de nas klu’i rgyal po dga’ ba ñer dga’ źes bya ba ye śes kyi sgo nas mṅon du byas so ||
de la ṅes par legs pa’i sa bon yod dam źes brtags pa na | (6) ’di ni log par lta ba can dkon mchog gsum la dad pa med par gzigs so ||
gzigs nas gaṅ źig ’di ni log par lta ba las | rnam par grol bar bya ba’i phyir | ’dul bar byed pa | gnas brtan chen po mauda gal gzigs so ||
de nas mtshan mo tho raṅs (7) kyi dus su sku’i byi dor mdzad nas | tshe daṅ ldan pa kun dga’ bo bos te bka’ stsal pa | kun dga’ bo | dge sloṅ lṅa brgya daṅ bcas pa’i bcom ldan ’das lha’i ’jig rten du gśegs so źes ston cig | des btsun pa bka’ bźin ’chal lo źes gsol nas dge (279b1) sloṅ rnams la don de smras so ||
de’i ñi ma la dga’ bo ñer dgas ñer bsdogs byas so ||
de lha’i rin po che’i steṅ du skyil kruṅ gis gnas te | lha’i gdugs dkar po bzuṅ ṅo ||
klu daṅ klu mo gar byed ciṅ klu’i ’khor g-yog du mas bskor te | lha’i snod ñe bar (2) bźag nas bza’ ba daṅ btuṅ ba rnam pa sna tshogs pa la rtog par byed do ||
de nas bcom ldan ’das kyis klu’i rgyal po ji lta bar gzigs so ||
de ltar byas pa gzigs nas de’i mgo bo’i steṅ gi bla bres kyi steṅ ñid nas | bcom ldan ’das dge sloṅ lṅa brgya daṅ bcas (3) pas gśegs te | sum cu rtsa gsum gyi lha’i bar mṅon sum du gyur to ||
de’i tshe de’i dus na klu’i rgyal po dga’ bo ñer dga’ de lta bu’i gzugs kyis sdig pa’i lta bar lhuṅ blta ba ṅan pa’i sems skyes so ||
dge sbyoṅ mgo reg ’di ṅa’i steṅ nas (4) sum cu rtsa gsum gyi lha’i ’jig rten gyi gnas su gśegs par ’gyur ro ||
’di ni da lta nas ṅa’i mgo bo la rkaṅ pa’i rdul mgo bo’i steṅ du lhuṅ bar byed pas ’gro ru mi ster ro sñam ste | laṅs nas ri rab kyi rtsa bar soṅ ṅo ||
raṅ gi gzugs bor te ri bo mchog rab (5) steṅ ’og thams cad raṅ gi lus kyis lan bdun du dkris nas | steṅ du gdeṅs ka byas te | sum cu rtsa gsum pa rnams kyis mi mthoṅ bar bya ba’i phyir ro ||
de nas tshe daṅ ldan pa yul ’khor skyoṅ gis bcom ldan ’das la ’di skad ces gsol to ||
btsun pa (6) sṅar bźin gnas ’di’i phyogs su ’dug nas ri bo mchog rab mthoṅ ṅo ||
ri bo mchog rab ’khor daṅ bcas pa mthoṅ ṅo ||
sum cu rtsa gsum mthoṅ ṅo ||
rnam par rgyal ba’i khaṅ bzaṅs mthoṅ ṅo ||
rnam par rgyal pa’i khaṅ bzaṅs kyi steṅ gi rgyal mtshan (7) mthoṅ ṅo ||
btsun pa ci’i rgyu ci’i rkyen lags | da ni ri bo mchog rab mi mthoṅ bar gyur | bcom ldan ’das kyis bka’ stsal pa | yul ’khor skyoṅ ’di ni klu’i rgyal po dga’ bo ñer dga’ źes bya ba khyed rnams la khros par gyur te | ri bo mchog rab (280a1) lan bdun du lus kyis dkris nas steṅ du gdeṅs kas bsgribs so ||
mun pa mun nag tu byas nas gnas so ||
gsol pa | btsun pa bdag gis gdul bar bgyi’am | bcom ldan ’das kyis gnaṅ ba ma byin no ||
de nas tshe (2) daṅ ldan pa bzaṅ ldan daṅ | tshe daṅ ldan pa sgra gcan ’dzin te | go rims bźin du dge sloṅ thams cad kyis źus so ||
bcom ldan ’das kyis rjes su gnaṅ ba ma byin no ||
thams cad kyi rjes su gnas brtan chen po mauda gal gyi bus btsun pa bdag gis (3) gdul bar bgyi ’am źes źus pa daṅ | mauda gal gyi bu thul cig ces bcom ldan ’das kyis gnaṅ ba byin no ||
gnas brtan raṅ gi lus bor la klu’i rgyal po’i lus chen por sprul te | dga’ bo ñer dga’i lus kyi steṅ du lan bcu bźi lus kyis dkri ba daṅ | de’i (4) gdeṅs ka’i steṅ du raṅ gi gdeṅs ka bya’o ||
ri bo mchog rab daṅ bcas pa thams cad non cig ces bka’ stsal pa daṅ | gnas brtan mauda gal gyi bus de bźin du byas so ||
de nas klu’i rgyal po dga’ bo ñer dga’ sa kha rlaṅs kyi du ba btaṅ ṅo ||
gnas brtan gyis (5) kyaṅ khyed kyi lus la kha rlaṅs kyi du ba yod la ṅed la med pa yin nam źes kha rlaṅs btaṅ ṅo ||
klu’i rgyal po dga’ bo ñer dga’i du bas gnas brtan la gnod par ma gyur to ||
gnas brtan gyi kha rlaṅs kyi du bas klu’i rgyal po la gnod par gyur to ||
klu’i rgyal po (6) rab tu ’bar ro ||
gnas brtan gyis khyed kyi lus la ’bar ba yod pa bźin ṅed la med dam źes ’bar bar byas so ||
klu’i rgyal po’i me ’od kyis gnas brtan la gnod par ma gyur to ||
gnas brtan gyi me ’od kyis klu’i rgyal po la gnod par gyur to ||
(7) klu’i rgyal pos bsams pa ’di ni bdag gi lus ri bo mchog rab daṅ bcas pa ṅes par mnan nas du ba daṅ me ’bar bar byed do sñam nas | khyed gaṅ yin źes dris so ||
bdag mauda gal źes bya’o ||
btsun pa raṅ gi gzugs kyis gnas par gyis śig | (280b1) gnas brtan gyis klu’i lus dor nas | de’i rna ba g-yas pa’i bu ga nas źugs te | rna ba g-yon pa’i bu gnas ’thon no ||
yaṅ rna ba g-yon pa’i bu gnas źugs nas | rna ba g-yas pa’i bu gnas ’thon no ||
de bźin du sna g-yas pa’i bu gnas (2) źugs nas | sna g-yon pa’i bu gnas ’thon te | yaṅ sna g-yon pa’i bu gnas źugs nas | sna g-yas pa’i bu gnas ’thon no ||
de nas klu’i rgyal po’i kha gdaṅs so ||
gnas brtan khar źugs nas | gsus pa’i naṅ du mdun rgyab tu yaṅ daṅ (3) yaṅ du rgyus so ||
bcom ldan ’das kyis mauda gal rdzu ’phrul cher yid la gyis śig | klu rdzu ’phrul chen po daṅ ldan pa yin no źes bka’ stsal to ||
gnas brtan gyis btsun pa | bdag gis rdzu ’phrul gyi rkaṅ pa baźibasgomasa pa daṅ | maṅ du byas pa (4) daṅ | brtson par byas pa daṅ | gźir byas pa daṅ | rjes su bsgrubs pa daṅ | ’dris par byas pas legs par brtsams so ||
btsun pa | dga’ bo ñer dga’ lta źog | dga’ bo ñer dga’ daṅ mtshuṅs par brgya’i tshogs daṅ | stoṅ gi tshogs daṅ | (5) ’bum gyi tshogs kyaṅ bdag gis gdul bar nus so ||
klu’i rgyal pos bsams pa naṅ na rgyu ba bdag gis ma mthoṅ ṅo ||
phyir ’byuṅ ba’i che mche ba gñis kyi bar du bza’o sñam nas | btsun pa phyir śog | ṅa’i lto ba’i naṅ du yaṅ daṅ yaṅ du (6) rgyu ba daṅ sdod pas ci bya źes pas | gnas brtan phyir byon nas gnas so ||
klu’i rgyal pos mthoṅ nas | ’di yin nam źes smras te | sna’i rluṅ phyir btaṅ ṅo ||
gnas brtan bsam gtan bźi po mñam par thob pas | ba spu ri bu ga gcig tu yaṅ sna’i rluṅ (7) gis bskyod par mi nus so ||
de las gźan pa’i dge sloṅ rnams kyis daṅ po rnams kyi cho ’phrul thams cad byed par nus kyis | gnas ’di rnams la rab tu źugs nas | bsam gtan bźi po myur du bsgrub par mi nus so ||
do’i phyir bcom ldan ’das kyis klu’i rgyal (281a1) bo ’dul ba de rnams la gnaṅ ba ma byin no ||
klu’i rgyal po bdag gis dge sloṅ ’di’i ba spu’i bu ga tsam yaṅ sna’i rluṅ gis bskyod par ma nus pas rdzu ’phrul chen por bsams so ||
gnas brtan gyis dge sloṅ gi gzugs dor nas | ’dab bzaṅs bya khyuṅ gi gzugs (2) su mṅon par sprul to ||
’dab bzaṅs kyi lus de mthoṅ nas klu’i rgyal po bros par gyur to ||
’dab bzaṅs kyi rjes su ’brel bar klu’i rgyal pos raṅ gi gzugs dor nas bram ze’i khye’u’i gzugs su sprul te | btsun pa khyed la skyabs su ’gro’o źes rjod par byed ciṅ gnas brtan gyi źabs (3) la phyag btsal lo ||
gnas brtan gyis ston pa’i thaṅ du śog cig ’gro ba yin no źes klu’i rgyal po btul nas dug med par byas te bcom ldan ’das kyi druṅ du phyin no ||
klu’i rgyal pos bcom ldan ’das la phyag byas te | btsun pa khyed la skyabs su ’gro’o źes gsol te | bcom ldan (4) ’das kyis legs so źes bka’ stsal nas | dge sloṅ ’khor daṅ bcas pa mgon med zas sbyin gyi gnas su gśegs so ||
mgon med zas sbyin gyis | btsun pa yun riṅ por mi ’byon pa ci źes gsol pa daṅ | bcom ldan ’das kyis mod gal gyi bu daṅ | dga’ bo ñer dga’ (5) gñis g-yul bkye’o źes bka’ stsal to ||
btsun pa su źig pham su źig rgyal bar gyur źes gsol pas | khyim bdag mauda gal gyi bu rgyal bar gyur | dga’ bo ñer dga’ pham par gyur to źes bka’ stsal to ||
mgon med zas sbyin gyis btsun pa bcom ldan ’das la źag bdun du rim (6) pa bźin du gdugs tshod gsol bar źus | gnas brtan la bkur sti daṅ bsti staṅ bgyid par źus so ||
saṅs rgyas la sogs pa’i dge sloṅ lṅa brgya po rnams la bkur sti daṅ bsti staṅ źag bdun du bgyid par ’tshal lo ||
bcom ldan ’das kyis de skad ces bka’ stsal daṅ | dge (7) sloṅ de rnams bcom ldan ’das kyis gsuṅs pa la mṅon par bstod do ||||
