(147b3) || rgya gar skad du | ekākṣarīmātānāmasarbatathāgatapradzñāpāramitā | bod skad du | de bźin (4) gśegs pa thams cad kyi yum śes rab kyi pha rol tu phyin ma yi ge gcig ma źes bya ba | yum chen mo śes rab kyi pha rol tu phyin ma la phyag ’tshal lo ||
’di skad bdag gis thos pa dus gcig na | bcom ldan ’das rgyal po’i khab bya rgod phuṅ po’i ri la | dge sloṅ gi dge ’dun (5) chen po brgya phrag phyed daṅ bcu gsum daṅ | byaṅ chub sems dpa’ bye ba khrag khrig maṅ po daṅ thabs cig tu bźugs so ||
de’i tshe bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo śes rab kyi pha rol tu phyin ma yi ge gcig ma źes bya ba (6) ’di sems can rnams la phan pa daṅ bde ba’i phyir zuṅ śig | ’di lta ste | a | bcom ldan ’das kyis de skad ces bka’ stsal pa daṅ | tshe daṅ ldan pa kun dga’ bo daṅ | dge sloṅ de dag daṅ | byaṅ chub sems dpa’ sems dpa’ chen po de dag thams cad kyis pha rol tu phyin pa rjes (7) su rtogs śiṅ yi raṅs nas | bcom ldan ’das kyis gsuṅs pa la mṅon par bstod do ||
