’di skad bdag gis thos pa’i dus gcig na | [(2)] bcoṃ ldan ’das de bźin gśegs pa thaṃs cad kyis ṃkhyen pa’i bye brag rnaṃ pa tha dad pa daṅ ldan pa | de bźin gśegs pa rin po che thaṃs cad kyi cod pan gyis khaṃs gsuṃ du dbaṅ bcu rdzogs pa | de bźin gśegs pa thaṃs cad kyi ṃa | thaṃs cad ṃkhyen pa’i ye śes [(3)] daṅ ldan pa | rnal ’byor can chen po’i dbaṅ phyug | de bźin gśegs pa thaṃs cad kyi phyag rgyas chos thaṃs cad kyi ṃñaṃ pa ñid thugs su chud pa | sna tshogs kyi bya ba ṃdzad de | ṃa lus pa na seṃs can gyi khaṃs lus pa ṃed pa thaṃs cad kyi re ba thaṃs cad yoṅs [(4)] su bskaṅ ba’i ’phrin las ṃdzad pa | thugs rje chen po rnaṃ par snaṅ ṃdzad chen po rtag pa khaṃs gsuṃ gyi ṃñaṃ pa ñid la bźugs pa sku daṅ | gsuṅ daṅ | thugs thaṃs cad rdo rje de bźin gśegs pa | lha’i rgyal po gźan ’phrul dbaṅ byed kyi gnas | ’dod pa’i [(5)] khaṃs thaṃs cad na | nor bu rin po che chen pos rab tu spras pa daṅ | ba dan kha dog sna tshogs dril bu brgyus pa rluṅ gis bskyod pa daṅ | ṃe tog gi phreṅ ba daṅ | rṅa ṃa daṅ | rgyan phreṅ daṅ | chun ’phyaṅ daṅ | zla ba lta bus ṃdzes par byas pa | de bźin gśegs [(6)] pa thaṃs cad bźugs pa | śis pa thaṃs cad bstod pa na | byaṅ chub seṃs dpa’ bye ba phrag brgya daṅ thabs cig tu bźugs pa la ’di lta ste | byaṅ chub seṃs dpa’ seṃs dpa’ chen po lag na rdo rje daṅ | spyan ras gzigs dbaṅ phyug daṅ | naṃ ṃkha’i sñiṅ po daṅ [(7)] rdo rje khu tshur daṅ | ’jaṃ dpal daṅ | seṃs bskyed ṃa thag tu chos kyi ’khor lo bskor ba daṅ | naṃ ṃkha’ ṃdzod daṅ | byaṅ chub seṃs dpa’ seṃs dpa’ chen po bdud kyi stobs thaṃs cad rab tu ’joṃs pa daṅ | de dag la sogs pa byaṅ chub seṃs dpa’ bye ba phrag [(133b1)] brgya daṅ thabs cig ste | yoṅs su bskor ciṅ ṃdun gyis bltas nas chos ston te | śes rab kyi pha rol tu phyin pa’i tshul chos thaṃs cad kyi ṅo bo ñid rnaṃ par dag pa’i sgo źes bya ba thog ṃar dge ba | bar du dge ba tha ṃar dge ba don bzaṅ po tshig ’bru bzaṅ po ṃa ’dres pa yoṅs su rdzogs [(2)] pa | yoṅs su dag pa | yoṅs su byaṅ ba yaṅ dag par ston te | ’di ltar rab tu dga’ ba rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
’dod chags kyi ṃtha’ rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
reg [(3)] pa rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
sdug pa’i ’chiṅ ba rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
thaṃs cad la dbaṅ phyug daṅ | dbaṅ rnaṃ par dag pa’i gnas de ni ’di lta ste | byaṅ chub seṃs [(4)] dpa’i gnas so ||
lta ba rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
dga’ ba rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
sred pa rnaṃ par dag pa’i gnas de ni ’di lta ste | byaṅ chub seṃs dpa’i gnas [(5)] so ||
sñeṃs pa rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
rgyan rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
yid tshiṃ par byed pa rnaṃ par dag pa’i gnas de ni ’di lta ste | byaṅ chub seṃs dpa’i gnas [(6)] so ||
snaṅ ba rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
lus bde ba rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
gzugs rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
sgra [(7)] rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
dri rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
ro rnaṃ par dag pa’i gnas de ni ’di lta ste | byaṅ chub seṃs dpa’i gnas so ||
reg rnaṃ par dag pa’i gnas [(134a1)] de ni ’di lta ste | byaṅ chub seṃs dpa’i gnas so ||
de ci’i phyir źe na | ’di ltar chos thaṃs cad ni ṅo bo ñid kyis rnaṃ par dag pa ste | chos thaṃs cad kyi ṅo bo ñid kyis stoṅ pa ñid pas śes rab kyi pha rol tu phyin pa yoṅs su dag pa’o ||
lag na rdo rje [(2)] su la las chos thaṃs cad kyi ṅo bo ñid rnaṃ par dag pa’i sgo sgrub pa śes rab kyi pha rol tu phyin pa’i tshul ’di lan cig thos na yaṅ de byaṅ chub kyi sñiṅ po’i bar du sgrib pa thaṃs cad daṅ chod pa daṅ | ñon ṃoṅs pa’i sgrib pa daṅ | chos kyi sgrib pa daṅ | las kyi sgrib pa chen po [(3)] bsags kyaṅ seṃs can dṃyal ba la sogs pa ṅan soṅ du naṃ yaṅ skye bar ṃi ’gyur | sdig pa yaṅ byas ṃa thag tu sdug bsṅal ṃed par ’byaṅ bar ’gyur ro ||
su źig ’dzin pa daṅ | ñin re źiṅ klog pa daṅ | kha ton byed pa daṅ | tshul bźin yid la byed pa de tshe ’di [(4)] ñid la chos thaṃs cad kyi ṃñaṃ pa ñid rdo rje’i tiṅ ṅe ’dzin thob pas chos thaṃs cad la dbaṅ bsgyur bar ’gyur ro ||
chos thaṃs cad la dga’ ba daṅ | ṃgu ba daṅ | ṃchog tu dga’ ba ṃyoṅ bar ’gyur ro ||
byaṅ chub seṃs dpa’ chen po’i tshe bcu drug gis de bźin [(5)] gśegs pa’aṃ | rdo rje ’dzin thob par ’gyur ro ||
de nas bcoṃ ldan ’das lag na rdo rje de bźin gśegs pa thaṃs cad pa theg pa chen po ṃṅon par rtogs pa | dkyil ’khor thaṃs cad pa | rdo rje ’dzin ṃtha’ dag gi seṃs can gyi ṃchog khaṃs gsuṃ ṃa lus pa [(6)] ṃtha’ dag na ’jig rten gsuṃ po thaṃs cad las rnaṃ par rgyal ba | seṃs can gyi khaṃs lus pa ṃed pa ’dul ba | don thaṃs cad grub pa | daṃ tshig chen po pa | rdo rje gsaṅ ba’i seṃs can chen po du ṃas g-yog byas pa de śes rab kyi pha rol tu phyin pa’i tshul [(7)] gyi don ’di ston te | bźin rab tu ’dzuṃ źiṅ lag pa g-yon pa rdo rje bsgyiṅs te thog ṃa’i rdo rje chen po gsor nas raṅ gi sñiṅ gar bstod pa’i tshul gyis ’dzin ciṅ bde ba chen po rdo rje don yod pa’i daṃ tshig ces bya ba raṅ gi de kho na ñid kyi sñiṅ po ’di sṃras so | hU~ṃ | de nas bcoṃ ldan ’das de [(134b1)] bźin gśegs pa rnaṃ par snaṅ ṃdzad kyis yaṅ de bźin gśegs pa thaṃs cad kyi źi ba’i chos ñid ṃṅon par rdzogs par byaṅ chub par sgrub pa źes bya ba śes rab kyi pha rol tu phyin pa’i tshul ’di bśad do ||
rdo rje sra ba ñid kyi phyir rdo rje ṃñaṃ pa ñid ṃṅon par rdzogs par byaṅ [(2)] chub pa ni byaṅ chub chen po’o ||
don gcig pa’i phyir don gyi ṃñaṃ pa ñid ṃṅon par rdzogs par byaṅ chub pa ni byaṅ chub chen po’o ||
ṅo bo ñid kyis rnaṃ par dag pa’i phyir chos kyi ṃñaṃ pa ñid ṃṅon par rdzogs par byaṅ chub pa ni byaṅ chub chen po’o ||
thaṃs cad la rnaṃ par ṃi [(3)] rtog pa’i phyir thaṃs cad kyis ṃñaṃ pa ñid ṃṅon par rdzogs par byaṅ chub pa ni byaṅ chub chen po’o ||
lag na rdo rje su la la chos ṃṅon par sgrub pa bźi po ’di dag ñan pa daṅ | ’dzin pa daṅ | klog pa daṅ | sgoṃ pa de sdig pa thaṃs cad spyod kyaṅ byaṅ chub kyi sñiṅ po la ’dug [(4)] gi bar du ṅan soṅ thaṃs cad las yaṅ dag par ’das par ’gyur ro ||
ṃyur du bla na ṃed pa yaṅ dag par rdzogs pa’i byaṅ chub tu ṃṅon par rdzogs par ’tshaṅ rgya bar yaṅ ’gyur ro ||
de nas de skad ces bka’ stsal nas | bcoṃ ldan ’das ye śes kyi khu tshur yoṅs [(5)] su ’dzin pa don gnas ’di ñid rgya cher ston ciṅ bźin rab tu ’dzuṃ dṃul te | chos thaṃs cad kyi ṃñaṃ pa ñid kyi sñiṅ po ’di rab tu sṃras so ||
a | de nas ṃa ruṅs pa thaṃs cad ’dul ba bcoṃ ldan ’das de bźin gśegs pa śkya thub pas kyaṅ yaṅ chos thaṃs [(6)] cad kyi ṃñaṃ pa ñid kyis rnaṃ par rgyal ba bsdu ba źes bya ba śes rab kyi pa rol tu phyin pa sgrub pa ’di bśad de | ’dod chags kyi spros pa ṃed pa ñid kyis źe sdaṅ gi spros pa ṃed pa ñid do ||
źe sdaṅ gi spros pa ṃed pa ñid kyis gti ṃug gi spros pa ṃed pa ñid do ||
gti [(7)] ṃug gi spros pa ṃed pa ñid kyis chos thaṃs cad spros pa ṃed pa ñid do ||
chos thaṃs cad kyi spros pa ṃed pa ñid kyis śes rab kyi pha rol tu phyin pa spros pa ṃed pa ñid du rig par bya’o ||
lag na rdo rje su la la śes rab kyi pha rol tu phyin pa’i tshul ’di ñan pa daṅ | ’dzin [(135a1)] pa daṅ | klog pa daṅ | sgoṃ pa des ’dul pa’i dbaṅ gi phyir khaṃs gsuṃ du skyes pa’i seṃs can thaṃs cad bsad kyaṅ ṅan soṅ du ’gro bar ṃi ’gyur te | ṃyur du bla na ṃed pa yaṅ dag par rdzogs pa’i byaṅ chub tu ṃṅon par rdzogs par ’tshaṅ rgya bar yaṅ [(2)] ’gyur ro ||
de nas bcoṃ ldan ’das lag na rdo rje chos ñid ’di’i don rgya cher ston te | ’jig rten gsuṃ las rnaṃ par rgyal ba’i rdo rje źes bya ba’i phyag rgya bciṅs nas khro gñer daṅ bcas śiṅ sṃin ṃa bteg ste | ’bar bar lta la padṃa’i gdoṅ khro źiṅ dgod de | ṃche ba [(3)] gtsigs nas | rkaṅ pa g-yon pa brkyaṅ ba’i tshul du gnas pas gnas nas rdo rje hUṃ źes bya ba’i sñiṅ po ’di sṃras so ||
hUṃ | de nas bcoṃ ldan ’das de bźin gśegs pa ṅo bo ñid dag pa’i chos ñid thob pas yaṅ chos thaṃs cad kyi ṃñaṃ pa ñid spyan ras gzigs dbaṅ phyug [(4)] gi ye śes kyi phyag rgya źes bya ba śes rab kyi pha rol tu phyin pa’i tshul ’di bśad de | ’dod chags thaṃs cad rnaṃ par dag pas ’jig rten na źe sdaṅ thaṃs cad rnaṃ par dag par ’gyur ro ||
dri ṃa thaṃs cad rnaṃ par dag pas ’jig rten na sdig pa thaṃs cad rnaṃ par [(5)] dag par ’gyur ro ||
chos thaṃs cad rnaṃ par dag pas ’jig rten na seṃs can thaṃs cad rnaṃ par dag par ’gyur ro ||
śes pa thaṃs cad rnaṃ par dag pas ’jig rten na śes rab kyi pha rol tu phyin pa rnaṃ par dag par ’gyur ro ||
lag na rdo rje su la la śes [(6)] rab kyi pha rol tu phyin pa’i tshul ’di ñan pa daṅ | ’dzin pa daṅ | klog pa daṅ | sgoṃ pa de ’dod chags daṅ | dri ṃa thaṃs cad kyi naṅ na ’dug kyaṅ padṃa lta bur ’dod chags kyi ñes pa rnaṃs daṅ | dri ṃa rnaṃs daṅ | glo bur gyi ñon ṃoṅs pa rnaṃs kyis gos par ṃi [(7)] ’gyur te | ṃyur du bla na ṃed pa yaṅ dag par rdzogs pa’i byaṅ chub ṃṅon par rdzogs par ’tshaṅ rgya bar yaṅ ’gyur ro ||
de nas byaṅ chub seṃs dpa’ seṃs dpa’ chen po spyan ras gzigs dbaṅ phyug don gyi gnas ’di ñid rgya cher ston ciṅ bźin rab tu ’dzuṃ dṃul [(135b1)] te ||
padṃa’i ’dab ṃa kha ’byed pas ’dod chags la sogs pa’i dri ṃas ṃi gos pa la lta źiṅ ’gro ba thaṃs cad kyi phyir padṃa gzugs sna tshogs źes bya ba’i sñiṅ po ’di sṃras so ||
hrIH | de nas bcoṃ ldan ’das de bźin gśegs pa khaṃs gsuṃ thaṃs cad kyi dbaṅ [(2)] pos yaṅ de bźin gśegs pa thaṃs cad kyi dbaṅ bskur ba las byuṅ ba’i ye śes kyi sñiṅ po źes bya ba śes rab kyi pha rol tu phyin pa’i tshul ’di bśad de | dbaṅ bskur ba sbyin pa ni khaṃs gsuṃ thaṃs cad kyi rgyal srid thob par ’gyur ro ||
nor sbyin pa ni re ba thaṃs [(3)] cad yoṅs su rdzogs par ’gyur ro ||
chos sbyin pa ni chos thaṃs cad kyi ṃñaṃ pa ñid thob par ’gyur ro ||
zaṅ ziṅ sbyin pa ni lus daṅ ṅag daṅ seṃs kyi bde ba thaṃs cad thob par ’gyur ro ||
de nas byaṅ chub seṃs dpa’ seṃs dpa’ chen po naṃ ṃkha’i sñiṅ po bźin rab [(4)] tu ’dzuṃ ste | raṅ gi ṃgo la rdo rje rin po tshe’i dbaṅ bskur ba’i phreṅ ba ’chiṅ źiṅ don ’di ñid rgya cher ston te | dbaṅ bskur ba thaṃs cad kyi daṃ tshig rin po che źes bya ba’i sñiṅ po ’di sṃras so ||
tr~ṃ | de nas bcoṃ ldan ’das de bźin gśegs pa thaṃs cad kyi ye śes kyi phyag [(5)] rgya thob pa de bźin gśegs pa thaṃs cad kyi khu tshur ’dzin pa | de bźin gśegs pa rtag pas yaṅ de bźin gśegs pa thaṃs cad kyi ye śes kyi phyag rgya’i gnas rdo rje źes bya ba śes rab kyi pha rol tu phyin pa’i tshul ’di bśad de | de bźin gśegs pa thaṃs cad [(6)] kyi sku’i phyag rgya yoṅs su ’dzin pa ni de bźin gśegs pa thaṃs cad ñid du ’gyur ro ||
de bźin gśegs pa thaṃs cad kyi gsuṅ gi phyag rgya yoṅs su ’dzin pa ni chos thaṃs cad thob par ’gyur ro ||
de bźin gśegs pa thaṃs cad kyi thugs kyi phyag rgya yoṅs su [(7)] ’dzin pa ni tiṅ ṅe ’dzin thaṃs cad thob par ’gyur ro ||
de bźin gśegs pa thaṃs cad kyi rdo rje’i phyag rgya yoṅs su ’dzin pa ni lus daṅ | ṅag daṅ | seṃs thaṃs cad rdo rjer rdo rje’i dṅos grub daṃ pa thob par ’gyur ro ||
su la la śes rab kyi pha rol tu phyin pa’i tshul ’di ñan [(136a1)] pa daṅ | ’chaṅ ba daṅ | klog pa daṅ | luṅ ’bogs pa daṅ | sgoṃ pa des dṅos grub thaṃs cad daṅ | phun suṃ tshogs pa thaṃs cad daṅ | śes pa thaṃs cad daṅ | dgos pa thaṃs cad daṅ | lus daṅ | ṅag daṅ | seṃs thaṃs cad [(2)] rdo rjer rdo rje’i dṅos grub daṃ pa thob nas | ṃyur du bla na ṃed pa yaṅ dag par rdzogs pa’i byaṅ chub ṃṅon par rdzogs par ’tshaṅ rgya bar ’gyur ro ||
de nas byaṅ chub seṃs dpa’ chen po rdo rje’i khu tshur daṃ tshig chen po’i rdo rje’i phyag rgya yoṅs su ’dzin pas [(3)] don gnas ’di rgya cher bstan te | de bźin rab tu ’dzuṃ źiṅ rdo rje sra ba’i phyag rgya dṅos grub thaṃs cad kyi daṃ tshig ces bya ba’i sñiṅ po ’di sṃras so ||
aH | de nas bcoṃ ldan ’das chos thaṃs cad spros pa ṃed pa’i de bźin gśegs pas yaṅ ’khor lo ltar yi ge bskor ba [(4)] źes bya ba śes rab kyi pha rol tu phyin pa’i tshul ’di bśad de | ṅo bo ñid ṃed pa’i tshul gyis chos thaṃs cad stoṅ pa ñid do ||
ṃtshan ṃa ṃed pa’i tshul gyis chos thaṃs cad ṃtshan ṃa ṃed pa’o ||
sṃon pa ṃed pa’i tshul gyis chos thaṃs cad sṃon pa ṃed pa’o ||
śes [(5)] rab kyi pha rol tu phyin pa yoṅs su dag pas chos thaṃs cad raṅ bźin gyis ’od gsal ba’o ||
de nas bcoṃ ldan ’das ’jaṃ dpal gźon nur gyur pa don ’di ñid rgya cher ston te | bźin rab tu ’dzuṃ bźin du bdag gi ral gri des de bźin gśegs pa thaṃs cad [(6)] la ’debs śiṅ śes rab kyi pha rol tu phyin pa’i sñiṅ po’i ṃchog ’di sṃras so ||
a | de nas bcoṃ ldan ’das de bźin gśegs pa thaṃs cad kyi ’khor der ’dus pa’i de bźin gśegs pas ’khor lo chen po la ’jug pa źes bya ba śes rab kyi pha rol tu phyin pa’i tshul [(7)] ’di bśad do ||
rdo rje ṃñaṃ pa ñid la ’jug pa ni de bźin gśegs pa thaṃs cad kyi ’khor lo la ’jug par ’gyur ro ||
don gyi ṃñaṃ pa ñid la ’jug pa ni byaṅ chub seṃs dpa’ seṃs dpa’ chen po’i ’khor lo la ’jug par ’gyur ro ||
chos thaṃs cad kyi [(136b1)] ṃñaṃ pa ñid la ’jug pa ni daṃ pa’i chos kyi ’khor lo la ’jug par ’gyur ro ||
thaṃs cad kyi ṃñaṃ pa ñid la ’jug pa ni ’khor lo thaṃs cad la ’jug par ’gyur ro ||
de nas byaṅ chub seṃs dpa’ seṃs bskyed ṃa thag tu chos kyi ’khor lo bskor ba chos ñid [(2)] kyi don ’di rgya cher ston ciṅ ’dzuṃ dṃul nas rdo rje’i ’khor lo bskor źiṅ rdo rje’i ’khor lo thaṃs cad la ’jug pa źes bya ba’i sñiṅ po ’di sṃras so ||
hU~ṃ | de nas bcoṃ ldan ’das de bźin gśegs pa la ṃchod pa thaṃs cad kyi cho ga rgyas pa’i snod kyis ṃchod pa thaṃs cad [(3)] kyi ṃchog ces bya ba śes rab kyi pha rol tu phyin pa’i tshul ’di bśad do ||
byaṅ chub kyi seṃs bskyed pa ni de bźin gśegs pa thaṃs cad la ṃchod pa’i cho ga rgyas pa’o ||
seṃs can gyi khaṃs thaṃs cad yoṅs su skyob pa ni de bźin gśegs pa thaṃs cad la ṃchod [(4)] pa’i cho ga rgyas pa’o ||
daṃ pa’i chos yoṅs su ’dzin pa ni de bźin gśegs pa thaṃs cad la ṃchod pa’i cho ga rgyas pa’o ||
śes rab kyi pha rol tu phyin pa yi ger ’dri ba daṅ | yi ger ’drir ’jug pa daṅ | ’dzin pa daṅ | klog pa daṅ | brjod pa daṅ | ston pa daṅ | [(5)] ñan pa daṅ | seṃs pa daṅ | sgoṃ pa daṅ | ṃchod pa byed pa ni de bźin gśegs pa thaṃs cad la ṃchod pa’i cho ga rgyas pa’o ||
de nas byaṅ chub seṃs dpa’ seṃs dpa’ chen po naṃ ṃkha’i ṃdzod don de ñid rgya cher ston te | bźin rab tu ’dzuṃ źiṅ las thaṃs [(6)] cad don yod pa’i daṃ tshig ces bya ba’i sñiṅ po ’di sṃras so | oṃ | de nas bcoṃ ldan ’das de bźin gśegs pa seṃs can thaṃs cad ’dul nus pa yaṅ ye śes kyi khu tshur yoṅs su ’dzin pa seṃs can thaṃs cad ’dul ba śes pa’i sñiṅ po źes bya ba śes rab kyi pha rol tu [(7)] phyin pa’i tshul ’di bśad do ||
seṃs can thaṃs cad ṃñaṃ pa ñid pas khro ba ṃñaṃ pa ñid do ||
seṃs can thaṃs cad ’dul ba ñid pas khro ba ’dul ba ñid do ||
seṃs can thaṃs cad chos ñid pas khro ba chos ñid do ||
seṃs can thaṃs cad rdo rje ñid pas [(137a1)] khro bo rdo rje ñid do ||
de ci’i phyir źe na | ’di ltar seṃs can thaṃs cad ’dul ba ni byaṅ chub bo ||
de nas byaṅ chub seṃs dpa’ bdud kyi stobs thaṃs cad rab tu ’joṃs pa don de ñid rgya cher ston te | bźin rab tu ’dzuṃ źiṅ rdo rje ṃche ba’i phyag rgya daṅ | rdo rje [(2)] gnod sbyin gyi gzugs kyis rdo rje khro bo’i gad ṃo źes bya ba’i sñiṅ po ’di sṃras so ||
ha | de nas bcoṃ ldan ’das de bźin gśegs pa chos thaṃs cad kyi ṃñaṃ pa ñid la gnas pas yaṅ chos thaṃs cad kyi ṃchog ces bya ba śes rab kyi pha rol tu phyin pa’i tshul ’di bśad do ||
thaṃs [(3)] cad ṃñaṃ pa ñid pas śes rab kyi pha rol tu phyin pa ṃñaṃ pa ñid do ||
thaṃs cad don ñid pas śes rab kyi pha rol tu phyin pa don ñid do ||
thaṃs cad chos ñid pas śes rab kyi pha rol tu phyin pa chos ñid do ||
thaṃs cad las ñid pas śes rab kyi pha rol tu phyin pa [(4)] las ñid du rig par bya’o ||
de nas bcoṃ ldan ’das lag na rdo rje de bźin gśegs pa daṅ | byaṅ chub seṃs dpa’ thaṃs cad kyi don yod pa’i daṃ tshig gi dkyil ’khor byin gyis rlob pa źes bya ba’i tiṅ ṅe ’dzin la sñoṃs par źugs nas | don yod pa thaṃs cad [(5)] kyi daṃ tshig ces bya ba’i sñiṅ po ’di sṃras so ||
hUṃ | de nas bcoṃ ldan ’das de bźin gśegs pa thaṃs cad pa rnaṃ par snaṅ ṃdzad kyis yaṅ seṃs can thaṃs cad byin gyis rlob pa źes bya ba śes rab kyi pha rol tu phyin pa’i tshul ’di bśad do ||
byaṅ chub seṃs dpa’ [(6)] seṃs dpa’ chen po kun tu bzaṅ po thaṃs cad kyi raṅ bźin yin pas seṃs can thaṃs cad ni de bźin gśegs pa’i sñiṅ po can no ||
thaṃs cad rdo rje’i sñiṅ pos dbaṅ bskur ba ñid pas seṃs can thaṃs cad ni rdo rje’i sñiṅ po can no ||
ṅag thaṃs cad rab tu [(7)] ’byuṅ bas seṃs can thaṃs cad ni chos kyi sñiṅ po can no ||
seṃs can thaṃs cad kyi bya ba byed pa la sbyor bas seṃs can thaṃs cad ni las kyi sñiṅ po can no ||
de nas phyi rol gyi rdo rje’i rigs rnaṃs kyis ca co’i sgra phyuṅ nas | chos ñid kyi don rgya cher ston ciṅ sñiṅ po [(137b1)] phul te | de nas rdo rje’i dbaṅ phyug chen pos raṅ gi de kho na’i sñiṅ po ’di phul lo ||
drI | de nas ṃa ṃo thaṃs cad kyis bcoṃ ldan ’das la phyag ’tshal te tshig ’thun par thaṃs cad dgug pa daṅ | gzuṅ ba daṅ | gźig pa daṅ | sgrub pa’i daṃ tshig ces bya ba raṅ gi de kho [(2)] na’i sñiṅ po ’di phul lo ||
bhyoH | de nas sbraṅ rtsir byed pa la sogs pa ṃiṅ po gsuṃ gyis bcoṃ ldan ’das la phyag ’tshal te tshig ’thun par raṅ gi de kho na’i sñiṅ po ’di phul lo ||
sw | de nas sriṅ ṃo bźis bcoṃ ldan ’das la phyag ’tshal te | raṅ gi de kho na’i sñiṅ po [(3)] ’di phul lo ||
h | de nas bcoṃ ldan ’das de bźin gśegs pa ṃtha’ yas ṃu ṃed la ṃthar thug ciṅ ṃu ṃed pa’i chos daṅ ldan pas yaṅ chos ’di ṃthar thug par byin gyis brlab pa’i phyir chos thaṃs cad kyi ṃñaṃ pa ñid kyi ṃthar thug pas byin gyis brlabs pa rdo rje [(4)] źes bya ba śes rab kyi pha rol tu phyin pa’i tshul ’di bśad do ||
śes rab kyi pha rol tu phyin pa ṃtha’ yas pa ñid pas de bźin gśegs pa thaṃs cad ṃtha’ yas pa ñid do ||
śes rab kyi pha rol tu phyin pa ṃu ṃed pa ñid pas rdo rje thaṃs cad ṃu ṃed pa ñid do ||
śes rab kyi [(5)] pha rol tu phyin pa du ṃa ñid pas chos thaṃs cad du ṃa ñid do ||
śes rab kyi pha rol tu phyin pa ṃthar thug pa ṃed pa ñid pas chos thaṃs cad ṃthar thug pa ṃed pa ñid yin no ||
su la la śes rab kyi pha rol tu phyin pa’i tshul ’di ñan pa daṅ | ’dzin pa daṅ | ’chaṅ ba daṅ | [(6)] klog pa daṅ | ston pa daṅ | brjod pa daṅ | sgoṃ pa des saṅs rgyas daṅ | byaṅ chub seṃs dpa’i spyod pa thug pa ṃed pa’i ṃthar phyin te | sgrib pa thaṃs cad zad nas de bźin gśegs pa’aṃ | rdo rje ’dzin par ṃyur du ’gyur ro ||
de nas de bźin gśegs pa thaṃs cad [(7)] ’dus te | chos kyi rnaṃ graṅs ’di don yod pa daṅ | thogs pa ṃed par ṃyur du ’grub par bya ba’i phyir | lag na rdo rje la legs so źes bya ba byin no ||
seṃs can chen po legs so legs ||
bde ba chen po legs so legs ||
theg pa chen po legs so legs ||
[(138a1)] blo gros chen po legs so legs ||
cho ga ’di ni legs par sṃras ||
saṅs rgyas rdo rje ’dzin kun gyis ||
’bras bu yod pa ’dul ba’i ṃchog | rdo rje ṃdo sde byin gyis brlabs ||
cho ga’i rgyal po bla na ṃed ||
gaṅ rnaṃs ’di dag ’dzin pa ni ||
[(2)] bdud la sogs pa thaṃs cad kyis ||
de dag ṃi so da ṃi tshugs so ||
saṅs rgyas byaṅ chub seṃs dpa’ daṅ ||
dṅos grub daṃ pa thaṃs cad kyaṅ ||
saṅs rgyas kun gyis gsuṅs pa bźin ||
riṅ por ṃi thogs thob par ’gyur ||
de skad gsuṅs nas gsaṅ [(3)] grub phyir ||
rdo rje can gyis bśad pa la ||
dkon ṃchog saṅs rgyas ṃkhas bcas pa ||
thaṃs cad kyis ni ṃṅon par bstod ||
de nas bcoṃ ldan ’das de bźin gśegs pa rnaṃ par snaṅ ṃdzad de bźin gśegs pa thaṃs cad kyi gsaṅ ba’i chos ñid brñes pa [(4)] chos thaṃs cad spros pa ṃed pas yaṅ bde ba chen po rdo rje’i don yod pa’i daṃ tshig ces bya ba rdo rje don yod pa’i chos ṃñaṃ pa ñid kyi śes rab kyi pha rol tu phyin pa’i sgo ṃchog daṅ po thog ṃa daṅ | tha ṃa daṅ | dbus ṃed pa’i daṃ pa ’di gsuṅs so ||
byaṅ chub seṃs dpa’ chen po [(5)] rnaṃs kyi ’dod chags chen po dṅos grub daṃ pa ni de bźin gśegs pa thaṃs cad kyi bde ba chen po dṅos grub daṃ par ’gyur ro ||
byaṅ chub seṃs dpa’ chen po rnaṃs kyis bde ba chen po dṅos grub daṃ pa ni de bźin gśegs pa thaṃs cad kyi byaṅ chub chen po dṅos grub [(6)] daṃ par ’gyur ro ||
byaṅ chub seṃs dpa’ chen po rnaṃs kyi de bźin gśegs pa thaṃs cad kyi byaṅ chub chen po dṅos grub daṃ pa ni bdud chen po’i stobs thaṃs cad rab tu ’joṃs pa dṅos grub daṃ par ’gyur ro ||
byaṅ chub seṃs dpa’ chen po rnaṃs kyi bdud [(7)] chen po’i stobs thaṃs cad rab tu ’joṃs pa dṅos grub daṃ pa ni khaṃs gsuṃ pa thaṃs cad kyi dbaṅ phyug chen po dṅos grub daṃ par ’gyur ro ||
byaṅ chub seṃs dpa’ chen po rnaṃs kyi khaṃs gsuṃ pa thaṃs cad kyi dbaṅ phyug chen po’i dṅos grub daṃ pa ni ’jig [(138b1)] rten gyi khaṃs ṃa lus pa na seṃs can gye khaṃs lus pa ṃed pa yoṅs su sbyoṅ bar ’dod pa’i rgyu’i phyir ’khor ba la yaṅ chags śiṅ brtson ’grus che ba’i byaṅ chub seṃs dpa’ chen po rnaṃs kyi ’jig rten gyi khaṃs ṃa lus pa na seṃs can gyi khaṃs lus pa ṃed pa yoṅs su [(2)] bskyab pa daṅ | seṃs can thaṃs cad la phan pa daṅ | bde ba daṅ | ṃchog tu śin tu bde ba chen po’i dṅos grub daṃ par ’gyur ro ||
de ci’i phyir źe na | ji srid ’khor ba’i gnas su ni ||
ṃkhas ṃchog ’dug par ’gyur ba’i tshe ||
de srid ṃtshuṅs ṃed seṃs can don ||
[(3)] ṃya ṅan ṃi ’da’ byed par nus ||
śes rab pha rol phyin thabs daṅ ||
ye śes gnas su bsgrubs pas ni ||
chos kun rnaṃ par dag pa’i phyir ||
’khor ba yoṅs su dag par ’gyur ||
chags la sogs pas ’dul na ni ||
’khor ba’i bar du rtag par yaṅ ||
’jig rten sdig byed de [(4)] sbyaṅ phyir ||
’khor ba’i srid du bdag ñid ’dul ||
ji ltar padṃa rab dṃar yaṅ ||
tshon gyi ñes pas ṃi gos pa ||
de bźin gnas pa’i ñes pa yis ||
’gro phan rnaṃs la ṃi gos so ||
’dod chags chen po rnaṃ par daṅ ||
bde ba che źiṅ nor che la ||
khaṃs [(5)] gsuṃ dbaṅ phyug thob pas na ||
seṃs can don rnaṃs brtan par byed ||
lag na rdo rje su la la naṅ par laṅs nas ṃchog daṅ po śes rab kyi pha rol tu phyin pa’i tshul gyi sgo’i chos kyi rnaṃ graṅs ’di ñin re źiṅ ’don pa daṅ | ñan pa daṅ | ’dzin pa daṅ | klog pa daṅ | sgoṃ [(6)] pa de yid bde ba daṅ | bde ba thaṃs cad thob par ’gyur ro ||
bde ba chen po rdo rje don yod pa’i daṃ tshig dṅos grub kyi ṃchog kyaṅ tshe ’di la thob par ’gyur ro ||
de bźin gśegs pa thaṃs cad kyi gsaṅ ba ṃchog kyaṅ ’grub ste | rdo rje ’dzin thaṃs cad kyi chen po’aṃ | de [(7)] bźin gśegs par ’gyur ro ||
de nas bcoṃ ldan ’das kyis gsaṅ ba’i bdag po lag na rdo rje la bka’ stsal pa | gsaṅ ba’i bdag po śes rab kyi pha rol tu phyin pa’i tshul gyi sgo’i sṅags kyi tshig ñi śu rtsa lṅa po ’di rnaṃs so ||
oṃ byaṅ chub kyi seṃs rdo rje | oṃ kun tu [(139a1)] bzaṅ po’i spyod pa | oṃ yid bźin gyi nor bu | oṃ ’gog pa ṃed pa | oṃ skye ba bzlog pa | oṃ rnaṃ par śes pa thaṃs cad | oṃ ’dod chags daṅ bral ba’i chos ñid chen po ||
oṃ brtson ’grus gyi go cha | oṃ kun tu ’gro ba | oṃ rdo rje sra ba’i seṃs hUṃ phaTa | [(2)] oṃ de bźin gśegs pa thaṃs cad | oṃ ṅo bo ñid rnaṃ par dag pa | oṃ chos ñid śes pa rnaṃ par dag pa | oṃ de bźin las rnaṃ par sbyoṅ ba | hUṃ | oṃ ṅes par gnod ṃdzes rdo rje can phaTa | oṃ ’dod pa la ’dod chags pa | oṃ spoṅ pa’i rdo rje can | oṃ huṃ thaṃs cad ’dul [(3)] ba | oṃ hriHoṃ a źes bya ba’i sgo | oṃ śes rab kyi pha rol tu phyin pa | ~ṃ ba~ṃ hu~ṃ a | oṃ | oṃ de bźin gśegs pa thaṃs cad kyi sku’i ṃchog | oṃ de bźin gśegs pa thaṃs cad kyi gsuṅ rnaṃ par dag pa | oṃ de bźin gśegs pa thaṃs cad kyi thugs rdo rje aH | oṃ a [(4)] sdig pa’i bciṅs pa thaṃs cad choṃs śig | ṅan soṅ gi rgyud thaṃs cad las thar bar gyis śig | oṃ daṃ tshig thaṃs cad kyi rdo rje | hUṃ tra Ta | sdig pa gźoṃ pa’i phyag rgya daṅ sṅags te | de bźin gśegs pa thaṃs cad kyi gsaṅ ba’i dṅos grub daṃ pa rdo rje ’dzin chen [(5)] po daṅ de bźin gśegs par ’gyur ro ||
lag na rdo rje ’di ni seṃs can dge ba’i rtsa ba ṃa bskyed pa rnaṃs kyi rna laṃ du thos par ṃi ’gyur ro ||
’di ni seṃs can dge ba’i rtsa ba ṃa bskyed pa rnaṃs kyis ṃñan pa’aṃ | yi ger ’dri ba’aṃ | yi ger ’drir gźug pa’aṃ | [(6)] bklag pa’aṃ | ’chaṅ ba’aṃ | bsgoṃ pa’aṃ | bsti staṅ du bya ba’aṃ | ri ṃor bya ba’aṃ | ṃchod par ṃi nus so ||
gaṅ dag gis śes rab kyi pha rol tu phyin pa’i tshul gyi chos kyi rnaṃ graṅs ’di las tha na yi ge ’bru gcig tsaṃ thos na yaṅ seṃs can de dag ni gźan na [(7)] saṅs rgyas ṃaṅ po la dge ba’i rtsa ba bskyed pa yin na ṃtha’ dag rdzogs pa lta ci sṃos ||
lag na rdo rje gaṅ la la dag saṅs rgyas bye ba khrag khrig gaṅ g’i kluṅ brgyad cu’i bye ṃa sñed la bkur sti ṃa byas pa daṅ | bla ṃar ṃa byas pa daṅ | bsti staṅ ṃa byas pa daṅ | ṃchod pa [(139b1)] ṃa byas pa de dag gis śes rab kyi pha rol tu phyin pa’i tshul gyi sgo’i chos kyi rnaṃ graṅs ’di thos par ṃi nus so ||
chos kyi rnaṃ graṅs ’di gaṅ na spyod pa’i sa phyogs de ṃchod rten du ’gyur ro ||
chos kyi rnaṃ graṅs ’di gaṅ gi lus la thogs saṃ | glegs baṃ la [(2)] bris te spyod pa’i gaṅ zag de phyag bya ba’i gnas su ’gyur ro ||
de bskal pa bye ba ṃaṅ por skye ba dran par ’gyur ro ||
de la bdud sdig to can bar chad byed par ṃi ’gyur ro ||
rgyal po chen po bźi daṅ | lha gźan rnaṃs kyaṅ de la bsruṅ ba daṅ | bskyab pa daṅ | sṃa ba’i [(3)] phyir rtag tu phyi bźin ’braṅ bar ’gyur ro ||
yaṅ ba ṃa spaṅs par ’chi bar ṃi ’gyur ro ||
saṅs rgyas daṅ byaṅ chub seṃs dpa’ thaṃs cad kyis dgoṅs par ’gyur ro ||
ṃdor na saṅs rgyas kyi źiṅ gaṅ daṅ gaṅ du ’dod pa de daṅ der skye’o ||
de ltar śes rab [(4)] kyi pha rol tu phyin pa’i tshul gyi sgo’i chos kyi rnaṃ graṅs ’di phan yon ṃaṅ ṃod kyi ṅas phyogs tsaṃ źig brjod do ||
bcoṃ ldan ’das kyis de skad bka’ stsal nas | byaṅ chub seṃs dpa’ seṃs dpa’ chen po lag na rdo rje daṅ | byaṅ chub seṃs dpa’ de dag daṅ | [(5)] thaṃs cad daṅ ldan pa’i ’khor de dag daṅ | lha daṅ | ṃi daṅ | lha ṃa yin daṅ | dri zar bcas pa’i ’jig rten yi raṅs te | bcoṃ ldan ’das kyis gsuṅs pa la ṃṅon par bstod do || ||
