(183a7) || rgya gar skad du | dzātakanidānam | bod skad du | skyes pa rabs kyi gleṅ gźi | ’phags pa dkon mchog gsum la gus pas phyag ’tshal lo ||
(183b1) bcom ldan ’das rgyal byed tshal mgon med zas sbyin gyi kun dga’ ra ba na bźugs pa’i tshe | gnas brtan chen po don mthoṅ bcom ldan ’das kyi thad du soṅ nas | phyag byas te bskor ba byas nas phyogs gcig tu ’khod de | bcom ldan ’das kyi thad du ’di skad ces gsol (2) to ||
btsun pa bdag ni saṅs rgyas bcom ldan ’das kyi rgyud kyi chos thos par ’tshal lo ||
bka’ stsal pa | don mthoṅ yid la zuṅ śig daṅ ṅas bśad par bya’o źes ’byuṅ ṅo ||
de yaṅ ’dir sdud par byed pa po rab tu rtog pa’i śes rab daṅ źi ba’i dgra bcom pa rnams kyi skyes pa rabs (3) kyi gleṅ gźi’i don gyi bsṅags pa brjod do ||
riṅ ba’i gleṅ gźi daṅ | bar pa’i gleṅ gźi daṅ | ñe ba’i gleṅ gźi ste | gleṅ gźi gsum po ’di gzigs nas bsṅags pa gaṅ źig ñan pa’o ||
de la daṅ po re źig de rnams kyi gleṅ gźi yoṅs su bcad pa rnams rig par bya’o ||
mar (4) me mdzad kyi źabs kyi druṅ ’dir sems pa chen pos smon lam btab bo ||
ji srid thams cad sgrol gyi lus spaṅs pa’i par daṅ dga’ ldan gyi gnas su ’khruṅs pa’i chos kyi gtam gyi bar gyi lam ni riṅ po’i gleṅ gźi źes bya’o ||
ji srid dga’ ldan gyi gnas nas ’phos nas byaṅ chub kyi (5) sñiṅ por thams cad mkhyen pa thob nas chos kyi gtam gyi bar ni gleṅ gźi bar pa źes bya ba’o ||
gaṅ daṅ gaṅ du źugs nas | de daṅ de thob pa rnams ni ñe ba’i gleṅ gźi źes bya ba’o ||
de la ’dir riṅ po’i gleṅ gźi źes bya ba ni ’di nas bskal pa graṅs med pa bźi daṅ bskal pa ’bum phrag (6) gcig lhag pa nas mgo brtsams nas groṅ khyer ’jigs med ldan źes bya ba byuṅ ṅo ||
der yaṅ bram ze blo gros bzaṅ po źes bya ba gnas so ||
pha daṅ ma gñis ka’aṅ rigs bzaṅ ba’i mṅal du źugs te rigs bdun rgyud kyi bar du gźan gyis rtsod pa daṅ dbya ba daṅ smod pa med ciṅ rnam (7) par dag go ||
gzugs bzaṅ ba blta na sdug pa rab tu mdzes pa mchog gi kha dog daṅ ldan pa’i skyes bu can no ||
de yaṅ las gźan mi byed par bram ze’i las ’ba’ źig slob bo ||
de yaṅ khye’u gźon nu’i dus su pha daṅ ma gñis ka dus las ’das so ||
de nas de’i loṅs spyod spel (184a1) ba’i blon pos nor gyi yi ge blaṅs te gser daṅ dṅul daṅ nor bu daṅ mu tig la sogs pas gaṅ ba rnams sgor bton te gźon nu ’di rnams ma’i nor yin no ||
’di rnams pha’i nor yin no ||
’di dag ni mes po daṅ yaṅ mes kyi nor yin no ||
rigs bdun rgyud kyi bar (2) gyi nor yin no źes smras so ||
’di rnams so sor bskyaṅ ba’i phyir smras pa yin no ||
mkhas pa blo gros bzaṅ pos bsams pa | ’di’i nor rnams bzuṅ nas bdag gi pha daṅ mes po la sogs pas ’jig rten pha rol tu ’gro ba na gser se ba gcig kyaṅ khyer nas ma soṅ gis (3) bdag ñid kyis khyer nas ’gro bar rig par bya’o źes rgyal po la smras nas | groṅ khyer du rol mo bsgrags te | skye bo thams cad la sbyin par byin nas | dka’ thub pa’i rab tu byuṅ ba la rab tu byuṅ ṅo ||
’di’i yaṅ don gsal bar bya ba’i phyir gnas ’dir blo gros bzaṅ pos gtam (4) byas so ||
de yaṅ ’di tsam ’ba’ źig ma yin te | saṅs rgyas kyi rgyur rgyun mi ’chad par gsuṅs la slar yaṅ tshigs su bcad pas bciṅ sa te bśad kyaṅ go dka’ bas de daṅ de’i bar bar du tshigs su bcad pa’i tshig gis gsal ba daṅ bcas pa bśad par bya’o ||
ṅa skal (5) pa graṅs med pa bźi daṅ bskal pa ’bum phrag gcig lhag pa nas mgo brtsams nas sgra bcu rgyun chad med par ’jigs med ldan gyi groṅ khyer der byuṅ ṅo ||
de’i saṅs rgyas kyi rgyud bśad do ||
bskal pa graṅs med bźi daṅ ni ||
’bum phrag gcig ni lhag pa na ||
groṅ (6) khyer ’jigs med ldan źes pa ||
mthoṅ ba yis ni dga’ bar byed ||
rgyun mi ’chad pa sgra bcu bźin ||
bza’ daṅ btuṅ ba yaṅ dag ldan ||
de la sgra bcu rgyun mi ’chad pa ni | glaṅ po che’i sgra daṅ rta’i sgra daṅ śiṅ rta’i sgra daṅ rol mo’i sgra daṅ rol mo mṛi daM ga’i sgra daṅ pi baṅ gi (7) sgra daṅ glu’i sgra daṅ rol mos ma ma’i sgra daṅ cha laṅ gi sgra daṅ rgod pa daṅ ’thuṅ ba daṅ za ba’i sgra ste | sgra bcu po ’di rnams ni rgyun mi ’chad pa yin no ||
sgra de rnams phyogs gcig tu bya ste | glaṅ po’i sgra daṅ rta yi sgra ||
rol mo duṅ daṅ śiṅ rta’i sgra ||
za daṅ ’thuṅ ba de ñid daṅ ||
(184b1) bza’ daṅ btuṅ ba’i sgra daṅ ni ||
saṅs rgyas rgyud du tshigs su bcad pa ’di gsuṅs nas | groṅ khyer yan lag ñid lag ldan ||
’dod pa thams cad ñer ba gnas ||
rin chen bdun po yaṅ dag ldan ||
skye bo sna tshogs yaṅ dag gaṅ ||
lha yi groṅ khyer phun tshogs bźin ||
(2) bsod nams can ni gnas pa’o ||
’jig med ldan pa’i groṅ khyer du ||
bram ze blo bzaṅs źes bya bas ||
loṅs spyod bya ba du ma bsags ||
nor daṅ ’bru ni maṅ po yi ||
naṅ gi gsaṅ sṅags ’dzin pa daṅ ||
rig byed gsum gyi pha rol son ||
mtshan ñid i thi has daṅ ||
dam (3) pa’i chos kyi pha rol son ||
de nas de ñid ñi ma gcig la mkhas pa blo gros bzaṅ po de khaṅ bzaṅ mchog gi steṅ du gcig pur skyil mo kruṅ bcas nas dben par bźugs te bsams pa | mkhas pa skye ba gźan du ma’i mṅal bzuṅ na sdug bsṅal lo ||
de bźin du skye ba’i gnas su (4) lus ’jig go ||
bdag skye ba’i chos can daṅ rga ba’i chos can daṅ na ba’i chos can daṅ ’chi ba’i chos can no ||
de lta bur gyur pas bdag ni skye ba med pa daṅ | rgas pa med pa daṅ na ba med pa daṅ sdug bsṅal med pa’i bde ba daṅ bsil ba daṅ bdud rtsi lta bu’i mya ṅan las ’das pa (5) chen po tshol bar rigs so ||
ṅes par sriṅ ba las grol ba’i mya ṅan las ’das par ’gro ba’i lam gcig po yin pa lta bu’o ||
de’i phyir gsuṅs pa | dben par gcig pur gnas nas ni ||
de tshe bdag gis ’di ltar bsams ||
srid par skye ba sdug bsṅal źiṅ ||
lus (6) ni yoṅs su źig pa na ||
skye ba’i chos daṅ rgas pa’i chos ||
na ba’i chos daṅ de tshe bdag | skye ba med daṅ ’chi med bde ||
mya ṅan ’das pa yoṅs su btsal ||
gaṅ tshe dri ṅan lus ’di ni ||
sna tshogs mi gtsaṅ gis gaṅ źiṅ ||
don med ltos pa med pa yi ||
dor nas ’gro (7) bar bya ba yin ||
de yi lam ni yod dam sñam ||
’bad pa med par lam mi thob ||
de yi lam ni btsal bar bya ||
srid pa rnams las grol ’gyur sñam ||
de nas lhag par yaṅ bsams pa | ji ltar ’jig rten pas sdug bsṅal gyi mi ’thun pa’i phyogs su gyur pa’i bde ba źes (185a1) bya ba yod do ||
de ltar mi ’thun phyogs srid pa yod na mya ṅan las ’da’ bar ’gyur ro sñam | de ltar yaṅ gduṅ ba yod na de źi bar byed pa’i bsil ba yod do ||
de bźin du ’dod chags la sogs pa’i me źi bar byed pa’i mya ṅan las ’das pa yod par ’gyur ro sñam mo ||
(2) ji ltar yaṅ sdig pa daṅ mi ’thun pa’i phyogs su gyur pa kha na ma tho ba med pa’i dge ba’i chos yod par ’gyur sñam pa ñid do ||
de daṅ de lta bu ñid kyis sdig pa can la sogs pa’i skye ba yod na | skye ba thams cad zad par byed pa’i skye ba med par grags pa’i mya ṅan las ’das pa’aṅ (3) yod par ’gyur sñam pa ñid do ||
de’i phyir gsuṅs pa | ji ltar sdug bsṅal yod pa na ||
bde ba źes pa’aṅ yod pa yin ||
de ltar sred pa yod pa na ||
srid pa med pa’aṅ yod pa yin ||
ji ltar tsha ba yod gyur na ||
graṅ ba yaṅ ni yod pa yin ||
de ltar me gsum yod gyur na ||
(4) mya ṅan ’das pa’aṅ yod pa yin ||
ji ltar sdig pa yod gyur na ||
dge ba yaṅ ni yod pa yin ||
de ltar skye ba yod gyur na ||
skye ba med pa’aṅ yod par ’dod ||
gźan yaṅ bsams pa | ji ltar bśad pa’i phuṅ por skyes bu ’gyel bar gyur pa źig thag riṅ po nas kha dog lṅa daṅ ldan (5) pa’i pad ma daṅ mtsho chen po mthoṅ na lam gaṅ nas ’gro bar byas nas mtsho der ’jug par rigs so ||
de’i lam du mi ’gro na mtsho chen po’i skyon ma yin no ||
de ltar ñon moṅs pa’i dri ma ’khrud pa na ’chi ba med pa’i mya ṅan las ’da’ ba’i mtsho chen po yod pa na der mi ’jug na | ’chi ba med (6) pa’i mya ṅan las ’das pa’i mtsho chen po’i skyon ni ma yin no | ji ltar yaṅ chom rkun pas yoṅs su bskor ba’i skyes bu ’bros pa’i lam yod pa la myur du mi ’bros na lam gyi skyon ma yin te skyes bu’i skyon yin no ||
de ltar ñon moṅs pas yoṅs su bskor nas bzuṅ ba’i skyes bu la źi ba (7) mya ṅan las ’da’ ba’i lam yod par gyur pa na lam mi tshol ba ni lam gyi skyon ma yin te gaṅ zag gi skyon yin no ||
ji ltar nad kyis gzir ba’i skyes bu la nad gso ba’i sman pa yod par gyur na gal te de’i gnas su nad gso ba’i sman pa mi tshol na sman pa’i skyon ma yin te nad pa’i skyon (185b1) yin no ||
de ltar ñon moṅs pa’i nad kyis gzir ba’i skyes bu la ñon moṅs pa źi bar byed pa’i mchog tu mkhas pa yod par gyur na | slob dpon tshol bar mi byed na de ni skyes bu’i skyon yin te ñon moṅs pa ’joms par byed pa’i slob dpon gyi skyon ni ma yin no ||
de’i phyir gsuṅs (2) pa | ji ltar mi gtsaṅ gos pa’i mi ||
gaṅ ba’i mtsho ni mthoṅ bźin du ||
mtsho der ’jug par mi byed na ||
de ni mcho yi skyon min no ||
de ltar ñon moṅs dri ’khrud pa ||
bdud rtsi’i mtsho ni yod pa yi ||
mtsho de la ni mi ’jug na ||
bdud rtsi mtsho yi skyon min no ||
ji ltar chom (3) rkun gyis bskor ba ||
’gro ba’i lam ni yod pa la ||
skyes bu ’bros par mi byed na ||
de ni lam gyi skyon ma yin ||
ji ltar ñon moṅs kyis bskor na ||
źi ba’i lam ni yod pa la ||
de yi lam du mi ’jug na ||
źi ba’i lam gyi skyon ma yin ||
ji ltar nad kyis gzir ba’i mi ||
gso dpyad (4) byed pa yod gyur pa ||
nad ni źi bar mi byed na ||
de ni sman pa’i skyon ma yin ||
de ltar ñon moṅs pa yi nad ||
gzir ciṅ sdug bsṅal gyur ba’i tshe ||
slob dpon tshol bar mi byed na ||
slob dpon gyi ni skyon ma yin ||
gźan yaṅ bsams pa | ji ltar rgyan gyis brgyan pa’i skyes bu’i (5) mgrin pa la mi gtsaṅ ba bciṅs na de dor nas bde bar ’gro ba bźin du | de ltar bdag kyaṅ mi gtsaṅ ba’i lus spaṅs te ltos pa med par mya ṅan las ’das pa’i groṅ khyer du ’jug par rigs so ||
gźan yaṅ ji ltar skyes pa daṅ bud med kyis bśaṅ pa’i gnas su bśaṅ ba dor bar (6) byas nas snod du blugs te khur nas ’gro bar byed pa ma yin gyi | ltos pa med par skyug bro bas dor nas ’gro’o ||
de ltar bdag kyaṅ mi gtsaṅ ba’i lus la sogs pa la ltos pa med par dor nas ’chi ba med pa’i mya ṅan las ’das pa’i groṅ khyer du ’jug par rigs so ||
gźan yaṅ (7) ji ltar gru mkhan rnams ni gru rdol ba rnams la ltos pa med par dor nas ’gro ba de bźin du bdag kyaṅ sgo dgu’i rma ’di rnams kyi naṅ nas ’bab pa’i lus ’di dor nas ltos pa med par mya ṅan las ’das pa’i groṅ khyer du ’jug par rigs so ||
gźan yaṅ ji ltar skyes bu sna tshogs pa’i rin (186a1) po cha blaṅs nas chom rkun pa daṅ ’grogs te | lam du ’gro na raṅ gi rin po che brlag par dogs pa’i ’jigs pas de rnams dor nas lam bzaṅ por ’jug pa bźin no ||
de ltar bdag kyaṅ lus mi gtsaṅ ba du ma can rin po che ’phrog pa’i chom rkun bźin du gal te sred pa ’di byed (2) na ’phags pa’i lam gyi dge ba’i chos kyi rin po che bdag gis brlag par dogs so ||
de’i phyir bdag gis chom rkun lta bu’i lus ’di dor nas mya ṅan las ’das pa’i groṅ khyer du ’jug par rigs so ||
de’i phyir gsuṅs pa | ji ltar mi yis driṅ ba ||
mgul la bciṅs na skyug bro ste ||
(3) de dag spaṅs nas ’gro byed na ||
skyug mi bro źiṅ bde bar ’gro ||
de bźin du ni dri ṅa lus ||
sna tshogs pa yis gaṅ gyur pa ||
spaṅs nas ’gro bar byed pa ni ||
don med ltos pa med pa’o ||
ji ltar bśaṅ ba’i gnas su ni ||
skyes pa bud med kyis bśaṅs nas ||
dor nas ’gro (4) bar byed pa ni ||
don med ltos pa mad pa yin ||
de ltar bdag gi lus ’di yaṅ ||
mi gtsaṅ sna tshogs kyis gaṅ ba ||
dor nas bdag kyaṅ ’gro bar bya ||
ji ltar bśaṅ ba’i gnas bźin no ||
ji ltar gru ni rdol gyur na ||
chu ni naṅ du ’byuṅ bar ’gyur ||
de ni gru mkhan gyis dor (5) nas ||
don med ltos pa med pa yin ||
de ltar bdag gi lus ’di yaṅ ||
bu ga dgu yaṅ mi rtag pas ||
dor nas ’gro bar byed pa na ||
gru mkhan gru ni dor ba bźin ||
ji ltar chom rkun lhan cig mi ||
nor ni khyer nas ’gro ba na ||
nor khyer ’jigs pa mthoṅ ba na ||
’jigs (6) gnas dor nas ’gro byed bźin ||
de bźin du ni lus ’di ni ||
chom rkun chen po daṅ mtshuṅs źiṅ ||
’dir ni dor nas ’gro ba na ||
dge ba spyod pa ’jigs med do ||
de bźin du mkhas pa blo gros bzaṅ pos sna tshogs pa’i dpe ’di yis phan yon gyi don la rnam par bsams śiṅ raṅ gi (7) khyim du dpag tu med pa’i loṅs spyod kyi phuṅ po sṅar ji ltar brjod pa bźin du bkren pa la sogs pa rnams la sbyin pa chen po byin te | nor gyi ’dod pa daṅ ñon maṅs pa’i ’dod pa spaṅs nas | groṅ khyer ’jigs med ldan gyi phyi rol du soṅ ste | gcig pur gaṅs can chos kyi ri źes (186b1) bya ba la brten nas | der lo ma’i khaṅ par ’chag par byed ciṅ skyon lṅa po ma bzlog la ma spaṅs bźin du de ltar sems mñam par bźag pa daṅ po daṅ byed pa brgyad daṅ ldan pa’i mṅon par śes pas smras pa daṅ | stobs len pa daṅ de ru gnas te skyon dgu daṅ ldan pa gyon pa’i gos (2) spaṅs nas | yon tan bcu gñis daṅ ldan pa’i śiṅ śun gyi dum bu’i gos gyon nas | draṅ sroṅ gi rab tu byuṅ ba la rab tu byuṅ ste de ltar rab tu byuṅ nas skyon brgyad daṅ ldan pa’i lo ma’i khaṅ pa de spaṅs nas yon tan bcu daṅ ldan pa’i śiṅ gi druṅ du ñe bar gnas so ||
’byor pa thams cad (3) spaṅs nas śiṅ gi ’bras bu mchog za źiṅ ’dug pa’o ||
gnas su ’chag par byed pa’i dka’ thub byed do ||
źag bdun gyi naṅ de ñid du brgyad la sñoms par ’jug ciṅ mṅon par śes pa lṅa po thob par gyur to ||
de bźin du des don du gñer bas mṅon par śes pa’i stobs thob par gyur to ||
(4) de’i phyir gsuṅs pa | ji ltar bdag gis bsams gyur pa ||
sna tshogs bye ba brgya yi nor ||
mgon daṅ mgon med rnams la sbyin ||
gaṅs can la ni ñe bar soṅ ||
gaṅs can daṅ ni mi riṅ bar ||
chos kyi ri źes bya ba la ||
bdag gis de la mchog tu brten ||
lo ma’i khaṅ pa (5) legs byas so ||
de ru ’chag par byed pa daṅ ||
skyon ni lṅa po rnam par spaṅs ||
yon tan brgyad daṅ yaṅ dag ldan ||
mṅon par śes pa’i stobs ldan no ||
skyon dgu daṅ ni ldan pa yi ||
der ni de ñid dor gyur nas ||
śiṅ śun du ma bu’i gos gyon te ||
yon tan bcu gñis ldan (6) pa’o ||
skyon ni brgyad daṅ ldan pa yi ||
lo ma’i khaṅ pa spaṅs gyur nas ||
śiṅ gi druṅ du ñe bar ’dug | yon tan bcu daṅ ldan pa yi ||
rmos daṅ bskrun pa’i ’bru rnams ni ||
lhag ma med par dor byas nas ||
yon tan ma lus ldan pa yi ||
śiṅ tog mchog ni daṅ por zos ||
(7) de ru dka’ thub byas nas ni ||
’dug daṅ ’chag pa’i gnas rnams su ||
źag bdun gyi ni naṅ ñid du ||
mṅon par śes pa’i stobs thob bo ||
’dir yaṅ gleṅ gźi ni mkhas pa blo gros bzaṅ pos brten pa’i lo ma’i khaṅ pa daṅ ’chag pa ni raṅ gi lag gis byas pa ltar brjod do ||
(187a1) ’dir yaṅ don ni sems pa chen po gaṅs can gyi naṅ nas ’oṅs pa daṅ de riṅ chos kyi rir yoṅ ba mthoṅ nas lha’i dbaṅ po brgya byin gyis las sna tshogs pa’i lha’i bu la mkhas pa blo gros bzaṅ po ’di ni rab tu ’byuṅ bar ’dod pas soṅ ste | ’di’i gnas rnams kyis cig (2) de’i tshig thos nas dga’ ba’i gnas phug legs pa’i lo ma’i khaṅ par ’chag pa’i gnas byas so ||
bcom ldan ’das kyis yaṅ de’i tshe bdag gis bsams nas goms par byas pa rdzogs pa las de’i dus su de’i rgyu mtshan gyis ś ri’i bu de chos kyi ri der | gnas bzaṅ po ni bdag gis (3) byas | lo ma’i khaṅ ba bzaṅ por ldan ||
der ni ’chag ciṅ gnas nas ni ||
skyon lṅa po ni rnam par spaṅs ||
’chag pa’i skyon lṅa po gaṅ źe na | sra źiṅ mi sñoms pa daṅ | naṅ na śiṅ rad rod can daṅ | nags thibs po daṅ śin tu dog pa daṅ | śin tu yaṅs pa’o ||
(4) sra źiṅ mi sñoms pa’i sa’i char ’chag ciṅ ’chag pa na | rkaṅ pa la ’bru ma pu ’byuṅ ba daṅ | sems rtse gcig tu mi gnas pa daṅ | las byed pa’i gnas mi ’grub la | sa’i steṅ mñam źiṅ ’jam par ’chag pa ni bde źiṅ las byed pa’i gnas rdzogs pa de’i phyir tsha ba daṅ ma sñoms (5) pa’i sa’i cha ni skyon gcig tu rig par bya’o ||
’chag pa’i bar daṅ naṅ daṅ tha mar śiṅ yod pa na bag med par ’oṅ źiṅ ’chag pa na dpral ba daṅ mgo la gnod pa byed pa ni naṅ gi śiṅ gi gnod pa gñis pa’o ||
rtswa daṅ ’khri śiṅ la sogs pa nags tshal thibs po’i ’chag sar byed pa na (6) mun pa nag po’i dus su sbrul la sogs pa’i srog chags rkaṅ bas brdzis nas ’chi ba’am | des mche bas rmugs nas gnod pa skyel ba ni nags thibs bo’i skyon gsum pa’o ||
śin tu dog sa’i ’chag sa’i mchu ru khru gcig pa’am khru phyed pa’i ’chag sa byed na naṅ du gcod pa daṅ (7) sen mo’am sor mo ’chad par ’gyur ba ni śin tu dog pa’i skyon bźi pa’o ||
śin tu yaṅs pa’i ’chag sar ’chag pa na sems g-yeṅs par gyur pa daṅ | sems rtse gcig tu gnas pa mi thob pa ni śin tu yaṅs pa’i skyon lṅa pa’o ||
’chag sa’i mtho tshad kyi stugs su khru phyed (187b1) daṅ do ṅos gñis su khru gcig tsam dkyus su khru drug cu pa sa’i mthil ’jam pa daṅ mtshuṅs źiṅ yaṅs pa bye ma daṅ bcas pa’i ’chag sa ni rigs so ||
mchod rten gyi rigs mar me ltar gsal ba gnas brtan chen po dbaṅ chen gyi ’chag sa lta bu bya bar rigs so ||
de’i phyir (2) gsuṅs pa | de ru ’chag sa byas la skyon lṅa po spaṅ bar bya’o ||
yon tan brgyad daṅ ldan pa’i dge sbyoṅ gi bde ba brgyad daṅ ldan pa’o ||
dge sbyoṅ gi bde ba brgyad daṅ ldan pa źes bya ba ni gaṅ źe na | nor daṅ ’bru yoṅs su ’dzin pa’i ’dod pa med pa daṅ | kha na ma tho ba med pa’i (3) bsod sñoms las ’dod pa med pa daṅ | bza’ ba btsal ba’i ’dod pa med pa daṅ | nor gces pa’i yul mi sdug par byed pa’am mgo re re’i bral la sogs pa len na rgyal po’i rigs kyis yul ’khor gyi mi sdug bsṅal ba mi ’dod pa daṅ | ñe bar mkho ba thams cad la (4) ’dod pa med pa daṅ | chom rkun gyis ’phrog pa’i ’jigs pa med pa daṅ | rgyal po daṅ rgyal tsha ba daṅ blon po’i ñe bar ’tshe ba med pa daṅ | phyogs bźir ’gro ba na ’tshe ba med pa ste | de ltar der gnas na bde ba brgyad po ñams su myoṅ bar nus so ||
de ltar yon tan brgyad daṅ ldan (5) pa ’dir gnas par byas nas mṅon par śes pa’i stobs thob par ’gyur źiṅ | de nas der gnas te | zad par gyi las rnams byas nas mṅon par śes pa daṅ sñoms par ’jug pa rnams bskyed pa’i phyir te | mi rtag pa daṅ sdug bsṅal ba daṅ lhag mthoṅ brtsams nas gnas thob (6) par byed do ||
lhag mthoṅ gi stobs blaṅs nas ji ltar gnas na de’i stobs blaṅ bar nus so ||
de ltar der gnas nas de’i mṅon par śes pa’i phyir lhag mthoṅ gi stobs ’thun par byas pa ni khaṅ pa byas pa’i don yin no ||
der skyon dgu daṅ ldan pa’i gos dor ba ni ’dir sṅar rim pa (7) bźin du brjod pa de rnams de’i tshe khaṅ mig chuṅ ba daṅ | khaṅ mig che ba daṅ ’chags la sogs pa so sor brgyan nas me tog daṅ ’bras bu daṅ | śiṅ ljon pa’i tshogs yid dga’ ba daṅ bsam pa chu ltar yid du ’oṅ ba gdug pa can gyi ri dgas med pa daṅ | gnod par byed pa’i bya’i (188a1) tshogs med pa śin tu dben par gnas par bya’o ||
’chag sa brgyan pa’i phyogs gñis daṅ dbus su rgyab kyi rten gyi gźi la brten nas bźugs pa’i ched du ’chag sa’i naṅ du sa gźi mñam pa kha dog ser po rdo daṅ bsres pa lo ma’i khaṅ ba’i naṅ du ral pa’i khor yug daṅ (2) śiṅ śun gyi dum bu’i chos gos daṅ dbyu gu gsum daṅ bum pa la sogs pa dka’ thub pa’i yo byad daṅ ldan pa bsti gnas kyi naṅ du chu daṅ bum pa chen por chu daṅ duṅ chos kyi chu daṅ kha ma phor daṅ me khaṅ daṅ snod sol pa can daṅ śiṅ la sogs pa de ltar gaṅ daṅ gaṅ du rab tu ’byuṅ ba (3) la rigs so ||
de thams cad byas nas lo ma’i khaṅ pa’i logs la gaṅ źig rab tu ’byuṅ bar ’dod pa na ’di’i yo byad rnams blaṅs nas rab tu byuṅ bar gyis śig ces yi ger bris nas | las sna tshogs pa’i lha’i bu lha’i ’jig rten du soṅ ṅo ||
mkhas pa blo gros bzaṅ pos (4) gaṅs can gyi ri’i ’gram na chu kluṅ rjes su ’braṅ ba daṅ bdag ñid kyi gnas daṅ ’thun pa’i gnas su blta źiṅ chu kluṅ bzlog pa’i las sna tshogs las sprul źiṅ brgya byin gyis byin pa’i gnas yid la dga’ ba mthoṅ ṅo ||
’chag sa’i dkyus kyi phyogs gcig tu ’gro źiṅ rkaṅ pa’i rjes (5) mi mthoṅ bar rab tu byuṅ ba rnams kyis thag riṅ po’i groṅ nas bsod sñoms btsal bas ṅal źiṅ ’oṅs nas lo ma’i khaṅ par źugs nas gnas so sñam du bsams so ||
de ma thag tu ma sleb par dus riṅ por ma sleb par so sor śes dgos so ||
śiṅ gi khaṅ pa’i khaṅ mig gi sgor (6) źugs te naṅ du phyin no ||
de daṅ de bltas pas rtsig pa chen po la yi ge bris pa bklags nas ’di rnams thams cad bdag gi yo byad du brtag par bya’o ||
de rnams blaṅs na rab tu ’byuṅ ṅo źes bsams so ||
bdag ñid kyi stod gos daṅ smad gos zuṅ dag dor ro ||
de’i phyir gsuṅs (7) pa | der gos dor ro ||
de ltar bźugs nas ś ri’i bu bdag de’i lo ma’i khaṅ pa daṅ skyon dgu daṅ bcas pa’i gos dor ro ||
de yaṅ skyon dug gsal bar mthoṅ ste | dka’ thub pa’i rab tu byuṅ ba rnams la gos skyon dgu daṅ ldan pa ni rñed dka’ ba’i skyon daṅ | gźan ’dod pa skye ba’i (188b1) skyon daṅ | loṅs spyod pa na myur du dri ma daṅ ldan pa’i skyon daṅ | dri ma can du gyur na ’khrud pa daṅ tshos bya dgos pa daṅ | loṅs spyod pa na ’dral ba’i skyon daṅ | rñiṅs na ’tshem pa daṅ lhan pa ’debs dgos pa daṅ slar yaṅ tshol ba na rñed dka’ ba’i skyon daṅ | dka’ thub pa’i rab tu (2) byuṅ ba la mi rigs pa’i skyon daṅ | dgra la sogs pas ’phrog par ’gyur ba’i skyon daṅ | ji ltar yaṅ gos ni dgra la sogs pas mi len pa de’i phyir de bźin du sbed dgos pa daṅ | gyon pa na rgyan du ’gyur ba’i skyon daṅ | khyer nas ’gro ba na lus kyi khur bo chen por ’gro ba’i skyon no ||
(3) śiṅ śun gyi gos źes pa ni de’i tshe ś ri’i bu | bdag ’di’i skyon dgu mthoṅ nas gos dor ro ||
śiṅ śun la rtswa mun dza du ma bu du ma bur byas nas sbyor źiṅ sgrog pa ni śiṅ śun la smad gos daṅ stod gos don du gñer ba’i phyir ro ||
yon tan bcu gñis daṅ ldan pa źes pa ni phan yon (4) bcu gñis daṅ ldan pa’i śiṅ śun gyi gos kyi phan yon bcu gñis daṅ ldan pa’i rin chuṅ ba daṅ | bltan mdzes pa daṅ | ruṅ ba daṅ ’di rnams ni phan yon gcig daṅ | raṅ gi lag gis bya bar nus pa ni gñis pa daṅ | loṅs spyod pa na dri ma can du gyur kyaṅ myur du bkru bar nus (5) pa ni gsum pa daṅ | loṅs spyod pa na rñiṅs par gyur kyaṅ pa tsem par nus pa ni bźi pa daṅ | slar yaṅ tshol ba na bde bar byed nus pa ni lṅa pa daṅ | dka’ thub pa’i rab tu byuṅ ba la rigs pa ni drug pa daṅ | chom rkun pa la mi mkho ba ni bdun pa daṅ | gyon pa na dka’ thub pa’i rgyan (6) du ’gyur ba ni brgyad pa daṅ | gyon pa na yaṅ bar ’gyur ba ni dgu pa daṅ | chos gos so so la ’dod pa chuṅ ba ni bcu pa daṅ | sloṅ ba na chos pa la kha na ma tho ba med pa ni bcu gcig pa daṅ | śiṅ śun gyi gos stor na yaṅ ltos pa med pa ni bcu gñis pa’o ||
skyon brgyad daṅ ldan pa’i (7) lo ma’i khaṅ pa dor źes pa ni ji ltar dor | de’i gos mchog gñis kyi rigs su gyur pa a Na ’o dza’i ma tog gi phreṅ ba lta bu’i gos dmar po blaṅs nas smad du gyon te steṅ du gźan yaṅ kha dog ser po’i śiṅ śun gyi gos gyon nas | pun n ga’i me tog gi stan daṅ ’dra ba’i rkaṅ pa daṅ (189a1) bcas pa’i gzig gi pags pa’i g-yaṅ gźi gyon te ral pa’i khor yug mgo bo la bciṅs nas gtsug phud brtan par bya ba’i phyir du mkhregs pa’i spyi khab btsugs so ||
mu tig gi dra ba bźin du ’then thag byi ru’i kha dog lta bu’i bum pa naṅ du bcug ste gnas gsum (2) gyi kyog po’i śiṅ de blaṅs nas khur śiṅ de’i phyogs gcig la bum pa daṅ phyogs gñis la lcags kyu daṅ smyug ’khur daṅ dbyug gu gsum pa la sogs pa bzuṅ źiṅ khyer nas phrag pa’i khur du khyer te lag pa g-yas su ’khar ba bzuṅ nas lo ma’i khaṅ pa nas byuṅ ste khru drug cu pa’i ’chag (3) sa chen por phan tshun du ’chag par byed ciṅ raṅ gi cha lugs la bltas nas | bdag gi ’dod pa yoṅs su rdzogs par thob bo ||
bdag ñid mdzes par rab tu byuṅ nas saṅs rgyas daṅ raṅ saṅs rgyas la sogs pa’i skyes bu dpa’ bos bsṅags pa daṅ bstod ciṅ | rab tu byuṅ ba źes (4) bya ba ’di ni khyim gyi ’chiṅ ba spaṅs nas bdag gis ṅes par byuṅ źiṅ rab tu byuṅ ba mchog bdag gis thos pas dge sbyoṅ gi chos bdag gis byas so ||
bde ba’i ’bras bu bdag gis thob nas spro ba skyes so ||
khur dal bus sa la bźag nas ’chag sa’i dbus su kha dog ser po’i rdo’i (5) steṅ du gser gyi gzugs brñan lta bu bźugs te ñin mo’i cha soṅ nas srod kyi dus su lo ma’i khaṅ pa’i naṅ du bźugs nas | śiṅ khri legs po’i gźog gi steṅ du ñal lo ||
lus la ser bus gos par byed ciṅ nam gyi cha smad la laṅs te bdag yod pa’i don la rtog ciṅ bdag gis khyim (6) gyi gnas kyi skyon mthoṅ nas bdud rtsi la loṅs spyod pa daṅ grags pa mtha’ yas pa spaṅs nas dgon par gnas te ṅes par ’byuṅ ba btsal ba’i phyir rab tu byuṅ ṅo ||
de nas bzuṅ nas bag med pa’i spyod pa’i rtogs pa daṅ rab tu dben pa spaṅs nas ’gro ba log pa’i sbraṅ mas za bas (7) ṅa ni bdag gi rab tu dben pa dor bar rigs so ||
bdag gis kyaṅ khyim pa’i gnas zaṅ ziṅ daṅ bcas par mthoṅ ste phyin nas lo ma’i khaṅ pa yid du ’oṅ ba ’di yaṅ kha dog ser pos sa gźi la źal ba legs par byas nas | dṅul gyi kha dog ltar dkar ba’i rtsig pa rnams daṅ thog (189b1) phug ron gyi rkaṅ pa’i kha dog ltar dmar ba’i lo ma’i bla gab can no ||
sna tshogs pa’i kha dog can gyi śiṅ khri’i stan la ñal ba daṅ ’dug pa na bde bar blta ba de rnams ni ches cher lhag par khyim pa’i phun sum tshogs pa daṅ ’dra bar mthoṅ ṅo ||
lo ma’i khaṅ pa’i skyon bltas pas skyon brgyad (2) mthoṅ ste | lo ma’i khaṅ pa la loṅs spyod pa na skyon brgyad po ni | śiṅ maṅ po la nor maṅ po dgos pa daṅ bsdus nas khaṅ pa byed ciṅ tshol ba ni skyon gcig pa daṅ | rtswa daṅ sa ’dzad pa daṅ yaṅ daṅ yaṅ zad pas na bcos dgos pa rgyun mi ’chad pa ni skyon gñis pa daṅ | ñal ba’i gnas (3) źes bya ba ni chen po la rigs te | dus ma yin par sloṅ dgos pas sems gcig tu mi gnas pa daṅ ’gro dgos pa ni skyon gsum pa daṅ | graṅ ba daṅ dro ba daṅ ’jam pa daṅ lus bde bar byed pa ni skyon bźi ba daṅ | khaṅ pa’i naṅ du źugs nas sdig pa byed par nus pa daṅ | ṅo tsha ba (4) bzlog pa ni skyon lṅa pa daṅ | bdag gi yin no źes bsruṅ ba ni skyon drug pa daṅ | khyim pa yod źes pa gñis pa’i skyon bdun pa daṅ | śig daṅ ’dre śig daṅ khyi śig la sogs pa’i srog chags du ma gnas par ’gyur ba ni skyon brgyad pa’o ||
’di rnams kyi skyon brgyad po rnams mthoṅ (5) nas sems pa chen pos lo ma’i khaṅ pa spaṅs so ||
de’i phyir gsuṅs pa | skyon brgyad daṅ ni ldan pa yi ||
lo ma’i khaṅ pa spaṅs źes pa ||
śiṅ gi druṅ du gnas gyur na ||
yon tan bcu daṅ ldan pa yin ||
yib pa’i gnas rnams spaṅs pa daṅ ||
yon tan bcu daṅ ldan pa yi ||
śiṅ (6) gi druṅ du gnas pa’o ||
źes brjod pa ni de la yon tan bcu po ’di bstsag mi dgos pa ni yon tan gcig daṅ | ñal bar gnas pa tsam gyis bsruṅ mi dgos par rñed pa ni gñis pa daṅ | der byi dor byed pa med par loṅs spyod pa daṅ bde bar gnas pa daṅ sloṅ ba med pa ni gsum pa daṅ | do (7) tsha ba na yib pa med ciṅ der sdig pa byed pa med la sbed pa med pa ni bźi pa daṅ | bla gab med pa’i gnas bźin du lus rtag tu sdod pa med pa ni lṅa pa daṅ | yoṅs su ’dzin par mi ’dod pa ni drug pa daṅ | khyim gyi ’dod pa spaṅs pa ni bdun pa daṅ | maṅ po dgos pa’i ’dzin pa med pa (190a1) daṅ yoṅs su bsruṅ ba med pa daṅ ’gro ba na ’dod pa med pa ni brgyad pa daṅ | sdod pa na dga’ ba daṅ bcas pa med pa ni dgu pa daṅ | śiṅ druṅ gi gnas ni soṅ źiṅ soṅ ba na rñed sla ba daṅ ltos pa med pa ni bcu pa’o ||
yon tan bcu po ’di mthoṅ ste śiṅ gi ’gram du (2) gnas źes brjod pa daṅ | ’di lta bu de rnams ni byed par bsams pa’o ||
sems pa chen po saṅ gi ñi ma la bsod sñoms la gśegs pas de ma thag tu groṅ du sleb ste mi rnams spro ba chen po skyes nas bsod sñoms byin no ||
de’i gdugs tshod thon nas gnas su byon te sleb (3) ciṅ bźugs nas bsams pa | bdag gis bsod sñoms thob pa’i phyir rab tu byuṅ ba ni ma yin no ||
zas źim pa źes bya ba ’dis ṅa rgyal gyi rgyags pa daṅ | skyes bu ’dod pa’i rgyags pa ’phel ba daṅ | bza’ ba’i gźi la brten nas sdug bsṅal mtha’ med do ||
bdag (4) gis slar yaṅ btab pa daṅ bskrun pa las skyes pa’i ’bru’i bza’ ba spaṅs nas | ’bras bu mchog gi bza’ ba la brten par bya’o ||
des de nas de blaṅs te | de ltar byas nas lus sdug bsṅal du ’bad pa byas pa daṅ źag bdun gyi naṅ du sñoms par ’jug pa brgyad po rnams daṅ mṅon (5) paRa śes pa lṅa skyes te de’i phyir gsuṅs pa | btab daṅ bskrun pa’i ’bru rnams ni ||
lhag ma med par spaṅs pa daṅ ||
yon tan du ma daṅ ldan pa’i ||
’bras bu stsogs la ’jug pa’o ||
der ni dka’ thub kyis gnas daṅ ||
sdod daṅ ’chag pa’i gnas rnams su ||
źag bdun (6) gyi ni naṅ ñid du ||
mṅon par śes pa’i stobs thob bo ||
de ltar mṅon par śes pa thob nas | blo gros bzaṅ po dka’ thub pas bde ba’i sñoms par ’jug pa la gnas so ||
de’i tshe mar me mdzad ces bya ba’i ston pa ’jig rten du byon par gyur to ||
de mṅal du źugs nas bltam (7) pa daṅ byaṅ chub pa daṅ | chos kyi ’khor lo bskor ba na | ’jig rten gyi khams stoṅ phrag bcu po thams cad g-yos so rab tu g-yos so sgra sgrogs so ||
sṅon gyi mtshan mar gyur pa sum cu rtsa gñis daṅ | blo gros bzaṅ po dka’ thub pas sñoms par ’jug pa’i (190b1) bde ba la gnas pas de rnams kyi sgra ma thos pa daṅ de rnams kyi sṅon gyi mtshan ma ma mthoṅ ṅo ||
de’i phyir gsuṅs pa | stan gcig la ni rten nas su ||
bdag gis de ltar grub pa thob ||
rgyal ba mar me mdzad ces pa ||
’jig rten ’dren pa byon par gyur ||
mṅal du źugs nas (2) skyes gyur pa ||
saṅs rgyas nas ni chos bstan pa ||
mtshan ma bźi po mthoṅ ma gyur ||
bsam gtan bde bas ma thos so ||
de’i tshe stobs bcu ldan pa’i mar me mdzad zag pa zad pa ’bum phrag bźi’i ’khor daṅ bcas pa go rims bźin du sems can la phan pa’i phyir ’chag ciṅ (3) dga’ ba can źes bya ba’i groṅ khyer du byon te | blta na sdug ces bya ba’i gtsug lag khaṅ chen por bźugs so ||
dga’ ba can źes bya ba’i groṅ khyer na gnas pa’i mar me mdzad dge sbyoṅ gi dbaṅ phyug de ñid yaṅ dag par rdzogs pa’i byaṅ chub kyi mchog thob nas mchog gi chos kyi ’khor lo (4) bskor ro ||
de ltar rim gyis sems can la phan pa’i don du ’chag ciṅ dga’ ba can gyi groṅ khyer du byon te | blta na sdug gi gtsug lag khaṅ chen por bźugs pa de de na gnas pa rnams kyis thos nas mar gsar daṅ źun mar la sogs pa daṅ sman daṅ gos daṅ mal cha la sogs pa daṅ (5) dri’i phreṅ ba la sogs pa lag tu thogs te | gaṅ gis saṅs rgyas daṅ gaṅ gis chos daṅ gaṅ gis dge ’dun daṅ de rnams la ’dud ciṅ de la dga’ ba daṅ de la śin tu gus pa daṅ bcas pas ston pa’i druṅ du soṅ ste | phyag byas nas dri la sogs pa’i mchod pa byas te | phyogs gcig tu (6) ’khod ciṅ chos bstan pa mñan nas saṅ mgron du gñer te raṅ gis nas soṅ ṅo ||
de rnams byas nas saṅ sbyin pa chen po sta gon bya ste groṅ khyer brgyan | stobs bcu pa byon pa’i lam brgyan te chu yis sa gźi mi mñam pa’i gnas rnams su sa blug nas sa gźi mñam par byas so ||
dṅul gyi (7) mdog lta bu’i bye mas spras so ||
me tog gi phreṅ ba ñid daṅ me tog sil ma dgram par byas so ||
kha dog sna tshogs pa’i gos kyi rgyal mtshan daṅ ba dan la sogs pa bsgreṅ bar byas so ||
chu śiṅ gi śiṅ daṅ bum pa gaṅ ba rnams bsgrigs nas gźag par byas so ||
de’i tshe blo gros bzaṅ po dka’ thub (191a1) pas raṅ gi gnas nas steṅ du ’phags te mi de rnams kyi steṅ gi cha’i mtha’ la ’gro ba de la mi rnams dga’ źiṅ tshim pas mthoṅ ste nam mkha’ nas sa la phyogs gcig tu ’khod pa la mi rnams kyis dris so ||
bsod nams daṅ ldan pa rnams lam ’di rnams su źig gis brgyan par byas | (2) de’i phyir gsuṅs pa | yul daṅ phyogs kyi mthar gnas pa’i ||
de bźin gśegs pa mgron du gñer ||
de ñid byin nas lam ’di ni ||
sems ni dga’ bas lam phyogs gcig | bdag ni de tshe de yi dus ||
raṅ gi gnas ni byed pa daṅ ||
śiṅ śun gos ni rluṅ gis g-yo ||
de tshe bdag ni mkha’ la (3) ’gro ||
dga’ daṅ tshim daṅ bde ba yis ||
skye bo lam ’phyag byed pa mthoṅ ||
nam mkha’ las ni byon nas su ||
de ma thag par mi la dris ||
dga’ daṅ tshim la bde ba yi ||
mkhas śiṅ rig pa’i skye bo che ||
lam ni sñoms par byed pa na ||
su źig phyir du lam ’di ’chos ||
mi rnams kyis smras (4) pa | btsun pa dka’ thub pa blo gros bzaṅ po ñid kyis mi mkhyen nam | stobs bcu daṅ ldan pa’i mar mi mdzad kyis yaṅ dag par rdzogs pa’i saṅs rgyas thob nas | chos kyi ’khor lo bskor ro ||
sems can rnams la phan pa’i don du ’chag ciṅ | bdag cag gi groṅ khyer du byon nas blta na sdug gi (5) gtsug lag khaṅ chen por bźugs la bdag cag gis bcom ldan ’das de mgron du gñer to ||
de’i phyir saṅs rgyas bcom ldan ’das de byon pa’i lam brgyan par bya’o ||
dka’ thub pa blo gros bzaṅ pos bsams pa | saṅs rgyas źes bya ba’i sgra tsam yaṅ ’jig rten du rñed par dka’o ||
(6) de ltar saṅs rgyas byon pa la bdag mi ’di rnams daṅ bcas pas stobs bcu pa’i lam brgyan par byed par rigs so ||
des mi rnams la gsuṅs pa | gal te khyod rnams kyis lam ’di rnams saṅs rgyas kyi ched du brgyan par gyis śig | bdag la yaṅ gnas gcig sbyin par gyis śig | (7) bdag gis kyaṅ khyed rnams daṅ ’grogs nas lam brgyan par bya’o ||
de rnams kyis legs so źes bsams nas dka’ thub pa blo gros bzaṅ po rdzu ’phrul daṅ ldan par śes nas chu yis gnod par byas pa’i gnas phan tshun du bsams nas de la gnas brgyan par gyis śig ces byin no ||
blo gros (191b1) bzaṅ po saṅs rgyas la dga’ nas bsams so ||
bdag gis gnas ’dir rdzu ’phrul gyis brgyan par nus so ||
ji ltar brgyan par byas kyaṅ bdag gi yid tshim pa med do ||
bdag gis de riṅ lus dub par byas so ||
sa rnams blaṅs nas gnas der blug go ||
de de’i phyogs de brgyan pa ma grub (2) par stobs bcu ldan pa’i mar me mdzad thub pa chen po daṅ mṅon par śes pa drug daṅ ldan pa zag pa zad pa ’bum phrag bźi’i ’khor daṅ bcas pa rnams la lha rnams kyis lha’i dri bzaṅ daṅ me tog gi phreṅ ba la sogs pas mchod par byed ciṅ lha’i glu dbyaṅs daṅ bcas pa sgrogs so ||
mi rnams kyis (3) mi’i dri bzaṅ daṅ me tog gi phreṅ ba la sogs pas mchod par byed ciṅ mtha’ yas pa’i saṅs rgyas kyi rol pa’i rim no śi la’i steṅ du seṅ ge sgra sgrogs pa bźin du | lha’i lam brgyan par byas nas lam du byon | blo gros bzaṅ po dka’ thub pas mig gis bltas nas lam brgyan pa la stobs bcu (4) pa byon no ||
skyes bu chen po’i mtshan bzaṅ po sum cu rtsa gñis kyis brgyan pa | dpe byad bzaṅ po brgyad cus ñe bar gsal ba | ’od ’dom gaṅ gis yoṅs su bskor ba daṅ nor bu’i kha dog lta bu nam mkha’i mthil la sna tshogs pa’i rnam pa glog gi ’od lta bu dus daṅ dus ma yin par ’byuṅ ba (5) ñid zuṅ daṅ zuṅ du gyur pa daṅ kha dog drug daṅ ldan pa’i tshogs saṅs rgyas kyi ’od zer ’phro źiṅ gzugs mchog thob pa’i bdag ñid bltas nas de riṅ bdag gis stobs bcu pa la srog yoṅs su gtoṅ bar rigs so ||
bcom ldan ’das ’jim pa’i steṅ du ’gro bar mi rigs so ||
nor bu’i spaṅ leb (6) kyi zam pa la źabs gnon ciṅ gśegs pa lta bur zag pa zad pa ’bum phrag bźi daṅ lhan cig bdag gi rgyab gnon ciṅ gśegs su gsol | de ni bdag la yun riṅ por phan pa daṅ bde bar ’gyur ro ||
skra bkrol te gzig gi pags pa daṅ śiṅ śun gyi gos daṅ | ’jim pa nag po’i steṅ nor (7) bu’i spaṅ leb kyi zam pa lta bu’i ’jim pa’i steṅ du ñal lo ||
de’i phyir gsuṅs pa | bdag gi de la dri luṅ bstan ||
’jig rten ’das pa’i saṅs rgyas ni ||
rgyal ba mar me mdzad ces pa ||
’jig rten ’dren pa byon pa yi ||
mi mñam lam ni ’chos pa daṅ ||
de yi lam ni byi dor byed ||
saṅs rgyas (192a1) źes pa bdag gis thos ||
de ma thag tu dga’ ba skyes ||
saṅs rgyas saṅs rgyas źes brjod pa ||
yid bde dga’ ba skyes par gyur ||
tshim źiṅ dga’ ba skyes pa’i sems ||
de ru ’khor te rnam par bsam ||
’dir ni sa bon bskrun byas nas ||
de ma thag tu bdag la skye ||
gal (2) te saṅs rgyas ched byi dor ||
ma bcos gnas gcig bdag la byin ||
bdag kyaṅ byi dor byed pa yin ||
mi mñam pa ni ’chos pa’o ||
de tshe lam ni byi dor bya ||
bdag la ma bcos gnas gcig byin ||
saṅs rgyas saṅs rgyas źes bsam źiṅ ||
de tshe bdag ni lam ’di ’chos ||
bdag gi gnas ni ma (3) grub par ||
thub pa chen po mar me mdzad ||
mṅon śes drug po mtshuṅs ldan par ||
’bum phrag bźi po rnams la ni ||
dri ma med ciṅ zag pa zad ||
rgyal ba lam du byon par gyur ||
bsu ba byed pa po rnams ni ||
rol mo rnams ni dkrol pa daṅ ||
lha daṅ mi rnams yi raṅ byed ||
legs so źes pa’i (4) tshig byin no ||
lha yis mi rnams mthoṅ ba daṅ ||
mi rnams kyis kyaṅ lha rnams mthoṅ ||
de gñis kyis ni thal mo sbyor ||
de bźin gśegs daṅ thabs cig ’gro ||
lha daṅ lha yi rol mo daṅ ||
mi daṅ mi yi rol mo daṅ ||
gñis ka yaṅ ni rol mo dkrol ||
de bźin gśegs daṅ thabs (5) cig ’gro ||
lha mi me tog man d ra ||
pad ma pa ri tshad tra ka ||
phyogs daṅ mtshams su me tog ’thor ||
lha rnams mkha’ la gnas nas so ||
tsam pa ka~m ś la la~m ni pam ||
steṅ gi phyogs daṅ mtshams su ’thor ||
sa steṅ ’gro ba mi rnams so ||
der ni bdag gi skra bkrol nas ||
(6) śiṅ śun chos gos gzig lpags ni ||
’jim pa’i steṅ du btiṅ nas su ||
kha bub tu ni bdag gis ñal ||
’jim pa’i steṅ nas mi gśegs par ||
bdag ni gnon ciṅ saṅs rgyas rnams ||
slob ma ’khor bcas gśegs su gsol ||
bdag la phan par ’gyur ba yin ||
de ’jim pa’i steṅ du (7) ñal nas slar yaṅ mig gis ṅa lta źiṅ stobs bcu daṅ ldan pa’i mar me mdzad saṅs rgyas kyi ’byor pa yaṅ dag par bltas nas de ltar bsams so ||
gal te bdag gi ñon moṅs pa thams cad gźom par ’dod pa daṅ | dge ’dun rnams kyi gźon nur ’gyur bar bya ba daṅ | dga’ ba can gyi groṅ khyer (192b1) du ’jug par ’dod do ||
gźan gyi cha lugs kyis kyaṅ ñon moṅs pa ’di gźom par byas nas mya ṅan las ’das pa thob pa la don med do ||
stobs bcu daṅ ldan pa’i mar me mdzad bdag gis ji lta ba bźin du bya’o ||
mchog gi byaṅ chub thob nas skye bo maṅ po ’khor ba’i rgya mtsho la grur źugs nas pha rol (2) du bsgral bar byas nas | phyis mya ṅan las ’das pa thob par bya ba ’di ni bdag gis rigs pa’o ||
de nas chos brgyad po gcig tu bsdu ste saṅs rgyas ’dod par smon pas sems la blta źiṅ ñal lo ||
de’i phyir gsuṅs pa | sa gźi la ni ñal nas ni ||
bdag gis de ltar bsams pa nas ||
bdag (3) ni de riṅ ’dod pa yi ||
bdag gis ñon moṅs gźom pa’o ||
bdag ni cha lugs gźan gyis kyaṅ ||
’dir ni chos ’di mṅon du bya ||
thams cad mkhyen pa thob gyur nas ||
lha daṅ bcas pa saṅs rgyas ’gyur ||
bdag ñid gcig pu grol nas ci ||
skyes bu mthu ldan mthoṅ ba daṅ | thams cad mkhyen (4) pa thob gyur nas ||
lha daṅ mi rnams yaṅ dag bsgral ||
bdag gi ’di yi gźi yis ni ||
mthu daṅ ldan pa mthoṅ ba daṅ ||
thams cad mkhyen pa thob nas ni ||
skye bo maṅ po bdag gis bsgral ||
’khor ba’i mdud pa bcad nas ni ||
srid gsum po ni zad byas la ||
chos kyi gru yi naṅ źugs (5) nas | |lha daṅ mi rnams yaṅ dag bsgral ||
gaṅ źig slar yaṅ saṅs rgyas don du gñer ba’i phyir ro ||
mi yi lus ni mtshan mar ldan ||
ston pa’i lta ba’i rgyu daṅ ni ||
rab byuṅ yon tan ldan pa daṅ ||
rigs pa daṅ ni ’dun pa daṅ ||
chos brgyad po ni bsdus nas su ||
smon lam mṅon par (6) ’phel pa’o ||
mi’i lus la gnas śiṅ saṅs rgyas ñid don du gñer ba ni don du gñer ba phun sum tshogs pa ’grub bo ||
klu’am mkha’ ldiṅ ṅam lha rnams kyis de don du gñer yaṅ mi ’grub bo ||
mi’i lus su gyur ciṅ skyes bu’i mtshan gnas pas ni de don du gñer ba ’grub bo ||
bud (7) med dam za ma’am ma niṅ ṅam mtshan gñis pas ni ’grub pa ma yin no ||
skyes bur gyur nas de’i lus su ’dod pa daṅ dgra bcom pa thob par bya ba’i phyir du yoṅs su rdzogs par ’grub bo ||
gźan gyis ni ma yin no ||
sgyu daṅ ldan źiṅ gal te ’tsho ba daṅ ldan pa’i saṅs rgyas kyi druṅ du gñer (193a1) na don du ’grub bo ||
saṅs rgyas yoṅs su mya ṅan las ’das nas mchod rten gyi druṅ du’am byaṅ chub śiṅ gi druṅ du don du gñer bas ni mi ’grub bo ||
saṅs rgyas kyi druṅ du don du gñer kyaṅ rab tu byuṅ ba’i mtshan ma daṅ ldan pas ’grub kyi | khyim pa’i mtshan ma daṅ ldan pas ni ma yin (2) no | |rab tu byuṅ yaṅ mṅon par śes pa lṅa daṅ sñoms par ’jug pa brgyad thob pas ’dod par ’grub kyi | yon tan ’di rnams daṅ bral bas ni ma yin no ||
yon tan daṅ ldan yaṅ gaṅ źig ’tsho ba daṅ ldan pa’i lus saṅs rgyas la yoṅs su btaṅ na ’grub kyi | gźan du ni ma yin no ||
de’i gźi ’das (3) gźi yoṅs su rdzogs nas ’grub bo ||
gźan gyis ni ma yin no ||
gźi daṅ ldan yaṅ gaṅ źig saṅs rgyas kyi chos kyi phyir du ’dun pa chen po daṅ | spro ba chen po daṅ | rtsol ba chen po daṅ | yoṅs su ’bad pa rnams kyis ’grub bo ||
gźan gyis ni ma yin no ||
de la ’dir ’dun pa chen po’i dpe ni (4) gal te ’di ltar gaṅ źig ’jig rten thams cad kyi khor yug gi naṅ chu yis gaṅ bar gyur pa la bdag gi lag pas brkyal te pha rol tu ’gro bar nus na des saṅs rgyas thob par ’gyur ro ||
yaṅ na gaṅ du gaṅ źig slar yaṅ thams cad kyi khor yug gi naṅ du ’od ma maṅ pos bkaṅ ste rkaṅ pas ñed caṅ rdul (5) du byed pas pha rol tu ’gro bar nus na de yis saṅs rgyas thob par nus so ||
yaṅ na gaṅ źig slar yaṅ thams cad kyi khor yug gi naṅ du mtshon cha rnams kha gyen la bstan pa’i mtshon rtse mo bar med pas yoṅs su gaṅ ba la rkaṅ pas rdzi źiṅ pha rol du ’gro bar nus na des saṅs rgyas thob par ’gyur ro | (6) yaṅ na gaṅ źig gis slar yaṅ ’jig rten khor yug gi naṅ du sol ba ’bar bas yoṅs su gaṅ bar byas nas rkaṅ pas rdzi źiṅ pha rol tu ’gro bar nus na de yis saṅs rgyas thob par ’gyur ro ||
gaṅ źig de rnams las gaṅ źig la sdug bsṅal bar mi sems par bdag gis ’di rnams kyaṅ pha rol (7) du bsgral ba ’am ’gro ba ’am pha rol du ’gro bar bya’o źes śes so ||
de de ltar ’dun pa chen po daṅ | spro ba daṅ | rtsol ba daṅ | ’bad pa rnams daṅ yaṅ dag par ldan na de’i don du gñer ba ’grub bo ||
gźan gyis ni ma yin no ||
blo gros bzaṅ po dka’ thub pa slar yaṅ chos brgyad po ’di rnams (193b1) bsdus nas saṅs rgyas ’dod pa’i smon lam btab nas ñal lo ||
bcom ldan ’das mar me mdzad kyis kyaṅ byon nas blo gros bzaṅ po dka’ thub pa’i mgo’i gam du bźugs te nor bu seg ge’i khaṅ pa’i gzeb kyi sgor ston pa bźin du kha dog lṅa pa rab tu dṅas pa daṅ ldan pa’i spyan gyis (2) gzigs nas ’jim pa’i steṅ na ñal ba’i blo gros bzaṅ po dka’ thub pa gzigs so ||
dka’ thub pa ’di saṅs rgyas thob pa’i phyir du smon lam ’debs śiṅ ñal lo ||
’di’i don du gñer ba ’grub pa ma mi ’grub sñam du dgoṅs nas ma ’oṅs pa’i ye śes kyis rtog ciṅ dpyod do ||
’di nas (3) bskal pa graṅs med pa bźi daṅ ’bum phrag gcig lhag nas gau ta ma źes bya ba’i saṅs rgyas su ’gyur źes rtogs nas ’khor gyi naṅ du luṅ ston pas bka’ stsal pa | mchog gi dka’ thub kyi dka’ thub pa ’di ’jim pa’i steṅ na ñal ba khyed rnams kyis mthoṅ ṅam | gsol pa | btsun pa de (4) bźin du mthoṅ ṅo ||
bka’ stsal pa | ’dis saṅs rgyas thob par bsams nas ñal to ||
gsol pa | ’di’i don du gñer ba ’grub par ’gyur lags sam | bka’ stsal pa | ’di nas bskal pa graṅs med pa bźi daṅ ’bum phrag gcig lhag ’das nas gau ta ma źes bya ba’i saṅs rgyas su (5) ’gyur ro ||
de la slar yaṅ groṅ khyer ser skya’i gnas su ’khruṅs par ’gyur ro ||
lha mo sgyu ’phrul ma chen mo źes bya ba ni yum mo ||
rgyal po zas gtsaṅ ma źes bya ba ni yab bo ||
ñan thos kyi mchog ni gnas brtan ñe rgyal daṅ ñan thos gñis pa ni gnas brtan pa ṅa nas skyes so ||
saṅs rgyas (6) kyi ñe gnas ni kun dga’ bo źes bya ba’o ||
ñan thos ma’i mchog ni gnas brtan ma dge ma źes bya ba daṅ ñan thos ma gñis pa ni gnas brtan ma ud pa la’i mdog can źes bya bar ’gyur ro ||
ye śes yoṅs su smin par gyur te | ṅes par ’byuṅ ba chen po byas nas dka’ thub chen po rdzogs (7) par byas te | nya gro dha’i śiṅ druṅ du’o thug blaṅs nas chu kluṅ nai ra dza ra’i ’gram du gsol lo ||
byaṅ chub kyi sñiṅ por gśegs te a śwattha’i śiṅ druṅ du mṅon par rdzogs par ’tshaṅ rgya bar ’gyur ro ||
de’i phyir gsuṅs pa | mar me mdzad pa ’jig rten mkhyen ||
sems can phan phyir ’jig rten byuṅ ||
(194a1) bdag gi mgo bo’i gam ’dug ste ||
’di lta bu yi tshig gsuṅs so ||
dka’ thub pa ’di ltos śig daṅ ||
dka’ ba mchog gi ral pa ’jin ||
’di ni bskal pa maṅ ’das nas ||
’jig rten du ni saṅs rgyas ’gyur ||
ser skya dga’ ba’i groṅ du ’khruṅs ||
de bźin gśegs pha ṅes par (2) ’byuṅ ||
dka’ thub gnas su gnas nas ni ||
śin tu dka’ ba’i dka’ thub spyad ||
a tsa p la’i śiṅ druṅ du ||
de bźin gśegs pa bźugs nas su ||
dar ni’o thug blaṅs nas ni ||
ner dza ra’i ’gram gnas nas ||
ner dza ra’i ’gram du ni ||
’o thug rgyal bas loṅs spyod do ||
lam gyi mchog gi ched du (3) ni ||
byaṅ chub bźir ni byon ’gyur ro ||
bla med byaṅ chub sñiṅ po la ||
de nas bskor ba byas nas ni ||
a śwattha yi druṅ du ni ||
grags chen źes pa saṅs rgyas ’gyur ||
’di yi skye ba’i yum gyur pa ||
sgyu ma źes par ’gyur ba yin ||
yab ni zas gtsaṅ źes bya’o ||
’di ni gau tam źes par ’gyur ||
(4) zag pa zad ciṅ ’dod chags bral ||
źi ba’i sems daṅ mtshuṅs par ldan ||
paṅ nas skyes daṅ ñe rgyal ni ||
ñan thos rnams kyi mchog yin no ||
ñe gnas kun dga’ bo źes pas ||
rgyal ba de la źabs tog byed ||
dge ma daṅ ni ud pa la mdog | ñan thos ma yi mchog yin no ||
zag pa med (5) ciṅ ’dod chags bral ||
źi ba’i sems daṅ mtshuṅs par ldan ||
de yi bcom ldan byaṅ chub śiṅ ||
a śwattha źes brjod pa’o ||
de thos nas blo gros bzaṅ po dka’ thub pa bdag gis don du gñer ba grub par ’gyur bas yid bde ba thob par gyur to ||
skye bo maṅ pos stobs bcu daṅ ldan pa’i (6) mar me mdzad kyi gsuṅ thos nas | blo gros bzaṅ po dka’ thub pa saṅs rgyas kyi sa bon gyi myu gur gyur pas dga’ ba daṅ bde ba skyes so ||
de lta bur gyur pa’i sems kyis | ji ltar skyes bu chu kluṅ gi pha rol tu ’gro ba na mu ’gra ma draṅ po nas pha rol tu ’gro bar mi nus na ’og gi cha’i mu gnas nas pa (7) rol du ’gro’o ||
de ltar ’di ltar bdag gis stobs bcu daṅ ldan pa’i mar me mdzad kyi bstan pa la lam gyi ’bras bu ma thob par gyur na | gaṅ gi tshe khyod ma ’oṅs pa na saṅs rgya bar ’gyur ro źes so ||
de’i tshe khyod kyis mṅon sum du lam ’bras bu mṅon du byed pa bdag gis nus so ||
don du gñer (194b1) bar byas nas stobs bcu daṅ ldan pa’i mar me mdzad kyis kyaṅ byaṅ chub sems dpa’i bsṅags pa brjod ciṅ me tog sñim pa brgyad kyis gtor nas bskor ba byas te gśegs so ||
’bum phrag bźi po zag pa zad pa de rnams kyis kyaṅ byaṅ chub sems dpa’ la dri bzaṅ daṅ me tog gis (2) mchod nas bskor ba byas te gśegs so ||
lha daṅ mi rnams kyis kyaṅ de bźin du mchod nas phyag btsal te soṅ ṅo ||
byaṅ chub sems dpas thams cad soṅ ba’i dus su ñal ba’i gnas nas laṅs te pha rol tu phyin pa bsam pa’i phyir me tog gi phuṅ po’i steṅ du skyil kruṅ bcas nas bźugs (3) so | |de ltar byaṅ chub sems dpa’ bźugs nas ’jig rten gyi khams stoṅ phrag bcu’i khor yug gi lha rnams kyis legs so źes bya ba byin no ||
’phags pa blo gros bzaṅ po dka’ thub pa sṅar gyi byaṅ chub sems dpa’ rnams kyis kyaṅ skyil kruṅ bcas te pha rol tu phyin pa sems śiṅ sṅon gyi (4) dus na bźugs bźin du sdug bsṅal gyi mtshan ma mthoṅ nas de rnams kyi mtshan ma rnams kyaṅ de riṅ skyes par gyur to ||
the tsom med par khyod saṅs rgyas su ’gyur ro źes bdag gis de rnams śes so ||
gaṅ gis ’di rnams kyi mtshan ma mthoṅ bar gyur pas de ṅes par saṅs rgyas su ’gyur ro ||
(5) de la khyod bdag ñid brtson ’grus brtan pa mchog bzuṅ nas byaṅ chub sems dpa’ rnams la sna tshogs pa’i bstod pa byas so ||
de’i phyir gsuṅs pa | ’di yi tshig ni thos nas ni ||
mtshuṅs med draṅ sroṅ chen po la ||
lha daṅ mi ni rjes yi raṅs ||
saṅs rgyas sa bon myu gu ’di ||
sgra ni chen (6) po sgrogs byed ciṅ ||
gsal bar bźad par byed pa daṅ ||
thal mo sbyar nas phyag byed pa ||
stoṅ phrag bcu yi lha daṅ bcas ||
bstan pa ’di la ’bras ma thob ||
gal te ’jig rten mgon po ’di ||
ma ’oṅs pa rnams ’das gyur nas ||
’di ni sṅon du ’gyur ba’o ||
ji ltar chu kluṅ pha rol mi ||
(7) ’gro ba po yi mu gnas la ||
’og gi mu nas bzuṅ nas ni ||
chu kluṅ chen po’i pha rol ’gro ||
de ltar ’di ltar bdag gis ni ||
rgyal ba ’di ni gal te na ||
ma ’oṅs pa ni maṅ soṅ nas ||
’di ni mṅon sum gyur pa yin ||
mar me mdzad ni ’jig rten mkhyen ||
’di ltar ’gyur źes gsuṅs pa (195a1) yin | |bdag gi las rnams bsal byas nas ||
rkaṅ pa g-yas pa bteg byas so ||
gaṅ źig de la rgyal sras ni ||
bdag la kun gyis bskor ba byas ||
mi daṅ klu daṅ dri za rnams ||
phyag byas nas ni gśegs par gyur ||
dge ’dun bcas pa ’jig rten ’dren ||
bdag gis gśegs (2) pa mthoṅ ba na ||
dga’ źiṅ tshim pa’i sems kyis ni ||
de tshe bdag gis stan las laṅs ||
bdag ni bde źiṅ bde bar ’gyur ||
dga’ źiṅ dga’ bar gyur pa ste ||
dga’ daṅ ldan par skye ba daṅ ||
de yi tshe na skyil kruṅ bcas ||
skyil kruṅ la ni gnas nas su ||
de la bdag gis ’di ltar bsams ||
(3) bdag gi bsam gtan dbaṅ du gyur ||
ye śes kyi ni pha rol phyin ||
stoṅ phrag gi ni ’jig rten na ||
ṅa daṅ mtshuṅs pa’i draṅ sroṅ med ||
rdzu ’phrul chos ni bdag mi mtshuṅs ||
’di ’dra ci bde gźan ma thob ||
bdag gis skyil kruṅ bcas nas bdag | stoṅ phrag bcu lhag gnas nas su ||
sgra chen (4) po ni sgrogs par byed ||
ṅes par khyod ni saṅs rgyas ’gyur ||
gaṅ źig byaṅ sems sṅon ma rnams ||
skyil kruṅ du ni bźugs nas su ||
mtshan ma rnams ni mthoṅ ba ni ||
de rnams de riṅ mthoṅ ba yin ||
graṅ ba rnams ni med par gyur ||
dro ba rnams ni ñe bar źi ||
de rnams de riṅ so sor mthoṅ ||
(5) ṅes par khyod ni saṅs rgyas ’gyur ||
stoṅ phrag bcu yi ’jig rten khams ||
phan tshun du ni ’jigs med gyur ||
de rnams de riṅ so sor mthoṅ ||
ṅes par khyod ni saṅs rgyas ’gyur ||
rluṅ chen po ni mi ldaṅ źiṅ ||
chu rnams rgyun las log pa daṅ ||
de rnams de riṅ so sor mthoṅ ||
ṅes par (6) khyod ni saṅs rgyas ’gyur ||
thaṅ skyes chu skyes me tog rnams ||
thams cad du ni me tog bye ||
de rnams de riṅ me tog bye ||
ṅes par khyod ni saṅs rgyas ’gyur ||
’khri śiṅ yaṅ na śiṅ gyur pa ||
de ma thag tu ’bras bur gyur ||
de rnams de kun ’bras gyur pa ||
ṅes par khyod ni saṅs rgyas (7) ’gyur ||
nam mkha’ daṅ ni sa gźi la ||
rin chen de dag ’od ’gyed do ||
de rnams de riṅ ’od ’gyed pas ||
ṅes par khyod ni saṅs rgyas ’gro ||
lha rnams daṅ ni mi rnams ni ||
de dag rol mo’i sgra sgrogs so ||
de rnams de riṅ sgra ’byin pas ||
khyod ni ṅes par saṅs rgyas ’gyur ||
(195b1) ma tog sna tshogs pa yi tshogs ||
de ma thag tu char pa ’bebs ||
de rnams de riṅ char ’bebs pas ||
ṅes par khyod ni saṅs rgyas ’gyur ||
rgya mtsho chen po ma g-yo źiṅ ||
’jig rten stoṅ phrag bcu po g-yo ||
de rnams de riṅ gyur pas na ||
ṅes par khyod ni saṅs rgyas ’gyur ||
stoṅ (2) phrag bcu yi dmyal ba rnams ||
de ma thag tu bsreg daṅ bral ||
de rnams de riṅ źi bas na ||
ṅes par khyod ni saṅs rgyas ’gyur ||
ñi ma dri ma med pa daṅ ||
rgyu skar thams cad mthoṅ ba daṅ ||
de rnams de riṅ mthoṅ bas na ||
ṅes par khyod ni saṅs rgyas ’gyur ||
char pa ’bab par ma gyur (3) kyaṅ ||
sa ni snum bag bcas pa daṅ ||
de rnams de riṅ sa la gyur ||
ṅes par khyod ni saṅs rgyas ’gyur ||
rgyu skar tshogs ni rnam par gsal ||
nam mkha’i dbyiṅs su rgyu skar rnams ||
zla ba daṅ ni ’grogs pa bźin ||
ṅes par khyod ni saṅs rgyas ’gyur ||
sa khuṅ ri khuṅ srog chags (4) rnams ||
sems gcig pas ni pha rol mthoṅ ||
de riṅ de rnams sems dga’ bas ||
ṅes par khyod ni saṅs rgyas ’gyur ||
sems can rnams ni mi dga’ med ||
de ma thag tu dga’ bar ’gyur ||
de rig de rnams dga’ bas na ||
ṅes par khyod ni saṅs rgyas ’gyur ||
de tshe nad rnams (5) ñe bar źi ||
’dod pa’i nad ni med pa’o ||
de riṅ de rnams mthoṅ bas na ||
ṅes par khyod ni saṅs rgyas ’gyur ||
de tshe chags pa bsrabs pa daṅ ||
skyon daṅ rmoṅs pa rnam par źig | de riṅ de kun dor bas na ||
ṅes par khyod ni saṅs rgyas ’gyur ||
de yi tshe na ’jigs med pa ||
de riṅ (6) de rnams mthoṅ bas na ||
bdag gi rtags de kun gyis śes ||
ṅes par khyod ni saṅs rgyas ’gyur ||
steṅ ’og rdul ni go bzlog ’gro ||
de riṅ yaṅ ni de rnams mthoṅ ||
bdag gi rtags de kun gyis śes ||
ṅes par khyod ni saṅs rgyas ’gyur ||
dri rnams ṅan pa soṅ ba daṅ ||
lha (7) yi dri ni ’oṅ ba daṅ ||
de riṅ de rnams dri ldaṅ bas ||
ṅes par khyod ni saṅs rgyas ’gyur ||
lha rnams thams cad mthoṅ ba daṅ ||
gzugs med pa rnams spaṅs pa ni ||
de riṅ de kun mthoṅ bas na ||
ṅes par khyod ni saṅs rgyas ’gyur ||
dmyal ba rnams ni ji srid pa ||
de yi tshe na (196a1) thams cad mthoṅ ||
de rnams de riṅ kun mthoṅ pas ||
ṅes par khyod ni saṅs rgyas ’gyur ||
sgo chuṅ daṅ ni ri yi rnams ||
de yi tshe na mi mthoṅ med ||
de riṅ nam mkha’ bźin du mthoṅ ||
ṅes par khyod ni saṅs rgyas ’gyur ||
rum du gnas daṅ ’thon pa ni ||
skad cig tsam (2) gyis ma yin no ||
de riṅ de rnams so sor mthoṅ ||
ṅes par khyod ni saṅs rgyas ’gyur ||
brtson ’grus brtan par byas nas ni ||
ṅes par ’byuṅ ba ldog mi bya ||
bdag gis ’di rnams legs śes pas ||
ṅes par khyod ni saṅs rgyas ’gyur ||
byaṅ chub sems dpas stobs bcu (3) daṅ ldan pa’i mar me mdzad daṅ stoṅ phrag bcu’i khor yug gi lha rnams kyi gsuṅ thos nas | yid bde ba cher skyes te bdag ñid spro bar gyur nas bsams pa | saṅs rgyas rnams kyi don yod pa’i gsuṅ źes bya ba ni saṅs rgyas rnams kyi gsuṅ las gźan du mi ’gyur ba yin no ||
ji ltar (4) yaṅ nam mkha’ la rdo ’phaṅs na lhuṅ bar ’gyur bdagskyes nas ’chi bar ’gyur ba daṅ | skya reṅs śar na ñi ma ’char bar ’gyur ba daṅ | gnas nas seṅ ge laṅs nas sgra phyuṅ ste ’gro ba daṅ | sbrum ma yoṅs su smin nas skye bar ’gyur bar ṅes so ||
ṅes par de bźin du ’di ltar saṅs rgyas (5) rnams kyi gsuṅ ni ṅes śiṅ don yod par ’dod do ||
ṅes par bdag ni saṅs rgyas su ’gyur ro ||
de’i phyir gsuṅs pa | saṅs rgyas kyi ni gsuṅ thos nas ||
stoṅ phrag bcu daṅ gñis ka yi ||
tshim źiṅ dgyes la rab tu dga’ ||
bdag gis de tshe ’di ltar bsams ||
gñis ni (6) mi gsuṅ saṅs rgyas ni ||
rgyal ba don yod pa yi gsuṅ ||
saṅs rgyas rnams ni gźan mi gsuṅ ||
bdag ni ṅes par saṅs rgyas ’gyur ||
ji ltar mkha’ la rdo ’phaṅs pa ||
ṅes par sa la lhuṅ bar ’gyur ||
de bźin du ni saṅs rgyas kyi ||
gsuṅ ni ṅes par ’gyur ba bźin ||
(7) ji ltar sems can thams cad ni ||
ṅes par ’chi bar ’gyur ba’o ||
de bźin du ni saṅs rgyas kyi ||
gsuṅ ni ṅes par ’gyur ba bźin ||
ji ltar nam ni zad pa na ||
ṅes par ñi ma ’char bar ’gyur ||
de bźin du ni saṅs rgyas kyi ||
gsuṅ ni ṅes par ’gyur ba bźin ||
ji ltar seṅ ge’i (196b1) gnas nas ni ||
seṅ ge’i sgra ni ṅes pa’o ||
de bźin du ni saṅs rgyas kyi ||
gsuṅ ni ṅes par ’gyur ba bźin ||
ji ltar sbrum ma smrin gyur na ||
mṅal nas ṅes par skye bar ’gyur ||
de bźin du ni saṅs rgyas kyi ||
gsuṅ ni ṅes par ’gyur ba bźin ||
legs so bdag ni saṅs rgyas (2) su ’gyur ro ||
de ltar ṅes par byas nas saṅs rgyas su byed pa’i chos tshol bas saṅs rgyas su ’gyur ba’i chos gaṅ źig na yod | gal te steṅ na yod dam ’og na’am phyogs sam mtshams rnams na yod dam ci | go rims bźin du chos kyi dbyiṅs thams cad la brtsams nas sṅar gyi byaṅ chub (3) sems dpas kyaṅ bsñen pa daṅ ṅes par brten par bya ba’i daṅ por sbyin pa’i pha rol tu phyin pa gzigs so ||
de ltar bdag gis kyaṅ bdag la gdams pa | mkhas pa blo gros bzaṅ po khyod kyis kyaṅ ’di nas bzuṅ nas sbyin pa’i pha rol tu phyin pa rdzogs par bya’o ||
ji ltar na chu’i bum pa kha phub (4) na bum par chu rnams mi gnas par sa la po ba ñid slar yaṅ bum pa la mi gnas so ||
de ltar ’di ltar nor ram grags pa’am pu daṅ chuṅ ma’am yan lag daṅ ñiṅ lag rnams ltos pa med par sloṅ ba rnams kyi don du thams cad gaṅ daṅ gaṅ ’dod pa la lhag ma med par byas nas sbyin te byaṅ chub (5) kyi śiṅ druṅ du bźugs nas saṅs rgyas thob bo ||
daṅ por sbyin pa’i pha rol tu phyin pa brtan par byas nas gnas par bya’o ||
de’i phyir gsuṅs pa | bdag gis saṅs rgyas byed pa’i chos ||
gaṅ daṅ de ru btsal byas pa ||
steṅ daṅ ’og daṅ phyogs bcu daṅ ||
chos kyi dbyiṅs kyi bar du’o ||
(6) de tshe btsal ṅa na ni mthoṅ ||
daṅ por sbyin pa’i pha rol phyin ||
sṅon gyi skyes bu chen po yi ||
lam ni pha rol rjes su ’gro ||
’di ni re źig khyod kyis kyaṅ ||
brtan por byas nas gzuṅ bar gyis ||
gal te byaṅ chub thob ’dod na ||
sbyin pa’i pha rol phyin par gyis ||
ji ltar bum pa (7) gaṅ gyur pa ||
gaṅ gaṅ kha ni phub pa na ||
chu ni lhag ma med par ’bo ||
bum pa’i naṅ du mi gnas so ||
de bźin du ni sloṅ ba mthoṅ ||
mchog dman ’briṅ po gaṅ yin pa ||
ma lus par ni sbyin par bya ||
kha phub bum pa de bźin no ||
gźan yaṅ saṅs rgyas su byed pa’i chos ’di (197a1) ’ba’ źig ma yin par blta bar bya’o ||
lhag par tshol ba ni gñis pa tshul khrims kyi pha rol tu phyin pa mthoṅ nas ’di lta bu’i sems su gyur to ||
mkhas pa blo gros bzaṅ po dka’ thub pa khyod kyis ’di nas bzuṅ nas tshul khrims kyi pha rol tu phyin pa rdzogs par bya’o ||
(2) dper na gźan yaṅ rgod g-yag źes bya ba srog la mi lta bar raṅ gi mjug ma’i ja ma ñid bsruṅ ba de bźin du | khyod kyis kyaṅ ’di nas bzuṅ nas srog la mi lta bar tshul khrims bsruṅs na khyod kyis saṅs rgyas thob par ’gyur ro ||
gñis pa tshul khrims kyi pha rol tu phyin pa brtan (3) par byas te gnas par bya’o ||
de’i phyir gsuṅs pa | ’di tsam ’ba’ źig ma yin gyi ||
gaṅ źig byaṅ chub thob byed chos ||
gźan la yaṅ ni btsal bar bya ||
gaṅ źig chos ni thob byed pa ||
de yi tshe na tshol ba mthoṅ ||
gñis pa tshul khrims pha rol phyin ||
sṅon gyi skyes (4) bu chen po yis ||
bsñen daṅ bten par byas pas so ||
re źig gñis pa ’di yis ni ||
brtan por byas nas gzuṅ bar bya ||
gal te byaṅ chub thob ’dod na ||
tshul khrims pha rol phyin par gyis ||
ji ltar rgod g-yag rṅa ma ni ||
gaṅ daṅ gaṅ gis bzuṅ ba na ||
ltos pa med par (5) grog ’dor ro ||
rṅa ma la dga’ khro ba med ||
de bźin du ni sa gźi ru ||
tshul khrims yoṅs su rdzogs pa daṅ ||
rtag tu tshul khrims kun sruṅ byed ||
rgod g-yag rṅa ma bsruṅ ba bźin ||
gźan yaṅ saṅs rgyas su byed pa’i chos ’di ’ba’ źig ma yin par blta bar bya’o ||
lhag (6) par tshol ba na gsum pa ṅes ’byuṅ gi pha rol tu phyin pa mthoṅ nas ’di lta bu’i sems su gyur to ||
mkhas pa blo gros bzaṅ po dka’ thub pa khyod kyis ’di nas bzuṅ nas ṅes par ’byuṅ ba’i pha rol tu phyin pa yaṅ rdzogs par bya’o ||
ji ltar btson rar yun riṅ por bciṅs nas bźag (7) pa’i me de la ’dod par mi byed do ||
gźan yaṅ śin tu sdug bsṅal ba’i sems de la de bźin du gnas par ’dod pa med do ||
de ltar ’di ltar khyod kyis kyaṅ skye ba thams cad du btson rar bciṅs pa bźin byas nas skye ba thams cad du śin tu sdug bsṅal ba’i sems kyis grol bar ’dod (197b1) pa’i sems kyis ṅes par ’byuṅ ba mṅon sum du ’gyur ro ||
de ltar byas na saṅs rgyas thob par ’gyur ro ||
ṅes par ’byuṅ ba’i pha rol tu phyin pa la brtan par byas te gnas so ||
de’i phyir gsuṅs pa | ’di tsam ’ba’ źig ma yin gyi ||
gaṅ źig byaṅ chub thob byed chos ||
gźan (2) pa yaṅ ni btsal bar bya ||
gaṅ źig chos ni thob byed pa ||
de yi tshe na tshol ba mthoṅ ||
gsum pa ṅes ’byuṅ pha rol phyin ||
sṅon gyi skyes bu chen po yis ||
bsñen daṅ brten par byas pas so ||
re źig gsum pa ’di yis ni ||
brtan por byas te gzuṅ bar bya ||
gal te byaṅ chub (3) thob ’dod na ||
ṅes ’byuṅ pha rol phyin par gyis ||
ji ltar skyes bu btson rar bciṅs ||
yun riṅ gnas śiṅ sdug bsṅal ba ||
de la dga’ bar mi byed par ||
myur du ’gro la bar ’dod par sems ||
de bźin khyod ni skye kun du ||
btson ra bźin du blta bar gyis ||
ṅes par (4) ’byuṅ ba sṅon du na ||
skye ba las ni grol bar ’gyur ||
gźan yaṅ saṅs rgyas su byed pa’i chos ’di ’ba’ źig ma yin par blta bar bya’o ||
lhag par tshol ba na bźi pa śes rab kyi pha rol tu phyin pa mthoṅ nas ’di lta bu’i sems su gyur to ||
mkhas pa blo gros bzaṅ po dka’ (5) thub pa khyod kyis ’di nas bzuṅ nas śes rab kyi pha rol tu phyin pa yaṅ rdzogs par bya’o ||
dman pa daṅ ’briṅ po daṅ chen po rnams su mi sems par de rnams kyi gnas su soṅ ste mkhas pa rnams ’dri bar bya’o ||
ji ltar na bsod sñoms la ’gro ba’i dge sloṅ dman pa la sogs pa’i (6) gnas su soṅ ste | rigs kyi dbye ba ma spaṅs par go rims bźin du bsod sñoms la ’gro ba myur du raṅ gi bza’ ba’i tshad thob par ’gyur ro ||
de bźin du khyod kyis kyaṅ mkhas pa thams cad kyi druṅ du soṅ ste dri bar byas na saṅs rgyas thob bo ||
bźi pa śes rab kyi pha rol tu phyin (7) pa la brtan par bya ste gnas par gyis śig | de’i phyir gsuṅs pa | ’di tsam ’ba’ źig ma yin gyi ||
gaṅ źig byaṅ chub thob byed chos ||
gźan pa yaṅ ni btsal bar bya ||
gaṅ źig chos ni thob byed pa ||
de yi tshe na tshol ba mthoṅ ||
bźi pa śes rab pha rol phyin ||
sṅon (198a1) gyi skyes bu chen po yis ||
bsñen daṅ brten par byas pas so ||
re źig bźi pa ’di yis ni ||
brtan por bya ste gzuṅ bar bya ||
gal te byaṅ chub thob ’dod na ||
śes rab pha rol phyin par gyis ||
ji ltar dge sloṅ bsod sñoms pa ||
dman daṅ ’briṅ daṅ (2) chen po yi ||
rigs rnams dpyod par mi byed par ||
de ltar bza’ ba’i zas thob bo ||
de bźin khyod kyis dus kun du ||
skye bo mkhas la yoṅs su dris ||
śes rab pha rol phyin soṅ bas ||
byaṅ chub thob par ’gyur ba yin ||
gźan yaṅ saṅs rgyas su byed pa’i chos (3) ni ’di ’ba’ źig ma yin par blta bar bya’o ||
lhag par btsal na lṅa pa brtson ’grus kyi pha rol tu phyin pa thob nas ’di lta bu’i sems su gyur to ||
mkhas pa blo gros bzaṅ po dka’ thub pa khyod kyis ’di nas bzuṅ nas brtson ’grus kyi pha rol tu phyin pa yaṅ rdzogs par bya’o ||
(4) ji ltar ri dgas kyi rgyal po seṅ ge dus thams cad du brtson ’grus brtan po daṅ ldan pa de bźin du khyod kyis kyaṅ skye ba thams cad du brtson ’grus brtan par bya’o ||
źum pa med pa’i brtson ’grus byas na saṅs rgyas thob par ’gyur ro ||
lṅa pa brtson ’grus kyi pha rol tu phyin pa brtan (5) par byas nas gnas par gyis śig | de’i phyir gsuṅs pa | ’di tsam ’ba’ źig ma yin gyi ||
gaṅ źig byaṅ chub thob byed chos ||
gźan pa yaṅ ni btsal bar bya ||
gaṅ źig chos ni thob byed pa ||
de yi tshe na tshol ba mthoṅ ||
lṅa pa brtson ’grus pha rol phyin ||
sṅon gyi skyes bu (6) chen po yis ||
bsñen daṅ brten par byas pas so ||
re źig lṅa po ’di yis ni ||
gal te byaṅ chub mchog ’dod na ||
brtson ’grus pha rol phyin par gyis ||
brtan por byas te gzuṅ bar bya ||
ji ltar ri dgas rgyal po ni ||
sdod daṅ ’gro ba’i gnas rnams su ||
źum pa med pa’i (7) brtson ’grus kyis ||
yid ni rtag tu brtan pa yin ||
de bźin khyod kyis dus kun du ||
brtson ’grus brtan por gyis la zuṅ ||
brtson ’grus pha rol phyin gyur nas ||
byaṅ chub thob par ’gyur ba yin ||
gźan yaṅ saṅs rgyas su byed pa’i chos ’di ’ba’ źig ma yin par blta (198b1) par bya’o ||
lhag par tshol ba na drug pa bzod pa’i pha rol tu phyin pa mthoṅ nas ’di lta bu’i sems su gyur to ||
mkhas pa blo gros bzaṅ po dka’ thub pa khyod kyis ’di nas bzuṅ nas bzod pa’i pha rol tu phyin pa yaṅ rdzogs par bya’o ||
bzaṅ po daṅ ṅan par byas pa la bzod par bya’o ||
(2) ji ltar sa’i steṅ du gtsaṅ ba daṅ mi gtsaṅ ba gos par byas nas gźi khro bar mi byed pa bźin du bzod ciṅ sran pa daṅ lhag par gnas pa de bźin du’o ||
de ltar ’di ltar khyod kyis kyaṅ gnod pa daṅ phan par byas kyaṅ bzod ciṅ sran par byas na saṅs rgyas thob par ’gyur ro ||
drug pa bzod (3) pa’i pha rol tu phyin pa brtan par byas nas gnas par gyis śig | de’i phyir gsuṅs pa | ’di tsam ’ba’ źig ma yin gyi ||
gaṅ źig byaṅ chub thob ’dod pa ||
gźan pa yaṅ ni btsal bar bya ||
gaṅ źig chos ni thob byed pa ||
de yi tshe na tshol ba mthoṅ ||
drug pa bzod pa’i pha (4) rol phyin ||
sṅon gyi skyes bu chen po yis ||
bsñen daṅ brten par byas pas so ||
re źig drug pa ’di yis ni ||
de la źe sdaṅ ma byas na ||
yaṅ dag byaṅ chub thob par ’gyur ||
ji ltar yaṅ ni sa gźi la ||
gtsaṅ daṅ mi gtsaṅ byugs pa na ||
thams cad blugs kyaṅ bzod par (5) byed ||
skyug bro ba ni byed pa med ||
de bźin khyod kyis thams cad la ||
phan daṅ gnod pa byed pa na ||
bzod pa’i pha rol phyin gyur nas ||
byaṅ chub yaṅ dag thob par ’gyur ||
gźan yaṅ saṅs rgyas su byed pa’i chos ’di ’ba’ źig ma yin par blta bar bya’o ||
lhag (6) par tshol ba na bdun pa bden pa’i pha rol tu phyin pa mthoṅ nas ’di lta bu’i sems su gyur to ||
mkhas pa blo gros bzaṅ po dka’ thub pa khyod kyis ’di nas bzuṅ nas bden pa’i pha rol tu phyin pa yaṅ rdzogs par bya’o ||
thog mgo la lhuṅ bar gyur na yaṅ nor la sogs pa’i phyir (7) du ’dun pa la sogs pa’i dbaṅ gis śes nas brdzun mi smra’o ||
ji ltar na tha skar la sogs pa’i rgyu skar dus thams cad du raṅ raṅ ’gro ba’i lam dor nas lam gźan nas mi ’gro bar raṅ gi lam ñid nas ’gro ba’o ||
de ltar ’di ltar khyod kyis kyaṅ bden pa bzuṅ nas brdzun mi byed (199a1) pas ni saṅs rgyas thob par ’gyur ro ||
bdun pa bden pa’i pha rol tu phyin pa brtan par byas nas gnas par gyis śig | de’i phyir gsuṅs pa | ’di tsam ’ba’ źig ma yin gyi ||
gaṅ źig byaṅ chub thob ’dod chos ||
gźan pa yaṅ ni btsal bar bya ||
gaṅ (2) źig chos ni thob byed pa ||
de yi tshe na tshol ba mthoṅ ||
bdun pa bden pa’i pha rol phyin ||
sṅon gyi skyes bu chen po yis ||
bsñen daṅ brten par byas pas so ||
re źig bdun pa ’di yis ni ||
brtan par byas nas gnas par gyis ||
de la brdzun ni mi smra bas ||
yaṅ dag byaṅ chub (3) thob par gyis ||
ji ltar tha skar źes bya ba ||
lha daṅ mi rnams mtshuṅs par ni ||
dus kyi lo yi dus su ni ||
lam gźan du ni mi ’gro’o ||
khyod kyis kyaṅ ni de bźin bden ||
bden pa bzuṅ nas mi ’gro ba ||
bden pa’i pha rol phyin gyur pas ||
byaṅ chub yaṅ dag thob par ’gyur ||
(4) gźan yaṅ saṅs rgyas su byed pa’i chos ’di ’ba’ źig ma yin par blta bar bya’o ||
lhag par tshol ba na brgyad pa lhag par gnas pa’i pha rol tu phyin pa mthoṅ nas ’di lta bu’i sems su gyur to ||
mkhas pa blo gros bzaṅ po dka’ thub pa khyod kyis ’di nas bzuṅ nas lhag par gnas (5) pa’i pha rol tu phyin pa yaṅ rdzogs par bya’o ||
gaṅ źig lhag par gnas par gyis la de la lhag par gnas na g-yo ba med par ’gyur ro ||
ji ltar na ri bo ni phyogs thams cad nas rluṅ gis bskyod kyaṅ g-yo bar mi ’gyur źiṅ bskyod par mi ’gyur ciṅ | raṅ gi gnas źig tu gnas so ||
(6) de ltar ’di ltar khyod kyis kyaṅ bdag ñid lhag par gnas pa rnams mi g-yo bar gyur na saṅs rgyas thob par ’gyur ro ||
brgyad pa lhag par gnas pa’i pha rol tu phyin pa brtan par byas nas gnas par gyis śig | de’i phyir gsuṅs pa | ’di tsam ’ba’ źig ma yin gyi ||
gaṅ źig (7) byaṅ chub thob ’dod chos ||
gźan pa yaṅ ni btsal bar bya ||
gaṅ źig chos ni thob byed pa ||
de yi tshe na tshol ba mthoṅ ||
brgyad pa lhag gnas pha rol phyin ||
sṅon gyi skyes bu chen po yis ||
bsñen daṅ brten par byas pas so ||
re źig brgyad pa ’di yis ni ||
brtan par bya ste gnas (199b1) par gyis ||
de la khyod ni g-yo med pas ||
yaṅ dag byaṅ chub thob par ’gyur ||
ji ltar ri bo’i brag chen po ||
g-yo ba med ciṅ legs par gnas ||
rluṅ chen pos ni g-yo ba med ||
raṅ gi gnas su gnas pa ñid ||
de bźin khyod kyis lhag gnas par ||
thams cad du (2) ni mi g-yo bar ||
lhag gnas pha rol phyin gyur pas ||
yaṅ dag byaṅ chub thob par ’gyur ||
gźan yaṅ saṅs rgyas su byed pa’i chos ’di ’ba’ źig ma yin par blta bar bya’o ||
lhag par tshol ba na dgu pa byams pa’i pha rol tu phyin pa mthoṅ bas de lta bu’i khams su gyur to ||
(3) mkhas pa blo gros bzaṅ po dka’ thub pa khyod kyis ’di nas bzuṅ nas byams pa’i pha rol tu phyin pa yaṅ rdzogs par bya’o ||
phan pa daṅ mi phan par gyur kyaṅ sems gcig tu bya’o ||
ji ltar chu ni sdig pa can gyi skye bo daṅ dge ba’i skye bos kyaṅ bsil bar gyur ciṅ gcig tu mtshuṅs par (4) byas nas reg go ||
de ltar na ’di ltar khyod kyis kyaṅ sems can thams cad la byams pa’i sems gcig tu gyur nas saṅs rgyas thob par ’gyur ro ||
dgu pa byams pa’i pha rol tu phyin pa brtan par byas te gnas par gyis śig | de’i phyir gsuṅs pa | ’di tsam ’ba’ źig ma (5) yin gyi ||
gaṅ źig byaṅ chub thob ’dod chos ||
gźan pa yaṅ ni btsal bar bya ||
gaṅ źig chos ni thob byed pa ||
de yi tshe na tshol ba mthoṅ ||
dgu pa byams pa’i pha rol phyin ||
sṅon gyi skyes bu chen po yis ||
bsñen daṅ brten par byas pa’o ||
re źig dgu pa ’di yis ni ||
(6) byams par byas te gnas par gyis ||
gal te byaṅ chub thob ’dod na ||
byams pa mtshuṅs pa med par ’gyur ||
ji ltar chu źes bya ba la ||
dge ’am sdig pa’i skye bo ni ||
mtshuṅs par bsil bar gyur la reg | rdul daṅ dri ma spoṅ bar byed ||
de ltar khyod kyis mi phan daṅ ||
(7) phan la’aṅ mtshuṅs par byams par bya ||
byams pa’i pha rol phyin gyur nas ||
yaṅ dag byaṅ chub thob par ’gyur ||
gźan yaṅ saṅs rgyas su byed pa’i chos ’di ’ba’ źig ma yin par blta bar bya’o ||
lhag par tshol ba na bcu pa btaṅ sñoms kyi pha rol tu phyin pa mthoṅ nas (200a1) ’di lta bu’i sems su gyur to ||
mkhas pa blo gros bzaṅ po dka’ thub pa khyod kyis ’di nas bzuṅ nas btaṅ sñoms kyi pha rol tu phyin pa yaṅ rdzogs par bya’o ||
bde ba’am sdug bsṅal yaṅ bar ma la gnas par bya’o ||
ji ltar sa gźi la gtsaṅ ba daṅ mi gtsaṅ (2) bas byugs kyaṅ bar mar gnas par ’gyur ro ||
de ltar ’di ltar khyod kyis kyaṅ bde ba daṅ sdug bsṅal ba la bar mar gnas par gyur na saṅs rgyas thob par ’gyur ro ||
bcu pa btaṅ sñoms kyi pha rol tu phyin pa brtan par byas la gnas par gyis śig | de’i phyir gsuṅs pa | (3) ’di tsam ’ba’ źig ma yin gyi ||
gaṅ źig byaṅ chub thob ’dod chos ||
gźan pa yaṅ ni btsal bar gyis ||
gaṅ źig chos ni thob byed pa ||
de yi tshe na tshol ba mthoṅ ||
bcu pa btaṅ sñoms pha rol phyin ||
sṅon gyi skyes bu chen po yis ||
bsñen daṅ brten par byas pas so ||
re (4) źig bcu pa ’di yis ni ||
brtan par byas nas gnas par gyis ||
sraṅ ni gaṅ bar ’gyur ba bźin ||
yaṅ dag byaṅ chub thob par ’gyur ||
ji ltar sa gźi źes bya la ||
gtsaṅ daṅ mi gtsaṅ byugs pa na ||
ltos pa med ciṅ btaṅ sñoms pas ||
khro ba med par spoṅ ba yin ||
ji (5) ltar khyod kyis kyaṅ bde sdug | dus rnams kun tu sraṅ bźin du ||
btaṅ sñoms pha rol phyin gyur nas ||
yaṅ dag byaṅ chub thob par ’gyur ||
de nas bsams pa ’jig rten pa ’di rnams byaṅ chub sems dpa’ la byaṅ chub rdzogs par byed pa daṅ saṅs rgyas su byed pa’i chos de rnams (6) ñid do ||
pha rol tu phyin pa bcu dor na gźan med do ||
pha rol tu phyin pa bcu po ’di ni steṅ gi nam mkha’ na yaṅ med do ||
’og gis gźi la yaṅ med do ||
śar la sogs pa’i phyogs rnams na yaṅ med do ||
bdag ñid kho na’i sñiṅ gi śa’i naṅ na gnas so ||
de ltar de’i sñiṅ la so sor (7) gnas pa mthoṅ nas thams cad brtan par bya ste gnas par bya’o ||
yaṅ daṅ yaṅ du dran par bya ste lugs las byuṅ ba daṅ lugs las bzlog pa brtan par byed do ||
tha ma nas bzuṅ ste thog ma’i bar bsam par bya’o ||
daṅ po nas bzuṅ nas tha ma’i bar bsam mo ||
dbus nas (200b1) bzuṅ nas thog ma daṅ tha ma’i bar bsam par bya’o ||
thog ma daṅ tha ma nas bzuṅ nas dbus kyi bar blta bar bya’o ||
lus yoṅs su gtoṅ ba ni pha rol tu phyin pa źes bya ba’o ||
phyi’i loṅs spyod yoṅs su gtoṅ ba ni ñe ba’i pha rol tu phyin pa źes bya ba’o ||
srog yoṅs su gtoṅ ba ni (2) don dam pa’i pha rol tu phyin pa źes bya ba’o ||
pha rol tu phyin pa bcu po daṅ | ñe ba’i pha rol tu phyin pa bcu po daṅ | don dam pa’i pha rol tu phyin pa bcu po’o ||
me’i steṅs su ’bru mar bskol ba bźin du khor yug gi naṅ du rgya mtsho chen po ri bo mchog rab kyis bsrub pa bźin du dran (3) par bya ste | de’i pha rol tu phyin pa bcu dran par byas nas chos kyi gzis ’bum phrag gñis daṅ stoṅ phrag bźi bcu lhag pa’i sa chen po ’di’i stugs la glaṅ po ches rkaṅ pas gnon ciṅ smyug ma ’chag pa bźin du’o ||
bur śiṅ gi ’khrul ’khor bźin du btsir ba daṅ sgra chen po sgrogs pa (4) bźin du yaṅ dag par sgrogs so ||
yaṅ dag par rab tu g-yos te rdza mkhan gyi ’khor lo bźin no ||
’bru mar gyi ’khrul ’khor bźin du yoṅs su bskor ro ||
de’i phyir gsuṅs pa | ’di yi ’jig rten de rnams ñid ||
gaṅ źig byaṅ chub thob byed chos ||
(5) ’di ni steṅ daṅ gźan na’aṅ med ||
brtan par bya ste sems la źog | raṅ bźin gyis ni g-yo med par ||
’di yi chos ni dran par byed ||
chos kyi gźi yi sa gźi ni ||
’jig rten stoṅ phrag rab tu g-yos ||
sems med pa yi sa gźi ni ||
bur śiṅ ’khrul ’khor bźin du btsir ||
(6) ’bru mar ’khrul ’khor bźin du ’khor ||
de ltar sa ni rab tu g-yos ||
sa chen po ’di g-yos pas dga’ ba can gyi groṅ khyer na gnas pa’i mi rnams ldaṅ bar ma nus te | bskal pa’i mtha’ yi rluṅ gis bskyod pa’i sa’i śiṅ chen po g-yos pa bźin brgyal ba daṅ bag med pas (7) ’gyel bar gyur to ||
bum pa la sogs pa’i snod ni ’dzad pa daṅ phan tshun du phrad pa’i sgra daṅ phye ma daṅ dum bur gyur to ||
skye bo thams cad ’jigs par gyur nas ston pa’i druṅ du ñe bar soṅ ṅo ||
bcom ldan ’das ci lags ’di’i klu ’khrugs pa’am ’di’i ’byuṅ po’am gnod sbyin (201a1) nam lha rnams sam gźan rnams ’khrugs sam bdag cag gis ’tshal bar ma gyur to ||
gźan yaṅ ’di’i skye bo chen po thams cad la ñe bar ’tshe bar gyur to ||
ci’i rgyu ’di’i ’jig rten gyi sdig pa las gyur ram | yaṅ na dge ba las gyur bdag cag la (2) ’di rnams kyi rgyu mtshan rnams gsuṅ du gsol źes źus so ||
ston pas de rnams kyi gtam thos nas ||
khyed rnams ’jigs par ma byed cig | khyed rnams cuṅ zad kyaṅ ma sems śig | mtshan ma ’di rnams la khyed rnams la ’jigs pa med do ||
gaṅ tshe bdag gis (3) de riṅ mkhas pa blo gros bzaṅ po dka’ thub pa ma ’oṅs pa na gau ta ma źes bya ba’i saṅs rgyas su ’gyur ro źes luṅ bstan to ||
de ni ’dir pha rol tu phyin pa dran par byed do ||
des pha rol tu phyin pa dran par byed ciṅ dpyod do ||
de’i chos kyi gzi brjid kyis stoṅ phrag bcu’i ’jig (4) rten gyi khams thams cad skad cig tsam gyis g-yo ba daṅ sgra ’byin no źes gsuṅ ṅo ||
de’i phyir gsuṅs pa | ji srid ’khor rnams yod pa la ||
saṅs rgyas kyi ni sprel bas na ||
de ni de ru sdug bsṅal sems ||
brgyal bar gyur nas sa la ñal ||
bum pa stoṅ phrag du ma daṅ ||
(5) snod chen brgya phrag maṅ po rnams ||
der ni phye ma źib mor gyur ||
phan tshun thug ciṅ ’chag pas so ||
brgyal daṅ skrag daṅ ’jigs pa daṅ ||
gnod ciṅ gzir ba’i sems kyis ’gyel ||
skye bo thams cad gcig tu ’dus ||
mar me mdzad kyi druṅ du soṅ ||
’jig rten pa (6) rnams ci phyir gyur ||
dge ba’am yaṅ na sdig gam ci ||
’jig rten kun la ñer ’tshe byuṅ ||
spyan ldan legs par gsuṅ du gsol ||
de rnams kun la chos bstan ciṅ ||
thub pa chen po mar me mdzad ||
’jigs par ma byed dbugs dbyuṅ gis ||
’di yis gźi g-yo bas (7) ni | |gaṅ źig de riṅ bdag luṅ bstan ||
’jig rten pa rnams saṅs rgyas ’gyur ||
de ni chos ni dran par byed ||
sṅon gyi rgyal ba bsten byas śiṅ ||
de yi chos rnams dran byed pas ||
saṅs rgyas sa ni ma lus pa ||
des na ’di yis rnams g-yos ||
lha daṅ bcas (201b1) pa stoṅ phrag bcu ||
skye bo chen po rnams kyis de bźin gśegs pa’i gsuṅ thos pas dga’ ba daṅ tshim pa skyes nas me tog daṅ dri bzaṅ daṅ | byug pa rnams blaṅs te dga’ ba can gyi groṅ khyer nas ’thon nas byaṅ chub sems dpa’i druṅ du soṅ ste me tog la sogs pas mchod nas phyag (2) daṅ bstod pa byas te dga’ ba can gyi groṅ khyer ñid du gnas so ||
byaṅ chub sems dpas kyaṅ pha rol tu phyin pa bcu dran par byas nas brtson ’grus brtan par bya ste lhag par gnas nas stan las laṅs so ||
de’i phyir gsuṅs pa | saṅs rgyas kyi ni gsuṅ thos nas ||
de ma thag (3) tu ’jigs med sems ||
thams cad bdag gi druṅ du ’oṅs ||
slar yaṅ phyag ni byas nas so ||
saṅs rgyas yon tan sems par byed ||
de tshe bdag gis stan las laṅs ||
mar me mdzad la phyag byas so ||
de nas byaṅ chub sems dpa’ stan las laṅs pa na stoṅ phrag (4) bcu’i lha thams cad ’dus nas lha’i me tog daṅ dri bzaṅ gis mchod pa byas | ’phags pa blo gros bzaṅ po dka’ thub pa de yis de riṅ stobs bcu daṅ ldan pa’i mar me mdzad kyi źabs druṅ du don chen po don du gñer ba’i phyir don du gñer to ||
de yis de rnams la bar gcod med (5) ciṅ rdzogs par ’gyur ro ||
de la ’jigs pa med pa daṅ | źum pa med par ’gyur ro ||
sku la nad cuṅ zad kyaṅ mi ’byuṅ źiṅ myur du pha rol tu phyin pa rdzogs par byas nas yaṅ dag par rdzogs pa’i saṅs rgyas grub par gyis śig | ji ltar me tog can gyi śiṅ ṅam ’bras bu (6) can gyi śiṅ dus su me tog smin pa daṅ ’bras bu smin pa ñid do ||
de bźin du khyod kyis kyaṅ de’i dus su lhag par gnas par byed pa la myur du mchog rdzogs par byed pa la sogs pa’i bstod pa daṅ bkra śis pas bstod do ||
de bźin du bstod pa byas nas lha rnams raṅ raṅ (7) gi gnas su soṅ ṅo ||
byaṅ chub sems dpas kyaṅ lha la sogs pa’i bstod pa thos par byas nas | bdag gis pha rol tu phyin pa bcu rdzogs par byas te bskal pa graṅs med pa bźi daṅ ’bum phrag gcig lhag pa’i mthar saṅs rgyas thob par ’gyur bas brtson ’grus (202a1) brtan po lhag par gnas nas nam mkha’ la ’phags te gaṅs can gyi gnas ñid la gśegs so ||
de’i phyir gsuṅs pa | lha daṅ mi yi me tog rnams ||
lha daṅ mi rnams gñis ka yis ||
stan las laṅs par gyur nas ni ||
me tog mtshuṅs (2) par bsdus nas so ||
lha daṅ mi rnams gñis ka yaṅ ||
thams cad źi bar gyur źes bstod ||
khyod kyis chen po don du gñer ||
ji ltar ’dod pa de thob bo ||
dus min ’chi ba riṅ du soṅ ||
nad rnams thams cad ñams par gyur ||
khyod la bar chad mi ’byuṅ (3) ṅo | |mchog gi byaṅ chub myur du thob ||
ji ltar dus su sleb pa na ||
ljon śiṅ me tog bye bar gyur ||
de bźin khyod kyi dpa’ chen pos ||
saṅs rgyas ye śes me tog gyur ||
gaṅ źig ji ltar rdzogs saṅs rgyas ||
pha rol phyin bcu rdzogs par byas ||
de bźin khyod kyi (4) dpa’ chen pos ||
pha rol phyin bcu rdzogs par gyis ||
ji ltar gaṅ źig rdzogs saṅs rgyas ||
byaṅ chub sñiṅ po rdzogs par gyur ||
de bźin khyod kyi dpa’ chen pos ||
rgyal ba’i byaṅ chub rdzogs par gyis ||
gaṅ źig ji ltar rdzogs saṅs rgyas ||
chos kyi ’khor lo bskor bar (5) gyur ||
de bźin khyod kyi dpa’ chen pos ||
chos kyi ’khor lo bskor bar gyis ||
ji ltar zla ba ña ba bźin ||
yoṅs su dag pas ’od ’gyed pa ||
de bźin khyod kyis bsam rdzogs pa’i ||
stoṅ phrag bcu yi ’od phyuṅ cig | ñi ma sgra gcan las grol ba ||
tsha źiṅ ’od zer rab tu (6) ’gyed ||
de bźin ’jig rten grol byas nas ||
khyod kyi dpal ldan ’od zer phyuṅ ||
gaṅ źig ji ltar chu kluṅ ni ||
rgya mtsho chen po’i rjes su ’gro ||
de ltar lha mi’i ’jig rten tshogs ||
khyod kyi rjes su ’jug par ’gyur ||
de rnams khyod la bstod ciṅ bsṅags ||
chos bcu po la (7) gnas byas nas ||
de yi chos rnams rdzogs byed ciṅ ||
de tshe nags tshal chen por phyin ||
mkhas pa blo gros bzaṅ po’i gtam du bya ba rdzogs so ||
dga’ ba can gyi groṅ khyer du gnas pa rnams groṅ khyer du źugs nas saṅs rgyas la sogs pa’i dge sloṅ gi dge ’dun rnams la (202b1) sbyin pa chen po gtaṅ ṅo ||
ston las de rnams la chos bstan ciṅ bstan nas skye bo maṅ po skyabs su ’gro ba la gnas par byas te | dga’ ba can gyi groṅ khyer nas ’thon te | lhag par gnas pa ji srid ’tsho’i bar de srid du gnas nas saṅs rgyas kyi ’phrin las thams cad byed ciṅ go rims (2) bźin du lhag ma med par yoṅs su mya ṅan las ’das pa’i dbyiṅs su yoṅs su mya ṅan las ’das so ||
de la cuṅ zad brjod pas de thams cad la sa ṅes rgyas kyi rgyud la brjod pa’i rigs pa de bźin rig par bya’o ||
de la gsuṅs pa | de tshe khyod rnams mchod ston byed ||
dge ’dun daṅ (3) bcas ’jig rten ’dren ||
de la skyabs su ’gro ba yin ||
ston pa mar me mdzad pa la ||
de bźin gśegs pas ṅes gsuṅs pa’i ||
gaṅ źig skyabs su ’gro bar gyur ||
gaṅ źig tshul khrims lṅa daṅ ldan ||
gźan yaṅ tshul khrims bcu po yi ||
gaṅ źig la ni gźan phyin (4) pa | |mchog gi ’bras bu bźi po daṅ | gaṅ źig la ni mtshuṅs med chos ||
so so yaṅ dag rig pa byin ||
phun tshogs mchog ni gaṅ źig la ||
brgyan nas mi yi khyu mchog byin ||
gaṅ źig la ni rig pa gsum ||
mṅon par śes pa drug la źugs ||
de yis rig pa (5) skye bo’i tshogs ||
thub pa chen po’i gdams pa byin ||
de yis rgya chen por ni gyur ||
’jig rten mgon po’i bstan la’o ||
khyu mchog phrag pa ’gram chen po ||
mar me mdzad kyi mtshan daṅ ldan ||
skye bo maṅ po sgrol bar byed ||
ṅan ’gro yoṅs su grol bar byed ||
grol (6) ba’i phyir du skye bo mthoṅ ||
stoṅ phrag brgya yi dpag tshad du ||
skad cig tsam gyi ñe bar soṅ ||
thub pa chen po de mkhyen phyir ||
daṅ por ’dus pa’i saṅs rgyas kyis ||
bye ba brgya po rtogs par byas ||
mgon po ’dus pa gñis pa ni ||
’bum phrag gcig gis rtogs (7) par byas ||
gaṅ tshe lha yi gnas su ni ||
saṅs rgyas kyis ni chos bstan no ||
bye ba stoṅ phrag dgu bcu yi ||
’dus pa gsum pa la ni gyur ||
de rnams ’dus pa gsum du gyur ||
ston pa mar me mdzad kyi’o ||
bye ba stoṅ phrag brgya yis ni ||
daṅ po yi ni ’dus pa (203a1) yin | |slar yaṅ n ra dha yi phur ||
rgyal ba gcig pur bźugs pa ni ||
zag pa’i dri ma zad pa yi ||
bye ba brgyan ni źi ba daṅ ||
dpa’ bo chen po ji srid bźugs ||
ri yi steṅ na blta na sdug | stoṅ phrag bye ba dgu bcu yis ||
de tshe thub pa yi ni ’khor ||
(2) bdag gis de yi dus su ni ||
sdom brtson dka’ thub pa yi mchog | bdag ni bar snaṅ la ni ’gro ||
mṅon śes lṅa yi pha rol son ||
stoṅ phrag bcu daṅ ñi śu ni ||
chos la ’dus par gyur pa’o ||
gcig daṅ gñis kyi ’dus pa ni ||
bgrad du med ciṅ graṅs med (3) do | |rgya che ded dpon caṅ śes pa ||
de tshe rdzu ’phrul ldan źiṅ rdzogs ||
bcom ldan ’das ni mar me mdzad ||
bstan pa śin tu dag ciṅ mdzes ||
’bum phrag bźi po rnams la ni ||
mṅon śes drug daṅ rdzu ’phrul ldan ||
mar me mdzad ni ’jig rten mkhyen ||
rtag (4) tu ’khor rnams yoṅs dag ldan ||
gaṅ źig de yi dus su ni ||
mi rnams dṅos po gtoṅ ba daṅ ||
sems kyi lhag ma ma thob pa ||
de rnams skur pa ’debs par gyur ||
me tog bzaṅ po’i tshig rñed pa ||
dgra bcom rnams ni de daṅ mtshuṅs ||
dri ma med ciṅ zag pa (5) zad ||
lha daṅ mi rnams ñe bar mdzes ||
groṅ khyer dga’ ba can źes pa ||
blo gros bzaṅ po rgyal po’i rigs ||
yum ni blo gros bzaṅ mo yin ||
ston pa mar me mdzad yin no ||
bkra śis bzaṅ po ñe rgyal ni ||
ñan thos rnams kyi mchog yin no ||
legs ’oṅs źes pa (6) ñe gnas yin ||
ston pa mar me mdzad pa’o ||
dga’ ba ñid daṅ śin tu dga’ ||
ñan thos ma yi mchog yin no ||
bcom ldan de yi byaṅ chub śiṅ ||
pi ma pa la źes bya ba yin ||
mtho tshad khru ni brgyad cu pa ||
thub pa chen po mar me mdzad ||
śiṅ bźin rab tu ’bar ba yi ||
(7) me tog s la’i śiṅ rgyas bźin ||
lo ni stoṅ phrag brgya ru ni ||
draṅ sroṅ chen po de yi tshe ||
de srid du ni gnas pa ste ||
skye bo maṅ po sgrol bar byed ||
chos kyi snaṅ par byas nas ni ||
skye bo maṅ po yaṅ dag sgrol ||
me yi phuṅ po bźin du gsal ||
de nas ñan thos daṅ bcas (203b1) ’das ||
de yaṅ rdzu ’phrul de grags pa ||
rin chen ’khor lo de źabs la ||
thams cad kun nas bral ba daṅ ||
’dus byas chos rnams gtoṅ ba’o ||
mar me mdzad kyi ’og tu ni ||
’dren pa kauNDi nya źes pa ||
gzi brjid dpag med mtha’ yas grags ||
riṅ la sems pa (2) gźal du med ||
slar yaṅ bcom ldan ’das mar me mdzad kyi ’og gi char bskal pa graṅs med pa gcig ’das nas | ston pa’i ’dren pa kauNDi nya źes bya ba byon no ||
de’i yaṅ ñan thos ’dus pa gsum du gyur to ||
’dus pa daṅ po la bya ba stoṅ phrag brgya’o ||
’dus pa gñis (3) pa la bye ba stoṅ phrag gcig go ||
’dus pa gsum pa la ni bye ba phrag dgu bcu’o ||
de’i tshe byaṅ chub sems dpa’ rnam par rgyal ba źes bya ba ’khor los sgyur ba’i rgyal por gyur to ||
bye ba stoṅ phrag brgya’i graṅs kyis saṅs rgyas la sogs pa dge sloṅ gi dge ’dun chen po (4) rnams la sbyin pa chen po gtoṅ ṅo ||
ston pas byaṅ chub sems dpa’ saṅs rgyas su ’gyur ro źes luṅ bstan par byas nas chos bstan no ||
des ston pa’i chos thos nas rgyal srid spaṅs nas rab tu byuṅ ṅo ||
des sde snod gsum po bslabs nas sñoms par ’jug pa brgyad (5) daṅ mṅon par śes pa lṅa bskyod do ||
bsam gtan ma bor bar tshaṅs pa’i ’jig rten du skyes so ||
slar yaṅ saṅs rgyas kauNDi nya de’i groṅ khyer dga’ ba can yin no ||
śin tu dga’ ba’i rgyal po ni yab bo ||
rigs bzaṅ lha mo ni yum mo ||
bzaṅ po daṅ legs bzaṅ gñis (6) ni ñan thos rnams kyi mchog go ||
mi ’gal ba źes bya ba ni ñe gnas so ||
rgyal ma daṅ ñe rgyal ma ni ñan thos ma’i mchog go ||
byaṅ chub kyi dge ba’i śiṅ ni ś lya’o ||
sku’i mtho tshad du khru brgyad cu rtsa brgyad do ||
sku tshe’i tshad ni lo stoṅ phrag brgya’o ||
de’i ’og gi char (7) bskal pa graṅs med pa gcig ’das nas bskal pa gcig gi naṅ de ñid du saṅs rgyas bźi byon par gyur to ||
bkra śis bzaṅ po daṅ | thugs bzaṅ po daṅ | nam gru can daṅ | ma ṅes pa can no ||
bcom ldan ’das bkra śis bzaṅ po’i ñan thos kyi ’dus pa gsum du (204a1) ’gyur te | de’i ’dus pa daṅ po ni bye ba stoṅ phrag brgya’i dge sloṅ ṅo ||
gñis pa la bye ba stoṅ phrag gcig go ||
gsum pa la bye ba phrag dgu bcu’o ||
ma’i spun gyi gźon nu kun dga’ bo źes bya ba bye ba phrag dgu bcu’i ’khor daṅ bcas pa ni chos ñan pa’i phyir (2) du’o | |ston pa’i ñe bar gnas pa rnams soṅ ṅo ||
ston pa de’i sṅon gyi gtam rnams go rims bźin du brjod par bya’o ||
de ’khor daṅ bcas pa so so yaṅ dag par rig pa daṅ dgra bcom pa thob bo ||
ston pa des rigs kyi bu rnams la sṅar gyi spyod pa rnams la blta źiṅ rdzu (3) ’phrul las byuṅ ba’i lhuṅ bzed daṅ chos gos rnams gzigs te | phyag g-yas pa brkyaṅ nas dge sloṅ rnams tshur śog cig ces gsuṅs pa daṅ | thams cad de ma thag ñid du rdzu ’phrul las byuṅ ba’i lhuṅ bzed daṅ chos gos bzuṅ nas gnas brtan lo drug cu lon pa (4) bźin du gyur te | cho ga phun sum tshogs par gyur nas ston pa la phyag byas te ’khor du gyur to ||
ji ltar gźan yaṅ saṅs rgyas gźan rnams la kun nas khru brgyad cu pa’i sku tshad ñid kyi ’od du gyur to ||
bcom ldan ’das de ñid kyi sku’i ’od de lta bu ñid ma yin gyi | dus rtag tu (5) stoṅ phrag bcu’i ’jig rten gyi khams su ’phro źiṅ gnas te | śiṅ daṅ sa daṅ ri daṅ rgya mtsho la sogs pa’i phyogs lhag ma rnams daṅ tshaṅ baṅ la stsogs pa gser gyis spras pa bźin no ||
sku tshe’i tshad ni stoṅ phrag dgu bcu’o ||
de rnams kyi lus la zla ba daṅ ñi ma la sogs pa la raṅ gi (6) ’od kyi snaṅ ba’i nus pa med do ||
mtshan mo daṅ ñin mo’i bye brag mi śes so ||
sems can rnams kyi ñin mo ñi ma śar ba bźin du saṅs rgyas kyi ’od kyis rtag tu ’gro bar byed do ||
mtshan mo me tog zum pa daṅ sṅa dro’i dus su bya rnams skad ’byin pa la sogs pa la brten nas ’jig rten (7) pas ñin mtshan śes par byed do ||
yaṅ dag par rdzogs pa’i saṅs rgyas gźan rnams la ci’i phyir ’di lta bu med pa yin nam | med pa ni ma yin te | de rnams kyis kyaṅ dgoṅs par gyur na stoṅ phrag bcu’i ’jig rten gyi khams su gyur pa’am de bas lhag par yaṅ ’od ’phro bar (204b1) byed do ||
slar yaṅ bcom ldan ’das bkra śis bzaṅ po sṅar gyi don du gñer ba’i dbaṅ gis te | gźan gyi ’od ’dom gaṅ ba bźin no ||
sku’i ’od kyis rgyun mi ’chaṅ pa ñid du stoṅ phrag bcu’i ’jig rten gyi khams khyab par byas nas gnas so ||
de’i byaṅ chub sems dpa’i spyod pa’i dus (2) na thams cad sgrol bźin du bdag ñid gnas so ||
de’i bu daṅ bu mor bcas pa ri bo bhaga bźin du ril bźugs so ||
de nas mche ba gcig pa gdug pa can gyi gnod sbyin źig gis skyes bu chen po sbyin pa gtoṅ źes thos nas bram ze’i gzugs kyis ñe bar soṅ ste sems dpa’ chen po’i druṅ (3) du bu daṅ bu mo sloṅ ṅo ||
sems dpa’ chen pos bram ze la bu daṅ bu mo sbyin no źes bsams nas dga’ ba daṅ tshim pas chu’i mthar thug pa’i sa rnams g-yos so ||
de nas gnod sbyin ’chag pa’i gnas kyi mthar tsog pur rgyab rten la ’dug ste sems dpa’ chen po la lta źiṅ ’dug go ||
(4) de la des bu daṅ bu mo byin pa daṅ des la phug zab bźin du bu daṅ bu mo zos nas | gnod sbyin gyis skyes bu chen po de la blta ste ||
kha gdaṅs nas me ’bar ba bźin du khrag gi rgyun ’bab bo ||
de’i kha mthoṅ nas kyaṅ skra’i rtse mo tsam gyi yid mi bde ba yaṅ ma skyes par ṅas byin pa śin tu (5) legs pa gcig go źes sems so ||
slar yaṅ lus la mchog tu dga’ ba chen po skyes so ||
de dag ’di la byin pa’i bsod nams kyi phan yon gyis ma ’oṅs pa na ’di lta bu’i rim pa’i ’od zer ’phro bar don du gñer ro ||
de la don du gñer ba’i rgyu mtshan gyis saṅs rgyas su gyur (6) nas sku’i ’od de phyi rol du ’phro źiṅ de rnams la khyab par gnas so ||
gźan yaṅ ’di’i sṅar gyi mdzad pa yod pas de byaṅ chub sems dpa’i dus su saṅs rgyas gcig gi sku gduṅ gi mchod rten mthoṅ nas saṅs rgyas ’di’i sku gduṅ la bdag gis ’tsho ba yoṅs su btaṅ na rigs so (7) sñam nas śiṅ ras kyis dkris pa bźin du lus thams cad go sa gźan gyis dkris śiṅ rin po che’i cod pan gyon nas ’bum phrag gcig ri ba’i gser gyi snod du mar gyis bkaṅ ste der ras ’de stoṅ phrag brgya btsugs nas mar me spar te mgo’i steṅ du bźag ciṅ lus thams cad kyaṅ ’bar (205a1) bar byas nas sku gduṅ gi mchod rten la bskor ba byed do ||
de ltar mtshan thog thag sṅa dro’i skya reṅs śar gyi bar du ’bad pa byed pa ñid kyi ba spu’i khuṅ bu tsam yaṅ dro bar ma gyur te pad ma’i tshal du bźugs pa bźin no ||
chos źes bya ba ’di raṅ ñid bsruṅ na chos bsruṅs par (2) ’gyur ro ||
de’i phyir gsuṅs pa | chos bźin bsruṅ na chos spyod de ||
chos kyis bsgral na chos bźin thob ||
legs par bsgral na chos phan yon ||
chos spyod ṅan ’gror mi ’gro’o ||
’di’i las kyi ’bras bu bcom ldan ’das de’i sku’i ’od kyis stoṅ phrag bcu’i ’jig rten (3) gyi khams khyab ciṅ gnas so ||
de’i tshe bdag cag ni byaṅ chub sems dpa’ śin tu sred pa źes bya ba’i bram zer gyur to ||
des ston pa mgron du gñer ba’i phyir druṅ du soṅ ste chos sñan po’i bśad pa thos nas btsun pa saṅ bdag gi gdugs tshod la byon par źu źes źus so ||
bram (4) mes dge sloṅ du tsam dgos źes gsuṅs pa daṅ | btsun pa ’khor daṅ bcas pa’i dge ’dun du tsam bdog ces źus so ||
de’i tshe ston pa’i ’dus pa daṅ po ñid tsam yod do ||
de’i phyir bye ba stoṅ phrag brgya yod ces gsuṅs so ||
btsun pa ’khor thams cad daṅ bcas pa bdag gi (5) khaṅ par gdugs tshod la byon par źu źes źus pa daṅ | bcom ldan ’das kyis gnaṅ ste bram zes saṅ don du gñer cig | khaṅ par ’gro źiṅ bsams pa | bdag gis dge sloṅ ’di rnams la thug pa daṅ zan daṅ gos la sogs pa ’bul bar nus so ||
bźugs pa’i gnas ji lta bu źes (6) bsams so ||
dpag tshad brgyad khri bźi stoṅ gi steṅ na gnas pa’i lha’i rgyal po’i la ba dmar po’i rdo lab la bźugs pa na dro bar gyur te | brgya byin gaṅ źig bdag gi gnas ’di ’dor ba’i sems su źig la yod sñam pa daṅ | lha’i dbaṅ pos lha’i mig gis bltas pas skyes bu (7) chen po de mthoṅ nas | ’di ltar śin tu sred pa’i bram zes saṅs rgyas la sogs pa dge sloṅ gi dge ’dun mgron du gñer te | bźugs pa’i gnas kyaṅ bsams kyi | bdag kyaṅ der phyin nas bsod nams kyi cha len par rigs so sñam nas śiṅ mkhan gyi gzugs su sprul te | ste’u (205b1) daṅ dgra sta blaṅs te skyes bu chen po’i mdun du gnas par gyur nas | gaṅ su źig kho bo la gla byin te las ka byed pa yod ces smras so ||
skyes bu chen pos gzigs te | gaṅ źig las ka byed nus źes gsuṅ ba daṅ | bdag gis mi śes pa’i bzo med do ||
khaṅ pa ’am | (2) bsti gnas sam | gaṅ źig cuṅ zad byed pa’i bzo de bdag gis byed kyaṅ yaṅ nus so źes zer ro ||
byaṅ chub sems dpas smras pa | de’i phyir ṅa la las su bya ba yod do ||
kho bos saṅ ’phags pa las bye ba phrag brgya ba’i dge sloṅ gi dge ’dun mgron du gñer to ||
(3) de rnams bźugs pa’i gnas byed par nus sam | smras pa bdag gis bgyi’o ||
bdag la gla ster bar nus sam | bu bdag gis nus so ||
legs so źes bya ba legs par byas so ||
phyin nas sa phyogs gcig bltas nas dpag tshad bcu gñis sam bcu gsum (4) pa’i tshad kyis phyogs gcig tu zad par sṅon po’i dkyil ’khor bźin du steṅ mñam par byas so ||
des ’di rnams kyi gnas tsam du rin po che sna bdun las byuṅ ba’i bsti gnas sa ’og nas phyuṅ nas bya’o źes bsam źiṅ blta’o ||
de ma thag par sa gźi brtol nas bsti gnas (5) grub bo ||
de ni gser las byuṅ ba’i ka ba rnams la dṅul las byuṅ ba’i ka źu’i steṅ du gser las byuṅ ba’i gduṅ ṅo ||
nor bu’i ka ba la byi ru’i raṅ bźin no ||
byi ru’i ka ba la nor bu’i raṅ bźin no ||
rin po che sna bdun las byuṅ ba’i ka ba la rin po che sna bdun las byuṅ ba’i (6) ka źu ñid do ||
de nas bsti gnas kyi bar bar du g-yer kha’i dra ba ’phyaṅ ba la blta źiṅ de bltas tsam ñid na dra ba ’phyaṅ ba | gaṅ la rluṅ gis bskyod pa de la yan lag lṅa pa’i rol mo sgra sñan sgrogs te | lha’i glu dbyaṅs sgrogs pa bźin no ||
bar bar du spos kyi phreṅ ba daṅ me (7) tog gi phreṅ ba ’phyaṅ ba la sems śiṅ phreṅ ba ’phyaṅ ba la’o ||
bye ba stoṅ phrag brgya’i dge sloṅ gi dge ’dun gyi graṅs kyis stan daṅ rgyab rten rnams sa gźi la brten nas byuṅ bar bsams so ||
de ma thag tu sa’i steṅ du grub bo ||
mtshams daṅ mtshams rnams su re rer chu’i stod (206a1) chen po grub pa bsams so ||
chu’i snod chen po de rnams grub bo ||
de dag thams cad sprul nas bram ze’i druṅ du soṅ nas ’phags pa ’dir byon la bsti gnas gzigs mdzod | bdag la gla sbyin par rigs so źes źus nas skyes bu chen po gśegs te bsti (2) gnas gzigs nas de ma thag tu brgya byin mi snaṅ bar gyur to ||
gzigs pa tsam na lus thams cad kha dog lṅa daṅ ldan pa la dga’ ba rgyun mi ’chad par ’phro bar gyur to ||
de nas bsti gnas gzigs nas ’di ltar yid la bsams so ||
bsti gnas ’di mir gyur pas (3) bsgrubs pa ma yin no ||
slar yaṅ bdag gi lhag pa’i bsam pa daṅ bdag gi yon tan rtogs pas ṅes par brgya byin gyi stan dro bar gyur nas brgya byin lha’i rgyal pos bsti gnas ’di byas par gyur to ||
de nas slar yaṅ ’di lta bu’i tshul gyi bsti gnas su ñi ma gcig ñid (4) la sbyin pa gtoṅ ba ni bdag gi rigs pa ma yin no ||
ñi ma bdun du bdag gis ster bar bsams so ||
phyi rol gyi sbyin pas ji tsam gyis kyaṅ byaṅ chub sems dpa’ rnams dgyes par mi nus so ||
rgyan gyis brgyan pa’i mgo bo bcad pa daṅ dri ma med pa’i mig bton pa daṅ (5) sñiṅ gi śa bregs pa’am bcad nas byin pa’i dus su byaṅ chub sems dpa’ btaṅ ba’i dgyes par ’gyur ro ||
bdag cag byaṅ chub sems dpa’ rnams kyi yaṅ śa si bi’i skyes rabs las ñi ma re rer doṅ tse khal lṅa lṅa ri ba’i rin gyis ños nas sgo bźi daṅ groṅ khyer gyi dbus (6) su sbyin pa gtoṅ ṅo ||
de’i sbyin pa de gtoṅ bas yoṅs su tshim pa med do ||
slar yaṅ gaṅ gi tshe brgya byin lha’i rgyal po bram ze’i gzugs kyi sa ’oṅs nas mig bslaṅs so ||
de’i tshe de’i mig bton nas ster ba ñid kyis dgyes par ’gyur ro ||
skra’i rtse mo tsam yaṅ (7) sems la sdug bsṅal bar mi ’gyur ro ||
de bźin du sbyin pa’i rgyus byaṅ chub sems dpa’ la tshim pa med do ||
de’i phyir skyes bu chen po de yaṅ źag bdun du bdag gis bye ba stoṅ phrag brgya’i graṅs kyi dge sloṅ gi dge ’dun rnams la sbyin pa gtoṅ bar rigs so źes bsams (206b1) so | |de’i bsti gnas su bźugs nas źag bdun du dga’ ba p na źes bya ba’i sbyin pa byin no ||
dga’ ba can źes pa ni ches che ba’i snod śin tu che ba ’o mas bkaṅ nas tshaṅ baṅ chen po’i steṅ du bźag nas mes ’o ma śin tu bska bar bskol te ’bras cuṅ zad btab nas (2) btsos te sbraṅ daṅ dkar ba’i phye ma daṅ mar gsar pa rnams btsos pa’i bza’ ba’i ’o thug ni dga’ ba p na źes brjod do ||
mi rnams kyis ’dren par ma nus na lha rnams kyis kyaṅ bar bar du ’dren no ||
dpag tshad bcu gñis sam bcu gsum pa’i tshad kyi gnas su dge (3) sloṅ rnams ma śoṅ na | slar yaṅ dge sloṅ de rnams raṅ raṅ gi mthus bźugs so ||
źag bdun gyi mthar dge sloṅ thams cad kyi lhuṅ bzed bkrus nas sman gyi phyir du mar gsar pa daṅ źun mar daṅ sbraṅ daṅ bu ram bskol ba’i chu rnams kyis lhuṅ bzed bkaṅ nas chos (4) gos gsum daṅ bcas pa phul lo ||
dge ’dun gźon nu rnams kyis dge sloṅ gis thob pa’i chos gos kyi rgyu’i ras ’bum phrag gcig ri ba thob par gyur to ||
ston pas rjes su yi raṅ ba mdzad do ||
skyes bu ’dis ’di lta bu’i tshul gyis sbyin pa chen po byin no ||
gaṅ (5) gi don du ’gyur źes rtog par byed do ||
ma ’oṅs pa’i bskal pa ’bum phrag gcig lhag pa’i graṅs med pa gñis ’das pa na gau ta ma źes bya ba’i saṅs rgyas su ’gyur źes gzigs te | skyes bu chen po bos nas khyod kyi dus ’di rnams ’das nas gau ta ma źes bya ba’i (6) saṅs rgyas su ’gyur ro źes luṅ bstan no ||
skyes bu chen pos luṅ bstan pa thos nas bdag ni saṅs rgyas su ’gyur bas | bdag khyim na gnas pa la don med kyis rab tu ’byuṅ ṅo sñam du bsams so ||
de de lta bu’i tshul daṅ ldan pas mchil ma dor ba bźin (7) du khyim spaṅs nas ston pa’i druṅ du rab tu byuṅ źiṅ byuṅ nas saṅs rgyas kyi gsuṅ rab bslabs nas mṅon par śes pa daṅ | sñoms par ’jug pa bskyed de | tshe’i mthar tshaṅs pa’i ’jig rten du skyes so ||
gźan yaṅ bcom ldan ’das bkra śis bzaṅ po’i groṅ (207a1) khyer mchog ces bya bar gyur to ||
yab ni mchog gi rgyal po’o ||
yum ni mchog ma źes bya ba’o ||
ltaṅ bzaṅ daṅ chos kyi sde gñis ni ñan thos kyi mchog go ||
bskyaṅ ba źes bya ba ni ñe gnas so ||
źi byed len daṅ | mya ṅan med gñis ni ñan thos ma’i mchog go ||
byaṅ chub śiṅ na (2) klu śiṅ ṅo ||
sgyu’i mtho tshad du khru brgyad cu rtsa brgyad pa’o ||
stoṅ phrag dgu bcu’i lo ni sku tshe’i chad do ||
stoṅ phrag dgu bcu bźugs nas mya ṅan las ’das so ||
saṅs rgyas mya ṅan las ’das nas slar yaṅ de ma thag par stoṅ phrag bcu’i khor yug gi phyogs kun mun par gyur to ||
khor yug (3) thams cad kyi mi rnams cho ṅes chen po ’debs so ||
’jig rten ’dren pa bkra śis bzaṅ ||
’jig rten naṅ gi mun bsal nas ||
chos kyi snaṅ ba’i ’od bkye’o ||
de bźin du stoṅ phrag bcu’i ’jig rten gyi khams mun nag tu byas nas mya ṅan las ’das so ||
bcom ldan ’das de’i ’og (4) gi char yid bzaṅs źes bya ba’i ston pa byon no ||
de’i yaṅ ñan thos kyi ’dus pa gsum ste | ’dus pa daṅ po la bye ba stoṅ phrag brgya’i dge sloṅ ṅo ||
’dus pa gñis pa la gser gyi ril bye ba stoṅ phrag dgu bcu’o ||
gsum pa la bye ba stoṅ phrag brgyad cu’o ||
de’i tshe sems dpa’ chen po klu’i rgyal (5) po mñam med ces bya bar gyur to ||
rdzu ’phrul gyi mthu daṅ ldan źiṅ des saṅs rgyas byon pa thos nas gñen gyi grogs rnams ’khor du byas te | klu’i gnas nas ’thon te | bye ba stoṅ phrag brgya’i dge sloṅ gi ’khor daṅ bcas pa’i bcom ldan ’das la lha’i rol mos ñe bar mchod nas sbyin pa chen po phul lo ||
so so la (6) lha’i gos gñis gñis phul bas skyabs su ’gro ba’i tshul khrims la gnas so ||
de yaṅ ston pa des ma ’oṅs pa na saṅs rgyas su ’gyur bar luṅ bstan no ||
bcom ldan ’das de’i groṅ khyer dge ba can źes bya bar gyur te | legs byin źes bya ba’i rgyal po ni yab bo ||
dpal ldan ma źes bya ba ni sum mo ||
ṅes (7) ’gro daṅ goms byed ni ñan thos kyi mchog go ||
’char byed ni ñe gnas so ||
ñan pa daṅ ñe bar ñan pa gñis ni ñan thos ma’i mchog go ||
byaṅ chub kyi śiṅ ni klu śiṅ ṅo ||
sku’i mtho tshad du khru drug cu’o ||
sku tshe’i tshad ni lo stoṅ phrag dgu bcu’o ||
bkra śis bzaṅ po’i ’og tu ni ||
’dren pa thugs bzaṅ źes (207b1) bya ba ||
chos rnams kun la mtshuṅs med pa ||
sems can kun gyi mchog yin no ||
de’i yaṅ ’og gi char nam gru can gyi ston pa źes bya ba byon no ||
de’i ’dus pa gsum du ’gyur te | ’dus pa daṅ po la bgrad du med pa źes bya ba’o ||
gñis pa la bye ba stoṅ phrag brgya’i dge sloṅ ṅo ||
de bźin du gsum pa yaṅ ṅo ||
de’i (2) tshe byaṅ chub sems dpa’ lhag pa’i lha źes bya ba’i bram zer gyur to ||
ston pa’i chos bśad pa thos nas skyabs su ’gro ba’i tshul khrims la gnas so ||
mgo’i steṅ du thal mo sbyar nas ston pa la de’i ñon moṅs rnams spoṅ pa’i bsṅags pa brjod nas bla gos kyis mchod pas de yaṅ saṅs rgyas su ’gyur ro źes (3) luṅ bstan to ||
slar yaṅ de’i bcom ldan ’das kyi groṅ khyer ni nam gru bzaṅ ldan źes bya bar gyur to ||
yab ni śin tu rgyas pa źes bya ba’i rgyal po’o ||
yum ni śin tu rgyas ma źes bya ba’o ||
chu lha daṅ lha tshaṅs pa ni ñan thos kyi mchog go ||
yaṅ dag ’byuṅ źes bya ba ni ñe gnas so ||
bzaṅ mo daṅ legs bzaṅ mo (4) ni ñan thos ma’i mchog go ||
byaṅ chub kyi śiṅ ni klu śiṅ ṅo ||
sku mtho tshad pu bru brgyad cu’o ||
sku tshe’i tshad ni lo stoṅ phrag drug cu’o ||
thugs bzaṅ gi ni ’og tu ni ||
’dren pa nam gru can źes bya ||
mtshuṅs pa med ciṅ dpe med par ||
rgyal ba mñam med mchog tu gyur ||
de’i ’og gi char mdzes byed ces bya ba’i (5) ston pa byon no ||
de’i ’dus pa gsum du gyur te | ’dus pa daṅ po la bye ba brgya’i dge sloṅ ṅo ||
gñis pa la bye ba dgu bcu’o ||
gsum pa la bye ba brgyad cu’o ||
de’i tshe byaṅ chub sems dpa’ mi pham pa źes bya ba’i bram zer gyur to ||
ston pa’i chos bstan pa tos nas skyabs su ’gro ba’i tshul khrims la (6) gnas so ||
saṅs rgyas la sogs pa’i dge sloṅ gi dge ’dun la sbyin pa chen po btaṅ ṅo ||
des yaṅ saṅs rgyas su ’gyur bar luṅ bstan no ||
slaṅ yaṅ bcom ldan ’das de’i groṅ khyer chos bzaṅ źes bya bar gyur to ||
yab ni chos bzaṅ rgyal po’o ||
yum ni chos bzaṅ ma źes bya ba’o ||
mtshuṅs med daṅ (7) legs spyan ni ñan thos kyi mchog go ||
yid ldan ni ñe gnas so ||
rig ma daṅ legs skyes ma ni ñan thos ma’i mchog go ||
byaṅ chub kyi śiṅ ni klu śiṅ ñid do ||
sku mtho tshad du kru lṅa bcu rtsa brgyad do ||
sku tshe’i tshad ni lo stoṅ phrag dgu bcu’o ||
nam gru can gyi ’og tu ni ||
’dren pa mdzes byed ces bya ba ||
mñam (208a1) par bźag ciṅ thugs ni źi ||
gaṅ zag zla med mtshuṅs med do ||
de’i ’og gi char bskal pa graṅs med pa gcig ’das nas bskal pa gcig gi naṅ du saṅs rgyas gsum byon no ||
thugs ldan mthoṅ ba daṅ | pad ma daṅ mi sbyin no ||
bcom ldan ’das thugs ldan mthoṅ gi ’dus pa (2) gsum du gyur te | daṅ po la dge sloṅ ’bum phrag gcig go ||
gñis pa la ’bum phrag bdun no ||
gsum pa la ’bum phrag drug go ||
de nas byaṅ chub sems dpa’ gnod sbyin gcig tu gyur to ||
rdzu ’phrul daṅ mthu chen po daṅ ldan pa’i bye ba stoṅ phrag brgya du ma’i gnod sbyin rnams kyi bdag (3) por gyur to ||
des bcom ldan ’das byon pa thos nas ’oṅs te saṅs rgyas la sogs pa’i dge sloṅ gi dge ’dun la sbyin pa chen po btaṅ ṅo ||
ston pas kyaṅ ma ’oṅs pa’i saṅs rgyas su ’gyur ro źes luṅ bstan no ||
gźan yaṅ bcom ldan ’das thugs ldan mthoṅ gi groṅ khyer nil ba can źes bya bar (4) ’gyur ro ||
yab ni grags ldan rgyal po’o ||
yum ni grags ’dzin ma’o ||
ṅes bzaṅ daṅ yid ldan ni ñan thos kyi mchog go ||
legs mdzes daṅ yid bzaṅ ma ni ñan thos ma’i mchog go ||
byaṅ chub kyi śiṅ ni srid sgrub kyi śiṅ ṅo ||
sku’i mtho tshad khru lṅa bcu rtsa brgyad do ||
’bum phrag gcig (5) gi lo ni sku tshe’i tshad do ||
mdzes byed kyi ni ’og tu ni ||
rkaṅ gñis mchog gi rdzogs saṅs rgyas ||
thugs bzaṅ mthoṅ daṅ ’chi med grags ||
gzi brjid ldan źiṅ riṅ mthoṅ ṅo ||
de’i ’og gi char pad ma źes bya ba’i ston pa byon no ||
de’i yaṅ ’dus pa gsum du ’gyur te | ’dus pa daṅ po la bye ba ’bum phrag gcig gi dge (6) sloṅ ṅo ||
gñis pa la ’bum phrag gsum mo ||
gsum pa la groṅ med pa’i dgon par gnas tshal chen po na dge sloṅ ’bum phrag gñis gnas so ||
de’i tshe de bźin gśegs pa yaṅ de’i nags tshal chen por bźugs pa’i tshe byaṅ chub sems dpa’ seṅ ger skyes par gyur to ||
ston pas ’gog pa la sñoms par (7) źugs so ||
źugs par mthoṅ nas sems rab tu daṅ bas phyag byas nas bskor ba byas te | dga’ ba daṅ yid bde ba skyes so ||
lan gsum du seṅ ge’i sgra sgrogs so ||
źag bdun du saṅs rgyas kyi phyir du dga’ ba ma spaṅs pas dga’ ba daṅ bde ba ñid kyi spyod yul du ma phyin par srog yoṅs su btaṅ ṅo sñam ste (208b1) blta źiṅ ’dug go ||
ston pa źag bdun nas ’gog pa’i sñoms par ’jug pa las laṅs nas | seṅ ge la blta źiṅ dge sloṅ gi dge ’dun rnams kyis kyaṅ sems daṅ par byas nas dge ’dun la phyag byed do źes brjod ciṅ dge sloṅ gi dge ’dun śog ces bsams te dge sloṅ rnams de ma thag tu byon no ||
(2) seṅ ges dge ’dun la sems rab tu daṅ bar byed do ||
ston pas de’i sems la brtags te ma ’oṅs pa na saṅs rgyas su ’gyur ro źes luṅ bstan no ||
slar yaṅ bcom ldan ’das pad ma’i groṅ ni tsam pa ka źes bya bar ’gyur ro ||
yab ni pad ma’i rgyal po’o ||
yum ni mtshuṅs med ma źes bya’o ||
(3) s la daṅ u pa s la ni ñan thos kyi mchog go ||
chu lha źes bya ba ni ñe gnas so ||
dga’ ma daṅ śin tu dga’ ma ni ñan thos ma’i mchog go ||
byaṅ chub gyi śiṅ ni sro na’i śiṅ ṅo ||
sku’i mtho tshad du khru lṅa bcu rtsa brgyad do ||
sku tshe’i tshad ni lo stoṅ phrag gcig go ||
thugs ldan mthoṅ gi ’og tu ni ||
rkaṅ (4) gñis mchog gi rdzogs saṅs rgyas ||
mtshan ni pad ma źes bya ba ||
gaṅ zag zla med mtshuṅs med do ||
de’i ’og tu mi sbyin źes bya ba’i ston pa byon no ||
de’i yaṅ ’dus pa gsum du ’gyur te | ’dus pa daṅ po la bye ba stoṅ phrag brgya’i dge sloṅ ṅo ||
gñis pa la bye ba ’bum phrag dgu (5) bcu’o ||
gsum pa la bye ba brgyad cu daṅ ’bum phrag gcig go ||
de’i tshe byaṅ chub sems dpa’ draṅ sroṅ gis rab tu byuṅ ste mṅon par śes pa lṅa daṅ sñoms par ’jug pa brgyad po dbaṅ du gyur te saṅs rgyas la sogs pa’i dge sloṅ gi dge ’dun la sbyin pa chen po btaṅ nas | tsan (6) dan dmar pos mchod nas de yaṅ des ma ’oṅs pa na saṅs rgyas par ’gyur ro źes luṅ bstan to ||
bcom ldan ’das de’i groṅ khyer ni ’byor ldan źes bya bar ’gyur ro ||
yab ni blo gros bzaṅ po źes bya ba’i rgyal po’o ||
yum ni yid ldan ma źes bya ba’o ||
s la bzaṅ po daṅ rgyal byed (7) bśes gñen ni ñan thos kyi mchog go ||
gnas mchog ni ñe gnas so ||
mchog ma daṅ ’bras bu can ma ni ñan thos ma’i mchog go ||
byaṅ chub kyi śiṅ ni sro na chen po’o ||
sku’i mtho tshad du khru brgyad cu rtsa brgyad pa’o ||
sku tshe’i tshad ni lo stoṅ phrag dgu bcu’o ||
pad ma yi ni (209a1) ’og tu ni ||
rkaṅ gñis mchog gi rdzogs saṅs rgyas ||
mtshan ni mi sbyin źes bya ba ||
gaṅ zag zla med mtshuṅs med do ||
saṅs rgyas mi sbyin gyi ’og gi char ’di nas bskal pa ’bum phrag gcig gi mgo nas brtsams te bskal pa gcig ñid kyi (2) naṅ du saṅs rgyas pad ma mchog ces bya ba byon no ||
de’i yaṅ ’dus pa gsum du ’gyur te | ’dus pa daṅ po la bye ba stoṅ phrag brgya’i dge sloṅ ṅo ||
gñis pa la bai bh ra’i ril bye ba stoṅ phrag dgu bcu’o ||
gsum pa la bye ba stoṅ phrag brgyad cu’o ||
de’i tshe byaṅ chub sems (3) dpa’ ral ba can źes bya ba’i yul ’khor chen por skyes so ||
saṅs rgyas la sogs pa’i dge ’dun rnams la chos gos daṅ bcas pa’i sbyin pa chen po btaṅ ṅo ||
de yaṅ ṅes ma ’oṅs pa na saṅs rgyas par ’gyur ro źes luṅ bstan no ||
gźan yaṅ bcom ldan ’das pad ma mchog gi (4) dus su mu stegs źes bya ba’i miṅ yaṅ med do ||
lha daṅ mi thams cad saṅs rgyas la skyabs su ’gro ba’o ||
de’i groṅ khyer ni daṅ ba ldan źes bya bar ’gyur ro ||
yab ni kun dga’ bo źes bya ba’i rgyal po’o ||
yum ni legs ma źes bya ba’o ||
lha’i spyan daṅ legs skyes ni ñan thos kyi mchog go ||
(5) yid bzaṅ źes bya ba ni ñe gnas so ||
grogs med ma daṅ mtshuṅs med ma ni ñan thos ma’i mchog go ||
byaṅ chub kyi śiṅ ni ś la’i śiṅ ñid do ||
sku’i mtho tshad du khru brgyad cu rtsa brgyad do ||
sku’i ’od kun nas ’khor ba la dpag tshad bcu gñis so ||
sku tshe’i tshad ni lo ’bum phrag gcig (6) go | |mi sbyin gyi ni ’og ñid du ||
rkaṅ gñis mchog gi rdzogs saṅs rgyas ||
rgyal ba pad ma mchog źes pa ||
mi ’khrugs rgya mtsho lta bu’o ||
de’i ’og gi char bskal pa stoṅ phrag gsum ’das nas | blo gros bzaṅ po daṅ legs skyes źes bya ba ni bskal pa gcig gi naṅ du saṅs rgyas (7) gñis su gyur to ||
blo gros bzaṅ po’i yaṅ ñan thos kyi ’dus pa gsum du ’gyur te | ’dus pa daṅ po la groṅ khyer blta na sdug ces bya ba na bye ba brgya’i zag pa zad pa’o ||
’dus pa gñis pa la yaṅ bye ba dgu bcur ’gyur ro ||
’dus pa gsum pa la ni bye ba brgyad cu’o ||
de’i tshe (209b1) byaṅ chub sems dpa’ lus mchog ces bya ba bram ze’i khye’ur gyur to ||
sa’i ’og tu gter du bcug pa ñid bye ba brgyad cu’i nor rnams spel nas saṅs rgyas la sogs pa’i dge sloṅ gi dge ’dun la sbyin pa chen po phul te chos mñan nas skyabs su ’gro ba’i sdom pa la gnas so ||
(2) rab tu byuṅ nas nags tshal du byon no ||
de yaṅ ma ’oṅs pa na saṅs rgya bar luṅ bstan no ||
bcom ldan ’das blo gros bzaṅ po’i groṅ khyer ni blta na sdug ces bya bar gyur to ||
yab ni legs sbyin źes bya ba’i rgyal po’o ||
yum ni legs sbyin ma źes bya ba’o ||
ṅes ’byuṅ daṅ thams (3) cad ’dod ni ñan thos kyi mchog go ||
rgya mtsho źes bya ba ni ne gnas so ||
dga’ ma daṅ śin tu dga’ ma ni ñan thos ma’i mchog go ||
byaṅ chub kyi śiṅ ni śiṅ nI pa chen po’o ||
sku mtho tshad du khru brgyad cu rtsa brgyad do ||
sku tshe’i tshad ni lo stoṅ phrag dgu bcu’o ||
pad ma mchog gi ’og tu ni ||
(4) ’dren pa blo bzaṅ źes bya ba ||
’od zer drag ciṅ riṅ la sems ||
thub pa ’jig rten kun gyi mchog | de’i ’og gi char legs skyes źes bya ba’i ston pa byon no ||
de’i yaṅ ñan thos kyi ’dus pa gsum du gyur te | ’dus pa daṅ po la dge sloṅ stoṅ phrag drug cu’o ||
gñis pa la stoṅ (5) phrag lṅa bcu’o ||
gsum pa la stoṅ phrag bźi bcu’o ||
de’i tshe byaṅ chub sems dpa’ ’khor los sgyur ba’i rgyal por gyur te | saṅs rgyas byon źes thos nas ñe bar soṅ ste | chos thos nas saṅs rgyas la sogs pa’i dge ’dun la rin po che sna bdun daṅ bcas pa’i gliṅ chen po (6) bźi’i rgyal srid sbyin par btaṅ nas | ston pa’i druṅ du rab tu byuṅ ṅo ||
yul thams cad na gnas pa’i yul du skyes pa’i nor blaṅs nas gtsug lag khaṅ rnams rdzogs par bya ste | saṅs rgyas la sogs pa’i dge sloṅ rnams la sbyin pa chen po phul lo ||
de yaṅ ma ’oṅs pa na ston pas saṅs (7) rgyas par ’gyur ro źes luṅ bstan no ||
bcom ldan ’das de’i groṅ khyer ni bkra śis bzaṅ po źes bya bar gyur to ||
yab ni drag po źes bya ba’i rgyal po’o ||
yum ni ’od ldan ma źes bya ba’o ||
blta na sdug daṅ lha gñis ni ñan thos kyi mchog go ||
mi sbyin ni ñe gnas so ||
glu ma daṅ glu ma’i phreṅ ba (210a1) daṅ bcas pa ni ñan thos ma’i mchog go ||
byaṅ chub kyi śiṅ ni ’od ma chen po’o ||
de’i naṅ bug pa phra mo can no ||
steṅ na yal ga rma bya’i gdugs ltar mdzes pa’i ’dab ma can no ||
bcom ldan ’das de’i sku’i mtho tshad du khru lṅa bcu’o ||
sku tshe’i tshad ni (2) lo stoṅ phrag dgu bcu’o ||
sñiṅ po’i bskal pa de ñid la ||
’dren pa legs skyes źes bya ba ||
khyu mchog dpuṅ pa seṅ ge’i ’gram ||
riṅ la sems źiṅ gźal du med ||
de’i ’og gi char ’di nas bskal pa brgya daṅ bcwa brgyad kyi mgo nas brtsams nas bskal pa gcig la dga’ (3) mthoṅ daṅ | don mthoṅ daṅ | chos mthoṅ ste saṅs rgyas gsum byon no ||
dga’ mthoṅ gi yaṅ ñan thos ’dus pa gsum du ’gyur te | ’dus pa daṅ po la bye ba stoṅ phrag brgya’i dge sloṅ ṅo ||
gñis pa la bye ba dgu bcu’o ||
gsum pa la bye ba brgyad cu’o ||
de’i tshe byaṅ chub sems dpa’ ’od (4) sruṅ źes bya ba’i bram ze’i khye’ur gyur to ||
rig byed gsum gyi pha rol tu phyin nas ston pa’i chos bstan pa thos te bye ba stoṅ phrag brgya’i nor yoṅs su btaṅ nas dge ’dun gyi gtsug lag khaṅ byed ciṅ skyabs su soṅ nas tshul khrims la gnas so ||
de nas ston pas bskal pa brgya daṅ bcwa brgyad (5) ’das nas saṅs rgyas su ’gyur ro źes luṅ bstan no ||
bcom ldan ’das de’i groṅ khyer ni yid ldan źes bya bar gyur to ||
yab ni legs sbyin źes bya ba’i rgyal po’o ||
yum ni zla ba ma źes bya ba’o ||
bskyaṅs pa daṅ kun mthoṅ gñis ni ñan thos kyi mchog go ||
mdzes byed ni ñe gnas so ||
(6) legs skyes ma daṅ chos sbyin ma gñis ni ñan thos ma’i mchog go ||
byaṅ chub kyi śiṅ ni pri yaM ku’i śiṅ ṅo ||
sku’i mtho tshad du khru brgyad cu’o ||
sku tshe’i tshad ni lo stoṅ phrag dgu bcu’o ||
legs skyes kyi ni ’og tu ni ||
raṅ byuṅ ’jig rten ’dren pa ñid ||
mtshuṅs daṅ mi mtshuṅs riṅ (7) du sems ||
dga’ mthoṅ grags pa chen po’o ||
de’i ’og gi char bcom ldan ’das don mthoṅ źes bya ba byon no ||
de’i yaṅ ñan thos kyi ’dus pa gsum du ’gyur te | ’dus pa daṅ po la ’bum phrag dgu bcu rtsa brgyad kyi dge sloṅ ṅo ||
gñis pa la ’bum phrag brgyad cu rtsa (210b1) brgyad do ||
de bźin du gsum pa la yaṅ ṅo ||
de’i tshe byaṅ chub sems dpa’ mtshams bzaṅ źes bya ba rdzu ’phrul daṅ ldan pa’i dka’ thub par gyur to ||
lha’i ’jig rten gyi man d ra ba’i me tog gi gdugs blaṅs nas ston pa la mchod do ||
de yaṅ des luṅ bstan (2) no | |bcom ldan ’das de’i groṅ khyer ni mdzes byed ces bya bar gyur to ||
yab ni rgya mtsho źes bya ba’i rgyal po’o ||
yum ni blta na sdug ma’o ||
źi ba daṅ ñe bar źi ba ni ñan thos kyi mchog go ||
’jigs med ni ñe gnas so ||
chos ma daṅ chos bzaṅ ma ni ñan thos ma’i (3) mchog go ||
byaṅ chub kyi śiṅ ni tsam pa ka’i śiṅ ṅo ||
sku’i mtho tshad du khru brgyad cu rtsa brgyad do ||
sku’i ’od kun nas ’khor ba la dus thams cad du dpag tshad gcig gi bar du khyab ciṅ gnas so ||
sku tshe’i tshad ni lo ’bum phrag gcig go ||
sñiṅ po’i bskal pa de ñid (4) la | |don mthoṅ mi yi khyu mchog ni ||
mun pa chen po bsal nas ni ||
yaṅ dag byaṅ chub mchog thob bo ||
de’i ’og gi char chos mthoṅ źes bya ba’i ston pa byon no ||
de’i yaṅ ñan thos ’dus pa gsum du ’gyur te | ’dus pa daṅ po la bye ba brgya’i dge sloṅ ṅo ||
gñis pa (5) la bye ba bdun cu’o ||
gsum pa la bye ba brgyad cu’o ||
de’i tshe byaṅ chub sems dpa’ lha’i rgyal po brgya byin du gyur to ||
lha’i dri bzaṅ daṅ me tog daṅ lha’i rol mo rnams kyis mchod de | de yaṅ ma ’oṅs pa na saṅs rgya bar luṅ bstan to ||
bcom ldan ’das de’i groṅ khyer ni (6) skyabs źes bya bar gyur to ||
yab ni skyabs kyi rgyal po źes bya’o ||
yum ni śin tu dga’ ma źes bya ba’o ||
pad ma daṅ lhar gyur pa ni ñan thos kyi mchog go ||
legs spyan źes bya ba ni ñe gnas so ||
dge ma daṅ bde na ma źes bya ba ni ñan thos ma’i mchog go ||
byaṅ chub kyi śiṅ ni pim pa dz (7) la’i śiṅ ṅo ||
sku’i mtho tshad du khru brgyad cu’o ||
sku tshe’i tshad ni lo ’bum phrag gcig go ||
sñiṅ po’i bskal pa de ñid la ||
chos mthoṅ grags pa chen po yis ||
mun pa chen po bcom nas ni ||
lha daṅ bcas pa snaṅ bar mdzad ||
de’i ’og gi char ’di nas bskal pa dgu bcu rtsa bźi nas mgo (211a1) brtsams nas bskal pa gcig la don grub źes bya ba’i saṅs rgyas gcig byon no ||
de’i yaṅ ñan thos kyi ’dus pa gsum du ’gyur te | ’dus pa daṅ po la bye ba ’bum phrag gcig gi dge sloṅ ṅo ||
gñis pa la bye ba dgu bcu’o ||
gsum pa la bye ba brgyad cu’o ||
de’i tshe byaṅ chub sems dpa’ gzi (2) brjid drag po daṅ | mṅon par śes pa’i stobs daṅ ldan pa’i dka’ thub pa bkra śis bzaṅ po źes bya bar gyur to ||
śiṅ ’dzam bu chen po’i ’bras bu blaṅs nas de bźin gśegs pa la phul lo ||
ston pas ’bras bu de gsol nas bskal pa dgu bcu rtsa bźi’i ’og tu byaṅ chub sems dpa’ ma ’oṅs pa na saṅs (3) rgyas su ’gyur ro źes luṅ bstan no ||
bcom ldan ’das de’i groṅ khyer ni bai bh ra źes bya bar gyur to ||
yab ni rgyal ba’i sde źes bya ba’i rgyal po’o ||
yum ni legs gyur ma źes bya ba’o ||
maṅ du ’byuṅ daṅ bśes gñen bzaṅ po ni ñan thos kyi mchog go ||
nam gru can ni ñe gnas so ||
źi byed len ma daṅ legs (4) brtan ma ni ñan thos ma’i mchog go ||
byaṅ chub kyi śiṅ ni ka rni ka’i śiṅ ṅo ||
sku’i mtho tshad ni khru drug cu’o ||
sku tshe’i tshad ni lo ’bum phrag gcig go ||
chos mthoṅ gi ni ’og ñid du ||
’jig rten ’dren pa don grub kyi ||
mun pa thams cad bcom nas ni ||
nam mkhar ñi ma śar ba bźin ||
de’i ’og gi char ’di nas (5) bskal pa ’bum phrag dgu bcu rtsa gñis nas mgo brtsams nas bskal pa gcig la dkar rgyal daṅ gyur pa źes bya ba’i saṅs rgyas gñis byon no ||
bcom ldan ’das dkar rgyal de’i yaṅ ’dus pa gsum du ’gyur te | ’dus pa daṅ po la bye ba brgya’i dge sloṅ ṅo ||
gñis pa la bye ba dgu bcu’o ||
gsum pa la (6) bye ba brgyad cu’o ||
de’i tshe byaṅ chub sems dpa’ loṅs spyod chen po daṅ grags pa chen po daṅ ldan pa’i legs skyes źes bya ba’i rgyal rigs su gyur pa dka’ thub pa’i rab tu byuṅ pa la rab tu byuṅ nas rdzu ’phrul daṅ ldan par gyur te saṅs rgyas byon pa thos nas lha’i me tog man d ra ba daṅ pad ma daṅ p ritstsha ttra’i me tog rnams (7) blaṅs nas ’khor bźi’i naṅ du gśegs pa’i de bźin gśegs pa la mchod nas | nam mkha’ me tog gi bla res bres so ||
saṅs rgyas des yaṅ ’di nas bskal pa dgu bcu rtsa gñis nas ’tshaṅ rgya bar ’gyur ro źes luṅ bstan to ||
bcom ldan ’das de’i groṅ khyer ni dge ma źes bya ba’o ||
yab ni skye bo dad pa can (211b1) źes bya ba’i rgyal po’i rigs so ||
yum ni pad ma źes bya ba’o ||
tshaṅs pa’i lha daṅ ’char byed ni ñan thos kyi mchog go ||
yaṅ dag mchog ni ñe gnas so ||
myur ma daṅ legs sbyin ma ni ñan thos ma’i mchog go ||
byaṅ chub kyi śiṅ ni a sa na’i śiṅ ṅo ||
sku’i mtho tshad la khru drug cu’o ||
sku tshe’i tshad ni lo ’bum phrag (2) gcig go | don grub kyi ni ’og ñid du ||
gaṅ zag zla med mtshuṅs med pa ||
tshul khrims dpag med mtha’ yas grags ||
’jig rten ’dren pa dkar rgyal mchog | de’i ’og gi char gyur pa źes bya ba’i ston pa byon no ||
de’i yaṅ ’dus pa gsum du ’gyur te | ’dus pa daṅ po la ’bum phrag drug cu’i dge sloṅ ṅo ||
(3) gñis pa la ’bum phrag lṅa bcu’o ||
gsum pa la ’bum phrag sum cu rtsa gñis so ||
de’i tshe byaṅ chub sems dpa’ rnam par rgyal byed źes bya ba’i rgyal rigs su gyur te | rgyal po chen po’i rgyal rigs spaṅs nas ni ston pa’i druṅ du rab tu byuṅ ste sde snod gsum bslabs nas skye bo maṅ po la dam pa’i chos ston ciṅ ’chad (4) pa daṅ tshul khrims kyi pha rol tu phyin pa rdzogs par byas nas de yaṅ de bźin du ’tshaṅ rgya bar ’gyur ro źes luṅ bstan to ||
bcom ldan ’das de’i groṅ khyer ni gsal ldan źes bya bar gyur to ||
yab ni rgyal ba’i sde źes bya ba’i rgyal po’o ||
yum ni dpal ldan ma źes bya’o ||
legs bsraṅs daṅ chos kyi sde ni ñan thos (5) kyi mchog go ||
’jigs bcas ni ñe gnas so ||
phreṅ ba ma daṅ ñe ba’i phreṅ ba ma ni ñan thos ma’i mchog go ||
byaṅ chub kyi śiṅ ni skyu ru ra’i śiṅ ṅo ||
sku’i mtho tshad du khru lṅa bcu rtsa brgyad do ||
sku tshe’i tshad ni lo stoṅ phrag dgu bcu’o ||
sñiṅ po’i bskal pa de ñid la ||
ston pa bla na med par gyur ||
mtshuṅs daṅ mi (6) mtshuṅs dpe med pa ||
’jig rten mchog gi ’dren par gyur ||
de’i ’og gi char ’di nas bskal pa dgu bcu rtsa gcig la bcom ldan ’das rnam par gzigs źes bya ba byon no ||
de’i yaṅ ’dus pa gsum du gyur te | ’dus pa daṅ po la dge sloṅ ’bum phrag dgu bcu rtsa brgyad do ||
gñis pa la ’bum (7) phrag gcig go ||
gsum pa la stoṅ phrag brgyad cu’o ||
de’i tshe byaṅ chub sems dpa’ rdzu ’phrul ldan źiṅ mthu che bas mtshuṅs pa med pa’i klu’i rgyal por gyur te | rin po che sna bdun gyis brgyan pa’i gser gyi ba dan chen po bcom ldan ’das la phul lo ||
des yaṅ ’di nas bskal pa dgu (212a1) bcu rtsa gcig nas saṅs rgya bar ’gyur ro źes luṅ bstan no ||
bcom ldan ’das de’i groṅ khyer ni blo gros gñen źes bya bar gyur to ||
yab ni gñen gyi rgyal po źes bya ba’o ||
yum ni blo gros gñen ma źes bya ba’o ||
phuṅ po daṅ dkar rgyal ni ñan thos kyi mchog (2) go | |mya ṅan med ni ñe gnas so ||
zla ba ma daṅ zla ba’i bśes gñen ma ni ñan thos ma’i mchog go ||
byaṅ chub kyi śiṅ ni p ti li’i śiṅ ṅo ||
sku’i mtho tshad du khru brgyad cu’o ||
sku’i ’od la rtag tu dpag tshad bdun du ’phro źiṅ gnas so ||
sku tshe’i tshad ni lo stoṅ phrag brgyad (3) cu’o ||
gyur pa yi ni ’og tu ni ||
rkaṅ gñis mchog gi rdzogs saṅs rgyas ||
mtshan ni rnam par gzigs źes bya ||
spyan ldan ’jig rten bskyed pa’o ||
de’i ’og gi char ’di nas bskal pa sum cu rtsa gñis nas gtsug tor can daṅ thams cad skyob ces pa’i saṅs rgyas byon (4) no | |gtsug tor can gyi yaṅ ñan thos kyi ’dus pa gsum du ’gyur te | ’dus pa daṅ po la ’bum phrag gcig gi dge sloṅ ṅo ||
gñis pa la ’bum phrag brgyad cu’o ||
gsum pa la ’bum phrag bcu’o ||
de’i tshe byaṅ chub sems dpa’ sgra’i dbaṅ po źes bya ba’i rgyal por (5) gyur te ||
saṅs rgyas daṅ bcas pa’i dge ’dun rnams la chos gos daṅ bcas pa’i sbyin pa chen po phul lo ||
rin po che sna bdun gyis so sor brgyan pa’i glaṅ po che phul nas | glaṅ po che’i tshad tsam ri źiṅ ruṅ ba’i yo byad rnams phul lo ||
des yaṅ ’di nas bskal pa (6) sum cu rtsa gcig nas saṅs rgyas su ’gyur ro źes luṅ bstan to ||
gźan yaṅ bcom ldan ’das de’i groṅ khyer ni skya reṅs ldan źes bya bar gyur to ||
yab ni skya reṅs ldan źes bya ba’i rgyal po’o ||
yum ni ’od ldan ma źes bya ba’o ||
mṅon ’byuṅ daṅ yaṅ dag ’byuṅ ni ñan (7) thos kyi mchog go ||
dge bar byed pa ni ñe gnas so ||
ma gi la daṅ pad ma ni ñan thos ma’i mchog go ||
byaṅ chub kyi śiṅ ni pu Na Da rI ka’i śiṅ ṅo ||
sku’i mtho chad du khru sum cu rtsa bdun du ’gyur ro ||
sku’i ’od dpag tshad gsum du ’phro źiṅ gnas so ||
sku tshe’i tshad ni (212b1) lo stoṅ phrag sum cu rtsa bdun no ||
rnam par gzigs kyi ’og tu ni ||
rkaṅ gñis mchog gi rdzogs saṅs rgyas ||
mtshuṅs med rgyal ba gtsug tor can ||
gaṅ zag zla med mtshuṅs med do ||
de’i ’og gi char thams cad skyob ces bya ba’i saṅs rgyas byon no ||
de’i (2) yaṅ ’dus pa gsum du ’gyur te | ’dus pa daṅ po la ’bum phrag brgyad cu’i dge sloṅ ṅo ||
gñis pa la ’bum phrag sum cu rtsa bdun no ||
gsum pa la ’bum phrag drug cu’o ||
de’i tshe byaṅ chub sems dpa’ blta na sdug ces bya ba’i rgyal por gyur te | saṅs rgyas la sogs pa’i (3) dge ’dun la chos gos daṅ bcas pa’i sbyin pa chen po phul nas de’i druṅ du rab tu byuṅ ste | spyod pa daṅ | yon tan daṅ ldan pas saṅs rgyas dkon mchog la ri mor byas te dga’ bar gyur to ||
de yaṅ bcom ldan ’das kyis ’di nas bskal pa sum cu rtsa gcig nas saṅs rgyas su ’gyur źas luṅ (4) bstan to ||
gźan yaṅ bcom ldan ’das de’i groṅ khyer ni yid ldan źes bya bar gyur to ||
yab ni legs par gnas źes bya ba’i rgyal po’o ||
yum ni grags ldan ma źes bya ba’o ||
ñan pa daṅ mchog ni ñan thos kyi mchog go ||
ñe bar źi ba ni ñe gnas so ||
phreṅ ba ma daṅ phreṅ (5) ba daṅ bcas pa ma ni ñan thos ma’i mchog go ||
byaṅ chub kyi śiṅ ni s la’i śiṅ ṅo ||
sku’i mtho tshad ni khru drug cur ’gyur ro ||
sku tshe’i tshad ni lo stoṅ phrag drug cu’o ||
sñiṅ po’i bskal pa de ñid la ||
gaṅ zag zla med mtshuṅs pa med ||
mtshan ni thams cad skyob ces pa ||
rgyal (6) ba de ni ’jig rten bskyed ||
de’i yaṅ ’og gi char bskal pa ’di la saṅs rgyas bźi byon no ||
log par dad sel daṅ gser thub daṅ ’od sruṅ daṅ bdag cag gi bcom ldan ’das so ||
gźan yaṅ bcom ldan ’das log par dad sel gyi ñan thos kyi ’dus pa ni gcig go ||
de la stoṅ (7) phrag bźi bcu’i dge sloṅ ṅo ||
de’i tshe byaṅ chub sems dpa’ dge ba źes bya ba’i rgyal por gyur to ||
saṅs rgyas la sogs pa dge ’dun la lhuṅ bzed chos gos daṅ bcas pa’i sbyin pa ñid daṅ | mig sman daṅ sman la sogs pa phul nas ston pa’i chos bstan pa thos nas rab tu (213a1) byuṅ ṅo ||
de yaṅ ston pas luṅ bstan to ||
gźan yaṅ bcom ldan ’das log par dad sel de’i groṅ khyer dge ba źes bya bar ’gyur ro ||
yab ni mi sbyin bram ze źes bya ba’o ||
yum ni bram ze mo grogs ma’o ||
bidhu ra daṅ yaṅ dag ’tsho ni ñan thos kyi mchog go ||
bram ze blo gros ni ñe gnas (2) so | |mñam byed daṅ tsam pa ka ni ñan thos ma’i mchog go ||
byaṅ chub kyi śiṅ ni śiṅ śi ri śa chen po’o ||
sku’i mtho tshad la khru bźi bcur ’gyur ro ||
sku tshe’i tshad ni lo stoṅ phrag bźi bcu’o ||
thams cad skyob kyi ’og tu ni ||
rkaṅ gñis mchog gi rdzogs saṅs rgyas ||
mtshan ni log par dad sel (3) źes ||
gźal med riṅ la sems pa’o ||
de’i ’og gi char ston pa gser thub ces bya ba byon no ||
de’i yaṅ ñan thos kyi ’dus pa gcig ste | de la stoṅ phrag sum cu’i dge sloṅ du ’gyur ro ||
de’i tshe byaṅ chub sems dpa’ ri źes bya ba’i rgyal por gyur to ||
blon po’i tshogs maṅ po (4) ’khor daṅ bcas pa chos bstan pa thos nas saṅs rgyas la sogs pa’i dge sloṅ gi dge ’dun rnams mgron du gñer nas sbyin pa chen po phul te ston pa’i druṅ du soṅ ste ||
lhuṅ bzed daṅ | rgya’i dar daṅ | groṅ khyer gsal ldan gyi yul gyi ras daṅ | la ba daṅ | du ku la’i ras daṅ | dar gos gser (5) ma rnams phul te | ston pa’i druṅ du rab tu byuṅ ṅo ||
de yaṅ saṅs rgyas su ’gyur bar luṅ bstan no ||
bcom ldan ’das de’i groṅ khyer ni mdzes ldan źes bya bar ’gyur ro ||
yab ni gnod sbyin źes bya ba’i bram ze’o ||
yum ni mchog ma źes bya ba’i bram ze mo’o ||
’jigs byed daṅ mchog ni ñan thos kyi mchog go ||
bkra (6) śis źes bya ba ni ñe gnas so ||
rgya mtsho ma daṅ mchog ma ni ñan thos ma’i mchog go ||
byaṅ chub kyi śiṅ ni u dum b ra’i śiṅ ṅo ||
sku’i mtho tshad la khru ñi śu’o ||
sku tshe’i tshad ni lo stoṅ phrag sum cu’o ||
log par dad sel ’og tu ni ||
rkaṅ gñis mchog gi rdzogs saṅs rgyas ||
mtshan ni rgyal ba gser thub go ||
(7) mi yi khyu mchog ’jig rten gtso ||
de’i ’og gi char ’od sruṅ źes bya ba’i ston pa byon no ||
de’i yaṅ ’dus pa gcig ste | de la dge sloṅ stoṅ phrag ñi śu’o ||
de’i tshe byaṅ chub sems dpa’ ’od bskyor źes bya ba’i bram ze’i khye’ur gyur nas | rig byed gsum gyi pha rol tu son te | sa daṅ bar snaṅ thams cad (213b1) la grags so ||
bum pa byed pa’i rdza mkhan gyi grogs por gyur to ||
byaṅ chub sems dpa’ rdza mkhan daṅ ’grogs te ston pa’i druṅ du ñe bar soṅ ste | chos kyi gtam thos nas rab tu byuṅ ṅo ||
brtson ’grus cher bskyes nas sde snod gsum bslabs te spyod pa daṅ ldan pas saṅs rgyas kyi bstan pa mdzes par byed do ||
(2) de laṅ ston pas luṅ bstan no ||
bcom ldan ’das de’i bltam pa’i groṅ khyer ni b r na si źes bya ba’o ||
yab ni tshaṅs byin źes bya ba’i bram ze’o ||
yum ni ’byor ldan ma źes bya ba’i bram ze mo’o ||
dkar rgyal daṅ bh radhwa dza ni ñan thos kyi mchog go ||
thams cad bśes gñen ni ñe gnas so ||
(3) rjes su len ma daṅ stoṅ rgyas ma ni ñan thos ma’i mchog go ||
byaṅ chub kyi śiṅ ni nya gro ta’i śiṅ ṅo ||
sku’i mtho tshad du khru ñi śu par gyur to ||
sku tshe’i tshad ni lo stoṅ phrag ñi śu’o ||
gser thub kyi ni ’og tu ni ||
rkaṅ gñis mchog gi rdzogs saṅs rgyas ||
mtshan ni rgyal ba ’od sruṅ ṅo ||
(4) chos kyi rgyal po ’od mdzad do ||
gźan yaṅ bskal pa gaṅ la stobs bcu daṅ ldan pa’i mar me mdzad pa de la | gźan yaṅ saṅs rgyas gsum byon par gyur te | de rnams kyi druṅ du byaṅ chub sems dpa’ luṅ ma bstan no ||
de’i phyir ’dir yaṅ ma bstan te | gźan yaṅ don gyi gtam ’di’i bskal (5) pa nas bzuṅ nas saṅs rgyas thams cad mthoṅ ba’i don du ’dir bśad do ||
sred mdzad daṅ ni blo gros mdzad ||
de nas skyabs ni mdzad pa yin ||
mar me mdzad ni rdzogs saṅs rgyas ||
rkaṅ gñis mchog ni kau Di nya ||
bkra śis daṅ ni thugs bzaṅ daṅ ||
thub pa nam gru mdzes byed daṅ ||
(6) thugs ldan mthoṅ daṅ pad ma daṅ ||
mi sbyin daṅ ni pad ma’i mchog | blo gros bzaṅ daṅ legs skyes daṅ ||
grags chen blta na sdug pa daṅ ||
don mthoṅ daṅ ni chos mthoṅ daṅ ||
’jig rten ’dren pa don grub daṅ ||
rdzogs saṅs rgyas ni dkar rgyal gyur ||
rnam gzigs gtsug (7) dor thams cad skyob ||
log dad sel daṅ gser thub daṅ ||
’dren pa ’od sruṅ źes bya’o ||
yaṅ dag rdzogs saṅs de rnams ni ||
mñam par bźag ciṅ ’dod chags bcom ||
’od zer brgya pa bźin du ’khruṅs ||
mun pa chen po rnam par ’joms ||
me yi phuṅ po bźin (214a1) du ’bar ||
ñan thos daṅ bcas mya ṅan ’das ||
de la bdag cag gi byaṅ chub sems dpa’ mar me mdzad la sogs pa’i saṅs rgyas ñi śu rtsa bźi’i druṅ du smon lam btab nas bskal pa graṅs med pa bźi daṅ ’bum phrag gcig lhag pa nas byon no ||
gźan yaṅ bcom ldan (2) ’das ’od sruṅ de’i ’og gi char gnas te yaṅ dag par rdzogs pa’i saṅs rgyas ’di las saṅs rgyas gźan med do źes mar me mdzad la sogs pa’i saṅs rgyas ñi śu rtsa bźi’i druṅ du luṅ bstan pa thob bo ||
gźan yaṅ byaṅ chub sems dpa’ gaṅ des | mi yi bdag ñid rtags daṅ ldan ||
sgyu (3) daṅ ston pa’i lta ba daṅ ||
rab tu byuṅ źiṅ yon tan ldan ||
gźi rnams daṅ ni ’dun pa daṅ ||
chos brgyad po ni tshogs pa daṅ ||
smon lam rnams ni yaṅ dag rdzogs ||
chos brgyad po ’di rnam sa tshogs par byas nas mar me mdzad kyi źabs druṅ du smon lam btab ciṅ saṅs rgyas su byed pa’i chos (4) ’di rnams gaṅ daṅ gaṅ du tshol ba’i spro ba skyes so ||
btsal ba de rnams mthoṅ bas na ||
daṅ po sbyin pa’i pha rol phyin ||
sbyin pa’i pha rol tu phyin pa la sogs pas saṅs rgyas thob par byed pa’i chos rdzogs par byed pa ñid thams cad sgrol gyi bdag ñid byon no ||
byon nas gaṅ de rnams byas pa’i (5) smon lam byaṅ chub sems dpa’ rnams kyis phan yon bsṅags par mdzad do ||
de bźin yan lag thams cad ldan ||
mi yi byaṅ chub ṅes pa daṅ ||
’khor ba yun riṅ gźi med pa ||
bskal pa bye ba brgya ñid dam ||
mnar med du ni mi skye’o ||
de bźin du ni ’jig rten par ||
bkres skom sred daṅ (6) ’bar ba daṅ ||
yan lag thams cad mi ’chad ’gyur ||
srog chags phra mor mi ’gyur źiṅ ||
ṅan ’gro rnams su skye mi ’gyur ||
mi ru skyes par gyur pa na ||
de ni dmus loṅ mi ’gyur źiṅ ||
’on par yaṅ ni mi ’gyur la ||
lkugs daṅ gźogs phyed na mi ’gyur ||
bud med du ni skye mi ’gyur ||
tha ma (7) ma niṅ mtshan gñis daṅ ||
mtha’ ’khob tu ni skye mi ’gyur ||
mi yi byaṅ chub ṅes pa yin ||
mtshams med pa las grol ba daṅ ||
dag pa’i spyod yul thams cad du ||
log pa’i lta ba mi brten no ||
las kyi bya ba mthoṅ ba daṅ ||
mtho ris la ni gnas nas su ||
’du śes med par skye (214b1) mi ’gyur ||
gtsaṅ ma ris kyi lha rnams su ||
sgyu daṅ miṅ ni skye ba med ||
skyes bu dam pa ṅes ’byuṅ sems ||
dṅos daṅ dṅos med ldan pa med ||
gaṅ źig ’jig rten don du ’gro ||
pha rol phyin kun rdzogs par byed ||
phan yon de rnams lhag par thob pa’am des pha rol tu phyin pa (2) rdzogs par byed do ||
grags pa daṅ ldan pa’i bram ze’i dus su daṅ | duṅ gi bram ze’i dus su daṅ | nor rgyal gye rgyal po’i dus su daṅ | blta na sdug chen po’i rgyal po’i dus su daṅ | khyab ’jug chen po’i dus su daṅ | rgyu mtshan gyi rgyal po’i dus su daṅ | zla ba gźon nu’i dus (3) su daṅ | yul gyi mchog gi dus su daṅ | śi bi pa’i rgyal po’i dus su daṅ | thams cad sgrol gyi dus su ni sbyin pa’i pha rol tu phyin pa rdzogs pa’i bdag ñid de tshad med pa źes bya’o ||
mtha’ gcig tu yaṅ daṅ yaṅ byaṅ chub sems dpa’ mkhas pa ri boṅ gi skyes rabs (4) las | ñer ’oṅs sloṅ ba mthoṅ ba na ||
raṅ gi lus ni yoṅs su btaṅ ||
bdag gi sbyin las ñam pa med ||
’di rnams sbyin pa’i pha rol phyin ||
de ltar lus yoṅs su gtoṅ bar byed pas sbyin pa’i pha rol tu phyin pa ste | don dam pa’i pha rol tu phyin pa źes bya (5) ba skyes so ||
de bźin du tshul khrims daṅ ldan pa’i klu’i rgyal po’i dus su daṅ | tsam po spya’i klu’i rgyal po’i dus su daṅ | sa sbyin klu’i rgyal po’i dus su daṅ | mche ba drug pa’i glaṅ po’i rgyal po’i dus su daṅ | rgyal ba daṅ mtshuṅs pa’i rgyal po’i bu źum pa med pa’i (6) dgra gźon nu’i dus su ni tshul khrims kyi pha rol tu phyin pa rdzogs par skyes pa la tshad med do ||
mtha’ gcig tu gźan yaṅ | de yi duṅ skyoṅ skyes rabs las | gsal śiṅ gis ni phug nas ni ||
mtshon cha blaṅs nas rdeg pa daṅ ||
groṅ dpon bu la khro mi byed ||
(7) tshul khrims phar phyin bdag gi ’di ||
de bźin du lus yoṅs su gtoṅ bar byed pa ni | tshul khrims kyi pha rol tu phyin pa ste | don dam pa’i pha rol tu phyin pa źes bya ba skyes so ||
de bźin du yid bzaṅs gźon nu’i dus su daṅ | glaṅ chen nor skyoṅ gźon nu’i dus su daṅ | (215a1) lcags khyim mkhas pa’i dus su ni | rgyal srid chen po spaṅs nas ṅes par ’byuṅ ba’i pha rol tu phyin pa bdag ñid la skyes pa ni tshad med do ||
gźan yaṅ mtha’ gcig tu de’i bu źi ba chuṅ ṅu’i skyes rabs las | rgyal po chen po lag tu thob ||
mchil ma’i dbu ba bźin (2) du spaṅs ||
rgyal srid spaṅs kyaṅ źen pa med ||
bdag gi ṅes ’byuṅ phar phyin ’di ||
de bźin du ṅes par bdag gi rgyal srid spaṅs nas ṅes par ’byuṅ ba’i pha rol tu phyin pa ste | don dam pa’i pha rol tu phyin pa źes bya ba skyes so ||
de bźin du mkhas pa bidhu ra’i dus su (3) daṅ | mkhas pa khyab ’jug chen po’i dus su daṅ | mkhas pa tog tse pa’i dus su daṅ | mkhas pa a ra’i dus su daṅ | kun du rgyu byaṅ chub kyi dus su daṅ | mkhas pa sman chen po’i dus su ni | śes rab kyi pha rol tu phyin pa rdzogs par bdag la skyes pa la (4) tshad med do ||
gźan yaṅ mtha’ gcig tu de’i sde snod kyi skyes rabs las | mkhas pa sde can gyi dus su | bdag gis śes rab tshol ba na ||
bram ze’i sdug bsṅal grol ba daṅ ||
bdag gi śes rab mtshuṅs pa med ||
bdag gi śes rab phar phyin ’di ||
pha tshi’i (5) naṅ gi sbrul bdag gis blta ba ni śes rab kyi pha rol tu phyin pa ste | don dam pa’i pha rol tu phyin pa źes bya ba skyes so ||
de bźin du brtson ’grus kyi pha rol tu phyin pa rdzogs par bdag la skyes pa tshad med do ||
gźan yaṅ mtha’ gcig tu de’i skye bo chen po can gyi skyes rabs (6) las ||
ṅogs ma mthoṅ ba’i rgya mtsho’i dbus ||
mi rnams thams cad śi bar gyur ||
sdug bsṅal med pa’i sems kyis ni ||
bdag gi brtson ’grus phar phyin ’di ||
rgya mtsho chen po las sgrol bar byed pa’i brtson ’grus kyi pha rol tu phyin pa źes bya ba skyes so ||
(7) bzod par smra ba’i skye rabs las | sems med pa la gcod pa bźin ||
bdag la rno ba’i dgra sta yis ||
gsal ldan rgyal po la mi khro ||
bdag gi bzod pa’i phar phyin ’di ||
de ltar sems med pa’i dṅos po bźin du bdag sdug bsṅal chen po la lhag par gnas pa ni bzod (215b1) pa’i pha rol tu phyin pa ste | don dam pa’i pha rol tu phyin pa źes bya ba skyes so ||
bu źi ba chen po’i skyes rabs las | bden pa’i tshig ni rjes su bsruṅ ||
bdag gi srog ni spaṅs nas su ||
rgyal rigs brgya phrag grol bar byas ||
bdag gi bden pa’i phar phyin ’di ||
(2) de ltar srog spaṅs nas bden pa rjes su bsruṅ ba de ni bden pa’i pha rol tu phyin pa ste | don dam pa’i pha rol tu phyin pa źes bya ba skyes so ||
lkugs pa daṅ gźogs phyed na pa’i tshul gyi skyes rabs las | pha ma bdag la mi dgos śiṅ ||
nor daṅ grags pa’aṅ dgos pa (3) med | |bdag ni thams cad mkhyen la dga’ ||
de phyir brtul źugs gnas pa’o ||
de ltar srog gi ’dod pa yoṅs su btaṅ nas brtul źugs la lhag par gnas pa ni | lhag par gnas pa’i pha rol tu phyin pa ste | don dam pa’i pha rol tu phyin pa źes bya ba skyes so ||
(4) rgyal po gcig gi skyes rabs las | gaṅ źig bdag la sgrag byed med ||
bdag gis gaṅ la’aṅ ’jigs ma byas ||
byams pa’i stobs kyi steṅ gnas źiṅ ||
de tshe stoṅ pa ñid la dga’ ||
de ltar srog yoṅs su gtoṅ ba la mi blta źiṅ byams par byed pa de’i byams pa (5) ni pha rol tu phyin pa ste | don dam pa’i pha rol tu phyin pa źes bya ba skyes so ||
ṅaṅ pa’i spu yi skye rabs las | dur khrod du ni gnas par sems ||
rus goṅ la ni brten byas nas ||
bdag gi gnas su ñe bar ’oṅs ||
gzugs la lta ba ñuṅ ba med ||
de ltar groṅ gi khye’u la rdol sogs pa (6) blaṅs nas rduṅ ba ñid daṅ | me tog phreṅ ba daṅ | spos kyis ñe bar spyod pa la sogs pas bde ba daṅ | sdug bsṅal bskyed kyaṅ btaṅ sñoms su ’dor ba de ni btaṅ sñoms kyi pha rol tu phyin pa ste | don dam pa’i pha rol tu phyin pa źes bya ba skyes so ||
de rnams ’dir mdor bsdus pa’o ||
rgya cher yaṅ (7) slar ’di’i don spyod pa’i sde snod las blaṅ bar bya’o ||
de ltar pha rol tu phyin pa rdzogs nas thams cad sgrol gyi bdag ñid du gnas so ||
sems med pa yi sa gźi yis ||
bde daṅ sdug bsṅal mi śes kyaṅ ||
bdag gi sbyin pa’i stobs de yis ||
lan bdun du ni rab tu g-yos | de ltar sa gźi chen po g-yo (216a1) ba la sogs pa bsod nams chen po byed ciṅ tshe’i mthar śi ’phos te dga’ ldan du skyes so źes pa mar me mdzad kyi źabs druṅ nas bzuṅ ste ji srid dga’ ldan du skyes pa de rnams kyi bar ni riṅ po’i gźi źes bya bar rig par bya’o ||
gźan yaṅ byaṅ chub sems (2) dpa’ dga’ ldan du bźugs pa ñid nas saṅs rgyas kyi sgra cher sgrogs pa źes bya ba skyes pa na ’jig rten ’dir sgra cher sgrogs pa gsum byuṅ ste | bskal pa’i sgra cher sgrogs pa daṅ | saṅs rgyas kyi sgra cher sgrogs pa daṅ | ’khor los sgyur ba’i sgra cher sgrogs pa’o ||
de (3) la lo ’bum phrag gcig gi mthar bskal pa ’jig par ’gyur ro źes pa ’jig rten gyi miṅ du brjod pa ni ’dod pa na spyod pa’i lha mgo g-yogs kyis ma bsgribs pa daṅ | skra grol ba daṅ | ṅu ba’i kha can lag pas mig gi mchi ma ’phyi ba gos dmar po gyon pa lhag par gzugs (4) mi sdug pa’i cha byad ’dzin par gyur pa’i mi rnams lam la ’gro źiṅ ’di ltar brjod do ||
’jig rten pa ’di nas lo ’bum phrag gcig ’das nas bskal pa ’jig par ’gyur ro ||
’di yi ’jig rten rnams ’jig par ’gyur ro ||
rgya mtsho chen po yaṅ bskams par ’gyur ro ||
(5) sa gźi chen po ’di daṅ ri’i rgyal po ri rab kyaṅ thal bar ’gyur ciṅ ’jig go ||
tshaṅs pa’i ’jig rten gyi bar du ’jig rten ’jig par ’gyur ro źes brjod do ||
’jig rten pa rnams byams pa sgoms śig | sñiṅ rje sgoms śig | dga’ ba sgoms śig | btaṅ sñoms sgoms (6) śig | ma la rim gro gyis śig | pha la rim gro gyis śig | rigs kyi gtso bo la rim gro gyis śig ces pa ’di ni bskal pa’i sgra cher sgrogs pa źes bya ba’o ||
lo stoṅ phrag gcig ’das nas slar yaṅ saṅs rgyas thams cad mkhyen pa ’jig rten du byon no źes brjod pa (7) ’di ’jig rten skyoṅ ba’i lha rnams ’di nas ’jig rten pa rnams lo stoṅ phrag gcig ’das nas gźan yaṅ saṅs rgyas ’jig rten du byon no źes rjod ciṅ sgra cher sgrogs pas rgyu ba ’di ni saṅs rgyas kyi sgra cher sgrogs pa źes bya ba yin no ||
gźan yaṅ lo brgya ’das nas ’khor (216b1) los sgyur ba’i rgyal po byon no źes brjod pa ni lha ñid de | ’jig rten pa rnams lo brgya ’das nas ’khor los sgyur ba’i rgyal po ’jig rten du byon źes sgra cher rjod ciṅ rgyu ba ’di ni ’khor los sgyur ba’i sgra cher sgrogs pa źes bya ba yin no ||
gsum po ’di ni sgra cher sgrogs pa yin (2) no ||
de rnams las saṅs rgyas kyi sgra cher sgrogs pa thos nas stoṅ phrag bcu’i khor yug gi lha thams cad gnas gcig tu ’dus te | che ge mo źes bya ba’i byaṅ chub sems dpa’ saṅs rgyas su ’gyur bar rtogs nas źu ba’i phyir ñe bar soṅ ste | źus nas kyaṅ sṅaRa gyi mtshan ma (3) skyes pa la źus so ||
de’i tshe slar yaṅ thams cad kyi re re’i khor yug gi rgyal po chen po bźi’i ris daṅ | brgya byin daṅ ’thab bral daṅ dga’ ldan daṅ ’phrul dga’ daṅ gźan ’phrul dbaṅ byed daṅ | tshaṅs pa chen po daṅ bcas pa’i lha daṅ | khor yug gi lha rnams ’dus (4) pa’o ||
dga’ ldan gyi gnas su byaṅ chub sems dpa’i druṅ du soṅ ste | draṅ sroṅ chen po khyod kyis pha rol tu phyin pa bcu rdzogs pa ni brgya byin gyi phun sum tshogs par bya ba’i phyir ma yin | bdud kyi phyir ma yin | tshaṅs pa’i phyir don du gñer ba rdzogs par bya ba’i phyir ma yin (5) ’khor los sgyur ba’i phun sum tshogs pa’i phyir don du gñer ba rdzogs par bya ba’i phyir ma yin no ||
gźan yaṅ ’jig rten bsgral ba’i phyir daṅ | thams cad mkhyen pa don du gñer ba’i phyir rdzogs par byed do ||
de rnams ni da lta’i dus nas draṅ sroṅ chen po saṅs rgyas (6) su ’gyur ba’i dus ni draṅ sroṅ chen po saṅs rgyas su ’gyur źes źus so ||
sems dpa’ chen po lha la gnaṅ ba ma byin te | dus daṅ gliṅ daṅ yul daṅ rigs daṅ yum daṅ | tshe daṅ tshe’i bye brag lhag ma las med do ||
chen po lṅa po źes bya ba legs par gzigs śiṅ gzigs (7) so ||
de la dus daṅ dus ma yin pa źes bya ba ste | daṅ po dus la gzigs so ||
de la le ’bum phrag gcig gi thog ma nas ’phel ba ni tshe’i dus daṅ dus ma yin pa’o ||
gaṅ gi phyir de’i tshe sems can rnams kyi skye ba daṅ rga ba daṅ na ba daṅ ’chi ba rnams la gzigs so ||
(217a1) saṅs rgyas rnams kyi chos ston pa ni mtshan ñid lṅa spaṅs nas gźan pa ni med do ||
de rnams ni mi rtag pa daṅ | sdug bsṅal ba daṅ | bdag med pa ston ciṅ ’di rnams ci’i phyir ’chad pa ñid mi ñan pa daṅ mi dad pa daṅ mi sems pa’o ||
de ni dus ma yin (2) no ||
de’i phyir mi sems pa daṅ ma ṅes pa’i bstan pa yin no ||
de’i phyir de ni dus ma yin pa’o ||
lo brgya pa dman pas tshe’i dus kyaṅ de’i dus ma yin no ||
gaṅ gi phyir de’i tshe sems can ñon moṅs pa śin tu che ba yin no ||
ñon moṅs pa śin tu che bas gdams pa byin no ||
(3) gdams pa la mi gnas na chu la dbyug pa rgyab pa’i ri mo bźin myur du ’gag go ||
de’i phyir de yaṅ dus ma yin pa’o ||
lo ’bum phrag gcig nas bzuṅ ba’i ’og tu lo brgya pa’i mgor tshe’i dus te dus źes bya ba yin no ||
de’i tshe yaṅ lo brgya pa yin no ||
de nas sems dpa’ (4) chen po skye bar rigs so źes dus la gzigs so ||
de nas gliṅ la gzigs te gliṅ bźi ’khor daṅ bcas pa la gzigs nas gliṅ gsum po rnams su saṅs rgyas mi ’byon no ||
’dzam bu’i gliṅ ñid du ’byon no ||
de nas ’dzam bu’i gliṅ źes bya ba (5) dpag tshad stoṅ phrag bcu’i tshad kyis che ba’o ||
yul gyi phyogs gaṅ źig tu saṅs rgyas ’byon par ’gyur źes yaṅs śiṅ grol ba’i gnas blta źiṅ yul dbus la gzigs te yul dbus źes bya ba ni śar gyi phyogs na ka dzam ga la źes bya ba’i groṅ rdal lo ||
de’i pha rol na śiṅ s (6) la chen po’o ||
de nas gźan yaṅ bas mtha’i ljoṅs ñe ba’i naṅ ṅo ||
śar lho’i mtshams su s la can źes bya ba’i chu kluṅ ṅo ||
de nas gźan yaṅ bas mtha’i ljoṅs daṅ ñe ba’i naṅ ṅo ||
lho phyogs su sau ta kar ni ka źes bya ba’i groṅ rdal lo ||
de nas gźan yaṅ bas mtha’i ljoṅs (7) daṅ ñe ba’i naṅ ṅo ||
nub phyogs ka ba źes bya ba bram ze’i groṅ rdal lo ||
de nas gźan yaṅ bas mtha’i ljoṅs daṅ ñe ba’i naṅ ṅo ||
byaṅ gi phyogs u śi ra’i ri’o ||
de nas gźan yaṅ bas mtha’i ljoṅs daṅ ñe ba’i naṅ ṅo ||
’di ltar ’dul bar bśad ciṅ bstan no ||
dkyus su (217b1) dpag tshad sum brgya’o ||
źeṅ du dpag tshad phyed daṅ sum brgya’o ||
mtha’ bskor la dpag tshad dgu brgya’o ||
yul phyogs de rnams su ni saṅs rgyas daṅ | raṅ saṅs rgyas daṅ ñan thos mchog rnams daṅ | ñan thos chen po brgyad cu daṅ | ’khor los sgyur ba’i rgyal po daṅ | (2) gźan yaṅ skyes bu chen por grags pa’i rigs daṅ | bram ze’i rigs daṅ | śiṅ s la chen po lta bu’i khyim bdag rnams ’khruṅs pa’i gnas so ||
de rnams las groṅ khyer ser skya źes bya ba ’di’o ||
der bdag ’khruṅ bar rigs so źes thugs kyis ṅes par byas so ||
de (3) nas rigs la gzigs pa źes bya ba ni saṅs rgyas źes bya ba rje’u’i rigs sam | gdol pa’i rigs la mi ’khruṅ ṅo ||
slar yaṅ ’jig rten pa mos pa’i rgyal rigs sam bram ze’i rigs gñis la ’khruṅ ṅo ||
da lta ni rgyal rigs la ’jig rten pa sems so ||
(4) bdag gi yab ni zas gtsaṅ ma źes bya ba’i rgyal po yin te rigs la gzigs so ||
de nas yum la gzigs te ’dod pa daṅ chaṅ la dga’ ba ni saṅs rgyas kyi yum źes bya ba ma yin no ||
gźan yaṅ bskal pa ’bum phrag gcig la pha rol tu phyin pa rdzogs par byas nas ’khruṅ ṅo ||
(5) ñams pa med pa’i tshul khrims lṅa po ñid len no ||
lha mo sgyu ’phrul chen mo źes bya ba ’di de daṅ ’dra ba bdag gaM yum yin no ||
gźan yaṅ gaṅ de tsam gyi tshe’o ||
zla ba bcu’i mgo nas źag bdun du gzigs so ||
’di ni chen po lṅa la gzigs so ||
gzigs nas draṅ groṅ chen (6) po bdag gi dus te saṅs rgyas su ’gyur ba’i lha rnams kyis tshig gis gnaṅ ṅo ||
khyed rnams gśegs par źu źes lha de rnams btaṅ nas dga’ ldan gyi lha rnams kyis yoṅs su bskor te | dga’ ldan gyi dga’ ba’i tshal du źugs so ||
’jig rten gyi lha thams cad (7) dga’ ba’i tshal na yod pa ñid do ||
de la ’di’i lha ’di nas śi ’phos nas bde ba’i ’gro bar skyes te ’di nas śi ’phos nas bde ba’i ’gro bar skyes so ||
sṅar byas pa’i dge ba’i las byas ba rjes su dran źiṅ rgyu’o ||
de de ltar lha rnams kyis dge ba rjes su dran pa rnams ’khor (218a1) du byas śiṅ der rgyu’o ||
śi ’phos nas lha mo sgyu ’phrul ma chen mo’i mṅal du źugs so ||
de la legs par brjod pa’i phyir ’di go ra mis bźin du sṅon gyi gtam brjod do ||
de’i tshe groṅ khyer ser skyar dbyar zla ’briṅ po’i rgyu skar du brjod par skye bo thams cad rgyu skar la rtse źiṅ lha mo sgyu (2) ’phrul chen po yaṅ ña’i sdun du źag bdun nas me tog gi phreṅ ba daṅ spos kyi ’byor pa daṅ ldan pas rgyu skar la rtse źiṅ loṅs spyod do ||
źag bdun gyi mthar sṅa dro laṅs nas dri bzaṅ gi chus khrus byas te | ’bum phrag bźi’i loṅs spyod spel te sbyin pa chen po btaṅ nas rgyan thams cad kyis brgyan | kha zas bzaṅ (3) po zos te | gso sbyoṅ yan lag brgyad pa la gnas so ||
rgyan du byed pa la rigs pa’i dpal gyi khaṅ pa’i naṅ du źugs nas dpal gyi mal cha la ñal te gñid du soṅ nas ’di lta bu’i rmi lam mthoṅ ṅo ||
rgyal po chen po bźi pos ma la stan daṅ bcas pa ñid blaṅs nas gaṅs can gyi naṅ du soṅ ṅo ||
dpag (4) tshad drug cu pa’i man śi la’i steṅ du daṅ dpag tshad bdun pa’i śiṅ s la chen po’i ’og tu bźag nas phyogs gcig tu ’khod do ||
de nas de’i lha mo ’oṅs nas lha mo sgyu ’phrul ma chen mo mtsho ma dros par khrid do ||
mi’i dri ma bsal ba’i phyir khrus byas te | lha’i gos gyon nas dri bzaṅ pos byug (5) ciṅ lha’i me tog ’dogs so ||
de nas mi riṅ bar dṅul gyi ri de’i naṅ na gser gyi gźal yas khaṅ ’dug go ||
der śar du mgo bstan pa’i lha’i mal chal der ñol źes zer nas ñal lo ||
de nas byaṅ chub sems dpa’ glaṅ po che dkar po cig tu gyur to ||
de nas mi riṅ bar gser gyi ri cig la der (6) ’dzeg ciṅ de nas mar babs nas | dṅul gyi ri la ’jog go ||
byaṅ gi phyogs nas ’oṅs te | dṅul gyi phreṅ ba daṅ mtshuṅs pa’i glaṅ po che’i snas ṅad ma dkar po ’dzin ciṅ | glaṅ po che’i sgra sgrogs pas gser gyi gźal yas khaṅ du źugs te | raṅ gi mal chal lan gsum du bskor ba byas nas (7) glo g-yas pa phug nas ltor źugs pa bźin du gyur to ||
de ltar bra’i skar ma mchog la lhums su źugs so ||
ñi ma gñis pa la de’i sṅa dro sad de lha mos rgyal po la rmi lam rnams smras so ||
rgyal pos bram ze drug cu rtsa bźi bos nas me tog phreṅ ba la sogs pa daṅ | bkra śis daṅ bsti staṅ (218b1) byed ciṅs la mal stan chen po bśams te de la bźugs pa’i bram ze rnams la mar gsar daṅ sbraṅ rtsi daṅ ka ra rnams daṅ bsres pa’i ’o thug rnams gser daṅ dṅul las byas pa’i sder ma bkaṅ ste gser daṅ dṅul gyi sder mas so sor bkab nas bram ze rnams la phul lo ||
gźan yaṅ rgyal bo gyon (2) pa daṅ mtshuṅs pa’i gos daṅ gser rgya ma la sogs pa byin nas de rnams tshim par byas so ||
de nas de thams cad ’dod pa thams cad kyis tshim par gyur nas rmi lam bśad de ci ’dra bar ’gyur źes dris so ||
bram ze rnams kyis smras pa | rgyal po chen po ’jigs par ma byed cig | khyod kyi lha mo’i (3) lto’i naṅ du sems can źugs te | de yaṅ naṅ gi de skyes bu’o ||
mṅal gyi naṅ gi de bu mo ni ma yin no ||
de khyed kyi sras por ’gyur ro ||
de gal te khyim na gnas na ’khor los sgyur ba’i rgyal por ’gyur ro ||
gal te khyim spaṅs nas rab tu byuṅ na saṅs rgya bar ’gyur ro ||
’jig rten du bzlog (4) nas slar khyim na gnas nas skye ba med do ||
gźan yaṅ byaṅ chub sems dpa’ yum gyi mṅal du źugs pa de ma thag tu thun gcig ñid la stoṅ phrag bcu’i ’jig rten gyi khams thams cad yaṅ dag par g-yos so ||
yaṅ dag par rab tu g-yos so ||
yaṅ dag par sgra sgrogs so ||
mtshan sa sum (5) cu rtsa gñis sṅon gyi mtshan mar gyur to ||
stoṅ phrag bcu’i khor yug rnams su snaṅ ba tshad med par khyab ciṅ gnas so ||
de yaṅ de’i dpal blta ba ’di lta bu ste loṅ ba rnams kyis mig thob bo ||
’on pa rnams kyis rna bas sgra thos so ||
lkugs pa rnams kyis smra śes so ||
sgur po rnams draṅ por (6) gyur to ||
goṅ po rnams kyis ’gro śes par gyur to ||
bciṅs pa’i sems can thams cad ni rjes su bciṅs pa las grol bar gyur to ||
dmyal ba thams cad kyi me źi bar gyur to ||
yi dgas kyi yul pa rnams bkres pa daṅ skom pa źi bar gyur to ||
dud ’gro rnams phan tshun ’jigs pa med (7) par gyur to ||
sems can thams cad kyi nad źi bar gyur to ||
sems can thams cad dga’ bźin du smra bar gyur to ||
rta rnams skad sñan pa’i rnam par gyur to ||
glaṅ po rnams ni sgra sgrogs so ||
rol mo rnams raṅ byuṅ gi sgra sgrogs so ||
mi rnams kyi rkaṅ pa daṅ lag pa’i rgyan raṅ (219a1) raṅ ma reg par so sor ’byin to ||
phyogs thams cad rab tu dṅas par gyur to ||
sems can rnams bde ba bskyed pa’i phyir rluṅ ’jam po ldaṅ bar gyur to ||
dus ma yin par sprin la char ’bab bo ||
sa la chu byuṅ nas phyogs thams cad chur gyur to ||
bya rnams nam mkha’ la ’gro ba spoṅ ṅo | (2) chu kluṅ rnams ’gro ba med par gnas so ||
rgya mtsho chen po’i chu ni dṅar bar gyur to ||
gnas thams cad ñid du kha dog lṅa pa’i pad mas sa’i steṅ thams cad khyab par gyur to ||
thaṅ daṅ chu las skyes pa’i me tog rnams kha bye bar gyur to ||
ljon śiṅ rnams kyi sdoṅ po la sdoṅ po’i pad ma’i me tog go ||
yal (3) ga rnams la yal ga’i pad ma’i me tog go ||
’khri śiṅ rnams la ’khri śiṅ gi pad ma’i me tog kha bye’o ||
thaṅ daṅ rdo’i steṅ du brtol nas steṅ nas steṅ du bdun bdun du gyur nas dan dra pad ma źes bya ba phyuṅ ṅo ||
nam mkha’ nas thur du pad ma ’phyaṅ ṅo ||
thams cad du me tog gi char ’bab bo ||
nam (4) mkha’ la lha’i rol mo’i sgra sgrogs so ||
stoṅ phrag bcu’i ’jig rten gyi khams thams cad me tog daṅ bdug spos daṅ dri chab mchog tu skal ba bzaṅ bar gyur to ||
’di ltar byaṅ chub sems dpa’ mṅal du źugs pa ñid nas byaṅ chub sems dpa’ daṅ | byaṅ chub sems dpa’i yum gyi ñe bar ’tshe ba (5) bzlog pa’i phyir ral gri lag tu thogs pa’i lha’i bu bźis sruṅ bar byed do ||
byaṅ chub sems dpa’i yum ni skyes pa la ’dod chags mi skye źiṅ | rñed pa daṅ grags pa thob par gyur to ||
skyid pa sku la dub pa med par byaṅ chub sems dpa’ de yaṅ rum du źugs nas | nor bu rin po che rab tu (6) dṅas pa srad bu dmar po la brgyus pa bźin du mthoṅ ṅo ||
gaṅ gi phyir yaṅ byaṅ chub sems dpa’ źugs pa’i rum źes bya ba ni mchod rten gyi naṅ bźin du sems can gźan gyis reg pa daṅ loṅs spyod par mi nus so ||
de’i phyir byaṅ chub sems dpa’i yum byaṅ chub sems dpa’ ’khruṅs nas źag (7) bdun nas dus las ’das nas dga’ ldan du skye bar ’gyur ro ||
ji ltar yaṅ bud med gźan zla ba bcu las dman pa’am | lhag pa’am | ’dug pa’am | ñal nas skye’o ||
byaṅ chub sems dpa’i yum ni de lta bu ma yin te | de yaṅ byaṅ chub sems dpa’ zla ba bcur rum duṅ sruṅs (219b1) nas ’greṅ ba la skye’o ||
’di ni byaṅ chub sems dpa’i yum thams cad kyi chos ñid do ||
lha mo sgyu ’phrul ma chen mo yaṅ snod kyi naṅ gi ’bru mar bźin du byaṅ chub sems dpa’ zla ba bcur rum du ’tsho źiṅ rum yoṅs su rdzogs nas gñen gyi groṅ du ’gro’o źes rgyal po chen po zas gtsaṅ gi druṅ (2) du smras so ||
lha rigs kyi rgyud kyi groṅ khyer chen po lha bstan du bdag ’gro bar ’dod do ||
rgyal pos legs so źes brjod nas gnaṅ ṅo ||
ser skya’i gźi daṅ | groṅ khyer lha bstan gñis kyi bar gyi lam mtshuṅs par byas nas | chu śiṅ daṅ | bum pa gaṅ ba daṅ | rgyal mtshan daṅ ba dan la (3) sogs pa’i rgyan ’dzugs su bcug nas lha mo gser gyi do li la bźugs te | blon po stoṅ phrag gcig gis bteg ste ’khor maṅ po daṅ bcas pa btaṅ ṅo ||
groṅ khyer gñis kyi bar du yaṅ gñis ka’i groṅ khyer pa gnas pa’i lumbi ni’i tshal źes bya ba la bkra śis pa’i śiṅ s la’i śiṅ yod do ||
de’i dus (4) su rtsa ba nas rtse ma’i yal ga’i bar thams cad du bar ma chad par me tog kha bye bar gyur to ||
yal ga’i bar ñid daṅ | me tog gi bar kha dog sna lṅa pa’i buṅ ba maṅ po ldiṅ ba daṅ | rnam pa sna tshogs pa’i bya maṅ po’i tshogs ni sñan pa’i sgra dbyaṅs sgrogs śiṅ spyod do ||
lumbi nI’i tshal thams cad ni śiṅ (5) rta sna tshogs pa’i tshal bźin du mthu daṅ dbaṅ phyug ni rgyal po’i mdzes par byas pa’i ’dun sa lta bu de lha mos gzigs nas śiṅ s la’i tshal du rtse bar bsams pa skyes so ||
blon po rnams kyis lha mo bteg nas śiṅ s la’i tshal du bźugs so ||
de bkra śis pa’i śiṅ s la’i rtsa bar gśegs pa (6) te des śiṅ s la’i yal ga gzuṅ bar sems par gyur te | des śiṅ s la’i yal ga śin tu legs pa me la bsros nas bkug pa bźin du mdud pa la lha mo’i lag par ñe bar ’phyaṅ ṅo ||
de’i lag pa brkyaṅ nas yal ga’i rtse mo bzuṅ ṅo ||
de ma thag tu las kyi rluṅ gis bskyod do ||
de nas de’i (7) phyogs kun du yol ba byas nas skye bo thams cad phyir riṅ du gyur te śiṅ s la’i yal ga bzuṅ nas ’dug pa ñid la de ltar de’i mṅal nas bltams par gyur to ||
de ma thag rnam par dag pa’i sems daṅ ldan pa’i tshaṅs pa bźi pos gser gyi dra ba blaṅs nas sleb bo ||
de rnams kyis der (220a1) gser gyi dra bas byaṅ chub sems dpa’ blaṅs te yum gyi mdun na ’dug go ||
lha mo sems sdug bsṅal bar ma byed cig | khyed kyi sras dbaṅ phyug daṅ grags pa daṅ bcas pa bltams so źes smras so ||
de ltar yaṅ sems can gźan rnams ma’i rum nas ’thon pa na mi gtsaṅ bas (2) gos śiṅ skyug bro ba can ’thon no ||
byaṅ chub sems dpa’ ni de lta bu ma yin no ||
gźan yaṅ chos kyi khri nas chos ’chad pa ’bab pa bźin daṅ skas la ’bab pa’i skyes bu bźin du lag pa gñis daṅ rkaṅ pa gñis brkyaṅ nas ’dug pa ñid bźin no ||
ma’i rum nas mi gtsaṅ ba cuṅ zad kyis kyaṅ ma gos (3) par dag ciṅ ’jigs pa med pa bźin no ||
yul ka śi ka’i ras kyi naṅ du nor bu rin po che bcug pa bźin du ’od ’gyed ciṅ yum gyi rum nas ’athonano ||
de ltar gyur pa’i byaṅ chub sems dpa’ de daṅ byaṅ chub sems dpa’i yum de dag par bya ba’i phyir nam mkha’ nas chu’i rgyun gñis babs pas byaṅ (4) chub sems dpa’ daṅ yum gyi sku dag par byas so ||
de yaṅ gser gyi dra bas blaṅs nas tshaṅs pa ’dug pa’i lag nas rgyal po chen po bźi po rnams kyis bkra śis pa daṅ | bde ba la reg par gnas par bya ba’i phyir gzig gi pags pas sṅar gyi bźin du blaṅs so ||
de rnams kyi lag nas mi (5) rnams kyis du gu la’i ras kyi steṅ du blaṅs so ||
mi rnams kyi lag tu btaṅ nas sa la gnas so ||
śar phyogs la gzigs te stoṅ phrag du ma’i khor yug rnams phan tshun du mthoṅ ṅo ||
de’i lha daṅ mi rnams kyis me tog gi phreṅ ba daṅ spos la sogs pas mchod ciṅ skyes bu chen po khyod lta (6) bu ’di na med khyod kyi goṅ na gźan su yaṅ med do źes smras so ||
de bźin du phyogs bźi daṅ mtshams bźi daṅ ’og daṅ steṅ ste phyogs bcu po thams cad legs par gzigs nas bdag daṅ mtshuṅs pa med par mthoṅ ṅo ||
de nas byaṅ gi phyogs su gom pa bdun bgrod do ||
tshaṅs pa chen po’i gdugs (7) dkar po ’dzin ciṅ ’thab bral bas rṅa yab g-yob pa | lha gźan rnams kyis rgyal po la ñe bar mkho ba’i dṅos po ma lus pa lag tu thogs nas rjes su ’gro’o ||
de nas gom pa bdun pa la gnas pa na ’jig rten pa rnams las bdag mchog go źes pa la sogs pa’i śis pa brjod pa’i gtam brjod ciṅ | (220b1) seṅ ge’i sgra sgrogs so ||
byaṅ chub sems dpas kyaṅ skye ba gsum du rum nas ’thon tsam na gtam du brjod do ||
sman chen por skyes pa daṅ thams cad sgrol du skyes pa daṅ ’dir skyes pa’o ||
sman chen po skyes pa na yum gyi rum nas ’thon ma thag ñid du brgya byin lha’i rgyal po ’oṅs te tsam dan gyi sñiṅ po (2) lag tu thogs nas soṅ ṅo ||
de de rnams kyi khu tshur du bcug nas ’thon no ||
de nas yaṅ yum gyis dris pa | bu ci khyer nas ’oṅs | ma sman yin no ||
’dis sman khyer nas ’oṅs pa’i phyir sman gyi khye’u źes bya bar miṅ btags so ||
des sman blaṅs nas chu’i snod kyi naṅ du bcug go ||
’oṅs (3) śiṅ ’oṅs pha’i loṅ ba daṅ ’on pa la sogs pa de rnams de ñid kyis nad thams cad ñe bar źi bas na sman par gyur to ||
de nas sman chen po sman chen po źes brjod ciṅ skyes pa’i tshig gi rgyus sman chen po ñid de’i miṅ du gyur to ||
gźan yaṅ thams cad sgrol du skyes pa na ma’i rum nas skyes tsam na (4) lag pa g-yas pa brkyaṅ nas yum bdag cag gi khyim na sbyin pa btaṅ rgyu ’dra bdog ge źes brjod ciṅ ’thon no ||
de nas de’i mas | bu ’byor pa daṅ ldan pa’i rigs su khyod skyes so ||
bu’i lag pa raṅ gi lag pa’i steṅ du bźag ste nor bu rin po che stoṅ phrag gcig gi snod bźag go ||
gźan yaṅ ’di skyes (5) pa na ’dis seṅ ge’i sgra sgrogs so ||
de bźin du byaṅ chub sems dpa’ skye ba gsum du ma’i rum nas skyes tsam nas gtam brjod do ||
ji ltar yaṅ rum du źugs tsam daṅ bltams tsam na sum cu rtsa gñis sṅon gyi mtshan ma bźin du skyes par gyur to ||
gźan yaṅ gaṅ gi tshe bdag cag gi byaṅ (6) chub sems dpa’ lumbi nI’i tshal du bltams so ||
de ma thag tu lha mo sgra gcan ’dzin gyi ma daṅ | blon po ’dun pa daṅ | blon po nag po ’char ka daṅ | rta’i rgyal po bsṅags ldan daṅ | byaṅ chub kyi śiṅ daṅ | gter bźi’i bum pa skyes so ||
de la gcig la rgyaṅ grags bźi daṅ | (7) gcig la rgyaṅ grags brgyad daṅ | gcig la rgyaṅ grags bcu gñis daṅ | gcig la rgyaṅ grags bcu drug go ||
bdun po ’di lhan cig tu skyes pa yin no ||
groṅ khyer gñis na gnas pa’i mi rnams kyis byaṅ chub sems dpa’ khrid nas groṅ khyer ser skya’i gźi kho nar phyin no ||
ñi ma de ñid (221a1) la groṅ khyer ser skya’i gźi la rgyal po chen po zas gtsaṅ gi sras por bltams so ||
gźon nu ’di byaṅ chub śiṅ gi druṅ du bźugs nas saṅs rgyas su ’gyur ro źes pa la sum cu rtsa gsum gyi gnas kyi lha rnams kyis dga’ ba daṅ tshim pas lag pa gyen du bskyod nas rtse źiṅ bstod (2) pa byed do ||
de’i tshe rgyal po chen po zas gtsaṅ gi mchod gnas sñoms par ’jug pa brgyad thob pa’i dka’ thub pa nag po lha len źes bya ba kha zas bzaṅ po la loṅs spyod do ||
ñin mo ñi ma la mi gnas pa’i phyir sum cu rtsa gsum gyi gnas su ’gro źiṅ der bde bar ’dug nas lha de rnams blta’o ||
(3) khyed rnams ci’i phyir ’di ltar dga’ ba’i sems kyis rtse | bdag kyaṅ ’di rnams kyi ched du bya ba kho bo la ston cig ces dris so ||
lha rnams kyis smras pa | draṅ sroṅ chen po rgyal po chen po zas gtsaṅ gi sras bltams so ||
des byaṅ chub śiṅ gi druṅ du bźugs nas saṅs rgyas su gyur nas (4) chos kyi ’khor lo bskor ro ||
de nas mtha’ yas pa’i saṅs rgyas kyi rol mo blta ba daṅ | chos thams cad thob bo sñam pa ’di rnams kyi rgyu mtshan gyis dga’ bar gyur to ||
dka’ thub pas de’i tshig thos nas myur du lha’i yul nas babs te rgyal po’i gnas su ’oṅs nas | gdan bśams pa la ’dug (5) ste | bu rnams rgyal po chen po’i sras su gyur pa de bdag gis blta’o źes smras so ||
rgyal pos rgyan daṅ ldan pa’i gźon nu blaṅs nas dka’ thub pa la phyag bya ba’i phyir byaṅ chub sems dpa’i źabs kyis bskor nas dka’ thub pa’i ral pa’i steṅ na ’dug go ||
byaṅ chub sems dpas kyaṅ de rnams kyi lus (6) kyis phyag byed par rig pa gźan med do ||
gal te mi śes pas byaṅ chub sems dpa’i dbu la dka’ thub pa’i rkaṅ pa bźag na de’i mgo tshal pa bdun du ’gas par ’gyur ro ||
dka’ thub pas bdag ñams pa’i phyir du rigs pa ma yin no ||
stan las laṅs nas byaṅ chub sems dpa’ la thal mo sbyar ro ||
(7) rgyal pos ya mtshan che ba gzigs nas raṅ gi sras la phyag byas so ||
dka’ thub pas ’das pa’i bskal pa bźi bcu daṅ ma ’oṅs pa’i bskal pa bźi bcu ste | bskal pa brgyad cu rjes su dran no ||
byaṅ chub sems dpa’i mtshan ñid phun sum tshogs pa mthoṅ nas saṅs rgya bar ’gyur ram mi ’gyur (221b1) źes brtags pas the tshom med par saṅs rgyas su ’gyur bar rtogs te | ’di ya mtshan che ba’i skyes bu yin no źes bsams nas bgad do ||
de nas ’di nas saṅs rgyas nas bdag gis mthoṅ ṅam mi mthoṅ źes brtags pas mi mthoṅ ṅo ||
bar du dus las ’das nas saṅs rgyas brgya’am saṅs rgyas stoṅ gśegs (2) nas brtag par mi nus pa’i gzugs med pa’i gnas su skye bar ṅes par mthoṅ ṅo ||
’di lta bu’i tshul gyi ya mtshan che ba’i skyes bu mthoṅ bar mi nus so sñam ste bdag gi sems śin tu sdug bsṅal bar gyur nas ṅus so ||
de mi rnams kyis mthoṅ ste | bdag cag gi ’phags pa res ’ga’ ni dgod res ’ga’ ni (3) ṅu ba’i rgyu mtshan ci lags | bdag cag gi sras ’phags pa la bar du gcod pa ’oṅ ṅam źes dris so ||
’di la bar du gcod pa mi ’byuṅ źiṅ the tshom med par saṅs rgyas su ’gyur ro źes smras so ||
’o na gaṅ gi phyir du źes dris so ||
’di lta bu’i tshul gyis skyes bu saṅs rgya bar ’gyur ba bdag (4) gis mthoṅ bar mi ’gyur bas bdag śin tu ṅes par sdug bsṅal lo ||
de’i phyir raṅ gi ched du mya ṅan gyis du’o źes smras so ||
des na ci’i phyir raṅ gi ñe du rnams las ’ga’ źig gis ’di saṅs rgyas su gyur nas mthoṅ bar ’gyur ram mi ’gyur źes brtags pas tsha bo n la ka’i gźon nus mthoṅ ṅo ||
(5) de sriṅ mo’i khaṅ par soṅ ste | n la ka gźon nu de gaṅ na yod | ’phags pa khaṅ pa na yod do ||
de bos la śog | de raṅ gi gnas su ’oṅs nas n la ka la smras so ||
tsha bo rgyal po chen po zas gtsaṅ gi rigs kyi bu ’khruṅs so ||
’di ni saṅs rgyas kyi myu gu’o ||
lo sum cu rtsa lṅa ’das (6) nas saṅs rgyas su ’gyur źiṅ khyod kyis ’di mthoṅ bar ’gyur bas da lta ñid du rab tu byuṅ ba gyis śig ces smras so ||
bye ba brgyad cu rtsa bdun gyi nor gyi rigs la skyes pa’i gźon nus źaṅ po ’dis bdag la don med ciṅ dgos pa med do źes brjod par bsams so ||
de ma thag tu raṅ gi tshoṅ gnas (7) su ṅur smrig gi gos ñid daṅ sa’i lhuṅ bzed blaṅs nas skra daṅ kha spu bregs te | ṅur smrig gi gos gyon nas gaṅ źig ’jig rten pa’i gaṅ zag gi mchog gi mchog la bsams śiṅ bdag rab tu ’byuṅ bar ’gyur ro źes bsams te byaṅ chub sems dpa’i phyogs su thal mo sbyar nas yan lag lṅas (222a1) phyag byed do ||
lhuṅ bzed snod du bcug nas phrag pa la gzer te gaṅs can du gśegs nas dge sbyoṅ gi chos byed do ||
des mchog tu mṅon par rdzogs par saṅs rgyas pa’i de bźin gśegs pa’i druṅ du ñe bar soṅ ste | n la ka’i so so’i rtogs pa’i gtam thos nas slar yaṅ gaṅs (2) can du gśegs te dgra bcom pa thob bo ||
mchog tu rtogs dka’ ba rtogs nas zla ba bdun ñid kyi naṅ du tshe ’das te gser gyi ri gcig la brten nas ’dug de lhag ma med par yoṅs su mya ṅan las ’das pa’i dbyiṅs su yoṅs su mya ṅan las ’das so ||
byaṅ chub sems dpa’ yaṅ źag lṅa nas (3) dbu ’khru bar byed ciṅ miṅ ’dogs par rigs so źes bsams nas rgyal po’i pho braṅ la dri bźi’i rigs kyis byug pa byas te | rin po che lṅa’i me tog gcal du bkram nas chu med pa’i ’o ma btsos pa’i ’o thug ’tshod ciṅ rig byed gsum gyi pha rol tu son pa’i bram ze brgya rtsa brgyad mgron du gñer te rgyal po’i pho (4) braṅ du bźugs nas kha zas bzaṅ po la loṅs spyod ciṅ bkur sti chen po byas nas mtshan ñid ji lta bu źes dris so ||
de rnams las dga’ byed daṅ | rgyal mtshan daṅ mtshan ñid daṅ rigs kyi sṅags pa daṅ | kau NDi nya daṅ lag pa can daṅ gśin rje bzaṅ daṅ | legs sbyin te de rnams de’i tshe bram ze brgyad yin (5) no ||
yan lag drug gi sṅags brda sprad nas bram ze brgyad po ’di lta bu ñid kyi mtshan ñid so sor brjod nas dga’ ldan gnas nas ma’i mṅal du źugs pa’i mtshan ñid ’di rnams kyis bśad do ||
de rnams las bram ze bdun gyis mdzub mo gñis bsgreṅs te don gñis luṅ bstan no ||
mtshan ñid ’di (6) daṅ ldan pas khyim na gnas na ’khor los sgyur ba’i rgyal por ’gyur ro ||
rab tu byuṅ na saṅs rgya bar ’gyur ro ||
’khor los sgyur ba’i phun sum tshogs pa thams cad bśad pa rdzogs nas gźan de rnams kyi naṅ nas thams cad kyi gźon śos kyi rigs ni kau NDi nya bram ze’i khye’u ’o źes bya ba’o ||
byaṅ (7) chub sems dpa’ de’i miṅ tshad mchog rnams rdzogs par btags so ||
’di ni khyim na gnas pa’i rgyu med pas mtha’ gcig ñid du khyim na mi gnas par saṅs rgya’o ||
mdzub mo gcig bsgreṅs te ’di ltar luṅ bstan no ||
’di ni sṅar gyi gźi byas pas phyis mir gyur pa na śes rab daṅ ldan no ||
bram ze (222b1) bdun las lhag par gyur nas ’di’i mtshan ñid rig par ldan nas khyim du gnas pa’i miṅ yaṅ med do ||
the tshom med par saṅs rgya bar ’gyur te ’gro ba gcig las gźan ma mthoṅ ṅo ||
de’i phyir mdzub mo gcig bsgreṅs te ’di ltar luṅ bstan no ||
de nas bram ze de rnams raṅ gi khyim du ’gro źiṅ (2) bu rnams bos te | bu bdag cag rnams rgan por gyur pas rgyal po chen po zas gtsaṅ gi sras thams cad mkhyen pa thob par gyur pa na bdag cag daṅ mjal bar ’gyur ram mi ’gyur cha med kyis | khyod de’i sras kyis thams cad mkhyen pa thob par gyur nas de’i bstan pa la rab tu byuṅ cig ces smras so ||
(3) bram ze bdun po rnams kyis kyaṅ ji srid tshe gnas kyi bar ji ltar byas pa’i las rtogs so ||
bram ze’i khye’u kau NDi nya ñid nad med par gyur nas gnas so ||
de’i sems dpa’ chen po blo daṅ ldan pa ṅes par ’byuṅ ba chen pos mṅon par byuṅ nas go rims bźin du lteṅ rgyas su soṅ ṅo ||
sa phyogs ’di ni (4) ñams dga’ bas rigs kyi bu sa phyogs ’di dka’ ba spyod pa’i gnas su rig par sems skyes pas der gnas te skyes bu chen po rab tu byuṅ ṅo źes thos nas bram ze’i bu’i gnas su ñe bar soṅ ṅo źes smras so ||
gźon nu don grub rab tu byuṅ nas the tshom med par de saṅs rgya bar ’gyur ro ||
gal te khyed (5) rnams kyi pha nad med par gnas na de riṅ phyin nas rab tu byuṅ ba byed do ||
gal te khyod kyaṅ ’dod na ’dir ’oṅs nas bdag gis skyes bu de’i rjes su rab tu ’byuṅ bar bgyi’o ||
de thams cad ’dun pa gcig par ma nus par skye bo bźi po las kau NDi nyasa gtso bo byas nas skye bo lṅa po rab tu byuṅ ste | de (6) rnams kyi skye bo lṅa po ni gnas brtan lṅa sde źes bya ba’i rigs su gyur to ||
gźan yaṅ de’i tshe rgyal po ’di skad du gaṅ mthoṅ nas bdag gi bu rab tu ’byuṅ źes ’dri’o ||
sṅon gyi mtshan ma bźi mthoṅ bas de gaṅ daṅ rgas śiṅ ’khogs pa daṅ na ba daṅ ’chi ba daṅ rab tu byuṅ ba’o ||
rgyal pos ’di rnams (7) bzuṅ nas ’di lta bu’i tshul bdag gi bu daṅ ñe bar ’oṅ du ma ’jug cig bdag gi sras kyis saṅs rgyas thob kyaṅ don med do ||
bdag gi sras stoṅ phrag gñis kyi gliṅ ’khor daṅ bcas pa’i gliṅ chen po bźi po rnams kyi dbaṅ phyug gi bdag po’i rgyal po byed ciṅ dpag tshad sum cu rtsa drug gi khor yug (223a1) gi ’khor nam mkha’i dbyiṅs su gśegs pa la blta bar ’dod do ||
slar yaṅ ’di ltar brjod ciṅ ’di lta bu’i rnam pa bźi’i skyes bu gźon nu’i mig lam du ’oṅ ba bsruṅ źiṅ phyogs bźir rgyaṅ grags bźi bźir bsruṅ ba bźag go ||
de’i ñi ma la yaṅ bkra śis pa’i gnas su ’dus pa’i (2) rigs kyi ñe du stoṅ phrag brgyad cu po re re’i bu brgya yoṅs su ster bar bsams so ||
’di saṅs rgyas su ’gyur ram rgyal por ’gyur ram bdag gi bu re re ster ro ||
gal te saṅs rgyas par gyur na rgyal rigs kyi dge sbyoṅ ñid kyis mdun rgyab thams cad du bskor nas ’gro ba yin no ||
gal te rgyal por gyur (3) na rgyal rigs kyi gźon nu ñid kyis mdun rgyab kun nas bskor nas ’gro’o źes smra źiṅ ’bul lo ||
rgyal pos kyaṅ byaṅ chub sems dpa’ la gzugs mchog daṅ ldan pa skyon thams cad spaṅs pa’i nu ma snun pa ñid gnas pa byin no ||
byaṅ chub sems dpa’ ’khor mtha’ yas pa dpal daṅ skal ba ’phel (4) ba daṅ ldan no ||
de nas ñi ma gcig la rgyal po’i ’bras ’debs pa la bkra śis byed do ||
de’i ñi ma la groṅ khyer thams cad du lha gśegs pa bźin du brgyan no ||
bran daṅ las byed pa la sogs pas gos legs po gyon nas spos daṅ me tog gi phreṅ ba la sogs pas brgyan par byas nas rgyal (5) po’i pho braṅ gi naṅ du ’dus so ||
rgyal po’i gźis rnams la źiṅ rmo ba stoṅ phrag gcig rigs so ||
slar yaṅ de’i ñi ma la gcig gis dman pa’i źiṅ rmo ba brgyad brgya daṅ bcas pa’i glaṅ gi gña’ śiṅ gi thag pa dṅul las byas pa daṅ | rgyal po ’dzin pa’i źiṅ rmo ba’i thoṅ pa slar yaṅ gser las (6) byas par gyur to ||
glaṅ gi rwa gñis la gser gyis bskus so ||
kha daṅ sko’i thag pa ni gser la’aṅ byas so ||
rgyal po’i ’khor chen po daṅ bcas pa byon nas sras blaṅs te gśegs so ||
gźis kha’i gnas na śiṅ ’dzam bu gcig la lo ma maṅ pos grib ma stug por gyur pa (7) źig yod pa’i ’og tu gźon nu’i mal stan chen po byas nas steṅ du gla res gser gyi skar ma daṅ mtshuṅs pa bres te | lcags ri ltar yol bas phyogs kun nas bskor to ||
rgyal po rgyan thams cad kyis brgyan par byas nas blon po ’khor daṅ bcas pa źiṅ rmo ba’i gnas su gśegs te | (223b1) der rgyal pos gser gyi thoṅ pa bzuṅ ṅo ||
gcig gis dman pa’i brgyad brgya’i dṅul gyi thoṅ pa blon pos bzuṅ ste so nam byed pa’i skye bo rnams kyis thoṅ pa lhag ma rnams bslaṅs so ||
de rnams kyis thoṅ pa bzuṅ nas ṅa daṅ der sgal rmo’o ||
rgyal pos slar yaṅ ’di nas phar ’gro źiṅ pha rol (2) nas tshur ’oṅs so ||
de’i gnas phun sum tshogs par ’gyur ro źes bsams nas byaṅ chub sems dpa’ ’khor daṅ bcas pa bźugs pa’i nu ma snun pa rnams rgyal po’i phun sum tshogs par blta’o ||
yol ba’i naṅ nas phyir ’thon no ||
byaṅ chub sems dpa’ de daṅ der gzigs pas gcig (3) kyaṅ mi snaṅ ṅo ||
myur bar laṅs nas skyil kruṅ bcas te | rluṅ ’byuṅ ba daṅ rdub ciṅ bzuṅ bas bsam gtan daṅ po skyes so ||
nu ma snun pa rnams kha zas za ba’i phyir phan tshun du ’gro źiṅ de ma thag cuṅ zad thogs par gyur to ||
śiṅ gźan rnams kyi grib ma mi ldog ciṅ gźan yaṅ śiṅ (4) de’i grib ma rnams kun nas gnas so ||
nu ma snun pa rnams kyis sras ’phags pa źes gcig tu brjod ciṅ myur du yol ba steṅ du brdzes te naṅ du źugs nas byaṅ chub sems dpa’ mal stan la skyil kruṅ gis bźugs pa de’i cho ’phrul mthoṅ nas soṅ ste rgyal po la źus so ||
lha gźon nu ’di lta (5) bu’i tshul gyis bźugs so ||
’di ltar śiṅ gźan rnams grib ma mi bzlog go ||
śiṅ ’dzam bu’i grib ma ni kun nas gnas so ||
rgyal po myur du byon nas cho ’phrul blta ste | sras ’di la phyag gñis pa ste źes brjod nas sras la phyag btsal lo ||
de nas go rims bźin du byaṅ chub (6) sems dpa’ lo bcu drug pa’i na tshod du gyur to ||
rgyal pos byaṅ chub sems dpa’ la dus gsum du rjes su rigs par khaṅ bzaṅs gsum byas nas gcig dgu thog gcig la bdun thog gcig la lṅa thog go ||
stoṅ phrag bźi bcu’i gar byed pa’i bud med rnams ñe bar gnas par byas so ||
byaṅ (7) chub sems dpa’ ni lha bźin du lha daṅ ’dra ba’i bud med rnams ’khor du byas nas rgyan gyis brgyan pa’i bud med du ma daṅ bcas pa skyes pa med pa’i rol mo sgrogs pa ’khor du bya ste phun sum tshogs pa chen po rjes su myoṅ bar byed do ||
dus kyi res daṅ dus kyi res la de daṅ de’i khaṅ bzaṅs su (224a1) bźugs so ||
gźan yaṅ sgra gcan ’dzin gyi ma de ñid btsun mo rnams kyi gtso mor gyur to ||
de’i de bźin du phun sum tshogs pa chen po rjes su myoṅ bar byed do ||
ñi ma gcig la ñe du’i naṅ du ’di lta bu’i gtam byuṅ ṅo ||
don grub rtsed mos brjed nas gśegs śiṅ bzo (2) cuṅ zad kyaṅ mi slob bo ||
g-yul so so nas ñe bar gyur na ci byed | de’i tshe byaṅ chub sems dpa’ bos nas bu khyod kyi ñe du rnams don grub bzo cuṅ zad kyaṅ mi slob ciṅ rtsed mos gśegs nas ’gro’o źes zer ro ||
’dir g-yul byuṅ na ji ltar byed ces bsams ||
lha ṅas bzo bslabs pa la (3) dgos pa med do ||
groṅ khyer gyi mi rnams bdag gi bzo blta ba’i sems yod na dril sgrogs śig | ’di nas źag bdun pa la ñe du rnams la bzo bstan par bgyi’o ||
rgyal pos de bźin du byas so ||
byaṅ chub sems dpas sgra la ’phen pa daṅ | spun la ’phen pa daṅ | gźu thogs (4) pa ’dus par byas nas skye bo maṅ po’i naṅ du gźan gźu thogs pa daṅ thun moṅ ma yin pa ñe du rnams la bzo bcu gñis bstan no ||
de rnams mda’ ’joms pa’i skyes rabs las ’byuṅ ba’i tshul bźin du rig par bya’o ||
de’i ñe du rnams kyi the tshom sel lo ||
gźan yaṅ byaṅ chub sems (5) dpa’ skyed mos tshal du gśegs par bsams nas kha lo sgyur ba bos te | śiṅ rta chas su chu gcig ces smras so ||
des legs so źes brjod ciṅ tshig thos nas śiṅ rta chen po’i ’khor lo’i mchog la ji ltar rigs pa’i rgyan thams cad kyis brgyan nas ku mu da’i ’dab ma’i mdog daṅ ’dra ba’i (6) bkra śis pa’i rta bźis śiṅ rta khrid nas byaṅ chub sems dpa’ gśegs so ||
byaṅ chub sems dpa’ lha’i gźal med khaṅ bźin du śiṅ rta la źon nas skyed mos tshal gyi phyogs su gśegs so ||
lha rnams kyis gźon nu don grub kyi mṅon par rdzogs par byaṅ chub pa’i dus (7) ni ñe bar gyur to ||
sṅar gyi mtshan ma rnams blta bar rigs so ||
lha’i bu cig gis rgas pa ’khogs pa so byi ba skra dkar ba sgur ba rgyab grum pa’i lus can lag tu ’khar ba thogs pa skad ’dzer bar byed pa bstan no ||
de byaṅ chub sems dpa’ daṅ kha lo sgyur bas mthoṅ ṅo ||
de nas (224b1) byaṅ chub sems dpas kha lo sgyur ba la dris so ||
skyes bu ’di gaṅ źig yin | skra yaṅ gźan daṅ mi ’dra ba ji lta bu | gtso bo chen po’i mdo nas byuṅ ba bźin ’dri bar bya’o ||
de’i tshig thos nas skye ba mi rtag ciṅ skyes par gyur pa thams cad rgas par ’gyur ro źes sems sdug bsṅal źiṅ de ñid du (2) bzlog nas raṅ gi khaṅ bzaṅs ñid du gśegs so ||
rgyal pos rgyu mtshan ci’i phyir bdag gi sras po myur du ldog pa ci’i phyir dris so ||
lha rgas śiṅ ’khogs pa’i mi gcig mthoṅ bas rab tu ’byuṅ ṅo ||
myur du bu la gar byed pa rnams sta gon gyis śig | phun sum tshogs pa ñams su myoṅ (3) bar byas pas rab tu ’byuṅ ba rjes su dran par mi ’gyur ro źes smras nas sruṅ bar byed pa spel te phyogs thams cad du rgyaṅ grags brgyad brgyad du bźag go ||
gźan yaṅ ñi ma gcig la byaṅ chub sems dpa’ de bźin du skyed mos tshal du gśegs pa na lhas sprul pa’i nad pa gcig mthoṅ nas sṅar (4) bźin du dris so ||
sems sdug bsṅal bar gyur te slar yaṅ bzlog nas raṅ gi khaṅ bzaṅs su gśegs so ||
rgyal pos yaṅ dris pa sṅar de bźin du byas nas slar yaṅ spel te thams cad du rgyaṅ grags bcu gñis kyi sa’i char sruṅ bar byed pa bźag go ||
yaṅ ñi ma gźan la byaṅ chub sems (5) dpa’ de bźin du skyed mos tshal du gśegs pa na lhas sprul pa’i dus la ’das pa gcig mthoṅ nas sṅar bźin du dris te sems sdug bsṅal bar gyur nas | slar yaṅ bzlog ste khaṅ bzaṅs su gśegs nas rgyal pos dris pa sṅar bźin du byas nas | slar yaṅ bsruṅ ba spel ti kun nas (6) bskor bar dpag tshad gcig gi tshad la bsruṅ ba bźag go ||
slar yaṅ ñi ma gźan la skyed mos tshal du gśegs pa na de bźin du lhas sprul pa’i gos bzaṅ po legs pa gyon pa’i rab tu byuṅ ba gcig gzigs nas | ’di’i miṅ ci źes kha lo ba la dres so ||
gaṅ du yaṅ saṅs rgyas byon par (7) ma gyur ciṅ rab tu byuṅ ba’i yon tan mi śes lha’i mthus slar yaṅ lha rab tu byuṅ ba yin źes brjod do ||
rab tu byuṅ ba’i yon tan la bsṅags pa brjod do ||
byaṅ chub sems dpa’ rab tu byuṅ ba la ’dun pa skyes nas de’i ñin mo skyed mos tshal du gśegs so ||
slob dpon kha cig (225a1) ’di skad zer te | sṅun gyi mtshan ma bźi pa ñi ma gcig ñid la mthoṅ ṅo źes zer ro ||
de la ñid mo’i char rtse źiṅ bkra śis pa’i rdziṅ bur khrus byas nas ñi ma nub pa na bkra śis pa’i rdo leb kyi stan la bźugs so ||
raṅ la rgyan gyis brgyan par (2) sems so ||
de nas rjes su ’braṅ ba’i skyes bu rnams kha dog sna tshogs pa’i gos daṅ rgyan rnam pa sna tshogs pas brgyan | me tog gi phreṅ ba daṅ spos daṅ byug pa la sogs pa bslaṅs nas phyogs kun du bskor nas ’dug go ||
de ma thag par brgya byin sdod pa’i gdan dro bar gyur to ||
gaṅ (3) źig bdag gi gnas ’dor ba’i sems su źig la skyes par gyur źes brtags so ||
byaṅ chub sems dpa’i rgyan byed pa’i dus mthoṅ ṅo ||
las thams cad pa bos so ||
las thams cad pa gźon nu don grub de riṅ gi mtshan phyed kyi dus su ṅes par ’byuṅ ba chen pos ’thon no ||
’di (4) de’i phyi ma’i rgyan yin no ||
skyed mos tshal du soṅ la skyes bu chen po lha’i rgyan gyis brgyan par gyis śig | des de thos nas legs so źes brjod de lha’i mthus de ma thag par ñe bar soṅ ste | de’i rim gro ba daṅ mtshuṅs par gyur nas rim gro pa’i lag tu ras bslaṅs nas byaṅ chub sems dpa’i (5) dbu la bciṅs so ||
byaṅ chub sems dpas mgo la lag pas reg pa na ’di mi ma yin te lha’i bu yin par śes so ||
bciṅs pa tsam na bciṅs pa’i dbu’i cod pan nor bu rin po che’i rnam pa la stoṅ phrag gcig gi du gu la’i ras kyis bciṅs so ||
slaRa yaṅ ’chiṅ ba na du gu la’i ras stoṅ (6) phrag gcig gis lan bcu dkris nas stoṅ phrag bcus du gu la’i ras bciṅs so ||
dbu ni chuṅ źiṅ du gu la’i ras ni maṅ bas ji ltar bciṅ źes mi bsam mo ||
de rnams thams cad la khri źiṅ s ka la’i me tog gi tshad tsam che ba’o ||
yaṅ na ku ba’i me tog gi tshad tsam du gyur to ||
byaṅ chub (7) sems dpa’i dbu ki dza la ka’i me tog ltar mtshuṅs pa’o ||
yaṅ na gu spya ka’i me tog ltar gyur pa’o ||
de nas rgyan thams cad kyis so sor brgyan nas rol mo thams cad raṅ raṅ gi sgra ’byin źiṅ bram ze rnams rgyal bar gyur cig dga’ bar gyur cig ces rnam pa sna tshogs pa’i bkra śis kyis bstod (225b1) pa’i dbyaṅs byed do ||
rgyan thams cad kyis brgyan nas mchog gi śiṅ rta la chibs so ||
de’i tshe grags ’dzin ma la bu btsas so ||
rgyal po zas gtsaṅ gis thos nas bdag gi bu dga’ bar bya ba’i phyir pho ña ba btaṅ ṅo ||
byaṅ chub sems dpas de thos nas sgra gcan ’dzin skyes pas ’chiṅ ba skyes (2) so źes gsuṅs so ||
rgyal po bdag gi bu la ci’i phyir ’dri | de’i tshig thos te ’di nas bzuṅ ste bdag gi tsha bo gźon nu sgra gcan ’dzin ñid miṅ du gyur to źes smras so ||
byaṅ chub sems dpas kyaṅ grags pa chen pos śin tu dga’ ba daṅ dpal daṅ skal ba bzaṅ po daṅ ldan pa’i groṅ khyer du gśegs (3) so ||
de’i tshe gau ta mI skem mo źes bya ba rgyal rigs kyi bu mo khaṅ bzaṅs kyi steṅ du ’dug pas groṅ khyer la bskor ba byed pa’i byaṅ chub sems dpa’i dpal daṅ ldan pa’i gzugs mthoṅ nas | dga’ ba daṅ yid bde ba skyes te ched du brjod pa ’di ched du brjod do ||
de yi ma ni źi bar gyur | de yi pha ni ṅes (4) par źi ||
de yi bud med ṅes źir gyur ||
de yi yaṅ ni de bdag mtshuṅs ||
byaṅ chub sems dpas thos nas bsams pa | ’di ’di lta bur smra ba | ’di lta bu’i tshul gyi bdag ñid kyi lus mthoṅ bas ma’i sems źi bar gyur | pha’i sems źi bar gyur | skye dgu daṅ skye dgu’i bdag mo’i sems źi (5) bar gyur źes smra’o ||
ci’i phyir sems źi ba źes bya ba’i don gaṅ | de nas ñon moṅs pa’i chags pa med pa’i sems la de skad brjod do ||
’dod chags kyi me źi bar gyur pa ni źi ba’i miṅ du gyur to ||
skyon gyi me daṅ gti mug gi me źi bar gyur pa ni źi ba’i miṅ du gyur to ||
ṅa rgyal daṅ lta ba la (6) sogs pa’i ñon moṅs pa kun skyes pa thams cad źi ba ni źi ba’i miṅ du brjod do ||
’di bdag la tshig sñan pa brjod ciṅ bdag ni mya ṅan las ’das pa tshol du ’gro źiṅ tshol lo ||
de riṅ ñid nas bdag khyim na gnas pa spaṅs nas ṅes par ’byuṅ bas rab tu byuṅ nas mya ṅan las ’das pa tshol bar rigs (7) so ||
’di ni bdag gi slob dpon mar gyur to ||
gau ta mI skem mo la ’bum phrag gcig ri ba’i mu tig gi dra ba mgrin pa nas bkrol te bskur ro ||
des don grub gźon nu bdag la chags śiṅ źen par gyur pas sems rten bskur ba yin pas des sems bde ba skyes par gyur to ||
byaṅ (226a1) chub sems dpa’ ni dpal daṅ ldan skal ba bzaṅ po daṅ ldan pa’i raṅ gi khaṅ bzaṅs su gśegs nas dpal gyi mal stan la gzims so ||
de ma thag tu rgyan thams cad kyis brgyan pa’i glu daṅ gar rnams legs par bslabs pa’i lha’i bu mo daṅ ’dra ba’i gzugs mchog daṅ ldan pa’i (2) bud med rnams kyis rnam pa sna tshogs pa’i rol mo bzuṅ nas de la yoṅs su bskor nas mṅon par dga’ bar byed ciṅ gar daṅ glu daṅ rol mo la sogs pa byed par rtsom mo ||
byaṅ chub sems dpa’ ñon mogs pa la mi dga’ ba’i sems kyis gar la sogs pa la mṅon par dga’ ba med pas yud tsam gyis (3) mnal du bźud do ||
bud med de rnams kyaṅ gaṅ gi don du ṅed rnams kyis gar la sogs pa byed pa la de mnal du gśegs so ||
da ni ci’i phyir bdag cag ṅal bar byed gaṅ daṅ gaṅ bslabs pa’i rol mo rnams sa la bźag nas ñal lo ||
dri bzaṅ daṅ ldan pa’i ’bru mar gyi mar me daṅ ldan pa’i byaṅ (4) chub sems dpa’ rab tu sad nas mal gyi steṅ du skyil kruṅ gis bźugs nas gzigs pas bud med rnams rol mo bźag nas gñid du soṅ ba gzigs so ||
kha cig mchil ma lug pa daṅ | kha cig ni lus la mchil mas gos pa’i dri ma can du gyur pa daṅ | kha cig ni so ’cha’ ba daṅ | (5) kha cig ni ṅar ṅar ’byin pa daṅ | kha cig ni rñam rmi ’chad pa daṅ ||
kha cig ni kha gdaṅs pa daṅ | kha cig ni gos źus pa daṅ | ’ga’ źig gi ni mtshan ma snaṅ ṅo ||
byaṅ chub sems dpas de rnams kyi rnam ’gyur gzigs nas thugs ’jigs pas ’dod pa la mi dga’ bar gyur to ||
(6) de’i rgyan du byas pa ni ñe bar ldan pa brgya byin gyi pho braṅ daṅ mtshuṅs pa’i khaṅ bzaṅs chen po yaṅs śiṅ rnam pa sna tshogs pa’i dri ṅa bas gaṅ ba’i ro daṅ ldan pa’i dur khrod daṅ mtshuṅs par bsams so ||
srid pa gsum po me ’bar ba’i khyim daṅ mtshuṅs par bsams so ||
bdag la gnod (7) par byed pa daṅ | ’tshe bar byed pa’o źes ched du brjod pa ’chad ciṅ śin tu rab tu ’byuṅ bar ’dod par gyur to ||
de bdag gi de riṅ nas ṅes par ’byuṅ ba chen pos ’thon par bsams te mal nas bźeṅs nas sgo daṅ ñe bar gśegs te ’di na su yod ces dris so ||
blon po ’dun pa them pa la (226b1) sṅas byas nas ñal lo ||
’phags pa bu bdag blon po ’dun pa yin no źes smras so ||
ṅa ni ṅes par ’byuṅ ba chen pos ’thon par ’dod do ||
bdag gi rta gcig la sga gyis śig | des lha legs so źes brjod nas rta’i sga khyer te rta rar soṅ nas dri bzaṅ po daṅ ldan pa’i ’bru mar gyi mar me sbar (2) ba su ma na’i me tog can gyi dar gyi bla res kyi ’og na śin tu dga’ ba’i sa phyogs la sdod pa’i rta’i rgyal po bsṅags ldan mthoṅ ṅo ||
da ni bdag gis ’di ñid kyi sga bya bar rig nas bsṅags ldan la sga sgron no ||
des sga sgron par śes nas ’di sga sgron pa na glo bsdams so ||
ñi ma gźan la skyed mos (3) tshal du rtsed mo la ’gro ba’i dus su sga ’di ltar ma byas so ||
bdag gi sras ’phags pa | da ni ṅes par ’byuṅ ba chen pos ’thon par ’dod par gyur to sñam nas sems dga’ bas rta skad tsher tsher ’don pa de’i sgra groṅ khyer thams cad du grag par byed pa slar yaṅ lha rnams kyis de’i sgra bkag nas sus kyaṅ (4) mi thos par byas so ||
byaṅ chub sems dpas kyaṅ blon po ’dun pa rta’i gnas su btaṅ nas re źig bu la blta bar bsams so ||
grags ’dzin ma’i gnas su gśegs te sgo phye nas de ma thag par ñal sa’i naṅ du dri bzaṅ po daṅ ldan pa’i ’bru mar gyi mar me spar ba grags ’dzin ma su ma na’i me tog daṅ | (5) mal li ka’i me tog la sogs pa’i me tog mal gyi steṅ du khal gcig tsam bkram pa’i steṅ du bu’i mgo’i steṅ du lag pa bźag nas gñid du soṅ ba la byaṅ chub sems dpas sgo’i them pa’i steṅ du źabs ya gcig bźag ste ’khod pas gzigs so ||
gal te bdag gis lha mo’i lag pa nas ’then (6) nas raṅ gi bu bslaṅ bar bsams te | lha mo gñid sad na bdag ñid ’gro ba’i bar gcod du ’gyur źiṅ saṅs rgyas su gyur nas bu blta’o sñam du sems te khaṅ bzaṅs nas babs so ||
slar yaṅ slob dpon kha cig ’di ltar smra ste | de’i tshe byaṅ chub sems dpa’ gśegs pa’i sṅon rol gyi ñi ma (7) bdun gyi goṅ du skyes so źes zer ro ||
de ’dra gźan du ma bśad pas de’i phyir ’di kho na gzuṅ bar bya’o ||
’di ltar byaṅ chub sems dpa’ khaṅ bzaṅs nas babs nas rta’i ra ba ñid du gśegs te ’di ltar gsuṅs so ||
bu bsṅags ldan khyod kyis da ni nub gcig bsgral bar gyis śig | (227a1) bdag khyod kyi drin gyis saṅs rgyas su gyur nas lha daṅ bcas pa’i ’jig rten thams cad bsgral bar bya’o ||
de nas bsṅags ldan gyi rgyab tu chibs so ||
bsṅags ldan gyi ske nas bzuṅ nas mchu ru khru bcwa brgyad pa | de daṅ ’thun pa’i mtho tshad daṅ ldan źiṅ mthu daṅ mgyogs (2) pa daṅ ldan la duṅ phyis pa’i kha dog ltar thams cad dkar ba daṅ mtshuṅs pa’o ||
gal te tsher tsher sgrogs pa ’am rmig pa’i sgra sgrogs pa’i sgras groṅ khyer thams cad grag par ’gyur ba’o ||
de’i phyir lha raṅ gi mthus de sus kyaṅ mi thos par de ’di ltar sgra sgrogs pa bkag go ||
khrab khrab ’gro (3) ba’i rkaṅ lag gi rmig pa re re lha’i lag pa’i mthil du ñe bar bźag go ||
byaṅ chub sems dpas rta’i rgyab kyi dbus su bźugs so ||
blon po ’dun pa rta’i mjug ma nas zuṅ cig ces mtshan phyed kyi dus su sgo chen po daṅ ñe bar phyin to ||
de’i tshe slar yaṅ ’di ltar rgyal po chen pos ’di ltar byaṅ (4) chub sems dpa’ gaṅ gi dus su yaṅ groṅ khyer chen po’i sgo phye nas phyi rol du ’gro bar mi nus par phyed sgo ma’i sgo glegs re re la mi stoṅ phrag re res dbye dgos par bskos so ||
byaṅ chub sems dpa’ stobs daṅ ldan pas glaṅ po che’i graṅs bye ba stoṅ phrag bcu’i glaṅ po che’i stobs ’dzin no ||
mi’i graṅs (5) kyis mi bye ba ’bum phrag gcig gi mi’i stobs ’dzin no ||
byaṅ chub sems dpas bsams pa | gal te sgom phyed na da ni bsṅags ldan gyi rgyab tu bźugs pa ñid ni blon po ’dun pas rṅam nas bzuṅ ba daṅ lhan cig ñid du bsṅags ldan brla btsir nas khru bcwa brgyad pa’i lcags ri’i mtho tshad la (6) mchoṅs te ’da’ bar bsams so ||
blon po ’dun pas bsams pa | gal te sgo ma phyed na bdag gis ’phags pa sras dpuṅ pa la khyer nas lag pa g-yas pas bsṅags ldan gyi gsus pa mchan khuṅ du bcug nas lcags ri la mchoṅs te ’da’ bar bsams so ||
bsṅags ldan gyis (7) bsams pa | gal te sgo ma phyed na bdag gis raṅ gi bdag po ji ltar rgyab tu bźugs pa de bźin ñid du blon po ’dun pas rṅa ma nas bzuṅ nas lhan cig tu gnas pa ñid du khur nas lcags ri la mchoṅs te ’da’ bar bsams so ||
gal te sgo ma phyed par gyur na ji ltar bsams pa de bźin du gsum (227b1) po’i naṅ nas gaṅ yaṅ ruṅ ba gcig ṅes par ’gyur ro ||
slar yaṅ sgo sruṅ ba’i lha rnams kyis sgo phye’o ||
de ma thag ñid du bdud kyis byaṅ chub sems dpa’ bzlog par bsams nas ’oṅs te nam mkha’ la ’dug nas smras pa | draṅ sroṅ chen po ṅes par ’byuṅ bas ma ’gro cig | ’di nas ñi ma (2) bdun pa la khyod kyis rin po che’i ’khor lo thob par ’gyur ro ||
gliṅ phran stoṅ phrag gñis kyis yoṅs su bskor ba’i gliṅ chen po bźi’i rgyal srid byed par ’gyur ro ||
draṅ sroṅ chen po zlog cig ces smras so ||
khyod su źig yin źes dris so ||
bdag ni ’jig rten gyi dbaṅ po yin źes smras (3) so ||
bdud rin po che’i ’khor lo bdag la yoṅ bar bdag gis śes te bdag la rgyal po’i dgos pa med do ||
stoṅ phrag bcu’i ’jig rten gyi khams su sgra sgrogs śiṅ saṅs rgya bar ’gyur ro źes brjod do ||
bdud kyis smras pa | ’di nas bzuṅ nas ’dod pa’i rnam par rtog pa’am | gnod sems (4) kyi rnam par rtog pa’am | rnam par ’tshe ba’i rnam par rtog pa sems la bsams pa’i dus bu bdag gis śes so źes smras so ||
grogs daṅ ma bral bar grib ma bźin du rjes su ’brel bar ’gro’o ||
byaṅ chub sems dpa’ yaṅ ’khor los sgyur ba’i rgyal srid lag tu thogs kyaṅ mchil (5) ma’i thal ba bźin du ltos pa med par dor nas bkur sti chen pos groṅ khyer nas phyir ’thon no ||
dbyar zla ’briṅ po’i ña la mchog gi skar ma bre’i dus su phyir ’thon nas slar yaṅ groṅ khyer la bzlog nas blta bar brjod par bsams so ||
’di ltar byaṅ chub sems dpa’i thugs la ’khruṅs tsam ñid (6) na’o ||
skyes bu chen po khyod kyis log nas blta ba’i las kyi bsod nams khyod kyis byas pa med dam źes brjod pa bźin du sa gźi chen po rdza mkhan gyi ’khor lo bźin du phug nas bzlog go ||
byaṅ chub sems dpa’ groṅ khyer la sṅon du phyogs śiṅ ’khod nas groṅ khyer la gzigs te de’i sa phyogs (7) źig tu bsṅaṅs ldan ldog pa’i mchod rten gyi gnas gcig bstan no ||
bsṅags ldan ’gro ba’i lam la mṅon du phyogs par byas nas byon no ||
bkur sti chen po daṅ dpal daṅ skal ba bzaṅ po daṅ ldan no ||
de’i tshe lha rnams kyis de’i mdun du stoṅ phrag drug cu’i mar me chen po spar ro ||
(228a1) rgyab kyi phyogs su yaṅ mar me chen po stoṅ phrag drug cu spar ro ||
g-yas kyi phyogs su yaṅ mar me chen po stoṅ phrag drug cu spar ro ||
g-yon gyi phyogs su yaṅ mar me chen po stoṅ phrag drug cu spar ro ||
lha gźan rnams kyis kyaṅ khor yug gi ri’i steṅ du graṅs med pa’i mar me stoṅ (2) phrag maṅ po spar ro ||
lha gźan rnams daṅ klu daṅ ’dab bzaṅs la sogs pas lha’i spos daṅ me tog gi phreṅ ba daṅ phye ma daṅ bdug pa la sogs pas mchod ciṅ ’gro’o ||
p ri tstsha ttra’i me tog ñid daṅ man d ra’i me tog sprin ltar mthug pa rgyun du ’bab pa bźin du nam mkha’ las rgyun mi ’chad par (3) me tog gi char babs par gyur to ||
lha’i glu dbyaṅs sgrogs par gyur to ||
kun nas bskor bar stoṅ phrag drug cu rtsa brgyad kyi rol mo’i sgra sgrogs so ||
rgya mtsho’i dbus su ’brug gi sgra sgrogs pa bźin no ||
ri bo gña’ śiṅ ’dzin gyi ’gram du rgya mtsho’i sgra sgrogs pa’i dus bźin du ’jug (4) go ||
’di ni dpal daṅ skal ba bzaṅ po daṅ ldan pa’i byaṅ chub sems dpa’ gśegs pa’i mtshan gcig la rgyal srid gsum spaṅs nas dpag tshad sum cu’i mthar yid ldan źes bya ba’i chu kluṅ gi ’gram du bźud do ||
ci’i phyir yaṅ rta ’di’i pha rol tu yaṅ ’gro bar mi nus sam | mi nus pa ni (5) ma yin te | de ni khor yug gcig gi naṅ du sṅa dro gcig la soṅ nas bskor te de ma thag tu sṅa dro ñid du ’oṅs śiṅ raṅ gi mdun du kha zas byin pa za bar nus so ||
de’i tshe slar yaṅ lha daṅ klu daṅ ’dab bzaṅs la sogs pa nam mkha’ la ’khod nas spos daṅ me tog gi phreṅ ba la sogs pa babs (6) te | ji srid rta’i brla’i bar du lus nub pas ’thon par mi nus pa spos daṅ me tog gi phreṅ ba la sogs pa ni ral pa ltar gdon par mi nus par śin tu thogs par gyur to ||
de’i phyir dpag tshad sum cu rtsa gñis su soṅ ṅo ||
de nas byaṅ chub sems dpa’ chu kluṅ gi ’gram du ’khod nas blon po (7) ’dun pa la dris pa | chu kluṅ ’di’i miṅ ci | lha yid ldan źes bgyi ba lags so ||
bdag kyaṅ rab tu ’byuṅ ba la yid daṅ ldan pa źes bya bar gyur to ||
źabs kyis brgyab ste rta bskul ba byas te | rta yis mchoṅs nas glaṅ brgyad kyi skad tsam gyi chu kluṅ gi źeṅ ’gram gyi pha rol du ’khod (228b1) do | |byaṅ chub sems dpa’ rta’i rgyab nas babs te dṅul daṅ mtshuṅs pa’i bye ma’i phuṅ po’i steṅ du ’khod do ||
’dun pa bos nas khyod kyis bdag gi rgyan rnams daṅ bsṅags ldan khrid la soṅ cig | bdag rab tu ’byuṅ bar ’gyur ro ||
lha bdag kyaṅ rab tu ’byuṅ du gsol | byaṅ chub sems (2) dpas khyod kyis rab tu ’byuṅ ba mi ’thob pas soṅ cig | lan gsum du źus kyaṅ ma gnaṅ ṅo ||
rgyan daṅ bsṅags ldan lag pas gtad de bsams pa | bdag gi skra ’di dge sbyoṅ daṅ mi ’thun no sñam nas byaṅ chub sems dpa’ gźan gyis kyaṅ skra breg par ruṅ ba gźan med do ||
de nas bdag (3) ñid kyi ral gris breg par bsams so ||
phyag g-yas pas ral gri bzuṅ nas phyag g-yon pas cod pan daṅ bcas pa’i nor bu bzuṅ ste bcad do ||
dbu skra ni sor gñis par gyur ciṅ g-yas phyogs nas ’khyil bas dbu la gnas so ||
de rnams ji srid ’tsho’i bar de ñid kyi tshad du gyur to ||
kha (4) spu yaṅ med par gyur to ||
slar dbu skra daṅ kha spu bźar mi dgos par gyur to ||
byaṅ chub sems dpas cod pan daṅ bcas pa’i nor bu bzuṅ nas gal te bdag saṅs rgya bar ’gyur na nam mkha’ la ’khod cig | ma yin na sa la lhuṅ bar gyur cig ces nam mkha’ la dor ro ||
de (5) ni gtsug gi nor bu bciṅs pa dpag tshad gcig gi tshad tsam du soṅ nas nam mkha’ la ’khod do ||
lha’i rgyal po brgya byin gyi lha’i mig gis bltas pas dpag tshad gcig gi tshad tsam gyi rin po che’i za ma tog gi naṅ du bcug nas sum cu rtsa gsum gyi pho braṅ du gtsug gi nor bu bźugs pa’i (6) mchod rten bźeṅs so ||
mchog gi dri yis bsgos pa’i gtsug phud bcad ||
gaṅ zag mchog gis nam mkha’ la ni dor ||
mig stoṅ pa yis dbu skra mgo steṅ bzuṅ ||
gser gyi za ma tog tu lha gnas khyer ||
slar yaṅ byaṅ chub sems dpas bsams pa | yul ka śi ka’i (7) ras ’di dge sbyoṅ bdag gi tshul daṅ ’thun pa ma yin no źes bsams so ||
de nas saṅs rgyas ’od sruṅ gi dus su sṅon gyi grogs po rdza mkhan tshaṅs pa chen por gyur to ||
saṅs rgyas gcig gi bar du grogs po daṅ ma phrad do źes bsams te de ni bdag gi grogs po ṅes par ’byuṅ ba chen pos ’thon (229a1) no ||
dge sbyoṅ gi yo byad ’di bzuṅ nas ’gro’o źes bsams so ||
chos gos gsum daṅ lhuṅ bzed daṅ ||
spu gri khab daṅ ska rags daṅ ||
chu tshags daṅ bcas brgyad yin no ||
dge sbyoṅ rnams la rigs śiṅ mkho ||
dge sbyoṅ gi mkho ba’i yo byad brgyad po ’di bslaṅs nas (2) phul lo ||
byaṅ chub sems dpas mchod par ’os pa’i rgyal mtshan gyon nas rab tu ’byuṅ ba mchog gi cha byad bslaṅs te ’dun pa la bdag gi tshig gis ma daṅ yab la bdag la nad med par gyur to źes smros śig ces pas btaṅ ṅo ||
’dun pas byaṅ chub sems dpa’ la phyag byas bskor ba byas (3) nas soṅ ṅo ||
slar yaṅ bsṅags ldan gyis ’dun pa daṅ byaṅ chub sems dpa’ gsuṅ gleṅ byed ciṅ ’dug pa thos na | bdag ni jo bo daṅ phrad par mi ’gyur źes bsams so ||
mig lam du spaṅs nas mya ṅan la śin tu gnas pa bsran par ma nus te sñiṅ gas nas dus las ’das te sum cu rtsa (4) gsum gyi gnas su bsṅags ldan źes bya ba’i lha’i bur skyes so ||
’dun pa la daṅ po’i mya ṅan du gyur pa gcig go ||
slar yaṅ bsṅags ldan dus las ’das pa’i rgyu mtshan gyis mya ṅan gñis pas gzir te | ṅu źiṅ smre sṅags ’don źiṅ groṅ khyer du soṅ ṅo ||
byaṅ chub sems dpa’ de’i phyogs (5) ñid du rjes su dga’ ba źes bya ba’i a mra’i tshal yod do ||
der ñi ma bdun nas rab tu ’byuṅ ba’i bde bas gnas śiṅ ñin mtshan ’da’o ||
ñi ma gcig ñid la dpag tshad sum cu’i lam du źabs kyis gśegs nas rgyal po’i khab tu byon no ||
byon nas sgo mthar chags su bsod sñoms (6) la gśegs te groṅ khyer pa thams cad kyis byaṅ chub sems dpa’i sku mthoṅ nas glaṅ po che nor skyoṅ źugs pa’i rgyal po’i khab bźin daṅ lha ma yin gyi dbaṅ po źugs pa’i lha’i groṅ khyer bźin du kun du ’khrugs par gyur te | rgyal po’i mi ’oṅs śiṅ | lha ’di lta bu’i gzugs kyi sems can (7) gcig groṅ khyer na bsod sñoms byed de | lha’am mi ’am ’dab bzaṅs te ’di gaṅ yin bdag cag gis ma śes so źes smras so ||
rgyal po khaṅ bzaṅs kyi steṅ du ’khod nas skyes bu chen po mthoṅ ste ya mtshan daṅ rmad du byuṅ ba skyes so ||
mi gcig bos nas soṅ la rtogs śig | (229b1) gal te mi ma yin par gyur na groṅ khyer nas phyi rol du soṅ ste mi snaṅ bar ’gyur ro ||
gal te lha yin par gyur na nam mkha’ la ’gro’o ||
gal te klu yin na sa’i ’og tu ’gro bar ’gyur ro ||
gal te mi yin na ji ltar thob pa’i kha zas za’o źes bsgo’o ||
skyes bu chen pos kyaṅ kha zas (2) ’dres pa rnams bsdus nas bdag la ’di tsam gyis chog par rtogs te | źugs pa’i sgo ñid nas groṅ khyer gyi phyi rol du ’thon te | ri skya bo’i grib ma la śar du sṅun du phyogs pas bźugs nas kha zas la loṅs spyod par brtsams so ||
de nas gaṅ gi sgyu ma phyin ci log ste kha nas ’thon pa’i rnam par (3) bsams par gyur to ||
de nas de’i bdag ñid kyi lus kyis ’di lta bu’i tshul gyi kha zas mig gis mthoṅ ba yaṅ dkon no ||
de’i phyir rigs so so’i kha zas la mi dga’ bar bsams nas ’di ltar raṅ la raṅ gis gdams so ||
don grub khyod rñed sla ba’i bza’ ba daṅ btuṅ ba’i rigs lo gsum pa’i (4) ’bras dri źim po’i bza’ ba sna tshogs pa’i ro daṅ bcas pa’i bza’ ba’i gnas su skyes par gyur nas phyag dar khrod pa gcig mthoṅ ste | nam du’aṅ bdag ni ’di lta bu’i tshul du gyur nas bsod sñoms la ’gro źiṅ kha zas loṅs spyod do ||
de’i dus su bdag la de ltar ’gyur ro źes bsams nas ’thon (5) no ||
da ni ’di ci byed pa yin źes ’di ltar raṅ la raṅ gis gdams nas rtog pa med par kha zas la loṅs spyod do ||
rgyal po’i mis ’da’i ’jug pa mthoṅ nas soṅ ste rgyal po la smras so ||
rgyal pos pho ña pa’i gtam thos nas myur par groṅ khyer gyi phyi rol du ’thon nas byaṅ chub sems dpa’ (6) daṅ ñe bar soṅ ste spyod lam la dad par gyur to ||
byaṅ chub sems dpa’ la dbaṅ phyug thams cad rdzogs par phul lo ||
byaṅ chub sems dpas rgyal po chen po bdag la dṅos po’i ’dod pa’am ñon moṅs pa’i ’dod pa’i don med do ||
bdag ni mchog gi mṅon par rdzogs par byaṅ chub pa (7) don du gñer bas ’oṅs so ||
rgyal pos rnam pa sna tshogs pa’i sbyin pa byin yaṅ de’i thugs la mi ’phrod do ||
ṅes par khyod saṅs rgya bar ’gyur ro ||
saṅs rgyas su gyur nas slar yaṅ daṅ por bdag gi groṅ khyer du byon par źu źes dam bca’ bzuṅ ṅo ||
’di ni ’dir mdor bsdus pa ste | (230a1) rgyas par ni slar yaṅ ’di rab tu ’byuṅ ba’i mdo daṅ bcas par don daṅ gtam ’di ni blta źiṅ rig par bya’o ||
byaṅ chub sems dpas kyaṅ rgyal po la dam bca’ byin nas go ra mis bźin du spyod pa la gśegs śiṅ kun nas tshon daṅ nag po can daṅ | ’char byed gser daṅ | dga’ (2) byed bu’i gnas su ñe bar gśegs nas sñoms par ’jug pa bskyed de saṅs rgyas thob pa’i lam ni ’di ma yin no ||
de la sñoms par ’jug pa skyes kyaṅ dgyes par ma gyur nas lha daṅ bcas pa’i ’jig rten pa’i raṅ gi stobs daṅ brtson ’grus rnams la legs par blta bar ’dod pas dka’ ba chen po (3) spyod pa’i bsam pas lteṅ rgyas su byon te sa phyogs ’di ni śin tu dga’ ba yin no sñam nas de ñid du ñe bar gnas par byas te dka’ ba chen po spyod do ||
de yaṅ kauNDi nya la sogs pa rab tu byuṅ ba lṅa groṅ daṅ groṅ rdal daṅ rgyal po’i pho braṅ rnams su bsod sñoms la rgyu źiṅ byaṅ chub sems dpa’i (4) gnas der ’oṅs so ||
de nas lo drug tu dka’ ba chen po spyad do ||
da ni saṅs rgyas su ’gyur ro da ni saṅs rgyas su ’gyur ro źes źus pa’i gnas la byi dor la sogs pa byed ciṅ sku la rim gro byed par gyur te ñe bar gnas par gyur to ||
byaṅ chub sems dpa’ yaṅ phyi ma’i mthar thug par (5) dka’ ba spyad par bsams so ||
til gcig daṅ ’bras kyi ñag ma gcig la sogs pa’i ñi ma ’da’ źiṅ thams cad du yaṅ kha zas thams cad spaṅs so ||
lha rnams kyis kyaṅ ba spu’i bug re re nas mdaṅs ston to ||
de nas de’i kha zas med par sku rid par gyur te | gser gyi kha dog can gyi (6) sku yaṅ nag por gyur to ||
skyes bu chen po’i mtshan sum cu rtsa gñis kyaṅ mi snaṅ bar gyur to ||
ñi ma gźan la yaṅ rluṅ dal bus bsam gtan byed ciṅ sku la zug gzer chen po skyes nas ’du śes med par gyur te ’chag pa’i gnas su ’gyel lo ||
de nas lha gcig gis dge sbyoṅ gau ta ma (7) dus las ’das so źes brjod do ||
gcig gis ’gyel ba na dgra bcom pa thob bo źes brjod do ||
der gaṅ źig gis dus las ’das so źes brjod nas de soṅ ste rgyal po chen po zas gtsaṅ la smras pa khyed kyi sras dus las ’das so ||
bdag gi sras saṅs rgyas ma thob par dus las ’das sam | (230b1) thob nas dus las ’das źes dris so ||
saṅs rgyas thob par ma nus so ||
dka’ ba spyod pa’i gnas su ’gyel nas dus las ’das so ||
’di thos nas rgyal po yid mches par gyur to ||
bdag gi sras saṅs rgyas ma thob par dus las ’da’ ba med do źes bkag go ||
gaṅ gi phyir slar yaṅ (2) rgyal po yid ma ches nas dka’ thub pa nag po lha len gyis phyag byed pa’i dus daṅ ’dzam bu’i śiṅ gi druṅ ñid du cho ’phrul mthoṅ ba’i rgyu mtshan ñid kyis so ||
slar yaṅ byaṅ chub sems dpas ’du śes thob nas bźeṅs so ||
lha de soṅ nas rgyal po chen po khyod kyi sras po de nad med par gyur to źes smras so ||
(3) rgyal pos sras po min par bdag gis śes so źes smras so ||
sems dpa’ chen po lo drug tu dka’ ba byed ciṅ ’di lta bu’i sems su gyur te | ’di lta bu’i dka’ thub spyod pa źes bya ba ni byaṅ chub kyi lam ma yin no źes bsams nas kha zas cuṅ zad la loṅs spyod par byed ciṅ groṅ daṅ groṅ rdal rnams su (4) bsod sñoms la rgyu bas bsod sñoms spyod do ||
de nas skyes bu chen po’i mtshan sum cu rtsa gñis gsal bar gyur to ||
sku gser gyi kha dog lta bur gyur to ||
dge sloṅ lṅa sde na re ’dis lo drug tu dka’ ba spyad kyaṅ thams cad mkhyen pa’i ye śes thob par ma gyur to ||
da ni groṅ la sogs par (5) bsod sñoms spyod ciṅ kha zas bslaṅs nas za ste | rol chags par gyur na ci nus ’dis dka’ ba spyad par ’khrul lo ||
lus la khrus byed par ’dod pas lus kyi ba spu re re’i sgor chu źugs nas ’dod pa’i thig ler gyur pa daṅ mtshuṅs so ||
bdag cag de’i ’dod pa’i rnam par rtog pa yod pa’i gnas su (6) ’dug pas ci źig bya | skyes bu chen po spaṅs śiṅ raṅ raṅ gi chos gos daṅ lhuṅ bzed thogs nas dpag tshad bcwa brgyad kyi lam du soṅ ste draṅ sroṅ lhuṅ ba’i tshal du gnas so ||
de’i tshe de’i dus su lteṅ rgyas na sde can gyi groṅ rdal ba źiṅ pa’i khyim du skyes pa’i legs skyes ma źes bya ba’i bu mo na tshod (7) ldan par gyur te nya gro dha’i śiṅ gcig don du gñer to ||
gal te bdag daṅ mñam par skyes pa’i rigs kyi khyim du soṅ nas daṅ por mṅal chags te | bu rñed na de la lo so sor ’bum phrag gcig ri ba’i gtor ma’i las bya’o ||
de’i don du gñer ba ’grub bo ||
des sems dpa’ chen po lo (231a1) drug gi mthar dka’ ba spyod pa rdzogs par byed do ||
dpyid zla tha chuṅ gi ña la gtor ma’i las byed par sems so ||
de’i sṅun ñid du stoṅ phrag gcig gi ba bźon ma śiṅ mṅar gyi nags su śiṅ mṅar za ba de rnams kyi ’o ma bźos nas bźon ma’i ba lṅa brgya la byin no ||
de (2) rnams kyi ’o ma bźos nas ba bźon ma phyed daṅ sum brgya la byin no ||
de bźin du bźon ma bcu drug gi ’o ma bźos nas pa bźon ma brgyad la byin no ||
de srid kyi’o ma ba ska mo daṅ mṅar ba daṅ mdaṅs daṅ mdog daṅ ldan pa don du gñer bar ’dod ciṅ ’o ma bskol lo ||
des dpyid zla tha chuṅ gi (3) ña’i ñin mo’i sṅa dro gtor ma’i las byed par sems śiṅ mtshan mo’i nam laṅs ka’i dus su ba ’jo mkhan laṅs nas ba bźon ma brgyad po ’jo ru soṅ ba | bi.i’u ba’i nu ma la ñe bar ma gyur par yaṅ | ba’i nu ma’i gam du snod sar pa ñe bar gnas pa byas pa tsam na raṅ gi chos ñid kyis ’o ma’i (4) rgyun gyis snod gaṅ bar gyur to ||
legs skyes mas ya mtshan che ba de mthoṅ ste | ’o ma raṅ gi lag pas khyer nas snod gsar par blugs pa la raṅ gi lag gis me btaṅ ste ’tshod par brtsams nas | der ’o thug bskol bas lbu ba chen po ’thon nas g-yas phyogs su ’khor źiṅ thur ma gcig (5) tsam yaṅ sa la ma lduṅ la | thab na du ba cuṅ zad kyaṅ med do ||
de’i tshe ’jig rten skyoṅ ba bźi po ’oṅs nas thab srun par byed do ||
tshaṅs pa chen pos ni gdugs ’dzin no ||
brgya byin gyis ni ji ltar rigs pa’i me gtoṅ bar byed do ||
stoṅ phrag gñis kyis yoṅs su bskor ba’i gliṅ (6) chen po bźi’i lha daṅ mi rnams kyis ji ltar rigs pa’i mdaṅs rnams lha raṅ raṅ gi mthus bsdus nas bcug go ||
mi rnams kyis kyaṅ de bźin du byas nas dus gźan la lha rnams zan gyi goṅ bu re res mdaṅs ’jug go ||
slar yaṅ byaṅ chub pa’i ñin mo daṅ yoṅs su mya ṅan las ’da’ ba’i (7) ñin mo snod ñid du ’jug par byed do ||
legs skyes mas ñi ma gcig ñid la der raṅ ñid gsal bar gyur nas ya mtshan che ba du ma mthoṅ ste bran mo rdzogs ma źes bya ba bos nas | rdzogs ma de riṅ bdag cag gi lta śin tu dgyes par gyur te | bdag gis de rnams kyi dus su ’di lta bu’i (231b1) tshul gyi ya mtshan che ba ma mthoṅ bas myur du soṅ la lha’i gnas su byi dor legs par gyis śig | des legs so źes brjod nas ’phags ma de’i tshig bzuṅ ste myur ba myur bar śiṅ gi druṅ du phyin no ||
byaṅ chub sems dpas kyaṅ de’i mtshan mo’i cha la rmi lam chen po lṅa gzigs pa yoṅs (2) su rtog ciṅ the tshom med par bdag de riṅ saṅs rgyas thob par ’gyur bar bya’o sñam du thugs brtan por mdzad nas | de’i nub mo ’das te sku’i byi dor mdzad nas bsod sñoms la gśegs pa’i dus kyi sṅa dro byon te | śiṅ nya gro dha’i druṅ du bźugs nas raṅ gi ’od kyis śiṅ thams cad snaṅ bar mdzad (3) do ||
de nas yaṅ rdzogs ma de ’oṅs nas byaṅ chub sems dpa’ śiṅ gi druṅ na śar phyogs kyi ’jig rten gyi khams la gzigs śiṅ gzigs pa mthoṅ la sku la ’od zer ’thon pa’i ’od kyis śiṅ thams cad gser gyi kha dog tu mthoṅ ṅo ||
des ’di ltar bsams te | de riṅ bdag cag gi lha śiṅ la (4) babs nas raṅ gi lag ñid kyis gtor ma len ciṅ bźugs so źes bsams pas sems tshim pa thob nas myur du soṅ ste legs skyes ma la don de rnams smras so ||
legs skyes mas de’i tshig thos nas sems tshim par gyur te | de riṅ nas bzuṅ nas bdag gi bu mo chen mo gnas su sdod cig ces (5) bu mo la ji ltar rigs pa’i rgyan thams cad byin no ||
slar yaṅ gaṅ gi phyir saṅs rgyas kyi yoṅs su rdzogs par thob pa’i ñin mo ’bum phrag gcig gi graṅs kyaṅ gser gyi sder ma chen po thob par rigs so ||
de’i phyir gser gyi sder ma chen po’i naṅ du ’o thug ldugs pa’i sems skyes nas ’bum phrag (6) gcig ri ba’i gser gyi sder ma chen po bslaṅs te | ’o thug bcos pa’i naṅ du kha sbub nas blug go ||
’o thug thams cad pad ma’i ’dab ma’i naṅ gi chu bźin du chu’i thigs pa gcig tu gyur nas gser gyi sder du byuṅ ṅo ||
gser gyi sder ma gcig gaṅ ba’i tshad tsam du gyur to ||
des gser gyi (7) snod de la gser gyi snod gźan gyis bkab nas gos kyis dril lo ||
legs skyes ma rgyan gyis lus thams cad brgyan nas gser gyi sder ma de raṅ gi mgor bźag ste | mthu chen pos śiṅ nya gro dha’i druṅ du phyin pa daṅ | byaṅ chub sems dpa’ mthoṅ nas śin tu yid bde ba skyes par (232a1) gyur te | śiṅ gi lha yin nam źes bsams nas blta ba’i gnas su dud ciṅ dud ciṅ soṅ ste mgo’i steṅ gi gser gyi sder ma phab nas kha phyes te | gser gyi ril ba spyi blugs kyis dri bzaṅ pos bsgos pa’i chu bzuṅ nas byaṅ chub sems dpa’ daṅ ñe bar soṅ ste ’khod do ||
grogs (2) po rdza mkhan tshaṅs pa chen por gyur pas phul pa’i sa’i lhuṅ bzed ni de rnams kyi dus su byaṅ chub sems dpas ma spaṅs kyaṅ de de ma thag tu mi snaṅ bar gyur | byaṅ chub sems dpas lhuṅ bzed ma gzigs so ||
phyag g-yas pa brkyaṅ nas chu bslaṅs te | legs skyes mas snod daṅ bcas (3) pa ñid kyi’o thug skyes bu chen po’i phyag tu phul lo ||
skyes bu chen pos legs skyes ma la brtags pa na | des rnam ’gyur śes nas ’phags pa bdag gis ñid la yoṅs su phul gyis bźes la ji ltar bźed pa bźin gśegs par źu źes phyag byas nas | ji ltar bdag gi ’dod pa (4) yoṅs su rdzogs par gyur to ||
’di ltar ñid kyis kyaṅ bsam pa yoṅs su rdzogs par gyur cig ces smras so ||
’bum phrag gcig ri ba’i gser gyi sder ma chen po gcig śiṅ gi lo ma rñiṅs pa bźin du ltos pa med par soṅ ṅo ||
byaṅ chub sems dpa’ bźugs pa las bźeṅs nas (5) śiṅ la bskor te | gser gyi sder ma bslaṅs nas chu kluṅ nai ra ñdza na’i ’gram du gśegs te | byaṅ chub sems dpa’ graṅs med pa ’bum phrag maṅ po rnams kyis mṅon par byaṅ chub pa’i ñin mo babs nas khrus byed pa’i gnas su legs par rab tu gnas pa’i mu gnas źes bya ba yod do ||
(6) de’i ’gram du sder ma bźag ste babs nas khrus mdzad do ||
’bum phrag du ma’i saṅs rgyas rnams kyis na bza’ daṅ mchod par ’as pa gyon nas śar phyogs su sṅon du phyogs pas bźugs nas ta la’i śiṅ tog gi naṅ gi rus pa gcig gi tshad tsam daṅ mñam pa gcig gis dman pa’i lṅa (7) bcu’i goṅ pu byas nas chu med ciṅ dṅar ba’i ’o thug thams cad gsol lo ||
de ’di ltar gaṅ gis saṅs rgyas su gyur nas źag bźi bcu źe dgu ru byaṅ chub kyi sñiṅ por bźugs te źag bźi bcu źe dgu’i kha zas su gyur to ||
de rnams kyi dus su kha zas gźan med pa daṅ | khrus byed (232b1) pa med pa daṅ | źal śol ba med pa daṅ | sku lus kyi bya ba byed pa med do ||
bsam gtan gyi bde ba daṅ | lam gyi bde ba daṅ | ’bras bu’i bde ba ñid kyis ñin mtshan ’da’o ||
gźan yaṅ de’i ’o thug gsol nas gser gyi sder ma phyag tu bźes te | gal te bdag ni de riṅ (2) saṅs rgyas su ’gyur nus na sder ma ’di chu’i steṅ du gyen du ’gro bar gyur cig | ma yin na thur la ’gro bar gyur cig ces chu la dor ro ||
des chu’i rgyun gyi rlabs chu kluṅ gi dbus su soṅ nas dbus dbus kyi gnas ñid du rta mgyogs por ’gro ba bźin du | khru brgyad cu’i tshad tsam gyi steṅ du (3) soṅ źiṅ | chu lan cig ’khyil bas byiṅ nas klu’i rgyal po nag po’i gnas su soṅ ṅo ||
de nas saṅs rgyas gsum po rnams kyis bśos gsol ba’i gser gyi sder ma chen po sil sil źes sgra sgrogs par byed ciṅ phyogs gcig tu de rnams thams cad kyi ’og tu gyur nas gnas so ||
klu’i rgyal (4) po nag pos de’i sgra thos nas kha saṅ saṅs rgyas gcig thob par gyur ciṅ | slar yaṅ de riṅ saṅs rgyas ñid thob par gyur nas maṅ pos bstod par byed par gyur to ||
byaṅ chub sems dpas ni chu kluṅ gi ’gram śiṅ s la’i tshal du ñin mo bźugs nas srod kyi dus su me tog ku mu da kha ’bye ba’i dus (5) la lha rnams kyis brgyan par byas nas | źeṅ la glaṅ gi skad brgyad kyis thos pa’i tshad du lam byed pa la seṅ ge bźin du sgra bsgrags nas | byaṅ chub kyi śiṅ la sṅun par phyogs pas bźud do ||
klu daṅ gnod sbyin daṅ ’dab bzaṅs la sogs pa rnams kyis lha’i spos daṅ me tog la sogs pa dag (6) lha’i glu dbyaṅs la sogs pas mchod do ||
stoṅ phrag bcu’i ’jig rten gyi khams rnams dri bzaṅ por gyur ciṅ me tog gi phreṅ bar gyur nas thams cad legs so źes brjod par gyur to ||
de’i tshe rtswa ’tshoṅ bkra śis źes bya bas rtswa blaṅs nas lam gyi sṅon du ’oṅs te skyes bu chen po’i rnam ’gyur rtogs (7) nas rtswa spar mo brgyad phul lo ||
byaṅ chub sems dpas rtswa blaṅs nas byaṅ chub kyi sñiṅ po daṅ ñe bar gśegs te lho phyogs kyi char źal byaṅ du mṅon par phyogs pas ’khod do ||
de ma thag par lho phyogs kyi khor yug gis byiṅ nas ’gro ba ni ’og mnar med pa’i bar du gyur pa bźin no ||
lho (233a1) phyogs kyi khor yug steṅ du laṅs nas ’gro ba ni srid pa’i rtse mor gyur pa bźin no ||
byaṅ chub sems dpas ’di yaṅ dag par rdzogs pa’i saṅs rgyas thob pa’i gnas ma yin no źes dgoṅs źiṅ bskor nas nub kyi phyogs kyi char gśegs te śar phyogs su mṅon du phyogs (2) pas ’khod do ||
de nas nub phyogs kyi khor yug ’og tu byiṅ nas ’gro ba ni mnar med pa’i bar du gyur pa bźin no ||
śar phyogs kyi khor yug steṅ du laṅs nas ’gro ba ni srid pa’i rtse mor gyur pa bźin no ||
byaṅ chub sems dpa’ ’khod ciṅ ’khod pa’i gnas ni mu khyud kyi mthar thug par mnan (3) źiṅ so sor gnas pa’i śiṅ rta’i ’khor lo chen po lta bur sa gźi chen po la byiṅ źiṅ byiṅ nas ’gro bar gyur to ||
byaṅ chub sems dpas ’di ni byaṅ chub thob pa’i gnas ma yin no źes bskor nas byaṅ phyogs kyi char gśegs te | lho phyogs su sṅun du phyogs pas ’khod do ||
de nas byaṅ gi khor yug (4) sa la byiṅ nas mnar med kyi bar du gyur pa bźin no ||
byaṅ gi khor yug gyen du laṅs nas srid pa’i rtse mo’i bar du gyur pa bźin no ||
byaṅ chub sems dpas ’di ni byaṅ chub thob pa’i gnas ma yin no źes bsams te bskor nas śar phyogs kyi char gśegs nas nub phyogs su sṅun du phyogs pas ’khod (5) do ||
slar yaṅ śar phyogs kyi char saṅs rgyas thams cad kyis skyil kruṅ bcas pa’i gnas de g-yo bar mi ’gyur źiṅ mi ldeg go ||
sems dpa’ chen pos ’di ni saṅs rgyas thams cad kyis ma spaṅs śiṅ mi g-yo ba’i gnas | ñon moṅs pa’i dra ba thams cad rnam par ’joms pa’i gnas su rtogs so ||
(6) de’i rtswa rnams rtse mo nas bzuṅ ste bkram nas de ma thag tu khru bcu bźi pa’i tshad tsam gyi gdan du gyur to ||
de yaṅ de lta bu’i tshul gyis ji ltar bźag pa de bźin du mi gnas so ||
ji ltar gzugs la mkhas pa’i ri mo byed pa rnams kyis ri mo bris pa bźin du byaṅ chub sems dpas byaṅ chub śiṅ gi sdoṅ po (7) la sku rgyab brten par byas nas źal śar du mṅon du phyogs par mdzad do ||
brtan pa’i sems su gyur nas bdag gi pags pa daṅ rgyus pa daṅ rus pa daṅ khrag daṅ śa rnams skams par gyur kyaṅ yaṅ dag par rdzogs pa’i saṅs rgyas ma thob par du ni stan ’di las lus bskyod par mi bya’o ||
thog brgya (233b1) phrag babs kyaṅ mi phyed ciṅ pha rol gyis mi tshugs par stan la skyil kruṅ gis bźugs so ||
de’i tshe lha’i bu’i bdud kyis gźon nu don grub bdag gi dbaṅ du byed par ’dod pas da ni bdag las ’da’ bar byed du mi ster ro źes bsams nas bdud kyi dmag daṅ ñe bar soṅ ste | don ’di smras śiṅ (2) bdud kyi sgra źes pas sgra bsgrags nas bdud kyi dmag khrid de ’thon nas | bdud kyi sde bdud kyi mdun du dpag tshad bcu gñis kyi sar ’gro’o ||
g-yas phyogs g-yon phyogs rnams du dpag tshad bcu gñis ’gro’o ||
rgya ba phyogs su ji srid khor yug gi mthar thug par byas nas gnas (3) so ||
steṅ du dpag tshad dgu’o ||
’khor thams cad kyi gtam byed pa’i sgra dpag tshad stoṅ phrag gcig gi bar du sa gźi ’bugs pa tsam gyi sgra thos so ||
de nas lha’i bu’i bdud dpag tshad phyed daṅ ñis brgya’i ri’i ’og pag źes bya ba’i glaṅ po che’i rgyab tu źon nas lag pa stoṅ phrag (4) gcig sprul nas mtshon cha sna tshogs pa blaṅs so ||
gźan yaṅ bdud kyi ’khor gyi grogs gñis gcig daṅ mtshuṅs par mtshon cha’i rigs gñis mi len no ||
kha dog rnam pa sna tshogs pa daṅ rnam pa sna tshogs pa’i gdoṅ can sems dpa’ chen po gźom par bya ba’i phyir ’oṅs so ||
(5) stoṅ phrag bcu’i khor yug gi lha rnams slar yaṅ sems dpa’ chen po la bstod pa byed ciṅ gnas so ||
brgya byin lha’i rgyal pos rnam par rgyal ba bla na med pa’i duṅ ’bud ciṅ ’khod do ||
slar yaṅ duṅ de khru brgya ñi śur gyur to ||
gal te legs par bus na zla ba bźi’i bar du rgyun mi ’chad (6) ciṅ de nas rgyun ’chad do ||
klu’i rgyal po nag po chen pos brgya phrag du ma’i bstod pa byed ciṅ gnas so ||
tshaṅs pa chen po gdugs dkar po bzuṅ nas gnas so ||
slar yaṅ bdud kyi dmag byaṅ chub kyi sñiṅ por ’oṅs śiṅ ’oṅs so ||
lha de rnams gcig tu ’khod par ma nus pas raṅ gi (7) gnas su bros nas soṅ ṅo ||
klu’i rgyal po nag po sa la byiṅ nas dpag tshad lṅa brgya’i sñe ma can gyi klu’i pho braṅ du soṅ ste | lag pa gñis kha la bkab nas ñal lo ||
brgya byin gyi rnam par rgyal ba bla na med pa’i duṅ rgyab tu bkal te khor yug gi steṅ du ’khod do ||
tshaṅs pa chen pos (234a1) gdugs dkar po khor yug gi steṅ du btsugs nas tshaṅs pa’i ’jig rten du soṅ ṅo ||
lha gcig gis kyaṅ ’khor par ma nus te | skyes bu chen po ñid gcig pu bźugs so ||
bdud kyis raṅ gi ’khor la smras pa | bu zas gtsaṅ gi bu don grub daṅ ’dra ba’i skyes bu gźan med (2) pas | bdag gis de’i mdun du g-yul ’gyed par mi nus kyis | rgyab kyi phyogs su g-yul bgyi’o źes smras so ||
skyes bu chen pos kyaṅ phyogs gsum la gzigs pas lha thams cad bros pa’i phyir gnas thams cad stoṅ par mthoṅ ṅo ||
gźan yaṅ byaṅ phyogs su gzigs pas bdud kyi dmag (3) rnams bdag gźom pa’i phyir ’oṅ ba gzigs so ||
’di rnams kyi dmag gi tshogs bdag gcig pu’i phyir rtsol ba chen pos pha rol gnon par byed ciṅ gnas ’dir ’oṅs te | bdag gi ma’am pha’am spun nam su yaṅ ruṅ ba’i gñen las gźan med do ||
gźan yaṅ gaṅ gi phyir pha rol du (4) phyin pa bcu po ñid bdag gis dus yun riṅ por gñer la dga’ ba bźin goms pa de’i phyir bdag gis pha rol du phyin pa ñid kyis phub byas nas | pha rol du phyin pa ñid kyi mtshon thogs te | ’di’i dmag gi tshogs rnams gźom par rigs so sñam nas pha rol du phyin pa bcu po thugs la (5) bsams nas bźugs so ||
de nas lha’i bu’i bdud kyis don grub de ma thag tu ’bros par byed par rigs so źes smras nas rluṅ gi dkyil ’khor ñe bar gnas nas ’oṅs so ||
de ma thag kho nar śar phyogs la sogs pa’i rluṅ gi dkyil ’khor rnams laṅs nas ’oṅs te dpag tshad phyed daṅ yaṅ gñis la (6) sogs pa’i tshad kyi ri’i phuṅ po blaṅs nas nags thibs po daṅ śiṅ la sogs pa sa la bton źiṅ | thams cad du groṅ daṅ groṅ rdal phye ma daṅ rnam par phye mar byed pa’i nus pa ni skyes bu chen po’i bsod nams kyi gzi brjid kyi mthus gyes te | byaṅ chub sems dpa’i druṅ du ’oṅs nas bla gos kyi grwa (7) tsam yaṅ bsgul bar mi nus so ||
de nas chu yis gźom pa’i phyir ’oṅs nas gsod par bsams pa na char pa chen po ’bab ciṅ gnas so ||
de’i mthus steṅ nas steṅ du brgya phrag du ma brtsegs pa daṅ | stoṅ phrag du ma brtsegs pa’i sprin chen po ’dus nas char ’bebs so ||
char pa’i rgyun (234b1) gyi śugs kyis sa gźi ’bugs par gyur to ||
nags tshal daṅ śiṅ la sogs pa’i steṅ gi char sprin chen po ’oṅs nas sems dpa’ chen po chu thigs gcig tsam gyis kyaṅ spaṅ bar ma nus so ||
de nas rdo’i char bkug nas ches che ba’i ri’i phuṅ po du bar byed ciṅ ’bar bar byasanasa nam mkha’ (2) nas ’oṅs te byaṅ chub sems dpa’i druṅ du ’oṅs nas | lha’i me tog gi chu na bu’i gzugs ’bab bo ||
de nas mtshon cha’i char thams cad bkug nas mtshon so gcig pa daṅ so gñis pa daṅ ral gri daṅ mduṅ thuṅ daṅ spu gri la sogs pa’i mtshon cha rnams du bar byed ciṅ ’bar bar byas nas nam mkha’ las ’oṅs te | (3) byaṅ chub sems dpa’i druṅ du ’oṅs nas lha’i me tog tu gyur to ||
de nas sol ba’i char bkug nas rgya skyegs kyi me tog gi kha dog can gyi sol ba nam mkha’ nas ’oṅs nas byaṅ chub sems dpa’i źabs druṅ du lha’i me tog tu gyur nas ’bab bo ||
de nas thal ba’i char pa rnams bkug nas śin tu (4) dro ba me’i kha dog can gyi thal ba nam mkha’ nas ’oṅs nas byaṅ chub sems dpa’i źabs druṅ du tsan dan gyi phye ma ltar gyur pa’i ’char ’bab bo ||
de nas bye ma’i mar bkug nas śin tu phra ba’i bye ma rnams du bar byed ciṅ ’bar bar byas nas nam mkha’ nas ’oṅs te byaṅ chub sems dpa’i źabs druṅ du (5) lha’i phye ma ltar gyur nas char ’bab bo ||
de nas ’jim pa’i char pa rnams bkug nas ’jim pa rnams du bar byed ciṅ ’bar bar byas nas nam mkha’ nas ’oṅs te byaṅ chub sems dpa’i źabs druṅ du lha’i byug par gyur nas ’bab bo ||
de nas ’di bźin du ’jigs par byed pas don grub (6) ’bros par bya ba’i phyir mun pa ñe bar gnas par bya’o ||
de ni yan lag bźi daṅ ldan pa’i mun nag chen por gyur nas byaṅ chub sems dpa’i druṅ du sleb nas ñi ma’i ’od kyis mun pa bcom pa bźin du mi snaṅ bar gyur nas ’di ltar bdud dgu po ’di rluṅ daṅ char daṅ rdo daṅ mtshon cha daṅ sol pa (7) daṅ thal ba daṅ bye ma daṅ ’jim pa daṅ mun pa ste | de rnams char du babs nas byaṅ chub sems dpa’ ’bros par byed par ma nus so ||
cis brjod ciṅ ci’i phyir sdod | gźon nu ’di ’khruṅ cig rgyob cig thon cig ces ’khor rnams bos nas raṅ gis kyaṅ ri’i ’og pag glaṅ po che’i rgyab tu (235a1) źon nas ’khor lo’i mtshon cha bslaṅs te | byaṅ chub sems dpa’i druṅ du ñe bar ’oṅs nas don grub stan las loṅs śig | ’di khyod la rigs pa ma yin gyi ded la rigs pa yin no źes smras so ||
sems dpa’ chen pos de’i tshig thos nas ’di ltar smras so ||
bdud khyod kyis pha (2) rol tu phyin pa bcu ma rdzogs pa daṅ | ñe ba’i pha rol tu phyin pha ma rdzogs pa daṅ | don dam da’i pha rol du phyin pa ma rdzogs pa daṅ | chen po lṅa yoṅs su gtoṅ ba med pa daṅ | gñen gyi don du spyod pa med pa daṅ | ’jig rten gyi don gyi spyod pa med pa daṅ | saṅs rgyas kyi spyod pa yoṅs (3) su ma rdzogs pas stan ’di khyod la rigs pa ma yin no ||
stan ’di bdag kho na la rigs pa yin no ||
bdud khros par gyur nas khros pa’i śugs bsran par ma nus te | skyes bu chen po la mtshon cha’i ’khor lo ’phaṅs so ||
de’i pha rol du phyin pa bcu sems par byed ciṅ bźugs pa na (4) steṅ gi char me tog gi phreṅ ba’i bla res bres pa bźin du gyur to ||
de’i ’khor lo’i mtshon cha gźan la de śin tu khros pas ’phaṅs te rdo ba mthug po’am | rdo ba mthug po’i kab ’bugs śiṅ ’gro ba’o ||
slar yaṅ de ni de’i me tog gi bla res su gyur nas gnas pa na bdud kyi ’khor lhag ma rnams de (5) nas stan las laṅs te ’gro bar bsams nas ches che ba’i ri’i phuṅ po ’phaṅs so ||
de rnams kyaṅ skyes bu chen po’i pha rol du phyin pa bcu la sems śiṅ bźugs pa na me tog gi chun por gyur nas sa la lhuṅ ṅo ||
lha rnams khor yug gi mthar ’khod pa rnams ske bteg nas blta źiṅ | mgo (6) bo bteg ciṅ bteg nas don grub gźon nu mchog gi sku’i bdag ñid ñams sam sñam nas ci byed na źes bsams śiṅ blta’o ||
de nas skyes bu chen pos pha rol du phyin pa rdzogs pa’i byaṅ chub sems dpa’ rnams mṅon par rdzogs par byaṅ chub pa’i ñin mo thob pa’i stan bdag la rigs pa yin (7) no źes bśad nas | ’khod pa’i bdud la smras so ||
bdud khyod kyis sbyin pa btaṅ ba’i dpaṅ po su yod ces smras so ||
bdud ’di rnams thams cad bdag gi dpaṅ po yin no źes bdud kyi dmag rnams la lag pa brkyaṅ ṅo ||
de ma thag par bdud kyi ’khor rnams ṅa yaṅ dpaṅ po yin ṅa (235b1) yaṅ dpaṅ po yin źes brjod pa’i sgras sa gźi yaṅ ral ba bźin du brjod pa’i sgrar gyur to ||
de nas bdud kyis skyes bu chen po la smras pa | don grub khyod kyis sbyin pa btaṅ ba’i dṅos po la dpaṅ po su yod ces smras so ||
skyes bu chen po khyod kyis re źig sbyin pa byin pa’i dṅos po la sems (2) daṅ bcas pa rnams dpaṅ po yin no ||
slar yaṅ bdag la gnas ’di na sems daṅ bcas pa’i dpaṅ po su yaṅ med pas bdag ñid kyis skye ba’i mthar sbyin pa btaṅ ba de srid gnas pa thams cad sgrol gyi lus kyi bdag ñid la gnas nas sbyin pa chen po bdun brgya pa bdun byin pa’i dṅos po la sems med pa’i (3) sa gźi chen po mthug po ’di dpaṅ po yin no źes chos gos kyi naṅ nas phyag g-yas pa bton te | thams cad sgrol gyi bdag ñid kyi lus su gnas nas bdag gis sbyin pa bdun brgya pa bdun byin pa’i dṅos po de la khyod kyis dpaṅ po yin nam ma yin pa smros śig ces sa chen po la mṅon du phyogs pas phyag (4) brkyaṅ ba daṅ | sa chen pos bdag ni de’i tshe dpaṅ po yin no źes sgra sgrogs par gyur nas | sgra chen po sgrogs pa brgya daṅ stoṅ phrag gcig daṅ | sgra chen po ’bum phrag gcig po rnams kyis bdud kyi dmag gi sgra rnams zil gyis mnan pa bźin du gyur to ||
de nas skyes bu chen po don grub kyi sbyin pa (5) chen po byin pa ni mchog gi sbyin pa’o źes thams cad sgrol gyi sbyin pa dran par byed ciṅ dpag tshad phyed daṅ ñis brgya’i ri’i ’og pag gi glaṅ po che pus mos la btsugs nas ’khod do ||
bdud kyi ’khor rnams phyogs daṅ mtshams rnams su bros nas gñis lam gcig la ’gro ba med do ||
mgo’i rgyan (6) ñid daṅ gyon pa’i gos daṅ por dor nas raṅ gi phyogs phyogs ñid du ’bros so ||
de nas lha’i tshogs rnams kyis bdud bros nas ’gro ba mthoṅ ste | bdud rnams pham pas don grub gźon nu rgyal bar gyur to źes rgyal ba’i mchod pa byed par sems so ||
klu ni klu rnams la bskul lo ||
’dab (7) bzaṅs ni ’dab bzaṅs rnams la’o ||
tshaṅs pas ni tshaṅs pa rnams bskul lo ||
spos daṅ me tog gi phreṅ ba la sogs pa lag tu thogs nas byaṅ chub śiṅ gi druṅ du skyil kruṅ gis bźugs pa’i skyes bu chen po daṅ ñe bar ’oṅs so ||
de ltar bdud rnams bros (236a1) nas soṅ ṅo ||
dpal ldan saṅs rgyas rgyal bar gyur ||
sdig can bdud ni pham par gyur ||
rab dga’ byaṅ chub sñiṅ por sgrogs ||
de tshe draṅ sroṅ klu tshogs rgyal ||
dpal ldan saṅs rgyas rgyal bar gyur ||
sdig can bdud ni pham par gyur ||
rab dga’ byaṅ chub sñiṅ por (2) sgrogs ||
’dab bzaṅs tshogs kyi draṅ sroṅ rgyal ||
dpal ldan saṅs rgyas rgyal bar gyur ||
sdig can bdud ni pham par gyur ||
rab dga’ byaṅ chub sñiṅ por sgrogs ||
lha tshogs de tshe draṅ sroṅ rgyal ||
dpal ldan saṅs rgyas rgyal bar gyur ||
sdig can bdud ni pham par gyur ||
rab (3) dga’ byaṅ chub sñiṅ por sgrogs ||
tshaṅs tshogs de tshe rgyal bar sgrogs ||
mthar stoṅ phrag bcu’i khor yug gi lha rnams kyis me tog daṅ spos daṅ byug pa rnams kyis mchod par byed do ||
rnam pa sna tshogs pa’i bstod pa byed ciṅ ’khod do ||
’di ltar skyes bu chen po ñi ma nub pa’i tshe bdud (4) rnam par bcom nas chos gos kyi steṅ du byaṅ chub kyi śiṅ gi ’dab ma myu gu lta bu lhuṅ źiṅ byi ru dmar pos mchod par byed pa lta bu’o ||
thun daṅ po la sṅon gyi gnas rjes su dran pa ye śes kyis rtogs pa daṅ | thun bar pa la lha’i spyan rnam par dag pas ye śes thob pa daṅ | thun tha ma (5) la rten ciṅ ’brel par ’byuṅ ba’i ye śes thob bo ||
de nas rten ’brel bcu gñis kyi rkyen gyis rnam par ’jug pa daṅ mi ’jug pa’i lugs las ’byuṅ ba daṅ lugs las bzlog pa dran par byed ciṅ dran par byed do ||
stoṅ phrag bcu’i ’jig rten gyi khams chu’i mthar thug par byas nas lan bcu (6) gñis su yaṅ dag par g-yos so ||
slar yaṅ skyes bu chen pos stoṅ phrag bcu’i ’jig rten gyi khams su sgra chen po sgrogs śiṅ skya reṅs śar ba’i dus su thams cad mkhyen pa’i ye śes so sor myoṅ ṅo ||
stoṅ phrag bcu’i ’jig rten gyi khams thams cad brgyan bźin du rigs par gyur to ||
(7) śar phyogs kyi khor yug gi steṅ du rgyal mtshan daṅ ba dan btsugs pa’i śam bus nub kyi khor yug gi steṅ du chags so ||
de bźin du nub kyi phyogs kyi khor yug gi mtha’i steṅ du rgyal mtshan daṅ ba dan btsugs pa’i śam bus śar gyi khor yug gi steṅ du chags so ||
byaṅ gi phyogs kyi khor (236b1) yug gi steṅ du rgyal mtshan daṅ ba dan btsugs pa’i śam bus lho’i khor yug gi steṅ du chags so ||
lho’i phyogs kyi khor yug gi steṅ du rgyal mtshan daṅ ba dan btsugs pa’i śam bus byaṅ gi khor yug gi steṅ du chags so ||
sa gźi las laṅs pa’i rgyal mtshan daṅ ba dan tshaṅs pa’i gnas su chags so ||
(2) tshaṅs pa’i ’jig rten gyi gnas su bciṅs pa’i rgyal mtshan daṅ ba dan sa gźi’i steṅ du chags so ||
stoṅ phrag bcu’i khor yug la me tog gi śiṅ la me tog kha bye’o ||
’bras bu’i śiṅ la ’bras bu maṅ por gyur to ||
sdoṅ po rnams la sdoṅ po’i pad ma’i me tog kha bye’o ||
yal ga rnams la yal (3) ga’i pad ma’i me tog go ||
’khri śiṅ rnams la ’khri śiṅ gi pad ma’i me tog go ||
nam mkha’ nas thur du pad ma’i ye tog ’phyaṅ ṅo ||
thaṅ daṅ rdo’i steṅ du brtol nas steṅ nas steṅ du bdun bdun du gyur te rgyun chags pa’i pad ma’i me tog ces bya ba phyuṅ ṅo ||
stoṅ phrag bcu’i ’jig rten gyi (4) khams khyad par du ’phags pa’i me tog gi gdan bźin du gyur to ||
khor yug gi bar dpag tshad stoṅ phrag brgyad kyi ’jig rten gyi bar gyi dmyal ba ñi ma bdun gyi ’od kyis kyaṅ snaṅ bar byed pa med pas na dkon no ||
de daṅ mtshuṅs pa’i ’jig rten gyi bar gyi dmyal ba de ma thag tu snaṅ bar gyur to ||
(5) dpag tshad brgyad khri bźi stoṅ tsam gyis zab pa’i rgya mtsho chen po’i chu dṅar por gyur to ||
chu kluṅ rnams ni ’gro bar gnas so ||
dmus loṅ rnams kyi mig gis gzugs mthoṅ ṅo ||
’on pa rnams kyi rna bas sgra thos so ||
goṅ po rnams kyis ’gro śes par gyur to ||
bciṅs pa’i (6) sems can rnams ni rjes su bciṅs pa las grol bar gyur to ||
’di ltar tshad med pa’i dpal du gyur nas mchod pa daṅ ya mtshan pa’i tshes rab tu skyes so ||
thams cad mkhyen pa’i ye śes so sor rig go ||
saṅs rgyas thams cad kyi bśad pa ched du brjod pa ched du brjod do ||
skye (7) ba’i ’khor ba ma lus pa ||
dug med rnam par dug med tshol ||
khyim med pa ni tshol ba na ||
skye ba’i sdug bsṅal yaṅ yaṅ daṅ ||
khyim med pa ni mthoṅ bar gyur ||
slar yaṅ khyim ni byed pa med ||
de yi sdug bsṅal thams cad bcom ||
dug gi miṅ can khyim (237a1) gyi phuṅ ||
sems ni ’du byed pa las grol ||
sred pa zad nas med par gyur ||
źes pa ’di ni dga’ ldan gyi pho braṅ du gnas pa nas bzuṅ ste ji srid byaṅ chub sñiṅ po ’dir thams cad mkhyen pa thob pa de rnams kyi gnas ni gleṅ gźi bar ma źes bya ba yin no ||
gźan yaṅ ñe ba’i gleṅ gźi (2) ni bcom ldan ’das mñan yod rgyal byed kyi tshal mgon med zas sbyin gyi kun dga’ ra ba’i gnas su bźugs pa daṅ | yaṅs pa can gyi nags tshal chen po khaṅ pa brtsegs pa’i gnas su bźugs so ||
de ltar de daṅ de’i gnas rnams su bźugs śiṅ de daṅ de’i gnas ñid thob ces brjod do ||
gaṅ (3) ci yaṅ ’di ltar brjod pa de nas yaṅ de daṅ po nas bzuṅ nas ’di ltar rig par bya’o ||
bcom ldan ’das bźugs nas ched du brjod ciṅ ched du brjod pa de lta bu’i sems skyes so ||
bdag gis bskal pa graṅs med pa bźi daṅ ’bum phrag gcig lhag pa nas skyil kruṅ bcas pa ’di’i ched du dus ’di rnams (4) la bdag gi mgo rgyan gyis brgyan pa’i mgrin pa nas bregs te sbyin par btaṅ ba daṅ | spyan bzaṅ po btaṅ ba daṅ | sñiṅ gi śa bregs nas btaṅ ba daṅ | gźon nu dra ba ’dzin daṅ ’dra ba’i bu sbyin par btaṅ ba daṅ | kraśNi dzi na’i gźon nu ma daṅ mtshuṅs pa’i bu mo sbyin par btaṅ ba daṅ | lha (5) mo ma kri daṅ mtshuṅs pa’i chuṅ ma rnams gźan gyi bran gyi phyir sbyin par btaṅ ṅo ||
’di ni bdag gi ’dug staṅs yin no ||
rgyal ba’i ’dug staṅs yin no ||
mchog gi ’dug staṅs yin no ||
’di la bdag bźugs nas bsam pa thams cad yoṅs su rdzogs so ||
re źig stan ’di las (6) bdag mi ldaṅ ṅo sñam du bsams nas bye ba ’bum phrag du ma la sñoms par źugs nas mñam par gnas te źag bdun du de ñid du bźugs so ||
de’i phyir saṅs rgyas źes brjod do ||
de nas bcom ldan ’das kyis źag bdun du ’dug staṅs gcig gis bźugs so ||
rnam par grol ba daṅ bde ba (7) so sor rig ciṅ bźugs so ||
gźan yaṅ lha gaṅ daṅ gaṅ źig da duṅ yaṅ ṅes par don grub la bya ba yod dam ’dug staṅs ’di la źen pa ma spaṅ ba daṅ rnam par rtog pa yoṅs su bskyed do źes bsams nas ston pas lha rnams kyi rnam par rtog pa mkhyen nas | de rnams kyi rnam par rtog pa ñe (237b1) bar źi bar bya ba’i phyir steṅ gi nam mkha’ la ’dug nas so sor cho ’phrul bstan to ||
byaṅ chub kyi sñiṅ por mdzad pa’i cho ’phrul daṅ | ñe du daṅ ’dus pa’i dus su mdzad pa’i cho ’phrul daṅ | klog pa’i mdo daṅ ’dus par mdzad pa’i cho ’phrul thams cad a mra sruṅ ba daṅ a mra’i śiṅ gi druṅ (2) du mdzad pa’i so so’i cho ’phrul daṅ mtshuṅs par gyur to ||
’di ltar ston pas ’di lta bu’i cho ’phrul mdzad nas lha rnams kyi rnam par rtog pa ñe bar źi bar mdzad do ||
’dug staṅs kyis byaṅ śar gyi char ’khod de’i da’i ’dug staṅs kyis thams cad mkhyen pa’i ye śes so sor rtog par byed (3) do ||
bskal pa graṅs med pa bźi daṅ ’bum phrag gcig gis pha rol tu phyin pa yoṅs su rdzogs pa’i ’bras bu lhag par rtogs pa’i ’dug staṅs kyis mig mi ’dzums par lta źiṅ źag bdun du ’khod do ||
de’i gnas su mig mi ’dzums pa’i mchod rten źes bya ba byuṅ ṅo ||
de nas (4) ’dug staṅs la ’khod pa’i gnas kyi bar du ’chag par byas nas śar daṅ nub tu rin po che la ’chag phas źag bdun du ’khod do ||
gnas der rin po che la ’chag pa’i mchod rten źes bya ba byuṅ ṅo ||
gźan yaṅ źag bdun pa bźi pa la byaṅ chub śiṅ gi byaṅ śar gyi char lha rnams kyis rim (5) po che’i khaṅ pa sprul lo ||
der ’dug staṅs kyis bźugs nas chos mṅon pa’i sde snod ma lus par ’di rnams mtha’ yas pa’i tshul gyis kun gnas par sems śiṅ źag bdun bźugs so ||
chos mṅon pa pa slar yaṅ ’di skad smra’o ||
rin po che’i khaṅ pa źes bya ba rin po che las byuṅ (6) pa’i khaṅ pa yin no źes zer ro ||
sdud par byed pa po rnams slar yaṅ ’di skad gsuṅ ste | rab tu byed pa bdun gyi chos mṅon pa rjes su dran par byed pa’i rin po che’i khaṅ pa yin źes gsuṅ ṅo ||
gaṅ gi phyir slar yaṅ ’dir tshig gñis ka yaṅ ’thad do ||
de’i phyir ’di gñis ka (7) yaṅ gzuṅ bar bya’o ||
de nas slar yaṅ gnas de rin po che’i khaṅ pa’i mchod rten źes bya ba byuṅ ṅo ||
’di ltar byaṅ chub śiṅ daṅ ñe ba ñid du źag bdun pa bźi pa soṅ nas źag bdun pa lṅa pa la byaṅ chub śiṅ gi druṅ nas ra lug skyoṅ ba’i śiṅ nya gro dha daṅ ñe bar gśegs nas der yaṅ chos la (238a1) rnam par sems pa ñid kyis rnam par grol ba daṅ bde bas so sor rig par mdzad nas bźugs so ||
de’i tshe lha’i bu’i bdud dus ’di rnams kyi phyi ma la grib ma bźin du phyogs gaṅ du’aṅ ma spaṅs so ||
byaṅ chub sems dpa’ la skyon cuṅ zad kyaṅ ma mthoṅ ṅo ||
da ni ṅa’i dbaṅ du bya (2) ba las ’das pas yid mi bde ba thob par gyur ciṅ lam chen por gnas nas rnam pa bcu drug gi rgyu mtshan la sems śiṅ sa la ri mo bcu drug ’dri’o ||
bdag gis ’di bźin du sbyin pa’i pha rol tu phyin pa ma rdzogs pa de’i phyir bdag ’di daṅ ’dra bar ma gyur to źes ri mo gcig bris so ||
de bźin du (3) bdag ’di daṅ mtshuṅs par tshul khrims kyi pha rol du phyin pa daṅ | ṅes ’byuṅ gi pha rol du phyin pa daṅ | śes rab kyi pha rol du phyin pa daṅ | brtson ’grus kyi pha rol du phyin pa daṅ | bzod pa’i pha rol du phyin pa daṅ | bden pa’i pha rol du phyin pa daṅ | lhag par gnas pa’i pha rol du (4) phyin pa daṅ | byams pa’i pha rol du phyin pa daṅ | btaṅ sñoms kyi pha rol du phyin pa rnams ma rdzogs so ||
de’i phyir bdag ’di daṅ mtshuṅs par ma gyur to sñam nas ri mo bcu bris so ||
bdag ’di daṅ mtshuṅs pa’i thun moṅ ma yin pa’i dbaṅ po mchog gi goṅ ma’i ye śes so sor rig pa ñe bar gnas (5) par gyur pa’i pha rol du phyin pa bcu ma rdzogs pa de’i phyir bdag ’di daṅ mtshuṅs par ma gyur to sñam nas ri mo bcu drug bris so ||
de bźin du bdag ’di daṅ mtshuṅs pa’i thun moṅ ma yin pa’i bsam pa’i bag la ñal daṅ ye śes kyi thugs rje chen po daṅ | sñoms par ’jug pa’i ye (6) śes daṅ | so sor cho ’phrul gyi ye śes daṅ sgrib pa med pa’i ye śes daṅ | thams cad mkhyen pa’i ye śes so sor gnas pa ñe bar gnas par gyur pa’i pha rol du phyin pa bcu ma rdzogs pa’i de’i phyir bdag ’di daṅ mtshuṅs par ma gyur to sñam nas ri mo bcu drug bris so ||
’di ltar ’di’i (7) rgyu mtshan sems śiṅ lam chen por ri mo bcu drug bris nas gnas so ||
de’i tshe sred ma daṅ | kun du dga’ ma daṅ | dga’ ma sde gsum po ni bdud kyi bu mo bdag cag gi pha ni ma mthoṅ bar gyur pas de ma thag par ga na yod dam źes blta źiṅ rgyu ba na de yid mi bde ba thob par gyur te | sa (238b1) la ri mo byed pa mthoṅ nas pha daṅ ñe bar soṅ ste pha gaṅ gi phyir sdug bsṅal źiṅ yid mi bde bar byed ces dris so ||
bu mo dge sbyoṅ chen po ’di bdag gi dbaṅ du byed pa las ’das so źes ’di rnams kyi dus su bltas pas skyon cuṅ zad kyaṅ ma mthoṅ ṅo ||
de’i phyir bdag sdug bsṅal źiṅ yid mi bde ba skyes (2) so ||
’di ltar gyur na de ltar ma bsams śig | bdag cag gsum gyis de dbaṅ du byas nas khrid la ’oṅ ṅo ||
smras pa | bu mos mi nus te sus kyaṅ dbaṅ du bya bar mi nus pas skyes bu ’di ni mi g-yo ba’i dad pa la gnas so ||
smras pa | pha bdag cag bud med yin pas da lta ñid du de la (3) ’dod chags kyi źags pas bciṅs te khrid la ’oṅ ṅo ||
khyed ma sems śig | de nas bud med de rnams | bcom ldan ’das daṅ ñe bar soṅ ste dge sbyoṅ khyed kyi źabs la bsñen bkur bdag cag gis bgyi’o źes smras so ||
bcom ldan ’das ñid kyis de rnams kyi tshig la thugs ma gtad do ||
(4) spyan rnam par grol ba yaṅ ma gzigs so ||
ji ltar de bla na med pa’i ñe bar skye ba zad pa rnam par grol ba’i bsam pas dben pa’i bde ba ñid la ñams su myoṅ bar mdzad ciṅ bźugs so ||
gźan yaṅ bdud kyi bu mo bsam pa maṅ źiṅ skyes bu daṅ mtshuṅs pa’i sems so ||
gaṅ daṅ gaṅ (5) gźon nu la dga’ bar gyur pa daṅ | gaṅ daṅ gaṅ źig ma tshod daṅ por gyur pa la dga’ ba daṅ | gaṅ daṅ gaṅ źig na tshod bar mar gyur pa la dga’ ba daṅ | gaṅ daṅ gaṅ źig na tshod phyi mar gyur pa la dga’ ba’o ||
bdag gis de lta bu’i rnam pa sna tshogs pa’i ’od la chags par bgyi’o źes (6) smras nas | bu mo re res gźon nu ma’i gzugs la sogs pa’i brgya phrag brgya phrag gis bdag ñid kyi lus sprul lo ||
gźon nu ma’i gzugs daṅ laṅ tsho ma’i gzugs daṅ | daṅ po bu daṅ bu mo lan cig skyes pa’i gzugs daṅ | bar ma’i bud med kyi gzugs daṅ | lus rags mor gyur (7) nas lan drug tu bcom ldan ’das daṅ ñe bar soṅ nas dge sbyoṅ khyod kyi źabs la bdag cag gis bsñen bkur bgyi’o źes smras so ||
bcom ldan ’das kyis de rnams kyi tshig la yaṅ thugs ma gtad do ||
ji ltar de bla na med pa’i ñe bar skye ba rnam par grol lo ||
gźan yaṅ slob dpon (239a1) gaṅ źig ’di skad smra’o ||
de rdzu ’phrul daṅ ldan pas bud med ’oṅs pa la blta źiṅ bcom ldan ’das ’di lta bu’i gzugs kyis ’di rnams so byi ba daṅ | skra dkar por gyur par byin gyis brlabs so źes zer ro ||
de’i tshig gzuṅ bar mi bya’o ||
ston pas ’di lta bu’i (2) gzugs su byin gyis brlabs par ma mdzad do ||
gźan yaṅ bcom ldan ’das kyis ci mthoṅ ’di lta bu’i ’bad pa byed pad soṅ cig | ’di lta bu’i tshul gyis ’dod chags daṅ ma bral ba la sogs pa’i mdun du bya bar rigs so ||
de bźin gśegs pas slar yaṅ ’dod chags spaṅs śiṅ (3) ñes pa spaṅs pa daṅ gti mug spaṅs pas raṅ gi ’dod chags spaṅs pa’i phyir ro ||
gaṅ źig rgyal ba de la rgyal mi nus ||
gaṅ źig ’jig rten ’dir ni rgyal mi ’gyur ||
mtha’ yas saṅs rgyas spyod yul de mi gnas ||
rkaṅ med kyis ni rkaṅ yod la mi nus ||
gaṅ gi srid pa’i dra ba (4) bton gyur nas ||
de la sred pa rnams ni cuṅ zad med ||
mtha’ yas saṅs rgyas spyod yul de ñid la ||
rkaṅ med de yis rkaṅ yod la mi nus ||
’di ni saṅs rgyas kyi chos mchog gi sde las tshigs su bcad pa gñis gsuṅs nas chos bstan to ||
bu mo rnams la pha zer ba yaṅ bden (5) pa yin no ||
dgra bcom pa bde bar gśegs pa ’jig rten mi’i mchog yin no źes smras nas lha daṅ ñe bar soṅ ṅo ||
bcom ldan ’das kyis kyaṅ ’dir źag bdun bźugs nas btaṅ bzuṅ gi gnas su gśegs so ||
der źag bdun du sku la yul ṅan daṅ graṅ ba źi bar bya ba’i phyir (6) klu’i rgyal po btaṅ bzuṅ źes bya bas lus kyis lan bdun du dkris nas gdeṅs ka byas so ||
dri’i gtsaṅ khaṅ śin tu yaṅs par bźugs pa bźin rnam par grol ba daṅ bde ba so sor rig par byed ciṅ źag bdun du bźugs nas śiṅ r dza ya ta na daṅ ñe bar gśegs so ||
der yaṅ rnam (7) par grol ba daṅ bde ba so sor rig par byed pa ñid kyis bźugs so ||
de rnams kyis re źig źag bdun phrag bdun yoṅs su rdzogs so ||
de rnams kyi bar du źal śol ba med pa daṅ sku la byi dor byed pa med pa daṅ źal zas gsol ba med par gyur to ||
bsam gtan gyi bde ba daṅ | (239b1) lam gyi bde ba daṅ | ’bras bu’i bde ba ñid kyis ñin mtshan ’da’o ||
de nas de’i bdun phrag bdun gyi mthar gcig gis dman pa’i lṅa bcu’i mtha’i ñi ma la der bźugs nas źal śol ba’i thugs skyes so ||
lha’i dbaṅ po brgya byin gyis a rur mchog blaṅs nas phul lo ||
(2) ston pas de gsol bas sku dṅas par gyur to ||
de nas brgya byin ñid kyis so rtsi’i so śiṅ ñid kyi so śiṅ daṅ | źal śol ba’i chu phul lo ||
ston pas so śiṅ blaṅs nas so brud de mtsho chen po ma dros pa’i chus źal bśal lo ||
de ñid du śiṅ r dza ya ta na’i druṅ du bźugs so ||
de’i (3) tshe ga gon daṅ bzaṅ po źes bya ba’i tshoṅ dpon gñis śiṅ rta lṅa brgya daṅ bcas pa lho phyogs kyi ljoṅs nas yul dbus su ’gro ba na raṅ ñid kyi sṅar gyi gñen lhar gyur pas śiṅ rta thams cad byiṅ nas ’gro bar mi nus par byin gyis brlabs pas ston pa la kha zas ster ba’i phyir spro ba skyes so ||
sbraṅ bsrubs (4) pa’i khur ba’i goṅ bu blaṅs nas btsun pa bcom ldan ’das bza’ ba ’di thugs rje chen po skyed la so sor bźes par źu źes ston pa’i druṅ du ñe bar ’khod do ||
bcom ldan ’das ’o thug bźes pa’i ñin mo ñid lhuṅ bzed mi snaṅ ba’i phyir de bźin gśegs pa rnams kyi yaṅ phyag gis len nam ’on nam ’on kyaṅ lhuṅ bzed (5) kyis blaṅ źes bsams so ||
de nas sems kyis śes nas phyogs bźi’i rgyal po chen po bźi po rnams kyis nor bu in dra nI la’i lhuṅ bzed blaṅs pa | bcom ldan ’das kyis ma gnaṅ ṅo ||
slar yaṅ sran ma mud ga’i kha dog can gyi rdo las byuṅ ba’i lhuṅ bzed bźi phul lo ||
bcom ldan (6) ’das kyis lha’i bu bźi po rnams la rjes su brtse bas lhuṅ bzed bźi po bźes te steṅ nas steṅ du brtsegs nas bźag ste gcig tu ’gyur bar byin gyis brlabs so ||
bźi po yaṅ blta ba’i phyir du kha la ri mo bźir gyur te lhuṅ bzed ’briṅ po’i tshad gcig tu gyur to ||
bcom ldan ’das la de’i so (7) sor phul ba rin thaṅ med pa’i rdo las byuṅ ba’i lhuṅ bzed du bza’ ba’i phyir du bźes nas yoṅs su loṅs spyad nas rjes su yi raṅ bar mdzad do ||
tshoṅ dpon spun gñis saṅs rgyas daṅ chos la skyabs su ’gro źiṅ tshigs gñis pa’i dge bsñen du gyur to ||
de nas de rnams kyis btsun pa mchod pa (240a1) bya bar rigs pa’i dṅos po gcig bslaṅ źes źus so ||
de nas phyag g-yas pa raṅ gi mgo la byugs nas skra’i gduṅ gnaṅ ṅo ||
de dag gis raṅ gi groṅ khyer du khyer soṅ nas mchod rten bźeṅs so ||
yaṅ dag par rdzogs pa’i saṅs rgyas kyis kyaṅ de nas bźeṅs nas slar yaṅ ra lug skyoṅ ba’i (2) śiṅ nya gro dha ñid du gśegs nas nya gro dha’i druṅ du bźugs so ||
de nas de ñid du bźugs tsam ñid na raṅ gis lhag par rtogs pa’i zab mo’i chos so sor bsam źiṅ saṅs rgyas rnams kyis lhag par rtogs pa ’di ni chos so ||
gźan gyis chos ston par mi nus par bsams nas rab tu ’jug pa’i rnam (3) pa’i rnam par rtog pa skyes so ||
de nas mi mjed kyi bdag po tshaṅs pa ’jig rten ñams par ’gyur ba’i phyir ro źes bsams nas stoṅ phrag bcu’i khor yug gi brgya byin daṅ | ’thab bral bzaṅ po daṅ | dga’ ldan daṅ | ’phrul dga’ daṅ | gźan ’phrul dbaṅ phyug daṅ | tshaṅs pa chen po rnams khrid nas ston (4) ba’i druṅ du phyin nas | btsun pa bcom ldan ’das chos bstan du gsol | daṅ po’i tshul gyis chos bstan du gsol źes źus so ||
ston pas de rnams la gnaṅ ba byin no ||
gaṅ źig la bdag gis daṅ por chos bstan par bya’o źes dgoṅs śiṅ mkhas pa kun len de’i chos ’di myur du śes par (5) ’gyur ba’i thugs skyes so ||
slar yaṅ gzigs te de dus las ’das nas źag bdun lon par rtogs so ||
’char byed la brtags pas de yaṅ dus las ’das par mkhyen no ||
dge sloṅ lṅa sdes bdag la bsñen bkur maṅ po byas pas lṅa sde’i ched du bsams nas de rnams gaṅ na gnas pa yin źes (6) brtags so ||
groṅ khyer b r na si’i ri dgas rgyu ba’i nags tshal na yod par mkhyen no ||
der gśegs nas chos kyi ’khor lo bskor ro źes dgoṅs nas źag ’ga’ źig tu byaṅ chub kyi sñiṅ po kun du ñe ba ñid du bsod sñoms mdzad ciṅ bźugs nas dbyar zla ’briṅ po’i ñe la groṅ khyer b r na sIra gśegs (7) par dgoṅs nas tshes bcu bźi’i mtshan gyi mthar nam las pa na śin tu sṅa ba ñid du lhuṅ bzed daṅ snam sbyar bsnams nas dpag tshad bcwa brgyad yod pa’i lam la gśegs śiṅ lam gyi bar du ñe bar gnas pa źes bya ba’i ’tsho byed gcig gzigs so ||
de la raṅ gi saṅs rgyas su gyur pa bśad (240b1) do ||
ñi ma de ñid la srod kyi dus su draṅ sroṅ lhuṅ ba’i gnas su gśegs so ||
gnas brtan lṅa sdes de bźin gśegs pa byon pa riṅ po ñid nas mthoṅ ste | dge sbyoṅ gau ta ma ’di bza’ ba maṅ po’i phyir lus yoṅs su rdzogs par gyur | dbaṅ po yoṅs su rdzogs par gyur | gser gyi kha dog tu (2) gyur nas ’oṅs kyis | ’di la phyag la sogs pa mi bya’o ||
’di rigs chen por skyes pa yin pas gdan śom btsam ’os so ||
de’i phyir gdan tsam rigs so źes gtam byed do ||
bcom ldan ’das la lha daṅ bcas pa’i ’jig rten rnams kyi sems daṅ spyod pa śes par nus pa’i ye śes (3) yod do ||
de yaṅ ’di rnams ji ltar sems pa yin źes bsams nas sems śes pa yin no ||
de nas lha daṅ mi thams cad la mthoṅ ba med pa’i dbaṅ gis thams cad du khyab par nus pa’i byams pa’i sems yaṅ dag par bsdus nas | ma mthoṅ ba’i dbaṅ gis byams pa’i sems (4) kyis khyab par bcom ldan ’das kyis bsgoms nas de bźin gśegs pa ñe bar gśegs śiṅ gśegs pa na | sṅar gyi bca’ khrims rnams gnas par mi nus pas phyag phul źiṅ bsruṅ ba daṅ bsñen bkur thams cad byas so ||
gźan yaṅ dge sloṅ de rnams yaṅ dag par rdzogs pa’i saṅs (5) rgyas grub pa mi śes pa’i phyir miṅ brjod pa na tshe daṅ ldan pa źes smra ba tha mal pa’i tshig gis rjod par byed do ||
de nas bcom ldan ’das kyis dge sloṅ dag bcom ldan ’das daṅ de bźin gśegs pa’i miṅ daṅ tshe daṅ ldan pa źes tha mal pa’i tshig brjod par mi ruṅ ṅo ||
dge sloṅ dag ṅa ni de bźin gśegs (6) pa dgra bcom pa yaṅ dag par rdzogs pa’i saṅs rgyas so źes bdag ñid saṅs rgyas sgrub par byed pa daṅ gdan bśams pa mchog la saṅs rgyas bźugs te | rgyu skar bre mchog gsum ’dzom pa la bye ba phrag bcwa brgyad kyi tshaṅs pa’i ’khor gyis bskor nas gnas brtan lṅa sde bos te chos kyi ’khor lo (7) bskor ba’i mdo’i mthar bśad do ||
de rnams la gnas brtan kun śes kau Di nyasa bśad pa’i rjes su ’braṅs nas ye śes thob pa mdo’i mthar bye ba phrag bcwa brgyad kyi tshaṅs pa rnams kyis rgyun du źugs pa’i ’bras bu thob bo ||
ston pas de ñid du dbyar bźugs so ||
sṅar yaṅ ñi ma gñis pa la (241a1) gnas brtan brlaṅs pa la chos sbyin no źes gtsug lag khaṅ du bźugs so ||
lhag ma bźi po bsod sñoms la soṅ ṅo ||
gnas brtan brlaṅs pas ñi ma phyed kyi naṅ du rgyun du źugs pa’i ’bras bu thob bo ||
’di lta bu’i thabs ñid kyis slar yaṅ ñi ma phyi ma la gnas brtan bzaṅ ldan daṅ | slar yaṅ ñi ma (2) phyi ma la gnas brtan miṅ can daṅ | slar yaṅ ñi ma phyi ma la gnas brtan rta thul rnams de thams cad kyis rgyun du źugs pa’i ’bras bu thob par byas nas tshes ñi śu la dge sloṅ lṅa po ’dus pa la bdag med pa’i mtshan ñid kyi mdo sde rnams bśad do ||
bśad pa’i mthar gnas brtan lṅa sdes dgra bcom pa’i ’bras bu (3) thob bo ||
de nas ston pas rigs kyi bu grags pa ñe bar mi rten par gzigs nas | de’i mtshan mo’i char sdug bsṅal ba’i sems kyis khyim spaṅs nas ’thon pa la grags pa ’dir śog ces bos nas mtshan mo de ñid kyi cha la rgyun du źugs pa’i ’bras bu daṅ slar yaṅ ñi ma gñis pa la dgra bcom pa’i ’bras (4) bu grub par byed do ||
gźan yaṅ slar de’i grogs po lṅa bcu rtsa bźis rab tu byuṅ źiṅ dge sloṅ du gyur nas dgra bcom pa byed do ||
’di ltar ’jig rten du dgra bcom pa drug cu rtsa gcig tu gyur to ||
ston pas dbyar bźugs nas dgag dbye byas te dge sloṅ drug cu po rnams phyogs phyogs su btaṅ (5) nas | raṅ ñid lteṅ rgyas su gśegs pa’i bar gyi lam na ras bal can gyi tshal ni dpag tshad bcu pa’o ||
gźon nu bzaṅ sde btul lo ||
de rnams las thams cad kyi mtha’i phyi ma rgyun du źugs par gyur la | thog ma ni phyir mi ’oṅ du gyur to ||
de rnams kyaṅ dge sloṅ gi gzugs kyis (6) rab tu byuṅ ba bgyis nas phyogs phyogs su btaṅ ste lteṅ rgyas su gśegs so ||
stoṅ phrag phyed daṅ gsum gyi cho ’phrul lta źiṅ lteṅ rgyas ’od sruṅ la sogs pa’i spun gsum po daṅ ral pa can stoṅ phrag gcig btul ba dge sloṅ gi gzugs kyis rab tu byuṅ bar byas nas ri bo ga ya’i rtse mo na sdod pa (7) rnams la ñi ma’i rnam graṅs kyi mdo sde bstan nas dgra bcom par byas te | des dgra bcom pa stoṅ phrag rnams ’khor du byas nas rgyal po gzugs can sñiṅ po la khas blaṅs byin pa dgrol bar bya ba’i dgoṅs pas rgyal po’i khab kyi groṅ khyer daṅ ñe ba’i śiṅ dṅar gyi tshal du byon no ||
skyed mos tshal skyoṅ (241b1) ba rnams kyis ston pa byon no źes rgyal po la smras so ||
rgyal pos thos te | khri phrag bcu gñis kyi bram ze daṅ khyim bdag ’khor du byas nas ston pa daṅ ñe bar soṅ ste ’khor lo sna tshogs pa’i steṅ du gser gyi bla re daṅ ’dra ba’i ’od zer phyogs phyogs su ’phro źiṅ bźugs pa’i de bźin gśegs (2) ba’i źabs la mgo bos phyag legs par byas nas ’khor daṅ bcas pa phyogs gcig tu ’khod do ||
de nas yaṅ bram ze rnams daṅ khyim bdag la sogs pa ’di lta bu’i sems su gyur te | ’on kyaṅ dge sbyoṅ chen pos lteṅ rgyas ’od sruṅ gi rjes su tshaṅs par spyod pa spyad dam | yaṅ na (3) lteṅ rgyas ’od sruṅ gis dge sbyoṅ chen po’i rjes su tshaṅs par sbyoṅ pa spyad ces bsams so ||
bcom ldan ’das kyis de rnams kyi sems kyi rtog pa thugs kyis mkhyen nas gnas brtan la tshigs su bcad pa gsuṅs so ||
lteṅ rgyas gnas su gnas nas ci źig mthoṅ ||
sbyin sreg ’dor ba’i (4) rgyu mtshan ci źig smra ||
’od sruṅ ’di yi don ni dri bar bya ||
khyod kyis ji ltar sbyin sreg spoṅ ba yin ||
gnas brtan gyis kyaṅ bcom ldan ’das kyi dgoṅs pa śes nas | gzugs daṅ sgra daṅ de bźin ro daṅ dri ||
bud med ’dod pa yaṅ ni mchod sbyin spyod ||
’di rnams dri ma legs (5) par rtogs byas nas ||
de phyir me yi sbyin sreg ’di spaṅs so ||
tshigs su bcad pa ’di brjod nas raṅ ñid ñan thos kyi ’dod pa bsal bar bya ba’i phyir de bźin gśegs pa’i źabs kyi bol du mgo bos reg nas | bdag ston pa btsun pa bcom ldan ’das kyi ñan thos yin no źes (6) smras so ||
śiṅ t la gcig daṅ śiṅ t la gñis daṅ śiṅ t la gsum daṅ ji srid du śiṅ t la bdun tsam du nam mkha’ la ’phags nas babs te de bźin gśegs pa la phyag byas nas phyogs gcig tu ’khod do ||
de’i cho ’phrul lta źiṅ mi maṅ po rnams kyis e ma ho (7) saṅs rgyas kyi mthu chen po ’di lta bu’i lta ba bstan pas | dgra bcom pa źes bya ba la sems śiṅ | lteṅ rgyas ’od sruṅ gi lta ba’i dra ba bcad de de bźin gśegs pas btul nas ston pa’i yon tan ñid brjod do ||
bcom ldan ’das kyis kho bos kyaṅ da lta kho na ma yin par (242a1) lteṅ rgyas ’od sruṅ btul lo ||
’das pa ñid du’aṅ ’di ṅas btul lo źes brjod nas don ’di ’das pa na mi sbyin chen po ’od sruṅ gi skyes rabs su bśad pa’i bden pa bźi po gsal bar bstan no ||
de’i mod la yul ma ga dh’i rgyal po ’khor khri phrag bcu gcig daṅ bcas (2) pas rgyun du źugs pa’i ’bras bu thob bo ||
khri phrag gcig dge bsñen du gyur to ||
rgyal po ston pa daṅ ñe ba ñid du ’dug ste bslab pa’i gźi lṅa so sor rab tu thos nas skyabs su soṅ ste saṅ gi gdugs tshod la mgron du gñer nas | stan las laṅs te bcom ldan ’das la bskor ba (3) byas nas soṅ ṅo ||
slar yaṅ saṅ gi sṅa dro ñid bcom ldan ’das mthoṅ ba daṅ ma mthoṅ ba rgyal po’i khab na gnas pa rnams kyis bye ba phrag bcwa brgyad kyi graṅs kyi mi rnams de bźin gśegs pa blta bar ’dod pas sṅa dro ñid rgyal po’i khab nas śiṅ dṅar gyi tshal du soṅ ste rgyaṅ grags bcu gñis (4) su mi śoṅ bar śiṅ dṅar gyi tshal thams cad rgyun mi ’chad par gyur to ||
mi thams cad kyis stobs bcu pa’i gzugs mchog thob par ’dod pa bdag ñid kyi sku la blta bas tshim par ma nus so ||
’di lta bu’i sa gźi’i kha dog yin no ||
’di lta bu’i gzugs kyi gnas su de bźin gśegs (5) pa’i mtshan daṅ dpe byad bzaṅ po la sogs pa’i rab tu byed pa thams cad kyaṅ gzugs kyi sku dpal gyis bsṅags par bya bar ’os so ||
’di ltar gzugs mchog thob pa’i stobs bcu pa’i sku blta ba’i phyir mi maṅ po rgyun mi ’chad do ||
skyed mos tshal daṅ lam du dge sloṅ gcig gis kyaṅ phyi ru (6) ’thon pa’i skabs med do ||
ñi ma de’i dus na bcom ldan ’das kyi gdugs tshod yol ba lta bur gyur to ||
de ma thag par brgya byin sdod pa’i stan dro ba’i rnam par mthoṅ ste des rnam par brtags so ||
de’i rgyu mtshan śes nas bram ze’i khye’u’i gzugs su mṅon par sprul te | saṅs rgyas daṅ (7) chos daṅ dge ’dun so sol ji ltar rigs pa’i bstod pa rjod par byed do ||
stobs bcu pa’i sṅun du chas nas lha’i mthu yis lam thob par byas so ||
’dul źiṅ ’dul ba’i grogs sṅon bcas ||
bram ze rnam grol ral pa daṅ ||
seṅ ge’i gzugs kyis ’thon nas ni ||
bcom ldan rgyal (242b1) po’i khab naṅ byon ||
grol źiṅ grol ba’i grogs sṅon bcas ||
bram zi rnam grol ral pa daṅ ||
seṅ ge’i gzugs kyis ’thon nas ni ||
bcom ldan rgyal po’i khab naṅ byon ||
bsgral źiṅ bsgral ba’i grogs sṅon bcas ||
bram ze rnam grol ral pa daṅ ||
seṅ ge’i gzugs (2) kyis ’thon nas ni ||
rgyal po’i khab naṅ bcom ldan byon ||
bcu po gsuṅ ba’i stobs bcu pa ||
chos bcu la mkhas bcu la gnas ||
stoṅ phrag bcu yi ’khor daṅ ldan ||
bcom ldan rgyal po’i khab naṅ byon ||
tshigs su bcad pa ’dis ni ston pa la bsṅags pas bstod ciṅ (3) sṅun du ’gro ba’i mi rnams kyis bram ze’i khye’u’i gzugs kyi dpal mthoṅ nas bram ze’i khye’u ’di śin tu gzugs bzaṅ ba’o ||
slar yaṅ sṅar mthoṅ ba med do źes bsams nas bram ze’i khye’u ’di gaṅ na gnas pa yin | gaṅ źig gi yin źes smras so ||
de thos nas bram ze’i khye’us (4) smras pa | gaṅ źig bstan pa thams cad ’dul ||
gaṅ zag zla med saṅs rgyas te ||
dgra bcom bde gśegs ’jig rten du ||
de ni bdag gi ñe bar gnas ||
tshigs su bcad pa brjod de ston pas brgya byin gyis skabs phye ba’i lam du dge sloṅ stoṅ phrag gcig ’khor du byas (5) nas rgyal po’i khab kyi naṅ du gśegs so ||
rgyal pos saṅs rgyas la sogs pa’i dge ’dun la sbyin pa chen po phul lo ||
btsun pa bdag dkon mchog gsum spaṅs nas sdod par mi nus so ||
dus dag dus ma yin par bcom ldan ’das daṅ ñe bar ’oṅ bar ’dod do ||
śiṅ dṅar (6) can gyi skyed mos tshal śin tu thag riṅ ṅo ||
slar yaṅ bdag cag gi ’od ma’i tshal źes bya ba ’di śin tu ñe bas gśegs pa daṅ | ’oṅ ba śin tu ñe bas saṅs rgyas la ’os pa’i gnas lags pas bźes par źu | ṅes gser gyi ril ba spyi blugs la me tog gi dris bsgos te (7) nor bu’i kha dog can gyi chu blaṅs nas ’od ma’i tshal yoṅs su gtoṅ źiṅ stobs bcu pa’i phyag tu chu sbreṅ nas | der kun dga’ ra ba bźes nas saṅs rgyas kyi bstan pa’i gźi źes brjod ciṅ sa gźi chen po g-yos so ||
’dzam bu’i gliṅ gi naṅ nas ’od ma’i tshal spaṅs pa’i sa gźi g-yos (243a1) pa ’di bźes te sde gźan ni med do ||
siM gha gliṅ gi gtsug lag khaṅ chen po spaṅs nas sa gźi chen po g-yos pa ’di bźes te | sde gźan ni med do ||
ston pas ’od ma’i tshal gyi kun dga’ ra ba bźes nas rgyal po la rjes su yi raṅ bar mdzad ciṅ stan (2) las bźeṅs te | dge sloṅ gi dge ’dun ’khor du byas nas ’od ma’i tshal du byon no ||
de’i tshe de’i dus na ś ri’i bu daṅ | mauda gal gyi bu kun du rgyu gñis po rgyal po’i khab la brten nas gnas śiṅ bdud rtsi tshol bar sems so ||
de’i naṅ nas ś ri’i bus gnas brtan rta thul (3) bsod sñoms la źugs pa mthoṅ bas sems rab tu dṅas par gyur te bza’ ba byin nas chos rnams gaṅ dag rgyu las byuṅ ba daṅ źes pa’i tshigs bcad thos pas rgyun du źugs pa’i ’bras bu thob par gyur to ||
raṅ gi grogs po kun du rgyu mauda gal la yaṅ tshig su bcad pa de ñid smras so ||
(4) des kyaṅ rgyun du źugs pa’i ’bras bu thob bo ||
de gñis kyis kyaṅ raṅ ñid rgyal ba la bltas nas raṅ gi ’khor daṅ bcas pa ston pa’i druṅ du rab tu byuṅ ṅo ||
de rnams las mauda gal gyi bu chen po źag bdun nas dgra bcom pa thob bo ||
gnas brtan ś ri’i bus zla ba phyed nas dgra (5) bcom pa thob ste de gñis po yaṅ ston pa’i ñan thos kyi mchog tu gnas par bzuṅ ṅo ||
gnas brtan ś ri’i bus dgra bcom pa thob pa’i ñin mo ñid bcom ldan ’das kyi ñan thos kyi ’dus pa daṅ por byas so ||
slar yaṅ de bźin gśegs pas ’od ma’i tshal de ñid du bźugs so ||
de’i (6) tshe rgyal po chen po zas gtsaṅ gis bdag gi sras lo drug tu dka’ ba spyad nas mchog gi yaṅ dag par rdzogs pa’i byaṅ chub ste | chos kyi ’khor lo bskor nas rgyal po’i khab kyi ’od ma’i tshal du bźugs so źes pa thos nas blon po phan tshun rnams bos te ’dir śog cig skyes bu stoṅ phrag (7) gcig gis ’khor khrid de rgyal po’i khab tu soṅ la ṅa’i tshig gis khyed kyi yab rgyal po zas gtsaṅ khyed blta bar ’dod ces brjod pas bdag gi sras khrid la śog ces smras so ||
blon pos kyaṅ lha de bźin du bgyi’o źes rgyal po’i gsuṅ spyi bos blaṅs nas skyes bu stoṅ phrag gcig gi ’khor (243b1) de khrid de myur ba ñid du dpag tshad drug cu’i lam du soṅ nas stobs bcu pa ’khor bźi’i naṅ du bźugs nas chos ston pa’i dus su gtsug lag khaṅ du źugs so ||
de rgyal pos btaṅ ba’i don re źig bźag nas ’khor thams cad kyi mthar ’khod de ston pa’i chos bstan pa thos nas ji ltar ’khod (2) pa ñid bźin du skyes bu stoṅ phrag gcig daṅ lhan cig tu dgra bcom pa thob nas rab tu ’byuṅ bar źugs so ||
bcom ldan ’das kyis btsun pa rnams ’dir śog cig ces phyag brkyaṅ ṅo ||
thams cad de ñid du rdzu ’phrul las byuṅ ba’i lhuṅ bzed daṅ chos gos gsum bzuṅ nas | lo brgya (3) lon pa’i gnas brtan lta bur gyur to ||
dgra bcom pa thob pa’i dus nas bzuṅ ste | slar yaṅ ’phags pa źes bya ba re źig bar mar gnas par gyur to ||
rgyal pos btaṅ ba’i spriṅ yig stobs bcu pa lam brjod do ||
rgyal pos btaṅ ba’i mi rnams las gcig kyaṅ ma byuṅ (4) źiṅ spriṅ yig kyaṅ ma thos so ||
’dir śog la khyed soṅ źig daṅ de lta bu’i ṅes pas blon po gźan gcig btaṅ ṅo ||
des soṅ nas yaṅ sṅar bźin du ’khor daṅ bcas pa dgra bcom pa thob nas caṅ mi gsuṅ bar gnas so ||
rgyal pos de lta bur ṅes pas skyes bu stoṅ phrag re re’i (5) ’khor daṅ bcas pa’i blon po dgu btaṅ ṅo ||
thams cad raṅ gi don rdzogs par byas nas caṅ mi smra bar gyur te de ñid du gnas so ||
rgyal pos spriṅ yig tsam gyi lo rgyus kyaṅ ma thob bo źes bsams nas mi ’di rnams ṅa la mi dga’ ba’i rgyu mtshan gyis spriṅ yig tsam gyi lo rgyus kyaṅ mi (6) brjod do ||
su źig ṅa’i tshig bźin byed par sems | rgyal pos mi thams cad la brtags pas nag po ’char ka mthoṅ ṅo ||
de yaṅ rgyal po’i don thams cad sgrub par byed pa’i blon po yin no naṅ mi yin no ||
śin tu thugs ches pa yin no ||
de bźin gśegs pa daṅ (7) lhan cig la ñin gcig tu skyes pa yin no ||
de daṅ lhan cig tu brtse ba’i grogs po yin no ||
de nas blon po rgyal pos bos te | bu nag po ’char ka bdag gi sras blta bar ’dod pas skyes bu stoṅ phrag dgu btaṅ ste mi gcig kyaṅ ma ’oṅs nas spriṅ yig tsam gyi lo rgyus ci (244a1) yaṅ ma khruṅ | slar yaṅ thams cad nad kyis thebs pa yin na mtsho’i bar chad du gyur pa yin nam | ba dga’ tsho ba ñid kyi bar du sras po blta bar ’dod de bdag gi bu blta bar nus sam źes smras so ||
gal te rab tu phyuṅ yaṅ blta bar (2) nus so ||
bu khyod rab tu byuṅ ba ’am ma byuṅ yaṅ | ṅa sras po blta’o źes smras so ||
des lha legs so źes rgyal po’i gsuṅ blaṅs nas rgyal po’i khab tu soṅ ste | ston pa chos ston pa’i dus su ’khor rnams kyi mthar ’khod de chos thos nas ’khor daṅ bcas pa dgra bcom pa’i ’bras (3) bu thob par gyur te dge sloṅ gi dṅos por so so ṅa gnas so ||
ston pa saṅs rgyas su gyur nas daṅ po’i lo la draṅ sroṅ lhuṅ ba’i gnas su dbyar bźugs te | dgag dbye byas nas lteṅ rgyas su gśegs śiṅ der zla ba gsum bźugs te | ral pa can spun rnams btul nas dge sloṅ stoṅ phrag (4) gcig gi ’khor daṅ bcas pa dgun zla ’briṅ po’i ña rgyal po’i khab tu gśegs nas zla ba gñis bźugs so ||
de rnams ni groṅ khyer b r na si nas ’oṅs pa’i bar te | zla ba lṅa soṅ źiṅ dgun gyi dus thams cad ’das so ||
gnas brtan ’char ka ’oṅs nas źag bdun daṅ brgyad soṅ (5) ṅo ||
des dpyid zla ra ba’i ñal bsams pa | dgun gyi dus ’das nas dpyid ka’i dus su sleb pa daṅ | mi rnams kyis ’bru rnams blaṅs te | phyogs phyogs nas lam du byuṅ bas rtswa rnams ljaṅ gur gyur to ||
sa gźi daṅ nags tshal gyi śiṅ la sogs pa me tog śin tu maṅ (6) ba kha bye ba ni lam du ’gro ba’i dus so ||
stobs bcu pa’i ñe du daṅ phrad par byed pa’i lam du ’gro ba’i dus yin no ||
de nas bcom ldan ’das kyi druṅ ṅa ñe bar soṅ nas | btsun pa ljon śiṅ de ni ljaṅ gur gyur ||
śiṅ gi lo ma sa la dud pa daṅ ||
de rnams bar nas ’od zer ’gyed (7) pa yin ||
dpa’ bo chen po gñen gnas gśegs pa’i dus ||
ha caṅ mi dro mi graṅ źiṅ ||
mu ge daṅ ni bkres pa med ||
sa steṅ śiṅ rnams ljaṅ gur gyur ||
thub pa chen po dus ’dir gyur ||
tshigs su bcad pa drug cu tsam gyis stobs bcu pa la rigs kyi groṅ khyer du (244b1) gśegs pa’i phyir bsṅags par ’os pa’i bsṅags pa brjod pa’o ||
de nas ston pa la ’char kas dbyaṅs sñan pos gśegs pa’i bsṅags par ’os pa’i bsṅags pa gsuṅs so ||
btsun pa khyed kyi yab rgyal po chen po zas gtsaṅ blta bar ’dod pas ñe du rnams rjes su ’dzin par źu | (2) legs so ’char ka ñe du rnams rjes su gzuṅ bar bgyi’o ||
źes dge sloṅ gi dge ’dun la smros śig ||
gśegs pa’i gnas thams cad la byi dor gyis śig ces smros śig | btsun pa legs so źes gnas brtan soṅ nas smras so ||
bcom ldan ’das kyis yul oM gha daṅ ma (3) gadh na gnas pa’i rigs kyi bu rnams stoṅ phrag bcu daṅ bcas pa groṅ khyer ser skya’i gźi na gnas pa’i stoṅ phrag bcu po thams cad zag pa zad pa’i dge sloṅ ’khor du byas nas rgyal po’i khab nas phyi rol du ’thon te | ñi ma re re la dpag tshad re re bgrod ciṅ rgyal po’i khab nas dpag (4) tshad sdug cu’i groṅ khyer ser skya’i gźir zla ba gñis kyis sleb par dgoṅs śiṅ bul ba yaṅ ma yin myur ba yaṅ ma yin par ’briṅ por gśegs so ||
gnas brtan gyis kyaṅ bcom ldan ’das byon no źes rgyal po’i druṅ du smra’o źes bsams nas nam mkha’ la soṅ ste rgyal po’i gnas (5) su sleb par gyur to ||
rgyal pos gnas brtan gzigs nas thugs tshim par gyur te | gdan bśams pa la bźugs su bcug go ||
raṅ la byed pa bźin bcos nas ro sna tshogs pa’i bza’ bas lhuṅ bzed bkaṅ nas phul lo ||
gnas brtan laṅs nas ’gro bar bsams (6) pa daṅ | bu bźugs la gsol cig | rgyal po chen po ston pa daṅ ñe bar soṅ ste bza’o ||
slar yaṅ bu ston pa gan yod | stoṅ phrag ñi śu’i dge sloṅ ’khor du byas nas rgyal po chen po ñid blta ba’i phyir byon no ||
rgyal po thugs tshim par gyur nas smras pa | khyed ’di gsol la (7) bdag gi sras groṅ khyer ’dir ma byon gyi bar la ’di ñid nas lhuṅ bzed du bza’ ba khyer la soṅ cig ces smras so ||
gnas brtan gyis rgyal po’i gsuṅ mñan te rgyal pos gnas brtan gyi bza’ ba gsol zin pa daṅ lhuṅ bzed bkrus nas | dri bzaṅ po’i phye mas byugs te bza’ ba mchog (245a1) gis gaṅ bar byas nas de bźin gśegs pa la phul cig źes smras nas gnas brtan gyi lag par byin no ||
gnas brtan mi thams cad kyis mthoṅ ba daṅ lhuṅ bzad nam mkha’ la ’phaṅs so ||
raṅ ñid kyaṅ nam mkha’ la gśegs nas bza’ ba’i lhuṅ bzed bzuṅ (2) ste | ston pa’i phyag tu phul nas ston pas kyaṅ der bza’ ba la loṅs spyod do ||
gnas brtan thabs ’di’i ñi ma re re bźin du bza’ ba phul lo ||
ston pas kyaṅ lam gyi bar du rgyal po ñid kyi gdugs tshod la loṅs spyod do ||
gnas brtan gyes kyaṅ gdugs tshod la loṅs spyod pa’i (3) mthar ñi ma re re bźin du de riṅ ’di tsam nas bcom ldan ’das byon no ||
de riṅ ’di tsam du bcom ldan ’das byon źes pa daṅ | saṅs rgyas kyi yon tan yaṅ dag par ldan pa ñid brjod ciṅ rgyal ris thams cad ston pa ma mthoṅ ba ñid kyis ston pa’i druṅ du raṅ ñid kyi sems dṅas par mdzad do ||
(4) de’i rgyu mtshan gyis gnas brtan la bcom ldan ’das kyis dge sloṅ dag bdag gi ñan thos kyi naṅ nas rigs dad par byed pa rnams kyi mchog gaṅ yin na ’di ni ’char ka źes pa’o ||
’di mchog tu bzuṅ bas śkya ba rnams kyis kyaṅ bcom ldan ’das rjes su byon pa’i sṅun la bdag cag gi (5) ñe du’i gtso bo blta’o źes ’dus nas bcom ldan ’das bźugs pa’i gnas rtog ciṅ śkya nya gro dha’i kun dga’ rab yid du ’oṅ ba sta gon byas so ||
der thams cad ñer bsdogs byas nas spos daṅ me tog so so lag tu thogs te | bsu ba byed ciṅ rgyan thams cad kyis so sor brgyan nas (6) gźon nu daṅ gźon nu ma groṅ khyer gyi khye’u daṅ bu mo sṅar daṅ por btaṅ ba rnams daṅ | de nas rgyal po’i gźon nu daṅ gźon nu ma dag de rnams kyi bar raṅ raṅ gis sosa daṅ me tog daṅ phye ma la sogs pas mchod pa byed ciṅ | bcom ldan ’das kyis bźes nas nya gro dha’i kun dga’ ra ba (7) ñid du byon no ||
der bcom ldan ’das kyis stoṅ phrag ñi śu’i zag pa zad pa’i dge sloṅ ’khor du byas nas gdan bśams pa mchog la saṅs rgyas bźugs so ||
śkya’i rigs ni ṅa rgyal daṅ ldan pa yin | sems rtsub pa yin pas ’di ni don grub gźon nu ṅed daṅ lhan cig gźon nu (245b1) yin no ||
’di ni sriṅ mo’i bu yin no ||
’di ni tsha bo yin no źes bsams nas khye’u daṅ rgyal po’i gźon nu źes smras te | khyed kyi phyag gis bdag khyed kyi rgyab tu sdod do źes bsams so ||
de rnams de bźin du gnas nas | bcom ldan ’das kyis de rnams (2) kyi bsam pa gzigs nas gñen rnams bdag la phyag mi byed par ’dod kyaṅ da lta phyag byed du gźug dgos te | mṅon par śes pa’i gźi daṅ ye śes daṅ bsam gtan daṅ sñoms par ’jug pa bskyed dgos so sñam ste | bźeṅs nas nam mkha’ la gśegs so ||
de (3) rnams kyi mgo la źabs kyi rdul lhuṅ ba bźin du a mra sruṅ ba’i a mra’i śiṅ gi druṅ du so so’i cho ’phrul daṅ mtshuṅs par cho ’phrul mdzad do ||
rgyal pos de’i ya mtshan che ba mthoṅ ṅo źes smras so ||
bcom ldan ’das khyed ’khruṅs pa’i ñin mo dka’ thub pa nag po lha len (4) gyis phyag byed ciṅ ñe bar gnas pas khyed kyis źabs bskyod pa bram ze’i spyi bo la ñe bar gnas so ||
de mthoṅ nas bdag gis kyaṅ khyed la phyag byas so ||
’di ni bdag gi phyag daṅ po yin no ||
bkra śis pa’i ’bru ’debs pa’i ñin mo ’dzam bu’i śiṅ gi grib ma’i dpal (5) gyi mal stan la khyed bźugs pa na śiṅ ’dzam bu’i grib mas ma btaṅ bar mthoṅ ba’i tshe yaṅ źabs la phyag byas so ||
’di ni bdag gi phyag gñis pa yin no ||
da lta ni bdag gis sṅar ma mthoṅ ba’i cho ’phrul yaṅ mthoṅ bas khyed kyi źabs la phyag bgyid do ||
’di ni bdag (6) gi phyag gsum pa yin no ||
slar yaṅ rgyal pos bcom ldan ’das la phyag byed ciṅ phyag byed par mi nus pa’i śkya’i rigs gcig kyaṅ med do ||
thams cad kyis kyaṅ phyag byed pa ñid do ||
de nas bcom ldan ’das la ñe du rnams kyis phyag byed ciṅ nam mkha’ las babs nas (7) gdan bśams pa’i mchog gi guṅ la bźugs so ||
bcom ldan ’das bźugs nas ñe du rnams daṅ ’dus par gyur pa la thams cad sems gcig tu gnas so ||
de nas sprin chen po las pad ma’i ’dab ma la chu mi ’chags pa lta bu’i char ’bebs so ||
chu zaṅs kyi mdog (246a1) can sa la sgra sgrogs śiṅ ’bab bo ||
’baṅ bar ’dod pa rnams ’baṅ ṅo ||
’baṅ bar mi ’dod pa rnams mi ’baṅ ṅo ||
thigs pa tsam yaṅ mi ltuṅ ṅo ||
de mthoṅ nas thams cad du ya mtshan pa daṅ rmad du byuṅ ba skyes so ||
e ma ho ṅo mtshar che | e ma ho rmad (2) du byuṅ ṅo źes rjod par byed do ||
ston pas ’di kho na ma yin gyi bdag gi ñe du daṅ phrad pa na pad ma’i ’dab ma la chu mi ’chags pa lta bu’i char ’bebs śiṅ ’das pa’i dus su’aṅ ṅas phab bo ||
’di’i don byuṅ ba ni thams cad sgrol gyi skyes rabs su bśad do ||
chos bstan pa thos nas (3) thams cad laṅs te phyag byas nas soṅ ṅo ||
gcig gis kyaṅ rgyal po daṅ rgyal tshab daṅ blon po rnams saṅ bdag gi gnas su bsod sñoms khyer ’oṅ ṅo źes smra ba soṅ ba de rnams las gcig kyaṅ ma byuṅ ṅo ||
ston pas slar ñi ma gñis pa la stoṅ phrag ñi śu’i dge sloṅ ’khor du byas (4) nas groṅ khyer ser skya’i gźir bsod sñoms la bźud do ||
gaṅ źig mgron du gñer ba daṅ | lhuṅ bzed khyer ba su yaṅ med do ||
bcom ldan ’das sgo druṅ du ’khod de rnam par brtags pas ji ltar sṅon gyi saṅs rgyas rnams kyi rigs kyi groṅ khyer du byon nas bsod sñoms mdzad pa (5) bźin du gaṅ ji ltar rigs par mi chen po’i khyim du ’gro źiṅ yaṅ na go rims bźin du bsod sñoms spyod do ||
de nas saṅs rgyas rgyas gcig gis kyaṅ ji ltar rigs par gśegs pa ma mthoṅ bas bdag gis kyaṅ ṅa ni ’di’i rigs so ||
’di sṅon gyi saṅs rgyas kyi rigs bźin du (6) bdag gis kyaṅ rigs par gzuṅ bar bya’o ||
bdag gi ñan thos kyaṅ bdag ñid bźin rjes su slob ciṅ bsod sñoms la rdzogs par byon no ||
’khod pa’i khyim nas bzuṅ nas go rims bźin du bsod sñoms la spyod do ||
’phags pa gźon nu don grub bsod sñoms la gśegs (7) so źes brjod do ||
ñis thog daṅ sum thog la sogs pa’i khaṅ bzaṅs rnams su steṅ gi sgo chuṅ phye nas mi thams cad blta bar gyur te lha mo sgra gcan ’dzin gyi yum yaṅ ’phags pa’i bu groṅ khyer ’di ñid du rgyal po chen po’i mthus gser gyi do la li sogs pa la źon te de riṅ nas skra daṅ kha spu (246b1) bregs śiṅ ṅur smrig gi gos gyon nas snod lag tu khyer te | bsod sñoms la ’gro ba mdzes sam mi mdzes źes steṅ gi sgo chuṅ phye nas blta’o ||
sna tshogs pa’i ’dod chags daṅ bral ba yaṅ dag par ’bar źiṅ sku lus kyi ’od kyis groṅ khyer gyi steṅ thams cad snaṅ bar mdzad de | ’dom gaṅ (2) ba’i ’od kun nas bskor źiṅ rab tu gsal ba dpe byad bzaṅ po brgyad cu daṅ ldan pa skyes bu chen po’i mtshan sum cu rtsa gñis kyis brgyan pa saṅs rgyas kyi dpal dpe med par rnam par gsal ba mthoṅ ṅo ||
gtsug tor nas bzuṅ nas źabs kyi mthil gyi bar de srid do ||
dbu skra g-yas (3) ’khyil ’jam gnag snum pa daṅ ||
dpral ba dri med ñi ma’i mthil bźin no ||
sku daṅ ’tsham pa’i śaṅs ni mtho ba daṅ ||
mi yi seṅ ge ’od zer gsal bar mdzad ||
’di lta bu la sogs pa’i mi’i seṅ ge la tshigs su bcad pas mṅon par bstod do ||
khyed kyi sras po bsod (4) sñoms la spyod do źes rgyal po la smras so ||
rgyal po’i sems sdug bsṅal bas gos nas bzuṅ ste myur źiṅ myur bar phyir ’thon te bcom ldan ’das kyi druṅ du ’khod nas smras pa ci btsun pa bdag cag ṅo tsha bas ci’i don du bsod sñoms mdzad | dge sloṅ ’di rnams kyi bza’ ba bdag gis ster (5) bar mi śes bsams pa yin nam ci lags | rgyal po chen po’i rigs kyi spyod pa yin no ||
btsun pa bdag cag śkya’i rigs źes bya ba’i rigs so ||
de la rgyal rigs gcig kyaṅ bsod sñoms byed pa’i miṅ tsam yaṅ med do ||
rgyal po chen po’i rigs źes bya ba ni khyod kyi (6) rigs ’di yin no ||
bka’ stsal pa | rgyal po chen po mi dgyes pa ma mdzad cig | slar yaṅ bdag cag gi mar me mdzad daṅ kau Di nya daṅ ’od sruṅ źes bya ba ’di saṅs rgyas kyi rigs yin no ||
’di rnams daṅ gźan saṅs rgyas stoṅ phrag du mas kyaṅ bsod sñoms spyod ciṅ ’tsho bar (7) mdzad la | sraṅ gi dbus su ’khod pa ñid do ||
bag med lhag mar byed pa med ||
chos la spyod ciṅ legs par spyod ||
chos la spyad na bde ba ’byuṅ ||
’jig rten ’di daṅ phyi mar bde ||
chos kyi rkaṅ pa’i tshigs su bcad pa ’di bstan ciṅ bśad do ||
tshigs su bcad (247a1) pa’i mthar rgyal pos rgyun du źugs pa’i ’bras bu thob bo ||
chos spyod pa ni legs par spyod ||
ñes par spyod pa mi bya źiṅ ||
chos spyad pa yis bde ba ’byuṅ ||
’jig rten ’di daṅ pha rol du’o ||
slar yaṅ chos kyi rkaṅ pa’i tshigs su bcad pa ’di thos nas (2) lan cig phyir ’oṅ gi ’bras bu thob par gyur to ||
chos skyoṅ ba’i skyes rabs thos nas phyir mi ’oṅ ba’i ’bras bu thob par gyur to ||
’chi ba’i dus su gdugs dkar po’i ’og tu dpal gyi mal stan gyi steṅ du gzims pa ñid na dgra bcom pa thob par gyur to ||
dgon par gnas nas dka’ thub spyod (3) pa rgyal po la dgos pa med do ||
rgyun du źugs pa’i ’bras bu mṅon du byas nas slar yaṅ bcom ldan ’das kyi lhuṅ bzed bzuṅ ste ||
’khor daṅ bcas pa khaṅ bzaṅs chen po’i steṅ du spyan draṅs nas gya nom pa’i bza’ ba daṅ bca’ ba rnams draṅs so ||
gdugs tshod zin pa’i mthar sgra gcan ’dzin (4) gyi ma ma gtogs pa’i btsun mo ’khor daṅ bcas pa thams cad ’oṅs nas bcom ldan ’das la phyag byas so ||
gźan yaṅ des ’khor gyi mi rnams la ’phags pa’i bu la phyag gyis źes brjod nas | gal te kho mo la yon tan yod na ’phags pa’i bu raṅ ñid kyi gnas su ’byon no ||
byon pa (5) ñid na de la phyag byed do źes brjod nas ma ’oṅs so ||
rgyal pos lhuṅ bzed bzuṅ nas bcom ldan ’das ñan thos mchog gñis daṅ bcas pa rgyal po’i bu mo’i khaṅ bzaṅs su gśegs te | rgyal po’i bu mo raṅ ñid ji ltar mos pa’i phyag byed ciṅ gźan daṅ ’gal ba cuṅ zad kyaṅ ma byed ces (6) nas gdan bśams pa mchog gi guṅ la bźugs so ||
de myur du ’oṅs nas byin pa bzuṅ ste | źabs kyi steṅ du mgo bo bźag nas ji ltar ’dod pa’i phyag byas so ||
rgyal po daṅ rgyal po’i bu mos bcom ldan ’das la dga’ ba maṅ pos yon tan la sogs pas yon tan daṅ ldan par (7) brjod nas | btsun pa bdag gi bu mos ñid kyis gos ṅur smrig gyon pa thos nas | de nas bzuṅ ste deṅ gi bar du gos ṅur smrig gyon no ||
ñid kyis gdugs tshod lan cig gsol ba thos nas bu mos kyaṅ bza’ ba lan cig zos so ||
ñid kyis mal stan chen po spaṅs pa thos nas | ñal khri (247b1) chuṅ ba la ñal lo ||
ñid kyis me tog gi phreṅ ba daṅ spos la sogs pa la sred pa med pa thos nas | me tog gi phriṅ ba daṅ spos la sogs pa la chags pa med pa skyes so ||
raṅ gi ñe du rnams bdag gis gso’o źes ’phrin bskur nas | gñen gcig la yaṅ blta ba mi ’dug go ||
bcom ldan (2) ’das ’di lta bu’i yon tan daṅ ldan pa ni bdag gi bu mo yin no źes gsol to ||
rgyal po chen po ya mtshan mi che’o ||
’di da lta khyed sruṅ bar byed pa’i rgyal po’i bu mo ye śes yoṅs su ma smin pa rag gis bsruṅ ṅo ||
sṅar bsruṅ ba med ciṅ ril sogs pa la ’gro ba na | ye śes yoṅs (3) sum rdzogs pa raṅ gis bsruṅs so źes gsuṅs nas | mi’am ci zla ba’i skyes rabs gsuṅs te stan las bźeṅs nas gśegs so ||
ñi ma gñis pa la rgyal bu gźon nu dga’ bo rgyal por dbaṅ bskur ba daṅ | khaṅ pa gsar pa’i naṅ du źugs te bkra śis pa’i bag ma blaṅs nas (4) ñe bar gnas so ||
de’i khyim du gśegs nas gźon nu lhuṅ bzed zuṅ śig ces rab tu dbyuṅ bar dgoṅs nas bkra śis brjod de | gdan la bźeṅs nas gśegs so ||
ljoṅs kyi dge ba’i bu mos ’gro ba mthoṅ ṅo ||
’phags pa’i bu myur du śog ces brjod nas blta’o ||
(5) des kyaṅ bcom ldan ’das kyi lhuṅ bzed gzuṅ bar ma nus nas gtsug lag khaṅ ñid du gśegs so ||
bcom ldan ’das de la ’dod pa med pa ñid kyis rab tu ’byuṅ ba byed do ||
’di ltar bcom ldan ’das groṅ khyer ser skyar gśegs śiṅ ñi ma gsum pa la dga’ bo rab tu byuṅ (6) bas byas so ||
ñi ma bdun pa la sgrag can ’dzin gyi mas gźon nu rgyan gyis brgyan nas | bcom ldan ’das kyi druṅ du btaṅ ṅo ||
bu stoṅ phrag ñi śu’i dge sloṅ ’khor daṅ bcas pa ’di rnams ltos | gser gyi kha dog can gyi tshaṅs pa’i gzugs kyi mdog can dge sbyoṅ ’di mi byed kyi (7) yab bo ||
’di la gter chen po yod ciṅ de ’thon pa nas bzuṅ nas gter mthoṅ ba med do ||
soṅ la nor sloṅs śig | bdag khyed kyi bu gźon nu yin no ||
rgyal por dbaṅ bskur ba thob nas ’khor los sgyur ba la dbaṅ byed par ’gyur ro ||
bdag la nor gyi don du (248a1) nor stsal du gsol | yab kyi nor bu bdag yin no źes gsol cig ces smras pa daṅ | gźon nu bcom ldan ’das daṅ ñe bar soṅ ste | yab kyi druṅ du dga’ ba skyes so ||
dge sbyoṅ des khyed kyi grib ma ni de’o źes brjod nas | gźan (2) yaṅ raṅ gi rigs pas brjod ciṅ ’khod do ||
bcom ldan ’das gdugs tshod kyi mthar rjes su yi raṅ ba mdzad nas gdan las bźeṅs te gśegs so ||
gźon nus bdag la dge sloṅ nor stsal du gsol | bdag la dge sloṅ nor stsal du gsol | bcom ldan ’das kyi rjes su ’braṅs nas | (3) bcom ldan ’das kyis gźon nu phyir log la ṅa’i rjes su ma ’gro źes pa daṅ | rjes su ’braṅ ba rnams kyaṅ bcom ldan ’das daṅ ’grogs nas byon te ldog par ma nus nas | gźon nu bcom ldan ’das daṅ lhan cig kun dga’ ra ba ñid du phyin no ||
de nas bcom ldan ’das kyis bsams pa | (4) ’di yab kyi nor ’dod ciṅ ’jig rten pa’i nor ni ’tshe ba daṅ bcas pa yin | da ni gźon nu la byaṅ chub sñiṅ po des thob pa’i ’phags pa’i nor rnam pa bdun byin na ’jig rten las ’das pa’i nor gyi bdag po byed par ’gyur bar dgoṅs nas | tshe daṅ ldan pa ś ri’i bu bos te | de’i phyir na ś ri’i bu khyod kyis (5) gźon nu sgra gcan ’dzin rab tu phyuṅ źes brjod nas rab tu byuṅ ba byas so ||
slar yaṅ rgyal po gźon nu’i sdug bsṅal cher skyes te bsran par ma nus nas | bcom ldan ’das kyi gnas su phyin te | btsun pa ’phags pa ma daṅ pha yis rjes su ma gnaṅ ba’i bu rab tu ’byuṅ bar byed pa ma legs so (6) źes dam pa bslaṅs so ||
bcom ldan ’das kyis de la dam pa byin no ||
slar yaṅ ñi ma gñis pa la rgyal po’i gnas su gdugs tshod gsol nas phyogs gcig tu ’khod do ||
rgyal pos btsun pa ñid dka’ ba spyod pa’i dus su lha cig bdag gi druṅ du ñe bar ’oṅs nas khyed kyi bu dus las ’das (7) źes smras so ||
de’i tshig la yid ches pa med ciṅ bdag gi sras byaṅ chub ma thob bar du dus las ’da’ bar mi byed do ||
de’i tshig bdag gis bkag go źes brjod do ||
bcom ldan ’das kyis bka’ stsal pa | da lta ji ltar khyod yid ches par byed | slar rus pa mthoṅ nas khyed kyi bu (248b1) śi’o źes zer ba la yid ches par ma byas so ||
’di’i don ’byuṅ ba ni chos skyoṅ ba chen po’i skyis rabs su bśad do ||
gtam gyi mthar rgyal pos phyir mi ’oṅ ba’i ’bras bu la gnas so ||
de ltar bcom ldan ’das kyi yab ’bras bu gsum la so sor gnas nas dge sloṅ gi dge ’dun (2) ’khor du byas so ||
slar yaṅ rgyal po’i khab tu gśegs nas bsil ba’i tshal du bźugs so ||
de’i tshe khyim bdag mgon med zas sbyin gyis śiṅ rta lṅa brgya’i nor khyer nas rgyal po’i khab tu raṅ ñid dga’ ba’i grogs kyi khaṅ par soṅ ste | des saṅs rgyas bcom ldan ’das byon no źes (3) pa thos nas śin tu sṅa bar lha’i mthus sgo phye ste | ston pa’i druṅ du ñe bar soṅ nas chos thos te rgyun du źugs pa’i ’bras bu thob par gyur to ||
ñi ma gñis pa la saṅs rgyas la sogs pa’i dge ’dun la sbyin pa chen po phul lo ||
mñan yod du gśegs pa’i phyir du ston pa’i druṅ du dam (4) bca’ blaṅs nas bar gyi lam dpag tshad bźi bcu rtsa lṅa’i gnas su ’bum phrag re re’i nor byin nas dpag tshad re re’i gtsug lag khaṅ byas so ||
rgyal byed tshal bye ba phrag bcwa brgyad kyi dbyig gis ños nas las kha gsar pa byed ciṅ dbus su stobs bcu pa’i dri’i gtsaṅ khaṅ byed do ||
(5) de la bskor ba rnams la gnas brtan chen po brgyad cu’i bźugs gnas so ||
chig thog daṅ ñis thog daṅ khaṅ pa riṅ po daṅ | bsti gnas la sogs pa’i bźugs gnas daṅ | rdziṅ bu daṅ | ’chags daṅ | mtshan mo’i bźugs gnas daṅ | ñin mo’i bźugs (6) gnas so ||
bye ba phrag bcwa brgyad kyi nor spel te yid du ’oṅ ba’i sa phyogs yid la ’thad pa’i gtsug lag khaṅ byed do ||
stobs bcu pa byon pa’i phyir du pho ña ba btaṅ ṅo ||
ston pas pho ña ba’i ’phrin gsan nas dge sloṅ gi dge ’dun chen po’i ’khor du byas te rgyal po’i khab nas phyir (7) byon te go rims bźin du groṅ khyer mñan yod du byon no ||
gtso bo chen po gtsug lag khaṅ chen po sta gon byas nas de bźin gśegs pa rgyal byed tshal du byon pa’i ñin mo bu rgyan thams cad kyis brgyan no ||
slar yaṅ brgyan pa ñid kyi gźon nu lṅa brgya daṅ bcas pa btaṅ ṅo ||
de (249a1) ’khor daṅ bcas pa kha dog lṅa’i gos yaṅ dag par ’bar ba’i rgyal mtshan lṅa pa rgya thogs nas stobs bcu pa’i mdun du soṅ bar gyur to ||
de rnams kyi phyi mal legs bzaṅs chen mo daṅ | legs bzaṅs ma chuṅ ba ste bu mo gñis gźon nu ma lṅa brgya daṅ bcas pa gser (2) gyis gaṅ ba’i bum pa lag par thogs nas phyir ’thon no ||
de’i phyi ma la tshoṅ dpon gyi chuṅ ma rgyan thams cad kyis brgyan nas bud med lṅa brgya daṅ bcas pa gser gyis gaṅ ba’i sder ma chen po thogs nas phyir ’thon to ||
thams cad phyin nas tshoṅ dpon raṅ ñid gos bzaṅ po gyon no ||
de (3) bźin du gos bzaṅ po gyon pa’i tshoṅ dpon lṅa brgya daṅ bcas pa bcom ldan ’das kyi druṅ du soṅ ṅo ||
bcom ldan ’das kyi ’khor dge bsñen ’di rnams mdun du byas nas | dge sloṅ gi dge ’dun chen po rnams ’khor du byas te | raṅ ñid kyi sku lus kyi ’od kyis gser gyi bcud kyi goṅ bu (4) lta bu daṅ mtshuṅs pa daṅ | nags tshal gyi bar du snaṅ bar mdzad ciṅ mtha’ yas pa’i saṅs rgyas kyi rol pa saṅs rgyas kyi dpal zla med ciṅ mtshuṅs pa med pa rgyal byed tshal gyi naṅ du byon no ||
de nas mgon med zas sbyin gyis źus pa | btsun pa gtsug lag khaṅ ’di ji lta bu la dbul bar (5) bgyi | khyim bdag gtsug lag khaṅ ’di ’oṅ ba daṅ ’gro ba’i dge sloṅ gi dge ’dun rnams la phul cig | legs so bcom ldan ’das źes tshoṅ dpon chen pos gser gyi ril ba spyi blugs blaṅs nas stobs bcu pa’i phyag tu chu sbreṅ ste | rgyal byed tshal gyi gtsug lag khaṅ ’di ’gro ba daṅ ’oṅ ba’i (6) phyogs bźi’i saṅs rgyas la sogs pa’i dge ’dun la sbyin źes phul lo ||
ston pas gtsug lag khaṅ bźes nas rjes su yi raṅ ba mdzad do ||
graṅ daṅ dro bas mi ñams śiṅ ||
de ltar ri dgas la sogs pa’i ||
sdig sbrul daṅ ni sbraṅ bu daṅ ||
ba mo daṅ ni char pas so ||
de (7) ltar rluṅ daṅ śin tu dro ||
so sor lus la gos pa daṅ ||
khaṅ naṅ gnas nas bde ba skyes ||
khaṅ par bsam gtan lhag mthoṅ rnams ||
dge ’dun gtsug lag khaṅ ’bul ba ||
saṅs rgyas mchog gis bsṅags par mdzad ||
skyes bu mkhas pas de yi phyir ||
bdag (249b1) ñid kyi ni phyir du ni ||
dga’ bas gtsug lag khaṅ byed pa ||
maṅ du thos pa gnas pa yin ||
de rnams kyi ni bza’ daṅ btuṅ ||
gos daṅ mal cha stan daṅ ni ||
de rnams sems ni draṅ pos ’bul ||
rab tu daṅ ba’i sems kyis so ||
des ni de la chos bstan to ||
sdug (2) bsṅal thams cad ñer źi’i phyir ||
gaṅ de’i chos ni rtogs pa daṅ ||
rten med mya ṅan ’das par byed ||
ces bya ba’i gtsug lag khaṅ gi phan yon bśad do ||
mgon med zas sbyin gyis ñi ma gñis pa nas bzuṅ nas sbyin pa gtoṅ ba’i mgo brtsams so ||
sa khams byas pa’i khaṅ (3) bzaṅs ni zla ba bźis grub bo ||
slar yaṅ mgon med zas sbyin gyi gtsug lag khaṅ chen po zla ba dgus grub bo ||
gtsug lag khaṅ chen po la yaṅ bye ba stoṅ phrag bcwa brgyad ñid soṅ ṅo ||
’di la gtsug lag khaṅ chen po ’di ñid la bye ba phrag lṅa bcu rtsa bźi’i nor yoṅs su btaṅ ṅo ||
(4) slar yaṅ ’das pa’i bcom ldan ’das rnam par gzigs kyi dus su tshoṅ dpon kun gyi grogs źes bya bas gser gyi glaṅ po’i rkaṅ pa’i rmig rjes lta bu’i sa gźi ños nas | gnas ’di ñid du dpag tshad gcig gi dge ’dun gyi kun dga’ ra ba byas so ||
bcom ldan ’das gtsug tor can (5) gyi dus su dpal ’phel źes bya ba’i tshoṅ dpon gyi bus gser gyi sder ma rgyun mi ’chad pas ños pa’i sa gźi’i gnas de ñid du rgyaṅ grags bcu gñis kyi tshad tsam gyi dge ’dun gyi kun dga’ ra ba byas so ||
bcom ldan ’das thams cad skyob kyi dus su tshoṅ dpon bkra śis źes bya bas gser gyi (6) sa gźi gser gyi rkaṅ pa’i rjes lta bu’i sa gźi ños nas gnas de ñid du dpag tshad phyed kyi dge ’dun gyi kun dga’ ra ba byas so ||
bcom ldan ’das log par dad sel gyi dus su tshoṅ dpon ’pho ba med pa źes bya bas gser gyi pha gu lta bu rgyun mi ’chad pa’i sa gźi ños nas gnas ñid du rgyaṅ grags (7) bźi’i tshad kyi dge ’dun gyi kun dga’ ra ba byas so ||
bcom ldan ’das gser thub kyi dus su tshoṅ dpon drag po źes bya bas gser gyi rus sbal rgyun mi ’chad pa lta bu’i sa gźi ños nas gnas de ñid du rgyaṅ grags gñis kyi tshad kyi kun dga’ ra ba byas so ||
bcom ldan ’das ’od sruṅ gi (250a1) dus su tshoṅ dpon bkra śis bzaṅ po źes bya bas gser gyi pha su rgyun mi ’chad pa lta bus sa gźi ños nas gnas de ñid du rgyaṅ grags gcig gi tshad kyi kun dga’ rab byas so ||
slar yaṅ bdag cag gi bcom ldan ’das kyi dus su tshoṅ dpon mgon med zas sbyin gyis bye ba phrag (2) bcwa brgyad kyi dbyig gis gser gyi ’dra men du byas pa rgyun mi ’chad blta bus sa gźi ños nas gnas de ñid du grags phyed kyi kun dga’ ra ba byas so ||
gnas ’di saṅs rgyas thams cad kyis ma spaṅs pa’i gnas yin no ||
’di ltar byaṅ chub chen po’i sñiṅ po’i druṅ du thams cad mkhyen pa’i (3) ye śes thob pa ji srid pa nas yoṅs su mya ṅan las ’das pa’i mthar thug pa de srid du gaṅ daṅ gaṅ gi gnas su bcom ldan ’das bdag bźugs pa ’di ni ñe ba’i gleṅ gźi źes bya ba’o ||
de’i lugs kyis skyes rabs thams cad du bsṅags par mdzad do ||
