(143b5) || rgya gar skad du | ārya pañtsabiṅśatikāpradzñāpāramitāmukha nāma mahāyānasūtra | bod skad du | ’phags pa śes rab kyi pha rol tu phyin pa’i sgo ñi śu rtsa (6) lṅa ba źes bya ba theg pa chen po’i mdo | saṅs rgyas daṅ | byaṅ chub sems dpa’ thams cad la phyag ’tshal lo ||
’di skad bdag gis thos pa dus gcig na | bcom ldan ’das ri rab kyi zom la lha thams cad kyi mtshan mo’i gnas na byaṅ chub sems dpa’ bye (7) ba khrag khrig ’bum phrag du ma daṅ thabs cig tu bźugs te | de nas bcom ldan ’das lha daṅ | lha’i bu daṅ | lha ma yin daṅ | rluṅ lha ṅaṅ | nam mkha’ ldiṅ daṅ | klu daṅ | gnod sbyin daṅ | mi’am ci daṅ | srin po daṅ | rig sṅags ’chaṅ thams cad daṅ | (144a1) ’byuṅ po daṅ | log ’dren daṅ | śa za daṅ | snaṅ ba daṅ | mi snaṅ ba’i ma mo’i tshogs śin tu maṅ źiṅ rgya che ba dpag tshad lṅa’i dkyil ’khor du ’dus pa śa stag daṅ | dge sloṅ stoṅ ñis brgya lṅa bcus bskor ciṅ mdun du bdar nas chos ston to ||
de nas (2) byaṅ chub sems dpa’ sems dpa’ chen po lag na rdo rje rdo rje’i rigs thams cad kyis yoṅs su bskor ciṅ | rig pa’i tshogs daṅ | phyag rgya’i tshogs de dag thams cad daṅ | rig sṅags ’chaṅ bye ba phrag du mas yoṅs su bskor nas bcom ldan ’das ga la ba der soṅ ste (3) phyin nas | bar snaṅ las babs nas bcom ldan ’das kyi źabs la mgo bos phyag ’tshal te | bcom ldan ’das la lan gsum bskor ba byas nas | phyogs gcig tu ’dug pa daṅ | de nas bcom ldan ’das kyis gsaṅ ba’i bdag po chen po lag na rdo rje la bka’ (4) stsal pa | gsaṅ ba pa’i bdag po ñi śu rtsa lṅa po ’di dag ni ṅa’i śes rab kyi pha rol tu phyin pa’i sgo yin no ||
saṅs rgyas daṅ | byaṅ chub sems dpa’ thams cad la phyag ’tshal lo ||
oṃ byaṅ chub kyi sems kyi rdo rje śes rab kyi pha rol tu phyin pa’i sgo’o ||
oṃ kun tu bzaṅ (5) po’i spyod pa śes rab kyi pha rol tu phyin pa’i sgo’o ||
oṃ yid bźin gyi nor bu śes rab kyi pha rol tu phyin pa’i sgo’o ||
oṃ ’gog pa med pa śes rab kyi pha rol tu phyin pa’i sgo’o ||
oṃ skye bar ’gyur ba śes rab kyi pha rol tu phyin pa’i sgo’o ||
oṃ rnam par śes pa thams cad (6) śes rab kyi pha rol tu phyin pa’i sgo’o ||
oṃ ’bar ba chen po’i chos ñid śes rab kyi pha rol tu phyin pa’i sgo’o ||
oṃ brtson ’grus śes rab kyi pha rol tu phyin pa’i sgo’o ||
oṃ thams cad du ’gro ba śes rab kyi pha rol tu phyin pa’i sgo’o ||
oṃ rdo rje thams cad brtan pa’i sems śes rab (7) kyi pha rol tu phyin pa’i sgo’o ||
oṃ de bźin gśegs pa thams cad śes rab kyi pha rol tu phyin pa’i sgo’o ||
oṃ raṅ bźin rnam par dag pa’i chos ñid ye śes rnam par dag pa śes rab kyi pha rol tu phyin pa’i sgo’o ||
oṃ las rnam par sbyoṅ ba śes rab kyi pha rol tu phyin pa’i sgo’o ||
(144b1) oṃ ṅes par gnod mdzes rdo rje can phaTa śes rab kyi pha rol tu phyin pa’i sgo’o ||
oṃ ’dod pa la ’dod chags rnam par dag pa śes rab kyi pha rol tu phyin pa’i sgo’o ||
oṃ mgyogs pa’i rdo rje can śes rab kyi pha rol tu phyin pa’i sgo’o ||
oṃ hU~ṃ thams cad du ’gro ba śes rab (2) kyi pha rol tu phyin pa’i sgo’o ||
oṃ hrIHśes rab kyi pha rol tu phyin pa’i sgo’o ||
oṃ a źes bya ba’i sgo śes rab kyi pha rol tu phyin pa’i sgo’o ||
oṃ śes rab kyi pha rol tu phyin pa śes rab kyi pha rol tu phyin pa’i sgo’o ||
oṃ a~ṃ ba hU~ṃ śes rab kyi pha rol tu phyin pa’i sgo’o ||
(3) oṃ e śes rab kyi pha rol tu phyin pa’i sgo’o ||
oṃ de bźin gśegs pa thams cad kyi sku’i mchog śes rab kyi pha rol tu phyin pa’i sgo’o ||
oṃ de bźin gśegs pa thams cad kyi gsuṅ rnam par dag pa śes rab kyi pa rol tu phyin pa’i sgo’o ||
oṃ de bźin gśegs pa thams (4) cad kyi thugs rdo rje śes rab kyi pha rol tu phyin pa’i sgo’o ||
bcom ldan ’das kyis de skad ces bka’ stsal nas | byaṅ chub sems dpa’ sems dpa’ chen po lag na rdo rje daṅ | thams cad daṅ ldan pa’i ’khor de dag daṅ | lha daṅ | mi daṅ | lha ma yin (5) daṅ | dri zar bcas pa’i ’jig rten yi raṅs te | bcom ldan ’das kyis gsuṅs pa la mṅon par bstod do || ||
