rgya gar skad du | dharmatsakraprabartanasūtra | bod skad du | chos kyi ’khor lo rab tu bskor ba’i mdo | ’phags pa dkon mchog gsum la gus pas phyag ’tshal lo ||
’di skad bdag gis thos pa dus gcig na | bcom ldan ’das yul b r na si’i (2) draṅ sroṅ ltuṅ ba ri dgas rgyu ba’i gnas na bźugs so ||
de nas bcom ldan ’das kyis dge sloṅ lṅa sde rnams bos te bka’ stsal pa | dge sloṅ dag rab tu byuṅ ba mtha’ gñis po ’di la gnas par mi bya’o ||
gaṅ su dag ’dir ’dod pa rnams daṅ bde ba la źen pa ni mi rigs pa (3) daṅ dman par ’gyur ro ||
so so’i skye bo rnams ni don med pa daṅ ldan pa’i phyir gaṅ su dag lus dub pa daṅ ’bral ba’i sdug bsṅal bsṅags par bya ba ma yin pa rnams kyi don med pa daṅ ldan no ||
dge sloṅ dag ’di rnams ni mtha’ gñis kyi mtha’ ste de la ’jug par mi bya’o ||
(4) de bźin gśegs pa mṅon par rdzogs par saṅs rgyas nas dbu ma’i lam ’di gsuṅs so ||
mig byed pa daṅ | ye śes byed pa daṅ | źi bar byed pa daṅ | mṅon par śes pa daṅ | yaṅ dag par khoṅ du chud pa daṅ | mya ṅan las ’das pa la yaṅ dag par ’jug go ||
dge sloṅ (5) dag de bźin gśegs pas mṅon par rdzogs par saṅs rgyas nas gsuṅs pa’i dbu ma’i lam gaṅ źe na | mig byed pa daṅ | ye śes byed pa daṅ | źi bar byed pa daṅ | mṅon par śes pa daṅ | yaṅ dag par khoṅ du chud pa daṅ | mya ṅan las ’das pa la yaṅ dag par ’jug (6) go ||
dbu ma’i lam ni ’phags pa’i lam yan lag brgyad de | brgyad po de ni ’di lta ste | yaṅ dag pa’i lta ba daṅ | yaṅ dag pa’i rtog pa daṅ | yaṅ dag pa’i ṅag daṅ | yaṅ dag pa’i las kyi mtha’ daṅ | yaṅ dag pa’i ’tsho ba daṅ | yaṅ dag pa’i rtsol ba daṅ | yaṅ dag pa’i dran pa (7) daṅ | yaṅ dag pa’i tiṅ ṅe ’dzin to ||
dbu ma’i lam ’di yaṅ de bźin gśegs pa mṅon par rdzogs par saṅs rgyas nas gsuṅs so ||
mig byed pa daṅ | ye śes byed pa daṅ | źi bar byed pa daṅ | mṅon par śes pa daṅ | yaṅ dag par khoṅ du chud pa daṅ | mya ṅan las(181a1) ’das pa la yaṅ dag par ’jug go ||
’di yaṅ dge sloṅ dag sdug bsṅal ’phags pa’i bden pa ste | skye ba’i sdug bsṅal daṅ | rga ba’i sdug bsṅal daṅ | na ba’i sdug bsṅal daṅ | ’chi ba’i sdug bsṅal daṅ | mi sdug pa daṅ phrad pa’i sdug bsṅal daṅ | (2) sdug pa daṅ bral ba’i sdug bsṅal daṅ | gaṅ ’dod pa btsal te ma rñed pa de yaṅ sdug bsṅal ba daṅ | mdor na ñe bar len pa’i phuṅ po lṅa sdug bsṅal lo ||
’di yaṅ dge sloṅ dag sdug bsṅal kun ’byuṅ ’phags pa’i bden pa ste | gaṅ sred pa ’byuṅ ba can daṅ | dga’ (3) ba’i ’dod chags daṅ ldan pa daṅ | de daṅ de la mṅon par dga’ ba ni | ’di lta ste | ’dod pa’i sred pa daṅ | ’khor ba la sred pa daṅ | ’khor ba daṅ bral ba la sred pa’o ||
’di yaṅ dge sloṅ dag sdug bsṅal ’gog pa ’phags pa’i bden pa ste | gaṅ źig ’di bźin sred pa ma lus (4) pa la ’dod chags daṅ bral ba daṅ | ’gog pa daṅ | bor ba daṅ | so sor bsgyur ba daṅ | grol ba daṅ | grol ba la źum pa med pa’o ||
’di yaṅ dge sloṅ dag sdug bsṅal ’gog par ’gro ba’i lam ’phags pa’i bden pa’o ||
’di yaṅ ’phags pa’i lam yan lag brgyad pa ste | (5) ’di lta ste | yaṅ dag pa’i lta ba daṅ | yaṅ dag pa’i rtog pa daṅ | yaṅ dag pa’i ṅag daṅ | yaṅ dag pa’i las kyi mtha’ daṅ | yaṅ dag pa’i ’tsho ba daṅ | yaṅ dag pa’i rtsol ba daṅ | yaṅ dag pa’i dran pa daṅ | yaṅ dag pa’i tiṅ ṅe ’dzin to ||
dge sloṅ dag ’di ni sdug bsṅal (6) ’phags pa’i bden pa ste | sṅar chos ma thos pa la mig bskyed pa daṅ | ye śes bskyed pa daṅ | śes rab bskyed pa daṅ | rig pa bskyed pa daṅ | snaṅ ba bskyed pa’o ||
de yaṅ sdug bsṅal ’phags pa’i bden pa ste | dge sloṅ dag ’di yoṅs su śes par bya’o ||
sṅar chos ma (7) thos pa la mig bskyed pa daṅ | ye śes bskyed pa daṅ | śes rab bskyed pa daṅ | rig pa bskyed pa daṅ | snaṅ ba bskyed pa’o ||
’di ni sdug bsṅal kun ’byuṅ ’phags pa’i bden pa ste | dge sloṅ dag ’di ni sṅar chos ma thos pa la | mig bskyed pa daṅ | ye śes bskyed pa daṅ | śes (181b1) rab bskyed pa daṅ | rig pa bskyed pa daṅ | snaṅ ba bskyed pa’o ||
’di yaṅ sdug bsṅal kun ’byuṅ ’phags pa’i bden pa ste rab tu spaṅ bar bya’o ||
dge sloṅ dag ’di ni sṅar chos ma thos pa la | mig bskyed pa daṅ | ye śes bskyed pa daṅ | śes rab bskyed pa daṅ | rig pa bskyed pa daṅ | (2) snaṅ ba bskyed pa’o ||
’di ni sdug bsṅal ’gog pa ’phags pa’i bden pa ste | dge sloṅ dag ’di ni sṅar chos ma thos pa la | mig bskyed pa daṅ | ye śes bskyed pa daṅ | śes rab bskyed pa daṅ | rig pa bskyed pa daṅ | snaṅ ba bskyed pa’o ||
’di yaṅ sdug bsṅal ’gog pa (3) ’phags pa’i bden pa ste | mṅon sum du bya’o ||
dge sloṅ dag ’di ni sṅar chos ma thos pa la | mig bskyed pa daṅ | ye śes bskyed pa daṅ | śes rab bskyed pa daṅ | rig pa bskyed pa daṅ | snaṅ ba bskyed pa’o ||
’di na sdug bsṅal ’gog par ’gro ba’i lam ’phags pa’i bden (4) pa’o ||
dge sloṅ dag ’di ni sṅar chos ma thos pa la | mig bskyed pa daṅ | ye śes bskyed pa daṅ | ye śes bskyed pa daṅ | śes rab bskyed pa daṅ | rig pa bskyed pa daṅ | snaṅ ba bskyed pa’o ||
’di yaṅ sdug bsṅal ’gog par ’gro ba’i lam ’phags pa’i bden pa ste bsgom par bya’o ||
dge sloṅ (5) dag ’di ni sṅar chos ma thos pa la | mig bskyed pa daṅ | ye śes bskyed pa daṅ | śes rab bskyed pa daṅ | rig pa bskyed pa daṅ | snaṅ ba bskyed pa’o ||
dge sloṅ dag de ltar bśad pa rnam pa bźi po ’di ni ’phags pa’i bden pa’o ||
’di ltar lan gsum du bzlas te rnam pa (6) bcu gñis po ji ltar gyur pa rnams ye śes mthoṅ ba śin tu rnam par dag pa yin no ||
dge sloṅ dag ṅa spaṅs te | lha daṅ bcas pa’i ’jig rten daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bcas pa daṅ | skye dgu’i bdag po daṅ | lha daṅ mir (7) bcas pa rnams las | bla na med pa yaṅ dag par rdzogs pa’i saṅs rgyas gźan med do ||
dge sloṅ dag gaṅ yaṅ ’di ni ’phags pa’i bden pa bźi po ’di ltar lan gsum du bzlas te | rnam pa bcu gñis su ji ltar gyur pa’i ye śes mthoṅ ba śin tu rnam par dag pa yin no ||
(182a1) ji ltar dge sloṅ dag ṅa ni ’jig rten lha daṅ bcas pa daṅ | bdud daṅ bcas pa daṅ | tshaṅs pa daṅ bcas pa daṅ | dge sbyoṅ daṅ bcas pa daṅ | skye dgu’i bdag po daṅ | lha daṅ mir bcas pa rnams las | bla na med pa yaṅ dag par rdzogs pa’i saṅs rgyas mṅon (2) par rdzogs par saṅs rgyas nas so sor rtogs so ||
ye śes ’di yaṅ bdag mthoṅ bar gyur pa daṅ | sṅar med pa’i rnam par grol ba daṅ | bdag ni lhag ma med par yaṅ srid pa len pa med par mya ṅan las ’das so ||
bcom ldan ’das kyis de skad ces bka’ stsal pa daṅ | (3) dge sloṅ lṅa sde bcom ldan ’das kyis gsuṅs pa la mṅon par dga’o ||
’di ltar luṅ du bstan pa de tshun chod nas | tshe daṅ ldan pa kauNDi nyasa rdul spaṅs pa daṅ | dri ma med pa’i chos kyi mig skyes so ||
gaṅ cuṅ zad kun ’byuṅ ba’i chos thams cad ni de ’gog pa’i chos yin no ||
bcom (4) ldan ’das kyis chos kyi ’khor lo rab tu bskor źiṅ bskor nas | sa’i lha rnams kyis bstod pa’i sgra bsgrags so ||
dge sbyoṅ ṅam | bram ze’am | lha’am | bdud dam | tshaṅs pa’am | ’jig rten du gźan sus kyaṅ bskor bar mi nus pa ’di ni bcom ldan ’das kyis yul b (5) r na si’i draṅ sroṅ lhuṅ ba daṅ | ri dgas rgyu ba’i gnas su bźugs nas bla na med pa’i chos kyi ’khor lo rab tu ma bskor ba bskor to ||
de nas sa’i lha’i sgra thos nas rgyal chen ris bźi’i lha rnams kyis bstod pa’i sgra bsgrags so ||
dge sbyoṅ ṅam bram ze’am | lha’am | (6) bdud dam | tshaṅs pa’am | ’jig rten du gźan sus kyaṅ bskor bar mi nus pa ’di ni bcom ldan ’das kyis yul b r na si’i draṅ sroṅ ltuṅ ba daṅ ri dgas rgyu ba’i gnas su bźugs nas | bla na med pa’i chos kyi ’khor lo ma bskor ba bskor to ||
rgyal chen ris bźi’i lha rnams (7) kyis bstod pa’i sgra thos nas | sum cu rtsa gsum gyi lha rnams kyis bstod pa’i sgra bsgrags so ||
dge sbyoṅ ṅam | bram ze’am | lha’am | bdud dam | tshaṅs pa’am | ’jig rten du gźan sus kyaṅ bskor bar mi nus pa ’di ni bcom ldan ’das kyis yul b r na si’i draṅ sroṅ lhuṅ ba (182b1) daṅ ri dgas rgyu ba’i gnas su bźugs nas | bla na med pa’i chos kyi ’khor lo ma bskor ba bskor to ||
sum cu rtsa gsum gyi lha rnams kyis bstod pa’i sgra thos nas | ’thab bral gyi lha rnams kyis bstod pa’i sgra bsgrags so ||
dge sbyoṅ ṅam | bram ze’am | lha’am | bdud (2) dam | tshaṅs pa’am | ’jig rten du gźan sus kyaṅ bskor bar mi nus pa ’di ni bcom ldan ’das kyis yul b r na si’i draṅ sroṅ lhuṅ ba daṅ | ri dgas rgyu ba’i gnas su bźugs nas bla na med pa’i chos kyi ’khor lo ma bskor ba bskor to ||
’thab bral gyi lha rnams kyis bstod (3) pa’i sgra thos nas | dga’ ldan gyi lha rnams kyis bstod pa’i sgra bsgrags so ||
dge sbyoṅ ṅam | bram ze’am | lha’am | bdud ṅam | tshaṅs pa’am | ’jig rten du gźan sus kyaṅ bskor bar mi nus pa ’di ni bcom ldan ’das kyis yul b r na si’i draṅ sroṅ lhuṅ ba daṅ | ri dgas (4) rgyu ba’i gnas su bźugs nas | bla na med pa’i chos kyi ’khor lo ma bskor ba bskor to ||
dga’ ldan gyi lha rnams kyis bstod pa’i sgra thos nas | ’phrul dga’i lha rnams kyis bstod pa’i sgra bsgrags so ||
dge sbyoṅ ṅam | bram ze’am | lha’am | bdud dam | tshaṅs pa’am | (5) ’jig rten du gźan sus kyaṅ bskor bar mi nus pa ’di ni bcom ldan ’das kyis yul b r na si’i draṅ sroṅ lhuṅ ba daṅ | ri dgas rgyu ba’i gnas su bźugs nas | bla na med pa’i chos kyi ’khor lo ma bskor ba bskor to ||
’phrul dga’i lha rnams kyis bstod pa’i sgra thos nas | (6) gźan ’phrul dbaṅ byed kyi lha rnams kyis bstod pa’i sgra bsgrags so ||
dge sbyoṅ ṅam | bram ze’am | lha’am | bdud dam | tshaṅs pa’am | ’jig rten du gźan sus kyaṅ bskor bar mi nus pa ’di ni bcom ldan ’das kyis yul b r na si’i draṅ sroṅ lhuṅ ba daṅ | ri dgas (7) rgyu ba’i gnas su bźugs nas | bla na med pa’i chos kyi ’khor lo ma bskor ba bskor to ||
gźan ’phrul dbaṅ byed kyi lha rnams kyis bstod pa’i sgra thos nas | tshaṅs ris kyi lha rnams kyis bstod pa’i sgra bsgrags so ||
dge sbyoṅ ṅam | bram ze’am | lha’am | bdud dam | tshaṅs (183a1) pa’am | ’jig rten du gźan sus kyaṅ bskor bar mi nus pa ’di ni bcom ldan ’das kyis yul b r na si’i draṅ sroṅ lhuṅ ba daṅ | ri dgas rgyu ba’i gnas su bźugs nas bla na med pa’i chos kyi ’khor lo ma bskor ba bskor to ||
de nas skad cig daṅ yud tsam de la tshaṅs pa’i (2) ’jig rten gyi bar du sgras khyab par gyur to ||
’dir yaṅ ’jig rten gyi khams stoṅ phrag bcu yaṅ dag par g-yos so ||
yaṅ dag par rab tu g-yos so ||
yaṅ dag par rab tu ldeg go ||
bag yod par gyur | ya mtshan du gyur | snaṅ bar gyur | ’jig rten rnams su de ltar gyur to ||
’jig rten (3) rnams su de ltar gyur te | tshaṅs pas chos bstan pa thos nas | lha rnams raṅ raṅ gi gnas su soṅ ṅo ||
de nas yaṅ bcom ldan ’das kyis ched du brjod pa ched du brjod de | kun śes pa’i phyir kauNDi nya’o ||
kun śes pa rnams kyis kauNDi nya’o ||
de’i phyir ’di ni tshe daṅ ldan pa kauNDi nya’o ste | kun (4) śes kauNDi nya źes bya ba’i miṅ thob bo ||
chos kyi ’khor lo bskor ba’i mdo rdzogs sho || ||
