saṅs rgyas dpa’ bo de la ’dud ||
thams cad myur du grol bar gyis ||
bdag ’di’i kha ru bcug pas na ||
bdag ni khyed la skyabs su mchi ||
de nas (2) bcom ldan ’das kyis lha’i bu ñi ma’i ched du | lha ma yin gyi dbaṅ po sgra gcan ’dzin la tshigs su bcad pa bka’ stsal pa | saṅs rgyas ’jig rten la brtse bas ||
dgra bcom de bźin gśegs pa la ||
ñi ma skyabs su soṅ bas na ||
sgra gcan ’dzin gyis ñi ma thoṅ ||
(3) gaṅ źig mun pa snaṅ bas gsal bar byed ||
rnam snaṅ drag po’i gzi brjid dkyil ’khor can ||
nam mkha’i ñi ma sgra gcan sgrib ma byed ||
ñi ma ’di ni sgra gcan gyis thoṅ śig | de nas lha ma yin gyi dbaṅ po sgra gcan ’dzin gyis lha’i bu ñi ma grol bar byas nas | sṅar gyi (4) gzugs bźin du gaṅ su źig gis lha ma yin gyi dbaṅ po thags bzaṅs ris kyi druṅ du soṅ źiṅ soṅ nas | sems mi dga’ źiṅ yi mug pas ba spu laṅs par gyur te | phyogs gcig tu ’dug go ||
phyogs gcig tu ’dug nas lha ma yin gyi dbaṅ po sgra gcan ’dzin la | lha ma yin (5) gyi dbaṅ po thags bzaṅs ris kyis tshigs su bcad pa smras pa | ci phyir yid ni skrag par gyur ||
sgra gcan ’dzin gyis ñi ma thoṅ ||
gzugs kyi rnam ’gyur kun du ṅan ||
ci phyir ’jigs pas ’di ru lhags ||
des smras pa | saṅs rgyas tshigs bcad thos nas ni ||
(6) bdag gis ñi ma ma btaṅ na ||
mgo bo tshal pa bdun ’gas śiṅ ||
’tsho ba la ni bde ba med ||