’di skad bdag gis thos pa dus gcig na | bcom ldan ’das yul ma ga dh dgon pa chos kyi sñiṅ po na bźugs (178a1) te | phyogs bcu’i saṅs rgyas kyi źiṅ tshad med graṅs med pa nas ’dus pa’i byaṅ chub sems dpa’ saṅs rgyas kyi źiṅ rdul phra mo daṅ mñam pa daṅ thabs cig go ||
thams cad kyaṅ kun tu bzaṅ po’i smon lam la mṅa’ brñes pa spyod pa la gnas pa’o ||
de nas byaṅ chub sems dpa’ kun tu (2) bzaṅ pos chos thams cad rnam par mi rtog pa bstan pa źes bya ba’i tiṅ ṅe ’dzin la sñoms par źugs so ||
tiṅ ṅe ’dzin de’i mthus ’jig rten gyi khams saṅs rgyas kyi źiṅ gi rdul phra mo daṅ mñam pa thams cad g-yos so ||
de nas bcom ldan ’das kyis byaṅ chub sems dpa’ kun tu bzaṅ po la phyag gis (3) dbu la reg par gyur to ||
de ltar reg pas saṅs rgyas kyi źiṅ rnams kyaṅ rab tu g-yos par gyur | lha rnams kyis mthun par tshigs su bcad pas bstod pa | ’jig rten sgron ma lha mi’i dpe las ’das ||
yon tan rgya mtsho lta bu pha rol phyin ||
srid pa’i mtsho las ’gro ba khyod kyis sgrol ||
ded dpon (4) khyod kyis rab tu bskyab pa gsol ||
de nas byaṅ chub sems dpa’ kun tu bzaṅ pos bcom ldan ’das la ’di skad ces gsol to ||
bcom ldan ’das ji ltar bslab par bya ba’i don śes rab ’dra ba daṅ śes rab yin pa la bslab par bya | bcom ldan ’das kyis bka’ stsal pa | kun tu bzaṅ po śes (5) rab ’dra ba ni ’jig rten tshogs kyi lam pa rnams kyi śes rab gaṅ yin pa’o ||
śes rab yin pa ni sa daṅ po yan chad kyi śes rab gaṅ yin pa’o ||
bcom ldan ’das kyis de skad ces bka’ stsal pa daṅ | byaṅ chub sems dpa’ kun tu bzaṅ po daṅ | lha daṅ | mir bcas pa’i ’jig rten yi raṅs te | (6) bcom ldan ’das kyis gsuṅs pa la mṅon par bstod do ||
