’di skad bdag gis thos pa dus gcig na | bcom ldan ’das rgyal po’i khab bya rgod kyi phuṅ po’i ri la dge sloṅ gi dge ’dun tshad med graṅs med pa daṅ | byaṅ chub sems dpa’ rab tu maṅ po daṅ thabs cig tu bźugs te | de’i tshe ’khor der byaṅ chub sems dpa’ sems (177a1) dpa’ chen po zla ba’i sñiṅ po ’dug pa stan las laṅs nas | bcom ldan ’das la ’di skad ces gsol to ||
bcom ldan ’das byaṅ chub sems dpa’ rnams kyis śes rab kyi pha rol tu phyin pa la ji ltar bslab par bgyi | de skad ces gsol pa daṅ | bcom ldan ’das kyis bka’ stsal (2) pa | zla ba’i sñiṅ po chos thams cad dṅos po daṅ bral ba gaṅ yin pa de ni śes rab kyi pha rol tu phyin pa’o ||
’di lta ste dper na | zla ba’i dkyil ’khor ni rtog pa med kyaṅ gliṅ bźir ’khor bar byed ciṅ mun pa rnams rab tu sel to ||
de bźin du byaṅ chub sems dpa’ sems dpa’ chen po śes rab kyi (3) pha rol tu phyin pa la spyod pa ni rtog pa med kyaṅ phyin ci log bźi rnams la thugs rjes ’khor źiṅ raṅ bźin gyis ñon moṅs pa rnams sel bar byed kyaṅ mi rtog pa’i phyir ro ||
zla ba’i sñiṅ pos gsol pa | bcom ldan ’das byaṅ chub sems dpa’i śes rab kyi pha rol tu phyin pa la du mchis | bcom (4) ldan ’das kyis bka’ stsal pa | rigs kyi bu byaṅ chub sems dpa’i śes rab kyi pha rol tu phyin pa la rnam pa gñis te zag pa daṅ bcas pa daṅ | zag pa med pa’o ||
rigs kyi bu de la zag pa daṅ bcas pa’i śes rab ni mos pas spyod pa’i sa’i gnas skabs na gzuṅ bar rtog pa (5) daṅ ’dzin par rtog pa ste | de spoṅ bar byed pa ni zag pa daṅ bcas pa’i śes rab kyi pha rol tu phyin pa’o ||
rigs kyi bu de la zag pa med pa’i śes rab kyi pha rol tu phyin pa ni mthoṅ ba’i lam gyi rnam par mi rtog pa’i ye śes te | ye śes de ni rtog pa thams cad daṅ bral (6) ba’i phyir na mi rtog pa’i phyir ro ||
rigs kyi bu ’di lta ste | śes rab kyi pha rol tu phyin pa ni pha rol daṅ tshu rol gyi mtha’ gaṅ la yaṅ mi gnas pa’i phyir ro ||
śes rab ni gzugs nas rnam pa thams cad mkhyen pa ñid kyi bar du raṅ bźin med pas śes rab kyi pha rol tu phyin pa (7) raṅ bźin med par śes par bya’o ||
gzugs la sogs pa’i chos rnams dus gsum du mi dmigs śiṅ ma bciṅs ma grol bar śes par bya’o ||
rigs kyi bu chos thams cad mñam pa ñid pas śes rab kyi pha rol tu phyin pa mñam pa ñid do ||
chos thams cad ’gag (177b1) pa med pa ñid pas śes rab kyi pha rol tu phyin pa ’gag pa med pa’o ||
chos thams cad mtshan ma med pas śes rab kyi pha rol tu phyin pa mtshan ma med pa’o ||
chos thams cad skye ba med pas śes rab kyi pha rol tu phyin pa skye ba med pa’o ||
chos thams cad chad pa med pas śes rab kyi pha rol tu phyin pa chad pa (2) med pa’o ||
chos thams cad ’oṅ ba med pas śes rab kyi pha rol tu phyin pa ’oṅ ba med pa’o ||
chos thams cad ’gro ba med pa ñid pas śes rab kyi pha rol tu phyin pa ’gro ba med pa ñid do ||
chos thams cad rtag pa med pa ñid pas śes rab kyi pha rol tu phyin pa rtag pa med pa ñid do ||
chos thams cad tha (3) dad pa med pa ñid pas śes rab kyi pha rol tu phyin pa tha dad pa med pa ñid do ||
chos thams cad don gcig pa ñid pas śes rab kyi pha rol tu phyin pa don gcig pa ñid do ||
chos thams cad dṅos po med pa’i ṅo bo ñid pas śes rab kyi pha rol tu phyin pa dṅos po med pa’i ṅo bo ñid do ||
mdor na thams (4) cad mtshan ma daṅ | raṅ bźin daṅ | ṅo bo ’di las ’das pas ni śes rab kyi pha rol tu phyin pa’o ||
de lta bas na śes rab kyi pha rol tu phyin pa’i sṅags so ||
tadya th | om pradzñe pradzñe ma h pradzñe tsandra pradzñe | sarba ś sa ka ri sw h | chos rnams thams cad rgyu las byuṅ ||
de ñid kun rdzob bden pa ste ||
(5) raṅ bźin med ciṅ spros med pa ||
de ñid don dam spyod yul lo ||
bcom ldan ’das kyis de skad ces bka’ stsal pa daṅ | byaṅ chub sems dpa’ zla ba’i sñiṅ po daṅ | thams cad daṅ ldan pa’i ’khor daṅ | lha daṅ | mi daṅ | lha ma yin daṅ | dri zar bcas pa’i ’jig rten yi (6) raṅs te | bcom ldan ’das kyis gsuṅs pa la mṅon par bstod do ||
