pa la spyod ciṅ | gźan dag kyaṅ sbyin pa’i pha rol tu phyin pa yaṅ dag par ’dzin du ’jug go ||
bdag kyaṅ tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam (4) gtan gyi pha rol tu phyin pa daṅ | śes rab kyi pha rol tu phyin pa la spyod ciṅ | gźan dag kyaṅ śes rab kyi pha rol tu phyin pa yaṅ dag par ’dzin du ’jug ste | de śes rab kyi pha rol tu phyin pa la brten ciṅ | thabs la mkhas pas sems can rnams rgyun du źugs pa’i (5) ’bras bu la ’god par byed kyaṅ | bdag ñid kyis mṅon sum du ni mi byed do ||
de bźin du lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub la ’god par byed kyaṅ bdag ñid kyaṅ raṅ byaṅ chub mṅon sum du mi (6) byed do ||
bdag kyaṅ phyir mi ldog pa’i sa gnon par byed ciṅ | gźan dag kyaṅ phyir mi ldog pa’i sa la ’god par byed do ||
de bdag kyaṅ saṅs rgyas kyi źiṅ yoṅs su dag par byed ciṅ | byaṅ chub sems dpa’ gźan dag kyaṅ | saṅs rgyas kyi źiṅ yoṅs su (7) dag par bya ba yaṅ dag par ’dzin du ’jug go ||
bdag kyaṅ sems can rnams yoṅs su smin par byed ciṅ | gźan dag kyaṅ sems can rnams yoṅs su smin par bya ba yaṅ dag par ’dzin du ’jug go ||
bdag kyaṅ mṅon par śes pa rnams skyed par byed ciṅ | (102b1) gźan dag kyaṅ mṅon par śes pa rnams thob par bya ba yaṅ dag par ’dzin du ’jug go ||
bdag kyaṅ gzuṅs kyi sgo yoṅs su dag par byed ciṅ | gźan dag kyaṅ gzuṅs kyi sgo yoṅs su dag par bya ba la yaṅ dag par ’dzin du ’jug go ||
bdag kyaṅ spobs pa phun (2) sum tshogs pa thob par byed ciṅ | gźan dag kyaṅ spobs pa phun sum tshogs pa yaṅ dag par ’dzin du ’jug go ||
bdag kyaṅ gzugs phun sum tshogs pa yoṅs su ’dzin par byed ciṅ | gźan dag kyaṅ gzugs phun sum tshogs pa thob par bya ba yaṅ dag (3) par ’dzin du ’jug go ||
bdag kyaṅ mtshan phun sum tshogs pa yoṅs su ’dzin par byed ciṅ | gźan dag kyaṅ mtshan phun sum tshogs pa thob par bya ba yaṅ dag par ’dzin du ’jug go ||
bdag kyaṅ gźon nur gyur pa phun sum tshogs pa yoṅs su ’dzin par byed (4) ciṅ | gźan dag kyaṅ gźon nur gyur pa phun sum tshogs pa thob par bya ba yaṅ dag par ’dzin du ’jug go ||
bdag kyaṅ de bźin gśegs pa’i stobs rnams sgrub par byed ciṅ | gźan dag kyaṅ de bźin gśegs pa’i stobs rnams bsgrub par bya ba yaṅ dag (5) par ’dzin du ’jug go ||
bdag kyaṅ bsam gtan bźi skyed par byed ciṅ | gźan dag kyaṅ bsam gtan bźi bskyed par bya ba yaṅ dag par ’dzin du ’jug go ||
bdag kyaṅ tshad med pa bźi daṅ | gzugs med pa’i sñoms par ’jug pa bźi daṅ | mi ’jigs (6) pa bźi daṅ | so so yaṅ dag par rig pa bźi skyed par byed ciṅ | gźan dag kyaṅ so so yaṅ dag par rig pa bźi thob par bya ba yaṅ dag par ’dzin du ’jug go ||
bdag kyaṅ saṅs rgyas kyi chos ma ’dres pa bco brgyad sgrub par byed ciṅ | gźan dag kyaṅ saṅs rgyas kyi (7) chos ma ’dres pa bco brgyad yaṅ dag par ’dzin du ’jug go ||
bdag kyaṅ rnam pa thams cad mkhyen pa ñid thob par byed ciṅ | gźan dag kyaṅ rnam pa thams cad mkhyen pa ñid yaṅ dag par ’dzin du ’jug go ||
bdag kyaṅ bag chags daṅ mtshams sbyor ba daṅ | ñon moṅs (103a1) pa thams cad spoṅ bar byed ciṅ | gźan dag kyaṅ bag chags daṅ | mtshams sbyor ba daṅ | ñon moṅs pa thams cad spaṅ bar bya ba yaṅ dag par ’dzin du ’jug go ||
bdag kyaṅ bla na med pa yaṅ dag par rdzogs pa’i byaṅ chub mṅon par rdzogs (2) par ’tshaṅ rgya bar byed ciṅ | gźan dag kyaṅ bla na med pa yaṅ dag par rdzogs pa’i byaṅ chub mṅon par rdzogs par byaṅ chub par bya bar yaṅ dag par ’dzin du ’jug go ||
bdag kyaṅ chos kyi ’khor lo skor bar byed ciṅ | gźan dag kyaṅ chos kyi ’khor lo bskor ba yaṅ (3) dag par ’dzin du ’jug go ||
rab ’byor gyis gsol pa | bcom ldan ’das ’di ltar byaṅ chub sems dpa’ sems dpa’ chen po gaṅ dag sems can rnams kyi slad du | śes rab kyi pha rol tu phyin pa la spyod pa ni | bla na med pa yaṅ dag par rdzogs pa’i byaṅ chub (4) mṅon par rdzogs par ’tshaṅ rgya źiṅ | yon tan maṅ po daṅ ldan pa ni ṅo mtshar lags so ||
bde bar gśegs pa ṅo mtshar lags so ||
bcom ldan ’das ji ltar na byaṅ chub sems dpa’ sems dpa’ chen po rnams kyi śes rab kyi pha rol tu phyin pa bsgom pa yoṅs su (5) rdzogs par ’gyur ba lags | bcom ldan ’das kyis bka’ stsal pa | rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | gzugs kyi rnam par ’phel ba yaṅ dag par rjes su mi mthoṅ ba daṅ | tshor ba daṅ | (6) ’du śes daṅ | ’du byed rnams daṅ | rnam par śes pa’i rnam par ’phel ba yaṅ dag par rjes su mi mthoṅ ba de’i tshe | byaṅ chub sems pada’a sems dpa’ chen po rnams kyi śes rab kyi pha rol tu phyin pa bsgom pa yoṅs su rdzogs pa yin no ||
de bźin du khams (7) rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa (103b1) rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid kyi rnam par ’phel ba yaṅ dag par rjes su mi mthoṅ ba de’i tshe | byaṅ chub sems dpa’ sems dpa’ chen po rnams kyi śes rab kyi pha rol tu phyin pa bsgom pa yoṅs su (2) rdzogs pa yin no ||
rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | gzugs kyi yoṅs su ’grib pa yaṅ dag par rjes su mi mthoṅ ba daṅ | tshor ba daṅ | ’du śes daṅ | ’du byed rnams (3) daṅ | rnam par śes pa’i yoṅs su ’grib pa yaṅ dag par rjes su mi mthoṅ ba de’i tshe | byaṅ chub sems dpa’ sems dpa’ chen po rnams kyi śes rab kyi pha rol tu phyin pa bsgom pa yoṅs su rdzogs pa yin no ||
de bźin du khams rnams daṅ | skye mched (4) rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas (5) kyi chos ma ’dres pa rnams daṅ | rnam pa thams cad mkhyen pa ñid kyi yoṅs su ’grib pa yaṅ dag par rjes su mi mthoṅ ba de’i tshe | byaṅ chub sems dpa’ sems dpa’ chen po rnams kyi śes rab kyi pha rol tu phyin pa bsgom pa yoṅs su rdzogs pa yin no ||
(6) rab ’byor gźan yaṅ gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | chos źes bya bar yaṅ dag par rjes su mi mthoṅ ṅo ||
chos ma yin źes bya bar yaṅ dag par rjes su mi mthoṅ | ’das pa źes bya bar yaṅ dag (7) par rjes su mi mthoṅ | ma ’oṅs pa źes bya bar yaṅ dag par rjes su mi mthoṅ | da ltar byuṅ ba źes bya bar yaṅ dag par rjes su mi mthoṅ | dge ba daṅ mi dge ba daṅ | luṅ bstan du yod pa daṅ | luṅ du ma bstan pa źes bya bar yaṅ dag par rjes su (104a1) mi mthoṅ | ’dus byas daṅ | ’dus ma byas źes bya bar yaṅ dag par rjes su mi mthoṅ | ’dod pa’i khams yaṅ dag par rjes su mi mthoṅ | gzugs kyi khams yaṅ dag par rjes su mi mthoṅ | gzugs med pa’i khams yaṅ dag par (2) rjes su mi mthoṅ | sbyin pa’i pha rol tu phyin pa yaṅ dag par rjes su mi mthoṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa yaṅ dag par rjes su mi mthoṅ | rnam pa thams cad mkhyen pa ñid kyi (3) bar du yaṅ dag par rjes su mi mthoṅ ba de’i tshe | byaṅ chub sems dpa’ sems dpa’ chen po rnams kyi śes rab kyi pha rol tu phyin pa bsgom pa yoṅs su rdzogs pa yin no ||
de ci’i phyir źe na | rab ’byor ’di ltar chos rnams kyi chos kyi mtshan ñid ni phyir mi ldog pa ñid (4) daṅ | gsog ñid daṅ | gsob ñid daṅ | sñiṅ po med pa ñid daṅ | ya ma brla ñid yin pa’i phyir ro ||
rab ’byor gyis gsol pa | bcom ldan ’das bsam gyis mi khyab pa bstan pa lags so ||
bcom ldan ’das kyis bka’ stsal pa | rab ’byor (5) gzugs bsam gyis mi khyab pa’i phyir | bsam gyis mi khyab pa bstan pa yin no ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa bsam gyis mi khyab pa’i phyir | bsam gyis mi khyab pa bstan pa yin no ||
rab ’byor sbyin pa’i (6) pha rol tu phyin pa bsam gyis mi khyab pa’i phyir | bsam gyis mi khyab pa bstan pa yin no ||
de bźin du tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa bsam gyis mi khyab pa’i phyir | bsam gyis mi khyab (7) pa bstan pa yin no ||
de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos sum cu rtsa bdun daṅ | stobs bcu daṅ | mi ’jigs pa rnams daṅ | (104b1) so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid kyi bar du bsam gyis mi khyab pa’i phyir | bsam gyis mi khyab pa bstan pa yin no ||
rab ’byor gal te byaṅ chub sems dpa’ sems dpa’ (2) chen po śes rab kyi pha rol tu phyin pa la spyod pa | gzugs bsam gyis mi khyab ces bya bar kun tu śes par mi byed | tshor ba daṅ | ’du śes daṅ | ’du byed rnams daṅ | rnam par śes pa bsam gyis mi khyab ces bya bar kun tu śes par mi byed na | śes rab kyi pha (3) rol tu phyin pa bsgom pa yoṅs su rdzogs pa yin no ||
gal te khams rnams daṅ | skye mched rnams daṅ | rten ciṅ ’brel bar ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs rnams daṅ (4) mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid bsam gyis mi khyab ces bya bar kun du śes par mi byed na | śes rab kyi pha rol tu phyin pa bsgom pa yoṅs su rdzogs (5) pa yin no ||
rab ’byor gyis gsol pa | bcom ldan ’das śes rab kyi pha rol tu phyin pa zab mo ’di la su dag mos par ’gyur lags | bcom ldan ’das kyis bka’ stsal pa | rab ’byor gaṅ dag sṅon pha rol tu phyin pa drug la spyod spyod pa daṅ | de bźin gśegs (6) pa la dge ba’i rtsa ba skyed skyed pa daṅ | saṅs rgyas maṅ po la bsñen bkur byed byed pa daṅ | dge ba’i bśes gñen gyis yoṅs su zin pa’i byaṅ chub sems dpa’ sems dpa’ chen po de dag śes rab kyi pha rol tu phyin pa zab mo ’di la mos par ’gyur ro ||
rab ’byor gyis (7) gsol pa | bcom ldan ’das ji tsam gyis na | byaṅ chub sems dpa’ sems dpa’ chen po pha rol tu phyin pa drug la spyod ciṅ | de bźin gśegs pa las dge ba’i rtsa ba bskrun pa daṅ | saṅs rgyas maṅ po la bsñen bkur bgyis pa daṅ | dge ba’i bśes gñen gyis yoṅs (105a1) su zin pa lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni gzugs su mi rtog rnam par mi rtog go ||
gzugs kyi mtshan mar mi rtog rnam par mi rtog go ||
(2) gzugs kyi raṅ bźin du mi rtog rnam par mi rtog go ||
tshor ba daṅ | ’du śes daṅ | ’du byed rnams daṅ | rnam par śes par mi rtog rnam par mi rtog go ||
rnam par śes pa’i mtshan mar mi rtog rnam par mi rtog go ||
rnam par śes pa’i raṅ bźin du mi rtog rnam par mi rtog (3) go ||
de bźin du khams rnams daṅ | skye mched rnams daṅ | rten ciṅ ’brel bar ’byuṅ ba daṅ | ’dod pa daṅ | gzugs daṅ | gzugs med pa’i khams daṅ | sbyin pa’i pha rol tu phyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | (4) śes rab kyi pha rol tu phyin pa daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | (5) stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa rnams su mi rtog rnam par mi rtog go ||
rnam pa thams cad mkhyen pa ñid kyi bar du mi rtog rnam par mi rtog go ||
rnam pa thams cad mkhyen pa ñid kyi mtshan mar mi (6) rtog rnam par mi rtog go ||
rnam pa thams cad mkhyen pa ñid kyi raṅ bźin du mi rtog rnam par mi rtog go ||
de ci’i phyir źe na | rab ’byor ’di ltar gzugs ni bsam gyis mi khyab | tshor ba daṅ | ’du śes daṅ | ’du byed rnams daṅ | rnam par śes pa yaṅ bsam gyis mi khyab (7) la | de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa daṅ | so so yaṅ dag par rig pa daṅ | (105b1) saṅs rgyas kyi chos ma ’dres pa daṅ | rnam pa thams cad mkhyen pa ñid kyaṅ bsam gyis mi khyab pa’i phyir te | rab ’byor de ltar na byaṅ chub sems dpa’ sems dpa’ chen po pha rol tu phyin pa drug la spyad ciṅ de bźin gśegs pa las dge ba’i rtsa ba bskyed ba daṅ | saṅs (2) rgyas maṅ po la bsñen bkur byas ba daṅ | dge ba’i bśes gñen gyis yoṅs su zin pa yin no ||
rab ’byor gyis gsol pa | bcom ldan ’das gzugs zab pa’i slad du śes rab kyi pha rol tu phyin pa zab pa lags so ||
tshor ba daṅ | ’du śes daṅ | ’du byed (3) rnams daṅ | rnam par śes pa zab pa’i slad du | śes rab kyi pha rol tu phyin pa zab pa lags so ||
de bźin du khams rnams daṅ | skye mched rnams daṅ | rten ciṅ ’brel par ’byuṅ ba daṅ | pha rol tu phyin pa rnams daṅ | stoṅ pa ñid thams cad daṅ | byaṅ chub kyi (4) phyogs kyi chos rnams daṅ | stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa zab pa’i slad du | śes rab kyi pha rol tu phyin pa zab pa lags so ||
rnam pa thams cad mkhyen pa ñid zab pa’i slad du | śes (5) rab kyi pha rol tu phyin pa zab pa lags so ||
bcom ldan ’das śes rab kyi pha rol tu phyin pa ni rgyun tu źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’od ba’i ’bras bu daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par (6) rdzogs pa’i byaṅ chub rin po che dag skyed par bgyid pas | rin po che’i phuṅ po lags so ||
bcom ldan ’das śes rab kyi pha rol tu phyin pa ’di ni chos kyi ’khor lo skor bar bgyid pa lags so ||
bcom ldan ’das śes rab kyi pha rol tu phyin pa ni chos thams cad kyi dag pa’i (7) phuṅ po lags so ||
bcom ldan ’das kyis bka’ stsal pa | rab ’byor gzugs dag pa ñid daṅ | tshor ba daṅ | ’du śes daṅ | ’du byed rnams daṅ | rnam par śes pa dag pa ñid daṅ | khams daṅ | skye mched daṅ | rten ciṅ ’brel bar ’byuṅ ba daṅ | pha rol (106a1) tu phyin pa daṅ | stoṅ pa ñid thams cad daṅ | byaṅ chub kyi phyogs kyi chos daṅ | stobs bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa daṅ | rnam pa thams cad mkhyen pa ñid dag pa ñid kyi phyir ro ||
(2) rab ’byor gyis gsol pa | bcom ldan ’das ’di ltar śes rab kyi pha rol tu phyin pa zab mo ’di bśad pa na bar chad maṅ po mi ’byuṅ ba ni ṅo mtshar lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | śes rab kyi pha rol tu (3) phyin pa zab mo ’di la ni bar chad maṅ ste | rigs kyi bu’am rigs kyi bu mo śes rab kyi pha rol tu phyin pa zab mo ’di yi ger ’dri ba daṅ | ston pa daṅ | klog pa daṅ | ’chad pa daṅ | tshul bźin du yid la byed ba daṅ | sgom par byed pa dag gis śes rab kyi pha rol tu (4) phyin pa zab mo ’di yi ger ’dri ba daṅ | bklag pa daṅ | bstan pa daṅ | bśad pa daṅ | tshul bźin du yid la byed pa’i bar dag la bar chad ’byuṅ bar mi ’gyur bar myur ba ñid du yi ger bri bar bya źiṅ myur ba ñid du bsgom par bya’o ||
de ci’i phyir źe na | rab ’byor rigs kyi bu ’am (5) rigs kyi bu mo des gal te śes rab kyi pha rol tu phyin pa zab mo ’di zla ba gcig gis yi ger bri bar byas na yaṅ des de bźin du yi ger bri bar bya | gal te zla ba gñis sam | gsum ’am | bźi’am | lṅa’am | drug gam | bdun nam lo’i bar gyis yi ger bri bar bya na yaṅ des de (6) bźin du yi ger bri bar bya | gal te lo’i bar gyis bśad pa daṅ | kha ton du bya ba daṅ | rab tu bstan par bya ba daṅ | tshul bźin du yid la bya ba daṅ bsgom par bya na yaṅ des de bźin du bsgom par bya ba’i phyir ro ||
de ci’i phyir źe na | rab ’byor rin po che chen po ’di la bar chad (7) maṅ du ’byuṅ bar ’gyur ba’i phyir ro ||
rab ’byor gyis gsol pa | bcom ldan ’das bdud sdig can ’di lta ste | śes rab kyi pha rol tu phyin pa zab mo ’di yi ger mi bri ba daṅ | mi klag pa daṅ | kha ton du mi bgyi ba daṅ | tshul bźin du yid la mi bgyi pa daṅ | bsgom par mi (106b1) bgyi ba’i slad du bar chad bgyid par mi ’gyur lags sam | bcom ldan ’das kyis bka’ stsal pa | rab ’byor bdud sdig can ni ’di lta ste | śes rab kyi pha rol tu phyin pa zab mo ’di ci nas kyaṅ yi ger mi bri ba daṅ | mi klag pa daṅ | kha ton du mi bya ba daṅ | mi bsgom (2) par bya ba’i bar gyi phyir bar chad bya bar brtson mod kyi | ’on kyaṅ byaṅ chub sems dpa’ sems dpa’ chen po śes rab kyi pha rol tu phyin pa zab mo ’di yi ger ’dri ba daṅ | klog pa daṅ | kha ton du byed pa daṅ | tshul bźin du yid la byed pa daṅ | sgom pa rnams la bar chad byed (3) mi nus so ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das su’i mthus na | byaṅ chub sems dpa’ sems dpa’ chen po śes rab kyi pha rol tu phyin pa zab mo ’di yi ger ’dri ba daṅ | klog pa daṅ | sgom pa’i bar dag la (4) bdud sdig can gyis bar chad bgyid par rṅo mi thogs pa lags | bcom ldan ’das kyis bka’ stsal pa | ś ri’i bu saṅs rgyas kyi mthus na | byaṅ chub sems dpa’ sems dpa’ chen po śes rab kyi pha rol tu phyin pa zab mo ’di yi ger ’dri ba daṅ | klog pa daṅ | (5) ’chad pa daṅ | kha ton du byed pa daṅ | tshul bźin du yid la byed pa daṅ | sgom pa dag la bdud sdig can bar chad byed mi nus so ||
ś ri’i bu gaṅ yaṅ phyogs bcu kun na | saṅs rgyas bcom ldan ’das gaṅ dag bźugs te ’tsho źiṅ gźes pa’i saṅs rgyas bcom ldan (6) ’das de dag gi mthu daṅ | saṅs rgyas bcom ldan ’das de dag byaṅ chub sems dpa’ sems dpa’ chen po de la dgoṅs śiṅ phan ’dogs par ’gyur te | saṅs rgyas bcom ldan ’das de dag gis dgoṅs śiṅ phan btags pa’i byaṅ chub sems dpa’ sems dpa’ chen po (7) śes rab kyi pha rol tu phyin pa zab mo ’di yi ger ’dri ba daṅ | klog pa daṅ | ston pa daṅ | kha ton du byed pa daṅ | tshul bźin du yid la byed pa daṅ | sgom pa rnams la bdud sdig can bar chad byed mi nus so ||
de ci’i phyir źe na | ś ri’i bu ’di ltar saṅs rgyas kyis (107a1) yoṅs su gzuṅ ba’i byaṅ chub sems dpa’ sems pada’a chen po śes rab kyi pha rol tu phyin pa zab mo ’di yi ger ’dri ba daṅ | klog pa daṅ | kha ton du byed pa daṅ | ’chad pa daṅ | tshul bźin du yid la byed pa daṅ | sgom pa rnams la bdud sdig can bar chad (2) byed mi nus pa’i phyir ro ||
de ci’i phyir źe na | ś ri’i bu phyogs bcu kun gyi ’jig rten gyi khams tshad med graṅs med pa dag na | de bźin gśegs pa dgra bcom pa yaṅ dag par rdzogs pa’i saṅs rgyas tshad med graṅs med pa gaṅ dag bźugs te | ’tsho źiṅ gźes pa de dag (3) byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di yi ger ’dri ba daṅ | klog pa daṅ | kha ton du byed pa daṅ | ’chad pa daṅ | tshul bźin du yid la byed ciṅ sgom pa de la dgoṅs par ’gyur ba ni chos ñid yin pa’i phyir ro ||
ś ri’i (4) bu rigs kyi bu’am rigs kyi bu mo śes rab kyi pha rol tu phyin pa zab mo ’di yi ger ’dri ba daṅ | klog pa daṅ | kha ton du byed pa daṅ | ston pa daṅ | tshul bźin du yid la byed pa daṅ | sgom pa des kyaṅ ’di ltar bdag ni saṅs rgyas kyi mthus | śes rab kyi pha rol tu phyin (5) pa ’di yi ger ’dri’o ||
tshul bźin du yid la byed do ||
sgom mo sñam du rig par bya’o ||
ś ri’i bus gsol pa | bcom ldan ’das rigs kyi bu’am rigs kyi bu mo gaṅ śes rab kyi pha rol tu phyin pa zab mo ’di yi ger ’dri ba daṅ | (6) klog pa daṅ | kha ton du bgyid pa daṅ | ston pa daṅ | tshul bźin du yid la bgyid pa de dag thams cad saṅs rgyas kyi mthu lags sam | kun kyaṅ saṅs rgyas kyis yoṅs su gzuṅ ba lags sam | bcom ldan ’das kyis bka’ stsal pa | ś ri’i bu de de bźin te | (7) de de bźin no ||
ji skad smras pa de bźin te | rigs kyi bu ’am rigs kyi bu mo gaṅ la la śes rab kyi pha rol tu phyin pa ’di yi ger ’dri ba daṅ | klog pa daṅ | luṅ nod pa daṅ | kha ton du byed pa daṅ | gźan dag la yaṅ ston par byed pa daṅ | tshul bźin du yid la byed pa daṅ | sgom (107b1) par byed ba de dag thams cad ni | ś ri’i bu saṅs rgyas kyi mthu yin pa daṅ | kun kyaṅ saṅs rgyas kyis yoṅs su bzuṅ ba yin par rig par bya’o ||
ś ri’i bus gsol pa | bcom ldan ’das rigs kyi bu’am rigs kyi bu mo gaṅ dag śes rab kyi pha rol tu phyin pha rol tu phyin pa zab mo ’di (2) yi ger ’dri ba daṅ | klog pa daṅ | luṅ nod pa daṅ | kha ton du bgyid pa daṅ | ’chad pa daṅ | ston pa daṅ | sgom pa daṅ | tshul bźin du yid la bgyid pa de dag ni phyogs bcu kun gyi ’jig rten gyi khams tshad ma mchis | graṅs ma mchis pa dag na | de bźin gśegs (3) pa dgra bcom pa yaṅ dag par rdzogs pa’i saṅs rgyas gaṅ dag bźugs te ’tsho źiṅ gźes pa de dag gis mkhyen lags so ||
byaṅ chub sems dpa’ sems dpa’ chen po gaṅ dag śes rab kyi pha rol tu phyin pa zab mo ’di yi ger ’dri ba daṅ | klog pa daṅ | luṅ non pa daṅ (4) kha ton du bgyid pa daṅ | ’chad pa daṅ | ston pa daṅ | sgom pa daṅ | tshul bźin du yid la bgyid pa de dag ni saṅs rgyas bcom ldan ’das de dag gis saṅs rgyas kyi spyan gyis gzigs śiṅ thugs su chud lags so ||
bcom ldan ’das kyis bka’ stsal pa | ś ri’i (5) bu de de bźin no ||
de de bźin te | rigs kyi bu’am rigs kyi bu mo gaṅ dag śes rab kyi pha rol tu phyin pa ’id yi ger ’dri ba daṅ | klog pa daṅ | luṅ nod pa daṅ | kha ton du byed pa daṅ | ’chad pa daṅ | ston pa daṅ | sgom pa daṅ | tshul bźin du yid la byed ciṅ ||
(6) de bźin ñid du sgrub par byed pa de dag ni phyogs bcu kun gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis mkhyen to ||
byaṅ chub sems dpa’ sems dpa’ chen po de dag ni saṅs rgyas bcom ldan ’das de dag gi saṅs rgyas kyi spyan gyis (7) gzigs śiṅ thugs su chud de | ś ri’i bu theg pa chen po ba’i rigs kyi bu daṅ rigs kyi bu mo de dag ni bla na med pa yaṅ dag par rdzogs pa’i byaṅ chub daṅ ñe bar ’gyur ba yin no ||
ś ri’i bu byaṅ chub sems dpa’i theg pa pa’i rigs kyi bu ’am rigs kyi bu mo gaṅ dag śes rab (108a1) kyi pha rol tu phyin pa zab mo ’di ’dzin par ’gyur ba’i rigs kyi bu’am rigs kyi bu mo de dag ni śes rab kyi pha rol tu phyin pa zab mo ’di la mos pa maṅ bar ’gyur źiṅ | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos (2) daṅ | gdugs daṅ | rgyal mtshan daṅ | bdan dag gis śes rab kyi pha rol tu phyin pa zab mo ’di la bsti staṅ du byed | bla mar byed | ri mo byed mchod pa byed bar ’gyur te | ś ri’i bu byaṅ chub sems dpa’ sems dpa’ chen po de dag daṅ | rigs kyi bu’am rigs kyi bu mo de (3) dag kyaṅ | de bźin gśegs pas saṅs rgyas kyi spyan gyis gzigs so ||
ś ri’i bu rigs kyi bu’am rigs kyi bu mo gaṅ śes rab kyi pha rol tu phyin pa zab mo ’di yi ger bris śiṅ ’chad ba de dag kyaṅ don che ba daṅ | phan yon che ba daṅ | ’bras bu che ba daṅ | rnam par (4) smin pa che bar ’gyur te | dge ba’i rtsa ba des nam yaṅ saṅs rgyas bcom ldan ’das rnams daṅ ’bral bar mi ’gyur la | nam yaṅ ṅan soṅ rnams su skye bar mi ’gyur źiṅ | lha daṅ mi rnams su skyes na yaṅ | saṅs rgyas daṅ byaṅ chub sems dpa’ rnams daṅ ’bral bar mi (5) ’gyur źiṅ | phyir mi ldog pa’i gnon par yaṅ ’gyur ro ||
ś ri’i bu byaṅ chub sems dpa’ chen po de dag daṅ | rigs kyi bu’am rigs kyi bu mo de dag ni dge ba’i rtsa ba de nam yaṅ pha rol tu phyin pa drug daṅ ’bral bar mi ’gyur ro ||
nam yaṅ naṅ stoṅ pa ñid (6) daṅ | dṅos po med pa’i ṅo bo ñid stoṅ pa ñid kyi bar daṅ ’bral bar mi ’gyur ro ||
nam yaṅ dran pa ñe bar gźag pa rnams daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams (7) daṅ | lam daṅ ’bral bar mi ’gyur ro ||
nam yaṅ de bźin gśegs pa’i stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad daṅ ’bral bar mi ’gyur ro ||
nam yaṅ rnam pa thams cad mkhyen (108b1) pa ñid daṅ ’bral bar mi ’gyur ro ||
ś ri’i bu śes rab kyi pha rol tu phyin pa ’di ni de bźin gśegs pa ’das nas | lho phyogs kyi rgyud na spyod par ’gyur te | de na dge sloṅ daṅ | dge sloṅ ma daṅ | dge bsñen daṅ | dge bsñen ma dag śes rab kyi pha rol tu phyin pa zab (2) mo ’di yi ger ’dri ba daṅ | ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed par ’gyur te | de dag dge ba’i rtsa ba des ṅan ’gro log par ltuṅ ba rnams su ’gro bar mi ’gyur źiṅ | lha daṅ mi ’i phun sum tshogs pa dag ñams (3) su myoṅ ba daṅ | pha rol tu phyin pa drug gis mṅon par ’phags par ’gyur te | saṅs rgyas bcom ldan ’das rnams la bsti staṅ du byed | bla mar byed | ri mo byed | mchod pa byed ciṅ | theg pa gsum po ñan thos kyi theg pa’am | raṅ saṅs rgyas kyi theg pa’am | (4) theg pa chen pos rim gyis yoṅs su mya ṅan las ’da’ bar ’gyur ro ||
ś ri’i bu śes rab kyi pha rol tu phyin pa zab mo ’di lho phyogs kyi rgyud nas | yul ba ta ni na spyod par ’gyur te | der yaṅ dge sloṅ daṅ | dge sloṅ ma daṅ | dge bsñen daṅ | dge bsñen ma dag (5) śes rab kyi pha rol tu phyin pa zab mo ’di yi ger ’dri ba daṅ | ’dzin pa daṅ | ’chaṅ pa daṅ | klog pa daṅ | kun chub par byed pa daṅ | tshul bźin du yid la byed par ’gyur źiṅ | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | (6) gos daṅ | gtugs daṅ | rgyal mtshan daṅ | ba dan dag gis bsti staṅ du byed | bla mar byed | ri mo byed | mchod pa byed par ’gyur te | de dag dge ba’i rtsa ba des ṅan ’gro log par ltuṅ ba rnams su ’gro bar mi ’gyur źiṅ | de dag lha daṅ mi’i phun sum tshogs pa dag (7) ñams su myoṅ ba daṅ | pha rol tu phyin pa drug gis mthon par ’phags par ’gyur te | saṅs rgyas bcom ldan ’das rnams la mchod pa byed ciṅ | theg pa gsum po ñan thos kyi theg pa daṅ | raṅ saṅs rgyas kyi theg pa daṅ | theg pa chen pos rim gyis ṅes par ’byur bar (109a1) ’gyur ro ||
ś ri’i bu śes rab kyi pha rol tu phyin pa zab mo ’di yul ba ta ni nas | byaṅ phyogs kyi rgyud na spyod par ’gyur te | ś ri’i bu der yaṅ dge sloṅ daṅ | dge sloṅ ma daṅ | dge bsñen daṅ | dge bsñen ma dag śes rab kyi pha rol tu phyin pa zab (2) mo ’di yi ger ’dri ba daṅ | ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed par ’gyur te | de dag dge ba’i rtsa ba des ṅan ’gro log par ltuṅ ba rnams su ’gro bar mi ’gyur źiṅ | de dag lha daṅ mi’i phun sum tshogs pa (3) dag ñams su myoṅ ba daṅ | pha rol tu phyin pa drug gis mṅon par ’phags par ’gyur te | saṅs rgyas bcom ldan ’das rnams la mchod pa byed ciṅ | theg pa gsum po ñan thos kyi theg pa daṅ | raṅ saṅs rgyas kyi theg pa daṅ | theg pa chen po sa rim gyis ṅes par (4) ’byuṅ bar ’gyur te | ś ri’i bu de ltar na śes rab kyi pha rol tu phyin pa zab mo ’di ni ma ’oṅs pa’i dus lṅa brgya tha ma la de dag ni saṅs rgyas kyi mdzad pa byed par ’gyur ro ||
de ci’i phyir źe na | ś ri’i bu chos ’dul ba sñiṅ por gyur na | dam pa’i chos nub par mi ’gyur (5) ba’i phyir ro ||
ś ri’i bu rigs kyi bu daṅ rigs kyi bu mo gaṅ dag śes rab kyi pha rol tu phyin pa zab mo ’di yi ger ’dri ba daṅ | ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed pa daṅ | de bźin ñid du sgrub (6) par ’gyur ba de dag ni ṅas dgoṅs pa yin no ||
ś ri’i bu rigs kyi bu daṅ rigs kyi bu mo gaṅ dag gis śes rab kyi pha rol tu phyin pa zab mo ’di yi ger ’dri bar ’gyur ba daṅ | bris nas kyaṅ me tog daṅ | bdug pa daṅ | spos daṅ | me tog phreṅ daṅ | byug pa daṅ | (7) phye ma daṅ | gos daṅ gdugs daṅ | rgyal mtshan daṅ | ba dan dag gis bsti staṅ du bya ba daṅ | bla mar byed pa daṅ | ri mor byed pa daṅ | mchod pa byed par ’gyur ba’i rigs kyi bu daṅ rigs kyi bu mo de dag ni dge ba’i rtsa ba des ṅan ’gro log par ltuṅ ba rnams su ’gro bar mi ’gyur źiṅ (109b1) lha daṅ mi’i phun sum tshogs pa dag ñams su myoṅ ba daṅ | pha rol tu phyin pa drug gis mṅon par ’phags par ’gyur te | mṅon par ’phags nas kyaṅ saṅs rgyas bcom ldan ’das rnams la bsti staṅ du byed | bla mar byed | ri mor byed | mchod pa byed ciṅ theg pa (2) gsum po ñan thos kyi theg pa daṅ | raṅ saṅs rgyas kyi theg pa daṅ | theg pa chen pos rim gyis des par ’byuṅ bar ’gyur ro ||
de ci’i phyir źe na | ś ri’i bu ’di ltar rigs kyi bu daṅ rigs kyi bu mo de dag ni de bźin gśegs pas saṅs rgyas kyi spyan gyis gzigs (3) śiṅ de dag ni de bźin gśegs pas bsṅags pa daṅ | de dag ni de bźin gśegs pas bstod pa yin la | rigs kyi bu daṅ rigs kyi bu mo de dag ni phyogs bcu kun gyi ’jig rten gyi khams rab ’byam thams cad na saṅs rgyas bcom ldan ’das gaṅ dag bźugs te | ’tsho (4) źiṅ gźes pa’i de bźin gśegs pa dgra bcom pa yaṅ dag par rdzogs pa’i saṅs rgyas de dag gis kyaṅ saṅs rgyas kyi spyan gyis gzigs nas | rigs kyi bu daṅ rigs kyi bu mo de dag bstod ciṅ bsṅags la rab tu bsṅags pa’i phyir ro ||
ś ri’i bus gsol pa | bcom (5) ldan ’das slad ma’i dus slad ma’i tshe na | śes rab kyi pha rol tu phyin pa zab mo ’di byaṅ phyogs su rgyas par ’gyur lags sam | bcom ldan ’das kyis bka’ stsal pa | ś ri’i bu de de bźin no ||
de de bźin te | ś ri’i bu phyi ma’i dus phyi ma’i tshe na | śes rab kyi (6) pha rol tu phyin pa zab mo ’di byaṅ phyogs su rgyas par ’gyur ro ||
ś ri’i bu phyi ma’i dus phyi ma’i tshe na de rigs kyi bu daṅ rigs kyi bu mo de dag śes rab kyi pha rol tu phyin pa zab mo ’di ñan par ’gyur źiṅ | thos nas kyaṅ yi ger ’dri ba daṅ | ’dzin pa daṅ | ’tshaṅ (7) ba daṅ | klog pa daṅ | kun chub par byed pa daṅ | tshul bźin du yid la byed ciṅ | de bźin ñid du sgrub par ’gyur te | rigs kyi bu daṅ rigs kyi bu mo gaṅ dag śes rab kyi pha rol tu phyin pa zab mo ’di ñan par ’gyur źiṅ | thos nas kyaṅ ’dzin pa daṅ | ’chaṅ ba (110a1) daṅ | klog pa daṅ | kun chub par byed pa daṅ | tshul bźin du yid la byed ciṅ | de bźin ñid du sgrub par byed pa de dag ni yun riṅ po nas theg pa la yaṅ dag par źugs śiṅ saṅs rgyas maṅ po la bsñen bkur byas pa daṅ | de bźin gśegs pa las (2) dge ba’i rtsa ba bskyed pa yin no ||
ś ri’i bus gsol pa | bcom ldan ’das slad du ma’i tshe slad ma’i dus na | byaṅ phyogs logs su rigs kyi bu’am rigs kyi bu mo gaṅ śes rab kyi pha rol tu phyin pa zab mo ’di ñan par ’gyur źiṅ thos nas kyaṅ ’dzin pa daṅ | ’chaṅ ba daṅ | (3) klog pa daṅ | kun chub par bgyid pa daṅ | tshul bźin du yid la bgyid ciṅ | de bźin ñid du sgrub par ’gyur ba’i rigs kyi bu’am rigs kyi bu mo ji sñed cig ’byuṅ bar ’gyur ba lags | bcom ldan ’das kyis bka’ stsal pa | ś ri’i bu phyi ma’i tshe phyi ma’i dus na | (4) byaṅ phyogs logs su byaṅ chub sems dpa’ sems dpa’ chen po ni maṅ du ’byuṅ mod kyi | ś ri’i bu gaṅ dag śes rab kyi pha rol tu phyin pa zab mo ’di ñan par ’gyur ba daṅ | thos nas kyaṅ yi ger ’dri ba daṅ | ’dzin pa daṅ | ’chaṅ ba daṅ | klog pa daṅ | kun chub (5) par byed pa daṅ | tshul bźin du yid la byed ciṅ | de bźin du sgrub par byed pa’i byaṅ chub sems dpa’ sems dpa’ chen po daṅ | rigs kyi bu’am rigs kyi bu mo dag ni maṅ po mi ’byuṅ ste | byaṅ chub sems pada’a sems dpa’ chen po daṅ | rigs kyi bu daṅ (6) rigs kyi bu mo de dag ni śes rab kyi pha rol tu phyin pa zab mo ’id bśad pa thos na | mi skrag mi dṅaṅ źiṅ dṅaṅ bar mi ’gyur ro ||
de ci’i phyir źe na | rigs kyi bu daṅ rigs kyi bu mo de dag gis | de bźin gśegs pa dgra bcom pa yaṅ dag par rdzogs pa’i saṅs rgyas (7) rnams kyi phyi bźin ’braṅ źiṅ yoṅs su źu ba daṅ | yoṅs su dri ba dag byas pa’i phyir ro ||
de ci’i phyir źe na | rigs kyi bu daṅ rigs kyi bu mo de dag śes rab kyi pha rol tu phyin pa loṅs su rdzogs par ’gyur źiṅ | de bźin du rigs kyi bu daṅ rigs kyi bu mo de dag bsam (110b1) gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa yoṅs su rdzogs par ’gyur ba daṅ | rigs kyi bu daṅ rigs kyi bu mo de dag naṅ stoṅ pa (2) ñid daṅ | dṅos po med pa’i ṅo bo ñid stoṅ pa ñid kyi bar dag yoṅs su rdzogs par ’gyur ba daṅ | rigs kyi bu daṅ rigs kyi bu mo de dag dran pa ñe bar gźag pa rnams yoṅs su rdzogs par ’gyur ba daṅ | rigs kyi bu daṅ rigs kyi bu mo de dag yaṅ dag par spoṅ (3) ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam yoṅs su rdzogs par ’gyur ba daṅ | rigs kyi bu daṅ rigs kyi bu mo de dag stobs bcu daṅ | mi ’jigs pa rnams daṅ | so (4) so yaṅ dag par rig pa rnams daṅ | saṅs rgyas kyi chos ma ’dres pa rnams yoṅs su rdzogs par ’gyur ba’i phyir ro ||
ś ri’i bu rigs kyi bu daṅ rigs kyi bu mo de dag ni dge ’bi rtsa bas ñe bar brtan ciṅ | bla na med pa yaṅ dag par rdzogs pa’i byaṅ chub ’di las (5) brtsams nas | de dag skye bo maṅ po’i don byed par ’gyur ro ||
de ci’i phyir źe na | ś ri’i bu ’di ltar rigs kyi bu daṅ rigs kyi bu mo de dag laṅs rnam pa thams cad mkhyen pa ñid daṅ ldan pa’i gtam brjod ciṅ | ’das pa’i dus na de bźin gśegs pa dgra bcom pa (6) yaṅ dag par rdzogs pa’i saṅs rgyas gaṅ dag byuṅ bar gyur pa’i saṅs rgyas bcom ldan ’das de dag gis kyaṅ rigs kyi bu daṅ rigs kyi bu mo de dag la rnam pa thams cad mkhyen pa ñid daṅ ldan pa’i gtam brjod pas | de dag tshe rab rjes na yaṅ ’di ltar spyod (7) par ’gyur te | ’di lta ste | bla na med pa yaṅ dag par rdzogs pa’i byaṅ chub las brtsams śiṅ | de dag de lta bu’i gtam brjod par ’gyur ba’i phyir ro ||
bdud dam bdud kyi ris kyi lha rnams kyis kyaṅ | rigs kyi bu daṅ rigs kyi bu mo de dag bla na med pa yaṅ dag (111a1) par rdzogs pa’i byaṅ chub las dbye bar mi nus na | gaṅ dag śes rab kyi pha rol tu phyin pa zab mo ’di spoṅ źiṅ | sdig pa la mos pa daṅ | sdig pa spyod pa gźan dag gis lta smos kyaṅ ci dgos | ś ri’i bu byaṅ chub sems dpa’ sems dpa’ chen po daṅ (2) rigs kyi bu daṅ rigs kyi bu mo de dag ni śes rab kyi pha rol tu phyin pa zab mo ’di thos na | dga’ ba daṅ | mchog tu dga’ brgya chen po ’thob par ’gyur źiṅ | ’di lta ste | bla na med pa yaṅ dag par rdzogs pa’i byaṅ chub las brtsams te | skye bo maṅ po dge ba’i rtsa ba (3) rnams la ’god par yaṅ ’gyur ro ||
rigs kyi bu daṅ rigs kyi bu mo de dag gis pa’i mṅon du sum du ’di skad du bcom ldan ’das bdag cag byaṅ chub sems dpa’i spyad pa spyod pa na | srog chags brgya phrag maṅ po daṅ | srog chags stoṅ phrag maṅ po daṅ | srog chags ’bum (4) phrag maṅ po dag dge ba’i chos rnams la dgod par bgyi źiṅ | ’di lta ste | bla na med pa yaṅ dag par rdzogs pa’i byaṅ chub las brtsams te | byaṅ chub la dgod par bgyi | yaṅ dag par bstan par bgyi | yaṅ dag par ’dzin du gźug par bgyi | yaṅ dag par (5) gzeṅs bstod par bgyi | yaṅ dag par rab tu dga’ bar bgyi źiṅ | phyir mi ldog pa ñid du luṅ bstan par bgyi’o źes tshig tu yaṅ brjod do ||
de ci’i phyir źe na | byaṅ chub sems dpa’i theg pa pa’i rigs kyi bu daṅ rigs kyi bu mo de dag gis tshig de skad brjod pa’i sems (6) la de bźin gśegs pa dgra bcom pa yaṅ dag par rdzogs pa’i saṅs rgyas rnams kyi thugs kyis rnam par gzigs śiṅ rjes su yi raṅ la | ś ri’i bu byaṅ chub sems dpa’ sems dpa’ chen po de dag byaṅ chub kyi phyir spyod pa na | srog chags brgya phrag maṅ po daṅ | srog (7) chags stoṅ phrag maṅ po daṅ | srog chags ’bum phrag maṅ po dag la bla na med pa yaṅ dag par rdzogs pa’i byaṅ chub yaṅ dag par bstan par bya | yaṅ dag par ’dzin du gźug par bya | yaṅ dag par gzeṅs bstod par bya | yaṅ dag par rab tu dga’ bar bya źiṅ | bla (111b1) na med pa yaṅ dag par rdzogs pa’i byaṅ chub la dgod par bya’o źes zer ba’i tshig de laṅs kyaṅ rjes su yi raṅ bar byas pa’i phyir ro ||
rigs kyi bu daṅ rigs kyi bu mo de dag gis ’das pa’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyi spyan (2) sṅar yaṅ ’di skad du bdag cag byaṅ chub sems dpa’i spyad pa spyod pa na | srog chags brgya phrag maṅ po daṅ | srog chags stoṅ phrag maṅ po daṅ | srog chags ’bum phrag maṅ po dag bla na med pa yaṅ dag par rdzogs pa’i byaṅ chub la dgod par bgyi | yaṅ dag par bstan (3) par bgyi | yaṅ dag par ’dzin du gźug par bgyi | yaṅ dag par gzeṅs bstod par bgyi | yaṅ dag par rab tu dga’ bar bgyi źiṅ | phyir mi ldog pa ñid du luṅ bstan par bgyi’o źes tshig tu yaṅ brjod do ||
de ci’i phyir źe na | ’di ltar byaṅ chub sems dpa’ sems (4) dpa’ chen po daṅ | rigs kyi bu daṅ rigs kyi bu mo de dag gis tshig de skad brjod pa’i sems la ’das pa’i de bźin gśegs pa dgra bcom pa yaṅ dag par rdzogs pa’i saṅs rgyas rnams kyi thugs kyis rnam par gzigs śiṅ | rjes su yi raṅ bar mdzad la | ś ri’i (5) bu byaṅ chub sems dpa’ sems dpa’ chen po de dag byaṅ chub kyi phyir spyod pa na | srog chags brgya phrag maṅ po daṅ | srog chags stoṅ phrag maṅ po daṅ | srog chags ’bum phrag maṅ po dag la bla na med pa yaṅ dag par rdzogs pa’i byaṅ chub yaṅ dag par bstan par bya | (6) yaṅ dag par ’dzin du gźug par bya | yaṅ dag par gzeṅs bstod par bya | yaṅ dag par rab tu dga’ bar bya źiṅ bla na med pa yaṅ dag par rdzogs pa’i byaṅ chub la dgod par bya’o źes zer ba’i tshig de la ṅas kyaṅ rjes su yi raṅ ba byas pa’i phyir ro ||
ś ri’i bu rigs (7) kyi bu daṅ rigs kyi bu mo de dag ni gzugs daṅ | sgra daṅ | dri daṅ | ro daṅ | reg bya daṅ | chos rnams la mos par rlabs chen po ’byuṅ bar ’gyur źiṅ | de dag sbyin pa rgya chen po dag gtoṅ bar yaṅ ’gyur ro ||
de dag gis sbyin pa rgya chen po dag btaṅ bas | dge ba’i (112a1) rtsa brgya chen po dag mṅon par ’du byed par ’gyur ro ||
dge ba’i rtsa ba rgya chen po dag mṅon par ’du byas pas rnam par smin pa rgya chen po yoṅs su ’dzin par ’gyur ro ||
rnam par smin pa rgya chen po yoṅs su bzuṅ bas | sems can de dag ñid kyi (2) don du rnam par smin pa las | rnam par smin pa rgya chen po yoṅs su ’dzin par ’gyur źiṅ | sems can de dag ñid la phyi daṅ naṅ gi dṅos po thams cad yoṅs su gtoṅ bar ’gyur te | de dag dge ba’i rtsa ba des gaṅ na de bźin gśegs pa dgra bcom pa yaṅ dag par (3) rdzogs pa’i saṅs rgyas dag mṅon sum du gyur ciṅ | chos ston pa’i saṅs rgyas kyi źiṅ gźan dag la dmigs par yaṅ ’gyur te | de dag gis saṅs rgyas kyi źiṅ der śes rab kyi pha rol tu phyin pa ’di ñid thos nas kyaṅ srog chags brgya phrag maṅ po daṅ | srog chags stoṅ (4) brag maṅ po daṅ | srog chags ’bum phrag maṅ po dag bla na med pa yaṅ dag par rdzogs pa’i byaṅ chub yaṅ dag par ’dzin du ’jug pa daṅ | yaṅ dag par ston pa daṅ | yaṅ dag par gzeṅs stod pa daṅ | yaṅ dag par rab tu dga’ bar byed par ’gyur ro ||
ś ri’i (5) bus gsol pa | bcom ldan ’das ’di ltar de bźin gśegs pa dgra bcom pa yaṅ dag par rdzogs pa’i saṅs rgyas kyis gaṅ ma mkhyen pa’i chos de gaṅ yaṅ mi mṅa’ chos ñid daṅ | de bźin ñid gaṅ mkhyen par ma gyur pa de gaṅ yaṅ mi mṅa’ | chos bstan pa gaṅ (6) mkhyen par ma gyur pa de gaṅ yaṅ mi mṅa’ | sems can rnams kyi spyod pa gaṅ mkhyen par ma gyur pa de gaṅ yaṅ mi mṅa’ ste | ’di ltar ’das pa’i byaṅ chub sems dpa’ rnams kyaṅ thugs su chud | ’das pa’i saṅs rgyas kyi źiṅ rnams kyaṅ thugs su chud | ’das pa’i (7) de bźin gśegs pa rnams kyi ñan thos dag kyaṅ thugs su chud | ma byon pa’i de bźin gśegs pa rnams kyi byaṅ chub sems dpa’ dag kyaṅ thugs su chud | ma byon pa’i de bźin gśegs pa rnams kyi saṅs rgyas kya źiṅ rnams daṅ | ñan thos dag kyaṅ thugs su chud | (112b1) da ltar byuṅ ba’i de bźin gśegs pa rnams kyi byaṅ chub sems dpa’ dag daṅ | saṅs rgyas kyi źig rnams daṅ | ñan thos dag kyaṅ thugs su chud ciṅ | phyogs bcu’i ’jig rten gyi khams rab ’byam dag na | de bźin gśegs pa dgra bcom pa yaṅ dag par (2) rdzogs pa’i saṅs rgyas gaṅ dag bźugs te | ’tsho źiṅ gźes pa’i de bźin gśegs pa dgra bcom pa yaṅ dag par rdzogs pa’i saṅs rgyas de dag gi byaṅ chub sems pada’a rnams kyaṅ thugs su chud | de dag gi saṅs rgyas kyi źiṅ rnams daṅ | ñan thos dag kyaṅ (3) thugs su chud pa ni ṅo mtshar lags so ||
bcom ldan ’das gaṅ yaṅ byaṅ chub sems dpa’ sems dpa’ chen po dag pha rol tu phyin pa drug po ’di dag gi slad du brtson par bgyid ciṅ | de dag pha rol tu phyin pa drug po ’di dag tshol ba daṅ yoṅs su tshol bar bgyid de | (4) rigs kyi bu daṅ rigs kyi bu mo de dag śes rab kyi pha rol tu phyin pa ’di tshol ba daṅ | yoṅs su tshol bar bgyid pa na | kha cig gis ni pha rol tu phyin pa drug po ’di dag tshol ba na rñed par ’gyur lags so ||
kha cig gis ni rñed par mi ’gyur lags so ||
bcom (5) ldan ’das kyis bka’ stsal pa | ś ri’i bu de ni de lta ma yin no ||
de ni de lta ma yin te | rigs kyi bu daṅ rigs kyi bu mo brtson pa mi gtoṅ ba de dag las phal cher pha rol tu phyin pa drug po ’di dag thams cad rñed par ’gyur ro ||
de ci’i phyir źe na | ś ri’i bu (6) ’di ltar rigs kyi bu daṅ rigs kyi bu mo de dag ni pha rol tu phyin pa drug po ’di dag gi ched du brtson par byed pa’i phyir ro ||
ś ri’i bus gsol pa | bcom ldan ’das rigs kyi bu’am rigs kyi bu mo de dag gis pha rol tu phyin pa drug daṅ ldan pa’i mdo sde zab mo ’di (7) dag rñed par ’gyur lags sam ||
bcom ldan ’das kyis bka’ stsal pa | ś ri’i bu rigs kyi bu daṅ rigs kyi bu mo gaṅ dag ’dun pa drag po daṅ | dad pa chen pos lus daṅ srog la mi lta bar pha rol tu phyin pa drug po dag la brtson par byed pa de dag gis ni rñed par ’gyur ro ||
(113a1) de ci’i phyir źe na | ś ri’i bu gaṅ dag sems can rnams bla na med pa yaṅ dag par rdzogs pa’i byaṅ chub la yoṅs su smin par byed | yaṅ dag par ston par byed | yaṅ dag par ’dzin du ’jug | yaṅ dag par gzeṅs stod par byed | yaṅ dag (2) par rab tu dga’ bar byed | ’dzud par byed ’god par byed pa de dag de ltar ’gyur ba’i phyir ro ||
ś ri’i bu rigs kyi bu daṅ rigs kyi bu mo de dag ni tshe rabs rjes na yaṅ pha rol tu phyin pa drug po ’di dag rñed par ’gyur te | de dag ni ji srid du saṅs rgyas kyi źiṅ rnams yoṅs (3) su dag pa rab byas pa daṅ | sems can rnams yoṅs su smin par ma byas ba daṅ | bla na med pa yaṅ dag par rdzogs pa’i byaṅ chub mṅon par rdzogs par saṅs ma rgyas kyi bar du ji skad bstan pa’i pha rol tu phyin pa drug po ’di dag la spyod ciṅ | brtson ’grus rgyun chad par mi (4) ’gyur ro ||
śes rab kyi pha rol tu phyin pa khri brgyad stoṅ pa las byaṅ phyogs kyi rgyud kyi le’u źes bya ste sum cu rtsa dgu pa’o || ||
śes rab kyi pha rol tu phyin pa khri brgyad stoṅ pa | bam po sum cu rtsa gñis pa | de nas bcom ldan ’das la tshe daṅ ldan pa rab (5) ’byor gyis ’di skad ces gsol to ||
bcom ldan ’das rigs kyi bu daṅ rigs kyi bu mo gaṅ dag bla na med pa yaṅ dag par rdzogs pa’i byaṅ chub la yaṅ dag par źugs śiṅ | pha rol tu phyin pa drug la spyod pa daṅ | sems can rnams yoṅs su smin par bgyid pa daṅ | saṅs (6) rgyas kyi źiṅ yoṅs su ’dzin par ’gyur ba de dag gi yon tan ni | bcom ldan ’das kyis yoṅs su brjod pa de dag lags na | bcom ldan ’das rigs kyi bu daṅ rigs kyi bu mo de dag la bar chad du ’gyur ba ji lta bu dag ’byuṅ bar ’gyur lags | bcom ldan ’das kyis (7) bka’ stsal pa | rab ’byor spobs pa ha caṅ ’phyi ste skye na | de ni byaṅ chub sems dpa’ sems dpa’ chen pos bdud kyi las su rigs par bya’o ||
rab ’byor gyis gsol pa | bcom ldan ’das ci’i slad du spobs pa ha caṅ ’phyi ste skye ba de byaṅ chub sems dpa’ sems dpa’ (113b1) chen pos bdud kyi las su rig par bgyi ba lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshe | śes rab kyi pha rol tu phyin pa tshegs chen pos yoṅs su (2) rdzogs par byed ciṅ | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa tshegs chen pos yoṅs su rdzogs par byed na | rab ’byor (3) rnam graṅs des na spobs pa ha caṅ ’phyi ste skye bar ’gyur bas | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ spobs pa ha caṅ myur bar skye na | rab ’byor de yaṅ byaṅ chub sems dpa’ sems (4) dpa’ chen pos bdud kyi las su rig par bya’o ||
rab ’byor gyis gsol pa | bcom ldan ’das ci’i slad du spobs pa ha caṅ myur bar skye ba de | byaṅ chub sems dpa’ sems dpa’ chen pos bdud kyi las su rig par bgyi ba lags | bcom ldan ’das kyis bka’ (5) stsal pa | rab ’byor ’di la byaṅ chub sems dpa’ sems dpa’ chen pos sbyin pa’i pha rol tu phyin pa la spyod pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa la spyod pa’i tshe | spobs ba ha caṅ (6) myur bar skye na | rab ’byor rnam graṅs des na | spobs pa ha caṅ myur par skye ba ni | byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ glal źiṅ śes rab kyi pha rol tu phyin pa ’di yi ger ’dri na | rab ’byor de yaṅ (7) byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ rgod ciṅ śes rab kyi pha rol tu phyin pa ’di yi ger ’dri na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor (114a1) gźan yaṅ phan tshun rgod ciṅ śes rab kyi pha rol tu phyin pa ’di yi ger ’dri na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ phan tshun co ’dri źiṅ śes rab kyi pha rol tu phyin pa ’di yi ger (2) ’dri na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ sems rnam par g-yeṅs śiṅ śes rab kyi pha rol tu phyin pa ’di yi ger ’dri na | rab ’byor de yaṅ byaṅ chub sems dpa’ sems dpa’ chen (3) pos bdud kyi las su rig par bya’o ||
rab ’byor gźan yaṅ phan tshun sems ’thun par byed ciṅ yi ger ’dri na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ byaṅ chub sems dpa’ sems dpa’ (4) chen po ’di sñam du bdag gis ’di la ñams ma rñed do sñam nas stan las laṅs te ’gro na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ glal źiṅ stan las laṅs te ’gro na | rab ’byor de yaṅ byaṅ (5) chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ glal źiṅ kha ton byed dam | ’dzin tam | ston tam | glal źiṅ yid la byed na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
(6) rab ’byor gźan yaṅ phan tshun rgod ciṅ ’dzin par byed | ’chaṅ bar byed | klog par byed | kun chub par byed | phan tshun rgod ciṅ tshul bźin du yid la byed na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor (7) gźan yaṅ phan tshun co ’dri źiṅ ’dzin par byed | ’chaṅ bar byed | klog bar byed | kun chub par byed | kun chub par byed | tshul bźin du yid la byed na | rab ’byor de yaṅ byaṅ chub sems dpa’ sems dpa’ sems dpa’ chen pos bdud kyi las su rig par bya’o ||
rab ’byor gźan yag sems rnam (114b1) bar g-yeṅs śiṅ ’dzin par byed | ’chaṅ bar byed | klog par byed | klog par byed | kun chub par byed | ston par byed | tshul bźin du yid la byed na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ phan tshun (2) sems ’thun par byed ciṅ | ’dzin par byed | ’chaṅ bar byed | klog par byed | kun chub par byed | ston par byed | tshul bźin du yid la byed na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
de skad ces (3) bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gaṅ yaṅ bcom ldan ’das kyis ’di skad du | ’di la ñams ma rñed do sñam nas stan las yaṅs te ’gro na | rab ’byor de yaṅ byaṅ chub sems dpa’ (4) sems dpa’ chen pos bdud kyi las su rig par bya’o ||
źes bka’ stsal na bcom ldan ’das ci’i slad du ’di la ñams ma rñed pa lags | bcom ldan ’das kyis bka’ stsal pa | rab ’byor ’di ltar byaṅ chub sems dpa’ sems dpa’ chen po sṅon śes rab kyi pha (5) rol tu phyin pa la ma spyad pa daṅ | sṅon bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa las spyad pa daṅ | rab ’byor gyis ’di ltar sṅon sbyin pa’i pha rol tu phyin pa la ma spyad (6) pas | rab ’byor de’i phyir śes rab kyi pha rol tu phyin pa zab mo ’di bśad pa na ñams ma rñed par stan las laṅs te ’gro bar ’gyur ro ||
rab ’byor gźan yaṅ byaṅ chub sems dpa’ sems dpa’ chen po dag ’di sñam du bdag cag ni śes rab kyi pha rol tu phyin pa las luṅ (7) ma bstan to sñam nas | de dag sems ma dad ciṅ stan las laṅs te ’gro na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gyisasa gsol pa | bcom ldan ’das ci’i slad du śes rab kyi pha rol tu phyin pa (115a1) las luṅ ma bstan pa dag stan las laṅs te mchi bar ’gyur lags | bcom ldan ’das kyis bka’ stsal pa ||
rab ’byor byaṅ chub sems dpa’ sems dpa’ chen po skyon med par ma źugs pa rnams ni bla na med pa yaṅ dag par rdzogs pa’i byaṅ chub tu (2) luṅ mi ston to ||
śes rab gyi pha rol tu phyin pa ’di las bdag gis miṅ ma smos so sñam nas dad pa mi ’thob na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gyis gsol pa | bcom ldan ’das ci’i (3) slad du śes rab kyi pha rol tu phyin pa zab mo ’di las byaṅ chub sems dpa’ sems dpa’ chen po rnams kyi miṅ yoṅs su rjod pa ma mdzad lags | bcom ldan ’das kyis bka’ stsal pa | rab ’byor de bźin gśegs pa ni byaṅ chub sems dpa’ sems dpa’ chen po luṅ (4) ma bstan pa rnams kyi miṅ yoṅs su rjod pa mi mdzad de | de dag ni bdag gis miṅ daṅ bdag gaṅ du skyes pa’i groṅ ṅam | groṅ khyer ram | groṅ rdal yaṅ ’di las ma snos so sñam nas | de śes rab kyi pha rol tu phyin pa mñan par bya’o sñam du mi sems śiṅ de ’khor de nas (5) ’gro bar bya bar sems so ||
de ji lta ji ltar ’gro bar bya bar sems śiṅ | ’gro ba’i sems bskyed pa ji sñed byuṅ bar gyur pa de sñed kyi bskal pa yoṅs su ’dzin par ’gyur ro ||
des śes rab kyi pha rol tu phyin pa spaṅs nas | des mdo sde gźan gaṅ dag rnam pa thams cad (6) mkhyen pa ñid thob par byed pa ma yin pa de la rnal ’byor du bya ba daṅ | de dag kun chub par bya’o sñam du sems te | de ltar na byaṅ chub sems dpa’ daṅ | rigs kyi bu daṅ rigs kyi bu mo de dag ni rnam pa thams cad mkhyen pa ñid kyi śiṅ gi rtsa ba spaṅs te | yal ga daṅ ’dab (7) ma daṅ lo ma dag la dmigs par bya bar sems pas | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gyis gsol pa | bcom ldan ’das gaṅ dag rnam pa thams cad mkhyen pa ñid thob par bgyid pa ma lags (115b1) pa de dag kun chub par bgyi bar sems pa’i mdo sde dag gaṅ lags | bcom ldan ’das kyis bka’ stsal pa | rab ’byor gaṅ dag ñan thos kyi theg pa pa daṅ ldan pa’i mdo sde rnams te | gaṅ la gnas na rigs kyi bu daṅ rigs kyi bu mo rnams kyis rgyun tu źugs pa’i ’bras (2) bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid ’thob par ’gyur ba ’di lta ste | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag (3) daṅ | lam rnams daṅ | rnam par thar pa’i sgo stoṅ pa ñid daṅ | mtshan ma med pa daṅ | smon pa med pa rnams so ||
rab ’byor de dag ni ñan thos kyi theg pa daṅ ldan pa’i mdo sde rnams te | śes rab kyi pha rol tu phyin pa spaṅs nas | rnam pa thams cad mkhyen pa ñid kyi (4) ye śes ’thob par mi ’gyur ba de dag kun chub par bya bar sems pa yin no ||
de ci’i phyir źe na | rab ’byor byaṅ chub sems dpa’ sems dpa’ chen po śes rab kyi pha rol tu phyin pa las ṅes par byuṅ ba rnams ni ’jig rten pa daṅ ’jig rten las ’das pa’i chos rnams kyis ṅes par (5) ’byuṅ bar ’gyur la | rab ’byor byaṅ chub sems dpa’ sems dpa’ chen po rnams śes rab kyi pha rol tu phyin pa la slob pa na yaṅ ’jig rten pa daṅ | ’jig rten las ’das pa’i chos rnams la slob pa’i phyir ro ||
rab ’byor ’di lta ste dper na khyi źig gis jo bo’i druṅ nas zan goṅ (6) bor la | las mi las zan kham cig blaṅ bar sems pa de bźin bu rab ’byor ma ’oṅs pa’i dus na | theg pa chen po pa’i rigs kyi bu daṅ rigs kyi bu mo dag śes rab kyi pha rol tu phyin pa zab mo ’di spaṅs nas | ñan thos kyi theg pa daṅ ldan pa daṅ | raṅ saṅs rgyas kyi (7) theg pa daṅ ldan pa’i mdo sde dag kun chub par bya bar sems pa dag ’byuṅ ste | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ ma ’oṅs pa’i dus na byaṅ chub sems dpa’i theg pa pa’i rigs kyi bu daṅ (116a1) rigs kyi bu mo śes rab kyi pha rol tu phyin pa zab mo ’di spaṅs nas | rñed pa daṅ bkur sti’i phyir ñan thos kyi theg pa daṅ ldan pa daṅ | raṅ saṅs rgyas kyi theg pa daṅ ldan pa’i mdo sde dag kun chub par bya bar sems pa dag ’byuṅ ste | rab ’byor de yaṅ byaṅ chub (2) sems dpa’ sems dpa’ chen pos bdud kyi las su rig par bya’o ||
rab ’byor ’di lta ste dper na | mi la la źig glaṅ po che ’dod par gyur la | des glaṅ po che rñed nas yaṅ glaṅ po che’i rjes btsal bar sems na | rab ’byor ’di ji sñam du sems | mi de mkhas pa’i raṅ bźin (3) can źig yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’i theg pa ba’i rigs kyi bu mo gaṅ dag gis śes rab kyi pha rol tu phyin pa zab mo ’di (4) spaṅs nas | mdo sde gaṅ dag ñan thos kyi theg pa daṅ ldan pa daṅ | raṅ saṅs rgyas kyi theg pa daṅ ldan pa de dag kun chub par sems pa de dag kyaṅ de bźin du rig par bya ste | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
(5) rab ’byor gźan yaṅ ’di lta ste dper na | mi źig rgya mtsho chen po lta ’dod par gyur la | des rgya mtsho chen po mthoṅ nas | ba laṅ gi rmig rjes kyi chu btsal bar sems śiṅ | des ba laṅ gi rmig rjes kyi chu mthoṅ nas | ’di sñam du rgya mtsho chen po’i tshad kyaṅ ’di tsam źig (6) yin nam sñam du sems na | rab ’byor ’di ji sñam du sems | mi de mkhas pa’i raṅ bźin can yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du theg pa chen po pa’i (7) rigs kyi bu daṅ rigs kyi bu mo gaṅ dag gis śes rab kyi pha rol tu phyin pa zab mo ’di thos sam rñed nas de spaṅs te ñan thos daṅ | raṅ saṅs rgyas kyi theg pa daṅ ldan pa’i mdo sde dag gzuṅ bar sems pa de dag kyaṅ de ltar rig par bya ste | rab ’byor de yaṅ byaṅ chub sems dpa’ sems (116b1) dpa’ chen pos bdud kyi las su rig par bya’o ||
rab ’byor ’di lta ste dper na | śiṅ mkhan nam | śiṅ mkhan gyi slob ma mkhas pa źig khaṅ bzaṅs rnam par rgyal byed kyi tshad tsam gyi khaṅ bzaṅs śig rtsig ’dod par gyur la | des ñi ma daṅ zla ba’i dkyil ’khor dag las (2) tshad blaṅ bar sems na | rab ’byor ’di ji sñam du sems | khaṅ bzaṅs rnam par rgyal byed la dpyad nas | rnam par rgyal byed daṅ mñam pa’i khaṅ bzaṅs rtsig par ’dod la | ñi ma daṅ zla ba’i gźal med khaṅ gi dkyil ’khor dag las tshad len pa’i mi de mkhas pa’i raṅ (3) bźin can źig yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du ma ’oṅs pa’i dus na ’byuṅ ba’i byaṅ chub sems dpa’i theg pa pa’i rigs kyi bu daṅ rigs kyi bu mo gaṅ la (4) la dag gis śes rab kyi pha rol tu phyin pa zab mo ’di thos sam | rñed nas de spaṅs śiṅ bor te | ñan thos daṅ | raṅ saṅs rgyas kyi theg pa daṅ ldan pa’i mdo sde dag las rnam pa thams cad mkhyen pa ñid pa tsal bar sems can | rab ’byor ’di ji sñam du sems | byaṅ chub sems (5) dpa’i theg pa pa’i rigs kyi bu daṅ rigs kyi bu mo de dag mkhas pa’i raṅ bźin na yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de yaṅ byaṅ chub sems dpa’ sems dpa’ chen pos bdud kyi (6) las su rig par bya’o ||
rab ’byor gźan yaṅ ’di lta ste dper na | mi la la źig ’khor los sgyur ba’i rgyal po lta ’dod par gyur la | des mkhar gyi rgyal po mthoṅ nas | ’di sñam du ’khor los sgyur ba’i rgyal po’i kha dog daṅ | dbyiṅs kyaṅ mkhar gyi rgyal po ’di ci ’dra (7) ba de lta bu źig yin no sñam nas de mkhar gyi rgyal po’i kha dog daṅ | dbyibs daṅ | cha lugs daṅ | mtshan ma daṅ | rtags dag bzuṅ nas ’di skad du ’khor los sgyur ba’i rgyal po’i kha dog daṅ | dbyibs daṅ | cha lugs daṅ | mtshan ma daṅ | rtags kyi khyad par dag kyaṅ (117a1) ’di ’dra’o źes zer na | rab ’byor ’di ji sñam du sems | mi de mkhas pa’i raṅ bźin can yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor de bźin du ma ’oṅs pa’i (2) dus na ’byuṅ ba’i theg pa chen po pa’i rigs kyi bu daṅ rigs kyi bu mo gaṅ dag kha cig gis śes rab kyi pha rol tu phyin pa zab mo ’di thos sam rñed nas de bor źiṅ spaṅs te | ñan thos daṅ raṅ saṅs rgyas kyi theg pa dad ldan pa’i mdo sde dag las rnam pa thams cad mkhyen pa ñid (3) btsal źiṅ kun chub par bya’o sñam du sems na | rab ’byor ’di ji sñam du sems | theg pa chen po pa’i rigs kyi bu daṅ rigs kyi bu mo de dag mkhas pa’i raṅ bźin can yin sñam ’am | rab ’byor gyis gsol pa | bcom ldan ’das de ni ma lags so ||
bcom ldan (4) ’das kyis bka’ stsal pa | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ rigs kyi bu daṅ rigs kyi bu mo gaṅ dag śes rab kyi pha rol tu phyin pa zab mo ’di yi ger ’dris na | de dag rnam (5) bar g-yeṅs śiṅ ’dri bar ’gyur ba spobs pa maṅ du ’byuṅ ste | ’di lta ste gzugs la spobs pa daṅ | sgra daṅ dri daṅ ro daṅ reg bya daṅ chos la spobs pa daṅ | sbyin pa’i pha rol tu phyin pa la spobs pa daṅ | tshul khrims daṅ | bzod pa daṅ | brtson ’grus daṅ | bsam (6) gtan daṅ | śes rab kyi pha rol tu phyin pa la spobs pa daṅ | ’dod pa’i khams daṅ | gzugs kyi khams daṅ | gzugs med pa’i khams la spobs pa daṅ | luṅ nod pa daṅ kha ton bya ba la spobs pa daṅ | źal ta bya ba la spobs pa daṅ | dran pa ñe bar gźag (7) pal spobs pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam la spobs pa daṅ | bsam gtan daṅ | rnam par thar pa daṅ | tiṅ ṅe ’dzin daṅ | sñoms por ’jug pa thams cad la spobs pa (117b1) daṅ | naṅ stoṅ pa ñid la spobs pa daṅ | dṅos po med pa’i ṅo bo ñid stoṅ pa ñid kyi bar la spobs pa daṅ | stobs la spobs pa daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa la spobs pa daṅ | bla na med pa yaṅ dag par (2) rdzogs pa’i byaṅ chub kyi bar la spobs pa dag skye bar ’gyur ro ||
de ci’i phyir źe na | rab ’byor śes rab kyi pha rol tu phyin pa ni spobs pa med pa yin la | rab ’byor śes rab kyi pha rol tu phyin pa ni bsam gyis mi khyab pa daṅ | rab ’byor śes rab kyi pha rol tu phyin pa ni skye (3) ba med ciṅ ’gag pa med pa daṅ | rab ’byor śes rab kyi pha rol tu phyin pa ni kun nas ñon moṅs pa med ciṅ rnam par byaṅ ba med pa daṅ | rab ’byor śes rab kyi pha rol tu phyin pa ni rnam par g-yeṅ ba med pa daṅ | rab ’byor śes rab kyi pha rol tu phyin pa ni brjod du med pa daṅ | (4) rab ’byor śes rab kyi pha rol tu phyin pa ni smrar med pa daṅ | rab ’byor śes rab kyi pha rol tu phyin pa ni rab tu brjod du med pa daṅ | rab ’byor śes rab kyi pha rol tu phyin pa ni dmigs su med pa yin pa’i phyir ro ||
de ci’i phyir źe na | rab ’byor ’di ltar śes rab kyi pha rol tu (5) phyin pa zab mo ’di la ni chos de dag thams cad yoṅ ba ma yin pa’i phyir ro ||
rab ’byor gal te byaṅ chub sems dpa’i theg pa pa’i rigs kyi bu ’am rigs kyi bu mo śes rab kyi pha rol tu phyin pa zab mo ’di yi ger ’dri ba na | chos de dag la rnam par g-yeṅ bar byed na | rab ’byor de (6) yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gyis gsol pa | bcom ldan ’das śes rab kyi pha rol tu phyin pa yi ger bri bar rṅo thogs lags sam | bcom ldan ’das kyis bka’ stsal pa | rab ’byor de ni mi nus so ||
(7) de ci’i phyir źe na | rab ’byor śes rab kyi pha rol tu phyin pa ni raṅ bźin med pa yin la | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i (118a1) pha rol tu phyin pa ni raṅ bźin med pa yin źiṅ | stoṅ pa ñid thams cad daṅ | byaṅ chub kye phyogs kyi chos sum cu rtsa bdun daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres (2) pa bco brgyad kyaṅ raṅ bźin med pa yin la | rnam pa thams cad mkhyen pa ñid kyaṅ raṅ bźin med pa yin te | gaṅ la raṅ bźin med pa de ni dṅos po med pa yin la | gaṅ la dṅos po med pa de ni śes rab kyi pha rol tu phyin pa yin pas na | dṅos po med pas dṅos po med (3) pa bri bar mi nus pa’i phyir ro ||
rab ’byor gal te theg pa chen po ba’i rigs kyi bu daṅ rigs kyi bu mo gaṅ la la dag gis śes rab kyi pha rol tu phyin pa zab mo ’di dṅos po med ces bya bar ’du śes na | rab ’byor de yaṅ de dag gis bdud kyi las su rig par bya’o ||
rab (4) ’byor gyis gsol pa | bcom ldan ’das theg pa chen po ba’i rigs kyi bu daṅ rigs kyi mo gaṅ la la dag gis śes rab kyi pha rol tu phyin pa zab mo ’di yi ge ’bru dag gis yi ger bris nas | śes rab kyi pha rol tu phyin pa zab mo ’di bdag gis bris so sñam du sems na | de śes (5) rab kyi pha rol tu phyin pa zab mo ’di la yi ge rnams su mṅon par źen pa lags pas | bcom ldan ’das de yaṅ de dag gis bdud kyi las su rig par bgyi lags so ||
de ci’i slad du źe na | bcom ldan ’das śes rab kyi pha rol tu phyin pa ni yi ge ma mchis pa lags la | bsam (6) gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa yaṅ yi ge ma mchis pa daṅ | sbyin pa’i pha rol tu phyin pa yaṅ yi ge ma mchis pa daṅ | bcom ldan ’das gzugs kyaṅ yi ge ma (7) mchis pa daṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ yi ge ma mchis pa daṅ | bcom ldan ’das khams rnams kyaṅ yi ge ma mchis pa daṅ | skye mched rnams kyaṅ yi ge ma mchis pa daṅ | rnam par thar pa rnams kyaṅ yi ge ma (118b1) mchis pa daṅ | byaṅ chub kyi phyogs kyi chos sum cu rtsa bdun yaṅ yi ge ma mchis pa daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad kyaṅ yi ge ma mchis pa daṅ | rnam pa thams cad (2) mkhyen pa ñid kyaṅ yi ge ma mchis pa’i slad du’o ||
bcom ldan ’das gal te theg pa chen po pa’i rigs kyi bu ’am rigs kyi bu mo śes rab kyi pha rol tu phyin pa ni yi ge ma mchis pa lags so sñam du mṅon par źen pa daṅ | de bźin du bsam gtan gyi pha rol tu phyin pa daṅ | (3) brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa ni yi ge ma mchis pa lags so sñam du mṅon par źen pa daṅ | de bźin du byaṅ chub kyi phyogs kyi chos sum cu rtsa bdun (4) daṅ | rnam par thar pa’i sgo rnams daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bco brgyad kyaṅ yi ge ma mchis pa lags so sñam du mṅon par źen pa daṅ | bcom ldan ’das (5) gal te byaṅ chub sems dpa’ sems dpa’ chen po ’di sñam du rnam pa thams cad mkhyen pa ñid kyaṅ yi ge ma mchis pa lags so sñam du mgon par źen na | bcom ldan ’das de yaṅ bdud kyi las su rig par bgyi’o ||
bcom ldan ’das kyis bka’ stsal pa | rab ’byor de de (6) bźin no ||
de de bźin te | de yaṅ bdud kyi las su rig par bya ba yin no ||
rab ’byor gźan yaṅ byaṅ chub sems dpa’ daṅ | theg pa chen po pa’i rigs kyi bu daṅ rigs kyi bu mo de dag śes rab kyi pha rol tu phyin pa zab mo ’di yi ger ’dri ba na | ljoṅs kyi rnam par rtog pa (7) kun tu ’byuṅ bar ’gyur na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ theg pa chen po pa’i rigs kyi bu daṅ rigs kyi bu mo dag śes rab kyi pha rol tu phyin pa zab mo ’di yi ger ’dri ba na | groṅ yid la byed (119a1) pa daṅ | groṅ khyer yid la byed ba daṅ | rgyal po’i pho braṅ yid la byed ba daṅ | yul yid la byed pa daṅ | bla ma daṅ mkhan po yid la byed pa daṅ | pha ma daṅ phu nu daṅ | sriṅ mo daṅ ñe du daṅ snag gi gñen mtshams daṅ ldan pa’i yid la byed ba dag daṅ | rkun (2) bo yid la byed pa daṅ | gdol pa daṅ ldan pa yid la byed pa dag daṅ | ’jig rten daṅ ldan pa daṅ | smad ’tshoṅ ma daṅ ldan pa’i rnam par rtog pa yid la byed pa ’di dag daṅ | yid la byed pa gźan dag ’byuṅ bar ’gyur na | śes rab kyi pha rol tu phyin pa zab mo ’di luṅ (3) nod pa daṅ | kha ton du byed pa daṅ | tshul bźin du yid la byed pa na | bdud sdig can bar chad daṅ rnam par g-yeṅ ba dag ñe bar sgrub par ’gyur bas na | rab ’byor de dag kyaṅ byaṅ chub sems dpa’ sems dpa’ chen bos bdud kyi las su rig par bya’o ||
rab ’byor gźan (4) yaṅ byaṅ chub sems dpa’i theg pa pa’i rigs kyi bu daṅ rigs kyi bu mo dag śes rab kyi pha rol tu phyin pa zab mo ’di yi ger ’dri ba’i tshe | rñed pa daṅ bkur sti daṅ tshigs su bcad pa dag daṅ | gos daṅ zas daṅ mal cha daṅ stan daṅ nad kyi gsos sman daṅ | yo byad dag ’byuṅ (5) bar ’gyur źiṅ | byaṅ chub sems dpa’ daṅ rigs kyi bu daṅ rigs kyi bu mo dag de’i ro myoṅ bar byed la | śes rab kyi pha rol tu phyin pa zab mo ’di yi ger ’dri bar byed | luṅ nod par byed | kha ton du byed | tshul bźin du yid la byed na | rab ’byor de yaṅ byaṅ chub sems dpa’ (6) sems dpa’ chen pos bdud kyi las su rig par bya’o ||
rab ’byor gźan yaṅ byaṅ chub sems dpa’ sems dpa’ chen po dag śes rab kyi pha rol tu phyin pa zab mo ’di yi ger ’dri ba daṅ | luṅ nod pa daṅ kha ton du byed pa daṅ | tshul bźin du yid la byed pa’i tshe | bdud (7) sdig can mdo sde zab mo dag ñe bar sgrub par byed na | de la byaṅ chub sems dpa’ thabs la mkhas pa dag gis bdud kyis ñe bar bsgrubs pa’i mdo sde zab mo de dag la dga’ ba bskyed par mi bya’o ||
de ci’i phyir źe na | rab ’byor mdo sde de dag ni rnam pa thams cad mkhyen pa | (119b1) ñid thob par byed pa ma yin pa’i phyir ro ||
rab ’byor de la byaṅ chub sems dpa’ sems dpa’ chen po thabs la mi mkhas pa dag ni śes rab kyi pha rol tu phyin pa zab mo ’di thos nas spoṅ bar ’gyur te | de la ṅas byaṅ chub sems dpa’ sems dpa’ chen po rnams la thabs (2) mkhas pa yaṅ rgya cher bstan te | śes rab kyi pha rol tu phyin pa zab mo ’di ñid las kyaṅ thabs la mkhas pa dag rgya cher btsal bar bya’o ||
rab ’byor theg pa chen po pa’i rigs kyi bu daṅ rigs kyi bu mo śes rab kyi pha rol tu phyin pa zab mo ’di spaṅs nas | ñan thos daṅ (3) raṅ saṅs rgyas kyi theg pa daṅ ldan pa’i mdo sde dag las thabs la mkhas pa btsal bar sems na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
śes rab kyi pha rol tu phyin pa khri brgyad stoṅ pa las bdud kyi le’u źes bya ste (4) bźi bcu pa’o || ||
rab ’byor gźan yaṅ chos ñan pa ni śes rab kyi pha rol tu phyin pa yi ger ’dri ba daṅ | gzuṅ ba daṅ | luṅ nod pa daṅ | kha ton du bya ba daṅ | klag par ’dun la chos smra ba ni sñoms las byed par gyur na | rab ’byor de yaṅ byaṅ chub (5) sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni śes rab kyi pha rol tu phyin pa zab mo ’di yi ger bri ba daṅ | gzuṅ ba daṅ | luṅ dbog pa daṅ | kha ton du bya ba la sñom las med par gyur la | chos ñan pa ni yul gźan (6) du soṅ bar gyur na rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni śes rab kyi pha rol tu phyin pa yi ger bri bar ’dod | luṅ nod par ’dod kha ton du bya bar ’dod la | chos smra ba ni yul gźan du soṅ (7) bar gyur na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni rñed pa daṅ bkur sti daṅ | tshigs su bcad pa la gdu źiṅ gos daṅ | zas daṅ | mal cha daṅ | stan daṅ | na ba’i gsos (120a1) sman daṅ | yo byad la chags la | chos ñan pa ni ’dod pa chuṅ źiṅ chog śes pa daṅ | brtson ’grus brtsams pa daṅ | dran pa ñe bar gnas pa daṅ mñam par gźag pa daṅ | sems rtse gcig pa daṅ śes rab daṅ ldan par gyur na | rab ’byor de yaṅ (2) śes rab kyi pha rol tu phyin pa’i tshogs pa daṅ mi ldan par ’gyur te | byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni ’dod pa chuṅ ba daṅ | chog śes pa daṅ | rab tu dben pa daṅ | brtson ’grus brtsams (3) pa daṅ | dran pa ñe bar gnas pa daṅ mñam par gźag pa daṅ | sems rtso gcig pa daṅ | śes rab daṅ ldan par gyur la | chos ñan pa ni ’dod pa med pa daṅ | sdig pa ’dod pa daṅ | rñed pa daṅ | bkur sti daṅ | tshigs su bcad pa la gdu źiṅ | gis dad | (4) zas daṅ | mal cha daṅ | stan daṅ | na ba’i gsos sman daṅ | yo byad la gdu bar gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ dbon pa daṅ | kha ton du bya ba daṅ | tshul bźin du yid la bya ba’i tshogs pa daṅ mi ldan par ’gyur te | (5) byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni dgon pa pa daṅ | bsod snoms pa daṅ | phyag daṅ khrod pa daṅ | zas phyis mi len pa daṅ | stan gcig pa daṅ | ci rñed pas chog pa’i bsod sñoms pa daṅ | dur khrod pa daṅ | bla gab med (6) pa daṅ | śiṅ druṅ pa daṅ | cog bu pa daṅ | gźi ji bźin pa daṅ | chos gos gsum par gyur la | chos ñan pa ni dgon pa pa daṅ | chos gso gsum pa’i bar dag la ma mos par gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ dpog pa daṅ kha ton du bya ba’i chogs pa (7) daṅ mi ldan par ’gyur te | byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni dgon pa pa daṅ | chos gos gsum pa’i bar dag tu gyur la | chos smra ba ni dgon pa pa daṅ | chos gos gsum pa’i bar dag (120b1) tu ma gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ nod pa daṅ | kha ton du bya ba daṅ | tshul bźin du yid la bya ba’i bar gyi tshogs pa daṅ mi ldan par ’gyur te | byaṅ chub sems dpa’ sems dpa’ chen pos bdud kyi las su rig (2) par bya’o ||
rab ’byor gźan yaṅ chos ñan pa ni dad ciṅ dge ba’i chos rnams daṅ śes rab kyi pha rol tu phyin pa zab mo ’di yi ger ’dri bar ’dod pa daṅ | ’dzin par ’dod pa daṅ | luṅ nod par ’dod pa daṅ | kha ton byed par ’dod par gyur la chos smra ba ni ma dad ciṅ | (3) mi dge ba’i chos rnams ’dod pa daṅ | śes rab kyi pha rol tu phyin pa zab mo ’di yi ger ’dri ba daṅ | sbyin par mi ’dod la don gyi tshogs ’dzin par mi ’dod na | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor (4) gźan yaṅ chos smra ba ni bdog pa thams cad yoṅs su gtoṅ źiṅ sems la ’dzin pa med par gyur la | chos ñan pa ni ser sna can du gyur ciṅ ’dod pa che ba daṅ | sdig pa ’dod pa daṅ | rñed pa daṅ | bkur sti daṅ | tshigs su bcad pa la gdu ba daṅ | gos daṅ | zas (5) daṅ | mal cha daṅ | stan daṅ | na ba’i gsos sman daṅ | yo byan la gdu bar gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ dṅog pa daṅ | kha ton du bya ba daṅ | tshul bźin du yid la bya ba’i bar gyi tshogs pa daṅ mi ldan par (6) ’gyur te | byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos can pa ni bdog pa thams cad yoṅs su gtog źiṅ | sems la ’dzin pa med par gyur la | chos smra ba ni ser sna can daṅ | ’juṅs par gyur na | rab (7) ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ nod pa daṅ | kha ton du bya ba daṅ | tshul bźin du yid la bya ba’i bar dag gi tshogs pa daṅ mi ldan par ’gyur te | byaṅ chub sems dpa’ sems dpa’ chen pos bdud kyi las su rig par bya’o ||
rab (121a1) ’byor gźan yaṅ chos ñan pa ni chos smra ba la gos daṅ | zas daṅ | mal cha daṅ | stan daṅ | na ba’i gsos snan daṅ | yo byaṅ dag yoṅs su gtoṅ bar ’dod la | chos smra ba ni len par mi ’dod par gyur na | rab ’byor de yaṅ śes rab kyi pha rol tu (2) phyin pa zab mo ’di yi ger bri ba daṅ | kha ton du bya ba daṅ | tshul bźin du yid la bya ba’i bar dag gis tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni (3) mgo smos pas go ba yin la | chos ñan pa ni bkri dgos pa daṅ | rnam par spros pas go ba daṅ tshig lhur len pa yin na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ dpog pa daṅ | kha ton du bya ba daṅ | tshul bźin du yid la bya (4) ba’i bar dag gi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni mgo smos pas go ba yin la | chos smra ba ni bkri dgos pa daṅ | rnam par spros (5) pas go ba daṅ | tshig lhur len pa yin na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ nod pa daṅ | kha ton du bya ba daṅ | tshul bźin du yid la bya ba’i tshogs pa daṅ mi ldan par ’gyur te | rab ’byor de yaṅ byaṅ chub sems (6) dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni mdo’i sde daṅ | dbyaṅs kyis bsñad pa’i sde daṅ | luṅ bstan pa’i sde daṅ | tshigs su bcad pa’i sde daṅ | ched du brjod pa’i sde daṅ | rtogs pa brjod pa’i sde daṅ | (7) gleṅ gźi’i sde daṅ | de lta bu byuṅ ba’i sde daṅ | skyes pa’i rabs kyi sde daṅ | śin tu rgyas pa’i sde daṅ | rmad du byuṅ ba’i chos kyi sde daṅ | gtan la bab par bstan pa’i sde’i chos rnams kyi khyad par śes pa yin la | chos ñan pa ni mdo’i sde daṅ | dbyaṅs kyis bsñad (121b1) ba’i sde daṅ | luṅ bstan pa’i sde daṅ | tshigs su bcad pa’i sde daṅ | ched du brjod pa’i sde daṅ | rtogs pa brjod pa’i sde daṅ | de lta bu byuṅ ba’i sde daṅ | skyes pa’i rabs kyi sde daṅ | gleṅ gźi’i sde daṅ | śin tu rgyas pa’i sde daṅ | rmad du byuṅ ba’i chos kyi sde daṅ | gtan la (2) bab par bstan pa’i sde’i chos rnams kyi khyad par mi śes na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ dpog pa daṅ | kha ton du bya ba daṅ | tshul bźin du yid la bya ba’i tshogs pa daṅ mi ldan par ’gyur te | rab ’byor de yaṅ byaṅ chub sems (3) dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni pha rol tu phyin pa drug daṅ ldan par gyur la chos ñan pa ni pha rol tu phyin pa drug daṅ mi ldan par gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | klag (4) pa daṅ | kha ton du bya ba daṅ | tshul bźin du yid la bya ba’i tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni pha rol tu phyin pa drug daṅ ldan par gyur la | (5) chos smra ba ni mi ldan par gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | tshul bźin du yid la bya ba’i bar dag gi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig (6) par bya’o ||
rab ’byor gźan yaṅ chos smra ba ni pha rol tu phyin pa drug la thabs la mkhas pa yin la | chos ñan pa ni thabs la mkhas pa ma yin na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | klag pa daṅ | tshul bźin du yid la bya (7) ba’i bar dag gi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yag chos ñan pa ni pha rol tu phyin pa drug la thabs la mkhas pa yin la | chos smra ba ni thabs (122a1) la mkhas pa ma yin na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | tshul bźin du yid la bya ba’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi (2) las su rig rapa bya’o ||
rab ’byor gźan yaṅ chos smra ba ni gzuṅs thob par gyur la | chos ñan pa ni gzuṅs thob par ma gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | tshul bźin du yid la bya ba’i bar gyi tshogs pa daṅ mi ldan (3) par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni yi ger bri bar ’dod ciṅ | tshul bźin du yid la bya ba’i bar du ’dod la | chos ñan pa ni yi ger bri bar mi ’dod ||
(4) tshul bźin du yid la bya ba’i bar du mi ’dod na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | klag pa daṅ | bsgom par bya ba’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos (5) bdud kyi las su rig par bya’o ||
rab ’byor gźan yaṅ chos ñan pa ni yi ger bri bar ’dod ciṅ | tshul bźin du yid la bya ba’i bar du ’dod la | chos smra ba ni yi ger ’dri bar mi ’dod | tshul bźin du yid la bya ba’i bar du mi ’dod na | rab ’byor de yaṅ śes rab kyi (6) pha rol tu phyin pa zab mo ’di yi ger bri ba daṅ | bsgom pa’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni ’dod pa la ’dun pa daṅ | (7) gnod sems daṅ | rmugs pa daṅ | gñid daṅ | rgod pa daṅ | ’gyod pa daṅ | the tshom daṅ bral bar gyur la | chos ñan pa ni ’dod pa la bdun pa daṅ | gnod sems daṅ | rmugs pa daṅ | gñid daṅ | rgod pa daṅ | ’gyod pa daṅ | the tshom daṅ bral bar ma gyur na | (122b1) rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom par ’dod pa’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan (2) pa ni ’dod pa la ’dun pa daṅ | gnod sems daṅ | rmugs pa daṅ | gñid daṅ | rgod pa daṅ | ’gyod pa daṅ | the tshom daṅ bral bar gyur la | chos smra ba ni sgrib pa daṅ bral bar ma gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | (3) bsgom pa’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ śes rab kyi pha rol tu phyin pa zab mo ’di yi ger ’dri ba daṅ | bsgom pa’i bar du byed pa na | (4) der la la źig ’oṅs nas sems can dmyal ba rnams kyi bsṅags pa ma yin pa brjod pa daṅ | dud ’gro’i skye gnas daṅ | gśin rje’i ’jig rten daṅ | yi dgas rnams kyi bsṅags pa ma yin pa rjod par byed ciṅ sems can dmyal ba rnams ni ’di ltar sdug bsṅal pa’o ||
(5) dud ’gro’i skye gnas rnams źi ’di ltar sdug bsṅal ba’o ||
yi dgas kyi yul ni ’di ltar sdug bsṅal ba yin pas | khyod kyis ’di ñid du sdug bsṅal mthar phyin par gyis śig | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pas kyaṅ (6) khyod la ci źig bya źes zer na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom pa’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor (7) gźan yaṅ śes rab kyi pha rol tu phyin pa zab mo ’di yi ger ’dri ba daṅ | sgom pa’i bar du byed pa na | der la la źig ’oṅs nas | rgyal chen bźi’i ris kyi lha rnams kyi bsṅags pa rjod par byed ba daṅ | ’du śes med ’du śes med min skye mched du ñe bar ’gro ba’i bar gyi lha (123a1) rnams kyi bsṅags brjod par byed ciṅ | ’dod pa’i khams ni ’dod pa’i loṅs spyod rnams kyis ’di ltar skyed do ||
gzugs kyi khams ni bsam gtan daṅ sñoms par ’jug pa rnams kyis ’di ltar bde’o ||
gzugs med pa’i khams ni źi ba daṅ | sñoms (2) par ’jug pa rnams kyis ’di ltar bde ste | de dag thams cad kyaṅ mi rtag pa | sdug bsṅal pa bdag gi ba med pa | rnam par ’gyur ba’i chos can zad pa’i chos can | ’dod chags daṅ bral ba’i chos can | ’gog pa’i chos can yin pas | khyod kyis ’di ñid du rgyun du (3) źugs pa’i ’bras bu thob par gyis śig | lan cig phyir ’oṅ ba’i ’bras bu ’am | phyir mi ’oṅ ba’i ’bras bu’am | dgra bcom pa ñid dam | raṅ byaṅ chub thob par gyis śig | yun riṅ por ’khor ba na ’khor bar gyur ta re źes zer na | rab ’byor de yaṅ byaṅ chub sems (4) dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni gcig pu gñis su med par gyur ciṅ | raṅ gis byed pa yin la | chos ñan pa ni ’khor daṅ lhan cig tu spyod pa yin na | rab ’byor de yaṅ śes rab kyi pa rol tu phyin pa (5) zab mo ’di yi ger bri ba daṅ | klag pa daṅ | kha ton du bya ba daṅ | bsgom pa’i tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni gcig pu gñis su (6) med par gyur ciṅ | raṅ gis byed pa yin la | chos smra ba ni ’khor daṅ lhan cig tu spyod par gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ nod pa daṅ | kha ton du bya ba daṅ | tshul bźin du yid la bya ba’i tshogs pa daṅ mi (7) ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni ’di skad du gaṅ dag ṅa’i phyi bźin du ’braṅ ba de laṅs śes rab kyi pha rol tu phyin pa ’di yi ger bri ba daṅ | tshul bźin (123b1) du yid la bya ba’i bar dag sbyin par bya’o źes zer la | chos ñan pa ni phyi bźin ’braṅ bar mi ’gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom par bya ba’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems (2) dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni chos smra ba’i phyi bźin ’braṅ bar ’dod la | chos smra ba ni phyi bźin ’braṅ ba’i skabs ’byed par mi byed na | rab ’byor de yaṅ śes rab kyi pha rol tu phyin pa zab mo ’di yi ger bri (3) ba daṅ | bśad pa daṅ | bsgom pa’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos smra ba ni zaṅ ziṅ cuṅ zad tsam gyi phyir śes rab kyi pha rol tu phyin (4) pa zab mo ’di sbyin pa daṅ | yi ger bri ba daṅ | luṅ dpog pa daṅ | kha ton du bya ba daṅ | sgom pa’i bar du byed par ’dod par gyur la | chos ñan ba ni zaṅ ziṅ cuṅ zad tsam gyi phyir ’gro ’dod par mi ’gyur na | rab ’byor de yaṅ śes rab kyi pha rol tu phyin pa zab mo ’di (5) yi ger bri ba daṅ | luṅ nod pa daṅ | kha ton du bya ba daṅ | tshul bźin du yid la bya ba daṅ | bsgom par bya ba’i tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan (6) yaṅ chos smra ba ni yul gaṅ du srog gi bar chad ’byuṅ bar ’gyur ba’i yul der ’gro ’dod par gyur la | chos ñan pa ni der ’gro bar mi ’dod na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom par bya ba’i bar gyi tshogs pa daṅ mi ldan (7) par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ chos ñan pa ni gaṅ du srog gi bar chad ’byuṅ bar ’gyur ba’i phyogs der ’gro ’dod par gyur la | chos smra ba ni der ’gro bar mi ’dod na | (124a1) rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom par bya ba’i bar gyi tshogs pa daṅ mi ldan par ’gyur te ||
rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor (2) gźan yaṅ chos ñan pa ni gaṅ na kha zas dkon pa daṅ | chu dkon pa der ’gro bar ’dod la chos smra ba ni der ’gro bar mi ’dod na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom par bya ba’i bar dag gi tshogs pa daṅ mi ldan par ’gyur te | (3) rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
yaṅ chos smra ba ni gaṅ na kha zas mod pa daṅ | chu mod pa der ’gro bar ’dod la | chos ñan pa yaṅ rjes su ’braṅ bar gyur na | des de la ’di skad du rigs kyi bu (4) khyod zaṅ ziṅ gi don du soṅ ste ci ruṅ | re śig bsam pa legs par soms śig | zas thob pa daṅ ma thob pas phyis ’gyod par gyur ta re źes zer na | chos smra ba des thabs phra mos chos spaṅs par gyur pas | de yaṅ yi chad nas ’di sñam du ’di ni spaṅ bar bya ba’i mtshan ma (5) yin gyi | sbyin par ’dod pa’i mtshan ma ni ma yin no sñam du śes na ||
rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom par bya ba’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud (6) kyi las su rig par bya’o ||
rab ’byor gźan yaṅ dge sloṅ chos smra ba ni | gaṅ na chom rkun gyis ’jigs pa daṅ | gdol pas ’jigs pa daṅ | rṅon pas ’jigs pa daṅ | gcan gzan khro bos ’jigs pa daṅ | sbrul gdug pas ’jigs pa daṅ | dgon pa daṅ | (7) ’brog dgon pa daṅ | gcod roṅ gis ’jigs pa yod pa der ’gro bar ’dod la | chos ñan pa dag kyaṅ śes rab kyi pha rol tu phyin pa zab mo ’di ñan par ’dod nas chos smra ba’i rjes su ’braṅ ba na | dge sloṅ chos smra ba de dag la ’di skad du rigs kyi bu khyed cag gaṅ na cho rkun (124b1) gyis ’jigs pa daṅ | ’brog dgron pa daṅ | dgon pas ’jigs pa yod pa der soṅ ste | ci ruṅ źes smra źiṅ de yaṅ dge sloṅ chos smra ba de śes rab kyi pha rol tu phyin pa zab mo ’di ’chaṅ bar mi ’dod pa daṅ | yi ger ’dri bar mi ’dod pa daṅ | lud dpog pa mi ’dod pa daṅ | (2) ñan du gźug par mi ’dod pa daṅ | sgom du gźug par mi ’dod pa’i phyir te | de dag gis dge sloṅ chos smra ba las de skad thos nas | yi chad pa’i tshul gyis gaṅ du dge sloṅ chos smra ba de ’gro bar ’gyur ba der de dag ’gro bar mi ’gyur na | rab ’byor de yaṅ śes rab kyi pha rol (3) tu phyin pa zab mo ’di yi ger bri ba daṅ | bsgom par bya ba’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ dge sloṅ chos smra ba sloṅs mo ster ba’i khyim la (4) gdu bar gyur nas | de sloṅs mo ster ba’i khyim la gdu ba des na | yaṅ daṅ yaṅ du de dag gis khyim blta bar sems śiṅ | de yaṅ daṅ yaṅ du blta bar sems pa des chos ñan pa rnams spoṅ źiṅ | tshe daṅ ldan pa dag kho bo ni sloṅs mo ster ba’i khyim dag lta źiṅ der ’gro dgos (5) pa źig yod do źes zer źiṅ chos ñan pa de dag spoṅ bar byed la | de dag kyaṅ spaṅs pas phyir ldog par ’gyur na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | bsgom par bya ba’i bar gyi tshogs pa daṅ mi ldan par ’gyur te | rab ’byor de yaṅ (6) byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ bdud sdig can dge sloṅ gi cha byad daṅ | de bźin gśegs pa’i cha byad du bsgyur ciṅ ci nas kyaṅ śes rab kyi pha rol tu phyin pa zab mo ’di su yaṅ yi ger mi ’dri ba daṅ | mi ’dzin (7) pa daṅ | mi ’chad pa daṅ | kha ton du mi byed pa daṅ | kun chub par mi byed pa daṅ | tshul bźin du yid la mi byed pa daṅ | mi bsgom par ’gyur ba de lta de ltar thabs sbyor bar byed do ||
de skad ces bka’ stsal pa daṅ | bcom ldan ’das la tshe daṅ ldan par ’byor gyis ’di (125a1) skad ces gsol to ||
bcom ldan ’das ci’i slad du bdud sdig can dge sloṅ gi cha byad du bsgyur ciṅ | ci nas kyaṅ śes rab kyi pha rol tu phyin pa zab mo ’di su yaṅ yi ger mi ’dri ba daṅ | luṅ mi nod pa daṅ | mi klog pa daṅ | kha ton du mi bgyid pa daṅ | (2) tshul bźin du yid la mi bgyid pa daṅ | sgom par mi ’gyur ba de lta de ltar thabs sbyor bar ’gyur lags | bcom ldan ’das kyis bka’ stsal pa | rab ’byor ’di la bdud sdig can dge sloṅ gi cha byad du bsgyur ciṅ | ’di skad du ’di ni śes rab kyi pha rol tu phyin pa ma yin gyi (3) mdo sde gaṅ kho bo la ’os śiṅ kun chub par byed ba de ni śes rab kyi pha rol tu phyin pa yin no ||
źes ’byed par byed ciṅ ’bral bar byed do ||
rab ’byor de la bdud sdig can gyis de ltar ’byed par byed pa’i tshe | byaṅ chub sems dpa’ gaṅ dag luṅ bstan par ma gyur pa de dag ni the (4) tshom skye bar ’gyur te | de dag the tshom skyes nas | śes rab kyi pha rol tu phyin pa zab mo ’di yi ger ’dri bar mi ’gyur | luṅ nod par mi ’gyur | klog par mi ’gyur | kha ton du byed par mi ’gyur | tshul bźin du yid la byed par mi ’gyur | sgom par mi ’gyur na rab (5) ’byor de yaṅ śes rab kyi pha rol tu phyin pa zab mo ’di yi ger bri ba daṅ | lun nod pa daṅ | kun chub par bgyi ba daṅ | kha ton du bya ba daṅ | sgom pa daṅ tshul bźin du yid la bya ba’i tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos (6) bdud kyi las su rig par bya’o ||
rab ’byor gźan yaṅ bdud sdig can dge sloṅ gi cha byaṅ du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas ’di skad du byaṅ chub sems dpa’ gaṅ śes rab kyi pha rol tu phyin pa zab mo ’di la spyod pa de ni | yaṅ dag pa’i (7) mtha’ mṅon sum du byad ciṅ | rgyun du źugs pa’i ’bras bu’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu’am | dgra bcom pa ñid ’thob pa daṅ | raṅ byaṅ chub ’thob par ’gyur ro ||
źes zer na | rab ’byor de yaṅ śes rab kyi pha rol tu (125b1) phyin pa zab mo ’di yi ger bri ba daṅ | bśad pa daṅ | bstan pa daṅ | bsgom par bya ba’i bar gyi tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ śes rab (2) kyi pha rol tu phyin pa zab mo ’di yi ger ’dri ba daṅ | ’chad pa daṅ | sgom pa’i bar du byed pa na gaṅ dag bar chad byed par ’gyur pa’i bdud kyi las maṅ po dag ’byuṅ bar ’gyur te | byaṅ chub sems dpas bdud kyi las de dag rig par bya źiṅ | rig nas kyaṅ rnam par spaṅ (3) bar bya’o ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen pos bdud kyi las gaṅ dag rig par bgyi źiṅ | rig nas kyaṅ rnam par spaṅ bar bgyi ba de dag gaṅ lags | bcom ldan ’das kyis bka’ stsal pa | rab ’byor śes (4) rab kyi pha rol tu phyin pa ltar bcos pa daṅ ldan pa’i bdud kyi las dag ’byuṅ bar ’gyur ro ||
de bźin du bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa ltar bcos pa daṅ ldan pa’i bdud kyi las dag ’byuṅ bar ’gyur te | (5) de dag ni byaṅ chub sems dpa’ rig nas rnam par spaṅ bar bya ba yin no ||
rab ’byor gźan yaṅ naṅ stoṅ pa ñid ltar bcos pa daṅ | dṅos po med pa’i ṅo bo ñid stoṅ pa ñid kyi bar dag ltar bcos pa’i bdud kyi las dag kyaṅ ’byuṅ bar ’gyur ro ||
ñan thos kyi theg pa daṅ | (6) raṅ saṅs rgyas kyi theg pa daṅ ldan pa’i bdud kyi las dag kyaṅ ’byuṅ bar ’gyur te | byaṅ chub sems dpas de dag kyaṅ rig nas rnam par spaṅ bar bya’o ||
’di skad kyaṅ smra bar ’gyur te | khyod kyis dran pa ñe bar gźag pa bźi po ’di dag sgoms śig | yaṅ dag pa’i spo ba (7) pa daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam yaṅ sgoms śig | rnam par thar pa’i sgo stoṅ pa ñid daṅ | rnam par thar pa’i sgo mtshan ma med pa daṅ | smon pa med pa yaṅ sgoms śig | de dag kun chub par gyis (126a1) śig | de dag kun chub par byas nas kyaṅ | ’di ñid la rgyun du źugs pa’i ’bras bu thob par gyis śig | lan cig phyir ’od ba’i ’bras bu daṅ | phyir mi ’od ba’i ’bras bu daṅ | dgra bcom pa ñid thob par gyis śig | bla na med pa yaṅ dag par rdzogs pa’i byaṅ chub (2) mṅon par rdzogs par saṅs rgyas pas kyaṅ khyod la ci źig bya źes zer na | rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | gzuṅ ba daṅ | bstan pa daṅ | luṅ nod pa daṅ | tshul bźin du yid la bya ba daṅ | bsgom par bya ba’i bar gyi tshogs pa daṅ mi ldan (3) par ’gyur te | bdud sdig can bdud kyi las ’di lta bu ’di dag ñe bar sgrub par ’gyur ro ||
rab ’byor gźan yaṅ bdud sdig can saṅs rgyas kyi cha byad daṅ | lus gser gyi mdog lta bu ’od ’odama gaṅ daṅ ldan par bsgyur te ’oṅs nas | byaṅ chub sems dpa’ rnams kyis de mthoṅ nas (4) dga’ ba skye bar ’gyur te de dag dga’ ba skyes na | rnam pa thams cad mkhyen pa ñid las yoṅs su ñams par ’gyur ro ||
rab ’byor de yaṅ śes rab kyi pha rol tu phyin pa yi ger bri ba daṅ | luṅ nod pa daṅ | kha ton tu bya ba daṅ | bśad pa daṅ | tshul bźin du yid la bya (5) ba’i tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ bdud sdig can gyis rigs kyi bu daṅ rigs kyi bu mo de dag gi mdun du saṅs rgyas la sogs pa dge sloṅ gi dge ’dun ñe (6) bar ston par ’gyur te | de la byaṅ chub sems dpa’ ’dod pa skye bar ’gyur źiṅ | bdag kyaṅ ma ’oṅs pa’i dus na | de bźin gśegs pa dgra bcom pa yaṅ dag par rdzogs pa’i saṅs rgyas ’di lta bur ’gyur bar bya’o ||
de bźin du tshogs yoṅs su bsdu bar yaṅ bya’o ||
(7) ji ltar de bźin gśegs pas chos bstan pa de ltar bdag gis kyaṅ bstan par bya’o sñam du de dag de la ’dod pa bskyed na | rnam pa thams cad mkhyen pa ñid las yoṅs su ñams par ’gyur ro ||
rab ’byor de yaṅ śes rab kyi pha rol tu phyin pa zab mo ’di yi ger bri ba daṅ | luṅ (126b1) nod pa daṅ | kun chub par bya ba daṅ | bśad par bya ba daṅ | yid la bya ba daṅ | bsgom par bya ba’i tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ chen pos bdud kyi las su rig par bya’o ||
rab ’byor gźan yaṅ bdud (2) sdig can gaṅ dag sbyin pa’i pha rol tu phyin pa la spyod pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyod pa’i byaṅ chub (3) sems dpa’ brgya phrag du ma daṅ | byaṅ chub sems dpa’ stoṅ phrag du ma dag ñe bar ston par ’gyur te | byaṅ chub sems dpa’ de dag bdud kyis sprul pa de dag la ’dod pa skyes par gyur na | rnam pa thams cad mkhyen pa ñid las yoṅs su ñams par ’gyur ro ||
rab ’byor (4) de yaṅ śes rab kyi pha rol tu phyin pa zab mo ’di yi gar bri ba daṅ | luṅ nod pa daṅ | kha ton du bya ba daṅ | bśad pa daṅ | tshul bźin du yid la bya ba daṅ | bsgom par bya ba’i tshogs pa daṅ mi ldan par ’gyur te | rab ’byor de yaṅ byaṅ chub sems dpa’ sems dpa’ (5) chen pos bdud kyi las su rig par bya’o ||
de ci’i phyir źe na | rab ’byor śes rab kyi pha rol tu phyin pa zab mo la ni gzugs yod pa ma yin | tshor ba daṅ | ’du śes daṅ | ’du byed rnams deṅ | rnam par śes pa yod pa ma yin | khams rnams daṅ | skye mched rnams yod (6) pa ma yin | pha rol tu phyin pa rnams daṅ | byaṅ chub kyi phyogs kyi chos rnams daṅ | stobs rnams daṅ | mi ’jigs pa rnams daṅ | so so yaṅ dag par rig par rnams daṅ | saṅs rgyas kyi chos ma ’dres pa rnams daṅ | rnam par thar pa’i sgo rnams daṅ | byaṅ chub yod (7) pa ma yin te | rab ’byor gaṅ la gzugs yod pa ma yin pa daṅ | tshor ba daṅ | ’du śes daṅ | ’du byed rnams daṅ | rnam par śes pa yod pa ma yin pa daṅ | byaṅ chub kyi bar du yaṅ yod pa ma yin pa daṅ | gaṅ la byaṅ chub yod pa ma yin pa de la ni saṅs rgyas kyaṅ med | (127a1) byaṅ chub sems dpa’ rnams kyaṅ med | ñan thos rnams kyaṅ med pa’i phyir ro ||
de ci’i phyir źe na | rab ’byor chos thams cad ṅo bo ñid kyis stoṅ pa’i phyir ro ||
rab ’byor gźan yaṅ rigs kyi bu daṅ rigs kyi bu mo dag śes rab kyi pha rol tu phyin pa ’di yi ger (2) ’dri ba daṅ | klog pa daṅ | luṅ nod pa daṅ | kha ton bya ba daṅ | tshul bźin du yid la byed pa na | śes rab kyi pha rol tu phyin pa ’di la bar chad maṅ du ’byuṅ bar ’gyur ro ||
rab ’byor ’di lta ste dper na ’dzam bu’i gliṅ na | rin po che dag yod pa ’di lta ste | gser (3) daṅ | nor bu daṅ | mu tig daṅ | e na da rñil daṅ | bai dUrya daṅ | duṅ daṅ | man śel daṅ | byu ru daṅ | dṅul gaṅ ji sñed yod pa de dag la ni bar chad maṅ źiṅ phyir rgol ba dag maṅ bar ’gyur ro ||
rab ’byor de bźin du rigs kyi bu daṅ rigs kyi bu mo śes rab kyi pha rol (4) tu phyin pa zab mo ’di yi ger ’dri ba daṅ | klog pa daṅ | luṅ nod pa daṅ | kun chub par byed ba daṅ | ’chaṅ ba daṅ | tshul bźin du yid la byed pa daṅ | sgom pa de dag la yaṅ bar chad maṅ du ’byuṅ źiṅ | phyir rgol ba maṅ du ’byuṅ bar ’gyur ro ||
rab ’byor gyis (5) gsol pa | bcom ldan ’das de de lta lags so ||
de de lta lags te | śes rab kyi pha rol tu phyin pa daṅ ldan pa’i mdo sde dag la ni slar rgol ba daṅ | bag chad bgyid pa maṅ du ’byuṅ lags te | bdud kyi byin gyis brlabs pa’i mi blun po de dag ni gaṅ dag śes rab kyi pha rol tu (6) phyin pa zab mo ’di yi ger ’dri ba daṅ | luṅ nod pa daṅ | klog pa daṅ | kha ton du bgyid pa daṅ | tshul bźin du yid la bgyid pa dag la bar chad bgyid par ’gyur lags so ||
bcom ldan ’das mi blun po blo chuṅ źiṅ blo źen pa de dag ni gaṅ dag śes rab kyi pha rol tu phyin pa (7) zab mo ’di yi ger ’dri ba daṅ | sgom pa’i bar du bgyid pa la bar chad bgyid par ’gyur te | gaṅ dag śes rab kyi pha rol tu phyin pa zab mo ’di yi ger ’dri bar mi ’gyur ba ’am | yi ge ’dri ba’i bar chad bgyid par ’gyur ba de dag ni saṅs rgyas kyi chos rgya chen po dag la blo ’jug par (127b1) mi ’gyur lags so ||
gaṅ dag śes rab kyi pha rol tu phyin pa zab mo ’di yi ger ’dri bar mi ’gyur ba’am | yi ger ’dri ba’i bar chad bgyid pa daṅ | sgom par mi ’gyur ba’am | sgom pa’i bar chad bgyid pa de dag ni saṅs rgyas kyi chos rgya chen po dag la blo ’jug par mi ’gyur lags (2) so ||
bcom ldan ’das kyis bka’ stsal pa | rab ’byor de de bźin no ||
de de bźin te | rigs kyi bu’am rigs kyi bu mo gaṅ dag śes rab kyi pha rol tu phyin pa zab mo ’di yi ger ’dri bar mi ’gyur ba daṅ | klog par mi ’gyur ba daṅ | luṅ nod par mi ’gyur ba daṅ | kha ton (3) byed par mi ’gyur ba daṅ | tshul bźin du yid la byed par mi ’gyur ba daṅ | sgom par mi ’gyur źiṅ | bar chad byed par ’gyur ba de dag ni theg pa la gsar du źugs pa daṅ | dge ba’i rtsa ba ma bskyed pa daṅ | dge ba’i rtsa ba chuṅ ba daṅ | sṅon gyi rgyal ba la lhag par bya ba ma byas (4) pa daṅ | dge ba’i bśes gñen gyis yoṅs su ma zin pa yin no ||
rab ’byor rigs kyi bu’am rigs kyi bu mo gaṅ dag śes rab kyi pha rol tu phyin pa zab mo ’di yi ger ’dri bar mi byed ciṅ | sgom pa’i bar du mi byed la | gźan dag yi ger ’dri ba daṅ | sgom pa’i bar du byed (5) ba la bar chad byed pa de dag ni blo chuṅ ba daṅ | blo źan pa daṅ | blo dman pa yin pas saṅs rgyas kyi chos rgya chen po dag la blo ’jug par mi ’gyur ro ||
rab ’byor śes rab kyi pha rol tu phyin pa zab mo ’di yi ger ’dri ba daṅ | sgom pa’i bar du byed pa la | bdud kyi las de lta bu (6) gźan dag kyaṅ ’byuṅ bar ’gyur ro ||
rab ’byor rigs kyi bu daṅ rigs kyi bu mo dag śes rab kyi pha rol tu phyin pa zab mo ’di yi ger ’dri ba daṅ | kha ton du byed pa daṅ | tshul bźin du yid la byed pa daṅ | sgom pa dag la gal te bdud kyi las dag ’byuṅ bar ’gyur (7) yaṅ | goṅ nas goṅ du bsam gtan gyi pha rol tu phyin pa yoṅs su rdzogs par ’gyur źiṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa yoṅs su rdzogs par ’gyur ba daṅ | (128a1) byaṅ chub kyi phyogs kyi chos sum cu rtsa bdun yoṅs su rdzogs par ’gyur ba daṅ | rnam par thar pa’i sgo rnams daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | (2) rnam pa thams cad mkhyen pa ñid kyi bar du yoṅs su rdzogs par ’gyur ba de ni | rab ’byor saṅs rgyas kyi mthu yin par rig par bya ste | de’i phyir rigs kyi bu daṅ rigs kyi bu mo de dag śes rab kyi pha rol tu phyin pa zab mo ’di yi ger ’dri ba daṅ | klog pa daṅ | luṅ nod pa (3) daṅ | sgom pa daṅ | tshul bźin du yid la byed pa na bar chad ’byuṅ bar mi ’gyur la | goṅ nas goṅ du pha rol tu phyin pa thams cad yoṅs su rdzogs par ’gyur źiṅ | byaṅ chub kyi phyogs kyi chos thams cad daṅ | rnam par thar pa’i sgo thams cad daṅ | bsam gtan bźi daṅ (4) tshad med pa bźi daṅ | gzugs med pa’i sñoms par ’jug pa bźi daṅ | mṅon par śes pa lṅa yaṅ yoṅs su rdzogs par ’gyur ro ||
phyogs bcu na saṅs rgyas bcom ldan ’das gaṅ dag bźugs te | ’tsho źiṅ gźes pa de dag kyaṅ rigs kyi bu daṅ rigs kyi bu mo śes (5) rab kyi pha rol tu phyin pa zab mo ’di yi ger ’dri ba daṅ | klog pa daṅ | luṅ nod pa daṅ | kha ton du byed pa daṅ | tshul bźin du yid la byed pa de dag gi ched du brtson par mdzad do ||
phyogs bcu dag na phyir mi ldog pa’i byaṅ chub sems dpa’ sems dpa’ chen po gaṅ dag ’khod (6) pa de dag kyaṅ rigs kyi bu daṅ rigs kyi bu mo śes rab kyi pha rol tu phyin pa zab mo ’di yi ger ’dri ba daṅ | klog pa daṅ | luṅ nod pa daṅ | kha ton du byed pa daṅ | tshul bźin du yid la byed pa daṅ | sgom pa de dag la phan ’dogs par brtson par byed par ’gyur ro ||
śes (7) rab kyi pha rol tu phyin pa khri brgyad stoṅ pa las bdud kyi tshogs pa daṅ mi ldan pa’i le’u źes bya ste | bźi bcu rtsa gcig pa’o || ||
śes rab kyi pha rol tu phyin pa khri brgyad stoṅ pa | bam po sum cu rtsa gsum pa | rab ’byor ’di lta ste dper na bud med la la źig la (128b1) bu lṅa’am | bcu ’am | ñi śu ’am | sum cu’am | lṅa bcu’am | brgya ’am | stoṅ ṅam | ’bum źig yod par gyur la de dag thams cad dben pa’i phyir ci ltar byas na | bdag cag gis ma la bar chad ’byuṅ bar mi ’gyur źig gu | ji ltar byas na bdag cag gi ma yun riṅ du ’tsho bar (2) ’gyur źig gu | ji ltar byas na bdag cag gi ma’i lasu la mi bde ba ’byuṅ bar mi ’gyur źig gu | ’di ni bdag cag skyed pa daṅ | lus ’dzin pa daṅ srog sbyin pa yin no ||
źes ’bad par byed ciṅ ’di’i srog la bar chad ’byuṅ ba’am lus ñam chuṅ ba’am | sbraṅ bu mchu riṅ (3) daṅ | śa sbraṅ daṅ | sdig sbrul gyi gnod pa’am | graṅ ba daṅ tsha ba daṅ bkres pa daṅ | skom pa’i sdug bsṅal mi ’byuṅ bar bya’o źes bu de dag ma de la rim gro mchog gi rim gror byed ciṅ | bsruṅ ba’i mchog gis sruṅ bar byed de | de ltar bu de dag ma de la bde bar sbyar ba (4) thams cad sñen par byed ciṅ ’di ni bdag cag la ’jig rten ’di ston pa yin no ||
źes de ltar de dag ma de la rim gro byed do ||
rab ’byor de bźin du de bźin gśegs pa dgra bcom pa yaṅ dag par rdzogs ’i saṅs rgyas rnams kyaṅ | śes rab kyi pha rol tu phyin pa zab mo (5) ’di la yaṅ saṅs rgyal kyi spyan gyis rtag tu rgyun mi chad par dgoṅs so ||
de ci’i phyir źe na | śes rab kyi pha rol tu phyin pa zab mo ’di ni saṅs rgyas kyi chos thams cad skyed pa daṅ | ye śes kyi snaṅ ba byed ba yin pa’i phyir ro ||
śar phyogs kyi ’jig rten gyi khams gaṅ g’i (6) kluṅ gi bye ma sñed dag na | saṅs rgyas gaṅ dag bźugs pa de dag kyaṅ | śes rab kyi pha rol tu phyin pa zab mo ’di la saṅs rgyas kyi spyan gyis rtag tu rgyun mi chad par dgoṅs so ||
de ci’i phyir źe na | ’di ni de bźin gśegs pa rnams skyed pa daṅ | thams cad mkhyen pa’i ye (7) śes yaṅ dag par ston pa yin pa’i phyir te | de bas na de bźin gśegs pa de dag śes rab kyi pha rol tu phyin pa zab mo ’di la saṅs rgyas kyi spyan kyis rtag tu rgyun mi chad par dgoṅs so ||
de ci’i phyir źe na | de bźin gśegs ba rnams kyi bsam gtan gyi pha rol tu phyin (129a1) pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa ni ’di las byuṅ źiṅ de bźin gśegs pa rnams kyi naṅ stoṅ pa ñid nas | dṅos po med pa’i ṅo bo ñid stoṅ pa (2) ñid kyi bar dag kyaṅ ’di las byuṅ ba daṅ | dran pa ñe bar gźag pa bźi daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams kyaṅ ’di las byuṅ ba daṅ | rnam par thar pa’i sgo rnams daṅ | stobs (3) bcu daṅ | mi ’jigs pa bźi daṅ | so so yaṅ dag par rig pa daṅ | saṅs rgyas kyi chos ma ’dres pa rnams kyaṅ ’di las byuṅ ba daṅ | saṅs rgyas thams cad kyi rnam pa thams cad mkhyen pa ñid kyi bar du yaṅ ’di las byuṅ ba daṅ | rgyun du źugs pa rnams daṅ | lan cig (4) phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | saṅs rgyas rnams daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ ’di las byuṅ ba’i phyir ro ||
rab ’byor de bźin gśegs pa dgra bcom (5) pa yaṅ dag par rdzogs pa’i saṅs rgyas gaṅ su dag bla na med pa yaṅ dag par rdzogs pa’i byaṅ chub mṅon par saṅs rgyas pa daṅ | mṅon par rdzogs par ’tshaṅ rgya ba daṅ | mṅon par rdzogs par ’tshaṅ rgya bar ’gyur ba de dag thams cad kyaṅ śes rab kyi pha rol tu phyin pa zab mo (6) ’di la brten nas bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas so ||
mṅon par rdzogs par ’tshaṅ rgya’o ||
mṅon par rdzogs par ’tshaṅ rgya bar ’gyur ro ||
rab ’byor rigs kyi bu’am rigs kyi bu mo theg pa chen po la yaṅ dag par (7) źugs pa | śes rab kyi pha rol tu phyin pa zab mo ’di yi ger ’dri ba daṅ | klog pa daṅ | luṅ nod pa daṅ | kha ton byed pa daṅ | tshul bźin du yid la byed pa gaṅ yin pa de dag thams cad la yaṅ de bźin gśegs pa dgra bcom pa yaṅ dag par rdzogs pa’i saṅs rgyas (129b1) rnams kyi saṅs rgyas kyi spyan gyis rtag tu rgyun mi chad par dgoṅs so ||
rab ’byor byaṅ chub sems dpa’ sems dpa’ chen po de dag daṅ | rigs kyi bu daṅ rigs kyi bu mo de dag kyaṅ ci nas bla na med pa yaṅ dag par rdzogs pa’i byaṅ chub las yoṅs su ñams par mi ’gyur ba de (2) bźin gśegs pa dgra bcom pa yaṅ dag par rdzogs pa’i saṅs rgyas rnams kyis rtag tu rgyun mi chad par bsruṅ ba daṅ | bskyab pa daṅ | sba ba mdzad do ||
rab ’byor gyis gsol pa | bcom ldan ’das śes rab kyi pha rol phyin pa ni de bźin gśegs pa dgra bcom pa (3) yaṅ dag par rdzogs pa’i saṅs rgyas rnams skyed pa daṅ | ’jig rten ’di ston pa’o ||
źes bcom ldan ’das kyis de skad ces bka’ stsal na | ji ltar na śes rab kyi pha rol tu phyin pa byaṅ chub sems dpa’ sems dpa’ chen po rnams daṅ | saṅs rgyas bcom ldan ’das rnams (4) skyed pa lags | bcom ldan ’das ji ltar na | śes rab kyi pha rol tu phyin pa ’jig rten ’di ston pa lags | bcom ldan ’das ji ltar na śes rab kyi pha rol tu phyin pa las de bźin gśegs pa ’khruṅs pa lags | de bźin gśegs pas bka’ stsal pa’i ’jig rten ni gaṅ (5) lags | bcom ldan ’das kyis bka’ stsal pa | rab ’byor śes rab kyi pha rol tu phyin pa zab mo ’di de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams ba chen po daṅ | sñiṅ rje chen po daṅ | saṅs rgyas kyi (6) chos ma ’dres pa bco brgyad daṅ | rnam pa thams cad mkhyen pa ñid skyed la | rab ’byor chos ’di dag gis kyaṅ de bźin gśegs pa de bźin gśegs pa źes bya bar grag par ’gyur te | rab ’byor de bas na śes rab kyi pha rol tu phyin pa zab mo ’dis de bźin gśegs pa (7) skyed pa yin no ||
rab ’byor gyis gsol pa | bcom ldan ’das de bźin gśegs pas ’jig rten du gsuṅs pa yaṅ gaṅ lags | bcom ldan ’das kyis bka’ stsal pa | rab ’byor phur po lṅa ni de bźin gśegs pas ’jig rten du gsuṅs so ||
rab ’byor gyis gsol (130a1) ba | bcom ldan ’das śes rab kyi pha rol tu phyin pas phuṅ po lṅa ji ltar bstan pa lags | bcom ldan ’das kyis bka’ stsal pa | rab ’byor śes rab kyi pha rol tu phyin pa ni phuṅ po lṅa po de dag ’jig par ston pa ma yin rab tu ’jig par ston ba ma yin no ||
(2) skye bar ston pa ma yin | kun nas ñon moṅs par ston pa ma yin | rnam par byaṅ bar ston pa ma yin | bsel ba daṅ | ’grib par ston pa ma yin | ’das pa daṅ | ma ’oṅs pa daṅ | da ltar byuṅ ba’i chos rnams ston pa ma yin no ||
de ci’i phyir źe na | stoṅ pa ñid kyi don ni (3) ’jig pa ma yin | rab tu ’jig pa ma yin | mtshan ma med pa daṅ | smon pa med pa ni ’jig pa ma yin rab tu ’jig pa ma yin | mṅon par ’du byed pa med pa daṅ | skye ba med pa daṅ | ’gag pa med pa daṅ | dṅos po med pa daṅ | raṅ bźin med pa ni ’jig pa ma yin (4) rab tu ’jig pa ma yin pa’i phyir ro ||
rab ’byor de ltar na śes rab kyi pha rol tu phyin pa zab mo ’di ’jig rten ston par bśad do ||
rab ’byor sems can tshad med pa dag gi sems kyi spyod pa dpag tu med graṅs med pa gaṅ yin pa de dag de bźin gśegs pas rab tu mkhyen pa (5) yaṅ śes rab kyi pha rol tu phyin pa ñid la brten nas rab tu mkhyen te | rab ’byor ’on kyaṅ śes rab kyi pha rol tu phyin pa zab mo ’di la ni sems can daṅ sems can du gdags pa mi dmigs so ||
gzugs daṅ gzugs su gdags pa mi dmigs so ||
tshor ba daṅ | ’du śes (6) daṅ | ’du byed rnams daṅ | rnam par śes pa daṅ | rnam par śes par gdags pa mi dmigs so ||
mig daṅ | mig gi rnam par śes pa daṅ | mig gi ’dus te reg pa mi dmigs śiṅ | mig gi ’dus te reg par gdags pha mi dmigs so ||
rna ba daṅ | sgra (7) sna daṅ | dri daṅ | lce daṅ | ro daṅ | lus daṅ | reg bya daṅ | yid daṅ | chos daṅ | yid kyi rnam par śes pa daṅ | yid kyi ’dus te reg pa mi dmigs śiṅ | yid kyi ’dus te reg par gdags pa mi dmigs so ||
pha rol tu phyin pa rnams daṅ | byaṅ chub kyi phyogs (130b1) kyi chos rnams daṅ | rnam par thar pa’i sgo rnams daṅ | stobs daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa rnams kyi bar daṅ | rnam pa thams cad mkhyen pa ñid du gdags pa’i bar du mi dmigs so ||
rab ’byor de ltar (2) na śes rab kyi pha rol tu phyin pa zab mo ’di ni de bźin gśegs pa rnams la ’jig rten ’di ston pa yin no ||
de ci’i phyir źe na | rab ’byor śes rab kyi pha rol tu phyin pa ñid kyaṅ | śes rab kyi pha rol tu phyin pa zab mo ’di ñid la med ciṅ mi dmigs na gzugs daṅ | tshor (3) ba daṅ | ’du śes daṅ | ’du byed rnams dmigs par lta ga la ’gyur | rnam par śes pa dmigs par ltag la ’gyur | rnam pa thams cad mkhyen pa ñid kyi bar du dmigs par ltag la ’gyur | rab ’byor gźan yaṅ sems can ci sñed sems can du gdags pas (4) btags pa gzugs can nam | gzugs med pa’am | ’du śes can nam | ’du śes med pa’am | ’du śes med ’du śes med min gyi sems can gaṅ dag ’jig rten ’di’am | phyogs bcu’i ’jig rten gyi khams rab ’byam gźan dag na gnas pa de dag gi sems (5) bsdus pa daṅ | sems rnam par g-yeṅ ba gaṅ yin pa de dag de bźin gśegs pas yaṅ dag par ji lta ba bźin du rab tu mkhyen te | rab ’byor de bźin gśegs pas sems can de dag gi sems bsdus pa daṅ | rnam par g-yeṅ ba rnams yaṅ dag pa ci ltar rab tu (6) mkhyen ce na | rab ’byor de bźin gśegs pas sems can de dag gi sems bsdus pa daṅ | rnam par g-yeṅ ba rnams chos ñid kyis yaṅ dag pa ji lta ba bźin du rab tu mkhyen to ||
rab ’byor gyis gsol pa | bcom ldan ’das de bźin gśegs pas chos ñid (7) gaṅ gis sems can de dag gi sems bsdus pa daṅ | rnam par g-yeṅ ba rnams yaṅ dag pa ji lta ba bźin du rab tu mkhyen pa lags | bcom ldan ’das kyis bka’ stsal pa | rab ’byor chos ñid gaṅ la chos ñid kho na yaṅ mi dmigs na | sems bsdus pa daṅ | rnam (131a1) bar g-yeṅ ba rnams lta ci smos te | rab ’byor de bźin gśegs pas chos ñid ’dis sems bsdus pa daṅ | rnam par g-yeṅ ba rnams yaṅ dag pa ci lta ba bźin du rab tu mkhyen to ||
rab ’byor gźan yaṅ de bźin gśegs pa dgra bcom pa yaṅ dag (2) par rdzogs pa’i saṅs rgyas kyis sems can de dag gi sems bsdus pa daṅ | rnam par g-yeṅ ba rnams mi zad dag pa ci lta ba bźin du rab tu mkhyen te | sems bsdus pa daṅ | rnam par g-yeṅ ba rnams mi zad pa ñid du yaṅ dag pa ji lta ba bźin du ji ltar (3) rab tu mkhyen ce na | rab ’byor ’di la de bźin gśegs pas sems can de dag gi sems de dag ’dod chags daṅ bral ba daṅ | ’gog pa daṅ | spaṅ bar yaṅ dag pa ji lta ba bźin du rab tu mkhyen te | rab ’byor ’di ltar de bźin gśegs pa dgra bcom pa yaṅ dag (4) par rdzogs pa’i saṅs rgyas kyis sems can de dag gi sems bsdus pa daṅ | rnam par g-yeṅ ba rnams dben par yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas sems can de dag gi sems ’dod chags daṅ bcas pa la (5) sems ’dod chags daṅ bcas par yaṅ dag pa ji lta ba bźin du rab tu mkhyen to ||
sems ’dod chags daṅ bral ba la sems ’dod chags daṅ bral bar yaṅ dag pa ji lta ba bźin du rab tu mkhyen to ||
de bźin du sems źe sdaṅ bcas pa daṅ | źe sdaṅ daṅ bral ba (6) daṅ | gti mug daṅ bcas pa daṅ | gti mug daṅ bral bar yaṅ dag pa ci lta ba bźin du rab tu mkhyen to ||
rab ’byor gyis gsol pa | bcom ldan ’das ji ltar na de bźin gśegs pa dgra bcom pa yaṅ dag par rdzogs pa’i saṅs rgyas kyis sems can de dag gi (7) sems ’dod chags daṅ bcas pa la | sems ’dod chags daṅ bcas par yaṅ dag pa ci lta ba bźin du rab tu mkhyen pa lags | sems ’dod chags daṅ bral ba la | sems ’dod chags daṅ bral bar yaṅ dag pa ji lta ba bźin du rab tu mkhyen pa lags | de (131b1) bźin du sems źe sdaṅ daṅ bcas pa daṅ | źe sdaṅ daṅ bral ba daṅ | gti mug daṅ bcas pa daṅ | gti mug daṅ bral bar yaṅ dag pa ji lta ba bźin du rab tu mkhyen pa lags | bcom ldan ’das kyis bka’ stsal pa | rab ’byor sems ’dod chags daṅ bcas pa (2) gaṅ yin pa de ni yaṅ dag pa ji lta ba ñid ma yin no ||
de ci’i phyir źe na | rab ’byor sems daṅ sems las byuṅ ba’i chos rnams kyaṅ yaṅ dag pa ji lta ba bźin du | dmigs su med na ’dod chags daṅ bcas pa daṅ | ’dod chags daṅ bral ba ’am | źe sdaṅ daṅ (3) bcas pa daṅ | źe sdaṅ daṅ bral ba’am | gti mug daṅ bcas pa daṅ | gti mug daṅ bral ba lta ci smos | rab ’byor sems gti mug daṅ bcas pa ñid gaṅ yin pa de ni yaṅ dag pa ji lta ba ñid ma yin no ||
de ci’i phyir źe na | rab ’byor sems daṅ sems las byuṅ (4) ba’i chos rnams kyaṅ yaṅ dag pa ji lta ba bźin du dmigs su med na | sems gti mug daṅ bral ba lta ci smos te | rab ’byor de ltar na de bźin gśegs pas śes rab kyi pha rol tu phyin pa la brten nas | sems ’dod chags daṅ bcas pa la sems ’dod chags daṅ bcas (5) par yaṅ dag pa ci lta ba bźin du rab tu mkhyen to ||
de bźin du sems ’dod chags daṅ bral ba daṅ | źe sdaṅ daṅ bcas pa daṅ | źe sdaṅ daṅ bral ba daṅ | gti mug daṅ bcas pa daṅ | gti mug daṅ bral ba la sems gti mug daṅ bral bar yaṅ dag pa ji lta ba bźin du (6) rab tu mkhyen to ||
rab ’byor de bźin gśegs pas sems can rnams kyi sems ’dod chags daṅ bral ba la sems ’dod chags daṅ bral bar yaṅ dag pa ji lta ba bźin du rab tu mkhyen ce na | rab ’byor sems ’dod chags daṅ bcas pa ñid gaṅ yin pa de ni sems ’dod (7) chags daṅ bral ba ñid ma yin no ||
de ci’i phyir źe na | rab ’byor sems gñis phrad pa med pa’i phyir ro ||
rab ’byor de ltar na sems ’dod chags daṅ bral ba ñid gaṅ yin pa de ni | sems ’dod chags daṅ bcas pa ma yin no ||
de bźin du sems źe sdaṅ daṅ bral ba (132a1) ñid gaṅ yin pa de | źe sdaṅ daṅ bcas pa ma yin no ||
sems gti mug daṅ bral ba ñid gaṅ yin pa de sems gti mug daṅ bcas pa ma yin no ||
de ci’i phyir źe na | rab ’byor sems gñis phrad pa med pa’i phyir ro ||
rab ’byor de ltar na de (2) bźin gśegs pas sems can de dag gi sems gti mug daṅ bral ba la | sems gti mug daṅ bral bar yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa zab mo ’di la brten nas | sems can (3) gźan dag daṅ gaṅ zag gźan dag gi sems rgya che ba la sems rgya che bar yaṅ dag pa ji lta ba bźin du rab tu mkhyen to ||
rab ’byor de bźin gśegs pas śes rab kyi pha rol tu phyin pa la brten nas | sems can gźan dag daṅ | gaṅ zag gźan dag gi sems rgya che (4) pa la sems rgya che bar yaṅ dag pa ji lta ba bźin du ji ltar rab tu mkhyen ce na | rab ’byor ’di la de bźin gśegs pas sems can gźan daṅ gaṅ zag gźan de dag gi sems rgya che ba ma yin | sems źum pa ma yin | sems ’phel ba ma yin | sems ’bri ba ma yin (5) sems ’od ba ma yin | sems ’gro ba ma yin par yaṅ dag par ji lta ba bźin du rab tu mkhyen to ||
de ci’i phyir źe na | rab ’byor ’di ltar gaṅ gi rgya che bar bya ba daṅ | ’oṅ ba’am ’gro ba’i bar gyi raṅ bźin mi dmigs pa’i phyir ro ||
rab ’byor de ltar na de bźin gśegs (6) bas śes rab kyis rol tu phyin pa ’di la brten nas | sems can gźan dag daṅ | gaṅ zag gźan dag gi sems rgya che ba la | sems rgya che bar yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin (7) pa ’di la brten nas | sems can gźan dag daṅ | gaṅ zag gźan dag gi sems chen por gyur pa la sems chen por gyur par yaṅ dag pa ji lta ba bźin du rab tu mkhyen te | rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas | (132b1) sems can gźan dag daṅ | gaṅ zag gźan dag gi sems chen por gyur pa la sems chen por gyur par yaṅ dag pa ji lta ba bźin du rab tu mkhyen ce na | rab ’byor ’di la de bźin gśegs pas sems can gźan dag daṅ gaṅ zag gźan dag gi sems kyi raṅ bźin ’oṅ ba (2) daṅ | ’gro ba daṅ | gnas pa daṅ | skye ba daṅ | ’gag pa daṅ | gnas pa ma las gźan du ’gyur bar yaṅ dag par rjes su mi gzigs so ||
de ci’i phyir źe na | rab ’byor sems de dag gi ṅo bo ñid gaṅ ’oṅ ba’am ’gro ba’am skye ba’am ’gag pa’am | gnas pa’am (3) gnas pa las gźan du ’gyur ba med pa’i phyir ro ||
rab ’byor de ltar na de bźin gśegs pas śes rab kyi pha rol tu phyin pa ’di la brten nas | sems can gźan dag daṅ gaṅ zag gźan dag gi sems chen por gyur pa la sems chen por gyur par yaṅ dag pa ji lta ba bźin du (4) rab tu mkhyen to ||
rab ’byor gźan yaṅ de bźin gśes pas śes rab kyi pha rol tu phyin pa ’di ;a brten nas | sems can gźan dag daṅ gaṅ zag gźan dag gi sems tshad med pa la sems tshad med par yaṅ dag pa ji lta ba bźin du rab tu mkhyen te | rab ’byor de bźin (5) gśegs pas śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems tshad med pa la | sems tshad med par yaṅ dag pa ji lta ba bźin du ji ltar rab tu mkhyen ce na | rab ’byor ’di la de bźin gśegs pas sems (6) can gźin dag daṅ | gaṅ zag gźan dag gi sems de gnas pa ma yin pa daṅ | rnam par gnas pa yin pa daṅ | yaṅ dag par gnas pa ma yin pa daṅ | yaṅ dag par mi gnas pa ma yin par yaṅ dag par rjes su gzigs so ||
de ci’i phyir źe na | rab ’byor (7) sems kyi rgyud rnams ni zag pa med ciṅ tshad med de | de dag gaṅ la gnas pa’i rten de yaṅ med pa’i phyir ro ||
rab ’byor de ltar na de bźin gśegs pas śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems chad (133a1) med pa la sems tshad med par yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems bstan du (2) med pa la sems bstan du med par yaṅ dag pa ji lta ba bźin du rab tu mkhyen te | rab ’byor de bźin gśegs pas sems can gźan dag daṅ | gaṅ zag gźan dag gi sems bstan du med pa la sems bstan du med par yaṅ dag pa ji lta ba bźin du ji ltar rab tu mkhyen ce na | (3) rab ’byor ’di la de bźin gśegs pas śes rab kyi pha rol tu phyin pa ’di la brten nas | raṅ gi mtshan ñid kyis stoṅ pa’i phyir ro ||
sems can gźan dag daṅ | gaṅ zag gźan dag gi sems de mtshan ñid med ciṅ ṅo bo ñid daṅ bral bar gzigs te | rab ’byor de (4) ltar na de bźin gśegs pas śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems bstan du med pa la sems bstan du med par yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin (5) gśegs pas śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems mi snaṅ ba la sems mi snaṅ bar yaṅ dag pa ji lta ba bźin du rab tu mkhyen to ||
rab ’byor de bźin gśegs pas śes rab kyi pha rol tu phyin pa ’di (6) la brten nas | sems can gźan dag daṅ | gaṅ zag gźan dag gi sems mi snaṅ ba la sems mi snaṅ bar yaṅ dag pa ji lta ba bźin du rab tu ma byin ce na | rab ’byor ’di la de bźin gśegs pa’i spyan lṅa la gźan gyi sems de dag snaṅ bar mi ’gyur te | rab ’byor de ltar (7) na de bźin gśegs pa dgra bcom pa yaṅ dag par rdzogs pa’i saṅs rgyas kyis śes rab kyi pha rol tu phyin pa ’di la brten nas sems can gźan dag daṅ | gaṅ zag gźan dag gi sems mi snaṅ ba la sems mi snaṅ bar yaṅ dag pa ji lta ba bźin du rab tu mkhyen to ||
rab ’byor gźan yaṅ de (133b1) bźin gśegs pas śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems lhag par g-yo ba daṅ | bral bar g-yo ba rnams daṅ | bsdus par g-yo ba rnams daṅ | rgyas pa rnams yaṅ dag pa ji lta ba bźin du rab tu (2) mkhyen te | rab ’byor de bźin gśegs pas śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems lhag par g-yob daṅ | bral bar g-yo ba rnams daṅ | bsdus par g-yo ba daṅ | rgyas pa rnams yaṅ dag (3) pa ji lta ba bźin du | ji ltar rab tu mkhyen ce na | rab ’byor ’di la de bźin gśegs pas sems can gźan daṅ gaṅ zag gźan de dag gi sems de dag ’di ltar rab tu mkhyen to ||
sems can rnams kyi sems lhag par g-yo ba daṅ | bral bar g-yo ba rnams daṅ | (4) bsdus par g-yo ba daṅ | rgyas pa rnams skye ba na | skye ba gaṅ ci yaṅ ruṅ ba de dag thams cad ni gzugs la brten tam | tshor ba la brten tam | ’du śes la brten tam | ’du byed rnams la brten tam | rnam par śes pa la brten nas skye ba na skye ste | rab ’byor de ltar (5) na de bźin gśegs pas | śes rab kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems lhag par g-yo ba daṅ | bral bar g-yob rnams daṅ | bsdus par g-yo ba daṅ | rgyas pa rnams yaṅ dag pa ji lta ba bźin du (6) rab tu mkhyen te | bdag daṅ ’jig rten rtag pa’o źes bya ba ’di kho na bden gyi | gźan ni brdzun pa’o ||
źes bya ba de ni gzugs la gnas pa’o ||
bdag daṅ ’jig rten ni mi rtag pa daṅ | rtag kyaṅ rtag la mi rtag kyaṅ mi rtag pa daṅ | rtag pa yaṅ ma yin | mi rtag pa yaṅ (7) ma yin | źes bya ba ’di kho na bden gyi gźan ni brdzun pa’o ||
źes bya ba de ni gzugs la gnas pa’o ||
tshor ba daṅ | ’du śes daṅ | ’du byed rnams la yaṅ de bźin du sbyar ro ||
bdag daṅ ’jig rten ni rtag pa’o źes bya ba ’di kho na bden gyi | gźan ni brdzun pa’o (134a1) źes bya ba de ni rnam par śes pa la gnas pa’o ||
bdag daṅ ’jig rten ni mi rtag pa daṅ | rtag kyaṅ rtag la | mi rtag kyaṅ mi rtag pa daṅ | rtag pa yaṅ ma yin mi rtag pa yaṅ ma yin no ||
źes bya ba ’di kho na bden gyi | gźan ni brdzun pa’o ||
źes (2) bya ba de ni rnam par śes pa la gnas pa’o ||
de bźin du bdag daṅ | ’jig rten ni mtha’ yod pa’o źes bya ba ’di kho na bden gyi | gźan ni brdzun pa’o ||
źes bya ba de ni gzugs la gnas pa’o ||
bdag daṅ ’jig rten ni mtha’ yod pa ma yin pa daṅ | mtha’ yod (3) kyaṅ yod la mtha’ med kyaṅ med pa daṅ | mtha’ yod pa yaṅ ma yin mtha’ med pa yaṅ ma yin pa źes bya ba ’di kho na bden gyi gźan ni brdzun pa’o ||
źes bya ba de ni gzugs la gnas pa yin no ||
tshor ba daṅ | ’du śes daṅ | ’du byed rnams la yaṅ de bźin du sbyar ro ||
(4) bdag daṅ ’jig rten ni mtha’ yod pa’o ||
źes bya ba de ’di kho na bden gyi | gźan ni brdzun pa’o źes bya ba de ni rnam par śes pa la gnas pa’o ||
bdag daṅ ’jig rten ni mtha’ yod pa ma yin pa daṅ | mtha’ yod kyaṅ yod la | mtha’ med kyaṅ med pa daṅ | (5) mtha’ yod pa yaṅ ma yin | mtha’ med pa yaṅ ma yin pa źes bya ba ’di kho na bden gyi gźan ni brdzun pa’o ||
źes bya ba de ni rnam par śes pa la gnas pa’o ||
bdag daṅ ’jig rten śi phan chad yod do źes bya ba ’di kho na bden gyi | gźan ni brdzun pa’o ||
źes bya ba (6) de ni gzugs la gnas pa’o ||
bdag daṅ ’jig rten śi phan chad med pa daṅ | yod kyaṅ yod la med kyaṅ med pa daṅ | yod pa yaṅ ma yin med pa yaṅ ma yin no ||
źes bya ba ’di kho na bden gyi | gźan ni brdzun pa’o ||
źes bya ba de ni gzugs la gnas pa’o ||
(7) tshor ba daṅ | ’du śes daṅ | ’du byed rnams la yaṅ de bźin du sbyar ro ||
bdag daṅ ’jig rten śi phan chad yod do ||
źes bya ba ’di kho na bden gyi | gźan ni brdzun pa’o ||
źes bya ba de ni rnam par śes pa la gnas pa’o ||
bdag daṅ ’jig rten śi pan chad (134b1) med pa daṅ | yod kyaṅ yod la med kyaṅ med pa daṅ | yod pa yaṅ ma yin med pa yaṅ ma yin no ||
źes bya ba ’di kho na bden gyi | gźan ni brdzun pa’o ||
źes bya ba de ni rnam par śes pa la gnas pa’o ||
srog de lus de yin no źes bya ba daṅ | srog kyaṅ gźan la | (2) lus kyaṅ gźan yin no ||
źes bya ba ’di kho na bden gyi gźan ni brdzun pa’o ||
źes bya ba de ni gzugs la gnas pa’o ||
tshor ba daṅ | ’du śes daṅ | ’du byed rnams la yaṅ de bźin du sbyar ro ||
srog de lus de yin no źes bya ba daṅ | srog kyaṅ gźan la (3) lus kyaṅ gźan yin no źes bya ba ’di kho na bden gyi gźan ni brdzun pa’o źes bya ba de ni rnam par śes pa la gnas pa’o ||
rab ’byor de ltar na | de bźin gśegs pas śes rab kyi pha rol tu phyin pa ’di la brten nas | sems can gźan dag daṅ gaṅ zag gźan ṅag gi (4) sems lhag par g-yo ba daṅ bral bar g-yo ba rnams daṅ | bsdus par g-yo ba daṅ | rgyas pa rnams yaṅ dag pa ji lta ba bźin du rab tu mkhyen to ||
rab ’byor gźan yaṅ de bźin gśegs pas śes rab kyi pha rol tu phyin pa ’di la brten nas gzugs mkhyen te | (5) gzugs ci ltar mkhyen ce na | ji ltar de bźin ñid ’gyur ba med ciṅ rnam par rtog pa med la | mtshan ma med ciṅ rtsol ba med pa daṅ | spros pa med pa daṅ | dmigs su med pa de bźin du mkhyen to ||
de bźin du tshor ba daṅ | ’du śes daṅ | ’du byed rnams daṅ | rnam par (6) śes pa mkhyen te rnam par śes pa ji ltar mkhyen ce na | ji ltar de bźin du ñid ’gyur ba med ciṅ | rnam par rtog pa med la mtshan ma med ciṅ rtsol ba med pa daṅ | spros pa med pa daṅ dmigs su med pa de bźin du mkhyen to ||
rab ’byor de ltar na de bźin gśegs pas śes rab (7) kyi pha rol tu phyin pa ’di la brten nas | sems can gźan dag daṅ | gaṅ zag gźan dag gi sems lhag par g-yo ba daṅ | bral bar g-yo ba rnams daṅ | bsdus par g-yo ba daṅ | rgyas pa rnams yaṅ dag pa ji lta ba bźin du rab tu mkhyen to ||
rab ’byor de ltar na (135a1) lhag par g-yo ba daṅ | bral bar g-yo ba daṅ | bsdus par g-yo ba daṅ | rgyas pa’i de bźin ñid gaṅ yin pa de ni phuṅ po daṅ | khams daṅ skye mched rnams kyi de bźin ñid do ||
phuṅ po daṅ | khams daṅ skye mched rnams kyi de bźin ñid gaṅ (2) yin pa de ni chos thams cad kyi de bźin ñid do ||
chos thams cad kyi de bźin ñid gaṅ yin pa de ni | pha rol tu phyin pa drug po rnams kyi de bźin ñid do ||
pha rol tu phyin pa drug po rnams kyi de bźin ñid gaṅ yin pa de ni byaṅ chub kyi phyogs kyi chos sum cu rtsa bdun gyi de bźin (3) ñid do ||
byaṅ chub kyi phyogs kyi chos sum cu rtsa bdun gyi de bźin ñid gaṅ yin pa de ni stoṅ pa ñid rnams kyi de bźin ñid do ||
stoṅ pa ñid rnams kyi de bźin ñid gaṅ yin pa de ni rnam par thar pa brgyad kyi de bźin ñid do ||
rnam par thar pa brgyad kyi de bźin ñid gaṅ yin (4) pa de ni mthar gyis gnas pa’i sñoms par ’jug pa dgu’i de bźin ñid do ||
mthar gyis gnas pa’i sñoms par ’jug pa dgu’i de bźin ñid gaṅ yin pa de ni | de bźin gśegs pa’i stobs bcu’i de bźin ñid do ||
de bźin gśegs pa’i stobs bcu’i de bźin ñid gaṅ (5) yin pa de ni mi ’jigs pa rnams kyi de bźin ñid do ||
mi ’jigs pa rnams kyi de bźin ñid gaṅ yin pa de ni so so yaṅ dag par rig pa rnams kyi de bźin ñid do ||
so so yaṅ dag par rig pa rnams kyi de bźin ñid gaṅ yin pa de ni byams pa daṅ | sñiṅ rje’i de bźin ñid do ||
(6) byams pa daṅ | sñiṅ rje’i de bźin ñid gaṅ yin pa de ni saṅs rgyas kyi chos ma ’dres pa bco brgyad kyi de bźin ñid do ||
saṅs rgyas kyi chos ma ’dres pa bco brgyad kyi de bźin ñid gaṅ yin pa de ni rnam pa thams cad mkhyen pa ñid kyi de bźin ñid do ||
rnam pa thams cad mkhyen pa ñid (7) kyi de bźin ñid gaṅ yin pa de ni dge ba daṅ mi dge ba’i chos rnams kyi de bźin ñid do ||
dge ba daṅ mi dge ba’i chos rnams kyi de bźin ñid gaṅ yin pa de ni ’jig rten pa daṅ ’jig rten las ’das pa rnams daṅ | zag pa daṅ bcas pa rnams daṅ | zag pa med pa rnams daṅ | kha na (135b1) mtho ba daṅ bcas pa daṅ | kha na ma tho ba med pa rnams daṅ | ñon moṅs pa daṅ bcas pa rnams daṅ | ñon moṅs pa med pa rnams daṅ | kun nas ñon moṅs pa daṅ | rnam par byaṅ ba rnams daṅ | ’dus byas daṅ | ’dus ma byas kyi chos rnams kyi de bźin ñid do ||
(2) ’dus byas daṅ | ’dus ma byas kyi chos rnams kyi de bźin ñid gaṅ yin pa de ni ’das pa daṅ | ma ’oṅs pa daṅ | da ltar byuṅ ba’i chos kyi de bźin ñid do ||
’das pa daṅ | ma ’oṅs pa daṅ | da ltar byuṅ ba’i chos kyi de bźin ñid gaṅ yin pa de ni rgyun tu źugs pa’i de bźin (3) ñid do ||
rgyun du źugs pa’i de bźin ñid gaṅ yin pa de ni | rgyun du źugs pa’i ’bras bu’i de bźin ñid do ||
de bźin du lan cig phyir ’oṅ pa daṅ | phyir mi ’oṅ ba daṅ | dgra bcom pa daṅ | raṅ saṅs rgyas kyi de bźin ñid do ||
raṅ saṅs rgyas kyi de bźin ñid gaṅ yin (4) pa de ni | raṅ byaṅ chub kyi de bźin ñid do ||
raṅ byaṅ chub kyi de bźin ñid gaṅ yin pa de ni bla na med pa yaṅ dag par rdzogs pa’i byaṅ chub kyi de bźin ñid do ||
bla na med pa yaṅ dag par rdzogs pa’i byaṅ chub kyi de bźin ñid gaṅ yin pa de ni | de bźin gśegs pa’i de bźin (5) ñid do ||
de bźin gśegs pa’i de bźin ñid gaṅ yin pa de ni sems can thams cad kyi de bźin ñid do ||
rab ’byor de ltar na de bźin gśegs pa’i de bźin ñid gaṅ yin pa daṅ | sems can thams cad kyi de bźin ñid gaṅ yin pa de ni de bźin ñid gcig pa ste | (6) tha mi dad pa’i de bźin ñid do ||
tha mi dad pa’i de bźin ñid gaṅ yin pa de ni mi zad pa yin no ||
mi zad pas na gñis su med de | rab ’byor chos thams cad kyi de bźin ñid ’di ni | de bźin gśegs pas śes rab kyi pha rol tu phyin pa ’di la brten nas mṅon par rdzogs (7) par saṅs rgyas so ||
rab ’byor śes rab kyi pha rol tu phyin pa ’di yaṅ de bźin gśegs pa rnams skyed pa yin no ||
rab ’byor de bźin du śes rab kyi pha rol tu phyin pa ’di ni ’jig rten ston pa yin te | rab ’byor de ltar na de bźin gśegs pa dgra bcom pa yaṅ dag (136a1) par rdzogs pa’i saṅs rgyas kyi de bźin ñid gaṅ gis de bźin gśegs pa dgra bcom pa yaṅ dag par rdzogs pa’i saṅs rgyas źes bya bar gyur pa’i chos thams cad kyi de bźin ñid thugs su chud ciṅ ma nor ba de bźin ñid daṅ | gźan ma yin pa de bźin ñid (2) thugs su chud do ||
rab ’byor gyis gsol pa | bcom ldan ’das ’di pa ste | śes rab kyi pha rol tu phyin pa chos thams cad kyi de bźin ñid daṅ | ma nor ba de bźin ñid daṅ | gźan ma yin pa de bźin ñid ni zab pa lags so ||
bcom ldan ’das de bźin ñid ’dis ni (3) saṅs rgyas bcom ldan ’das rnams kyi byaṅ chub snaṅ bar bgyis so ||
bcom ldan ’das phyir mi ldog pa’i byaṅ chub sems dpa’ rnams daṅ | gaṅ zag lta ba phun sum tshogs par gyur pa rnams daṅ | dgra bcom pa zag pa zad pa rnams ma gtogs par su źig ’di la mos (4) par ’gyur | bcom ldan ’das chos ’di dag ni zab ste | de bźin gśegs pas mṅon par rdzogs par saṅs rgyas nas bstan pa lags so ||
bcom ldan ’das kyis bka’ stsal pa | rab ’byor ’di ltar de bźin ñid ni mi zad pa’o ||
ci’i phyir mi zad ce na | chos thams (5) cad mi zad pa’i phyir de bźin ñid mi zad pa’o ||
rab ’byor ’di lta ste | chos thams cad kyi de bźin ñid ’di ni de bźin gśegs pas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas bśad pa yin no ||
śes rab kyi pha rol tu phyin pa khri (6) brgyad stoṅ pa las | ’jig rten ston pa’i le’u źes bya ste | bźi bcu rtsa gñis pa’o || ||
de nas stoṅ gsum gyi stoṅ chen po’i ’jig rten gyi khams na | ’dod pa na spyod pa daṅ | gzugs na spyod pa’i lha’i bu ji sñed ’khod pa de dag gis lha’i tsan dan gyi phye ma dag khyer (7) nas | bcom ldan ’das ga la ba der doṅ ste | lhags nas bcom ldan ’das kyi źabs la mgo pos phyag ’tshal te | phyogs gcig tu ’khod do ||
phyogs gcig tu ’khod nas kyaṅ ’dod pa na spyod pa daṅ | gzugs na spyod pa’i lha’i bu de dag gis | bcom ldan ’das (136b1) la ’di skad ces gsol to ||
bcom ldan ’das śes rab kyi pha rol tu phyin pa ston pa ’di ni zab pa lags na | bcom ldan ’das śes rab kyi pha rol tu phyin pa ci’i slad du zab pa lags | bcom ldan ’das kyis bka’ stsal pa | lha’i bu dag śes rab kyi pha rol tu phyin (2) pa ’di ni stoṅ pa ñid kyi mtshan ñid yin pa’i phyir zab bo ||
lha’i bu dag śes rab kyi pha rol tu phyin pa ni mtshan ma med pa’i mtshan ñid daṅ | smon pa med pa’i mtshan ñid daṅ | mṅon par ’du byed pa med pa’i mtshan ñid daṅ | skye ba med pa’i mtshan ñid daṅ | ’gag pa med (3) ba’i mtshan ñid daṅ | kun nas ñon moṅs pa med pa’i mtshan ñid daṅ | rnam par byaṅ ba med pa’i mtshan ñid daṅ | dṅos po med pa’i mtshan ñid daṅ | ṅo bo ñid kyi mtshan ñid daṅ | mi gnas pa’i mtshan ñid daṅ | chad pa med pa’i mtshan ñid daṅ | rtag pa med pa’i mtshan (4) ñid daṅ | don gcig pa ma yin pa’i mtshan ñid daṅ | don tha dad pa ma yin po’i mtshan ñid daṅ | ’oṅ ba med pa’i mtshan ñid daṅ | ’gro ba med pa’i mtshan ñid daṅ | nam mkha’i mtshan ñid yin pa’i phyir zab bo ||
lha’i bu dag śes rab kyi pha rol tu phyin pa ’di ni mtshan (5) ñid de lta bu yin bas na | de bźin gśegs pas ’jig rten gyi brdar bka’ stsal te | don dam par ni ma yin no ||
lha’i bu dag mtshan ñid de dag ni lha daṅ | mi daṅ lha ma yin du bcas pa’i ’jig rten gyis rnam par ’khrug par byed mi nus so ||
de ci’i phyir źe na | lha (6))] daṅ mi daṅ | lta ma yin du bcas pa’i ’jig rten yaṅ de’i mtshan ñid kho na yin pa’i phyir ro ||
lha’i bu dag mtshan ñid kyis ni | mtshan ñid rnam par ’khrug par mi byed do ||
mtshan ñid kyis ni mtshan ñid mi śes so ||
mtshan ñid kyis ni mtshan ñid med pa mi śes so ||
(7) mtshan ñid med pas kyaṅ mtshan ñid mi śes so ||
mtshan ñid med pas kyaṅ mtshan ñid med pa mi śes so ||
de ltar na mtshan ñid gaṅ yin pa daṅ | mtshan ñid med pa gaṅ yin pa de gñis ka la yaṅ | gaṅ gis śes par byed pa daṅ | gaṅ śes par byed ba daṅ | gaṅ la (137a1) śes par byed ba daṅ | gaṅ la śes par byed pa’i ṅo bo ñid med do ||
lha’i bu dag mtshan ñid de dag ni gzugs kyis mṅon par ’dus byas pa ma yin no ||
tshor ba daṅ | ’du śes daṅ | ’du byed rnams daṅ | rnam par śes pas mṅon par ’dus byas ba (2) ma yin no ||
sbyin pa’i pha rol tu phyin pas mṅon par ’dus byas pa ma yin no ||
tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pas mṅon par ’dus byas pa ma yin no ||
stoṅ pa ñid thams cad kyis mṅon par (3) ’dus byas pa ma yin no ||
byaṅ chub kyi phyogs kyi chos rnams kyis mṅon par ’dus byas pa ma yin no ||
stobs daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa rnams kyis mṅon par ’dus byas pa ma yin no ||
rnam pa thams (4) cad mkhyen pa ñid kyis mṅon par ’dus byas pa ma yin no ||
lha’i bu dag mtshan ñid ’di dag ni mi rnams daṅ | mi ma yin pa rnams sam | zag pa daṅ bcas pa rnams sam | zag pa med pa rnams sam | ’jig rten pa rnams sam | ’jig rten las ’das pa rnams sam | (5) ’dus byas rnams sam | ’dus ma byas rnams ma yin te | mtshan ñid thams cad ni mtshan ñid med pa’i phyir ro ||
lha’i bu dag la la źig ’di skad du nam mkha’i mtshan ñid ni ’di lta bu yin no ||
źes zer na | ci yaṅ dag par smra bas smra ba yin nam | lha’i bu rnams kyis gsol (6) pa | bcom ldan ’das yaṅ dag par smra pas smra ba ma lags so ||
de ci’i slad du źe na | bcom ldan ’das nam mkha’i khams ni ’dus byas ma lags pa’i slad du nam mkha’ ni mtshan ñid gaṅ gis kyaṅ mchis pa ma lags so || ||
lha’i bu dag (7) de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | mtshan ñid kyi dbyiṅs ni mtshan ñid med pa’i dbyiṅs ji ltar gnas pa bźin du gnas pa ñid de | de ni de bźin gśegs pas yaṅ dag par mṅon par rdzogs par saṅs rgyas pas de’i phyir | (137b1) de bźin gśegs pas | de bźin gśegs pa źes bya’o ||
lha’i bu rnams kyis gsol pa | bcom ldan ’das mtshan ñid gaṅ dag mṅon par rdzogs par saṅs rgyas pas de bźin gśegs pa’i ye śes chags pa ma mchis pa daṅ | mtshan ñid gaṅ dag la gnas nas | (2) de bźin gśegs pas mtshan ñid thams cad bstan pa’i mtshan ñid de bźin gśegs pas mṅon par rdzogs par saṅs rgyas pa ’di dag ni zab lags so ||
bcom ldan ’das de bźin gśegs pas śes rab kyi pha rol tu phyin pa yaṅ dag par rab tu bstan pas | mtshan (3) ñid thams cad yaṅ dag par rab tu bstan pa lags so ||
bcom ldan ’das ’di ltar de bźin gśegs pas gaṅ la spyod pas | bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas par gyur la | bla na med pa yaṅ dag par rdzogs pa’i byaṅ (4) chub mṅon par rdzogs par saṅs rgyas nas kyaṅ | mtshan ñid thams cad rab tu dbye ba mdzad de | gzugs kyi mtshan ñid daṅ | tshor ba daṅ | ’du śes daṅ | ’du byed rnams daṅ | rnam par śes pa’i mtshan ñid kyi bar du dbye ba mdzad pa nas | mtshan ñid thams cad (5) kyi rab tu dbye ba’i bar du mdzad pa daṅ | rnam pa thams cad mkhyen pa’i mtshan ñid kyi bar du | rab tu dbye ba mdzad pas śes rab kyi pha rol tu phyin pa de bźin gśegs pa dgra bcom pa yaṅ dag par rdzogs pa’i saṅs rgyas rnams kyi spyod yul ’di ni zab ste ṅo mtshar (6) lags so ||
de nas bcom ldan ’das kyis ’dod pa na spyod pa daṅ | gzugs na spyod pa’i lha’i bu de dag la ’di skad ces bka’ stsal to ||
lha’i bu dag gzugs ni gzugs su ruṅ ba’i mtshan ñid de | gzugs ñid kyaṅ de bźin gśegs pas | mtshan ñid med pas (7) mṅon par rdzogs par saṅs rgyas so ||
de bźin du tshor ba ni myoṅ ba’i mtshan ñid | ’du śes ni ’dzin pa’i mtshan ñid | ’du byed rnams ni mṅon par ’du byed pa’i mtshan ñid | rnam par śes pa ni so sor rnam par rig pa’i mtshan ñid de | de yaṅ de bźin gśegs pas (138a1) mtshan ñid med par mṅon par rdzogs par saṅs rgyas so ||
phuṅ po rnams ni sdug bsṅal ba’i mtshan ñid de | de dag kyaṅ de bźin gśegs pas mtshan ñid med par mṅon par rdzogs par saṅs rgyas so ||
khams rnams ni sbrul gdug pa lta bu’i mtshan (2) ñid de de dag kyaṅ de bźin gśegs pas mtshan ñid med par mṅon par rdzogs par saṅs rgyas so ||
skye mched rnams ni skye ba’i sgo’i mtshan ñid de | de dag kyaṅ de bźin gśegs pas mtshan ñid med par mṅon par rdzogs par saṅs rgyas so ||
rten ciṅ ’brel bar ’byuṅ ba (3) ni tshogs pa’i mtshan ñid de de yaṅ de bźin gśegs pas mtshan ñid med par mṅon par rdzogs par saṅs rgyas so ||
sbyin pa’i pha rol tu phyin pa ni yoṅs su gtoṅ ba’i mtshan ñid de de yaṅ de bźin gśegs pas mtshan ñid med par mṅon par rdzogs par saṅs rgyas so ||
tshul (4) khrims kyi pha rol tu phyin pa ni gduṅ ba med pa’i mtshan ñid bzod pa’i pha rol tu phyin pa ni ’khrug pa med pa’i mtshan ñid brtson ’grus kyi pha rol tu phyin pa ni thub pa med pa’i mtshan ñid | bsam gtan gyi pha rol tu phyin pa ni sdud pa’i mtshan ñid śes rab kyi pha rol tu phyin pa ni spoṅ ba’i mtshan (5) ñid de | de yaṅ de bźin gśegs pas mtshan ñid med par mṅon par rdzogs par saṅs rgyas so ||
bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi ni ’khrug pa med pa’i mtshan ñid de | de dag kyaṅ de bźin gśegs pas (6) mtshan ñid med par mṅon par rdzogs par saṅs rgyas so ||
byaṅ chub kyi phyogs kyi chos sum cu rtsa bdun ni des par ’byin pa’i mtshan ñid de | de dag kyaṅ de bźin gśegs pas mtshan ñid med par mṅon par rdzogs par saṅs rgyas so ||
stoṅ pa ñid ni dben pa’i mtshan (7) ñid | mtshan ma med pa ni źi ba’i mtshan ñid | smon pa med pa ni sdug bsṅal sel ba’i mtshan ñid de | de yaṅ de bźin gśegs pas mtshan ñid med par mṅon par rdzogs par saṅs rgyas so ||
rnam par thar pa rnams ni rnam par grol bar byed pa’i mtshan ñid (138b1) de | de dag kyaṅ de bźin gśegs pas mtshan ñid med par mṅon par rdzogs par saṅs rgyas so ||
de bźin du sbyar te | stobs rnams ni śin tu rnam par ṅes pa’i mtshan ñid | mi ’jigs pa rnams ni śin tu brtan pa’i mtshan ñid | so so yaṅ dag par rig pa (2) rnams ni mi chod pa’i mtshan ñid | byams pa chen po ni phan pa sgrub pa’i mtshan ñid | sñiṅ rje chen po ni skyob pa’i mtshan ñid | dga’ ba chen po ni saṅs rgyas kyi chos thams cad la mchog tu dga’ ba’i mtshan ñid | btaṅ sñoms chen po ni sems can gyi ñes pa daṅ | bde (3) ba daṅ | sdug bsṅal ba daṅ | rñed pa daṅ | ma rñed pa daṅ | grags pa daṅ | grags pa ma yin pa daṅ | bstod pa daṅ | smad pa la btaṅ sñoms su ’jog pa’i mtshan ñid | saṅs rgyas kyi chos ma ’dres pa bco brgyad ni mi ’phrog pa’i mtshan ñid de | de dag kyaṅ de (4) bźin gśegs pas mtshan ñid med par mṅon par rdzogs par saṅs rgyas so ||
rnam pa thams cad mkhyen pa’i ye śes ni mṅon sum gyi mtshan ñid de | de yaṅ de bźin gśegs pas mtshan ñid med par mṅon par rdzogs par saṅs rgyas so ||
lha’i bu dag de ltar na (5) de bźin gśegs pas chos thams cad mtshan ñid med par mṅon par rdzogs par saṅs rgyas te | des na de bźin gśegs pa ni chags pa med pa’i ye śes daṅ ldan pa źes bya’o ||
de nas bcom ldan ’das kyis tshe daṅ ldan pa rab ’byor la bka’ stsal pa | rab ’byor śes (6) rab kyi pha rol tu phyin pa ni | de bźin gśegs pa dgra bcom pa yaṅ dag par rdzogs pa’i saṅs rgyas skyed pa yin no ||
śes rab kyi pha rol tu phyin pa ni de bźin gśegs pa la ’jig rten ston pa yaṅ yin no ||
de ci’i phyir źe na | de bźin gśegs pa ni chos ’di la brten ciṅ (7) gnas nas ’di lta ste | śes rab kyi pha rol tu phyin pa’i chos ’di la bsti staṅ mdzad | bla mar mdzad | bla mar mdzad | ri mor mdzad | mchod par mdzad de | rab ’byor de bas na | de bźin gśegs pas śes rab kyi pha rol tu phyin pa ’di la bsti staṅ mdzad | bla mar mdzad | ri mor mdzad | (139a1) mchod par mdzad pa de ni chos ñid yin no ||
de ci’i phyir źe na | rab ’byor saṅs rgyas bcom ldan ’das rnams ni | śes rab kyi pha rol tu phyin pa ’di las byuṅ ba’i phyir ro ||
rab ’byor de bźin gśegs pas ni byas pa gzo ba daṅ | byas pa tshor ba yin te | (2) rab ’byor de bźin gśegs pas byes pa gzo ba daṅ | byas pa tshor ba yin no ||
źes smras pa gaṅ yin pa de dag ni yaṅ dag par smra bas smra ba yin no ||
rab ’byor de bźin gśegs pa ji ltar byas pa gzo ba daṅ | byas pa tshor ba ma yin źe na | rab ’byor de bźin gśegs pa ni (3) theg pa des gśegs śiṅ lam des bla na med pa yaṅ dag par rdzogs pa’i byaṅ chub mṅon par rdzogs par saṅs rgyas te | de bas na de bźin gśegs pa ni theg pa de ñid daṅ | lam de ñid la bsti stag mdzad | bla mar mdzad | ri mo mdzad | mchod pa mdzad ciṅ yoṅs su (4) ’dzin la | rjes su yoṅs su skyoṅ bar mdzad de | rab ’byor de ni de bźin gśegs pas byas pa gzo ba daṅ | byas pa tshor ba yin par blta bar bya’o ||
rab ’byor gźan yaṅ byed pa po med pa’i phyir | de bźin gśegs pas chos thams cad ma byas pa daṅ | ’gyur ba med (5) par mṅon par rdzogs par saṅs rgyas so ||
lus med pa’i phyir ma byas par mṅon par rdzogs par saṅs rgyas so ||
rab ’byor de bźin gśegs pas śes rab kyi pha rol tu phyin pa la brten nas chos thams cad byas pa med par mṅon par rdzogs par saṅs rgyas pa gaṅ yin (6) pa de ni de bźin gśegs pas ma byas pa mkhyen pa daṅ | ma byas pa rig pa’o ||
rab ’byor gźan yaṅ de bźin gśegs pas śes rab kyi pha rol tu phyin pa la brten nas | don dam par byuṅ ba med pa’i phyir ye śes byas pa med pa’i chos thams cad la źugs so ||
rab ’byor (7) rnam graṅs des na | śes rab kyi pha rol tu phyin pa ni de bźin gśegs pa skyed pa yin no ||
rab ’byor gyis gsol pa | bcom ldan ’das gaṅ gi tshe chos thams cad skyed pa po ma lags śiṅ | ston pa po ma lags pa’i tshe | śes rab kyi pha rol tu phyin pa ji ltar de bźin (139b1) gśegs pa skyed pa daṅ | ’jig rten ’di ston pa lags | bcom ldan ’das kyis bka’ stsal pa | rab ’byor de de bźin no ||
de de bźin te | chos thams cad ni skyed pa po ma yin źiṅ ston pa po ma yin no ||
rab ’byor ji ltar chos thams cad skyed pa po ma yin źiṅ ston pa po ma yin (2) źe na | rab ’byor chos thams cad ni stoṅ pa daṅ | gso ba daṅ | gsog daṅ | ya ma brla daṅ | sñiṅ po med pa’i phyir te | rab ’byor rnam graṅs des na | chos thams cad skyed pa po ma yin źiṅ ston pa po ma yin no ||
rab ’byor ji ltar chos thams cad skyed pa po ma yin źiṅ ston (3) pa po ma yin źe na | rab ’byor chos thams cad ni gnas pa med pa | khoṅs su gtogs pa med pa yin pa’i phyir te | rab ’byor rnam graṅs des kyaṅ chos thams cad sñed pa po ma yin źiṅ | ston pa po ma yin no ||
rab ’byor de ltar na śes rab kyi pha rol tu phyin pa ni de bźin (4) gśegs pa skyed pa daṅ | ’jig rten ston pa yin te | de yaṅ gzugs ma mthoṅ ba’i phyir ston pa yin no ||
tshor ba daṅ | ’du śes daṅ | ’du byed rnams daṅ | rnam par śes pa ma mthoṅ ba’i phyir ston pa yin te | rab ’byor de ltar na śes rab kyi pha rol tu phyin pa ni de bźin (5) gśegs pa skyed pa daṅ | ’jig rten ston pa yin no ||
rab ’byor gyis gsol pa | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ma mthoṅ ba’i slad du ji ltar ston pa lags | de bźin du rnam pa thams cad mkhyen pa ñid ma mthoṅ ba’i (6) slad du ji ltar ston pa lags | bcom ldan ’das kyis bka’ stsal pa | rab ’byor gaṅ gi tshe gzugs la dmigs pa’i rnam par śes pa mi ’byuṅ na rab ’byor de ltar gzugs ma mthoṅ ba’i phyir ston pa yin no ||
de bźin du tshor ba daṅ | ’du śes daṅ | ’du byed rnams daṅ | (7) rnam par śes pa la dmigs pa’i sems mi ’byuṅ na | de ltar rnam par śes pa ma mthoṅ ba’i phyir ston pa yin no ||
de bźin du sbyar te | gaṅ gi tshe rnam pa thams cad mkhyen pa ñid la dmigs pa’i rnam par śes pa’i bar du mi ’byuṅ na | de ltar rnam pa thams cad mkhyen pa ñid ma (140a1) mthoṅ ba’i phyir ston pa yin no ||
rab ’byor de ltar na śes rab kyi pha rol tu phyin pa zab mo ’di ni de bźin gśegs pa skyed pa daṅ ’jig rten ston pa yin no ||
rab ’byor gźan yaṅ śes rab kyi pha rol tu phyin pa ji ltar de bźin gśegs pa skyed pa daṅ | ’jig rten ston pa yin źe na | (2) rab ’byor ’di la śes rab kyi pha rol tu phyin pa ’di ni ’jig rten stoṅ ṅo źes rjod par byed do ||
’jig rten stoṅ ṅo źes ji ltar rjod ce na | phuṅ po lṅa po rnams kyi ’jig rten stoṅ ṅo źes rjod do ||
khams bco brgyad kyi ’jig rten stoṅ ṅo źes rjod do ||
skye mched bcu gñis kyi ’jig rten stoṅ ṅo źes (3) rjod do ||
dge ba bcu’i las kyi lam gyi ’jig rten stoṅ ṅo ||
bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi’i ’jig rten stoṅ ṅo źes rjod do ||
ma rig pa’i rkyen gyis ’byuṅ ba rten ciṅ ’brel par ’byuṅ ba’i yan lag bcu gñis kyi (4) ’jig rten stoṅ ṅo źes rjod do ||
’jig tshogs la lta ba la sogs pa lta bar gyur pa drug cu rtsa gñis kyi ’jig rten stoṅ ṅo źes rjod do ||
byaṅ chub kyi phyogs kyi chos sum cu rtsa bdun gyi ’jig rten stoṅ ṅo źes rjod do ||
pha rol tu phyin pa drug gi ’jig rten stoṅ ṅo źes rjod do ||
de bźin du naṅ stoṅ pa ñid (5) daṅ | phyi stoṅ pa ñid daṅ | phyi naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar gyi ’jig rten stoṅ ṅo źes rjod do ||
de bźin du stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bco brgyad kyi ’jig rten stoṅ ṅo (6) źes rjod do ||
rnam pa thams cad mkhyen pa ñid kyi ’jig rten gyi bar du stoṅ ṅo źes rjod do ||
rab ’byor de ltar na | śes rab kyi pha rol tu phyin pa ni de bźin gśegs bskyed pa daṅ | ’jig rten ston pa yin no ||
rab ’byor gźan yaṅ de bźin gśegs pas ni ’jig rten stoṅ bar (7) rig go ||
’jig rten stoṅ bar yaṅ dag par mkhyen to ||
’jig rten stoṅ bar rtogs so ||
’jig rten stoṅ bar thugs su chuṅ ṅo ||
rab ’byor de ltar na śes rab kyi pha rol tu byin pa ni de bźin gśegs pa skyed pa daṅ | ’jig rten stoṅ pa yin no ||
rab ’byor gźan yaṅ (140b1) śes rab kyi pha rol tu phyin pa ni de bźin gśegs pa la ’jig rten stoṅ ṅo źes ston te | ’jig rten stoṅ ṅo źes ji ltar ston ce na | ’di ltar phuṅ po rnams daṅ | khams rnams daṅ | skye mched rnams daṅ | dge ba bcu’i las kyi lam rnams daṅ | bsam gtan bźi daṅ | tshad (2) med pa bźi daṅ | gzugs med pa’i sñoms par ’jug pa bźi daṅ | rten ciṅ ’brel bar ’byuṅ ba daṅ | ’jig tshogs la lta ba la sogs pa lta bar gyur pa drug cu rtsa gñis daṅ | pha rol tu phyin pa drug daṅ | byaṅ chub kyi phyogs kyi chos sum cu rtsa bdun daṅ | stoṅ pa ñid (3) thams cad daṅ | stobs daṅ mi ’jigs pa daṅ | so so yaṅ dag par rig pa rnams daṅ | saṅs rgyas kyi chos ma ’dres pa rnams daṅ | rnam pa thams cad mkhyen pa ñid kyi ’jig rten stoṅ ṅo źes ston te | rab ’byor de ltar na śes rab kyi pha rol tu phyin pa ni de bźin gśegs pa skyed pa daṅ (4) ’jig rten ston pa yin no ||
rab ’byor gźan yaṅ śes rab kyi pha rol tu phyin pa ni de bźin gśegs pa las ’jig rten bsam gyis mi khyab par ston te | ’jig rten bsam gyis mi khyab par ji ltar ston ce na | phuṅ po lṅa nas rnam pa thams cad mkhyen pa ñid kyi bar gyi ’jig rten bsam (5) gyis mi khyab par ston to ||
de bźin du śin tu dben pa daṅ | naṅ stoṅ pa ñid nas dṅos po med pa’i ṅo bo ñid stoṅ pa ñid kyi bar gyi ’jig rten bsam gyis mi khyab par ston te | rab ’byor de ltar na śes rab kyi pha rol tu phyin pa ni de bźin gśegs pa skyed pa daṅ | ’jig rten ston pa yin (6) no ||
rab ’byor gźan yaṅ śes rab kyi pha rol tu phyin pa ni de bźin gśegs pa la ’jig rten źi bar ston te ’jig rten ji ltar źi bar ston ce na | phuṅ po daṅ khams daṅ skye mched daṅ | rten ciṅ ’brel par ’byuṅ ba rnams daṅ | rnam pa thams cad mkhyen pa ñid kyi bar du źi bar ston te | (7) rab ’byor de ltar na śes rab kyi pha rol tu phyin pa ni de bźin gśegs pa skyed pa daṅ | ’jig rten ston pa yin no ||
rab ’byor gźan yaṅ śes rab kyi pha rol tu phyin pa ni de bźin gśegs pa la ’jig rten stoṅ pa ñid kho nar ston te | ’jig rten stoṅ pa ñid kho nar ji ltar ston ce na | phuṅ po (141a1) lṅa’i ’jig rten stoṅ pa ñid kho nar ston pa nas | rnam pa thams cad mkhyen pa ñid kyi bar gyi ’jig rten stoṅ pa ñid kho nar ston te | rab ’byor de ltar na śes rab kyi pha rol tu phyin pa ni de bźin gśegs pa skyed pa daṅ | ’jig rten ston pa yin no ||
rab ’byor śes (2) rab kyi la rol tu phyin pa ’di ni ci nas ’jig rten ’di’i ’du śes med pa daṅ | ’jig rten pha rol gyi ’du śes med pa de ltar de bźin gśegs pa la ’jig rten ston to ||
de ci’i phyir źe na | ’di ltar gaṅ gis ’jig rten ’di’i ’du śes sam | ’jig rten pha rol tu phyi ’du śes su byed (3) pa’i chos de dag med pa’i phyir ro || ||
śes rab kyi pha rol tu phyin pa khri brgyad stoṅ pa | bam po sum cu rtsa bźi pa | rab ’byor gyis gsol pa | bcom ldan ’das kye ma śes rab kyi pha rol tu phyin pa ’di ni bcom ldan ’das rnams kyi mdzad pa chen pos ñe bar (4) gnas pa lags so ||
bcom ldan ’das śes rab kyi pha rol tu phyin pa ’di ni mdzad pa bsam gyis mi khyab pa daṅ | mdzad pa gźal du ma mchis pa daṅ | mdzad pa dpag tu ma mchis pa daṅ | mdzad pa mi mñam pa daṅ mñam pas ñe bar gnas pa lags so ||
bcom (5) ldan ’das kyis bka’ stsal pa | rab ’byor de de bźin no ||
de de bźin te | rab ’byor śes rab kyi pha rol tu phyin pa ni de bźin gśegs pa rnams kyi mdzad pa chen pos ñe bar gnas pa yin no ||
rab ’byor śes rab kyi pha rol tu phyin pa ji ltar mdzad pa chen pos ñe bar (6) gnas śe na | rab ’byor ’di lta ste | sems can thams cad bskyab pa daṅ gnas byed pa daṅ | yoṅs su mi gtoṅ ba ’di ni de bźin gśegs pa rnams kyi mdzad pa chen po yin te | rab ’byor rnam graṅs des na | śes rab kyi pha rol tu phyin pa ni | de bźin gśegs (7) pa dgra bcom pa yaṅ dag par rdzogs pa’i saṅs rgyas rnams kyi mdzad pa chen pos ñe bar gnas pa yin no ||
rab ’byor śes rab kyi pha rol tu phyin pa ji ltar de bźin gśegs pa rnams kyi mdzad pa bsam gyis mi khyab pas ñe bar gnas śe na | rab ’byor saṅs rgyas ñid daṅ | (141b1) de bźin gśegs pa ñid daṅ | raṅ byuṅ ñid daṅ | thams cad mkhyen pa ñid bsam gyis mi khyab ste | rab ’byor rnam graṅs des na | śes rab kyi pha rol tu phyin pa ni de bźin gśegs pa dgra bcom pa yaṅ dag par rdzogs pa’i saṅs rgyas rnams kyi mdzad pa bsam gyis (2) mi khyab pas ñe bar gnas pa yin no ||
rab ’byor śes rab kyi pha rol tu phyin pa ji ltar de bźin gśegs pa rnams kyi mdzad pa gźal du med pas ñe bar gnas śe na | rab ’byor sems can gyi tshogs kyi naṅ na | de bźin gśegs pa dgra bcom pa yaṅ dag par rdzogs pa’i (3) saṅs rgyas bsam pa’am gźal bar nus pa’i sems can gaṅ yaṅ med de | rab ’byor rnam graṅs des na | śes rab kyi pha rol tu phyin pa ni | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi mdzad pa gźal du med pas ñe bar gnas (4) pa yin no ||
rab ’byor śes rab kyi pha rol tu phyin pa ji ltar de bźin gśegs pa rnams kyi mdzad pa dpag tu med pas ñe bar gnas śe na | rab ’byor saṅs rgyas ñid daṅ | de bźin gśegs pa ñid daṅ | raṅ byuṅ ñid daṅ | thams cad mkhyen pa ñid ni dpag tu med la (5) sus kyaṅ tshad gzuṅ bar mi nus te | rab ’byor rnam graṅs des na | śes rab kyi pha rol tu phyin pa ni | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi mdzad pa dpag tu med pas ñe bar gnas pa yin no ||
rab ’byor śes rab kyi pha (6) rol tu phyin pa ji ltar mdzad pa mi mñam pa daṅ mñam pas ñe bar gnas śe na | rab ’byor de bźin gśegs pa rnams daṅ mñam pa yaṅ med na | lhag pa lhag la yod de | rab ’byor rnam graṅs des na | śes rab kyi pha rol tu phyin pa ni de bźin gśegs pa dgra bcom (7) pa yaṅ dag par rdzogs pa’i saṅs rgyas rnams kyi mdzad pa mi mñam pa daṅ mñam pas ñe bar gnas pa yin no ||
rab ’byor gyis gsol pa | bcom ldan ’das ci saṅs rgyas ñid daṅ | de bźin gśegs pa ñid daṅ | raṅ byuṅ ñid daṅ | rnam pa thams cad mkhyen pa ñid (142a1) bsam gyis mi khyab pa daṅ | gźal du ma mchis pa daṅ | dpag tu ma mchis pa daṅ | graṅs ma mchis pa daṅ | mi mñam pa daṅ mñam pa lags sam | bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor saṅs rgyas ñid (2) daṅ de bźin gśegs pa ñid daṅ | raṅ byuṅ ñid daṅ thams cad mkhyen pa ñid ni bsam gyis mi khyab pa yin no ||
rab ’byor de bźin du saṅs rgyas ñid daṅ | de bźin gśegs pa ñid daṅ raṅ byuṅ ñid daṅ | rnam pa thams cad mkhyen pa ñid ni gźal du med pa daṅ | dpag tu med pa daṅ (3) graṅs med pa daṅ | mi mñam pa daṅ mñam pa yin no ||
rab ’byor chos rnams kyi chos ñid gaṅ yin pa de la ni sems daṅ sems las byuṅ ba’i chos rnams mi dmigs so ||
rab ’byor gzugs ni bsam gyis mi khyab pa daṅ | gźal du med pa daṅ dpag tu med pa daṅ | graṅs med pad | (4) mi mñam pa daṅ mñam pa ste | śes par byar med pa’i phyir ro ||
rab ’byor de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ bsam gyis mi khyab pa daṅ | gźal du med pa daṅ | dpag tu med pa daṅ graṅs med pa daṅ | mi mñam pa daṅ mñam pa ste | (5) śes par byar med pa’i phyir ro ||
rnam pa thams cad mkhyen pa ñid kyi bar du yaṅ bsam gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa ste | śes par byar med pa’i phyir ro ||
rab ’byor gyis gsol pa | bcom (6) ldan ’das ci’i slad du gzugs bsam gyis mi khyab pa daṅ | gźal du ma mchis pa daṅ | dpag tu ma mchis pa daṅ | graṅs ma mchis pa daṅ | mi mñam pa daṅ mñam pa daṅ | ’tshal bar bgyir ma mchis pa lags | tshor ba daṅ ’du śes daṅ | ’du byed rnams daṅ | rnam par śes (7) pa yaṅ bsam gyis mi khyab pa daṅ | gźal du ma mchis pa daṅ | dpag tu ma mchis pa daṅ | graṅs ma mchis pa daṅ mi mñam pa daṅ mñam pa ste | ’tshal bar bgyir ma mchis pa lags | rnam pa thams cad mkhyen pa ñid kyi bar du yaṅ bsam gyis mi khyab pa daṅ | gźal du ma (142b1) mchis pa daṅ | dpag tu ma mchis pa daṅ | graṅs ma mchis pa daṅ | mi mñam pa daṅ mñam ||
’tshal bar bgyir ma mchis pa lags | bcom ldan ’das kyis bka’ stsal pa | rab ’byor gzugs kyi ṅo bo ñid ni | ṅo bo ñid med pa’i phyir | bsam gyis mi khyab pa daṅ (2) gźal du med pa daṅ | dpag tu med pa daṅ graṅs med pa daṅ | mi mñam pa daṅ mñam pa ste | śes par byar med pa yin no ||
rab ’byor tshor ba daṅ | ’du śes daṅ ’du byed rnams daṅ rnam par śes pa’i ṅo bo ñid ni ṅo bo ñid med pa’i phyir ro ||
bsam gyis mi khyab pa daṅ | (3) gźal du med pa daṅ | dpag tu med pa daṅ graṅs med pa daṅ | mi mñam pa daṅ mñam pa ste | śes par byar med pa yin no ||
rnam pa thams cad mkhyen pa ñid kyi bar gyi ṅo bo ñid ni ṅo bo ñid med pa’i phyir bsam gyis mi khyab pa daṅ | gźal du med pa daṅ | dpag tu med pa (4) daṅ | graṅs med pa daṅ | mi mñam pa daṅ mñam pa ste | śes par byar med pa yin no ||
rab ’byor ’di ci sñam du sems | ci gzugs bsam gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa gaṅ yin (5) pa de la gzugs dmigs sam | rab ’byor de bźin du tshor ba daṅ | ’du śes dar ’du byed rnams daṅ | rnam par śes pa bsam gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa gaṅ yin pa de la rnam par śes pa (6) dmigs sam | rab ’byor ’di ji sñam du sems | rnam pa thams cad mkhyen pa ñid kyi bar du bams gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa gaṅ yin pa de la rnam pa thams cad mkhyen pa ñid dmigs sñam ’am | (7) rab ’byor gyis gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor rnam graṅs des na | chos thams cad bsam gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa ste | (143a1) rab ’byor ’di dag ni chos thams cad bsam gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa yin no ||
rab ’byor de bźin du de bźin gśegs pa rnams kyi de bźin gśegs pa’i chos rnams bsam (2) gyis mi khyab pa daṅ | gźal du med pa daṅ | dpag tu med pa daṅ graṅs med pa daṅ | mi mñam pa daṅ mñam pa ste | rab ’byor de bźin gśegs pa rnams kyi de bźin gśegs pa’i chos de dag ni bsam gyis mi khyab pa’i phyir | bsam gyis mi khyab pa daṅ | gźal gyis mi laṅ (3) ba’i phyir gźal du med pa daṅ | dpag gis mi laṅ ba’i phyir dpag tu med pa daṅ | bgraṅ gis mi laṅ ba’i phyir graṅs med pa daṅ | mñam pa daṅ mi mñam pa med pa’i phyir | mi mñam pa daṅ mñam pa yin te | rab ’byor rnams graṅs des na | chos thams cad bsam gyis mi (4) khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa yin no ||
rab ’byor de bźin gśegs pa rnams kyi de bźin gśegs pa’i chos de dag ni bsam pa las ’das pa’i phyir | bsam gyis mi khyab pa daṅ | gźal ba las ’das (5) pa’i phyir gźal du med pa daṅ | tshad las ’das pa’i phyir dpag tu med pa daṅ | bgraṅ ba las ’das pa’i phyir graṅs med pa daṅ | mñam pa daṅ mi mñam pa las ’das pa’i phyir | mi mñam pa daṅ mñam pa yin no ||
rab ’byor bsam gyis mi khyab pa źes bya ba de ni bsam gyis (6) mi laṅ pa’i tshig bla dgas so ||
rab ’byor gźal du med pa źes bya ba de ni gźal gyis mi laṅ ba’i tshig bla dgas so ||
rab ’byor dpag tu med pa źes bya ba de ni tshad med pa’i tshig bla dgas so ||
rab ’byor graṅs med pa źes bya ba de ni graṅs las ’das pa’i tshig bla dgas so ||
(7) rab ’byor mi mñam pa daṅ mñam pa źes bya ba de ni mñam pa med pa daṅ mi mñam pa’i tshig bla dgas so ||
rab ’byor de bźin gśegs pa rnams kyis de bźin gśegs pa’i chos de dag ni bsam gyis mi khyab pa daṅ | gźal du med pa daṅ dpag tu medapa daṅ graṅs med pa daṅ mi (143b1) mñam pa daṅ mñam pa yin no ||
rab ’byor bsam gyis mi khyab pa źes bya ba ni nam mkha’ bsam gyis mi khyab pa’i phyir ro ||
de bźin du gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa yaṅ nam mkha’ daṅ mtshuṅs pa’i phyir ro ||
rab (2) ’byor de ltar na de bźin gśegs pa’i chos rnams bsam gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam pa yin te | de dag ni ñan thos daṅ | raṅ saṅs rgyas thams cad daṅ lha daṅ bcas pa’i ’jig rten gyis kyaṅ bsam (3) pa’am | gźal ba ’am dpag pa’am | bgraṅ bar mi nus te | de ltar na saṅs rgyas rnams kyaṅ dpag tu med la | saṅs rgyas kyi chos rnams kyaṅ dpag tu med do ||
bsam gyis mi khyab pa daṅ | gźal du med pa daṅ | dpag tu med pa daṅ | graṅs med pa daṅ | mi mñam pa daṅ mñam (4) pa’i le’u’i chos kyi rnam graṅs ’di bśad pa na | dge sloṅ lṅa brgya ni len pa med par zag pa rnams las sems rnam par grol lo ||
dge sloṅ ma ñis stoṅ yaṅ len pa med par zag pa rnams las sems rnam par grol lo ||
dge bsñen drug khri ni chos rnams la chos kyi mig rdul (5) med ciṅ dri ma daṅ bral ba rnam par dag go ||
dge bsñen ma sum khri yaṅ chos rnams la chos kyi mig rdul med ciṅ dri ma daṅ bral ba rnam par dag go ||
byaṅ chub sems dpa’ ñi khri ni mi skye ba’i chos la bzod pa thob par gyur te | de dag kyaṅ bcom ldan ’das kyis bskal pa bzaṅ po ’di ñid (6) la saṅs rgyas su ’gyur bar luṅ bstan to ||
śes rab kyi pha rol tu phyin pa khri bargyda stoṅ pa las bsam gyis mi khyab pa’i le’u źes bya ste bźi bcu rtsa gsum pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (7) śes rab kyi pha rol tu phyin pa ’di ni zab lags so ||
bcom ldan ’das śes rab kyi pha rol tu phyin pa ’di ni bgyid pa chen pos ñe bar gnas pa lags so ||
śes rab kyi pha rol tu phyin pa ’di ni bgyid pa mtshuṅs pa ma mchis pa daṅ | bgyid pa dpag tu ma mchis pa daṅ | bgyid pa graṅs (144a1) ma mchis pa daṅ | bgyid pa mi mñam pa daṅ mñam pas ñe bar gnas pa lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | rab ’byor śes rab kyi pha rol (2) tu phyin pa ’di ni byed pa chen pos ñe bar gnas pa yin no ||
rab ’byor śes rab kyi pha rol tu phyin pa ’di ni byed pa mtshuṅs pa med pa daṅ | byed pa dpag tu med pa daṅ | byed pa graṅs med pa daṅ | byed pa mi mñam pa daṅ mñam pas ñe bar gnas pa yin no ||
de ci’i phyir źe na | rab ’byor śes (3) rab kyi pha rol tu phyin pa zab mo ’dir pha rol tu phyin pa drug ’dus pa daṅ | rab ’byor śes rab kyi pha rol tu phyin pa zab mo ’dir naṅ stoṅ pa ñid ’dus pa daṅ | dṅos po med pa’i ṅo bo ñid stoṅ pa ñid kyi bar du ’dus pa daṅ | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu (4) ’phrul gyi rkaṅ pa bźi daṅ | dbaṅ po lṅa daṅ stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa ’dus pa daṅ | raba’abyora śes rab kyi pha rol tu phyin pa zab mo ’dir de bźin gśegs pa’i stobs bcu ’dus pa daṅ | mi ’jigs pa bźi daṅ (5) so so yaṅ dag par rig pa bźi daṅ | saṅs rgyas kyi chos ma ’dres pa bco brgyad ’dus pa daṅ | rab ’byor śes rab kyi pha rol tu phyin pa zab mo ’dir saṅs rgyas kyis ’dus pa daṅ | rnam pa thams cad mkhyen pa ñid kyi bar dag ’dus pa’i phyir ro ||
rab ’byor ’di lta ste dper na (6) rgyal po rgyal rigs spyi bo nas dbaṅ bskur ba | yul gyi mi rnams la mthu che źiṅ dbaṅ thob pa’i rgyal po’i bya ba daṅ yul gyi mi rnams kyi bya ba ci yod pa de dag thams cad blon po byed du bcug na | rgyal po’i bya ba’am yul gyi mi’i bya ba de dag la rgyal po sñiṅ las chuṅ źiṅ khur bor ba yin no ||
(7) rab ’byor de bźin du ñan thos kyi chos rnams sam | raṅ saṅs rgyas kyi chos rnams sam | byaṅ chub sems dpa’i chos rnams sam | saṅs rgyas kyi chos gaṅ ci yaṅ ruṅ ba de dag thams cad ni śes rab kyi pha rol tu phyin pa’i naṅ du ’dus te | śes rab kyi pha rol tu phyin pa ’di ni de dag gi bya (144b1) ba byed pa yin no ||
rab ’byor de bas na śes rab kyi pha rol tu phyin pa ’di ni byaṅ chub sems dpa’ rnams kyi byed pa chen pos ñe bar gnas pa yin no ||
rab ’byor śes rab kyi pha rol tu phyin pa ’di ni byedapa mtshuṅs pa med pa daṅ | byed pa dpag tu med pa daṅ byed pa graṅs med pa daṅ | byed pa mi (2) mñam pa daṅ mñam pas ñe bar gnas pa yin no ||
de ci’i phyir źe na | rab ’byor ’di ltar śes rab kyi pha rol tu phyin pa zab mo ’di ni gzugs la yoṅs su ’dzin pa med ciṅ mṅon par źen pa med par ñe bar gnas pa daṅ | tshor ba daṅ | ’du śes daṅ | ’du byed rnams daṅ | rnam par śes pa la (3) yoṅs su ’dzin pa med ciṅ mṅon par źen pa med par ñe bar gnas pa daṅ | rnam pa thams cad mkhyen pa ñid kyi bar dag la yoṅs su ’dzin pa med ciṅ mṅon par źen pa med par ñe bar gnas pa daṅ | rgyun du źugs pa’i ’bras bu la yoṅs su ’dzin pa med ciṅ mṅon par źen pa med par ñe (4) bar gnas pa daṅ | de bźin du lan cig phyir ’oṅ ba’i ’bras bu daṅ | phyir mi ’od ba’i ’bras bu daṅ | dgra bcom pa ñid daṅ | rab byaṅ chub daṅ | bla na med pa yaṅ dag par rdzogs pa’i byaṅ chub kyi bar dag la yoṅs su ’dzin pa med ciṅ mṅon par źen pa med par ñe bar gnas pa’i (5) phyir ro ||
rab ’byor gyis gsol pa | bcom ldan ’das śes rab kyi pha rol tu phyin pa ’di ji ltar gzugs la yoṅs su ’dzin pa ma mchis śiṅ | mṅon par źen pa ma mchis par ñe bar gnas pa lags | bcom ldan ’das ji ltar tshor ba daṅ | ’du śes daṅ | ’du byed rnams (6) daṅ | rnam par śes pa la yoṅs su ’dzin pa ma mchis śiṅ | mṅon par źen pa ma mchis par ñe bar gnas pa lags | ji ltar bla na med pa yaṅ dag par rdzogs pa’i byaṅ chub kyi bar dag la yoṅs su ’dzin pa ma mchis śiṅ | mṅon par źen pa ma mchis par ñe bar gnas pa (7) lags | bcom ldan ’das kyis bka’ stsal pa | rab ’byor khyod kyis gaṅ la yoṅs su ’dzin pa daṅ | gaṅ la mṅon par źen pa daṅ | gaṅ yoṅs su ’dzin pa daṅ | gaṅ mṅon par źen pa’i gzugs de yaṅ dag par rjes su mthoṅ ṅam | rab ’byor khyod kyis gaṅ la yoṅs su ’dzin (145a1) pa daṅ | gaṅ la mṅon par źen pa daṅ | gaṅ yoṅs su ’dzin daṅ | gaṅ mṅon par źen pa’i tshor ba daṅ | ’du śes daṅ | ’du byed rnams daṅ | rnam par śes pa de yaṅ dag par rjes su mthoṅ ṅam | gsol pa | bcom ldan ’das de ni ma lags so ||
bka’ stsal pa | (2) rab ’byor khyod kyis gaṅ la yoṅs su ’dzin pa daṅ | gaṅ la mṅon par źen pa daṅ | gaṅ yoṅs su ’dzin pa daṅ | gaṅ mṅon par źen pa’i bla na med pa yaṅ dag par rdzogs pa’i byaṅ chub de yaṅ dag par rjes su mthoṅ ṅam | gsol pa | bcom ldan ’das de ni ma lags so ||
bcom (3) ldan ’das kyis bka’ stsal pa | rab ’byor legs so legs so ||
rab ’byor ṅas kyaṅ gaṅ la yoṅs su ’dzin pa’am | mṅon par źen pa’am | gaṅ yoṅs su ’dzin pa’am | mṅon par źen pa’i gzugs yaṅ dag par rjes su ma mthoṅ ṅo ||
rab ’byor ṅas kyaṅ bla na med pa yaṅ dag (4) par rdzogs pa’i byaṅ chub kyi bar du yaṅ dag par rjes su ma mthoṅ ṅo ||
yaṅ dag par rjes su ma mthoṅ bas yoṅs su mi ’dzin to ||
yoṅs su mi ’dzin pas mṅon par źen pa med do ||
rab ’byor ṅas kyaṅ saṅs rgyas kyis daṅ | thams cad mkhyen pa ñid daṅ | rnam pa thams cad mkhyen (5) pa ñid daṅ | de bźin gśegs pa ñid yaṅ dag par rjes su ma mthoṅ ṅo ||
yaṅ dag par rjes su ma mthoṅ pas yoṅs su mi ’dzin te | yoṅs su mi ’dzin pas mṅon par źen pa med do ||
rab ’byor de bas na byaṅ chub sems dpa’ sems dpa’ chen po rnams kyis gzugs la (6) yoṅs su gzuṅ bar mi bya źiṅ mṅon par źen par mi bya’o ||
tshor ba daṅ | ’du śes daṅ | ’du byed rnams daṅ | rnam par śes pa la yoṅs su gzuṅ bar mi bya źiṅ mṅon par źen par mi bya’o ||
de bźin du sbyar te | saṅs rgyas ñid daṅ | thams cad mkhyen pa ñid daṅ | rnam pa thams cad (7) mkhyen pa ñid daṅ | de bźin gśegs pa ñid la yoṅs su gzuṅ bar mi bya źiṅ mṅon par źen par mi bya’o ||
de nas bcom ldan ’das la ’dod pa na spyod pa daṅ | gzugs na spyod pa’i lha’i bu rnams kyis ’di skad ces gsol to ||
bcom ldan ’das śes rab kyi pha rol tu phyin pa ’di ni (145b1) zab ciṅ mthoṅ bar dka’ la rtogs par dka’ ste | brtag par mi nus śiṅ rtog ge’i spyod pa ma lags la | źi ba źi ba mo brtags pa’i mkhas pa daṅ | mdzaṅs pas rig par bgyi ba lags so ||
bcom ldan ’das byaṅ chub sems dpa’ gaṅ dag śes rab kyi pha rol tu phyin pa ’di la mos pa de (2) dag ni sṅon gyi rgyal ba rnams la lhag par bgyi ba bgyis pa daṅ | dge ba’i bśes gñen gyis yoṅs su zin pa lags so ||
bcom ldan ’das sems can gaṅ dag śes rab kyi pha rol tu phyin pa zab mo ’di la | mos pa de dag ni dge ba’i rtsa ba skyed skyed pa lags so ||
bcom ldan ’das gal te (3) stoṅ gsum gyi stoṅ chen po’i ’jig rten gyi khams na | sems can gaṅ dag gnas pa de dag thams cad dad pas rjes su ’braṅ ba daṅ | chos kyi rjes su ’braṅ ba daṅ | brgyad pa daṅ | rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs (4) rgyas su gyur kyaṅ de dag thams cad kyi śes pa gaṅ lags pa daṅ | spoṅ ba gaṅ lags pa daṅ | śes rab kyi pha rol tu phyin pa zab mo ’di la gdugs gcig bzod pa daṅ | ’dod pa daṅ | sems pa daṅ | ’jal ba daṅ | dpyod pa daṅ | rtog pa gaṅ lags pa las śes rab kyi pha (5) rol tu phyin pa ’di lta bu ’di la ’dod ciṅ | bzod pa gaṅ lags pa de ñid ches mchog tu gyur pa lags so ||
de ci’i slad du źe na | ’di ltar dad pas rjes su ’braṅ ba daṅ | chos kyi rjes su ’braṅ ba daṅ | brgyad pa daṅ | rgyun du źugs pa rnams kyi śes pa daṅ | spoṅ ba daṅ | (6) lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams kyi śes pa daṅ | spoṅ ba gaṅ lags pa de ni byaṅ chub sems dpa’ sems dpa’ chen po mi skye ba’i chos la bzod pa thob pa’i bzod pa lags pa’i slad du’o ||
de (7) nas bcom ldan ’das kyis ’dod pa na spyod pa daṅ | gzugs na spyod pa’i lha’i bu rnams la bka’ stsal pa | lha’i bu dag legs so legs so ||
lha’i bu dag de de bźin no ||
de de bźin te | dad pas rjes su ’braṅ ba daṅ | chos kyi rjes su ’braṅ ba daṅ | brgyad pa daṅ | (146a1) rgyun du źugs pa daṅ | lan cig phyir ’oṅ ba daṅ | phyir mi ’od ba daṅ | dgra bcom pa daṅ | raṅ saṅs rgyas kyi śes pa daṅ | spoṅ ba gaṅ yin pa de ni byaṅ chub sems dpa’ sems dpa’ chen po mi skye ba’i chos la bzod pa thob pa’i bzod pa yin no ||
lha’i (2) bu dag rigs kyi bu’am rigs kyi bu mo gaṅ la las śes rab kyi pha rol tu phyin pa zab mo ’di thos la | thos nas kyaṅ yi ger ’dri ba daṅ | bris nas kyaṅ luṅ ’bog pa daṅ | kha ton byed pa daṅ | tshul bźin du yid la byed pa’i rigs kyi bu’am rigs kyi bu mo de dag ni myur du yoṅs (3) su mya ṅan las ’da’ bar śes par bya’i | ñan thos kyi theg pa pa’am | raṅ saṅs rgyas kyi theg pa pa śes rab kyi pha rol tu phyin pa daṅ bral ba’i mdo sde gźan dag la spyod pa de dag ni dag ni de ltar mi ’gyur ro ||
de ci’i phyir źe na | ’di ltar dad pas rjes su ’brag ba rnams daṅ | (4) chos kyi rjes su ’braṅ ba rnams kyis gaṅ la bslab par bya ba daṅ | rgyun du źugs pa rnams daṅ | lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas kyi theg pa la yaṅ dag par źugs pa rnams daṅ | byaṅ chub sems (5) dpa’ sems dpa’ chen po rnams kyis gaṅ la bslab par bya ba daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyis gaṅ la bslabs nas | bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas pa daṅ | (6) mṅon par rdzogs par ’tshaṅ rgya ba daṅ | mṅon par rdzogs par ’tshaṅ rgya bar ’gyur ba yaṅ dag phul gyi chos rnams śes rab kyi pha rol tu phyin pa zab mo ’di las rgya cher bstan pa’i phyir ro ||
de nas ’dod pa na spyod pa daṅ | gzugs na spyod pa’i lha’i bu de dag gis bcom ldan (7) ’das la ’di skad ces gsol to ||
bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni che ba lags so ||
bcom ldan ’das ’di lta ste | śes rab kyi pha rol tu phyin pa pha rol tu phyin pa ’di ni mtshuṅs pa ma mchis pa daṅ | pha rol tu (146b1) phyin pa dpag tu ma mchis pa daṅ | pha rol tu phyin pa graṅs ma mchis pa daṅ | pha rol tu phyin pa mi mñam pa daṅ mñam pa lags so ||
bcom ldan ’das śes rab kyi pha rol tu phyin pa ’di la | dad pa’i rjes su ’braṅ ba rnams daṅ | chos kyi rjes su ’braṅ (2) ba rnams daṅ | brgyad pa rnams daṅ | rgyun tu źugs pa rnams daṅ | lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams kyis bslabs pas ṅes par byuṅ bar gyur la | byaṅ chub sems dpa’ (3) sems dpa’ chen po rnams kyis de la bslabs pas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyaṅ | śes rab kyi pha rol tu phyin pa zab mo ’di la ni bri ba’am | gaṅ ba ma mchis so ||
źes ched du brjod pa med du brjod do ||
(4) de nas ’dod pa na spyod pa daṅ | gzugs na spyod pa’i lha’i bu rnams kyis bcom ldan ’das kyis źabs la mgo bos phyag ’tshal te | bcom ldan ’das la lan gsum bskor ba byas nas | bcom ldan ’das kyi thad nas doṅ ste | de dag ha caṅ yaṅ mi riṅ ba źig tu phyin nas (5) mi snaṅ bar gyur te | ’dod pa na spyod pa’i lha’i bu gaṅ yin pa de dag ni ’dod pa’i khams su ’khod do ||
gzugs na spyod pa’i lha’i bu gaṅ yin pa de dag ni gzugs kyi khams su ’khod do ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
(6) bcom ldan ’das byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di thos ma thag tu mos par ’gyur ba de gaṅ nas śi ’phos te ’dir skyes pa lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ (7) chen po gaṅ śes rab kyi pha rol tu phyin pa zab mo ’di thos ma thag tu mos par ’gyur te | źum par mi ’gyur źiṅ | yoṅs su źum par mi ’gyur la | de yid rtul bar mi ’gyur źiṅ | de yid gñis mi byed la | the tshom mi za źiṅ | śes rab kyi pha rol tu (147a1) phyin pa zab mo ’di thos pas mṅon par dga’ ste | thos nas kyaṅ śes rab kyi pha rol tu phyin pa zab mo ’di yid la byed pa ’di ñid daṅ mi ’bral źiṅ | ’gro yaṅ ruṅ | ’oṅ yaṅ ruṅ | ’greṅ yaṅ ruṅ | ’dug kyaṅ ruṅ ste | (2) rtag tu rgyun mi chad par yid la byed pa de dag mi gtoṅ la | chos smra ba’i gaṅ zag de dag gi phyi bźin du rtag tu rgyun mi chad par ’braṅ ste | rab ’byor ’di lta ste dper na | pa drus ma be’u mi gtoṅ ba bźin du rab ’byor byaṅ chub sems dpa’ sems dpa’ (3) chen po yaṅ śes rab kyi pha rol tu phyin pa zab mo ’di nam lus la gnas par byas pa daṅ | zin pa daṅ | byaṅ ba daṅ | chub par blags pa daṅ | yid kyis brtags pa daṅ | mthoṅ bas śin tu rtogs par ma gyur gyi bar du śes rab kyi pha rol tu phyin pa zab mo ’di’i (4) phyir | chos smra ba mi gtoṅ ba’i byaṅ chub sems dpa’ sems dpa’ chen po theg pa la gsar du źugs pa’i gaṅ zag de ni | rab ’byor mi las śi ’phos nas mir skye ba yin no ||
de ci’i phyir źe na | ’di ltar theg pa la gsar du źugs pa’i byaṅ chub sems (5) dpa’ des sṅon śes rab kyi pharol tu phyin pa zab mo ’di yi ger bris la | bris nas kyaṅ glegs bam du chud par byas te | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal (6) mtshan daṅ | ba dan dag gis bsti staṅ byas | bla mar byas | ri mor byas | mchod par byas pa’i phyir te | de ni dge ba’i rtsa ba des mi las śi ’phos te | mir skyes nas śes rab kyi pha rol tu phyin pa zab mo ’di thos ma thag tu mos par (7) ’gyur ro ||
rab ’byor gyis gsol pa | bcom ldan ’das byaṅ chub sems dpa’ yon tan de dag daṅ ldan pa | saṅs rgyas bcom ldan ’das gźan dag la bsñen bkur bgyis nas | de nas śi ’phos te | ’dir skyes nas śes rab kyi pha rol tu (147b1) phyin pa zab mo ’di thos ma thag tu mos la | mos nas kyaṅ yi ger ’dri pa daṅ | bris nas kyaṅ luṅ ’bog pa daṅ | kha ton du bgyid pa daṅ | tshul bźin du yid la bgyid par ’gyur ba’i rnam graṅs mchis lags sam | bcom ldan ’das kyis (2) bka’ stsal pa | rab ’byor de de bźin no ||
de de bźin te | rab ’byor byaṅ chub sems dpa’ sems dpa’ chen po gaṅ saṅs rgyas kyi źiṅ gźan dag tu | saṅs rgyas bcom ldan ’das rnams la bsñen bkur byed byed pa daṅ | de nas śi ’phos nas (3) ’dir skyes te | śes rab kyi pha rol tu phyin pa zab mo ’di thos ma thag tu mos la | mos nas kyaṅ yi ger ’dri ba daṅ | bris nas kyaṅ luṅ ’bog pa daṅ | kha ton du byed pa daṅ | tshul bźin du yid la byed par ’gyur ro ||
de ci’i phyir źe na | ’di (4) ltar byaṅ chub sems dpa’ sems dpa’ chen po des saṅs rgyas bcom ldan ’das de dag las | śes rab kyi pha rol tu phyin pa zab mo ’di thos la thos nas kyaṅ bzuṅ źiṅ bcaṅ la | kha ton du byas śiṅ tshul bźin du yid la byas pa’i phyir te | dge ba’i rtsa ba (5) de dag daṅ | yid la byed pa de dag gis ’dir skyes so ||
rab ’byor gźan yaṅ byaṅ chub sems dpa’ sems dpa’ chen po dga’ ldan gyi lha rnams kyi naṅ nas śi ’phos nas | mi rnams daṅ skal ba mñam par ’dir skyes pa de ñid kyaṅ yon tan de dag daṅ ldan par (6) rig par bya’o ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen po de ni | byaṅ chub sems dpa’ sems dpa’ chen po byams pa la śes rab kyi pha rol tu phyin pa ’di yoṅs su dri ba byas pas na | de ni dge ba’i rtsa ba des ’dir (7) skyes pa’i phyir ro ||
rab ’byor byaṅ chub sems dpa’ sems dpa’ chen po gaṅ sṅon gyi mtha’ nas | śes rab kyi pha rol tu phyin pa zab mo ’di ma thos la yoṅs su dri ba ma byas pa de ni mi’i ’jig rten du skyes na | the tshom can daṅ yid rtul bar ’gyur te | de’i sems źum (148a1) par ’gyur ro ||
rab ’byor byaṅ chub sems dpa’ sems dpa’ chen po gaṅ sṅon gyi mtha’ nas | śes rab kyi pha rol tu phyin pa ’di thos la yoṅs su dri ba byas pa de ni śes rab kyi pha rol tu phyin pa zab mo ’di bśad pa thos nas | the tshom can du mi ’gyur źiṅ yid rtul (2) bar mi ’gyur te | sems źum par mi ’gyur ro ||
rab ’byor bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa la yaṅ de bźin du sbyar ro ||
rab ’byor gźan yaṅ byaṅ chub sems (3) dpa’ sems dpa’ chen po gaṅ gi sṅon gyi mtha’ nas kyaṅ | sbyin pa’i pha rol tu phyin pa ’di ma thos la yoṅs su dri ba ma byas pa de ni | śes rab kyi pha rol tu phyin pa zab mo ’di bśad pa thos nas the tshom can du ’gyur źiṅ yid rtul bar ’gyur te | sems źum par ’gyur ro ||
rab (4) ’byor gźan yaṅ byaṅ chub sems dpa’ sems dpa’ chen po gaṅ gis sṅon gyi mtha’ nas kyaṅ naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar du ma thos śiṅ | yoṅs su dri ba ma byas pa de ni śes rab kyi pha rol tu phyin pa zab mo ’di bśad pa thos nas (5) the tshom can du ’gyur źiṅ yid rtul bar ’gyur te | sems źum par ’gyur ro ||
rab ’byor gźan yaṅ byaṅ chub sems dpa’ sems dpa’ chen po gaṅ gis sṅon gyi mtha’ nas kyaṅ | dran pa ñe bar gźag pa bźi ma thos la yoṅs su dri ba ma byas pa de ni śes rab kyi (6) pha rol tu phyin pa zab mo ’di bśad pa thos na the tshom can du ’gyur źiṅ | yid rtul bar ’gyur te sems źum par ’gyur ro ||
rab ’byor gźan yaṅ byaṅ chub sems dpa’ sems dpa’ chen po gaṅ gis sṅon gyi mtha’ nas kyaṅ yaṅ dag pa’i spoṅ ba bźi daṅ | rdzu ’phrul (7) gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa ma thos sam | thos nas kyaṅ yoṅs su dri ba ma byas pa de ni | śes rab kyi pha rol tu phyin pa zab mo ’di bśad pa thos na the tshom (148b1) can du ’gyur źiṅ yid rtul bar ’gyur te | sems kyaṅ źum par ’gyur ro ||
rab ’byor gźan yaṅ byaṅ chub sems dpa’ sems dpa’ chen po gaṅ gis sṅon gyi mtha’ nas kyaṅ | śes rab kyi pha rol tu phyin pa zab mo ’di thos śiṅ yoṅs (2) su dris la | thos śiṅ yoṅs su dris nas | ñi ma gcig gam | ñi ma gñis sam | ñi ma gsum ’am | bźi ’am | lṅa ’am | drug gam | ñi ma bcur yaṅ śes rab kyi pha rol tu phyin pa zab mo ’di ñams su mi len ciṅ (3) mi sgom pa de ni ’phrog par ’gyur te | śes rab kyi pha rol tu phyin pa zab mo ’di daṅ yaṅ ’bral bar ’gyur ro ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen po gaṅ gis śes rab kyi pha rol tu phyin pa (4) zab mo ’di la res ’ga’ ni ’dun par ’gyur | res ’ga’ ni ’dun par mi ’gyur ba de ni ’phrog par ’gyur te | śiṅ bal gyi ’da’ ba bźin du blo śin du mi brtan par ’gyur ba’i phyir ro ||
rab ’byor byaṅ chub sems dpa’ sems dpa’ chen po de ni theg pa la yaṅ (5) dag par źugs nas | riṅ bor ma lon pa daṅ | dge ba’i bśes gñen gyis yoṅs su ma zin pa daṅ | yaṅ dag par rdzogs pa’i saṅs rgyas la bsñen bkur ma byas par rig par bya’o ||
rab ’byor byaṅ chub sems dpa’ sems dpa’ chen po (6) gaṅ gis śes rab kyi pha rol tu phyin pa zab mo ’di luṅ ma mnos kha ton du ma byas | tshul bźin du yid la ma byas pa daṅ | śes rab kyi pha rol tu phyin pa la ma bslabs pa daṅ | bsam gtan gyi pha rol tu phyin pa daṅ | brtson ’grus (7) kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa lam bslabs pa daṅ | naṅ stoṅ pa ñid lam bslabs pa daṅ | dṅos po med pa’i ṅo bo ñid stoṅ pa ñid kyi bar lam bslabs pa (149a1) daṅ | dran pa ñe bar gźag pa rnams lam bslabs pa daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | lam lam bslabs pa daṅ | mṅon par śes pa (2) lṅa daṅ | stobs rnams daṅ | mi ’jigs pa rnams daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwo brgyad daṅ | rnam pa thams cad mkhyen pa ñid kyi bar la ma bslabs pa’i byaṅ chub sems dpa’ sems dpa’ chen po de dag (3) ni | rab ’byor theg pa la gsar du yaṅ dag par źugs pa yin par rig par bya ste | rab ’byor de dag ni dad pa tsam daṅ | dga’ ba tsam daṅ ldan pa yin gyi | śes rab kyi pha rol tu phyin pa zab mo ’di yi ger bri ba daṅ | bklag pa daṅ | luṅ nod pa daṅ | kha ton (4) du bya ba daṅ | tshul bźin du yid la bya bar mi nus so ||
rab ’byor rigs kyi bu’am | rigs kyi bu mo byaṅ chub sems dpa’i theg pa pa’i śes rab kyi pha rol tu phyin pa zab mo ’di yi ger ’dri bar mi byed | luṅ nod par mi byed | kha ton du mi byed | tshul bźin du yid la mi (5) byed ba daṅ | śes rab kyi pha rol tu phyin pa zab mo ’di yaṅ ’dzin par mi byed pa daṅ | rnam pa thams cad mkhyen pa ñid kyi bar du ’dzin par mi byed pa daṅ | śes rab kyi pha rol tu phyin pa zab mo ’di yaṅ ñams su mi len pa daṅ | de bźin du sbyar te | rnam pa thams cad (6) mkhyen pa ñid kyi bar du ñams su mi len pa de dag ni ’di lta ste | ñan thos kyi sa daṅ | raṅ saṅs rgyas kyi sa daṅ | sa rnam pa ’di gñis las gcig tu ’gyur bar rig par bya’o ||
de ci’i phyir źe na | ’di ltar rigs kyi bu’am | rigs kyi bu mo de dag gis ni (7) sṅon gyi mtha’ nas kyaṅ | śes rab kyi pha rol tu phyin pa zab mo ’di yi ger ma bris śiṅ lug ma mnos te | kha ton du ma byas la | tshul bźin du yid la ma byas pa daṅ | śes rab kyi pha rol tu phyin pa ’dis kyaṅ yoṅs su ma zin pa daṅ | byaṅ chub sems dpa’ (149b1) sems dpa’ chen po de dag gis kyaṅ śes rab kyi pha rol tu phyin pa ’di ñams su ma blaṅs pa’i phyir te | de’i phyir rigs kyi bu’am rigs kyi bu mo de dag sa rnam pa gñis su ’gyur bar śes par bya’o ||
śes rab kyi pha rol tu phyin pa khri brgyad stoṅ pa las | ’dus pa’i (2) le’u źes bya ste bźi bcu rtsa bźi pa’o || ||
rab ’byor ’di lta ste dper na | gaṅ gi tshe rgya mtsho’i gru źig par gyur pa na | de’i naṅ na mi ’khod pa dag gis śiṅ ṅam | rgyal pa’am | mi ro la ma ’jus śiṅ ma bzuṅ na | rab ’byor mi de dag ni rgya (3) mtsho’i ’gram du ma phyin par ’chi ba’i dus byed par rig par bya’o ||
rab ’byor rgya mtsho’i gru źig pa na | mi gaṅ dag śiṅ ṅam | rgyal pa’am | mi ro la ’ju źiṅ ’dzin par sems na | rab ’byor mi de dag ni | rgya mtsho’i naṅ du ’chi bar mi ’gyur te | bde bar (4) rgya mtsho las brgal bar ’gyur źiṅ | ñe źo med par thaṅ la gnas par ’gyur ro ||
rab ’byor de bźin du rigs kyi bu’am | rigs kyi bu mo byaṅ chub sems dpa’i theg pa pa dad pa tsam daṅ | dga’ ba tsam daṅ ldan te | śes rab kyi pha rol tu phyin pa zab mo ’di yi ger (5) ’dri bar mi byed | luṅ nod par mi byed | kha ton du mi byed | tshul bźin du yid la mi byed pa daṅ | de bźin du sbyar te | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | (6) sbyin pa’i pha rol tu phyin pa yi ger ’dri bar mi byed | luṅ nod par mi byed | kha ton du mi byed | lhag par dmigs par mi byed pa daṅ | de bźin du sbyar te | rnam pa thams cad mkhyen pa ñid kyi bar daṅ ldan pa’i mdo sde yi ger ’dri bar mi byed | luṅ nod par mi byed | kha (7) ton du mi byed | tshul bźin du yid la mi byed pa daṅ | lhag par dmigs par mi byed pa’i gaṅ zag byaṅ chub sems dpa’i theg pa pa rnam pa thams cad mkhyen pa ñid la źugs pa gaṅ yin pa de dag ni | bar ma dor lam du ñon moṅs par ’gyur bar rig par bya ste | de dag (150a1) ni ñan thos kyi sa’am | raṅ saṅs rgyas kyis mṅon sum du byed par ’gyur ro ||
rab ’byor gaṅ zag byaṅ chub sems dpa’i theg pa pa gaṅ dag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya ba’i phyir | dad pa (2) yod pa daṅ | bzod pa yod pa daṅ | daṅ ba yod pa daṅ | lhag pa’i bsam pa yod pa daṅ | ’dod pa yod pa daṅ | mos pa yod pa daṅ | gtoṅ ba yod pa daṅ | brtson pa mi gtoṅ ba yod pa de dag ni | śes rab kyi pha rol tu (3) phyin pa ’di yi ger ’dri bar byed | luṅ nod par byed | kha ton du byed | tshul bźin du yid la byed par ’gyur ro ||
rab ’byor rigs kyi bu’am | rigs kyi bu mo bla na med pa yaṅ dag par rdzogs pa’i byaṅ chub kyi phyir | dad pa daṅ | bzod pa daṅ | daṅ ba daṅ | (4) lhag pa’i bsam pa daṅ | ’dod pa daṅ | mos pa daṅ | gtoṅ ba daṅ | brtson pa mi gtoṅ ba de dag daṅ | gaṅ dag śes rab kyi pha rol tu phyin pa yoṅs su ’dzin ciṅ | rnam pa thams cad mkhyen pa’i bar du yoṅs su ’dzin pa de dag bar ma dor ñon moṅs par (5) mi ’gyur źiṅ | de dag ñan thos daṅ | raṅ saṅs rgyas kyis las ’das te | sems can rnams yoṅs su smin par byas śiṅ | saṅs rgyas kyi źiṅ yoṅs su dag par byas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (6) ba la ltos | rab ’byor ’di lta ste dper na | skyes pa’am | bud med gcig gis bum pa so ma btaṅ | ma bsregs pas chu bcu bar sems na | rab ’byor bum pa de ni riṅ por mi thub ste | myur ba ñid du ’jig ciṅ źu bar ’gyur bar rig par bya’o ||
de ci’i phyir (7) źe na | ’di ltar bum pa de so ma btaṅ ba’i phyir te | de ni phyir sa tha mal pa ñid du ’gyur ro ||
rab ’byor de bźin du rigs kyi bu’am | rigs kyi bu mo byaṅ chub sems dpa’i theg pa pa rnams la bla na med pa yaṅ dag par rdzogs pa’i byaṅ chub kyi phyir | dad pa yaṅ yod (150b1) bzod pa yaṅ yod | dga’ ba yaṅ yod | daṅ ba yaṅ yod | lhag pa’i bsam pa yaṅ yod | ’dod pa yaṅ yod | mos pa yaṅ yod | gtoṅ ba yaṅ yod | brtson pa mi gtoṅ ba yaṅ yod du zin kyaṅ | de dag śes rab kyi pha rol tu phyin pas yoṅs su ma (2) zin la | thabs la mkhas pas yoṅs su ma zin pa daṅ | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pas yoṅs su ma zin pa (3) daṅ | naṅ stoṅ pa ñid kyis yoṅs su ma zin | dṅos po med pa’i ṅo bo ñid stoṅ pa ñid kyi bar gyis yoṅs su ma zin | dran pa ñe bar gźag pa rnams kyis yoṅs su ma zin pa daṅ | yaṅ dag par spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po (4) rnams daṅ | stobs rnams daṅ | byaṅ chub kyi yan lag rnams daṅ | lam gyis yoṅs su ma zin | mṅon par śes pa lṅas yoṅs su ma zin | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres (5) pa bco brgyad kyis yoṅs su ma zin | rnam pa thams cad mkhyen pa ñid kyi bar gyis yoṅs su ma zin na | rab ’byor rigs kyi bu’am | rigs kyi bu mo byaṅ chub sems dpa’i theg pa pa de dag ni bar ma dor ñon moṅs par ’gyur ro ||
rab ’byor rigs kyi bu’am | (6) rigs kyi bu mo byaṅ chub sems dpa’i theg pa pa par ma dor ñon moṅs par ’gyur ba gaṅ yin źe na | ’di lta ste ñan thos kyi sa daṅ | raṅ saṅs rgyas kyi sa yin no ||
rab ’byor ’di lta ste dper na | skyes ba’am | bud med gcig gis bum pa so btaṅ bas chu kluṅ ṅam | khron pa’am | (7) mtsho’am | mtshe’u’am | ldiṅ ka nas chu bcus na | rab ’byor bum pa de ni bde bar khyim du phyin par ’gyur bar rig par bya’o ||
de bźin du byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub kyi phyir dad pa yaṅ yod | bzod (151a1) pa yaṅ yod | dga’ ba yaṅ yod | daṅ ba yaṅ yod | lhag pa’i bsam pa yaṅ yod | ’dod pa yaṅ yod | mos pa yaṅ yod | gtoṅ ba yaṅ yod | brtson pa mi gtoṅ ba yaṅ yod la de śes rab kyi pha rol tu phyin pas yoṅs su zin ciṅ | (2) thabs la mkhas pa daṅ | rnam pa thams cad mkhyen pa ñid kyi bar gyis yoṅs su zin na | rab ’byor byaṅ chub sems dpa’ sems dpa’ chen po de ni bar ma dor lam du ’di lta ste | ñan thos kyi theg pa’am | raṅ saṅs rgyas kyi theg par ñon moṅs par mi ’gyur (3) źiṅ | ñe źo med par bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur bar rig par bya’o ||
rab ’byor ’di lta ste | dper na | rgya mtsho’i gru legs par ma bcoms śiṅ zag lhan ma byas par rdzas kyis lci bar byas te | chu (4) la btaṅ na | rab ’byor gru de ni bar ma dor nub bar ’gyur te | rdzas kyaṅ logs śig | gru yaṅ logs śig tu ’gro bar ’gyur te | de lta bu’i tshoṅ ba de ni thabs la mi mkhas śiṅ gnod pa chen po daṅ phrad par ’gyur ba daṅ | rin po che chen po dag daṅ bral bar ’gyur bar (5) rig par bya’o ||
rab ’byor de bźin du byaṅ chub sems dpa’ bla na med pa yaṅ dag par rdzogs pa’i byaṅ chub kyi phyir | dad pa yaṅ yod | bzod pa yaṅ yod | dga’ ba yaṅ yod | daṅ ba yaṅ yod | lhag pa’i bsam pa yaṅ yod | ’dod pa yaṅ yod | (6) mos pa yaṅ yod | gtoṅ ba yaṅ yod | brtson pa mi gtoṅ ba yaṅ yod du zin kyaṅ | śes rab kyi pha rol tu phyin pas yoṅs su ma zin la | thabs la mkhas pas yoṅs su ma zin te | rnam pa thams cad mkhyen pa ñid kyi bar gyis yoṅs su ma zin na | (7) rab ’byor byaṅ chub sems dpa’ sems dpa’ chen po de ni bar ma dor ñon moṅs par ’gyur te | don chen po las yoṅs su ñams śiṅ ’di lta ste | rnam pa thams cad mkhyen pa ñid kyi rin po che’i phuṅ po las yoṅs su ñams par ’gyur ro ||
rab ’byor byaṅ (151b1) chu sems dpa’ sems dpa’ chen po’i bar ma dor ñon moṅs par ’gyur ba gaṅ źe na | ’di lta ste | ñan thos kyi sa daṅ | raṅ saṅs rgyas kyi sa yin no ||
rab ’byor ’di lta ste dper na | skyes bu mkhas pa’i raṅ bźin can gyis rgya mtsho’i gru legs par bcoms (2) śiṅ zag lhan byas la śin tu spyad na | rab ’byor rgya mtsho’i gru de ni bar ma dor źig par mi ’gyur źiṅ | des gaṅ du bgrod par bya ba der phyin par ’gyur ro ||
rab ’byor de bźin du byaṅ chub sems dpa’ sems dpa’ chen po bla na med pa yaṅ dag par rdzogs pa’i (3) byaṅ chub kyi phyir dad pa yaṅ yod | bzod pa yaṅ yod | dga’ ba yaṅ yod | daṅ ba yaṅ yod | lhag pa’i bsam pa yaṅ yod | ’dod pa yaṅ yod | mos pa yaṅ yod | gtoṅ ba yaṅ yod | brtson pa mi gtoṅ ba yaṅ yod la | śes rab kyi pha rol tu phyin (4) pas kyaṅ | yoṅs su zin ciṅ thabs la mkhas pas kyaṅ yoṅs su zin te | rnam pa thams cad mkhyen pa ñid kyi bar gyis kyaṅ yoṅs su zin na | rab ’byor byaṅ chub sems dpa’ sems dpa’ chen po de ni bar ma dor bla na med pa yaṅ dag par rdzogs pa’i byaṅ chub las (5) ldog par mi ’gyur ro ||
de ci’i phyir źe na | rab ’byor byaṅ chub sems dpa’ gaṅ bla na med pa yaṅ dag par rdzogs pa’i byaṅ chub kyi phyir | dad pa yaṅ yod | bzod pa yaṅ yod | dga’ ba yaṅ yod | daṅ ba yaṅ yod | lhag pa’i bsam pa yaṅ yod | (6) ’dod pa yaṅ yod | mos pa yaṅ yod | gtoṅ ba yaṅ yod | brtson pa mi gtoṅ ba yaṅ yod la | de śes rab kyi pha rol tu phyin pas kyaṅ yoṅs su zin ciṅ | thabs la mkhas pas kyaṅ yoṅs su zin te | rnam pa thams cad mkhyen pa ñid kyi bar gyis kyaṅ (7) yoṅs su zin pa’i phyir te | byaṅ chub sems dpa’ sems dpa’ chen po de ni ñan thos kyi sa daṅ | raṅ saṅs rgyas kyi sar ltuṅ par mi ’gyur ro ||
rab ’byor ’di lta ste | dper na | mi skyes nas lo brgya ñi śu lon pa | rgas śiṅ ’khogs la gtugs (152a1) pa źig yod de | de’i lus la rluṅ las gyur ba’am | mkhris pa las gyur ba’am | bad kan las gyur ba’am | ’dus pa las gyur pa’i nad ’ga’ źig byuṅ na | rab ’byor ’di ji sñam du sems | ci mi de raṅ dga’ ldaṅ ba’i mthu daṅ (2) ldan nam | gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ci mi de ldaṅ bar ’gyur ram | rab ’byor gyis gsol pa | bcom ldan ’das mi de ni khri las ldaṅ ba’i rṅo thogs su lags kyaṅ | de ni rgas (3) pa de daṅ | bro nad de dag gis ñams dmas pas | dpag tshad gcig gi bar ram | dpag tshad gñis kyi bar du mchi ba’i mthu yaṅ ma mchis te | khri de las ldaṅ ba’i rdo thogs su lags kyaṅ | mchi ba’i rṅo ni mi thogs lags so ||
bcom ldan ’das kyis (4) bka’ stsal pa | rab ’byor de bźin du byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub kyi phyir | dad pa yaṅ yod | bzod pa yaṅ yod | dga’ ba yaṅ yod | daṅ ba yaṅ yod | lhag pa’i bsam pa yaṅ yod | (5) ’dod pa yoṅ yod | mos pa yaṅ yod | gtoṅ ba yaṅ yod | brtson pa mi gtoṅ ba yaṅ yod du zin kyaṅ | de śes rab kyi pha rol tu phyin pas yoṅs su ma zin la | rnam pa thams cad mkhyen pa ñid kyi bar gyis yoṅs su ma zin la | rab ’byor byaṅ chub sems (6) dpa’ sems dpa’ chen po de ni ’di ltar śes rab kyi pha rol tu phyin pas yoṅs su ma zin pa daṅ | thabs la mkhas pas yoṅs su ma zin pa’i phyir | bar ma dor lam du ñan thos kyi sa’am | raṅ saṅs rgyas kyi sar ltuṅ bar ’gyur ro ||
rab ’byor ’di lta ste | dper (7) na | mi skyes nas lo brgya ñi śu lon pa | rgas śiṅ ’khogs la | gtugs par gyur pa | de la rluṅ las gyur pa’am | mkhris pa las gyur pa’am | bad kan las gyur pa’am | ’dus pa las gyur pa’i nad kyis ñams dmas pa de ñid mi (152b1) stobs daṅ ldan pa gñis kyis mtshan g-yas g-yon nas brten te | bteg nas khri de las bslaṅ ste | ’di skad du kye mi khyod kho bo cag gñis kyis brten te bzuṅ gis | gaṅ du ’dod pa daṅ | gar dga’ bar soṅ śig daṅ | gnas der ma phyin gyi bar (2) du bar ma dor ’gyel bar mi ’gyur ro ||
źes zer ba de bźin du | rab ’byor byaṅ chub sems dpa’ sems dpa’ chen po gaṅ bla na med pa yaṅ dag par rdzogs pa’i byaṅ chub kyi phyir | dad pa yaṅ yod | bzod pa yaṅ yod | dga’ ba yaṅ yod | daṅ (3) ba yaṅ yod | lhag pa’i bsam pa yaṅ yod | ’dod pa yaṅ yod | mos pa yaṅ yod | gtoṅ ba yaṅ yod | brtson pa mi gtoṅ ba yaṅ yod la | de śes rab kyi pha rol tu phyin pas kyaṅ yoṅs su zin ciṅ | thabs la mkhas pas kyaṅ yoṅs su (4) zin na | rab ’byor byaṅ chub sems dpa’ sems dpa’ chen po de ni bar ma dor ldog par mi ’gyur bar rig par bya ste | byaṅ chub sems dpa’ sems dpa’ chen po de ni ’di lta ste | bla na med pa yaṅ dag par rdzogs pa’i byaṅ chub kyi gnas de ’thob pa’i mthu daṅ ldan pa yin no ||
(5) rab ’byor gyis gsol pa | bcom ldan ’das rigs kyi bu’am rigs kyi bu mo byaṅ chub sems dpa’i theg pa la yaṅ dag par źugs pa dag | ji ltar śes rab kyi pha rol tu phyin pas yoṅs su ma zin ciṅ | thabs la mkhas pas yoṅs su ma zin la | ñan thos (6) kyi sa daṅ | raṅ saṅs rgyas kyi sar yaṅ ltuṅ bar ’gyur ba lags | bcom ldan ’das kyis bka’ stsal pa | rab ’byor khyod de bźin gśegs pa dgra bcom pa yaṅ dag par rdzogs pa’i saṅs rgyas la don ’di ’dri bar sems pa sems so ||
(7) rab ’byor ’di la byaṅ chub sems dpa’ thog ma kho nar sbyin pa sbyin par byed pa na | ṅar ’dzin pa daṅ | ṅa yir ’dzin par ltuṅ ba’i sems kyi rgyud kyis sbyin pa sbyin par byed ciṅ | tshul khrims gaṅ sruṅ ba daṅ | bzod pa gaṅ sgom pa daṅ | brtson ’grus gaṅ (153a1) rtsom pa daṅ | bsam gtan gaṅ la sñoms par ’jug pa daṅ | śes rab gaṅ sgom pa de yaṅ dar ’dzin pa daṅ | ṅa yir ’dzin par ltuṅ ba’i sems kyis śes rab sgom par byed do ||
de sbyin pa sbyin par byed pa na | ’di sñam du sems te | bdag (2) gis sbyin pa sbyin no ||
sbyin pa ’di sbyin par bya’o ||
bdag ni sbyin pa daṅ ldan no ||
bdag gis tshul khrims basaruṅa ṅo ||
bdag gis tshul khrims bsgom par bya’o ||
bdag ni tshul khrims daṅ ldan no ||
bdag gis bzod par bya’o ||
bdag gis bzod pa bsgom par bya’o ||
bdag ni (3) bzod pa daṅ ldan no ||
bdag gis brtson ’grus brtsam mo ||
bdag gis brtson ’grus brtsam par bya’o ||
bdag ni brtson ’grus daṅ ldan no ||
bdag bsam gtan la sñoms par ’jug go ||
bdag gis bsam gtan bsgom par bya’o ||
bdag ni bsam gtan (4) daṅ ldan no ||
bdag gis śes rab bsgom mo ||
bdag gis śes rab ’di bsgom par bya’o ||
bdag ni śes rab daṅ ldan no ||
sñam sta | ede sbyin pa des rlom sems su byed do ||
sbyin pa de rlom sems su byed do ||
bdag gi sbyin pa’o sñam du rlom sems (5) su byed do ||
de bźin du | tshul khrims daṅ | bzod pa daṅ | brtson ’grus daṅ | bsam gtan daṅ | śes rab rlom sems su byed do ||
śes rab kyis rlom sems su byed do ||
bdag gi śes rab bo sñam du rlom sems su byed do ||
de ci’i phyir (6) źe na | sbyin pa’i pha rol tu phyin pa la ni rnam par rtog pa de dag med de | sbyin pa’i pha rol tu phyin pa ni pha mthar phyin pa yin pa’i phyir ro ||
tshul khrims kyi pha rol tu phyin pa la ni rnam par rtog pa de dag med do ||
bzod pa’i pha rol tu phyin pa daṅ | brtson ’grus kyi (7) pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la yaṅ de bźin du rnam par rtog pa mi skye’o ||
de ci’i phyir źe na | śes rab kyi pha rol tu phyin pa ni pha mthar phyin pa yin na | byaṅ chub sems dpa’i theg pa pa des ni pha (153b1) rol tu phyin pa’i pha mtha’ yaṅ mi śes | pha rol yaṅ mi śes pa’i phyir te | de ni sbyin pa’i pha rol tu phyin pas yoṅs su ma zin ciṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam (2) gtan gyi pha rol tu phyin pa daṅ | śes rab kyi pha rol tu phyin pas yoṅs su ma zin la | rnam pa thams cad mkhyen pa ñid kyi bar gyis yoṅs su ma zin pas | ñan thos kyi sa daṅ | raṅ saṅs rgyas kyi sar ltuṅ bar ’gyur te | rnam pa thams cad mkhyen pa ñid du des (3) par ’byuṅ bar mi ’gyur ro ||
rab ’byor rigs kyi bu’am | rigs kyi bu mo byaṅ chub sems dpa’i theg pa pa ji ltar thabs la mi mkhas pa yin źe na | rab ’byor ’di la rigs kyi bu’am | rigs kyi bu mo byaṅ chub sems dpa’i theg pa pa thabs la mi mkhas pas thog ma (4) kho nar sbyin pa sbyin par byed ciṅ | thabs la mi mkhas pas tshul khrims sruṅ bar byed | thabs la mi mkhas pas bzod pa sgom par byed | thabs la mi mkhas pas brtson ’grus rtsom par byed | thabs la mi mkhas pas bsam gtan la sñoms par ’jug par byed | (5) thabs la mi mkhas pas śes rab sgom par byed ciṅ | de ’di sñam du sems te | bdag gis sbyin pa sbyin no ||
’di la sbyin par bya’o ||
sbyin pa ’di sbyin par bya’o ||
bdag gis tshul khrims bsruṅ ṅo ||
bdag gis bzod pa bsgom mo ||
bdag gis brtson (6) ’grus brtsam mo ||
bdag gis bsam gtan la sñoms par ’jug par bya’o ||
bdag gis śes rab bsgom par bya’o ||
śes rab ’di bsgom par bya’o sñam ste | de sbyin pa de rlom sems su byed | sbyin pas rlom sems su byed | bdag ni sbyin pa daṅ ldan pa’o ||
(7) sñam du rlom sems su byed do ||
de tshul khrims rlom sems su byed | tshul khrims kyis rlom sems su byed | bdag ni tshul khrims daṅ ldan pa’o sñam du rlom sems su byed do ||
bzod pa rlom sems su byed | bzod pas rlom sems su byed | bdag ni bzod pa (154a1) daṅ ldan pa’o sñam du rlom sems su byed do ||
brtson ’grus rlom sems su byed | brtson ’grus kyis rlom sems su byed | bdag ni brtson ’grus daṅ ldan pa’o sñam du rlom sems su byed do ||
bsam gtan rlom sems su byed | bsam gtan gyis (2) rlom sems su byed | bdag ni bsam gtan daṅ ldan pa’o sñam du rlom sems su byed do ||
śes rab rlom sems su byed | śes rab kyis rlom sems su byed | bdag ni śes rab daṅ ldan pa’o sñam du rlom sems su byed do ||
de ci’i phyir źe na | de ci ltar rnam (3) par rtog pa bźin du sbyin pa’i pha rol tu phyin pa la rnam par rtog pa de dag med pa’i phyir ro ||
de ci’i phyir źe na | ’di lta ste | sbyin pa’i pha rol tu phyin pa de ni pha mthar phyin pa yin la | de bźin du sbyar te | ’di lta ste | śes rab kyi pha rol tu phyin pa ’di ni pha mthar phyin pa yin (4) pa’i phyir ro ||
de ji ltar rnam par rtog pa bźin du | śes rab kyi pha rol tu phyin pa la rnam par rtog pa de dag med do ||
de ci’i phyir źe na | ’di lta ste | śes rab kyi pha rol tu phyin pa de ni pha mthar phyin pa yin na | rigs kyi bu byaṅ chub sems dpa’i theg pa pa des ni pha mtha’ yaṅ (5) mi śes | pha rol yaṅ mi śes pa’i phyir ro ||
de ni sbyin pa’i pha rol tu phyin pas yoṅs su ma zin pa nas | sṅa ma bźin du sbyar te | śes rab kyi pha rol tu phyin pa’i bar gyis yoṅs su ma zin la | rnam pa thams cad mkhyen pa ñid kyi bar gyis yoṅs su ma zin pas | ñan thos (6) kyi sa daṅ | raṅ saṅs rgyas kyi sar ltuṅ bar ’gyur źiṅ | rnam pa thams cad mkhyen pa ñid du ṅes bar ’byuṅ bar mi ’gyur te | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa daṅ | thabs la mkhas pas yoṅs su ma zin pas | (7) ñan thos kyi sa daṅ | raṅ saṅs rgyas kyi sar ltuṅ bar ’gyur ro ||
rab ’byor byaṅ chub sems dpa’ sems dpa’ sems dpa’ chen po ji ltar śes rab kyi pha rol tu phyin pa daṅ | thabs la mkhas pas yoṅs su zin la | ñan thos kyi sa’am | raṅ saṅs rgyas kyi sar mi ltuṅ źiṅ | bla (154b1) na med pa yaṅ dag par rdzogs pa’i byaṅ chub thob par ’gyur źe na | rab ’byor ’di la byaṅ chub sems dpa’ sems pada’a chen po thog ma kho nar sbyin pa sbyin pa na | ṅar ’dzin pa daṅ | ṅa yir ’dzin pa’i sems kyis sbyin pa sbyin par byed ciṅ | śes rab kyi bar du sgom (2) par byed de | de ’di sñam du | bdag gis sbyin pa sbyin no ||
sbyin pa ’di sbyin par bya’o ||
’di la sbyin pa sbyin par bya’o sñam du rlom sems su mi byed do ||
śes rab kyi pha rol tu phyin pa’i bar du yaṅ de bźin du sbyar te | de sbyin pa la rlom sems su mi byed | (3) sbyin pas rlom sems su mi byed | bdag gi sbyin pa’i sñam du rlom sems su mi byed do ||
de bźin du sbyar te | śes rab kyi pha rol tu phyin pa’i bar du rlom sems su mi byed | śes rab kyis rlom sems su mi byed | bdag gi śes rab bo sñam du rlom sems su mi (4) byed do ||
de ci’i phyir źe na | ’di ltar sbyin pa’i pha rol tu phyin pa la ni gaṅ gis rlom sems su byed pa’i rnam par rtog pa med pa daṅ | śes rab kyi pha rol tu phyin pa’i bar du gaṅ gis rlom sems su byed pa’i rnam par rtog pa med pa’i phyir ro ||
’di lta ste | sbyin pa’i pha (5) rol tu phyin pa de daṅ | śes rab kyi pha rol tu phyin pa’i bar du pha mthar phyin pa yin la | byaṅ chub sems dpa’ de yaṅ pha mtha’ yaṅ śes | pha rol yaṅ śes te | rlom sems su mi byed pa de ni sbyin pa’i pha rol tu phyin pas yoṅs su zin pa yin no ||
tshul khrims (6) kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol phyin pas yoṅs su zin ciṅ | rnam pa thams cad mkhyen pa ñid kyi bar gyis yoṅs su zin te | ñan (7) thos kyi sa daṅ | raṅ saṅs rgyas kyi sar ltuṅ bar mi ’gyur źiṅ | rnam pa thams cad mkhyen pa ñid thob par ’gyur ro ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pas yoṅs su zin ciṅ | de bźin du thabs la mkhas (155a1) pas yoṅs su zin te | ñan thos kyi sa daṅ | raṅ saṅs rgyas kyi sar ltuṅ bar mi ’gyur ro ||
nag po’i phyogs la ji lta ba bźin du dkar po’i phyogs thams cad la yaṅ de bźin du sbyar bar bya’o ||
śes rab kyi pha rol tu phyin pa khri brgyad stoṅ pa (2) las gru’i le’u źes bya ste bźi bcu rtsa lṅa pa’o || ||
śes rab kyi pha rol tu phyin pa khri brgyad stoṅ pa | bam po sum cu rtsa lṅa pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan (3) ’das las daṅ po pa’i byaṅ chub sems dpa’ sems dpa’ chen pos śes rab kyi pha rol tu phyin pa la ji ltar bslab par bgyi | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin (4) pa daṅ | sbyin pa’i pha rol tu phyin pa la ji ltar bslab par bgyi | bcom ldan ’das kyis bka’ stsal pa | rab ’byor ’di la las daṅ po pa’i byaṅ chub sems dpa’ sems dpa’ chen po śes rab kyi pha rol tu phyin pa la slob par ’dod pa daṅ | bsam gtan gyi pha rol tu phyin pa (5) daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa la slob par ’dod pas | śes rab kyi pha rol tu pyin pa ’di ston pa gaṅ yin pa’i dge ba’i bśes gñen dag la bsñen (6) bkur bya’o ||
sbyin pa’i pha rol tu phyin pa’i bar du slob par ’dod pas | sbyin pa’i pha rol tu phyin pa ston pa’i dge ba’i bśes gñen dag la brten par bya | bsñen par bya | bsñen bkur bya’o ||
de dag kyaṅ de la śes rab kyi pha rol tu phyin pa ’di ston te | rigs kyi bu tshur śog (7) khyod kyis sbyin pa gaṅ daṅ | gaṅ sbyin pa de dag thams cad bla na med pa yaṅ dag par rdzogs pa’i byaṅ chub tu yoṅs su sṅos śig | rigs kyi bu tshur śog | khyod tshul khrims gaṅ daggaṅ sruṅ ba daṅ | bzod pa sgom pa daṅ | brtson ’grus rtsom pa daṅ | bsam gtan (155b1) la sñoms par ’jug pa daṅ | śes rab sgom pa de dag thams cad bla na med pa yaṅ dag par rdzogs pa’i byaṅ chub tu yoṅs su bsṅos la | rigs kyi bu khyod kyis bla na med pa yaṅ dag par rdzogs pa’i byaṅ chub gzugs las rtog par ma byed cig | tshor ba daṅ | ’du (2) śes daṅ | ’du byed rnams daṅ | rnam par śes pa las rtog par ma byed cig | rigs kyi bu khyod kyis bla na med pa yaṅ dag par rdzogs pa’i byaṅ chub sbyin pa’i pha rol tu phyin pa las rtog par ma byed cig | tshul khrims daṅ | bzod pa daṅ | brtson ’grus daṅ | bsam (3) gtan daṅ | śes rab kyi pha rol tu phyin pa las rtog par ma byed cig | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | dran pa ñe bar gźag pa rnams las rtog par ma byed cig | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | (4) stobs daṅ | byaṅ chub kyi yan lag daṅ | lam rnams las rtog par ma byed cig | mṅon par śes pa lṅa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwo (5) brgyad las rtog par ma byed cig | rigs kyi bu khyod bla na med pa yaṅ dag par rdzogs pa’i byaṅ chub la yaṅ rtog par ma byed cig | rnam pa thams cad mkhyen pa ñid kyi bar la yaṅ rtog par ma byed cig | de ci’i phyir źe na | gzugs la mi rtog na | rnam pa thams cad mkhyen (6) pa ñid kyi bar du thob par ’gyur źiṅ | tshor ba daṅ | ’du śes daṅ | ’du byed rnams daṅ | rnam par śes pa la mi rtog na | rnam pa thams cad mkhyen pa ñid thob par ’gyur te | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol (7) tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa la mi rtog | śes rab kyi pha rol tu phyin pa la mi rtog | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar la mi rtog | dran pa ñe bar gźag pa rnams pa mi rtog | (156a1) yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ lam la mi rtog | mṅon par śes pa rnams daṅ | stobs bcu daṅ | mi ’jigs pa rnams daṅ | so so yaṅ dag par rig pa rnams daṅ | saṅs (2) rgyas kyi chos ma ’dres pa bcwo brgyad la mi rtog na | rnam pa thams cad mkhyen pa ñid kyi bar du thob par ’gyur ba phyir ro ||
rigs kyi bu khyod śes rab kyi pha rol tu phyin pa la spyod pa na | gzugs la ’dod pa ma skyed cig | de ci’i phyir źe na | gzugs ni ’dod pa med pa yin pa’i (3) phyir ro ||
rigs kyi bu khyod tshor ba daṅ | ’du śes daṅ | ’du byed rnams daṅ | rnam par śes pa’i bar la ’dod pa ma skyed cig | de ci’i phyir źe na | rigs kyi bu rnam par śes pa ni ’dod pa med pa’i phyir ro ||
rigs kyi bu khyod sbyin pa’i pha rol tu phyin pa la ’dod pa ma skyed cig (4) tshul khrims daṅ | bzod pa daṅ | brtson ’grus daṅ | bsam gtan gyi pha rol tu phyin pa la ’dod pa ma skyed cig | rigs kyi bu khyod śes rab kyi pha rol tu phyin pa la ’dod pa ma skyed cig | naṅ stoṅ pa ñid la ’dod pa ma skyed cig | dṅos po med pa’i ṅo bo ñid stoṅ pa ñid kyi bar (5) la ’dod pa ma skyed cig | dran pa ñe bar gźag pa rnams la ’dod pa ma skyed cig | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam rnams kyi bar la ’dod pa ma skyed cig | mṅon par śes blṅa daṅ | stobs (6) bcu daṅ | mi ’jigs pa daṅ | so so yaṅ dag par rig pa daṅ | saṅs rgyas kyi chos ma ’dres pa rnams kyi bar la ’dod pa ma skyed cig | rigs kyi bu khyod rnam pa thams cad mkhyen pa ñid la yaṅ ’dod pa ma skyed cig | de ci’i phyir źe na | rigs kyi bu rnam pa thams cad mkhyen (7) pa ñid ni ’dod pa med ciṅ ’dod par bya ba ma yin pa’i phyir ro ||
rigs kyi bu khyod rgyun du źugs pa’i ’bras bu la ’dod pa ma skyed cig | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub la ’dod pa ma skyed cig | byaṅ chub (156b1) sems dpa’i skyon med pa la ’dod pa ma skyed cig | de ci’i phyir źen | rigs kyi bu byaṅ chub ni ’dod pa med pa’i phyir ro ||
de ci’i phyir źe na | rigs kyi bu chos thams cad ni ṅo bo ñid kyis stoṅ pa’i phyir ro źes chos ston to ||
rab ’byor gyis gsol pa | bcom ldan ’das byaṅ chub (2) sems dpa’ sems dpa’ chen po gaṅ dag chos thams cad raṅ gi mtshan ñid kyis stoṅ pa la bla na med pa yaṅ dag par rdzogs pa’i byaṅ chub don du gñer źiṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal ba dag ni dka’ ba bgyid (3) ba lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | byaṅ chub sems dpa’ sems dpa’ chen po gaṅ dag chos thams cad raṅ gi mtshan ñid kyis stoṅ pa la bla na med pa yaṅ dag par rdzogs pa’i byaṅ chub don du gñer źiṅ | bla na med (4) pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa dag ni dka’ ba byed pa yin no ||
rab ’byor ’on kyaṅ byaṅ chub sems dpa’ sems dpa’ chen po rnams ni chos thams cad sgyu ma lta bu daṅ | rmi lam lta bur śes na bla na med pa yaṅ dag par rdzogs pa’i byaṅ chub (5) la yaṅ dag par źugs pa yin no ||
byaṅ chub sems dpa’ sems dpa’ chen po rnams ni ’jig rten la phan pa daṅ | bde ba’i phyir yaṅ dag par źugs pa yin te | bdag ’jig rten gyi skyob par gyur cig ces bla na med pa yaṅ dag par rdzogs pa’i byaṅ chub la yaṅ dag par źugs pa (6) yin no ||
’jig rten gyi skyabs su gyur cig | ’jig rten gyi gnas daṅ | ’jig rten gyi dpuṅ gñen daṅ | ’jig rten gyi gliṅ daṅ | ’jig rten gyi yoṅs su ’dren pa daṅ | ’jig rten gyi rten du gyur cig ces bla na med pa yaṅ dag par rdzogs pa’i byaṅ chub la yaṅ dag par źugs (7) pa yin no ||
rab ’byor byaṅ chub sems dpa’ sems dpa’ chen po rnams ji ltar ’jig rten la phan pa’i phyir yaṅ dag par źugs pa yin źe na | rab ’byor ’di la byaṅ chub sems dpa’ sems dpa’ chen po rnams kyis sems can rnams ’gro ba lṅa las yoṅs su grol bar byas nas | (157a1) mya ṅan las ’das pa ’jigs pa med pa bde ba’i thaṅ la ’god par byed de | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams ’jig rten la phan pa’i phyir yaṅ (2) dag par źugs pa yin no ||
rab ’byor byaṅ chub sems dpa’ sems dpa’ chen po rnams ji ltar ’jig rten la bde ba’i phyir yaṅ dag par źugs pa yin źe na | rab ’byor ’id la byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs (3) par ’tshaṅ rgya bar ’dod pa rnams kyis sems can rnams sdug bsṅal ba daṅ | yid mi bde ba daṅ | ’khrug pa thams cad las grol bar byas nas | mya ṅan las ’das pa ’jigs pa med pa bde ba’i thaṅ la ’god par byed de | rab ’byor de ltar na byaṅ chub sems dpa’ sems (4) dpa’ chen po rnams ’jig rten la bde ba’i phyir yaṅ dag par źugs pa yin no ||
rab ’byor byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams ji ltar ’jig rten gyi skyob pa yin źe na | rab ’byor ’di (5) la byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams kyi sa ’khor ba na yod pa’i sdug bsṅal gaṅ yin pa de dag las sems can rnams la skyob ciṅ de dag spoṅ ba’i phyir chos ston te | de dag gis chos de thos (6) nas rim gyis theg pa gsum po dag gis yoṅs su mya ṅan las ’da’ bar ’gyur te | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams ’jig rten gyi skyob pa yin no ||
rab ’byor byaṅ (7) chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams ji ltar ’jig rten gyi skyabs yin źe na | rab ’byor ’di la byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs (157b1) par ’tshaṅ rgya bar ’dod pa rnams kyis sems can skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa’i chos can rnams skye ba daṅ | rga ba daṅ | na ba daṅ | ’chi ba daṅ | mya ṅan las daṅ | smre sṅags (2) ’don pa daṅ | sdug bsṅal ba daṅ | yid mi bde ba daṅ | ’khrug pa rnams las yoṅs su grol bar byed la | yoṅs su bkrol nas phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’da’ bar byed de | rab ’byor de ltar na byaṅ chub sems dpa’ (3) sems dpa’ chen po rnams ’jig rten gyi skyabs yin no ||
rab ’byor byaṅ chub sems dpa’ sems dpa’ chen po rnams ji ltar ’jig rten gyi gnas yin źe na | rab ’byor ’di la byaṅ chub sems dpa’ sems dpa’ chen po rnams chos thams cad ’dre ba med par bya ba’i phyir chos (4) ston te | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams ’jig rten gyi gnas yin no ||
rab ’byor gyis gsol pa | bcom ldan ’das ji ltar chos thams cad ’dre (5) ba ma mchis pa lags | bcom ldan ’das kyis bka’ stsal pa | rab ’byor gzugs kyi ’dre ba med pa gaṅ yin pa de ni gzugs kyi ’dre ba med pa yin te | de ni gzugs kyi skye ba med pa yin no ||
gzugs kyi skye ba med pa gaṅ yin pa de ni gzugs gyi ’gag pa med pa yin te | (6) de ni gzugs kyi ’dre ba med pa yin no ||
tshor ba daṅ | ’du śes daṅ | ’du byed rnams daṅ | rnam par śes pa’i skye ba med pa daṅ | ’gag pa med pa gaṅ yin pa de ni rnam par śes pa’i ’dre ba yin te | de bźin du rnam pa thams cad mkhyen pa ñid kyi bar du yaṅ sbyar bar bya’o ||
rab (7) ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams chos thams cad ’dre ba med par bya ba’i phyir chos ston to ||
rab ’byor byaṅ chub sems dpa’ sems dpa’ chen po bla na med pa (158a1) yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams ji ltar ’jig rten gyi dpuṅ gñen yin źe na | rab ’byor ’di la byaṅ chub sems dpa’ sems dpa’ chen po rnams sems can rnams la ’di skad du chos ston te | gzugs kyi pha rol gaṅ (2) yin pa de ni gzugs ma yin no ||
tshor ba daṅ ’du śes daṅ ’du byed rnams daṅ rnam par śes pa’i pha rol gaṅ yin pa de ni rnam par śes pa ma yin no ||
de bźin du sbyar te | rnam pa thams cad mkhyen pa ñid kyi bar gyi pha rol gaṅ yin pa de ni rnam pa thams cad mkhyen pa ñid ma yin no źes chos (3) ston te | rab ’byor gzugs ji lta ba bźin du chos thams cad de bźin no ||
rab ’byor gyis gsol pa | bcom ldan ’das gal te chos thams cad gzugs ji lta bźin lags na | byaṅ chub sems dpa’ sems dpa’ chen pos rnam pa thams cad mkhyen pa ñid mṅon par rdzogs (4) par saṅs rgyas pa ñid du mi ’gyur lags sam | de ci’i slad du źe na | bcom ldan ’das gzugs kyi pha rol na rnam par rtog pa ci yaṅ ma mchis la | tshor ba daṅ ’du śes daṅ ’du byed rnams daṅ rnam par śes pa’i pha rol na rnam par rtog pa ci yaṅ ma mchis te | de bźin du ’di ni gzugs so ||
’di ni ’du byaṅ rnams so ||
’di ni rnam par śes pa’o źes bgyi ba daṅ | ’di ni rnam pa thams cad mkhyen pa ñid do źes bgyi ba’i bar du rnam pa thams cad mkhyen pa ñid kyi bar gyi pha rol na rnam par rtog pa ci yaṅ ma mchis pa’i slad du’o ||
bcom ldan (6) ’das kyis bka’ stsal pa | rab ’byor de de bźin no ||
de de bźin te | rab ’byor gzugs kyi pha rol na rnam par rtog pa ci yaṅ med la | rnam pa thams cad mkhyen pa ñid kyi bar gyi pha rol na rnam par rtog pa ci yaṅ med de | rab ’byor ’on kyaṅ byaṅ chub sems dpa’ sems dpa’ (7) chen po rnams chos de lta bu dag la ṅes par sems śiṅ źum par yaṅ mi ’gyur la de ltar chos de dag mṅon par rdzogs par ’tshaṅ rgya bar bya’o sñam ste | de ltar bla na med pa yaṅ dag par rdzogs ’i byaṅ chub mṅon par rdzogs par saṅs rgyas nas chos de dag ni ’di ltar źi ba’o ||
’di (158b1) ltar gya nom pa’o ||
źes ston par byed pa ni dka’ ba byed pa yin te | rab ’byor de ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa rnams ’jig rten gyi dbuṅ gñen yin no ||
rab ’byor (2) byaṅ chub sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | ji ltar ’jig rten gyi gliṅ du ’gyur źe na | rab ’byor ’di lta ste dper na | chu kluṅ chen po rnams sam | rgya mtsho chen po dag nas phyogs gaṅ dag chus yoṅs su (3) chod pa de dag ni gliṅ źes bya’o ||
rab ’byor de bźin du gzugs ni sṅon gyi mtha’ daṅ phyi ma’i mtha’ yoṅs su chad pa’o ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa ni sṅon gyi mtha’ daṅ phyi ma’i mtha’ yoṅs su chud pa’o ||
rnam pa thams cad (4) mkhyen pa ñid kyi bar ni sṅon gyi mtha’ daṅ phyi ma’i mtha’ yoṅs su chad pa’o ||
rab ’byor sṅon gyi mtha’ daṅ | phyi ma’i mtha’ yoṅs su chad pa de dag gis chos thams cad yoṅs su chad do ||
rab ’byor chos thams cad kyi sṅon gyi mtha’ daṅ phyi ma’i mtha’ yoṅs su chad pa gaṅ yin pa de (5) ni ’di lta ste stoṅ pa ñid daṅ | dmigs su med pa daṅ | lam chad pa daṅ | sred pa zad pa daṅ | lhag ma med pa daṅ | ’dod chags daṅ bral ba daṅ | ’gog pa daṅ mya ṅan las ’das pa yin te | de ni źi ba’o ||
de ni ji lta ba’i bdag ñid yin te | rab ’byor de ltar na byaṅ chub (6) sems dpa’ sems dpa’ chen po rnams kyis bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | chos thams cad sṅon gyi mtha’ daṅ phyi ma’i mtha’ yoṅs su chad par ston pa ni ’jig rten gyi gliṅ yin no ||
rab ’byor byaṅ chub sems dpa’ sems dpa’ (7) chen po rnams bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | ji ltar ’jig rten gyi yoṅs su ’dren par ’gyur źe na | rab ’byor ’di la byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa (159a1) rnams sems can gyi rigs la sñiṅ rje chen po bskyed nas gzugs skye ba med pa daṅ ’gag pa med pa daṅ | kun can ñon moṅs pa med pa daṅ rnam par byaṅ ba med par chos ston ciṅ ’chad do ||
tshor ba daṅ | ’du śes daṅ | ’du byed rnams daṅ | rnam (2) par śes pa skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med par chos ston te | de bźin du pha rol tu phyin pa thams cad daṅ | stoṅ pa ñid thams cad daṅ | byaṅ chub kyi phyogs kyi chos rnams daṅ | stobs bcu daṅ | mi ’jigs pa rnams (3) daṅ | so so yaṅ dag par rig pa rnams daṅ | saṅs rgyas kyi chos ma ’dres pa bcwo brgyad daṅ | rnam pa thams cad mkhyen pa ñid skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med par chos ston ciṅ ’chad do ||
raṅ byaṅ chub skye ba (4) med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med par chos ston ciṅ ’chad do ||
rgyun du źugs pa’i ’bras bu skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med par chos ston ciṅ ’chad do ||
(5) de bźin du lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med par chos ston ciṅ ’chad do ||
rab ’byor de ltar na byaṅ chub sems dpa’ sems (6) dpa’ chen po rnams bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can rnams kyi yoṅs su ’dren par ’gyur ro ||
rab ’byor byaṅ chub sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub mṅon par rdzogs (7) par saṅs rgyas nas ji ltar sems can rnams kyi rten du ’gyur źe na | rab ’byor ’di la byaṅ chub sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | gzugs ni nam mkha’i tshul can no źes chos ston ciṅ (159b1) ’chad do ||
tshor ba daṅ | ’du śes daṅ | ’du byed rnams daṅ | rnam par śes pa ni nam mkha’i tshul can no źes sems can rnams la chos ston ciṅ | rnam pa thams cad mkhyen pa ñid kyi bar du nam mkha’i tshul can no źes chos ston to ||
gzugs kyi stoṅ pa ñid ni ’gro ba daṅ (2) ’oṅ ba med pa ste | de la ’gro ba med ciṅ ’oṅ ba med do źes sems can rnams la chos ston to ||
tshor ba daṅ | ’du śes daṅ | ’du byed rnams kyi stoṅ pa ñid ni ’gro ba daṅ ’oṅ ba med pa’o ||
rnam par śes pa’i stoṅ pa ñid ni ’gro ba daṅ ’oṅ ba med pa ste de la ’gro ba daṅ ’oṅ ba med do (3) źes sems can rnams la chos ston to ||
de bźin du rnam pa thams cad mkhyen pa ñid kyi bar gyi stoṅ pa ñid ni ’gro ba daṅ ’oṅ ba med pa ste de la ’gro ba daṅ ’oṅ ba med do źes sems can rnams la chos ston te | rab ’byor de ltar na byaṅ chub sems dpa’ sems dpa’ chen po rnams bla na med (4) pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can rnams kyi rten du ’gyur ro ||
de ci’i phyir źe na | rab ’byor chos thams cad ni stoṅ pa ñid kyi tshul can te de dag tshul de las mi ’da’ ba’i phyir ro ||
de ci’i phyir źe na | stoṅ pa ñid ’gro ba’am ’oṅ ba mi (5) dmigs pa’i phyir ro ||
rab ’byor chos thams cad ni mtshan ma med pa’i tshul can te de dag ni tshul de las mi ’da’o ||
de ci’i phyir źe na | mtshan ma med pa la ’gro ba’am ’oṅ ba mi dmigs pa’i phyir ro ||
rab ’byor chos thams cad ni smon pa med pa’i tshul can te de dag ni tshul de las mi ’da’o ||
(6) de ci’i phyir źe na | smon pa med pa la ’gro ba’am ’oṅ ba mi dmigs pa’i phyir ro ||
rab ’byor chos thams cad ni mṅon par ’du byed pa med pa ste de dag ni tshul de las mi ’da’o ||
de ci’i phyir źe na | mṅon par ’du byed pa med pa la ’gro ba daṅ ’oṅ ba me dmigs pa’i phyir ro ||
de bźin du sbyar te rab (7) ’byor chos thams cad ni skye ba med pa daṅ ’gag pa med pa daṅ kun nas ñon moṅs pa med pa daṅ rnam par byaṅ ba med pa’i tshul can te de dag ni tshul de las mi ’da’o ||
de ci’i phyir źe na | skye ba med pa daṅ ’gag pa med pa daṅ kun nas ñon moṅs pa med pa daṅ | rnam par byaṅ ba med pa la ’gro ba’am ’oṅ ba mi (160a1) dmigs pa’i phyir ro ||
rab ’byor chos thams cad ni rmi lam lta bu’i tshal can te de dag ni tshul de las mi ’da’o ||
de ci’i phyir źe na | rmi lam la ’gro ba’am ’oṅ ba mi dmigs pa’i phyir ro ||
rab ’byor de bźin du chos thams cad ni sgyu ma lta bu’i tshul can daṅ mig yor lta bu’i tshul can (2) daṅ | sprul pa lta bu’i tshul can te de dag ni tshul de las mi ’da’o ||
de ci’i phyir źe na | sprul pa la ’gro ba’am ’oṅ ba mi dmigs pa’i phyir ro ||
rab ’byor chos thams cad ni skyu ba med pa daṅ dṅos po med pa’i tshul can te de dag ni tshul de las mi ’da’o ||
de ci’i phyir źe na | skye ba med pa daṅ dṅos (3) po med pa la ’gro ba’am ’od ba mi dmigs pa’i phyir ro ||
rab ’byor chos thams cad ni mthar yas mu med pa’i tshul can te de dag ni tshul de las mi ’da’o ||
de ci’i phyir źe na | mtha’ yas mu med pa la ’gro ba’am ’oṅ ba mi dmigs pa’i phyir ro ||
rab ’byor chos thams cad ni dbri (4) ba med pa daṅ bsnan pa med pa’i tshul can te de dag ni tshul de las mi ’da’o ||
de ci’i phyir źe na | dbri ba med pa daṅ ba sna chab med pa la ’gro ba’am ’oṅ ba mi dmigs pa’i phyir ro ||
rab ’byor chos thams cad ni ’gro ba daṅ ’oṅ ba med pa’i tshul can no ||
rab ’byor chos thams cad ni blaṅ ba med pa (5) daṅ dor ba med pa’i tshul can no ||
rab ’byor chos thams cad ni phrad pa med pa daṅ bral ba med pa daṅ ’dre ba med pa daṅ mi ’dre ba med pa’i tshul cen no ||
rab ’byor chos thams cad ni bdag gi tshul can te de dag ni tshul de las mi ’da’o ||
de ci’i phyir źe na | rab ’byor ba dag la ’gro ba’am ’oṅ ba mi (6) dmigs pa’i phyir ro ||
rab ’byor chos thams cad ni sems can gyi tshul can no ||
rab ’byor chos thams cad ni srog daṅ skye ba po daṅ gso ba daṅ skyes bu daṅ gaṅ zag daṅ śed las skyes daṅ śed bu daṅ byed pa po daṅ tshor ba po daṅ sloṅ ba po daṅ | śes pa po daṅ mthoṅ ba po’i tshul can te de (7) dag ni tshul de las mi ’da’o ||
de ci’i phyir źe na | rab ’byor bdag gtan med ciṅ sems can daṅ srog daṅ skye ba po daṅ gso ba daṅ skyes bu daṅ gaṅ zag daṅ śed las skyes daṅ śed bu daṅ byed pa po daṅ tshor ba po daṅ sloṅ ba po daṅ śes pa po dzag mthoṅ ba po yaṅ gtan med na rab ’byor ’gro ba’am ’od (160b1) ba lta dmigs par ga la ’gyur | rab ’byor chos thams cad ni rtag pa’i tshul can te de dag ni tshul de las mi ’da’o ||
de ci’i phyir źe na | rab ’byor rtag pa ci yaṅ gtan med na ’gro ba’am ’oṅ ba lta ga la yod | rab ’byor chos thams cad ni bde ba’i tshul can te de dag ni tshul de las mi (2) ’da’o ||
rab ’byor chos thams cad ni bdag gi tshul can daṅ sdug pa’i tshul can te de dag ni tshul de las mi ’da’o ||
de ci’i phyir źe na | rab ’byor rtag pa daṅ bde ba daṅ | bdag daṅ sdug pa gtan med na de dag gi ’gro ba’am ’oṅ ba lta ga la yod | rab ’byor chos thams cad ni mi rtag pa’i (3) tshul can no ||
rab ’byor chos thams cad ni sdug bsṅal ba daṅ bdag med pa daṅ mi sdug pa’i tshul can te de dag ni tshul de las mi ’da’o ||
de ci’i phyir źe na | rab ’byor mi rtag pa gtan med ciṅ sdug bsṅal ba’am | bdag med pa’am | mi sdug pa gtan med na de’i ’gro ba’am ’oṅ ba lta ga (4) la yod | rab ’byor chos thams cad ni ’dod chags kyi tshul can te | de dag ni tshul de las mi ’da’o ||
de ci’i phyir źe na | rab ’byor ’dod chags kyi dṅos po gtan med na ’dod chags lta ga la yod | rab ’byor chos thams cad ni źe sdaṅ gi tshul can te | de dag ni tshul de las mi (5) ’da’o ||
de ci’i phyir źe na | rab ’byor źe sdaṅ gi dṅos po gtan med na źe sdaṅ lta ga la yod | rab ’byor chos thams cad ni gti mug gi tshul can te | de dag ni tshul de las mi ’da’o ||
de ci’i phyir źe na | rab ’byor gti mug gi dṅos po gtan med na gti mug ltag la yod | rab ’byor chos (6) thams cad ni lta bar gyur pa’i tshul can te de dag ni tshul de las mi ’da’o ||
de ci’i phyir źe na | rab ’byor lta bar gyur pa’i dṅos po gtan med na lta bar gyur pa lta ga la yod | rab ’byor chos thams cad ni de bźin ñid kyi tshul can te de dag ni tshul de las mi ’da’o ||
de ci’i phyir źe na | (7) rab ’byor de bźin ñid la ’gro ba’am ’oṅ ba mi dmigs pa’i phyir ro ||
rab ’byor chos thams cad ni chos kyi dbyiṅs kyi tshul can no ||
rab ’byor chos thams cad ni yaṅ dag pa’i mtha’i tshul can daṅ | mñam pa ñid kyi tshul can daṅ | bsam gyis mi khyab pa’i dbyiṅs kyi tshul (161a1) can te | de dag ni tshul de las mi ’da’o ||
de ci’i phyir źe na | rab ’byor bsam gyis mi khyab pa’i dbyiṅs la ’gro ba’am ’oṅ ba mi dmigs pa’i phyir ro ||
rab ’byor chos thams cad ni mi g-yo ba’i tshul can te | de dag ni tshul de las mi ’da’o ||
de ci’i phyir źe na | rab (2) ’byor chos ’ga’ la yaṅ g-yo ba med pas ’gro ba’am ’oṅ ba med pa’i phyir ro ||
rab ’byor chos thams cad ni gzugs kyi tshul can te | de dag ni tshul de las mi ’da’o ||
de ci’i phyir źe na | rab ’byor gzugs gtan med na de’i ’gro ba’am ’oṅ ba lta ga la yod | rab ’byor de bźin (3) du chos thams cad ni tshor ba daṅ | ’du śes daṅ | ’du byed rnams daṅ | rnam par śes pa’i tshul can te de dag ni tshul de las mi ’da’o ||
de ci’i phyir źe na | rab ’byor rnam par śes pa gtan mi dmigs na de’i ’gro ba’am ’oṅ ba lta dmigs par ga la ’gyur | rab ’byor chos thams cad ni (4) sbyin pa’i pha rol tu phyin pa’i tshul can te de dag ni tshul de las mi ’da’o ||
de ci’i phyir źe na | rab ’byor sbyin pa gtan med na sbyin pa’i pha rol tu phyin pa’i ’gro ba’am ’oṅ ba lta ga la yod | rab ’byor de bźin du chos thams cad ni tshul khrims kyi pha rol tu phyin pa’i tshul can no ||
rab (5) ’byor chos thams cad ni bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa’i tshul can te | de dag ni tshul de las mi ’da’o ||
de ci’i phyir źe na | rab ’byor śes rab kyi pha rol tu phyin pa gtan med na de’i ’gro ba’am ’oṅ ba lta ga la yod | (6) rab ’byor chos thams cad ni naṅ stoṅ pa ñid kyi tshul can no ||
rab ’byor chos thams cad ni dṅos po med pa’i ṅo bo ñid stoṅ pa ñid stoṅ pa ñid kyi bar gyi tshul can te | de dag ni tshul de las mi ’da’o ||
de ci.i’i phyir źe na | dṅos po med pa’i ṅo bo ñid stoṅ pa ñid gtan med na de’i ’gro ba’am | (7) ’oṅ ba lta ga la yod | rab ’byor chos thams cad ni dran pa ñe bar gźag pa’i tshul can te | de dag ni tshul de las mi ’da’o ||
de ci’i phyir źe na | dran pa ñe bar gźag pa rnams gtan med na de dag gi ’gro ba’am ’oṅ ba lta ga la yod | rab ’byor de bźin du chos (161b1) thams cad ni yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi (2) chos ma ’dres pa bcwo brgyad kyi tshul can te | de dag ni tshul de las mi ’da’o ||
de ci’i phyir źe na | rab ’byor saṅs rgyas kyi chos ma ’dres pa rnams la ’gro ba’am | ’oṅ ba mi dmigs pa’i phyir ro ||
rab ’byor chos thams cad ni rgyun du źugs pa’i tshul can te | de (3) dag ni tshul de las mi ’da’o ||
rab ’byor chos thams cad ni lan cig phyir ’oṅ ba daṅ | phyir mi ’oṅ ba daṅ | dgra bcom pa ñid daṅ | raṅ saṅs rgyas kyi tshul can te | de dag ni tshul de las mi ’da’o ||
de ci’i phyir źe na | rab ’byor raṅ saṅs rgyas rnams la ’gro ba’am (4) ’oṅ ba mi dmigs pa’i phyir ro ||
rab ’byor chos thams cad ni bla na med pa yaṅ dag par rdzogs pa’i byaṅ chub kyi tshul can te | de dag ni tshul de las mi ’da’o ||
de ci’i phyir źe na | rab ’byor bla na med pa yaṅ dag par rdzogs pa’i byaṅ chub la ni ’gro ba’am ’oṅ ba mi dmigs (5) pa’i phyir ro ||
rab ’byor gyis gsol pa | bcom ldan ’das śes rab kyi pha rol tu phyin pa zab mo ’di la su dag mos par ’gyur lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po gaṅ dag sṅon bla na med pa yaṅ dag par rdzogs pa’i byaṅ chub (6) kyi phyir spyod spyod pa daṅ | sṅon gyi rgyal ba dag la lhag par bya ba byas pa daṅ | sṅon gyi saṅs rgyas rnams kyis yoṅs su smin par byas śiṅ dge ba’i rtsa ba bsags pa daṅ | saṅs rgyas maṅ po bye ba khrag khrig phrag ’bum dag la bsñen bkur byed pa daṅ | dge ba’i bśes gñen (7) gyis yoṅs su zin pa dag śes rab kyi pha rol tu phyin pa zab mo ’di la mos par ’gyur ro ||
śes rab kyi pha rol tu phyin pa khri brgyad stoṅ pa las chos thams cad kyi ṅo bo ñid bstan pa’i le’u źes bya ste bźi bcu rtsa drug pa’o || ||
(162a1) rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ dag śes rab kyi pha rol tu phyin pa zab mo ’di la mos par ’gyur ba de dag gi rtags rnams daṅ | rnam pa daṅ | mtshan ma rnams daṅ | raṅ bźin du ’gyur ba (2) gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’ sems dpa’ chen po gaṅ dag śes rab kyi pha rol tu phyin pa zab mo ’di la | mos pa de dag ni ’dod chags bsal (3) bas | dben pa’i raṅ bźin can daṅ | źe sdaṅ daṅ | gti mug bsal bas | dben pa’i raṅ bźin can du ’gyur ro ||
rab ’byor de dag ni ’dod chags kyi rtags kyis dben pa’i raṅ bźin can du ’gyur ro ||
rab ’byor byaṅ chub sems dpa’ sems dpa’ chen po de dag (4) ni źe sdaṅ daṅ | gti mug gi rtags kyis dben pa’i raṅ bźin can du ’gyur ro ||
rab ’byor de dag ni ’dod chags kyi mtshan mas dben pa’i raṅ bźin can du ’gyur ro ||
rab ’byor byaṅ chub sems dpa’ sems dpa’ chen po de dag ni źe sdaṅ daṅ | gti mug gi mtshan mas dben (5) pa’i raṅ bźin can du ’gyur ro ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ dag śes rab kyi pha rol tu phyin pa zab mo ’di rtogs par ’gyur ba de dag ji lta bu’i tshul can du ’gyur ba lags | bcom ldan ’das kyis bka’ (6) stsal pa | rab ’byor byaṅ chub sems dpa’ sems dpa’ chen po gaṅ dag śes rab kyi pha rol tu phyin pa zab mo ’di rtogs pa de dag ni | rnam pa thams cad mkhyen pa ñid kyi tshul can du ’gyur ro ||
rab ’byor gyis gsol pa | bcom ldan ’das byaṅ chub sems dpa’ sems (7) dpa’ chen po rnam pa thams cad mkhyen pa ñid kyi tshul can de dag ni sems can thams da kyi rten lags so ||
bcom ldan ’das kyis bka’ stsal pa | rab ’byor de de bźin te | de de bźin no ||
rab ’byor byaṅ chub sems dpa’ sems dpa’ chen po gaṅ dag śes rab kyi (162b1) pha rol tu phyin pa zab mo ’di la mo sapa de dag ni rnam pa thams cad mkhyen pa ñid kyi tshul can yin pas sems can thams cad kyi rten yin no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po gaṅ dag gis ’di ltar bdag cag gis sems can (2) thams cad yoṅs su mya ṅan las ba zla bar bya’o ||
źes go cha de dag ’tshal la de la sems can daṅ sems can du gdags pa yaṅ mi dmigs pa ni dka’ ba bgyid pa lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor (3) byaṅ chub sems dpa’ sems dpa’ chen po gaṅ dag gis sems can thams cad yoṅs su mya ṅan las bzla bar bya’o ||
źes go cha de bgos pa de dag ni dka’ ba byed pa yin no ||
rab ’byor byaṅ chub sems dpa’ sems dpa’ chen po’i go cha de ni gzugs daṅ ’brel pa ma yin no ||
de ci’i (4) phyir źe na | rab ’byor gzugs daṅ | byaṅ chub sems dpa’i go cha gtan med pa’i phyir te | rab ’byor de bas na go cha de ni gzugs daṅ ’brel pa ma yin no źes bya’o ||
rab ’byor go cha de ni tshor ba daṅ | ’du śes daṅ | ’du byed rnams daṅ | rnam par śes pa daṅ ’brel ba ma (5) yin no ||
de ci’i phyir źe na | rab ’byor rnam par śes pa daṅ | byaṅ chub sems dpa’i go cha gtan med pa’i phyir te | rab ’byor de bas na go cha de ni rnam par śes pa daṅ ’brel pa ma yin no ||
rab ’byor go cha de ni bdag gi ba daṅ ’brel ba ma yin źiṅ | sems can daṅ | srog (6) daṅ | skye ba po daṅ | gso ba daṅ | skyes bu daṅ | gaṅ zag daṅ | śed las skyes daṅ | śed bu daṅ | byed pa po daṅ | tshor ba po daṅ | sloṅ ba po daṅ | śes pa po daṅ | mthoṅ ba po daṅ ’brel pa ma yin no ||
rab ’byor go cha de ni rnam pa thams cad mkhyen pa (7) ñid kyi bar daṅ ’brel ba ma yin no ||
de ci’i phyir źe na | rab ’byor rnam pa thams cad mkhyen pa ñid gtan med la | byaṅ chub sems dpa’i go cha gtan med ciṅ mi dmigs pa’i phyir te | de bas na byaṅ chub sems dpa’ sems dpa’ chen po’i go cha de ni rnam pa thams cad mkhyen pa ñid kyi bar (163a1) daṅ ’brel ba ma yin no ||
rab ’byor kye ma śes rab kyi pha rol tu phyin pa zab mo ’di la spyod pa gaṅ dag gis ’di ltar bdag cag gis sems can thams cad yoṅs su mya ṅan las bzla bar bya’o ||
źes go cha bgos pa’i byaṅ chub sems dpa’ sems dpa’ chen po’i go cha de ni chos thams (2) cad daṅ ’brel pa ma yin no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po sems can thams cad yoṅs su mya ṅan las ’das bzla bar bya’o ||
źes go cha ’tshal ba de ni ñan thos kyi sa’am | raṅ saṅs rgyas kyi sa’i gnas gñis su (3) mi mchi bar ’tshal bar bgyi ba lags so ||
bcom ldan ’das ’di ni gnas ma mchis śiṅ go skabs ma lags te | byaṅ chub sems dpa’ semasadapa’a chen po gaṅ sems can thams cad yoṅs su mya ṅan las bzla bar bya’o ||
źes de ltar go cha ’tshal ba de ñan thos kyi sa’am | raṅ (4) saṅs rgyas kyi sar ltuṅ ba de ni gnas ma mchis lags so ||
de ci’i slad du źe na | byaṅ chub sems dpa’ sems dpa’ chen po rnams ni sa mtshams bkum ste | sems can rnams kyi ched du go cha ’tshal ba ma lags pa’i slad du’o ||
de skad ces gsol pa daṅ | bcom ldan (5) ’das kyis tshe daṅ ldan pa rab ’byor la ’di skad ces bka’ stsal to ||
rab ’byor khyod kyis don gyi dbaṅ ci źig mthoṅ na ’di skad du | byaṅ chub sems dpa’ sems dpa’ chen po de ltar go cha bgos pa daṅ | śes rab kyi pha rol tu phyin pa zab mo ’di la spyod pa de ni ñan thos kyi sa’am | raṅ (6) saṅs rgyas kyi sa’i gnas gñis las gnas gcig tu mi ’gro bar śes par bya’o źes zer | rab ’byor gyis gsol pa | bcom ldan ’das ’di ltar byaṅ chub sems dpa’ sems dpa’ chen po ni phyogs gcig gi sems can rnams kyi slad du go cha ’tshal ba ma lags kyi | bcom ldan (7) ’das byaṅ chub sems dpa’ sems dpa’ chen po ni sems can thams cad yoṅs su mya ṅan las bzla’i slad du go cha ’tshal ba lags so ||
bcom ldan ’das byaṅ chub sems dpa’ sems dpa’ chen po ni rnam pa thams cad mkhyen pa ñid kyi ye śes kyi slad du go cha ’tshal ba lags so ||
(163b1) bcom ldan ’das kyis bka’ stsal pa | rab ’byor de de bźin no ||
de de bźin te | byaṅ chub sems dpa’ sems dpa’ chen po ni phyogs gcig gi sems can rnams kyi phyir go cha bgos pa ma yin gyi | rab ’byor byaṅ chub sems dpa’ sems dpa’ chen po ni sems can (2) thams cad yoṅs su mya ṅan las bzla ba daṅ | rnam pa thams cad mkhyen pa ñid kyi ye śes kyi phyir go cha bgos pa yin no ||
rab ’byor gyis gsol pa | bcom ldan ’das śes rab kyi pha rol tu phyin pa ni zab lags te | de ni sus kyaṅ bsgom par bgyi ba ma lags | (3) gaṅ du yaṅ bsgom par bgyi ba ma lags | ji ltar yaṅ bsgom par bgyi ba ma lags so ||
de ci’i slad du źe na | bcom ldan ’das śes rab kyi pha rol tu phyin pa zab mo ’di la ni gaṅ bsgom pa daṅ | gaṅ la bsgom pa daṅ | gaṅ gis bsgom pa’i chos ’ga’ yoṅs (4) su grub pa yaṅ mi dmigs te | bcom ldan ’das ’di lta ste | śes rab kyi pha rol tu phyin pa bsgom pa de ni nam mkha’ bsgom pa lags so ||
’di lta ste | śes rab kyi pha rol tu phyin pa bsgom pa de ni chos thams cad ma mchis pa bsgom pa lags so ||
’di lta ste | (5) śes rab kyi pha rol tu phyin pa bsgom pa de ni ma mchis pa bsgom pa lags so ||
bcom ldan ’das ’di lta ste | śes rab kyi pha rol tu phyin pa bsgom pa de ni yoṅs su ’dzin pa ma mchis pa bsgom pa lags so ||
bcom ldan ’das ’di lta ste | śes rab kyi pha rol tu phyin pa bsgom (6) pa de na bsgom pa rnam par ’jig pa lags so ||
bcom ldan ’das kyis bka’ stsal pa | rab ’byor ’di lta ste | śes rab kyi pha rol tu phyin pa bsgom pa de gaṅ bsgom pa rnam par ’jig pa yin | rab ’byor gyis gsol pa | bcom ldan ’das ’di lta ste | śes rab kyi pha rol tu phyin pa (7) bsgom pa de ni gzugs bsgom pa rnam par ’jig pa lags so ||
de bźin du ’di lta ste | śes rab kyi pha rol tu phyin pa bsgom pa de ni tshor ba daṅ | ’du śes daṅ | ’du byed rnams daṅ | rnam par śes pa bsgom pa rnam par ’jig pa lags so ||
bcom ldan ’das ’di lta ste | (164a1) śes rab kyi pha rol tu phyin pa bsgom pa de ni bdag bsgom pa rnam par ’jig pa lags so ||
bcom ldan ’das ’di lta ste | śes rab kyi pha rol tu phyin pa bsgom pa de ni | śes pa po daṅ | mthoṅ ba po’i bar du bsgom pa rnam par ’jig pa lags so ||
bcom ldan (2) ’das ’di lta ste | śes rab kyi pha rol tu phyin pa bsgom pa de ni sbyin pa’i pha rol tu phyin pa bsgom pa rnam par ’jig pa lags so ||
de bźin du bcom ldan ’das ’di lta ste | śes rab kyi pha rol tu phyin pa bsgom pa de ni śes rab kyi pha rol tu phyin pa’i bar gyi bsgom pa rnam par ’jig (3) pa lags so ||
bcom ldan ’das ’di lta ste | śes rab kyi pha rol tu phyin pa bsgom pa de ni naṅ stoṅ pa ñid bsgom pa rnam par ’jig pa daṅ | dṅos po med pa’i ṅo bo ñid stoṅ pa ñid kyi bar du bsgom pa rnam par ’jig pa lags so ||
bcom ldan ’das ’di lta ste | śes (4) rab kyi pha rol tu phyin pa bsgom pa de ni dran pa ñe bar gźag pa bsgom pa rnam par ’jig pa lags so ||
’di lta ste | śes rab kyi pha rol tu phyin pa bsgom pa de ni yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | (5) lam bsgom pa rnam par ’jig pa lags so ||
’di lta ste | śes rab kyi pha rol tu phyin pa bsgom pa de ni stobs bcu bsgom pa rnam par ’jig pa lags so ||
’di lta ste | śes rab kyi pha rol tu phyin pa bsgom pa de ni mi ’jigs pa daṅ | so so yaṅ dag par rig pa daṅ saṅs rgyas (6) kyi chos ma ’dres pa bcwo brgyad bsgom pa rnam par ’jig pa lags so ||
’di lta ste | śes rab kyi pha rol tu phyin pa bsgom pa de ni | rgyun du źugs pa’i ’bras bu bsgom pa rnam par ’jig pa lags so ||
’di lta ste | śes rab kyi pha rol tu phyin pa bsgom pa de ni lan cig phyir ’oṅ ba’i (7) ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | byaṅ chub sems dpa’ sa nas rnam pa thams cad mkhyen pa ñid kyi bar du bsgom pa rnam par ’jig pa lags so ||
bcom ldan ’das kyis bka’ stsal pa | rab ’byor de de bźin no ||
de de (164b1) bźin te | ’di lta ste | śes rab kyi pha rol tu phyin pa bsgom pa de ni gzugs bsgom pa rnam par ’jig pa yin no ||
de bźin du sbyar te | ’di lta ste | śes rab kyi pha rol tu phyin pa bsgom pa de ni rnam pa thams cad mkhyen pa ñid kyi bar du bsgom pa rnam par ’jig pa yin no ||
rab (2) ’byor ci byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la mṅon par źe na par ma gyur tam źes | śes rab kyi pha rol tu phyin pa zab mo ’di las phyir mi ldog pa’i byaṅ chub sems dpa’ sems dpa’ chen po yoṅs su brtag par bya’o ||
de bźin du (3) sbyar te | bsam gtan gyi pha rol tu phyin pa daṅ | brtso ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa las phyir mi ldog pa’i byaṅ chub sems dpa’ sems dpa’ chen po yoṅs su brtag (4) par bya’o ||
rab ’byor rnam pa thams cad mkhyen pa ñid kyi bar dag las phyir mi ldog pa’i byaṅ chub sems dpa’ sems dpa’ chen po yoṅs su brtag par bya ste | ci byaṅ chub sems dpa’ sems dpa’ chen po rnam pa thams cad mkhyen pa ñid la mṅon par źen par ma gyur tam | ci (5) phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la spyod pa de ni gźan gyis smras pa daṅ gźan gyis bstan pa la sñiṅ por mi lta’am | ci phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa (6) zab mo ’di la spyod pa de gźan gyi dad pas mi ’gro’am | ci phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la spyod pa de ’dod chags daṅ ldan pa’i sems bskyed pa dag gis mi ’phrogs sam | źe sdaṅ daṅ | gti mug daṅ (7) ldan pa’i sems bskyed pa dag gis mi ’phrogs sam | ci phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la spyod pa de sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | (165a1) brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ bral bar ma gyur tam | ci phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la spyod pa de | (2) śes rab kyi pha rol tu phyin pa zab mo ’di ston pa na | mi skrag gam | mi daṅ daṅ ma | dṅaṅ bar mi ’gyur ram | źum par mi ’gyur ram | ’god par mi ’gyur ram | de’i yid pyir phyogs par mi ’gyur ram | śes rab kyi pha rol tu phyin pa daṅ mi ’bral lam śes rab (3) kyi pha rol tu phyin pa daṅ | śes rab kyi pha rol tu phyin pa ñan pa la mdon bar dga’ ma | thos nas kyaṅ ’dzin tam | ’chaṅ ṅam | klog gam | kun chub bar byed dam | tshul bźin du yid la byed dam | de bźin ñid du nan tan byed dam byed dam źes brtag par bya’o ||
rab ’byor (4) phyir mi ldog pa’i byaṅ chub sems dpa’ sems dpa’ chen po de ni sṅon gyi dus na yaṅ śes rab kyi pha rol tu phyin pa zab mo ’di yoṅs su dri ba byas pa daṅ | bzuṅ ba daṅ | bcaṅs pa daṅ | blags pa daṅ | kun chub par byas pa daṅ | tshul bźin du yid la byas par rig (5) par bya’o ||
de ci’i phyir źe na | ’di ltar phyir mi ldog pa’i byaṅ chub sems dpa’ sems dpa’ chen po de ni śes rab kyi pha rol tu phyin pa zab mo ’di ston pa na | mi skrag | mi dṅaṅ | dṅaṅ bar mi ’gyur źiṅ | źum bar mi ’gyur | ’god bar mi ’gyur te | yid phyir (6) ldog par mi ’gyur ba’i steṅ du thos nas kyaṅ ’dzin pa daṅ | ’chaṅ ba daṅ | klog pa daṅ | kun chub par byed ba daṅ | tshul bźin yid la byed pa’i phyir ro ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu (7) phyin pa zab mo ’di ston pa na | mi skrag | mi dṅaṅ | dṅaṅ bar mi ’gyur źiṅ | źum par mi ’gyur | ’goṅ bar mi ’gyur te | de’i yid phyir phyogs par yaṅ mi ’gyur ba lags | byaṅ chub sems dpa’ sems dpa’ chen po des śes rab kyi pha rol tu phyin pa zab mo ’di la ji ltar (165b1) rnam par spyad par bgyi | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen pos sems kyi rgyud rnam pa thams cad mkhyen pa ñid la gźol bas | śes rab kyi pha rol tu phyin pa zab mo ’di la rnam par spyad par bya’o ||
rab ’byor gyis gsol (2) pa | bcom ldan ’das byaṅ chub sems dpa’ sems dpa’ chen pos sems kyi rgyud rnam pa thams cad mkhyen pa ñid la gźol bas | śes rab kyi pha rol tu phyin pa zab mo ’di la ji ltar rnam par spyad par bgyi | bcom ldan ’das kyis bka’ stsal pa | rab ’byor byaṅ chub sems (3) dpa’ sems dpa’ chen po’i sems kyi rgyud stoṅ pa ñid la gźol ba daṅ | stoṅ pa ñid la ’bab ba daṅ | stoṅ pa ñid la bab pas | śes rab kyi pha rol tu phyin pa zab mo ’di la rnam par spyod pa yin no ||
rab ’byor sems kyi rgyud mtshan ma med pa la gźol ba daṅ | (4) smon pa med pa la gźol ba daṅ | sems kyi rgyud nam mkha’ la gźol ba daṅ | de bźin du sbyar te | rab ’byor sems kyi rgyud skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa la gźol ba daṅ | sems kyi (5) rgyud de bźin ñid daṅ | chos kyi dbyiṅs daṅ | yaṅ dag pa’i mtha’ daṅ mñam pa ñid daṅ | bsam gyis mi khyab pa daṅ | mṅon par ’du byed pa med pa la gźol bas śes rab kyi pha rol tu phyin pa zab mo ’di la rnam par spyod pa yin no ||
rab ’byor sems kyi rgyud rmi (6) lam lta bu la gźol ba daṅ | sprul pa lta bu la gźol bas | śes rab kyi pha rol tu phyin pa zab mo ’di la rnam par spyod pa yin no ||
rab ’byor gyis gsol pa | bcom ldan ’das byaṅ chub sems dpa’ sems dpa’ chen po rnams kyi sems kyi rgyud stoṅ pa ñid la (7) gźol bas | śes rab kyi pha rol tu phyin pa zab mo ’di la rnam par spyod pa yin no ||
źes bgyi ba nas byaṅ chub sems dpa’ sems dpa’ chen po rnams kyi sems kyi rgyud rmi lam lta bu’i bar la gźol bas | śes rab kyi pha rol tu phyin pa zab mo ’di la rnam par (166a1) spyod pa yin no ||
źes bka’ stsal na | bcom ldan ’das ci byaṅ chub sems dpa’ sems dpa’ chen po ||
gzugs la yaṅ rnam par dpyod pa bgyid pa lags sam | tshor ba daṅ | ’du śes daṅ | ’du byed rnams daṅ | rnam par śes (2) pa la yaṅ rnam par dpyod par bgyid lags sam | de bźin du rnam pa thams cad mkhyen pa ñid kyi bar la yaṅ rnam par dpyod pa bgyid lags sam | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po ni gzugs la rnam (3) par dpyod par mi byed do ||
tshor ba daṅ | ’du śes daṅ | ’du byed rnams daṅ | rnam par śes pa la yaṅ rnam par dpyod par mi byed do ||
de bźin du sbyar te | rab ’byor byaṅ chub sems dpa’ sems dpa’ chen po ni rnam pa thamasacada mkhyen pa ñid kyi bar la (4) rnam par dpyod par mi byed do ||
de ci’i phyir źe na | rab ’byor ’di ltar rnam pa thams cad mkhyen pa ñid ni sus kyaṅ ma byas | ’gyur bar ma byas | gaṅ nas kyaṅ ma ’oṅs | gaṅ du yaṅ ma soṅ | gaṅ na yaṅ mi ’dug la | yul na yaṅ mi gnas | phyogs (5) na yaṅ mi gnas te | de la ni graṅs daṅ | ’gro ba daṅ | ’oṅ ba mi dmigs la | gaṅ la graṅs daṅ | ’oṅ ba daṅ | ’gro ba mi dmigs pa de ni sus kyaṅ mṅon par rdzogs par byaṅ chub par mi nus te | gzugs daṅ | tshor ba daṅ | ’du śes daṅ | (6) ’du byed rnams daṅ | rnam par śes pa daṅ | sbyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab daṅ | rnam pa thams cad mkhyen pa ñid kyi ye śes kyi bar gyis mṅon par rdzogs par byaṅ chub par mi (7) ’gyur ba’i phyir ro ||
de ci’i phyir źe na | gzugs ñid rnam pa thams cad mkhyen pa ñid yin pa daṅ | tshor ba ñid daṅ | ’du śes ñid daṅ | ’du byed ñid daṅ | rnam par śes pa ñid rnam pa thams cad mkhyen pa ñid yin pa’i phyir ro ||
de ci’i phyir źe na | (166b1) rab ’byor ’di ltar gzugs kyi de bźin ñid gaṅ yin pa daṅ | rnam pa thams cad mkhyen pa ñid kyi bar gyi de bźin ñid gaṅ yin pa ’di ni de bźin ñid gcig go ||
de bźin du tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid gaṅ yin pa daṅ | (2) rnam pa thams cad mkhyen pa ñid kyi de bźin ñid gaṅ yin pa ’di ni de bźin ñid gcig go ||
de bźin du pha rol tu phyin pa rnams kyi de bźin ñid gaṅ yin pa daṅ | byaṅ chub kyi phyogs kyi chos kyi de bźin ñid gaṅ yin pa daṅ | stobs daṅ | mi ’jigs pa daṅ | so so yaṅ (3) dag par rig pa’i de bźin ñid gaṅ yin pa daṅ | saṅs rgyas kyi chos ma ’dres pa’i de bźin ñid gaṅ yin pa de ni | rnam pa thams cad mkhyen pa ñid kyi de bźin ñid yin no ||
de ni saṅs rgyas kyi chos ma ’dres pa bcwo brgyad kyi de bźin ñid yin no ||
śes rab kyi pha rol tu phyin (4) pa khri brgyad stoṅ pa las ’dod chags ’dul ba’i le’u źes bya ste bźi cu rtsa bdun pa’o || ||
śes rab kyi pha rol tu phyin pa khri brgyad stoṅ pa | bam po sum cu rtsa drug pa | de nas ’dod pa na spyod pa daṅ | gzugs na spyod pa’i lha’i bu rnams lha’i tsan (5) dan gyi phye ma blaṅs śiṅ | lha’i me tog ud pa la daṅ | ku mud daṅ | pad ma dkar po dag blaṅs te | bcom ldan ’das ga la ba de logs su gtor to ||
gtor nas bcom ldan ’das gaṅ la ba der doṅ ste lhags nas | bcom ldan ’das kyi źabs la mgo bos (6) phyag ’tshal te | phyogs gcig tu ’khod do ||
phyogs gcig tu ’khod nas kyaṅ ’dod pa na spyod pa daṅ | gzugs na spyod pa’i lha’i bu de dag gis bcom ldan ’das la ’di skad ces gsol to ||
bcom ldan ’das ’di ltar de bźin gśegs pa dgra bcom pa yaṅ dag par rdzogs pa’i (7) saṅs rgyas rnams śes rab kyi pha rol tu phyin pa zab mo ’di las ’di skad du gzugs ñid rnam pa thams cad mkhyen pa ñid yin la | rnam pa thams cad mkhyen pa ñid kyaṅ gzugs so ||
tshor ba daṅ | ’du śes daṅ | ’du byed rnams daṅ | rnam par śes pa ñid kyaṅ rnam pa thams cad mkhyen pa ñid (167a1) yin la | rnam pa thams cad mkhyen pa ñid kyaṅ rnam par śes pa’o ||
gzugs kyi de bźin ñid gaṅ yin pa daṅ | rnam pa thams cad mkhyen pa ñid kyi de bźin ñid gaṅ yin pa’i de bźin ñid de ni gcig ste | gñis su med ciṅ gñis su dbyer med do ||
(2) de bźin du sbyar te | saṅs rgyas rnams kyi bar gyi de bźin ñid gaṅ yin pa daṅ | rnam pa thams cad mkhyen pa ñid kyi bar gyi de bźin ñid gaṅ yin pa de ni gcig ste | gñis su med ciṅ gñis su dbyer med do ||
źes ston pa ’di lta ste | de bźin gśegs pa rnams kyi byaṅ (3) chub śes rab kyi pha rol tu phyin pa ni zab ciṅ mthoṅ bar dka’ la rtogs par dka’ ste | brtag mi nus śiṅ rtog ge’i spyod yul ma lags la | źi ba źi ba mo brtags pa’i mkhas pa daṅ mdzaṅs pas rig pa lags te | ’jig rten thams cad daṅ mi ’thun pa lags so ||
de skad (4) ces gsol pa daṅ | bcom ldan ’das kyis ’dod pa na spyod pa daṅ | gzugs na spyod pa’i lha’i bu rnams la ’di skad ces bka’ stsal to ||
lha’i bu dag de de bźin no ||
de de bźin te | lha’i bu dag gzugs ñid rnam pa thams cad mkhyen pa ñid de | rnam pa thams cad (5) mkhyen pa ñid kyaṅ gzugs so ||
de bźin du tshor ba daṅ | ’du śes daṅ | ’du byed rnams daṅ | rnam par śes pa ñid kyaṅ rnam pa thams cad mkhyen pa ñid de | rnam pa thams cad mkhyen pa ñid kyaṅ rnam par śes pa’o ||
de bźin du sbyar te | saṅs rgyas kyi bar ñid kyaṅ rnam pa (6) thams cad mkhyen pa ñid de | rnam pa thams cad mkhyen pa ñid kyaṅ saṅs rgyas so ||
gzugs kyi de bźin ñid gaṅ yin pa daṅ | rnam pa thams cad mkhyen pa ñid kyi de bźin ñid gaṅ yin pa’i de bźin ñid de ni gcig ste | gñis su med ciṅ gñis su dbyer med do ||
de (7) bźin du sbyar te | saṅs rgyas kyi bar gyi de bźin ñid gaṅ yin pa daṅ | rnam pa thams cad mkhyen pa ñid kyi de bźin ñid gaṅ yin pa’i de bźin ñid de ni gcig ste | gñis su med ciṅ gñis su dbyer med do ||
don gyi dbaṅ de gzigs pas | de bźin (167b1) gśegs pa phrin las chuṅ ṅu la thugs gźol te | chos bstan pa la gźol ba ma yin no ||
de ci’i phyir źe na | kye ma ’di lta ste | de bźin gśegs pa rnams kyi byaṅ chub ’di ni zab ciṅ mthoṅ bar dka’ la rtogs par dka’ ste | brtag mi nus śiṅ rtog ge’i spyod yul ma yin la | (2) źi ba źi ba mo brtags pa’i mkhas pa daṅ mdzaṅs pas rig pa ’jig rten thams cad daṅ mi ’thun pa yin te | de ni sus kyaṅ mṅon par rdzogs par saṅs ma rgyas śiṅ gaṅ du yaṅ mṅon par rdzogs par saṅs ma rgyas te | gaṅ la gñis kun tu rgyu ba med pa de ni chos rnams kyi zab pa ñid do ||
(3) lha’i bu dag nam mkha’ zab pa’i phyir chos ’di zab po lha’i bu dag de bźin ñid zab pa daṅ chos kyi dbyiṅs zab pa daṅ | yaṅ dag pa’i mtha’ zab pa daṅ | bsam gyis mi khyab pa’i dbyiṅs zab pa’i phyir chos ’di zab bo ||
lha’i bu dag mtha’ yas mu med pa daṅ | ’oṅ ba daṅ | (4) ’gro ba med pa mñam pa ñid daṅ | skye ba daṅ | ’gag pa med pa mñam pa ñid daṅ | kun nas ñon moṅs pa daṅ | rnam par byaṅ ba med pa mñam pa ñid daṅ | mṅon par ’du byed pa med pa mñam pa ñid daṅ | bdag zab pa ñid daṅ | śes pa po daṅ | mthoṅ ba po’i bar (5) du zab pa’i phyir chos ’di zab bo ||
lha’i bu dag gzugs zab pa’i phyir chos ’di zab bo ||
lha’i bu dag tshor ba daṅ | ’du śes daṅ | ’du byed rnams daṅ | rnam par śes pa zab pa’i phyir chos ’di zab bo ||
lha’i bu dag sbyin pa’i pha rol tu phyin pa zab pa daṅ | tshul khrims daṅ | (6) bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa zab pa’i phyir chos ’di zab bo ||
naṅ stoṅ pa ñid zab pa’i phyir chos ’di zab bo ||
dṅos po med pa’i ṅo bo ñid stoṅ pa ñid kyi bar du zab pa’i phyir chos ’di zab bo ||
dran (7) pa ñe bar gźag pa zag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam zab pa’i phyir chos ’di zab po ||
stobs bcu daṅ | mi ’jigs pa daṅ | (168a1) so so yaṅ dag par rig pa zab pa daṅ | saṅs rgyas kyi chos ma ’dres pa bcwo brgyad kyi bar du zab pa daṅ | rnam pa thams cad mkhyen pa ñid kyi bar du zab pa’i phyir | lha’i bu dag kye ma chos ’di zab bo ||
lha’i bu rnams kyis gsol pa | bcom ldan ’das kye ma (2) ’jig rten thams cad daṅ mi ’thun pa’i chos ’di bstan lags so ||
de ci’i slad du źe na | bcom ldan ’das chos ’di ni gzugs gzuṅ ba’i slad du bstan pa ma lags | mi gzuṅ ba’i slad du yaṅ ma lags | tshor ba daṅ | ’du śes daṅ | ’du byed rnams daṅ | rnam par (3) śes pa gzuṅ ba’i slad du bstan pa ma lags | mi gzuṅ ba’i slad du yaṅ ma lags | saṅs rgyas kyi chos ma ’dres pa bcwo brgyad kyi bar du gzuṅ ba’i slad du bstan pa ma lags | mi gzuṅ ba’i slad du yaṅ ma lags | saṅs rgyas kyi chos rnams gzuṅ ba’i slad du bstan pa ma lags | mi (4) gzuṅ ba’i slad du yaṅ ma lags pa’i slad du’o ||
bcom ldan ’das chos bstan pa zab mo ’di ni rgyun du źugs pa’i ’bras bu gzuṅ ba’i slad du bstan pa ma lags | mi gzuṅ ba’i slad du yaṅ ma lags | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra (5) bcom pa ñid daṅ | raṅ byaṅ chub daṅ | rnam pa thams cad mkhyen pa ñid gzuṅ ba’i slad du bstan pa ma lags | mi gzuṅ ba’i slad du yaṅ ma lags so ||
bcom ldan ’das ’jig rten ni bdag gi gzugs so ||
rnam par śes pa’o | bdag ni rnam par śes pa’o ||
saṅs rgyas kyi chos ma ’dres pa bcwo brgyad kyi bar du de bźin du sbyar te | bdag gi rgyun du źugs pa’i ’bras bu’o ||
bdag ni rgyun du źugs pa’i ’bras bu’o ||
bdag gi lan cig phyir ’oṅ ba’i ’bras bu’o ||
bdag (7) ni lan cig phyir ’oṅ ba’i ’bras bu’o ||
bdag gi phyir mi ’oṅ ba’i ’bras bu’o ||
bdag ni phyir mi ’oṅ ba’i ’bras bu’o ||
bdag gi dgra bcom pa ñid do ||
bdag ni dgra bcom pa ñid do ||
bdag gi raṅ byaṅ chub ñid do ||
bdag ni raṅ byaṅ chub bo ||
bdag gi rnam pa thams (168b1) cad mkhyen pa ñid do ||
bdag ni rnam pa thams cad mkhyen pa ñid do ||
źes bgyi bar ’dzin pa la spyod lags so ||
bcom ldan ’das kyis bka’ stsal pa | lha’i bu dag de de bźin no ||
de de bźin te | lha’i bu dag chos ’di ni gzugs gzuṅ ba’i phyir bstan pa yaṅ ma yin | mi (2) gzuṅ ba’i phyir bstan pa yaṅ ma yin ||
tshor ba daṅ | ’du śes daṅ | ’du byed rnams daṅ | rnam par śes pa gzuṅ ba’i phyir bstan pa yaṅ ma yin | mi gzuṅ ba’i phyir bstan pa yaṅ ma yin no ||
lha’i bu dag gaṅ dag gzugs gzuṅ ba’i phyir spyod pa daṅ | rnam pa thams cad mkhyen (3) pa ñid kyi bar du gzuṅ ba’i phyir spyod pa de dag la ni śes rab kyi pha rol tu phyin pa bsgom pa’i skal ba med de | bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa’i bar du bsgom par mi nus so ||
rnam pa thams cad mkhyen pa ñid kyi (4) bar du bsgom par mi nus so ||
rab ’byor gyis gsol pa | bcom ldan ’das chos ’di ni chos thams cad daṅ ’thun pa lags te ||
chos ’di ni chos gaṅ dag daṅ ’thun pa lags śe na | chos ’di ni śes rab kyi pha rol tu phyin pa daṅ ’thun pa lags so ||
bcom ldan ’das chos ’di (5) ni bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa’i bar daṅ ’thun pa lags so ||
bcom ldan ’das chos ’di ni naṅ stoṅ pa ñid daṅ ’thun (6) pa lags so ||
bcom ldan ’das chos ’di ni dṅos po med pa’i ṅo bo ñid stoṅ pa ñid kyi bar daṅ ’thun pa lags so ||
bcom ldan ’das chos ’di ni rnam pa thams cad mkhyen pa ñid kyi bar daṅ ’thun pa lags so ||
chos ’di ni gaṅ la yaṅ thogs pa ma mchis pa lags te | (7) ci la thogs pa ma mchis pa lags śe na | gzugs la thogs pa ma mchis pa lags so ||
tshor ba daṅ | ’du śes daṅ | ’du byed rnams daṅ | rnam par śes pa la thogs pa ma mchis pa lags so ||
de bźin du rnam pa thams cad mkhyen pa ñid kyi bar la thogs (169a1) ma mchis pa lags so ||
chos ’di ni nam mkha’ mñam pa ñid daṅ | de bźin ñid mñam pa ñid daṅ | chos kyi dbyiṅs mñam pa ñid daṅ | yaṅ dag pa’i mtha’ mñam pa ñid daṅ | bsam gyis mi khyab pa’i dbyiṅs mñam pa ñid daṅ | stoṅ pa ñid daṅ (2) mtshan ma med pa daṅ | smon pa med pa mñam pa ñid daṅ | skye ba ma mchis pa daṅ | ’gag pa ma mchis pa mñam pa ñid daṅ | kun nas ñon moṅs pa ma mchis pa daṅ | rnam par byaṅ ba ma mchis pa mñam pa ñid kyi slad du thogs pa ma mchis pa’i mtshan ñid lags (3) so ||
chos ’di ni gzugs skye ba ma mchis pa daṅ | ’gag pa ma mchis pa daṅ | tshor ba daṅ | ’du śes daṅ | ’du byed rnams daṅ | rnam par śes pa skye ba ma mchis pa daṅ | ’gag pa ma mchis pa daṅ | de bźin du rnam pa thams cad mkhyen pa ñid kyi bar du skye ba (4) ma mchis pa daṅ | ’gag pa ma mchis pa’i slad du skye ba ma mchis pa lags so ||
chos ’di ni gzugs kyi gźi dmigs su ma mchis pa daṅ | tsho rab daṅ | ’du śes daṅ | ’du byed rnams daṅ | rnam par śes pa’i gźi dmigs su ma mchis pa daṅ | de (5) bźin du rnam pa thams cad mkhyen pa ñid kyi bar gyi gźi dmigs su ma mchis pa’i slad du gźi ma mchis pa lags so ||
de nas bcom ldan ’das la ’dod pa na spyod pa daṅ | gzugs na spyod pa’i lha’i bu de dag gis ’di skad ces gsol to ||
bcom ldan ’das (6) gnas brtan rab ’byor ni bcom ldan ’das kyi rjes su skyes pa lags so ||
de ci’i slad du źe na | ’di ltar gnas brtan rab ’byor ci daṅ ci ston pa de thams cad stoṅ pa ñid kho na las brtsams te | ston pa’i slad du’o ||
de nas tshe daṅ ldan pa rab ’byor gyis ’dod pa na (7) spyod pa daṅ | gzugs na spyod pa’i lha’i bu de dag la ’di skad ces smras so ||
lha’i bu dag gaṅ ’di skad du bcom ldan ’das gnas brtan rab ’byor ’di ni bcom ldan ’das kyi rjes su skyes ba lags so ||
źes smras pa ni ji ltar rjes su skyes pas | (169b1) gnas brtan rab ’byor bcom ldan ’das kyi rjes su skyes ba yin źe na | de bźin gśegs pa’i de bźin ñid gaṅ yin pa de ni ma ’oṅs ma soṅ ba ste | de bźin du rab ’byor gyi de bźin ñid kyaṅ ma ’oṅs ma soṅ ba ste | de ltar na gnas brtan rab ’byor (2) ni de bźin gśegs pa’i rjes su skyes pa yin no ||
de bźin gśegs pa’i de bźin ñid gaṅ yin pa de ñid chos thams cad kyi de bźin ñid do ||
chos thams cad kyi de bźin ñid gaṅ yin pa de ni | rab ’byor gyi de bźin ñid de de ltar na | gnas brtan (3) rab ’byor ni de bźin gśegs pa’i rjes su skyes pa yin no ||
de bźin gśegs pa’i de bźin ñid ji ltar gnas pa de bźin du gnas brtan rab ’byor gyi de bźin ñid gnas pas de bźin gśegs pa’i rjes su skyes pa yin no | ji ltar de bźin gśegs pa’i de bźin (4) ñid ’gyur ba med ciṅ rnam par rtog pa med pa de bźin du gnas brtan pa ’byor gyi de bźin ñid kyaṅ ’gyur ba med ciṅ | rnam par rtog pa med la ji ltar de bźin gśegs pa’i de bźin ñid gaṅ la yaṅ thogs pa med pa de bźin du chos thams cad kyi de bźin ñid kyaṅ gaṅ la (5) yaṅ thogs pa med do | de bźin gśegs pa’i de bźin ñid gaṅ yin pa daṅ | chos thams cad kyi de bźin ñid gaṅ yin pa de ni gñis su med de gñis su dbyer med do ||
de bźin ñid ni ma byas pa ste | de bźin ñid de ni gaṅ gi de bźin ñid du ma gyur pa yaṅ (6) med de | gaṅ gi phyir de bźin ñid de gaṅ gi de bźin ñid du ma gyur pa yaṅ med ciṅ | nam yaṅ de bźin ñid du ma gyur pa ma yin pa de’i phyir | de bźin ñid de ni gñis su med ciṅ gñis su dbyer med de | de ltar na gnas brtan rab ’byor de bźin gśegs pa’i rjes su skyes (7) pa yin no | de bźin gśegs pa’i de bźin ñid gaṅ yin pa de ni thams cad du ’gyur ba med ciṅ rnam par rtog pa med pa ste | de bźin du gnas brtan rab ’byor gyi de bźin ñid kyaṅ thams cad du ’gyur ba med ciṅ rnam par rtog pa med do ||
ji ltar de bźin gśegs pa’i ’di bźin ñid tha mi dad pa dbyer med (170a1) pa | dmigs su med pa de bźin du chos thams cad kyi de bźin ñid kyaṅ tha mi dad pa dbyer med pa dmigs su med pa’o ||
de bźin du gnas brtan rab ’byor gyi de bźin ñid kyaṅ tha mi dad pa dbyer med pa dmigs su med pa ste | de ltar na gnas brtan rab (2) ’byor ni de bźin gśegs pa’i rjes su skyes pa yin no ||
de bźin gśegs pa’i de bźin ñid gaṅyin pa de ni chos thams cad kyi de bźin ñid las gud na yod pa ma yin te | chos thams cad kyi de bźin ñid las gud na yod pa ma yin pa gaṅ yin pa de ni nam yaṅ de bźin ñid (3) ma yin pa ma yin źiṅ de ni rtag tu de bźin ñid do ||
gnas brtan rab ’byor gyi de bźin ñid kyaṅ de lta bu ste de’i phyir rnam pa gźan ma yin pas | de bźin gśegs pa’i rjes su skyes kyaṅ gaṅ du yaṅ skyes pa med do ||
ji ltar de bźin gśegs pa’i de bźin ñid ’das (4) pa ma yin ma ’oṅs pa ma yin | da ltar byuṅ ba yaṅ ma yin pa de bźin du chos thams cad kyi de bźin ñid kyaṅ ’das pa ma yin ma ’oṅs pa ma yin da ltar byuṅ ba ma yin no ||
de bźin du gnas brtan rab ’byor gyi de bźin ñid kyaṅ ’das pa ma yin | ma ’oṅs pa ma yin (5) da ltar byuṅ ba ma yin te | de ltar na gnas brtan rab ’byor de bźin gśegs pa’i rjes su skyes pa źes bya’o ||
lha’i bu dag ’di la ’das pa’i de bźin ñid mñam pa ñid kyis de bźin gśegs pa’i de bźin ñid mñam pa ñid du rig par bya’o ||
de bźin gśegs pa’i de bźin (6) ñid mñam pa ñid kyis ’das pa’i de bźin ñid mñam pa ñid do ||
ma ’oṅs pa’i de bźin ñid mñam pa ñid kyis de bźin gśegs pa’i de bźin ñid mñam pa ñid do ||
de bźin gśegs pa’i de bźin ñid mñam pa ñid kyis ma ’oṅs pa’i de bźin ñid mñam pa ñid do ||
da ltar (7) byuṅ ba’i de bźin ñid mñam pa ñid kyis de bźin gśegs pa’i de bźin ñid mñam pa ñid do ||
de bźin gśegs pa’i de bźin ñid mñam pa ñid kyis | da ltar byuṅ ba’i de bźin ñid mñam pa ñid do ||
de ltar na ’das pa daṅ ma ’oṅs pa daṅ da ltar byuṅ ba’i de bźin ñid daṅ | (170b1) de bźin gśegs pa’i de bźin ñid de ni gñis su med de gñis su dbyer med do ||
gzugs kyi de bźin ñid kyis de bźin gśegs pa’i de bźin ñid do ||
de bźin gśegs pa’i de bźin ñid kyi gzugs kyi de bźin ñid do ||
de bźin du tshor ba daṅ | ’du śes daṅ | (2) ’du byed rnams daṅ | rnam par śes pa’i de bźin ñid kyi de bźin gśegs pa’i de bźin ñid do ||
de bźin gśegs pa’i de bźin ñid kyis tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid do ||
de ltar na gzugs kyi de bźin ñid daṅ | (3) tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid daṅ | de bźin gśegs pa’i de bźin ñid de ni gñis su med de gñis su dbyer med do ||
de bźin du sbyar te | bdag gi de bźin ñid kyis de bźin gśegs pa’i de bźin ñid do ||
(4) de bźin gśegs pa’i de bźin ñid kyis bdag gi de bźin ñid do ||
de bźin du śes pa po daṅ | mthoṅ ba po’i bar gyi de bźin ñid kyis de bźin gśegs pa’i de bźin ñid do ||
de bźin gśegs pa’i de bźin ñid kyis śes pa po daṅ | mthoṅ ba po’i (5) bar gyi de bźin ñid do ||
de ltar na bdag gi de bźin ñid daṅ | śes pa po daṅ | mthoṅ ba po’i bar gyi de bźin ñid daṅ | de bźin gśegs pa’i de bźin ñid de ni gñis su med de gñis su dbyer med do ||
de bźin du sbyar te | sbyin pa’i pha rol tu phyin pa’i.i de bźin ñid (6) daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa’i de bźin ñid daṅ | de bźin gśegs pa’i de bźin ñid de ni gñis su med de gñis su dbyer med do ||
naṅ stoṅ pa ñid kyi de bźin ñid daṅ | dṅos (7) po med pa’i ṅo bo ñid stoṅ pa ñid kyi bar gyi de bźin ñid daṅ | de bźin gśegs pa’i de bźin ñid de ni gñis su med de gñis su dbyer med do ||
dran pa ñe bar gźag pa’i de bźin ñid daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs (171a1) daṅ | byaṅ chub kyi yan lag daṅ | lam gyi de bźin ñid daṅ | de bźin gśegs pa’i de bźin ñid de ni gñis su med de gñis su dbyer med do ||
de bźin gśegs pa’i stobs bcu daṅ | mi ’jigs pa daṅ | so so yaṅ dag par rig pa daṅ | saṅs (2) rgyas kyi chos ma ’dres pa’i de bźin ñid daṅ | rnam pa thams cad mkhyen pa ñid kyi bar gyi de bźin ñid kyis de bźin gśegs pa’i de bźin ñid do ||
de bźin gśegs pa’i de bźin ñid kyis rnam pa thams cad mkhyen pa ñid kyi de bźin ñid do ||
de ltar na rnam pa thams cad mkhyen (3) pa ñid kyi de bźin ñid daṅ | de bźin gśegs pa’i de bźin ñid de ni gñis su med de gñis su dbyer med do ||
lha’i bu dag de bźin gśegs pas yaṅ dag pa’i de bźin ñid ’di la brten nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas (4) te | de bźin gśegs pa źes bya ba’i mtshan brñes so ||
de bźin ñid kyi le’u ’di bśad pa na | stoṅ gsum gyi stoṅ chen po’i ’jig rten gyi khams ’di rnam pa drug tu g-yos te | ’gul rab tu ’gul | kun tu rab tu ’gul to ||
g-yos rab tu g-yos kun tu (5) rab tu g-yos so ||
sdeg rab tu sdeg kun tu rab tu ldeg go ||
che ma che ma rab tu che ma che ma | kun tu rab tu che ma che ma mo ||
’ur ’ur rab tu ’ur ’ur kun tu rab tu ’ur ’ur ro ||
’khrugs rab tu ’khrugs kun tu rab tu ’khrugs so ||
śar phyogs mtho na | nub phyogs (6) dma’o ||
nub phyogs mthon śar phyogs dma’o ||
byaṅ phyogs mthon lho phyogs dma’o ||
lho phyogs mthon byaṅ phyogs dma’o ||
mtha’ mthon dbus dma’o ||
dbus mthon mtha’ dma’o ||
de nas ’dod pa na spyod pa daṅ | gzugs na spyod pa’i lha’i bu de dag gis (7) bcom ldan ’das daṅ gnas brtan rab ’byor la lha’i tsan dan gyi phye ma dag gis gtor mṅon par gtor | mṅon par rab tu gtor nas | ’di skad ces bcom ldan ’das ’di ltar gnas brtan rab ’byor ’di de bźin gśegs pa’i de bźin ñid kyis de bźin gśegs (171b1) pa’i rjes su skyes pa ni ṅo mtshar lags so ||
de nas gnas brtan rab ’byor gyis | lha’i bu de dag gi gtam de ñid kyi rgyud nas bzuṅ ste | lha’i bu de dag la ’di skad ces smras so ||
lha’i bu dag ’di ltar gnas brtan rab ’byor ni gzugs kyi rjes (2) su ma skyes | gzugs las gźan gyi rjes su ma skyes so ||
gzugs kyi de bźin ñid kyi rjes su ma skyes | gzugs kyi de bźin ñid las gźan gyi rjes su ma skyes so ||
tshor ba daṅ | ’du śes daṅ | ’du byed rnams daṅ | rnam par śes pa’i rjes su ma skyes so ||
rnam (3) par śes pa las gźan gyi rjes su ma skyes so ||
rnam par śes pa’i de bźin ñid kyi rjes su ma skyes | rnam par śes pa’i de bźin ñid las gźan gyi rjes su ma skyes so ||
de bźin du sbyar te | rnam pa thams cad mkhyen pa ñid kyi bar gyi rjes su ma skyes | rnam pa thams cad mkhyen pa (4) ñid las gźan gyi rjes su ma skyes so ||
rnam pa thams cad mkhyen pa ñid kyi de bźin ñid kyi rjes su ma skyes | rnam pa thams cad mkhyen pa ñid kyi de bźin ñid las gźan gyi rjes su ma skyes so ||
’dus byas kyi rjes su ma skyes | ’dus byas las gźan gyi rjes su ma skyes so ||
(5) ’dus byas kyi de bźin ñid kyi rjes su ma skyes | ’dus byas kyi de bźin ñid las gźan gyi rjes su ma skyes so ||
’dus ma byas kyi rjes su ma skyes | ’dus ma byas las gźan gyi rjes su ma skyes so ||
’dus ma byas kyi de bźin ñid kyi rjes su ma skyes | ’dus ma byas (6) kyi de bźin ñid las gźan gyi rjes su ma skyes so ||
de ci’i phyir źe na | ’di ltar gaṅ gi rjes su skyes ba daṅ | gaṅ rjes su skye ba’i chos de med ciṅ mi dmigs pa’i phyir ro ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan (7) ’das de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ daṅ | bsam gyis mi khyab pa’i dbyiṅs ni zab pa (172a1) ste | de la ni gzugs mi dmigs gzugs kyi de bźin ñid mi dmigs te | gzugs ñid kyaṅ mi dmigs na gzugs kyi de bźin ñid dmigs par lta ga la ’gyur | de la ni tshor ba daṅ | ’du śes daṅ | ’du byed rnams daṅ | rnam par śes pa (2) mi dmigs rnam par śes pa’i de bźin ñid mi dmigs te | rnam par śes pa ñid kyaṅ mi dmigs na | rnam par śes pa’i de bźin ñid dmigs par lta ga la ’gyur | de bźin du sbyar te | de la rnam pa thams cad mkhyen pa ñid kyi bar du mi dmigs | rnam pa thams (3) cad mkhyen pa ñid kyi de bźin ñid mi dmigs te | rnam pa thams cad mkhyen pa ñid kyaṅ mi dmigs na | rnam pa thams cad mkhyen pa ñid kyi de bźin ñid dmigs par lta ga la ’gyur | bcom ldan ’das kyis bka’ stsal pa | ś ri’i bu de de bźin no ||
de de (4) bźin te | ś ri’i bu de bźin ñid ni zab pa ste | de la gzugs mi dmigs gzugs kyi de bźin ñid mi dmigs te | gzugs ñid kyaṅ mi dmigs na | gzugs kyi de bźin ñid dmigs par ltag la ’gyur | de la tshor ba daṅ | ’du śes daṅ | ’du byed rnams daṅ | (5) rnam par śes pa mi dmigs | rnam par śes pa’i de bźin ñid mi dmigs te | rnam par śes pa ñid kyaṅ mi dmigs na | rnam par śes pa’i de bźin ñid dmigs par lta ga la ’gyur | de bźin du sbyar te | rnam pa thams cad mkhyen pa ñid kyi bar du mi (6) dmigs | rnam pathamasa cad mkhyen pa ñid kyi de bźin ñid mi dmigs te | rnam pa thams cad mkhyen pa ñid kyaṅ mi dmigs na | rnam pa thams cad mkhyen pa ñid kyi de bźin ñid dmigs par ltag la ’gyur te | de bźin ñid daṅ | ma nor ba de bźin ñid (7) daṅ | gźan ma yin pa de bźin ñid kyi le’u ’di bśad pa na | dge sloṅ ñis brgya len pa med par zag pa rnams las sems rnam par grol lo ||
dge sloṅ ma lṅa brgya ni chos rnams la chos kyi mig rdul med ciṅ dri ma daṅ bral ba rnam par dag go ||
byaṅ chub (172b1) sems dpa’ lṅa stoṅ ni mi skye ba’i chos la bzod pa thob bo ||
byaṅ chub sems dpa’ yoṅs su ñams pa’i chos can drug cu ni len pa med par zag pa rnams las sems rnam par grol lo ||
ś ri’i bu byaṅ chub sems dpa’ de dag gis ni saṅs rgyas lṅa brgya la bsñen bkur (2) byas te | thams cad du sbyin pa byin tshul khrims bsruṅs | bzod pa bsgoms | brtson ’grus brtsams | bsam gtan bskyed | śes rab bsgoms kyaṅ | de dag śes rab kyi pha rol tu phyin pas yoṅs su ma zin ciṅ | thabs la mkhas pas yoṅs su ma zin pas (3) ’di ltar spyad de | ’di ni sbyin pa’o ||
’di la sbyin par bya’o ||
bdag gis tshul khrims ’di bsruṅ ṅo ||
brtson ’grus ’di brtsam mo ||
bsam gtan ’di la sñoms par ’jug par bya’o ||
śes rab ’di bsgom par bya’o sñam du de ltar spyod pas de (4) dag śes rab kyi pha rol tu phyin pa daṅ bral źiṅ thabs la mkhas pas yoṅs su ma zin pas | sbyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab bsgom źiṅ de dag ’du śes sna tshogs la spyod pas tha dad pa med pa mi (5) dmigs pa’i phyir | de dag byaṅ chub sems dpa’i skyon med pa la ma źugs so ||
de dag byaṅ chub sems dpa’i skyon med pa la ma źugs pas rgyun du źugs pa’i ’bras bu thob bo ||
dgra bcom pa ñid kyi bar du thob bo ||
ś ri’i bu gźan yaṅ byaṅ chub sems dpa’ sems dpa’ (6) chen po’i lam stoṅ pa ñid dam | mtshan ma med pa’am | smon pa med pa yod mod kyi de dag śes rab kyi pha rol tu phyin pa daṅ bral źiṅ | thabs la mkhas pas yoṅs su ma zin na | yaṅ dag pa’i mtha’ mgon sum du byas nas | ñan thos sa ma raṅ saṅs rgyas su ’gyur ro ||
(7) ś ri’i bus gsol ba bcom ldan ’das ci’i slad du stoṅ pa ñid daṅ | mtshan ma ma mchis pa daṅ | smon pa ma mchis pa’i chos de dag ñid la bsgoms su ’dra yaṅ thabs la mkhas pa daṅ bral ba dag yaṅ dag pa’i mtha’ mṅon sum du bgyis nas ñan thos daṅ | raṅ saṅs (173a1) rgyas su ’gyur la | bcom ldan ’das byaṅ chub sems dpa’ rnams ni stoṅ pa ñid daṅ | mtshan ma ma mchis pa daṅ | smon pa ma mchis pa’i chos de dag ñid sgom du bas kyaṅ thabs la mkhas pa la brten nas | bla na med pa yaṅ dag par rdzogs pa’i byaṅ chub mṅon par (2) rdzogs par ’tshaṅ rgya ba lags | bcom ldan ’das kyis bka’ stsal pa | ś ri’i bu ’di la kha cig rnam pa thams cad mkhyen pa ñid kyi sems daṅ bral bar stoṅ pa ñid daṅ | mtshan ma med pa daṅ | smon pa med pa’i chos rnams sgom źiṅ | thabs la mkhas pa la ma brten pas ñan thos (3) daṅ raṅ saṅs rgyas su ’gyur ro ||
ś ri’i bu ’di la byag chub sems dpa’ sems dpa’ chen po rnam pa thams cad mkhyen pa ñid kyi sems daṅ ma bral ba rnams ni stoṅ pa ñid daṅ | mtshan ma med pa daṅ | smon pa med pa’i chos rnams sgom źiṅ | thabs la mkhas pa la brten nas | byaṅ chub (4) sems dpa’i skyon med pa la ’jug ciṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
ś ri’i bu ’di lta ste dper na | ’dab chags bya źig lus dpag tshad brgya’am | lus dpag tshad ñis brgya’am | dpag tshad sum brgya’am | (5) dpag tshad bźin brgya’am | dpag tshad lṅa brgya ba źig yod la | de sum cu rtsa gsum gyi lha’i ris nas | ’dzam bu’i gliṅ du ’oṅ bar sems la byed yaṅ ’dab ma med pa źig yin źiṅ | de sum cu rtsa gsum gyi lha’i ris nas bdag ñid mchoṅs te | ’dzam bu’i gliṅ du ’gro (6) bar bya bar sems la gal te byed sa la ma lhuṅ bar ’di sñam du sems te | ma la bdag sum cu rtsa gsum gyi lha’i ris su gnas par bya’o sñam du sems na ś ri’i bu ’di ji sñam du sems | bya de phyir sum cu rtsa gsum gyi lha’i naṅ du gnas par nus sñam ’am | ś ri’i bus (7) gsol pa | bcom ldan ’das de ni rṅo mo thogs lags so | bcom ldan ’das kyis bka’ stsal pal | gal te de bar snaṅ de nas ’di sñam du ma la bdag ma smas ma snad par ’dzam bu’i gliṅ du gnas par bya’o ||
sñam du bas ma na ś ri’i bu ’di ji sñam du sems | bya de ma smas ma (173b1) snaṅ bar ’dzam bu’i gliṅ du gnas par ’gyur sñam ’am | ś ri’i bus gsol pa bcom ldan ’das de ni rṅo mi thogs lags te | bcom ldan ’das bya de ni smas pa’amasnaṅa par yaṅ ’gyur la ’dzam bu’i gliṅ du ma mchis par ’gum pa’am | ’bum la thug par sdug bsṅal bar yaṅ (2) ’gyur lags so ||
de ci’i slad du źe na | bcom ldan ’das ’di ltar de ni lus che la ’dab ma ma mchis śiṅ | mthon po źig nam mchoṅs pas | de ltar ’gyur du gdon mi ’tshal lags so ||
bcom ldan ’das kyis bka’ stsal pa | ś ri’i bu de bźin du byaṅ chub sems (3) dpa’ bskal pa gaṅ g’i kluṅ gi bye ma sñed dag tu sbyin pa sbyin par byed | tshul khrims sruṅ | bzod pa sgom | brtson ’grus rtsom | bsam gtan la sñoms par ’jug ciṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba’i (4) phyir | de’i ’jug pa yaṅ che | sems bskyed pa yaṅ che | phan gdags par bsam pa yaṅ tshad med du zin kyaṅ | śes rab kyi pha rol tu phyin pa daṅ bral źiṅ thabs la mkhas pas yoṅs su ma zin na | ñan thos kyi sa’am | raṅ saṅs rgyas kyi sar ltuṅ ṅo ||
(5) de ci’i phyir źe na | ’di ltar byaṅ chub sems dpa’ sems dpa’ chen po des rnam pa thams cad mkhyen pa ñid kyi sems daṅ bral bar sbyin pa byin | tshul khrims bsruṅs | bzod pa bsgoms | brtson ’grus brtsams | bsam gtan bskyed kyaṅ byaṅ chub sems (6) dpa’ de śes rab kyi pha rol tu phyin pa daṅ | thabs la mkhas pa daṅ bral bar ’gyur te | des na ñan thos kyi sa’am | raṅ saṅs rgyas kyi sar ltuṅ ṅo ||
ś ri’i bu byaṅ chub sems dpa’ ’das pa daṅ | ma byon pa daṅ da ltar byuṅ ba’i saṅs rgyas bcom ldan ’das rnams (7) kyi tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes gzigs pa la sems śiṅ | kun tu ’dzin la mtshan mar byed kyaṅ de bźin gśegs pa rnams kyi tshul khrims mi śes | rnam par grol ba’i ye śes (174a1) gzigs pa’i bar du mi śes na | de mi śes śiṅ khoṅ du ma chud pas | stoṅ pa ñid daṅ | mtshan ma med pa daṅ | smon pa med pa’i sgra thos na | źi bar mtshan mar ’dzin te | mtshan mar bzuṅ nas | bla na med pa yaṅ dag par rdzogs pa’i byaṅ chub tu yoṅs su (2) sṅo bar byed do ||
de ltar yoṅs su bsṅo ba’i byaṅ chub sems dpa’ ni ñan thos kyi sa’am | raṅ saṅs rgyas kyi sa la gnas par ’gyur ro ||
de ci’i phyir źe na | ś ri’i bu ’di ltar śes rab kyi pha rol tu phyin pa daṅ | thabs la mkhas pa daṅ bral bas | dge ba’i rtsa ba rnams (3) bla na med pa yaṅ dag par rdzogs pa’i byaṅ chub tu yoṅs su sṅo bar byed pa ni de ltar ’gyur te | de ñan thos kyi sa’am | raṅ saṅs rgyas kyi sar ltuṅ ṅo ||
ś ri’i bu ’di la byaṅ chub sems dpa’ sems dpa’ chen po sems daṅ po bskyed pa nas ñe bar bzuṅ ste | rnam pa thams cad (4) mkhyen pa ñid kyi sems daṅ ma bral bar sbyin pa sbyin par byed | tshul khrims sruṅ | bzod pa sgrub | brtson ’grus rtsom | bsam gtan la sñoms par ’jug pa ni | śes rab kyi pha rol tu phyin pa daṅ thabs la mkhas pa daṅ ma bral ba ste | ’das pa daṅ | ma byon (5) pa daṅ | da ltar byuṅ ba’i saṅs rgyas bcom ldan ’das rnams kyi tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes gzigs pa gaṅ yin pa de thams cad mtshan mar mi ’dzin te | de stoṅ pa ñid kyi tiṅ ṅe (6) ’dzin la mtshan mar mi ’dzin | mtshan ma med pa daṅ | smon pa med pa’i tiṅ ṅe ’dzin la mtshan mar mi ’dzin na | ś ri’i bu byaṅ chub sems dpa’ sems dpa’ chen po de ni ñan thos kyi sa’am | raṅ saṅs rgyas kyis la gnas par mi ’gyur bar rig par bya’o ||
de ci’i phyir źe na | (7) ’di ltar byaṅ chub sems dpa’ sems dpa’ chen po sems daṅ po bskyed pa nas ñe bar bzuṅ ste | sbyin pa byin yaṅ mtshan mar ma bzuṅ | tshul khrims bsruṅs bzod pa bsgrubs | brtson ’grus brtsams | bsam gtan la sñoms par źugs śes rab bsgoms kyaṅ mtshan mar (174b1) ma bzuṅ | ’das pa daṅ ma byon pa daṅ | da ltar byuṅ ba’i saṅs rgyas bcom ldan ’das rnams kyi tshul khrims daṅ | tiṅ ṅe ’dzin daṅ | śes rab daṅ rnam par grol ba daṅ rnam par grol ba’i ye śes gzigs pa mtshan mar ma bzuṅ | stoṅ pa ñid daṅ mtshan ma med pa daṅ | smon pa med pa’i tiṅ ṅe (2) ’dzin bsgoms kyaṅ mtshan mar ma bzuṅ ba’i phyir ro ||
ś ri’i bu ’di ltar mtshan ma daṅ bral ba’i sems kyis sbyin pa sbyin pa daṅ | tshul khrims sruṅ ba daṅ | bzod pa sgrub pa daṅ | brtson ’grus rtsom pa daṅ | bsam gtan la sñoms par ’jug pa daṅ | śes rab sgom pa daṅ | de bźin du (3) sbyar te | rnam pa thams cad mkhyen pa ñid kyi bar la spyod kyaṅ mtshan mar ma bzuṅ ba ’di ni byaṅ chub sems dpa’ sems dpa’ chen po rnams kyi thabs la mkhas pa yin no ||
ś ri’i bus gsol pa | bcom ldan ’das bdag gis bcom ldan ’das kyis gsuṅs pa’i don ’tshal ba ltar na | byaṅ chub (4) sems dpa’ sems dpa’ chen po gaṅ sems daṅ po bskyed pa nas ñe bar bzuṅ ste | śes rab kyi pha rol tu phyin pa daṅ | thabs la mkhas pa daṅ ma bral ba de’i bla na med pa yaṅ dag par rdzogs pa’i byaṅ chub ni the tshom ma mchis lags so ||
de ci’i slad du źe na | bcom ldan ’das ’di ltar byaṅ chub (5) sems dpa’ sems dpa’ chen pos sems daṅ po bskyed ba nas ñe bar bzuṅ ste | gaṅ mṅon par rdzogs par ’tshaṅ rgya bar bgyi ba daṅ | gaṅ gis mṅon par rdzogs par ’tshaṅ rgya ba daṅ | gaṅ mṅon par rdzogs par ’tshaṅ rgya ba’i gzugs sam | tshor ba’am | ’du śes sam | ’du byed rnams sam | rnam (6) par śes pa’am | de bźin du rnam pa thams cad mkhyen pa ñid kyi bar gyi chos gaṅ yaṅ ma dmigs pa’i slad du’o ||
bcom ldan ’das byaṅ chub sems dpa’i theg pa pa’i rigs kyi bu’am | rigs kyi bu mo gaṅ dag śes rab kyi pha rol tu phyin pa daṅ bral źiṅ | thabs la mkhas pa daṅ bral ba de dag (7) gis bla na med pa yaṅ dag par rdzogs pa’i byaṅ chub ni the tshom mchis par rig par bgyi lags so ||
de ci’i slad du źe na | bcom ldan da’asa ’di ltar byaṅ chub sem sadapa’i theg pa pa’i rigs kyi bu’am | rigs kyi bu mo śes rab kyi pha rol tu phyin pa daṅ thabs la mkhas pa daṅ bral ba dag gis sbyin pa (175a1) ci daṅ ci stsal ba de thams cad ni mtshan mar bzuṅ nas stsal ba daṅ | tshul khrims ci daṅ ci bsruṅs pa daṅ | bzod pa bsgrubs pa daṅ | brtson ’grus brtsams pa daṅ | bsam gtan gaṅ daṅ gaṅ la mñam par bźag pa de thams cad kyaṅ mtshan mar bzuṅ nas mñam par (2) bźag pa’i slad du ste | de’i slad du byaṅ chub sems dpa’i theg pa pa’i rigs kyi bu daṅ | rigs kyi bu mo de dag gis bla na med pa yaṅ dag par rdzogs pa’i byaṅ chub ni the tshom mchis par rig par bgyi lags so ||
bcom ldan ’das de ltar lags pas | byaṅ chub sems dpa’ sems (3) dpa’ chen pos bla na med pa yaṅ dag par rdzogs pa’i byaṅ chub mṅon par rdzogs par ’chaṅ rgya bar ’tshal bas | śes rab kyi pha rol tu phyin pa daṅ | thabs la mkhas pa daṅ ma bral bar rig par bgyi’o ||
śes rab kyi pha rol tu phyin pa daṅ | thabs la mkhas pa la gnas te | mi (4) dmigs pa’i tshul gyis mtshan ma machasi pa daṅ ldan pa’i sems kyis sbyin pa stsal bar bgyi | tshul khrims bsruṅ bar bgyi | bzod pa bsgrub par bgyi | brtson ’grus brtsam par bgyi | bsam gtan la sñoms par ’jug par bgyi | śes rab bsgom par bgyi’o ||
de (5) bźin du rnam pa thams cad mkhyen pa ñid kyi bar la spyad par bgyi’o ||
de nas bcom ldan ’das la ’dod pa na spyod pa daṅ | gzugs na spyod pa’i lha’i bu rnams kyis ’di skad ces gsol to ||
bcom ldan ’das ’di ltar byaṅ chub sems dpa’ sems dpa’ chen pos chos thams cad mṅon (6) par rdzogs par ’tshaṅ rgya bar yaṅ bgyi ’tshal la chos de dag kyaṅ ma mchis śiṅ mi dmigs pas bla na med pa yaṅ dag par rdzogs pa’i byaṅ chub ni mṅon bar ’byuṅ bar dka’ ba lags so ||
bcom ldan ’das kyis bka’ stsal pa | lha’i bu dag de de bźin te bla na med pa yaṅ dag par rdzogs (7) pa’i byaṅ chub ni mṅon par ’byuṅ bar dka’ ba yin no ||
lha’i bu dag ṅas kyaṅ chos thams cad rnam pa thams cad du mṅon par rdzogs par saṅs rgyas te | ṅas ni gaṅ mṅon par rdzogs par ’tshaṅ rgya ba’am | gaṅ gis mṅon par rdzogs par ’tshaṅ rgya ba’am | gaṅ mṅon par rdzogs par ’tshaṅ (175b1) rgya bar bya ba’i chos gaṅ yaṅ ma dmigs so ||
de ci’i phyir źe na | lha’i bu dag chos thams cad śin tu rnam par dag pa’i phyir ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das kyis gaṅ ’di skad du bla na med pa yaṅ dag par (2) rdzogs pa’i byaṅ chub ni mṅon par ’byuṅ bar dka’o źes bka’ stsal pa | bcom ldan ’das kyis gsuṅs pa’i don bdag gis ’tshal ba daṅ bdag sems pa ltar na | bcom ldan ’das bla na med pa yaṅ dag par rdzogs pa’i byaṅ chub ni mṅon par rdzogs par ’tshaṅ rgya bar sla lags so ||
(3) de ci’i slad du źe na | bcom ldan ’das ’di ltar gaṅ yaṅ mṅon par rdzogs par ’tshaṅ rgya bar bgyid pa su yaṅ ma mchis śiṅ | mṅon par rdzogs par ’tshaṅ rgya bar bgyi ba ci yaṅ ma mchis pas | chos thams cad ni stoṅ pa lags te | chos thams cad stoṅ pa la ni gaṅ mṅon par (4) rdzogs par ’tshaṅ rgya bar bgyid pa daṅ | gaṅ gis mṅon par rdzogs par ’tshaṅ rgya ba daṅ | gaṅ mṅon par rdzogs par ’tshaṅ rgya bar bgyi ba’i chos de ma mchis pa’i slad du’o ||
de ci’i slad du źe na | bcom ldan ’das ’di ltar chos thams cad ni stoṅ pa lags te | chos (5) gaṅ rnam par ’phel bar bgyi ba’am | yoṅs su ’grib par bgyi ba’i slad du sbyin pa stsol bar bgyid pa daṅ | bsam gtan gyi bar la sñoms par ’jug par bgyid pa daṅ | rnam pa thams cad mkhyen pa ñid kyi bar la slob pa’i chos de dag kyaṅ ma mchis śiṅ | gaṅ mṅon par (6) rdzogs par ’tshaṅ rgya bar bgyid pa daṅ | gaṅ gis mṅon par rdzogs par ’tshaṅ rgya ba daṅ | gaṅ mṅon par rdzogs par ’tshaṅ rgya bar bgyi ba’i chos de dag thams cad kyaṅ stoṅ pa lags te | bcom ldan ’das rnam graṅs des na byaṅ chub sems dpa’ sems dpa’ chen pos bla na med pa yaṅ dag par rdzogs pa’i (7) byaṅ chub mṅon par rdzogs par ’tshaṅ rgya bar sla lags so ||
de ci’i slad du źe na | bcom ldan ’das ’di ltar gzugs ni gzugs kyi ṅo bo ñid kyis stoṅ | tshor ba daṅ | ’du śes daṅ | ’du byed rnams daṅ | rnam par śes pa ni rnam par śes pa’i ṅo bo ñid kyis stoṅ źiṅ | de bźin du rnam (176a1) pa thams cad mkhyen pa ñid kyi bar ni | rnam pa thams cad mkhyen pa ñid kyi ṅo bo ñid kyis stoṅ pa’i slad du’o ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor rnam graṅs des na | bla na med pa yaṅ dag par rdzogs pa’i byaṅ (2) chub ni mṅon par rdzogs par ’tshaṅ rgya bar dka’o ||
de ci’i phyir źe na | tshe daṅ ldan pa rab ’byor ’di ltar nam mkha’ ni ’di sñam du | bdag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o ||
tshe daṅ ldan pa (3) rab ’byor de bźin du | byaṅ chub sems dpa’ sems dpa’ chen po yaṅ ’di sñam du bdag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o sñam du mi sems so ||
de ci’i phyir źe na | ’di ltar chos thams cad ni nam mkha’ daṅ mñam pa’i phyir te | (4) ’on kyaṅ byaṅ chub sems dpa’ sems dpa’ chen po ni chos thams cad nam mkha’ lta bur mos nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
gal te byaṅ chub sems dpa’ sems dpa’ chen po chos thams cad nam mkha’ lta bur mos par mi (5) byed kyaṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar sla ste | mṅon par rdzogs par ’tshaṅ rgya bar dka’ ba ma yin na ni | byaṅ chub sems dpa’ gaṅ g’i kluṅ gi bye ma sñed dag bla na med pa yaṅ dag par rdzogs pa’i byaṅ chub las phyir mi ldog par yaṅ mi ’gyur (6) ro ||
tshe daṅ ldan pa rab ’byor rnam graṅs des na | bla na med pa yaṅ dag par rdzogs pa’i byaṅ chub ni mṅon par rdzogs par ’tshaṅ rgya bar dga’ ste | mṅon par rdzogs par ’tshaṅ rgya bar sla ba ma yin par mṅon no ||
de nas tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras (7) so ||
tshe daṅ ldan pa ś ri’i bu ’di ji sñam du sems | gzugs bla na med pa yaṅ dag par rdzogs pa’i byaṅ chub las ldog sñama’ama ||
smras pa | tshe daṅ ldan pa rab ’byor de ni ma yin no ||
smras pa | tshol ba daṅ | ’du śes daṅ | ’du byed rnams daṅ | rnam par śes pa bla na med pa yaṅ dag par (176b1) rdzogs pa’i byaṅ chub las ldog sñam ’am | smras pa | tshe daṅ ldan pa rab ’byor de ni ma yin no ||
smras pa | de bźin du sbyar te | de bźin ñid kyi bar dag bla na med pa yaṅ dag par rdzogs pa’i byaṅ chub las ldog sñam ’am | smras pa | tshe daṅ ldan pa rab ’byor de ni ma yin no ||
(2) smras pa | tshe daṅ ldan pa ś ri’i bu ’di ji sñam du sems | gaṅ bla na med pa yaṅ dag par rdzogs pa’i byaṅ chub las ldog pa’i chos de gzugs las gud na yod sñam ’am | smras pa | tshe daṅ ldan pa rab ’byor de ni ma yin no ||
smras pa | gaṅ bla na med pa yaṅ dag par rdzogs pa’i byaṅ chub (3) las ldog pa’i chos de tshor ba daṅ | ’du śes daṅ | ’du byed rnams daṅ | rnam par śes pa las gud na yod sñam ’am | smras pa | tshe daṅ ldan pa rab ’byor de ni ma yin no ||
de bźin du sbyar te | gaṅ bla na med pa yaṅ dag par rdzogs pa’i byaṅ chub las ldog sñam ’am | rnam pa thams cad (4) mkhyen pa ñid kyi bar las gud na yod sñam ’am | smras pa | tshe daṅ ldan pa rab ’byor de ni ma yin no ||
smras pa | tshe daṅ ldan pa ś ri’i bu ’di ji sñam du sems | gzugs kyi de bźin ñid gaṅ yin pa de bla na med pa yaṅ dag par rdzogs pa’i byaṅ chub las ldog sñam ’am | rnam pa thams cad (5) mkhyen pa ñid kyi bar gyi de bźin ñid gaṅ yin pa de bla na med pa yaṅ dag par rdzogs pa’i byaṅ chub las ldog sñam ’am | smras pa | tshe daṅ ldan pa rab ’byor de ni ma yin no ||
smras pa | tshe daṅ ldan pa ś ri’i bu ’di ji sñam du sems | gaṅ bla na med pa yaṅ dag par rdzogs pa’i byaṅ chub las ldog (6) pa’i chos de gzugs kyi de bźin ñid las gud na yod sñam ’am | smras pa | tshe daṅ ldan pa rab ’byor de ni ma yin no ||
smras pa | de bźin du gaṅ bla na med pa yaṅ dag par rdzogs pa’i byaṅ chub las ldog pa’i chos de rnam pa thams cad mkhyen pa ñid kyi bar gyi de bźin ñid las gud na yod sñam (7) ’am | smras pa | tshe daṅ ldan pa rab ’byor de ni ma yin no ||
smras pa | tshe daṅ ldan pa ś ri’i bu ’di ji sñam du sems | de bźin ñid bla na med pa yaṅ dag par rdzogs pa’i byaṅ chub las ldog sñam ’am | smras pa | tshe daṅ ldan pa rab ’byor de ni ma yin no ||
smras pa | tshe daṅ ldan pa ś ri’i bu ’di ni (177a1) sñam du sems | chos ñid bla na med pa yaṅ dag par rdzogs pa’i byaṅ chub las ldog sñam ’am | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ daṅ | bsam gyis mi khyab pa’i dbyiṅs bla na med pa yaṅ dag par rdzogs pa’i byaṅ (2) chub las ldog sñam ’am | smras pa | tshe daṅ ldan pa rab ’byor de ni ma yin no ||
smras pa | tshe daṅ ldan pa ś ri’i bu ’di ji sñam du sems | gaṅ bla na med pa yaṅ dag par rdzogs pa’i byaṅ chub las ldog pa’i chos de de bźin ñid las gud na yod sñam ’am | smras pa | tshe daṅ ldan par ’byor (3) de ni ma yin no ||
smras pa | tshe daṅ ldan pa ś ri’i bu ’di ji sñam du sems | gaṅ bla na med pa yaṅ dag par rdzogs pa’i byaṅ chub las ldog pa’i chos de bsam gyis mi khyab pa’i dbyiṅs kyi bar las gud na yod sñam ’am | smras pa | tshe daṅ ldan pa rab ’byor de ni ma yin no ||
smras pa | de ltar bden (4) pa’i tshul bźin du chos de dag mi dmigs na | gaṅ bla na med pa yaṅ dag par rdzogs pa’i byaṅ chub las ldog par ’gyur ba’i chos de gaṅ yin | de skad ces smras pa daṅ | tshe daṅ ldan pa ś ri’i bus tshe daṅ ldan rab ’byor la ’di skad ces smras so ||
gnas brtan rab ’byor gyis chos kyi tshul gyi rnam pa des (5) bstan pa ltar na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub las ldog pa gaṅ yaṅ med de | de’i phyir gaṅ zag byaṅ chub sems dpa’i theg pa pa gsum po gaṅ dag de bźin gśegs pa’i bstan pa’i byaṅ chub sems dpa’i theg pa pa’i gaṅ zag gsum po de (6) dag rnam par gźag par yaṅ mi ’gyur te | tshe daṅ ldan pa rab ’byor gyis bstan pa ltar na | ’di lta ste | byaṅ chub sems dpa’ sems dpa’ chen po ni saṅs rgyas kyi theg pa gcig pur ’gyur ro ||
de nas tshe daṅ ldan pa byams ma’i bu gaṅ bos tshe daṅ ldan pa ś ri’i bu la ’di skad ces smras (7) so ||
tshe daṅ ldan pa ś ri’i bu gnas brtan rab ’byor byaṅ chub gcig kyaṅ ’dod dam źes gnas brtan rab ’byor ’di la dri dgos so ||
de nas tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ci saṅs rgyas kyi theg pa pa’i byaṅ chub sems (177b1) dpa’ sems dpa’ chen po ’dod dam | tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu ci de bźin ñadi la byaṅ chub sems dpa’ gsum ’dod dam | ñan thos kyi theg pa pa’i byaṅ chub sems dpa’am | raṅ saṅs rgyas kyi theg pa (2) pa’i byaṅ chub sems dpa’am | saṅs rgyas kyi theg pa pa’i byaṅ chub sems dpa’ ’dod dam | smras pa | tshe daṅ ldan pa rab ’byor de ni ma yin no ||
smras pa | tshe daṅ ldan pa ś ri’i bu ci de bźin ñid la byaṅ chub sems dpa’ gsum du dmigs sam | smras pa | tshe daṅ ldan pa rab (3) ’byor de ni ma yin no ||
smras pa | tshe daṅ ldan pa ś ri’i bu de bźin ñid la rnam pa gcig gam | gñis sam | gsum du dmigs sam | smras pa | tshe daṅ ldan pa rab ’byor de ni ma yin no ||
smras pa | tshe daṅ ldan pa ś ri’i bu de bźin ñid la byaṅ chub sems dpa’ gcig kyaṅ dmigs sam | (4) smras pa | tshe daṅ ldan pa rab ’byor de ni ma yin no ||
smras pa | de ltar dben pa’i tshul bźin du chos de dag mi dmigs na | ci las tshe daṅ ldan pa ś ri’i bu ’di sñam du | byaṅ chub sems dpa’ ’di ni ñan thos kyi theg pa pa’o ||
byaṅ chub sems dpa’ ’di ni raṅ saṅs rgyas kyi theg pa pa’o ||
byaṅ (5) chub sems dpa’ ’di ni saṅs rgyas kyi theg pa pa’o źes bya bar sems par gyur | tshe daṅ ldan pa ś ri’i bu de ltar byaṅ chub sems dpa’ sems dpa’ chen po chos thams cad kyi de bźin ñid kyis bye brag med par rab tu phye ba la byaṅ chub sems dpa’ sems dpa’ chen po gaṅ sems (6) mi źum mi ’goṅ źiṅ yid ’gyod pa med pa de ni bla na med pa yaṅ dag par rdzogs pa’i byaṅ chub tu ṅes par ’byuṅ bar ’gyur ro ||
de nas bcom ldan ’das kyis tshe daṅ ldan pa rab ’byor la bka’ stsal pa | ’di ltar saṅs rgyas kyi mthus rab ’byor khyod ||
spobs ba legs so legs so ||
(7) rab ’byor de ltar na byaṅ chub sems dpa’ sems dpa’ chen po chos thams cad kyi de bźin ñid kyis bye brag med par rab tu phye ba la byaṅ chub sems dpa’ sems dpa’ chen po gaṅ sems mi źum mi ’goṅ źiṅ | yid ’gyod pa med la mi skrag mi dṅaṅ źiṅ | dṅaṅ bar mi ’gyur ba’i byaṅ chub sems (178a1) dpa’ sems dpa’ chen po de ni bla na med pa yaṅ dag par rdzogs pa’i byaṅ chub tu ṅes par ’byuṅ bar ’gyur ro ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das de lta bu’i chos daṅ ldan pa’i byaṅ chub sems dpa’ sems dpa’ chen po (2) byaṅ chub gaṅ la ṅes par ’byuṅ bar ’gyur lags | bcom ldan ’das kyis bka’ stsal pa | ś ri’i bu byaṅ chub sems dpa’ sems dpa’ chen po de ni bla na med pa yaṅ dag par rdzogs pa’i byaṅ chub tu ṅes par ’byuṅ bar ’gyur ro ||
de nas bcom ldan ’das la tshe daṅ ldan pa rab ’byor gyis (3) ’di skad ces gsol to ||
bcom ldan ’das bla na med pa yaṅ dag par rdzogs pa’i byaṅ chub tu ṅes bar ’byuṅ bar ’chal ba’i byaṅ chub sems dpa’ sems dpa’ chen pos ji ltar gnas par bgyi | bcom ldan ’das kyis bka’ stsal pa | rab ’byor byaṅ tshul sems dpa’ sems dpa’ chen (4) pos sems can thams cad la sñoms pa’i sems la gnas par bya’o ||
sems can thams cad la mñam pa’i sems bskyed par bya ste | mi mñam pa’i sems bskyed par mi bya’o ||
sems can thams cad la mñam pa’i sems kyis dmigs par bya ste | mi mñam pa’i sems kyis (5) dmigs par mi bya’o ||
sems can thams cad la byams pa chen po daṅ sñiṅ rje chen po bskyed par bya’o ||
sems can thams cad la byams pa’i sems kyis dmigs par bya ste | brlaṅ ba’i sems kyis dmigs par mi bya’o ||
sems can thams cad la ṅa rgyal med par bya’o ||
sems can (6) thams cad la g-yo med par dmigs par bya’o ||
sems can thams cad la phan par bya ba’i sems bskyed par bya ste | gnod pa’i sems bskyed par mi bya’o ||
sems can thams cad la phan pa’i sems kyis dmigs par bya ste | gnod pa’i sems kyis dmigs par mi bya’o ||
sems (7) can thams cad la źe ’gras pa med pa’i sems bskyed par bya ste | źe ’gras pa’i sems bskyed bar mi bya’o ||
sems can thams cad la rnam par tho ’tshal pa med pa’i sems bskyed bar bya ste | rnam par tho ’tsham pa’i sems bskyed par mi bya’o ||
sems can thams cad la rnam par tho ’tshal pa med (178b1) pa’i sems kyis dmigs par bya ste | rnam par tho ’tsham pa’i sems kyis dmigs par mi bya’o ||
sems can thams cad la ma’i sems bskyed par bya’o ||
spun daṅ | sriṅ mo daṅ | mdza’ bśes daṅ | ñe du daṅ | snag gi gñen mtshams kyis sems bskyed par bya’o ||
sems (2) can thams cad la ma’i sems kyis dmigs par bya źiṅ | mdza’ bśes daṅ | ñe du daṅ | snag gi gñen mtshams kyi bar gyi sems kyis dmigs par bya’o ||
bdag gis kyaṅ srog gcod pa spaṅ bar bya’o ||
gźan yaṅ srog gcod pa spaṅ ba yaṅ dag par ’dzin du ’jug par bya | (3) srog gcod pa spaṅ ba’i bsṅags pa brjod bar bya | gźan gaṅ dag srog gcod pa spaṅs pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ ma byin par len pa spaṅ bar bya | gźan yaṅ ma byin par len pa spaṅ ba yaṅ dag par ’dzin du gźug par bya | ma byin (4) par len pa spoṅ ba’i bsṅags pa brjod par bya | gźan gaṅ dag ma byin par len pa spaṅs pa de dag gi bsṅags pa yaṅ brjod ciṅ rjes su dga’ bar bya’o ||
bdag kyaṅ ’dod pa la log par g-yem pa spaṅ bar bya | gźan yaṅ ’dod pa la log par g-yem pa spaṅ ba ’dzin du (5) gźug par bya | ’dod pas log par g-yem pa spoṅ ba’i bsṅags pa brjod par bya | gźan gaṅ dag ’dod pa la log par g-yem pa spaṅs pa de dag gi bsṅags pa yaṅ brjod ciṅ rjes su dga’ bar bya ste | byaṅ chub sems dpa’ sems dpa’ chen po bla na med pa yaṅ dag par rdzogs pa’i (6) byaṅ chub tu ṅes par ’byuṅ bar ’dod pas de ltar gnas par bya’o ||
de bźin du bdag gis kyaṅ log par lta ba’i bar du spaṅ bar bya | gźan yaṅ log par lta ba spaṅ ba yaṅ dag par ’dzin du gźug par bya | log par lta ba spoṅ ba’i bsṅags pa brjod par bya | gźan yaṅ gaṅ dag log par (7) lta ba spaṅs pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ bsam gtan daṅ po la sñoms par ’jug bar bya | gźan yaṅ bsam gtan daṅ po yaṅ dag par ’dzin du gźug par bya | bsam gtan daṅ po la sñoms par ’jug pa’i bsṅags pa brjod (179a1) par bya | gźan gaṅ dag bsam gtan daṅ po la sñoms par ’jug pa de dag gi bsṅags pa yaṅ brjod cig rjes su dga’ bar bya’o ||
de bźin du bdag gis kyaṅ bsam gtan bźi pa’i bar la sñoms par ’jug par bya | gźan yaṅ bsam gtan bźi ba’i bar la sñoms (2) bar ’jug pa dag gi bsṅags pa yaṅ brjod ciṅ rjes su dga’ bar bya ba’i bar du bya ste | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’dod pas de ltar gnas par bya’o ||
rab ’byor gźan yaṅ byaṅ chub sems dpa’ sems (3) dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’dod pas | bdag gis kyaṅ byams pa la sñoms par ’jug par bya | gźan gaṅ dag byams pa la sñoms par ’jug pa de dag gi bsṅags pa yaṅ brjod ciṅ rjes su dga’ bar bya ba’i bar du bya’o ||
(4) sñiṅ rje daṅ | dga’ ba daṅ | btaṅ bsñoms la yaṅ de bźin du bya’o ||
bdag gis kyaṅ nam mkha’ yas skye mched kyi sñoms par ’jug pa la sñoms par ’jug par bya | de bźin du gźan gaṅ dag nam mkha’ mtha’ yas skye mched kyi sñoms par ’jug pa la sñoms par (5) ’jug pa de dag gi bsṅags pa yaṅ brjod ciṅ rjes su dga’ bar bya ba’i bar du bya’o ||
’du śes med ’du śes med min skye mched kyi bar du yaṅ de bźin du bya’o ||
bdag gis kyaṅ sbyin pa’i pha rol tu phyin pa yoṅs su rdzogs par bya | gźan yaṅ sbyin pa’i pha rol tu phyin pa yaṅ dag par ’dzin du gźug (6) par bya | sbyin pa’i pha rol tu phyin pa’i bsṅags pa brjod par bya | gźan gaṅ dag sbyin pa’i pha rol tu phyin pa yoṅadasa su rdzogs par byed pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ śes rab kyi pha rol tu phyin pa’i bar du yoṅs su rdzogs par bya | gźan (7) yaṅ śes rab kyi pha rol tu phyin pa yaṅ dag par ’dzin du gźug par bya | śes rab kyi pha rol tu phyin pa’i bsṅags pa brjod par bya | gźan gaṅ dag śes rab kyi pha rol tu phyin pa yoṅs su rdzogs par byed pa de dag gi bsṅags pa yaṅ brjod ciṅ rjes su dga’ bar bya ste | byaṅ chub sems dpa’ (179b1) sems dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’dod pas de ltar gnas par bya’o ||
bdag gis kyaṅ naṅ stoṅ pa ñid la sñoms par ’jug par bya | gźan yaṅ naṅ stoṅ pa ñid la sñoms par ’jug pa yaṅ dag par ’dzin du gźug par bya | naṅ (2) stoṅ pa ñid kyi bsṅags pa brjod par bya | gźan gaṅ dag naṅ stoṅ pa ñid la sñoms par ’jug pa de dag gi bsṅags pa yaṅ brjod ciṅ rjes su dga’ bar bya’o ||
de bźin du bdag gis kyaṅ dṅos po med pa’i ṅo bo ñid steṅ pa ñid kyi bar la sñoms par ’jug par bya | gźan yaṅ dṅos po (3) med pa’i ṅo bo ñid stoṅ pa ñid la sñoms par ’jug pa yaṅ dag par ’dzin du gźug par bya | dṅos po med pa’i ṅo bo ñid stoṅ pa ñid kyi bsṅags pa brjod par bya | gźan gaṅ dag dṅos po med pa’i ṅo bo ñid stoṅ pa ñid la sñoms par ’jug pa de dag gi bsṅags pa yaṅ brjod ciṅ rjes su dga’ (4) bar bya’o ||
bdag gis kyaṅ dran pa ñe bar gźag pa bźi bsgom par bya | gźan yaṅ dran pa ñe bar gźag pa rnams yaṅ dag par ’dzin du gźug par bya | dran pa ñe bar gźag pa rnams kyi bsṅags pa brjod par bya | gźan gaṅ dag dran pa ñe bar gźag pa rnams sgom pa de dag gi (5) bsṅags pa yaṅ brjod ciṅ rjes su dga’ bar bya’o ||
de bźin du ’phags pa’i lam yan lag brgyad pa’i bar du bya’o ||
de bźin du bdag gis kyaṅ stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin la sñoms par ’jug par bya | gźan yaṅ stoṅ pa ñid daṅ | (6) mtshan ma med pa daṅ | smon pa med pa’i tiṅ ṅe ’dzin yaṅ dag par ’dzin du gźug par bya | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin gyi bsṅags pa brjod par bya | gźan gaṅ dag stoṅ pa ñid daṅ ||
mtshan ma med pa daṅ | smon pa med pa’i tiṅ ṅe (7) ’dzin la sñoms par ’jug pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ rnam par thar pa brgyad la sñoms par ’jug par bya | gźan yaṅ rnam par thar pa brgyad la yaṅ dag par ’dzin du gźug par bya | rnam par thar pa brgyad kyi bsṅags pa (180a1) brjod par bya | gźan gaṅ dag rnam par thar pa brgyad la sñoms par ’jug pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ de bźin gśegs pa’i stobs bcu yoṅs su rdzogs par bya | gźan yaṅ de bźin gśegs pa’i (2) stobs bcu yaṅ dag par ’dzin du gźug par bya | de bźin gśegs pa’i stobs bcu’i bsṅags pa brjod par bya | gźan gaṅ dag de bźin gśegs pa’i stobs bcu yoṅs su rdzogs par byed pa de dag gi bsṅags pa yaṅ brjod ciṅ rjes su dga’ bar bya’o ||
de bźin du bdag (3) gis kyaṅ mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwo brgyad daṅ | byams pa chen po daṅ ||
sñiṅ rje chen po yoṅs su rdzogs par bya | gźan yaṅ byams pa chen po daṅ | sñiṅ rje chen po’i bar du yaṅ dag par (4) ’dzin du gźug par bya | sñiṅ rje chen po yoṅs su rdzogs par bya ba’i bsṅags pa brjod par bya | gźan gaṅ dag sñiṅ rje chen po yoṅs su rdzogs par byed pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ rten ciṅ ’brel bar ’byuṅ ba lugs su (5) ’byuṅ ba daṅ | lugs su mi ’byuṅ ba la sñoms par ’jug par bya | gźan yaṅ rten ciṅ ’brel par ’byuṅ ba lugs su ’byuṅ ba daṅ | lugs su mi ’byuṅ ba yaṅ dag par ’dzin du gźug par bya | rten ciṅ ’brel bar ’byuṅ ba la sñoms par ’jug pa’i bsṅags pa brjod par (6) bya | gźan gaṅ dag rten ciṅ ’brel bar ’byuṅ ba la sñoms par ’jug pa de dag gi bsṅags pa yaṅ brjod ciṅ rjes su dga’ bar bya ste | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’dod pas de ltar gnas par bya’o ||
(7) bdag gis kyaṅ sdug bsṅal yoṅs su śes par bya | kun ’byuṅ ba spaṅ bar bya | ’gog pa mṅon sum du bya | lam bsgom par bya | gźan yaṅ sdug bsṅal yoṅs su śes par bya ba daṅ | kun ’byuṅ ba spaṅ bar bya ba daṅ | ’gog pa mṅon sum du bya ba daṅ | lam bsgom par bya ba (180b1) yaṅ dag par ’dzin du gźug par bya | sdug bsṅal yoṅs su śes pa daṅ | lam bsgom pa’i bar gyi bsṅags pa brjod par bya | gźan gaṅ dag sdug bsṅal yoṅs su śes pa daṅ | kun ’byuṅ ba spaṅ ba daṅ | ’gog pa mṅon sum du byed pa daṅ | lam sgom pa de dag gi bsṅags (2) ba yaṅ brjod ciṅ rjes su dga’ bar bya’o ||
bdag gis kyaṅ rgyun du źugs pa’i ’bras bu śes pa mṅon sum du bya ba’i śes pa bskyed par bya źiṅ | yaṅ dag pa’i mtha’ mṅon sum du yaṅ mi bya | gźan yaṅ rgyun du źugs pa’i ’bras bu śes pa mṅon sum du bya ba yaṅ dag par (3) ’dzin du gźug par bya | bdag gis kyaṅ lan cig phyir ’oṅ ba’i ’bras bu śes pa mṅon sum du bya ba’i śes pa bskyed par bya źiṅ | yaṅ dag pa’i mtha’ mṅon sum du yaṅ mi bya | gźan yaṅ lan cig phyir ’oṅ ba’i ’bras bu śes pa mṅon sum du bya ba yaṅ dag par ’dzin du gźug par bya | (4) bdag gis kyaṅ phyir mi ’oṅ ba’i ’bras bu śes pa mṅon sum du bya ba’i śes pa bskyed par bya źiṅ | yaṅ dag pa’i mtha’ mṅon sum du yaṅ mi bya | gźan yaṅ phyir mi ’oṅ ba’i ’bras bu śes pa mṅon sum du bya ba yaṅ dag par ’dzin du gźug par bya | bdag gis kyaṅ dgra bcom pa ñid (5) kyi ’bras bu śes pa mṅon sum du bya ba’i śes pa bskyed par bya źiṅ | yaṅ dag pa’i mtha’ mṅon sum du yaṅ mi bya | gźan yaṅ dgra bcom pa ñid kyi ’bras bu śes pa mṅon sum du bya ba yaṅ dag par ’dzin du gźug par bya | bdag gis kyaṅ raṅ saṅs rgyas kyi śes pa mṅon sum du bya ba’i (6) śes pa bskyed par bya źiṅ | yaṅ dag pa’i mtha’ mṅon sum du yaṅ mi bya | gźan yaṅ saṅs rgyas kyi śes pa mṅon sum du bya ba la ’dzin du gźug par bya | bdag kyaṅ byaṅ chub sems dpa’i skyon med pa la ’jug par bya | gźan yaṅ byaṅ chub sems dpa’i skyon med pa la ’jug pa (7) yaṅ dag par ’dzin du gźug par bya | byaṅ chub sems dpa’i skyon med pa la ’jug pa’i bsṅags pa brjod par bya | byaṅ chub sems dpa’ gźan gaṅ dag byaṅ chub sems dpa’i skyon med pa la ’jug pa de dag gi bsṅags pa yaṅ brjod ciṅ rjes su dga’ bar byas te | byaṅ chub sems dpa’ (181a1) sems dpa’ chen po bla na med pa yaṅ dag par rdzogs ’i byaṅ chub tu ṅes par ’byuṅ bar ’dod pas de ltar gnas par bya’o ||
bdag gis kyaṅ sems can rnams yoṅs su smin par bya | gźan yaṅ sems can yoṅs su smin par bya ba yaṅ dag par ’dzin du gźug par bya | (2) sems can yoṅs su smin par byed pa’i bsṅags pa brjod par bya | gźan gaṅ dag sems can yoṅs su smin par byed pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ saṅs rgyas kyi źiṅ yoṅs su dag par bya | gźan yaṅ saṅs rgyas kyi źiṅ yoṅs (3) su dag par bya ba yaṅ dag par ’dzin du gźug par bya | saṅs rgyas kyi źiṅ yoṅs su dag par byed pa’i bsṅags pa brjod par bya | gźan gaṅ dag saṅs rgyas kyi źiṅ yoṅs su dag par byed pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ byaṅ chub (4) sems dpa’i mṅon par śes pa bskyed par bya | gźan yaṅ byaṅ chub sems dpa’i mṅon par śes pa bskyed pa yaṅ dag par ’dzin du gźug par bya | byaṅ chub sems dpa’i mṅon par śes pa bskyed pa’i bsṅags pa brjod par bya | gźan gaṅ dag byaṅ chub sems dpa’i mṅon par (5) śes pa bskyed pa de dag gi bsṅags pa yaṅ brjod ciṅ rjes su dga’ bar bya | bdag gis kyaṅ rnam pa thams cad mkhyen pa’i ye śes bskyed par bya | gźan yaṅ rnam pa thams cad mkhyen pa’i ye śes yaṅ dag par ’dzin du gźug par bye | rnam pa thams cad mkhyen pa ñid kyi ye śes kyi (6) bsṅags pa brjod par bya | gźan gaṅ dag rnam pa thams cad mkhyen pa ñid kyi ye śes skyed pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ bag chags daṅ | mtshams sbyor ba daṅ | ñon moṅs pa thams cad spaṅ bar bya | gźan yaṅ bag chags daṅ | (7) mtshams sbyor ba daṅ | ñon moṅs pa thams cad spoṅ ba yaṅ dag par ’dzin du gźug par bya | bag chags daṅ | mtshams sbyor ba daṅ | ñon moṅs pa thams cad spoṅ ba’i bsṅags brjod par bya | gźan gaṅ dag bag chags daṅ | mtshams sbyor ba daṅ | ñon moṅs pa thams cad (181b1) spoṅ ba de dag gi bsṅags pa yaṅ brjod ciṅ rjes su dga’ bar bya ste | rab ’byor byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’dod pas de lter gnas par bya’o ||
bdag gis kyaṅ tshe phun sum tshogs pa yoṅs su gzuṅ bar (2) bya | gźan yaṅ tshe phun sum tshogs pa yaṅ dag par ’dzin du gźug par bya | tshe phun sum tshogs pa’i bsṅags pa brjod par bya | gźan gaṅ dag tshe phun sum tshogs pa yoṅs su ’dzin pa de dag gi bsṅags pa yaṅ brjod ciṅ rjes su dga’ bar bya’o ||
bdag gis kyaṅ dam pa’i (3) chos gnas pa yoṅs su gzuṅ bar bya | gźan yaṅ dam pa’i chos gnas pa yoṅs su gzuṅ ba yaṅ dag par ’dzin du gźug par bya | dam pa’i chos gnas pa yoṅs su gzuṅ ba’i bsṅags pa brjod par bya | gźan gaṅ dag dam pa’i chos gnas pa yoṅs su ’dzin pa de dag gi (4) bsṅags pa yaṅ brjod ciṅ rjes su dga’ bar bya ste | rab ’byor byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu ṅes par ’byuṅ bar ’dod pas de ltar gnas par bya’o ||
byaṅ chub sems dpa’ sems dpa’ chen pos śes rab kyi pha rol tu phyin (5) pa daṅ thabs la mkhas pa la de ltar bslab par bya’o ||
de ltar slob ciṅ de ltar gnas pa de’i gzugs sgrib pa med par ’gyur ro ||
tshor ba daṅ | ’du śes daṅ | ’du byed rnams daṅ | rnam par śes pa sgrib pa med par ’gyur ro ||
de bźin du sbyar te | dam pa’i chos gnas pa’i bar (6) du sib pa med par ’gyur ro ||
de ci’i phyir źe na | ’di ltar byaṅ chub sems dpa’ sems dpa’ chen po des sṅon gyi mtha’ nas kyaṅ gzugs yoṅs su ma bzuṅ | tshor ba daṅ | ’du śes daṅ | ’du byed rnams daṅ | rnam par śes pa yoṅs su ma bzuṅ | de bźin du rnam pa thams (7) cad mkhyen pa ñid kyi bar du yoṅs su ma bzuṅ ba’i phyir ro ||
de ci’i phyir źe na | rab ’byor ’di ltar gzugs yoṅs su gzuṅ du med pa gaṅ yin pa de ni gzugs ma yin la | de bźin du rnam pa thams cad mkhyen pa ñid kyi bar du yoṅs su gzuṅ du med pa gaṅ yin pa de ni rnam pa thams cad (182a1) mkhyen pa ñid ma yin pa’i phyir ro ||
byaṅ chub sems dpa’i bslab pa’i gnas ’di bśad pa na | byaṅ chub sems dpa’ sñiṅ stoṅ gis mi skye ba’i chos la bzod pa thob par gyur to ||
śes rab kyi pha rol tu phyin pa khri brgyad stoṅ pa las byaṅ chub sems dpa’i bslab pa rnam (2) par gźag pa’i le’u źes bya ste bźi bcu rtsa brgyad pa’o || ||
śes rab kyi pha rol tu phyin pa khri brgyad stoṅ pa | bam po sum cu rtsa bdun pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
(3) bcom ldan ’das phyir mi ldog pa’i byaṅ chub sems dpa’ sems dpa’ chen po’i rnam pa ni gaṅ lags | rtags ni gaṅ lags | mtshan ma ni gaṅ lags | bdag gis ji ltar byaṅ chub sems dpa’ sesama dpa’ chen po ’di ni phyir mi ldog pa’o źes bgyi bar ’tshal bar bgyi | de skad (4) ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la so so’i skye bo’i sa gaṅ yin pa daṅ | ñan thos kyi sa gaṅ yin pa daṅ | raṅ saṅs rgyas kyi sa gaṅ yin pa daṅ | byaṅ chub sems dpa’i sa gaṅ yin pa daṅ | de (5) bźin gśegs pa’i sa gaṅ yin pa bśad pa de dag thams cad ni de bźin ñid de ’gyur ba med ciṅ rnam par rtog pa med la gñis su med de gñis su byar med do ||
de bźin ñid de ni ji lta ba de bźin du ’jug ciṅ | de ltar rnam par mi rtog la rnam par mi rtog pas de ltar ’jug ciṅ de ltar źugs (6) pa ni de bźin ñid ji lta ba de bźin du thos nas de las ’das te | de bźin ñid las de dag re re ma yin pa daṅ gñis ka ma yin par the tshom za ba gaṅ yaṅ med do ||
de ni byuṅ rgyal du smra ba ci yaṅ med de | don daṅ ldan par smra’i | don daṅ mi.i ldan par smra ba ma yin | gźan gyis byas pa daṅ ma byas (7) pa la mi lta źiṅ legs par brjod pa tshol ba yin te | rab ’byor rnam pa de dag daṅ | rtags de dag daṅ | mtshan ma med dag daṅ ldan pa’i byaṅ chub sems dpa’ sems dpa’ chen po dag ni phyir mi ldog par rig par bya’o ||
rab ’byor gyis gsol pa | bcom ldan ’das rnam pa gaṅ dag daṅ | (182b1) rtags gaṅ dag daṅ | mtshan ma gaṅ dag gis byaṅ chub sems dpa’ sems dpa’ chen po phyir mi ldog par rig par bgyi | bcom ldan ’das kyis bka’ stsal pa | rab ’byor chos thams cad ni rnam pa med pa daṅ rtags med pa mtshan ma med pa yin no ||
de skad ces gakala stsal pa (2) daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad rnam pa ma mchis pa daṅ | rtags ma mchis pa daṅ | mtshan ma ma mchis pa lags na | byaṅ chub sems dpa’ sems dpa’ chen po chos gaṅ (3) dag las slar mi ldog pa’i slad du phyir mi ldog pa źes bstan pa lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po gaṅ gzugs las phyir ldog pa daṅ | tshor ba daṅ | ’du śes daṅ | ’du byed rnams daṅ | rnam par śes (4) pa las phyir ldog pa de ni | rab ’byor phyir mi ldog pa’i byaṅ chub sems dpa’ sems dpa’ chen por rig par bya’o ||
rab ’byor byaṅ chub sems dpa’ sems dpa’ chen po gaṅ sbyin pa’i pha rol tu phyin pa daṅ | śes rab kyi pha rol tu phyin pa’i bar daṅ | naṅ stoṅ pa ñid daṅ | dṅos (5) po med pa ṅo bo ñid stoṅ pa ñid kyi bar daṅ | dran pa ñe bar gźag pa rnams daṅ | saṅs rgyas kyi chos ma ’dres pa bcwo brgyad kyi bar dag las phyir ldog pa daṅ | ñan thos kyis daṅ | raṅ saṅs rgyas kyi sa las phyir ldog pa daṅ | byaṅ chub kyi bar las phyir ldog pa de ni | rab ’byor phyir (6) mi ldog pa’i byaṅ chub sems dpa’ sems dpa’ chen por rig par bya’o ||
de ci’i phyir źe na | rab ’byor ’di ltar gaṅ la byaṅ chub sems dpa’ gnas par ’gyur ba’i gzugs kyi ṅo bo ñid med pa’i phyir ro ||
de bźin du sbyar te | gaṅ la byaṅ chub sems dpa’ gnas par ’gyur ba’i byaṅ chub kyi (7) bar gyi ṅo bo ñid med pa’i phyir ro ||
rab ’byor gźan yaṅ byaṅ chub sems dpa’ sems dpa’ chen po ni dge sbyoṅ daṅ | bram ze ’di dag ni śes par bya ba śes pa’o ||
blta bar bya ba mthoṅ ba’o ||
yaṅ dag pa’i lta ba gdags pa ’dogs pa’o ||
źes ’di las phyi rol pa’i dge sbyoṅ daṅ | bram (183a1) ze gźan dag gi ṅor mi lta ste | de ni gnas pa med ciṅ the tshom mi za’o ||
tshul khrims daṅ brtul źugs la mchog tu mi ’dzin to ||
lta ba ṅan par mi ltuṅ ṅo ||
dge mtshan daṅ bkra śis kyis dga’ bar mi ’dzin to ||
lha gźan dag la phyag mi ’tshal źiṅ me tog gam | (2) me tog phreṅ ṅam | spos sam | byug ba’am | phye ma’am | gos sam | gdugs sam | rgyal mtshan nam | ba dan dag de la sbyin par bya bar mi sems te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems (3) dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni sems can dmyal bar mi skye | mi khom pa brgyad kyi bar rnams su mi skye | bud med kyi dṅos po yoṅs su mi ’dzin te | rab ’byor rnam pa de dag daṅ | (4) rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni dge ba bcu’i las kyi lam yaṅ dag par blaṅs nas gnas te | de bdag gis (5) kyaṅ srog gcod pa spaṅs śiṅ | gźan yaṅ srog gcod pa spoṅ ba yaṅ dag par ’dzin du ’jug pa yin | srog gcod pa spoṅ ba’i bsṅags pa brjod pa yin | gźan gaṅ dag srog gcod pa spaṅs pa de dag gi bsṅags pa yaṅ brjod ciṅ rjes su dga’ ba yin no ||
log par lta ba’i bar du yaṅ (6) de bźin te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni rmi lam na yaṅ mi dge ba bcu’i (7) las kyi lam mi spyod na | sad pa na lta ci smos te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni gaṅ (183b1) gi tshe | sbyin pa’i pha rol tu phyin pa la gnas pa na | sems can thams cad kyi ched du sbyin pa sbyin par byed do ||
śes rab sgom pa’i bar du yaṅ de bźin te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog (2) par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni gaṅ gi tshe | mdo’i sde’am | dbyaṅs kyis bsñad pa’i sde’am | luṅ bstan pa’i sde’am | rtogs pa brjod pa’i sde’am | gtan la dbab par bstan pa’i sde’i bar du chos gaṅ kun chub (3) par byed pa’i chos de sbyin pa sbyin pa na | ’di sñam du chos kyi sbyin pa ’dis sems can thams cad kyi bsam pa yoṅs su rdzogs par gyur cig | sñam du bsams nas | de chos kyi sbyin pa de sems can thams cad daṅ thun moṅ du byas śiṅ | bla na med pa yaṅ dag par rdzogs pa’i byaṅ chub (4) tu yoṅs su sṅo bar byed de | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni chos (5) zab mo rnams la som ñi mi za źiṅ yid gñis med la the tshom mi za’o ||
rab ’byor gyis gsol pa | bcom ldan ’das ci’i slad du phyir mi ldog pa’i byaṅ chub sems dpa’ sems dpa’ chen po chos zab mo rnams la som ñi mi ’tshal źiṅ yid gñis ma mchis la the tshom mi ’tshal ba lags | bcom (6) ldan ’das kyis bka’ stsal pa | rab ’byor ’di ltar phyir mi ldog pa’i byaṅ chub sems dpa’ sems dpa’ chen po ni gaṅ la de so ma ñi’am yid gñis sam the tshom za bar ’gyur ba’i chos gaṅ yaṅ yaṅ dag par rjes su mi mthoṅ ste | gzugs sam | tshor ba’am | ’du śes sam | (7) ’du byed rnams sam | rnam par śes pa yaṅ dag par rjes su mi mthoṅ ṅo ||
de bźin du byaṅ chub kyi bar du yaṅ dag par rjes su mi mthoṅ ste | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par (184a1) rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni lus kyi las ’jam pa daṅ ldan pa yin | dag gi las daṅ | yid kyi las ’jam pa daṅ ldan pa yin te | rab ’byor rnam pa de dag daṅ | rtags de dag daṅ | mtshan (2) ma de dag daṅ ldan pa’i byaṅ chub sems dpa’ sems dpa’ chen po de dag ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni rtag tu rgyun mi chad par byams pa’i lus kyi las daṅ | byams pa’i ṅag gi las daṅ | byams (3) pa’i yid kyi las daṅ ldan pa yin te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni sgrib pa lṅa (4) po ’di lṅa ste | ’dod la ’dun pa daṅ | gnod sems daṅ | rmugs pa daṅ | ga ñid daṅ | dgod pa daṅ | ’gyod pa daṅ | the tshom daṅ | lhan cig mi gnas te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems (5) dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po la ni bag la ñal thams cad kyi thams cad du med de | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ (6) sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni ’gro ba’am ldog kyaṅ ruṅ ste | ’khrul pa’i sems kyis mi ’gro | ’khrul pa’i sems kyis mi ldog gi | ’gro’am ldog na yaṅ dran pa ñe bar gźag (7) ciṅ ’gro | dran pa ñe bar gźag ciṅ ldog ste | dran bźin du ’gro | dran bźin du ldog | dran bźin du ’chag | dran bźin du sdod | dran bźin du ’dug | dran bźin du ñal te | gya tshom du rkaṅ pas las mi ’deg | gya tshom du rkaṅ pas la mi ’jog gi | dran bźin du rkaṅ pa ’deg | dran bźin (184b1) du rkaṅ pa ’jog ciṅ | de pa’i phyogs mthoṅ bźin du ’gro ste | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ (2) sems dpa’ chen po’i gos spyod pa ni smad du med pa yin | rab ’byor phyir mi ldog pa’i byaṅ chub sems dpa’ sems dpa’ chen po ni gtsaṅ sbra spyod pa daṅ ldan te | gtsaṅ źiṅ driṅ ba med la rdul daṅ dri ma daṅ bral źiṅ nad ñuṅ ba yin te | rab ’byor rnam pa de dag daṅ | rtags de dag daṅ | (3) mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ mi ra gyur pa rnams kyi lus la srin bu’i rigs brgyad khri gaṅ dag yod ciṅ lus de ñid la za ba de dag ni phyir mi ldog pa’i byaṅ chub sems dpa’ sems dpa’ chen po’i lus (4) la thams cad kyi thams cad rnam pa thams cad kyi thams cad du med do ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen po’i dge ba’i rtsa ba de dag ni ’jig rten thams cad las mṅon par ’phags pa ste | de’i phyir byaṅ chub sems dpa’ sems dpa’ chen po’i (5) lus la srin bu’i rigs brgyad khri po de dag med de | rab ’byor ji lta ji ltar byaṅ chub sems dpa’ sems dpa’ chen po’i dge ba’i rtsa ba de dag rab tu ’phel ba de lta de ltar byaṅ chub sems dpa’ sems dpa’ chen po lus yoṅs su dag pa yoṅs su ’dzin | ṅag daṅ | sems yoṅs (6) su dag pa yoṅs su ’dzin te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor (7) gyis ’di skad ces gsol to ||
bcom ldan ’das ji ltar na byaṅ chub sems dpa’ sems dpa’ chen po’i lus yoṅs su dag pa daṅ | dag yoṅs su dag pa daṅ | sems yoṅs su dag pa lags | bcom ldan ’das kyis bka’ stsal pa | rab ’byor ji lta ji ltar byaṅ chub sems (185a1) dpa’ sems dpa’ chen po’i dge ba’i rtsa ba de dag rab tu ’phel ba de lta de ltar dge ba’i rtsa ba de dag gis lus daṅ | dag daṅ | sems kyi mi draṅ ba daṅ | lus daṅ | ṅag daṅ | sems kyi gya gyu yoṅs su byaṅ bar byed de | de lta de ltar lus kyis legs bar spyad (2) pa rnam pa gsum spyod | ṅag gis legs par spyad pa rnam pa bźi spyod | yid kyis legs par spyad pa rnam pa gsum spyod de | rab ’byor ’di ni byaṅ chub sems dpa’ sems dpa’ chen po ni lus yoṅs su dag pa daṅ | ṅag daṅ | sems yoṅs su dag pa yin no ||
de lus yoṅs su (3) dag pa daṅ | ṅag daṅ | sems yoṅs su dag pa des ñan thos kyis daṅ | raṅ saṅs rgyas kyi sa las śin tu ’da’ yaṅ | yaṅ dag pa’i mtha’ mṅon sum du yaṅ mi byed de | rab ’byor ’di yaṅ byaṅ chub sems dpa’ sems dpa’ chen po’i lus yoṅs su dag pa daṅ | ṅag yoṅs (4) su dag pa daṅ | sems yoṅs su dag pa yin te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems (5) dpa’ chen po ni rñed pa daṅ | bkur sti la gdu ba ma yin | zas la gdu ba ma yin | chos gos gsum pa’i bar du ltur len pa yaṅ ma yin źiṅ | de sbyaṅs pa’i yon tan bcu gñis kyaṅ yaṅ dag par blaṅs nas gnas te | rab ’byor rnam pa de dag daṅ | rtags de dag daṅ | mtshan (6) ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni ser sna’i sems mi skyed | ’chal pa’i tshul khrims kyi sems mi skyed | ’khrug pa’i sems mi (7) skyed | le lo’i sems mi skyed | mñam par ma bźag pa’i sems mi skyed | ’chal ba’i śes rab kyi sems mi skyed | phrag dog gi sems mi skyed de | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir (185b1) mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni blo brtan pa yin | blo zab ba yin | gus par gźan la chos ñan pa yin | gźan las chos gaṅ ci thos pa de dag thams cad kyaṅ śes rab kyi pha rol tu phyin pa daṅ sbyor bar (2) byed pa yin | ’jig rten pa’i bya ba gaṅ yin pa de dag thams cad kyaṅ śes rab kyi pha rol tu phyin pa la brten nas chos ñid daṅ sbyor ba byed ciṅ | chos gaṅ yaṅ chos kyi dbyiṅs daṅ mi ’byor ba’i chos de gaṅ yaṅ yaṅ dag par rjes su mi mthoṅ gi | de thams cad kyaṅ śes rab kyi pha rol tu phyin pa (3) daṅ ’byor bar yaṅ dag par rjes su mthoṅ ste | rab ’byor de ni phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ phyir mi ldog pa’i byaṅ chub sems dpa’i mdun du bdud sdig can gyis sems can dmyal (4) ba chen po brgyad mṅon par sprul nas | sems can dmyal ba chen po de re rer yaṅ byaṅ chub sems dpa’ stoṅ phrag maṅ po daṅ | byaṅ chub sems dpa’ ’bum phrag maṅ po daṅ | byaṅ chub sems dpa’ bye ba khrag khrig phrag ’bum phrag maṅ po bsreg ciṅ btso ba daṅ | sdug bsṅal (5) mi bzad pa | drag pa rtsub pa dag myoṅ bar mṅon par sprul nas | de la ’di skad ces byaṅ chub sems dpa’ sems dpa’ chen po ’di dag ni phyir mi ldog par de bźin gśegs pas luṅ bstan pa śa stag ste | ’di dag sems can dmyal ba ’dir skyes so ||
khyod kyaṅ de bźin (6) gśegs pas phyir mi ldog par luṅ bstan pa ni sems can dmyal bar luṅ bstan pa yin gyis khyod kyis da duṅ yaṅ byaṅ chub kyi sems ’di thoṅ śig | de ltar na khyod sems can dmyal bar skye bar mi ’gyur te | des na khyod mtho ris su ’gro bar ’gyur ro źes zer na gal te | byaṅ chub sems (7) dpa’ sems dpa’ chen po sems ma ’khrugs śiṅ the tshom mi za na | byaṅ chub sems dpa’ sems dpa’ chen po de ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis luṅ bstan par rig par bya’o ||
byaṅ chub sems dpa’ sems dpa’ chen po de ni (186a1) phyir mi ldog pa’i khams la ṅes par gnas pa yin no ||
rab ’byor ’di ni gnas ma yin źiṅ go skabs med pa ste | phyir mi ldog pa’i byaṅ chub sems dpa’ sems dpa’ sems can dmyal ba ba’am | dud ’gro’i skye gnas sam | gśin rje’i ’jig rten du skye bar ’gyur ba de ni gnas med (2) do ||
rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ gal te byaṅ chub sems dpa’ sems dpa’ chen po’i mdun du bdud sdig can dge sbyoṅ gi cha byad (3) kyis ’oṅs te | ’di skad du gaṅ khyod kyis sṅon ’di ltar bdag gis sbyin pa’i pha rol tu phyin pa yoṅs su sbyaṅ bar bya’o ||
’di ltar bdag gis śes rab kyi pha rol tu phyin pa’i bar du yaṅs su sbyaṅ bar bya’o ||
’di ltar bdag gis rnam pa thams cad mkhyen pa ñid kyi bar du yoṅs su sbyaṅ bar (4) bya’o ||
’di ltar bdag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o ||
źes bya ba thos par gyur pa de dag slar bśags par gyis śig | khyod kyis ’das pa daṅ | ma byon pa daṅ | da ltar byuṅ ba’i de bźin gśegs pa dgra bcom pa (5) yaṅ dag par rdzogs pa’i saṅs rgyas ñan thos kyi dge ’dun daṅ bcas pa rnams kyi thugs daṅ po bskyed pa nas ñe bar bzuṅ ste | dam pa’i chos gnas pa’i bar de’i dge ba’i rtsa ba gaṅ yin pa de dag thams cad la rjes su yi raṅ bar byas pa de dag kyaṅ so sor śog śig thoṅ śig | gal te khyod dge (6) ba’i rtsa ba de dag so sor ’chags śiṅ gtoṅ ba lta na | khyod kyis gaṅ thos pa de ni saṅs rgyas kyi bka’ ma yin gyi de ni sñan dṅags mkhan gyis raṅ bzor sbyar ba ste | ṅas khyod la saṅs rgyas kyi bka’ de daṅ | de bźin gśegs pas gsuṅs pa de brjod par bya’o ||
źes zer lag la te byaṅ chub (7) sems dpa’ sems dpa’ chen po ’khrug ciṅ nem nur byed dam the tshom za na | byaṅ chub sems dpa’ sems dpa’ chen po de ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis luṅ ma bstan par rig par bya’o ||
byaṅ chub sems dpa’ de ni phyir mi ldog (186b1) pa’i khams la ṅes par gnas pa ma yin no ||
gal te byaṅ chub sems dpa’ sems dpa’ chen po mi ’khrug ciṅ nem nur mi byed the tshom mi za la | chos ñid la rton ciṅ mṅon par ’du byed ba med pa daṅ | skye ba med pa la rton te | gźan la yid ches pas mi ’gro źiṅ | sbyin pa’i pha (2) rol tu phyin pa daṅ | śes rab kyi pha rol tu phyin pa’i bar la gźan gyi driṅ mi ’jog | byaṅ chub kyi bar la gźan gyi driṅ mi ’jog ciṅ | ’di lta ste dper na | dgra bcom pa zag pa zad pa | gźan la yid mi ches bas mi ’gro źiṅ chos ñid mṅon sum du gyur pas bdud sdig can gyis mi (3) ’phrogs pa de bźin du rab ’byor phyir mi ldog pa’i byaṅ chub sems dpa’ sems dpa’ chen po ñan thos kyi theg pa daṅ | raṅ saṅs rgyas kyi theg pa pa rnams kyis mi rdzi źiṅ bla na med pa yaṅ dag par rdzogs pa’i byaṅ chub las phyir mi ldog na | rab ’byor byaṅ chub sems dpa’ sems (4) dpa’ chen po de ni phyir mi ldog pa’i khams la ṅes par gnas śiṅ gźan gyi driṅ mi ’jog pa yin te | de ni de bźin gśegs pa dgra bcom pa yaṅ dag par rdzogs pa’i saṅs rgyas la yid ches pas kyaṅ mi ’gro na | ñan thos kyi theg pa pa’am | raṅ saṅs rgyas kyi theg pa pa’am | bdud (5) sdig can lta la ci smos | gźan mu stegs can kun tu rgyu gźan dag la yid ches pas ’gro ba lta ci smos te | de ni gnas med do ||
de ci’i phyir źe na | ’di ltar des gaṅ la yid ches pas ’gro ba’i chos gaṅ yaṅ yaṅ dag par rjes su mi mthoṅ ste | gzugs sam | tshor ba (6) ’am | ’du śes sam | ’du byed rnams sam | rnam par śes pa’am | gzugs kyi de bźin ñid dam | rnam par śes pa’i bar gyi de bźin ñid dam | de bźin du byaṅ chub kyi bar du yaṅ dag par rjes su mi mthoṅ źiṅ byaṅ chub kyi de bźin ñid yaṅ dag par rjes su mi mthoṅ ba’i (7) phyir te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ byaṅ chub sems dpa’ sems dpa’ chen po’i druṅ du bdud sdig can dge sloṅ (187a1) gi cha byad kyis ’oṅs te ’di skad du ’di ni ’khor ba’i spyod pa yin te | ’di ni rnam pa thams cad mkhyen pa ñid kyi spyod pa ma yin gyis ’di ñid du khyod kyis sdug bsṅal gyi mthar phyin par gyis śig ces ston ciṅ | bdud sdig can de byaṅ chub sems dpa’ sems (2) dpa’ chen po de la lam ltar bcos pa gaṅ ’khor ba na spyod pa’i ’jig rten pa’i rnam pa dag gis lam ltar bcos pa ston te | yaṅ na rus goṅ du ’du śes par ston | yaṅ na bsam gtan daṅ po daṅ | ’du śes med ’du śes med min skye mched kyi bar du ñe bar ston ciṅ | (3) tshe daṅ ldan pa lam gaṅ daṅ | nan tan gaṅ gis rgyun du źugs pa’i ’bras bu ’thob pa daṅ | dgra bcom pa ñid kyi bar du ’thob par ’gyur ba’i lam ni ’di yin | nan tan ni ’di yin gyis | tshe daṅ ldan pa khyod kyis lam ’di daṅ | nan tan ’dis ’di ñid du sdug bsṅal gyi mthar (4) phyin par gyis śig daṅ | phyin chad ’khor ba na spyod pa’i sdug bsṅal de dag myoṅ bar mi ’gyur ro ||
kye ma ’di ñid du khyod kyi lus ’di mṅon par grub par ma gyur na khyod kyis lus gźan yaṅ ji ltar yoṅs su gzuṅ bar sems źes zer yaṅ | rab ’byor gal te byaṅ chub sems (5) dpa’ sems dpa’ chen po sems mi ’khrug mi g-yo źiṅ goṅ du yaṅ ’di sñam du sems te | bdag la lam ltar bcos pa ston pa ni dge sloṅ ’di bdag la gces spras byed pa yin te | lam ltar bcos pa gaṅ yin pa des ni rgyun du źugs pa’i ’bras bu mṅon sum du bya bar yaṅ mi (6) ’gyur | dgra bcom pa ñid kyi bar daṅ | raṅ byaṅ chub mṅon sum du bya bar yaṅ mi ’gyur | bla na med pa yaṅ dag par rdzogs pa’i byaṅ chub mṅon sum du bya bar yaṅ mi ’gyur ro sñam ste | de las kyaṅ goṅ du gaṅ bdag la chags pa rnams ston pa ’di ni bdag la gces spras byed pa (7) yin gyis bdag gis chags pa de dag mṅon du rdzogs par khoṅ du chud par byas la theg pa gsum po kun la bslab par bya’o ||
źes dga’ ba skyes te | bdud sdig can des kyaṅ byaṅ chub sems dpa’ sems dpa’ chen po de dga’ bar gyur par śes nas | de la ’di skad du rigs kyi bu (187b1) khyod byaṅ chub sems dpa’ sems dpa’ chen po gaṅ dag gis | saṅs rgyas bcom ldan ’das gaṅ g’i kluṅ gi bye ma sñed dag la na bza’ daṅ | źal zas daṅ | gzims cha daṅ | gdan daṅ | sñun gyi gsos sman daṅ | yo byad rnams kyis bsñen bkur byas pa (2) daṅ | de bźin gśegs pa dgra bcom pa yaṅ dag par rdzogs pa’i saṅs rgyas gaṅ g’i kluṅ gi bye ma sñed dag gi druṅ du sbyin pa’i pha rol tu phyin pa yoṅs su rdzogs par byas pa daṅ | de bźin du śes rab kyi pha rol tu phyin pa’i bar du bsgoms pa daṅ | saṅs rgyas bcom (3) ldan ’das gaṅ g’i kluṅ gi bye ma sñed dag la bsñen bkur byas te | byaṅ chub sems dpa’ sems dpa’ chen po sbyin pa’i pha rol tu phyin pa la spyod pa daṅ | de bźin du śes rab kyi pha rol tu phyin pa’i bar la spyod pa daṅ | dran pa ñe bar gźag pa daṅ | yaṅ dag pa’i (4) spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | de bźin du sñiṅ rje chen po’i bar daṅ | rnam pa thams cad mkhyen pa ñid kyi bar la spyod pa dag gis | byaṅ chub sems dpa’i theg pa la ji ltar gnas par (5) bgyi źes byaṅ chub sems dpa’i theg pa ’di ñid kyi don du yoṅs su źus śiṅ yoṅs su dris pa rnams lta bar ’dod dam | saṅs rgyas bcom ldan ’das de dag gis gaṅ bśad pa la de bźin du gnas te | de bźin du spyad | de bźin du brtson par byas kyaṅ | byaṅ chub (6) sems dpa’ sems dpa’ chen po de dag gis bla na med pa yaṅ dag par rdzogs pa’i byaṅ chub mṅon par rdzogs par saṅs ma rgyas te | de ltar gdams pa daṅ | de ltar rjes su bstan pa daṅ | de ltar gnas pa daṅ | de ltar slob slob pa rnams kyis kyaṅ rnam pa thams cad mkhyen (7) pa ñid mtho ba na | khyod ltas bla na med pa yaṅ dag par rdzogs pa’i byaṅ chub thob par ga la ’gyur źes brjod de | de ltar byaṅ chub sems dpa’ sems dpa’ chen po de la dpral ba byas kyaṅ | gal te de’i sems gźan du ma gyur la mi skrag mi dṅaṅ źiṅ dṅaṅ bar ma gyur la | (188a1) goṅ du yaṅ gaṅ chags pa gaṅ dag gis rgyun du źugs pa’i ’bras bu yaṅ ’thob par mi ’gyur | de bźin du rnam pa thams cad mkhyen pa ñid kyi bar du yaṅ ’thob par mi ’gyur ba’i chags pa rnams bdag la ston pa’i dge sloṅ ’di ni bdag la gces spras byed ba (2) yin no ||
źes dga’ ba bskyed bas | bdud sdig can gyis byaṅ chub sems dpa’ sems dpa’ chen po de’i sems źum pa med par rig nas sa phyogs de ñid du dge sloṅ rab tu maṅ po mṅon par sprul nas | ’di dag thams cad ni dgra bcom pa zag pa zad pa ste | ’di dag (3) kyaṅ bla na med pa yaṅ dag par rdzogs pa’i byaṅ chub la yaṅ dag par źugs pa las dgra bcom pa ñid la gnas par gyur na | khyod ltas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ga la ’gyur źes zer yaṅ gal te | byaṅ chub sems dpa’ sems (4) dpa’ chen po de ’di sñam du kye ma ’di ni bdud sdig can yin te | lam ltar bcos pa ston to sñam du sems śiṅ | byaṅ chub sems dpa’ sems dpa’ chen po śes rab kyi pha rol tu phyin pa la spyod pa | bla na med pa yaṅ dag par rdzogs pa’i byaṅ chub las phyir mi ldog ciṅ | ñan thos kyi (5) sa’am | raṅ saṅs rgyas kyi sar mi ltuṅ la | goṅ du yaṅ de ’di sñam du byaṅ chub sems dpa’ sems dpa’ chen po sbyin pa’i pha rol tu phyin pa la spyod pa daṅ | rnam pa thams cad mkhyen pa ñid kyi ye śes kyi bar du bsgom pa ni | bla na med pa yaṅ dag par rdzogs pa’i byaṅ chub mṅon (6) par rdzogs par ’tshaṅ rgya bar mi ’gyur ba’i gnas med de | go skabs ma yin źiṅ | de ni gnas med do sñam du sems na | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig (7) par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod de ’di sñam du gal te de bźin gśegs pas ji skad bstan pa de bźin du bslab la spyod pa de dag daṅ ma bral źiṅ pha rol tu phyin pa daṅ ldan pa’i yid la byed pa (188b1) ’di dag gis gnas pa de ni sbyin pa’i pha rol tu phyin pa las yoṅs su mi ñams | de bźin du rnam pa thams cad mkhyen pa ñid kyi bar las yoṅs su mi ñams so sñam du sems na | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems (2) dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod pa de ’di sñam du gaṅ bdud kyi las rnams khoṅ du chud pa de bla na med pa yaṅ dag par rdzogs pa’i (3) byaṅ chub las yoṅs su ñams par mi ’gyur ro sñam du sems na | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub las phyir mi ldog par rig par (4) bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das phyir mi ldog pa’i byaṅ chub sems dpa’ sems dpa’ chen po gaṅ las slar ldog pa’i slad du des na phyir mi ldog pa źes bgyi bar ’tshal bar (5) bgyi ba lags | bcom ldan ’das kyis bka’ stsal pa | rab ’byor de ni gzugs kyi ’du śes las log go ||
tshor ba’i ’du śes las log go ||
’du śes kyi ’du śes las log go ||
’du byed kyi ’du śes las log go ||
rnam par śes pa’i ’du śes las log go ||
khams (6) kyi ’du śes daṅ | skye mched kyi ’du śes daṅ | ’dod chags kyi ’du śes daṅ | źe sdaṅ gi ’du śes daṅ | gti mug gi ’du śes daṅ | lta ba’i ’du śes daṅ | pha rol tu phyin pa’i ’du śes daṅ | stoṅ pa ñid kyi ’du śes daṅ | dran pa ñe bar gźag pa’i ’du śes daṅ | de bźin (7) du ñan thos daṅ | raṅ saṅs rgyas kyi bar gyi ’du śes las log go ||
saṅs rgyas kyi bar gyi ’du śes las log go ||
de ci’i phyir źe na | ’di ltar phyir mi ldog pa’i byaṅ chub sems dpa’ chen po ni chos thams cad raṅ gi mtshan ñid kyis stoṅ bas | byaṅ chub sems dpa’i skyon (189a1) med pa la ’jug ste | des chos phra rab tsam yaṅ mi dmigs pas mṅon par ’du mi byed do ||
mṅon par ’du mi byed pas mi skyed de | de phyir mi ldog pa’i byaṅ chub sems dpa’ sems dpa’ chen po mi skye ba’i chos la bzod pa thob pa źes bya ste | rab ’byor rnam pa (2) de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
śes rab kyi pha rol tu phyin pa khri brgyad stoṅ pa las phyir mi ldog pa’i le’u źes bya ste bźi bcu rtsa dgu pa’o || ||
(3) rab ’byor gźan yaṅ byaṅ chub sems dpa’ sems dpa’ chen po’i druṅ du bdud sdig can ’oṅs nas mos pa zlog ciṅ | ’di skad du rnam pa thams cad mkhyen pa ñid ’di ni nam mkha’ daṅ mtshuṅs śiṅ dṅos po med pa’i ṅo bo ñid de | raṅ gi mtshan ñid kyis stoṅ ba’o ||
chos ’di dag kyaṅ nam (4) mkha’ daṅ mtshuṅs śiṅ | dṅos po med pa’i ṅo bo ñid de raṅ gi mtshan ñid kyis stoṅ pa’o ||
nam mkha’ daṅ mtshuṅs śiṅ dṅos po med pa’i ṅo bo ñid de | raṅ gi mtshan ñid kyis stoṅ pa’i chos rnams la ni gaṅ mṅon par rdzogs par ’tshaṅ rgya ba daṅ | gaṅ gis mṅon par rdzogs par (5) ’tshaṅ rgya ba daṅ | gaṅ mṅon par rdzogs par ’tshaṅ rgya bar bya ba’i chos de gaṅ yaṅ mi dmigs te | chos ’di dag thams cad ni nam mkha’ daṅ mtshuṅs śiṅ dṅos po med pa’i ṅo bo ñid de | raṅ gi mtshan ñid kyis stoṅ pas | ’di lta ste | bla na med pa yaṅ dag par rdzogs pa’i byaṅ (6) chub mṅon par rdzogs par ’tshaṅ rgya bar bya’o ||
źes bya ba ’di ni khyod ñon moṅs śiṅ don med par ’gyur ba ste | de skad bstan pa ’di ni bdud kyi las so ||
’di ni yaṅ dag par rdzogs pa’i saṅs rgyas kyis bstan pa ma yin no ||
rigs kyi bu yid la byed pa de dag thoṅ śig | khyod la yun (7) riṅ por gnod pa daṅ | sdug bsṅal ba daṅ | log par ltuṅ bar gyur ta re źes zer na | de la rigs kyi bu’am | rigs kyi bu mo de dag gis tshig de dag thos nas | ’di ltar yoṅs su brtag par bya ste | gaṅ dag bla na med pa yaṅ dag par rdzogs pa’i byaṅ chub daṅ ’bral bar (189b1) byed ba ’di dag ni bdud kyi las te | ’di ltar chos thams cad ni nam mkha’ daṅ mtshuṅs śiṅ | dṅos po med pa’i ṅo bo ñid de | raṅ gi mtshan ñid kyis stoṅ mod kyi | de dag sems rnams kyis ma śes ma mthoṅ źiṅ khoṅ du ma chud kyis | de’i phyir bdag gis nam mkha’ daṅ mtshuṅs (2) śiṅ dṅos po med pa’i ṅo bo ñid de | raṅ gi mtshan ñid kyis stoṅ pa’i go cha bgos la | rnam pa thams cad mkhyen pa ñid mṅon par rdzogs par saṅs rgyas par byas te | sems can rnams la ṅes par ’byuṅ ba’i chos bstan par bya’o ||
rgyun du źugs pa’i ’bras bu daṅ | lan cig (3) phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid la dgod par bya’o ||
raṅ byaṅ chub la dgod par bya’o ||
bla na med pa yaṅ dag par rdzogs pa’i byaṅ chub la dgod par bya’o sñam du sems śiṅ | de la byaṅ chub sems dpa’ sems dpa’ chen po rnams (4) kyis sems daṅ po bskyed pa nas ñe bar bzuṅ ste | chos de dag thos na sems brtan par bya’o ||
sems mi g-yo bar bya’o ||
sems mi ’phrogs par bya’o ||
de sems brtan pa daṅ | sems mi g-yo ba daṅ | sems mi ’phrogs pa de daṅ ldan bas pha rol tu phyin pa drug po dag la (5) spyod na | byaṅ chub sems dpa’i skyon med pa la ’jug par ’gyur ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das phyir mi ldog pa’i byaṅ chub sems dpa’ sems dpa’ chen po la phyir mi ldog bgyi’am | ’on te phyir ldog (6) ba’i byaṅ chub sems dpa’ la phyir mi ldog pa źes bgyi | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor phyir mi ldog pa’i byaṅ chub sems dpa’ ni phyir ldog pa źes bya’o ||
phyir ldog pa’i byaṅ chub sems dpa’ ni (7) phyir mi ldog pa źes bya’o ||
rab ’byor gyis gsol pa | bcom ldan ’das ji ltar na phyir ldog pa’i byaṅ chub sems dpa’ ni phyir mi ldog pa źes bgyi | ji ltar phyir mi ldog pa’i byaṅ chub sems dpa’ ni phyir ldog pa źes bgyi | bcom ldan ’das kyis bka’ stsal pa | rab ’byor byaṅ (190a1) chub sems dpa’ gaṅ ñan thos kyi sa’am | raṅ saṅs rgyas kyi sa las log pa de ni | rab ’byor phyir ldog pa’i byaṅ chub sems dpa’ yin te phyir mi ldog pa źes bya’o ||
rab ’byor byaṅ chub sems dpa’ gaṅ ñan thos kyi sa’am | raṅ saṅs rgyas kyi sar mi ldog pa de ni | rab (2) ’byor phyir mi ldog pa’i byaṅ chub sems dpa’ yin te phyir ldog pa źes bya’o ||
rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog pa’i mtshan ñid du rig par bya ste | rnam pa de dag daṅ | rtags de dag (3) daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni bdud sdig can gyis bla na med pa yaṅ dag par rdzogs pa’i byaṅ chub las bzlog par mi nus so ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni ’dod pas ma gtan daṅ po (4) la sñoms par ’jug go ||
bsam gtan bźi pa’i bar la sñoms par ’jug go ||
’gog pa’i sñoms par ’jug pa’i bar la sñoms par ’jug go ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni ’dod na dran pa ñe bar gźag pa bźi la (5) sñoms par ’jug go ||
’phags pa’i lam yan lag brgyad pa’i bar la sñoms par ’jug go ||
stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin gyi bar la sñoms par ’jug go ||
mṅon par śes pa lṅa mṅon par sgrub bo ||
de bsam gtan bźi daṅ | (6) tshad med pa bźi daṅ | gzugs med pa’i sñoms par ’jug pa bźi daṅ | ’gog pa’i sñoms par ’jug pas ’dris bar byed de | dran pa ñe bar gźag pa bźi po dag sgom par byed ciṅ | de bźin du ’phags pa’i lam yan lag brgyad pa’i bar daṅ | stoṅ pa ñid daṅ | mtshan (7) ma med pa daṅ | smon pa med pa’i tiṅ ṅe ’dzin la sñoms par ’jug la mṅon par śes pa lṅa mṅon par sgrub kyaṅ bsam gtan gyi ’bras bu yoṅs su mi ’dzin to ||
de bźin du ’gog pa’i sñoms par ’jug pa’i bar gyi ’bras bu yoṅs su mi ’dzin to ||
rgyun du źugs pa’i ’bras bu (190b1) thob par mi byed do ||
de bźin du raṅ byaṅ chub kyi bar du thob par mi byed do ||
de ’dod bsams bźin du lus yoṅs su ’dzin de lus gaṅ gis sems can rnams kyi don byed pa’i lus de yoṅs su ’dzin te | rab ’byor rnam pa de dag daṅ | rtags de dag daṅ | mtshan ma de dag daṅ ldan (2) pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni byaṅ chub kyi sems yid la byed pa daṅ ldan te | byaṅ chub kyi sems daṅ ma bral bas gzugs lhur len pa ma yin | (3) mtshan ma lhur len pa ma yin | lus lhur len pa ma yin | sbyin pa lhur len pa ma yin | de bźin du śes rab kyi bar du lhur len pa ma yin | bsam gtan lhur len pa ma yin | tshad med pa lhur len pa ma yin | gzugs med pa’i sñoms par ’jug pa lhur len pa ma yin | (4) mṅon par śes pa lhur len pa ma yin | de bźin gśegs pa’i stobs lhur len pa ma yin | mi ’jigs pa lhur len pa ma yin | byaṅ chub kyi bar du lhur len pa ma yin | saṅs rgyas kyi źiṅ yoṅs su dag par bya ba lhur len pa ma yin | sems can yoṅs su smin par bya ba lhur (5) len pa ma yin | saṅs rgyas blta ba lhur len pa ma yin | dge ba’i rtsa ba bskyed pa lhur len pa ma yin no ||
de ci’i phyir źe na | ’di ltar chos de dag ni nam mkha’ daṅ mñam pa daṅ | dṅos po med pa’i ṅo bo ñid daṅ | raṅ gi mtshan ñid kyis stoṅ pa’i phyir te | rab ’byor phyir mi ldog (6) pa’i byaṅ chub sems dpa’ sems dpa’ chen po ni spyod lam rnam bźir yaṅ byaṅ chub sems dpa’i yid la byed pa ’di daṅ ldan pas ’gro yaṅ ruṅ ldog kyaṅ ruṅ ste | sems ’khrul bźin du mi ’gro | sems ’khrul bźin du mi ’gred | sems ’khrul bźin (7) du mi ’chal | sems ’khrul bźin du mi ’dug | sems ’khrul bźin du mi ñal gyi | de ni dran bźin du ’oṅ ba daṅ | ’gro ba daṅ | ’chag pa daṅ | ’greṅ ba daṅ | ’dug pa daṅ | ñal bar byed de | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i (191a1) byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni khyim gyi naṅ na gnas śiṅ thabs la mkhas pas | sems can rnams yoṅs su smin par bya ba’i (2) phyir ’dod pa’i yon tan lṅa ston te | sems can rnams la sbyin pa sbyin źiṅ | zas ’dod pa rnams la ni zas sbyin pa nas | mi’i yo byad gaṅ yaṅ ruṅ ba’i bar du sbyin par byed de | de bdag ñid kyaṅ sbyin pa’i pha rol tu phyin pa la spyod la gźan dag kyaṅ sbyin pa’i pha rol tu phyin pa yaṅ dag (3) par ’dzin du ’jug ciṅ sbyin pa’i pha rol tu phyin pa’i bsṅags pa yaṅ rjod la | gźan gaṅ dag sbyin pa’i pha rol tu phyin pa la spyod pa de dag gi bsṅags pa yaṅ brjod ciṅ rjes su dga’ bar byed do ||
de bźin du sbyar te | gźan gaṅ dag śes rab kyi pha rol tu phyin pa’i bar la spyod pa de dag gi bsṅags (4) pa yaṅ brjod ciṅ rjes su dga’ bar byed do ||
rab ’byor phyir mi ldog pa’i byaṅ chub sems dpa’ sems dpa’ chen po de ni khyim gyi naṅ na gnas śiṅ | ’dzam bu’i gliṅ rin po che sna bdun gyis bkaṅ ste sbyin pa sbyin par byed do ||
stoṅ gsum gyi stoṅ chen po’i ’jig rten gyi khams kyi bar du (5) rin po che sna bdun gyis bkaṅ ste sbyin pa sbyin par byed la | ’dod pa dag la yaṅ yoṅs su mi spyod de | rtag tu rgyun mi chad par tshaṅs par spyod ciṅ | de su la yaṅ gnod pa gaṅ gis pha rol gyi yid mi dga’ bar ’gyur ba’i gnod pa mi skyed de | rab ’byor rnam pa de dag daṅ | rtags (6) de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ byaṅ chub sems dpa’ sems dpa’ chen po ’di ni riṅ po mi thogs par bla na med pa yaṅ dag par rdzogs pa’i byaṅ chub mṅon par rdzogs par ’tshaṅ (7) rgya bar ’gyur ro sñam nas bsruṅ ba daṅ yoṅs su bskyaṅ ba’i phyir | gnod sbyin lag na rdo rje rtag tu rgyun mi ’chad par byaṅ chub sems dpa’ sems dpa’ chen po phyir mi ldog pa’i phyi bźin ’braṅ bar ’gyur te | bla na med pa yaṅ dag par rdzogs pa’i sags rgyas pa’i saṅs rgyas pa’i phyi bźin ’braṅ ba bźin no ||
(191b1) rdo rje’i rigs lṅa’i bar du rtag tu rgyun mi chad par phyi bźin ’braṅ ste | de la mi rnams sam | mi ma yin pa rnams kyis gnod par byed mi nus te | de la ’jig rten na lha’am | bdud dam | tshaṅs pa’am | sus kyaṅ chos daṅ ’thun par thub pa med do ||
bla na med pa yaṅ dag par (2) rdzogs pa’i byaṅ chub mṅon par rdzogs par saṅs rgyas kyi bar du byaṅ chub yid la byed pa las | de’i sems rnam par g-yeṅ bar mi ’gyur ro ||
byaṅ chub sems dpa’ de’i dbaṅ po ma tshaṅ bar mi ’gyur te | ’di lta ste | mig gi dbaṅ po daṅ | yid kyi dbaṅ po’i bar daṅ | dad pa’i (3) dbaṅ po daṅ | brtson ’grus kyi dbaṅ po daṅ | dran pa’i dbaṅ po daṅ | tiṅ ṅe ’dzin gyi dbaṅ po daṅ | śes rab kyi dbaṅ po ma tshaṅ bar mi ’gyur ro ||
skyes bu dam pa yin gyi | skyes bu dam pa ma yin par mi ’gyur ro ||
rab ’byor gyis gsol pa | bcom ldan ’das byaṅ chub (4) sems dpa’ sems dpa’ chen po ji tsam gyis na skyes bu dam pa lags kyi | skyes bu dam pa ma lags par mi ’gyur ba lags | bcom ldan ’das kyis bka’ stsal pa | rab ’byor ji tsam du byaṅ chub sems dpa’ sesama dpa’ chen po’i byaṅ chub kyi sems rnam par g-yeṅ bar mi (5) ’gyur ba de tsam gyis na | rab ’byor byaṅ chub sems dpa’ sems dpa’ chen po skyes bu dam pa yin gyi | skyes bu dam pa ma yin par mi ’gyur ro ||
rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po (6) ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po byaṅ chub sems dpa’i yid la byed pa dag daṅ ldan pa ni bud med ’gugs par byed pa’i gsaṅ sṅags daṅ | rig sṅags daṅ | sman daṅ | sbyar sman gaṅ (7) yin pa de dag thams cad kyi thams cad rnam pa thams cad kyi thams cad du mi sbyor źiṅ sbyor du ’jug par mi byed la | bud med rnams ’gugs pa gaṅ yaṅ mi byed do ||
skyes pa’am | bud med la bu phor ’gyur ro źe’am | bu mor ’gyur ro źe’am | rigs ’phan par ’gyur ro źe’am | (192a1) tshe riṅ bar ’gyur ro źes kun brjod pa’i cho ’phrul ston par mi byed do ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen pos raṅ gi mtshan ñid kyis stoṅ pa’i chos rnams la mtshan ma yaṅ dag par rjes su ma mthoṅ ba’i phyir te | des mtshan ma (2) yaṅ dag par rjes su ma mthoṅ bas | ’tsho ba yoṅs su dag par gnas so ||
rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i (3) byaṅ chub sems dpa’ sems dpa’ chen po rnam pa daṅ | rtags daṅ | mtshan ma gaṅ dag daṅ ldan na phyir mi ldog pa’i byaṅ chub sems dpa’ sems dpa’ chen po yin par rig par bya ba rnam pa de dag daṅ | rtags de dag daṅ | mtshan ma de dag bstan gyi de dag legs par rab tu ñon la (4) yid la zuṅ śig daṅ bśad do ||
tshe daṅ ldan pa rab ’byor gyis | bcom ldan ’das de bźin no źes gsol te | bcom ldan ’das kyi ltar ñan pa daṅ | bcom ldan ’das kyis ’di skad ces bka’ stsal to ||
rab ’byor byaṅ chub sems dpa’ sems dpa’ chen po śes rab kyi pha rol tu (5) phyin pa zab mo ’di la spyod pa ni byaṅ chub sems dpa’i yid la byed pa dag daṅ ma bral bas phuṅ po’i sbyor ba la brtson par mi gnas so ||
khams daṅ skye mched kyi sbyor ba la brtson par mi gnas so ||
de ci’i phyir źe na | ’di ltar de stoṅ pa ñid la gnas pas chos gaṅ la yaṅ ṅan pa’am | mchog (6) tu gyur par yaṅ dag par rjes su mi mthoṅ ba’i phyir ro ||
de chom rkun gyi gtam gyi sbyor ba la brtson par mi gnas so ||
de ci’i phyir źe na | ’di ltar de ni raṅ gi mtshan ñid kyis stoṅ pa’i chos rnams la chos gaṅ la yaṅ bsdu ba’am | dbrog pa yaṅ dag par rjes su ma mthoṅ ba’i phyir ro ||
(7) de dmag gi gtam gyi sbyor ba la brtson par mi gnas so ||
de ci’i phyir źe na | ’di ltar de ni raṅ bźin stoṅ pa ñid la gnas pas chos gaṅ la yaṅ ñuṅ du’am | maṅ por yaṅ dag par rjes su ma mthoṅ ba’i phyir ro ||
de g-yul ’gyed pa’i gtam gyi sbyor ba la brtson par mi gnas so ||
(192b1) de ci’i phyir źe na | ’di ltar na chos thams cad ni de bźin ñid la gnas pas chos gaṅ la yaṅ rjes su ’chag pa’am | khoṅ khro ba yaṅ dag par rjes su ma mthoṅ ba’i phyir ro ||
de groṅ gi gtam gyi sbyor ba la brtson par mi gnas so ||
de ci’i phyir źe na | ’di ltar de chos thams (2) cad stoṅ pa ñid la gnas pa’i chos gaṅ la yaṅ tshogs sam tshogs ma yin par yaṅ dag par rjes su ma mthoṅ ba’i phyir ro ||
de groṅ khyer gyi gtam gyi sbyor ba la brtson par mi gnas so ||
de ci’i phyir źe na | ’di ltar de nam mkha’ stoṅ pa ñid la gnas pas | chos gaṅ (3) la yaṅ bsdu ba’am mi bsdu ba yaṅ dag par rjes su ma mthoṅ ba’i phyir ro ||
de groṅ rdal gyi gtam gyi sbyor ba la brtson par mi gnas so ||
de ci’i phyir źe na | ’di ltar de yaṅ dag pa’i mtha’ la gnas pas chos gaṅ la yaṅ ’phel ba’am | ’bri bar yaṅ dag par rjes su ma mthoṅ (4) ba’i phyir ro ||
de bdag gi gtam gyi sbyor ba la brtson par mi gnas te | de bźin du śes pa po daṅ | mthoṅ ba po’i bar gyi gtam gyi sbyor ba la brtson par mi gnas so ||
de ci’i phyir źe na | chos thams cad śin tu rnam par dag pa’i phyir te | gźan du na śes rab kyi pha (5) rol tu phyin pa’i gtam gyi sbyor ba la brtson par gnas śiṅ | rnam pa thams cad mkhyen pa ñid kyi bar daṅ ldan pa’i yid la bya ba dag daṅ ma bral bar gnas so ||
de pha rol tu phyin pa drug po dag gis gnas śiṅ | de sbyin pa’i pha rol tu phyin pa la spyod de | ser sna’i sbyor ba la brtson (6) par mi gnas so ||
tshul khrims kyi pha rol tu phyin pa la spyod de | ’chal pa’i tshul khrims kyi sbyor ba la brtson par mi gnas so ||
bzod pa’i pha rol tu phyin pa la spyod de | ’khrug pa’i sbyor ba la brtson par mi gnas so ||
brtson ’grus kyi pha rol tu phyin pa la spyod de | le lo’i (7) sbyor ba la brtson par mi gnas so ||
bsam gtan gyi pha rol tu phyin pa la spyod de | rnam par g-yeṅ ba’i sbyor ba la brtson par mi gnas so ||
śes rab kyi pha rol tu phyin pa la spyod de | ’chal pa’i śes rab kyi sbyor ba la brtson par mi gnas so ||
de chos thams cad stoṅ pa (193a1) ñid la gnas śiṅ | chos ’dod pa ñid yin gyi | chos mi ’dod pa ñid ma yin no ||
chos kyi dbyiṅs la spyod ciṅ chos tha dad pa’i bsṅags pa brjod pa ma yin no ||
de saṅs rgyas bcom ldan ’das rnams daṅ | byaṅ chub sems dpa’ sems dpa’ chen po rnams la dge (2) ba’i bśes gñen du ’dod pa yin no ||
rigs kyi bu’am | rigs kyi bu mo ñan thos daṅ | raṅ saṅs rgyas kyi theg pa gaṅ yin pa de dag kyaṅ bla na med pa yaṅ dag par rdzogs pa’i byaṅ chub yaṅ dag par ’dzin du ’jug go ||
de de bźin (3) gśegs pa dgra bcom pa yaṅ dag par rdzogs pa’i saṅs rgyas mñes par byed ciṅ | lta ba’i phyir | ’jig rten gyi khams gaṅ na bźugs śiṅ gźes pa der skye ba ste | de ’dod na der skye źiṅ | ’di lta ste | saṅs rgyas yid la byed pa’i yid la byed pa de dag gis ñin (4) mtshan du gnas so ||
de ci’i phyir źe na | rab ’byor ’di ltar phyir mi ldog pa’i byaṅ chub sems dpa’ sems dpa’ chen po rnams ni phal cher ’dod pa’i khams daṅ ldan pa’i yid la bya ba dag skyed nas | dge ba bcu’i las kyi lam rnams la gnas te | gaṅ na de bźin gśegs (5) pa dgra bcom pa yaṅ dag par rdzogs pa’i saṅs rgyas rnams mṅon du gyur par bźugs te | ’tsho źiṅ gźes pa’i saṅs rgyas kyi źiṅ de dag tu skye ba daṅ | bsam gtan daṅ po skyed ciṅ | ’du śes med ’du śes med min skye mched kyi sñoms par ’jug pa’i bar du skyed nas | (6) gaṅ na de bźin gśegs pa dgra bcom pa yaṅ dag par rdzogs pa’i saṅs rgyas rnams mṅon du gyur par bźugs te | ’tsho źiṅ gźes pa der skye ba’i phyir te | rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sesama dpa’ (7) chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa naṅ stoṅ pa ñid la gnas pa daṅ | dṅos po med pa’i ṅo bo ñid stoṅ pa ñid kyi bar la gnas pa daṅ | dran pa ñe bar gźag (193b1) pa la gnas pa daṅ | de bźin du sbyar te | rnam par thar pa’i sgo stoṅ pa ñid daṅ | mtshan ma med pa daṅ | smon pa med pa’i bar la gnas pa de ’di sñam du bdag ni phyir mi ldog pa’am | phyir mi ldog pa ma yin no sñam du de the tsom mi skye źiṅ | raṅ gis la som ñi med pa yin no ||
(2) de ci’i phyir źe na | ’di ltar de ni phyir mi ldog pa’am | phyir mi ldog pa ma yin pa’i chos phra rab tsam yaṅ yaṅ dag par rjes su mi mthoṅ ba’i phyir ro ||
rab ’byor ’di lta ste dper na | rgyun du źugs pa’i mi rgyun du źugs pa’i ’bras bu’i sa la gnas pa ni raṅ gis la so ma ñi med ciṅ (3) the tshom mi za’o ||
de bźin du sbyar te | saṅs rgyas kyi sa’i bar la gnas pa yaṅ som ñi med ciṅ the tsom mi za’o ||
rab ’byor de bźin du byaṅ chub sems dpa’ sems dpa’ chen po raṅ gis la gnas pa yaṅ som ñi med ciṅ the tsom mi za’o ||
de phyir mi ldog pa’i sa de la gnas te | (4) saṅs rgyas kyi źiṅ yoṅs su dag par byed do ||
sems can rnams kyaṅ yoṅs su smin par byed do ||
bdud kyi las skyes śiṅ byuṅ ba dag kyaṅ śes te | bdud kyi las kyi dbaṅ du yaṅ mi ’gro’o ||
bdud kyi las thams cad śes nas kyaṅ rnam par ’joms śiṅ sra ba mor byed do ||
(5) rab ’byor ’di lta ste dper na | mtshams med pa byed pa’i mi ni ’chi ka’i bar du yaṅ mtshams med pa’i sems daṅ mi ’bral źiṅ | de’i mtshams med pa’i sems de rjes su ’braṅ źiṅ | mtshams med pa’i sems de ni thabs thams cad kyis kyaṅ gźil bar mi nus te | de ni (6) kun nas ldaṅ bas sems de ni ’chi ka’i bar du yaṅ rjes su ’braṅ ṅo ||
rab ’byor de bźin du phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i sems de yaṅ phyir mi ldog pa’i sa la gnas par gyur nas sems de rnam par brtag tu med ciṅ mo g-yo ste | (7) de ni lha daṅ mi daṅ | lha ma yin du bcas pa’i ’jig rten gyis bzlog par mi nus so ||
de ci’i phyir źe na | ’di ltar phyir mi ldog pa’i sems de ni | lha daṅ mi daṅ | lha ma yin du bcas pa’i ’jig rten las ’das nas | yaṅ dag pa ñid skyon med pa la źugs te | de raṅ (194a1) gis la gnas nas mṅon par śes pa rnams kyi dam pa’i pha rol tu son pas | saṅs rgyas kyi źiṅ yaṅ yoṅs su dag par byad | sems can rnams kyaṅ yoṅs su smin par byed de | saṅs rgyas bcom ldan ’das rnams la blta ba daṅ | phyag bya ba daṅ | (2) chos mñan pa’i phyir | saṅs rgyas kyi źiṅ nas saṅs rgyas kyi źiṅ du ’gro ste | saṅs rgyas kyi źiṅ de dag tu saṅs rgyas bcom ldan ’das rnams la dge ba’i rtsa ba rnams kyaṅ skyed ciṅ | saṅs rgyas bcom ldan ’das de dag la yoṅs su ’dri bar byed | yoṅs su źu bar byed | (3) bsñen bkur byed pa’i phyir ro ||
rab ’byor byaṅ chub sems dpa’ sems dpa’ chen po de de ltar gnas pa’i bdud kyi las skyes śiṅ byuṅ ba rnams khoṅ du chud de | bdud kyi las skyes śiṅ byuṅ ba rnams kyi dbaṅ du yaṅ mi ’gro’o ||
bdud kyi las de dag kyag thabs la mkhas pas yaṅ (4) dag pa’i mtha’ la sbyor bar byed ciṅ | de raṅ gis la ne ma nur med de the tshom mi za’o ||
de ci’i phyir źe na | ’di ltar de yaṅ dag pa’i mtha’ la som ñi med pas | yaṅ dag pa’i mtha’ la gcig gam | gñis su rnam par mi rtog ste | de ltar śes pas de tshe rjes nas kyaṅ ñan thos (5) daṅ raṅ saṅs rgyas kyis ra sems mi skyed do ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen po ni raṅ gi mtshan ñid kyis stoṅ pa’i chos rnams la chos gaṅ yaṅ skye ba’am | ’gag pa’am | kun nas ñon moṅs pa’am | rnam par byaṅ bar yaṅ dag (6) par rjes su mi mthoṅ ba’i phyir ro ||
rab ’byor byaṅ chub sems dpa’ sems dpa’ chen po de tshe rjes nas kyaṅ ’di sñam du | bdag ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur ro sñam du mi sems kyi bdag gdon mi za bar bla na med pa yaṅ (7) dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
de ci’i phyir źe na | rab ’byor de ltar bla na med pa yaṅ dag par rdzogs pa’i byaṅ chub tu raṅ gi mtshan ñid kyis stoṅ pa’i phyir ro ||
rab ’byor byaṅ chub sems dpa’ sems dpa’ chen po (194b1) raṅ gis la de ltar gnas pa de ni raṅ gis la gźan gyi driṅ mi ’jog pa yin | raṅ gi sa la thub pa med pa yin no ||
de ci’i phyir źe na | rab ’byor ’di ltar phyir mi ldog pa’i byaṅ chub sems dpa’ sems dpa’ chen po de ltar gnas pa ni mi ’phrogs pa’i ye śes daṅ ldan pa yin pa’i phyir te | rab (2) ’byor gal te phyir mi ldog pa’i byaṅ chub sems dpa’ sems dpa’ chen po’i druṅ du bdud sdig can saṅs rgyas kyi cha byad kyis ’oṅs nas | ’di skad du khyod kyis ’di ñid du dgra bom pa ñid thob par gyis śig | khyod ni bla na med pa yaṅ dag par rdzogs pa’i byaṅ chub tu luṅ ma bstan to ||
(3) de bźin gśegs pa dgra bcom pa yaṅ dag par rdzogs pa’i saṅs rgyas de dag gis gaṅ gi khyod bla na med pa yaṅ dag par rdzogs pa’i byaṅ chub tu luṅ bstan par ’gyur ba’i mi skye ba’i chos la bzod pa yaṅ khyod kyis ma thob bo | rnam pa gaṅ dag daṅ | rtags gaṅ dag daṅ | mtshan ma (4) gaṅ dag daṅ ldan na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu luṅ bstan par ’gyur ba’i rnam pa de dag daṅ | rtags de dag daṅ | mtshan ma de dag kyaṅ khyod la med do źes zer yaṅ | rab ’byor gal te byaṅ chub sems dpa’ sems (5) dpa’ chen pos sgra de thos nas | mi źum | mi ’goṅ źiṅ | de’i sems gźan du mi ’gyur la yid skrag par mi ’gyur na | rab ’byor byaṅ chub sems dpa’ sems dpa’ chen pos bdag ni de bźin gśegs pa dgra bcom pa yaṅ dag par rdzogs pa’i saṅs rgyas de dag (6) gis bla na med pa yaṅ dag par rdzogs pa’i byaṅ chub tu luṅ bstan to sñam du rig par bya’o ||
de ci’i phyir źe na | de ltar chos gaṅ dag daṅ ldan na | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu luṅ bstan par ’gyur ba’i chos de (7) dag pa dag la yod do sñam ma’i phyir ro ||
rab ’byor gal te byaṅ chub sems dpa’ sems dpa’ chen po’i druṅ du bdud sdig can saṅs rgyas kyi cha byad kyis ’oṅs nas | ’di skad ces khyod ni bla na med pa yaṅ dag par rdzogs pa’i byaṅ chub tu luṅ ma bstan te | khyod ñan thos kyis (195a1) ’am | raṅ saṅs rgyas kyi sar ṅes so źes zer yaṅ | rab ’byor gal te byaṅ chub sems dpa’ sems dpa’ chen po ’di sñam du | kye ma ’di ni bdud dam | bdud kyis byin gyis brlabs pa’i mi źig saṅs rgyas kyi cha byad kyis ’oṅs kyi | de bźin gśegs (2) pa dgra bcom pa yaṅ dag par rdzogs pa’i saṅs rgyas ni | byaṅ chub sems dpa’ sems dpa’ chen po ñan thos kyi sa’am | raṅ saṅs rgyas kyi sa yaṅ dag par ’dzin du ’jug par mi mdzad do sñam du sems na | rab ’byor byaṅ chub sems dpa’ sems dpa’ chen po de ni luṅ bstan (3) pa yin par rig par bya’o ||
rab ’byor gal te byaṅ chub sems dpa’ sems dpa’ chen po śin tu rgyas pa’i mdo sde dag klog ciṅ | kha ton byed pa’i druṅ du bdud sdig can saṅs rgyas kyi cha byad kyis ’oṅs nas | ’di skad ces gaṅ la khyod spyod pa’i mdo sde ’di dag ni saṅs rgyas rnams daṅ (4) ñan thos rnams kyis bśad pa ma yin gyi mdo sde ’di dag ni bdud kyis bśad pa’o źes zer na | rab ’byor de la byaṅ chub sems dpa’ sems po kye ma gaṅ dag bla na med pa yaṅ dag par rdzogs pa’i byaṅ chub daṅ bral bar byed pa ’di ni bdud sdig can nam | bdud kyis byin gyis (5) brlabs pa’i mi źig yin no sñam du rig par byed na | rab ’byor byaṅ chub sems dpa’ sems dpa’ chen po de ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis bla na med pa yaṅ dag par rdzogs pa’i byaṅ chub tu luṅ bstan ciṅ | byaṅ chub sems (6) dpa’ sems dpa’ chen po de ni phyir mi ldog pa’i sa la gnas par rig par bya’o ||
de ci’i phyir źe na | rab ’byor ’di ltar phyir mi ldog pa’i byaṅ chub sems dpa’ sems dpa’ chen po rnams kyi rnam pa de dag daṅ | rtags de dag daṅ | mtshan ma de dag de la yod pa’i phyir ro ||
(7) rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sesama dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | (195b1) dam pa’i chos yoṅs su gzuṅ ba’i ched du bdag kyaṅ yoṅs su gtoṅ bar byed la | srog kyaṅ yoṅs su gtoṅ bar byed do ||
rab ’byor byaṅ chub sems dpa’ sems dpa’ chen po de ni dam pa’i chos yoṅs su gzuṅ ba’i ched du ji ltar ’das pa daṅ | ma byon pa daṅ | da ltar byuṅ (2) ba’i saṅs rgyas bcom ldan ’das rnams kyi dam pa’i chos yoṅs su ’dzin par byed ba de ltar brtson par byed do ||
de ci’i phyir źe na | ’di ltar de ni ’di sñam du sems te | dam pa’i chos yoṅs su bzuṅ na | ’das pa daṅ | ma byon pa daṅ | da ltar byuṅ ba’i saṅs rgyas bcom (3) ldan ’das rnams la mchod par ’gyur | de dag gi dam pa’i chos kyaṅ yoṅs su gzuṅ bar ’gyur ro sñam pa’i phyir ro de la chos gaṅ gi ched du bdag kyaṅ yoṅs su gtoṅ bar byed pa’i chos gaṅ źe na | ’di la de bźin gśegs pa dgra bcom pa yaṅ dag par rdzogs pa’i saṅs rgyas kyis chos (4) thams cad stoṅ ṅo źes chos ston pa ste | de la mi blun po kha cig ’di ni chos ma yin ’di ni ’dul ba ma yin | ’di ni ston pa’i bstan pa ma yin no ||
źes phyir zlog ciṅ phyir rgol te | rab ’byor chos de’i ched du byaṅ chub sems dpa’ sems dpa’ chen po bdag kyaṅ yoṅs su (5) gtoṅ bar byed do ||
rab ’byor de la byaṅ chub sems dpa’ sems dpa’ chen pos ’di ltar bslab par bya ste | de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ma ’oṅs ba na | ’byuṅ ba de dag gi naṅ du bdag kyaṅ graṅs su chuṅ par bya’o ||
bdag (6) kyaṅ der luṅ bstan to ||
chos gaṅ gi ched du bdag gis bdag kyaṅ yoṅs su gtaṅ bar bya ba daṅ | srog kyaṅ yoṅs su gtaṅ bar bya ba de yaṅ bdag gi chos so źes bslab par bya’o ||
rab ’byor byaṅ cub sems dpa’ sems dpa’ chen pos don gyi dbaṅ ’id mthoṅ bas | dam pa’i (7) chos kyi ched du bdag kyaṅ yoṅs su gtoṅ bar byed do ||
rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems dpa’ sems dpa’ chen po ni phyir mi ldog par rig par bya’o ||
rab ’byor gźan yaṅ phyir mi ldog pa’i byaṅ chub sems (196a1) dpa’ sems dpa’ chen po ni de bźin gśegs pa dgra bcom pa yaṅ dag par rdzogs pa’i saṅs rgyas kyi chos ston pa la som ñi med ciṅ the tsom mi za ste | saṅs rgyas bcom ldan ’das de dag gis gaṅ gsuṅs pa de thams cad yoṅs su ’dzin to ||
(2) de ltar bzuṅ nas kyaṅ chud za bar mi byed do ||
de ci’i phyir źe na | ’di ltar gzuṅs thob pa’i phyir ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gzuṅs gaṅ thob bas de bźin gśegs pas gsuṅs (3) pa’i mdo sde rnams byaṅ chub sems dpa’ sems dpa’ chen po la chab mi ’tshal bar ’gyur ba lags | bcom ldan ’das kyis bka’ stsal pa | rab ’byor ’dzin pa’i gzuṅs thob pas de bźin gśegs pas gsuṅs pa’i mdo sde rnams byaṅ chub sems dpa’ (4) sems dpa’ chen po la chud za bar mi ’gyur ro ||
rab ’byor gyis gsol pa | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis gsuṅs pa kho na la the tsom mi ’tshal du bas kyaṅ ñan thos kyis bśad pa rnams la ma lags (5) sam | lhas bśad pa rnams la ma lags sam | klus bśad pa rnams la ma lags sam | gnod sbyin gyis bśad pa rnams la ma lags sam | dri zas bśad pa rnams la ma lags sam | lha ma yin gyis bśad pa rnams la ma lags sam | nam mkha’ (6) ldiṅ gis bśad pa rnams la ma lags sam | mi ’am cis bśad pa rnams la ma lags sam | lto ’phye chen pos bśad pa rnams la ma lags sam | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po ni skad daṅ | (7) brda daṅ | sgra gaṅ dag ci yaṅ ruṅ ste | thams cad la som ñi med ciṅ the tsom mi za’o ||
de ci’i phyir źe na | ’di ltar ’dzin pa’i gzuṅs thob pa’i phyir ro ||
rab ’byor rnam pa de dag daṅ | rtags de dag daṅ | mtshan ma de dag daṅ ldan pa’i byaṅ chub sems (196b1) dpa’ sems dpa’ chen po ni phyir mi ldog par rig par bya’o ||
śes rab kyi pha rol tu phyin pa khri brgyad stoṅ ba las phyir mi ldog pa’i rtags bstan pa’i le’u źes bya ste lṅa bcu pa’o || ||
śes rab kyi pha rol tu phyin pa khri brgyad stoṅ ba | bam po sum (2) cu rtsa brgyad pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das phyir mi ldog pa’i byaṅ chub sems dpa’ sems dpa’ chen po ni yon tan chen po daṅ ldan pa lags so ||
bcom ldan (3) ’das phyir mi ldog pa’i byaṅ chub sems dpa’ sems dpa’ chen po ni yon tan dpag tu ma mchis pa daṅ ldan pa lags so ||
bcom ldan ’das phyir mi ldog pa’i byaṅ chub sems dpa’ sems dpa’ chen po ni yon tan tshad ma mchis pa daṅ ldan pa lags so ||
bcom ldan (4) ’das kyis bka’ stsal pa | rab ’byor de de bźin no ||
de de bźin te | phyir mi ldog pa’i byaṅ chub sems dpa’ sems dpa’ chen po ni yon tan chen po daṅ ldan pa yin no ||
rab ’byor phyir mi ldog pa’i byaṅ chub sems dpa’ sems dpa’ chen po ni yon tan dpag tu (5) med pa daṅ ldan pa yin no ||
rab ’byor phyir mi ldog pa’i byaṅ chub sems dpa’ sems dpa’ chen po ni yon tan tshad med pa daṅ ldan pa yin no ||
de ci’i phyir źe na | ’di ltar des ñan thos daṅ | raṅ saṅs rgyas thams cad daṅ thun moṅ ma yin pa’i ye śes mtha’ yas (6) mu med pa thob pa’i phyir te | phyir mi ldog pa’i byaṅ chub sems dpa’ sems dpa’ chen po ni ye śes de la gnas śiṅ so so yaṅ dag par rig pa gaṅ dag mṅon par bsgrubs pas | lha daṅ | mi daṅ | lha ma yin du bcas pa’i ’jig rten gyis dris kyaṅ tshig gi lan mthar thug par (7) mi nus pa’i so so yaṅ dag par rig pa dag mṅon par sgrub bo ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas rnams ni rnam pa gaṅ dag daṅ | (197a1) rtags gaṅ dag daṅ | mtshan ma gaṅ dag gis phyir mi ldog pa’i byaṅ chub sems dpa’ sems dpa’ chen po legs par rab tu dbye bar bgyi ba phyir mi ldog pa’i byaṅ chub sems dpa’ sems dpa’ chen po’i rnam pa rnams daṅ | rtags rnams daṅ | mtshan ma (2) rnams bskal pa gaṅ g’i kluṅ gi bye ma sñed du ston par spyod lags na | bcom ldan ’das byaṅ chub sems dpa’ sesama dpa’ chen po dag gaṅ la gnas śiṅ pha rol tu phyin pa drug la spyod pa na | dran pa ñe bar gźag pa bźi yoṅs su rdzogs par bgyid pa daṅ | rnam pa thams cad (3) mkhyen pa ñid kyi bar du yoṅs su rdzogs par bgyid pa’i gnas zab mo rnams legs par bstan du gsol | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor legs so legs so ||
rab ’byor khyod (4) phyir mi ldog pa’i byaṅ chub sems dpa’ sems dpa’ chen po rnams kyi don du gnas zab mo zab mo rnams yoṅs su ’dri bar sems pa ni yaṅ khyod legs so ||
rab ’byor gnas zab mo źes bya ba ni stoṅ pa ñid daṅ | mtshan ma med pa daṅ | smon pa med pa daṅ | mṅon par (5) ’du bya ba med pa daṅ | skye ba med pa daṅ | ’dod chags daṅ bral ba daṅ | ’gog pa daṅ | mya ṅan las ’das pa daṅ | źi ba daṅ | de bźin ñid daṅ | yaṅ dag pa’i mtha’ daṅ | chos kyi dbyiṅs kyi tshig bla dgas yin te | rab ’byor zab mo’i gnas de dag ni (6) gaṅ dag mya ṅan las ’das pa źes bya ba’i tshig bla dgas su gyur pa rnams yin no ||
rab ’byor gyis gsol pa | bcom ldan ’das ci de mya ṅan las ’das pa’i tshig bla dgas su bas kyi bcom ldan ’das chos thams cad kyi tshig bla dgas ma lags sam | bcom ldan ’das (7) gyis bka’ stsal pa | rab ’byor ’di lta ste zab mo zab mo źes bya ba de ni chos thams cad kyi tshig bla dgas kyaṅ yin no ||
de ci’i phyir źe na | rab ’byor gzugs zab pa daṅ | rab ’byor tshor ba daṅ | ’du śes daṅ | ’du byed rnams daṅ | rnam par śes pa yaṅ zab ba daṅ | (197b1) rab ’byor mig kyaṅ zab pa daṅ | rab ’byor de bźin du sbyar te | yid kyi bar du yaṅ zab pa daṅ | rab ’byor byaṅ chub kyi bar du yaṅ zab pa’i phyir ro ||
rab ’byor ji ltar na gzugs zab pa yin źe na | gzugs kyi de bźin ñid ji lta ba de ltar gzugs zab bo ||
tshor ba daṅ | ’du (2) śes daṅ | ’du byed rnams daṅ | rnam par śes pa’i de bźin ñid ji lta ba de ltar rnam par śes pa zab bo ||
rab ’byor de bźin du sbyar te | byaṅ chub kyi bar gyi de bźin ñid ji lta ba de ltar byaṅ chub zab bo ||
rab ’byor gyis gsol ba | bcom ldan ’das gzugs kyi de bźin (3) ñid ji lta bu lags | byaṅ chub kyi bar gyi de bźin ñid ji lta bu lags | bcom ldan ’das kyis bka’ stsal pa | rab ’byor gzugs kyi de bźin ñid de la ni gzugs med la gzugs las gud na yaṅ de bźin ñid med de | gzugs kyi de bźin ñid ni de lta bu’o ||
rab ’byor de bźin (4) ñid la ni rnam par śes pa’i bar du med la | rnam par śes pa las gud na yaṅ de bźin ñid med de | rnam par śes pa’i de bźin ñid ni de lta bu’o ||
de bźin ñid la ni byaṅ chub kyi bar du med la | byaṅ chub las gud nas yaṅ de bźin ñid med de byaṅ chub kyi de bźin ñid ni de lta bu’o ||
(5) de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ji tsam du thabs sla bas phyir mi ldog pa’i byaṅ chub sems dpa’ sems dpa’ chen po dag gzugs las kyaṅ bzlog mya ṅan las ’das pa yaṅ ston | tshor (6) ba daṅ ’du śes daṅ ’du byed rnams daṅ rnam par śes pa las kyaṅ bzlog | mya ṅan las ’das pa yaṅ bstan | ’jig rten pa daṅ ’jig rten las ’das pa daṅ | thun moṅ daṅ thun moṅ ma lags pa daṅ | zag ba daṅ bcas pa daṅ | zag pa ma mchis pa la ’dzin pa thams cad (7) las kyaṅ bzlog | mya ṅan las ’das pa yaṅ bstan pa ni ṅo mtshar lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gaṅ gi tshe byaṅ chub sems dpa’ sems dpa’ chen pos ji skad bstan pa’i (198a1) śes rab kyi pha rol tu phyin pa la bdag gis ’di ltar gnas par bya’o ||
ji skad bstan pa’i śes rab kyi pha rol tu phyin pa la bdag gis ’di ltar bslab par bya’o sñam du | śes rab kyi pha rol tu phyin pa daṅ ldan pa’i gnas zab mo zab mo ’di dag la sems par byed ’jal (2) bar byed ṅes par sems par byed na rab ’byor byaṅ chub sems dpa’ sems dpa’ chen po ji skad bstan pa’i śes rab kyi pha rol tu phyin pa la de ltar sgrub pa daṅ | ji skad bstan pa’i śes rab kyi pha rol tu phyin pa la de ltar ṅes par sems pa daṅ de ltar ñe bar rtog pa daṅ de ltar sbyor ba daṅ de ltar (3) ’bad pa daṅ de ltar rtsol ba de ni sems bskyed pa gcig gis kyaṅ dge ba’i rtsa ba graṅs med dpag tu med tshad med pa dag yoṅs su ’dzin par ’gyur źiṅ | bskal pa dpag tu med par ’khor ba spoṅ bar ’gyur na śes rab kyi pha rol tu phyin pa la ma ’dres par spyod ciṅ | byaṅ chub daṅ ldan pa’i yid (4) la byed pa dag gis gnas pa lta smos kyaṅ ci dgos | rab ’byor ’di lta ste dper na skyes bu ’dod chags la spyod ciṅ rnam par rtog pa la spyod pa źig yod la | de bud med gzugs bzaṅ ba mdzes pa blta na sdug pa źig btus par gyur la | bud med de yaṅ gźan gyis yoṅs su (5) bzuṅ ba źig ste | khyim nas phyir ’byuṅ bar ma nus na | rab ’byor ’di ji sñam du sems | skyes bu de rnam par rtog pa ji lta bu daṅ ldan pa dag ’byuṅ bar ’gyur sñam | rab ’byor gyis gsol pa | bcom ldan ’das skyes bu de ni mchi lags graṅ de mchis nas kyaṅ de daṅ lhan (6) cig tu mchis ñal bar bgyi ba daṅ | slar ldog par bgyi ba daṅ | dga’ mgur spyad par bgyi’o sñam ste | bud med daṅ ldan pa’i rnam par rtog pa rnams ’byuṅ bar ’gyur lags so ||
bcom ldan ’das kyis bka’ stsal pa | rab ’byor ’di ji stam du sems | ñin par (7) ram mtshan mo ’das nas | skyes bu de’i rnam par rtog pa ji sñed cig ’byuṅ bar ’gyur sñam | rab ’byor gyis gsol pa | bcom ldan ’das gdugs sam | mtshan mo ’das nas skyes bu de’i rnam par rtog pa ’byuṅ ba ni maṅ lags so ||
bde bar gśegs pa maṅ lags (198b1) so ||
bcom ldan ’das kyis bka’ stsal pa | rab ’byor ñin mtshan ’das na | skyes bu de’i rnam par rtog pa ji sñed du ’byuṅ bar ’gyur ba de sñed du | rab ’byor byaṅ chub sems dpa’ sems dpa’ chen po gaṅ ji skad bstan pa’i śes rab kyi pha rol tu phyin pa zab mo ’di la slob pa (2) daṅ ñe bar rtog pa daṅ | skyon gaṅ gis byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub las phyir ldog par ’gyur ba’i skyon de dag ji ltar spoṅ bar ’gyur ba de lta de ltar brtson par byed pa de ni | de sñed kyi bskal par ’khor ba spoṅ bar ’gyur (3) bsñil bar ’gyur ro ||
rab ’byor byaṅ chub sems dpa’ sems dpa’ chen po de ltar ji skad bstan pa’i śes rab kyi pha rol tu phyin pa la rnal ’byor du bya ba la brtson źiṅ gnas pa ’dis gnas pas ñin gcig la dge ba’i rtsa ba gaṅ yoṅs su bzuṅ ba des ’jig rten gyi khams gaṅ g’i (4) kluṅ gi bye ma sñed dag yoṅs su gaṅ bar gyur kyaṅ | de ni dge ba’i rtsa ba de’i lhag ma’i brgya’i cha’am | stoṅ gi cha’am | ’bum gyi cha’am | graṅs sam | cha’am | bgraṅ ba’am | dpe’am rgyur yaṅ ñe bar mi ’gro’o ||
rab ’byor gźan yaṅ byaṅ chub sems dpa’ sems dpa’ chen (5) po śes rab kyi pha rol tu phyin pa daṅ bral bar bskal pa gaṅ g’i kluṅ gi bye ma sñed du dkon mchog gsum po saṅs rgyas dkon mchog daṅ chos dkon mchog daṅ dge ’dun dkon mchog la sbyin pa sbyin par byed na | rab ’byor ’di ji sñam du sems | byaṅ chub sems dpa’ sems dpa’ chen po de (6) gźi de las bsod nams maṅ du skyed par ’gyur sñam ’am | rab ’byor gyis gsol pa | bcom ldan ’das maṅ lags so ||
bde bar gśegs pa maṅ lags te | graṅs ma mchis | dpag tu ma mchis | tshad ma mchis lags so ||
bcom ldan ’das kyis bka’ stsal (7) pa | rab ’byor de bas kyaṅ byaṅ chub sems dpa’ sems dpa’ chen po gaṅ ji skad bstan pa’i śes rab kyi pha rol tu phyin pa ’di la brtson par byed pa de ni ches bsod nams maṅ du skyed do ||
de ci’i phyir źe na | rab ’byor ’di ñid byaṅ chub sems dpa’ sems dpa’ chen po rnams kyi theg pa (199a1) yin te | theg pa des bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba’i phyir ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral bar bskal pa gaṅ g’i kluṅ gi bye ma (2) sñed du gnas śiṅ rgyun du źugs pa rnams la sbyin pa sbyin pa daṅ | lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams la sbyin pa sbyin pa daṅ | raṅ saṅs rgyas rnams la sbyin pa sbyin pa daṅ | de bźin gśegs pa dgra bcom pa yaṅ dag par (3) rdzogs pa’i saṅs rgyas rnams la sbyin pa sbyin par byed na | rab ’byor ’di ji sñam du sems | byaṅ chub sems dpa’ sems dpa’ chen po de gźi de las bsod nams maṅ du skyed par ’gyur sñam ’am | rab ’byor gyis gsol pa | bcom ldan ’das maṅ lags so ||
(4) bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas kyaṅ rigs kyi bu’am rigs kyi bu mo gaṅ ji skad bstan pa’i śes rab kyi pha rol tu phyin pa zab mo ’di la brtson par byed na | de ñid ches bsod nams maṅ du skyed par ’gyur ro ||
de ci’i (5) phyir źe na | byaṅ chub sems dpa’ sems dpa’ chen pos śes rab kyi pha rol tu phyin pa zab mo ’di la spyad nas | ñan thos daṅ | raṅ saṅs rgyas kyi sa las śin tu ’das śiṅ | byaṅ chub sems dpa’i skyon med pa la ’jug pa daṅ | bla na med pa yaṅ dag par rdzogs pa’i byaṅ (6) chub kyi bar du yaṅ mṅon par rdzogs par ’tshaṅ rgya bar ’gyur ba’i phyir ro ||
rab ’byor ’di ji sñam du sems | byaṅ chub sems dpa’ sems dpa’ chen po śes rab kyi pha rol tu phyin pa daṅ bral ba gaṅ źig bskal pa gaṅ g’i kluṅ gi bye ma sñed du gnas śiṅ sbyin pa sbyin pa daṅ | tshul khrims (7) sruṅ ba daṅ | bzod pa sgrub pa daṅ | brtson ’grus rtsom pa daṅ | bsam gtan la mñam par ’jog pa daṅ | śes rab sgom par byed na | rab ’byor byaṅ chub sems dpa’ sems dpa’ chen po de gźi de las bsod nams maṅ du skyed par ’gyur sñam ’am | rab ’byor (199b1) gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas kyaṅ rigs kyi bu’am rigs kyi bu mo gaṅ ñin gcig cig ji skad bstan pa’i śes rab kyi pha rol tu phyin pa zab mo ’di la (2) gnas te sbyin pa sbyin pa daṅ | tshul khrims sruṅ ba daṅ | bzod pa sgrub pa daṅ | brtson ’grus rtsom pa daṅ | bsam gtan la mñam par ’jog pa daṅ | śes rab sgom pa de ches bsod nams maṅ du skyed par ’gyur ro ||
de ci’i phyir źe na | rab ’byor ’di lta ste | śes rab (3) kyi pha rol tu phyin pa ’di ni byaṅ chub sems dpa’ sems dpa’ chen po rnams kyi ma yin pa daṅ | śes rab kyi pha rol tu phyin pa ’di ni byaṅ chub sems dpa’ sems dpa’ chen po rnams kyi skyed pa yin pa daṅ | rab ’byor byaṅ chub sems dpa’ sems dpa’ chen po rnams śes rab kyi pha (4) rol tu phyin pa ’di la gnas nas chos thams cad yoṅs su rdzogs par byed pa’i phyir ro ||
rab ’byor ’di ji sñam du sems | byaṅ chub sems dpa’ sems dpa’ chen po śes rab kyi pha rol tu phyin pa daṅ bral ba gaṅ źig bskal pa gaṅ g’i kluṅ gi bye ma sñed du ’das śiṅ | chos kyi sbyin (5) pa sbyin par byed na | rab ’byor ’di ji sñam du sems | rigs kyi bu’am | rigs kyi bu mo de gźi de las bsod nams maṅ du skyed par ’gyur sñam ’am | rab ’byor gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das (6) kyis bka’ stsal pa | rab ’byor de bas kyaṅ rigs kyi bu’am | rigs kyi bu mo gaṅ ji skad bstan pa bźin du śes rab kyi pha rol tu phyin pa zab mo ’di la ñin gcig cig gnas te | chos kyi sbyin pa sbyin par byed na | de ches bsod nams maṅ du skyed par ’gyur ro ||
de ci’i phyir źe na | rab (7) ’byor ’di ltar byaṅ chub sems dpa’ sems dpa’ chen po gaṅ śes rab kyi pha rol tu phyin pa daṅ bral ba de ni rnam pa thams cad mkhyen pa ñid daṅ bral ba yin la | rab ’byor byaṅ chub sems dpa’ sems dpa’ chen po gaṅ śes rab kyi pha rol tu phyin pa daṅ ma bral ba de ni rnam pa thams cad mkhyen pa (200a1) ñid daṅ ma bral ba yin pa’i phyir te | rab ’byor de lta bas na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas śes rab kyi pha rol tu phyin pa daṅ mi ’bral bar bya’o ||
rab ’byor ’di (2) ji sñam du sems | byaṅ chub sems dpa’ sems dpa’ chen po gaṅ śes rab kyi pha rol tu phyin pa daṅ bral ba źig gis bskal pa gaṅ g’i kluṅ gi bye ma sñed du dran pa ñe bar gźag pa bźi la brtson par byas pa daṅ | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin (3) gyi bar dag la brtson par byas na | rab ’byor ’di ji sñam du sems | rigs kyi bu’am | rigs kyi bu mo de gźi de las bsod nams maṅ du skyed par ’gyur sñam ’am | rab ’byor gyis gsol pa | bcom ldan ’das maṅ lags so ||
bde bar gśegs pa maṅ lags so ||
(4) bcom ldan ’das kyis bka’ stsal pa | rab ’byor de bas kyaṅ rigs kyi bu’am | rigs kyi bu mo gaṅ gis ji skad bstan pa’i śes rab kyi pha rol tu phyin pa zab mo ’di daṅ | dran pa ne bar gźag pa bźi daṅ | saṅs rgyas kyi chos ma ’dres pa bcwo brgyad kyi bar la ñin gcig (5) cig brtson par byas na | de ñid ches bsod nams maṅ du skyed par ’gyur ro ||
de ci’i phyir źe na | rab ’byor byaṅ chub sems dpa’ sems dpa’ chen po gaṅ śes rab kyi pha rol tu phyin pa daṅ ma bral ba | rnam pa thams cad mkhyen pa ñid las phyir mi ldog pa de ni gnas ma (6) yin | skabs ma yin te | de ni gnas med la | rab ’byor byaṅ chub sems dpa’ sems dpa’ chen po gaṅ śes rab kyi pha rol tu phyin pa daṅ bral ba rnam pa thams cad mkhyen pa ñid las phyir ldog pa ni gnas yin | skabs yin te | de ni gnas yod pa’i phyir ro ||
rab ’byor (7) de lta bas na | byaṅ chub sems dpa’ sems dpa’ chen pos śes rab kyi pha rol tu phyin pa daṅ mi bral bar bya’o ||
rab ’byor ’di ji sñam du sems | byaṅ chub sems dpa’ sems dpa’ chen po śes rab kyi pha rol tu phyin pa daṅ bral ba gaṅ źig bskal pa gaṅ g’i kluṅ gi bye ma sñed du gnas (200b1) śiṅ zaṅ ziṅ gi sbyin pa daṅ | chos kyi sbyin pa daṅ | naṅ du yaṅ dag par ’jog pa daṅ ldan pa’i yid la byed pa de dag bla na med pa yaṅ dag par rdzogs pa’i byaṅ chub tu yoṅs su sṅo bar byed na | rab ’byor ’di ji sñam du sems | rigs kyi bu’am | rigs kyi bu mo de gźi de las bsod nams (2) maṅ du skyed par ’gyur sñam ’am | rab ’byor gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas kyaṅ rigs kyi bu’am | rigs kyi bu mo gaṅ ñin gcig gcig śes rab kyi pha rol (3) tu phyin pa zab mo ’di la gnas te | zaṅ ziṅ gi sbyin pa daṅ | chos kyi sbyin pa daṅ | śes rab kyi pha rol tu phyin pa daṅ | naṅ du yaṅ dag ’jog daṅ ldan pa’i yid la byed pa de dag bla na med pa yaṅ dag par rdzogs pa’i byaṅ chub tu yoṅs su sṅo bar byed na | de ni ches bsod nams (4) maṅ du skyed par ’gyur ro ||
de ci’i phyir źe na | rab ’byor ’di lta ste | śes rab kyi pha rol tu phyin pas yoṅs su bsṅo ba ’di ni yoṅs su bsṅo ba’i dam pa yin la | gaṅ śes rab kyi pha rol tu phyin pa daṅ bral bas yoṅs su bsṅo ba de ni yoṅs su bsṅo ba ma yin pa’i phyir ro ||
rab (5) ’byor de lta bas na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas | śes rab kyi pha rol tu phyin pas yoṅs su bsṅo ba la mkhas par bya’o ||
rab ’byor ’di ji sñam du sems | rigs kyi bu (6) ’am | rigs kyi bu mo śes rab kyi pha rol tu phyin pa daṅ bral ba gaṅ la la źig bskal pa gaṅ g’i kluṅ gi bye ma sñed du gnas te | ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das | ñan thos kyi dge ’dun daṅ bcas pa rnams kyi dge ba’i rtsa ba gaṅ (7) ji sñed pa de dag thams cad la rjes su yi raṅ źiṅ | bla na med pa yaṅ dag par rdzogs pa’i byaṅ chub tu yoṅs su sṅo bar byed na | rab ’byor ’di ji sñam du sems | rigs kyi bu’am rigs kyi bu mo de gźi de las bsod nams maṅ du skyed sñam ’am | rab ’byor gyis gsol pa | (201a1) bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas kyaṅ rigs kyi bu’am | rigs kyi bu mo gaṅ ji skad bstan pa’i śes rab kyi pha rol tu phyin pa ’di la ñin gcig cig gnas te | (2) dge ba’i rtsa ba de bla na med pa yaṅ dag par rdzogs pa’i byaṅ chub tu yoṅs su sṅo bar byed na | de ñid ches bsod nams maṅ du skyed do ||
rab ’byor de lta bas na byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod (3) pas | śes rab kyi pha rol tu phyin pas yoṅs su bsṅo ba la mkhas par bya’o | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to | bcom ldan ’das gaṅ mṅon par ’du bgyid pa thams cad ni kun brtags pa’o ||
(4) źes bcom ldan ’das kyis bka’ stsal pa | ji ltar rigs kyi bu’am | rigs kyi bu mo bsod nams ches maṅ du skyed par ’gyur ba lags | bcom ldan ’das mṅon par ’du bgyid pa ma mchis pas ni yaṅ dag pa’i lta ba daṅ | skyon ma mchis par ’jug pa daṅ | rgyun (5) du źugs pa’i ’bras bu thob pa daṅ | de bźin du bla na med pa yaṅ dag par rdzogs pa’i byaṅ chub kyi bar du mṅon par rdzogs par ’tshaṅ rgya bar rṅo mi thogs lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | mṅon par ’du (6) byed pa med pas ni yaṅ dag pa’i lta ba daṅ | skyon med par ’jug pa daṅ | rgyun du źugs pa’i ’bras bu thob pa daṅ | bla na med pa yaṅ dag par rdzogs pa’i byaṅ chub kyi bar du mṅon par rdzogs par ’tshaṅ rgya bar mi nus so ||
rab ’byor byaṅ chub sems dpa’ sems dpa’ chen po (7) śes rab kyi pha rol tu phyin pa la spyod pa’i mṅon par ’du byed pa de yaṅ stoṅ pa ñid du snaṅ ṅo ||
sñiṅ po med pa ñid du snaṅ ṅo ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen pos naṅ stoṅ pa ñid la (201b1) śin tu bslabs śiṅ de bźin du sbyar te | dṅos po med pa’i ṅo bo ñid stoṅ pa ñid kyi bar la śin tu bslabs pa’i phyir te | rab ’byor byaṅ chub sems dpa’ sems dpa’ chen po de stoṅ pa ñid ’di la gnas nas | ji lta ji ltar mṅon bar ’du byed pa de dag la so sor rtog pa de lta de ltar (2) byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral ba yin no ||
ji lta ji ltar byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral ba de lta de ltar bsod nams graṅs med pa daṅ | dpag tu med pa daṅ tshad med pa skyed pa yin no ||
(3) rab ’byor gyis gsol pa | bcom ldan ’das graṅs ma mchis pa daṅ | dpag tu mchig pa daṅ | tshad ma mchis pa la bye brag ni ci mchis | tha dad du bgyi ba ni ci mchis | bcom ldan ’das kyis bka’ stsal pa | rab ’byor graṅs med pa źes bya ba ni gaṅ la bgraṅ du med pa ste | (4) gaṅ graṅs kyi khams daṅ | graṅs med pa’i khams kyi graṅs su mi ’gro ba yin no ||
rab ’byor dpag tu med pa źes bya ba ni ’das pa daṅ | ma ’oṅs pa daṅ | da ltar byuṅ ba’i chos rnams la gaṅ gi tshad dmigs su med pa yin no ||
rab ’byor tshad med pa źes bya ba ni tshad gzuṅ bar mi nus (5) pa gaṅ yin pa’o ||
rab ’byor gyis gsol pa | bcom ldan ’das rnam graṅs gaṅ gis gzugs kyaṅ graṅs ma mchis pa daṅ | dpag tu ma mchis pa daṅ | tshad ma mchis par ’gyur ba de lta bu mchis lags sam | tshor ba daṅ | ’du śes daṅ | ’du byed rnams daṅ | rnam (6) par śes pa yaṅ graṅs ma mchis pa daṅ | dpag tu ma mchis pa daṅ | tshad ma mchis par ’gyur ba de lta bu mchis lags sam | bcom ldan ’das kyis bka’ stsal pa | rab ’byor rnam graṅs gaṅ gis gzugs kyaṅ graṅs med pa daṅ | dpag tu med pa daṅ | tshad med par ’gyur (7) ba daṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ graṅs med pa daṅ | dpag tu med pa daṅ | tshad med par ’gyur ba’i rnam graṅs yod do ||
rab ’byor gyis gsol ba | bcom ldan ’das rnam graṅs gaṅ gis na | gzugs graṅs ma mchis pa daṅ | (202a1) dpag tu ma mchis pa daṅ | tshad ma mchis par ’gyur ba daṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ graṅs ma mchis pa daṅ | dpag tu mchis pa daṅ | tshad ma mchis par ’gyur ba lags | bcom ldan ’das kyis bka’ (2) stsal pa | rab ’byor gzugs ni stoṅ pas na graṅs med pa daṅ | dpag tu med pa daṅ | tshad med pa yin no ||
tshor ba daṅ | ’du śes daṅ | ’du byed rnams daṅ | rnam par śes pa yaṅ stoṅ pas na | graṅs med pa daṅ | dpag tu med pa daṅ | tshad med pa yin no ||
rab ’byor gyis (3) gsol pa | bcom ldan ’das ci gzugs kho na stoṅ par bas kyi | chos thams cad kyaṅ de ltar stoṅ pa ma lags sam | tshor ba daṅ | ’du śes daṅ | ’du byed rnams daṅ | rnam par śes pa kho na stoṅ par bas kyi chos thams cad kyaṅ de ltar stoṅ pa ma lags sam | bcom ldan ’das (4) kyis bka’ stsal pa | rab ’byor ’di ji sñam du sems | ṅas chos thams cad stoṅ ṅo źes ma bśad dam | rab ’byor gyis gsol pa | bcom ldan ’das de bźin gśegs pas chos thams cad stoṅ ṅo ||
źes bka’ stsal lags te | bcom ldan ’das stoṅ pa gaṅ lags pa de ni (5) bsam ’tshal ba lags te | graṅs ma mchis pa yaṅ de lags | dpag tu mchis pa yaṅ de lags | tshad ma mchis pa yaṅ de lags so ||
bcom ldan ’das stoṅ pa ñid la ni graṅs kyaṅ dmigs su ma mchis | dpag pa yaṅ dmigs su ma mchis | tshad kyaṅ dmigs su ma (6) mchis lags te | bcom ldan ’das de ltar lags pas | chos de dag la ni don nam | tshig ’brus tha dad du bgyi ba mi dmigs lags so ||
bcom ldan ’das kyis bka’ stsal pa | rab ’byor de de bźin no | de de bźin te | chos de dag la ni don nam | tshig ’brus tha dad du (7) bya ba dmigs su med do ||
rab ’byor de ni brjod du med pa las de bźin gśegs pas mi zad pa źes bya ba’am | graṅs med pa źes bya ba’am | dpag tu med pa źes bya ba’am | tshad med pa źes bya ba’am | stoṅ pa źes bya ba’am | mtshan ma med pa źes bya ba’am | smon pa med pa źes (202b1) bya ba’am | mṅon par ’du byed pa med pa źes bya ba ’am | skye ba med pa źes bya ba’am | ’dod chags daṅ bral ba źes bya ba’am | ’gog pa źes bya ba’am | mya ṅan las ’das pa źes bya bar brjod ciṅ zad pa źes bya ba daṅ | mya ṅan las ’das pa źes bya ba’i bar de ni de bźin gśegs (2) pas bśad pa’i rgyun ’thun par bstan pa yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ji tsam du de bźin gśegs pas chos rnams kyi chos ñid ’di bka’ stsal la | chos ñadi de yaṅ brjod du ma (3) mchis pa ni ṅo mtshar lags so ||
bcom ldan ’das bdag gis bcom ldan ’das kyis gsuṅs pa’i don ’tshal ba ltar na | chos thams cad ni brjod du ma mchis pa ñid lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor chos (4) thams cad ni brjod du med pa yin te | rab ’byor chos thams cad kyi brjod du med pa ñid gaṅ yin pa de ni stoṅ pa ñid yin la stoṅ pa ñid kyaṅ brjod par mi nus so ||
rab ’byor gyis gsol pa | bcom ldan ’das ci brjod du ma mchis pa’i don la ’phel ba’am yoṅs su ’grib pa mchis lags sam | (5) bcom ldan ’das kyis bka’ stsal pa | rab ’byor brjod du med pa’i don la ni ’phel ba’am yoṅs su ’grib pa med do ||
rab ’byor gyis gsol pa | bcom ldan ’das gal te brjod du ma mchis pa’i don la ’phel ba ma mchis śiṅ yoṅs su ’grib pa ma mchis su lags na ni | bcom ldan ’das (6) sbyin pa’i pha rol tu phyin pa la yaṅ ’phel ba ma mchis pa daṅ | yoṅs su ’grib pa ma mchis par ’gyur lags so ||
bcom ldan ’das de bźin du śes rab kyi pha rol tu phyin pa’i bar la yaṅ ’phel ba ma mchis śiṅ yoṅs su ’grib pa ma mchis par ’gyur lags so ||
dran pa ñe bar gźag (7) ba bźi la yaṅ ’phel ba ma mchis śiṅ yoṅs su ’grib pa ma mchis par ’gyur lags so ||
’phags pa’i lam yan lag brgyad pa’i bar la yaṅ ’phel ba ma mchis śiṅ yoṅs su ’grib pa ma mchis par ’gyur lags so ||
rnam pa thar pa’i sgo rnams la yaṅ ’phel ba ma mchis śiṅ yoṅs su (203a1) ’grib pa ma mchis par ’gyur lags so ||
rnam par thar pa brgyad la yaṅ ’phel ba ma mchis śiṅ yoṅs su ’grib pa ma mchis par ’gyur lags so ||
mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs (2) pa bźi daṅ | so so yaṅ dag par rig pa bźi la yaṅ ’phel ba ma mchis śiṅ yoṅs su ’grib pa ma mchis par ’gyur lags so ||
saṅs rgyas kyi chos ma ’dres pa bcwo brgyad kyi bar la yaṅ ’phel ba ma mchis śiṅ yoṅs su ’grib pa ma mchis par ’gyur lags so ||
bcom ldan (3) ’das gal te de ltar pha rol tu phyin pa drug daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwo brgyad kyi bar la yaṅ ’phel ba ma mchis śiṅ yoṅs su ’grib pa mchis lags na ni rnam pa thams cad mkhyen pa ñid kyaṅ bla na med pa yaṅ dag par rdzogs pa’i byaṅ (4) chub mṅon par rdzogs par ’tshaṅ rgya ba’i skal ba can du mi ’gyur lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | brjod du med pa’i don la ni ’phel ba’am yoṅs su ’grib pa med do ||
rab ’byor gal te byaṅ chub sems dpa’ (5) sems dpa’ chen po śes rab kyi pha rol tu phyin pa la spyod ciṅ | śes rab kyi pha rol tu phyin pa la sgom pa | śes rab kyi pha rol tu phyin pa la brtson par byed ba na | thabs la mkhas pas ’di sñam du bdag ni śes rab kyi pha rol tu phyin pas rnam par ’phel lo ||
bdag ni sbyin (6) pa’i pha rol tu phyin pa’i bar gyis rnam par ’phel lo sñam du mi sems te | ’on kyaṅ ’di sñam du sbyin pa’i pha rol tu phyin pa gaṅ yin pa ’di ni miṅ tsam mo sñam du sems śiṅ | de sbyin pa’i pha rol tu phyin pa la spyod pa na | yid la byed pa de dag daṅ | sems bskyed pa de dag daṅ dge (7) ba’i rtsa ba de dag kyaṅ bla na med pa yaṅ drag par rdzogs pa’i byaṅ chub tu yoṅs su sṅo bar byed de | bla na med pa yaṅ dag par rdzogs pa’i byaṅ chub ji lta ba de ltar yoṅs su sṅo bar byed do ||
de bźin du sbyar te | śes rab kyi pha rol tu phyin pa la spyod pa na yaṅ yid la byed pa de dag daṅ | sems (203b1) bskyed pa de dag daṅ | dge ba’i rtsa ba de dag bla na med pa yaṅ dag par rdzogs pa’i byaṅ chub tu yoṅs su sṅo bar byed de | bla na med pa yaṅ dag par rdzogs pa’i byaṅ chub ji lta ba de ltar yoṅs su sṅo bar byed do ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
(2) bcom ldan ’das bla na med pa yaṅ dag par rdzogs pa’i byaṅ chub ji lta bu lags | bcom ldan ’das kyis bka’ stsal pa | rab ’byor chos thams cad kyi de bźin ñid ji lta ba yin pa bla na med pa yaṅ dag par rdzogs pa’i byaṅ chub kyaṅ de lta bu yin no ||
rab ’byor gyis gsol pa | bcom (3) ldan ’das chos thams cad kyi de bźin ñid ji lta bu źig bla na med pa yaṅ dag par rdzogs pa’i byaṅ chub lags | bcom ldan ’das kyis bka’ stsal pa | rab ’byor gzugs kyi de bźin ñid gaṅ yin pa daṅ | mya ṅan las ’das pa’i bar gyi de bźin ñid gaṅ yin pa de bla na med pa yaṅ dag par (4) rdzogs pa’i byaṅ chub yin te | de la de ni ’phel ba yaṅ med yoṅs su ’grib pa yaṅ med do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral ba ni | de la yaṅ daṅ yaṅ du lan maṅ du gnas kyaṅ chos gaṅ yaṅ ’phel ba’am yoṅs su ’grib par yaṅ (5) dag par rjes su mi mthoṅ ṅo ||
rab ’byor de ltar na brjod du med pa’i don la ni ’phel ba yaṅ med yoṅs su ’grib pa yaṅ med la | rab ’byor de bźin du sbyin pa’i pha rol tu phyin pa la yaṅ ’phel ba yaṅ med yoṅs su ’grib pa yaṅ med do ||
śes rab kyi pha rol tu phyin pa’i bar la yaṅ ’phel ba yaṅ med yoṅs su ’grib (6) ba yaṅ med do ||
de bźin du sbyar te so so yaṅ dag par rig pa rnams kyi bar la yaṅ ’phel ba yaṅ med | yoṅs su ’grib pa yaṅ med de | rab ’byor byaṅ chub sems dpa’ sems dpa’ chen pos de ltar ’phel ba daṅ yoṅs su ’grib pa med pa’i tshul gyis śes rab kyi pha rol tu phyin pa la spyad par (7) bya’o ||
rab ’byor gyis gsol pa | bcom ldan ’das ci byaṅ chub sems dpa’ sems dpa’ chen po sems bskyed pa daṅ pos bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya lags sam | ’on te sems bskyed ba slad mas byaṅ chub sems dpa’ sems dpa’ chen po (204a1) bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya lags so ||
bcom ldan ’das gal te sems bskyed pa daṅ pos byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (2) źes bgyir ni sems bskyed pa daṅ po de yaṅ sems bskyed pa slad ma daṅ mi mjal la | sems bskyed pa slad ma yaṅ sems bskyed pa daṅ po daṅ mi mjal te | bcom ldan ’das de ltar sems daṅ sems las byuṅ ba’i chos rnams mi mjal lags na | dge ba’i rtsa ba dag sogs (3) par yaṅ ji ltar ’gyur lags | dge ba’i rtsa ba dag ma bsags par ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar yaṅ rṅo mi thogs lags so ||
bcom ldan ’das kyis bka’ stsal pa | rab ’byor ’di la skyes bu mkhas pa la la dag ni dpes (4) bśad pa’i don śes par ’gyur pas na de’i phyir ’di lta ste | bśad pa ’di’i don śes par bya ba’i phyir khyod la dpe bstan par bya’o ||
rab ’byor ’di ji sñam du sems | ’bru mar gyi mar me ’bar bas sñiṅ po sreg pa na | me lce daṅ po daṅ phrad pas sñiṅ po de tshig gam ’on te me lce (5) phyi ma daṅ phrad pas sñiṅ po de tshig sñam ’am | rab ’byor gyis gsol pa | bcom ldan ’das me lce daṅ po daṅ mjal bas kyaṅ sñiṅ po de tshig pa ma lags la | bcom ldan ’das me lce daṅ po lam brten par yaṅ sñiṅ po de tshig par mi ’gyur lags so ||
bcom ldan ’das me lce (6) slad ma daṅ mjal bas kyaṅ sñiṅ po de tshig pa ma lags la | bcom ldan ’das me lce slad ma daṅ mjal ba la ma brten par yaṅ sñiṅ po de tshig par mi ’gyur lags so ||
bcom ldan ’das kyis bka’ stsal pa | rab ’byor ’di ji sñam du sems | sñiṅ po de tshig gam ma tshig (7) sñam | rab ’byor gyis gsol pa | bcom ldan ’das tshig lags so ||
bde bar gśegs pa tshig lags so ||
bcom ldan ’das kyis bka’ stsal pa | rab ’byor de bźin du sems bskyed pa daṅ pos kyaṅ byaṅ chub sems dpa’ sems dpa’ chen po bla na med pa yaṅ dag par (204b1) rdzogs pa’i byaṅ chub mṅon par rdzogs par ’tshaṅ mi rgya la | sems bskyed pa daṅ po la ma brten par yaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya źiṅ | sems bskyed pa phyi mas kyaṅ byaṅ chub sems (2) dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgyal sems bskyed pa phyi ma la ma brten par yaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya mod kyi | (3) ’on kyaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya ba yaṅ ma yin te | rab ’byor byaṅ chub sems dpa’ sems dpa’ chen po śes rab kyi pha rol tu phyin pa ’di la spyod ciṅ | sems daṅ po bskyed pa (4) nas ñe bar bzuṅ ste | sa bcu pa’i bar du yoṅs su rdzogs par byas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor gyis gsol pa | bcom ldan ’das byaṅ chub sems dpa’ sesama dpa’ chen pos sa bcu po gaṅ dag yoṅs (5) su rdzogs par bgyis nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen pos dkar po rnam par mthoṅ ba’i sa yoṅs su rdzogs par byas nas | (6) bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
byaṅ chub sems dpa’ sems dpa’ chen pos rigs kyis daṅ | brgyad pa’i sa daṅ | bsrabs pa’i sa daṅ | ’dod chags daṅ bral ba’i sa daṅ | byas pa rtogs pa can gyis (7) yoṅs su rdzogs par byas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
byaṅ chub sems dpa’ sems dpa’ chen pos raṅ saṅs rgyas kyis yoṅs su rdzogs par byas nas | bla na med pa yaṅ dag par rdzogs pa’i byaṅ chub mṅon par rdzogs (205a1) par ’tshaṅ rgya’o ||
byaṅ chub sems dpa’ sems dpa’ chen pos byaṅ chub sems dpa’i sa yoṅs su rdzogs par byas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
byaṅ chub sems dpa’ sems dpa’ chen pos saṅs (2) rgyas kyi sa yoṅs su rdzogs par byas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ste | de la byaṅ chub sems dpa’ sems dpa’ chen pos bcu po dag la slob pa na | sems bskyed pa daṅ pos kyaṅ bla na med pa yaṅ dag par rdzogs pa’i byaṅ (3) chub mṅon par rdzogs par ’tshaṅ mi rgya la | sems bskyed pa daṅ po la ma brten par yaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya źiṅ | sems bskyed pa phyi mas kyaṅ ma yin la | sems bskyed pa phyi ma la ma brten par yaṅ bla na med (4) pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya mod kyi | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ yaṅ rgya’o ||
rab ’byor gyis gsol pa | bcom ldan ’das (5) sems bskyed pa daṅ pos kyaṅ ma lags la | sems bskyed pa daṅ po la ma brten par yaṅ byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya ba daṅ | bcom ldan ’das de ltar sems bskyed bslad mas kyaṅ (6) ma lags la | sems bskyed pa slad ma la ma brten par yaṅ byaṅ chub sems dpa’ sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya yaṅ | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ (7) chub mṅon par rdzogs par ’tshaṅ rgya ba yaṅ mchis pa’i rten ciṅ ’brel par ’byuṅ ba de ni zab lags so ||
bcom ldan ’das kyis bka’ stsal pa | rab ’byor ’di ji sñam du sems | sems gaṅ ’gags pa | de phyir skye bar ’gyur sñam ’am | rab ’byor gyis gsol pa | (205b1) bcom ldan ’das de ni ma lags so ||
bka’ stsal pa | rab ’byor ’di ji sñam du sems | sems gaṅ skyes pa de ’gag pa’i chos can yin sñam ’am | gsol pa | bcom ldan ’das ’gag pa’i chos can lags so ||
bde bar gśegs pa ’gag pa’i chos can lags so ||
(2) bka’ stsal pa | rab ’byor ’di ji sñam du sems | gaṅ ’gag pa’i chos can de ’gag par ’gyur sñam ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | de bźin ñid ji lta ba de ltar gnas par ’gyur sñam (3) ’am | gsol pa | bcom ldan ’das de bźin ñid ji lta ba de ltar gnas par ’gyur lags so ||
bka’ stsal pa | rab ’byor gal te de bźin ñid ji lta ba de ltar gnas par ’gyur na | de ther zug tu gnas par mi ’gyur ram | gsol pa | bcom ldan ’das de ni ma lags (4) so ||
bka’ stsal pa | rab ’byor ’di ji sñam du sems | de bźin ñid zab sñam ’am | gsol pa | bcom ldan ’das zab lags so ||
bka’ stsal pa | rab ’byor ’di ji sñam du sems | sems de de bźin ñid yin sñam ’am | gsol pa | bcom ldan ’das de ni (5) ma lags so ||
bka’ stsal pa | rab ’byor ’di ji sñam du sems | de bźin ñid las sems de gźan źig yin sñam ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | de bźin ñid la sems yod sñam (6) ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | sems la de bźin ñid yod sñam ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | de bźin ñid (7) kyis de bźin ñid yaṅ dag par rjes su mthoṅ stam ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | gaṅ de ltar spyod pa de śes rab kyi pha rol tu phyin pa zab mo la spyod pa yin sñam ’am | gsol ba | bcom ldan (206a1) ’das gaṅ de ltar spyod pa de ni śes rab kyi pha rol tu phyin pa zab mo la spyod pa lags so ||
bka’ stsal pa | rab ’byor ’di ji sñam du sems | gaṅ de ltar spyod pa de ci źig la spyod sñam | gsol ba | bcom ldan ’das gaṅ de ltar spyod pa de ni ci la yaṅ mi (2) spyod lags so ||
de ci’i slad du źe na | bcom ldan ’das ’di ltar de bźin ñid la gnas pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod pa la ni rgyu ba de dag mi ’byuṅ źiṅ kun tu mi spyod pa’i slad du’o ||
de ci’i slad du źe na | bcom ldan ’das de (3) bźin ñid ni gaṅ la yaṅ kun tu spyod pa ma mchis la | de la yaṅ su yaṅ kun tu spyod pa ma mchis pa’i slad du’o ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’ sems dpa’ chen po (4) gaṅ śes rab kyi pha rol tu phyin pa ’di la spyod pa de gaṅ źig la spyod pa yin | gsol pa | bcom ldan ’das de ni gaṅ la gñis kun tu ’byuṅ ba ma mchis pa’i don dam pa la spyod pa lags so ||
bka’ stsal pa | rab ’byor ’di ji sñam du sems | gaṅ don dam pa la spyod pa de (5) kun tu ’byuṅ ba la spyod pa daṅ | mtshan ma la spyod pa yin sñam ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | de mtshan mar ’du śes pa rnam par bśig pa yin sñam ’am | gsol pa | bcom ldan ’das (6) de ni ma lags so ||
bcom ldan ’das kyis bka’ stsal pa | rab ’byor ’on byaṅ chub sems dpa’ sems dpa’ chen po mtshan ma’i ’du śes de ji ltar rnam par bśig | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol (7) to ||
bcom ldan ’das byaṅ chub sems dpa’ sesama dpa’ chen po śes rab kyi pha rol tu phyin pa la spyod pa ni ’di sñam du mtshan ma ni bsgom par bgyi źe’am | mtshan ma ma mchis pa ni rnam par gźig par bgyi’o źes bgyi bar sbyor bar mi bgyid lags so ||
bcom ldan ’das byaṅ (206b1) chub sems dpa’ sems dpa’ chen po śes rab kyi pha rol tu phyin pa ’di la spyod pa ni | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa (2) bcwa brgyad yoṅs su ma rdzogs par bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya ste | bcom ldan ’das de ni byaṅ chub sems dpa’ sems dpa’ chen po thabs la mkhas pa lags te | thabs la mkhas pa des chos gaṅ yaṅ sgom par yaṅ mi (3) bgyid | rnam par ’jig par yaṅ mi bgyid lags so ||
de ci’i slad du źe na | bcom ldan ’das ’di ltar byaṅ chub sems dpa’ chen pos chos thams cad kyi raṅ gi mtshan ñid stoṅ pa ñid du rtogs pa’i slad du ste | raṅ gi mtshan ñid stoṅ pa ñid de la gnas nas | sems (4) can rnams kyi ched du tiṅ ṅe ’dzin gaṅ dag gis sems can rnams yoṅs su smin par bgyid pa’i tiṅ ṅe ’dzin gsum la sñoms par ’jug lags na | bcom ldan ’das ji ltar byaṅ chub sems dpa’ sems dpa’ chen po sems can rnams kyi ched du tiṅ ṅe ’dzin gsum la (5) sñoms par ’jug pa lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po tiṅ ṅe ’dzin gsum la gnas śiṅ sems can smon lam la spyod pa dag ni | smon pa med pa la sbyor bar byed do ||
sems can rnam par (6) rtog pa la spyod pa dag ni byaṅ chub sems dpas stoṅ pa ñid la ’god par byed do ||
sems can mtshan ma la spyod pa dag ni mtshan ma med pa la ’god par byed de | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni ’di ltar | tiṅ ṅe ’dzin (7) gsum po dag gis sems can rnams yoṅs su smin par byed do ||
śes rab kyi pha rol tu phyin pa khri brgyad stoṅ pa las thabs la mkhas pa bstan pa’i le’u źes bya ste lṅa bcu rtsa gcig pa’o || ||
de nas tshe daṅ ldan pa ś ri’i bus tshe daṅ ldan pa rab ’byor la yid (207a1) skad ces smras so ||
tshe daṅ ldan pa rab ’byor byaṅ chub sems dpa’ sems dpa’ chen po gaṅ źig rmi lam na stoṅ pa ñid daṅ | mtshan ma med pa daṅ ||
smon pa med pa’i tiṅ ṅe ’dzin gsum la sñoms par źugs na | de śes rab kyi pha rol tu phyin las rnam par (2) ’phel lam | de skad ces smras pa daṅ ||
tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu gal te ñin par bsgoms pas rnam par ’phel na | de bźin du rmi lam na yaṅ rnam par ’phel lo ||
tshe daṅ ldan pa (3) ś ri’i bu rmi lam daṅ | ñin par ni rnam par rtog pa med pa’i phyir ro ||
tshe daṅ ldan pa ś ri’i bu gal te byaṅ chub sems dpa’ sems dpa’ chen po gaṅ ñin par śes rab kyi pha rol tu phyin pa la sgom źiṅ spyod pa de la śes rab kyi pha rol tu phyin pa sgom pa yod na ni | de’i phyir byaṅ chub (4) sems dpa’ sems dpa’ chen po’i rmi lam na yaṅ śes rab kyi pha rol tu phyin pa sgom pa yod par ’gyur ro ||
de skad ces smras pa daṅ | tshe daṅ ldan pa ś ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor byaṅ chub sems dpa’ sems dpa’ (5) chen pos rmi lam du las śig byas na | las de la sogs pa’am | ’bri bar ’gyur ba yod dam | rab ’byor gyis smras pa | tshe daṅ ldan pa ś ri’i bu gal te | bcom ldan ’das kyis chos thams cad rmi lam lta bur gsuṅs na ni | de la sogs pa’am ’bri bar ’gyur ba med do ||
(6) de ci’i phyir źe na | rmi lam la chos gaṅ yaṅ sogs pa’am ’bri ba dmigs su med pa’i phyir ro ||
ś ri’i bus smras pa | tshe daṅ ldan pa rab ’byor gal te sad nas rnam par rtog na ni las de la sogs pa’am ’bri ba yaṅ yod do ||
de nas tshe daṅ ldan pa rab ’byor gyis tshe daṅ ldan pa ś (7) ri’i bu la ’di skad ces smras so ||
tshe daṅ ldan pa ś ri’i bu gaṅ gis ñin par srog bcad pa daṅ | gaṅ gis rmi lam na srog bcad pa de sad nas | bdag gis de bsad do ||
bdag gis de legs par bsad do sñam du rnam par rtog na | tshe daṅ ldan pa ś ri’i bu las de la khyod (207b1) ji skad smra | ś ri’i bus smras pa | tshe daṅ ldan pa rab ’byor dmigs pa med par las mi ’byuṅ | dmigs pa med par sems pa mi ’byuṅ ste | dmigs pa daṅ bcas pa ñid las las ’byuṅ źiṅ | dmigs pa daṅ bcas pa ñid las sems pa ’byuṅ ṅo ||
rab ’byor gyis smras pa | (2) tshe daṅ ldan pa ś ri’i bu de de bźin no ||
de de bźin te | dmigs pa med par las mi ’byuṅ źiṅ | dmigs pa med par sems pa mi ’byuṅ ste | tshe daṅ ldan pa ś ri’i bu dmigs pa daṅ bcas pa ñid las las ’byuṅ gi dmigs pa med par ni ma yin no ||
dmigs pa daṅ bcas (3) pa ñid las sems pa ’byuṅ gi | dmigs pa med par ni ma yin te | mthoṅ ba daṅ | thos pa daṅ | bye brag phyed ba daṅ | rnam par rig pa’i rnams la blo ’jug gi | ma mthoṅ ba daṅ | ma thos pa daṅ | bye brag ma phyed pa daṅ | rnam par ma rig pa’i chos rnams la (4) ni blo mi ’jug go ||
de la blo la la ni kun nas ñon moṅs pa yoṅs su ’dzin to ||
blo la la ni rnam par byaṅ ba yoṅs su ’dzin to ||
tshe daṅ ldan pa ś ri’i bu de lta bas na dmigs pa daṅ bcas pa ñid las las ’byuṅ gi | dmigs pa med par ni ma yin no ||
dmigs pa daṅ bcas pa (5) ñid las sems pa ’byuṅ gi | dmigs pa med par ni ma yin no ||
ś ri’i bus smras pa | tshe daṅ ldan pa rab ’byor las thams cad daṅ | sems pa thams cad ni dben pa’o źes bcom ldan ’das kyis gsuṅs na de ji ltar na dmigs pa daṅ bcas pa ñid las las ’byuṅ (6) gi | gaṅ dmigs pa med par ni ma yin źiṅ | dmigs pa daṅ bcas pa ñid las sems pa ’byuṅ gi | dmigs pa med par ni ma yin | rab ’byor gyis smras pa | tshe daṅ ldan pa ś ri’i bu byis pa so so’i skye bo so so rnams ni mtshan mar byas nas | las rnams mṅon par ’du (7) byed de | dmigs pa daṅ bcas pa ñid las las ’byuṅ gi | dmigs pa med par ni ma yin no ||
dmigs pa daṅ bcas pa ñid las sems pa ’byuṅ gi | dmigs pa med par ni ma yin no ||
de skad ces smras pa daṅ | tshe daṅ ldan pa ś ri’i bus tshe daṅ ldan pa rab ’byor la ’di skad (208a1) ces smras so ||
tshe daṅ ldan pa rab ’byor gal te | byaṅ chub sems dpa’ sems dpa’ chen po rmi lam na sbyin pa sbyin | tshul khrims sruṅ | bzod pa sgom | brtson ’grus rtsom | bsam gtan la sñoms par ’jug | śes rab sgom źiṅ dge ba’i rtsa ba de yaṅ bla (2) na med pa yaṅ dag par rdzogs pa’i byaṅ chub tu yoṅs su bsṅos na | bla na med pa yaṅ dag par rdzogs pa’i byaṅ chub tu yoṅs su bsṅo bar ’gyur ram | rab ’byor gyis smras pa | tshe daṅ ldan pa ś ri’i bu byaṅ chub sems dpa’ sems dpa’ chen po byams pa ni skye ba gcig gis thogs (3) śiṅ | bcom ldan ’das kyis phyir mi ldog par luṅ bstan pa ste | ’di mṅon sum du gyur gyis ’di la dris śig daṅ | des lan ldon par ’gyur ro ||
de nas tshe daṅ ldan pa ś ri’i bus byaṅ chub sems dpa’ sems dpa’ chen po byams pa la ’di skad ces smras so ||
rigs kyi bu (4) gnas brtan rab ’byor ’di ’di skad du byaṅ chub sems dpa’ sems dpa’ chen po byams pa ni skye ba gcig gis thogs śiṅ | bcom ldan ’das kyis phyir mi ldog par luṅ bstan pa ste | ’di mṅon sum du gyur gyis ’di la dris śig daṅ | des lan ldon par ’gyur ro źes zer (5) ro ||
de skad ces smras pa daṅ | byaṅ chub sems dpa’ sems dpa’ chen po byams pas tshe daṅ ldan pa ś ri’i bu la ’di skad ces smras so ||
btsun pa ś ri’i bu ’di ji sñam du sems | gaṅ ’di byaṅ chub sems dpa’ sems dpa’ chen po byams pa źes bya ba’i miṅ gis lan ldon (6) par ’gyur sñam ’am | ’on te gzugs kyi sa lan ldon par ’gyur sñam ’am | tshor ba daṅ | ’du śes daṅ | ’du byed rnams daṅ | rnam par śes pas lan ldon par ’gyur sñam ’am | ’on te gzugs kyi stoṅ pa ñid kyis lan ldon par ’gyur sñam ’am | tshor ba daṅ | ’du (7) śes daṅ | ’du byed rnams daṅ | rnam par śes pa’i stoṅ pa ñid kyis lan ldon par ’gyur sñam ’am | gzugs kyi stoṅ pa ñid gaṅ yin pa des ni lan ldon par mi nus la | tshor ba daṅ | ’du śes daṅ | ’du byed rnams daṅ | rnam par śes pa’i stoṅ pa ñid gaṅ yin pa des (208b1) kyaṅ lan ldon par mi nus te | kho bos ni gaṅ lan ldon par byed pa daṅ | gaṅ lan glan par bya ba daṅ | gaṅ la lan glan par bya ba’i chos de dag yaṅ dag par rjes su mi mthoṅ ṅo ||
kho bos ni gaṅ bla na med pa yaṅ dag par rdzogs pa’i byaṅ chub tu luṅ bstan pa daṅ | gaṅ gis luṅ bstan pa daṅ | (2) gaṅ du luṅ bstan pa’i chos de dag kyaṅ yaṅ dag par rjes su mi mthoṅ ste | chos de dag thams cad ni gñis su med de gñis su byar med pas na | kho bos chos de dag ni yaṅ dag par rjes su ma mthoṅ ṅo ||
de nas tshe daṅ ldan pa ś ri’i bus byaṅ chub sems dpa’ sems dpa’ chen po byams (3) pa la ’di skad ces smras so ||
rigs kyi bu chos de dag ji skad bśad pa de bźin du khyod kyis chos de dag mṅon sum du byas sam | byams pas smras pa | btsun pa ś ri’i bu chos de dag ji ltar kho bos smras pa | de ltar chos de dag kho bos mṅon sum du byed pa med do ||
de nas (4) tshe daṅ ldan pa ś ri’i bu ’di sñam du sems te | kye ma byaṅ chub sems dpa’ sems dpa’ chen po byams pa ’di ni śes rab zab pa ste | ji ltar sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi (5) pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyad spyad pa | dmigs pa med par spyad pa’i bstan pa ni de yin no sñam mo ||
de nas bcom ldan ’das kyis tshe daṅ ldan pa ś ri’i bu la bka’ stsal pa | ś ri’i bu ’di ji sñam du (6) sems | chos gaṅ gis khyod dgra bcom par brjod pa’i chos de khyod kyis yaṅ dag par rjes su mthoṅ ṅam | gsol pa | bcom ldan ’das de ni ma lags so ||
bcom ldan ’das kyis bka’ stsal pa | ś ri’i bu de bźin du byaṅ chub sems dpa’ sems dpa’ chen po śes (7) rab kyi pha rol tu phyin pa la spyod pa yaṅ ’di sñam du | chos ’di ni bla na med pa yaṅ dag par rdzogs pa’i byaṅ chub tu luṅ bstan pa’o ||
chos ’di ni luṅ bstan par bya ba’o ||
chos ’di ni luṅ bstan par ’gyur ba’o sñam du mi sems te | de ltar spyod pa’i byaṅ chub sems dpa’ sems (209a1) dpa’ chen po ni śes rab kyi pha rol tu phyin pa la spyod pa yin no ||
de ni bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya bar mi ’gyur graṅ sñam du the tshom za barami ’gyur te | bla na med pa yaṅ dag par rdzogs pa’i byaṅ chub mṅon par (2) rdzogs par ’tshaṅ rgya’o ||
ś ri’i bu byaṅ chub sems dpa’ sems dpa’ chen po gaṅ de ltar spyod pa de ni śes rab kyi pha rol tu phyin pa la spyod pa yin no ||
ś ri’i bu de ltar spyod pa’i byaṅ chub sems dpa’ sems dpa’ chen po ni bdag bla na med pa yaṅ dag par rdzogs pa’i byaṅ chub mṅon (3) par rdzogs par ’tshaṅ mi rgya bar mi ’gyur ro źes mi skrag mi dṅaṅ źiṅ dṅaṅ bar mi ’gyur te | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub (4) sems dpa’ sems dpa’ chen po ji ltar pha rol tu phyin pa drug yoṅs su rdzogs par bgyid ciṅ | rnam pa thams cad mkhyen pa ñid daṅ yaṅ ñe bar gyur pa lags | de skad ces gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di (5) la byaṅ chub sems dpa’ sems dpa’ chen po sbyin pa’i pha rol tu phyin pa la spyod pas | sems can bkres pa rnams mthoṅ ṅam | sems can skom pa rnams daṅ | gos ṅan pa rnams daṅ | bgo ba ṅan pa rnams daṅ | ma la cha ṅan ciṅ ma la chas phoṅs pa dag mthoṅ na | ’di sñam du ci nas kyaṅ (6) bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de nas sems can rnams la skyon ’di lta bu dag thams cad kyi thams cad du med ciṅ mi ’byuṅ ba daṅ saṅs rgyas kyi źiṅ de’i sems can rnams rgyal chen bźi’i ris daṅ | sum cu rtsa (7) gsum pa daṅ | ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams kyi loṅs spyod pa daṅ | yoṅs su spyod pa daṅ | ji lta de lta bu’i loṅs spyod pa daṅ | yoṅs su spyod pa dag daṅ ldan par ’gyur ba de ltar | sbyin pa’i pha rol tu phyin pa la (209b1) spyad par bya’o sñam du ñe bar brtag par bya ste | rab ’byor byaṅ chub sems dpa’ sems dpa’ chen po de ltar sbyin pa’i pha rol tu phyin pa la spyod pa ni | sbyin pa’i pha rol tu phyin pa yoṅs su rdzogs pa byed pa yin no ||
rab ’byor gźan yaṅ byaṅ chub sems dpa’ sems dpa’ chen po tshul (2) khrims kyi pha rol tu phyin pa la spyod pas | sems can srog gcod pa rnams mthoṅ źiṅ | log par lta ba’i bar gyi sems can dag mthoṅ ṅam | sems can tshe thuṅ ba rnams daṅ | mdog ṅan pa rnams daṅ | dbaṅ thaṅ chuṅ ba rnams daṅ | gnod pa maṅ ba rnams daṅ | gzi (3) brjid chuṅ ba rnams daṅ | loṅs spyod chuṅ ba rnams daṅ | rigs ṅan pa rnams daṅ | yan lag ma tshaṅ ba dag mthoṅ na | ’di sñam du ci nas kyaṅ bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na sems can (4) rnams la skyon de lta bu dag thams cad kyi thams cad du med cig mi ’byuṅ bar gyur cig | ces ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni tshul khrims kyi pha rol tu phyin pa yoṅs su rdzogs par byed pa yin no ||
rab ’byor gźan yaṅ (5) byaṅ chub sems dpa’ sems dpa’ chen po bzod pa’i pha rol tu phyin pa la spyod pas | sems can gcig la gcig gnod par sems śiṅ | śiṅ daṅ | boṅ ba daṅ | mtshon chas ’debs pa daṅ | srog gi bar chad byed pa dag mthoṅ na | ’di sñam du ci nas kyaṅ bdag bla na med (6) pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | sems can rnams la skyon ’di lta bu dag thams cad kyi thams cad du med ciṅ mi ’byuṅ ba daṅ | sems can thams cad kyaṅ pha ma lta bu’i sems daṅ | spun daṅ | sriṅ mo (7) lta bu’i sems su ’gyar ba daṅ | byams pa’i sems daṅ | phan pa’i sems su ’gyur ba de ltar byaṅ chub la spyod par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni bzod pa’i pha rol tu phyin pa yoṅs su rdzogs par (210a1) byed ciṅ | bla na med pa yaṅ dag par rdzogs pa’i byaṅ chub daṅ ñe bar gyur ba yin no ||
rab ’byor gźan yaṅ byaṅ chub sems dpa’ sems dpa’ chen po brtson ’grus kyi pha rol tu phyin pa la spyod pas | sems can brtson ’grus źan pa rnams daṅ | le lo can dag (2) mthoṅ ṅam | theg pa gsum la dga’ ba med pa rnams daṅ | theg pa gsum la rgyab kyis phyogs pa rnams daṅ | ñan thos kyi theg pa’am | raṅ saṅs rgyas kyi theg pa’am | saṅs rgyas kyi theg pa la ’jug pa daṅ riṅ du gyur pa dag mthoṅ na | ’di sñam du ci nas kyaṅ bdag bla na (3) med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | sems can rnams la skyon ’di lta bu dag thams cad kyi thams cad du med ciṅ mi ’byuṅ ba daṅ | sems chan thams cad kyaṅ brtson ’grus brtan pa rtsom źiṅ | theg pa gsum (4) po ñan tos kyi theg pa’am | raṅ saṅs rgyas kyi theg pa’am | theg pa chen po gaṅ yaṅ ruṅ bas yoṅs su mya ṅan las ’da’ bar ’gyur ba de ltar brtson ’grus kyi pha rol tu phyin pa la spyod par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ (5) sems dpa’ chen po ni brtson ’grus kyi pha rol tu phyin pa yoṅs su rdzogs par byed ciṅ | bla na med pa yaṅ dag par rdzogs pa’i byaṅ chub daṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po bsam gtan gyi pha rol tu phyin pa la spyod pas | (6) sems can sgrib pa lṅa po ’dod pa la ’dun pa daṅ | gnod sems daṅ | rmugs pa daṅ | gñid daṅ | rgod pa daṅ | ’gyod pa daṅ | the tshom gyis bsgribs pa dag mthoṅ ṅam | sgrib pa lṅa po de dag la źugs pa dag mthoṅ ṅam | bsam gtan daṅ po daṅ bral ba daṅ | bsam (7) gtan bźi ba’i bar dag daṅ bral ba dag mthoṅ ṅam | byams pa daṅ | sñiṅ rje daṅ | dga’ ba daṅ | btaṅ sñoms daṅ | nam mkha’ mtha’ yas skye mched kyi sñoms par ’jug pa daṅ | rnam śes mtha’ yas skye mched kyi sñoms par ’jug pa daṅ | ci yaṅ med pa’i skye mched kyi (210b1) sñoms par ’jug pa daṅ | ’du śes med ’du śes med min skye mched kyi sñoms par ’jug pa daṅ bral ba dag mthoṅ na | ’di sñam du ci nas kyaṅ | bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | sems (2) can rnams la skyon ’di lta bu dag thams cad kyi thams cad du med ciṅ mi ’byuṅ ba de ltar bsam gtan gyi pha rol tu phyin pa la spyad par bya źiṅ | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor (3) de ltar spyod pa’i byaṅ chub sems dpa’ sems dpa’ chen po ni bsam gtan gyi pha rol tu phyin pa yoṅs su rdzogs par byed ciṅ | bla na med pa yaṅ dag par rdzogs pa’i byaṅ chub daṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po (4) śes rab kyi pha rol tu phyin pa la spyod pas | sems can ’chal pa’i śes rab can rnams mthoṅ ṅam | ’jig rten daṅ ’jig rten las ’das pa’i yaṅ dag par pa’i lta ba daṅ bral ba dag daṅ | bya ba ma yin par smra ba rnams daṅ | yod par smra ba rnams daṅ | med par smra ba (5) rnams daṅ | rtag par smra ba rnams daṅ chad par smra ba’i sems can rnams mthoṅ na | ’di sñam du ci nas kyaṅ bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na ci nas kyaṅ | sems can rnams la skyon ’di lta (6) bu dag thams cad kyi thams cad du med ciṅ mi ’byuṅ ba daṅ | ji ltar spyad pas saṅs rgyas kyi źiṅ yoṅs su sbyaṅ bar bya ba daṅ | sems can rnams kyaṅ yoṅs su smin par bya ba de ltar pha rol tu phyin pa drug po dag la spyad par bya’o sñam du ñe bar brtag par bya ste | rab ’byor de ltar spyod (7) pa’i byaṅ chub sems dpa’ sems dpa’ chen po ni śes rab kyi pha rol tu phyin pa yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no || ||
śes rab kyi pha rol tu phyin pa khri brgyad stoṅ pa | bam po sum cu rtsa dgu ba | (211a1) rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can phuṅ po gsum po yaṅ dag pa ñid du ṅes pa daṅ | log pa ñid du ṅes pa daṅ | ma ṅes pa la źugs pa dag mthoṅ na | ’di sñam du bdag bla na (2) med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na ci nas kyaṅ | tha na sems can log pa ñid du ṅes pa daṅ | ma ṅes pa dag gi sgra yaṅ med ciṅ mi ’byuṅ bar ’gyur ba de lta de ltar bdag gis pha rol tu phyin pa drug la spyad (3) par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa (4) thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can dmyal ba pa rnams mthoṅ ṅam | dud ’gro’i skye gnas su skyes pa rnams sam | gśin rje’i (5) ’jig rten pa rnams mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ tha na ṅan soṅ gsum po dag gi sgra yaṅ med ciṅ mi ’byuṅ bar ’gyur ba de lta de ltar pha rol tu phyin pa drug (6) la spyod par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar sbyor pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | (7) rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sa chen po ’di la sdoṅ du ma daṅ | tsher ma daṅ | gcoṅ roṅ daṅ | bya skyibs daṅ | g-yaṅs (211b1) daṅ | stor khuṅ nas ’bab pa daṅ | gcin rtug gi khuṅ dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can rnams la skyon ’di lta bu dag med ciṅ mi ’byuṅ ba daṅ | (2) bdag gi saṅs rgyas kyi źiṅ de lag mthil ltar mñam par ’gyur ba de lta de ltar | bdag gis pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i (3) byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sa chen po (4) ’di ’jim pa las grub ciṅ | gser dṅul daṅ bral bar mthoṅ na ’di sñam du | bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi źiṅ de’i sa chen po de ci nas kyaṅ | gser gyi bye mas kun du khebs par ’gyur ba de lta de ltar (5) pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltgara spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par (6) byed ciṅ | bla na med pa yaṅ dag par rdzogs pa’i byaṅ chub daṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can yoṅs su ’dzin par gyur pa dag mthoṅ na | ’di sñam du bdag bla na med (7) ba yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can rnams yoṅs su ’dzin pa med ciṅ mi ’byuṅ ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can (212a1) rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab (2) ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod bas | rigs bźi po rgyal rigs daṅ | bram ze’i rigs daṅ | rje’u’i rigs daṅ | dmaṅs rigs dag mthoṅ na ’di sñam du bdag bla na med pa yaṅ dag par rdzogs pa’i byaṅ chub mṅon (3) par rdzogs par saṅs rgyas pa’i saṅs rgyas kyi źiṅ de na | ci nas kyaṅ tha na rigs bzi po dag gi miṅ yaṅ med ciṅ mi grag pa de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe (4) bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems (5) dpa’ chen po pha rol tu phyin pa drug la spyod pas | sems can rab daṅ | ’briṅ daṅ | tha ma dag mthoṅ ṅam | sems can rigs dma’ ba rnams daṅ | rigs ṅan pa rnams daṅ | rigs bzaṅ po dag mthoṅ na | ’di sñam du bdag bla na med pa yaṅ dag par rdzogs (6) pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na ci nas kyaṅ | sems can rnams la skyon ’di lta bu dag med ciṅ mi ’byuṅ ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams (7) yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor (212b1) gźan yaṅ byaṅ chub sems dpa’ sems da’apa chen po pha rol tu phyin pa drug la spyod pas | sems can kha dog tha dad pa dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na ci nas kyaṅ | (2) sems can rnams la kha dog tha dad pa med ciṅ mi ’byuṅ ba daṅ | gźan du na sems can thams cad gzugs bzaṅ ba daṅ | mdzes pa daṅ | blta na sdug pa daṅ | kha dog bzaṅ po rgyas pa mchog daṅ ldan par ’gyur ba de lta de ltar pha rol tu phyin pa drug la spyad par bya | (3) saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad (4) mkhyen pa ñid daṅ yaṅ ñe bar gyur ba yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | bdag po mthoṅ na ’di sñam du | bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i (5) saṅs rgyas kyi źiṅ de na ci nas kyaṅ | chos kyi rgyal po de bźin gśegs pa dgra bcom pa yaṅ dag par rdzogs pa’i saṅs rgyas ma gtogs par bdag por btags pa yaṅ med ciṅ mi ’byuṅ ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs (6) su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar (7) gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can rnams kyi ’gro ba tha dad pa dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i (213a1) saṅs rgyas kyi źiṅ de na | ci nas kyaṅ sems can dmyal ba daṅ | dud ’gro’i skye gnas daṅ | gśin rje’i ’jig rten daṅ | lha daṅ | mi rnams kyi ’gro ba tha dad pa dag med ciṅ mi ’byuṅ ba daṅ | gźan du na sems can thams cad las gcig par ’gyur (2) ba daṅ | dran pa ñe bar gźag pa bźi daṅ | so so yaṅ dag par rig pa bźi’i bar dag daṅ mi ’bral bar ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o smin par bya’o sñam du ñe bar brtag (3) par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen (4) po pha rol tu phyin pa drug la spyod pas | sems can rnams kyi skye gnas bźi po sgo ṅa las skye ba daṅ | mṅal nas skye ba daṅ | drod gśer las skye ba daṅ | rdzus te skye ba dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs (5) par saṅs rgyas pa’i saṅs rgyas kyi źiṅ de na | ci nas kyaṅ sems can thams cad rdzus te skye bar ’gyur ba ma gtogs par skye gnas gsum po sgo ṅa las skye ba daṅ | mṅal nas skye ba daṅ | drod gśer las skye ba dag ’byuṅ bar mi ’gyur ba de lta de ltar pha rol tu phyin pa drug (6) la spyad par bya | saṅs rgyas kyi źiṅ yoṅs su dag par bya | sems can rnams yoṅs su sbyin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam (7) pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can mṅon par śes pa lṅa daṅ bral ba dag mthoṅ na | ’di sñam du bdag bla na med pa yaṅ dag (213b1) par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can thams cad mṅon par śes pa lṅa daṅ ldan par ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can (2) rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ (3) byaṅ chub sems dpa’ sems dpa’ chen po pha rol tu phyin pa drug la spyod pas | sems can rnams kyi bśaṅ gci dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na ci nas kyaṅ | sems (4) can thams cad dga’ ba’i zas daṅ ldan par ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems (5) dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can ’od daṅ mi (6) ldan pa dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can thams cad raṅ las ’od byuṅ bar ’gyur ba de lta de ltar pha rol tu phyin pa drug par bya | saṅs rgyas kyi źiṅ (7) yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar (214a1) gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can thams cad kyi zla ba daṅ | zla ba phyed daṅ | dus daṅ | lo khyud ’khor dag mthoṅ na | ’di sñam du bdag bla na med (2) pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can thams cad kyi zla ba daṅ | zla ba phyed daṅ | dus daṅ | lo khyud ’khor dag gi miṅ yaṅ grag par mi ’gyur ba de ltar pha rol tu phyin pa (3) drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o ||
sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed (4) ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can tshe thuṅ ba dag mthoṅ na | ’di sñam du bdag bla na med pa yaṅ dag par rdzogs pa’i byaṅ (5) chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can thams cad tshe dpag tu med par ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam (6) du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñadi daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ (7) chen po pha rol tu phyin pa drug la spyod pas | sems can mtshan daṅ mi ldan pa dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can thams cad skyes bu chen po’i mtshan (214b1) sum cu rtsa gñis daṅ ldan par ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po (2) ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can dge ba’i rtsa ba daṅ mi ldan pa dag (3) mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can thams cad dge ba’i rtsa ba daṅ ldan par ’gyur źiṅ | dge ba’i rtsa ba de dag daṅ ldan pas | saṅs rgyas bcom (4) ldan ’das rnams kyi druṅ du gnas par ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ (5) sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can nad kyis btab (6) pa dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mgon par rdzogs par saṅs rgyas pa’i saṅs rgyas kyi źiṅ de na | ci nas kyaṅ sems can rnams la nad bźi po rluṅ las gyur pa’am | mkhris pa las gyur pa’am | bad kan las gyur pa (7) ’am | ’dus pa las gyur pa dag ’byuṅ bar mi ’gyur ba de lta de ltar pha rol tu phyin pa drug yoṅs su rdzogs par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ (215a1) chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod (2) pas | ñon moṅs pa gsum gyis ñon moṅs pa can du gyur pa’i sems can dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na ci nas kyaṅ | sems can rnams la ñon moṅs pa gsum po ’dod chags (3) daṅ | źe sdaṅ daṅ | gti mug dag ’byuṅ bar mi ’gyur źiṅ | sems can thams cad ’dod chags daṅ bral pa daṅ | źe sdaṅ daṅ bral ba daṅ | gti mug daṅ bral bar ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | (4) sems can rnams yoṅs su smin par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug po yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
(5) ’gres daṅ po la ji ltar sbyar ba de bźin du lhag ma rnams la yaṅ rgya cher sbyar bar bya’o ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | sems can dman pa la mos pa dag mthoṅ na | ’di sñam du bdag bla na med pa yaṅ dag (6) par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ theg pa gñis po ñan thos kyi theg pa daṅ | raṅ saṅs rgyas kyi theg pa dag gi sgra yaṅ grag par mi ’gyur ba daṅ | sems can thams cad rnam pa thams cad mkhyen pa ñid la (7) mṅon du yaṅ dag par ’jug par ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs su dag par bya | sems can rnams yoṅs su smin par bya’o sñam du ñe bar brtag par bya’o ||
rab ’byor gźan yaṅ byaṅ chub sems dpa’ sems dpa’ (215b1) chen po pha rol tu phyin pa drug la spyod pas | sems can lhag pa’i ṅa rgyal can dag mthoṅ na | ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ lhag pa’i ṅa rgyal can gyi sgra yaṅ mi (2) grag ciṅ | gźan du na sems can thams cad lhag pa’i ṅa rgyal med par ’gyur ba de lta de ltar pha rol tu phyin pa drug la spyad par bya’o sñam du ñe bar brtag par bya ste | rab ’byor de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug (3) yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | ’di sñam du gal te bdag gi saṅs rgyas kyi źiṅ de na | (4) tshe’i tshad dpag tu yod pa daṅ | ’od kyi tshad dpag tu yod pa daṅ | dge sloṅ go dge ’dun dpag tu yod par ’gyur na | bdag re źig bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi bya’i | bdag bla na med pa yaṅ dag par rdzogs pa’i byaṅ (5) chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ tshe’i tshad dpag tu med par ’gyur ba daṅ | ’od dpag tu med pa daṅ | dge sloṅ gi dge ’dun tshad med dpag tu med par ’gyur ba de lta de ltar pha rol tu phyin pa drug la spyad par bya | saṅs rgyas (6) kyi źiṅ yoṅs su dag par bya | sems can rnams yoṅs su smin par bya’o sñam du sems bskyed par bya ste | rab ’byor de ltar spyod pa’i byaṅ chub sems dapa sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid (7) daṅ yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po ni pha rol tu phyin pa drug la spyod pas | ’di sñam du gal te de’i tshe | bdag gi saṅs rgyas kyi źiṅ gcig bu źig tu ’gyur na | re źig bdag bla na med pa yaṅ dag par (216a1) rdzogs pa’i byaṅ chub mṅon par rdzogs par ’tshaṅ rgya bar mi bya’i | bdag gis byaṅ chub thob pa na | ci nas kyaṅ saṅs rgyas kyi źiṅ gaṅ g’i kluṅ gi bye ma sñed dag gcig tu ’gyur ba de lta de ltar pha rol tu phyin pa drug la spyad par bya | saṅs rgyas kyi źiṅ yoṅs (2) su dag par bya | sems can rnams yoṅs su smin par bya’o sñam du ñe bar brtag par bya ste | rab ’byor de lta de ltar spyod pa’i byaṅ chub sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ | (3) yaṅ ñe bar gyur pa yin no ||
rab ’byor gźan yaṅ byaṅ chub sems dpa’ sems dpa’ chen po pha rol tu phyin pa drug la spyod pas | ’di sñam du kye ma ’khor ba ’di ni riṅ ṅo ||
kye ma sems can gyi khams ’di ni mtha’ yas so sñam du ñe bar brtag par bya źiṅ | des (4) ’di sñam du kye ma ’khor ba ’di ni nam mkha’ ltar mu med la | kye ma sems can gyi khams ’di yaṅ nam mkha’ ltar mu med kyaṅ | ’di la su yaṅ ’khor ba yaṅ med la su yaṅ grol ba yaṅ med do sñam du tshul bźin du yid la bya ste | rab ’byor de ltar spyod pa’i byaṅ chub (5) sems dpa’ sems dpa’ chen po ni pha rol tu phyin pa drug yoṅs su rdzogs par byed ciṅ | rnam pa thams cad mkhyen pa ñid daṅ yaṅ ñe bar gyur pa yin no ||
śes rab kyi pha rol tu phyin pa khri brgyad stoṅ pa las | pha rol tu phyin pa drug gi thabs yoṅs su rdzogs pa’i le’u (6) źes bya ste lṅa bcu rtsa gñis pa’o || ||
de nas ’khor de ñid du gaṅ g’i lha mo źes bya ba’i sriṅ mo źig ’dus te | ’dug par gyur pa de stan las laṅs te | bla gos phrag pa gcig tu gzar nas | pus mo g-yas pa’i lha ṅa sa la btsugs te | bcom ldan (7) ’das ga la ba de logs su thal mo sbyar ba btud nas | bcom ldan ’das la ’di skad ces gsol to ||
bcom ldan ’das bdag gis kyaṅ bde bar gśegs pa bdag gis kyaṅ pha rol tu phyin pa drug la legs par spyad par bgyi źiṅ | ji ltar de bźin gśegs pa dgra (216b1) bcom pa yaṅ dag par rdzogs pa’i saṅs rgyas kyis | śes rab kyi pha rol tu phyin pa ’di las ñe bar bstan pa’i saṅs rgyas kyi źiṅ de lta bu dag yoṅs su gzuṅ bar bgyi lags so ||
de nas bud med des gser gyi me tog dag blaṅs śig dṅul gyi me tog dag daṅ | skam las (2) skyes ma daṅ | chu las skyes pa’i me tog dag kyaṅ blaṅs | rgyan thams cad kyaṅ blaṅs | ras bcos bu gser gyi kha dog lta bu zuṅ cig kyaṅ blaṅs nas | bcom ldan ’das ga la ba de logs su gtor to ||
ras bcos bu zuṅ cig la sogs pa de dag thams cad gtor ma thag (3) tu de nas bcom ldan ’das kyi mthus de’i mod la bcom ldan ’das kyi draṅ thad kyi steṅ gi nam mkha’ bar snaṅ la khaṅ pa brtsegs ma gru bźi lham pa | ka ba bźi zug pa cha mñam pa śin tu legs pa śin tu ’byed pa | ñams dga’ ba źig tu red de kun nas gnas par gyur to ||
(4) de nas bud med des khaṅ pa brtsegs ma de sems can thams cad daṅ thun moṅ du byas te | bla na med pa yaṅ dag par rdzogs pa’i byaṅ chub tu yoṅs su bsṅos so ||
de nas bcom ldan ’das kyis bud med de’i bsam pa thugs su chud nas | de’i tshe ’dzum pa mdzad do ||
’di ni saṅs (5) rgyas bcom ldan ’das rnams kyi chos ñid de gaṅ gi tshe ’dzum pa mdzad pa de’i tshe | bcom ldan ’das kyi źal gyi sgo nas ’od zer kha dog du ma | kha dog sna tshogs ’di lta ste | sṅon po daṅ | ser po daṅ | dmar po daṅ | dkar po daṅ | btsod ka daṅ | śel daṅ | śel daṅ | dṅul (6) gyi kha dog lta bu dag byuṅ ste | ’jig rten gyi khams mtha’ yas mu med pa dag tu doṅ nas yaṅ phyir log ste | bcom ldan ’das la lan gsum bskor ba byas nas | bcom ldan ’das kyi dbu’i gtsug tu nub bo ||
de nas tshe daṅ ldan pa kun dga’ bo stan las laṅs te | (7) blo gros phrag ba gcig tu gzar nas | pus mo g-yas pa’i lha ṅa sa la btsugs te | bcom ldan ’das ga la ba de logs su thal mo sbyar ba btud nas | bcom ldan ’das la ’di skad ces gsol to ||
bcom ldan ’das de bźin gśegs pa dgra bcom pa yaṅ dag par rdzogs (217a1) pa’i saṅs rgyas rnams ni rgyu ma mchis pa daṅ | rkyen ma mchis par ’dzum pa mi mdzad lags na | ’dzum pa mdzad pa’i rgyu ni gaṅ lags | rkyen ni gaṅ lags | de skad ces gsol ba daṅ | bcom ldan ’das kyis tshe daṅ ldan pa kun dga’ bo la ’di skad ces bka’ (2) stsal to ||
kun dga’ bo sriṅ mo gaṅ g’i lha mo ’di ni | ma ’oṅs pa’i dus na | bskal pa skar ma lta bu źes bya ba la de bźin gśegs pa dgra bcom pa yaṅ dag par rdzogs pa’i saṅs rgyas gser gyi me tog ces bya bar ’gyur źiṅ | ’jig rten du ’byuṅ bar ’gyur te | kun (3) dga’ bo bud med ’di’i bud med kyi lus kyi tha ma ni ’di yin no ||
kun dga’ bo sriṅ mo gaṅ g’i lha mo ’di ni bud med kyi lus spaṅs śiṅ | skyes pa’i lus thob par byas nas | de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa’i saṅs (4) rgyas kyi źiṅ ’jig rten gyi khams mṅon par dga’ ba źes bya bar skye bar ’gyur źiṅ | de der tshaṅs par spyod par ’gyur ro ||
kun dga’ bo byaṅ chub sems dpa’ sems dpa’ chen po de’i mig yaṅ gser gyi me tog ces bya bar ’gyur ro ||
kun dga’ bo byaṅ chub sems (5) dpa’ sems dpa’ chen po gser gyi me tog de | de nas śi ’phos nas kyaṅ saṅs rgyas kyi źiṅ nas | saṅs rgyas kyi źiṅ du ’gro bar ’gyur źiṅ | saṅs rgyas bcom ldan ’das rnams daṅ ’bral bar mi ’gyur ro ||
kun dga’ bo ’di lta ste dper na | ’khor los sgyur (6) ba’i rgyal po ni ji srid ’tsho’i bar du khaṅ bzaṅs nas khaṅ bzaṅs su ’chag ciṅ ’gro ste | de nam ’chi ba’i dus kyi bar du rkaṅ mthil dag gis sa la gnon par mi byed do ||
kun dga’ bo de bźin du byaṅ chub sems dpa’ sems dpa’ chen po gser gyi me tog ces bya ba yaṅ | bla (7) na med ba yaṅ dag par rdzogs pa’i byaṅ chub mṅon par rdzogs par saṅs rgyas kyi bar du saṅs rgyas kyi źiṅ nas saṅs rgyas kyi źiṅ du ’gro bar ’gyur źiṅ | saṅs rgyas bcom ldan ’das daṅ ’bral bar mi ’gyur ro ||
de nas tshe daṅ ldan pa kun dga’ bo ’di sñam du sems te | (217b1) saṅs rgyas kyi źiṅ der byaṅ chub sems dpa’ sems dpa’ chen po ji sñed ’dus par gyur pa de dag ni de bźin gśegs pa ’dus pa yin par rig par bya’o sñam mo ||
de nas bcom ldan ’das kyis tshe daṅ ldan pa kun dga’ bo’i sems kyi yoṅs su rtog pa thugs kyis mkhyen nas | tshe daṅ (2) ldan pa kun dga’ bo la ’di skad ces bka’ stsal to ||
kun dga’ bo ji sñam du sems pa de de bźin no ||
de de bźin te | byaṅ chub sems dpa’ sems dpa’ chen po de dag ni de bźin gśegs pa ’dus pa yin par rig par bya’o ||
kun dga’ bo de bźin gśegs pa dgra bcom (3) pa yaṅ dag par rdzogs pa’i saṅs rgyas gser gyi me tog gi saṅs rgyas kyi źiṅ na | de’i dge sloṅ gi dge ’dun ni tshad med par ’gyur te | ñan thos ’di sñed cig go źe’am | ñan thos brgya phrag ’di sñed cig go źe’am | ñan thos stoṅ phrag ’di sñed cig go źe’am | ñan thos (4) ’bum phrag ’di sñed cig go źe’am | ñan thos bye ba phrag ’di sñed cig go źe’am | ñan thos bye ba brgya phrag ’di sñed cig go źe’am | ñan thos bye ba stoṅ phrag ’di sñed cig go źe’am | ñan thos bye ba ’bum phrag ’di sñed cig go źe’am | ñan thos bye ba khrag khrig ’bum phrag (5) ’di sñed cig go źes de’i dge sloṅ gi dge ’dun gyi tshad bzuṅ bar mi nus te | gźan du na ñan thos bye ba khrag khrig ’bum phrag graṅs med dpag tu med pa źes bya bar ’gyur ro ||
kun dga’ bo de bźin gśegs pa dgra bcom pa yaṅ dag par rdzogs pa’i saṅs rgyas gser gyi (6) me tog de | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | gaṅ śes rab kyi pha rol tu phyin pa zab mo ’di las yoṅs su brjod pa’i skyon de dag ni | thams cad kyi thams cad rnam pa thams cad kyi thams cad (7) du med ciṅ mi ’byuṅ bar ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das sriṅ mo ’dis su las dge ba’i rtsa ba bskyed lags | bcom ldan ’das kyis bka’ stsal pa | (218a1) kun dga’ bo sriṅ mo ’dis ni bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad la dge ba’i rtsa ba bskyed ciṅ | dge ba’i rtsa ba de yaṅ bla na med pa yaṅ dag par rdzogs pa’i byaṅ chub tu yoṅs su bsṅos nas | bla na (2) med pa yaṅ dag par rdzogs pa’i byaṅ chub ’dod pa’i phyir | de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad de la gser gyi me tog dag gis kyaṅ mṅon par gtor to ||
kun dga’ bo gaṅ gi tshe ṅas bla na med pa yaṅ dag par rdzogs pa’i byaṅ (3) chub ’dod pa’i phyir | de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad la me tog utpa la lṅas gtor ba de’i tshe | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad kyis da dge ba’i (4) rtsa ba daṅ ldan par rig nas | bla na med pa yaṅ dag par rdzogs pa’i byaṅ chub tu luṅ bstan to ||
de’i tshe sriṅ mo ’dis ṅa luṅ bstan pa thos nas | ’di ltar kye ma ji ltar bral ze’i khye’u ’di bla na med pa yaṅ dag par rdzogs pa’i byaṅ chub tu luṅ bstan pa de bźin du bdag kyaṅ ma (5) ’oṅs pa’i dus na | bla na med pa yaṅ dag par rdzogs pa’i byaṅ chub tu luṅ ston par gyur cig ces sems bskyed do ||
kun dga’ bo de ltar sriṅ mo ’di ni daṅ po de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad kyi (6) druṅ du | bla na med pa yaṅ dag par rdzogs pa’i byaṅ chub tu sems bskyed pa yin no ||
de sad ces bka’ stsal pa daṅ | bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das sriṅ mo ’di ni bla na med pa yaṅ dag par rdzogs pa’i byaṅ chub (7) tu yoṅs su sbyaṅ ba bgyis pa lags so ||
de skad ces gsol pa daṅ | bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo de de bźin no ||
ji skad smras pa de bźin te | kun dga’ bo sriṅ mo ’di ni bla na med pa yaṅ dag par rdzogs (218b1) pa’i byaṅ chub tu yoṅs su sbyaṅ ba byas pa yin no ||
śes rab kyi pha rol tu phyin pa khri brgyad stoṅ pa las | gaṅ g’i lha mo luṅ bstan pa’i le’u źes bya ste lṅa bcu rtsa gsum pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
(2) bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pas ji ltar stoṅ pa ñid la yoṅs su ’dris par bgyi | ji ltar stoṅ pa ñid kyi tiṅ ṅe ’dzin la sñoms par ’jug par bgyi | ji ltar mtshan ma mchis pa la yoṅs su ’dris par bgyi | (3) ji ltar mtshan ma ma mchis pa’i tiṅ ṅe ’dzin la sñoms par ’jug par bgyi | ji ltar smon pa ma mchis pa la yoṅs su ’dris par bgyi | ji ltar smon pa ma mchis pa’i tiṅ ṅe ’dzin la sñoms par ’jug par bgyi | ji ltar ’phags pa’i lam yan lag brgyad pa’i bar la yoṅs (4) su ’dris par bgyi | ji ltar ’phags pa’i lam yan lag brgyad pa bsgom par bgyi | ji ltar byaṅ chub kyi phyogs kyi chos rnams la yoṅs su ’dris par bgyi | ji ltar byaṅ chub kyi phyogs kyi chos rnams bsgom par bgyi | de skad ces gsol ba daṅ | bcom ldan ’das kyis (5) tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gzugs stoṅ źes bya bar so sor brtag par bya’o ||
tshor ba daṅ | ’du śes daṅ | ’du byed rnams (6) daṅ | rnam par śes pa stoṅ źes bya bar so sor brtag par bya’o ||
de bźin du sbyar te | ’dod pa’i khams kyi bar du stoṅ źes bya bar so sor brtag par bya’o ||
gzugs kyi khams daṅ | gzugs med ba’i khams stoṅ źes bya bar so sor brtag par bya’o ||
ci nas (7) kyaṅ so sor rtog pa na sems rnam par g-yeṅ bar mi ’gyur ba de ltar so sor brtag par bya ste | de sems rnam par g-yeṅ ba med pas | chos gaṅ mṅon sum du bya ba’i chos de yaṅ dag par rjes su mi mthoṅ ṅo ||
des chos de yaṅ dag par rjes su ma mthoṅ bas mṅon sum (219a1) du mi byed do ||
de ci’i phyir źe na | ’di ltar des raṅ gi mtshan ñid kyis stoṅ pa’i chos rnams la śin tu bslabs pas na | de ni chos gaṅ yaṅ chad par mi byed de | gaṅ mṅon sum du byed pa daṅ | gaṅ źig mṅon sum du bya ba daṅ | gaṅ gis mṅon sum du byed pa’i (2) chos de dag thams cad daṅ ldan pa yaṅ ma yin | mi ldan pa yaṅ ma yin par mthoṅ ba’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bcom ldan ’das kyis ’di skad du | byaṅ chub (3) sems dpa’ sems dpa’ chen pos stoṅ pa ñid mṅon sum du mi bya’o źes gaṅ bka’ stsal pa de la | ji ltar na byaṅ chub sems dpa’ sems dpa’ chen po stoṅ pa ñid la gnas la | stoṅ pa ñid mṅon sum du mi bgyid pa lags | bcom ldan ’das kyis bka’ stsal pa | rab ’byor (4) gaṅ gi tshe byaṅ chub sems dpa’ sems dpa’ chen po rnam pa thams cad kyi mchog daṅ ldan pa’i stoṅ pa ñid la rtog pa na | mṅon sum du bya’o sñam du rtog par mi byed kyi yoṅs su ’dris par bya’o sñam du rtog par byed de | ’di ni mṅon sum du bya ba’i dus ma yin gyi yoṅs su ’dris par bya (5) ba’i dus yin no źes bya bar rtog go ||
byaṅ chub sems dpa’ sems dpa’ chen po ni mñam par ma bźag pa ñid du sems dmigs pa la ’dogs te | bar ma dor byaṅ chub sems dpa’ sems dpa’ chen po byaṅ chub kyi phyogs kyi chos rnams las yoṅs su mi ñams śiṅ | zag pa med (6) pa yaṅ mṅon sum du mi byed do ||
de ci’i phyir źe na | byaṅ chub sems dpa’ sems dpa’ chen po ni ’di lta bu’i ye śes rlabs chen po daṅ ldan pa’i phyir te | de ni byaṅ chub kyi phyogs kyi chos rnams la gnas śiṅ | ’di ltar ’di ni yoṅs su ’dris par bya ba’i dus yin gyi | ’di ni (7) mṅon sum du bya ba’i dus ma yin no źes bya bar rnam par śes so ||
rab ’byor de la byaṅ chub sems dpa’ sems dpa’ chen po śes rab kyi pha rol tu phyin pa la spyod pas ’di ltar ’di ni sbyin pa’i pha rol tu phyin pa’i dus so ||
’di ni tshul khrims daṅ | bzod pa daṅ | brtson ’grus (219b1) daṅ | bsam gtan daṅ | śes rab kyi pha rol tu phyin pa’i dus so ||
’di ni dran pa ñe bar gźag pa rnams bsgom pa’i dus so ||
’di ni ’phags pa’i lam yan lag brgyad pa’i bar dag bsgom pa’i dus so ||
’di ni stoṅ pa ñid daṅ | mtshan ma med pa daṅ | smon pa med pa’i tiṅ ṅe (2) ’dzin bsgom pa’i dus so ||
’di ni de bźin gśegs pa’i stobs bcu thob par bya ba’i dus so ||
’di ni mi ’jigs pa bźi thob par bya ba’i dus so ||
’di ni so so yaṅ dag par rig pa bźi thob par bya ba’i dus so ||
’di ni byams pa chen po daṅ | sñiṅ rje chen po thob par bya ba’i (3) dus yin gyi | ’di ni rgyun du źugs pa’i ’bras bu mṅon sum du bya ba’i dus ma yin no ||
’di ni dgra bcom pa ñid kyi bar dag mṅon sum du bya ba daṅ | raṅ saṅs rgyas kyi śes pa mṅon sum du bya ba’i dus ma yin no ||
’di ni thams cad śes pa ñid thob par bya ba daṅ | yoṅs (4) su ’dris par bya ba’i dus ma yin no źes bya bar so sor brtag par bya ste | rab ’byor byaṅ chub sems dpa’ sems dpa’ chen po de ltar śes rab kyi pha rol tu phyin pa la spyod pa ni | stoṅ pa ñid la yoṅs su ’dris par byed ciṅ stoṅ pa ñid kyis gnas pa daṅ | mtshan ma med pa daṅ | (5) smon pa med pa dag la yoṅs su ’dris par byed ciṅ | mtshan ma med pa daṅ | smon pa med pa dag gis gnas pa daṅ | ’phags pa’i lam yan lag brgyad pa sgom pa yaṅ mṅon sum du mi byed do ||
de bźin du sbyar te | dran pa ñe bar gźag pa rnams la sgom źiṅ | dran pa (6) ñe bar gźag pa rnams la gnas kyaṅ mṅon sum du mi byed do ||
rab ’byor byaṅ chub sems dpa’ sems dpa’ chen po ni de ltar byaṅ chub kyi phyogs kyi chos rnams la yoṅs su ’dris par byed ciṅ | byaṅ chub kyi phyogs kyi chos rnams la sgom pa daṅ | byaṅ chub kyi phyogs kyi chos (7) rnams kyi gnas kyaṅ | rgyun du źugs pa’i ’bras bu daṅ | dgra bcom pa ñid kyi bar dag mṅon sum du mi byed do ||
rab ’byor ’di lta ste dper na | skyes bu la la źig dpa’ ba daṅ | rtul phod pa daṅ | śin tu brtan pa daṅ | gzugs bzaṅ ba daṅ | mdzes pa daṅ | blta na sdug (220a1) pa daṅ | kha dog bzaṅ po rgyas pa mchog daṅ ldan par gyur la | ’phoṅ śin tu byaṅ źiṅ | mtshon cha sra ba dag thogs pa | sgyu rtsa la drug cu rtsa bźi śin tu rdzogs pa | bzo’i gnas daṅ | las kyi gnas thams cad rtogs par khoṅ du chud pa | ’gro ba maṅ po’i (2) yid du ’oṅ źiṅ mdzes par gyur na | de bya ba gaṅ daṅ gaṅ rtsom yaṅ de thams cad du rñed pa chen po daṅ ldan par ’gyur te | rñed pa des skye bo maṅ po la bsti staṅ du byed | bla mar byed | ri mor byed | mchod pa byed ciṅ | de yi raṅs pa daṅ | rab tu dga’ ba daṅ | dga’ ba (3) daṅ | bde brgya chen po dag skyes nas | de dgos pa źig gi phyir pham daṅ | bu daṅ | bu mo dag khrid de ’brog dgon pa | byis pa rnams ’jigs śiṅ spu ziṅ źes byed pa źig tu źugs te | skyes bu de der źugs nas kyaṅ | pha ma daṅ | bu daṅ | bu mo dag la kho bos khyed (4) cag ’jigs pa daṅ | bag tsha ba ’di las myur ba ñid du thar par bar byas | ma ’jigs śig | ma ’jigs śig ces | mi ’jigs pas bstabs nas | ’brog dgon pa der skyes bu de’i dgra dag daṅ | gsod pa dag daṅ | phyir rgol ba maṅ po dag ñe bar gnas par gyur na | skyes (5) bu de yaṅ śes rab kyi stobs dam pa daṅ ldan par gyur pa yin pas | des pha ma daṅ | bu daṅ bu mo de dag khrid de | ’brog dgon pa de nas bton ciṅ thar bar byas nas | ma smras | mñams par phyir groṅ ṅam | groṅ rdal lam | ljoṅs sam | yul phyogs su soṅ (6) nas | dga’ źiṅ yid bde ba skyes kyaṅ | phyir rgol ba daṅ | dgra bco’i sems can de dag la yid sdaṅ bar byed ba yaṅ med do ||
de ci’i phyir źe na | ’di ltar des sgyu rtsal thams cad la byaṅ bar byas pa’i phyir te | des ’brog dgon pa der phyir rgol ba daṅ | dgra bod (7) dag bas kyaṅ ches maṅ ba daṅ | ches dpa’ ba daṅ | ches mtshon cha sra ba daṅ | ches rgya che ba’i phyir rgol ba gźan dag sprul nas | ’jigs pa des phyir rgol ba de dag med par byas te | de nas skyes bu des pha ma daṅ | bu daṅ | bu mo dag bde bar yoṅs su thar bar byas (220b1) śiṅ | bde bar gnas par byed do ||
rab ’byor de bźin du gaṅ gi tshe | byaṅ chub sems dpa’ sems dpa’ chen pos kyaṅ | sems can thams cad la byams par dmigs pa’i sems daṅ | sñiṅ rje daṅ | dga’ ba daṅ | btaṅ sñoms su dmigs pa’i sems (2) kyis khyab par byas te | gnas kyaṅ bar mdor byaṅ chub sems dpa’ sems dpa’ chen po mtshan mas tha sñad ’dogs par yaṅ mi byed la | gaṅ mṅon sum du byas bas | ñan thos daṅ | raṅ saṅs rgyas kyis la gnas par ’gyur ba’i mtshan ma med pa’i tiṅ ṅe ’dzin kyaṅ mṅon (3) sum du mi byed do ||
rab ’byor ’di lta ste dper na | ’dab chags bya ni bar snaṅ la rgyu yaṅ sa la mi ltuṅ la | bar snaṅ gi nam mkha’ la rnam par rgyu yaṅ de la gnas śiṅ brten pa yaṅ med do ||
rab ’byor de bźin du byaṅ chub sems dpa’ sems dpa’ chen po yaṅ stoṅ pa ñid la (4) yoṅs su ’dris par byed ciṅ | stoṅ pa ñid la spyod pa daṅ | mtshan ma med pa daṅ | smon pa med pa dag la yoṅs su ’dris par byed ciṅ | mtshan ma med pa daṅ | smon pa med pa ṅag la spyod par byed kyaṅ gaṅ mṅon sum du byas pas | de bźin gśegs pa’i stobs bcu daṅ (5) mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | gaṅ yaṅ saṅs rgyas kyi chos dpag tu med pa dag la spyad pa nas | rnam pa thams cad mkhyen pa ñid ’thob par ’gyur ba dag yoṅs su ma rdzogs par ñan thos kyi (6) sa’am | raṅ saṅs rgyas kyi sar ltuṅ bar ’gyur ba’i stoṅ pa ñid daṅ | mtshan ma med pa daṅ | smon pa med pa dag mṅon sum du mi byed do ||
rab ’byor ’di lta ste dper na | skyes bu mthu dag ldan pa ’phoṅ gi slob dpon du gyur pa | ’phoṅ śin tu bslabs pa des ni | mda’ (7) gnam rgyaṅ du ’phaṅs la des mda’ gnam rgyaṅ du ’phaṅs nas kyaṅ mda’ gźan gaṅ gis mda’ sṅa ma de’i phyi bźin brgyud ciṅ sa la ltuṅ du mi ster bar byed de | ji srid du skyes bu de mi ’dod pa de srid du mda’ de dag sa la mi ltuṅ ṅo ||
de nas des mda’ ’di dag sa la ltuṅ bar bya (221a1) sñam nas mda’ phyi ma gnas rgyaṅ du ma ’phaṅs na | gdoṅ mda’ brgyud pa de dag sa la ltuṅ bar ’gyur ro ||
rab ’byor de bźin du byaṅ chub sems dpa’ sems dpa’ chen po thabs la mkhas pas yoṅs su zin ciṅ śes rab kyi pha rol tu phyin pa la spyod pa yaṅ | ji srid (2) du bla na med pa yaṅ dag par rdzogs pa’i byaṅ chub kyi dge ba’i rtsa ba de dag yoṅs su ma smin pa de srid du | yaṅ dag pa’i mtha’ dam pa de mṅon sum du mi byed kyi gaṅ gi tshe bla na med pa yaṅ dag par rdzogs pa’i byaṅ chub kyi dge ba’i rtsa ba de dag yoṅs su smin par gyur pa de’i tshe | yaṅ (3) dag pa’i mtha’ dam pa de mṅon sum du byed do ||
rab ’byor de lta bas na byaṅ chub sems dpa’ sems dpa’ chen po śes rab kyi pha rol tu phyin pa la spyod pas | chaso ’di dag gi chos ñid de ltar ñe bar brtag par bya’o ||
de skad ces bka’ stsal pa daṅ | bcom ldan ’das (4) la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ chos ñid ’di la slob pa daṅ | yaṅ dag pa’i mtha’ la slob pa daṅ | de bźin ñid la slob pa daṅ | chos kyi dbyiṅs la slob pa daṅ | mtha’ las ’das (5) ṅa stoṅ pa ñid la slob pa daṅ | raṅ gi mtshan ñid stoṅ pa ñid kyi bar la slob pa daṅ | rnam par thar pa’i sgo gsum po dag gi bar la slob par bgyid kyaṅ | bar ma dor bla na med pa yaṅ dag par rdzogs pa’i byaṅ chub las ñams par mi ’gyur ba ni dka’ ba bgyid pa lags te | bcom (6) ldan ’das ṅo mtshar lags so ||
bde bar gśegs pa ṅo mtshar lags so ||
bcom ldan ’das kyis bka’ stsal pa | rab ’byor ’di ltar byaṅ chub sems dpa’ sems dpa’ chen pos sems can thams cad yoṅs su ma btaṅ ba’i phyir te | rab ’byor gaṅ gis (7) sems can thams cad yoṅs su ma btaṅ ba de’i smon lam gyi khyad par ni rnam pa ’di lta bu yin te | rab ’byor byaṅ chub sems dpa’ sems dpa’ chen po ’di sñam du sems can ’di dag ni yod pa ma yin pa’i chos rnams la yod par ’du śes pas bslus pa dag ste | bdag gis (221b1) sems can mi śes pa de dag yoṅs su gtaṅ bar mi bya’o ||
bdag gis sems can thams cad yoṅs su ma btaṅ bas na | yod pa ma yin pa’i chos rnams la źugs pa’i sems can ’di dag kyaṅ bdag gis yoṅs su grol bar bya’o sñam du sems mṅon par sgrub par byed ciṅ | (2) gaṅ gi tshe rnam par thar pa’i sgo stoṅ pa ñid kyi tiṅ ṅe ’dzin mṅon par sgrub | rnam par thar pa’i sgo mtshan ma med pa’i tiṅ ṅe ’dzin mṅon par sgrub | rnam par thar pa’i sgo smon pa med pa’i tiṅ ṅe ’dzin mṅon par sgrub kyaṅ rnam pa thams cad mkhyen pa ñid ma thob kyi bar du bar mdor yaṅ dag (3) pa’i mtha’ mṅon sum du mi byed pa de’i tshe | byaṅ chub sems dpa’ sems dpa’ chen po de thabs la mkhas pa daṅ ldan par rig par bya’o ||
rab ’byor gźan yaṅ byaṅ chub sems dpa’ sems dpa’ chen po ni gaṅ ’di zab mo zab mo’i gnas ’di lta ste | naṅ stoṅ pa ñid daṅ | dṅos (4) po med pa’i ṅo bo ñid stoṅ pa ñid kyi bar daṅ | dran pa ñe bar gźag pa bźi daṅ | rnam par thar pa’i sgo gsum po dag la so sor rtog par ’dod nas | des ’di ltar sems can ’di dag ni yun riṅ po nas bdag tu ’du śes pa daṅ | sems can du ’du śes pa daṅ | śes pa (5) po daṅ | mthoṅ ba po’i bar du ’du śes pas | dmigs pa la spyod pa yin pas na | de dag gi dmigs pa’i lta ba spaṅ ba’i phyir bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | chos bstan par bya’o sñam du sems bskyed pa mṅon (6) par sgrub ciṅ | de’i tshe byaṅ chub sems dpa’ sems dpa’ chen po stoṅ pa ñid kyi tiṅ ṅe ’dzin la sñoms par ’jug kyaṅ | gaṅ mṅon sum du byas pas | rgyun du źugs pa’i ’bras bu ’thob par ’gyur ba daṅ | raṅ byaṅ chub kyi bar du ’thob par ’gyur ba’i yaṅ dag pa’i mtha’ (7) mṅon sum du mi byed do ||
rab ’byor gaṅ gi tshe byaṅ chub sems dpa’ sems dpa’ chen po rnam par thar pa’i sgo mtshar ma med pa daṅ | smon pa med pa’i tiṅ ṅe ’dzin la sñoms par ’jug la | rab ’byor byaṅ chub sems dpa’ sems dpa’ chen po sgom źiṅ sñoms par (222a1) ’jug pa de’i tshe | gaṅ mṅon sum du byas pas | rgyun du źugs pa’i ’bras bu ’thob par ’gyur ba daṅ | dgra bcom pa ñid daṅ | raṅ byaṅ chub kyi bar dag ’thob par ’gyur ba’i yaṅ dag pa’i mtha’ mṅom sum du mi byed do ||
rab ’byor de ltar spyod pa’i byaṅ chub (2) sems dpa’ sems dpa’ chen po ni sems bskyed pa des | dge ba’i rtsa ba de dag daṅ ldan źiṅ bar ma dor yaṅ dag pa’i mtha’ mṅon sum du mi byed kyaṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | dran pa ne bar gźag (3) pa bźi daṅ | ’phags pa’i lam yan lag brgyad pa’i bar daṅ | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin rnams daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa (4) chen po daṅ | sñiṅ rje chen po dag las kyaṅ yoṅs su ñams par mi ’gyur ro ||
de’i tshe byaṅ chub sems dpa’ sems dpa’ chen po byag chub kyi phyogs kyi chos rnams daṅ ldan źiṅ de dag las yoṅs su ñams pa med de | byaṅ chub sems dpa’ sems dpa’ chen po thabs la mkhas (5) pas yoṅs su zin pa ni | dge ba’i chos rnams kyis rnam par ’phel źiṅ | de’i dbaṅ po rnams daṅ | ñan thos daṅ | raṅ saṅs rgyas dag gi lta bu ma yin gyi ches rno bar ’gyur ro ||
rab ’byor gźan yaṅ byaṅ chub sems dpa’ chen po ni ’di sñam du sems (6) can ’di dag ni yun riṅ po nas rtag par ’du śes pa daṅ | sdug par ’du śes pa daṅ | bde bar ’du śes pa daṅ | bdag tu ’du śes pa’i phyin ci logs bźis sems phyin ci log tu gyur bdag ste | de dag gi don du bdag gis byaṅ chub la spyad par bya źiṅ | de ltar bla na med (7) pa yaṅ dag par rdzogs pa’i byaṅ chub mṅon par rdzogs par saṅs rgyas nas | ci nas kyaṅ rtag pa źes bya ba’am | sdug pa źes bya ba’am | bde ba źes bya ba’am | bdag ces bya bar spyod par mi ’gyur bar mi rtag pa źes bya ba’am | mi sdug pa źes bya ba’am | sdug bsṅal ba (222b1) źes bya ba’am | bdag med pa źes bya ba de ltar chos bstan par bya’o sñam du sems te | sems bskyed pa ’di daṅ ldan źiṅ thabs la mkhas pas śes rab kyi pha rol tu phyin pa la spyod pa ni | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par (2) rig pa bźi daṅ | byams pa chen po daṅ | sñiṅ rje chen po yoṅs su ma rdzogs kyi bar du saṅs rgyas kyi tiṅ ṅe ’dzin la sñoms par mi ’jug pa de’i tshe | byaṅ chub sems dpa’ sems dpa’ chen po smon pa med pa’i tiṅ ṅe ’dzin la sgom źiṅ | sñoms par ’jug kyaṅ bla na med pa yaṅ (3) dag par rdzogs pa’i byaṅ chub mṅon par rdzogs par saṅs rgyas kyi bar du yaṅ dag pa’i mtha’ mṅon sum du mi byed do ||
rab ’byor gźan yaṅ byaṅ chub sems dpa’ sems dpa’ chen po ni ’di sñam du sems can ’di dag ni yun riṅ po nas bdag ces bya ba’am | sems can (4) źes bya ba’am | śes pa po daṅ | mthoṅ ba po źes bya ba’i bar dag daṅ | gzugs źes bya ba’am | tshor ba źes bya ba’am | ’du śes źes bya ba’am | ’du byed rnams źes bya ba’am | rnam par śes pa źes bya ba’am | phuṅ po rnams źes bya ba’am | khams (5) rnams źes bya ba’am | skye mched rnams źes bya ba’am | bsam gtan bźi źes bya ba’am | tshad med pa bźi źes bya ba’am | gzugs med pa’i sñoms par ’jug pa bźi źes bya bar dmigs pa la spyod spyod pa dag ste | de dag la bdag bla na med pa yaṅ dag par (6) rdzogs pa’i byaṅ chub mṅon par rdzogs par saṅs rgyas pa na | ci nas kyaṅ sems can rnams kyi dmigs pa’i skyon ’di dag ’byuṅ bar mi ’gyur ba de ltar bya’o sñam du sems te | de sems bskyed pa de dag daṅ ldan źiṅ | ’bras la mkhas pas śes rab kyi pa rol tu phyin pa (7) la spyod pa ni | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po yoṅs su ma rdzogs kyi bar du yaṅ dag pa’i mtha’ mṅon sum du mi byed de | de’i tshe byaṅ chub sems dpa’ (223a1) sems dpa’ chen po rnam par thar pa’i sgo stoṅ pa ñid kyi tiṅ ṅe ’dzin gyi bsgom pa yoṅs su rdzogs par ’gyur ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | ’di sñam du sems can ’di dag ni yun (2) riṅ po nas | bud med kyi mtshan ma’am | skyes pa’i mtshan ma’am | gzugs kyi mtshan ma’am | gzugs med pa’i mtshan ma’i mtshan ma la spyod spyod pa dag ste | de dag la bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa na | (3) ci nas kyaṅ sems can de dag la skyon ’di lta bu dag ’byuṅ bar mi ’gyur ba de ltar bya’o sñam du sems te | de sems bskyed pa de daṅ ldan źiṅ thabs la mkhas pa de daṅ yaṅ ldan pas | śes rab kyi pha rol tu phyin pa la spyod pa na | de bźin gśegs pa’i stobs bcu daṅ | mi ’jigs (4) pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po yoṅs su ma rdzogs kyi bar du | bar ma dor yaṅ dag pa’i mtha’ mṅon sum du mi byed de | sems bskyed pa de daṅ ldan pa de | byaṅ chub sems dpa’ sems dpa’ chen po’i rnam (5) par thar pa’i sgo mtshan ma med pa’i tiṅ ṅe ’dzin gyi bsgom pa yoṅs su rdzogs par ’gyur ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | ’di sñam du sems can ’di dag ni yun riṅ po nas | smon lam la (6) spyod spyod pa dag ste | ’di ltar brgya byin daṅ | tshaṅs pa daṅ | tshaṅs pa daṅ | ’jig rten skyoṅ ba daṅ | ’khor los sgyur ba la mṅon par dga’ ba | gzugs la mṅon par dga’ ba | tshor ba daṅ | ’du śes daṅ | ’du byed rnams daṅ | rnam par śes pa la mṅon par dga’ (7) ba | rnam pa thams cad mkhyen pa ñid kyi bar la mṅon par dga’ ba dag ste | de lta bas na de dag gi don du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas la | ci nas kyaṅ sems can rnams kyi smon pa’i ñe pa de dag med par ’gyur ba (223b1) de ltar chos bstan par bya’o sñam du sems te | rab ’byor de ltar byaṅ chub sems dpa’ chen po sems bskyed pa de dag daṅ ldan źiṅ thabs la mkhas pas | śes rab kyi pha rol tu phyin pa la spyod pas rnam par thar pa’i sgo stoṅ pa ñid daṅ | mtshan ma med pa (2) daṅ | smon pa med pa’i tiṅ ṅe ’dzin bsgom pa yoṅs su rdzogs par ’gyur te | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwo brgyad daṅ | byams pa chen po daṅ | sñiṅ (3) rje chen po yoṅs su ma rdzogs śiṅ | bla na med pa yaṅ dag par rdzogs pa’i byaṅ chub mṅon par rdzogs par saṅs ma rgyas kyi bar du | bar ma dor yaṅ dag pa’i mtha’ mṅon sum du mi byed do ||
rab ’byor byaṅ chub sems dpa’ sems dpa’ chen po gaṅ pha rol tu phyin pa drug la spyod pa (4) daṅ | naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar la spyod pa daṅ | dran pa ñe bar gźag pa rnams la spyod pa daṅ | stoṅ ba ñid daṅ | mtshan ma med pa daṅ | smon pa med ’i tiṅ ṅe ’dzin la spyod pa daṅ | de bźin gśegs pa’i stobs bcu la spyod pa daṅ | (5) mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwo brgyad kyi bar la spyod ciṅ | yoṅs su ’dris par byed pa de lta bu’i ye śes daṅ ldan pa’i byaṅ chub sems dpa’ sems dpa’ chen (6) po ni | mṅon par ’du byed pa med par ltuṅ ba’am | khams gsum pa daṅ lhan cig gnas pa ni gnas ma yin | skabs ma yin te | de ni gnas med do ||
rab ’byor byaṅ chub sems dpa’ sems dpa’ chen po de ltar spyod ciṅ | byaṅ chub kyi phyogs kyi chos de dag la yoṅs (7) su ’dris par byed pa la | ’di skad du byaṅ chub sems dpa’ sems dpa’ chen po | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas | ji ltar chos ’di dag la yoṅs su ’dris par byas na | gaṅ rtogs bas rgyun du źugs pa’i (224a1) ’bras bu’am | dgra bcom pa ñid kyi bar ram | raṅ byaṅ chub theb par ’gyur ba’i stoṅ pa ñid mṅon sum du mi byed ciṅ | yaṅ dag pa’i mtha’ rtogs par mi byed pa daṅ | mtshan ma med pa daṅ | smon pa med pa daṅ | mṅon par ’du bya ba med pa daṅ | (2) skye ba med pa daṅ | dṅos po med pa mṅon sum du mi byed ciṅ | śes rab kyi pha rol tu phyin pa la sgom pa yin źes yoṅs su dri bar bya’o ||
rab ’byor byaṅ chub sems dpa’ sems dpa’ chen po la | byaṅ chub sems dpa’ sems dpa’ chen po rnams kyis de skad du (3) yoṅs su dris pa na | gal te de ’di skad du | byaṅ chub sems dpa’ sems dpa’ chen po des stoṅ pa ñid yid la bya’o ||
mtshan ma med pa ñid yid la bya’o ||
smon pa med pa ñid yid la bya’o ||
des mṅon par ’du bya ba med pa ñid daṅ | skye ba med pa daṅ | dṅos po med pa (4) ñid yid la bya’o źes lan ’debs na | rab ’byor byaṅ chub sems dpa’ sems dpa’ chen po rnams kyis | byaṅ chub sems dpa’ sems dpa’ chen po ’di ni saṅs rgyas bcom ldan ’das rnams kyis | bla na med pa yaṅ dag par rdzogs pa’i byaṅ chub tu luṅ bstan pa yin (5) par rig par bya’o ||
de ci’i phyir źe na | rab ’byor ’di ltar phyir mi ldog pa’i byaṅ chub sems dpa’ sems dpa’ chen po’i yoṅs su ’dris pa gaṅ yin pa de rjod par byed | de ston par byed | de rab tu ’byed bar byed pa’i phyir ro ||
rab ’byor de skad dris pa na | gal te ’di skad (6) du des stoṅ pa ñid yid la mi bya’o ||
des mtshan ma med pa daṅ | smon pa med pa daṅ | mṅon par ’du bya ba med pa daṅ | skye ba med pa daṅ | dṅos po med pa dag yid la mi bya’o ||
des byaṅ chub kyi phyogs kyi chos rnams yoṅs su ’dris par mi bya’o źes lan ’debs na | (7) rab ’byor byaṅ chub sems dpa’ sems dpa’ chen po rnams kyis | byaṅ chub sems dpa’ sems dpa’ chen po ’di ni | saṅs rgyas bcom ldan ’das rnams kyis | bla na med pa yaṅ dag par rdzogs pa’i byaṅ chub tu luṅ bstan pa ma yin par rig par bya’o ||
de ci’i phyir (224b1) źe na | rab ’byor ’di ltar phyir mi ldog pa’i byaṅ chub sems dpa’ sems dpa’ chen po’i yoṅs su ’dris pa gaṅ yin pa de rjod par mi byed | de ston par mi byed | de rab tu ’byed par mi byed pa’i phyir te | rab ’byor gaṅ phyir mi ldog pa’i byaṅ chub sems dpa’ sems dpa’ chen (2) po’i chos de rjod par mi byed | de ston par mi byed | de rab tu ’byed par mi byed ba de la ni | byaṅ chub sems dpa’ sems dpa’ chen po rnams kyis byaṅ chub sems dpa’ sems dpa’ chen po ’di ni ji ltar phyir mi ldog pa’i byaṅ chub sems dpa’ sems dpa’ chen pos yoṅs su ’dris (3) par byas te | phyir mi ldog pa’i sa non pa ltar bsrabs pa’i sa las ’das pa ma yin par rig par bya’o ||
rab ’byor gyis gsol pa | bcom ldan ’das gaṅ gis slar mi ldog napara ’gyur ba’i rnam graṅs mchis lags sam | bcom ldan ’das kyis bka’ stsal pa | (4) rab ’byor de ni yod de | rab ’byor gal te byaṅ chub sems dpa’ sems dpa’ chen pos | pha rol tu phyin pa drug thos kyaṅ ruṅ | ma thos kyaṅ ruṅ ste | phyir mi ldog pa’i byaṅ chub sems dpa’ sems dpa’ chen po ji lta ba de ltar lan ’debs pa’o ||
rab ’byor gyis gsol (5) ba | bcom ldan ’das de’i slad du | byaṅ chub sems dpa’ sems dpa’ chen po gaṅ dag byaṅ chub kyi slad du spyod pa ni maṅ lags mod kyi | gaṅ dag yoṅs su sbyoṅ ba bgyid pa’i sa’am | yoṅs su sbyoṅ ba bgyid pa ma lags pa’i sa yaṅ mi mṅon te | ji ltar phyir (6) mi ldog pa’i byaṅ chub sems dpa’ sems dpa’ chen po ltar lan ’debs par bgyid pa’i byaṅ chub sems dpa’ sems dpa’ chen po de dag ni ñuṅ lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor byaṅ chub sems dpa’ (7) sems dpa’ chen po gaṅ dag phyir mi ldog pa’i ye śes kyi sar luṅ bstan pa de dag ñuṅ ste | gaṅ dag luṅ bstan par ’gyur ba de dag ni de bźin du lan ’debs par ’gyur ro ||
gaṅ dag de ltar lan ’debs pa de dag ni dge ba’i rtsa sbyaṅs pa yin par rig par bya ste | byaṅ chub sems (225a1) dpa’ sems dpa’ chen po de dag ni | lha daṅ | mi daṅ | lha ma yin du bcas pa’i ’jig rten gyis mi ’phrogs pa yin no ||
śes rab kyi pha rol tu phyin pa khri brgyad stoṅ pa las | thabs la mkhas pa sgom pa bstan pa’i le’u źes bya ste | lṅa bcu rtsa (2) bźi pa’o || ||
śes rab kyi pha rol tu phyin pa khri brgyad stoṅ pa | bam po bźi bcu pa | rab ’byor gźan yaṅ byaṅ chub sems dpa’ sems dpa’ chen po ni rmi lam na yaṅ | ñan thos kyi sa’am | raṅ saṅs rgyas kyi sa’am | khams gsum ba la ’dod (3) pa med ciṅ | phan yon gyi sems mi bskyed la | chos thams cad rmi lam lta bu ñid du lta źiṅ | chos thams cad brag ca lta bu daṅ | smig rgyu lta bu daṅ | sprul pa lta bu ñid du lta la | mṅon sum du yaṅ mi byed na | rab ’byor de yaṅ phyir mi ldog pa’i byaṅ chub sems dpa’ (4) sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ gal te byaṅ chub sems dpa’ sems dpa’ chen pos rmi lam na | de bźin gśegs pa ’khor brgya phrag du ma daṅ | ’khor stoṅ phrag du ma daṅ | ’khor ’bum phrag du ma (5) daṅ | ’khor bye ba khrag khrig ’bum phrag bu ma mṅa’ ba | dge sloṅ daṅ | dge sloṅ ma daṅ | dge bsñen daṅ | dge bsñen ma rnams daṅ | lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto (6) ’phye chen po dag gis yoṅs su bskor ciṅ | mdun gyis bltas te | de bźin gśegs pa dgra bcom pa yaṅ dag par rdzogs pa’i saṅs rgyas chos ston pa mthoṅ la | des chos de thos nas kyaṅ | chos de’i don kun śes par bya’o ||
źes chos daṅ rjes su ’thun (7) pa’i chos la źugs śiṅ | gnas pa daṅ ’thun par źugs śiṅ rjes su ’thun pa’i chos la spyod na | rab ’byor de yaṅ phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ gal te | byaṅ chub sems (225b1) dpa’ sems dpa’ chen pos rmi lam na | de bźin gśegs pa skyes bu chen po’i mtshan sum cu rtsa gñis daṅ | ’od ’dom gaṅ daṅ ldan pa nam mkha’ la mṅon par ’phags te | dge sloṅ gi dge ’dun la chos ston ciṅ | rdzu ’phrul gyi cho ’phrul ston pa daṅ | sprul pa sprul par (2) mdzad ciṅ | sprul pa de dag gis kyaṅ | ’jig rten gyi khams gźan dag tu saṅs rgyas kyi bya ba byed pa dag mthoṅ na | rab ’byor de yaṅ phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ byaṅ (3) chub sems dpa’ sems dpa’ chen pos rmi lam na | groṅ ’joms pa byuṅ ba’am | groṅ khyer ’joms pa byuṅ ba’am | me śor bar gyur pa’am | gcan gzan gdug pa dag mthoṅ ṅam | de dag las gźan pa’i gcan gzan khro bo’i rigs dag mthoṅ ṅam | (4) mgo gcod pa ñe bar gnas pa dag mthoṅ ṅam | gaṅ dag de las gźan pa’i ’jigs pa daṅ | dṅaṅ bdag mthoṅ ṅam | sdug bsṅal ba daṅ | yid mi bde ba daṅ | ’khrugs pa dag mthoṅ ṅam | bkres pas ’jigs pa mthoṅ ṅam | skoms pas ’jigs (5) pa mthoṅ ṅam | ma śi ba mthoṅ ṅam | pha śi ba mthoṅ ṅam | phu nu śi ba mthoṅ ṅam | sriṅ mo śi ba mthoṅ ṅam | mdza’ bśes daṅ | blon po daṅ | ñe du daṅ | snag gi gñen mtshams dag śi ba mthoṅ na | mya ṅan daṅ | ’jigs pa daṅ | skrag pa daṅ | dṅaṅ bar (6) mi ’gyur źiṅ | mi skrag mi dṅaṅ la | dṅaṅ bar mi ’gyur źiṅ | rmi lam de rmis pa’i ’og tu sad nas kyaṅ ’di sñam du | kye ma khams gsum pa ’di dag thams cad ni rmi lam lta bu ste | bdag bla na med pa yaṅ dag par rdzogs pa’i byaṅ chub mṅon par rdzogs par saṅs (7) rgyas nas kyaṅ | khams gsum pa’i chos thams cad rmi lam lta bu’o ||
źes chos bstan par bya’o sñam du sems na | rab ’byor de yaṅ phyir mi ldog pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ (226a1) phyir mi ldog pa’i byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ der | ṅan soṅ gsum po ’di dag thams cad kyi thams cad rnam pa thams cad kyi thams cad du (2) ’byuṅ bar mi ’gyur bar ji ltar śes par bya źe na | rab ’byor gal te byaṅ chub sems dpa’ sems dpa’ chen pos rmi lam na | sems can dmyal ba pa’i sems can dag mthoṅ ṅam | dud ’gro’i skye gnas pa’am | gśin rje’i ’jig rten pa’i sems can mthoṅ (3) na | ’di lta bu’i dran pa rñed par ’gyur te | dran pa rñed nas kyaṅ ’di sñam du bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de na | ci nas kyaṅ ṅan soṅ gsum po thams cad kyi thams cad rnam pa thams (4) cad kyi thams cad du ’byuṅ bar mi ’gyur ba de ltar bya’o sñam du sems so ||
de ci’i phyir źe na | ’di ltar rmi lam gaṅ yin pa daṅ | rmi lam gyi mtha’ gaṅ yin pa’i chos de gñis ni gñis su med ciṅ | gñis su dbyer med pa’i phyir te | rab ’byor de yaṅ phyir mi ldog (5) pa’i byaṅ chub sems dpa’ sems dpa’ chen po’i phyir mi ldog pa’i mtshan ñid du rig par bya’o ||
rab ’byor gźan yaṅ phyir mi ldog pa’i byaṅ chub sems dpa’ sems dpa’ chen po rmi la ma’am | sad pa na groṅ khyer tshig pa mthoṅ na ’di sñam du sems te | gaṅ (6) bdag gis rmi lam ’am | rmi lam gyi mtha’ sad pa na | rnam pa gaṅ dag daṅ | rtags gaṅ dag daṅ | mtshan ma gaṅ dag daṅ ldan na | byaṅ chub sems dpa’ sems dpa’ chen po phyir mi ldog par ’gyur ba’i rnam pa de dag daṅ | rtags de dag daṅ | mtshan ma de dag mthoṅ (7) ba’i rnam pa de dag daṅ | rtags de dag daṅ | mtshan ma de dag gal te | bdag la yod na | bden pa daṅ | bden pa’i tshig ’dis groṅ khyer tshig pa ’di ñe bar źi ba daṅ | bsil ba daṅ | med par gyur cig ces phyir mi ldog pa’i byaṅ chub sems dpa’ sems dpa’ chen po de ltar (226b1) bden pa’i byin gyis rlob bar byed pa na | gal te ñe bar źi ba daṅ | bsil ba daṅ med par gyur na | rab ’byor byaṅ chub sems dpa’ sems dpa’ chen po de ni | bla na med pa yaṅ dag par rdzogs pa’i byaṅ chub las phyir mi ldog par luṅ bstan pa yin bar rig par bya’o ||
(2) rab ’byor gal te me’i phuṅ po de dag bden pa’i tshig de las ’das nas | khyim nas khyim du sreg par byed | sraṅ nas sraṅ du sreg par byed ciṅ | khyim la la ni tshig | khyim la la ni ma tshig | sraṅ la la ni tshig | sraṅ la la ni ma tshig na | rab ’byor byaṅ chub sems dpa’ (3) sems dpa’ chen po ’di ltar gaṅ gi phyir | sems can ’di dag gi khyim la la ni tshig | khyim la la ni ma tshig ba ni sems can ’di dag gis chos spoṅ bar ’gyur ba’i las ñe bar bsags pas na | de dag tshe ’di ñid la las rnam par smin te | chos spoṅ ba’i las kyi lhag (4) ma de ñid las rnam par smin par gyur to ||
źes bya bar rig par bya ste | rab ’byor phyir mi ldog pa’i byaṅ chub sems dpa’ sems dpa’ chen po’i rgyu ni de yin no ||
rkyen ni de yin te | rgyu de dag daṅ | rkyen de dag gis phyir mi ldog pa’i byaṅ chub sems dpa’ sems dpa’ chen po (5) yin par rig par bya’o ||
rab ’byor gźan yaṅ rnam pa gaṅ dag daṅ | rtags gaṅ dag daṅ | mtshan ma gaṅ dag gis phyir mi ldog pa’i byaṅ chub sems dpa’ sems dpa’ chen po yin par rig par bya ba’i rnam pa de dag daṅ | rtags de dag daṅ | mtshan ma de dag bstan (6) bar bya’o ||
rab ’byor gal te skyes ba’am | bud med gaṅ yaṅ ruṅ ba źig mi ma yin pas byin gyis brlabs śiṅ babs par gyur na | de la byaṅ chub sems dpa’ sems dpa’ chen bos ’di ltar bsal par bya ste | gal te bdag sṅon gyi de bźin gśegs pa dgra bcom pa (7) yaṅ dag par rdzogs pa’i saṅs rgyas rnams kyis | bla na med pa yaṅ dag par rdzogs pa’i byaṅ chub tu luṅ bstan pa yin źiṅ | ji ltar bdag bla na med pa yaṅ dag par rdzogs pa’i byaṅ chub mṅon par rdzogs par ’tshag rgya bar ’dod la | ji ltar bdag bla na med pa yaṅ (227a1) dag par rdzogs pa’i byaṅ chub mṅon par rdzogs par ’tshaṅ rgya bar ’gyur źiṅ | bdag gis bsam pa rnam par dag la | bdag bla na med pa yaṅ dag par rdzogs pa’i byaṅ chub yid la byed ba yoṅs su dag ciṅ | bdag la ñan thos kyi sems (2) med la | bdag raṅ saṅs rgyas kyi sems daṅ bral ba daṅ | bdag ñan thos daṅ | raṅ saṅs rgyas kyi sems daṅ bral bas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya źiṅ | bdag bla na med pa yaṅ dag par rdzogs (3) pa’i byaṅ chub mṅon par rdzogs par ’tshaṅ mi rgya bar mi ’gyur la | bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba ñid du ’gyur źiṅ | ’jig rten gyi khams graṅs med | dpag tu med pa dag na | saṅs rgyas bcom ldan ’das gaṅ (4) dag bźugs te | ’tsho źiṅ gźes pa’i de bźin gśegs pa dgra bcom pa yaṅ dag par rdzogs pa’i saṅs rgyas de dag gis ni gaṅ ci yaṅ ma gzigs pa’am | ma gsan pa’am | mi mkhyen pa’am | ma rig pa’am | mṅon sum du ma mdzad pa’am | mṅon (5) par rdzogs par saṅs ma rgyas pa ci yaṅ mi mṅa’ bas | saṅs rgyas bcom ldan ’das de dag gis | bdag gi lhag pa’i bsam pa thugs su chud ciṅ | bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba lta na | bden pa daṅ | (6) bden pa’i tshig ’dis | skyes ba’am | bud med ’di mi ma yin pa gaṅ gis bzuṅ ba’am | gtses par gyur pa’i mi ma yin pa de gud du ’gro bar gyur cig ces bsam par bya’o ||
rab ’byor gal te byaṅ chub sems dpa’ sems dpa’ chen po des de skad brjod pa na | gal te mi (7) ma yin pa de gud du ma soṅ bar gyur na | rab ’byor byaṅ chub sems dpa’ sems dpa’ chen po de ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis | bla na med pa yaṅ dag par rdzogs pa’i byaṅ chub tu luṅ ma bstan pa yin par rig par bya’o ||
(227b1) rab ’byor byaṅ chub sems dpa’ sems dpa’ chen po des | de skad brjod pa na gal te | mi ma yin par gyur pa de gud du soṅ bar gyur na | rab ’byor byaṅ chub sems dpa’ sems dpa’ chen po de ni sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag (2) gis | bla na med pa yaṅ dag par rdzogs pa’i byaṅ chub tu luṅ bstan pa yin par rig par bya ste | rab ’byor rnam pa de dag daṅ | rtags de dag daṅ | mtshan ma de dag gis byaṅ chub sems dpa’ sems dpa’ chen po phyir mi ldog pa yin par rig par bya’o ||
rab ’byor gźan yaṅ (3) byaṅ chub sems dpa’ sems dpa’ chen po pha rol tu phyin pa drug la mi spyod pa | thabs la mkhas pa daṅ bral ba | dran pa ñe bar gźag pa bźi daṅ | stoṅ pa ñid daṅ | mtshan ma med pa daṅ | smon pa med pa’i bar dag la ma spyod pa | byaṅ chub sems dpa’ skyon med par ma (4) źugs pa’i bden pa’i byin gyis rlabs kyis bdud sdig can ’oṅ bar ’gyur te | rab ’byor gal te byaṅ chub sems dpa’ sems dpa’ chen po ’di sñam du bden pa daṅ | bden pa’i tshig gaṅ gis bdag bla na med pa yaṅ dag par rdzogs pa’i byaṅ chub tu luṅ bstan pa’i bden pa daṅ | (5) bden pa’i tshig des | mi ma yin pa ’di gud du ’gro bar gyur cig ces | de ltar bden pa’i byin gyis rlabs byed ba de la | bdud sdig can ’di sñam du | ji ltar mi ma yin pa de | ’di nas gud du ’gro bar ’gyur sñam du spro ba skye bar ’gyur ro ||
de ci’i phyir źe na | ’di ltar bdud sdig (6) can ni | śin tu mthu daṅ ldan źiṅ | śin tu gzi brjid daṅ ldan pa yin la | mi ma yin pa de ni de lta ma yin pa’i phyir te | de’i phyir bdud sdig can de’i byin gyis brlabs kyis de gud du soṅ bar gyur ba na | byaṅ chub sems dpa’ sems dpa’ chen po de ’di sñam du sems te | bdag gi (7) mthus mi ma yin pa de ’di nas gud du soṅ ṅo sñam źiṅ | bdud kyi mthus mi ma yin pa de de nas | gud du soṅ bar ni ma śes nas | de byaṅ chub sems dpa’ gźan dag la ’di sñam du bdag ni | sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis (228a1) bla na med pa yaṅ dag par rdzogs pa’i byaṅ chub tu luṅ bstan pa yin gyis | ’di dag gźan ni bla na med pa yaṅ dag par rdzogs pa’i byaṅ chub tu luṅ bstan pa ma yin no sñam nas rlom sems su byed | ’phya bar byed | stiṅ bar byed | ’khrug par byed | smod par byed de | (2) de de tsam gyis ṅa rgyal ’phel ba daṅ | ṅa rgyal skyed par ’gyur źiṅ rnam pa thams cad mkhyen pa ñid kyaṅ riṅ du byed | saṅs rgyas kyi ye śes bla na med pa yaṅ riṅ du byed do ||
byaṅ chub sems dpa’ sems dpa’ chen po de ltar thabs la mi mkhas pa de ni | de tsam gyis lhag pa’i ṅa rgyal (3) skyed par ’gyur bas na | de’i sa ni gñis su śes par bya ste | gñis gaṅ źe na | ’di lta ste | ñan thos kyi sa daṅ | raṅ saṅs rgyas kyi sa’o ||
de ltar bden pa’i byin gyis rlabs kyis byaṅ chub sems dpa’ sems dapa chen po la bdud kyi las ’byuṅ bar ’gyur te | de la (4) de dge ba’i bśes gñen dag la bsten par mi ’gyur | bsñen par mi ’gyur phyir ’braṅ bar mi ’gyur | goms par byed par mi ’gyur | bsñen bkur byed bar mi ’gyur źiṅ | bdud kyis bciṅ ba de ñid dam por byed par ’gyur ro ||
de ci’i phyir źe na | ’di ltar pha (5) rol tu phyin pa drug la ma spyad ciṅ | thabs la mkhas pas yoṅs su ma zin pa’i phyir te | rab ’byor byaṅ chub sems dpa’ sems dpa’ chen po de yaṅ bdud kyi las su rig par bya’o ||
rab ’byor ji ltar na byaṅ chub sems dpa’ sems dpa’ chen po pha rol tu phyin pa (6) drug la ma spyad ciṅ | de bźin du sbyar te | skyon med par ma źugs pa’i bar gyi druṅ du bdud sdig can miṅ gis byin gyis brlabs kyis ’oṅ bar ’gyur źe na | rab ’byor ’di la bdud sdig can cha byad gaṅ yaṅ ruṅ ba’i byaṅ chub sems dpa’ sems dpa’ chen po’i druṅ du ’oṅ nas | (7) ’di skad du rigs kyi bu khyod ni de bźin gśegs pa dgra bcom pa yaṅ dag par rdzogs pa’i saṅs rgyas kyis | bla na med pa yaṅ dag par rdzogs pa’i byaṅ chub tu luṅ bstan pa yin te | khyod kyi miṅ ni ’di źes bya’o ||
khyod kyi ma’i miṅ ni ’di źes bya’o ||
khyod kyi pa’i miṅ ni (228b1) ’di źes bya’o ||
khyod kyi phu nu’i miṅ ni ’di źes bya’o ||
khyod kyi mdza’ bśes daṅ | blon po daṅ | ñe du daṅ | snag gi gñen mtshams kyi miṅ ni.i ’di źes bya’o ||
khyod kyi phyi mo daṅ | mes po gñis kyi bdun rgyud tshun chad kyi bar gyi miṅ ni ’di źes bya’o źes ñe bar shona ciṅ | (2) khyod ni ljoṅs ga ge mo źig daṅ | khyod ni groṅ khyer ga ge mo źig daṅ | khyod ni groṅ ga ge mo źig daṅ | khyod ni yul ga ge mo źig nas | ljoṅs ga ge mo źig tu skyes so ||
groṅ khyer ga ge mo źig daṅ | groṅ ga ge mo źig tu skye ba yin no źes zer źiṅ | gal te de raṅ bźin (3) gyis dman pa źig yin na | de de la ’di skad du khyod ni sṅon yaṅ ’di bźin du dman pa ñid du gyur pa yin no źes zer ro ||
gal te rno pa źig yin na yaṅ | de ’di skad du khyod ni sṅon yaṅ ’di bźin du rno ba ñid du gyur to źes zer ro ||
gal te dgon pa ba źig yin nam | gal te bsod (4) sñoms pa źig yin nam | gal te phyag dar khrod sa źig yin nam | gal te zas phyis mi len pa źig yin nam | gal te stan gcig pa źig yin nam | gal te rñed pas chog śes pa’i bsod sñoms pa źig yin nam | gal te dur khrod pa źig yin nam | gal te bla (5) ga ba med pa źig yin nam | gal te śiṅ druṅ ba źig yin nam | gal te cog pu pa źig yin nam | gal te gźi ji bźin pa źig yin nam | gal te chos gos gsum pa źig yin nam | gal te ’dod pa chuṅ ba źig yin nam | gal te chog śes pa źig yin nam | (6) gal te rab tu dben pa źig yin nam | gal te rkaṅ pa skud par daṅ bral ba źig yin nam | gal te smra ba ñuṅ ba źig yin na yaṅ de ’di skad du khyod ni sṅon yaṅ ’di ltar smra ba ñuṅ ba ñid du gyur to źes zer ro ||
gal te brjod pa ñuṅ ba źig yin na yaṅ de ’di skad du khyod ni sṅon yaṅ (7) ’di bźin du brjod pa ñuṅ ba ñid du gyur pa yin no ||
de ci’i phyir źe na | ’di ltar khyod la rnam pa ’di lta bu’i sbyaṅs pa’i yon tan dag yod pa las na | gdon mi za par sṅon yaṅ khyod sbyaṅs pa’i yon tan daṅ | legs par sdom pa ’di dag daṅ ldan par ma gyur mi srid pa’i phyir (229a1) ro źes zer ro ||
de de ltar sṅon gyi miṅ bstan pa daṅ | rus bstan pa de daṅ | da ltar byuṅ ba’i sbyaṅs pa’i yon tan bstan pa des rlom sems skye bar ’gyur te | der yaṅ bdud sdig can ’oṅ źiṅ ’di skad du rigs kyi bu khyod la sbyaṅs pa’i yon tan ji ltar (2) yod pa de bźin du | de bźin gśegs pa dgra bcom pa yaṅ dag par rdzogs pa’i saṅs rgyas kyis | bla na med pa yaṅ dag par rdzogs pa’i byaṅ chub las phyir mi ldog pa ñid du luṅ bstan to źes zer źiṅ | yaṅ na dge sloṅ gi cha byad du sbyar ciṅ ’oṅ ṅo ||
yaṅ na dge sloṅ (3) ma’i cha byad du sgyur ciṅ ’oṅ ṅo ||
yaṅ na khyim bdag gi cha byad du sgyur ciṅ ’oṅ ṅo ||
yaṅ na ma’i cha byad du sgyur ciṅ ’oṅ ṅo ||
yaṅ na pha’i cha byad du sgyur ciṅ ’oṅ ṅo ||
’oṅs nas kyaṅ ’di skad du rigs kyi bu khyod ni de bźin gśegs pa dgra bcom pa yaṅ dag par rdzogs pa’i saṅs (4) rgyas kyis bla na med pa yaṅ dag par rdzogs pa’i byaṅ chub tu luṅ bstan pa yin no ||
de ci’i phyir źe na | ’di ltar phyir mi ldog pa’i byaṅ chub sems dpa’ sems dpa’ chen po rnams kyi yon tan gaṅ yin pa de dag khyod la yod pa’i phyir ro źes zer la | rab ’byor ṅas phyir mi ldog (5) ba’i byaṅ chub sems dpa’ sems dpa’ chen po’i rnam pa rnams daṅ | rtags rnams daṅ | mtshan ma rnams bstan pa gaṅ yin pa de dag ni byaṅ chub sems dpa’ sems dpa’ chen po de la med na | rab ’byor de las gźan pa’i byaṅ chub sems dpa’ sems dpa’ chen po (6) rnams kyis | byaṅ chub sems dpa’ sems dpa’ chen po ’di ni bdud kyi byin gyis brlabs pa yin par rig par bya’o ||
de ci’i phyir źe na | ’di ltar phyir mi ldog pa’i byaṅ chub sems dpa’ sems dpa’ chen po’i rnam pa gaṅ yin pa daṅ | rtags gaṅ yin pa daṅ | mtshan (7) ma gaṅ yin pa de dag kyaṅ de la med la | miṅ bstan pa des kyaṅ de las gźan pa’i byaṅ chub sems dpa’ sems dpa’ chen po dag la rlom sems su byed | ’phya bar byed | stiṅ bar byed | khyad du gsod par byed ciṅ | smod par byed pa’i phyir te | rab ’byor miṅ bstan pa de (229b1) yaṅ byaṅ chub sems dpa’ sems dpa’ chen pos miṅ gi byin gyis brlabs kyis bdud kyi las su rig par bya’o ||
rab ’byor gźan yaṅ byaṅ chub sems dpa’ sems dpa’ chen po miṅ gi byin gyis brlabs kyis bdud kyi las su rig par bya’o ||
de ci’i phyir źe na | rab ’byor ’adi.i (2) ltar byaṅ chub sems dpa’ sems dpa’ chen po pha rol tu phyin pa drug la ma spyad pas | phuṅ po’i bdud mi śes te | gzugs mi śes | tshor ba daṅ | ’du śes daṅ | ’du byed rnams daṅ | rnam par śes pa mi śes pa’i phyir te | de la bdud sdig can miṅ gi byin gyis (3) brlabs kyis luṅ ston par ’gyur te | khyod bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du miṅ ’di skad ces bya bar ’gyur ro źes byaṅ chub sems dpa’ sems dpa’ chen po dam miṅ gaṅ rjes su brtag pa daṅ | rjes su dpyad pa (4) de ñid rjod par byed de | de la byaṅ chub sems dpa’ sesama dpa’ chen po śes rab ’chal ba’i raṅ bźin can | thabs la mi mkhas pa de ’di sñam du bdag gis miṅ gaṅ yin gyi rjes su brtags śiṅ | rjes su dpyad pa de ñid bdag bla na med pa yaṅ dag par rdzogs pa’i (5) byaṅ chub mṅon par rdzogs par saṅs rgyas pa’i miṅ du ’gyur ro sñam nas | ji lta ji ltar bdud sdig can nam | bdud kyi ris kyi lha’am | bdud kyi byin gyis brlabs pa’i dge sloṅ dag gis bstan pa na | de ’di sñam du ji ltar bdag gis sems bskyed pa ’byuṅ ba (6) daṅ | bdag gi miṅ ji lta ba bźin du dge sloṅ ’di bstan te | miṅ daṅ | miṅ du ’thun pas na ||
bdag ni de bźin gśegs pa dgra bcom pa yaṅ dag par rdzogs pa’i saṅs rgyas kyis | bla na med pa yaṅ dag par rdzogs pa’i byaṅ chub tu luṅ bstan pa yin no sñam du (7) sems la | rab ’byor ṅas phyir mi ldog pa’i byaṅ chub sems dpa’ sems dpa’ chen po’i rnam pa daṅ | rtags daṅ | mtshan ma bstan pa gaṅ yin pa de dag kyaṅ | byaṅ chub sems dpa’ sems dpa’ chen po de la med ciṅ | rnam pa daṅ | rtags daṅ | mtshan ma de (230a1) dag daṅ yaṅ bral la miṅ bstan pa des kyaṅ | ṅa rgyal skyed ciṅ de byaṅ chub sems dpa’ sems dpa’ chen po gźan dag la rlom sems su byed | brñas par byed na | de rlom sems daṅ brñas pa daṅ | khyad du gsod pa des | bla na med pa yaṅ dag (2) par rdzogs pa’i byaṅ chub las riṅ du ’gyur ro ||
de ltar thabs la mkhas pa daṅ bral źiṅ | śes rab kyi pha rol tu phyin pa daṅ bral ba daṅ | dge ba’i bśes gñen daṅ bral ba daṅ | sdig pa’i grogs pos yoṅs su zin pa de’i sa ni rnam pa gñis su śes (3) par bya ste | ’di lta ste | ñan thos kyis daṅ | raṅ saṅs rgyas kyi sa’o ||
yaṅ na śin tu yun riṅ por ’khyams śiṅ ’khor bar ’khor nas śes rab kyi pha rol tu phyin pa ’di la brten te | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (4) bar ’gyur ro ||
de gal te dga’ ba daṅ | yi raṅs pas yaṅ daṅ yaṅ du dge ba’i bśes gñen la lta ba rñed ciṅ de la bsñen bkur byed bar ’gyur yaṅ | gal te de’i lus rñed pa des sems bskyed ba sṅa ma de dag la smod par mi byed ciṅ | ’chag par mi byed na | de’i sa (5) yaṅ rnam pa gñis su śes par bya ste | ’di lta ste | ñan thos kyis daṅ | raṅ saṅs kyi sa’o ||
rab ’byor ’di lta ste dper na | dge sloṅ źig la ltuṅ ba’i rtsa ba bźi po dag las gaṅ yaṅ ruṅ ba źig byuṅ na | dge sbyoṅ ma yin | ś kya’i sras ma yin te | de ni lus de (6) ñid kyis dge sbyoṅ gi ’bras bu bźi po gaṅ yaṅ ruṅ pa dag ’thob pa’i skal ba med do ||
rab ’byor de bźin du byaṅ chub sems dpa’ sems dpa’ chen po gaṅ miṅ bstan pa tsam gyis rlom sems daṅ ldan pas sems bskyed ciṅ | miṅ tsam brjod pa des byaṅ chub sems dpa’ gźan (7) dag la rlom sems su byed la | brñas par byed pa de ni de bas kyaṅ śin tu lci ba ste | sems bskyed pa de ni de bas śin tu lci bar rig par bya’o ||
rab ’byor ltuṅ ba’i rtsa ba lci ba bźi lta źog gi | byaṅ chub sems dpa’i miṅ bstan pa tsam gyis | rlom sems daṅ ldan pas (230b1) sems bskyed ba de ni | mtshams med pa lṅa bas kyaṅ śin tu lci ba yin te | sems bskyed ba de ni de bas kyaṅ sin tu lci bar rig par bya’o ||
rab ’byor de ltar na miṅ bstan pas bdud kyi las phra mo de lta bu dag ’byuṅ bar ’gyur ro ||
rab ’byor gźan yaṅ bdud sdig can byaṅ (2) chub sems dpa’ sems dpa’ chen po’i dben pa’i yon tan dag rjod ciṅ ’oṅ bar ’gyur te | ’oṅs nas kyaṅ ’di skad du | de bźin gśegs pa ni dben pa’i yon tan dag gsuṅ ba’o źes zer te | rab ’byor ṅa ni ’di lta ste | dgon pa daṅ | nags ’dab daṅ | bas (3) mtha’i gnas ma la dag ni byaṅ chub sems dpa’ sems dpa’ chen po’i dben pa yin par mi smra’o ||
rab ’byor gyis gsol pa | bcom ldan ’das gal te de ltar dgon pa daṅ | nags ’dab daṅ | bas mtha’i gnas mal dag dben pa ma lags na | byaṅ chub sems (4) dpa’ sems dpa’ chen po’i dben pa gźan gaṅ źig lags | bcom ldan ’das byaṅ chub sems dpa’ sems dpa’ chen po’i dben pa gźan ji lta bu źig mchis lags | bcom ldan ’das kyis bka’ stsal pa | rab ’byor gal te byaṅ chub sems dpa’ sems dpa’ (5) chen po ñan thos daṅ ldan pa’i yid la byed pa dag gis dben źiṅ | raṅ saṅs rgyas daṅ ldan pa’i yid la byed pa dag gis dben na | byaṅ chub sems dpa’ sems dpa’ chen po’i dben pa yin te | dgon pa daṅ | nags ’dab daṅ | bas mtha’i gnas mal dag tu gnas (6) pa ni byaṅ chub sems dpa’ sems dpa’ chen po’i dben pa ma yin gyi | rab ’byor de ni byaṅ chub sems dpa’ sems dpa’ chen po’i dben pa ste | ṅas rjes su gnaṅ ba yin no ||
gal te byaṅ chub sems dpa’ sems dpa’ chen po dben pa ’dis ñin mtshan du gnas pa ni | (7) dben pa ñid du gnas pa yin no ||
byaṅ chub sems dpa’ sems dpa’ chen po ’di lta ste | byaṅ chub sems dpa’i dben pa ’di dgon pa daṅ | nags ’dab daṅ | bas mtha’i gnas ma la rnams su gnas pa ni dben pa ñid du gnas pa yin no ||
gal te byaṅ chub sems (231a1) dpa’ sems dpa’ chen po dben pa ’dis | groṅ ’dab tu gnas na yaṅ dben pa ñid du gnas pa yin no ||
rab ’byor raṅs byaṅ chub sems dpa’ sems dpa’ chen po’i dben pa rjes su gnaṅ ba gaṅ yin pa de la | bdud sdig can gyis dgon pa daṅ | nags (2) ’dab daṅ | bas mtha’i gnas ma la rnams su gnas par bya’o źes ston par byed do ||
de dben pa des ñan thos daṅ ldan pa yid la byed ba daṅ | raṅ saṅs rgyas daṅ ldan pa yid la byed pa daṅ ’dres pas | śes rab kyi pha rol tu phyin pa la mi brtson źiṅ | rnam pa thams (3) cad mkhyen pa ñid kyaṅ yoṅs su rdzogs par mi ’gyur ro ||
de de lta de yid la byed pa yoṅs su ma dag par gnas pa des gnas śiṅ | de las gźan pa’i byaṅ chub sems dpa’ sems dpa’ chen po gaṅ dag groṅ ’dab na gnas śiṅ sems daṅ | yid la byed pa yoṅs su (4) dag pa | ñan thos kyi sems daṅ ma ’dres pa | raṅ saṅs rgyas kyi sems daṅ ma ’dres pa | de las gźan pa’i sdig pa’i sems bskyed pa dag daṅ | ma ’dres pa’i bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa daṅ | mṅon par (5) śes pa daṅ | yoṅs su śes pa dag yoṅs su rdzogs par gyur pa de dag la rlom sems su byed do ||
gźan yaṅ thabs la mi mkhas pa’i byaṅ chub sems dpa’ sems dpa’ chen po de | ’brog dgon pa dpag tshad brgya pa | gdug pa daṅ | ri dgas daṅ | bya dag med pa | (6) chom rkun gyi gnod pa dag med pa | srin po rgyu ba’i lam gyi mṅon sum du bab pa ma yin pa | de lta bu’i naṅ du lo’am | lo brgya’am | lo stoṅ ṅam | lo ’abuma’ama | lo bye ba khrag khrig phrag ’bum ’am | de bas kyaṅ lhag par gnas su zin kyaṅ | dben pa gaṅ gis byaṅ (7) chub sems dpa’ sems dpa’ chen po lhag pa’i bsam pa la yaṅ dag par źugs śiṅ | gnas pa’i dben pa de mi śes na | byaṅ chub sems dpa’ sems dpa’ chen po de ni ’dres pa ñid du gnas pa yin te | dben pa de la chags śiṅ źen par gnas pas kun nas ñon moṅs (231b1) pa can ñid yin źiṅ | des de tsam gyi ṅa’i sems raṅs par byed ba ma yin te | ṅas byaṅ chub sems dpa’ sems dpa’ chen po rnams kyi dben pa bśad pa gaṅ yin pa’i dben pa de daṅ de mi ldan źiṅ | de ni dben pa de la mi snaṅ ṅo ||
de ci’i phyir źe na | ’di ltar de ni dben (2) ba des mi gnas pa’i phyir ro ||
de’i druṅ du bdud sdig can ’oṅs śiṅ | steṅ gi bar snaṅ la ’dug nas | ’di skad du rigs kyi bu legs so legs so ||
’di ni de bźin gśegs pas bstan pa’i dben pa ma nor ba yin gyi | khyod dben pa ’di ñid du ’dug śig daṅ | khyod (3) myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro źes smras pa daṅ | de dben pa de bas kyaṅ dben pa gces par sems śiṅ de byaṅ chub sems dpa’i theg pa pa’i dge sloṅ rnams daṅ de bźin du sbyar te | dge ba’i chos can gźan (4) dag la tshe daṅ ldan pa ’di dag ni ’dres par gnas pas gnas pa yin no źes rlom sems su byed ciṅ | byaṅ chub sems dpa’ sems dpa’ chen po gaṅ dag dben pa’i gnas pas gnas pa de dag la ’dres par gnas pas skul bar byed | rlom sems su byed de | gaṅ (5) dag ’dres par gnas pas gnas pa de dag ni dben par gnas pas spyod pa ma yin no źes zer źiṅ | gaṅ la źes bskyed par bya ba de dag la źes skyed par mi byed ciṅ | de la ṅa rgyal skyed par byed do ||
de ci’i phyir źe na | bdag gnas pa gaṅ gis gnas pa’i gnas (6) pa ’di ni | yaṅ dag pa ñid yin pas na | bdag la mi ma yin rnams skul bar byed ciṅ | bdag la mi ma yin pa rnams dran par byed kyi | groṅ ’dab na gnas pa dag lta la su źig skul źiṅ | dran par byed par ’gyur sñam du sems pa’i phyir te | byaṅ chub sems (7) dpa’ de ni de ltar byaṅ chub sems dpa’i theg pa pa’i rigs kyi bu gźan dag la rlom sems su byed ba yin te | rab ’byor de ni byaṅ chub sems dpa’ gdol pa yin par rig par bya’o ||
byaṅ chub sems dpa’ sun ’byin pa yin par rig par bya’o ||
byaṅ chub sems dpa’ (232a1) ltar bcos pa yin par rig par bya’o ||
lha daṅ | mi daṅ | lha ma yin du bcas pa’i ’jig rten gyi chom rkun pa yin par rig par bya’o ||
dge sbyoṅ gi cha byad kyis lha daṅ | mi daṅ | lha ma yin du bcas pa’i ’jig rten la rkun po yin par rig par bya’o ||
byaṅ (2) chub sems dpa’i theg pa pa’i rigs kyi bu rnams kyi chom rkun pa yin par rig par bya ste | de lta bu’i raṅ bźin can gyi gaṅ zag ni bsñen par mi bya | bsten par mi bya | bsñen bkur mi bya’o ||
de ci’i phyir źe na | rab ’byor gaṅ zag de lta du ni mṅon pa’i ṅa rgyal can du rig (3) par bya ba’i phyir ro ||
rab ’byor byaṅ chub sems dpa’ sems dpa’ chen po gaṅ gis rnam pa thams cad mkhyen pa ñid yoṅs su ma btaṅ źiṅ | bla na med pa yaṅ dag par rdzogs pa’i byaṅ chub kyaṅ yoṅs su ma btaṅ ba’i byaṅ chub sems dpa’ sems dpa’ chen po lhag (4) pa’i bsam pas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa daṅ sems can thams cad kyi don byed par ’dod pa’i byaṅ chub sems dpa’ sems dpa’ chen pos | de lta bu’i raṅ bźin can gyi gaṅ zag dag la bsñen par mi bya | (5) bsten par mi bya | bsñen bkur mi bya ste | gźan du na rtag tu ’khor bas yid byuṅ ba daṅ | yid dṅas pa daṅ | khams gsum daṅ | ma ’dres pas raṅ gi don sbyar ba la rjes su brtson par bya’o ||
de ñid la yaṅ byams pa’i sems bskyed par bya’o ||
de ñid la yaṅ (6) sñiṅ brtse ba daṅ sñiṅ rje bskyed par bya’o ||
dga’ ba daṅ btaṅ sñoms bskyed par bya’o ||
ci nas kyaṅ bdag la skyon de lta bu dag thams cad kyi thams cad rnam pa thams cad kyi thams cad du ’byuṅ bar mi ’gyur źiṅ | skye bar mi ’gyur ba de ltar bya’o ||
gal te byuṅ na yaṅ myur ba ñid (7) du spaṅ bar bya’o źes bslab par bya ste | rab ’byor de ni byaṅ chub sems dpa’ sems dpa’ chen po rnams kyi raṅ gi mṅon par śes pas rtul ba yin par rig par bya’o ||
rab ’byor gźan yaṅ byaṅ chub sems dpa’ sems dpa’ chen po lhag pa’i bsam pas bla na med pa yaṅ (232b1) dag par rdzogs pa’i byaṅ chub mṅon par rdzogs par ’tshaṅ rgya bar ’dod pas dge ba’i bśes gñen dag la bsñen par bya | bsten par bya | bsñen bkur bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
(2) bcom ldan ’das byaṅ chub sems dpa’ sems dpa’ chen po rnams kyi dge ’bi bśes gñen dag gaṅ lags par rig par bgyi ba lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor saṅs (3) rgyas bcom ldan ’das rnams ni byaṅ chub sems dpa’ sems dpa’ chen po rnams kyi dge ba’i bśes gñen du rig par bya’o ||
rab ’byor byaṅ chub sems dpa’ rnams kyaṅ byaṅ chub sems dpa’ sems dpa’ chen po rnams kyi dge ba’i bśes gñen du rig par bya’o ||
(4) rab ’byor ñan thos rnams kyaṅ | byaṅ chub sems dpa’ sems dpa’ chen po rnams kyi dge ba’i bśes gñen du rig par bya’o ||
rab ’byor gaṅ dag pha rol tu phyin pa drug smra ba daṅ | rjod pa daṅ | ston pa daṅ | ’dogs pa daṅ | ’god pa daṅ | rnam par ’byed pa daṅ | (5) rnam par ’grel pa daṅ | gsal bar byed pa daṅ | yaṅ dag par ston par byed pa de dag kyaṅ | byaṅ chub sems dpa’ sems dpa’ chen po rnams kyi dge ba’i bśes gñen du rig par bya’o ||
rab ’byor pha rol tu phyin pa drug kyaṅ byaṅ chub sems dpa’ sems dpa’ chen (6) po rnams kyi dge ba’i bśes gñen du rig par bya’o ||
dran pa ñe bar gźag pa rnams daṅ | de bźin du sbyar te | saṅs rgyas kyi chos ma ’dres pa bcwo brgyad kyi bar dag kyaṅ byaṅ chub sems dpa’ sems dpa’ chen po rnams kyi dge ba’i bśes gñen du rig par bya’o ||
(7) de bźin ñid daṅ | yaṅ dag pa’i mtha’ daṅ | chos kyi dbyiṅs kyaṅ byaṅ chub sems dpa’ sems dpa’ chen po rnams kyi dge ba’i bśes gñen du rig par bya’o ||
rab ’byor pha rol tu phyin pa drug ni ston pa yin par rig par bya’o ||
pha rol tu phyin pa drug ni lam du rig par (233a1) bya’o ||
pha rol tu phyin pa drug ni snaṅ ba’o ||
pha rol tu phyin pa drug ni sgron ma’o ||
pha rol tu phyin pa drug ni snaṅ gsal lo ||
pha rol tu phyin pa drug ni skyob pa’o ||
pha rol tu phyin pa drug ni skyabs so ||
(2) pha rol tu phyin pa drug ni dpuṅ gñen no ||
pha rol tu phyin pa drug ni pha’o ||
pha rol tu phyin pa drug ni ma’o ||
dran pa ñe bar gźag pa rnams daṅ | de bźin du sbyar te | rnam pa thams cad mkhyen pa ñid kyi bar dag ni bag chags daṅ mtshams sbyor ba daṅ | ñon moṅs ba thams (3) cad spaṅ bar ’gyur ba yin no ||
de ci’i phyir źe na | rab ’byor ’di ltar byaṅ chub kyi phyogs kyi chos sum cu rtsa bdun po ’di dag ni | de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ’das pa’i dus na | byuṅ bar gyur pa’i saṅs rgyas bcom (4) ldan ’das de dag gi yaṅ yaṅ daṅ yum du gyur pa yin la | rab ’byor byaṅ chub kyi phyogs kyi chos sum cu rtsa bdun po ’di dag ni | de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ma ’oṅs pa’i dus na ’byuṅ bar ’gyur ba’i saṅs rgyas bcom ldan (5) ’das de dag gi yaṅ yaṅ daṅ | yum du ’gyur ba yin źiṅ | rab ’byor byaṅ chub kyi phyogs kyi chos sum cu rtsa bdun po ’di dag ni | saṅs rgyas bcom ldan ’das gaṅ dag da ltar phyogs bcu’i ’jig rten gyi khams dag na bźugs te | ’tsho źiṅ gźes pa’i saṅs rgyas bcom (6) ldan ’das de dag gi yaṅ yaṅ daṅ yum du gyur pa yin pa’i phyir ro ||
de ci’i phyir źe na | rab ’byor ’di ltar ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams ni ’di las ṅes par byuṅ ba’i phyir ro ||
rab ’byor de lta bas na | byaṅ chub (7) sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pa daṅ | saṅs rgyas kyi źiṅ yoṅs su dag par bya bar ’dod pa daṅ | sems can rnams kyaṅ yoṅs su smin par bya bar ’dod pas | bsdu ba’i (233b1) dṅos po bźi po dag gis sems can rnams yaṅ dag par bsdu bar bya’o ||
bźi gaṅ źe na | sbyin pa daṅ | sñan par smra ba daṅ | don spyod pa daṅ | don ’thun pa rnams so ||
rab ’byor ṅas don gyi dbaṅ ’di mthoṅ bas ’di skad du ’di lta ste | byaṅ chub kyi phyogs kyi (2) chos sum cu rtsa bdun po ’di dag ñid ni byaṅ chub sems dpa’ sems dpa’ chen po rnams kyi ston pa daṅ | pha daṅ ma daṅ | gnas daṅ skyob pa daṅ | gliṅ daṅ skyabs daṅ dpuṅ gñen yin no źes smra’o ||
rab ’byor de lta bas na | byaṅ chub sems dpa’ sems dpa’ chen (3) po gźan gyi driṅ mi ’jog par ’gro bar ’dod pa daṅ | gźan gyi driṅ mo ’jog par gnas par ’dod pa daṅ | sems can thams cad kyi som ñi gcod par ’dod pa daṅ | saṅs rgyas kyi źiṅ yoṅs su dag par bya bar ’dod pa daṅ | sems can rnams yoṅs su smin par bya (4) bar ’dod pas kyaṅ | śes rab kyi pha rol tu phyin pa ’di ñid la bslab par bya’o ||
de ci’i phyir źe na | byaṅ chub sems dpa’ sems dpa’ chen po gaṅ la bslab par bya ba’i chos rnams śes rab kyi pha rol tu phyin pa ’di las rgya cher bstan pa’i phyir ro ||
de skad ces bka’ stsal (5) pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa’i mtshan ñid ji lta bu lags | bcom ldan ’das kyis bka’ stsal pa | rab ’byor nam mkha’ ltar chags pa med pa’i mtshan ñid ni (6) śes rab kyi pha rol tu phyin pa yin no ||
rab ’byor śes rab kyi pha rol tu phyin pa ni mtshan ñid med pa ste | śes rab kyi pha rol tu phyin pa’i mtshan ñid gaṅ yaṅ med do ||
rab ’byor gyis gsol ba | bcom ldan ’das mtshan ñid gaṅ gis śes rab kyi pha rol tu phyin pa (7) mchis pa’i mtshan ñid des chos thams cad kyaṅ mchis par ’gyur ba’i rnam graṅs mchis lags sam | bcom ldan ’das kyis bka’ stsal pa rab ’byor de de bźin no ||
de de bźin te | rab ’byor mtshan ñid gaṅ gis śes rab kyi pha rol tu phyin pa yod pa’i mtshan (234a1) ñid kyis chos thams cad kyaṅ yod pa yin no ||
de ci’i phyir źe na | rab ’byor chos thams cad ni raṅ bźin gyis dben la | chos thams cad ni raṅ bźin gyis stoṅ pa’i phyir te | rab ’byor rnam graṅs des na mtshan ñid gaṅ gis śes rab kyi (2) pha rol tu phyin pa yod pa’i mtshan ñid des | chos thams cad kyaṅ yod pa yin te | ’di lta ste | stoṅ pa ñid kyi mtshan ñid daṅ | dben pa’i mtshan ñid do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces (3) gsol to ||
bcom ldan ’das gal te chos thams cad ni chos thams cad kyis dben pa lags la | chos thams cad ni chos thams cad kyis stoṅ pa lags na | bcom ldan ’das sems can rnams kyi kun nas ñon moṅs pa daṅ | rnam par byaṅ ba ji ltar mchis par gyur lags | (4) bcom ldan ’das dben pa ni kun nas ñon moṅs par mi ’gyur źiṅ | rnam par byaṅ bar mi ’gyur la | stoṅ pa ñid kyaṅ kun nas ñon moṅs par mi ’gyur źiṅ | rnam par byaṅ bar mi ’gyur lags pas | dben pa daṅ | stoṅ pa ñid ni bla na med pa yaṅ dag par rdzogs (5) pa’i byaṅ chub mṅon par rdzogs par ’tshaṅ rgya bar mi ’gyur lags te | dben pas kyaṅ stoṅ pa ñid la byaṅ chub mṅon par rdzogs par ’tshaṅ rgya ba’i chos gaṅ yaṅ dmigs par mi ’gyur la | stoṅ pa ñid kyis kyaṅ dben pa la | byaṅ chub mṅon par rdzogs par ’tshaṅ (6) rgya ba’i chos gaṅ yaṅ dmigs par mi ’gyur lags na | bcom ldan ’das kyis gsuṅs pa ’di’i don ji ltar rtog par bgyi lags | de skad ces gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor (7) ’di ji sñam du sems | sems can ’di dag yun riṅ po nas ṅar ’dzin pa daṅ | ṅa yir ’dzin pa la spyod spyod pa yin sñama’ama | rab ’byor gyis gsol pa | bcom ldan ’das de de lta lags so ||
bde bar gśegs pa de de ltar lags te | sems can ’di (234b1) dag ni yun riṅ po nas ṅar ’dzin pa daṅ | ṅa yir ’dzin pa la spyod spyod pa lags so ||
bcom ldan ’das kyis bka’ stsal pa | rab ’byor ’di ci sñam du sems | ṅar ’dzin pa daṅ | ṅa yir ’dzin pa dag dben pa yin źiṅ | ṅar ’dzin pa daṅ | ṅar yir (2) ’dzin pa dag stoṅ pa yin sñam ’am | rab ’byor gyis gsol pa | bcom ldan ’das dben pa lags so ||
bde bar gśegs pa stoṅ pa lags so ||
bcom ldan ’das kyis bka’ stsal pa | rab ’byor ’di ji sñam du sems | ṅar ’dzin pa daṅ | ṅar yir (3) ’dzin pa’i sems can rnams ’phyan źiṅ ’khor sñama’ama | rab ’byor gyis gsol pa | bcom ldan ’das de de lta lags so ||
bde bar gśegs pa de de ltar lags te | ṅar ’dzin pa daṅ | ṅa yir ’dzin pa’i sems can rnams ’phyan źiṅ ’khor lags (4) so ||
bcom ldan ’das kyis bka’ stsal pa | rab ’byor de ltar na | ’khor ba na ’khor źiṅ ’phyan pa’i sems can rnams kyis kun nas ñon moṅs pa yaṅ yod pa yin no ||
rab ’byor gaṅ la ṅar ’dzin pa med pa daṅ | ṅar yir ’dzin pa med pa de la ’dzin pa med (5) de sems can de dag ni ’khor bar mi ’phyan źiṅ mi ’khor ro ||
gaṅ la ’khor bar ’phyan pa med pa daṅ | ’khor ba med pa de la kun nas ñon moṅs par ’gyur ba med de | rab ’byor de ltar na rnam par byaṅ ba yaṅ yod pa yin no ||
de skad ces bka’ stsal pa daṅ | (6) bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das de ltar spyod pa’i byaṅ chub sems dpa’ sems dpa’ chen po ni gzugs la mi spyod lags so ||
tshor ba daṅ | ’du śes daṅ | ’du byed rnams daṅ | rnam par śes pa la mi (7) spyod lags so ||
de bźin du dran pa ñe bar gźag pa rnams kyi bar la mi spyod lags so ||
so so yaṅ dag par rig pa bźi’i bar la mi spyod lags so ||
de ci’i slad du źe na | ’di ltar gaṅ spyod pa’am | gaṅ gis spyod pa’am | gaṅ la spyod par bgyi ba’i chos (235a1) de dag thams cad dmigs su ma mchis pa’i slad du ste | bcom ldan ’das de ltar spyod pa’i byaṅ chub sems dpa’ sems dpa’ chen po ni lha daṅ | mi daṅ lha ma yin du bcas pa’i ’jig rten gyis mi thul ba lags so ||
bcom ldan ’das de ltar (2) spyod pa’i byaṅ chub sems dpa’ sems dpa’ chen po ni ñan thos daṅ | raṅ saṅs rgyas thams cad kyis zil gyis mi non pa lags so ||
de ci’i slad du źe na | ’di ltar de ni zil gyis non pa’i gnas ’di lta ste | byaṅ chub sems dpa’i skyon ma mchis pa la gnas pa’i (3) slad du | bcom ldan ’das byaṅ chub sems dpa’ sems dpa’ chen po rnam pa thams cad mkhyen pa ñid yid la bgyid pas | gnas pa ni zil gyis non par mi ’gyur lags so ||
bcom ldan ’das de ltar spyod pa’i byaṅ chub sems dpa’ sems dpa’ chen po ni rnam (4) pa thams cad mkhyen pa ñid daṅ yaṅ ñe bar gyur pa lags so ||
bcom ldan ’das kyis bka’ stsal pa | rab ’byor ’di ji sñam du sems | ’dzam bu’i gliṅ gi sems can gaṅ ji sñed pa de dag thams cad kyis mi’i lus thob par gyur la | mi’i lus thob nas kyaṅ | bla na (5) med pa yaṅ dag par rdzogs pa’i byaṅ chub mṅon par rdzogs par saṅs rgyas par gyur nas | de dag la rigs kyi bu’am rigs kyi bu mo la la źig ji srid ’tsho’i bar du bsñen bkur byed de | na bza’ daṅ | źal zas daṅ | gzims cha daṅ | gdan daṅ | sñun gyi gsos sman daṅ | (6) yo byad dag gis bsti staṅ du byed | bla mar byed | ri mor byed | mchod pa byed ciṅ | dge ba’i rtsa ba de yaṅ bla na med pa yaṅ dag par rdzogs pa’i byaṅ chub tu yoṅs su bsṅos nas | rab ’byor ’di ji sñam du sems | rigs kyi bu’am rigs kyi bu mo de gźi de las bsod nams (7) maṅ du skyed par ’gyur sñam ’am | rab ’byor gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas kyaṅ rigs kyi bu’am rigs kyi bu mo gaṅ śes rab kyi pha rol tu phyin pa daṅ (235b1) ldan pa’i yid la byed pas | gnas śiṅ gźan dag la yaṅ śes rab kyi pha rol tu phyin pa ’chaṅ bar byed | ston par byed | ’dogs par byed | ’god par byed | rnam par ’grel bar byed | rnam par ’byed par byed | gsal bar byed ciṅ | yaṅ dag par rab tu ston par (2) byed pa de | ches bsod nams maṅ du skyed par ’gyur ro ||
de bźin du sbyar te | stoṅ gsum gyi stoṅ chen po’i ’jig rten gyi khams na sems can gaṅ dag ci sñed pa de dag thams cad sṅa phyi med par mi’i lus thob par gyur la | rigs kyi bu’am rigs kyi bu mo la la źig gis de (3) dag dge ba bcu’i las kya lam la bkod ciṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | rgyun du źugs pa’i ’bras bu daṅ de bźin du sbyar te | raṅ byaṅ chub kyi bar la bkod pa daṅ | bla na med pa yaṅ dag par (4) rdzogs pa’i byaṅ chub kyi bar la bkod ciṅ | dge ba’i rtsa ba de yaṅ bla na med pa yaṅ dag par rdzogs pa’i byaṅ chub tu yoṅs su bsṅos na | rab ’byor ’di ji sñam du sems | rigs kyi bu ’am rigs kyi bu mo de gźi de las bsod nams maṅ du skyed par ’gyur sñama’ama | rab ’byor (5) gyis gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas kyaṅ rigs kyi bu ’am rigs kyi bu mo gaṅ rnam pa thams cad mkhyen pa ñid daṅ ldan pa’i yid la byed pas gnas śiṅ | (6) gźan dag la yaṅ śes rab kyi pha rol tu phyin pa ’di ni ’chad par byed | ston par byed | ’dogs par byed | ’god par byed | rnam par ’grel bar byed | rnam par ’byed par byed | gsal bar byed ciṅ yaṅ dag par rab tu ston par byed ba de | ches bsod nams maṅ du (7) skyed par ’gyur te | rab ’byor byaṅ chub sems dpa’ sems dpa’ chen po ni sems can thams cad kyi sbyin gnas su gyur pa yin no ||
de ci’i phyir źe na | ’di ltar de bźin gśegs pa dgra bcom pa yaṅ dag par rdzogs pa’i saṅs rgyas ma gtogs par | byaṅ chub sems (236a1) dpa’ sems dpa’ chen po gnas pa ji lta ba de lta bu’i sems can gaṅ yaṅ med pa’i phyir ro ||
de ci’i phyir źe na | ’di ltar rigs kyi bu dag śes rab kyi pha rol tu phyin pa la spyod pa ni | byams pa chen po mṅon par sgrub par byed ciṅ | de dag śes rab kyi (2) pha rol tu phyin pa la spyod pa na | sems can thams cad gsad par gyur pa lta bur yaṅ dag par rjes su mthoṅ nas | de dag sñiṅ rje chen po mṅon par sgrub par byed de | de dag gnas pa des gnas śiṅ | dga’ bas rab tu dga’ bar byed ciṅ | de dag dga’ ba chen (3) po mṅon par sgrub par byed kyaṅ | de dag mtshan ma de daṅ lhan cig mi gnas par de dag btaṅ sñoms chen po thob par byed pa’i phyir ro ||
rab ’byor ’di ni byaṅ chub sems dpa’ sems dpa’ chen po rnams kyi śes rab kyi snaṅ ba chen po yin te | ’di lta ste | śes rab kyi pha rol (4) tu phyin pa’i snaṅ ba daṅ | bsam gtan daṅ | brtson ’grus daṅ | bzod pa daṅ | tshul khrims daṅ | sbyin pa’i pha rol tu phyin pa’i snaṅ ba yin no ||
rigs kyi bu de dag ni mṅon par rdzogs par saṅs ma rgyas kyaṅ | sems can thams cad kyi sbyin pa’i gnas su gyur (5) pa yaṅ yin la | bla na med pa yaṅ dag par rdzogs pa’i byaṅ chub las kyaṅ phyir mi ldog go ||
gaṅ gis gos daṅ | zas daṅ | mal cha daṅ | stan daṅ na ba’i gsos sman daṅ | yo byad dag yoṅs su spyad na | śes rab kyi pha rol tu phyin pa daṅ ldan pa’i yid la byed (6) pas gnas la | sbyin pa po daṅ | sbyin bdag rnams kyi sbyin pa de dag yoṅs su sbyoṅ źiṅ | rnam pa thams cad mkhyen pa ñid daṅ yaṅ ñe bar gyur pas na | de’i yo byad de dag ni ’bras bu che ba daṅ | phan yon che bar ’gyur ro ||
rab ’byor de lta bas na | byaṅ chub sems (7) dpa’ sems dpa’ chen po yul ’khor gyi bsod sñoms ’bras bu yod par spyod par ’dod pa daṅ | sems can thams cad la lam ñe bar ston par ’dod pa daṅ | snaṅ ba chen po byed par ’dod pa daṅ | sems can bciṅs par gyur pa rnams yoṅs su dgrol bar ’dod (236b1) pa daṅ | sems can thams cad la bla na med pa’i śes rab kyi mig ñe bar ston par ’dod pa ni śes rab kyi pha rol tu phyin pa daṅ ldan pa’i yid la byed pa dag gis gnas par bya’o ||
rab ’byor gal te byaṅ chub sems dpa’ sems dpa’ chen po śes rab kyi pha rol tu phyin pa daṅ ldan (2) pa’i yid la byed ba de dag gis yid la byed ciṅ gal te byaṅ chub sems dpa’ sems dpa’ chen po śes rab kyi pha rol tu phyin pa daṅ ldan pa’i yid la byed pa de dag gis yid la byed na des śes rab kyi pha rol tu phyin pa daṅ ldan pa ñid kyi gtam yaṅ brjod par bya’o ||
des śes rab (3) kyi pha rol tu phyin pa daṅ ldan pa ñid kyi gtam brjod nas kyaṅ | śes rab kyi pha rol tu phyin pa daṅ ldan pa ñid kyi yid la byed pa dag gis yid la bya’o ||
śes rab kyi pha rol tu phyin pa daṅ ldan pa ñid kyis yid la byed pas gnas pa des yid la byed pa gźan dag gis go skabs mi (4) dbye bar ji ltar śes rab kyi pha rol tu phyin pa daṅ ldan pas yid la byed pa de dag gi brtson pa mi btaṅ bar ñin mtshan du gnas par byed pa de ltar bya’o ||
rab ’byor ’di lta ste dper na | sṅon chad nor bu rin po che rñed ma myoṅ ba’i mi źig yod la | des dus gźan źig na nor bu rin po (5) che rñed par gyur te des nor bu rin po che de rñed pas | dga’ ba daṅ | mchog tu dga’ ba daṅ | yid bde ba rgya chen po daṅ ldan par gyur pa las des nor bu rin po che de rñed ma thag tu stoṅ bar gyur na | de gźi de las sdug bsṅal ba daṅ | yid mi bde ba chen po daṅ ldan par ’gyur te | de (6) rtag tu rgyun mi ’chad par | e ma’o kyi hud bdag ni nor bu rin po che de daṅ bral bar gyur to ||
sñam du nor bu rin po che daṅ ldan pa’i yid la byed pa śa stag ’byuṅ bar ’gyur ro ||
rab ’byor de bźin du byaṅ chub sems dpa’ sems dpa’ chen pos kyaṅ ’di ni rin po che yin no sñam du bsam (7) źiṅ rnam pa thams cad mkhyen pa ñid daṅ ldan pa’i yid la byed pa dag daṅ mi ’bral bar bya’o ||
de skad ces bka’ stsal pa daṅ bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das yid la bgyid pa thams cad ni raṅ bźin daṅ bral ba (237a1) lags la | yid la bgyid pa thams cad ni raṅ bźin gyis stoṅ pa lags na | bcom ldan ’das ji ltar byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i yid la bgyid pa dag daṅ ma bral ba gyur pa lags | bral ba (2) la ni byaṅ chub sems dpa’ daṅ yid la bgyid pa dag daṅ | rnam pa thams cad mkhyen pa ñid kyaṅ dmigs su ma mchis pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gal te byaṅ chub (3) sems dpa’ sems dpa’ chen pos ’di ltar chos thams cad ni raṅ bźin daṅ bral ba ste | de dag ni ñan thos rnams kyis ma byas | raṅ saṅs rgyas rnams kyis ma byas | saṅs rgyas bcom ldan ’das rnams kyis kyaṅ ma mdzad de | chos kyi dbyiṅs daṅ | chos gnas pa ñid daṅ | (4) chos skyon med pa ñid daṅ de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | yaṅ dag pa’i mtha’ ni gnas pa ñid yin no ||
źes bya bar śes pa’i byaṅ chub sems dpa’ sems dpa’ chen po ni śes rab kyi pha rol tu phyin pa daṅ ma bral ba yin no ||
(5) de ci’i phyir źe na | rab ’byor ’di ltar śes rab kyi pha rol tu phyin pa ni raṅ bźin gyis dben źiṅ | raṅ bźin gyis stoṅ pa yin pas na | de la rnam par ’phel ba med ciṅ yoṅs su ’grib pa med pa’i phyir ro ||
rab ’byor gyis gsol ba bcom ldan ’das | gal te śes (6) rab kyi pha rol tu phyin pa raṅ bźin gyis dben źiṅ | raṅ bźin gyis stoṅ pa lags na | bcom ldan ’das ji ltar byaṅ chub sems dpa’ sems dpa’ chen po śes rab kyi pha rol tu phyin pa la yaṅ dag par bsgrub par bgyis śiṅ | bla na med pa yaṅ dag par rdzogs pa’i (7) byaṅ chub mṅon par rdzogs par ’tshaṅ rgya bar ’gyur lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen pos | śes rab kyi pha rol tu phyin pa yaṅ dag par bsgrubs kyaṅ | rnam par ’phel ba’am | yoṅs su (237b1) ’grib pa med de | yaṅ dag pa’i mtha’ la yaṅ rnam par ’phel ba’am | yoṅs su ’grib pa med la | chos kyi dbyiṅs la yaṅ rnam par ’phel ba’am | yoṅs su ’grib pa med do ||
de ci’i phyir źe na | ’di ltar śes rab kyi pha rol tu phyin pa ni | gcig kyaṅ (2) ma yin la gñis kyaṅ ma yin pa’i phyir ro ||
rab ’byor gal te de ltar bstan pa na byaṅ chub sems dpa’ sems dpa’ chen po’i sems mi źum mi ’goṅ | mi skrag mi dṅaṅ źiṅ | dṅaṅ bar mi ’gyur na | byaṅ chub sems dpa’ sems dpa’ chen po de ni phyir mi ldog pa’i sa (3) la gnas śiṅ mthar thug par ’gro ba yin te | byaṅ chub sems dpa’ sems dpa’ chen po de ni śes rab kyi pha rol tu phyin pa la spyod pa yin no ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu (4) phyin pa’i stoṅ pa ñid daṅ | gsog ñid daṅ | gso ba ñid daṅ | ya ma brla ñid daṅ | sñiṅ po ma mchis pa gaṅ lags pa de | śes rab kyi pha rol tu phyin pa la spyod lags sam | bcom ldan ’das kyis bka’ stsal pa | rab ’byor de ni ma yin no ||
gsol pa | (5) bcom ldan ’das śes rab kyi pha rol tu phyin pa las gud na | gaṅ śes rab kyi pha rol tu phyin pa la spyod pa’i chos ’ga’ yaṅ dmigs su mchis lags sam | bka’ stsal ba | rab ’byor de ni ma yin no ||
gsol pa | bcom ldan ’das śes rab kyi pha rol tu phyin pa (6) śes rab kyi pha rol tu phyin pa la spyod lags sam | bka’ stsal pa rab ’byor de ni ma yin no ||
gsol pa | bcom ldan ’das stoṅ pa ñid stoṅ pa ñid la spyod lags sam | bka’ stsal pa | rab ’byor de ni ma yin no ||
gsol pa | bcom ldan ’das stoṅ (7) pa ñid las gźan pa źig stoṅ pa ñid la spyod lags sam | bka’ stsal pa | rab ’byor de ni ma yin no ||
gsol ba bcom ldan ’das gzugs śes rab kyi pha rol tu phyin pa la spyod lags sam | tshor ba daṅ | ’du śes daṅ | ’du byed rnams daṅ | rnam par śes pa (238a1) śes rab kyi pha rol tu phyin pa la spyod lags sam | bka’ stsal pa | rab ’byor de ni ma yin no ||
gsol pa | bcom ldan ’das pha rol tu phyin pa drug po dag śes rab kyi pha rol tu phyin pa la spyod lags sam | de bźin du so so yaṅ dag par rig pa bźi’i (2) bar dag śes rab kyi pha rol tu phyin pa la spyod lags sam | bka’ stsal pa | rab ’byor de ni ma yin no ||
gsol pa | bcom ldan ’das gzugs kyi stoṅ pa ñid daṅ | gsog ñid daṅ | gsob ñid daṅ | ya ma brla ñid daṅ | sñiṅ po ma mchis pa ñid daṅ | de bźin ñid daṅ | (3) ma nor ba de bźin ñid daṅ | gźan ma lags pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ gaṅ lags pa de śes rab kyi pha rol tu phyin pa la spyod lags sam | bka’ stsal ba | rab (4) ’byor de ni ma yin no ||
gsol pa | bcom ldan ’das de bźin du mi ’jigs pa bźi’i bar gyi stoṅ pa ñid daṅ | gsog ñid daṅ | gso ba ñid daṅ | ya ma brla ñid daṅ | sñiṅ po ma mchis pa ñid gaṅ lags pa de śes rab kyi pha rol tu phyin pa la spyod lags sam | bka’ (5) stsal pa | rab ’byor de ni ma yin no ||
gsol pa | bcom ldan ’das gal te chos de dag śes rab kyi pha rol tu phyin pa la mi spyod lags na | bcom ldan ’das byaṅ chub sems dpa’ sems dpa’ chen pos ji ltar spyad na | śes rab kyi pha rol tu phyin pa la spyod pa (6) lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di ji sñam du sems | khyod kyis chos gaṅ śes rab kyi pha rol tu phyin pa la spyod pa’i chos de yaṅ dag par rjes su mthoṅ sñama’ama ||
(7) gsol pa bcom ldan ’das de ni ma lags so ||
bka’ stsal pa | rab ’byor ’di ji sñam du sems | khyod kyis gaṅ la byaṅ chub sems dpas spyad par bya ba’i śes rab kyi pha rol tu phyin pa yaṅ dag par rjes su mthoṅ sñama’ama | gsol pa | bcom ldan ’das de ni ma (238b1) lags so ||
bka’ stsal pa | rab ’byor ’di ji sñam du sems khyod kyis gaṅ yaṅ dag par rjes su ma mthoṅ ba’i chos de la chos ’ga’ źig dmigs su yod sñama’ama | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du (2) sems | chos gaṅ dmigs su med pa de la skye ba’am ’gag par ’gyur ba yod sñama’ama | gsol pa | bcom ldan ’das de ni ma lags so ||
bka’ stsal pa | rab ’byor ’di ni byaṅ chub sems dpa’ sems dpa’ chen po rnams kyi mi skye ba’i chos la bzod pa yin te | rab (3) ’byor bzod pa de lta bu daṅ ldan pa’i byaṅ chub sems dpa’ sems dpa’ chen po ni bla na med pa yaṅ dag par rdzogs pa’i byaṅ chub tu luṅ bstan par ’gyur ro ||
rab ’byor ’di ni de bźin gśegs pas mi ’jigs pa daṅ | so so yaṅ dag par rig pa yin te | byaṅ chub sems (4) dpa’ sems dpa’ chen po de ltar bsgrubs ciṅ de ltar spyod pa daṅ | de ltar ’bad ciṅ de ltar rtsol bas | bla na med pa yaṅ dag par rdzogs pa’i byaṅ chub kyi ye śes daṅ | ye śes chen po daṅ | rnam pa thams cad mkhyen pa ñid rjes su ’thob par mi ’gyur ba de ni gnas (5) med do ||
de ci’i phyir źe na | ’di ltar byaṅ chub sems dpa’ sems dpa’ chen po des mi skye ba’i chos la bzod pa thob bas na | ’di ltar de ni bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du de la gźol bar ’gyur ba’i phyir ro ||
(6) de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das chos thams cad skye ba’i slad du | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu luṅ bstan (7) par ’gyur lags sam | bka’ stsal pa | rab ’byor de ni ma yin no ||
gsol pa | bcom ldan ’das chos thams cad skye ba ma mchis pa’i slad du | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu luṅ bstan par (239a1) ’gyur lags sam | bka’ stsal pa | rab ’byor de ni ma yin no ||
gsol pa | bcom ldan ’das gal te skye ba’i slad du yaṅ | byaṅ chub sems dpa’ sems dpa’ chen po bla na med pa yaṅ dag par rdzogs ’i byaṅ chub tu luṅ bstan par mi ’gyur (2) la | skye ba ma mchis pa’i slad du yaṅ ma lags na | bcom ldan ’das ’o na ji ltar byaṅ chub sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub tu luṅ bstan par ’gyur lags | de skad ces gsol pa daṅ | bcom ldan ’das kyis (3) tshe daṅ ldan pa rab ’byor la ’di skad bka’ stsal to ||
rab ’byor ’di ji sñam du sems | khyod kyis chos gaṅ bla na med pa yaṅ dag par rdzogs pa’i byaṅ chub tu luṅ bstan pa’i chos de yaṅ dag par rjes su mthoṅ sñam ’am | gsol pa | bcom ldan ’das de ni ma lags te | bcom (4) ldan ’das bdag gis ni chos gaṅ bla na med pa yaṅ dag par rdzogs pa’i byaṅ chub tu luṅ bstan pa’i chos de yaṅ yaṅ dag par rjes su ma mthoṅ la | bcom ldan ’das bdag gis ni chos gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba daṅ | gaṅ gis (5) mṅon par rdzogs par ’tshaṅ rgya ba daṅ | gaṅ źig mṅon par rdzogs par ’tshaṅ rgya bar bgyi ba’i chos de yaṅ yaṅ dag par rjes su ma mthoṅ lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor byaṅ chub sems dpa’ sems (6) dpa’ chen po chos thams cad mi dmigs pa ni ’di sñam du bdag mṅon par rdzogs par ’tshaṅ rgya bar ’gyur ro ||
’dis mṅon par rdzogs par ’tshaṅ rgya bar ’gyur ro ||
’di mṅon par rdzogs par ’tshag rgya bar ’gyur ro sñam du mi sems so ||
de ci’i phyir źe na | rab ’byor ’di (7) ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa la rnam par rtog pa | de dag thams cad du mi ’byuṅ ba’i phyir ro ||
de ci’i phyir źe na | rab ’byor śes rab kyi pha rol tu phyin pa ni rnam par rtog pa med pa’i phyir ro ||
śes rab kyi pha rol (239b1) tu phyin pa khri brgyad stoṅ pa las | rnam par rtog pa spaṅ bar bstan pa’i le’u źes bya ste lṅa bcu rtsa lṅa’o || ||
śes rab kyi pha rol tu phyin pa khri brgyad stoṅ pa | bam po bźi bcu rtsa gcig pa | de nas bcom ldan ’das la lha’i dbaṅ po brgya byin (2) gyis ’di skad ces gsol to ||
bcom ldan ’das śes rab kyi pha rol tu phyin pa ni | śin tu dben pa ñid slad du śes rab kyi pha rol tu phyin pa ’di ni zab pa | mthoṅ bar dka’ ba | khoṅ du chud par dka’ ba | brtag mi nus pa | rtog ges spyod pa ma lags pa | źib mo (3) brtags pa’i mkhas pa daṅ mdzaṅs pas rig par bgyi ba’i bar dag lags te | bcom ldan ’das gaṅ dag śes rab kyi pha rol tu phyin pa zab mo ’di ñan pa daṅ | ’dzin pa daṅ | ’chaṅ ba daṅ | klog pa daṅ | kun chub par bgyid pa daṅ | de bźin ñid du sgrub par bgyid (4) ciṅ | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du sems daṅ sems las byuṅ ba’i chos gźan dag gi skabs mi ’byed pa de dag ni dge ba’i rtsa ba ṅan don daṅ ldan pa ma lags so ||
bcom ldan ’das kyis bka’ stsal pa | kau śi ka (5) de de bźin no ||
de de bźin te | kau śi ka gaṅ dag śes rab kyi pha rol tu phyin pa zab mo ’di ñan pa daṅ | ’dzin pa daṅ | klog pa daṅ | kun chub par byed ba daṅ | de bźin ñid du sgrub par byed ciṅ | bla na med pa yaṅ dag par rdzogs pa’i byaṅ chub mṅon par rdzogs par saṅs (6) rgyas kyi bar du sems daṅ sems las byuṅ ba’i chos gźan dag gi skabs mi ’byed pa de dag ni dge ba’i rtsa ba ṅan don daṅ ldan pa ma yin no ||
kau śi ka ’di ji sñam du sems | ’dzam bu’i gliṅ gi sems can gaṅ ṅag ji sñed pa de dag thams cad dge ba bcu’i las kyi lam daṅ ldan (7) par gyur ciṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ ldan par gyur la | rigs kyi bu ’am rigs kyi bu mo la la źig kyaṅ śes rab kyi pha rol tu phyin pa zab mo ’di ’dzin pa daṅ | ’chaṅ ba daṅ | klog pa daṅ | (240a1) kun chub par byed la bzuṅ źiṅ bcaṅs la | blaṅ bar byed nas kyaṅ | de bźin ñid du sgrub par byed na | kau śi ka dge ba’i rtsa ba de la dge ba’i rtsa bsṅa ma des ni brgya’i char yaṅ ñe bar mi ’gro’o ||
stoṅ gi cha daṅ | ’bum gyi cha daṅ | bye ba phrag ’bum gyi char (2) yaṅ ñe bar mi ’gro’o ||
graṅs daṅ | cha daṅ | bgraṅ ba daṅ | dpe daṅ | rgyur yaṅ ñe bar mi ’gro’o ||
de nas dge sloṅ źig gis lha’i dbaṅ po brgya byin la ’di skad ces smras so ||
kau śi ka rigs kyi bu’am | rigs kyi bu mo gaṅ dag g-yeṅ ba med pa’i sems kyis śes rab kyi pha (3) rol tu phyin pa zab mo ’di ’dzin pa daṅ | ’chaṅ źig klog la kun chub par byed ba daṅ | de bźin ñid du sgrub par byed ciṅ | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du sems daṅ sems las byuṅ ba’i chos gźan dag gi skabs mi ’byed (4) pa | de dag gis ni ’dzam bu’i gliṅ gi sems can rnams dge bcu’i las kyi lam daṅ ldan par gyur pa daṅ | bsam gtan bźi daṅ ldan pa dag | tshad med pa bźi daṅ ldan pa daṅ | gzugs med pa’i sñoms par ’jug pa bźi daṅ ldan pa daṅ | mṅon par śes pa lṅa daṅ ldan (5) pa de dag zil gyis non pa yin no ||
de skad ces smras pa daṅ | lha’i dbaṅ po brgya byin gyis dge sloṅ de la ’di skad ces smras so ||
dge sloṅ byaṅ chub sems dpa’ sems dpa’ chen po des sems bskyed pa gcig gis kyaṅ ’dzam bu’i gliṅ gi sems can dge ba bcu’i las kyi (6) lam daṅ ldan pa daṅ | bsam gtan bźi daṅ ldan pa daṅ | tshad med pa bźi daṅ ldan pa daṅ | gzugs med pa’i sñoms par ’jug pa bźi daṅ ldan pa daṅ | mṅon par śes pa lṅa daṅ ldan pa de dag zil gyis non na gaṅ dag śes rab kyi pha rol tu phyin pa zab mo ’di (7) ’dzin pa daṅ | ’chaṅ ba daṅ | klog pa daṅ | kun chub par byed pa daṅ | bzuṅ źiṅ bcaṅs la klag śiṅ | kun chub par byed nas kyaṅ | de bźin ñid du sgrub par byed pa dag gis lta smos kyaṅ ci dgos te | lha daṅ mi daṅ | lha ma yin du bcas pa’i ’jig rten zil (240b1) gyis non par ’gyur ba’i | byaṅ chub sems dpa’ sems dpa’ chen po rnams kyis ni lha daṅ mi daṅ lha ma yin du bcas pa’i ’jig rten zil gyis non par ’gyur ro ||
byaṅ chub sems dpa’ sems dpa’ chen po rnams kyis lha daṅ | mi daṅ | lha ma yin du bcas pa’i ’jig (2) rten ñi tshe zil gyis non par ’gyur ba yaṅ ma zad de | byaṅ chub sems dpa’ sems dpa’ chen po rnams kyis ni rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs rgyas gaṅ ji sñed pa de dag thams cad kyaṅ zil gyis non par (3) ’gyur ro ||
rgyun du źugs pa rnams daṅ | raṅ saṅs rgyas kyi bar dag ñi tsher yaṅ ma zad de | byaṅ chub sems dpa’ sems dpa’ chen po rnams kyis ni byaṅ chub sems dpa’ sems dpa’ chen po gaṅ dag sbyin pa’i pha rol tu phyin pa la spyod pa thabs la mkhas pa daṅ mi ldan źiṅ | (4) śes rab kyi pha rol tu phyin pa daṅ bral ba de dag thams cad kyaṅ zil gyis non par ’gyur ro ||
gaṅ dag sbyin pa’i pha rol tu phyin pa la spyod pa dag ñi tsher yaṅ ma zad de | byaṅ chub sems dpa’ sems dpa’ chen po rnams kyis ni | byaṅ chub sems dpa’ sems dpa’ chen po (5) gaṅ dag tshul khrims kyi pha rol tu phyin pa la spyod pa thabs la mkhas pa daṅ mi ldan źiṅ | śes rab kyi pha rol tu phyin pa daṅ bral ba de dag kyaṅ zil gyis non par ’gyur ro ||
gaṅ dag tshul khrims kyi pha rol tu phyin pa la spyod pa dag ñi tsher yaṅ ma zad de byaṅ chub sems (6) dpa’ sems da’apa chen po rnams kyis ni | byaṅ chub sems dpa’ sems dpa’ chen po gaṅ dag bzod pa’i pha rol tu phyin pa daṅ | mabrtson ’grus kyi pha rol tu phyin pa daṅ | bsam gtan gyi pha rol tu phyin pa la spyod pa thabs la na khas pa daṅ mi ldan źiṅ | śes rab (7) kyi pha rol tu phyin pa daṅ bral ba dag kyaṅ zil gyis non par ’gyur te | byaṅ chub sems dpa’ sems dpa’ chen po gaṅ dag ji skad bstan pa’i śes rab kyi pha rol tu phyin pa la spyod pa de dag ni lha daṅ mi daṅ lha ma yin du bcas pa’i ’jig rten gyis zil gyis non par (241a1) mi nus so ||
byaṅ chub sems dpa’ sems dpa’ chen po gaṅ dag ji skad bstan pa’i śes rab kyi pha rol tu phyin pa la spyod pa ni | ji skad bstan pa’i śes rab kyi pha rol tu phyin pa’i rjes su ’jug pa ste | byaṅ chub sems dpa’ sems dpa’ chen po (2) de dag ni rnam pa thams cad mkhyen pa ñid kyi gduṅ rgyun mi ’chad par byed par gnas pa yin no ||
byaṅ chub sems dpa’ sems dpa’ chen po de dag ni de bźin gśegs pa riṅ du mi byed pa yin no ||
byaṅ chub sems da’apa sems dpa’ chen po de ltar bsgrub pa de dag ni byaṅ (3) chub kyi sñiṅ po las ldog par mi ’gyur ro ||
byaṅ chub sems dpa’ sems dpa’ chen po de dag ni sems can byiṅ ba rnams ’don par ’dod pa yin no ||
byaṅ chub sems dpa’ sems dpa’ chen po de ltar slob pa de dag ni byaṅ chub sems dpa’i bslab pa la slob pa ste ñan thos (4) kyi bslab pa la slob pa ma yin no ||
raṅ saṅs rgyas kyi bslab pa la slob pa ma yin no ||
de ltar slob pa’i byaṅ chub sems dpa’ sems dpa’ chen po’i druṅ du rgyal po chen po bźi po dag kya ba ’gro bar sems śiṅ ’oṅs nas kyaṅ ’di skad du skyen par slobs śig | myur du slobs (5) śig | lhuṅ bzed bźi po ’di dag ni | sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis kyaṅ bźes pa yin pas khyod byaṅ chub kyi sñiṅ po la ’dug ste | bla na med pa yaṅ dag par rdzogs pa’i byaṅ chub mṅon par rdzogs par saṅs (6) rgyas nas kyaṅ blaṅ par bya ba yin no ||
byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod pa’i druṅ du rgyal po chen po bźi bo ṅag kyaṅ | rgyal chen bźi’i ris kyi lha’i bu rnams daṅ lhan cig ’gro bar sems so ||
(7) kho bo yaṅ sum cu rtsa gsum pa’i lha’i bu rnams daṅ lhan cig ’gro bar sems so ||
lha’i bu rab ’thab bral yaṅ | ’thab bral ba’i lha’i bu rnams daṅ lhan cig ’gro bar sems so ||
lha’i bu yoṅs su dga’ ldan yaṅ dga’ ldan gyi lha’i bu rnams daṅ lhan cig ’gro bar (241b1) sems so ||
de bźin du lha’i bu rab ’phrul dga’ daṅ | lha’i bu dbaṅ sgyur daṅ mi mjed kyi bdag po tshaṅs pa yaṅ tshaṅs ris kyi lha’i bu rnams daṅ lhan cig ’gro bar sems so ||
de bźin du lha’i bu ’od gsal yaṅ ’od gsal gyi lha’i bu rnams daṅ lhan cig ’gro (2) bar sems so ||
de bźin du dge rgyas daṅ | ’bras bu che daṅ | mi che daṅ | mi gduṅ daṅ | śin tu mthoṅ daṅ | gya nom snaṅ daṅ | gnas gtsaṅ ma’i ris kyi bar gyi lha’i bu rnams kyaṅ ’gro bar sems so ||
byaṅ chub sems dpa’ sems dpa’ chen po gaṅ śes rab kyi (3) pha rol tu phyin pa zab mo ’di la spyod pa de la ni | de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ rtag tu dgoṅs par ’gyur ro ||
byaṅ chub sems dpa’ sems dpa’ chen po gaṅ de ltar śes rab kyi pha rol tu phyin pa zab mo ’di la spyod (4) pa de’i lus la ni | ’jig rten pa’i sdug bsṅal gźan gyis gnod par bya ba gaṅ ji sñed cig lus la ’byuṅ bar ’gyur ba de dag kyaṅ thams cad kyi thams cad rnam pa thams cad du ’byuṅ bar mi ’gyur ro ||
dge sloṅ ’di ni byaṅ chub sems dpa’ sems dpa’ chen po śes (5) rab kyi pha rol tu phyin pa zab mo ’di la spyod pa de’i tshe ’di’i yon tan yin no ||
de’i lus la ’dus pa las gyur pa’i nad gaṅ ji sñed pa ’di lta ste | mig nad daṅ | rna ba’i nad daṅ | sna nad daṅ | lce nad daṅ | son daṅ | lus kyi nad daṅ | sems kyi nad gaṅ ji sñed pa (6) de dag thams cad kyaṅ ’byuṅ bar mi ’gyur te | de yaṅ byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la spyod pa’i tshe | ’di’i yon tan du śes par bya ba yin no ||
de nas tshe daṅ ldan pa kun dga’ bo ’di sñam du sems te | ci lha’i (7) dbaṅ po brgya byin ’di dag raṅ gi spobs pas śes rab kyi pha rol tu phyin pa ston tam | ’on te saṅs rgyas kyi mthus ston sñam mo ||
de nas lha’i dbaṅ po brgya byin gyis tshe daṅ ldan pa kun dga’ bo’i sems kyi yoṅs su rtogs pa sems kyis śes nas | tshe daṅ ldan pa kun (242a1) dga’ bo la ’di skad ces smras so ||
btsun pa kun dga’ bo ’di ltar kho bo śes rab kyi pha rol tu phyin pa bstan pa ’di ni saṅs rgyas kyi mthus yin pa rig par bya’o ||
de nas bcom ldan ’das kyis tshe daṅ ldan pa kun dga’ bo la ’di skad ces bka’ (2) stsal to ||
kun dga’ bo de de bźin no ||
de de bźin te | ’di ltar lha’i dbaṅ po brgya byin ’di śes rab kyi pha rol tu phyin pa ston pa de ni de bźin gśegs pa’i mthus yin no ||
de ni de bźin gśegs pa’i byin gyis brlabs pa yin ne | kun dga’ bo gaṅ gi tshe byaṅ chub sems (3) dpa’ sems dpa’ chen po śes rab kyi pha rol tu phyin pa la slob pa daṅ | śes rab kyi pha rol tu phyin pa la rnal ’byor du byed pa daṅ | śes rab kyi pha rol tu phyin pa la sgom pa de’i tshe | stoṅ gsum gyi stoṅ chen po’i ’jig rten gyi khams kyi bdud sdig can de dag thams (4) cad ’di sñam du ci byaṅ chub sems dpa’ sems dpa’ chen po ’di yaṅ dag pa’i mtha’ mṅon sum du byed par ’gyur źiṅ | yaṅ dag pa’i mtha’ mṅon sum du byed nas rgyun du źugs pa’i ’bras bu mṅon sum du byed par ’gyur ram | lan cig phyir ’oṅ pa’i ’bras bu’am | (5) phyir mi ’oṅ ba’i ’bras bu ’am | dgra bcom pa ñid mṅon sum du byed par ’gyur ram | raṅ byaṅ chub thob par ’gyur ram | ’on te bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur sñam du the tshom skye bar ’gyur ro ||
kun dga’ bo (6) gźan yaṅ gaṅ gi tshe | byaṅ chub sems dpa’ sems dpa’ chen po śes rab kyi pha rol tu phyin pa daṅ ma bral bar gyur pa de’i tshe | bdud sdig can mya ṅan gyi zug rṅus zug par ’gyur ro ||
kun dga’ bo gźan yaṅ bdud sdig can gyis byaṅ chub sems dpa’ sems (7) dpa’ chen po spa bkoṅ bar bya ba daṅ | spu ziṅ źes byed par ’gyur ba daṅ | sems źum par ’gyur ba daṅ | rnam pa thams cad mkhyen pa ñid yid la byed pa’i sems bskyed pa gcig tsam yaṅ rnam par g-yeṅ bar bya ba’i phyir | skar mda’ gtoṅ źiṅ ’jigs pa skyed (242b1) par byed do ||
de nas bcom ldan ’das la tshe daṅ ldan pa kun dga’ bas ’di skad ces gsol to ||
bcom ldan ’das ci byaṅ chub sems dpa’ sems dpa’ chen po thams cad kyi druṅ du bdud sdig can tho ’tshal pa’i bsam pas mchi bar ’gyur lags sam | bcom (2) ldan ’das kyis bka’ stsal pa | kun dga’ bo byaṅ chub sems dpa’ sems dpa’ chen po thams cad kyi druṅ du bdud sdig can tho ’tsham pa’i bsam pas ’oṅ ba ma yin te | kun dga’ bo byaṅ chub sems dpa’ sems dpa’ chen po kha cig gi druṅ du ni bdud sdig can (3) tho ’tsham pa’i bsam pas ’oṅ bar ’gyur ro ||
kha cig gi druṅ du ni ’oṅ bar mi ’gyur ro ||
kun dga’ bos gsol pa | bcom ldan ’das byaṅ chub sems dpa’ sems dpa’ chen po ji lta bu dag gi druṅ du bdud sdig can tho ’tsham pa’i bsam pas mchi bar ’gyur (4) la | ji lta bu dag gi druṅ du ni mchi bar mi ’gyur lags | bcom ldan ’das kyis bka’ stsal pa | kun dga’ bo byaṅ chub sems dpa’ sems dpa’ chen po gaṅ dag sṅon gyi mthar yaṅ śes rab kyi pha rol tu phyin pa zab mo ’di bśad pa na | sems mos par ma gyur pa (5) de dag gi druṅ du ni bdud sdig can tho ’tsham pa’i bsam pas ’oṅ bar ’gyur ro ||
kun dga’ bo gźan yaṅ byaṅ chub sems dpa’ gaṅ dag śes rab kyi pha rol tu phyin pa zab mo ’di bśad pa na | ’di śes rab kyi pha rol tu phyin pa yin nam ’on te ’di śes rab kyi pha rol tu phyin pa (6) ma yin sñam du the tshom za bar gyur na | kun dga’ bo byaṅ chub sems dpa’ sems dpa’ chen po de dag gi druṅ du yaṅ bdud sdig can tho ’tsham pa’i bsam pas ’oṅ bar ’gyur ro ||
kun dga’ bo gźan yaṅ byaṅ chub sems dpa’ sems dpa’ chen po dge ba’i bśes gñen (7) dag daṅ bral bar gyur na | des dge ba’i bśes gñen dag mi mthoṅ bas | śes rab kyi pha rol tu phyin pa zab mo ’di mi thos so ||
ma thos na mi śes pas | ji ltar śes rab kyi pha rol tu phyin pa ’di bsgom par bya źes de bźin ñid du sgrub par mi byed do ||
kun dga’ bo (243a1) gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa daṅ bral na | dam pa ma yin pa’i chos yoṅs su ’dzin par byed de | kun dga’ bo byaṅ chub sems dpa’ sems dpa’ chen po da la yaṅ bdud sdig can gyis glags rñed (2) par ’gyur ro ||
kun dga’ bo gźan yaṅ śes rab kyi pha rol tu phyin pa daṅ bral ba’i byaṅ chub sems dpa’ dam pa ma yin pa’i chos kyi bsṅags pa brjod na | de la bdud sdig can ’di sñam du gaṅ dam pa ma yin pa’i chos kyi bsṅags pa brjod pa ’di ni bdag gi grogs yin (3) te | gaṅ dam pa ma yin pa’i chos kyi bsṅags pa brjod pa de ni byaṅ chub sems dpa’i theg pa pa maṅ po dag gi naṅ nas bdag gi grogs su rñed pa yin te | byaṅ chub sems dpa’i theg pa pa’i gaṅ zag gaṅ yin pa de dag kyaṅ | ’di lta ste | sa gñis po ñan thos kyi sa’am | (4) raṅ saṅs rgyas kyi sa dag la gnas par ’gyur bas na | ’di ni bdag gi bsam pa yoṅs su rdzogs par byed pa yin no sñam du sems so ||
kun dga’ bo gźan yaṅ byaṅ chub sems dpa’ sems dpa’ chen po ji lta bu dag la bdud sdig can gyis glags rñed par ’gyur źe na | (5) byaṅ chub sems dpa’ gaṅ śes rab kyi pha rol tu phyin pa zab mo ’di bśad pa na | ’di skad du śes rab kyi pha rol tu phyin pa ’di ni zab pas na | khyod kyi śes rab kyi pha rol tu phyin pa zab mo ’di mñan pa daṅ | bśad pa daṅ | gzuṅ ba daṅ | klag pa daṅ | kun chub (6) par bya ba daṅ | yoṅs su rdzogs par byas te | ci ruṅ ṅas kyaṅ da duṅ ’di’i gtiṅ ma rñed na | khyod kyis lṅa red par mi ’gyur źes zer na | kun dga’ bo byaṅ chub sems dpa’ sems dpa’ chen po de la yaṅ bdud sdig can gyis glags rñed par ’gyur ro ||
kun dga’ bo (7) gźan yaṅ gaṅ gi tshe | byaṅ chub sems dpa’ | byaṅ chub sems dpa’ gźan dag la rlom sems su byed do | kho bo ni sprin pa’i pha rol tu phyin pa la sprod pa yin gyi | khyod ni sbyin pa’i pha rol tu phyin pa la spyod pa ma yin no ||
de bźin du sbyar te | kho bo ni śes rab kyi pha (243b1) rol tu phyin pa’i bar la spyod pa yin gyi | khyod ni śes rab kyi pha rol tu phyin pa la spyod pa ma yin no źes rlom sems su byed na | kun dga’ bo byaṅ chub sems dpa’ de la yaṅ bdud sdig can gyis glags rñed par ’gyur ro ||
kun dga’ bo gźan yaṅ gaṅ gi tshe byaṅ chub sems dpa’ (2) sems dpa’ chen po bdag la bstod par sems na | de’i tshe bdud sdig can dga’ ba daṅ | mgu ba daṅ | yid raṅs pa daṅ | rab tu dga’ ba daṅ dga’ ba daṅ yid bde ba skye bar ’gyur te | kun dga’ bo byaṅ chub sems dpa’ sems dpa’ chen po de la yaṅ bdud sdig can (3) gyis glags rñed par ’gyur ro ||
kun dga’ bo gźan yaṅ gaṅ gi tshe | byaṅ chub sems dpa’i miṅ smos sam | rus smos te | yoṅs su bsgrags nas miṅ smos pa ’am | rus smos pa des de las gźan pa’i byaṅ chub sems dpa’ des pa dge ba’i chaso can dag la rlom sems (4) su byed ciṅ | bdag stoṅ par byed | gźan smod bar byed la | phyir mi ldog pa’i byaṅ chub sems dpa’ sems dpa’ chen po rnams kyi rnam pa daṅ | rtags daṅ mtshan ma gaṅ yin pa’i yon tan de dag kyaṅ de la med la | de rnam pa daṅ | rtags daṅ | mtshan ma de dag med (5) bźin du ñon moṅs pa skyed ciṅ bdag la stod par byed | gźan la smod par byed do ||
ji ltar kho bo byaṅ chub sems dpa’i theg pa daṅ | byaṅ chub sems dpa’i rigs la yaṅ dag par snaṅ ba ltar | khyod ni byaṅ chub sems dpa’i theg pa daṅ | byaṅ chub sems dpa’i (6) rigs la yaṅ dag par mi snaṅ ṅo źes | de des byaṅ chub sems dpa’i theg pa pa’i gaṅ zag rnams la brñas śiṅ smod par byed na | de la bdud sdig can ’di sñam du bdag la gnas kyaṅ stod par mi ’gyur la | sems can dmyal ba chen po daṅ | dud ’gro’i skye (7) gnas daṅ | gśin rje’i ’jig rten daṅ | yi dgas kyi yul dag kyaṅ śin tu ’phel bar ’gyur ro ||
sñam du sems śiṅ | bdud sdig can gyis ci nas kyaṅ | byaṅ chub sems dpa’ de’i tshig gzuṅ bar ’os par ’gyur ba de lta de ltar byin gyis rlob par byed (244a1) do | de’i tshig gzuṅ bar ’os pa | de la ’gro ba maṅ po dag kyaṅ mñan par bya bar sems te | de dag gis de la mñan ciṅ | dad par bya bar bsam pas de dag gis de mthoṅ ba na ’thun par byed de | de dag gis de mthoṅ nas rjes su ’thun (2) par spyod ciṅ de dag de bźin ñid du slob par ’gyur ro ||
de bźin ñid du slob ciṅ de bźin ñid du bsgrubs pas | ñon moṅs pa ’phel bar ’gyur te | de ltar de dag sems phyin ci log tu gyur pa’i lus daṅ ṅag daṅ | yid kyi las gaṅ daṅ | gaṅ brtsams pa de thams cad (3) kyaṅ mi ’dod pa daṅ | mi sdug pa daṅ | yid du mi ’oṅ ba ñid du ’gyur te | de ltar sems can dmyal ba chen po dag kyaṅ ’phel bar ’gyur ro ||
dud ’gro’i skye gnas daṅ | gśin rje’i ’jig rten daṅ | yi dgas kyi yul yaṅ ’phel bar ’gyur ro ||
bdud kyi (4) gnas kyaṅ ’phel bar ’gyur te | kun dga’ bo don gyi dbaṅ de mthoṅ bas na | bdud sdig can yid raṅs pa daṅ | rab tu dga’ ba daṅ | dga’ ba daṅ | yid bde ba skye bar ’gyur ro ||
kun dga’ bo gźan yaṅ gal te | byaṅ chub sems dpa’i theg pa ba’i (5) gaṅ zag ñan thos kyi theg pa pa’i gaṅ zag daṅ | lhan cig rtsod par byed na | de la bdud sdig can ’di sñam du | a la la rigs kyi bu ’di dag ni rnam pa thams cad mkhyen pa ñid riṅ du byed pa yin te | ’di dag ni rnam pa thams cad mkhyen pa ñid daṅ ñe bar mi (6) ’gyur ro ||
de ci’i phyir źe na | ’thab mo daṅ | mtshaṅ ’dru ba daṅ | ’thab pa daṅ | rtsod pa ’di ni rnam pa thams cad mkhyen pa ñid kyi lam ma yin gyi ’di ni sems can dmyal ba’i lam yin la | ’di ni dud ’gro’i skye gnas pa daṅ | gśin rje’i ’jig rten gyi la ma (7) yin te | rnam pa thams cad mkhyen pa ñid kyi la ma ma yin pa’i phyir ro sñam mo ||
kun dga’ bo gźan yaṅ byaṅ chub sems dpa’i theg pa pa’i gaṅ zag gal te | byaṅ chub sems dpa’i theg pa pa’i gaṅ zag gźan daṅ | ’thab mo daṅ | ma tshaṅ ’dru ba daṅ | (244b1) ’thab pa daṅ rtsod bdag byed par gyur na | de la bdud sdig can ’di sñam du ’di gñis ni rnam pa thams cad mkhyen pa ñid riṅ du byed pa yin te | ’di gñis kyis ni | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur ro ||
(2) de ci’i phyir źe na | ’di ltar gaṅ rigs kyi bu ’di dag rtsom pa ’di ni rnam pa thams cad mkhyen pa ñid kyi lam yin gyi | gaṅ rigs kyi bu da’i dag rtsom pa ’di ni sems can dmyal ba’i lam daṅ | dud ’gro’i skye gnas kyi lam daṅ | gśin rje’i ’jig rten gyi lam (3) yin pa’i phyir ro sñam mo ||
kun dga’ bo gźan yaṅ gal te byaṅ chub sems dpa’ luṅ bstan pa’i byaṅ chub sems dpa’ la gnod sems kyis sems skyed par byed ciṅ | ’thab mo daṅ | ’khrug loṅ daṅ | mtshaṅ ’dru ba daṅ | rtsod pa daṅ | ’gyed pa (4) byed la | gal te des rnam pa thams cad mkhyen pa ñid yoṅs su ma btaṅ na | des ji sñed du ’thab mo daṅ | mtshaṅ ’dru ba daṅ | ’thab pa daṅ | rtsod par bya ba’i sems bskyed pa de sñed kyi bskal par des go cha bgo bar bya dgos so ||
de skad ces bka’ stsal pa daṅ | (5) bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das sems bskyed pa de dag la ṅes par ’byuṅ ba mchis sam | ’on te de sñed kyi bskal pa kho nar go cha bgo bar bgyi ’tshal lags | de skad ces gsol pa daṅ | bcom ldan ’das (6) kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo ṅas ni ñan thos kyi theg pa pa rnams daṅ | raṅ saṅs rgyas kyi theg pa pa rnams daṅ | byaṅ chub sems dpa’i theg pa pa’i gaṅ zag rnams la ṅes par ’byuṅ ba daṅ bcas pa’i chos bstan te | (7) kun dga’ bo de la byaṅ chub sems dpa’i theg pa pa’i gaṅ zag | byaṅ chub sems dpa’i theg pa pa’i gaṅ zag la ’thab pa daṅ | rtsod pa daṅ khro ba daṅ | spyo bar byed ciṅ ’thabs śiṅ rtsod la khros śiṅ spyos nas kyaṅ ’chags par mi byed par mdud par ’dzin ciṅ | (245a1) bag la ñal bas gnas par byed na | kun dga’ bo gaṅ zag de la ni ṅes par ’byuṅ ba yod par ṅa mi smra ste | gaṅ zag des ni gal te rnam pa thams cad mkhyen pa ñid mi gtoṅ na | de sñed kyi bskal par gdon mi za bar go cha bgo bar bya dgos so ||
kun (2) dga’ bo gźan yaṅ byaṅ chub sems dpa’ sems dpa’ chen po ’thabs śiṅ rtsod la khros śiṅ spyos nas kyaṅ ’chags par byed ciṅ | bag la ñal bas mi gnas te | bdag gis ni thob par bya ba ṅes par thob ste | bdag gis sems can thams cad kyi sdug bsṅal bsal (3) dgos na smras pa la bdag gis phyir smra ba daṅ | ’di ltar bdag sems can thams cad kyi zam par gyur par bya dgos na | bdag gźan la mi sñan par smra źiṅ phyir zlog na ni mi tshul gyis bdag gis de ltar mi bya bar | bdag lug ltar lkugs par bya źiṅ mi smra bar bya’o ||
(4) bdag gis lhag pa’i bsam pa dkrug par mi bya ste | bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas kyaṅ | sems can ’di dag yoṅs su mya ṅan las bzla bar bya dgos na | de bdag ñid la bdag gnod sems skyed pa daṅ | de (5) bdag ñid la bdag ’khrug pa byed pa ni mi tshul gyis bdag gis de dag la gnod sems mi skyed ciṅ | bdag gis de dag la ’khrug pa mi bya’o ||
źes phyin chad kyaṅ sṅo ma pa ’dzin par byed na | kun dga’ bo byaṅ chub sems dpa’ sems dpa’ chen po de ni ṅes par ’byuṅ (6) ba daṅ bcas pa yin no źes ṅa smra ste | de la bdud sdig can gyis glags rñed par mi ’gyur ro | kun dga’ po gźan yaṅ byaṅ chub sems dpa’ sems dpa’ chen po ñan thos kyi thaiga pa pa’i gaṅ zag rnams daṅ lhan cig gnas par mi bya’o ||
gal te gnas na yaṅ gaṅ (7) la yaṅ gnod sems kyi sems bskyed par mi bya’o ||
de ci’i phyir źe na | ’di ltar gaṅ gis | ’di dag la gnod sems bskyed pa’am | ’khrug par bya ba ni bdag la rig pa pa ma yin pa’i phyir ro ||
de ci’i phyir źe na | ’di ltar ’di dag bdag bla na med pa yaṅ dag (245b1) par rdzogs pa’i byaṅ chub mṅon par rdzogs par saṅs rgyas nas | sdug bsṅal thams cad las yoṅs su thar bar bya dgos pa’i phyir ro sñam mo ||
de nas bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das byaṅ chub (2) sems dpa’ sems dpa’ chen pos byaṅ chub sems dpa’i theg pa pa’i gaṅ zag rnams kyi druṅ du ji ltar gnas par bgyi lags | bcom ldan ’das kyis bka’ stsal pa | kun dga’ bo byaṅ chub sems dpa’ sems dpa’ chen pos ston pa la ji lta ba bźin du byaṅ chub (3) sems dpa’i theg pa pa’i gaṅ zag rnams kyi druṅ du gnas par bya’o ||
de ci’i phyir źe na | ’di ni bdag gi grogs yin te theg pa gcig la źugs pa yin źiṅ ’dis ji ltar bslab par bya ba de ltar bdag gis kyaṅ bslab par bya dgos la | ’dis gaṅ la bslab par (4) bya ba’i sbyin pa’i pha rol tu phyin pa daṅ | rnam pa thams cad mkhyen pa ñid kyi bar de la bdag gis kyaṅ bslab par bya dgos pa’i phyir ro ||
gal te ’di rnam pa thams cad mkhyen pa ñid daṅ ldan pa’i yid la byed pa dag daṅ bral bas ’dres par gnas na | bdag gis de la (5) bslab par mi bya’i | gal te byaṅ chub sems dpa’ sems dpa’ chen po ’di rnam pa thams cad mkhyen pa ñid daṅ ldan pa’i yid la byed pa dag daṅ ma bral bar gnas na | bdag gis kyaṅ de bźin du gnas par bya’o sñam ste | de ltar slob pa’i byaṅ chub sems dpa’ sems (6) dpa’ chen po ni bslab pa mñam pa yin no ||
śes rab kyi pha rol tu phyin pa khri brgyad stoṅ pa las | bslab pa mñam pa’i le’u źes bya ste lṅa bcu rtsa drug pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
(7) bcom ldan ’das byaṅ chub sems dpa’ sems dpa’ chen pos mñam pa ñid gaṅ la bslab par bgyi ba’i byaṅ chub sems dpa’ sems dpa’ chen po rnams kyi mñam pa ñid gaṅ lags | bcom ldan ’das kyis bka’ stsal pa | rab ’byor naṅ stoṅ pa ñid daṅ | de (246a1) bźin du sbyar te | dṅos po med pa’i ṅo bo ñid stoṅ pa ñid kyi bar ni | byaṅ chub sems dpa’ sems dpa’ chen po rnams kyi mñam pa ñid yin no ||
gzugs ni gzugs kyis stoṅ ṅo ||
tshor ba daṅ | ’du śes daṅ | ’du byed rnams daṅ | rnam par (2) śes pa ni rnam par śes pas stoṅ ṅo ||
de bźin du byaṅ chub kyi bar du yaṅ byaṅ chub kyis stoṅ ste | rab ’byor de ni byaṅ chub sems dpa’ sems dpa’ chen po rnams kyi mñam pa ñid yin te | mñam pa ñid de la gnas na | byaṅ chub sems dpa’ chen po rnams (3) bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
rab ’byor gyis gsol pa | bcom ldan ’das ci byaṅ chub sems dpa’ sems dpa’ chen po gzugs bas par bgyi ba’i slad du slob na | rnam pa thams cad mkhyen pa ñid la slob pa (4) lags sam | gzugs la ’dod chags daṅ bral bar bgyi ba’i slad du slob na | rnam pa thams cad mkhyen pa ñid la slob pa lags sam | gzugs ’gog pa’i slad du slob na | rnam pa thams cad mkhyen pa ñid la slob pa lags sam | gzugs skye ba ma mchis pa’i (5) slad du slob rnam pa thams cad mkhyen pa ñid la slob pa la gnas sam | de bźin du so so yaṅ dag par rig pa bźi’i bar dag bas par bgyi ba’i slad du slob na | rnam pa thams cad mkhyen pa ñid la slob pa lags sam | de bźin du so so yaṅ dag par rig pa bźi skye ba (6) ma mchis pa’i bar du slob na | rnam pa thams cad mkhyen pa ñid la slob pa lags sam | tshor ba daṅ | ’du śes daṅ | ’du byed rnams daṅ | rnam par śes pa bas par bgyi ba’i bar du slob na | rnam pa thams cad mkhyen pa ñid la slob pa lags sam | skye ba (7) ma mchis pa’i bar gyi slad du slob na | rnam pa thams cad mkhyen pa ñid la slob pa lags sam | byaṅ chub kyi bar du bas par bgyi ba daṅ | ’dod chags daṅ bral ba daṅ | ’gog ba daṅ | skye ba ma mchis pa’i bar du slob na | rnam pa thams cad mkhyen pa ñid (246b1) la slob pa lags sam | de bźin du thams cad la yaṅ rgya cher sbyar bar bgyi’o ||
de skad ces gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gaṅ yaṅ khyod ’di skad du | gaṅ gzugs zad par bya ba’i (2) phyir slob na | rnam pa thams cad mkhyen pa ñid la slob pa yin nam | skye ba med pa’i bar du slob na | rnam pa thams cad mkhyen pa ñid la slob pa yin nam | tshor ba daṅ | ’du śes daṅ | ’du byed rnams daṅ | rnam par śes pa zad par bya ba’i phyir slob na | rnam pa (3) thams cad mkhyen pa ñid la slob pa yin nam | skye ba med pa’i phyir slob rnam pa thams cad mkhyen pa ñid la slob pa yin nam | byaṅ chub kyi bar du zad par bya ba daṅ | ’dod chags daṅ bral ba daṅ | ’gog pa daṅ | skye ba med pa’i phyir slob na | rnam pa thams cad (4) mkhyen pa ñid la slob pa yin nam | de bźin du thams cad la yaṅ rgya cher sbyar bar bya’o źes zer ba ni | rab ’byor ’di ji sñam du sems | gzugs kyi de bźin ñid gaṅ yin pa daṅ | tshor ba daṅ | ’du śes daṅ | ’du byed rnams daṅ | rnam par śes pa’i de bźin (5) ñid daṅ | de bźin du sbyar te | byaṅ chub kyi bar gyi de bźin ñid gaṅ yin pa daṅ | de bźin gśegs pa’i de bźin ñid gaṅ yin pa’i de bźin ñid gaṅ gis de bźin gśegs par gdags pa’i de bźin ñid de la zad pa’am | ’gag pa’am | ’bri bar ’gyur ba (6) yod sam mam | rab ’byor gyis gsol pa | bcom ldan ’das de ni ma lags so ||
bde bar gśegs pa de ni ma lags so ||
bcom ldan ’das kyis bka’ stsal pa | rab ’byor de ltar slob pa’i byaṅ chub sems dpa’ sems dpa’ chen po ni de bźin ñid la slob ciṅ | (7) rnam pa thams cad mkhyen pa ñid la slob pa yin te | de bźin ñid la ni zad pa’am | ’gag pa’am | ’bri bar ’gyur ba yaṅ med do ||
rab ’byor de ltar slob pa’i byaṅ chub sems dpa’ sems dpa’ chen po ni de bźin ñid la slob ciṅ rnam pa thams cad mkhyen pa ñid la slob (247a1) pa yin no | rab ’byor de ltar slob pa’i byaṅ chub sems dpa’ sems dpa’ chen po ni pha rol tu phin pa drug po dag la slob pa yin no ||
dran pa ñe bar gźag pa rnams daṅ | de bźin du sbyar te | saṅs rgyas kyi chos ma ’dres pa bco brgyad kyi bar daṅ | rnam (2) pa thams cad mkhyen pa ñid kyi bar la slob pa yin no ||
rab ’byor de ltar slob pa’i byaṅ chub sems dpa’ sems dpa’ chen po ni pha rol tu phyin pa’i slob pa thams cad kyi pha rol tu phyin pa rjes su thob par ’gyur ro ||
rab ’byor de ltar slob pa’i byaṅ chub sems dpa’ (3) sems dpa’ chen po ni bdud dam | bdud kyi ris kyi lha rnams kyis thul bar mi nus pa yin no ||
rab ’byor de ltar slob pa’i byaṅ chub sems dpa’ sems dpa’ chen po ni myur ba ñid du phyir mi ldog pa’i rjes su thob par ’gyur ro ||
rab ’byor de ltar slob pa’i byaṅ chub sems (4) dpa’ sems dpa’ chen po ni raṅ gi pa de bźin gśegs pa’i spyod yul la spyod pa yin no ||
rab ’byor de ltar slob pa’i byaṅ chub sems dpa’ sems dpa’ chen po ni mun pa med par byed pa’i chos rnams la spyod pa yin no ||
rab ’byor de ltar slob pa’i byaṅ chub sems dpa’ (5) sems dpa’ chen po ni saṅs rgyas kyi źiṅ yoṅs su dag par byed pa’i chos rnams la spyod pa yin no ||
rab ’byor de ltar slob pa’i byaṅ chub sems dpa’ sems dpa’ chen po ni byams pa chen po la slob pa yin | sñiṅ rje chen po la slob pa yin | saṅs rgyas kyi źiṅ yoṅs (6) su dag par bya ba’i phyir slob pa yin | sems can rnams yoṅs su smin par bya ba dag la slob pa yin no ||
rab ’byor de ltar slob pa’i byaṅ chub sems dpa’ sems dpa’ chen po ni lan gsum du bzlas te | chos kyi ’khor lo rnam pa bcu gñis su bskor ba’i phyir slob pa (7) yin no ||
rab ’byor de ltar slob pa’i byaṅ chub sems dpa’ sems dpa’ chen po ni sems can rnams yoṅs su mya ṅan las bzla bar bya’o źes slob pa yin no ||
rab ’byor ’di ltar slob pa’i byaṅ chub sems dpa’ sems dpa’ chen po ni de bźin gśegs pa’i gduṅ rgyun (247b1) mi ’chad par bya ba’i phyir slob pa yin no ||
rab ’byor de ltar slob pa’i byaṅ chub sems dpa’ sems dpa’ chen po ni ’chi ba med pa’i sgo rnam par dbye bar bya’o źes slob pa yin | ’dus ma byas kyi khams yaṅ dag par bstan par bya’o ||
źes slob pa yin te | rab ’byor (2) sems can dman pa rnams kyis ni bslab pa ’di la slob par mi nus so ||
byaṅ chub sems dpa’ sems dpa’ chen po gaṅ bslab pa ’di la slob pa | de ni sems can thams cad ’khor ba las ’don par ’dod pa yin te | rab ’byor de ltar slob pa’i byaṅ chub sems dpa’ (3) sems dpa’ chen po ni sems can dmyal bar mi skye’o ||
dud ’gro’i skye gnas daṅ | gśin rje’i ’jig rten daṅ | yul mtha’ ’khob rnams su mi skye’o ||
gdol ba’i rigs rnams su mi skye’o ||
źar bar mi ’gyur | ’theṅ por mi ’gyur | ’on par mi ’gyur | wa ba (4) can du mi ’gyur | gźogs phyed skam par mi ’gyur | dbaṅ po mtshaṅ bar mi ’gyur te | dbaṅ po yoṅs su rdzogs par ’gyur źiṅ | yoṅs su ma rdzogs par mi ’gyur ro ||
grog gcod par mi ’gyur | log par lta ba’i bar du mi ’gyur | log pa’i ’cho bas ’tsho (5) bar mi ’gyur ro ||
yaṅ dag pa ma yin pa yoṅs su ’dzin par mi byed do ||
tshul khrims ’chal bar mi ’gyur ro ||
tshul khrims ’chal pa yoṅs su ’dzin par mi byed do ||
rab ’byor de ltar slob pa’i byaṅ chub sems dpa’ sems dpa’ chen po ni | lha tshe riṅ po rnams kyi (6) naṅ du skye bar mi ’gyur ro ||
de ci’i phyir źe na | thabs la mkhas pa gaṅ daṅ ldan pas byaṅ chub sems dpa’ sems dpa’ chen po bsam gtan rnams la sñoms par ’jug pa daṅ | tshad med pa rnams la sñoms par ’jug pa daṅ | tshad med pa rnams la sñoms par ’jug pa daṅ | gzugs med pa’i sñoms par ’jug (7) pa rnams la sñoms par ’jug kyaṅ bsam gtan rnams daṅ | tshad med pa rnams daṅ | gzugs med pa’i sñoms par ’jug pa rnams kyi dbaṅ gis mi skye ba’i thabs la mkhas pa de la yod pa’i phyir ro ||
rab ’byor de ltar slob pa’i byaṅ chub sems dpa’ sems (248a1) dpa’ chen po ni | ’di lta ste | ñan thos daṅ | raṅ saṅs rgyas kyis yoṅs su dag pas | saṅs rgyas kyi chos thams cad kyi stobs yoṅs su dag par rtogs par ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor (2) gyis ’di skad ces gsol to ||
bcom ldan ’das gal te chos thams cad raṅ bźin gyis yoṅs su dag pa lags na | byaṅ chub sems dpa’ sems dpa’ chen po chos gaṅ źig gi yoṅs su dag pa rtogs par ’gyur lags | bcom ldan ’das kyis bka’ stsal pa | rab (3) ’byor de de bźin te | de de bźin no ||
ji skad smras pa de bźin te | rab ’byor chos thams cad ni raṅ bźin gyis yoṅs su dag pa ste | rab ’byor de ltar chos thams cad yoṅs su dag pa la | byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i (4) mi źum mi ’goṅ ba gaṅ yin pa de ni Raba ’byor byaṅ chub sems dpa’ sems dpa’ chen po’i śes rab kyi pha rol tu phyin pa yin na | byis pa so so’i skye bo rnams kyis chos ñid de mi śes mi mthoṅ bas | sems can de dag gi don du | byaṅ chub sems dpa’ sems dpa’ (5) chen po sbyin pa’i pha rol tu phyin pa la spyod ciṅ | śes rab kyi pha rol tu phyin pa’i bar la spyod de | rab ’byor chos thams cad la de ltar spyod pa’i byaṅ chub sems dpa’ sems dpa’ chen po ni stobs daṅ | mi ’jigs pa rjes su ’thob par ’gyur ro ||
rab ’byor (6) de ltar slob pa’i byaṅ chub sems dpa’ sems dpa’ chen po ni sems can thams cad kyi sems kyi spyod pa rnam par g-yo bźi pha rol tu ’gro ba yin no ||
rab ’byor ’di lta ste | dper na sa chen po’i phyogs dag na gaṅ na ’dzam bu chu bo’i gser gyi sa le sbram daṅ | dṅul dag (7) ’byuṅ bar ’gyur ba ni ñuṅ ṅo ||
rab ’byor de bźin du sems can gaṅ dag ’di lta ste | śes rab kyi pha rol tu phyin pa’i bslab pa ’di la slob pa de dag ni ñuṅ gi | sems can gaṅ dag ñan thos kyi sa’am | raṅ saṅs rgyas kyi sa la gnas pa de dag ni de bas ches (248b1) maṅ ṅo ||
rab ’byor ’di lta ste | dper na sems can gaṅ dag ’khor los sgyur ba’i rgyal por ’gyur ba’i las yaṅ dag par blaṅs te | gnas pa de dag ni ñuṅ gi | sems can gaṅ dag khams kyi rgyal por ’gyur ba’i las yaṅ dag par blaṅs te | gnas pa de dag (2) ni ches maṅ ṅo ||
rab ’byor de bźin du sems can gaṅ dag rnam pa thams cad mkhyen pa ñid kyi lam ’di la yaṅ dag par źugs pa de dag ni ñuṅ gi | sems can gaṅ dag ñan thos daṅ | raṅ saṅs rgyas kyi lam du yaṅ dag par źugs pa de dag ni ches maṅ ṅo ||
(3) rab ’byor byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub la yaṅ dag par źugs pa de dag bas kyaṅ byaṅ chub sems dpa’ sems dpa’ chen po gaṅ dag de bźin ñid la sgrub pa dag ches ñuṅ ṅo ||
de bas kyaṅ gaṅ dag ñan (4) thos daṅ | raṅ saṅs rgyas ñid la gnas par ’gyur ba ni ches maṅ ṅo ||
rab ’byor byaṅ chub sems dpa’i theg pa pa’i rigs kyi bu gaṅ dag śes rab kyi pha rol tu phyin pa la gnas śiṅ phyir mi ldog pa’i sa gnon par ’gyur ba de dag bas ni | gaṅ dag phyir mi ldog pa’i sa gnon (5) par mi ’gyur ba dag ches maṅ ṅo ||
rab ’byor de lta bas na | byaṅ chub sems dpa’ sems dpa’ chen po phyir mi ldog pa’i sa ’thob par ’dod pa daṅ | phyir mi ldog pa’i sar bgraṅ bar chud par ’dod pas | śes rab kyi pha rol tu phyin pa zab mo ’di ñid la bslab par (6) bya’o ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | ser sna daṅ ldan pa’i sems mi skyed do ||
’chal pa’i tshul khrims daṅ ldan pa’i sems mi skyed do ||
’khrugs pa daṅ ldan pa’i sems mi skyed do ||
(7) le lo daṅ ldan pa’i sems mi skyed do ||
rnam par g-yeṅ ba daṅ ldan pa’i sems mi skyed do ||
’chal ba’i śes rab daṅ ldan pa’i sems mi skyed do ||
’dod chags daṅ ldan pa’i sems mi skyed do ||
źe sdaṅ daṅ ldan pa’i sems mi skyed do ||
gti mug daṅ ldan (249a1) pa’i sems mi skyed do ||
tha ba daṅ ldan pa’i sems mi skyed do ||
gzugs daṅ ldan pa’i sems mi skyed do ||
tshor ba daṅ | ’du śes daṅ | ’du byed rnams daṅ | rnam par śes pa daṅ ldan pa’i sems mi skyed do ||
de bźin du sbyar te | byaṅ chub kyi (2) bar daṅ ldan pa’i sems mi skyed do ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la spyod pa ni chos gaṅ yaṅ mi dmigs te | ma dmigs pa chos gaṅ la yaṅ sems skyed par mi byed (3) pa’i phyir ro ||
rab ’byor de ltar śes rab kyi pha rol tu phyin pa zab mo ’di la spyod pa’i byaṅ chub sems dpa’ sems dpa’ chen pos ni | pha rol tu phyin pa drug po thams cad yaṅ dag par bzuṅ ba yin no ||
pha rol tu phyin pa thams cad yaṅ dag par bsgrubs pa yin no ||
(4) pha rol tu phyin pa thams cad kyi rjes su soṅ ba yin no ||
de ci’i phyir źe na | rab ’byor ’di ltar pha rol tu phyin pa thams cad ni | śes rab kyi pha rol tu phyin pa zab mo ’di’i naṅ du ’dus pa’i phyir ro ||
rab ’byor ’di lta ste dper na | lta bar gyur pa drug cu rtsa gñis (5) po ṅag ni ’jig tshogs la lta ba’i naṅ du ’dus so ||
rab ’byor de bźin du pha rol tu phyin pa thams cad kyaṅ śes rab kyi pha rol tu phyin pa zab mo ’di’i naṅ du ’dus so ||
rab ’byor ’di lta ste dper na | mi ’chi ba’i dus byas pa’i srog gi dbaṅ po ’gags na dbaṅ po thams (6) cad kyaṅ ’gag par ’gyur ro ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa la pha rol tu phyin pa thams cad rjes su soṅ ba yin no ||
rab ’byor de lta bas na byaṅ chub sems dpa’ sems dpa’ chen po pha rol tu (7) phyin pa thams cad kyi pha rol tu phyin pa ’gro bar ’dod pas | śes rab kyi pha rol tu phyin pa zab mo ’di la bslab par bya’o ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la slob pa ni sems can thams cad kyi mchog tu ’gyur (249b1) bar slob pa yin no ||
rab ’byor ’di ji sñam du sems | stoṅ gsum gyi stoṅ chen po’i ’jig rten gyi khams na sems can gaṅ dag ’khod pa de dag maṅ ba yin sñam mam | gsol pa | bcom ldan ’das ’dzam bu gliṅ gi sems can ñid kyaṅ maṅ ba lags na | gaṅ dag (2) stoṅ gsum gyi stoṅ chen po’i ’jig rten gyi khams kyi sems can rnams lta smos kyaṅ ci ’tshal te | maṅ lags so ||
bde bar gśegs pa maṅ lags so ||
bka’ stsal pa | rab ’byor stoṅ gsum gyi stoṅ chen po’i ’jig rten gyi khams na sems can gaṅ dag ji sñed pa (3) de dag thams cad sṅa phyi med par mi’i lus thob nas | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par gyur la byaṅ chub sems dpa’ sems dpa’ chen po źig gis ji srid ’tsho’i bar du | de bźin gśegs pa dgra bcom pa yaṅ dag (4) par rdzogs pa’i saṅs rgyas de dag thams cad re re la na bza’ daṅ | bśos daṅ | gzims cha daṅ | gdan daṅ | sñun gyi gsos sman daṅ | yo byad dag gis bsñen bkur byas na rab ’byor ’di ji sñam du sems | byaṅ chub sems dpa’ sems dpa’ chen po de gźi de las (5) bsod nams maṅ du skyed par ’gyur sñam mam | gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldan ’das kyis bka’ stsal pa | rab ’byor de bas kyaṅ rigs kyi bu’am rigs kyi bu mo gaṅ śes rab kyi pha rol tu phyin pa (6) zab mo ’di ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du yid la byed pa de dag ches bsod nams maṅ du skyed par ’gyur ro ||
de ci’i phyir źe na | rab ’byor ’di ltar byaṅ chub sems dpa’ sems dpa’ chen po rnams kyi śes rab kyi (7) pha rol tu phyin pa ni | bla na med pa yaṅ dag par rdzogs pa’i byaṅ chub sgrub pa’i don chen po byed pa’i phyir ro ||
rab ’byor de lta bas na byaṅ chub sems dpa’ sems dpa’ chen po sems can thams cad kyi bla na med par ’gyur bar ’dod pa daṅ | sems can mgon med pa rnams (250a1) kyi mgon du ’gyur ba ’dod pa daṅ | skyabs med pa rnams kyi skyabs su ’gyur bar ’dod pa daṅ | dpuṅ gñen med pa rnams kyi dpuṅ gñen du ’gyur bar ’dod pa daṅ | mun pa can rnams kyi sgron mar ’gyur bar ’dod pa daṅ | saṅs rgyas ñid (2) rjes su thob par ’dod pa daṅ | saṅs rgyas kyi yul du phyirana par ’dod pa daṅ | saṅs rgyas kyi rnam par rol pas rnam par rtse bar ’dod pa daṅ | saṅs rgyas kyi seṅ ge’i sgra sgrogs par ’dod pa daṅ | saṅs rgyas kyi rṅa bo che brduṅ bar ’dod pa daṅ | saṅs rgyas kyi duṅ ’dud (3) bar ’dod pa daṅ | saṅs rgyas kyi chos daṅ ’bel pa’i gtam zer bar ’dod pas śes rab kyi pha rol tu phyin pa zab mo ’di ñid la de ltar bslab par bya’o ||
de ci’i phyir źe na | rab ’byor śes rab kyi pha rol tu phyin pa la slob pa’i byaṅ chub sems dpa’ sems chen (4) pos ni phun sum tshogs pa gaṅ thob par bya ba de dag las mi ’thob pa gaṅ yaṅ med pa’i phyir ro ||
rab ’byor gyis gsol pa | bcom ldan ’das ci ñan thos kyi phun sum tshogs pa yaṅ des thob par bgyi lags sam | bcom ldan ’das raṅ saṅs rgyas kyi phun sum (5) tshogs pa yaṅ des thos par bgyi lags sam | bcom ldan ’das kyis bka’ stsal pa | rab ’byor ñan thos kyi phun sum tshogs pa yaṅ des thob par bya źiṅ raṅ saṅs rgyas kyi phun sum tshogs pa yaṅ des thob par bya mod kyi | de la gnas par mi bya | brten par mi (6) bya ste | śes pa daṅ | mthoṅ bas rnam par bltas nas | śin tu ’da’ bar bya ste | byaṅ chub sems dpa’i skyon med pa la ’jug par bya’o ||
rab ’byor de ltar slob pa’i byaṅ chub sems dpa’ sems dpa’ chen po ni rnam pa thams cad mkhyen pa ñid daṅ ñe bar gyur (7) pa yin te | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
de ltar slob pa’i byaṅ chub sems dpa’ sems dpa’ chen po ni lha daṅ | mi daṅ lha ma yin du bcas pa’i ’jig rten gyi sbyin pa’i gnas su gyur pa yin te | rab ’byor de ltar (250b1) slob pa’i byaṅ chub sems dpa’ sems dpa’ chen po ni gaṅ dag de las gźan pa’i sbyin pa’i gnas | ñan thos daṅ | raṅ saṅs rgyas gaṅ dag ji sñed pa de dag thams cad zil gyis mnan ciṅ | rnam pa thams cad mkhyen pa ñid daṅ ñe bar gyur pa yin no ||
rab (2) ’byor de ltar slob pa’i byaṅ chub sems dpa’ sems dpa’ chen po ni śes rab kyi pha rol tu phyin pa mi gtoṅ źiṅ | śes rab kyi pha rol tu phyin pa la spyod de | śes rab kyi pha rol tu phyin pa daṅ ma bral ba yin no ||
rab ’byor de ltar śes rab kyi pha rol tu phyin pa zab mo ’di (3) la spyod pa’i byaṅ chub sems dpa’ sems dpa’ chen po ni rnam pa thams cad mkhyen pa ñid las yoṅs su mi ñams pa’i chos can du rig par bya ste | ñan thos kyis daṅ | raṅ saṅs rgyas kyis riṅ du byed ciṅ | bla na med pa yaṅ dag par rdzogs pa’i byaṅ chub daṅ ñe bar gyur (4) pa yin no ||
gal te de ’di sñam du ’di ni śes rab kyi pha rol tu phyin pa’o ||
śes rab kyi pha rol tu phyin pa ’di la śes rab kyi pha rol tu phyin pa ’dis rnam pa thams cad mkhyen pa ñid bsgrub par bya’o sñam du sems te | gal te de ltar kun du śes par byed na | śes (5) rab kyi pha rol tu phyin pa la spyod pa ma yin no ||
gal te ’di ni śes rab kyi pha rol tu phyin pa’o ||
śes rab kyi pha rol tu phyin pa ni ’di ni yod do źes bya bar kun du śes pa med pa de | gaṅ gi śes rab kyi pha rol tu phyin par ’gyur ba daṅ | gaṅ gis śes rab kyi pha rol tu phyin par (6) ’gyur ba daṅ | gaṅ śes rab kyi pha rol tu phyin pas ṅes par ’byuṅ źiṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba de lta bu yaṅ mi śes | mi mthoṅ la | gal te yaṅ de ’di sñam du chos kyi dbyiṅs daṅ | de bźin ñid daṅ | yaṅ dag pa’i (7) mtha’ gnas pa’i phyir ’di ni śes rab kyi pha rol tu phyin pa yaṅ ma yin | ’di la śes rab kyi pha rol tu phyin pa yod pa yaṅ ma yin | śes rab kyi pha rol tu phyin pa ’dis chos gaṅ yaṅ ṅes par ’byuṅ bar ’gyur ba yaṅ med do sñam du sems na | rab ’byor de ltar spyod pa’i byaṅ chub (251a1) sems dpa’ sems dpa’ chen po ni śes rab kyi pha rol tu phyin pa la spyod pa yin no | śes rab kyi pha rol tu phyin pa khri brgyad stoṅ pa las | spyod pa’i le’u źes bya ste lṅa bcu rtsa bdun pa’o || ||
de nas lha’i dbaṅ po brgya byin ’di sñam du sems (2) te | ’di la byaṅ chub sems dpa’ sems dpa’ chen po ni sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa (3) daṅ | de bźin du sbyar te saṅs rgyas kyi chos ma ’dres pa bcwo brgyad kyi bar dag la spyod pas kyaṅ | sems can thams cad zil gyis non par ’gyur na | gaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pas lta smos kyaṅ ci dgos | sems can (4) gaṅ dag rnam pa thams cad mkhyen pa ñid la sems ’jug pa de dag kyaṅ rñed pa legs par rñed ciṅ | ’tsho ba legs par ’tsho ba yin nam | gaṅ dag bla na med pa yaṅ dag par rdzogs pa’i byaṅ chub tu sems bskyed pa dag lta smos kyaṅ ci dgos te | sems can gaṅ dag bla na (5) med pa yaṅ dag par rdzogs pa’i byaṅ chub tu sems bskyed pa de dag ni ’dod par bya ba yin no ||
sems can gaṅ dag gis bla na med pa yaṅ dag par rdzogs pa’i byaṅ chub tu sems bskyed pa de dag kyaṅ ’dod par bya ba yin no ||
sñam nas de nas lha’i dbaṅ po brgya byin gyis sa (6) tog man d ra ba dag blaṅs nas | bcom ldan ’das ga la ba der doṅ ste phyin pa daṅ | me tog man d ra ba de dag gis | de bźin gśegs pa dgra bcom pa yaṅ dag par rdzogs pa’i saṅs rgyas la gtor to ||
mṅon par rab tu gtor to ||
mṅon par gtoṅ mṅon (7) par rab tu gtor nas kyaṅ tshig ’di skad ces smras so ||
dge ba’i rtsa ba ’di byaṅ chub sems dpa’ sems dpa’i theg pa pa’i gaṅ zag gaṅ dag bla na med pa yaṅ dag par rdzogs pa’i byaṅ chub la dmigs pa de dag la saṅs rgyas kyi chos rnams yoṅs su rdzogs par gyur cig | rnam (251b1) pa thams cad mkhyen pa ñid kyi chos rnams kyaṅ yoṅs su rdzogs par gyur cig | raṅ byuṅ gi chos ’di dag ñid kyaṅ yoṅs su rdzogs par gyur cig | ’dis zag pa med pa’i chos rnams kyaṅ yoṅs su rdzogs par gyur cig | bcom ldan ’das bdag ni byaṅ chub sems dpa’i theg (2) pa pa’i gaṅ zag gaṅ bla na med pa yaṅ dag par rdzogs pa’i byaṅ chub la yaṅ dag par źugs pa | bla na med pa yaṅ dag par rdzogs pa’i byaṅ chub las slar ldog par ’gyur bar sems skye ba ’ga’ tsam yaṅ skye ba ma mchis lags so ||
bcom ldan ’das bdag ni byaṅ chub sems (3) dpa’ sems dpa’ chen po gaṅ dag byaṅ chub las slar ldog ciṅ | ñan thos sam | raṅ saṅs rgyas su ’gyur bar sems skye ba ’ga’ tsam yaṅ skye ba ma mchis te | gźan du na lha daṅ | mi daṅ | lha ma yin du bcas pa’i ’jig rten gyi don daṅ | sman pa daṅ | bde bar ’tshal ba’i (4) byaṅ chub sems dpa’ dag ni de ltar ’khor ba na rgyu ba’i sdug bsṅal ’di dag mthoṅ nas ’di ltar sems skyed par bgyid de | bdag brgal nas ma brgal ba’i sems can rnams ji ltar bsgral bar bgyi | bdag grol nas ma grol ba’i sems can rnams ji ltar grol bar bgyi bdag (5) phyin nas dbugs ma phyin pa’i sems can rnams ji ltar dbugs dbyuṅ bar bgyi | bdag yoṅs su mya ṅan las ’das nas yoṅs su mya ṅan las ma ’das pa’i sems can rnams ji ltar yoṅs su mya ṅan las bzla bar bgyi źes | bla na med pa yaṅ dag par rdzogs pa’i byaṅ chub tu ’dun (6) pa skyed par bgyid ciṅ | bla na med pa yaṅ dag par rdzogs pa’i byaṅ chub tu smon lam rgya chen po dag kyaṅ ’debs par bgyid lags so ||
bcom ldan ’das rigs kyi bu’am rigs kyi bu mo gaṅ dag theg pa la gsar du źugs pa’i byaṅ chub sems dpa’ sems dpa’ chen po rnams (7) kyi sems bskyed pa la rjes su yi raṅ bar bgyid pa daṅ | yun riṅ du spyad pa’i byaṅ chub sems dpa’ chen po rnams kyi sems bskyed pa la rjes su yi raṅ bar bgyid pa daṅ | phyir mi ldog pa’i byaṅ chub sems dpa’ sems dpa’ chen po rnams kyi sems (252a1) bskyed ba la rjes su yi raṅ bar bgyid pa daṅ | skye ba gcig gis thogs pa’i byaṅ chub sems dpa’ sesama dpa’ chen po rnams kyi sems bskyed pa la rjes su yi raṅ bar bgyid pa de dag gis dge ba’i rtsa ba ji tsam źig skyed par ’gyur lags | de skad ces (2) gsol ba daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka gliṅ chen po bźi pa’i ’jig rten gyi khams ni sraṅ la gźal bas tshad gzuṅ du ruṅ yaṅ srid kyi rjes su yi raṅ ba’i mod las byuṅ ba’i sems bskyed pa de dag gi bsod nams kyi tshad (3) ni de lta ma yin no ||
kau śi ka stoṅ gsum gyi stoṅ chen po’i ’jig rten gyi khams ni sraṅ la gźal bas tshad gzuṅ du ruṅ yaṅ srid kyi | rjes su yi raṅ ba’i mdo las byuṅ ba’i sems bskyed pa de dag gi bsod nams kyi tshad ni de lta ma yin no ||
kau śi ka stoṅ gsum gyi stoṅ chen po’i ’jig rten (4) gyi khams kyi rgya mtsho chen po dag ni skra’i rtse mo brgyar gśags pa’i rtse mos chu’i thigs pa re re nas bcu źiṅ tshad gzuṅ du ruṅ yaṅ srid kyi rjes su yi raṅ ba’i mod las byuṅ ba’i sems bskyed pa de dag gi bsod nams kyi tshad ni de lta ma yin no ||
de skad ces bka’ stsal pa daṅ | bcom ldan (5) ’das la lha’i dbaṅ po brgya byin gyis ’di skad ces gsol to ||
bcom ldan ’das sems can gaṅ dag sems bskyed pa de dag la rjes su yi raṅ bar mi ’gyur ba de dag ni bdud kyi byin gyis brlabs pa lags so ||
bcom ldan ’das sems can gaṅ dag sems bskyed pa de dag la (6) rjes su yi raṅ bar mi ’gyur ba de dag ni bdud kyi phyogs lags so ||
bcom ldan ’das sems can gaṅ dag sems bskyed pa de dag la rjes su yi raṅ bar mi ’gyur ba de dag ni bdud kyi gnas nas śi ’phos pa lags so ||
de ci’i slad du źe na | bcom ldan ’das sems (7) can gaṅ dag sems bskyed pa de dag la rjes su yi raṅ ba mṅon par sgrub ciṅ | bla na med pa yaṅ dag par rdzogs pa’i byaṅ chub tu yoṅs su sṅo bar bgyid pa de dag bdud kyi gnas rnam par ’jig par bgyid pa lags pa’i slad du’o ||
bcom ldan ’das gaṅ dag gis bla na me (252b1) pa yaṅ dag par rdzogs pa’i byaṅ chub tu sems bskyed par ’gyur ba’i sems bskyed pa de dag la ni rjes su yi raṅ bar bgyid pa lags so ||
gaṅ dag gis saṅs rgyas yoṅs su ma btaṅ ba daṅ | chos yoṅs su ma btaṅ ba daṅ | dge ’dun yoṅs sum btaṅ ba de dag gis kyaṅ bskyed (2) ba ’di dag la rjes su yi raṅ bar bgyi’o ||
de dag gis rjes su yi raṅ nas kyaṅ | ci nas kyaṅ gñis su ’du śes su ’gyur ba ma mchis pa daṅ | gñis ma lags pa’i ’du śes su ’gyur ba ma mchis pa de ltar | bla na med pa yaṅ dag par rdzogs pa’i byaṅ chub tu yoṅs su bsṅo bar bgyi’o ||
(3) bcom ldan ’das kyis bka’ stsal pa | kau śi ka de de bźin te | de de bźin no ||
ji skad smras pa de bźin te | kau śi ka gaṅ sems bskyed pa de la rjes su yi raṅ ba de dag ni myur ba ñid du | de bźin gśegs pa dgra bcom pa yaṅ dag par rdzogs pa’i saṅs rgyas rnams mñes par byed (4) par ’gyur źiṅ | mñes par byas nas kyaṅ thugs byuṅ bar byed par mi ’gyur ro ||
de ltar sems bskyed pa la rjes su yi raṅ ba’i mod las byuṅ ba’i dge ba’i rtsa ba daṅ ldan pa de dag ni | gaṅ daṅ gaṅ du skyes pa de daṅ der yaṅ bsti staṅ du bya bar ’gyur | bla mar bya ba daṅ | ri mor bya (5) ba daṅ | mchod par bya bar ’gyur ro ||
nam du yaṅ gzugs yid du mi ’oṅ ba mthoṅ bar mi ’gyur | sgra yid du mi ’oṅ ba thos par mi ’gyur dri yid du mi ’oṅ ba tshor bar mi ’gyur | ro yid du mi ’oṅ ba myoṅ bar mi ’gyur | reg bya yid du mi ’oṅ ba reg par mi ’gyur | chos yid du (6) mi ’oṅ ba rnam par śes par mi ’gyur ro ||
nam du yaṅ saṅs rgyas bcom ldan ’das rnams daṅ ’bral bar mi ’gyur źiṅ | saṅs rgyas kyi źiṅ nas saṅs rgyas kyi źiṅ du ’gro bar ’gyur te | saṅs rgyas bcom ldan ’das de dag la yaṅ bsñen bkur byed par ’gyur źiṅ dge (7) ba’i rtsa ba skyed par yaṅ ’gyur ro ||
de ci’i phyir źe na | kau śi ka ’di ltar rigs kyi bu’am rigs kyi bu mo de dag gi theg pa la gsar du źugs pa’i byaṅ chub sems dpa’ sems dpa’ chen po graṅs med pa dag gis dge ba’i rtsa ba rnams la rjes su yi raṅ ba byas śiṅ | bla (253a1) na med pa yaṅ dag par rdzogs pa’i byaṅ chub tu yoṅs su bsṅos pa daṅ | sa daṅ bo la gnas pa rnams daṅ | sa gñis pa la gnas pa rnams daṅ | sa bcu pa’i bar la gnas pa rnams kyi dge ba’i rtsa ba la rjes su yi raṅ bar byas pa daṅ | skye ba gcig (2) gis thogs pa’i bar gyi byaṅ chub sems dpa’ sems dpa’ sems dpa’ chen po rnams kyi dge ba’i rtsa ba dag la rjes su yi raṅ ba byas śiṅ | bla na med pa yaṅ dag par rdzogs pa’i byaṅ chub tu yoṅs su bsṅos pa’i phyir ro ||
de dag dge ba’i rtsa ba rnam par ’phel ba de dag gis bla na med pa (3) yaṅ dag par rdzogs pa’i byaṅ chub daṅ ñe bar ’gyur ro ||
de dag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas kyaṅ | sems can tshad med | graṅs med | dpag tu med pa gaṅ dag yoṅs su mya ṅan las ’da’ bar byed par ’gyur te | (4) kau śi ka rnam graṅs des na rigs kyi bu daṅ rigs kyi bu mo de dag gis sems daṅ po bskyed pa’i byaṅ chub sems dpa’ sems dpa’ chen po rnams kyi dge ba’i rtsa ba de dag la rjes su yi raṅ źiṅ | bla na med pa yaṅ dag par rdzogs pa’i byaṅ chub tu yoṅs su bsṅo bar bya ste | ci (5) nas kyaṅ sems de la yaṅ ma yin źiṅ | sems gźan la yaṅ ma yin pa de ltar yoṅs su bsṅo bar bya’o ||
byaṅ chub sems dpa’ sems dpa’ chen po spyad pa spyod pa rnams daṅ | phyir mi ldog pa rnams daṅ | skye ba gcig gis thogs pa rnams kyi dge ba’i rtsa ba de dag la (6) yaṅ rjes su yi raṅ źiṅ | bla na med pa yaṅ dag par rdzogs pa’i byaṅ chub tu yoṅs su bsṅo bar bya ste | ci nas kyaṅ sems de la yaṅ ma yin źiṅ | sems gźan la yaṅ ma yin pa de ltar yoṅs su bsṅo bar bya’o ||
de nas bcom ldan ’das la tshe daṅ ldan pa rab ’byor gyis (7) ’di skad ces gsol to ||
bcom ldan ’das ji ltar na sgyu ma lta bu’i sems bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad (253b1) ces bka’ stsal to ||
rab ’byor ’di ji sñam du sems | sgyu ma lta bu’i sems de khyod kyis yaṅ dag par rjes su mthoṅ sñam mam | gsol pa | bcom ldan ’das de ni ma mthoṅ lags te | bcom ldan ’das bdag gis ni sgyu ma daṅ | sgyu ma lta bu’i sems kyaṅ (2) yaṅ dag par rjes su ma mthoṅ lags so ||
bka’ stsal pa | rab ’byor ’di ji sñam du sems | gaṅ la sgyu ma daṅ | sgyu ma lta bu’i sems khyod kyis yaṅ dag par rjes su ma mthoṅ ba’i sems gaṅ yin pa de | bla na med pa yaṅ dag par rdzogs pa’i byaṅ chub mṅon par (3) rdzogs par ’tshaṅ rgya sñam mam gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems sgyu ma daṅ | sgyu ma lta bu’i sems las gźan pa’i chos gaṅ bla na med pa yaṅ dag par rdzogs pa’i byaṅ chub mṅon par rdzogs par (4) ’tshaṅ rgya bar ’gyur ba yaṅ dag par rjes su mthoṅ sñam mam | bcom ldan ’das de ni ma lags te | bcom ldan ’das bdag gis ni sgyu ma daṅ | sgyu ma lta bu’i sems las gźan pa’i chos gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ (5) rgya bar ’gyur ba’i chos de yaṅ dag par rjes su ma mthoṅ lags te | bcom ldan ’das bdag gis chos gźan yaṅ dag par rjes su ma mthoṅ na | chos gaṅ źig mchis źes bgyi ba’am | ma mchis źes bgyid par ñe bar bstan par bgyi | chos gaṅ śin tu dben pa de ni (6) mchis pa’am | ma mchis par mi ’gyur lags te | chos gaṅ śin tu dben pa de ni | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur la | mchis pa ma lags pa’i chos kyaṅ | bla na med pa yaṅ dag par rdzogs pa’i byaṅ (7) chub mṅon par rdzogs par ’tshaṅ rgya bar mi ’gyur lags so ||
de ci’i slad du źe na | bcom ldan ’das ’di ltar gaṅ kun ñon moṅs par ’gyur ba’am | rnam par byaṅ bar ’gyur ba’i chos de dag thams cad ni ma mchis śiṅ mi dmigs pa’i slad du’o ||
de ci’i (254a1) slad du źe na | bcom ldan ’das ’di ltar śes rab kyi pha rol tu phyin pa yaṅ śin tu dben pa lags la | de bźin du sbyin pa’i pha rol tu phyin pa’i bar du yaṅ śin tu dben pa lags śiṅ ṅe bźin du byaṅ chub kyi bar du yaṅ śin tu dben pa lags (2) pa’i slad du ste | chos gaṅ śin tu dben pa de ni bsgom par bgyi ba yaṅ ma lags | rnam par gźig par bgyi pa yaṅ ma lags so ||
śes rab kyi pha rol tu phyin pa ni śin tu dben pa’i slad du | chos gaṅ yaṅ sgrub par mi bgyid lags te | śes rab kyi pha rol tu (3) phyin pa śin tu dben pa lags na | byaṅ chub sems dpa’ sems dpa’ chen po śes rab kyi pha rol tu phyin pa la brten nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar yaṅ ji ltar ’gyur | bla na med pa yaṅ dag par rdzogs pa’i byaṅ chub (4) kyaṅ śin tu dben pa lags na | ji ltar dben pas dben pa rjes su rtogs par ’gyur lags | de skad ces gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor legs so legs so ||
rab ’byor de de (5) bźin no ||
de de bźin te | rab ’byor śes rab kyi pha rol tu phyin pa ni śin tu dben pa yin no ||
bsam gtan gyi pha rol tu phyin pa yaṅ śin tu dben pa yin no ||
rab ’byor de bźin du sbyar te | tshul khrims kyi pha rol tu phyin pa daṅ | sbyin pa’i pha rol tu phyin (6) pa’i bar du yaṅ śin tu dben pa yin no ||
byaṅ chub kyaṅ śin tu dben pa yin no ||
rnam pa thams cad mkhyen pa ñid kyi bar du yaṅ śin tu dben pa yin te | rab ’byor ji ltar śes rab kyi pa rol tu phyin pa śin tu dben pa daṅ | rnam pa thams cad mkhyen pa ñid kyi bar (7) du śin tu dben pa de ltar bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba yaṅ dben pa yin no ||
rab ’byor gal te śes rab kyi pha rol tu phyin pa śin tu dben par ma gyur la | de bźin du sbyar te | rnam pa thams cad mkhyen pa ñid (254b1) kyi bar du yaṅ śin tu dben par ma gyur na | de ni śes rab kyi pha rol tu phyin par yaṅ mi ’gyur la | rnam pa thams cad mkhyen pa ñid kyi bar du yaṅ mi ’gyur ro ||
rab ’byor de lta bas na | ji ltar śes rab kyi pha rol tu phyin pa śin tu dben pa daṅ | rnam pa thams (2) cad mkhyen pa ñid kyi bar du śin tu dben pa de ltar | rab ’byor śes rab kyi pha rol tu phyin pa la brten nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba ma yin la | dben pas kyaṅ dben pa mṅon par rdzogs par ’tshaṅ mi rgya (3) yaṅ | mṅon par rdzogs par ’tshaṅ yaṅ rgya ste | śes rab kyi pha rol tu phyin pa la ma brten par yaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya’o ||
rab ’byor gyis gsol pa | bcom ldan ’das byaṅ chub sems dpa’ sems (4) dpa’ chen po ni don zab mo la spyod pa lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor byaṅ chub sems dpa’ sems dpa’ chen po ni don zab mo dag la spyod pa yin no ||
rab ’byor byaṅ chub sems dpa’ (5) sems dpa’ chen po gaṅ don zab mo la spyod kyaṅ ’di lta ste don de daṅ ñan thos kyisa’ama | raṅ saṅs rgyas kyis mṅon sum du mi byed pha ni dka’ ba byed pa yin no ||
rab ’byor gyis gsol pa bcom ldan ’das bdag gis bcom ldan ’das kyis gsuṅs pa’i don (6) ’tshal ba ltar na | byaṅ chub sems dpa’ sems dpa’ chen po ni dka’ ba bgyid pa ma lags so ||
de ci’i slad du źe na | bcom ldan ’das ’di ltar gaṅ mṅon sum du bgyid pa’i don de yaṅ dmigs su ma mchis la | gaṅ gis mṅon sum du bgyi ba’i śes rab kyi (7) pha rol tu phyin pa de yaṅ dmigs su ma mchis śiṅ | gaṅ mṅon sum du bgyi ba’i chos de yaṅ dmigs su ma mchis pa’i slad du’o ||
bcom ldan ’das chos thams cad dmigs su ma mchis na | gaṅ mṅon sum du bgyis nas bla na med pa yaṅ dag par rdzogs (255a1) pa’i byaṅ chub mṅon par rdzogs par ’tshaṅ rgya bar ’gyur ba’i don gaṅ mṅon sum du bgyi bar ’gyur | śes rab kyi pha rol tu phyin pa gaṅ mṅon sum du bgyi bar ’gyur | chos gaṅ mṅon sum du bgyi bar ’gyur | bcom ldan ’das mi dmigs (2) par spyod pa ’di ni | byaṅ chub sems dpa’i spyod pa lags te | de la spyod pa’i byaṅ chub sems dpa’ sems dpa’ chen po ni chos thams cad la mun pa ma mchis par rjes su ’thob lags so ||
bcom ldan ’das gal te de skad bstan pa na | byaṅ chub sems dpa’ (3) sems dpa’ chen po’i sems mi źum mi ’goṅ źiṅ mi skrag mi dṅaṅ la dṅaṅ bar mi ’gyur na | bcom ldan ’das de ltar spyod pa’i byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa lags te | des ni mtshan ma yaṅ yaṅ dag par (4) rjes su mi mthoṅ | śes rab kyi pha rol tu phyin pa yaṅ yaṅ dag par rjes su mi mthoṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro źes bgyi bar yaṅ yaṅ dag par rjes su mi mthoṅ lags te | bcom ldan ’das (5) byaṅ chub sems dpa’ sems dpa’ chen po śes rab kyi pha rol tu phyin pa la spyod pa de ni ’di sñam du ñan thos kyi sa’am | raṅ saṅs rgyas kyis ni bdag daṅ riṅ la | rnam pa thams cad mkhyen pa ñid ni bdag daṅ ñe ba’o sñam du mi sems lags so ||
bcom ldan ’das (6) ’di lta ste | dper bgyi na | nam mkha’ ni ’di sñam du bdag ni la la daṅ ni ñe’o ||
la la daṅ ni riṅ ṅo sñam du mi sems lags so ||
de ci’i slad du źe na | bcom ldan ’das nam mkha’ la ni bye brag ma mchis la | bcom ldan ’das nam mkha’ la ni rnam par rtog pa (7) ma mchis pa’i slad du’o ||
bcom ldan ’das de bźin du śes rab kyi pha rol tu phyin pa yaṅ ’di sñam du ñan thos kyi sa’am | raṅ saṅs rgyas kyi sa ni bdag daṅ riṅ la | bla na med pa yaṅ dag par rdzogs pa’i byaṅ chub ni ñe ba’o sñam du mi sems lags so ||
de ci’i (255b1) slad du źe na | bcom ldan ’das śes rab kyi pha rol tu phyin pa ni rnam par rtog pa ma mchis pa’i slad du’o ||
bcom ldan ’das ’di lta ste | dper bgyi na | sgyu ma’i skyes bu ni ’di sñam du | sgyu ma daṅ ni bdag daṅ riṅ la | sgyu ma mkhan daṅ ni ñe ba’o źe’am | skye bo’i tshogs (2) ’dus pa ’di dag ni bdag daṅ ñe’o źe’am | riṅ ṅo źes bgyi bar mi sems lags so ||
de ci’i slad du źe na | bcom ldan ’das sgyu ma’i skyes bu la ni rnam par rtog pa ma mchis pa’i slad du’o ||
bcom ldan ’das de bźin du śes rab kyi pha rol tu phyin pa yaṅ (3) ’di sñam du | ñan thos kyi sa’am | raṅ saṅs rgyas kyis ni bdag daṅ riṅ la | bla na med pa yaṅ dag par rdzogs pa’i byaṅ chub ni bdag daṅ ñe ba’o sñam du mi sems lags so ||
bcom ldan ’das ’di lta ste dper bgyi na | gzugs brñan ni ’di sñam du (4) dmigs pa gaṅ gis gzugs brñan byuṅ ba de ni bdag daṅ ñe la | me loṅ ṅam | snod kyi chab der ma byuṅ ba dag ni bdag daṅ riṅ ba’o sñam du mi sems lags so ||
de ci’i slad du źe na | bcom ldan ’das gzugs brñan ni rnam par rtog pa ma mchis pa lags (5) pa’i slad du’o ||
bcom ldan ’das de bźin du byaṅ chub sems dpa’ sems dpa’ chen po śaisa rab kyi pha rol tu phyin pa la spyod pa yaṅ ’di sñam du | ñan thos kyisa’ama | raṅ saṅs rgyas kyi sa ni bdag daṅ riṅ la | bla na med pa yaṅ dag par rdzogs pa’i byaṅ (6) chub ni bdag daṅ ñe ba’o sñam du mi sems lags so ||
de ci’i slad du źe na | bcom ldan ’das śes rab kyi pha rol tu phyin pa yaṅ rtog pa ma mchis pa lags pa’i slad du’o ||
bcom ldan ’das śes rab kyi pha rol tu phyin pa la ni sdug pa’am | mi sdug pa ma mchis (7) lags so ||
de ci’i slad du źe na | de la gaṅ sdug pa’am | mi sdug par ’gyur ba’i raṅ bźin dmigs su ma mchis pa’i slad du’o ||
bcom ldan ’das ’di lta ste | dper bgyi na | de bźin gśegs pa dgra bcom pa yaṅ dag par rdzogs pa’i saṅs rgyas la ni (256a1) sdug pa’am | mi sdug par ’gyur ba gaṅ yaṅ mi mṅa’ lags so ||
bcom ldan ’das de bźin du śes rab kyi pha rol tu phyin pa la yaṅ sdug pa’am | mi sdug par ’gyur ba gaṅ yaṅ ma mchis lags so ||
bcom ldan ’das ’di lta ste dper bgyi (2) na | de bźin gśegs pa dgra bcom pa yaṅ dag par rdzogs pa’i saṅs rgyas kyi ni rnam par rtog pa thams cad spaṅs pa lags so ||
bcom ldan ’das de bźin du śes rab kyi pha rol tu phyin pa yaṅ rnam par rtog pa ma mchis pa’i slad du rnam par rtog pa thams cad (3) spaṅs pa lags so ||
bcom ldan ’das ’di lta ste dper bgyi na | de bźin gśegs pa’i sprul pa ni ’di sñam du | ñan thos kyi sa’am | raṅ saṅs rgyas kyi sa ni bdag daṅ riṅ la bla na med pa yaṅ dag par rdzogs pa’i byaṅ chub ni bdag daṅ ñe ba’o sñam du mi sems (4) lags so ||
de ci’i slad du źe na | bcom ldan ’das de bźin gśegs pa daṅ | de bźin gśegs pa’i sprul pa la ni rnam par rtog pa mi mṅa’ ba’i slad du’o ||
bcom ldan ’das de bźin du byaṅ chub sems dpa’ sems dpa’ chen po śes rab kyi pha rol (5) tu phyin pa la spyod pa yaṅ ’di sñam du ñan thos kyi sa’am | raṅ saṅs rgyas kyi sa ni bdag daṅ riṅ la bla na med pa yaṅ dag par rdzogs pa’i byaṅ chub ni bdag daṅ ñe ba’o sñam du mi sems lags so ||
bcom ldan ’das ’di lta ste dper bgyi na | de bźin gśegs pas (6) sprul pa źig sprul pa mdzad na | de na de ni gaṅ gi slad du sprul pa de’i bgyi ba bgyid kyaṅ sprul pa de mi rtog | rnam par mi rtog lags so ||
bcom ldan ’das de bźin du śes rab kyi pha rol tu phyin pa yaṅ bgyi ba gaṅ gi slad du sgom pa’i bgyi ba de bgyid kyaṅ śes rab kyi (7) pha rol tu phyin pa de ni mi rtog rnam par mi rtog lags so ||
bcom ldan ’das ’di lta ste dper bgyi na | śiṅ mkhan nam | śiṅ mkhan gyi slob ma mkhas pa źig gis bud med kyi gzugs sam | skyes pa’i gzugs sam | glaṅ po che’i gzugs sam | (256b1) glaṅ gi gzugs kyi ’khrul ’khor źig sbyar bar gyur na ’khrul ’khor de ba bgyi ba gaṅ gi slad du bgyis pa’i bgyi ba de bgyid kyaṅ ’khrul ’khor de ni mi rtog rnam par mi rtog lags so ||
bcom ldan ’das de bźin du śes rab kyi pha rol tu phyin pa yaṅ bgyi ba (2) gaṅ gi slad du bsgom pa bgyi ba’i bgyi ba de bgyid kyaṅ śes rab kyi pha rol tu phyin pa de ni mi rtog rnam par mi rtog lags so ||
de nas tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ci śes rab kyi pha rol tu phyin (3) pa ’ba’ źig mi rtog rnam par mi rtog pa yin nam | ’on te bsam gtan gyi pharol tu phyin pa yaṅ mi rtog rnam par mi rtog pa yin la | sbyin pa’i pha rol tu phyin pa’i bar yaṅ mi rtog | rnam par mi rtog pa yin | rab ’byor gyis smras pa | tshe daṅ ldan pa (4) ś ri’i bu sbyin pa’i pha rol tu phyin pa’i bar yaṅ mi rtog | rnam par mi rtog pa yin no ||
ś ri’i bus smras pa tshe daṅ ldan pa rab ’byor ’on ci gzugs kyaṅ mi rtog | rnam par mi rtog par yin la | tshor ba daṅ | ’du śes daṅ | ’du byed rnams daṅ | rnam (5) par śes pa yaṅ mi rtog rnam par mi rtog pa yin nam | tshe daṅ ldan pa rab ’byor ci mig kyaṅ mi rtog rnam par mi rtog pa yin la | rna ba daṅ | sna daṅ | lce daṅ | lus daṅ | yid kyaṅ mi rtog | rnam par mi rtog pa yin nam | tshe daṅ ldan pa rab ’byor ci (6) gzugs kyaṅ | mi rtog rnam par mi rtog pa yin la | sgra daṅ | dri daṅ | ro daṅ | reg bya daṅ | chos kyaṅ mi rtog | rnam par mi rtog pa yin nam | mig gi rnam par śes pa daṅ | yid kyi rnam par śes pa’i bar daṅ | mig gi ’dus te reg pa daṅ | yid (7) kyi ’dus te reg pa’i bar daṅ | mig gi ’dus te reg pa’i rkyen las byuṅ ba’i tshor ba daṅ | yid kyi ’dus te reg pa’i rkyen las byuṅ ba’i tshor ba’i bar yaṅ mi rtog | rnam par mi rtog pa yin nam | tshe daṅ ldan pa rab ’byor ci bsam gtan rnams daṅ | (257a1) tshad med pa rnams daṅ | gzugs med pa’i sñoms par ’jug pa rnams kyaṅ mi rtog | rnam par mi rtog pa yin nam | dran pa ñe bar gźag pa rnams daṅ de bźin du sbyar te | ’phags pa’i lam yan lag brgyad pa’i bar daṅ | stoṅ pa (2) ñid daṅ | mtshan ma med pa daṅ | smon pa med pa’i tiṅ ṅe ’dzin kyaṅ mi rtog | rnam par mi rtog pa yin nam | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen (3) po yaṅ mi rtog | rnam par mi rtog pa yin nam | saṅs rgyas kyi chos ma ’dres pa bcwo brgyad kyi bar daṅ | saṅs rgyas kyaṅ mi rtog | rnam par mi rtog pa yin nam | byaṅ chub kyaṅ mi rtog | rnam par mi rtog pa yin nam | ’dus byas kyi khams daṅ | (4) ’dus ma byas kyi bsam kyaṅ mi rtog | rnam par mi rtog pa yin nam | rab ’byor gyis smras pa | tshe daṅ ldan pa ś ri’i bu chos thams cad kyaṅ mi rtog | rnam par mi rtog pa yin no ||
ś ri’i bus smras pa | tshe daṅ ldan pa rab ’byor gal te | chos thams (5) cad mi rtog | rnam par mi rtog pa yin na | sems can dmyal ba daṅ | dud ’gro’i skye gnas daṅ | gśin rje’i ’jig rten daṅ | lha daṅ mi’i ’gro ba lṅar ’khor ba źes tha dad du dbye ba ’di ci las gyur | rgyud du źugs pa daṅ | saṅs rgyas bcom ldan (6) ’das rnams kyi byaṅ chub ces bya ba’i bar du rab tu dbye ba yaṅ mi las gyur | de skad ces smras pa daṅ | tshe daṅ ldan pa rab ’byor gyis tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu sems can ’di dag ni phyin ci log las byuṅ (7) ba’i lus daṅ | ṅag daṅ yid kyi las mṅon par ’du byed de | gźi de las ’dun pa’i rtsa ba las byuṅ ba’i las kyi rnam par smin pa yoṅs su ’dzin ciṅ mṅon par sgrub par byed do ||
yoṅs su bzuṅ bas rnam par rtog pa las byuṅ ba’i sems can dmyal ba daṅ | (257b1) dud ’gro’i skye gnas daṅ | gśin rje’i ’jig rten daṅ | lha daṅ mi’i ’gro ba dag mṅon par sgrub par byed do ||
tshe daṅ ldan pa ś ri’i bu gaṅ yaṅ khyod ’di skad du rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | (2) raṅ saṅs rgyas źes rab tu dbye ba yaṅ ci las gyur | saṅs rgyas bcom ldan ’das źes bya ba’i bar du rab tu dbye ba yaṅ ci las gyur ces zer ba ni | tshe daṅ ldan pa ś ri’i bu rgyun du du źugs pa daṅ | rgyun du źugs pa’i ’bras bu ni rnam par mi rtog las | rab (3) tu phye ba yin la dgra bcom pa ñid kyi bar daṅ | raṅ saṅs rgyas ñid daṅ | raṅ byaṅ chub kyaṅ rnam par mi rtog pas rab tu phye ba yin no ||
saṅs rgyas kyaṅ rnam par mi rtog pas rab tu phye ba yin la | byaṅ chub kyaṅ rnam par mi rtog pas rab tu phye ba yin no ||
(4) tshe daṅ ldan pa ś ri’i bu de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ’das pa’i dus na byuṅ bar gyur ba’i | saṅs rgyas bcom ldan ’das de dag kyaṅ rnam par rtog pa mi mṅa’ ba rnam par rtog pa daṅ bral ba | rnam par (5) rtog pa spaṅs pa yin la | de bźin du ma byon pa rnams kyaṅ rnam par rtog pa spoṅ bar ’gyur źiṅ | tshe daṅ ldan pa ś ri’i bu de ltar byuṅ ba’i dus kyi saṅs rgyas bcom ldan ’das gaṅ dag de ltar phyogs bcu’i ’jig rten gyi khams dag na | bla na med pa yaṅ dag (6) par rdzogs pa’i byaṅ chub mṅon par rdzogs par saṅs rgyas pa’i saṅs rgyas bcom ldan ’das de dag kyaṅ rnam par rtog pa mi mda’ ba rnams rnam par rtog pa daṅ bral ba rnam par rtog pa spaṅs pa yin te | tshe daṅ ldan pa ś ri’i bu rnam graṅs des na | ’di (7) ltar rnam par mi rtog pa’i de bźin ñid daṅ | yaṅ dag pa’i mtha’i de bźin ñid daṅ | chos kyi dbyiṅs kyi de bźin ñid tshaṅ mar byas nas chos thams cad rnam par rtog pa med par rig par bya’o ||
tshe daṅ ldan pa ś ri’i bu byaṅ chub sems dpa’ sems dpa’ (258a1) chen pos de ltar rnam par mi rtog pa’i śes rab kyi pha rol tu phyin pa la spyad par bya ste | rnam par mi rtog pa’i śes rab kyi pha rol tu phyin pa la spyod na | rnam par mi rtog pa’i chos rnams mṅon par rdzogs par ’tshaṅ rgya bar ’gyur ro ||
śes (2) rab kyi pha rol tu phyin pa khri brgyad stoṅ ba las | rnam par mi rtog pa bstan pa’i dpe brjod pa’i le’u źes bya ste lṅa bcu rtsa brgyad pa’o || ||
śes rab kyi pha rol tu phyin pa khri brgyad stoṅ pa | bam po bźi bdu rtsa gñis pa | de nas tshe daṅ ldan pa ś (3) ri’i bus | tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor kye ma byaṅ chub sems dpa’ sems dpa’ chen po gaṅ śes rab kyi pha rol tu phyin pa ’di la spyod pa de ni sñiṅ po la spyod pa yin no ||
kye ma byaṅ chub sems dpa’ sems (4) dpa’ chen po de ni sñiṅ po la spyod pa yin no ||
de skad ces smras pa daṅ | tshe daṅ ldan pa rab ’byor gyis | tshe daṅ ldan pa ś ri’i bu la ’di skad ces smras so ||
tshe daṅ ldan pa ś ri’i bu kye ma byaṅ chub sems dpa’ sems dpa’ chen po gaṅ śes rab kyi pha rol (5) tu phyin pa la spyod pa de ni sñiṅ po med pa la spyod pa yin no ||
de ci’i phyir źe na | tshe daṅ ldan pa ś ri’i bu ’di ltar śes rab kyi pha rol tu phyin pa daṅ | rnam pa thams cad mkhyen pa ñid kyi bar ni sñiṅ po med pa yin pa’i phyir ro ||
de ci’i phyir źe na | tshe daṅ ldan pa ś (6) ri’i bu ’di ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pas sñiṅ po med pa ñid kyaṅ mi dmigs | yaṅ dag par rjes su mi mthoṅ na | sñiṅ po dmigs par lta ga la ’gyur | de bźin du sbyar te | rnam pa thams cad mkhyen (7) pa ñid kyi bar yaṅ sñiṅ po med pa yin na | sñiṅ po dmigs par lta ga la ’gyur ba’i phyir ro ||
de nas ’dod pa na spyod pa daṅ | gzugs na spyod pa’i lha’i bu rab tu maṅ po dag ’di sñam du sems te | rigs kyi bu ’am rigs kyi bu mo gaṅ dag gis bla na med (258b1) pa yaṅ dag par rdzogs pa’i byaṅ chub tu sems bskyed par gyur pa de dag daṅ | gaṅ dag ji skad bstan pa’i śes rab kyi pha rol tu phyin pa zab mo ’di la spyod pa daṅ | don de la spyod kyaṅ gaṅ mṅon sum du byas pas | ñan thos kyi sa’am | raṅ saṅs rgyas kyi sa la gnas (2) par ’gyur ba’i yaṅ dag pa’i mtha’ mṅon sum du mi byed pa de dag ni phyag bya bar ’os pa yin te | rnam graṅs des na byaṅ chub sems dpa’ sems dpa’ chen po gaṅ dag chos ’di dag mñam pa ñid du mṅon sum du mi byed pa de dag ni phyag bya bar ’os pa yin no sñam mo ||
de (3) nas tshe daṅ ldan pa rab ’byor gyis lha’i bu de dag la ’di skad ces smras so ||
lha’i bu de dag byaṅ chub sems dpa’ sems dpa’ chen po rnams la gaṅ mṅon sum du byas pas | ñan thos kyi sa’am | raṅ saṅs rgyas kyi sa la gnas par ’gyur ba’i chos de dag (4) mñam pa ñid du mṅon sum du mi byed pa ni dka’ ba ma yin gyi | lha’i bu dag de dag gis sems can graṅs med tshad med dpag tu med pa dag | yoṅs su mya ṅan las bzla bar bya’o ||
źes go cha chen po bgos la | gaṅ gdul bar bya ba’i sems can de dag kyaṅ (5) śin tu mi dmigs pa ni dka’ ba yin te | lha’i bu dag de ltar spyod pa’i byaṅ chub sems dpa’ sems dpa’ chen po ni sems can thams cad gdul bar bya’o ||
źes bla na med pa yaṅ dag par rdzogs pa’i byaṅ chub la yaṅ dag par źugs pa yin no ||
gaṅ sems (6) can rnams gdul bar bya’o sñam du sems pa de ni | nam mkha’ gdul bar bya’o sñam du sems pa yin no ||
de ci’i phyir źe na | nam mkha’ dben pa’i phyir | sems can dben par blta ba daṅ | nam mkha’ stoṅ pa’i phyir | sasemasa can stoṅ bar (7) blta ba daṅ | nam mkha’ sñiṅ po med pa’i phyir | sems can sñiṅ po med par blta ba daṅ | nam mkha’ gsog yin pa’i phyir | sems can gsog yin par blta ba’i phyir te | kye ma lha’i bu dag rnam graṅs des na | byaṅ chub sems dpa’ sems dpa’ chen po gaṅ sems (259a1) can med pa rnams kyi ched du go cha gyon par byed pa de dag ni dka’ ba byed pa yin no ||
lha’i bu dag gaṅ sems can rnams kyi ched du go cha bgo bar sems pa de ni nam mkha’ daṅ rtsod par ’dod pa ste | byaṅ chub sems dpa’ sems dpa’ chen (2) po ni go cha de yaṅ bgos la | gaṅ gi don du go cha bgos pa’i sems can de dag kyaṅ mi dmigs so ||
de ci’i phyir źe na | sems can dben pa’i phyir | go cha dben par lta ba’i phyir te | gal te de skad bstan pa na | byaṅ chub sems dpa’ sems dpa’ chen po’i (3) sems źum par mi ’gyur na | śes rab kyi pha rol tu phyin pa la spyod pa yin no ||
de ci’i phyir źe na | gzugs dben pa’i phyir sems can dben par blta ba daṅ | tshor ba daṅ | ’du śes daṅ | ’du byed rnams daṅ | rnam par śes pa dben pa’i phyir sems (4) can dben pa daṅ | gzugs dben pa’i phyir pha rol tu phyin pa rnams dben pa daṅ | de bźin du sbyar te | gzugs dben pa’i phyir | rnam pa thams cad mkhyen pa ñid kyi bar du dben pa’i phyir ro ||
gal te chos thams cad dben pa ñid du bstan pa na | byaṅ chub (5) sems dpa’ sems dpa’ chen po’i sems mi źum mi ’goṅ źiṅ mi skrag mi dṅaṅ la dṅaṅ bar mi ’gyur na | byaṅ chub sems dpa’ sems dpa’ chen po śes rab kyi pha rol tu phyin pa la spyod pa yin no ||
bcom ldan ’das kyis bka’ stsal pa | rab ’byor ci’i phyir (6) byaṅ chub sems dpa’ sems dpa’ chen po śes rab kyi pha rol tu phyin pa la źum par mi ’gyur ba yin | rab ’byor gyis gsol pa | bcom ldan ’das ma mchis pa’i slad du | byaṅ chub sems dpa’ sems dpa’ chen po śes rab kyi pha rol tu phyin pa la źum par (7) mi ’gyur lags so ||
bcom ldan ’das dben pa daṅ | źi ba daṅ ma skyes pa’i slad du | byaṅ chub sems da’apa sems dpa’ chen po śes rab kyi pha rol tu phyin pa la źum par mi ’gyur lags te | bcom ldan ’das de’i slad du | byaṅ chub sems dpa’ sems (259b1) dpa’ chen po śes rab kyi pha rol tu phyin pa la źum par mi ’gyur lags so ||
de ci’i slad du źe na | bcom ldan ’das ’di ltar gaṅ źum par ’gyur ba daṅ | gaṅ gis źum par ’gyur ba daṅ | gaṅ la źum par ’gyur ba’i chos de dag thams cad ma mchis (2) śiṅ mi dmigs pa’i slad du’o ||
bcom ldan ’das gal te te de skad bstan pa na | byaṅ chub sems dpa’ sems dpa’ chen po źum pa ma mchis śiṅ mi skrag la | mi źum mi ’goṅ mi skrag | mi dṅaṅ źiṅ dṅaṅ bar mi ’gyur na śes rab kyi pha rol tu phyin pa la spyod pa (3) lags so ||
de ci’i slad du źe na | bcom ldan ’das ’di ltar gaṅ źum par ’gyur ba daṅ | gaṅ gis źum par ’gyur ba daṅ | gaṅ la źum par ’gyur ba’i chos de dag thams cad dmigs su ma mchis pa’i slad du ste | bcom ldan ’das byaṅ chub sems (4) dpa’ sems dpa’ chen po gaṅ de ltar śes rab kyi pha rol tu phyin pa la spyod pa ni | dbaṅ po daṅ bcas pa’i lha rnams daṅ | tshaṅs pa daṅ bcas pa daṅ | skye dgu’i bdag po daṅ bcas pa’i lha rnams kyis phyag bgyi ba lags so ||
de skad ces gsol pa daṅ | (5) bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’ sems dpa’ chen po gaṅ de ltar śes rab kyi pha rol tu phyin pa la spyod pa ni | dbaṅ po daṅ bcas pa’i lha’i bu rnams daṅ | tshaṅs pa daṅ bcas (6) pa daṅ | skye dgu’i bdag po daṅ bcas pa’i lha rnams ñi tshes phyag bya bar yaṅ ma zad kyi | rab ’byor byaṅ chub sems dpa’ sems dpa’ chen po gaṅ śes rab kyi pha rol tu phyin pa la de ltar spyod pa de la ni kha dog las śin tu ’das pa’i lha’i bu dge rgyas pa rnams daṅ | (7) ’bras bu che ba rnams daṅ | gnas gtsaṅ ma’i ris kyi bar gyi lha’i bu gaṅ yin pa de dag gis kyaṅ phyag byas yin no ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa de la ni | de bźin gśegs pa dgra bcom pa yaṅ (260a1) dag par rdzogs pa’i saṅs rgyas gaṅ dag ’jig rten gyi khams graṅs med dpag tu med pa dag na bźugs te | ’tsho źiṅ gźes pa’i de bźin gśegs pa dgra bcom pa yaṅ dag par rdzogs pa’i saṅs rgyas de dag gis kyaṅ | byaṅ chub sems dpa’ (2) sems dpa’ chen po ’di ni śes rab kyi pha rol tu phyin pa la spyod pa yin no ||
bsam gtan gyi pha rol tu phyin pa yoṅs su rdzogs par byed pa yin no ||
de bźin du sbyar te | rnam pa thams cad mkhyen pa ñid kyi bar du yoṅs su rdzogs par ’gyur ba yin no źes dgoṅs (3) par ’gyur ro ||
rab ’byor byaṅ chub sems dpa’ sems dpa’ chen po gaṅ śes rab kyi pha rol tu phyin pa la spyod ciṅ | saṅs rgyas bcom ldan ’das rnams kyis dgoṅs pa’i byaṅ chub sems dpa’ sems dpa’ chen po de ni saṅs rgyas ñid du źugs pa yin par gzuṅ (4) par bya’o ||
rab ’byor ’jig rten gyi khams gaṅ g’i kluṅ gi bye ma sñed dag na | sems can ji sñed pa de dag thams cad bdud sdig can śa stag tu gyur la | bdud sdig can re res kyaṅ bdud sdig can de sñed cig mṅon par sprul kyaṅ | de dag thams cad kyis byaṅ chub (5) sesama dpa’ sems dpa’ chen po śes rab kyi pha rol tu phyin pa la spyod pa la bar chad bya bar mi nus so ||
rab ’byor chos gñis daṅ ldan pa’i byaṅ chub sems dpa’ sems dpa’ chen po ni bdud sdig can rnams kyis mi thul ba yin te | gñis gaṅ źe na | des chos (6) thams cad la stoṅ pa ñid du rnam par bltas pa daṅ | des sems can thams cad yoṅs su ma btaṅ ba yin te | rab ’byor chos gñis po de dag daṅ ldan pa’i byaṅ chub sems dpa’ sems dpa’ chen po ni bdud sdig can rnams kyis mi thul ba yin no ||
rab ’byor (7) gźan yaṅ chos gñis daṅ ldan pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni bdud sdig can rnams kyis mi thul ba yin te | gñis gaṅ źe na | ji skad smras pa de bźin du byed pa daṅ | saṅs rgyas bcom ldan ’das (260b1) rnams kyis dgoṅs pa yin te | rab ’byor chos gñis po de dag daṅ ldan pa’i byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni bdud sdig can rnams kyis mi thul ba yin no ||
rab ’byor de ltar spyod pa’i byaṅ chub sems dpa’ (2) sems dpa’ chen po’i druṅ du lha’i bu rnams kyaṅ bsñen bkur bya ba daṅ | yoṅs su źu ba daṅ | yoṅs su dri ba’i phyir ñe bar ’gro bar sems śiṅ rigs kyi bu khyed ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
de (3) lta bas na rigs kyi bu khyod ’di lta ste | stoṅ pa ñid kyis gnas pa daṅ | mtshan ma med pas gnas pa daṅ | smon pa med pas gnas pa’i gnas pa de dag gis gnas par gyis śig | de ci’i phyir źe na | rigs kyi bu khyod gnas pa de dag gis gnas na | sems (4) can mgon med pa rnams kyi mgon du ’gyur ba daṅ | sems can skyabs med pa rnams kyi skyabs su ’gyur ba daṅ | sems can rten med pa rnams kyi rten du ’gyur ba daṅ | sems can dpuṅ gñen med pa rnams kyi dpuṅ gñen du ’gyur ba daṅ | sems can (5) gnas med pa rnams kyi gnas su ’gyur ba daṅ | sems can gliṅ med pa rnams kyi gliṅ du ’gyur ba daṅ | sems can mun par gyur pa rnams kyi snaṅ bar ’gyur ba’i phyir ro źes spro ba skyed par ’gyur ro ||
de ci’i phyir źe na | śes rab kyi pha rol tu phyin pa’i (6) gnas pa ’dis gnas pa’i byaṅ chub sems dpa’ sems dpa’ chen po la ni ’jig rten gyi khams graṅs med dpag tu med pa dag na bźugs te | ’tsho źiṅ gźes pa’i saṅs rgyas bcom ldan ’das gaṅ dag dge sloṅ gi dge ’dun gyis yoṅs su bskor ba’i (7) saṅs rgyas bcom ldan ’das de dag kyaṅ byaṅ chub sems dpa’ sems dpa’ chen po gaṅ śes rab kyi pha rol tu phyin pa la de ltar spyod ciṅ | ’di lta ste | śes rab kyi pha rol tu phyin pa’i yon tan gyi yo byad de dag daṅ ldan pa’i byaṅ chub sems dpa’ sems (261a1) dpa’ chen po de dag gi miṅ daṅ | rigs yoṅs su brjod pa’i tshul gyis | chos ston ciṅ ched du brjod pa yaṅ ched du brjod pa mdzad pa’i phyir ro ||
rab ’byor ’di lta ste | dper na | da ltar ṅa byaṅ chub sems dpa’ sems dpa’ chen po rin po che (2) tog gi miṅ yoṅs su brjod pa’i tshul gyis chos ston ciṅ | ched du brjod pa yaṅ ched du brjod pa daṅ | byaṅ chub sems dpa’ sems dpa’ chen po gtsug tor can gyi miṅ yoṅs su brjod pa’i tshul gyis | chos ston ciṅ ched du brjod pa yaṅ ched du brjod par daṅ ṅa byaṅ chub (3) sems dpa’ sems dpa’ chen po gaṅ dag bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa’i druṅ du tshaṅs par spyad pa spyod ciṅ | śes rab kyi pha rol tu phyin pa ’di daṅ ma bral ba’i byaṅ chub sems dpa’ sems (4) dpa’ chen po de dag gi miṅ yoṅs su brjod pa’i tshul gyis chos ston ciṅ ched du brjod pa yaṅ ched du brjod pa bźin no ||
rab ’byor śar phyogs na saṅs rgyas bcom ldan ’das gaṅ dag bźugs te | ’tsho źiṅ gźes la chos kyaṅ ston pa’i saṅs rgyas bcom ldan ’das (5) de dag kyaṅ de na byaṅ chub sems dpa’ sems dpa’ chen po gaṅ dag ’di ltar tshaṅs par spyad pa spyod pa de dag la dga’ bar mdzad pa’i tshul gyis chos ston ciṅ ched du brjod pa yaṅ ched du brjod pa mdzad do ||
de bźin du lho daṅ | nub daṅ | byaṅ daṅ | steṅ daṅ | ’og (6) daṅ | phyogs mtshams kyis ’jig rten gyi khams dag na | saṅs rgyas bcom ldan ’das gaṅ dag bźugs te | ’tsho źiṅ gźes la chos kyaṅ ston pa’i saṅs rgyas bcom ldan ’das de dag kyaṅ de na byaṅ chub sems dpa’ sems dpa’ chen po gaṅ dag tshaṅs par (7) spyad pa spyod ciṅ śes rab kyi pha rol tu phyin pa ’di daṅ ma bral ba de dag la dga’ bar mdzad pa’i tshul gyis chos ston ciṅ ched du brjod pa yaṅ ched du brjod par mdzad do ||
rab ’byor byaṅ chub sems dpa’ sems dpa’ chen po gaṅ dag sems daṅ po bskyed pa nas bzuṅ ste | (261b1) byaṅ chub kyi lam yoṅs su rdzogs par byed pa daṅ | rnam pa thams cad mkhyen pa ñid thob par byed pa’i bar de dag la yaṅ saṅs rgyas bcom ldan ’das rnams kyis dga’ bar mdzad pa’i tshul gyis chos ston ciṅ ched du brjod pa yaṅ ched du brjod par mdzad do ||
de ci’i (2) phyir źe na | rab ’byor byaṅ chub sems dpa’ sems dpa’ sems dpa’ chen po gaṅ dag de ltar saṅs rgyas kyi tshul rgyun mi chad pa’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di (3) skad ces gsol to ||
bcom ldan ’das saṅs rgyas bcom ldan ’das de dag byaṅ chub sems dpa’ sems dpa’ chen po slar ldog pa’am | slar mi ldog pa gaṅ dag gi miṅ yoṅs su brjod ciṅ dga’ bar mdzad pa’i tshul gyis chos ston par mdzad lags | de skad ces (4) gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa gaṅ dag phyir mi ldog pa dag kyaṅ yod | byaṅ chub sems dpa’ sems dpa’ (5) chen po śes rab kyi pha rol tu phyin pa la spyod pa luṅ ma bstan pa dag kyaṅ yod de | de dag la saṅs rgyas bcom ldan ’das de dag dga’ bar mdzad pa’i tshul gyis chos ston ciṅ ched du brjod pa yaṅ ched du brjod pa mdzad do ||
rab ’byor gyis gsol pa | bcom ldan ’das de (6) dag gaṅ lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po gaṅ dag byaṅ chub sems dpa’i spyad pa spyod pa na | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mi (7) ’khrugs pa’i rjes su slob pa’i tshul gyis spyod pa de dag ni | rab ’byor phyir mi ldog pa’i byaṅ chub sems dpa’ sems dpa’ chen po yin te | de dag la saṅs rgyas bcom ldan ’das de dag dga’ bar mdzad pa’i tshul gyis chos ston ciṅ ched du brjod pa yaṅ ched du brjod (262a1) bar mdzad do ||
rab ’byor byaṅ chub sems dpa’ sems dpa’ chen po gaṅ dag byaṅ chub sems dpa’ sems dpa’ chen po rin po me tog gi rjes su slob pa’i tshul gyis byaṅ chub sems dpa’i spyad pa spyod pa de dag la yaṅ saṅs rgyas bcom ldan ’das de (2) dag dga’ bar mdzad pa’i tshul gyis chos ston ciṅ chen du brjod pa yaṅ ched du brjod par mdzad do ||
rab ’byor gźan yaṅ byaṅ chub sems dpa’ sems dpa’ chen po gaṅ śes rab kyi pha rol tu phyin pa la spyod ciṅ chos thams cad skye ba med par mos kyaṅ mi skye ba’i chos la (3) bzod pa ma thob pa dag daṅ | chos thams cad stoṅ pa źes bya bar mos kyaṅ mi skye ba’i chos la bzod pa ma thob pa dag daṅ | chos thams cad źi ba źes bya bar mos pa daṅ | chos thams cad ’dod chags daṅ bral ba źes bya ba daṅ | gsog ces bya ba daṅ | a ma (4) brla źes bya ba daṅ | sñiṅ po med pa źes bya bar mos kyaṅ | mi skye ba’i chos la bzod pa ma thob pa’i byaṅ chub sems dpa’ sems dpa’ chen po de dag la | rab ’byor saṅs rgyas bcom ldan ’das de dag dga’ bar mdzad pa’i tshul gyis chos ston ciṅ ched du brjod pa yaṅ ched du (5) brjod par mdzad do ||
rab ’byor saṅs rgyas bcom ldan ’das rnams kyis | byaṅ chub sems dpa’ sems dpa’ chen po gaṅ dag gi miṅ ’di yoṅs su brjod pa’i tshul gyis chos ston pa daṅ | dga’ bar mdzad pa’i tshul gyis chos ston ciṅ ched du brjod pa yaṅ ched du (6) brjod par mdzad pa’i byaṅ chub sems dpa’ sems dpa’ chen po de dag ni rab ’byor ñan thos kyis daṅ | raṅ saṅs rgyas kyis yoṅs su spaṅs śiṅ bla na med pa yaṅ dag par rdzogs pa’i byaṅ chub tu luṅ bstan par ’gyur ba yin no ||
rab ’byor saṅs rgyas bcom ldan (7) ’das rnams kyis byaṅ chub sems dpa’ sems dpa’ chen po gaṅ dag śes rab kyi pha rol tu phyin pa la spyod pa dag gi miṅ yoṅs su brjod pa’i tshul gyis chos ston ciṅ ched du brjod pa yaṅ ched du brjod par mdzad pa’i byaṅ chub sems dpa’ sems dpa’ chen po de dag ni phyir (262b1) mi ldog pa ñid la gnas par ’gyur źiṅ de la gnas nas rnam pa thams cad mkhyen pa ñid thob par ’gyur ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa zab mo thos nas | ’di ni de bźin gśegs pa dgra bcom pa (2) yaṅ dag par rdzogs pa’i saṅs rgyas kyis ci skad gsuṅs pa de bźin no ||
źes nem nur med ciṅ the tshom mi za la rmoṅs par mi ’gyur na | des ni phyis kyaṅ de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa daṅ | byaṅ chub (3) sems dpa’i theg pa pa’i theg pa pa’i rigs kyi bu de dag las ’di ñid rgya cher thos par ’gyur te | byaṅ chub sems dpa’i theg pa pa’i rigs kyi bu de yaṅ śes rab kyi pha rol tu phyin pa ’di la mos pa ’byuṅ bar ’gyur źiṅ | śes rab kyi pha rol tu phyin pa zab mo ’di la mos pa na ’di (4) ni de bźin gśegs pas ji skad gsuṅs pa de bźin no ||
źes mos śiṅ phyir mi ldog pa ñid la gnas par ’gyur te | rab ’byor śes rab kyi pha rol tu phyin pa thos pa yaṅ byaṅ chub sems dpa’ sems dpa’ chen po rnams la de ltar gces spras byed pa yin na | gaṅ mos (5) śiṅ mos nas kyaṅ de bźin ñid du gnas śiṅ de bźin ñid du sgrub par byed pa daṅ | de bźin ñid du gnas śiṅ de bźin ñid du bsgrubs nas | rnam pa thams cad mkhyen pa ñid la gnas par ’gyur ba lta smos kyaṅ ci dgos | rab ’byor gyis gsol pa | bcom (6) ldan ’das gaṅ de bźin ñid du gnas śiṅ | de bźin ñid du bsgrubs na | chos gaṅ yaṅ dmigs par mi ’gyur ba lags na | ji ltar rnam pa thams cad mkhyen pa ñid la gnas par ’gyur ba lags | bcom ldan ’das de bźin gśegs pa’i sprul pa źes bgyi (7) ba’i chos gaṅ yaṅ dmigs su ma mchis na su źig de bźin ñid la gnas par ’gyur | su źig de bźin ñid la gnas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur | su źig de bźin ñid la gnas nas chos ston par (263a1) ’gyur te | de bźin ñid kyaṅ dmigs su ma mchis lags na | su źig de bźin ñid la gnas par ’gyur ba daṅ | de bźin ñid la gnas nas | bla na med pa yaṅ dag par rdzogs pa’i byaṅ chub mṅon par rdzogs pa’i byaṅ chub mṅon par rdzogs (2) par ’tshaṅ rgya bar ’gyur ba daṅ | de bźin ñid la gnas nas chos ston par ’gyur ba lta smos kyaṅ ci ’tshal te | de ni gnas ma mchis lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab (3) ’byor khyod ’di skad du | de bźin gśegs pa’i sprul pa źes bgyi ba’i chos gaṅ yaṅ ma mchis na | su źig de bźin ñid la gnas par ’gyur | su źig de bźin ñid la gnas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar (4) ’gyur | su źig de bźin ñid la gnas nas chos ston par ’gyur te | de bźin ñid kyaṅ dmigs su ma mchis lags na | su źig de bźin ñid la gnas pa daṅ | de bźin ñid la gnas nas bla na med pa yaṅ dag par rdzogs pa’i byaṅ chub mṅon par rdzogs par (5) ’tshaṅ rgya bar ’gyur ba daṅ | de bźin ñid la gnas nas | chos ston par ’gyur ba lta smos kyaṅ ci ’tshal te | de ni gnas ma mchis lags so ||
źes zer ba ni | rab ’byor de de bźin te | de de bźin no ||
ji skad smras pa de bźin te | rab ’byor de bźin (6) ñid la gtogs par chos gaṅ yaṅ dmigs su med na | gaṅ źig de bźin ñid la gnas pa daṅ | gaṅ źig de bźin ñid la gnas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba daṅ | gaṅ źig de bźin ñid la (7) gnas nas chos ston par ’gyur te | de bźin ñid kyaṅ dmigs su med na | gaṅ de bźin ñid la gnas par ’gyur ba daṅ | de bźin du sbyar te | de bźin ñid la gnas nas | chos ston par ’gyur ba’i bar dag lta ci smos te | de ni gnas med do ||
de ci’i phyir (263b1) źe na | rab ’byor de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | de bźin ñid daṅ | ma nor bde bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa (2) ñid daṅ | chos skyon med pa ñid daṅ | yaṅ dag pa’i mtha’ ’di ni gnas pa ñid kyi pyir | rab ’byor gaṅ de bźin ñid de la gnas pa su yaṅ med | de bźin ñid la gnas nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur (3) ba yaṅ med | de bźin ñid la gnas nas chos ston par ’gyur ba yaṅ med do ||
de ci’i phyir źe na | ’di ltar de bźin ñid la ni gaṅ de bźin ñid la gnas par ’gyur ba daṅ | gaṅ de bźin ñid la gnas nas | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya (4) bar ’gyur ba daṅ | gaṅ de bźin ñid la gnas nas chos ston par ’gyur ba dmigs su med pa’i phyir te | de ltar de bźin ñid kyaṅ dmigs su med pas | de la skye ba yaṅ dmigs su med | ’ji pa yaṅ med | gnas pa yaṅ med | gźan du ’gyur ba yaṅ med (5) de | de’i phyir chos de la skye ba dmigs su med pa daṅ | ’jig pa med pa daṅ | gnas pa med pa daṅ | gźan du ’gyur ba med pas na | su źig de la gnas par ’gyur | su źig de la gnas nas bla na med pa yaṅ dag par rdzogs pa’i byaṅ chub mṅon par rdzogs (6) par ’tshaṅ rgya bar ’gyur | su źig de la gnas nas chos ston par ’gyur te | de ni gnas med do ||
de nas bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das śes rab kyi pha rol tu phyin pa ’di ni zab pa lags te | bcom (7) ldan ’das byaṅ chub sems dpa’ sems dpa’ chen po gaṅ dag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal ba dag ni dka’ ba bgyid pa lags so ||
de ci’i slad du źe na | bcom ldan ’das gaṅ yaṅ de bźin ñid la (264a1) gnas pa su yaṅ ma mchis śiṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba yaṅ gaṅ yaṅ ma mchis la | chos ston pa yaṅ gaṅ yaṅ ma mchis kyaṅ | de la źum par yaṅ mi ’gyur | de la nem nur yaṅ mi bgyid | (2) rmoṅs par yaṅ mi ’gyur ba’i slad du’o ||
de nas tshe daṅ ldan pa rab ’byor gyis lha’i dbaṅ po brgya byin la ’di skad ces smras so ||
kau śi ka gaṅ khyod ’di skad du byaṅ chub sems dpa’ sems dpa’ chen po gaṅ dag chos zab mo rnams la nem nur med ciṅ rmoṅs pa med pa ni (3) dka’ ba byed pa yin no źes zer ba ni | kau śi ka chos thams cad stoṅ pa ñid yin pas na | de la su źig nem nur ram rmoṅs par ’gyur | de skad ces smras pa daṅ | lha’i dbaṅ po brgya byin gyis gnas brtan rab ’byor la ’di skad ces smras so ||
gnas brtan rab ’byor ni (4) gaṅ ci ston kyaṅ de thams cad stoṅ pa ñid las brtsams śiṅ ston te | ci la yaṅ chags pa med do ||
’di lta ste dper na | mda’ nam mkha’ la ’phaṅs pa ni gaṅ du yaṅ chags pa med do ||
de bźin du gnas brtan rab ’byor gyis chos bstan pa yaṅ gaṅ du yaṅ (5) chags pa med do ||
śes rab kyi pha rol tu phyin pa khri brgyad stoṅ pa las | chags pa med pa’i le’u źes bya ste lṅa bcu rtsa dgu pa’o || ||
de nas bcom ldan ’das la lha’i dbaṅ po brgya byin gyis ’di skad ces gsol to ||
bcom ldan ’das bdag (6) gis de skad smras śiṅ | de skad bstan pa bcom ldan ’das kyis gsuṅs pa’i rjes su smra źiṅ chos smra ba daṅ | chos kyi rjes su ’thun pa’i chos yaṅ dag par brjod pa lags sam | bcom ldan ’das kyis bka’ stsal pa | kau śi ka gaṅ khyod kyis de skad (7) smras śiṅ de skad bstan pa ni | de bźin gśegs pas gsuṅs pa’i rjes su smra źiṅ chos smra ba daṅ | chos kyi rjes su ’thun pa’i chos brjod pa yin no ||
brgya byin gyis gsol pa | bcom ldan ’das ji tsam du gnas brtan rab ’byor gyis spobs pa de (264b1) thams cad ni stoṅ pa ñid las brtsams śiṅ spobs pa daṅ | mtshan ma ma mchis pa daṅ | smon pa ma mchis pa las brtsams śiṅ spobs pa daṅ | dran pa ñe bar gźag pa rnams daṅ | byaṅ chub kyi bar las brtsams śiṅ spobs pa ste ṅo mtshar lags so ||
(2) de skad ces gsol pa daṅ | bcom ldan ’das kyis lha’i dbaṅ po brgya byin la ’di skad ces bka’ stsal to ||
kau śi ka rab ’byor ’di ni stoṅ pa ñid kyis gnas pas na | sbyin pa’i pha rol tu phyin pa ñid kyaṅ mi dmigs na | gaṅ dag sbyin pa’i pha rol tu phyin pa la (3) spyod pa lta smos kyaṅ ci dgos | de bźin du sbyar te | śes rab kyi pha rol tu phyin pa ñid kyaṅ mi dmigs na | gaṅ dag śes rab kyi pha rol tu phyin pa la spyod pa la spyod pa lta smos kyaṅ ci dgos | dran pa ñe bar gźag pa rnams ñid kyaṅ mi dmigs na gaṅ dag dran pa ñe bar gźag (4) pa rnams sgom pa lta smos kyaṅ ci dgos | de bźin du sbyar te | lam ñid kyi bar yaṅ mi dmigs na | gaṅ dag lam sgom par ’gyur ba lta smos kyaṅ ci dgos | de bźin du sbyar te | bsam gtan daṅ | tshad med pa daṅ | rnam par thar pa daṅ | tiṅ ṅe (5) ’dzin daṅ | sñoms par ’jug pa ñid kyaṅ mi dmigs na | gaṅ dag bsam gtan daṅ | tshad med pa daṅ | rnam par thar pa daṅ | tiṅ ṅe ’dzin daṅ | sñoms par ’jug pa sgom pa lta smos kyaṅ ci dgos | stobs rnams ñid kyaṅ mi dmigs na | gaṅ (6) dag stobs rnams la sgom pa lta smos kyaṅ ci dgos | mi ’jigs pa rnams ñid kyaṅ mi dmigs na | gaṅ dag mi ’jigs pa rnams mṅon par sgrub pa lta smos kyaṅ ci dgos ||
so so yaṅ dag par rig pa rnams ñid kyaṅ mi dmigs na | gaṅ dag so so yaṅ dag (7) par rig pa rnams mṅon par sgrub pa lta smos kyaṅ ci dgos | byams pa chen po ñid kyaṅ mi dmigs na | gaṅ dag byams pa chen po la gnas par ’gyur ba lta smos kyaṅ ci dgos | sñiṅ rje chen po ñid kyaṅ mi dmigs na | gaṅ dag sñiṅ rje chen po la gnas par (265a1) ’gyur ba lta smos kyaṅ ci dgos | saṅs rgyas kyi chos ma ’dres pa rnams ñid kyaṅ mi dmigs na | gaṅ dag saṅs rgyas kyi chos ma ’dres pa rnams mṅon par sgrub pa lta smos kyaṅ ci dgos | byaṅ chub ñid kyaṅ mi dmigs na | gaṅ dag byaṅ chub mṅon (2) par rdzogs par ’tshaṅ rgya bar ’gyur ba lta smos kyaṅ ci dgos | rnam pa thams cad mkhyen pa ñid kyaṅ mi dmigs na | gaṅ dag rnam pa thams cad mkhyen pa ñid thob par ’gyur ba lta smos kyaṅ ci dgos | de bźin gśegs pa ñid kyaṅ mi dmigs na | gaṅ dag de (3) bźin gśegs par ’gyur ba lta smos kyaṅ ci dgos | skye ba med pa ñid kyag mi dmigs na | gaṅ dag skye ba med pa mṅon sum du byed par ’gyur ba lta smos kyaṅ ci dgos | mtshan rnams ñid kyaṅ mi dmigs na | gaṅ dag gi lus la mtshan rnams ’byuṅ bar ’gyur ba lta (4) smos kyaṅ ci dgos | dpe byad bzaṅ po rnams ñid kyaṅ mi dmigs na | gaṅ dag gi lus la dpe byad bzaṅ po rnams ’byuṅ bar ’gyur ba lta smos kyaṅ ci dgos | de ci’i phyir źe na | kau śi ka dge sloṅ rab ’byor ni chos thams cad dben pa la gnas pa yin la | kau śi (5) ka dge sloṅ rab ’byor ni dmigs pa med pa la gnas pa daṅ | stoṅ pa ñid la gnas pa daṅ | mtshan ma med pa la gnas pa daṅ | smon pa med pa la gnas pa yin pa’i phyir ro ||
kau śi ka dge sloṅ rab ’byor gyi gnas pa ni de lta bu yin te | kau śi ka dge sloṅ rab (6) ’byor gyi gnas pa gaṅ yin pa de ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i gnas pa’i brgya’i char yaṅ ñe bar mi ’gro’o ||
stoṅ gi char yaṅ ñe bar mi ’gro’o ||
’bum gyi char yaṅ ñe bar mi ’gro’o ||
bye ba phrag ’bum (7) gyi char yaṅ ñe bar mi ’gro’o ||
graṅs daṅ ba daṅ | bgraṅ ba daṅ | dpe daṅ | rgyur yaṅ ñe bar mi ’gro’o ||
de ci’i phyir źe na | de bźin gśegs pa’i gnas pa ma gtogs par byaṅ chub sems dpa’ sems dpa’ chen po śes rab kyi pha rol tu phyin pa la spyod (265b1) pa’i gnas pa gaṅ yin pa de daṅ | ñan thos daṅ | Raṅa saṅs rgyas rnams kyi gnas pa gaṅ yin pa’i gnas pa de dag gi naṅ na | byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i gnas pa gaṅ yin pa de ni mchog ces bya ba daṅ | thu (2) bo daṅ | khyad par du ’phags pa daṅ | rab daṅ | rab mchog daṅ | gya nom pa daṅ | bla na med pa daṅ | goṅ na med pa źes bya ba yin pa’i phyir ro ||
kau śi ka de lta bas na byaṅ chub sems dpa’ sems dpa’ chen po sems can thams cad kyi mchog tu ’gyur bar ’dod (3) pas ’di lta ste | śes rab kyi pha rol tu phyin pas gnas pa’i gnas pa ’di ñid kyis gnas par bya’o ||
de ci’i phyir źe na | kau śi ka śes rab kyi pha rol tu phyin pa ’di la spyod pa’i byaṅ chub sems dpa’ sems dpa’ chen po ni ñan thos daṅ | raṅ saṅs rgyas kyis (4) las ’da’ źiṅ | byaṅ chub sems dpa’i skyon med pa la ’jug pa daṅ | saṅs rgyas kyi chos thams cad yoṅs su rdzogs par byas nas | rnam pa thams cad mkhyen pa ñid thob pa daṅ | rnam pa thams cad mkhyen pa ñid thob nas kyaṅ de bźin gśegs pa dgra (5) bcom pa yaṅ dag par rdzogs pa’i saṅs rgyas kyi bag chags daṅ | mtshams sbyor ba daṅ | ñon moṅs pa thams cad spaṅs pa thob par ’gyur ba’i phyir ro ||
de nas ’khor de nid las sum cu rtsa gsum pa’i lha rnams kyis me tog mnan d ra ba dag blaṅs nas | bcom (6) ldan ’das la gtor to ||
mṅon par rab tu gtor to ||
de dge sloṅ drug stoṅ yaṅ stan las laṅs te | bla gos phrag pa gcig tu gzar nas pus mo g-yas pa’i lha ṅas la btsugs te | bcom ldan ’das ga la ba de logs su thal mo sbyar (7) ba btud nas | mig mi ’dzums par phyag ’tshal bar ’gyur ro ||
saṅs rgyas kyi mthus de dag gi sñim pa me tog man d ra ba dag gis rab tu gaṅ bar gyur nas | me tog man d ra ba de dag gis | de bźin gśegs pa dgra bcom pa yaṅ dag par rdzogs pa’i saṅs (266a1) rgyas la gtor to ||
mṅon par rab tu gtor to ||
de dag gis gtor | mṅon par gtor | mṅon par rab tu gtor ba’i tshe | tshig ’di skad du bcom ldan ’das dge ba’i rtsa ba ’dis bdag cag gaṅ ñan thos daṅ | raṅ (2) saṅs rgyas thams cad kyi gnas ma lags pa’i gnas pa dam pa ’dis gnas par gyur cig ces kyaṅ smras so ||
de nas bcom ldan ’das kyis dge sloṅ de dag gi bsam pa thugs su chud nas de’i tshe ’dzum pa mdzad do ||
’di ni saṅs rgyas bcom ldan ’das rnams (3) kyi chos ñid de | gaṅ gi tshe bcom ldan ’das ’dzum pa mdzad pa na | bcom ldan ’das kyi źal gyi sgo nas ’od zer kha dog tu ma kha dog sna tshogs ’di lta ste | sṅon po daṅ | ser po daṅ | dmar po daṅ | dkar po daṅ | btsod ka daṅ | śel daṅ | dṅul gyi kha dog (4) lta bu dag byuṅ bar gyur te | de dag gis stoṅ gsum gyi stoṅ chen po’i ’jig rten gyi khams snaṅ bas khyab par byas nas slar log ste | bcom ldan ’das la lan gsum bskor ba byas nas | bcom ldan ’das kyi dbu’i gtsug tu nub par gyur to ||
de nas tshe daṅ (5) ldan pa kun dga’ bo stan las laṅs te | bla gos phrag pa gcig tu gzar nas | pus mo g-yas pa’i lha ṅa sa la btsugs te | bcom ldan ’das ga la ba de logs su thal mo sbyar ba btud nas bcom ldan ’das la ’di skad ces gsol to ||
bcom ldan ’das de (6) bźin gśegs pa dgra bcom pa yaṅ dag par rdzogs pa’i saṅs rgyas rnams ni rgyu ma mchis rkyen ma mchis par ’dzum pa mi mdzad lags na | bcom ldan ’das ’dzum pa mdzad pa’i rgyu ni gaṅ lags | rkyen ni gaṅ lags | de skad ces gsol pa daṅ | bcom ldan ’das (7) kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo dge sloṅ drug stoṅ po ’di dag ni bskal pa skar ma lta bu źes bya ba la | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur te | me tog gtor ba źes bya (266b1) ba’i de bźin gśegs pa dgra bcom pa yaṅ dag par rdzogs pa’i saṅs rgyas śa stag tu ’gyur ro ||
kun dga’ bo de bźin gśegs pa dgra bcom pa yaṅ dag par rdzogs pa’i saṅs rgyas me tog gtor ba źes bya ba de dag gi dge sloṅ gi dge ’dun yaṅ mtshuṅs par ’gyur (2) ro ||
saṅs rgyas kyi źiṅ mtshuṅs par ’gyur ro ||
tshe’i tshad kyaṅ lo stoṅ du mtshuṅs par ’gyur ro ||
de dag gaṅ daṅ gaṅ nas mṅon par ’byuṅ bar ’gyur źiṅ mṅon par byuṅ nas | rab tu ’byuṅ ba dag daṅ | gaṅ daṅ gaṅ du rab tu byuṅ ste | gnas par ’gyur ba de (3) daṅ de dag tu me tog kha dog lṅa pa’i char dag kyaṅ rab tu ’bab par ’gyur ro ||
kun dga’ bo de lta bas na gnas pa dam pas gnas par ’dod pa’i byaṅ chub sems dpa’ sems dpa’ chen pos kyaṅ śes rab kyi pha rol tu phyin pa la spyod par bya’o ||
de bźin gśegs pa’i (4) gnas pas gnas par ’dod pa’i byaṅ chub sems dpa’ sems dpa’ chen pos kyaṅ śes rab kyi pha rol tu phyin pa la spyad par bya’o ||
kun dga’ bo rigs kyi bu’am | rigs kyi bu mo gaṅ la la śes rab kyi pha rol tu pyin pa zab mo ’di la spyod pa’i rigs kyi bu’am | (5) rigs kyi bu mo des ’di ltar bdag ni mi’i naṅ nas śi ’phos te ’dir skyes pa’am | dga’ ldan gyi lha’i ris nas śi ’phos nas ’dir skyes pa yin te mi rnams las śes rab kyi pha rol tu phyin pa zab mo ’di rgya cher thos par gyur pa’am | dga’ ldan gyi ris kyi lha (6) rnams las śes rab kyi pha rol tu phyin pa zab mo ’di rgya cher thos par gyur pa yin no źes des par rtogs par bya’o ||
kun dga’ bo byaṅ chub sems dpa’ sems dpa’ chen po gaṅ śes rab kyi pha rol tu phyin pa zab mo ’di la spyod pa de dag ni de bźin gśegs pas | (7) rnam par gzigs par gyur pa yin no ||
kun dga’ bo rigs kyi bu’am | rigs kyi bu mo gaṅ la la śes rab kyi pha rol tu phyin pa zab mo ’di ñan pa daṅ | thos nas kyaṅ ’dzin pa daṅ | ’chaṅ ba daṅ | klog pa daṅ | kun chub par byed pa daṅ | tshul bźin du (267a1) yid la byed ciṅ | byaṅ chub sems dpa’i theg pa pa’i gaṅ zag rnams la yaṅ śes rab kyi pa rol tu phyin pa zab mo ’di rjes su ston par byed na | kun dga’ bo byaṅ chub sems dpa’i theg pa pa’i rigs kyi bu daṅ rigs kyi bu mo de dag gis ’di sñam du bdag (2) cag gis ni de bźin gśegs pa dgra bcom pa yaṅ dag par rdzogs pa’i saṅs rgyas rnams las śes rab kyi pha rol tu phyin pa zab mo ’di thos śiṅ bzuṅ ba daṅ | bcaṅs pa daṅ | blags pa daṅ | kun chub par byas śiṅ de bźin gśegs pa dgra bcom pa yaṅ dag (3) par rdzogs pa’i saṅs rgyas de dag las dge ba’i rtsa ba bskyed par gyur pa yin no źes ṅes par rtogs par bya’o ||
kun dga’ bo rigs kyi bu daṅ | rigs kyi bu mo de dag gis ’di sñam du bdag cag gis ni ñan thos rnams las | dge ba’i rtsa ba bskyed ba ma yin (4) źiṅ ñan thos rnams las | śes rab kyi pha rol tu phyin pa zab mo ’di thos pa ma yin no ||
źes bya bar rig par bya’o ||
kun dga’ bo rigs kyi bu’am | rigs kyi bu mo gaṅ la la śes rab kyi pha rol tu phyin pa zab mo ’di ñan pa daṅ | ’dzin pa daṅ | ’chaṅ (5) ba daṅ | klog pa daṅ | kun chub par byed ciṅ | don daṅ chos daṅ tshul las rjes su rtog par byed na | kun dga’ bo rigs kyi bu’am | rigs kyi bu mo de dag gis ’di ltar bdag cag ni de bźin gśegs pa dgra bcom pa yaṅ dag par rdzogs pa’i saṅs rgyas (6) mṅon sum du gyur pa yin no źes ṅes par rtogs par bya’o ||
kun dga’ bo rigs kyi bu’am | rigs kyi bu mo gaṅ la la śes rab kyi pha rol tu phin pa zab mo ’di bśad pa thos na | mi spoṅ mi smod ciṅ dad pa thob par ’gyur na | kun dga’ bo rigs kyi bu’am | (7) rigs kyi bu mo de ni sṅon gyi rgyal ba la bya ba lhag par byas śiṅ dge ba’i rtsa ba bskyed pa daṅ dge ba’i bśes gñen gyis yoṅs su zin pa yin par rig par bya’o ||
kun dga’ bo rigs kyi bu’am rigs kyi bu mo gaṅ gis | de bźin gśegs pa dgra bcom pa yaṅ (267b1) dag par rdzogs pa’i saṅs rgyas las dge ba’i rtsa ba bskyed pa yaṅ | ñan thos ñid dam raṅ saṅs rgyas ñid dam | saṅs rgyas ñid du ’gyur ba mi slu mod kyi | kun dga’ bo byaṅ chub sems dpa’ sems dpa’ chen po sbyin pa’i pha rol tu phyin pa la spyod pa daṅ | de bźin (2) du sbyar te | rnam pa thams cad mkhyen pa ñid kyi bar la spyod pas legs par rtogs par bya’o ||
kun dga’ bo byaṅ chub sems dpa’ sems dpa’ chen po sbyin pa’i pha rol tu phyin pa la spyod pa daṅ de bźin du sbyar te | rnam pa thams cad mkhyen pa ñid kyi bar la spyod (3) pas | legs par rtogs par byas pa ni | ñan thos ñid dam | raṅ saṅs rgyas ñid la gnas par mi ’gyur ro ||
kun dga’ bo de lta bas na ṅas śes rab kyi pha rol tu phyin pa zab mo ’di khyod la yoṅs su gtad do ||
kun dga’ bo gal te ṅas chos gaṅ dag bstan (4) pa rnams las | śes rab kyi pha rol tu phyin pa ma gtogs pa’i chos bstan pa de dag thams cad khyod kyis bzuṅ źiṅ kun chub par byas nas de’i ’og tu chud gzan ciṅ | de’i ’og tu spaṅ bar gyur kyaṅ kun dga’ bo ṅa de tsam gyi tshor kyis ni khyod la skyon du mi brtsi’i | (5) kun dga’ bo gal te khyod kyis śes rab kyi pha rol tu phyin pa zab mo ’di bzuṅ nas tshig gcig tsam yaṅ chud gzan par gyur na | kun dga’ bo de tsam gyis ni ṅas khyod la skyon du brtsi’o ||
kun dga’ bo gal te khyod kyis śes rab kyi pha rol tu phyin pa zab mo ’di (6) bzuṅ nas | de’i ’og tu chud ma gzan ma bor na kun dga’ bo de ni ṅas khyod la skyon du mi brtsi ste | kun dga’ bo ṅas śes rab kyi pha rol tu phyin pa zab mo ’di ni khyod la yoṅs su gtad kyis ci nas kyaṅ zuṅ śig | choṅs śig klogs śig | kun chub par gyis śig | (7) rtag tu yid la gyis śig | legs par bzuṅ ba daṅ legs par bcaṅ bar gyis śig | yi ge daṅ tshig daṅ | tshig ’bra legs par rdzogs pa daṅ | ṅes pa’i tshig legs par zin par gyis śig | kun dga’ bo rigs kyi bu ’am rigs bu mo gaṅ la la śes rab (268a1) kyi pha rol tu phyin pa zab mo ’di ’dzin pa daṅ | ’chaṅ ba daṅ klog pa daṅ kun chub par byed pa daṅ | tshul bźin du yid la byed pa des ni ’das pa daṅ | ma byon pa daṅ | de ltar byuṅ ba’i saṅs rgyas bcom ldan ’das rnams kyi byaṅ chub kun gzuṅ bar ’gyur ro ||
(2) kun dga’ bo rigs kyi bu’am rigs kyi bu mo gaṅ la la śes rab kyi pha rol tu phyin pa zab mo ’di ’dzin pa daṅ | rjes su yoṅs su ’dzin pa des ni | ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyi byaṅ chub rjes su yoṅs su gzuṅ bar ’gyur | (3) ro ||
kun dga’ bo rigs kyi bu’am rigs kyi bu mo gaṅ la la da ltar ṅa la mṅon sum du me tog gam | spos sam | me tog phreṅ ṅam | bdug pa’am | byug pa’am | phye ma’am gos sam | gdugs sam | rgyal mtshan nam | bdan dag gis bsti staṅ du byed pa daṅ | (4) bla mar byed pa daṅ | ri mo byed pa daṅ | mchod pa byed par ’dod pa de dag gis kyaṅ śes rab kyi pha rol tu phyin pa zab mo ’di gzuṅ bar bya | bcaṅ bar bya | bklag par bya | kun chub par bya’o ||
bzuṅ źiṅ bcaṅs la blags śiṅ kun chub par byas nas kyaṅ me tog (5) daṅ | spos daṅ | bdug pa daṅ | me tog phreṅ daṅ | byug pa daṅ | phye ma daṅ | gos daṅ gdugs daṅ | rgyal mtshan daṅ | ba dan dag gis śes rab kyi pha rol phyin pa zab mo ’di la bsti staṅ du bya | bla mar bya | ri mo bya | mchod par bya’o ||
śes rab (6) kyi apha rol tu phyin pa la bsti staṅ du byed | bla mar byed | ri mo byed | mchod par byed pa des ni ṅa yaṅ mchod pa yin la | ’das pa daṅ ma byon pa daṅ | da ltar byuṅ ba’i saṅs rgyas bcom ldan ’das rnams la yaṅ mchod pa byas pa yin no ||
kun dga’ bo rigs kyi bu ’am (7) rigs kyi bu mo gaṅ la la śes rab kyi pha rol tu phyin pa zab mo ’di bśad pa la | gus pa daṅ dga’ ba daṅ | dad pa skyed par ’gyur ba des ni ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams la gus pa daṅ | dga’ ba daṅ | (268b1) dad pa daṅ | ri mo bskyed pa yin no ||
kun dga’ bo ga la te khyod ṅa la dga’ ba daṅ | yid du ’oṅ ba daṅ yoṅs su mi gtoṅ ba de ltar khyod kyis śes rab kyi pha rol tu phyin pa zab mo ’di la dga’ ba daṅ | yid du ’oṅ ba daṅ | yoṅs su mi gtoṅ bar gyis la | ci nas kyaṅ khyod (2) kyis śes rab kyi pha rol tu phyin pa zab mo ’di’i tshig gcig tsam yaṅ chud ma zos par gyis śig | kun dga’ bo ṅas khyod la śes rab kyi pha rol tu phyin pa zab mo ’di yoṅs su gdams pa las brtsams te | maṅ du smras pa yaṅ | kun dga’ bo mdor na | ji ltar ṅa khyod kyi (3) ston pa yin pa de ltar śes rab kyi pha rol tu phyin pa zab mo ’di yaṅ khyod kyi ston pa yin gyis | kun dga’ bo de bas na ṅas śes rab kyi pha rol tu phyin pa ’di yoṅs su gtad pa tshad med pas khyod la yoṅs su gtad do ||
kun da’aga bo de lta bas na | ṅas lha daṅ | mi daṅ lha (4) ma yin du bcas pa’i ’jig rten yaṅ spran te | gaṅ gis saṅs rgyas yoṅs su ma btaṅ ba daṅ | chos yoṅs su ma btaṅ ba daṅ | dge ’dun yoṅs su ma btaṅ ba daṅ ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyi byaṅ chub yoṅs su (5) ma btaṅ ba des śes rab kyi pha rol tu phyin pa zab mo ’di yoṅs su mi gtaṅ bar bya ste | ’di ni ṅas rjes su bstan pa yin no ||
kun dga’ bo rigs kyi bu’am rigs kyi bu mo gaṅ la la śes rab kyi pha rol tu phyin pa zab mo ’di ’dzin pa daṅ | ’chaṅ ba daṅ | klog pa daṅ | kun (6) chub par byed pa daṅ | tshul bźin du yid la byed pa daṅ | gźan dag la yaṅ śes rab kyi pha rol tu phyin pa zab mo ’di rnam graṅs du mar rgya cher yaṅ dag par ston par byed pa daṅ | rjod pa daṅ | ’chaṅ ba daṅ | śes par byed pa daṅ | rab tu gźog pa daṅ | rnam par (7) ’grel ba daṅ | rnam par ’byed pa daṅ | gsal bar byed na | kun dga’ bo rigs kyi bu daṅ rigs kyi bu mo de ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya źiṅ | rnam pa thams cad mkhyen pa ñid daṅ yaṅ ñe bar gyur pa yin no ||
(269a1) de ci’i phyir źe na | kun dga’ bo saṅs rgyas bcom ldan ’das rnams kyi bla na med pa yaṅ dag par rdzogs pa’i byaṅ chub ni śes rab kyi pha rol tu phyin pa las ṅes par byuṅ ba yin te | kun dga’ bo de bźin gśegs pa dgra bcom pa yaṅ dag par (2) rdzogs pa’i saṅs rgyas gaṅ dag ’das pa’i dus na byuṅ bar gyur pa’i saṅs rgyas bcom ldan ’das de dag gi bla na med pa yaṅ dag par rdzogs pa’i byaṅ chub kyaṅ śes rab kyi pha rol tu phyin pa las ṅes par byuṅ ba yin la | kun dga’ bo de bźin gśegs pa dgra bcom pa (3) yaṅ dag par rdzogs pa’i saṅs rgyas gaṅ dag ma ’oṅs pa’i dus na ’byuṅ bar ’gyur ba’i saṅs rgyas bcom ldan ’das de dag gis bla na med pa yaṅ dag par rdzogs pa’i byaṅ chub kyaṅ kun dga’ bo śes rab kyi pha rol tu phyin pa las ṅes par ’byuṅ ba yin źiṅ kun dga’ bo (4) de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag da ltar śar phyogs daṅ | lho daṅ nub daṅ | byaṅ daṅ ’og daṅ | steṅ daṅ phyogs mtshams dag na bźugs pa’i saṅs rgyas bcom ldan ’das de dag gi bla na med pa yaṅ dag par rdzogs ’i byaṅ (5) chub kyaṅ kun dga’ bo śes rab kyi pha rol tu phyin pa las ṅes par skyes pa’i phyir ro ||
kun dga’ bo de lta bas na | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas pha rol tu phyin pa drug po (6) ’di dag la bslab par bya’o ||
de ci’i phyir źe na | kun dga’ bo ’di ltar ’di lta ste | pha rol tu phyin pa drug po ’di dag ni | byaṅ chub sems dpa’ sems dpa’ chen po rnams skyed par byed ba yin pa’i phyir ro ||
kun dga’ bo byaṅ chub sems dpa’ sems dpa’ chen po gaṅ (7) dag pha rol tu phyin pa drug la slob pa de dag thams cad ni bla na med pa yaṅ dag par rdzogs pa’i byaṅ chub tu ṅes par ’byuṅ bar ’gyur te | kun dga’ bo de lta bas na pha rol tu phyin pa drug po ’di dag rgya cher yoṅs su gtad pa yin no ||
de ci’i phyir źe na | kun dga’ bo ’di lta ste | śes (269b1) rab kyi pha rol tu phyin pa’i mdzod ’di ni de bźin gśegs pa dgra bcom pa yaṅ dag par rdzogs pa’i saṅs rgyas rnams kyi chos kyi mdzod yin te | de ni mi zad pa’i mdzod yin pa’i phyir ro ||
kun dga’ bo de bźin gśegs pa dgra bcom pa yaṅ dag par rdzogs pa’i saṅs (2) rgyas gaṅ dag śar daṅ | lho daṅ | nub daṅ | byaṅ daṅ | ’og daṅ | steṅ daṅ | phyogs mtshams kyi ’jig rten gyi khams dag na bźugs te | ’tsho źiṅ gźes la chos kyaṅ ston pa’i saṅs rgyas bcom ldan ’das de dag kyaṅ śes rab kyi pha rol tu phyin pa’i mdzod ’di ñid (3) las chos ston par mdzad do ||
kun dga’ bo ’das pa’i dus na | de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag byuṅ bar gyur pa de dag kyaṅ pha rol tu phyin pa drug po ’di ñid la bslabs nas | bla na med pa yaṅ dag par rdzogs pa’i (4) byaṅ chub mṅon par rdzogs par rdzogs par saṅs rgyas so ||
kun dga’ bo gaṅ dag ma ’oṅs pa’i dus na ’byuṅ bar ’gyur ba’i de bźin gśegs pa dgra bcom pa yaṅ dag par rdzogs pa’i saṅs rgyas de dag kyaṅ pha rol tu phyin pa drug po ’di dag ñid la bslabs nas | bla na med pa (5) yaṅ dag par rdzogs pa’i byaṅ chub mṅon par rdzogs par ’tshaṅ rgya źiṅ chos kyaṅ ston par ’gyur ro ||
kun dga’ bo ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyi ñan thos gaṅ dag ji sñed pa de dag thams cad kyaṅ śes rab kyi pha (6) rol tu phyin pa ’di ñid la bslabs nas | yoṅs su mya ṅan las ’das so ||
yoṅs su mya ṅan las ’da’ bar ’gyur ro ||
yoṅs su mya ṅan las ’da’o ||
kun dga’ go gal te khyod kyis ñan thos kyi theg pa pa’i gaṅ zag rnams la ñan thos kyis las brtsams te | chos (7) bstan par gyur la | chos bstan pa des stoṅ gsum gyi stoṅ chen po’i ’jig rten gyi khams kyi sems can de dag thams cad kyis dgra bcom pa ñid mṅon sum du byed par gyur kyaṅ de tsam gyis ni khyod kyis ṅa’i ñan thos kyis ñan thos kyi bya ba byas par gyur pa ma yin gyis | kun (270a1) dga’ bo gal te khyod kyis byaṅ chub sems dpa’ sems dpa’ chen po rnams la śes rab kyi pha rol tu phyin pa daṅ ldan pa’i tshig gcig tsam rab tu bstan na | de ni ñan thos khyod kyis ṅa mñes par byas śiṅ | ñan thos kyis ñan thos kyi bya ba byas pa yin no ||
kun (2) dga’ bo ’di ji sñam du sems | chos bstan pa sṅa ma des stoṅ gsum gyi stoṅ chen po’i ’jig rten gyi khams na sems can gaṅ ji sñed pa de dag thams cad sṅa phyi med par mi’i lus thob par dgra bcom pa ñid mṅon du byas par gyur na | dgra bcom pa de dag gi sbyin pa las byuṅ (3) ba’i bsod nams bya ba’i dṅos po gaṅ yin pa daṅ | tshul khrims las byuṅ ba’i bsod nams bya ba’i dṅos po gaṅ yin pa daṅ | bsgom pa las byuṅ ba’i bsod nams bya ba’i dṅos po gaṅ yin pa’i bsod nams bya ba’i dṅos po de dag maṅ ba yin sñam mam | gsol (4) pa bcom ldan ’das maṅ lags so ||
bde bar gśegs pa maṅ lags so | bka’ stsal pa | kun dga’ bo de lta bas kyaṅ ñan thos kyi theg pa pa’i gaṅ zag gaṅ | byaṅ chub sems dpa’ sems dpa’ chen po la tha na ñi ma gcig tsam | śes rab kyi pha rol tu phyin (5) pa daṅ ldan pa’i chos ston par byed na | de ni bsod nams chos maṅ du skyed par ’gyur ro ||
kun dga’ bo ñi ma gcig lta źog gi | kun dga’ bo gal te ñi ma phyed dam | kun dga’ bo ñi ma phyed lta’aṅ źog gi | gal te sṅa dro gcig tsam mam | kun dga’ bo sṅa dro (6) gcig tsam lta’aṅ źog gi | gal te chu tshor gcig tsam gyi bar ram | kun dga’ bo chu tshod gcig tsam gyi bar lta’aṅ źog gi | gal te ñan thos kyi theg pa pa’i gaṅ zag gaṅ gis byaṅ chub sems dpa’ sems dpa’ chen po la skad cig gam | thaṅ cig gam yud (7) tsam źig gi bar du śes rab kyi pha rol tu phyin pa daṅ ldan pa’i chos bstan par gyur na | kun dga’ bo de ni de bas ches bsod nams maṅ du skyed par ’gyur te | des ni ñan thos kyi theg pa pa daṅ | raṅ saṅs rgyas kyi theg pa pa thams cad kyi dge ba’i rtsa ba zil gyis non par (270b1) ’gyur ro ||
kun dga’ bo gal te byaṅ chub sems dpa’ sems dpa’ chen pos | byaṅ chub sems dpa’i theg pa pa’i gaṅ zag rnams la tha na ñi ma gcig gam | ñi ma phyed dam sṅa dro ’am | chu tshod gcig tsam gyi bar ram skad cig gam | thaṅ cig gam yud tsam źig (2) gi bar du śes rab kyi pha rol tu phyin pa daṅ ldan pa’i chos bstan par gyur na | kun dga’ bo byaṅ chub sems dpa’ sems dpa’ chen po des ni ñan thos kyi theg pa pa daṅ | raṅ saṅs rgyas kyi theg pa pa’i gaṅ zag thams cad kyi dge ba’i rtsa ba zil gyis non par ’gyur ro ||
(3) de ci’i phyir źe na | ’di ltar de ni bdag kyaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod la | gźan dag kyaṅ bla na med pa yaṅ dag par rdzogs pa’i byaṅ chub yaṅ dag par ’dzin du ’jug ciṅ yaṅ dag par ston pa daṅ | yaṅ (4) dag par gzeṅs stoṅ pa daṅ | ’dzud pa daṅ rab tu ’god par byed pa’i phyir ro ||
kun dga’ bo de ltar byaṅ chub sems dpa’ sems dpa’ chen po pha rol tu phyin pa drug la spyod pa daṅ | dran pa ñe bar gźag pa rnams la spyod pa daṅ lam gyi rnam pa śes pa ñid kyi bar la (5) spyod ciṅ | dge ba’i rtsa ba rnams kyis rnam par ’phel ba gaṅ gi phyir | bla na med pa yaṅ dag par rdzogs pa’i byaṅ chub las yoṅs su ñams par ’gyur ba ni gnas ma yin | skabs ma yin te de ni gnas med do ||
śes rab kyi pha rol tu phyin pa ’di bstan pa na | bcom (6) ldan ’das kyi ’khor bźi po daṅ | lha daṅ | mi daṅ | klu daṅ | gnod sbyin daṅ | dri za daṅ | lha ma yin daṅ nam mkha’ ldiṅ daṅ | mi ’am ci daṅ lto ’phye chen po rnams kyi mdun du ’di lta bu’i rdzu ’aprula mṅon par ’du mdzad pa mṅon par ’du mdzad de | ’di lta bu’i rdzu ’phrul (7) mṅon par ’du mdzad pa | mṅon par mdzad pas ’khod de dag gis de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa dge sloṅ gi dge ’dun gyis yoṅs su bskor ciṅ | dge sloṅ gi dge ’dun gyis mdun gyis bltas la | (271a1) ’khor rgya mtsho mi ’khrugs pa thams cad kyaṅ dgra bcom pa zag pa zad pa | ñon moṅs pa med pa dbaṅ du gyur pa | sems śin tu rnam par grol ba | śes rab śin tu rnam par grol ba | caṅ śes pa glaṅ po chen po bya ba byas pa byed ba byas pa khur (2) bor ba | bdag gi don rjes su thob pa srid pa kun tu sbyor ba yoṅs su zad pa | yaṅ dag pa’i śes pas sems śin tu rnam par grol ba | sems thams cad kyi dbaṅ gi dam pa’i pha rol tu son pa śa stag daṅ | byaṅ chub sems dpa’i theg pa pa’i gaṅ zag (3) rnams la chos ston pa mthoṅ bar gyur to ||
de nas bcom ldan ’das kyis rdzu ’phrul de phyir bsdus te | rdzu ’phrul de phyir bsdus pa daṅ | ’khor bźi po de daṅ | ñan thos kyi theg pa pa’i gaṅ zag daṅ | raṅ saṅs rgyas kyi theg pa pa’i gaṅ zag la sogs pa thams (4) cad kyis de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa de yaṅ ma mthoṅ | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa’i saṅs rgyas kyi źiṅ de yaṅ ma mthoṅ (5) saṅs rgyas la sogs pa dge sloṅ gi dge ’dun de dag kyaṅ mig gi dbaṅ po’i spyod yul du mi snaṅ bar gyur to ||
de ci’i phyir źe na | de bźin gśegs pas rdzu ’phrul mṅon par ’du mdzad pa slar bsdu ba mdzad pas de’i phyir ma mthoṅ ṅo ||
de nas bcom ldan ’das (6) kyis tshe daṅ ldan pa kun dga’ bo la bka’ stsal pa | kun dga’ bo khyod kyis de bźin gśegs pa mi ’khrugs pa’i saṅs rgyas kyi źiṅ de daṅ de bźin gśegs pa mi ’khrugs pa de daṅ | dge sloṅ gi dge ’dun de daṅ | byaṅ chub sems dpa’i dge ’dun de dag (7) mthoṅ ṅam | gsol pa bcom ldan ’das saṅs rgyas kyi źiṅ de daṅ | de bźin gśegs pa de daṅ | dge sloṅ gi dge ’dun de daṅ | byaṅ chub sems dpa’i dge ’dun de dag ni mig la du yaṅ mi gda’ lags so ||
bka’ stsal pa | kun dga’ bo de bźin (271b1) du chos thams cad kyaṅ mig lam du mi snaṅ ba yin te | chos la chos mi snaṅ ṅo ||
chos kyis chos mi mthoṅ ṅo ||
ji ltar de bźin gśegs pa dgra bcom pa yaṅ dag par rdzogs pa’i saṅs rgyas mi ’khrugs pa de daṅ | ñan thos de dag daṅ | byaṅ chub sems dpa’i (2) theg pa pa’i gaṅ zag de dag daṅ | saṅs rgyas kyi źiṅ de mig lam du mi snaṅ ba de bźin du | kun dga’ bo chos thams cad kyaṅ mig lam du mi snag ba yin te | chos kyis chos mi mthoṅ ṅo ||
chos kyis chos kun mi śes te | kun dga’ bo chos thams cad ni śes pa (3) med pa mthoṅ ba med pa bya ba la mthu med pa yin no ||
de ci’i phyir źe na | kun dga’ bo chos thams cad ni sñiṅ po med pa’i phyir g-yo ba med pa daṅ | gzuṅ ba med pa yin te | kun dga’ bo chos thams cad g-yo ba med pa daṅ | gzuṅ ba med pas na | bsam gyis mi (4) khyab pa yin te | kun dga’ bo chos thams cad ni sgyu ma’i skyes bu ltar rig pa med pa’i phyir ro ||
kun dga’ bo de ltar spyod pa’i byaṅ chub sems dpa’ sems dpa’ chen po ni | śes rab kyi pha rol tu phyin pa la spyod pa yin te | chos gaṅ la yaṅ mṅon par (5) źen pa med pa yin no ||
kun dga’ bo de ltar slob pa’i byaṅ chub sems dpa’ sems dpa’ chen po ni | śes rab kyi pha rol tu phyin pa la slob pa yin no ||
kun dga’ bo pha rol tu phyin pa thams cad thob par ’dod pa’i byaṅ chub sems dpa’ sems dpa’ chen (6) pos kyaṅ śes rab kyi pha rol tu phyin pa la bslab par bya ste | de ltar slob pa ni mchog ces bya’o ||
thu bo źes bya’o rab ces bya’o ||
bla na med pa daṅ | goṅ na med pa źes bya ste | ’jig rten thams cad la (7) phan pa daṅ | ’jig rten thams cad la bde ba daṅ | mgon med pa rnams kyi mgon byed pa daṅ | saṅs rgyas kyis rjes su gnaṅ ba daṅ | saṅs rgyas kyis bsṅags pa yin te | de la gnas nas de bźin gśegs pa dgra bcom pa yaṅ dag par (272a1) rdzogs pa’i saṅs rgyas rnams kyis stoṅ gsum gyi stoṅ chen po’i ’jig rten gyi khams ’di phyag g-yas pas gyen du bteg ciṅ yaṅ slar gźog kyaṅ sems can de dag gis | ’di ltar stoṅ gsum gyi stoṅ chen po’i ’jig rten gyi khams ’di (2) gyen du bteg pa’am | phyir bźag par yaṅ mi śes so ||
de ci’i phyir źe na | kun dga’ bo saṅs rgyas bcom ldan ’das rnams kyaṅ | śes rab kyi pha rol tu phyin pa ’di ñid la bslabs nas | ’das pa daṅ ma ’oṅs pa daṅ | da ltar byuṅ ba’i chos rnams (3) la chags pa mi mṅa’ ba’i ye śes gzigs pa skyes pa’i phyir ro ||
kun dga’ bo bslab pa gaṅ ji sñed yod pa’i bslab pa de dag thams cad kyi naṅ na | śes rab kyi pha rol tu phyin pa’i bslab pa ’di ni mchog ces bya’o ||
thu bo daṅ | rab daṅ | rab mchog daṅ | (4) gya nom pa daṅ | bla na med pa daṅ | goṅ na med pa źes bya’o ||
kun dga’ bo gaṅ śes rab kyi pha rol tu phyin pa’i tshad dam | mtha’ gzuṅ bar sems pa don nam mkha’i tshad dam mtha’ gzuṅ bar sems par zad do ||
de ci’i phyir źe na | kun dga’ bo śes rab kyi (5) pha rol tu phyin pa ni tshad med pa’i phyir ro ||
kun dga’ bo ṅas ni śes rab kyi pha rol tu phyin pa’i tshad ma bstan te | kun dga’ bo miṅ gi chogs daṅ | tshig gi tshogs daṅ | yi ge’i tshogs dag la ni tshad gzuṅ du yoṅ phyi śes rab kyi pha rol tu phyin pa la ni tshad (6) gzuṅ du med do ||
de skad ces bka’ stsal pa daṅ | bcom ldan ’das la tshe daṅ ldan pa kun dga’ bo ’di skad ces gsol to ||
bcom ldan ’das ci’i slad du | śes rab kyi pha rol tu phyin pa dpag tu ma mchis śiṅ | gźal du ma mchis pa lags | bcom (7) ldan ’das kyis bka’ stsal pa | kun dga’ bo mi zad pa’i phyir śes rab kyi pha rol tu phyin pa tshad med yin no ||
kun dga’ bo dben pa’i phyir śes rab kyi pha rol tu phyin pa tshad med pa yin no ||
kun dga’ bo ’das pa’i dus na | de bźin gśegs pa dgra (272b1) bcom pa yaṅ dag par rdzogs pa’i saṅs rgyas gaṅ dag byuṅ bar gyur pa de dag kyaṅ śes rab kyi pha rol tu phyin pa ’di ñid kyis rab tu bskyed pa yin yaṅ śes rab kyi pha rol tu phyin pa ni zad par ma gyur to ||
kun dga’ bo de bźin gśegs pa dgra bcom pa yaṅ dag par (2) rdzogs pa’i saṅs rgyas gaṅ dag ma ’oṅs pa’i dus na ’byuṅ bar ’gyur ba’i saṅs rgyas bcom ldan ’das de dag kyaṅ | śes rab kyi pha rol tu phyin pa ’di ñid kyis rab tu skyed par ’gyur yaṅ śes rab kyi pha rol tu phyin pa ni zad par mi ’gyur ro ||
kun dga’ bo de (3) bźin gśegs pa dgra bcom pa yaṅ dag par rdzogs pa’i saṅs rgyas gaṅ dag da ltar phyogs bcu’i ’jig rten gyi khams dag na bźugs te ’tsho źiṅ gźes pa’i saṅs rgyas bcom ldan ’das de dag kyaṅ śes rab kyi pha rol tu phyin pa ’di ñid kyis rab tu skyed (4) kyaṅ śes rab kyi pha rol tu phyin pa ni ma zad mi zad zad par mi ’gyur ro ||
de ci’i phyir źe na | kun dga’ bo gaṅ śes rab kyi pha rol tu phyin pa zad par bya bar ’dod pa de ni nam mkha’ zad bar bya bar ’dod du zad de | śes rab kyi pha rol tu phyin pa ni ma zad mi (5) zaṅ zad par mi ’gyur la de bźin du sbyar te | bsam gtan gyi pha rol tu phyin pa daṅ sbyin pa’i pha rol tu phyin pa’i bar yaṅ ma zad mi zad zad par mi ’gyur źiṅ | de bźin du sbyar te rnam pa thams cad mkhyen pa ñid kyi bar yaṅ ma zad mi zad par mi ’gyur te | chos de (6) dag la ni skye ba med la chos gaṅ dag la skye ba med pa de dag la zad par ’gyur ba med pa’i phyir ro ||
de nas bcom ldan ’das kyi źal gyi sgo nas ljags kyi dbaṅ po phyuṅ ste źal gyi dkyil ’khor thams cad ljags kyi dbaṅ pos kun tu khebs par mdzad nas | tshe daṅ ldan pa (7) kun dga’ bo la bka’ stsal pa | kun dga’ bo ’di ji sñam du sems | ljags kyi dbaṅ po ’di lta bu daṅ ldan pa log par gsuṅ źiṅ gźan du gsuṅ bar ’gyur sñam mam | kun dga’ bos gsol pa | bcom ldan ’das de ni ma lags so ||
bde bar gśegs (273a1) pa de ni ma lags so ||
bcom ldan ’das kyis bka’ stsal pa | kun dga’ bo de lta bas na | śes rab kyi pha rol tu phyin pa ’di ’khor bźi po dag la rgya cher ston cig śod cig | khod cig rab tu khod cig | rnam par phye śir | gsal bar gyis śig (2) yaṅ dag par rab tu ston cig | kun dga’ bo ñan thos kyi theg pa pa daṅ | raṅ saṅs rgyas kyi theg pa pa daṅ | byaṅ chub sems dpa’i theg pa pa’i gaṅ zag rnams kyis gaṅ la bslab par bya ba’i chos thams cad śes rab kyi pha rol tu phyin pa zab mo ’di ñid las rgya cher (3) bstan te de la ji skad bstan pa de bźin du slob na | raṅ raṅ gis dag la gnas par ’gyur ro ||
kun dga’ bo śes rab kyi pha rol tu phyin pa zab mo ’di ni yi ge thams cad la ’jug go ||
yi ge med pa thams cad la ’jug go ||
kun dga’ bo śes rab kyi pha rol tu (4) phyin pa zab mo ’di ni gzuṅs kyi sgo gaṅ dag la byaṅ chub sems dpa’ sems dpa’ chen pos bslab par bya ba’i gzuṅs thams cad kyi sgo yin te | gzuṅs de dag ’dzin pa’i byaṅ chub sems dpa’ sems dpa’ chen po rnams ni spobs pa daṅ | so so yaṅ dag par (5) rig pa thams cad thob par ’gyur ro ||
kun dga’ bo śes rab kyi pha rol tu phyin pa ’di ni ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyi dam pa’i chos kyi mdzod mi zad pa yin par ṅas bstan to ||
kun dga’ bo de lta (6) bas na mos par byas śiṅ khoṅ du chud par bya ste | gaṅ śes rab kyi pha rol tu phyin pa zab mo ’di ’dzin pa daṅ | ’chaṅ ba daṅ | klog pa daṅ | kun chub par byed pa de ni ’das pa daṅ ma byon pa daṅ da ltar byuṅ ba’i saṅs rgyas bcom ldan ’das rnams kyi byaṅ chub (7) gzuṅ bar ’gyur ro ||
kun dga’ bo śes rab kyi pha rol tu phyin pa ’di ni gzuṅs yin par ṅas bstan te | khyod kyis śes rab kyi pha rol tu phyin pa’i gzuṅs ’di gzuṅ na | chos thams cad yoṅs su gzuṅ bar ’gyur ro ||
śes rab kyi pha rol tu phyin pa (273b1) khri brgyad stoṅ pa las yoṅs su gtad pa’i le’u źes bya ste drug cu pa’o || ||
śes rab kyi pha rol tu phyin pa khri brgyad stoṅ pa | bam po bźi bcu rtsa gsum pa | de nas tshe daṅ ldan pa rab ’byor ’di sñam du sems te | kye ma de bźin gśegs pa (2) rnams kyi byaṅ chub ’di ni zab ste | bdag gis de bźin gśegs pa la źu gor ma chag go sñam mo ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa mi zad pa lags sam | (3) bka’ stsal pa | rab ’byor nam mkha’ mi zad pa’i phyir | śes rab kyi pha rol tu phyin pa mi zad do ||
gsol pa bcom ldan ’das śes rab kyi pha rol tu phyin pa ji ltar mṅon par bsgrub par bgyi | bka’ stsal pa | rab ’byor gzugs mi zad pa’i phyir źes rab (4) kyi pha rol tu phyin pa mṅon par bsgrub par bya’o ||
rab ’byor tshor ba daṅ | ’du śes daṅ | ’du byed rnams daṅ | rnam par śes pa mi zad pa’i phyir | śes rab kyi pha rol tu phyin pa mo ṅan par bsgrub par bya’o ||
rab ’byor sbyin pa’i pha rol tu phyin pa mi zad pa’i (5) phyir | śes rab kyi pha rol tu phyin pa mṅon par bsgrub par bya’o ||
de bźin du sbyar te | rab ’byor rnam pa thams cad mkhyen pa ñid kyi bar du mi zad pa’i phyir | śes rab kyi pha rol tu phyin pa mṅon par bsgrub par bya’o ||
rab ’byor gzugs daṅ nam mkha’ (6) mi zad pas | byaṅ chub sems dpa’ sems dpa’ chen pos śes rab kyi pha rol tu phyin pa mṅon par bsgrub par bya’o ||
tshor ba daṅ nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
(7) ’du śes daṅ nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
’du byed rnams daṅ | nam mkha’ mi zad pas | byaṅ chub sems dpa’ sems dpa’ chen pos | śes rab (274a1) kyi pha rol tu phyin pa mṅon par bsgrub par bya’o ||
rab ’byor rnam par śes pa daṅ nam mkha’ mi zad pas | byaṅ chub sems dpa’ sems dpa’ chen pos śes rab kyi pha rol tu phyin pa mṅon par bsgrub par bya’o ||
rab ’byor phuṅ po rnams daṅ | (2) nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
de bźin du khams daṅ | nam mkha’ mi zas pa daṅ | skye mched daṅ | nam mkha’ mi zad pas byaṅ chub sems dpa’ sems dpa’ (3) chen pos | śes rab kyi pha rol tu phyin pa mṅon par bsgrub par bya’o ||
rab ’byor rten ciṅ ’brel bar ’byuṅ ba daṅ | nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
rab ’byor ma (4) rig pa daṅ | nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
rab ’byor ’du byed daṅ nam mkha’ mi zad pas | byaṅ chub sems dpa’ sems dpa’ chen pos | śes rab kyi (5) pha rol tu phyin pa mṅon par bsgrub par bya’o ||
rab ’byor rnam par śes pa daṅ | nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
rab ’byor miṅ daṅ | gzugs daṅ nam (6) mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
rab ’byor skye mched drug daṅ nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin (7) pa mṅon par bsgrub par bya’o ||
rab ’byor reg pa daṅ | nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
rab ’byor tshor ba daṅ nam mkha’ mi zad bas | byaṅ chub sems dpa’ (274b1) sems dpa’ chen pos | śes rab kyi pha rol tu phyin pa mṅon par bsgrub par bya’o ||
rab ’byor srid pa daṅ nam mkha’ mi zad pas | byaṅ chub sems dpa’ chen pos śes rab kyi pha rol tu phyin pa la mṅon par bsgrub par bya’o ||
rab ’byor len pa daṅ nam (2) mkha’ mi zad bas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya’o ||
rab ’byor srid pa daṅ | nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par (3) bsgrub par bya’o ||
rab ’byor skye ba daṅ | nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa la mṅon par bsgrub par bya’o ||
rab ’byor rga śi daṅ | mya ṅan daṅ | smre sṅags ’don pa daṅ | sdug bsṅal ba daṅ | yid (4) mi bde ba daṅ | ’khrug pa daṅ nam mkha’ mi zad pas | byaṅ chub sems dpa’ sems dpa’ chen pos | śes rab kyi pha rol tu phyin pa mṅon par bsgrub par bya ste | rab ’byor de ltar byaṅ chub sems dpa’ sems dpa’ chen pos | śes rab kyi pha rol tu phyin pa mṅon (5) par bsgrub par bya’o ||
rab ’byor śes rab kyi pha rol tu phyin pa ’di ni byaṅ chub sems dpa’ sems dpa’ chen po’i rten ciṅ ’brel par ’byuṅ ba la rnam par lta ba daṅ | thog ma daṅ | tha ma rnam par spaṅs pa la rnam par lta ba yin no ||
de ltar rten ciṅ ’brel bar ’byuṅ ba (6) la rnam par lta ba de ni byaṅ chub sems dpa’ sems dpa’ chen po byaṅ chub kyi sñiṅ po la ’dug pa’i ma ’dres pa’i chos yin te | rten ciṅ ’brel par ’byuṅ ba la de ltar lta bas ni rnam pa thams cad mkhyen pa ñid kyi ye śes thob par ’gyur ro ||
rab ’byor byaṅ chub sems dpa’ (7) sems dpa’ chen po śes rab kyi pha rol tu phyin pa la spyod pa gaṅ la la nam mkha’ ltar mi zad pa mṅon par bsgrub pa’i tshul ’dis rten ciṅ ’brel par ’byuṅ ba la rnam par lta ba de ni ñan thos kyi sa’am | raṅ saṅs rgyas kyis la gnas par mi ’gyur te | de ni bla na med pa (275a1) yaṅ dag par rdzogs pa’i byaṅ chub la gnas par ’gyur ro ||
rigs kyi bu’am rigs kyi bu mo byaṅ chub sems dpa’i theg pa ba gaṅ la la phyir ldog par gyur na | des ni śes rab kyi pha rol tu phyin pa yid la byed pa la ma brten pas phyir ldog pa yin te | rab (2) ’byor des ni byaṅ chub sems dpa’ sems dpa’ chen pos śes rab kyi pha rol tu phyin pa la spyod pas | ji ltar nam mkha’ ltar mi zad pa mṅon par bsgrub pas rten ciṅ ’brel bar ’byuṅ ba la rnam par blta bar bya ba daṅ | mṅon par bsgrub par bya ba mi śes so ||
rab (3) ’byor byaṅ chub sems dpa’i theg pa pa’i gaṅ zag gaṅ la la phyir ldog pa de dag ni thabs la mkhas pa ’di la ma brten pas | bla na med pa yaṅ dag par rdzogs pa’i byaṅ chub las phyir ldog par ’gyur ro ||
rab ’byor byaṅ chub sems dpa’ sems dpa’ chen po gaṅ dag bla (4) na med pa yaṅ dag par rdzogs pa’i byaṅ chub las phyir mi ldog pa de dag ni | śes rab kyi pha rol tu phyin pa ’di la brten ciṅ thabs la mkhas pa’i phyir | bla na med pa yaṅ dag par rdzogs pa’i byaṅ chub las phyir mi ldog go ||
de ltar na byaṅ chub sems dpa’ sems (5) dpa’ chen po śes rab kyi pha rol tu phyin pa la spyod pas | nam mkha’ ltar mi zaṅ pa mṅon par bsgrub pas | śes rab kyi pha rol tu phyin pa la rnam par blta bar bya mṅon par bsgrub par bya’o ||
rab ’byor byaṅ chub sems dpa’ sems dpa’ chen po rten ciṅ ’brel (6) par ’byuṅ ba la de ltar rnam par lta bas ni rgyu med par skye ba’i chos gaṅ yaṅ mi mthoṅ ṅo ||
’gag pa rtag pa’i chos gaṅ yaṅ dag par rjes su mi mthoṅ ṅo ||
chos gaṅ yaṅ bdag tu yaṅ dag par rjes su mi mthoṅ źiṅ | sems can daṅ | srog daṅ | skye ba po daṅ | (7) śed lam skyes daṅ | śed bu daṅ | gso ba daṅ | gaṅ zag daṅ | byed pa po daṅ | byed du ’jug pa po daṅ | sloṅ pa po daṅ | kun nas sloṅ pa po daṅ | tshor ba po daṅ | tshor bar byed sa po daṅ | śes ba po daṅ | mthoṅ ba po daṅ | rtag pa daṅ | mi rtag pa daṅ | sdug (275b1) bsṅal ba daṅ | bde ba daṅ | bdag daṅ | źi ba daṅ | źi ba ma yin bar yaṅ dag par rjes su mi mthoṅ ste rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pas rten ciṅ ’brel bar ’byuṅ ba la de ltar rnam par (2) blta bar bya’o ||
rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa de’i tshe | gzugs rtag pa’am | bde ba’am | sdug bsṅal ba’am | bdag yod pa’am | bdag med pa’am | źi ba’am | (3) ma źi bar yaṅ dag par rjes su mi mthoṅ ṅo ||
de bźin du sbyar te | rnam pa thams cad mkhyen pa ñid kyi bar du rtag pa’am | mi rtag pa’am | bde ba’am | sdug bsṅal ba’am | bdag yod pa’am | bdag med pa’am | źi ba’am | ma źi bar yaṅ dag (4) par rjes su mi mthoṅ ṅo ||
rab ’byor gaṅ gi tshe | byaṅ chub sems dpa’ sems dpa’ chen po de śes rab kyi pha rol tu phyin pa la spyod pa de’i tshe | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | śes rab kyi pha rol tu (5) phyin pa yaṅ yaṅ dag par rjes su mi mthoṅ la | gaṅ gis śes rab kyi pha rol tu phyin pa mthoṅ ba’i chos de yaṅ yaṅ dag par rjes su mi mthoṅ ṅo ||
bsam gtan gyi pha rol tu phyin pa daṅ | sbyin pa’i pha rol tu phyin pa’i bar du yaṅ de bźin no ||
de bźin du (6) sbyar te | byaṅ chub kyi bar du yaṅ yaṅ dag par rjes su mi mthoṅ la | chos gaṅ gis byaṅ chub mthoṅ ba’i chos de yaṅ yaṅ dag par rjes su mi mthoṅ ste | rab ’byor byaṅ chub sems dpa’ sems dpa’ chen pos de ltar chos thams cad me dmigs pas | śes (7) rab kyi pha rol tu phyin pa la spyod par bya’o ||
rab ’byor gaṅ gi tshe byaṅ chub sems dpa’ sems dpa’ chen po chos thams cad mi dmigs par śes rab kyi pha rol tu phyin pa la spyod pa de’i tshe | bdud sdig can mya ṅan gyi zug rṅu daṅ ldan par ’gyur te | rab (276a1) ’byor dper na | mi pha ma śi na mya ṅan gyi zug rṅu daṅ ldan par ’gyur źiṅ mya ṅan gyi zug rṅu chen po daṅ ldan par ’gyur ro ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa chos thams cad mi dmigs (2) phan bdud sdig can mya ṅan gyi zug rṅu chen po daṅ ldan par ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdud sdig can gcig pu źig mya ṅan gyi zug rṅu chen po daṅ ldan (3) par ’gyur lags sam | ’on te stoṅ gsum gyi stoṅ chen po’i ’jig rten gyi khams na gnas pa gaṅ lags pa’i bdud sdig can de dag thams cad kyaṅ mya ṅan gyi zug rṅu chen po daṅ ldan par ’gyur źiṅ | raṅ raṅ gi stan la dga’ bar mi ’gyur ba lags | bcom (4) ldan ’das kyis bka’ stsal pa | rab ’byor byaṅ chub sems dpa’ sems dpa’ chen po gaṅ gi tshe | śes rab kyi pha rol tu phyin pa’i gnas pa daṅ mi bral bar gyur pa’i tshe | stoṅ gsum gyi stoṅ chen po’i ’jig rten gyi khams na | bdud sdig can gaṅ dag gnas pa (5) de dag thams cad mya ṅan gyi zug rṅu mi bzad pa daṅ ldan par ’gyur te | raṅ raṅ gi stan la mi dga’ bar ’gyur ro ||
byaṅ chub sems dpa’ sems dpa’ chen po de ltar gnas pa la ni lha daṅ | mi daṅ | lha ma yin du bcas pa’i ’jig rten gyi gzuṅ nas gtse ba’i (6) glags mi rñed do ||
rab ’byor de lta bas na | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas | śes rab kyi pha rol tu phyin pa’i gnas pas gnas par bya’o ||
byaṅ chub (7) sems dpa’ sems dpa’ chen po śes rab kyi pha rol tu phyin pa’i gnas pas gnas pa’i sbyin pa’i pha rol tu phyin pa bsgom pa yoṅs su rdzogs par ’gyur ro ||
de bźin du sbyar te | bsam gtan gyi pha rol tu phyin pa bsgom pa’i bar du yoṅs su rdzogs par ’gyur ro ||
(276b1) byaṅ chub sems dpa’ sems dpa’ chen po chen po śes rab kyi pha rol tu phyin pa la spyod pa’i pha rol tu phyin pa thams cad bsgom pa yoṅs su rdzogs par ’gyur ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub (2) sems dpa’ sems dpa’ chen po śes rab kyi pha rol tu phyin pa la spyod pa’i sbyin pa’i pha rol tu phyin pa bsgom pa ji ltar yoṅs su rdzogs par ’gyur ba lags | tshul khrims kyi pha rol tu phyin pa bsgom pa ji ltar yoṅs su rdzogs par ’gyur ba lags | de bźin du (3) śes rab kyi pha rol tu phyin pa bsgom pa’i bar du ji ltar yoṅs su rdzogs par ’gyur ba lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po (4) sbyin pa sbyin par byed pa ni rnam pa thams cad mkhyen pa ñid du yoṅs su sṅo źiṅ | sbyin pa sbyin par byed de | rab ’byor de ltar na | byaṅ chub sems dpa’ sems dpa’ chen po’i sbyin pa’i pha rol tu phyin pa bsgom pa yoṅs su rdzogs par ’gyur ro ||
rab ’byor ’di la byaṅ chub (5) sems dpa’ sems dpa’ chen po tshul khrims sruṅ ba na | rnam pa thams cad mkhyen pa ñid du yoṅs su sṅo źiṅ tshul khrims sruṅ bar byed de | rab ’byor de ltar na | byaṅ chub sems dpa’ sems dpa’ chen po’i tshul khrims kyi pha rol tu phyin pa bsgom pa yoṅs su rdzogs (6) par ’gyur ro ||
rab ’byor ’di la byaṅ cub sems dpa’ sems dpa’ chen po bzod pa sgrub pa na | rnam pa thams cad mkhyen pa ñid du yoṅs su sṅo źiṅ bzod pa bsgom par byed de | rab ’byor de ltar na byaṅ chub sems dpa’ sems dpa’ chen po’i bzed pa’i pha rol tu phyin pa (7) bsgom pa yoṅs su rdzogs par ’gyur ro ||
rab ’byor byaṅ chub sems dpa’ sems dpa’ chen po brtson ’grus kyi pha rol tu phyin pa ji ltar yoṅs su rdzogs par ’gyur źe na | rab ’byor ’di la byaṅ cub sems dpa’ sems dpa’ chen chen po brtson (277a1) ’grus rtsom pa ni | rnam pa thams cad mkhyen pa ñid du yoṅs su sṅo źiṅ | brtson ’grus rtsom par byed de rab ’byor de ltar na | byaṅ chub sems dpa’ sems dpa’i chen po’i brtson ’grus kyi pha rol tu phyin pa bsgom pa yoṅs su rdzogs par ’gyur (2) ro ||
rab ’byor ’di la byaṅ chub sems dpa’ sems dpa’ chen po bsam gtan sgrub pa na | rnam pa thams cad mkhyen pa ñid du yoṅs su sṅo źiṅ | bsam gtan de dag sgrub par byed de | rab ’byor de ltar na byaṅ chub sems dpa’ sems dpa’ chen po’i bsam gtan (3) gyi pha rol tu phyin pa bsgom pa yoṅs su rdzogs par ’gyur ro ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa bsgom pa ji ltar yoṅs su rdzogs par ’gyur źe na | rab ’byor ’di la byaṅ chub sems dpa’ sems dpa’ chen po (4) śes rab kyi pha rol tu phyin pa sgom pa na | śes rab kyi pha rol tu phyin pa de dag rnam pa thams cad mkhyen pa ñid du yoṅs su sṅo źiṅ | śes rab sgom par byed de | rab ’byor de ltar na byaṅ chub sems dpa’ sems dpa’ chen po’i śes rab kyi pha rol tu phyin pa (5) bsgom pa yoṅs su rdzogs par ’gyur ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’as byaṅ chub sems dpa’ sems dpa’ chen po sbyin pa’i pha rol tu phyin pa la gnas pa ji ltar tshul khrims kyi pha rol tu (6) phyin pa yoṅs su ’dzin pa lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po sbyin źiṅ | rnam pa thams cad mkhyen pa ñid du yoṅs su sṅo ba ni sems can thams cad la byams pa’i lus kyi las (7) ñe bar gnas pa yin | sems can thams cad la byams pa’i dag gi las daṅ byams pa’i yid kyi las ñe bar gnas pa yin te | de’i tshe byaṅ chub sems dpa’ sems dpa’ chen po tshul khrims kyi pha rol tu phyin pa yoṅs su ’dzin pa yin no ||
rab ’byor gyis gsol (277b1) pa bcom ldan ’das byaṅ chub sems dpa’ sems dpa’ chen po sbyin pa’i pha rol tu phyin pa la gnas pa ji ltar bzod pa’i pha rol tu phyin pa yoṅs su ’din pa lags na | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po sbyin (2) pa sbyin pa na | len pa po de dag gśe ba’am | spyo ba’am | tshogs bar mi ’byuṅ ba’i tshig rtsub mo kun tu ’byin kyaṅ de dag la kun nas mnar sems mi byed de | rab ’byor de ltar na byaṅ chub sems dpa’ sems dpa’ chen po sbyin pa’i pha rol tu phyin pa la gnas pa | (3) bzod pa’i pha rol tu phyin pa yoṅs su ’dzin pa yin no ||
gsol pa bcom ldan ’das byaṅ chub sems dpa’ sems dpa’ chen po sbyin pa’i pha rol tu phyin pa la gnas pa ji ltar brtson ’grus kyi pha rol tu phyin pa yoṅs su ’dzin pa lags | bka’ stsal pa | rab ’byor (4) byaṅ chub sems dpa’ sems dpa’ chen po sbyin pa sbyin pa na | len pa po de dag gśe ba’am | spyo ba’am tshogs par mi dbyuṅ ba’i tshig rtsub mo kun du ’byin na | de la gśe ba’am | spyo ba’am tshogs par mi dbyuṅ ba’i tshig rtsub mo kun tu ’byin kyaṅ sbyin pa’i blo kho (5) na ’byuṅ źiṅ | yoṅs su gtoṅ ba’i blo kho na ’byuṅ bar ’gyur te | bdag gis sbyin pa sbyin pa ñid du bya’i | bdag gis mi sbyin par ni mi bya’o sñam nas | de lus daṅ sems kyi brtson ’grus yaṅ dag par skyed par byed de | rab ’byor de ltar na byaṅ chub sems dpa’ (6) sems dpa’ chen po sbyin pa’i pha rol tu phyin pa la gnas pa brtson ’grus kyi pha rol tu phyin pa yoṅs su ’dzin pa yin no ||
gsol pa bcom ldan ’das byaṅ chub sems dpa’ sems dpa’ chen po sbyin pa’i pha rol tu phyin pa la gnas pa ji ltar bsam gtan gyi pha rol (7) tu phyin pa yoṅs su ’dzin pa lags | bka’ stsal pa rab ’byor ’di la byaṅ chub sems dpa’ sems dpa’ chen po sbyin pa sbyin źiṅ sbyin pa yoṅs su gtoṅ la | rnam pa thams cad mkhyen pa ñid du yoṅs su sṅo bar byed pa’i sems ni ñan thos kyi sa’am | raṅ (278a1) saṅs rgyas kyi sar yoṅs su mi sṅo’i | rnam pa thams cad mkhyen pa ñid la dmigs pa kho nas sems gnas te | rab ’byor de ltar na byaṅ chub sems dpa’ sems dpa’ chen po sbyin pa’i pha rol tu phyin pa la gnas pa bsam gtan gyi pha rol tu phyin (2) pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po sbyin pa’i pha rol tu phyin pa la gnas pa | ji ltar śes rab kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ (3) sems dpa’ chen po sbyin pa sbyin źiṅ | sbyin pa yoṅs su gtoṅ ba | sbyin pa la sgyu ma lta bu’i blo kho nas rtag tu ñe bar gnas śiṅ | sbyin pa des kyaṅ sems can gaṅ la yaṅ phan pa’am gnod par ’gyur bar mi mthoṅ ste | rab ’byor de ltar na | byaṅ chub sems dpa’ sems (4) dpa’ chen po sbyin pa’i pha rol tu phyin pa la spyod pa śes rab kyi pha rol tu phyin pa yoṅs su ’dzin pa yin no ||
śes rab kyi pha rol tu phyin pa khri brgyad stoṅ pa las mi zad pa’i le’u źes bya ste drug cu rtsa gcig pa’o || ||
de nas bcom ldan ’das la tshe (5) daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa ji ltar sbyin pa’i pha rol tu phyin pa yoṅs su ’dzin pa lags | de skad ces gsol pa daṅ | bcom ldan ’das (6) kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa lus daṅ | ṅag daṅ | sems kyi sṅo ma pa gaṅ yin pa’i sṅo ma pa ṅes ñan thos kyi sa’am | raṅ (7) saṅs rgyas kyi sa mchog tu ’dzin par mi byed ciṅ | de tshul khrims kyi pha rol tu phyin pa la gnas nas | sems can rnams kyi srog gcod par mi byed do ||
ma byin par len par mi byed do ||
’dod pa la log par g-yem par mi byed do ||
rdzun gyi tshig mi smra’o ||
(278b1) tshig rtsub po mi smra’o ||
phra ma’i tshig mi smra’o ||
tshig kyal ba mi smra’o ||
brnab sems can du mi ’gyur ro ||
gnod sems kyi sems daṅ ldan par mi ’gyur ro ||
log par lta bar mi ’gyur ro ||
de tshul khrims kyi pha rol tu phyin pa de la gnas nas | sbyin pa (2) gaṅ sbyin yaṅ | zas ’dod pa rnams la ni zas | skom ’dod pa rnams la ni skom | spos ’dod pa rnams la ni spos | bźon pa ’dod pa rnams la ni bźon pa | gos ’dod pa rnams la ni gos | me tog phreṅ ’dod pa rnams la ni me tog phreṅ | byug pa ’dod pa (3) rnams la ni byug la | ma la ’dod pa rnams la ni ma la | stan ’dod pa rnams la ni stan | mar me ’dod pa rnams la ni mar me | yo byad ’dod pa rnams la ni yo byad | mi’i yo byad ci yaṅ ruṅ ba’i bar dag sbyin par byed de | sbyin pa de yaṅ sems can thams cad daṅ (4) thun moṅ du byas nas | bla na med pa yaṅ dag par rdzogs pa’i byaṅ chub tu yoṅs su sṅo bar byed de | yoṅs su bsṅo ba de lta bu de ñan thos kyi sa’am | raṅ saṅs rgyas kyi sar yoṅs su sṅo bar mi byed do ||
rab ’byor de ltar na | byaṅ chub sems dpa’ sems dpa’ chen (5) po tshul khrims kyi pha rol tu phyin pa la spyod pa sbyin pa’i pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa | ji ltar bzod pa’i pha rol tu phyin pa yoṅs su (6) ’dzin pa lags | bka’ stsal pa | rab ’byor byaṅ chub sems dpa’ sems dpa’ chen po gaṅ tshul khrims kyi pha rol tu phyin pa la gnas pa’i yan lag daṅ | ñiṅ lag thams cad sems can thams cad kyis gcad de doṅ na | der byaṅ chub sems dpa’ sems dpa’ chen (7) po’i sems skyed pa gcig tsam yaṅ rnam par ’khrug par mi ’gyur źiṅ | tshig pa za bar mi ’gyur la gnod sems ’byuṅ bar mi ’gyur gyi | gźan du na de ’di sñam du sems te | ’di ltar sems can thams cad kyi yan lag daṅ | ñiṅ lag bcad de dor ba ni bdag (279a1) gis rñed pa legs par rñed do sñam ste | rab ’byor de ltar na byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa | bzod pa’i pha rol tu phyin pa yoṅs su ’dzin pa yin no ||
gsol pa | bcom ldan (2) ’das byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa | ji ltar brtson ’grus kyi pha rol tu phyin pa yoṅs su ’dzin pa lags | bka’ stsal pa | rab ’byor byaṅ chub sems dpa’ sems dpa’ chen po sems can thams cad bdag (3) gis ’khor ba lags bsgral te | bdud rtsi’i dbyiṅs su dgod par bya’o źes lus daṅ sems kyi brtson ’grus mi gtoṅ ste | rab ’byor de ltar na byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa | brtson ’grus kyi pha rol tu phyin pa (4) yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa ji ltar bsam gtan gyi pha rol tu phyin pa yoṅs su ’din pa lags | bka’ stsal pa | rab ’byor ’di la byaṅ chub (5) sems dpa’ sems dpa’ chen po bsam gtan daṅ po bsgrubs nas gnas śiṅ bsam gtan gñis pa daṅ | gsum ba daṅ | bźi pa bsgrubs nas gnas par byed de | ñan thos kyi sa daṅ | raṅ saṅs rgyas kyis la yaṅ lhag par mi dmigs la gźan du na ’di sñam (6) du sems te | bdag tiṅ ṅe ’dzin gyi pha rol tu phyin pa ’di la gnas nas | sems can thams cad ’khor ba las bsgral bar bya’o sñam ste | rab ’byor de ltar na byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa | bsam (7) gtaṅ gyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa | ji ltar śes rab kyi pha rol tu phyin pa yoṅs su ’dzin pa lags | bka’ stsal pa | (279b1) rab ’byor ’di la byaṅ chub sems dpa’ sems dpa’ sems dpa’ chen po tshul khrims kyi pha rol tu phyin pa la gnas pa | chos thams cad de bźin ñid las mi ’da’ ba ma gtogs par chos gaṅ la yaṅ ’dus byas su mi mthoṅ ’dus ma byas su mi mthoṅ | dṅos po ’dus byas (2) su mi mthoṅ | dṅos po med pa ’dus ma byas su mi mthoṅ | mtshan ma ’dus byas su mi mthoṅ | mtshan med pa ’dus ma byas su mi mthoṅ ṅo ||
chos gaṅ la yaṅ yod pa’am med par mi mthoṅ ṅo ||
śes rab kyi pha rol tu phyin pa de daṅ | thabs la mkhas pas kyaṅ (3) ñan thos kyi sa’am | raṅ saṅs rgyas kyi sar lhuṅ bar mi ’gyur te | rab ’byor de ltar na byaṅ chub sems dpa’ sems dpa’ chen po tshul khrims kyi pha rol tu phyin pa la gnas pa | śes rab kyi pha rol tu phyin pa yoṅs su ’dzin pa yin no ||
rab ’byor gyis gsol pa | (4) bcom ldan ’das byaṅ chub sems dpa’ sems dpa’ chen po bzod pa’i pha rol tu phyin pa la gnas pa | ji ltar sbyin pa’i pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po sems daṅ po (5) bskyed pa nas bzuṅ ste | byaṅ chub kyi sñiṅ po la ’dug gi bar du sems can thams cad kyis gśes sam | spyos sa ma | yan lag daṅ | ñiṅ lag rnams bcad par ’gyur na | der byaṅ chub sems dpa’ sems dpa’ chen po bzod pa’i pha rol tu phyin pa la (6) gnas pa ’di sñam du sems te | bdag gis ni sems can ’di dag la sbyin pa sbyin par bya’i bdag gis mi sbyin par ni mi bya’o sñam ste | de sems can de dag la zas ’dod pa rnams la ni zas sbyin par byed skom ’dod pa rnams la ni skom sbyin par byed do ||
de bźin du (7) sbyar te | mi’i yo byad ci yaṅ ruṅ ba’i bar du sbyin par byed la | des dge ba’i rtsa ba de sems can thams cad daṅ thun moṅ du byas te | rnam pa thams cad mkhyen pa ñid du yoṅs su sṅo bar byed la | de ci nas kyaṅ su źig yoṅs su sṅo bar byed pa’am ci źig yoṅs su sṅo bar (280a1) byed pa’am | gaṅ du yoṅs su sṅo bar byed par ’gyur ba’i blo rnam pa gsum du mi ’jug par yoṅs su bsṅo ba de ltar yoṅs su sṅo bar byed de | rab ’byor de ltar na | byaṅ chub sems dpa’ sems dpa’ chen po bzod pa’i pha rol tu phyin pa la (2) gnas pa | sbyin pa’i pha rol tu phyin pa yoṅs su ’dzin pa yin no ||
gsol ba | bcom ldan ’das byaṅ chub sems dpa’ sems dpa’ chen po bzod pa’i pha rol tu phyin pa la gnas pa | ji ltar tshul khrims kyi pha rol tu phyin pa yoṅs su ’dzin pa lags | bka’ (3) stsal pa | rab ’byor ’di la byaṅ chub sems dpa’ sems dpa’ chen po sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du sems can ’ga’ tsam yaṅ srog daṅ bral bar mi byed ciṅ | ma byin par mi len to ||
de bźin du sbyar te | log (4) par lta ba’i bar du mi ’gyur ro ||
ñan thos daṅ | raṅ saṅs rgyas kyi sa la yaṅ de’i sems mi ’jug go ||
dge ba’i rtsa ba de dag kyaṅ sems can thams cad daṅ thun moṅ du byas te | bla na med pa yaṅ dag par rdzogs pa’i byaṅ chub tu yoṅs su sṅo bar byed la | de gaṅ (5) du yoṅs su sṅo bar byed pa’i bar du ci nas blo rnam pa gsum mi ’jug pa de ltar yoṅs su bsṅo ste | rab ’byor de ltar na byaṅ chub sems dpa’ sems dpa’ chen po bzod pa’i pha rol tu phyin pa la gnas pa | tshul khrims kyi pha rol tu phyin pa yoṅs su ’dzin pa yin (6) no | gsol pa | bcom ldan ’das byaṅ chub sems dpa’ sems dpa’ chen po bzod pa’i pha rol tu phyin pa la gnas pa | ji ltar brtson ’grus kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems (7) dpa’ chen po bzod pa’i pha rol tu phyin pa la gnas pa | ’di ltar bdag dpag tshad gcig tu soṅ ṅam | dpag tshad brgya’am | dpag tshad stoṅ ṅam | ’jig rten gyi khams gcig gam | ’jig rten gyi khams bye ba phrag ’bum du soṅ la | der tha na (280b1) sems can gcig tsam yaṅ bslab pa’i gźi dag la bslab par bya’o ||
rgyun du źugs pa’i ’bras bu’am | dgra bcom pa ñid dam | raṅ byaṅ chub ñid kyi bar du dgod par bya źiṅ | bla na med pa yaṅ dag par rdzogs pa’i byaṅ chub la dgod par bya’o źes brtson ’grus (2) yaṅ dag par skyed par byed de | dge ba’i rtsa ba de dag kyaṅ sems can thams cad daṅ tun moṅ du byas nas | bla na med pa yaṅ dag par rdzogs pa’i byaṅ chub tu yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen po bzod pa’i pha rol (3) tu phyin pa la gnas pa | brtson ’grus kyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po bzod pa’i pha rol tu phyin pa la gnas pa ji ltar bsam gtan gyi pha rol tu phyin pa yoṅs su ’dzin pa (4) lags | bka’ stsal pa | rab ’byor ’di la byaṅ chub sems dpa’ sems dpa’ chen po bzod pa’i pha rol tu phyin pa la gnas pa | ’dod pa ṅag las dben pa sdig pa mi dge ba’i chos rnams las dben pa nas | de bźin du sbyar te | bsam gtan bźi pa’i bar du (5) bsgrubs te gnas so ||
sems daṅ sems las byuṅ ba’i chos dge ba daṅ ldan pa ci daṅ ci byuṅ ba rnams kyaṅ rnam pa thams cad mkhyen pa ñid du yoṅs su sṅo bar byed de | de’i tshe yaṅ ci nas bsam gtan rnams daṅ | bsam gtan gyi yan lag rnams mi (6) dmigs pa de ltar na yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen po bzod pa’i pha rol tu phyin pa la gnas pa | bsam gtan gyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ (7) chub sems dpa’ sems dpa’ chen po bzod pa’i pha rol tu phyin pa la gnas pa | ji ltar śes rab kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po bzod pa’i pha rol tu phyin (281a1) pa la gnas pa de’i tshe | chos rnams la dben pa’i rnam pa’am | zaṅ pa’i rnam par chos kyi rjes su lta bar gnas la | chos ñid de yaṅ byaṅ chub kyi sñiṅ po la ’dug gi bar du mṅon sum du mi byed de | der ’dug (2) nas kyaṅ | rnam pa thams cad mkhyen pa ñid thob par ’gyur ro ||
de las laṅs nas kyaṅ chos kyi ’khor lo skor bar byed de | rab ’byor de ltar na | byaṅ chub sems dpa’ sems dpa’ chen po bzod pa’i pha rol tu phyin pa la gnas pa | śes rab kyi pha rol (3) tu phyin pa yoṅs su ’dzin pa yin te | ci nas ’dzin pa yaṅ med | ’dor ba yaṅ med pa de ltar yoṅs su ’dzin to ||
gsol pa | bcom ldan ’das byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | ji ltar sbyin pa’i pha (4) rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | bdag gis ṅes pa kho nar bla na med pa yaṅ dag par rdzogs pa’i byaṅ chub mṅon par rdzogs (5) par ’tshaṅ rgya bar bya’i | bdag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya bar mi bya’o sñam nas | lus daṅ sems kyi brtson pa matoṅa ste | sems can rnams kyi ched du dpag tshad gcig gam | dpag tshad brgya’am | (6) dpag tshad stoṅ ṅam | ’jig rten gyi khams gcig gam | ’jig rten gyi khams bye ba’am | ’jig rten gyi khams bye ba phrag ’bum du soṅ nas | brtson ’grus kyi pha rol tu phyin pa la gnas te | tha na sems can gcig tsam yaṅ byaṅ chub la ’jog par byed (7) de | byaṅ chub sems dpa’i theg pa pa’i gaṅ zag ma rñed na yaṅ ñan thos kyi theg pa pa’i gaṅ zag ñan thos ñid la ’jog par byed do ||
raṅ saṅs rgyas kyi theg pa pa’i gaṅ zag raṅ saṅs rgyas ñid la ’jog par byed do ||
tha ma sems can gcig tsam yaṅ dge (281b1) ba bcu’i las kyi lam yaṅ dag par ’dzin du ’jug ste | des chos kyi sbyin pa de byin nas | zaṅ ziṅ gi sbyin pas sems can rnams tshim par byed do ||
des dge ba’i rtsa ba de dag ñan thos kyi sa’am | raṅ saṅs rgyas kyi sar yoṅs su su sṅo bar mi byed kyi gnan du (2) na sems can thams cad daṅ tun moṅ du byas nas | bla na med pa yaṅ dag par rdzogs pa’i byaṅ chub tu yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | sbyin pa’i pha rol tu (3) phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | ji ltar tshul khrims kyi pha rol tu phyin pa yoṅs su ’dzin pa lags | bka’ stsal pa | rab ’byor ’di (4) la byaṅ chub sems dpa’ sems dpa’ chen po sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du bdag kyaṅ srog gcod pa spoṅ bar byed la | gźan yaṅ srog gcod pa spoṅ ba la yaṅ dag par ’dzin du ’jug ciṅ | srog gcod pa spoṅ ba’i (5) bsṅags pa yaṅ brjod la | gźan gaṅ dag srog gcod pa spoṅ ba de dag gi bsṅags pa yaṅ brjod ciṅ rjes su dga’ bar byed do ||
de bźin du sbyar te | bdag kyaṅ log par lta ba’i bar du spoṅ bar byed la gźan yaṅ log par lta ba spoṅ ba yaṅ dag par ’dzin du ’jug ciṅ | (6) log par lta ba spoṅ ba’i bsṅags pa yaṅ brjod la | gźan gaṅ dag log par lta ba spoṅ ba de dag gi bsṅags pa yaṅ brjod ciṅ rjes su dga’ bar byed do ||
de tshul khrims kyi pha rol tu phyin pa des ’dod pa’i khams don du mi gñer | gzugs kyi khams daṅ | (7) gzugs med pa’i khams don du mi gñer | ñan thos kyis don du mi gñer | raṅ saṅs rgyas kyi sa don du mi gñer gyi gźan du na | dge ba’i rtsa ba de dag sems can thams cad daṅ thun moṅ du byas nas | bla na med pa yaṅ dag par rdzogs pa’i byaṅ chub tu yoṅs su sṅo (282a1) bar byed de | ci nas kyaṅ su źig yoṅs su bsṅo ba daṅ | ci źig yoṅs su bsṅo ba daṅ | gaṅ du yoṅs su bsṅo ba’i blo rnam pa gsum mi ’byuṅ ba de ltar yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen (2) po brtson ’grus kyi pha rol tu phyin pa la gnas pa | tshul khrims kyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | ji ltar bzod pa’i pha rol (3) tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po sems daṅ po bskyed pa nas bzuṅ ste | sñiṅ po byaṅ chub la ’dug gi bar du gal te mir gyur pa’am | mi ma yin par gyur pa’i bar dag gis (4) sems rnam par ’khrugs par byas sam | yan lag daṅ | ñiṅ lag dag bcad ciṅ khyer te doṅ yaṅ | de la byaṅ chub sems dpa’ chen po brtson ’grus kyi pha rol tu phyin pa la gnas pa ni ’di sñam du ’di bdag las gcad pa’am | gtubs pa’am | (5) phrogs so sñam du mi sems te | gźan du na de ’di sñam du gaṅ dag gi don du bdag gi lus yoṅs su grub pa de dag ñid ’dir ’oṅs ste | bdag gi yan lag daṅ | ñiṅ lag dag gtubs śiṅ khyer te | doṅ ba ni bdag gis rñed pa legs par rñed do sñam (6) du sems śiṅ | des ni chos ñid kyi raṅ bźin yaṅ legs par yid la byas pa yin te | dge ba’i rtsa ba de dag kyaṅ ñan thos kyis ’am | raṅ saṅs rgyas kyi sar yoṅs su mi sṅo’i gźan du na sems can thams cad daṅ thun moṅ du byas nas | bla na med pa yaṅ dag par (7) rdzogs pa’i byaṅ chub tu yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa bzod pa’i pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub (282b1) sems dpa’ sems dpa’ chen po brtson ’grus kyi pha rol tu phyin pa la gnas pa | ji ltar bsam gtan gyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po ’dod pa dag las dben pa | sdig (2) pa mi dge ba’i chos rnams las dben pa | rtog pa daṅ bcas pa | dpyod pa daṅ bcas pa | dben pa las skyes pa’i dga’ ba daṅ | bde ba can bsam gtan daṅ po bsgrubs te gnas so ||
bsam gtan bźi pa’i bar daṅ | byams pa daṅ | btaṅ sñoms (3) kyi bar daṅ | ’du śes med ’du śes med min skye mched kyi bar dag bsgrubs śiṅ gnas te | de bsam gtan daṅ | tshad med pa daṅ | gzugs med pa’i sñoms par ’jug pa de dag gi rnam par smin pa yoṅs su mi ’dzin gyi gźan du na | gaṅ du sems can (4) thams cad kyi don bya ba’i phyir de dag tu skye źiṅ des sems can de dag pha rol tu phyin pa drug po sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi (5) pha rol tu phyin pa daṅ | śes rab kyi pha rol tu phyin pa dag gis yoṅs su smin par byed ciṅ | saṅs rgyas bcom ldan ’das rnams la bsñen bkur bya ba daṅ | dge ba’i rtsa ba dag bskyed pa’i phyir | saṅs rgyas kyi źiṅ nas saṅs rgyas kyi źiṅ dag tu (6) yaṅ ’gro bar byed de | rab ’byor de ltar na byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | bsam gtan gyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ (7) sems dpa’ chen po brtson ’grus kyi pha rol tu phyin pa la gnas pa | ji ltar sems rab kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | (283a1) sbyin pa’i pha rol tu phyin pa’i rdzas daṅ | dṅos po daṅ | mtshan mar yaṅ dag par rjes su mi mthoṅ ṅo ||
bsam gtan gyi pha rol tu phyin pa’i bar du rdzas daṅ | dṅos po daṅ | mtshan mar yaṅ dag par rjes su mi mthoṅ ṅo ||
de bźin du sbyar te | (2) dran pa ñe bar gźag pa rnams kyi bar daṅ | rnam pa thams cad mkhyen pa ñid kyi bar du rdzas daṅ | dṅos po daṅ | mtshan mar yaṅ dag par rjes su mi mthoṅ ṅo ||
des chos thams cad rdzas su yaṅ dag par rjes su mi mthoṅ | dṅos po daṅ mtshan mar (3) yaṅ dag par rjes su mi mthoṅ ste | de ni chos gaṅ la yaṅ gnas par mi byed ciṅ | ji skad smras pa de bźin du byed pa yin te | rab ’byor de ltar na byaṅ chub sems dpa’ sems dpa’ chen po brtson ’grus kyi pha rol tu phyin pa la gnas pa | śes rab kyi pha rol (4) tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po bsam gtan gyi pha rol tu phyin pa la gnas pa | ji ltar sbyin pa’i pha rol tu phyin pa yoṅs su ’dzin pa lags | bka’ stsal pa | rab (5) ’byor ’di la byaṅ chub sems dpa’ sems dpa’ chen po ’dod pa dag las dben pa sdig pa mi dge ba’i chos rnams las dben pa | rtog pa daṅ bcas śiṅ dpyod pa daṅ bcas pa dben pa las skyes ba’i dga’ ba daṅ bde ba can | bsam gtan daṅ po bsgrubs (6) te gnas so ||
de bźin du sbyar te | ’du śes med ’du śes med min skye mched kyi bar du bsgrubs te gnas so ||
de bsam gtan gyi pha rol tu phyin pa de la gnas śiṅ | rnam par g-yeṅ ba med pa’i sems kyis sems can de dag la zaṅ ziṅ gi sbyin pa (7) daṅ | chos kyi sbyin pa sbyin par byed do ||
de dag kyaṅ zaṅ ziṅ gi sbyin pa daṅ | chos kyi sbyin pa sbyin par byed la | gźan dag kyaṅ zaṅ ziṅ gi sbyin pa daṅ | chos kyi sbyin pa yaṅ dag par ’dzin du ’jug ciṅ | zaṅ ziṅ gi sbyin pa daṅ | chos kyi sbyin po’i (283b1) bsṅags pa yaṅ brjod la | gźan gaṅ dag zaṅ ziṅ gi sbyin pa daṅ | chos kyi sbyin pa dag sbyin par byed pa de dag gi bsṅags pa yaṅ rjod ciṅ rjes su dga’ bar byed de | dge ba’i rtsa ba de dag kyaṅ ñan thos kyi sa’am | raṅ saṅs rgyas kyi sar yoṅs su mi sṅo’i (2) gźan du na sems can thams cad daṅ thun moṅ du byas nas | bla na med pa yaṅ dag par rdzogs pa’i byaṅ chub tu yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen po bsam gtan gyi pha rol tu phyin pa la gnas pa | sbyin pa’i pha rol tu phyin pa (3) yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po bsam gtan gyi pha rol tu phyi pa la gnas pa | ji ltar tshul khrims kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub (4) sems dpa’ sems dpa’ chen po bsam gtan gyi pha rol tu phyin pa la gnas pa | ’dod chags daṅ ldan pa’i sems mi skyed | źe sdaṅ daṅ ldan pa daṅ | gti mug daṅ ldan pa’i sems mi skyed rnam par ’tshe ba daṅ ldan pa’i sems mi skyed de | bźan du na rnam pa thams (5) cad mkhyen pa ñid daṅ ldan pa’i yid la byed pa dag gis gnas śiṅ | dge ba’i rtsa ba de dag kyaṅ ñan thos kyi sa’am | raṅ saṅs rgyas kyi sar yoṅs su mi sṅo’i gźan du na sems can thams cad daṅ thun moṅ du byas nas | bla na med pa yaṅ dag par rdzogs pa’i byaṅ chub (6) tu yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen po bsam gtan gyi pha rol tu phyin pa la gnas pa | tshul khrims kyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems (7) dpa’ chen po bsam gtan gyi pha rol tu phyin pa la gnas pa | ji ltar bzod pa’i pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po bsam gtan gyi pha rol tu phyin pa la gnas pa | (284a1) gzugs la dbu ba rdos pa lta bur so sor rtog go ||
tshor ba la chu’i chu bur lta bur so sor rtog go ||
’du śes la smig rgyu lta bur so sor rtog go ||
’du byed rnams la chu śiṅ lta bur so sor rtog go ||
rnam par śes pa la sgyu ma lta bur so sor rtog ste | de de (2) ltar phuṅ po lṅa la so sor rtog pa na | sñiṅ po med pa’i ’du śes ñe bar gnas te | de de ltar so sor rtog pa na yan lag daṅ | ñiṅ lag dag bcad kyaṅ ’di sñam du ’di la gcod par byed pa ni su’i yin | tshor ba ni su’i yin | ’du śes ni su’i yin | ’du byed rnams (3) ni su’i yin | rnam par śes pa ni su’i yin sñam du sems śiṅ | de de ltar so sor rtog pa na khro bar ’gyur ba dag byas kyaṅ ’di sñam du gaṅ la khro ba daṅ | spyo ba byas pas gnod sems skye ba’i khro ba daṅ | gśe bar byed pa ’di la su źig yod sñam du sems te | rab ’byor (4) de ltar na | byaṅ chub sems dpa’ sems dpa’ chen po bsam gtan gyi pha rol tu pyin pa la gnas pa bzod pa’i pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po bsam gtan gyis rol tu phyin pa la gnas pa | (5) ji ltar brtson ’grus kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po ’dod pa dag las dben pa | sdig pa’i dge ba’i chos rnams las dben pa daṅ | de bźin du sbyar te | bsam gtan (6) bźi pa’i bar dag bsgrubs te gnas so ||
de bsam gtan daṅ bsam gtan gyi yan lag rnams la yaṅ mtshan mar mi ’dzin te | de de ltar mñam par bźag pa’i sems kyi rdzu ’phrul gyi bya ba rnam pa du ma ñams su myoṅ bar byed pa dag rgya cher sbyar bar bya’o ||
lha’i rna ba’i (7) khams kyis lha daṅ mi rnams kyi sgra dag kyaṅ thos so ||
sems can gźan dag daṅ | gaṅ zag gźan rnams kyi sems kyi yoṅs su rtog pa dag kyaṅ sems kyis kun tu śes so ||
de bźin du sbyar te | bla na med pa’i sems kyi bar la yaṅ bla na med pa’i sems su (284b1) yaṅ dag pa ji lta bar źan du rab tu śes so ||
sṅon gyi gnas rnam pa du ma rjes su dran pa dag kyaṅ rgya cher sbyar bar bya’o ||
lha’i mig rnam par dag pa mi las śin tu ’das pa’i bar gyis de bźin du sbyar te | sems can rnams las ji ltar bsags pa bźin du ñe bar (2) ’gro ba’i bar dag kyaṅ mthoṅ ṅo ||
de mṅon par śes pa lṅa po de dag la gnas nas | saṅs rgyas bcom ldan ’das dag la bsñen bkur bya ba daṅ | dge ba’i rtsa ba bskyed pa daṅ | sems can rnams yoṅs su smin par bya ba daṅ | saṅs rgyas kyi źiṅ yoṅs (3) su dag par bya ba’i phyir | saṅs rgyas kyi źiṅ nas saṅs rgyas kyi źiṅ du yaṅ ’gro ste | dge ba’i rtsa ba de dag kyaṅ ñan thos kyi sa’am | raṅ saṅs rgyas kyi sar yoṅs su mi sṅo’i gźan du na sems can thams cad daṅ thun moṅ du byas nas | bla na med pa yaṅ dag par (4) rdzogs pa’i byaṅ chub tu yoṅs su sṅo bar byed de | rab ’byor de ltar na byaṅ chub sems dpa’ sems dpa’ chen po bsam gtan gyi pha rol tu phyin pa la gnas pa | brtson ’grus kyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ (5) chub sems dpa’ sems dpa’ chen po bsam gtan gyi pha rol tu pyin pa la gnas pa ji ltar śes rab kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po bsam gtan gyi pha rol tu phyin pa la gnas (6) pa | gzugs mi dmigs so ||
tshor ba daṅ | ’du śes daṅ | ’du byed rnams daṅ | rnam par śes pa mi dmigs so ||
sbyin pa’i pha rol tu phyin pa mi dmigs so ||
tshul khrims kyi pha rol tu phyin pa mi dmigs so ||
bzod pa’i pha rol tu phyin pa mi dmigs so ||
(7) brtson ’grus kyi pha rol tu phyin pa mi dmigs so ||
bsam gtan gyi pha rol tu phyin pa mi dmigs so ||
śes rab kyi pha rol tu phyin pa mi dmigs so ||
dran pa ñe bar gźag pa rnams mi dmigs so ||
yaṅ dag par spoṅ ba rnams mi dmigs so ||
de bźin du sbyar (285a1) te | rnam pa thams cad mkhyen pa ñid kyi bar du mi dmigs so ||
’dus byas kyi khams mi dmigs so ||
’dus ma byas kyi khams mi dmigs so ||
mi dmigs pas na | mṅon par ’du mi byed daṅ | mṅon par ’du mi byed pas na | skye bar mi byed | (2) ’gag par mi byed do ||
de ci’i phyir źe na | rab ’byor ’di ltar de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | chos rnams kyi chos ñid ’di ni gnas pa ñid daṅ | chos gnas pa ’di ni gnas pa ñid daṅ | chos kyi dbyiṅs (3) kyaṅ gnas pa ñid yin pas | de la ni skye ba med ciṅ ’gag pa med pa’i phyir | de ni rnam par g-yeṅ ba med pa’i sems kyis rnam pa thams cad mkhyen pa ñid daṅ ldan pa’i yid la byed pa dag daṅ ma bral bar gnas pa yin te | rab ’byor de ltar na byaṅ chub sems dpa’ (4) sems dpa’ chen po bsam gtan gyi pha rol tu phyin pa la gnas pa | śes rab kyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la gnas pa | ji ltar (5) sbyin pa’i pha rol tu phyin pa yoṅs su ’dzin lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa chos thams cad stoṅ bar yaṅ dag par rjes su mthoṅ ṅo ||
gsol ba bcom ldan ’das (6) ji ltar na byaṅ chub sems dpa’ sems dpa’ chen po chos thams cad stoṅ par yaṅ dag par rjes su mthoṅ ba lags | bka’ stsal pa | rab ’byor ’di la byaṅ chub sems dpa’ sems dpa’ cen po śes rab kyi pha rol tu phyin pa la spyod pa naṅ stoṅ pa ñid la naṅ stoṅ pa ñid ces bya (7) bar mi dmigs so ||
phyi stoṅ pa ñid la phyi stoṅ pa ñid ces bya bar mi dmigs so ||
phyi naṅ stoṅ pa ñid la phyi naṅ stoṅ pa ñid ces bya bar mi dmigs so ||
stoṅ pa ñid stoṅ pa ñid daṅ de bźin du sbyar te | dṅos po med pa’i ṅo bo ñid stoṅ pa ñid kyi bar la dṅos po med pa’i ṅo bo (285b1) ñid stoṅ pa ñid ces bya bar mi dmigs so ||
byaṅ chub sems dpa’ sems dpa’ chen po de stoṅ pa ñid bcu bźi po de dag la gnas nas gzugs stoṅ źes bya ba’am | mi stoṅ źes bya bar mi dmigs so ||
tshor ba daṅ | ’du śes daṅ | ’du byed rnams daṅ | rnam par (2) śes pa stoṅ źes bya ba’am mi stoṅ źes bya bar mi dmigs so ||
dran pa ñe bar gźag pa rnams daṅ | yaṅ dag par spoṅ ba rnams daṅ | de bźin du sbyar te | byaṅ chub kyi bar du yaṅ stoṅ źes bya ba’am mi stoṅ źes bya bar mi dmigs so ||
’dus byas kyi khams daṅ | (3) ’dus ma byas kyi khams stoṅ źes bya ba’am mi stoṅ źes bya bar mi dmigs so ||
byaṅ chub sems dpa’ sems dpa’ chen po de śes rab kyi pha rol tu phyin pa ’di la spyod ciṅ | sbyin pa dag gtoṅ bar byed de | zas sam | skom mam | gos sam | bźon pa’am | (4) ma la cha’am | stan nam | mi’i yo byad gaṅ yaṅ ruṅ ba’i bar dag sbyin par byed kyaṅ | des sbyin pa de yaṅ stoṅ bar yaṅ dag par rjes su mthoṅ la | gaṅ sbyin par byed pa daṅ | gaṅ la sbyin par bya ba de yaṅ stoṅ bar yaṅ dag par rjes su mthoṅ ste | de la ser (5) sna’i sems sam | kun tu ’dzin pa’i sems dag gi go skabs med do ||
de ci’i phyir źe na | byaṅ chub sems dpa’ sems dpa’ chen po śes rab kyi pha rol tu phyin pa la spyod pa la sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du rnam (6) par rtog pa de dag thams cad mi ’byuṅ ba’i phyir ro ||
ji ltar de bźin gśegs pa dgra bcom pa yaṅ dag par rdzogs pa’i saṅs rgyas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa la ser sna’i thugs sam | kun tu ’dzin pa’i (7) thugs mi ’byuṅ ba de bźin du byaṅ chub sems dpa’ sems dpa’ chen po śes rab kyi pha rol tu phyin pa la yaṅ ser sna’i sems sam | kun tu ’dzin pa’i sems med pas na | ’di lta ste | śes rab kyi pha rol tu phyin pa ’di ñid byaṅ chub sems dpa’ (286a1) sems da’apa chen po rnams kyi ston pa yin te | rab ’byor de ltar na | byaṅ chub sems dpa’ sems dpa’ chen po śes rab kyi pha rol tu phyin pa la gnas pa | sbyin pa’i pha rol tu pyin pa yoṅs su ’dzin pa yin no ||
gsol pa bcom ldan (2) ’das byaṅ chub sems dpa’ sems dpa’ cen po śes rab kyi pha rol tu phyin pa la gnas pa | ji ltar tshul khrims kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa (3) la gnas pa ñan thos daṅ | raṅ saṅs rgyas kyi sems dag gi skabs mi byed do ||
de ci’i phyir źe na | ’di ltar ṅes ñan thos daṅ Raṅa saṅs rgyas kyis yaṅ mi dmigs la | gaṅ gi ñan thos kyi sa’am raṅ saṅs rgyas kyi sar yoṅs su sṅo bar byed pa’i sems de yaṅ (4) mi dmigs pa’i phyir de sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du srog gcod pa spoṅ ba’i phyir | sems skyed par byed de | bdag kyaṅ srog gcod pa spoṅ bar byed la | srog gcod pa spoṅ ba’i bsṅags pa yaṅ rjod ciṅ | gźan dag kyaṅ (5) srog gcod pa spoṅ ba yaṅ dag par ’dzin du ’jug la | gźan gaṅ dag srog gcod pa spoṅ ba de dag gi bsṅags pa yaṅ rjod ciṅ rjes su dga’ bar byed do ||
bdag kyaṅ log par lta ba’i bar du spaṅs pa’i phyir | sems skyed ciṅ log par lta ba spoṅ bar byed la | gźan (6) dag kyaṅ log par lta ba spoṅ ba yaṅ dag par ’dzin du ’jug ciṅ log par lta ba spoṅ ba’i bsṅags pa yaṅ rjod la | gźan gaṅ dag log par lta ba spoṅ ba de dag gi bsṅags pa yaṅ rjod ciṅ rjes su dga’ bar byed de | tshul khrims des ñan thos ñid dam raṅ saṅs rgyas (7) ñid dam | saṅs rgyas ñid dam | chos gaṅ la yaṅ chags pa med na | gźan dag lta smos kyag ci dgos te | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la gnas pa | tshul khrims kyi pha rol tu phyin pa yoṅs (286b1) su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la gnas pa ji ltar bzod pa’i pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems (2) dpa’ chen po śes rab kyi pha rol tu phyin pa la gnas pa la rjes su ’thun pa’i bzod pa skye źiṅ | de ’di sñam du ’di la chos gaṅ yaṅ ’byuṅ ba’am | ’gag pa’am | skye ba’am | ’chi ba’am | khro ba’am | spyo ba’am | gcad pa’am | gtub pa’am | brdeg pa’am | (3) dgag par bya ba med do sñam nas | de sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du gal te sems can thams cad druṅ du lhags nas khro bar byed dam | spyo bar byed dam | boṅ ba’am | dbyug pa’am | mtshon cha’am | lag cha dag gis brdeg (4) gam | gcod dam | ’bigs par byed kyaṅ de la ’di sñam du kya ma chos rnams kyi chos ñid la ni khro ba’am | spyo ba’am | gcad pa’am | gtub pa’am | brdeg pa’i chos gaṅ yaṅ dmigs su med do sñam du sems te | rab ’byor de ltar na byaṅ chub sems dpa’ (5) sems dpa’ chen po śes rab kyi pha rol tu phyin pa la gnas pa | bzod pa’i pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub semama dpa’ sems dpa’ chen po śes rab kyi pha rol tu phyin pa la gnas pa | ji ltar brtson ’grus (6) kyi pha rol tu phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la gnas pa | thabs la mkhas pa daṅ ldan pas | rdzu ’phrul gyi rkaṅ pa bźi la gnas te | lus daṅ (7) sems kyis brtson ’grus skyed nas | ’jig rten gyi khams su yaṅ soṅ ’jig rten gyi khams brgyar yaṅ soṅ ’jig rten gyi khams ’bum phrag bye ba sñed du yaṅ soṅ nas | sems can rnams la chos ston ciṅ | sbyin pa’i pha rol tu phyin pa la ’god par byed do ||
de bźin (287a1) du sbyar te | śes rab kyi pha rol tu phyin pa’i bar la yaṅ ’god par byed do ||
byaṅ chub kyi phyogs kyi chos rnams la yaṅ ’god par byed do ||
rgyun du źugs pa’i ’bras bu la yaṅ ’god par byed do ||
de bźin du sbyar te | raṅ byaṅ chub kyi bar la yaṅ ’god par (2) byed do ||
bla na med pa yaṅ dag par rdzogs pa’i byaṅ chub kyi bar la yaṅ ’god par byed de | ci nas kyaṅ ’dus byas kyi khams la yaṅ mi ’god | ’dus ma byas kyi khams la yaṅ mi ’god pa de ltar ’god par byed de | rab ’byor de ltar na byaṅ chub sems dpa’ sems dpa’ (3) chen po śes rab kyi pha rol tu phyin pa la gnas pa | brtson ’grus kyi pha rol tu phyin pa yoṅs su ’dzin pa yin no ||
gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la gnas pa ji ltar bsam gtan gyi pha rol tu phyin (4) phyin pa yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la gnas pa | de bźin gśegs pa’i tiṅ ṅe ’dzin ma gtogs pa ñan thos kyi tiṅ ṅe ’dzin tam | raṅ saṅs rgyas kyi tiṅ ṅe (5) ’dzin tam | tiṅ ṅe ’dzin gźan gaṅ ji sñed pa de dag thams cad la sñoms par ’jug ciṅ ldaṅ ṅo ||
tiṅ ’dzin de dag la gnas nas | rnam par thar pa brgyad po dag la lugs daṅ ’thun pa daṅ | lugs daṅ mi ’thun par sñoms par ’jug ciṅ ldaṅ ste | brgyad gaṅ (6) źe na | rab ’byor ’di la byaṅ chub sems dpa’ sems dpa’ chen po gzugs can gzugs rnams pa lta ba ’di ni rnam par thar pa daṅ po’o ||
naṅ gzugs med par ’du śes pas | phyi rol gyi gzugs rnams la lta ba ’di ni rnam par thar pa gñis pa’o ||
sdug (7) pa’i rnam par thar pa lus kyis mṅon sum du byas te | bsgrubs nas gnas pa ’di ni rnam par thar pa gsum pa’o ||
de rnam pa thams cad du gzugs kyi ’du śes rnams las yaṅ dag par ’das te thogs pa’i ’du śes rnams nub par gyur ciṅ | sna tshogs kyi ’du śes (287b1) rnams yid la mi byed pas | nam mkha’ mtha’ yas so sñam nas | nam mkha’ mtha’ yas skye mched bsgrubs te gnas pa ’di ni rnam par thar pa bźi pa’o ||
de rnam pa thams cad du nam mkha’ mtha’ yas skye mched las yaṅ dag par ’das te | rnam par śes pa mtha’ (2) yas so sñam nas | rnam śes mtha’ yas skye mched bsgrubs te gnas pa ’di ni rnam par thar pa lṅa pa’o ||
de rnam pa thams cad du rnam śes mtha’ yas skye mched las yaṅ dag par ’das te | ci yaṅ med do sñam nas | ci yaṅ med pa’i skye mched bsgrubs te gnas pa (3) ’di ni rnam par thar pa drug pa’o ||
de rnam pa thams cad du ci yaṅ med pa’i skye mched las yaṅ dag par ’das nas | ’du śes med ’du śes med min skye mched las bsgrubs te gnas pa ’di ni rnam par thar pa bdun pa’o ||
de rnam pa thams cad du ’du śes med ’du śes med (4) min skye mched las yaṅ dag par ’das te | ’du śes daṅ | tshor ba ’gog pa lus kyi mṅon sum du byas nas bsgrubs te gnas pa ’di ni rnam par thar pa brgyad pa ste | rnam par thar pa brgyad po de dag la lugs daṅ ’thun pa daṅ | lugs daṅ mi ’thun par sñoms par (5) ’jug ciṅ ldaṅ ṅo ||
mthar gyis gnas pa’i sñoms par ’jug pa dgu po dag la yaṅ lugs daṅ ’thun pa daṅ | lugs daṅ mi ’thun par sñoms par ’jug ciṅ ldaṅ ste | dgu gaṅ źe na | rab ’byor ’di la byaṅ chub sems dpa’ sems dpa’ chen po ’dod pa (6) dag las dben pa | sdig pa mi dge ba’i chos rnams las dben pa rtog pa daṅ bcas pa dpyod pa daṅ bcas pa | dben pa las skyed pa’i dga’ ba daṅ bde ba can bsam gtan daṅ po bsgrubs te gnas pa daṅ | de bźin du sbyar te bsam gtan bźi pa’i bar du bsgrubs te (7) gnas pa daṅ | ’du śes med ’du śes med mi skye mched las yaṅ dag par ’das te | ’du śes daṅ tshor ba ’gog pa bsgrubs nas gnas pa’i bar dag ste | mthar gyis gnas pa’i sñoms par ’jug pa dgu po de dag la lugs daṅ ’thun pa daṅ | (288a1) lugs daṅ mi ’thun par sñoms par ’jug ciṅ ldaṅ ṅo ||
des de ltar rnam par thar pa brgyad po de dag daṅ | mthar gyis gnas pa’i sñoms par ’jug pa dgu po de dag rnam par dbye ba byas nas | seṅ ge rnam par bsgyiṅs pa źes bya ba’i tiṅ ṅe (2) ’dzin la sñoms par ’jug go ||
rab ’byor byaṅ chub sems dpa’ sems dpa’ cen po’i tiṅ ṅe ’dzin seṅ ge rnam par bsgyiṅs pa gaṅ źe na | rab ’byor ’di la byaṅ chub sems dpa’ sems dpa’ chen po ’dod pa dag las dben pa | sdig pa mi dge ba’i chos rnams (3) las dben pa | rtog pa daṅ bcas pa | dpyod pa daṅ bcas pa | dben pa las skyes pa’i dga’ ba daṅ bde ba can bsam gtan daṅ po bsgrubs te gnas pa daṅ | ’du śes daṅ tshor ba ’gog pa’i bar dag bsgrubs te gnas pa daṅ | ’gog pa’i sñoms par ’jug pa (4) las laṅs nas | ’du śes med ’du śes med min skye mched bsgrubs te gnas pa daṅ | ’du śes med ’du śes med min skye mched las laṅs nas | bsam gtan daṅ po’i bar dag bsgrubs te gnas pa yin no ||
des de ltar seṅ ge rnam par bsgyiṅs pa’i tiṅ (5) ṅe ’dzin de rnam par dbye bar byas nas | thod rgal gyi tiṅ ṅe ’dzin la sñoms par ’jug go ||
rab ’byor byaṅ chub sems dpa’ chen po’i tiṅ ṅe ’dzin thod rgal gaṅ źe na | rab ’byor ’di la byaṅ chub sems dpa’ sems dpa’ chen po ’dod pa dag las (6) dben pa sdig pa mi dge ba’i chos rnams las dben pa | rtog pa daṅ bcas pa | dpyod pa daṅ bcas pa | dben pa la skyes pa’i dga’ ba daṅ bde ba can bsam gtan daṅ po bsgrubs te gnas pa daṅ | bsam gtan daṅ po las laṅs nas | de bźin du sbyar (7) te | ’du śes med ’du śes med min skye mched kyi bar dag bsgrubs te gnas pa daṅ | ’du śes med ’du śes med min skye mched las laṅs nas | ’du śes daṅ | tshor ba ’gog pa la sñoms par ’jug pa daṅ | ’gog pa’i sñoms par ’jug pa las (288b1) laṅs nas | bsam gtan gñis pa la sñoms par ’jug pa daṅ | bsam gtan gñis pa las laṅs nas | ’gog pa’i sñoms par ’jug pa la sñoms par ’jug pa daṅ | ’gog pa’i sñoms par ’jug pa las laṅs nas | bsam gtan gsum pa (2) la sñoms par ’jug pa daṅ | bsam gtan gsum pa las laṅs nas | ’gog pa’i sñoms par ’jug pa la sñoms par ’jug pa daṅ | ’gog pa’i sñoms par ’jug pa las laṅs nas | bsam gtan bźi pa la sñoms par ’jug pa daṅ | bsam (3) gtan bźi pa las laṅs nas | ’gog pa’i sñoms par ’jug pa la sñoms par ’jug pa daṅ | ’gog pa’i sñoms par ’jug pa las laṅs nas | nam mkha’ mtha’ yas skye mched la sñoms par ’jug pa daṅ | nam mkha’ mtha’ yas skye mched las laṅs (4) nas | ’gog pa’i sñoms par ’jug pa la sñoms par ’jug pa daṅ | ’gog pa’i sñoms par ’jug pa las laṅs nas | rnam śes mtha’ yas skye mched la sñoms par ’jug pa daṅ | rnam śes mtha’ yas skye mched las laṅs nas | ’gog (5) pa’i sñoms par ’jug pa la sñoms par ’jug pa daṅ | ’gog pa’i sñoms par ’jug pa las laṅs nas | ci yaṅ med pa’i skye mched la sñoms par ’jug pa daṅ ci yaṅ med pa’i skye mched las laṅs nas | ’gog pa’i sñoms par ’jug pa la sñoms par (6) ’jug pa daṅ | ’gog pa’i sñoms par ’jug pa las laṅs nas | ’du śes med ’du śes med min skye mched la sñoms par ’jug pa daṅ | ’du śes med ’du śes med min skye mched las laṅs nas | ’gog pa’i sñoms par ’jug pa la sñoms par ’jug (7) pa daṅ | ’gog pa’i sñoms par ’jug pa las laṅs nas | ’du śes med ’du śes med min skye mched la sñoms par ’jug pa daṅ | ’du śes med ’du śes med min skye mched las laṅs nas | mñam par ma bźag pa’i sems su ’bab pa daṅ | mñam (289a1) par ma bźag pa’i sems las ’gog pa’i sñoms par ’jug pa la sñoms par ’jug pa daṅ | ’gog pa’i sñoms par ’jug ba las laṅs nas | mñam par ma bźag pa’i sems la gnas pa daṅ | mñam par ma bźag pa’i sems (2) las laṅs nas | ’du śes med ’du śes med min skye mched la sñoms bar ’jug pa daṅ | ’du śes med ’du śes med min skye mched las laṅs nas | mñam par ma bźag pa’i sems la gnas pa daṅ | mñam par ma bźag pa’i sems las ci yaṅ med (3) pa’i skye mched la sñoms par ’jug pa daṅ | ci yaṅ med pa’i skye mched kyi sñoms par ’jug pa las laṅs nas | mñam par ma bźag pa’i sems la gnas pa daṅ | mñam par ma bźag pa’i sems las rnam śes mtha’ yas skye mched la sñoms par (4) ’jug pa daṅ | rnam śes mtha’ yas skye mched las laṅs nas | mñam par ma bźag pa’i sems su ’bab pa daṅ | mñam par ma bźag pa’i sems las nam mkha’ mtha’ yas skye mched la sñoms par ’jug pa daṅ | nam mkha’ mtha’ yas (5) skye mched kyi sñoms par ’jug pa las laṅs nas | mñam par ma bźag pa’i sems su ’bab pa daṅ | mñam par ma bźag pa’i sems las bsam gtan bźi pa la sñoms par ’jug pa daṅ | bsam gtan bźi pa las laṅs nas | mñam par ma bźag (6) pa’i sems la gnas pa daṅ | mñam par ma bźag pa’i sems las bsam gtan gsum pa la sñoms par ’jug pa daṅ | bsam gtan gsum pa las laṅs te | mñam par ma bźag pa’i sems la gnas pa daṅ | mñam par ma bźag pa’i sems (7) las bsam gtan gñis pa la sñoms par ’jug pa daṅ | bsam gtan gñis pa las laṅs nas | mñam par ma bźag pa’i sems la gnas pa daṅ | mñam par ma bźag pa’i sems las bsam gtan daṅ po la sñoms japara ’jug pa daṅ | bsam (289b1) gtan daṅ po las laṅs nas | mñam par ma bźag pa’i sems la gnas pa ste | de thod rgal gyi tiṅ ṅe ’dzin de la gnas nas | chos thams cad mñam pa ñid ’thob bo ||
rab ’byor de ltar na | byaṅ chub sems dpa’ sems dpa’ chen po śes rab kyi pha rol tu phyin (2) pa la gnas pa | bsam gtan gyi pha rol tu phyin pa yoṅs su ’dzin pa yin no ||
śes rab kyi pha rol tu phyin pa khri brgyad stoṅ pa las thod rgal du sñoms par ’jug pa’i le’u źes bya ste drug cu rtsa gñis pa’o || ||
śes rab kyi pha rol tu phyin pa (3) khri brgyad stoṅ pa | bam po bźi bcu rtsa bźi pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ thabs la mkhas pa de lta bu daṅ ldan pa de yun riṅ po ji srid cig nas (4) yaṅ dag par źugs pa lags | de skad ces gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to | rab ’byor byaṅ chub sems dpa’ sems dpa’ chen po gaṅ thabs la mkhas pa de lta bu daṅ ldan pa de ni bskal pa (5) bye ba khrag khrig graṅs med pa nas yaṅ dag par źugs pa yin no ||
gsol pa | bcom ldan ’das byaṅ chub sems dpa’ sems dpa’ chen po gaṅ thabs la mkhas pa de lta bu daṅ ldan pa des saṅs rgyas bcom ldan ’das ji sñed cig la bsñen bkur bgyis (6) pa lags | bka’ stsal pa | rab ’byor byaṅ chub sems dpa’ sems dpa’ chen po | gar thabs la mkhas pa de lta bu daṅ ldan pa de ni | saṅs rgyas bcom ldan ’das | gaṅ g’i kluṅ gi bye ma sñed dag la | bsñen bkur byas par rig par bya’o ||
(7) gsol pa | bcom ldan ’das byaṅ chub sems dpa’ sems dpa’ chen po gaṅ thabs la mkhas pa de lta bu daṅ ldan pa des dge ba’i rtsa ba ji tsam źig bskrun pa lags | bcom ldan ’das kyis bka’ stsal pa | rab ’byor byaṅ chub sems dpa’ sems (290a1) dpa’ chen po des ni sems daṅ po bskyed pa nas bzuṅ ste | yoṅs su rdzogs par ma byas pa’i sbyin pa’i pha rol tu phyin pa gaṅ yaṅ med do ||
des yoṅs su rdzogs par ma byas pa’i tshul khrims kyi pha rol tu phyin pa gaṅ yaṅ med do ||
bzod pa’i pha rol (2) tu phyin pa gaṅ yaṅ med do ||
brtson ’grus kyi pha rol tu phyin pa gaṅ yaṅ med do ||
bsam gtan gyi pha rol tu phyin pa gaṅ yaṅ med do ||
byaṅ chub sems dpa’ sems dpa’ chen po gaṅ thabs la mkhas pa de lta bu daṅ ldan pa des yoṅs su rdzogs par ma byas pa’i śes rab (3) kyi pha rol tu phyin pa gaṅ yaṅ med do ||
gsol pa | bcom ldan ’das byaṅ chub sems dpa’ sems dpa’ chen po gaṅ dag thabs la mkhas pa de lta bu daṅ ldan pa de dag ni ṅo mtshar lags so ||
bka’ stsal pa | rab ’byor de de bźin no ||
de de bźin te | byaṅ (4) chub sems dpa’ sems dpa’ chen po gaṅ dag thabs la mkhas pa de lta bu daṅ ldan pa de dag ni ṅo mtshar to ||
rab ’byor ’di lta ste dper na | ñi ma’i dkyil ’khor daṅ | zla ba’i dkyil ’khor ni gliṅ bźir snaṅ bar byed la | gliṅ bźi daṅ ’thun par ’gro źiṅ (5) ’thun par ’khor ro ||
rab ’byor de bźin du śes rab kyi pha rol tu phyin pa yaṅ pha rol tu phyin pa lṅa po dag la las byed la | pha rol tu phyin pa lṅa daṅ ’thun par ’groṅ źiṅ ’thun par ’jug ste | śes rab kyi pha rol tu phyin pa daṅ ma bral na | pha rol tu phyin (6) pa lṅa po dag kyaṅ pa rol tu phyin pa’i miṅ ’thob kyi | śes rab kyi pha rol tu phyin pa daṅ bral na | pha rol tu phyin pa lṅa po dag gis pha rol tu phyin pa’i miṅ mi ’thob bo ||
rab ’byor ’di lta ste dper na | ’khor los sgyur ba’i rgyal po ni rin po che sna bdun daṅ bral na | (7) ’khor los sgyur ba’i rgyal po źes bya ba’i miṅ mi ’thob bo ||
rab ’byor de bźin du pha rol tu phyin pa lṅa po dag kyaṅ śes rab kyi pha rol tu phyin pa daṅ bral na | pha rol tu phyin pa źes bya ba’i miṅ mi ’thob bo ||
rab ’byor ’di lta ste dper na | khyim thab med pa’i (290b1) bud med dag ni g-yon can dag gis tshugs par sla’o ||
rab ’byor de bźin du pha rol tu phyin pa lṅa po dag kyaṅ śes rab kyi pha rol tu phyin pa daṅ bral na bdud dam bdud kyi ris kyi lha rnams kyis thul bar sla’o ||
śes rab kyi pha rol tu phyin pa daṅ ma bral na | pha (2) rol tu phyin pa lṅa po dag bdud dam bdud kyi ris kyi lha rnams kyis mi thul ba yin gyi | śes rab kyi pha rol tu phyin pa daṅ bral na | pha rol tu phyin pa lṅa po dag kyaṅ bdud dam | bdud kyi ris kyi lha rnams kyis don du gñer bar bya ba yin no ||
rab ’byor ’di (3) lta ste dper na | g-yul ṅor ’gro ba’i skyes bu go cha thams cad bgos pa ni | g-yul ṅor źugs pa’i tshe | ’thob zla’i rgyal po’am | phyir rgol ba rnams sam | dgra bo dag gis mi thul to ||
rab ’byor de bźin du pha rol tu phyin pa lṅa po dag kyaṅ śes rab kyi pha rol (4) tu phyin pa daṅ ma bral na bdud dam | bdud kyi ris kyi lha rnams sam | gaṅ zag lhag pa’i ṅa rgyal can rnams sam | byaṅ chub sems dpa’ gdol pa’i bar dag gis thul bar dka’ źiṅ | pha rol tu phyin pa lṅa po dag mi thul bar ’gyur ro ||
rab ’byor ’di lta ste dper na | (5) khams kyi rgyal po rnams ni ’khor los sgyur ba’i rgyal po’i rjes su ’thun par byed de | naṅ nub naṅ nub ciṅ rim gro bya ba’i don du ’doṅ bar byed do ||
rab ’byor de bźin du pha rol tu phyin pa lṅa po dag kyaṅ śes rab kyi pha rol tu phyin pas yoṅs su zin na | rnam pa thams (6) cad mkhyen pa ñid ga la ba der ’thun par ’doṅ ṅo ||
rab ’byor ’di lta ste dper na | chu bran gaṅ ji sñed pa de dag thams cad ni | gaṅ g’i kluṅ ga la bde logs su rjes su ’bab ciṅ | gaṅ g’i kluṅ daṅ lhan cig tu rgya mtsho chen por ’bab po | rab ’byor de (7) bźin du pha rol tu phyin pa lṅa po dag kyaṅ śes rab kyi pha rol tu phyin pas yoṅs su zin na | rnam pa thams cad mkhyen pa ñid ga la ba de logs su ’thun par ’doṅ ṅo ||
rab ’byor ’di lta ste dper na | skyes bu’i lag pa g-yas pa ni bya ba thams cad byed do ||
(291a1) rab ’byor śes rab kyi pha rol tu phyin pa yaṅ de bźin du blta ste | pha rol tu phyin pa lṅa po dag ni lag pa g-yon pa ji lta ba bźin du blta’o ||
rab ’byor ’di lta ste dper na | chu bran rnams kyi chu gaṅ yin pa daṅ | chu kluṅ chen po rnams kyi chu gaṅ yin (2) pa de dag ni rgya mtsho chen por źugs na | ro gcig par ’gyur ro ||
rab ’byor de bźin du pha rol tu phyin pa lṅa po dag kyaṅ śes rab kyi pha rol tu phyin pas yoṅs su zin ciṅ | rnam pa thams cad mkhyen pa ñid ga la ba der ’thun par ’thun par źugs na | pha rol tu phyin pa (3) źes bya ba’i miṅ ’thob bo rab ’byor ’di lta ste | dper na | ’khor los sgyur ba’i rgyal po’i ’khor lo rin po che ni dpuṅ gi tshogs yan lag bźi pa’i mdun du ’gro źiṅ gnas la gaṅ du ’khor los sgyur ba’i rgyal po zas kyi don du gnas pa der ’khor los sgyur ba’i (4) rgyal po’i dpuṅ gi tshogs rnams tshim par byed kyaṅ | ’khor lo rin po che de ni gnas nas g-yo ba med do ||
rab ’byor de bźin du śes rab kyi pha rol tu phyin pa yaṅ pha rol tu phyin pa lṅa po ’di dag yoṅs su ’dren par byed la rnam pa thams cad mkhyen pa ñid ga la ba (5) de logs su ’gro źiṅ | der gnas par ’gyur la | der gnas pa na gnas de las ’da’ bar yaṅ mi ’gyur ro ||
rab ’byor ’di lta ste dper na | ’khor los sgyur ba’i rgyal po’i ’khor lo rin po che de daṅ blon po rin po che de daṅ | khyim bdag rin po che de daṅ | btsun (6) mo rin po che de daṅ | nor bu rin po che de daṅ | glaṅ po rin po che daṅ | rta mchog rin po che de ni dpuṅ gi tshogs yan lag bźi pa’i mdun du ’gro’o ||
rab ’byor de bźin du śes rab kyi pha rol tu phyin pa yaṅ pha rol tu phyin pa lṅa po ’di dag gi mdun du ’gro’o ||
mdun du (7) soṅ nas kyaṅ rnam pa thams cad mkhyen pa ñid ga la ba der gnas te | śes rab kyi pha rol tu phyin pa ’di sñam du sbyin pa’i pha rol tu phyin pa ni bdag gi rjes su ’braṅ ṅo tshul khrims kyi pa rol tu phyin pa daṅ bzod pa’i pha rol tu phyin pa daṅ | brtson ’grus kyi pha rol tu phyin pa daṅ | (291b1) bsam gtan gyi pha rol tu phyin pa ni bdag gi rjes su ’braṅ ṅo sñam du mi sems so ||
sbyin pa’i pha rol tu phyin pa yaṅ ’di sñam du bdag ni śes rab kyi pha rol tu phyin pa’i rjes su ’braṅ ṅo sñam du mi sems so ||
de bźin du tshul khrims kyi pha rol tu phyin pa daṅ | bzod pa’i (2) pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa yaṅ ’di sñam du bdag ni śes rab kyi pha rol tu phyin pa’i rjes su ’braṅ ṅo sñam du mi sems so ||
de ci’i phyir źe na | ’di ltar de dag ni raṅ bźin gyis nus pa cuṅ zad kyaṅ (3) med la raṅ bźin gyis stoṅ źiṅ gsob daṅ | smig rgyu lta bu yin pa’i phyir ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te cho thams cad raṅ bźin gyis stoṅ pa lags na | byaṅ chub sems (4) dpa’ sems dpa’ chen po sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyod pa (5) ji ltar bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po pha rol tu phyin pa drug la spyod pa ’di sñam du | kye (6) ma ’jig rten gnas pa ’di ni sems phyin ci log tu gyur pa ste | de ni thabs la mi mkhas pas ’khor ba las yoṅs su thar bar mi nus kyis | bdag gis sems can de dag gi don du sbyin pa’i pha rol tu phyin pa daṅ | tshul khrims kyi pha rol tu phyin pa (7) daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyad par bya’o sñam du sems śiṅ | de sems can de dag gi don du phyi daṅ naṅ gi dṅos po (292a1) rnams yoṅs su gtoṅ bar byed do ||
de yoṅs su gtoṅ bar byed pa na | ’di sñam du bdag gis ci yaṅ btaṅ ba med do ||
de ci’i phyir źe na | ’di ltar dṅos po ’di dag ni raṅ bźin gyis stoṅ pa yin pa’i phyir ro sñam du sems te | rab ’byor (2) de ltar ñe bar rtog pa’i byaṅ chub sems dpa’ sems dpa’ chen po ni sbyin pa’i pha rol tu phyin pa yoṅs su rdzogs par byed pa yin no ||
de sems can de dag ñid kyi don du ’chal ba’i tshul khrims kyi skabs mi ’byed do ||
de ci’i phyir źe na | ’di ltar bdag bla na med (3) pa yaṅ dag par rdzogs pa’i byaṅ chub la yaṅ dag par źugs la srog gcod par byed pa daṅ | log par lta bar gyur pa’i bar daṅ | ñan thos kyi sa’am | raṅ saṅs rgyas kyis don du gñer bar byed pa ni bdag gi mi bya’o sñam du sems pa’i phyir te | rab ’byor de (4) ltar ñe bar rtog pa’i byaṅ chub sems dpa’ sems dpa’ chen po ni tshul khrims kyi pha rol tu phyin pa la spyod pa yin no ||
de sems can de dag ñid kyi don du ’khrug pa’i sems ’ga’ tsam yaṅ skyed par mi byed de | rab ’byor de ltar ñe bar rtog pa’i byaṅ chub sems dpa’ (5) sems dpa’ chen po bzod pa’i pha rol tu phyin pa la spyod pa yin no ||
des sems can de dag ñid kyi don du bla na med pa yaṅ dag par rdzogs pa’i byaṅ chub mṅon par rdzogs par saṅs rgyas par gyur gyi bar du le lo’i sems skyed par mi byed de | rab ’byor de ltar ñe (6) bar rtog pa’i byaṅ chub sems dpa’ sems dpa’ chen po ni brtson ’grus kyi pha rol tu phyin pa la spyod pa yin no ||
de sems can de dag ñid kyi don du bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du sems rnam par g-yeṅ (7) bar mi byed de | rab ’byor de ltar ñe bar rtog pa’i byaṅ chub sems dpa’ sems dpa’ chen po ni bsam gtan gyi pha rol tu phyin pa la spyod pa yin no ||
de sems can de dag ñid kyi don du bla na med pa yaṅ dag par rdzogs pa’i byaṅ chub mṅon par rdzogs par saṅs (292b1) rgyas par gyur gyi bar du nam yaṅ śes rab daṅ ’bral bar mi byed do ||
de ci’i phyir źe na | śes rab kyi pha rol tu phyin pa la źugs par gźan gyis sems can yoṅs su smin par bya mi nus so sñam du sems pa’i phyir te | rab ’byor de ltar ne bar rtog pa’i byaṅ chub (2) sems dpa’ sems dpa’ chen po ni śes rab kyi pha rol tu phyin pa la spyod pa yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te pha rol tu phyin pa rnams la tha dad pa (3) ma mchis na | ci’i slad du śes rab kyi pha rol tu phyin pa ni pha rol tu phyin pa lṅa po dag gi mchog ces bgyi | thu bo daṅ | gtso bo daṅ | rab daṅ | rab mchog daṅ | gya nom pa daṅ | bla na ma mchis pa daṅ | goṅ nam mchis pa daṅ | mi mñam pa daṅ | mñam (4) pa źes bgyi lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | rab ’byor pha rol tu phyin pa rnams la ni tha dad pa chuṅ zad kyaṅ med do ||
gal te (5) śes rab kyi pha rol tu phyin pa med na | pha rol tu phyin pa lṅa po ’di dag gis pha rol tu phyin pa źes bya ba’i miṅ mi ’thob kyis rab ’byor śes rab kyi pha rol tu phyin pa la brten nas | pha rol tu phyin pa lṅa po ’di dag pha rol tu phyin pa źes bya ba’i miṅ ’thob bo ||
(6) rab ’byor ’di lta ste dper na | lus rnam pa tha dad pa dag ni | ri’i rgyal po ri rab kyi druṅ du phyin na | lus de dag kha dog gcig tu ’gyur ro ||
rab ’byor de bźin du pha rol tu phyin pa lṅa po dag kyaṅ śes rab kyi pha rol tu phyin pa la brten nas | pha rol tu phyin pa (7) źes bya ba’i miṅ ’thob ciṅ | de dag rnam pa thams cad mkhyen pa ñid du źugs pa ni kha dog gcig tu ’gyur te | ’di ni sbyin pa’i pha rol tu phyin pa’o ||
źes bya ba daṅ | de bźin du sbyar te | ’di ni śes rab kyi pha rol tu phyin pa’o źes bya ba’i bar gyi bye brag gaṅ (293a1) yaṅ med do ||
de ci’i phyir źe na | ’di ltar de dag gaṅ la ṅo bo ñid med pa de’i phyir bye brag med do ||
gsol pa | bcom ldan ’das gal te don gyi rjes su źugs pa la chos gaṅ yaṅ bye brag gam | tha dad du bgyi ba ma mchis na | ci’i slad (2) du śes rab kyi pha rol tu phyin pa ’di pha rol tu phyin pa lṅa po de dag gi mchog ces bgyi | gtso bo daṅ | thu bo daṅ | rab daṅ | rab mchog daṅ | gya nom pa daṅ | bla na ma mchis pa daṅ | goṅ na ma mchis pa daṅ | mi mnam pa daṅ | mñam pa źes bgyi (3) lags | bka’ stsal pa | rab ’byor de de bźin no ||
de de bźin te | don gyi rjes su źugs pa la ni chos gaṅ yaṅ bye brag gam | tha dad du bya ba gaṅ yaṅ med mod kyi | ’on kyag sems can rnams ’khor ba las yoṅs su thar bar bya ba’i don du ’jig rten (4) gyi tha sñad daṅ | brda tsam gyi phyir | sbyin pa’i pha rol tu phyin pa źes btags pa yaṅ yod do ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa (5) daṅ | śes rab kyi pha rol tu phyin pa źes btags pa yaṅ yod de | sems can de dag la yaṅ skye ba yaṅ med | ’chi ba yaṅ med ’chi ’pho med | dbyuṅ ba med de | sems can med de | sems can med pa’i phyir | chos thams cad med par rig (6) par bya’o ||
rab ’byor de’i phyir śes rab kyi pha rol tu phyin pa ni pha rol tu phyin pa lṅa po de dag gi mchog ces bya’o ||
gtso bo daṅ | thu bo daṅ | rab daṅ | rab mchog daṅ | gya nom pa daṅ | bla na med pa daṅ | goṅ na med pa daṅ | mi mñam pa daṅ | (7) mñam pa źes bya’o ||
rab ’byor ’di lta ste dper na | bud med rin po che ni ’dzam bu gliṅ gi bud med gaṅ ji sñed pa de dag gi naṅ na mchog ces bya ba daṅ | mi mñam pa daṅ | mñam pa’i bar źes bya’o ||
rab ’byor de bźin du śes rab kyi pha rol tu (293b1) phyin pa yaṅ pha rol tu phyin pa lṅa po de dag gi mchog ces bya ba daṅ | mi mñam pa daṅ | mñam pa’i bar źes bya’o ||
gsol pa | bcom ldan ’das ci las dgoṅs nas śes rab kyi pha rol tu phyin pa ni mchog ces bya’o ||
mi mñam pa daṅ | mñam (2) pa’i bar źes bya’o ||
źes gsuṅs lags | bka’ stsal pa | rab ’byor ’di ltar śes rab kyi pha rol tu phyin pa ’di ni dge ’bi chos thams cad yoṅs su bzuṅ nas | rnam pa thams cad mkhyen pa ñid gal ba der mi gnas pa’i tshul gyis gnas par ’gyur (3) ba’i phyir ro ||
gsol pa bcom ldan ’das ci śes rab kyi pha rol tu phyin pa chos gaṅ yaṅ yoṅs su ’dzin pa’am | gtoṅ bar bgyid lags sam | bka’ stsal pa | rab ’byor de ni ma yin te | rab ’byor śes rab kyi pha rol tu phyin pa ni chos gaṅ yaṅ (4) yoṅs su ’dzin pa’am | gtoṅ bar mi byed do ||
de ci’i phyir źe na | rab ’byor ’di ltar chos thams cad ma bzuṅ ma btaṅ ba’i phyir ro ||
gsol pa | bcom ldan ’das śes rab kyi pha rol tu phyin pas chos gaṅ dag yoṅs su ma bzuṅ ma btaṅ ba lags | (5) bka’ stsal pa | rab ’byor śes rab kyi pha rol tu phyin pa ni gzugs mi ’dzin mi gtoṅ ṅo ||
de bźin du sbyar te | byaṅ chub kyi bar du mi ’dzin mi gtoṅ ṅo ||
gsol pa | bcom ldan ’das ji ltar na gzugs yoṅs su ma bzuṅ ma btaṅ ba lags | bka’ (6) stsal pa | rab ’byor gaṅ gzugs yid la mi byed ciṅ | byaṅ chub kyi bar du yid la mi byed pa de ni gzugs yoṅs su mi ’dzin pa yin no ||
gsol pa | bcom ldan ’das gal te gzugs yid la mi bgyi źiṅ | rnam pa thams cad mkhyen pa ñid kyi bar (7) du yid la mi bgyid | bcom ldan ’das gzugs yid lam bgyis śiṅ | rnam pa thams cad mkhyen pa ñid kyi bar du yid la ma bgyis par | ji ltar dge ba’i rtsa ba dag rnam par ’phel bar ’gyur lags | dge ba’i rtsa ba dag rnam par ma ’phel na | (294a1) ji ltar pha rol tu phyin pa rnams yoṅs su rdzogs par ’gyur lags | pha rol tu phyin pa rnams yoṅs su ma rdzogs na | ji ltar rnam pa thams cad mkhyen pa ñid thob par ’gyur lags | bka’ stsal pa | rab ’byor gaṅ gi tshe byaṅ chub sems (2) dpa’ sems dpa’ chen po gzugs yid la mi byed pa daṅ | de bźin du sbyar te | byaṅ chub kyi bar du yid la mi byed pa de’i tshe | byaṅ chub sems dpa’ sems dpa’ chen po dge ba’i rtsa ba rnam par ’phel źiṅ rnam pa thams cad mkhyen pa ñid kyi bar du thob par ’gyur (3) ro ||
de ci’i phyir źe na | gzugs yid la ma byas śiṅ | byaṅ chub kyi bar du yid la ma byas na | mṅon par rdzogs par ’tshaṅ rgya bar ’gyur ba’i phyir ro ||
gsol pa | bcom ldan ’das ci’i slad du ’di ltar gzugs yid lam bgyis śiṅ | byaṅ chub kyi (4) bar du yid la ma bgyis na | rnam pa thams cad mkhyen pa ñid thob par ’gyur lags | bka’ stsal pa | rab ’byor yid la byed pas ni ’dod pa’i khams sam | gzugs kyi khams sam | gzugs med pa’i khams su yaṅ sbyor bar ’gyur la | yid (5) la ma byas na gaṅ la yaṅ sbyor bar mi ’gyur te | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pas chos gaṅ la yaṅ mi spyod par bya’o ||
gsol pa | bcom ldan ’das byaṅ chub sems dpa’ sems (6) dpa’ chen po śes rab kyi pha rol tu phyin pa la de ltar spyod pa gaṅ la gnas par mi ’gyur ba lags | bka’ stsal pa | rab ’byor de ltar spyod pa’i byaṅ chub sems dpa’ sems dpa’ chen po ni gzugs la mi gnas so ||
rnam pa thams cad mkhyen pa ñid kyi (7) bar la mi gnas so ||
gsol pa | bcom ldan ’das ci’i slad du gzugs la mi gnas śiṅ | byaṅ chub kyi bar la mi gnas pa lags | bka’ stsal pa | mṅon par źen pa med pa’i phyir | gaṅ la yaṅ mi gnas so ||
de ci’i phyir źe na | ’di (294b1) ltar de gaṅ la mṅon par źen pa źes bya ba’am | gnas pa źes bya ba’i chos de yaṅ dag par rjes su mi mthoṅ ba’i phyir te | rab ’byor de ltar na byaṅ chub sems dpa’ sems dpa’ chen po ni mṅon par źen pa med pa’i tshul gyis śes rab kyi pha rol tu phyin pa la (2) spyod pa yin no ||
rab ’byor gal te byaṅ chub sems dpa’ sems dpa’ chen po ’di sñam du gaṅ de ltar bsgom pa daṅ | gaṅ de ltar spyod pa de ni śes rab kyi pha rol tu phyin pa la sgom pa yin no ||
de ni śes rab kyi pha rol tu phyin pa la sgom pa yin pas bdag kyaṅ (3) śes rab kyi pha rol tu phyin pa la spyod pa yin | bdag kyaṅ śes rab kyi pha rol tu phyin pa la sgom pa yin no sñam du sems śiṅ | gal te de ltar kun tu śes par byed na | de ni śes rab kyi pha rol tu phyin pa thag riṅ du byed pa yin no ||
gaṅ śes rab kyi pha rol (4) tu phyin pa las riṅ du gyur pa de ni sbyin pa’i pha rol tu phyin pa las riṅ du gyur pa yin no ||
de bźin du sbyar te | rnam pa thams cad mkhyen pa ñid kyi bar las riṅ du gyur pa yin no ||
de ci’i phyir źe na | śes rab kyi pha rol tu pyin pa ni chos gaṅ la yaṅ mṅon par (5) źen pa med la śes rab kyi pha rol tu phyin pa la yaṅ mṅon par źen pa gaṅ yaṅ med pa’i phyir ro ||
de ci’i phyir źe na | ’di ltar gaṅ la mṅon par źe na pa źes bya ba’i ṅo bo ñid med pa’i phyir ro ||
gal te byaṅ chub sems dpa’ sems dpa’ chen po śes rab kyi (6) pha rol tu phyin pa la kun tu śes par byed na | byaṅ chub sems dpa’ sems dpa’ chen po de ni śes rab kyi pha rol tu phyin pa las ñams par ’gyur ro ||
gaṅ śes rab kyi pha rol tu phyin pa las ñams pa de ni chos thams cad las ñams pa yin no ||
gal te yaṅ (7) de ’di sñam du śes rab kyi pha rol tu phyin pa ni | pha rol tu phyin pa lṅa po dag yoṅs su ’dzin pa yin no ||
rnam pa thams cad mkhyen pa ñid kyi bar du yoṅs su ’dzin pa yin no sñam na | byaṅ chub sems dpa’ sems dpa’ chen po de ni śaisa rab kyi pha (295a1) rol tu phyin pa las ñams pa yin te | śes rab kyi pha rol tu pyin pa daṅ bral bas ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi nus so ||
gal te yaṅ de ’di sñam du śes rab kyi pha rol tu phyin pa (2) ’di la gnas pa ni | bla na med pa yaṅ dag par rdzogs pa’i byaṅ chub tu luṅ bstan par ’gyur ro ||
sñan na byaṅ chub sems dpa’ sems dpa’ chen po de ni śes rab kyi pha rol tu phyin pa las ñams pa yin no ||
śes rab kyi pha rol tu phyin pa las ñams pa la ni bla (3) na med pa yaṅ dag par rdzogs pa’i byaṅ chub tu luṅ bstan par ’gyur ba med do ||
gal te yaṅ ’di sñam du śes rab kyi pha rol tu phyin pa ’di la gnas te | sbyin pa’i pha rol tu phyin pa ’di la mṅon par bsgrub par bya’o ||
sñiṅ rje chen po’i bar du mṅon par bsgrub (4) par bya’o sñam na | byaṅ chub sems dpa’ sems dpa’ chen po de ni śes rab kyi pha rol tu phyin pa ’di las ñams pa yin no ||
de ci’i phyir źe na | śes rab kyi pha rol tu phyin pa las ñams pas ni | sbyin pa’i pha rol tu phyin pa mṅon par bsgrub par mi nus la sñiṅ (5) rje chen po’i bar dag kyaṅ mṅon par bsgrub par mi nus pa’i phyir ro ||
gal te yaṅ de ’di sñam du de bźin gśegs pas ni chos thams cad yoṅs su ma bzuṅ bar bdag ñid mṅon par rdzogs par saṅs rgyas so ||
mṅon par rdzogs pa’i saṅs rgyas nas (6) kyaṅ bstan to ||
bśad do rab tu bśad do ||
sñam na byaṅ chub sems dpa’ sems dpa’ chen po de ni śes rab kyi pha rol tu phyin pa las ñams pa yaṅ yin no ||
de ci’i phyir źe na | de bźin gśegs pas chos gaṅ yaṅ mṅon par rdzogs par saṅs rgyas pa med (7) pa’i phyir ro ||
de ci’i phyir źe na | ’di ltar des mthoṅ ba’i chos kyaṅ mi dmigs na | chos gaṅ mṅon par rdzogs par ’tshaṅ rgya bar ’gyur ba lta smos kyaṅ ci dgos te | de ni gnas med pa’i phyir ro ||
de nas bcom ldan ’das la tshe daṅ ldan pa rab ’byor gyis (295b1) ’di skad ces gsol to ||
bcom ldan ’das ji ltar na | byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i skyon ’di dag ma mchis par ’gyur ba lags | bka’ stsal pa | rab ’byor gaṅ gi tshe byaṅ chub sems dpa’ (2) sems dpa’ chen po śes rab kyi pha rol tu phyin pa la spyod pa na | ’di ltar chos thams cad na chags pa med pa daṅ | yoṅs su bzuṅ ba med pa ste | chags pa med pa daṅ | yoṅs su bzuṅ ba med pa’i chos la ni mṅon par rdzogs par ’tshaṅ rgya bar ’gyur (3) ba’i chos gaṅ yaṅ med do źes kun tu śes śiṅ | gal te de ltar spyod na śes rab kyi pha rol tu pyin pa la spyod pa yin no ||
gal te de ltar yoṅs su ma bzuṅ ba’i chos la mṅon par źen na | byaṅ chub sems dpa’ sems dpa’ chen po śes rab kyi pha rol tu phyin pa daṅ bral (4) ba yin no ||
de ci’i phyir źe na | śes rab kyi pha rol tu phyin pa ni mṅon par źen pas brjod par bya ba ma yin pa’i phyir ro ||
gsol pa | bcom ldan ’das ci śes rab kyi pha rol tu phyin pa śes rab kyi pha rol tu phyin pa daṅ ma bral ba lags sam | sbyin (5) pa’i pha rol tu phyin pa’i bar yaṅ sbyin pa’i pha rol tu phyin pa daṅ ma bral ba lags sam | rnam pa thams cad mkhyen pa ñid kyi bar yaṅ rnam pa thams cad mkhyen pa ñid kyi bar daṅ ma bral ba lags sam | bcom ldan ’das gal te ’di ltar śes rab kyi (6) pha rol tu phyin pa śes rab kyi pha rol tu phyin pa la ma bral ba lags la | rnam pa thams cad mkhyen pa ñid kyi bar yaṅ | rnam pa thams cad mkhyen pa ñid daṅ ma bral ba lags na | ’on ji ltar śes rab kyi pha rol tu phyin pa mṅon pa rab bsgrub par (7) bgyi | ji ltar sbyin pa’i pha rol tu phyin pa daṅ | rnam pa thams cad mkhyen pa ñid kyi bar dag mṅon par bsgrub par bgyi lags | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi (296a1) pha rol tu phyin pa la spyod pa ni gzugs la mṅon par źen pa med de | ’di ni gzugs so ||
źes bya bar mṅon par źen pa med do ||
chos thams cad kyi bar la yaṅ de bźin du sbyar ro ||
gzugs rtag pa ’am | (2) mi rtag pa’am | bde ba’am | sdug bsṅal ba’am | bdag gam | bdag med pa ’am | źi ba’am | ma źi ba’am | stoṅ pa’am | mi stoṅ ba’am | dben pa’am | mi dben pa źes bya bar mṅon par źen pa med do ||
rnam pa thams cad mkhyen pa (3) ñid kyi bar dag la yaṅ de bźin du sbyar bar bya’o ||
de ci’i phyir źe na | raṅ bźin med pa’i chos la ni rtag pa źes bya ba’am | mi rtag pa źes bya’am | bde ba źes bya ba’am | sdug bsṅal źes bya ba’am | bdag ces bya ba’am | bdag med ces (4) bya ba’am | źi źes bya ba’am | ma źi źes bya ba’am | stoṅ źes bya ba’am | mi stoṅ źes bya ba’am | dben źes bya ba’am | mi dben źes bya bar mṅon par bsgrub par mi nus te | raṅ bźin ni raṅ bźin gyis stoṅ źes bya bar mṅon par bsgrub (5) par mi nus pa’i phyir ro ||
rab ’byor byaṅ chub sems dpa’ sems dpa’ chen po de ltar śes rab kyi pha rol tu phyin pa la spyod pa daṅ | de bźin du sbyar te | sbyin pa’i pha rol tu phyin pa’i bar la spyod pa de ni rnam pa thams cad mkhyen pa ñid la gnas par ’gyur (6) ro ||
rab ’byor ’di lta ste dber na | ’khor los sgyur ba’i rgyal po’i dpuṅ gi tshogs yan lag bźi pa ni ’khor los sgyur ba’i rgyal po gaṅ daṅ gaṅ du ’gro ba de daṅ der dpuṅ gi tshogs yan lag bźi pa yaṅ ’gro bar ’gyur ro ||
de bźin du pha rol tu (7) phyin pa lṅa po de dag kyaṅ śes rab kyi pha rol tu phyin pa gaṅ daṅ gaṅ du ’gro ba de daṅ der pha rol tu phyin pa lṅa po ’di dag kyaṅ ’gro źiṅ | rnam pa thams cad mkhyen pa ñid ga la ’dir gnas par ’gyur ro ||
rab ’byor ’di lta ste dper na | ’khor los (296b1) pa’i śiṅ rta la źon nas la ma mñam pa nas ’gro’o ||
de bźin du śes rab kyi pha rol tu phyin pa yaṅ pha rol tu phyin pa lṅa po ’di dag gi kha lo sgyur źiṅ lam mñam pa nas rnam pa thams cad mkhyen pa ñid gal ba der ’gro’o ||
gsol pa (2) bcom ldan ’das byaṅ chub sems dpa’ sems dpa’ chen po rnams kyi lam ni gaṅ lags | lam ma lags pa ni gaṅ lags | bka’ stsal pa | rab ’byor ñan thos kyi lam ni byaṅ chub sems dpa’ sems dpa’ chen po rnams kyi lam ma yin pa’o ||
(3) raṅ saṅs rgyas kyi lam ni byaṅ chub sems dpa’ sems dpa’ chen po rnams kyi lam ma yin pa’o ||
rnam pa thams cad mkhyen pa ñid kyi la cha ni lam yin te | rab ’byor byaṅ chub sems dpa’ sems dpa’ chen po rnams kyi lam ni de yin no ||
lam ma (4) yin pa ni de yin no ||
gsol pa | bcom ldan ’das de ltar śes rab kyi pha rol tu phyin pa ’di ni lam lags so ||
źes ston pa ni byaṅ chub sems dpa’ sems dpa’ chen po rnams kyi don chen po’i slad du ñe bar gnas pa (5) lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | śes rab kyi pha rol tu phyin pa ’di la ma dad lam ma yin pa ston pa ni | byaṅ chub sems dpa’ sems dpa’ chen po rnams kyi don chen po’i phyir ñe bar (6) gnas pa yin źiṅ sems can dpag tu med pa rnams kyi don du ñe bar gnas pa yin te | sems can graṅs med pa rnams kyi don du ñe bar gnas kyaṅ | rab ’byor śes rab kyi pha rol tu phyin pa ni ci yaṅ ston par mi byed de | gzugs yoṅs su mi ’dzin (7) ciṅ | tshor ba daṅ | ’du śes daṅ | ’du byed rnams daṅ | rnam par śes pa yoṅs su mi ’dzin te | ñan thos kyi sa daṅ raṅ saṅs rgyas kyi sa yoṅs su bzuṅ ba’i phyir ñe bar gnas pa ma yin no ||
śes rab kyi pha rol tu phyin pa ’di ni byaṅ chub (297a1) sems dpa’ sems dpa’ chen po bla na med pa yaṅ dag par rdzogs pa’i byaṅ chub tu yoṅs su ’dren pa yin gyi | ñan thos daṅ raṅ saṅs rgyas kyi sa dag tu yoṅs su ’dren pa ni ma yin te | rnam pa thams cad mkhyen pa ñid thob par byed (2) pa yin no ||
de ltar śes rab kyi pha rol tu phyin pa ’di ni chos gnas pa ñid tshad mar byas nas | chos gaṅ yaṅ skyed pa ma yin | ’gog pa ma yin no gsol pa | bcom ldan ’das gal te śes rab kyi pha rol tu phyin pa chos gaṅ yaṅ skyed pa ma lags | (3) ’gog pa ma lags na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas ji ltar sbyin pa stsal bar bgyi | ji ltar tshul khrims bsruṅ bar bgyi | ji ltar bzod pa bsgom par bgyi | ji ltar brtson ’grus brtsam (4) par bgyi | ji ltar bsam gtan la sñoms par ’jug par bgyi | ji ltar śes rab bsgom par bgyi lags | bcom ldan ’das kyis bka’ stsal pa | rab ’byor rnam pa thams cad mkhyen pa ñid du dmigs te | sbyin pa sbyin par bya’o ||
rnam (5) pa thams cad mkhyen pa ñid du dmigs te | tshul khrims bsruṅ bar bya’o ||
rnam pa thams cad mkhyen pa ñid du dmigs te | bzod pa bsgom par bya’o ||
rnam pa thams cad mkhyen pa ñid du dmigs te | brtson ’grus brtsam par bya’o ||
(6) rnam pa thams cad mkhyen pa ñid du dmigs te | tiṅ ṅe ’dzin la sñoms par ’jug par bya’o ||
rnam pa thams cad mkhyen pa ñid du dmigs te | śes rab bsgom par bya źiṅ | dge ’bi rtsa ba de dag kyaṅ sems can thams cad daṅ thun moṅ du (7) byas la | bla na med pa yaṅ dag par rdzogs pa’i byaṅ chub tu yoṅs su bsṅo bar bya | de ltar byaṅ chub sems dpa’ sems dpa’ chen po’i dge ba’i rtsa ba de dag bla na med pa yaṅ dag par rdzogs pa’i byaṅ chub tu yoṅs su bsṅos na | pha rol tu phyin pa drug (297b1) bsgom pa yoṅs su rdzogs par ’gyur ro ||
byaṅ chub sems dpa’ sems dpa’ chen po’i byams pa bsgom pa’i bar du yoṅs su rdzogs par ’gyur ro ||
rnam pa thams cad mkhyen pa ñid bsgom pa’i bar du yoṅs su rdzogs par ’gyur ro ||
byaṅ chub (2) sems dpa’ sems dpa’ chen po gaṅ la la pha rol tu phyin pa drug daṅ ma bral ba de ni rnam pa thams cad mkhyen pa ñid daṅ ma bral ba yin no ||
rab ’byor de lta bas na | byaṅ chub sems dpa’ sems dpa’ chen po bla na med pa yaṅ dag par par rdzogs pa’i byaṅ (3) chub mṅon par rdzogs par ’tshaṅ rgya bar ’dod pas | pha rol tu phyin pa drug la bslab par bya’o ||
pha rol tu phyin pa drug la spyad par bya’o ||
pha rol tu phyin pa drug la spyod pa’i byaṅ chub sems dpa’ sems dpa’ chen po ni dge ba’i rtsa ba thams cad yoṅs su (4) rdzogs par byas nas | rnam pa thams cad mkhyen pa ñid thob par ’gyur ro ||
rab ’byor de lta bas na | byaṅ chub sems dpa’ sems dpa’ chen pos pha rol tu phyin pa drug la brtson par bya’o ||
gsol pa | bcom ldan ’das byaṅ chub sems dpa’ (5) sems dpa’ chen po ji ltar pha rol tu phyin pa drug la brtson par bgyi | bka’ stsal pa | rab ’byor ’di la byaṅ chub sems dpa’ sems dpa’ chen pos ’di ltar gzugs ni ldan pa yaṅ ma yin mi ldan pa ma yin no ||
tshor ba daṅ | ’du śes daṅ | ’du (6) byed rnams daṅ | rnam par śes pa ni ldan pa yaṅ ma yin | mi ldan pa yaṅ ma yin no ||
de bźin du rnam pa thams cad mkhyen pa ñid kyi bar du yaṅ ldan pa yaṅ ma yin | mi ldan pa yaṅ ma yin no ||
źes so sor brtag par bya ste | rab ’byor byaṅ (7) chub sems dpa’ sems dpa’ chen pos de ltar pha rol tu phyin pa drug la brtson par bya’o ||
rab ’byor gźan yaṅ byaṅ chub sems dpa’ sems dpa’ chen pos gzugs la gnas par bya’o ||
źes brtson par mi bya’o ||
rnam par śes pa’i bar la (298a1) gnas par bya’o ||
źes brtson par mi bya’o ||
rnam pa thams cad mkhyen pa ñid kyi bar la gnas par bya’o ||
źes brtson par mi bya’o ||
de ci’i phyir źe na | gzugs ni gaṅ la yaṅ mi gnas la rnam pa thams cad mkhyen (2) pa ñid kyi bar yaṅ gaṅ la yaṅ mi gnas pa’i phyir te | de ltar byaṅ chub sems dpa’ sems dpa’ chen pos mi gnas pa’i tshul gyis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o ||
rab ’byor ’di lta ste | dper (3) na | mi źig śiṅ a mra’i ’bras bu dag gam śiṅ pa na sa’i ’bras bu dag za ’doṅ par gyur na | de a mra’i ’bras bu ’am | pa na sa’i ’bras bu dag bskyed par bya’o ||
bskyed nas kyaṅ dus dus su chu bcu bar bya yur ma yur bar bya’o ||
de’i rim (4) gyis yal ga ’gel ciṅ ’phel bar gyur pa na | tshogs pa rñed pas | a mra’i ’bras bu dag gam | pa na sa’i ’bras bu dag ’byor ciṅ tshogs par ’gyur bas | de a mra’i ’bras bu dag gam pa na sa’i ’bras bu dag za bar ’gyur ro ||
(5) rab ’byor de bźin du byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’dod pas kyag pha rol tu phyin pa drug la bslabs nas sems can rnams sbyin pas rjes su gzuṅ bar bya’o ||
tshul (6) khrims daṅ | bzod pa daṅ | brtson ’grus daṅ | tiṅ ṅe ’dzin daṅ | śes rab kyis rjes su gzuṅ bar bya źiṅ sems can rnams ’khor ba las yoṅs su dgrol bar bya’o ||
rab ’byor de lta bas na | byaṅ chub sems dpa’ sems dpa’ chen po gźan (7) gyi driṅ mi ’jog par ’gro bar ’dod pa daṅ | saṅs rgyas kyi źiṅ yoṅs su dag par bya bar ’dod pa daṅ | byaṅ chub kyi sñiṅ po la ’dug par ’dod pa daṅ | chos kyi ’khor lo bskor bar ’dod pa pha rol tu phyin pa drug la bslab par bya’o ||
gsol ba bcom (298b1) ldan ’das śes rab kyi pha rol tu phyin pas śes rab kyi pha rol tu phyin pa la bslab par bya’o źes gsuṅs lags sam | bka’ stsal pa | rab ’byor śes rab kyi pha rol tu phyin pas śes rab kyi pha rol tu phyin pa la bslab par bya’o źes ṅa smra’o ||
chos thams (2) cad la dbaṅ ba bsgom pa thob par ’dod pas śes rab kyi pha rol tu phyin pa la bslab par bya’o źes ṅa smra’o ||
de ci’i phyir źe na | śes rab kyi pha rol tu phyin pa ’di ni chos thams cad la dbaṅ du gyur pa ’thob par byed ciṅ | śes rab kyi pha rol tu phyin pa ’di ni (3) chos thams cad kyi sgo yin pa’i phyir ro ||
rab ’byor ’di lta ste dper na | rgya mtsho chen po ni chu kluṅ thams cad kyi sgo yin la chu kluṅ daṅ chu thams cad kyaṅ rgya mtsho chen por źugs na ro gcig tu ’gyur ro ||
rab ’byor de bźin du śes rab kyi pha rol tu phyin (4) ba yaṅ chos thams cad kyi sgo yin te | chos thams cad kyaṅ śes rab kyi pha rol tu phyin pa’i rnam par phye na śes rab kyi pha rol tu phyin par ’gyur ro ||
rab ’byor de lta bas na ñan thos kyi theg pa pa daṅ | raṅ saṅs rgyas kyi theg pa pa’i gaṅ zag rnams daṅ | (5) byaṅ chub sems dpa’i theg pa pa’i gaṅ zag rnams kyis kyaṅ | śes rab kyi pha rol tu phyin pa ’di ñid la bslab par bya’o ||
de lta bas na byaṅ chub sems dpa’ sems dpa’ chen pos sbyin pa’i pha rol tu phyin pa daṅ | tshul khrims kyi pha rol tu phyin (6) pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ñid la bslab par bya źiṅ | rnam pa thams cad mkhyen pa ñid kyi bar la yaṅ bslab par bya’o ||
(7) rab ’byor ’di lta ste dper na | ’phoṅ gi slob dpon lag tshod la bab pa’i gźu thogs pa ni | phyir rgol ba rnams sam | dgra bcom pa rnams kyis thul bar dka’o ||
rab ’byor de bźin du byaṅ chub sems dpa’ sesama dpa’ chen po śes rab kyi pha rol (299a1) tu phyin pa la spyod pa yaṅ bdud dam | bdud kyi ris kyi lha rnams kyis thul bar dka’o ||
rab ’byor de lta bas na | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par (2) ’tshaṅ rgya bar ’dod pas | śes rab kyi pha rol tu phyin pa la bslab par bya’o ||
śes rab kyi pha rol tu phyin pa la spyod pa de la ni ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyaṅ dgoṅs pa mdzad do ||
de skad (3) ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das saṅs rgyas bcom ldan ’das rnams ji ltar byaṅ chub sems dpa’ sems dpa’ chen po sbyin pa’i pha rol tu phyin pa la spyod pa la dgoṅs (4) pa mdzad | ji ltar byaṅ chub sems dpa’ sems dpa’ chen po tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu (5) phyin pa la spyod pa la dgoṅs pa mdzad | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la saṅs rgyas bcom ldan ’das rnams ni | byaṅ chub sems dpa’ sems (6) dpa’ chen po śes rab kyi pha rol tu phyin pa la spyod pa la dagoṅasada pa mdzad de | ci nas kyaṅ sbyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab mi dmigs śiṅ | de ltar mi dmigs pas | byaṅ (7) chub sems dpa’ sems dpa’ chen po la dgoṅs pa mdzad do ||
de bźin du rnam pa thams cad mkhyen pa ñid kyi bar la yaṅ rgya cher sbyar bar bya’o ||
rab ’byor gźan yaṅ saṅs rgyas bcom ldan ’das rnams ni byaṅ chub sems dpa’ sems dpa’ chen (299b1) po la gzugs su dgoṅs pa mi mdzad do ||
rnam pa thams cad mkhyen pa ñid kyi bar du dgoṅs pa mi mdzad do ||
gsol pa | bcom ldan ’das gnas maṅ po la slob par ’tshal ba’i byaṅ chub sems dpa’ sems dpa’ chen pos ni gaṅ la yaṅ bslab (2) par mi bgyi lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor gnas maṅ po la slob par ’dod pa’i byaṅ chub sems dpa’ sems dpa’ chen pos ni gaṅ la yaṅ bslab par mi bya’o ||
(3) de ci’i phyir źe na | ’di ltar byaṅ chub sems dpa’ sems dpa’ chen pos gaṅ la bslab par bya ba’i chos de dag dmigs su med pa’i phyir ro ||
de nas bcom ’das la tshe daṅ ldan pa rab ’byor gyis ’di skad ces gsol to ||
bcom ldan ’das gaṅ de (4) bźin gśegs pas chos ’di dag mdo daṅ rgyas par bka’ stsal lags na | de la byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal bas | pha rol tu phyin pa drug po ’di (5) dag mdo daṅ rgyas par kun chub par bgyi’o ||
g-yar ton śin tu byaṅ ba’i bar du bgyi’o ||
g-yar ton śin tu byaṅ bar bgyis nas kyaṅ | yid kyis rjes su brtag par bgyi ste | ci nas kyaṅ sems daṅ sems las byuṅ ba’i chos rnams mi ’dug (6) pa de ltar rjes su brtag par bgyi’o ||
bcom ldan ’das kyis bka’ stsal pa | rab ’byor de de bźin no ||
de de bźin te | pha rol tu phyin pa drug po mdo daṅ rgyas par bstan pa | ’di dag la slob pa’i byaṅ chub sems dpa’ sems dpa’ (7) chen po ni | chos thams cad kyi mdo daṅ rgyas pa śes par ’gyur ro ||
gsol pa | bcom ldan ’das ji ltar na | byaṅ chub sems dpa’ sems dpa’ chen pos chos thams cad kyi mdo daṅ rgyas pa ’tshal bar ’gyur lags | bka’ (300a1) stsal pa | rab ’byor gzugs sam | tshor ba’am | ’du śes sam | ’du byed rnams sam | rnam par śes pa’i de bźin ñid śes śiṅ | rnam pa thams cad mkhyen pa ñid kyi bar gyi de bźin ñid śes na | chos (2) thams cad kyi mdo daṅ rgyas pa śes par ’gyur ro ||
gsol pa | bcom ldan ’das gzugs kyi de bźin ñid ji lta bu lags | bka’ stsal pa | rab ’byor de bźin ñid gaṅ la skye ba med pa daṅ | ’jig pa med pa daṅ | gnas pa med pa (3) daṅ | gźan du ’gyur ba med pa de ni gzugs kyi de bźin ñid yin te | de la byaṅ chub sems dpa’ sems dpa’ chen po rnams kyis bslab par bya’o ||
yaṅ dag pa’i mtha’ śes na | chos thams cad kyi mdo daṅ rgyas pa śes par ’gyur (4) ro ||
gsol pa | bcom ldan ’das yaṅ dag pa’i mtha’ de gaṅ lags | bka’ stsal pa | rab ’byor mtha’ med pa ni yaṅ dag pa’i mtha’ ste | mtha’ de la slob pa’i byaṅ chub sems dpa’ sems dpa’ chen po ni chos thams cad kyi (5) mdo daṅ rgyas pa śes par ’gyur ro ||
byaṅ chub sems dpa’ sems dpa’ chen pos chos kyi dbyiṅs śes na | chos thams cad kyi mdo daṅ rgyas pa śes par ’gyur ro ||
gsol pa | bcom ldan ’das chos kyi dbyiṅs gaṅ lags | bka’ stsal (6) pa | rab ’byor dbyiṅs med pa ni chos kyi dbyiṅs te | chos kyi dbyiṅs de la ni chad pa med ciṅ yoṅs su chad pa med de | byaṅ chub sems dpa’ sems dpa’ chen pos de ltar chos kyi dbyiṅs śes na | chos thams cad kyi mdo daṅ rgyas pa śes par (7) ’gyur ro ||
gsol pa | bcom ldan ’das ji ltar chos thams cad kyi mdo daṅ rgyas pa ’tshal bar bgyi | bka’ stsal pa | rab ’byor ji ltar chos thams cad ldan pa yaṅ ma yin | mi ldan pa yaṅ ma yin pa de ltar śes par bya’o ||
gsol (300b1) pa | bcom ldan ’das chos gaṅ dag ldan pa yaṅ ma lags | mi ldan pa yaṅ ma lags pa de dag kyaṅ gaṅ lags | bka’ stsal pa | rab ’byor gzugs ni ldan pa yaṅ ma yin mi ldan pa yaṅ ma yin no ||
tshor ba daṅ | ’du śes daṅ | ’du (2) byed rnams daṅ | rnam par śes pa ni ldan pa yaṅ ma yin | mi ldan pa yaṅ ma yin no ||
de bźin du sbyar te | ’dus byas kyi khams daṅ ’dus ma byas kyi khams kyi bar du yaṅ ldan pa yaṅ ma yin mi ldan pa yaṅ ma yin no ||
de ci’i phyir źe na | gaṅ (3) ldan pa’am mi ldan par ’gyur ba de’i raṅ bźin med la | gaṅ raṅ bźin med pa de ni dṅos po med pa yin pas | dṅos po med pa ni dṅos po med pa daṅ ldan pa yaṅ ma yin | mi ldan pa yaṅ ma yin pa’i phyir te | chos thams cad kyaṅ de ltar śes (4) par bya’o ||
rab ’byor ’di ni byaṅ chub sems dpa’ sems dpa’ chen po rnams kyi mṅon par bsdus pa yin te | rab ’byor pha rol tu phyin pa mṅon par bsdus pa ’di la ni las daṅ po pa’i byaṅ chub sems dpa’ sems dpa’ chen pos kyag bslab par bya’o ||
(5) sa bcu po dag la gnas pa’i bar gyis kyaṅ mṅon par bsdus pa ’di ñid la bslab par bya’o ||
rab ’byor mṅon par bsdus pa ’di la slob pa’i byaṅ chub sems dpa’ sems dpa’ chen po ni | chos thams cad kyi mdo daṅ rgyas pa śes par ’gyur ro ||
gsol (6) ba | bcom ldan ’das ’di ni byaṅ chub sems dpa’ sems dpa’ chen po dbaṅ po rnon po’i ’jug pa lags so ||
bka’ stsal pa | rab ’byor ’di ni byaṅ chub sems dpa’ sems dpa’ chen po dbaṅ po dbaṅ po rtul po’i ’jug pa yaṅ yin no ||
’di ni dbaṅ po (7) ’briṅ daṅ | dbaṅ po mñam par ma bźag pa’i ’jug pa yaṅ yin te | ’di ni slob par ’dod pa’i byaṅ chub sems dpa’ sems dpa’ chen po gaṅ gi yaṅ ’jug pa ma yin pa ma yin no ||
’di ni le lo can gyi ’jug pa ma yin źiṅ | ’di ni brtson ’grus źan (301a1) ba daṅ | brjed ṅas pa daṅ | sems rnam par g-yeṅ ba’i ’jug pa ma yin gyi | ’di ni brtson ’grus brtsam pa daṅ | le lo med pa daṅ | dran pa ñe bar gźag pa’i ’jug pa yin no ||
’di ni phyir mi ldog pa’i sa la slob par (2) ’dod ba daṅ | rnam pa thams cad mkhyen pa ñid thob par ’dod pa’i ’jug pa yin no ||
gal te ji skad bstan pa’i śes rab kyi pha rol tu phyin pa la slob ciṅ | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha (3) rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa la slob pa ni rnam pa thams cad mkhyen pa ñid thob par ’gyur ro ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la (4) spyod spyod pa la bdud kyi las gaṅ dag ci yaṅ ruṅ ste | byuṅ ma thag ñid du rab tu źi bar ’gyur ro ||
de lta bas na thabs la mkhas pa yoṅs su gzuṅ bar ’dod pa’i | byaṅ chub sems dpa’ sems dpa’ chen pos śes rab kyi pha rol tu phyin pa la bslab par (5) bya’o ||
rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa daṅ | śes rab kyi pha rol tu phyin pa la sgom pa daṅ | śes rab kyi pha rol tu phyin pa la brtson par byed pa de’i tshe | ’jig rten gyi khams (6) graṅs med pa dag na | saṅs rgyas bcom ldan ’das gaṅ dag bźugs te | ’tsho źiṅ gźes pa’i saṅs rgyas bcom ldan ’das de dag kyaṅ byaṅ chub sems dpa’ sems dpa’ chen po | śes rab kyi pha rol tu phyin pa la spyod pa de la dgoṅs pa mdzad do ||
(7) de ci’i phyir źe na | ’di lta ste | ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyaṅ pha rol tu phyin pa drug po ’di las ṅes par byuṅ ba’i phyir ro ||
rab ’byor de lta bas na byaṅ chub sems dpa’ sems dpa’ chen po śes rab kyi pha (301b1) rol tu phyin pa la spyod pas ’di ltar bdag gis kyaṅ ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyi gaṅ dag brñes pa’i chos de dag thob par ’gyur ro sñam du re bar bya’o ||
rab ’byor byaṅ chub sems dpa’ sems dpa’ chen (2) po śes rab kyi pha rol tu phyin pa la spyod pas de ltar brtson par bya’o ||
de ltar brtson pa’i byaṅ chub sems dpa’ sems dpa’ chen po ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
rab ’byor de lta bas na byaṅ (3) chub sems dpa’ sems dpa’ chen po rnam pa thams cad mkhyen pa ñid yid la bya ba daṅ mi ’bral bar bya’o ||
rab ’byor gal te byaṅ chub sems dpa’ sems dpa’ chen po de ltar śes rab kyi pha rol tu phyin pa la spyod pa’i tshe | tha na sel gol gtogs pa tsam (4) źig śes rab kyi pha rol tu phyin pa bsgom par gyur na | byaṅ chub sems dpa’ sems dpa’ chen po de ni ches bsod nams maṅ du skyed par ’gyur gyi | gaṅ gis stoṅ gsum gyi stoṅ chen po’i ’jig rten gyi khams su gtogs pa’i sems can de dag sbyin (5) bas tshim par byed pa daṅ | tshul khrims la bkod pa daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes mthoṅ ba la bkod pa daṅ | rgyun du źugs pa’i ’bras bu la bkod pa daṅ | dgra bcom pa ñid kyi bar (6) kha bkod ba daṅ | raṅ byaṅ chub la bkod pa ni de lta ma yin te | gaṅ se gol gtogs pa tsam źig śes rab kyi pha rol tu phyin pa zab mo ’di bsgoms na | de ñid bsod nams ches maṅ du skyed par ’gyur ro ||
de ci’i phyir źe na | sbyin pa daṅ | tshul khrims (7) daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes mthoṅ ba daṅ | rgyun du źugs pa’i ’bras bu daṅ | raṅ byaṅ chub kyi bar dag ni ’di las ṅes par skyes pa yin la | gaṅ dag phyogs bcu’i ’jig rten gyi khams (302a1) dag na bźugs te | ’tsho źiṅ gźes pa’i saṅs rgyas bcom ldan ’das de dag kyaṅ śes rab kyi pha rol tu phyin pa ’di ñid las ṅes par byuṅ źiṅ gaṅ dag ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das de dag kyaṅ (2) śes rab kyi pha rol tu phyin pa ’di ñid kyis rab tu phye ba yin pa’i phyir ro ||
rab ’byor gźan yaṅ gaṅ la la źig gi yid tsam mam | ñin gcig gam | ñi ma brgya’am | lo’am lo brgya’am | bskal pa’am | bskal pa las lhag pa’am | bskal pa graṅs (3) med pa’i bar du rnam pa thams cad mkhyen pa ñid daṅ ldan pa’i yid la byed pa dag gis śes rab kyi pha rol tu phyin pa zab mo ’di sgom par byed na | de ñid ches bsod nams maṅ du skyed par ’gyur gyi | gaṅ gi ’jig rten gyi khams gaṅ g’i kluṅ gi bye ma sñed du (4) gtogs pa’i sems can rnams sbyin pa la bkod pa daṅ | raṅ byaṅ chub kyi bar la bkod pa ni de lta ma yin no ||
de ci’i phyir źe na | gaṅ gi ’di ni sbyin pa las byuṅ ba’i bsod nams bya ba’i dṅos por btags pa daṅ | raṅ byaṅ chub kyi bar du btags pa’i saṅs (5) rgyas bcom ldan ’das de dag kyaṅ ’di las ṅes par byuṅ ba’i phyir ro ||
byaṅ chub sems dpa’ sems dpa’ chen po gaṅ de ltar ji skad bstan pa’i śes rab kyi pha rol tu phyin pa ’di la gnas pa’i byaṅ chub sems dpa’ sems dpa’ chen po de ni phyir mi ldog pa yin par (6) rig par bya’o ||
byaṅ chub sesama dpa’ sems dpa’ chen po de ni de bźin gśegs pas dgoṅs pa yin par rig par bya’o ||
byaṅ chub sems dpa’ sems dpa’ chen po gaṅ thabs la mkhas pa ’di daṅ ldan pa de ni saṅs rgyas bye ba khrag khrig ’bum phrag maṅ (7) po la bsñen bkur byed pa yin par rig par bya’o ||
byaṅ chub sems dpa’ sems dpa’ chen po de ni dge ba’i rtsa ba bskyed pa yin par rig par bya’o ||
byaṅ chub sems dpa’ sems dpa’ chen po de ni dge ba’i bśes gñen gyis yoṅs su zin pa yin par (302b1) rig par bya’o ||
byaṅ chub sems dpa’ sems dpa’ chen po de ni pha rol tu phyin pa drug gi spyod pa spyad pa yin par rig par bya’o ||
byaṅ chub sems dpa’ sems dpa’ chen po de ni stoṅ ba ñid bcu bźi po dag bsgoms śiṅ bsams pa yin par rig par bya’o ||
(2) de bźin du sbyar te | byaṅ chub sems dpa’ sems dpa’ chen po de ni so so yaṅ dag par rig pa bźi’i bar dag bsgoms pa yin par rig par bya’o ||
byaṅ chub sems dpa’ chen po de ni mṅon par śes pa drug daṅ ldan pa daṅ | byaṅ chub sems dpa’ (3) sems dpa’ chen po de ni gźon nur gyur pa yin pa daṅ | byaṅ chub sems dpa’ sems dpa’ chen po de ni bsam pa yoṅs su rdzogs pa yin par rig par bya’o ||
byaṅ chub sems dpa’ sems dpa’ chen po de ni saṅs rgyas rnams daṅ mi ’bral ba daṅ | (4) dge ba’i rtsa ba rnams daṅ mi ’bral ba daṅ | saṅs rgyas kyi źiṅ daṅ mi ’bral ba daṅ | spobs pa mi chod pa daṅ | gzuṅs thob pa yin par rig par bya’o ||
byaṅ chub sems dpa’ sems dpa’ chen po de ni gzugs phun sum tshogs pa yin par rig par (5) bya’o ||
byaṅ chub sems dpa’ sems dpa’ chen po de ni luṅ bstan pa daṅ ldan pa yin par rig par bya’o ||
byaṅ chub sems dpa’ sems dpa’ chen po de ni bsams bźin du srid par skye ba yin par rig par bya’o ||
byaṅ chub sems dpa’ de ni rnam (6) pa la ’jug mkhas pa daṅ | rjod pa la mkhas pa yin par rig par bya’o ||
byaṅ chub sems dpa’ de ni yi ge med pa la ’jug par mkhas pa daṅ | rjod pa la mkhas pa yin par rig par bya’o ||
byaṅ chub sems dpa’ de ni gcig gi tshig bla dgas (7) la mkhas pa daṅ | maṅ po’i tshig bla dgas la mkhas pa daṅ | bud med kyi tshig bla dgas la mkhas pa daṅ | skyes pa’i tshig bla dgas la mkhas pa daṅ | gzugs la mkhas pa daṅ | rnam par śes pa’i bar la mkhas pa daṅ | de bźin du (303a1) sbyar te | mya ṅan las ’das pa’i bar la mkhas pa daṅ | chos kyi dbyiṅs la mkhas pa daṅ | mtshan ñid la mkhas pa daṅ | ’dus byas kyi mtshan ñid la mkhas pa daṅ | mtshan ñid med pa la mkhas pa daṅ | dṅos po la mkhas pa (2) daṅ | dṅos po med de la mkhas pa daṅ | raṅ gi ṅo bo la mkhas pa daṅ | gźan gyi ṅo bo la mkhas pa daṅ | sbyor ba la mkhas pa daṅ | ’bral ba la mkhas pa daṅ | mtshuṅs par ldan pa daṅ | mtshuṅs par ldan pa ma yin pa la mkhas pa daṅ | mtshuṅs par ldan (3) pa yaṅ ma yin | mtshuṅs par mi ldan pa yaṅ ma yin pa la mkhas pa daṅ | de bźin ñid la mkhas pa daṅ | ma nor ba de bźin ñid la mkhas pa daṅ | gźan ma yin pa de bźin ñid la mkhas pa daṅ | chos kyi dbyiṅs la mkhas pa daṅ | chos skyon med pa la mkhas pa (4) daṅ | rgyu rkyen la mkhas pa daṅ | rkyen med pa la mkhas pa daṅ | phuṅ po la mkhas pa daṅ khams la mkhas pa daṅ skye mched la mkhas pa daṅ | bden pa la mkhas pa daṅ | rten ciṅ ’brel bar ’byuṅ ba la mkhas pa daṅ | bsam gtan la mkhas pa daṅ | tshad med pa (5) la mkhas pa daṅ | gzugs med pa’i sñoms par ’jug pa la mkhas pa daṅ | pha rol tu phyin pa drug la mkhas pa daṅ | dran pa ñe bar gźag pa bźi la mkhas pa daṅ | rnam pa thams cad mkhyen pa ñid kyi bar la mkhas pa daṅ | ’dus byas kyi khams la mkhas pa (6) daṅ | ’dus ma byas kyi khams la mkhas pa daṅ | khams la mkhas pa daṅ | khams med pa la mkhas pa daṅ | gzugs yid la bya ba la mkhas pa daṅ | rnam par śes pa’i bar du yid la bya ba la mkhas pa daṅ | de bźin du sbyar te rnam pa thams cad mkhyen pa ñid (7) kyi bar du yid la bya ba la mkhas pa daṅ | gzugs ni gzugs kyis stoṅ ṅo źes bya ba la mkhas pa daṅ | rnam par śes pa’i bar ni rnam par śes pas stoṅ ṅo ||
źes bya ba la mkhas pa daṅ | byaṅ chub kyi bar ni byaṅ chub kyis stoṅ ṅo źes bya ba la mkhas pa daṅ | śin (303b1) tu sbyaṅs pa’i lam la mkhas pa daṅ | śin tu sbyaṅs pa ma yin pa’i lam la mkhas pa daṅ | skye ba daṅ ’gag pa la mkhas pa daṅ | gnas pa las gźan du ’gyur ba la mkhas pa daṅ | ’dod chags la mkhas pa daṅ | źe sdaṅ la mkhas pa daṅ | gti mug la mkhas (2) pa daṅ | ’dod chags med pa la mkhas pa daṅ | źe sdaṅ med pa la mkhas pa daṅ | gti mug med pa la mkhas pa daṅ | lta ba la mkhas pa daṅ | lta ba ma yin pa la mkhas pa daṅ | log par lta ba la mkhas pa daṅ | log par lta ba la ma yin pa la mkhas pa (3) daṅ | de bźin du sbyar te lta ba’i rnam pa thams cad kyi bar la mkhas pa daṅ | miṅ la mkhas pa daṅ | miṅ daṅ gzugs la mkhas pa daṅ | dmigs pa la mkhas pa daṅ | bdag po la mkhas pa daṅ | rnam pa la mkhas pa daṅ | mtshan ñid la mkhas pa daṅ | (4) sdug bsṅal la mkhas pa daṅ | kun ’byuṅ ba la mkhas pa daṅ | ’gog pa la mkhas pa daṅ | lam la mkhas pa daṅ | sems can dmyal ba la mkhas pa daṅ | dud ’gro’i skye gnas la mkhas pa daṅ | gśin rje’i ’jig rten la mkhas pa daṅ | gśin rje’i (5) ’jig rten gyi lam la mkhas pa daṅ | sems can dmyal ba’i lam la mkhas pa daṅ | dud ’gro’i skye gnas kyi lam la mkhas pa daṅ | mi la mkhas pa daṅ | mi’i lam la mkhas pa daṅ | lha la mkhas pa daṅ | lha’i lam la mkhas pa daṅ | rgyun du źugs pa’i (6) ’bras bu la mkhas pa daṅ | rgyun du źugs pa’i ’bras bu’i lam la mkhas pa daṅ | lan cig phyir ’oṅ ba’i ’bras bu la mkhas pa daṅ | lan cig phyir ’oṅ ba’i ’bras bu’i lam la mkhas pa daṅ | phyir mi ’oṅ ba’i ’bras bu la mkhas pa daṅ | phyir mi ’oṅ ba’i (7) ’bras bu’i lam la mkhas pa daṅ | dgra bcom pa ñid kyi ’bras bu la mkhas pa daṅ | dgra bcom pa ñid kyi ’bras bu’i lam la mkhas pa daṅ | raṅ byaṅ chub la mkhas pa daṅ | raṅ byaṅ chub kyi lam la mkhas pa daṅ | lam gyi rnam pa śes pa ñid la mkhas (304a1) pa daṅ | lam gyi rnam pa śes pa ñid kyi lam la mkhas pa daṅ | rnam pa thams cad mkhyen pa ñid la mkhas pa daṅ | rnam pa thams cad mkhyen pa ñid kyi lam la mkhas pa daṅ | dbaṅ po la mkhas pa daṅ | dbaṅ po yoṅs su rdzogs pa la (2) mkhas pa daṅ | śes rab myur ba la mkhas pa daṅ | śes rab rnob la mkhas pa daṅ | śes rab mgyogs pa la mkhas pa daṅ | ṅes par ’byed pa’i śes rab la mkhas pa daṅ | śes rab yaṅs pa la mkhas pa daṅ | śes rab mñam pa med pa la mkhas (3) pa daṅ | ’das pa’i dus la mkhas pa daṅ | ma ’oṅs pa’i dus la mkhas pa daṅ | da ltar byuṅ ba’i dus la mkhas pa daṅ | thabs la mkhas pa daṅ | sems can gyi bsam pa la mkhas pa daṅ | lhag pa’i bsam pa la mkhas pa daṅ | don la mkhas pa (4) daṅ | tshig ’brul mkhas pa daṅ | theg pa gsum rnam par dgod pa la mkhas pa ste | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa daṅ | śes rab kyi pha rol tu phyin pa mṅon par bsgrubs pa daṅ | śes rab kyi (5) pha rol tu phyin pa la bsgoms pa’i phan yon ni de dag yin par rig par bya’o || ||
ye dha rm he tu pra bha w he tunte śnta th ga to hya ba data | te śñtsa yo ni ro dha e ba~m b di ma h (6) śra ma nah | ye dharm he tu pra bha w he tu nte ś nta th ga to hya ba data | te ś ñtsa yo ni rodha e bom b di ma h śra ma nah ||
| ye dha rm he tu pra bha w he tu nte ś nta th ga to hya (7) ba data | te śñtsa yo ni ro dha e ba~m b di ma h śra ma nah ||
gsol pa | bcom ldan ’das byaṅ chub sems dpa’ chen pos ji ltar śes rab (2) kyi pha rol tu phyin pa la spyad par bgyi | ji ltar śes rab kyi pha rol tu phyin pa mṅon par bsgrub par bgyi | ji ltar śes rab kyi pha rol tu phyin pa bsgom par bgyi lags | bcom ldan ’das kyis (3) bka’ stsal pa | rab ’byor gzugs źi ba daṅ | gzugs ya ma brla daṅ | gzugs gsog daṅ | gzugs sñiṅ po med pas śes rab kyi pha rol tu phyin pa la spyad par bya’o ||
tshor ba daṅ | (4) ’du śes daṅ | ’du byed rnams daṅ | rnam par śes pa źi ba daṅ | rnam par śes pa ya ma brla daṅ | rnam par śes pa gsog daṅ | rnam par śes pa sñiṅ po med pas śes rab kyi pha rol (5) tu phyin pa la spyad par bya’o ||
gaṅ yaṅ ’di skad du ji ltar śes rab kyi pha rol tu phyin pa mṅon par bsgrub par bgyi źes zer ba ni | nam mkha’ ltar stoṅ pa ñid mṅon par sgrub pas śes rab kyi pha (2a1) rol tu phyin pa mṅon par bsgrub par bya’o ||
gaṅ yaṅ ’di skad du ji ltar śes rab kyi pha rol tu phyin pa bsgom par bgyi | źes zer ba ni nam mkha’ ltar stoṅ pa ñid sgom pas | śes rab kyi pha rol tu phyin pa bsgom par bya’o ||
gsol pa | bcom (2) ldan ’das byaṅ chub sems dpa’ sems dpa’ chen pos śes rab kyi pha rol tu phyin pa la yun riṅ po ji srid cig tu spyad na | śes rab kyi pha rol tu phyin pa la spyad pa lags | bcom ldan ’das kyis bka’ stsal pa | rab ’byor sems daṅ po bskyed pa nas bzuṅ (3) ste | byaṅ chub kyi sñiṅ po la ’dug gi bar du śes rab kyi pha rol tu phyin pa la spyad par bya’o ||
de ltar mṅon par bsgrub par bya’o ||
de ltar bsgom par bya’o ||
gsol pa | bcom ldan ’das ci sems kyi rgyun ma chad ciṅ | ma bral bar rjes su ’brel pas (4) spyad par bgyi lags sam | bka’ stsal pa | rab ’byor yid la byed pa gźan dag gi go skabs mi dbye bar śes rab kyi pha rol tu phyin pa la spyad par bya’o ||
rnam pa thams cad mkhyen pa ñid yid la byed pa mi dor bar śes rab kyi pha rol tu phyin pa la spyad par bya źiṅ | (5) śes rab kyi pha rol tu phyin pa mṅon par bsgrub par bya | śes rab kyi pha rol tu phyin pa bsgom par bya ste | ci nas kyaṅ sems daṅ sems las byuṅ ba’i chos rnams mi rgyu ba de ltar śes rab kyi pha rol tu phyin pa la spyad par bya’o ||
de ltar mṅon par bsgrub par bya’o ||
(6) de ltar bsgom par bya’o ||
gsol pa | bcom ldan ’das ci byaṅ chub sems dpa’ sems dpa’ chen po śes rab kyi pha rol tu phyin pa la spyad pa daṅ | śes rab kyi pha rol tu phyin pa mṅon par bsgrub pa daṅ | śes rab kyi pha rol tu phyin pa bsgoms pas rnam (2b1) pa thams cad mkhyen pa ñid thob par ’gyur lags sam | bka’ stsal pa | rab ’byor de ni ma yin no ||
gsol pa | bcom ldan ’das ’o na ma bsgoms pas lags sam | bka’ stsal pa | rab ’byor de ni ma yin no ||
gsol pa | bcom ldan ’das ’o na (2) bsgoms kyaṅ bsgoms la | ma bsgoms kyaṅ ma bsgoms pas lags sam | bka’ stsal pa | rab ’byor de ni ma yin no ||
gsol pa | bcom ldan ’das ’o na bsgoms pa yaṅ ma lags | ma bsgoms pa yaṅ ma lags pas lags sam | bka’ stsal pa | rab (3) ’byor de ni ma yin no ||
gsol pa | bcom ldan ’das ’o na ji ltar rnam pa thams cad mkhyen pa ñid thob par ’gyur lags | bka’ stsal pa | rab ’byor de bźin ñid ji lta ba bźin du’o ||
gsol pa | de bźin ñid ji lta bu lags | bka’ stsal pa | yaṅ dag pa’i (4) mtha’ ji lta ba bźin no ||
gsol pa | yaṅ dag pa’i mtha’ ji lta bu lags | bka’ stsal pa | chos kyi dbyiṅs ji lta ba bźin no ||
gsol pa | chos kyi dbyiṅs ji lta bu lags | bka’ stsal pa | bdag gi khams ji lta ba daṅ | sems can gyi khams ji lta ba daṅ | (5) srog gi khams ji lta ba daṅ | gaṅ zag gi khams ji lta ba bźin no ||
gsol pa | bcom ldan ’das bdag gi khams daṅ | gaṅ zag gi khams kyi bar dag ji lta bu lags | bka’ stsal pa | rab ’byor ’di ji sñam du sems | bdag gam | sems can dag dmigs (6) su yod sñam ’am | gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor bdag gam | sems can dmigs su med na | ji ltar sems can gyi khams gdags par bya ste | rab ’byor de ltar sems can du ’dogs (7) par mi byed | śes rab kyi pha rol tu phyin par yaṅ ’dogs par mi byed | chos thams cad du yaṅ ’dogs par mi byed | rnam pa thams cad mkhyen pa ñid thob par ’gyur ro ||
gsol pa | bcom ldan ’das kyi śes rab kyi pha rol tu phyin pa gdags su ma mchis pa (3a1) lags sam | bsam gtan gyi pha rol tu phyin pa daṅ | brtson ’grus kyi pha rol tu phyin pa daṅ | bzod pa’i pha rol tu phyin pa daṅ | tshul khrims kyi pha rol tu phyin pa yaṅ gdags su ma mchis pa lags sam | sbyin pa’i pha rol tu phyin pa yaṅ gdags su ma mchis (2) pa lags sam | bcom ldan ’das kyis bka’ stsal pa | rab ’byor śes rab kyi pha rol tu phyin pa ni gdags su med pa yin no ||
’dus byas sam | ’dus ma byas sam | ñan thos kyi chos sam | raṅ saṅs rgyas kyi chos sam | chos thams cad kyi bar dag kyaṅ gdags su (3) med pa yin no ||
gsol pa | bcom ldan ’das gal te chos thams cad gdags su ma mchis pa lags na | bcom ldan ’das ci’i slad du sems can dmyal ba gdags su mchis par gyur | dud ’gro’i skye gnas gdags su mchis par gyur | gśin rje’i ’jig rten gdags su (4) mchis par gyur | mi daṅ lha gdags su mchis par gyur | rgyun tu źugs pa daṅ | dgra bcom pa ñid kyi bar daṅ | raṅ saṅs rgyas daṅ | bla na med pa yaṅ dag par rdzogs pa’i saṅs rgyas gdags su mchis par gyur lags | bcom ldan ’das kyis bka’ stsal pa | rab ’byor (5) ’di ji sñam du sems | sems can du gdags pa dmigs su yod sñam ’am | gsol pa | bcom ldan ’das de ni ma lags so ||
bka’ stsal pa | rab ’byor sems can dmigs su med na | sems can dmyal ba daṅ | dud ’gro’i skye gnas daṅ | gśin rje’i ’jig rten daṅ | (6) lha daṅ | mi daṅ | rgyun tu źugs pa daṅ | dgra bcom pa’i bar daṅ | raṅ saṅs rgyas daṅ | yaṅ dag par rdzogs pa’i saṅs rgyas kyi bar dag ji ltar gdags par bya ste | rab ’byor byaṅ chub sems dpa’ chen po śes rab kyi pha rol tu phyin pa la spyod pas | de ltar gdags (7) su med pa’i chos rnams la bslab par bya’o ||
gsol pa | bcom ldan ’das ’o na byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gzugs la bslab par bgyi lags sam | tshor ba daṅ | ’du śes daṅ | ’du byed rnams daṅ | rnam par (3b1) śes pa la bslab par bgyi lags sam | rnam pa thams cad mkhyen pa ñid kyi bar la bslab par bgyi lags sam | bka’ stsal pa | rab ’byor gzugs la dor ba med pa daṅ | bsnan pa med par bslab par bya’o ||
rnam pa thams cad mkhyen pa ñid kyi bar la dor ba med pa daṅ | bsnan pa med (2) par bslab par bya’o ||
gsol pa | bcom ldan ’das ji ltar dor ba ma mchis pa daṅ | bsnan pa ma mchis par rnam pa thams cad mkhyen pa ñid kyi bar la bslab par bgyi lags | bka’ stsal pa | rab ’byor skye ba med pa daṅ | ’gag pa med par bslab par bya’o ||
gsol pa | (3) bcom ldan ’das ji ltar gzugs la skye ba mchis pa daṅ | ’gag pa ma mchis par bslab par bgyi | bcom ldan ’das ji ltar rnam pa thams cad mkhyen pa ñid kyi bar la skye ba ma mchis pa daṅ | ’gag pa ma mchis par bslab par bgyi lags | bka’ stsal pa | mṅon para’adu bya ba (4) med par te | ’du byed rnams bsgom par yaṅ mi bya | gźig par yaṅ mi bya bar bslab par bya’o ||
gsol pa | bcom ldan ’das ji ltar mṅon par ’du bgyi ba ma mchis par bslab par bgyi lags | bka’ stsal pa | rab ’byor chos rnams raṅ gi mtshan ñid kyis stoṅ par (5) mthoṅ bas mṅon par ’du bya ba med pa la bslab par bya’o ||
gsol pa | bcom ldan ’das chos thams cad raṅ gi mtshan ñid kyis stoṅ par ji ltar bslab par bgyi lags | bka’ stsal pa | gzugs ni gzugs kyis stoṅ par blta’o ||
tshor ba ni tshor bas stoṅ par blta’o ||
(6) ’du śes ni ’du śes kyis stoṅ par blta’o ||
’du byed rnams ni ’du byed rnams kyis stoṅ par blta’o ||
rnam par śes pa ni rnam par śes pas stoṅ par blta’o ||
mig gi bar ni mig gis stoṅ par blta’o ||
yid kyi bar ni yid kyis stoṅ par blta’o ||
naṅ stoṅ pa ñid ni naṅ (7) stoṅ pa ñid kyis stoṅ par blta’o ||
raṅ gi mtshan ñid stoṅ pa ñid kyi bar ni raṅ gi mtshan ñid stoṅ pa ñid kyis stoṅ par blta’o ||
bsam gtan rnams ni bsam gtan rnams kyis stoṅ par blta’o ||
’gog pa’i sñoms par ’jug pa’i bar ni ’gog pa’i sñoms par ’jug pas stoṅ (4a1) par blta’o ||
dran pa ñe bar gźag pa rnams ni dran pa ñe bar gźag pa rnams kyis stoṅ par blta’o ||
byaṅ chub kyi bar ni byaṅ chub kyi bar gyis stoṅ par blta ste | rab ’byor byaṅ chub sems dpa’ sems dpa’ chen pos de ltar raṅ gi mtshan ñid kyis stoṅ pa’i chos thams cad (2) la bslab par bya’o ||
gsol pa | bcom ldan ’das gal te gzugs ni gzugs kyis stoṅ | byaṅ chub kyi bar yaṅ byaṅ chub kyis stoṅ lags na | bcom ldan ’das ’o na byaṅ chub sems dpa’ sems dpa’ chen po śes rab kyi pha rol tu phyin pa la spyod par ji ltar ’gyur lags | bka’ (3) stsal pa | rab ’byor spyod pa med pa ni byaṅ chub sems dpa’ sems dpa’ chen po’i śes rab kyi pha rol tu phyin pa la spyod pa yin no ||
gsol pa | bcom ldan ’das ci’i slad du spyod pa ma mchis pa | śes rab kyi pha rol tu phyin pa la spyod pa lags | bka’ stsal pa | rab ’byor ’di (4) ltar des śes rab kyi pha rol tu phyin pa mi dmigs | byaṅ chub sems dpa’ yaṅ mi dmigs | spyod pa yaṅ mi dmigs | gaṅ la spyod pa daṅ | gaṅ gis spyod pa daṅ | gaṅ du spyod pa de yaṅ mi dmigs te | rab ’byor de gaṅ la spros pa de dag thams cad mi dmigs pa de ni byaṅ chub sems (5) dpa’ sems dpa’ chen po’i śes rab kyi pha rol tu phyin pa la spyod pa yin no ||
gsol pa | bcom ldan ’das gal te spyod pa ma mchis pa | śes rab kyi pha rol tu phyin pa la spyod pa lags na | bcom ldan ’das ’o na las daṅ po pa’i byaṅ chub sems dpa’ sems dpa’ chen pos śes (6) rab kyi pha rol tu phyin pa la ji ltar spyad par bgyi | bka’ stsal pa | rab ’byor ’di la las daṅ po ba’i byaṅ chub sems dpa’ sems dpa’ chen pos sems daṅ po bskyed pa nas bzuṅ ste | de ltar mi dmigs pa’i tshul gyis chos thams cad la bslab par bya źiṅ | des sbyin pa sbyin pa (7) na | mi dmigs pa’i tshul gyis sbyin pa sbyin par bya’o ||
tshul khrims sruṅ ba na | mi dmigs pa’i tshul gyis tshul khrims bsruṅ bar bya’o ||
bzod pa sgrub pa na | mi dmigs pa’i tshul gyis bzod pa bsgrub par bya’o ||
brtson ’grus rtsom pa na mi dmigs pa’i tshul gyis brtson ’grus (4b1) brtsam par bya’o ||
tiṅ ṅe ’dzin la sñoms par ’jug pa na mi dmigs pa’i tshul gyis tiṅ ṅe ’dzin la sñoms par ’jug par bya’o ||
śes rab sgom pa na mi dmigs pa’i tshul gyis śes rab bsgom par bya ste | rnam pa thams cad mkhyen pa ñid kyi bar du yaṅ de bźin no ||
gsol pa | bcom (2) ldan ’das ji tsam gyis na mi dmigs par ’gyur | ji tsam gyis na dmigs par ’gyur lags | bka’ stsal pa | ji tsam du gñis yod pa de tsam du dmigs pa ste | gñis su med pa ni mi dmigs pa’o ||
gsol pa | bcom ldan ’das gñis źes bgyi ba gaṅ lags | bka’ stsal pa | (3) mig daṅ gzugs kyi bar daṅ | yid daṅ chos kyi bar daṅ | byaṅ chub daṅ | saṅs rgyas kyi bar du ste | rab ’byor de ni gñis so ||
gsol pa | bcom ldan ’das gñis su ma mchis pa gaṅ lags | bka’ stsal pa | mig daṅ gzugs kyi bar du med pa daṅ | yid daṅ chos rnams kyi bar (4) du med pa daṅ | byaṅ chub daṅ saṅs rgyas kyi bar du med pa ste | rab ’byor de ni gñis su med pa’o ||
gsol pa | bcom ldan ’das kyi dmigs su ma mchis pa mi dmigs lags sam | ’on te gñis su mchis pa mi dmigs lags | bka’ stsal pa | rab ’byor dmigs su yod pas (5) mi dmigs pa yaṅ ma yin | dmigs su med pas mi dmigs pa yaṅ ma yin mod kyi | rab ’byor ’on kyaṅ dmigs su yod pa daṅ | dmigs su med pa mñam pa ñid ni dmigs su med pa yin te | rab ’byor byaṅ chub sems dpa’ sems dpa’ chen pos de ltar dmigs pa daṅ | (6) dmigs pa med pa mñam pa ñid la bslab par bya’o ||
de ltar slob pa’i byaṅ chub sems dpa’ sems dpa’ chen po ni śes rab kyi pha rol tu phyin pa la dmigs pa med par ’gyur ro ||
gsol pa | bcom ldan ’das gal te byaṅ chub sems dpa’ sems dpa’ chen po śes rab kyi pha (7) rol tu phyin pa la spyod pa | dmigs pa la mi chags śiṅ | mi dmigs pa la yaṅ mi chags pa lags na | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pas | ji ltar sa nas sa yoṅs su rdzogs par bgyi | sa nas sa yoṅs (5a1) su rdzogs par bgyis nas kyaṅ ji ltar rnam pa thams cad mkhyen pa ñid thob par bgyi lags | bka’ stsal pa | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni dmigs pa la gnas śiṅ sa nas sa yoṅs su rdzogs par mi (2) byed de | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | dmigs pa la gnas nas | sa nas sa yoṅs su rdzogs par byed mi nus so ||
de ci’i phyir źe na | rab ’byor śes rab kyi pha rol tu phyin pa yaṅ dmigs su med la | byaṅ chub kyaṅ (3) dmigs su med ciṅ | gaṅ śes rab kyi pha rol tu phyin pa la spyod pa de yaṅ dmigs su med pa’i phyir te | rab ’byor byaṅ chub sems dpa’ sems dpa’ chen pos de ltar śes rab kyi pha rol tu phyin pa la bslab par bya’o ||
gsol pa | bcom ldan ’das gal te śes rab kyi pha rol tu phyin pa (4) yaṅ dmigs su ma mchis | byaṅ chub kyaṅ dmigs su ma mchis | gaṅ byaṅ chub kyi slad du spyod pa de yaṅ dmigs su ma mchis lags na | ’o na byaṅ chub sems dpa’ sems dpa’ chen po śes rab kyi pha rol tu phyin pa la spyod pas ṅo bo ñid daṅ bral ba’i chos thams cad la ’di ni gzugs so ||
’di ni ’du byed rnams so ||
’di ni rnam par śes pa’o ||
’di ni byaṅ chub kyi bar ro źes ji ltar rab tu rnam par dbye bar bgyi lags | bka’ stsal pa | rab ’byor śes rab kyi pha rol tu phyin pa la spyod pa’i byaṅ chub sems dpa’ sems dpa’ chen po ni (6) ji ltar byas pas gzugs dmigs pa daṅ | rnam par śes pa’i bar du dmigs pa daṅ | byaṅ chub kyi bar du dmigs par ’gyur ba de ltar chos rnams la rab tu rnam par ’byed par mi byed do ||
gsol pa | bcom ldan ’das gal te byaṅ chub sems dpa’ sems dpa’ chen po śes rab kyi pha (7) rol tu phyin pa la spyod pa | gzugs kyaṅ mi dmigs | rnam par śes pa’i bar du yaṅ mi dmigs | byaṅ chub kyi bar du yaṅ mi dmigs lags na | ’o na ji ltar sbyin pa’i pha rol tu phyin pa yoṅs su rdzogs par bgyis śiṅ | byaṅ chub sems dpa’i skyon ma mchis par ’jug par ’gyur | (5b1) byaṅ chub sems dpa’i skyon ma mchis par źugs nas kyaṅ saṅs rgyas kyi źiṅ yoṅs su dag par bgyid par ’gyur lags | saṅs rgyas kyi źiṅ yoṅs su dag par bgyis nas kyaṅ | sems can rnams yoṅs su smin par bgyid par ’gyur lags | sems can rnams yoṅs su smin par bgyis (2) nas kyaṅ rnam pa thams cad mkhyen pa ñid thob par ’gyur lags | rnam pa thams cad mkhyen pa ñid rjes su thob nas kyaṅ | chos kyi ’khor lo bskor bar ’gyur lags | chos kyi ’khor lo bskor nas kyaṅ | saṅs rgyas kyi mdzad pa bgyid par ’gyur lags | saṅs rgyas kyi mdzad pa bgyis (3) nas kyaṅ sems can rnams ’khor ba las yoṅs su thar bar bgyid par ’gyur lags | bka’ stsal pa | rab ’byor byaṅ chub sems dpa’ sems dpa’ chen po ni gzugs kyi ched du śes rab kyi pha rol tu phyin pa la mi spyod do ||
byaṅ chub kyi bar gyi ched du śes rab kyi pha rol tu phyin pa la mi (4) spyod do ||
gsol pa | bcom ldan ’das ’o na gaṅ gi ched du byaṅ chub sems dpa’ sems dpa’ chen po śes rab kyi pha rol tu phyin pa la spyod pa lags | bka’ stsal pa | byaṅ chub sems dpa’ sems dpa’ chen po ni gaṅ gi ched du yaṅ śes rab kyi pha rol tu phyin pa la spyod par mi byed (5) do ||
de ci’i phyir źe na | rab ’byor ’di ltar chos thams cad ni ma byas pa | chos thams cad ni ’gyur ba med pa ste | śes rab kyi pha rol tu phyin pa de yaṅ ma byas pa daṅ ’gyur ba med pa yin la | byaṅ chub kyaṅ ma byas pa daṅ | ’gyur ba med pa yin źiṅ | byaṅ chub sems (6) dpa’ yaṅ ma byas pa daṅ | ’gyur ba med pa yin pa’i phyir te | rab ’byor de ltar byaṅ chub sems dpa’ cen pos ma byas pa daṅ | ’gyur ba med pa’i tshul gyis śes rab kyi pha rol tu phyin pa la spyad par bya’o ||
gsol pa | bcom ldan ’das gal te chos thams cad ma bgyis (7) pa daṅ | ’gyur ba ma mchis pa lags na | bcom ldan ’das ’o na ji ltar theg pa gsum po ñan thos kyi theg pa daṅ | raṅ saṅs rgyas kyi theg pa daṅ | saṅs rgyas kyi theg pa ’di dag rnam par dgod par ’gyur lags | bka’ stsal pa | rab ’byor ma byas pa daṅ | ’gyur (6a1) pa med pa’i chos rnams la ni rnam par dgod pa gaṅ yaṅ dmigs su med de mṅon par ’dus byas pa daṅ | mṅon par bsags pa’i chos rnams la ni rnam par dgod pa dmigs su yod do ||
de ci’i phyir źe na | ’di ltar byis pa so so’i skye bo thos pa daṅ mi ldan pa ni phuṅ po lṅa la mṅon (2) par źen te | gzugs kyi phuṅ po la mṅon par źen par byed | rnam par śes pa’i phuṅ po’i bar la mṅon par źen par byed | rnam pa thams cad mkhyen pa ñid kyi bar la mṅon par źen par byed | gzugs la rlom sems su byed | gzugs la dmigs par byed | byaṅ chub kyi bar (3) la rlom sems su byed | byaṅ chub kyi bar du dmigs par byed pa’i phyir te | de ’di sñam du bdag ni byaṅ chub mṅon par rdzogs par ’tshaṅ rgya bar ’gyur ro ||
bdag gis sems can rnams ’khor ba las yoṅs su thar bar bya’o sñam du sems so ||
de ci’i phyir źe na | rab ’byor ’di ltar gzugs (4) daṅ | byaṅ chub kyi bar gaṅ yin pa dag ni saṅs rgyas rnams kyi spyan lṅas kyaṅ ma dmigs na skyes bu blun po saṅs rgyas la skur pa ’debs pa de dag ni sems can rnams ’khor ba las yoṅs su thar bar bya bar ’dod pa’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor (5) gyis ’di skad ces gsol to ||
bcom ldan ’das gal te de bźin gśegs pa dgra bcom pa yaṅ dag par rdzogs pa’i saṅs rgyas kyis spyan lṅas kyaṅ sems can gaṅ dag ’khor ba las yoṅs su thar bar bgyi ba dag ma dmigs lags na | ’o na da bcom ldan ’das bla na med pa yaṅ dag par rdzogs (6) ba’i byaṅ chub mṅon par rdzogs par saṅs rgyas nas ji ltar sems can rnams yaṅ dag pa ñid du ṅes pa daṅ | log pa ñid du ṅes pa daṅ | ma ṅes pa’i phuṅ po gsum du luṅ bstan par mdzad lags | bka’ stsal pa | rab ’byor ṅas ni bla na med pa yaṅ dag par rdzogs pa’i byag chub mṅon par (7) rdzogs par saṅs rgyas nas yaṅ dag pa ñid du ṅes pa ’am | log pa ñid du ṅes pa ’am | ma ṅes pa’i sems can ’ga’ yaṅ ma dmigs mod kyi | rab ’byor ’on kyaṅ sems can rdzas med pa la rdzas su ’du śes pa ’di dag ṅas ’jig rten gyi tha sñad du yaṅ dag pa ma yin pa la ’dzin pa de (6b1) las bzlog gi don dam par ni ma yin no ||
gsol pa | bcom ldan ’das de bźin gśegs pas don dam pa la bźugs te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas lags sam | bka’ stsal pa | rab ’byor de ni ma yin no ||
gsol (2) pa | ’o na rdzu ’phrul gyi rnam graṅs la bźugs te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas lags sam | bka’ stsal pa | rab ’byor de ni ma yin no ||
gsol pa | bcom ldan ’das gal te don dam pa la bźugs te | bla na med (3) pa yaṅ dag par rdzogs pa’i byaṅ chub mṅon par rdzogs par saṅs rgyas pa yaṅ ma lags la | rdzu ’phrul gyi rnam graṅs la bźugs te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa yaṅ ma lags na | bcom ldan ’das ’o na de (4) bźin gśegs pa dgra bcom pa yaṅ dag par rdzogs pa’i saṅs rgyas kyis bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa ’am | gcig tu mi ’gyur lags graṅ | bka’ stsal pa | rab ’byor de bźin gśegs pa dgra bcom pa (5) yaṅ dag par rdzogs pa’i saṅs rgyas kyis bla na med pa yaṅ dag par rdzogs pa’i byaṅ chub mṅon par rdzogs par saṅs ma rgyas pa ma yin te | rab ’byor de bźin gśegs pa dgra bcom pa yaṅ dag par rdzogs pa’i saṅs rgyas kyis bla na med pa yaṅ dag par rdzogs pa’i byaṅ (6) chub mṅon par rdzogs par saṅs rgyas mod kyi | de ni ’dus byas kyi khams sam | ’dus ma byas kyi khams gaṅ la yaṅ gnas pa ma yin no ||
rab ’byor ’di lta ste | dper na | de bźin gśegs pa’i sprul pa ni ’dus byas kyi khams sam | ’dus ma byas kyi (7) khams gaṅ la yaṅ mi gnas mod kyi | ’on kyaṅ de bźin gśegs pa’i sprul pa de ’gro ba daṅ | ’oṅ ba daṅ | sdod pa daṅ | ’dug pa yaṅ yod la | de sbyin pa’i pha rol tu phyin pa la spyod pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson (7a1) ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyod pa daṅ | bsam gtan bźi bsgrubs te gnas pa daṅ | tshad med pa bźi daṅ | gzugs med pa’i sñoms par ’jug pa bźi daṅ | mṅon par śes pa lṅa daṅ | (2) dran pa ñe bar gźag pa bźi daṅ | ’phags pa’i lam yan lag brgyad pa’i bar la bsgom pa daṅ | stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin daṅ | naṅ stoṅ pa ñid daṅ | raṅ gi mtshan ñid stoṅ pa ñid kyi bar daṅ | rnam par (3) thar pa brgyad daṅ | mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | sñiṅ rje chen po la sgom źiṅ | chos kyi ’khor lo bskor bar gyur la | sprul pa des kyaṅ sems pa (4) can dpag tu med pa dag sprul nas | phuṅ po gsum du luṅ bstan par gyur na | rab ’byor ’di ji sñam du sems | sprul pa des sems can ’ga’ yaṅ phuṅ po gsum du luṅ bstan pa yod sñam ’am | gsol pa | bcom ldan ’das de ni ma lags so ||
bka’ stsal pa | rab ’byor (5) de bźin du de bźin gśegs pas chos thams cad sprul pa lta bur mkhyen te | sprul pa de lta bur mkhyen nas sems can gaṅ yaṅ btul ba med do ||
rab ’byor de ltar byaṅ chub sems dpa’ sems dpa’ chen pos de bźin gśegs pa’i sprul pa ji lta ba bźin du śes rab kyi pha rol tu phyin pa (6) bsgom par bya’o ||
gsol pa | bcom ldan ’das gal te chos thams cad sprul pa lta bu lags na | bcom ldan ’das de bźin gśegs pa daṅ | sprul pa la bye brag ni ci mchis | tha dad du bgyi ba ni ci mchis | dgoṅs pa ni gaṅ lags | de skad ces gsol pa daṅ | bcom (7) ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de bźin gśegs pa daṅ | de bźin gśegs pa’i sprul pa ni bye brag ci yaṅ med de | tha dad du bya ba ci yaṅ mi dmigs so ||
rab ’byor de bźin gśegs pa daṅ | de bźin gśegs pa’i (7b1) sprul pa ni bye brag med do ||
de ci’i phyir źe na | ’di ltar de bźin gśegs pa phrin las gaṅ mdzad pa de ni sprul pa’aṅ byed pa’i phyir ro ||
gsol pa | bcom ldan ’das kyi de bźin gśegs pa mi bźugs na | de bźin gśegs pa’i sprul pa sug las bgyid lags sam | bka’ (2) stsal pa | rab ’byor byed do ||
gsol pa | bcom ldan ’das de bźin gśegs pa mi bźugs na | de bźin gśegs pa’i sprul pa sug las ci ltar bgyid lags | bka’ stsal pa | rab ’byor ’di lta ste dper na | de bźin gśegs pa blo gros źi bas byaṅ chub sems dpa’ (3) ma dmigs nas | sprul pa sprul nas yoṅs su mya ṅan las ’das so ||
sprul pa des kyaṅ phyi na bskal pa las lhag par saṅs rgyas kyi bya ba byas te | des phyir byaṅ chub sems dpa’ luṅ bstan nas yoṅs su mya ṅan las ’da’o ||
źes skye bo rnams kyis kun tu śes kyaṅ (4) sprul pa la ni skye ba med | yoṅs su mya ṅan las ’das pa yaṅ med de | rab ’byor de ltar byaṅ chub sems dpa’ sems dpa’ chen pos ’di lta ste | chos thams cad sprul pa lta bur mos par bya źiṅ | śes rab kyi pha rol tu phyin pa la spyad par bya’o ||
gsol pa | bcom ldan (5) ’das gal te sprul pa daṅ | de bźin gśegs pa la bye brag ma mchis na | sbyin pa yoṅs su sbyaṅ bar yaṅ ji ltar ’gyur lags | bcom ldan ’das sems can gaṅ dag gis de bźin gśegs pa la yon phul ba de dag ni phuṅ po’i lhag ma ma mchis pa’i mya ṅan las ’das (6) pa’i dbyiṅs su yoṅs su mya ṅan las ’das par gyur gyi bar du nam yaṅ bas par mi ’gyur lags na | bcom ldan ’das de bźin du sems can gaṅ dag gis sprul pa la yon phul ba de dag kyaṅ phuṅ po’i lhag ma ma mchis pa’i mya ṅan las ’das pa’i dbyiṅs su yoṅs su mya ṅan las (7) ’das par gyur gyi bar du nam yaṅ bas par mi ’gyur ba lags sam | bcom ldan ’das kyis bka’ stsal pa | rab ’byor chos ñid gaṅ gis de bźin gśegs pa lha daṅ bcas pa’i ’jig rten gyi sbyin pa’i gnas su gyur pa’i chos ñid kyis sprul pa yaṅ lha daṅ bcas pa’i ’jig (8a1) rten gyi sbyin pa’i gnas su gyur pa yin no ||
rab ’byor de bźin gśegs pa la yon phul ba lta ’aṅ źog | de bźin gśegs pa’i sprul pa la yon phul ba lta’aṅ źog gi | rab ’byor rigs kyi bu’am | rigs kyi bu mo gaṅ la la źig gis byams pa daṅ ldan pas (2) de bźin gśegs pa yid la byed na | de dag thams cad ni dge ba’i rtsa ba de’i mthar ma phyin par sdug bsṅal gyi mthar phyin par ’gyur ro ||
rab ’byor byams pa daṅ ldan pa’i yid la byed pa lta’aṅ źog gi | rigs kyi bu’am | rigs kyi bu mo gaṅ la la źig gis de bźin gśegs pa (3) yid la byas śiṅ nam mkha’ la me tog sñim pas gtor na | de dag thams cad kyaṅ dge ba’i rtsa ba de’i mthar ma phyin par sdug bsṅal gyi mthar phyin par ’gyur ro ||
rab ’byor byams pa daṅ ldan pas yid la byed pa lta’aṅ źognam mkha’ la me tog sñim pas gtor ba lta’aṅ źog gi | rab (4) ’byor rigs kyi bu’am | rigs kyi bu mo gaṅ la la źig saṅs rgyas la phyag ’tshal bar byed na | de dag thams cad kyaṅ rim gyis sdug bsṅal gyi mthar phyin par ’gyur te | rab ’byor de ltar de bźin gśegs pa la yon phul ba ni de ltar mthu che ba daṅ | de ltar phan yon che ba yin te | (5) rab ’byor rnam graṅs des na ’di ltar chos rnams kyi chos kyi mtshan ñid tshad mar byas na de bźin gśegs pa daṅ | de bźin gśegs pa’i sprul pa la bye brag chuṅ zad kyaṅ med par rig par bya ste | rab ’byor byaṅ chub sems dpa’ sems dpa’ chen pos de ltar śes rab kyi pha rol tu phyin (6) pa la spyad par bya’o ||
chos rnams kyi chos ñid la źugs nas | chos ñid de yaṅ rnam par dkrugs par mi bya ste | ’di ni śes rab kyi pha rol tu phyin pa’o ||
’di ni śes rab kyi pha rol tu phyin pa’i chos ñid do źes rnam par dkrugs par mi bya’o ||
chos thams cad kyi bar dag la yaṅ de (7) bźin du sbyar bar bya’o ||
gsol pa | bcom ldan ’das gal te chos rnams kyi chos ñid rnam par dkrugs par mi bgyi lags na | bcom ldan ’das gaṅ gi slad du de bźin gśegs pas ’di ni gzugs so ||
’di ni rnam par śes pa’i bar ro źes bgyi ba daṅ | de bźin du (8b1) naṅ daṅ phyi’i chos rnams kyaṅ bka’ stsal | de bźin du dge ba daṅ | mi dge ba daṅ | zag pa daṅ bcas pa daṅ | zag pa ma mchis pa daṅ | ’jig rten pa daṅ | ’jig rten las ’das pa daṅ | thun moṅ daṅ | thun moṅ ma lags pa daṅ | ’dus byas daṅ | ’dus ma (2) byas kyi chos rnams kyaṅ bka’ stsal te | rnam par dkrugs par mdzad na | de’i slad du | bcom ldan ’das kyis chos rnams kyi chos ñid rnam par dkrugs par ma gyur lags sam | bka’ stsal pa | rab ’byor de ni ma yin te | ṅas ni ji ltar gźan dag gis khoṅ du chud (3) par ’gyur źes miṅ daṅ mtshan mas chos rnams kyi chos ñid bsñan te | chos rnams brjod par zad kyi | chos rnams kyi chos ñid rnam par dkrugs pa ni ma yin no ||
gsol pa | bcom ldan ’das gal te gźan dag gis khoṅ du chud par bgyi ba’i slad du | bcom ldan (4) ’das kyis miṅ daṅ mtshan mas chos rnams kyi chos ñid bstan te | chos rnams brjod pa mdzad na | bcom ldan ’das miṅ ma mchis pa daṅ | mtshan ma ma mchis pa’i chos rnams ji ltar miṅ daṅ mtshan mas brjod pa mdzad lags | bka’ stsal pa | rab ’byor brjod pa ni miṅ (5) daṅ mtshan ma la mṅon par źen pa ma yin gyi | rab ’byor gźan du na sdug bsṅal ñid brjod par zad de | miṅ daṅ mtshan ma la mṅon par źen pa med do ||
rab ’byor de bźin gśegs pa daṅ | de bźin gśegs pa’i ñan thos ni miṅ daṅ mtshan ma la mṅon par źen pa med do ||
(6) rab ’byor gal te miṅ la miṅ mṅon par źen par ’gyur ram | mtshan ma la mtshan ma mṅon par źen par ’gyur na ni | stoṅ pa ñid kyaṅ stoṅ pa ñid la mṅon par źen par ’gyur la | mtshan ma med pa yaṅ mtshan ma med pa la mṅon par źen par ’gyur | smon pa med pa yaṅ smon pa med pa (7) la mṅon par źen par ’gyur | de bźin ñid kyaṅ de bźin ñid la mṅon par źen par ’gyur | yaṅ dag pa’i mtha’ yaṅ yaṅ dag pa’i mtha’ la mṅon par źen par ’gyur | chos kyi dbyiṅs kyaṅ chos kyi dbyiṅs la mṅon par źen par ’gyur | ’dus ma byas kyaṅ ’dus ma byas la (9a1) mṅon par źen par ’gyur ba źig na | rab ’byor ’di ltar chos thams cad ni miṅ tsam du zad pas | de dag miṅ tsam la gnas par mi ’gyur te | rab ’byor byaṅ chub sems dpa’ sems dpa’ chen pos de ltar miṅ daṅ mtshan ma tsam lags te | śes rab kyi pha rol tu phyin pa la (2) spyad par bya źiṅ | de la yaṅ mṅon par źen par mi bya’o ||
gsol pa | bcom ldan ’das gal te chos thams cad miṅ daṅ mtshan ma tsam du bas pa lags na | ’o na byaṅ chub sems dpa’ sems dpa’ chen pos gaṅ gi ched du byaṅ chub tu sems skyed par bgyid ciṅ | byaṅ chub tu sems (3) bskyed nas kyaṅ ’du byed sna tshogs rnam pa du ma ñams su myoṅ bar ’gyur ba daṅ | byaṅ chub sems dpa’i spyad pa spyod ciṅ sbyin pa rtsol ba daṅ | tshul khrims sruṅ ba daṅ | bzod pa sgrub pa daṅ | brtson ’grus rtsom pa daṅ | tiṅ ṅe ’dzin la sñoms par ’jug pa daṅ | śes rab sgom pa (4) daṅ | stoṅ ba ñid la sgom pa daṅ | bsam gtan daṅ | tshad ma mchis pa daṅ | gzugs ma mchis pa’i sñoms par ’jug pa rnams la gnas pa daṅ | dran pa ñe bar gźag pa rnams la gnas pa daṅ | yaṅ dag par spoṅ ba rnams la gnas pa daṅ | rnam par thar pa’i sgo stoṅ pa ñid (5) daṅ | mtshan ma ma mchis pa daṅ | smon pa ma mchis pa la gnas pa daṅ | de bźin gśegs pa’i stobs bcu la gnas pa daṅ | sñiṅ rje chen po’i bar dag yoṅs su rdzogs par bgyid pa lags | bcom ldan ’das kyis bka’ stsal pa | rab ’byor khyod gaṅ ’di skad du gal te (6) chos thams cad miṅ daṅ mtshan ma tsam du bas na | ’o na byaṅ chub sems dpa’ sems dpa’ chen po gaṅ gi ched du byaṅ chub sems dpa’i spyad pa spyod par bgyid ces zer ba ni | rab ’byor ’di ltar ’dus byas ’di dag thams cad miṅ daṅ mtshan ma tsam du zad la | miṅ daṅ mtshan ma de dag (7) kyaṅ miṅ daṅ mtshan mas stoṅ ste | de’i phyir byaṅ chub sems dpa’ sems dpa’ chen po byaṅ chub sems dpa’i spyad pa spyod ciṅ | rnam pa thams cad mkhyen pa ñid thob par byed do ||
rnam pa thams cad mkhyen pa ñid thob nas kyaṅ | chos kyi ’khor lo skor bar byed la | chos kyi (9b1) ’khor lo bskor nas kyaṅ | sems can rnams theg pa gsum po dag gis yoṅs su mya ṅan las ’da’ bar byed kyaṅ | miṅ daṅ mtshan ma de dag skye ba yaṅ med | ’jig pa yaṅ med | gnas pa yaṅ med | gnas pa las gźan du ’gyur ba yaṅ med ciṅ mi dmigs so ||
gsol pa | (2) bcom ldan ’das rnam pa thams cad mkhyen pa ñid la rnam pa thams cad mkhyen pa ñid ces gsuṅ lags sam | bcom ldan ’das kyis bka’ stsal pa | rab ’byor rnam pa thams cad mkhyen pa ñid la rnam pa thams cad mkhyen pa ñid ces ṅa smra’o ||
gsol pa | bcom ldan (3) ’das de bźin gśegs pas thams cad śes pa ñid kyaṅ bka’ stsal ciṅ | de bźin gśegs pas lam gyi rnam pa śes pa ñid ces mdor yaṅ bka’ stsal la | de bźin gśegs pas rnam pa thams cad mkhyen pa ñid kyaṅ bka’ stsal lags na | bcom ldan ’das (4) thams cad mkhyen pa ñid gsum po ’di dag la bye brag ni ci mchis tha dad du bgyi ba ni ci mchis lags | bcom ldan ’das kyis bka’ stsal pa | rab ’byor thams cad śes pa ñid ni ñan thos daṅ | raṅ saṅs rgyas thams cad kyi’o ||
rab ’byor lam gyi rnam pa śes pa (5) ñid ni byaṅ chub sems dpa’ sems dpa’ chen po rnams kyi’o ||
rab ’byor rnam pa thams cad mkhyen pa ñid ni de bźin gśegs pa dgra bcom pa yaṅ dag par rdzogs pa’i saṅs rgyas rnams kyi’o ||
gsol pa | bcom ldan ’das ci’i slad du rnam pa thams cad mkhyen (6) pa ñid ni de bźin gśegs pa rnams kyi lags | ci’i slad du lam gyi rnam pa śes pa ñid ni byaṅ chub sems dpa’ sems dpa’ chen po rnams kyi lags | ci’i slad du thams cad śes pa ñid ni ñan thos daṅ | raṅ saṅs rgyas rnams kyi lags | bcom ldan ’das kyis bka’ (7) stsal pa | rab ’byor phyi naṅ gi chos gaṅ dag ji sñed pa de dag thams cad ni ñan thos daṅ | raṅ saṅs rgyas rnams kyis kyaṅ śes la | lam thams cad daṅ | rnam pa thams cad ni ma yin pa’i phyir ro ||
rab ’byor gaṅ yaṅ khyod ’di skad du | bcom ldan ’das ci’i (10a1) slad du lam gyi rnam pa śes pa ñid byaṅ chub sems dpa’ sems dpa’ chen po rnams kyi lags źes zer ba ni | rab ’byor byaṅ chub sems dpa’ sems dpa’ chen pos ni lam thams cad bskyed par bya źiṅ | lam thams cad śes par bya dgos te | ñan thos (2) daṅ | raṅ saṅs rgyas kyi lam gaṅ yin pa daṅ | byaṅ chub sems dpa’i lam gaṅ yin pa’i lam de dag kyaṅ yoṅs su rdzogs par bya dgos la | lam de dag gis lam gyi bya ba byed kyaṅ yaṅ dag pa’i mtha’ rtogs par ni mi byed do ||
gsol pa | bcom ldan ’das ci byaṅ (3) chub sems dpa’ sems dpa’ chen po saṅs rgyas kyi lam yoṅs su rdzogs par mi ’gyur źiṅ | des yaṅ dag pa’i mtha’ yaṅ mṅon sum du mi bgyid lags sam | bka’ stsal pa | rab ’byor byaṅ chub sems dpa’ sems dpa’ chen po des saṅs rgyas kyi źiṅ yoṅs su dag par (4) ma byas śiṅ | sems can rnams yoṅs su smin par ma byas par yaṅ dag pa’i mtha’ mṅon sum du mi bya’o ||
gsol pa | bcom ldan ’das ci byaṅ chub sems dpa’ sems dpa’ chen pos lam la gnas te | yaṅ dag pa’i mtha’ mṅon sum du bgyid lags sam | (5) bka’ stsal pa | de ni ma yin no ||
gsol pa | bcom ldan ’das ’o na lam ma lags ba la gnas te lags sam | bka’ stsal pa | de ni ma yin no ||
gsol pa | bcom ldan ’das ’o na lam daṅ lam ma lags pa lag nas te lags sam | bcom ldan ’das kyis (6) bka’ stsal pa | de ni ma yin no ||
gsol pa | bcom ldan ’das ’o na lam yaṅ ma lags | lam ma lags pa yaṅ ma lags pa la gnas te lags sam | bcom ldan ’das kyis bka’ stsal pa | de ni ma yin no ||
gsol pa | bcom ldan ’das ’o na ji (7) ltar byaṅ chub sems dpa’ sems dpa’ chen pos yaṅ dag pa’i mtha’ mṅon sum du bgyi lags | bka’ stsal pa | rab ’byor ’di ji sñam du sems | khyod lam la gnas te | len pa med par zag pa rnams las sems rnam par grol sñam ’am | rab ’byor gyis gsol pa | (10b1) bcom ldan ’das de ni ma lags so ||
bka’ stsal pa | ’o na lam ma yin pa la gnas te’am | rab ’byor gyis gsol pa | de ni ma lags so ||
bka’ stsal pa | ’o na lam daṅ | lam ma yin pa la gnas te ’am | rab ’byor gyis gsol pa | bcom ldan ’das de ni ma (2) lags so ||
bka’ stsal pa | ’o na khyod lam yaṅ ma yin | lam ma yin pa yaṅ ma yin pa la gnas te | len pa med par zag pa rnams las sems rnam par grol lam | rab ’byor gyis gsol pa | bcom ldan ’das de ni ma lags te | bcom ldan ’das bdag ni gaṅ (3) la gnas te yaṅ zag pa rnams las sems rnam par grol ba ma lags kyi | bcom ldan ’das bdag gi sems ni ji ltar gaṅ la yaṅ mi gnas pas sems rnam par grol lags so ||
bcom ldan ’das kyis bka’ stsal pa | rab ’byor de bźin du byaṅ chub sems dpa’ sems dpa’ (4) chen pos kyaṅ ci la yaṅ mi gnas par yaṅ dag pa’i mtha’ mṅon sum du bya’o ||
rab ’byor gaṅ yaṅ rnam pa thams cad mkhyen pa ñid rnam pa thams cad mkhyen pa ñid ces bya ba ni rnam pa gcig gis rnam pa thams cad mkhyen pa ñid ces bya ste ’di ltar źi ba’i rnam pas so ||
rab (5) ’byor yaṅ rnam pa gaṅ dag daṅ | rtags gaṅ dag daṅ | mtshan ma gaṅ dag gis chos rnams stoṅ źes bya bar brjod pa’i rnam pa de dag daṅ | rtags de dag daṅ | mtshan ma de dag thams cad de bźin gśegs pas thugs su chud pas | de’i phyir rnam pa thams cad (6) mkhyen pa ñid ces bya’o ||
gsol pa | bcom ldan ’das thams cad śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid gaṅ lags pa’i thams cad mkhyen pa ñid gsum po ’di dag las ’di’i spaṅ ba ni lhag ma daṅ bcas pa’o ||
’di’i (7) spoṅ ba ni lhag ma ma mchis pa’o źes bgyi bar ñon moṅs pa spaṅ ba la tha dad du bgyi ba mchis lags sam | bka’ stsal pa | rab ’byor ñon moṅs pa spaṅ ba la ni tha dad pa med mod kyi | de bźin gśegs pa ni bag chags kyi mtshams sbyor ba thams cad spaṅs pa yin no ||
ñan (11a1) thos daṅ | raṅ saṅs rgyas ni bag chags kyi mtshams sbyor ba thams cad spaṅs pa ma yin no ||
gsol pa | bcom ldan ’das rnam pa thams cad mkhyen pa ñid ma thob par ñon moṅs pa spaṅs pa ’dus ma bgyis lags sam | bka’ stsal pa | rab ’byor (2) de de bźin no ||
gsol pa | bcom ldan ’das ’dus ma bgyis la bye brag dmigs su mchis lags sam | bcom ldan ’das kyis bka’ stsal pa | rab ’byor de ni ma yin te | ’dus ma byas la ni bye brag dmigs su med do ||
gsol pa | bcom ldan ’das gal te ’dus (3) ma bgyis la bye brag dmigs su ma mchis na | ci’i slad du bcom ldan ’das kyis ’di skad du ’di ni bag chags kyi mtshams sbyor ba spaṅs pa yin no ||
’di ni bag chags kyi mtshams sbyor ba spaṅs pa ma yin no źes bka’ stsal lags | bka’ stsal pa | rab ’byor bag chags kyi (4) mtshams sbyor ba ni ñonamoṅasa pa ma yin te | ñan thos daṅ | raṅ saṅs rgyas de dag la ’dod chags daṅ | źe sdaṅ daṅ | gti mug daṅ bral ba yaṅ yod mod kyi | lus kyi ’gyur ba yaṅ ’byuṅ ste | de dag ni byis pa so so’i skye bo rnam la yaṅ gnod par mi ’gyur la | ñan thos (5) rnams la yaṅ ma yin te | de dag ni de bźin gśegs pa la mi mṅa’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te lam yaṅ dṅos po ma mchis la | mya ṅan las ’das pa yaṅ dṅos po ma mchis na | (6) ci’islada du ’di ni rgyun tu źugs pa’o ||
’di ni lan cig phyir ’oṅ ba’o ||
’di ni phyir mi ’oṅ ba’o ||
’di ni raṅ saṅs rgyas so źes bśad lags | bcom ldan ’das kyis bka’ stsal pa | rab ’byor rgyun du źugs pa gaṅ yin pa daṅ | de bźin (7) gśegs pa dgra bcom pa yaṅ dag par rdzogs pa’i saṅs rgyas kyi bar gaṅ yin pa de dag thams cad ni ’dus ma byas kyis rab tu phye ba yin no ||
gsol pa | bcom ldan ’das ji ’dus ma bgyis de | ’di ni rgyun tu źugs pa’o ||
’di ni de bźin gśegs pa dgra bcom pa yaṅ (11b1) dag par rdzogs pa’i saṅs rgyas kyi bar dag lags so źes rab tu ’byed par bgyid lags sam | bka’ stsal pa | rab ’abyora’adusa ma byas ni rab tu ’byed par mi byed mod kyi ’on kyaṅ ’jig rten gyi tha sñad tshad mar byas te brjod par zad kyi | don dam par ni rab tu dbye bar mi nus so ||
de ci’i phyir źe na | (2) ’di ltar de la tshig gi lam gyis gdags su med pa’i phyir ro ||
gsol pa | bcom ldan ’das phyi ma’i mtha’ ji ltar gdags lags | bka’ stsal pa | rab ’byor ’jig rten gyi tha sñad tshad mar byas te | gaṅ daṅ gaṅ dag gis mtha’ chad pa de daṅ de dag la phyi ma’i mtha’ gdags kyi | (3) don dam par ni ma yin no ||
gsol pa | bcom ldana’adasa chos thams cad raṅ gi mtshan ñid kyis stoṅ pa la sṅon gyi mtha’ yaṅ mi dmigs lags na | phyi ma’i mtha’ lta smos kyaṅ ci ’tshal | bcom ldan ’das kyis bka’ stsal pa | rab ’byor de de bźin no ||
de de bźin te | chos (4) thams cad raṅ gi mtshan ñid kyis stoṅ ba la sṅon gyi mtha’ yaṅ mi dmigs na | phyi ma’i mtha’ lta smos kyaṅ ci dgos te | de ni gnas med do ||
rab ’byor ’on kyaṅ sems can gaṅ dag gis chos thams cad raṅ gi mtshan ñid kyis stoṅ par mi śes pa de dag la ’di ni sṅon gyi (5) mtha’o ||
’di ni phyi ma’i mtha’o ||
źes bstan par zad kyi | rab ’byor raṅ gi mtshan ñid kyis stoṅ pa’i chos rnams la ni sṅon gyi mtha’ daṅ | phyi ma’i mtha’ dmigs su med de | rab ’byor byaṅ chub sems dpa’ sems dpa’ chen pos de ltar raṅ gi mtshan ñid kyis stoṅ pa’i (6) chos rnams kyi śes rab kyi pha rol tu phyin pa la spyad par bya’o ||
raṅ gi mtshan ñid kyis stoṅ pa’i chos rnams la spyod pa ni naṅ ṅam | phyi’am | ’dus byas sam | ’dus ma byas sam | ñan thos kyi chos rnams sam | raṅ saṅs rgyas kyi chos rnams sam | gaṅ la yaṅ (7) mṅon par źen par mi ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa śes rab kyi pha rol tu phyin pa źes bgyi na | bcom ldan ’das ci’i slad du śes rab (12a1) kyi pha rol tu phyin pa źes bgyi lags | bka’ stsal pa | rab ’byor śes rab kyi pha rol tu phyin pa ’di ni chos thams cad kyi pha rol dam pa ste | de’i phyir śes rab kyi pha rol tu phyin pa źes bya’o ||
rab ’byor yaṅ śes rab kyi pha rol tu phyin pa ’dis ñan (2) thos daṅ | raṅ saṅs rgyas thams cad daṅ | byaṅ chub sems dpa’ sems dpa’ chen po daṅ | de bźin gśegs pa dgra bcom pa yaṅ dag par rdzogs pa’i saṅs rgyas thams cad chos thams cad kyi pha rol tu son pas na | de’i phyir śes rab kyi pha rol tu phyin pa źes bya’o ||
rab (3) ’byor yaṅ don dam par chos thams cad dbyer med pa’i don gaṅ yin pa de śes rab kyi pha rol tu phyin pa ’dis de bźin gśegs pa rnams kyis mṅon par rdzogs par saṅs rgyas te | de’i phyir śes rab kyi pha rol tu phyin pa źes bya’o ||
rab ’byor yaṅ śes rab kyi pha rol tu phyin pa (4) ’dir de bźin ñid kyaṅ chud | yaṅ dag pa’i mtha’ yaṅ chud | chos kyi dbyiṅs kyaṅ chud pas | de’i phyir śes rab kyi pha rol tu phyin pa źes bya’o ||
rab ’byor yaṅ śes rab kyi pha rol tu phyin pa ’di ni chos gaṅ daṅ yaṅ ldan pa yaṅ ma yin | mi ldan pa yaṅ ma yin | bstan (5) du yod pa’am | bstan du med pa’am | thogs pa daṅ bcas pa’am | thogs pa med pa yaṅ ma yin no ||
de ci’i phyir źe na | ’di ltar śes rab kyi pha rol tu phyin pa ’di ni gzugs med pa | bstan du med pa | thogs pa med pa ste | ’di ltar mtshan ñid med par mtshan (6) ñid gcig pa’i phyir ro ||
rab ’byor yaṅ śes rab kyi pha rol tu phyin pa ’di ni chos thams cad la spyod par byed ciṅ | spobs pa thams cad daṅ | snaṅ ba thams cad sbyin par byed pa ste | rab ’byor byaṅ chub sems dpa’ sems dpa’ chen po rnams kyi śes rab kyi pha rol tu phyin pa (7) ’di ni bdud dam | bdud kyi ris kyi lha rnams daṅ | ñan thos daṅ | raṅ saṅs rgyas kyi theg pa pa’i gaṅ zag rnams kyis mi chod de | śes rab kyi pha rol tu phyin pa ’di ni gźan mu stegs can phyir rgol ba’i bar dag gis kyaṅ chod par mi nus so ||
de ci’i phyir źe na | rab ’byor (12b1) ’di ltar gcod par byed pa gaṅ yin pa daṅ | gaṅ gi gcad pa daṅ | gcad pa gaṅ yin pa de dag thams cad śes rab kyi pha rol tu phyin pa la mi dmigs pa’i phyir te | rab ’byor byaṅ chub sems dpa’ sems dpa’ chen po de ltar śes rab kyi pha rol tu phyin pa ’di la spyad par bya’o ||
rab (2) ’byor gźan yaṅ byaṅ chub sems dpa’ sems dpa’ chen pos śes rab kyi pha rol tu phyin pa’i don la ’di ltar spyad par bya ste | ’di lta ste mi rtag pa’i don la spyad par bya’o ||
sdug bsṅal gyi don la spyad par bya’o ||
bdag med pa’i don la spyad par bya’o ||
sdug bsṅal śes pa’i (3) don daṅ | kun ’byuṅ ba śes pa’i don daṅ | ’gog pa śes pa’i don daṅ | lam śes pa’i don daṅ | zad pa śes pa’i don daṅ | mi skye ba śes pa’i don la spyad par bya’o ||
chos śes pa’i don daṅ | rjes su rtogs pa śes pa’i don daṅ | kun rdzob śes pa’i don daṅ | (4) yoṅs su ’dris pa śes pa’i don daṅ | sgra ji bźin śes pa’i don daṅ | yaṅ dag pa ji lta ba bźin śes pa’i don la spyad par bya ste | rab ’byor byaṅ chub sems dpa’ sems dpa’ chen pos de ltar śes rab kyi pha rol tu phyin pa’i don la don daṅ tshul gyis spyad par bya’o ||
de (5) nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te śes rab kyi pha rol tu phyin pa zab mo ’di la don daṅ | don ma lags pa dmigs su ma mchis pa lags na | bcom ldan ’das byaṅ chub sems dpa’ sems dpa’ (6) chen pos ji ltar śes rab kyi pha rol tu phyin pa’i don la spyad par bgyi | bcom ldan ’das kyis bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa zab mo’i don la spyod pas ’di ltar spyad par bya ste | ’dod chags bdag (7) gi don ce’am | bdag la gnod pa źes bya bar spyad par mi bya’o ||
źe sdaṅ bdag gi don ce’am | bdag la gnod pa źes bya bar spyad par mi bya’o ||
gti mug bdag gi don ce’am | bdag la gnod pa źes bya bar spyad par mi bya’o ||
’dod chags daṅ | źe sdaṅ daṅ | (13a1) gti mug bdag gi don ce’am | bdag la gnod bźes bya bar spyad par mi bya’o ||
log par lta ba bdag gi don ce’am | bdag la gnod pa źes bya bar spyad par mi bya’o ||
lta bar gyur pa thams cad kyi bar du bdag gi don ce’am | bdag la gnod pa źes bya bar spyad (2) par mi bya’o ||
de ci’i phyir źe na | ’dod chags daṅ | źe sdaṅ daṅ | gti mug gi de bźin ñid ni gaṅ yaṅ don kyaṅ mi byed la | gnod pa yaṅ mi byed pa daṅ | lta ba’i rnam pa’i de bźin ñid kyaṅ gaṅ la yaṅ don kyaṅ mi byed la | gnod pa yaṅ mi byed pa’i phyir ro ||
gzugs (3) bdag gi don ces spyad par mi bya’o ||
gzugs bdag la gnod pa źes spyad par mi bya’o ||
rnam par śes pa’i bar du bdag gi don ces spyad par mi bya’o ||
rnam par śes pa bdag la gnod pa źes spyad par mi bya’o ||
de bźin du sbyar te | byaṅ chub kyi bar du bdag gi don ces spyad par (4) mi bya’o ||
byaṅ chub bdag la gnod pa źes spyad par mi bya’o ||
de ci’i phyir źe na | rab ’byor de bźin gśegs pas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas gaṅ don tam gnod pa ’ga’ yaṅ ma dmigs pa’i phyir ro ||
rab ’byor (5) gźan yaṅ de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | chos rnams kyi chos ñid daṅ | chos gnas pa ñid daṅ | chos skyon med pa ñid daṅ | chos kyi dbyiṅs gnas pa ’di ni gaṅ la yaṅ don tam | gnod pa ci yaṅ mi byed de | (6) rab ’byor byaṅ chub sems dpa’ sems dpa’ chen pos de ltar don daṅ | gnod pa rnam par spaṅs te | śes rab kyi pha rol tu phyin pal spyad par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan (7) ’das ci’i slad du śes rab kyi pha rol tu phyin pa don kyaṅ mi bgyid | gnod pa yaṅ mi bgyid pa lags | bcom ldana’adasa kyis bka’ stsal pa | rab ’byor ’di ltar śes rab kyi pha rol tu phyin pa ni ’dus byas daṅ | ’dus ma byas kyi chos gaṅ yaṅ mi byed pas | rab ’byor de’i (13b1) phyir śes rab kyi pha rol tu phyin pa ni gaṅ la yaṅ don daṅ gnod pa mi byed do ||
gsol pa | bcom ldan ’das ’dus ma bgyis ni saṅs rgyas rnams daṅ | saṅs rgyas kyi ñan thos ’phags pa thams cad kyi don ma lags sam | bka’ stsal pa | rab ’byor ’dus ma byas ni saṅs rgyas (2) rnams daṅ | saṅs rgyas kyi ñan thos ’phags pa rnams kyi don yin mod kyi | gaṅ la yaṅ phan pa’am | gnod par ñe bar gnas pa yaṅ ma yin no ||
rab ’byor ’di lta ste | dper na nam mkha’i de bźin ñid ni gaṅ la yaṅ phan pa’am gnod pa ñe bar gnas pham yin no ||
rab (3) ’byor de bźin du byaṅ chub sems dpa’ sems dpa’ chen po’i śes rab kyi pha rol tu phyin pa yaṅ gaṅ la yaṅ phan pa’am gnod par ñe bar gnas pa ma yin no ||
gsol pa | bcom ldan ’das byaṅ chub sems dpa’ sems dpa’ chen pos ’dus ma byas kyi śes rab kyi pha rol (4) tu byin pa la bslabs nas | rnam pa thams cad mkhyen pa ñid thob par mi ’gyur lags sam | bcom ldan ’das kyis bka’ stsal pa | rab ’byor de de bźin no ||
de de bźin te | byaṅ chub sems dpa’ sems dpa’ chen pos ’dus ma byas kyi śes rab kyi pha rol tu (5) phyin pa zab mo ’di la bslabs nas | rnam pa thams cad mkhyen pa ñid thob par ’gyur te | gñis kyi tshul gyis rim yin no ||
gsol pa | bcom ldan ’das kyi gñis su mchis pa’i chos kyis gñis su mchis pa’i chos ’thob lags sam | bka’ stsal pa | rab (6) ’byor de ni ma yin no ||
gsol pa | bcom ldan ’das gñis su ma mchis pa’i chos kyis gñis su ma mchis pa’i chos ’thob lags sam | bka’ stsal pa | rab ’byor de ni ma yin no ||
gsol pa | bcom ldan ’das ’o na gñis su ma mchis pa’i chos kyis (7) gñis su mchis pa’i chos thob lags sam | bka’ stsal pa | rab ’byor de ni ma yin no ||
gsol pa | bcom ldan ’das ’o na ji ltar ’thob par ’gyur lags | bka’ stsal pa | rab ’byor gaṅ gi phyir gñis kyi chos sam | gñis su med pa’i chos kyaṅ mi (14a1) dmigs na | de ltar dmigs su med pa’i tshul gyis rnam pa thams cad mkhyen pa ñid thob para’agyura ro ||
śes rab kyi pha rol tu phyin pa khri brgyad stoṅ pa las chos gñis kyi źu ba maṅ po’i le’u źes bya ba ste drug cu rtsa gsum pa’o || ||
śes rab kyi pha (2) rol tu phyin pha khri brgyad stoṅ pa | bam po bźi bcu drug pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pa ni zab lags so ||
bcom ldan ’das byaṅ chub sems dpa’ (3) sems dpa’ chen po gaṅ dag bla na med pa yaṅ dag par rdzogs pa’i byaṅ chub la yaṅ dag par źugs pa de dag ni sems can yaṅ mi dmigs la | sems can du gdags pa yaṅ mi dmigs par sems can rnams kyi ched du bla na med pa yaṅ dag par rdzogs pa’i byaṅ chub la yaṅ dag (4) par źugs pas dka’ ba bgyid pa lags so ||
bcom ldan ’das ’di lta ste | dper bgyi na mi la la źig gis nam mkha’ rten ma mchis pa la yal ga ’gel ba bskyed par ’tshal ba de bźin du byaṅ chub sems dpa’ sems dpa’ chen po ni sems can rnams kyi ched du rnam pa (5) thams cad mkhyen pa ñid thob par ’tshal ba lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | byaṅ chub sems dpa’ gaṅ sems can rnams kyi ched du rnam pa thams cad mkhyen pa ñid la ’jug ciṅ | rnam pa thams cad mkhyen pa (6) ñid de rtogs nas kyaṅ | sems can thams cad chags pa las yoṅs su grol bar byed pa de dag ni dka’ ba byed pa yin no ||
rab ’byor dper na mi źig yal ga ’gel ba bskyed par ’dod la | mi des yal ga ’gel ba de’i rtsa ba yaṅ mi śes | yal ga’i mdo daṅ | lo ma (7) daṅ | me tog kyaṅ mi śes bźin du | des yal ga ’gel ba de’i sdoṅ bu bskyed de | bskyed nas kyaṅ dus dus su sruṅ źiṅ chus bran te | rim gyis sdoṅ bu de’i yal ga yaṅ phun sum tshogs par gyur | lo ma yaṅ phun sum tshogs par gyur | me tog kyaṅ phun sum (14b1) tshogs par gyur | ’bras bu yaṅ phun sum tshogs par gyur nas ||
de sdoṅ bu de’i lo ma rnams la spyod do ||
rab ’byor de bźin du byaṅ chub sems dpa’ sems dpa’ chen po sems can thams cad kyi ched du | bla na med pa yaṅ dag par rdzogs pa’i byaṅ chub (2) la źugs pa de yaṅ rim gyis pha rol tu phyin pa drug po dag la spyod ciṅ | rnam pa thams cad mkhyen pa ñid thob par ’gyur te | lo ma daṅ | me tog daṅ | ’bras bu lta bur sems can thams cad kyi ’tsho bar ’gyur ro ||
rab ’byor de la byaṅ chub sems dpa’i lo (3) ma lta bu la brten nas sems can rnams ṅan soṅ gsum po dag las yoṅs su grol bar ’gyur ro ||
byaṅ chub sems dpa’i me tog lta bu la brten nas sems can rnams rgyal rigs śiṅ s la chen po lta bu dag daṅ | bram ze’i rigs śiṅ s la chen po lta bu dag daṅ | khyim bdag gi (4) rigs śiṅ sṅa la chen po tla bu dag daṅ | rgyal chen bźi’i ris kyi lha rnams kyi naṅ du skye ba nas | ’du śes med | ’du śes med min skye mched kyi bar gyi lha rnams kyi naṅ du skye bar ’gyur ro ||
de bźin du byaṅ chub sems dpa’ sems dpa’ chen pos rnam pa thams cad mkhyen pa ñid (5) thob nas | sems can de dag rgyun tu źugs pa’i ’bras bu la ’god par byed do ||
lan gcig phyir ’oṅ ba’i ’bras bu la ’gor par byed do ||
phyir mi ’oṅ ba’i ’bras bu la ’god par byed do ||
dgra bcom pa ñid la ’god par byed do ||
raṅ byaṅ chub la ’god par byed do ||
(6) byaṅ chub sems dpa’ sems dpa’ chen po de la brten nas | rnam pa thams cad mkhyen pa ñid thob par ’gyur ro ||
rnam pa thams cad mkhyen pa ñid thob nas kyaṅ | lo ma daṅ | me tog daṅ | ’bras bu lta bur sems can thams cad kyi ’tsho bar ’gyur ro ||
gaṅ dag de (7) la yon ’bul ba de dag thams cad kyaṅ theg pa gsum po ’di lta ste | ñan thos kyi theg pa’am | raṅ saṅs rgyas kyi theg pa’am | theg pa chen pos rim gyis yoṅs su mya ṅan las ’da’ bar ’gyur źiṅ | bla na med pa yaṅ dag par rdzogs pa’i byaṅ chub mṅon par (15a1) rdzogs par ’tshaṅ rgya bar ’gyur te | de la sems can yaṅ mi dmigs śiṅ sems can du gdags pa yaṅ med la | sems can de dag kyaṅ bdag tu ’dzin pa las yoṅs su grol bar byed de | rab ’byor byaṅ chub sems dpa’ sems dpa’ chen pos gaṅ dag gi ched (2) du bdag gis rnam pa thams cad mkhyen pa ñid thob par bya ba’i sems can nam | sems can du gdags pa ci yaṅ ’di na mi dmigs so źes de ltar śes rab kyi pha rol tu phyin pa la bslab par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor (3) gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po ni de bźin gśegs pa ñid lags par rig par bgyi’o ||
de ci’i slad du źe na | bcom ldan ’das ’di ltar byaṅ chub sems dpa’ sems dpa’ chen po la brten nas sems can dmyal ba thams (4) cad rgyun chad par ’gyur | dud ’gro’i skye gnas thams cad rgyun chad par ’gyur | gśin rje’i ’jig rten thams cad rgyun chad par ’gyur | mi khom pa thams cad rgyun chad par ’gyur | dbul po thams cad rgyun chad par ’gyur | dman pa’i ’gro ba thams cad rgyun chad (5) par ’gyur | ’dod pa’i khams thams cad rgyun chad par ’gyur | gzugs kyi khams thams cad rgyun chad par ’gyur | gzugs med pa’i khams thams cad rgyun chad par ’gyur ba’i slad du’o ||
bcom ldan ’das kyis bka’ stsal pa | rab ’byor de de bźin no ||
de de bźin te | (6) rab ’byor byaṅ chub sems dpa’ sems dpa’ chen po ni de bźin gśegs pa ñid yin par rig par bya’o ||
de ci’i phyir źe na | rab ’byor gal te byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub lam źugs na | ’das pa daṅ | ma byon pa daṅ | (7) de ltar byuṅ ba’i saṅs rgyas bcom ldan ’das rnams bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur źiṅ | raṅ saṅs rgyas rnams ’jig rten du ’byuṅ bar mi ’gyur | dgra bcom pa rnams ’jig rten du ’byuṅ bar mi ’gyur | rgyun du źugs pa’i (15b1) par dag ’jig rten du ’byuṅ bar mi ’gyur | sems can dmyal ba’i bar dag rgyun chad par mi ’gyur | ’dod pa’i khams daṅ | gzugs kyi khams daṅ | gzugs med pa’i khams gyi bar dag rgyun chad par mi ’gyur ba’i phyir ro ||
rab ’byor yaṅ byaṅ chub sems (2) dpa’ sems dpa’ chen po ni de bźin gśegs pa ñid lags par rig par bgyi’o źes gaṅ smras pa ni | rab ’byor de de bźin no ||
de de bźin te | byaṅ chub sems dpa’ sems dpa’ chen po ni de bźin gśegs pa ñid yin par rig par bya’o ||
de ci’i phyir źe na | rab ’byor (3) de bźin ñid gaṅ gis de bźin gśegs par gdags pa’i de bźin ñid de ñid kyis raṅ saṅs rgyas su gdags pa daṅ | de bźin ñid de ñid kyis ’phags pa thams cad gdags pa daṅ | de bźin ñid de ñid kyis gzugs su gdags pa daṅ | de bźin ñid de ñid kyis rnam par śes (4) pa’i bar du gdags pa daṅ | de bźin ñid de ñid kyis ’dus byas kyi khams daṅ | ’dus ma byas kyi khams kyi bar du gdags pa daṅ | de bźin ñid de ñid kyis sems can thams cad kyi de bźin ñid daṅ | de bźin gśegs pa’i de bźin ñid gdags pa’i phyir ro ||
rab ’byor ci’i (5) phyir | de bźin ñid de bźin ñid ces bya źe na | byaṅ chub sems dpa’ sems dpa’ chen po de bźin ñid ’di la gnas nas | rnam pa thams cad mkhyen pa ñid thob par ’gyur te | de bas na de bźin ñid ces bya’o ||
rab ’byor rnam graṅs des na de bźin ñid tshad mar byas te | byaṅ (6) chub sems dpar sems dpa’ chen po ni de bźin gśegs pa ñid yin par rig par bya ste | rab ’byor byaṅ chub sems dpa’ sems dpa’ chen pos de bźin ñid kyi śes rab kyi pha rol tu phyin pa la de ltar bslab par bya’o ||
rab ’byor byaṅ chub sems dpa’ sems dpa’ chen pos de bźin ñid (7) kyi śes rab kyi pha rol tu phyin pa la bslabs na | sems can thams cad kyi dbaṅ po la mkhas par ’gyur źiṅ | dbaṅ po yoṅs su rdzogs par bya ba la mkhas pa thob par ’gyur ro ||
sems can rnams kyi las bdag gir bya ba yaṅ śes par ’gyur ro ||
sems can rnams kyi las (16a1) bdag gir bya ba śes na | smon nas śes pa yoṅs su rdzogs par ’gyur ro ||
smon nas śes pa yoṅs su rdzogs na dus gsum śes pa rnam par dag par byed par ’gyur ro ||
dus gsum śes pa rnam par sbyaṅs na byaṅ chub sems dpa’i spyad pa spyod ciṅ | sems can (2) rnams kyi don byed par ’gyur ro ||
sems can rnams kyi don byed na | saṅs rgyas kyi źiṅ yoṅs su dag par byed par ’gyur ro ||
saṅs rgyas kyi źiṅ yoṅs su sbyaṅs na rnam pa thams cad mkhyen pa ñid thob par ’gyur ro ||
rnam pa thams cad mkhyen pa ñid thob na chos kyi ’khor lo skor bar (3) ’gyur ro ||
chos kyi ’khor lo bskor nas sems can rnams theg pa gsum po dag la ’god par ’gyur ro ||
sems can rnams theg pa gsum po dag la bkod nas | phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las zlo bar ’gyur te | rab ’byor de ltar (4) byaṅ chub sems dpa’ sems dpa’ chen pos yon tan daṅ | phan yon thams cad mthoṅ bas bdag kyaṅ bla na med pa yaṅ dag par rdzogs pa’i byaṅ chub tu sems bskyed par bya źiṅ | gźan yaṅ bla na med pa yaṅ dag par rdzogs pa’i byaṅ chub tu sems bskyed du gźugs par bya’o ||
de nas bcom (5) ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ dag ji skad bstan pa’i śes rab kyi pha rol tu phyin pa zab mo ’di la spyod pa de dag ni lha daṅ mi daṅ lha ma yin du bcas pa’i ’jig rten gyis phyag bgyi ba’i (6) gnas lags so ||
bka’ stsal pa | rab ’byor de de bźin te | de de bźin no ||
ji skad smras pa bźin te | byaṅ chub sems dpa’ sems dpa’ chen po gaṅ dag ji skad bstan pa’i śes rab kyi pha rol tu phyin pa zab mo ’di la spyod pa de dag ni lha daṅ mi daṅ lha ma yin du bcas pa’i (7) ’jig rten gyis phyag bya ba’i gnas yin no ||
gsol pa | bcom ldan ’das sems daṅ po bskyed pa’i byaṅ chub sems dpa’ sems dpa’ chen po gaṅ sems can thams cad kyi ched du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’tshal ba de (16b1) bsod nams ji tsam źig bskyed par ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor stoṅ gi ’jig rten gyi khams na | sems can ji sñed pa de dag thams cad ñan thos kyi sa la gnas par gyur tam | (2) raṅ saṅs rgyas kyis la gnas par gyur na | ci sems can de dag bsod nams maṅ du bskyed dam | gsol pa | bcom ldan ’das maṅ lags so ||
bde bar gśegs pa maṅ lags so ||
bcom ldana’adasa dpag tu ma mchis lags so ||
bde bar gśegs pa tshad ma mchis lags so ||
(3) bka’ stsal pa | rab ’byor stoṅ gi ’jig rten gyi khams su gtogs pa’i sems can ñan thos kyi theg pa pa’am | raṅ saṅs rgyas kyi theg pa pa rnams kyi bsod nams bya ba’i dṅos po gaṅ yin pa daṅ | sems daṅ po bskyed pa’i byaṅ chub sems dpa’ sems dpa’ chen po’i bsod nams bya ba’i dṅos (4) po gaṅ yin pa ’di gñis la stoṅ gi ’jig rten gyi khams gyi ñan thos kyi theg pa pa’am | raṅ saṅs rgyas kyi theg pa pa rnams kyi bsod nams bya ba’i dṅos po de ni sems daṅ po bskyed pa’i byaṅ chub sems dpa’ sems dpa’ chen po’i bsod nams bya ba’i dṅos po de’i brgya’i char yaṅ ñe bar mi ’gro ba nas bye ba (5) phrag ’bum gyi bar gyi char yaṅ ñe bar mi ’gro’o ||
de ci’i phyir źe na | ñan thos daṅ | raṅ saṅs rgyas kyi theg pa pa rnams ni byaṅ chub sems dpa’ las byuṅ ba yin gyi byaṅ chub sems dpa’ sems dpa’ chen po rnams ni ñan thos daṅ | raṅ saṅs rgyas las byuṅ ba ma yin pa’i phyir ro ||
de bźin du sbyar (6) te | stoṅ gsum gyi stoṅ chen po’i ’jig rten gyi khams na sems can ñan thos daṅ | raṅ saṅs rgyas kyi theg pa pa ji sñed pa de dag thams cad ni sems daṅ po bskyed pa’i byaṅ chub sems dpa’ sems dpa’ chen po de dag gi bsod nams kyi cha’i bar du yaṅ ñe bar mi ’gro’o ||
rab ’byor stoṅ gsum gyi stoṅ chen (7) po’i ’jig rten gyi khams kyi sems can ñan thos daṅ | raṅ saṅs rgyas kyi theg pa pa rnams lta źog gi | rab ’byor gal te stoṅ gsum gyi stoṅ chen po’i ’jig rten gyi khams na | sems can gaṅ dag ’khod pa de dag thams cad dkar po rnam par mthoṅ ba’i sa la gnas par gyur kyaṅ de dag gi bsod (17a1) nams gaṅ yin pa de ni sems daṅ po bskyed pa’i byaṅ chub sems dpa’ sems dpa’ chen po’i bsod nams kyi bye ba phrag ’bum gyi cha’i bar du yaṅ ñe bar mi ’gro’o ||
dkar po rnam par mthoṅ ba’i sa la gnas pa rnams lta źog gi | gal te stoṅ gsum gyi stoṅ chen po’i ’jig rten gyi khams (2) su gtogs pa’i sems can de dag thams cad rigs kyi sa la gnas paragyura kyaṅ | de dag gi bsod nams gaṅ yin pa de ni sems daṅ po bskyed pa’i byaṅ chub sems dpa’ sems dpa’ chen po’i bsod nams kyi bye ba phrag ’bum gyi cha’i bar du yaṅ ñe bar mi ’gro’o ||
de bźin du sbyar te | brgyad pa’i (3) sa daṅ mthoṅ ba’i sa daṅ bsrabs pa’i sa daṅ | ’dod chags daṅ bral ba’i sa daṅ | byas pa rtogs pa can gyi sa daṅ | raṅ saṅs rgyas kyi sa’i bar du źugs par gyur kyaṅ | de dag gi bsod nams gaṅ yin pa de ni sems daṅ po bskyed pa’i byaṅ chub sems dpa’ sems dpa’ chen po’i (4) bsod nams kyi bye ba phrag ’bum gyi cha’i bar du yaṅ ñe bar mi ’gro’o ||
rab ’byor gal te stoṅ gsum gyi stoṅ chen po’i ’jig rten gyi khams na sems can gaṅ dag ’khod pa de dag thams cad byaṅ chub sems dpa’i skyon med pa la źugs par gyur kyaṅ | de dag gi bsod (5) nams gaṅ yin pa de ni byaṅ chub la źugs pa’i byaṅ chub sems dpa’i bsod nams kyi bye ba phrag ’bum gyi cha’i bar du yaṅ ñe bar mi ’gro’o ||
rab ’byor gal te stoṅ gsum gyi stoṅ chen po’i ’jig rten gyi khams na sems can gaṅ daṅ | bod pa de dag thams cad byaṅ chub la źugs (6) par gyur kyaṅ de dag gi bsod nams gaṅ yin pa de ni de bźin gśegs pa dgra bcom pa yaṅ dag par rdzogs pa’i saṅs rgyas kyi bsod nams kyi bye ba khrag khrig phrag ’bum gyi cha’i bar du yaṅ ñe bar mi ’gro źiṅ rgyu daṅ dpe’i bar du yaṅ ñe bar mi ’gro’o ||
gsol pa | bcom ldan ’das (7) sems daṅ po bskyed pa’i byaṅ chub sems dpa’ sems dpa’ chen pos ci źig yid la bgyi lags | bka’ stsal pa | rab ’byor sems daṅ po bskyed pa’i byaṅ chub sems dpa’ sems dpa’ chen pos rnam pa thams cad mkhyen pa ñid yid la bya’o ||
gsol pa | bcom ldan (17b1) ’das rnam pa thams cad mkhyen pa ñid kyi dṅos po ni ci lta bu źig lags | dmigs pa ni ci źig lags | dbaṅ bgyid pa ni gaṅ lags | rnam pa ni ci źig lags | mtshan ñid ni gaṅ lags | bka’ stsal pa | rab ’byor rnam pa thams cad mkhyen pa ñid ces bya ba ni dṅos po med pa | (2) mtshan ñid med pa | mtshan ma med pa | lhun gyis grub pa | skye ba med pa | ’byuṅ ba med pa’o ||
rab ’byor khyod kyis ’di skad du | rnam pa thams cad mkhyen pa ñid kyi dmigs pa ni ci źig lags | dbaṅ bgyid pa ni gaṅ lags | rnam pa ni ci źig lags | mtshan ñid ni gaṅ (3) lags źes zer ba la | rab ’byor rnam pa thams cad mkhyen pa ñid kyi dmigs pa ni dṅos po med pa’o ||
dbaṅ byed pa ni dran pa’o ||
mtshan ñid ni mtshan ñid med pa ste | rab ’byor rnam pa thams cad mkhyen pa ñid kyi dmigs pa ni de yin no ||
dbaṅ byed pa ni de yin no ||
(4) rnam pa ni de yin no ||
mtshan ñid ni de yin no ||
gsol pa | bcom ldan ’das kyi rnam pa thams cad mkhyen pa ñid kho na dṅos po ma mchis pa lags sam | ’o na te gzugs kyaṅ dṅos po ma mchis śiṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ dṅos po ma (5) mchis pa lags sam | de bźin du naṅ daṅ phyi’i chos rnams kyaṅ dṅos po ma mchis pa lags sam | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi (6) rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lan yan lag brgyad pa daṅ | stoṅ ba ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin daṅ | rnam par thar pa brgyad daṅ | mthar (7) gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | byams pa chen po daṅ | sñiṅ rje chen po daṅ | dga’ ba chen po daṅ | (18a1) btaṅ sñoms chen po daṅ | mṅon par śes pa daṅ po daṅ | mṅon par śes pa gñis pa daṅ | gsum pa daṅ | bźi pa daṅ | lṅa pa daṅ | drug pa daṅ | ’dus byas kyi khams daṅ | ’dus ma byas kyi khams kyaṅ dṅos po ma mchis pa lags sam | bcom ldan (2) ’das kyis bka’ stsal pa | rab ’byor rnam pa thams cad mkhyen pa ñid kyaṅ dṅos po med do ||
gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ dṅos po med do ||
’dus byas kyi khams daṅ | ’dus ma byas kyi khams kyi bar du yaṅ (3) dṅos po med do ||
de ci’i phyir źe na | rab ’byor rnam pa thams cad mkhyen pa ñid de la ni ṅo bo ñid med do ||
rab ’byor gaṅ la ṅo bo ñid med pa de ni dṅos po med pa’i phyir ro ||
gsol pa | bcom ldan ’das ci’i slad du | rnam pa thams cad mkhyen pa ñid ṅo bo ñid ma mchis pa lags | bka’ (4) stsal pa | rab ’byor ’dus pa las byuṅ ba’i ṅo bo ñid med de | gaṅ la ’dus pa las byuṅ ba’i ṅo bo ñid med pa de dṅos po med pa’o ||
rab ’byor rnam graṅs des na | chos thams cad dṅos po med pa’i ṅo bo ñid do ||
rab ’byor yaṅ chos thams cad ni stoṅ pa’i ṅo bo ñid do ||
chos thams (5) cad ni mtshan ma med pa daṅ | smon pa med pa’i ṅo bo ñid do ||
rab ’byor yaṅ chos thams cad ni de bźin ñid kyi ṅo bo ñid do ||
chos thams cad ni yaṅ dag pa’i mtha’i ṅo bo ñid do ||
chos thams cad ni chos kyi dbyiṅs kyi ṅo bo ñid do ||
rab ’byor rnam graṅs des kyaṅ chos thams cad ni dṅos po med (6) pa’i ṅo bo ñid du de ltar rig par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad dṅos po ma mchis pa’i ṅo bo ñid lags na | sems daṅ po bskyed pa’i byaṅ chub sems dpa’ (7) sems dpa’ chen po thabs la mkhas pas gaṅ daṅ ldan pas sbyin pa’i pha rol tu phyin pa la spyod ciṅ | saṅs rgyas kyi źiṅ yaṅ yoṅs su dag par bgyid la | sems can rnams kyaṅ yoṅs su sbyin par bgyid | ji ltar tshul khrims kyi pha rol tu phyin pa daṅ | bzod pa’i (18b1) pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | bsam gtan daṅ po nas bsam gtan bźi ba’i bar daṅ | byams pa nas btaṅ sñoms kyi bar daṅ | nam mkha’ mtha’ yas skye mched (2) nas ’du śes med | ’du śes med min skye mched kyi bar gyi sñoms par ’jug pa daṅ | naṅ stoṅ pa ñid nas raṅ gi mtshan ñid stoṅ pa ñid kyi bar daṅ | dran pa ñe bar gźag pa rnams nas ’phags pa’i lam yan lag brgyad pa’i bar daṅ | stoṅ pa ñid kyi tiṅ ṅe ’dzin daṅ | mtshan (3) ma med pa’i tiṅ ṅe ’dzin daṅ | smon pa med pa’i tiṅ ṅe ’dzin daṅ | rnam par thar pa brgyad daṅ | mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos (4) ma ’dres pa bcwa brgyad daṅ | byams pa chen po daṅ | sñiṅ rje chen po daṅ | rnam pa thams cad mkhyen pa ñid la spyod ciṅ | saṅs rgyas kyi źiṅ yaṅ yoṅs su dag par bgyid la | sems can rnams kyaṅ yoṅs su smin par bgyid pa lags | bcom ldan ’das kyis bka’ stsal (5) pa | rab ’byor dṅos po med pa’i ṅo bo ñid kyi chos rnams la yoṅs su ’dris par byed ciṅ | saṅs rgyas kyi źiṅ yaṅ yoṅs su dag par byed la | sems can rnams kyaṅ yoṅs su smin par byed de | saṅs rgyas kyi źiṅ de daṅ | sems can de dag kyaṅ dṅos po med pa’i ṅo bo ñid du (6) śes pa gaṅ yin pa de ni | byaṅ chub sems dpa’ sems dpa’ chen po’i thabs la mkhas pa yin par rig par bya ste | byaṅ chub sems dpa’ sems dpa’ chen po de ni sbyin pa’i pha rol tu phyin pa la spyod ciṅ | byaṅ chub kyi lam yoṅs su ’dris par byed do ||
tshul khrims kyis (7) rol tu phyin pa la spyod ciṅ | byaṅ chub kyi lam yoṅs su ’dris par byed do ||
bzod pa’i pha rol tu phyin pa la spyod ciṅ | byaṅ chub kyi lam yoṅs su ’dris par byed do ||
brtson ’grus kyi pha rol tu phyin pa la spyod ciṅ | byaṅ chub kyi lam yoṅs su ’dris par byed do ||
bsam (19a1) gtan gyi pha rol tu phyin pa la spyod ciṅ byaṅ chub kyi lam yoṅs su ’dris par byed do ||
śes rab kyi pha rol tu phyin pa la spyod ciṅ | byaṅ chub kyi lam yoṅs su ’dris par byed do ||
de bźin du sbyar te | rnam pa thams cad mkhyen pa ñid kyi bar la spyod ciṅ | byaṅ chub kyi (2) lam yoṅs su ’dris par byed la | byaṅ chub kyi lam de yaṅ dṅos po med pa’i ṅo bo ñid du śes par bya’o ||
rab ’byor byaṅ chub sems dpa’ sems dpa’ chen po pha rol tu phyin pa drug po dag la spyod pa de ji srid du de bźin gśegs pa’i stobs bcu daṅ | mi ’jigs pa bźi daṅ | so so yaṅ dag (3) par rig pa bźi daṅ | saṅs rgyas kyi chos ma ’dres pa bcwa brgyad daṅ | byams pa chen po daṅ | sñiṅ rje chen po daṅ | rnam pa thams cad mkhyen pa ñid kyi ye śes daṅ ldan par ma gyur pa de srid du byaṅ chub kyi lam yoṅs su ’dris par mi byed do ||
rab ’byor ’di dag ni byaṅ chub kyi lam (4) yin te | de byaṅ chub kyi lam ’di dag gis pha rol tu phyin pa rnams yoṅs su rdzogs par byed do ||
pha rol tu phyin pa rnams yoṅs su rdzogs par byas nas | skad cig gcig daṅ ldan pa’i śes rab kyis rnam pa thams cad mkhyen pa ñid thob par ’gyur ro ||
de’i tshe de’i bag chags daṅ (5) mtshams sbyor ba daṅ | ñon moṅs pa thams cad ni mi skye ba’i spoṅ pas spoṅ bar ’gyur ro ||
des saṅs rgyas kyi spyan gyis stoṅ gsum gyi stoṅ chen po’i ’jig rten gyi khams la rnam par bltas nas dṅos po med par yaṅ mi dmigs na | dṅos por lta ci smos | rab ’byor byaṅ chub (6) sems dpa’ sems dpa’ chen pos de ltar dṅos po med pa’i ṅo bo ñid kyi chos thams cad la | śes rab kyi pha rol tu byin pa la spyad par bya’o ||
rab ’byor dṅos po yaṅ mi dmigs na | dṅos po med pa lta ci smos te | de yaṅ byaṅ chub sems dpa’ sems dpa’ chen po’i thabs la (7) mkhas pa yin no ||
rab ’byor byaṅ chub sems dpa’ sems dpa’ chen po de ni śes rab kyi pha rol tu phyin pa la spyod ciṅ sbyin pa sbyin par byed de | de sbyin pa sbyin pa na | rnam par mi rtog ciṅ mtshan mar mi byed de | dṅos po daṅ dṅos po med pa’i tshul du yid la mi byed do ||
len pa (19b1) por yaṅ rnam par mi rtog ciṅ mtshan mar mi byed de | dṅos po daṅ dṅos po med pa’i tshul du yid la mi byed do ||
sbyin pa por yaṅ rnam par mi rtog ciṅ mtshan mar mi byed de | dṅos po daṅ dṅos po med pa’i tshul du yid la mi byed do ||
byaṅ chub kyi sems de yaṅ mi dmigs śiṅ mtshan mar mi byed (2) la | dmigs par mi byed da yaṅ dag par rjes su mi mthoṅ ṅo ||
śes rab kyi pha rol tu phyin pa’i bar du yaṅ dṅos po daṅ dṅos po med pa’i tshul du rnam par mi rtog ciṅ | mtshan mar mi byed do ||
rnam pa thams cad mkhyen pa ñid kyi bar du yaṅ dṅos po daṅ dṅos po med pa’i tshul du yid la mi byed (3) ciṅ | rnam par mi rtog la yid la mi byed do ||
bla na med pa yaṅ dag par rdzogs pa’i byaṅ chub kyi bar du yaṅ dmigs par mi byed ciṅ | mtshan mar mi byed do ||
gaṅ mṅon par rdzogs par ’tshaṅ rgya ba’am | gaṅ mṅon par rdzogs par ’tshaṅ rgya bar bya ba’am | gaṅ gis mṅon par (4) rdzogs par ’tshaṅ rgya ba de yaṅ dṅos po daṅ dṅos po med pa’i tshul gyis yoṅs su rtog par mi byed do ||
de ci’i phyir źe na | ’di ltar chos thams cad ni dṅos po med pa’i ṅo bo ñid de | dṅos po med pa de yaṅ saṅs rgyas rnam daṅ | ñan thos rnams daṅ | raṅ saṅs rgyas rnams kyis ma byas (5) śiṅ | chos thams cad ni ’gyur ba med pa ste | byed pa po daṅ bral ba’i phyir ro ||
gsol pa | bcom ldan ’das chos rnams chos rnams ñid daṅ bral ba lags sam | bcom ldan ’das kyis bka’ stsal pa | rab ’byor de de bźin no ||
de de bźin te | chos rnams ni chos (6) rnams daṅ bral ba yin no ||
gsol pa | bcom ldan ’das gal te chos rnams kho na chos rnams daṅ bral ba lags na | bral ba’i chos kyis bral ba’i chos dṅos po mchis pa’am | dṅos po ma mchis par ji ltar ’tshal bar ruṅ ste | dṅos po ma mchis pa’i chos kyis kyaṅ | dṅos po (7) mchis pa’i chos ’tshal bar mi ruṅ la | dṅos po mchis pa’i chos kyis kyaṅ | dṅos po ma mchis pa’i chos ’tshal bar mi ruṅ | dṅos po ma mchis pa’i chos kyis kyaṅ | dṅos po ma mchis pa’i chos ’tshal bar mi ruṅ la | dṅos po mchis pa’i chos kyis kyaṅ | dṅos po (20a1) mchis pa’i chos ’tshal bar mi ruṅ lags na | de ltar ma ’tshal ba’i chos thams cad la dṅos po mchis źes bgyi ba’am | dṅos po ma mchis źes bgyi bar byaṅ chub sems dpa’ sems dpa’ chen po ston par ltag la ’gyur | bcom ldan ’das kyis bka’ stsal pa | byaṅ chub (2) sems dpa’ sems dpa’ chen po ni ’jig rten gyi kun rdzob bzuṅ ste | dṅos po yod pa źes bya ba’am | dṅos po med pa źes bya ba ston gyi | don dam par ni ma yin no ||
gsol pa | bcom ldan ’das ci ’jig rten gyi kun rdzob kyaṅ gźan źig lags la | don dam pa yaṅ gźan źig lags sam | (3) bka’ stsal pa | rab ’byor ’jig rten gyi kun rdzob kyaṅ gźan ma yin la | don dam pa yaṅ gźan ma yin te | ’jig rten gyi kun rdzob kyi de bźin ñid gaṅ yin pa de ñid don dam pa’i de bźin ñid yin la | de bźin ñid de sems can de dag gis mi śes śiṅ ma mthoṅ bas | de dag gi phyir byaṅ chub sems (4) dpa’i ’jig rten gyi kun rdzob kyis dṅos po yod pa’am | dṅos po med pa źes bya ba ston to ||
rab ’byor yaṅ sems can ’di dag ni phuṅ po lṅa po ’di dag la dṅos por ’du śes śiṅ dṅos po med par mi śes te | ji ltar byas na dṅos po med pa rtogs par ’gyur źig gu sñam nas | de dag gi don du (5) chos rnams rab tu dbye ba’i phyir de ltar ston par byed de | rab ’byor byaṅ chub sems dpa’ sems dpa’ chen pos de ltar śes rab kyi pha rol tu phyin pa la spyad par bya’o ||
śes rab kyi pha rol tu phyin pa khri brgyad stoṅ pa las yaṅ dag par bstan pa’i le’u źes bya ste | drug cu rtsa bźi pa’o || ||
(6) de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’i spyod pa byaṅ chub sems dpa’i spyod pa źes bgyi na | bcom ldan ’das byaṅ chub sems dpa’i spyod pa źes bgyi bde gaṅ gi tshig bla dgas lags | bka’ (7) stsal pa | rab ’byor byaṅ chub sems dpa’i spyod pa źes bya ba de ni | byaṅ chub kyi phyir spyod pa ste | de’i phyir byaṅ chub sems dpa’i spyod pa źes bya’o ||
gsol pa | bcom ldan ’das byaṅ chub sems dpa’ sems dpa’ chen po’i byaṅ chub kyi spyod pa de gaṅ la spyod lags | bcom ldan (20b1) ’das kyis bka’ stsal pa | gzugs stoṅ ṅo źes spyod pa daṅ | tshor ba daṅ | ’du śes daṅ | ’du byed rnams daṅ | rnam par śes pa stoṅ ṅo źes spyod pa daṅ | de bźin du khams rnams daṅ | skye mched rnams daṅ | naṅ daṅ phyi’i chos rnams stoṅ ṅo źes spyod pa daṅ | sbyin pa’i pha rol tu phyin (2) pa stoṅ ṅo źes spyod pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa stoṅ ṅo źes spyod pa daṅ | naṅ stoṅ pa ñid stoṅ ṅo źes spyod pa daṅ | phyi stoṅ pa (3) ñid stoṅ ṅo źes spyod pa daṅ | phyi naṅ stoṅ pa ñid stoṅ ṅo źes spyod pa daṅ | de bźin du sbyar te | raṅ gi mtshan ñid stoṅ pa ñid kyi bar du stoṅ ṅo źes spyod pa daṅ | bsam gtan daṅ po daṅ | gñis pa daṅ | gsum pa daṅ | bźi pa stoṅ ṅo źes spyod pa daṅ | byams pa daṅ | sñiṅ rje daṅ | (4) dga’ ba daṅ | btaṅ sñoms stoṅ ṅo źes spyod pa daṅ | nam mkha’ mtha’ yas skye mched daṅ | rnam śes mtha’ yas skye mched daṅ | ci yaṅ med pa’i skye mched daṅ | ’du śes med ’du śes med min skye mched stoṅ ṅo źes spyod pa daṅ | dran pa ñe bar gźag pa bźi stoṅ ṅo źes spyod (5) pa daṅ | yaṅ dag par spoṅ ba bźi stoṅ ṅo źes spyod pa daṅ | rdzu ’phrul gyi rkaṅ pa bźi stoṅ ṅo źes spyod pa daṅ | dbaṅ po lṅa stoṅ ṅo źes spyod pa daṅ | stobs lṅa stoṅ ṅo źes spyod pa daṅ | byaṅ chub kyi yan lag bdun stoṅ ṅo źes spyod pa daṅ | ’phags pa’i lam yan lag (6) brgyad pa stoṅ ṅo źes spyod pa daṅ | rnam par thar pa’i sgo stoṅ pa ñid daṅ | mtshan ma med pa daṅ | smon pa med pa daṅ | sñoms par ’jug pa rnams daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | (7) saṅs rgyas kyi chos ma ’dres pa bcwa brgyad daṅ | saṅs rgyas kyi źiṅ yoṅs su dag pa stoṅ ṅo źes spyod pa daṅ | sems can yoṅs su smin par bya ba stoṅ ṅo źes spyod pa daṅ | spobs pa rnams stoṅ ṅo źes spyod pa daṅ | yi ge sgrub pa stoṅ ṅo źes spyod pa daṅ yi ge rnams la (21a1) ’jug pa stoṅ ṅo źes spyod pa daṅ | yi ge rnams med pa la ’jug pa stoṅ ṅo źes spyod pa daṅ | gzugs stoṅ ṅo źes spyod pa daṅ | ’dus byas kyi khams stoṅ ṅo źes spyod pa daṅ | ’dus ma byas kyi khams stoṅ ṅo źes spyod pa ste | ci nas byaṅ chub la gñis su mi ’byed pa de ltar (2) rjes su spyod do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar spyod na | byaṅ chub kyi phyir spyod pa yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (3) saṅs rgyas saṅs rgyas źes bgyi na | bcom ldan ’das saṅs rgyas źes bgyi ba de gaṅ gi tshig bla dgas lags | bcom ldan ’das kyis bka’ stsal pa | rab ’byor yaṅ dag pa’i don ni saṅs rgyas źes bya’o ||
rab ’byor yaṅ des yaṅ dag pa’i chos | mṅon par (4) rdzogs par saṅs rgyas pas na de’i phyir saṅs rgyas źes bya’o ||
rab ’byor yaṅ des yaṅ dag pa’i don rtogs pas na | de’i phyir saṅs rgyas źes bya’o ||
rab ’byor yaṅ chos thams cad yaṅ dag pa ji lta ba bźin du mṅon par rdzogs par saṅs rgyas pas na de’i phyir saṅs rgyas źes bya’o ||
(5) gsol pa | bcom ldan ’das byaṅ chub byaṅ chub ces bgyi na | byaṅ chub ces bgyi ba de gaṅ gi tshig bla dgas lags | bka’ stsal pa | rab ’byor byaṅ chub ces bya ba de ni stoṅ pa ñid kyi tshig bla dgas so ||
de ni de bźin ñid kyi tshig bla dgas so ||
de ni yaṅ dag pa’i tshig (6) bla dgas so ||
de ni yaṅ dag pa’i mtha’i tshig bla dgas so ||
de ni chos kyi dbyiṅs kyi tshig bla dgas so ||
rab ’byor yaṅ byaṅ chub ces bya ba de ni miṅ tsam gyi tshig bla dgas so ||
rab ’byor yaṅ byaṅ chub kyi don ni yaṅ dag pa’i don to ||
rab ’byor yaṅ byaṅ chub ni de (7) bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | gźan ma yin pa’i raṅ bźin te | de’i phyir byaṅ chub ces bya’o ||
rab ’byor yaṅ byaṅ chub de ni chos thams cad miṅ daṅ mtshan ma tsam du rtogs par byed pa ste | de’i phyir byaṅ chub ces bya’o ||
rab (21b1) ’byor byaṅ chub de ni saṅs rgyas bcom ldan ’das rnams kyi byaṅ chub ste ||
de’i phyir byaṅ chub ces bya’o ||
rab ’byor yaṅ byaṅ chub de na saṅs rgyas bcom ldan ’das rnams kyis mṅon par rdzogs par saṅs rgyas pas na de’i phyir byaṅ chub ces bya’o ||
de skad ces bka’ stsal pa daṅ | bcom (2) ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ byaṅ chub ’di la spyod pa de ni pha rol tu phyin pa drug la spyod pa daṅ | rnam pa thams cad mkhyen pa ñid kyi bar la spyod pa lags na | de’i dge ba’i rtsa ba gaṅ (3) bsags pa’am | ’grib pa’am | ñams pa’am | ’phel pa’am | skye ba’am | ’gag pa’am | kun nas ñon moṅs pa’am | rnam par byaṅ bar ’gyur ba lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
(4) rab ’byor byaṅ chub sems dpa’ sems dpa’ chen po gaṅ byaṅ chub ’di la spyod pa pha rol tu phyin pa drug la spyod pa daṅ | rnam pa thams cad mkhyen pa ñid kyi bar la spyod pa de ni chos gaṅ yaṅ bsags pa’i phyir ro ma | ’grib par bya ba’i phyir ram | ñams par bya ba’i phyir ram | ’phel bar bya (5) ba’i phyir ram | bskyed par bya ba’i phyir ram | dgag par bya ba’i phyir ram | kun nas ñon moṅs par bya ba’i phyir ram | rnam par byaṅ bar bya ba’i phyir mi spyod do ||
de ci’i phyir źe na | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ (6) chub ni bsags pa’i phyir ram | ’grib par bya ba’i phyir ram | ñams par bya ba’i phyir ram | ’phel bar bya ba’i phyir ram | bskyed par bya ba’i phyir ram | dgag pa’i phyir ram | kun nas ñon moṅs par bya ba’i phyir ram | rnam par byaṅ bar bya ba’i phyir dmigs pa’i tshul gyis ñe (7) bar gnas pa ma yin pa’i phyir ro ||
gsol pa | bcom ldan ’das gal te byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i byaṅ chub ni chos gaṅ la yaṅ dmigs pa’i tshul gyis ñe bar gnas pa ma lags na | byaṅ chub sems dpa’ sems dpa’ (22a1) chen po śes rab kyi pha rol tu phyin pa la spyod pa de | ji ltar sbyin pa’i pha rol tu phyin pa yoṅs su ’dzin pa daṅ | de bźin du ji ltar śes rab kyi pha rol tu phyin pa’i bar du yoṅs su ’dzin pa lags | ji ltar na naṅ stoṅ pa ñid la spyod pa daṅ | dṅos po med pa’i ṅo bo ñid stoṅ (2) pa ñid kyi bar la spyod pa lags | bsam gtan rnams daṅ | tshad med pa rnams daṅ | gzugs med pa’i sñoms par ’jug pa rnams la spyod pa lags | dran pa ñe bar gźag pa rnams la spyod pa nas | ’phags pa’i lam yan lag brgyad pa’i bar la spyod pa lags | rnam par thar (3) pa’i sgo stoṅ pa ñid daṅ | mtshan ma med pa daṅ | smon pa med pa la spyod pa daṅ | de bźin gśegs pa’i stobs bcu’i bar la spyod pa daṅ | sñiṅ rje chen po’i bar la spyod pa lags | ji ltar na byaṅ chub sems dpa’i sa bcu po dag la spyod pa daṅ | ñan thos daṅ | raṅ saṅs rgyas (4) kyis las śin tu ’da’ ba daṅ | byaṅ chub sems dpa’i skyon ma mchis pa la ’jug pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’ sems dpa’ chen po byaṅ chub sems dpa’i (5) spyad pa spyod pa na | gñis kyi tshul gyis sbyin pa’i pha rol tu phyin pa la mi spyod do ||
de bźin du sbyar te | gñis kyi tshul gyis śes rab kyi pha rol tu phyin pa’i bar la mi spyod do ||
gñis kyi tshul gyis rnam pa thams cad mkhyen pa ñid kyi bar la mi spyod do ||
rab ’byor de ltar na byaṅ chub sems (6) dpa’ sems dpa’ chen po śes rab kyi pha rol tu phyin pa la spyod pa na | sbyin pa’i pha rol tu phyin pa yoṅs su ’dzin pa daṅ | śes rab kyi pha rol tu phyin pa’i bar du yoṅs su ’dzin pa yin no ||
rnam pa thams cad mkhyen pa ñid kyi bar du yaṅ thob par ’gyur ro ||
gsol pa | bcom (7) ldan ’das gal te gñis kyi tshul gyis sbyin pa’i pha rol tu phyin pa la mi spyod la | de bźin du gñis kyi tshul gyis rnam pa thams cad mkhyen pa ñid kyi bar la mi spyod lags na | ji ltar byaṅ chub sems dpa’ sems dpa’ chen po sems daṅ po bskyed pa nas ñe bar bzuṅ ste | dge ba’i rtsa (22b1) ba rnams kyis rnam par ’phel bar ’gyur źiṅ | sems bskyed pa tha ma’i bar du ji ltar dge ba’i rtsa ba rnams kyis rnam par ’phel bar ’gyur lags | de skad ces gsol pa daṅ | bcom ldana’adasa kyis tshe daṅ ldan pa rab ’byor la ’di skad ces bka’ stsal to ||
rab ’byor gaṅ dag gñis (2) la spyod pa de dag ni dge ba’i rtsa ba rnams kyis rnam par ’phel bar mi ’gyur ro ||
de ci’i phyir źe na | rab ’byor gñis la rten pa ni byis pa so so’i skye bo thams cad de | de dag ni dge ba’i rtsa ba rnams kyis rnam par ’phel bar mi ’gyur ro ||
byaṅ chub sems dpa’ ni gñis la mi spyod pas (3) sems daṅ po bskyed pa nas bzuṅ ste | dge ba’i chos rnams kyis rnam par ’phel bar ’gyur źiṅ | sems bskyed pa tha ma’i bar du dge ba’i chos rnams kyis rnam par ’phel bar ’gyur te | de’i dge ba’i rtsa ba de dag ni lha daṅ mi daṅ lha ma yin du bcas pa’i ’jig rten phyi zil gyis gnon par (4) mi nus so ||
mi dge ba gaṅ dag gis zil gyis non par gyur pa ni | ñan thos kyi sa’am | raṅ saṅs rgyas kyi sar ltuṅ bar ’gyur źiṅ | mi dge ba’i rtsa ba gźan dag gis kyaṅ ’phrogs par ’gyur ro ||
de dag gis ’phrogs pas sbyin pa’i pha rol tu phyin pa la spyod pa na | dge ba’i rtsa ba (5) rnams kyis rnam par ’phel bar mi ’gyur ba nas | rnam pa thams cad mkhyen pa ñid kyi bar la spyod pa na dge ba’i rtsa ba rnams kyis rnam par ’phel bar mi ’gyur te | rab ’byor byaṅ chub sems dpa’ sems dpa’ chen pos de ltar śes rab kyi pha rol tu phyin pa la spyad par bya’o ||
gsol (6) pa | bcom ldan ’das ci byaṅ chub sems dpa’ sems dpa’ chen po dge ba’i rtsa ba rnams kyi slad du | śes rab kyi pha rol tu phyin pa la spyod lags sam | bka’ stsal pa | rab ’byor de ni ma yin te | rab ’byor byaṅ chub sems dpa’ sems dpa’ chen po ni dge ba’i rtsa ba rnams (7) kyi phyir śes rab kyi pha rol tu phyin pa la spyod pa ma yin la | mi dge ba’i rtsa ba rnams kyi phyir yaṅ śes rab kyi pha rol tu phyin pa la spyod pa ma yin mod kyi | ’on kyaṅ saṅs rgyas bcom ldan ’das rnams la bsñen bkur ma byas sam | dge ba’i rtsa ba rnams yoṅs su rdzogs par ma (23a1) byas sam | dge ba’i bśes gñen dag gis yoṅs su ma zin par yaṅ byaṅ chub sems dpa’ sems dpa’ chen pos rnam pa thams cad mkhyen pa ñid thob par mi nus so ||
gsol pa | bcom ldan ’das byaṅ chub sems dpa’ sems dpa’ chen po saṅs rgyas (2) bcom ldan ’das rnams la bsñen bkur bgyis pa daṅ | dge ba’i rtsa ba yoṅs su rdzogs par bgyis pa daṅ | dge ba’i bśes gñen gyis yoṅs su zin pas ji ltar rnam pa thams cad mkhyen pa ñid thob par ’gyur lags | bcom ldan ’das kyis bka’ stsal pa | rab ’byor ’di la (3) byaṅ chub sems dpa’ sems dpa’ chen po sems daṅ po bskyed pa nas bzuṅ ste | de bźin gśegs pa dgra bcom pa yaṅ dag par rdzogs pa’i saṅs rgyas rnams la bsñen bkur byed ciṅ saṅs rgyas bcom ldan ’das de dag gis mdo’i sde daṅ | dbyaṅs kyis bsñad pa’i sde daṅ | luṅ (4) du bstan pa’i sde daṅ | tshigs su bcad pa’i sde daṅ | ched du brjod pa’i sde daṅ | gleṅ gźi’i sde daṅ | rtogs pa brjod pa’i sde daṅ | de lta bu byuṅ ba’i sde daṅ | skyes pa’i rabs kyi sde daṅ | śin tu rgyas pa’i sde daṅ | rmad du byuṅ ba’i chos kyi sde daṅ | gtan la dbab par bstan pa’i sde (5) bstan pa gaṅ yin pa de dag thams cad yoṅs su ’dzin te | bzuṅ nas kyaṅ tshig gis yoṅs su ’dris par byas nas | yid kyi rjes su rtog par byed la | lta bas śin tu rtogs par byed ciṅ gzuṅs thob par ’gyur ro ||
gzuṅs thob nas kyaṅ so so yaṅ dag par rig bskyed do ||
so so yaṅ (6) dag par rig pa bskyed nas de tshe rjes nas kyaṅarnama pa thams cad mkhyen pa ñid thob kyi bar du nams kyaṅ chos de dag chud za bar mi ’gyur ro ||
der de bźin gśegs pa dgra bcom pa yaṅ dag par rdzogs pa’i saṅs rgyas de dag la dge ba’i rtsa ba dag skyed par byed de | dge ba’i rtsa ba de dag gis yoṅs su (7) zin pas gźar yaṅ ṅan soṅ rnams daṅ | mi khom pa rnams su mi skye źiṅ dge ba’i rtsa ba de dag gis kyaṅ bsam pa gaṅ gis saṅs rgyas kyi źiṅ yoṅs su dag par byed pa daṅ | sems can rnams yoṅs su smin par byed pa’i bsam pa rnam par dag pa yoṅs su ’dzin par ’gyur ro ||
dge ba’i (23b1) rtsa ba de dag yoṅs su bzuṅ bas kyaṅ dge ba’i bśes gñen rnams daṅ | saṅs rgyas bcom ldan ’das rnams daṅ | byaṅ chub sems dpa’ sems dpa’ chen po rnams daṅ | ñan thos gaṅ dag saṅs rgyas kyi theg pa pa’i bsṅags pa brjod pa rnams daṅ nam du yaṅ ’bral bar mi ’gyur ro ||
rab ’byor (2) byaṅ chub sems dpa’ sems dpa’ chen po śes rab kyi pha rol tu phyin pa la spyod pas | de ltar saṅs rgyas bcom ldan ’das rnams la bsñen bskur bya źiṅ dge ba’i rtsa ba yaṅ yoṅs su gzuṅ bar bya ste | dge ba’i bśes gñen rnams la yaṅ bsten par bya’o ||
śes rab kyi pha rol tu (3) phyin pa khri brgyad stoṅ pa las | dge ba’i bśes gñen la bsñen pa daṅ | bsten pa daṅ | bsñen bkur bya ba’i thabs kyi le’u źes bya ste | drug cu rtsa lṅa pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (4) byaṅ chub sems dpa’ sems dpa’ chen po gaṅ saṅs rgyas bcom ldan ’das rnams la bsñen bkur mi bgyid ciṅ dge ba’i rtsa ba dag kyaṅ mi bskyed la | dge ba’i bśes gñen gyis kyaṅ yoṅs su ma zin pa’i byaṅ chub sems dpa’ sems dpa’ chen po de rnam pa thams cad mkhyen pa ñid thob par mi (5) ’gyur lags sam | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po saṅs rgyas bcom ldan ’das rnams la bsñen bkur ma byas la | dge ba’i rtsa ba rnams ma bskyed ciṅ | dge ba’i bśes gñen dag gis yoṅs su ma zin pa ni rnam pa (6) thams cad mkhyen pa ñid thob par mi ’gyur ro ||
de ci’i phyir źe na | saṅs rgyas bcom ldan ’das rnams la yaṅ bsñen bkur byas śiṅ | dge ba’i rtsa ba rnams kyaṅ bskyed la | dge ba’i bśes gñen yaṅ bsten du zin kyaṅ | da duṅ rnam pa thams cad mkhyen pa ñid thob par mi nus na | saṅs (7) rgyas bcom ldan ’das rnams la bsñen bkur ma byas śiṅ | dge ba’i rtsa ba rnams yoṅs su rdzogs par ma byas la dge ba’i bśes gñen dag la ma bsten par rnam pa thams cad mkhyen pa ñid thob pa lta ci smos te de ni gnas med do ||
rab ’byor de bas na byaṅ chub sems dpa’ sems (24a1) dpa’ chen pos saṅs rgyas bcom ldan ’das rnams la bsñen bkur bya | dge ba’i rtsa ba rnams bskyed par bya | dge ba’i bśes gñen rnams la bsten par bya’o ||
gsol pa | bcom ldan ’das ci’i slad du byaṅ chub sems dpa’ sems dpa’ chen pos saṅs rgyas (2) bcom ldan ’das rnams la bsñen bkur bgyis śiṅ | dge ba’i rtsa ba rnams kyaṅ bskyed la | dge ba’i bśes gñen rnams la bsten kyaṅ rnam pa thams cad mkhyen pa ñid thob par mi ’gyur lags | bka’ stsal pa | thabs la mkhas pa daṅ bral ba’i phyir te | des saṅs rgyas bcom ldan (3) ’das de dag las thabs de ma thos la | dge ba’i rtsa ba de dag kyaṅ ma bskyed de | dge ba’i bśes gñen gaṅ dag de la thabs ston pa’i dge ba’i bśes gñen de dag la yaṅ ma bsten pa’i phyir ro ||
gsol pa | bcom ldan ’das thabs la mkhas pa gaṅ dag daṅ ldan na byaṅ chub sems dpa’ (4) sems dpa’ chen pos rnam pa thams cad mkhyen pa ñid thob par ’gyur ba’i thabs la mkhas pa gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po ni sems daṅ (5) po bskyed pa nas bzuṅ ste | sbyin pa’i pha rol tu phyin pa la spyod pa na | rnam pa thams cad mkhyen pa ñid daṅ ldan pa’i yid la byed pa dag gis saṅs rgyas bcom ldan ’das rnams daṅ | raṅ saṅs rgyas rnams daṅ | ñan thos rnams daṅ | mir gyur pa rnams daṅ | mi ma yin par gyur pa rnams (6) la sbyin pa sbyin par byed de | rnam pa thams cad mkhyen pa ñid daṅ ldan pa’i yid la byed pa dag daṅ ldan pas de sbyin pa la yaṅ sbyin pa’i ’du śes su mi ’gyur | len pa po la yaṅ len pa po’i ’du śes su mi ’gyur | sbyin pa po la yaṅ sbyin pa po’i ’du śes su mi ’gyur ro ||
de ci’i phyir źe na | ’di (7) ltar de ni chos thams cad raṅ gi mtshan ñid kyis stoṅ pa daṅ | yoṅs su ma grub pa daṅ | mṅon par ma grub par mthoṅ la | chos rnams kyi chos kyi mtshan ñid la yaṅ ’jug ste | chos thams cad byed pa’i mthu med ciṅ | mṅon par ’du byed pa med pa’i mtshan ñid la ’jug pa’i phyir (24b1) te | thabs la mkhas pa de daṅ ldan pas dge ba’i rtsa ba rnams kyis ’phel bar ’gyur ro ||
de dge ba’i rtsa ba rnams kyis rnam par ’phel na | sbyin pa’i pha rol tu phyin pa la spyod de ||
sbyin pa’i bde la tu phyin pa la spyod na | sems can rnams yoṅs su smin par byed ciṅ | saṅs rgyas kyi źiṅ yaṅ yoṅs su (2) dag par byed la | ’khor ba na sbyin pa’i ’bras bu yoṅs su loṅs spyad pa gaṅ yin pa’i sbyin pa’i ’bras bu la yaṅ mi re ste | gźan du na sems can yoṅs su bskyab pa daṅ | sems can yoṅs su dgrol ba’i phyir | sbyin pa’i pha rol tu phyin pa la spyod do ||
śes rab kyi pha rol tu phyin pa khri brgyad stoṅ pa (3) las | thabs la mkhas pa bstan pa’i le’u źes bya ste | drug cu rtsa drug pa’o || ||
rab ’byor gźan yaṅ byaṅ chub sems dpa’ sems dpa’ chen po ni tshul khrims kyi pha rol tu phyin pa la spyad pa na | sems daṅ po bskyed pa nas bzuṅ ste rnam pa thams cad mkhyen pa (4) ñid daṅ ldan pa’i yid la byed pa dag gis tshul khrims de sruṅ ste de ’dod chags kyi sems daṅ | źe sdaṅ daṅ | gti mug daṅ | bag la ñal daṅ | kun nas ldaṅ ba daṅ | byaṅ chub la bgegs byed pa’i mi dge ba’i rtsa ba’i chos gaṅ yaṅ ruṅ ba ’di lta ste | ser sna daṅ ’chal ba’i tshul khrims (5) daṅ | ’khrug pa’i sems daṅ | le lo’i sems daṅ | dman pa’i sems daṅ | ’khrul pa’i sems daṅ | ’chal ba’i śes rab kyi sems daṅ | ṅa rgyal daṅ | brñas pa daṅ | lhag pa’i ṅa rgyal lam | ṅa’o sñam pa’i ṅa rgyal lam | ñan thos daṅ | raṅ saṅs (6) rgyas kyi sems kyis bsgrib par mi ’gyur ro ||
de ci’i phyir źe na | ’di ltar des chos thams cad raṅ gi mtshan ñid kyis stoṅ par śes śiṅ | chos thams cad ma byuṅ ba daṅ | yoṅs su ma grub pa daṅ | mṅon par ma grub par mthoṅ la | chos rnams kyi chos kyi mtshan ñid la (7) ’jug ste | chos thams cad byed pa’i mthu med ciṅ mṅon par ’du byed pa med pa’i mtshan ñid la ’jug pa’i phyir te | thabs la mkhas pa de daṅ ldan pa’i byaṅ chub sems dpa’ sems dpa’ chen po ni dge ba’i rtsa pa dag gis rnam par ’phel bar ’gyur ro ||
de dge ba’i rtsa ba rnams kyis rnam (25a1) bar ’phel na tshul khrims kyi pha rol tu phyin pa la spyod do ||
tshul khrims kyi pha rol tu phyin pa la spyod na | sems can rnams yoṅs su smin par byed ciṅ | saṅs rgyas kyi źiṅ yaṅ yoṅs su dag par byed la | ’khor ba na tshul khrims kyi ’bras bu yoṅs su loṅs spyad pa (2) gaṅ yin pa’i tshul khrims kyi ’bras bu la yaṅ mi re ste | gźan du na sems can rjes su gzuṅ ba daṅ | sems can la mi gnod pa daṅ | sems can la phan par ’dod pa’i phyir tshul khrims kyi pha rol tu phyin pa la spyod do ||
śes rab kyi pha rol tu phyin pa khri brgyad stoṅ pa las tshul (3) khrims kyi le’u źes bya ste | drug cu rtsa bdun pa’o || ||
de bźin du bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa la spyod pa la yaṅ sbyar bar bya’o ||
rab ’byor gźan yaṅ byaṅ chub sems dpa’ sems (4) dpa’ chen po ni śes rab kyi pha rol tu phyin pa la spyod pa na | sems daṅ po bskyed pa nas bzuṅ ste | rnam pa thams cad mkhyen pa ñid daṅ ldan pa’i yid la byed pa dag gis śes rab sgom par byed de | de la ’dod chags kyi sems nas | ñan thos daṅ | raṅ saṅs rgyas kyi bar gyi sems kyis bsgrib (5) par mi ’gyur ro ||
de ci’i phyir źe na | rab ’byor ’di ltar des chos thams cad raṅ gi mtshan ñid kyis stoṅ par śes śiṅ chos thams cad ma byuṅ ba daṅ | yoṅs su ma grub pa daṅ | mṅon par ma grub par mthoṅ la | chos thams cad kyi chos kyi mtshan ñid la ’jug ste | chos thams cad (6) byed pa’i mthu med ciṅ | mṅon par ’du byed pa med pa’i mtshan ñid la ’jug pa’i phyir te | thabs la mkhas pa de daṅ ldan pa de ni dge ba’i rtsa ba dag gis rnam par ’phel bar ’gyur ro ||
de dge ba’i rtsa la rnams kyis rnam par ’phel na | śes rab kyi pha rol tu phyin pa la spyod do ||
de (7) śes rab kyi pha rol tu phyin pa la spyod na | sems can rnams kyaṅ yoṅs su smin par byed ciṅ | saṅs rgyas kyi źiṅ yaṅ yoṅs su dag par byed la ’khor ba na śes rab kyi ’bras bu yoṅs su loṅs spyad pa gaṅ yin pa’i śes rab kyi ’bras bu la yaṅ mi re ste | gźan du na sems can yoṅs su (25b1) bskyab pa daṅ | sems can yoṅs su dgrol ba’i phyir śes rab kyi pha rol tu phyin pa la spyod do ||
śes rab kyi pha rol tu phyin pa khri brgyad stoṅ pa las rnam par ’phel ba’i le’u źes bya ste | drug cu rtsa brgyad pa’o || ||
rab ’byor gźan yaṅ byaṅ chub sems dpa’ sems dpa’ (2) chen po ni bsam gtan daṅ po la sñoms par ’jug pa nas | bsam gtan bźi pa’i bar du sñoms par ’jug | tshad med pa rnams la sñoms par ’jug | gzugs med pa’i sñoms par ’jug pa rnams la sñoms par ’jug la | rnam par smin pa yaṅ yoṅs su mi ’dzin to ||
de ci’i phyir źe na | (3) ’di ltar de ni thabs la mkhas pa gaṅ daṅ ldan na | bsam gtan rnams daṅ | tshad med pa rnams daṅ | gzugs med pa’i sñoms par ’dug pa rnams raṅ gi mtshan ñid kyis stoṅ par śes pa nas | mṅon par ma grub pa’i bar du śes pa’i thabs la mkhas pa daṅ ldan pa’i phyir ro ||
rab ’byor (4) gźan yaṅ byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa na | sems daṅ po bskyed pa nas bzuṅ ste | thabs la mkhas pa daṅ ldan pas mthoṅ ba daṅ bsgom pas spoṅ ba’i lam la spyod kyaṅ | rgyun du źugs pa’i ’bras bu yaṅ thob par mi byed do ||
lan cig phyir (5) ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid kyaṅ thob par mi byed do ||
de ci’i phyir źe na | ’di ltar des chos thams cad raṅ gi mtshan ñid kyis stoṅ par śes la | byaṅ chub kyi phyogs kyi chos de dag la yaṅ spyod ciṅ | ñan thos daṅ | raṅ saṅs rgyas kyis (6) las kyaṅ ’da’ ba’i phyir te | rab ’byor ’di ni byaṅ chub sems dpa’ sems dpa’ chen po’i mi skye ba’i chos rnams la bzod pa yin no ||
rab ’byor gźan yaṅ byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa na | rnam par thar pa brgyad la sñoms par (7) ’jug ciṅ | mthar gyis gnas pa’i sñoms par ’jug pa dgu la yaṅ sñoms par ’jug la | rgyun du źugs pa’i ’bras bu yaṅ thob par mi ’gyur źiṅ | dgra bcom pa ñid kyi bar du yaṅ thob par mi ’gyur ro ||
de ci’i phyir źe na | ’di ltar des chos thams cad raṅ gi mtshan (26a1) ñid kyis stoṅ par śes pa nas chos thams cad mṅon par ma grub pa’i bar du śes pa’i phyir ro ||
rab ’byor gźan yaṅ byaṅ chub sems dpa’ sems dpa’ chen po ni de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | (2) saṅs rgyas kyi chos ma ’dres pa bcwa brgyad daṅ | sñiṅ rje chen po la yaṅ ’dris par byed la | saṅs rgyas kyi źiṅ yaṅ yoṅs su dag par ma byas śiṅ | sems can rnams yoṅs su smin par ma byas kyi bar du yaṅ rnam pa thams cad mkhyen pa ñid thob par mi byed de | rab ’byor de ltar byaṅ (3) chub sems dpa’ sems dpa’ chen pos śes rab kyi pha rol tu phyin pa la spyad par bya’o || ||
śes rab kyi pha rol tu phyin pa khri brgyad stoṅ pa | bam po bźi bcu rtsa bdun pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis (4) ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ de ltar chos zab mo rnams la spyod ciṅ rnam par smin pa yaṅ len par mi bgyid par ni | blo’i mchog daṅ ldan pa lags so ||
de skad ces gsol pa daṅ | bcom ldan ’das kyis tshe daṅ ldan pa rab (5) ’byor la ’di skad ces bka’ stsal to ||
rab ’byor de de bźin no ||
de de bźin te | rab ’byor byaṅ chub sems dpa’ sems dpa’ chen po gaṅ de ltar chos zab mo rnams la spyod ciṅ | rnam par smin pa yaṅ len par mi byed pa de ni | blo’i mchog daṅ ldan pa yin no ||
de ci’i phyir źe na | rab (6) ’byor ’di ltar byaṅ chub sems dpa’ sems dpa’ chen po ni ṅo bo ñid las mi g-yo ba’i phyir ro ||
gsol pa | bcom ldan ’das ṅo bo ñid gaṅ las mi g-yo ba lags | bka’ stsal pa | dṅos po med pa yas mi g-yo ba’o ||
rab ’byor khyod ’di skad du | ṅo bo ñid gaṅ las mi (7) g-yo ba lags źes zer ba ni gzugs kyi ṅo bo ñid las mi g-yo’o ||
tshor ba daṅ | ’du śes daṅ | ’du byed rnams daṅ | rnam par śes pa’i ṅo bo ñid las mi g-yo’o ||
sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | (26b1) brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i ṅo bo ñid las mi g-yo’o ||
bsam gtan rnams daṅ | tshad med pa rnams daṅ | gzugs med pa’i sñoms par ’jug pa rnams kyi ṅo bo ñid las mi g-yo’o ||
dran pa ñe bar gźag pa rnams (2) daṅ | ’phags pa’i lam yan lag brgyad pa’i bar gyi ṅo bo ñid las mi g-yo’o ||
stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin daṅ | sñiṅ rje chen po’i bar gyi ṅo bo ñid las mi g-yo’o ||
de ci’i phyir źe na | rab ’byor ’di ltar (3) chos ’di dag gi ṅo bo ñid gaṅ yin pa de ni dṅos po med pa’i phyir ro ||
rab ’byor dṅos po med pas ni dṅos po med pa mṅon par rdzogs par ’tshaṅ rgya bar mi nus so ||
gsol pa | bcom ldan ’das ci dṅos po ma mchis pas dṅos po mṅon par rdzogs par ’tshaṅ rgya bar bgyi bar rdo thogs (4) lags sam | bka’ stsal pa | rab ’byor de ni ma yin no ||
gsol pa | bcom ldan ’das ci dṅos po ma mchis pas dṅos po ma mchis pa mṅon par rdzogs par ’tshaṅ rgya bar bgyi bar rdo thogs lags sam | bka’ stsal pa | rab ’byor de ni ma yin no ||
gsol pa | bcom ldan ’das ci dṅos po ma (5) mchis pas dṅos po ma mchis pa mṅon par rdzogs par ’tshaṅ rgya bar bgyi bar rdo thogs lags sam | bka’ stsal pa | rab ’byor de ni ma yin no ||
gsol pa | ci bcom ldan ’das dṅos pos dṅos po mṅon par rdzogs par ’tshaṅ rgya bar bgyi bar rdo thogs lags sam | bka’ stsal pa | (6) rab ’byor de ni ma yin no ||
gsol pa | bcom ldana’adasa gal te dṅos po ma mchis pas kyaṅ dṅos po mṅon par mi rtogs śiṅ | dṅos pos kyaṅ dṅos po ma mchis pa mṅon par mi rtogs la | dṅos po ma mchis pas kyaṅ dṅos po ma mchis pa mṅon par mi rtogs śiṅ dṅos pos kyaṅ dṅos (7) po mṅon par rtogs pa ma lags na | ’o na ni thob pa yaṅ ma mchis | mṅon par rtogs pa yaṅ ma mchis par mi ’gyur lags sam | bka’ stsal pa | rab ’byor mṅon par rtogs pa ni yod mod kyi | mṅon par bsgrub pa ’di bźis ni ma yin no ||
gsol pa | bcom ldan ’das ’o na (27a1) da mṅon par rtogs pa ji lta bu źig lags | bka’ stsal pa | ji ltar dṅos po yaṅ ma yin źiṅ dṅos po med pa yaṅ ma yin pa de ltar mñam pa ñid du mthoṅ ba ni mṅon par rtogs pa ste | spros pa med ciṅ spros pa daṅ bral ba’i phyir | gaṅ la spros pa de dag med pa de lta bu ni mṅon par rtogs (2) pa yin no ||
de skad ces bka’ stsal daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po’i spros pa gaṅ lags | bka’ stsal pa | rab ’byor gzugs rtag ces bya ba daṅ | mi rtag ces bya ba ni (3) byaṅ chub sems dpa’i spros pa’o ||
tshor ba daṅ | ’du śes daṅ | ’du byed rnams daṅ | rnam par śes pa rtag ces bya ba daṅ | mi rtag ces bya ba ni byaṅ chub sems dpa’i spros pa’o ||
gzugs bde źes bya ba daṅ | sdug bsṅal źes bya ba ni byaṅ chub sems dpa’i spros pa’o ||
tshor ba daṅ (4) daṅ | ’du śes daṅ | ’du byed rnams daṅ | rnam par śes pa bde źes bya ba daṅ | sdug bsṅal źes bya ba ni byaṅ chub sems dpa’i spros pa’o ||
gzugs bdag yod ces bya ba daṅ | bdag med ces bya ba ni byaṅ chub sems dpa’i spros pa’o ||
tshor ba daṅ | ’du śes daṅ | ’du byed (5) rnams daṅ | rnam par śes pa bdag yod ces bya ba daṅ | bdag med ces bya ba ni byaṅ chub sems dpa’i spros pa’o ||
gzugs źi źes bya ba daṅ | ma źi źes bya ba ni byaṅ chub sems dpa’i spros pa’o ||
tshor ba daṅ | ’du śes daṅ | ’du byed rnams daṅ | rnam par śes pa źi źes (6) bya ba daṅ | ma źi źes bya ba ni byaṅ chub sems dpa’i spros pa’o ||
gzugs yoṅs su śes par bya ba yin źes bya ba daṅ | yoṅs su śes par bya ba ma yin źes bya bźi byaṅ chub sems dpa’i spros pa’o ||
tshor ba daṅ | ’du śes daṅ | ’du byed rnams daṅ | rnam par śes pa yoṅs su śes (7) bar bya ba yin źes bya ba daṅ | yoṅs su śes par bya ba ma yin źes bya ba ni byaṅ chub sems dpa’i spros pa’o ||
sdug bsṅal ’phags pa’i bden pa yoṅs su śes bar bya ba yin źes bya ba ni spros pa’o ||
kun ’byuṅ ba spaṅ bar bya ba yin źes bya ba ni spros pa’o ||
’gog pa mṅon sum du bya ba yin źes (27b1) bya ba ni spros pa’o ||
lam bsgom par bya ba yin źes bya ba ni spros pa’o ||
bsam gtan bźi bsgom par bya ba yin źes bya ba ni spros pa’o ||
tshad med pa bźi bsgom par bya ba yin źes bya ba ni spros pa’o ||
gzugs med pa’i sñoms par ’jug pa bźi bsgom par bya ba yin źes bya ba ni spros pa’o ||
(2) dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ ba bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa bsgom par bya ba yin źes bya ba ni spros pa’o ||
rnam par thar pa’i sgo stoṅ (3) pa ñid daṅ | mtshan ma med pa daṅ | smon pa med pa bsgom par bya ba yin źes bya ba ni spros pa’o ||
rnam par thar pa brgyad daṅ | mthar gyis gnas pa’i sñoms par ’jug pa dgu bsgom par bya ba yin źes bya ba ni spros pa’o ||
rgyun tu źugs pa’i ’bras bu daṅ | lan cig phyir ’oṅ ba’i (4) ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub las ’da’ bar bya’o źes bya ba ni spros pa’o ||
byaṅ chub sems dpa’i sa bcu yoṅs su rdzogs par bya’o źes bya ba ni spros pa’o ||
byaṅ chub sems dpa’i skyon med pa la ’jug par bya’o ||
źes bya ba ni (5) spros pa’o ||
saṅs rgyas kyi źiṅ yoṅs su dag par bya’o źes bya ba ni spros pa’o ||
sems can rnams yoṅs su smin par bya’o źes bya ba ni spros pa’o ||
de bźin gśegs pa’i stobs bcu bskyed par bya’o źes bya ba ni spros pa’o ||
mi ’jigs pa bźi daṅ | so so yaṅ dag par rig pa bźi daṅ | (6) saṅs rgyas kyi chos ma ’dres pa bcwa brgyad yoṅs su rdzogs par bya’o źes bya ba ni spros pa’o ||
rnam pa thams cad mkhyen pa ñid thob par bya’o źes bya ba ni spras pa’o ||
bag chags kyi mtshams sbyor ba thams cad spaṅ bar bya’o źes bya ba’i bar ni spros pa’o ||
de lta bas na byaṅ chub sems dpa’ sems (7) dpa’ chen po śes rab kyi pha rol tu phyin pa la spyod pa ni spros par bya ba ma yin par spros par mi byed de | gzugs rtag pa’am | mi rtag pa źes spros par bya ba ma yin pa spros par mi byed do ||
tshor ba daṅ | ’du śes daṅ | ’du byed rnams daṅ | rnam par śes pa rnam rtag pa ’am | mi rtag pa źes (28a1) spros par bya ba ma yin pa spros par mi byed do ||
rnam pa thams cad mkhyen pa ñid thob par bya’o sñam pa’i bar du spros par bya ba ma yin pa spros par mi byed do ||
de ci’i phyir źe na | ṅo bo ñid kyis ni ṅo bo ñid spros par mi byed ciṅ | dṅos po med pas kyaṅ dṅos po spros par mi byed la | (2) ṅo bo ñid daṅ | dṅos po med pa ma gtogs par yaṅ gaṅ gis spros par byed pa daṅ | gaṅ spros par bya ba daṅ | cis spros par bya ba daṅ | gaṅ la spros par bya ba gźan ci yaṅ mi dmigs te | rab ’byor de bas na gzugs nas rnam par śes pa’i bar du spros pa med ciṅ | byaṅ chub kyi bar du spros (3) pa med pa ste | rab ’byor byaṅ chub sems dpa’ sems dpa’ chen pos spros pa med pa’i śes rab kyi pha rol tu phyin pa la de ltar spyad par bya’o ||
gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pas chos thams cad spros pa ma (4) mchis par ji ltar lta bar bgyid lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gzugs nas rnam par śes pa’i bar gyi ṅo bo ñid med do ||
rnam pa thams cad mkhyen pa ñid kyi bar gyi ṅo bo ñid med do ||
gaṅ la (5) ṅo bo ñid med pa de la spros pa med do ||
rab ’byor de’i phyir na gzugs nas rnam par śes pa’i bar du spros pa med do ||
de bźin du sbyar te | rnam pa thams cad mkhyen pa ñid kyi bar du spros pa med do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la de ltar (6) spyod pa ni byaṅ chub sems dpa’i skyon med pa la ’jug go ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos gaṅ la yaṅ ṅo bo ñid dmigs su ma mchis na | ci byaṅ chub sems dpa’ sems dpa’ (7) chen pos ñan thos kyi lam ’am | raṅ saṅs rgyas kyi lam ’am | saṅs rgyas kyi lam ’am | lam gaṅ gis byaṅ chub sems dpa’i skyon ma mchis pa la ’jug par ’gyur ba lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces (28b1) bka’ stsal to ||
rab ’byor byaṅ chub sems dpa’ sems dpa’ chen po ni ñan thos gyi lam daṅ | raṅ saṅs rgyas kyi lam daṅ | saṅs rgyas kyi lam gyis byaṅ chub sems dpa’i skyon med pa la mi ’jug mod kyi | ’on kyaṅ rab ’byor byaṅ chub sems dpa’ sems dpa’ chen po ni (2) lam thams cad la bslabs nas byaṅ chub sems dpa’i skyon med pa la ’jug go ||
rab ’byor ’di lta ste dper na dgra bcom pas lam thams cad la bslabs nas yaṅ dag pa ñid skyon med pa la ’jug mod kyi | ji srid du lam gyi ’bras bu ma bskyed pa de srid du lam gyi skad cig la dgra bcom (3) pa’i ’bras bu thob par mi ’gyur ro ||
rab ’byor de bźin du byaṅ chub sems dpa’ sems dpa’ chen po yaṅ lam thams cad bskyed nas byaṅ chub sems dpa’i skyon med pa la ’jug mod kyi | rdo rje lta bu’i tiṅ ṅe ’dzin ma thob kyi bar du | rnam pa thams cad mkhyen pa ñid thob par mi ’gyur te | (4) de skad cig gcig daṅ ldan pa’i śes rab kyis rnam pa thams cad mkhyen pa ñid thob par ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te byaṅ chub sems dpa’ sems dpa’ chen po lam (5) thams cad yoṅs su rdzogs par bgyis nas byaṅ chub sems dpa’i skyon ma mchis pa la ’jug na | bcom ldan ’das de lta lags na ni brgyad pa’i lam yaṅ gźan kho nar ’gyur la | rgyun tu źugs pa’i lam yaṅ gźan | lan cig phyir ’oṅ ba la źugs pa’i lam yaṅ gźan | lan (6) cig phyir ’oṅ ba’i lam yaṅ gźan | phyir mi ’oṅ ba la źugs pa’i lam yaṅ gźan | phyir mi ’oṅ ba’i lam yaṅ gźan | dgra bcom pa la źugs pa’i lam yaṅ gźan | dgra bcom pa’i lam yaṅ gźan | raṅ saṅs rgyas kyi lam yaṅ gźan | de bźin gśegs pa dgra (7) bcom pa yaṅ dag par rdzogs pa’i saṅs rgyas kyi lam yaṅ gźan du mi ’gyur lags sam | bcom ldan ’das gal te lam de dag phan tshun tha dad par gyur na byaṅ chub sems dpa’ sems dpa’ chen pos ji ltar lam thams cad yoṅs su rdzogs par bgyis nas byaṅ chub sems dpa’i skyon (29a1) ma mchis pa la ’jug par ’gyur ba lags | bcom ldan ’das gal te byaṅ chub sems dpa’ sems dpa’ chen pos lam thams cad yoṅs su rdzogs par bgyi ’tshal bar gyur na | bcom ldan ’das byaṅ chub sems dpa’ sems dpa’ chen pos lam thams cad bskyed pas (2) brgyad par mi ’gyur lags graṅ | mthoṅ ba’i lam bskyed pas rgyun du źugs par mi ’gyur lags graṅ | bsgom pa’i lam bskyed pas lan cig phyir ’oṅ ba la źugs pa daṅ | lan cig phyir ’oṅ bar mi ’gyur lags graṅ | dgra bcom pa’i bar du yaṅ mi ’gyur lags graṅ | raṅ saṅs (3) rgyas kyi lam bskyed pas raṅ saṅs rgyas su mi ’gyur lags graṅ | bcom ldan ’das byaṅ chub sems dpa’ sems dpa’ chen pos brgyad pa’i lam bskyed pas brgyad par ’gyur ba’am | brgyad par gyur nas byaṅ chub sems dpa’i skyon ma mchis pa la ’jug pa de ni gnas ma mchis śiṅ skabs ma (4) lags te | de ni gnas ma mchis lags so ||
byaṅ chub sems dpa’i skyon ma mchis pa la źugs nas rnam pa thams cad mkhyen pa ñid thob par ’gyur źes bgyi ba de ni gnas ma mchis lags so ||
de bźin du rgyun du źugs pa’i ’bras bu thob pa daṅ | dgra bcom pa ñid thob pa’am (5) raṅ byaṅ chub kyi bar du thob nas byaṅ chub sems dpa’i skyon ma mchis pa la ’jug ces bgyi ba de ni gnas ma mchis lags so ||
byaṅ chub sems dpa’i skyon ma mchis pa la źugs nas rnam pa thams cad mkhyen pa ñid thob par ’gyur źes bgyi ba de ni gnas ma mchis lags na | bcom (6) ldan ’das ji ltar bdag gis byaṅ chub sems dpa’ sems dpa’ chen pos lam thams cad bskyed nas byaṅ chub sems dpa’i skyon ma mchis pa la ’jug pa daṅ | byaṅ chub sems dpa’i skyon ma mchis pa la źugs nas rnam pa thams cad mkhyen pa ñid ’thob ciṅ | bag chags kyi (7) mtshams sbyor ba thams cad spaṅ bar ’tshal bar bgyi lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | rab ’byor byaṅ chub sems dpa’ sems dpa’ chen po brgyad par gyur (29b1) la | rgyun du źugs pa’i ’bras bu thob nas lam thams cad bskyed de | byaṅ chub sems dpa’i skyon med pa la ’jug ces bya ba ni gnas med do ||
skabs ma yin źiṅ de ni gnas med do ||
byaṅ chub sems dpa’i skyon med pa la źugs nas rnam pa thams cad mkhyen pa ñid thob par ’gyur źes bya ba de (2) ni gnas med do ||
rab ’byor yaṅ byaṅ chub sems dpa’ sems dpa’ chen po nis mes daṅ po bskyed pa nas bzuṅ ste pha rol tu phyin pa drug la spyod pa na | śes pa daṅ mthoṅ bas sa brgyad po dag la rnam par bltas nas ’da’ bar byed de | brgyad gaṅ źe na | ’di lta ste | ’di lta ste | dkar po rnam par mthoṅ ba’i sa (3) daṅ | rigs kyis daṅ | brgyad pa’i sa daṅ | mthoṅ ba’i sa daṅ | bsrabs pa’i sa daṅ | ’dod chags daṅ bral ba’i sa daṅ | byas pa rtogs pa can gyis daṅ | raṅ saṅs rgyas kyi sa ste | ’di ni sar bstan pa yin no ||
des śes pa daṅ mthoṅ bas sa brgyad po de dag las ’das (4) par byas nas byaṅ chub sems dpa’i skyon med pa la ’jug go ||
byaṅ chub sems dpa’i skyon med pa la źugs nas rnam pa thams cad mkhyen pa ñid kyi ye śes kyis ñon moṅs pa daṅ | bag chags daṅ | mtshams sbyor ba thams cad spod do ||
rab ’byor de la brgyad pa’i śes pa gaṅ yin pa (5) de ni byaṅ chub sems dpa’i bzod pa’o ||
rgyun du źugs pa’i śes pa daṅ | spoṅ ba gaṅ yin pa de ni byaṅ chub sems dpa’i bzod pa’o ||
lan cig phyir ’oṅ ba’i śes pa daṅ | spoṅ ba gaṅ yin pa de ni byaṅ chub sems dpa’i bzod pa’o ||
phyir mi ’oṅ ba’i śes pa daṅ | spoṅ bas ṅa yin pa (6) de ni byaṅ chub sems dpa’i bzod pa’o ||
dgra bcom pa’i śes pa daṅ | spoṅ ba gaṅ yin pa de ni byaṅ chub sems dpa’i bzod pa’o ||
raṅ saṅs rgyas kyi śes pa daṅ | spoṅ ba gaṅ yin pa de ni byaṅ chub sems dpa’i bzod pa’o ||
byaṅ chub sems dpas ni ñan thos daṅ | raṅ saṅs rgyas (7) thams cad kyi lam de dag thams cad yoṅs su rdzogs par byas nas lam gyi rnam pa śes pa ñid kyi śes pas byaṅ chub sems dpa’i skyon med pa la ’jug go ||
byaṅ chub sems dpa’i skyon med pa la źugs nas rnam pa thams cad mkhyen pa ñid kyi ye śes kyis | bag chags daṅ ||
mtshams (30a1) sbyor ba daṅ | ñon moṅs pa thams cad spoṅ ste | rab ’byor byaṅ chub sems dpa’ sems dpa’ chen pos lam thams cad yoṅs su rdzogs par byas nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o ||
bla na med pa yaṅ dag par rdzogs (2) pa’i byaṅ chub mṅon par rdzogs par saṅs rgyas nas ’bras bu ltar sems can thams cad kyi ’tsho bar ’gyur ro | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ñan thos kyi lam daṅ | saṅs rgyas kyi lam daṅ | (3) saṅs rgyas kyi lam bcom ldan ’das kyis gsuṅs pa’i lam gaṅ lags pa ’di dag las bcom ldan ’das lam gyi rnam pa śes pa ñid kyi lam gaṅ lags | bka’ stsal pa | rab ’byor ’di la byaṅ chub sems dpa’ sems dpa’ chen pos lam gyi rnam pa śes pa ñid rnam par dag pa bskyed par (4) bya’o ||
rab ’byor de la lam gyi rnam pa śes pa ñid rnam par dag pa ni ’di yin te | rnam pa gaṅ daṅ gaṅ dag daṅ | mtshan ma gaṅ daṅ gaṅ dag daṅ | rtags gaṅ daṅ gaṅ dag gis lam gyi rnam pa śes pa ñid dag par ’gyur ba’i rnam pa de daṅ de dag daṅ | mtshan ma de daṅ de dag daṅ | rtags de daṅ de (5) dag byaṅ chub sems dpa’ sems dpa’ chen pos mṅon par rdzogs par rtogs par bya’o | mṅon par rdzogs par rtogs nas kyaṅ gźan gdul ba’i phyir ci nas pha rol gyi khoṅ du chud par gźan dag la brjod par bya | bstan par bya | bśad par bya | gdags par bya | dgod par bya’o ||
de la skad (6) daṅ | brda daṅ | sgra gaṅ gis stoṅ gsum gyi stoṅ chen po’i ’jig rten gyi khams dbyaṅs kyis go bar ’gyur ba’i skad daṅ | brda daṅ | sgra thams cad byaṅ chub sems dpa’ sems dpa’ chen pos bsgrub par bya ste | brag ca lta bur rtogs par bya ba’i phyir bsgrub par bya’o ||
rab ’byor de lta (7) bas na rnam graṅs des kyaṅ byaṅ chub sems dpa’ sems dpa’ chen pos lam gyi rnam pa śes pa ñid yoṅs su rdzogs par bya’o ||
lam gyi rnam pa śes pa ñid yoṅs su rdzogs par byas nas | sems can rnams kyi bsam pa śes par bya’o ||
sems can dmyal ba pa’i sems can rnams kyi lam (30b1) yaṅ śes par bya | rgyu yaṅ śes par bya | ’bras bu yaṅ śes par bya ste | sems can dmyal ba’i lam de las bzlog par bya | rgyu las kyaṅ bzlog par bya | ’bras bu las kyaṅ bzlog par bya’o ||
de bźin du dud ’gro’i skye gnas kyi lam las kyaṅ bzlog par bya | rgyu las kyaṅ bzlog par bya | (2) ’bras bu las kyaṅ bzlog par bya’o ||
mi ’am ci rnams daṅ | lto ’phye chen po rnams daṅ | klu rnams daṅ | gnod sbyin rnams daṅ | mi rnams kyi lam yaṅ śes par bya | rgyu yaṅ śes par bya | ’bras bu yaṅ śes par bya’o ||
lha rnams kyi lam yaṅ śes par bya | rgyu yaṅ śes par bya | (3) ’bras bu yaṅ śes par bya’o ||
tshaṅs pa’i lam yaṅ śes par bya | rgyu yaṅ śes par bya | ’bras bu yaṅ śes par bya’o ||
’od gsal ba rnams daṅ | dge rgyas pa rnams daṅ | ’bras bu che ba rnams daṅ | ’du śes med pa rnams daṅ | mi che ba rnams daṅ | mi gduṅ ba rnams daṅ | (4) ’og min gyi lha rnams kyi lam yaṅ śes par bya | rgyu yaṅ śes par bya | ’bras bu yaṅ śes par bya’o ||
nam mkha’ mtha’ yas skye mched du ñe bar ’gro ba’i lha rnams kyi lam yaṅ śes par bya | rgyu yaṅ śes par bya | ’bras bu yaṅ śes par bya’o ||
’du śes med ’du śes med min skye mched (5) du ñe bar ’gro ba’i bar gyi lha rnams kyi lam yaṅ śes par bya | rgyu yaṅ śes par bya | ’bras bu yaṅ śes par bya’o ||
dran pa ñe bar gźag pa bźi śes par bya | yaṅ dag par spoṅ ba bźi śes par bya | rdzu ’phrul gyi rkaṅ ba bźi śes par bya | dbaṅ po lṅa śes par bya | stobs lṅa śes par bya | byaṅ (6) chub kyi yan lag bdun śes par bya | ’phags pa’i lam yan lag brgyad pa śes par bya | rnam par thar pa’i sgo stoṅ pa ñid śes par bya | rnam par thar pa’i sgo mtshan ma med pa śes par bya | rnam par thar pa’i sgo smon pa med pa śes par bya | de bźin gśegs pa’i stobs bcu śes par bya | mi (7) ’jigs pa bźi śes par bya | so so yaṅ dag par rig pa bźi śes par bya | saṅs rgyas kyi chos ma ’dres pa btswa brgyad śes par bya | sñiṅ rje chen po śes par bya’o ||
lam de dag gis kyaṅ sems can rgyun du źugs pa’i ’bras bu la dgod par bya ba gaṅ yin pa de dag ni rgyun tu źugs pa’i (31a1) ’bras bu la ’god do ||
dgra bcom pa ñid kyi bar la dgod par bya ba gaṅ yin pa de dag ni dgra bcom pa ñid la ’god do ||
raṅ byaṅ chub la dgod par bya ba gaṅ yin pa de dag ni raṅ byaṅ chub la ’god do ||
byaṅ chub la dgod par bya ba gaṅ yin pa de dag ni byaṅ chub la ’god de | rab (2) ’byor ’di ni byaṅ chub sems dpa’ sems dpa’ chen po’i lam gyi rnam pa śes pa ñid yin te | byaṅ chub sems dpa’ sems dpa’ chen pos de la bslabs nas sems can gyi bsam pa la ’jug go ||
sems can gyi bsam pa la źugs nas ci nas de’i chos bstan pa chud mi za źiṅ don yod par ’gyur ba de lta bur (3) chos ston to ||
de ci’i phyir źe na | ’di ltar de ni pha rol gyi dbaṅ po mchog daṅ mchog ma yin pa śes pa śin tu bye brag phyed ciṅ | śin tu rtogs pa yin pa’i phyir te | des ni sems can rnams kyi ’gro ba daṅ | ’oṅ ba daṅ | ’chi ’pho daṅ | skye ba yaṅ dag pa ji lta ba bźin du śes so ||
rab ’byor (4) byaṅ chub kyi phyogs kyi chos gaṅ dag la byaṅ chub sems dpa’ sems dpa’ chen po rnams kyis bslab par bya ba daṅ | ñan thos rnams daṅ | raṅ saṅs rgyas rnams kyis bslab par bya ba’i lam thams cad ni śes rab kyi pha rol tu phyin pa ’di’i naṅ du ’dus pas na byaṅ chub sems dpa’ sems dpa’ (5) chen pos śes rab kyi pha rol tu phyin pa la bslab par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te byaṅ chub kyi phyogs kyi chos rnams gaṅ lags pa daṅ | byaṅ chub gaṅ lags pa’i chos de dag (6) ldan pa yaṅ ma lags | mi ldan pa yaṅ ma lags la | gzugs can yaṅ ma lags | bstan du yaṅ ma mchis | thogs par yaṅ ma mchis te | ’di ltar mtshan ñid ma mchis par mtshan ñid gcig pa lags na | bcom ldan ’das byaṅ chub kyi phyogs kyi chos rnams ji ltar byaṅ chub (7) sgrub par ’gyur | bcom ldan ’das ldan pa yaṅ ma lags | mi ldan pa yaṅ ma lags | gzugs can yaṅ ma lags | bstan du yaṅ ma mchis | thogs pa yaṅ ma mchis te | ’di ltar mtshan ñid ma mchis par mtshan ñid gcig pa’i chos ni gaṅ la yaṅ sgrub pa’am | ’jig par (31b1) bgyid pa ma lags so ||
bcom ldan ’das dper bgyi na | nam mkha’ ni chos gaṅ la yaṅ sgrub pa ma lags śiṅ ’jig par bgyid pa ma lags so ||
bcom ldan ’das de bźin du chos thams cad raṅ gi mtshan ñid kyis stoṅ pa ni chos gaṅ yaṅ sgrub pa ma lags śiṅ ’jig par bgyid pa ma lags so ||
bcom (2) ldan ’das kyis bka’ stsal pa | rab ’byor de de bźin no ||
de de bźin te | rab ’byor raṅ gi mtshan ñid kyis stoṅ pa’i chos rnams ni chos gaṅ yaṅ sgrub pa ’am | ’jig par byed pa ma yin no ||
rab ’byor sems can gaṅ dag raṅ gi mtshan ñid kyis stoṅ pa’i chos mi śes pa de dag gi phyir | byaṅ chub kyi (3) phyogs kyi chos ’di dag ni byaṅ chub bsgrub pa yin no źes bstan to ||
rab ’byor gźan yaṅ gzugs gaṅ yin pa daṅ | tshor ba gaṅ yin pa daṅ | ’du śes gaṅ yin pa daṅ | ’du byed rnams gaṅ yin pa daṅ | rnam par śes pa gaṅ yin pa daṅ | sbyin pa’i pha rol tu phyin pa gaṅ yin pa daṅ | śes (4) rab kyi pha rol tu phyin pa’i bar gaṅ yin pa daṅ | naṅ stoṅ pa ñid gaṅ yin pa daṅ | phyi stoṅ pa ñid gaṅ yin pa daṅ | raṅ gi mtshan ñid stoṅ pa ñid kyi bar gaṅ yin pa daṅ | bsam gtan daṅ po gaṅ yin pa daṅ | ’du śes med ’du śes med min skye mched kyi sñoms par ’jug pa’i bar gaṅ yin pa daṅ | (5) dran pa ñe bar gźag pa gaṅ dag yin pa daṅ | ’phags pa’i lam yan lag brgyad pa’i par gaṅ yin pa daṅ | rnam par thar pa’i sgo gsum gaṅ yin pa daṅ | rnam par thar pa brgyad gaṅ yin pa daṅ | mthar gyis gnas pa’i sñoms par ’jug pa dgu gaṅ yin pa daṅ | de bźin gśegs pa’i stobs (6) bcu’i bar du gaṅ yin pa daṅ | mi ’jigs pa bźi gaṅ yin pa daṅ | so so yaṅ dag par rig pa bźi gaṅ yin pa daṅ | saṅs rgyas kyi chos ma ’dres pa bcwa brgyad gaṅ yin pa daṅ | sñiṅ rje chen po gaṅ yin pa daṅ | rnam pa thams cad mkhyen pa ñid kyi bar gaṅ yin pa’i chos de dag thams cad (7) ni ’phags pa’i chos ’dul ba ’di la ldan pa yaṅ ma yin | mi ldan pa yaṅ ma yin źiṅ | gzugs can ma yin pa | bstan du med pa | thogs pa med pa | ’di ltar mtshan ñid med par mtshan ñid gcig pa yin te | de dag ni de bźin gśegs pas sems can thams cad gzuṅ ba’i phyir ’jig (32a1) rten gyi tha sñad kyis tha sñad du ’dogs par mdzad kyi | don dam par ni ma yin no ||
rab ’byor de la byaṅ chub sems dpa’ sems dpa’ chen pos ni thams cad la yaṅ śes pa daṅ | mthoṅ bas bslab par bya’o ||
de la śes pa daṅ mthoṅ bas ji lta ba bźin du bslabs nas | chos kha cig (2) ni rtogs par bya | chos kha cig ni rtogs par mi bya’o ||
gsol pa | bcom ldan ’das byaṅ chub sems dpa’ sems dpa’ chen pos śes pa daṅ mthoṅ bas bslabs nas rtogs par bgyi ba’i chos rnams ni gaṅ lags | rtogs par mi bgyi ba’i chos rnams ni gaṅ lags | bka’ stsal pa | (3) rab ’byor ñan thos daṅ | raṅ saṅs rgyas kyis ni śes pa daṅ mthoṅ bas rtogs par bya ba ma yin pa’o ||
rnam pa thams cad mkhyen pa ñid kyi ye śes kyis ni chos thams cad rnam pa thams cad du rtogs par bya ste | rab ’byor byaṅ chub sems dpa’ sems dpa’ chen pos de ltar ’phags (4) pa’i chos ’dul ba śes rab kyi pha rol tu phyin pa ’di la bslab par bya’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ’phags pa’i chos ’dul ba ’phags pa’i chos ’dul ba źes bgyi na | (5) bcom ldan ’das ’phags pa’i chos ’dul ba ni gaṅ lags | bcom ldan ’das ji tsam gyis na ’phags pa’i chos ’dul ba źes bgyi | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la ñan thos daṅ | (6) raṅ saṅs rgyas daṅ | byaṅ chub sems dpa’ sems dpa’ chen po rnams daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams ni ’dod chags daṅ ldan pa yaṅ ma yin mi ldan pa yaṅ ma yin no ||
źe sdaṅ daṅ ldan pa yaṅ ma yin mi ldan pa yaṅ ma yin no ||
(7) gti mug daṅ ldan pa yaṅ ma yin mi ldan pa yaṅ ma yin no ||
’jig tshogs la lta ba daṅ ldan pa yaṅ ma yin mi ldan pa yaṅ ma yin no ||
the tsom daṅ ldan pa yaṅ ma yin mi ldan pa yaṅ ma yin no ||
tshul khrims daṅ brtul źugs mchog tu ’dzin pa daṅ ldan pa yaṅ ma yin mi ldan pa yaṅ ma (32b1) yin no ||
’dod pa’i ’dod chags daṅ | gnod sems daṅ ldan pa yaṅ ma yin mi ldan pa yaṅ ma yin no ||
gzugs kyi ’dod chags daṅ | gzugs med pa’i ’dod chags daṅ ldan pa yaṅ ma yin mi ldan pa yaṅ ma yin no ||
ma rig pa daṅ ldan pa yaṅ ma yin mi ldan pa yaṅ ma yin no ||
(2) rgod pa daṅ ldan pa yaṅ ma yin mi ldan pa yaṅ ma yin no ||
bsam gtan daṅ po daṅ ldan pa yaṅ ma yin mi ldan pa yaṅ ma yin no ||
bsam gtan bźi pa’i bar daṅ ldan pa yaṅ ma yin mi ldan pa yaṅ ma yin no ||
byams pa daṅ ldan pa yaṅ ma yin mi ldan pa yaṅ ma yin no ||
sñiṅ rje daṅ ldan pa yaṅ (3) ma yin mi ldan pa yaṅ ma yin no ||
dga’ ba daṅ ldan pa yaṅ ma yin mi ldan pa yaṅ ma yin no ||
btaṅ sñoms daṅ ldan pa yaṅ ma yin mi ldan pa yaṅ ma yin no ||
’du śes med ’du śes med min skye mched kyi bar daṅ ldan pa yaṅ ma yin mi ldan pa yaṅ ma yin no ||
dran pa ñe bar (4) gźag pa bźi daṅ | sñiṅ rje chen po’i bar daṅ ldan pa yaṅ ma yin mi ldan pa yaṅ ma yin no ||
’dus byas kyi khams daṅ | ’dus ma byas kyi khams daṅ ldan pa yaṅ ma yin mi ldan pa yaṅ ma yin no ||
de ci’i phyir źe na | ’di ltar chos de dag thams cad ni gzugs can ma yin źiṅ | (5) bstan du med la | thogs pa med ciṅ | ’di ltar mtshan ñid med par mtshan ñid gcig pa’i phyir ro ||
gzugs can ma yin pa de dag ni gzugs can ma yin pa daṅ lhan cig ldan pa yaṅ ma yin | mi ldan pa yaṅ ma yin no ||
bstan du med pa rnams ni bstan du med pa daṅ lhan cig tu ldan (6) pa yaṅ ma yin mi ldan pa yaṅ ma yin no ||
thogs pa med pa rnams ni thogs pa med pa daṅ lhan cig tu ldan pa yaṅ ma yin mi ldan pa yaṅ ma yin no ||
mtshan ñid gcig pa rnams ni mtshan ñid gcig pa daṅ lhan cig tu ldan pa yaṅ ma yin mi ldan pa yaṅ ma yin no ||
mtshan ñid med pa (7) rnams ni mtshan ñid med pa daṅ lhan cig tu ldan pa yaṅ ma yin mi ldan pa yaṅ ma yin no ||
rab ’byor gaṅ la byaṅ chub sems dpa’ sems dpa’ chen po rnams kyis bslab par bya ba’i byaṅ chub sems dpa’ sems dpa’ chen po rnams kyi ’di ltar mtshan ñid med par mtshan ñid gcig pa’i pha rol (33a1) tu phyin pa ’di ni gzugs med ciṅ bstan du med la thogs pa med pa ste | de la des bslabs na chos gaṅ gis mtshan ñid kyaṅ mi dmigs so ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (2) gzugs kyi mtshan ñid la bslab par mi bgyi źiṅ | tshor ba daṅ | ’du śes daṅ | ’du byed rnams daṅ | rnam par śes pa’i mtshan ñid la bslab par mi bgyi | mig daṅ | rna ba daṅ | sna daṅ | lce daṅ | lus daṅ | yid kyi mtshan ñid la bslab par mi bgyi | gzugs daṅ | sgra daṅ | (3) dri daṅ | ro daṅ | reg bya daṅ | chos kyi mtshan ñid la bslab par mi bgyi | sa’i khams daṅ | chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams kyi mtshan ñid la bslab par mi bgyi | sbyin pa’i pha rol tu phyin pa’i mtshan ñid (4) la bslab par mi bgyi | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa’i mtshan ñid la bslab par mi bgyi | naṅ stoṅ pa ñid kyi mtshan ñid la bslab (5) par mi bgyi | de bźin du dṅos po med pa’i ṅo bo ñid stoṅ pa ñid kyi bar gyi mtshan ñid la bslab par mi bgyi ||
bsam gtan daṅ po’i mtshan ñid la bslab par mi bgyi | bsam gtan bźi pa’i bar gyi mtshan ñid la bslab par mi bgyi | byams pa’i mtshan ñid la bslab par mi bgyi | (6) sñiṅ rje daṅ | dga’ ba daṅ | btaṅ sñoms kyi mtshan ñid la bslab par mi bgyi | nam mkha’ mtha’ yas skye mched kyi mtshan ñid la bslab par mi bgyi | ’du śes med ’du śes med min skye mched kyi bar gyi mtshan ñid la bslab par mi bgyi | dran pa ñe bar gźag pa bźi’i mtshan (7) ñid la bslab par mi bgyi | ’phags pa’i lam yan lag brgyad pa’i bar gyi mtshan ñid la bslab par mi bgyi | stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin gyi mtshan ñid la bslab par mi bgyi | rnam par thar pa’i sgo rnams kyi sñoms (33b1) par ’jug pa’i mtshan ñid la bslab par mi bgyi | de bźin gśegs pa’i stobs bcu’i mtshan ñid la bslab par mi bgyi | mi ’jigs pa bźi’i mtshan ñid la bslab par mi bgyi | so so yaṅ dag par rig pa bźi’i mtshan ñid la bslab par mi bgyi | saṅs rgyas kyi chos ma ’dres pa bcwa brgyad kyi (2) mtshan ñid la bslab par mi bgyi | sñiṅ rje chen po’i mtshan ñid la bslab par mi bgyi | sdug bsṅal ’phags pa’i bden pa’i mtshan ñid la bslab par mi bgyi | kun ’byuṅ ba daṅ | ’gog pa daṅ | lam ’phags pa’i bden pa’i mtshan ñid la bslab par mi bgyi | rten ciṅ ’brel bar ’byuṅ ba’i (3) lugs su ’byuṅ ba daṅ | lugs su mi ’byuṅ ba’i mtshan ñid la bslab par mi bgyi | ’dus byas kyi khams kyi mtshan ñid la bslab par mi bgyi | ’dus ma byas kyi khams kyi mtshan ñid la bslab par mi bgyi lags sam | bcom ldan ’das gal te chos de dag gi mtshan ñid la bslab par mi (4) bgyi źiṅ | ’du byed kyi mtshan ñid la bslab par mi bgyi na | bcom ldan ’das byaṅ chub sems dpa’ sems dpa’ chen pos chos rnams kyi mtshan ñid daṅ | ’du byed kyi mtshan ñid lam bslab par ñan thos daṅ | raṅ saṅs rgyas kyis las ’da’ bar ji ltar ’gyur lags | ñan thos daṅ | (5) raṅ saṅs rgyas kyi sa las ma ’das par yaṅ byaṅ chub sems dpa’i skyon ma mchis pa la ’jug par ji ltar ’gyur lags | byaṅ chub sems dpa’i skyon ma mchis pa la ma źugs par yaṅ | rnam pa thams cad mkhyen pa ñid thob par yaṅ ji ltar ’gyur lags | rnam pa thams cad mkhyen pa ñid ma (6) thob par yaṅ chos kyi ’khor lo skor bar ji ltar ’gyur lags | chos kyi ’khor lo ma bskor bar yaṅ ñan thos kyi theg pa’am | raṅ saṅs rgyas kyi theg pa’am | theg pa chen po’i sems can rnams ’khor ba las yoṅs su grol bar ji ltar ’gyur lags | de skad ces gsol pa daṅ | (7) bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gal te chos ’ga’ źig gi mtshan ñid yod par gyur na ni mtshan ñid de la byaṅ chub sems dpas bslab par bya ba źig na | rab ’byor ’di ltar chos thams cad ni mtshan ñid med pa | gzugs can (34a1) ma yin pa bstan du med pa | thogs pa med pa ste | ’di ltar mtshan ñid med par mtshan ñid gcig pas de’i phyir byaṅ chub sems dpa’ sems dpa’ chen pos mtshan ñid de dag la yaṅ bslab par mi bya | mtshan ñid med pa rnams la yaṅ bslab par mi bya’o ||
de ci’i phyir (2) źe na | rab ’byor sṅa na mtshan ñid yod la phyis mtshan ñid med par gyur pa ma yin pa’i phyir ro ||
rab ’byor ’di ltar de dag ni sṅa nas kyaṅ mtshan ñid med la | da ltar yaṅ mtshan ñid med pa ste | de’i phyir byaṅ chub sems dpa’ sems dpa’ chen pos mtshan ñid rnams la yaṅ bslab par mi bya | (3) mtshan ñid med pa rnams la yaṅ bslab par mi bya’o ||
de ci’i phyir źe na | rab ’byor de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | mtshan ñid kyi khams de ni gnas pa ñid yin pa’i phyir ro ||
de skad ces bka’ stsal pa daṅ | bcom ldan ’das (4) la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad mtshan ñid ma mchis śig mtshan ñid tha dad pa yaṅ ma lags la | mtshan ñid gcig pa yaṅ ma lags na | bcom ldan ’das byaṅ chub sems dpa’ sems dpa’ chen po ji ltar śes rab kyi pha (5) rol tu phyin pa la bsgom par ’gyur | bcom ldan ’das śes rab kyi pha rol tu phyin pa ma bsgoms par ni byaṅ chub sems dpa’ sems dpa’ chen pos ñan thos daṅ | raṅ saṅs rgyas kyis las ’da’ bar rṅo mi thogs lags so ||
ñan thos daṅ | raṅ saṅs rgyas kyis las ma ’das par (6) yaṅ byaṅ chub sems dpa’ sems dpa’ chen pos byaṅ chub sems dpa’i skyon ma mchis pa la ’jug par rṅo mi thogs la | byaṅ chub sems dpa’i skyon ma mchis pa la ma źugs par yaṅ mi skye ba’i chos la bzod pa bskyed par rṅo mi thogs lags so ||
mi skye ba’i chos la bzod pa ma bskyed (7) par yaṅ mṅon par śes pa bskyed par rṅo mi thogs la | byaṅ chub sems dpa’ sems dpa’ chen pos mṅon par śes pa ma bskyed par yaṅ saṅs rgyas kyi źiṅ yoṅs su dag par bgyi ba daṅ | sems can rnams yoṅs smin par bgyid par rṅo mi thogs lags so ||
saṅs rgyas (34b1) kyi źiṅ yoṅs su dag par ma bgyis la sems can rnams yoṅs su smin par ma bgyis par yaṅ rnam pa thams cad mkhyen pa ñid thob par rṅo mi thogs la | rnam pa thams cad mkhyen pa ñid ma thob par yaṅ chos kyi ’khor lo bskor bar rṅo mi thogs lags so ||
chos kyi ’khor lo ma (2) bskor bar yaṅ sems can rnams rgyun tu źugs pa’i ’bras bu la dgod par rṅo mi thogs la | lan cig phyir ’oṅ ba’i ’bras bu la yaṅ dgod par rṅo mi thogs | phyir mi ’oṅ ba’i ’bras bu la yaṅ dgod par rṅo mi thogs | dgra bcom pa ñid la yaṅ dgod par yaṅ rṅo mi thogs | (3) raṅ byaṅ chub la yaṅ dgod par rṅo mi thogs | bla na med pa yaṅ dag par rdzogs pa’i byaṅ chub la yaṅ dgod par rṅo mi thogs lags so ||
sbyin pa las byuṅ ba’i bsod nams bgyi ba’i dṅos po la yaṅ sems can rnams dgod par rṅo mi thogs | tshul khrims las byuṅ ba’i bsod nams bgyi (4) ba’i dṅos po la yaṅ dgod par rṅo mi thogs | bsgom pa las byuṅ ba’i bsod nams bgyi ba’i dṅos po la yaṅ dgod par rṅo mi thogs lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
(5) de de bźin te | rab ’byor chos thams cad ni mtshan ñid med de | mtshan ñid tha dad pa ma yin la | mtshan ñid gcig pa yaṅ ma yin te | rab ’byor mtshan ñid med pa la bsgom pa ni byaṅ chub sems dpa’ sems dpa’ chen po’i śes rab kyi pha rol tu phyin pa la sgom pa yin no ||
gsol pa | (6) bcom ldan ’das ji ltar na mtshan ñid ma mchis pa la bsgom pa | śes rab kyi pha rol tu phyin pa la sgom pa lags | bka’ stsal pa | rab ’byor chos thams cad la bsgom pa rnam par ’jig pa de ni śes rab kyi pha rol tu phyin pa la sgom pa’o ||
gsol pa | bcom ldan ’das (7) chos thams cad la bsgom pa rnam par ’jig pa ji ltar śes rab kyi pha rol tu phyin pa la sgom pa lags | bka’ stsal pa | gzugs la bsgom pa rnam par ’jig pa ni śes rab kyi pha rol tu phyin pa la sgom pa’o ||
tshor ba daṅ | ’du śes daṅ | ’du byed rnams daṅ | rnam par (35a1) śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
mig la bsgom pa rnam par ’jig pa ni śes rab kyi pha rol tu phyin pa la sgom pa’o ||
rna ba daṅ | sna daṅ | lce daṅ | lus daṅ | yid la bsgom pa rnam par ’jig pa ni śes rab kyi pha rol (2) tu phyin pa la sgom pa’o ||
gzugs la bsgom pa rnam par ’jig pa ni śes rab kyi pha rol tu phyin pa la sgom pa’o ||
sgra daṅ | dri daṅ | ro daṅ | reg bya daṅ | chos la bsgom pa rnam par ’jig pa ni śes rab kyi pha rol tu phyin pa la sgom pa’o ||
blaṅ ba la bsgom pa rnam par ’jig pa ni śes (3) rab kyi pha rol tu phyin pa la sgom pa’o ||
dor ba la bsgom pa rnam par ’jig pa ni śes rab kyi pha rol tu phyin pa la sgom pa’o ||
bsam gtan daṅ po la bsgom pa rnam par ’jig pa ni śes rab kyi pha rol tu phyin pa la sgom pa’o ||
bsam gtan gñis pa daṅ | gsum pa daṅ | bźi pa la (4) bsgom pa rnam par ’jig pa ni śes rab kyi pha rol tu phyin pa la sgom pa’o ||
byams pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
sñiṅ rje daṅ | dga’ ba daṅ | btaṅ sñoms la bsgom pa rnam par ’jig pa ni śes rab kyi pha rol tu phyin pa la sgom (5) pa’o ||
nam mkha’ mtha’ yas skye mched la bsgom pa rnam par ’jig pa ni śes rab kyi pha rol tu phyin pa la sgom pa’o ||
rnam śes mtha’ yas skye mched la bsgom pa rnam par ’jig pa ni śes rab kyi pha rol tu phyin pa la sgom pa’o ||
ci yaṅ med pa’i skye mched la bsgom pa rnam par ’jig (6) pa ni śes rab kyi pha rol tu phyin pa la sgom pa’o ||
’du śes med ’du śes med min skye mched la bsgom pa rnam par ’jig pa ni śes rab kyi pha rol tu phyin pa la sgom pa’o ||
saṅs rgyas rjes su dran pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
chos rjes su (7) dran pa daṅ | dge ’dun rjes su dran pa daṅ | tshul khrims rjes su dran pa daṅ | gtoṅ ba rjes su dran pa daṅ | lta rjes su dran pa daṅ | skyo ba rjes su dran pa daṅ | dbugs rṅub pa daṅ | dbyuṅ ba rjes su dran pa daṅ | ’chi ba rjes su dran pa daṅ | lus su gtogs pa rjes su dran (35b1) pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
mi rtag pa’i ’du śes daṅ | sdug bsṅal ba’i ’du śes daṅ | bdag med pa’i ’du śes la bsgom pa rnam par ’jig pa ni śes rab kyi pha rol tu phyin pa la sgom pa’o ||
rten ciṅ ’brel par ’byuṅ ba la (2) bsgom pa rnam par ’jig pa ni śes rab kyi pha rol tu phyin pa la sgom pa’o ||
bdag tu ’du śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
sems can du ’du śes pa daṅ | srog tu ’du śes pa daṅ | skye ba por ’du śes pa daṅ | śes las skyes (3) par ’du śes pa daṅ | śed bur ’du śes pa daṅ | gso bar ’du śes pa daṅ | gaṅ zag tu ’du śes pa daṅ | byed pa por ’du śes pa daṅ | byed du ’jug pa por ’du śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
rtag pa’i ’du śes daṅ | (4) sdug pa’i ’du śes daṅ | bde ba’i ’du śes daṅ | bdag gi ’du śes la bsgom pa rnam par ’jig pa ni śes rab kyi pha rol tu phyin pa la sgom pa’o ||
dran pa ñe bar gźag pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
yaṅ dag par spoṅ ba daṅ | (5) rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | ’phags pa’i lam yan lag brgyad pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
stoṅ pa ñid kyi tiṅ ṅe ’dzin la bsgom pa rnam par ’jig pa ni śes rab (6) kyi pha rol tu phyin pa la sgom pa’o ||
mtshan ma med pa’i tiṅ ṅe ’dzin la bsgom pa rnam par ’jig pa ni śes rab kyi pha rol tu phyin pa la sgom pa’o ||
smon pa med pa’i tiṅ ṅe ’dzin la bsgom pa rnam par ’jig pa ni śes rab kyi pha rol tu phyin pa la sgom pa’o ||
rnam par thar pa brgyad la (7) bsgom pa rnam par ’jig pa ni śes rab kyi pha rol tu phyin pa la sgom pa’o ||
mthar gyis gnas pa’i sñoms par ’jug pa dgu la bsgom pa rnam par ’jig pa ni śes rab kyi pha rol tu phyin pa la sgom pa’o ||
rtog pa daṅ bcas pa daṅ | dpyod pa daṅ bcas pa’i tiṅ ṅe ’dzin daṅ | (36a1) rtog pa med pa daṅ | dpyod pa med pa’i tiṅ ṅe ’dzin la bsgom pa rnam par ’jig pa ni śes rab kyi pha rol tu phyin pa la sgom pa’o ||
sdug bsṅal ’phags pa’i bden pa bsgom pa rnam par ’jig pa ni śes rab kyi pha rol tu phyin pa la sgom pa’o ||
kun ’byuṅ ba daṅ | (2) ’gog pa daṅ | lam ’phags pa’i bden pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
sdug bsṅal śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
kun ’byuṅ ba śes pa la bsgom pa rnam par ’jig (3) pa ni śes rab kyi pha rol tu phyin pa la sgom pa’o ||
’gog pa śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
lam śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
zad pa śes pa la bsgom pa rnam par (4) ’jig pa ni śes rab kyi pha rol tu phyin pa la sgom pa’o ||
mi skye ba śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
chos śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
rjes su rtogs pa śes pa la bsgom pa rnam (5) par ’jig pa ni śes rab kyi pha rol tu phyin pa la sgom pa’o ||
kun rdzob śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
’dris pa śes pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
sgra ji bźin śes pa la bsgom (6) pa rnam par ’jig pa ni śes rab kyi pha rol tu phyin pa la sgom pa’o ||
sbyin pa’i pha rol tu phyin pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | (7) bsam gtan gyi pha rol tu phyin pa daṅ | śes rab kyi pha rol tu phyin pa la bsgom pa rnam par ’jig pa ni śes rab kyi pha rol tu phyin pa la sgom pa’o ||
naṅ stoṅ pa ñid daṅ | phyi stoṅ pa ñid daṅ | phyi naṅ stoṅ pa ñid daṅ | stoṅ pa ñid stoṅ pa ñid daṅ | chen po stoṅ pa ñid daṅ | don dam pa stoṅ pa (36b1) ñid daṅ | de bźin du sbyar te dṅos po med pa’i ṅo bo ñid stoṅ pa ñid kyi bar la bsgom pa rnam par ’jig pa ni śes rab kyi pha rol tu phyin pa la sgom pa’o ||
de bźin gśegs pa’i stobs bcu la bsgom pa rnam par ’jig pa ni śes rab kyi pha rol tu phyin pa la sgom pa’o ||
mi ’jigs pa bźi la (2) bsgom pa rnam par ’jig pa ni śes rab kyi pha rol tu phyin pa la sgom pa’o ||
so so yaṅ dag par rig pa bźi la bsgom pa rnam par ’jig pa ni śes rab kyi pha rol tu phyin pa la sgom pa’o ||
saṅs rgyas kyi chos ma ’dres pa bcwa brgyad la bsgom pa rnam par ’jig pa ni śes rab kyi pha rol tu phyin pa la (3) sgom pa’o ||
sñiṅ rje chen po la bsgom pa rnam par ’jig pa ni śes rab kyi pha rol tu phyin pa la sgom pa’o ||
rgyun du źugs pa’i ’bras bu la bsgom pa rnam par ’jig pa ni śes rab kyi pha rol tu phyin pa la sgom pa’o ||
lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra (4) bcom pa ñid la bsgom pa rnam par ’jig pa ni śes rab kyi pha rol tu phyin pa la sgom pa’o ||
raṅ byaṅ chub la bsgom pa rnam par ’jig pa ni śes rab kyi pha rol tu phyin pa la sgom pa’o ||
rnam pa thams cad mkhyen pa ñid la bsgom pa rnam par ’jig pa ni śes rab kyi pha rol tu phyin pa la sgom pa’o ||
(5) bag chags kyi mtshams sbyor ba thams cad spoṅ ba la bsgom pa rnam par ’jig pa ni śes rab kyi pha rol tu phyin pa la sgom pa’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gzugs la bsgom pa rnam (6) par ’jig pa ji ltar śes rab kyi pha rol tu phyin pa la sgom pa lags | de bźin du bag chags kyi mtshams sbyor ba thams cad spoṅ ba’i bar la bsgom pa rnam par ’jig pa ji ltar śes rab kyi pha rol tu phyin pa la sgom pa lags | de skad ces gsol pa daṅ | bcom ldan ’das kyis tshe daṅ ldan pa (7) rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | gzugs dṅos po yod ces bya bar mi sgom mo ||
tshor ba daṅ | ’du śes daṅ | ’du byed rnams daṅ | rnam par śes pa (37a1) dṅos po yod ces bya bar mi sgom mo ||
de ci’i phyir źe na | rab ’byor dṅos por ’du śes pa la ni śes rab kyi pha rol tu phyin pa sgom pa med ciṅ de bźin du sbyar te | rnam pa thams cad mkhyen pa ñid kyi par du dṅos por ’du śes pa la ni śes rab kyi pha rol tu phyin pa sgom pa med (2) pa’i phyir ro ||
’dod chags daṅ źe sdaṅ daṅ | gti mug dṅos po yod ces bya bar mi sgom mo ||
bag la ñal daṅ | kun nas dkris pa dṅos po yod ces bya bar mi sgom mo ||
de ci’i phyir źe na | rab ’byor dṅos por ’du śes pa la ni | sbyin pa’i pha rol tu phyin pa sgom pa med ciṅ | tshul (3) khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa sgom pa yaṅ med pa’i phyir ro ||
de ci’i phyir źe na | rab ’byor ’di ltar de dṅos po la chags kyi | de sbyin pa daṅ (4) tshul khrims daṅ | bzod pa daṅ | brtson ’grus daṅ | bsam gtan daṅ | śes rab la ni chags par mi byed pa’i phyir ro ||
gaṅ dṅos po la ’di ni ṅa’o źes bya bar mtha’ gñis la chags pa de la ni thar pa med do ||
rab ’byor dṅos por ’du śes pa la ni dran pa ñe bar gźag pa sgom pa (5) daṅ | yaṅ dag par spoṅ ba sgom pa daṅ | rdzu ’phrul gyi rkaṅ pa sgom pa daṅ | dbaṅ po sgom pa daṅ | stobs sgom pa daṅ | byaṅ chub kyi yan lag sgom pa daṅ | lam sgom pa daṅ | stoṅ pa ñid sgom pa daṅ | mtshan ma med pa daṅ | smon pa med pa sgom pa med do ||
de bźin du sbyar te rnam pa (6) thams cad mkhyen pa ñid kyi bar du sñom pa med do ||
de ci’i phyir źe na | rab ’byor ’di ltar de dṅos po la chags pa’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das dṅos po ni gaṅ lags | dṅos (7) po ma mchis pa ni gaṅ lags | bcom ldan ’das kyis bka’ stsal pa | rab ’byor gñis ni dṅos po’o ||
gñis med pa ni dṅos po med pa’o ||
gsol pa | bcom ldan ’das gñis gaṅ lags bka’ stsal pa | rab ’byor gzugs su ’du śes pa ni gñis so ||
tshor bar (37b1) ’du śes pa daṅ | ’du śes su ’du śes pa daṅ | ’du byed rnams su ’du śes pa daṅ | rnam par śes par ’du śes pa daṅ | mig tu ’du śes pa nas yid du ’du śes pa’i bar daṅ | gzugs su ’du śes pa nas chos su ’du śes pa’i bar daṅ | de bźin du sbyar te | saṅs rgyas su (2) ’du śes pa daṅ | byaṅ chub tu ’du śes pa daṅ | ’dus byas kyi khams su ’du śes pa daṅ | ’dus ma byas kyi khams su ’du śes pa daṅ | rab ’byor ’du śes ji sñed pa thams cad daṅ | ’du śes med pa ji sñed pa de dag thams cad ni gñis so ||
ji tsam du gñis yod pa de tsam du (3) dṅos po yin no ||
ji tsam du dṅos po yod pa de tsam du ’du byed do ||
ji tsam du ’du byed yod pa de tsam du sems can rnams skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa rnams las yoṅs su (4) mi ’grol lo ||
rab ’byor rnam graṅs des na khyod kyis gñis kyi ’du śes can la ni sbyin pa med do ||
mṅon par rtogs pa med do ||
tha na ’thun pa’i bzod (5) pa yaṅ med na | gzugs yoṅs su śes pa nas rnam par śes pa’i bar du yoṅs su śes pa lta ga la yod ces de ltar rig par bya ste | rnam pa thams cad mkhyen pa ñid śes pa’i bar du yaṅ de bźin du sbyar ro ||
gaṅ la lam bsgom pa med pa de la ni rgyun tu źugs pa’i ’bras bu nas | dgra (6) bcom pa nid kyi bar daṅ | raṅ byaṅ chub daṅ | bag chags kyi mtshams sbyor ba thams cad spoṅ ba’i bar du yaṅ ga la yod | śes rab kyi pha rol tu phyin pa khri brgyad stoṅ pa las | lam bsgom pa bstan pa’i le’u źes bya ste drug cu rtsa dgu pa’o || ||
de skad ces bka’ stsal (7) pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te dṅos po’i ’du śes can la ’thun pa’i bzod pa yaṅ ma mchis na | thob pa lta ga la mchis | mṅon par rtogs pa lta ga la mchis te | ma mchis na ci dṅos po ma mchis (38a1) pa’i ’du śes can la ’thun pa’i bzod pa mchis lags sam | dkar po rnam par mthoṅ ba’i sa daṅ | rigs kyi sa daṅ | brgyad pa’i sa daṅ | mthoṅ ba’i sa daṅ | bsrabs pa’i sa daṅ | ’dod chags daṅ bral ba’i sa daṅ | byas pa rtogs pa can gyis daṅ | raṅ saṅs rgyas (2) kyi sa daṅ | byaṅ chub sems dpa’i sa daṅ | lam bsgom pa mchis lags sam | lam bsgom pa la brten nas ñan thos daṅ ldan pa’am | raṅ saṅs rgyas daṅ ldan pa’i ñon moṅs pa rnams kyaṅ spoṅ bar ’gyur lags sam | ñon moṅs pa de dag gis bsgribs na ni byaṅ chub sems dpa’i skyon ma (3) mchis pa la ’jug par yaṅ mi ’gyur la | byaṅ chub sems dpa’i skyon ma mchis pa la ma źugs par yaṅ rnam pa thams cad mkhyen pa ñid thob par mi ’gyur | rnam pa thams cad mkhyen pa ñid ma thob par yaṅ bag chags kyi mtshams sbyor pa daṅ | ñon moṅs pa thams cad spoṅ bar mi ’gyur lags so ||
(4) bcom ldan ’das gal te chos ’ga’ tsam gyis gnas pa daṅ skye ba yaṅ ma mchis na ni | chos ma bskyed pa de dag gis rnam pa thams cad mkhyen pa ñid thob par yaṅ rṅo mi thogs lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ (5) stsal to ||
rab ’byor de de bźin no ||
rab ’byor de de bźin te | dṅos po med pa’i ’du śes can la ni ’thun pa’i bzod pa yaṅ med do ||
de bźin du sbyar te | bag chags kyi mtshams sbyor ba thams cad spoṅ ba’i bar du med do ||
gsol pa | bcom ldan ’das ci byaṅ chub sems dpa’ (6) sems dpa’ chen po śes rab kyi pha rol tu phyin pa la spyod pa la | dṅos po’i ’du śes sam | dṅos po ma mchis pa’i ’du śes sam | gzugs kyi ’du śes nas rnam par śes pa’i ’du śes kyi bar ram | rnam pa thams cad mkhyen pa ñid kyi bar gyi ’du śes sam | ’dod chags kyi ’du (7) śes sam | ’dod chags spoṅ pa’i ’du śes sam | źe sdaṅ gi ’du śes sam | źe sdaṅ spoṅ ba’i ’du śes sam | gti mug gi ’du śes sam | gti mug spoṅ ba’i ’du śes sam | ma rig pa’i ’du śes sam | ma rig pa spoṅ ba’i ’du śes sam | ’du byed kyi ’du śes sam | (38b1) ’du byed spoṅ ba’i ’du śes sam | rnam par śes pa’i ’du ses sam | rnam par śes pa spoṅ ba’i ’du śes sam | miṅ daṅ gzugs kyi ’du śes sam | miṅ daṅ gzugs spoṅ pa’i ’du śes sam | skye mched drug gi ’du śes sam | skye mched drug spoṅ pa’i ’du (2) śes sam | reg pa’i ’du śes sam | reg pa spoṅ ba’i ’du śes sam | tshor ba’i ’du śes sam | tshor ba spoṅ ba’i ’du śes sam | sred pa’i ’du śes sam | sred pa spoṅ ba’i ’du śes sam | len pa’i ’du śes sam | len pa spoṅ ba’i ’du śes sam | srid (3) pa’i ’du śes sam | srid pa spoṅ ba’i ’du śes sam | skye ba’i ’du śes sam | skye ba spoṅ ba’i ’du śes sam | rga śi’i ’du śes sam | rga śi spoṅ ba’i ’du śes sam | mya ṅan daṅ smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa’i ’du śes sam | (4) mya ṅan daṅ smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa spoṅ ba’i ’du śes sam | sdug bsṅal gyi ’du śes sam | sdug bsṅal spoṅ ba’i ’du śes sam | kun ’byuṅ ba’i ’du śes sam | kun ’byuṅ ba spoṅ ba’i ’du śes sam | ’gog pa’i ’du (5) śes sam | ’gog pa mṅon sum du bgyid pa’i ’du śes sam | lam gyi ’du śes sam | lam bsgom pa’i ’du śes sam | de bźin du rnam pa thams cad mkhyen pa ñid kyi bar gyi ’du śes sam | bag chags kyi mtshams sbyor ba thams cad spoṅ ba’i ’du śes mchis lags sam | bcom (6) ldan ’das kyis bka’ stsal pa | rab ’byor de ni ma yin te | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa la ni chos gaṅ la yaṅ dṅos po’i ’du śes sam | dṅos po med pa’i ’du śes med do ||
rab ’byor gaṅ la dṅos po’i ’du śes (7) med pa daṅ | dṅos po med pa’i ’du śes kyaṅ med pa de ni byaṅ chub sems dpa’ sems dpa’ chen po’i ’thun pa’i bzod pa yin no ||
gaṅ la dṅos po’i ’du śes med pa daṅ | dṅos po med pa’i ’du śes kyaṅ med pa de ni de’i lam bsgom pa yin no ||
gaṅ la dṅos po’i ’du śes med pa daṅ | dṅos (39a1) pa med pa’i ’du śes kyaṅ med pa de ni de’i ’bras bu yin no ||
rab ’byor byaṅ chub sems dpa’ sems dpa’ chen po’i lam ni dṅos po med pa’o ||
mṅon par rtogs pa ni dṅos po med pa ste | rab ’byor rnam graṅs des kyaṅ chos thams cad ni dṅos po med pa’i ṅo bo ñid du de ltar rig par (2) bya’o || ||
śes rab kyi pha rol tu phyin pa khri brgyad stoṅ pa | bam po bźi bcu rtsa brgyad pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad dṅos po ma mchis pa’i ṅo bo ñid (3) lags na | bcom ldan ’das chos thams cad dṅos po ma mchis pa’i ṅo bo ñid du de bźin gśegs pas ji ltar mṅon par rdzogs par saṅs rgyas la | gaṅ dag mṅon par rdzogs par saṅs rgyas pas chos thams cad kyi yul la mṅa’ brñes par gyur | de skad ces gsol pa daṅ | bcom ldan (4) ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la ṅa sṅon pha rol tu phyin pa drug po dag la byaṅ chub sems dpa’i spyad pa spyod pa’i tshe ’dod pa dag las dben pa | sdig pa mi dge ba’i chos rnams las dben pa nas | bsam gtan bźi pa’i bar du bsgrubs te (5) gnas la ṅas bsam gtan daṅ | bsam gtan gyi yan lag de dag gi mtshan ma bzuṅ yaṅ | bsam gtan daṅ | bsam gtan gyi yan lag de dag gis rlom sems su ma byas | bsam gtan rnams kyi ro myaṅ ba ma byas | bsam gtan rnams la dmigs pa ma byas śiṅ | ṅa bsam (6) gtan de dag gi rnam pa yoṅs su dag pa la sñoms par źugs nas | rdzu ’phrul bya ba mṅon sum du bya ba’i phyir te sems mṅon par gźol bar byas so ||
lha’i rna ba’i śes pa mṅon sum du bya ba daṅ | sems kyi rnam graṅs śes pa mṅon sum du bya ba daṅ | sṅon gyi gnas rjes su dran (7) pa’i śes pa mṅon sum du bya ba daṅ | lha’i mig gi śes pa mṅon sum du bya ba’i phyir sems mṅon par gźol bar bya ste | ṅas mṅon sum du bya ba de dag gi mtshan ma bzuṅ yaṅ mṅon par śes pa de dag gis rlom sems su ma byas | ro myaṅ ba ma byas | dmigs pa ma byas te | ṅa mṅon (39b1) par śes pa de dag la nam mkha’ lta bur mthoṅ bas sñoms par źugs so ||
rab ’byor ṅas skad cig gcig daṅ ldan pa’i śes rab kyis ’di ni sdug bsṅal yin no ||
’di ni sdug bsṅal kun ’byuṅ ba yin no ||
’di ni sdug bsṅal ’gog pa yin no ||
’di ni sdug bsṅal ’gog par ’gro ba’i lam yin (2) no źes bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas de bźin gśegs pa’i stobs bcu daṅ ldan źiṅ mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ ldan pas sems can rnams phuṅ po gsum du phuṅ (3) ston to ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas kyis dṅos po ma mchis pa’i ṅo bo ñid kyis bsam gtan bźi ji ltar bskyed lags | (4) dṅos po ma mchis pa’i ṅo bo ñid kyi mṅon par śes pa drug ji ltar bskyed lags | sems can ma mchis par yaṅ sems can rnams phuṅ po gsum du ji ltar luṅ bstan lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab (5) ’byor gal te ’dod pa rnams sam | sdig pa mi dge ba’i chos rnams kyi ṅo bo ñid cig yod par gyur tam | raṅ gi dṅos po ’am | gźan gyi dṅos po źig yod par gyur na ni | rab ’byor ṅa sṅon byaṅ chub sems dpa’i spyad pa spyod pa’i tshe ’dod pa rnams dṅos po med pa’i ṅo bo ñid daṅ | sdig pa mi dge ba’i (6) chos rnams dṅos po med pa’i ṅo bo ñid du rtogs nas bsam gtan daṅ po bsgrubs te gnas par mi ’gyur ba źig na | rab ’byor ’di ltar ’dod pa rnams daṅ | sdig pa mi dge ba’i chos rnams dṅos po ’am | dṅos po med pa’am | raṅ gi dṅos po ’am | gźan gyi dṅos po med de | gźan (7) du na dṅos po med pa’i ṅo bo ñid kho na yin pas | de’i phyir ṅa sṅon byaṅ chub sems dpa’i spyad pa spyod pa’i tshe ’dod pa dag las dben pa | sdig pa mi dge ba’i chos rnams las dben pa rtog pa daṅ bcas pa | dpyod pa daṅ bcas pa | dben pa las skyes pa’i dga’ ba daṅ bde ba can bsam gtan (40a1) daṅ po bsgrubs te gnas par gyur to ||
bsam gtan bźi pa’i bar du yaṅ de bźin du sbyar bar bya’o ||
rab ’byor gal te mṅon par śes pa rnams dṅos po’am | raṅ gi dṅos po ’am | gźan gyi dṅos po źig yin par gyur na ni | rab ’byor ṅas mṅon par śes pa thams (2) cad dṅos po med pa’i ṅo bo ñid du rtogs nas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur ba źig na | rab ’byor ’di ltar mṅon par śes pa thams cad la dṅos po med de | raṅ gi dṅos po daṅ | gźan gyi dṅos po med la | gźan du na dṅos po med pa’i (3) ṅo bo ñid kho na yin pas de’i phyir de bźin gśegs pa dgra bcom pa yaṅ dag par rdzogs pa’i saṅs rgyas kyis mṅon par śes pa thams cad dṅos po med pa’i ṅo bo ñid du thugs su chud nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
de skad ces bka’ stsal (4) pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te byaṅ chub sems dpa’ sems dpa’ chen po chos thams cad dṅos po ma mchis pa’i ṅo bo ñid la | bsam gtan bźi daṅ | mṅon par śes pa lṅas bla na med pa yaṅ dag par (5) rdzogs pa’i byaṅ chub mṅon par rdzogs par ’tshaṅ rgya bar gyur nas bcom ldan ’das chos thams cad dṅos po ma mchis pa’i ṅo bo ñid la | byaṅ chub sems dpa’ sems dpa’ chen po’i mthar gyis bgyi ba daṅ | mthar gyis bslab pa daṅ | mthar gyis bsgrub pa gaṅ gis bla na med pa yaṅ dag par (6) rdzogs pa’i byaṅ chub mṅon par rdzogs par ’tshaṅ rgya bar ’gyur ba’i mthar gyis bgyi ba daṅ | mthar gyis bslab pa daṅ | mthar gyis bsgrub pa ji ltar mchis par ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab (7) ’byor ’di la byaṅ chub sems dpa’ sems dpa’ chen pos thog ma ñid du saṅs rgyas bcom ldan ’das rnams daṅ | byaṅ chub sems dpa’ saṅs rgyas maṅ po la bsñen bkur byed byed pa rnams daṅ | dgra bcom pa rnams daṅ | phyir mi ’oṅ ba rnams daṅ | lan cig phyir ’oṅ ba rnams daṅ | rgyun (40b1) tu źugs pa rnams las | saṅs rgyas bcom ldan ’das rnams kyi dṅos po med pa’i ṅo bo ñid daṅ | raṅ saṅs rgyas rnams kyi dṅos po med pa’i ṅo bo ñid daṅ | dgra bcom pa rnams kyi dṅos po med pa’i ṅo bo ñid daṅ | phyir mi ’oṅ ba rnams kyi dṅos po med pa’i ṅo bo ñid daṅ | lan cig (2) phyir ’oṅ ba rnams kyi dṅos po med pa’i ṅo bo ñid daṅ | rgyun tu źugs pa rnams kyi dṅos po med pa’i ṅo bo ñid daṅ | ’phags pa thams cad kyi dṅos po med pa’i ṅo bo ñid daṅ | tha na ’du byed thams cad kyi ṅo bo ñid skra’i rtse mo’i cha’i gnas tsam yaṅ med do źes thos par gyur la | thos nas kyaṅ (3) byaṅ chub sems dpa’ sems dpa’ chen po de ’di sñam du gal te saṅs rgyas bcom ldan ’das rnams daṅ | rgyun tu źugs pa’i bar du dṅos po med pa’i ṅo bo ñid yin la | gal te bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur yaṅ ruṅ | gal te (4) mṅon par rdzogs par ’tshaṅ rgya bar mi ’gyur yaṅ ruṅ ste | chos thams cad ni dṅos po med pa’i ṅo bo ñid kho na’o ||
bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya na ni | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | (5) sems can dṅos po’i ’du śes la gnas pa | thams cad dṅos po med pa’i ṅo bo ñid la dgod par bya’o ||
sñam du sems te | rab ’byor byaṅ chub sems dpa’ sems dpa’ chen po de sems can thams cad yoṅs su mya ṅan las bzla ba’i phyir bla na med pa yaṅ dag par rdzogs pa’i byaṅ chub la (6) yaṅ dag par ’jug go ||
de sṅon gyi byaṅ chub sems dpa’ sems dpa’ chen po rnams kyis gaṅ la bslabs nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i mthar gyis bya ba daṅ | mthar gyis bslab pa daṅ | mthar gyis sgrub pa rtsom par byed do ||
(7) de thog ma ñid du pha rol tu phyin pa drug la slob ste | sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la slob bo ||
de sbyin pa’i (41a1) pha rol tu phyin pa la slob pa na | bdag ñid kyaṅ sbyin pa sbyin par byed la | gźan dag kyaṅ sbyin pa la ’god ciṅ sbyin pa’i bsṅags pa yaṅ brjod la | gźan gaṅ dag sbyin pa sbyin par phyed pa de dag gi bsṅags pa yaṅ brjod ciṅ rjes su dga’ bar byed de | de sbyin pa la goms pa des loṅs (2) spyod kyi phuṅ po chen po thob par ’gyur ro ||
de ser sna daṅ bral ba’i sems kyis sbyin pa sbyin par byed de | zas ’dod pa la ni zas | skom ’dod pa la ni skom | bźon pa ’dod pa la ni bźon pa | gos ’dod pa la ni gos | spos ’dod pa la ni spos | me tog phreṅ ’dod pa la ni me tog phreṅ | (3) byug pa ’dod pa la ni byug pa | mal ’dod pa la ni mal | rgyab rten ’dod pa la ni rgyab rten | gnas ’dod pa la ni gnas | mar me ’dod pa la ni mar me’am | mi’i yo byad ci yaṅ ruṅ bdag sbyin par byed de | de sbyin pa de ñid kyis tshul khrims kyi phuṅ po sruṅ bar byed ciṅ | sbyin pa de ñid daṅ | (4) tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes mthoṅ bas ñan thos kyis daṅ | raṅ saṅs rgyas kyis las ’da’ bar ’gyur ro ||
ñan thos kyis daṅ | raṅ saṅs rgyas kyis las ’das nas kyaṅ | byaṅ chub sems dpa’i (5) skyon med pa la ’jug go ||
byaṅ chub sems dpa’i skyon med pa la źugs nas kyaṅ | saṅs rgyas kyi źiṅ yoṅs su dag par byed ciṅ | sems can rnams kyaṅ yoṅs su smin par byed do ||
de nas rnam pa thams cad mkhyen pa ñid thob par ’gyur te | chos kyi ’khor lo skor bar ’gyur ro ||
chos kyi (6) ’khor lo bskor nas sems can rnams theg pa gsum la ’god ciṅ ’khor ba las yoṅs su grol bar byed do ||
rab ’byor de ltar na byaṅ chub sems dpa’ sems dpa’ chen po’i sbyin pas mthar gyis bya ba sod de | bya ba de dag thams cad kyaṅ mi dmigs so ||
de ci’i phyir źe na | ’di ltar de’i ṅo (7) bo ñid med pa’i phyir ro ||
rab ’byor gźan yaṅ byaṅ chub sems dpa’ sems dpa’ chen po ni sems daṅ po bskyed pa nas bzuṅ ste | bdag ñid kyaṅ tshul khrims kyi pha rol tu phyin pa la spyod la | gźan dag kyaṅ tshul khrims kyi pha rol tu phyin pa yaṅ dag par ’dzin du ’jug go ||
de bźin du rjes (41b1) su dga’ bar byed ces bya ba’i bar du sbyar ro ||
de tshul khrims des lha’i che ba ñid daṅ mi’i che ba ñid kyaṅ thob par ’gyur te | de sems can dbul po rnams la nor sbyin par byed do ||
byin nas kyaṅ tshul khrims la ’god par byed | tiṅ ṅe ’dzin daṅ | śes rab daṅ | rnam par grol ba daṅ | rnam par (2) grol ba’i ye śes mthoṅ ba la ’god par byed do ||
de tshul khrims kyi phuṅ po daṅ | tiṅ ṅe ’din gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes mthoṅ ba’i phuṅ po des ñan thos daṅ raṅ saṅs rgyas kyis las ’da’ bar ’gyur ro ||
’das nas kyaṅ (3) tshul khrims kyi phuṅ po nas rnam par grol ba’i ye śes mthoṅ ba’i phuṅ po’i bar de ñid kyis byaṅ chub sems dpa’i skyon med pa la ’jug ste | de bźin du sems can rnams ’khor ba las yoṅs su grol bar byed pa’i bar du sbyar ro ||
rab ’byor de ltar na byaṅ chub sems dpa’ sems dpa’ chen po’i tshul (4) khrims kyis mthar gyis bya ba yod de | bya ba de dag kyaṅ thams cad kyaṅ mi dmigs so ||
de ci’i phyir źe na | ’di ltar de’i ṅo bo ñid med pa’i phyir ro ||
rab ’byor gźan yaṅ byaṅ chub sems dpa’ sems dpa’ chen po ni sems daṅ po bskyed pa nas bzuṅ ste | bdag ñid kyaṅ bzod (5) pa’i pha rol tu phyin pa la spyod ciṅ | gźan dag kyaṅ bzod pa’i pha rol tu phyin pa yaṅ dag par ’dzin du ’jug go ||
de bźin du rjes su dga’ bar byed pa’i bar du sbyar ro ||
de bzod pa’i pha rol tu phyin pa la spyod pa na | sems can rnams sbyin pas tshim par byed | tshul khrims la ’god par (6) byed | tiṅ ṅe ’dzin la ’god par byed pa nas rnam par grol ba’i ye śes mthoṅ ba’i bar la ’god par byed do ||
de tshul khrims kyi phuṅ po daṅ | tiṅ ṅe ’dzin gyi phuṅ po daṅ | śes rab kyi phuṅ po daṅ | rnam par grol ba’i phuṅ po daṅ | rnam par grol ba’i ye śes mthoṅ ba’i phuṅ po des ñan thos (7) kyis daṅ | raṅ saṅs rgyas kyi sa las ’da’ bar ’gyur ro ||
ñan thos daṅ raṅ saṅs rgyas kyi sa las ’das nas byaṅ chub thob par ’gyur ba’i bar du de bźin du sbyar ro ||
rab ’byor gźan yaṅ byaṅ chub sems dpa’ sems dpa’ chen po ni bdag ñid kyaṅ dge ba’i chos rnams la brtson par byed la (42a1) gźan dag kyaṅ brtson ’grus yaṅ dag par ’dzin du ’jug ste | de bźin du rjes su dga’ bar byed pa’i bar du sbyar ro ||
de’i ṅo bo ñid med pa’i bar du yaṅ de bźin du sbyar ro ||
rab ’byor gźan yaṅ byaṅ chub sems dpa’ sems dpa’ chen po ni bdag ñid kyaṅ bsam gtan la sñoms par (2) ’jug ciṅ tshad med pa rnams daṅ | gzugs med pa’i sñoms par ’jug pa rnams la sñoms par ’jug la | gźan dag kyaṅ gzugs med pa’i sñoms par ’jug pa’i bar dag la ’god par byed ciṅ | bsam gtan daṅ | tshad med pa daṅ | gzugs med pa’i sñoms par ’jug pa rnams kyi (3) bsṅags pa yaṅ rjod par byed do ||
gźan gaṅ dag bsam gtan daṅ | tshad med pa daṅ | gzugs med pa’i sñoms par ’jug pa rnams la sñoms par ’jug pa gaṅ yin pa de dag gi bsṅags pa yaṅ rjod par byed pa nas rjes su dga’ bar byed pa’i bar du de bźin du sbyar ro ||
de bsam gtan de dag daṅ | (4) tshad med pa daṅ | gzugs med pa’i sñoms par ’jug pa de dag la gnas nas | sems can rnams sbyin pas tshim par byed | tshul khrims la ’god par byed | bzod pa la ’god par byed | brtson ’grus la ’god par byed | tiṅ ṅe ’dzin la ’god par byed | śes rab la ’god par byed | (5) rnam par grol ba la ’god par byed | rnam par grol ba’i ye śes mthoṅ ba la ’god par byed do ||
de rnam par grol ba’i ye śes mthoṅ ba daṅ ldan pa des ñan thos daṅ | raṅ saṅs rgyas kyi sa las ’da’ bar ’gyur ro ||
’das nas kyaṅ rnam par grol ba’i ye śes mthoṅ ba des byaṅ chub sems (6) dpa’i skyon med pa la ’jug pa daṅ | rnam pa thams cad mkhyen pa ñid thob pa nas | de’i ṅo bo ñid med pa’i bar du de bźin du sbyar ro ||
rab ’byor gźan yaṅ byaṅ chub sems dpa’ sems dpa’ chen po ni sems daṅ po bskyed pa nas bzuṅ ste | śes rab kyi pha rol tu phyin pa la spyod ciṅ | sems (7) can rnams sbyin pas tshim par byed | tshul khrims la ’god par byed | bzod pa la ’god par byed | brtson ’grus la ’god par byed | tiṅ ṅe ’dzin la ’god par byed | śes rab la ’god par byed | rnam par grol ba la ’god par byed | rnam par grol ba’i ye śes mthoṅ ba la (42b1) ’god par byed do ||
de śes rab kyi pha rol tu phyin pa la spyod pa na bdag ñid kyaṅ sbyin pa sbyin par byed | tshul khrims sruṅ bar byed | bzod pa sgrub par byed | brtson ’grus rtsom par byed | bsam gtan la sñoms par ’jug par byed | śes rab sgom par byed | gźan dag kyaṅ sbyin pa la ’god par (2) byed | tshul khrims la ’god par byed | bzod pa la ’god par byed | brtson ’grus la ’god par byed | tiṅ ṅe ’dzin la ’god par byed | śes rab la ’god par byed pa nas rjes su dga’ bar byed pa’i bar du sbyar ro ||
de sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod (3) pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa de daṅ thabs la mkhas pa daṅ ldan pas ñan thos daṅ | raṅ saṅs rgyas kyi sa las ’das te | byaṅ chub sems dpa’i skyon med pa la ’jug pa daṅ | bla na med pa yaṅ (4) dag par rdzogs pa’i byaṅ chub mṅon par rdzogs par ’tshaṅ rgyab nas | de’i ṅo bo ñid med pa’i bar du sbyar ro ||
rab ’byor de ltar na byaṅ chub sems dpa’ sems dpa’ chen po’i mthar gyis bya ba daṅ | mthar gyis bslab pa daṅ | mthar gyis sgrub pa yaṅ yod do ||
rab ’byor gźan yaṅ byaṅ chub (5) sems dpa’ sems dpa’ chen po ni mthar gyis bya ba daṅ | mthar gyis bslab pa daṅ | mthar gyis sgrub pa la slob ste | sems daṅ po bskyed pa ñid nas bzuṅ ste rnam pa thams cad mkhyen pa ñid daṅ ldan pa’i yid la byed pa dag gis chos thams cad dṅos po med pa’i ṅo bo ñid du mos te | sems (6) rgyas rjes su dran pa daṅ | chos rjes su dran pa daṅ | dge ’dun rjes su dran pa daṅ | tshul khrims rjes su dran pa dag | gtoṅ ba rjes su dran pa daṅ | lha rjes su dran pa sgom mo ||
rab ’byor byaṅ chub sems dpa’ sems dpa’ chen po saṅs rgyas rjes su dran pa ji ltar bsgom źe na | rab ’byor ’di (7) la byaṅ chub sems dpa’ sems dpa’ chen po ni de bźin gśegs pa dgra bcom pa yaṅ dag par rdzogs pa’i saṅs rgyas la gzugs su yid la mi byed do ||
tshor ba daṅ | ’du śes daṅ | ’du byed rnams daṅ | rnam par śes par yid la mi byed do ||
de ci’i phyir źe na | ’di ltar gzugs la ṅo bo ñid med de | (43a1) gaṅ la ṅo bo ñid med pa de ni dṅos po med la | tshor ba daṅ | ’du śes daṅ | ’du byed rnams daṅ | rnam par śes pa’i ṅo bo ñid med de | gaṅ la ṅo bo ñid med pa de la dṅos po med pa’i phyir ro ||
de bas na saṅs rgyas rjes su dran pa ni dran par bya ba ma yin źiṅ yid la bya ba ma yin no ||
rab (2) ’byor gźan yaṅ de bźin gśegs pa dgra bcom pa yaṅ dag par rdzogs pa’i saṅs rgyas ni skyes bu chen po’i mtshan sum cu rtsa gñis su yid la mi bya’o ||
sku gser gyi kha dog can du yid la mi bya’o ||
’od ’dom gaṅ bar yid la mi bya’o ||
dpe byad bzaṅ po brgyad cu’i tshul gyis yid la mi bya’o ||
de (3) ci’i phyir źe na | ’di ltar sku de la ṅo bo ñid med de | gaṅ la ṅo bo ñid med pa de ni dṅos po med pa’i phyir ro ||
de bas na saṅs rgyas rjes su dran pa ni dran par bya ba ma yin źiṅ yid la bya ba ma yin no ||
rab ’byor gźan yaṅ de bźin gśegs pa dgra bcom pa yaṅ dag par rdzogs pa’i saṅs rgyas ni (4) tshul khrims kyi phuṅ por yid la mi bya’o ||
tiṅ ṅe ’dzin kyi phuṅ por yid la mi bya’o ||
śes rab kyi phuṅ por yid la mi bya’o ||
rnam par grol ba’i phuṅ por yid la mi bya’o ||
rnam par grol ba’i ye śes mthoṅ ba’i phuṅ por yid la mi bya’o ||
de ci’i phyir źe na | ’di ltar de la ṅo bo ñid (5) med de | gaṅ la ṅo bo ñid med pa de ni dṅos po med pa’i phyir ro ||
de bas na saṅs rgyas rjes su dran pa ni dran par bya ba ma yin źiṅ yid la bya ba ma yin no ||
rab ’byor gźan yaṅ de bźin gśegs pa dgra bcom pa yaṅ dag par rdzogs pa’i saṅs rgyas ni de bźin gśegs pa’i stobs bcur (6) yid la mi bya’o ||
mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad du yid la mi bya’o ||
de ci’i phyir źe na | ’di ltar de la ṅo bo ñid med de | gaṅ la ṅo bo ñid med pa de ni dṅos po med pa’i (7) phyir ro ||
de bas na saṅs rgyas rjes su dran pa ni ṅan par bya ba ma yin źiṅ yid la bya ba ma yin no ||
rab ’byor gźan yaṅ de bźin gśegs pa dgra bcom pa yaṅ dag par rdzogs pa’i saṅs rgyas ni rten ciṅ ’brel par ’byuṅ bar yid la mi bya’o ||
de ci’i phyir źe na | ’di ltar de la ṅo bo ñid med (43b1) de | gaṅ la ṅo bo ñid med pa de ni dṅos po med pa’i phyir ro ||
de bas na saṅs rgyas rjes su dran pa ni dran par bya ba ma yin źiṅ yid la bya ba ma yin no ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pas de ltar saṅs rgyas yid la bya’o ||
de ltar na byaṅ chub sems (2) dpa’ sems dpa’ chen po’i mthar gyis bya ba daṅ | mthar gyis bslab pa daṅ | mthar gyis ’jug pa yaṅ yod de | mthar gyis bslab pa ’di la slob ciṅ | mthar gyis bslab pa daṅ | mthar gyis ’jug pa la slob pa na | dṅos po med pa’i ṅo bo ñid kyi tshul gyis dran pa ñe bar gźag pa bźi yoṅs (3) su rdzogs par byed | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smom med pa’i (4) tiṅ ṅe ’dzin yoṅs su rdzogs par byed | rnam pa thams cad mkhyen pa ñid kyi ye śes kyi bar du yoṅs su rdzogs par byed do ||
chos thams cad dṅos po med pa’i ṅo bo ñid kho nar mṅon par rdzogs par ’tshaṅ rgya ste | de la ṅo bo ñid kyi ’du śes sam | dṅos po med pa’i ’du śes med do ||
rab ’byor (5) byaṅ chub sems dpa’ sems dpa’ chen pos chos rjes su dran pa ji ltar bsgom źe na | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pas | dge ba’i chos rnams yid la mi bya’o ||
mi dge ba’i chos rnams yid la mi bya’o ||
luṅ bstan du yod (6) pa daṅ | luṅ du ma bstan pa daṅ | ’jig rten pa rnams daṅ | ’jig rten las ’das pa rnams daṅ | ’phags pa rnams daṅ | ’phags pa ma yin pa rnams daṅ | zag pa daṅ bcas pa rnams daṅ | zag pa med pa rnams daṅ | ’dod pa’i khams su gtogs pa rnams daṅ | gzugs (7) kyi khams su gtogs pa rnams daṅ | gzugs med pa’i khams su gtogs pa rnams daṅ | ma gtogs pa rnams daṅ | ’dus byas kyi chos rnams daṅ | ’dus ma byas kyi chos rnams yid la mi bya’o ||
de ci’i phyir źe na | ’di ltar chos de dag la ṅo bo ñid med de | gaṅ la ṅo bo ñid med pa (44a1) de ni dṅos po med pa’i phyir ro ||
de bas na chos rjes su dran pa ni dran par bya ba ma yin źiṅ yid la bya ba ma yin no ||
dṅos po med pa’i ṅo bo ñid kyi tshul gyis chos kyi dbyiṅs ’di la bslabs na rnam pa thams cad mkhyen pa ñid kyi bar du thob par ’gyur ro ||
des chos rnams dṅos po (2) med pa kho nar mṅon par rdzogs par ’tshaṅ rgya bar ’gyur te | de la dṅos po’i ’du śes sam | dṅos po med pa’i ’du śes med do ||
rab ’byor byaṅ chub sems dpa’ sems dpa’ chen pos chos rjes su dran pa de ltar bsgom par bya ste | de la ni dran pa’i chos phra rab tsam yaṅ med na | dran pa (3) daṅ bral ba lta ci smos | rab ’byor byaṅ chub sems dpa’ sems dpa’ chen pos dge ’dun rjes su dran pa ji ltar bsgom źe na | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pas dge ’dun rjes su dran par bya ste | bcom ldan ’das ñan thos kyi (4) dge ’dun skyes bu zuṅ bźi daṅ | skyes bu gaṅ zag ya brgyad gaṅ yin pa de dag gi ṅo bo ñid med de | skyes bu zuṅ bźi daṅ | skyes bu gaṅ zag brgyad po de dag ni ṅo bo ñid med ciṅ dṅos po med pa’i ṅo bo ñid kyis phye ba yin te | de ni dṅos po med pa ñid du yid la byas te | rnam pa thams cad mkhyen (5) pa ñid thob pa nas dge ’dun rjes su dran pa ni dran par bya ba ma yin źiṅ | yid la bya ba ma yin pa’i bar du sbyar ro ||
rab ’byor byaṅ chub sems dpa’ sems dpa’ chen pos dge ’dun rjes su dran pa de ltar bsgom par bya ste | de la ni dran pa’i chos phra rab tsam yaṅ med do ||
rab ’byor byaṅ (6) chub sems dpa’ sems dpa’ chen pos tshul khrims rjes su dran pa ji ltar bsgom źe na | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni sems daṅ po bskyed pa nas bzuṅ ste | skyon med pa daṅ | ma ñams pa daṅ | ma ’dres pa daṅ | (7) nag nog med pa daṅ | dbaṅ ’byor ba daṅ | mkhas pas bsṅags pa daṅ | śin tu rdzogs pa daṅ | tiṅ ṅe ’dzin du ’gyur ba’i tshul khrims la źugs nas tshul khrims de dṅos po med pa’i ṅo bo ñid du yid la byed de | de la dran pa’i las phra rab tsam yaṅ med pa de lta bur yid la byed do ||
(44b1) rnam pa thams cad mkhyen pa ñid thob par ’gyur ba’i bar du sbyar te | de la dṅos po’i ’du śes sam | dṅos po med pa’i ’du śes med do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pas gtoṅ ba rjes su dran pa ji ltar yid la bya źe na | rab ’byor (2) ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pas dṅos pos de pa’i ṅo bo ñid kyi tshul gyis zaṅ ziṅ gtoṅ ba’am | chos gtoṅ ba rjes su dran par bya ste | gtoṅ ba des sbyin no sñam pa ’am | mi sbyin no sñam pa’am | yoṅs su gtoṅ ṅo sñam pa’am | yoṅs su (3) mi gtaṅ ṅo sñam du sems bskyed par mi bya’o ||
yan lag daṅ ñiṅ lags mas yoṅs su gtoṅ bar yaṅ sems bskyed par mi bya’o ||
de ci’i phyir źe na | ’di ltar de la ṅo bo ñid med pa’i phyir te | de ltar de gtoṅ ba rjes su dran pa la spyod pa yin no ||
de ltar slob na rnam pa thams cad mkhyen pa ñid kyi (4) bar du rin gyis thob par ’gyur te | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gtoṅ ba rjes su dran pa de lta de ltar yid la bya’o ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pas lha rjes su dran pa (5) ji ltar yid la bya źe na | rab ’byor ’di la byaṅ chub sems dpa’ sems dpa’ chen pos rgyun du źugs pa rgyal chen bźi’i ris kyi lha rnams kyi naṅ du skyes pa dag daṅ | gźan ’phrul dbaṅ byed kyi bar gyi lha rnams kyi naṅ du skyes pa’i lha de dag dṅos po med pa’i ṅo bo ñid kyi tshul gyis yid la bya’o | (6) de ci’i phyir źe na | de dag la ṅo bo ñid med de | gaṅ la ṅo bo ñid med pa de ni dṅos po med pa’i phyir ro ||
de bas na dṅos po med pa’i ṅo bo ñid kyi tshul gyis lha de dag de ltar yid la bya’o ||
de la dran pa’i las phra rab tsam yaṅ med de | de ltar yid la byed ciṅ rim gyis rnam pa thams cad mkhyen pa (7) ñid kyi bar du yod la byed par ’gyur ro ||
rnam pa thams cad mkhyen pa ñid kyi bar du thob par ’gyur ro ||
rab ’byor gźan yaṅ gzugs na spyod pa daṅ | gzugs med pa na spyod pa’i lha phyir mi ’oṅ ba gaṅ yin pa de dag dṅos po med pa’i ṅo bo ñid du yid la byed do ||
de ci’i phyir źe na | (45a1) de la ṅo bo ñid med do ||
gaṅ la ṅo bo ñid med pa de ni dṅos po med pa’i phyir te | de bas na dṅos po med pa’i ṅo bo ñid kyi tshul gyis lha de dag rjes su dran par bya ste | rnam pa thams cad mkhyen pa ñid thob par ’gyur ba’i bar du de bźin du sbyar ro ||
rab ’byor byaṅ chub sems dpa’ sems (2) dpa’ chen pos rjes su dran pa drug po dag de ltar yid la bya’o ||
rab ’byor de ltar na byaṅ chub sems dpa’ sems dpa’ chen po rjes su dran pa drug yid la byed pa mthar gyis bya ba yaṅ yod | mthar gyis bslab pa daṅ | mthar gyis ’jug pa yaṅ yod do ||
rab ’byor gźan yaṅ byaṅ chub sems (3) dpa’ sems dpa’ chen po mthar gyis bya ba daṅ | mthar gyis bslab pa daṅ | mthar gyis bsgrub pa yoṅs su rdzogs par ’dod pas dṅos po med pa’i ṅo bo ñid kyi tshul gyis naṅ stoṅ pa ñid la bslab par bya’o ||
raṅ gi mtshan ñid stoṅ pa ñid kyi bar la bslab par bya’o ||
dran pa ñe bar (4) gźag pa bźi la bslab par bya’o ||
de bźin du sbyar te | sñiṅ rje chen po’i bar la bslab par bya’o ||
de de ltar byaṅ chub kyi lam la slob na dṅos po med pa’i ṅo bo ñid kyi chos rnams mṅon par rdzogs par ’tshaṅ rgya bar ’gyur te | de la ni dran pa’i las phra rab tsam yaṅ med na gzugs lta ci smos | rnam (5) pa thams cad mkhyen pa ñid kyi ye śes kyi bar du lta ga la yod de | de ni gnas med do ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i mthar gyis bya ba yaṅ yod | mthar gyis bslab pa daṅ | mthar gyis bsgrub pa yaṅ yod la | (6) de la ni sems kyi spyod pa’i bya ba daṅ | sems kyi spyod pa’i bslab pa daṅ | sems kyi spyod pa’i lam yaṅ med do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad dṅos (7) po ma mchis pa’i ṅo bo ñid lags na | ’o na ni gzugs kyaṅ ma mchis | rnam par śes pa’i bar du yaṅ ma mchis | phuṅ po rnams kyaṅ ma mchis | khams rnams kyaṅ ma mchis | skye mched rnams kyaṅ ma mchis | dran pa ñe bar gźag pa rnams kyaṅ ma mchis | de bźin du (45b1) rnam pa thams cad mkhyen pa ñid kyi ye śes kyi bar du yaṅ ma mchis | saṅs rgyas kyaṅ ma mchis | chos kyaṅ ma mchis | dge ’dun yaṅ ma mchis | lam yaṅ ma mchis | ’bras bu yaṅ ma mchis | kun nas ñon moṅs pa yaṅ ma mchis | rnam par byaṅ ba yaṅ ma mchis | thob pa (2) yaṅ ma mchis | mṅon par rtogs pa yaṅ ma mchis par ’gyur lags so ||
de bźin du chos thams cad kyi bar du yaṅ ma mchis par ’gyur lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor dṅos (3) po med pa’i ṅo bo ñid kyis chos thams cad la yod pa’am | med par dmigs su yod sñama’ama | gsol pa | bcom ldan ’das de ni ma lags te | dṅos po ma mchis pa’i ṅo bo ñid kyi chos thams cad la ni mchis pa’am | ma mchis pa mi dmigs lags so ||
bka’ stsal pa | (4) rab ’byor gal te chos thams cad dṅos po med pa’i ṅo bo ñid yin na | de’i phyir ji ltar gzugs med pa daṅ | rnam par śes pa’i bar du med pa daṅ | thob pa med pa daṅ | mṅon par rtogs pa med pa’i bar du de bźin du sbyar te | de lta bur ji lta bur ’gyur | de skad ces bka’ stsal pa daṅ | (5) bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag ni chos ’di dag la yid gñis mi ’tshal | the tshom mi ’tshal lags mod kyi | ’on kyaṅ ma ’oṅs pa’i dus na sems can khyim pa rnams daṅ | rab tu byuṅ ba rnams daṅ | ñan (6) thos kyi theg pa pa rnams daṅ | raṅ saṅs rgyas kyi theg pa pa rnams daṅ | byaṅ chub sems dpa’i theg pa pa rnams ’di skad du gal te chos thams cad dṅos po med pa’i ṅo bo ñid yin na | dṅos po med pa’i ṅo bo ñid kyi chos thams cad la ’dir su źig kun nas ñon moṅs pa ’am | rnam (7) par byaṅ bar ’gyur źes mchi bar ’gyur te | de dag kun nas ñon moṅs pa daṅ | rnam par byaṅ ba ma ’tshal nas tshul khrims ñams par ’gyur | lta ba ñams par ’gyur | spyod pa ñams par ’gyur te | tshul khrims ñams pa daṅ | lta ba ñams pa daṅ | spyod pa ñams pa de dag (46a1) ni sems can dmyal ba’i ’gro ba daṅ | dud ’gro’i ’gro ba daṅ | gśin rje’i ’jig rten gyi ’gro ba’am | ’gro ba gsum po dag las gaṅ yaṅ ruṅ ba gcig tu mchi bar ’tshal bar bgyi lags so ||
bcom ldan ’das bdag gis ni ma ’oṅs pa’i dogs pa ’di mthoṅ bas (2) de bźin gśegs pa dgra bcom pa yaṅ dag par rdzogs pa’i saṅs rgyas la don ’di ñid źus pa lags te | bcom ldan ’das bdag ni chos de dag la yid gñis mi ’tshal | the tsom mi ’tshal lags so ||
bcom ldan ’das kyis bka’ stsal pa | rab ’byor de de bźin no ||
de de bźin te | (3) khyod kyis ji skad smras pa bźin no ||
śes rab kyi pha rol tu phyin pa khri brgyad stoṅ pa las | mthar gyis bya ba daṅ | bslab pa daṅ | bsgrub pa bstan pa’i le’u źes bya ste bdun cu pa’o || ||
de nas yaṅ bcom ldan ’das la tshe daṅ ldan pa rab ’byor gyis ’di skad ces gsol to | (4) bcom ldan ’das gal te chos thams cad dṅos po ma mchis pa’i ṅo bo ñid lags na | bcom ldan ’das don ci źig mthoṅ nas byaṅ chub sems dpa’ sems dpa’ chen po sems can rnams kyi don gyi slad du | bla na med pa yaṅ dag par rdzogs pa’i byaṅ chub la źugs lags | bcom ldan (5) ’das kyis bka’ stsal pa | rab ’byor byaṅ chub sems dpa’ sems dpa’ chen po ni chos thams cad dṅos po med pa’i ṅo bo ñid ji lta ba de kho na bźin du bla na med pa yaṅ dag par rdzogs pa’i byaṅ chub la ’jug go ||
de ci’i phyir źe na | rab ’byor dmigs pa ni tha chad yin te | dmigs pa’i (6) ’du śes can la ni thob pa’aṅ med | mṅon par rtogs pa’aṅ med | bla na med pa yaṅ dag par rdzogs pa’i byaṅ chub kyaṅ med do ||
gsol pa | bcom ldan ’das ci dmigs su ma mchis pa la ’thob pa’am | mṅon par rtogs pa’am | bla na med pa yaṅ dag par rdzogs pa’i byaṅ chub (7) mchis lags sam | bka’ stsal pa | rab ’byor chos kyi dbyiṅs rnam par mi ’khrug pa’i phyir mi dmigs pa ñid thob pa yin | mi dmigs pa ñid thob pa mṅon par rtogs pa yin | mi dmigs pa ñid bla na med pa yaṅ dag par rdzogs pa’i byaṅ chub yin no ||
mi dmigs pa ñid ’thob (46b1) pa’am | mṅon par rtogs pa’am | bla na med pa yaṅ dag par rdzogs pa’i byaṅ chub par ’dod pa gaṅ yin pa de ni chos kyi dbyiṅs rnam par ’khrug par ’dod du zad do ||
gsol pa | bcom ldan ’das gal te dmigs su ma mchis pa la thob pa ma mchis | mṅon par rtogs pa ma (2) mchis | bla na med pa yaṅ dag par rdzogs pa’i byaṅ chub ma mchis śiṅ dmigs su ma mchis pa ñid thob pa lags | dmigs su ma mchis pa ñid mṅon par rtogs pa lags | dmigs su ma mchis pa ñid bla na med pa yaṅ dag par rdzogs pa’i byaṅ chub lags na | bcom ldan ’das (3) byaṅ chub sems dpa’ sems dpa’ chen po’i sa daṅ po ga la mchis | gñis pa yaṅ ga la mchis | bcu pa’i bar du yaṅ ga la mchis | mi skye ba’i chos la bzod pa yaṅ ga la mchis | rnam par smin pa las byuṅ ba’i chos gaṅ dag la gnas nas sems can rnams yoṅs su smin (4) par bgyid pa daṅ | saṅs rgyas kyi źiṅ yoṅs su dag par bgyid pa daṅ | saṅs rgyas bcom ldan ’das rnams la źal zas daṅ | btuṅ ba daṅ | na bza’ daṅ | chibs pa daṅ | spos daṅ | me tog phreṅ ba daṅ | gzims cha daṅ | gdan daṅ | mar me daṅ | mi’i phun sum (5) tshogs pa dag gis bsñen bkur bgyid la de’i de dag kyaṅ rgyun chad par mi ’gyur te | yoṅs su mya ṅan las ’das pa’i sku gduṅ rnams kyi bar daṅ | nan thos rnams la rnam par smin par bgyis kyaṅ bas par mi ’gyur ba’i rnam par smin pa las byuṅ ba’i mṅon par śes pa yaṅ ga la mchis | (6) rnam par smin pa las byuṅ ba’i sbyin pa yaṅ ga la mchis | rnam par smin pa las byuṅ ba’i tshul khrims kyaṅ ga la mchis | rnam par smin pa las byuṅ ba’i bzod pa yaṅ ga la mchis | rnam par smin pa las byuṅ ba’i brtson ’grus kyaṅ ga la mchis | rnam par smin pa las byuṅ (7) ba’i tiṅ ṅe ’dzin kyaṅ ga la mchis | rnam par smin pa las byaṅ ba’i śes rab kyaṅ ga la mchis | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gaṅ gi phyir dmigs su med pa de ñid kyi phyir | sa daṅ po nas (47a1) sa bcu pa’i bar dag yod do ||
de ñid kyi phyir dge ba’i rtsa ba gaṅ dag gis sems can rnams kyi don byed pa nas yoṅs su mya ṅan las ’das pa’i bar du yaṅ mchod pa ’byuṅ ba’i rnam par smin pa las byuṅ ba’i mṅon par śes pa lṅa yod do ||
de ñid kyi phyir rnam par smin pa las byuṅ (2) ba’i sbyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab yod do ||
de ñid kyi phyir rnam par smin pa las byuṅ ba’i dge ba’i rtsa ba dag yod do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di (3) skad ces gsol to ||
bcom ldan ’das dmigs su ma mchis pa daṅ | sbyin pa daṅ | tshul khrims daṅ | bzod pa daṅ | brtson ’grus daṅ | bsam gtan daṅ | śes rab daṅ | mṅon par śes pa rnams la bye brag ni ci źig mchis | tha dad du bgyi ba ni ci źig mchis | de skad (4) ces gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor dmigs su med pa’i sbyin pa daṅ | mṅon par śes pa rnams kyi bar la ni tha dad du bya ba ci yaṅ med do ||
rab ’byor gos pa med pa’i sbyin pa daṅ | tshul khrims daṅ | bzod (5) pa daṅ | brtson ’grus daṅ | bsam gtan daṅ | śes rab daṅ | mṅon par śes pa de dag ni tha dad du bya bar bstan to ||
gsol pa | bcom ldan ’das gos pa ma mchis pa’i sbyin pa nas mṅon par śes pa’i bar du ji ltar tha dad du bgyi bar bstan | bka’ stsal pa | rab ’byor ’di la (6) byaṅ chub sems dpa’ sems dpa’ chen po ni śes rab kyi pha rol tu phyin pa la spyod pa na sbyin par bya ba yaṅ mi dmigs | len pa po yaṅ mi dmigs | sbyin pa po yaṅ mi dmigs | sbyin pa yaṅ mi dmigs par sbyin pa sbyin par byed do ||
tshul khrims mi dmigs par tshul khrims sruṅ bar (7) byed do ||
bzod pa mi dmigs par bzod pa skyed par byed do ||
brtson ’grus mi dmigs par brtson ’grus rtsom par byed do ||
tiṅ ṅe ’dzin mi dmigs par tiṅ ṅe ’dzin la sñoms par ’jug par byed do ||
śes rab mi dmigs par śes rab sgom par byed do ||
mṅon par śes pa (47b1) rnams mi dmigs par mṅon par śes pa rnams la spyod do ||
dran pa ñe bar gźag pa rnams mi dmigs par dran pa ñe bar gźag pa rnams sgom par byed do ||
’phags pa’i lam yan lag brgyad pa’i bar du sgom par byed do ||
tiṅ ṅe ’dzin gsum po stoṅ pa ñid kyi tiṅ ṅe ’dzin daṅ | mtshan ma med (2) pa’i tiṅ ṅe ’dzin daṅ | smon pa med pa’i tiṅ ṅe ’dzin gyi bar du mi dmigs par sgom par byed do ||
sems can mi dmigs par sems can rnams yoṅs su smin par byed do ||
saṅs rgyas kyi źiṅ mi dmigs par saṅs rgyas kyi źiṅ yoṅs su dag par byed do ||
saṅs rgyas kyi chos rnams mi (3) dmigs par byaṅ chub mṅon par rdzogs par ’tshaṅ rgya bar byed do ||
rab ’byor de ltar na byaṅ chub sems dpa’ sems dpa’ chen po ni dmigs su med pa’i śes rab kyi pha rol tu phyin pa la spyod do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la (4) de ltar spyod na bdud dam bdud kyi ris kyi lha rnams kyis tshugs par dka’o ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | ji ltar (5) sems gcig gis pha rol tu phyin pa drug yoṅs su ’dzin par bgyid | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ ba bźi daṅ | dbaṅ po lṅa (6) daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa ji ltar yoṅs su ’dzin par bgyid | rnam par thar pa’i sgo gsum daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | sñiṅ rje (7) chen po daṅ | saṅs rgyas kyi chos ma ’dres pa bcwa brgyad daṅ | skyes bu chen po’i mtshan sum cu rtsa gñis daṅ | dpe byad bzaṅ po brgyad cu ji ltar yoṅs su ’dzin par bgyid | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa (48a1) la spyod pa na | sbyin pa gaṅ sbyin yaṅ ruṅ ste | sbyin pa de śes rab kyi pha rol tu phyin pas yoṅs su zin pa ste | gźan du ma yin no ||
tshul khrims gaṅ sruṅ ba daṅ | bzod pa gaṅ sgom pa daṅ | brtson ’grus gaṅ rtsom pa daṅ | tiṅ ṅe ’dzin gaṅ la sñoms par ’jug kyaṅ ruṅ ste | de (2) dag śes rab kyi pha rol tu phyin pas yoṅs su zin pa ste | gźan du ma yin no ||
bsam gtan gaṅ dag la sñoms par ’jug pa de dag kyaṅ śes rab kyi pha rol tu phyin pas yoṅs su zin pa ste | gźan du ma yin no ||
tshad med pa gaṅ dag la sñoms par ’jug pa de dag kyaṅ śes rab kyi pha rol tu (3) phyin pas yoṅs su zin pa ste | gźan du ma yin no ||
gzugs med pa’i sñoms par ’jug pa gaṅ dag la sñoms par ’jug pa de dag kyaṅ śes rab kyi pha rol tu phyin pas yoṅs su zin pa ste | gźan du ma yin no ||
dran pa ñe bar gźag pa gaṅ dag sgom pa nas | de bźin du sbyar te | dpe (4) byad bzaṅ po brgyad cu’i bar de dag kyaṅ śes rab kyi pha rol tu phyin pas yoṅs su zin pa ste gźan du ma yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das śes rab kyi pha rol tu phyin pas yoṅs su (5) zin pa’i byaṅ chub sems dpa’ sems dpa’ chen pos sems gcig gis pha rol tu phyin pa drug ji ltar yoṅs su ’dzin pa lags | de bźin du dpe byad bzaṅ po brgyad cu’i bar du ji ltar yoṅs su ’dzin pa lags | bka’ stsal pa | rab ’byor ’di la byaṅ chub sems dpa’ sems (6) dpa’ chen po śes rab kyi pha rol tu phyin pa la spyod pa na | sbyin pa gaṅ sbyin pa de śes rab kyi pha rol tu phyin pas yoṅs su zin pa de ni gñis kyi ’du śes can du mi ’gyur ro ||
tshul khrims gaṅ sruṅ ba de la gñis kyi ’du śes can du mi ’gyur ro ||
bzod pa gaṅ sgom pa de la gñis kyi ’du śes can (7) du mi ’gyur ro ||
brtson ’grus gaṅ rtsom pa de la gñis kyi ’du śes can du mi ’gyur ro ||
tiṅ ṅe ’dzin gaṅ la sñoms par ’jug pa de la gñis kyi ’du śes can du mi ’gyur ro ||
de bźin du sbyar te | dpe byad bzaṅ po brgyad cu’i bar du mṅon par sgrub pa de la gñis kyi ’du śes can du mi (48b1) ’gyur ro ||
gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | ji ltar sbyin pa sbyin yaṅ de la gñis kyi ’du śes can du yaṅ mi ’gyur ba lags | de bźin du dpe byad bzaṅ po brgyad cu’i bar du yaṅ mṅon par sgrub pa | de la gñis kyi ’du (2) śes can du ’aṅ mi ’gyur ba lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | sbyin pa’i pha rol tu phyin pa yoṅs su rdzogs par byed ciṅ | des sbyin pa’i pha rol tu phyin pa de’i naṅ du pha rol tu phyin pa drug po thams cad (3) ’dus par byas nas | sbyin pa sbyin par byed do ||
de bźin du byaṅ chub kyi phyogs kyi chos thams cad yoṅs su rdzogs par byed ciṅ lam gyi bar gyi naṅ der | pha rol tu phyin pa drug po thams cad ’dus par byas te lam sgom par byed do ||
rab ’byor byaṅ chub sems dpa’ sems dpa’ chen po śes rab (4) kyi pha rol tu phyin pa la spyod pa na | de gaṅ gi tshe sbyin pa sbyin pa na zag pa med pa’i sems de la gnas nas sbyin pa sbyin par byed do ||
de zag pa med pa’i sems de la gnas te | bdag gis su źig la sbyin par bya | ci źig sbyin par bya | su źig sbyin par byed sñam pa’i mtshan ma yaṅ dag par (5) par rjes su mi mthoṅ ṅo ||
de mtshan ma daṅ bral ba’i sems daṅ | zag pa daṅ bral ba daṅ | sred pa daṅ bral ba daṅ | ma rig pa daṅ bral ba’i sems kyis sbyin pa sbyin par byed do ||
des sems de ’aṅ mi mthoṅ la | des sbyin pa de yaṅ yaṅ dag par rjes su mi mthoṅ ṅo ||
chos thams cad kyi (6) bar du yaṅ yaṅ dag par rjes su mi mthoṅ ṅo ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | mtshan ma daṅ bral ba’i sems kyis tshul khrims sruṅ ste | tshul khrims de yaṅ yaṅ dag par rjes su mi mthoṅ | chos thams cad kyi bar (7) du yaṅ yaṅ dag par rjes su mi mthoṅ ṅo ||
mtshan ma daṅ bral ba’i sems kyis bzod pa bsgom ste | bzod pa de yaṅ yaṅ dag par rjes su mi mthoṅ ṅo ||
chos thams cad kyi bar du yaṅ yaṅ dag par rjes su mi mthoṅ | saṅs rgyas kyi chos de dag kyaṅ yaṅ dag par rjes su mi mthoṅ ṅo ||
mtshan (49a1) ma daṅ bral ba’i sems kyis brtson ’grus rtsom par byed de | brtson ’grus de yaṅ yaṅ dag par rjes su mi mthoṅ | chos thams cad kyi bar du yaṅ yaṅ dag par rjes su mi mthoṅ ṅo ||
mtshan ma daṅ bral ba’i sems kyis tiṅ ṅe ’dzin la sñoms par ’jug ste | tiṅ ṅe ’dzin (2) de yaṅ yaṅ dag par rjes su mi mthoṅ ba | saṅs rgyas kyi chos thams cad kyi bar du yaṅ yoṅs su rdzogs par byed de | de dag kyaṅ yaṅ dag par rjes su mi mthoṅ ṅo ||
mtshan ma daṅ bral ba’i sems kyis śes rab sgom par byed de | saṅs rgyas kyi chos thams cad kyi bar du yaṅ de bźin du (3) sbyar ro ||
mtshan ma daṅ bral ba’i sems kyis dran pa ñe bar gźag pa bźi sgom par byed pa nas | dpe byad bzaṅ po brgyad cu’i bar du mṅon par sgrub ste | de bźin du sbyar bar bya’o ||
gsol pa | bcom ldan ’das mtshan ma ma mchis śiṅ mṅon par ’du bgyid pa ma mchis pa’i chos (4) rnams la ji ltar sbyin pa’i pha rol tu phyin pa yoṅs su rdzogs par ’gyur lags | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa ji ltar yoṅs su rdzogs (5) par ’gyur lags | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa ji ltar yoṅs su rdzogs par ’gyur lags | (6) stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin ji ltar yoṅs su rdzogs par ’gyur lags | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad ji ltar yoṅs su (7) rdzogs par ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | mtshan ma daṅ bral ba’i sems kyis sbyin pa sbyin (49b1) par byed de | zas ’dod pa rnams la ni zas nas mi’i yo byad gaṅ ci yaṅ ruṅ ba’i bar du sbyin par byed do ||
naṅ gi yan lag daṅ ñiṅ lag rnams sam | phyi rol gyi chuṅ ma daṅ | bu daṅ | bu mo daṅ | rgyal srid rnams brgyan ciṅ sloṅ ba rnams la sbyin par byed do ||
la la źig der ’oṅs nas de la ’di (2) skad du khyod kyi sbyin pa ’di lta bu byin na | ’di ltar phan pa med pa ’dis ci źig bya źes zer na | byaṅ chub sems dpa’ sems dpa’ chen po śes rab kyi pha rol tu phyin pa la spyod pa de ’di sñam du sems te | sems can ’di dag ’di skad du khyod kyi sbyin pa mi brtan pa byin pa ’dis ci źig bya źes gśe med (3) kyi | ’on kyaṅ bdag gis ni sbyin pa sbyin par bya’i bdag gis sbyin pa mi sbyin par mi bya’o sñam mo ||
des sbyin pa de yaṅ sems can thams cad daṅ thun moṅ du byas nas bla na med pa yaṅ dag par rdzogs pa’i byaṅ chub tu yoṅs su sṅo bar byed de | des yoṅs su bsṅo ba na ci nas mtshan ma yaṅ yaṅ dag (4) par rjes su mi mthoṅ ba de lta bu’i tshul gyis yoṅs su sṅo bar byed de | bdag gis ci źig sbyin par bya | gaṅ la sbyin par bya | su źig sbyin par byed | gaṅ du yoṅs su bsṅo bar bya | ci źig yoṅs su bsṅo bar bya | gaṅ gis yoṅs su bsṅo bar bya ba daṅ | gaṅ du byin nas bla na med (5) pa yaṅ dag par rdzogs pa’i byaṅ chub tu yoṅs su bsṅo ba’i dṅos po de yaṅ des yaṅ dag par rjes su mi mthoṅ ṅo ||
de ci’i phyir źe na | naṅ stoṅ pa ñid kyis stoṅ pa daṅ | phyi stoṅ pa ñid kyis stoṅ pa daṅ | phyi naṅ stoṅ pa ñid kyis stoṅ pa daṅ | stoṅ pa ñid stoṅ pa ñid kyis stoṅ pa daṅ | de (6) bźin du sbyar te | raṅ gi mtshan ñid stoṅ pa ñid kyi bar gyis stoṅ pa’i phyir ro ||
des gaṅ du yoṅs su bsṅo bar ’gyur | ci źig yoṅs su bsṅo bar ’gyur | gaṅ gis yoṅs su bsṅo bar ’gyur źes de ltar mthoṅ ste | de ltar yoṅs su bsṅos na | legs par yoṅs su bsṅos pa yin te | (7) de ni sems can rnams yoṅs su smin par byed pa daṅ | saṅs rgyas kyi źiṅ yoṅs su ’dzin pa daṅ | sbyin pa’i pha rol tu phyin pa yoṅs su rdzogs par byed pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | (50a1) bsam gtan gyi pha rol tu phyin pa daṅ | śes rab kyi pha rol tu phyin pa daṅ ||
byaṅ chub kyi phyogs kyi chos sum cu rtsa bdun gyi bar dag daṅ | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin daṅ | saṅs rgyas kyi chos ma ’dres pa bcwa brgyad kyi bar dag yoṅs su (2) rdzogs par byed de | rnam par smin pa yaṅ ’dzin par mi byed do ||
rab ’byor ’di lta ste dper na | gźan ’phrul dbaṅ byed kyi lha rnams ni yo byad źun sum tshogs pa thams cad bsams pa tsam gyis grub par ’gyur ro ||
rab ’byor de bźin du byaṅ chub sems dpa’ sems dpa’ chen po’i yo byad (3) thams cad kyaṅ bsams pa tsam gyis yoṅs su rdzogs par ’gyur ro ||
des yo byad phun sum tshogs pa des saṅs rgyas bcom ldan ’das rnams la yaṅ bsñen bkur byed la | lha daṅ | mi daṅ | lha ma yin du bcas pa’i ’jig rten yaṅ tshim par byed do ||
des sems can de dag sbyin pas bsdus nas (4) thabs la mkhas pas theg pa gsum la ’god par byed do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | de ltar sbyin pa’i pha rol tu phyin pa yoṅs su rdzogs par byed do ||
rab ’byor byaṅ chub sems dpa’ sems dpa’ chen po ji ltar tshul khrims kyi pha (5) rol tu phyin pa yoṅs su rdzogs par byed ce na ||
rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | tshul khrims kyi pha rol tu phyin pa yoṅs su rdzogs par byed de | des ’phags pa zag pa med pa lam du gtogs pa chos ñid kyis thob pa’i tshul (6) khrims thob par ’gyur ro ||
de’i tshul khrims de yaṅ ma ñams śiṅ skyon med la ma ’dres pa daṅ | ma ’chol ba daṅ | dbaṅ ’byor ba daṅ | nag nog med pa daṅ | śin tu rdzogs pa daṅ | mkhas pas bsṅags pa yin no ||
de tshul khrims des chos gaṅ dag la’aṅ mchog tu ’dzin par mi byed (7) de | gzugs sam | tshor ba’am | ’du śes sam | ’du byed rnams sam | rnam par śes pa’am | skyes bu chen po’i mtshan sum cu rtsa gñis sam | rgyal rigs śiṅ sṅa la chen po lta bu’am | bram ze’i rigs śiṅ s la chen po lta bu’am | khyim bdag gi rigs śiṅ s la chen (50b1) po lta bu’am | rgyal chen bźi’i ris kyi lha’am | sum cu rtsa gsum pa’am | ’thab bral ba’am | dga’ ldan nam | ’phrul dga’ ’am | gźan ’phrul dbaṅ byed dam | tshaṅs ris sam | tshaṅs pa’i mdun na ’don pa’am | tshaṅs ’khor ram | ’od chuṅ ṅam | tshad (2) med ’od dam | ’od gsal lam | dge chuṅ ṅam | tshad med dge ’am | dge rgyas sam | ’bras bu che ba’am | ’du śes med pa’i sems can nam | mi che ba’am | mi gduṅ ba’am | gya nom snaṅ ṅam | śin tu mthoṅ ṅam | ’og min nam | nam mkha’ mtha’ yas skye (3) mched dam | rnam śes mtha’ yas skye mched dam | ci yaṅ med pa’i skye mched dam | ’du śes med ’du śes med min skye mched dam | rgyun du źugs pa’i ’bras bu’am | lan cig phyir ’oṅ ba’i ’bras bu ’am | phyir mi ’oṅ ba’i ’bras bu’am | dgra bcom pa ñid dam | (4) raṅ byaṅ chub bam | ’khor los sgyur ba’i rgyal srid dam | rgyal srid la dbaṅ byed pa la yaṅ mchog tu ’dzin par mi byed de | gźan du na sems can thams cad daṅ thun moṅ du byas nas | mtshan ma med pa daṅ | dmigs su med pa daṅ | gñis su med pas ’jig rten gyi tha sñad kyis (5) rnam pa thams cad mkhyen pa ñid du yoṅs su sṅo bar byed kyis don dam par ni ma yin no ||
tshul khrims kyi pha rol tu phyin pa yoṅs su rdzogs pa de daṅ | thabs la mkhas pa des bsam gtan bźi ro myaṅ ba med pa’i tshul gyis skyed par byed do ||
lha’i mig rnam par smin pa las byuṅ ba gaṅ (6) gis | śar phyogs na saṅs rgyas bcom ldan ’das gaṅ dag bźugs te | ’tsho źiṅ bźes pa de dag mthoṅ la | de’i mthoṅ ba de yaṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du chud za bar mi ’gyur ba daṅ | lho daṅ | nub daṅ | byaṅ (7) daṅ | phyogs mtshams kyi ’jig rten gyi khams dag na | saṅs rgyas bcom ldan ’das gaṅ dag bźugs te ’tsho źiṅ bźes pa de dag kyaṅ mthoṅ la | nam bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du de’i mthoṅ ba de chud mi za bar ’gyur ba’i lha’i (51a1) mig mṅon par sgrub par byed do ||
lha’i rna ba rnam par dag pa mi’i las ’das pas saṅs rgyas bcom ldan ’das de dag gsuṅ ba’i sgra yaṅ thos te | thos pa des nam bdag daṅ gźan gyi don ma byas kyi bar du thos pa de chud za bar mi ’gyur ro ||
sems kyi rnam graṅs śes pas ni (2) saṅs rgyas bcom ldan ’das de dag gi dgoṅs pa sems kyis śes te | sems kyi rnam graṅs śes pa des sems can rnams kyi don byed do ||
sṅon gyi gnas rjes su dran pa’i śes pas ni las gaṅ byas bas las de chud za bar mi ’gyur ba’i sṅon gyi las de ston par byed do ||
zag pa zad pa śes (3) pas ni sems can rnams rgyun tu źugs pa’i ’bras bu la ’god pa byed pa nas dgra bcom pa ñid kyi bar du ’god par byed | raṅ byaṅ chub la ’god par byed | bla na med pa’i byaṅ chub la ’god par byed de | sems can rnams dge ba’i chos gaṅ daṅ gaṅ la ’jug nus pa de daṅ de la ’god (4) par byed do ||
rab ’byor de ltar na byaṅ chub sems dpa’ sems dpa’ chen po mtshan ma daṅ bral ba’i sems kyis tshul khrims kyi pha rol tu phyin pa yoṅs su rdzogs par byed do || ||
śes rab kyi pha rol tu phyin pa khri brgyad stoṅ pa | bam po bźi bcu rtsa dgu pa | rab ’byor (5) byaṅ chub sems dpa’ sems dpa’ chen pos mtshan ma med pa daṅ | rtsol ba med pa daṅ | dmigs su med pa daṅ | mṅon par ’du bya ba med pa’i chos rnams la ji ltar bzod pa’i pha rol tu phyin pa yoṅs su rdzogs par byed ce na | de sems daṅ po bskyed pa nas bzuṅ ste | byaṅ chub kyi sñiṅ po (6) la ’dug gi bar du sems can thams cad lhags te | bod pa daṅ | dbyug pa daṅ | mtshon chas bsnun kyaṅ de la byaṅ chub sems dpa’ sems dpa’ chen pos ’khrug pa’i sems bskyed pa gcig tsam ’byuṅ ba’i skabs kyaṅ dbye bar mi bya’o ||
de la byaṅ chub sems dpa’ sems dpa’ chen (7) pos bzod pa gñis bsgom par bya ste | gñis gaṅ źe na | sems can thams cad kyis gśe ba daṅ | spyo ba daṅ | boṅ ba daṅ | dbyug pha daṅ | mtshon chas bsnun pa gaṅ yin pa bzod par bya ba daṅ | mi skye ba’i chos rnams la bzod pa bskyed pa gaṅ yin pa’o ||
de la spyos śiṅ brgyad (51b1) dam | boṅ ba daṅ | dbyug pa daṅ | mtshon chas bsnun na | byaṅ chub sems dpa’ sems dpa’ chen pos ’di ltar brtag par bya ste | bdag la su źig gśe źiṅ brgyad la | boṅ ba daṅ | dbyug pa daṅ | mtshon chas bsnun par byed ces des chos rnams kyi ṅo bo ñid la brtag par bya ste de (2) rnams kyi ṅo bo ñid rtog pa na chos rnams ñid kyaṅ mi dmigs na | chos rnams kyi ṅo bo ñid ltag la yod de de ltar chos kyi ṅo bo ñid la rtog pa na ’di sñam du sems te | ṅa la gcod pa’am | ’bigs pa su yod sñam mo ||
de de ltar chos kyi ṅo bo ñid la rtog pa na | mi skye ba’i chos la bzod pa thob par ’gyur ro ||
(3) de la mi skye ba’i chos la bzod pa thob pa gaṅ źe na | ñon moṅs pa mi skye ba ñid daṅ | śes pa gcad du med pa ñid do ||
bzod pa ’di gñis la gnas nas bsam gtan bźi yoṅs su rdzogs par byed do ||
tshad med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa (4) bźi daṅ | ’phags pa’i lam yan lag brgyad pa’i bar daṅ | rnam par thar pa’i sgo gsum daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad yoṅs su rdzogs par byed do ||
de ’phags (5) pa zag pa med pa’i chos ’jig rten las ’das pa’i chos ñan thos daṅ | raṅ saṅs rgyas rnams daṅ | thun moṅ ma yin pa de dag la gnas nas ’phags pa’i mṅon par śes pa yoṅs su rdzogs par byed do ||
mṅon par śes pa de dag yoṅs su rdzogs par byas nas mṅon par śes pa de dag (6) la gnas te | lha’i mig rnam par dag pas śar phyogs kyi saṅs rgyas bcom ldan ’das rnams mthoṅ ṅo ||
mthoṅ nas kyaṅ saṅs rgyas rjes su dran pa thob par ’gyur te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du ṅa’i saṅs rgyas rjes su (7) dran pa rgyun mi chad par ’byuṅ bar ’gyur ro ||
phyogs mtshams kyi bar du yaṅ de bźin no ||
lha’i rna ba’i khams kyis saṅs rgyas bcom ldan ’das de dag gis gaṅ gsuṅs pa de dag thams cad ’dzin par byed do ||
bzuṅ nas kyaṅ de bźin ñid du sgrub par byed de | sems can rnams (52a1) la yaṅ de bźin ñid du chos ston par byed do ||
saṅs rgyas bcom ldan ’das de dag gi thugs kyaṅ sems kyis śes so ||
des sems kyi rnam graṅs śes pa des sems can thams cad kyi sems kyaṅ sems kyis śes te | sems can thams cad kyi sems śes nas kyaṅ de bźin (2) ñid du chos ston to ||
sṅon gyi gnas rjes su dran pa śes pas ni sems can de dag gi dge ba’i rtsa ba śes te | sṅon gyi dge ba’i rtsa ba des dga’ bar byed ciṅ yaṅ dag par ’dzin du ’jug go ||
zag pa zad pa śes pas ni sems can de dag theg pa gsum po dag la ’dzud par byed ’god par byed do ||
rab (3) ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa de thabs la mkhas pas sems can rnams kyaṅ yoṅs su smin par byas | saṅs rgyas kyi źiṅ yaṅ yoṅs su dag par byas nas | rnam pa thams cad mkhyen pa ñid la spyod ciṅ rnam pa thams cad mkhyen pa (4) ñid yoṅs su rdzogs par byas te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | chos kyi ’khor lo skor bar ’gyur ro ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i bzod pa’i pha rol (5) tu phyin pa yoṅs su rdzogs par ’gyur ro ||
rab ’byor byaṅ chub sems dpa’ sems dpa’ chen po mtshan ma med pa daṅ | rtsol ba med pa daṅ | dmigs su med pa daṅ | mṅon par ’du byed pa med pa’i chos rnams la ji ltar brtson ’grus kyi pha rol tu phyin pa yoṅs su rdzogs par byed ce na | rab (6) ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | lus kyi brtson ’grus daṅ yaṅ ldan la sems kyi brtson ’grus daṅ yaṅ ldan te | de bsam gtan daṅ po la sñoms par źugs nas gnas so ||
bsam gtan bźi pa’i bar la sñoms (7) par źugs te gnas so ||
de bsam gtan bźi pa la sñoms par źugs nas rdzu ’phrul bya ba du ma dag ñams su myoṅ ste | ñi ma daṅ zla ba gñis la yaṅ lag pas ñug go ||
de lus kyi brtson ’grus de daṅ ldan pas śar phyogs kyi ’jig rten gyi khams ’bum phrag du ma dag na saṅs rgyas bcom (52b1) ldan ’das gaṅ dag bźugs pa de dag gi druṅ du rdzu ’phrul gyis soṅ nas saṅs rgyas bcom ldan ’das de dag lan bza’ daṅ | źal zas daṅ | gzigs cha daṅ | gdan daṅ | sñun gyi gsos sman daṅ | yo byad rnams kyis bsñen bkur byed do ||
de’i gos daṅ źal zas de dag kyaṅ | bla na (2) med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du zad par mi ’gyur ro ||
mṅon par rdzogs par saṅs rgyas nas kyaṅ lha daṅ | mi daṅ | lha ma yin du bcas pa’i ’jig rten gos daṅ | zas kyi bde ba daṅ ldan par byed do ||
des na yoṅs su mya ṅan (3) las ’das pa’i sku gduṅ dag la yaṅ mchod pa ’byuṅ bar ’gyur ro ||
rdzu ’phrul mṅon par ’du byed pa de ñid kyis soṅ nas saṅs rgyas bcom ldan ’das de dag las chos thos par ’gyur ro ||
ci thos pa rnams kyaṅ bla na med pa yaṅ dag par rdzogs pa’i byaṅ chub mṅon par rdzogs par (4) saṅs rgyas kyi bar du nams kyaṅ chud za bar mi ’gyur te | rnam pa thams cad mkhyen pa ñid la spyod ciṅ sems can rnams kyaṅ yoṅs su smin par byed | saṅs rgyas kyi źiṅ yaṅ yoṅs su ’dzin par byed do ||
rab ’byor de ltar na byaṅ chub sems dpa’ sems dpa’ chen po śes rab kyi pha (5) rol tu phyin pa la spyod pa lus kyi brtson ’grus daṅ ldan pas | brtson ’grus kyi pha rol tu phyin pa yoṅs su rdzogs par byed do ||
rab ’byor byaṅ chub sems dpa’ sems dpa’ chen po sems kyi brtson ’grus ’phags pa zag pa med pa lam daṅ lam gyi yan lag tu gtogs pa daṅ (6) ldan pas ji ltar brtson ’grus kyi pha rol tu phyin pa yoṅs su rdzogs par byed ce na | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | lus kyi brtson ’grus daṅ ldan pas lus kyi las mi dge ba’i skabs mi ’byed do ||
ṅag gi (7) las mi dge ba’i skabs mi ’byed do ||
rtag ces bya ba’am | mi rtag ces bya ba’am | bde źes bya ba’am | sdug bsṅal źes bya ba’am | bdag yod ces bya ba’am | bdag med ces bya ba’am | ’dus byas źes bya ba’am | ’dus ma byas źes bya ba’am | ’dod (53a1) pa’i khams źes bya ba’am | gzugs kyi khams źes bya ba’am | gzugs med pa’i khams źes bya ba’am | zag pa daṅ bcas pa’i khams źes bya ba’am | zag pa med pa’i khams źes bya ba’am | bsam gtan daṅ po źes bya ba’am | bsam gtan bźi pa’i (2) bar źes bya ba’am | byams pa źes bya ba’am | sñiṅ rje źes bya ba’am | dga’ ba źes bya ba’am | btaṅ sñoms źes bya ba’am | nam mkha’ mtha’ yas skye mched ces bya ba’am | ’du śes med ’du śes med min skye mched kyi bar źes bya ba’am | dran pa ñe bar gźag pa rnams źes (3) bya ba’am | yaṅ dag par spoṅ ba rnams źes bya ba’am | rdzu ’phrul gyi rkaṅ pa rnams źes bya ba’am | dbaṅ po rnams źes bya ba’am | stobs rnams źes bya ba’am | byaṅ chub kyi yan lag rnams źes bya ba’am | ’phags pa’i lam yan lag brgyad pa źes bya ba’am | stoṅ pa (4) ñid ces bya ba’am | mtshan ma med ces źes bya ba’am | smon pa med pa źes bya bar mchog tu ’dzin par mi byed do ||
saṅs rgyas kyi chos rnams kyi bar du rtag ces bya ba’am | mi rtag ces bya ba’am | bde źes bya ba’am | sdug bsṅal źes bya ba ’am | bdag yod pa źes bya ba (5) ’am | bdag med pa źes bya bar mchog tu ’dzin par mi byed do ||
rgyun du źugs pa’i ’bras bu źes bya ba’am | lan cig phyir ’oṅ ba’i ’bras bu źes bya ba’am | phyir mi ’oṅ ba’i ’bras bu źes bya ba’am | dgra bcom pa ñid ces bya ba’am | raṅ byaṅ chub ces bya ba’am | de (6) bźin du sbyar te | rgyun du źugs pa źes bya ba nas | raṅ saṅs rgyas źes bya ba’i bar daṅ | byaṅ chub sems dpa’ źes bya bar mchog tu ’dzin par mi byed do ||
sems can ’di dag ni mthoṅ bas rab tu phye ba’o ||
sems can ’di dag ni bslabs pas rab tu phye ba’o ||
sems (7) can ’di dag ni tha ma’i cha daṅ ’thun pas rab tu phye ba’o ||
’di dag ni goṅ ma’i cha daṅ ’thun pas rab tu phye ba’o ||
’di dag ni raṅ saṅs rgyas ñid kyis rab tu phye ba’o ||
’di dag ni lam gyi rnam pa śes pa ñid kyis rab tu phye ba’o źes de ltar yaṅ mchog tu ’dzin par mi byed do ||
de ci’i phyir źe (53b1) na | ’di ltar ṅo bo ñid gaṅ gis rab tu phye ba’i ṅo bo ñid de dag la med pa’i phyir ro ||
de sems kyi brtson ’grus de daṅ ldan pas ’chi kar yaṅ sems can rnams kyi don byed la sems can de dag kyaṅ mi dmigs so ||
brtson ’grus kyi pha rol tu phyin pa yaṅ yoṅs su rdzogs par byed la | brtson ’grus kyi pha (2) rol tu phyin pa de yaṅ mi dmigs so ||
saṅs rgyas kyi chos rnams kyi bar du yaṅ yoṅs su rdzogs par byed la | saṅs rgyas kyi chos de dag kyaṅ mi dmigs so ||
saṅs rgyas kyi źiṅ yaṅ yoṅs su dag par byed la saṅs rgyas kyi źiṅ de yaṅ mi dmigs so ||
de lus daṅ sems kyi brtson ’grus (3) de daṅ ldan pas dge ba’i chos thams cad kyaṅ yoṅs su ’dzin la de dag la yaṅ chags par mi byed de | de chags pa med pas saṅs rgyas kyi źiṅ nas saṅs rgyas kyi źiṅ du ’gro źiṅ ’jig rten gyi khams nas ’jig rten gyi khams su ’gro ste | sems can rnams kyi don byed ciṅ | rdzu ’phrul (4) gyi cho ’phrul gaṅ daṅ gaṅ rnam par sprul par ’dod pa | rdzu ’phrul gyi cho ’phrul de daṅ de rnam par sprul par byed do ||
yaṅ na ni me tog gi char ’bebs so ||
yaṅ na ni spos kyi ṅad ’gyed par byed do ||
yaṅ na ni ’brug sgra sgrogs par byed do ||
yaṅ na ni glu dbyaṅs sgrogs par byed do ||
yaṅ na (5) ni sa g-yo bar byed do ||
yaṅ na ni rin po che sna bdun gyi sa gźi ston par byed do ||
yaṅ na ni mun nag gi sems can rnams kyi ched du bdag ñid las ’od ’byin par byed do ||
yaṅ na ni spos gtoṅ bar byed do ||
yaṅ na ni srog gcod pa med pa’i mchod sbyin byed do ||
yaṅ na ni sems can (6) mtha’ yas pa lam la ’dzud par byed do ||
srog gcod pa las zlog par byed pa nas | log par lta ba’i bar dag las zlog par byed do ||
kha cig la ni sbyin pas phan ’dogs par byed do ||
kha cig la ni tshul khrims kyis phan ’dogs par byed do ||
kha cig gi don du ni yan lag daṅ (7) ñiṅ lags yoṅs su gtoṅ bar byed do ||
kha cig la ni bu daṅ chuṅ ma yoṅs su gtoṅ bar byed do ||
kha cig la ni rgyal srid | kha cig gi don du ni bdag ñid yoṅs su gtoṅ bar byed de | thabs gaṅ daṅ gaṅ gis sems can rnams kyi don byaṅ ruṅ ba’i thabs de daṅ des sems can (54a1) rnams kyi don byed do ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa | sems kyi brtson ’grus daṅ ldan pas miṅ med pa daṅ mtshan ma med pa’i chos rnams la gnas nas brtson ’grus kyi pha rol tu phyin pa (2) yoṅs su rdzogs par byed do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa | miṅ med pa daṅ | mtshan ma med pa’i chos rnams la gnas na sa ji ltar tiṅ ṅe ’dzin gyi pha rol tu phyin pa yoṅs su rdzogs par byed ce na ||
rab ’byor ’di la byaṅ (3) chub sems dpa’ sems dpa’ chen po śes rab kyi pha rol tu phyin pa la spyod pa | de bźin gśegs pa’i tiṅ ṅe ’dzin ma gtogs par tiṅ ṅe ’dzin thams cad yoṅs su rdzogs par byed de | de la ’dod pa dag las dben pa | sdig pa mi dge ba’i chos rnams las dben pa | rtog pa daṅ (4) bcas pa | dpyod pa daṅ bcas pa | dben pa las skyes pa’i dga’ ba daṅ | bde ba can bsam gtan daṅ po bsgrubs te gnas so ||
bsam gtan bźi pa’i bar du bsgrubs te gnas so ||
de byams pa daṅ ldan pa’i sems daṅ | btaṅ sñoms daṅ ldan pa’i bar gyi sems (5) kyis | ’jig rten thams cad kyi bar du khyab par bsgrubs te gnas so ||
’du śes med ’du śes med min skye mched kyi bar du bsgrubs te gnas so ||
de tiṅ ṅe ’dzin gyi pha rol tu phyin pa de las rnam par thar pa brgyad la lugs daṅ | lugs ma yin par sñoms par ’jug ciṅ ldaṅ bar yaṅ (6) byed do ||
mthar gyis gnas pa’i sñoms par ’jug pa dgu daṅ | stoṅ pa ñid kyi tiṅ ṅe ’dzin bsgrubs te gnas so ||
mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin bsgrubs te gnas so ||
bar chad med pa’i tiṅ ṅe ’dzin bsgrubs te gnas so ||
mṅon par ’phags pa’i (7) tiṅ ṅe ’dzin daṅ | yaṅ dag pa’i tiṅ ṅe ’dzin daṅ | rdo rje lta bu’i tiṅ ṅe ’dzin bsgrubs te gnas so ||
de tiṅ ṅe ’dzin gyi pha rol tu phyin pa ’di la gnas nas | byaṅ chub kyi phyogs kyi chos sum cu rtsa bdun bsgrubs te gnas so ||
de tiṅ ṅe ’dzin gyi pha rol tu phyin pa ’di la gnas na sa lam gyi rnam pa śes pa ñid (54b1) kyi ye śes kyis lam gyi rnam pa śes pa ñid kyi naṅ du tiṅ ṅe ’dzin gyi tshogs rnams ’dus par byas nas | dkar po rnam par mthoṅ ba’i sa daṅ | brgyad pa’i sa daṅ | mthoṅ ba’i sa daṅ | bsrabs pa’i sa daṅ | ’dod chags daṅ bral ba’i sa daṅ | byas pa rtogs pa can gyi sa daṅ | raṅ saṅs rgyas kyi sa las ’das nas byaṅ chub sems dpa’i (2) skyod med pa la ’jug ste | saṅs rgyas kyi sa yoṅs su rdzogs par byed do ||
de de dag la spyod kyaṅ bar mdor ’bras bu thob par mi ’gyur ro ||
de tiṅ ṅe ’dzin gyi pha rol tu phyin pa ’di la gnas nas saṅs rgyas kyi źiṅ nas saṅs rgyas kyi źiṅ du ’gro źiṅ | saṅs rgyas bcom ldan ’das rnams la bsñen bkur (3) byed do ||
de saṅs rgyas bcom ldan ’das de dag la bsñen bkur byed pas saṅs rgyas bcom ldan ’das de dag las dge ba’i rtsa ba bskyed de saṅs rgyas kyi źiṅ yoṅs su dag par byed do ||
’jig rten gyi khams nas ’jig rten gyi khams su ’gro ste | sems can rnams kyi don byed do ||
der (4) sems can kha cig la ni sbyin pas phan ’dogs so ||
kha cig la ni tshul khrims kyis | kha cig la ni tiṅ ṅe ’dzin gyis | kha cig la ni śes rab kyis | kha cig la ni rnam par grol bas | kha cig la ni rnam par grol ba’i ye śes mthoṅ bas phan ’dogs so ||
kha cig ni rgyun du (5) źugs pa’i ’bras bu la ’god do ||
de bźin du sbyar te | kha cig ni dgra bcom pa ñid kyi bar la ’god do ||
kha cig ni raṅ byaṅ chub la ’god do ||
dge ba’i chos gaṅ daṅ gaṅ dag gis sems can rnams ’bogs par ’gyur ba de daṅ de la sbyor bar byed do ||
de tiṅ ṅe ’dzin gyi pha rol tu (6) phyin pa ’di la gnas nas gzuṅs kyi sgo thams cad sgrub par byed do ||
so so yaṅ dag par rig pa bźi thob par ’gyur ro ||
rnam par smin pa las byuṅ ba’i mṅon par śes pa rnams kyaṅ thob par ’gyur ro ||
de nams kyaṅ ma’i mṅal du skye bar mi ’gyur | nams kyaṅ ’dod pa la sten par (7) mi ’gyur | de skye ba gaṅ yaṅ yoṅs su mi ’dzin pa med la | skye ba’i skyon gyis kyaṅ gos par mi ’gyur ro ||
de ci’i phyir źe na | ’di ltar des chos thams cad skyu ma lta bur legs par mthoṅ ba’i phyir ro ||
des ’du byed thams cad sgyu ma lta bur rtogs nas sems can thams cad kyi (55a1) don byed kyaṅ de la sems can daṅ | sems can du gdags pa’aṅ mi dmigs so ||
des chos thams cad mi dmigs pas sems can thams cad kyaṅ ’jig rten gyi tha sñad kyis mi dmigs pa ñid la ’god par byed do | don dam par ni ma yin no ||
de tiṅ ṅe ’dzin (2) gyi pha rol tu phyin pa ’di la gnas nas | bsam gtan daṅ | rnam par thar pa daṅ | sñoms par ’jug pa thams cad la spyod de | bla na med pa yaṅ dag par rdzogs pa’i byaṅ chub yoṅs su rdzogs par ma gyur gyi bar du nams kyaṅ tiṅ ṅe ’dzin gyi pha rol tu phyin pa daṅ bral bar mi ’gyur (3) ro ||
de tiṅ ṅe ’dzin gyi pha rol tu phyin pa ’di la gnas nas rnam pa thams cad mkhyen pa ñid mṅon par sgrub par byed de | de la gnas nas bag chags daṅ mtshams sbyor ba thams cad spoṅ bar byed do ||
bag chags daṅ mtshams sbyor ba thams cad spaṅs nas | bdag daṅ gźan gyi don byed (4) do ||
bdag daṅ gźan gyi don byas pas | lha daṅ mi daṅ | lha ma yin du bcas pa’i ’jig rten gyi sbyin gnas su ’gyur ro ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa mtshan ma med pa’i tiṅ ṅe ’dzin gyi pha rol tu phyin pa yoṅs su rdzogs (5) par byed do ||
rab ’byor byaṅ chub sems dpa’ sems dpa’ chen po mtshan ma med pa’i chos rnams la ji ltar śes rab kyi pha rol tu phyin pa yoṅs su rdzogs par byed ce na | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni (6) chos gaṅ yaṅ yod pa ñid dam | yoṅs su thub pa ñid du yaṅ dag par rjes su ma mthoṅ ste | des gzugs la yod pa ñid dam | yoṅs su grub pa ñid yaṅ dag par rjes su mi mthoṅ ṅo ||
rnam par śes pa’i bar la yod pa ñid daṅ | yoṅs su grub pa ñid yaṅ dag par rjes su (7) mi mthoṅ ṅo ||
gzugs kyi skye ba yaṅ dag par rjes su mi mthoṅ ṅo ||
rnam par śes pa’i bar gyi skye ba yaṅ dag par rjes su mi mthoṅ ṅo ||
des gzugs kyi skye ba yaṅ dag par rjes su ma mthoṅ la | rnam par śes pa’i bar gyi skye ba yaṅ dag par rjes su ma mthoṅ bas gzugs kyi skye ba’i (55b1) sgo yaṅ dag par rjes su mi mthoṅ ṅo ||
rnam par śes pa’i bar gyi skye ba’i sgo yaṅ dag par rjes su mi mthoṅ ṅo ||
gzugs kyi bsags pa yaṅ dag par rjes su mi mthoṅ ṅo ||
rnam par śes pa’i bar gyi bsags pa yaṅ dag par rjes su mi mthoṅ ṅo ||
de bźin du zag pa daṅ bcas pa daṅ | zag (2) pa med pa thams cad kyi bar gyi skye ba’i sgo yaṅ dag par rjes su mi mthoṅ ste | gso ba ñid daṅ | gsog ñid daṅ | sñiṅ po med pa ñid du mthoṅ ṅo ||
de de ltar rtog pa na gzugs kyi ṅo bo ñid mi dmigs so ||
de bźin du sbyar te | zag pa daṅ bcas pa daṅ | zag pa med pa’i chos rnams kyi ṅo (3) bo ñid kyi bar du mi dmigs te | de śes rab kyi pha rol tu phyin pa la spyod pa na | chos thams cad la dṅos po med pa’i ṅo bo ñid du mos so ||
de de ltar mos la naṅ stoṅ pa ñid la spyod ciṅ | raṅ gi mtshan ñid stoṅ pa ñid kyi bar la spyod na chos gaṅ la yaṅ źen par mi ’gyur te | gzugs sam | (4) tshor ba’am | ’du śes sam | ’du byed rnams sam | rnam par śes pa’am | de bźin du sbyar te | byaṅ chub kyi phar gyi chos gaṅ la yaṅ mṅon par źen par mi ’gyur ro ||
de dṅos po med pa’i ṅo bo ñid kyi śes rab kyi pha rol tu phyin pa la spyod pa na | byaṅ chub kyi lam yoṅs su rdzogs (5) bar byed de | ’di lta ste pha rol tu phyin pa drug daṅ | byaṅ chub kyi phyogs kyi chos rnams kyi bar daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | dpe byad bzaṅ po (6) brgyad cu yoṅs su rdzogs par byed do ||
de rnam par smin pa’i chos byaṅ chub sems dpa’i lam la gnas nas pha rol tu phyin pa drug daṅ | byaṅ chub kyi phyogs kyi chos sum cu rtsa bdun yoṅs su rdzogs śiṅ rnam par smin pa las byuṅ ba’i mṅon par śes pa rnams yoṅs su rdzogs par (7) gyur na | sems can gaṅ dag sbyin pas bsdu bar bya ba de dag ni sbyin pas sdud par byed do ||
gaṅ dag tshul khrims kyis bsdu bar bya ba daṅ | gaṅ dag tiṅ ṅe ’dzin gyis bsdu bar bya ba daṅ | gaṅ dag śes rab kyis bsdu bar bya ba daṅ | gaṅ dag rnam par grol bas bsdu bar bya ba daṅ | gaṅ (56a1) dag rnam par grol ba ye śes mthoṅ bas bsdu bar bya ba de dag ni rnam par grol ba’i ye śes mthoṅ bas sdud par byed do ||
gaṅ dag rgyun du źugs pa’i ’bras bu la dgod par bya ba de dag ni rgyun du źugs pa’i ’bras bu la ’god par byed do ||
gaṅ dag lan cig phyir (2) ’oṅ ba’i ’bras bu la dgod par bya ba daṅ | gaṅ dag phyir mi ’oṅ ba’i ’bras bu la dgod par bya ba daṅ | gaṅ dag dgra bcom pa ñid la dgod par bya ba daṅ | gaṅ dag raṅ byaṅ chub la dgod par bya ba daṅ | gaṅ dag byaṅ chub la dgod par bya ba de dag ni byaṅ chub la ’god par byed de | (3) thams cad la yaṅ de bźin du sbyar bar bya’o ||
de rdzu ’phrul bya ba rnam pa du ma dag byed ciṅ | ’jig rten gyi khams gaṅ g’i kluṅ gi bye ma sñed dag tu ’gro ste | ’dod na ’jig rten gyi khams de dag tu rin po che ji lta bu ’dod pa de lta bu’i rin po che dag mṅon par sprul nas sems can rnams kyi (4) bsam pa yoṅs su rdzogs par byed de sems can rnams kyi bsam pa yoṅs su rdzogs par byed ciṅ ’jig rten gyi khams nas ’jig rten gyi khams su ’gro’o ||
des ’jig rten gyi khams de dag mthoṅ nas saṅs rgyas kyi źiṅ yoṅs su ’dzin par byed de | gźan ’phrul dbaṅ byed kyi lha rnams (5) kyi loṅs spyod daṅ yoṅs su spyod pa ci ’dra ba dag daṅ | saṅs rgyas kyi źiṅ gźan dag na yoṅs su tshol ba med pa gaṅ yin pa de lta bu’i loṅs spyod daṅ | yoṅs su spyad pa dag kyaṅ der ’byuṅ bar ’gyur ro ||
de rnam par smin pa las byuṅ ba’i sbyin pa’i pha rol tu phyin pa daṅ | tshul khrims kyi pha (6) rol tu phyin pa daṅ | śes rab kyi pha rol tu phyin pa’i bar dag daṅ | rnam par smin pa las byuṅ pa’i mṅon par śes pa rnams daṅ | rnam par smin pa las byuṅ ba’i byaṅ chub kyi lam gaṅ yin pa des lam gyi rnam pa śes pa ñid la spyod pa na | thams cad kyi pha rol tu phyin nas | rnam pa thams (7) cad mkhyen pa ñid thob par ’gyur ro ||
gal te ji tsam du gzugs yoṅs su mi ’dzin ciṅ | rnam par śes pa’i bar daṅ | chos thams cad kyi bar du yoṅs su mi ’dzin te | dge ba’am | mi dge ba’am | ’jig rten pa’am | ’jig rten las ’das pa’am | zag pa daṅ bcas pa (56b1) ’am | zag pa med pa’am | ’dus byas sam | ’dus ma byas yoṅs su mi ’dzin pa de ni bla na med pa yaṅ dag par rdzogs pa’i byaṅ chub mṅon par rdzogs par saṅs rgyas na yaṅ de’i saṅs rgyas kyi źiṅ na loṅs spyod daṅ | yoṅs su spyad pa thams cad yoṅs su ’dzin pa med par ’gyur ro ||
(2) de ci’i phyir źe na | ’di ltar chos thams cad ni dmigs su med pa’i tsul yin pa’i phyir ro ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | mtshan ma med pa’i tshul gyis śes rab kyi pha rol tu phyin pa yoṅs su rdzogs par byed do ||
(3) śes rab kyi pha rol tu phyin pa khri brgyad stoṅ pa las mtshan ma med pa daṅ | dmigs su med pa’i chos ñid kyi le’u źes bya ste | bdun cu rtsa gcig pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das (4) ji ltar na byaṅ chub sems dpa’ mtshan ma ma mchis pa daṅ | rtsol ba ma mchis pa daṅ | ma ’dres pa daṅ | raṅ gi mtshan ñid kyis stoṅ pa’i chos rnams la pha rol tu phyin pa drug po sbyin pa’i pha rol tu phyin pa daṅ | tshul khrims kyi pha rol tu phyin pa daṅ | bzod pa’i pha rol tu phyin pa daṅ | (5) brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa bsgom pa ji ltar yoṅs su rdzogs par ’gyur lags | zag pa ma mchis pa’i chos ’di dag la ji ltar tha dad du bgyi ba gdags lags | ’di dag la tha dad du dbye ba ji ltar mchis lags (6) sbyin pa’i pha rol tu phyin pa ji ltar śes rab kyi pha rol tu phyin pa’i naṅ du ’dus pa lags | tshul khrims daṅ | bzod pa daṅ | brtson ’grus daṅ | bsam gtan gyi pha rol tu phyin pa ji ltaRa śes rab kyi pha rol tu phyin pa’i naṅ du ’dus pa lags | bcom ldan ’das mtshan ñid ma mchis (7) pa’i chos ’di ltar mtshan ñid ma mchis par mtshan ñid gcig pa’i chos rnams la ji ltar tha dad du bgyi ba gdags par ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems (57a1) dpa’ sems dpa’ chen po śes rab kyi pha rol tu phyin pa la spyod pa ni rmi lam lta bu’i phuṅ po lṅa po dag la gnas te | sbyin pa sbyin par byed | tshul khrims sruṅ bar byed | bzod pa sgom par byed | brtson ’grus rtsom par byed | bsam gtan rnams la sñoms par ’jug par byed | (2) śes rab sgom par byed do ||
brag ca lta bu’i ñe bar len pa’i phuṅ po lṅa po dag la gnas te | sbyin pa sbyin par byed | tshul khrims sruṅ bar byed | bzod pa sgom par byed | brtson ’grus rtsom par byed | bsam gtan la sñoms par ’jug par byed | śes rab sgom par byed do ||
mig yor (3) lta bu daṅ | smig rgyu lta bu daṅ | sgyu ma lta bu daṅ | sprul pa lta bu’i ñe bar len pa’i phuṅ po lṅa po dag la gnas te | sbyin pa sbyin par byed | tshul khrims sruṅ bar byed | bzod pa sgom par byed | brtson ’grus rtsom par byed | tiṅ ṅe ’dzin la sñoms par ’jug par byed | śes rab sgom par byed (4) do ||
phuṅ po lṅa po de dag ni rmi lam lta bu ste | mtshan ñid med pa’o ||
phuṅ po lṅa po dag ni brag ca lta bu daṅ | mig yor lta bu daṅ | smig rgyu lta bu daṅ | sgyu ma lta bu daṅ | sprul pa lta bu ste | mtshan ñid med pa’o ||
de ci’i phyir źe na | rmi lam la ni ṅo bo ñid ci yaṅ med la | brag ca daṅ | (5) mig yor daṅ | smig rgyu daṅ | sgyu ma daṅ | sprul pa la ni ṅo bo ñid ci yaṅ med pa’i phyir ro ||
gaṅ la ṅo bo ñid med pa de la ni mtshan ñid med do ||
gaṅ la mtshan ñid med pa de la ni ’di ltar mtshan ñid med par mtshan ñid gcig go ||
rab ’byor de bas na rnam graṅs des kyaṅ khyod kyis sbyin (6) pa’i mtshan ñid med pa daṅ | sbyin pa po’i mtshan ñid med pa daṅ | len pa po’i mtshan ñid med par de ltar rig par bya’o ||
gaṅ gis de ltar śes nas sbyin pa sbyin par byed pa de ni sbyin pa’i pha rol tu phyin pa yoṅs su rdzogs par byed do ||
de sbyin pa’i pha rol tu phyin pa yoṅs su rdzogs (7) par byed na | tshul khrims kyi pha rol tu phyin pa las ldog par mi ’gyur ro ||
bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa las ldog par mi ’gyur ro ||
de pha rol tu phyin pa drug po (57b1) ’di dag la gnas nas bsam gtan bźi yoṅs su rdzogs par byed do ||
tshad med pa bźi yoṅs su rdzogs par byed do ||
gzugs med pa’i sñoms par ’jug pa bźi yoṅs su rdzogs par byed do ||
dran pa ñe bar gźag pa bźi yoṅs su rdzogs par byed do ||
yaṅ dag par spoṅ (2) pa bźi yoṅs su rdzogs par byed do ||
rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | naṅ stoṅ pa ñid daṅ | de bźin du sbyar te | raṅ gi mtshan ñid stoṅ pa ñid kyi bar du yoṅs su rdzogs (3) par byed do ||
stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin yoṅs su rdzogs par byed do ||
rnam par thar pa brgyad daṅ | mthar gyis gnas pa’i sñoms par ’jug pa dgu daṅ | mṅon par śes pa lṅa yoṅs su rdzogs par (4) byed do ||
gzuṅs kyi sgo lṅa brgya yoṅs su rdzogs par byed do ||
de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad yoṅs su rdzogs par byed do ||
de rnam par smin pa las byuṅ ba’i ’phags pa (5) zag pa med pa’i chos ’di dag la gnas te | śar phyogs kyi ’jig rten gyi khams dag tu rdzu ’phrul gyis soṅ nas saṅs rgyas bcom ldan ’das rnams la bsñen bkur byed de | saṅs rgyas bcom ldan ’das de dag la rim gro yaṅ byed do ||
der loṅs spyod dag gis sems can rnams kyi (6) don yaṅ byed do ||
der sems can gaṅ dag sbyin pas bsdu bar bya ba de dag ni sbyin pas sdud par byed do ||
gaṅ dag tshul khrims kyis bsdu bar bya ba de dag ni tshul khrims kyis sdud par byed do ||
gaṅ dag bzod pas bsdu bar bya ba de dag ni bzod pas sdud par byed do ||
gaṅ dag brtson ’grus kyis bsdu (7) bar bya ba de dag ni brtson ’grus kyis sdud par byed do ||
gaṅ dag tiṅ ṅe ’dzin gyis bsdu bar bya ba de dag ni tiṅ ṅe ’dzin gyis sdud par byed do ||
gaṅ dag śes rab kyis bsdu bar bya ba de dag ni śes rab kyis sdud par byed do ||
dge ba’i chos thams cad kyis bsdu bar bya ba’i bar gaṅ yin pa de dag ni dge ba’i (58a1) chos thams cad kyis sdud par byed de | dge ba’i chos de dag daṅ ldan pas ’khor ba yaṅ len par byed la | ’khor ba na yod pa’i sdug bsṅal rnams kyis kyaṅ gos par mi ’gyur ro ||
sems can rnams kyi ched du lha daṅ mi’i phun sum tshogs pa dag kyaṅ ’dzin par byed de | phun (2) sum tshogs pa de dag gis sems can de dag la phan ’dogs par byed do ||
des mtshan ma med pa’i chos rnams rtogs pas rgyun tu źugs pa’i ’bras bu yaṅ śes la | de la gnas par yaṅ mi byed do ||
lan cig phyir ’oṅ ba’i ’bras bu yaṅ śes la de la gnas par yaṅ mi byed do ||
phyir (3) mi ’oṅ ba’i ’bras bu yaṅ śes la de la gnas par yaṅ mi byed do ||
dgra bcom pa ñid kyaṅ śes la de la gnas par yaṅ mi byed do ||
raṅ byaṅ chub kyaṅ śes la de la gnas par yaṅ mi byed do ||
de ci’i phyir źe na | ’di ltar des thams cad rtogs nas ñan thos daṅ | raṅ saṅs rgyas (4) thams cad daṅ thun moṅ ma yin pa | rnam pa thams cad mkhyen pa ñid thob par bya dgos pa’i phyir ro ||
rab ’byor de ltar na byaṅ chub sems dpa’ sems dpa’ chen pos chos thams cad mtshan ñid med par rtogs nas pha rol tu phyin pa drug po dag mtshan ñid med par śes la | saṅs rgyas (5) kyi chos thams cad kyi bar du yaṅ mtshan ñid med par śes so ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni rmi lam lta bu’i ñe bar len pa’i phuṅ po lṅa po dag la gnas nas tshul khrims kyi pha rol tu phyin pa yoṅs su rdzogs (6) par byed do ||
brag ca lta bu daṅ | mig yor lta bu daṅ | sgyu ma lta bu daṅ | smig rgyu lta bu daṅ | sprul pa lta bu’i ñe bar len pa’i phuṅ po lṅa po dag la gnas te tshul khrims kyi pha rol tu phyin pa yoṅs su rdzogs par byed do ||
des rmi lam lta bu’i ñe bar len pa’i phuṅ po lṅa po dag rtogs la | brag ca (7) lta bu daṅ | mig yor lta bu daṅ | smig rgyu lta bu daṅ | sgyu ma lta bu daṅ | sprul pa lta bu’i ñe bar len pa’i phuṅ po lṅa po dag kyaṅ rtogs nas mtshan ñid med pa’i tshul khrims kyi pha rol tu phyin pa ma ñams pa daṅ | skyon med pa daṅ | ma ’dres pa daṅ | ma ’chol ba daṅ | nag nog med pa (58b1) daṅ | dbaṅ ’byor pa daṅ | mkhas pas bsṅags pa daṅ | śin tu rdzogs pa daṅ | ’phags pa zag pa med pa’i lam du gtogs pa yoṅs su rdzogs par byed de | de la gnas nas yaṅ dag par blaṅ ba | brda can gyi tshul khrims daṅ | chos ñid kyis thob pa’i tshul khrims daṅ | sdom pa’i tshul (2) khrims daṅ | rnam par rig byed kyi tshul khrims daṅ | yaṅ dag par spyod pa’i tshul khrims sruṅ ṅo ||
de tshul khrims de lta bu dag daṅ ldan yaṅ ’dis bdag rgyal rigs śiṅ s la chen po lta bu dag daṅ skal pa mñam par skye bar gyur cig ce’am | bram ze’i rigs śiṅ s la chen po lta bu dag daṅ | khyim bdag (3) gi rigs śiṅ s la chen po lta bu dag daṅ skal pa mñam par skye bar gyur cig ce ’am | ’khor los sgyur ba’i rgyal po ’am | khams kyi rgyal por gyur cig ce’am | rgyal chen bźi’i ris kyi lha rnams daṅ skal pa mñam par skye bar gyur cig ce’am | sum cu rtsa gsum pa’i lha rnams sam | ’thab (4) bral ba rnams sam | dga’ ldan pa rnams sam | ’phrul dga’ ba rnams sam | gźan ’phrul dbaṅ byed kyi lha rnams daṅ | skal ba mñam par skye bar gyur cig ce’am | rgyun du źugs pa’i ’bras bu thob par gyur cig ce’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu (5) ’am | dgra bcom pa ñid dam | raṅ byaṅ chub thob par gyur cig ces mchog tu ’dzin par mi byed do ||
de ci’i phyir źe na | rab ’byor ’di ltar chos thams cad ’di lta ste | dṅos po med pa’i ṅo bo ñid kyi mtshan ñid pas mtshan ñid med par mtshan ñid gcig pa’i phyir ro ||
mtshan ñid med (6) pa’i chos kyis ni mtshan ñid med pa’i chos thob par mi ’gyur ro ||
mtshan ñid tha dad pa’i chos kyis kyaṅ mtshan ñid tha dad pa’i chos thob par mi ’gyur ro ||
mtshan ñid tha dad pa’am | mtshan ñid med pa’i chos rnams kyis kyaṅ mtshan ñid tha dad pa’am | mtshan ñid med pa’i chos rnams (7) thob par mi ’gyur ro ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | mtshan ñid med pa’i tshul khrims kyi pha rol tu phyin pa yoṅs su rdzogs par byed do ||
mtshan ñid med pa’i tshul khrims kyi pha rol tu phyin pa yoṅs su rdzogs (59a1) par byas nas byaṅ chub sems dapa’a’i skyon med pa la ’jug go ||
byaṅ chub sems dpa’i skyon med pa la źugs te mi skye ba’i chos la bzod pa thob nas | lam gyi rnam pa śes pa ñid la spyod ciṅ | rnam par smin pa las byuṅ ba’i mṅon par śes pa rnams thob la | gzuṅs kyi sgo lṅa brgya la (2) gnas nas so so yaṅ dag par rig pa bźi thob ste saṅs rgyas kyi źiṅ nas saṅs rgyas kyi źiṅ du ’gro źiṅ saṅs rgyas bcom ldan ’das la yaṅ bsñen bkur bye | sems can rnams kyaṅ yoṅs su smin par byed | saṅs rgyas kyi źiṅ yaṅ yoṅs su ’dzin par byed do ||
de ’khor ba’i ’gro ba lṅar yaṅ (3) ’khor ’khor ba na spyod pa’i las rnams kyi rnam par smin pas kyaṅ gos par mi ’gyur ro ||
’di lta ste dper na sprul pa ni ’gro ba daṅ | ’greṅ ba daṅ | ’dug pa daṅ | ñal bar yaṅ byed la de la ’gro ba daṅ | ’oṅ ba daṅ | gnas pa daṅ | ’dug pa daṅ | ñal ba yaṅ med de | de ni (4) sems can gyi don yaṅ byed la | sems can daṅ sems can du gdags pa yaṅ mi dmigs so ||
’di lta ste dper na | de bźin gśegs pa dgra bcom pa yaṅ dag par rdzogs pa’i saṅs rgyas ni bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas chos (5) kyi ’khor lo bskor te | sems can tshad med pa dag btul nas theg pa gñis kyis yoṅs su mya ṅan las ’das kyaṅ byaṅ chub sems dpa’ gaṅ ṅa bla na med pa yaṅ dag par rdzogs pa’i byaṅ chub du luṅ bstan pa ’ga’ yaṅ ma mthoṅ nas | des che’i ’du byed por te | sprul pa sprul nas (6) phur po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’das so ||
rab ’byor sprul pa des kyaṅ bskal pa ’das kyi bar du byaṅ chub sems dpa’ bla na med pa yaṅ dag par rdzogs pa’i byaṅ chub tu luṅ bstan nas yoṅs su mya ṅan las ’das te | sprul pa de la yaṅ (7) gzugs sam | tshor ba’am | ’du śes sam | ’du byed rnams sam | rnamaka par śes pa’i dṅos po ci yaṅ mi dmigs so ||
rab ’byor de bźin du byaṅ chub sems dpa’ sems dpa’ chen po yaṅ sems can daṅ | sems can du gdags pa yaṅ mi dmigs la | sems can (59b1) rnams kyi don kyaṅ byed do ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | tshul khrims kyi pha rol tu phyin pa gaṅ yoṅs su rdzogs na chos thams cad naṅ du ’dus par ’gyur ba yoṅs su rdzogs par byed do ||
rab ’byor gźan yaṅ (2) byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni rmi lam lta bu’i ñe bar len pa’i phuṅ po lṅa po dag daṅ | brag ca lta bu daṅ | mig yor lta bu daṅ | smig rgyu lta bu daṅ | sgyu ma lta bu daṅ | sprul pa lta bu’i ñe bar len pa’i phuṅ po lṅa po dag pa gnas nas mtshan (3) ñid med pa’i bzod pa’i pha rol tu phyin pa yoṅs su rdzogs par byed do ||
rab ’byor byaṅ chub sems dpa’ sems dpa’ chen pos mtshan ñid med pa’i ñe bar len pa’i phuṅ po lṅa po dag la gnas nas | bzod pa’i pha rol tu phyin pa ji ltar yoṅs su rdzogs par byed ce na | rab ’byor ’di (4) la byaṅ chub sems dpa’ sems dpa’ chen po bzod pa rnam pa gñis kyis bzod pa’i pha rol tu phyin pa yoṅs su rdzogs par byed de | gñis gaṅ źe na | byaṅ chub sems dpa’ sems dpa’ chen po sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du bar (5) skabs der sems can thams cad lhags nas | spyos sam | brgyad dam | tshogs par mi dbyuṅ ba’am | tshig rtsub po brjod kyaṅ ruṅ | boṅ ba daṅ | dbyug pa daṅ | mtshon gyis bsnun kyaṅ ruṅ ste | de la byaṅ chub sems dpa’ sems dpa’ chen po bzod pa’i pha rol tu phyin pa yoṅs su (6) rdzogs par byed ’dod pas su źig bdag la spyo bar byed ce’am | brgyad par byed ce’am | tshegs par mi dbyuṅ ba’am | tshig rtsub po rjod par byed ce ’am | boṅ pa daṅ | dbyug pa daṅ | mtshon chas bsnun par byed ces ’khrug pa daṅ ldan pa’i sems gcig tsam yaṅ bskyed par (7) mi bya’o ||
de ci’i phyir źe na | ’di ltar chos thams cad mtshan ñid med par bzod na | de la su źig bdag la spyo bar byed ce’am | brgyad par byed ce’am | tshogs par mi dbyuṅ ba’am | tshig rtsub po rjod par byed ce’am | boṅ ba daṅ | dbyug pa daṅ | mtshon chas bsnun par byed ces (60a1) bya bar dbyuṅ bar ga la ’gyur te | de de ltar rtog na bzod pa’i pha rol tu phyin pa yoṅs su rdzogs par byed pa yin no ||
de bzod pa’i pha rol tu phyin pa yoṅs su rdzogs par byas pa des na mi skye ba’i chos la bzod pa thob par ’gyur ro ||
de skad ces bka’ stsal pa daṅ | bcom ldan ’das la tshe (2) daṅ ldan pa rab ’byor gyis ’di skad ces gsol to ||
bcom ldan ’das mi skye ba’i chos la bzod pa ni ci źig lags | ’di’i tshad ni ji tsam lags | śes pa ni gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor (3) chos phra rab tsam yaṅ skye ba med pa de ni mi skye ba’i chos can źes bya’o ||
de la bzod pa gaṅ yin pa de ni śes pa źes bya ste | śes pa des mi skye ba’i chos la bzod pa thob bo ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan (4) ’das ñan thos rnams daṅ | raṅ saṅs rgyas rnams kyi mi skye ba’i chos la bzod pa gaṅ lags pa daṅ | byaṅ chub sems dpa’ sems dpa’ chen po’i bzod pa gaṅ lags pa’i bzod pa ’di gñis la tha dad du bgyi ba ci źig mchis lags | de skad ces gsol pa daṅ | bcom ldan ’das (5) kyis tshe daṅ ldan pa rab ’byor la ’di skad ces bkaṅ stsal to ||
rab ’byor rgyun tu źugs pa’i śes pa gaṅ yin pa daṅ | spoṅ ba gaṅ yin pa de ni byaṅ chub sems dpa’ sems dpa’ chen po’i bzod pa’o ||
lan cig phyir ’oṅ ba’i śes pa gaṅ yin pa daṅ | spoṅ ba gaṅ yin pa de ni byaṅ chub (6) sems dpa’ sems dpa’ chen po’i bzod pa’o ||
phyir mi ’oṅ ba’i śes pa gaṅ yin pa daṅ | spoṅ ba gaṅ yin pa de ni byaṅ chub sems dpa’ sems dpa’ chen po’i bzod pa’o ||
dgra bcom pa’i śes pa gaṅ yin pa daṅ | spoṅ ba gaṅ yin pa de ni byaṅ chub sems dpa’ sems dpa’ (7) chen po’i bzod pa’o ||
raṅ saṅs rgyas kyi śes pa gaṅ yin pa daṅ | spoṅ ba gaṅ yin pa de ni byaṅ chub sems dpa’ sems dpa’ chen po’i bzod pa ste | rab ’byor ñan thos daṅ | raṅ saṅs rgyas kyi bzod pa daṅ | byaṅ chub sems dpa’i bzod pa tha dad du bya ba ni de yin no ||
rab ’byor (60b1) byaṅ chub sems dpa’ sems dpa’ chen po de ni bzod pa ’di lta bu daṅ ldan pas ñan thos daṅ | raṅ saṅs rgyas thams cad zil gyis gnon to ||
de rnam par smin pa las byuṅ ba’i mi skye ba’i chos la bzod pa la gnas nas byaṅ chub sems dpa’i lam la spyod ciṅ lam gyi rnam pa śes pa ñid yoṅs (2) su rdzogs par byed do ||
de yoṅs su rdzogs na byaṅ chub kyi phyogs kyi chos sum cu rtsa bdun daṅ | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin daṅ bral bar mi ’gyur ro ||
de mṅon par śes pa lṅa daṅ yaṅ bral bar mi ’gyur ro ||
de mṅon par śes pa lṅa po de dag daṅ ma (3) bral bas sems can rnams kyaṅ yoṅs su smin par byed | saṅs rgyas kyi źiṅ yaṅ yoṅs su dag par byed do ||
des sems can rnams kyaṅ yoṅs su smin par byas śiṅ saṅs rgyas kyi źiṅ yaṅ yoṅs su dag par byas nas | skad cig gcig daṅ ldan pa’i śes rab kyis rnam pa thams cad mkhyen pa (4) ñid thob par ’gyur ro ||
rab ’byor de ltar na byaṅ chub sems dpa’ sems dpa’ chen po mtshan ñid med pa’i bzod pa’i pha rol tu phyin pa yoṅs su rdzogs par byed do ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | rmi lam lta (5) bu’i ñe bar len pa’i phuṅ po lṅa po dag la gnas śiṅ sprul pa lta bu’i bar gyi ñe bar len pa’i phuṅ po lṅa po dag la gnas nas | mtshan ñid med pa’i lus daṅ sems kyis brtson ’grus rtsom par byed de | de lus kyi brtson ’grus kyis rdzu ’phrul mṅon par sgrub ciṅ phyogs bcu’i ’jig rten gyi khams dag tu (6) soṅ nas | saṅs rgyas bcom ldan ’das rnams la bsñen bkur byed ciṅ sems can rnams kyi don byed do ||
de lus kyi brtson ’grus des sems can rnams yoṅs su smin par byas nas | theg pa gsum po dag la ’god par byed do ||
rab ’byor de ltar na byaṅ chub sems dpa’ (7) sems dpa’ chen po śes rab kyi pha rol tu phyin pa la spyod pa ni | mtshan ñid med pa’i brtson ’grus kyi pha rol tu phyin pa yoṅs su rdzogs par byed do ||
de sems kyi brtson ’grus zag pa med pa’i lam daṅ | lam du rtogs pas brtson ’grus kyi pha rol tu phyin pa yoṅs su rdzogs par (61a1) byed de | der ni ’di lta ste | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | rnam par thar pa’i sgo (2) gsum daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | rnam par thar pa brgyad daṅ | mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par (3) rig pa bźi daṅ | saṅs rgyas kyi chos ma ’dres pa bcwa brgyad daṅ | dge ba’i chos thams cad ’dus te | byaṅ chub sems dpa’ sems dpa’ chen po de la spyod pas rnam pa thams cad mkhyen pa ñid yoṅs su rdzogs par bya’o ||
de yoṅs su rdzogs na bag chags kyi mtshams sbyor ba thams cad spoṅ bar ’gyur (4) ro ||
des spaṅs śiṅ mtshan ñid med pa yoṅs su grub pa | yoṅs su rdzogs la sñoms par ’jug pa’i mthu bsgrubs nas chos kyi ’khor lo lan gsum du bzlas te | rnam pa bcu gñis su bskor bskor bar ’gyur te | de bskor bas stoṅ gsum gyi stoṅ chen po’i ’jig rten gyi khams rnam pa drug (5) tu g-yo bar ’gyur | rab tu g-yo bar ’gyur | kun tu rab tu g-yo bar ’gyur | ’gul bar ’gyur | ’gul bar ’gyur | rab tu ’gul bar ’gyur | kun tu rab tu ’gul bar ’gyur | ldeg par ’gyur | rab tu ldeg par ’gyur | kun tu rab tu ldeg par ’gyur źiṅ stoṅ gsum gyi stoṅ chen po’i ’jig (6) rten gyi khams thams cad snaṅ bas khyab par ’gyur ro ||
de bźin gśegs pa dgra bcom pa yaṅ dag par rdzogs pa’i saṅs rgyas de las sgra skad ’byuṅ bar ’gyur te | des sgra thos par byed do ||
stoṅ gsum gyi stoṅ chen po’i ’jig rten gyi khams de na sems can gaṅ dag ’khod pa de dag (7) gis kyaṅ sgra de thos par ’gyur te | de dag thams cad theg pa gsum po dag la ṅes par ’byuṅ bar ’gyur ro ||
rab ’byor byaṅ chub sems dpa’ sems dpa’ chen po’i brtson ’grus kyi pha rol tu phyin pa ni de ltar gces spras byed pa yin te | brtson ’grus kyi pha rol tu phyin pa ’di la gnas nas (61b1) byaṅ chub sems dpa’ sems dpa’ chen pos saṅs rgyas kyi chos thams cad yoṅs su rdzogs te rnam pa thams cad mkhyen pa ñid thob bo || ||
śes rab kyi pha rol tu phyin pa khri brgyad stoṅ pa | bam po lṅa bcu pa | rab byor gźan yaṅ byaṅ chub sems dpa’ sems dpa’ chen po śes (2) rab kyi pha rol tu phyin pa la spyod pa ni | rmi lam lta bu’i ñe bar len pa’i phuṅ po lṅa po dag la gnas nas | tiṅ ṅe ’dzin gyi pha rol tu phyin pa yoṅs su rdzogs par byed do ||
sprul pa lta bu’i bar gyi ñe bar len pa’i phuṅ po lṅa po dag la gnas nas | tiṅ ṅe ’dzin gyi pha rol tu phyin pa yoṅs su (3) rdzogs par byed do ||
rab ’byor byaṅ chub sems dpa’ sems dpa’ chen pos ji ltar rmi lam lta bu nas | sprul pa lta bu’i bar gyi ñe bar len pa’i phuṅ po lṅa po dag la gnas nas | tiṅ ṅe ’dzin gyi pha rol tu phyin pa yoṅs su rdzogs par byed ce na | rab ’byor ’di la byaṅ chub sems dpa’ (4) sems dpa’ chen po śes rab kyi pha rol tu phyin pa la spyod pa ni | bsam gtan daṅ po bsgrubs te gnas nas bsam gtan bźi pa’i bar du bsgrubs te gnas so ||
byams pa daṅ | sñiṅ rje daṅ | dga’ ba daṅ | btaṅ sñoms daṅ | nam mkha’ mtha’ yas skye mched nas | ’du śes med (5) ’du śes med min skye mched kyi bar du bsgrubs te gnas so ||
stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin sgom par byed do ||
de bźin gśegs pa’i tiṅ ṅe ’dzin daṅ | glog lta bu’i tiṅ ṅe ’dzin daṅ | yaṅ dag pa’i tiṅ ṅe ’dzin daṅ | rdo rje lta bu’i tiṅ ṅe ’dzin ma (6) gtogs par tiṅ ṅe ’dzin gaṅ yaṅ ruṅ ba ñan thos kyi tiṅ ṅe ’dzin tam | raṅ saṅs rgyas kyi tiṅ ṅe ’dzin tam | tiṅ ṅe ’dzin gyi tshogs gźan gaṅ yaṅ ruṅ ba de dag thams cad lus kyis khyab par byas nas bsgrubs te gnas la | tiṅ ṅe ’dzin de dag daṅ | tiṅ ṅe ’dzin gyi ’bras bu yaṅ myoṅ bar mi byed (7) do ||
de ci’i phyir źe na | ’di ltar byaṅ chub sems dpa’ sems dpa’ chen po des tiṅ ṅe ’dzin gyi mtshan ñid dṅos po med pa’i ṅo bo ñid du ’du śes pa’i phyir te | ji ltar mtshan ñid med pa’i chos kyis mtshan ñid med pa’i chos kyi ro myoṅ bar mi byed ciṅ | dṅos po med pas dṅos po med pa’i ro myoṅ bar (62a1) mi byed de | de ro myoṅ bar mi byed pas na | tiṅ ṅe ’dzin gaṅ gi dbaṅ gis kyaṅ ’dod pa’i khams sam | gzugs kyi khams sam | gzugs med pa’i khams su skye bar mi ’gyur ro ||
de ci’i phyir źe na | ’di ltar des khams de dag mi dmigs la gaṅ sñoms par (2) ’jug pa daṅ | cis sñoms par ’jug pa de yaṅ mi dmigs pa’i phyir ro ||
des mi dmigs pas mtshan ñid med pa’i tiṅ ṅe ’dzin gyi pha rol tu phyin pa yoṅs su rdzogs par byed de | tiṅ ṅe ’dzin gyi pha rol tu phyin pa des ñan thos daṅ raṅ saṅs rgyas kyi sa las ’da’ bar ’gyur ro ||
de nas bcom (3) ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po ji ltar mtshan ñid ma mchis pa’i tiṅ ṅe ’dzin gyi pha rol tu phyin pa yoṅs su rdzogs par bgyis śiṅ ñan thos daṅ | raṅ saṅs rgyas kyi sa las ’da’ bar (4) ’gyur lags | bka’ stsal pa | rab ’byor ’di ltar byaṅ chub sems dpa’ sems dpa’ chen po’i naṅ stoṅ pa ñid la lags par bslabs śiṅ | raṅ gi mtshan ñid stoṅ pa ñid kyi bar dag la legs par bslabs pas na | stoṅ pa ñid ’di la rgyun tu źugs pa’i ’bras bu’am | lan cig (5) phyir ’oṅ ba’i ’bras bu’am | phyir mi ’oṅ ba’i ’bras bu’am | dgra bcom pa ñid dam | raṅ byaṅ chub bam | rnam pa thams cad mkhyen pa ñid kyi bar gaṅ la gnas par bya ba’i chos gaṅ yaṅ mi dmigs so ||
stoṅ pa ñid de yaṅ stoṅ ste | de stoṅ pa ñid de dag gis ñan thos daṅ | raṅ saṅs (6) rgyas kyi sa las ’das nas | byaṅ chub sems dpa’i skyon med pa la ’jug go ||
gsol pa | bcom ldan ’das byaṅ chub sems dpa’i skyon ni gaṅ lags | skyon ma mchis pa ni gaṅ lags | bka’ stsal pa | rab ’byor dmigs pa thams cad ni byaṅ chub sems dpa’ sems (7) dpa’ chen po’i skyon yin no ||
dmigs pa med pa thams cad ni skyon med pa yin no ||
gsol pa | bcom ldan ’das dmigs pa ni gaṅ lags | dmigs pa ma mchis pa ni gaṅ lags | bka’ stsal pa | rab ’byor gzugs ni byaṅ chub sems dpa’ sems dpa’ chen po’i (62b1) dmigs pa yin no ||
tshor ba daṅ | ’du śes daṅ | ’du byed rnams daṅ | rnam par śes pa ni byaṅ chub sems dpa’ sems dpa’ chen po’i dmigs pa yin no ||
miṅ daṅ | gzugs daṅ | rna ba daṅ | sgra daṅ | sna daṅ | dri daṅ | lce daṅ | ro daṅ | lus daṅ | reg bya daṅ | yid (2) daṅ chos rnams ni byaṅ chub sems dpa’ sems dpa’ chen po’i dmigs pa yin no ||
de bźin du sbyar te rnam pa thams cad mkhyen pa ñid kyi bar du dmigs pa ni skyon yin no ||
rab ’byor skyon med pa ni gaṅ la gzugs nas rnam pa thams cad mkhyen pa ñid kyi bar gyi chos ’di dag gi brjod pa yaṅ mi (3) dmigs pa yin no ||
de ci’i phyir źe na | rab ’byor ’di ltar gzugs kyi ṅo bo ñid ni dmigs su med do ||
gzugs kyi ṅo bo ñid gaṅ yin pa de ni dṅos po med ciṅ brjod du med do ||
rnam pa thams cad mkhyen pa ñid kyi bar gyi ṅo bo ñid gaṅ yin pa de ni dṅos po med do ||
brjod du med (4) do | |rab ’byor ’di ni byaṅ chub sems dpa’ sems dpa’ chen po’i skyon med pa yin te | byaṅ chub sems dpa’ sems dpa’ chen po de ni skyen med pa la źugs nas | tiṅ ṅe ’dzin thams cad yoṅs su rdzogs par yaṅ byed la | sñoms par ’jug pa’i dbaṅ gis kyaṅ skye bar mi ’gyur (5) na | ’dod chags daṅ | źe sdaṅ daṅ | gti mug gis mi skye ba lta ci smos te | de la gnas nas las gaṅ mṅon par ’dus byas pas bsam gtan bźi las gaṅ yaṅ ruṅ bar skye bar ’gyur ba’i las de mṅon par ’du byed pa de ni gnas med do ||
gźan du na sgyu ma lta bu’i chos rnams la (6) gnas nas sems can rnams kyi don kyaṅ byed la | sems can yaṅ mi dmigs | sgyu ma yaṅ mi dmigs so ||
des mi dmigs par sems can rnams yoṅs su smin par byed la | saṅs rgyas kyi źiṅ yaṅ yoṅs su ’dzin par byed do ||
rab ’byor de ltar na byaṅ chub sems dpa’ (7) sems dpa’ chen po tiṅ ṅe ’dzin gyi pha rol tu phyin pa yoṅs su rdzogs par byas nas | ’di lta ste | dmigs su med pa’i ’khor lo’i chos kyi ’khor lo’i bar du skor bar byed do ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la (63a1) spyod pa ni chos thams cad rmi lam lta bur yoṅs su śes śiṅ | chos thams cad brag ca lta bu daṅ | mig yor lta bu daṅ | smig rgyu lta bu daṅ | sgyu ma lta bu daṅ | sprul pa lta bur yoṅs su śes so ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor (2) gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pas ji ltar chos thams cad rmi lam lta bur yoṅs su ’tshal ciṅ | chos thams cad sprul pa lta bu’i bar du yoṅs su ’tshal ba lags | bka’ stsal pa | (3) rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | rmi lam rmi ba ma yin | rmi lam rmi ba po yaṅ ma yin no ||
brag ca thos pa ma yin | brag ca ñan pa po yaṅ ma yin no ||
mig yor mthoṅ ba ma yin | mig yor mthoṅ ba po yaṅ (4) ma yin no ||
smig rgyu mthoṅ ba ma yin | smig rgyu mthoṅ ba po yaṅ ma yin no ||
sgyu ma mthoṅ ba ma yin | sgyu ma mthoṅ ba po yaṅ ma yin no ||
sprul pa mthoṅ ba ma yin | sprul pa mthoṅ ba po yaṅ ma yin no ||
de ci’i phyir źe na | ’di ltar rmi lam daṅ | brag ca daṅ | mig (5) yor daṅ | smig rgyu daṅ | sgyu ma daṅ | sprul pa ni phyin ci log yin la | byis pa so so’i skye bo rnams kyi phyin ci log yin te | dgra bcom pa ni rmi lam rmi ba ma yin | rmi lam rmi ba po yaṅ ma yin źiṅ | sprul pa’i bar du mthoṅ ba ma yin źiṅ | sprul pa mthoṅ ba po yaṅ ma yin (6) la | de bźin du sbyar te | raṅ saṅs rgyas daṅ | byaṅ chub sems dpa’ daṅ | de bźin gśegs pa dgra bcom pa yaṅ dag par rdzogs par saṅs rgyas kyaṅ rmi lam rmi ba ma yin | rmi lam rmi ba po yaṅ ma yin źiṅ | sprul pa’i bar du mthoṅ ba ma yin | sprul pa mthoṅ ba (7) po yaṅ ma yin pa’i phyir ro ||
de ci’i phyir źe na | ’di ltar chos thams cad ni dṅos po med pa’i ṅo bo ñid de | ma skyes pa daṅ | yod pa ma yin pa’i phyir ro ||
dṅos po med pa’i ṅo bo ñid daṅ | yoṅs su ma grub pa gaṅ yin pa de dag la | byaṅ chub sems dpa’ sems (63b1) dpa’ chen po śes rab kyi pha rol tu phyin pa la spyod pa | dṅos po’i ’du śes can nam | yoṅs su grub pa’i ’du śes can du ji ltar ’gyur te | de ni gnas med do ||
de ci’i phyir źe na | gal te chos ’ga’ źig la dṅos po ’am | yoṅs su grub pa’am | yod pa źig tu gyur na | de ni śes rab (2) kyi pha rol tu phyin pa ma yin pa’i phyir ro ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni gzugs la chags pa med ciṅ rnam par śes pa’i bar la chags pa med do ||
’dod pa’i khams la chags pa med do ||
gzugs kyi khams (3) la chags pa med do ||
gzugs med pa’i khams la chags pa med do ||
bsam gtan daṅ | rnam par thar pa daṅ | sñoms par ’jug pa rnams la chags pa med do ||
dran pa ñe bar gźag pa bźi la chags pa med pa nas | byaṅ chub kyi phyogs kyi chos sum cu rtsa bdun gyi bar dag la chags pa (4) med do ||
stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin la chags pa med do ||
sbyin pa’i pha rol tu phyin pa la chags pa med do ||
de bźin du sbyar te tshul khrims daṅ | bzod pa daṅ | brtson ’grus daṅ | bsam gtan daṅ | śes (5) rab kyi pha rol tu phyin pa la chags pa med do ||
de śes rab kyi pha rol tu phyin pa la spyod pa na | sa daṅ po yoṅs su rdzogs par byed de | de la yaṅ ’dun pa’i ’dod chags mi skyed do ||
de ci’i phyir źe na | ’di ltar des sa de ma dmigs na | ’dun pa’i ’dod chags skyed par ji ltar ’gyur (6) de bźin du sa bcu pa’i bar du yoṅs su rdzogs par byed de | de la yaṅ ’dun pa’i ’dod chags mi skyed do ||
de ci’i phyir źe na | ’di ltar des sa de ma dmigs na | de la ’dun pa’i ’dod chags skyed par ji ltar ’gyur | de śes rab kyi pha rol tu phyin pa la spyod bźin du | śes (7) rab kyi pha rol tu phyin pa de mi dmigs so ||
de mi dmigs pa’i śes rab kyi pha rol tu phyin pa la spyod pa na | chos thams cad śes rab kyi pha rol tu phyin pa de’i naṅ du ’dus par mthoṅ la | chos de dag kyaṅ mi dmigs so ||
de ci’i phyir źe na | ’di ltar chos de dag daṅ (64a1) śes rab kyi pha rol tu phyin pa de gñis su med de gñis su dbyer med pa’i phyir ro ||
de ci’i phyir źe na | ’di ltar chos de dag la tha dad pa ci yaṅ med de | chos kyi dbyiṅs bstan pa daṅ | de bźin ñid bstan pa daṅ | yaṅ dag pa’i mtha’ bstan pa’i tshul gyis chos (2) thams cad tha dad pa ma yin pa’i phyir ro ||
gsol pa | bcom ldan ’das gal te chos thams cad dbyer ma mchis pa lags na | dge ba daṅ | mi dge ba’i chos rnams ji ltar bstan lags | ’jig rten pa daṅ | ’jig rten las ’das pa’i chos rnams ji ltar bstan lags | zag pa daṅ (3) bcas pa daṅ | zag pa ma mchis pa’i chos rnams ji ltar bstan lags | ’dus byas daṅ | ’dus ma byas kyi chos rnams ji ltar bstan lags | bka’ stsal pa | rab ’byor ’di ji sñam du sems ci chos rnams kyi chos ñid de la | ’dus byas sam | ’dus ma byas sam | rgyun du (4) źugs pa’i ’bras bu’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu’am | dgra bcom pa ñid dam | raṅ byaṅ chub bam | saṅs rgyas kyi byaṅ chub kyi chos ’ga’ tsam gyi brjod pa yod sñam ’am | gsol pa | bcom ldan ’das de ni ma mchis (5) lags so ||
bka’ stsal pa | rab ’byor de bas na rnam graṅs des kyaṅ khyod kyis chos thams cad tha dad pa ma yin pa daṅ | chos thams cad mtshan ñid med pa daṅ | skye ba med pa daṅ | ’gag pa med par de ltar rig par bya’o ||
rab ’byor ṅa sṅon byaṅ chub sems dpa’i (6) spyad pa spyod pa nas zugs źes bya ba’am | tshor ba źes bya ba’am | ’du śes źes bya ba’am | ’du byed rnams źes bya ba’am | rnam par śes pa źes bya ba’am | ’dus byas źes bya ba’am | ’dus ma byas źes bya ba’i bar ram | rgyun du źugs pa’i ’bras bu źes (7) bya ba’i bar ram | byaṅ chub ces bya ba’i bar du chos ’ga’ tsam gyi ṅo bo ñid kyaṅ ma dmigs so ||
rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pas sems daṅ po bskyed pa nas bzuṅ ste bla na med pa yaṅ dag par rdzogs pa’i (64b1) byaṅ chub mṅon par rdzogs par saṅs rgyas kyi bar du mi dmigs pa’i tshul gyis chos thams cad kyi ṅo bo ñid la mkhas par bya’o ||
chos thams cad kyi ṅo bo ñid la mkhas pa’i byaṅ chub sems dpa’ sems dpa’ chen po ni byaṅ chub kyi lam yaṅ yoṅs su rdzogs par byed | sems can (2) rnams kyaṅ yoṅs su smin par byed | saṅs rgyas kyi źiṅ yaṅ yoṅs su ’dzin par byed do ||
de la gnas nas bla na med pa yaṅ dag par rdzogs pa’i byaṅ chub mṅon par rdzogs par saṅs rgyas te | ci nas sems can rnams brtul nas srid pa gsum du kun nas ñon moṅs par mi ’gyur (3) pa de ltar ’dul bar byed do ||
rab ’byor de ltar na byaṅ chub sems dpa’ sems dpa’ chen pos mtshan ñid med pa’i tshul gyis śes rab kyi pha rol tu phyin pa la bslab par bya’o ||
śes rab kyi pha rol tu phyin pa khri brgyad stoṅ pa las mtshan ñid med pa bstan pa’i le’u źes bya ste | bdun cu (4) rtsa gñis pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das chos thams cad rmi lam lta bu daṅ | dṅos po ma mchis pa daṅ | dṅos po ma mchis pa’i ṅo bo ñid daṅ | raṅ gi mtshan ñid kyis stoṅ pa la ’di (5) dag ni dge ba’o ||
’di dag ni mi dge ba’o ||
’di dag ni ’jig rten pa’o ||
’di dag ni ’jig rten las ’das pa’o ||
’di dag ni zag pa daṅ bcas pa’o ||
’di dag ni zag pa ma mchis pa’o ||
’di dag ni ’dus byas so ||
’di dag ni ’dus ma byas so ||
’di dag ni rgyun tu źugs pa’i (6) ’bras bu mṅon sum du byed par ’gyur ba’o ||
’di dag ni lan cig phyir ’oṅ ba’i ’bras bu mṅon sum du byed par ’gyur ba’o ||
’di dag ni phyir mi ’oṅ ba’i ’bras bu mṅon sum du byed par ’gyur ba’o ||
’di dag ni dgra bcom pa ñid mṅon sum du byed par ’gyur ba’o ||
’di (7) dag ni raṅ byaṅ chub mṅon sum du byed par ’gyur ba’o ||
’di dag ni bla na med pa yaṅ dag par rdzogs pa’i byaṅ chub tu ’gyur ba’o źes ji ltar gźag par ’gyur lags | de bźin du brag ca lta bu daṅ | mig yor lta bu daṅ | smig rgyu lta bu daṅ | sgyu ma lta bu daṅ | sprul (65a1) pa lta bu daṅ | dṅos po ma mchis pa daṅ | dṅos po ma mchis pa’i ṅo bo ñid daṅ | raṅ gi mtshan ñid kyis stoṅ pa’i chos rnams la bla na med pa yaṅ dag par rdzogs pa’i byaṅ chub kyi bar du ’gyur bar ji ltar rnam par gźag par ’gyur lags | de skad ces gsol pa daṅ | bcom (2) ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byis pa so so’i skye bo thos pa daṅ mi ldan pa ni rmi lam yaṅ dmigs so ||
rmi lam rmi ba po yaṅ dmigs so ||
sprul pa’i bar du yaṅ dmigs so ||
sprul pa mthoṅ ba po yaṅ dmigs so ||
de rmi (3) lam yaṅ dmigs la rmi lam rmi ba po yaṅ dmigs pa nas | sprul pa’i bar du yaṅ dmigs la | sprul pa mthoṅ ba po yaṅ dmigs pas yus daṅ ṅag daṅ | yid kyis mi dge ba’i ’du byed rnams kyaṅ mṅon par ’du byed do ||
lus daṅ ṅag daṅ yid kyis dge ba’i ’du byed rnams kyaṅ (4) mṅon par ’du byed do ||
yus daṅ ṅag daṅ yid kyis bsod nams daṅ | bsod nams ma yin pa daṅ | mi g-yo ba’i ’du byed rnams kyaṅ mṅon par ’du byed do ||
de bas na byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | mtha’ las ’das pa stoṅ pa (5) ñid daṅ | thog ma daṅ tha ma med pa stoṅ pa ñid de | stoṅ pa ñid ’di gñis la gnas nas | sems can rnams la khams gsum pa ’di ni stoṅ ṅo źes chos ston par byed do ||
’di la gzugs sam | tshor ba’am | ’du śes sam | ’du byed rnams sam | rnam par śes pa’am | (6) phuṅ po rnams sam | khams rnams sam | skye mched rnams med do ||
’di dag ni smig rgyu’o ||
’di la phuṅ po daṅ | khams rnams daṅ | skye mched (7) rnams med do ||
’di la ni rmi lam daṅ | rmi lam rmi ba po daṅ | brag ca daṅ | brag ca thos pa po daṅ | mig yor daṅ | mig yor mthoṅ ba po daṅ | smig rgyu daṅ | smig rgyu mthoṅ ba po daṅ | sgyu ma daṅ | sgyu ma mthoṅ ba po daṅ | sprul pa daṅ | sprul pa mthoṅ ba po med de | chos ’di (65b1) dag thams cad ni dṅos po med pa daṅ | dṅos po med pa’i ṅo bo ñid kho na yin na khyed ni phuṅ po rnams med pa la phuṅ por ’du śes par gyur | khams rnams med pa la khams su ’du śes par gyur | skye mched rnams med pa la skye mched du ’du śes par gyur la | chos ’di dag (2) thams cad ni rten ciṅ ’brel par ’byuṅ ba daṅ | phyin ci log las skyes pa daṅ | las kyi rnam par smin pas yoṅs su zin pa yin na | khyed ci’i phyir dṅos po med pa’i chos rnams la dṅos po’i ’du śes skyed ces ston par byed de | de bas na byaṅ chub sems dpa’ sems dpa’ (3) chen po śes rab kyi pha rol tu phyin pa la spyod pa ni | thabs la mkhas pas sems can ser sna can gaṅ yin pa de dag ni ser sna las bzlog nas sbyin pa’i pha rol tu phyin pa la sbyor bar byed do ||
de dag gi sbyin pa yoṅs su gtoṅ ba de yaṅ loṅs spyod chen por ’gyur ro ||
des de dag (4) de las spyod nas tshul khrims las ’god par byed de | de dag gi tshul khrims yaṅ dag par blaṅs pa de yaṅ mtho ris su skye bar ’gyur ro ||
de nas bskyod nas kyaṅ tiṅ ṅe ’dzin la sbyor bar byed de | de dag gi tiṅ ṅe ’dzin kyaṅ tshaṅs pa’i ’jig rten du skye bar ’gyur ro ||
de bźin du bsam (5) gtan daṅ po las bsam gtan gñis pa | bsam gtan gñis pa las bsam gtan gsum pa | bsam gtan gsum pa las | bsam gtan bźi pa | bsam gtan bźi pa las | nam mkha’ mtha’ yas skye mched kyi sñoms par ’jug pa daṅ | rnam śes mtha’ yas (6) skye mched kyi sñoms par ’jug pa daṅ | ci yaṅ med pa’i skye mched kyi sñoms par ’jug pa daṅ | ’du śes med ’du śes med min skye mched kyi sñoms par ’jug pa la sbyor bar byed do ||
des sbyin pa daṅ | sbyin pa’i ’bras bu de las kyaṅ rnam graṅs du mas bskyod nas phuṅ (7) po’i lhag ma med pa’i mya ṅan las ’das pa’i dbyiṅs su ’dul bar byed | ’jud par byed | ’god par byed do ||
des tshul khrims daṅ | tshul khrims kyi ’bras bu de las kyaṅ rnam graṅs du mas bskyod nas phuṅ po’i lhag ma med pa’i mya ṅan las ’das pa’i dbyiṅs su ’dul (66a1) bar byed | ’dzud par byed | ’god par byed do ||
des sñoms par ’jug pa daṅ | sñoms par ’jug pa’i ’bras bu de dag las kyaṅ rnam graṅs du mas bskyod nas phuṅ po’i lhag ma med pa’i mya ṅan las ’das pa’i dbyiṅs su ’dul bar byed | ’dzud par byed | (2) ’god par byed do ||
de bźin du dran pa ñe bar gźag pa bźi daṅ | yaṅ dag pa’i spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | rnam par thar pa’i (3) sgo gsum daṅ | rnam par thar pa brgyad daṅ | mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad dag la ’dul bar (4) byed | ’dzud par byed | ’god par byed do ||
des zag pa med pa’i chos | gzugs med pa | bstan du med pa | thogs pa med pa de dag gis rgyun du źugs pa’i ’bras bu don du gñer ba gaṅ yin pa de dag ni rgyun du źugs pa’i ’bras bu la ’god do ||
lan cig phyir ’oṅ ba’i (5) ’bras bu don du gñer ba gaṅ yin pa de dag ni lan cig phyir ’oṅ ba’i ’bras bu la ’god do ||
phyir mi ’oṅ pa’i ’bras bu don du gñer ba gaṅ yin pa de dag ni phyir mi ’oṅ ba’i ’bras bu la ’god do ||
dgra bcom pa ñid don du gñer ba gaṅ yin pa de dag ni dgra bcom pa ñid la (6) ’god do ||
raṅ byaṅ chub don du gñer ba gaṅ yin pa de dag ni raṅ byaṅ chub la ’god do ||
bla na med pa yaṅ dag par rdzogs pa’i byaṅ chub don du gñer ba gaṅ yin pa de dag la ni byaṅ chub kyi lam rjod par byed de | ston par byed | yaṅ dag par gzeṅs stod par byed | yaṅ dag (7) par rab tu dga’ bar byed | ’god par byed do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa zab mo ’di la spyod (66b1) pa ’di ltar dṅos po ma mchis pa’i ṅo bo ñid kyi chos rnams daṅ | mtha’ las ’das pa stoṅ pa ñid daṅ | thog ma daṅ tha ma med pa stoṅ pa ñid kyi chos rnams la ’di dag ni dge ba’i chos so ||
’di dag ni mi dge ba’i chos so ||
’di dag ni zag pa daṅ bcas pa’i chos so ||
’di dag ni zag pa med pa’i (2) chos so ||
’di dag ni ’dus byas kyi chos so ||
’di dag ni ’dus ma byas kyi chos so źes bya ba’i bar du rnam par ’jog par bgyid pa ’di ni ṅo mtshar rmad du byuṅ ba’i chos lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
(3) rab ’byor de de bźin no ||
de de bźin te | rab ’byor śes rab kyi pha rol tu phyin pa zab mo ’di la spyod pa | chos rnam par ’jog par byed pa ’di ni byaṅ chub sems dpa’ sems dpa’ chen po’i ṅo mtshar rmad du byuṅ ba’i chos yin no ||
rab ’byor gal te khyod kyis byaṅ chub sems dpa’ sems (4) dpa’ chen po’i ṅo mtshar rmad du byuṅ ba’i chos śes na ni | de’i phyir ñan thos daṅ | raṅ saṅs rgyas thams cad kyis kyaṅ byaṅ chub sems dpa’ sems dpa’ chen po la lan du phan gdags par sla ba ma yin la | khyed thams cad kyis kyaṅ byaṅ chub sems dpa’ sems dpa’ chen po la chos daṅ ldan (5) pas zil gyis mnan par mi nus so ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po’i ṅo mtshar rmad du byuṅ ba’i chos gaṅ ñan thos daṅ | raṅ saṅs rgyas rnams lam mchis pa (6) de gaṅ lags | bcom ldan ’das kyis bka’ stsal pa | rab ’byor de’i phyir legs par ñon la rab tu yid la zug śig daṅ bśad par bya’o ||
rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | rnam par smin pa las byuṅ ba’i pha rol tu phyin pa (7) drug po dag la gnas śiṅ mṅon par śes pa lṅa daṅ | byaṅ chub kyi phyogs kyi chos sum cu rtsa bdun daṅ | gzuṅs kyi sgo rnams daṅ | so so yaṅ dag par rig pa bźi la gnas nas phyogs bcu’i ’jig rten gyi khams dag tu soṅ ste | de dag tu sems can gaṅ dag sbyin pas phan gdags par (67a1) bya ba de dag la ni sbyin pas phan ’dogs so ||
gaṅ dag tshul khrims kyis phan gdags par bya ba daṅ | gaṅ dag bzod pas phan dgas par bya ba daṅ | gaṅ dag brtson ’grus kyis phan gdags par bya ba daṅ ||
gaṅ dag bsam gtan gyis phan gdags par bya ba daṅ | gaṅ (2) dag śes rab kyis phan gdags par bya ba de dag la ni śes rab kyis phan ’dogs so ||
gaṅ dag bsam gtan daṅ pos phan gdags par bya ba daṅ | gaṅ dag bsam gtan gñis pas phan gdags par bya ba daṅ | gaṅ dag bsam gtan gsum pas phan gdags par bya ba daṅ | gaṅ dag bsam (3) gtan bźi pas phan gdags par bya ba daṅ | gaṅ dag nam mkha’ mtha’ yas skye mched kyi sñoms par ’jug pas phan gdags par bya ba daṅ | gaṅ dag ’du śes med ’du śes med min skye mched kyi sñoms par ’jug pa’i bar gyis phan gdags par bya ba de dag la ni ’du śes med ’du śes med (4) min skye mched kyi sñoms par ’jug pas phan ’dogs so ||
gaṅ dag byams pas phan gdags par bya ba de dag la ni byams pas phan ’dogs so ||
gaṅ dag sñiṅ rjes phan gdags par bya ba daṅ | gaṅ dag dga’ bas phan gdags par bya ba daṅ | gaṅ dag btaṅ sñoms kyis phan (5) gdags par bya ba daṅ | gaṅ dag dran pa ñe bar gźag pa bźis phan gdags par bya ba daṅ | gaṅ dag yaṅ dag par spoṅ ba bźis phan gdags par bya ba daṅ | gaṅ dag rdzu ’phrul gyi rkaṅ pa bźis phan gdags par bya ba daṅ | gaṅ dag dbaṅ po lṅas phan gdags par bya ba daṅ | gaṅ dag (6) stobs lṅas phan gdags par bya ba daṅ | gaṅ dag byaṅ chub kyi yan lag bdun gyis phan gdags par bya ba daṅ | gaṅ dag ’phags pa’i lam yan lag brgyad pas phan gdags par bya ba daṅ | gaṅ dag stoṅ pa ñid kyi tiṅ ṅe ’dzin gyis phan gdags par bya ba daṅ | gaṅ dag mtshan (7) ma med pa’i tiṅ ṅe ’dzin gyis phan gdags par bya ba daṅ | gaṅ dag smon pa med pa’i tiṅ ṅe ’dzin gyis phan gdags par bya ba de dag la smon pa med pa’i tiṅ ṅe ’dzin gyis phan ’dogs so ||
gsol pa | bcom ldan ’das byaṅ chub sems dpa’ sems dpa’ chen po śes rab kyi pha rol (67b1) tu phyin pa la spyod pa ji ltar sbyin pas sems can rnams la phan ’dogs pa lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | sbyin pa sbyin par byed de | zas ’dod pa rnams la ni zas | skom ’dod pa rnams la ni skom | bźon pa (2) daṅ | me tog phreṅ daṅ | byug pa daṅ | spos daṅ | gos daṅ | mal cha daṅ | stan daṅ | mi’i yo byad ci yaṅ ruṅ ba’i bar du sbyin par byed de | de bźin gśegs pa dgra bcom pa yaṅ dag par rdzogs pa’i saṅs rgyas la ji ltar ’bul ba de bźin du | raṅ saṅs rgyas rnams daṅ | dgra bcom pa (3) rnams daṅ | phyir mi ’oṅ ba rnams daṅ | lan cig phyir ’oṅ ba rnams daṅ | rgyun tu źugs pa rnams daṅ | yaṅ dag par spoṅ ba rnams daṅ | yaṅ dag par źugs pa rnams la yaṅ de bźin no ||
mir gyur pa rnams la yaṅ de bźin no ||
dud ’gro’i skye gnas pa rnams la yaṅ de bźin te | thams cad (4) la yaṅ tha dad du dbye ba med par sbyin pa sbyin par byed do ||
de ci’i phyir źe na | ’di ltar chos thams cad tha dad pa med par rtogs pa’i phyir tha dad pa med par sbyin pa sbyin par byed do ||
tha dad pa med par sbyin pa phyin pas tha dad pa med pa’i chos ’di lta ste | rnam pa thams cad mkhyen pa ñid thob par (5) ’gyur ro ||
rab ’byor gal te byaṅ chub sems dpa’ sems dpa’ chen pos dud ’gro’i skye gnas su skyes pa’i srog chags mthoṅ na | ’di sñam du bdag gi sbyin gnas ni yaṅ dag par rdzogs pa’i saṅs rgyas yin gyi dud ’gro’i skye gnas su skyes pa ni ma yin no sñam du sems na | byaṅ chub (6) sems dpa’i chos ma yin no ||
de ci’i phyir źe na | byaṅ chub sems dpa’ sems dpa’ chen po byaṅ chub tu sems bskyed nas | de ltar bla na med pa yaṅ dag par rdzogs pa’i byaṅ chub tu yaṅ dag par źugs pa la sems can ’di dag la ni bdag gis sbyin pas phan gdags par bya’o ||
’di (7) dag la ni phan gdags par mi bya’o źes bya ba med pa’i phyir ro ||
sbyin pas phan btags pa de dag kyaṅ | rgyal rigs śiṅ s la chen po lta bu dag tu skye bar ’gyur | bram ze’i rigs śiṅ s la chen po lta bu dag daṅ | khyim bdag gi rigs śiṅ s la chen po lta bu dag tu skye bar ’gyur te | sbyin pas (68a1) phan btags pa de ñid kyis de dag theg pa gsum po dag gis rim gyis phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’da’ bar yaṅ ’gyur ro ||
gal te byaṅ chub sems dpa’ sems dpa’ chen po la skye bo maṅ pos gsad par gsol ba (2) btab na | des ’khrug pa med pa’i sems kyis skye bo maṅ po de dag la ṅes par sbyin par bya’i sbyin nam mi sbyin sñam pa’i sems gźan bskyed par mi bya’o ||
de ci’i phyir źe na | ’di ltar skye bo maṅ po de dag gi don du bla na med pa yaṅ dag par rdzogs pa’i byaṅ chub la yaṅ dag par źugs pa’i (3) phyir ro ||
gal te de ltar rtog par byed na ni | saṅs rgyas bcom ldan ’das rnams daṅ | byaṅ chub sems dpa’ rnams daṅ | raṅ saṅs rgyas rnams daṅ | dgra bcom pa rnams daṅ | slob pa rnams daṅ | lha daṅ mi daṅ lha ma yin du bcas pa’i ’jig rten gyis kyaṅ khyod sems can (4) thams cad kyi skyabs daṅ | gnas daṅ | mgon daṅ | dpuṅ gñen bya bar sum ma loṅs źes smad par ’gyur ro ||
rab ’byor gźan yaṅ gal te byaṅ chub sems dpa’ sems dpa’ chen po śes rab kyi pha rol tu phyin pa la spyod pa la mir gyur pa rnams sam | mi ma yin par gyur pa (5) rnams kyis yan lag daṅ ñiṅ lag rnams sloṅs na sbyin nam mi sbyin sñam pa’i sems cig śos bskyed par mi bya’o ||
de ci’i phyir źe na | ’di ltar byaṅ chub sems dpa’ sems dpa’ chen pos ṅas lus ’dis sems can rnams kyi don bya’o sñam ste | sems can rnams kyi don du bsams bźin du (6) lus yoṅs su bzuṅ ba’i phyir te | des ’di ltar gaṅ dag gi phyir bdag gis lus blaṅs pa de dag gis ma bslaṅs bźin du khyer te | ’gro ’dod cig ces sems bskyed par bya ste | rab ’byor byaṅ chub sems dpa’ sems dpa’ chen pos śes rab kyi pha rol tu phyin pa la de ltar bslab (7) par bya’o ||
rab ’byor gźan yaṅ byaṅ chub sems dpa’ sems dpa’ chen pos sloṅ ba mthoṅ na | chos thams cad kyi ṅo bo ñid ni mi dmigs na su źig sbyin par byed | su la sbyin par byed | ci źig sbyin par byed | ces de ltar sems bskyed par bya’o ||
de ci’i phyir źe na | ’di (68b1) ltar tshes de dag ni śin tu stoṅ pa’i phyir te | stoṅ pa ñid ni su la yaṅ sbyin par mi byed | len par yaṅ mi byed do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pas | ’di lta ste | naṅ stoṅ pa ñid daṅ | phyi stoṅ pa ñid daṅ | phyi naṅ stoṅ pa ñid nas de bźin du (2) sbyar te | raṅ gi mtshan ñid stoṅ pa ñid kyi bar dag la da ltar bslab par bya’o ||
de stoṅ pa ñid de dag la gnas nas sbyin pa sbyin par byed pas de’i sbyin pa’i pha rol tu phyin pa rtag tu rgyun mi ’chad par yoṅs su rdzogs par ’gyur ro ||
de sbyin pa’i pha rol tu phyin pa yoṅs su rdzogs pas naṅ daṅ phyi’i (3) chos rnams bcad ciṅ gtubs kyaṅ | ’di sñam du su źig ṅa la gcod ciṅ gtub par byed sñam du mi sems so ||
rab ’byor ’di la ṅas saṅs rgyas kyi spyan gyis rnam par bltas na | śar phyogs kyi ’jig rten gyi khams gaṅ g’i kluṅ gi bye ma sñed dag na byaṅ chub sems dpa’ sems (4) dpa’ chen po dag bsams bźin du sems can dmyal ba chen por soṅ ste | sems can dmyal ba’i sdug bsṅal de dag źi bar byas nas | cho ’phrul rnam pa gsum po rdzu ’phrul gyi cho ’phrul daṅ | kun brjod pa’i cho ’phrul daṅ | rjes su bstan pa’i cho ’phrul gyis sems can dmyal ba (5) pa’i sems can de dag la chos ston te | de dag gis rdzu ’phrul gyi cho ’phrul gyis sems can dmyal ba’i sdug bsṅal źi bar byas nas kun brjod pa’i cho ’phrul daṅ | rjes su bstan pa’i cho ’phrul gyis chos ston par byed pa daṅ | byaṅ chub sems dpa’ de dag byams pa chen po daṅ | (6) sñiṅ rje chen po daṅ | dga’ ba chen po daṅ | btaṅ sñoms chen pos kyaṅ chos ston par byed pa daṅ | de nas sems can dmyal ba pa’i sems can de dag byaṅ chub sems dpa’ de dag la sems dad par gyur nas sems can dmyal ba de dag nas thar bar ’gyur ba daṅ | sems can dmyal ba de dag (7) nas theg pa gsum po dag gi rim gyis sdug bsṅal mthar byed pa dag mthoṅ ṅo ||
lho daṅ | nub daṅ | byaṅ daṅ | steṅ daṅ | ’og daṅ | phyogs mtshams kyi ’jig rten gyi khams gaṅ g’i.i kluṅ gi bye ma sñed rnams su yaṅ de bźin du sbyar ro ||
rab ’byor ’di la ṅas saṅs rgyas kyi spyan gyis (69a1) ’jig rten rnam par bltas na śar phyogs kyi ’jig rten gyi khams gaṅ g’i kluṅ gi bye ma sñed dag na byaṅ chub sems dpa’ sems dpa’ chen po dag saṅs rgyas bcom ldan ’das rnams la bsñen bkur byed de | saṅs rgyas bcom ldan ’das la byaṅ chub sems dpa’ sems (2) dpa’ chen po de dag gi dad pa drag pos yid du mi ’oṅ bsam yin gyi yid du ’oṅ ba daṅ | mi dga’ bsam yin gyi dga’ ba daṅ | ma gus pas ma yin gyi gus pas bsñen bkur byed de | saṅs rgyas bcom ldan ’das de dag gis chos gaṅ dag bstan pa de dag kyaṅ byaṅ chub sems dpa’ sems (3) dpa’ chen po de dag gis ’dzin par byed do ||
bzuṅ nas kyaṅ ’chaṅ bar byed do ||
bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nams kyaṅ chud gzon par mi byed pa dag mthoṅ ṅo ||
lho daṅ | nub daṅ | byaṅ daṅ | ’og daṅ | steṅ gi (4) phyogs mtshams kyi ’jig rten gyi khams kyi bar du yaṅ de bźin no ||
rab ’byor ’di la ṅas saṅs rgyas kyi spyan gyis rnam par bltas na ’jig rten gyi khams gaṅ g’i kluṅ gi bye ma sñed dag na byaṅ chub sems dpa’ sems dpa’ chen po dag sems can dud ’gro’i skye gnas su skyes (5) pa de dag gi don du bdag ñid kyaṅ yoṅs su gtoṅ bar byed do ||
der byaṅ chub sems dpa’ sems dpa’ chen po dag gis yan lag daṅ ñiṅ lag rnams gtubs nas | phyogs daṅ phyogs mtshams dag tu gtor bar byed | sems can dud ’gro’i skye gnas su skyes pa de dag (6) gis kyaṅ byaṅ chub sems dpa’ de dag gi śa rnams zos nas byaṅ chub sems dpa’ de dag la byams pa ’thob par ’gyur te | de dag byams pa thob pa des dud ’gro’i skye gnas de nas thar bar ’gyur la | thar nas kyaṅ saṅs rgyas bcom ldan ’das rnams mñes par byed de | de dag (7) saṅs rgyas bcom ldan ’das de dag la bsñen bkur byed ciṅ | saṅs rgyas bcom ldan ’das de dag las chos kyaṅ ñan la chos de dag mñan nas de bźin ñid du sgrub par byed do ||
de dag theg pa gsum po ñan thos kyi theg pa’am | raṅ saṅs rgyas kyi theg pa’am | saṅs (69b1) rgyas kyi theg pas rim gyis phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’da’ bar ’gyur bdag mthoṅ ṅo ||
rab ’byor de ltar byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub tu sems skyed par byed ciṅ | bskyed (2) nas kyaṅ de bźin ñid du sgrub la de bźin du phuṅ po’i lhag ma med pa’i mya ṅan las ’das pa’i dbyiṅs su yaṅ yoṅs su mya ṅan las ’da’ bar ’gyur ba de dag ni gces spras byed pa yin no ||
rab ’byor gźan yaṅ ’di la ṅas saṅs rgyas kyi spyan gyis rnam par bltas na ’jig rten gyi khams gaṅ (3) s’i kluṅ gi bye ma sñed dag na byaṅ chub sems dpa’ sems dpa’ chen po dag sems can yi dgas kyi yul na ’khod pa rnams kyi yi dgas kyi sdug bsṅal rnams sel bar byed de | ser sna spoṅ ba’i phyir yaṅ chos ston la | de nas de dag byaṅ chub sems dpa’ sems dpa’ chen po de dag (4) la byams pa’i sems bskyed par byed de | de dag dge ba’i rtsa ba des yi dgas kyi skye gnas nas thar bar ’gyur źiṅ thar nas kyaṅ phuṅ po’i lhag ma med pa’i mya ṅan las ’das pa’i dbyiṅs su yoṅs su mya ṅan las ’das kyi bar du nams kyaṅ saṅs rgyas bcom ldan ’das rnams daṅ bral bar (5) mi ’gyur bdag mthoṅ ṅo ||
rab ’byor de ltar byaṅ chub sems dpa’ sems dpa’ chen po sñiṅ rje chen po la gnas pa ni ’di lta ste | yoṅs su mya ṅan las ’da’ ba’i phyir sems can thams cad kyi don du ñe bar gnas pa yin no ||
rab ’byor gźan yaṅ ’di la ṅas saṅs rgyas kyi spyan gyis (6) rnam par bltas na byaṅ chub sems dpa’ sems dpa’ chen po dag rgyal chen bźi’i ris kyi lha rnams la chos ston pa daṅ | sum cu rtsa gsum pa rnams daṅ | ’thab bral ba rnams daṅ | dga’ ldan pa rnams daṅ | ’phrul dga’ ba rnams daṅ | gźan ’phrul dbaṅ byed kyi lha rnams (7) pa chos ston te ||
lha’i bu de dag gis byaṅ chub sems dpa’ sems dpa’ chen po de dag las chos thos nas theg pa gsum po dag gis rim gyis yoṅs su mya ṅan las ’das pa daṅ | yoṅs su mya ṅan las ’da’ ba daṅ | yoṅs su mya ṅan las ’da’ bar ’gyur ba daṅ | rab ’byor (70a1) de na lha’i bu gaṅ dag ’dod pa’i yon tan lṅa rgyas pa de dag gis lhag par mos pa de dag gi gźal med khaṅ ’bar bar byas nas grogs po dag ’du byed thams cad ni mi rtag pa yin na | su źig ’du byed rnams la yid rton ciṅ ’dug ces chos ston pa dag mthoṅ ṅo ||
rab ’byor gźan (2) yaṅ ’di la ṅas saṅs rgyas kyi spyan gyis rnam par bltas na byaṅ chub sems dpa’ sems dpa’ chen po dag ’jig rten gyi khams gaṅ g’i kluṅ gi bye ma sñed dag na su dag bram ze’i lta ba la mṅon par źen pa de dag la | kye grogs po dag chos thams cad stoṅ pa la ji ltar lta ba bskyed | chos (3) thams cad gsob daṅ | gsog yin pa la ji ltar lta ba bskyed ces lta ba de dag las ’byed pa dag mthoṅ ṅo ||
rab ’byor de ltar byaṅ chub sems dpa’ sems dpa’ chen po sñiṅ rje chen po la gnas nas sems can rnams la chos ston te | rab ’byor ’di ni byaṅ chub sems dpa’ sems dpa’ (4) chen po rnams kyi ṅo mtshar rmad du byuṅ ba’i chos yin no ||
rab ’byor ’di la ṅas saṅs rgyas kyi spyan gyis rnam par bltas na śar phyogs kyi ’jig rten gyi khams gaṅ g’i kluṅ gi bye ma sñed dag na byaṅ chub sems dpa’ sems dpa’ chen po dag gis mi rnams bsdu ba’i dṅos po bźis sdud (5) par byed de | bźi gaṅ źe na | sbyin pa daṅ | sñan par smra ba daṅ | don spyod pa daṅ | don ’thun pas sdud par byed do ||
rab ’byor byaṅ chub sems dpa’ sems dpa’ chen pos ji ltar sbyin pas sems can rnams sdud par byed ce na | rab ’abyora’adi la byaṅ chub sems dpa’ sems dpa’ (6) chen pos ji ltar zaṅ ziṅ gi sbyin pa daṅ | chos kyi sbyin pa daṅ | sbyin pa rnam pa gñis kyis sems can rnams sdud par byed do ||
rab ’byor byaṅ chub sems dpa’ sems dpa’ chen pos sbyin pas ji ltar sems can rnams sdud ce na | rab ’byor ’di la byaṅ chub sems dpa’ sems dpa’ (7) chen pos gser ram | dṅul lam | nor bu ’am | mu tig gam | bai dUrya’ama | duṅ ṅam | man śel lam | byu ru’am | zas sam | skom ’am | gos sam | bźon pa’am | mal cha’am | stan nam | spos sam | me tog phreṅ ṅam | mar me’am | skyes pa’am | (70b1) bud med dam | rta’am | ba laṅ ṅam | glaṅ po che’am | bdag gi śa sbyin par byed pa na ’di skad du kye mi dag tshur śeg | khyed ci ’dod pa bźin du khyed ñid kyi daṅ ’dra bar bsam pa bzaṅ pos dogs pa med par khyer te | deṅ śig ces sgra sgrogs par byed do ||
des sbyin pa de byin nas sems can de dag saṅs rgyas (2) la skyabs su ’gro bar byed | chos la skyabs su ’gro bar byed | dge ’dun la skyabs su ’gro bar byed de | la la dag ni bslab pa’i gźi lṅa ’dzin du ’jug go ||
la la dag ni gso sbyoṅ gi yan lag brgyad yaṅ dag par ’dzin du ’jug go ||
la la dag ni dge ba bcu’i las kyi lam la ’god par byed do ||
la la (3) dag ni bsam gtan daṅ po nas ’du śes med ’du śes med min skye mched kyi sñoms par ’jug pa’i bar du ’dzin du ’jug go ||
la la dag ni byams pa daṅ | sñiṅ rje daṅ | dga’ ba daṅ | btaṅ sñoms yaṅ dag par ’dzin du ’jug go ||
la la dag ni saṅs rgyas rjes su dran pa daṅ | chos (4) rjes su dran pa daṅ | dge ’dun rjes su dran pa daṅ | tshul khrims rjes su dran pa daṅ | gtoṅ ba rjes su dran pa daṅ | lha rjes su dran pa daṅ | la la dag ni lus la so sor rtog pa mi sdug pa’i ’du śes la sogs pa la sbyor ro ||
la la dag ni rnam par dag pa la | la la dag ni dran pa ñe (5) bar gźag pa bźi la | la la dag ni yaṅ dag par spoṅ ba bźi la | la la dag ni rdzu ’phrul gyi rkaṅ pa bźi la | la la dag ni dbaṅ po lṅa la | la la dag ni stobs lṅa la | la la dag ni byaṅ chub kyi yan lag bdun la | la la dag ni ’phags pa’i lam yan lag brgyad pa la | (6) la la dag ni rnam par thar pa’i sgo stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin la | la la dag ni rnam par thar pa brgyad la | la la dag ni mthar gyis gnas pa’i sñoms par ’jug pa dgu la | la la dag ni de bźin gśegs pa’i stobs bcu daṅ | mi ’jigs (7) pa bźi daṅ | so so yaṅ dag par rig pa bźi la | la la dag ni byams pa chen po la | la la dag ni sñiṅ rje chen po la | la la dag ni saṅs rgyas kyi chos ma ’dres pa bcwa brgyad la | la la dag ni skyes bu chen po’i mtshan sum cu rtsa gñis la | la la dag ni dpe byad bzaṅ po brgyad cu la | (71a1) la la dag ni rgyun tu źugs pa’i ’bras bu la | la la dag ni lan cig phyir ’oṅ ba’i ’bras bu la | la la dag ni phyir mi ’oṅ ba’i ’bras bu la | la la dag ni dgra bcom pa ñid la | la la dag ni raṅ byaṅ chub la | la la dag ni bla na med pa yaṅ dag par rdzogs pa’i (2) byaṅ chub la sbyor bar byed do ||
rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pa daṅ ldan pas zaṅ ziṅ gi sbyin pa byin nas grub pa daṅ | bde ba rgya chen po la ’god par byed de | rab ’byor ’di na byaṅ chub sems dpa’ (3) sems dpa’ chen po’i ṅo mtshar rmad du byuṅ ba’i chos yin no ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa | sems can rnams la chos kyi sbyin pas ji ltar phan ’dogs śe na | rab ’byor chos kyi sbyin pa ni ’di gñis te | gñis gaṅ (4) źe na | ’jig rten pa daṅ | ’jig rten las ’das pa’o ||
rab ’byor ’jig rten pa’i chos kyi sbyin pa gaṅ źe na | ’jig rten pa’i chos rnams brjod pa daṅ | bstan pa daṅ | bśad pa gaṅ yin pa ste | ’di lta ste | mi sdug pa bstan pa’i le’u las ’byuṅ ba daṅ | bsam gtan bźi daṅ | (5) tshaṅs pa’i gnas pa bźi daṅ | gzugs med pa’i sñoms par ’jug pa’i bar dag daṅ | so so’i skye bo daṅ thun moṅ pa’i ’jig rten gyi chos gaṅ yaṅ ruṅ ba rnams te | ’di ni ’jig rten pa’i chos kyi sbyin pa źes bya’o ||
rab ’byor byaṅ chub sems dpa’ sems dpa’ chen po de (6) ni ’jig rten gyi chos kyi sbyin pa ’di byin nas | rnam graṅs du mas yaṅ dag par blaṅs pa de las ’byed par byed do ||
des phyi nas thabs la mkhas pas ’phags pa’i chos rnams daṅ | ’phags pa’i chos rnams kyi ’bras bu la ’god par byed do ||
’phags pa’i chos rnams (7) daṅ | ’phags pa’i chos rnams kyi ’bras bu gaṅ źe na | rab ’byor ’phags pa’i chos rnams źes bya ba ni byaṅ chub kyi phyogs kyi chos sum cu rtsa bdun daṅ | rnam par thar pa’i sgo gsum yin no ||
’phags pa’i chos rnams kyi ’bras bu ni rgyun du źugs pa’i ’bras bu nas dgra (71b1) bcom pa ñid kyi bar dag yin no ||
rab ’byor yaṅ byaṅ chub sems dpa’ sems dpa’ chen po’i ’phags pa’i chos rnams ni rgyun tu źugs pa’i ’bras bu śes pa nas dgra bcom pa ñid śes pa’i bar daṅ | byaṅ chub kyi phyogs kyi chos sum cu rtsa bdun śes pa’i bar daṅ | de bźin gśegs (2) pa’i stobs bcu śes pa’i bar daṅ | byams pa chen po śes pa daṅ | sñiṅ rje chen po śes pa daṅ | dga’ ba chen po śes pa daṅ | btaṅ sñoms chen po śes pa’i bar daṅ | gźan yaṅ rnam pa thams cad mkhyen pa ñid kyi ye śes ma gtogs par gaṅ dag ’jig rten pa daṅ ’jig rten las ’das (3) pa’i chos rnams daṅ | zag pa daṅ bcas pa daṅ | zag pa med pa rnams daṅ | ’dus byas daṅ | ’dus ma byas kyi chos rnams te | ’di dag ni byaṅ chub sems dpa’ sems dpa’ chen po’i ’phags pa’i chos rnams źes bya’o ||
byaṅ chub sems dpa’ sems dpa’ chen po’i (4) ’phags pa’i chos rnams kyi ’bras bu gaṅ źe na | bag chags kyi mtshams sbyor ba thams cad spoṅ ’di ni byaṅ chub sems dpa’ sems dpa’ chen po’i ’phags pa’i chos rnams kyi ’bras bu źes bya’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
(5) bcom ldan ’das ci byaṅ chub sems dpa’ sems dpa’ chen pos rnam pa thams cad mkhyen pa ñid thob par ’gyur lags sam | bcom ldan ’das kyis bka’ stsal pa | rab ’byor de de bźin no ||
de de bźin te | rab ’byor byaṅ chub sems dpa’ sems dpa’ chen pos rnam (6) pa thams cad mkhyen pa ñid thob par ’gyur ro ||
gsol pa | bcom ldan ’das ’o na byaṅ chub sems dpa’ sems dpa’ chen po daṅ | de bźin gśegs par tha dad du bgyi ba ci mchis | bka’ stsal pa | tha dad du bya ba gaṅ źe na | byaṅ chub sems dpa’ sems dpa’ chen po ni (7) rnam pa thams cad mkhyen pa ñid thob par ’gyur ba yin la | de bźin gśegs pa ni ye śes thob pa źes bya’o ||
de ci’i phyir źe na | gaṅ la gnas nas chos thams cad tha dad du dbyer med pa thob pa la byaṅ chub sems dpa’ sems daṅ | de bźin gśegs pa dgra bcom pa yaṅ dag (72a1) par rdzogs pa’i saṅs rgyas tha dad par dmigs pa med pa’i phyir ro ||
rab ’byor ’di ni byaṅ chub sems dpa’ sems dpa’ chen po’i ’jig rten pa’i chos kyi sbyin pa yin te | de la brten nas ’jig rten las ’das pa’i chos kyi sbyin pa ’byuṅ ṅo ||
rab ’byor de ltar (2) byaṅ chub sems dpa’ sems dpa’ chen pos sems can rnams ’jig rten pa’i chos kyi sbyin pa la btsud nas thabs mkhas pas rnam pa thams cad mkhyen pa ñid kyi bar la ’god par byed do ||
rab ’byor byaṅ chub sems dpa’ sems dpa’ chen po rnams kyis ’jig rten las ’das pa’i chos kyi sbyin pa (3) byis pa so so’i skye bo rnams daṅ | thun moṅ ma yin pa gaṅ źe na | ’di lta ste | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | rnam (4) par thar pa’i sgo gsum daṅ | rnam par thar ba brgyad daṅ | mthar gyis gnas pa’i sñoms par ’jug pa dgu daṅ | zad par gyi skye mched bcu daṅ | zil gyis gnon pa’i skye mched brgyad daṅ | ñon moṅs pa med pa daṅ | smon nas śes pa daṅ | mṅon par śes pa drug daṅ | śin tu yoṅs su dag (5) pa bźi daṅ | dbaṅ bcu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | bsruṅ ba med pa gsum daṅ | dran pa ñe bar gźag pa bźi daṅ | bsñel ba mi mṅa’ ba’i chos ñid daṅ | bag chags kyi sgrib pa spaṅs pa daṅ | (6) thugs rje chen po daṅ | saṅs rgyas kyi chos ma ’dras pa bcwa brgyad daṅ | rnam pa thams cad mkhyen pa ñid daṅ | skyes bu chen po’i mtshan sum cu rtsa gñis daṅ | dpe byad bzaṅ po brgyad cu daṅ | gzuṅs kyi sgo lṅa brgya daṅ | tiṅ ṅe ’dzin gyi sgo rnams te | de dag ni ’jig rten pa ma yin pa | (7) ’jig rten las ’das pa’i chos skyi sbyin pa źes bya’o ||
rab ’byor de la dran pa ñe bar gźag pa bźi gaṅ źe na | ’di lta ste | rtun pa śes bźin can dran pa daṅ ldan pas ’jig rten gyi brnab sems daṅ | yid mi bde ba rnam par bsal nas | naṅ gi lus la lus kyi rjes su lta źiṅ gnas (72b1) pa daṅ | rtun pa śes bźin can dran pa daṅ ldan pas ’jig rten gyi brnab sems daṅ | yid mi bde ba rnam par bsal nas | phyi’i lus la lus kyi rjes su lta źiṅ gnas pa daṅ | rtun pa śes bźin can dran pa daṅ ldan pas ’jig rten gyi brnab sems daṅ | yid mi bde ba rnam par bsal nas | (2) naṅ daṅ phyi’i lus la lus kyi rjes su lta źiṅ gnas pa daṅ | lus la ’byuṅ bar rjes su lta źiṅ gnas pa daṅ | lus la ’jig par rjes su lta źiṅ gnas pa daṅ | lus la kun ’byuṅ ba daṅ ’jig par rjes su lta źiṅ gnas pa daṅ | lus la mi gnas par gnas śiṅ ’jig rten du gaṅ yaṅ ñe bar (3) len pa med pa daṅ | tshor ba daṅ | sems daṅ | chos rnams la yaṅ de bźin du sbyar bar bya’o ||
rab ’byor yaṅ dag pa’i spoṅ ba rnams gaṅ źe na | sdig pa mi dge ba’i chos ma skyes pa rnams mi bskyed pa’i phyir | ’dun pa bskyed pa daṅ | sdig pa mi dge ba’i chos skyes pa rnams spaṅ (4) ba’i phyir | ’dun pa bskyed pa daṅ | dge ba’i chos ma skyes pa rnams bskyed pa’i phyir ’dun pa bskyed pa daṅ | dge ba’i chos skyes pa rnams gnas pa daṅ | phyir źiṅ ’byuṅ ba daṅ | ñams par mi ’gyur ba daṅ | yoṅs su rdzogs par bya ba’i phyir ’dun pa bskyed pa’o ||
rab ’byor rdzu (5) ’phrul gyi rkaṅ ba rnams gaṅ źe na | ’dun pa’i tiṅ ṅe ’dzin spoṅ ba’i ’du byed daṅ ldan pa’i rdzu ’phrul gyi rkaṅ ba daṅ | sems daṅ | brtson ’grus daṅ | dpyod pa’i tiṅ ṅe ’dzin spoṅ ba’i ’du byed daṅ ldan pa’i rdzu ’phrul gyi rkaṅ pa’o ||
rab ’byor dbaṅ po lṅa gaṅ źe na | dad pa’i dbaṅ po daṅ | brtson (6) ’grus kyi dbaṅ po daṅ | dran pa’i dbaṅ po daṅ | tiṅ ṅe ’dzin gyi dbaṅ po daṅ | śes rab kyi dbaṅ po ste | de dag ni dbaṅ po lṅa źes bya’o ||
rab ’byor stobs lṅa gaṅ źe na | dad pa’i stobs daṅ | brtson ’grus kyi stobs daṅ | dran pa’i stobs daṅ | tiṅ ṅe ’dzin gyi stobs daṅ | śes (7) rab kyi stobs te | de dag ni stobs lṅa źes bya’o ||
rab ’byor byaṅ chub kyi yan lag bdun gaṅ źe na | dran pa yaṅ dag byaṅ chub kyi yan lag daṅ | chos rnam par ’byed pa yaṅ dag byaṅ chub kyi yan lag daṅ | brtson ’grus yaṅ dag byaṅ chub kyi yan lag daṅ | dga’ ba yaṅ dag byaṅ chub kyi (73a1) yan lag daṅ | śin tu sbyaṅs pa yaṅ dag byaṅ chub kyi yan lag daṅ | tiṅ ṅe ’dzin yaṅ dag byaṅ chub kyi yan lag daṅ | btaṅ sñoms yaṅ dag byaṅ chub kyi yan lag ste | de dag ni byaṅ chub kyi yan lag bdun źes bya’o ||
rab ’byor ’phags pa’i lam yan lag brgyad pa (2) gaṅ źe na | yaṅ dag pa’i lta ba daṅ | yaṅ dag pa’i lta ba daṅ | yaṅ dag pa’i rtog pa daṅ | yaṅ dag pa’i ṅag daṅ | yaṅ dag pa’i las kyi mtha’ daṅ | yaṅ dag pa’i ’tsho ba daṅ | yaṅ daṅ pa’i rtsol ba daṅ | yaṅ dag pa’i dran pa daṅ | yaṅ dag pa’i tiṅ ṅe ’dzin te | ’di ni ’phags pa’i lam yan lag brgyad pa źes (3) bya’o ||
rab ’byor de la tiṅ ṅe ’dzin gsum gaṅ źe na | stoṅ pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin to ||
de la stoṅ pa ñid kyi tiṅ ṅe ’dzin gaṅ źe na | stoṅ pa’i rnam pa daṅ | dben pa’i rnam pas sems rtse gcig pa gaṅ yin pa ste | (4) de ni stoṅ pa ñid kyi tiṅ ṅe ’dzin ces bya’o ||
mtshan ma med pa’i tiṅ ṅe ’dzin gaṅ źe na | źi ba’i rnam pa daṅ | mtshan ma med pa’i rnam pas sems rtse gcig pa gaṅ yin pa ste | de ni mtshan ma med pa’i tiṅ ṅe ’dzin ces bya’o ||
smon pa med pa’i tiṅ ṅe ’dzin gaṅ źe na | mi rtag pa’i (5) rnam pa daṅ | sdug bsṅal ba’i rnam pas sems rtse gcig pa gaṅ yin pa ste | de ni smon pa med pa’i tiṅ ṅe ’dzin ces bya’o ||
rab ’byor rnam par thar pa brgyad gaṅ źe na | gzugs can gzugs rnams la lta ba ’di ni rnam par thar pa daṅ po’o ||
naṅ gzugs med par ’du śes pas phyi (6) rol gyi gzugs rnams la lta ba ’di ni rnam par thar pa gñis pa’o ||
sdug pa’i rnam par thar pa lus kyis mṅon sum du byas te bsgrubs nas gnas pa ’di ni rnam par thar pa gsum pa’o ||
de rnam pa thams cad du gzugs kyi ’du śes rnams las yaṅ dag par ’das te thogs pa’i (7) ’du śes rnams nub par gyur ciṅ | sna tshogs kyi ’du śes rnams yid la mi byed pas nam mkha’ mtha’ yas so sñam nas nam mkha’ mtha’ yas skye mched bsgrubs te gnas pa daṅ | ’du śes med ’du śes med min skye mched kyi bar dag bsgrubs te gnas pa daṅ | de rnam pa thams (73b1) cad du ’du śes med ’du śes med min skye mched las yaṅ dag par ’das te | ’du śes daṅ | tshor ba ’gog pa lus kyis mṅon sum du byas nas bsgrubs te gnas pa’i bar dag ste | de dag ni rnam par thar pa brgyad ces bya’o ||
rab ’byor mthar gyis gnas pa’i sñoms par ’jug pa dgu gaṅ (2) źe na | ’di la kha cig ’dod pa dag las dben pa | sdig pa mi dge ba’i chos rnams las dben pa | rtog pa daṅ bcas pa | dpyod pa daṅ bcas pa | dben pa las skyes pa’i dga’ ba daṅ | bde ba can bsam gtan daṅ po bsgrubs te gnas pa daṅ | de bźin du bsam gtan gñis pa daṅ | gsum (3) pa daṅ | bźi pa’i par dag bsgrubs te gnas pa daṅ ’du śes ma de ’du śes med min skye mched kyi bar dag bsgrubs te gnas pa daṅ | rnam pa thams cad du ’du śes med ’du śes med min skye mched las yaṅ dag par ’das te | ’du śes daṅ | tshor ba ’gog pa bsgrubs nas gnas pa ste | de dag ni (4) mthar gyis gnas pa’i sñoms par ’jug pa dgu źes bya’o ||
de la zad par gyi skye mched bcu gaṅ źe na | zad par sa daṅ | zad par chu daṅ | zad par me daṅ | zad par rluṅ daṅ | zad par sṅon po daṅ | zad par ser po daṅ | zad par dmar po daṅ | zad par dkar po daṅ | zad par rnam par śes (5) pa daṅ | zad par nam mkha’ ste | de dag ni zad par gyi skye mched bcu źes bya’o ||
de la zil gyis gnon pa’i skye mched brgyad gaṅ źe na | naṅ gzugs su ’du śes pas phyi rol gyi gzugs chuṅ ṅu kha dog bzaṅ po daṅ | kha dog ṅan pa rnams la lta źiṅ | gzugs de dag zil gyis mnan nas śes (6) zil gyis mnan nas mthoṅ ste | de lta bu ’du śes par ’gyur ba ’di ni zil gyis gon na pa’i skye mched daṅ po’o ||
naṅ gzugs med par ’du śes pas phyi rol gyi gzugs chen por gyur pa kha dog bzaṅ po daṅ | kha dog ṅan pa rnams la lta źiṅ gzugs de dag gzil gyis mnan nas śes zil gyis mnan (7) nas mthoṅ ste | de lta bur ’du śes par ’gyur ba ’di ni zil gyis gnon pa’i skye mched gñis pa’o ||
naṅ gzugs med par ’du śes pas phyi rol gyi gzugs sṅon po kha dog sṅon po | sṅon po lta bur ston pa | ’od sṅon po ’byuṅ ba rnams la lta ste | dper na zar ma’i me tog gam | (74a1) yul b r na si’i ras phun sum tshogs pa sṅon po ||
kha dog sṅon po | sṅon po lta bur ston pa | ’od sṅon po ’byuṅ ba de bźin du | naṅ gzugs med par ’du śes pas | phyi rol gyi gzugs sṅon po | kha dog sṅon po | sṅon po lta bur ston pa | ’od sṅon po ’byuṅ ba rnams la lta (2) ba ’di ni zil gyis gnon pa’i skye mched gsum pa’o ||
naṅ gzugs med par ’du śes pas phyi rol gyi gzugs ser bo | kha dog ser po | ser po lta bur ston pa | ’od ser po ’byuṅ ba rnams la lta ste | dper na doṅ ka’i me tog gam | yul b r na si’i ras phun sum tshogs pa ser po | kha (3) dog ser po | ser po lta bur ston pa | ’od ser po ’byuṅ ba de bźin du | naṅ gzugs med par ’du śes pas phyi rol gyi gzugs ser po | kha dog ser po | ser po lta bur ston pa | ’od ser po ’byuṅ ba rnams la lta ba ’di ni zil gyis gnon pa’i skye mched bźi pa’o ||
naṅ gzugs med par (4) ’du śes pas phyi rol gyi gzugs dmar po kha dog dmar po | dmar po lta bur ston pa | ’od dmar po ’byuṅ ba rnams la lta ste | dper na ban du dzi ba’i me tog daṅ | yul b r na si’i ras phun sum tshogs pa dmar po | kha dog dmar po | dmar po lta bur ston pa | ’od dmar po (5) ’byuṅ ba de bźin du | naṅ gzugs med par ’du śes pas | phyi rol gyi gzugs dmar po | kha dog dmar po | dmar po lta bur ston pa | ’od dmar po ’byuṅ ba rnams la lta ba ’di ni zil gyis gnon pa’i skye mched lṅa pa’o ||
naṅ gzugs med par ’du śes pas phyi rol gyi gzugs dkar (6) po | kha dog dkar po | dkar po lta bur ston pa | ’od dkar po ’byuṅ ba rnams la lta ste | dper na skar ma pa ba saṅs kyi mdog ltar dkar po | kha dog dkar po | dkar po lta bur ston pa | ’od dkar po ’byuṅ ba de bźin du | naṅ gzugs med par ’du śes pas | phyi rol gyi (7) gzugs dkar po | kha dog dkar po | dkar po lta bur ston pa | ’od dkar po ’byuṅ ba rnams la lta ba ’di ni zil gyis gnon pa’i skye mched drug pa’o ||
de rnam pa thams cad du gzugs kyi ’du śes las yaṅ dag par ’das te | thogs pa’i ’du śes rnams nub par gyur ciṅ | sna tshogs kyi (74b1) ’du śes rnams yid la mi byed pas nam mkha’ mtha’ yas so sñam nas nam mkha’ mtha’ yas skye mched bsgrubs te gnas pa ’di ni zil gyis gnon pa’i skye mched bdun pa’o ||
de rnam pa thams cad du nam mkha’ mtha’ yas skye mched las yaṅ dag par ’das te | rnam śes mtha’ yas so sñam nas (2) rnam śes mtha’ yas skye mched bsgrubs te gnas pa ’di ni zil gyis gnon pa’i skye mched brgyad pa ste | de dag ni zil gyis gnon pa’i skye mched brgyad ces bya’o || ||
śes rab kyi pha rol tu phyin pa khri brgyad stoṅ pa | bam po lṅa bcu rtsa gcig pa | de la ñon moṅs pa med pa gaṅ (3) źe na | bsam gtan la gnas nas byaṅ chub sems dpa’ sems dpa’ chen po’i gnas pa | sems can gźan dag daṅ | gaṅ zag gźan dag gi ñon moṅs pa mi skye bar tiṅ ṅe ’dzin gaṅ gis ’grub pa de ni ñon moṅs pa med pa źes bya’o ||
de la smon nas śes pa gaṅ źe na | bsam gtan (4) la gnas te ’di śes par bya’o sñam nas byaṅ chub sems dpa’ dus gsum gyi śes pa’am | śes bya gaṅ daṅ gaṅ śes par ’dod par gyur pa de la yid kyis smon par byed ciṅ tiṅ ṅe ’dzin de las laṅs nas de’i smon lam de ’grub ciṅ | śes bya de yaṅ śes pa de ni smon nas śes pa źes bya’o ||
(5) de la mṅon par śes pa drug gaṅ źe na | rdzu ’phrul gyi mṅon par śes pa daṅ | lha’i mig gi mṅon par śes pa daṅ | lha’i rna ba’i mṅon par śes pa daṅ | pha rol gyi sems śes pa’i mṅon par śes pa daṅ | sṅon gyi gnas rjes su dran pa’i mṅon par śes pa daṅ | zag pa zad pa’i (6) mṅon par śes pa ste drug pa de dag go ||
de la yoṅs su dag pa bźi gaṅ źe na | gnas yoṅs su dag pa daṅ | dmigs pa yoṅs su dag pa daṅ | thugs yoṅs su dag pa daṅ | mkhyen pa yoṅs su dag pa ste | bźi po de dag go ||
de la dbaṅ bcu gaṅ źe na | tshe la dbaṅ ba daṅ | (7) sems la dbaṅ ba daṅ | yo byad la dbaṅ ba daṅ | las la dbaṅ pa daṅ | skye ba la dbaṅ ba daṅ | mos pa la dbaṅ ba daṅ | smon lam la dbaṅ ba daṅ | rdzu ’phrul la dbaṅ pa daṅ | ye śes la dbaṅ ba daṅ | chos la dbaṅ ba ste bcu po de dag go ||
rab ’byor de bźin gśegs (75a1) pa’i stobs bcu gaṅ źe na | gnas la yaṅ gnas su yaṅ dag pa ji lta ba bźin du rab tu mkhyen ciṅ | gnas ma yin pa la yaṅ gnas ma yin par yaṅ dag pa ji lta ba bźin du rab tu mkhyen pa daṅ | ’das pa daṅ | ma ’oṅs pa daṅ | da ltar byuṅ ba’i las rnams daṅ | las yaṅ (2) dag par blaṅs pa rnams kyi rnam par smin pa gnas kyi rnam pa daṅ | rgyu’i rnam par yaṅ dag pa ji lta ba bźin du rab tu mkhyen pa daṅ | ’jig rten gnas pa khams du ma pa daṅ | khams sna tshogs pa yaṅ dag pa ji lta ba bźin du rab tu mkhyen pa daṅ | sems can gźan dag daṅ | gaṅ zag gźan (3) rnams kyi ’dun pa du ma daṅ | mos pa sna tshogs yaṅ dag pa ji lta ba bźin du rab tu mkhyen pa daṅ | sems can gźan dag daṅ | gaṅ zag gźan rnams kyi dbaṅ po mchog daṅ mchog ma yin pa’i śes pa yaṅ dag pa ji lta ba bźin du rab tu mkhyen pa daṅ | kun tu ’gro ba’i lam yaṅ dag pa ji lta ba (4) bźin du rab tu mkhyen pa daṅ | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa’i kun nas ñon moṅs pa daṅ | rnam par byaṅ ba daṅ | ldaṅ ba thams cad yaṅ dag pa ji lta ba bźin du rab tu mkhyen pa daṅ | sṅon gyi gnas rnam pa du ma rjes su dran te | des (5) tshe rabs gcig kyaṅ rjes su dran pa nas | sṅon gyi gnas rnam pa du ma’i bar dag kyaṅ rnam pa daṅ bcas yul phyogs daṅ bcas par rjes su dran pa daṅ | lha’i mig rnam par dag pa mi’i las śin tu ’das pas sems can ’chi ’pho ba daṅ | skye ba dag kyaṅ gzigs te sems can gaṅ dag gi lus (6) daṅ | ṅag daṅ | yid kyis ñes par spyod pa daṅ ldan pa | log par lta ba | ’phags pa rnams la skur pa ’debs pa dag rgyu de daṅ rkyen des lus źig ste | śi ba’i ’og tu ṅan soṅ ṅan ’gro log par ltuṅ ba dag tu skye ba daṅ | sems can gaṅ dag lus daṅ ṅag daṅ yid kyis legs par spyod (7) pa daṅ ldan pa yaṅ dag par lta ba | ’phags pa rnams la skur ba mi ’debs pa dag rgyu des lus źig nas bde ’gro mtho ris kyi lha’i naṅ du skye ba dag kyaṅ gzigs la | des lha’i mig rnam par dag pa | mi’i las śin tu ’das pas | sems can ’chi ’pho ba daṅ | skye ba daṅ | kha dag (75b1) bzaṅ ba daṅ | kha dog ṅan pa daṅ | bde ’gro daṅ | ṅan ’gro dag tu lus ji lta ba bźin du ñe bar ’gro ba dag kyaṅ | yaṅ dag pa ji lta ba bźin du rab tu mkhyen pa daṅ | zag pa rnams zad pa daṅ | zag pa med ciṅ sems rnam par grol ba daṅ | śes rab rnam par grol ba dag kyaṅ yaṅ (2) dag pa ji lta ba bźin du rab tu mkhyen pa ste | de dag ni de bźin gśegs pa’i stobs bcu źes bya’o ||
rab ’byor de bźin gśegs pa’i mi ’jigs pa bźi gaṅ źe na | ṅa yaṅ dag par rdzogs pa’i saṅs rgyas so źes dam bcas na | kye ma de la chos ’di rnams mṅon par rdzogs par (3) saṅs ma rgyas so źes lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas pa’i skye dgu’i ’jig rten na chos daṅ ’thun par ’ga’ źig bdag la rgol lo sñam pa’i rgyu de yaṅ dag par rjes su mi mthoṅ ste | rgyu de yaṅ dag par rjes su ma (4) mthoṅ bas bde ba thob ciṅ bag tsha ba med pa thob la | mi ’jigs pa thob ste | gnas kyis khyu mchog rlabs po che’i gnas su dam bca’o ||
’khor gyi naṅ du seṅ ge’i sgra yaṅ dag par bsgrag go ||
tshaṅs pa’i ’khor lo dge sbyoṅ ṅam | bram ze’am | lha’am | bdud dam | tshaṅs pa’am | (5) su yaṅ ruṅ bas chos daṅ ’thun par ’jig rten du bskor mi nus pa bdag gis bskor bar bya’o źes bya ba daṅ | de bźin du sbyar te | da zag pa zad de źes dam bcas na | de la khyod kyis zag pa ’di dag ma zad do źes chos daṅ ’thun par bdag la rgol ba med pa daṅ | ṅas gaṅ dag bar du gcod pa’i chos su (6) gsuṅs pa de dag bsten kyaṅ bar du gcod par mi ’gyur ro źes chos daṅ ’thun par bdag la rgol ba med pa daṅ | ṅas gaṅ sdug bsṅal yaṅ dag par zad par byed pa | ṅes par ’byin pa’i lam du gsuṅs pa de bsten kyaṅ sdug bsṅal yaṅ dag par zad par mi ’gyur ro źes lha daṅ bcas pa daṅ bdud (7) daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram zer bcas pa’i skye dgu’i ’jig rten na chos daṅ ’thun pa ’ga’ źig bdag la rgol lo sñam pa’i rgyu de yaṅ dag par rjes su mi mthoṅ ste | rgyu de yaṅ dag par rjes sum mthoṅ bas bde ba thob ciṅ | bag tsha ba med pa thob (76a1) la mi ’jigs pa thob ste | gnas kyis khyu mchog rlabs po che’i gnas su dam bca’o ||
’khor gyi naṅ du seṅ ge’i sgra yaṅ dag par bsgrag go ||
tshaṅs pa’i ’khor lo dge sbyoṅ ṅam | bram ze’am | lha’am | bdud dam | tshaṅs pa’am | su yaṅ ruṅ bas chos daṅ ’thun (2) par ’jig rten du bskor bar mi nus pa bdag gis bskor bar bya’o źes bya ba ste | de dag ni mi ’jigs pa bźi źes bya’o ||
rab ’byor de bźin gśegs pa’i so so yaṅ dag par rig pa bźi gaṅ źe na | don so so yaṅ dag par rig pa daṅ | chos so so yaṅ dag par rig pa daṅ | ṅes pa’i tshig (3) so so yaṅ dag par rig pa daṅ | spobs pa so so yaṅ dag par rig pa’o ||
de dag kyaṅ gaṅ źe na | don la dmigs pa daṅ | chos la dmigs pa daṅ | ṅes pa’i tshig la dmigs pa daṅ | spobs pa la dmigs pa dag go ||
rab ’byor de bźin gśegs pa’i bsruṅ ba med pa gsum gaṅ (4) źe na | de bźin gśegs pa sku’i spyod pa yoṅs su dag ste | de bźin gśegs pa la sku’i spyod pa yoṅs su ma dag pa mi mṅa’ bas gźan dag gi sam śes na ci ma ruṅ źes gaṅ bcab par dgoṅs pa de bźin gśegs pa la mi mṅa’ ste | ’di ni bsruṅ ba med pa daṅ po’o ||
de bźin gśegs (5) pa gsuṅ gi spyod pa yoṅs su dag ste | de bźin gśegs pa la gsuṅ gi spyod pa yoṅs su ma dag pa mi mṅa’ bas gźan dag gis ma śes na ci ma ruṅ źes gaṅ bcab par dgoṅs pa de bźin gśegs pa la mi mṅa’ ste | ’di ni bsruṅ ba med pa gñis pa’o ||
de bźin gśegs (6) pa thugs kyi spyod pa yoṅs su dag ste | de bźin gśegs pa la thugs kyi spyod pa yoṅs su ma dag pa mi mṅa’ bas gźan dag gis ma śes na ci ma ruṅ źes gaṅ bcab par dgoṅs pa de bźin gśegs pa la mi mṅa’ ste | ’di ni bsruṅ ba med pa gsum pa’o ||
de la de bźin gśegs (7) pa’i dran pa ñe bar gźag pa gsum gaṅ źe na | de bźin gśegs pa chos ston pa’i tshe kha cig rna blags te gus par ñan ciṅ bka’ ñan par sems ñe bar ’jog la | chos kyi rjes su ’thun pa’i chos la nan tan byed na yaṅ des de bźin gśegs pa dgyes par mi ’gyur | yid bde bar mi ’gyur (76b1) thugs yed yed por mi ’gyur te | ’di ni dran pa ñe bar gźag pa daṅ po’o ||
kha cig rna mi blag gus par mi ñan ciṅ bka’ ñan pa’i sems ñe bar mi ’jog la | chos kyi rjes su ’thun pa’i chos la nan tan mi byed na yaṅ des de bźin gśegs pa kun nas mnar sems su mi ’gyur | mi (2) bzod par mi ’gyur | thugs mi ches par mi ’gyur te | ’di ni dran pa ñe bar gźag pa gñis pa’o ||
kha cig rna blags te gus par ñan ciṅ bka’ ñan pa’i sems ñe bar ’jog la chos kyi rjes su ’thun pa’i chos la nan tan du byed | kha cig ni rna mi blag | gus par mi ñan ciṅ bka’ ñan pa’i (3) sems ñe bar mi ’jog la | chos kyi rjes su ’thun pa’i chos la nan tan mi byed na yaṅ des de bźin gśegs pa dgyes pa’am | kun nas mnar sems gñis su mi ’gyur te | thams cad du dran pa daṅ ldan źiṅ mkhyen bźin du btaṅ sñoms su gnas pa ’di ni dran pa ñe bar gźag pa gsum (4) pa’o ||
de la de bźin gśegs pa’i bsñel ba mi mṅa’ ba’i chos ñid gaṅ źe na | gaṅ gis saṅs rgyas bcom ldan ’das rnams don yod pa’i chos ston pa’i phyir sems can thams cad kyi don mdzad pa la dus las mi yol ba ste | ’di ni bsñel ba mi mṅa’ ba’i chos ñid ces bya’o ||
de la de bźin (5) gśegs pa’i bag chags kyi sgrib pa spaṅs pa gaṅ źe na | ñan thos daṅ raṅ saṅs rgyas thams cad ni ñon moṅs pa rnams spaṅs kyaṅ de dag la lus kyi ’gyur ba dag ’byuṅ gi | de bźin gśegs pa la ni de dag mi mṅa’ ste | de ni bag chags kyi sgrib pa spaṅs pa źes bya’o ||
de la de bźin gśegs (6) pa’i thugs rje chen po gaṅ źe na | de bźin gśegs pa’i thugs rje chen po gaṅ daṅ ldan pas ’jig rten gyi brda ñe bar bzuṅ ste | dge ba’i rtsa ba la gzigs pa’i phyir dus thams cad du ñin lan gsum mtshan lan gsum ’jig rten la rtog pa mdzad pa ste | saṅs rgyas bcom ldan ’das rnams kyi thugs rje chen po sems (7) can mtha’ yas pa yoṅs su smin par bya ba la gzigs pa rtag tu ’byuṅ ba ’di ni thugs rje chen po źes bya’o ||
rab ’byor de la saṅs rgyas kyi chos ma ’dres pa bcwa brgyad gaṅ źe na | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du | bar der de bźin gśegs pa la ’khrul (77a1) pa med pa daṅ | ca co med pa daṅ | bsñel ba med pa daṅ | sems mñam par ma bźag pa med pa daṅ | tha dad pa’i kha du śes med pa daṅ | so sor ma brtags pa’i btaṅ sñoms med pa daṅ | ’dun pa ñams pa med pa daṅ | brtson ’grus ñams pa med pa daṅ | dran pa ñams pa med (2) pa daṅ | tiṅ ṅe ’dzin ñams pa med pa daṅ | śes rab ñams pa med pa daṅ | rnam par grol ba ñams pa med pa daṅ | lus kyi las thams cad ye śes sṅon du ’gro źiṅ ye śes kyi rjes su ’braṅ ba daṅ | ṅag gi las thams cad ye śes sṅon du ’gro źiṅ ye śes kyi rjes su ’braṅ ba daṅ | yid kyi las (3) thams cad ye śes sṅon du ’gro źiṅ ye śes kyi rjes su ’braṅ ba daṅ | ’das pa’i dus la ma chags ma thogs pa’i ye śes mthoṅ ba ’jug pa daṅ | ma ’oṅs pa’i dus la ma chags ma thogs pa’i ye śes mthoṅ ba ’jug pa daṅ | da ltar byuṅ ba’i dus la ma chags ma thogs pa’i ye śes mthoṅ ba (4) ’jug pa ste | de dag ni saṅs rgyas kyi chos ma ’dres pa bcwa brgyad ces bya’o ||
rab ’byor de bźin gśegs pa’i rnam pa thams cad mkhyen pa ñid gaṅ źe na | gaṅ gi dmigs pa ni dṅos po med pa dbaṅ byed pa ni dran pa | rnam pa ni źi ba | mtshan ñid ni mtshan ñid med pa ste | ’di ni rnam pa (5) thams cad mkhyen pa ñid ces bya’o ||
rab ’byor de la de bźin gśegs pa’i skyes bu chen po’i mtshan sum cu rtsa gñis gaṅ źe na | phyag daṅ źabs kyi mthil ’khor lo’i mtshan daṅ ldan pa daṅ | źabs śin tu gnas pa daṅ | phyag daṅ źabs dra bas ’brel pa daṅ | phyag daṅ źabs (6) ’jam źiṅ gźon śa chags pa daṅ | bdun mtho ba daṅ | sor mo riṅ ba daṅ | rtiṅ pa yaṅs pa daṅ | sku che źiṅ draṅ ba daṅ | źabs la ’bar ’bur med pa daṅ | sku’i spu gyen du phyogs pa daṅ | byin pa ri dgas e ne ya’i lta bu daṅ | phyag sbom źiṅ riṅ ba daṅ | ’doms kyi lba ba (7) sbubs su nub pa daṅ | mdog gser ’dra ba daṅ | pags pa srab pa daṅ | spu re re nas skye źiṅ g-yas su ’khyil ba daṅ | źal la mdzod spu’i mtshan mṅa’ ba daṅ | ro stod seṅ ge ’dra ba daṅ | dpuṅ mgo legs par grub pa daṅ | thal goṅ rgyas pa daṅ | ro bro ba mkhyen pa daṅ | śiṅ nya (77b1) gro dha ltar chu źeṅ gab pa daṅ | dbu gtsug tor daṅ ldan pa daṅ | ljags riṅ źiṅ srab pa daṅ | tshaṅs pa’i dbyaṅs daṅ | ’gram pa seṅ ge’i lta bu daṅ | tshems śin tu dkar ba daṅ | tshems mñam pa daṅ | tshems thags bzaṅ ba daṅ | tshems bźi bcu mṅa’ ba daṅ | spyan mthon tiṅ daṅ | ba’i (2) rdzi ma lta bu rnams so ||
de la de bźin gśegs pa’i phyag daṅ | źabs kyi mthil dag la ’khor lo rtsibs stoṅ daṅ ldan pa mu khyud can lte ba daṅ bcas pa | rnam pa thams cad yoṅs su rdzogs pa | ’di lta ste dper na rus pa’am | bso la gzugs su brkos pa lta bu dag mṅa’ bas na phyag daṅ źabs (3) ’khor lo’i mtshan daṅ ldan pa yin no ||
źabs kyi mthil gñis mñam par sa la ’jog ciṅ źabs źum pa med pas na źabs śin tu gnas pa yin no ||
ṅaṅ pa’i rgyal po ltar phyag daṅ źabs kyi sor mo dra bas ’brel bas na phyag daṅ źabs dra bas ’brel pa yin no ||
śiṅ ba la gyi ’da’ ba ltar (4) phyag daṅ źabs ’jam źiṅ gźon śa chags la sñi bas na phyag daṅ źabs gźon śa chags pa yin no ||
phyag daṅ źabs kyi bo la gñis daṅ dpuṅ mgo gñis daṅ ltag pa’i phyogs mtho bas na bdun mtho ba yin no ||
phyag daṅ źabs kyi sor mo riṅ bas na sor mo riṅ ba yin no ||
źabs kyi rtiṅ pa (5) che bas na rtiṅ pa yaṅs pa yin no ||
khru bdun du ’phags par mtho źiṅ sku mi yo bas na sku che źiṅ draṅ ba yin no ||
pus mo’i lha ṅa daṅ | loṅ bu śin tu mi mṅon pas na źabs ’bar ’bur med pa yin no ||
spu g-yas phyogs su zlum por ’khyil źiṅ gyen du phyogs pas na sku’i spu gyen du phyogs pa (6) yin no ||
byin pa ri dgas e ne ya’i byin pa daṅ | mṅa’ rgyu’i sñiṅ po ltar byin gyis zlum pas na byin pa ri dgas e ne ya’i lta bu yin no ||
phyag sbom źiṅ riṅ ba’i phyir ma btud kyaṅ phyag gis pus mo slebs pas na phyag sbom źiṅ riṅ ba yin no ||
glaṅ po che daṅ rta caṅ śes ltar gsaṅ ba’i (7) mtshan śin tu mdzes par sbubs su nub pas na mdo mas kyi sbab sbubs su nub pa yin no ||
gser śin tu sbyaṅs pa’i mdog ’dra bas na mdog gser ’dra ba yin no ||
pags pa gser daṅ dṅul śin tu sbyaṅs pa ltar ’jam źiṅ sku la rdul gyis mi gos pas na pags pa srab pa yin no ||
spu śin tu (78a1) ’byes śiṅ gcig tu gñis ma yin pas na spu re re nas skye źiṅ g-yas su ’khyil ba yin no ||
me tog kun da daṅ | zla ba daṅ | ba’i ’o ma daṅ | ba mo’i mdog ltaRa dkar źiṅ | ñi ma daṅ zla ba brgya pas kyaṅ śin tu ’phags par ’od gsal ba’i mdzod sbus smin mtshams legs (2) par brgyan pas na źal la mdzod spu’i mtshan mṅa’ ba yin no ||
sku’i stoṅ ’phel kha che bas na ro stod seṅ ge’i ’dra ba yin no ||
mgur zlum źiṅ phya ler ’dug pas na dpuṅ mgo legs par grub pa yin no ||
gser gyi glegs ma śin tu rnam par phyis pa lta bus mthoṅ ka śin tu rgyas pas na thal (3) goṅ rgyas ṅa yin no ||
ljags rluṅ daṅ | mkhris pa daṅ | bad kan gyis ñams pa mi mṅa’ źiṅ | ro thams cad so sor rnam par rig pa daṅ | ’thun par rnam par śes pas na ro bro ba mkhyen pa yin no ||
sku’i khru na daṅ | ’dom gyi tshad du mñam pas na śiṅ nya gro dha ltar chu źeṅ gab pa (4) yin no ||
da bu’i gtsug tor zlum źiṅ lha ma la g-yas su ’khyil ba daṅ ldan źiṅ dbu legs par grub ciṅ blta na sdug pas na dbu gtsug tor daṅ ldan pa yin no ||
utpala dmar po’i ’dab ma’i mdog ’dra źiṅ yaṅs pas na ljags riṅ źiṅ srab pa yin no ||
dbyig gi sñiṅ po daṅ | bya ka (5) la biṅ ka lta bu’i gsuṅ mṅa’ bas na tshaṅs pa’i dbyaṅs yin no ||
me loṅ gi dkyil ’khor ltar śin tu legs par grub ciṅ zlum la rgyas śiṅ blta na sdug lakhraṅa bas na ’gram pa seṅ ge lta bu yin no ||
me tog kun da daṅ | zla ba daṅ | duṅ gi bcag ’phro ltar śin tu dkar ba’i tshems (6) mṅa’ bas na tshems śin tu dkar ba yin no ||
tshems mthon dman med pas na tshems mñam pa yin no ||
tshems mtshams ma dod pas na tshems thags bzaṅ ba yin no ||
tshems bla ’og lhag chad med ciṅ mñam pas na tshems bźi bcu mṅa’ ba yin no ||
dkar gnag gi phyogs ma ’dres (7) śiṅ śin tu rnam par dag la | dmar po’i rgyun daṅ ma ’brel bas na spyan mthon tiṅ yin no ||
spyan gyi rdzi ma bla ’og legs par gźol źiṅ ma ’dziṅs pas na de bźin gśegs pa’i spyan gyi rdzi ma ni ba’i rdzi ma lta bu yin no ||
de la bla ma rnams la bsu bskyal daṅ | chos ñan pa (78b1) daṅ | me tog phreṅ ’phul ba daṅ | gtsug lag khaṅ daṅ | mchod rten la sogs pa’i gan du ’gro ba daṅ | g-yog ’khor gyi sbyin pa byas pas na phyag daṅ źabs kyi mthil ’khor lo’i mtshan daṅ ldan par gyur te | de ni g-yog ’khor śin tu maṅ ba’i sṅa ltas yin no ||
yi dam la brten (2) pas na źabs śin tu gnas par gyur te | de ni mi g-yo ba’i sṅa ltas yin no ||
bsdu ba’i dṅos po bźi po sbyin pa daṅ | sñan par smra ba daṅ | don spyod pa daṅ | don ’thun pa dag kun tu bsten pas na phyag daṅ źabs dra bas ’brel par gyur te | de ni myur du ’du ba’i sṅa ltas yin no ||
(3) bza’ ba daṅ | btuṅ ba daṅ | bldag pa daṅ | bca’ ba bsod pa dag gi sbyin pa byas pas na phyag daṅ źabs ’jam źiṅ gźon śa chags pa daṅ | bdun mtho bar gyur te | de gñis ni bza’ ba daṅ | btuṅ bar bya | bldag pa daṅ bca’ ba bsod pa dag ’thob pa’i sṅa ltas yin no ||
(4) gsad pa las thar bar byas pa daṅ | bza’ ba daṅ btuṅ ba la sogs pa byin pas srog gi rim gro byas pa daṅ | srog gcod pa spaṅs pa kun tu bsten pas na sor mo riṅ ba daṅ | rtiṅ pa yaṅs pa daṅ | sku che źiṅ draṅ bar gyur te | de dag ni sku tshe riṅ ba’i sṅa ltas yin no ||
dge ba’i (5) chos yaṅ dag par blaṅs pa daṅ | bzuṅ ba rnams mṅon par spel ciṅ yoṅs su ’grib par ma byas pas na źabs ’bar ’bur med pa daṅ | sku’i spu gyen du phyogs par gyur te | de gñis ni chos yoṅs su mi ñams pa’i sṅa ltas yin no ||
bzo’i las daṅ | rig pa’i gnas rnams (6) gus par byas śiṅ byin pa daṅ | blaṅs pas na byin pa ri dgas e na ya’i lta bur gyur te | de ni myur du ’dzin pa’i sṅa ltas yin no ||
bdog ciṅ yod pa’i nor bslaṅs na med ces mi zer źiṅ byin pas na phyag sbom źiṅ riṅ bar gyur te | de ni dbaṅ sbyin źiṅ ’dul bar byed pa’i sṅa ltas yin no ||
(7) mdza’ bśas daṅ | gñen ’dab daṅ | gñen pa phan tshun ’brel ba dag gi dbyen ma byas śiṅ | bye bar gyur pa dag bsdums pa daṅ | tshaṅs par spyod pa yaṅ dag par blaṅs pa daṅ | gsaṅ ba’i tshig bsruṅs pas na mdoms kyi sba ba sbubs su nub par gyur te | de ni sras (79a1) maṅ ba’i sṅa ltas yin no ||
stan daṅ | gos daṅ | bgo ba rnams daṅ | khaṅ bzaṅs daṅ | gźal med khaṅ daṅ | gnas bzaṅ po dag gi sbyin pa byas pas na mdog gser ’dra ba daṅ | pags pa srab par gyur te | de gñis ni stan daṅ | gos daṅ | bgo ba rnams (2) daṅ | khaṅ bzaṅs daṅ | gźal med khaṅ daṅ | gnas bzaṅ po dag ’thob pa’i sṅa ltas yin no ||
’du ’dzi spaṅs pa daṅ | mkhan po daṅ | slob dpon daṅ | pham daṅ | phu nu la sogs pa bla ma rnams ji ltar rigs pa’i gnas su bkod ciṅ rim gro byas pa daṅ | sbyin pa byin pa (3) daṅ | mgu bar byas pas na spu re re nas skye źiṅ g-yas su ’khyil pa daṅ | źal la mdzod spu’i mtshan mṅa’ bar gyur te | de gñis ni zla med pa’i sṅa ltas yin no ||
mu cor mi smra źiṅ gźan la mi smod pa daṅ | sñan par smra ba daṅ | legs par smras pa la rjes su ’thun par byed pa daṅ | seṅ (4) ge’i sgra daṅ ’thun par smra bas na ro stoṅ seṅ ge’i ’dra ba daṅ | dpuṅ mgo legs par grub par gyur te | de gñis ni mi choms pa’i sṅa ltas yin no ||
nad pa rnams la rtsi daṅ | g-yog ’khor daṅ | sman daṅ ’thun pa’i kha zas byin źiṅ rim gro byas pas na thal goṅ rgyas pa daṅ | ro bro (5) ba mkhyen par gyur te | de gñis ni gnod pa mi mṅa’ ba’i sṅa ltas yin no ||
kun dga’ ra ba daṅ | bdun sa daṅ | bsil khaṅ daṅ | khron pa daṅ | bgrod dka’ bar zam pa gdags pa daṅ | kha zas daṅ | me tog phreṅ daṅ | gtsug lag khaṅ daṅ | ’dug gnas la sogs (6) pa bya ba la thog mar ’gro źiṅ gźan dag kyaṅ spro ba bskyed pa daṅ | gźan dag la lhag par byin pas na śiṅ nya gro dha ltar chu źeṅ gab pa daṅ | dbu gtsug tor daṅ ldan par gyur te | de gñis ni mṅa’ dbaṅ chen po brñes pa’i sṅa ltas yin no ||
yun riṅ po nas ’jam źiṅ sñan pa daṅ | (7) mñen pa’i tshig brjod pas na ljags rid źiṅ srab pa daṅ | tshaṅs pa’i dbyaṅs daṅ ldan par gyur te | de gñis ni gsuṅ gi lam yan lag lṅa daṅ ldan pa’i dbyaṅs brñes pa’i sṅa ltas yin no ||
gsuṅ gi lam yan lag lṅa daṅ ldan pa’i dbyaṅs ni kun tu śes par bya źiṅ rnam par (79b1) rig par bya ba daṅ | mñan par ’os śiṅ mi ’thun pa med pa daṅ | zab ciṅ dbyaṅs rjes su ’byuṅ ba daṅ | mi tshugs śiṅ rnar sñan pa daṅ | ma ’khrugs śiṅ gsal ba’o ||
yun riṅ po nas tshig kyal pa spaṅs śiṅ dus su smra bas na ’gram pa seṅ ge’i lta bur gyur te | de ni tshig (2) btsun pa’i sṅa ltas yin no ||
rim gro byed pa daṅ | brñas pa med pa daṅ | ’tsho ba yoṅs su dag pas tshems śin tu dkar ba daṅ | tshems mñam par gyur te | de gñis ni ’khor sṅa nas bsags pa’i sṅa ltas yin no ||
yun riṅ po nas bden źiṅ phra ma med par spyad pas na | tshems (3) thags bzaṅ ba daṅ | tshems bźi bcu mṅa’ bar gyur te | de gñis ni ’khor mi phyed pa’i sṅa ltas yin no ||
khyud pa daṅ smod par byed pa la yaṅ chags pa daṅ | sdaṅ ba med ciṅ rmoṅs pa med pa’i mig gis ṅes par rtogs pas na spyan mthon tiṅ daṅ | ba’i rdzi ma lta bur gyur te | de gñis (4) ni kun nas mdzes pa’i sṅa ltas yin no ||
rab ’byor de dag ni de bźin gśegs pa’i skyes bu chen po’i mtshan sum cu rtsa gñis yin te | de dag gis raṅ bźin gyi ’od kyis stoṅ gsum gyi stoṅ chen po’i ’jig rten gyi khams daṅ | bźed na ’jig rten gyi khams graṅs med pa dag kyaṅ (5) snaṅ bas khyab par mdzad do ||
de bźin gśegs pa sems can rnams la thugs brtse bas ’oṅ ’dom gaṅ tsam du byin gyis rlob par mdzad do ||
gal te bcom ldan ’das kyis ’od ’dom gaṅ bar byin gyis ma brlabs su zin na | raṅ bźin gyi ’od kyis zil gyis gnon par gyur pas ñi ma daṅ zla (6) ba dag gi ’od kyaṅ mṅon par mi ’gyur la | zla ba daṅ | zla ba phyed daṅ | dus tshigs daṅ | lo khyud khor dag kyaṅ yod par mi ’gyur ro ||
raṅ bźin gyi sgra dbyaṅs kyis kyaṅ stoṅ gsum gyi stoṅ chen po’i ’jig rten gyi khams mṅon par go bar mdzad do ||
bźed na gñis daṅ | gsum daṅ | bźi (7) daṅ ji sñed du snaṅ bas khyab par ’gyur ba de sñed du dbyaṅs kyis mṅon par go bar yaṅ mdzad do ||
rab ’byor de la de bźin gśegs pa’i dpe byad bzaṅ po brgyad cu gaṅ źe na ’di lta ste | saṅs rgyas bcom ldan ’das rnams ni mṅon par ’du byed pa thams cad la ma chags pa’i thugs mṅa’ bas na sen (80a1) mo zaṅs kyi mdog lta bu yin no ||
saṅs rgyas bcom ldan ’das rnams ni gñen ’dab la byams pa bźin du sems can la phan pa daṅ | bde bar dgoṅs pa’i thugs mṅa’ bas na sen mo mdog snum payina no ||
saṅs rgyas bcom ldan ’das rnams ni rigs mtho ba’i rgyud du skyes pas na sen (2) mo mtho ba yin no ||
saṅs rgyas bcom ldan ’das rnams ni tshul la kha na ma tho ba med pas na sor mo rnams zlum pa yin no ||
saṅs rgyas bcom ldan ’das rnams ni dge ba’i rtsa ba rgya chen por bsags pas na sor mo rnams rgyas pa yin no ||
saṅs rgyas bcom ldan ’das rnams ni dge ba’i rtsa ba dag rim gyis (3) yaṅ dag par bsgrubs pas na sor mo rnams byin gyis phra ba yin no ||
saṅs rgyas bcom ldan ’das rnams ni sku daṅ gsuṅ daṅ thugs kyi phrin las kyi mtha’ daṅ | ’tsho ba dag śin tu dben pas na rtsa mi mṅon pa yin no ||
saṅs rgyas bcom ldan ’das rnams ni ñon moṅs pa’i mdud pa ’grol bar mdzad (4) pas na rtsa mdud pa med pa yin no ||
saṅs rgyas bcom ldan ’das rnams ni chos kyi dgoṅs pa śin tu dben pas na loṅ bu mi mṅon pa yin no ||
saṅs rgyas bcom ldan ’das rnams ni mi mñam pa thams cad las ’grol bar mdzad pas na źabs mi mñam pa med pa yin no ||
saṅs rgyas bcom (5) ldan ’das rnams ni mi’i seṅ ge yin pas na seṅ ge’i stabs su gśegs pa yin no ||
saṅs rgyas bcom ldan ’das rnams ni mi’i glaṅ po che yin pas na glaṅ po che’i stabs su gśegs pa yin no ||
saṅs rgyas bcom ldan ’das rnams ni daṅ pa’i rgyal po ltar nam mkha’ la bźud pas na dad pa’i (6) stabs su gśegs pa yin no ||
saṅs rgyas bcom ldan ’das rnams ni skyes bu’i khyu mchog yin pas na khyu mchog gi stabs su gśegs pa yin no ||
saṅs rgyas bcom ldana’adasa rnams ni ’thun pa’i lam mṅa’ bas na g-yas phyogs su ldog ciṅ gśegs pa yin no ||
saṅs rgyas bcom (7) ldan ’das rnams ni ltan mdzes pas na mdzes par gśegs pa yin no ||
saṅs rgyas bcom ldan ’das rnams ni rtag tu thugs yon po mi mṅa’ bas nam yo bar gśegs pa yin no ||
saṅs rgyas bcom ldan ’das rnams ni tshul rnam par dag pa’i yon tan ston pas na sku khril bag chags pa yin no ||
(80b1) saṅs rgyas bcom ldan ’das rnams ni sdig pa’i chos rnams śin tu sbyaṅs pas na sku byi dor byas pa lta bu yin no ||
saṅs rgyas bcom ldan ’das rnams ni chos rim gyis ston pas na sku rim par ’tsham pa yin no ||
saṅs rgyas bcom ldan ’das rnams ni sku daṅ gsuṅ daṅ thugs śin tu gtsaṅ bas na sku (2) gtsaṅ ba yin no ||
saṅs rgyas bcom ldan ’das rnams ni raṅ bźin gyis thugs ’jam pa daṅ ldan pas na sku ’jam pa yin no ||
saṅs rgyas bcom ldan ’das rnams ni raṅ bźin gyis thugs rnam par dag pas na sku rnam par dag pa yin no ||
saṅs rgyas bcom ldan ’das rnams ni chos ’dul ba śin (3) tu yoṅs su rdzogs pas na mtshan yoṅs su rdzogs pa yin no ||
saṅs rgyas bcom ldan ’das rnams ni yaṅs śiṅ mdzes pa’i yon tan gsuṅ pas na sku kho lag yaṅs śiṅ bzaṅ ba yin no ||
saṅs rgyas bcom ldan ’das rnams ni sems can thams cad la thugs mñam pas na gom pa sñoms pa (4) yin no ||
saṅs rgyas bcom ldan ’das rnams ni śin tu ’jam pa’i chos ston pas na sku śin tu gźon mdog can yin no ||
saṅs rgyas bcom ldan ’das rnams ni rtag tu źum pa med pa’i thugs mṅa’ bas na sku źum pa med pa yin no ||
saṅs rgyas bcom ldan ’das rnams ni mi dge ba’i rtsa ba (5) rnams byaṅ bas na sku rgyas pa yin no | saṅs rgyas bcom ldan ’das rnams ni yaṅ ’byuṅ ba’i srid par mtshams sbyor ba zad pas na sku śin tu grims pa yin no ||
saṅs rgyas bcom ldan ’das rnams ni rten ciṅ ’brel bar ’byuṅ ba’i yan lag daṅ ñiṅ lag rnams śin tu legs par ston pas na (6) yan lag daṅ ñiṅ lag śin tu rnam par ’byes pa yin no ||
saṅs rgyas bcom ldan ’das rnams ni gzigs pa śin tu rnam par dag pas na gzigs pa rab rib med ciṅ rnam par dag pa yin no ||
saṅs rgyas bcom ldan ’das rnams ni tshul daṅ ldan pa’i slob ma mṅa’ bas na dku zlum pa yin no ||
saṅs (7) rgyas bcom ldan ’das rnams ni ’khor ba’i skyon rnams rab tu sbyaṅs pas na dku skabs phyin pa yin no ||
saṅs rgyas bcom ldan ’das rnams ni ṅa rgyal gyi rtse mo bcom pas na dku ma rñoṅs ba yin no ||
saṅs rgyas bcom ldan ’das rnams ni chos zad par byed pa rnam par zlog pas na phyal phyaṅ de ba yin no ||
(81a1) saṅs rgyas bcom ldan ’das rnams ni chos śin tu zab mo rnams thugs su chud pas na lte ba zab pa yin no ||
saṅs rgyas bcom ldan ’das rnams ni ’thun par ’dzin par źugs pa’i slob ma mṅa’ bas na lte ba g-yas phyogs su ’khyil ba yin no | saṅs rgyas bcom ldan ’das rnams (2) ni slob ma kun nas mdzes pa’i dge ’dun mṅa’ bas na kun nas mdzes pa yin no ||
saṅs rgyas bcom ldan ’das rnams ni thugs śin tu gtsaṅ bas na kun spyod pa gtsaṅ ba yin no ||
saṅs rgyas bcom ldan ’das rnams ni chos ’dul ba nag po ston pa daṅ bral bas na sku la sme ba daṅ gnag bag med (3) pa yin no ||
saṅs rgyas bcom ldan ’das rnams ni śiṅ ba la ltar yaṅ ba’i lus thob par ’gyur ba’i chos ston pas na phyag śiṅ ba la ltar śin tu ’jam pa yin no ||
saṅs rgyas bcom ldan ’das rnams ni gñen ’dab daṅ | skye bo phal po che la sñoms par byams pas dge sbyoṅ chen po yin (4) pas na phyag gi ri mo mdaṅs yod pa yin no ||
saṅs rgyas bcom ldan ’das rnam pa ni śin tu zab ciṅ brtan par gnas pas na phyag gi ri mo zab pa yin no ||
saṅs rgyas bcom ldan ’das rnams ni bzod pa rgya chen po’i chos ston pas na phyag gi ri mo riṅ ba yin no ||
saṅs rgyas bcom (5) ldan ’das rnams ni ha caṅ phal che ba ma yin pa’i bslab pa’i gźi ’cha’ ba na źal ha caṅ yaṅ mi riṅ ba yin no ||
saṅs rgyas bcom ldan ’das rnams ni ’jig rten thams cad gzugs brñan lta bur ston pas na źal la gzugs kyi gzugs brñan snaṅ ba yin no ||
saṅs rgyas bcom (6) ldan ’das rnams ni ’jam pa sṅon du gtoṅ źiṅ ’dul bas na ljags mñen pa yin no ||
saṅs rgyas bcom ldan ’das rnams ni yon tan cha phra ba’i tshogs daṅ ldan pas na ljags srab pa yin no ||
saṅs rgyas bcom ldan ’das rnams ni byis pa’i skye bo chags pa rnams la gtiṅ dpag (7) dka’ ba’i chos kyis ’dul bar mdzad pas na ljags dmar ba yin no ||
saṅs rgyas bcom ldan ’das rnams ni glaṅ po che’i ṅa ro daṅ | ’brug gi sgra lta bus bsñeṅs pa mi mṅa’ bas na glaṅ po che’i ṅa ro daṅ | ’brug gi sgra daṅ ldan pa yin no ||
saṅs rgyas bcom ldan ’das rnams (81b1) ni sñan ciṅ mñen la ’jam par smra ba’i slob ma mṅa’ bas na gsuṅ sñan ciṅ mñen la ’jam pa yin no ||
saṅs rgyas bcom ldan ’das rnams ni srid pa’i kun tu sbyor ba las log pas na mche ba zlum pa yin no ||
saṅs rgyas bcom ldan ’das rnams ni skye bo rnon po ’dul ba la mkhas pas na (2) mche ba rno ba yin no ||
saṅs rgyas bcom ldan ’das rnams ni chos ’dul ba mchog tu dkar bas na mche ba dkar ba yin no ||
saṅs rgyas bcom ldan ’das rnams ni cha mñam pa’i sa la bźugs pas na mche ba mñam pa yin no ||
saṅs rgyas bcom ldan ’das rnams ni mṅon par rtogs (3) par rim gyis ston pas na mche ba byin gyis phra ba yin no ||
saṅs rgyas bcom ldan ’das rnams ni śes rab kyi ri mthon po la bźugs pas na śaṅs mtho ba yin no ||
saṅs rgyas bcom ldan ’das rnams ni ’dul ba’i skye bo gtsaṅ ma mṅa’ bas na śaṅs gtsaṅ ba yin no ||
saṅs rgyas (4) bcom ldan ’das rnams ni gzigs pa rnam par dag pas na spyan rnam par dag pa yin no ||
saṅs rgyas bcom ldan ’das rnams ni saṅs rgyas kyi chos śin tu yaṅs pa daṅ ldan pas na spyan yaṅs pa yin no ||
saṅs rgyas bcom ldan ’das rnams ni sems can gyi tshogs śin tu bsags pas (5) na rdzi ma stug pa yin no ||
saṅs rgyas bcom ldan ’das rnams ni lha daṅ lha ma yin daṅ mi’i na chuṅ mig dkar gnag ’byes śiṅ pad ma’i ’dab ma raṅs pa lta bu daṅ ldan pa’i mchog rnams kyis mṅon par dga’ bar byas śiṅ bstod pas na spyan dkar gnag ’byes śiṅ pad ma’i ’dab ma raṅs pa (6) lta bu yin no ||
saṅs rgyas bcom ldan ’das rnams ni rtag tu yaṅs pa ston pas na smin tshugs riṅ ba yin no ||
saṅs rgyas bcom ldan ’das rnams ni ’jam pos ’dul ba la mkhas pas na smin ma ’jam pa yin no ||
saṅs rgyas bcom ldan ’das rnams ni kun nas skyon mkhyen pas na (7) smin ma’i spu mñam pa yin no ||
saṅs rgyas bcom ldan ’das rnams ni dge ba’i rtsa ba’i snum gyis skye bo rgyud snum pa rnams ’dul bar mdzad pas na smin ma snum pa yin no ||
saṅs rgyas bcom ldan ’das rnams ni chos mchog tu yaṅs pa ston pas na sñan śal stug ciṅ riṅ ba yin no ||
(82a1) saṅs rgyas bcom ldan ’das rnams ni ñon moṅs pa’i g-yul las rgyal bas na sñan mñam pa yin no ||
saṅs rgyas bcom ldan ’das rnams ni sems kyi rgyud mñam pa’i sems can ’dul bar mdzad pas na sñan gyi dbaṅ po mñams pa yin no ||
saṅs rgyas bcom ldan (2) ’das rnams ni lta bar gyur pa thams cad rnam par spaṅs pas na dpral ba legs par ’byes pa yin no ||
saṅs rgyas bcom ldan ’das rnams ni dge sbyoṅ daṅ | bram ze daṅ | phas kyi rgol ba rnams rab tu bcom pas na dpral ba dbyes che ba yin no ||
saṅs rgyas bcom ldan ’das rnams (3) ni smon lam dam pa śin tu yoṅs su rdzogs pas na dbu śin tu rgyas pa yin no ||
saṅs rgyas bcom ldan ’das rnams ni yul la buṅ ba ltar dga’ ba rnam par bzlog pas na dbu skra buṅ ba ltar gnag pa yin no ||
saṅs rgyas bcom ldan ’das rnams ni mthoṅ ba daṅ bsgom pas spaṅ (4) bar bya ba’i bag la ñal rnams spaṅs pas na dbu skra stug pa yin no ||
saṅs rgyas bcom ldan ’das rnams ni dgoṅs pa ’jam pas bstan pa’i sñiṅ po thugs su chud pas na dbu skra ’jam pa yin no ||
saṅs rgyas bcom ldan ’das rnams ni rtag tu ma ’khrugs pa’i thugs mṅa’ (5) bas na dbu skra mi ’dziṅ ba yin no ||
saṅs rgyas bcom ldan ’das rnams ni rtag tu mi brlaṅ ba’i gsuṅ mṅa’ bas na dbu skra mi bśor ba yin no ||
saṅs rgyas bcom ldan ’das rnams ni byaṅ chub kyi yan lag gi spos kyi me tog gis skye bo rnams la ’thun par sgrub pas na dbu skra dri źim (6) pa yin no ||
saṅs rgyas bcom ldan ’das rnams ni phyag daṅ źabs kyi mthil dpal be’u daṅ | bkra śis daṅ | g-yuṅ druṅ ’khyil pas brgyan pa ste | rab ’byor de dag ni de bźin gśegs pa’i sku la mṅa’ ba’i dpe byad bzaṅ po brgyad cu yin no ||
rab ’byor byaṅ chub (7) sems dpa’ sems dpa’ chen po ni de ltar sbyin pa gñis po zaṅ ziṅ gi sbyin pa daṅ | chos kyi sbyin pa dag gis sems can rnams yaṅ dag par sdud par byed de | rab ’byor de ni byaṅ chub sems dpa’ sems dpa’ chen po’i ṅo mtshar rmad du byuṅ ba’i chos yin no ||
rab ’byor ji ltar byaṅ (82b1) chub sems dpa’ sems dpa’ chen pos sñan par smra bas sems can rnams yaṅ dag par sdud ce na | rab ’byor ’di la byaṅ chub sems dpa’ sems dpa’ chen pos pha rol tu phyin pa drug po dag gis sems can rnams yaṅ dag par sdud par byed de | sbyin pa’i pha rol tu phyin pa daṅ | tshul (2) khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ | pha rol tu phyin pa drug po de dag gis byaṅ chub sems dpa’ sems dpa’ chen pos sñan par smra bas (3) sems can rnams sdud par byed do ||
de ci’i phyir źe na | pha rol tu phyin pa drug po de dag gis dge ba’i chos thams cad bsdus pa’i phyir ro ||
rab ’byor ji ltar na byaṅ chub sems dpa’ sems dpa’ chen po don spyod pas sems can rnams sdud ce na | pha rol tu phyin pa drug po de dag ñid kyis (4) ’di lta ste | sbyin pa daṅ | sñan par smra ba daṅ | don spyod pa daṅ | don ’thun pas sems can rnams yun riṅ po nas bsdus pa yin no ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | byaṅ chub sems dpa’ sems (5) dpa’ chen po rnams la ’di skad du ’doms śiṅ rjes su ston te | rigs kyi bu dag tshur śog | khyed cag yi ge mṅon par bsgrub pa la mkhas par gyis śig | yi ge gcig la mkhas par gyis śig | yi ge gñis la mkhas par gyis śig | yi ge bźi bcu rtsa lṅa’i bar dag la (6) mkhas par gyis śig | yi ge gcig gis thams cad ’grib pa daṅ ldan par rjes su rtogs par gyis śig | yi ge gñis kyis thams cad ’grib pa daṅ ldan par rjes su rtogs par gyis śig | yi ge gsum gyis thams cad ’grib pa daṅ ldan par rjes su rtogs par gyis (7) śig|yi ge bźi bcu rtsa lṅa’i bar dag gis thams cad ’grib pa daṅ ldan par rjes su rtogs par gyis śig | yi ge gcig tu yi ge bźi bcu rtsa lṅa ’dus par sgoms śig | yi ge bźi bcu rtsa lṅa rnams su gcig ’dus pas sgoms śig ces ’doms par byed de | rab ’byor (83a1) byaṅ chub sems dpa’ sems dpa’ chen po de ni yi ge gcig la mkhas pa yin no ||
yi ge bźi bcu rtsa lṅa’i bar dag la mkhas pa yin no ||
yi ge gcig tu yi ge bźi bcu rtsa lṅa ’dus par bsgom pa la mkhas pa yin no ||
yi ge bźi bcu rtsa lṅa rnams su yi (2) ge gcig ’dus par bsgom pa la mkhas pa yin te | yi ge mṅon par bsgrub pa la mkhas par byas nas | yi ge med pa mṅon par bsgrub pa la mkhas pa yin no ||
rab ’byor ’di lta ste dper na de bźin gśegs pa dgra bcom pa yaṅ dag par rdzogs pa’i saṅs rgyas rnams (3) ni chos la mkhas pa daṅ | yi ge la mkhas pa yin te | de chos la mkhas pa daṅ | yi ge la mkhas pas chos ston te | yi ge rnams kyis yi ge med pa’i chos ston pa bźin no ||
rab ’byor chos de ni yi ge med pa’i rnam pas sprul pa’o ||
de nas bcom ldan ’das (4) la tshe daṅ ldan pa rab ’byor gyis ’di skad ces gsol to ||
bcom ldan ’das gal te mtha’ las ’das pa daṅ | thog ma daṅ tha ma ma mchis pa stoṅ pa ñid kyi slad du sems can yaṅ gtan dmigs su ma mchis la | chos kyaṅ dmigs su ma mchis śiṅ | chos kyi raṅ (5) bźin yaṅ dmigs su ma mchis lags na | bcom ldan ’das ’o na ji ltar byaṅ chub sems dpa’ sems dpa’ chen po rnam par smin pa las byuṅ ba’i śes rab kyi pha rol tu phyin pa la spyod pa daṅ | tiṅ ṅe ’dzin gyi pha rol tu phyin pa la spyod pa daṅ | brtson ’grus kyi pha rol tu phyin pa la spyod (6) pa daṅ | bzod pa’i pha rol tu phyin pa la spyod pa daṅ | tshul khrims kyi pha rol tu phyin pa la spyod pa daṅ | sbyin pa’i pha rol tu phyin la la spyod pa daṅ | bsam gtan bźi la spyod pa daṅ | tshad med pa bźi la spyod pa daṅ | gzugs med pa’i sñoms par ’jug pa bźi la spyod pa (7) daṅ | byaṅ chub kyi phyogs kyi chos sum cu rtsa bdun la spyod pa daṅ | stoṅ pa ñid bcu bźi la spyod pa daṅ | mtshan ma med pa daṅ | smon pa med pa la spyod pa daṅ | tiṅ ṅe ’dzin rnams la spyod pa daṅ | rnam par thar ba brgyad la spyod pa daṅ | mthar gyis gnas pa’i sñoms (83b1) par ’aju.uga pa dgu la spyod pa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad daṅ | skyes bu chen po’i mtshan sum cu rtsa gñis daṅ | dpe byad bzaṅ po brgyad cu daṅ | rnam par (2) smin pa las byuṅ ba’i mṅon par śes pa drug la spyod pa ji ltar sems can rnams la chos ston par bgyid lags | de la ni sems can daṅ | sems can du gdags pa yag dmigs su ma mchis lags te | sems can dmigs su ma mchis pas | gzugs kyaṅ dmigs su ma mchis (3) la | rnam par śes pa’i bar du yaṅ dmigs su ma mchis | pha rol tu phyin pa drug kyaṅ dmigs su ma mchis la | de bźin du dpe byad bzaṅ po brgyad cu daṅ | saṅs rgyas kyi chos ma ’dres pa bcwa brgyad kyi bar dag kyaṅ dalamigasa su ma mchis lags so ||
sems can daṅ sems (4) can du gdags pa dmigs su ma mchis pa de la ni gzugs kyaṅ ma mchis la | de bźin du dpe byad bzaṅ po brgyad cu’i bar dag kyaṅ ma mchis lags so ||
dpe byad bzaṅ po brgyad cu’i bar dag kyaṅ ma mchis lags na | bcom ldan ’das ’o na byaṅ chub sems dpa’ sems dpa’ (5) chen po śes rab kyi pha rol tu phyin pa la spyod pa ji ltar sems can rnams la chos ston par ’gyur te | bcom ldan ’das byaṅ chub sems dpa’ sems dpa’ chen po de sems can rnams mchis pa ma lags pa’i chos rnams la yaṅ dag par ’dzin du stsol ciṅ | phyin ci log la sbyor bar bgyid (6) pa’am | gcig tu mi ’gyur lags graṅ | de ci’i slad du źe na | bcom ldan ’das ’di ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa | byaṅ chub sems dpa’ ñid kyaṅ mi dmigs na | byaṅ chub kyi phyogs kyi chos rnams lta smos kyaṅ ci (7) ’tshal lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin te | de de bźin no ||
ji skad smras pa de bźin te | rab ’byor sems can dmigs su med pas | naṅ stoṅ pa ñid du rig (84a1) par bya’o ||
phyi stoṅ pa ñid du rig par bya’o ||
phyi naṅ stoṅ pa ñid du reg par bya’o ||
de bźin du sbyar te dṅos po med pa’i ṅo bo ñid stoṅ pa ñid kyi bar du rig par bya’o ||
phuṅ po stoṅ pa ñid du rig par bya’o ||
khams stoṅ pa ñid du rig par bya’o ||
skye mched stoṅ pa ñid du rig (2) par bya’o ||
rten ciṅ ’brel bar ’byuṅ ba stoṅ pa ñid du rig par bya’o ||
bdag stoṅ pa ñid daṅ | sems can stoṅ pa ñid daṅ | srog stoṅ pa ñid daṅ | skye ba po stoṅ pa ñid daṅ | śed las skyes pa stoṅ pa ñid daṅ | gaṅ zag stoṅ pa ñid daṅ | gso ba stoṅ ba ñid daṅ | byed pa po daṅ | (3) byed du ’jug pa po daṅ | sloṅ ba po daṅ | kun nas sloṅ ba po daṅ | tshor ba po daṅ | tshor bar byed pa po daṅ | śes pa po daṅ | mthoṅ ba po stoṅ pa ñid du rig par bya’o ||
de bźin du sbyar te bsam gtan stoṅ pa ñid du rig par bya’o ||
tshad med pa stoṅ pa ñid daṅ | gzugs med (4) pa’i sñoms par ’jug pa stoṅ pa ñid daṅ | dran bde bar gźag pa stoṅ pa ñid du rig par bya’o ||
byaṅ chub kyi phyogs kyi chos sum cu rtsa bdun gyi bar dag stoṅ pa ñid du rig par bya’o ||
stoṅ pa ñid stoṅ pa ñid du rig par bya’o ||
mtshan ma med pa daṅ | smon pa med pa stoṅ pa ñid du (5) rig par bya’o ||
de bźin du sbyar te rnam par thar pa brgyad stoṅ pa ñid daṅ | mthar gyis gnas pa’i sñoms par ’jug pa dgu stoṅ pa ñid daṅ | de bźin gśegs pa’i stobs bcu stoṅ pa ñid daṅ | mi ’jigs pa bźi stoṅ pa ñid daṅ | so so yaṅ dag par rig pa bźi stoṅ pa ñid daṅ | saṅs (6) rgyas kyi chos ma ’dres pa bcwa brgyad stoṅ pa ñid du rig par bya’o ||
rgyun tu źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub stoṅ pa ñid du rig par bya’o ||
byaṅ chub sems dpa’i sa stoṅ pa ñid du (7) rig par bya’o ||
saṅs rgyas kyi źiṅ stoṅ pa ñid du rig par bya’o ||
byaṅ chub stoṅ pa ñid du rig par bya’o ||
rab ’byor de ltar byaṅ chub sems dpa’ sems dpa’ chen pos chos de dag thams cad stoṅ par mthoṅ nas | phyin ci log tu gyur pa’i sems can rnams la chos ston te | ci nas (84b1) kyaṅ stoṅ pa ñid de dag tu phyir mi ldog pa de ltar chos ston to ||
des chas thams cad sgrib pa med par yaṅ dag par rjes su mthoṅ ste | chos gaṅ yaṅ ’khrug par mi byed ciṅ | gñis su mi ’byed par yaṅ dag pa ji lta ba bźin du chos ston par byed do ||
rab ’byor ’di lta ste dper na de bźin gśegs (2) pa’i sprul pa źig gis sprul pa bye ba phrag du ma mṅon par sprul nas kha cig ni sbyin pa la bkod | kha cig ni tshul khrims la bkod ciṅ | de bźin du sbyar te | kha cig ni bzod pa la | kha cig ni brtson ’grus la | kha cig ni tiṅ ṅe ’dzin la | kha cig ni śes rab la | kha cig ni bsam gtan (3) rnams la | kha cig ni tshad med pa rnams la | kha cig ni gzugs med pa’i sñoms par ’jug pa rnams la | kha cig ni dran pa ñe bar gźag pa rnams la | kha cig ni ’phags pa’i lam yan lag brgyad pa’i bar dag la | kha cig ni rnam pa thams cad mkhyen pa ñid kyi bar dag la bkod | (4) kha cig ni rgyun tu źugs pa’i ’bras bu la bkod | kha cig ni byaṅ chub kyi bar dag la bkod na | rab ’byor ’di ji sñam du sems | sprul pa des chos gaṅ yaṅ rnam par ’phel ba yod sñam ’am | gsol pa | bcom ldan ’das de ni ma lags so ||
bka’ stsal pa | rab ’byor rnam (5) graṅs des ji ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa | sems can rnams la chos ston te | ma bciṅs ma grol ba’i tshul gyis de dag ni phyin ci log rnams las rnam par grol bar byed ciṅ | de dag yaṅ dag pa ji lta ba la ’god pa de ltar rig (6) par bya’o ||
de ci’i phyir źe na | rab ’byor ’di ltar gzugs ni ma bciṅs ma grol ba yin la | tshor ba daṅ | ’du śes daṅ | ’du byed rnams daṅ | rnam par śes pa yaṅ ma bciṅs ma grol ba yin te | gzugs kyi ma bciṅs ma grol ba ñid gaṅ yin pa de gzugs ma yin la | tshor ba (7) daṅ | ’du śes daṅ | ’du byed rnams daṅ | rnam par śes pa’i ma bciṅs ma grol ba ñid gaṅ yin pa de yaṅ rnam par śes pa ma yin źiṅ | ’dus byas daṅ ’dus ma byas kyi chos rnams kyi bar gyi ma bciṅs ma grol ba ñid gaṅ yin pa de yaṅ ’dus byas daṅ | ’dus ma byas kyi chos (85a1) rnams ma yin pa’i phyir ro ||
de ci’i phyir źe na | rab ’byor ’di ltar gzugs daṅ | rnam par śes pa’i bar dag daṅ | ’dus byas daṅ | ’dus ma byas kyi bar gyi chos rnams ni śin tu rnam par dag pa’i phyir ro ||
rab ’byor byaṅ chub sems dpa’ sems dpa’ chen po śes rab (2) kyi pha rol tu phyin pa la spyod pa | sems can rnams la chos ston kyaṅ sems can du dmigs pa yaṅ med do ||
byaṅ chub sems dpa’ sems dpa’ chen po ni chos thams cad mi dmigs pa’i tshul gyis gnas te | de yaṅ gzugs stoṅ źes bya bar mi dmigs pa’i tshul daṅ | rnam par śes pa’i bar du (3) stoṅ źes bya bar mi dmigs pa’i tshul daṅ | ’dus byas daṅ ’dus ma byas kyi chos rnams kyi bar dag stoṅ źes bya bar mi dmigs pa’i tshul gyis gnas te | ’dus byas daṅ | ’dus ma byas kyi chos rnams ni gaṅ du yaṅ gnas pa yaṅ med do ||
de ci’i phyir źe na | ’di ltar de dag la (4) gaṅ gnas par ’gyur ba’i ṅo bo ñid med pas na dṅos po med pa yaṅ dṅos po med pa la mi gnas la | raṅ gi dṅos po yaṅ dṅos po med pa la mi gnas śiṅ | gźan gyi dṅos po yaṅ dṅos po med pa’am | raṅ gi dṅos po la mi gnas pa’i phyir ro ||
de ci’i phyir źe na | rab ’byor ’di ltar (5) de dag thams cad ni dmigs su med de | gaṅ dmigs su med pa de ni gaṅ la yaṅ gnas par mi ’gyur ba’i phyir te | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa | chos de dag thams cad stoṅ pa ñid du sgom ste | rab ’byor byaṅ chub (6) sems dpa’ sems dpa’ chen po de ltar śes rab kyi pha rol tu phyin pa la spyod pa ni saṅs rgyas bcom ldan ’das rnams daṅ | byaṅ chub sems dpa’ rnams daṅ | raṅ saṅs rgyas rnams daṅ | ñan thos rnams daṅ | ’phags pa thams cad la ñes par byas pa ma yin no ||
de (7) ci’i phyir źe na | rab ’byor ’di ltar saṅs rgyas bcom ldan ’das de dag daṅ | byaṅ chub sems dpa’ rnams daṅ | raṅ saṅs rgyas rnams daṅ | ñan thos rnams kyis kyaṅ chos rnams kyi chos ñid ’di ñid rtogs te | rtogs nas kyaṅ sems can rnams la chos ston ciṅ | chos (85b1) rnams kyi chos ñid de las kyaṅ mi ’da’ ste | chos kyi dbyiṅs kyaṅ ’da’ ba med la | de bźin ñid daṅ | yaṅ dag pa’i mtha’ yaṅ ’da’ ba med pa’i phyir ro ||
de ci’i phyir źe na | rab ’byor ’di ltar de dag la gaṅ ’da’ bar ’gyur ba’i raṅ bźin med pa’i phyir ro || ||
śes rab (2) kyi pha rol tu phyin pa khri brgyad stoṅ pa | bam po lṅa bcu rtsa gñis pa | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos kyi dbyiṅs la ’da’ ba ma mchis śiṅ | de bźin ñid daṅ | yaṅ dag pa’i (3) mtha’ la yaṅ ’da’ ba ma mchis na | bcom ldan ’das ’o na ci gzugs kyaṅ gźan la | chos kyi dbyiṅs kyaṅ gźan | de bźin ñid kyaṅ gźan | yaṅ dag pa’i mtha’ yaṅ gźan źig lags sam | rnam par śes pa yaṅ gźan la | ’dus byas daṅ | ’dus ma byas kyi chos rnams (4) daṅ | ’jig rten pa daṅ | ’jig rten las ’das pa daṅ | zag pa daṅ bcas pa daṅ | zag pa ma mchis pa’i chos rnams kyaṅ gźan pa źig lags sam | bka’ stsal pa | rab ’byor de ni ma yin te | gzugs kyaṅ gźan ma yin la | chos kyi dbyiṅs kyaṅ gźan ma yin no ||
(5) de bźin ñid kyaṅ gźan ma yin la | yaṅ dag pa’i mtha’ yaṅ gźan ma yin no ||
rnam par śes pa yaṅ gźan ma yin la | chos thams cad kyi bar yaṅ gźan ma yin no ||
chos kyi dbyiṅs kyaṅ gźan ma yin la | de bźin ñid daṅ | yaṅ dag pa’i mtha’ yaṅ gźan ma yin no ||
(6) de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te gzugs kyaṅ gźan ma lags śiṅ | chos kyi dbyiṅs kyaṅ gźan ma lags la | rnam par śes pa’i bar yaṅ gźan ma lags | ’dus byas (7) daṅ ’dus ma byas kyi chos rnams kyi bar yaṅ gźan ma lags | de bźin du chos kyi dbyiṅs kyi bar yaṅ gźan ma lags na | bcom ldan ’das ’o na nag po’i chos rnams kyi rnam par smin pa nag po ni sems can dmyal ba daṅ | dud ’gro’i skye gnas daṅ | gśin rje’i ’jig rten lags (86a1) so źes bgyi ba daṅ | dkar po’i chos rnams kyi rnam par smin pa dkar po ni lha daṅ mi rnams lags so źes bgyi ba daṅ | dkar gnag gi chos rnams kyi rnam par smin pa dkar gnag ni bde ba daṅ sdug bsṅal ’dren ma lags so źes bgyi ba daṅ | mi gnag ciṅ dkar (2) pa’i chos rnams kyi rnam par smin pa mi gnag ciṅ | dkar ba ni rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par rdzogs pa’i byaṅ chub lags so źes bgyi (3) bar rnam par dgod par ji ltar ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor kun rdzob kyi bden pa ñe bar bzuṅ ste | ’bras bu rnam par dgod pa bstan par zad kyi | don dam pa’i bden par ni (4) ’bras bu rnam par dgod pa bstan par mi nus so ||
de ci’i phyir źe na | ’di lta ste | miṅ daṅ gzugs ni skye ba med pa daṅ | ’gag pa med pa daṅ | kun nas ñon moṅs pa med pa daṅ | rnam par byaṅ ba med pa’i phyir | chos de ni rnam par rtog pa med ciṅ bsñad du med pa ste | de ni mtha’ (5) las ’das pa stoṅ pa ñid daṅ | thog ma daṅ tha ma med pa stoṅ pa ñid do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te kun rdzob kyi bden pa ñe bar bzuṅ ste | ’bras bu rnam par dgod pa mchis (6) kyi | don dam par ma mchis pa lags na | bcom ldan ’das ’o na byis pa so so’i skye bo thams cad kyaṅ rgyun du źugs pa’i ’bras bur mi ’gyur lags sam | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | bla (7) na med pa yaṅ dag par rdzogs pa’i byaṅ chub tu mi ’gyur lags sam | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ci byis pa so so’i skye bo rnams kyis kun rdzob kyi bden pa ’am | don dam pa’i bden pa (86b1) śes sam | ’o na ni de dag la yaṅ rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | rab byaṅ chub daṅ | bla na med pa yaṅ dag par rdzogs pa’i byaṅ chub kyi ’bras bu rnam par dgod pa yod par yaṅ ’gyur te | (2) gal te kun rdzob kyi bden pa’am | don dam pa’i bden pa źes bya bar śes na ni | byis pa so so’i skye bo źes bya ba’i graṅs su yaṅ mi ’gro ba źig na | ’di ltar de dag la yoṅs su śes pa med de | de’i phyir de dag la rgyun tu źugs pa’i ’bras bu daṅ | lan cig phyir ’oṅ ba’i ’bras bu (3) daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ byaṅ chub daṅ | bla na med pa yaṅ dag par rdzogs pa’i byaṅ chub kyi ’bras bu rnam par dgod pa dag kyaṅ med do ||
rab ’byor ’di ltar byis pa so so’i skye bo rnams la ni lam yaṅ med la | lam rnam par gźag pa yaṅ (4) med | lam sgom pa yaṅ med na | byis pa so so’i skye bo rnams la ’bras bu rnam par dgod pa lta yod par ’gyur re ska na | ’phags pa’i gaṅ zag rnams la ni | lam yaṅ yod la lam rnam par gźag pa yaṅ yod ||
lam sgom pa yaṅ yod pas na ’bras bu rnam par dgod pa yaṅ yod do ||
(5) de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ci lam bsgoms pas ’bras bu ’byuṅ źiṅ | ’bras bu thob par ’gyur lags sam | bka’ stsal pa | rab ’byor de ni ma yin te | lam bsgoms pas ’bras bu (6) ’byuṅ bar mi ’gyur źiṅ | ’bras bu thob par yaṅ mi ’gyur ro ||
rab ’byor lam ma bsgoms par yaṅ ’bras bu thob par mi ’gyur te | lam gyis kyaṅ ’bras bu mi ’thob la | lam ma yin pas kyaṅ ma yin źiṅ lam la mi gnas par yaṅ ma yin te | rab ’byor de ltar byaṅ chub (7) sems dpa’ sems dpa’ chen po śes rab kyi pha rol tu phyin pa la spyod pa | sems can rnams la ’bras bu rnam par ’god par byed de | chos kyi dbyiṅs la tshar gcad pa’i tshul gyis ’bras bu rnam par ’god pa ni ma yin no ||
gsol pa | bcom ldan ’das gal te ’dus byas (87a1) kyi khams sam | ’dus ma byas kyi khams la tshar gcad pas ’bras bu rnam par dgod pa ma mchis par gyur na | bcom ldan ’das kyis ’di ni kun du sbyor ba gsum spaṅs pa’i phyir | rgyun du źugs pa’i ’bras bu yin no ||
’di ni ’dod pa’i ’dod chags (2) daṅ | gnod sems bsrabs pa’i phyir lan cig phyir ’oṅ ba’i ’bras bu yin no ||
’di ni ’dod pa na spyod pa’i cha daṅ ’thun pa’i kun du sbyor ba rnams spaṅs pa’i phyir | phyir mi ’oṅ ba’i ’bras bu’o ||
’di ni goṅ ma’i cha daṅ ’thun pa’i kun du sbyor ba lṅa spaṅs pa’i phyir dgra bcom pa ñid (3) yin no ||
kun ’byuṅ ba’i chos gaṅ ci yaṅ ruṅ ba de dag thams cad ’gog pa’i chos can no źes bya ba ni raṅ byaṅ chub yin no ||
bag chags kyi mtshams sbyor ba thams cad spaṅs pa ni | yaṅ dag par rdzogs pa’i byaṅ chub yin no źes bka’ stsal na | bcom ldan ’das ’dus byas (4) daṅ | ’dus ma byas kyi chos rnams la tshar gcad pas | ’bras bu rnam par dgod pa med do źes bcom ldan ’das kyis bka’ stsal pa | de bdag gis ji ltar ’tshal bar bgyi | bcom ldan ’das kyis bka’ stsal pa | rab ’byor ci rgyun du źugs pa’i ’bras bu’am | lan cig (5) phyir ’oṅ ba’i ’bras bu’am | phyir mi yoṅ ba’i ’bras bu’am | dgra bcom pa ñid dam | raṅ byaṅ chub bam | yaṅ dag par rdzogs pa’i byaṅ chub ’dus byas yin nam | ’on te ’dus ma byas pa yin | gsol pa | bcom ldan ’das de ni ’dus ma bgyis lags so ||
bde (6) par gśegs pa ’dus ma bgyis lags so ||
bcom ldan ’das kyis bka’ stsal pa | rab ’byor ci ’dus ma byas kyi chos la tshar gcod pa yod dam | gsol pa | bcom ldan ’das de ni ma lags so ||
bka’ stsal pa | rab ’byor ci gaṅ gi tshe rigs kyi bu (7) ’am | rigs kyi bu mos ’dus byas sam | ’dus ma byas kyi chos rnams ’di lta ste | mtshan ñid med par mtshan ñid gcig tu rtogs pa de’i tshe ’dus byas sam | ’dus ma byas kyi chos gaṅ la yaṅ tshar gcod par byed dam | gsol pa | bcom ldan ’das de ni ma (87b1) lags so ||
bka’ stsal pa | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni ’di lta ste | naṅ stoṅ pa ñid nas raṅ gi mtshan ñid stoṅ pa ñid kyi bar gyi tshul gyis tshar gcad pa med pa’i phyir sems can rnams la chos ston to ||
de sbyin pa’i (2) pha rol tu phyin pa’am | tshul khrims kyi pha rol tu phyin pa’am | bzod pa’i pha rol tu phyin pa’am | brtson ’grus kyi pha rol tu phyin pa’am | bsam gtan gyi pha rol tu phyin pa ’am | śes rab kyi pha rol tu phyin pa’am | bsam gtan daṅ po nas bsam gtan bźi pa’i bar ram | (3) byams pa’am | sñiṅ rje’am | dga’ ba’am | btaṅ sñoms sam | ’du śes med ’du śes med min skye mched kyi bar ram | dran pa ñe bar gźag pa rnams sam | ’phags pa’i lam yan lag brgyad pa’i bar ram | rnam pa thams cad mkhyen pa ñid kyi bar gyi chos gaṅ la yaṅ | (4) bdag ñid kyaṅ mṅon par źen par mi byed la | gźan yaṅ mṅon par źen par mi byed do ||
de mṅon par źen pa med pas gaṅ la yaṅ chags pa med do ||
’di lta ste dper na | de bźin gśegs pa’i sprul pa ni sbyin pa yaṅ sbyin par byed la | sems can thams cad yoṅs su mya ṅan las (5) bzla ba’i don ma gtogs par sbyin pa’i ’bras bu la yaṅ chags pa med ciṅ | sbyin pa’i ’bras bu yaṅ ñams su myoṅ bar mi ’gyur ro ||
pha rol tu phyin pa drug gi bar dag daṅ | zag pa draṅ bcas pa daṅ | zag pa med pa’i chos rnams kyi bar daṅ | ’jig rten pa daṅ | ’jig rten (6) las ’das pa daṅ | ’dus byas daṅ | ’dus ma byas kyi chos rnams gaṅ la yaṅ mi gnas so ||
rab ’byor de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa yaṅ chos thams cad la yaṅ spyod la | chos gaṅ la yaṅ mi gnas śiṅ | (7) chags pa med do ||
de ci’i phyir źe na | ’di ltar des chos rnams kyi chos kyi mtshan ñid legs par rtogs pa’i phyir ro ||
śes rab kyi pha rol tu phyin pa khri brgyad stoṅ pa las | mtshan daṅ | dpe byad bzaṅ po daṅ | yig mṅon par bsgrub pa bstan pa’i le’u źes bya ste | (88a1) bdun cu rtsa gsum pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ji ltaRa byaṅ chub sems dpa’ sems dpa’ chen pos chos rnams kyi chos kyi mtshan ñid legs par rtogs pa lags | (2) bka’ stsal pa | rab ’byor dper na sprul pa ’dod chags daṅ źe sdaṅ daṅ | gti mug la kun tu spyod pa med pa daṅ | gzugs la kun du spyod pa med pa daṅ | rnam par śes pa’i bar la kun du spyod pa med pa daṅ | de bźin du naṅ daṅ phyi’i chos rnams la kun tu spyod pa med pa daṅ | (3) bag la ñal daṅ | kun nas ldaṅ ba rnams la kun du spyod pa med pa daṅ | zag pa daṅ bcas pa daṅ zag pa med pa’i chos rnams la kun du spyod pa med pa daṅ | ’jig rten pa daṅ | ’jig rten las ’das pa daṅ | ’dus byas daṅ | ’dus ma byas kyi chos rnams la kun du spyod pa (4) med pa daṅ | lam la kun du spyod pa med pa daṅ | ’bras bu rnams la kun tu spyod pa med pa de ltar | rab ’byor chos rnams kyi chos kyi tshul legs par rtogs pa yin no ||
gsol pa | bcom ldan ’das sprul pa’i lam sgom pa ji lta bu lags | bka’ stsal pa | rab ’byor (5) lam bsgom pa gaṅ la brten nas kun nas ñon moṅs par yaṅ mi ’gyur źiṅ | rnam par byaṅ bar yaṅ mi ’gyur la | ’gro ba lṅa’i ’khor ba na yaṅ mi snaṅ ba yin no ||
gsol pa | bcom ldan ’das ji ltar byaṅ chub sems dpa’ sems dpa’ chen pos dṅos po ma mchis pa’i (6) chos thams cad rtogs pa lags | bcom ldan ’das kyis bka’ stsal pa | rab ’byor ’di ji sñam du sems | de bźin gśegs pa’i sprul pa la dṅos po ’ga’ źig la brten nas kun nas ñon moṅs par ’gyur ba’am | rnam par byaṅ bar ’gyur ba’i dṅos po gaṅ yaṅ (7) dmigs su yod sñam ’am | gsol pa | bcom ldan ’das de ni ma lags te | bcom ldan ’das de bźin gśegs pa’i sprul pa la ni dṅos po ’ga’ źig la brten nas kun nas ñon moṅs par ’gyur ba’am | rnam par byaṅ bar ’gyur ba’am | ’gro ba lṅa’i ’khor ba na gda’ (88b1) ba’i dṅos po gaṅ yaṅ ma mchis lags so ||
bka’ stsal pa | rab ’byor de ltar chos rnams kyi chos kyi tshul legs par rtogs pa yin no ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ci gzugs thams cad de bźin gśegs (2) pa’i sprul pa lta bu lags sam | tshor ba thams cad daṅ | ’du śes thams cad daṅ | ’du byed thams cad daṅ | rnam par śes pa thams cad kyaṅ de bźin gśegs pa’i sprul pa lta bu lags sam | bka’ stsal pa | rab ’byor gzugs thams cad ni de bźin gśegs pa’i sprul (3) pa lta bu yin no ||
tshor ba thams cad daṅ | ’du śes thams cad daṅ | ’du byed thams cad daṅ | rnam par śes pa thams cad kyaṅ de bźin gśegs pa’i sprul pa lta bu yin no ||
gsol pa | bcom ldan ’das gal te thams cad sprul pa lta bu lags na | sprul pa la (4) ni gzugs ma mchis | tshor ba ma mchis | ’du śes ma mchis | ’du byed rnams ma mchis | rnam par śes pa ma mchis | kun nas ñon moṅs pa ma mchis | rnam par byaṅ ba ma mchis śiṅ gaṅ las sems can rnams yoṅs su thar bar bgyi ba’i ’gro ba lṅa’i ’khor (5) ba yaṅ ma mchis lags na | ’o na ji ltar byaṅ chub sems dpa’ sems dpa’ chen po’i skyes bu’i mthur ’gyur lags | bcom ldan ’das kyis bka’ stsal pa | rab ’byor ’di ji sñam du sems | byaṅ chub sems dpa’ sems dpa’ chen pos sṅon byaṅ chub sems dpa’i spyad (6) pa spyod pa na | gaṅ sems can dmyal ba’am | dud ’gro’i skye gnas sam | gśin rje’i ’jig rten nam | mi’am lha dag las yoṅs su thar bar bya ba’i sems can ’ga’ yaṅ dmigs sñam ’am | gsol pa | bcom ldan ’das de ni ma lags so ||
bka’ stsal (7) pa | rab ’byor de de bźin no ||
de de bźin te | byaṅ chub sems dpa’ sems dpa’ chen pos gaṅ khams gsum nas yoṅs su thar par bya ba’i sems can ’ga’ yaṅ mi dmigs so ||
de ci’i phyir źe na | ’di ltar des chos thams cad sgyu ma lta bu daṅ | sprul pa lta bur śes (89a1) śiṅ mthoṅ la rnam par rig pa’i phyir ro ||
gsol pa | bcom ldan ’das gal te byaṅ chub sems dpa’ sems dpa’ chen pos chos thams cad sgyu ma lta bu daṅ | sprul pa lta bur ’tshal źiṅ mthoṅ la rnam par rig lags na | byaṅ chub sems dpa’ sems dpa’ chen (2) pos gaṅ gi don du pha rol tu phyin pa drug daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | byaṅ chub kyi phyogs kyi chos sum cu rtsa bdun daṅ | byaṅ chub kyi lam la spyod ciṅ | saṅs rgyas kyi źiṅ yoṅs su dag par bgyid pa daṅ | sems (3) can rnams yoṅs su smin par bgyid lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gal te sems can rnams raṅ raṅ gi chos thams cad rmi lam lta bu daṅ | sprul pa lta bur śes su zin na ni | byaṅ chub (4) sems dpa’ sems dpa’ chen po yaṅ sems can rnamakasa kyi don du bskal pa graṅs med par byaṅ chub sems dpa’i spyad pa mi spyod pa źig na | rab ’byor ’di ltar sems can rnams raṅ raṅ gis chos thams cad rmi lam lta bu daṅ | sprul pa lta bur mi śes te | de’i phyir byaṅ chub sems dpa’ sems (5) dpa’ chen po bskal pa graṅs med par pha rol tu phyin pa drug la spyod ciṅ | sems can rnams yoṅs su smin par byed | saṅs rgyas kyi źiṅ yoṅs su dag par byed do ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos (6) thams cad rmi lam lta bu daṅ | mig yor lta bu daṅ | sgyu ma lta bu daṅ | smig rgyu lta bu daṅ | sprul pa lta bu lags na | bcom ldan ’das sems can rnams kyaṅ ci la gnas na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | gaṅ las bskyod par (7) bgyid lags | bcom ldan ’das kyis bka’ stsal pa | rab ’byor sems can rnams ni yod pa ma yin pa’i miṅ daṅ mtshan ma dag la gnas pas na | byaṅ chub sems dpa’ sems dpa’ chen po śes rab kyi pha rol tu phyin pa la spyod pas | de dag gi miṅ daṅ mtshan ma las bskyod par byed do | (89b1) de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das miṅ ni gaṅ lags | mtshan ma ni gaṅ lags | bcom ldan ’das kyis bka’ stsal pa | rab ’byor ’di lta ste | miṅ źes bya ba daṅ | mtshan ma źes bya ba ni glo bur du miṅ du btags (2) pa ste | ’di lta ste miṅ źes bya ba’am | mtshan ma źes bya ba’am | gzugs źes bya ba’am | rnam par śes pa’i bar źes bya ba’am | bud med ces bya ba’am | skyes pa źes bya ba’am | khye’u źes bya ba’am | bu mo źes bya ba’am | sems can dmyal ba pa źes bya ba’am | dud (3) ’gro’i skye gnas pa źes bya ba’am | gśin rje’i ’jig rten pa źes bya ba’am | lha źes bya ba’am | mi źes bya ba’am | ’dus byas kyi chos źes bya ba’am | ’dus ma byas kyi chos źes bya ba’am | rgyun du źugs pa’i ’bras bu źes bya ba’am | lan cig phyir ’oṅ ba’i ’bras bu (4) źes bya ba’am | phyir mi ’oṅ ba’i ’bras bu źes bya ba’am | dgra bcom pa ñid ces bya ba’am | raṅ saṅs rgyas źes bya ba’am | yaṅ dag par rdzogs pa’i saṅs rgyas źes bya ba de dag ni bcos mar miṅ du btags pa’o ||
rab ’byor chos thams cad kyi raṅ bźin ni miṅ ste | gźol ba’i phyir (5) ro ||
’dus byas thams cad ni miṅ tsam du zad na | byis pa so so’i skye bo rnams de la chags pas | de dag la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas ’di skad du miṅ ’di ni yoṅs su rtog pas kun nas bskyed pa yin pas | raṅ (6) bźin gyis stoṅ źiṅ dṅos po med pa la khyed cag yod pa ma yin par yoṅs su rtog pas chags par ma byed cig | mkhas pa rnams ni chos stoṅ pa dag la mṅon par źen par mi byed do ||
źes kun nas ’bral bar byed de | rab ’byor byaṅ chub sems dpa’ sems dpa’ chen po śes rab kyi (7) pha rol tu phyin pa la spyod pa | thabs la mkhas pas de ltar sems can rnams la chos ston par byed do ||
rab ’byor mtshan ma gaṅ źe na | rab ’byor gñis po ’di dag ni gaṅ la byis pa so so’i skye bo rnams chags par ’gyur ba’i mtshan ma ste | gñis gaṅ źe na | gzugs kyi mtshan ma (90a1) daṅ | gzugs med pa’i mtshan ma’o ||
rab ’byor de la gzugs kyi mtshan ma gaṅ źe na | rab ’byor gzugs gaṅ ci yaṅ ruṅ ste | rags pa’am | phra ba’am | bzaṅ ba’am | ṅan pa dag ste | gaṅ skad cig pa’i chos de dag thams cad la yoṅs su rtog pas (2) ’dzin par byed pa de ni gzugs kyi mtshan ma źes bya’o ||
gzugs med pa’i mtshan ma gaṅ źe na | gzugs med pa’i chos gaṅ ci yaṅ ruṅ ste | mtshan mar bzuṅ źiṅ yoṅs su btags pa las ñon moṅs pa skye ba de ni gzugs med pa’i mtshan ma źes bya’o ||
de la byis pa se so’i skye po (3) rnams chags pas na | byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas mtshan ma de dag daṅ bral nas mtshan ma med pa’i dṅos po la ’dzud ciṅ ’god par byed de | ci nas kyaṅ ’di ni mtshan ma’o ||
’di ni mtshan ma med pa’o źes (4) gñis su mi ltuṅ ba de ltar ’dzud ciṅ de ltar ’god par byed do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas de ltar sems can rnams matsana ma daṅ phral nas mtshan ma med pa’i dbyiṅs la ’dzud ciṅ (5) ’god par byed do ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos ’di dag thams cad de tsam du bas te | ’di ltar mtshan ma ma mchis pa tsam du bas pa lags na | bcom ldan ’das byaṅ chub (6) sems dpa’ sems dpa’ chen po śes rab kyi pha rol tu phyin pa la spyod pa ji ltar bdag kyaṅ dge ba’i chos rnams kyi bye brag tu ’bogs par ’gyur la gźan dag kyaṅ dge ba’i chos rnams kyi bye brag tu ’bogs pa la ’god par bgyid pa daṅ | sa nas sa yoṅs su rdzogs par bgyid (7) ciṅ sems can rnams kyaṅ de dag ñid la spyod par bgyid lags | de skad ces gsol pa daṅ | bcom ldan ’das kyis tshe daṅ ldan par ’byor la ’di skad ces bka’ stsal to ||
rab ’byor gal te mtshan ma dṅos po źig yin te | dṅos po med pa ma yin par gyur (90b1) na ni | rab ’byor byaṅ chub sems dpa’ sems dpa’ sems dpa’ chen po śes rab kyi pha rol tu phyin pa la spyod pa | dge ba’i chos rnams kyis khyad par thob par mi ’gyur la | gźan dag kyaṅ khyad par ’thob pa la ’god par mi ’gyur ba źig na | rab ’byor ’di ltar mtshan ma ni dṅos po ma yin źiṅ dṅos (2) po med de | rab ’byor de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | mtshan ma med pa’i tshul gyis | bsam gtan gyi pha rol tu phyin pa yoṅs su rdzogs par byed do ||
mtshan ma med pa’i tshul gyis brtson ’grus kyi pha rol tu phyin pa yoṅs su rdzogs (3) par byed do ||
de bźin du sbyar te mtshan ma med pa’i tshul gyis bzod pa’i pha rol tu phyin pa yoṅs su rdzogs parabyeda do ||
tshul khrims kyi pha rol tu phyin pa yoṅs su rdzogs par byed do ||
sbyin pa’i pha rol tu phyin pa yoṅs su rdzogs par byed do ||
tshad med pa rnams daṅ | gzugs med (4) pa’i sñoms par ’jug pa rnams daṅ | dran pa ñe bar gźag pa rnams yoṅs su rdzogs par byed do ||
’phags pa’i lam yan lag brgyad pa’i bar dag yoṅs su rdzogs par byed do ||
naṅ stoṅ ba ñid yoṅs su rdzogs par byed do ||
phyi stoṅ pa ñid yoṅs su rdzogs par byed do ||
phyi naṅ stoṅ (5) pa ñid yoṅs su rdzogs par byed do ||
de bźin du sbyar te | mtshan ma med pa’i tshul gyis dṅos po med pa’i ṅo bo ñid stoṅ pa ñid gyi bar dag yoṅs su rdzogs par byed do ||
rnam par thar pa rnams yoṅs su rdzogs par byed do ||
mthar gyis gnas pa’i sñoms par ’jug pa rnams yoṅs (6) su rdzogs par byed do ||
de bźin du sbyar te | mtshan ma med pa’i tshul gyis de bźin gśegs pa’i stobs bcu yoṅs su rdzogs par byed do ||
saṅs rgyas kyi chos ma ’dres pa bac brgyad kyi bar dag yoṅs su rdzogs par byed de | des dge ba’i chos de dag yoṅs su rdzogs par byas nas (7) mtshan ma med pa’i tshul gyis gźan dag kyaṅ dge ba’i chos de dag la sbyor bar byed do ||
rab ’byor gal te chos rnams la than skra’i rtse mo’i cha śas gźag pa tsam gyi mtshan ma źig yod par gyur na yaṅ | rab ’byor byaṅ chub sems dpa’ sems dpa’ chen po śes rab kyi pha rol tu phyin (91a1) pa la spyod pa la mtshan ma med pa daṅ | dran pa med pa daṅ | yid la byed pa med pas chos rnams mṅon par rdzogs par ’tshaṅ rgya bar yaṅ mi ’gyur la | sems can rnams kyaṅ zag pa med pa’i chos rnams la de bźin ñid du ’god par yaṅ mi ’gyur ba źig na | rab (2) ’byor ’di ltar chos thams cad ni zag pa med ciṅ | mtshan ñid med pa daṅ | dran pa med pa daṅ | yid la byed pa med pa yin te | rab ’byor de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | zag pa med pa’i chos rnams kyis (3) sems can thams cad kyi don byed do ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad mtshan ma mchis śiṅ | dran pa ma mchis la yid la bgyid pa ma mchis pa lags na | bcom ldan ’das (4) ’o na ’di dag ni zag pa daṅ bcas pa’i chos so ||
’di dag ni thag pa med pa’i chos so ||
’di dag ni thun moṅ gi chos so ||
’di dag ni thun moṅ ma yin pa’i chos so ||
’di dag ni ñan thos kyi chos so ||
’di dag ni raṅ saṅs rgyas kyi chos so ||
’di dag ni byaṅ chub sems (5) dpa’i chos so ||
’di dag ni saṅs rgyas kyi chos so źes bgyi bar ji ltar bgraṅ bar bgyi lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di ji sñam du sems | mtshan ma med pa yaṅ (6) gźan la | ñan thos kyi chos rnams kyaṅ gźan źig yin sñam ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | mtshan ma med pa yaṅ gźan la | raṅ saṅs rgyas kyi chos rnams kyaṅ gźan źig (7) yin sñam ’am | mtshan ma med pa yaṅ gźan la byaṅ chub sems dpa’i chos rnams kyaṅ gźan źig yin sñama’ama | mtshan ma med pa yaṅ gźan la | saṅs rgyas kyi chos rnams kyaṅ gźan źig yin sñam ’am | gsol pa | bcom ldan ’das de ni ma lags so ||
(91b1) bka’ stsal pa | rab ’byor ’o na mtshan ma med pa ñid rgyun du khugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ saṅs rgyas kyi chos rnams daṅ | byaṅ chub sems dpa’i chos rnams daṅ | saṅs rgyas kyi (2) chos rnams yin nam | gsol pa | bcom ldan ’das de de lta lags so ||
bka’ stsal pa | rab ’byor rnams graṅs des kyaṅ ’di ltar chos thams cad ni mtshan ma med par rig par bya ste | rab ’byor mtshan ma med pa’i chos de dag thams cad la slob pa’i byaṅ chub sems dpa’ sems (3) dpa’ chen po ni dge ba’i chos thams cad kyis rnam par ’phel bar ’gyur te | ’di lta ste pha rol tu phyin pa drug daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa bźi daṅ | yaṅ dag par spoṅ ba (4) bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | saṅs rgyas kyi chos thams cad kyi bar dag gis rnam par ’phel bar ’gyur ro ||
de ci’i phyir źe na | ’di (5) ltar byaṅ chub sems dpa’ sems dpa’ chen pos ni stoṅ pa ñid daṅ | mtshan ma med pa daṅ | smon pa med pa’i chos rnams la bslab par bya ba ma gtogs par bslab par bya ba gźan med pa’i phyir ro ||
de ci’i phyir źe na | rab ’byor rnam par thar pa’i sgo gsum po ’dir daṅ | (6) ba’i chos thams cad ’dus pa’i phyir te | ’di ltar raṅ gi mtshan ñid stoṅ pa ñid ni rnam par thar pa’i sgo stoṅ pa ñid yin no ||
mtshan ma daṅ bral ba ni rnam par thar pa’i sgo mtshan ma med pa yin no ||
mṅon par ’du byed pa med pa ni rnam par thar pa’i sgo smon pa med pa yin te | (7) rnam par thar pa’i sgo gsum po de dag la slob pa’i byaṅ chub sems dpa’ sems dpa’ chen po de ni phuṅ po lṅa la slob pa yin | skye mched bcu gñis la slob pa yin | khams bcwa brgyad la slob pa yin | gzugs med pa’i sñoms par ’jug pa bźi la slob pa yin | ’phags (92a1) pa’i bden pa bźi la slob pa yin | rten ciṅ ’brel par ’byuṅ ba’i yan lag bcu gñis la slob pa yin | naṅ stoṅ pa ñid la slob pa yin | phyi stoṅ pa ñid la slob pa yin | phyi naṅ stoṅ pa ñid la slob pa yin | dṅos po med pa’i ṅo bo ñid stoṅ pa ñid kyi bar la slob pa yin no ||
(2) de bźin du sbyar te pha rol tu phyin pa drug la slob pa yin | dran pa ñe bar gźag pa bźi la slob pa yin | ’phags pa’i lam yan lag brgyad pa’i bar la slob pa yin | de bźin gśegs pa’i stobs bcu la slob pa yin | mi ’jigs pa bźi daṅ | so so yaṅ dag par rig pa (3) bźi daṅ | saṅs rgyas kyi chos ma ’dres pa bcwa brgyad la slob pa yin no ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa | ji ltar ñe bar len pa’i (4) phuṅ po lṅa po dag la slob pa lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | gzugs rab tu śes te | gzugs ji ltar skye ba daṅ | gzugs ji ltar ’gag pa daṅ | gzugs kyi de bźin ñid gaṅ (5) yin pa yaṅ rab tu śes so ||
gzugs ji ltar rab tu śes źe na | ’di lta ste dper na | dbu ba rdos pa la sñiṅ po med pa de bźin du | gzugs kyaṅ śin tu gtse tshags daṅ | śin tu gsoṅ ldoṅ daṅ | śin tu sñiṅ po med par rab tu śes so ||
gzugs kyi skye ba ji ltar rab tu śes (6) źe na | gzugs ni gaṅ nas kyaṅ ’oṅ ba med la | gzugs ni gaṅ du yaṅ ’gro ba med pas | gaṅ nas kyaṅ mi ’oṅ | gaṅ du yaṅ mi ’gro ba de ltar gzugs kyi skye ba rab tu śes so ||
rab ’byor gaṅ nas kyaṅ ma ’oṅs | gaṅ du yaṅ ma soṅ ba de ltar gzugs kyi skye ba daṅ (7) ’jig pa rab tu śes so ||
gzugs kyi de bźin ñid ji ltar rab tu śes źe na | de bźin ñid la skye ba med pa daṅ | ’gag pa med pa daṅ | ’oṅ ba med pa daṅ | ’gro ba med pa daṅ | kun nas ñon moṅs pa med pa daṅ | rnam par byaṅ ba med pa daṅ | ’phel ba med pa (92b1) daṅ | ’grib pa med pa de ltar de bźin ñid rab tu śes so ||
rab ’byor gźan yaṅ de bźin ñid ni ma nor ba de bźin ñid yin te | de’i phyir de bźin ñid ces bya’o ||
de la log pa ñid med pas de’i phyir yaṅ de bźin ñid ces bya ste | de ltar gzugs kyi de bźin ñid rab tu śes so ||
tshor ba’i (2) lta rab tu śes | tshor ba’i skye ba ji ltar rab tu śes | tshor ba’i ’jig pa ji ltar rab tu śes | tshor ba’i de bźin ñid ji ltar rab tu śes źe na | ’di lta ste dper na | chu’i chu bur gyi skye ba daṅ | ’jig pa gsog tu ’dug pa de ltar tshor ba rab tu śes so ||
de gaṅ nas (3) kyaṅ ’oṅ ba med ciṅ | gaṅ du yaṅ ’gro ba med pa de ltar tshor ba’i skye ba daṅ | ’jig pa rab tu śes so ||
tshor ba’i de bźin ñid ji ltar rab tu śes źe na | de bźin ñid ni ma nor ba de bźin ñid de | de ltar tshor ba’i de bźin ñid rab tu śes so ||
’du śes ji ltar (4) rab tu śes źe na | ’di lta ste dper na | smig rgyu’i tshogs la chu śin tu dmigs su med pa de ltar ’du śes rab tu śes so ||
de gaṅ nas kyaṅ ’oṅ ba med ciṅ gaṅ du yaṅ ’gro ba med pa de ltar ’du śes kyi skye ba daṅ | ’jig pa rab tu śes so ||
’du śes kyi de bźin ñid (5) ji ltar rab tu śes źe na | tshor ba’i de bźin ñid ji lta ba de ltar ’du śes kyi de bźin ñid rab tu śes so ||
’du byed rnams ji ltar rab tu śes źe na ||
’di lta ste dper na | chu śiṅ śun pa so sor phye na sñiṅ po mi dmigs pa de ltar ’du byed rnams rab tu śes so ||
(6) ’du byed rnams kyi skye ba daṅ | ’jig pa ji ltar rab tu śes źe na | de gaṅ nas kyaṅ ’oṅ ba med ciṅ | gaṅ du yaṅ ’gro ba med pa de ltar ’du byed rnams kyi skye ba daṅ | ’jig pa rab tu śes so ||
’du byed rnams kyi de bźin ñid ji ltar rab tu śes źe na | tshor ba’i de (7) bźin ñid ji lta ba de ltar ’du byed rnams kyi de bźin ñid rab tu śes so ||
rnam par śes pa ji ltar rab tu śes źe na | ’di lta ste dper na | sgyu ma mkhan gyis sprul pa’i dpuṅ gi tshogs yan lag bźi pa ji lta ba de ltar rnam par śes pa rab tu śes so ||
de gaṅ nas kyaṅ (93a1) ’oṅ ba med ciṅ | gaṅ du yaṅ ’gro ba med pa de ltar rnam par śes pa’i skye ba daṅ ’jig pa rab tu śes so ||
rnam par śes pa’i de bźin ñid ji ltar rab tu śes źe na | tshor ba’i de bźin ñid ji lta ba de ltar rnam par śes pa’i de bźin ñid rab tu śes te | de ltar na rnam (2) par śes pa’i de bźin ñid rab tu śes pa yin no ||
khams rnams ji ltar śes źe na | mig gi khams ni mig gi khams kyi ṅo bo ñid kyis stoṅ pa de ltar mig gi khams rab tu śes so ||
gazugasakyi khams ji ltar śes źe na | gzugs kyi khams ni gzugs kyi khams kyi ṅo (3) bo ñid kyis stoṅ pa de ltar gzugs kyi khams rab tu śes so ||
mig gi rnam par śes pa’i khams ji ltar rab tu śes źe na | mig gi rnam par śes pa’i khams ni mig gi rnam par śes pa’i khams kyi ṅo bo ñid kyis stoṅ pa de ltar mig gi rnam par śes pa’i khams rab tu śes (4) so ||
rna ba’i khams daṅ | sgra’i khams daṅ | rna ba’i rnam par śes pa’i khams daṅ | sna’i khams daṅ | dri’i khams daṅ | sna’i rnam par śes pa’i khams daṅ | lce’i khams daṅ | ro’i khams daṅ | lce’i rnam par śes pa’i khams daṅ | lus kyi khams daṅ | (5) reg bya’i khams daṅ | lus kyi rnam par śes pa’i khams daṅ | yid kyi khams ji ltar rab tu śes źe na | yid kyi khams ni yid kyi khams kyi ṅo bo ñid kyis stoṅ pa de ltar yid kyi khams rab tu śes so ||
chos kyi khams ji ltar rab tu śes źe na | chos kyi khams ni chos kyi (6) khams kyi ṅo bo ñid kyis stoṅ pa de ltar chos kyi khams rab tu śes so ||
yid kyi rnam par śes pa’i khams ji ltar rab tu śes źe na | yid kyi rnam par śes pa’i khams ni yid kyi rnam par śes pa’i ṅo bo ñid kyis stoṅ pa de ltar yid kyi rnam par śes pa’i khams rab tu śes (7) te | de ltar na khams bcwa brgyad rab tu śes pa yin no ||
skye mched rnams ji ltar rab tu śes źe na | naṅ gi skye mched rnams ni naṅ gi skye mched rnams kyis stoṅ la | phyi’i skye mched rnams ni phyi’i skye mched rnams kyis stoṅ pa de ltar skye mched rnams rab tu śes so ||
’phags (93b1) pa’i bden pa rnams ji ltar rab tu śes źe na | sdug bsṅal ’phags pa’i bden pa rab tu śes pa daṅ | kun ’byuṅ ba daṅ | ’gog pa daṅ | lam ’phags pa’i bden pa rab tu śes pa’o ||
sdug bsṅal ’phags pa’i bden par ji ltar rab tu śes źe na | sdug bsṅal tu rab (2) tu źes pa daṅ | bden par rab tu śes pa daṅ | ’phags pa rnams kyi bden pa’o źes rab tu śes la | gñis las rnam par grol źiṅ | gñis ma yin pa ni ’phags pa’i bden pa yin par rab tu śes pa ste | kun ’byuṅ ba yaṅ de bźin | ’gog pa yaṅ de bźin | (3) sdug bsṅal ’gog par ’gro ba’i lam yaṅ de bźin du ’phags pa’i bden par rab tu śes so ||
sdug bsṅal gyi de bźin ñid ji ltar rab tu śes źe na | sdug bsṅal gyi de bźin ñid ni de bźin ñid yin pa de ltar sdug bsṅal gyi de bźin ñid rab tu śes te | de bźin du kun (4) ’byuṅ ba daṅ | ’gog pa daṅ | lam gyi de bźin ñid kyaṅ rab tu śes so ||
rten ciṅ ’brel bar ’byuṅ ba ji ltar rab tu śes źe na | rten ciṅ ’brel bar ’byuṅ ba ni skye ba med par rab tu śes so ||
de bźin du rten ciṅ ’brel bar ’byuṅ ba ’gag pa med pa daṅ | (5) tshad pa med pa daṅ | rtag pa med pa daṅ | don gcig pa ma yin pa daṅ | don tha dad pa ma yin pa daṅ | ’oṅ ba med pa daṅ | ’gro ba med pa daṅ | spros pa med pa daṅ | źi bar rab tu śes pa’o ||
de nas bcom ldan ’das la tshe daṅ ldan pa rab ’byor (6) gyis ’di skad ces gsol to ||
bcom ldan ’das gal te byaṅ chub sems dpa’ sems dpa’ chen po śes rab kyi pha rol tu phyin pa la spyod pa | phan tshun tha dad pa’i chos de dag de ltar rab tu ’tshal na | bcom ldan ’das ’o na des chos kyi dbyiṅs rnam par dkrugs (7) par mi ’gyur lags sam | bcom ldan ’das kyis bka’ stsal pa | rab ’byor gal te chos kyi dbyiṅs su ma gtogs pa’i chos gźan ’ga’ źig dmigs su yod na ni | rnam par dkrugs par yaṅ ’gyur na | rab ’byor chos kyi dbyiṅs su ma gtogs pa (94a1) gaṅ mi dmigs pas | chos kyi dbyiṅs rnam par dkrugs par ’gyur ba’i chos gźan ni gaṅ yaṅ dmigs su med do ||
de ci’i phyir źe na | rab ’byor chos kyi dbyiṅs su ma gtogs pa’i chos gźan ni de bźin gśegs pa ’am | de bźin (2) gśegs pa’i ñan thos rnams kyis kyaṅ gaṅ yaṅ ma dmigs pa’i phyir te | ma dmigs pas na chos kyi dbyiṅs su ma gtogs pa’i chos gźan ’ga’ źig dmigs su yod do źes ’dogs par mi byed de | rab ’byor byaṅ chub sems dpa’ sems dpa’ chen po śes rab kyi pha (3) rol tu phyin pa la spyod pas | de ltar chos kyi dbyiṅs la bslab par bya’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po chos kyi dbyiṅs la slob pas gaṅ la bslabs pa (4) lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor chos kyi dbyiṅs la bslabs pa’i byaṅ chub sems dpa’ sems dpa’ chen po ni | chos thams cad la bslabs pa yin no ||
de ci’i (5) phyir źe na | rab ’byor ’di ltar chos thams cad ni chos kyi dbyiṅs yin pa’i phyir ro ||
gsol pa | bcom ldan ’das ci’i slad du chos thams cad chos kyi dbyiṅs lags | bka’ stsal pa | rab ’byor ’di ltar de bźin gśegs pa rnams byuṅ yaṅ ruṅ | de (6) bźin gśegs pa rnams ma byuṅ yaṅ ruṅ | chos rnams kyi chos kyi dbyiṅs ’di ni dbyer med pa’i tshul gyis gnas pa ste | rab ’byor chos kyi dbyiṅs de yaṅ ’di lta ste | dge ba daṅ | mi dge ba daṅ | ’dus byas daṅ | ’dus ma byas kyi bar gyi chos thams cad (7) yin te | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pas | chos kyi dbyiṅs la bslabs na | chos thams cad la bslabs pa yin no ||
de skad ces bka’ stsal pa daṅ | bcom ldan (94b1) ’das la tshe daṅ ldan pa rab ’byor gyis ’di skad ces gsol te ||
bcom ldan ’das gal te chos thams cad chos kyi dbyiṅs lags na | bcom ldan ’das ’o na byaṅ chub sems dpa’ sems dpa’ chen pos śes rab kyi pha rol tu phyin pa la ji ltar bslab par bgyi | de bźin (2) du ji ltar bsam gtan gyi pha rol tu phyin pa la bslab par bgyi | ji ltar brtson ’grus kyi pha rol tu phyin pa la bslab par bgyi | ji ltar bzod pa’i pha rol tu phyin pa la bslab par bgyi | ji ltar tshul khrims kyi pha rol tu phyin pa la bslab par bgyi | ji ltar sbyin pa’i pha rol tu (3) phyin pa la bslab par bgyi | de bźin du ji ltar byaṅ chub sems dpa’ sems dpa’ chen pos bsam gtan daṅ po la bslab par bgyi | ji ltar bsam gtan gñis pa daṅ | bsam gtan gsum pa daṅ | bsam gtan bźi pa la bslab par bgyi | de bźin du (4) ji ltar byams pa la bslab par bgyi | ji ltar sñiṅ rje daṅ | dga’ ba daṅ | btaṅ sñoms la bslab par bgyi | de bźin du ji ltar nam mkha’ mtha’ yas skye mched daṅ | ’du śes med ’du śes med min skye mched kyi bar la bslab par bgyi | de bźin du ji (5) ltar dran pa ñe bar gźag pa rnams la bslab par bgyi | de bźin du ji ltar yaṅ dag pa’i spoṅ ba rnams daṅ | rdzu ’phrul gyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan (6) lag brgyad pa la bslab par bgyi | ji ltar stoṅ pa ñid la bslab par bgyi | ji ltar mtshan ma med pa daṅ | smon pa med pa la bslab par bgyi | ji ltar rnam par thar pa brgyad la bslab par bgyi | ji ltar sñoms par ’jug pa rnams la bslab par bgyi | (7) de bźin du ji ltar de bźin gśegs pa’i stobs bcu la bslab par bgyi | ji ltar mi ’jigs pa bźi daṅ | so so yaṅ dag par rig pa bźi daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad la bslab par bgyi | ji ltar mṅon par (95a1) śes pa drug daṅ | skyes bu chen po’i mtshan sum cu rtsa gñis bsgrub pa’i slad du bslab par bgyi | ji ltar dpe byad bzaṅ po brgyad cu bsgrub pa’i slad du bslab par bgyi | ji ltar rgyal rigs śiṅ s la chen po lta bu dag tu skye bar bgyi ba’i slad du (2) bslab par bgyi | ji ltar bram ze’i rigs śiṅ s la chen po lta bu dag tu skye bar ’gyur ba’i slad du bslab par bgyi | ji ltar khyim bdag gi rigs śiṅ s la chen po lta bu dag tu skye bar bgyi ba’i slad du bslab par bgyi | ji ltar rgyal chen bźi’i ris kyi lha rnams kyi naṅ (3) du skye bar bgyi ba’i slad du bslab par bgyi | ji ltar sum cu rtsa gsum pa’i lha rnams kyi naṅ du skye bar bgyi ba’i slad du bslab par bgyi | ji ltar ’thab bral daṅ | dga’ ldan daṅ | ’phrul dga’ daṅ | gźan ’phrul dbaṅ byed kyi lha rnams daṅ | tshaṅs (4) ris kyi lha rnams daṅ | tshaṅs pa’i mdun na ’don daṅ | tshaṅs ’khor daṅ | ’od chuṅ daṅ | tshad med ’od daṅ | ’od gsal daṅ | dge chuṅ daṅ | tshaṅ med dge daṅ | dge rgyas daṅ | ’bras bu che daṅ | ’du śes ma mchis pa’i (5) sems can rnams kyi naṅ du skye bar bgyi ba’i slad du bslab par bgyi | ji ltar der mi skye bar bgyi ba’i slad du yaṅ bslab par bgyi | ji ltar gnas gtsaṅ ma | mi che daṅ | mi gduṅ daṅ | śin tu mthoṅ daṅ | gya nom snaṅ daṅ | ’og min gyi lha rnams kyi naṅ (6) du skye bar bgyi ba’i slad du bslab par bgyi | ji ltar nam mkha’ mtha’ yas skye mched daṅ | ’du śes med ’du śes med min skye mched kyi bar dag la bslab par bgyi | ji ltar sems daṅ po bskyed pa la bslab par bgyi | ji ltar gñis pa daṅ | gsum (7) pa daṅ | bźi pa daṅ | lṅa pa daṅ | drug pa daṅ | bdun pa daṅ | brgyad pa daṅ | dgu pa daṅ | sems bskyed pa bcu pa la bslab par bgyi | ji ltar ñan thos kyi sa la bslab par bgyi | ji ltar raṅ saṅs rgyas kyi sa la bslab par bgyi | ji (95b1) ltar byaṅ chub sems dpa’i sa la bslab par bgyi | ji ltar sems can yoṅs su smin par bgyi ba la bslab par bgyi | ji ltar saṅs rgyas kyi źiṅ yoṅs su dag par bgyi ba la bslab par bgyi | ji ltar gzuṅs kyi sgo thams cad la bslab par bgyi | ji ltar tiṅ ṅe (2) ’dzin gyi sgo thams cad la bslab par bgyi | ji ltar gaṅ la bslab pas chos thams cad rnam pa thams cad du ’tshal bar ’gyur ba’i byaṅ chub kyi lam la bslab par bgyi | bcom ldan ’das chos kyi dbyiṅs la ni rnam par rtog pa de dag ma mchis te | bcom ldan ’das (3) de’i slad du byaṅ chub sems dpa’ sems dpa’ chen po phyin ci log la spyod pa’am | ma spros pa spros par bgyid par mi ’gyur lags graṅ | de ci’i slad du źe na | bcom ldan ’das chos kyi dbyiṅs la ni rnam par rtog pa de dag ma ma mchis pa’i slad du ste | gzugs kyaṅ (4) chos kyi dbyiṅs ma lags | tshor ba daṅ | ’du śes daṅ | ’du byed rnams daṅ | rnam par śes pa yaṅ chos kyi dbyiṅs ma lags la | gzugs las gud na yaṅ chos kyi dbyiṅs ma mchis | tshor ba daṅ | ’du śes daṅ | ’du byed rnams daṅ | rnam (5) par śes pa las gud na yaṅ chos kyi dbyiṅs ma mchis te | gzugs ñid kyaṅ chos kyi dbyiṅs lags la | chos kyi dbyiṅs ñid kyaṅ gzugs lags so ||
rnam par śes pa’i bar ñid kyaṅ chos kyi dbyiṅs lags la | chos kyi dbyiṅs ñid kyaṅ rnam par śes pa lags so ||
(6) ji ltar naṅ gi chos bsgres pa de bźin du chos thams cad la yaṅ sbyar bar bgyi’o ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin te | de de bźin no ||
ji skad smras pa de bźin te | rab (7) ’byor gzugs ñid kyaṅ chos kyi dbyiṅs so ||
tshor ba daṅ | ’du śes daṅ | ’du byed rnams daṅ | rnam par śes pa ñid kyaṅ chos kyi dbyiṅs so ||
chos kyi dbyiṅs ñid kyaṅ gzugs so ||
chos kyi dbyiṅs ñid kyaṅ tshor ba daṅ | ’du śes daṅ | ’du byed (96a1) rnams daṅ | rnam par śes pa ste | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa | gal te chos kyi dbyiṅs su ma gtogs pa’i chos ’ga’ źig mthoṅ na ni | bla na med pa yaṅ dag par rdzogs pa’i (2) byaṅ chub la gnas par yaṅ mi ’gyur ba źig na | ’di ltar chos thams cad chos kyi dbyiṅs yin te | de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | chos thams cad chos kyi dbyiṅs su yaṅ dag pa ji lta ba bźin du rab tu śes so ||
(3) byaṅ chub sems dpa’ sems dpa’ chen po śes rab kyi pha rol tu phyin pa la spyod pa | chos de dag thams cad chos kyi dbyiṅs su yaṅ dag pa ji lta ba bźin du rab tu śes nas kyaṅ | miṅ med pa’i chos rnams la ’di ni gzugs so ||
’di ni ’du byed rnams so ||
’di ni rnam par śes pa’o ||
źes bya ba daṅ | de bźin du sbyar te | ’di ni byaṅ chub po źes bya ba’i bar du miṅ daṅ brdas ston par byed do ||
rab ’byor ’di lta ste dper na | sgyu ma mkhan nam | sgyu ma mkhan gyi slob ma (5) mkhas pa źig gis | rdzas kyi rnam pa gaṅ yaṅ ruṅ ba źig la byin gyis brlabs nas | gzugs rnam pa sna tshogs ’di lta ste | bud med kyi gzugs sam | skyes pa’i gzugs sam | glaṅ po che’i gzugs sam | rta’i gzugs sam | glaṅ gi gzugs sam (6) skyed mos tshal lam | kun dga’ ra ba ñams dga’ ba dag gam | chu kluṅ ñams dga’ ba dag gam | rdziṅ bu ñams dga’ ba dag ñe bar bstan te | der gdiṅ ba daṅ | rol dbyam sna tshogs btiṅ bdag kyaṅ ñe bar bstan nas | me tog daṅ | me tog phreṅ gi (7) yon tan daṅ | bza’ ba daṅ bca’ ba dag kyaṅ kun tu bstan | glu dbyaṅs daṅ rol mo maṅ pos skye bo dga’ bar byed pa dag kyaṅ kun du bstan nas sbyin pa sbyin par byed pa’am | tshul khrims sruṅ ba’am | bzod pa sgrub pa’am | brtson ’grus rtsom pa’am | tiṅ ṅe (96b1) ’dzin gyis rnam par rtse ba’am | śes rab sgom par byed pa’am | des der rnam pa de lta bu dag gis rgyal rigs śiṅ s la chen po lta bu dag gam | bram ze’i rigs śiṅ s la chen po lta bu dag gam | khyim bdag gi rigs śiṅ s la chen po lta bu dag kyaṅ bstan tam | rgyal chen bźi’i ris kyi (2) lha dag bstan tam | ri rab bstan tam | sum cu rtsa gsum pa’i lha dag bstan tam | ’thab brala’ama | dga’ ldan rnam | ’phrul dga’ ’am | gźan ’phrul dbaṅ byed kyi lha dag bstan tam | gzugs ’du śes med ’du śes med min skye mched du ñe bar ’gro ba’i bar gyi lha dag bstan tam | rgyun du źugs pa (3) ’am | lan cig phyir ’oṅ ba’am | phyir mi ’oṅ ba’am | dgra bcom pa’am | raṅ saṅs rgyas gaṅ yin pa de dag bstan tam | byaṅ chub sems dpa’ sems dpa’ chen po gaṅ dag sems daṅ po bskyed pa nas bzuṅ ste | sbyin pa’i pha rol tu phyin pa la spyod pa daṅ | tshul (4) khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyod pa daṅ | sa daṅ po la spyod pa daṅ | sa bcu pa’i bar la spyod pa daṅ | byaṅ chub sems (5) dpa’i skyon med pa la ’jug pa daṅ | mṅon par śes pa rnams mṅon par sgrub ciṅ | de dag gis rnam par rtse ba daṅ | sems can rnams yoṅs su smin par byed pa daṅ | saṅs rgyas kyi źiṅ yoṅs su dag par byed pa daṅ | bsam gtan daṅ | rnam par thar pa daṅ | tiṅ ṅe (6) ’dzin daṅ | sñoms par ’jug pa dag gis rnam par rtse ba daṅ | yan lag daṅ ñiṅ lag dag yoṅs su gtoṅ ba daṅ | dkar ba spyod pa daṅ | ’jig rten gyi khams snaṅ bar byed pa daṅ | de bźin gśegs pa’i stobs bcu sgrub par byed pa daṅ | mi ’jigs (7) pa rnams daṅ | so so yaṅ dag par rig pa rnams daṅ | byams pa chen po daṅ | sñiṅ rje chen po mṅon par sgrub pa dag bstan tam | saṅs rgyas kyi sku yan lag daṅ | ñid lag thams cad yoṅs su rdzogs pa dag bstan na | de la sems can byis pa’i raṅ (97a1) bźin can dag ’di sñam du | kye ma mi ’dis ji tsam du ’di lta ste | gzugs rnam pa sna tshogs dag daṅ | de bźin du sbyar te | saṅs rgyas kyi sku’i bar dag bstan pas skye bo ’di dag yaṅ dag par ’dzin ciṅ | ci nas kyaṅ mdzes dgu śa stag byed pa ni (2) śin tu legs par bslabs pa yin no sñam du śes so ||
de na mi gaṅ dag mkhas pa’i raṅ bźin can | gsal źiṅ yid gźuṅs la gzugs de dag la dpyod pa daṅ ldan pa de dag ni ’di sñam du ’di la chos gaṅ yaṅ dmigs su med na | mi ’dis yod pa ma yin pa’i chos rnams kyis skye (3) bo’i tshogs ’di dag dga’ bar byed pa daṅ | ’di ltar ’di ni de dag la skye bo ’di dag ni rdzas med pa la rdzas su ’du śes pa yin no sñam pa’i śes pa ’byuṅ ba ni ṅo mtshar rmad du byuṅ ba’i chos yin no sñam mo ||
rab ’byor de bźin du byaṅ chub sems dpa’ sems dpa’ chen po śes rab kyi (4) pha rol tu phyin pa la spyod pa yaṅ chos kyi dbyiṅs su ma gtogs pa’i chos gźan gaṅ yaṅ mi mthoṅ la | śes rab kyi pha rol tu phyin pa la spyod pa | sems can daṅ sems can du gdags pa yaṅ mi dmigs mod kyi | de thabs la mkhas pa daṅ ldan pas bdag kyaṅ sbyin pa sbyin par byed la | (5) gźan dag kyaṅ sbyin pa la sbyor bar byed ciṅ | sbyin pa’i bsṅags pa yaṅ brjod la | gźan gaṅ dag sbyin pa sbyin par byed pa de dag gi bsṅags pa yaṅ rjod ciṅ rjes su dga’ bar byed do ||
bdag kyaṅ tshul khrims sruṅ bar byed | bdag kyaṅ bzod pa sgom par byed | bdag kyaṅ (6) brtson ’grus rtsom par byed | bdag kyaṅ bsam gtan la mñam par ’jog par byed | bdag kyaṅ śes rab sgom par byed la | gźan dag kyaṅ śes rab la sbyor bar byed ciṅ | śes rab kyi bsṅags pa yaṅ brjod la | gźan gaṅ dag śes rab sgom par byed pa de dag gi (7) bsṅags pa yaṅ rjod ciṅ rjes su dga’ bar byed do ||
de bźin du sbyar te | bdag kyaṅ dge ba bcu’i las kyi lam yaṅ dag par ’dzin la | gźan dag kyaṅ dge ba bcu’i las kyi lam yaṅ dag par ’dzin du ’jug ciṅ | rjes su dga’ bar byed do ||
bdag kyaṅ bslab pa’i gźi (97b1) lṅa yaṅ dag par ’dzin par byed ciṅ rjes su dga’ ba’i bar du byed do ||
bdag kyaṅ yan lag brgyad daṅ ldan pa’i gso sbyoṅ la gnas par byed ciṅ rjes su dga’ ba’i bar du byed do ||
bdag kyaṅ bsam gtan daṅ po daṅ | bsam gtan bźi pa’i bar daṅ | byams pa daṅ | sñiṅ rje daṅ | dga’ (2) pa daṅ | btaṅ sñoms daṅ | nam mkha’ mtha’ yas skye mched daṅ | ’du śes med ’du śes med min skye mched kyi bar dag bsgrubs te gnas śiṅ rjes su dga’ ba’i bar du byed do ||
bdag kyaṅ dran pa ñe bar gźag pa rnams daṅ | ’phags pa’i lam yan lag brgyad pa’i bar (3) daṅ | rnam par thar pa’i sgo gsum daṅ | rnam par thar pa brgyad daṅ | mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos (4) ma ’dres pa bcwa brgyad daṅ | skyes bu chen po’i mtshan sum cu rtsa gñis daṅ | dpe byad bzaṅ po brgyad cu sgom źiṅ rjes su dga’ ba’i bar du byed do ||
rab ’byor gal te chos kyi dbyiṅs sṅon ji lta bar phyis kyaṅ de bźin ma yin la | bar du yaṅ de bźin ma yin du min na ni | (5) byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas chos kyi dbyiṅs brjod pa daṅ | sems can yoṅs su smin par byed pa daṅ | saṅs rgyas kyi źiṅ yoṅs su dag par byed par yaṅ mi ’gyur ba źig na | rab ’byor (6) ’di ltar chos kyi dbyiṅs ni sṅon ji lta bar phyis kyaṅ de bźin la | bar du yaṅ de bźin te | rab ’byor de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas | sems can rnams kyi don du byaṅ chub sems (7) dpa’i spyad pa spyod par byed do ||
śes rab kyi pha rol tu phyin pa khri brgyad stoṅ pa las | chos thams cad mñam pa ñid du bstan pa’i le’u źes bya ste | bdun cu rtsa bźi pa’o || ||
de nas bcom ldan ’das la tshe daṅ ldan pa rab ’byor gyis ’di (98a1) skad ces gsol to ||
bcom ldan ’das gal te sems can śin tu dmigs su ma mchis la | sems can du gdags pa yaṅ mchis na | gaṅ gi don du byaṅ chub sems dpa’ sems dpa’ chen po śes rab kyi pha rol tu phyin pa la spyod par bgyid lags | de skad (2) ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’ sems dpa’ chen po ni yaṅ dag pa’i mtha’ tshad mar byas nas śes rab kyi pha rol tu phyin pa la spyod do ||
rab ’byor gal te yaṅ dag pa’i (3) mtha’ yaṅ gźan la | sems can gyi mtha’ yaṅ gźan pa źig yin na ni | byaṅ chub sems dpa’ sems dpa’ chen po śes rab kyi pha rol tu phyin pa la spyod par yaṅ mi ’gyur ba’i gan | rab ’byor ’di ltar yaṅ dag pa’i mtha’ yaṅ gźan ma yin la | sems can gyi (4) mtha’ yaṅ gźan ma yin te | de’i phyir byaṅ chub sems dpa’ sems dpa’ chen po sems can rnams kyi don du śes rab kyi pha rol tu phyin pa la spyod par byed do ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa | yaṅ dag (5) pa’i mtha’ rnam par ’khrugs pa med pas sems can rnams yaṅ dag pa’i mtha’ la ’god par byed do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te yaṅ dag pa’i mtha’ ñid (6) kyaṅ sems can gyi mtha’ lags na | ’o na ji ltar yaṅ dag pa’i mtha’ la yaṅ dag pa’i mtha’ gnas par ’gyur lags | bcom ldan ’das gal te yaṅ dag ba’i mtha’ la yaṅ dag pa’i mtha’ gnas par ’gyur na ni | de lta na ṅo bo ñid la ṅo bo ñid gnas par ’gyur te | (7) bcom ldan ’das ṅo bo ñid la ṅo bo ñid gnas pa ni ma mchis lags na | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa | ji ltar sems can gyi mtha’ yaṅ dag pa’i mtha’ la ’god par bgyid lags | de skad (98b1) ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor yaṅ dag pa’i mtha’ yaṅ yaṅ dag pa’i mtha’ la mi gnas la | ṅo bo ñid kyaṅ ṅo bo ñid la mi gnas mod kyi | rab ’byor ’on kyaṅ byaṅ chub sems dpa’ sems (2) dpa’ chen po śes rab kyi pha rol tu phyin pa la spyod pa thabs la mkhas pas sems can gyi mtha’ yaṅ dag pa’i mtha’ la ’god ciṅ | yaṅ dag pa’i mtha’ rnam par ’khrugs par yaṅ mi byed de | rab ’byor de ltar na yaṅ dag pa’i mtha’ yaṅ gźan ma yin la | sems can gyi (3) mtha’ yaṅ ma yin te | yaṅ dag pa’i mtha’ daṅ | sems can gyi mtha’ ’di ni gñis su med de | gñis su dbyer med ciṅ tha mi dad de | gcad du med do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom (4) ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pa gaṅ daṅ ldan pas sems can rnams yaṅ dag pa’i mtha’ la ’god kyaṅ yaṅ dag pa’i mtha’ rnam par ’khrugs par yaṅ mi bgyid pa’i byaṅ chub sems dpa’ (5) sems dpa’ chen po’i thabs la mkhas pa de gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa sems daṅ po (6) bskyed pa nas bzuṅ ste | sems can rnams sbyin pa’i pha rol tu phyin pa la ’god par byed do ||
sbyin pa’i pha rol tu phyin pa la bkod nas kyaṅ sbyin pa de’i sṅon gyi mtha’ daṅ | phyi ma’i mtha’ daṅ | dbus ston par byed de ji ltar sbyin pa ’di sṅon gyi mtha’ yaṅ stoṅ la | phyi ma’i mtha’ yaṅ stoṅ źiṅ dbus (7) kyaṅ stoṅ pa de bźin du sbyin pa ’di yaṅ stoṅ ṅo ||
sbyin pa’i ’bras bu yaṅ stoṅ ṅo ||
sbyin bdag kyaṅ stoṅ ṅo ||
len pa po yaṅ stoṅ ste | rigs kyi bu de ltar na don de dag thams cad ni yaṅ dag pa’i mtha’ la yod pa ma yin gyis sbyin pa yaṅ gźan la sbyin pa’i ’bras bu yaṅ gźan no sñam du ma sems śig | (99a1) sbyin bdag kyaṅ gźan la len pa po yaṅ gźan no sñam du ma sems śig | rigs kyi bu khyod gaṅ gi tshe sbyin pa yaṅ gźan la sbyin pa’i ’bras bu yaṅ gźan no sñam du mi sems la | sbyin bdag kyaṅ gźan la len pa po yaṅ gźan no sñam du mi sems pa de’i tshe khyod kyi sbyin pa ’di ni gñi (2) ga la bdud rtsir ’gyur te bdud rtsi’i ’bras bu daṅ | bdud rtsi’i mtha’ sbyin par byed kyis khyod sbyin pa ’dis gzugs yoṅs su ma ’dzin cig | tshor pa daṅ | ’du śes daṅ | ’du byed rnams daṅ | rnam par śes pa yoṅs su ma ’dzin cig | de ci’i phyir źe na | ’di ltar khyod kyi sbyin pa ’di ni sbyin pa’i ṅo (3) bo ñid kyis stoṅ | ’bras bu de yaṅ ’bras bu’i ṅo bo ñid kyis stoṅ | sbyin bdag kyaṅ sbyin bdag gi ṅo bo ñid kyis stoṅ | len pa po yaṅ len pa po’i ṅo bo ñid kyis stoṅ pas na stoṅ pa ñid la ni sbyin pa yaṅ dmigs su med la sbyin pa’i ’bras bu daṅ | sbyin bdag daṅ | len pa po yaṅ dmigs su (4) med pa’i phyir ro ||
de ci’i phyir źe na | ’di ltar chos de dag ni ṅo bo ñid kyis śin tu stoṅ pa’i phyir ro źes ston to ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas sems can rnams tshul khrims la rab tu ’god de rigs kyi bu tshur (5) śog | khyod kyis srog gcod pa spoṅs la srog gcod pa las phyir ldog par gyis śig | de bźin du sbyar te khyod kyis log par lta ba’i bar du spoṅs la log par lta ba las phyir ldog par gyis śig | rigs kyi bu chos ’di dag thams cad la ji ltar khyod kyis yoṅs su brtags pa de lta bu’i raṅ bźin gaṅ (6) yaṅ med kyis rigs kyi bu chos ’di dag la gaṅ srog gcad par bya ba’i srog chags daṅ gaṅ gis srog gcad par bya ba’i chos de dag gaṅ yin źes ñe bar rtogs śig | log par lta ba’i bar la yaṅ de bźin du sbyar bar bya’o źes ston te rab ’byor byaṅ chub sems dpa’ sems dpa’ chen po śes rab kyi pha (7) rol tu phyin pa la spyod pa thabs la mkhas pa de lta bu daṅ ldan pas sems can rnams yoṅs su smin par byed ciṅ sbyin pa daṅ tshul khrims kyi ’bras bu yaṅ ston la sbyin pa’i ’bras bu daṅ tshul khrims kyi ’bras bu de yaṅ ṅo bo ñid kyis stoṅ par bstan pas | rigs kyi bu des sbyin pa’i ’bras bu daṅ tshul khrims (99b1) kyi ’bras bu de dag ’bras bu’i ṅo bo ñid kyis stoṅ par rig nas de la mṅon par źen par mi byed do ||
mṅon par źen pa med pas rnam par g-yeṅ ba med pa bskyed nas śes rab skyed par byed do ||
śes rab des bag la ñal daṅ kun nas ldaṅ ba thams cad bcad nas phuṅ po lhag ma med pa’i mya ṅan las (2) ’das pa’i dbyiṅs su yoṅs su mya ṅan las ’das te de yaṅ ’jig rten gyi tha sñad yin gyi don dam par ni ma yin no ||
de ci’i phyir źe na | stoṅ pa ñid la ni gaṅ yoṅs su mya ṅan las ’da’ ba’am gaṅ yoṅs su mya ṅan las ’das pa’i chos gaṅ yaṅ dmigs su med pa’i phyir te gźan du na de’i yoṅs su mya ṅan las (3) ’das pa de ni ’di lta ste mtha’ las ’das pa’i stoṅ pa ñid yin no || ||
śes rab kyi pha rol tu phyin pa khri brgyad stoṅ pa | bam po lṅa bcu rtsa gsum pa | rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa sems can gźan rnams daṅ | (4) gaṅ zag gźan dag phan tshun ’khrugs śiṅ gnod sems su gyur pa dag mthoṅ na | ’di skad ’doms śiṅ rjes su ston par byed de | rigs kyi bu tshur śog | gaṅ la khyod gnod sems su byed pa’i chos de dag thams cad ni raṅ bźin gyis stoṅ pa yin gyis | khyod cag bzod pa (5) sgrubs śig | bzod pa sgoms śig | daṅ du len pa’i raṅ bźin can du gyis śig | kye gaṅ la gnod sems su bya ba daṅ | gaṅ gnod sems su byed pa daṅ | gaṅ gis gnod sems su byed pa’i chos de dag thams cad raṅ bźin gyis stoṅ pa ñid du ñe bar rtogs śig | raṅ bźin gyis (6) stoṅ pa gaṅ yin pa de ni nam yaṅ mi stoṅ bar mi ’gyur te | de ni de bźin gśegs pa rnams kyis ma mdzad | raṅ saṅs rgyas rnams daṅ | ñan thos rnams daṅ | byaṅ chub sems dpa’ rnams daṅ | lha rnams daṅ | klu rnams daṅ | gnod sbyin rnams daṅ | dri za rnams daṅ | (7) mi ’am ci rnams daṅ | lto ’phye chen po rnams daṅ | rgyal chen bźi’i ris kyi lha rnams daṅ | gźan ’phrul dbaṅ byed kyi bar gyi lha rnams daṅ | tshaṅs pa rnams daṅ | dge rgyas kyi bar dag daṅ | gnas gtsaṅ ma pa rnams daṅ | ’du śes med ’du śes med min skye mched du ñe bar ’gro ba’i (100a1) par dag gis kyaṅ ma byas te | rigs kyi bu gaṅ la gnod sems su bya ba daṅ | gaṅ gnod sems su byed pa daṅ | gaṅ gis gnod sems su byed pa’i chos de dag thams cad raṅ bźin gyis stoṅ pa ñid yin par ñe bar rtogs śig daṅ | stoṅ (2) pa ñid ni gaṅ la yaṅ gnod sems su byed par mi ’gyur ro źes | rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas de ltar sems can rnams raṅ bźin gyis stoṅ pa ñid la spyor bar byed ciṅ | rgyu daṅ (3) ’bras bu la yaṅ sbyor bar byed do ||
raṅ bźin gyis stoṅ pa ñid la sbyor ba na | rim gyis bla na med pa yaṅ dag par rdzogs pa’i byaṅ chub la yaṅ dag par dga’ bar byed | yaṅ dag par ’dzin du ’jug | ’dzud par byed | ’god par byed de | de yaṅ ’jig rten gyi (4) tha sñad yin gyi | don dam par ni ma yin no ||
de ci’i phyir źe na | raṅ bźin gyi stoṅ pa ñid la ni gaṅ thob par bya ba daṅ | gaṅ thob par byed pa daṅ | gaṅ gis thob par byed pa’i chos de dag thams cad dmigs su med pa’i phyir ro ||
rab ’byor sems can (5) rnams kyi don du byaṅ chub sems dpa’ sems dpa’ chen po yaṅ dag pa’i mtha’ gaṅ la śes rab kyi pha rol tu phyin pa la spyod pa ’di ni raṅ bźin gyis stoṅ pa ñid yin te | de la ni sems can yaṅ mi dmigs | sems can du gdags pa yaṅ mi dmigs so ||
de ci’i (6) phyir źe na | chos thams cad ni sems can gyis dben pa’i phyir ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | sems can brtson ’grus źan pa dag mthoṅ na | thabs la mkhas pas lus daṅ | (7) sems kyi brtson ’grus yaṅ dag par ’dzin du ’jug ste | rigs kyi bu raṅ bźin stoṅ pa ñid la ni gaṅ la źum par ’gyur ba daṅ | gaṅ źum par ’gyur ba daṅ | gaṅ gis źum par ’gyur ba’i chos gaṅ yaṅ yod pa ma yin te | chos de dag thams cad ni raṅ (100b1) bźin gyis stoṅ pa ñid las rnam par mi ’da’ ba yin gyis | khyod lus daṅ sems kyi brtson ’grus bskyed ciṅ le lo spaṅs la | ’di lta ste | dge ba’i chos sbyin pa’am | tshul khrims sam | bzod pa’am | brtson ’grus sam | tiṅ ṅe ’dzin tam | śes (2) rab bam | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa rnams sam | dran pa ñe bar gźag pa rnams sam | ’phags pa’i lam yan lag brgyad pa’i bar dag gam | stoṅ pa ñid dam | mtshan ma med pa’am | (3) smon pa med pa’am | saṅs rgyas kyi chos thams cad kyi bar dag la brtson par gyis śig | rigs kyi bu stoṅ pa ñid kyis chos de dag sgrib pa med par ltos śig daṅ | sgrib pa med pa’i chos rnams la źum par ’gyur ba gaṅ yaṅ med do źes ||
rab ’byor byaṅ chub (4) sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas de ltar sems can rnams raṅ bźin gyis stoṅ pa ñid yaṅ dag par ’dzin du ’jug ciṅ ’dzud la ’god par byed de | ci nas kyaṅ gñis su med pa de ltar ’god par (5) byed do ||
de ci’i phyir źe na | raṅ bźin gyis stoṅ pa ñid ni gñis su med ciṅ | gñis su dbyer med de | gñis su med pa la ni źum par ’gyur ba gaṅ yaṅ med pa’i phyir ro ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha (6) rol tu phyin pa la spyod pa | sems can rnams raṅ bźin gyis stoṅ pa ñid kyi brtson ’grus la ’doms śiṅ rjes su ston par byed de | rigs kyi bu tshur śog | sbyin pa’am | tshul khrims sam | bzod pa’am | brtson ’grus sam | tiṅ ṅe ’dzin tam | śes (7) rab bam | dran pa ñe bar gźag pa rnams sam | ’phags pa’i lam yan lag brgyad pa’i bar ram | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa rnams sam | de bźin gśegs pa’i stobs bcu’am | mi ’jigs (101a1) pa bźi’am | so so yaṅ dag par rig pa bźi’am | sñiṅ rje chen po’am | saṅs rgyas kyi chos ma ’dres pa bcwa brgyad kyi bar dag la brtson par gyis la | chos de dag la gñis par yaṅ yid la ma byed cig | mi gñis par yaṅ yid la ma byed (2) cig | de ci’i phyir źe na | chos de dag thams cad ni raṅ bźin gyis stoṅ pa ste | raṅ bźin gyis stoṅ pa la ni gñis daṅ gñis ma yin par yid la bya ba med pa’i phyir ro źes | rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin (3) pa la spyod pa | thabs la mkhas pas byaṅ chub sems dpa’i spyad pa spyod pa na sems can rnams yoṅs su smin par byed de | yoṅs su smin par byas nas kyaṅ rim gyis rgyun tu źugs pa’i ’bras bu la ’god par byed | lan cig phyir ’oṅ ba’i ’bras bu daṅ | phyir mi (4) ’oṅ ba’i ’bras bu la ’god par byed | dgra bcom pa ñid la ’god par byed | raṅ byaṅ chub la ’god par byed ciṅ bla na med pa yaṅ dag par rdzogs pa’i byaṅ chub la yaṅ ’god par byed do ||
rab ’byor gźan yaṅ byaṅ chub sems dpa’ sems dpa’ chen po śes (5) rab kyi pha rol tu phyin pa la spyod pa | thabs la mkhas pas sems can rnams kyi don byed ciṅ | tiṅ ṅe ’dzin sgom pa la ’jug par byed de | rigs kyi bu tshur śog | khyod rnam par g-yeṅ ba’i ’du śes su yaṅ ma byed | tiṅ ṅe ’dzin gyi ’du śes su yaṅ ma byed par (6) tiṅ ṅe ’dzin sgoms śig | de ci’i phyir źe na | chos de dag thams cad ni raṅ bźin gyis stoṅ pa ste | raṅ bźin gyis stoṅ pa ñid la ni gaṅ rnam par g-yeṅ ba’am | rtse gcig tu bya ba’i chos gaṅ yaṅ dmigs su med pa’i phyir te | khyod tiṅ ṅe ’dzin la gnas śiṅ (7) raṅ bźin gyis stoṅ pa ñid la spyod na lus sam | ṅag gam | yid kyis dge ba’i chos gaṅ ci byed kyaṅ ruṅ ste | sbyin pa gtoṅ ṅam | tshul khrims sruṅ ṅam | bzod pa sgrub bam | brtson ’grus rtsom ’am | tiṅ ṅe ’dzin la sñoms par ’jug gam | śes rab sgom (101b1) ’am | dran pa ñe bar gźag pa rnams la spyod dam | ’phags pa’i lam yan lag brgyad pa’i bar dag stom ’am | rnam par thar pa’i sgo rnams sam | tiṅ ṅe ’din rnams sam | sñoms par ’jug pa rnams som | de bźin gśegs pa’i stabs bcu’am | (2) mi ’jigs pa bźi’am | so so yaṅ dag par rig pa bźi’am | byams pa chen po’am | sñiṅ rje chen po’am | saṅs rgyas kyi chos ma ’dres pa bcwa brgyad dam | skyes bu chen po’i mtshan sum cu rtsa gñis sam | dpe byad bzaṅ po brgyad cu’am | ñan thos kyi (3) lam ’am | raṅ saṅs rgyas kyi lam ’am | byaṅ chub sems dpa’i lam ’am | saṅs rgyas kyi lam ’am | rgyun du źugs pa’i ’bras bu’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu’am | dgra bcom pa ñid dam | raṅ byaṅ (4) chub ’am | rnam pa thams cad mkhyen pa ñid sgom ’am | sems can yoṅs su smin par byed dam | saṅs rgyas kyi źiṅ yoṅs su dag par byed kyaṅ ruṅ ste | khyod kyi dge ba’i chos de dag tshegs chuṅ ṅus ’grub par ’gyur ro źes | rab ’byor de ltar byaṅ (5) chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas sems can rnams kyi don byed de | sems daṅ po bskyed pa nas bzuṅ ste | nam du yaṅ bya ba ma yin pa mi byed par de ka ba ci yin źes tshol źiṅ sems (6) can rnams kyi don byed de | rtag tu rgyun mi ’chad par saṅs rgyas bcom ldan ’das rnams la bsñen bkur bya ba’i phyir saṅs rgyas kyi źiṅ nas saṅs rgyas kyi źiṅ du ’gro’o ||
saṅs rgyas bcom ldan ’das de dag las chos gaṅ thos pa de yaṅ bla na med pa yaṅ dag par (7) rdzogs pa’i byaṅ chub mṅon par rdzogs par saṅs rgyas kyi bar du tshe rabs rjes su zin kyaṅ | nam du yaṅ chud za bar mi ’gyur źiṅ rtag tu gzuṅs ’thob pa daṅ | lus kyi dbaṅ po’am | ṅag gi dbaṅ po ’am | yid kyi dbaṅ po yaṅ ruṅ ste | dbaṅ po rtul bar mi ’gyur ro ||
(102a1) de ci’i phyir źe na | ’di ltar des rtag tu rgyun mi chad par rnam pa thams cad mkhyen pa ñid śin tu bsgoms pa’i phyir te | des rnam pa thams cad mkhyen pa ñid śin tu bsgoms pa des lam thams cad kyaṅ śin tu bsgoms pa yin te | ñan thos kyi (2) lam ’am | raṅ saṅs rgyas kyi lam ’am | byaṅ chub sems dpa’i lam ’am | saṅs rgyas kyi lam dag kyaṅ śin tu bsgoms pa yin no ||
mṅon par śes pa gaṅ dag byaṅ chub sems dpa’ sems dpa’ chen po la chud mi za ba’i tshul gyis phan par ’gyur ba de dag kyaṅ śin (3) tu bsgoms pa yin te | de rnam par smin pa las byuṅ ba’i mṅon par śes pa de dag la gnas nas sems can rnams kyi don byed ciṅ | ’gro ba lṅa’i ’khor ba na ’khor yaṅ yoṅs su ñams par mi ’gyur te | rab ’byor de ltar byaṅ chub sems dpa’ sems dpa’ chen (4) po śes rab kyi pha rol tu phyin pa la spyod pa raṅ bźin gyis stoṅ pa ñid la gnas te | sems can rnams kyi don byed do ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | raṅ bźin gyis stoṅ pa ñid la (5) gnas nas | thabs la mkhas pas sems can rnams kyi don byed de | de śes rab kyi pha rol tu phyin pa śin tu bsgoms pas sems can rnams la ’di skad du ’doms śiṅ rjes su ston par byed de | rigs kyi bu tshur śog | khyod lus sam | ṅag gam | yid kyis (6) las gaṅ byed kyaṅ ruṅ ste | de dag thams cad raṅ bźin gyis stoṅ pa ñid du so sor rtogs śig daṅ | khyod kyi las de dag bdud rtsir ’gyur źiṅ | bdud rtsi’i ’bras bu daṅ | bdud rtsi’i mthar ’gyur te | raṅ bźin stoṅ pa ñid la ni gaṅ mṅon par źen pa ’am | (7) yoṅs su ñams par ’byuṅ ba’i chos gaṅ yaṅ dmigs su med do ||
de ci’i phyir źe na | raṅ bźin gyis stoṅ pa ñid ni yoṅs su ñams par mi ’gyur la | raṅ bźin gyis stoṅ pa ñid las yoṅs su ñams par ’gyur ba’i chos gaṅ yaṅ med pa’i phyir ro ||
de ci’i phyir (102b1) źe na | ’di ltar raṅ bźin gyis stoṅ pa ñid ni dṅos po yaṅ ma yin | dṅos po med pa yaṅ ma yin pa’i phyir te | dṅos po med pa’i ṅo bo ñid kyi chos rnams las ci źig yoṅs su ñams para’agyura źes | rab ’byor byaṅ chub sems dpa’ sems dpa’ (2) chen po śes rab kyi pha rol tu phyin pa la spyod pa | de ltar sems can rnams la ’doms śiṅ rjes su ston par byed de | raṅ bźin gyis stoṅ pa ñid la ’dzud par byed do ||
de de ltar ’doms śiṅ de ltar rjes su ston pa daṅ | raṅ bźin gyis stoṅ pa ñid la ’jud (3) par byed pa’i tshe | nam du yaṅ bya ba ma yin pa mi byed de | de bdag kyaṅ rtag par rgyun du dge ba bcu’i las kyi lam yaṅ dag par ’dzin par byed la | gźan dag kyaṅ dge ba bcu’i las kyi lam yaṅ dag par ’dzin du ’jug go ||
de bźin du bdag kyaṅ bslab pa’i (4) gźi lṅa daṅ yan lag brgyad daṅ ldan pa’i gso sbyoṅ gi bar dag la gnas par byed la | gźan dag kyaṅ yaṅ dag par ’din du ’jug go ||
bdag kyaṅ bsam gtan daṅ po la sñoms par ’jug la | gźan dag kyaṅ bsam gtan daṅ po la sñoms par ’jug pa yaṅ dag (5) par ’dzin du ’jug go ||
bdag kyaṅ bsam gtan bźi pa’i bar dag la sñoms par ’jug la | gźan dag kyaṅ bsam gtan bźi pa’i bar dag la sñoms par ’jug pa yaṅ dag par ’dzin du ’jug go ||
bdag kyaṅ rtag par rgyun du byams pa la gnas pa yin źiṅ gźan (6) daṅ byaṅ rtag par rgyun du byams pa bsgom pa yaṅ dag par ’dzin du ’jug go ||
bdag kyaṅ btaṅ sñoms kyi bar dag sgom la | gźan dag kyaṅ btaṅ sñoms kyi bar dag la bsgom pa yaṅ dag par ’dzin du ’jug go ||
bdag kyaṅ ’du śes med ’du śes med min skye mched kyi sñoms (7) par ’jug pa’i bar dag la sñoms par ’jug la | gźan dag kyaṅ ’du śes med ’du śes med min skye mched kyi sñoms par ’jug pa la sñoms par ’jug pa yaṅ dag par ’dzin du’ajuga go ||
bdag kyaṅ dran pa ñe bar gźag pa bźi sgom la | gźan dag kyaṅ dran pa ñe bar gśeg pa bźi (103a1) bsgom pa yaṅ dag par ’dzin du ’jug ste | ’dul źiṅ ’dzud la ’god par byed do ||
bdag kyaṅ ’phags pa’i lam yan lag brgyad pa’i bar dag la sgom la | gźan dag kyaṅ ’phags pa’i lam yan lag brgyad pa’i bar dag bsgom pa yaṅ (2) dag par ’dzin du ’jug go ||
bdag kyaṅ de bźin gśegs pa’i stobs bcu la slob la | gźan dag kyaṅ de bźin gśegs pa’i stobs bcu la bslab pa yaṅ dag par ’dzin du ’jug ste | ’dul źiṅ ’dzud la ’god par byed do ||
bdag kyaṅ dpe byad bzaṅ po (3) brgyad cu’i bar dag sgrub pa la slob la | gźan dag kyaṅ dpe byad bzaṅ po brgyad cu bsgrub pa yaṅ dag par ’dzin du ’jug ste | ’dul źiṅ ’dzud la ’god par byed do ||
bdag kyaṅ rgyun du źugs pa’i ’bras bu’i śes pa skyed ciṅ | de la gnas par yaṅ (4) mi byed la | gźan dag kyaṅ rgyun du źugs pa’i ’bras bu’i śes pa la ’god par byed do ||
bdag kyaṅ dgra bcom pa ñid kyi bar dag gi śes pa skyed ciṅ | de la gnas par yaṅ mi byed la | gźan dag kyaṅ dgra bcom pa ñid kyi śes pa la ’god par byed do ||
(5) bdag kyaṅ raṅ byaṅ chub kyi śes pa skyed ciṅ de la gnas par yaṅ mi byed la | gźan dag kyaṅ raṅ byaṅ chub kyi śes pa la ’dul źiṅ ’dzud de ’god par byed do ||
bdag kyaṅ bla na med pa yaṅ dag par rdzogs pa’i byaṅ chub kyi lam bskyed par byed la | gźan dag kyaṅ (6) lam de la ’doms śiṅ rjes su ston pa daṅ | ’dul źiṅ ’dzud de ’god par byed do ||
rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas nam du yaṅ bya ba ma yin pa mi byed do ||
de nas bcom (7) ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad raṅ bźin gyis stoṅ pa lags na | raṅ bźin gyis stoṅ pa ñid la ni sems can yaṅ mi dmigs | chos daṅ lam yaṅ mi dmigs na | bcom ldan (103b1) ’das ji ltar byaṅ chub sems dpa’ sems dpa’ chen po rnam pa thams cad mkhyen pa ñid la gnas par ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin te | de de bźin (2) no ||
ji skad smras pa de bźin te | chos thams cad ni raṅ bźin gyis stoṅ pa ñid yin te | raṅ bźin gyi stoṅ pa ñid la ni sems can yaṅ dmigs su med | chos daṅ lam yaṅ dmigs su med do ||
rab ’byor gal te chos thams cad raṅ bźin gyis stoṅ pa ma yin (3) na ni | byaṅ chub sems dpa’ sems dpa’ chen po raṅ bźin gyis stoṅ pa ñid la gnas te | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | raṅ bźin gyis stoṅ pa ñid kyi chos ston par yaṅ mi ’gyur ba źig na rab ’byor (4) gzugs ni raṅ bźin gyis stoṅ la | rab ’byor tshor ba daṅ | ’du śes daṅ | ’du byed rnams daṅ | rnam par śes pa yaṅ raṅ bźin gyis stoṅ | saṅs rgyas kyi chos ma ’dres pa bcwa brgyad kyi bar dag kyaṅ raṅ bźin gyis stoṅ | dpe byad bzaṅ po brgyad (5) cu yaṅ raṅ bźin gyis stoṅ | de bźin du sbyar te | rnam pa thams cad mkhyen pa ñid daṅ | bag chags kyi mtshams sbyor ba thams cad spaṅs pa’i bar dag kyaṅ raṅ bźin gyis stoṅ ste | rab ’byor gaṅ gi tshe chos thams cad raṅ bźin gyis stoṅ pa de’i phyir byaṅ chub (6) sems dpa’ sems dpa’ chen po śes rab kyi pha rol tu phyin pa la spyod pa | phuṅ po lṅa po dag raṅ bzin gyis stoṅ źes bya bar chos ston to ||
skye mched bcu gñis daṅ | khams bcwa brgyad raṅ bźin gyis stoṅ źes bya bar chos ston to ||
bsam gtan bźi daṅ | tshad (7) med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa bźi daṅ | de bźin du sbyar te | ’phags pa’i lam yan lag brgyad pa’i bar dag raṅ bźin gyis stoṅ źes bya bar chos ston to ||
rnam par thar pa’i sgo gsum daṅ | rnam (104a1) par thar pa brgyad daṅ | mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs (2) rgyas kyi chos ma ’dres pa bcwa brgyad daṅ | dpe byad bzaṅ po brgyad cu’i bar dag raṅ bźin gyis stoṅ źes bya bar chos ston to ||
rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | (3) raṅ byaṅ chub daṅ | rnam pa thams cad mkhyen pa ñid daṅ | bag chags kyi mtshams sbyor ba thams cad spaṅs pa’i bar dag kyaṅ raṅ bźin gyis stoṅ ṅo źes bya bar chos ston to ||
rab ’byor gal te naṅ stoṅ pa ñid raṅ bźin gyis stoṅ pa ma yin na ni byaṅ chub sems dpa’ (4) sems dpa’ chen po chos thams cad raṅ bźin gyis stoṅ ṅo źes bya bar chos ston par mi ’gyur la | de bźin du phyi stoṅ pa ñid daṅ | phyi naṅ stoṅ pa ñid daṅ | de bźin du sbyar te dṅos po med pa’i ṅo bo ñid stoṅ pa ñid kyi bar dag raṅ bźin gyis stoṅ pa ma yin na ni byaṅ (5) chub sems dpa’ sems dpa’ chen po chos thams cad raṅ bźin gyis stoṅ źes bya bar chos ston par yaṅ mi ’gyur te | de’i phyir raṅ bźin stoṅ pa ñid kyaṅ bśig par ’gyur ba źig na | raṅ bźin gyis stoṅ pa ñid ni ’jig par yaṅ mi ’gyur źiṅ | ther zug tu gnas (6) pa yaṅ ma yin te | phyis med par ’gyur ba yaṅ ma yin no ||
de ci’i phyir źe na | de ni yul na mi gnas | phyogs na mi gnas śiṅ | de ni gaṅ nas kyaṅ ’oṅ ba ma yin | gaṅ du yaṅ ’gro ba ma yin pa’i phyir ro ||
de ni chos gnas pa ñid yin te | de la ni (7) ’phel pa’am | ’grib pa’am | sogs pa’am | ’jig pa’am | skye ba’am | ’gag pa’am | kun nas ñon moṅs pa’am | rnamaka par byaṅ ba’i chos gaṅ yaṅ dmigs su med do ||
de ni chos rnams kyi raṅ bźin yin te | de la gnas nas byaṅ chub (104b1) sems dpa’ sems dpa’ chen po rnams bla na med pa yaṅ dag par rdzogs pa’i byaṅ chub la gnas kyaṅ | chos gaṅ yaṅ ’jig par yaṅ dag par rjes su mi mthoṅ ṅo ||
chos thams cad ni gnas pa yaṅ med ciṅ ’jig pa med pa ste | de ni chos rnams kyi chos gnas (2) pa ñid yin no ||
de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | chos thams cad raṅ bźin gyis stoṅ par mthoṅ bas | bla na med pa yaṅ dag par rdzogs pa’i byaṅ chub las phyir mi ldog go ||
de ci’i phyir źe na | ’di ltar (3) des chos gaṅ la yaṅ sgrib pa yaṅ yaṅ dag par rjes su mi mthoṅ ste | des chos thams cad sgrib pa med par yaṅ dag par rjes su mthoṅ ba’i phyir ro ||
de ni ’di ltaRa raṅ bźin gyis stoṅ pa ñid de la bdag mi dmigs śiṅ | bdag tu gdags pa yaṅ mi dmigs la | (4) sems can daṅ | srog daṅ | skye ba po daṅ | śed las skyes daṅ | śed bu daṅ | gso pa po daṅ | gaṅ zag daṅ | byed pa po daṅ | byed du ’jug pa po daṅ | sloṅ ba po daṅ | kun nas sloṅ ba po daṅ | tshor ba po daṅ | śes pa po daṅ | mthoṅ ba (5) po yaṅ mi dmigs | mthoṅ ba por gdags pa yaṅ mi dmigs | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ mi dmigs | rnam par śes par gdags pa yaṅ mi dmigs | de bźin du naṅ daṅ phyi’i (6) tshes rnams kyaṅ mi dmigs | dpe byad bzaṅ po brgyad cu’i bar dag kyaṅ mi dmigs | dpe byad bzaṅ po brgyad cur gdags pa yaṅ mi dmigs na | bla na med pa yaṅ dag par rdzogs pa’i byaṅ chub la the tsom za bar ’gyur ba ltag la yod | rab ’byor ’di (7) lta ste dper na de bźin gśegs pa’i sprul pas sprul pa’i dge sloṅ ṅam | dge sloṅ ma ’am | dge bsñen nam | dge bsñen ma źig la bskal pa khrag khrig sñed du rgyun mi chad par chos bstan par gyur na | rab ’byor ’di ji sñam du sems | sprul pa de dag la rgyun du (105a1) źugs pa’i ’bras bu ’thob pa daṅ | lan cig phyir ’oṅ ba’i ’bras bu’am | phyir mi ’oṅ ba’i ’bras bu daṅ | dgra bcom pa ñid ’thob pa’am | raṅ byaṅ chub bam | bla na med pa yaṅ dag par rdzogs pa’i byaṅ chub ’thob pa’i skal pa yod sñam (2) ’am | gsol pa | bcom ldan ’das de ni ma lags so ||
de ci’i slad du źe na | ’di ltar de dag la dṅos po ma mchis pa’i slad du’o ||
bcom ldan ’das kyis bka’ stsal pa | rab ’byor de de bźin no ||
de de bźin te | chos thams cad dṅos po med pa la (3) byaṅ chub sems dpa’ sems dpa’ chen pos gaṅ źig rgyun du źugs pa’i ’bras bu’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu’am | dgra bcom pa ñid dam | raṅ byaṅ chub bam | bla na med pa yaṅ dag par rdzogs pa’i byaṅ chub la gzud (4) par bya ba’i sems can gaṅ źig yod de | gźan du na phyin ci log gis kun nas dkris pa’i skye dgu rnams phyin ci log med pa la ’dzud ciṅ ’god par byed do ||
rtog pa’i rgyu ’thun pa ma yin pa’i phyir phyin ci log gaṅ yin pa de ñid phyin ci log ma yin pa ste | rtog (5) pa med ciṅ phyin ci log med pa’o ||
gaṅ la phyin ci log med pa de la ni bdag med do ||
śes pa po daṅ | mthoṅ ba po’i bar dag med do ||
(6) rnam par śes pa med do ||
de bźin du sbyar te | byaṅ chub kyi bar dag med do ||
gaṅ la bdag med pa daṅ | śes pa po daṅ | mthoṅ ba po’i bar dag med pa daṅ | gzugs med pa daṅ | tshor ba med pa daṅ | ’du śes med pa daṅ | ’du byed rnams med pa daṅ | (7) rnam par śes pa med pa daṅ | byaṅ chub kyi bar dag med pa de ni raṅ bźin gyis stoṅ pa ñid yin te | de la gnas nas byaṅ chub sems dpa’ sems dpa’ chen po śes rab kyi pha rol tu phyin pa la spyod ciṅ | sems can phyin ci log tu gyur pa rnams | sems can gyi ’du śes (105b1) las grol bar byed do ||
gzugs kyi ’du śes daṅ | gzugs med pa’i ’du śes kyi bar dag las grol bar byed do ||
de bźin du sbyar te | zag pa daṅ bcas pa daṅ | zag pa med pa’i chos rnams las rnam par grol bar byed do ||
zag pa med pa’i chos gaṅ (2) yin pa de dag kyaṅ ’di lta ste | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | (3) gzugs med pa’i sñoms par ’jug pa bźi daṅ | saṅs rgyas kyi chos ma ’dres pa bcwa brgyad kyi bar dag ste | de yaṅ de la don dam pa ji lta ba bźin du ni ma yin no ||
de ltar ’dus ma byas pa daṅ | ma skyes pa daṅ | dṅos po med pa daṅ | ’byuṅ ba med pa de ni (4) raṅ bźin gyis stoṅ pa ñid yin no ||
de ni saṅs rgyas bcom ldan ’das rnams kyi byaṅ chub yin te de la ni bdag med do ||
śes pa po daṅ | mthoṅ ba po’i bar dag med do ||
’du byed (5) rnams med do ||
rnam par śes pa med do ||
de bźin du sbyar te | dpe byad bzaṅ po brgyad cu’i bar dag med do ||
byaṅ chub sems dpa’ sems dpa’ chen po ni raṅ bźin gyis stoṅ pa ñid yoṅs su śes par bya ba’i don ma gtogs par lam gyi don du bla na med (6) pa yaṅ dag par rdzogs pa’i byaṅ chub la gnas par mi byed do ||
gaṅ raṅ bźin gyis stoṅ pa ñid de yaṅ sṅon gyi mtha’ yaṅ raṅ bźin gyis stoṅ pa ñid yin la | de ni phyi ma’i mtha’ daṅ | dbus su yaṅ raṅ bźin gyis stoṅ pa ñid yin te | de ni nam yaṅ raṅ bźin gyis mi stoṅ (7) pa ñid ma yin no ||
de lta bas na byaṅ chub sems dpa’ sems dpa’ chen po raṅ bźin gyis stoṅ pa ñid kyi pha rol tu phyin pa la gnas nas sems can rnams sems can du ’du śes pa daṅ | ’du śes thams cad las dgrol ba’i phyir lam gyi rnam pa śes pa ñid la spyod par byed do ||
(106a1) de lam gyi rnam pa śes pa ñid la spyod pa’i tshe | ’di lta ste | ñan thos kyi lam daṅ | raṅ saṅs rgyas kyi lam daṅ | byaṅ chub sems dpa’i lam daṅ | lam thams cad la yaṅ spyod pa yin no ||
rab ’byor byaṅ chub sems dpa’ sems dpa’ (2) chen po des lam thams cad yoṅs su rdzogs par byas nas sems can rnams yoṅs su smin par byas śiṅ | saṅs rgyas kyi źiṅ yoṅs su dag par byas te | tshe’i ’du byed byin gyis brlabs nas bla na med pa yaṅ dag par rdzogs pa’i byaṅ chub mṅon par rdzogs par (3) ’tshaṅ rgya’o ||
de bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas kyaṅ | saṅs rgyas kyi tshul rgyun mi gcod de | ’di lta ste raṅ bźin gyis stoṅ pa ñid ’di ni saṅs rgyas bcom ldan ’das rnams kyi saṅs rgyas kyi tshul yin no ||
(4) rab ’byor saṅs rgyas bcom ldan ’das gaṅ dag ’das pa’i dus na byuṅ bar gyur pa’i saṅs rgyas rgyas bcom ldan ’das de dag gi saṅs rgyas kyi tshul yaṅ ’di lta ste | raṅ bźin gyis stoṅ pa ñid ’di yin no ||
saṅs rgyas bcom ldan ’das gaṅ dag ma ’oṅs pa’i dus na ’byuṅ (5) bar ’gyur ba rnams daṅ | saṅs rgyas bcom ldan ’das gaṅ dag da ltar phyogs bcu’i ’jig rten gyi khams na bźugs te | ’tsho źiṅ gźes la chos kyaṅ ston pa’i saṅs rgyas bcom ldan ’das de dag gi saṅs rgyas kyi tshul yaṅ ’di lta ste | raṅ bźin gyis stoṅ pa ñid ’di (6) yin te | raṅ bźin gyis stoṅ pañida ’di ni saṅs rgyas bcom ldan ’das rnams las ’byuṅ ba ma gtogs par gźan las ’jig rten du ’byuṅ bar mi ’gyur bas na | byaṅ chub sems dpa’ sems dpa’ chen pos ji ltar spyad na rnam pa thams cad mkhyen pa ñid las (7) yoṅs su ñams par mi ’gyur ba de ltar raṅ bźin gyis stoṅ pa ñid kyi pha rol tu phyin pa la spyad par bya’o ||
rab ’byor gyis gsol pa | bcom ldana’adasa de ltar byaṅ chub sems dpa’ sems dpa’ chen po dag raṅ bźin gyis stoṅ pa ñid la yaṅ spyod la | gzugs kyaṅ gźan (106b1) źig raṅ bźin gyis stoṅ pa ñid kyaṅ gźan ma lags | tshor ba yaṅ gźan | ’du śes kyaṅ gźan | ’du byed rnams kyaṅ gźan | rnam par śes pa yaṅ gźan źiṅ raṅ bźin gyis stoṅ pa ñid kyaṅ gźan ma lags la | de bźin du saṅs rgyas kyi chos thams cad daṅ | byaṅ (2) chub kyi bar dag kyaṅ gźan źiṅ | raṅ bźin gyis stoṅ pa ñid kyaṅ gźan ma lags te | gzugs ñid kyaṅ raṅ bźin gyis stoṅ pa ñid lags la | raṅ bźin gyi stoṅ pa ñid kyaṅ gzugs lags śiṅ byaṅ chub kyi bar ñid kyaṅ raṅ bźin gyis stoṅ pa ñid lags la | raṅ (3) bźin gyis stoṅ pa ñid kyaṅ byaṅ chub lags par raṅ bźin gyis stoṅ pa ñid de yaṅ rnam par ’khrugs pa mi bgyid pa de ni ṅo mtshar lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor (4) gal te gzugs kyaṅ gźan la | raṅ bźin gyis stoṅ pa ñid kyaṅ gźan | tshor ba daṅ | ’du śes daṅ | ’du byed rnams daṅ | rnam par śes pa yaṅ gźan la | raṅ bźin gyis stoṅ pa ñid kyaṅ gźan źiṅ | de bźin du sbyar te | byaṅ chub kyi bar yaṅ gźan la | (5) raṅ bźin gyis stoṅ pa ñid kyaṅ gźan źig yin par gyur na ni | rab ’byor byaṅ chub sems dpa’ sems dpa’ sems dpa’ chen pos gzugs rnam pa thams cad mkhyen pa ñid du mṅon par rdzogs par ’tshaṅ rgya bar mi ’gyur la | tshor ba daṅ | ’du śes daṅ | ’du byed rnams (6) daṅ | rnam par śes pa yaṅ rnam pa thams cad mkhyen pa ñid du mṅon par rdzogs par ’tshaṅ rgya bar mi ’gyur la | byaṅ chub kyi bar dag kyaṅ rnam pa thams cad mkhyen pa ñid du mṅon par rdzogs par ’tshaṅ rgya bar mi ’gyur ba źig na | rab ’byor ’di ltar gzugs ñid kyaṅ (7) raṅ bźin gyis stoṅ pa ñid yin la | raṅ bźin gyis stoṅ pa ñid kyaṅ gzugs yin | tshor ba daṅ | ’du śes daṅ | ’du byed rnams daṅ | rnam par śes pa yaṅ raṅ bźin gyis stoṅ pa ñid yin la raṅ bźin gyis stoṅ pa ñid kyaṅ rnam par śes pa ñid yin | byaṅ chub kyi (107a1) bar dag kyaṅ raṅ bźin gyis stoṅ pa ñid yin la | raṅ bźin gyis stoṅ pa ñid kyaṅ byaṅ chub ñid yin te | de’i phyir rab ’byor byaṅ chub sems dpa’ sems dpa’ chen pos gzugs raṅ bźin gyis stoṅ par rig nas | gzugs ñid rnam pa thams (2) cad mkhyen pa ñid mṅon par rdzogs par ’tshaṅ rgya bar ’gyur ro ||
byaṅ chub kyi bar du yaṅ raṅ bźin gyis stoṅ par rig nas | byaṅ chub ñid rnam pa thams cad mkhyen pa ñid du mṅon par rdzogs par ’tshaṅ rgya bar ’gyur ro ||
de ci’i phyir źe na | raṅ bźin gyis stoṅ pa ñid (3) pa ni rnam par ’jig pa’am | ther zug tu gnas pa’am | ’jug par ’gyur ba’i chos gaṅ yaṅ med pa’i phyir ro ||
gźan du na lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bram ze’i skye dgu daṅ bcas pa’i ’jig (4) rten gyis gzugs yaṅ dag pa ji lta ba bźin du rab tu mi śes so ||
tshor ba daṅ | ’du śes daṅ | ’du byed rnams daṅ | rnam par śes pa yaṅ dag pa ji lta ba bźin du rab tu mi śes so ||
rab tu mi śes pas byis pa so so’i skye bo rnams gzugs la mṅon par źen (5) to ||
tshor ba daṅ | ’du śes daṅ | ’du byed rnams daṅ | rnam par śes pa la mṅon par źen to ||
gzugs la mṅon par źen ciṅ | tshor ba daṅ | ’du śes daṅ | ’du byed rnams daṅ | rnam par śes pa la mṅon par źen nas ṅar ’dzin pa daṅ | ṅa yir (6) ’dzin pa dag la spyod par byed de | de dag ṅar ’dzin pa daṅ | ṅa yir ’dzin pa dag la mṅon par źen nas kyaṅ | naṅ daṅ phyi’i dṅos po rnams la mṅon par źen to ||
mṅon par źen nas kyaṅ skye ba’i skye mched dag tu gzugs daṅ | tshor ba daṅ | ’du śes daṅ | ’du (7) byed rnams daṅ | rnam par śes pa yoṅs su ’dzin par byed de | de dag ni skye ba daṅ | rga ba daṅ na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal pa daṅ | yid mi bde ba daṅ | ’khrugs pa dag las yoṅs su mi ’gro la źiṅ | ’gro ba lṅa’i (107b1) ’khor ba las kyaṅ yoṅs su mi thar ro ||
de’i phyir byaṅ chub sems dpa’ sems dpa’ chen po raṅ bźin gyis stoṅ pa ñid kyi pha rol tu phyin pa la gnas nas | stoṅ źes bya ba’am | mi stoṅ źes bya bar gzugs rnam par ’khrugs par mi byed do ||
stoṅ źes bya ba (2) ’am | mi stoṅ źes bya bar tshor ba daṅ | ’du śes daṅ | ’du byed rnams daṅ | rnam par śes pa rnam par ’khrugs par mi byed do ||
de bźin du sbyar te | stoṅ źes bya ba’am | mi stoṅ źes bya bar byaṅ chub kyi bar du rnam par ’khrugs par mi byed do ||
de ci’i phyir źe (3) na | ’di ni gzugs so ||
’di ni stoṅ pa ñid do źes gzugs kyi stoṅ pa ñid rnam par ’khrugs par mi byed ciṅ | ’di ni rnam par śes pa’i bar ro ||
’di ni rnam par śes pa’i stoṅ pa ñid do ||
de bźin du sbyar te | ’di ni byaṅ chub kyi bar ro ||
’di ni raṅ bźin (4) gyis stoṅ pa ñid do ||
źes rnam par ’khrugs par mi byed pa’i phyir ro ||
rab ’byor ’di lta ste dper na nam mkhas ni nam mkha’ rnam par ’khrugs par mi byed de | naṅ gi nam mkhas kyaṅ phyi rol gyi nam mkha’ rnam par ’khrugs par mi byed la | phyi rol gyi nam (5) mkhas kyaṅ naṅ gi nam mkha’ rnam par ’khrugs par mi byed do ||
rab ’byor de bźin du raṅ bźin gyis stoṅ pa ñid kyis kyaṅ gzugs rnam par ’khrugs par mi byed la | gzugs kyis kyaṅ stoṅ pa ñid rnam par ’khrugs par mi byed do ||
stoṅ pa ñid kyis kyaṅ | tshor ba (6) daṅ | ’du śes daṅ | ’du byed rnams daṅ | rnam par śes pa rnam par ’khrugs par mi byed la | rnam par śes pas kyaṅ stoṅ pa ñid rnam par ’khrugs par mi byed do ||
stoṅ pa ñid kyis kyaṅ byaṅ chub kyi bar du rnam par ’khrugs par mi byed la | byaṅ chub kyi bar (7) gyis kyaṅ stoṅ pa ñid rnam par ’khrugs par mi byed do ||
de ci’i phyir źe na | de dag la ’di ni gzugs so ||
’di ni stoṅ pa ñid do źes bya ba daṅ | ’di ni tshor ba daṅ | ’du śes daṅ | ’du byed rnams daṅ | rnam par śes pa’o ||
de bźin du sbyar (108a1) te ’di ni byaṅ chub kyi bar ro ||
’di ni stoṅ pa ñid do źes gaṅ rnam par ’khrugs par byed pa de lta bu’i ṅo bo ñid med pa’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom (2) ldan ’das gal te chos thams cad dbyer ma mchis pa lags na | bcom ldan ’das ’o na byaṅ chub sems dpa’ sems dpa’ chen po bdag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bgyi’o ||
źes gaṅ la yaṅ dag par źugs (3) pa lags | bcom ldan ’das byaṅ chub ni gñis su dbyer ma mchis pa lags te | gñis su ’byed pas ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar rdo mi thogs lags so ||
bcom ldan ’das kyis bka’ stsal pa | rab ’byor de de (4) bźin no ||
de de bźin te | rab ’byor byaṅ chub ni gñis la spyod pa ma yin te | byaṅ chub ni gñis su med ciṅ gñis su dbyer med do ||
rab ’byor byaṅ chub sems dpa’ sems dpa’ chen po’i byaṅ chub ’di ni byaṅ chub sems dpa’o ||
’di ni byaṅ chub sems dpa’i byaṅ (5) chub bo źes byaṅ chub la gñis su dbye bas mi spyod do ||
byaṅ chub sems dpa’ sems dpa’ chen po’i byaṅ chub ni gzugs la mi spyod do ||
tshor ba daṅ | ’du śes daṅ | ’du byed rnams daṅ | rnam par śes pa la mi spyod do ||
byaṅ chub kyi bar la mi spyod do ||
de (6) ci’i phyir źe na | byaṅ chub la ni bdag ces bya ba’i sgra med de | bdag gzugs la spyod do źes bya ba daṅ | tshor ba daṅ | ’du śes daṅ | ’du byed rnams daṅ | rnam par śes pa la spyod do źes bya ba daṅ | byaṅ chub kyi bar la spyod do źes bya ba’i sgra med pa yin te | (7) byaṅ chub sems dpa’ sems dpa’ chen po’i byaṅ chub ni ’dzin pa la yaṅ mi spyod | ’dzin pa med pa la yaṅ mi spyod pa’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te byaṅ chub (108b1) sems dpa’ sems dpa’ chen po’i byaṅ chub ’dzin pa la yaṅ mi spyod | ’dzin pa ma mchis pa la yaṅ mi spyod lags na | ’o na byaṅ chub sems dpa’ sems dpa’ chen po’i byaṅ chub gaṅ la spyod pa lags | bcom ldan ’das kyis bka’ stsal pa | rab ’byor ’di ji sñam (2) du sems | de bźin gśegs pa’i sprul pa’i byaṅ chub ’dzin pa’am | ’dzin pa med pa gaṅ źig la spyod sñam ’am | gsol pa | bcom ldan ’das de ni ma lags so ||
bcom ldan ’das kyis bka’ stsal pa | rab ’byor ’di ji sñam du sems | dgra bcom pa’i rmi lam (3) gyi blo ’dzin pa’am | ’dzin pa med pa gaṅ źig la spyod sñam ’am | gsol pa | bcom ldan ’das de ni ma lags te | dgra bcom pa la g-yar lam yaṅ gtan ma mchis lags na | de’i g-yar lam gyi blo ’dzin pa’am | ’dzin pa ma mchis pa la spyod par ’gyur ba lag la (4) mchis | bcom ldan ’das kyis bka’ stsal pa | rab ’byor de bźin du byaṅ chub sems dpa’ sems dpa’ chen po’i byaṅ chub kyaṅ ’dzin pa’am | ’dzin pa med pa la mi spyod do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad (5) ces gsol to ||
bcom ldan ’das gal te byaṅ chub sems dpa’ sems dpa’ chen po’i byaṅ chub ’dzin pa la yaṅ mi spyod | ’dzin pa ma mchis pa la yaṅ mi spyod | gzugs la yaṅ mi spyod | rnam pa thams cad mkhyen pa ñid kyi bar la yaṅ mi spyod lags na | bcom ldan (6) ’das ’o na ji ltar byaṅ chub sems dpa’ sems dpa’ chen po pha rol tu phyin pa drug la spyad nas | sa bcu daṅ byaṅ chub kyi phyogs kyi chos sum cu rtsa bdun daṅ | stoṅ pa ñid bcu bźi daṅ | rnam par thar pa’i sgo gsum daṅ | bsam gtan rnams daṅ | rnam par thar pa rnams (7) daṅ | sñoms par ’jug pa rnams la spyod ciṅ de bźin gśegs pa’i stobs bcu daṅ | dpe byad bzaṅ po brgyad cu’i bar dag bsgrubs te | mṅon par śes pa lṅa la gnas nas | sa bcu yoṅs su rdzogs par bgyis śiṅ byaṅ chub sems dpa’i skyon ma mchis pa las źugs nas (109a1) saṅs rgyas kyi źiṅ yoṅs su dag par bgyis śiṅ | sems can rnams yoṅs su smin par bgyis te | rnam pa thams cad mkhyen pa ñid mṅon par rdzogs par ’tshaṅ rgya bar ’gyur lags | bcom ldan ’das pha rol tu phyin pa drug la ma spyad ciṅ sa bcu lam (2) gnas | mṅon par śes pa lṅa’i bar dag la ma gnas byaṅ chub sems dpa’i skyon ma mchis pa la ma źugs | saṅs rgyas kyi źiṅ yoṅs su dag par ma bgyis | sems can yoṅs su smin par ma bgyis par ni bla na med pa yaṅ dag par rdzogs pa’i byaṅ chub mṅon par rdzogs par (3) ’tshaṅ rgya bar rṅo mi thogs lags so ||
bcom ldan ’das kyis bka’ stsal pa | rab ’byor de de bźin te | de de bźin no ||
ji skad smras pa de bźin te | sa bcu lam gnas śiṅ pha rol tu phyin pa drug daṅ | dge ba’i chos thams cad kyi bar dag yoṅs su (4) rdzogs par ma byas par bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi nus kyi | rab ’byor sa bcu yoṅs su rdzogs par byas śiṅ pha rol tu phyin pa drug daṅ | bsam gtan bźi daṅ | tshad med pa bźi daṅ | gzugs med (5) pa’i sñoms par ’jug pa bźi daṅ | dran pa ñe bar gźag pa bźi daṅ | ’phags pa’i lam yan lag brgyad pa’i bar daṅ | rnam par thar pa’i sgo gsum po stoṅ pa ñid daṅ | mtshan ma med pa daṅ | smon pa med pa daṅ | dpe byad bzaṅ po brgyad cu’i bar (6) dag daṅ | bsñel ba mi mṅa’ ba’i chos ñid daṅ | rtag tu btaṅ sñoms su gnas pa dag yoṅs su rdzogs par byas na rnam pa thams cad mkhyen pa ñid thob par nus so ||
rab ’byor de yaṅ gzugs kyi raṅ bźin la gnas śiṅ tshor ba daṅ | ’du śes daṅ | ’du (7) byed rnams daṅ | rnam par śes pa’i raṅ bźin la gnas la | byaṅ chub kyi bar gyi raṅ bźin la gnas na | rnam pa thams cad mkhyen pa ñid thob par nus so ||
raṅ bźin de yaṅ ñe bar źi ba ste | de ni chos gaṅ yaṅ stsogs pa’am | ’bri ba’am | bskyed pa’am (109b1) ’gog pa’am | kun nas ñon moṅs pa’am | rnam par byaṅ ba’am | ’thob pa’am | mṅon par rtogs par mi byed do ||
rab ’byor de yaṅ ’jig rten gyi tha sñad kyis btags pa’i chos ñid ñe bar bzuṅ nas | byaṅ chub sems dpa’ sems dpa’ chen po bla na (2) med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar zad kyi | don dam par ni de la gzugs sam | byaṅ chub kyi bar ram | gaṅ byaṅ chub la spyod pa gaṅ yaṅ med de | chos de dag thams cad ni ’jig rten gyi pha sñad kyis btags par zad kyi | (3) don dam par ni ma yin no ||
rab ’byor byaṅ chub sems dpa’ sems dpa’ chen po ni sems daṅ po bskyed pa nas bzuṅ ste | byaṅ chub kyi phyir spyod pa na sems de daṅ | sems can daṅ | byaṅ chub daṅ | byaṅ chub sems dpa’ dag mi dmigs so ||
rab (4) ’byor ’di ji sñam du sems | gaṅ gi tshe rab ’byor khyod kyis ’jig tshogs la lta ba spaṅ ba’i phyir dbaṅ po rnams thob bam | bar chad med pa’i tiṅ ṅe ’dzin tam | rgyun tu źugs pa’i ’bras bu thob ’am | lan cig phyir ’oṅ ba’i ’bras bu thob ’am | phyir mi ’oṅ ba’i (5) ’bras bu thob ’am | dgra bcom pa ñid thob par gyur pa de’i tshe rmi lam ’am | sems sam lam ’am | ’bras bu dmigs sñam ’am | gsol pa | bcom ldan ’das de ni ma lags so ||
bka’ stsal pa | rab ’byor ’o na ji ltar rab ’byor gyis dgra (6) bcom pa ñid thob bo źes śes pa brda sprad par gyur | gsol pa | bcom ldan ’das ’jig rten gyi tha sñad du bzuṅ ste | śes pa brda sprad lags so ||
bka’ stsal pa | rab ’byor de bźin du byaṅ chub sems dpa’ yaṅ ’jig rten gyi tha sñad kyis btags (7) pa yin no ||
gzugs kyaṅ ’jig rten gyi tha sñad kyis btags pa yin no ||
tshor ba daṅ | ’du śes daṅ | ’du byed rnams daṅ | rnam par śes pa yaṅ ’jig rten gyi tha sñad kyis btags pa yin no ||
rnam pa thams cad mkhyen pa ñid kyi bar dag kyaṅ ’jig (110a1) rten gyi tha sñad kyis btags pa yin te | byaṅ chub sems dpa’ sems dpa’ chen pos ni chos rnams kyi raṅ bźin stoṅ pa ñid ñe bar bzuṅ na byaṅ chub la gaṅ sogs pa’am | ’bri bar byed pa’am | phan ’dogs pa’am | gnod par byed pa’i chos gaṅ yaṅ (2) ma dmigs te | chos rnams kyi raṅ bźin de yaṅ ma dmigs na sems daṅ po bskyed pa dmigs par gyur pa daṅ | sems bskyed pa bcu pa’i bar daṅ | pha rol tu phyin pa drug daṅ | byaṅ chub kyi phyogs kyi chos sum cu rtsa bdun gyi bar dag dmigs par ’gyur ba daṅ | stoṅ pa ñid (3) kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin daṅ | saṅs rgyas kyi chos rnams kyi bar dag dmigs par ’gyur ba lta ci smos te de ni gnas med do ||
rab ’byor de ltar byaṅ chub sems dpa’ sems dpa’ chen po bla na med pa yaṅ dag par (4) rdzogs pa’i byaṅ chub la spyad ciṅ bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas sems can rnams kyi don byed do ||
śes rab kyi pha rol tu phyin pa khri brgyad stoṅ pa las | mi ’khrugs pa bstan pa’i le’u źes bya ste | bdun cu rtsa (5) lṅa pa’o || ||
da nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te byaṅ chub sems dpa’ sems dpa’ chen po pha rol tu phyin pa drug daṅ | byaṅ chub kyi phyogs kyi chos sum cu rtsa bdun daṅ | de bźin (6) gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad la spyad ciṅ | stoṅ pa ñid bcu bźi daṅ | byaṅ chub kyi lam yoṅs su rdzogs par bgyis kyaṅ bla na med pa yaṅ dag par rdzogs (7) pa’i byaṅ chub mṅon par rdzogs par ’tshaṅ rgya ba’i skal pa ma mchis lags na | bcom ldan ’das ji ltar byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur lags | bcom ldan ’das kyis (110b1) bka’ stsal pa | rab ’byor gaṅ gi tshe byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas | sbyin pa’i pha rol tu phyin pa la spyod ciṅ sbyin pa yaṅ mi dmigs | sbyin bdag daṅ len pa po yaṅ mi dmigs śiṅ | (2) de las gźan pa’i chos rnams la yaṅ mi spyod pa de’i tshe byaṅ chub sems dpa’ sems dpa’ chen po byaṅ chub kyi lam thob par ’gyur te | rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas (3) pas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ro ||
de bźin du pha rol tu phyin pa lṅa po dag daṅ | saṅs rgyas kyi chos ma ’dres pa bcwa brgyad kyi bar dag la yaṅ sbyar bar bya’o ||
de nas bcom ldan ’das la tshe daṅ (4) ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa | ji ltar byaṅ chub kyi lam la brtson par bgyid pa lags | de skad ces gsol pa daṅ | bcom ldan ’das (5) kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa thabs la mkhas pas gzugs la sbyor bar mi byed | ’byed par mi byed do ||
de ci’i phyir źe na | ś ri’i (6) bu ’di ltar gzugs la gaṅ sbyar bar bya ba ’am | dbye bar bya ba’i ṅo bo ñid med pa’i phyir ro ||
rnam par śes pa’i bar la yaṅ sbyor bar mi byed ’byed par mi byed do ||
de ci’i phyir źe na | ’di ltar rnam par śes pa la gaṅ la sbyar bar bya ba ’am | dbye bar bya ba’i ṅo bo ñid (7) med pa’i phyir ro ||
sbyin pa’i pha rol tu phyin pa la sbyor bar mi byed ’byed par mi byed do ||
de ci’i phyir źe na | ’di ltar da la gaṅ sbyar bar bya ba’am | dbye bar bya ba’i ṅo bo ñid med pa’i phyir ro ||
de bźin du śes rab kyi pha rol tu phyin pa daṅ | saṅs rgyas kyi chos ma ’dres pa bcwa (111a1) brgyad kyi bar dag la yaṅ sbyar bar bya’o ||
gsol pa | bcom ldan ’das gal te chos gaṅ la yaṅ gaṅ sbyar par bgyi ba’am | dbye bar bgyi ba’i ṅo bo ñid ma mchis lags na | ’o na byaṅ chub sems dpa’ sems dpa’ chen pos gaṅ la bslab par (2) bgyi ba’i śes rab kyi pha rol tu phyin pa ji ltar mṅon par ’grub par ’gyur lags | śes rab kyi pha rol tu phyin pa la ma bslabs par ni byaṅ chub sems dpa’ sems dpa’ chen pos bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar rṅo (3) mi thogs lags so ||
bka’ stsal pa | ś ri’i bu de de bźin te | de de bźin no ||
ji skad smras pa de bźin te | śes rab kyi pha rol tu phyin pa lam bslabs par byaṅ chub sems dpa’ sems dpa’ chen pos bla na med pa yaṅ dag par rdzogs pa’i byaṅ chub mṅon par (4) rdzogs par ’tshaṅ rgya bar mi nus te | de yaṅ thabs la mkhas pas yin gyi thabs la mi mkhas pas ni ma yin no ||
ś ri’i bu gal te byaṅ chub sems dpa’ sems dpa’ chen po śes rab kyi pha rol tu phyin pa la spyod pa chos ’ga’ źig gi raṅ bźin dmigs na ni | de (5) dag ’dzin par ’gyur ba źig na ci ste mi dmigs na go ||
’di ni śes rab kyi pha rol tu phyin pa’o ||
’di ni bsam gtan gyi pha rol tu phyin pa’o ||
’di ni brtson ’grus kyi pha rol tu phyin pa’o ||
’di ni bzod pa’i pha rol tu phyin pa’o ||
’di ni tshul khrims kyi pha rol tu phyin (6) pa’o ||
’di ni sbyin pa’i pha rol tu phyin pa’o ||
’di ni rnam par śes pa’i bar dag go ||
’di ni saṅs rgyas kyi chos rnams kyi bar dag go źes bya bar ci źig ’dzin par ’gyur te | byaṅ chub kyi bar dag kyaṅ dmigs su med na de ci źig ’dzin par ’gyur | (7) ś ri’i bu śes rab kyi pha rol tu phyin pa ni gzuṅ du med pa ste | saṅs rgyas kyi chos rnams kyi bar dag kyaṅ gzuṅ du med pa yin no ||
ś ri’i bu pha rol tu phyin pa ’di ni ’dzin pa med pa’i pha rol tu phyin pa ste | ’di ltar śes rab kyi pha rol tu phyin pa’o ||
de la byaṅ chub sems (111b1) dpa’ sems dpa’ chen pos bslab par bya ste | de la slob pa’i byaṅ chub sems dpa’ sems dpa’ chen po ni slob pa yaṅ mi dmigs na byaṅ chub lta ci smos | śes rab kyi pha rol tu phyin pa lta yaṅ ci smos | byaṅ chub sems dpa’i chos rnams lta yaṅ ci smos | saṅs rgyas kyi (2) chos rnams lta yaṅ ci smos | raṅ saṅs rgyas kyi chos rnams daṅ | ñan thos kyi chos rnams daṅ | so so’i skye bo’i chos rnams lta yaṅ ci smos | de ci’i phyir źe na | ś ri’i bu ’di ltar chos gaṅ la yaṅ ṅo bo ñid med pa’i phyir te | de la ṅo bo ñid med pa’i chos thams cad (3) la ni so so’i skye bo’i chos rnams kyaṅ gaṅ źig yin | rgyun du źugs pa daṅ | lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs rgyas kyi chos rnams daṅ | dgra bcom pa ñid daṅ | raṅ byaṅ chub daṅ | byaṅ chub sems dpa’ (4) daṅ | yaṅ dag par rdzogs pa’i saṅs rgyas kyaṅ gaṅ źig yin | gal te gaṅ zag de dag dmigs su med na chos gaṅ dag gis ’di ni so so’i skye bo’o ||
’di ni de bźin gśegs pa dgra bcom pa yaṅ dag par rdzogs pa’i saṅs rgyas kyi bar dag go źes bya bar (5) brjod pa’i chos de dag kyaṅ ’byuṅ bar ga la ’gyur | gsol pa | bcom ldan ’das chos thams cad dṅos po ma mchis pa la ’di ni so so’i skye po lags so ||
’di ni de bźin gśegs pa dgra bcom pa yaṅ dag par rdzogs pa’i saṅs rgyas kyi bar dag lags (6) so źes bgyi ba gaṅ nas ’byuṅ źiṅ mchis par ’gyur lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu ci gzugs la ji ltar byis pa so so’i skye bo mṅon par źen par gyur pa lta bu’i (7) dṅos po yod par gyur tam yod par ’gyur ram | gsol pa | bcom ldan ’das so so’i skye bo bslad pa’i sems kyis gzugs so źes mṅon par źen pa ma gtogs par de ni ma mchis lags so ||
bka’ stsal pa | ś ri’i bu ci tshor ba daṅ | ’du śes (112a1) daṅ | ’du byed rnams daṅ | rnam par śes pa la ji ltar byis pa so so’i skye bo mṅon par źen par gyur pa lta bu’i dṅos po yod par gyur ta ma yod par ’gyur ram | de bźin du sbyar te ś ri’i bu ’di ji sñam du sems | saṅs rgyas kyi chos (2) thams cad kyi bar dag la ji ltar byis pa so so’i skye bo mṅon par źen par gyur pa de lta bu’i dṅos po yod par gyur tam | yod par ’gyur ram | gsol pa | bcom ldan ’das so so’i skye bo bslad pa’i sems kyis rnam par śes pa’i bar dag daṅ | saṅs rgyas (3) kyi chos thams cad kyi bar dag la dṅos por rtog pa ma gtogs par de ni ma mchis lags so ||
bcom ldan ’das kyis bka’ stsal pa | ś ri’i bu de de bźin no ||
de de bźin te | so so skye bo ni bslad pa’i sems kyis dṅos po med pa’i sems kyis (4) dṅos po med pa’i chos rnams la dṅos por rtog ste | de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas chos de dag thams cad dṅos po med par mthoṅ nas bla na med pa yaṅ dag par rdzogs pa’i (5) byaṅ chub bźugs so ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das thabs la mkhas pa gaṅ gis byaṅ chub sems dpa’ sems dpa’ chen pos chos thams cad dṅos po ma mchis par (6) yaṅ dag par rjes su mthoṅ nas bla na med pa yaṅ dag par rdzogs pa’i byaṅ chub la źugs pa’i byaṅ chub sems dpa’ sems dpa’ chen po’i thabs la mkhas pa de gaṅ lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces (7) bka’ stsal to ||
ś ri’i bu ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | dṅos po gaṅ la khoṅ khro bar ’gyur ba daṅ | gaṅ la khoṅ khro bas źum par ’gyur ba daṅ | źum nas kyaṅ sgyid lug par ’gyur ba daṅ | skyed (112b1) lug nas le los ’gyur ba’i chos kyi dṅos po gaṅ yaṅ yaṅ dag par rjes su mi mthoṅ ste | ś ri’i bu ’di ltar sems can bdag tu rmoṅs pa dag phuṅ po rnams źes bya ba’am | khams rnams źes bya ba’am | skye mched rnams źes bya bar mṅon par źen pa ma gtogs (2) par chos thams cad ni dṅos po med pa daṅ | srog med pa daṅ | srog daṅ bral ba daṅ | dṅos po med pa’i ṅo bo ñid daṅ | raṅ bźin gyis stoṅ pa daṅ | raṅ gi mtshan ñid stoṅ pa ñid yin te | de’i phyir byaṅ chub sems dpa’ sems dpa’ chen po śes rab kyi (3) pha rol tu phyin pa la spyod pa | chos thams cad dṅos po med pa’i ṅo bo ñid daṅ | raṅ bźin gyis stoṅ pa daṅ | raṅ gi mtshan ñid stoṅ pa ñid du yaṅ dag par rjes su mthoṅ nas lus sgyu ma mkhan lta bur byin gyis brlabs śiṅ | sems can rnams la chos ston (4) par byed de | sems can gaṅ dag ser sna daṅ ldan pa de dag la ni sbyin pa’i gtam byed do ||
sems can tshul khrims ’chal pa rnams la ni tshul khrims kyi gtam byed do ||
sems can gnod sems kyi sems daṅ ldan pa rnams la ni bzod pa’i gtam byed do ||
sems (5) can le lo can rnams la ni brtson ’grus kyi gtam byed do ||
sems can sems rnam par g-yeṅs pa rnams la ni tiṅ ṅe ’dzin gyi gtam byed do ||
sems can śes rab ’chal pa rnams la ni śes rab kyi gtam byed do ||
des gaṅ gi tshe sems can rnams sbyin pa la bkod (6) par gyur pa daṅ | śes rab kyi bar la bkod par gyur pa de’i tshe sems can de dag la gtam gaṅ gis rgyun tu źugs pa’i ’bras bu thob par ’gyur ba daṅ | dgra bcom pa ñid kyi bar dag thob par ’gyur ba daṅ | raṅ byaṅ chub thob par ’gyur ba daṅ | rnam pa thams cad (7) mkhyen pa ñid kyi bar dag thob par ’gyur ba’i gtam ’phags śiṅ ṅes par ’byin pa dag kyaṅ byed do ||
de nas bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi (113a1) pha rol tu phyin pa la spyod pa gaṅ gis sems can ma mchis śiṅ mchis pa ma lags pa dag sbyin pa la rab tu ’god par bgyid ciṅ śes rab kyi pha rol tu phyin pa’i bar dag la rab tu ’god par bgyid kyi steṅ du bka’ mchid gaṅ gis rgyun tu źugs (2) pa’i ’bras bu ’thob pa daṅ | rnam pa thams cad mkhyen pa ñid kyi bar dag ’thob par ’gyur ba’i bka’ mchid ’phags śiṅ ṅes par ’byin pa dag bgyid na | ji ltar dmigs pa ma mchis par ’gyur lags | de skad ces gsol pa daṅ | bcom ldan ’das (3) kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa la ni dmigs pa ’ga’ yaṅ med do ||
de ci’i phyir źe na | ’di ltar byaṅ chub sems dpa’ sems dpa’ chen (4) po śes rab kyi pha rol tu phyin pa la spyod pa des ni kun rdzob kyi brdas tha sñad ’dogs pa ma gtogs par sems can gaṅ yaṅ mi dmigs pa’i phyir ro ||
ś ri’i bu de la byaṅ chub sems dpa’ sems dpa’ chen po ni bden pa gñis la gnas te | sems can rnams la chos (5) ston par byed kyaṅ | ś ri’i bu bden pa gñis po dag la ni sems can dmigs pa yaṅ med sems can du gdags pa yaṅ med mod kyi | ’on kyaṅ byaṅ chub sems dpa’ sems dpa’ chen po thabs la mkhas pas śes rab kyi pha rol tu phyin pa la spyod pa sems can (6) rnams la chos ston ciṅ | des sems can de dag kyaṅ tshe ’di ñid la bdag tu yaṅ mi dmigs na gaṅ ’thob par ’gyur ba daṅ | gaṅ gis thob par ’gyur bdag lta smos kyaṅ ci dgos te | ś ri’i bu byaṅ chub sems dpa’ sems dpa’ chen po śes rab kyi pha rol tu (7) phyin pa la spyod pa ni de ltar thabs la mkhas pas sems can rnams la chos ston par byed do ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das a la la ’di lta ste | byaṅ chub sems (113b1) dpa’ sems dpa’ chen pos chos gaṅ yaṅ gcig pa’am | tha dad pa’am | so so bar yaṅ mi dmigs la | go cha gaṅ ’tshal bas ’dod pa’i khams na yaṅ mi gda’ | gzugs kyi khams na yaṅ mi gda’ | gzugs ma mchis pa’i khams na yaṅ mi gda’ | ’dus (2) byas kyi khams na yaṅ mi gda’ | ’dus ma byas kyi khams na yaṅ mi gda’ la | sems can rnams khams gsum nas yoṅs su thar bar bgyid kyaṅ sems can daṅ | sems can du gdags pa yaṅ mi dmigs pa de lta bu’i go cha ’tshal ba de ni | bcom ldan (3) ’das spro ba che ba lags so ||
sems can du gdags pa ma mchis pas sems can ma bciṅs ma grol la | sems can ma bciṅs ma grol bas | kun nas ñon moṅs pa ma mchis śiṅ | rnam par byaṅ ba ma mchis lags so ||
kun nas ñon moṅs pa ma (4) mchis la | rnam par byaṅ ba ma mchis pas ’gro ba’i bye brag kyaṅ ma mchis lags so ||
’gro ba’i bye brag ma mchis pa la ni las kyaṅ ma mchis | ñon moṅs pa rnams kyaṅ ma mchis lags so ||
las ma mchis śiṅ ñon moṅs pa ma mchis pa la ni rnam par smin pa (5) gaṅ gis bdag gam | sems can dag ’gro ba lṅa’i ’khor ba na gda’ bar ’gyur ba’i rnam par smin pa mchis par yaṅ ga la ’gyur lags | de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
(6) ś ri’i bu de de bźin te | de de bźin no ||
ji skad smras pa de bźin te | ś ri’i bu gal te sems can źig sṅon yod par gyur la | phyis med par gyur na ni de’i phyir de ltar sṅon yod par gyur pa | phyis med par ’gyur ro źes byaṅ chub sems dpa’ daṅ | de bźin (7) gśegs pa la yaṅ skyon du ’gyur źiṅ | ’gro ba lṅa’i ’khor ba yaṅ sṅon dṅos po yod par gyur la | phyis dṅos po med par gyur na | de yaṅ skyon du ’gyur ba źig na | ś ri’i bu ’di ltar de bźin gśegs pa rnams byuṅ yaṅ ruṅ | de bźin gśegs (114a1) pa rnams ma byuṅ yaṅ ruṅ ste | chos rnams kyi chos ñid daṅ | de bźin ñid daṅ | ma nor ba de bźin ñid ’di ni gnas pa ste | de la bdag kyaṅ med | sems can yaṅ med | srog kyaṅ med gaṅ zag kyaṅ med | byed pa po yaṅ med | byed du ’jug pa (2) po yaṅ med na | de la gzugs lta ga la yod | tshor ba daṅ | ’du śes daṅ | ’du byed rnams lta yaṅ ga la yod | rnam par śes pa lta yaṅ ga la yod de | med ciṅ yod pa ma yin pa’i chos de dag la gaṅ las | sems can rnams yoṅs su thar bar bya ba’i ’gro (3) bsṅa’i ’khor blta yaṅ yod par ga la ’gyur te | ś ri’i bu de’i phyir chos ’di dag ni de ltar raṅ bźin gyis stoṅ pa ñid yin no ||
de la byaṅ chub sems dpa’ sems dpa’ chen pos sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams (4) las thos nas | bla na med pa yaṅ dag par rdzogs pa’i byaṅ chub la źugs te gaṅ la byis pa so so’i skye bo phyin ci log gis rmoṅs par gyur pa rnams mṅon par źen pa ma gtogs par gaṅ la mos par nus pa’i chos kyi ṅo bo ñid gaṅ yaṅ dmigs su med do ||
byaṅ chub sems (5) dpa’ sems dpa’ chen po ni de ltar go cha gaṅ bgos pas bla na med pa yaṅ dag par rdzogs pa’i byaṅ chub las phyir mi ldog pa daṅ | bdag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya bar mi bya’i | bdag gis ni bla na med pa (6) yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya’o sñam pa daṅ | mṅon par rdzogs par saṅs rgyas nas kyaṅ don gaṅ gis sems can rnams phyin ci log las yoṅs su thar bar ’gyur ba de lta bu’i chos kyis sems can rnams kyi don bya’o źes de lta (7) bu’i go cha bgos pa yin no ||
ś ri’i bu ’di lta ste dper na | sgyu ma mkhan gyis sprul pa’i mi źig gis srog chags bye ba khrag khrig ’bum phrag maṅ po dag cig sprul nas | de sprul pa de dag la bza’ ba daṅ | bca’ ba ñams su bsod pa maṅ po dag stobs śiṅ tshim par byed (114b1) de | bstabs śiṅ tshim par byas nas kyaṅ | bdag gis ni bsod nams maṅ du spel to ||
źes ched du brjod pa ched du rjod par byed na | ś ri’i bu ’di ji sñam du sems | de la bstabs śiṅ tshim par byas pa gaṅ yaṅ yod sñam ’am | gsol pa | bcom ldan ’das de (2) ni ma lags so ||
bka’ stsal pa | ś ri’i bu de bźin du byaṅ chub sems dpa’ sems dpa’ chen po yaṅ sems daṅ po bskyed pa nas bzuṅ ste | pha rol tu phyin pa drug la spyod pa daṅ | bsam gtan bźi la spyod pa daṅ | tshad med pa bźi la spyod pa daṅ | gzugs (3) med pa’i sñoms par ’jug pa bźi la spyod pa daṅ | dran pa ñe bar gźag pa bźi la spyod pa daṅ | yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan (4) lag brgyad pa la spyod pa daṅ | stoṅ pa ñid bcu bźi daṅ | mtshan ma med pa daṅ | smon pa med pa’i tiṅ ṅe ’dzin daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres (5) pa bcwa brgyad la spyod ciṅ | byaṅ chub kyi lam yoṅs su sbyoṅ ba na saṅs rgyas kyi źiṅ yoṅs su dag par byed ciṅ | sems can rnams yoṅs su smin par byed kyaṅ gaṅ dmigs nas gdul bar bya ba’i sems can gaṅ yaṅ mi dmigs so || ||
śes rab (6) kyi pha rol tu phyin pa khri brgyad stoṅ pa | bam po lṅa bcu rtsa bźi pa | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen pos gaṅ la spyad de | sems can rnams yoṅs su smin par (7) bgyi ba daṅ | saṅs rgyas kyi źiṅ yoṅs su dag par bgyi ba’i byaṅ chub sems dpa’ sems dpa’ chen po’i lam gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub (115a1) sems dpa’ sems dpa’ chen po ni sems daṅ po bskyed pa nas bzuṅ ste | sbyin pa’i pha rol tu phyin pa la spyod par byed | tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam (2) gtan gyi pha rol tu phyin pa daṅ | śes rab kyi pha rol tu phyin pa la spyod par byed | saṅs rgyas kyi chos ma ’dres pa bcwa brgyad kyi bar dag la spyod par byed ciṅ sems can rnams kyaṅ yoṅs su smin par byed | saṅs rgyas kyi źiṅ yaṅ yoṅs su dag par byed do ||
gsol pa | (3) bcom ldan ’das ji ltar na byaṅ chub sems dpa’ sems dpa’ chen po sbyin pa’i pha rol tu phyin pa la spyod pa sems can rnams yoṅs su smin par bgyid pa lags | bka’ stsal pa | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa (4) la spyod pa sems can rnams la sbyin pa sbyin par byed de | sbyin pa byin nas kyaṅ ’di ltar ’doms śiṅ rjes su ston te | rigs kyi bu daṅ ’di la sbyin pa la sbyin par ’dzin pas ’dzin par ma byed cig | sbyin pa la sbyin par ’dzin pas lus gaṅ mṅon par grub pas sdug (5) bsṅal maṅ po ñams su myoṅ bar ’gyur ba’i lus dag mṅon par ’grub par ma byed cig | rigs kyi bu dag ’di la don dam par na phyin pa yaṅ med | sbyin bdag kyaṅ med yin pa po yaṅ med de | chos de gsum ni raṅ bźin gyis stoṅ pas na raṅ bźin gyis stoṅ (6) pa’i chos ni len par mi byed la raṅ bźin gyis stoṅ pa ñid la ni gzuṅ ba yaṅ med do ||
źes rab ’byor byaṅ chub sems dpa’ sems dpa’ chen po sbyin pa’i pha rol tu phyin pa la spyod ciṅ | de ltar sems can rnams la sbyin pa sbyin par byed kyaṅ de la sbyin pa yaṅ mi dmigs (7) sbyin bdag kyaṅ mi dmigs len pa po yaṅ mi dmigs so ||
de ni mi dmigs pa’i pha rol tu phyin pa ste | ’di ltar sbyin pa’i pha rol tu phyin pa’o ||
de chos gsum po de dag thams cad mi dmigs pas rab ’byor byaṅ chub sems dpa’ sems dpa’ chen po sbyin pa’i pha rol tu (115b1) phyin pa la spyod ciṅ | sems can rnams yoṅs su smin par byed de | sems can rnams rgyun du źugs pa’i ’bras bu la sbyor bar byed do ||
de bźin du sbyar te | bla na med pa yaṅ dag par rdzogs pa’i byaṅ chub kyi bar dag la sbyor bar byed de | rab ’byor byaṅ chub sems (2) dpa’ sems dpa’ chen po sbyin pa’i pha rol tu phyin pa la spyod ciṅ sems can rnams yoṅs su smin par byed de | de bdag kyaṅ sbyin pa sbyin par byed la gźan dag kyaṅ sbyin pa yaṅ dag par ’dzin du ’jug ciṅ sbyin pa’i bsṅags pa yaṅ rjod la gźan gaṅ dag sbyin pa sbyin par (3) byed pa de dag gi bsṅags pa yaṅ rjod ciṅ rjes su dga’ bar byed do ||
byaṅ chub sems dpa’ sems dpa’ chen po sbyin pa de lta bu byin nas | rgyal rigs śiṅ s la chen po lta bu dag daṅ skal ba mñam par skye’o ||
bram ze’i rigs śiṅ s la chen po lta bu dag daṅ skal ba (4) mñam par skye’o ||
khyim bdag gi rigs śiṅ s la chen po lta bu dag daṅ skal ba mñam par skye’o ||
khams kyi rgyal por ’gyur ba’am | ’khor los sgyur ba’i rgyal por ’gyur ba’am | ’khor los sgyur ba’i rgyal srid thob nas kyaṅ des sems can rnams bsdu ba’i dṅos po (5) bźis sdud par byed de | bźi gaṅ źe na | sbyin pa daṅ | sñan par smra ba daṅ | don spyod pa daṅ | don ’thun pa dag gis sdud par byed do ||
des sems can de dag sbyin pas bsdus nas rim gyis tshul khrims la ’god par byed do ||
tiṅ ṅe ’dzin daṅ śes rab daṅ bsam (6) gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa bźi daṅ | byaṅ chub kyi phyogs kyi chos sum cu rtsa bdun gyi bar dag daṅ | stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin la (7) ’god par byed do ||
yaṅ dag pa ñid kyi skyon med pa la ’jug par byed do ||
dgra bcom pa ñid daṅ | raṅ byaṅ chub kyi bar dag daṅ | bla na med pa yaṅ dag par rdzogs pa’i byaṅ chub kyi bar dag yaṅ dag par ’dzin du ’jug go ||
kye skyes bu dag bla na med pa yaṅ dag par rdzogs (116a1) pa’i byaṅ chub ni mṅon par rdzogs par ’tshaṅ rgya bar mi dka’ ste | phyin ci log gis rmoṅs pa’i sems kyis ma rtogs pa ma gtogs par gaṅ la sems can rnams chags pa’i chos gaṅ yaṅ ṅo bo ñid kyis yod pa ma yin gyis | de’i phyir khyed cag gis phyin ci (2) log tu ’dzin pa thams cad spoṅs la | bdag kyaṅ ’khor ba las thar bar gyis śig | gźan dag kyaṅ thar bar gyis śig | de ltar khyed cag gis bdag cag kyaṅ don che bar gyis la | gźan dag kyaṅ don chen po la sbyor bar gyis śig ces | rab ’byor de ltar byaṅ chub (3) sems dpa’ sems dpa’ chen pos sbyin pa’i pha rol tu phyin pa la spyad par bya ste | de ltar spyod pa’i tshe sems daṅ po bskyed pa nas bzuṅ ste | gźan yaṅ ṅan soṅ du mi ltuṅ ba daṅ | nam yaṅ ’khor los sgyur ba’i rgyal po mi byed par mi ’gyur ba de ltar spyod do ||
de ci’i (4) phyir źe na | sa bon ci ’dra ba ’bras bu yaṅ de ’dra ba’i phyir ro ||
’khor los sgyur ba de’i druṅ du sloṅs mo pa gaṅ dag lhags na | ’khor los sgyur ba’i rgyal po de ’di sñam du sems te | bdag gis ’khor los sgyur ba’i rgyal srid yoṅs su bzuṅ ba ni sems can (5) rnams kyi don ma gtogs par gźan gyi phyir ma yin no sñam nas | de ’di skad du gaṅ ci ’dod pa de dag khyed cag la byin zin gyis | de’i phyir ’di ni khyed kyi yin gyi ṅa’i ma yin no ||
ṅa ni naṅ gi gzugs ’di yaṅ don du gñer ba ma yin na gźan dag lta ci smos te | (6) ṅas sems can thams cad kyi don du ’khor ba yoṅs su bzuṅ ba ma gtogs par | ṅa ni ’khor ba don du gñer ba ma yin no źes zer te | de sñiṅ rje bas sñiṅ rje chen po yoṅs su rdzogs par byas nas | ji tsam du sñiṅ rje chen po yoṅs su rdzogs par byas śiṅ | sems can (7) rnams kyi don byed kyaṅ miṅ daṅ btags pa daṅ | brdas tha sñad ’dogs pa ma gtogs par gaṅ dag yoṅs su grub par ’gyur ba de lta bu’i sems can dag mi dmigs te | tha sñad de yaṅ brag ca lta bur tha sñad med par rig par bya’o ||
rab ’byor byaṅ chub sems dpa’ sems (116b1) dpa’ chen pos ji ltar spyad pas sems can rnams la rdzas yoṅs su mi gtoṅ bar ma ’gyur ba ci yaṅ med de | cher na bdag gi śa dag kyaṅ yoṅs su gtoṅ bar byed na | yo byad gaṅ dag gis sems can rnams ’khor ba las yoṅs su thar bar bya ba’i byir phyi rol gyi lo (2) byad dag lta smos kyaṅ ci dgos pa | de ltar sbyin pa’i pha rol tu phyin pa la spyad par bya’o ||
gsol pa | bcom ldan ’das yo byad de dag gaṅ lags | bka’ stsal pa | rab ’byor yo byad de dag gaṅ źe na | ’di lta ste | sbyin pa’i pha rol tu phyin pa ni yo byad do ||
tshul (3) khrims kyi pha rol tu phyin pa ni yo byad do ||
bzod pa’i pha rol tu phyin pa ni yo byad do ||
brtson ’grus kyi pha rol tu phyin pa ni yo byad do ||
bsam gtan gyi pha rol tu phyin pa ni yo byad do ||
śes rab kyi pha rol tu phyin pa ni yo byad do ||
saṅs rgyas kyi chos ma ’dres pa bcwa brgyad (4) kyi bar dag ni yo byad do ||
de dag ni yo byad yin te | yo byad de dag gis phan btags pa’i sems can rnams ni ’khor ba las yoṅs su thar bar ’gyur ro ||
rab ’byor gźan yaṅ byaṅ chub sems dpa’ sems dpa’ chen po sbyin pa’i pha rol tu phyin pa la gnas nas (5) sems can rnams la sbyin pa sbyin par byed pa de’i tshe | tshig ’di skad ces brjod de | rigs kyi bu dag tshur śog | ṅas khyed cag zas daṅ | skom daṅ | gos daṅ | yo byad gaṅ yaṅ ruṅ ba’i bar dag gis brel ba med par byas | khyed cag tshul khrims (6) sruṅs śig | khyed cag zas sam | skom ’am | rin po che sna bdun gyi bar dag gam | gaṅ gis phoṅs nas tshul khrims ’chal par byed pa de dag ṅas brel ba med par byas | khyed cag ji nas kyaṅ tshul khrims kyi sdom pa la gnas nas theg pa gsum po ñan thos kyi (7) theg pa’am | raṅ saṅs rgyas kyi theg pa’am | rnam pa thams cad mkhyen pa ñid kyi theg pa chen po gaṅ yaṅ ruṅ bas rim gyis sdug bsṅal gyi mthar phyin par gyis śig ces ||
rab ’byor byaṅ chub sems dpa’ sems dpa’ chen po sbyin pa’i pha rol tu phyin pa (117a1) la gnas nas | de ltar tshul khrims kyi pha rol tu phyin pas sems can rnams sdud par byed do ||
rab ’byor gźan yaṅ byaṅ chub sems dpa’ sems dpa’ chen po sbyin pa’i pha rol tu phyin pa la gnas nas | sems can gaṅ dag ’khrug pa daṅ | (2) gnod sems kyi sems daṅ ldan pa’i sems can de dag la tshig ’di skad ces brjod de | rigs kyi bu dag khyed cag rgyu gaṅ gis phoṅs nas | ’khrug par byed pa’am | gnod sems su byed pa’am | skyon ’dogs par byed pa’i zas sam | skom ’am | yo (3) byad gaṅ yaṅ ruṅ ba’i bar dag ṅa las loṅ śig daṅ | ṅas khyed cag phoṅs pa med par byas | de’i phyir khyed cag ’khrug pa daṅ | gnod sems su ma byed cig | ṅa yaṅ khyed kyi yin la khyed kyaṅ ṅa’i yin te | ṅa la ci bdog pa de yaṅ khyed kyi yin gyis (4) bu la ci dgos pa dag loṅ śig daṅ | ṅas khyed cag zas daṅ skom daṅ | gos daṅ yo byad gaṅ yaṅ ruṅ ba’i bar dag gis phoṅs pa med par byas | ci nas kyaṅ khyed cag khro ba daṅ | gnod sems kyi dbaṅ du mi ’gyur bar gyis śig ces de ltar byaṅ (5) chub sems dpa’ sems dpa’ chen po sbyin pa’i pha rol tu phyin pa la gnas nas | sems can de dag bzod pa la sbyor bar byed de | khyed cag gaṅ gi phyir khro ba skye bar ’gyur ba de ni sñiṅ po med pa ste | de la ni dṅos po gaṅ yaṅ med do ||
khro ba de ni yaṅ dag (6) pa ma yin par yoṅs su brtags pas khyed cag gaṅ gi phyir mṅon par chags pa daṅ | ’khrug pa daṅ | gnod sems su byed ciṅ | mṅon par chags pa daṅ | ’khrug pa daṅ | gnod sems su gyur nas kyaṅ dbyig pas rdeg pa daṅ | mtshon gyis ’debs (7) śiṅ | gcig gis gcig srog daṅ ’bral bar byed pa de la ni dṅos po gaṅ yaṅ med do ||
de’i phyir khyed cag yaṅ dag pa ma yin pa’i kun tu rtog pas ’khrugs par gyur na sems can dmyal bar ltuṅ par ’gyur ba’am | dud ’gro’i skye gnas sam | gśin rje’i (117b1) ’jig rten nam | de las gźan pa’i ṅan ’gro dag tu ltuṅ bar ’gyur te | der khyed cag sdug bsṅal mi bzad pa | rtsub pa | tsha ba dag gi tshor ba myoṅ bar ’gyur gyis | kye skyes bu dag las gaṅ yoṅs su bzuṅ bas mir skye ba yaṅ thob par mi ’gyur na | saṅs rgyas (2) ’byuṅ ba daṅ phrad par ’gyur ba lta smos su yaṅ med pa de lta bu’i dṅos po med pa’i chos rnams kyi don gyi las yoṅs su ma ’dzin cig | kye skyes bu dag saṅs rgyas ’byuṅ ba ni rñed par dka’o ||
mir skye ba yaṅ rñed par dka’ bas | dal ba ’di chud gzan par ma byed cig (3) mi khom par gyur ciṅ | gsor mi ruṅ bar gyur ta re źes de ltar byaṅ chub sems dpa’ sems dpa’ chen po bdag kyaṅ bzod pa sgrub par byed la | gźan dag kyaṅ bzod pa la sbyor bar byed ciṅ bzod pa’i bsṅags pa yaṅ brjod la | gźan gaṅ dag bzod pa sgom (4) pa de dag gis bsṅags pa yaṅ rjod ciṅ rjes su dga’ bar byed do ||
des sems can de dag bzod pa la sbyar ciṅ bzod pa la bkod nas | theg pa gsum gyis rim gyis yoṅs su mya ṅan las ’da’ bar byed de | rab ’byor de ltar byaṅ chub sems dpa’ sems dpa’ chen po sbyin (5) pa’i pha rol tu phyin pa la gnas nas | sems can rnams bzod pa la sbyor ba yin no ||
rab ’byor ji ltar na byaṅ chub sems dpa’ sems dpa’ chen po sbyin pa’i pha rol tu phyin pa la spyod ciṅ sems can rnams brtson ’grus kyi pha rol tu phyin pa la sbyor bar byed ce na | rab (6) ’byor ’di la byaṅ chub sems dpa’ sems dpa’ chen pos sems can le lo can dag mthoṅ na | ’di skad du sems can khyed cag ci’i phyir le lo byed ces ’doms par byed do ||
de dag ’di skad du rkyen daṅ mi ldan pa’i phyir ro źes zer na | byaṅ chub sems dpa’ sems (7) dpa’ chen po sbyin pa’i pha rol tu phyin pa la spyod pa | sems can de dag la ’di skad du | kye skyes bu dag ṅas gaṅ khyed cag pa sbyin pa’i rkyen tam | tshul khrims kyi rkyen tam | bzod pa’i rkyen tam | rnam pa gźan gaṅ dag gis brtson ’grus rtsom par ’gyur ba de dag (118a1) thams cad ñe bar bsgrub par byas | khyed cag brtson ’grus rtsoms śig ces zer te | der sems can de dag byaṅ chub sems dpa’ sems dpa’ chen po de’i yo byad de dag gis lus daṅ sems kyi brtson ’grus rtsom par byed de | de dag lus (2) daṅ sems kyi brtson ’grus daṅ ldan pas | dge ba’i chos thams cad yoṅs su rdzogs par byed do ||
dge ba’i chos de dag gis ’phags pa zag pa med pa’i chos thams cad sgom par byed do ||
de dag bsgoms pas rgyun tu źugs pa’i ’bras bu thob par ’gyur ro ||
(3) lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid thob par ’gyur ro ||
raṅ byaṅ chub thob par ’gyur ro ||
bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur te | rab ’byor de ltar byaṅ (4) chub sems dpa’ sems dpa’ chen po sbyin pa’i pha rol tu phyin pa la spyod pa | sems can rnams brtson ’grus kyi pha rol tu phyin pa la sbyor ba yin no ||
rab ’byor ji ltar na byaṅ chub sems dpa’ sems dpa’ chen po sbyin pa’i pha rol tu phyin pa la spyod pa | sems (5) can rnams bsam gtan gyi pha rol tu phyin pa la sbyor bar byed pa yin źe na | rab ’byor ’di la byaṅ chub sems dpa’ sems dpa’ chen pos sems can sems rnam par g-yeṅs pa dag mthoṅ na | ’di skad du | kye skyes bu dag khyed cag ci’i phyir bsam gtan gyi pha rol (6) tu phyin pa la sñoms par mi ’jug ces ’doms par byed do ||
de dag ’di skad du rkyen daṅ mi ldan pa’i phyir ro źes zer na | byaṅ chub sems dpa’ sems dpa’ chen po sbyin pa’i pha rol tu phyin pa la spyod pa sems can de dag la ’di skad du | kye skyes bu dag ṅas khyed cag rkyen (7) gaṅ dag gis ’di ni naṅ ṅo ||
’di ni naṅ daṅ phyi rol lo ||
źes rnam par rtog par mi ’gyur ba de lta bu’i rkyen dag ñe bar bsgrub par bya’o źes zer te | der byaṅ chub sems dpa’ sems dpa’ chen po des sems can de dag la rkyen gaṅ daṅ gaṅ dag (118b1) gis rnam par rtog par mi ’gyur ba de lta bu’i rkyen dag ñe bar sgrub par byed do ||
des sems can de dag rnam par rtog pa’i rgyun chad nas bsam gtan daṅ po bsgrubs te gnas so ||
bsam gtan gñis pa daṅ | gsum pa daṅ | bźi pa bsgrubs te gnas so ||
(2) byams pa daṅ | sñiṅ rje daṅ | dga’ ba daṅ | btaṅ sñoms ṅag la sñoms par ’jug go ||
de dag bsam gtan de dag daṅ | tshad med pa de dag gis ’phags pa’i lam yan lag brgyad pa’i bar dag sgom par byed do ||
de dag bsgoms nas theg pa gsum (3) po dag gis rim gyis yoṅs su mya ṅan las ’da’ bar ’gyur ro ||
de dag las kha cig ni bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du | byaṅ chub kyi lam las yoṅs su mi ñams te | rab ’byor de ltar byaṅ chub sems (4) dpa’ sems dpa’ chen po sbyin pa’i pha rol tu phyin pa la spyod pa | sems can rnams tiṅ ṅe ’dzin gyi pha rol tu phyin pa la sbyor bar byed pa yin no ||
rab ’byor ji ltar na byaṅ chub sems dpa’ sems dpa’ chen po sbyin pa’i pha rol tu phyin pa la spyod pa | sems can (5) rnams śes rab kyi pha rol tu phyin pas yoṅs su sdud pa yin źe na | rab ’byor ’di la byaṅ chub sems dpa’ sems dpa’ chen pos sems can śes rab ’chal ba dag mthoṅ na | ’di skad du kye sems can dag khyed cag ci’i phyir śes rab kyi pha rol tu phyin pa sgom par (6) mi byed ces ’doms śiṅ rjes su ston par byed do ||
de dag ’di skad du | rkyen daṅ mi ldan pa’i phyir ro źes zer na | byaṅ chub sems dpa’ sems dpa’ chen po sbyin pa’i pha rol tu phyin pa la gnas nas | sems can de dag la ’di skad du | kye sems can dag ṅa las (7) yo byad dag loṅ śig | ṅa las yo byad dag blaṅs nas kyaṅ sbyin pa byin cig | tshul khrims sruṅs śig | bzod pa sgrubs śig | brtson ’grus rtsoms śig | bsam gtan sgoms śig | rnam pa de dag yoṅs su rdzogs nas kyaṅ ’di ltar śes rab kyi pha rol tu phyin pa (119a1) sgom pa la | bdag gam sems can nam srog gam | gso ba’am | gaṅ zag gam | śes pa po daṅ mthoṅ ba po daṅ | byed pa po’i bar dag gam | ’dod pa’i khams sam | gzugs kyi khams sam | gzugs med pa’i khams sam | (2) pha rol tu phyin pa drug gam | byaṅ chub kyi phyogs kyi chos sumaka cu rtsa bdun nam | rgyun du źugs pa’i ’bras bu ’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu’am | dgra bcom pa ñid dam | raṅ byaṅ chub bam | bla na med pa yaṅ dag par (3) rdzogs pa’i byaṅ chub bam | saṅ dmigs par ’gyur ba’i chos gaṅ yaṅ yod dam | tshol cig ces ’doms śiṅ rjes su ston to ||
byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni gaṅ la dmigs śiṅ mṅon par źen par (4) ’gyur ba’i chos gaṅ yaṅ mi dmigs so ||
de mṅon par źen pa med pas chos gaṅ yaṅ skye ba’am | ’gag pa’am kun nas ñon moṅs pa ’am | rnam par byaṅ bar yaṅ dag par rjes su mi mthoṅ ṅo ||
des de dag yaṅ dag par rjes su ma mthoṅ bas ’di ni (5) sems can dmyal ba’o ||
’di ni dud ’gro’i skye gnas pa’o ||
’di ni gśin rje’i ’jig rten pa’o ||
’di ni lha ma yin gyi ris so ||
’di ni tshul khrims daṅ ldan pa’o ||
’di ni tshul khrims ’tshal pa’o ||
’di ni rgyun du źugs pa’o ||
’di ni (6) lan cig phyir ’oṅ ba’o ||
’di ni phyir mi ’oṅ ba’o ||
’di ni raṅ saṅs rgyas so ||
’di ni de bźin gśegs pa dgra bcom pa yaṅ dag par rdzogs pa’i saṅs rgyas so ||
źes bya bar rnam par mi rtog ste | rab ’byor de ltar byaṅ chub sems (7) dpa’ sems dpa’ chen po sbyin pa’i pha rol tu phyin pa la spyod pa sems can rnams śes rab kyi pha rol tu phyin pa la yoṅs su sdud par byed pa yin no ||
rab ’byor ji ltar na byaṅ chub sems dpa’ sems dpa’ chen po sbyin pa’i pha rol tu phyin pa la gnas | tshul khrims kyi (119b1) pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la gnas nas | byaṅ chub kyi phyogs kyi chos sum cu rtsa bdun gyi bar dag yoṅs su ’dzin (2) bar byed ce na | rab ’byor ’di la byaṅ chub sems dpa’ sems dpa’ chen pos sems can rnams la yo byad dag sbyin par byed de | yo byad de dag gis yoṅs su bsdus pa’i sems can rnams ni dran pa ñe bar gźag pa bźi sgom par byed do ||
yaṅ dag par spoṅ (3) pa bźi skom par byed do ||
rdzu ’phrul gyi rkaṅ pa bźi sgom par byed do ||
dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa dag sgom par byed do ||
lam des yoṅs su zin par gyur pa ni | ’khor ba ji sñed (4) pa las yoṅs su thar bar ’gyur te | rab ’byor de ltar byaṅ chub sems dpa’ sems dpa’ chen po ’phags pa zag pa med pa’i chos rnams kyis sems can rnams yoṅs su ’dzin par byed pa yin no ||
rab ’byor gźan yaṅ byaṅ chub sems dpa’ sems dpa’ (5) chen po sbyin pa’i pha rol tu phyin pa la spyod pa | sems can mgon med pa sdug bsṅal ba | zas daṅ skom gyis phoṅs pa dag mthoṅ na | ’di ltar yoṅs su smin par byed de | rigs kyi bu dag tshur śog | khyed cag ṅa las zas daṅ | skom daṅ | gos daṅ bźon (6) pa daṅ | mal cha daṅ | stan daṅ | spos daṅ | me tog phreṅ daṅ | byug pa daṅ | rin po che sna bdun daṅ | yo byad gaṅ yaṅ ruṅ ba’i bar dag loṅ la | sems can rnams la phan thogs śig daṅ | de ni khyed cag la yun riṅ po’i don daṅ | phan pa daṅ bde bar (7) ’gyur ro ||
’di ni ṅa’i don yin gyi | khyed cag gi ma yin no ||
sñam du bsam par mi bya bar ’di ni bdag gis yun riṅ po nas sems can rnams kyi don du bsgrubs pa yin no sñam du de ltar khyed kyis bdag raṅ gi yin no sñam du sems la sems can rnams la sbyin pa (120a1) byin cig | sbyin pa des kyaṅ tshul khrims la sbyor cig | bzod pa la sbyor cig | brtson ’grus la sbyor cig | tiṅ ṅe ’dzin la sbyor cig | bsam gtan la sbyor cig | śes rab la sbyor cig | byaṅ chub kyi phyogs kyi chos sum cu rtsa bdun gyi bar (2) dag la sbyor cig | de tsam gyis chog par mi ’dzin par goṅ du ’phags pa’i tos zag pa med pa rnams la yaṅ khod cig | rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra bcom pa ñid daṅ | raṅ (3) byaṅ chub daṅ | bla na med pa yaṅ dag par rdzogs pa’i byaṅ chub la khod cig ces rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pas | ji ltar yoṅs su smin par byas pas sems can rnams ṅan soṅ gsum po dag (4) las yoṅs su thar bar ’gyur ba daṅ ’khor ba thams cad kyi bar dag las yoṅs su thar bar ’gyur ba de ltar sems can rnams yoṅs su smin par bya’o ||
rab ’byor gźan yaṅ byaṅ chub sems dpa’ sems dpa’ chen pos tshul khrims kyi pha rol tu phyin pa la (5) gnas te | ’di ltar sems can rnams yoṅs su smin par bya’o ||
rigs kyi bu dag tshur śog | khyed cag zas sam | skom ’am | mi’i yo byad gaṅ yaṅ ruṅ ba’i bar dag gis phoṅs nas tshul khrims ’chal bar byed pa’i yo byad de dag ṅas ñe bar bsgrub par (6) bya’o ||
źes des sems can de dag tshul khrims kyi pha rol tu phyin pa la bkod nas kyaṅ phan gdags pa ji lta bus phan btags pas dge ba bcu’i las kyi lam yaṅ dag par len par ’gyur źiṅ tshul khrims ma ral pa daṅ | tshul khrims nag nog med par gyur pa de (7) dag tshul khrims kyi sdom pa la gnas par ’gyur ba de lta bu’i phan gdags pas phan ’dogs par byed de | pha rol tu phyin pa drug gi bar dag la yaṅ de bźin du sbyar bar bya’o ||
śes rab kyi pha rol tu phyin pa khri brgyad stoṅ pa las | sems can yoṅs su smin par bya ba’i (120b1) go cha’i se’u źes bya ste | bdun cu rtsa drug pa’o || ||
de nas tshe daṅ ldan pa rab ’byor ’di sñam du sems te | gaṅ la gnas nas byaṅ chub sems dpa’ sems dpa’ chen pos de lta bu’i go cha bgo bar bya ba’i byaṅ chub sems dpa’ sems dpa’ chen po’i lam (2) de gaṅ yin sñam mo ||
de nas bcom ldan ’das kyis tshe daṅ ldan pa rab ’byor gyi sems kyi yoṅs su rtogs pa thugs kyis mkhyen nas | tshe daṅ ldan pa rab ’byor la ’di skad ces bka’ stsal to ||
rab ’byor pha rol tu phyin pa drug ni byaṅ chub sems dpa’ sems (3) dpa’ chen po’i lam mo ||
byaṅ chub kyi phyogs kyi chos sum cu rtsa bdun ni byaṅ chub sems dpa’ sems dpa’ chen po’i lam mo ||
stoṅ pa ñid bcu bźi daṅ | mthar gyis gnas pa’i sñoms par ’jug pa dgu daṅ | rnam par thar pa brgyad daṅ | de bźin gśegs (4) pa’i stobs bcu daṅ | saṅs rgyas kyi chos ma ’dres pa bcwa brgyad ni byaṅ chub sems dpa’ sems dpa’ chen po’i lam mo ||
rab ’byor gźan yaṅ chos thams cad ni byaṅ chub sems dpa’ sems dpa’ chen po’i lam yin no ||
rab ’byor ’di ji sñam du sems | (5) gaṅ la byaṅ chub sems dpa’ sems dpa’ chen pos bslab par mi bya ba daṅ | gaṅ la ma bslabs pas bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba’i chos ’ga’ źig yod sñam na | rab ’byor gaṅ la byaṅ chub sems dpa’ (6) sems dpa’ chen pos bslab par mi bya ba daṅ | byaṅ chub sems dpa’ sems dpa’ chen pos chos thams cad la ma bslabs par rnam pa thams cad mkhyen pa ñid thob par nus pa’i chos ni gaṅ yaṅ med do ||
de nas bcom ldan ’das la tshe daṅ ldan pa rab ’byor (7) gyis ’di skad ces gsol to ||
bcom ldan ’das gal te chos thams cad stoṅ pa lags na | byaṅ chub sems dpa’ sems dpa’ chen pos chos thams cad la ji ltar bslab par bgyi ste | bcom ldan ’das ’di sñed cig go źe’am | ’di dag go źe’am | chos (121a1) ’di dag ni ’jig rten pa’am | ’jig rten las ’das pa’am | zag pa daṅ bcas pa’am | zag pa med pa’am | ’dus byas sam | ’dus ma byas sam | so so’i skye bo’i chos sam | dgra bcom pa’i chos sam | raṅ saṅs rgyas kyi chos lags so (2) źes bgyis na | ma spros pa spros par bgyid pa’am gcig tu mi ’gyur lags sam | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | chos thams cad ni stoṅ (3) pa yin no ||
rab ’byor gal te chos thams cad stoṅ pa ma yin du zin na ni | byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur ba źig na | rab ’byor ’di ltar chos thams cad ni stoṅ pa yin (4) te | de’i phyir byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ cub mṅon par rdzogs par ’tshaṅ rgya bar ’gyur ro ||
rab ’byor yaṅ gaṅ khyod ’di skad du | gal te chos thams cad stoṅ pa lags na | ji ltar byaṅ chub sems (5) dpa’ sems dpa’ chen pos ’di sñed cig go źe’am | ’di dag go źe ’am | so so’i skye bo’i chos sam | dgra bcom pa’i chos sam | raṅ saṅs rgyas kyi chos źes bgyi ba’i bar du ji ltar chos rnams tha dad du bgyid ces zer ba ni | rab ’byor ci sems can ’di dag gis (6) chos thams cad stoṅ pa’o źes bya bar śes sam | gal te de ltar śes na ni byaṅ chub sems dpa’ sems dpa’ chen po yaṅ chos thams cad la bslabs nas | rnam pa thams cad mkhyen pa ñid ’thob par mi ’gyur ba źig na | rab ’byor ’di ltar sems can ’di dag (7) gis chos thams cad stoṅ pa’o źes bya bar mi śes te | de’i phyir byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | chos thams cad rnam par gźag par byas śiṅ | sems can rnams la (121b1) chos ston par byed do ||
rab ’byor de la byaṅ chub sems dpa’ sems dpa’ chen po byaṅ chub kyi lam la spyod pas | thog ma ñid nas ’di ltar ’di la mṅon par ’du byed pa ma gtogs par gaṅ raṅ gi ṅo bo ñid kyis dmigs par ’gyur ba’i chos gaṅ yaṅ med do sñam du ñe bar (2) brtag par bya’o ||
de ltar chos de dag gi raṅ bźin la ñe bar rtog pa na | pha rol tu phyin pa rnams sam | byaṅ chub kyi phyogs kyi chos sum cu rtsa bdun nam | rgyun tu źugs pa’i ’bras bu’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu ’am | dgra (3) bcom pa ñid dam | raṅ byaṅ chub ’am | bla na med pa yaṅ dag par rdzogs pa’i byaṅ chub ’am | chos gaṅ la yaṅ mṅon par źen pa med do ||
de ci’i phyir źe na | ’di ltar chos thams cad ni chos thams cad kyi ṅo bo ñid kyis stoṅ la | stoṅ pa ñid ni stoṅ pa ñid la mṅon (4) par źen par mi byed de | stoṅ pa ñid kyaṅ dmigs su med na | stoṅ pa ñid kyis stoṅ pa ñid la mṅon par źen pa lta smos kyaṅ ci dgos pa’i phyir te | rab ’byor byaṅ chub sems dpa’ sems dpa’ chen po ni de ltar chos thams cad la mṅon par źen pa med par gnas so ||
(5) de bslab pa de la gnas nas kyaṅ | sems can ’di dag ci la spyod ces sems can thams cad kyi spyod pa la rnam par lta źiṅ med pa la ’dzin pa yin no sñam nas | de la byaṅ chub sems dpa’ sems dpa’ chen po ’di sñam du sems te | kye ma bdag gis sems can ’di (6) dag yod pa ma yin pa la ’dzin pa las legs par thar bar bya’o sñam nas | de thabs la mkhas pas śes rab kyi pha rol tu phyin pa la gnas śiṅ | ’di skad du sems can dag tshur śog | khyed cag sbyin pa byin cig daṅ | des khyed cag loṅs spyod dag gis mi brel (7) bar ’gyur ro ||
loṅs spyod de dag gis kyaṅ rlom sems su ma byed cig | de la sñiṅ po gaṅ yaṅ med do źes ’doms par byed do ||
de bźin du tshul khrims sruṅs la | tshul khrims des kyaṅ rlom sems su ma byed cig | de la sñiṅ po gaṅ yaṅ med do źes tshul khrims (122a1) la ’doms par byed do ||
de bźin du bzod pa daṅ | de bźin du brtson ’grus daṅ | de bźin du tiṅ ṅe ’dzin la sñoms par źugs śig | de bźin du śes rab sgoms śig | śes rab des kyaṅ rlom sems su ma byed cig | de la sñiṅ (2) po gaṅ yaṅ med do źes ’doms par byed do ||
de bźin du rgyun tu źugs pa’i ’bras bu daṅ | de bźin du lan cig phyir ’oṅ ba’i ’bras bu daṅ | de bźin du phyir mi ’oṅ ba’i ’bras bu daṅ | de bźin du dgra bcom pa ñid daṅ | de bźin du raṅ byaṅ chub daṅ | de bźin (3) du saṅs rgyas kyi chos thams cad kyi bar dag sgoms la | chos de dag gis kyaṅ rlom sems su ma byed cig | de la sñiṅ po gaṅ yaṅ med do źes ’doms par byed de | de ltar ’doms śiṅ rjes su ston par byed pas byaṅ chub kyi lam la spyod kyaṅ | chos gaṅ la yaṅ (4) mṅon par źen pa med do ||
de ci’i phyir źe na | chos thams cad ni mṅon par źen pa med pa ste | stoṅ pa ñid kyi raṅ bźin ñe bar bzuṅ na | de la gaṅ gis mṅon par źen par ’gyur ba de lta bu’i ṅo bo ñid med pa’i phyir ro ||
rab ’byor de ltar byaṅ chub sems dpa’ (5) sems dpa’ chen po byaṅ chub kyi lam la spyod kyaṅ | gaṅ la yaṅ mi gnas te | de gnas pa med pa’i tshul gyis sbyin pa’i pha rol tu phyin pa la spyod kyaṅ de la mi gnas so ||
tshul khrims kyi pha rol tu phyin pa la spyod kyaṅ de la mi gnas so ||
bzod pa’i pha rol tu phyin (6) pa la spyod kyaṅ de la mi gnas so ||
brtson ’grus kyi pha rol tu phyin pa la spyod kyaṅ de la mi gnas so ||
bsam gtan gyi pha rol tu phyin pa la spyod kyaṅ de la mi gnas so ||
śes rab kyi pha rol tu phyin pa la spyod kyaṅ de la mi gnas so ||
de bsam gtan daṅ po la sñoms par (7) ’jug kyaṅ de la mi gnas so ||
de ci’i phyir źe na | ’di ltar bsam gtan daṅ po ni bsam gtan gyi ṅo bo ñid kyis stoṅ la | gaṅ sñoms par ’jug pa de yaṅ stoṅ źiṅ rnam pa gaṅ dag gis sñoms par ’jug pa’i rnam pa de dag kyaṅ stoṅ pa’i phyir ro ||
de bźin du (122b1) bsam gtan gñis pa daṅ | bsam gtan gsum pa daṅ | bsam gtan bźi pa’i bar daṅ de bźin du byams pa daṅ | sñiṅ rje daṅ dga’ ba daṅ | btaṅ sñoms daṅ | gzugs med pa’i sñoms par ’jug pa’i bar dag daṅ | rnam par thar pa brgyad daṅ | mthar (2) gyis gnas pa’i sñoms par ’jug pa dgu daṅ | rgyun tu źugs pa’i ’bras bu thob kyaṅ de la mi gnas so ||
lan cig phyir ’oṅ ba’i ’bras bu thob kyaṅ de la mi gnas so ||
phyir mi ’oṅ ba’i ’bras bu thob kyaṅ de la mi gnas so ||
dgra bcom pa ñid thob kyaṅ de la mi (3) gnas so ||
raṅ saṅs rgyas kyis thob kyaṅ de la mi gnas so ||
rab ’byor gyis gsol pa | bcom ldan ’das ci’i slad du mi gnas lags | bka’ stsal pa | rab ’byor rnam pa gñis kyis mi gnas te | gñis gaṅ źe na | ’bras bu de dag la gaṅ (4) la gnas par ’gyur ba daṅ | gaṅ gis gnas par ’gyur ba daṅ | gaṅ gnas par ’gyur pa’i ṅo bo ñid med pa daṅ | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du de tsam gyis chog par mi ’dzin par bdag gis (5) rgyun du źugs pa’i ’bras bu thob par mi bya ba ma yin te | bdag gis rgyun du źugs pa’i ’bras bu thob nas kyaṅ de la gnas par mi bya’o ||
bdag gis raṅ saṅs rgyas kyi sa’i bar dag thob par mi bya ba ma yin te | bdag gis raṅ saṅs rgyas kyis thob kyaṅ de (6) la gnas par mi bya’o ||
de ci’i phyir źe na | ’di ltar bdag gis sems daṅ po bskyed phyin cad bla na med pa yaṅ dag par rdzogs pa’i byaṅ chub ma gtogs par sems gźan ma bskyed do sñam du sems pa’i phyir ro ||
de ci’i phyir źe na | ’di ltar byaṅ chub sems (7) dpa’ sems dpa’ chen po des sems daṅ po bskyed phyin chad bla na med pa yaṅ dag par rdzogs pa’i byaṅ chub ma gtogs par sems gźan ma bskyed la | de bźin du byaṅ chub sems dpa’i skyon med pa la źugs pa nas bzuṅ ste sa bcu’i bar du yaṅ sems rnam (123a1) par g-yeṅ ba med ciṅ bla na med pa yaṅ dag par rdzogs pa’i byaṅ chub ma gtogs par sems gźan ’ga’ yaṅ ma bskyed pa’i phyir ro ||
rab ’byor byaṅ chub sems dpa’ sems dpa’ chen po des ji tsam du lus daṅ | ṅag daṅ yid kyis (2) rtul bar byed pa yaṅ byaṅ chub kyi sems las gźan ma yin te | byaṅ chub sems dpa’ sems dpa’ chen po byaṅ chub kyi sems la gnas śiṅ yid rnam par mi g-yeṅ bar byaṅ chub kyi lam skyed par byed do ||
de nas bcom ldan ’das la tshe daṅ ldan pa rab ’byor gyis (3) ’di skad ces gsol to ||
bcom ldan ’das gal te chos thams cad skye ba ma mchis pa lags na | bcom ldan ’das ’o na ji ltar byaṅ chub sems dpa’ sems dpa’ chen po byaṅ chub kyi lam skyed par bgyid lags | de skad ces gsol pa daṅ | bcom ldan (4) ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | rab ’byor chos thams cad ni ma skyes pa ste | de yaṅ ji lta bu źe na | gaṅ dag mṅon par ’du mi byed pa de dag la ni chos thams cad ma skyes pa yin no ||
(5) de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol te ||
bcom ldan ’das de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | chos rnams kyi chos gnas pa (6) ñid de ni gnas pa ma lags sam | bka’ stsal pa | rab ’byor de de bźin no ||
de de bźin te | de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | chos rnams kyi chos gnas pa ñid de ni gnas pa yin mod kyi | gaṅ (7) dag gis chos gnas pa ’di de mi śes pa de dag gi don du byaṅ chub sems dpa’ sems dpa’ chen po byaṅ chub kyi lam skyed par byed ciṅ lam des sems can rnams ’khor ba las yoṅs su thar bar byed do ||
de nas bcom ldan ’das la tshe daṅ ldan pa rab ’byor gyis ’di (123b1) skad ces gsol to | bcom ldan ’das ci skyes par gyur pa’i lam gyis byaṅ chub thob par ’gyur lags sam | bka’ stsal pa | de ni ma yin no ||
gsol pa | bcom ldan ’das ’o na ma skyes par gyur pa’i lam gyis byaṅ chub thob par ’gyur lags sam | bka’ stsal (2) pa de ni ma yin no ||
gsol pa | bcom ldan ’das ’o na skyes kyaṅ skyes la | ma skyes kyaṅ ma skyes par gyur pa’i lam gyis byaṅ chub thob par ’gyur lags sam | bka’ stsal pa | de ni ma yin no ||
gsol pa | bcom ldan ’das ’o na skyes pa yaṅ ma lags | ma (3) skyes pa yaṅ ma lags par gyur pa’i lam gyis byaṅ chub thob par ’gyur lags sam | bka’ stsal pa | de ni ma yin no ||
gsol pa | bcom ldan ’das ’o na ji ltar byaṅ chub thob par ’gyur lags | de skad ces gsol pa daṅ | bcom ldan ’das kyis tshe daṅ ldan (4) pa rab ’byor la ’di skad ces bka’ stsal to ||
rab ’byor byaṅ chub ni lam gyis kyaṅ mi ’thob la | lam ma yin pas kyaṅ ma yin te | byaṅ chub ñid kyaṅ lam mo ||
lam ñid kyaṅ byaṅ chub bo ||
de skad ces bka’ stsal pa daṅ | bcom ldan ’das la tshe daṅ ldan pa (5) rab ’byor gyis ’di skad ces gsol to ||
bcom ldan ’das gal te byaṅ chub ñid kyaṅ lam lags la | lam ñid kyaṅ byaṅ chub lags na | ’o na byaṅ chub sems dpa’ sems dpa’ chen po sa byaṅ chub thob lags pa ñid du mi ’gyur lags sam | ’od skyes bu chen po’i (6) mtshan sum cu rtsa gñis daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | saṅs rgyas kyi chos ma ’dres pa bcwa brgyad kyi bar dag (7) gis de bźin gśegs pa dgra bcom pa yaṅ dag par rdzogs pa’i saṅs rgyas lags so ||
źes kyaṅ ci’i slad du bstan lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di ji sñam (124a1) du sems | saṅs rgyas kyis byaṅ chub thob sñam ’am | gsol pa | bcom ldan ’das de ni ma lags te | saṅs rgyas ñid kyaṅ byaṅ chub lags la | byaṅ chub ñid kyaṅ saṅs rgyas lags pas | saṅs rgyas kyis byaṅ chub mi ’thob lags so ||
(2) bka’ stsal pa | rab ’byor gaṅ yaṅ khyod ’di skad du ’o na | byaṅ chub sems dpa’ sems dpa’ chen pos byaṅ chub thob lags pa ’am | gcig tu mi ’gyur lags sam źes zer ba ni | rab ’byor ’di la byaṅ chub sems dpa’ sems dpa’ chen po ni pha rol tu phyin pa (3) drug yoṅs su rdzogs par byas śiṅ | byaṅ chub kyi phyogs kyi chos sum cu rtsa bdun yoṅs su rdzogs par bya ba nas | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad (4) yoṅs su rdzogs par byas te | rdo rje lta bu’i tiṅ ṅe ’dzin daṅ | sems kyi skad cig gcig daṅ ldan pa’i śes rab kyis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ste | bla na med pa yaṅ dag par rdzogs pa’i byaṅ chub mṅon par rdzogs par (5) saṅs rgyas phyin cad | de bźin gśegs pa źes brjod de | chos thams cad mkhyen ciṅ | chos thams cad gzigs pas na | de’i phyir thams cad mkhyen pa źes bya’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom (6) ldan ’das gal te chos thams cad raṅ bźin gyis dben pa lags na | bcom ldan ’das ’o na ji ltar byaṅ chub sems dpa’ sems dpa’ chen po saṅs rgyas kyi źiṅ yoṅs su dag par bgyid lags | de skad ces gsol pa daṅ | bcom ldan ’das kyis tshe daṅ ldan pa rab (7) ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po sems daṅ po bskyed pa nas bzuṅ ste | bdag daṅ gźan gyi lus kyi gnas ṅan len daṅ | ṅag gi gnas ṅan len daṅ | yid kyi gnas ṅan len yoṅs su sbyor bar byed ciṅ (124b1) yoṅs su dag pa’i chos de dag gis saṅs rgyas kyi źiṅ yoṅs su dag par byed de ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po’i lus (2) kyi gnas ṅan len ni gaṅ lags | ṅag gi gnas ṅan len ni gaṅ lags | yid kyi gnas ṅan len ni gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor lus kyi las mi dge (3) ba ’di lta ste | srog gcod pa daṅ | ma byin par len pa daṅ | ’dod pas log par g-yem pa daṅ | ṅag gi las mi dge ba brdzun du smra ba daṅ | phra ma daṅ | ṅag rtsub po daṅ | tshig kyal bar smra ba daṅ | yid kyi las mi dge ba brnab sems daṅ | gnod (4) sems daṅ log par lta ba gaṅ yin pa de ni byaṅ chub sems dpa’ sems dpa’ chen po’i lus kyi gnas ṅan len yin no ||
de ni ṅag gi gnas ṅan len yin no ||
de ni yid kyi gnas ṅan len yin te | byaṅ chub sems dpa’ sems dpa’ chen po ni bdag daṅ gźan gyi lus (5) daṅ | ṅag daṅ yid kyi gnas ṅan len de dag yoṅs su sbyoṅ źiṅ saṅs rgyas kyi źiṅ yoṅs su dag par byed do ||
rab ’byor gźan yaṅ ser sna’i sems gaṅ yin pa de ni byaṅ chub sems dpa’ sems dpa’ chen po’i yid kyi gnas ṅan len yin no ||
’chal pa’i tshul khrims kyi (6) sems daṅ | ’khrug pa’i sems daṅ | le lo’i sems daṅ | rnam par g-yeṅ ba’i sems daṅ | mñam par ma gźag pa’i sems daṅ | ’chal pa’i śes rab kyi sems gaṅ yin pa de yaṅ byaṅ chub sems dpa’ sems dpa’ chen po’i yid kyi gnas ṅan len yin no ||
(7) rab ’byor gźan yaṅ tshul khrims yoṅs su ma dag pa gaṅ yin pa de yaṅ byaṅ chub sems dpa’ sems dpa’ chen po’i yid kyi gnas ṅan len yin no ||
rab ’byor gźan yaṅ dran pa ñe bar gźag pa bźi daṅ bral ba gaṅ yin pa de yaṅ byaṅ chub sems dpa’ sems dpa’ (125a1) chen po’i yid kyi gnas ṅan len yin no ||
de bźin du yaṅ dag pa’i spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | stoṅ (2) pa ñid kyi tiṅ ṅe ’dzin daṅ | mtshan ma med pa’i tiṅ ṅe ’dzin daṅ | smon pa med pa’i tiṅ ṅe ’dzin daṅ bral ba gaṅ yin pa de yaṅ byaṅ chub sems dpa’ sems dpa’ chen po’i yid kyi gnas ṅan len yin no ||
rab ’byor gźan yaṅ rgyun du źugs pa’i ’bras bu mṅon (3) sum du byed ciṅ de la dga’ ba gaṅ yin pa de yaṅ byaṅ chub sems dpa’ semasada pa’ chen po’i yid kyi gnas ṅan len yin no ||
dgra bcom pa ñid daṅ | Raṅa byaṅ chub kyi bar dag mṅon sum du byed ciṅ | de la dga’ ba gaṅ yin pa de yaṅ byaṅ chub sems dpa’ sems (4) dpa’ chen po’i yid kyi gnas ṅan len yin no ||
rab ’byor gźan yaṅ gzugs su ’du śes pa ni gnas ṅan len yin no ||
tshor ba daṅ | ’du śes daṅ | ’du byed rnams daṅ | rnam par śes par ’du śes pa ni gnas ṅan len yin no ||
mig tu ’du śes pa ni (5) gnas ṅan lan yin no ||
rna ba daṅ | sna daṅ | lce daṅ | lus daṅ | yid kyi ’du śes pa ni gnas ṅan len yin no ||
bud med du ’du śes pa ni gnas ṅan len yin no ||
skyes par ’du śes pa ni gnas ṅan len yin no ||
’dod pa’i khams su ’du śes pa daṅ | (6) gzugs kyi khams stsa ’du śes pa daṅ | gzugs med pa’i khams su ’du śes pa daṅ | dge bar ’du śes pa daṅ | mi dge bar ’du śes pa daṅ | ’dus byas su ’du śes pa daṅ | ’dus ma byas su ’du śes pa gaṅ yin pa de yaṅ | rab ’byor byaṅ chub sems (7) dpa’ sems dpa’ chen po’i lus kyi gnas ṅan len yin no ||
ṅag gi gnas ṅan len yin no ||
yid kyi gnas ṅan len yin te | des gnas ṅan len de dag thams cad rnam par spaṅs nas bdag kyaṅ sbyin pa sbyin par byed ciṅ | gźan dag kyaṅ sbyin pa yaṅ (125b1) dag par ’dzin du ’jug ste | de zas ’dod pa rnams la ni zas sbyin par byed | skom ’dod pa rnams la ni skom sbyin par byed | yo byad ’dod pa rnams la ni yo byad gaṅ yaṅ ruṅ ba’i bar dag sbyin par byed la | gźan dag kyaṅ yo byad de dag ñid la rab tu ’god ciṅ | yaṅ (2) dag par ’dzin du ’jug ste | dge ba’i rtsa ba de yaṅ sems can thams cad daṅ thun moṅ du byas nas saṅs rgyas kyi źiṅ yoṅs su dag par bya ba’i phyir yoṅs su sṅo bar byed de | tshul khrims daṅ | bzod pa daṅ | brtson ’grus daṅ | bsam gtan daṅ | śes rab la (3) yaṅ de bźin du sbyar bar bya’o ||
de bdag kyaṅ stoṅ gsum gyi stoṅ chen po’i ’jig rten gyi khams rin po che sna bdun gyis yoṅs su bkaṅ ste | dkon mchog gsum gyi phyir sbyin pa sbyin par byed la | gźan dag kyaṅ de ñid la yaṅ dag par ’dzin du ’jug ciṅ | dge (4) ba’i rtsa ba ’dis saṅs rgyas kyi źiṅ | rin po che sna bdun las grub par gyur cig ces de ltar yoṅs su sṅo bar byed do ||
rab ’byor gźan yaṅ byaṅ chub sems dpa’ sems dpa’ chen po saṅs rgyas rnams sam | saṅs rgyas kyi mchod rten gyi druṅ du lha’i sil sñan dag (5) dkrol bar byed ciṅ | de ’di ltar dge ba’i rtsa ba ’dis bdag gi saṅs rgyas kyi źiṅ du lha’i sil sñan gyi sgra yid du ’oṅ ba dag rtag tu rgyun mi ’chad par ’byuṅ bar gyur cig ces yoṅs su sṅo bar byed do ||
rab ’byor gźan yaṅ byaṅ chub sems dpa’ sems dpa’ (6) chen pos stoṅ gsum gyi stoṅ chen po’i ’jig rten gyi khams bha’i spos kyis yoṅs su bkaṅ ste | saṅs rgyas rnams sam | saṅs rgyas kyi mchod rten dag la ’bul źiṅ de ’di ltar dge ba’i rtsa ba ’dis bdag gis saṅs rgyas kyi źiṅ der lha’i spos dag ’byuṅ bar gyur (7) cig ces yoṅs su sṅo bar byed do ||
rab ’byor gźan yaṅ byaṅ chub sems dpa’ sems dpa’ chen pos de bźin gśegs pa rnams daṅ | de bźin gśegs pa’i ñan thos rnams la źal zas ro brgya daṅ ldan pa dag ’bul źiṅ de ’di ltar dge ba’i rtsa ba ’dis (126a1) bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de’i ñan thos rnams kyi kha zas ro brgya daṅ ldan pa dag ’byor par gyur cig ces yoṅs su sṅo bar byed do ||
rab ’byor gźan yaṅ byaṅ (2) chub sems dpa’ sems dpa’ chen pos de bźin gśegs pa rnams daṅ | de bźin gśegs pa’i ñan thos rnams daṅ | de bźin gśegs pa’i sku gzugs rnams daṅ | de bźin gśegs pa’i mchod rten dag la lha’i byug pa dag ’bul źiṅ | de ’di ltar dge (3) ba’i rtsa ba ’dis bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de’i sems can rnams lha’i reg pa phun sum tshogs pa daṅ ldan par gyur cig ces yoṅs su sṅo bar byed do ||
rab ’byor gźan yaṅ byaṅ (4) chub sems dpa’ sems dpa’ chen po ’di sñam du sems te | yid la bsams pa tsam ñid kyis saṅs rgyas rnams daṅ | saṅs rgyas kyi ñan thos rnams daṅ | sems can thams cad la ’dod pa’i yon tan lṅa po gzugs daṅ sgra daṅ | dri daṅ | ro daṅ | reg (5) bya yid du ’oṅ ba dag ’bul bar gyur cig | sñam du sems śiṅ de dag phul nas kyaṅ | de ’di ltar dge ba’i rtsa ba ’dis bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de’i ñan thos kyi dge ’dun (6) thams cad daṅ | sems can thams cad kyis yid la bsams pa tsam gyis ’dod pa’i yon tan lṅa po gzugs daṅ | sgra daṅ | dri daṅ | ro daṅ | reg bya yid du ’oṅ ba dag ’byuṅ bar gyur cig ces yoṅs su sṅo bar byed do ||
rab ’byor gźan yaṅ byaṅ chub (7) sems dpa’ sems dpa’ chen po bdag daṅ sems can thams cad lhan cig ’grogs te | saṅs rgyas rnams daṅ | saṅs rgyas kyi ñan thos rnams la ’dod pa’i yon tan lṅa po gzugs daṅ | sgra daṅ | dri daṅ | ro daṅ | reg bya yid du ’oṅ ba’i sbyin pa dag ’bul bar (126b1) byed do ||
rab ’byor gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ’di sñam du sems te | ’di ltar bdag kyaṅ bsam gtan daṅ po la sñoms par ’jug par bya’o ||
gźan dag kyaṅ bsam gtan daṅ po la gzud (2) par bya’o ||
de bźin du bsam gtan bźi pa’i bar dag la yaṅ gzud ciṅ dgod par bya’o ||
byams pa daṅ | sñiṅ rje daṅ | dga’ ba daṅ | btaṅ sñoms daṅ | byaṅ chub kyi phyogs kyi chos sum cu rtsa bdun gyi bar dag la dgod par bya’o sñam du sems śiṅ | (3) de ’di sñam du dge ba’i rtsa ba ’dis bdag bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i saṅs rgyas kyi źiṅ de’i sems can thams cad sbyin pa gñis daṅ mi ’bral bar gyur cig | bsam gtan bźi daṅ mi ’bral bar gyur cig | (4) tshad med pa bźi daṅ mi ’bral bar gyur cig | byaṅ chub kyi phyogs kyi chos sum cu rtsa bdun daṅ mi ’bral bar gyur cig ces rab ’byor de ltar byaṅ chub sems dpa’ sems dpa’ chen po saṅs rgyas kyi źiṅ yoṅs su dag par byed de | de ji srid du bsam pa de dag thams cad (5) yoṅs su rdzogs par ma gyur pa de srid kyi bar du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi byed de | de bdag kyaṅ dge ba’i chos thams cad daṅ ldan pa yin la | sems can de dag kyaṅ dge ba’i tshes rnams daṅ ldan par byed do ||
de (6) bdag kyaṅ gzugs bzaṅ ba yin la | sems can gaṅ dag byaṅ chub sems dpa’ sems dpa’ chen po des yoṅs su smin par byas pa de dag kyaṅ gzugs bzaṅ ba yin te | de dag ’di lta ste | bsod nams kyis yoṅs su zin pa’i phyir gzugs bzaṅ ba daṅ | blta (7) na sdug pa daṅ | mdzes pa’i lus de mṅon par sgrub par byed do ||
rab ’byor byaṅ chub sems dpa’ sems dpa’ chen po ni de ltar saṅs rgyas kyi źiṅ yoṅs su dag par byed de | ji nas kyaṅ ṅan soṅ gsum po dag tu gdags pa yaṅ ’byuṅ bar mi ’gyur ba daṅ | lta ba’i (127a1) rnam par gdags pa yaṅ ’byuṅ bar mi ’gyur ba daṅ | ’dod chags daṅ | źe sdaṅ daṅ | gti mug tu gdags pa yaṅ ’byuṅ bar mi ’gyur ba daṅ | skyes pa daṅ bud med ces bya ba’i miṅ yaṅ ’byuṅ bar mi ’gyur ba daṅ | theg pa gñis po (2) dag gi miṅ yaṅ ’byuṅ bar mi ’gyur ba daṅ | mi rtag pa daṅ | sdug bsṅal ba daṅ | bdag tu gdags pa yaṅ ’byuṅ bar mi ’gyur ba daṅ | yoṅs su ’dzin par gdags pa yaṅ ’byuṅ bar mi ’gyur ba daṅ | ṅar ’dzin pa daṅ | ṅa yir ’dzin par (3) gdags pa yaṅ ’byuṅ bar mi ’gyur ba daṅ | rjes su chags pa daṅ | kun nas ldaṅ bar gdags pa yaṅ ’byuṅ bar mi ’gyur ba daṅ | phyin ci log tu gdags pa yaṅ ’byuṅ bar mi ’gyur ba daṅ | ’bras bu rnam par gźag par gdags pa yaṅ ’byuṅ bar (4) mi ’gyur źiṅ gźan du na stoṅ pa ñid daṅ | mtshan ma med pa daṅ | smon pa med pa’i tiṅ ṅe ’dzin gyi sgra ’byuṅ ba daṅ | sems can de dag ’di ltar phyi daṅ naṅ gi dṅos po rnams gtoṅ ’dod pa’i sgra ’byuṅ bar ’gyur ba daṅ | śiṅ rluṅ gis bskyod pa dag daṅ | (5) phyi daṅ naṅ gi chos rnams las ’di lta ste | stoṅ pa ñid daṅ | mtshan ma med pa daṅ | smon pa med pa’i sgra ’byuṅ bar ’gyur ba daṅ | skye ba med pa daṅ | ’gag pa med pa’i sgra ’byuṅ bar ’gyur ba daṅ | chos de dag gi ṅo bo ñid ji lta ba de lta bu’i sgra ’byuṅ bar (6) ’gyur ba daṅ | chos thams cad chos thams cad kyis stoṅ źes bya ba daṅ | chos de dag gi ṅo bo ñid ji lta ba de lta bu’i sgra ’byuṅ bar ’gyur ba daṅ | de bźin gśegs pa rnams byuṅ yaṅ ruṅ | de bźin gśegs rnams ma byuṅ yaṅ ruṅ ste | chos thams cad ni chos (7) thams cad kyis stoṅ pa’o ||
gaṅ stoṅ pa de la ni mtshan ma med do ||
gaṅ mtshan ma med pa de la ni smon pa med do źes bya bar chos ston pa’i sgra ’byuṅ bar ’gyur pa daṅ | ñin par ram | mtshan mo ’am | ’greṅ ṅam | ’dug gam | ñal lam ’chag kyaṅ ruṅ ste | de lta (127b1) bu’i chos bstan pa’i sgra ’byuṅ bar ’gyur ba de ltar saṅs rgyas kyi źiṅ yoṅs su dag par byed do ||
saṅs rgyas kyi źiṅ der bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i de bźin gśegs pa dgra bcom pa yaṅ dag par (2) rdzogs pa’i saṅs rgyas de la ni phyogs bcu’i ’jig rten gyi khams kyi saṅs rgyas bcom ldan ’das gaṅ ji sñed pa de dag thams cad kyaṅ bsṅags pa rjod par ’gyur ro ||
sems can gaṅ dag gis de bźin gśegs pa’i bsṅags pa daṅ | mtshan thos pa de (3) dag thams cad kyaṅ | bla na med pa yaṅ dag par rdzogs pa’i byaṅ chub tu ṅes par ’gyur ro ||
de bźin gśegs pa dgra bcom pa yaṅ dag par rdzogs pa’i saṅs rgyas des chos bstan pa de la sems can ’ga’ yaṅ ’di chos yin nam | ’di chos ma yin no | (4) sñam du the tsom za bar mi ’gyur ro ||
de ci’i phyir źe na | chos thams cad kyi chos ñid gaṅ yin pa de la ni chos ma yin pa gaṅ yaṅ med de | de dag thams cad ni chos yin pa’i phyir ro ||
de la sems can gaṅ dag mi dge ba’i rtsa bas zin ciṅ | saṅs rgyas (5) rnams daṅ | saṅs rgyas kyi ñan thos rnams la dge ba’i rtsa ba ma bskyed la | mi dge ba’i grogs pos yoṅs su zin pa bdag tu lta ba kun tu ’dzin pa daṅ | lta bar gyur pa thams cad kyi bar dag kun tu ’dzin pa daṅ | rtag pa daṅ chad pa’i mtha’ dag la gnas pa daṅ | (6) log par ’dzin pas zin pa daṅ | yaṅ dag par rdzogs pa’i saṅs rgyas ma yin pa la ni yaṅ dag par rdzogs pa’i saṅs rgyas su ’du śes la | yaṅ dag par rdzogs pa’i saṅs rgyas la ni yaṅ dag par rdzogs pa’i saṅs rgyas ma yin par ’du śes pa de dag ni chos ma yin (7) pa la ni chos su smra | chos la ni chos ma yin par smra źiṅ de dag chos spoṅ bar byed do ||
de dag gis chos spaṅs nas lus źig ste | śi ba’i ’og tu ṅan soṅ ṅan ’gro log par ltuṅ ba sems can dmyal ba dag tu skye bar ’gyur te | de la saṅs rgyas bcom ldan ’das de dag bla (128a1) na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’khor bar gtogs pa’i sems can de dag ṅan soṅ daṅ lta bar gyur pa de dag las grol bar mdzad do ||
bkrol nas kyaṅ ṅes pa’i phuṅ po la ’god par (2) mdzad de | der bkod pa de dag phyin cad ṅan soṅ rnams su skye bar mi ’gyur ro ||
rab ’byor de ltar byaṅ chub sems dpa’ sems dpa’ chen po saṅs rgyas kyi źiṅ yoṅs su dag par byed de | yoṅs su dag pa’i sems can rnams ni ’jig rten pa’i chos rnams sam | ’jig (3) rten las ’das pa’i chos rnams sam | zag pa daṅ bcas pa’i chos rnams sam | zag pa med pa’i chos rnams sam | ’dus byas kyi chos rnams sam | ’dus ma byas kyi chos gaṅ la yaṅ gnas par mi ’gyur te | thams cad kyaṅ bla na med pa yaṅ dag par rdzogs pa’i byaṅ (4) chub kyi bar du ṅes par ’gyur ro ||
śes rab kyi pha rol tu phyin pa khri brgyad stoṅ pa las | saṅs rgyas kyi źiṅ yoṅs su dag pa bstan pa’i le’u źes bya ste | bdun cu rtsa bdun pa’o || ||
śes rab kyi pha rol tu phyin pa khri brgyad stoṅ pa | bam po lṅa bcu rtsa (5) lṅa ba | de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ji ltar byaṅ chub sems dpa’ sems dpa’ chen po ṅes pa źes bgyi ’am | ’on te ma ṅes pa źes bgyi lags | bcom ldan ’das kyis bka’ stsal pa | rab ’byor (6) byaṅ chub sems dpa’ sems dpa’ chen po ni ṅes pa yin te | ma ṅes pa ma yin no ||
gsol pa | bcom ldan ’das ñan thos kyi phuṅ po’am | raṅ saṅs rgyas kyi phuṅ po’am | phuṅ po gaṅ du ṅes pa lags | bka’ stsal pa | rab ’byor byaṅ chub sems dpa’ (7) sems dpa’ chen po ni ñan thos kyi phuṅ po ’am | raṅ saṅs rgyas kyi phuṅ por ṅes pa ma yin gyi | rab ’byor byaṅ chub sems dpa’ sems dpa’ chen po ni saṅs rgyas kyi phuṅ por ṅes pa yin no ||
gsol pa | bcom ldan ’das ji byaṅ chub sems dpa’ sems dpa’ chen (128b1) po sems daṅ po bskyed pa ṅes pa lags sam | ’on te phyir mi ldog pa’am | ’on te srid pa tha ma pa ṅes pa źes bgyi lags | bka’ stsal pa | rab ’byor byaṅ chub sems dpa’ sems dpa’ chen po sems daṅ po bskyed pa yaṅ ṅes pa yin no ||
phyir mi ldog pa yaṅ ṅes (2) pa yin no ||
srid pa tham pa yaṅ ṅes pa yin no ||
gsol pa | bcom ldan ’das ji byaṅ chub sems dpa’ sems dpa’ chen po ṅes par gyur pa ṅan soṅ rnams su skye bar ’gyur lags sam | bka’ stsal pa | rab ’byor de ni ma yin te | rab ’byor byaṅ chub (3) sems dpa’ sems dpa’ chen po ṅes par gyur pa ni ṅan soṅ rnams su skye bar mi ’gyur ro ||
rab ’byor ’di ji sñam du sems | brgyad pa’am | rgyun tu źugs pa’am | lan cig phyir ’oṅ ba’am | phyir mi ’oṅ ba’am | dgra bcom pa’am | raṅ saṅs rgyas ṅan soṅ rnams (4) su skye bar ’gyur sñam ’am | gsol pa | bcom ldan ’das de ni ma lags so ||
bka’ stsal pa | rab ’byor de bźin du byaṅ chub sems dpa’ sems dpa’ chen po ṅes par gyur pa yaṅ ṅan soṅ rnams su skye bar mi ’gyur te | rab ’byor byaṅ chub sems dpa’ sems (5) dpa’ chen po gaṅ sems daṅ po bskyed pa nas bzuṅ ste | sbyin pa sbyin pa daṅ | tshul khrims sruṅ ba daṅ | bzod pa sgrub pa daṅ | brtson ’grus rtsom pa daṅ | bsam gtan la sñoms par ’jug pa daṅ | śes rab sgom pa daṅ | sems can thams cad la byams pa daṅ | (6) sñiṅ rje daṅ | dga’ ba daṅ | btaṅ sñoms sgom źiṅ | mi dge ba’i chos thams cad spoṅ ba’i don du gnas pa de ṅan soṅ rnams su skye bar ’gyur ba de ni gnas med do ||
lha tshe riṅs po rnams kyi naṅ du skye bar ’gyur ba de ni gnas med do ||
gaṅ na dge ba’i chos rnams mi spyod (7) pa daṅ | lug ltar lkugs par ’gyur ba’i lus rnams su skye bar ’gyur ba de ni gnas med do ||
chom rkun pa daṅ | kla klo daṅ | yul mtha’ ’khob dag tu skye bar ’gyur ba de ni gnas med do ||
log par lta ba’i khyim dag tu skye bar ’gyur ba de ni gnas med do ||
gaṅ na saṅs (129a1) rgyas kyi sgra med pa daṅ | chos kyi sgra med pa daṅ | dge ’dun gyi sgra med pa de lta bur skye bar ’gyur ba de ni gnas med do ||
byed pa med pa’i lta ba rnams la ’dun par ’gyur ba de ni gnas med do ||
rab ’byor yaṅ byaṅ chub sems dpa’ sems dpa’ chen (2) po sems daṅ po bskyed pa nas bzuṅ ste | lhag pa’i bsam pas bla na med pa yaṅ dag par rdzogs pa’i byaṅ chub la źugs pa mi dge ba bcu’i las kyi lam la spyod par ’gyur ba de ni gnas med do ||
de skad ces bka’ stsal pa daṅ | bcom ldan ’das la che daṅ ldan pa (3) rab ’byor gyis ’di skad ces gsol to ||
bcom ldan ’das gal te ṅes pa’i byaṅ chub sems dpa’ sems dpa’ chen po dge ba’i rtsa ba de lta bu daṅ ldan pa yaṅ ’di lta ste | mi ’thun pa’i gnas rnams su skye bar mi ’gyur ba lags na | gaṅ de bźin gśegs pa ñid kyis (4) dud ’gro’i ’gro bar skyes pa’i rabs bstan na | de’i tshe dge ba’i rtsa ba de dag gaṅ du mchis lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor byaṅ chub sems dpa’ sems dpa’ chen (5) po ni mi dge ba’i las kyis dud ’gro’i ’gro bar skye ba ma yin mod kyi | lus gaṅ daṅ gaṅ gis sems can rnams kyi don du ’gyur ba de lta bu’i lus thabs la mkhas pas bsams bźin du sems can rnams kyi don du yoṅs su ’dzin par byed do ||
rab ’byor thabs la mkhas pa (6) gaṅ daṅ ldan na byaṅ chub sems dpa’ sems dpa’ chen po dud ’gro’i skye gnas su skyes śiṅ | gaṅ dag de gsad pa’i phyir rtul bar byed na | de dag bla na med pa’i bzod pa yaṅ dag par ’dzin du ’jug pa daṅ | ’dul źiṅ ’god par byed de | de sems can de dag ñid kyi don du (7) bdag gi lus yoṅs su gtoṅ źiṅ | sems can de dag la rnam par tho ’tsham pa mi byed pa de lta bu’i thabs la mkhas pa dgra bcom pa dag daṅ | raṅ saṅs rgyas dag la yod dam | rab ’byor rnam graṅs des kyaṅ ’di ltar byaṅ chub sems dpa’ sems dpa’ chen po ni sems (129b1) can rnams kyi don daṅ bla na med pa yaṅ dag par rdzogs pa’i byaṅ chub kyi phyir sñiṅ rje chen po yoṅs su rdzogs par byed ciṅ | dud ’gro’i skye gnas su skye bar byed kyaṅ | dud ’gro’i skye gnas su ’gro ba’i ñes pas mi gos par rig par bya’o | de skad ces bka’ stsal pa daṅ | (2) bcom ldan ’das la tshe daṅ ldnanapa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po dge ba’i chos gaṅ dag la gnas śiṅ | de lta bu’i lus yoṅs su ’dzin par bgyid lags | de skad ces gsol pa daṅ | bcom (3) ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gaṅ byaṅ chub sems dpa’ sems dpa’ chen pos yoṅs su rdzogs par mi bya ba’i dge ba’i chos de lta bu yaṅ gaṅ źig yod de | dge ba’i chos thams cad yoṅs su rdzogs pa ni bla na med pa (4) yaṅ dag par rdzogs pa’i byaṅ chub ste | de’i phyir byaṅ chub sems dpa’ sems dpa’ chen pos sems daṅ po bskyed pa nas bzuṅ ste | byaṅ chub kyi sñiṅ po la ’dug gi bar du yoṅs su rdzogs par mi bya ba’i dge ba’i chos gaṅ yaṅ med do ||
dge ba’i chos de dag yoṅs su (5) rdzogs par ma byas par bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi ’gyur te | de ni gnas med do ||
rab ’byor de lta bas na byaṅ chub sems dpa’ sems dpa’ chen pos sems daṅ po bskyed phyin cad dge ba’i chos thams cad (6) yoṅs su rdzogs par bya bas bslab par bya ste | de la bslabs na rnam pa thams cad mkhyen pa ñid rjes su thob ciṅ bag chags kyi mtshams sbyor ba thams cad spoṅ bar ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad (7) ces gsol to ||
bcom ldan ’das byaṅ chub sems dpa’ sems dpa’ chen po chos dkar po daṅ ldan pa | ’phags pa zag pa ma mchis pa’i las kyis ji ltar ṅan soṅ rnams sam | dud ’gro’i skye gnas dag tu skye bar ’gyur lags | bka’ stsal pa | rab ’byor ji de bźin gśegs (130a1) pa ’phags śiṅ zag pa med pa ma yin nam | gsol pa | bcom ldan ’das de de lta lags so ||
bde bar gśegs pa de de lta lags te | de bźin gśegs pa ni ’phags śiṅ zag pa mi mṅa’ ba lags so ||
bka’ stsal pa | rab ’byor ji de bźin (2) gśegs pa dud ’gro’i skye gnas su gtogs pa’i srog chags su mṅon par sprul pa mdzad ciṅ | der mṅon par sprul nas kyaṅ | saṅs rgyas kyi mdzad pa mi mdzad dam | gsol pa | bcom ldan ’das mdzad lags so ||
bka’ stsal pa | rab ’byor ji ’o na de (3) bźin gśegs pa dud ’gro’i skye gnas par ’gyur ram | gsol pa | bcom ldan ’das de ni ma lags so ||
bka’ stsal pa | rab ’byor ji de bźin gśegs pas dud ’gro’i skye gnas pa’i sdug bsṅal ñams su myoṅ bar ’gyur ram | gsol pa | bcom ldan (4) ’das de ni ma lags so ||
bka’ stsal pa | rab ’byor de bźin du byaṅ chub sems dpa’ sems dpa’ chen po yaṅ ’phags pa’i chos dkar po zag pa med pa daṅ ldan yaṅ bsams bźin du de lta bu’i lus yoṅs su ’dzin par byed ciṅ | lus des ji rigs ji (5) tshul du sems can rnams yoṅs su smin par byed do ||
rab ’byor ’di ji sñam du sems | dgra bcom pas sprul pa źig mṅon par sprul na | sprul pa de dgra bcom pa’i las byed ciṅ | las des gźan dag dga’ ba skye bar ’gyur sñam ’am | gsol pa | bcom ldan ’das (6) de de lta lags so ||
bka’ stsal pa | rab ’byor de bźin du byaṅ chub sems dpa’ sems dpa’ chen po yaṅ ’phags pa’i chos dkar po zag pa med pa daṅ ldan yaṅ de lta bu’i lus yoṅs su ’dzin te | lus des sems can rnams kyi don byed kyaṅ | lus de lta bu des sdug bsṅal (7) ba yaṅ med la | sdug bsṅal gyi tshor ba ñams su myoṅ bar ’gyur ba yaṅ med do ||
rab ’byor ’di ji sñam du sems | sgyu ma mkhan gyis sgyu ma’i glaṅ po che’i gzugs sam | rta’i gzugs sam | ba laṅ gi gzugs dag bstan tam | srog chags kyi gzugs rnam pa sna tshogs (130b1) gźan dag bstan na | de la glaṅ po cher ’gyur ba’am | rtar ’gyur ba’am | ba laṅ du ’gyur ba’am | srog chags kyi rigs rnam pa sna tshogs gźan dag tu ’gyur ba yod sñam ’am | gsol pa | bcom ldan ’das de ni ma mchis lags so ||
bka’ stsal pa | rab ’byor (2) de bźin du byaṅ chub sems dpa’ sems dpa’ chen po ’phags pa’i chos dkar po zag pa med pa daṅ ldan yaṅ bsam pa bźin du de lta bu’i lus ñe bar ston te | lus de dag gis sems can rnams kyi don byed kyaṅ | sdug bsṅal gyi tshor ba de lta bu ñams su myoṅ ba med do ||
de nas (3) bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po gaṅ de ltar ’phags pa’i ye śes zag pa ma mchis pa de lta bu daṅ ldan źiṅ lus gaṅ daṅ gaṅ gis sems can rnams kyi don bgyid par (4) rdo thogs pa de daṅ de lta bu’i lus yoṅs su ’dzin par bgyid pa ni thabs la mkhas pa che ba lags so ||
bcom ldan ’das dkar po’i phyogs kyi chos gaṅ dag la gnas na | byaṅ chub sems dpa’ sems dpa’ chen po thabs la mkhas pa de lta bu dag bgyid kyaṅ las de daṅ (5) des gos par mi ’gyur ba lags | bka’ stsal pa | rab ’byor byaṅ chub sems dpa’ sems dpa’ chen po ni śes rab kyi pha rol tu phyin pa la gnas nas | thabs la mkhas pa de lta bu daṅ ldan pa yin te | thabs la mkhas pa de daṅ ldan pas śar daṅ | lho daṅ | nub (6) daṅ | byaṅ daṅ | phyogs mtshams kyi ’jig rten gyi khams gaṅ g’i kluṅ gi bye ma sñed dag tu sems can rnams kyi don byed kyaṅ | des de la reg par ’gyur ba ci yaṅ med do ||
de ci’i phyir źe na | ’di ltar byaṅ chub sems dpa’ sems dpa’ chen po des gaṅ reg par ’gyur (7) ba’am | gaṅ gis reg par ’gyur ba’am | gaṅ la reg par ’gyur ba’i chos de dag thams cad mi dmigs pa’i phyir ro ||
de ci’i phyir źe na | ’di ltar chos gsum po de dag thams cad ni ṅo bo ñid kyis stoṅ pas na | stoṅ pa ñid ni stoṅ pa ñid la reg par mi byed la | stoṅ pa (131a1) ñid ni chos gaṅ la yaṅ reg par mi byed ciṅ | stoṅ pa ñid kyaṅ reg par bya bam yin pa’i phyir ro ||
de ci’i phyir źe na | ’di ltaRa raṅ bźin gyis stoṅ pa ñid la ni stoṅ pa ñid dmigs su med pa’i phyir ro ||
rab ’byor de ni mi dmigs pa stoṅ pa ñid yin te | de la (2) gnas nas byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
gsol pa | bcom ldan ’das ci byaṅ chub sems dpa’ sems dpa’ chen po śes rab kyi pha rol tu phyin pa kho na la gnas kyi | chos gźan dag (3) lam lags sam | bka’ stsal pa | rab ’byor chos gaṅ śes rab kyi pha rol tu phyin par ma ’dus pa de yod dam | gsol pa | bcom ldan ’das gal te śes rab kyi pha rol tu phyin pa ṅo bo ñid kyis stoṅ pa lags na | ji ltar chos thams cad śes rab kyi pha rol tu phyin par ’dus (4) pa lags | bcom ldan ’das stoṅ pa ñid la ni ’dus pa daṅ | ma ’dus pa’i chos gaṅ yaṅ ma mchis lags so ||
bka’ stsal pa | rab ’byor chos thams cad ni chos thams cad kyis stoṅ pas | stoṅ pa ñid du chos thams cad ma ’dus pa med do ||
gsol pa | bcom ldan (5) ’das chos thams cad ni chos thams cad kyis stoṅ pa lags so ||
bka’ stsal pa | rab ’byor gal te chos thams cad chos thams kyis stoṅ pa yin na | chos thams cad stoṅ pa ñid du ’dus pa ma yin nam | gsol pa | bcom ldan ’das de de lta lags so ||
bka’ (6) stsal pa | rab ’byor rnam graṅs des na | ’di ltar byaṅ chub sems dpa’ sems dpa’ chen po śes rab kyi pha rol tu phyin pa la gnas nas | thabs la mkhas pa de lta bu ’di byed par rig par bya’o ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
(7) bcom ldan ’das ji ltar na byaṅ chub sems dpa’ sems dpa’ chen po śes rab kyi pha rol tu phyin pa la spyod pa | chos thams cad stoṅ pa ñid la gnas te | mṅon par śes pa gaṅ la gnas na | śar phyogs kyi ’jig rten gyi khams gaṅ g’i kluṅ gi bye ma sñed dag tu mchi źiṅ ’jig (131b1) rten gyi khams de dag na saṅs rgyas bcom ldan ’das gaṅ dag bźugs te | ’tsho źiṅ gźes la chos kyaṅ ston pa de dag la bsñen bkur bgyid ciṅ chos ñan pa daṅ | der saṅs rgyas bcom ldan ’das de dag las dge ba’i rtsa ba bskrun par ’gyur ba’i mṅon par śes pa’i pha (2) rol tu phyin pa mṅon par sgrub pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | śar phyogs kyi (3) ’jig rten gyi khams gaṅ g’i kluṅ gi bye ma sñed po gaṅ yin pa de dag thams cad kyaṅ ṅo bo ñid kyis stoṅ la | de dag na saṅs rgyas bcom ldan ’das gaṅ dag bźugs pa’i saṅs rgyas bcom ldan ’das de dag kyaṅ ṅo bo ñid kyis stoṅ źiṅ | miṅ daṅ brdar btags pa bzuṅ ste | (4) bstan pa ma gtogs par btabs pa thams cad kyaṅ ṅo bo ñid kyis stoṅ par mthoṅ ṅo ||
gal te ’jig rten gyi khams de dag ṅo bo ñid kyis stoṅ pa ma yin la | saṅs rgyas bcom ldan ’das de dag kyaṅ ṅo bo ñid kyis stoṅ pa ma yin źiṅ | btags pa’i spyod pa de dag kyaṅ ṅo bo ñid kyis (5) stoṅ pa ma yin na ni | de lta na ñi tshe ba’i stoṅ pa ñid du ’gyur ba źig na | ’di ltar ñi tshe ba’i stoṅ pa ñid dmigs su med de | de’i phyir chos thams cad ni chos thams cad kyis stoṅ pa yin te | de’i phyir byaṅ chub sems dpa’ sems dpa’ chen po thabs la mkhas pas śes rab (6) kyi pha rol tu phyin pa la spyod pas | mṅon par śes pa’i pha rol tu phyin pa mṅon par sgrub par byed de | mṅon par śes pa de la gnas nas lha’i mig daṅ | lha’i rna ba daṅ | rdzu ’phrul gyi bya ba daṅ | pha rol gyi sems śes pa daṅ | sṅon gyi skye ba rjes su dran pa daṅ | ’chi (7) ’pho daṅ skye ba śes pa mṅon par sgrub par byed do ||
mṅon par śes pa med par ni byaṅ chub sems dpa’ sems dpa’ chen pos bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi nus te | de’i phyir byaṅ chub sems dpa’ sems dpa’ chen po’i byaṅ (132a1) chub ni mṅon par śes pa’i pha rol tu phyin pa ’dir ’dus pas | mṅon par śes pa de dag ñid las byaṅ chub btsal bar bya’o ||
de tshol ba na lha’i mig gis bdag gis kyaṅ dge ba’i chos thams cad mthoṅ la gźan dag kyaṅ dge ba’i chos thams cad la sbyor bar byed (2) kyaṅ dge ba’i chos de dag la dṅos por mṅon par źen pa med do ||
de ci’i phyir źe na | ’di ltar dge ba’i chos de dag thams cad ni ṅo bo ñid kyis stoṅ pas na | stoṅ pa ñid ni gaṅ la yaṅ mṅon par źen pa med la | stoṅ pa ñid la ni ro myaṅ bar bya ba med pas | de la mṅon par źen pa med (3) ciṅ ro myaṅ bar bya ba med pa’i phyir ro ||
de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | lha’i mig mṅon par sgrub bo ||
lha’i mig des chos thams cad kyaṅ stoṅ pa ñid du mthoṅ ste | byaṅ chub sems dpa’ sems dpa’ chen po de chos ñid (4) de la gnas śiṅ | lus gaṅ bskyed pas sems can rnams la chos ston par ’gyur ba de lta bu’i lus skyed par byed de | sems can nam sems can du btags pa yaṅ dmigs su med do ||
źes mi dmigs pa’i tshul gyis byaṅ chub sems dpa’ sems dpa’ chen po mṅon par śes (5) pa’i pha rol tu phyin pa mṅon par sgrub ste | mṅon par śes pa de dag gis mṅon par śes pas gaṅ dag bya ba’i chos de dag byed de | byaṅ chub sems dpa’ sems dpa’ chen po de lha’i mig rnam par dag pa | mi’i las śin tu ’das pas śar daṅ | lho daṅ | nub daṅ | byaṅ daṅ phyogs (6) mtshams rnams daṅ | ’og daṅ steṅ gi phyogs kyi ’jig rten gyi khams dag kyaṅ mthoṅ ṅo ||
de rdzu ’phrul gyis de dag tu soṅ źiṅ sbyin pa’am | tshul khrims sam | bzod pa’am | brtson ’grus sam | bsam gtan nam | śes rab bam | byaṅ chub kyi phyogs kyi chos sum cu rtsa bdun (7) nam | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa rnams sam | ñan thos kyi chos rnams sam | raṅ saṅs rgyas kyi chos rnams sam | byaṅ chub sems dpa’i chos rnams sam | saṅs rgyas kyi chos rnams kyis sems can rnams kyi don byed (132b1) ciṅ | sems can de dag gi bya ba byed do ||
de la sems can ser sna can gaṅ yin pa de dag la ’di skad du chos ston te | sbyin pa byin cig | dbul ba ni sdug bsṅal ba ste | dbul pos ni bdag gi don kyaṅ bya bar mi nus na | gźan gyi don lta smos kyaṅ ci dgos te | de’i phyir (2) khyed cag sbyin pa byin la bdag kyaṅ bde bar gyis śig | gźan yaṅ bde bar gyis śig | dbul bas zil gyis non ciṅ | ñiṅ ñiṅ gis zos te | ṅan soṅ gsum po dag las mi thar bar gyur ta re źes chos ston to ||
sems can tshul khrims ’chal pa gaṅ yin pa de dag la ni ’di (3) skad du chos ston te | kye skyes bu dag tshul khrims ’chal pa ni sdug bsṅal ba ste | tshul khrims ’chal pas ni bdag gi don kyaṅ bya bar mi nus na | gźan gyi don lta ci smos te | tshul khrims ’chal pa’i rnam par smin pa ni sems can dmyal ba daṅ | dud ’gro’i skye gnas daṅ | (4) gśin rje’i ’jig rten yin te | de’i phyir khyed cag ṅan soṅ gsum po dag tu ltuṅ na | bdag kyaṅ ’byin par mi nus na | gźan dag lta ci smos kyis | de’i phyir khyed cag gis ’chal pa’i tshul khrims kyi sems ’ga’ tsam gyi go skabs kyaṅ ma dbye śig | phyis ’gyod par gyur ta (5) re źes chos ston to ||
sems can gaṅ dag phan tshun ’khrug ciṅ | gnod sems su byed pa de dag la ni ’di skad du chos ston te | kye skyes bu dag khyed cag gcig la gcig ’khrugs par ma byed cig | sems ’khrugs par gyur pa la ci dge ba’i chos ’ga’ yaṅ ’byuṅ bar mi ’gyur te | (6) de’i phyir khyed cag phan tshun ’khrug ciṅ gnod sems su byed na | sems can dmyal ba daṅ | dud ’gro’i skye gnas daṅ | gśin rje’i ’jig rten du lhuṅ ba’i gnas yin gyis | de bas na khyed cag gis khro ba daṅ | ’khrug pa’i sems daṅ gnod sems ’ga’ yaṅ bskyed par (7) mi bya na | mi dge ba’i sems gźan dag gi go skabs dbye ba lta smos kyaṅ ci dgos źes chos ston to ||
de bźin du sbyar te sems can le lo can gaṅ yin pa de dag ni brtson ’grus la sbyor bar byed do ||
sems rnam par g-yeṅs pa gaṅ yin pa de ni tiṅ ṅe ’dzin la sbyor bar byed do ||
śes (133a1) rab ’chal pa ṅa yin pa de dag ni śes rab la sbyor bar byed do ||
’dod chags spyod pa gaṅ yin pa de dag ni mi sdug pa sgom pa la sbyor bar byed do ||
lam ṅan par źugs pa gaṅ yin pa de dag ni lam du ’dzud par byed de | ñan thos kyi lam ’am | raṅ saṅs (2) rgyas kyi lam ’am | saṅs rgyas kyi lam la sbyor bar byed de | khyed cag gaṅ la mṅon par źen pa’i chos de dag thams cad ni ṅo bo ñid kyis stoṅ pa’o ||
ṅo bo ñid kyis stoṅ pa’i chos rnams la ni mṅon par źen par bya bar mi nus te | stoṅ pa ñid la ni mṅon par źen pa med do źes (3) de dag la de ltar chos ston te | rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa | mṅon par śes pa rnams la gnas śiṅ sems can rnams kyi don byed do ||
rab ’byor byaṅ chub sems dpa’ sems dpa’ chen po ni mṅon par śes (4) pa rnams la mi gnas par sems can rnams la chos ston pa’am | lam log par źugs pa’i sems can rnams lam du ’dzud par mi nus te | de ni gnas med do ||
rab ’byor ’di lta ste dper na | bya ’dab ma med pas ni nam mkha’ la ’phur mi nus so ||
rab ’byor de bźin (5) du byaṅ chub sems dpa’ sems dpa’ chen po yaṅ mṅon par śes pa rnams lam brten par sems can rnams la chos ston par mi nus so ||
rab ’byor de lta bas na byaṅ chub sems dpa’ sems dpa’ chen po śes rab kyi pha rol tu phyin pa la spyod pas | mṅon par śes pa rnams mṅon par (6) bsgrub par bya ste | de mṅon par śes pa mṅon par bsgrubs pa de dag gis sems can gyi don bya bar ’dod pa gaṅ yin pa de dag bde blag tu byed do ||
des lha’i mig gis ’jig rten gyi khams gaṅ g’i kluṅ gi bye ma sñed dag kyaṅ mthoṅ ṅo ||
de dag tu sems can gaṅ dag skyes pa de dag kyaṅ mthoṅ (7) ṅo ||
des de dag mthoṅ nas kyaṅ rdzu ’phrul gyis de dag tu soṅ nas sems can de dag gi sems sems kyis śes par byed do ||
śes par byas nas kyaṅ ’di ltar sbyin pa’i gtam ’am | tshul khrims kyi gtam ’am | ’phags pa’i bden pa’i gtam ’am | yoṅs su mya ṅan las ’das (133b1) pa’i bar gyi gtam gyis chos ston par byed do ||
des lha’i rna bas mi ṅaṅ mi ma yin pa dag gi sgra yaṅ thos so ||
śar phyogs kyi ’jig rten gyi khams gaṅ g’i kluṅ gi bye ma sñed dag na | saṅs rgyas bcom ldan ’das gaṅ dag chos ston pa de dag kyaṅ lha’i rna bas thos so ||
thos nas kyaṅ (2) de bźin ñid du ’dzin par byed do ||
de bźin ñid du bzuṅ nas kyaṅ sems can rnams la sbyin pa’i gtam ’am | mya ṅan las ’das pa’i bar dag gi gtam gyis chos ston par byed do ||
de sems kyi rnam graṅs śes pa śin tu rnam par dag pa daṅ ldan pa yin te | de sems kyi rnam (3) graṅs śes pa des sems can rnams kyi sems śes par byas śiṅ | de dag la ’di ltar sbyin pa’i gtam ’am | yoṅs su mya ṅan las ’das pa’i bar gyi gtam dag gis chos ston par byed do ||
de bdag daṅ gźan dag gi sṅon gyi gnas rnam pa du ma rjes su dran te | de sṅon gyi gnas (4) rjes su dran pa’i śes pa des ’di ltar sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas mtshan ’di źes bya ba ñan thos kyi dge ’dun daṅ bcas pa ’di sñed cig byuṅ ṅo źes bya ba yaṅ rab tu śes so ||
de na sems can gaṅ dag sṅon gyi gnas rjes su dran pa la mos pa de (5) dag la yaṅ ’di ltar sbyin pa’i gtam ’am | yoṅs su mya ṅan las ’das pa’i bar gyi gtam dag gis chos ston par byed do ||
de rdzu ’phrul gyis ’jig rten gyi khams rnam pa du mar soṅ nas saṅs rgyas bcom ldan ’das rnams la bsñen bkur byed ciṅ | der saṅs rgyas bcom ldan (6) ’das de dag las dge ba’i rtsa ba skyed par byed do ||
dge ba’i rtsa ba bskyed nas kyaṅ ’jig rten gyi khams de ñid du phyir ’oṅ bar byed do ||
de zag pa zad pa śes pa śin tu rnam par dag pa daṅ ldan pa yin te | de zag pa zad pa mṅon sum du bya ba’i śes pa śin tu rnam par dag pa des sems can (7) rnams la ’di ltar sbyin pa’i gtam ’am | yoṅs su mya ṅan las ’das pa’i bar gyi gtam gyis chos ston par byed do ||
rab ’byor de ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pas mṅon par śes pa mṅon par bsgrub par bu ste | de mṅon par śes (134a1) pa śin tu ’dris pa de dag gis lus gaṅ daṅ gaṅ ’dzin par ’dod pa’i lus de daṅ de yoṅs su ’dzin par byed kyaṅ de la bde ba’am | sdug bsṅal ba’am | yid bde ba’am | yid mi bde ba ’byuṅ bar mi ’gyur te | rjes su chags pa’am | khoṅ khro bar yaṅ mi (2) ’gyur ro ||
rab ’byor ’di lta ste dper na | de bźin gśegs pas sprul pa’i skyes bu ni bya ba thams cad byed kyaṅ | de la bde ba’am sdug bsṅal bas gos par mi ’gyur ro ||
rab ’byor de bźin du byaṅ chub sems dpa’ sems dpa’ chen po yaṅ śes rab kyi pha rol tu phyin pa la gnas te | (3) mṅon par śes pas rnam par rtse źiṅ | phyogs bcu’i ’jig rten gyi khams gaṅ g’i kluṅ gi bye ma sñed dag tu mos pa ji lta ba bźin du chos ston kyaṅ | bde ba’am sdug bsṅal bas gos par mi ’gyur ro ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod (4) pas | ji ltar mṅon par śes pas rnam par rtses na saṅs rgyas kyi źiṅ yoṅs su dag par ’gyur ba daṅ | sems can rnams yoṅs su smin par ’gyur ba de ltar mṅon par śes pas rnam par rtse źiṅ bsgom par bya’o ||
rab ’byor byaṅ chub sems dpa’ sems dpa’ chen pos ni saṅs rgyas (5) kyi źiṅ yoṅs su dag par ma byas | sems can rnams yoṅs su smin par ma byas par bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi nus so ||
de ci’i phyir źe na | rab ’byor byaṅ chub sems dpa’ sems dpa’ chen po’i byaṅ chub kyi yan lag yoṅs (6) su ma rdzogs pa la ni bla na med pa yaṅ dag par rdzogs pa’i byaṅ chub med pa’i phyir ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen pos gaṅ dag yoṅs su (7) rdzogs par bgyis na bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur ba’i byaṅ chub sems dpa’ sems dpa’ chen po’i byaṅ chub kyi yan lag de dag gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad (134b1) ces bka’ stsal to ||
rab ’byor dge ba’i chos thams cad ni byaṅ chub sems dpa’ sems dpa’ chen po’i byaṅ chub kyi yan lag yin no ||
gsol pa | bcom ldan ’das dge ba’i chos gaṅ dag gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar (2) ’gyur ba’i dge ba’i chos de dag gaṅ lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor sems daṅ po bskyed pa nas bzuṅ ste | sbyin pa’i pha rol tu phyin pa la spyod kyaṅ | de la rnam par mi rtog pa gaṅ (3) yin pa de ni dge ba’i chos yin no ||
ji ltar sbyin pa la rnam par mi rtog ce na | ṅo bo ñid stoṅ pa ñid kyi phyir | ’di ni sbyin pa’o źes sbyin par rnam par mi rtog pa daṅ | ’di la sbyin par bya’o źes bya ba daṅ | bdag gis sbyin par bya’o źes gsum po de dag la rnam par mi rtog pa ste | (4) sbyin pa’i pha rol tu phyin pa des bdag kyaṅ ’khor ba las sgrol źiṅ gźan yaṅ sgrol bar byed de ||
rab ’byor dge ba’i chos de dag ni byaṅ chub sems dpa’ sems dpa’ chen po’i bla na med pa yaṅ dag par rdzogs pa’i byaṅ chub kyi lam yin te | lam des ’das pa daṅ | ma ’oṅs (5) pa daṅ | da ltar byuṅ ba’i byaṅ chub sems dpa’ sems dpa’ chen po rnams ’khor ba las rgal to ||
de bźin du tshul khrims daṅ | bzod pa daṅ | brtson ’grus daṅ | bsam gtan daṅ | śes rab kyi pha rol tu phyin pa daṅ | bsam gtan bźi daṅ | (6) tshad med pa bźi daṅ | gzugs med pa’i sñoms par ’jug pa bźi daṅ | dran pa ñe bar gźag pa bźi daṅ | yaṅ dag par spoṅ ba bźi daṅ | rdzu ’aprula gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag (7) brgyad pa daṅ | rnam par thar pa’i sgo gsum daṅ | stoṅ pa ñid bcu bźi daṅ | rnam par thar pa brgyad daṅ | mthar gyis gnas pa’i sñoms par ’jug pa dgu daṅ | gzuṅs kyi sgo rnams daṅ | tiṅ ṅe ’dzin gyi sgo rnams daṅ | so so yaṅ dag par rig pa rnams daṅ | saṅs rgyas kyi (135a1) chos ma ’dres pa bcwa brgyad kyi bar dag daṅ | dge ba’i chos byaṅ chub kyi lam ji sñed pa de dag ni byaṅ chub sems dpa’ sems dpa’ chen pos yoṅs su rdzogs par bya ba yin te | byaṅ chub sems dpa’ sems dpa’ chen pos de dag yoṅs su rdzogs par byas (2) nas rnam pa thams cad mkhyen pa ñid rjes su ’thob ciṅ de thob nas chos kyi ’khor lo skor bar ’gyur ro ||
śes rab kyi pha rol tu phyin pa khri brgyad stoṅ pa las | saṅs rgyas kyi źiṅ yoṅs su dag par bya ba’i thabs la mkhas pa bstan pa źes bya ba’i le’u ste | bdun cu rtsa brgyad (3) pa’o || ||
de nas bcom ldan ’das la | tshe daṅ ldan pa rab ’byor gyis ’di skad ces gsol to ||
bcom ldan ’das gal te chos de dag byaṅ chub sems dpa’i chos lags na | bcom ldan ’das ’o na saṅs rgyas kyi chos rnams ni gaṅ lags | bcom (4) ldan ’das kyis bka’ stsal pa | rab ’byor khyod gaṅ yaṅ ’di skad du gal te chos de dag byaṅ chub sems dpa’i chos lags na | ’o na saṅs rgyas kyi chos rnams ni gaṅ lags źes zer ba ni | rab ’byor byaṅ chub sems dpa’i chos de dag ñid saṅs rgyas kyi chos kyaṅ yin te | gaṅ (5) gi tshe chos de dag rnam pa thams cad du mṅon par rdzogs par saṅs rgyas śiṅ | rnam pa thams cad mkhyen pa ñid thob pa’i tshe | de’i bag chags mtshams sbyor ba thams cad spoṅ bar byed do ||
byaṅ chub sems dpa’ sems dpa’ chen po ni de dag mṅon par rdzogs par ’tshaṅ rgya bar (6) byed kyi | de bźin gśegs pa dgra bcom pa yaṅ dag par rdzogs pa’i saṅs rgyas kyis ni skad cig gcig daṅ ldan pa’i śes rab kyis chos thams cad mṅon par rdzogs par saṅs rgyas pas | rab ’byor byaṅ chub sems dpa’ sems dpa’ chen po daṅ | de bźin gśegs (7) pa dgra bcom pa yaṅ dag par rdzogs pa’i saṅs rgyas la ni khyad par de yod do ||
rab ’byor ’di lta ste dper na | źugs pa yaṅ gźan la ’bras bu la gnas pa yaṅ gźan mod kyi | ’on kyaṅ de gñis ka yaṅ gaṅ zag mchog ma yin par mi ’gyur ro ||
rab ’byor de bźin du (135b1) byaṅ chub sems dpa’ sems dpa’ chen po ni bar chad med pa’i lam la gnas pa yin gyi | de bźin gśegs pa dgra bcom pa yaṅ dag par rdzogs pa’i saṅs rgyas ni chos thams cad la sgrib pa med pa’i ye śes brñes pa ste | rab ’byor byaṅ chub sems dpa’ sems dpa’ chen po (2) daṅ | de bźin gśegs pa dgra bcom pa yaṅ dag par rdzogs pa’i saṅs rgyas kyi khyad par ni de yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad raṅ gi mtshan ñid (3) kyis stoṅ pa lags na | raṅ gi mtshan ñid kyis stoṅ pa’i chos rnam la ni ’di ni sems can dmyal ba’o ||
’di ni dud ’gro’i skye gnas pa’o ||
’di ni gśin rje’i ’jig rten pa’o ||
’di ni rgyun tu źugs pa’o ||
(4) ’di ni lan cig phyir ’oṅ ba’o ||
’di ni phyir mi ’oṅ ba’o ||
’di ni raṅ saṅs rgyas so ||
’di ni byaṅ chub sems dpa’o ||
’di ni de bźin gśegs pa dgra bcom pa yaṅ dag par rdzogs pa’i saṅs rgyas lags so ||
źes bgyi ba’i bye brag daṅ | tha dad du bgyi ba (5) ji ltar dmigs par ’gyur lags | bcom ldan ’das ji ltar gaṅ zag de dag dmigs su ma mchis pa de bźin du las kyaṅ dmigs su ma mchis la | ji ltar las dmigs su ma mchis pa de bźin du | rnam par smin pa yaṅ dmigs su ma mchis lags so ||
de skad ces (6) gsol ba daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin te | de de bźin no ||
ji skad smras pa de bźin te | raṅ gi mtshan ñid kyis stoṅ pa’i chos thams cad la ni las daṅ las kyi rnam par smin pa yaṅ dmigs su (7) med do ||
gaṅ dag gis chos rnams raṅ gi mtshan ñid kyis stoṅ par mi śes pa de dag ni ñes par spyod pa’am | legs par spyod pa’am | zag pa daṅ bcas pa’am | zag pa med pa’i las dag mṅon par ’du byed do ||
de dag ñes par spyad pa’i las kyis ni ṅan soṅ gsum po dag tu (136a1) ltuṅ ṅo ||
legs par spyad pa’i las kyis ni lha daṅ mi rnams kyi naṅ du skye’o ||
dge ba’i las skyon med pas ni gzugs kyi khams daṅ | gzugs med pa’i khams dag tu skye’o ||
de la byaṅ chub sems dpa’ sems dpa’ chen po ni sbyin pa’i pha rol tu phyin pas (2) spyod pa saṅs rgyas kyi chos ma ’dres pa bcwa brgyad kyi bar dag la spyod ciṅ | skyon med pa’i spyod pas byaṅ chub sems dpa’i chos de dag skyed par byed do ||
de dag bskyed nas kyaṅ rdo rje lta bu’i tiṅ ṅe ’dzin byaṅ chub kyi yan lag gi ’khor daṅ ldan pa la sñoms par źugs śiṅ | bla na (3) med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
mṅon par rdzogs par saṅs rgyas nas kyaṅ sems can rnams kyi don byed do ||
don byas pa des kyaṅ chud za bar mi ’gyur te | chud za bar mi ’gyur bas phyin cad ’gro ba lṅa’i ’khor bar skye bar mi (4) ’gyur ro ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ci bcom ldan ’das kyis bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas ’gro ba lṅa’i ’khor ba dmigs (5) lags sam | bka’ stsal pa | rab ’byor de ni ma yin no ||
gsol pa | bcom ldan ’das ci de bźin gśegs pas chos nab po ’am | dkar po ’am | dkar gnag gam | dkar po yad ma lags | nag po yaṅ ma lags pa dag dmigs lags sam | bka’ stsal pa | rab (6) ’byor de ni ma yin no ||
gsol pa | bcom ldan ’das gal te ma dmigs lags na | ’o na ji ltar sems can dmyal ba daṅ | dud ’gro’i skye gnas daṅ | gśin rje’i ’jig rten du gaṅ gsa pa mdzad | ji ltar lha daṅ mi rnams su gdags pa mdzad | ji ltar rgyun tu źugs par (7) gdags pa mdzad | ji ltar lan cig phyir ’oṅ ba daṅ | phyir mi ’oṅ ba daṅ | dgra bcom pa ñid daṅ | raṅ saṅs rgyas su gdags pa mdzad | ji ltar byaṅ chub sems dpar gdags pa mdzad | ji ltar de bźin gśegs pa dgra bcom pa yaṅ dag par rdzogs pa’i saṅs rgyas su gdags pa (136b1) mdzad lags | bka’ stsal pa | rab ’byor ci sems can ’di dag gis cos rnams raṅ gi mtshan ñid kyis stoṅ par śes sam | gsol pa | bcom ldan ’das de ni ma lags so ||
bka’ stsal pa | rab ’byor gal te sems can ’di dag gis ’di ltar chos thams cad (2) raṅ gi mtshan ñid kyis stoṅ ṅo źes bya bar śes na ni | byaṅ chub sems dpa’ sems dpa’ chen po yaṅ bla na med pa yaṅ dag par rdzogs pa’i byaṅ chub la ’jug par mi ’gyur la | bla na med pa yaṅ dag par rdzogs pa’i byaṅ chub la źugs par ma gyur na ni | sems can (3) rnams kyaṅ ṅan soṅ gsum po dag daṅ ’gro ba lṅa’i ’khor ba’i bar las thar bar mi byed pa źig na | rab ’byor ’di ltar sems can ’di dag gis chos thams cad raṅ gi mtshan ñid kyis stoṅ par mi śes la | mi śes pas de dag ṅan soṅ gsum po dag daṅ | ’gro ba lṅa’i (4) bar gyi ’khor ba las ma thar te | de’i phyir byaṅ chub sems dpa’ sems dpa’ chen pos kyaṅ saṅs rgyas bcom ldan ’das de dag las chos thams cad raṅ gi mtshan ñid kyis stoṅ źes bya bar thos nas | sems can rnams kyi don du bla na med pa yaṅ dag par rdzogs pa’i byaṅ chub (5) la ’jug go ||
chos ’di dag ni ji ltar byis pa so so’i skye bo rnams mṅon par źen par gyur pa de ltar yod pa ma yin na | sems can ’di dag ni med ciṅ yod pa ma yin pa’i chos rnams la raṅ gis brtags śiṅ dmigs nas | sems can med pa la sems can du ’du śes so ||
(6) gzugs med pa la gzugs su ’du śes so ||
tshor ba daṅ | ’du śes daṅ | ’du byed rnams daṅ | rnam par śes pa med pa la rnam par śes par ’du śes śiṅ | ’dus byas daṅ ’dus ma byas kyi chos rnams kyi bar dag med ciṅ | yod pa ma yin pa la rnam par brtags pas (7) phyin ci log rnams kyis sems bslad par gyur pa dag lus daṅ | ṅag daṅ | yid kyi las mṅon par ’du byed pas | de dag ’gro ba lṅa’i ’khor ba las yoṅs su mi thar ro ||
de’i phyir byaṅ chub sems dpa’ sems dpa’ chen po śes rab kyi pha rol tu phyin par dge ba’i chos thams cad (137a1) ’dus par byas nas spyod ciṅ byaṅ chub sems dpa’i spyad pa spyod do ||
de la spyod ciṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
mṅon par rdzogs par saṅs rgyas nas kyaṅ sems can rnams ’gro ba lṅa’i ’khor ba (2) las thar bar byed do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad raṅ gi mtshan ñid kyis stoṅ pa lags na | bcom ldan ’das ’o na ji ltar byaṅ chub sems dpa’ (3) sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | sems can rnams ’gro ba lṅa’i ’khor ba las yoṅs su thar bar bgyid lags | de skad ces gsol pa daṅ | bcom ldan ’das kyis tshe daṅ ldan pa rab ’byor (4) la ’di skad ces bka’ stsal to ||
rab ’byor ’di la byaṅ chub sems dpa’ sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas nas | sems can rnams la ’phags pa’i bden pa bźi po sdug bsṅal ba daṅ | sdug bsṅal kun (5) ’byuṅ ba daṅ | sdug bsṅal ’gog pa daṅ | sdug bsṅal ’gog par ’gro ba’i lam dag ston to ||
’phags pa’i bden pa bźi po der ni dge ba’i chos byaṅ chub kyi phyogs gaṅ ji sñed pa thams cad ’dus te | byaṅ chub kyi phyogs kyi chos de dag (6) gis ni dkon mchog gsum po dag kyaṅ rnam par ’jog par ’gyur te | gsum gaṅ źe na | ’di lta ste | saṅs rgyas dkon mchog daṅ | chos dkon mchog daṅ | dge ’dun dkon mchog go ||
dkon mchog gsum po de dag byuṅ bas sems can rnams ’gro ba lṅa’i ’khor ba las (7) yoṅs su thar bar ’gyur ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ci sdug bsṅal ’tshal bas sems can rnams yoṅs su mya ṅan las ’da’ bar ’gyur lags sam | ’on te sdug bsṅal gyis yoṅs su mya ṅan (137b1) las ’da’ bar ’gyur lags | sdug bsṅal kun ’byuṅ ba ’tshal bas yoṅs su mya ṅan las ’da’ bar ’gyur lags sam | ’on te sdug bsṅal kun ’byuṅ bas yoṅs su mya ṅan las ’da’ bar ’gyur lags | sdug bsṅal ’gog pa ’tshal bas yoṅs su mya ṅan las ’da’ bar ’gyur (2) lags sam | ’on te sdug bsṅal ’gog pas yoṅs su mya ṅan las ’da’ bar ’gyur lags | sdug bsṅal ’gog par ’gro ba’i lam ’tshal bas yoṅs su mya ṅan las ’da’ bar ’gyur lags sam | ’on te sdug bsṅal ’gog par ’gro ba’i lam gyis yoṅs su mya ṅan las ’da’ (3) bar ’gyur lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor sdug bsṅal śes pas kyaṅ yoṅs su mya ṅan las ’da’ bar mi ’gyur la | sdug bsṅal gyis kyaṅ ma yin no ||
sdug bsṅal kun (4) ’byuṅ ba śes pas kyaṅ ma yin la | sdug bsṅal kun ’byuṅ bas kyaṅ ma yin no ||
sdug bsṅal ’gog pa śes pas kyaṅ ma yin la | sdug bsṅal ’gog pas kyaṅ ma yin no ||
sdug bsṅal ’gog par ’gro ba’i lam śes pas kyaṅ yoṅs su mya ṅan las ’da’ bar mi ’gyur (5) la | sdug bsṅal ’gog par ’gro ba’i lam gyis kyaṅ ma yin te | rab ’byor ’phags pa’i bden pa rnams kyi mñam pa ñid gaṅ yin pa des yoṅs su mya ṅan las ’da’ bar ’gyur ro ||
źes ṅa smra’i | sdug bsṅal śes pas kyaṅ yoṅs su mya ṅan las ’da’ bar mi ’gyur (6) la | sdug bsṅal gyis kyaṅ ma yin no ||
sdug bsṅal kun ’byuṅ ba śes pas kyaṅ ma yin la | sdug bsṅal kun ’byuṅ bas kyaṅ ma yin no ||
sdug bsṅal ’gog pa śes pas kyaṅ ma yin la | sdug bsṅal ’gog pas kyaṅ ma yin no ||
sdug bsṅal ’gog par ’gro (7) ba’i lam śes pas kyaṅ ma yin la | sdug bsṅal ’gog par ’gro ba’i lam gyis kyaṅ ma yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ’phags pa’i bden pa bźi po dag gi mñam (138a1) pa ñid de gaṅ lags | bka’ stsal pa | rab ’byor gaṅ la sdug bsṅal yaṅ med | sdug bsṅal śes pa yaṅ med pa daṅ | gaṅ la kun ’byuṅ ba yaṅ med | kun ’byuṅ ba śes pa yaṅ med pa daṅ | gaṅ la ’gog pa yaṅ med | ’gog pa śes pa (2) yaṅ med pa daṅ | gaṅ la lam yaṅ med | lam śes pa yaṅ med pa yin no ||
rab ’byor yaṅ ’phags pa’i bden pa bźi po de dag gi de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos skyon med pa ñid daṅ | chos (3) gnas pa ñid gaṅ yin pa de ni de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | chos kyi dbyiṅs ñid du gnas pa yin la | ’di ltar chos kyi dbyiṅs ni bsñel ba mi mṅa’ ba’i chos ñid daṅ | yoṅs su mi ñams pa’i chos ñid du ’gyur (4) ba yin no ||
de la byaṅ chub sems dpa’ sems dpa’ chen po śes rab kyi pha rol tu phyin pa la spyod pa | ci nas kyaṅ bden pa rtogs par bya ba’i don du bden pa rtogs par bya ba la spyod do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis (5) ’di skad ces gsol to ||
bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la ji ltar spyod na | bden pa rtogs pa’i don du spyod pa lags | ji ltar spyad na ni bden pa rtogs par ’gyur lags | rtogs nas ni ji ltar de bźin ñid du sgrub (6) par ’gyur lags | ji ltar bsgrubs na ñan thos kyi sar mi ltuṅ źiṅ | raṅ saṅs rgyas kyi sar yaṅ mi ltuṅ la | byaṅ chub sems dpa’i skyon ma mchis pa la ’jug pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal (7) to ||
rab ’byor byaṅ chub sems dpa’ sems dpa’ chen pos gaṅ gi mtha’ mi mthoṅ ba’i chos de med do ||
gaṅ gi tshe ma mthoṅ ba de’i tshe | chos gaṅ yaṅ mi dmigs so ||
mi dmigs pas chos thams cad stoṅ par mthoṅ ste | gaṅ dag bden par rtogs pa’am | gaṅ dag (138b1) bden par ma rtogs pa’i chos de dag thams cad kyaṅ stoṅ par mthoṅ ṅo ||
des de ltar mthoṅ bas byaṅ chub sems dpa’i skyon med pa la źugs śiṅ | rigs kyi sa la gnas pa yin no ||
byaṅ chub sems dpa’ de rigs kyi sa la gnas nas rtse mor ltuṅ ba gaṅ gis ñan thos kyis (2) ’am | raṅ saṅs rgyas kyi sar ltuṅ bar ’gyur ba’i rtse mor ltuṅ bar mi ’gyur ro ||
byaṅ chub sems dpa’ de rigs kyi sa de la gnas nas bsam gtan bźi skyed par byed do ||
tshad med pa bźi daṅ | gzugs med pa’i sñoms par ’jug pa bźi skyed par byed do ||
de źi gnas (3) kyis de la gnas śiṅ chos thams cad rab tu rnam par ’byed par byed do ||
’phags pa’i bden pa bźi yaṅ rtogs par byed do ||
de sdug bsṅal yoṅs su śes kyaṅ sdug bsṅal la dmigs pa’i sems mi skyed do ||
kun ’byuṅ ba spoṅ bar byed kyaṅ kun ’byuṅ ba la dmigs pa’i (4) sems mi skyed do ||
’gog pa mṅon sum du byed kyaṅ ’gog pa mṅon sum du bya ba la dmigs pa’i sems mi skyed do ||
lam sgom par byed kyaṅ lam la dmigs pa’i sems mi skyed de | gźan du na byaṅ chub la gźol ba’i sems kyis chos thams cad yaṅ dag pa ji lta ba bźin (5) du mthoṅ bar byed do ||
gsol pa | bcom ldan ’das chos thams cad kyi yaṅ dag pa ji lta ba bźin źes bgyi ba gaṅ lags | bka’ stsal pa | rab ’byor chos thams cad stoṅ pa ñid du mthoṅ ba’o ||
gsol pa | bcom ldan ’das ji ltar na chos thams cad stoṅ pa ñid du mthoṅ (6) ba lags | bka’ stsal pa | rab ’byor ’di ltar chos thams cad raṅ gi mtshan ñid kyis stoṅ pa ñid du mthoṅ ba ste | des de lta bu’i lhag mthoṅ des chos thams cad stoṅ pa’o źes bya bar rnam par lta yaṅ ṅo bo ñid gaṅ la gnas nas | byaṅ chub mṅon par rdzogs par ’tshaṅ (7) rgya bar ’gyur ba de lta bu’i ṅo bo ñid gaṅ yaṅ yaṅ dag par rjes su mi mthoṅ ṅo ||
gsol pa | bcom ldan ’das de lta lags na | dṅos po ma mchis pa ni byaṅ chub lags par ’gyur lags so ||
bka’ stsal pa | rab ’byor de de bźin te | de de bźin no ||
ji skad smras pa de (139a1) bźin te | rab ’byor dṅos po med pa ni byaṅ chub ste | de ni saṅs rgyas kyis ma mdzad | raṅ saṅs rgyas kyis ma byas | dgra bcom pas ma byas | gaṅ dag byaṅ chub ’di la spyod pa’i byaṅ chub sems dpa’ sems dpa’ chen po de dag gis kyaṅ ma byas te | gźan du na (2) sems can rnams kyis yaṅ dag pa ji lta ba bźin du mi śes mi mthoṅ bas de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pas sems can rnams la chos ston par byed do ||
śes rab kyi pha rol tu phyin pa khri brgyad stoṅ (3) pa las | dṅos po med pa’i ṅo bo ñid bstan pa’i le’u ste | bdun cu rtsa dgu pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad dṅos po ma mchis pa’i ṅo bo ñid lags te | de (4) dag saṅs rgyas kyis kyaṅ ma mdzad | raṅ saṅs rgyas kyis kyaṅ ma bgyis | dgra bcom pa daṅ | phyir mi ’oṅ ba daṅ | lan cig phyir ’oṅ ba daṅ | rgyun du źugs pas kyaṅ ma bgyis | gaṅ dag byaṅ chub ’di’i slad du spyod pa’i byaṅ chub sems dpa’ sems dpa’ chen po de dag kyaṅ ma (5) bgyis pa lags na | bcom ldan ’das ’o na ci’i slad du chos ’di dag la ’di dag ni sems can dmyal ba pa’o ||
’di dag ni dud ’gro’i skye gnas pa’o ||
’di dag ni gśin rje’i ’jig rten pa’o ||
las ’dis ni sems can (6) dmyal ba rnams su mchi’o ||
’dis ni dud ’gro’i skye gnas rnams su’o ||
’dis ni gśin rje’i ’jig rten rnams su’o ||
’dis ni lha rnams su’o ||
’dis ni tshaṅs ris rnams su’o ||
’dis ni ’du śes med ’du śes med min skye mched du ñe bar ’gro (7) ba’i bar gyi lha rnams su mchi’o ||
las ’dis ni rgyun du źugs pa rnams su’o ||
las ’dis ni raṅ saṅs rgyas kyi bar dag tu’o ||
las ’dis ni byaṅ chub sems dpa’ rnams su’o ||
las ’dis ni de bźin gśegs pa dgra bcom pa yaṅ dag par rdzogs pa’i saṅs rgyas (139b1) rnams su ’gyur ro ||
źes bgyi bar tha dad du dbye ba’am | rnam par dgod pa dag mchis par ’gyur lags | bcom ldan ’das dṅos po ma mchis pa la ni bgyi ba gaṅ gis sems can dmyal bar mchi ba’am | dud ’gro’i skye gnas sam | gśin rje’i ’jig rten (2) nam | mi’am lha’am | ’du śes med ’du śes med min skye mched kyi bar dag tu mchi bar ’gyur ba’am | rgyun du źugs pa’i ’bras bu ’thob par ’gyur ba’am | lan cig phyir ’oṅ ba’i ’bras bu’am | phyir mi ’oṅ ba’i ’bras bu’am | dgra bcom pa ñid (3) dam | raṅ byaṅ chub ’thob par ’gyur ba’am | byaṅ chub sems dpa’ ’thob pa’am | byaṅ chub kyi lam la spyod par ’gyur ba’am | rnam pa thams cad mkhyen pa ñid ’thob par ’gyur ba’am | de thob nas kyaṅ sems can rnams ’khor ba las yoṅs su thar bar (4) ’gyur ba’i bgyi ba de lta bu gaṅ yaṅ ma mchis lags so ||
de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin te | de de bźin no ||
ji skad smras pa de bźin te | rab ’byor dṅos (5) po med pa la ni las kyaṅ med | bya ba yaṅ med | ’bras bu yaṅ med na | byis pa so so’i skye bo thos pa daṅ mi ldan pa | ’phags pa’i chos rnams la mi mkhas pa rnams kyis chos rnams dṅos po med pa’i ṅo bo ñid du mi śes te | de dag phyin ci log gis kun (6) nas bslad pa’i sems kyis las rnam pa sna tshogs mṅon par ’du byed pas | de dag gis lus ’di lta bu dag mṅon par ’grub ste | sems can dmyal ba’am | dud ’gro’i skye gnas sam | gśin rje’i ’jig rten nam | lha’am mi ’am | ’du śes med ’du (7) śes med min skye mched du ñe bar ’gro ba’i bar gyi lus ṅag mṅon par ’grub bo ||
dṅos po med pa la ni las kyaṅ med | bya ba yaṅ med | ’bras bu yaṅ med de | dṅos po med pa gaṅ yin pa de ni dṅos po med pa ñid do ||
rab ’byor khyod gaṅ yaṅ ’di skad du dṅos po ma (140a1) mchis pa la ni bgyi ba gaṅ gis rgyun du źugs pa’i ’bras bu’i bar dag ’thob par ’gyur ba’am | dgra bcom pa ñid dam | raṅ byaṅ chub kyi bar dag ’thob par ’gyur ba’am | byaṅ chub sems dpa’ sems dpa’ chen po lam gyi rnam pa śes pa ñid la (2) spyod par ’gyur ba’am | de bźin gśegs pa dgra bcom pa yaṅ dag par rdzogs pa’i saṅs rgyas kyi rnam pa thams cad mkhyen pa ñid ’thob par ’gyur ba’am | de thob nas kyaṅ sems can rnams ’khor ba las yoṅs su thar bar ’gyur ba’i bgyi ba de lta bu gaṅ yaṅ ma (3) mchis lags so ||
źes zer ba ni | rab ’byor ’di ji sñam du sems | lam dṅos po med pa ma yin nam | rgyun du źugs pa’i ’bras bu yaṅ dṅos po med pa ma yin nam | lan cig phyir ’oṅ ba’i ’bras bu yaṅ dṅos po med pa ma yin nam | phyir mi ’oṅ ba’i ’bras bu yaṅ (4) dṅos po med pa ma yin nam | dgra bcom pa ñid kyaṅ dṅos po med pa ma yin nam | raṅ byaṅ chub kyaṅ dṅos po med pa ma yin nam | lam gyi rnam pa śes pa ñid kyaṅ dṅos po med pa ma yin nam | rnam pa thams cad mkhyen pa ñid kyi bar yaṅ dṅos po med pa ma yin (5) sñam ’am | gsol pa | bcom ldan ’das lam ni dṅos po ma mchis pa lags so ||
rnam pa thams cad mkhyen pa ñid kyi bar dag kyaṅ dṅos po ma mchis pa lags so ||
bka’ stsal pa | rab ’byor ’o na ci dṅos po med pa’i chos kyis dṅos po med pa’i (6) chos thob par ’gyur sñam ’am | gsol pa | bcom ldan ’das de ni ma lags so ||
bka’ stsal pa | rab ’byor de lta bas na dṅos med pa gaṅ yin pa daṅ | lam gaṅ yin pa’i chos de gñis ni ldan pa yaṅ ma yin mi ldan pa yaṅ ma yin | gzugs med pa | (7) bstan du med pa | thogs pa med pa ste | ’di ltar mtshan ñid med par mtshan ñid gcig pa’o ||
rab ’byor de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs mkhas pas sems can phyin ci log bźis phuṅ po dag la (140b1) mṅon par źen ciṅ | mi rtag pa la rtag par ’du śes pa daṅ | sdug bsṅal la bde bar ’du śes pa daṅ | bdag med pa la bdag tu ’du śes pa daṅ | mi sdug pa la sdug par ’du śes śiṅ | dṅos po la mṅon par źen pa dag dṅos po las rnam par ’byed par byed do ||
de skad ces (2) bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ci byis pa so so’i skye bo rnams gaṅ la gnas nas | dṅos po’o ||
źes mṅon par źen par gyur pa’i dṅos po byuṅ ba’am | ’byuṅ ba de bźin ñid daṅ | ma nor ba (3) de bźin ñid ces bgyi ba de lta bu mchis lags sam | gal te ma mchis na ni las gaṅ gis ’gro ba lṅa’i ’khor ba las yoṅs su thar bar mi ’gyur ba de lta bu’i las kyaṅ ji ltar mṅon par ’du bgyid par ’gyur lags | bka’ stsal pa | rab ’byor phyin ci log ma gtogs par (4) gaṅ la gnas nas | byis pa so so’i skye bo rnams las mṅon par ’du byed pa’i dṅos po ni tha na skra’i rtse mo’i cha śas gźag pa tsam yaṅ med do ||
rab ’byor de’i phyir ci nas kyaṅ don ’di ñid rgya cher yoṅs su rdzogs par bya ba daṅ | mkhas pas śes par bya ba’i phyir khyod la dpes (5) bśad par bya’o ||
rab ’byor ’di ji sñam du sems | rmi lam rmi ba gaṅ la gnas nas | ’dod pa lṅa’i yon tan dag gis dga’ mgur spyod par ’gyur na | rmi lam rmi ba’i dṅos po de lta bu ’ga’ źig yod sñam ’am | gsol pa | bcom ldan ’das rmi lam ñid kyaṅ ma (6) mchis lags na | rmi lam rmi ba gaṅ la gnas nas | ’dod pa lṅa’i yon tan dag gis dga’ mgur spyod par ’gyur ba’i dṅos po lta ga la mchis lags | bka’ stsal pa | rab ’byor ’di ji sñam du sems | gaṅ dag rmi lam lta bu ma yin pa’i ’dus byas sam | ’dus ma (7) byas sam | zag pa daṅ bcas pa’am | zag pa med pa’i chos ’ga’ źig yod sñam ’am | gsol pa | bcom ldan ’das gaṅ dag rmi lam lta bu ma lags pa’i ’dus byas sam | ’dus ma byas sam | zag pa daṅ bcas pa’am | zag pa ma mchis pa’i chos ni ’ga’ (141a1) yaṅ ma mchis lags so ||
bka’ stsal pa | rab ’byor ’di ji sñam du sems | rmi lam la ’gro ba lṅa’i ’khor ba yod sñam ’am | gsol pa | bcom ldan ’das de ni ma lags so ||
bka’ stsal pa | rab ’byor ’di ji sñam du sems | rmi (2) lam la lam bsgom pa gaṅ la brten nas kun nas ñon moṅs bar yaṅ mi ’gyur la | rnam par byaṅ bar yaṅ mi ’gyur ba’i lam bsgom pa ’ga’ źig yod sñam ’am | gsol pa | bcom ldan ’das de ni ma lags te | bcom ldan ’das chos de ni dṅos po ma mchis (3) śiṅ | gdags su ma mchis pa ste | brjod pa daṅ | tshig daṅ | yi ge ’bru thams cad kyis gdags par bgyi ba ma lags so || ||
’phags pa śes rab kyi pha rol tu phyin pa khri brgyad stoṅ pa | bam po lṅa bcu rtsa drug pa | bcom ldan ’das kyis (4) bka’ stsal pa | rab ’byor ’di ji sñam du sems | me loṅ gi dkyil ’khor la gzugs brñan snaṅ ba gaṅ yin pa de la las gaṅ mṅon par ’dus byas pas sems can dmyal bar ’gro ba’am | dud ’gro’i skye gnas sam | gśin rje’i ’jig rten nam | lha’am mir ’gro (5) bar ’gyur ba’i las mṅon par ’du byed pa ’ga’ źig yod sñam ’am | gsol pa | bcom ldan ’das de ni ma lags te | bcom ldan ’das gzugs brñan de ni byis pa so so’i skye bo rnams la slu ba ma gtogs par de ñid kyaṅ dṅos po ma mchis pa lags na | de la las gaṅ (6) mṅon par ’dus bgyis pas sems can dmyal bar mchi ba’am | dud ’gro’i skye gnas sam | gśin rje’i ’jig rten nam | lha’am mir mchi bar ’gyur ba’i las mṅon par ’du bgyid pa lta ga la mchis lags | bka’ stsal pa | rab ’byor ’di ji sñam du sems | de la lam (7) bsgom pa gaṅ la brten na sa kun nas ñon moṅs par yaṅ mi ’gyur la | rnam par byaṅ bar yaṅ mi ’gyur ba’i lam bsgom pa ’ga’ źig yod sñam ’am | gsol pa | bcom ldan ’das de ni ma lags te | bcom ldan ’das gzugs brñan de ñid kyaṅ dṅos po ma mchis pa lags (141b1) na | de la lam bsgom pa gaṅ la brten nas kun nas ñon moṅs par yaṅ mi ’gyur la | rnam par byaṅ bar yaṅ mi ’gyur ba’i lam bsgom pa ltag la mchis lags | bka’ stsal ba | rab ’byor ’di ji sñam du sems | chu kluṅ daṅ | sman ljoṅs daṅ | nags thibs po daṅ | (2) ri khrod daṅ | bya skyibs dag nas brag ca byuṅ bar gyur na | brag ca de la las gaṅ mṅon par ’dus byas pas sems can dmyal bar ’gro ba’am | dud ’gro’i skye gnas sam | gśin rje’i ’jig rten du ’gro ’bam | mi rnams sam | ’dod pa na spyod pa’i lha rnams sam | (3) gzugs na spyod pa’i lha rnams sam | ’du śes med ’du śes med min skye mched kyi bar gyi lha rnams su ’gro bar ’gyur ba’i las mṅon par ’du byed pa ’ga’ źig yod sñam ’am | gsol pa | bcom ldan ’das de ni ma lags te | bcom ldan ’das brag ca de ñid (4) kyaṅ dṅos po ma mchis pa lags na | de’i las gaṅ mṅon par ’dus bgyis pas | sems can dmyal bar mchi ba’am | dud ’gro’i skye gnas sam | gśin rje’i ’jig rten du mchi ba’am | mi ’am | ’dod pa na spyod pa’i lha rnams sam | gzugs na spyod pa’i lha rnams (5) sam | gzugs ma mchis pa na spyod pa ’du śes med ’du śes med min skye mched kyi bar gyi lha rnams su mchi bar ’gyur ba’i las mṅon par ’du bgyid pa lta ga la mchis lags | bka’ stsal pa | rab ’byor ’di ji sñam du sems | brag ca de la lam bsgom pa gaṅ (6) la brten nas | kun nas ñon moṅs par yaṅ mi ’gyur la | rnam par byaṅ bar yaṅ mi ’gyur ba’i lam bsgom pa ’ga’ źig yod sñama’ama | gsol pa | bcom ldan ’das brag ca de ñid kyaṅ gtan ma mchis lags na | de la lam bsgom pa gaṅ la brten nas | kun (7) nas ñon moṅs par yaṅ mi ’gyur la | rnam par byaṅ bar yaṅ mi ’gyur ba’i lam bsgom pa lta ga la mchis lags | bka’ stsal pa | rab ’byor ’di ji sñam du sems | smig rgyu la chu med par chur ’du śes pa daṅ | kluṅ med par kluṅ du ’du śes pa daṅ | groṅ khyer med par (142a1) groṅ khyer du ’du śes pa daṅ | skyed mos tshal med par skyed mos tshal du ’du śes par ’gyur ba gaṅ yin pa de la las gaṅ mṅon par ’dus byas pas sems can dmyal bar ’gro ba’am | ’du śes med ’du śes med min skye mched kyi bar dag tu ’gro bar ’gyur (2) ba’i las mṅon par ’du byed pa ’ga’ źig yod sñama’ama | gsol pa | bcom ldan ’das ’du śes phyin ci log tu gyur pa daṅ | mig ’khrul pa ma gtogs par smig rgyu la ni chab kyaṅ gtan ma mchis la | kluṅ yaṅ ma mchis | groṅ khyer yaṅ ma mchis | skyed mos tshal yaṅ (3) ma mchis lags na | de la las gaṅ mṅon par ’dus bgyis pas sems can dmyal bar mchi ba’am | ’du śes med ’du śes med min skye mched kyi bar dag tu mchi bar ’gyur ba’i las mṅon par ’du bgyid pa lta ga la mchis lags | bka’ stsal pa | rab ’byor ’di (4) ji sñam du sems | ’du śes phyin ci log tu gyur pa de la lam bsgom pa gaṅ la brten nas | kun nas ñon moṅs par yaṅ mi ’gyur la | rnam par byaṅ bar yaṅ mi ’gyur ba’i lam bsgom pa gaṅ ’ga’ źig yod sñam ’am | gsol pa | bcom ldan ’das ’du śes (5) phyin ci log tu gyur pa yaṅ gtan ma mchis lags na | de la lam bsgom pa gaṅ la brten nas | kun nas ñon moṅs par yaṅ mi ’gyur la | rnam par byaṅ bar yaṅ mi ’gyur ba’i lam bsgom pa lta ga la mchis lags | bka’ stsal pa | rab ’byor ’di ji sñam du sems | sgyu (6) ma mkhan gyis sgyu ma sna tshogs dag cig mṅon par sprul te | glaṅ po che’i tshogs sam | rte’i tshogs sam | glaṅ gi tshogs sam | dpuṅ bu chuṅ gi tshogs sam | śiṅ rta’i tshogs sam | bud med kyi gzugs sam | skyes pa’i gzugs dag cig mṅon par sprul na | sgyu ma’i (7) tshogs de dag la las gaṅ mṅon par ’dus byas pas sems can dmyal bar ’gro ba’am | ’du śes med ’du śes med min skye mched kyi bar dag tu ’gro bar ’gyur ba’i las mṅon par ’du byed pa ’ga’ źig yod sñam ’am | gsol pa | bcom ldan ’das de ni ma lags te | bcom (142b1) ldan ’das sgyu ma de la ni gaṅ la gnas nas | las mṅon par ’du bgyid par ’gyur ba’i dṅos po tha na skra’i rtse mo’i cha śas bźag pa tsam yaṅ ma mchis lags na | de la las gaṅ mṅon par ’dus bgyis pas sems can dmyal bar mchi ba’am | ’du śes med ’du (2) śes med min skye mched kyi bar dag tu mchi bar ’gyur ba’i las mṅon par ’du bgyid pa lta ga la mchis lags | bka’ stsal pa | rab ’byor ’di ji sñam du sems | sgyu ma de la lam bsgom pa gaṅ la brten nas | kun nas ñon moṅs par yaṅ mi ’gyur la | rnam par (3) byaṅ bar yaṅ mi ’gyur ba’i lam bsgom pa ’ga’ źig yod sñam ’am | gsol pa | bcom ldan ’das de ni ma lags te | bcom ldan ’das sgyu ma de ñid kyaṅ dṅos po ma mchis pa lags na | de la lam bsgom pa gaṅ la brten nas | kun nas ñon moṅs par yaṅ mi (4) ’gyur la | rnam par byaṅ bar yaṅ mi ’gyur ba’i lam bsgom pa ltag la mchis lags | bka’ stsal pa | rab ’byor ’di ji sñam du sems | de bźin gśegs pa’i sprul pas sprul pa | gźan źig mṅon par sprul na | sprul pa de la las gaṅ mṅon par ’dus (5) byas pas sems can dmyal bar ’gro ba’am | ’du śes med ’du med min skye mched kyi bar dag tu ’gro bar ’gyur ba’i las mṅon par ’du byed pa ’ga’ źig yod sñam ’am | gsol pa | bcom ldan ’das de ni ma lags te | bcom ldan ’das sprul pa de ñid (6) kyaṅ dṅos po ma mchis pa lags na | de la las gaṅ mṅon par ’dus bgyis pas sems can dmyal bar mchi ba’am | ’du śes med ’du śes med min skye mched kyi bar dag tu mchi bar ’gyur ba’i las mṅon par ’du bgyid pa lta ga la mchis lags | bka’ stsal (7) pa | rab ’byor ’di ji sñam du sems | sprul pa de la lam bsgom pa gaṅ la brten nas | kun nas ñon moṅs par yaṅ mi ’gyur la | rnam par byaṅ bar yaṅ mi ’gyur ba’i lam bsgom pa ’ga’ źig yod sñam ’am | gsol pa | bcom ldan ’das de ni ma lags so ||
bka’ (143a1) stsal pa | rab ’byor ’di ji sñam du sems | de la kun nas ñon moṅs par ’gyur ba’am | rnam par byaṅ bar ’gyur ba ’ga’ źig yod sñam ’am | gsol pa | bcom ldan ’das ’ga’ yaṅ ma mchis lags so ||
bka’ stsal pa | rab ’byor ji (2) ltar kun nas ñon moṅs par ’gyur ba ’ga’ yaṅ med ciṅ | rnam par byaṅ bar ’gyur ba ’ga’ yaṅ med pa de bźin du | kun nas ñon moṅs pa yaṅ med la | rnam par byaṅ ba yaṅ med do ||
de ci’i phyir źe na | gaṅ dag ṅar ’dzin pa daṅ | ṅa yir ’dzin pa (3) la gnas pa’i sems can rnams ni kun nas ñon moṅs pa’am | rnam par byaṅ bar ’gyur gyi | yaṅ dag par mthoṅ ba ni | kun nas ñon moṅs pa’am | rnam par byaṅ bar yaṅ mi ’gyur ba’i phyir te | ji ltar yaṅ dag par mthoṅ ba | kun nas ñon moṅs par mi ’gyur (4) źiṅ rnam par byaṅ bar mi ’gyur ba de bźin du | kun nas ñon moṅs pa yaṅ med la rnam par byaṅ ba yaṅ med do ||
śes rab kyi pha rol tu phyin pa khri brgyad stoṅ pa las | kun nas ñon moṅs pa daṅ rnam par byaṅ ba med pa’i le’u ste | brgyad cu pa’o || ||
de nas (5) bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das yaṅ dag pa mthoṅ ba la | kun nas ñon moṅs par ’gyur ba ma mchis śiṅ | rnam par byaṅ bar ’gyur ba ma mchis pa bźin du | yaṅ dag pa ma mthoṅ ba la yaṅ kun (6) nas ñon moṅs par ’gyur ba ma mchis śiṅ | rnam par byaṅ bar ’gyur ba ma mchis te | bcom ldan ’das ’di ltar chos thams cad ni dṅos po ma mchis pa’i ṅo bo ñid lags pas | dṅos po ma mchis pa la yaṅ kun nas ñon moṅs pa ma mchis śiṅ | rnam par (7) byaṅ ba ma mchis la | bcom ldan ’das dṅos po la yaṅ kun nas ñon moṅs pa ma mchis śiṅ | rnam par byaṅ ba ma mchis te | bcom ldan ’das ṅo bo ñid la yaṅ kun nas ñon moṅs pa ma mchis śiṅ | rnam par byaṅ ba ma mchis la | bcom ldan ’das (143b1) dṅos po ma mchis pa’i ṅo bo ñid la yaṅ kun nas ñon moṅs pa ma mchis śiṅ | rnam par byaṅ ba ma mchis lags na | ’o na bcom ldan ’das kyis rnam par byaṅ ba bka’ stsal pa | de ci lta bu lags | bka’ stsal pa | rab ’byor ’di ltar chos thams cad kyi mñam (2) pa ñid gaṅ yin pa de ni ṅas rnam par byaṅ bar gsuṅs so ||
gsol pa | bcom ldan ’das chos thams cad kyi mñam pa ñid de gaṅ lags | bka’ stsal pa | rab ’byor de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | (3) chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | chos gnas pa ñid daṅ | chos kyi dbyiṅs de bźin du gnas pa de ni (4) ’di lta ste | chos kyi dbyiṅs yin te rab ’byor de ni rnam par byaṅ ba źes bya’o ||
rab ’byor de ni ’jig rten gyi tha sñad kyis brjod par zad kyi | brjod du med ciṅ ’jig rten gyi tha sñad daṅ bral ba ste | ṅag daṅ | sgra daṅ | tshig gi lam thams cad kyis brjod du med pa (5) yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad sgyu ma lta bu daṅ | rmi lam lta bu daṅ | brag ca lta bu daṅ | mig yor lta bu daṅ | gzugs brñan lta (6) bu daṅ | smig rgyu lta bu daṅ | dri za’i groṅ khyer lta bu daṅ | sprul pa lta bu lags na | ’o na ji ltar byaṅ chub sems dpa’ sems dpa’ chen po sgyu ma lta bu daṅ | sprul pa lta bu’i bar gyi chos dṅos po ma mchis śiṅ | rdzas ma mchis pa dag la bdag gis sbyin pa’i pha rol tu (7) phyin pa yoṅs su rdzogs par bgyi’o ||
śes rab kyi pha rol tu phyin pa’i bar dag yoṅs su rdzogs par bgyi’o ||
de bźin du thabs la mkhas pa’i pha rol tu phyin pa daṅ | smon lam gyi pha rol tu phyin pa daṅ | stobs kyi pha rol tu phyin pa daṅ | ye śes kyi pha rol tu phyin pa (144a1) daṅ | mṅon par śes pa’i pha rol tu phyin pa yoṅs su rdzogs par bgyi’o ||
bsam gtan bźi la sñoms par ’jug par bgyi’o ||
tshad med pa bźi daṅ | gzugs med pa’i sñoms par ’jug pa bźi yoṅs su rdzogs par bgyi’o ||
dran pa ñe (2) bar gźag pa bźi bsgom par bgyi’o ||
’phags pa’i lam yan lag brgyad pa’i bar dag bsgom par bgyi’o ||
rnam par thar pa brgyad daṅ | mthar gyis gnas pa’i sñoms par ’jug pa dgu daṅ | de bźin gśegs pa’i stobs bcu daṅ | mi ’jigs pa bźi (3) daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | spobs pa daṅ | gzuṅs kyi sgo rnams thob par bgyi’o ||
saṅs rgyas kyi chos ma ’dres pa bcwa brgyad kyi bar dag yoṅs su rdzogs par bgyi’o ||
skyes bu chen po’i (4) mtshan sum cu rtsa gñis daṅ | dpe byad bzaṅ po brgyad cu’i bar dag thob par bgyi’o ||
stoṅ gsum gyi stoṅ chen po’i ’jig rten gyi khams dag snaṅ bas khyab par bgyid pa’i ’od tshad ma mchis pa dag yoṅs su rdzogs par bgyi’o ||
phyogs bcu’i ’jig rten gyi khams(5) kyi sems can rnams kyi sems kyi rtog pa sems kyis yoṅs su btsal bar bgyis nas | dbyaṅs gcig gis mos pa ji lta ba bźin du chos ston par ’gyur ba’i tshaṅs pa’i dbyaṅs yoṅs su rdzogs par bgyi’o ||
źes bla na med pa yaṅ dag par rdzogs pa’i (6) byaṅ chub tu sems skyed par bgyid lags | bka’ stsal pa | rab ’byor ’di ji sñam du sems | gaṅ khyod kyis brjod pa’i chos de dag sgyu ma lta bu daṅ | rmi lam lta bu daṅ | brag ca lta bu daṅ | mig yor lta bu daṅ | gzugs brñan lta bu daṅ | smig rgyu lta bu daṅ | dri (7) za’i groṅ khyer lta bu daṅ | sprul pa lta bu ma yin sñam ’am | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos de dag sgyu ma lta bu daṅ | rmi lam lta bu daṅ | sprul pa lta bu’i bar dag (144b1) lags na | bcom ldan ’das ’o na ji ltar sgyu ma lta bu daṅ | rmi lam lta bu daṅ | sprul pa lta bu’i bar gyi chos rnams la byaṅ chub sems dpa’ sems dpa’ chen po śes rab kyi pha rol tu phyin pa la spyod par bgyid lags | bcom ldan ’das sgyu ma daṅ | rmi lam daṅ sprul (2) pa’i bar dag ni yaṅ dag pa ma lags te | bcom ldan ’das yaṅ dag pa ma lags pas ni sbyin pa’i pha rol tu phyin pa la spyad pa daṅ | śes rab kyi pha rol tu phyin pa’i bar dag la spyad pa daṅ | byaṅ chub kyi phyogs kyi chos sum cu rtsa bdun gyi bar dag la spyad par yaṅ rṅo (3) mi thogs la | de bźin du maṅ dag pa ma lags pas ni | saṅs rgyas kyi chos ma ’dres pa bcwa brgyad kyi bar dag la spyad ciṅ | rnam pa thams cad mkhyen pa ñid mṅon par rdzogs par ’tshaṅ rgya bar rṅo mi thogs lags so ||
de skad ces gsol pa daṅ | bcom ldan ’das kyis (4) tshe daṅ ldan pa rab ’byor la ’di skad ces bka’ stsal to ||
rab ’byor de de bźin no ||
de de bźin te | rab ’byor yaṅ dag pa ma yin pas ni | sbyin pa’i pha rol tu phyin pa la spyad pa daṅ | śes rab kyi pha rol tu phyin pa’i bar la spyad par mi nus so ||
yaṅ dag pa ma yin pas ni (5) saṅs rgyas kyi chos ma ’dres pa bcwa brgyad kyi bar dag la spyad ciṅ | bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi nus so ||
rab ’byor ’di ji sñam du sems | sbyin pa’i pha rol tu phyin pa bla na med pa yaṅ dag par rdzogs pa’i byaṅ chub (6) mṅon par rdzogs par ’tshaṅ rgya sñama’ama | śes rab kyi pha rol tu phyin pa’i bar dag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya sñam ’am | byaṅ chub kyi phyogs kyi chos sum cu rtsa bdun daṅ | stoṅ pa ñid bcu bźi daṅ | ’phags pa’i bden pa (7) rnams daṅ | bsam gtan rnams daṅ | tshad med pa rnams daṅ | gzugs med pa’i sñoms par ’jug pa rnams daṅ | rnam par thar pa rnams daṅ | gzuṅs kyi sgo rnams daṅ | stoṅ pa ñid daṅ | mtshan ma med pa daṅ | smon pa med pa daṅ | mṅon par śes pa rnams daṅ | (145a1) de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyi bar dag bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya sñam ’am | gsol (2) ba | bcom ldan ’das de ni ma lags so ||
bka’ stsal pa | rab ’byor de de bźin no ||
de de bźin te | rab ’byor sbyin pa’i pha rol tu phyin pa ni bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya’o ||
saṅs rgyas kyi chos ma ’dres pa bcwa (3) brgyad kyi bar dag kyaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ mi rgya’o ||
de ci’i phyir źe na | rab ’byor ’di ltar chos de dag thams cad ni mṅon par ’dus byas pa daṅ | bsams pa ste | mṅon par ’dus byas pa daṅ | bsams (4) pa’i chos rnams kyis ni rnam pa thams cad mkhyen pa ñid rjes su ’thob par mi nus pa’i phyir ro ||
rab ’byor ’on kyaṅ chos de dag thams cad ni lam sgrub pa daṅ lam skyed par byed pa yin gyi | ’bras bu ’thob par byed pa ni ma yin no ||
chos de dag gi skye ba med pa daṅ (5) ’gag pa med pa gaṅ yin pa de ni mtshan ñid med pa yaṅ de yin te | de lta bas na byaṅ chub sems dpa’ sems dpa’ chen po sems daṅ po bskyed pa nas ñe bar bzuṅ ste | dge ba’i chos sbyin pa’i pha rol tu phyin pa’am | śes rab kyi pha rol tu phyin pa’i bar dag gam | (6) saṅs rgyas kyi chos ma ’dres pa bcwa brgyad kyi bar dag gam | dge ba’i chos gaṅ daṅ gaṅ rtsom yaṅ ruṅ ste | de dag thams cad sgyu ma lta bur rab tu śes so ||
sbyin pa’i pha rol tu phyin pa daṅ | śes rab kyi pha rol tu phyin pa’i bar dag daṅ | saṅs rgyas kyi chos ma (7) ’dres pa bcwa brgyad kyi bar gyi chos de dag yoṅs su rdzogs par ma byas par sems can yoṅs su smin par bya ba’am | rnam pa thams cad mkhyen pa ñid thob par mi nus pas | de’i phyir byaṅ chub sems dpa’ sems dpa’ chen po śes rab kyi pha rol tu phyin pha la spyod pa dge (145b1) ba’i chos gaṅ ci rtsom yaṅ ruṅ ste | de dag thams cad rmi lam lta bur rab tu śes so ||
sprul pa lta bu’i bar du rab tu śes so ||
de ses rab kyi pha rol tu phyin pa la spyod pa’i tshe | rnam pa thams cad mkhyen pa ñid kyi bar du rmi lam lta bur rab tu śes so ||
sprul pa lta bu’i (2) bar du rab tu śes so ||
sems can de dag kyaṅ rmi lam lta bu la spyod do źes bya bar rab tu śes so ||
sprul pa lta bu’i bar dag la spyod do źes bya bar rab tu śes te | de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa | sgyu ma lta bu’i (3) chos rnams dṅos po med par ’dzin te | de ltar bzuṅ źiṅ rnam pa thams cad mkhyen pa ñid rjes su thob par byed do ||
sprul pa lta bu’i bar gyi chos rnams dṅos po med par ’dzin te | de ltar bzuṅ źiṅ rnam pa thams cad mkhyen pa ñid thob par byed do ||
sbyin pa’i pha rol tu phyin (4) pa gzuṅ du med ciṅ śes rab kyi pha rol tu phyin pa’i bar yaṅ gzuṅ du med la | saṅs rgyas kyi chos ma ’dres pa bcwa brgyad kyi bar dag kyaṅ gzuṅ du med pa | de’i phyir byaṅ chub sems dpa’ sems dpa’ chen pos chos thams cad gzuṅ du med par rig par byas śiṅ | bla na med (5) pa yaṅ dag par rdzogs pa’i byaṅ chub la ’jug par byed do ||
de ci’i phyir źe na | ’di ltar chos thams cad ni rmi lam lta bu daṅ | sprul pa’i bar dag lta bur gzuṅ du med ciṅ dṅos po med pa ste | sems can thams cad kyis chos de dag mi śes ma mthoṅ ba ma gtogs par (6) gzuṅ du med pa’i chos kyis gzuṅ du med pa’i chos thob par mi nus pa’i phyir ro ||
de’i phyir byaṅ chub sems dpa’ sems dpa’ chen po sems can thams cad kyi don du bla na med pa yaṅ dag par rdzogs pa’i byaṅ chub la ’jug par byed de | de sems daṅ po bskyed (7) pa nas bzuṅ ste | sbyin pa gaṅ ci sbyin yaṅ ruṅ | de thams cad sems can rnams kyi don du gtoṅ ṅo ||
tshul khrims gaṅ ci sruṅ ba daṅ | bzod pa gaṅ ci sgom pa daṅ | brtson ’grus gaṅ ci rtsom pa daṅ | tiṅ ṅe ’dzin gaṅ la sñoms par ’jug pa daṅ | śes rab (146a1) gaṅ ci sgom yaṅ ruṅ ste | de dag thams cad sems can rnams kyi don du sgom gyi | bdag gi don du ni ma yin no ||
byaṅ chub sems dpa’ sems dpa’ chen po ni sems can rnams kyi don ma gtogs par bla na med pa yaṅ dag par rdzogs pa’i (2) byaṅ chub la mi ’jug ste | de śes rab kyi pha rol tu phyin pa la spyod pa’i tshe | sems can gaṅ dag sems can med pa la sems can du ’du śes par gnas pa daṅ | bdag med pa la bdag tu ’du śes par gnas pa daṅ | skye ba po daṅ śed bu daṅ | śed las (3) skyes daṅ | srog daṅ | gso ba daṅ | skyes bu daṅ | gaṅ zag daṅ | byed pa po daṅ | tshor ba po daṅ | byed du ’jug pa po daṅ | sloṅ ba po daṅ | kun nas sloṅ ba po daṅ | śes pa po daṅ | mthoṅ ba po’i bar dag kyaṅ med pa la mthoṅ ba po’i ’du śes su gnas pa’i (4) sems can de dag byaṅ chub sems dpa’ sems dpa’ chen po śes rab kyi pha rol tu phyin pa la spyod pas | phyin ci log dag las rnam par ’grel bar byed do ||
phyin ci log dag las rnam par bkrol nas kyaṅ ’chi ba med pa’i dbyiṅs su ’god par byed do ||
der bkod nas (5) kyaṅ kun tu ’byuṅ ba ’di dag mi ’byuṅ mi rgyu ste | bdag gi ’du śes kun tu ’byuṅ ba’am | byed pa po’i ’du śes kun tu ’byuṅ ba’i bar dag kun tu mi ’byuṅ ste | de g-yo ba daṅ | ’gul ba daṅ | rlom sems daṅ | spros pa de dag thams cad btaṅ nas | spros pa med pa’i (6) sems kyis rdzogs par byas te maṅ du gnas so ||
rab ’byor byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mkhas pa des bdag kyaṅ chos gaṅ la yaṅ mṅon par źen pa med la | sems can thams cad kyaṅ mṅon par źen pa med pa (7) la rab tu ’god par byed de | de yaṅ ’jig rten gyi tha sñad yin gyi | don dam par ni ma yin no ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das de bźin gśegs pas chos gaṅ mṅon par rdzogs par (146b1) saṅs rgyas pa de ji ’jig rten gyi tha sñad du mṅon par rdzogs par saṅs rgyas lags sam | ’on te don dam par lags | bka’ stsal pa | rab ’byor de bźin gśegs pas chos ’di bstan to ||
de bźin gśegs pas chos ’di mṅon par rdzogs par saṅs rgyas so ||
(2) źes bya ba ni ’jig rten gyi tha sñad kyis tha sñad btags pa ste | de la ni chos ’dis chos ’di lta bu źig mṅon par rdzogs par saṅs rgyas so źes bya ba gaṅ yaṅ dmigs su med do ||
de ci’i phyir źe na | chos ’dis chos ’di lta bu źig mṅon par rdzogs par saṅs rgyas so ||
(3) źes bya ba de ni dmigs pa ste | gñis kyis ni ’thob pa daṅ | mṅon par rtogs par ’gyur ba gaṅ yaṅ med pa’i phyir ro ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te gñis kyis ’thob pa daṅ | mṅon (4) par rtogs par mi ’gyur lags na | ’o na ji gñis su ma mchis pas ’thob pa daṅ | mṅon par rtogs par ’gyur lags sam | bka’ stsal pa | rab ’byor gñis kyis kyaṅ mṅon par rtogs par mi ’gyur la | gñis su med pas kyaṅ mṅon par rtogs par mi (5) ’gyur te | gaṅ la gñis kyaṅ med la gñis ma yin pa yaṅ med pa de ni ’dir mṅon par rtogs pa yin no ||
de ci’i phyir źe na | ’di ni mṅon par rtogs pa’o ||
’dis ni mṅon par rtogs so źes bya ba gaṅ yin pa de ni spros pa’o ||
chos mñam pa ñid la ni spros (6) ba med de | spros pa med pa ni chos mñam pa ñid yin pa’i phyir ro ||
gsol pa | bcom ldan ’das chos dṅos po ma mchis pa’i ṅo bo ñid rnams la chos kyi mñam pa ñid ces bgyi ba gaṅ źig mchis lags | bka’ stsal pa | rab ’byor gaṅ la dṅos po med (7) pa daṅ | ṅo bo ñid med pa daṅ | yoṅs su brjod pa med pa de ni ’dir mñam pa ñid yin te | chos mñam pa ñid ni brjod par bya ba ma yin no ||
chos mñam pa ñid ma gtogs par yaṅ chos gaṅ yaṅ dmigs su med de | chos mñam pa ñid ni chos thams cad las (147a1) śin tu ’das pa yin no ||
chos mñam pa ñid ni byis pa’am | ’phags pa gaṅ gi rten daṅ gnas kyaṅ ma yin no ||
gsol pa | bcom ldan ’das ji chos mñam pa ñid po de de bźin gśegs pa’i yul yaṅ ma lags sam | bka’ stsal pa | (2) rab ’byor chos mñam pa ñid ni ’phags pa thams cad kyi yul ma yin te | rgyun du źugs pa rnams sam | lan cig phyir ’oṅ ba rnams sam | phyir mi ’oṅ ba rnamakasa sam | dgra bcom pa rnams sam | raṅ saṅs rgyas rnams sam | byaṅ chub sems dpa’ rnams (3) sam | de bźin gśegs pa rnams kyi yul yaṅ ma yin no ||
gsol pa | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas chos thams cad kyi yul la mṅa’ sgyur ba ma lags sam | bka’ stsal pa | rab ’byor gal (4) te chos mñam pa ñid kyaṅ gźan la | de bźin gśegs pa dgra bcom pa yaṅ dag par rdzogs pa’i saṅs rgyas kyaṅ gźan pa źig yin na ni | de bźin gśegs pa dgra bcom pa yaṅ dag par rdzogs pa’i saṅs rgyas chos thams cad kyi yul la mṅa’ sgyur bar yaṅ ’gyur (5) ba źig na | rab ’byor byis pa so so’i skye bo rnams kyi mñam pa ñid gaṅ yin pa daṅ | dad pas rjes su ’braṅ ba daṅ | chos kyi rjes su ’braṅ ba rnams kyi mñam pa ñid gaṅ yin pa de daṅ | rgyun du źugs pa rnams kyi mñam pa ñid gaṅ yin pa daṅ | de bźin du sbyar te | lan (6) cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams kyi mñam pa ñid gaṅ yin pa daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi mñam pa ñid gaṅ yin pa’i mñam pa ñid (7) daṅ | mñam pa ñid la ni tha dad du bya ba cuṅ zad kyaṅ med do ||
so so’i skye bo rnams kyi mñam pa ñid gaṅ yin pa daṅ | ’phags pa thams cad kyi mñam pa ñid gaṅ yin pa de ni mñam pa ñid gcig pa ste | mñam pa ñid gcig pa la ’di ni so so’i skye bo’o ||
’di ni de (147b1) bźin gśegs pa dgra bcom pa yaṅ dag par rdzogs pa’i saṅs rgyas kyi bar dag go źes bya bar gñis su med de | mñam pa ñid la ni ’di ni so so’i skye bo’o ||
’di ni de bźin gśegs pa dgra bcom pa yaṅ dag par rdzogs pa’i saṅs rgyas kyi bar dag go źes bya ba’i chos (2) de dag thams cad dmigs su med do ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad kyi mñam pa ñid la ’di ni so so’i skye bo’o ||
’di ni rgyun du źugs (3) pa’o ||
’di ni raṅ saṅs rgyas kyi bar dag go ||
’di ni byaṅ chub sems dpa’o ||
’di ni de bźin gśegs pa dgra bcom pa yaṅ dag par rdzogs pa’i saṅs rgyas kyi bar dag go źes bgyi ba’i chos de dag thams cad dmigs su ma mchis lags na | de ltar na byis pa (4) so so’i skye bo rnams daṅ | dad pas rjes su ’braṅ ba rnams daṅ | chos kyi rjes su ’braṅ ba rnams daṅ | rgyun du źugs pa rnams daṅ | lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams daṅ | byaṅ chub sems (5) dpa’ rnams daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams la yaṅ bye brag ma mchis par gyur lags so ||
bka’ stsal pa | rab ’byor de de bźin no ||
de de bźin te | chos mñam pa ñid la ni byis pa so so’i skye bo rnams (6) daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi bar dag la bye brag med do ||
gsol pa | bcom ldan ’das gal te chos mñam pa ñid la byis pa so so’i skye bo rnams daṅ | dad pas rjes su ’braṅ ba rnams daṅ | de bźin (7) gśegs pa dgra bcom pa yaṅ dag par rdzogs pa’i saṅs rgyas rnams kyi bar dag la bye brag ma mchis lags na | bcom ldan ’das ’o na gaṅ las dkon mchog gsum po saṅs rgyas dkon mchog daṅ | chos dkon mchog daṅ | dge ’dun dkon mchog ’jig rten du (148a1) ’byuṅ bar ’gyur lags | bka’ stsal pa | rab ’byor ’di ji sñam du sems | saṅs rgyas dkon mchog kyaṅ gźan la | chos dkon mchog kyaṅ gźan źiṅ | dge ’dun dkon mchog kyaṅ gźan pa źig yin la | chos mñam pa ñid kyaṅ gźan pa źig (2) yin sñam ’am | de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das bdag gis bcom ldan ’das kyis gsuṅs pa’i don ’tshal ba ltar na | saṅs rgyas dkon mchog kyaṅ gźan la | chos dkon (3) mchog kyaṅ gźan źiṅ | dge ’dun dkon mchog kyaṅ gźan la | chos mñam pa ñid kyaṅ gźan pa ma lags kyi | bcom ldan ’das saṅs rgyas dkon mchog gaṅ lags pa daṅ | chos dkon mchog gaṅ lags pa daṅ | dge ’dun dkon mchog gaṅ lags pa daṅ | (4) chos mñam pa ñid gaṅ lags pa’i chos de dag thams cad ni ldan pa yaṅ ma lags | mi ldan pa yaṅ ma lags | gzugs ma mchis pa | bstan du ma mchis pa | thogs pa ma mchis pa ste | ’di ltar mtshan ñid ma mchis par mtshan ñid gcig pa lags na | mtshan ñid (5) ma mchis pa’i chos rnams la | ’di ni so so’i skye bo’o ||
’di ni rgyun du źugs pa’o ||
’di ni de bźin gśegs pa dgra bcom pa yaṅ dag par rdzogs pa’i saṅs rgyas kyi bar dag go źes bcom ldan ’das kyis rnam par dgod pa mdzad pa ’di ci las byuṅ lags | de skad ces gsol pa (6) daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor gal te de bźin gśegs pa dgra bcom pa yaṅ dag par rdzogs pa’i saṅs rgyas kyis byaṅ chub mṅon par rdzogs par saṅs rgyas par ma gyur la | mṅon par rdzogs par saṅs ma (7) rgyas te | chos rnams rnam par dgod pa ma mdzad na | sems can dmyal ba yod par mṅon na ma dud ’gro’i skye gnas daṅ | gśin rje’i ’jig rten daṅ | lha daṅ mi daṅ | rgyal chen bźi’i ris kyi lha daṅ | gźan ’phrul dbaṅ byed kyi bar dag daṅ | tshaṅs ris daṅ | ’du śes med ’du (148b1) śes med min skye mched kyi sñoms par ’jug pa’i bar dag daṅ | dran pa ñe bar gźag pa rnams daṅ | ’phags pa’i lam yan lag brgyad pa’i bar dag daṅ | naṅ stoṅ pa ñid daṅ de bźin du sbyar te | dṅos po med pa’i ṅo bo ñid stoṅ pa ñid kyi bar dag daṅ | saṅs rgyas kyi chos ma ’dres (2) pa bcwa brgyad kyi bar dag yod par mṅon sñama’ama | gsol pa bcom ldan ’das de ni ma lags so ||
bka’ stsal pa | rab ’byor de lta bas na gaṅ chos mñam pa ñid las kyaṅ mi g-yo la | chos rnams rnam par dgod pa yaṅ mdzad pa de ni de bźin gśegs pa’i skyes bu’i mthu yin no ||
(3) de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das ci ji ltar de bźin gśegs pa chos mñam pa ñid las mi g-yo ba de bźin du so so’i skye bo rnams daṅ | raṅ saṅs rgyas kyi bar dag kyaṅ chos mñam pa ñid las mi g-yo ba lags sam | de (4) bźin du byaṅ chub sems dpa’ rnams kyaṅ chos mñam pa ñid las mi g-yo ba lags sam | bka’ stsal pa | rab ’byor de de bźin no ||
de de bźin te | rab ’byor chos thams cad ni chos mñam pa ñid las mi g-yo’o ||
chos mñam pa ñid las mi ’da’o ||
de ci’i phyir źe na | ’di (5) ltar de bźin gśegs pa dgra bcom pa yaṅ dag par rdzogs pa’i saṅs rgyas rnams kyi de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i (6) mtha’ gaṅ yin pa de ñid so so’i skye bo rnams kyi de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ yaṅ dag pa’i mtha’ yin la | de ñid dad pas rjes su ’braṅ ba rnams daṅ | chos kyi (7) rjes su ’braṅ ba rnams daṅ | brgyad pa rnams daṅ | rgyun du źugs pa rnams daṅ | lan cig phyir ’oṅ ba rnams daṅ | phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams daṅ | byaṅ chub sems dpa’ rnams kyi de bźin ñid daṅ | ma nor ba de bźin ñid daṅ | (149a1) gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid yaṅ dag pa’i mtha’ yin te | de dag thams cad ni chos mñam pa ñid las mi ’da’ ba’i phyir ro ||
de ci’i phyir źe na | de dag gi de bźin ñid daṅ | (2) ma nor ba de bźin ñid daṅ | gźan ma yin pa de bźin ñid daṅ | chos ñid daṅ | chos kyi dbyiṅs daṅ | chos gnas pa ñid daṅ | chos skyon med pa ñid daṅ | yaṅ dag pa’i mtha’ ni de ñid yin te | de dag las chos mñam pa ñid ces bya ba gźan gaṅ yaṅ med pa’i phyir ro ||
de skad ces(3) bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad kyi chos ñid gaṅ lags pa de ñid so so’i skye bo rnams kyi chos ñid kyaṅ de ñid lags la | rgyun du źugs pa rnams daṅ | lan cig phyir ’oṅ ba rnams daṅ | (4) phyir mi ’oṅ ba rnams daṅ | dgra bcom pa rnams daṅ | raṅ saṅs rgyas rnams daṅ | byaṅ chub sems dpa’ rnams daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi chos ñid kyaṅ de ñid lags na | bcom ldan ’das ’di lta ste | gzugs daṅ | (5) tshor ba daṅ | ’du śes daṅ | ’du byed rnams daṅ | rnam par śes pa gaṅ lags pa de dag ni mtshan ñid tha dad pa lags te | gzugs kyi chos ñid kyaṅ gźan la | tshor ba’i yaṅ gźan | ’du śes kyi yaṅ gźan | ’du byed rnams kyi yaṅ gźan | rnam par śes pa’i chos ñid kyaṅ gźan | (6) mig gi chos ñid kyaṅ gźan | rna ba daṅ | sna daṅ | lce daṅ | lus daṅ | yid kyi chos ñid kyaṅ gźan | gzugs kyi chos ñid kyaṅ gźan | sgra daṅ dri daṅ ro daṅ reg bya daṅ | chos rnams kyi chos ñid kyaṅ gźan | sa’i khams kyi chos ñid kyaṅ gźan | chu’i khams kyi yaṅ gźan | me’i (7) khams kyi yaṅ gźan | rluṅ gi khams kyi yaṅ gźan | nam mkha’i khams kyi yaṅ gźan | rnam par śes pa’i khams kyi chos ñid kyaṅ gźan | ’dod chags daṅ | źe sdaṅ daṅ | gti mug rnams kyi chos ñid kyaṅ gźan | lta bar gyur pa rnams kyi yaṅ gźan | bsam gtan (149b1) rnams kyi yaṅ gźan | tshad med pa rnams kyi yaṅ gźan | gzugs med pa’i sñoms par ’jug pa rnams kyi’aṅ gźan | dran pa ñe bar gźag pa rnams kyi’aṅ gźan | ’phags pa’i lam yan lag brgyad pa’i bar dag gi yaṅ gźan | stoṅ pa ñid kyi’aṅ gźan | mtshan ma (2) med pa’i yaṅ gźan | smon pa med pa’i yaṅ gźan | naṅ stoṅ pa ñid kyi yaṅ gźan | dṅos po med pa’i ṅo bo ñid stoṅ pa ñid kyi bar dag gi yaṅ gźan | rnam par thar pa rnams kyi yaṅ gźan | sñoms par ’jug pa rnams kyi yaṅ gźan | stobs rnams kyi yaṅ gźan | mi (3) ’jigs pa rnams kyi yaṅ gźan | so so yaṅ dag par rig pa rnams kyi yaṅ gźan | saṅs rgyas kyi chos ma ’dres pa bcwa brgyad kyi chos ñid kyaṅ gźan | ’dus byas kyi khams kyi yaṅ gźan | ’dus ma byas kyi khams kyi chos ñid kyaṅ gźan pa lags na | bcom ldan ’das de ltar (4) mtshan ñid tha dad pa’i chos rnams kyi chos ñid mtshan ñid gcig par ji ltar ’gyur lags | ji ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa de la gnas nas | chos rnams tha dad du bgyis pa lags | chos rnams tha dad du ma bgyis par ni byaṅ chub (5) sems dpa’ sems dpa’ chen pos śes rab kyi pha rol tu phyin pa la spyod par yaṅ rṅo mi thogs lags na | bcom ldan ’das ji ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa | sa nas sar ’phar źiṅ | byaṅ chub sems dpa’i skyon ma mchis (6) pa la ’jug pa lags | byaṅ chub sems dpa’i skyon ma mchis pa la źugs nas kyaṅ | ñan thos daṅ | raṅ saṅs rgyas kyis las śin tu ’da’ bar bgyid pa lags | śin tu ’das nas kyaṅ mṅon par śes pa’i pha rol tu phyin pa dag yoṅs su rdzogs par bgyid pa lags | byaṅ chub (7) sems dpa’ sems dpa’ chen po mṅon par śes pa de dag gis rnam par rtse ba na | sbyin pa’i pha rol tu phyin pa yoṅs su rdzogs par bgyid pa lags | tiṅ ṅe ’dzin gyi pha rol tu phyin pa’i bar dag yoṅs su rdzogs par bgyid pa lags | rnam par rtse źiṅ saṅs rgyas kyi źiṅ nas (150a1) saṅs rgyas kyi źiṅ du mchi ba lags | saṅs rgyas bcom ldan ’das rnams la bsñen bkur bgyid ciṅ | de dag las dge ba’i rtsa ba bskrun par bgyid pa lags | dge ba’i rtsa ba des kyaṅ sems can rnams yogs su smin par bgyid pa daṅ | saṅs rgyas kyi źiṅ (2) yoṅs su dag par bgyid pa lags | de skad ces gsol pa daṅ | bcom ldanana ’das kyis tshe daṅ ldan pa rab ’byor la ’di skad ces bka’ stsal to ||
rab ’byor khyod gaṅ ’di skad du | gal te chos thams cad kyi chos ñid gaṅ lags pa de ñid so so’i skye bo rnams kyi chos ñid kyaṅ de ñid lags (3) la | de bźin gśegs pa dgra bcom pa yaṅ dag par rdzogs pa’i saṅs rgyas rnams kyi chos ñid kyaṅ de ñid lags na | mtshan ñid tha dad pa’i chos rnams kyi chos ñid mtshan ñid gcig par ji ltar rigs źes zer ba ni | rab ’byor ’di ji sñam du sems | gzugs kyi chos ñid gaṅ (4) bźi pa de yaṅ stoṅ pa ñid ma yin sñama’ama | de bźin gśegs pa’i bar gyi chos ñid gaṅ yin pa de yaṅ stoṅ pa ñid ma yin sñam ’am | gsol pa | bcom ldan ’das stoṅ pa ñid lags so ||
bka’ stsal pa | rab ’byor ’o na ci stoṅ pa ñid la gaṅ gzugs kyi mtshan ñid tha dad pa ’am | (5) rnam par śes pa’i bar gyi mtshan ñid tha dad pa’am | de bźin gśegs pa’i bar gyi mtshan ñid tha dad pa’i chos śig dmigs su yod sñam ’am | gsol pa | bcom ldan ’das de ni ma lags so ||
bka’ stsal pa | rab ’byor rnam graṅs ’dis ’di ltar chos rnams kyi chos ñid gaṅ (6) yin pa de la yaṅ so so’i skye bo med la so so’i skye bo las gud na yaṅ de med do ||
de la yaṅ de bźin gśegs pa’i bar dag med la | de bźin gśegs pa las gud na yaṅ de med par rig par bya’o ||
gsol pa | bcom ldan ’das ci chos ñid de ’dus bgyis lags sam | ’on (7) te ’dus ma bgyis pa lags | bka’ stsal pa | rab ’byor de ni ’dus byas kyaṅ ma yin la | ’dus ma byas kyaṅ ma yin te | ’dus byas las gud na yaṅ ’dus ma byas dmigs su med la | ’dus ma byas las gud na yaṅ ’dus byas dmigs su med de | rab ’byor de lta bas na | ’dus byas kyi (150b1) khams gaṅ yin pa daṅ | ’dus ma byas kyi khams gaṅ yin pa’i chos de gñis ni ldan pa yaṅ ma yin mi ldan pa yaṅ ma yin | gzugs med pa | bstan du med pa | thogs pa med pa ste | ’di ltar mtshan ñid med par mtshan ñid gcig pa’o ||
de dag kyaṅ de bźin gśegs pas (2) ’jig rten gyi tha sñad kyis brjod par zad kyi | don dam par ni ma yin te | don dam par ni lus kyi ’du yed dam | ṅag gi ’du byed dam | yid kyi ’du byed gaṅ yaṅ med la | lus kyi ’du byed daṅ | ṅag gi ’du byed daṅ | yid kyi ’du byed las gud na yaṅ don dam par dmigs su med de | (3) ’dus byas daṅ | ’dus ma byas kyi chos de dag mñam pa ñid gaṅ yin pa de ni don dam pa yin no ||
de’i phyir byaṅ chub sems dpa’ sems dpa’ chen po śes rab kyi pha rol tu phyin pa la spyod pa don dam pa las kyaṅ mi g-yo la | byaṅ chub sems dpa’i bya ba dag kyaṅ byed do ||
śes rab (4) kyi pha rol tu phyin pa khri brgyad stoṅ pa las | don dam pa’i rnal ’byor gyi le’u źes bya ba ste | brgyad cu rtsa gcig pa’o || ||
de nas bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te chos thams cad kyi mñam pa ñid raṅ (5) bźin gyis stoṅ pa lags na | de’i slad du chos gaṅ yaṅ ci yaṅ mi bgyid na | ci yaṅ ma bgyid ciṅ chuṅ zad kyaṅ ma mchis pa’i chos rnams la ji ltar byaṅ chub sems dpa’ sems dpa’ chen po śes rab kyi pha rol tu phyin pa la spyod pa | don dam pa las kyaṅ mi g-yo la | sbyin pa daṅ | sñan (6) par smra ba daṅ | don ’thun pa daṅ | don spyod pa dag gis sems can rnams kyi don kyaṅ bgyid pa lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
rab ’byor de de bźin te | de de bźin no ||
ji skad smras pa bźin te | rab (7) ’byor stoṅ pa ñid ni bya ba daṅ bya ba ma yin pa ci yaṅ mi byed ciṅ chuṅ zad kyaṅ med do ||
rab ’byor gal te sems can ’di dag bdag ñid kyis stoṅ pa ñid śes par gyur na ni | ’di ltar de bźin gśegs pa stoṅ pa ñid las kyaṅ mi g-yo la | sems can rnams kyaṅ bdag tu ’du śes pa daṅ | bral (151a1) bar mdzad ciṅ phral nas kyaṅ stoṅ pa ñid kyis ’khor ba las thar bar mdzad pa daṅ | de bźin du sems can du ’du śes pa daṅ | byed pa por ’du śes pa’i bar daṅ | gzugs su ’du śes pa daṅ | rnam par śes par ’du śes pa’i bar daṅ | mig tu ’du śes pa daṅ | yid (2) du ’du śes pa’i bar daṅ | sa’i khams su ’du śes pa daṅ rnam par śes pa’i khams su ’du śes pa’i bar daṅ | ’dus byas kyi khams su ’du śes pa daṅ bral bar mdzad ciṅ phral nas kyaṅ ’dus ma byas kyi dbyiṅs stoṅ pa de la ’god par mdzad pa ’di de bźin gśegs pa’i khyu mchog (3) tu gyur bar mi ’gyur ro ||
gsol pa | bcom ldan ’das ci źig gis stoṅ pa lags | bka’ stsal pa | rab ’byor de la ’du śes pa gaṅ yin pa des stoṅ ṅo ||
rab ’byor sprul pa źig gis sprul pa gźan sprul na | ci de la gaṅ stoṅ pa ñid ma yin pa’i dṅos po ’ga’ źig yod (4) sñama’ama | gsol pa | bcom ldan ’das de ni ma lags te | sprul pa la ni gaṅ stoṅ pa ñid ma lags pa’i dṅos po ’ga’ yaṅ ma mchis te | stoṅ pa ñid gaṅ lags pa daṅ | sprul pa gaṅ lags pa’i chos de gñis ni ldan pa yaṅ ma lags mi ldan pa yaṅ ma lags te | chos de gñis (5) ni stoṅ pa ñid kyis stoṅ pa lags so ||
bka’ stsal pa | rab ’byor ’di ji sñam du sems | ’di ni sprul pa’o ||
’di ni stoṅ pa ñid do źes rnam par sprul pa źig yod sñam ’am | gsol pa | bcom ldan ’das de ni ma lags so ||
de ci’i slad du źe na | ’di ltar stoṅ pa ñid la ni ’di ni sprul pa’o ||
(6) ’di ni stoṅ pa ñid do źes bgyi ba’i chos de gñis su ma mchis pa’i slad du’o ||
bka’ stsal pa | rab ’byor gaṅ sprul pa ma yin pa’i gzugs sam | tshor ba’am | ’du śes sam | ’du byed rnams sam | rnam par śes pa ni gaṅ yaṅ med de | sprul pa gaṅ yin pa de yaṅ stoṅ pa ñid (7) yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das gal te ’jig rten pa’i chos de dag sprul pa lags na | ’jig rten las ’das pa’i chos ’di lta ste | dran pa ñe bar gźag pa bźi daṅ | (151b1) yaṅ dag par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa (2) bźi daṅ | saṅs rgyas kyi chos ma ’dres pa bcwa brgyad po de dag kyaṅ sprul pa lags sam | de dag gi ’bras bu gaṅ lags pa daṅ | gaṅ gis de dag gi gaṅ zag tu mṅon pa rgyun du źugs pa daṅ lan cig phyir ’oṅ ba daṅ | phyir mi ’oṅ ba daṅ | dgra bcom pa daṅ | raṅ saṅs (3) rgyas daṅ | byaṅ chub sems dpa’ daṅ | de bźin gśegs pa dgra bcom pa yaṅ dag par rdzogs pa’i saṅs rgyas de dag lags pa’i chos de dag kyaṅ sprul pa lags sam | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ (4) stsal to ||
rab ’byor ’di ltar chos thams cad ni sprul pa ste | de la la la ni ñan thos kyis sprul pa’o ||
la la ni raṅ saṅs rgyas kyis sprul pa’o ||
la la ni byaṅ chub sems dpas sprul pa’o ||
la la ni de bźin gśegs pas sprul pa’o ||
la la ni ñon moṅs pas sprul pa’o ||
(5) la la ni chos kyis sprul pa ste ||
rab ’byor rnam graṅs des na chos thams cad ni sprul pa lta bu yin no ||
gsol pa | bcom ldan ’das gaṅ ’di spoṅ ba źes bgyi | rgyun du źugs pa’i ’bras bu daṅ | lan cig phyir ’oṅ ba’i ’bras bu daṅ | phyir mi ’oṅ ba’i ’bras bu daṅ | dgra (6) bcom pa ñid kyi chos de dag kyaṅ sprul pa lags sam | raṅ saṅs rgyas kyis daṅ | saṅs rgyas kyi sa daṅ | bag chags kyi mtshams sbyor ba thams cad spaṅs pa’i chos de dag kyaṅ sprul pa lags sam | bka’ stsal pa | rab ’byor bskyed pa’am | bkag pa’i chos gaṅ ci yaṅ ruṅ (7) ste | de dag thams cad ni sprul pa’o ||
gsol pa | bcom ldan ’das gaṅ ma sprul pa’i chos de gaṅ lags | bka’ stsal pa | rab ’byor gaṅ la skye ba med pa daṅ | ’gag pa med pa de ni ma sprul pa’o ||
gsol pa | bcom ldan ’das de gaṅ lags | bka’ stsal pa | (152a1) rab ’byor de ni mi slu ba’i chos can mya ṅan las ’das pa ste | chos de dag ni ma sprul pa’o ||
gsol pa | bcom ldan ’das gaṅ yaṅ bcom ldan ’das kyis ’di skad du stoṅ pa ñid las kyaṅ mi g-yo la | gñis kyis kyaṅ mi gos te | gaṅ stoṅ pa ñid ma yin pa’i chos (2) gaṅ yaṅ med do źes bka’ stsal pa ltar na | bcom ldan ’das mi slu ba’i chos can mya ṅan las ’das pa yaṅ sprul pa lags par ’gyur ro ||
bka’ stsal pa | rab ’byor de de bźin no ||
de de bźin te | rab ’byor chos thams cad ni ṅo bo ñid kyis stoṅ pa ste | de dag (3) ni ñan thos rnams kyis ma byas | raṅ saṅs rgyas rnams kyis ma byas | byaṅ chub sems dpa’ sems dpa’ chen po rnams kyis ma byas | de bźin gśegs pa dgra bcom pa yaṅ dag par rdzogs pa’i saṅs rgyas rnams kyis kyaṅ ma mdzad de | ṅo bo ñid kyis stoṅ pa gaṅ yin pa de ni mya (4) ṅan las ’das pa yin no ||
de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das las daṅ po pa’i gaṅ zag gis ṅo bo ñid stoṅ pa ñid kyis stoṅ pa ñid yoṅs su ’tshal bar bgyid na | ji ltar gdams śiṅ rjes su bstan (5) bar bgyi lags | bka’ stsal pa | rab ’byor ci sṅon dṅos po yod par gyur la | phyis de dṅos po med par ’gyur ba yod dam | rab ’byor ’di la dṅos po yaṅ med dṅos po med pa yaṅ med | raṅ gi dṅos po yaṅ med | gźan gyi dṅos po yaṅ med na | de la gaṅ yaṅ yoṅs su (6) śes par bya ba’i ṅo bo ñid stoṅ pa ñid ces bya ba lta yod par ga la ’gyur | śes rab kyi pha rol tu phyin pa khri brgyad stoṅ pa las | chos ñid ’gyur ba med pa bstan pa’i le’u źes bya ste | brgyad cu rtsa gñis pa’o || ||
śes rab kyi pha rol tu phyin pa khri brgyad stoṅ pa | (7) bam po lṅa bcu rtsa bdun pa | de nas bcom ldan ’das la byaṅ chub sems dpa’ byams pas źus pa | bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa | byaṅ chub sems dpa’i bslab pa la slob par ’tshal bas | gzugs (152b1) la ji ltar bslab par bgyi | tshor ba daṅ | ’du śes daṅ | ’du byed rnams daṅ | rnam par śes pa la ji ltar bslab par bgyi | mig gi skye mched daṅ | rna ba’i skye mched daṅ | sna’i skye mched daṅ | lce’i skye mched daṅ | lus kyi skye mched daṅ | yid kyi skye mched la ji ltar (2) bslab par bgyi | gzugs kyi skye mched daṅ | sgra’i skye mched daṅ | dri’i skye mched daṅ | ro’i skye mched daṅ | reg bya’i skye mched daṅ | chos kyi skye mched la ji ltar bslab par bgyi | mig gi khams daṅ | gzugs kyi khams daṅ | mig gi rnam par śes pa’i khams daṅ | (3) rna ba’i khams daṅ | sgra’i khams daṅ | rna ba’i rnam par śes pa’i khams daṅ | sna’i khams daṅ | dri’i khams daṅ | sna’i rnam par śes pa’i khams daṅ | lce’i khams daṅ | ro’i khams daṅ | lce’i rnam par śes pa’i khams daṅ | lus kyi khams daṅ | reg bya’i khams (4) daṅ | lus kyi rnam par śes pa’i khams daṅ | yid kyi khams daṅ | chos kyi khams daṅ | yid kyi rnam par śes pa’i khams la ji ltar bslab par bgyi | mig gi ’dus te reg pa’i skye mched daṅ | rna ba daṅ | sna daṅ | lce daṅ | lus daṅ | yid kyi ’dus te reg pa’i skye mched la (5) ji ltar bslab par bgyi | ma rig pa la ji ltar bslab par bgyi | ’du byed rnams daṅ | rnam par śes pa daṅ | miṅ daṅ gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga śil ji ltar bslab par bgyi | sdug (6) bsṅal gyi bden pa la ji ltar bslab par bgyi | kun ’byuṅ ba’i bden pa daṅ | ’gog pa’i bden pa daṅ | lam gyi bden pa la ji ltar bslab par bgyi | gzugs can gyi chos rnams la ji ltar bslab par bgyi | gzugs can ma lags pa daṅ | bstan du mchis pa daṅ | bstan (7) du ma mchis pa daṅ | thogs pa daṅ bcas pa daṅ | thogs pa ma mchis pa daṅ | ’dus bgyis daṅ | ’dus ma bgyis daṅ | zag pa daṅ bcas pa daṅ | zag pa ma mchis pa daṅ | kha na ma tho ba daṅ bcas pa daṅ | kha na ma tho ba ma mchis pa daṅ | bsten par bgyi ba daṅ | (153a1) bsten par bgyi ba ma lags pa daṅ | ṅan pa daṅ | gya nom pa daṅ | naṅ daṅ | phyi daṅ | mthoṅ ba daṅ | thos pa daṅ | bre brag phyed pa daṅ | rnam par śes pa daṅ | ’das pa daṅ | ma ’oṅs pa daṅ | da ltar byuṅ ba daṅ | dge ba daṅ | mi dge ba daṅ | luṅ du ma bstan (2) pa daṅ | ’dod pa daṅ rab tu ldan pa daṅ | gzugs daṅ rab tu ldan pa daṅ | gzugs med pa daṅ rab tu ldan pa daṅ | ldan pa ma lags pa daṅ | slob pa daṅ mi slob pa daṅ | ’dod chags daṅ | khoṅ khro ba daṅ | ṅa rgyal daṅ | ma rig pa daṅ | lta ba daṅ | the tsom la ji ltar (3) bslab par bgyi | ser sna daṅ | sbyin pa daṅ | ’chal pa’i tshul khrims daṅ | tshul khrims bzaṅ po daṅ | gnod sems daṅ | bzod pa daṅ | le lo daṅ | brtson ’grus daṅ | rnam par g-yeṅ ba daṅ | bsam gtan daṅ | ’chal pa’i śes rab daṅ | śes rab la ji ltar bslab (4) bar bgyi | rnam par rtog pa daṅ | stoṅ pa ñid daṅ | mtshan ma daṅ | mtshan ma ma mchis pa daṅ | log pa’i smon lam daṅ | smon pa ma mchis pa daṅ | mi sdug pa’i chos rnams daṅ | mi rtag pa daṅ | sdug bsṅal ba daṅ | bdag med pa rnams la ji ltar bslab par bgyi | ñon moṅs (5) ba rnams daṅ | ñon moṅs pa spaṅs pa daṅ | kun nas ñon moṅs pa daṅ | rnam par byaṅ ba daṅ | ’khor ba daṅ | mya ṅan lasa’adasa pa daṅ | byaṅ chub daṅ | saṅs rgyas kyi chos rnams la ji ltar bslab par bgyi | de skad ces gsol pa daṅ | bcom ldan ’das kyis byaṅ chub (6) sems dpa’ byams pa la bka’ stsal pa | byams pa byaṅ chub sems dpa’ sems dpa’ chen po śes rab kyi pha rol tu phyin pa la spyod pa | byaṅ chub sems dpa’i bslab pa la slob par ’dod pas gzugs miṅ tsam mo źes bya bar bslab par bya’o ||
tshor ba daṅ | ’du śes daṅ | ’du byed (7) rnams daṅ | rnam par śes pa miṅ tsam mo źes bya ba nas | saṅs rgyas kyi chos rnams kyi bar du miṅ tsam mo źes bya bar bslab par bya’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das gaṅ (153b1) gi tshe ’di lta ste | gzugs źes bgyi ba’i miṅ ’di ni dṅos po daṅ bcas par dmigs pa nas | ’di lta ste | tshor ba daṅ | ’du śes daṅ | ’du byed rnams daṅ | rnam par śes pa źes bgyi ba’i miṅ ’di dṅos po daṅ bcas par dmigs pa nas ’di lta ste | saṅs rgyas kyi chos (2) rnams źes bgyi ba’i bar gyi miṅ ’di ni ’du byed kyi mtshan ma ñe bar bzuṅ ste | dṅos po daṅ bcas par dmigs pa lags na | ji ltar byaṅ chub sems dpas gzugs miṅ tsam źes bgyi bar bslab par bgyi | tshor ba daṅ | ’du śes daṅ | ’du byed rnams daṅ | rnam par (3) śes pa miṅ tsam źes bgyi ba nas | sags rgyas kyi chos rnams kyi bar du miṅ tsam źes bgyi bar ji ltar bslab par bgyi | dṅos po ma mchis su lags na | de’i miṅ de yaṅ miṅ tsam kho na źes bgyir mi ruṅ lags te | ’di lta ste | gzugs źes bgyi ba ni miṅ tsam kho na źes (4) bgyir mi ruṅ lags so ||
’di lta ste | tshor ba daṅ | ’du śes daṅ | ’du byed rnams daṅ | rnam par śes pa źes bgyi ba ni miṅ tsam kho na źes bgyir mi ruṅ lags so ||
saṅs rgyas kyi chos rnams źes bgyi ba’i bar du yaṅ miṅ tsam kho na źes bgyir mi ruṅ lags so ||
de skad ces (5) gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa ’di lta ste | gzugs źes bya ba ’di ni ’du byed kyis mtshan ma’i dṅos po de daṅ de la glo bur du miṅ btags pa’o ||
’di lta ste | tshor ba daṅ | ’du śes daṅ | ’du byed rnams daṅ | (6) rnam par śes pa źes bya ba ’di ni glo bur du miṅ btags pa’o ||
’di lta ste | saṅs rgyas kyi chos źes bya ba’i bar ’di yaṅ glo bur du miṅ btags pa’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom (7) ldan ’das ’di ltar gzugs źes bgyi ba’i miṅ ma mchis par ni ’du byed kyi mtshan ma’i dṅos po des miṅ de rig pa daṅ | rtogs pa daṅ | ’tshal bar yaṅ mi ’gyur la | gzugs źes bgyi ba’i miṅ des ni ’du byed kyi mtshan ma’i dṅos po de rig pa daṅ | rtogs pa daṅ | ’tshal bar yaṅ ’gyur (154a1) na | ’di lta ste | gzugs źes bya ba ’di ni ’du byed kyi mtshan ma’i dṅos po de la glo bur du miṅ du btags so źes bgyi bar ji ltar ’gyur | bcom ldan ’das ’di ltar ’du byed kyi mtshan ma’i dṅos po des tshor ba źes bgyi ba daṅ | ’du śes źes bgyi ba daṅ | ’du byed (2) rnams źes bgyi ba daṅ | rnam par śes pa źes bgyi ba daṅ | bcom ldan ’das ’di ltar ’du byed kyi mtshan ma’i dṅos po des saṅs rgyas kyi chos rnams źes bgyi ba’i bar gyi miṅ rig pa daṅ rtogs pa daṅ | ’tshal bar yaṅ mi ’gyur la | tshor ba źes bgyi ba daṅ | ’du śes źes bgyi ba (3) daṅ | ’du byed rnams źes bgyi ba daṅ | rnam par śes pa źes bgyi ba de daṅ | saṅs rgyas kyi chos źes bgyi ba’i bar des ni ’du byed kyis tshan ma’i dṅos po de ñid rig pa daṅ rtogs pa daṅ | ’tshal bar yaṅ ’gyur na | ’di lta ste | gzugs źes bya ba daṅ | ’di lta ste tshor ba daṅ | ’du (4) śes daṅ | ’du byed rnams daṅ | rnam par śes pa źes bya ba daṅ | ’di lta ste | saṅs rgyas kyi chos rnams źes bya ba’i bar du ’du byed gyi mtshan ma’i dṅos po de daṅ de la glo bur du miṅ btags so ||
źes bgyi bar ji ltar ’gyur | de skad ces gsol pa daṅ | bcom ldan (5) ’das kyis byaṅ chub sems dpa’ byams pa la bka’ stsal pa | byams pa de’i phyir khyod ñid la dris khyod kyis ji ltar bzod pa de bźin du lan thob śig | byams pa ’di ji sñam du sems | ’di lta ste | khyod ’du byed kyi mtshan ma’i dṅos po de daṅ | de la gzugs źes bya ba’i miṅ (6) de la ma brten ma gnas gnas ma bcas par | ’du byed kyi mtshan ma’i dṅos po de daṅ de la ’di ni gzugs yin no ||
źes bya bar ji ga de sñam sems sam | bcom ldan ’das de ni ma lags so ||
byams pa de ji sñam du sems | kyod ’du byed kyi mtshan ma’i dṅos po de daṅ (7) de la ’di lta ste | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes bya ba daṅ | byams pa ’di ji sñam du sems | ’du byed kyi mtshan ma’i dṅos po de daṅ | de la ’di lta ste | saṅs rgyas kyi chos rnams źes bya ba’i (154b1) bar gyi miṅ de la ma brten ma gnas gnas ma bcas par | ’du byed kyi mtshan ma’i dṅos po de daṅ de la tshor ba daṅ | ’du śes daṅ | ’du byed rnams daṅ | rnam par śes pa nas | saṅs rgyas kyi chos źes bya ba’i bar la khyod ji ga de sñam sems sam | gsol pa | bcom (2) ldan ’das de ni ma lags so ||
byams pa rnam graṅs ’dis kyaṅ ’di lta ste | gzugs źes bya ba daṅ | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes bya ba ’di ni ’du byed kyi mtshan ma’i dṅos po de daṅ de la glo (3) bur du miṅ btags pa daṅ | ’di lta ste | saṅs rgyas kyi chos rnams źes bya ba’i bar de yaṅ ’du byed kyi mtshan ma’i dṅos po de daṅ de la glo bur du miṅ btags pa yin pa de ltar rig par bya’o ||
byams pa ’di ji sñam du sems | miṅ daṅ | brda daṅ | tha sñad daṅ | (4) btags pa rnam pa sna tshogs kyis ’du byed kyi mtshan ma’i dṅos po de la ñe bar ’dogs pa’am | tha sñad dam | ’dogs pa’am | mṅon par źen pa yin nam | bcom ldan ’das de lta lags so ||
byams pa rnam graṅs ’dis kyaṅ ’di lta ste | gzugs źes bya ba (5) daṅ | ’di lta ste | tshor ba daṅ | ’du śes daṅ | ’du byed rnams daṅ | rnam par śes pa daṅ | ’di lta ste | saṅs rgyas kyi chos rnams źes bya ba’i bar de ni ’bu byed kyi mtshan ma’i dṅos po de la glo bur du miṅ du btags pa yin par de ltar rig par bya’o ||
byams (6) pa ’di ji sñam du sems | ’di la ’ga’ źig ’du byed kyi mtshan ma’i dṅos po de ñid la | de las gźan pa’i ’du byed kyi mtshan ma’i dṅos por miṅ ’dogs sam | ’du śes sam | rjes su tha sñad ’dogs sam | mṅon par źen par byed dam | bcom ldan ’das de lta (7) lags so ||
byams pa rnam graṅs ’dis kyaṅ ’di lta ste | gzugs źes bya ba daṅ | ’di lta ste | tshor ba daṅ | ’du śes daṅ | ’du byed rnams daṅ | rnam par śes pa daṅ | ’di lta ste | saṅs rgyas kyi chos rnams źes bya ba’i bar ’di ni glo bur du miṅ btags (155a1) pa yin pa de ltar rig par bya’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das de lta lags na ni ’di lta ste | gzugs źes bgyi ba daṅ | ’di lta ste | tshor ba (2) daṅ | ’du śes daṅ | ’du byed rnams daṅ | rnam par śes pa daṅ | ’di lta ste | saṅs rgyas kyi chos rnams źes bgyi ba’i bar du ’du byed kyi mtshan ma’i dṅos po gaṅ ñe bar bzuṅ nas | miṅ daṅ | ’du śes daṅ | ’dogs pa daṅ | rjes su tha sñad ’dogs par ’gyur (3) ba daṅ | gzugs kyi ṅo bo ñid dmigs pa kho nar mi ’gyur lags sam | de skad ces gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa ’di lta ste | ’du byed kyi mtshan ma’i dṅos po la gzugs źes bya bar miṅ daṅ | ’du (4) śes daṅ | ’dogs pa daṅ | rjes su tha sñad ’dogs pa byed pa la | byams pa ’di ji sñam du sems | de gzugs kyi ṅo bo ñid yin nam | btags pa tsam du zad | gsol pa | bcom ldan ’das btags pa tsam du bas lags so ||
byams pa ’o na ’di lta ste | ’du byed (5) kyi mtshan ma’i dṅos po la tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams źes bya ba’i bar ni gzugs kyi ṅo bo ñid du dmigs pa kho na’o źes bya bar byams pa khyod ji ltar de sñam du sems | byams pa ’di ji sñam du sems | (6) tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar gyi ṅo bo ñid de btags pa tsam du zad dam | bcom ldan ’das btags pa tsam du bas lags so ||
byams pa ’o na tshor ba daṅ | ’du śes daṅ | ’du byed rnams (7) daṅ | rnam par śes pa daṅ | saṅs rgyas kyi chos rnams kyi bar gyi ṅo bo ñid dmigs pa kho na’o źes bya bar khyod ji ltar de sñam du sems sam | de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom (155b1) ldan ’das gal te gzugs miṅ daṅ | ’du śes daṅ | brda daṅ | btags pa daṅ | tha sñad tsam kho na lags śiṅ | tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar du miṅ daṅ | ’du śes (2) daṅ | brda daṅ | btags pa daṅ | tha sñad tsam kho na lags na | de lta na ’di lta ste | miṅ daṅ | ’du śes daṅ | brda daṅ | btags pa daṅ | tha sñad tsam źes bgyi bas gzugs kyi ṅo bo ñid dmigs pa kho nar mi ’gyur lags sam | de ltar na tshor ba daṅ | ’du (3) śes daṅ | ’du byed rnams daṅ | rnam par śes pa daṅ | saṅs rgyas kyi chos rnamakasa kyi ṅo bo ñid dmigs pa kho nar mi ’gyur lags sam | de skad ces gsol pa daṅ | bcom ldan ’das kyis byaṅ chub sems dpa’ byams pa la ’di skad ces bka’ stsal to ||
(4) byams pa ’di’i sñam du sems | gzugs źes bya ba’i miṅ daṅ | ’du śes daṅ | brda daṅ | btags pa daṅ | tha sñad tsam kho na gaṅ yin pa de la ji ga skye ba’am | ’jig pa’am | kun nas ñon moṅs pa’am | rnam par byaṅ ba yod dam | bcom ldan ’das de ni (5) sa mchis lags so ||
bka’ stsal pa | byams pa ’o na khyed ’di ji sñam du gzugs kyi ṅo bo ñid dmigs pa kho na’o sñam du sems pa de ci las gyur | byams pa de ji sñam du sems | tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs (6) rgyas kyi chos źes bya ba’i bar gyi miṅ daṅ | ’du śes daṅ | brda daṅ | btags pa daṅ | tha sñad tsam kho na gaṅ yin pa de la ji ga skye ba’am | ’jig pa’am | kun nas ñon moṅs pa’am | rnam par byaṅ ba yod dam | gsol pa | bcom ldan ’das de ni ma mchis lags so ||
(7) bka’ stsal pa | byams pa ’o na khyod ’di ji sñam du | tshor ba daṅ | ’du śes daṅ | ’du byed rnams daṅ | rnam par śes pa daṅ | de bźin du sbyar te | saṅs rgyas kyi chos rnams kyi bar gyi ṅo bo ñid dmigs pa kho na’o sñam du sems pa de ci las gyur | de skad ces (156a1) bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das ci rnam pa thams cad du mtshan ñid thams cad kyis gzugs ma mchis pa kho na lags sam | bcom ldan ’das ci rnam pa thams (2) cad du mtshan ñid thams cad kyis tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar du ma mchis pa kho na lags sam | de skad ces gsol pa daṅ | bcom ldan ’das kyis byaṅ chub sems dpa’ byams pa la (3) bka’ stsal pa | byams pa rnam pa thams cad du mtshan ñid thams cad kyis gzugs med do ||
byams pa rnam pa thams cad du mtshan ñid thams cad kyis tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos (4) rnams kyi bar du med do źes ṅa mi smra’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das ji ltar na gzugs mchis pa lags | bcom ldan ’das ji ltar na tshor ba daṅ | ’du śes daṅ | ’du (5) byed rnams daṅ | rnam par śes pa daṅ | saṅs rgyas kyi chos rnams kyi bar du mchis pa lags | de skad ces gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa ’jig rten gyi brda daṅ | tha sñad kyis gzugs yod kyi | don (6) dam par ni ma yin no ||
byams pa ’jig rten gyi brda daṅ | tha sñad kyis tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar du yod kyi | don dam par ni ma yin no ||
de skad ces bka’ stsal pa daṅ | bcom (7) ldan ’das la byaṅ chub sems dpa’ byams pas ’di skad ces gsol to ||
bcom ldan ’das bdag gis bcom ldan ’das kyis gsuṅs pa’i don ’tshal ba ltar na | dbyiṅs ’di ni don dam par ni brjod du ma mchis pa’o ||
bcom ldan ’das gal te brjod du ma mchis pa’i (156b1) dbyiṅs don dam par mchis su lags na | ’o na ’du byed kyi mtshan ma’i dṅos po gaṅ la gzugs źes bgyi bar glo bur du miṅ du ’dogs par ji ltar ’gyur | don dam par mchis na | ’du byed kyi mtshan ma’i dṅos po gaṅ la tshor ba daṅ | ’du śes daṅ | ’du byed rnams daṅ | (2) rnam par śes pa daṅ | saṅs rgyas kyi chos rnams źes bgyi ba’i bar du glo bur du miṅ du ’dogs par ji ltar ’gyur | gal te don dam par ma mchis na ni | ’o na brjod du ma mchis pa’i dbyiṅs su yaṅ ji ltar ’gyur te | ’du byed kyi mtshan ma’i dṅos po ni brjod du ma mchis (3) pa’i dbyiṅs źes bgyir mi ruṅ lags so ||
de skad ces gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pade’i phyir khyod ñid la dris | ji ltar bzod pa de bźin du lan thob śig | byams pa ’di ji sñam du sems | gaṅ (4) gi tshe brjod du med pa’i dbyiṅs daṅ | ’brel pa’i śes rab kyi spyod pa la gnas pa de’i tshe | ’du byed kyi mtshan ma’i dṅos po gaṅ la ’di lta ste | gzugs źes bya ba daṅ | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa (5) źes bya ba daṅ | saṅs rgyas kyi chos rnams źes bya ba’i bar du glo bur du miṅ du btags pa ’di khyod kyis dmigs sam | gsol pa | bcom ldan ’das de ni mi dmigs lags so ||
bka’ stsal pa | byams pa rnam graṅs ’dis ’du byed kyi mtshan ma’i dṅos po gaṅ yin pa (6) de brjod du med pa’i dbyiṅs kyaṅ ma yin la | ’du byed kyi mtshan ma’i dṅos po de las brjod du med pa’i dbyiṅs gźan pa yaṅ ma yin par rig par bya’o ||
’di lta ste | gzugs źes bya ba daṅ | tshor ba źes bya ba daṅ | ’du śes źes bya ba daṅ | ’du byed rnams źes bya ba (7) daṅ | rnam par śes pa źes bya ba daṅ | saṅs rgyas kyi chos rnams źes bya ba’i bar du gaṅ la glo bur du miṅ du btags pa’i ’du byed kyi mtshan ma’i dṅos po de gal te brjod du med pa’i dbyiṅs yin du zin na | ’o na ni byis pa so so’i skye bo thams cad kyaṅ yoṅs su mya ṅan las ’das (157a1) par ’gyur źiṅ | bla na med pa yaṅ dag pa rdzogs pa’i byaṅ chub mṅon par rdzogs par saṅs rgyas bar yaṅ ’gyur ro ||
byams pa gal te ’du byed kyi mtshan ma’i dṅos po las brjod du med pa’i dbyiṅs gźan yin du zin na ni | ’o na mtshan ma de yaṅ mi (2) dmigs na | ’di ltar brjod du med pa’i dbyiṅs de rtogs par ’gyur ram | byams pa rnam graṅs ’dis kyaṅ ’du byed kyi mtshan ma’i dṅos po las brjod du med pa’i dbyiṅs gźan pa yaṅ ma yin la | ’di lta ste | gzugs źes bya ba daṅ | tshor ba źes bya ba daṅ | ’du śes (3) źes bya ba daṅ | ’du byed rnams źes bya ba daṅ | rnam par śes pa źes bya ba daṅ | saṅs rgyas kyi chos rnams źes bya ba’i bar du gaṅ la glo bur du miṅ du btags pa de las brjod du med pa’i dbyiṅs gźan ma yin pa yaṅ ma yin par rig par bya’o ||
de skad ces bka’ stsal pa daṅ | (4) bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das gal te byaṅ chub sems dpa’ brjod du ma mchis pa’i dbyiṅs daṅ ’brel pa’i śes rab kyi spyod pa la gnas pa na | ’di lta ste | gzugs źes bgyi ba daṅ | tshor ba źes bgyi ba daṅ | (5) ’du śes źes bgyi ba daṅ | ’du byed rnams źes bgyi ba daṅ | rnam par śes pa źes bgyi ba daṅ | saṅs rgyas kyi chos rnams źes bgyi ba’i bar dag gaṅ la glo bur du miṅ btags pa’i ’du byed kyi mtshan ma’i dṅos po de mi dmigs na | bcom ldan ’das ci mchis pa mi dmigs lags (6) sam | ’o na de ma mchis pa mi dmigs pa lags | de skad ces gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa ’du byed kyi mtshan ma’i dṅos po de la ni raṅ dbaṅ ñid dam yod pa ñid gaṅ yaṅ med do ||
de ci’i phyir źe na | (7) byams pa gaṅ gi tshe khyod ’du byed kyi mtshan ma’i dṅos po de la rnam par rtog pa de’i tshe | ’du byed kyi mtshan ma’i dṅos po de rnam par rtog pa rnams kyis gzuṅ bar ’gyur ram | gaṅ gi tshe brjod du med pa’i dbyiṅs daṅ ’brel ba’i śes rab kyi spyod pa la gnas te | rnam par mi rtog pa de’i tshe | (157b1) rnam par mi rtog pas gzuṅ bar ’gyur ram | bcom ldan ’das de lta lags so ||
byams pa de lta yin na | ’di lta ste | ’du byed kyi mtshan ma’i dṅos po gaṅ la ’di ltar gzugs źes bya ba daṅ | tshor ba źes bya ba daṅ | ’du śes źes bya ba daṅ | ’du byed rnams (2) źes bya ba daṅ | rnam par śes pa źes bya ba daṅ | saṅs rgyas kyi chos rnams źes bya ba’i bar du glo bur du miṅ du btags pa de rnam par rtog pa tsam du zad dam | rnam par rtog pa tsam ñid do ||
de de ltar rnam par mi rtog pa’i dbyiṅs la gnas te | rnam par rtog pa rnams (3) daṅ bral bar gyur pa na | ’di lta ste | gzugs źes bya ba daṅ | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes bya ba daṅ | saṅs rgyas kyi chos rnams źes bya ba’i bar du gaṅ la glo bur du miṅ du btags pa de la yod pa gaṅ (4) yin | gaṅ yod pa ni mi dmigs par ’gyur ro ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das byaṅ chub sems dpa’ śes rab kyi pha rol tu phyin pa la spyod pa | chos rab tu dbye ba la mkhas (5) pa la źugs pas | gzugs rab tu dbye ba’i brtags pa rnam pa du źig tu rtogs par bgyi | tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar du rab tu dbye ba’i brtags pa rnam pa du źig tu rtogs par bgyi lags | de skad ces (6) gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa byaṅ chub sems dpa’ śes rab kyi pha rol tu phyin pa la spyod pa | chos rab tu dbye ba la mkhas pa la źugs pas | gzugs rab tu dbye ba’i brtags pa rnam pa gsum du rtogs par (7) bya | tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar du rab tu dbye ba’i brtags pa rnam pa gsum du rtogs par bya ste | ’di lta ste | ’di ni kun brtags pa’i gzugs so ||
’di ni rnam par brtags pa’i gzugs so ||
(158a1) ’di ni chos ñid kyi gzugs so ||
’di lta ste | ’di ni kun brtags pa’i tshor ba’o ||
’di ni rnam par brtags pa’i tshor ba’o ||
’di ni chos ñid kyi tshor ba’o ||
’di lta ste | ’di ni kun brtags pa’i ’du śes so ||
’di ni rnam par brtags pa’i ’du (2) śes so ||
’di ni chos ñid kyi ’du śes so ||
’di lta ste | ’di dag ni kun brtags pa’i ’du byed rnams so ||
’di dag ni rnam par brtags pa’i ’du byed rnams so ||
’di dag ni chos ñid kyi ’du byed rnams so ||
’di lta ste | ’di ni kun brtags pa’i rnam par śes pa’o ||
(3) ’di ni rnam par brtags pa’i rnam par śes pa’o ||
’di ni chos ñid kyi rnam par śes pa’o ||
’di lta ste | ’di dag ni kun brtags pa’i saṅs rgyas kyi chos rnams kyi bar dag go ||
’di dag ni rnam par brtags pa’i saṅs rgyas kyi chos rnams so ||
’di dag ni chos ñid kyi saṅs (4) rgyas kyi chos rnams so źes bya ba’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das kun brtags pa’i gzugs ni gaṅ lags | rnam par brtags pa’i gzugs ni gaṅ lags | chos ñid (5) kyi gzugs ni gaṅ lags | bcom ldan ’das kun brtags pa’i tshor ba daṅ | ’du śes daṅ | ’du byed rnams daṅ | rnam par śes pa daṅ | kun brtags pa’i saṅs rgyas kyi chos rnams kyi bar du ni gaṅ lags | rnam par brtags pa’i saṅs rgyas kyi chos rnams ni gaṅ lags | (6) chos ñid kyi saṅs rgyas kyi chos rnams ni gaṅ lags | bcom ldan ’das kyis bka’ stsal pa | byams pa gaṅ ’du byed kyi mtshan ma’i dṅos po de daṅ de la gzugs źes bya ba’i miṅ daṅ | ’du śes daṅ | btags pa daṅ | tha sñad la brten nas | gzugs kyi ṅo bo ñid du yoṅs su rtog (7) pa ’di ni kun brtags pa’i gzugs so ||
byams pa gaṅ ’du byed kyi mtshan ma’i dṅos po de daṅ de la tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes bya ba daṅ | saṅs rgyas kyi chos rnams źes bya ba’i bar gyi miṅ daṅ | ’du (158b1) śes daṅ | btags pa daṅ | tha sñad la brten nas tshor ba’i ṅo bo ñid daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar gyi ṅo bo ñid du yoṅs su rtog pa ’di ni kun brtags pa’i tshor ba daṅ | ’du śes daṅ | ’du byed (2) rnams daṅ | rnam par śes pa’o ||
’di dag ni kun brtags pa’i saṅs rgyas kyi chos rnams kyi bar dag go ||
’du byed kyi mtshan ma’i dṅos po de rnam par rtog pa tsam gyi chos ñid la gnas pa’i rnam par rtog pa la brten nas | mṅon par brjod de | gaṅ la ’di ni (3) gzugs so źes bya ba daṅ | tshor ba’o źes bya ba daṅ | ’du śes so źes bya ba daṅ | ’du byed rnams so źes bya ba daṅ | rnam par śes pa’o źes bya ba daṅ | saṅs rgyas kyi chos rnams so źes bya ba’i bar gyi miṅ daṅ | ’du śes daṅ | btags pa daṅ | tha sñad gaṅ yin (4) pa ’di ni rnam par brtags pa’i gzugs so ||
’di ni rnam par brtags pa’i tshor ba’o ||
’di ni rnam par brtags pa’i ’du śes so ||
’di ni rnam par brtags pa’i ’du byed rnams so ||
’di ni rnam par brtags pa’i rnam par śes pa’o ||
’di dag ni rnam par brtags pa’i (5) saṅs rgyas kyi chos rnams kyi bar dag go ||
gaṅ de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ ste | chos ñid ’di ni gnas pa ñid daṅ | chos gnas pa’i dbyiṅs daṅ | gaṅ kun brtags pa’i gzugs des rnam par brtags pa’i (6) gzugs rtag pa rtag pa’i dus daṅ | ther zug ther zug gi dus su ṅo bo ñid med pa kho na daṅ | chos la bdag med pa daṅ | de bźin ñid daṅ | yaṅ dag pa’i mtha’ ’di ni chos ñid kyi gzugs so ||
’di ni chos ñid kyi tshor ba daṅ | ’du śes daṅ | ’du byed rnams daṅ | rnam (7) par śes pa’o ||
’di dag ni chos ñid kyi saṅs rgyas kyi chos rnams kyi bar dag go ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das gzugs gsum po ’di dag las rdzas su ma mchis par (159a1) lta ba’i gzugs ni gaṅ lags | rdzas su mchis pa ni gaṅ lags | rdzas su ma mchis pa yaṅ ma lags la | rdzas su mchis pa yaṅ ma lags śiṅ | don dam pas rab tu phye ba ni gaṅ lags | tshor ba gsum po ’di dag daṅ | ’du śes gsum po ’di dag (2) daṅ | ’du byed gsum po ’di dag daṅ | rnam par śes pa gsum po ’di dag daṅ | saṅs rgyas kyi chos rnams kyi bar du gsum po ’di dag las rdzas su ma mchis pa dag ni gaṅ lags | rdzas su mchis pa dag ni gaṅ lags | rdzas su ma mchis pa yaṅ ma lags la | rdzas su mchis (3) pa yaṅ ma lags śiṅ | don dam pas rab tu phye ba dag ni gaṅ lags | de skad ces gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa gaṅ kun tu brtags pa’i gzugs de ni rdzas su med par blta bar bya’o ||
rnam (4) par brtags pa’i gzugs gaṅ yin pa de ni rnam par rtog pa rdzas su yod pa’i phyir | rdzas su yod par blta bar bya ste | raṅ dbaṅ du ’byuṅ ba’i phyir ni ma yin no ||
gaṅ chos ñid kyi gzugs de ni rdzas su med pa yaṅ ma yin | rdzas su yod pa yaṅ ma yin źiṅ | don dam pas (5) rab tu phye bar blta bar bya’o ||
kun brtags pa’i tshor ba daṅ | ’du śes daṅ | ’du byed rnams daṅ | rnam par śes pa daṅ | gaṅ dag kun brtags pa’i saṅs rgyas kyi chos rnams kyi bar de dag ni rdzas su med par blta bar bya’o ||
gaṅ rnam par brtags pa’i tshor ba daṅ | ’du (6) śes daṅ | ’du byed rnams daṅ | rnam par śes pa daṅ | gaṅ dag rnam par brtags pa’i saṅs rgyas kyi chos rnams kyi bar de dag ni rnam par rtog pa rdzas su yod pa’i phyir rdzas su yod par blta bar bya ste | raṅ dbaṅ du ’byuṅ ba’i phyir ni ma yin no ||
byams pa gaṅ chos ñid kyi tshor ba (7) daṅ | ’du śes daṅ | ’du byed rnams daṅ | rnam par śes pa daṅ | byams pa gaṅ dag chos ñid kyi saṅs rgyas kyi chos rnams kyi bar de dag ni rdzas su med pa yaṅ ma yin la | rdzas su yod pa yaṅ ma yin źiṅ | don dam pas rab tu phye bar blta bar bya’o ||
de skad ces bka’ (159b1) stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das de ltar gzugs rab tu dbye ba’i brtags pa yaṅ ma mchis la | de ltar tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi (2) chos rnams kyi bar du rab tu dbye ba’i brtags pa yaṅ ma mchis na | ’di lta ste | gzugs źes bya ba de ni gñis su med pa’i graṅs su byas pa’o ||
’di lta ste | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes bya ba daṅ | (3) saṅs rgyas kyi chos rnams źes bya ba’i bar ’di ni gñis su med pa’i graṅs su byas pa’o ||
źes bcom ldan ’das kyis gaṅ bka’ stsal pa de | bcom ldan ’das kyis ci la dgoṅs nas | ’di lta ste | gzugs źes bya ba de ni gñis su med pa’i graṅs su byas pa’o ||
’di lta (4) ste | tshor ba źes bya ba daṅ | ’du śes źes bya ba daṅ | ’du byed rnams źes bya ba daṅ | rnam par śes pa źes bya ba daṅ | saṅs rgyas kyi chos kyi bar źes bya ba de ni gñis su med pa’i graṅs su byas pa’o źes bka’ stsal | de skad ces gsol pa daṅ | bcom ldan ’das kyis (5) byaṅ chub sems dpa’ byams pa la bka’ stsal pa | byams pa ’di ji sñam du sems | kun brtags pa’i gzugs la rdzas su med pa ñid gaṅ yin pa de gzugs yin nam | ’o na te ma yin | gsol pa | bcom ldan ’das de ni ma lags so ||
de la gzugs źes bya ba miṅ (6) daṅ | ’du śes daṅ | btags pa daṅ | tha sñad tsam ñid gaṅ yin pa de ji ga gzugs yin nam | gsol pa | bcom ldan ’das de ni ma lags so ||
byams pa rnam graṅs ’dis gaṅ kun brtags pa’i gzugs de gzugs kyaṅ ma yin la | gzugs ma yin pa yaṅ (7) ma yin te | gaṅ gzugs kyaṅ ma yin la | gzugs ma yin pa yaṅ ma yin pa de ni gñis su med pa ste | ṅas ’di la dgoṅs nas | ’di lta ste | gzugs źes bya ba de ni gñis su med pa’i graṅs su byas pa’o ||
źes bka’ stsal par rig par bya’o ||
byams pa ’di ji sñam (160a1) du sems | gaṅ la brten nas gzugs źes bya ba’i miṅ daṅ | btags pa daṅ | tha sñad du ’gyur ba rnam par brtags pa’i gzugs rdzas su yod pa ñid gaṅ yin pa de ji ga gzugs ma yin pa yin nam | gsol pa | bcom ldan ’das de ni ma lags (2) so ||
byams pa ’di ji sñam du sems | rnam par brtags pa’i gzugs de ñid la kun brtags pa’i gzugs des | de’i ṅo bo ñid ma yin źiṅ | de’i mtshan ñid ma yin pa gaṅ yin pa de gzugs yin nam | gsol pa | bcom ldan ’das de ni ma lags so ||
(3) byams pa rnam graṅs ’dis kyaṅ | ’di ltar gaṅ rnam par brtags pa’i gzugs de yaṅ gzugs kyaṅ ma yin la | gzugs ma yin pa yaṅ ma yin te | gaṅ gzugs kyaṅ ma yin la | gzugs ma yin pa yaṅ ma yin pa de gñis su med pa ste | ṅas de la dgoṅs (4) nas ’di lta ste | gzugs źes bya ba de ni gñis su med pa’i graṅs su byas pa’o ||
źes bka’ stsal par rig par bya’o ||
byams pa ’di ji sñam dus sems | gaṅ chos ñid kyi gzugs bdag med pas | rab tu phye ba’i gzugs de ji ga gzugs yin nam | gsol (5) pa | bcom ldan ’das de ni ma lags so ||
chos ñid kyi gzugs de ñid gzugs kyi chos ñid gaṅ yin pa de gzugs ma yin pa de yin nam | gsol pa | bcom ldan ’das de ni ma lags so ||
byams pa rnam graṅs ’dis kyaṅ | ’di ltar chos ñid kyi gzugs (6) gaṅ yin pa de yaṅ gzugs kyaṅ ma yin la | gzugs ma yin pa yaṅ ma yin te | gaṅ gzugs kyaṅ ma yin la | gzugs ma yin pa yaṅ ma yin pa de ni gñis su med pa ste | ṅas de la dgoṅs nas ’di lta ste | gzugs źes bya ba de ni gñis su med pa’i graṅs su byas (7) pa’o ||
źes bka’ stsal par rig par bya ste | de bźin du tshor ba daṅ | ’du śes daṅ | ’du byed rnams daṅ | rnam par śes pa rnams daṅ | saṅs rgyas kyi chos rnams kyi bar la yaṅ sbyar bar bya’o ||
de skad ces bka’ stsal pa daṅ | bcom ldan ’das la byaṅ chub (160b1) sems dpa’ byams pas ’di skad ces gsol to ||
bcom ldan ’das byaṅ chub sems dpa’ śes rab kyi pha rol tu phyin pa la spyod pa | de ltar gzugs la gñis su ma mchis pa’i mtshan ñid la mkhas śiṅ | de ltar tshor ba daṅ | ’du śes daṅ | ’du byed (2) rnams daṅ | rnam par śes pa daṅ | saṅs rgyas kyi chos rnams kyi bar dag la mtshan ñid ma mchis pa la mkhas pa mtha’ gñis spaṅs nas | dbu ma’i lam la źugs pa’i yoṅs su ’tshal ba’i mtshan ñid ni ji lta bu | spoṅ ba’i mtshan ñid ni ji lta bu | mṅon (3) sum du bgyid pa’i mtshan ñid ni ji lta bu | bsgom pa’i mtshan ñid ni ji lta bur blta bar bgyi | de skad ces gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa byaṅ chub sems dpa’ śes rab kyi pha rol tu phyin pa (4) la spyod pa | mtha’ gñis spaṅs nas | ’di ltar dbu ma’i lam la źugs pas gaṅ gzugs yoṅs su śes pa yaṅ ma yin | yoṅs su mi śes pa yaṅ ma yin pa de ñid de’i yoṅs su śes pa’o ||
gaṅ tshor ba daṅ | ’du śes daṅ | ’du byed rnams daṅ | (5) rnam par śes pa daṅ | saṅs rgyas kyi chos rnams kyi bar du yoṅs su śes pa yaṅ ma yin | yoṅs su mi śes pa yaṅ ma yin pa de ñid de’i yoṅs su śes pa’o ||
gaṅ gzugs spoṅ ba yaṅ ma yin | mi spoṅ ba yaṅ ma yin pa de ñid de’i spoṅ ba’o ||
gaṅ tshor ba (6) daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi chos rnams kyi bar du spoṅ ba yaṅ ma yin | mi spoṅ ba yaṅ ma yin pa de ñid de’i spoṅ ba’o ||
gaṅ gzugs spoṅ ba mṅon sum du yaṅ mi byed la | mṅon sum du mi byed pa yaṅ ma (7) yin pa de ñid de’i mṅon sum du byed pa’o ||
gaṅ gzugs spaṅ ba’i phyir lam bsgom pa yaṅ ma yin | mi bsgom pa yaṅ ma yin pa de ñid de’i bsgom pa’o ||
de bźin du tshor ba daṅ | ’du śes daṅ | ’du byed rnams daṅ | rnam par śes pa daṅ | saṅs rgyas kyi (161a1) chos rnams kyi bar dag la yaṅ sbyar bar bya’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das byaṅ chub sems dpa’ śes rab kyi pha rol tu phyin pa la spyod (2) pa ’di lta bu’i yoṅs su ’tshal ba daṅ | spoṅ ba daṅ | mṅon sum du bgyid pa daṅ | bsgom pa daṅ ldan pa’i mya ṅan las ’das pa gaṅ lags | de skad ces gsol pa daṅ | bcom ldan ’das kyis byaṅ chub sems dpa’ byams pa la bka’ stsal pa | byams pa (3) byaṅ chub sems dpa’ rnams kyi mya ṅan las ’das pa ni zab bo ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das ci’i slad du byaṅ chub sems dpa’ rnams (4) kyi mya ṅan las ’das pa ’di ltar zab pa daṅ | mchog tu zab pa lags | bcom ldan ’das kyis bka’ stsal pa | byams pa byaṅ chub sems dpa’ rnams kyi mya ṅan las ’das pa ni | ’di ltar mya ṅan las ’das pa yaṅ ma yin | mya ṅan las ma ’das pa ’aṅ ma (5) yin te | de’i phyir zab pa daṅ | mchog tu zab pa źes bya’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das ji ltar na byaṅ chub sems dpa’ rnams kyi mya ṅan las ’das pa ni mya (6) ṅan las ’das pa yaṅ ma lags | mya ṅan las ’das pa yaṅ ma lags | bcom ldan ’das kyis bka’ stsal pa | byams pa gźan gyi don las brtsams te | ’khor ba yoṅs su mi gtoṅ bas mya ṅan las ’das pa yaṅ ma yin no ||
bdag gi don las brtsams (7) te | mya ṅan las ’das pa yoṅs su mi gtoṅ bas | mya ṅan las ’das pa yaṅ ma yin no ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das gal te byaṅ chub sems dpa’ gźan gyi (161b1) don las brtsams te | ’khor ba yoṅs su mi gtoṅ na | de ’khor ba yoṅs su ma btaṅ bas ’dis ji ltar mya ṅan las ’das pa yoṅs su gtaṅ bar mi ’gyur | bcom ldan ’das gal te byaṅ chub sems dpa’ bdag gi don las brtsams te | mya ṅan las ’das (2) pa yoṅs su mi gtoṅ na | ’dis ji ltar ’khor ba yoṅs su gtaṅ bar mi ’gyur lags | bcom ldan ’das kyis bka’ stsal pa | byams pa ’di la byaṅ chub sems dpa’ śes rab kyi pha rol tu phyin pa la spyod pa | ’khor ba la yaṅ ’khor ba ñid du rnam par (3) mi rtog | mya ṅan las ’das pa la yaṅ mya ṅan las ’das pa ñid du rnam par mi rtog ste | de de ltar rnam par mi rtog pas | ’di lta ste | ’khor ba daṅ mya ṅan las ’das pa de dag mñam pas mñam par ’gyur ro ||
de ci’i phyir źe na | ’di ltar de ’khor ba la ’khor (4) ba ñid du rnam par mi rtog pas | ’khor ba las yid byuṅ bar mi ’gyur ro ||
de bźin du mya ṅan las ’das pa la yaṅ mya ṅan las ’das pa ñid du mi rtog pas | mya ṅan las ’das pa las ñams par yaṅ mi ’gyur te | de bźin du ’khor ba na yaṅ mi ñams so ||
de ltar (5) rnam par mi rtog pa’i dbyiṅs la gnas pa de rigs pa ’dis ’khor ba yaṅ yoṅs su mi gtoṅ la | mya ṅan las ’das pa yaṅ yoṅs su mi gtoṅ bar rig par bya’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di (6) skad ces gsol to ||
bcom ldan ’das ’o na byaṅ chub sems dpa’ śes rab kyi pha rol tu phyin pa la spyod pa | rnam par mi rtog pa’i dbyiṅs la gnas pas | ’khor ba ji ltar ma btaṅ ba de ltar blaṅs pa yaṅ ma mchis śiṅ | mya ṅan las ’das pa ji ltar ma (7) btaṅ ba de ltar blaṅs pa yaṅ ma mchis par mi ’gyur lags sam | bcom ldan ’das gal te blaṅs pa ma mchis na ji ltar ma btaṅ ba lags | bcom ldan ’das kyis bka’ stsal pa | byams pa ṅa ni ’di ltar ’khor ba len to źe ’am mi len to źes mi smra’o ||
byams pa ’o na kyaṅ (162a1) śes rab kyi pha rol tu phyin pa la spyod pa’i byaṅ chub sems dpa’ rnam par mi rtog pa’i dbyiṅs la dmigs pa’i ye śes kyis sems la dbaṅ thob pa thabs la mkhas pas ’khor ba bstan pa’i phyir | phyogs bcu’i ’jig rten na ’jig rten gyi khams gaṅ g’i (2) kluṅ gi bye ma sñed dag tu yoṅs su mya ṅan las ’das pa’i byaṅ chub sems dpa’ rnams la ’khor ba yoṅs su mi gtoṅ ba’o ||
stoṅ pa ñid mi dmigs pa’i dbyiṅs la gnas pa’i phyir | mya ṅan las ’das pa yoṅs su mi gtoṅ ba’o źes ṅa smra’o ||
de (3) skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das rnam par mi rtog pa’i mtshan ñid ’dus par ji ltar blta bar bgyi | bcom ldan ’das kyis bka’ stsal pa | byams pa gzugs gaṅ (4) yin pa daṅ | tshor ba gaṅ yin pa daṅ | ’du śes gaṅ yin pa daṅ | ’du byed rnams gaṅ yin pa daṅ | rnam par śes pa gaṅ yin pa daṅ | saṅs rgyas kyi chos rnams kyi bar du gaṅ yin pa daṅ | saṅs rgyas kyi chos rnams kyi bar gyi stoṅ pa ñid gaṅ yin pa daṅ | (5) chos de dag daṅ stoṅ pa ñid de’i dṅos po daṅ dṅos po med pa gñis su med pa spros pa med pa gaṅ yin pa de ni | byams pa rnam par mi rtog pa’i mtshan ñid ’dus par blta’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas (6) ’di skad ces gsol to ||
bcom ldan ’das ci ñan thos thams cad gcig tu ṅes par gtan du mya ṅan las ’das pa la gnas pa lags sam | bcom ldan ’das kyis bka’ stsal pa | byams pa de ni ma yin no ||
de ci’i phyir źe na | byams pa ’jig rten ’di ni (7) khams sna tshogs pa khams du ma ste | khams sna tshogs pa khams du ma’i ’jig rten de na sems can gyi rigs daṅ raṅ bźin maṅ du dmigs te | byams pa gaṅ thog ma ñid nas bzaṅ po’i bye brag don du gñer te | bzaṅ po’i bye brag ñid thob par ’gyur ba’i (162b1) sems can gyi rigs kyi rnam pa de lta bu yaṅ yod | gaṅ thog ma ñid nas dman pa’i bye brag don du gñer te | dman pa ñid thob la de ñid kyis chog par ’dzin pa’i rigs kyi rnam pa de lta bu yaṅ yod | gaṅ thog ma ñid dman pa’i bye brag don du gñer te | dman pa ñid (2) thob la dman par śes nas de tsam gyis chog par mi ’dzin gyi | de’i ’og tu bzaṅ po’i bye brag tshol źiṅ bzaṅ po thob par ’gyur ba’i rigs kyi bye brag de lta bu yaṅ yod do ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad (3) ces gsol to ||
bcom ldan ’das sems can rnams kyi rigs kyi rnam pa gsum pa gaṅ lags pa de dgra bcom pa ñid thob nas | bla na med pa yaṅ dag par rdzogs pa’i byaṅ chub don du gñer kyaṅ skye ba ma mchis pas ji ltar thob par ’gyur | bsgrub pa ñid de’i skye ba (4) lags par ni | bcom ldan ’das kyis bka’ ma stsal lags so ||
bcom ldan ’das kyis bka’ stsal pa | byams pa de’i skye ba las daṅ ñon moṅs pa’i dbaṅ gis ’gyur bar ni ṅa mi ’dogs kyi | de’i skye ba bsam gyis mi khyab pa daṅ | sprul pa daṅ yoṅs su bsṅos (5) pa’o ||
de skad ces bka’ stsal pa daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das ’di ltar thog ma ñid nas bzaṅ po’i bye brag don du gñer źiṅ bzaṅ po’i bye brag ñid thob par ’gyur ba | (6) byaṅ chub sems dpa’ sems dpa’ chen po’i bsam pa rlabs po che daṅ | che ba’i lhag pa’i bsam pa ni ṅo mtshar lags so ||
bcom ldan ’das byaṅ chub sems dpa’ rnams kyi bsam pa rlabs po che ni gaṅ lags | che ba’i lhag pa’i bsam pa ñid ni gaṅ lags so ||
(7) bcom ldan ’das kyis bka’ stsal pa | byams pa byaṅ chub sems dpa’ rnams brgya byin ñid daṅ | tshaṅs pa ñid daṅ | ’jig rten skyoṅ ba ñid daṅ | ’khor los sgyur ba ñid thams cad daṅ | ’jig rten gyi phun sum tshogs pa thams cad don du gñer ba ma yin gyi | de (163a1) dag la mi chags śiṅ mi ’dzin pa gaṅ yin pa ’di ni byaṅ chub sems dpa’ rnams kyi bsam pa rlabs po che’o ||
byaṅ chub sems dpa’ rnams ’di lta ste | ’du byed yoṅs su mi gtoṅ bas | de la ma chags pa’i bde ba daṅ ’dzin pa med pa’i bde (2) ba daṅ | mya ṅan las ’das ’i bde ba sems can thams cad daṅ | thun moṅ du bya bar ’dod ciṅ | bla na med pa yaṅ dag par rdzogs pa’i byaṅ chub tu sṅo bar byed pa gaṅ yin pa ’di ni de dag gi che ba ñid kyi lhag pa’i bsam par blta bar bya’o ||
de skad ces bka’ stsal pa (3) daṅ | bcom ldan ’das la byaṅ chub sems dpa’ byams pas ’di skad ces gsol to ||
bcom ldan ’das byaṅ chub sems dpa’i chos rnams ni ṅo mtshar rmad du byuṅ ba lags so ||
byaṅ chub sems dpa’i bslab pa ni ṅo mtshar rmad du byuṅ ba lags so ||
bcom (4) ldan ’das rigs kyi bu’am rigs kyi bu mo byaṅ chub sems dpa’i chos ṅo mtshar rmad du byuṅ ba rnams la slob par ’tshal bas bla na med pa yaṅ dag par rdzogs pa’i byaṅ chub tu sems bskyed par bgyi lags so ||
śes rab kyi pha rol tu phyin pa khri brgyad stoṅ pa las | byaṅ chub (5) sems dpa’i bslab pa rab tu dbye ba’i le’u źes bya ste | brgyad cu rtsa gsum pa’o || ||
śes rab kyi pha rol tu phyin pa khri brgyad stoṅ pa | bam po lṅa bcu rtsa brgyad pa | de nas yaṅ bcom ldan ’das kyis ’khor bźi po de dag yaṅ dag par rab tu dga’ (6) bar mdzad pa’i phyir yaṅ śes rab kyi pha rol tu phyin pa ’di ston ciṅ | de’i tshe tshigs su bcad pa ’di dag bka’ stsal to ||
dga’ daṅ gus daṅ dad pa’i mchog ni ñer gźag ste ||
sgrib pa ñon moṅs bsal nas dri ma las ’das pa ||
’gro don mṅon źugs des pa’i (7) śes rab pha rol phyin ||
gaṅ la dpa’ rnams spyod pa de ni mñan par gyis ||
’dzam bu’i gliṅ ’dir chu kluṅ ji sñed cig ’bab ciṅ ||
me tog ’bras ldan sman daṅ nags tshal skyed byed pa ||
ma dros gnas pa’i klu dbaṅ klu bdag rten gnas te ||
de ni klu yi bdag po de yi (163b1) mthu dpal yin ||
rgyal ba’i ñan thos pa dag ji sñed chos ston daṅ ||
’chad daṅ rigs pa dag daṅ ldan par brjod pa daṅ ||
mchog ’phags bde ba byed daṅ de yi ’bras thob pa ||
de dag kun kyaṅ de bźin gśegs pa’i skyes bu’i mthu ||
ci phyir źe na rgyal bas chos tshul (2) gaṅ bstan pa ||
de la mi mchog slob mar gyur pas mṅon bslabs śiṅ ||
mṅon sum byas nas bslabs pa ji bźin ston byed de ||
saṅs rgyas mthus byed raṅ gi stobs kyi mthus ma yin ||
gaṅ la śes rab pha rol phyin mchog mi dmigs śiṅ ||
byaṅ chub (3) sems dpa’ mi dmigs byaṅ chub sems mi dmigs ||
de skad thos nas rmoṅs pa med ciṅ skrag med pa ||
byaṅ chub sems dpa’ de ni bde gśegs śes rab spyod ||
gzugs med tshor ba med ciṅ ’du śes sems pa med ||
de la rnam śes gnas ni rdul tsam yod (4) ma yin ||
de chos kun la mi gnas gnas pa med par spyod ||
yoṅs su gzuṅ med bde gśegs rnams kyi byaṅ chub ’thob ||
ji ltar kun tu rgyu ba bzo sbyaṅs śes pa yis ||
dmigs med phuṅ po rnam par ’jig pa ’byuṅ ba ltar ||
byaṅ chub sems dpa’ gaṅ źig (5) de ltar chos śes pa ||
mya ṅan ’das la mi reg de ni śes rab gnas ||
yaṅ ’di śes rab ’di ni gaṅ yin su yi yin ||
gaṅ las yin źes chos ’di thams cad stoṅ par rtog | ñe bar brtags nas źum pa med ciṅ skrag med pa ||
byaṅ chub sems dpa’ de ni byaṅ chub ñe (6) ba yin ||
gal te mi śes bźin du gzugs su ’du śes śiṅ ||
tshor ba sems pa rnam śes phuṅ por spyod byed ciṅ ||
phuṅ ’di stoṅ źes rtog na’aṅ byaṅ chub sems dpa’ ni ||
mtshan ma la spyod skye med gnas la dad ma yin ||
gaṅ źig gzugs min tshor min ’du śes (7) sems pa min ||
rnam par śes la mi spyod gnas pa med par spyod ||
de ni spyod ces bya bar mi dmigs śes rab brtan ||
skye med blo ldan tiṅ ’dzin źi ba mchog la reg | byaṅ chub sems gaṅ de ltar ’dir bdag źir gnas pa ||
de ni sṅon gyi de bźin gśegs pas luṅ (164a1) bstan yin ||
bdag ni mñam par gźag ce’am laṅs źes rlom sems med ||
ci phyir źe na chos kyi raṅ bźin yoṅs śes phyir ||
de ltar spyod na bde gśegs rnams kyi śes rab spyod ||
des ni spyod med spyod pa yin par rab śes phyir ||
chos (2) gaṅ spyod pa de yaṅ dmigs par mi ’gyur te ||
’di ni śes rab pha rol phyin mchog spyod pa yin ||
gaṅ źig yod pa ma yin de ni med ces bya ||
byis pa rnams kyis de brtags yod daṅ med par byed ||
yod daṅ med pa ’di gñis med pa’i chos yin te ||
byaṅ chub sems (3) dpa’ gaṅ gis ’di śes ṅes par ’byuṅ ||
gaṅ ’dir phuṅ po lṅa dag sgyu ma ’drar śes śiṅ ||
sgyu ma gźan daṅ phuṅ po gźan du mi byed la ||
sna tshogs ’du śes bral źiṅ ñe bar źi spyod pa ||
’di ni śes rab pha rol phyin mchog spyod pa yin ||
dge ba’i bśes daṅ ldan (4) źiṅ lhag mthoṅ ldan gyur pa ||
rgyal ba rnams kyi yum thos skrag par yoṅ mi ’gyur ||
gaṅ źig sdig pa’i grogs ldan gźan gyi driṅ ’jog pa ||
de ni snod so ma btaṅ chus reg źig pa bźin ||
ci phyir ’di ni byaṅ chub sems dpa’ bya źe na ||
chags pa gcod byed kun la (5) chags pa zad par ’dod ||
rgyal ba rnams kyi byaṅ chub chags med gyur la reg | des na ’di ni byaṅ chub sems dpa’i miṅ thob bo ||
ci phyir ’di ni sems dpa’ che źes bya źe na ||
sems can tshogs rnams maṅ po’i mchog tu gyur pa daṅ ||
sems can khams kyi (6) lta rnams chen po gcod pa ste ||
de phyir sems dpa’ chen po źes ni rab brjod do ||
gtoṅ ba che daṅ blo che ba daṅ mthu che daṅ ||
rgyal ba rnams kyi theg chen mchog la źugs pa daṅ ||
go cha chen po bgos śiṅ bdud kyi sgyu ’dul ba ||
de yi phyir na sems dpa’ che źes rab (7) tu brjod ||
dper na sgyu ma mkhan gyis bźi mdor sprul byas te ||
skye bo phal chen mgo maṅ bye ba gcod byed pa’i ||
gsad bya de dag ci ’dra de ltar byaṅ chub sems ||
’di kun sprul ’drar rab śes de la ’jigs pa med ||
gzugs daṅ ’du śes tshor ba daṅ ni (164b1) sems pa daṅ ||
rnam par śes pa ma bciṅs ma grol yod pa min ||
de ltar byaṅ chub la ’jug źum pa’i sems med pa ||
’di ni gaṅ zag dam pa rnams kyi go cha mchog | ci phyir ’di ni byaṅ chub theg chen bya źe na ||
de gaṅ źon nas sems can thams cad mya ṅan zlo ||
(2) theg pa ’di ni mkha’ ’dra gźal med khaṅ chen te ||
dga’ skyid bde ba mṅon par ’thob byed theg pa’i mchog | gaṅ źig źon nas phyogs su ’gro ba dmigs su med ||
mya ṅan ’das par ’gro bar gsuṅs pa ’gro mi dmigs ||
dper na mi śi de yis ’gro rgyu med pa (3) bźin ||
rgyu nas de ni mya ṅan ’das źes rab tu brjod ||
byaṅ chub sems dpa’ sṅon gyi mtha’ daṅ phyi mtha’ daṅ ||
da ltar byuṅ bar mi dmigs dus gsum dag pa ste ||
gaṅ dag de ni ’dus ma byas yin spros med de ||
’di ni śes rab pha rol phyin mchog spyod pa (4) yin ||
byaṅ chub sems dpa’ mkhas rig gaṅ gi dus kyi tshe ||
skye med rnam par bsams te ’di ltar spyod byed ciṅ ||
sñiṅ rje chen po bskyed kyaṅ sems can ’du śes med ||
’di ni śes rab pha rol phyin mchog spyod pa yin ||
gal te sems can ’du śes sdug (5) bsṅal ’du śes bskyed ||
’gro ba rnams kyi don bya sdug bsṅal spaṅ sñam ste ||
bdag daṅ sems can yos rtog byaṅ chub sems dpa’ ste ||
’di ni śes rab pha rol phyin mchog spyod ma yin ||
bdag ci ’dra ba de ’drar sems can thams cad śes ||
sems can (6) thams cad ci ’dra de ’drar chos kun śes ||
skye ba med daṅ skye ba gñi gar mi rtog pa ||
’di ni śes rab pha rol phyin mchog spyod pa yin ||
’jig rten dag na chos miṅ ji sñed yoṅs brjod pa ||
kun la skye ba daṅ ni yaṅ dag ’das spaṅs nas ||
ye śes ’chi med (7) dam pa de las gźan med ’thob ||
de phyir ’di ni śes rab pha rol phyin ces bya ||
byaṅ chub sems dpa’ gaṅ źig dogs med de ltar spyod ||
śes rab ldan te mñam ñid gnas par śes par bya ||
chos rnams raṅ bźin med par yoṅs su śes gyur pa ||
’di ni śes (165a1) rab pha rol phyin mchog spyod pa yin ||
gaṅ źig gzugs la mi gnas tshor la mi gnas śiṅ ||
gaṅ źig ’du śes mi gnas sems par mi gnas la ||
rnam śes gaṅ mi gnas pa chos ñid gnas pa ste ||
’di ni śes rab pha rol phyin mchog (2) spyod pa yin ||
rtag daṅ mi rtag pa de daṅ sdug bsṅal sdug mi sdug | bdag daṅ bdag med de bźin ñid daṅ de bźin stoṅ ||
’bras bu thob daṅ dgra bcoms la mi gnas śiṅ ||
raṅ rgyal sa daṅ de bźin saṅs rgyas sar mi gnas ||
ji ltar ’dren pa ’dus ma byas (3) khams mi gnas śiṅ ||
de bźin ’dus byas la yaṅ mi gnas gnas med spyod ||
de ltar byaṅ chub sems dpa’ gnas la gnas med gnas ||
gnas med gnas yin ’di ni rgyal bas gnas par gsuṅs ||
gaṅ dag bde gśegs ñan thos ’gyur bar bya sñam (4) daṅ ||
raṅ saṅs rgyas daṅ de bźin chos rgyal ’gyur ’dod pa ||
bzod pa ’di la ma brten ’thob par mi nus te ||
dper na tshu rol pha rol ’gro dogs mi mthoṅ bźin ||
chos ’chad pa daṅ ñan daṅ bśad bya gaṅ yin daṅ ||
’bras bu thob daṅ rkyen rgyal de (5) bźin ’jig rten mgon ||
mkhas pa gsal bas thob pa’i mya ṅan ’das gaṅ yin ||
de kun sgyu ma lta bur de bźin gśegs pas bstan ||
gaṅ zag bźi po ’di dag de la mi skrag ste ||
rgyal sras bden la mkhas daṅ phyir mi ldog pa daṅ ||
dgra bcom dri ma (6) bsal źiṅ som ñi spaṅs pa daṅ ||
bźi pa dge ba’i bśes kyis yoṅs su zin pa’o ||
byaṅ chub sems dpa’ mkhas rig de ltar spyod pa ni ||
dgra bcom sa la mi slob rkyen rtogs sa la min ||
thams cad mkhyen ñid ched du saṅs rgyas chos rjes slob ||
gaṅ źig slob (7) mi slob la mi slob de slob yin ||
gzugs ’phel yoṅs su ñams daṅ yoṅs su gzuṅ phyir min ||
chos rnams sna tshogs yoṅs su gzuṅ phyir mi slob par ||
slob ciṅ thams cad mkhyen pa ñid kyaṅ yoṅs ’dzin la ||
ṅes ’byuṅ gaṅ yin ’di ni yon tan dga’ ba’i (165b1) slob ||
gzugs ni śes rab ma yin gzugs la śes rab med ||
rnam śes ’du śes tshor daṅ sems pa ’di dag ni ||
śes rab ma yin ’di dag la yaṅ śes rab med ||
’di ni nam mkha’i khams daṅ mtshuṅs te tha dad med ||
dmigs pa rnams kyi raṅ bźin de ni (2) pha mtha’ med ||
sems can raṅ bźin gaṅ yin de yaṅ pha mtha’ med ||
nam mkha’i khams kyi raṅ bźin de yaṅ pha mtha’ med ||
’jig rten mkhyen pa’i śes rab de yaṅ pha mtha’ med ||
’du śes tshu rol yin źes ’dren pas yoṅs su bsgrags ||
’du śes rnam par (3) bśig nas spoṅ ba pha rol ’gro ||
gaṅ dag ’du śes bral ba ’di ni rjes thob pa ||
de dag pha rol phyin nas ston pa’i bka’ la gnas ||
gal te ston pas kyaṅ ni gaṅ g’i bye sñed kyi ||
bskal par bźugs te sems can źes sgra yoṅs bsgrags kyaṅ ||
gzod (4) nas dag pas sems can skye bar ga la ’gyur ||
’di ni śes rab pha rol phyin mchog spyod pa yin ||
gaṅ tshe ṅa ni pha rol phyin pa mchog ’di daṅ ||
’thun par smra ’gyur de tshe sṅon gyi skyes mchog gis ||
ma ’oṅs pa yi dus na saṅs rgyas ’gyur ro źes ||
ṅa luṅ (5) bstan par gyur ces rgyal ba de skad gsuṅ ||
śes rab pha rol phyin pa gaṅ la mgon spyod pa ||
’di ni gaṅ źig gus byas ’dzin daṅ chub byed pa ||
de la dug daṅ mtshon daṅ me daṅ chus mi tshugs ||
bdud daṅ bdud kyi phyogs kyis glags kyaṅ rñed mi ’gyur ||
(6) la las bde gśegs yoṅs su mya ṅan ’das pa yi ||
mchod rten rin chen bdun las byas śiṅ mchod byed la ||
bde bar gśegs pa’i mchod rten de dag gaṅ g yi ||
bye ma sñed kyis bye ba phrag stoṅ źiṅ bkaṅ ste ||
yoṅs su brtag bzuṅ źiṅ rnams bye ba (7) mtha’ yas na ||
sems can ji sñed ’khod pa de dag thams cad kyis ||
las gźan mi byed lha yi me tog spos rab daṅ ||
byug pas dus gsum bskal pa’am de bas lhag mchod la ||
gaṅ źig gaṅ las rnam ’dren stobs bcu ’byuṅ ’gyur ba ||
bde bar gśegs (166a1) kyi yum ’di glegs bam la bris te ||
’chaṅ źiṅ me tog byug pas bsti staṅ byed gyur na ||
mchod rten byas mchod bsod nams des ni char mi phod ||
rgyal pa’i śes rab pha rol phyin ’dir rig sṅags che ||
sems can khams maṅ mya ṅan sdug (2) bsṅal chos źi byed ||
gaṅ dag ’das daṅ gaṅ dag phyogs bcu’i ’jig rten mgon ||
rig sṅags ’di bslabs sman pa’i rgyal po bla med ’gyur ||
gaṅ dag phan daṅ sñiṅ rjer bcas pa spyad spyod pa ||
rig sṅags ’di la bslabs nas mkhas pa byaṅ chub reg | ’dus (3) byas bde daṅ ’dus ma byas ba de gaṅ yin pa ||
bde ba de kun ’di las ’byuṅ bar rig par bya ||
sa bon btab nas sa la gnas te ’byuṅ ’gyur ba ||
tshogs pa rñed nas rnam maṅ gzugs dag rnam par skye ||
pha rol phyin lṅa byaṅ chub yon tan ji sñed pa ||
de dag (4) kun kyaṅ śes rab pha rol phyin las skye ||
’khor los sgyur rgyal lam gaṅ nas ni rtag ’gro ba ||
lam de ñid nas rin chen bdun daṅ dpuṅ tshogs kun ||
gaṅ nas rgyal ba’i śes rab pha rol phyin ’di ’gro ||
de ñid nas ni yon tan chos kun ’gro bar ’gyur ||
rgyal (5) bas brgya byin dri ba yoṅs dris lan gsol pa ||
gal te gaṅ g’i bye sñed saṅs rgyas źiṅ gyur la ||
de kun rgyal ba’i riṅ bsrel byur bur bltam gyur kyaṅ ||
bdag ni śes rab pha rol phyin pa ’di ñid len ||
ci slad cen sku gduṅ mi gus bdag ma lags ||
’on (6) kyaṅ śes rab yoṅs su bsgos pas mchod par bgyid ||
dper na rgyal po rten mi rim gro thob pa ltar ||
saṅs rgyas riṅ bsrel śes rab pha rol phyin la brten ||
nor bu rin chen yon tan kun ldan rin thaṅ med ||
gab tshe gaṅ du stsal pa de ni phyag bgyi ’os ||
(7) de byuṅ gyur kyaṅ gab tshe la ni dga’ bgyid de ||
yon tan de dag nor bu rin chen de yi lags ||
de bźin śes rab pha rol phyin mchog yon tan gyis ||
rgyal ba mya ṅan ’das kyaṅ riṅ bsrel mchod pa brñes ||
de ltas gaṅ źig rgyal ba’i yon tan ’dzin ’tshal (166b1) des ||
śes rab pha rol phyin blaṅ ’di ni thar ba lags ||
sbyin pa sbyin pa’i sṅon du ’gro ba śes rab ste ||
tshul khrims bzod pa brtson ’grus bsam gtan de bźin no ||
dge chos chud mi gzan phyir yoṅs su ’dzin pa yin ||
’di ni chos rnams thams (2) cad tshul gcig ston par byed ||
dper na ’dzam bu’i gliṅ na śiṅ rnams bye ba stoṅ ||
rnam pa sna tshogs rnam pa du ma gzugs maṅ ba ||
grib mar gyur pa’i graṅs su brjod pa ma gtogs par ||
grib ma sna tshogs med ciṅ bye brag yod ma yin ||
de bźin (3) rgyal ba’i pha rol phyin lṅa ’di dag kyaṅ ||
śes rab pha rol phyin pa’i miṅ ñid thob par ’gyur ||
thams cad mkhyen pa ñid phyir yoṅs su bsṅos byas na ||
byaṅ chub ces byar drug po ’di kun ro gcig ’gyur ||
byaṅ chub sems dpa’ gal te rab tu mi śes (4) bźin ||
gzugs daṅ ’du śes tshor daṅ sems pa rnam par śes ||
mi rtag yoṅs su ston pa bcos la spyod pa ste ||
mkhas pa nam yaṅ chos rnams ’jig par mi byed do ||
gaṅ la gzugs min tshor min ’du śes mi dmigs śiṅ ||
rnam par śes pa (5) ma yin sems pa mi dmigs la ||
chos kun skye med stoṅ pa’i tshul du rab śes pa ||
’di ni śes rab pha rol phyin mchog spyod pa yin ||
la las gaṅ g’i kluṅ gi bye sñed źiṅ rnams na ||
sems can ji sñed ’khod kun dgra bcom ñid btul bas ||
gaṅ gis (6) śes rab pha rol phyin ’di yig bris te ||
sems can mchog la glegs byin bsod nams khyad par ’phags ||
ci phyir źe na smra mchog de dag ’dir bslabs nas ||
chos rnams mtha’ dag stoṅ pa ñid du ’dir ston byed ||
de thos ñan thos myur du rnam par grol la reg | (7) raṅ rgyal byaṅ chub daṅ ni saṅs rgyas byaṅ chub reg | myu gu med par ’jig rten sdoṅ ’byuṅ yoṅ med na ||
de la yal ’dab me tog ’bras bu ga la ’byuṅ ||
byaṅ chub sems med rgyal ’byuṅ ’jig rten yoṅ med na ||
’bras bu brgya byin tshaṅs pa ñan thos ga la ’byuṅ | (167a1) ñi ma’i dkyil ’khor gaṅ tshe ’od kyi dra ba ’gyed ||
de tshe sems can las byed brtson pa de bźin du ||
mkhas pa śes phyir ’jig rten byaṅ chub sems byuṅ na ||
ye śes kyis ni sems can yon tan chos daṅ ldan ||
dper na ma dros ma tshol (2) klu bdag med gyur na ||
’dzam bu’i gliṅ ’dir chu kluṅ ’bab par ga la ’gyur ||
chu kluṅ med na me tog ’bras bu ’byuṅ mi ’gyur ||
rgya mtsho la yaṅ rin chen gzugs maṅ med par ’gyur ||
de bźin ’dir yaṅ byaṅ chub sems med bde gśegs kyi ||
(3) ye śes ’jig rten ’di dag kun tu ga la ’byuṅ ||
ye śes med na yon tan ’phel med byaṅ chub med ||
rgya mtsho ’dra ba’i saṅs rgyas chos kyaṅ med par ’gyur ||
’jig rten ’di na snaṅ byed srog chags ji sñed pa ||
kun gyis snaṅ bar bya phyir ’od rnams phyuṅ (4) ba bas ||
ñi ma’i dkyil ’khor ’od zer gcig phyuṅ ches mchog ste ||
snaṅ byed tshogs kyi ’od rnams kun gyis char mi phod ||
ñan thos tshogs rnams ji sñed sbyin daṅ tshul khrims daṅ ||
bsgom daṅ rab tu ldan pa’i bsod nams tshogs skyed pa’aṅ ||
byaṅ (5) chub sems dpa’ rjes su yi raṅ sems gcig la ||
ñan thos tshogs kyi bsod nams phuṅ pos char mi phod ||
’das dus sṅon gyi saṅs rgyas bye ba khrag khrig gaṅ ||
źiṅ maṅ mtha’ yas bye stoṅ dag na gaṅ bźugs daṅ ||
gaṅ yaṅ mya ṅan ’das pa (6) ’jig rten mgon po rnams ||
sdug bsṅal zad par bya phyir rin chen chos ston pa ||
daṅ po byaṅ chub mchog tu thugs bskyed bskyed pa nas ||
rnam par ’dren pa rnams kyi dam chos zad kyi dus ||
de bar rgyal ba de dag bsod nams gaṅ yin pa ||
pha rol (7) phyin daṅ ldan daṅ saṅs rgyas chos gaṅ daṅ ||
gaṅ yaṅ saṅs rgyas sras rnams daṅ ni ñan thos daṅ ||
slob daṅ mi slob dge ba zag bcas zag med pa ||
bsdus nas byaṅ chub sems dpa’ rjes su yi raṅ źiṅ ||
’gro ba’i don rgyu byaṅ chub phyir ni thams cad (167b1) bsṅo ||
yoṅs bsṅo gal te sems su ’du śes ’byuṅ ’gyur źiṅ ||
byaṅ chub ’du śes yoṅs bsṅo sems can ’du śes na ||
’du śes phyir na lta gnas sems ni gsum la chags ||
dmigs pa yod pas yoṅs su bsṅo bar chud ma yin ||
gal te ’di (2) ltar chos ’di ’gags śiṅ zad pa daṅ ||
gaṅ du yoṅs su bsṅo ba de yaṅ zad pa daṅ ||
chos kyis chos la nam yaṅ mi bsṅo śes gyur na ||
de ltar rab tu śes pas yoṅs su bsṅos pa yin ||
gal te mtshan mar byed na de ni bsṅo ma yin ||
ji ste mtshan ma (3) med na byaṅ chub bsṅo ba yin ||
ji ltar dug daṅ ’dres pa’i kha zas bzaṅ za ba ||
dkar po’i chos la dmigs pa’aṅ de ’drar rgyal bas gsuṅs ||
de ltas ’di ltar yoṅs su bsṅo ba bslab bya ste ||
ji ltar rgyal ba de dag dge ba de mkhyen pa’i ||
rnam pa gaṅ (4) yin ’byuṅ gaṅ mtshan ñid gaṅ yin la ||
rjes su yid raṅ de lta de ltar yoṅs su bsṅo ||
de ltar bsod nams byaṅ chub yoṅs su sṅo byed na ||
dug med saṅs rgyas mi spoṅ rgyal bas gsuṅs pa smra | de ltar yoṅs bsṅo dpa’ bos ’jig rten dmigs (5) can gyi ||
byaṅ chub sems dpa’ ji sñed thams cad zil gyis gnon ||
dmus loṅ dmigs bu med pa bye ba khrag khrig rnams ||
lam yaṅ mi śes groṅ khyer ’jug par ga la ’gyur ||
śes rab med na mig med pha rol phyin lṅa ’di ||
dmigs bu (6) med pas byaṅ chub reg par nus ma yin ||
gaṅ tshe śes rab kyis ni rab tu zin gyur na ||
de tshe mig rñed gyur ciṅ ’di yi miṅ thob bo ||
dper na ri mo’i las ni yoṅs zin mig med pa ||
ji srid mig ma bris pas rṅan pa mi thob bźin ||
gaṅ tshe ’dus (7) byas ’dus ma byas daṅ dkar nag chos ||
śes rab rnam par bśig nas rdul tsam mi dmigs tshe ||
’jig rten dag na śes rab pha rol phyin graṅs ’gro ||
nam mkha’ gaṅ la’aṅ cuṅ zad mi gnas de daṅ ’dra ||
gal te bdag ni rgyal ba’i śes rab spyad bya źiṅ ||
(168a1) sems can sdug bsṅal reg pa khrag khrig maṅ dgrol sems ||
sems can ’du śes yoṅs rtog byaṅ chub sems dpa’ de ||
’di ni śes rab pha rol phyin mchog spyod ma yin ||
byaṅ chub sems dpa’ gaṅ źig sṅon chad spyod pa’i tshe ||
(2) pha rol phyin ’dir spyod pa mkhas pa som ñi med ||
thos ma thag tu des ni ston pa’i ’du śes bskyed ||
des ni byaṅ chub źi ba myur du rtogs par ’gyur ||
sṅon spyod tshe na saṅs rgyas khrag khrig bkur byas kyaṅ ||
rgyal ba’i śes rab pha rol phyin lam dad na ||
thos (3) nas blo chuṅ de yis ’di ni spoṅ byed de ||
spaṅs nas skyabs med gyur pa de ni mnar med ’gro ||
de lta bas na gal te saṅs rgyas ye śes mchog | reg par ’dod na rgyal ba’i yum ’dir dad par gyis ||
dper na tshoṅ pa rin chen gliṅ du soṅ nas ni ||
zoṅ zad slar log (4) lta bur gyur na mi ruṅ ṅo ||
gzugs kyi dag pa ’bras bu dag par rig par bya ||
’bras bu gzugs dag thams cad mkhyen ñid dag par ’gyur ||
thams cad mkhyen ñid ’bras bu dag daṅ gzugs dag pa ||
nam mkha’i khams daṅ mtshuṅs te dbyer med gcad du (5) med ||
dpa’ bo gar spyod śes rab pha rol phyin pa yis ||
khams gsum yaṅ dag ’das la rnam par grol ba’aṅ min ||
ñon moṅs bsal bar gyur kyaṅ skye ba ston par byed ||
rga daṅ na daṅ ’chi ba med kyaṅ ’chi ’pho ston ||
’gro ba ’di dag miṅ daṅ (6) gzugs kyi ’dam la chags ||
rluṅ gi ’khor lo lta bu’i ’khor ba’i ’khor lor ’khyam ||
’gro ba ’khrul pa ri dgas rgyar chud ’drar śes nas ||
śes rab ldan pa mkha’ la bya bźin rnam par rgyu ||
spyod pa yoṅs dag gaṅ źig gzugs la mi spyod ciṅ ||
(7) rnam śes ’du śes tshor ba sems par mi spyod na ||
de ltar spyod pa chags pa thams cad yoṅs spoṅ źiṅ ||
chags las rnam grol bde gśegs rnams kyi śes rab spyod ||
de ltar spyod pa’i byaṅ chub sems dpa’ mkhas gsal pa ||
chags pa bcad nas (168b1) ’gro la chags pa med par ’gro ||
ñi ma sgra gcan gza’ bral lhaṅ ṅer ’dug pa daṅ ||
me btaṅ rtswa daṅ śiṅ daṅ nags chal bsregs pa bźin ||
chos rnams thams cad raṅ bźin dag ciṅ yoṅs dag par ||
byaṅ chub sems dpa’ śes rab pha rol phyin lta na ||
(2) byed pa po yaṅ mi dmigs chos kun mi dmigs te ||
’di ni śes rab pha rol phyin mchog spyod pa yin ||
rgyal ba la ni lha rgyal brgya byin gyis źus pa ||
byaṅ chub sems dpa’ śes rab spyod pa ji ltar brtson ||
phuṅ po khams la rdul tsam brtson par mi byed ciṅ ||
phuṅ (3) por mi brtson de ni byaṅ chub sems dpa’i brtson ||
gaṅ źig chos ’di sprul daṅ sgyu ma ’drar thos nas ||
som ñi med ciṅ slob la phyir źiṅ spyod byed pa ||
sems can de ni riṅ nas theg chen źugs rig bya ||
saṅs rgyas bye ba khrag khrig maṅ la lhag byas yin ||
(4) dgon pa’i lam ni dpag tshad maṅ por źugs pa’i mis ||
gnag rdzi mtshams kyi nags tshal phun sum tshogs mthoṅ nas ||
’di dag groṅ daṅ groṅ khyer ñe ba’i rtags sñam ste ||
dbugs phyin rñed par ’gyur źiṅ chom rkun ’jigs pa med ||
de bźin byaṅ chub (5) yoṅs su tshol tshe rgyal rnams kyi ||
śes rab pha rol phyin ’di mñan pa gaṅ thob pa ||
de ni dbugs phyin thob par gyur ciṅ ’jigs med de ||
dgra bcoms la ma yin rkyen rtogs sa la min ||
mi źig rgya mtsho’i chu ni blta phyir ’gro ba yis ||
gal te śiṅ daṅ (6) nags tshal ri mthoṅ da duṅ riṅ ||
ci ste rtags ma mthoṅ na rgya mtsho chen po ni ||
ñe bar gyur to sñam ste de la som ñi med ||
de ltar byaṅ chub dam par rab źugs rgyal ba yi ||
śes rab pha rol phyin ’di mñan par rig par bya ||
rnam par ’dren pas mṅon (7) sum luṅ bstan ma gyur kyaṅ ||
saṅs rgyas byaṅ chub riṅ por mi thogs pa dag reg ’gyur ||
dpyid dus bzaṅ la sdoṅ po lo ma lhags gyur na ||
yal gas riṅ por mi thogs lo ’bras me tog bskrun ||
śes rab pha rol phyin ’di su yi lag thob pa ||
riṅ por (169a1) mi thogs ’dren pa rnams kyi byaṅ chub thob ||
dper na bud med sbrum gaṅ sdug bsṅal ñen gyur na ||
de ni de yi btsa’ ba’i dus la bab ces bya ||
de bźin byaṅ chub sems dpa’ rgyal ba’i śes rab ñan ||
dga’ daṅ ’dun pa skyed pa myur (2) du byaṅ chub reg | śes rab pha rol phyin mchog spyod tshe rnal ’byor pa ||
gzugs kyi ’phel ba daṅ ni yoṅs su ’grib mi mthoṅ ||
gaṅ źig chos daṅ chos min chos dbyiṅs mi mthoṅ źiṅ ||
mya ṅan ’das la mi reg de ni śes rab gnas ||
gaṅ źig ’dir (3) spyod saṅs rgyas chos rnams mi rtog ste ||
stobs daṅ rdzu ’phrul rkaṅ pa byaṅ chub źi mi rtog | rnam par mi rtog rtog bral byin gyi rlabs kyis spyod ||
’di ni śes rab pha rol phyin mchog spyod pa yin ||
smra ba’i zla ba saṅs rgyas la ni rab ’byor źus ||
yon tan (4) dga’ ba rnams kyi bar du gcod gaṅ lags ||
ston pas bka’ stsal bar du gcod par ’gyur maṅ ste ||
de las re śig cuṅ zad tsam źig yoṅs su brjod ||
rgyal ba’i śes rab pha rol phyin ’di yig ’dri tshe ||
spobs pa tha dad rnam pa du ma ’byuṅ ’gyur źiṅ ||
(5) ’gro ba’i don ma byas par glog bźin myur du yaṅ ||
yoṅs su ñams par ’gyur ba ’di ni bdud kyi las ||
’di bśad tshe na kha cig som ñi za ’gyur te ||
’dren pas ’dir ni bdag gi miṅ yaṅ yoṅs ma brjod ||
rigs daṅ sa daṅ rus kyaṅ yoṅs su ma brjod (6) ces ||
’di ni ñan par mi ’gyur spoṅ ’gyur bdud kyi las ||
de ltar mi śes de dag rtsa ba bor nas ni ||
rmoṅs pas yal ga dag daṅ ’dab ma tshol bar ’gyur ||
glaṅ po rñed nas glaṅ po’i rjes ni tshol ba ltar ||
śes rab pha rol phyin thos mdo tshol de bźin (7) no ||
dper na la las ro brgya ldan pa’i zas rñed la ||
zas mchog rñed nas zas ṅan tshol bar byed pa ltar ||
byaṅ chub sems dpa’ pha rol phyin pa ’di rñed nas ||
dgra bcom sa yi byaṅ chub tshol byed de bźin no ||
bsti staṅ ’dod par ’gyur źiṅ rñed pa ’dod ’gyur (169b1) daṅ ||
lta daṅ bcas pa’i sems kyis khyim ’dris byed ldan źiṅ ||
chos btaṅ nas ni chos min bya ba spyod ’gyur ba ||
lam bor lam gol ’gro ba ’di ni bdud kyi las ||
gaṅ dag de yi tshe na ’dun ciṅ dad gyur nas ||
chos kyi dam pa ’di ni ñan du soṅ ba (2) las ||
de dag gis ni chos smra bya ba ldan rig nas ||
dga’ ba med ciṅ yid mi bde bar gyur nas ’gro ||
de yi tshe na bdud kyi las ’di ’byuṅ bar ’gyur ||
de tshe gaṅ dag gis ni dge sloṅ maṅ dkrugs nas ||
śes rab pha rol phyin ’di ’dzin par mi ’gyur (3) pa’i ||
bar du gcod pa rnam maṅ gźan yaṅ ’byuṅ bar ’gyur ||
rin chen rin thaṅ med pa rñed ’gyur gaṅ dag yin ||
de dag dkon la dus rnams rtag tu ’tshe ba’aṅ maṅ ||
de bźin rgyal ba’i śes rab pha rol phyin pa mchog | rin chen chos kyaṅ (4) dkon la rtag tu ’tshe ba’aṅ maṅ ||
theg pa gsar du źugs pa’i sems can blo chuṅ ba ||
gaṅ źig dkon pa’i rin chen ’di ni ma rñed pa ||
de la bar chad bya phyir bdud ni spro bar ’gyur ||
phyogs bcu’i saṅs rgyas de dag yoṅs su ’dzin la sbyor ||
ma źig (5) na bar gyur la bu ni maṅ yod pa ||
de kun yid mi bde źiṅ de la rim gro byed ||
de bźin phyogs bcu’i ’jig rten khams kyi saṅs rgyas kyaṅ ||
yum gyur śes rab dam pa ’di la dgoṅs pa mdzad ||
gaṅ dag ’das daṅ phyogs bcu’i ’jig rten mgon (6) gaṅ daṅ ||
ma ’oṅs dus na ’byuṅ ’gyur de dag ’di las ’byuṅ ||
’jig rten ston pa rgyal ba rnams kyi skyed byed yum ||
sems can gźan gyi sems kyi spyod pa ston par byed ||
’jig rten de bźin ñid daṅ dgra bcom de bźin ñid ||
raṅ rgyal de bźin | (7) ñid daṅ rgyal sras de bźin ñid ||
gcig pa ñid de dṅos bral gźan min de bźin ñid ||
śes rab pha rol phyin pa de bźin gśegs pas mkhyen ||
mkhas pa ’jig rten gnas sam mya ṅan ’das kyaṅ ruṅ ||
chos ñid skyon med chos rnams stoṅ pa ’di gnas (170a1) te ||
byaṅ chub sems dpas de bźin ñid ’di rjes su rtogs ||
de phyir de bźin gśegs źes saṅs rgyas mtshan gsol to ||
śes rab pha rol phyin pa dga’ tshal la rten pa ||
stobs bcu rnams ’dren rnams kyi spyod yul ’di yin te ||
(2) sems can sdug bsṅal ṅan soṅ gsum las yoṅs ’don kyaṅ ||
de dag nam yaṅ sems can ’du śes ’gyur ba med ||
dper na seṅ ge ri sul brten nas ’jigs med par ||
ri dgas phra mo maṅ skrab khyed ciṅ sgra sgrogs ltar ||
mi yi seṅ ge śes rab pha rol (3) phyin brten nas ||
mu stegs can maṅ skrag byed ’jig rten sgra yaṅ sgrogs ||
dper na nam mkhar gnas pa’i ñi ma’i ’od zer ni ||
sa ’di skems par byed ciṅ gzugs kyaṅ rab tu ston ||
de bźin chos rgyal śes rab pha rol phyin brten pa ||
sred pa’i chu kluṅ (4) skems śiṅ chos kyaṅ rab tu ston ||
gzugs rnams mi mthoṅ tshor ba dag kyaṅ mi mthoṅ źiṅ ||
’du śes mthoṅ ba med la sems pa mi mthoṅ źiṅ ||
gaṅ la rnam par śes daṅ sems yid mthoṅ med pa ||
’di ni chos mthoṅ yin źes de bźin gśegs (5) pas bstan ||
nam mkha’ mthoṅ źes sems can tshig tu rab brjod pa ||
nam mkha’ ji ltaRa mthoṅ ste don ’di brtag par gyis ||
de ltar chos mthoṅ ba yaṅ de bźin gśegs pas bstan ||
mthoṅ ba dpe gźan gyis ni bsñad par nus ma yin ||
gaṅ gis (6) de ltar mthoṅ ba de yis chos kun mthoṅ ||
rgyal po btaṅ sñoms ’dug ciṅ blon po kun byed ltar ||
saṅs rgyas mdzad daṅ ñan thos chos rnams ji sñed pa ||
de dag thams cad śes rab pha rol phyin pa byed ||
rgyal po groṅ du mi ’gro yul ’khor mi ’gro la ||
(7) raṅ gi yul nas ’du ba thams cad srud pa ltar ||
byaṅ chub sems dpa’ chos ñid gaṅ du’aṅ mi ’gro la ||
saṅs rgyas sa yi yon tan gaṅ yin thams cad sdud ||
gaṅ la bde gśegs byaṅ chub sems dpa’ dad brtan yod ||
śes rab pha rol phyin pa mchog (170b1) la bsam sbyor ba ||
ñan thos raṅ rgyal sa gñis śin tu ’das byas nas ||
zil gyis mi non rgyal ba’i byaṅ chub myur du thob ||
dper na rgya mtshor ’jug pa’i gru ni chag gyur la ||
mi gaṅ ro ’am rtswa ’am śiṅ ni mi ’dzin pa ||
chud bus ’jig par ’gyur te ṅogs su (2) phyin mi ’gyur ||
gaṅ źig ’dzin pa rgya mtsho’i pha rol phyin par ’gyur ||
de ltar dad ldan dad pa thob pa gaṅ źig ni ||
śes rab pha rol phyin yum rjes su mi ’jug min ||
de dag thabs kyi yon tan śes rab yoṅs zin na ||
mchog tu rmad byuṅ bde gśegs byaṅ (3) chub myur du reg | dper na la las rdza so ma btaṅ chu skyed na ||
ñam chuṅ phyir ni myur du ’jig par rig par bya ||
so btaṅ bum par chu skyed lam du ’jig pa yi ||
’jigs pa med ciṅ bde bar khyim du phyin par ’gyur ||
de bźin byaṅ chub sems dpa’ dad pa (4) maṅ gyur kyaṅ ||
śes rab rnam par ñams na myur du ma ruṅ ’gyur ||
dad pas śes rab kyis ni yoṅs su zin gyur na ||
sa gñis śin tu ’das te byaṅ chub mchog thob ’gyur ||
dper na bcos legs ma byas gru ni rgya mtsho’i naṅ ||
nor daṅ bcas (5) śiṅ tshoṅ par bcas te ’jig par ’gyur ||
gru de legs par bcos legs byas daṅ ldan gyur na ||
mi ’jig nor daṅ bcas par ṅogs su phyin par gyur ||
de ltar byaṅ chub sems dapa’aka dad pas yoṅs bsgos kyaṅ ||
śes rab med na byaṅ chub las ni myur ñams (6) ’gyur ||
de ñid śes rab pha rol phyin pa mchog ldan na ||
ma smas ma ñams rgyal ba’i byaṅ chub reg par ’gyur ||
lo brgya ñi śu lon te rgas śiṅ sdug bsṅal mi ||
laṅs kyaṅ bdag ñid ’gro bar nus pa ma yin te ||
de ni g-yas g-yon gñis nas mi yis brten (7) byas na ||
’gyel ba’i ’jigs pa med ciṅ bde blag ’gro bar ’gyur ||
de bźin byaṅ chub sems dpa’ śes rab stobs chuṅ ba ||
rab tu źugs par gyur kyaṅ bar du ñams par ’gyur ||
de ñid thabs mkhas śes rab mchog gis yoṅs zin na ||
mi ñams de bźin (171a1) gśegs kyi byaṅ chub reg par ’gyur ||
byaṅ chub sems dpa’ daṅ po’i las kyi sar gnas gaṅ ||
lhag pa’i bsam pas saṅs rgyas byaṅ chub mchog źugs pa ||
slob ma bzaṅ po bla ma gus ldan de dag gis ||
bla ma mkhas pa rnams la rta gaṅ (2) tu bstan par bya ||
ci phyir źe na mkhas pa’i yon tan de las ’byuṅ ||
de dag śes rab pha rol phyin pa rjes su ston ||
saṅs rgyas chos rnams dge ba’i bśes la bsten to źes ||
yon tan kun gyi mchog mṅa’ rgyal ba de skad gsuṅ ||
sbyin daṅ tshul khrims bzod (3) daṅ de bźin brtson ’grus daṅ ||
bsam gtan śes rab byaṅ chub yos su bsṅo bar gyis ||
byaṅ chub phuṅ por źen nas mchog ’dzin ma byed cig | daṅ po’i las can de la de skad bstan par bya ||
de ltar spyod pa legs ’tsho smra ba’i zla ba rnams ||
’gro (4) ba’i skyabs daṅ dpuṅ gñen daṅ ni gnas yin te ||
rten daṅ blo daṅ gliṅ daṅ yoṅs ’dren don ’dod pa ||
gsal byed sgron ma chos mchog smra ba mi ’khrugs yin ||
grags chen ldan rnams bya dka’ go ma gyon byed dem ||
phuṅ po khams daṅ skye mched (5) rnams kyi go cha min ||
thegs gsum ’du śes bral źiṅ yoṅs su bzuṅ ba med ||
mi ldog g-yo ba med ciṅ mi ’khrugs chos can yin ||
de dag ’di ’dra’i chos daṅ ldan źiṅ spros pa med ||
the tsom som ñi yid gñis bral źiṅ don daṅ ldan ||
śes rab pha (6) rol phyin pa thos nas mi nur ba ||
gźan gyi driṅ mi ’jog ciṅ mi ldog rig par bya ||
’dren pa rnams kyi chos ’di zab ste mthoṅ bar dka’ ||
sus kyaṅ rtogs pa med ciṅ thob par ’gyur med pa ||
de phyir phan mdzad brtser ldan byaṅ chub brñes nas ni ||
sems can (7) tshogs su śes sñam thugs khral chuṅ bar mdzad ||
sems can rnams ni gnas la dga’ źiṅ yul rnmamasa ’dod ||
’din la gnas śiṅ mi mkhas blun rmoṅs mun pa bźin ||
thob par bya ba’i chos ni gnas med ’dzin med de ||
des na ’jig rten dag daṅ rtsod (171b1) ba ’byuṅ ba yin ||
nam mkha’i khams ni śar gyi phyogs daṅ lho phyogs daṅ ||
de bźin nub kyi phyogs daṅ byaṅ phyogs pha mtha’ yas ||
steṅ daṅ ’og daṅ phyogs bcu’i ji sñed rnams na’aṅ yod ||
tha dad gyur pa med ciṅ bye brag gyur pa med ||
’das pa’i de bźin ñid (2) gaṅ ma byon de bźin ñid ||
da ltar de bźin ñid gaṅ dgra bcom de bźin ñid ||
chos kun de bźin ñid gaṅ rgyal ba’i de bźin ñid ||
chos kyi de bźin ñid ’di thams cad bye brag med ||
bde gśegs byaṅ chub tha dad chos daṅ bral gyur pa ||
’di ni byaṅ chub (3) sems dpa’ gaṅ źig thob ’dod pa ||
thabs daṅ ldan pas śes rab pha rol phyin la sbyor ||
’dren pa’i śes rab med na thob par ’gyur ma yin ||
bya źig lus che dpag tshad brgya rtsa lṅa bcu par ||
gyur la ’dab gśog zad de ñam rtsal yod min na ||
de yis (4) sum cu rtsa gsum gnas nas ’dzam gliṅ ’dir ||
bdag ñid mchoṅs na der ni ñam ñes gyur pa yin ||
rgyal ba rnams kyi pha rol phyin pa lṅa ’di yaṅ ||
bskal pa bye ba khrag khrig maṅ por bsgrubs byas śiṅ ||
smon lam mtha’ yas rgya chen ’jig rten rtag (5) bsten kyaṅ ||
thabs med śes rab bral ba ñan thos ñid du ltuṅ ||
saṅs rgyas theg pa ’di la ṅes par ’byuṅ ’dod gaṅ ||
’gro ba kun la sems sñoms pha ma’i ’du śes daṅ ||
phan pa’i sems daṅ byams pa’i yid kyis brtul bya źiṅ ||
thab med ciṅ draṅ (6) la tshig ’jam smra bar bya ||
’jig rten mgon la gnas brtan rab ’byor yoṅs źus pa ||
yon tan rgya mtsho ñon moṅs ma mchis rtags bstan gsol ||
mthu che ba dag ji ltar slar ldog mi ’gyur ba ||
de ltar yon tan phyogs tsam rgyal bas luṅ bstan gsol ||
(7) tha dad ’du śes bral źiṅ rigs pa ldan tshig smra ||
dge sbyoṅ dag daṅ bram ze gźan la rten mi byed ||
mkhas pas dus rnams rtag tu ṅan soṅ gsum po spaṅs ||
de dag dge bcu’i las kyi lam la mṅon par brtson ||
zaṅ ziṅ med par ’gro la chos ni rjes su (172a1) ston ||
chos la gcig tu dga’ źiṅ rtag tu tshig ’jam ldan ||
’gro ’chag ñal daṅ ’dug par śes bźin rab tu ldan ||
gña’ śiṅ gaṅ tsam blta źiṅ ’gro la sems ’khrul med ||
gtsaṅ byas gtsaṅ ma’i gos ’chaṅ gsum po dben źiṅ (2) dag | rñed ’dod ma yin khyu mchog rtag tu chos ’dod pa ||
bdud kyi yul las ’das śiṅ gźan gyi driṅ mi ’jog | bsam gtan bźi la bsam gtan bsam gtan der mi gnas ||
grags pa ’dod pa ma yin khro bas sems dkris med ||
khyim par gyur kyaṅ (3) rtag tu dṅos po kun ma chags ||
’tsho ba’i phyir ni yaṅs loṅs spyod tshol mi byed ||
drag śul spyod sṅags mi byed bud med sbyor sṅags min ||
’dod pa’i las can pho mor ’gyur źes ston mi byed ||
rab tu dben pa’i śes rab pha rol phyin mchog brtson ||
’thab (4) daṅ rtsod daṅ bral źiṅ byams pa’i sems kyaṅ brtan ||
kun mkhyen ’dod ciṅ brtan la rtag tu gźol sems ldan ||
mtha’ ’khob kla klo’i skye bo’i yul mtha’ rnam par spaṅs ||
raṅ gis la dogs med rtag tu ri rab ’dra ||
chos phyir srog kyaṅ ’dor źiṅ (5) rnal ’byor rab tu brtson ||
mi ldog rtags ni ’di dag yin par śes par bya ||
gzugs daṅ tshor daṅ ’du śes sems pa rnam śes rnams ||
zab ste raṅ bźin mtshan ma med ciṅ rab źi ba ||
dper na mda’ yis rgya mtsho’i gtiṅ thug tshol ba ltar ||
śes (6) rab kyis ni brtags na phuṅ po’i gtiṅ mi rñed ||
byaṅ chub sems dpa’ gaṅ źig de ltar zab gyur ciṅ ||
theg pa don dam chags med gaṅ la phuṅ po daṅ ||
khams daṅ skye mched yod min chos ’di rtogs pa de’i ||
bsod nams yaṅ dag grub pa de las ci źig (7) yod ||
dper na ’dod chags chos la spyod pa’i skyes bu źig | bud med dus btab de daṅ ma phrad de yi ni ||
ñin gcig sems kyi rnam rtog spyod pa ji sñed pa ||
de sñed bskal par byaṅ chub sems dpas thob par ’gyur ||
byaṅ chub sems dpa’ gaṅ źig bskal (172b1) maṅ bye stoṅ du ||
dgra bcom raṅ rgyal sbyin byed tshul khrims sruṅ byed kyaṅ ||
gaṅ źig śes rab pha rol phyin mchog ldan pa’i chos ||
brjod pa’i legs la sbyin daṅ tshul khrims char mi phod ||
byaṅ chub sems dpa’ gaṅ źig śes rab mchog bsgoms te | (2) de las laṅs nas gos pa med pa’i chos brjod ciṅ ||
de yaṅ ’gro ba’i don phyir byaṅchub rgyur bsṅo na ||
dge ba de daṅ mñam pa ’jig rten gsum na med ||
bsod nams de yaṅ gsog daṅ de bźin stoṅ pa daṅ ||
gsob daṅ ya ma brla daṅ sñiṅ po med par śes ||
(3) de ltar bde gśegs rnams kyi śes rab spyad spyod na ||
spyod tshe bsod nams dpag tu med pa yoṅs su ’dzin ||
saṅs rgyas kyis bśad rab tu sbyar ciṅ rab bstan pa’i ||
chos ’di thams cad brjod pa tsam du zad śes nas ||
bskal pa bye ba khrag khrig maṅ (4) por brjod byas kyaṅ ||
chos kyi dbyiṅs la zad pa med ciṅ ’phel ba med ||
rgyal ba rnams kyi pha rol phyin ces bya ba gaṅ ||
chos de rnams kyaṅ miṅ tsam du ni yoṅs su bsgrags ||
yoṅs bsṅo rlom sems med pa’i byaṅ chub sems dpa’ ni ||
ñams pa (5) med ciṅ saṅs rgyas byaṅ chub mchog reg ’gyur ||
’bru mar sñiṅ po ’bar ba phrad pa daṅ po yis ||
sñiṅ po tshig min de med par yaṅ de mi tshig | me lce phrad pa tha mas sñiṅ po tshig min la ||
me lce tha ma med par sñiṅ po tshig min ltar ||
daṅ po’i sems kyis byaṅ (6) chub mchog reg ma yin la ||
de med par yaṅ de la reg par nus ma yin ||
tha ma’i sems kyis byaṅ chub źi ba thob min la ||
de med par yaṅ de thob nus pa ma yin no ||
sa bon las ni myu gu me tog ’bras bu ’byuṅ ||
de yaṅ ’gags la śiṅ yaṅ med pa der min ltar ||
(7) de bźin daṅ po’i sems kyaṅ byaṅ chub rgyu yin te ||
de yaṅ ’gags la byaṅ chub med pa de ma yin ||
chu yi thigs pas bum pa daṅ po tha ma’i bar ||
rim gyis ñuṅ ṅu ñuṅ ṅus de yoṅs ’geṅs pa ltar ||
de bźin daṅ po’i sems kyaṅ byaṅ chub mchog rgyu ste ||
rim gyis (173a1) dkar po’i yon tan rdzogs pa’i saṅs rgyas ’gyur ||
stoṅ pa mtshan med smon pa med pa’i chos spyod ciṅ ||
mya ṅan ’das la mi reg mtshan mar mi spyod pa ||
dper na mñan pa mkhas pa phar ’gro tshur ’gro yaṅ ||
mtha’ gñis mi gnas rgya mtshor (2) gnas pa med pa bźin ||
de ltar spyod pa’i byaṅ chub sems dpa’ ’di sñam bdag | stobs bcus luṅ bstan byaṅ chub reg ’gyur rlom sems med ||
’di la ci yaṅ med ces byaṅ chub skrag pa med ||
de ltar spyod pa bde gśegs śes rab spyod pa yin ||
(3) ’jig rten dgon pa’i lam daṅ mu ge nad bcas par ||
mthoṅ nas skrag pa med ciṅ de nas go gyon te ||
phyi ma’i mu mthar rtag tu brtson źiṅ rab śes nas ||
yoṅs su skyo ba’i yid ni rdul tsam skyed mi byed ||
byaṅ chub sems dpa’ rgyal ba’i śes rab (4) spyod byed ciṅ ||
phuṅ po ’di dag gdod nas stoṅ źiṅ skye med śes ||
mñam par ma bźag sems can khams la sñiṅ rje ’jug | bar skabs der yaṅ saṅs rgyas chos las yoṅ mi ñams ||
dper na skyes bu mkhas pa yon tan kun ldan źiṅ ||
stobs (5) ldan mi thub brtson byas sgyu rtsal cho ga śes ||
’phoṅ daṅ bzo gnas maṅ po’i pha rol phyin gyur ciṅ ||
sgyu ma sgrub śes ’gro don rab tu ’dod pa źig | pha daṅ ma daṅ chuṅ mar bcas par yoṅs bsdus nas ||
dgra byed maṅ ba dgon pa’i lam du phyin pa daṅ ||
de (6) yis dpa’ źiṅ rtul phod skyes bu maṅ sprul te ||
bde bar soṅ źiṅ phyir yaṅ khyim du ’oṅ bltar ||
de bźin de tshe byaṅ chub sems dpa’ mkhas pa yaṅ ||
sems can khams rnams kun tu sñiṅ rje cher bskyed ciṅ ||
bdud bźi dag daṅ sa gñis las byaṅ rab ’das nas ||
(7) tiṅ ’dzin mchog la gnas śiṅ byaṅ chub reg mi byed ||
mkha’ la rluṅ brten de la chu yi phuṅ po brten ||
de las chen ’di brten de la ’gro ba brten ||
sems can las la spyod pa’i rgyu ni de ’dra ste ||
nam mkha’ gaṅ la gnas yin don ’di bsam par gyis ||
de (173b1) bźin byaṅ chub sems dpa’ stoṅ pa ñid gnas pa ||
’gro la sems can śes pa’i smon lam rten can gyis ||
bya ba rnam pa sna tshogs du ma ston byed ciṅ ||
mya ṅan ’das la mi reg stoṅ par gnas pa med ||
gaṅ gi tshe na byaṅ chub sems dpa’ mkhas gsal pa ||
(2) stoṅ pa źi ba’i tiṅ ’dzin dam pa ’di spyod pa ||
bar skabs der ni mtshan ma rab tu sgom mi byed ||
mtshan ma med par gnas śiṅ źi la rab źi spyod ||
bar snaṅ ’phur ba’i bya la gnas yod ma yin te ||
de na gnas pa ma yin sa la ltuṅ mi ’gyur ||
de ltar byaṅ chub (3) sems dpa’ rnam thar sgor spyod pa ||
mya ṅan ’das la mi reg mtshan mar spyod ma yin ||
dper na ’phoṅ bslabs skyes bus gnam du mda’ ’phaṅs te ||
mda’ gźan dag gis phyi bźin brgyud mar loṅ btags te ||
sṅa ma’i mda’ des la ltuṅ ba’i skabs mi (4) ’byed ||
mi de ’dod na mda’ de sa la ltuṅ bar ’gyur ||
de ltar śes rab pha rol phyin pa mchog spyod pa ||
śes rab thabs stobs rdzu ’phrul gyis ni rnam spyod pa ||
de dag dge ba’i rtsa ba ji srid ma rdzogs pa ||
de srid stoṅ ñid dam pa de ni thob mi byed ||
(5) dper na dge sloṅ rdzu ’phrul stobs mchog ldan pa źig | nam mkha’ gnas te cig char cho ’phrul rnam par ’phrul ||
’gro daṅ ’chag pa daṅ ni ñaladaṅa ’dug pa ston ||
de ni skyo ba med ciṅ de la dub pa med ||
de bźin byaṅ chub sems dpa’ mkhas pa stoṅ gnas śiṅ ||
(6) mi śes rdzu ’phrul pha rol son la gnas pa med ||
’gro ba dag la bya ba rnam pa mtha’ yas ston ||
bskal pa bye bar skyo ba med ciṅ dub pa med ||
dper na mi ’ga’ g-yaṅ sa chen por ’dug byed ciṅ ||
lag pa gñi gas gdugs gñis ’dzin ciṅ nam mkha’ la ||
(7) mchod par byed ciṅ g-yaṅ sa chen por lus bor nas ||
ltuṅ bar mi ’gyur ji srid der ni ’gro bar ’gyur ||
de bźin byaṅ chub sems dpa’ mkhas pa sñiṅ rjer gnas ||
thabs daṅ śes rab gñis kyi gdugs ni yoṅs bzuṅ ste ||
chos rnams stoṅ pa mtshan med smon (174a1) pa med rtog ciṅ ||
mya ṅan ’das la reg pa med la chos kyaṅ mthoṅ ||
dper na rin chen ’dod pa rin chen gliṅ soṅ ste ||
rin chen rñed nas phyir yaṅ khyim du ’oṅ ’gyur ba ||
der ni ded dpon ’ba’ źig bde bar ’tsho byed ciṅ ||
gñen bśes (2) tshogs yid mi bder ’jog pa min pa ltar ||
de bźin byaṅ chub sems dpa’ stoṅ ñid rin chen gyi ||
gliṅ du soṅ ste bsam gtan dbaṅ po stobs thob pa ||
mya ṅan ’das la reg pa ’ba’ źig mṅon dga’ źiṅ ||
sems can sdug bsṅal yid du ’jog par ’gyur (3) ma yin ||
dper na don gñer tshoṅ pa rgyus śes bya ba’i phyir ||
bar gyi groṅ khyer groṅ rdal groṅ gaṅ yin par ’gro ||
der yaṅ mi gnas yin chen gliṅ du’aṅ mi gnas la ||
rig pa khyim du mi gnas lam la mkhas par ’gyur ||
de bźin byaṅ chub sems dpa’ (4) gsal te ñan thos daṅ ||
raṅ rgyal rnams kyi śes pa rnam grol kun la mkhas ||
de la mi gnas saṅs rgyas ye śes gnas ma yin ||
’dus ma byas la mi gnas lam gyi tshul śes yin ||
gaṅ tshe ’gro la byams pas rjes su ’brel byas nas ||
tiṅ ’dzin stoṅ (5) pa mtshan med smon pa med spyod pa ||
de ni mya ṅan ’das pa thob par ’gyur źe ’am ||
’dus byas yin par gdags nus de ni gnas med do ||
dper na sprul pa’i mi lus mi snaṅ ma yin źiṅ ||
de ni miṅ gis kyaṅ ni gdags par nus pa ltar ||
de bźin byaṅ (6) chub sems dpa’ rnam thar sgor spyod pa ||
de ni miṅ gis kyaṅ ni gdags par nus ma yin ||
gal te spyod pa daṅ ni dbaṅ po yoṅs dris la ||
byaṅ chub sems dpa’ stoṅ pa mtshan ma med pa’i chos ||
yoṅs su mi ston phyir mi ldog pa sa yi chos ||
mi ’chad de ni luṅ ma (7) bstan par rig par bya ||
dgra bcom sa daṅ rkyen gyi saṅs rgyas ye śes daṅ ||
khams gsum dag la rmi lam na yaṅ mi ’dod ciṅ ||
saṅs rgyas rnams mthoṅ ’gro la chos kyaṅ ston byed pa ||
de ni mi ldog luṅ bstan yin par rig par bya ||
rmi lam na ni sems can (174b1) ṅan soṅ gsum gnas mthoṅ ||
skad cig de la ṅan soṅ rgyun gcod smon lam ’debs ||
bden pa’i byin gyi rlabs kyis me yi phuṅ po źi ||
de ni mi ldog luṅ bstan yin par rig par bya ||
mi yi ’jig rten ’byuṅ po’i gdon daṅ nad maṅ ba ||
phan daṅ sñiṅ brtser ldan pa’i bden (2) pa’i byin gyis źi ||
’on kyaṅ rlom sems med ciṅ ṅa rgyal skye med pa ||
de ni mi ldog luṅ bstan yin par rig par bya ||
ci ste de ni bden pa’i byin rlabs sna tshogs dag | ’byor bas bdag luṅ bstan sñam rlom sems ’byuṅ ba’am ||
gal te byaṅ chub sems dpa’ (3) gźan gyis luṅ bstan rlom ||
rlom sems gnas pa de ni blo chuṅ śes par bya ||
miṅ gi gźi las bdud ni ñe bar ’oṅs gyur nas ||
’di skad smras te ’di ni khyod daṅ pha ma daṅ ||
khyod kyi bdun mes rgyud kyi bar gyi miṅ yin źiṅ ||
gaṅ tshe khyod ni saṅs rgyas (4) ’gyur ba’i miṅ ’di yin ||
sbyaṅs sdom rnal ’byor ldan pa ci ’dra ’byuṅ ’gyur la ||
khyod sṅon yon tan tshul yaṅ ’di ’dra’o źes brjod do ||
de skad gaṅ thos rlom sems byaṅ chub sems dpa’ ni ||
bdud kyis yoṅs su bslaṅ źiṅ blo chuṅ rig par bya ||
rab tu (5) dben pa’i groṅ daṅ groṅ khyer ri sul daṅ ||
dgon pa dben pa nags khrod rab tu sten byed ciṅ ||
bdag stod gźan la smod pa’i byaṅ chub sems dpa’ ni ||
bdud kyis yoṅs su bslaṅ źiṅ blo chur rig par bya ||
rtag tu groṅ daṅ yul ’khor groṅ rdal gnas byed ciṅ ||
(6) sems can smin byed byaṅ chub brtson pa ma gtogs par ||
de ni dgra bcom raṅ rgyal ’dod pa gźan mi skye ||
’di ni bde bar gśegs kyi srsa kyis dben par gsuṅs ||
gaṅ źig dpag tshad lṅa brgya yod pa’i ri yi sul ||
sbrul gyis gaṅ bar lo maṅ bye bar gnas byed (7) kyaṅ ||
dben pa ’di mi śes pa’i byaṅ chub sems dpa’ de ||
lhag pa’i ṅa rgyal rñed nas ’dre bar gnas pa yin ||
byaṅ chub sems dpa’ ’gro ba’i don brtson bsam gtan daṅ ||
stobs daṅ dbaṅ po rnam thar tiṅ ’dzin thob de la ||
’di ni dgon dben spyod pa min (175a1) sñam brñas byed pa ||
de ni bdud kyi spyod yul gnas źes rgyal bas gsuṅs ||
gaṅ źig groṅ ṅam ’on te dgon par gnas kyaṅ ruṅ ||
theg pa gñis kyi sems bral byaṅ chub mchog ṅes na ||
’di ni ’gro don źugs pa rnams kyi dben pa ste ||
(2) byaṅ chub sems dpa’ drod sñam de ni bdag ñid ñams ||
de lta bas na byaṅ chub dam pa tshol ba yis ||
bsam pa drag ldan mkhas pas ṅa rgyal ṅes bcom ste ||
nad pa’i tshogs kyi gso phyir sman pa bsten pa ltar ||
g-yel ba med par dge ba’i bśes gñen bsten par bya ||
(3) saṅs rgyas byaṅ chub mchog źugs byaṅ chub sems dpa’ dag | pha rol phyin daṅ bcas te dge ba’i bśes su bsten ||
de dag rjes su ston byed ’di ni bsgrub pa’i sa ||
rgyu rnam gñis kyis saṅs rgyas byaṅ chub myur du rtogs ||
rgyal ba ’das daṅ ma byon phyogs bcur (4) gaṅ bźugs pa ||
kun lam pha rol phyin pa ’di yin gźan ma yin ||
pha rol phyin ’di byaṅ chub mchog la źugs rnams kyi ||
gsal daṅ sgron daṅ snaṅ daṅ ston mchog yin źes bśad ||
ji ltar śes rab pha rol phyin pa mtshan ñid stoṅ ||
chos ’di thams (5) cad mtshan ñid de daṅ ’drar śes śiṅ ||
chos rnams stoṅ źiṅ mtshan ma med par rab śes na ||
de ltar spyod pa bde gśegs śes rab spyod pa yin ||
sems can yoṅs su rtog pa zas la ’dod byed ciṅ ||
’khor bar chags pa’i yid daṅ ldan rnams rtag tu (6) ’khor ||
bdag daṅ bdag gi chos gñis yaṅ dag min stoṅ ste ||
byis pa bdag ñid kyis ni mkha’ la mdud pa bor ||
dper na dogs pa’i ’du śes kyis ni dug bslaṅ ba ||
dug de khoṅ du soṅ ba med kyaṅ brgyal bar ’gyur ||
de bźin byis pa bdag daṅ (7) bdag gir khas len pa ||
bdag der ’du śes yaṅ dag mi rtag skye źiṅ ’chi ||
ji ltar ’dzin pa de ltar kun nas ñon moṅs bstan ||
bdag daṅ bdag gir mi dmigs rnam par byaṅ par gsuṅs ||
’di la gaṅ yaṅ ñon moṅs rnam dag ’gyur med par ||
byaṅ chub (175b1) sems dpas śes rab pha rol phyin pa rtogs ||
’dzam bu’i gliṅ na sems can ji sñed ma lus pa ||
de dag thams cad byaṅ chub mchog tu sems bskyed nas ||
lo stoṅ bye ba maṅ por sbyin pa byin byas la ||
kun kyaṅ ’gro ba’i don du byaṅ chub rgyur bsṅo yaṅ ||
gaṅ (2) źig śes rab pha rol phyin mchog mṅon brtson pa ||
tha na ñi ma gcig cig rjes su ’thun byed na ||
de la sbyin pa’i phuṅ pos bsod nams char mi phod ||
de phyir g-yel med rtag tu śes rab ’jug par bya ||
śes rab pha rol phyin mchog spyod pa’i rnal ’byor pa ||
sñiṅ rje chen (3) po bskyod kyaṅ sems can ’du śes med ||
de tshe mkhas pa ’gro ba kun gyi sbyin gnas ’gyur ||
rtag tu yul ’khor bsod sñoms don yod yoṅs su spyod ||
byaṅ chub sems dpa’ gaṅ ’dir yun riṅ ’brel ba yi ||
lha mi ṅan soṅ gsum gyi sems can dgrol ba’i phyir ||
(4) lam yaṅs pha rol sems can khams la ston ’dod pas ||
ñin mtshan śes rab pha rol phyin la brtson par bya ||
mi źig sṅon chad ma rñed pa yi rin chen mchog | dus gźan źig na rñed par gyur te dga’ ba las ||
rñed ma thag tu bag med gyur te stor na ni ||
stor (5) bas rin chen mṅon ’dod rtag tu sdug bsṅal lo ||
de ltar byaṅ chub mchog źugs rin chen lta bu yi ||
śes rab pha rol phyin la rnal ’byor dor mi bya ||
rin chen rñed nas blaṅs te rab tu brtson dkris nas ||
myur du ’gro bar byed pa źi bar ’gyur ba bźin ||
ñi ma sprin (6) daṅ bral ba’i ’od zer dra ba can ||
mun nag thibs po mun pa thams cad ’joms ’char ba ||
srin bu me khyer srog chags ’byuṅ po thams cad daṅ ||
skar ma’i tshogs daṅ zla ba’i ’od kun zil gyis gnon ||
de bźin byaṅ chub sems dpa’ śes rab pha rol phyin ||
(7) mchog spyod stoṅ pa daṅ ni mtshan ma med spyod pa ||
mkhas pas lta ba’i thibs bo bcom nas ’gro kun daṅ ||
dgra bcom raṅ rgyal byaṅ chub sems maṅ zil gyis gnon ||
dper na rgyal po’i bu źig nor gtoṅ don ’dod pa ||
kun gyi gtso bor gyur te mṅon par ’gro bya (176a1) ’os ||
’di ni da lta na yaṅ sems can maṅ dga’ byed ||
thabs thob gyur te rgyal srid gnas nas smos ci dgos ||
de ltar śes rab spyod mkhas byaṅ chub sems dpa’ yaṅ ||
bdud rtsi sbyin par byed ciṅ lha daṅ mi rnams dga’ ||
(2) ’di ni da lta na yaṅ sems can maṅ phan brtson ||
chos kyi rgyal por gnas par gyur nas smos ci dgos ||
de yi tshe na bdud ni zug rṅu ldan par ’gyur ||
mya ṅan ñam thag sdug bsṅal yid mi bde ñam chuṅ ||
ji ltar byaṅ chub sems dpa’ ’di yid nur (3) bgyur źes ||
’jigs pa bstan phyir phyogs rnams sreg ciṅ skar mda’ gtoṅ ||
gaṅ tshe mkhas pa de dag bsam pa drag ldan źiṅ ||
ñin mtshan śes rab pha rol phyin pa’i mchog don lta ||
de tshe lus sems dag ni mkha’ ’gro bya ltar rgyu ||
nag (4) po’i rtsa lag rnams kyis glags rñed ga la ’gyur ||
gaṅ tshe byaṅ chub sems dpa’ ’thab daṅ rtsod gyur ciṅ ||
phan tshun mi ’thun khros pa’i sems daṅ ldan gyur pa ||
de tshe bdud ni dga’ źiṅ mchog tu ñams bder ’gyur ||
de gñis rgyal ba’i ye (5) śes las ni riṅ ’gyur sñam ||
de gñis riṅ du ’gyur źiṅ śa za ’dra bar ’gyur ||
gñi ga raṅ gi dam bcas ñams par byed par ’gyur ||
sdaṅ źiṅ bzod daṅ bral la byaṅ chub ga la yod ||
de tshe bdud rnams phyogs daṅ bcas te dga’ bar ’gyur ||
(6) luṅ bstan ma thob byaṅ chub sems dpa’ gaṅ źig gis ||
luṅ bstan thob la sems khros rtsod pa rtsom byed na ||
thab skyon ldan sems kyi skad cig ji sñed pa ||
de sñed bskal par gźi nas ge tsha bgo bgos so ||
saṅs rgyas bzod pa’i pha rol phyin pas byaṅ chub reg | (7) sems ’di bzaṅ ba min sñam dran pa skyed byed ciṅ ||
so sor ’chags par byed ciṅ phyis kyaṅ sdom byed la ||
dga’ bar mi byed de ni saṅs rgyas chos ’dir slob ||
gaṅ źig slob tshe bslab pa gaṅ yaṅ khas mi len ||
slob pa po daṅ bslab pa’i chos rnams mi dmigs śiṅ ||
bslab (176b1) daṅ bslab pa ma yin ’di gñis mi rtog pa ||
de ltar gaṅ slob de ni saṅs rgyas chos ’dir slob ||
byaṅ chub sems dpa’ gaṅ źig de lta’i bslab ’di śes ||
de ni gźar yaṅ bslab ñams tshul khrims ’chal mi ’gyur ||
de ni saṅs rgyas chos mñes (2) bya phyir ’di la slob ||
de ni bslab lhag bslab la mkhas te dmigs pa med ||
mkhas pa ’od byed rnams kyi śes rab de ltar slob ||
dge ba ma yin sems gcig tsam yaṅ skyed mi byed ||
ñi ma mkha’ la ’gro ba’i zer gyis zil gnon pa’i ||
mdun gyi bar (3) snaṅ la ni mun pa mi gnas bźin ||
śes rab pha rol phyin la bslab pa byas rnams kyi ||
pha rol phyin pa thams cad ’dir ni ’dus par ’gyur ||
’jig tshogs lta bar lta ba drug cu gñis ’dus ltar ||
de bźin pha rol phyin pa ’di dag ’dus par gsuṅs ||
dper (4) na srog gi dbaṅ po ’gags na dbaṅ po gźan ||
gaṅ dag ji sñed yod pa thams cad ’gag par ’gyur ||
de ltar śes rab spyod pa mkhas pa mchog rnams kyi ||
pha rol phyin pa thams cad ’dir ni ’dus par gsuṅs ||
byaṅ chub sems mkhas ñan thos yon tan (5) gaṅ dag daṅ ||
de bźin raṅ rgyal yon tan kun la slob byed ciṅ ||
de dag de la mi gnas ’dod pa mi bskyed de ||
’di ni bdag gis bslab bya yin sñam de phyir slob ||
mi ldog byaṅ chub mchog la rab tu źugs pa yi ||
sems bskyed pa la bsam pa thag pas yi (6) raṅ ba ||
stoṅ gsum ri rab sraṅ la gźal bas tshad gzuṅ ruṅ ||
rjes su yi raṅ dge ba de ni de lta min ||
dge ba don gñer phan ’dod sems can ji sñed pa ||
kun gyi bsod nams phuṅ po la yaṅ yi raṅ ’gyur ||
de phyir de dag rgyal ba’i yon tan thob gyur nas ||
(7) sdug bsṅal zad par bya phyir ’jig rten chos sbyin byed ||
byaṅ chub sems dpa’ gaṅ źig mi rtog chos rnams kun ||
stoṅ daṅ mtshan ma med daṅ spros med yoṅs śes pa ||
de ni śes rab gñis kyis byaṅ chub tshol mi byed ||
rnal ’byor pa de śes rab pha rol phyin mchog (177a1) brtson ||
nam mkha’i khams de daṅ ni nam mkha’ der ’gal ba ||
yod pa ma yin gaṅ gis kyaṅ ni de ma thob ||
de bźin śes rab spyod mkhas byaṅ chub sems dpa’ yaṅ ||
nam mkha’ lta bu yin te ñe bar źi ba spyod ||
skye bo’i dbus na sgyu ma’i (2) skyes bu ’di sñam du ||
skye bo ’di ma bu bya sñam mi sems de yaṅ byed ||
rdzu ’phrul sna tshogs rab tu ston par byed mthoṅ yaṅ ||
de la lus med sems med miṅ yaṅ yod ma yin ||
de bźin śes rab spyod pa nam yaṅ ’di sñam du ||
byaṅ chub rtogs nas ’gro ba yoṅs (3) su dgrol mi sems ||
skye ba sna tshogs daṅ ni bya ba maṅ ldan pa ||
sgyu ma lta bu ston kyaṅ rnamaka par mi rtog spyod ||
dper na saṅs rgyas sprul pa saṅs rgyas mdzad pa byed ||
byed pa de la dregs pa cuṅ zad skye mi ’gyur ||
de bźin śes rab spyod mkhas byaṅ chub sems dpa’ yaṅ (4) sprul pa sgyu ma bźin du bya ba thams cad ston ||
śiṅ mkhan bzo bo mkhas pas skyes pa bud med daṅ ||
’dra ba’i bzo byas de yaṅ bya ba thams cad byed ||
de bźin śes rab spyod mkhas byaṅ chub sems dpa’ yaṅ ||
rnam par mi rtog ye śes bya ba thams cad (5) byed ||
de ltar spyod mkhas rnams la lha tshogs maṅ po dag | thal mo sbyar ba btud nas phyag kyaṅ ’tshal bar byed ||
phyogs bcu’i ’jig rten khams kyi saṅs rgyas ji sñed pa’aṅ ||
yon tan bsṅags pa’i phreṅ ba yoṅs su brjod par mdzad ||
gaṅ g’i kluṅ mñam źiṅ (6) na sems can ji sñed pa ||
de kun yoṅs su brtag pa bzuṅ ste bdud gyur la ||
ba spu ñag re las kyaṅ de sñed sprul byas kyaṅ ||
de dag kun gyis mkhas la bar chad bya ma nus ||
rgyu rnam bźi yis byaṅ chub sems dpa’ mkhas stobs ldan ||
bdud bźis thub par dka’ (7) źiṅ bskyod par mi nus te ||
stoṅ par gnas daṅ sems can yoṅs su mi gtoṅ daṅ ||
ji skad smras bźin byed daṅ bde gśegs byin rlabs can ||
de bźin gśegs yum śes rab pha rol phyin pa ’di ||
’chad tshe byaṅ chub sems dpa’ gaṅ źig mos byed ciṅ ||
(177b1) bsam pa thag pas bsgrub par mṅon par brtson byed na ||
des pa thams cad mkhyen pa ñid la źugs rig bya ||
chos dbyiṅs de bźin ñid la gnas par mi ’gyur źiṅ ||
dper na bar snaṅ sprin bźin gnas pa med par gnas ||
rig sṅags ’chaṅ ba gnas med mkha’ (2) rgyu gnas ’dod pa ||
sṅags mthus dus min me tog ldan śiṅ byin gyis rlob ||
de ltar spyod pa byaṅ chub sems dpa’ mkhas gsal pa ||
rtogs par byed daṅ saṅs rgyas chos rnams dmigs mi ’gyur ||
’chad par byed daṅ chos ’dod lta bar byed mi dmigs ||
’di (3) ni źi ’dod yon tan dga’ ba’i gnas pa yin ||
dgra bcom rnam thar de bźin gśegs kyi ma gtogs par ||
gnas pa ’di ni ñan thos raṅ rgyal bcas pa yi ||
gnas pa źi ba’i tiṅ ’dzin rab źi bde ldan pa ||
ji sñed kun gyi mchog daṅ goṅ na med pa yin ||
(4) ’dab chags mkha’ la gnas kyaṅ ltuṅ bar ’gyur ma yin ||
ña ni chu la gnas kyaṅ ’tshubs te ’chi ba med ||
de ltar byaṅ chub sems dpa’ bsam gtan stobs dag gis ||
pha rol son pa stoṅ gnas mya ṅan ’da’ mi ’gyur ||
sems can kun gyi yon tan (5) mchog tu ’gro ba daṅ | saṅs rgyas ye śes mchog tu rmad byuṅ mchog reg daṅ ||
chos kyi sbyin pa rab mchog dam pa sbyin ’dod gaṅ ||
phan mdzad rnams kyi gnas mchog ’di la bsten par gyis ||
bslab pa ’di ni ’dren pas bslab pa yoṅs brjod na ||
bslab (6) pa ji sñed kun gyi mchog daṅ goṅ na med ||
mkhas pa gaṅ źig bslab kun pha rol ’gro ’dod pas ||
saṅs rgyas bslab pa śes rab pha rol phyin ’dir slobs ||
’di ni chos gter mchog daṅ chos mdzod dam pa yin ||
saṅs rgyas rigs yin ’gro ba’i bde daṅ skyid pa’i (7) mdzod ||
’das daṅ ma byon phyogs bcu’i ’jig rten mgon po rnams ||
de dag ’di las ’khruṅs kyaṅ chos dbyiṅs zad mi śes ||
śiṅ daṅ ’bras bu me tog nags tshal ji sñed pa ||
de dag thams cad sa las yaṅ dag ’byuṅ źiṅ ’thon ||
’on kyaṅ sa la zad pa (178a1) med ciṅ ’phel ba med ||
yoṅs su mi ñams rnam par mi rtog skyo ba med ||
saṅs rgyas sras daṅ ñan thos raṅ rgyal lha rnams daṅ ||
’gro ba kun gyi bde skyid chos rnams ji sñed pa ||
de kun śes rab pha rol phyin pa mchog las byuṅ ||
śes (2) rab rnams kyaṅ zad pa med ciṅ ’phel ba med ||
sems can tha ma ’briṅ daṅ mchog gyur ji sñed pa ||
de kun ma rig las byuṅ bde bar gśegs pas gsuṅs ||
rkyen rnams tshogs nas sdug bsṅal ’khrul ’khor rab tu ’byuṅ ||
ma rig ’khrul ’khor de ni zad med ’phel (3) ba med ||
ye śes tshul sgo thabs daṅ bu ba ji sñed pa ||
de kun śes rab pha rol phyin pa mchog las byuṅ ||
rkyen rnams tshogs nas las kyi ’khrul ’khor rab tu ’byuṅ ||
śes rab pha rol phyin la zad med ’phel ba med ||
byaṅ chub sems dpa’ gaṅ źig rten ciṅ (4) ’brel ’byuṅ la ||
skye med zad pa mad par śes rab ’di śes te ||
ñi ma sprin med ’od zer ’phro bas mun bsal ltar ||
ma rig thibs po bcom nas raṅ byuṅ thob par ’gyur ||
mthu chen ldan pa bsam gtan bźis kyaṅ gnas byed la ||
rten par byed pa ma (5) yin gnas par byed pa med ||
’on kyaṅ bsam gtan yan lag bcas pa bźi po ’di ||
byaṅ chub dam pa mchog thob pa yi rten du ’gyur ||
śes rab mchog thob bsam gtan dag la gnas pa ni ||
gzugs med tiṅ ’dzin dam pa bźi yaṅ ñams su myoṅ ||
(6) bsam gtan ’di dag byaṅ chub dam pa mchog la phan ||
byaṅ chub sems dpa’ zag pa zad phyir slob pa min ||
’di ni yon tan sogs pa’i ṅo mtshar rmad byuṅ ste ||
bsam gtan tiṅ ṅe ’dzin la gnas nas mtshan ma med ||
de la gnas rnams gal te lus ni źig gyur (7) na ||
bsam pa ji bźin ’dod pa’i khams su yaṅ skye’o ||
dper na ’dzam gliṅ mi źig sṅon chad lha yul gyi ||
lha yi groṅ khyer mchog tu ma phyin phyis soṅ ste ||
de na yoṅs su bzuṅ ba’i yul de rnams mthoṅ nas ||
phyir ’dir ’oṅ bar gyur na chags par mi byed ltar ||
(178b1) de bźin byaṅ chub sems dpa’ yon tan mchog ’chaṅ ba ||
rnal ’byor brtson te bsam gtan tiṅ ’dzin la gnas nas ||
phyir yaṅ ’dod pa’i khams su gnas te chags pa med ||
chu yi pad ma bźin du byis pa’i chos mi gnas ||
bdag ñid chen po sems can (2) yoṅs su smin bya daṅ ||
źiṅ sbyoṅ pha rol phyin rdzogs don byed kho nar zad ||
byaṅ chub yon tan pha rol phyin ñams ’gyur ’oṅ źes ||
gzugs med khams su skye ba don du gñer mi byed ||
dper na mi źig rin chen gter rnams rñed gyur nas ||
de la ’dod pa’i blo (3) ni skyed par ma byas la ||
ṅes kyaṅ dus gźan źig na de dag yoṅs blaṅs śiṅ ||
blaṅs nas khyim du soṅ ste chags par mi byed ltar ||
de bźin byaṅ chub sems dpa’ mkhas pa dga’ ba daṅ ||
bde sbyin bsam gtan tiṅ ’dzin źi ba bźi thob nas ||
bsam (4) gtan bde ldan bsam gtan tiṅ ’dzin thob btaṅ ste ||
’gro la sñiṅ brtser ldan pa’i phyir yaṅ ’dod khams ’jug | gal te byaṅ chub sems dpa’ tiṅ ’dzin bsam gtan gnas ||
dgra bcom raṅ rgyal theg par ’dod pa’i blo skyed na ||
mñam par ma bźag rgod ciṅ (5) sems g-yeṅs gyur pa ste ||
saṅs rgyas yon tan yoṅs ñams mñan pa gru źig bźin ||
gźan yaṅ gzugs daṅ sgra daṅ de bźin dri daṅ ro ||
reg daṅ ’dod yon lṅa la mṅon par brtson gyur kyaṅ ||
dgra bcom raṅ rgyal theg bral byaṅ chub sems dga’ na ||
(6) dpa’ bo rtag tu mñam gźag yin par śes par bya ||
sems can gaṅ zag gźan phyir sems pa rnam dag pa ||
brtson ’grus pha rol phyin la mṅon brtson rnam par spyod ||
dper na bran mo chu chun dbaṅ med rje bo’i dbaṅ ||
de bźin dpa’ rnams sems can kun gyi (7) dbaṅ gis ’gro ||
spyo ba byas sam ’on te rtag tu brdegs kyaṅ ruṅ ||
bran mo rje bo la ni zlog tshig mi smra yis ||
’di yis gdag ni bsad par ’gyur du ’oṅ sñam nas ||
śin tu skrag pa’i yid kyis ’jigs bcas zil gyis gnon ||
de bźin byaṅ chub ched du (179a1) byaṅ chub mchog źugs pa ||
’gro ba kun la bran gyur bźin du gnas par bya ||
’di las byaṅ chub thob ciṅ yon tan rdzogs par ’gyur ||
rtswa daṅ śiṅ las me byuṅ bas ni de ñid sreg | bdag gi bde ba btaṅ nas re ba med sems kyis (2) sems can gźan gyi dgos la ñin mtshan mṅon par brtson ||
bu gcig pa lam ni rim gro byed pa ltar ||
bsam pa thag pas rnam par skyo med gnas par gyis ||
byaṅ chub sems dpa’ gaṅ źig yun riṅ ’khor ’dod ciṅ ||
sems can don daṅ źiṅ sbyoṅ (3) brtson pa’i rnal ’byor ba ||
skyo ba’i blo ni rdul tsam skye bar mi ’gyur ||
de ni brtson ’grus pha rol phyin ldan g-yel ba med ||
byaṅ chub sems dpa’ mi mkhas bskal pa bye ba bgraṅ ||
gal te riṅ bar ’du śes sdug bsṅal byaṅ chub sgrub ||
yaṅ dag tshes sgrub (4) byed tshe yun riṅ sdug bsṅal ’gyur ||
des ni brtson ’grus pha rol phyin ñams le lo can ||
byaṅ chub mchog tu sems bskyed daṅ po nas bzuṅ ste ||
byaṅ chub bla na med pa thob par ’gyur gyi bar ||
ñin mtshan gcig tsam du ni yid la sems byed na ||
mkhas (5) pa gsal bas brtson ’grus brtsams par rig par bya ||
gal te ’ga’ źig ’di skad ri rab ri bśig pa’i ||
rjes la byaṅ chub mchog thob ’gyur źes smra ba las ||
ci ste skyo ba’i blo bskyed tshad kyaṅ sems byed na ||
de tshe byaṅ chub sems dpa’ le lor gyur pa yin ||
ji ste (6) de ni ’di tsam chod lta ci dka’ źes ||
skad cig tsam la ri rab thal bar rlag sems bskyed ||
byaṅ chub sems dpa’ mkhas pa brtson ’grus brtsams pa ste ||
riṅ po mi thogs ’dren pa’i byaṅ chub mchog thob ’gyur ||
’gro ba yoṅs su smin par byas nas don bya źes ||
(7) gal te lus daṅ ṅag daṅ yid kyis brtson byed na ||
bdag tu ’du śes gnas pas le lor gyur pa ste ||
thams cad mkhyen pa ñid las riṅ ’gyur gnam sa bźin ||
gaṅ tshe lus daṅ sems daṅ sems can ’du śes med ||
’du śe sarnama par log nas gñis su med (179b1) chos spyod ||
’di ni byaṅ chub źi ba mi ñams mchog ’dod pa’i ||
brtson ’grus pha rol phyin ces phan pa mdzad pas gsuṅs ||
gal te gźan las ṅan brjod tshig rtsub thos gyur na ||
bdag bde yin źes byaṅ chub sems dpa’ mkhas pa dga’ ||
su smra (2) sus thos gaṅ gis gaṅ źig gaṅ gi phyir ||
bzod pa’i pha rol phyin mchog ldan pa mdzaṅs pa yin ||
byaṅ chub sems dpa’ gaṅ źig bzod pa’i legs chos ldan ||
gaṅ źig stoṅ gsum rin chen bkaṅ ste ’jig rten mkhyen ||
saṅs rgyas rnams daṅ dgra (3) bcom raṅ rgyal phul byas pa ||
sbyin pa’i phuṅ pos de la bsod nams char mi phod ||
bzod la gnas pa’i lus ni yoṅs su dag gyur te ||
sum cu rtsa gñis mtshan daṅ mthu stobs pha mtha’ yas ||
sems can rnams la chos rab stoṅ pa sgrogs par byed ||
(4) ’di ni bzod ldan de la ’gro ba dga’ ’gyur mkhas ||
gal te sems can la las tsan dan phur ma blaṅs ||
rab gus byaṅ chub sems dpa’ la ni ñug byed la ||
gźan źig me ma dag mgo la ’thor byed gñi ga la ||
de yis mñam źiṅ sñoms pa’i yid ni (5) bskyed par bya ||
byaṅ chub sems dpa’ mkhas pas de ltar bzod byas nas ||
sems bskyed de ni byaṅ chub mchog tu yoṅs bsṅos na ||
dpa’ bo ’jig rten kun la bzod pas dgra bcom daṅ ||
raṅ rgyal sems can khams maṅ ji sñed zil gyis gnon ||
(6) bzod byed ’di sñam du yaṅ sems ni bskyed bya ste ||
sems dmyal dud ’gro gśin rje’i ’jig rten sdug bsṅal maṅ ||
’dod pa’i yon tan rgyu yis dbaṅ med gnod myoṅ na ||
byaṅ chub ched du ci phyir da bzod mi bya sñam ||
lcag dbyig mtshon daṅ bsad daṅ bciṅs (7) daṅ rdeg pa daṅ ||
mgo gcod pa daṅ rna ba rkaṅ lag sna gcod daṅ ||
’jig rten sdug bsṅal ji sñed bdag gis bzod sñam pa ||
byaṅ chub sems dpa’ bzod pa’i pha rol phyin la gnas ||
tshul khrims kyis ni źib ’dod rnams ’phags par gyur ||
stobs (180a1) bcu’i spyod yul gnas śiṅ tshul khrims ñams pa med ||
sdom pa’i bya ba ji sñed kun gyi rjes su ’jug | sems can kun la phan phyir de yaṅ byaṅ chub bsṅo ||
gal te dgra bcom raṅ rgyal byaṅ chub reg ’dod na ||
tshul khrims ’chal ciṅ mi (2) mkhas de bźin spyod pa ñams ||
ci ste byaṅ chub źi ba mchog tu yoṅs bsṅo na ||
’dod yon brtson yaṅ tshul khrims pha rol phyin la gnas ||
chos gaṅ ṅes pa’i byaṅ chub yon tan ’byuṅ ’gyur ba ||
’di ni yon tan chos ldan rnams kyi tshul khrims don ||
chos gaṅ phan byed (3) rnams kyi byaṅ chub yoṅs ñams pa ||
’di ni tshul khrims ’chal ces rnam par ’dren pas gsuṅs ||
gal te byaṅ chub sems dpa’ ’dod yon lṅa spyod kyaṅ ||
saṅs rgyas chos daṅ ’phags pa’i dge ’dun skyabs soṅ ste ||
saṅs rgyas ’grub bya sñam du kun mkhyen yid byed na ||
(4) mkhas pa tshul khrims pha rol phyin gnas rig par bya ||
gal te bskal pa bye bar dge ba’i las lam bcu ||
spyod kyaṅ dgra bcom raṅ rgyal ñid la ’dod skyed na ||
de tshe tshul khrims skyon byuṅ tshul khrims ñams pa yin ||
sems bskyed de ni phas pham pas kyaṅ śin tu lci ||
(5) tshul khrims sruṅ źiṅ byaṅ chub mchog tu yoṅs bsṅo la ||
de yis rlom sems med ciṅ bdag stod mi byed la ||
ṅa yi ’du śes sems can ’du śes yoṅs su spaṅs ||
byaṅ chub sems dpa’ tshul khrims pha rol phyin gnas brjod ||
gal te byaṅ chub sems dpa’ rgyal ba’i (6) lam spyod pa ||
sems can ’di dag khrims ldan ’di dag khrims ’chal źes ||
sna tshogs ’du śes źugs pa śin tu tshul khrims ’chal ||
tshul khrims ñams śiṅ de la yoṅs dag tshul khrims med ||
gaṅ la bdag gi ’du śes sems can ’du śes med ||
’du śes (7) ’dod chags bral la sdom min ga la yod ||
gaṅ la sdom daṅ sdom pa ma yin rlom sems med ||
’di ni tshul khrims sdom par rnam par ’dren pas gsuṅs ||
sems can dag pa gaṅ źig de ltar khrims ldan pa ||
sdug daṅ mi sdug kun la lta ba med pa yin ||
mgo daṅ (180b1) rkaṅ lag gtoṅ źiṅ źum pa’i sems kyaṅ med ||
bdog pa thams cad gtoṅ źiṅ rtag tu źen pa med ||
chos rnams raṅ bźin bdag med ya ma brlar śes nas ||
bdag gi śa yaṅ gtoṅ źiṅ źum pa’i sems med na ||
de tshe phyi rol dṅos po gtoṅ ba smos ci dgos ||
(2) gal te ser sna byed pa de ni gnas med do ||
bdag tu ’du śes dṅos la bdag gi rab ’dzin pas chags ||
blun po rnams la gtoṅ ba’i blo lta ga la yod ||
ser sna can ni yi dgas gnas su skye bar ’gyur ||
ci ste mir skyes na yaṅ de tshe dbul por ’gyur ||
de tshe (3) byaṅ chub sems dpa’ sems can dbul śes nas ||
gtoṅ la mos par ’gyur źiṅ rtag tu lhag par gtoṅ ||
gliṅ bźi legs par brgyan pa mchil ma’i thal ba ’dra ||
byin nas dga’ bar ’gyur gyi gliṅ thob de lta min ||
byaṅ chub sems dpa’ mkhas pa (4) gsal ba srid gsum gyi ||
sems can ji sñed de dag kun la sbyin pa ’di ||
byin par gyur cig sñam du bsams nas sbyin byin la ||
de yaṅ ’gro ba’i don phyir byaṅ chub mchog tu bsṅo ||
sbyin pa byin nas dṅos la gnas par byed pa med ||
de ni nam du’aṅ rnam par (5) smin la re ba med ||
de ltar gtoṅ la mkhas pa thams cad gtoṅ ba ste ||
chuṅ ṅu btaṅ la maṅ po dpag tu med par ’gyur ||
srid pa gsum na sems can ma lus ji sñed pa ||
yoṅs su brtag par bzuṅ ste de dag thams cad kyis ||
’jig rten mkhyen pa saṅs (6) rgyas dgra bcom raṅ rgyal la ||
bskal pa mtha’ yas sbyin byin ñan thos legs tshol na ||
byaṅ chub sems dpa’ mkhas pa thabs mkhas gaṅ źig gis ||
de dag bsod nams bya ba’i dṅos la yi raṅ nas ||
sems can don du byaṅ chub mchog rab yoṅs bsṅo na ||
(7) yoṅs su bsṅos pas ’gro ba thams cad zil gyis gnon ||
nor bu mchiṅ bu’i phuṅ po chen por gyur pa yaṅ ||
rin chen bai dUrya gcig de kun zil gyis gnon ||
de bźin ’gro kun sbyin pa’i phuṅ po rgya chen kun ||
rjes su yi raṅ byaṅ chub sems dpas zil gyis gnon ||
(181a1) gal te byaṅ chub sems dpas ’gro la sbyin byin nas ||
de la bdag gir mi byed dṅos po phaṅs med na ||
de las dge ba’i rtsa ba mthu chen ’phel ’gyur te ||
sprin med ’od ldan zla dkyil yar gyi ṅo bźin no ||
byaṅ chub sems dpa’i sbyin pas yid (2) btags ’gro ba gcod ||
dbul ba daṅ ni de bźin ñon moṅs thams cad gcod ||
spyod tshe loṅs spyod mtha’ yas rgyas pa thob par ’gyur ||
sbyin pas sdug bsṅal gyur pa’i sems can yoṅs smin byed ||
khrims kyis dud ’gro’i ’gro ba du ma’i ṅo bo daṅ ||
mi khom (3) brgyad spoṅ de yis dal ba rtag tu rñed ||
bzod pas gzugs bzaṅ dam pa rgya chen thob ’gyur te ||
gser mdog sdug ciṅ ’gro bas lta ba’i ’os su ’gyur ||
brtson ’grus kyis ni dkar po’i yon tan ’grib mi ’gyur ||
ye śes mtha’ yas rgyal ba’i baṅ mdzod rñed par ’gyur | (4) bsam gtan gyis ni ’dod pa’i yon tan smad pa ’dor ||
rig daṅ mṅon par śes daṅ tiṅ ’dzin mṅon par sgrub ||
śes rab kyis ni chos kyi raṅ bźin yoṅs śes nas ||
khams gsum ma lus pa las yaṅ dag ’da’ bar ’gyur ||
mi yi khyu mchog ’khor lo rin (5) chen bskor byas nas ||
sdug bsṅal zad par bya phyir ’gro la chos kyaṅ ston ||
chos ’di yoṅs rdzogs byas nas byaṅ chub sems dpa’ de ||
yoṅs dag źiṅ daṅ sems can dag pa yoṅs su ’dzin ||
saṅs rgyas rgyud daṅ chos kyi rgyud kyaṅ yoṅs su ’dzin ||
de bźin dge (6) ’dun rgyud daṅ chos kun yoṅs su ’dzin ||
’gro ba’i nad gso mdzad pa sman pa’i mchog gyur pas ||
śes rab bstan pa byaṅ chub lam ldan ’di gsuṅs te ||
miṅ ni yon tan rin chen sdud pa byaṅ chub lam ||
lam ’di sems can kun gyis thob par bya phyir bśad ||
śes (7) rab kyi pha rol tu phyin pa khri brgyad stoṅ pa las | sdud pa’i tshigs su bcad pa’i le’u źes bya ste | brgyad cu rtsa bźi pa’o || ||
śes rab kyi pha rol tu phyin pa khri brgyad stoṅ pa | bam po lṅa bcu rtsa dgu pa | de nas bcom ldan ’das kyis tshigs su bcad (181b1) pa ’di dag gsuṅs nas | tshe daṅ ldan pa rab ’byor la bka’ stsal pa | rab ’byor rigs kyi bu’am rigs kyi bu mo gaṅ la la śes rab kyi pha rol tu phyin pa tshol bar ’dod pa’i rigs kyi bu daṅ rigs kyi bu mo des | ji ltar byaṅ chub sems dpa’ sems dpa’ chen po (2) rtag tu du | da ltar de bźin gśegs pa dgra bcom pa yaṅ dag par rdzogs pa’i saṅs rgyas sgra dbyaṅs mi bzad par sgrogs pa’i druṅ na tshaṅs par spyad pa spyod pa des yoṅs su btsal ba de bźin du | śes rab kyi pha rol tu phyin pa ’di yoṅs su btsal bar bya’o ||
(3) de skad ces bka’ stsal pa daṅ | bcom ldan ’das la tshe daṅ ldan pa rab ’byor gyis ’di skad ces gsol to ||
bcom ldan ’das byaṅ chub sems dpa’ sems dpa’ chen po rtag tu dus | śes rab kyi pha rol tu phyin pa ’di yoṅs su tshol ba na ji ltar yoṅs su (4) btsal lags | de skad ces gsol pa daṅ | bcom ldan ’das kyis tshe daṅ ldan pa rab ’byor la ’di skad ces bka’ stsal to ||
byaṅ chub sems dpa’ sems dpa’ chen po rtag tu ṅu sṅon śes rab kyi pha rol tu phyin pa ’di yoṅs su tshol ba na | lus (5) la ched cher mi ’dzin ||
srog la mi lta | rñed pa daṅ | bkur sti daṅ | tshigs su bcad pa dag la mi gnas par yoṅs su btsal bas yoṅs su btsal to ||
de śes rab kyi pha rol tu phyin pa yoṅs su tshol źiṅ ’brog dgon pa źig tu phyin pa na | bar snaṅ (6) la sgra thos par gyur te | rigs kyi bu śar phyogs su soṅ śig daṅ | śes rab kyi pha rol tu phyin pa thos par ’gyur gyis | ji nas lus ṅal ba yid la byed pa mi skyed pa daṅ | gñid daṅ rmugs pa yid la byed pa mi skyed pa daṅ | bza’ ba yid la byed pa mi skyed (7) pa daṅ | btuṅ ba yid la byed pa mi skyed pa daṅ | mtshan mo yid la byed pa mi skyed pa daṅ | ñin mo yid la byed pa mi skyed pa daṅ | graṅ ba yid la byed pa mi skyed pa daṅ | tsha ba yid la byed pa mi skyed pa de ltar soṅ śig | naṅ daṅ phyi rol gaṅ la yaṅ sems (182a1) smon par ma byed cig | rigs kyi bu g-yas g-yon du ma blta bar soṅ śig | nub daṅ | byaṅ daṅ | steṅ daṅ | ’og daṅ | phyogs mtshams su yaṅ ma blta bar soṅ śig | rigs kyi bu ci nas ’jig tshogs las kyaṅ ma g-yos (2) pa daṅ | ci nas gzugs las kyaṅ ma g-yos pa daṅ | ci nas tshor ba daṅ | ’du śes daṅ | ’du byed rnams daṅ | rnam par śes pa las kyaṅ ma g-yos pa de ltar soṅ śig | gaṅ ’di las g-yos pa de ni rnam par ñams par ’gyur ro ||
ci las (3) ñams par ’gyur źe na | saṅs rgyas kyi chos rnams las ñams par ’gyur ro ||
gaṅ saṅs rgyas kyi chos rnams las ñams par ’gyur ba de ni ’khor ba la spyod do ||
gaṅ ’khor ba la spyod pa de ni śes rab kyi pha rol tu phyin pa rjes su mi ’thob bo ||
de skad ces smras pa (4) daṅ | byaṅ chub sems dpa’ sems dpa’ chen po rtag tu ṅus sgra de la ’di skad ces smras so ||
de ci’i phyir źe na | bdag ni sems can thams cad la snaṅ bar byed par ’dod pa daṅ | saṅs rgyas kyi chos thams cad bsgrub par ’dod (5) pa’i phyir ro ||
de skad ces smras pa daṅ | sgra des byaṅ chub sems dpa’ sems dpa’ chen po rtag tu ṅu la ’di skad ces smras so ||
rtag tu ṅu legs so legs so ||
de nas byaṅ chub sems dpa’ sems dpa’ chen po rtag tu ṅus kyaṅ sgra thos te | ’di skad du (6) rigs kyi bu khyod kyis stoṅ pa ñid daṅ | mtshan ma med pa daṅ | smon pa med pa’i chos dag la mos pa bskyed la | śes rab kyi pha rol tu phyin pa yoṅs su btsal bar bya’o ||
khyod kyis mtshan ma yoṅs su spaṅ bar bya | dṅos po yoṅs su spaṅ bar bya | sems (7) can du lta ba yoṅs su spaṅ bar bya’o ||
rigs kyi bu khyod kyis sdig pa’i grogs po dag spaṅ bar bya’o ||
dge ba’i bśes gñen gaṅ dag stoṅ pa ñid daṅ | mtshan ma med pa daṅ | smon pa med pa daṅ | ma byuṅ ba daṅ | ma skyes pa daṅ | dṅos po med pa daṅ | (182b1) ma ’gags pa’i chos rnams ston pa dag la bsñen par bya | bsten par bya | bsñen bkur bya’o ||
rigs kyi bu khyod kyis de ltar bsgrubs na riṅ po mi thogs par śes rab kyi pha rol tu phyin pa glegs bam du chud pa’am | dge sloṅ chos smra ba’i lus la yod pa thos (2) par ’gyur te | rigs kyi bu gaṅ la las śes rab kyi pha rol tu phyin pa ’di thos pa de la rigs kyi bu khyod kyis ston par ’du śes bskyed par bya źiṅ khyod kyis byas pa gzo ba daṅ | byas pa tshor bar bya ste | gaṅ las śes rab kyi pha rol tu phyin pa ’di thos pa (3) ’di ni bdag gi dge ba’i bśes gñen yin te | śes rab kyi pha rol tu phyin pa de bdag gis thos pas | myur du bla na med pa yaṅ dag par rdzogs pa’i byaṅ chub las phyir mi ldog par ’gyur | de bźin gśegs pa dgra bcom pa yaṅ dag par rdzogs pa’i (4) saṅs rgyas rnams la bsñen par ’gyur źiṅ | saṅs rgyas kyi źiṅ de bźin gśegs pa daṅ ma bral ba rnams su skye bar ’gyur ro ||
mi khom pa rnams spoṅ bar ’gyur ro ||
de la ba phun sum tshogs pa thob par ’gyur ro ||
rigs kyi bu phan yon ’di rnams khyod (5) kyis yoṅs su rtogs la | dge sloṅ chos smra ba la ston pa yin par ’du śes bskyed par bya’o ||
rigs kyi bu khyod kyis ’jig rten gyi zaṅ ziṅ daṅ ldan pa’i sems kyi rgyud kyis | dge sloṅ chos smra ba’i phyi bźin ’braṅ bar mi bya’i | khyod kyis dge sloṅ chos smra ba las (6) chos don du gñer ba daṅ | chos la gus par bya bas phyi bźin ’braṅ bar bya’o ||
khyod kyis bdud kyi las rnams rtogs par bya ste | rigs kyi bu bdud sdig can ni byaṅ chub sems dpa’ sems dpa’ chen po rnams la gzugs daṅ | sgra daṅ | dri daṅ | ro daṅ | (7) reg pa dag bsñen pa daṅ | bsten pa daṅ | spyad par bya ba’i phyir ñe bar sgrub ste | de dag des zil gyis mnan nas thabs la mkhas pas ’grogs śiṅ bsten pa daṅ | bsñen par byed pa’aṅ yod de | rigs kyi bu khyod kyis dge sloṅ chos smra ba de la ma dad pa bskyed (183a1) par mi bya’o ||
gźan du na sems ’di ltar bskyed par bya ste | bdag ni thabs mkhas pa de mi śes kyi | ’di ni thabs mkhas pa rab tu śes so ||
’di ni sems can gdul ba’i tshul gyis sems can rnams kyi dge ba’i rtsa ba yoṅs su (2) gzuṅ ba’i phyir chos ’di dag la bsten ciṅ ’grogs te | bsñen par byed kyi | byaṅ chub sems dpa’ sems dpa’ chen po rnams ni gaṅ la yaṅ chags pa’am | sgrib pa med kyis | skad cig de ñid la rigs kyi bu khyod ñid kyis yaṅ dag pa’i tshul so sor brtag (3) par bya’o ||
rigs kyi bu chos rnams kyi yaṅ dag pa’i tshul gaṅ źe na | ’di lta ste | chos thams cad kun nas ñon moṅs pa ma yin | rnam par byaṅ ba ma yin no ||
de ci’i phyir źe na | chos thams cad ni ṅo bo ñid kyis stoṅ pa’i phyir te | chos thams (4) cad ni sems can med pa | srog med pa | gaṅ zag med pa | sgyu ma lta bu | rmi lam lta bu | brag ca lta bu | mig yor lta bu ste | rigs kyi bu chos rnams kyi yaṅ dag pa’i tshul de ltar rtog ciṅ chos smra ba’i phyir ’braṅ na riṅ po mi thogs par śes rab kyi (5) pha rol tu phyin pa la ṅes par ’byuṅ bar ’gyur ro ||
gźan yaṅ rigs kyi bu khyod kyis bdud kyi las la soms śig | rigs kyi bu gal te chos smra ba dag śes rab kyi pha rol tu phyin pa ’dod pa’i rigs kyi bu la brñas par byed ciṅ mi sems na | de la (6) rigs kyi bu khyod kyis phyir dgyed par mi bya ste | gźan du na chos don du gñer ba ñid daṅ | chos la gus par byed pa ñid daṅ | yid mi skyo bas dge sloṅ chos smra ba’i phyi bźin ’braṅ bar bya’o źes thos so ||
de nas byaṅ chub sems dpa’ sems dpa’ chen po rtag (7) tu dus sgra de las rjes su bstan pa ’di blaṅs nas | śar phyogs ga la pa der soṅ ba daṅ | riṅ por ma phyin par de ’di sñam du sems te | bdag gis sgra de la ji srid du ’gro bar bya ba ma dris so sñam nas | des phyogs de ñid na du źiṅ mya ṅan byed de smre źiṅ ’dug (183b1) go ||
des phyogs de na ñin źag gcig ’das par byed | ñin źag gñis sam | gsum ’am | bźi ’am | lṅa ’am | bdun ’das kyaṅ śes rab kyi pha rol tu phyin pa thos par ma gyur gyi bar du lus ṅal ba yid la byed pa mi skyed | rmugs pa daṅ | gñid (2) yid la byed pa mi skyed | bza’ ba yid la byed pa mi skyed | btuṅ ba yid la byed pa mi skyed | mtshan mor yid la byed pa mi skyed | ñin mor yid la byed pa mi skyed | graṅ ba yid la byed pa mi skyed | tsha ba yid la byed pa mi skyed do ||
rab ’byor ’di lta ste dper na ||
(3) skyes bu la la źig bu gcig pa ’chi ba’i dus byas na | sdug bsṅal ba daṅ | yid mi bde ba chen po daṅ ldan par ’gyur te | de lta bu’i mya ṅan gyis bu gcig pu yid la byed pa ’byuṅ ba ma gtogs par yid la byed pa gźan gaṅ yaṅ mi ’byuṅ ṅo ||
rab ’byor de bźin du (4) byaṅ chub sems dpa’ sems dpa’ chen po rtag tu ṅu yaṅ de’i tshe | bdag gis nam śes rab kyi pha rol tu phyin pa thos par ’gyur sñam pa ma gtogs par yid la byed pa gźan gaṅ yaṅ mi ’byuṅ ṅo ||
rab ’byor de nas byaṅ cub sems dpa’ sems dpa’ chen po rtag tu (5) du de ltar gduṅ źiṅ ’dug pa’i mdun du | de bźin gśegs pa’i gzugs śig bźugs nas | legs so źes bya ba byin te | rigs kyi bu khyod tshig de skad smra ba legs so legs so ||
ji ltar khyod kyis da ltar yoṅs su btsal ba de bźin du sṅon gyi de bźin (6) gśegs pa dgra bcom pa yaṅ dag par rdzogs pa’i saṅs rgyas rnams kyis kyaṅ | sṅon byaṅ chub sems dpa’i spyad pa spyod pa na śes rab kyi pha rol tu phyin pa yoṅs su btsal to ||
rigs kyi bu de’i phyir khyod kyis brtson ’grus ’di daṅ | spro ba ’di daṅ | ’dod (7) du gñer ba ’di daṅ | ’dod pa ’di lta bus rjes su ’braṅ źiṅ | śar phyogs ñid du soṅ śig daṅ | rigs kyi bu ’di nas dpag tshad lṅa brgya na | spos ldan źes bya ba’i groṅ khyer rin po che sna bdun las byas pa’i ra ba rim bdun gyis bskor ba | ’o bas rim pa (184a1) bdun daṅ | śiṅ ta la’i phreṅ rim bdun gyis yoṅs su bskor ba | tshur dpag tshad bcu gñis | źeṅ du dpag tshad bcu gñis yod pa | ’byor pa rgyas pa | bde ba lo legs pa | skye bo maṅ po daṅ | mis gaṅ ba | groṅ bar daṅ sraṅ (2) mñam źiṅ mtshuṅs pa lṅa brgya dag gis ri mor bris pa bźin du gtams pa | phyogs khri ñam mi ṅa ba daṅ | bar bar dag tu zam pa btags pa | groṅ khyer gyi khor yug tu źol gyi phyir rin po che sna bdun las legs par byas śiṅ bskor la | rin po che sna bdun gyi (3) rab de dag gi mda’ yab rnams ni ’dzam bu’i chu bo’i gser las byas pa | mtho źiṅ tshad daṅ ldan pa | mda’ yab thams cad kyi rtse mo las kyaṅ rin po che sna bdun gyi śiṅ skyes te | rin po che sna tshogs kyi śiṅ tog gi ’bras bu chags pa | mda’ yab (4) śiṅ skyes pa thams cad las kyaṅ rin po che’i tha gu byuṅ bas mda’ yab cig śos gźan daṅ ’brel pa | groṅ khyer thams cad gser gyi dril bu g-yer ka’i dra bas khebs te gser gyi dril bu g-yer ka de dag la rluṅ gis btab na | sgra ’jam źiṅ sñan pa yiṅ (5) du boṅ ba dag ’byuṅ ba ’di lta ste | dper na yan lag lṅa daṅ ldan pa’i rol mo tshogs pa | rol mo mkhan mkhas pas brduṅs śiṅ blaṅs na sgra ’jam źiṅ sñan la | yid du ’oṅ ba dag ’byuṅ ba de bźin du dril bu g-yer ka de dag la rluṅ gis btab na | sgra ’jam (6) źiṅ sñan pa yid du ’oṅ ba dag ’byuṅ ste | sgra des sems can de dag rtse dga’ źiṅ dga’ mgur spyod do ||
groṅ khyer de khor yug tu ’obs chu ’bab pas gaṅ źiṅ chu ha caṅ yaṅ mi graṅ | ha caṅ yaṅ mi dro bas gaṅ ba dag yod do ||
chu de la sṅon gyi rnam par smin (7) pas grub pa | rin po che sna bdun gyi rnam par bkra źiṅ blta na sdug pa’i gru dag yod de | der sems can de dag źugs nas rtse dga’ źiṅ rab tu rgyu’o ||
chu de thams cad kyaṅ me tog utpa la daṅ | ku mu da daṅ | pad ma dkar po dag gis khebs pa | me tog (184b1) rigs che źiṅ bzaṅ la | dri źim po’i ṅad ldan pa gźan pa dag gis kyaṅ khebs te | stoṅ gsum gyi stoṅ chen po’i ’jig rten gyi khams na yod pa’i me tog gi rigs las de na med pa gaṅ yaṅ med do ||
groṅ khyer de’i naṅ na skyed mos tshal lṅa brgya yod de | thams cad (2) kyaṅ rin po che sna bdun las byas pa | rnam par bkra źiṅ blta na sdug pa śa stag ste | skyed mos tshal de dag re re na yaṅ rdziṅ bu khor yug tu rgyaṅ grags kyi tshad tsam lṅa brgya lṅa brgya yod de | rdziṅ bu de dag gi khor yug thams cad nas rin po che sna bdun gyi me tog utpa la (3) daṅ | ku mu da daṅ | pad ma dkar po rnam par bkra źiṅ blta na sdug pa dag skyes te | de dag gis chu de khebs śiṅ | me tog utpala daṅ | ku mu daṅ | pad ma dkar po de dag thams cad kyaṅ chu źeṅ du śiṅ rta’i phaṅ lo tsam ste | sṅon po kha dog sṅon (4) po ||
sṅon po lta bur ston pa | ’od sṅon po ’byuṅ ba | ser po kha dog ser po ||
ser po lta bur ston pa | ’od ser po ’byuṅ ba | dmar po kha dog dmar po | dmar po lta bur ston pa | ’od dmar po ’byuṅ ba | dkar po kha dog dkar po | dkar po lta (5) bur ston pa | ’od dkar po ’byuṅ ba dag yod do ||
rdziṅ bu de dag thams cad na | ṅaṅ ṅur daṅ | khruṅ khruṅ daṅ | bya ka ra na da daṅ | bźad sgra ’byin pa dag yod do ||
skyed mos tshal de dag thams cad kyaṅ ṅa yir bya ba med ciṅ ris su bcad pa med de | ’di (6) ltar sems can dag yun riṅ por śes rab kyi pha rol tu phyin pa la spyod ciṅ | yun riṅ por chos zab mo la mos pa’i sems can de dag gi sṅon gyi las kyi rnam par smin pas grub pa yin no ||
rigs kyi bu groṅ khyer de dag gi dbus kyi bźi mdo na | byaṅ chub sems (7) dpa’ sems dpa’ chen po chos ’phags kyi khaṅ pa rin po che sna bdun las byas pa | khor yug tu dpag tshad kyi tshad tsam yod pa rnam par bkra źiṅ blta na sdug pa | rab rim bdun daṅ | ta la’i phreṅ rim bdun gyis yoṅs su bskor ba źig yod de ||
khaṅ pa (185a1) de na khaṅ pa’i loṅs spyod du rtag tu rab dga’ źes bya ba’i skyed mos tshal daṅ | mya ṅan med ces bya ba daṅ | mya ṅan bral źes bya ba daṅ | me tog sna tshogs pa źes bya ba’i skyed mos tshal daṅ | skyed mos tshal bźi yod de | skyed mos tshal de dag (2) re re na yaṅ rdziṅ bu bzaṅ po źes bya ba daṅ | bzaṅ mchog ces bya ba daṅ | dga’ ba źes bya ba daṅ | dga’ mchog ces bya ba daṅ | bde ba źes bya ba daṅ | bde ldan źes bya ba daṅ | ṅes pa źes bya ba daṅ | mi ’bab ces bya ba brgyad brgyad yod de | rdziṅ bu (3) de dag gi ṅos gcig ni gser las byas | ṅos gñis pa ni dṅul las byas | ṅos gsum pa ni bai dUrya las byas | ṅos bźi pa ni śel las byas | naṅ gi sa gźi ni ke ke ru la | gser gyi bye ma bdal ba ste | rdziṅ bu de dag re re la yaṅ | them skas them pa (4) rin po che sna tshogs rnam pa tha dad pas brgyan pa brgyad brgyad yod de | them skas de dag thams cad kyi bar nas kyaṅ ’dzam bu’i chu bo’i gser gyi śiṅ ljon pa dag skyes so ||
rdziṅ bu de dag thams cad kyi chu ni me tog ku mu da daṅ | utpa la daṅ | pad ma dkar (5) po sna tshogs kyis khebs śiṅ | ṅaṅ ṅur daṅ | khruṅ khruṅ daṅ | bźad rnams skad ’byin to ||
rdziṅ bu de dag gi khor yug tu me tog gi śiṅ rnam pa sna tshogs skyes te | śiṅ de dag la rluṅ gis bskyod pa daṅ | me tog rnams rdziṅ bu’i naṅ du lhuṅ bas | rdziṅ (6) bu de thams cad kyi chu yaṅ tsan dan gyi drir phyogs śiṅ kha dog daṅ ldan | dri daṅ ldan no ||
de na byaṅ chub sems dpa’ sems dpa’ chen po chos ’phags ’khor daṅ bcas pa bud med drug khri brgyad stoṅ daṅ lhan cig tu ’dod pa’i yon tan lṅa daṅ ldan źiṅ ’byor te | (7) rtse dga’ źiṅ dga’ mgur spyod do ||
groṅ khyer de na sems can skyes pa daṅ | bud med gaṅ gźan dag ’khod pa de dag thams cad kyaṅ skyed mos tshal lam | rdziṅ bu dag na rtag tu dga’ źiṅ ’dod pa’i yon tan lṅa daṅ ldan źiṅ ’byor te | rtse dga’ źiṅ dga’ (185b1) mgur spyod do ||
yaṅ byaṅ chub sems dpa’ sems dpa’ chen po chos ’phags de ’khor rnams daṅ lhan cig tu rtse dga’ ste | dga’ mgur spyod ciṅ de na dus gsum du śes rab kyi pha rol tu phyin pa ston to ||
sems can gaṅ dag groṅ khyer spos ldan na ’khod (2) pa de dag kyaṅ groṅ khyer gyi dbus kyi bźi mdor byaṅ chub sems dpa’ sems dpa’ chen po chos ’phags kyi khri gser gyi rkaṅ pa daṅ | dṅul gyi rkaṅ pa daṅ | bai drya’i rkaṅ pa daṅ | śel gyi rkaṅ pa btsugs pa | śiṅ bal btiṅ ba | stan naṅ tshaṅs (3) can btiṅ ba | steṅ sñiṅ po can du byas pa | ka śi ka’i ras btiṅ ba | ’phaṅ du rgyaṅ grags phyed yod pa bśams te | steṅ gi bar snaṅ la ras kyi bla re mu tig gis brgyan pa bres śiṅ | de ltar chos la gus par byed pas sa phyogs de khor yug kyaṅ | me (4) tog kha dog sna lṅa pa dag mṅon par gtor ciṅ sa phyogs de yaṅ spos sna tshogs daṅ | bdug pa sna tshogs kyis śin tu bdug par byed de | de la byaṅ chub sems dpa’ sems dpa’ chen po chos ’phags ’dug nas | śes rab kyi pha rol tu phyin (5) pa ston te | rigs kyi bu sems can de dag ni de lta bur gus par byed ciṅ | byaṅ chub sems dpa’ sems dpa’ chen po chos ’phags las śes rab kyi pha rol tu phyin pa ñan to ||
de na gaṅ dag ñan pa’i lha daṅ mi srog chags brgya phrag maṅ po daṅ | (6) srog chags stoṅ phrag maṅ po daṅ | srog chags ’bum phrag maṅ po tshogs pa de dag las | la la ni klog slob | la la ni ’dzin | la la ni ’chaṅ | kha cig ni zlos | la la ni luṅ nod | la la ni kha ton byed | la la ni yi ger ’dri | la la ni tshul bźin (7) yid la byed pas rtogs par byed de | sems can de dag thams cad kyaṅ log par mi ltuṅ ba’i chos can de | bla na med pa yaṅ dag par rdzogs pa’i byaṅ chub las phyir mi ldog pa śa stag go ||
rigs kyi bu byaṅ chub sems dpa’ sems dpa’ chen po (186a1) chos ’phags de’i druṅ du soṅ śig daṅ | de las śes rab kyi pha rol tu phyin pa thos par ’gyur ro ||
rigs kyi bu de ni yun riṅ po nas khyod kyi dge ba’i bśes gñen yin te | bla na med pa yaṅ dag par rdzogs pa’i byaṅ chub yaṅ dag (2) par ston pa | yaṅ dag par ’dzin du ’jug pa | yaṅ dag par gzeṅs stod pa | yaṅ dag par rab tu dga’ bar byed pa yin no ||
rigs kyi bu ṅas kyaṅ sṅon da ltar khyod ji ltar tshol ba bźin du śes rab kyi pha rol tu phyin pa yoṅs su btsal gyis | rigs (3) kyi bu khyod ñin mtshan du yid la byed pa | rgyun ma gcad par soṅ śig daṅ | riṅ por mi thogs par śes rab kyi pha rol tu phyin pa thos par ’gyur ro ||
de nas byaṅ chub sems dpa’ sems dpa’ chen po rtag tu ṅus | de thos nas dga’ mgu yid (4) raṅs rab tu mgu źiṅ dga’ ba daṅ | yid bde ba skyes par gyur pa ’di lta ste | dper na skyes bu ma de’u dug can źig gis phog na yid la byed pa gźan mi bskyed kyi | gaṅ bdag sdug bsṅal ’di las thar bar byed pa | zug rṅu ’byin pa’i sman pa (5) bdag gis nam rñed sñam sems pa de bźin du | byaṅ chub sems dpa’ sems dpa’ chen po rtag tu du yaṅ | gaṅ bdag la śes rab kyi pha rol tu phyin pa de thos par byed ciṅ | chos gaṅ thos nas bdag gi dmigs pa yid la byed pa spoṅ bar ’gyur (6) ba’i rigs kyi bu de | bdag gis nam mthoṅ sñam sems pa ma gtogs par | chos gaṅ yaṅ yid la mi byed do ||
de nas byaṅ chub sems dpa’ sems dpa’ chen po rtag tu dus phyogs de ñid du ’dug ste | chos thams cad la mi gnas pa’i (7) ’du śes bskyed nas | de tiṅ ṅe ’dzin gyi sgo du ma mṅon du gyur pa ’di lta ste | chos thams cad kyi ṅo bo ñid la rnam par lta ba źes bya ba’i tiṅ ṅe ’dzin daṅ | chos thams cad kyi ṅo bo ñid mi dmigs pa źes bya ba’i tiṅ ṅe ’dzin daṅ | chos thams cad mi (186b1) śes pa daṅ bral ba źes bya ba’i tiṅ ṅe ’dzin daṅ | chos thams cad ’gyur ba med par mthoṅ ba źes bya ba’i tiṅ ṅe ’dzin daṅ | chos thams cad snaṅ bar byed pa źes bya ba’i tiṅ ṅe ’dzin daṅ | chos thams cad mun pa daṅ bral ba źes bya ba’i tiṅ ṅe ’dzin daṅ | (2) chos thams cad mi śes pa sel ba źes bya ba’i tiṅ ṅe ’dzin daṅ | chos thams cad mi dmigs pa źes bya ba’i tiṅ ṅe ’dzin daṅ | me tog bkram pa źes bya ba’i tiṅ ṅe ’dzin daṅ | chos thams cad bdag gi dṅos po mi sgrub pa źes bya ba’i tiṅ ṅe ’dzin daṅ | (3) sgyu ma rnam par spaṅs ba źes bya ba’i tiṅ ṅe ’dzin daṅ | me loṅ gi dkyil ’khor snaṅ ba sgrub pa źes bya ba’i tiṅ ṅe ’dzin daṅ | sems can thams cad kyi sgra sgrub pa źes bya ba’i tiṅ ṅe ’dzin daṅ | chos thams cad tha dad pa med pa źes bya ba’i tiṅ ṅe ’dzin daṅ | (4) sems can thams cad mṅon par dga’ ba źes bya ba’i tiṅ ṅe ’dzin daṅ | sems can thams cad kyi sgra la mkhas pa’i rjes su soṅ ba źes bya ba’i tiṅ ṅe ’dzin daṅ | sgra daṅ | tshig daṅ | ’bru sna tshogs sgrub pa źes bya ba’i tiṅ ṅe ’dzin daṅ | ma kheṅs pa źes (5) bya ba’i tiṅ ṅe ’dzin daṅ | raṅ bźin rnam par bltas pa źes bya ba’i tiṅ ṅe ’dzin daṅ | sgrib pa med pa’i rnam par thar pa thob pa źes bya ba’i tiṅ ṅe ’dzin daṅ | rdul daṅ bral ba źes bya ba’i tiṅ ṅe ’dzin daṅ | miṅ daṅ ṅes pa’i sgra daṅ | tshig daṅ | ’bru źes (6) bya ba’i tiṅ ṅe ’dzin daṅ | chos thams cad la rnam par lta ba źes bya ba’i tiṅ ṅe ’dzin daṅ | chos thams cad la sgrib pa med pa’i mtha’ źes bya ba’i tiṅ ṅe ’dzin daṅ | nam mkha’ daṅ mtshuṅs pa źes bya ba’i tiṅ ṅe ’dzin daṅ | rdo rje lta bu źes bya ba’i tiṅ ṅe ’dzin (7) daṅ | gzugs kyi rdul sel ces bya ba’i tiṅ ṅe ’dzin daṅ | rgyal ba thob pa źes bya ba’i tiṅ ṅe ’dzin daṅ | phyir mi ldog pa’i mig ces bya ba’i tiṅ ṅe ’dzin daṅ | chos kyi dbyiṅs las ṅes par ’byuṅ ba źes bya ba’i tiṅ ṅe ’dzin daṅ | dbugs ’byin pa sbyin (187a1) pa źes bya ba’i tiṅ ṅe ’dzin daṅ | seṅ ge mṅon par bsgrags pa źes bya ba’i tiṅ ṅe ’dzin daṅ | sems can thams cad zil gyis gnon pa źes bya ba’i tiṅ ṅe ’dzin daṅ | rdul med pa źes bya ba’i tiṅ ṅe ’dzin daṅ | kun nas (2) ñon moṅs pa med pa źes bya ba’i tiṅ ṅe ’dzin daṅ | pad ma bkod pa źes bya ba’i tiṅ ṅe ’dzin daṅ | nem nur gcod pa źes bya ba’i tiṅ ṅe ’dzin daṅ | sñiṅ po thams cad kyi rjes su soṅ ba źes bya ba’i tiṅ ṅe ’dzin daṅ | chos thams cad las mṅon (3) par ’phags pa źes bya ba’i tiṅ ṅe ’dzin daṅ | mṅon par śes pa daṅ | stobs daṅ | mi ’jigs pa thob pa źes bya ba’i tiṅ ṅe ’dzin daṅ | chos thams cad las ṅes par ’bigs pa źes bya ba’i tiṅ ṅe ’dzin daṅ | chos thams cad kyi ’byor pa (4) rgya mtsho źes bya ba’i tiṅ ṅe ’dzin daṅ | chos thams cad bye brag med par lta ba źes bya ba’i tiṅ ṅe ’dzin daṅ | lta bar gyur pa thibs po thams cad rnam par spoṅ ba źes bya ba’i tiṅ ṅe ’dzin daṅ | mun pa daṅ bral ba źes bya ba’i tiṅ ṅe ’dzin daṅ | chos (5) thams cad mtshan ma daṅ bral ba źes bya ba’i tiṅ ṅe ’dzin daṅ | chags pa thams cad las rnam par grol ba źes bya ba’i tiṅ ṅe ’dzin daṅ | le lo thams cad daṅ bral ba źes bya ba’i tiṅ ṅe ’dzin daṅ | chos zab mo’i ’od byed pa źes bya ba’i tiṅ ṅe (6) ’dzin daṅ | ri rab ’dra ba źes bya ba’i tiṅ ṅe ’dzin daṅ | mi ’phrogs pa źes bya ba’i tiṅ ṅe ’dzin daṅ | bdud kyi dkyil ’khor rnam par ’joms par byed pa źes bya ba’i.i tiṅ ṅe ’dzin daṅ | ’jig rten gsum la mṅon par ma źen pa źes bya ba’i tiṅ ṅe (7) ’dzin daṅ | ’od zer sgrub pa źes bya ba’i tiṅ ṅe ’dzin daṅ | de bźin gśegs pa mthoṅ ba źes bya ba’i tiṅ ṅe ’dzin rnams mṅon du gyur te | de tiṅ ṅe ’dzin de dag la gnas pas phyogs bcu’i ’jig rten gyi khams rnams na | saṅs rgyas bcom ldan (187b1) ’das graṅs med dpag tu med pa dag | byaṅ chub sems dpa’ sems dpa’ chen po dag la śes rab kyi pha rol tu phyin pa ’di rab tu ston pa dag mthoṅ ste | de bźin gśegs pa de dag gis legs so źes bya ba byin nas dbugs dbyuṅ ba mdzad de | tshig ’di (2) skad kyaṅ gsuṅ ṅo ||
ris kyi bu ṅed kyis sṅon byaṅ chub sems dpa’i spyad pa spyod pa na | śes rab kyi pha rol tu phyin pa ’di bźin du btsal te | yoṅs su tshol ba na yaṅ tiṅ ṅe ’dzin ’di dag thob ste | tiṅ ṅe ’dzin ’di dag thob nas śes rab kyi pha rol tu (3) phyin pa rtogs par khoṅ du chud par gyur te | phyir mi ldog pa’i saṅs rgyas kyi chos la gnas par gyur to ||
ṅed kyis tiṅ ṅe ’dzin ’di dag gi ṅo bo ñid daṅ raṅ bźin la bltas na | gaṅ mñam par gźag par bya ba’am | ldaṅ bar bya ba’am | byaṅ chub tu (4) spyad pa’am | gaṅ bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar bya ba’i chos de gaṅ yaṅ yaṅ dag par rjes su ma mthoṅ ṅo ||
rigs kyi bu ’di ni śes rab kyi pha rol tu phyin pa de yin te | rigs kyi bu chos gaṅ gis (5) kyaṅ rlom sems sam | rlom sems med par mi byed pa la gnas nas ṅed kyis ’di ’dra ba’i lus gser gyi kha dog lta bu thob ste | skyes bu chen po’i mtshan sum cu rtsa gñis daṅ | dpe byad bzaṅ po brgyad cu daṅ | ’od ’dom gaṅ ba daṅ | saṅs (6) rgyas kyi ye śes daṅ | saṅs rgyas kyi śes rab bsam gyis mi khyab pa daṅ | saṅs rgyas kyi tiṅ ṅe ’dzin bla na med pa daṅ | saṅs rgyas kyi yon tan thams cad kyi pha rol tu phyin pa rjes su thob ste | yon tan gyi pha rol tu phyin pa de la de bźin gśegs pa (7) dag gis kyaṅ tshad gzuṅ ba’am | mtha’ bstan par mi nus na | ñan thos daṅ | raṅ saṅs rgyas dag gis lta ci smos | rigs kyi bu de lta bas na khyod kyis chos ’di dag ñid la rab tu don du gñer ba daṅ | ’dun pas gus pa mchog tu bskyed par bya ste | (188a1) rigs kyi bu don du gñer ba daṅ | ’dun pa la ni bla na med pa yaṅ dag par rdzogs pa’i byaṅ chub rñed par dka’ ba ma yin no ||
khyod kyis dge ba’i bśes gñen la śin tu gus pa bskyed par bya’o ||
dge ba’i (2) bśes gñen gyis yoṅs su zin pa’i byaṅ chub sems dpa’ sems dpa’ chen po ni myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
de nas de bźin gśegs pa de dag la byaṅ chub sems dpa’ sems dpa’ (3) chen po rtag tu dus ’di skad ces gsol to ||
bdag gi dge ba’i bśes gñen gaṅ lags de dag gis de la ’di skad ces bka’ stsal to ||
rigs kyi bu khyod yun riṅ po nas byaṅ chub sems dpa’ sems dpa’ chen po chos ’phags kyis bla na med pa yaṅ (4) dag par rdzogs pa’i byaṅ chub tu yoṅs su smin par byas śiṅ yoṅs su bzuṅ ste | śes rab kyi pha rol tu phyin pa daṅ thabs mkhas pa la bslabs so ||
rigs kyi bu de ni khyod kyi yoṅs su ’dzin pa’i dge ba’i bśes gñen yin gyis | des khyod la ji skad (5) bsgol bźin du zuṅ śig | rigs kyi bu gal te khyod kyis byaṅ chub sems dpa’ sems dpa’ chen po chos ’phags la bskal pa’am | bskal pa gñis sam | bskal pa brgya’am | bskal pa stoṅ ṅam | de las lhag par yaṅ mgo la thod (6) bźin du thogs śiṅ | bde ba’i yo byad thams cad kyis rim gro byas te | stoṅ gsum gyi stoṅ chen po’i ’jig rten gyi khams na | gzugs daṅ | sgra daṅ | dri daṅ | ro daṅ | reg pa ji sñed yod pa de dag thams cad phul yaṅ rigs kyi bu khyod kyis (7) de la lan lon pa ma yin no ||
de ci’i phyir źe na | rigs kyi bu de’i mthus khyod kyis tiṅ ṅe ’dzin ’di lta bu dag rñed par gyur te | śes rab kyi pha rol tu phyin pa daṅ | thabs la mkhas pa thos śiṅ śes rab kyi pha rol tu phyin pa thob par gyur to ||
de (188b1) nas de bźin gśegs pa de dag gis byaṅ chub sems dpa’ sems dpa’ chen po rtag tu ṅu dbugs phyuṅ nas mi snaṅ bar gyur to ||
rigs kyi bu de yaṅ tiṅ ṅe ’dzin de dag las laṅs te | laṅs nas kyaṅ ’di sñam du sems so ||
de bźin gśegs (2) pa de dag gaṅ nas byon | de bźin gśegs pa de dag gaṅ du bźud sñam ste | de de bźin gśegs pa de dag ma mthoṅ bas rab tu gduṅ źiṅ mi dga’ bar gyur to ||
yaṅ de ’di sñam du sems te | byaṅ chub sems dpa’ sems dpa’ chen po chos (3) ’phags ni gzuṅs thob pa | mṅon par śes pa lṅa daṅ ldan pa | sṅon gyi rgyal pa rnams la lhag par bya ba byas pa ste | bdag yoṅs su ’dzin pa bdag gi dge ba’i bśes gñen yun riṅ po nas des bdag gi don byas pa yin gyis | bdag byaṅ (4) chub sems dpa’ sems dpa’ chen po chos ’phags kyi druṅ du mṅon par soṅ ste phyin nas | de bźin gśegs pa de dag gaṅ nas byon | de bźin gśegs pa de dag gaṅ du bźud ces don ’di ñid dri’o sñam mo ||
de nas byaṅ chub sems dpa’ (5) sems dpa’ chen po rtag tu ṅu byaṅ chub sems dpa’ sems dpa’ chen po chos ’phags la dga’ ba daṅ | dad pa daṅ | ri mo daṅ | gus par bya ba ñe bar bźag ste | ñe bar bźag nas ’di sñam du sems so ||
bdag gis ji lta bu’i bkur sti bya (6) bas | byaṅ chub sems dpa’ sems dpa’ chen po chos ’phags de’i druṅ du ’gro bar bya | bdag ni dbul te | gaṅ gis byaṅ chub sems dpa’ sems dpa’ chen po chos ’phags la bdag gis bkur stir bya ba’i gos rin po che’am | gser ram | (7) nor bu’am | mu tig gam | bai dUrya ’am | duṅ ṅam | men śel lam | byu ru’am | dṅul lam | sa le sbram ’am | me tog gam | spos sam | me tog phreṅ ṅam | byug pa’am | gdugs de lta bu yaṅ bdag la med na | bdag ’di bźin (189a1) du byaṅ chub sems dpa’ sems dpa’ chen po chos ’phags kyi druṅ du soṅ na ni bdag gis tshul ma yin pa byas par ’gyur te | bdag dga’ ba’am raṅs par yaṅ mi skye’o sñam du sems so ||
de nas byaṅ chub sems dpa’ sems dpa’ (2) chen po rtag tu ṅu de lta bu’i yon tan dag daṅ | bla ma la gus pa yid la byed pa daṅ ldan pas soṅ nas mthar gyis groṅ gźan źig tu phyin pa daṅ | de’i groṅ bar gyi dbus su de ’di sñam du sems te | ’di ltar bdag gis lus btsoṅs la | de’i rin gyis (3) byaṅ chub sems dpa’ sems dpa’ chen po chos ’phags la bkur sti bya’o ||
yun riṅ po nas bdag gis lus stoṅ źig ciṅ zad de btsoṅs la ’khor ba dpag tu med pa na ’dod pa’i phyir ’dod pa’i rgyus yaṅ daṅ yaṅ sems can dmyal ba’i sdug bsṅal (4) dpag tu med ba myoṅ yaṅ | ’di lta bu’i chos kyi phyir ram | ’di lta bu’i sems can chen po la bkur sti bya ba’i phyir ma yin no sñam mo ||
de nas byaṅ chub sems dpa’ sems dpa’ chen po rtag tu ṅus groṅ bar du ’dug ste | mi su ’dod mi su ’dod (5) ces sgra bsgrags śiṅ skad kyis bos so ||
de nas bdud sdig can ’di sñam du sems te | byaṅ chub sems dpa’ sems dpa’ chen po rtag tu ṅu ’di ni chos ’dod pa’i phyir bdag ñid btsoṅs nas | byaṅ chub sems dpa’ sems dpa’ chen po chos ’phags la bkur (6) sti byed ciṅ | byaṅ chub sems dpa’ sems dpa’ chen po śes rab kyi pha rol tu phyin pa la ji ltar spyad na myur du bla na med pa yaṅ dag par rdzogs pa’i byaṅ chub yoṅs su rdzogs par ’gyur | thos pa rgya mtsho rjes su thob par ’gyur | bdud daṅ bdud kyi ris kyi lha dag gis mi (7) thub par ’gyur | yon tan thams cad kyi pha rol tu phyin pa rjes su thob par ’gyur źes śes rab kyi pha rol tu phyin pa daṅ thabs la mkhas pa yoṅs su ’dri bar ’gyur te | der sems can maṅ po dag gi don byed par ’gyur | bla na med pa yaṅ dag par rdzogs (189b1) pa’i byaṅ chub mṅon par rdzogs par saṅs rgyas nas de dag kyaṅ ṅa’i yul las ’da’ bar byed | sems can gźan dag kyaṅ ṅa’i yul las ’da’ bar byed par ’gyur gyis | bdag gis ’di la bar chad bya’o sñam nas | bdud sdig can gyis ji nas bram (2) ze daṅ khyim bdag de dag gis | byaṅ chub sems dpa’ sems dpa’ chen po rtag tu ṅus | mi su ’dod su ṅa ño bar ’dod ces zer ba’i sgra mi thos par ’gyur ba de lta bur yoṅs su bsgribs so ||
de nas byaṅ chub sems dpa’ sems dpa’ chen po rtag (3) tu ṅu | gaṅ gi tshe bdag ño ba ma rñed pa de’i tshe | phyogs gcig tu soṅ nas mchi ma phyuṅ ste | ’di ltar bdag gi lus btsoṅs la | byaṅ chub sems dpa’ sems dpa’ chen po chos ’phags la bkur sti bya sñam na | lus ño ba yaṅ bdag (4) gis ma rñed de | kye ma bdag ni rñed pa ṅan pa rñed do sñam mo ||
de nas lha’i dbaṅ po brgya byin ’di sñam du sems te | ’di ltar byaṅ chub sems dpa’ sems dpa’ chen po rtag tu ṅu | ’di lta ste | chos ’dod pa’i phyir bdag gi lus yoṅs su gtaṅ (5) bar lhag pa’i bsam pa phun sum tshogs pa yin na ma ma yin pa | byaṅ chub sems dpa’ sems dpa’ chen po rtag tu ṅu la bdag gis bag ma par bya’o sñam ste | lha’i dbaṅ po brgya byin bram ze’i khye’u’i cha byad du mṅon par sprul nas | byaṅ chub sems (6) dpa’ sems dpa’ chen po rtag tu ṅu ga la ba der soṅ ste | phyin nas byaṅ chub sems dpa’ sems dpa’ chen po rtag tu ṅu la ’di skad ces smras so ||
rigs kyi bu khyod ’di ltar yid la mi dga’ źiṅ yid gduṅ la mchi ma ’byuṅ ba ci ñes | des smras pa | (7) bram ze’i khye’u kho bo ni chos ’dod pa’i phyir bdag ñid btsoṅs te | chos la mchod par bya ba ’dod na | lus ño ba de kho bos ma rñed nas | de la kho bo ’di sñam du sems so ||
kye ma ṅa ni bsod nams chuṅ bas ’di ltar lus btsoṅs te | śes rab kyi pha (190a1) rol tu phyin pa la mchod pa bya ba daṅ | ’phags pa byaṅ chub sems dpa’ sems dpa’ chen po chos ’phags la yaṅ bkur sti bya sñam na | bdag gi lus ño ba yaṅ ma rñed do sñam mo ||
de nas bram ze’i khye’u des byaṅ chub sems (2) dpa’ sems dpa’ chen po rtag tu ṅu la ’di skad ces smras so ||
rigs kyi bu kho bo la mis ni bya ba med kyi | kho bo mchod sbyin źig byed de | der mi’i sñiṅ daṅ | khrag daṅ | rus pa daṅ | rkaṅ dag kho bo la dgos na | de rin gyis ñer byin cig ces (3) byas pa daṅ | byaṅ chub sems dpa’ sems dpa’ chen po rtag tu ṅu ’di sñam du sems te | gaṅ bdag gis bram ze’i khye’u bdag gi sñiṅ daṅ | khrag daṅ | rus pa daṅ | rkaṅ ño ba rñed pa ’di ni bdag gis rñed pa’i mchog rñed pa legs par rñed do ||
(4) bdag gi lus ni śes rab kyi pha rol tu phyin pa daṅ thabs la mkhas pa rnams yoṅs su rdzogs par gyur to sñam ste | de sems dga’ ba daṅ | sems bde ba daṅ | sems rab tu dga’ bar gyur nas | bram ze’i khye’u la ’di skad ces smras so ||
(5) bram ze’i khye’u kho bo’i lus ’di las khyod gaṅ ’dod pa sbyin no ||
des de la ’di skad ces smras so ||
rigs kyi bu khyod rin du ci ’dod pa sbyin no źes byas pa daṅ | des de la ’di skad ces smras so ||
bram ze’i khye’u khyod kyis gaṅ yoṅs su btaṅ ba (6) de kho ba la byin cig | de nas byaṅ chub sems dpa’ sems dpa’ chen po rtag tu ṅu mtshon rnon po thogs nas | lag pa g-yas pa phug ste khrag gzags so ||
brla g-yas pa śa med par btogs nas rus pa gcog tu rtsig pa’i druṅ du soṅ ṅo ||
(7) de nas tshoṅ dpon gyi bu mo źig khaṅ pa’i yaṅ thog na ’dug pa des byaṅ chub sems dpa’ sems dpa’ chen po rtag tu du brla śa med par btogs nas | rus pa gcog tu rtsig pa’i druṅ du soṅ ba mthoṅ nas de ’di sñam du sems te | rigs kyi bu ’di ci’i (190b1) phyir bdag ñid la bdag ñid ’di lta bu’i na tsha byed pa | bdag rigs kyi bu de’i druṅ du soṅ ste dri’o sñam nas | tshoṅ dpon gyi bu mo de byaṅ chub sems dpa’ sems dpa’ chen po rta tu ṅu ga la ba der soṅ ste | phyin nas byaṅ chub sems dpa’ sems (2) dpa’ chen po rtag tu ṅu la ’di skad ces smras so ||
rigs kyi bu khyod ci’i phyir khyod bdag ñid la ’di lta bu’i na tsha dag byed | khrag daṅ | rus pa daṅ | rkaṅ ’dis ci źig bya | rtag tu ṅus bu mo de la ’di skad ces smras so ||
bram ze’i (3) khye’u ’di la btsoṅs te | śes rab kyi pha rol tu phyin pa la mchod par bya’o ||
’phags pa byaṅ chub sems dpa’ sems dpa’ chen po chos ’phags la yaṅ bsñen bkur bya’o ||
de nas tshoṅ dpon gyi bu mo des byaṅ chub sems dpa’ (4) sems dpa’ chen po rtag tu ṅu la ’di skad ces smras so ||
rigs kyi bu khyod ’di ltar bdag gi sñiṅ daṅ | khrag daṅ | rus pa daṅ | rkaṅ yaṅ btsoṅs te | rigs kyi bu de la bkur sti bya bar ’dod pa khyod la yon tan gyi rnam pa ci źig ’grub (5) par ’gyur | des de la smras pa | bu mo rigs kyi bu de ni gaṅ la kho bos bslab par bya ba’i śes rab kyi pha rol tu phyin pa daṅ thabs la mkhas pa dag ston par ’gyur te | kho bos de la bslabs na | bla na med pa yaṅ dag par rdzogs pa’i byaṅ chub (6) mṅon par rdzogs par saṅs rgyas nas | sems can thams cad kyi rten du ’gyur | lus gser gyi kha dog lta bu yaṅ ’thob par ’gyur | skyes bu chen po’i mtshan sum cu rtsa gñis daṅ | ’od ’dom gaṅ ba daṅ | ’od zer mtha’ yas pa daṅ | (7) byams pa chen po daṅ | sñiṅ rje chen po daṅ | dga’ ba chen po daṅ | btaṅ sñoms chen po daṅ | mi ’jigs pa bźi daṅ | so so yaṅ dag par rig pa bźi daṅ | saṅs rgyas kyi chos ma ’dres pa bcwa brgyad kyaṅ ’thob par ’gyur | mṅon (191a1) par śes pa lṅa daṅ | tshul khrims rnam par dag pa bsam gyis mi khyab pa daṅ | tiṅ ṅe ’dzin rnam par dag pa bsam gyis mi khyab pa daṅ | śes rab rnam par dag pa bsam gyis mi khyab pa daṅ | de bźin gśegs pa’i (2) stobs bcu daṅ | bla na med pa yaṅ dag par rdzogs pa’i byaṅ chub ye śes kyaṅ mṅon par rdzogs par ’gyur | gaṅ gis sems can thams cad la kun tu bgo bśa’ bya ba’i bla na med pa’i chos rin po che yaṅ rab tu ’thob par ’gyur ro ||
de nas tshoṅ (3) dpon gyi bu mo des byaṅ chub sems dpa’ sems dpa’ chen po rtag tu ṅu la ’di skad ces smras so ||
rigs kyi bu khyod kyis ’di ltar chos rgya chen po ’di dag yoṅs su brjod pa ni ṅo mtshar te | rigs kyi bu chos ’di lta bu re re’i phyir yaṅ bskal pa gaṅ (4) g’i kluṅ gi bye ma sñed du lus yoṅs su gtaṅ bar bya ba yin na | gcig lta ci smos te | de tsam du khyod kyis chos ’di dag rgya cher yoṅs su brjod na | rigs kyi bu khyod gaṅ gis byaṅ chub sems dpa’ sems dpa’ chen po chos ’phags la bkur sti bya (5) ba’i gser ram | nor bu ’am | mu tig gam | bai dUrya ’am | dṅul lam | me tog gam | bdug pa’am | spos sam | dri’am | me tog phreṅ ṅam | byug pa ’am | phye ma ’am | gos sam | gdugs sam | khyod la ci dgos pa de khyod la (6) sbyin gyis bdag ñid la ’di lta bu’i sdug bsṅal ma byed cig | bdag kyaṅ khyod daṅ ’grogs te | byaṅ chub sems dpa’ sems dpa’ chen po chos ’phags ga la ba der doṅ la | bdag kyaṅ khyod daṅ lhan cig tu ’di lta ste | de lta bu’i chos ’di dag thob (7) par bya ba’i phyir dge ba’i rtsa ba bskyed par bya’o ||
de nas lha’i dbaṅ po brgya byin gyis | bram ze’i khye’u’i cha byad mi snaṅ bar byas nas bdag ñid kyi lus su | byaṅ chub sems dpa’ sems dpa’ chen po rtag tu ṅu’i mdun du ’dug nas ’di skad ces smras (191b1) so ||
rigs kyi bu khyod de ltar yi dam la brtan pa ni legs so legs so ||
’di lta bu’i chos ’dod pas sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas dag gis kyaṅ sṅon byaṅ chub sems dpa’i spyad pa spyod pa na | (2) śes rab kyi pha rol tu phyin pa daṅ thabs la mkhas pa yoṅs su rdzogs par mdzad de | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas so ||
rigs kyi bu kho bo la sñiṅ daṅ | khrag daṅ | rus pa daṅ | rkaṅ gis (3) bya ba med kyi | kho bo khyod sad pa’i phyir ’dir ’oṅs kyis rigs kyi bu khyod kyis dam pa sloṅs śig | rigs kyi bu khyod la dam pa ji lta bu źig sbyin par bya | des de la smras pa | brgya byin saṅs rgyas kyi chos bla na med pa dag bdag la stsol cig | (4) brgya byin gyis smras pa | rigs kyi bu yul ’di kho bo’i yul du gyur pa ma yin te | yul ’di saṅs rgyas bcom ldan ’das rnams kyi yul du gyur pa yin gyis | dam pa gźan sloṅs śig | byaṅ chub sems dpa’ rtag tu ṅus smras pa | bdag (5) gi lus yoṅs su rdzogs par bya ba’i gnas ’di la ni | lha’i dbaṅ po brtson pa chuṅ bar gyis śig | lha’i dbaṅ po bdag ñid kyis bden pa’i byin gyis rlabs bya’o ||
lha’i dbaṅ po bden pa gaṅ gis bdag bla na med pa yaṅ dag par rdzogs pa’i byaṅ (6) chub las phyir mi ldog par de bźin gśegs pa dgra bcom pa yaṅ dag par rdzogs pa’i saṅs rgyas rnams kyis luṅ bstan ciṅ bdag gi lhag pa’i bsam pa g-yo med par mkhyen ce na | bden pa de daṅ | bden pa’i tshig des | bdag gi lus sṅon gyi (7) bźin du gyur cig ces byas pa daṅ | skad cig thaṅ cig yud tsam de ñid la | saṅs rgyas kyi mthu daṅ | lhag pa’i bsam pa yoṅs su dag pas byaṅ chub sems dpa’ sems dpa’ chen po rtag tu ṅu’i lus sṅon gyi bźin du gnas par gyur to ||
de (192a1) nas lha’i dbaṅ po brgya byin spobs pa med par gyur nas | byaṅ chub sems dpa’ sems dpa’ chen po rtag tu ṅu la lan glan par spobs pa ma skyes nas | de ñid du mi snaṅ bar gyur to ||
de nas tshoṅ dpon gyi bu mo des byaṅ chub (2) sems dpa’ sems dpa’ chen po rtag tu ṅu la ’di skad ces smras so ||
rigs kyi bu tshur śog | kho mo’i khyim ga la ba der ’dod do ||
kho mos pha ma las nor blaṅs te | des śes rab kyi pha rol tu phyin pa de’aṅ mchod par bya ba daṅ | byaṅ chub (3) sems dpa’ sems dpa’ chen po chos ’phags de la yaṅ bkur sti bya ba sbyin no ||
de nas byaṅ chub sems dpa’ sems dpa’ chen po rtag tu ṅu daṅ | tshoṅ dpon gyi bu mo de ’grogs nas | de raṅ gi khyim ga la ba der ’dod do ||
de nas tshoṅ dpon (4) gyi bu mo de bdag gi khyim du phyin nas | pha ma la ’di skad ces smras so ||
yab yum gser daṅ | dṅul daṅ | rin po che daṅ | nor bu daṅ | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | (5) gdugs daṅ | rgyal mtshan daṅ | ba dan daṅ | rol mo’i cha byad maṅ po dag stsol cig | bdag kyaṅ khyed kyis stsal ba’i g-yog mo lṅa brgya ’di dag daṅ lhan cig dgyer gsol | byaṅ chub sems dpa’ sems dpa’ chen po rtag tu ṅu daṅ | bdag (6) cag ’grogs te | byaṅ chub sems dpa’ sems dpa’ chen po chos ’phags la mchod pa bgyi ba’i slad du mchi’o ||
de’aṅ bdag cag la chos ston par ’gyur ro ||
de nas bu mo de’i pha mas bu mo de la ’di skad ces smras so ||
bu mo byaṅ chub sems (7) dpa’ sems dpa’ chen po rtag tu ṅu de su źig | bu mo rigs kyi bu de da ltar gaṅ na ’dug | bu mos smras pa | rigs kyi bu de da ltar ’o skol gyi sgo druṅ na mchis te | rigs kyi bu de ni lhag pa’i bsam pas bla na med pa yaṅ dag par rdzogs pa’i byaṅ chub (192b1) tu yaṅ dag par źugs pa ’di lta ste | sems can thams cad ’khor ba’i sdug bsṅal dpag tu ma mchis pa las thar bar bgyi bar ’tshal bas | de chos ’tshal ba’i slad du bdag ñid btsoṅs la | śes rab kyi pha rol tu phyin pa la mchod pa (2) bgyi bar ’tshal | byaṅ chub sems dpa’ sems dpa’ chen po chos ’phags la bkur sti bgyi bar ’tshal na | de’i lus ño ba su yaṅ ma byuṅ ste | de sdug bsṅal źiṅ yid mi bde nas | mi dga’ bar sems śiṅ mchis te | des ṅa ni lus ’tshoṅ (3) bar ’dod na | lus ño ba ma rñed do źes bgyis pa daṅ | brgya byin bram ze’i khye’u’i gzugs su bsgyur te | de la ’di skad du rigs kyi bu khyod gaṅ gi phyir lus ’tshoṅ bar ’dod ces bgyis pa daṅ | rtag tu ṅu des śes rab kyi pha rol tu phyin pa la mchod (4) par bya ba daṅ | byaṅ chub sems dpa’ sems dpa’ chen po chos ’phags pa de la yaṅ bkur stir bya’o ||
ṅa’i saṅs rgyas kyi chos rnams ni de la rag las pas | ’di lta ste | chos ’dod pa’i phyir ro źes bgyis pa daṅ | brgya byin bram ze’i khye’u’i (5) gzugs su bsgyur bas ’di skad ces smras so ||
khyod ni ṅa mi ’dod de | ṅa mchod sbyin źig byed pa der mi’i sñiṅ daṅ | khrag daṅ | rus pa daṅ | rkaṅ dag dgos so źes bgyis pa daṅ | rigs kyi bu des yi ma bsad par de la ’di skad du sbyin no źes (6) smras nas | de mtshon rnon po thogs te bdag gi lag pa phug nas khrag gzags brla’i śa btogs te | rus pa gcog tu soṅ nas phyogs gcig tu ’dug ste | rus pa daṅ | rkaṅ sbyin no sñam nas de khrag gzags pa bdag khaṅ pa’i yaṅ thog na mchis (7) pas mthoṅ ste | de la bdag ’di sñam du bgyid do ||
mi ’di ci’i slad du ’di lta bur bdag ñid lan tsha dag bgyid sñam ste | de’i thad du mchis nas ’di skad bgyis so ||
rigs kyi bu ’di ltar bdag ñid kyis lus kyi khrag gzags pa ’dis ci źig bya źes (193a1) bgyis pa daṅ | de bdag la ’di skad mchi ste | bram ze’i khye’u ’di la khrag daṅ | sñiṅ daṅ | rus pa daṅ | rkaṅ sbyin no ||
de ci’i phyir źe na | ṅa ni dbul te ṅa la nor gźan ci yaṅ med do źes mchi’o ||
bdag gis khyod la nor (2) gyis ci źig bya źes bgyis pa daṅ | de bdag la ’di skad du ’di lta ste | chos ’dod pa’i phyir śes rab kyi pharol tu phyin pa la mchod par bya’o ||
byaṅ chub sems dpa’ sems dpa’ chen po chos ’phags la yaṅ bkur sti bya’o źes mchi nas | bdag gis (3) de la ’di skad ces bgyis te | rigs kyi bu des khyod la yon tan gyi rnam pa’am khyad par ci źig ’byuṅ bar ’gyur | de bdag la ’di skad du saṅs rgyas kyi yon tan bsam gyis mi khyab pa daṅ | saṅs rgyas kyi chos dpag tu med pa rnams rab tu ston par ’gyur (4) ro ||
’di lta bu’i chos rnams de las ’byuṅ bar ’gyur ro źes mchi ste | saṅs rgyas kyi yon tan bsam gyis mi khyab pa de dag thos nas | bdag kyaṅ dga’ ba daṅ | rab tu mgu ba chen po skyes nas | ’di sñam bgyid de | rigs kyi bu ’di ltar ’di lta (5) bu’i gnas la spro bar bgyid pa ni śin tu dga’ ba bgyid pa ste ṅo mtshar to ||
rigs kyi bu ’di ni chos ’dod pa’i phyir bdag ñid kyaṅ yoṅs su gtoṅ na | bdag cag la loṅs spyod rgya chen po dag yod la | ci’i phyir chos la mchod pa mi bgyi | ’di lta bu’i gnas dag la smon (6) lam ci’i phyir mi gdab sñam nas | rigs kyi bu de la bdag gis ’di skad ces bgyis so ||
rigs kyi bu khyod bdag ñid la ’di lta bu’i na tsha dag ma byed cig | khyod ’dod pa gaṅ gis ’phags pa byaṅ chub sems dpa’ sems dpa’ chen po chos ’phags la bkur sti bya ba’i nor maṅ (7) po de dag khyod la sbyin no ||
bdag kyaṅ khyod ñid daṅ ’grogs te byaṅ chub sems dpa’ sems dpa’ chen po chos ’phags ga la ba der mchi’o ||
bdag gis kyaṅ rigs kyi bu de la mchod pa bgyi’o ||
gaṅ khyod kyis yoṅs su brjod pa ’di lta ste | saṅs rgyas kyi chos bla na med (193b1) pa dag bdag gis kyaṅ thob par bgyi’o źes bgyis śiṅ mchis na | yab yum gyis dkor gyi phuṅ po chen po bdag la stsal du gsol | bdag gis kyaṅ rigs kyi bu de daṅ lhan cig tu byaṅ chub sems dpa’ sems dpa’ chen po chos ’phags la mchod pa (2) bgyi’o || ||
śes rab kyi pha rol tu phyin pa khri brgyad stoṅ pa | bam po drug cu pa ste tha ma | de nas bu mo de’i pha mas bu mo de la ’di skad ces smras so ||
rigs kyi bu de’i dka’ ba’i gnas dag khyod kyis bstan pa las na | chos (3) de dag ni gcig tu ṅes pa bsam gyis mi khyab pa | ’jig rten thams cad las bye brag tu ’phags pa | sems can thams cad bde ba thob par byed pa yin te | rigs kyi bu de’i phyir de lta bu’i dka’ ba’i gnas la spro bar byed na | khyod ṅed kyis (4) gnaṅ gis | bu mo ṅed kyaṅ khyod daṅ lhan cig tu byaṅ chub sems dpa’ sems dpa’ chen po chos ’phags blta źiṅ mchod du ṅed kyaṅ ’gro | ṅed ’gro ba’i skabs phye śig | de nas bu mo de byaṅ chub sems dpa’ sems dpa’ chen po chos ’phags (5) la mchod pa bya ba daṅ | bkur sti bya ba’i phyir chas te | pha ma la ’di skad ces smras so ||
bdag ni dge ba’i phyogs gaṅ gi yaṅ bar chad mi bgyid do ||
de nas tshoṅ dpon gyi bu mo des śiṅ rta lṅa brgya yaṅ rgyan gyis brgyan | bu mo lṅa brgya de dag kyaṅ (6) rgyan gyis brgyan to ||
rgyan gyis brgyan nas me tog kha dog sna tshogs thogs | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag thogs | gser daṅ | dṅul (7) gyi me tog dag thogs | rin po che sna tshogs rnam pa tha dad pa dag kyaṅ thogs te | bza’ ba daṅ | bca’ ba daṅ | myaṅ ba maṅ po maṅ du bskur nas | byaṅ chub sems dpa’ sems dpa’ chen po rtag tu ṅu daṅ | śiṅ rta gcig tu źugs te | bu mo lṅa (194a1) brgya śiṅ rta lṅa brgya’i naṅ du źugs pa | de dag gis yoṅs su bskor ciṅ | mdun du bdar nas | pha ma la stsogs pa ’khor maṅ po daṅ | śar phyogs ga la ba de logs su doṅ ste mthar gyis soṅ ba daṅ | byaṅ chub sems dpa’ sems (2) dpa’ chen po rtag tu ṅus rgyaṅ riṅ mo źig nas groṅ khyer spos ldan rin po che sna bdun rnam par bkra ba | blta na sdug pa las byas pa | rin po che sna bdun gyi rab rim bdun gyis bskor ba | rta babs bdun yod pa | ’obs rim pa bdun daṅ | ta la’i (3) phreṅ ba rim pa bdun gyis yoṅs su bskor ba | chur dpag tshad bcu gñis | źeṅ du dpag tshad bcu gñis yod pa | ’byor ciṅ rgyas pa | bde ba lo legs pa | mi daṅ skye bo maṅ pos gaṅ ba | groṅ bar daṅ sraṅ mñam źiṅ mtshuṅs pa | lṅa brgya dag (4) gis ri mor bris pa bźin du gtams pa khyogs khri ñam mi ṅa ba daṅ | bar bar dag tu zam pa btags pa | legs par byas pa mthoṅ ṅo ||
de’i dbus kyi bźi mdo na byaṅ chub sems dpa’ sems dpa’ chen po chos ’phags chos kyi khri la ’dug (5) nas | ’khor brgya phrag du ma daṅ | stoṅ phrag du ma daṅ | ’bum phrag du mas yoṅs su bskor ciṅ mdun gyis bltas nas | chos ’chad pa mthoṅ ste | mthoṅ ma thag tu de dga’ ba daṅ | bde ba thob pa ’di lta ste dper na | dge sloṅ bsam gtan (6) daṅ po rtse gcig tu yid la byed pas sñoms par źugs pa bźin no ||
de mthoṅ nas ’di sñam du sems te | bdag śiṅ rta’i naṅ du źugs bźin du byaṅ chub sems dpa’ sems dpa’ chen po chos ’phags kyi druṅ du ’gro ba ni bdag gi mi cha’o sñam nas | de (7) nas śiṅ rta de las babs pa daṅ tshoṅ dpon gyi bu mo daṅ | bu mo lṅa brgya de dag daṅ mñam du śiṅ rta de las babs so ||
de nas byaṅ chub sems dpa’ sems dpa’ chen po rtag tu ṅu tshod dpon gyi bu mo la stsogs pa bu mo lṅa brgyas yoṅs su bskor ciṅ | mdun (194b1) du bdar te | bkod pa ched med pa daṅ | byaṅ chub sems dpa’ sems dpa’ chen po chos ’phags ga la ba der doṅ ṅo ||
de’i tshe byaṅ chub sems dpa’ sems dpa’ chen po chos ’phags kyis śes rab kyi pha rol tu phyin pa’i khaṅ bu brtsegs pa | rin po (2) che sna bdun las byas pa tsan dan dmar pos brgyan ciṅ | mu tig gi dra bas g-yogs pa źig byed du bcug ste | khaṅ bu brtsegs pa de’i grwa bźir | nor bu rin po che bźag par gyur te | de dag sgron me’i bya ba byed do ||
bdug spos kyi snod dṅul las (3) byas pa bźi yaṅ phyogs bźir btags te | ’di lta ste | śes rab kyi pha rol tu phyin pa la mchod pa bya ba’i phyir | a ga ru nag po ’ba’ źig gis bdug par byed do ||
khaṅ bu brtsegs pa de’i dbus su rin po che sna bdun gyi khri bźi btsugs te | de’i (4) steṅ du rin po che’i sgrom bźi bźag nas | de’i naṅ du śes rab kyi pha rol tu phyin pa gser gyi glegs bam la bai dUrya bźu bas bris pa bcug ste | khaṅ bu brtsegs pa de’aṅ dar gyi chun po sna tshogs rnam pa tha dad pa ’phyaṅ bas brgyan to ||
de nas byaṅ chub (5) sems dpa’ sems dpa’ chen po rtag tu ṅu | tshoṅ dpon gyi bu mo la sogs te | bu mo lṅa brgya daṅ bcas pas khaṅ bu brtsegs pa de | bkod pa tshad med pas brgyan pa mthoṅ | lha stoṅ phrag du ma dag kyaṅ mthoṅ ste | lha’i dbaṅ po brgya byin yaṅ (6) lha’i me tog man d ra ba daṅ | lha’i tsan dan gyi phye ma daṅ | lha’i gser phye daṅ | lha’i dṅul sil ma dag gis khaṅ bu brtsegs pa de la ’thor | mṅon par ’thor | mṅon par rab tu ’thor ba mthoṅ ṅo ||
lha’i sil sñan ṅag kyaṅ thos so mthoṅ źiṅ (7) thos nas | byaṅ chub sems dpa’ sems dpa’ chen po rtag tu ṅus lha’i dbaṅ po brgya byin la ’di skad ces smras so ||
lha’i dbaṅ po khyod lha stoṅ phrag du ma dag daṅ | rin po che’i khaṅ pa brtsegs pa ’di la ci’i phyir me tog man d ra ba daṅ | tsan dan gyi (195a1) phye ma dag gis ’thor źiṅ mṅon par ’thor | mṅon par rab tu ’thor | lha’i sil sñan ’di dag kyaṅ lha rnams par snaṅ las ci’i phyir brduṅ | de skad ces smras pa daṅ | lha’i dbaṅ po brgya byin gyis byaṅ chub sems dpa’ (2) sems dpa’ chen po rtag tu ṅu la ’di skad ces smras so ||
rigs kyi bu ’di ni śes rab kyi pha rol tu phyin pa byaṅ chub sems dpa’ sems dpa’ chen po rnams kyi yum daṅ | yoṅs su ’dren pa yin te | ’di la bslabs pas byaṅ chub sems dpa’ (3) sems dpa’ chen po dag yon tan thams cad kyi pha rol tu phyin pa daṅ | saṅs rgyas kyi chos thams cad daṅ | thams cad mkhyen pa ñid kyaṅ myur du thob par ’gyur ba yin na | khyod mi śes sam | de skad ces smras pa daṅ | byaṅ chub sems dpa’ (4) sems dpa’ chen po rtag tu ṅus | lha’i dbaṅ po brgya byin la ’di skad ces smras so ||
kau śi ka śes rab kyi pha rol tu phyin pa byaṅ chub sems dpa’ sems dpa’ chen po rnams kyi yum daṅ | yoṅs su ’dren pa de gaṅ na bźugs | brgya byin gyis (5) smras pa ||
de ni khaṅ bu brtsegs pa ’di’i naṅ na gser gyi glegs bam la bai dUrya bźu bas bris pa | ’phags pa byaṅ chub sems dpa’ sems dpa’ chen po chos ’phags kyis rgya bdun gyis btab nas bźag ste | ṅed kyis khyod la bstan par dka’o ||
de (6) nas byaṅ chub sems dpa’ sems dpa’ chen po rtag tu ṅu | tshoṅ dpon gyi bu mo la sogs te | bu mo lṅa brgya dag daṅ tshogs nas | de dag gis me tog daṅ | me tog phreṅ gi chun po daṅ | gos rin po che daṅ | bdug pa daṅ | spos daṅ | me tog phreṅ (7) daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan daṅ | gser daṅ | dṅul gyi me tog ji sñed thogs te ’oṅs pa de dag gis śes rab kyi pha rol tu phyin pa la mchod pa byas te | de dag las byaṅ chub sems dpa’ (195b1) sems dpa’ chen po chos ’phags la bkur sti bya ba’i phyir śas śas kyis bźag go ||
de nas byaṅ chub sems dpa’ sems dpa’ chen po rtag tu ṅus | me tog daṅ | bdug pa daṅ | smos daṅ | me tog phreṅ daṅ | byug pa daṅ | phye ma daṅ | na (2) bza’ daṅ | rgyal mtshan daṅ | ba dan la sogs pas | śes rab kyi pha rol tu phyin pa la sṅar mchod pa byas nas | byaṅ chub sems dpa’ sems dpa’ chen po chos ’phags ga la ba der soṅ ste phyin nas | chos la mchod pa ñid kyi phyir byaṅ chub (3) sems dpa’ sems dpa’ chen po chos ’phags la me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | chos gos daṅ | gdugs daṅ | rgyal mtshan daṅ | ba dan daṅ | tsan dan gyi phye ma daṅ | gser daṅ | dṅul gyi (4) me tog dag gis gtor ||
mṅon par gtor | mṅon par rab tu gtor to ||
de nas me tog de dag byaṅ chub sems dpa’ sems dpa’ chen po chos ’phags kyi spyi bo’i steṅ na | me tog gi khaṅ pa brtsegs pa źig tu gyur to ||
gser daṅ | dṅul gyi me (5) tog dag nam mkha’ la gźal med khaṅ ’dra bar ’dug par gyur to ||
chos gos daṅ | gos rin po che de dag kyaṅ | rin po che sna tshogs kyi sprin gyi dkyil ’khor ’dra bar ’dug par gyur to ||
byaṅ chub sems dpa’ sems dpa’ chen po rtag tu ṅu daṅ | (6) tshoṅ dpon gyi bu mo la sogs pa bu mo lṅa brgya de dag gis byaṅ chub sems dpa’ sems dpa’ chen po chos ’phags kyi rdzu ’phrul gyi cho ’phrul de lta bu mthoṅ nas | de dag ’di sñam du sems te ṅo mtshar to ||
byaṅ chub sems dpa’ sems dpa’ chen po chos ’phags (7) ’di | ’di lta bur rdzu ’phrul che źiṅ ’di ltar mthu che ’di ltar gzi brjid che ste | rigs kyi bu ’di byaṅ chub sems dpa’i spyad pa spyod pa na yaṅ | rdzu ’phrul rnam par sprul pa ’di ’dra na | bla na med pa yaṅ dag par rdzogs pa’i byaṅ chub mṅon par rdzogs par (196a1) saṅs rgyas pa ci ’dra bar ’gyur sñam mo ||
de nas tshoṅ dpon gyi bu mo la sogs pa bu mo lṅa brgya de dag gis | byaṅ chub sems dpa’ sems dpa’ chen po chos ’phags la dga’ ba chen po bskyed nas | de dag thams cad kyis bla na (2) med pa yaṅ dag par rdzogs pa’i byaṅ chub tu sems bskyed de | ’di skad du dge ba’i rtsa ba ’dis bdag cag ma ’oṅs pa’i dus na | de bźin gśegs pa dgra bcom pa yaṅ dag par rdzogs pa’i saṅs rgyas su gyur cig | byaṅ chub sems dpa’i (3) spyad pa spyod pa na yaṅ | byaṅ chub sems dpa’ sems dpa’ chen po chos ’phags kyis | chos gaṅ thob par gyur pa ’di lta bu’i chos rnams thob par gyur cig | bdag cag byaṅ chub sems dpa’i spyad pa spyod pa na yaṅ | ’di lta bu’i chos rnams (4) mṅon sum du gyur cig | śes rab kyi pha rol tu phyin pa la yaṅ ji ltar byaṅ chub sems dpa’ sems dpa’ chen po chos ’phags la bkur sti byed pa ’di bźin du śes rab kyi pha rol tu phyin pa la bkur sti byed par śog śig | byaṅ chub sems dpa’ (5) sems dpa’ chen po chos ’phags ji ltar ston pa bźin du bdag cag kyaṅ skye bo maṅ po la ston par gyur cig | ji ltar byaṅ chub sems dpa’ sems dpa’ chen po chos ’phags ’di śes rab kyi pha rol tu phyin pa daṅ | thabs la mkhas pa daṅ ldan (6) źiṅ yoṅs su rdzogs pa ’di bźin du bdag cag kyaṅ śes rab kyi pha rol tu phyin pa daṅ thabs la mkhas pa daṅ ldan źiṅ yoṅs su rdzogs par śog śig ces smras so ||
de nas byaṅ chub sems dpa’ sems dpa’ chen po rtag tu ṅu daṅ | tshoṅ dpon gyi bu mo la (7) sogs pa bu mo lṅa brgya de dag gis śes rab kyi pha rol tu phyin pa la mchod pa byas | byaṅ chub sems dpa’ sems dpa’ chen po chos ’phags la yaṅ bkur sti byas te | byaṅ chub sems dpa’ sems dpa’ chen po chos ’phags kyi rkaṅ pa la mgo bos phyag (196b1) ’tshal nas źe sa byed ciṅ thal mo sbyar te | phyogs gcig tu ’dug go ||
phyogs gcig tu ’dug nas | byaṅ chub sems dpa’ sems dpa’ chen po chos ’phags la | byaṅ chub sems dpa’ sems dpa’ chen po rtag tu ṅus ’di skad ces smras so ||
(2) rigs kyi bu ’di la bdag śes rab kyi pha rol tu phyin pa tshol źiṅ ’brog dgon par phyin pa na | sgra thos pa rigs kyi bu śar phyogs su soṅ śig daṅ | śes rab kyi pha rol tu phyin pa thos par ’gyur ro ||
źes bdag gis sgra de thos nas | śar phyogs (3) ga la ba de logs su mchis nas | ’di sñam du bsams te | bdag gis sgra de la ji srid cig tu mchi bar bgyi | su las śes rab kyi pha rol tu phyin pa mñan pa rñed par ’gyur ba ma dris so ||
sñam ste | des bdag yid mi bde źiṅ śin tu gduṅ bar (4) gyur nas | sa phyogs de ñid du ñin mtshan bdun ’das te | de ltar śin tu gduṅ bas zas la sems pa ni ma byuṅ gi | gźan ṅu na śes rab kyi pha rol tu phyin pa ’ba’ źig yid la bgyis te | ji srid du mchi bar bgyi ba daṅ | śes rab kyi pha rol (5) tu phyin pa ’di su las mñan pa rñed par ’gyur ba sgra de la ma dris so sñam pa daṅ | de nas bdag gi mdun du de bźin gśegs pa’i sku gzugs śig byuṅ ste | de ’di skad gsuṅ ṅo ||
rigs kyi bu khyod ’di nas dpag tshad lṅa brgyar soṅ daṅ | groṅ khyer spos (6) ldan źes bya ba de na | byaṅ chub sems dpa’ sems dpa’ chen po chos ’phags śes rab kyi pha rol tu phyin pa ’chad pa mthoṅ bar ’gyur ro ||
źes gsuṅs te | de bźin gśegs pa’i sku gzugs de las bdag gis ’di thos nas | ji ltar gtams (7) pa bźin du śar phyogs ga la ba de logs su źugs te | mchis pa daṅ | rgyaṅ riṅ mo źig nas ’phags pa chos ston pa mthoṅ ste | mthoṅ ma thag tu bdag la bde ba ’di lta bu skyes pa | dper na dge sloṅ bsam gtan daṅ po la źugs pa bźin te | bdag (197a1) dga’ ba daṅ | rab tu dga’ ba des khyab par gyur nas | sa phyogs de nas ma bskyod par khyod las śes rab kyi pha rol tu phyin pa thos so ||
de ñan pa na tiṅ ṅe ’dzin gyi sgo maṅ po skyes par gyur to ||
bdag de na mchis pa na phyogs bcu’i (2) ’jig rten gyi khams kyi saṅs rgyas bcom ldan ’das rnams kyis dbugs dbyuṅ ba mdzad de | rigs kyi bu legs so legs so ||
khyod kyi tiṅ ṅe ’dzin ’di dag ni | śes rab kyi pha rol du phyin pa las skyes pa yin te | ’di la gnas pas ṅed kyis kyaṅ (3) saṅs rgyas kyi chos rnams yoṅs su rdzogs par byas so ||
źes de bźin gśegs pa de dag gis bdag la śin tu legs par bstan | yaṅ dag par ’dzin du bcug | yaṅ dag par gzeṅs stod | yaṅ dag par dga’ bar mdzad nas mi snaṅ (4) par gyur to ||
bdag kyaṅ tiṅ ṅe ’dzin de las laṅs nas ’di sñam du bsams te | de bźin gśegs pa de dag gaṅ nas byon ||
de bźin gśegs pa de dag gaṅ du bźud sñam mo ||
de nas yaṅ bdag gis ’di sñam du bsams te | byaṅ chub (5) sems dpa’ sems dpa’ chen po ’phags pa chos ’phags ni | sṅon gyi rgyal ba la bgyi ba bgyis pa | dge ba’i rtsa ba skrun pa | śes rab kyi pha rol du phyin pa daṅ | thabs mkhas pa la śin tu bslabs pa lags te | de de bźin gśegs pa de (6) dag gaṅ nas byon pa daṅ | de bźin gśegs pa de dag gaṅ du bźud pa | de bdag la ston par ’gyur ro sñam nas | rigs kyi bu khyod la de bźin gśegs pa de dag gaṅ nas byon pa daṅ | de bźin gśegs pa de dag gaṅ du bźud pa bdag źu na | ci (7) nas bdag de bźin gśegs pa de dag byon pa daṅ | bźud pa ’tshal źiṅ | de bźin gśegs pa mthoṅ ba daṅ mi ’bral bar ’gyur bar | de bźin gśegs pa de dag byon pa daṅ | bźud pa bdag la bśad du gsol | śes rab kyi pha rol tu (197b1) phyin pa khri brgyad stoṅ pa las | rtag tu ṅu’i le’u źes bya ste | brgyad cu rtsa lṅa pa’o || ||
de skad ces smras pa daṅ | byaṅ chub sems dpa’ sems dpa’ chen po chos ’phags kyis | byaṅ chub sems dpa’ sems dpa’ chen po rtag tu (2) ṅu la ’di skad ces smras so ||
rigs kyi bu de bźin gśegs pa dag ni gaṅ nas kyaṅ ma byon | gaṅ du yaṅ ma bźud de | de bźin ñid las ma g-yos so ||
de bźin ñid gaṅ yin pa de ni de bźin gśegs pa’o ||
rigs kyi bu mi skye ba la ’oṅ ba (3) ’am ’gro ba med de | mi skye ba gaṅ yin pa de ni de bźin gśegs pa’o ||
rigs kyi bu yaṅ dag pa’i mtha’ la ’oṅ ba ’am ’gro ba med de | yaṅ dag pa’i mtha’ gaṅ yin pa de ni de bźin gśegs pa’o ||
rigs kyi bu stoṅ pa ñid la ’oṅ ba’am (4) ’gro ba med de | stoṅ pa ñid gaṅ yin pa de ni de bźin gśegs pa’o ||
rigs kyi bu ji lta ba bźin la ’oṅ ba’am ’gro ba med de | ji lta ba bźin gaṅ yin pa de ni de bźin gśegs pa’o ||
rigs kyi bu ’dod chags daṅ bral ba la ’oṅ ba’am (5) ’gro ba med de | ’dod chags daṅ bral ba gaṅ yin pa de ni de bźin gśegs pa’o ||
rigs kyi bu ’gog pa ’oṅ ba’am ’gro ba med de | ’gog pa gaṅ yin pa de ni de bźin gśegs pa’o ||
rigs kyi bu nam mkha’i khams la ’oṅ ba (6) ’am ’gro ba med de | nam mkha’i khams gaṅ yin pa de ni de bźin gśegs pa’o ||
rigs kyi bu chos de dag las de bźin gśegs pa gud na med de | rigs kyi bu chos ’di dag gi de bźin ñid gaṅ yin pa daṅ | de bźin gśegs pa’i de bźin (7) ñid gaṅ yin pa de ni de bźin ñid gcig ste | rigs kyi bu de bźin ñid la gñis su byar med do ||
rigs kyi bu de bźin ñid gcig ste | ’di lta ste | med pa’i phyir gñis sam gsum du bgraṅ ba las ’das pa’o ||
rigs kyi bu ’di lta ste | (198a1) dper na mi ñi mas gduṅs pas sos ka’i zla ba tha ma la | ñi ma guṅ gi dus la bab pa’i tshe | smig rgyu g-yo ba mthoṅ nas | der chu btuṅ ṅo źes de daṅ der rgyug na rigs kyi bu ’di ji sñam du sems | chu de gaṅ nas ’oṅ sa | gaṅ du soṅ (2) chu de śar phyogs kyi rgya mtsho’am | lho phyogs kyi rgya mtsho’am | nub phyogs kyi rgya mtsho’am | byaṅ phyogs kyi rgya mtsho gaṅ du soṅ | rtag tu dus smras pa | rigs kyi bu smig rgyu la chu ma mchis na ’oṅ ba’am ’gro ba lta ga la mchis te | rigs kyi bu mi ñi mas (3) gduṅs śiṅ byis pa’i raṅ bźin can | śes rab ’chal ba’i raṅ bźin can gyis | smig rgyu mthoṅ nas | chu ma mchis pa la chur ’du śes skyed kyi | de la chu ni raṅ bźin gyis ma mchis so ||
chos ’phags kyis smras pa | rigs kyi bu de de bźin no ||
(4) de de bźin te | de bźin du rigs kyi bu gaṅ su dag de bźin gśegs pa la gzugs sam | sgrar mṅon par źen par byed pa de dag ni de bźin gśegs pa la byon pa’am | bźud par rtog go ||
gaṅ de bźin gśegs pa la byon pa’am | bźud par (5) rtog pa de dag thams cad ni byis pa’i raṅ bźin can śes rab ’chal pa’i raṅ bźin can źes bya ste | dper na mi de chu med pa la chur ’du śes skyed par bźin no ||
de ci’i phyir źe na | de bźin gśegs pa ni gzugs kyi skur mi blta ste | de bźin gśegs (6) pa ni chos kyi sku’o ||
rigs kyi bu chos ñid ni ’oṅ ba’am ’gro ba med de | rigs kyi bu de bźin du de bźin gśegs pa rnams la byon pa’am | bźud par med do ||
rigs kyi bu ’di lta ste dper na | sgyu ma sprul pa’i glaṅ po che’i tshogs sam | rta’i tshogs (7) sam | śiṅ rta’i tshogs sam | dpuṅ bu chuṅ gi tshogs la ’oṅ ba ’am | ’gro ba med do ||
rigs kyi bu de bźin du de bźin gśegs pa’i sku la’aṅ byon pa’am | bźud pa med do ||
rigs kyi bu ’di lta ste dper na | skyes bu gñid kyis log pa’i rmi lam (198b1) du de bźin gśegs pa gcig gam | gñis sam | gasuma’ama | bźi’am | lṅa’am | bcu’am | ñi śu’am | sum cu’am | bźi bcu’am | lṅa bcu’am | de las lhag pa źig mthoṅ ba las sad pa daṅ | de bźin gśegs pa gcig kyaṅ ma (2) mthoṅ na | rigs kyi bu ’di ji sñam du sems | de bźin gśegs pa de dag gaṅ nas byon | gaṅ du bźud | rtag tu dus smras pa | rigs kyi bu rmi lam la chos gaṅ yaṅ grub pa mi gda’o ||
rmi lam ni brdzun te yaṅ dag pa ma lags pa’o ||
chos (3) ’phags kyis smras pa | rigs kyi bu de de bźin te | chos thams cad ni de bźin gśegs pas rmi lam lta bu’o ||
rigs kyi bu gaṅ su dag de bźin gśegs pas chos thams cad rmi lam lta bur yaṅ dag pa ji lta ba bźin du bstan (4) pa mi śes pa de dag ni miṅ mtshan gyi sku daṅ | gzugs kyi skur mṅon par źen par byed de | de ltar chos ñid mi śes pas de bźin gśegs pa la byon pa daṅ | bźud par rtog go ||
gaṅ dag de bźin gśegs pa la byon pa daṅ | bźud par ’dod (5) pa’i byis pa so so’i skye bo de dag thams cad ni ’khor ba ’gro ba drug por doṅ ba ’dod pa ’dod par ’gyur ba’o ||
de dag thams cad ni śes rab kyi pha rol tu phyin pa las rgyaṅ riṅ du gyur pa’o ||
de dag thams cad ni saṅs rgyas kyi chos las rgyaṅ riṅ du gyur (6) pa’o ||
yaṅ rigs kyi bu gaṅ dag chos thams cad rmi lam lta bu la de bźin gśegs pas chos thams cad rmi lam lta bu’o ||
źes yaṅ dag pa ji lta ba bźin du rab tu bstan pa śes pa de dag ni chos gaṅ la yaṅ ’oṅ ba’am | ’gro ba’am skye ba’am ’gag par (7) mi rtog go ||
gaṅ dag chos gaṅ la yaṅ ’oṅ ba’am ’gro ba’am skye ba’am | ’gag par mi rtog pa de dag ni de bźin gśegs pa’i chos ñid du rab tu śes so ||
de bźin gśegs pa chos ñid du rab tu śes pa de dag ni de bźin gśegs pa la byon pa’am (199a1) bźud par mi rtog go gaṅ dag de bźin gśegs pa’i chos ñid de lta bu rab tu śes pa de dag ni bla na med pa yaṅ dag par rdzogs pa’i byaṅ chub la ñe bar gyur pa ste | śes rab kyi pha rol tu phyin pa la spyod pa’o ||
bcom ldan ’das kyis (2) ñan thos de dag ni yul ’khor gyi bsod sñoms don yod par za ste | de daṅ de dag ni ’jig rten gyi sbyin gnas so ||
rigs kyi bu ’di lta ste dper na | rgya mtsho chen po’i naṅ na rin po che dag yod pa ni śar phyogs nas kyaṅ ma ’oṅs | lho daṅ nub daṅ | (3) byaṅ daṅ | phyogs mtshams daṅ | steṅ daṅ | ’og daṅ | phyogs bcu gaṅ nas kyaṅ ma ’oṅs mod kyi | sems can de dag gi dge ba’i rtsa ba la brten nas | rgya mtsho chen po’i naṅ nas rin po che dag ’byuṅ ste | de dag kyaṅ rgyu med par ’byuṅ ba ma yin gyi | (4) rgyu daṅ rkyen daṅ | gźi las rag las pa yin te brten nas byuṅ ṅo ||
rin po che de dag ’gag pa yaṅ phyogs bcu’i ’jig rten gaṅ du yaṅ mi ’pho mod kyi | rkyen de dag yod na | rin po che de dag rab tu ’byed do ||
rkyen de dag med na rin po che de dag (5) rab tu dbye ba yaṅ med par ’gyur ro ||
rigs kyi bu de bźin du de bźin gśegs pa de dag gi sku mṅon par grub pa yaṅ gaṅ nas kyaṅ ma byon | phyogs bcu’i ’jig rten gaṅ du yaṅ ma bźud do ||
saṅs rgyas bcom ldan ’das de dag gi sku rgyu (6) med pa yaṅ ma yin te | sṅon gyi spyad pas yoṅs su grub pa yin pas | rgyu daṅ rkyen la rag las pa sṅon gyi phrin las rnam par smin pa’i rgyu las byuṅ ba yin no ||
de dag kyaṅ rkyen rnams yod na | sku mṅon par ’grub par ’gyur te | rkyen de dag med na (7) sku mṅon par ’grub pa yaṅ mi snaṅ ṅo ||
rigs kyi bu ’di lta ste dper na | pi baṅ gi sgra byuṅ ba yaṅ gaṅ nas kyaṅ ma ’oṅs | ’gags pa na yaṅ gaṅ du yaṅ mi ’gro | gaṅ du yaṅ mi ’pho ste | brten nas ’byuṅ ba rgyu la rag las rkyen la rag las pa’o ||
(199b1) ’di lta ste pi baṅ gi khog pa la brten | pags pa la brten | rgyud la brten | śiṅ bu la brten | rgyud rten la brten | mi de las skyes pa’i rtsol ba la brten nas | pi baṅ de las sgra ’byuṅ ste | sgra de yaṅ pi baṅ gi khog pa las ma byuṅ | pags pa las (2) ma byuṅ | rgyud las ma byuṅ | śiṅ bu las ma byuṅ | rgyud rten las ma byuṅ | mi de las skyes pa’i rtsol ba las sgra ma byuṅ mod kyi | de dag thams cad ’dus pa las kyaṅ sgar grag la | sgra de ’gags pa yaṅ gaṅ du yaṅ mi ’gro ba de bźin du | rigs (3) kyi bu saṅs rgyas bcom ldan ’das rnams kyi sku yoṅs su ’grub pa yaṅ rgyu la rag las pa | rkyen la rag las pa | dge ba’i rtsa ba du mas yoṅs su grub pa yin te | rgyu gcig gis ma yin | rkyen gcig gis ma yin | dge ba’i rtsa ba gcig gis saṅs rgyas (4) kyi sku rab tu dbye ba ma yin te | rgyu med pa yaṅ ma yin no ||
rgyu daṅ rkyen maṅ po tshogs pa las byuṅ ba yin te | de ni gaṅ nas kyaṅ ma byon | rgyu daṅ rkyen tshogs pa med kyaṅ gaṅ du yaṅ mi bźud de | rigs kyi bu khyod kyis de bźin gśegs pa de dag (5) byon pa daṅ bźud pa de ltar blta’o ||
rigs kyi bu chos thams cad kyi chos ñid kyaṅ khyod kyis ’di bźin du khoṅ du chud par gyis śig | rigs kyi bu khyod gaṅ tshun cad de ltar de bźin gśegs pa daṅ | chos thams cad skye ba med pa daṅ | ’gag pa med (6) par śes pa de tshun cad khyod bla na med pa yaṅ dag par rdzogs pa’i byaṅ chub tu ṅes śiṅ | śes rab kyi pha rol tu phyin pa daṅ | thabs mkhas pa las ṅes par spyod par ’gyur ro ||
de bźin gśegs pa byon pa daṅ | bźud pa med pa ’di bśad pa’i (7) tshe sa g-yo ba chen po byuṅ ste | stoṅ gsum gyi stoṅ chen po’i ’jig rten gyi khams ’di thams cad rnam pa drug tu g-yos pa ’di lta ste | g-yos rab tu g-yos | kun tu rab tu g-yos ||
’gul rab tu ’gul | kun tu rab tu ’gul te | bdud kyi (200a1) gnas thams cad kyaṅ dkrogs śiṅ spa bkoṅ bar gyur to ||
stoṅ gsum gyi stoṅ chen po’i ’jig rten gyi khams na | rtswa daṅ | śiṅ gel pa daṅ | nags tshal ji sñed yod pa de dag thams cad byaṅ chub sems dpa’ sems (2) chen po chos ’phags ga la ba de logs su rab tu ’dud par gyur to ||
dus ma yin pa’i me tog dag kyaṅ steṅ gi bar snaṅ las ’thor źiṅ | me tog gi char dag kyaṅ bab bo ||
lha’i dbaṅ po brgya byin daṅ | rgyal po chen po bźi dag kyaṅ | byaṅ chub (3) sems dpa’ sems dpa’ chen po rtag tu dul | lha’i tsan dan gyi phye ma daṅ | lha’i me tog dag gis ’thor mṅon par ’thor mṅon par rab tu ’thor źiṅ ’di skad ces | rigs kyi bu khyod kyi mthus deṅ bdag cag gis kyaṅ | don dam pa las (4) byuṅ ba’i gtam ’jig rten thams cad daṅ mi ’thun pa gaṅ ’jig tshogs la gnas pa thams cad kyis ma yin pa bstan pa thos so źes ’dzer to ||
de nas byaṅ chub sems dpa’ sems dpa’ chen po chos ’phags la | byaṅ chub sems dpa’ sems (5) dpa’ chen po rtag tu dus ’di skad ces smras so ||
rigs kyi bus g-yos pa chen po byuṅ ba ’di rgyu gaṅ lags | rkyen gaṅ lags | chos ’phags kyis smras pa | rigs kyi bu de bźin gśegs pa rnams mi byon mi bźud pa ’di khyod kyis dris te | kho (6) bos bstan pas srog chags brgyad stoṅ mi skye ba’i chos la bzod pa thob par gyur pa daṅ | khrag khrig phrag brgyad cu bla na med pa yaṅ dag par rdzogs pa’i byaṅ chub tu sems skyes pa daṅ | srog chags drug khri bźi stoṅ chos rnams la chos kyi mig rdul (7) med ciṅ dri ma daṅ bral ba rnam par dag par gyur pa’i phyir ro ||
de nas byaṅ chub sems dpa’ sems dpa’ chen po rtag tu ṅu dga’ ba daṅ | raṅs pa rgya chen po daṅ ldan par gyur te | bdag gis śes rab kyi pha rol tu phyin pa daṅ | de bźin gśegs (200b1) pa rnams byon pa daṅ bźud pa med pa bstan pa ’di dris pas | sems can ’di sñed kyi don byas par gyur pa ni bdag gis rñed pa legs par rñed do ||
’di ñid kyis bdag bla na med pa yaṅ dag par rdzogs pa’i byaṅ chub ’grub par bya ba’i dge ba’i rtsa ba (2) mchog gis bla na med pa yaṅ dag par rdzogs pa’i byaṅ chub la phyir the tshom mi bya’o ||
bdag ni the tshom med par de bźin gśegs pa dgra bcom pa yaṅ dag par rdzogs pa’i saṅs rgyas su ’gyur ro sñam pa daṅ | de dga’ ba daṅ | raṅs pa de daṅ ldan (3) pas ta la bdun tsam du nam mkha’ la ’phags nas | ta la bdun tsam na ’dug ste | bdag nam mkha’ la ’dug nas byaṅ chub sems dpa’ sems dpa’ chen po chos ’phags la bkur ste bya’o sñam du sems so ||
de nas lha’i dbaṅ po brgya byin gyis (4) byaṅ chub sems dpa’ sems dpa’ chen po rtag tu ṅu mṅon par ’phags pa mthoṅ nas | de’i sems sems kyis śes nas de la lha’i me tog man d ra ba dag byin te | ’di skad du rigs kyi bu me tog da’i dag gis byaṅ chub sems dpa’ sems dpa’ (5) chen po chos ’phags la bkur sti gyis śig | ’di ni ṅas khyod yoṅs su bzuṅ ba yin te | rigs kyi bu khyod kyi mthus srog chags stoṅ phrag maṅ po’i don byas te | rigs kyi bu gaṅ sems can thams cad kyi phyir ji ltar khyod spro bar byed pa de lta (6) bur bskal pa graṅs med dpag tu med par spro bar byed pa’i sems can de dag ni rñed par dka’o źes smras so ||
de nas byaṅ chub sems dpa’ sems dpa’ chen pa rtag tu ṅus | lha’i dbaṅ po brgya byin las me tog de dag blaṅs te | byaṅ chub sems (7) dpa’ sems dpa’ chen po chos ’phags la gtor mṅon par gtor | mṅon par rab tu gtor nas bdag gi lus kyis byaṅ chub sems dpa’ sems dpa’ chen po chos ’phags la mṅon par bkab ste tshig ’di skad ces smras so ||
rigs kyi bu (201a1) deṅ slan chad khyod kyi rim gro daṅ źabs ’briṅ bgyi ba’i slad du bdag gi lus khyod la ’bul lo ||
des bdag gi lus phul nas byaṅ chub sems dpa’ sems dpa’ chen po chos ’phags kyi mdun du thal mo sbyar te ’dug go ||
(2) de nas tshoṅ dpon gyi bu mo de daṅ | ’khor lṅa brgya de dag gis byaṅ chub sems dpa’ sems dpa’ chen po rtag tu ṅu la ’di skad ces smras so ||
rigs kyi bu bdag cag kyaṅ khyod la lus dbul gyis bdag cag kyaṅ dge ba’i rtsa ba ’dis chos de dag (3) thob par gyur cig | khyod ñid daṅ lhan cig tu saṅs rgyas rnams daṅ | byaṅ chub sems dpa’ rnams la bkur stir bgyi | de dag daṅ ñe bar gyur par bgyi’o ||
de nas byaṅ chub sems dpa’ sems dpa’ chen po rtag tu ṅus tshoṅ dpon gyi bu mo la (4) sogs pa lṅa brgya la ’di skad ces smras so ||
bu mo dag khyed kho bo la lhag pa’i bsam pas gnas par byed na kho bo la lhag pa’i bsam pas bdag ñid byin cig daṅ bu mo khyod kho bos blaṅ ṅo ||
bu mo de dag gis smras pa | khyod la lhag pa’i bsam pa (5) thag pa nas khyod kyi rjes su ’thun par ’jug go ||
khyod la lhag pa’i bsam pas ci ’dod pa bya bar bdag ñid ’bul lo ||
de nas byaṅ chub sems dpa’ sems dpa’ chen po rtag tu ṅus tshoṅ dpon gyi bu mo la sogs pa bu mo lṅa brgya de dag rgyan thams (6) cad kyis brgyan te | śiṅ rta lṅa brgya yaṅ brgyan nas de thams cad byaṅ chub sems dpa’ sems dpa’ chen po chos ’phags la phul te | rigs kyi bu bdag ni ’khor ’di dag daṅ | śiṅ rta lṅa brgya ’di dag kyaṅ yoṅs su loṅs spyad pa’i phyir khyod la (7) ’bul lo ||
de nas lha’i dbaṅ po brgya byin gyis rigs kyi bu de la legs so źes bya ba byin te | rigs kyi bu legs so legs so ||
de ltar byaṅ chub sems dpa’ sems dpa’ chen po dag gis bdog pa thams cad yoṅs su gtaṅ bar bya’o ||
(201b1) yoṅs su gtoṅ ba’i sems de lta bus myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya’o ||
de ltar na chos smra ba dag la mchod pa byas nas | śes rab kyi pha rol tu phyin pa daṅ thabs la mkhas pa ñan nus te | (2) sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas de dag gis kyaṅ sṅon byaṅ chub sems dpa’i spyad pa spyod pa na | ’di lta bu’i gtoṅ ba la gnas nas | bla na med pa yaṅ dag par rdzogs pa’i byaṅ chub yaṅ dag par bsgrubs (3) te | śes rab kyi pha rol tu phyin pa daṅ thabs la mkhas pa yoṅs su dris so ||
de nas byaṅ chub sems dpa’ sems dpa’ chen po chos ’phags kyis tshoṅ dpon gyi bu mo la sogs pa bu mo lṅa brgya po de dag daṅ | śiṅ rta lṅa brgya de dag byaṅ chub sems (4) dpa’ sems dpa’ chen po rtag tu ṅu’i dge ba’i rtsa ba yoṅs su bskaṅ ba’i phyir blaṅs te | blaṅs nas rigs kyi bu rtag tu ṅu la byin no ||
de nas byaṅ chub sems dpa’ sems dpa’ chen po chos ’phags stan las laṅs te | bdag gi khyim du źugs pa daṅ ñi (5) ma nub par gyur nas | de nas byaṅ chub sems dpa’ sems dpa’ chen po rtag tu ṅu ’di sñam du sems par gyur te | ’di ltar bdag chos ’dod pa’i phyir ’oṅs la ’du pa’am ñal bar byed pa ni | bdag gi mi cha la ’di ni ma legs kyis | byaṅ chub sems (6) dpa’ sems dpa’ chen po chos ’phags ’di lta ste | chos ston du phyir ma byuṅ gi bar du bdag ’greṅ ba’am | ’chag pa’i spyod lam gñis kyis gnas par bya’o sñam mo ||
de nas byaṅ chub sems dpa’ sems dpa’ chen po chos ’phags lo bdun gyi bar du tiṅ ṅe (7) ’dzin cig la sñoms par źugs par gyur ciṅ | byaṅ chub sems dpa’i tiṅ ṅe ’dzin graṅs med dpag tu med pa dag daṅ | śes rab kyi pha rol tu phyin pa daṅ thabs mkhas pa las byuṅ ba la gnas par gyur te | byaṅ chub sems dpa’ sems dpa’ chen po (202a1) rtag tu ṅu yaṅ lo bdun gyi bar du ’dod pa’i rtog pa ma byuṅ | gnod sems kyi rtog pa ma byuṅ | rnam par ’tshe ba’i rtog pa ma byuṅ | bro la brkam pa ma skyes te | gźan du na byaṅ chub sems dpa’ sems dpa’ chen po chos ’phags nam (2) ldaṅ bar ’gyur bdag cag kyaṅ byaṅ chub sems dpa’ sems dpa’ chen po chos ’phags kyi chos kyi khri gaṅ la rigs kyi bu de ’dug nas | chos ston par ’gyur ba’i chos kyi khri bśams na | bdag gis sa phyogs ’di chag chag btab kyis legs par byugs (3) la me tog sna tshogs gtor te | sa phyogs gaṅ du byaṅ chub sems dpa’ sems dpa’ chen po chos ’phags śes rab kyi pha rol tu phyin pa daṅ thabs la mkhas pa rab tu ston par ’gyur ba der legs par byugs par bya’o ||
tshoṅ dpon gyi bu mo la (4) sogs pa bu mo lṅa brgya de dag kyaṅ byaṅ chub sems dpa’ sems dpa’ chen po rtag tu ṅu’i rjes su slob ciṅ | spyod lam gñis kyis dus ’das par byed de | bya ba thams cad kyaṅ de’i rjes su ’jug go ||
de nas byaṅ chub sems dpa’ sems dpa’ (5) chen po rtag tu ṅus lha’i sgra thos te | byaṅ chub sems dpa’ sems dpa’ chen po chos ’phags źag bdun na tiṅ ṅe ’dzin ’di las ldaṅ ste | laṅs nas groṅ khyer gyi dbus su ’dug ste | chos ston par ’gyur ro źes grag nas | byaṅ chub sems dpa’ sems (6) dpa’ chen po rtag tu ṅu lha’i sgra de thos pa daṅ dga’ mgu yid raṅs rab tu mgu źiṅ dga’ ba daṅ yid bde ba skyes te | tshoṅ dpon gyi bu mo la sogs pa bu mo lṅa brgya daṅ sa phyogs de phyags nas chos kyi khri rin po che thams cad kyis spras pa bśams so ||
de nas (7) bu mo de dag gis raṅ raṅ gi bla gos phud de | stan gaṅ la byaṅ chub sems dpa’ sems dpa’ chen po chos ’phags ’dug nas | chos ston par ’gyur ba de btig ṅo ||
de nas byaṅ chub sems dpa’ sems dpa’ chen po rtag tu ṅus phyogs der chag (202b1) chag gadabada par ’dod na bdud sdig can gyis chu thams cad mi snaṅ bar byas nas | ci nas byaṅ chub sems dpa’ sems dpa’ chen po rtag tu ṅu chu ma rñed nas yid mi dga’ źiṅ sems sdug bsṅal te | sems gźan du ’gyur ba daṅ dge ba’i rtsa ba nub par (2) ’gyur ba daṅ | mchod pa de yaṅ mi mdzes par bya ba’i phyir chu de dag mi snaṅ bar byas nas | kun tu chu btsal na chu ma rñed do ||
de nas byaṅ chub sems dpa’ sems dpa’ chen po rtag tu ṅu ’di sñam du sems te | bdag gi lus phug la khrag gis sa phyogs (3) ’di chag chag gdab bo ||
de ci’i phyir źe na | sa phyogs ’di ni rdul che ste rdul gyi khams ’di nas byuṅ bas | byaṅ chub sems dpa’ sems dpa’ chen po chos ’phags kyi lus la phog na mi ruṅ na | bdag gi lus gdon mi za bar ’jig pa ’dis ci źig bya | (4) bdag gi lus ’di lta bu’i byaṅ ba la źig pa ni bla’i nus pa med pa’i bya ba la ’dod pa’i phyir ’dod pa’i gźis ’khod pa dag na | bdag gi lus brgya stoṅ maṅ po de lta bu’i gnas su źig pa ni cir yaṅ ma ruṅ ṅo sñam mo ||
de nas byaṅ chub sems dpa’ (5) sems dpa’ chen po rtag tu ṅus mtshon rnon po blaṅs te | bdag gi lus la kun tu phug nas raṅ gi khrag gis sa phyogs de kho ra khor yug tu chag chag btab bo ||
byaṅ chub sems dpa’ sems dpa’ chen po rtag tu ṅu’i rjes su slob pa tshoṅ dpon gyi bu (6) mo la sogs pa bu mo lṅa brgya de dag thams cad kyis kyaṅ mtshon rnon po blaṅs te | raṅ raṅ gi lus phug nas raṅ raṅ gi khrag gis sa phyogs de chag chag btab ste | gaṅ de dag la bdud sdig can gyis dge ba’i phyogs kyi bar chad bya ba’i glags rñed par ma gyur par (7) byaṅ chub sems dpa’ sems dpa’ chen po rtag tu ṅu daṅ bu mo de dag sems gźan du gyur pa med do ||
de nas lha’i dbaṅ po brgya byin ’di sñam du | byaṅ chub sems dpa’ sems dpa’ chen po rtag tu ṅu ’di ’di ltar chos ’dod pa daṅ | ’di ltar yi dam la (203a1) brtan pa daṅ | ’di ltar go cha chen po bgos pa daṅ | lus daṅ srog daṅ loṅs spyod rnams la mi lta ba daṅ | bla na med pa yaṅ dag par rdzogs pa’i byaṅ chub thob par bya ba’i phyir ’di lta ste | bla na med pa yaṅ dag par rdzogs pa’i byaṅ chub (2) mṅon par rdzogs par saṅs rgyas nas | ’khor ba’i sdug bsṅal dpag tu med pa las sems can thar bar bya’o sñam du lhag pa’i bsam pa la źugs pa ni ṅo mtshar to sñam du sems so ||
de nas lha’i dbaṅ po brgya byin gyis khrag de dag thams cad lha’i (3) tsan dan gyi chur byin gyis brlabs te | lha’i tsan dan gyi chu de’i dri ṅam pa rgya che ba bsam gyis mi khyab pas sa phyogs de kho ra khor yug tu dpag tshad lṅa brgya tshaṅ bar dris khyab bo ||
de nas lha’i dbaṅ po brgya byin gyis byaṅ chub sems dpa’ sems dpa’ chen po rtag (4) tu ṅu la ’di skad ces smras so ||
rigs kyi bu legs so legs so ||
khyod kyi brtson ’grus bsam gyis mi khyab bo ||
khyod kyi chos ’dod pa daṅ | chos yoṅs su tshol ba bla na med do ||
rigs kyi bu sṅon gyi de bźin gśegs pa dgra bcom pa yaṅ dag par rdzogs (5) pa’i saṅs rgyas de dag gis kyaṅ lhag pa’i bsam pa ’di lta bu daṅ | brtson ’grus ’di lta bu daṅ | chos ’dod pa ’di lta bus bla na med pa yaṅ dag par rdzogs pa’i byaṅ chub tu yaṅ dag par bsgrubs so ||
de nas byaṅ chub sems dpa’ sems dpa’ chen po rtag (6) tu ṅu ’di sñam du sems te | bdag gis byaṅ chub sems dpa’ sems dpa’ chen po chos ’phags kyi chos kyi stan ni btiṅ | sa phyogs ’di phyag dag ni byas | chag chag ni btab na | bdag gis me tog gaṅ dag gis sa phyogs ’dir gtor bar bya ba daṅ | (7) byaṅ chub sems dpa’ sems dpa’ chen po chos ’phags chos ’chad pa la gtor bar bya ba’i me tog de dag gaṅ nas rñed par ’gyur sñam du sems so ||
de nas lha’i dbaṅ po brgya byin gyis byaṅ chub sems dpa’ sems dpa’ chen po rtag tu ṅu la ’di skad (203b1) ces smras so ||
rigs kyi bu lha’i me tog man d ra ba ’di dag loṅ la khyod kyis sa phyogs ’di dag tu me tog bkram bgyis śig | byaṅ chub sems dpa’ sems dpa’ chen po chos ’phags chos ston ciṅ seṅ ge’i khri la ’dug pa la yaṅ gtor cig ces (2) des de la lha’i me tog man d ra ba khal stoṅ byin no ||
de nas byaṅ chub sems dpa’ sems dpa’ chen po rtag tu ṅus me tog de dag blaṅs te | me tog kha cig gis ni sa phyogs der me tog dgram pa byas so ||
me tog kha cig gis ni byaṅ chub sems dpa’ (3) sems dpa’ chen po chos ’phags la gtor to ||
de nas byaṅ chub sems dpa’ sems dpa’ chen po chos ’phags lo bdun ’das pa daṅ | tiṅ ṅe ’dzin de las laṅs te | chos kyi stan gaṅ na yod pa der ’oṅs nas | stan btiṅ ba la ’dug ste | ’khor (4) brgya stoṅ phrag du mas yoṅs su bskor ciṅ mdun gyis bltas nas śes rab kyi pha rol tu phyin pa ston to ||
de nas byaṅ chub sems dpa’ sems dpa’ chen po rtag tu ṅus | byaṅ chub sems dpa’ sems dpa’ chen po chos ’phags mthoṅ ma thag tu ’di (5) lta ste dper na | bsam gtan daṅ po la sñoms par źugs pa’i dge sloṅ rtse gcig tu yid la byed pa bźin du bde ba de lta bu thob bo ||
de nas byaṅ chub sems dpa’ sems dpa’ chen po chos ’phags śes rab kyi pha rol tu phyin pa ston pa ni ’di lta ste | chos (6) thams cad mñam pa ñid pas śes rab kyi pha rol tu phyin pa mñam pa ñid do ||
chos thams cad dben pa ñid pas śes rab kyi pha rol tu phyin dben pa ñid do ||
chos thams cad g-yo ba med pa ñid pas śes rab kyi pha rol tu phyin pa g-yo ba med pa ñid do ||
chos thams (7) cad rlom sems med pa ñid pas śes rab kyi pha rol tu phyin pa rloms sems pa ñid do ||
chos thams cad kheṅs pa med pa ñid pas śes rab kyi pha rol tu phyin pa kheṅs pa med pa ñid do ||
chos thams cad ro gcig pa ñid pas śes rab kyi pha rol tu phyin pa ro (204a1) gcig pa ñid do ||
chos thams cad mu med pa ñid pas śes rab kyi pha rol tu phyin pa mu med pa ñid do ||
chos thams cad skye ba med pa ñid pas śes rab kyi pa rol tu phyin pa skye ba med pa ñid do ||
chos thams cad ’gag pa med pa ñid pas śes (2) rab kyi pha rol tu phyin pa ’gag pa med pa ñid do ||
nam mkha’ mu med pa ñid pas śes rab kyi pha rol tu phyin pa mu med pa ñid do ||
rgya mtsho mu med pa ñid pas śes rab kyi pha rol tu phyin pa mu med pa ñid do ||
ri rab sna tshogs ñid yin pas śes rab kyi pha rol tu (3) phyin pa sna tshogs pa ñid do ||
nam mkha’ rtog pa med pa ñid pas śes rab kyi pha rol tu phyin pa rtog pa med pa ñid do ||
gzugs mu med pa ñid pas śes rab kyi pha rol tu phyin pa mu med pa ñid do ||
de bźin du tshor ba daṅ | ’du śes daṅ | ’du byed rnams (4) daṅ | rnam par śes pa mu med pa ñid pas śes rab kyi pha rol tu phyin pa mu med pa ñid do ||
sa’i khams mu med pa ñid pas śes rab kyi pha rol tu phyin pa mu med pa ñid do ||
chu’i khams daṅ | me’i khams daṅ | rluṅ gi khams mu med pa ñid pas śes rab (5) kyi pha rol tu phyin pa nu med pa ñid do ||
nam mkha’i khams mu med pa ñid pas śes rab kyi pha rol tu phyin pa mu med pa ñid do ||
rdo rje lta bu’i chos mñam pa ñid pas śes rab kyi pha rol tu phyin pa mñam pa ñid do ||
chos thams cad ma ’dres pa ñid pas śes rab kyi pha (6) rol tu phyin pa ma ’dres pa ñid do ||
chos thams cad dmigs su med pa ñid pas śes rab kyi pha rol tu phyin pa dmigs su med pa ñid do ||
chos thams cad rnam par ’jig pa mñam pa ñid pas śes rab kyi pha rol tu phyin pa rnam par ’jig pa mñam pa ñid do ||
chos (7) thams cad byed pa med pa ñid pas śes rab kyi pha rol tu phyin pa byed pa med pa ñid do ||
chos thams cad bsam gyis mi khyab pa ñid pas śes rab kyi pha rol tu phyin pa bsam gyis mi khyab pa ñid du rig par bya’o ||
de nas byaṅ chub sems dpa’ sems dpa’ (204b1) chen po rtag tu ṅu de ltar ’dug bźin du de’i tshe | chos thams cad mñam pa ñid ces bya ba’i tiṅ ṅe ’dzin skyes par gyur to ||
chos thams cad dben źes bya ba’i tiṅ ṅe ’dzin daṅ | chos thams cad g-yo ba med pa źes bya ba’i tiṅ ṅe ’dzin daṅ | chos thams (2) cad rlom sems med pa źes bya ba’i tiṅ ṅe ’dzin daṅ | chos thams cad kheṅs pa med pa źes bya ba’i tiṅ ṅe ’dzin daṅ | chos thams cad ro gcig pa źes bya ba’i tiṅ ṅe ’dzin daṅ | chos thams cad mu med pa źes bya ba’i tiṅ ṅe ’dzin daṅ | chos thams cad (3) skye ba med pa źes bya ba’i tiṅ ṅe ’dzin daṅ | chos thams cad ’gag pa med pa źes bya ba’i tiṅ ṅe ’dzin daṅ | nam mkha’ mu med pa źes bya ba’i tiṅ ṅe ’dzin daṅ | rgya mtsho mu med pa źes bya ba’i tiṅ ṅe ’dzin daṅ | ri rab sna tshogs źes bya ba’i tiṅ ṅe ’dzin daṅ | (4) nam mkha’ rtog pa med pa źes bya ba’i tiṅ ṅe ’dzin daṅ | gzugs mu med pa źes bya ba’i tiṅ ṅe ’dzin daṅ | tshor ba daṅ | ’du śes daṅ | ’du byed rnams daṅ | rnam par śes pa mu med pa źes bya ba’i tiṅ ṅe ’dzin daṅ | sa’i khams mu med pa źes bya ba’i (5) tiṅ ṅe ’dzin daṅ | chu’i khams daṅ | me’i khams daṅ | rluṅ gi khams mu med pa źes bya ba’i tiṅ ṅe ’dzin daṅ | nam mkha’i khams mu med pa źes bya ba’i tiṅ ṅe ’dzin daṅ | rdo rje lta bu źes bya ba’i tiṅ ṅe ’dzin daṅ | chos thams cad ma ’dres pa źes (6) bya ba’i tiṅ ṅe ’dzin daṅ | chos thams cad kyi raṅ bźin dmigs su med pa źes bya ba’i tiṅ ṅe ’dzin daṅ | chos thams cad rnam par ’jig pa mñam pa ñid ces bya ba’i tiṅ ṅe ’dzin daṅ | chos thams cad byed pa med pa źes bya ba’i tiṅ ṅe ’dzin daṅ | (7) chos thams cad bsam gyis mi khyab ces bya ba’i tiṅ ṅe ’dzin thob par gyur te | byaṅ chub sems dpa’ sems dpa’ chen po rtag tu ṅus | de la sogs pa tiṅ ṅe ’dzin gyi sgo ’bum phrag drug cu thob par gyur to ||
śes rab kyi pha rol tu phyin pa khri (205a1) brgyad stoṅ pa las chos ’phags kyi le’u źes bya ste brgyad cu rtsa drug pa’o || ||
rab ’byor byaṅ chub sems dpa’ sems dpa’ chen po rtag tu ṅus tiṅ ṅe ’dzin gyi sgo ’bum phrag drug cu thob ma thag tu śar phyogs daṅ | lho phyogs daṅ | nub phyogs daṅ | byaṅ (2) phyogs daṅ | phyogs mtshams daṅ | ’og daṅ | steṅ gi phyogs daṅ | phyogs bcu’i ’jig rten gyi khams gaṅ g’i kluṅ gi bye ma sñed dag na | saṅs rgyas bcom ldan ’das gaṅ g’i kluṅ gi bye ma sñed dag dge sloṅ gi dge ’dun gyis yoṅs su bskor ciṅ byaṅ chub sems (3) dpa’i tshogs kyis mdun gyis bltas te tshul ’di lta bu ñid daṅ | miṅ ’di ñid daṅ | yi ge ’di ñid kyis śes rab kyi pha rol tu phyin pa ’di ’chad pa mthoṅ ṅo ||
’di lta ste dper na da ltar ṅa stoṅ gsum gyi stoṅ chen po’i ’jig rten gyi khams ’di na chos ston pa dge sloṅ gi dge (4) ’dun gyis yoṅs su bskor ciṅ byaṅ chub sems dpa’i tshogs kyis mdun gyis bltas te tshul ’di ñid daṅ | miṅ ’di ñid daṅ | yi ge ’di ñid kyis śes rab kyi pa rol tu phyin pa ’di ’chad pa bźin no ||
de maṅ du thos pa bsam gyis mi khyab pa daṅ thos pa rgya mtsho lta bu (5) daṅ ldan par gyur te | gar skyes pa thams cad du yaṅ saṅs rgyas daṅ mi ’bral bar gyur to ||
skye ba thams cad du yaṅ gaṅ daṅ gaṅ du saṅs rgyas bcom ldan ’das rnams mṅon sum du ’gyur ba de daṅ de dag tu skyes te | tha na rmi lam na yaṅ saṅs rgyas bcom ldan (6) ’das dag daṅ mi ’bral bar gyur to ||
des mi khom pa thams cad ni spaṅs dal ba phun sum tshogs pa ni bsgrubs so ||
rab ’byor rnam graṅs ’dis kyaṅ śes rab kyi pha rol tu phyin pa ’di byaṅ chub sems dpa’ sems dpa’ chen po rnams kyi thams cad mkhyen (7) pa’i ye śes sgrub pa yin par rig par bya’o ||
rab ’byor de lta bas na byaṅ chub sems dpa’ sems dpa’ chen po thams cad mkhyen pa’i ye śes ’thob par ’dod pa dag gi śes rab kyi pha rol tu phyin pa ’di la spyad par bya’o ||
de nas bcom ldan ’das kyis che (205b1) daṅ ldan pa kun dga’ bo la bka’ stsal pa | kun dga’ bo byaṅ chub sems dpa’ rnams yaṅ dag par yoṅs su gzuṅ ba’i phyir śes rab kyi pha rol tu phyin pa ’di zuṅ śig | choṅs śig | lhogs śig | kun chub par gyis śig | gźan dag la yaṅ rgya cher (2) rab tu ston cig | kun dga’ bo śes rab kyi pha rol tu phyin pa ’di byaṅ chub sems dpa’ sems dpa’ chen po dag gis mñan par bya | gzuṅ bar bya | bcaṅ bar bya | klag par bya | kun chub par bya | gdon par bya | luṅ nod par bya | bstan par bya | kha ton tu bya | de bźin (3) gśegs pa’i byin gyi rlabs kyis glegs bam chen po la yi ge gsal źiṅ rab tu gsal ba legs par bris te me tog daṅ | bdug pa daṅ | spos daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan daṅ | kho ra yug tu mar me’i phreṅ ba dag daṅ | (4) mchod pa rnam pa maṅ pos bkur sti bya | bla mar bya | ri mor bya | mchod par bya | rjed par bya gsol bar bya ste | kun dga’ bo ’di ni ṅa’i gdams ṅag go ||
de ci’i phyir źe na | kun dga’ bo ’di ji sñam du sems | de bźin gśegs pa khyod kyi ston pa yin nam | kun dga’ bos (5) gsol pa | bcom ldan ’das bdag gi ston pa lags so ||
bde bar gśegs pa bdag gi ston pa lags so ||
de skad ces gsol pa daṅ | bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo khyod kyi ston pa de bźin gśegs (6) pa la kun dga’ bo khyod kyis lus kyi las byams pa yid du ’oṅ ba daṅ | ṅag gi las byams pa yid du ’oṅ ba daṅ | yid kyi las byams pa’i yid du ’oṅ bas rim gro byas so ||
kun dga’ bo de lta bas na da ltar ṅa bźugs te ’tsho źiṅ gźes pa’i sku ’di la khyod kyis phaṅs (7) pa daṅ | dad pa daṅ gus par byas pa de bźin du ṅa ’das nas śes rab kyi pha rol tu phyin pa ’di la yaṅ byos śig | kun dga’ bo ci nas kyaṅ śes rab kyi pha rol tu phyin pa ’di nub par mi ’gyur źiṅ ci nas khyod skyes bu tha mar mi ’gyur bar khyod la lan gñis lan (206a1) gsum du yoṅs su gtad do ||
rjes su yoṅs su gtad do ||
kun dga’ bo śes rab kyi pha rol tu phyin pa ’di ’jig rten na ji srid du spyod pa de srid du de bźin gśegs pa bźugs par rig par bya’o ||
kun dga’ bo de srid du de bźin gśegs pa chos ston (2) par rig par bya’o ||
kun dga’ bo gaṅ śes rab kyi pha rol tu phyin pa ’di ñan pa daṅ | ’dzin pa daṅ | ’chaṅ ba daṅ | klog pa daṅ | kun chub par byed pa daṅ rab tu ’don pa daṅ | luṅ nod pa daṅ ston pa daṅ kha ton du byed pa daṅ yi ger ’dri ba daṅ | me tog daṅ | bdug pa daṅ | (3) spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag daṅ | kho ra yug tu mar me’i phreṅ ba daṅ | mchod pa rnam pa maṅ po dag gis | bkur stir byed | bla mar byed | ri mor byed | mchod par byed | rjed par byed | (4) gsol bar byed pa’i sems can de dag ni saṅs rgyas mthoṅ ba daṅ ma bral ba daṅ | dam pa’i chos ñan pa daṅ ma bral ba daṅ | dge ’dun la rim gro byed pa daṅ ma bral bar rig par bya’o ||
kun dga’ bo sems can de dag ni de bźin gśegs pa’i druṅ na spyod par rig (5) par bya’o ||
bcom ldan ’das kyis de skad ces bka’ stsal pa daṅ | byaṅ chub sems dpa’ sems dpa’ chen po byams pa la sogs pa daṅ | tshe daṅ ldan pa rab ’byor daṅ | tshe daṅ ldan pa ś ri’i bu daṅ | tshe daṅ ldan pa mo.oṅa gal gyi bu chen po daṅ | tshe daṅ ldan pa ’od sruṅ daṅ | (6) tshe daṅ ldan pa byams ma’i bu gaṅ po daṅ | tshe daṅ ldan pa k ty ya na chen po daṅ | tshe daṅ ldan pa ma ’gags pa daṅ | tshe daṅ ldan pa nam gru daṅ | tshe daṅ ldan pa sgra gcan zin daṅ | tshe daṅ ldan pa kun dga’ bo daṅ | lha daṅ | mi daṅ | lha ma yin daṅ | dri zar bcas pa’i (7) ’jig rten yi raṅs te | bcom ldan ’das kyis gsuṅs pa la mṅon par bstod do || ||
śes rab kyi pha rol tu phyin pa khri brgyad stoṅ pa las | yoṅs su gtad pa’i le’u źes bya ste | brgyad cu rtsa bdun pa’o || ||
http://www2.hf.uio.no/common/apps/permlink/permlink.php?app=polyglotta&context=ctext&uid=2095de54-4b90-11e6-98cc-0050569f23b2
