’di skad bdag gis thos pa (5) dus gcig na | bcom ldan ’das śkya’i yul ser skya’i gźi’i tshal chen po na dge sloṅ gi dge ’dun chen po lṅa brgya ste | de thams cad kyaṅ dgra bcom pa rnams daṅ lhan cig tu bźugs so ||
’jig rten gyi khams bcu’i lha rnams de ma thag tu ’dus te | bcom ldan ’das daṅ dge (6) sloṅ gi dge ’dun rnams blta ba’i phyir ro ||
de nas gnas gtsaṅ ma’i ris kyi lha’i ris bźi po rnams kyis ’di skad ces gsol to ||
’dir yaṅ bcom ldan ’das kyis śkya’i yul ser skya’i gźi’i tshal chen po na dge sloṅ gi dge ’dun chen po lṅa brgya ste | de thams cad kyaṅ dgra bcom pa (7) rnams daṅ lhan cig tu bźugs so ||
’jig rten gyi khams bcu’i lha rnams de ma thag tu ’dus te | bcom ldan ’das kyi dge sloṅ gi dge ’dun rnams blta ba’i phyir ro ||
gaṅ dag de bźin du bcom ldan ’das ga la ba der de dag soṅ ste soṅ nas | bcom ldan ’das kyi thad du tshigs su (260a1) bcad pa so sor brjod par bya’o ||
de nas lha de rnams kyis ’di lta ste skyes bu stobs daṅ ldan pa’i lag pa bskum pa las | brkyaṅ ba tsam daṅ brkyaṅ ba las bskum pa de bźin du gnas gtsaṅ ma’i lha rnams mi snaṅ bar gyur te bcom ldan ’das kyi thad du snaṅ bar gyur to ||
de (2) nas lha de rnams kyis bcom ldan ’das la phyag byas nas phyogs gcig tu ’khod do ||
phyogs gcig tu ’khod nas yaṅ lha de rnams kyis bcom ldan ’das kyi thad du tshigs su bcad pa ’di rnams gsol to ||
’dus pa chen po’i tshal ’di ru ||
lha yi tshogs rnams ’dus pa ste ||
chos (3) ’di’i phyir du bdag ’oṅs pa ||
dge ’dun mi pham ’dus pa blta ||
de nas lha gźan rnams kyis bcom ldan ’das kyi thad du tshigs su bcad pa ’di gsol to ||
dge ’dun sems rnams dul ba daṅ ||
raṅ gi sems ni draṅ por byas ||
kha lo sgyur bas draṅ por ’dzin ||
de bźin mkhas (4) pas dbaṅ po bsruṅ ||
de nas lha gźan rnams kyis bcom ldan ’das kyi thad du tshigs su bcad pa ’di gsol to ||
khyim gyi ’chiṅ ba bton pa daṅ ||
dbaṅ po nas ni sems ’gro źiṅ ||
dag ciṅ dri med der ’gro ba ||
mig ldan glaṅ po dul ba bźin ||
de nas lha gźan rnams (5) kyis bcom ldan ’das kyi thad du tshigs su bcad pa ’di gsol to ||
gaṅ źig saṅs rgyas skyas ’gro ba ||
de ni ṅan soṅ ’gro mi ’gyur ||
mi yi lus ni spaṅs nas su ||
lha yi lus ni yoṅs rdzogs ’gyur ||
de nas bcom ldan ’das kyis dge sloṅ rnams bos te de ma thag tu dge (6) sloṅ dag ’jig rten gyi khams bcu’i lha rnams ’dus te de bźin gśegs pa dge sloṅ gi dge ’dun daṅ bcas pa blta ba’i phyir ro ||
dge sloṅ gaṅ de rnams su gyur pa ’das pa’i dgra bcom pa yaṅ dag par rdzogs pa’i saṅs rgyas de rnams bcom ldan ’das de tsam du gyur pa de bźin du lha rnams (7) ’dus par gyur to ||
’di lta ste | bdag kyaṅ ’di skad ces smra ste | dge sloṅ dag lha’i tshogs rnams kyi miṅ brjod par bya ste | dge sloṅ dag rab tu gsal bar byed pa źes bya ba’i lha’i tshogs daṅ | dge sloṅ dag lha’i tshogs ston par byed pa źes bya ba’o ||
de thos nas legs par yid la zuṅ śig (260b1) daṅ ṅas bśad par bya’o ||
de ltar btsun pa bcom ldan ’das la dge sloṅ de rnams kyis so sor źus nas | bcom ldan ’das kyis ’di skad ces bka’ stsal to ||
tshigs su bcad pa so sor bśad ||
gaṅ du sa gźi mthoṅ gyur na ||
ri yi phug tu gaṅ gnas pa ||
de ru mñam (2) par ’jog par byed ||
sa gźir seṅ ge ’jigs med bźin ||
ba spu tsam yaṅ g-yo ba med ||
sems ni dag ciṅ dkar ba daṅ ||
chu ni rag tu dṅas bźin du ||
lṅa brgya po yis legs śes śiṅ ||
ser skya’i tshal gyi gnas maṅ po ||
de nas dge sloṅ ston pas bos ||
bstan (3) la dga’ ba’i ñan thos rnams ||
lha yi tshogs rnams ’oṅs nas ni ||
dge sloṅ rnams kyis de śes bya ||
lus ni gduṅ bar ma byed par ||
saṅs rgyas bstan pa thos pas so ||
de rnams ye śes snaṅ bar ’gyur ||
mi ma yin rnams mthoṅ ’gyur ba ||
gaṅ źig (4) gis ni brgya mthoṅ źiṅ ||
stoṅ daṅ bdun cu mthoṅ ba yin ||
brgya daṅ stoṅ phrag gcig daṅ ni ||
mi ma yin rnams mthoṅ bar ’gyur ||
gaṅ źig gis ni mtha’ med mthoṅ ||
phyogs kun gaṅ bar ’gyur ba mthoṅ ||
de rnams kyis ni rtogs pa daṅ ||
spyan ldan rnam par (5) dpyad nas ni ||
de phyir ston pa yis ni bos ||
bstan la dga’ ba’i ñan thos kyis ||
lha yi tshogs rnams ’oṅs nas ni ||
dge sloṅ rnams kyis de śes bya ||
gaṅ źig la ni bdag bśad bya ||
go rims bźin du mñan par gyis ||
stoṅ phrag bdun gyi gnod sbyin rnams ||
(6) ser skya’i sa la gnas pa ni ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
stoṅ phrag drug ni gaṅs can gyi ||
gnod sbyin kha dog sna tshogs lus ||
rdzu ’phrul ldan źiṅ ’od daṅ ldan ||
(7) kha dog daṅ ni grags phar ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
sna tshogs bśes gñen lṅa brgya po ||
gnod sbyin kha dog sna tshogs lus ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
chos gtam bya phyir ’dir (261a1) ’oṅs te ||
źi bas dge sloṅ tshal du’o ||
rgyal khab gnod sbyin chu srin ni ||
ṅos yaṅs ri la gnas pa yin ||
stobs ldan ’bum phrag gcig po ni ||
gnod sbyin rnams kyi ’khor gyis bskor ||
rgyal khab gnod sbyin chu srin ni ||
źi bas dge sloṅ tshal du’o ||
(2) śar gyi phyogs kyi rgyal po ni ||
miṅ ni yul ’khor sruṅ źes pa ||
dri za rnams kyi bdag po ste ||
rgyal po chen po grags chen ldan ||
de yi bu ni maṅ po rnams ||
miṅ ni gcig tu thos pa ste ||
dbaṅ po źes bya stobs chen po ||
rdzu ’phrul ldan źiṅ ’od daṅ ldan ||
kha dog daṅ ni (3) grags par ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
lho yi phyogs kyi’aṅ rgyal po ni ||
miṅ ni ’phags skyes po źes bya ||
grul bum rnams kyi bdag po ste ||
rgyal po chen po grags chen ldan ||
de yi bu ni maṅ po rnams ||
miṅ ni gcig tu (4) thos pa ste ||
dbaṅ po źes bya stobs chen po ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
nub kyi phyogs kyi rgyal po ni ||
miṅ ni mig mi bzaṅ źes grags ||
klu rnams kyi ni bdag po (5) ste ||
rgyal po chen po grags chen ldan ||
de yi bu ni maṅ po rnams ||
miṅ ni gcig tu thos pa ste ||
dbaṅ po źes bya stobs daṅ ldan ||
rdzu ’phrul ldan źiṅ stobs daṅ ldan ||
kha dog daṅ ni grags par ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
(6) byaṅ gi phyogs kyi rgyal po ni ||
de miṅ lus ṅan po źes grags ||
gnod sbyin rnams kyi bdag po ste ||
rgyal po chen po grags chen ldan ||
de yi bu ni maṅ po rnams ||
miṅ ni gcig tu thos pa ste ||
dbaṅ po źes bya stobs chen po ||
rdzu ’phrul ldan źiṅ ’od daṅ ldan | kha (7) dog daṅ ni grags par ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
śar phyogs na ni yul ’khor skyoṅ ||
lho phyogs na ni ’phags skyes po ||
nub phyogs na ni mig mi bzaṅ ||
byaṅ phyogs na ni lus ṅan po ||
de rnams rgyal po chen po (261b1) bźi ||
phyogs rnams bźi po kun du’o ||
gzi brjid ’bar bas ’khod nas ni ||
seṅ skya’i gźi yi tshal du’o ||
de rnams sgyu ma rtsed mo bsam ||
druṅ ldan rnams ni nam mkhar ’khod ||
sgyu ma sku Te Nya bai Da Nu ||
biārya tstsha biārya Do bcas ||
tsan dan daṅ ’dod mchog daṅ ||
(2) mgul pa mdzes daṅ mgul ṅes daṅ ||
skye dgu’i bla mar gyur pa daṅ ||
lha las byuṅ ba’i kha lo pa ||
dri za sna tshogs sde daṅ ni ||
mi rgyal rgyal ba’i khyu mchog daṅ ||
mdun du rtse mo lṅa de bźin ||
g-yer ma daṅ ni ñi zer daṅ ||
de daṅ gźan gyi rgyal po rnams ||
rgyal po (3) dri za daṅ bcas daṅ ||
chos gtam bya phyir ’dir ’oṅs nas ||
źi bas dge sloṅ tshal du’o ||
de nas gźan yaṅ nam mkha’i klu ||
yaṅs pa can du lhan cig gnas ||
la brta yi mchog daṅ ni ||
rab ’gro gñen daṅ lhan cig pa ||
ya mun daṅ yul ’khor skyoṅ ||
klu yi spun (4) daṅ grags ldan daṅ ||
sa sruṅ glaṅ po chen po rnams ||
de yaṅ nags kyi tshal du’o ||
gaṅ źig klu rgyal myur du len ||
lha daṅ bya daṅ rnam dag mig | nam mkha’ las ’oṅs tshal der sleb ||
sna tshogs ’dab bzaṅs ces de’i miṅ ||
’jigs med byin pas klu yi rgyal ||
mkha’ (5) ldiṅ bzod pa rtogs pas so ||
phan tshun du ni mi rtsoṅ ciṅ ||
klu khyuṅ saṅs rgyas skyabs ’gro ba ||
rdo rje lag gis rgyal ba daṅ ||
lha ma yin ni rgya mtshor gnas ||
sṅun rnams de yi gnas daṅ ni ||
gzi brjid ldan źiṅ grags daṅ ldan ||
nag po mig sman ’jigs byed ldan ||
(6) lha ma yin rnams khro byed daṅ ||
thags bzaṅs daṅ ni thags bzaṅs ris ||
mtshan ’joms na mo tsi daṅ bcas ||
stobs kyi bu ni brgyad po rnams ||
thams cad rnam par snaṅ mdzad miṅ ||
stobs kyi sde ni go bgos pa ||
sgra gcan bzaṅ po sṅon du ’gro ||
btsun pa de ni ’dus nas ni ||
(7) źi bas dge sloṅ tshal du’o ||
chu daṅ lha dṅas daṅ ni ||
me daṅ rluṅ yaṅ der ’oṅs so ||
chu lha chu yi lha daṅ ni ||
zla ba daṅ ni grags par ldan ||
byams daṅ sñiṅ rje’i tshogs can daṅ ||
lha ni grags ldan mdun du’o ||
phyogs bcu’i ’jig rten tshogs rnams ni ||
thams cad kha dog (262a1) sna tshogs lus ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
tshes gtam bya phyir ’dir ’oṅs te ||
źi bas dge sloṅ tshal du’o ||
khyab ’jug lha daṅ lhan cig tu ||
tha dad tha dad ’oṅs pa daṅ ||
zla ba de yi ’khor gyi lha ||
zla ba’i mdun byas (2) ’khor daṅ ni ||
ñi ma’i ’khor gyi lha rnams daṅ ||
ñi ma’i mdun byas ’khor daṅ ni ||
rgyu skar de yi ’khor daṅ yaṅ ||
mdun byas pa la ha ka daṅ ||
sa daṅ sa yi gtso bo daṅ ||
brgya byin yaṅ yaṅ sbyin pa daṅ ||
phyogs bcu’i ’jig rten tshogs rnams daṅ ||
thams cad kha dog sna tshogs (3) lus ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
de nas ñer spyod lha daṅ ni ||
chu daṅ me yi rtse mo bźin ||
sgra ldan snaṅ bar byed pa daṅ ||
u ma’i me tog de bźin du ||
chu lha daṅ bcas (4) chos daṅ ni ||
a tstsu ta daṅ du ma rnams ||
bzaṅ len mdzes pa’i mdun daṅ ni ||
mdun daṅ gnas daṅ du ma daṅ ||
phyogs bcu’i ’jig rten tshogs daṅ ni ||
thams cad kha dog sna tshogs lus ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
chos (5) gtam bya phyir ’dir ’oṅs te ||
źi bas dge sloṅ tshal du’o ||
’dus daṅ ’dus pa chen po ni ||
mi daṅ mi yi mchog daṅ ni ||
rol pa’i go ’phaṅ mdun du daṅ ||
yid mchog daṅ ni go ’phaṅ rtse ||
de nas lha yi mchod ’os daṅ ||
gaṅ yaṅ dmar po’i gos gyon daṅ ||
(6) pha rol pha rol son chen daṅ ||
grags chen lha yi mdun gnas daṅ ||
phyogs bcu’i ’jig rten tshogs daṅ ni ||
thams cad kha dog sna tshogs lus ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
chos gtam bya phyir ’dir ’oṅs te ||
źi bas dge (7) sloṅ tshal du’o ||
dkar daṅ drod daṅ dmar po daṅ ||
sṅon śugs stug po lhan cig daṅ ||
dkar po ’dzin pa la sogs daṅ ||
mkhas pa’i lha ni sṅon du’o ||
rtag tu glaṅ chen myos ’phraṅ ba ||
’dres pa grags daṅ ldan pa daṅ ||
pradzdzuna maṅ po mdun du daṅ ||
gaṅ źig phyogs (262b1) ni mdzes pa daṅ ||
phyogs bcu’i ’jig rten tshogs rnams daṅ ||
thams cad kha dog sna tshogs lus ||
rdzu ’phrul ldan źiṅ ’od daṅ ldan ||
kha dog daṅ ni grags par ldan ||
chos gtam bya phyir ’dir ’oṅs te ||
źi bas dge sloṅ tshal du’o ||
dge ba dga’ ldan ’thab bral (2) daṅ ||
grags ldan śiṅ daṅ ldan pa daṅ ||
’phyaṅ ba gnas daṅ gtso bo daṅ ||
’od daṅ bsam pa źes bya daṅ ||
’phrul dga’ ba ni sṅon du daṅ ||
de nas gźan ’phrul dbaṅ byed sṅon ||
phyogs bcu’i ’jig rten tshogs daṅ ni ||
thams cad kha dog sna tshogs lus ||
rdzu (3) ’phrul ldan źiṅ ’od daṅ ldan ||
chos gtam bya phyir ’dir ’oṅs nas ||
źi bas dge sloṅ tshal du’o ||
sna tshogs drug po’i sde pa ni ||
thams cad kha dog sna tshogs lus ||
miṅ ni grags daṅ ldan pa sṅon ||
khaṅ gźan ’dra ba lhan cig tu ||
ma lus rigs ni brjod pa (4) daṅ ||
zag med tshogs ni pha rol brgal ||
glaṅ chen tshogs ni blta ba daṅ ||
zla ba bźad pa gsum ldan daṅ ||
tshaṅs bzaṅ mchog gi thob pa daṅ ||
rdzu ’phrul ldan pa’i bu daṅ ni ||
de yi dga’ ba’i gźon nu ni ||
de rnams źi bas tshal du’o ||
tshaṅs pa’i (5) ’jig rten stoṅ du ni ||
tshaṅs pa chen po ñe bar ’khod ||
’od daṅ ldan par skye ba daṅ ||
grags ldan sna tshogs lus daṅ ni ||
dbaṅ phyug bcu po sṅon du daṅ ||
so so dbaṅ du gyur pa daṅ ||
de yi dbus daṅ sṅon du daṅ ||
’phrog ma ’khor daṅ bcas pa’o ||
de rnams thams (6) cad ’oṅs gyur nas ||
dbaṅ po lha daṅ tshaṅs bcas ’oṅs ||
bdud kyi sde rnams ’oṅs nas ni ||
gau tam thugs ni blta ba daṅ ||
’di ni zuṅ śig chiṅs śig brjod ||
chags pa glaṅ po bciṅs pa bźin ||
’khor daṅ bcas pas bskor nas ni ||
gaṅ du’aṅ stoṅ pa ma yin (7) no ||
de la ’di ni bde chen daṅ ||
gau tam sde la gnod mi nus ||
lag pa thal mo rdebs pa daṅ ||
’jigs par byed pa’i cho ṅe sgrogs ||
ji ltar rluṅ gis sprin rnams daṅ ||
mun nag glog daṅ bcas pa ni ||
de ma thag tu ’jigs daṅ bral ||
bsam pa khro ba med par gnas ||
(263a1) lha de rnams thams cad daṅ tshaṅs pas bcom ldan ’das la phyag byas te bskor ba byas nas de ñid du mi snaṅ bar gyur to ||
bdud kyi sde de rnams kyaṅ caṅ mi smra ba’i tshul gyis soṅ ṅo ||
ston pas ñan thos bstan pa la dga’ ba rnams bos te | de yaṅ ’jigs pa med (2) byed daṅ | dag pa’i saṅs rgyas bstan pa la ||
’jigs med ’dod chags bral ba ni ||
de yi ba spu’aṅ g-yo ba med ||
g-yul ni kun las rgyal ba daṅ ||
’jigs pa ’das śiṅ grags par ldan ||
lha daṅ lhan cig brjod pa daṅ ||
ñan thos rnams ni der gnas so ||
bcom (3) ldan ’das kyis de skad ces bka’ stsal pa daṅ | dge sloṅ de rnams bcom ldan ’das kyis gsuṅs pa la mṅon par bstod do || ||
