bcom ldan ’das de la sems can gaṅ dag ñan thos kyi theg pa la ṅes par gyur pa de dag gis thos na myur du zag pa ma mchis pa’i sa mṅon sum du bgyid par ’gyur ba daṅ | gaṅ dag raṅ (5) saṅs rgyas kyi theg pa la ṅes par gyur pa de dag kyaṅ myur du raṅ saṅs rgyas kyi theg pa la ṅes par ’byuṅ bar ’gyur ba daṅ | gaṅ dag bla na med pa yaṅ dag par rdzogs pa’i byaṅ chub la yaṅ dag par źugs pa de dag kyaṅ myur du bla na med pa yaṅ dag par rdzogs pa’i (6) byaṅ chub mṅon par rdzogs par ’tshaṅ rgya bar ’gyur ba daṅ | gaṅ dag yaṅ dag pa ñid skyon med pa la ma źugs śiṅ sa gsum la ma ṅes pa de dag gis thos na bla na med pa yaṅ dag par rdzogs pa’i byaṅ chub tu sems bskyed par ’gyur ba daṅ | bcom ldan ’das (7) de bźin gśegs pas śes rab kyi pha rol tu phyin pa ’di źus pa’i lan btab pas sems can thams cad kyi dge ba’i rtsa ba skyed par ’gyur pa’i slad du de bźin gśegs pa’i yul daṅ | de bźin gśegs pa’i ye śes bstan du gsol | bcom ldan ’das (21b1) bdag ni sems can dman pa la mos pa rnams kyi slad du de bźin gśegs pa la źu ba ma lags | dbul po’i sems daṅ ldan pa rnams kyi slad du ma lags | dbul po’i theg pa la yaṅ dag par źugs pa rnams kyi slad du ma lags | le lo can rnams kyi slad (2) du ma lags | le lo’i zil gyis non pa rnams kyi slad du ma lags | lta ba’i ’dam du byiṅ ba rnams kyi slad du ma lags | bdud kyi źags pas zin pa rnams kyi slad du ma lags | ṅo tsha ma ’tshal ciṅ khrel ma mchis pa rnams kyi slad du ma lags | yo byad (3) bstuṅs pa daṅ mi ldan pa rnams kyi slad du ma lags | bskyud ṅas pa rnams kyi slad du ma lags | sems ’khrul pa rnams kyi slad du ma lags | ’dod pa’i ’dam du byiṅ ba rnams kyi slad du ma lags ||
g-yon can rnams kyi slad du ma lags | sgyu can (4) rnams kyi slad du ma lags | bgyis pa mi gzo ba rnams kyi slad du ma lags | sdig pa ’tshal ba rnams kyi slad du ma lags | sdig pa spyod pa rnams kyi slad du ma lags | tshul khrims ñams pa rnams kyi slad du ma lags | tshul khrims yoṅs su ma (5) dag pa rnams kyi slad du ma lags | lta ba ñams pa rnams kyi slad du ma lags | bdud kyi spyod yul la spyod pa rnams kyi slad du ma lags | bdag la stod pa rnams kyi slad du ma lags | gźan la smod pa rnams kyi slad du ma lags | rñed pa daṅ (6) bkur sti la gdu ba rnams kyi slad du ma lags | lhuṅ bzed daṅ chos gos la chags pa rnams kyi slad du ma lags | tshul ’chos pa rnams kyi slad du ma lags | kha gsag can rnams kyi slad du ma lags | gźogs sloṅ can rnams kyi slad du ma (7) lags ||
thob kyis ’jal ba rnams kyi slad du ma lags | rñed pa las rñed pa sgrub pa rnams kyi slad du ma lags te | bcom ldan ’das sems can de lta bu rnams kyi slad du bdag de bźin gśegs pa la źu ba ma lags so ||
bcom ldan ’das (22a1) sems can gaṅ dag thams cad mkhyen pa’i ye śes tshol ba daṅ | chags pa ma mchis pa’i ye śes daṅ | raṅ byuṅ gi ye śes daṅ | mi mñam pa daṅ mñam pa’i ye śes daṅ | bla na med pa’i ye śes tshol ba de dag daṅ | gaṅ dag bdag (2) daṅ pha rol kyaṅ mi dmigs na | bdag la stod pa daṅ | gźan la smod pa lta ga la mchis te | bcom ldan ’das rwa bcad pa lta bur ṅa rgyal ma mchis pa | zug rṅu phyuṅ ba | gdol bu lta bur sems dma’ ba | sems daṅ chu daṅ me daṅ rluṅ daṅ nam mkha’ daṅ (3) mtshuṅs pa’i sems can rnams daṅ | byaṅ chub sems dpa’ sems dpa’ chen po rnams kyi slad du bdag de bźin gśegs pa la źu lags so ||
bcom ldan ’das gaṅ dag chos kyaṅ mi dmigs śiṅ | rlom sems su mi bgyid la mṅon par źen pa ma (4) mchis na | chos ma lags pa lta ga la mchis te | byaṅ chub sems dpa’ sems dpa’ chen po de dag gi slad du bdag de bźin gśegs pa la źu lags so ||
bcom ldan ’das bsam pa dag pa | g-yo ma mchis pa | sgyu ma mchis pa | draṅ ba | sems (5) mñam pa | sems can thams cad la sman pa daṅ | sñiṅ brtse ba can | yaṅ dag par ’dzin du stsol ba | yaṅ dag par gzeṅs stod pa | yaṅ dag par dga’ bar bgyid pa | khur chen po khyer ba | theg pa chen po la mṅon par źugs pa | bgyi ba chen (6) pos so sor ñe bar gnas pa | sñiṅ rje chen po daṅ ldan pa | sems can thams cad bde ba thob par bgyid pa ’dren pa | rnam par ’dren pa | yoṅs su ’dren pa | chos thams cad la mi rten par gnas pa | skye ba’i gnas thams cad mi tshol ba | bdud (7) kyi źags pa thams cad las rnam par grol ba | ’dun pa can brtson ’grus daṅ ldan pa | bag mchis pa | chos thams cad kyi dam pa’i pha rol tu phyin pa | the tshom thams cad gcod pa la mkhas pa’i sems can rnams daṅ | byaṅ chub sems dpa’ (22b1) sems dpa’ chen po rnams kyi slad du bcom ldan ’das bdag de bźin gśegs pa la źu lags so ||
bcom ldan ’das sems can gaṅ dag saṅs rgyas kyi ye śes la yaṅ rlom sems su mi bgyid ciṅ mṅon par mi źen la chags par mi gnas śiṅ | rlom sems (2) thams cad las yaṅ dag par ’das pa’i lam la gnas pa | lam du źugs pa | lam ston pa’i sems can rnams daṅ | byaṅ chub sems dpa’ sems dpa’ chen po de dag gi slad du bcom ldan ’das bdag de bźin gśegs pa la źu lags so ||
(3) bcom ldan ’das bdag ni sems can thams cad la bde ba daṅ | ltag na ma mchis pa’i bde ba daṅ | bla na ma mchis pa’i bde ba daṅ | mya ṅan las ’das pa’i bde ba daṅ | saṅs rgyas kyi bde ba daṅ | ’dus ma bgyis kyi bde ba ñe bar bsgrub par ’tshal te | (4) bdag sems can thams cad kyi don daṅ | sman pa daṅ | bde ba daṅ | grub pa daṅ | bde ba’i slad du de bźin gśegs pa la źu lags so ||
bcom ldan ’das bdag ni the tshom ma mchis par ’tshal źiṅ the tshom ma mchis nas kyaṅ sems can rnams kyi the tshom rab (5) tu spaṅ ba’i slad du chos bśad par ’tshal te | bcom ldan ’das bdag sems can thams cad kyi the tshom bsal ba’i slad du bcom ldan ’das la źu lags so ||
de ci’i slad du źe na | bcom ldan ’das sems can thams cad ni sdug bsṅal daṅ mi ’thun źiṅ bde ba ’tshal (6) la | sems can thams cad ni bde ba don du gñer ba lags te | bcom ldan ’das śes rab ma gtogs par gźan sems can rnams kyi bde ba gaṅ yaṅ bdag gis ma mthoṅ źiṅ | bcom ldan ’das byaṅ chub sems dpa’i theg pa theg pa chen po ma gtogs (7) par gźan sems can rnams kyi bde ba gaṅ yaṅ ma mchis te | bcom ldan ’das bdag gis don gyi dbaṅ ’di mthoṅ bas sems can rnams la bde ba ñe bar bsgrub par ’tshal ba’i slad du śes rab kyi pha rol tu phyin pa źu lags so ||
bcom ldan ’das byaṅ chub (23a1) sems dpa’ rnams kyi don ’di yaṅ dag par mthoṅ bas bdag gis de bźin gśegs pa la don ’di źu lags so ||
de skad ces gsol pa daṅ | bcom ldan ’das kyis byaṅ chub sems dpa’ sems dpa’ chen po rab kyi rtsal gyis rnam par gnon pa (2) la ’di skad ces bka’ stsal to ||
rab kyi rtsal gyis rnam par gnon pa legs so legs so ||
khyod skye bo phal po che la sñiṅ brtse ba’i phyir de bźin gśegs pa la śes rab kyi pha rol tu phyin pa ’di ’dri ba ni khyod kyi yon tan gyi mtha’ rtogs par sla ba ma yin no ||
de’i phyir rab (3) kyi rtsal gyis rnam par gnon pa legs par ñon la rab tu yid la zuṅ śig daṅ ṅas khyod la bśad do ||
bcom ldan ’das legs so źes gsol nas byaṅ chub sems dpa’ sems dpa’ chen po rab kyi rtsal gyis rnam par gnon pa bcom ldan ’das kyi lhar ñan pa daṅ | bcom (4) ldan ’das kyis ’di skad ces bka’ stsal to ||
rab kyi rtsal gyis rnam par gnon pa khyod ’di skad du bcom ldan ’das śes rab kyi pha rol tu phyin pa śes rab kyi pha rol tu phyin pa źes bgyi ba | bcom ldan ’das ji tsam gyis na byaṅ chub sems dpa’ rnams kyi śes rab kyi pha rol tu phyin pa źes (5) bgyi źes zer ba ni | rab kyi rtsal gyis rnam par gnon pa śes rab kyi pha rol tu phyin pa ni chos gaṅ gis kyaṅ brjod par bya ba ma yin te | śes rab kyi pha rol tu phyin pa ni tshig thams cad las ’das pa’o ||
rab kyi rtsal gyis rnam par gnon pa śes rab kyi pha rol tu phyin pa ni (6) ’di śes rab kyi pha rol tu phyin pa’o ||
’di’i śes rab kyi pha rol tu phyin pa’o ||
’dis śes rab kyi pha rol tu phyin pa’o ||
’di’i phyir śes rab kyi pha rol tu phyin pa’o źes brjod par mi nus so ||
rab kyi rtsal gyis rnam par gnon pa ’di ni chos thams cad kyi pha rol (7) tu phyin pa yin te | de’i phyir śes rab kyi pha rol tu phyin pa źes bya’o ||
rab kyi rtsal gyis rnam par gnon pa śes rab ñid kyaṅ de bźin gśegs pas ma brñes ma dmigs na śes rab kyi pha rol tu phyin pa lta dmigs par ga la ’gyur | rab kyi rtsal gyis rnam par (23b1) gnon pa śes rab ces bya ba ’di ni chos thams cad kun du śes pa ’di ni chos thams cad kun du rig pa ste | de’i phyir śes rab ces bya’o ||
rab kyi rtsal gyis rnam par gnon pa chos thams cad kun du rig pa gaṅ źe na | chos ’di dag thams cad ni rnam pa gźan na (2) chos thams cad rnam kha gźan du brjod de | chos thams cad ni brjod pa las rnam par grol ba ma yin no ||
gaṅ chos thams cad kun du śes ba daṅ | gaṅ chos thams cad kun du rig pa de yaṅ tshig gis brjod par mi nus mod kyi | ’on kyaṅ ji ltar sems can rnams (3) kyis śes par gyur pa de ltar śes rab ces bya’o ||
’di ni btags pa źes bya ste | de’i phyir śes rab ces bya’o ||
rab kyi rtsal gyis rnam par gnon pa chos thams cad ni gdags su med | gzuṅ du med | bśad du med | snaṅ ba med de | de lta bur kun du rig pa (4) de ni kun tu rig pa źes bya’o ||
rab kyi rtsal gyis rnam par gnon pa śes rab ces bya ba de ni kun śes pa yaṅ ma yin | kun mi śes pa yaṅ ma yin | de las kyaṅ ma yin | de las ma yin pa yaṅ ma yin te | de’i phyir śes rab ces bya’o ||
rab kyi rtsal gyis (5) rnam par gnon pa de ni mi śes pa’i spyod yul yaṅ ma yin | ye śes kyi spyod yul yaṅ ma yin | ye śes kyi spyod yul yaṅ ma yin | mi śes pa’i yul yaṅ ma yin | ye śes kyi yul yaṅ ma yin te | ye śes ni yul med pa’o ||
gal te ye śes la yul yod du zin na mi śes par ’gyur ro ||
(6) ye śes ni mi śes pa las ma yin | mi śes pa yaṅ ye śes las ma yin | ye śes ni mi śes pa ma yin | mi śes pa yaṅ ye śes ma yin te | ye śes kyis ye śes źes bya’o ||
ye śes kyis mi śes pa źes mi bya’o ||
mi śes pa ye śes źes (7) bya’o | |de la ye śes de ni ’di’o ||
ye śes de ni ’di’i phyir ro źes ye śes cuṅ zad kyaṅ bstan par mi nus te | de’i gyir ye śes de ni ye śes ñid kyis med do ||
ye śes kyaṅ ye śes su mi gnas te | mi śes bas kyaṅ ye śes źes (24a1) mi bya’o ||
gal te mi śes pas ye śes śes bya na ni de’i phyir byis pa so so’i skye bo thams cad kyaṅ ye śes can du ’gyur ro ||
gaṅ ye śes daṅ mi śes pa mi dmigs śiṅ ye śes daṅ mi śes pa yaṅ dag pa ji lta ba bźin du yoṅs su śes pa de ñid ye (2) śes źes bya ste | ye śes ni ji skad du brjod pa de bźin du ma yin no ||
de bas na ye śes ni brjod par bya ba ma yin źiṅ yul thams cad las rab tu ’das pa ste | ye śes ni gaṅ gi yul yaṅ ma yin no ||
ye śes kyi yul yaṅ gaṅ yaṅ ma yin no ||
rab kyi rtsal gyis (3) rnam par gnon pa ye śes bstan pa yul yaṅ ma yin | phyogs kyaṅ ma yin pa ’di gaṅ gis śes pa de ni ye śes can nam | ye śes can ma yin pa źes bya ba’i graṅs su mi ’gro’o ||
rab kyi rtsal gyis rnam par gnon pa gaṅ ’di ltar rab tu śes pa daṅ | rjes su rtogs (4) pa daṅ | kun śes pa de ni śes rab ces bya’o ||
rab kyi rtsal gyis rnam par gnon pa gaṅ ’di ltar mṅon par rtogs pa mṅon sum du byed pa de ni ’jig rten las ’das pa’i śes rab ces bya ste | ’jig rten las ’das pa’i śes rab ces ji skad du brjod pa bźin du ni ma yin no ||
(5) de ci’i phyir źe na | ’jig rten ñid kyaṅ mi dmigs na ’jig rten las ’das pa’i śes rab lta ga la yod de | ’jig rten las ’das pa’i śes rab kyis gaṅ ’jig rten las sgrol bar ’gyur ba lta ci smos | de ci’i phyir źe na | des ’jig rten mi dmigs pas ci yaṅ (6) sgrol bar mi byed de | de’i phyir ’jig rten las ’das pa’i śes rab ces bya’o ||
rab kyi rtsal gyis rnam par gnon pa ’jig rten źes bya ba ’di ni btags pa źes brjod pa ste | btags pa ni ’jig rten las yaṅ dag par ’das pa ma yin gyi | btags pa thams (7) cad las yaṅ dag par ’das pa ni ’jig rten las ’das pa źes bya’o ||
’da’ bar bya ba ni ’jig rten las ’das pa ma yin gyi | ’da’ bar mi bya ba ni ’jig rten las ’das pa’o ||
de ci’i phyir źe na | de la gaṅ ’da’ bar bya ba’am gaṅ gis ’da’ bar bya ba’i chos phra rab (24b1) tsam yaṅ med pas de’i phyir ’das pa źes bya ste | ’jig rten las ’das pa la ni ’jig rten yaṅ med ’jig rten las ’das pa yaṅ med do ||
bla na med pa la ni bsgral ba med de | de’i phyir ’jig rten las ’das pa źes bya’o ||
rab kyi rtsal gyis rnam par gnon pa ’di (2) ni ’jig rten las ’das pa’i śes rab bstan pa źes bya ste | ’jig rten las ’das pa’i śes rab ces ji skad du brjod pa ba źin du ni ma yin no ||
de ci’i phyir źe na | ’jig rten las ’das pa ni brjod par bya ba ma yin gyi de ni rgal ba ste | de la ni ’da’ bar bya ba ci yaṅ (3) med pas de’i phyir ’jig rten las ’das pa’i śes rab ces bya’o | rab kyi rtsal gyis rnam par gnon pa de la gaṅ ṅes par rtogs pa’i śes rab des ci ṅes par rtogs | ’di la ni ṅes par rtogs par bya ba ci yaṅ med do ||
gal te ṅes par rtogs par bya ba ’ga’ źig (4) yod du zin na ni de śes rab kyis ṅes par rtogs pa źes gdags na | gaṅ gi kyaṅ mi rtogs śiṅ kun rtogs pa ma yin la gaṅ gis rtogs par ’gyur ba’i bye brag gaṅ yaṅ mi dmigs so ||
ṅes par rtogs pa źes bya ba ni ’di la rtogs par byed pa ci yaṅ med ciṅ kun rtogs (5) par bya ba yaṅ med de | de la rtogs par byed pa ci yaṅ med ciṅ kun rtogs par bya ba yaṅ med pas de’i phyir ṅes par rtogs pa źes bya’o ||
’di la ni gaṅ yaṅ mthar ’gro ba med ciṅ dbus su yaṅ ma yin te de’i phyir ṅes par rtogs pa źes bya’o ||
ṅes par rtogs pa’i śes (6) rab kyis rtogs pa ni steṅ ma rtogs te | gaṅ du yaṅ mi rgyugrnam par mi brgyug kun du mi rgyug ste de’i phyir ṅes par rtogs pa źes bya’o ||
rab kyi rtsal gyis rnam par gnon pa ṅes par rtogs źes bya ba’i śes rab kyis ci ṅes par rtogs źe na | gaṅ ci snaṅ ba de thams (7) cad ṅes par rtogs so ||
gaṅ gis ṅes par rtogs źe na | śes rab kyis so ||
śes rab kyis ji ltar ṅes par rtogs źe na | gaṅ btags pa’i mtshan ñid de thams cad mtshan ñid med pa daṅ | mtshan ñid med pa yaṅ btags pa’i mtshan ñid du’o ||
rab kyi rtsa la (25a1) gyis rnam par gnon pa gaṅ ’di lta bu’i śes rab daṅ ldan pas ṅes par rtogs pa des ni khams gsum rtogs so ||
ji ltar rtogs źe na | khams gsum ni khams med par rtogs te | ’di la ni khams rtogs pa ci yaṅ med do ||
des khams (2) gsum ni khams med par rtogs so ||
gaṅ de ltar khams gsum khams med par ṅes par rtogs pa daṅ | gaṅ gis de ltar khams gsum ṅes par rtogs pa de ni ṅes par rtogs pa’i śes rab daṅ ldan pa źes bya’o ||
ji ltar na ṅes par rtogs pa’i śes rab daṅ ldan źe (3) na ṅes par rtogs par bya ba ni mi dge ba gaṅ yaṅ med de | des thams cad dge bar ṅes par rtogs te | de ṅes par rtogs pa’i śes rab gyis rab tu ’da’o ||
de ltar rtogs pa’i śes rab daṅ ldan pas gaṅ ci mthoṅ ba daṅ | thos pa daṅ | snams pa daṅ | myaṅs pa (4) daṅ | reg pa daṅ | rnam par śes pa de dag thams cad ṅes par rtogs so ||
ji lta bur rtogs źe na | mi rtag pa daṅ | sdug bsṅal ba daṅ | ’bras daṅ | nad daṅ | zug rṅu daṅ | stoṅ pa ñid daṅ | sdig pa daṅ | gnod pa daṅ | mtha’ ma daṅ | ’jig pa daṅ | (5) ’jig pa’i chos ñid daṅ | g-yo ba daṅ | ’jig pa’i tshul can daṅ | bdag med pa daṅ | mi skye ba daṅ | mi ’gog pa daṅ | mtshan ñid med par te | rab kyi rtsal gyis rnam par gnon pa de ni bsil bar gyur pa zug rṅu med pa źes bya’o ||
rab kyi rtsal gyis (6) rnam par gnon pa ’di lta ste | dper na zug rṅu med pa źes bya ba’i sman gyi rigs de gaṅ na ’dug pa de na zug rṅu thams cad sel ciṅ ṅes par ’don to ||
de bźin du ’di lta bu’i chos rnams daṅ ldan pa’i dge sloṅ ni zug rṅu med ciṅ bsil bar gyur la ṅes par rtogs pa’i (7) śes rab daṅ ldan źiṅ drug la rtag tu gnas la | ṅes par rtogs pa’i śes rab kyis khams gsum thams cad la mi chags śiṅ bdud kyi źags pa thams cad las rab tu ’das so ||
rab kyi rtsal gyis rnam par gnon pa ’di lta ste dper na rdo rje ni dbug pa’i phyir gaṅ (25b1) du btsugs pa de daṅ de ñid ṅes par phigs so ||
de bźin du dge sloṅ gis ṅes par rtogs pa’i śes rab kyis yoṅs su zin pa’i rdo rje lta bu’i tiṅ ṅe ’dzin gaṅ du btsugs pa daṅ | gaṅ du spyod pa de dag thams cad ṅes par rtogs so ||
de ṅes par rtogs pa’i śes rab ’jig (2) rten las ’das pa yaṅ dag par sdug bsṅal zad par ’gyur ba daṅ ldan pas chags pa med pa ni gsum rig pa źes bya’o ||
rab kyi rtsal gyis rnam par gnon pa rig pa źes bya ba de ni ma rig pa ñe bar źi ba’i tshig bla dgas so ||
ma rig pa yoṅs su śes pa źes bya ba de ni sdug (3) bsṅal gyi phuṅ po ñe bar źi ba’i tshig bla dgas so ||
rab kyi rtsal gyis rnam par gnon pa ’di lta ste | dper na sman pa mkhas pa gsal ba | yid rno ba | lhag par rtogs pa daṅ ldan pa | sman thams cad la mkhas pa | nad ldaṅ ba thams cad la mkhas pa | sdug (4) bsṅal thams cad las rnam par ’grel ba des nad pa gaṅ daṅ gaṅ la gso bar byas pa de daṅ de ’tsho’o ||
de ci’i phyir źe na | ’di lta ste de sman thams cad la mkhas śiṅ nad ldan pa thams cad la mkhas te | nad thams cad las thar par byed pa’i phyir ro ||
rab kyi rtsal (5) gyis rnam par gnon pa de bźin du rig pa gsum pos ni ma rig pa thams cad ñe bar źi bar ’gyur | sdug bsṅal thams cad ’joms par ’gyur | rga śi daṅ mya ṅan daṅ smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa thams cad (6) ñe bar źi bar ’gyur te | rab kyi rtsal gyis rnam par gnon pa de ni ’jig rten las ’das pa’i śes rab ṅes par rtogs par ’gro ba źes bya’o ||
rab kyi rtsal gyis rnam par gnon pa ṅas ’di la dgoṅs nas | srid par skye bar yoṅs zad par ||
gaṅ gis yaṅ dag rab (7) śes pa ||
gaṅ rnams rtogs par ’gro ba de ||
’jig rten na ni śes rab mchog | ces bśad do ||
rab kyi rtsal gyis rnam par gnon pa srid par skye ba yoṅs su zad pa źes bya ba gaṅ gi tshig bla dgas yin źe na | de ni ’byuṅ ba daṅ nub pa rab tu rtogs pa’i (26a1) tshig bla dgas so ||
’byuṅ ba daṅ nub pa gaṅ źe na | kun ’byuṅ ba’i chos ci yaṅ ruṅ ste de thams cad ni ’gog pa’i chos te | ’di ltar kun ’byuṅ ba daṅ nub par rab tu rtogs so ||
rab kyi rtsal gyis rnam par gnon pa kun ’byuṅ ba źes bya ba de ni (2) ’byuṅ ba’i tshig bla dgas so ||
nub pa źes bya ba de ni ’gog pa’i tshig bla dgas te | ’byuṅ ba daṅ nub pa źes ji skad du brjod pa de bźin du ni ma yin no ||
rab kyi rtsal gyis rnam par gnon pa kun ’byuṅ ba gaṅ ci yaṅ ruṅ ste | de ni kun ’byuṅ ba’i chos ma yin no ||
(3) rab kyi rtsal gyis rnam par gnon pa mñam pa la ’byuṅ ba gaṅ yaṅ med de | de ni kun du ’byuṅ bar mi ’gyur ro ||
de mñam pa ñid kyi rjes su soṅ ste de’i phyir kun ’byuṅ ba źes bya’o ||
rab kyi rtsal gyis rnam par gnon pa mñam pa’i rjes su soṅ ba źes bya ba ni ’di la ’byuṅ (4) ba gaṅ yaṅ med de kun ’byuṅ bar mi ’gyur ro ||
de’i raṅ bźin de ni raṅ gi ṅaṅ gis ’jig ciṅ de ni ’gog pa ste | de la ni ’gog pa gaṅ yaṅ med do ||
mñam pa ni bla na med pa’i ’gog pa ste | gaṅ la skye ba med pa de la | ’gog pa med de de ni ’gog pa’o ||
rab kyi (5) rtsal gyis rnam par gnon pa de ltar skye ba med ciṅ ’gog pa med pa’i phyir gaṅ ’byuṅ ba daṅ nub pa rtogs pa de nub pa rab tu rtogs pa ste | de’i phyir ’byuṅ ba daṅ | nub pa rab tu rtogs pa źes bya’o ||
rab kyi rtsal gyis rnam par gnon pa rab tu rtogs źes bya ba de ni rten ciṅ (6) ’brel par ’byuṅ ba yoṅs su śes pa źes bya’o ||
gaṅ la brten nas chos gaṅ skye ba de ñid la brten nas chos de med de | ’di ni rten ciṅ ’brel par ’byuṅ ba rab tu rtogs pa źes bya’o ||
rab kyi rtsal gyis rnam par gnon pa de ni rten ciṅ ’brel par ’byuṅ ba’i yaṅ dag (7) pa ñid ji lta ba bźin du skye ba med par bstan to ||
mi skye ba ni rten ciṅ ’brel par ’byuṅ ba ste | mi ’byuṅ ba mñam pas de’i phyir rten ciṅ ’brel par ’byuṅ ba źes bya’o ||
gaṅ la skye ba med pa de la ’gog pa ga la yod de | ’gog pa daṅ mi ’gal ba de ni rten ciṅ (26b1) ’brel bar ’byuṅ ba’i ’gog pa med pa ste | skye ba med pa ni rten ciṅ ’brel bar ’byuṅ ba źes bya’o ||
gaṅ ’brel par ’byuṅ ba de ni ma byuṅ ba’o ||
gaṅ ma byuṅ ba de ni ’das pa ma yin | ma ’oṅs pa ma yin | da ltar byuṅ ba ma yin no ||
gaṅ ’das pa ma yin | ma ’oṅs (2) pa ma yin | da ltar byuṅ ba ma yin pa de la ’gog pa med do ||
gaṅ ’gog pa med pa de ni mi skye ba śes pa źes bya’o ||
gaṅ gis mi skye bar śes pa de ni yaṅ skyed pa ma yin ’gog pa mṅon sum du byed pa’aṅ ma yin no ||
gaṅ mi skyed pa de ’gog par mi byed de skye ba (3) yod na ni ’gog par yaṅ śes so ||
gaṅ mi skyed pa des chos thams cad ’gog pa ñid du śes śiṅ mthoṅ la rab tu rtogs śiṅ mṅon sum du byas te | de’i phyir ’gog pa mṅon sum du byas pa źes bya’o ||
zad pa śes pa źes bya’o ||
rab kyi rtsal gyis rnam par (4) gnon pa mi śes pa zad pa de’i phyir zad pa śes pa źes bya’o ||
gaṅ gis zad ce na | mi zad pas zad de de’i zad pa yaṅ mi mthoṅ ṅo ||
rab kyi rtsal gyis rnam par gnon pa mi śes pa med pas | de’i phyir de zad pa śes pa źes bya’o ||
rab kyi rtsal gyis rnam par gnon (5) pa mi śes pa yoṅs su śes pa de’i phyir mi śes pa zad de zad pa śes pa źes bya’o ||
mi śes pa ni zad pa’am ma zad pa ma yin te | ’di ni śes pa daṅ bral ba’i phyir zad pa śes pa źes bya’o ||
rab kyi rtsal gyis rnam par gnon pa ’di ni yaṅ dag pa ji lta ba bźin (6) du yoṅs su śes pa ste | de’i phyir bral ba źes bya’o ||
mi śes pa daṅ bral ba daṅ | śes pa daṅ bral ba ’di las gźan ci yaṅ mi dmigs so ||
ye śes ñid kyaṅ mi dmigs na gaṅ zad pa las rnam par grol ba mi śes pa lta ci smos te de’i phyir zad pa śes (7) pa źes bya ste | ji skad brjod pa bźin du ni ma yin no ||
zad pa śes pa gaṅ yin pa de la tha sñad du gdags pa gaṅ yaṅ med mod kyi ’on kyaṅ ’di ltar mi śes pa zad pa daṅ | zad pa śes pa źes bstan to ||
rab kyi rtsal gyis rnam par gnon pa gaṅ gis chos thams (27a1) cad mi zad pa daṅ | zad pa śes pa la brtag pa khoṅ du chud pa de zad pa śes pa daṅ bral te | zad pa med pa’i mtha’ rjes su thob bo ||
mtha’ med pa ni mya ṅan las ’das pa’i mtha’ ste | ji skad du brjod pa bźin du ni ma yin no ||
chos thams cad ni mya (2) ṅan las ’das pa’i mtha’ ste mtha’ med pa’o ||
mtha’ thams cad chad pa ni mya ṅan las ’das pa’i mtha’ źes bya ste ji skad du brjod pa bźin du ni ma yin no ||
mya ṅan las ’das pa’i mtha’ ni tha sñad thams cad chad pa brjod par bya ba ma yin pa ste | rab kyi rtsal gyis (3) rnam par gnon pa mya ṅan las ’das pa’i dbyiṅs bstan pa ’di yaṅ ji skad bstan pa bźin du ni ma yin no ||
bstan pa thams cad las yaṅ dag par ’das pas mya ṅan las ’das pa’i dbyiṅs ni bstan du med de | bstan pa thams cad rab tu chad pa de ni mya ṅan las ’das (4) pa’i dbyiṅs źes bya’o ||
mya ṅan las ’das pa’i dbyiṅs źes bya ba gaṅ yin pa de ni ’jig rten las ’das pa’i śes rab ṅes par rtogs pa bstan pa la bya’o ||
rab kyi rtsal gyis rnam par gnon pa mya ṅan las ’das pa’i dbyiṅs de ni yul na mi gnas | phyogs na (5) mi gnas pa źes bstan to ||
rab kyi rtsal gyis rnam par gnon pa de la śes rab kyi pha rol tu phyin pa gaṅ źe na | rab kyi rtsal gyis rnam par gnon pa śes rab kyi pha rol tu phyin pa la tshu rol lam pha rol gaṅ yaṅ med do ||
rab kyi rtsal gyis rnam par gnon pa gal te śes (6) rab kyi pha rol tu phyin pa la tshu rol lam | pha rol dmigs na ni de bźin gśegs pas śes rab kyi pha rol tu phyin pa tshu rol lam pha rol bśad pa źig na | rab kyi rtsal gyis rnam par gnon pa śes rab kyi pha rol tu phyin pa tshu rol mi dmigs pas de’i phyir de’i pha (7) rol kyaṅ med mod kyi ’on kyaṅ rab kyi rtsal gyis rnam par gnon pa śes rab kyi pha rol tu phyin pa źes bya ba de ni chos thams cad kyi pha rol lo ||
de’i phyir śes rab kyi pha rol tu phyin pa źes bya ste ji skad du brjod pa bźin du ni ma yin no ||
rab kyi rtsal gyis rnam par gnon pa (27b1) śes rab kyi pha rol tu phyin pa ni tshig daṅ las kyis ñe bar gnas pa ma yin te | śes rab kyi pha rol tu phyin pa ni bstan du med pa’o ||
chos thams cad de ltar khoṅ du chud na de ni ji lta ba bźin du rab tu chud de mi ’gal lo ||
de ci’i phyir źe na | de la khoṅ du chud pa ci (2) yaṅ med ciṅ rab tu rtogs pa yaṅ med pa’i phyir ro ||
khoṅ du chud pa daṅ rab tu rtogs pa mñam pa ñid ni byaṅ chub ste | chos thams cad khoṅ du chud pa ni byaṅ chub ces bya’o ||
ji ltar chos thams cad khoṅ du chud tsa na | ’di la byaṅ chub gaṅ yaṅ med de ’di la khoṅ du chud (3) pa gaṅ yaṅ med de | de ci’i phyir źe na | rab kyi rtsal gyis rnam par gon pa gal te byaṅ chub dmigs na ni byaṅ chub la yaṅ byaṅ chub dmigs par ’gyur ro ||
rab kyi rtsal gyis rnam par gnon pa byaṅ chub la ni byaṅ chub med de | de ltar byaṅ chub ’di mṅon par rdzogs (4) par ’tshaṅ rgya bar bya’o ||
khoṅ du chud pa med pa daṅ rab tu rtogs pa med pas rjes su rtogs pa źes bya ste | ji skad du brjod pa bźin du ni ma yin no ||
chos thams cad ni khoṅ du chud pa ma yin rab tu rtogs pa ma yin te | chos ni chos kyi ṅo bo ñid kyis med do ||
(5) de ltar khoṅ du chud pa de ni byaṅ chub ces bya’o ||
rab kyi rtsal gyis rnam par gnon pa de bźin gśegs pas ni byaṅ chub ma dmigs śiṅ de bźin gśegs pas ni byaṅ chub rnam par ma rig ste | byaṅ chub ni rnam par rig par bya ba ma yin | rab tu rnam par rig (6) par bya ba ma yin no ||
de bźin gśegs pas ni byaṅ chub ma mkhyen ma bskyed de | byaṅ chub ni ma skyes śiṅ mṅon par ma grub pa’o ||
byaṅ chub ni su’i yaṅ ma yin źiṅ byaṅ chub la sems can nam sems can du gdags pa gaṅ yaṅ med do ||
gaṅ la sems (7) can nam sems can du gdags pa med pa de la ’di ni byaṅ chub sems dpa’ ’di ni byaṅ chub sems dpa’i śes rab kyi pha rol tu phyin pa źes ji ltar brjod | rab kyi rtsal gyis rnam par gnon pa byaṅ chub la byaṅ chub kyaṅ med | byaṅ chub la sems can yaṅ med de | (28a1) byaṅ chub ’di ni śin tu ’das pa’o ||
byaṅ chub ’di ni ma skyes pa’o ||
byaṅ chub ’di ni mṅon par ma gruṅ ba’o ||
byaṅ chub ’di ni mtshan ñid med pa ste | ’di la sems can med ciṅ mi dmigs so ||
byaṅ chub ni sems can gyis btags pa ma yin (2) gyi | sems can med par khoṅ du chud pa ni byaṅ chub ces bya’o ||
byaṅ chub sems can ma yin par gaṅ gis śes pa de byaṅ chub sems dpa’ źes bya’o ||
de ci’i phyir źe na | rab kyi rtsal gyis rnam par gnon pa byaṅ chub sems dpa’ ni sems can gyi ’du śes (3) kyis bskyed pa ma yin gyi sems can gyi ’du śes rnam par ’jig pa’i phyir byaṅ chub sems dpa’ źes bya ste | ji skad du brjod pa bźin du ni ma yin no ||
de ci’i phyir źe na | byaṅ chub sems dpa’ ni brjod par bya ba ma yin źiṅ byaṅ chub sems dpa’ ni sems can gyi (4) raṅ bźin daṅ bral ba’i phyir ro ||
byaṅ chub ni sems can du ’du śes pa daṅ bral ba ste | gaṅ gis byaṅ chub ’di ltar śes pa de byaṅ chub sems dpa’ źes bya’o ||
byaṅ chub ji lta bur śes źe na | byaṅ chub ’di ni śin tu ’das pa’o ||
byaṅ chub ’di ni bya ba ma yin (5) pa’o | |byaṅ chub ’di ni skye ba med pa | ’gog pa med pa’o ||
byaṅ chub ni byaṅ chub kyis śes bar mi byed | byaṅ chub ni rnam par śes par bya ba ma yin | rnam par rig par bya ba ma yin | gdags par bya ba ma yin te | mṅon par ma grub pa ni byaṅ chub ces (6) bya’o | |rnam par mi rtog pa daṅ | rtog pa bcad pa’i phyir gaṅ gis khoṅ du chud pa dag rab tu rtogs pa de’i phyir byaṅ chub sems dpa’ źes bya ste | ji skad du brjod pa bźin du ni ma yin no ||
de ci’i phyir źe na | sems can med pa’i phyir ro ||
gal te byaṅ chub sems (7) dpa’ yaṅ dag par dmigs na ni ’di ni byaṅ chub | ’di ni sems can źes byaṅ chub de’aṅ rñed par ’gyur ro ||
sems can med pa daṅ | sems can ma yin pa daṅ | sems can daṅ bral bar khoṅ du chud pa ni byaṅ chub sems dpa’ źes bya’o ||
sems can med (28b1) pa daṅ | sems can du ’du śes rnam par bśig pas byaṅ chub sems dpa’ źes bya’o ||
de ci’i phyir źe na | sems can gyi khams źes bya ba de ni sems can med pa’i tshig bla dgas so ||
sems can gyi khams med pa’i phyir sems can la sems can med do ||
(2) gal te sems can la sems can yod na ni sems can gyi khams źes mi bya’o ||
sems can gyi khams źes bya ba de ni khams med par bstan te | khams med pa ni sems can gyi khams so ||
gal te sems can gyi khams sems can gyi khams su gyur na ni srog (3) de lus de yin par ’gyur ro ||
ji ste sems can gyi khams las rnam par grol ba khams su gyur na ni srog kyaṅ gźan | lus kyaṅ gźan du ’gyur ro ||
khams med pa ni sems can gyi khams te | brdas tha sñad gdags pa’i tshig tu ’gro’o ||
sems can (4) gyi khams la ni khams med de | khams ma gtogs par sems can gyi khams med do ||
chos thams cad ni khams med pa ste | ṅas de la dgoṅs nas sems can gyi khams ni gaṅ ba ’am bri bar yaṅ mi mṅon no źes bśad do ||
de ci’i phyir źe na | sems (5) can gyi khams rab tu dben pa’i phyir sems can gyi khams ni sems can ma yin no ||
ji ltar sems can gyi khams bri ba daṅ gaṅ bar mi mṅon pa de bźin du chos thams cad bri ba’am | gaṅ bar mi mṅon no ||
gaṅ dag bri ba’am | gaṅ bar ’gyur bar chos (6) thams cad la yoṅs su grub pa gaṅ yaṅ med de | gaṅ gis de ltar chos thams cad khoṅ du chud pa de ni saṅs rgyas kyi chos khoṅ du chud pa źes bya ste | ṅas ’di la dgoṅs nas ji ltar sems can gyi khams bri ba’am gaṅ bar mi mṅon pa de bźin du chos thams (7) cad kyaṅ bri ba’am gaṅ bar mi mṅon no źes bśad do ||
gaṅ yaṅ yoṅs su ma grub pa’i tshul gyis chos thams cad bri ba ma yin | gaṅ ba ma yin pa des saṅs rgyas kyi chos kyaṅ bri ba ma yin gaṅ ba ma yin no ||
de ltar chos thams cad khoṅ du chuṅ pa’i phyir (29a1) saṅs rgyas kyi chos rnams bri ba med ciṅ gaṅ ba med pa’o ||
chos thams cad bri ba med ciṅ gaṅ ba med pa’i phyir | saṅs rgyas kyi chos źes bya ba de ni | saṅs rgyas kyi chos kyi tshig bla dgas ma yin no ||
saṅs rgyas kyi chos ni gaṅ gis kyaṅ bri (2) ba’am | gaṅ bar byar mi nus so ||
de ci’i phyir źe na | ’di ni chos thams cad khoṅ du chud pa’i phyir te | gaṅ chos thams cad khoṅ du chud pa de la bri ba’am | gaṅ ba’i chos ci yaṅ med do ||
chos thams cad ces bya ba de ni chos kyi dbyiṅs kyi tshig bla dgas te (3) chos kyi dbyiṅs la ni bri ba’am gaṅ ba med do ||
de ci’i phyir źe na | chos kyi dbyiṅs ni mtha’ yas pa’i phyir ro ||
sems can gyi khams daṅ chos kyi dbyiṅs ni tha dad du mi dmigs so ||
sems can gyi khams daṅ chos kyi dbyiṅs la bri ba’am | gaṅ bar dmigs (4) pa’am | yod pa ma yin te | gaṅ gis de lta bur khoṅ du chud pa de ni byaṅ chub ces bya’o ||
de’i phyir saṅs rgyas kyi chos rnams bri ba’am | gaṅ bar mi mṅon źes bya’o ||
rab kyi rtsal gyis rnam par gnon pa bri ba med ciṅ gaṅ ba med pa źes ji skad smra ba de ni (5) brtag pa yaṅ dag pa ji lta ba bźin du mthoṅ ba’i tshig bla dgas so ||
de la ni ci yaṅ bsal ba’am | gźag par mi nus te | gaṅ de ltar khoṅ du chud pa de ni byaṅ chub ces bya’o ||
rab kyi rtsal gyis rnam par gnon pa byaṅ chub ces bya ba de ni saṅs rgyas kyi mtshan ñid (6) do | |saṅs rgyas kyi mtshan ñid ji lta bu źe na chos thams cad kyi mtshan ñid mtshan ñid med pa de ni saṅs rgyas kyi mtshan ñid do ||
byaṅ chub ni mtshan ñid med pa ste mtshan ñid kyi raṅ bźin las bzlog pa’o ||
gaṅ de ltar khoṅ du chud pa de ni byaṅ chub ces bya ste | ji skad (7) du brjod pa bźin du ni ma yin no ||
rab kyi rtsal gyis rnam par gnon pa de ni chos thams cad rjes su rtogs pas | byaṅ chub sems dpa’ źes bya’o ||
rab kyi rtsal gyis rnam par gnon pa gaṅ la la źig chos ’di rab tu mi śes khoṅ du ma chud par bdag byaṅ chub (29b1) sems dpa’ źes khas ’che na | de ni byaṅ chub sems dpa’i sa las riṅ ṅo ||
de ni byaṅ chub sems dpa’i chos rnams las riṅ ṅo ||
de ni byaṅ chub sems dpa’i miṅ gis lha daṅ | mi daṅ lha ma yin daṅ bcas pa’i ’jig rten la slu ba’o ||
rab kyi rtsal gyis (2) rnam par gnon pa gal te tshig tsam gyis byaṅ chub sems dpar gyur na ni de’i phyir sems can thams cad kyaṅ byaṅ chub sems dpar ’gyur ro ||
rab kyi rtsal gyis rnam par gnon pa ’di lta ste | byaṅ chub sems dpa’i sa źes bya ba de ni tshig gi las tsam ma yin no ||
(3) tshig gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar mi nus so ||
tshig gi las kyis byaṅ chub daṅ | byaṅ chub sems dpa’i chos rnams thob par mi ’gyur ro ||
rab kyi rtsal gyis rnam par gnon pa sems can thams cad ni (4) byaṅ chub la spyod mod kyi mi śes śiṅ khoṅ du ma chud de | de’i phyir de dag byaṅ chub sems dpa’ źes mi bya’o ||
de ci’i phyir źe na | sems can rnams sems can med par mi śes pa’i phyir ro ||
gal te de ltar śes na bdag gis spyod pa dag gis | byaṅ chub sems (5) dpa’ dag tu ’gyur ba’i rigs so ||
sems can thams cad ni phyin ci log pas raṅ gi spyod pa daṅ | raṅ gi yul daṅ | raṅ gi spyod yul rab tu mi śes so ||
gal te raṅ gi spyod pa rab tu śes na ni de dag slar gaṅ la yaṅ rnam par rtog ciṅ spyod par mi ’gyur ro ||
(6) rnam par rtog pa daṅ | spyod pa de dag gis byis pa so so’i skye bo thams cad yaṅ dag pa ma yin pa la dmigs śiṅ spyod kyaṅ de dag byaṅ chub la dmigs pa sñam du rlom sems su byed de | dmigs pa la spyod ciṅ rtog pa la spyod pa de dag la byaṅ chub ga la yod | (7) byaṅ chub sems dpa’i chos rnams ga la yod | gaṅ gis chos de lta bur rab tu śes pa de dag slar yaṅ dag pa ma yin pa’i dmigs pa la mi spyod ciṅ | de dag ni phyir chos gaṅ yaṅ rlom sems su mi byed de | de’i phyir spyod pa med pa de ni byaṅ chub sems dpa’i (30a1) spyod pa źes bya ste | byaṅ chub sems dpa’ ni rtog pa daṅ rnam par rtog pa la mi spyod do ||
gaṅ la rtog pa med pa de la spyod pa gaṅ yaṅ med do ||
gaṅ la rnam par rtog pa med pa de la spyod pa’i don gaṅ yaṅ med do ||
saṅs rgyas daṅ byaṅ chub sems dpa’ rnams (2) kyi spyod pa thams cad ni rnam par mi rtog par spyod ciṅ thams cad rlom sems med la dmigs pa daṅ bcas pa ma yin pa ste | chos thams cad de ltar rab tu śes pa de ni phyir mi dmigs pa’am | rnam par rtog pa spyod pa’am | rnam par spyod pa med de | de ni spyod pa med pa’i (3) tshul gyis byaṅ chub sems dpa’ rnams kyi spyod pa źes bya’o ||
rab kyi rtsal gyis rnam par gnon pa de ltar na | byaṅ chub sems dpa’i spyad pa la spyad pa yin no ||
rab kyi rtsal gyis rnam par gnon pa gaṅ de ltar chos khoṅ du chud ciṅ rab tu rtogs pa de’i phyir byaṅ chub sems dpa’ (4) źes bya’o ||
des sems can du ’du śes bstsal bas | sems can med pa źes bya ba de ni byaṅ chub sems dpa’i tshig bla dgas so ||
de ci’i phyir źe na | des sems can thams cad yaṅ dag pa ma yin pa daṅ | sems can thams cad sems can ma yin pa daṅ | sems (5) can thams cad ni phyin ci log gi sems can daṅ sems can thams cad ni yoṅs su brtags pas sems can daṅ | sems can thams cad ni yod pa ma yin pa la dmigs pas sems can daṅ | sems can thams cad ni raṅ gi spyod pa rnam par ma ruṅ bar byas pas (6) sems can daṅ | sems can thams cad ni ma rig pa ’du byed pas sems can no źes śes pa’i phyir ro ||
de ci’i phyir źe na | sems can thams cad ni chos gaṅ dag med pa’i chos de dag mṅon par ’du byed pas de’i phyir sems can thams cad ni ma rig pa (7) ’du byed pas sems can źes bya’o ||
chos med pa gaṅ źe na | ṅa źe’am | ṅa’i źe ’am | ṅa’o źes bya ba’i chos gaṅ yaṅ med pa’o ||
gal te chos ’ga’ źig ṅa źe’am | ṅa’i źe’am | ṅa’o źes bya bar gyur na | de’i phyir sems can thams cad yaṅ dag par ’gyur (30b1) ba źig na | rab kyi rtsal gyis rnam par gnon pa ’di ltar ṅa źe’am | ṅa’i źe’am | ṅa’o źes bya ba’i chos gaṅ yaṅ med pas de’i phyir sems can ni yaṅ dag pa ma yin pa ste | sems can thams cad ni ma rig pa ’du byed pas sems can thams cad ces bya’o ||
rab (2) kyi rtsal gyis rnam par gnon pa gaṅ la yaṅ ṅa źe’am | ṅa’i źe’am | ṅa’o źes bya ba’i sems can źes bya ba’i chos gaṅ yaṅ med de | gaṅ gi phyir med pa de’i phyir sems can ni yaṅ dag pa ma yin pa źes bya’o ||
yaṅ dag pa ma yin pa źes bya ba de ni sems (3) can med pa’i tshig bla dgas so ||
ji ltar sems can du ’du śes pa yaṅ dag pa ma yin pa la mṅon par źen pa de ltar sems can rnams yaṅ dag pa ma yin pa źes bya’o ||
rab kyi rtsal gyis rnam par gnon pa yaṅ dag pa ma yin pa źes bya ba de la ni yaṅ dag pa ci (4) yaṅ med ciṅ ma byuṅ ba’o ||
chos thams cad kyaṅ yaṅ dag pa ma yin źiṅ ma byuṅ ba’o ||
de la sems can yaṅ dag pa ma yin pa la lhag par chags pa de ni rnam par ’chiṅ ba ste | de’i phyir yaṅ dag pa ma yin pa la dmigs pa ni sems can źes bya’o ||
de dag (5) ni spyod pa gaṅ khoṅ du chud pas byaṅ chub sems dpa’ źes bya ba’i raṅ gi spyod pa de mi śes te | yoṅs su ma rtogs pas sems can ni yaṅ dag pa ma yin pa źes bya’o ||
rab kyi rtsal gyis rnam par gnon pa gaṅ de ltar chos khoṅ du chud pa de ni byaṅ chub sems dpa’ (6) źes bya’o ||
byaṅ chub sems dpa’ źes bya ba de ni gaṅ gis chos thams cad khoṅ du chud ciṅ śes la | sems can rjes su rtogs pa’i tshig bla dgas so ||
ji ltar śes źe na | yaṅ dag pa ma yin pa daṅ | ma byuṅ ba daṅ | phyin ci log ma yin par ro ||
ji ltar byis (7) pa so so’i skye bo dag gis brtags pa de dag ni de bźin du ma yin no ||
ji ltar byis pa so so’i skye bo dag gis rñed pa de dag de bźin du ma yin te | de’i phyir byaṅ chub sems dpa’ źes bya’o ||
de ci’i phyir źe na | byaṅ chub ni ma brtags | rnam par ma brtags śiṅ byaṅ (31a1) chub ni rnam par ma bsgrubs la | mi dmigs pa’i phyir ro ||
rab kyi rtsal gyis rnam par gnon pa de bźin gśegs pas ni byaṅ chub ma brñes so ||
chos thams cad ni mi rñed ciṅ | chos thams cad mi dmigs pa’i phyir byaṅ chub ces bya’o ||
de lta (2) bu ni saṅs rgyas kyi byaṅ chub ces bya ste | ji skad du brjod pa bźin du ni ma yin no ||
rab kyi rtsal gyis rnam par gnon pa gaṅ dag byaṅ chub kyi phyir sems ’di bskyed par bya’o źes byaṅ chub tu sems bskyed pa daṅ | gaṅ du bdag gis sems bskyed par bya ba’i byaṅ chub de (3) yod do źes byaṅ chub rlom sems su byed pa de dag ni byaṅ chub sems dpa’ źes mi bya ste | de dag ni sems can skyes pa źes bya’o ||
de ci’i phyir źe na | ’di ltar de dag ni skye bar mṅon par źen ciṅ | sems su mṅon par źen nas byaṅ chub la mṅon par źen pa’i (4) phyir ro ||
gaṅ dag byaṅ chub kyi phyir sems bskyed pa de dag ni byaṅ chub kyi sems la mṅon par źen pa źes bya’o ||
gaṅ gi phyir mṅon par ’du byed pa de’i phyir byaṅ chub tu sems bskyed de | de bas na mṅon par ’du byed pa ni sems can źes bya ste | byaṅ chub (5) sems dpa’ ma yin no ||
de ci’i phyir źe na | de dag ni sems can skyes pa źes bya ba’i phyir ro ||
rab kyi rtsal gyis rnam par gnon pa byaṅ chub ni ma skyes śiṅ | byaṅ chub ni bsam du med pas byaṅ chub kyi phyir sems bskyed par mi nus so ||
rab kyi rtsal gyis (6) rnam par gnon pa de dag ni skye ba ñid la mṅon par źen kyaṅ de dag skye ba rab tu mi śes so ||
rab kyi rtsal gyis rnam par gnon pa skye ba mñam pa ñid gaṅ yin pa de ni yaṅ dag pa ñid do ||
sems mñam pa ñid gaṅ yin pa daṅ | yaṅ dag pa ñid gaṅ yin pa daṅ | mñam (7) pa ñid gaṅ yin pa daṅ | yaṅ dag pa ñid de ni byaṅ chub ste | gaṅ na yaṅ dag pa ji lta ba ñid yod pa de na rnam par rtog pa gaṅ yaṅ med na | de dag ni sems daṅ byaṅ chub la rnam par brtags te | gñis su mṅon par źen nas byaṅ chub kyi phyir sems bskyed do ||
(31b1) rab kyi rtsal gyis rnam par gnon pa sems kyaṅ gźan ma yin | byaṅ chub kyaṅ gźan ma yin | sems la yaṅ byaṅ chub med | byaṅ chub la yaṅ sems med de | byaṅ chub gaṅ yin pa daṅ | sems gaṅ yin pa de ni yaṅ dag pa ji lta ba ñid daṅ | ji lta ba bźin no | (2) de la ni byaṅ chub kyaṅ med | sems kyaṅ med do ||
gaṅ gis sems ñid daṅ | byaṅ chub daṅ | skye ba daṅ | mi skye ba yaṅ mi dmigs pa de byaṅ cub sems dpa’ źes bya’o ||
yaṅ dag pa ji lta ba bźin gyi sems dpa’ źes bya’o ||
sems dpa’ chen po źes bya’o ||
(3) de ci’i phyir źe na | des gaṅ daṅ gaṅ la des yaṅ dag pa ma yin pa de śes pa’i phyir ro ||
yaṅ dag pa ma yin pa gaṅ źe na | ’jig rten thams cad ni yaṅ dag pa ma yin pa ste | yaṅ dag pa ma yin par gtogs so ||
kye ma ’jig rten gnas pa ’di ni yaṅ dag pa ma (4) yin pa’o ||
de ci’i phyir | yaṅ dag pa ma yin pa | mi ’byuṅ ba źes bya źe na | yaṅ dag pa ma yin pa la ’byuṅ ba gaṅ yaṅ med de | yaṅ dag pa ma yin pa ni mi ’byuṅ ba’o ||
de’i phyir chos thams cad ni ṅo bo ñid med pa yaṅ dag pa ma yin pa (5) źes bya’o ||
gaṅ gis de ltar śes pa de ni yaṅ dag pa ji lta ba bźin gyi sems can źes bya’o ||
yaṅ dag pa la yaṅ dag pa źes mṅon par mi źen pas de’i phyir yaṅ dag pa ji lta ba bźin gyi sems can źes bya ste | ji skad du brjod pa bźin du ni ma yin no ||
de ci’i phyir (6) źe na | yaṅ dag pa ji lta ba bźin ma yin pa la sems can nam | sems can chen po źes bya ba gaṅ yaṅ med pa’i phyir ro ||
gaṅ gis theg pa chen po khoṅ du chud pa de sems can chen po źes bya’o ||
theg pa chen po gaṅ źe na | thams cad mkhyen pa’i ye śes (7) ni zeg pa chen po’o ||
thams cad mkhyen pa’i ye śes gaṅ źe na | gaṅ ci yaṅ ruṅ ste | ’dus byas śes pa daṅ | ’dus ma byas śes pa daṅ | ’jig rten śes pa daṅ | ’jig rten las ’das pa śes pa des sems can chen po źes bya’o ||
(32a1) de sems can du ’du śes pa chen po med pas de’i phyir sems can chen po źes bya’o ||
de la ma rig pa’i phuṅ po chen po med pas de’i phyir sems can chen po źes bya’o ||
de la ’du byed kyi phuṅ po chen po med pas de’i phyir sems can chen po źes bya’o ||
de la (2) mi śes pa’i phuṅ po chen po med pas de’i phyir sems can chen po źes bya’o ||
de la sdug bsṅal gyi phuṅ po chen po med pas de’i phyir sems can chen po źes bya’o ||
rab kyi rtsal gyis rnam par gnon pa gaṅ dag sems dpa’ chen po’i ’du śes la’aṅ smod la | sems kyaṅ (3) mi dmigs | sems las byuṅ ba’i chos daṅ | sems kyi raṅ bźin yaṅ rab tu mi śes | byaṅ chub kyaṅ mi dmigs | byaṅ chub kyi phyogs kyi chos rnams daṅ | byaṅ chub kyi raṅ bźin yaṅ rab tu mi śes te | de dag mi śes pa’i sems kyis byaṅ chub kyaṅ mi mthoṅ | (4) byaṅ chub ma gtogs par sems kyaṅ mi mthoṅ | byaṅ chub la sems mi mthoṅ | sems la byaṅ chub mi mthoṅ ste | gaṅ de ltar rnam par ’jig pa de ni sñom pa yaṅ med | rnam par ’jig par byed pa yaṅ med de | rnam par ’jig par byed pa de yaṅ mi dmigs (5) śiṅ rlom sems su mi byed la | mṅon par źen pa med par de dag byaṅ chub tu sems bskyed do ||
rab kyi rtsal gyis rnam par gnon pa gaṅ de ltar byaṅ chub tu sems bskyed pa de dag ni byaṅ chub sems dpa’ yaṅ dag pa źes bya ste | de dag byaṅ chub las phyir mi ldog go ||
(6) de ci’i phyir źe na | gaṅ dag ’di ltar byaṅ chub daṅ | sems daṅ skye ba daṅ | ’gog pa tha dad du bya bar yaṅ dag par rjes su mi mthoṅ ba de dag byaṅ chub ñid la gnas pa ste | ’di ni gaṅ yaṅ yaṅ dag par rjes su mi mthoṅ | gaṅ la yaṅ mṅon par mi źe na | gaṅ (7) la yaṅ rnam par rtog par mi ’gyur te | rab kyi rtsal gyis rnam par gnon pa gaṅ dag de ltar rnam par grol ba daṅ rnam par grol bar sems mi skyed pa de dag ni byaṅ chub sems dpa’ yaṅ dag pa źes bya’o ||
rab kyi rtsal gyis rnam par gnon pa gaṅ dag sems can du (32b1) ’du śes pa daṅ | byaṅ chub tu ’du śes pa daṅ | byaṅ chub kyi phyir sems bskyed na | de dag ni byaṅ chub las riṅ ste | de ni byaṅ chub daṅ ñe ba ma yin no ||
rab kyi rtsal gyis rnam par gnon pa gaṅ dag byaṅ chub las riṅ ba’am | ñe bar yaṅ dag par rjes su mi (2) mthoṅ ba de dag byaṅ chub daṅ ñe ba ste | de ni byaṅ chub kyi phyir sems bskyed pa’o ||
rab kyi rtsal gyis rnam par gnon pa ṅas de la dgoṅs nas gaṅ dag gñis su med par śes pa de ni saṅs rgyas daṅ chos kyaṅ rab tu śes so źes bśad do ||
de ci’i phyir źe na | (3) gñis su med pa yoṅs su śes pas chos thams cad yoṅs su śes te de chos thams cad kyi bdag gi ṅo bo ñid bsgom pa’i phyir ro ||
gaṅ gñis su med pa’i chos źes bya ba de ni saṅs rgyas kyi chos śes pa ste | chos gñis su med par yoṅs su śes pas saṅs (4) rgyas kyi chos yoṅs su śes so ||
bdag yoṅs su śes pas khams gsum thams cad yoṅs su śes so ||
rab kyi rtsal gyis rnam par gnon pa bdag yoṅs su śes pa źes bya ba de ni chos thams cad kyi pha rol lo ||
chos thams cad kyi pha rol gaṅ źe na | (5) gaṅ pha rol ñid kyaṅ mi dmigs | pha rol tu rlom sems su mi byed | pha rol la mṅon par mi źen pa de ni yoṅs su śes pas pha rol tu soṅ ba źes bya ste | ji skad du brjod pa bźin du ni ma yin no ||
rab kyi rtsal gyis rnam par gnon pa de ltar na ’di ni byaṅ chub (6) sems dpa’i sa yin par rig par bya’o ||
gaṅ la śes par bya ba’am rtogs par bya ba phra rab tsam yaṅ med pa de ni byaṅ chub sems dpa’i śes rab kyi pha rol tu phyin pa ste | de la ni ’oṅ ba’am | ’gro ba mi mṅon no ||
gleṅ gźi’i le’u źes bya ste daṅ po’o ||
(7) bam po gñis pa | de nas bcom ldan ’das la tshe daṅ ldan pa kun dga’ bos ’di skad ces gsol to ||
bcom ldan ’das ṅa rgyal can mtshan ma la spyod pa rnams bstan pa ’di la skrag par ’gyur lags so ||
de nas tshe daṅ ldan pa śa ra dwa ti’i bus | tshe daṅ ldan pa (33a1) kun dga’ bo la ’di skad ces smras so ||
tshe daṅ ldan pa kun dga’ bo ’di ni ṅa rgyal can rnams kyi yul ma yin rtogs pa ma yin pas de dag ’di la skrag par mi ’gyur ro ||
de ci’i phyir źe na | gaṅ sdig pa’i grogs po’i lag tu soṅ ba de dag ni ’di la (2) skrag par gyur zin pas ’di ni de dag gi yul ma yin źiṅ mi rtogs so ||
tshe daṅ ldan pa kun dga’ bo gaṅ dag ṅa rgyal spoṅ ba’i phyir źugs śiṅ ṅa rgyal spoṅ ba’i phyir brtson pa de dag ni ’di la skrag par ’gyur ro ||
de ci’i phyir źe na | ṅa rgyal du yoṅs su śes pas | ṅa (3) rgyal med pa tshol źiṅ | ṅa rgyal spoṅ ba tshol ba’i phyir ro ||
tshe daṅ ldan pa kun dga’ bo gaṅ dag ṅa rgyal mi dmigs śiṅ yaṅ dag par mi mthoṅ la rlom sems su mi byed ciṅ mṅon par mi źen pa de dag ni gaṅ la yaṅ mi skrag gaṅ la yaṅ mi dṅaṅ | gaṅ la yaṅ dṅaṅ bar mi (4) ’gyur ro ||
tshe daṅ ldan pa kun dga’ bo ṅa rgyal can rnams kyi phyir chos bstan pa ’di źugs pa ma yin no ||
tshe daṅ ldan pa kun dga’ bo ’di ni ṅa rgyal can rnams kyi yul ma yin te | go skabs med do ||
gaṅ dag ṅa rgyal spaṅ ba’i phyir brtson źiṅ ’bad pa de dag ni (5) yaṅ dag par ’bad pa ma yin no ||
tshe daṅ ldan pa kun dga’ bo ṅa rgyal źes bya ba de ni lhag par byed pa | sgro ’dogs pa’i tshig bla dgas so ||
gaṅ dag ṅa rgyal la spyod ciṅ lhag par byed pa sgro ’dogs par byed pa de dag ni mtshuṅs par mi spyad do ||
mtshuṅs par (6) spyod pa yaṅ chos ’di la the tsom za’o ||
tshe daṅ ldan pa kun dga’ bo gaṅ dag mñam pa yaṅ mi dmigs | mi mñam pa yaṅ ma yin | mñam par yaṅ rlom sems mi byed | mi mñam par yaṅ ma yin | mñam par yaṅ mṅon par mi źe na | mi mñam pa (7) la’aṅ ma yin pa de dag ni gaṅ la yaṅ mi skrag mi dṅaṅ | dṅaṅ bar mi ’gyur ro ||
tshe daṅ ldan pa kun dga’ bo ’di ni byis pa so so’i skye bo thams cad kyi yul ma yin te mi rtogs so ||
tshe daṅ ldan pa kun dga’ bo ’di ni byis pa so so’i skye bo thams cad kyis śes (33b1) śiṅ rtogs pa ma yin no ||
tshe daṅ ldan pa kun dga’ bo ñan thos kyi theg pa can rnams kyis kyaṅ mi rtogs so ||
’di ni gaṅ raṅ saṅs rgyas kyi theg pa can chos zab mo la spyod pa de dag gis kyaṅ mi rtogs so ||
tshe daṅ ldan pa kun dga’ bo byaṅ chub sems dpa’i theg pa (2) can gaṅ dag mtshan ma la spyod pa dge ba’i bśes gñen gyis yoṅs su ma zin pa | sdig pa’i grogs po’i lag tu soṅ ba de dag kyaṅ chags pa med pa’i chos ’di dag mi rtogs śiṅ yul ma yin te | tshe daṅ ldan pa kun dga’ bo ñan thos kyi theg pa can bden pa mthoṅ ba (3) daṅ | byaṅ chub sems dpa’i theg pa can dge ba’i bśes gñen gyis bstan pa | chos zab mo la mos pa gaṅ chos ’di dag la ’thun par spyod pa daṅ | gaṅ chos ’di khoṅ du chud ciṅ spyod pa rnams ni ma gtogs so ||
tshe daṅ ldan pa kun dga’ bo byaṅ chub sems (4) dpa’ mtshan ma daṅ bral ba | mtshan ma med pa la spyod pa | sna tshogs med pa la spyod pa | zab mo’i chos śin tu tshar phyin pa | gaṅ dag sems daṅ | byaṅ chub kyaṅ mi dmigs śiṅ chos gaṅ yaṅ tha dad du mi byed la | yaṅ dag par rjes su mi mthoṅ ba de (5) dag ni ’di lta bu’i chos la rmoṅs par mi ’gyur | the tsom mi za’o ||
de ci’i phyir źe na | de dag chos thams cad daṅ rjes su ’thun par gnas te | mi ’thun par ni ma yin pa’i phyir ro ||
de dag gis gaṅ daṅ gaṅ la chos ’dri ba de daṅ des rjes su ’thun par lan ’debs (6) śiṅ rjes su ’thun par smra bar byed do ||
de nas bcom ldan ’das kyis tshe daṅ ldan pa kun dga’ bo la ’di skad ces bka’ stsal to ||
kun dga’ bo ji ltar ś ri’i bu ’dis bśad pa de de bźin te | kun dga’ bo chos bstan pa ’di daṅ | saṅs rgyas kyi byaṅ chub daṅ | (7) rjes su ’thun pa’i saṅs rgyas kyi byaṅ chub ’di ni ṅa rgyal can rnams kyis ma yin | ’jug pa’i yul ma yin no ||
kun dga’ bo saṅs rgyas kyi chos rgya chen po la ni dman pa la mos pa’i sems can rnams kyi sems mi ’jug go ||
kun dga’ bo dman pa la (34a1) mos pa ṅa rgyal can rnams ni ṅa rgyal gyi dbaṅ gis ’gro bas | de dag saṅs rgyas kyi byaṅ chub la mi ’thun par gnas so ||
kun dga’ bo ’khor de ni gtsaṅ ma ste | sṅon gyi rgyal ba rnams la bya ba byas śiṅ dge ba’i rtsa ba bskyed pa | saṅs (2) rgyas maṅ po la bsñen bkur byas pa | zab mo la mos pa | zab mo spyod pa ste | kun dga’ bo ’khor ’di la de bźin gśegs pas yid brtan nas | chos mṅon par ston gyi rjes su sruṅ ba’i chos ni cuṅ zad kyaṅ mi ston to ||
kun dga’ bo ’khor (3) ’di ni sñiṅ po ste | sa źag daṅ | gseg ma daṅ | gyo mo med pa | saṅs rgyas brgya stoṅ maṅ po la bsñen bkur byas pa sñiṅ po la rab tu gnas pa’o ||
kun dga’ bo gseg ma daṅ | gyo mo źes bya ba de ni byis pa so so’i skye bo rnams kyi tshig bla dgas (4) te | gaṅ dag chos ’di la go skabs med pa’o ||
kun dga’ bo sa źag ces bya ba de ni sems can ṅa rgyal can rnams kyi tshig bla dgas so ||
kun dga’ bo ’khor ’di ni ṅa rgyal med pa dge ba’i rtsa ba chen pos mṅon par ’phags pa’o ||
kun dga’ bo ’di lta (5) ste | dper na klu’i rgyal po ma dros pa rab tu dga’ bar gyur te | dga’ ba daṅ | yid bde ba skyes nas | raṅ gi gnas na ’dod pa’i yon tan lṅa la kun du spyod ciṅ | raṅ gi gnas na rab tu dga’ bar yan lag brgyad daṅ ldan pa’i char pa’i chu chen po ’bebs (6) so ||
de’i bur gyur pa de dag kyaṅ rab tu dga’ nas | raṅ raṅ gi gnas na ’dod pa’i yon tan lṅa ’byor ciṅ ldan par gyur te rtse źiṅ char chen po ’bebs so ||
kun dga’ bo de bźin du de bźin gśegs pa dgra bcom pa yaṅ dag par rdzogs pa’i saṅs rgyas (7) kyaṅ chos kyi char chen po ’bebs so ||
gaṅ ’di sras thu bo byaṅ chub sems dpa’ sems dpa’ chen po de dag kyaṅ ’jig rten gyi khams ’di nas raṅ raṅ gi saṅs rgyas kyi źiṅ du soṅ ste | chos kun ’byuṅ ba ’di las brtsams nas | de bźin gśegs (34b1) pa de dag gi spyan sṅaRa chos kyi char chen po gtoṅ źiṅ chos kyi char chen po rab tu ’bebs so ||
kun dga’ bo ’di lta ste | dper na klu’i rgyal po rgya mtsho ni gaṅ gi tshe rab tu dga’ bar gyur pa de’i tshe raṅ gi gnas nas char gyi rgyun chen po ’bebs so ||
gaṅ dag gnas (2) de na gnas par gyur pa’i klu de dag gis kyaṅ char gyi rgyun de mnos nas dga’ bar ’gyur te char gyi rgyun des bde bar śes so ||
gaṅ dag de’i bur gyur pa de dag kyaṅ char gyi rgyun de bzod ciṅ | char gyi rgyun des mchog tu dga’ ba ’thob bo ||
de ci’i phyir źe na | (3) kun dga’ bo klu gźan dag gis ni char gyi rgyun de mi bzod la | klu gźan dag ni char gyi rgyun des bde bar mi śes śiṅ char gyi rgyun de dag gis dga’ bar mi ’gyur ba’i phyir ro ||
kun dga’ bo de bźin du gaṅ dag de bźin gśegs pa’i chos dkon mchog la (4) lhag par chags pa daṅ | gaṅ dag de bźin gśegs pa’i sras thu bo byaṅ chub sems dpa’ sems dpa’ chen po dge ba’i rtsa ba byas pa | bsam pa rgya che ba chos zab mo’i tshul las ṅes par skyes pa de dag ni de bźin gśegs pa’i chos kyi tshul gyi char chen po (5) ’di bzod do ||
thos nas rab tu dga’ źiṅ mgu ste bde bar śes so ||
kun dga’ bo de bźin gśegs pas don gyi dbaṅ ’di la brten te | bsam pa dag pa’i ’khor du seṅ ge’i sgra chen po sgrog ciṅ chos kyi char chen po ’bebs so ||
kun dga’ bo ’di lta (6) ste | dper na ’khor los sgyur ba’i rgyal po rin po cha’i mdzod maṅ po bsags pa daṅ ldan pa des bu maṅ po rigs daṅ ldan źiṅ ma rgyud kyis kyaṅ dag pa de dag thams cad bkug nas | rin po che’i mdzod bgos te | bu gaṅ la yaṅ mi slu bar byin no ||
de ltar bgos (7) nas de dag ’khor los sgyur ba’i rgyal po de la dga’ ba daṅ | mgu ba chen po lhag par skyes nas ’khor los sgyur ba’i rgyal po daṅ don mtshuṅs par gyur to sñam ste | bdag bde bar śes so ||
kun dga’ bo de bźin du de bźin gśegs pa chos kyi rgyal po chos (35a1) kyi bdag po raṅ byuṅ gis kyaṅ sras de dag bsdus nas chos rin po che’i mdzod ’di mñam par bgos te | sras de dag gaṅ la yaṅ mi slu bas de dag ṅa la dga’ ba daṅ | mgu ba daṅ | gus pa cher skyed ciṅ don ’thun pa saṅs rgyas kyi rigs mi gcod (2) par gnas so ||
kun dga’ bo sems can gźan dman pa la mos pa | ṅa rgyal can lta ba la spyod pa | mtshan ma la spyod pa | dmigs pa la spyod pa | ṅa’o sñam pa’i ṅa rgyal gyis bcom pa | ’dod chags daṅ | źe sdaṅ daṅ | gti mug gi zil gyis non pa | (3) log pa’i lam du doṅ ba rnams kyis chos rin po che ’di bzod par mi nus so ||
kun dga’ bo dman pa la mos pa’i sems can rnams ni ’khor los sgyur ba’i nor mi ’dod kyi | kun dga’ bo gaṅ dag ’khor los sgyur ba’i bur gyur pa de dag ni ’khor los sgyur ba’i nor (4) ’dod do ||
kun dga’ bo sems can dbul po rnams ni ’khor lo rin po che daṅ | gṅa po rin po che daṅ | rta rin po che daṅ | nor bu rin po che daṅ | bud med rin po che daṅ | khyim bdag rin po che daṅ | blon po rin po che daṅ | gos maṅ po daṅ | gser daṅ | nor bu (5) daṅ | mu tig daṅ | bai DUārya daṅ | duṅ daṅ | man śel daṅ | byi ru daṅ | sa le sbram daṅ | dṅul maṅ po dag dgos par mi ’dzin te | de rñed kyaṅ dga’ bar kun du spyod par mi nus śiṅ rin thaṅ chuṅ ṅur ’tshoṅ la | mi mkhas pas ’dor ro ||
de ci’i phyir źe na | (6) de dag rin po che la mi mkhas pa’i phyir ro ||
kun dga’ bo sems can dbul po ni rin po che ’di’i miṅ ni ’di’o ||
źes bya bar rin po che rnams kyi miṅ yaṅ mi śes so ||
kun dga’ bo de bźin du de bźin gśegs pa’i sras bden pa mthoṅ ba rnams daṅ | byaṅ (7) chub sems dpa’ sems dpa’ chen po de dag ni chos rin po che’i mdzod ’di tshol ba ste | de dag chos rin po che dmigs su med pa stoṅ pa ñid daṅ ldan pa | saṅs rgyas kyi chos daṅ ldan pa ’di ’dod ciṅ bzod de de dag des bya ba byed do ||
sems can dbul po thos (35b1) pa daṅ bral ba | thos pa ñams pa | mig daṅ mi ldan pa’i byis pa de dag ni chos rin po che’i mdzod rñed kyaṅ ci źig bya źes ’dor źiṅ gźan la sbyin par sems so ||
kun dga’ bo gdol pa daṅ | g-yuṅ po daṅ | smig ma mkhan daṅ | dbul pos ’tsho (2) ba’i sems can gaṅ dag gźan la las rin po che maṅ po rñed na bdag mi spyod de rin thaṅ chuṅ ṅur ’tshoṅ źiṅ ’dor ro ||
kun dga’ bo sems can dbul po źes bya ba de ni mu stegs can thams cad daṅ | gaṅ dag gźan mu stegs can gyi ñan thos rnams kyi tshig bla (3) dgas so ||
kun dga’ bo sems can dbul po źes bya ba de ni byis pa so so’i skye bo lta ba’i ’dam du byiṅ ba dmigs pa can ’chiṅ ba la mṅon par źen pa | mtshan ma la spyod pa | lam log par soṅ ba rnams kyi tshig bla dgas te | de dag ni chos rin po che ’di rñed (4) na kun du spyod mi nus śiṅ ’dor te | don med par gźan la yaṅ sbyin par byed do ||
kun dga’ bo gaṅ saṅs rgyas kyi sras saṅs rgyas kyi spyod yul la spyod pa | de bźin gśegs pa’i rigs rgyun mi gcod par gnas pa de dag chos rin po che ’di la yoṅs su spyod (5) do | |rñed nas kyaṅ chud mi gzon ciṅ ’di la rin po cher ’du śes par ’gyur ro ||
kun dga’ bo was ni seṅ ge’i sgra sgrog mi nus so ||
kun dga’ bo gaṅ seṅ ge’i phrug gur gyur la | seṅ ge chen pos bskyed pa de dag ni seṅ ge’i sgra sgrog go ||
kun dga’ bo de (6) bźin du wa lta bu ni byis pa so so’i skye bo log par lta ba thams cad de de dag gis ni de bźin gśegs pa’i seṅ ge’i sgra daṅ | yaṅ dag par rdzogs pa’i saṅs rgyas seṅ ge chen po’i chos yoṅs su loṅs spyod par mi nus so ||
kun dga’ bo gaṅ yaṅ dag par rdzogs (7) pa’i saṅs rgyas kyi sras saṅs rgyas kyi seṅ ge chen po daṅ raṅ byuṅ gi ye śes kyis bskyed pa de dag ni yaṅ dag par rdzogs pa’i saṅs rgyas kyi seṅ ge’i sgra sgrog ciṅ kun du spyod do ||
de nas bcom ldan ’das la tshe daṅ ldan pa ś ri’i bus ’di skad ces gsol to | (36a1) bcom ldan ’das ’di ltar de bźin gśegs pa’i ’khor yoṅs su dag pa ’dus pa ’di ṅo mtshar lags so ||
bcom ldan ’das de bźin gśegs pa’i ’khor raṅ byuṅ gi ’khor | mi tshugs pa’i ’khor | rdo rje lta bu’i ’khor | mi sgul pa | mi (2) bskyod pa | mi ’khrugs pa’i ’khor yoṅs su dag pa ’di ni rab tu ṅo mtshar lags so ||
de skad ces gsol pa daṅ | bcom ldan ’das kyis tshe daṅ ldan pa ś ri’i bu la ’di skad ces bka’ stsal to ||
ś ri’i bu khyod ’khor ’di’i yon tan yoṅs su rjod dam | (3) gsol pa bcom ldan ’das bdag gis ’khor ’di’i yon tan yoṅs su brjod pa’i rdo mi thogs lags so ||
de ci’i slad du źe na | bcom ldan ’das ’khor ’di ni ri rab daṅ ’dra ste | yon tan mtha’ yas pa daṅ ldan pa lags pa’i slad du’o ||
bka’ stsal pa | śar (4) dwa ti’i bu de de bźin te | ’khor ’di ni yon tan mtha’ yas pa daṅ ldan pa ste | ’khor ’di’i yon tan gyi mtha’ yaṅ dag par rdzogs pa’i saṅs rgyas rnams kyis kyaṅ rtogs par mi nus na sems can gźan thams cad kyis lta ci smos | śa ra dwa ti’i bu ’khor ’di (5) ni de bźin gśegs pas bsdus pa ma yin źiṅ ’di la de bźin gśegs pa rtsol ba ci yaṅ mi mdzad de | raṅ gi dge ba’i rtsa bas ṅa’i miṅ thos nas ’khor ’di ’dus te | de bźin gśegs pas ’khor ’di gaṅ la yaṅ ma gleṅs ma bsgo bar de dag raṅ gi dge ba’i rtsa (6) bas bskul nas ’khor ’dir lhags so ||
’di lta bu’i chos bstan pa la ’di lta bu’i sems can chen po ’du bar ’gyur ba ni de’i chos ñid do ||
śa ra dwa ti’i bu gaṅ saṅs rgyas bcom ldan ’das gźan dag byaṅ chub sems dpa’i sde snod the tsom thams cad gcod pa ’di (7) yaṅ dag par ston pa de dag gi ’khor kyaṅ ’di lta bu ’du bar ’gyur te | ’di lta bu ’di ’dra ba’i ’khor gyi dkyil ’khor gdon mi za bar ’byuṅ ba ni chos bstan pa ’di’i chos ñid do ||
kun dga’ bo’i le’u źes bya ste gñis pa’o ||
de nas bcom ldan ’das (36b1) kyis byaṅ chub sems dpa’ sems dpa’ chen po rab kyi rtsal gyis rnam par gnon pa la bka’ stsal pa | rab kyi rtsal gyis rnam par gnon pa śes rab kyi pha rol tu phyin pa | śes rab kyi pha rol tu phyin pa źes bya ba la | byaṅ chub sems dpa’i śes rab kyi pha rol tu (2) phyin pa gaṅ źe na | gaṅ chos thams cad kyi tshu rol rtogs pa se | de ni bstan par mi nus mod kyi | ji ltar khyed śes par ’gyur ba daṅ | ji ltar śes rab kyi pha rol tu phyin pa tha sñad kyi tshig tu ’gyur ba de ltar rab tu bśad par bya’o ||
gzugs śes rab kyi pha (3) rol tu phyin pa ma yin te | śes rab kyi pha rol tu phyin pa gzugs las gźan pa yaṅ ma yin no ||
de bźin du sbyar te | de ltar tshor ba daṅ | ’du śes daṅ | ’du byed rnams daṅ | rnam par śes pa śes rab kyi pha rol tu phyin pa ma yin te | śes rab kyi pha rol (4) tu phyin pa rnam par śes pa las gźan pa yaṅ ma yin no ||
de ci’i phyir źe na | rab kyi rtsal gyis rnam par gnon pa gzugs kyi pha rol gaṅ yin pa de gzugs ma yin no ||
de bźin du sbyar te | de ltar tshor ba daṅ | ’du śes daṅ | ’du byed rnams daṅ | rnam par (5) śes pa’i pha rol gaṅ yin pa de rnam par śes pa ma yin pa’i phyir ro ||
gzugs kyi pha rol ji lta bar gzugs kyaṅ de bźin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa’i pha rol ji lta bar rnam par śes pa yaṅ de (6) bźin no ||
rnam par śes pa’i pha rol ji lta bar chos thams cad kyaṅ de bźin no ||
chos thams cad kyi pha rol gaṅ yin pa de dag ni chos thams cad ma yin no ||
chos thams cad kyi pha rol ji lta bar chos thams cad kyaṅ de bźin no ||
rab kyi rtsal gyis rnam (7) par gnon pa de la gzugs kyi pha rol gaṅ yin pa de gzugs ma yin no źes bya ba de ni gzugs kyi ’bral ba bstan pa’o ||
gzugs kyi pha rol ji lta bar gzugs kyaṅ de bźin no źes bya ba de ni gzugs kyi ṅo bo ñid bśad pa bstan pa’o ||
de ni gzugs kyi ji lta ba (37a1) bźin bstan pa’o ||
da ni gzugs kyi raṅ bźin bstan pa’o ||
de ni gzugs kyi mi dmigs pa bstan pa’o ||
de bźin du tshor ba daṅ | ’du śes daṅ | ’du byed rnams daṅ | rnam par śes pa’i pha rol gaṅ yin pa de rnam par śes (2) pa’i ma yin no ||
źes bya ba de ni rnam par śes pa’i ’bral pa bstan pa’o ||
rnam par śes pa’i pha rol ji lta bar rnam par śes pa yaṅ de bźin no źes bya ba de ni rnam par śes pa’i ṅo bo ñid bśad pa bstan pa’o ||
de ni rnam par śes pa’i ji lta ba bźin daṅ rnam par (3) śes pa’i raṅ bźin daṅ | rnam par śes pa mi dmigs pa bstan pa’o ||
rnam par śes pa’i pha rol ji lta bar chos thams cad kyaṅ de bźin no źes bya ba daṅ | chos thams cad kyi pha rol gaṅ yin pa de dag chos thams cad ma yin no źes bya ba de ni chos thams (4) cad kyi ’bral pa bstan pa’o ||
chos thams cad kyi pha rol ji lta bar chos thams cad kyaṅ de bźin no źes bya ba de ni chos thams cad kyi ṅo bo ñid bśad pa bstan pa’o ||
de ni chos thams cad kyi ji lta ba bźin daṅ | chos thams cad kyi mtshan ñid daṅ | chos thams (5) cad kyi raṅ bźin daṅ | chos thams cad mi dmigs pa bstan pa’o ||
chos thams cad kyi ji lta ba bźin daṅ | chos thams cad kyi raṅ bźin daṅ | chos thams cad mi dmigs pa ji lta bar śes rab kyi pha rol tu phyin pa yaṅ de bźin te | rab kyi rtsal gyis (6) rnam par gnon pa śes rab kyi pha rol tu phyin pa ni gzugs la mi gnas so ||
tshor ba daṅ | ’du śes daṅ | ’du byed rnams daṅ | rnam par śes pa la mi gnas so ||
śes rab kyi pha rol tu phyin pa ni gzugs kyi naṅ ṅam | phyi’am gñi ga med pa las (7) riṅ du gnas pa’aṅ ma yin te | tshor ba daṅ | ’du śes daṅ | ’du byed rnams daṅ | rnam par śes pa’i naṅ ṅam | phyi’am gñi ga med pa las riṅ du gnas pa’aṅ ma yin no ||
rab kyi rtsal gyis rnam par gnon pa śes rab kyi pha rol tu phyin pa ni (37b1) gzugs daṅ ldan pa yaṅ ma yin | gzugs daṅ mi ldan pa’aṅ ma yin no ||
śes rab kyi pha rol tu phyin pa ni tshor ba daṅ | ’du śes daṅ | ’du byed rnams daṅ | rnam par śes pa daṅ ldan pa yaṅ ma yin | mi ldan pa yaṅ ma yin no ||
rab kyi rtsal gyis (2) rnam par gnon pa śes rab kyi pha rol tu phyin pa ni chos gaṅ daṅ yaṅ ldan pa yaṅ ma yin | mi ldan pa yaṅ ma yin no ||
gzugs kyi de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid gaṅ (3) yin pa de śes rab kyi pha rol tu phyin pa’o ||
de bźin du tshor ba daṅ | ’du śes daṅ | ’du byed rnams daṅ | rnam par śes pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid gaṅ yin (4) bde śes rab kyi pha rol tu phyin pa’o ||
rab kyi rtsal gyis rnam par gnon pa gzugs źes bya ba ’di ni gzugs daṅ bral ba’o ||
de ci’i phyir źe na | gzugs la ni gzugs med de | gaṅ med pa de śes rab kyi pha rol tu phyin pa’o ||
tshor ba daṅ | ’du śes (5) daṅ | ’du byed rnams daṅ | rnam par śes pa yaṅ de bźin te | rab kyi rtsal gyis rnam par gnon pa rnam par śes pa źes bya ba ’di ni rnam par śes pa daṅ bral ba’o ||
rnam par śes pa la rnam par śes pa med de | gaṅ med pa śes rab kyi pha rol tu phyin (6) pa’o | |rab kyi rtsal gyis rnam par gnon pa gzugs ni gzugs kyi raṅ bźin daṅ bral ba’o ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ rnam par śes pa’i raṅ bźin daṅ bral ba ste | bral ba’i raṅ bźin gaṅ yin pa (7) de śes rab kyi pha rol tu phyin pa’o ||
gzugs la gzugs kyi raṅ bźin med do ||
tshor ba daṅ | ’du śes daṅ | ’du byed rnams daṅ | rnam par śes pa la rnam par śes pa’i raṅ bźin med de | raṅ bźin med pa gaṅ yin pa de śes rab kyi pha rol tu phyin (38a1) pa’o ||
rab kyi rtsal gyis rnam par gnon pa gzugs ni gzugs kyi spyod yul ma yin no ||
tshor ba daṅ | ’du śes daṅ | ’du byed rnams daṅ | rnam par śes pa yaṅ rnam par śes pa’i spyod yul ma yin no ||
rab kyi rtsal gyis rnam par (2) gnon pa spyod yul ma yin źes bya ba ni | gzugs kyis gzugs yaṅ dag par mi śes mi mthoṅ ba ste | gzugs kyis mi śes mi mthoṅ ba gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa tshor ba daṅ | ’du śes daṅ | ’du (3) byed rnams daṅ | rnam par śes pas rnam par śes pa mi mthoṅ ṅo ||
rnam par śes pas mi śes mi mthoṅ ba gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs kyis gzugs kyi ṅo bo ñid mi śes so ||
tshor ba daṅ | (4) ’du śes daṅ | ’du byed rnams daṅ | rnam par śes pas rnam par śes pa’i ṅo bo ñid mi śes te | ṅo bo ñid med par yoṅs su śes pa de śes rab kyi pha rol tu phyin pa źes bya’o ||
rab kyi rtsal gyis rnam par gnon pa gzugs ni gzugs la kun du sbyor bar mi (5) byed | kun du mi sbyor bar yaṅ mi byed do ||
tshor ba daṅ | ’du śes daṅ | ’du byed rnams daṅ | rnam par śes pa ni rnam par śes pa la kun du spyod par mi byed | kun du mi sbyor bar yaṅ mi byed de | gzugs daṅ | tshor ba daṅ | ’du śes daṅ | ’du byed (6) rnams daṅ | rnam par ses pa kun du sbyor bar yaṅ mi byed | kun du mi sbyor bar yaṅ mi byed pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni ’bri bar ’gyur ba’am | ’phel bar ’gyur ba ma yin no | de bźin (7) du tshor ba daṅ | ’du śes daṅ | ’du byed rnams daṅ | rnam par śes pa yaṅ ’bri bar ’gyur ba’am | ’phel bar ’gyur ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ma ’bri mi ’phel ba (38b1) gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni kun nas ñon moṅs par ’gyur ba’am | rnam par byaṅ bar ’gyur ba ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ (2) kun nas ñon moṅs par ’gyur ba’am | rnam par byaṅ bar ’gyur ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa kun nas ñon moṅs pa ma yin | rnam par byaṅ ba yaṅ ma yin pa de śes rab kyi pha rol (3) tu phyin pa źes bya’o ||
rab kyi rtsal gyis rnam par gnon pa gzugs ni rnam par dag pa’i chos can yaṅ ma yin | rnam par ma dag pa’i chos can yaṅ ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ rnam par (4) dag pa’i chos can yaṅ ma yin | rnam par ma dag pa’i chos can yaṅ ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa rnam par dag pa’i chos ñid kyaṅ ma yin | rnam par ma dag pa’i chos ñid kyaṅ ma (5) yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni ’pho ba’am mi ’pho ba ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ ’pho ba’am | mi ’pho ba (6) ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ’pho ba yaṅ ma yin | mi ’pho ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni sbyor (7) ba’am | mi sbyor ba ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ sbyor ba’am | mi sbyor ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa (39a1) ’du ba yaṅ ma yin | bral ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni ’chi ’pho’am | skye ba ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par (2) śes pa yaṅ ’chi ’pho’am | skye ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ’chi ’pho yaṅ ma yin | skye ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par (3) gnon pa gzugs ni skyeba’ama | ’chi ba ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ skye ba’am | ’chi ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa (4) mi skye mi ’chi ba gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni ’khor bar ’gyur ba’am | ’khor ba’i chos can ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ ’khor (5) bar ’gyur ba’am | ’khor ba’i chos can ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ’khor bar mi ’gyur źiṅ ’khor ba’i chos can ma yin pa gaṅ yin pa de śes rab kyi pha rol tu phyin pa’o ||
rab kyi (6) rtsal gyis rnam par gnon pa gzugs ni zad par ’gyur ba ’am | zad pa’i chos can ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ zad par ’gyur ba’am | zad pa’i chos can ma yin te | gzugs daṅ | (7) tshor ba daṅ | ’du śes daṅ | ’du byed rnams daṅ | rnam par śes pa zad par mi ’gyur źiṅ zad pa’i chos ñid ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni kun ’byuṅ ba’i chos can ma yin | ’gog (39b1) pa’i chos can ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ kun ’byuṅ ba’i chos can ma yin | ’gog pa’i chos can ma yin te | gzugs daṅ | tshor ba daṅ | ’du śes daṅ | ’du byed rnams daṅ | (2) rnam par śes pa kun ’byuṅ ba’i chos ñid kyaṅ ma yin | ’gog pa’i chos ñid kyaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni skye ba’i chos can nam | ’jig pa’i chos can ma yin no ||
de bźin (3) du tshor ba daṅ | ’du śes daṅ | ’du byed rnams daṅ | rnam par śes pa yaṅ skye ba’i chos can nam | ’jig pa’i chos can ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa skye ba’i chos ñid kyaṅ (4) ma yin | ’jig pa’i chos ñid kyaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni ’gyur ba’i chos can nam | mi ’gyur ba’i chos can ma yin no ||
de bźin du tshor ba daṅ | ’du śes daṅ | ’du (5) byed rnams daṅ | rnam par śes pa yaṅ ’gyur ba’i chos can nam | mi ’gyur ba’i chos can ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ’gyur ba’i chos ñid kyaṅ ma yin | mi ’gyur ba’i chos (6) ñid kyaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni rtag pa’am | mi rtag pa ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ rtag pa’am | (7) mi rtag pa ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa rtag pa yaṅ ma yin | mi rtag pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa (40a1) gzugs ni bde ba’am | sdug bsṅal ba ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ bde ba’am | sdug bsṅal ba ma yin te | gzugs daṅ | tshor ba daṅ | ’du śes daṅ | (2) ’du byed rnams daṅ | rnam par śes pa bde ba yaṅ ma yin | sdug bsṅal ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni sdug pa’am | mi sdug pa ma yin no ||
de bźin du tshor ba daṅ | ’du (3) śes daṅ | ’du byed rnams daṅ | rnam par śes pa yaṅ sdug pa’am | mi sdug pa ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa sdug pa yaṅ ma yin | mi sdug pa yaṅ ma yin pa gaṅ yin pa de śes (4) rab kyi pharol tu phyin pa’o ||
rab kyi rtsal gyis rnam par gnon pa gzugs ni bdag gam | bdag med pa ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ bdag gam | bdag med pa ma yin te | gzugs (5) daṅ | tshor ba daṅ | ’du śes daṅ | ’du byed rnams daṅ | rnam par śes pa bdag kyaṅ ma yin | bdag med pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni ’dod chags kyi chos can nam | (6) ’dod chags daṅ bral ba’i chos can ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ ’dod chags kyi chos can nam | ’dod chags daṅ bral ba’i chos can ma yin te | gzugs daṅ | tshor ba daṅ | ’du (7) śes daṅ | ’du byed rnams daṅ | rnam par śes pa ’dod chags kyi chos ñid kyaṅ ma yin | ’dod chags daṅ bral ba’i chos ñid kyaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni źe sdaṅ gi (40b1) chos can nam | źe sdaṅ daṅ bral ba’i chos can ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ źe sdaṅ gi chos can nam | źe sdaṅ med pa’i chos can ma yin te | gzugs daṅ | tshor ba daṅ | ’du śes daṅ (2) ’du byed rnams daṅ | rnam par śes pa źe sdaṅ gi chos ñid kyaṅ ma yin | źe sdaṅ med pa’i chos ñid kyaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni gti mug gi chos can nam | gti mug med pa’i chos can (3) ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ gti mug gi chos can nam gti mug med pa’i chos can ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa gti (4) mug gi chos can yaṅ ma yin | gti mug med pa’i chos can yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs la byed pa po’am | byed du ’jug pa gaṅ yaṅ med do ||
de bźin du tshor ba daṅ | ’du śes daṅ | (5) bdu byed rnams daṅ | rnam par śes pa la yaṅ byed pa po’am | byed du ’jug pa gaṅ yaṅ med de | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa la byed pa po yaṅ med | byed du ’jug pa yaṅ med pa gaṅ yin pa de śes rab (6) kyi pha rol tu phyin pa’o ||
rab kyi rtsal gyis rnam par gnon pa gzugs la sloṅ ba po’am | kun nas sloṅ ba po gaṅ yaṅ med do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la sloṅ ba po’am | kun nas sloṅ ba po gaṅ yaṅ med (7) de | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa la sloṅ ba po yaṅ med | kun nas sloṅ ba po yaṅ med pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs la śes pa’am | (41a1) śes par byed du ’jug pa gaṅ yaṅ med do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la yaṅ śes pa’am | śes par byed du ’jug pa gaṅ yaṅ med de | gzugs daṅ | tshor ba daṅ | ’du śes daṅ | (2) ’du byed rnams daṅ | rnam par śes pa la śes pa po yaṅ med | śes par byed du ’jug pa yaṅ med pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs la tshor ba po ’am | tshor bar byed du ’jug pa gaṅ yaṅ med do ||
(3) de bźin du tshor ba daṅ | ’du śes daṅ | ’du byed rnams daṅ | rnam par śes pa la tshor ba po’am | tshor bar byed du ’jug pa gaṅ yaṅ med de | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa la tshor ba po yaṅ med | tshor (4) bar byed du ’jug pa yaṅ med pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs la śes pa po’am | mthoṅ ba po gaṅ yaṅ med do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la (5) yaṅ śes pa po’am | mthoṅ ba po gaṅ yaṅ med do ||
gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa la śes pa po yaṅ med | mthoṅ ba po yaṅ med pa gaṅ yin pa de śes rab kyi pha rol tu phyin pa’o ||
rab kyi rtsal gyis (6) rnam par gnon pa gzugs la ni chad pa’am | rtag pa med do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la yaṅ chad pa’am | rtag pa med de | gzugs daṅ | tshor ba daṅ | ’du śes daṅ | ’du byed rnams daṅ | rnam par (7) śes pa chad pa yaṅ ma yin | rtag pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni mtha’ ’am | mtha’ med pa ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa (41b1) yaṅ matha’a’ama | mtha’ med pa ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa mtha’ yod pa yaṅ ma yin | mtha’ med pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis (2) rnam par gnon pa gzugs ni lta bar soṅ ba yaṅ ma yin | lta bar soṅ ba spoṅ ba yaṅ ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ lta bar soṅ ba yaṅ ma yin | lta bar soṅ ba spoṅ ba yaṅ ma yin te | gzugs (3) daṅ | tshor ba daṅ | ’du śes daṅ | ’du byed rnams daṅ | rnam par śes pa lta bar soṅ ba yaṅ ma yin | lta bar soṅ ba spoṅ ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni sred pa yaṅ ma yin | sred pa (4) spoṅ ba yaṅ ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa yaṅ sred pa yaṅ ma yin | sred pa spoṅ ba yaṅ ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa sred pa (5) yaṅ ma yin | sred pa spoṅ ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs ni dge ba’am mi dge ba ma yin no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa (6) yaṅ dge ba’am mi dge ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa dge ba yaṅ ma yin | mi dge ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon (7) pa gzugs la ’gro ba’am | ’oṅ ba mi mṅon no ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la yaṅ ’gro ba’am | ’oṅ bar mi mṅon te | gzugs daṅ | tshor ba daṅ | ’du śes daṅ | ’du byed rnams daṅ | rnam par (42a1) śes pa ’gro ba’am | ’oṅ bar yaṅ mi mṅon pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni gnas pa (2) ’am | mi gnas pa ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa gnas pa yaṅ ma yin | mi gnas pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon (3) pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni tshu rol lam | pha rol ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa tshu rol yaṅ ma yin | pha rol yaṅ ma yin pa (4) gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni tshul khrims sam | ’chal ba’i tshul khrims ma yin te | gzugs daṅ | tshor ba daṅ (5) ’du śes daṅ | ’du byed rnams daṅ | rnam par śes pa tshul khrims kyaṅ ma yin | ’chal pa’i tshul khrims kyaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | (6) ’du byed rnams daṅ | rnam par śes pa ni rjes su chags pa’am | khoṅ khro ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa rjes su chags pa yaṅ ma yin | khoṅ khro ba yaṅ ma yin pa gaṅ yin pa de śes rab (7) kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni sbyin par byed pa’am | len pa ma yin te | gzugs daṅ | tshor ba daṅ | ’du śes daṅ | ’du byed rnams (42b1) daṅ | rnam par śes pa sbyin par byed pa yaṅ ma yin | len pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni bzod pa’am | mi (2) bzod pa ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa bzod pa yaṅ ma yin | mi bzod pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor (3) ba daṅ | ’du śes daṅ | ’du byed rnams daṅ | rnam par śes pa ni brtson ’grus sam | le lo ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa brtson ’grus kyaṅ ma yin | le lo yaṅ ma yin pa gaṅ yin pa de (4) śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni tiṅ ṅe ’dzin kyaṅ ma yin | sems rnam par g-yeṅs pa yaṅ ma yin te | gzugs daṅ | tshor ba daṅ | (5) ’du śes daṅ | ’du byed rnams daṅ | rnam par śes pa ni tiṅ ṅe ’dzin kyaṅ ma yin | sems rnam par g-yeṅs pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | (6) ’du byed rnams daṅ | rnam par śes pa ni śes rab kyaṅ ma yin | ’chal pa’i śes rab kyaṅ ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa śes rab kyaṅ ma yin | ’chal pa’i śes rab kyaṅ ma yin pa gaṅ yin (7) pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ ||
’du śes daṅ | ’du byed rnams daṅ | rnam par śes pa ni phyin ci log gam | phyin ci log ma yin pa yaṅ ma yin te | gzugs daṅ | tshor ba daṅ | (43a1) ’du śes daṅ | ’du byed rnams daṅ | rnam par śes pa phyin ci log kyaṅ ma yin | phyin ci log ma yin pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du (2) śes daṅ | ’du byed rnams daṅ | rnam par śes pa ni dran pa ñe bar gźag pa’am | dran pa ñe bar gźag pa ma yin pa yaṅ ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa dran pa yaṅ ma yin | mi dran (3) ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni yaṅ dag pa’i spoṅ ba’am | yaṅ dag pa’i spoṅ ba ma yin pa yaṅ ma (4) yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa yaṅ dag pa’i spoṅ ba yaṅ ma yin | yaṅ dag pa’i spoṅ ba ma yin pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par (5) gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni rdzu ’phrul gyi rkaṅ pa’am | tshad med pa ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa rdzu ’phrul gyi rkaṅ pa (6) yaṅ ma yin | tshad med pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni dbaṅ po daṅ | stobs daṅ | byaṅ chub kyi (7) yan lag daṅ | lam ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa dbaṅ po daṅ | stobs daṅ | byaṅ chub kyi yan lag daṅ | lam ma yin pa gaṅ yin pa de śes rab kyi pha rol tu phyin pa’o ||
rab (43b1) kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni rig pa’am | rnam par grol ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa (2) rig pa yaṅ ma yin | rnam par grol ba yaṅ ma yin pa gaṅ yin pha de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni bsam gtan daṅ | rnam par thar (3) pa daṅ | tiṅ ṅe ’dzin daṅ | sñoms par ’jug pa yaṅ ma yin | mṅon par śes pa yaṅ ma yin | mṅon par śes pa ma yin pa yaṅ ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa bsam gtan daṅ | rnam (4) par thar pa daṅ | tiṅ ṅe ’dzin daṅ | sñoms par ’jug pa yaṅ ma yin | mṅon par śes pa’aṅ ma yin | mṅon par mi śes pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor pa daṅ | (5) ’du śes daṅ | ’du byed rnams daṅ | rnam par śes pa ni stoṅ pa ñid dam | mtshan ma med pa’am | smon pa med pa ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa stoṅ pa ñid kyaṅ ma yin | mtshan ma med pa (6) yaṅ ma yin | smon pa med pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni ’dus byas sam | ’dus ma byas ma yin te | (7) gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ’dus byas kyaṅ ma yin | ’dus ma byas kyaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du (44a1) śes daṅ | ’du byed rnams daṅ | rnam par śes pa ni ’du ba’am | mi ’du ba ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ’du ba yaṅ ma yin | mi ’dub yaṅ ma yin pa gaṅ yin pa de śes (2) rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni śes pa’am | mi śes pa ma yin te | gzugs daṅ | tshor ba daṅ | ’du śes daṅ | ’du byed rnams (3) daṅ | rnam par śes pa śes pa yaṅ ma yin | mi śes pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni rlom sems (4) sam | g-yo ba ’am | spros pa ma mchis te | gzugs daṅ | tshor pa daṅ | ’du śes daṅ | ’du byed rnams daṅ | rnam par śes pa rlom sems ma yin | g-yo ba ma yin | spros pa med pa ma yin pa gaṅ yin pa de śes rab kyi pha rol tu phyin pa’o ||
rab kyi (5) rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni ’du śes ma yin | ’du śes ma yin pa yaṅ ma yin te | gazugasadaṅa | tshor ba daṅ | ’du śes daṅ | ’du byed rnams daṅ | rnam par śes (6) pa’aṅ śes pa yin | ’du śes ma yin pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni ñe bar źi ba yaṅ ma yin | ñe (7) bar ma źi ba yaṅ ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ñe bar źi ba yaṅ ma yin | ñe bar ma źi ba yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon (44b1) pa gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni ldog pa yaṅ ma yin | mi ldog pa yaṅ ma yin te | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ldog pa yaṅ ma yin | mi ldog (2) pa yaṅ ma yin pa gaṅ yin pa de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ phuṅ po lṅa po dag mṅon du ’grub par gtogs pa bstan pa de śes rab kyi pha rol tu phyin pa ma yin gyi | gaṅ phuṅ po lṅa po dag mṅon du ’grub par gtogs pa bstan (3) pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ khams daṅ | skye mched daṅ | rten ciṅ ’brel par ’byuṅ ba mṅon du ’grub (4) par gtogs pa bstan pa de śes rab kyi pa rol tu phyin pa ma yin gyi ga pa bams daṅ | skye mched daṅ | rten ciṅ ’brel par ’byuṅ ba mṅon du ’grub par gtogs pa bstan pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba (5) bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ phyin ci log daṅ | sgrib pa mṅon du ’grub par gtogs pa bstan pa de śes rab kyi pha rol tu phyin pa ma yin gyi gaṅ phyin ci log daṅ | sgrib pa mṅon du ’grub par (6) gtogs pa bstan pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ sred par spyod pa sum cu rtsa drug mṅon du ’grub (7) par gtogs pa bstan pa de śes rab kyi pha rol tu phyin pa ma yin gyi gaṅ sred par spyod pa sum cu rtsa drug mṅon du ’grub par gtogs pa bstan pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de (45a1) śes rab kyi pha rol tu phyin pa’o ||
rab kyi rtsal gyis rnam par gnon pa gaṅ lta bar gyur pa drug cu rtsa gñis mṅon du ’grub par gtogs pa bstan pa de śes rab kyi pha rol tu phyin pa ma yin gyi gaṅ lta bar gyur pa drug cu rtsa gñis mṅon du ’grub par gtogs (2) pa bstan pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ bsam gtan daṅ | rnam par thar pa daṅ | tiṅ ṅe ’dzin (3) daṅ | sñoms par ’jug pa bstan pa de śes rab kyi pha rol tu phyin pa ma yin gyi gaṅ bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa bstan pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | (4) ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ mṅon par śes pa lṅa po dag bstan pa de śes rab kyi pha rol tu phyin pa ma yin gyi gaṅ mṅon par śes pa lṅa bstan pa’i de bźin ñid daṅ | ma nor ba de bźin (5) ñid daṅ | gźan ma yin pa de bźin ñid daṅ | ji lta ba bźin gyid de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ ’dus byas su gtogs pa | ’jig rten gyi dge ba daṅ | mi dge ba’i chos thams cad mṅon du ’grub bar (6) gtogs pa bstan pa de śes rab kyi pha rol tu phyin pa ma yin gyi gaṅ de dag gi de bźin ñid deṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa (7) gaṅ dran pa ñe bar gźag pa daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam mṅon du ’grub par gtogs pa bstan pa de śes rab kyi pha rol tu phyin pa ma yin gyi gaṅ dran pa ñe (45b1) bar gźag pa daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag daṅ | lam mṅon du ’grub par gtogs pa bstan pa’i de bźin ñid daṅ | ma nor ba de bźin ñid daṅ | gźan ma yin pa de (2) bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ ’phags pa’i bden pa bźi bstan pa de śes rab kyi pha rol tu phyin pa ma yin gyi gaṅ ’phags pa’i bden pa bźi bstan pa’i de bźin ñid (3) daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | (4) rnam par grol ba’i ye śes mthoṅ ba rnam par dag pa bstan pa de śes rab kyi pha rol tu phyin pa ma yin gyi gaṅ tshul khrims daṅ | tiṅ ṅe ’dzin daṅ | śes rab daṅ | rnam par grol ba daṅ | rnam par grol ba’i ye śes mthoṅ ba rnam par dag pa bstan pa’i de bźin ñid (5) daṅ | ma nor pa de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ ’dus ma byas su gtogs pa | ’jig rten las ’das pa | mi gnas pa | zag pa (6) med pa’i chos rnams bstan pa de śes rab kyi pha rol tu phyin pa ma yin gyi gaṅ ’dus ma byas su gtogs pa | ’jig rten las ’das pa | mi gnas pa | zag pa med pa’i chos rnams bstan pa ’di bźin ñid daṅ | ma nor ba de bźin ñid daṅ | gźan ma yin pa de bźin (7) ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ stoṅ pa ñid daṅ | mtshan ma med pa daṅ | smon pa med pa daṅ | mi skye ba daṅ | mṅon par ’dus ma byas pa’i chos bstan pa de śes rab kyi pha (46a1) rol tu phyin pa ma yin gyi gaṅ stoṅ pa ñid daṅ | mtshan ma med pa daṅ | smon pa med pa daṅ | mi skye ba daṅ | mṅon par ’dus ma byas pa’i chos bstan pa’i de bźin ñid daṅ | ma nor ba de bźin ñid daṅ | gźan ma yin ba de bźin ñid daṅ | (2) ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa gaṅ rig pa daṅ | rnam par grol ba daṅ | ’dod chags daṅ bral ba daṅ | ’gog pa daṅ | mya ṅan las ’das pa bstan pa de śes rab kyi pha rol tu phyin pa ma yin gyi (3) gaṅ rig pa daṅ | rnam par grol ba daṅ | ’dod chags daṅ bral ba daṅ | ’gog pa daṅ | mya ṅan las ’das pa bstan pa’i de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu (4) phyin pa’o ||
rab kyi rtsal gyis rnam par gnon pa de ci’i phyir źe na | gzugs su gtogs pa śes rab kyi pha rol tu phyin pa ma yin | de bźin du tshor ba daṅ | ’du śes daṅ | ’du byed rnams daṅ | rnam par śes par gtogs pa yaṅ śes rab kyi pha rol tu phyin pa ma (5) yin | sa daṅ | chu daṅ | me daṅ | rluṅ daṅ | nam mkhar gtogs pa yaṅ śes rab kyi pha rol tu phyin pa ma yin | ’dod pa’i khams daṅ | gzugs kyi khams daṅ | gzugs med pa’i khams su gtogs pa yaṅ śes rab kyi pha rol tu phyin pa ma yin | (6) ’dus byas daṅ | ’dus ma byas su gtogs pa yaṅ śes rab kyi pha rol tu phyin pa ma yin | ’jig rten pa daṅ | ’jig rten las ’das pa daṅ | zag pa daṅ bcas pa daṅ | zag pa med pa’i chos su gtogs pa yaṅ śes rab kyi pha rol tu phyin pa ma yin | dge ba (7) daṅ mi dge ba’i chos su gtogs pa yaṅ śes rab kyi pha rol tu phyin pa ma yin | sems can gyi khams su gtogs pa yaṅ śes rab kyi pha rol tu phyin pa ma yin źiṅ | chos de dag las rnam par grol ba yaṅ śes rab kyi pha rol tu phyin pa ma yin pa’i phyir ro ||
(46b1) rab kyi rtsal gyis rnam par gnon pa śes rab kyi pha rol tu phyin pa ni | chos gaṅ du yaṅ gtogs pa yaṅ ma yin | mi gtogs pa yaṅ ma yin te | gaṅ gtogs pa daṅ | gaṅ mi gtogs pa’i chos rnams kyi de bźin ñid daṅ | ma nor ba de bźin ñid daṅ | gźan (2) ma yin pa de bźin ñid daṅ | ji lta ba bźin gyi de bźin ñid de śes rab kyi pha rol tu phyin pa’o ||
rab kyi rtsal gyis rnam par gnon pa de bźin ñid ces bya ba de gaṅ gi tshig bla dgas yin źe na | rab kyi rtsal gyis rnam par gnon pa ji ltar byis pa so so’i skye bo rnams kyis (3) dmigs pa’i chos rnams kyis dmigs pa’i chos de dag ni de bźin du ma yin źiṅ gźan du’aṅ ma yin la | ji ltar chos rnams de bźin gśegs pa daṅ | de bźin gśegs pa’i ñan thos daṅ | byaṅ chub sems dpas mthoṅ ba’i chos de lta bu ni de bźin ñid ma (4) nor ba de bźin ñid daṅ | gźan ma yin pa de bźin ñid de de’i phyir de bźin ñid ces bya’o ||
rab kyi rtsal gyis rnam par gnon pa ’di ni byaṅ chub sems dpa’ sems dpa’ chen po rnams kyi śes rab kyi pha rol tu phyin pa bstan pa’o ||
rab kyi rtsal gyis rnam par gnon pa (5) śes rab kyi pha rol tu phyin pa ’di ni chos gaṅ ’bri ba’i phyir ram | ’phel ba’i phyir ñe bar gnas pa ma yin no ||
chos gaṅ ’du ba’i phyir ram | ’bral ba’i phyir ram | bri ba’i phyir ram | gaṅ ba’i phyir ram | stsogs pa’i phyir ram | mi stsogs pa’i phyir ram | ’pho ba’i phyir (6) ram | mi ’pho ba’i phyir ram | skye ba’i phyir ram | ’gog pa’i phyir ram | kun nas ñon moṅs pa’i phyir ram | rnam par byaṅ ba’i phyir ram | ’jug pa’i phyir ram | ldog pa’i phyir ram | kun ’byuṅ ba’i phyir ram | nub pa’i phyir ram | mtshan ñid kyi phyir ram | mñam pa’i (7) phyir ram | mi mñam pa’i phyir ram | kun rdzob kyi phyir ram | don dam pa’i phyir ram | bde ba’i phyir ram | sdug bsṅal gyi phyir ram | rtag pa’i phyir ram | mi rtag pa’i phyir ram | sdug pa’i phyir ram | mi sdug pa’i phyir ram | bdag gi phyir ram | bdag (47a1) med pa’i phyir ram | bden pa’i phyir ram | brdzun pa’i phyir ram | byed pa po’i phyir ram | byed pa po med pa’i phyir ram | ’byuṅ ba’i phyir ram | mi ’byuṅ ba’i phyir ram | ṅo bo ñid kyi phyir ram | ṅo bo ñid med pa’i phyir ram | ’chi ’pho ba’i phyir ram | (2) skye ba’i phyir ram | skyes pa’i phyir ram | mṅon par ’grub pa’i phyir ram | skye ba’i phyir ram | skye ba kun ’byuṅ ba’i phyir ram | tshogs pa’i phyir ram | ma tshogs pa’i phyir ram | ’dod chags daṅ bcas pa’i phyir ram | ’dod chags daṅ bral ba’i phyir ram | źe sdaṅ (3) daṅ bcas pa’i phyir ram | źe sdaṅ daṅ bral ba’i phyir ram | gti mug daṅ bcas pa’i phyir ram | gti mug daṅ bral ba’i phyir ram | phyin ci log gi phyir ram | phyin ci log ma yin pa’i phyir ram | dmigs pa’i phyir ram | dmigs pa med pa’i phyir ram | zad pa’i phyir (4) ram | mi zad pa’i phyir ram | śes pa’i phyir ram | mi śes pa’i phyir ram | mtho ba’i phyir ram | dma’ ba’i phyir ram | phan pa’i phyir ram | mi phan pa’i phyir ram | ’gro ba’i phyir ram | mi ’gro ba’i phyir ram | yod pa’i phyir ram | med pa’i phyir ram | rjes su (5) chags pa’i phyir ram | khoṅ khro ba’i phyir ram | snaṅ ba’i phyir ram | mun pa’i phyir ram | le lo’i phyir ram | brtson ’grus brtsam pa’i phyir ram | stoṅ pa ñid kyi phyir ram | stoṅ pa ñid ma yin pa’i phyir ram | mtshan ma’i phyir ram | mtshan ma med pa’i phyir ram | (6) smon pa’i phyir ram | smon pa med pa’i phyir ram | mṅon par ’du byed pa’i phyir ram | mṅon par ’du mi byed pa’i phyir ram | nub pa’i phyir ram | nub pa ma yin pa’i phyir ram | rig pa’i phyir ram | rnam par grol ba’i phyir ram | źi ba’i phyir ram | ñe bar ma źi (7) ba’i phyir ram | ’grub pa’i phyir ram | mi ’grub pa’i phyir ram | tshul bźin gyi phyir ram | tshul bźin ma yin pa’i phyir ram | yoṅs su śes pa’i phyir ram | yoṅs su mi śes pa’i phyir ram | ṅes par ’byuṅ ba’i phyir ram | ṅes par ’byuṅ ba ma yin pa’i phyir (47b1) ram | ’dul ba’i phyir ram | ’dul ba ma yin pa’i phyir ram | tshul khrims kyi phyir ram | ’chal pa’i tshul khrims kyi phyir ram | rnam par g-yeṅ ba’i phyir ram | rnam par g-yeṅ ba ma yin pa’i phyir ram | śes rab kyi phyir ram | ’chal pa’i śes rab (2) kyi phyir ram | rnam par śes pa’i phyir ram | rnam par śes pa ma yin pa’i phyir ram | gnas pa’i phyir ram | mi gnas pa’i phyir ram | skal ba mñam pa’i phyir ram | skal pa mi mñam pa’i phyir ram | ’byuṅ ba’i phyir ram | ’jig pa’i phyir ram | thob pa’i (3) phyir ram | ma thob pa’i phyir ram | mṅon par rtogs pa’i phyir ram | mṅon par rtogs pa ma yin pa’i phyir ram | mṅon sum du bya ba’i phyir ram | mṅon sum du bya ba ma yin pa’i phyir ram | rab tu rtogs pa’i phyir ram | rab tu ma rtogs pa’i phyir ñe bar gnas pa ma (4) yin no ||
de bźin ñid kyi le’u ste gsum pa’o ||
bam po gsum pa | rab kyi rtsal gyis rnam par gnon pa ’di lta ste | dper na skyes bu rmi lam rmis pas rmi lam gyi raṅ bźin bśad pa ston kyaṅ | rmi lam gyi raṅ bźin bstan pa med do ||
de ci’i (5) phyir źe na | rmi lam ñid kyaṅ med na rmi lam gyi raṅ bźin bstan pa lta ga la yod | rab kyi rtsal gyis rnam par gnon pa de bźin du śes rab kyi pha rol tu phyin pa’i raṅ bźin ston kyaṅ | śes rab kyi pha rol tu phyin pa’i raṅ bźin gaṅ yaṅ med do ||
rab kyi rtsal gyis (6) rnam par gnon pa ’di lta ste | dper na rmi lam ni chos gaṅ bstan par yaṅ ñe bar gnas pa ma yin no ||
de bźin du śes rab kyi pha rol tu phyin pa yaṅ chos gaṅ bstan par yaṅ ñe bar gnas pa ma yin no ||
rab kyi rtsal gyis rnam par gnon pa ’di lta ste | dper na sgyu ma (7) mthoṅ ba’i skyes bu sgyu ma’i raṅ bźin bśad pa ston kyaṅ sgyu ma’i raṅ bźin gaṅ yaṅ med na | sgyu ma’i raṅ bźin bstan pa’i ṅo bo ñid lta ga la yod | de bźin du śes rab kyi pha rol tu phyin pa ston kyaṅ śes rab kyi rab kyi pha rol tu phyin pa’i raṅ bźin bstan pa gaṅ yaṅ med do ||
(48a1) rab kyi rtsal gyis rnam par gnon pa ’di lta ste | dper na sgyu ma ni chos gaṅ mṅon par ’grub pa’i phyir yaṅ ñe bar gnas pa ma yin no ||
de bźin du śes rab kyi pa rol tu phyin pa yaṅ chos gaṅ mṅon par ’grub pa’i phyir yaṅ ñe bar gnas pa ma (2) yin no ||
rab kyi rtsal gyis rnam par gnon pa ’di lta ste | dper na mig yor mthoṅ ba’i skyes bu mig yor gyi raṅ bźin ston kyaṅ mig yor gyi raṅ bźin gaṅ yaṅ med na | mig yor gyi raṅ bźin bstan pa lta ga la yod | rab kyi rtsal gyis rnam par gnon pa de bźin (3) du śes rab kyi pha rol tu phyin pa ston kyaṅ śes rab kyi pha rol tu phyin pa’i raṅ bźin gaṅ yaṅ med na śes rab kyi pha rol tu phyin pa’i raṅ bźin bstan pa lta ga la yod | rab kyi rtsal gyis rnam par gnon pa ’di lta ste | dper na mig yor ni chos gaṅ bstan par yaṅ ñe bar gnas pa (4) ma yin no ||
de bźin du śes rab kyi pha rol tu phyin pa yaṅ chos gaṅ bstan par yaṅ ñe bar gnas pa ma yin no ||
rab kyi rtsal gyis rnam par gnon pa ’di lta ste | dper na smig rgyu mthoṅ ba’i skyes bu smig rgyu bśad pa ston kyaṅ smig rgyu bstan pa gaṅ yaṅ med na smig rgyu bstan (5) pa’i raṅ bźin lta ga la yod | rab kyi rtsal gyis rnam par gnon pa de bźin du śes rab kyi pha rol tu phyin pa ston kyaṅ śes rab kyi pha rol tu phyin pa’i raṅ bźin bstan pa gaṅ yaṅ med do ||
rab kyi rtsal gyis rnam par gnon pa ’di lta ste | dper na smig rgyu ni chos gaṅ bstan (6) par yaṅ ñe bar gnas pa ma yin no ||
de bźin du śes rab kyi pha rol tu phyin pa yaṅ chos gaṅ bstan par yaṅ ñe bar gnas pa ma yin no ||
rab kyi rtsal gyis rnam par gnon pa ’di lta ste | dper na brag ca’i spyod yul la gnas pa’i skyes bus | brag ca’i sgra thos kyi de ni mi (7) mthoṅ ste | nam bdag gis sgra phyuṅ ba de’i tshe sgra thos so ||
de bźin du śes rab kyi pha rol tu phyin pa bstan pa’i tshig thos par ’gyur yaṅ chos gaṅ bstan pa thos par ’gyur ba med de | gźan du na nam mṅon par bśad pa de’i tshe kun śes śiṅ thos pa’i lam du ’gyur ro ||
(48b1) rab kyi rtsal gyis rnam par gnon pa ’di lta ste | dper na lbu ba rdos pa mthoṅ ba’i skyes bu lbu ba rdos pa’i raṅ bźin ston kyaṅ lbu ba rdos pa’i raṅ bźin naṅ daṅ phyi nas kyaṅ mi dmigs na de bstan pa’i raṅ bźin dmigs par lta ga la ’gyur | rab kyi rtsal gyis rnam par (2) gnon pa de bźin du śes rab kyi pha rol tu phyin pa ston kyaṅ śes rab kyi pha rol tu phyin pa’i raṅ bźin yaṅ mi dmigs so ||
rab kyi rtsal gyis rnam par gnon pa ’di lta ste | dper na lbu ba rdos pa de ni chos gaṅ mṅon par ’grub pa’i raṅ bźin du yaṅ ñe bar mi ’gro’o ||
rab kyi (3) rtsal gyis rnam par gnon pa de bźin du śes rab kyi pha rol tu phyin pa yaṅ chos gaṅ mṅon par ’grub pa’i raṅ bźin du yaṅ ñe bar mi ’gro’o ||
rab kyi rtsal gyis rnam par gnon pa ’di lta ste | dper na chu’i chu bur mthoṅ ba’i skyes bu chu’i chu bur gyi raṅ bźin ston kyaṅ | (4) chu’i chu bur gyi raṅ bźin yaṅ stoṅ na chu’i chu bur gyi raṅ bźin bstan pa lta ga la yod | rab kyi rtsal gyis rnam par gnon pa de bźin du śes rab kyi pha rol tu phyin pa ston kyaṅ śes rab kyi pha rol tu phyin pa’i raṅ bźin med do ||
rab kyi rtsal gyis rnam par gnon pa ’di lta ste | (5) dper na chu’i chu bur ni chos gaṅ mṅon par ’grub pa ’byuṅ bar ñe bar gnas pa ma yin no ||
rab kyi rtsal gyis rnam par gnon pa de bźin du śes rab kyi pha rol tu phyin pa yaṅ chos gaṅ mṅon par ’grub pa ’byuṅ bar ñe bar gnas pa ma yin no ||
rab kyi rtsal gyis rnam par (6) gnon pa ’di lta ste | dper na skyes bus chu śiṅ gi sñiṅ po kun du btsal kyaṅ mi rñed mod kyi ’on kyaṅ de’i ’dab ma rnams kyis dgos pa byed do ||
rab kyi rtsal gyis rnam par gnon pa de bźin du śes rab kyi pha rol tu phyin pa yaṅ sñiṅ po med mod gyi | śes rab kyi pha (7) rol tu phyin pas dgos pa byed do ||
rab kyi rtsal gyis rnam par gnon pa ’di lta ste | dper na skyes bu nam mkha’ ston par tha sñad ’dogs kyaṅ nam mkha’ la ni bstan pa ci yaṅ med do ||
rab kyi rtsal gyis rnam par gnon pa de bźin du śes rab kyi pha rol tu phyin pa (49a1) źes tha sñad ’dogs kyaṅ chos gaṅ yaṅ bstan par yaṅ tha sñad gdags par bya ba ma daṅ ||
rab kyi rtsal gyis rnam par gnon pa ’di lta ste | dper na nam mkha’ źes tha sñad ’dogs kyaṅ chos gaṅ bstan par yaṅ yoṅs su ’grub ciṅ tha sñad gdags (2) pa med do ||
rab kyi rtsal gyis rnam par gnon pa de bźin du śes rab kyi pha rol tu phyin pa źes tha sñad ’dogs kyaṅ tshig gaṅ bstan par yaṅ tha sñad du gdags pa med do ||
rab kyi rtsal gyis rnam par gnon pa ’di lta ste | dper na grib ma daṅ ñin logs źes tha sñad du (3) ’dogs kyaṅ de gñis ni chos gaṅ yoṅs su ma grub pa’i phyir yaṅ ñe bar mi gnas la snaṅ ba yaṅ mṅon no ||
rab kyi rtsal gyis rnam par gnon pa de bźin du śes rab kyi pha rol tu phyin pa źes tha sñad ’dogs pa’i tshig tu ’gro yaṅ chos gaṅ bstan par yaṅ tha sñad kyi tshig tu yaṅ (4) mi ’gro la | chos rnams snaṅ bar yaṅ byed do ||
rab kyi rtsal gyis rnam par gnon pa ’di lta ste | dper na nor bu rin po che sbyaṅs pa ni snaṅ ba chen por ñe bar gnas par gyur kyaṅ snaṅ ba de naṅ ṅam | phyi rol na yaṅ med do ||
rab kyi rtsal gyis rnam par gnon pa de bźin du (5) śes rab kyi pha rol tu phyin pa snaṅ ba’i bya ba chen pos ñe bar gnas kyaṅ snaṅ ba de ni naṅ ṅam | phyi rol du mthoṅ bar ñe bar mi ’gro’o ||
rab kyi rtsal gyis rnam par gnon pa ’di lta ste | dper na yuṅs mar gyi mar me bus na de’i ’od ’phro ba yud tsam yaṅ mi gnas mod kyi snaṅ (6) bar yaṅ byed de | snaṅ ba des gzugs rnams kyaṅ mthoṅ bar ’gyur ro ||
rab kyi rtsal gyis rnam par gnon pa de bźin du śes rab kyi pha rol tu phyin pa chos gaṅ la yaṅ mi gnas mod kyi chos rnams kyi snaṅ ba’i bya ba yaṅ byed do ||
snaṅ ba des ’phags pa rnams chos (7) thams cad yaṅ dag pa ji lta ba bźin du mthoṅ bar ’gyur ro ||
de nas bcom ldan ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das śes rab kyi pha rol tu phyin pa bstan pa daṅ | śes rab kyi pha rol tu phyin pa yoṅs su ma grub pa (49b1) bstan pa ṅo mtshar lags so ||
de skad ces gsol pa daṅ | bcom ldan ’das kyis tshe daṅ ldan pa śa ra dwa ti’i bu la ’di skad ces bka’ stsal to ||
de de bźin te | ś ri’i bu de de bźin no ||
gzugs yoṅs su ma grub pas śes rab kyi pha rol tu phyin pa (2) yoṅs su ma grub po ||
tshor ba daṅ | ’du śes daṅ | ’du byed rnams daṅ | rnam par śes pa yoṅs su ma grub pas śes rab kyi pha rol tu phyin pa yoṅs su ma grub bo ||
ma rig pa yoṅs su ma grub pas śes rab kyi pha rol tu phyin pa yoṅs su ma grub bo ||
(3) ’du byed yoṅs su ma grub pa daṅ | rnam par śes pa yoṅs su ma grub pa daṅ | miṅ daṅ gzugs yoṅs su ma grub pa daṅ | skye mched drug yoṅs su ma grub pa daṅ | reg pa yoṅs su ma grub pa daṅ | tshor ba yoṅs su ma grub pa daṅ | sred pa yoṅs su ma grub (4) pa daṅ | len pa yoṅs su ma grub pa daṅ | srid pa yoṅs su ma grub pa daṅ | skye ba yoṅs su ma grub pa daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa yoṅs su ma grub (5) pas śes rab kyi pha rol tu phyin pa yoṅs su ma grub bo ||
khams daṅ | skye mched yoṅs su ma grub pas śes rab kyi pha rol tu phyin pa yoṅs su ma grub bo ||
mi rtag pa daṅ | sdug bsṅal ba daṅ | bdag med pa daṅ | źi ba daṅ | phyin ci log daṅ | sgrib pa daṅ | (6) lṅa ba rnam par spyod pa daṅ | sogs pa daṅ | ñe bar sogs pa yoṅs su ma grub pas śes rab kyi pha rol tu phyin pa yoṅs su ma grub bo ||
bde ba daṅ | sdug bsṅal ba daṅ | bde ba yaṅ ma yin | sdug bsṅal ba yaṅ ma yin pa yoṅs su ma grub pas śes rab kyi pha rol (7) tu phyin pa yoṅs su ma grub bo ||
skye ba daṅ | ’jig pa daṅ | gnas pa daṅ | gźan du ’gyur ba yoṅs su ma grub pas śes rab kyi pha rol tu phyin pa yoṅs su ma grub bo ||
kun ’byuṅ ba daṅ | nub pa daṅ | bdag daṅ | sems can daṅ | srog daṅ | gso (50a1) pa daṅ | skyes bu daṅ | gaṅ zag daṅ | śed las skyes daṅ | śed bu daṅ | byed pa po daṅ | byed du ’jug pa daṅ | sloṅ ba po daṅ | kun nas sloṅ ba po daṅ | tshor ba po daṅ | tshor bar byed pa po daṅ | śes par byed pa daṅ | śes par byed du (2) ’jug pa yoṅs su ma grub pas śes rab kyi pha rol tu phyin pa yoṅs su ma grub bo ||
bden pa daṅ | brdzun pa daṅ | ’dus byas daṅ | ’dus ma byas daṅ | ’gro ba daṅ | mi ’gro ba daṅ | mthoṅ ba daṅ bcas pa daṅ | mi mthoṅ ba daṅ | naṅ daṅ phyi yoṅs su ma grub (3) pas śes rab kyi pha rol tu phyin pa yoṅs su ma grub bo ||
sa daṅ | chu daṅ | me daṅ | rluṅ daṅ | ’dod pa daṅ | gzugs daṅ | gzugs med pa daṅ | nam mkha’ daṅ | rnam par śes pa daṅ | chos kyi khams yoṅs su ma grub pas śes rab kyi pha rol tu phyin pa yoṅs (4) su ma grub bo ||
las kyi rnam par smin pa daṅ | rgyu daṅ | rkyen daṅ | chad pa daṅ | rtag pa daṅ | ’das pa daṅ | ma ’oṅs pa daṅ | da ltar byuṅ ba daṅ | sṅon gyi mtha’ daṅ | phyi ma’i mtha’ daṅ | dbus daṅ | tshul khrims daṅ | ’chal pa’i tshul khrims daṅ | bzod (5) pa daṅ | gnod sems daṅ | brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’chal pa’i śes rab daṅ | sems daṅ | yid daṅ | rnam par śes pa daṅ | de ma thag pa daṅ | ’chi ’pho daṅ | skye ba daṅ | kun nas ñon (6) moṅs pa daṅ | rnam par byaṅ pa daṅ | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ ba daṅ | dbaṅ po daṅ | stobs daṅ | byaṅ chub kyi yan lag daṅ | lam daṅ | ’phags pa’i bden pa daṅ | tshad med pa daṅ | bsam gtan daṅ | (7) rnam par thar pa daṅ | tiṅ ṅe ’dzin daṅ | sñoms par ’jug pa daṅ | mṅon par śes pa daṅ | stoṅ pa ñid daṅ | mtshan ma med pa daṅ | smon pa med pa daṅ | dge ba daṅ | mi dge ba daṅ | zag pa daṅ bcas pa daṅ | zag pa med pa daṅ | ’jig rten pa daṅ | ’jig (50b1) rten las ’das pa daṅ | kha na ma tho ba daṅ bcas pa daṅ | kha na ma tho ba med pa daṅ | ’dus byas daṅ | ’dus ma byas daṅ | luṅ du bstan pa daṅ | luṅ du ma bstan pa daṅ | dkar po daṅ | nag po daṅ | dkar nag ma yin pa daṅ | gtogs pa daṅ | mi gtogs pa (2) daṅ | ṅan pa daṅ | bzaṅ po daṅ | ’briṅ daṅ | ’dod chags daṅ | źe sdaṅ daṅ | gti mug daṅ | mthoṅ ba daṅ | thos pa daṅ | bye brag phyed pa daṅ | rnam par śes pa daṅ | rlom sems daṅ | gnas pa daṅ | rnam par rtog pa daṅ | dpyod pa daṅ | rnam par dpyod (3) pa daṅ | dmigs pa daṅ | sgyu daṅ | phrag dog daṅ | ser sna daṅ | ’du ba daṅ | gñis kyi mtshan ñid daṅ | ma skyes pa daṅ | mṅon par ’du mi byed pa daṅ | źi gnas daṅ | lhag mthoṅ daṅ | rig pa daṅ | rnam par grol ba daṅ | zad pa daṅ | ’dod chags daṅ (4) bral ba daṅ | ’gog pa daṅ | phuṅ po thams cad ṅes par ’dor ba daṅ | ’byuṅ ba daṅ | kun rdzob pa daṅ | don dam pa daṅ | ñan thos kyis daṅ | raṅ saṅs rgyas kyi sa daṅ | thams cad mkhyen pa’i ye śes daṅ | chags pa med pa’i ye śes daṅ | raṅ byuṅ gi ye (5) śes daṅ | mi mñam pa daṅ mñam pa’i ye śes daṅ | byaṅ chub sems dpa’i smon lam daṅ | ñan thos kyi dge ’dun daṅ | raṅ saṅs rgyas kyi phun sum tshogs pa daṅ | tshad med par gtogs pa daṅ | mi mñam pa daṅ mñam pa’i chos kyi ye śes daṅ | chos thams (6) cad kyi ji lta ba bźin bstan du med pa daṅ | chos thams cad śes pa daṅ | mthoṅ ba yoṅs su ma grub pas śes rab kyi pha rol tu phyin pa yoṅs su ma grub bo ||
bsil bar gyur pa daṅ | źi ba daṅ | rab tu źi ba yoṅs su ma grub pas śes rab kyi pha rol tu phyin pa yoṅs (7) su ma grub bo ||
sems can yoṅs su smin par bya ba yoṅs su ma grub pas śes rab kyi pha rol tu phyin pa yoṅs su ma grub bo ||
mtshan phun sum tshogs pa daṅ | saṅs rgyas kyi źiṅ yoṅs su dag pa daṅ | saṅs rgyas kyi stobs daṅ | mi ’jigs pa daṅ | saṅs (51a1) rgyas kyi chos ma ’dres pa bcwa brgyad yoṅs su ma grub pas śes rab kyi pha rol tu phyin pa yoṅs su ma grub bo ||
mya ṅan las ’das pa yoṅs su ma grub pas śes rab kyi pha rol tu phyin pa yoṅs su ma grub bo ||
dge ba daṅ | mi dge ba’i chos thams (2) cad kyi bar du yoṅs su ma grub pas śes rab kyi pha rol tu phyin pa yoṅs su ma grub ste | de bźin du thams cad la yaṅ rgyas par sbyar ro ||
ś ri’i bu ’di lta ste | dper na nam mkha’ ni gzugs med | bstan du med | dṅos po med de | yoṅs su ma grub bo ||
(3) de bźin du śes rab kyi pha rol tu phyin pa yaṅ gzugs med | bstan du med | dṅos po med de yoṅs su ma grub pa’o ||
ś ri’i bu ’di lta ste | dper na ’a’aja ni tshon gyi rnam pa sna tshogs su kun du snaṅ yaṅ de la tshon gaṅ yaṅ yoṅs su grub pa med de mi dmigs so ||
de bźin (4) du śes rab kyi pha rol tu phyin pa yaṅ bstan pa sna tshogs su ñe bar gnas mod kyi de la bstan pa’i raṅ bźin mi dmigs so ||
ś ri’i bu ’di lta ste | dper na nam mkha’ la sor mo lṅa yoṅs su grub par sṅon nam yaṅ sus kyaṅ ma mthoṅ ṅo ||
ś ri’i bu de bźin du (5) śes rab kyi pha rol tu phyin pa yoṅs su grub pa’i raṅ bźin sṅon nam yaṅ sus kyaṅ ma mthoṅ ṅo ||
de skad ces bka’ stsal pa daṅ | bcom ldan ’das la tshe daṅ ldan pa ś ri’i bus ’di skad ces gsol to ||
bcom ldan ’das śes rab kyi pha rol tu phyin pa ’di ni mthoṅ (6) bar dka’ ba lags so ||
bka’ stsal pa | ś ri’i bu ’di ltar su la yaṅ mthoṅ bar ñe bar mi ’gro’o ||
gsol pa | bcom ldan ’das śes rab kyi pha rol tu phyin pa ni khoṅ du chud par dka’ ba lags so ||
bka’ stsal pa | ś ri’i bu ’di ltar ’di la ni gaṅ mṅon par (7) rdzogs pa yoṅs su grub pa’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni bstan du ma mchis pa lags so ||
bka’ stsal pa | ś ri’i bu ’di ltar chos gaṅ bstan par yaṅ ñe bar gnas pa (51b1) ma yin no ||
gsol pa | bcom ldan ’das śes rab kyi pha rol tu phyin pa ’di ni raṅ bźin ma mchis pa lags so ||
bka’ stsal pa | ś ri’i bu gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa raṅ bźin med pas śes (2) rab kyi pha rol tu phyin pa ’di raṅ bźin med do ||
khams daṅ | skye mched daṅ | rten ciṅ ’brel par ’byuṅ ba raṅ bźin med pas śes rab kyi pha rol tu phyin pa raṅ bźin med do ||
phyin ci log daṅ | sgrib pa daṅ | lta bar gyur pa daṅ | sred pa rnam par spyod pa raṅ bźin med pas (3) śes rab kyi pha rol tu phyin pa raṅ bźin med do ||
bdag daṅ | sems can daṅ | srog daṅ | gso ba daṅ | skyes bu daṅ | gaṅ zag daṅ | śed las skyes daṅ | śed bu daṅ | byed pa po daṅ | byed du ’jug pa daṅ | sloṅ ba po daṅ | kun nas sloṅ ba po daṅ | tshor (4) ba po daṅ | tshor bar byed pa po raṅ bźin med pas śes rab kyi pha rol tu phyin pa raṅ bźin med do ||
sa daṅ | chu daṅ | me daṅ | rluṅ daṅ | nam mkha’ daṅ | rnam par śes pa daṅ | chos kyi khams kyi raṅ bźin med pas śes rab kyi pha rol tu phyin pa raṅ bźin med do ||
(5) ’dod pa daṅ | gzugs daṅ | gzugs med pa’i khams raṅ bźin med pas śes rab kyi pha rol tu phyin pa raṅ bźin med do ||
tshul khrims daṅ | ’chal pa’i tshul khrims daṅ | bzod pa daṅ | gnod sems daṅ | brtson ’grus daṅ | le lo daṅ | bsam gtan (6) daṅ | rnam par g-yeṅ ba daṅ | śes rab daṅ | ’chal pa’i śes rab raṅ źin med pas śes rab kyi pha rol tu phyin pa raṅ bźin med do ||
byaṅ chub kyi phyogs kyi chos rnams raṅ bźin med pas śes rab kyi pha rol tu phyin pa raṅ bźin med do ||
’phags pa’i (7) bden pa daṅ | źi gnas daṅ | lhag mthoṅ daṅ | mṅon par śes pa daṅ | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’dzug pa raṅ bźin med pas śes rab kyi pha rol tu phyin pa raṅ bźin med do ||
rig pa daṅ | rnam par grol ba raṅ (52a1) bźin med pas śes rab kyi pha rol tu phyin pa raṅ bźin med do ||
zad pa daṅ | ’dod chags daṅ bral ba daṅ | ’gog pa raṅ bźin med pas śes rab kyi pha rol tu phyin pa raṅ bźin med do ||
mi skye ba śes pa daṅ | ’gog pa śes pa raṅ bźin med pas (2) śes rab kyi pha rol tu phyin pa raṅ bźin med do ||
mya ṅan las ’das pa raṅ bźin med pas śes rab kyi pha rol tu phyin pa raṅ bźin med do ||
ñan thos kyis daṅ | raṅ saṅs rgyas kyis daṅ | saṅs rgyas kyis raṅ bźin med pas śes rab kyi pha rol tu phyin pa raṅ bźin med do ||
(3) don dam pa śes pa bstan pa daṅ | kun rdzob raṅ bźin med pas śes rab kyi pha rol tu phyin pa raṅ bźin med do ||
chags pa med pa’i ye śes daṅ | thams cad mkhyen pa’i ye śes raṅ bźin med pas śes rab kyi pha rol tu phyin pa raṅ bźin med do ||
de skad ces bka’ stsal (4) pa daṅ | bcom ldan ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das śes rab kyi pha rol tu phyin pa ’di ni chos gaṅ yoṅs su grub pa’i slad du ñe bar gnas pa ma lags | ’gog pa’i slad du ma lags so ||
bka’ stsal pa | ś ri’i bu ’di (5) ltar śes rab kyi pha rol tu phyin pa ni chos gaṅ skye ba’i phyir ram yoṅs su grub pa’i phyir ram | ’gog pa’i phyir ram | bdag med pa’i phyir ñe bar gnas pa ma yin no ||
gsol pa | bcom ldan ’das śes rab kyi pha rol tu phyin pa ’di ni chos gaṅ la yaṅ dmigs pa’i tshul (6) gyis ñe bar gnas pa ma lags so ||
bka’ stsal pa | ś ri’i bu ’di ltar chos ñid kyaṅ med na gaṅ la dmigs par ’gyur te | ’di ltar chos thams cad dmigs pa med do ||
gsol pa | bcom ldan ’das śes rab kyi pha rol tu phyin pa ’di ni chos gaṅ ’bri ba’am | ’phel (7) ba’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ ’bri bar ’gyur ba’am | ’phel bar ’gyur ba’i chos gaṅ yaṅ yaṅ dag par rjes su mi mthoṅ ṅo ||
gsol pa | bcom ldan ’das śes rab (52b1) kyi pha rol tu phyin pa ’di ni chos gaṅ las yaṅ dag par ’da’ ba’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ’di ni yaṅ dag par ’da’ bar bya ba’i chos gaṅ yaṅ mi dmigs so ||
gsol pa | bcom ldan (2) ’das śes rab kyi pha rol tu phyin pa ’di ni chos gaṅ yaṅ ’bri ba’am | sogs pa’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ ’bri ba’am | sogs par ’gyur ba’i chos gaṅ yaṅ mi dmigs (3) so | |gsol pa | bcom ldan ’das śes rab kyi pha rol tu phyin pa ’di ni chos gaṅ yaṅ ’du ba’am | ’bral ba’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ’di ni kun du sbyor ba’am | kun du mi sbyor ba’i (4) chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ gi tshul lam | tshul ma lags pa’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ (5) bkur ba’am | rnam par bkur ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ la yaṅ phan pa’am | gnod pa’i slad du ñe bar gnas pa ma lags so ||
bka’ stsal pa | ś ri’i bu ’di (6) ltar śes rab kyi pha rol tu phyin pa ni gaṅ la phan pa’am | gnod par bya ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ ’byuṅ ba’am | mi ’byuṅ ba’i slad du ñe bar gnas pa ma lags so ||
bka’ (7) stsal pa | ś ri’i bu ’di ltar śes rab kyi pha rol tu phyin pa ’di ni chos gaṅ ’byuṅ ba’am | mi ’byuṅ ba’i chos | ṅa yaṅ mi damagisa so ||
gsol pa | bcom ldan ’das śes rab kyi pha rol tu phyin pa ’di ni chos gaṅ la yaṅ sbyor ba’am | mi sbyor ba’i slad du (53a1) ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ sbyor ba’am | mi sbyor ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di (2) ni chos gaṅ daṅ yaṅ gnas pa’am | mi gnas pa’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ’di ni chos gaṅ gnas par byed pa’am | gnas par mi byed pa’i chos gaṅ yaṅ mi dmigs so ||
(3) gsol pa | bcom ldan ’das śes rab kyi pha rol tu phyin pa ’di ni chos gaṅ ’jug pa’am | ldog pa’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ ’jug pa’am | ldog pa’i chos gaṅ yaṅ (4) mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ gi bya ba’am | byed pa’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ gi bya ba’am | byed (5) par ’gyur ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ gi mñam pa’am | mi mñam pa’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu (6) phyin pa ni chos gaṅ mñam pa’am | mi mñam pa’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ yaṅ sdud pa’am | kun sdud pa’i slad du ñe bar gnas pa ma lags so ||
bka’ rtsal pa | ś ri’i (7) bu ’di ltar śes rab kyi pha rol tu phyin pa ni chos gaṅ bsdu bar bya ba’am | dor bar bya ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni bgyi ba gaṅ gis kyaṅ ñe bar gnas pa ma lags so ||
bka’ stsal pa | (53b1) ś ri’i bu ’di ltar śes rab kyi pha rol tu phyin pa ni chos gaṅ bya ba byed pa’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni zab pa lags so ||
bka’ stsal pa | ś ri’i bu gzugs zab pas śes rab kyi pha rol (2) tu phyin pa zab bo ||
ś ri’i bu tshor ba daṅ | ’du śes daṅ | ’du byed rnams daṅ | rnam par śes pa zab pas śes rab kyi pha rol tu phyin pa zab bo ||
ma rig pa zab pas śes rab kyi pha rol tu phyin pa zab bo ||
’du byed daṅ | rnam par śes pa daṅ | miṅ daṅ | (3) gzugs daṅ | skye mched drug daṅ | reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa zab pas (4) śes rab kyi pha rol tu phyin pa zab bo ||
phyin ci log zab pas śes rab kyi pha rol tu phyin pa zab bo ||
sgrib pa lṅa zab pas śes rab kyi pha rol tu phyin pa zab bo ||
lta ba zab pas śes rab kyi pha rol tu phyin pa zab bo ||
bdag zab pas śes rab kyi pha rol tu phyin pa zab (5) bo ||
sems can zab pas śes rab kyi pha rol tu phyin pa zab bo ||
spros pa zab pas śes rab kyi pha rol tu phyin pa zab bo ||
spros pa med pa zab pas śes rab kyi pha rol tu phyin pa zab bo ||
tshul khrims daṅ | ’chal pa’i tshul khrims zab pas śes rab kyi pha (6) rol tu phyin pa zab bo ||
bzod pa daṅ | gnod sems daṅ | brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’chal pa’i śes rab daṅ | dbaṅ po daṅ | stobs daṅ | byaṅ chub kyi yan lag daṅ | dran pa ñe bar (7) gźag pa daṅ | yaṅ dag par spoṅ ba daṅ | phyin ci ma log pa daṅ | lam yan lag brgyad pa daṅ | sdug bsṅal ba daṅ | kun ’byuṅ ba daṅ | ’gog pa daṅ | lam daṅ | rnam par grol ba’i ye śes mthoṅ ba daṅ | ’das pa daṅ | ma ’oṅs pa daṅ | da ltar (54a1) byuṅ ba daṅ | dus gsum mñam pa ñid zab pas śes rab kyi pha rol tu phyin pa zab bo ||
mi ’jigs pa bźi daṅ | rdzu ’phrul gyi rkaṅ pa daṅ | mṅon par śes pa zab pas śes rab kyi pha rol tu phyin pa zab bo ||
’das pa daṅ | ma ’oṅs pa daṅ | (2) da ltar byuṅ ba la thogs pa med pa’i ye śes zab pas śes rab kyi pha rol tu phyin pa zab bo ||
saṅs rgyas daṅ | chos daṅ | dge ’dun zab pas śes rab kyi pha rol tu phyin pa zab bo ||
zad pa śes pa daṅ | mi skye ba śes pa daṅ | mi ’gog pa śes pa daṅ | mṅon par (3) ’du mi byed pa śes pa daṅ | ’dod chags daṅ bral ba śes pa zab pas śes rab kyi pha rol tu phyin pa zab bo ||
sgrib pa zab pas śes rab kyi pha rol tu phyin pa zab bo ||
ś ri’i bu ’di lta ste | dper na rgya mtsho ni rgya che źiṅ zab ste dpag tu med do ||
de bźin du śes rab (4) kyi pha rol tu phyin pa yaṅ rgya che źiṅ zab ste dpag tu med do ||
śa ra dwa ti’i bu zab ces bya ba ni chos rin po che dpag tu med pa bstsags par gyur pa gaṅ gtiṅ mi rñed pa’o ||
śa ra dwa ti’i bu zab ces bya ba ni de la ’gro bar mi rñed pa’o ||
śa ra dwa ti’i bu zab ces bya ba ni de’i yon tan (5) gyi mtha’ mi rtogs pa’o ||
śa ra dwa ti’i bu zab mo ’di lta ste | dper na mtsho chen po rgya mtsho ni rin po che thams cad bsags pa | rin po che dpag tu med pas gaṅ ba | rin po che chen pos rab tu gaṅ ba’o ||
de bźin du śes rab kyi pha rol tu phyin pa yaṅ chos rin po che thams (6) cad bsags pa | chos rin po che chen po bsags pa | chos rin po che dpag tu med pa bsags pa’o ||
gsol pa | bcom ldan ’das śes rab kyi pha rol tu phyin pa ’di ni chos gaṅ bstan par yaṅ ñe bar gnas pa ma lags so ||
bka’ stsal pa | ś ri’i bu (7) ’di ltar śes rab kyi pha rol tu phyin pa ni chos gaṅ bstan pa’i chos gaṅ yaṅ dmigs par ñe bar gnas pa ma yin no ||
gsol pa | bcom ldan ’das śes rab kyi pha rol tu phyin pa ’di ni chos gaṅ ’tshal ba’am | ma ’tshal bar ñe bar gnas pa ma lags so ||
(54b1) bka’ stsal pa | śwa ri’i bu ’di ltar śes rab kyi pha rol tu byin pa ni chos gaṅ śes pa’am | mi śes par ’gyur ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ bsruṅ ba’am | smra ba’i slad (2) du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ bsruṅ ba’am | sba bar bya ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ (3) yaṅ kun du sdud pa’am | yoṅs su sdud pa’i slad du ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ kun du bsdu ba’am | yoṅs su bsdu bar bya ba’i chos gaṅ yaṅ mi dmigs so ||
gsol pa | (4) bcom ldan ’das śes rab kyi pha rol tu phyin pa’i de’i chos gaṅ gi gnas sam | gźir yaṅ ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni gaṅ la gnas sam | gźir bya ba’i chos gaṅ yaṅ mi dmigs so ||
(5) gsol pa | bcom ldan ’das śes rab kyi pha rol tu phyin pa ’di ni chos gaṅ gi gnas sam | gźir yaṅ ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ la gnas sam | gźir bya ba’i chos gaṅ (6) yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ la yaṅ mṅon par źen par ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni gaṅ la mṅon par źen par bya ba’i (7) chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ la yaṅ ltug par źen par ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ la (55a1) lhag par źen par bya ba’i chos gaṅ yaṅ yaṅ dag par rjes su mi mthoṅ ṅo ||
gsol pa | bcom ldan ’das śes rab kyi pha rol tu phyin pa ’di ni chos gaṅ daṅ yaṅ gnas pa’am | mi gnas par ñe bar gnas pa ma lags so ||
bka’ stsal pa | ś (2) ri’i bu ’di ltar śes rab kyi pha rol tu phyin pa ni gaṅ daṅ lhan cig tu gnas pa’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ gi mtshams sbyar ba’am | mtshams sbyar ba ma lags par yaṅ ñe bar gnas pa ma lags (3) so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ mtshams sbyar bar bya ba’am | mtshams sbyar bar bya ba ma yin pa’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ la yaṅ (4) ’dod chags sam | ’dod chags daṅ bral bar ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ la chags par ’gyur ba’am | mi chags par ’gyur ba’i chos gaṅ yaṅ mi dmigs so ||
gsol pa | bcom (5) ldan ’das śes rab kyi pha rol tu phyin pa ’di ni chos gaṅ la yaṅ źe sdaṅ ṅam | źe sdaṅ ma mchis par ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni tshogs gaṅ la źe sdaṅ daṅ bcas pa’am | źe sdaṅ med pa’i chos gaṅ (6) yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ la yaṅ gti mug gam | gti mug daṅ bral bar ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ la (7) rmoṅs pa’am | rmoṅs par mi ’gyur ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ gi śes pa po’am | śes par bgyid pa ma lags so ||
bka’ stsal pa | ś ri’i bu ’di ltar śes rab kyi pha (55b1) rol tu phyin pa ni chos gaṅ śes pa’am | chos gaṅ śes par byed par ’gyur ba’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni chos gaṅ gi raṅ bźin nam | raṅ bźin ma lags par yaṅ ñe bar gnas pa ma (2) lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ gi raṅ bźin nam | raṅ bźin ma yin par yaṅ yaṅ dag par rjes su mi mthoṅ ṅo ||
gsol pa | bcom ldan ’das śes rab kyi pha rol tu phyin pa ’di ni chos gaṅ gi dag (3) pa’am | rnam par dag par yaṅ ñe bar gnas pa ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ sbyoṅ ba’am | rnam par sbyoṅ ba’i chos gaṅ yaṅ yaṅ dag par rjes su mi mthoṅ ṅo ||
gsol pa | bcom ldan ’das śes (4) rab kyi pha rol tu phyin pa ’di ni raṅ bźin gyis yoṅs su dag pa lags so ||
bka’ stsal pa | śa ra dwa ti’i bu gzugs yoṅs su dag pas śes rab kyi pha rol tu phyin pa yoṅs su dag go ||
ś ri’i bu tshor ba daṅ | ’du śes daṅ | ’du byed rnams daṅ | rnam par śes (5) pa yoṅs su dag pas śes rab kyi pha rol tu phyin pa yoṅs su dag go ||
ma rig pa yoṅs su dag pas śes rab kyi pha rol tu phyin pa yoṅs su dag go ||
’du byed yoṅs su dag pa daṅ | rnam par śes pa yoṅs su dag pa daṅ | miṅ daṅ gzugs yoṅs su (6) dag pa daṅ | skye mched drug yoṅs su dag pas śes rab kyi pha rol tu phyin pa yoṅs su dag go ||
reg pa daṅ | tshor ba daṅ | sred pa daṅ | len pa daṅ | srid pa daṅ | skye ba daṅ | rga ba daṅ | na ba daṅ | ’chi ba yoṅs su dag pas śes rab kyi pha rol tu phyin pa (7) yoṅs su dag go ||
mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa yoṅs su dag pas śes rab kyi pha rol tu phyin pa yoṅs su dag go ||
phyin ci log daṅ | sgrib pa daṅ | lta bar gyur pa yoṅs su dag pas (56a1) śes rab kyi pha rol tu phyin pa yoṅs su dag go ||
’dod chags daṅ | źe sdaṅ daṅ | gti mug yoṅs su dag pas śes rab kyi pha rol tu phyin pa yoṅs su dag go ||
bdag daṅ | sems can daṅ | srog daṅ | gso ba daṅ | skyes bu (2) daṅ | gaṅ zag daṅ | śed las skyes daṅ | śed bu daṅ | byed pa po daṅ | byed du ’jug pa daṅ | tshor ba po daṅ | tshor bar byed pa daṅ | sloṅ ba po daṅ | kun nas sloṅ ba po daṅ | mthoṅ ba po yoṅs su dag pas śes rab kyi pha rol tu phyin pa yoṅs su dag go ||
(3) chad pa daṅ | rtag pa yoṅs su dag pas śes rab kyi pha rol tu phyin pa yoṅs su dag go ||
mtha’ daṅ | mtha’ med pa yoṅs su dag pas śes rab kyi pha rol tu phyin pa yoṅs su dag go ||
sbyin pa yoṅs su dag pas śes rab kyi pha rol tu phyin pa yoṅs su dag go ||
(4) tshul khrims daṅ | bzod pa daṅ | brtson ’grus daṅ | bsam gtan daṅ | śes rab yoṅs su dag pas śes rab kyi pha rol tu phyin pa yoṅs su dag go ||
dbaṅ po daṅ | stobs daṅ | byaṅ chub kyi yan lag daṅ | bsam gtan daṅ | rnam par thar pa daṅ | tiṅ ṅe (5) ’dzin daṅ | sñoms par ’jug pa yoṅs su dag pas śes rab kyi pha rol tu phyin pa yoṅs su dag go ||
byams pa daṅ | sñiṅ rje daṅ | dga’ ba daṅ | btaṅ sñoms yoṅs su dag pas śes rab kyi pha rol tu phyin pa yoṅs su dag go ||
dran pa ñe bar gźag pa daṅ | (6) yaṅ dag pa’i spoṅ ba yoṅs su dag pas śes rab kyi pha rol tu phyin pa yoṅs su dag go ||
phyin ci ma log pa yoṅs su dag pas śes rab kyi pha rol tu phyin pa yoṅs su dag go ||
sdug bsṅal ba daṅ | kun ’byuṅ ba daṅ | ’gog pa daṅ | lam yoṅs su dag pas (7) śes rab kyi pha rol tu phyin pa yoṅs su dag go ||
mṅon par śes pa yoṅs su dag pas śes rab kyi pha rol tu phyin pa yoṅs su dag go ||
lam yoṅs su dag pas śes rab kyi pha rol tu phyin pa yoṅs su dag go ||
ñan thos kyis yoṅs su dag pas śes (56b1) rab kyi pha rol tu phyin pa yoṅs su dag go ||
raṅ saṅs rgyas kyis yoṅs su dag pas śes rab kyi pha rol tu phyin pa yoṅs su dag go ||
saṅs rgyas kyis yoṅs su dag pas śes rab kyi pha rol tu phyin pa yoṅs su dag go ||
saṅs rgyas daṅ | chos daṅ | dge ’dun yoṅs su (2) dag pas śes rab kyi pha rol tu phyin pa yoṅs su dag go ||
’das pa daṅ | ma ’oṅs pa daṅ | da ltar byuṅ ba mthoṅ ba yoṅs su dag pas śes rab kyi pha rol tu phyin pa yoṅs su dag go ||
thogs pa med pa’i ye śes yoṅs su dag pas śes rab kyi pha rol tu phyin pa yoṅs (3) su dag go ||
saṅs rgyas kyi chos ma ’dres pa bcwa brgyad yoṅs su dag pas śes rab kyi pha rol tu phyin pa yoṅs su dag go ||
’dod pa’i khams yoṅs su dag pa daṅ | gzugs kyi khams yoṅs su dag pa daṅ | gzugs med pa’i khams yoṅs su dag pas śes rab kyi (4) pha rol tu phyin pa yoṅs su dag go ||
sa’i khams yoṅs su dag pas śes rab kyi pha rol tu phyin pa yoṅs su dag go ||
chu daṅ | me daṅ | rluṅ gi khams yoṅs su dag pas śes rab kyi pha rol tu phyin pa yoṅs su dag go ||
sems can gyi khams yoṅs su dag pa (5) daṅ | chos kyi dbyiṅs yoṅs su dag pa daṅ | nam mkha’i khams yoṅs su dag pas śes rab kyi pha rol tu phyin pa yoṅs su dag go ||
de skad ces bka’ stsal pa daṅ | bcom ldan ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das (6) ’di ltar śes rab kyi pha rol tu phyin pa raṅ bźin gyis yoṅs su dag pa ṅo mtshar lags so ||
bka’ stsal pa | ś ri’i bu nam mkha’ yoṅs su dag pas śes rab kyi pha rol tu phyin pa yoṅs su dag go ||
gsol pa | bcom ldan ’das śes rab kyi pha rol tu phyin pa ni (7) gzugs ma mchis | bstan du ma mchis pa lags so ||
bka’ stsal pa | śa ra dwa ti’i bu ’di ltar śes rab kyi pha rol tu phyin pa ni chos gaṅ gi gzugs yoṅs su grub pa’am | bstan par ñe bar gnas pa ma yin no ||
gsol pa | bcom ldan ’das śes rab kyi pha (57a1) rol tu phyin pa ’di ni thogs pa ma mchis pa lags so ||
bka’ stsal pa | śa ra dwa ti’i bu ’di ltar śes rab kyi pha rol tu phyin pa ni gaṅ la thogs pa’i chos gaṅ yaṅ yaṅ dag par rjes su mi mthoṅ ṅo ||
gsol pa | bcom ldan ’das śes rab kyi pha (2) rol tu phyin pa ’di ni ma bgyis pa’o ||
bka’ stsal pa | śa ra dwa ti’i bu byed pa po mi dmigs pa’i phyir ro ||
gsol pa | bcom ldan ’das śes rab kyi pha rol tu phyin pa ’di ni yaṅ dag par ’du ba ma lags so ||
bka’ stsal pa | śar dwa ti’i bu ’di ltar śes rab kyi pha rol (3) tu phyin pa ni chos gaṅ daṅ lhan cig tu ’du bar ’gyur ba’i chos gaṅ yaṅ yaṅ dag par rjes su mi mthoṅ ṅo ||
gsol pa | bcom ldan ’das śes rab kyi pha rol tu phyin pa ’di ni gdags su ma mchis pa lags so ||
bka’ stsal pa | śa ra dwa ti’i bu ’di ltar śes rab kyi pha rol (4) tu phyin pa ni chos gaṅ gis gdags pa’i chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni thun moṅ ma lags so ||
bka’ stsal pa | ś ri’i bu ’di ltar śes rab kyi pha rol tu phyin pa ni chos gaṅ daṅ thun moṅ du ’gyur ba’i (5) chos gaṅ yaṅ mi dmigs so ||
gsol pa | bcom ldan ’das śes rab kyi pha rol tu phyin pa ’di ni mtshan ñid ma mchis pa lags so ||
bka’ stsal pa | śa ra dwa ti’i bu mtshan ñid mi dmigs pa’i phyir ro ||
gsol pa | bcom ldan ’das śes rab kyi pha rol tu (6) phyin pa ’di ni snaṅ ba ma mchis pa lags so ||
bka’ stsal pa | snaṅ ba mi dmigs pa’i phyir ro ||
gsol pa | bcom ldan ’das śes rab kyi pha rol tu phyin pa ’di ni mtha’ yas pa’i pha rol tu phyin pa lags so ||
bka’ stsal pa | śa ra dwa ti’i bu gzugs mtha’ (7) yas pas pha rol tu phyin pa ’di mtha’ yas so ||
tshor ba daṅ | ’du śes daṅ | ’du byed rnams daṅ | rnam par śes pa mtha’ yas pas pha rol tu phyin pa ’di mtha’ yas so ||
phyin ci log mtha’ yas pas pha rol tu phyin pa ’di mtha’ yas so ||
sgrib pa mtha’ (57b1) yas pas pha rol tu phyin pa ’di mtha’ yas so ||
ma rig pa mtha’ yas pa daṅ | ’du byed rnams mtha’ yas pa daṅ | rnam par śes pa mtha’ yas pa daṅ | miṅ daṅ gzugs mtha’ yas pa daṅ | skye mched drug daṅ | reg pa daṅ | tshor ba daṅ | sred pa daṅ | (2) len pa daṅ | srid pa daṅ | skye ba daṅ | rga ba daṅ | na ba daṅ | ’chi ba daṅ | mya ṅan daṅ | smre sṅags ’don pa daṅ | sdug bsṅal pa daṅ | yid mi bde ba daṅ | ’khrug pa mtha’ yas pas pha rol tu phyin pa ’di mtha’ yas so ||
lta bar gyur pa mtha’ yas pa daṅ | ’dod (3) chags daṅ | źe sdaṅ daṅ | gti mug mtha’ yas pa daṅ | chad pa daṅ | rtag pa mtha’ yas pa daṅ | sṅon gyi mtha’i mu mtha’ yas pas pha rol tu phyin pa ’di mtha’ yas so ||
phyi ma’i mtha’i mu mtha’ yas pas pha rol tu phyin pa ’di mtha’ yas so ||
sbyin pa mtha’ (4) yas pa daṅ | tshul khrims mtha’ yas pa daṅ | bzod pa mtha’ yas pa daṅ | brtson ’grus mtha’ yas pa daṅ | bsam gtan mtha’ yas pa daṅ | śes rab mtha’ yas pas pha rol tu phyin pa ’di mtha’ yas so ||
dran pa ñe bar gźag pa mtha’ yas pa (5) daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag mtha’ yas pa daṅ | phyin ci ma log pa mtha’ yas pas pha rol tu phyin pa ’di mtha’ yas so ||
bsam gtan daṅ | rnam par thar pa daṅ | tiṅ ṅe ’dzin (6) daṅ | sñoms par ’jug pa mtha’ yas pas pha rol tu phyin pa ’di mtha’ yas so ||
dmigs pa mtha’ yas pas pha rol tu phyin pa ’di mtha’ yas so ||
rig pa daṅ | rnam par grol ba’i ye śes mthoṅ ba mtha’ yas pas pha rol tu phyin pa ’di mtha’ yas so ||
(7) ñan thos kyis daṅ | raṅ saṅs rgyas kyis mtha’ yas pas pha rol tu phyin pa ’di mtha’ yas so ||
ñan thos kyi chos daṅ | raṅ saṅs rgyas kyi chos daṅ | saṅs rgyas kyi chos mtha’ yas pas pha rol tu phyin pa ’di mtha’ yas so ||
bdag daṅ sems can mtha’ (58a1) yas pas pha rol tu phyin pa ’di mtha’ yas so ||
’dod pa’i khams mtha’ yas pas pha rol tu phyin pa ’di mtha’ yas so ||
gzugs kyi khams mtha’ yas pa daṅ | gzugs med pa’i khams mtha’ yas pas pha rol tu phyin pa ’di mtha’ yas (2) so | |mṅon par śes pa mtha’ yas pa daṅ | sgrib pa mtha’ yas pas pha rol tu phyin pa ’di mtha’ yas so ||
’das pa daṅ | ma ’oṅs pa daṅ | da ltar byuṅ ba’i ye śes mthoṅ ba mtha’ yas pas pha rol tu phyin pa ’di mtha’ yas so ||
chags pa med pa mtha’ (3) yas pa daṅ | nam mkha’ mtha’ yas pa daṅ | chos kyi dbyiṅs mtha’ yas pas pha rol tu phyin pa ’di mtha’ yas so ||
ś ri’i bu śes rab kyi pha rol tu phyin pa ni thog ma daṅ | bar daṅ tham mi dmigs so ||
gaṅ gis kyaṅ mi dmigs so ||
ś ri’i bu ’di lta ste | śes rab (4) kyi pha rol tu phyin pa ’di ni mtha’ yas mu med pa’o ||
’di lta ste | dper na nam mkha’i mtha’ mi dmigs pa de bźin du śes rab kyi pha rol tu phyin pa’i mtha’ yaṅ mi dmigs so ||
sa’i khams mtha’ yas pas śes rab kyi pha rol tu phyin pa mtha’ yas par blta’o ||
chu’i (5) khams mtha’ yas pa daṅ | me’i khams mtha’ yas pa daṅ | rluṅ gi khams mtha’ yas pa daṅ | nam mkha’i khams mtha’ yas pa daṅ | rnam par śes pa’i khams mtha’ yas pas śes rab kyi pha rol tu phyin pa mtha’ yas par khoṅ du chud par bya’o ||
ś ri’i (6) bu śes rab kyi pha rol tu phyin pa ni mtha’ med | dbus med | mu med par khoṅ du chud par bya’o ||
ś ri’i bu ’di ltar śes rab kyi pha rol tu phyin pa ni yul na mi gnas | phyogs na mi gnas so ||
ś ri’i bu gzugs mu med pas śes rab kyi pha rol tu phyin pa mu med par (7) rig par bya’o ||
de bźin du sbyar te | ’di ltar tshor ba daṅ | ’du śes daṅ | ’du byed rnams daṅ | rnam par śes pa mu med pas śes rab kyi pha rol tu phyin pa mu med par rig par bya’o ||
ma rig pa mu med pa nas | rga śi daṅ | mya ṅan daṅ | smre sṅags ’don pa (58b1) daṅ | sdug bsṅal ba daṅ | yid mi bde ba daṅ | ’khrug pa’i bar du mu med pas ś ri’i bu śes rab kyi pha rol tu phyin pa mu med par rig par bya’o ||
phyin ci log mu med pa daṅ | sgrib pa mu med pa daṅ | lta bar soṅ ba mu med pas ś ri’i bu śes rab kyi pha rol tu phyin pa mu med (2) par rig par bya’o ||
bdag mu med pa daṅ | sems can mu med pas śes rab kyi pha rol tu phyin pa mu med par rig par bya’o ||
sbyin pa mu med pa daṅ | tshul khrims mu med pa daṅ | bzod pa mu med pa daṅ | brtson ’grus mu med pa daṅ | bsam gtan mu med pa daṅ | (3) śes rab ma med pas śes rab kyi pha rol tu phyin pa mu med par rig par bya’o ||
dran pa ñe bar gźag pa daṅ | yaṅ dag par spoṅ ba mu med pas śes rab kyi pha rol tu phyin pa mu med par rig par bya’o ||
dbaṅ po daṅ | stobs daṅ | byaṅ chub kyi yan lag daṅ | bsam (4) gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa mu med pas śes rab kyi pha rol tu phyin pa mu med par rig par bya’o ||
ś ri’i bu sdug bsṅal daṅ | kun ’byuṅ ba daṅ | ’gog pa daṅ | lam mu med pas śes rab kyi pha rol tu phyin pa mu med (5) par rig par bya’o ||
ś ri’i bu mṅon par śes pa mu med pa daṅ | rnam par grol ba mu med pa daṅ | rnam par grol ba’i ye śes mthoṅ ba mu med pas śes rab kyi pha rol tu phyin pa mu med par rig par bya’o ||
ś ri’i bu so so’i skye bo’i chos mu med pa daṅ | ñan thos kyi (6) chos mu med pa daṅ | raṅ saṅs rgyas kyi chos mu med pa daṅ | saṅs rgyas kyi chos mu med pas śes rab kyi pha rol tu phyin pa mu med par rig par bya’o ||
ś ri’i bu rig pa mu med pa daṅ | rnam par grol ba mu med pa daṅ | rnam par grol ba’i ye śes mthoṅ ba mu (7) med pas śes rab kyi pha rol tu phyin pa mu med par rig par bya’o ||
śa ra dwa ti’i bu mu med pa dmigs su med pas śes rab kyi pha rol tu phyin pa mu med pa źes bya’o ||
mtha’ dmigs su med pas mtha’ yas pa źes bya’o ||
śa ra dwa ti’i bu mtha’ med pa źes bya (59a1) ba de ni mu med pa’i tshig go ||
ś ri’i bu bdag ma skyes pas chos thams cad mtha’ yas par rig par bya’o ||
ś ri’i bu nam mkha’ mtha’ yas pas chos thams cad mtha’ yas mu med par rig par bya’o ||
de skad ces bka’ stsal pa daṅ | bcom ldan (2) ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das chos ’di byaṅ chub sems dpa’ ji lta bu dag gi yul du ’gyur ba lags | bcom ldan ’das kyis bka’ stsal pa | ś ri’i bu chos ’di ni byaṅ chub sems dpa’ gaṅ dag chos kyaṅ mi dmigs (3) na chos ma yin pa lta ci smos | lam yaṅ mi dmigs na | lam ma yin pa lta ci smos | tshul khrims kyaṅ mi dmigs śiṅ rlom sems su mi byed na ’chal pa’i tshul khrims lta ci smos te | khams gsum thams cad du yaṅ mi gtogs | srid par ’gro ba daṅ | ’chi ’pho (4) daṅ skye ba thams cad du yaṅ mi gtogs | lus daṅ srog la yaṅ mi chags na | phyi rol gyi dṅos po rnams la lta ci smos te | ’khor ba’i rgyun mthar byas pa | srid pa’i rgya mtsho chen po las rgal ba | g-yul chen po las ’das pa’i byaṅ chub sems dpa’ de dag gi yul daṅ (5) bgrod pa yin no ||
yul thams cad yul ma yin par gaṅ gis yoṅs su śes pa de daṅ de dag ni rnam pa de lta bu’i skyes bu dam pa dag ste | yul thams cad la mi chags pa de daṅ de dag ni seṅ ge chen po’o ||
yul thams cad la ma źugs pa de daṅ de dag ni rnam pa de (6) lta bu dag go ||
yul thams cad kyis mi gos pa de daṅ de dag ni yul daṅ ma ’dres pa’o ||
yul thams cad las yaṅ dag par ’das pa de daṅ de dag ni ded dpon chen po ste | ś ri’i bu chos ’di ni de dag gi yul daṅ bgrod pa ma yin no ||
ś ri’i bu ’khor ’di ni gaṅ chos (7) ’di la ma mos śiṅ yul du ma gyur pa’am | gaṅ chos rnam pa ’di lta bu ’di la som ñi daṅ bcas pa’am | the tsom daṅ bcas pa’i byaṅ chub sems dpa’ gcig kyaṅ ṅas ma mthoṅ ṅo ||
ś ri’i bu ’khor ’di ni chos ’di la the tsom med do ||
yid gñis (59b1) med do ||
ś ri’i bu byaṅ chub sems dpa’ ’di dag ni chos ’di la yid gñis med de | ś ri’i bu skyes bu dam pa ’di dag ni sems can thams cad kyi yid gñis yaṅ dag par gźom pa’i phyir gnas pa’o ||
ś ri’i bu ’di dag ni ’di lta bu’i chos la som ñi med de | (2) som ñi las yaṅ dag par ’das pa’o ||
ś ri’i bu gaṅ yaṅ phyi ma’i tshe phyi ma’i dus na chos bstan pa ’di ñan pa de dag kyaṅ chos thams cad la the tsom med par gnas te | sems can thams cad kyi the tsom gcad pa’i phyir źugs par ’gyur ro ||
ś ri’i bu sems (3) can dge ba’i rtsa ba chuṅ ṅu rnams ni chos ’di la mos par ṅas ma bśad do ||
chos ’di la de dag gi go skabs med de | ’di ni de dag gi nor ma yin no ||
ś ri’i bu chos bstan pa ’di gaṅ dag gi rna lam du thos pa’i sems can de dag kyaṅ dge ba’i rtsa ba chuṅ ṅu daṅ ldan pa ma (4) yin na | gaṅ dag ’dzin pa daṅ | ’chaṅ ba daṅ | klog pa daṅ | kun chub par byed pa lta ci smos te | de dag saṅs rgyas bcom ldan ’das rnams kyis saṅs rgyas kyi chos la ṅes par luṅ bstan te | ji ltar da ltar ṅa seṅ ge’i sgra sgrogs pa daṅ | ’jigs pa (5) med pa’i sgra daṅ | skyes bu chen po’i sgra daṅ | raṅ byuṅ gi sgra sgrogs pa bźin du de dag kyaṅ seṅ ge’i sgra sgrog par ’gyur ro ||
gaṅ dag tha na chos ’di la dad pa bskyed nas | bla na med pa yaṅ dag par rdzogs pa’i byaṅ chub la ’dun pa skyed par ’gyur ba de dag gi luṅ bstan (6) pa yaṅ de ñid yin no ||
de ci’i phyir źe na | ś ri’i bu sems can gaṅ dag chos zab mo thos nas | dga’ ba daṅ | mchog tu dga’ ba daṅ | mos pa skyed pa de dag ni śin tu rñed par dka’o ||
ś ri’i bu de bas kyaṅ sems can gaṅ chos zab mo thos nas kyaṅ bla na (7) med pa yaṅ dag par rdzogs pa’i byaṅ chub tu sems skyed ciṅ mos pa skyed de | dge ba chen po daṅ ldan pa ni śin tu rñed par dka’ ste | ś ri’i bu śes rab kyi pha rol tu phyin pa bstan pa ’di gaṅ dag gi rna lam du thos par ’gyur ba daṅ | thos nas klog pa daṅ | mos (60a1) pa daṅ | dga’ ba daṅ | yid bde ba chen po skyed pa daṅ | phyir źiṅ ñan pa’i phyir chos ’di la ’dun pa skyed pa’i sems can de dag kyaṅ ’khor ba chen por źugs par ṅas ma bśad na luṅ nod pa daṅ | kha ton byed pa daṅ | gźan la ston pa lta ci smos | ś (2) ri’i bu ñan thos daṅ | raṅ saṅs rgyas kyi theg pa la ṅes par ma źugs śiṅ ma ṅes pa ni ṅas bla na med pa yaṅ dag par rdzogs pa’i byaṅ chub tu luṅ bstan to ||
ś ri’i bu chos kyi mchog ’di la chos chuṅ ṅu daṅ ldan pa’i sems can rnams kyi go skabs ṅas ma mthoṅ ṅo ||
ś ri’i bu (3) saṅs rgyas kyi byaṅ chub ’di ni rgya chen sems can ni phal cher dman pa la mos śiṅ chos chuṅ ṅu ṅaṅ ldan te | ’di lta bu’i chos zab mo chags pa med pa la dge bar ma byas śiṅ mi mkhas so ||
ś ri’i bu ’di ni sems can gaṅ dag rgya che źiṅ chos rgya chen po la mos pa | theg pa chen (4) po la yaṅ dag par źugs pa | dgos pa śin tu yoṅs su rñed pa | go cha chen po śin tu bgos pa | don legs pa rnam par rtogs pa | lam chen po daṅ draṅ źiṅ ñam ṅa ba med pa | tshaṅ tshiṅ med pa mñam pa | sñig ma daṅ tsher ma med pa | ṅam grog daṅ g-yaṅ sa med (5) pa | gtsaṅ ba | gnod pa med pa | gya gyu med pa | yon po med par źugs pa daṅ | ś ri’i bu gaṅ dag ’jig rten la phan pa daṅ | ’jig rten la bde ba daṅ | ’jig rten la sñiṅ brtse ba daṅ | lha daṅ mi rnams kyi don daṅ | phan pa daṅ bde ba’i phyir źugs pa | snaṅ (6) ba byed pa’i sems can rnams kyi mu stegs su gyur pa | sñiṅ rje chen po daṅ ldan pa | phan par sñiṅ brtse ba | phan par ’dod pa | bde bar ’dod pa | grub pa dṅaṅ de bar ’dod pa | sems can thams cad la bde bar sbyar bar ñe bar gnas pa’i byaṅ chub sems dpa’ sems dpa’ chen po (7) de lta bu de dag gi nor chen po yin no ||
ś ri’i bu sems can chen po de dag ni chos dkon mchog ’di tshol ba ste | ’di ni de dag gi nor dam pa’o ||
de ci’i phyir źe na | ś ri’i bu sems can bsod nams ma byas pa | dman pa la mos pa | dad pa rab tu ñams pa rnams ni chos (60b1) kyi nor rgya chen po ’di la mos pa mi skye’o ||
ś ri’i bu ṅas de la dgoṅs te | sems can dman pa la mos pa rnams kyaṅ | dman pa la mos pa daṅ | rgya chen po la mos pa rnams kyaṅ rgya chen po la mos par khams so sor sbyor ro źes bśad do ||
de nas bcom ldan (2) ’das la tshe daṅ ldan pa śa ra dwa ti’i bus ’di skad ces gsol to ||
bcom ldan ’das śes rab kyi pha rol tu phyin pa’i spyod yul gaṅ lags | de skad ces gsol pa daṅ | bcom ldan ’das kyis che daṅ ldan pa śa ra dwa ti’i bu la ’di skad ces bka’ stsal to ||
śa ra dwa (3) ti’i bu śes rab kyi pha rol tu phyin pa’i yul daṅ spyod yul ni mtha’ yas so ||
ś ri’i bu ’di lta ste | dper na rluṅ gi khams kyi yul daṅ spyod yul ni mtha’ yas so ||
de bźin du śes rab kyi pha rol tu phyin pa’i yul daṅ spyod yul yaṅ mtha’ yas so ||
ś ra’i (4) bu ’di lta ste | dper na nam mkha’ ni rluṅ gi khams kyi yul daṅ spyod yul lo ||
de bźin du śes rab kyi pha rol tu phyin pa’i yul daṅ spyod yul ni nam mkha’o ||
ś ri’i bu ’di lta ste | dper na nam mkha’i khams kyi yul daṅ spyod yul ni mtha’ yas so ||
de bźin du (5) śes rab kyi pha rol tu phyin pa’i yul daṅ spyod yul yaṅ mtha’ yas so ||
ś ri’i bu ’adilta ste | dper na nam mkha’i khams daṅ | rluṅ gi khams ni gaṅ na yaṅ mi snaṅ źiṅ chos gaṅ mṅon par ’grub pa’i mtshan ñid du yaṅ ñe bar gnas pa ma yin no ||
ś ri’i bu (6) de bźin du śes rab kyi pha rol tu phyin pa yaṅ chos gaṅ la yaṅ mi snaṅ źiṅ chos gaṅ mṅon par ’grub pa’i mtshan ñid du yaṅ ñe bar gnas pa ma yin no ||
ś ri’i bu ’di lta ste | dper na nam mkha’i khams daṅ | rluṅ gi khams ni gzuṅ du med ciṅ yoṅs su ma grub pas kha (7) dog gi mtshan ma’i graṅs su mi ’gro’o ||
śa ra dwa ti’i bu de bźin du śes rab kyi pha rol tu phyin pa yaṅ gzuṅ du med ciṅ yoṅs su ma grub pas kha dog daṅ mtshan ma gaṅ gis kyaṅ gaṅ gi graṅs su yaṅ ñe bar ’gro ba ma yin no ||
ś ri’i bu ’di lta ste | dper na nam mkha’i (61a1) khams daṅ | rluṅ gi khams ni chos gaṅ yoṅs su grub par mthoṅ bar ñe bar ’gro ba ma yin no ||
de bźin du śes rab kyi pha rol tu phyin pa yaṅ chos gaṅ yaṅ yoṅs su grub par mthoṅ bar ñe bar ’gro ba ma yin no ||
gsol pa | bcom ldan ’das (2) śes rab kyi pha rol tu phyin pa ’di’i mtshan ñid gaṅ lags | bka’ stsal pa | śa ra dwa ti’i bu śes rab kyi pha rol tu phyin pa ’di ni mtshan ñid med do ||
ś ri’i bu ’di lta ste | dper na nam mkha’i khams daṅ | rluṅ gi khams ni chos gaṅ gi yoṅs su grub pa’i mtshan ñid du yaṅ (3) ñe bar ’gro ba ma yin no ||
ś ri’i bu de bźin du śes rab kyi pha rol tu phyin pa yaṅ chos gaṅ yoṅs su grub pa’i mtshan ñid du yaṅ ñe bar ’gro ba ma yin te | ś ri’i bu ’di ltar med pas śes rab kyi pha rol tu phyin pa ni mtshan ñid med pa’o ||
ś ri’i bu da’i lta ste | dper na nam (4) mkha’i khams ni gaṅ du yaṅ mi chags so ||
de bźin du śes rab kyi pha rol tu phyin pa yaṅ gaṅ du yaṅ mi chags te | de’i phyir chags pa med pa’i mtshan ñid ces bya’o ||
ś ri’i bu chags pa med pa la ni mtshan ñid ci yaṅ med mod kyi ’on kyaṅ gaṅ gi phyir śes rab kyi pha rol tu phyin pa (5) chags pa med pa’i mtshan ñid do źes bya ba de ni tha sñad kyi tshig go ||
ś ri’i bu chags pa med pa la ni mtshan ñid med ciṅ mtshan ma med de | de ñid mtshan ñid med par bstan to ||
ś ri’i bu chags pa med pa źes bya ba de ni chags pa yoṅs su śes pa’o ||
de ni chags pa mi (6) dmigs pa’o ||
de ni chags pa’i yaṅ dag pa ji lta ba bźin no ||
de ni chags pa’i phyin ci log yoṅs su śes pa’o ||
ś ri’i bu chags pa la chags pa med de | de’i phyir chags pa’i yaṅ dag pa ji lta ba ñid daṅ | chags pa mi dmigs pa ni chags pa med pa źes (7) bya’o | |ś ri’i bu ye śes bstan pas śes rab kyi pha rol tu phyin pa ’di chags pa med pa’i mtshan ñid do ||
ś ri’i bu chos thams cad ni chags pa med pa’i mtshan ñid de | chos gaṅ gi mtshan ñid gaṅ yin pa de ni mtshan ñid med pa ste | chos gaṅ yaṅ mtshan ñid mṅon (61b1) par ’grub pa’i phyir ñe bar gnas pa ma yin no ||
gaṅ la mtshan ñid med pa de ni mtshan ñid med pa źes bya’o ||
gaṅ mtshan ñid med pa de la chags pa med do ||
gal te chos kyi dbyiṅs mtshan ñid cig yod na ni chos thams cad la chags par yaṅ ’gyur na | gaṅ gi phyir chos (2) thams cad la mtshan ñid med pa de’i phyir de dag la chags pa med de | des na chos thams cad chags pa med pa’i mtshan ñid ces bya ste | ji skad du brjod pa de bźin du ni ma yin no ||
gaṅ chags pa med pa’i mtshan ñid de ni brjod par mi nus so ||
de ci’i phyir źe na | med pa’i (3) phyir chags pa med pa’i mtshan ñid do ||
dben pa’i phyir chags pa med pa’i mtshan ñid do ||
mi dmigs pa’i phyir chags pa med pa’i mtshan ñid do ||
ś ri’i bu chos gaṅ chags pa med pa’i mtshan ñid kyi chos gaṅ yin pa de ni mthoṅ ba cir yaṅ ñe bar gnas pa ma yin źiṅ mi mthoṅ (4) bar yaṅ ma yin mod kyi | ’on kyaṅ de sems can rnams la chags pa med pa’i mtshan ñid ces bstan pa byas so ||
ś ri’i bu kun nas ñon moṅs pa’i mtshan ñid gaṅ yin pa de ni mtshan ñid med pa ste | kun nas ñon moṅs pa ni mtshan ñid kyis ñe bar gnas pa ma yin gyi | ś ri’i (5) bu kun nas ñon moṅs pa ni phyin ci log gis ñe bar gnas pa’o ||
phyin ci log gaṅ yin pa de ni mtshan ñid med pa’o ||
gaṅ mtshan ñid med pa de tha sñad kyis kyaṅ mtshan ñid med de | de mtshan ñid med pa kho na’o ||
ś ri’i bu rnam par byaṅ ba de yaṅ mtshan ñid med pa’o ||
de (6) ci’i phyir źe na | ś ri’i bu kun nas ñon moṅs pa ñid kyaṅ mtshan ñid med na rnam par byaṅ ba lta ci smos | ś ri’i bu gaṅ kun nas ñan moṅs pa yoṅs su śes pa de ni yaṅ dag pa ji lta ba bźin te | de la kun nas ñon moṅs pa ci yaṅ med mod kyi | sems can rnams ni phyin ci (7) log pas kun nas ñon moṅs so ||
gaṅ phyin ci log pa de yaṅ dag pa ma yin no ||
gaṅ yaṅ dag pa ma yin pa de la yaṅ dag pa yoṅs su grub pa’am mtshan ñid med do ||
ś ra dwa ti’i bu gaṅ de ltar śes pa de ni rnam par byaṅ ba źes bya’o ||
kun nas ñon moṅs pa (62a1) ñid kyaṅ mtshan ñid med na rnam par byaṅ ba lta ci smos | ś ri’i bu ’di lta ste | kun nas ñon moṅs pa’am | rnam par byaṅ ba’i chos ’di gñis ni mtshan ñid med ciṅ yoṅs su ma grub pa’o ||
ś ri’i bu chos thams cad ni mtshan ñid med ciṅ yoṅs su (2) ma grub pa ste | de ni chags pa med pa źes bya’o ||
chos thams cad chags pa med pa’i mtshan ñid ces bya ba ni chos thams cad chags pa med pa yin na | ś ri’i bu byis pa so so’i skye bo thams cad ni chags pa med pa la chags so ||
ś ri’i bu ’di ni chos thams cad chags pa med (3) pa’i mtshan ñid de | ye śes kyi spyod yul źes bstan to ||
ś ri’i bu ’di ni śes rab kyi pha rol tu phyin pa’i spyod yul lo ||
chags pa med pa’i mtshan ñid ye śes kyi spyod yul ni śes rab kyi pha rol tu phyin pa ste | de’i phyir śes rab kyi pha rol tu phyin pa’i spyod yul mtha’ yas źes (4) bya’o | |gaṅ chags pa med pa’i de’i yul daṅ spyod yul mtha’ yas so ||
ś ri’i bu spyod yul źes bya ba de ni spyod yul med pa’i tshig bla dgas so ||
ś ri’i bu śes rab kyi pha rol tu phyin pa ni spyod yul bstan pa’i mtshan ñid kyis phye ba ma yin no ||
ś ri’i bu yul źes bya ba (5) de ni chos thams cad yul med pa’o ||
de ni yaṅ dag pa ji lta ba ñid daṅ | ji lta ba bźin no ||
med pa’i phyir chos thams cad yul med de | chos rnams de ltar yoṅs su śes pa de ni yul daṅ spyod yul źes bya ste | ji skad du brjod pa bźin du ni ma yin no ||
gaṅ chos rnams de ltar (6) yoṅs su śes pa de ni gaṅ la yaṅ chags pa med de | chags pa med pa’i mtshan ñid ces bya’o ||
de’i phyir śes rab kyi pha rol tu phyin pa chags pa med pa’i mtshan ñid ces bya’o ||
ś ri’i bu ’di lta bu’i chos ’di la grogs maṅ du mi rñed do ||
’di lta bu’i chos ’chad pa daṅ | yaṅ dag (7) par rab tu ston pa daṅ | rnam par ’byed pa gaṅ yin pa de ni de bźin gśegs pa’i ye śes kyi yul bstan pa’o ||
ś ri’i bu’i chos ’di la ni bden pa mthoṅ ba’i ñan thos daṅ | byaṅ chub sems dpa’ sems dpa’ chen po phyir mi ldog pa lta ba phun sum tshogs pa’i gaṅ zag phyir mi zlog (62b1) pa rnams ma gtogs par grogs gźan gaṅ yaṅ med de | lta ba phun sum tshogs pa chos ’di la spyod pa de dag kyaṅ the tsom du ’gyur ro ||
ś ri’i bu byaṅ chub sems dpa’ the tsom med pa | lus mṅon sum du gyur pa rnams chos ’di la bzod pa thob par ’gyur gyi | ś ri’i bu byis (2) pa so so’i skye bo rnams ni ma yin no ||
ś ri’i bu śes rab kyi pha rol tu phyin pa bstan pa ’di ni dman pa la mos pa’i sems can rnams kyi lag tu ’gro bar mi ’gyur gyi | ś ri’i bu śes rab kyi pha rol tu phyin pa bstan pa ’di ni sems can gaṅ dge ba’i rtsa ba yoṅs su dag pa daṅ ldan (3) pa saṅs rgyas maṅ po la bsñen bkur byas pa de dag gi lag tu ’gro bar ’gyur ro ||
śes rab kyi pha rol tu phyin pa bstan pa ’di ni sems can gaṅ dag dge ba’i rtsa ba bskyed pa | bsam pa dge ba | saṅs rgyas bcom ldan ’das rnams la lhag par bya ba byas pa | byaṅ chub (4) kyi phyir sa bon bskyed pa | saṅs rgyas kyi theg pa la źugs pa | saṅs rgyas bcom ldan ’das rnams daṅ ñe bar gnas pa | tshul bźin kun ’dri ba de dag gi lag tu ’gro bar ’gyur ro ||
śes rab kyi pha rol tu phyin pa bstan pa ’di ni gaṅ dag bzod pa ’thob pa daṅ | ñe (5) bar ’gyur ba daṅ | bzod pa ’thob pa de dag gi lag tu ’gro bar ’gyur ro ||
gaṅ dag luṅ bstan pa de dag kyaṅ myur du bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur te | smon lam gyi dbaṅ gis ni ma gtogs so ||
gaṅ dag (6) luṅ ma bstan pa de dag kyaṅ myur du mṅon sum du luṅ bstan pa thob par ’gyur ro ||
ś ri’i bu sems can gaṅ dag dge ba’i rtsa ba yoṅs su ma smin pa’i rna lam du mdo sde ’di thos par gyur pa de dag kyaṅ luṅ bstan pa ñid du rig par bya na | gaṅ mdo sde ’di rñed pa daṅ | yi ger (7) ’dri ba daṅ | ’chaṅ ba daṅ | luṅ nod pa daṅ | kha ton byed pa daṅ | gźan la yaṅ rgya cher rab tu ston pa lta ci smos | ś ri’i bu sems can gaṅ dag dge ba’i rtsa ba yoṅs su ma smin pa de dag gis mdo sde ’di mñan pa daṅ | yi ger ’dri ba daṅ | klog pa daṅ | kha ton byed pa de ni (63a1) gnas med de | ś ri’i bu chos kyi rnam graṅs ’di ni sems can gaṅ dag dge ba’i rtsa ba ’bar ba rnams kyi lag tu ’gro bar ’gyur ro ||
ś ri’i bu khyod mos par bya’o ||
khyod kyis khoṅ du chud par bya’o ||
byaṅ chub sems dpa’i theg pa can rnam | ñan thos kyi theg pa (2) can gyi rigs kyi bu’am | rigs kyi bu mo des chos ’di rñed na | spro ba chuṅ ba daṅ | le lo daṅ gñid che ba daṅ | śes bźin med pa daṅ | dran pa ñe bar mi ’jog pa daṅ | sems g-yeṅ ba daṅ | zaṅ ziṅ la chags pa daṅ | brkam pa daṅ | mu cor smra ba daṅ | smyon (3) thabs daṅ | kha phyar daṅ | dbaṅ po phyal bar mi bya’o ||
ś ri’i bu dge ba’i rtsa ba byas pa dag kyaṅ mi slu’o ||
byaṅ chub sems dpa’ chos ’di rñed nas bag yod pa daṅ | brtson ’grus daṅ | spro ba daṅ | mos pa daṅ | le lo med pa daṅ | dbaṅ po bsdams pa daṅ | mu cor (4) mi smra ba rab tu bsten par bya’o ||
dran pa ñe bar gźag pa daṅ | maṅ du thos pa la sbyor bar bya’o ||
brtson ’grus brtsams la ’di lta bu’i yon tan ’di dag yoṅs su bskaṅ ba’i phyir ’bad par bya’o ||
ś ri’i bu ’di lta bu’i chos thos pa’i ’bras bu ni ’di ma yin te | gaṅ (5) byaṅ chub sems dpa’ daṅ | ñan thos ’di lta bu’i chos thos na bag med par mi ’gyur ba daṅ | yid rton par mi ’gyur ba daṅ | ’dun pa yoṅs su ñams pa daṅ | brtson ’grus bri ba daṅ | ma dris pa ston pa daṅ | gnod sems maṅ du ’gyur ba de ni thos pa’i ’bras bu ma (6) yin no ||
de dag gis ’di lta bu’i chos ’di thos pa ma yin no ||
ś ri’i bu thos źes bya ba de ni yaṅ dag pa’i nan tan gyi tshig bla dgas te | log pa’i nan tan gyi ni ma yin no ||
ś ri’i bu log par źugs pas ni chos ’di thos par mi ’gyur ro ||
ś ri’i bu thos nas khyod (7) don la mkhas śiṅ nan tan gyis gnas par bya’o ||
ś ri’i bu log par źugs pa rnams la ni rjes su ’thun pa’i bzod pa yaṅ med do ||
ś ri’i bu gaṅ ji skad bstan pa’i chos ’di la log par mi sgrub pa de ni chos ’di la nan tan byed pa źes bya’o ||
ś ri’i bu bzod pa phun sum (63b1) tshogs pa’i gaṅ zag nan tan la gnas pa dag ni phyir ṅan soṅ du ’gro bar mi ’gyur gyi | myur du chos ’di yaṅ dag par sgrub par ’gyur ro ||
dge ba’i rtsa ba ṅan ṅon tsam la yid brtan par mi bya ste | chos ’di yoṅs su ma grub kyi bar du brtson pa mi gtoṅ bas kyaṅ yid brtan par mi bya’o ||
(2) ś ri’i bu gaṅ chos ’di la bslabs pa daṅ | yoṅs su grub pa daṅ | bzod pa thob pa de ni phyir ṅan soṅ du ’gro bar ’gyur ba’i las mi byed de | de ni phyir le lo daṅ | ’bri ba la sten par mi ’gyur te | de phyir ldog pa’i ’jigs pa med par ’gyur ro ||
de lhod par yaṅ mi ’gyur ro ||
de (3) ci’i phyir źe na | ś ri’i bu de ni kun nas ñon moṅs pa daṅ | rnam par byaṅ ba yoṅs su śes pa yin no ||
des chos thams cad ni phyin ci log las byuṅ ste | yaṅ dag pa ma yin pa’o źes yaṅ dag pa ji lta ba bźin du mthoṅ ba yin no ||
de ltar yaṅ dag par mthoṅ ba de ni bzod pa phun (4) sum tshogs pa yin no ||
des pa daṅ tshig ñuṅ ba daṅ | tshul khrims rnam par dag pa la gnas pa daṅ | cho ga daṅ | spyod yul daṅ | spyod pa daṅ | sdom pa phun sum tshogs pa yin te | gaṅ zag sems can de lta bu la lha rnams kyaṅ mos par ’gyur na mi rnams lta ci smos | sems (5) can de lta bu la lha rnams kyaṅ dga’ par ’gyur na mi rnams lta ci smos | de dag gi gan du lha rnams kyaṅ ’gro bar gyur na mi rnams lta ci smos | de dag la lha rnams kyis bkur sti bya bar ’os pa yin na mi rnams kyis lta ci smos | de dag la lha rnams kyaṅ sruṅ bar ’gyur na mi rnams lta ci (6) smos | de bźin du glu daṅ | gnod sbyin daṅ | srin po daṅ | nam mkha’ ldiṅ daṅ | dri za rnams kyaṅ de dag la sruṅ bar ’gyur | de dag la sruṅ ba daṅ | sgrib pa daṅ | sbed pa’i phyir ’bad par ’gyur ro ||
dpe’i le’u źes bya ste bźi pa’o ||
bam po bźi pa | de nas (7) tshe daṅ ldan pa ś ri’i bus tshe daṅ ldan pa rab ’byor la ’di skad ces smras so ||
tshe daṅ ldan pa rab ’byor ston pa yaṅ ’di na mṅon sum du gyur | ’khor ’di yaṅ chos zab mo bstan pa’i snod du gyur te | tshe daṅ ldan pa rab ’byor ’khor ’di ni dag ciṅ zab mo’i chos thos par ’dod na | (64a1) khyod ci’i phyir śes rab kyi pha rol tu phyin pa la brtsams te spobs par mi byed par caṅ mi smra bar ’dug | de skad ces smras pa daṅ | tshe daṅ ldan pa rab ’byor gyis ’di skad ces smras so ||
tshe daṅ ldan pa kho bos ni gaṅ brtsams te spobs par bya ba’i chos de yaṅ (2) dag par rjes su mi mthoṅ ṅo ||
tshe daṅ ldan pa ś ri’i bu kho bos ni śes rab kyi pha rol tu phyin pa yaṅ dag par rjes su mi mthoṅ | byaṅ chub sems dpa’ daṅ | spobs pa daṅ | gaṅ spobs par ’gyur ba daṅ | gaṅ gis spobs par ’gyur ba daṅ | gaṅ las spobs par (3) ’gyur ba yaṅ mi mthoṅ ste | tshe daṅ ldan pa ś ri’i bu kho bos de ltar śes rab kyi pha rol tu phyin pa daṅ | byaṅ chub sems dpa’ sems dpa’ chen po daṅ | gaṅ spobs par ’gyur ba daṅ | gaṅ gis spobs par ’gyur ba daṅ | gaṅ las spobs par ’gyur ba daṅ | gaṅ (4) gi spobs par ’gyur ba mi mthoṅ na | ji skad du bstan par bya | kho bos gaṅ las brtsams te spobs par bya | ś ri’i bu ’di la śes rab kyi pha rol tu phyin pa ’di ni tha sñad med pa | smrar med pa | brjod du med pa’o ||
tshe daṅ ldan pa ś ri’i bu śes rab kyi pha rol tu phyin pa ni (5) smra ba’am | bsñad pa ’am | brjod par mi nus te | gaṅ de ltar lan ’debs pa ni śes rab kyi pha rol tu phyin pa’o ||
tshe daṅ ldan pa ś ri’i bu śes rab kyi pha rol tu phyin pa ni ’das pa daṅ | ma ’oṅs pa daṅ | da ltar byuṅ ba ma yin no ||
tshe daṅ ldan pa ś ri’i bu śes rab kyi (6) pha rol tu phyin pa ni ’das pa’i mtshan ñid daṅ | ma ’oṅs pa’i mtshan ñid daṅ | da ltar byuṅ ba’i mtshan ñid du bstan par mi nus te | tshe daṅ ldan pa śar dwa ti’i bu śes rab kyi pha rol tu phyin pa ’di ni tha sñad ma yin te | mtshan ñid med pa’o ||
tshe daṅ ldan pa śa ra dwa ti’i bu (7) mtshan ñid gaṅ gis śes rab kyi pha rol tu phyin pa bstan pa’i mtshan ñid de yaṅ dag par rjes su mi mthoṅ ṅo ||
tshe daṅ ldan pa śa ra dwa ti’i bu gzugs kyi ’das pa’i mtshan ñid dam | ma ’oṅs pa’i mtshan ñid dam | da ltar byuṅ ba’i mtshan ñid gaṅ yin pa de śes rab kyi pha (64b1) rol tu phyin pa ma yin no ||
tshor ba daṅ | ’du śes daṅ | ’du byed rnams daṅ | rnam par śes pa ’das pa’i mtshan ñid daṅ | ma ’oṅs pa’i mtshan ñid daṅ | da ltar byuṅ ba’i mtshan ñid gaṅ yin pa de śes rab kyi pha rol tu phyin pa ma yin no ||
tshe daṅ ldan pa śa ra da ti’i bu (2) ’das pa daṅ | ma ’oṅs pa daṅ | da ltar byuṅ ba’i gzugs kyi mtshan ñid de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid gaṅ yin pa de śes rab kyi pha rol tu phyin pa’o ||
’das pa daṅ | ma ’oṅs pa daṅ | (3) da ltar byuṅ ba’i tshor ba daṅ | ’du śes daṅ | ’du byed rnams daṅ | rnam par śes pa’i mtshan ñid kyi de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba bźin gyi de bźin ñid gaṅ yin pa de śes rab kyi pha rol tu phyin pa’o ||
tshe daṅ (4) ldan pa śa ra dwa ti’i bu ’das pa daṅ | ma ’oṅs pa daṅ | da ltar byuṅ ba’i gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa’i mtshan ñid kyi de bźin ñid daṅ | ma nor ba de bźin ñid daṅ | gźan ma yin pa de bźin ñid daṅ | ji lta ba (5) bźin gyi de bźin ñid de ni gdags pa’am | tshig gi las kyis brjod par ram | bsñad par ram | lan gdab bar mi nus so ||
tshe daṅ ldan pa śa ra dwa ti’i bu gaṅ de ltar śes rab kyi pha rol tu phyin pa la ’jug pa des | śes rab kyi pha rol tu phyin pa rtogs so ||
tshe daṅ (6) ldan pa śa ra dwa ti’i bu śes rab kyi pha rol tu phyin pa ni chos gaṅ bstan pa’i mtshan ñid du yaṅ ñe bar gnas pa ma yin te | gzugs bstan pa’i mtshan ñid daṅ | tshor ba daṅ | ’du śes daṅ | ’du byed rnams daṅ | rnam par śes pa bstan pa’i mtshan ñid du ñe bar gnas pa (7) ma yin no ||
rten ciṅ ’brel par ’byuṅ ba bstan pa’i mtshan ñid du ñe bar gnas pa ma yin no ||
miṅ daṅ gzugs kyi mtshan ñid daṅ | bdag gi mtshan ñid daṅ | sems can gyi mtshan ñid daṅ | chos kyi dbyiṅs kyi mtshan ñid daṅ | ’du ba’i mtshan ñid daṅ | ’bral ba’i (65a1) mtshan ñid daṅ | rgyu’i mtshan ñid daṅ | rkyen gyi mtshan ñid daṅ | sdug bsṅal gyi mtshan ñid daṅ | bde ba’i mtshan ñid daṅ | rnam par gźag pa’i mtshan ñid daṅ | rnam par mi gźag pa’i mtshan ñid daṅ | skye ba’i mtshan ñid daṅ | ’jig pa’i mtshan ñid (2) daṅ | kun nas ñon moṅs pa’i mtshan ñid daṅ | rnam par byaṅ ba’i mtshan ñid daṅ | raṅ bźin gyi mtshan ñid daṅ | kun rdzob kyi mtshan ñid daṅ | don dam pa’i mtshan ñid daṅ | bden pa’i mtshan ñid daṅ | brdzun pa’i mtshan ñid daṅ | ’pho ba’i mtshan ñid daṅ | ’jug pa’i mtshan (3) ñid du ñe bar gnas pa ma yin no ||
de ci’i phyir źe na | tshe daṅ ldan pa ś ri’i bu śes rab kyi pa rol tu phyin pa ni mtshan ñid thams cad daṅ bral ba ste | ’di ni śes rab kyi pha rol tu phyin pa źe ’am | ’di na śes rab kyi pha rol tu phyin pa źe ’am | ’dis śes rab kyi pha rol tu phyin pa (4) źe’am | ’di’i śes rab kyi pha rol tu phyin pa źes de su’i mthoṅ bar yaṅ ñe bar mi ’gro’o ||
tshe daṅ ldan pa śa ra dwa ti’i bu chos gaṅ gis śes rab kyi pha rol tu phyin pa bstan pa’i chos de kho bos yaṅ dag par rjes su mi mthoṅ ṅo ||
tshe daṅ ldan pa śa ra dwa ti’i bu śes rab kyi pha rol tu (5) phyin pa ni chos gaṅ ṅes par bstan par yaṅ ñe bar ’gro ba’am | ñe bar ’gro bar ’gyur ba ma yin no ||
tshe daṅ ldan pa śa ra dwa ti’i bu śes rab kyi pha rol tu phyin pa ni gzugs ṅes par bstan par ñe bar ’gro ba ma yin no ||
tshor ba daṅ | ’du śes daṅ | ’du byed rnams daṅ | rnam (6) par śes pa ṅes par bstan par ñe bar ’gro ba ma yin | mig daṅ | rna ba daṅ | sna daṅ | lce daṅ | lus daṅ | yid ṅes par bstan par ñe bar ’gro ba ma yin | khams rnams ṅes par bstan par ñe bar ’gro ba ma yin | rten ciṅ ’brel par ’byuṅ ba ṅes par bstan par ñe bar ’gro ba (7) ma yin | rig pa daṅ | rnam par grol ba ṅes par bstan par ñe bar ’gro ba ma yin no ||
tshe daṅ ldan pa śa ra dwa ti’i bu gaṅ ’jig rten las ’das pa’i śes rab ṅes par ’byed par ’gro ba yaṅ | śes rab kyi pha rol tu phyin pa ṅes par bstan par ñe bar mi ’gro’o ||
ś ri’i bu ’di lta (65b1) ste | chos gaṅ ṅes par bstan par yaṅ ñe bar mi ’gro ba’i chos de ji ltar brjod ciṅ ṅes par bstan par ’gyur | tshe daṅ ldan pa śa ra dwa ti’i bu gaṅ dag chos rnams kyi tshul de ltar rab tu śes pa de dag gis śes rab kyi pha rol tu phyin pa bstan pa rab tu śes so ||
tshe daṅ ldan pa śa ra dwa (2) ti’i bu śes rab kyi pha rol tu phyin pa ni chos gaṅ bstan pa daṅ ṅes par bstan par yaṅ ñe bar gnas pa ma yin no ||
tshe daṅ ldan pa śa ra dwa ti’i bu śes rab kyi pha rol tu phyin pa ni gzugs bstan pa daṅ | ṅes par bstan par ñe bar gnas pa ma yin no ||
tshor ba daṅ | ’du śes (3) daṅ | ’du byed rnams daṅ | rnam par śes pa bstan pa daṅ | ṅes par bstan par ñe bar gnas pa ma yin | miṅ daṅ gzugs bstan pa daṅ | ṅes par bstan par ñe bar gnas pa ma yin | kun nas ñon moṅs pa daṅ | rnam par byaṅ ba bstan pa daṅ | ṅes par bstan (4) par ñe bar gnas pa ma yin | rten ciṅ ’brel bar ’byuṅ ba bstan pa daṅ | ṅes par bstan par ñe bar gnas pa ma yin | phyin ci log rnams bstan pa daṅ | ṅes par bstan par ñe bar gnas pa ma yin | sems can gyi khams daṅ | bdag gi khams bstan pa daṅ | ṅes (5) par bstan par ñe bar gnas pa ma yin | sa’i khams daṅ | chu’i khams daṅ | me’i khams daṅ | rluṅ gi khams bstan pa daṅ | ṅes par bstan par ñe bar gnas pa ma yin | ’dod pa’i khams daṅ | gzugs kyi khams daṅ | gzugs med pa’i khams bstan (6) pa daṅ | ṅes par bstan par ñe bar gnas pa ma yin | tshul khrims daṅ | ’chal pa’i tshul khrims bstan pa daṅ | ṅes par bstan par ñe bar gnas pa ma yin | bzod pa daṅ | gnod sems daṅ | brtson ’grus daṅ | le lo daṅ | bsam gtan daṅ | rnam par (7) g-yeṅ ba daṅ | śes rab daṅ | ’chal pa’i śes rab bstan pa daṅ | ṅes par bstan par ñe bar gnas pa ma yin | dran pa ñe bar gźag pa daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | tshad med pa daṅ | dbaṅ po daṅ | stobs daṅ | byaṅ chub kyi (66a1) yan lag daṅ | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa daṅ | mṅon par śes pa bstan pa daṅ | ṅes par bstan par ñe bar gnas pa ma yin no ||
bden pa daṅ | lam daṅ | ’bras bu bstan pa (2) daṅ | ṅes par bstan par ñe bar gnas pa ma yin | ñan thos daṅ | raṅ saṅs rgyas daṅ | byaṅ chub sems dpa’i bstan pa daṅ | ṅes par bstan par ñe bar gnas pa ma yin | ñan thos daṅ | raṅ saṅs rgyas kyi chos daṅ | byaṅ chub sems dpa’i chos bstan pa (3) daṅ | ṅes par bstan par ñe bar gnas pa ma yin | chos gaṅ śes pa daṅ | mi śes pa daṅ | bstan pa daṅ | bstan du med par ñe bar gnas pa ma yin | mi skye ba śes pa daṅ | zad pa śes pa daṅ | ’gog pa śes pa bstan pa’am | bstan pa ma yin par ñe bar (4) gnas pa ma yin | mya ṅan las ’das pa bstan pa’am | bstan pa ma yin par ñe bar gnas pa ma yin no ||
tshe daṅ ldan pa śa ra dwa ti’i bu ’di lta ste | chos gaṅ bstan pa’am | bstan pa ma yin par yaṅ ñe bar gnas pa ma yin pa de’i tha sñad ji ltar bstan par bya | (5) tshe daṅ ldan pa śa ra dwa ti’i bu su śes rab kyi pha rol tu phyin pa ni chos gaṅ bstan pa’am | bstan pa ma yin par yaṅ ñe bar gnas pa ma yin par bstan pa ’di lta bu khoṅ du chud pa des śes rab kyi pha rol tu phyin pa yaṅ śes śiṅ śes rab kyi pha rol tu phyin pa bstan pa yaṅ śes (6) so | |tshe daṅ ldan pa śa ra dwa ti’i bu śes rab kyi pha rol tu phyin pa ni chos gaṅ la yaṅ sbyor ba’am | mi sbyor ba’i phyir ñe bar gnas pa ma yin no ||
de ci’i phyir źe na | tshe daṅ ldan pa śa ra dwa ti’i bu śes rab kyi pha rol tu phyin pa ni gzugs la kun du sbyor bar yaṅ mi byed | kun (7) du mi sbyor bar yaṅ mi byed do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la kun du sbyor bar yaṅ mi byed | kun du mi sbyor bar yaṅ mi byed do ||
rten ciṅ ’brel par ’byuṅ ba la kun du sbyor bar yaṅ mi byed | kun du mi sbyor bar yaṅ (66b1) mi byed do ||
’dod pa’i khams daṅ | gzugs kyi khams daṅ | gzugs med pa’i khams la kun du sbyor bar yaṅ mi byed | kun du mi sbyor bar yaṅ mi byed do ||
sa’i khams daṅ | chu’i khams daṅ | me’i khams daṅ | rluṅ gi khams la kun du sbyor bar yaṅ mi byed | kun du mi (2) sbyor bar yaṅ mi byed do ||
sesama can gyi khams daṅ | bdag gi khams daṅ | chos kyi dbyiṅs daṅ | nam mkha’i khams la kun du sbyor bar yaṅ mi byed | kun du mi sbyor bar yaṅ mi byed do ||
tshul khrims daṅ | ’chal ba’i tshul khrims dag | bzod pa daṅ | gnod sems daṅ | (3) brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’chal ba’i śes rab la kun du sbyor bar yaṅ mi byed | kun du mi sbyor bar yaṅ mi byed do ||
dran pa ñe bar gźag pa rnams daṅ | yaṅ dag par spoṅ ba rnams dag | rdzu ’phrul gyi rkaṅ pa rnams (4) daṅ | tshad med pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa la kun du sbyor bar yaṅ mi byed | kun du mi sbyor bar yaṅ mi byed do ||
lam daṅ (5) lam gyi ’bras bu daṅ | sdug bsṅal daṅ | ’gog pa la kun du sbyor bar yaṅ mi byed | kun du mi sbyor bar yaṅ mi byed do ||
ñan thos kyi sa daṅ | raṅ saṅs rgyas kyi sa daṅ | byaṅ chub sems dpa’i sa la kun du sbyor bar yaṅ mi byed | kun du mi sbyor par (6) yaṅ mi byed do ||
ñan thos kyi chos daṅ | raṅ saṅs rgyas kyi chos daṅ | byaṅ chub sems dpa’i chos la kun du sbyor bar yaṅ mi byed | kun du mi sbyor bar yaṅ mi byed do ||
’das pa daṅ | ma ’oṅs ba daṅ | da ltar byuṅ ba śes pa daṅ | dus gsum mñam pa ñid la kun (7) du sbyor bar yaṅ mi byed | kun du mi sbyor bar yaṅ mi byed do ||
thogs pa med pa daṅ | mi skye ba śes pa da | zad pa śes pa daṅ | mya ṅan las ’das pa la kun tu sbyor bar yaṅ mi byed do ||
kun du mi sbyor bar yaṅ mi byed do ||
tshe daṅ ldan pa śa ra dwa ti’i bu ’di lta ste | chos (67a1) gaṅ la yaṅ kun du sbyor ba’am | kun du sbyor ba ma yin par gnas pa ma yin pa de ji ltar bstan par bya | tshe daṅ ldan pa śa ra dwa ti’i bu kho bos chos gaṅ la spobs par ’gyur ba daṅ | gaṅ gis kho bo spobs par ’gyur ba daṅ | gaṅ la kho bo spobs par (2) ’gyur ba daṅ | gaṅ la kho bos brtsam par spobs par ’gyur ba’i chos de yaṅ dag par rjes su mi mthoṅ ste | kho bos dbaṅ de mthoṅ bas kho bos de skad smras so ||
rab ’byor gyi le’u źes bya ste lṅa pa’o ||
de nas bcom ldan ’das kyis byaṅ chub sems dpa’ (3) sems dpa’ chen po rab kyi rtsal gyis rnam par gnon pa la ’di skad ces bka’ stsal to ||
rab kyi rtsal gyes rnam par gnon pa ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni chos gaṅ la yaṅ mi spyod do ||
de ci’i phyir źe na | rab (4) gyi rtsal gyis rnam par gnon pa chos thams cad ni phyin ci log las byuṅ ba | bden pa ma yin pa | med pa log pa yaṅ dag pa ma yin pa ste | rab kyi rtsal gyis rnam par gnon pa | de’i phyir gaṅ chos ’ga’ źig la spyod na de ni phyin ci log la spyod pa’o ||
de ni yaṅ dag pa ma (5) yin pa la spyod pa’o ||
rab kyi rtsal gyis rnam par gnon pa byaṅ chub sems dpa’ ni phyin ci log spyod pas rab tu phye ba’am | yaṅ dag pa ma yin pa spyod pas rab tu phye ba ma yin no ||
byaṅ chub sems dpa’ phyin ci log gam | yaṅ dag pa ma yin pa la spyod pa de ni śes (6) rab kyi pha rol tu phyin pa la spyod pa ma yin no ||
gaṅ phyin ci log daṅ | yaṅ dag pa ma yin pa de la spyod pa gaṅ yaṅ med pas de’i phyir byaṅ chub sems dpa’ de la mi spyod do ||
rab kyi rtsal gyis rnam par gnon pa phyin ci log ces bya ba ’di ni log par byis pa so so’i skye bo rnams (7) kyis bzuṅ ba ste | chos de ni ji lta ba bźin du ma yin | gaṅ dag ji ltar bzuṅ ba de bźin du ma yin pa de ni phyin ci log daṅ | yaṅ dag pa ma yin pa źes bya’o ||
rab kyi rtsal gyis rnam par gnon pa byaṅ chub sems dpa’ ni phyin ci log daṅ | yaṅ dag pa ma yin pa la mi (67b1) spyod do ||
rab kyi rtsal gyis rnam par gnon pa byaṅ chub sems dpa’ ni yaṅ dag pa smra ba ste | phyin ci log ma yin pa spyod pa’o ||
gaṅ du yaṅ dag pa la phyin ci log pa de la spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod pa źes bya’o ||
(2) rab kyi rtsal gyis rnam par gnon pa spyod pa thams cad yaṅ dag par chad pa ni byaṅ chub sems dpa’i spyod pa ste | ’di ni byaṅ chub sems dpa’i spyod pa’o ||
’dis byaṅ chub sems dpa’i spyod pa’o ||
’di ni byaṅ chub sems dpa’i spyod pa’o ||
’di las byaṅ chub sems dpa’i (3) spyod pa’o źes byaṅ chub sems dpa’i spyod pa de kun du bstan par mi nus te | byaṅ chub sems dpa’i spyod pa ni de lta bus rab tu phye ba ma yin no ||
byaṅ chub sems dpa’ dag ni so so’i skye bo’i spyod pa bzlog pa’o ||
ñan thos kyi spyod pa bzlog pa daṅ ||
raṅ saṅs rgyas kyi spyod pa (4) bzlog pa daṅ | spyod pa thams cad bzlog pa’i phyir byaṅ chub sems dpa’i spyad pa la spyod do ||
rab kyi rtsal gyis rnam par gnon pa byaṅ chub sems dpa’ ’di dag ni saṅs rgyas kyi chos de dag go ||
’dis saṅs rgyas kyi chos de dag go ||
’di ni saṅs rgyas kyi chos (5) de dag go ||
’di’i saṅs rgyas kyi chos de dag go źes saṅs rgyas kyi chos gaṅ yin pa de dag la yaṅ mi spyod ciṅ mṅon par źen pa med de | rab kyi rtsal gyis rnam par gnon pa byaṅ chub sems dpa’ ni de ltar mi spyod do ||
rab kyi rtsal gyis rnam par gnon pa de dag (6) thams cad ni rnam par rtog pa la spyod pa’o ||
byaṅ chub sems dpa’ spyod pa ni rtog pa thams cad spaṅs pa yin pas byaṅ chub sems dpa’ ni rnam par rtog pa daṅ | mi rtog pa la mi spyod do ||
rab kyi rtsal gyis rnam par gnon pa rtog pa źes bya ba de ni chos rnams la (7) rnam par rtog pa’o ||
chos thams cad ni rnam par mi rtog pa yin pas | chos thams cad la brtag par mi nus so ||
de’i phyir gaṅ chos la rtog pa de log par rtog pa’o ||
rab kyi rtsal gyis rnam par gnon pa chos ni rtog pa ’am | mi rtog pa ma yin no ||
rab kyi rtsal (68a1) gyis rnam par gnon pa rtog pa źes bya ba de ni mtha’ gcig go ||
mi rtog pa źes bya ba de ni mtha’ gñis te | rab kyi rtsal gyis rnam par gnon pa byaṅ chub sems dpa’ ni mtha’ daṅ mtha’ med pa la mi spyod do ||
gaṅ mtha’ daṅ mtha’ med pa la mi spyod pa des ni (2) dbus yaṅ dag par rjes su mi mthoṅ ṅo ||
rab kyi rtsal gyis rnam par gnon pa dbus yaṅ dag par rjes su mthoṅ źiṅ dbus la spyod na ni mtha’ ñid la spyod do ||
rab kyi rtsal gyis rnam par gnon pa dbus la ni spyod pa bstan pa’am | ṅes par bstan pa gaṅ yaṅ med do ||
rab kyi rtsal gyis (3) rnam par gnon pa dbus źes bya ba de ni ’phags pa’i lam yan lag brgyad pa’i tshig bla dgas so ||
rab kyi rtsal gyis rnam par gnon pa ’phags pa’i lam yan lag brgyad pa ni chos gaṅ dmigs pa daṅ | chos gaṅ mthoṅ ba’i phyir ñe bar gnas pa ma yin no ||
rab kyi rtsal gyis (4) rnam par gnon pa nam chos gaṅ la yaṅ sgom par yaṅ mi byed | mi sgom par yaṅ mi byed pa de’i tshe lam gyi rgyun gcad ces bya’o ||
de chos thams cad la sgom par yaṅ mi byed | mi sgom par yaṅ mi byed pas sgom pa las yaṅ dag par ’das nas chos mñam pa ñid rñed de | chos (5) mñam pa ñid des lam gyi ’du śes kyaṅ mi ’byuṅ na | lam mthoṅ bar ltag la ’gyur | rab kyi rtsal gyis rnam par gnon pa lam gyi rgyun gcad ces bya ba de ni dge sloṅ zag pa zad pa | dgra bcom pa’i tshig bla dgas so ||
de ci’i phyir źe na | des bsgoms pa yaṅ med ciṅ bsgoms (6) pa med pa yaṅ ma yin par lam bsgoms pa med pas de’i phyir bsgoms pa med ces bya’o ||
bsgom pa med pa yaṅ de la med pas de’i phyir bsgom pa med ces bya’o ||
de bsgom pa daṅ bral bas de’i phyir bsgom pa med ces bya’o ||
rab kyi rtsal gyis rnam par gnon pa gal te bsgom pa’am | (7) sgom par byed pa źig yod na ni de dmigs par ’gyur te | de bsgom pa med par mi ’gyur ro ||
rab kyi rtsal gyis rnam par gnon pa bsgom pa med pa źes bya ba ni de bsgom pa daṅ bral bas bsgom pa med pa ste | ’di dṅos po daṅ bral bas de’i phyir bsgom pa med pa źes bya ste | ji skad (68b1) du brjod pa bźin du ni ma yin no ||
de ci’i phyir źe na | bsgom pa med pa ni brjod du med pa’o ||
bsgom pa med pa ’di ni bral ba’o ||
bral ba gaṅ źe na | gaṅ phyin ci log kun nas mi ldaṅ ba daṅ | gaṅ yaṅ dag pa ma yin pa kun nas mi ldaṅ ba’o ||
rab kyi rtsal gyis rnam par (2) gnon pa phyin ci log gis phyin ci log kun nas mi sloṅ ste | phyin ci log ni kun nas laṅs ba ñid ma yin no ||
de la kun nas sloṅ ba ci yaṅ med do ||
gal te de la sloṅ ba ’ga’ źig yod na ni der yaṅ brjod na ’di ltar yaṅ dag pa ma yin pa las byuṅ bas de’i phyir phyin ci log (3) ces bya’o ||
rab kyi rtsal gyis rnam par gnon pa byaṅ chub sems dpas ni chos thams cad phyin ci log med par khoṅ du chud do ||
de ci’i phyir źe na | des phyin ci log ni yaṅ dag pa ma yin par śes pa’i phyir ro ||
phyin ci log la ni phyin ci log med de | gaṅ gis phyin ci log (4) yaṅ dag pa ma yin pa daṅ | phyin ci log la phyin ci log med par śes pa des chos thams cad phyin ci log ma yin par khoṅ du chud do ||
gaṅ phyin ci log med par khoṅ du chud pa de la phyin ci log gaṅ yaṅ mi ’byuṅ ṅo ||
gaṅ la phyin ci log med pa de la spyod pa gaṅ yaṅ med do ||
(5) rtsil gyis rnam par gnon pa spyod pa thams cad ni spyod pa las byuṅ ba daṅ | spyod pa la rnam par rtog pas phyin ci log go ||
byaṅ chub sems dpa’ ni spyod pa la rnam par mi rtog ste | de’i phyir de phyin ci log med par gnas pa źes bya’o ||
gaṅ phyin ci log med pa de ni (6) phyir gaṅ la yaṅ mi spyod de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa spyod pa med pa źes bya ba de chos gaṅ la yaṅ mi spyod rnam par mi spyod ciṅ spyod pa’i mtshan ñid mi ston pa’o ||
de ni byaṅ chub sems dpa’i spyod pa (7) źes bya ste | gaṅ ’di lta bur spyod pa de ni śes rab kyi pha rol tu phyin pa la spyod pa’o ||
rab kyi rtsal gyis rnam par gnon pa byaṅ chub sems dpa’ gzugs kyi dmigs pa la spyod na śes rab kyi pa rol tu phyin pa la spyod pa ma yin no ||
tshor ba daṅ | ’du śes daṅ | ’du byed (69a1) rnams daṅ | rnam par śes pa’i dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | des dmigs pa thams cad rab tu dben par śes pa’i phyir ro ||
dben pa gaṅ yin pa de la spyod pa gaṅ yaṅ med de | de’i (2) phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ mig gi dmigs pa la spyod na śes rab kyi pha rol tu phyin pa la spyod pa ma yin no ||
rna ba daṅ | sna daṅ | lce daṅ | lus daṅ | yid kyi dmigs pa la spyod (3) na śes rab kyi pha rol tu phyin pa la spyod pa ma yin no ||
de ci’i phyir źe na | des dmigs pa thams cad yaṅ dag pa ma yin par śes pa’i phyir ro ||
gaṅ dmigs pa thams cad yaṅ dag pa ma yin par śes pa de ni gaṅ la yaṅ mi spyod de | de’i phyir spyod pa med pa ni byaṅ chub sems (4) dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ gzugs daṅ | sgra daṅ | dri daṅ | ro daṅ | reg bya daṅ | chos kyi dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | des dmigs pa thams cad phyin (5) ci log las byuṅ bar śes śiṅ gaṅ phyin ci log pa de yaṅ dag pa ma yin par yoṅs su śes pa’i phyir ro ||
gaṅ gis phyin ci log yaṅ dag pa ma yin par yoṅs su śes pa de ni dmigs pa gaṅ la yaṅ mi spyod de | de’i phyir spyod pa med pa ni byaṅ chub sems dpa’i spyod pa źes (6) bya’o ||
rab kyi rtsal gyis rnam par gnon pa byaṅ chub sems dpa’ miṅ daṅ gzugs kyi dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | des dmigs pa thams cad dmigs pa med par mthoṅ ba’i phyir ro ||
gaṅ gis dmigs pa (7) thams cad dmigs pa med par khoṅ du chud pa de ni dmigs pa gaṅ la yaṅ mi spyod de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ sems dpa’ chen po dag sems can daṅ | bdag gi (69b1) dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis sems can du ’du śes pa daṅ | bdag tu ’du śes pa de yaṅ dag pa ma yin par śes pa’i phyir ro ||
gaṅ gis sems can du ’du śes pa daṅ | bdag tu ’du śes (2) pa yaṅ dag lam yin par śes pa de spyod pa gaṅ la yaṅ mi spyod do ||
gaṅ spyad pa gaṅ la yaṅ mi spyod pa de spyod pa med pa ste | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ srog tu ’du śes (3) pa daṅ | gso ba daṅ | skyes bu daṅ | gaṅ zag daṅ | śed las skyes daṅ | śed bu daṅ | sloṅ ba po daṅ | kun nas sloṅ ba po daṅ | byed pa po daṅ | byed du ’jug pa daṅ | tshor ba po daṅ | tshor bar byed par ’du śes pa daṅ | śes par byed pa daṅ | śes pa por ’du (4) śes pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gi ’du śes thams cad rnam par bśig pa’i phyir ro ||
gaṅ gis ’du śes thams cad rnam par bśig pa de dag phyir ’du śes gaṅ la yaṅ mi spyod de | de’i phyir spyod pa med (5) pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ phyin ci log daṅ | lta bar gyur pa daṅ | sgrib pa la spyod na śes rab kyi pha rol tu phyin pa la spyod pa ma yin no ||
phyin ci log daṅ | lta bar gyur ba daṅ | sgrib pa dmigs (6) pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis phyin ci log daṅ | lta bar gyur ba daṅ | sgrib pa’i dmigs pa yoṅs su śes pa’i phyir ro ||
gaṅ yoṅs su śes pa de spyod pa med de | de’i phyir spyod pa med pa ni | byaṅ chub sems (7) dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ rten ciṅ ’brel par ’byuṅ ba’i dmigs pa la spyod pa śes rab kyi pha rol tu phyin pa la spyod pa ma yin no ||
de ci’i phyir źe na | de dag gis rten ciṅ ’brel par ’byuṅ ba yaṅ śes śiṅ rten ciṅ (70a1) ’brel par ’byuṅ ba’i dmigs pa yaṅ śes pa’i phyir ro ||
gaṅ rten ciṅ ’brel par ’byuṅ ba’i dmigs pa śes pa de la spyod pa gaṅ yaṅ med do ||
de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa (2) byaṅ chub sems dpa’ dag ’dod pa’i khams kyi dmigs pa la spyod na | śes rab kyi pha rol tu phyin pa la spyod pa ma yin no ||
gzugs daṅ | gzugs med pa’i khams kyi dmigs pa la spyod na | śes rab kyi pha rol tu phyin pa la spyod pa ma yin no ||
de ci’i phyir źe na | de dag (3) gis ’dod pa’i khams daṅ | gzugs kyi khams daṅ | gzugs med pa’i khams kyi dmigs pa rnam par bśig pa’i phyir ro ||
gaṅ ’dod pa’i khams daṅ | gzugs kyi khams daṅ | gzugs med pa’i khams kyi dmigs pa rnam par ’jig pa de la spyod pa gaṅ yaṅ (4) med de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ dag tshul khrims daṅ | ’chal pa’i tshul khrims kyi dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir (5) źe na | de dag gis tshul khrims daṅ | ’chal pa’i tshul khrims kyi dmigs pa yoṅs su śes pa’i phyir ro ||
gaṅ tshul khrims daṅ | ’chal pa’i tshul khrims kyi dmigs pa śes pa de la spyod pa gaṅ yaṅ med | de’i phyir spyod pa med pa ni byaṅ chub sems dpa’i spyod pa źes (6) bya’o ||
rab kyi rtsal gyis rnam par gnon pa byaṅ chub sems dpa’ dag bzod pa daṅ | gnod sems daṅ | brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’chal pa’i śes rab kyi dmigs pa la spyod na śes rab kyi pha rol (7) tu phyin pa la spyod pa ma yin no ||
de ci’i phyir źe na | de dag gis dmigs pa thams cad yoṅs su śes pa’i phyir ro ||
gaṅ dmigs pa thams cad yoṅs su śes pa de la ni spyod pa gaṅ yaṅ med do ||
de’i phyir spyod pa med pa ni byaṅ chub sems dpa’i spyod pa źes bya’o ||
rab kyi (70b1) rtsal gyis rnam par gnon pa byaṅ chub sems dpa’ dag phyin ci log ma yin pa daṅ | yaṅ dag par spoṅ ba daṅ | dran pa ñe bar gźag pa daṅ | chad med pa’i dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis dmigs (2) pa thams cad ya ma bar ra śes pa’i phyir ro ||
gaṅ dmigs pa thams cad ya ma brlar yoṅs su śes pa de la spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ dag dbaṅ po (3) daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa’i dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis dbaṅ po daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ (4) sñoms par ’jug pa’i dmigs pa rnam par bśig pa’i phyir ro ||
gaṅ rnam par ’jig pa de la spyod pa gaṅ yaṅ med de | de’i phyir spyod pa med pa źes bya ba ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ dag sdug bsṅal daṅ | (5) kun ’byuṅ ṅa daṅ | ’gog pa daṅ | lam gyi dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gi sdug bsṅal daṅ | kun ’byuṅ ba daṅ | ’gog pa daṅ | lam gyi dmigs pa rnam par bśig pa’i phyir ro ||
gaṅ rnam (6) par ’jig pa de la rnam par ’jig pa gaṅ yaṅ med ciṅ de la yaṅ spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ dag rig pa daṅ | rnam par grol ba’i dmigs pa la (7) spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis rig pa daṅ | rnam par grol ba’i dmigs pa rnam par bśig pa’i phyir ro ||
gaṅ rnam par ’jig pa de la spyod pa gaṅ yaṅ med de | de’i phyir spyod pa med pa ni byaṅ chub sems (71a1) dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ dag mi skye ba’i dmigs pa ’am | zad pa’i dmigs pa ’am | mṅon par ’du mi byed pa’i dmigs pa la spyod na śes rab kyi pha rol tu phyin pa la spyod pa ma yin no ||
(2) de ci’i phyir źe na | de dag gis mi skye ba daṅ | zad pa daṅ | mṅon par ’du mi byed pa’i dmigs pa rnam par bśig pa’i phyir ro ||
gaṅ rnam par ’jig pa de la yaṅ spyod pa gaṅ yaṅ med do ||
de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam (3) par gnon pa byaṅ chub sems dpa’ dag sa daṅ | chu daṅ | me daṅ | rluṅ daṅ | nam mkha’i dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis sa daṅ | chu daṅ | me daṅ | rluṅ daṅ | nam mkha’i dmigs pa rnam par bśig (4) pa’i phyir ro ||
gaṅ rnam par ’jig pa de la spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ daṅ | ñan thos daṅ | raṅ saṅs rgyas kyi sa’i dmigs pa la spyod na (5) śes rab kyi pha rol tu phyin pa la spyod pa ma yin no ||
de ci’i phyir źe na | de dag gis ñan thos daṅ | raṅ saṅs rgyas kyi sa’i dmigs pa rnam par bśig pa’i phyir ro ||
gaṅ rnam par ’jig pa de la spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod (6) pa źes bya’o ||
rab kyi rtsal gyis rnam par gnon pa byaṅ chub sems dpa’ dag ñan thos daṅ | raṅ saṅs rgyas kyi chos kyi dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis ñan thos daṅ | raṅ saṅs rgyas kyi chos (7) kyi dmigs pa rnam par bśig pa’i phyir ro ||
gaṅ rnam par ’jig pa de la spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa byaṅ chub sems dpa’ dag mya ṅan las ’das pa’i dmigs pa (71b1) la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis mya ṅan las ’das pa’i dmigs pa yoṅs su śes pa’i phyir ro ||
gaṅ yoṅs su śes pa de la spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod pa źes bya’o ||
(2) rab kyi rtsal gyis rnam par gnon pa byaṅ chub sems dpa’ dag mtshan yoṅs su dag pa’i dmigs pa la spyod dam | saṅs rgyas kyi źiṅ yoṅs su dag pa’i dmigs pa la spyod dam | ñan thos phun sum tshogs pa’i dmigs pa la spyod dam | byaṅ chub sems dpa’ phun sum tshogs (3) pa’i dmigs pa la spyod na śes rab kyi pha rol tu phyin pa la spyod pa ma yin no ||
de ci’i phyir źe na | de dag gis mtshan yoṅs su dag pa’i dmigs pa daṅ | saṅs rgyas kyi źiṅ yoṅs su dag pa’i dmigs pa daṅ | ñan thos phun sum tshogs pa’i dmigs pa daṅ | byaṅ chub (4) sems dpa’ phun sum tshogs pa’i dmigs pa rnam par bśig pa’i phyir ro ||
gaṅ rnam par ’jig pa de la spyod pa gaṅ yaṅ med de | de’i phyir spyod pa med pa ni byaṅ chub sems dpa’i spyod pa źes bya’o ||
rab kyi rtsal gyis rnam par gnon pa de ltar spyod pa’i byaṅ chub sems (5) dpa’ ni śes rab kyi pha rol tu phyin pa la spyod pa’o ||
’di ni byaṅ chub sems dpa’ śes rab kyi pha rol tu phyin pa la spyod pa’i dmigs pa thams cad yoṅs su śes pa’i spyod pa daṅ | dmigs pa thams cad rnam par ’jig pa’i spyod pa’o ||
rab kyi rtsal gyis rnam par gnon pa (6) byaṅ chub sems dpa’ de ltar spyod na gzugs kyi dmigs pa rnam par dag pa la mi spyod do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa’i dmigs pa rnam par dag pa la mi spyod do ||
de ci’i phyir źe na | des gzugs kyi dmigs pa raṅ (7) bźin gyis rnam par dag par yoṅs su śes pa’i phyir ro ||
spyod pa de lta bu gaṅ yin pa de byaṅ chub sems dpa’ śes rab kyi pha rol tu phyin pa la spyod pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni mig gi dmigs pa rnam par dag pa (72a1) la mi spyod do ||
rna ba daṅ | sna daṅ | lce daṅ | lus daṅ | yid kyi dmigs pa rnam par dag pa la mi spyod do ||
de ci’i phyir źe na | des yid kyi bar gyi dmigs pa raṅ bźin gyis rnam par dag par yoṅs su śes pa’i phyir ro ||
spyod pa de lta bu gaṅ yin (2) pa de byaṅ chub sems dpa’i śes rab kyi pha rol tu phyin pa la spyod pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni gzugs daṅ | sgra daṅ | dri daṅ | ro daṅ | reg bya daṅ | chos kyi dmigs pa rnam par dag pa la mi spyod do ||
de ci’i phyir źe na | des chos kyi (3) bar gyi dmigs pa raṅ bźin gyis rnam par dag par yoṅs su śes pa’i phyir ro ||
spyod pa de lta bu gaṅ yin pa de byaṅ chub sems dpa’i śes rab kyi pha rol tu phyin pa la spyod pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni miṅ daṅ gzugs kyi (4) dmigs pa rnam par dag pa la mi spyod do ||
de ci’i phyir źe na | des miṅ daṅ gzugs kyi dmigs pa raṅ bźin gyis rnam par dag par yoṅs su śes pa’i phyir ro ||
spyod pa de lta bu gaṅ yin pa de byaṅ chub sems dpa’i śes rab kyi pha rol tu phyin pa la spyod pa’o ||
rab kyi rtsal (5) gyis rnam par gnon pa de ltar spyad pa’i byaṅ chub sems dpa’ ni bdag daṅ sems can gyi dmigs pa rnam par dag pa la mi spyod do ||
de ci’i phyir źe na | des bdag daṅ | sems can gyi dmigs pa raṅ bźin gyis rnam par dag par yoṅs su śes pa’i phyir ro ||
spyod pa de lta bu (6) gaṅ yin pa de byaṅ chub sems dpa’i śes rab kyi pha rol tu phyin pa la spyod pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni srog daṅ | ’byuṅ ba daṅ | gaṅ zag daṅ | byed pa po daṅ | byed du ’jug pa daṅ | sloṅ ba po daṅ | kun nas sloṅ ba po daṅ | (7) tshor ba po daṅ | tshor bar byed pa daṅ | lta ba’i dmigs pa rnam par dag pa la mi spyod do ||
de ci’i phyir źe na | des srog daṅ | ’byuṅ ba daṅ | gaṅ zag daṅ | byed pa po daṅ | byed du ’jug pa daṅ | sloṅ ba po daṅ | kun nas sloṅ ba po daṅ | tshor ba po daṅ | tshor bar byed pa (72b1) daṅ | lta ba’i dmigs pa raṅ bźin gyis rnam par dag par yoṅs su śes pa’i phyir ro ||
spyod pa de lta bu gaṅ yin pa de byaṅ chub sems dpa’i śes rab kyi pha rol tu phyin pa la spyod pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni phyin ci (2) log daṅ | lta bar gyur pa’i dmigs pa rnam par dag pa la mi spyod do ||
de ci’i phyir źe na | des phyin ci log daṅ | lta bar gyur pa’i dmigs pa raṅ bźin gyis rnam par dag par yoṅs su śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems (3) dpa’ ni sgrib pa’i dmigs pa rnam par dag pa la mi spyod do ||
de ci’i phyir źe na | des sgrib pa’i dmigs pa raṅ bźin gyis rnam par dag par yoṅs su śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni rten ciṅ ’brel par ’byuṅ ba’i (4) dmigs pa rnam par dag pa la mi spyod do ||
de ci’i phyir źe na | des rten ciṅ ’brel par ’byuṅ ba’i dmigs pa raṅ bźin gyis rnam par dag par yoṅs su śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni ’dod pa’i khams daṅ | (5) gzugs kyi khams daṅ | gzugs med pa’i khams kyi dmigs pa rnam par dag par mi spyod do ||
de ci’i phyir źe na | des ’dod pa’i khams daṅ | gzugs kyi khams daṅ | gzugs med pa’i khams kyi dmigs pa raṅ bźin gyis rnam par dag par yoṅs su śes pa’i phyir ro ||
(6) rab kyi rtsal gyis rnam par gnon pa de ltar spyod pa’i byaṅ chub sems dpa’ ni tshul khrims daṅ | ’chal pa’i tshul khrims kyi dmigs pa rnam par dag pa la mi spyod do ||
de ci’i phyir źe na | des tshul khrims daṅ | ’chal pa’i tshul khrims kyi dmigs pa raṅ bźin gyis rnam par (7) dag par yoṅs su śes pa’i phyir ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni bzod pa daṅ | gnod sems daṅ | brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’chal pa’i śes rab gyi (73a1) dmigs pa rnam par dag pa la mi spyod do ||
de ci’i phyir źe na | des bzod pa daṅ | gnod sems daṅ | brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’chal pa’i śes rab kyi dmigs pa raṅ (2) bźin gyis rnam par dag par yoṅs su śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni ’das pa daṅ | ma ’oṅs pa daṅ | da ltar byuṅ ba’i dmigs pa rnam par dag pa la mi spyod do ||
de ci’i phyir źe na | des ’das pa daṅ | ma (3) ’oṅs pa daṅ | da ltar byuṅ ba’i dmigs pa raṅ bźin gyis rnam par dag par yoṅs su śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ sems dpa’ chen po ni thogs pa med pa’i dmigs pa rnam par dag pa la mi spyod do ||
(4) de ci’i phyir źe na | des thogs pa med pa’i dmigs pa raṅ bźin gyis yoṅs su dag par śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni mṅon par śes pa’i dmigs pa rnam par dag pa la mi spyod do ||
de ci’i phyir źe na | (5) des mṅon par śes pa’i dmigs pa raṅ bźin gyis yoṅs su dag par śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni thams cad mkhyen pa’i dmigs pa rnam par dag pa la mi spyod do ||
de ci’i phyir źe na | des thams (6) cad mkhyen pa’i dmigs pa raṅ bźin gyis yoṅs su dag par śes pa’i phyir ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni śes rab kyi pha rol tu phyin pa la spyod pa ste | de ni dmigs pa rnam par dag pa gaṅ la yaṅ mi spyod do ||
de (7) ci’i phyir źe na | dmigs pa thams cad raṅ bźin gyis yoṅs su rnam par dag pa’i phyir ro ||
rab kyi rtsal gyis rnam par gnon pa ’di ni byaṅ chub sems dpa’ sems dpa’ chen po’i dmigs pa thams cad raṅ bźin gyis yoṅs su dag pa śes rab kyi pha rol tu phyin (73b1) pa la spyod pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ’di ni gzugs so źes yaṅ dag par rjes su mi mthoṅ | ’dis gzugs źes yaṅ dag par rjes su mi mthoṅ | ’di’i gzugs źes yaṅ dag par rjes su mi mthoṅ | ’di (2) las gzugs źes yaṅ dag par rjes su mi mthoṅ ste | de de ltar gzugs yaṅ dag par rjes su mi mthoṅ bas gzugs mi ’deg | mi ’jog | gzugs mi skyed | mi ’gog | gzugs la mi spyod | rnam par me spyod do ||
gzugs kyi dmigs pa la mi spyod | rnam (3) par mi spyod do ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ’di ni tshor ba’o ||
’di ni ’du byed rnams so ||
’di ni rnam par śes pa’o źes yaṅ dag par rjes su mi mthoṅ | ’dis rnam par śes pa źes yaṅ dag par rjes su (4) mi mthoṅ | ’di’i rnam par śes pa źes yaṅ dag par rjes su mi mthoṅ | ’di las rnam par śes pa źes yaṅ dag par rjes su mi mthoṅ ste | de de ltar rnam par śes pa yaṅ dag par rjes su mi mthoṅ bas rnam par śes pa mi ’deg | mi ’jog | rnam par śes pa mi skyed | mi (5) ’gog | rnam par śes pa la mi spyod | rnam par mi spyod do ||
rnam par śes pa’i dmigs pa la mi spyod rnam par mi spyod do ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni śes rab kyi pha rol tu phyin pa la spyod pa’o ||
rab kyi rtsal gyis rnam par (6) gnon pa gźan yaṅ de ltar spyod pa’i byaṅ chub sems dpa’ ni gzugs la ’das pa źes mi spyod | gzugs la ma ’oṅs pa źes mi spyod | gzugs la da ltar byuṅ ba źes mi spyod do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la ’das pa (7) daṅ | ma ’oṅs pa daṅ | da ltar byuṅ ba źes mi spyod do ||
gzugs la bdag ces mi spyod | gzugs la bdag gi źes mi spyod do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la bdag ces mi spyod | rnam par śes pa la bdag gi (74a1) źes mi spyod do ||
gzugs la sdug bsṅal źes mi spyod do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa la sdug bsṅal źes mi spyod do ||
gzugs la bdag gi daṅ | gźan gyi źes mi spyod do ||
de bźin (2) du tshor ba daṅ | ’du śes daṅ | ’du byed rnams daṅ | rnam par śes pa la bdag gi daṅ | gźan gyi źes mi spyod do ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni śes rab kyi pha rol tu phyin pa la spyod pa’o ||
rab kyi rtsal gyis rnam par (3) gnon pa gźan yaṅ byaṅ chub sems dpa’ śes rab kyi pha rol tu phyin pa la spyod pa ni gzugs kyi kun ’byuṅ ba la mi spyod | gzugs kyi ’gog pa la mi spyod | gzugs la zab ces mi spyod | gzugs la mi zab ces mi spyod | gzugs la stoṅ źes mi spyod | (4) gzugs la mi stoṅ źes mi spyod | gzugs la mtshan ma źes mi spyod | gzugs la mtshan ma med pa źes mi spyod | gzugs la smon pa źes mi spyod | gzugs la smon pa med pa źes mi spyod | gzugs la mṅon par ’du byed pa źes mi spyod | gzugs la (5) mṅon par ’du mi byed pa źes mi spyod do ||
de bźin du tshor ba daṅ | ’du śes daṅ | ’du byed rnams daṅ | rnam par śes pa’i kun ’byuṅ ba la mi spyod | rnam par śes pa’i ’gog pa la mi spyod | rnam par śes pa la zab ces mi spyod | rnam par śes pa la mi zad (6) ces mi spyod | rnam par śes pa la stoṅ źes mi spyod | rnam par śes pa la mi stoṅ źes mi spyod | rnam par śes pa la mtshan ma źes mi spyod | rnam par śes pa la mtshan ma med pa źes mi spyod | rnam par śes pa la smon pa źes mi spyod | rnam par śes pa la (7) smon pa med pa źes mi spyod | rnam par śes pa la mṅon par ’du byed pa źes mi spyod | rnam par śes pa la mṅon par ’du mi byed pa źes mi spyod do ||
de ci’i phyir źe na | rab kyi rtsal gyis rnam par gnon pa ’di dag thams cad ni rlom sems su gyur pa daṅ | g-yos (74b1) pa daṅ | spros pa daṅ | sred par gtogs pa’i phyir ro ||
bdag gis spyad par bya’o źes bya ba de ni g-yos pa’o ||
’dir spyad par bya’o źes bya ba de ni spros pa’o ||
’dis spyod do źes bya ba de ni sred par gtogs pa’o ||
’di la spyad par bya’o źes bya ba de ni rlom sems do ||
rab (2) kyi rtsal gyis rnam par gnon pa de la byaṅ chub sems dpa’ dag ni de dag thams cad rlom sems daṅ | g-yos pa daṅ | spros pa daṅ | sred par gtogs par śes nas mi śes pa thams cad yaṅ dag par gźom pa’i phyir ci la yaṅ rlom sems su mi byed do ||
rlom sems su mi byed (3) pas gaṅ la yaṅ mi spyod | gaṅ la yaṅ mi sbyor ro ||
de dag gnas med ciṅ ’du ba yaṅ med | ’bral ba yaṅ med pas ci yaṅ ldan par mi byed do ||
rab kyi rtsal gyis rnam par gnon pa ’di ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i (4) rlom sems thams cad yaṅ dag par ’joms pa’o ||
rab kyi rtsal gyis rnam par gnon pa gźan yaṅ byaṅ chub sems dpa’ śes rab kyi pha rol tu phyin pa la de ltar spyod pa ni gzugs la rtag ce’am | mi rtag ces mi spyod do ||
gzugs la stoṅ źe’am | mi stoṅ (5) źes mi spyod do ||
gzugs la sgyu ma lta bu źes mi spyod do ||
gzugs la rmi lam lta bu źes mi spyod do ||
gzugs la mig yor lta bu źes mi spyod do ||
gzugs la brag ca lta bu źes mi spyod do ||
de bźin du tshor ba daṅ | ’du śes daṅ | ’du byed rnams daṅ | rnam par (6) śes pa la rtag ce’am | mi rtag ces mi spyod do ||
rnam par śes pa la stoṅ źe’am | mi stoṅ źes mi spyod do ||
rnam par śes pa la sgyu ma lta bu źes mi spyod do ||
rnam par śes pa la rmi lam lta bu źes mi spyod do ||
rnam par śes pa la mig yor lta bu źes mi spyod do ||
(7) rnam par śes pa la brag ca lta bu źes mi spyod do ||
de ci’i phyir źe na | rab kyi rtsal gyis rnam par gnon pa de dag thams cad ni rnam par brtags pa daṅ | rnam par dpyad pa daṅ | spyad pa daṅ | rnam par spyad pa ma yin pa’i phyir ro ||
rab kyi rtsal gyis rnam par gnon pa byaṅ (75a1) chub sems dpa’ ni de dag thams cad rnam par brtags pa daṅ | rnam par dpyad pa daṅ | spyad pa daṅ | rnam par spyad pa ma yin par śes nas | spyod pa thams cad yaṅ dag par gźom pa daṅ | spyod pa thams cad yoṅs su śes par bya ba’i phyir (2) śes rab kyi pha rol tu phyin pa la spyod do ||
rab kyi rtsal gyis rnam par gnon pa ’di ni byaṅ chub sems dpa’i spyod pa źes bstan pa’o ||
de skad ces bka’ stsal pa daṅ | bcom ldan ’das la byaṅ chub sems dpa’ chen po rab kyi rtsal gyis rnam par gnon pas (3) ’di skad ces gsol to ||
byaṅ chub sems dpa’i śes rab kyi pha rol tu phyin pa la spyod pa ’di ni bsam gyis mi khyab pa lags so ||
bka’ stsal pa | rab kyi rtsal gyis rnam par gnon pa de de bźin te | gzugs bsam gyis mi khyab pas | byaṅ chub sems dpa’i (4) śes rab kyi pha rol tu phyin pa la spyod pa ’di bsam gyis mi khyab bo ||
de bźin du tshor ba daṅ | ’du śes daṅ | ’du byed rnams daṅ | rnam par śes pa bsam gyis mi khyab pas | byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
miṅ (5) daṅ gzugs bsam gyis mi khyab pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
rten ciṅ ’brel par ’byuṅ ba bsam gyis mi khyab pa daṅ | kun nas ñon moṅs pa bsam gyis mi khyab pas byaṅ chub sems dpa’i śes rab kyi pha (6) rol tu phyin pa la spyod pa ’di bsam gyis mi khyab bo ||
las kyi rnam par smin pa bsam gyis mi khyab pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
phyin ci log bsam gyis mi khyab pa daṅ | lta bar gyur pa bsam gyis mi khyab (7) pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
’dod pa’i khams bsam gyis mi khyab pa daṅ | gzugs kyi khams daṅ | gzugs med pa’i khams bsam gyis mi khyab pas byaṅ chub sems dpa’i śes rab kyi pha rol tu (75b1) phyin pa la spyod pa ’di bsam gyis mi khyab bo ||
bdag bsam gyis mi khyab pa daṅ | sems can bsam gyis mi khyab pa daṅ | sbyin pa bsam gyis mi khyab pa daṅ | ser sna bsam gyis mi khyab pa daṅ | tshul khrims bsam gyis mi khyab pa daṅ | ’chal pa’i tshul khrims (2) bsam gyis mi khyab pa daṅ | bzod pa bsam gyis mi khyab pa daṅ | gnod sems bsam gyis mi khyab pa daṅ | brtson ’grus bsam gyis mi khyab pa daṅ | le lo bsam gyis mi khyab pa daṅ | bsam gtan bsam gyis mi khyab pa daṅ | rnam par g-yeṅ ba bsam (3) gyis mi khyab pa daṅ | śes rab bsam gyis mi khyab pa daṅ | ’chal pa’i śes rab bsam gyis mi khyab pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
’dod chags daṅ | źe sdaṅ daṅ | gti mug bsam gyis mi khyab (4) pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
dran pa ñe bar gźag pa bsam gyis mi khyab pa daṅ | yaṅ dag pa’i spoṅ ba daṅ | phyin ci ma log pa daṅ | tshad med pa daṅ | rdzu ’phrul gyi rkaṅ pa bsam gyis mi khyab pas byaṅ (5) chub sems dpa’i śes rab kyi pha rol tu phyin pa la spyod pa ’di yaṅ bsam gyis mi khyab bo ||
dbaṅ po daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa bsam gyis mi khyab pas byaṅ chub sems dpa’i śes rab kyi pha rol tu phyin pa la (6) spyod pa ’di bsam gyis mi khyab bo ||
sdug bsṅal daṅ | kun ’byuṅ ba daṅ | ’gog pa daṅ | lam bsam gyis mi khyab pas byaṅ chub sems dpa’i śes rab kyi pha rol tu phyin pa ’di bsam gyis mi khyab bo ||
rig pa daṅ | rnam par grol ba bsam gyis mi khyab pa daṅ | (7) zad pa śes pa daṅ | skye ba śes pa daṅ | mṅon par ’du mi byed pa śes pa bsam gyis mi khyab pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
ñan thos daṅ | raṅ saṅs rgyas kyis bsam gyis mi khyab pas byaṅ chub (76a1) sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
ñan thos daṅ | raṅ saṅs rgyas kyi chos bsam gyis mi khyab pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
mṅon par (2) śes pa bsam gyis mi khyab pa daṅ | ’das pa daṅ | ma ’oṅs pa daṅ | da ltar byuṅ ba bsam gyis mi khyab pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
bam po lṅa pa | thogs pa med pa’i ye śes bsam (3) gyis mi khyab pa daṅ | mya ṅan las ’das pa bsam gyis mi khyab pa daṅ | saṅs rgyas kyi chos bsam gyis mi khyab pas byaṅ chub sems dpa’i śes rab kyi pha rol tu phyin pa la spyod pa ’di bsam gyis mi khyab bo ||
de ci’i phyir źe na | rab kyi rtsal gyis rnam par gnon pa byaṅ (4) chub sems dpa’i śes rab kyi pha rol tu phyin pa la spyod pa ni sems kyi skyed pa ma yin pa’i phyir te | de’i phyir bsam gyis mi khyab pa źes bya’o ||
rab kyi rtsal gyis rnam par gnon pa sems bskyed ces bya ba de ni phyin ci log go ||
rab kyi rtsal gyis rnam par gnon pa sems (5) źes bya ba de ni sems rab tu rtogs pa’o ||
rab kyi rtsal gyis rnam par gnon pa sems kyi raṅ bźin gaṅ yin pa de skye ba daṅ ’byuṅ ba med do ||
rab kyi rtsal gyis rnam par gnon pa phyin ci log daṅ ldan pa’i sems skye ste | de la sems kyaṅ sgrib pa med la | phyin ci log (6) gaṅ gis bskyed pa de yaṅ sgrib pa med pa ma yin no ||
rab kyi rtsal gyis rnam par gnon pa byis pa so so’i skye bo rnams ni | sems sgrib pa med pa daṅ | gaṅ du skye ba de yaṅ sgrib pa med pa daṅ | gaṅ gis bskyed pa de yaṅ sgrib pa med par mi śes so ||
de dag ni sems (7) dben par mi śes śiṅ | dmigs pa dben par mi śes pas | bdag gi sems | ’di’i sems | ’di las sems źes mṅon par źen to ||
de dag la mṅon par źen pas dge ba źes mṅon par źen | mi dge ba źes mṅon par źen | bde ba źes mṅon par źen | (76b1) sdug bsṅal ba źes mṅon par źen | chad pa źes mṅon par źen | rtag pa źes mṅon par źen | lta par gyur pa źes mṅon par źen | sgrib pa źes mṅon par źen | tshul khrims daṅ | ’chal pa’i tshul khrims źes mṅon par źen | ’dod pa’i khams daṅ | gzugs (2) kyi khams daṅ | gzugs med pa’i khams źes mṅon par źen | rten ciṅ ’brel par ’byuṅ ba źes mṅon par źen | miṅ daṅ gzugs źes mṅon par źen | ’dod chags daṅ | źe sdaṅ daṅ | gti mug ces mṅon par źen | phrag dog daṅ | ser sna źes mṅon par (3) źen | ṅa’o sñam pa’i ṅa rgyal źes mṅon par źen | sdug bsṅal źes mṅon par źen | kun ’byuṅ źes mṅon par źen | ’gog pa źes mṅon par źen | lam źes mṅon par źen | dran pa ñe bar gźag pa daṅ | yaṅ dag pa’i spoṅ ba daṅ | phyin ci ma log pa daṅ | rdzu ’phrul (4) gyi rkaṅ pa daṅ | dbaṅ po daṅ | stobs daṅ | byaṅ chub kyi yan lag ces mṅon par źen | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa źes mṅon par źen | mi skye ba daṅ | zad pa daṅ | mṅon par ’du mi byed pa źes mṅon par źen | ñan (5) thos daṅ | raṅ saṅs rgyas kyi sa źes mṅon par źen | ñan thos daṅ | raṅ saṅs rgyas kyi chos la yaṅ mṅon par źen | mṅon par śes pa la yaṅ mṅon par źen | mya ṅan las ’das pa la yaṅ mṅon par źen | saṅs rgyas kyi ye śes la yaṅ mṅon par źen | mtshan ma (6) la yaṅ mṅon par źen | saṅs rgyas kyi źiṅ la yaṅ mṅon par źen | ñan thos phun sum tshogs pa la yaṅ mṅon par źen | byaṅ chub sems dpa’i phun sum tshogs pa la yaṅ mṅon par źen to ||
rab kyi rtsal gyis rnam par gnon pa de la byaṅ chub sems dpas mṅon par źen(7) pa ’di lta bu dag ni sems can rnams kyi phyin ci log gi sems las byuṅ bar mthoṅ nas | phyin ci log gaṅ la yaṅ sems mi bskyed de | de ci’i phyir źen | śes rab kyi pha rol tu phyin pa ni sems daṅ bral ba’i phyir ro ||
rab kyi rtsal gyis rnam par gnon pa gaṅ sems raṅ bźin (77a1) gyis ’od gsal pa daṅ | raṅ bźin gyis yoṅs su dag pa de la sems bskyed pa gaṅ yaṅ med do ||
rab kyi rtsal gyis rnam par gnon pa dmigs pa yod pas | byis pa so so’i skye bo rnams sems bskyed do ||
de la byaṅ chub sems dpas dmigs pa yaṅ (2) rab tu śes śiṅ | sems gaṅ nas skye źes | sems skye ba yaṅ rab tu śes pas de ’di sñam du sems ’di ni raṅ bźin gyis ’od gsal ba’o źes rtog ciṅ de ’di sñam du sems te | dmigs pa la brten nas sems skye’o sñam mo ||
des dmigs pa yoṅs su śes pas (3) sems mi skyed mi ’gog ste | de’i sems ’od gsal ba daṅ | kun nas ñon moṅs pa can ma yin par yid du ’oṅ ba daṅ | yoṅs su dag pa yin no ||
de sems mi skye ba la gnas pas chos gaṅ yaṅ mi skye mi ’gog go ||
rab kyi rtsal gyis rnam par gnon pa ’di ni śes rab (4) kyi pha rol tu phyin pa la spyod pa’i byaṅ chub sems dpa’i skye ba yoṅs su śes pa ste | gaṅ ’di ltar spyod pa’i byaṅ chub sems dpa’ de ni śes rab kyi pha rol tu phyin pa la spyod pa’o ||
de ltar spyod pa de dag śes rab kyi pharol tu phyin pa la spyod do źe’am | ’di na śes rab kyi pha rol tu (5) phyin pa la spyod do źe’am | ’dis śes rab kyi pha rol tu phyin pa la spyod do źe’am | ’di nas śes rab kyi pha rol tu phyin pa la spyod do źes de ’di sñam du mi sems so ||
gal te ’di ni śes rab kyi pha rol tu phyin pa źe’am | ’dis śes rab kyi pha rol tu phyin pa źe’am | ’di’i (6) śes rab kyi pha rol tu phyin pa źe’am | ’di nas śes rab kyi pha rol tu phyin pa źes kun śes na ni | śes rab kyi pha rol tu phyin pa la spyod pa ma yin no ||
bdag śes rab kyi pha rol tu phyin pa la spyod do sñam pa’i śes rab kyi pha rol tu phyin pa de yaṅ yaṅ dag par rjes su mi (7) mthoṅ mi dmigs pa ni śes rab kyi pha rol tu phyin pa la spyod pa’o ||
de skad ces bka’ stsal pa daṅ | bcom ldan ’das la byaṅ chub sems dpa’ sems dpa’ chen po rab kyi rtsal gyis rnam par gnon pas ’di skad ces gsol to ||
bcom ldan ’das ’di lta ste | śes (77b1) rab kyi pha rol tu phyin pa la spyod pa byaṅ chub sems dpa’i spyod pa ’di ni bla na ma mchis pa lags so ||
bcom ldan ’das ’di lta ste | śes rab kyi pha rol tu phyin pa la spyod pa | byaṅ chub sems dpa’i spyod pa ’di ni ’od gsal ba lags so ||
bcom ldan ’das ’di lta ste | śes (2) rab kyi pha rol tu phyin pa la spyod pa byaṅ chub sems dpa’i spyod pa ’di ni ltag na ma mchis pa lags so ||
bcom ldan ’das ’di lta ste | śes rab kyi pha rol tu phyin pa la spyod pa byaṅ chub sems dpa’i spyod pa ’di ni mṅon par ’phags pa lags so ||
bcom ldan ’das ’di lta ste | (3) śes rab kyi pha rol tu phyin pa la spyod pa byaṅ chub sems dpa’i spyod pa ’di ni mi non pa lags te | bdud dam | bdud kyi ’khor tam | gźan yaṅ mtshan ma la spyod pa daṅ | dmigs pa la spyod pa daṅ | bdag tu lta ba daṅ | sems can du lta ba daṅ | srog tu lta ba daṅ | gaṅ zag (4) tu lta ba daṅ | chad par lta ba daṅ | rtag par lta ba daṅ | phuṅ phor lta ba daṅ | khams su lta ba daṅ | skye mched du lta ba daṅ | saṅs rgyas su lta ba daṅ | chos su lta ba daṅ | dge ’dun du lta ba daṅ | mya ṅan las ’da’ bar lta ba daṅ | thob par ’du śes pa daṅ | ṅa rgyal can (5) daṅ | ’dod chags daṅ | źe sdaṅ daṅ | gti mug la spyod pa daṅ | phyin ci log la spyod pa daṅ | log pa’i lam la rab tu gnas pa gaṅ gis kyaṅ mi non pa lags so ||
bcom ldan ’das ’di lta ste | śes rab kyi pha rol tu phyin pa la spyod pa byaṅ chub sems dpa’i spyod pa (6) ’di ni ’jig rten thams cad las mṅon par ’phags pa lags so ||
de skad ces gsol pa daṅ | bcom ldan ’das kyis byaṅ chub sems dpa’ sems dpa’ chen po rab kyi rtsal gyis rnam par gnon pa la ’di skad ces bka’ stsal to ||
rab kyi rtsal (7) gyis rnam par gnon pa | de de bźin te | byaṅ chub sems dpa’ ’di ni bdud dam | bdud kyi ris kyi lha’i bu’am | bdud kyi ’khor gyis mi non pa’o ||
tha na mya ṅan las ’da’ bar lta ba’am | mya ṅan las ’das pa la mṅon par źen pa’i byis pa so so’i skye bo (78a1) thams cad kyis mi non pa’o ||
rab kyi rtsal gyis rnam par gnon pa ’di ni byaṅ chub sems dpa’ rnams kyi spyod pa yin gyi | ’di ni so so’i skye bo thams cad kyi spyod pa ma yin | ’di ni slob pa daṅ | mi slob pa daṅ | ñan thos kyi theg pa can daṅ | raṅ saṅs (2) rgyas kyi theg pa can rnams kyi spyod pa ma yin no ||
rab kyi rtsal gyis rnam par gnon pa gal te ñan thos kyi theg pa can nam | raṅ saṅs rgyas kyi theg pa can rnams kyi spyod par gyur du zin na ni de dag la ñan thos kyi theg pa can nam | raṅ saṅs rgyas kyi theg pa can źes bya ba’i tha sñad (3) ’di gaṅ yaṅ med par ’gyur te | byaṅ chub sems dpa’ ñid du ’gyur źiṅ | de dag mi ’jigs pa bźi thob pa’i de bźin gśegs par ’gyur ba źig na | rab kyi rtsal gyis rnam par gnon pa ’di ltar spyod pa ’di ñan thos kyi theg pa can rnams kyi ma yin | raṅ saṅs rgyas kyi (4) theg pa can rnams kyi ma yin te | de’i phyir de dag byaṅ chub sems dpa’ źes bya ba’i graṅs su mi ’gro | mi ’jigs pa bźi thob pa’i de bźin gśegs par yaṅ mi ’gyur ro ||
rab kyi rtsal gyis rnam par gnon pa gaṅ śes rab kyi pha rol tu phyin pa la spyod pa la spyod pa ’di ni mi ’jigs pa’i (5) sa lags so ||
rab kyi rtsal gyis rnam par gnon pa de ltar spyod pa’i byaṅ chub sems dpa’ dag ni bla na med pa yaṅ dag par rdzogs pa’i byaṅ chub tu mṅon par rdzogs par saṅs ma rgyas kyaṅ smon lam gyi dbaṅ daṅ | saṅs rgyas bcom ldan ’das rnams kyis byin gyis brlabs kyi dbaṅ (6) gis myur du mi ’jigs pa bźi ’thob par ’gyur ro ||
rab kyi rtsal gyis rnam par gnon pa ñan thos kyi theg pa can rnams daṅ | raṅ saṅs rgyas kyi theg pa can rnams la | mi ’jigs pa bźi med de | de dag la de bźin gśegs pa yaṅ mi ’jigs pa bźi byin gyis mi rlob (7) bo | |rab kyi rtsal gyis rnam par gnon pa smon lam gyi dbaṅ gis gaṅ la mi ’jigs pa bźi thob par ’gyur ba de ni byaṅ chub sems dpa’i sa’o ||
de ci’i phyir źe na | rab kyi rtsal gyis rnam par gnon pa śes rab kyi pha rol tu phyin pa’i byaṅ chub sems dpa’ dag ni so sor yaṅ (78b1) dag par rig pa bźi thob par ’gyur ba’i phyir te | bźi gaṅ źe na ’di lta ste don so so yaṅ dag par rig pa daṅ | chos so so yaṅ dag par rig pa daṅ | ṅes pa’i tshig so so yaṅ dag par rig pa daṅ | spobs pa so so yaṅ dag par rig pa’o ||
’di bźi daṅ ldan pa de dag (2) mṅon par rdzogs par saṅs ma rgyas kyaṅ smon lam gyi dbaṅ gis mi ’jigs pa bźi rab tu ’dzin to ||
de bźin gśegs pas kyaṅ de dag dge ba’i rtsa ba daṅ ldan par mkhyen śes rab kyi pha rol tu phyin pa’i sa yaṅ rjes su thob par mkhyen nas mi ’jigs pa bźi byin gyis brlab bo ||
(3) rab kyi rtsal gyis rnam par gnon pa de’i phyir byaṅ chub sems dpa’i so so yaṅ dag par rig pa bźi thob par ’dod ciṅ myur du mi ’jigs pa bźi la mkhas par ’gyur bar ’dod na śes rab kyi pa rol tu phyin pa la bslab par bya’o ||
rab kyi rtsal gyis rnam par gnon pa (4) gźan yaṅ śes rab kyi pha rol tu phyin pa la spyod pa’i byaṅ chub sems dpas chos thams cad kyi rgyu daṅ | kun ’byuṅ ba daṅ | nub pa daṅ | ’gog pa yaṅ rab tu śes te | de śes rab kyi pha rol tu phyin pa la chos gaṅ yaṅ mi sbyor ro ||
chos thams cad kyi rgyu daṅ | kun ’byuṅ ba daṅ (5) ’gog pa daṅ | lam daṅ | mtshan ñid rab tu śes pas gzugs la sgom par yaṅ mi byed | mi sgom par yaṅ mi byed | de bźin du tshor ba daṅ | ’du śes daṅ | ’du byed rnams daṅ | rnam par śes pa la sgom par yaṅ mi byed | mi sgom par yaṅ mi byed | miṅ dag gzugs la (6) sgom par yaṅ mi byed | mi sgom par yaṅ mi byed | kun nas ñon moṅs pa daṅ | rnam par byaṅ ba la sgom par yaṅ mi byed | mi sgom par yaṅ mi byed | phyin ci log daṅ | sgrib pa daṅ | lta bar gyur pa la sgom par yaṅ mi byed | mi sgom par yaṅ mi byed | ’dod chags daṅ | źe (7) sdaṅ daṅ | gti mug la sgom par yaṅ mi byed | mi sgom par yaṅ mi byed | ’dod pa’i khams daṅ | gzugs kyi khams daṅ | gzugs med pa’i khams la sgom par yaṅ mi byed | mi sgom par yaṅ mi byed | sems can gyi khams daṅ | bdag gi khams la sgom par (79a1) yaṅ mi byed | mi sgom par yaṅ mi byed | chad par lta ba daṅ | rtag par lta ba la sgom par yaṅ mi byed | mi sgom par yaṅ mi byed | sbyin pa daṅ | ser sna daṅ | tshul khrims daṅ | ’chal pa’i tshul khrims daṅ | bzod pa daṅ | gnod sems daṅ | (2) brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’tshal pa’i śes rab la sgom par yaṅ mi byed | mi sgom par yaṅ mi byed | dran pa ñe bar gźag pa daṅ | yaṅ dag par spoṅ pa daṅ | phyin ci ma log pa daṅ | rdzu ’phrul gyi rkaṅ pa (3) daṅ | tshad med pa la sgom par yaṅ mi byed | mi sgom par yaṅ mi byed | dbaṅ po daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa la sgom par yaṅ mi byed | mi sgom par yaṅ mi byed | rten ciṅ ’brel par ’byuṅ ba la sgom par yaṅ mi (4) byed | mi sgom par yaṅ mi byed | sdug bsṅal ba daṅ | kun ’byuṅ ba daṅ | ’gog pa daṅ | lam la sgom par yaṅ mi byed | mi sgom par yaṅ mi byed | mi skye ba’i śes pa daṅ | zad pa śes pa daṅ | mṅon par ’du mi byed pa śes pa la sgom par yaṅ mi byed | mi (5) sgom par yaṅ mi byed | so so’i skye bo’i sa daṅ | ñan thos kyis daṅ | raṅ saṅs rgyas kyi sa daṅ | byaṅ chub sems dpa’i sa la sgom par yaṅ mi byed | mi sgom par yaṅ mi byed | so so’i skye bo’i chos daṅ | ñan thos kyi chos daṅ | raṅ saṅs rgyas kyi chos daṅ | byaṅ chub (6) sems dpa’i chos daṅ | saṅs rgyas kyi chos la sgom par yaṅ mi byed | mi sgom par yaṅ mi byed | źi gnas daṅ | lhag mthoṅ la sgom par yaṅ mi byed | mi sgom par yaṅ mi byed | mya ṅan las ’das pa la sgom par yaṅ mi byed | mi sgom par yaṅ mi byed | ’das pa daṅ | (7) ma ’oṅs pa daṅ | da ltar byuṅ ba’i ye śes mthoṅ ba la sgom par yaṅ mi byed | mi sgom par yaṅ mi byed | thogs pa med pa la sgom par yaṅ mi byed | mi sgom par yaṅ mi byed | saṅs rgyas kyi ye śes daṅ | saṅs rgyas kyi mi ’jigs pa la sgom par yaṅ mi byed | mi sgom (79b1) par yaṅ mi byed do ||
de ci’i phyir źe na | rab kyi rtsal gyis rnam par gnon pa | gzugs daṅ | tshor ba daṅ | ’du śes daṅ | ’du byed rnams daṅ | rnam par śes pa ni bsgom par bya ba ma yin pa’i phyir ro ||
miṅ daṅ gzugs daṅ | phyin ci log daṅ | lta bar (2) gyur pa daṅ | dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa daṅ | dbaṅ po daṅ | stobs rnams daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa daṅ | mṅon par śes pa daṅ | zad pa śes pa daṅ | mṅon par (3) śes pa daṅ | mṅon par ’du mi byed pa śes pa ni bsgom par bya ba ma yin pa’i phyir ro ||
so so’i skye bo’i sa daṅ | ñan thos kyi sa daṅ | raṅ saṅs rgyas kyi sa daṅ | byaṅ chub sems dpa’i sa ni bsgom par bya ba ma yin pa’i phyir ro ||
so so’i skye bo daṅ | ñan thos daṅ | raṅ (4) saṅs rgyas daṅ | byaṅ chub sems dpa’i chos ni bsgom par bya ba ma yin pa’i phyir ro ||
mya ṅan las ’das pa ni bsgom par bya ba ma yin pa’i phyir ro ||
’das pa daṅ | ma ’oṅs pa daṅ | da ltar byuṅ ba’i ye śes mthoṅ ba ni bsgom par bya ba ma yin pa’i phyir ro ||
thogs pa (5) med pa’i ye śes ni bsgom par bya ba ma yin pa’i phyir ro ||
yaṅ dag par rdzogs pa’i saṅs rgyas kyi ye śes kyaṅ bsgom par bya ba ma yin pa’i phyir ro ||
de ci’i phyir źe na | rab kyi rtsal gyis rnam par gnon pa dṅos po yoṅs su grub pa gaṅ yaṅ med pa’i phyir tha sñad ’di dag (6) thams cad ni yaṅ dag pa ma yin pa ste | de la ṅo bo ñid gaṅ yaṅ med do ||
rab kyi rtsal gyis rnam par gnon pa chos thams cad ni yaṅ dag pa ma yin pa | ma byuṅ ba ste | dṅos po med pa’i raṅ bźin no ||
de ci’i phyir źe na | phyin ci log gaṅ yin pa de ni yaṅ dag pa ma yin te chos (7) thams cad ni phyin ci log las byuṅ ba’i phyir ro ||
phyin ci log gaṅ yin pa de yaṅ dag pa ma yin pa’o ||
rab kyi rtsal gyis rnam par gnon pa chos thams cad ni dṅos po med pa ste | raṅ bźin med pa’i phyir dṅos po mi dmigs so ||
rab kyi rtsal gyis rnam par gnon pa dṅos (80a1) po med pa źes bya ba ni yaṅ dag pa ma yin źiṅ ma byuṅ ba ste | de’i phyir dṅos po med pa źes bya’o ||
rab kyi rtsal gyis rnam par gnon pa dṅos po med pa źes bya ba de ni yoṅs su bstan pa’o ||
gaṅ la dṅos po med pa de la bsgom pa’aṅ med mi bsgom pa yaṅ (2) med do ||
rab kyi rtsal gyis rnam par gnon pa sems can rnams ni phyin ci log las byuṅ bas sgom par yaṅ mi byed | mi sgom par yaṅ mi byed de | de la ni dṅos po ci yaṅ med do ||
de ci’i phyir źe na | rab kyi rtsal gyis rnam par gnon pa chos thams cad ni dṅos po med pa’i phyir | (3) dṅos po med pa’i raṅ bźin te | dṅos po daṅ bral bas ’di la ni bsgom par bya ba ci yaṅ med do ||
rab kyi rtsal gyis rnam par gnon pa gaṅ gi tshe byaṅ chub sems dpa’ chos ’di dag la chos kyi rjes su lta źiṅ gnas te | śes rab kyi pha rol tu phyin pa la spyod ciṅ chos gaṅ la yaṅ (4) sgom par yaṅ mi byed | mi sgom par yaṅ mi byed pa de ni śes rab kyi pha rol tu phyin pa la spyod pa źes bya’o ||
rab kyi rtsal gyis rnam par gnon pa de ltar spyod ciṅ de ltar gnas na byaṅ chub sems dpa’i śes rab kyi pha rol tu phyin pa bsgom pa yoṅs su rdzogs par ’gyur ro ||
rab kyi (5) rtsal gyis rnam par gnon pa gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa ni | gzugs daṅ phrad pa’i rgyur sems mi skyed do ||
tshor ba daṅ | ’du śes daṅ | ’du byed rnams daṅ | rnam par śes pa daṅ phrad pa’i rgyur sems mi skyed | thab daṅ | (6) ldan pa’i sems mi skyed | gnod sems daṅ ldan pa’i sems mi skyed | ser sna daṅ ldan pa’i sems mi skyed | kun nas ñon moṅs pa daṅ ldan pa’i sems mi skyed | le lo daṅ ldan pa’i sems mi skyed | rnam par g-yeṅ ba daṅ ldan pa’i sems mi skyed | ’chal pa’i śes rab daṅ (7) ldan pa’i sems mi skyed | ’dod pa daṅ phrad pa daṅ ldan pa’i sems mi skyed | gzugs kyi dmigs pa la mṅon par źen pa daṅ ldan pa’i sems mi skyed | brnab sems daṅ ldan pa’i sems mi skyed | phra ma daṅ ldan pa’i sems mi skyed | log par lta ba daṅ ldan pa’i sems mi skyed | (80b1) loṅs spyod la mṅon par źen pa daṅ ldan pa’i sems mi skyed | dbaṅ phyug la mṅon par źen pa daṅ ldan pa’i sems mi skyed | loṅs spyod chen po’i rigs su skyes pa la mṅon par źen pa daṅ ldan pa’i sems mi skyed | lhar skye ba la mṅon par źen pa daṅ ldan pa’i sems mi skyed | (2) ’dod pa’i khams la mṅon par źen pa daṅ ldan pa’i sems mi skyed | gzugs daṅ gzugs med pa’i khams la mṅon par źen pa daṅ ldan pa’i sems mi skyed | ñan thos kyi sa daṅ ldan pa’i sems mi skyed | raṅ saṅs rgyas kyis daṅ ldan pa’i sems mi skyed | byaṅ chub sems dpa’i (3) spyod pa la mṅon par źen pa daṅ ldan pa’i sems mi skyed de | tha na mya ṅan las ’das par lta ba daṅ ldan pa’i sems kyaṅ mi skyed do ||
de sems rnam par dag pa ’di daṅ ldan pa’i sems can rnams la byams pa daṅ | sñiṅ rje daṅ | dga’ ba daṅ | btaṅ sñoms kyis khyab par byed do ||
des (4) sems can du ’du śes pa rnam par bśig pa yin te | sems can du ’du śes pa la’aṅ mi gnas | tshaṅs pa’i gnas bźi po de dag la’aṅ mṅon par mi źen te | thabs la mkhas pa daṅ ldan pas śes rab kyi pha rol tu phyin pa chos de dag daṅ ldan źiṅ śes rab kyi pha rol tu phyin pa la (5) spyod pa de’i śes rab kyi pha rol tu phyin pa bsgom pa myur du yoṅs su rdzogs par ’gyur ro ||
de ltar śes rab kyi pha rol tu phyin pa bsgom pa de ni gzugs khas mi len mi ’dzin to ||
tshor ba daṅ | ’du śes daṅ | ’du byed rnams daṅ | rnam par śes pa khas mi len mi ’dzin to | (6) phyin ci log daṅ | sgrib pa daṅ | lta bar gyur pa khas mi len mi ’dzin to ||
’dod pa’i khams daṅ | gzugs kyi khams daṅ | gzugs med pa’i khams khas mi len mi ’dzin to ||
chad pa daṅ rtag pa khas mi len mi ’dzin to ||
rten ciṅ ’brel par ’byuṅ ba khas mi len mi (7) ’dzin to ||
sa daṅ | chu daṅ | me daṅ | rluṅ gi khams khas mi len mi ’dzin to ||
’dod chags daṅ | źe sdaṅ daṅ | gti mug khas mi len mi ’dzin to ||
nam mkha’i khams khas mi len mi ’dzin to ||
tshul khrims daṅ | ’chal pa’i tshul khrims khas mi len mi ’dzin (81a1) to | |bzod pa daṅ | gnod sems daṅ | brtson ’grus daṅ | le lo daṅ | bsam gtan daṅ | rnam par g-yeṅ ba daṅ | śes rab daṅ | ’chal pa’i śes rab khas mi len mi ’dzin to ||
dran pa ñe bar gźag pa daṅ | yaṅ dag pa’i spoṅ ba daṅ | tshad (2) med pa daṅ | rdzu ’phrul gyi rkaṅ pa khas mi len mi ’dzin to ||
dbaṅ po daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa khas mi len mi ’dzin to ||
mṅon par śes pa khas mi len mi ’dzin to ||
sdug bsṅal daṅ | kun ’byuṅ ba daṅ | ’gog (3) pa daṅ | lam khas mi len mi ’dzin to ||
mi skye ba śes pa daṅ | zad pa śes pa daṅ | mṅon par ’du mi byed pa khas mi len mi ’dzin to ||
bdag gi khams daṅ | sems can gyi khams daṅ | chos kyi dbyiṅs khas mi len mi ’dzin to ||
so so’i skye bo daṅ | ñan thos daṅ | raṅ saṅs (4) rgyas kyis khas mi len mi ’dzin to ||
so so’i skye bo’i chos daṅ | ñan thos daṅ | raṅ saṅs rgyas kyi chos khas mi len mi ’dzin to ||
’das pa daṅ | ma ’oṅs pa daṅ | da ltar byuṅ ba’i ye śes mthoṅ ba khas mi len mi ’dzin to ||
thogs pa med pa’i ye śes mthoṅ ba khas mi len mi (5) ’dzin to ||
saṅs rgyas kyi ye śes daṅ | stobs daṅ | mi ’jigs pa khas mi len mi ’dzin to ||
sgrib pa khas mi len mi ’dzin to ||
de ci’i phyir źe na | rab kyi rtsal gyis rnam par gnon pa chos thams cad khas len pa med ciṅ ’dzin pa med de gaṅ gis kyaṅ khas blaṅs pa med pa’i (6) phyir ro ||
rab kyi rtsal gyis rnam par gnon pa gzuṅ bar bya ba’i chos gaṅ yaṅ med de sus kyaṅ ma bzuṅ ṅo ||
de ci’i phyir źe na | de la gzuṅ bar bya ba’am | ’dzin par ’gyur ba ci yaṅ med pa’i phyir ro ||
de ci’i phyir źe na | chos thams cad ni sgyu ma lta bu’i phyir sñiṅ po med pa’o ||
chos (7) thams cad ni sñiṅ po mi dmigs pas ya ma brla’o ||
chos thams cad ni gzuṅ du med pas mig yor daṅ mtshuṅs so ||
chos thams cad ni raṅ bźin med pas gsog go ||
chos thams cad ni mñe mi bzod pa’i phyir dbu ba rdos pa lta bu’o ||
chos thams cad ni byuṅ nas ’jig ciṅ (81b1) ’ju bas chu’i chu bur daṅ mtshuṅs so ||
chos thams cad ni phyin ci log las byuṅ bas smig rgyu daṅ ’dra’o ||
chos thams cad ni sñiṅ po med pas chu śiṅ gi sñiṅ po lta bu’o ||
chos thams cad ni gzuṅ du med pas chu zla daṅ mtshuṅs so ||
chos thams cad ni yod pa ma yin pa la (2) yoṅs su brtags pas ’ja’ tshon daṅ ’dra’o ||
chos thams cad ni kun nas ldaṅ ba med pas g-yo ba med do ||
chos thams cad ni ya ma brla’i raṅ bźin la rtog pas chad pa stoṅ pa daṅ mtshuṅs so ||
rab kyi rtsal gyis rnam par gnon pa de ltar chos thams cad yaṅ dag par rjes su (3) mthoṅ ba’i byaṅ chub sems dpa’ ni ci yaṅ khas mi len mi ’dzin to ||
lhag par yaṅ chags nas mi gnas so ||
rab kyi rtsal gyis rnam par gnon pa ’di ni byaṅ chub sems dpa’i śes rab kyi pha rol tu phyin pa la spyod pa’i chos thams cad la dad pa daṅ | mi gnas (4) pa daṅ | lhag par chags pa med pa daṅ | mṅon par mi chags pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’i śes rab kyi pha rol tu phyin pa bsgom pa yoṅs su rdzogs par ’gyur ro ||
rab kyi rtsal gyis rnam par gnon pa gźan yaṅ de (5) ltar slob pa’i byaṅ chub sems dpa’ ni gzugs la mi slob | gzugs las yaṅ dag par ’da’ bar bya ba’i phyir mi slob | tshor ba daṅ | ’du śes daṅ | ’du byed rnams daṅ | rnam par śes pa la mi slob | tshor ba daṅ | ’du śes daṅ | ’du byed rnams daṅ | (6) rnam par śes pa las yaṅ dag par ’da’ bar bya ba’i phyir yaṅ mi slob | gzugs skye ba la mi slob | gzugs ’gog pa la mi slob | tshor ba daṅ | ’du śes daṅ | ’du byed rnams daṅ | rnam par śes pa skye ba la mi slob | rnam par śes pa ’gog pa la mi slob | gzugs (7) ’dul ba daṅ | mi ’dul ba’i phyir mi slob | tshor ba daṅ | ’du śes daṅ | ’du byed rnams daṅ | rnam par śes pa ’dul ba daṅ mi ’dul ba’i phyir mi slob | gzugs las ’da’ ba daṅ | ’jug pa daṅ | gnas pa daṅ | mi gnas pa’i phyir yaṅ mi slob | tshor ba daṅ | (82a1) ’du śes daṅ | ’du byed rnams daṅ | rnam par śes pa las ’da’ ba daṅ | ’jug pa daṅ | gnas pa daṅ | mi gnas pa’i phyir yaṅ mi slob bo ||
rab kyi rtsal gyis rnam par gnon pa de ltar slob pa’i byaṅ chub sems dpa’ ni gzugs rtag par yaṅ mi slob | gzugs (2) bde ba daṅ | gzugs sdug pa daṅ | gzugs bdag tu yaṅ mi slob | tshor ba daṅ | ’du śes daṅ | ’du byed rnams daṅ | rnam par śes pa rtag par yaṅ mi slob | rnam par śes pa bde ba daṅ | rnam par śes pa sdug pa daṅ | rnam par śes pa bdag tu yaṅ mi slob bo ||
rab kyi rtsal (3) gyis rnam par gnon pa de ltar slob pa’i byaṅ chub sems dpa’ ni gzugs ’das pa’i dmigs pa la mi spyod | gzugs ma ’oṅs pa’i dmigs pa la mi spyod | gzugs da ltar byuṅ ba’i dmigs pa la mi spyod do ||
tshor ba daṅ | ’du śes daṅ | ’du byed rnams daṅ | rnam par śes (4) pa ’das pa’i dmigs pa la mi spyod | ma ’oṅs pa’i dmigs pa la mi spyod | da ltar byuṅ ba’i dmigs pa la mi spyod do ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni ’das pa la stoṅ pa’i rnam pa daṅ | źi ba’i rnam pa daṅ | bdag med pa’i rnam par (5) so sor rtog ste | gaṅ ’das pa de la stoṅ pa daṅ | źi ba daṅ | bdag med pa źes de ltar yaṅ mi spyod do ||
ma ’oṅs pa la stoṅ pa’i rnam pa daṅ | źi ba’i rnam pa daṅ | bdag med pa’i rnam par so sor rtog ste | gaṅ ma ’oṅs pa de la stoṅ pa daṅ | bdag med pa źes de ltar yaṅ (6) mi spyod de ||
da ltar byuṅ ba la stoṅ ba’i rnam pa daṅ | źi ba’i rnam pa daṅ | bdag med pa’i rnam par so sor rtog ste | gaṅ da ltar byuṅ ba de la stoṅ pa daṅ | bdag med pa źes de ltar yaṅ mi spyod do ||
’das pa la stoṅ pa’am | bdag gam | bdag gi ’am | rtag pa’am | brtan (7) pa’am | ther zug pa’am | mi ’gyur ba’i chos can źes de ltar yaṅ mi spyod do ||
ma ’oṅs pa la stoṅ pa’am | bdag gam | bdag gi’am | rtag pa’am | brtan pa’am | ther zug pa’am | mi ’gyur ba’i chos can źes de ltar yaṅ mi spyod do ||
da ltar byuṅ ba la stoṅ pa (82b1) ’am | bdag gam | bdag gi’am | rtag pa’am | brtan pa’am | ther zug pa’am | mi ’gyur ba’i chos can źes de ltar yaṅ mi spyod do ||
rab kyi rtsal gyis rnam par gnon pa de ltar spyod pa’i byaṅ chub sems dpa’i śes rab kyi pha rol tu phyin pa bsgom pa yoṅs su rdzogs (2) par ’gyur ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ la bdud sdig can gyis skabs mi rñed do ||
de ltar spyod pa ni bdud kyi las thams cad khoṅ du chud pas bdud kyi las de dag gis mi ’phrogs so ||
rab kyi rtsal gyis rnam par gnon pa (3) gźan yaṅ de ltar spyod pa’i byaṅ chub sems dpa’ ni gzugs la mi dmigs | tshor ba daṅ | ’du śes daṅ | ’du byed rnams daṅ | rnam par śes pa la mi dmigs | phyin ci log daṅ | lta bar gyur pa la mi dmigs | bdag tu mṅon par źen pa la mi dmigs | (4) sems can du mṅon par źen pa la mi dmigs | chad pa daṅ | rtag pa la mi dmigs | mtha’ daṅ | mtha’ med pa la mi dmigs | gzugs daṅ | sgra daṅ | dri daṅ | ro daṅ | reg pa la mi dmigs | ’dod pa’i khams daṅ | gzugs kyi khams daṅ | gzugs (5) med pa’i khams la mi dmigs | rten ciṅ ’brel par ’byuṅ ba la mi dmigs | sa daṅ | chu daṅ | me daṅ | rluṅ daṅ | nam mkha’i khams la mi dmigs | bden pa daṅ | brdzun pa la mi dmigs | ’du ba daṅ ’bral pa la mi dmigs | ’dod chags daṅ | źe sdaṅ daṅ | (6) gti mug la mi dmigs | ’dod chags daṅ | źe sdaṅ daṅ | gti mug spoṅ ba la mi dmigs | tshul khrims daṅ | ’chal pa’i tshul khrims la mi dmigs | bzod pa daṅ | gnod sems la mi dmigs | brtson ’grus daṅ | le lo la mi dmigs | bsam gtan (7) daṅ rnam par g-yeṅ ba la mi dmigs | śes rab daṅ ’chal pa’i śes rab la mi dmigs | dran pa ñe bar gźag pa daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | phyin ci log pa la mi dmigs | dbaṅ po daṅ | stobs daṅ | byaṅ chub kyi yan lag (83a1) daṅ | tiṅ ṅe ’dzin daṅ | sñoms par ’jug pa la mi dmigs | byams pa daṅ | sñiṅ rje daṅ | dga’ ba daṅ | btaṅ sñoms la mi dmigs | mi skye ba śes pa daṅ | zad pa śes pa daṅ | mṅon par ’du mi byed pa śes pa la mi dmigs | so so’i skye (2) bo daṅ | ñan thos daṅ | raṅ saṅs rgyas kyi sa la mi dmigs | so so’i skye bo daṅ | ñan thos daṅ | raṅ saṅs rgyas kyi chos la mi dmigs | kun ’byuṅ ba daṅ | ’gog pa daṅ | lam la mi dmigs | mṅon par śes pa daṅ | ye śes mthoṅ ba la mi dmigs | rnam par grol ba (3) la mi dmigs | rnam par grol ba’i ye śes mthoṅ ba la mi dmigs | mya ṅan las ’das pa la mi dmigs | ’das pa daṅ | ma ’oṅs pa daṅ | da ltar byuṅ ba’i ye śes mthoṅ ba la mi dmigs | thogs pa med pa’i ye śes la mi dmigs | saṅs rgyas kyi ye śes la mi dmigs | (4) saṅs rgyas kyi stobs daṅ mi ’jigs pa la mi dmigs | saṅs rgyas kyi źiṅ yoṅs su dag pa la mi dmigs | mtshan yoṅs su dag pa la mi dmigs | ñan thos phun sum tshogs pa la mi dmigs | raṅ saṅs rgyas phun sum tshogs pa la mi dmigs | byaṅ chub sems dpa’ (5) phun sum tshogs pa la mi dmigs so ||
de ci’i phyir źe na | rab kyi rtsal gyis rnam par gnon pa gaṅ du ’di dag la dmigs par ’gyur ba’i ’dzin pa gaṅ yaṅ chos thams cad la med de chos thams cad dmigs pa med pa’i phyir ro ||
rab kyi rtsal gyis rnam par gnon pa ji srid du (6) dmigs pa de srid du lhag par chags pa daṅ | de srid du mṅon par źen pa daṅ | de srid du len pa daṅ | de srid du sdug bsṅal daṅ | yid mi bde ba daṅ | de srid du mya ṅan mi bzad pa’i zug rṅu daṅ | ’khrug pa daṅ | smre sṅags ’don pa ’byuṅ bar ’gyur ro ||
rab kyi rtsal gyis (7) rnam par gnon pa ji srid du dmigs pa de srid du ’chiṅ ba’o ||
de srid du lam med pa’o ||
de srid du sdug bsṅal daṅ yid mi bde ba’o ||
ji srid du dmigs pa de srid du rlom sems daṅ | g-yo ba daṅ | spros pa’o ||
ji srid du dmigs pa de srid du ’thab pa daṅ | rtsod pa daṅ | (83b1) ’gyed pa’o ||
ji srid du dmigs pa de srid du ma rig pa’i mun pa daṅ | gti mug go ||
ji srid du dmigs pa de srid du ’jigs pa’o ||
ji srid du dmigs pa de srid du bdud kyi źags pa daṅ | bdud kyis ’joms pa’o ||
ji srid du dmigs pa de (2) srid du sdug bsṅal gyis rab tu ñen ciṅ bde ba kun du tshol bar ’gyur ba’o ||
rab kyi rtsal gyis rnam par gnon pa de la byaṅ chub sems dpas ñes dmigs ’di dag mthoṅ nas chos gaṅ la yaṅ mi dmigs so ||
de mi dmigs pas | chos gaṅ yaṅ mi ’dzin to ||
de chos thams cad (3) la ’dzin pa’am | kun ’dzin par mi gnas so ||
dmigs pa med pa daṅ | dmigs pa ya ma brla de dag la yaṅ rlom sems su mi byed do ||
rab kyi rtsal gyis rnam par gnon pa de ltar spyod pa’i byaṅ chub sems dpa’ sems dpa’ chen po ni chos gaṅ la yaṅ mṅon par mi źen | (4) chos gaṅ la yaṅ mṅon par mi dga’o ||
chos gaṅ la yaṅ lhag par chags nas mi gnas te | rab kyi rtsal gyis rnam par gnon pa ’di ni byaṅ chub sems dpa’ śes rab kyi pha rol tu phyin pa la spyod pa’i chos thams cad la dmigs pa daṅ bral ba’o ||
rab kyi rtsal gyis rnam par (5) gnon pa de ltar spyod pa’i byaṅ chub sems dpa’i śes rab kyi pha rol tu phyin pa la bsgom pa yoṅs su rdzogs par ’gyur te de la bdud sdig can daṅ | bdud kyi ris kyi lha daṅ | bdud kyi ’khor daṅ | bdud kyi byin gyis brlabs pa dag gis bar chad bya bar mi nus so ||
gaṅ de la tho ’tsham (6) pa daṅ | gaṅ de la bzuṅ nas ’dul bar ’gyur ba’i glags rñed par mi ’gyur ro ||
rtag tu bdud kyi las thams cad kyaṅ khoṅ du chud par ’gyur ro ||
bdud kyi las kyi dbaṅ du ’gro bar mi ’gyur ro ||
bdud kyi gnas thams cad sa goṅ bar byed do ||
gźan mu stegs can thams (7) cad tshar gcad pa’i phyir gnas par ’gyur ro ||
gźan mu stegs can spyod pa pa daṅ | kun du rgyu thams cad zil gyis gnon par ’gyur ro ||
phas kyi rgol ba thams cad kyis mi rdzi bar ’gyur ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni (84a1) gzugs su rtog pa daṅ mi rtog pa la mi gnas pa yin | de bźin du tshor ba daṅ | ’du śes daṅ | ’du byed rnams daṅ | rnam par śes par rtog pa daṅ mi rtog pa la mi gnas pa yin te | gzugs la rtog par yaṅ mi byed mi rtog par yaṅ mi byed | tshor ba daṅ | (2) ’du śes daṅ | ’du byed rnams daṅ | rnam par śes pa la rtog par yaṅ mi byed mi rtog par yaṅ mi byed | sgrib pa daṅ lta bar gyur pa la rtog par yaṅ mi byed mi rtog par yaṅ mi byed | chad pa daṅ | rtag pa la rtog par yaṅ mi byed | mi rtog par yaṅ mi byed do ||
’dod pa’i khams daṅ | (3) gzugs kyi khams daṅ | gzugs med pa’i khams la rtog par yaṅ mi byed mi rtog par yaṅ mi byed | ’dod chags daṅ | źe sdaṅ daṅ | gti mug la rtog par yaṅ mi byed mi rtog par yaṅ mi byed | bden pa la rtog par yaṅ mi byed mi rtog par yaṅ mi byed | brdzun pa la rtog par yaṅ (4) mi byed mi rtog par yaṅ mi byed | sa daṅ | chu daṅ | me daṅ | rluṅ gi khams la rtog par yaṅ mi byed mi rtog par yaṅ mi byed | ’du ba daṅ ’bral ba la rtog par yaṅ mi byed mi rtog par yaṅ mi byed | rten ciṅ ’brel par ’byuṅ ba la rtog par yaṅ mi byed mi rtog par yaṅ mi byed | bdag (5) tu ’du śes pa la rtog par yaṅ mi byed mi rtog par yaṅ mi byed | sems can du ’du śes pa daṅ | srog tu ’du śes pa daṅ | gaṅ zag tu ’du śes pa rtog par yaṅ mi byed mi rtog par yaṅ mi byed | gtoṅ ba daṅ | ser sna la rtog par yaṅ mi byed | mi rtog par yaṅ mi byed | (6) tshul khrims daṅ | ’chal pa’i tshul khrims la rtog par yaṅ mi byed | mi rtog par yaṅ mi byed | bzod pa daṅ | gnod sems la rtog par yaṅ mi byed | mi rtog par yaṅ mi byed | brtson ’grus daṅ | le lo la rtog par yaṅ mi byed | mi rtog par yaṅ mi byed | bsam gtan (7) daṅ | rnam par g-yeṅ ba la rtog par yaṅ mi byed | mi rtog par yaṅ mi byed | śes rab daṅ | ’chal pa’i śes rab la rtog par yaṅ mi byed | mi rtog par yaṅ mi byed | phyin ci ma log pa daṅ | yaṅ dag pa’i spoṅ ba daṅ | rdzu ’phrul gyi rkaṅ pa daṅ | dran pa ñe bar gźag (84b1) pa rnams la rtog par yaṅ mi byed | mi rtog par yaṅ mi byed | dbaṅ po daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa la yaṅ rtog par yaṅ mi byed | mi rtog par yaṅ mi byed | sdug bsṅal daṅ | kun ’byuṅ ba daṅ | ’gog pa daṅ | (2) lam la rtog par yaṅ mi byed | mi rtog par yaṅ mi byed | byams pa daṅ | sñiṅ rje daṅ | dga’ ba daṅ | btaṅ sñoms la rtog par yaṅ mi byed | mi rtog par yaṅ mi byed | mi skye ba śes pa daṅ | zad pa śes pa daṅ | mṅon par ’du mi byed pa śes pa la rtog par yaṅ mi byed | mi rtog (3) bar yaṅ mi byed | so so’i skye bo’i chos daṅ | ñan thos kyi chos daṅ | raṅ saṅs rgyas kyi chos daṅ | saṅs rgyas kyi chos la rtog par yaṅ mi byed | mi rtog par yaṅ mi byed | so so’i skye bo’i sa daṅ | ñan thos kyi sa daṅ | raṅ saṅs rgyas kyi sa daṅ | saṅs rgyas kyi sa la rtog (4) par yaṅ mi byed | mi rtog par yaṅ mi byed | sgrib pa la rtog par yaṅ mi byed | mi rtog par yaṅ mi byed | ’das pa daṅ | ma ’oṅs pa daṅ | da ltar byuṅ ba’i ye śes mthoṅ ba la rtog par yaṅ mi byed | mi rtog par yaṅ mi byed | thogs pa med pa’i ye śes la rtog par yaṅ mi (5) byed | mi rtog par yaṅ mi byed | rig pa daṅ | rnam par grol ba la rtog par yaṅ mi byed | mi rtog par yaṅ mi byed | rnam par grol ba’i ye śes mthoṅ ba la rtog par yaṅ mi byed | mi rtog par yaṅ mi byed | saṅs rgyas kyi ye śes mthoṅ ba daṅ | mi ’jigs pa la rtog par yaṅ (6) mi byed | mi rtog par yaṅ mi byed | mtshan yoṅs su dag pa la rtog par yaṅ mi byed | mi rtog sar yaṅ mi byed | saṅs rgyas kyi źiṅ yoṅs su dag pa la rtog par yaṅ mi byed | mi rtog par yaṅ mi byed | ñan thos phun sum tshogs pa la rtog par yaṅ mi byed | mi rtog par yaṅ mi (7) byed | raṅ saṅs rgyas phun sum tshogs pa la rtog par yaṅ mi byed | mi rtog par yaṅ mi byed | byaṅ chub sems dpa’ phun sum tshogs pa la rtog par yaṅ mi byed | mi rtog par yaṅ mi byed do ||
de ci’i phyir źe na | rab kyi rtsal gyis rnam par gnon pa rtog pa yod na rtog pa (85a1) daṅ bral bar ’gyur ba’i phyir ro ||
rab kyi rtsal gyis rnam par gnon pa gaṅ na rtog pa med pa de ni mi rtog pa med do ||
rab kyi rtsal gyis rnam par gnon pa byis pa so so’i skye bo thams cad ni rtog pa las byuṅ ste | de dag gi ’du śes ni log par rtog pa las byuṅ bas (2) de dag rtog par yaṅ mi byed | mi rtog par yaṅ mi byed do ||
rab kyi rtsal gyis rnam par gnon pa rtog ces bya ba de ni mtha’ gcig go ||
mi rtog ces bya ba de ni mtha’ gñis te | gaṅ na rtog pa daṅ mi rtog pa med pa de ni mtha’ daṅ dbus med do ||
rab kyi rtsal gyis rnam par gnon pa (3) dbus źes bya bar rtog na de ñid kyaṅ mtha’ yin no ||
ji srid du rtog pa de srid du mi rtog pa ste | de la ni rtog pa chad par mi ’gyur ro ||
rab kyi rtsal gyis rnam par gnon pa gaṅ na rtog pa med ciṅ mi rtog pa yaṅ med pa de na rtog pa yaṅ dag par chad do ||
rab kyi rtsal gyis rnam par gnon (4) pa rtog pa chad ces bya ba de la chad pa gaṅ yaṅ med do ||
de ci’i phyir źe na | rab kyi rtsal gyis rnam par gnon pa rtog pa daṅ mi rtog pa ni | phyin ci log las byuṅ bas med pa’i phyir ro ||
de dag gi rnam par źi ba gaṅ yin pa de ni phyin ci log ma yin pa ste | de la chad pa gaṅ yaṅ (5) med do ||
rab kyi rtsal gyis rnam par gnon pa chad pa med pa źes bya ba de ni sdug bsṅal yaṅ dag par chad pa’i tshig bla dgas te | sdug bsṅal yaṅ dag par chad pa gaṅ yaṅ med do ||
gal te sdug bsṅal yaṅ dag par chad par ’gyur na ni sdug bsṅal yoṅs su grub pa (6) ’ga’ źig kyaṅ yod par ’gyur te | sdug bsṅal yaṅ dag par chad ces bya ba de ni yoṅs su grub pa med par mthoṅ ba’o ||
gaṅ ’di sdug bsṅal yaṅ dag par chad ces bya ba de ni sdug bsṅal yoṅs su śes pa’o ||
gaṅ sdug bsṅal la rtog par yaṅ mi byed mi rtog par (7) yaṅ mi byed pa de ni sdug bsṅal rnam par źi ba’o ||
de ni sdug bsṅal mi skye mi ’byuṅ ba ste | rab kyi rtsal gyis rnam par gnon pa de ltar mthoṅ ba’i byaṅ chub sems dpa’ ni chos gaṅ la yaṅ rtog par yaṅ mi byed | mi rtog par yaṅ mi byed | rab kyi rtsal gyis rnam par gnon pa (85b1) ’di ni byaṅ chub sems dpa’ śes rab kyi pha rol tu phyin pa la spyod pas rtog pa daṅ mi rtog pa thams cad yoṅs su śes pa’o ||
rab kyi rtsal gyis rnam par gnon pa de ltar spyod pa ni byaṅ chub sems dpa’i śes rab kyi pha rol tu phyin pa bsgom pa yoṅs su rdzogs par ’gyur te | de la (2) bdud sdig can daṅ | bdud kyi ’khor rnams par chad bya ba’i phyir gnas par mi ’gyur ro ||
bdud kyi las byuṅ źiṅ skyes pa rnams kyaṅ khoṅ du chud par ’gyur te | bdud kyi las byuṅ źiṅ skyes pa rnams kyi dbaṅ du ’gro bar mi ’gyur ro ||
bdud sdig can pham par byed do ||
spa goṅ ba (3) daṅ de’i phyogs ñuṅ bar byed do ||
’jigs pa daṅ skrag pa med par ’gyur ro ||
bdud kyis mi thul bar ’gyur ro ||
de’i ṅan soṅ du ’gro ba thams cad rgyun chad par ’gyur ro ||
des lam ṅan pa bkag par ’gyur ro ||
chu bo thams cad las rgal bar ’gyur ro ||
gti mug gi mun (4) pa daṅ bral bar ’gyur ro ||
mig thob pas sems can thams cad la snaṅ bar ’gyur ro ||
saṅs rgyas kyi rigs rgyun mi gcod par gnas par ’gyur ro ||
lam mñam pa ñid kyi phyir lam rgyun bcad par ’gyur ro ||
sems can thams cad la sñiṅ brtse bar ’gyur ro ||
chos la mig (5) rnam par dag par ’gyur ro ||
le lo med ciṅ brtson ’grus phun sum tshogs par ’gyur ro ||
gnod sems kyi sems med pas bzod pa ’thob par ’gyur ro ||
mi gnas pa’i bsam gtan pas bsam gtan par ’gyur ro ||
ṅes par rtogs pa’i śes rab daṅ ldan pas śes rab (6) ’thob par ’gyur ro ||
sgrib pa med ciṅ ’gyod pa daṅ bral bar ’gyur ro ||
bdud kyi źags pa thams cad daṅ bral bar ’gyur ro ||
sred pa’i dra ba thams cad daṅ bral bas bciṅs pa bcad par ’gyur ro ||
brjed pa med pas dran pa ñe bar gnas par ’gyur ro ||
tshul khrims (7) yoṅs su dag pa’i pha rol tu phyin pa thob pas tshul khrims rnam par dag par ’gyur ro ||
skyon thams cad bsal bas yon tan la gnas par ’gyur ro ||
rab tu g-yo ba med pas śes rab kyi stobs bskyed pa rñed par ’gyur ro ||
phas kyi rgol ba thams cad kyis mi rdzi bar ’gyur (86a1) ro | |chos thams cad rnam par dag pa’i pha rol tu phyin pa thob pas chos yoṅs su mi ñams par ’gyur ro ||
chos ston pa la pag tsha ba med par ’gyur ro ||
’khor gyi naṅ du ’gro ba la spa goṅ ba med par ’gyur ro ||
chos kyi sbyin pa la ’dzin pa med ciṅ (2) lhug par gtoṅ bar ’gyur ro ||
lam mñam pas lam rnam par sbyaṅs par ’gyur ro ||
lam ṅan pa yoṅs su śes pas bsgom pa bsgoms par ’gyur ro ||
chos rnam par dag pas bag chags bsgom par ’gyur ro ||
śes rab rnam par dag pas sbyaṅ ba sbyaṅs par ’gyur ro ||
rgya mtsho (3) daṅ mtshuṅs pa’i phyir śes rab zab par ’gyur ro ||
bag tsha ba med pas gtiṅ dpag dka’ bar ’gyur ro ||
chos rgya mtsho dpag tu med pas dpag tu med par ’gyur ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni yon tan de rnams daṅ | gźan (4) dag daṅ yaṅ ldan pa yin te | de dag gi yon tan ni rtogs par mi nus so ||
rab kyi rtsal gyis rnam par gnon pa gźan yaṅ byaṅ chub sems dpa’ de ltar śes rab kyi pha rol tu phyin pa la spyod pa ni gzugs daṅ mi ldan par mi ’gyur | loṅs spyod daṅ mi ldan par mi ’gyur | (5) g-yog daṅ mi ldan par mi ’gyur | rus daṅ mi ldan par mi ’gyur | rigs daṅ mi ldan par mi ’gyur | yul daṅ mi ldan par mi ’gyur | mtha’ ’khob kyi yul du skye bar mi ’gyur | mi dal ba rñed par mi ’gyur ro ||
sems can yoṅs su ma dag pa las kyi mtha’ (6) yoṅs su ma dag pa rnams daṅ ’du bar mi ’gyur | raṅ gi sems mi ’dor | śes rab ñams par mi ’gyur te | chos gaṅ pha rol las thos pa de chos thams cad mñam pa ñid daṅ sbyor ro ||
saṅs rgyas kyi rigs daṅ thams cad mkhyen pa’i rigs mi gcod par gnas par ’gyur (7) ro | |saṅs rgyas kyi chos la snaṅ ba thob par ’gyur ro ||
thams cad mkhyen pa daṅ ñe bar ’gyur ro ||
gal te de ltar bdud sdig can tho ’tsham pa’i phyir ’oṅs na des de dag gi spobs pa gcod ciṅ bdud kyi źags pa thams cad gcod de | bdud ’khor daṅ bcas pa thal (86b1) bar rlog go ||
bdud kyi ris bdud bye ba thams cad kyis kyaṅ thul bar mi ’gyur gyi | des bdud rnams ’jigs skrag nas ’bros par ’gyur te | bdud sdig can ’di sñam du de ni bdag gi yul las rab tu ’das | de ni phyir bdag gi yul la mi spyod | de ni phyir bdag (2) gi yul la mi gnas de ni phyir bdag gi yul la ’dug par mi ’gyur | sems can gźan yaṅ bdag gi yul las grol bar byed | sgrol bar byed do sñam du sems te | de la byaṅ chub sems dpa’ des phyogs ñuṅ ṅur byed do ||
sñam nas mya ṅan byed de | ṅu źiṅ smre (3) sṅags ’don to ||
de ñams dmas la sdug bsṅal źiṅ yid mi bde ste | yid la gcags par ’gyur ro ||
rab kyi rtsal gyis rnam par gnon pa gaṅ gi tshe byaṅ chub sems dpa’ śes rab kyi pha rol tu phyin pa la spyod | śes rab kyi pha rol tu phyin pa la sgom | śes rab kyi pha rol (4) tu phyin pa la sbyor bar byed pa de’i tshe bdud kyi gnas thams cad gzi chuṅ źiṅ mog mog por ’gyur ro ||
bdud sdig can yaṅ ’di sñam du ’dis bdag gi yul nas sems can rnams bskyabs par ’gyur | ’dis bdag gi yul nas sems can rnams sgrol bar ’gyur | ’dis (5) bdag gi yul nas sems can rnams yoṅs su grol bar byed par ’gyur ||
’dis sems can rnams bdag gi yul nas ’dren par ’gyur | ’dis bdud kyi źags pa gcod par ’gyur | ’dis sems can ’dod pa’i ’dam du byiṅ ba rnams ’byin par ’gyur | ’dis sems (6) can rnams lta ba’i dra ba las thar par byed par ’gyur | ’dis sems can rnams sgrib pa’i lam las ’don par ’gyur ro ||
’dis sems can rnams yaṅ dag pa’i lam la rab tu dgod par ’gyur | ’dis sems can rnams lta ba’i thibs po las sgrol bar ’gyur ro ||
(7) sñam du sems śiṅ | sdug bsṅal ba daṅ yid mi bde bar ’gyur | mya ṅan gyi zug rṅu daṅ ldan źiṅ mya ṅan gyi zug rṅu chen pos zug par ’gyur ro ||
rab kyi rtsal gyis rnam par gnon pa bdud de dag gi don gyi dbaṅ ’di mthoṅ bas sdug bsṅal źiṅ yid mi bde ste | mya (87a1) ṅan gyi zug rṅus zug par ’gyur ro ||
rab kyi rtsal gyis rnam par gnon pa ’di lta ste | dper na skyes bu nor gyi phuṅ po chen po ñams par gyur pa ni sdug bsṅal bar gyur te | mi dga’ źiṅ yid mi bde ba chen po daṅ ldan no ||
de bźin du gaṅ gi tshe byaṅ chub (2) sems dpa’ śes rab kyi pha rol tu phyin pa la spyod | śes rab kyi pha rol tu phyin pa la sgom | śes rab kyi pha rol tu phyin pa la sbyor bar byed pa na bdud sdig can yaṅ sems mi bde ba daṅ | yid la gcags pa daṅ mya ṅan gyi zug rṅus zug ste | sdug bsṅal źiṅ raṅ gi (3) gnas la yaṅ mi dga’ bar ’gyur ro ||
rab kyi rtsal gyis rnam par gnon pa gźan yaṅ bdud sdig can de dag gcig tu ’dus nas ji ltar bya | ci źig bya sñam sems śiṅ the tshom daṅ | mya ṅan gyi zug rṅus zug par ’gyur ro ||
de dag the tshom daṅ mya ṅan gyi zug rṅus (4) zug par gyur nas byaṅ chub sems dpa’ śes rab kyi pha rol tu phyin pa la spyod pa la glags btsal ba’i phyir doṅ yaṅ de na byaṅ chub sems dpa’i spu yaṅ mi g-yos na | lus daṅ sems gźan du ’gyur ba lta ci smos te | ’jigs śiṅ spu ziṅ źes byed pa daṅ bral bar ’gyur | (5) bdud sdig can du yaṅ śes par ’gyur ro ||
śes nas kyaṅ byin gyis rlob bo ||
des bdud sdig can byin gyis brlabs nas ñams smad par ’gyur | ’jigs śiṅ sems źum par ’gyur te | de la glags rñed par ma nus nas de ’di sñam du bdag gis kyaṅ de la glags (6) rñed par ma nus na bdag gi ’khor gyis lta ci smos te | gaṅ gźan dag gis byin gyis brlabs par lta ga la ’gyur sñam du sems so ||
de’i phyir bdud sdig can de dag ’jigs śiṅ spro ba yoṅs su ñams nas sdug bsṅal daṅ | yid mi bde ba skyes te raṅ gi gnas su doṅ (7) nas sems khoṅ du chud ciṅ ’khod de | śes rab kyi pha rol tu phyin pa la spyod pa’i byaṅ chub sems dpa’ la se gol gtogs pa tsam gyi srid du yaṅ sems rmoṅs par byed mi nus na gźan bar chad bya bar lta ci smos | rab kyi rtsal gyis rnam par gnon pa ’di ni byaṅ chub sems (87b1) dpa’ śes rab kyi pha rol tu phyin pa la spyod pas de lta bu’i śes rab kyi stobs bskyed par ’gyur ba’o ||
śes rab kyi stobs bskyed pa de lta bu daṅ ldan pas | gal te stoṅ gsum gyi stoṅ chen po’i ’jig rten gyi khams kyi sems can de dag thams cad bdud du gyur la | de dag (2) thams cad kyaṅ ’khor bdud maṅ po daṅ lhan cig tu śes rab kyi pha rol tu phyin pa la spyod pa’i byaṅ chub sems dpa’ la tho ’tsham pa’i bsam pas doṅ yaṅ | rab kyi rtsal gyis rnam par gnon pa bdud sdig can de dag thams cad kyis bar chad bya bar mi nus so ||
de ci’i phyir źe na | de’i (3) tshe byaṅ chub sems dpa’ de lta bu’i śes rab kyi stobs bskyed pa daṅ | śes rab kyi ral gri daṅ | śes rab kyi mtshon cha daṅ ldan par ’gyur ba’i phyir ro ||
rab kyi rtsal gyis rnam par gnon pa de’i tshe byaṅ chub sems dpa’ śes rab bsam gyis mi khyab pa daṅ | dpag tu med pa (4) daṅ | mi mñam pa daṅ | mñam pa daṅ ldan par ’gyur ro ||
de’i phyir de la bdud sdig can gyis zil gyis gnon mi nus so ||
rab kyi rtsal gyis rnam par gnon pa ’di lta ste | śes rab kyi pha rol tu phyin pa’i mtshon cha de ni mtshon cha chen po’o ||
rab kyi rtsal gyis rnam par (5) gnon pa ’di lta ste | śes rab kyi ral gri de ni ral gri chen po ste de ni bdud sdig can rnams kyi yul ma yin | spyod yul ma yin no ||
rab kyi rtsal gyis rnam par gnon pa ’di lta ste | byaṅ chub sems dpa’i śes rab tha mal pa de lta bu’i śes rab kyaṅ phyi rol gyi draṅ sroṅ gaṅ dag (6) bsam gtan bźi daṅ | gzugs med pa’i sñoms par ’jug pa bźi rñed pa daṅ | gaṅ dag bdud kyi yul ’dod pa’i khams las ’das nas | tshaṅs pa’i ’jig rten daṅ | gzugs med pa’i lha’i ris bźir skye ba de dag gi yul yaṅ ma yin | spyod yul yaṅ ma yin na | (7) śes rab kyi pha rol tu phyin pa la spyod pa’i śes rab lta ci smos te | gaṅ gzugs daṅ | gzugs med pa’i khams kyi yul ma yin pa de | bdud sdig can rnams kyi yul ga la yin | rab kyi rtsal gyis rnam par gnon pa stobs bskyed rñed pa’i byaṅ chub sems dpa’ ni de’i tshe ’di lta ste | (88a1) stobs chen po śes rab kyi pa rol tu phyin pa’i stobs daṅ ldan par ’gyur ro ||
rab kyi rtsal gyis rnam par gnon pa gaṅ su dag śes rab kyi pha rol tu phyin pa’i stobs daṅ ldan par ’gyur ba daṅ | śes rab kyi mtshon rnon po daṅ ldan par ’gyur ba de dag ni (2) bdud sdig can rnams kyis mi tshugs mi thub bo ||
rab kyi rtsal gyis rnam par gnon pa gaṅ la la śes rab kyi stobs daṅ | śes rab kyi mtshon rnon po daṅ ldan pa de dag gaṅ la yaṅ gnas par mi byed de | de dag mi gnas par ’gyur ro ||
de ci’i phyir źe na | rab kyi rtsal gyis (3) rnam par gnon pa gnas par gyur na ni g-yo bar ’gyur ro ||
g-yo bar gyur na ni ’gul bar ’gyur ro ||
’gul bar gyur na ni spros par ’gyur ro ||
rab kyi rtsal gyis rnam par gnon pa gaṅ dag gnas par ’gyur ba daṅ | g-yo bar ’gyur ba daṅ | ’gul bar ’gyur ba (4) ba daṅ | spros par ’gyur ba de dag ni bdud sdig can gyi dbaṅ du ’gro ba yin te | bdud kyi źags pa la yoṅs su grol bar mi ’gyur ro ||
rab kyi rtsal gyis rnam par gnon pa gaṅ skyid pa’i rtse mor skyes pa’i sems can gnas śiṅ gnas daṅ ’brel pa | gnas la chags pa de (5) dag kyaṅ yaṅ bdud kyi yul du ’oṅ bar ’gyur te | ’di lta ste | raṅs byed kyi bu lhag spyod daṅ | sgyu rtsal śes kyi bu riṅ ’phur daṅ | gaṅ gźan gzugs med pa na gnas śiṅ | gnas daṅ ’brel pa | gnas la chags pa de dag kyaṅ bdud kyi źags pa las yoṅs (6) su ma grol źiṅ bdud kyi źags pas mtshams bcad pa’o ||
rab kyi rtsal gyis rnam par gnon pa byaṅ chub sems dpa’ śes rab kyi pha rol tu phyin pa la spyod | śes rab kyi pha rol tu phyin pa la sgom | śes rab kyi pha rol tu phyin pa la sbyor bar byed pa na gaṅ la gnas par mi (7) byed de | thams cad du’aṅ mi gnas par ’gyur ro ||
rab kyi rtsal gyis rnam par gnon pa gaṅ gi tshe byaṅ chub sems dpa’ śes rab kyi pha rol tu phyin pa sgom pa daṅ ldan par gnas pa de’i tshe gzugs la gnas par mi ’gyur | tshor ba daṅ | ’du śes daṅ | ’du byed (88b1) rnams daṅ | rnam par śes pa la gnas par mi ’gyur ro ||
phyin ci log daṅ | sgrib pa daṅ | lta bar gyur pa la gnas par mi ’gyur | miṅ daṅ gzugs la gnas par mi ’gyur | ’dod pa daṅ | gzugs daṅ | gzugs med pa’i khams la gnas par mi ’gyur | (2) bdag daṅ sems can du ’du śes pa la gnas par mi ’gyur | srog daṅ | gaṅ zag daṅ | khams daṅ | skye mched la gnas par mi ’gyur | sa daṅ | chu daṅ | me daṅ | rluṅ daṅ | nam mkha’ daṅ | rnam par śes pa daṅ | ’du śes med ’du śes med min skye mched la (3) gnas par mi ’gyur | srid pa’i sred pa la gnas par mi ’gyur | rnam par ’byor ba’i sred pa la gnas par mi ’gyur | chad pa daṅ | rtag pa la gnas par mi ’gyur | mtha’ daṅ mtha’ med pa la gnas par mi ’gyur | rten ciṅ ’brel par ’byuṅ ba la gnas par mi ’gyur | sbyin pa (4) daṅ | ser sna la gnas par mi ’gyur | tshul khrims daṅ | ’tshal ba’i tshul khrims la gnas par mi ’gyur | bzod pa daṅ | gnod sems la gnas par mi ’gyur | brtson ’grus daṅ | le lo la gnas par mi ’gyur | bsam gtan daṅ | rnam par g-yeṅ ba la (5) gnas par mi ’gyur | śes rab daṅ | ’chal pa’i śes rab la gnas par mi ’gyur | phyin ci log pa daṅ | yaṅ dag pa’i spoṅ pa daṅ | tshad med pa daṅ | dran pa ñe bar gźag pa la gnas par mi ’gyur | dbaṅ po daṅ | stobs daṅ | byaṅ chub kyi yan lag daṅ | (6) tiṅ ṅe ’dzin daṅ | sñoms par ’jug pa la gnas par mi ’gyur | sdug bsṅal ba daṅ | kun ’byuṅ ba daṅ | ’gog pa daṅ | lam la gnas par mi ’gyur | mi skye ba daṅ | zad pa śes pa daṅ | mṅon par ’du mi byed pa śes pa la gnas par mi ’gyur | rig pa (7) daṅ | rnam par grol ba la gnas par mi ’gyur | rnam par grol ba daṅ | rnam par grol ba’i ye śes mthoṅ ba la gnas par mi ’gyur | so so’i skye bo daṅ | ñan thos daṅ | raṅ saṅs rgyas kyi sa la gnas par mi ’gyur | so so’i skye bo’i chos daṅ | ñan thos kyi chos (89a1) daṅ | raṅ saṅs rgyas kyi chos daṅ | saṅs rgyas kyi chos la gnas par mi ’gyur | mya ṅan las ’das pa la gnas par mi ’gyur | ’das pa daṅ | ma ’oṅs pa daṅ | da ltar byuṅ ba daṅ | thogs pa med pa la gnas par mi ’gyur | dus gsum (2) mñam pa ñid la gnas par mi ’gyur | saṅs rgyas kyi ye śes daṅ | stobs daṅ | mi ’jigs pa la gnas par mi ’gyur | thams cad mkhyen pa’i ye śes la gnas par mi ’gyur | mtshan phun sum tshogs pa la gnas par mi ’gyur | saṅs rgyas kyi źiṅ phun (3) sum tshogs pa la gnas par mi ’gyur | ñan thos phun sum tshogs pa la gnas par mi ’gyur | byaṅ chub sems dpa’ bkod pa phun sum tshogs pa la gnas par mi ’gyur | chos thams cad la gnas par mi ’gyur te mi g-yo kun tu mi g-yo’o ||
des gnas thams (4) cad rnam par btsal ba la mi gnas te lam la yaṅ mṅon par mi źe na | gnas pa med pa la yaṅ rlom sems su mi byed do ||
de ’di ni gnas so źes mi dmigs | ’di na gnas so źes mi dmigs | ’di’i gnas so źes mi dmigs | rlom sems su mi byed | ’dis (5) gnas so źes mi dmigs te de gnas thams cad la rlom sems su mi byed | mi dmigs | mṅon par mi źen pas gnas gaṅ du yaṅ ñe bar mi ’gro | ñe bar mi ston | mṅon par dga’ bar mi ’gyur | lhag par chags nas mi gnas te | gnas thams cad kyis mi (6) gos | mi chags pas gnas thams cad rnam par dag pa rjes su thob par ’gyur ro ||
rab kyi rtsal gyis rnam par gnon pa ’di ni śes rab kyi pha rol tu phyin pa la spyod pa’i byaṅ chub sems dpa’i chos thams cad kyi gnas rnam par dag pa’i ye śes mthoṅ ba ste | des (7) de la bdud sdig can rnams kyis glags mi rñed ciṅ | bdud sdig can rnams kyis mi thub ste | bdud sdig can rnams zil gyis non par ’gyur ro ||
spyod pa’i le’u źes bya ste drug pa’o ||
bam po drug pa ste tha ma’o ||
rab kyi rtsal gyis rnam par gnon (89b1) pa gźan yaṅ byaṅ chub sems dpa’ bla na med pa yaṅ dag par rdzogs pa’i byaṅ chub tu sems ma bskyed par thog ma ñid du dge ba’i rtsa ba’i tshogs maṅ po yaṅ dag par bsgrubs par ’gyur | saṅs rgyas maṅ po la bsñen bkur byas par ’gyur | saṅs rgyas maṅ po la kun (2) ’dri bar ’gyur | saṅs rgyas bcom ldan ’das rnams la bya ba byas par ’gyur | lhag pa’i bsam pa phun sum tshogs par ’gyur | sbyin pa ’gyed pa la dga’ bar ’gyur | tshul khrims rnam par dag pa lhur len par ’gyur | bzod pa daṅ des pa phun sum tshogs (3) par ’gyur | brtson ’grus daṅ ldan par ’gyur | bsam gtan rnam par dag pa lhur len par ’gyur | śes rab daṅ ldan par ’gyur | śes rab rnam par dag pa lhur len par ’gyur te | de bla na med pa yaṅ dag par rdzogs pa’i byaṅ chub tu sems bskyed nas śes (4) rab kyi pha rol tu phyin pa la brtson te | śes rab kyi stobs daṅ | ye śes kyi stobs des ci nas kyaṅ bdag la bdud sdig can gyis glags rñed par ma gyur cig | bdag la gtse bar ma gyur cig ces bdud sdig can rnams la byin gyis rlob bo ||
des byin gyis brlabs (5) pas bdud kyis glags mi rñed ciṅ de la bar chad bya ba’i phyir ñe bar gnas par mi ’gyur te | byaṅ chub sems dpa’ de la bdag gis klan ka btsal ba’am | tho ba tsam par bya’o sñam du yaṅ sems mi bskyed do ||
gal te de dag gis bar chad bya ba’i phyir sems bskyed na (6) de’i phyir bdag la sdug bsṅal chen po ’byuṅ bar yaṅ dag par śes na | de dag la ’jigs pa chen po ñe bar gnas par ’gyur bas bdag med par mi ’gyur graṅ sñam ste | skyo bar gyur nas tho ba tsam pa’i sems glon par ’gyur źiṅ | de dag gi sems bskyed pa de dag (7) kyaṅ nub par ’gyur ro ||
rab kyi rtsal gyis rnam par gnon pa rnam graṅs ’di byaṅ chub sems dpa’ la bdud sdig can rnams kyis bar chad bya ba’i phyir ñe bar gnas śiṅ bar chad bya ba’i skabs mi rñed do ||
rab kyi rtsal gyis rnam par gnon pa gźan yaṅ śes rab kyi pha rol tu (90a1) phyin pa ’chad pa na byaṅ chub sems dpas ’dun pa daṅ lhag pa’i bsam pa daṅ | gus pa daṅ | rim gro bya ba daṅ | ston par ’du śes skyed par ’gyur | pha rol tu phyin pa drug daṅ ldan pa’i gtam brjod pa na | dogs pa daṅ | the tshom daṅ | yid gñis skyed (2) par mi ’gyur | chos zab mo thos na mgo rmoṅs pa’am | dogs pa’am | the tshom skyed par mi ’gyur | de nam du yaṅ chos kyis phoṅs par ’gyur ba’i las sogs par mi ’gyur | de nam du yaṅ chos kyis phoṅs par ’gyur ba’i sems skyed par mi ’gyur te | sems can (3) gźan maṅ po yaṅ śes rab kyi pha rol tu phyin pa yaṅ dag par ’dzin du bcug par ’gyur | pha rol tu phyin pa thams cad la yaṅ dag par dga’ ba daṅ | yaṅ dag par gzeṅs bstod pa byas par ’gyur ro ||
de sṅon gyi bsam pa rnam par dag pa daṅ | sṅon gyi bsam pa kun nas (4) ñon moṅs pa med pas bdud sdig can rnams par chad bya ba’i phyir ñe bar gnas par mi ’gyur | bdud sdig can rnams kyis de la glags rñed par mi ’gyur | bdud kyi las byuṅ źiṅ skyes pa thams cad khoṅ du chud par ’gyur | bdud kyi las kyis ’phrogs par mi ’gyur | bdud (5) kyi las kyi dbaṅ du ’gro bar mi ’gyur ro ||
rab kyi rtsal gyis rnam par gnon pa rnam graṅs ’das kyaṅ byaṅ chub sems dpa’ la bdud sdig can rnams tho ba tsam pa’i phyir ñe bar gnas par mi ’gyur ro ||
rab kyi rtsal gyis rnam par gnon pa gźan yaṅ śes rab kyi pha rol tu phyin (6) pa la spyod pa’i byaṅ chub sems dpa’ ni gzugs daṅ ’du ba’i mtshan ma la mi spyod | gzugs daṅ ’bral ba’i mtshan ma la mi spyod | tshor ba daṅ | ’du śes daṅ | ’du byed rnams daṅ | rnam par śes pa ’du ba’i mtshan ma la mi spyod | ’bral ba’i mtshan ma la mi spyod | (7) gzugs kyi mtshan ñid daṅ | ’du ba’i mtshan ma la mi spyod | gzugs kyi mtshan ñid daṅ ’bral pa’i mtshan ma la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i mtshan ñid daṅ | ’du ba’i mtshan ma la mi spyod | ’bral ba’i mtshan (90b1) ma la mi spyod | gzugs rnam par dag pa’i mtshan ma la mi spyod | gzugs rnam par dag pa’i mtshan ma med pa la mi spyod | tshor ba daṅ | ’du śes daṅ | ’du byed rnams daṅ | rnam par śes pa rnam par dag pa’i mtshan ma la mi spyod | rnam par śes pa rnam par dag (2) pa’i mtshan ma med pa la mi spyod | gzugs kyi dmigs pa rnam par dag pa’i mtshan ma la mi spyod | gzugs kyi dmigs pa rnam par dag pa’i mtshan ma med pa la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i dmigs pa rnam par (3) dag pa’i mtshan ma la mi spyod | rnam par śes pa’i dmigs pa rnam par dag pa’i mtshan ma med pa la mi spyod | gzugs ’byuṅ ba rnam par dag pa daṅ | ’du ba la mi spyod | gzugs ’byuṅ ba rnam par dag pa daṅ | ’bral ba la mi spyod | tshor ba daṅ | ’du śes daṅ | ’du (4) byed rnams daṅ | rnam par śes pa ’byuṅ ba rnam par dag pa daṅ | ’du ba la mi spyod | rnam par śes pa ’byuṅ ba rnam par dag pa daṅ ’bral ba la mi spyod | gzugs kyi dmigs pa ṅo bo ñid rnam par dag pa daṅ | ’du ba la mi spyod | gzugs kyi dmigs pa’i ṅo bo ñid rnam par (5) dag pa daṅ ’bral ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i dmigs pa’i ṅo bo ñid rnam par dag pa daṅ | ’du ba la mi spyod | rnam par śes pa’i dmigs pa’i ṅo bo ñid rnam par dag pa daṅ ’bral ba la mi spyod | gzugs (6) kyi raṅ bźin rnam par dag pa la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i raṅ bźin rnam par dag pa la mi spyod | gzugs kyi dmigs pa raṅ bźin rnam par dag pa daṅ | ’du ba la mi spyod | gzugs kyi dmigs pa raṅ bźin (7) rnam par dag pa daṅ ’bral ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa dmigs pa raṅ bźin rnam par dag pa daṅ | ’du ba la mi spyod | rnam par śes pa’i dmigs pa raṅ bźin rnam par dag pa daṅ ’bral ba la mi spyod | gzugs (91a1) ’das pa daṅ | ma ’oṅs pa daṅ | da ltar byuṅ ba’i rnam par dag pa la mi spyod | tshor ba daṅ | ’du śes daṅ | ’du byed rnams daṅ | rnam par śes pa ’das pa daṅ | ma ’oṅs pa daṅ | da ltar byuṅ ba’i rnam par dag pa la mi spyod | gzugs kyi (2) dmigs pa ’das pa daṅ | ma ’oṅs pa daṅ | da ltar byuṅ ba’i rnam par dag pa la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i dmigs pa ’das pa daṅ | ma ’oṅs pa daṅ | da ltar byuṅ ba’i rnam par dag pa la mi spyod | gzugs ’das pa (3) daṅ | ma ’oṅs pa daṅ | da ltar byuṅ ba’i rnam par dag pa daṅ | ’du ba la mi spyod | gzugs ’das pa daṅ | ma ’oṅs pa daṅ | da ltar byuṅ ba’i rnam par dag pa daṅ ’bral ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa ’das pa daṅ | ma ’oṅs pa (4) daṅ | da ltar byuṅ ba’i rnam par dag pa daṅ | ’du ba la mi spyod | rnam par śes pa ’das pa daṅ | ma ’oṅs pa daṅ | da ltar byuṅ ba’i rnam par dag pa daṅ ’bral ba la mi spyod | gzugs kyi dmigs pa ’das pa daṅ | ma ’oṅs pa daṅ | da ltar byuṅ ba’i rnam par dag pa daṅ | ’du (5) ba la mi spyod | gzugs dmigs pa ’das pa daṅ | ma ’oṅs pa daṅ | da ltar byuṅ ba’i rnam par dag pa daṅ ’bral ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i dmigs pa ’das pa daṅ | ma ’oṅs pa daṅ | da ltar byuṅ ba’i (6) rnam par dag pa daṅ | ’du ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i dmigs pa ’das pa daṅ | ma ’oṅs pa daṅ | da ltar byuṅ ba’i rnam par dag pa daṅ ’bral ba la mi spyod do ||
de ltar spyod pa ni gzugs daṅ ’du bar yaṅ mi (7) byed ’bral bar yaṅ mi byed | tshor ba daṅ | ’du śes daṅ | ’du byed rnams daṅ | rnam par śes pa daṅ ’du bar laṅ mi byed ’bral par yaṅ mi byed | miṅ daṅ gzugs daṅ ’du bar yaṅ mi byed ’bral bar yaṅ mi byed | phyin ci log pa daṅ | lta bar gyur pa daṅ | ’du bar (91b1) yaṅ mi byed ’bral bar yaṅ mi byed | ’dod pa daṅ | gzugs daṅ | gzugs med pa’i khams daṅ | ’du bar yaṅ mi byed ’bral bar yaṅ mi byed | ’dod chags daṅ | źe sdaṅ daṅ | gti mug daṅ | ’du bar yaṅ mi byed ’bral bar yaṅ mi byed | bdag daṅ | sems (2) can daṅ | srog daṅ | gaṅ zag daṅ | dṅos po daṅ | dṅos po med par ’du śes pa daṅ | ’du bar yaṅ mi byed ’bral bar yaṅ mi byed | chad pa daṅ | rtag pa daṅ | ’du bar yaṅ mi byed ’bral bar yaṅ mi byed | khams daṅ | skye mched daṅ | ’du bar yaṅ mi byed ’bral (3) bar yaṅ mi byed | sa daṅ | chu daṅ | me daṅ | rluṅ daṅ | nam mkha’ daṅ | rnam par śes pa’i khams daṅ | ’du bar yaṅ mi byed ’bral bar yaṅ mi byed | rten ciṅ ’brel par ’byuṅ ba daṅ | ’du bar yaṅ mi byed ’bral bar yaṅ mi byed | ’dod pa’i yon tan daṅ ’du bar (4) yaṅ mi byed ’bral bar yaṅ mi byed | kun nas ñon moṅs pa daṅ | rnam par byaṅ ba daṅ | ’du bar yaṅ mi byed ’bral bar yaṅ mi byed | gtoṅ ba daṅ | ser sna daṅ | ’du bar yaṅ mi byed ’bral bar yaṅ mi byed | tshul khrims daṅ | ’chal pa’i tshul khrims daṅ | ’du bar (5) yaṅ mi byed ’bral bar yaṅ mi byed | bzod pa daṅ | gnod sems daṅ | ’du bar yaṅ mi byed ’bral bar yaṅ mi byed | brtson ’grus daṅ | le lo daṅ | ’du bar yaṅ mi byed ’bral bar yaṅ mi byed | bsam gtan daṅ | rnam par g-yeṅ ba daṅ | ’du bar yaṅ mi byed (6) ’bral bar yaṅ mi byed | śes rab daṅ | ’chal pa’i śes rab daṅ | ’du bar yaṅ mi byed ’bral bar yaṅ mi byed | phyin ci ma log pa daṅ | yaṅ dag pa’i spoṅ ba daṅ | tshad med pa daṅ | dran pa ñe bar gźag pa daṅ | rdzu ’phrul gyi rkaṅ pa daṅ | ’du bar yaṅ mi byed ’bral (7) bar yaṅ mi byed | dbaṅ po daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa daṅ | ’du bar yaṅ mi byed ’bral bar yaṅ mi byed | sdug bsṅal daṅ | kun ’byuṅ ba daṅ | ’gog pa daṅ | lam daṅ | ’du bar yaṅ mi byed ’bral (92a1) bar yaṅ mi byed | źi gnas daṅ lhag mthoṅ daṅ | ’du bar yaṅ mi byed ’bral bar yaṅ mi byed | rig pa daṅ | rnam par grol ba daṅ | ’du bar yaṅ mi byed ’bral bar yaṅ mi byed | rnam par grol ba’i ye śes mthoṅ ba daṅ | ’du bar yaṅ mi byed ’bral bar yaṅ mi (2) byed | mṅon par śes pa daṅ | ’du bar yaṅ mi byed ’bral bar yaṅ mi byed | so so’i skye bo daṅ | ñan thos daṅ | raṅ saṅs rgyas kyi sa daṅ | ’du bar yaṅ mi byed ’bral bar yaṅ mi byed | mi skye ba daṅ | zad pa daṅ | mṅon par ’du mi byed pa śes pa daṅ | ’du bar yaṅ mi byed (3) ’bral bar yaṅ mi byed | ’khor ba daṅ mya ṅan las ’das pa daṅ | ’du bar yaṅ mi byed ’bral bar yaṅ mi byed | saṅs rgyas kyi ye śes daṅ | stobs daṅ | mi ’jigs pa daṅ | ’du bar yaṅ mi byed ’bral bar yaṅ mi byed | mtshan phun sum tshogs pa daṅ | ’du bar yaṅ mi byed (4) ’bral bar yaṅ mi byed | saṅs rgyas kyi źiṅ gi bkod pa phun sum tshogs pa daṅ | ’du bar yaṅ mi byed ’bral bar yaṅ mi byed | ñan thos daṅ | byaṅ chub sems dpa’i phun sum tshogs pa daṅ | ’du bar yaṅ mi byed ’bral bar yaṅ mi byed do ||
de ci’i phyir źe na | rab kyi rtsal gyis (5) rnam par gnon pa chos thams cad ni ’du bar yaṅ ma yin ’bral bar yaṅ ma yin pa’i phyir ro ||
de ci’i phyir źe na | rab kyi rtsal gyis rnam par gnon pa chos thams cad ni ’du ba daṅ ’bral bar ñe bar gnas pa ma yin pa’i phyir ro ||
rab kyi rtsal gyis rnam par gnon pa ’du ba źes bya (6) ba’i tshig de ni rtag pa’o ||
’bral ba źes bya ba’i tshig de ni chad pa’o ||
rab kyi rtsal gyis rnam par gnon pa gaṅ gis kyaṅ chos thams cad ’du ba’am | ’bral bar gyur par khoṅ du chud pa med do ||
rab kyi rtsal gyis rnam par gnon pa chos thams cad ni ’du ba’am ’bral ba’i phyir (7) ñe bar gnas pa gaṅ yaṅ med do ||
rab kyi rtsal gyis rnam par gnon pa gal te chos rnams la ’du ba’am | ’bral bar ’byuṅ ba ’ga’ źig yod na ni | chos rnams kyi byed pa po daṅ | byed du ’jug pa daṅ | sloṅ ba po daṅ | kun nas sloṅ ba po daṅ | tshor ba po daṅ | tshor bar (92b1) byed pa daṅ | śes pa po daṅ | śes par byed pa daṅ | ’du ba daṅ | ’bral ba rñed par ’gyur te | de bźin gśegs pas kyaṅ chos rnams kyi byed pa po daṅ | byed du ’jug pa daṅ | sloṅ ba po daṅ | kun nas sloṅ ba po daṅ | tshor ba po daṅ | tshor bar byed pa daṅ | śes (2) pa po daṅ | śes par byed pa daṅ | ’du bar byed pa po daṅ | ’bral bar byed pa po de ni ’di’o źes bcas par ’gyur ba źig na | rab kyi rtsal gyis rnam par gnon pa gaṅ gi phyir chos thams cad kyi ’du ba daṅ | ’bral ba ñe bar gnas pa gaṅ yaṅ med pa de’i phyir chos rnams kyi (3) byed pa po daṅ | byed du ’jug pa daṅ | kloṅ ba po daṅ | kun nas sloṅ ba po daṅ | tshor ba po daṅ | tshor bar byed pa daṅ | śes pa po daṅ | śes par byed pa daṅ | ’du bar byed pa po daṅ | ’bral bar byed pa po gaṅ yaṅ mi dmigs te | mi dmigs pas de bźin gśegs pas (4) kyaṅ ma bcas so ||
rab kyi rtsal gyis rnam par gnon pa chos thams cad ni phyin ci log las byuṅ ste | phyin ci log de la yaṅ ’du ba daṅ ’bral ba gaṅ yaṅ med do ||
de ci’i phyir źe na | rab kyi rtsal gyis rnam par gnon pa phyin ci log gi dṅos po dmigs su med de | de’i ’byuṅ (5) ba yaṅ mi dmigs pa’i phyir ro ||
de ci’i phyir źe na | rab kyi rtsal gyis rnam par gnon pa phyin ci log ni med pa yaṅ dag pa ma yin pa brdzun pa gsog slu ba’i chos can te | de la chos gaṅ yaṅ mi dmigs pas de ni phyin ci log ces bya’o ||
rab kyi rtsal gyis rnam par (6) gnon pa phyin ci log ces bya ba ’di ni sems can rnams slu ba’o ||
’di ni sems can rnams la ’drid pa’o ||
’di ni sems can rnams kyi yaṅ dag pa ma yin pa kun rtog pa’o ||
’di ni sems can rnams kyi rlom sems daṅ | g-yo ba daṅ spros pa’o ||
rab kyi rtsal gyis (7) rnam par gnon pa ’di lta ste | dper na byis pa ni chad pa stoṅ pas brid na de yaṅ dag pa sñam du ’dzin to ||
rab kyi rtsal gyis rnam par gnon pa de bźin du byis pa so so’i skye bo rnams kyaṅ gsog daṅ | phyin ci log gis bris pas rmoṅs nas ’di yaṅ dag pa yin pa sñam du sems (93a1) so | |de dag yaṅ dag pa ma yin pa la yaṅ dag par ’du śes śiṅ phyin ci log pas de’i phyir phyin ci log de las dgrol dka’ bar ’gyur ro ||
rab kyi rtsal gyis rnam par gnon pa de ltar na byis pa so so’i skye bo thams cad phyin ci log gi bciṅ bas bciṅs nas kun du ’khyam ste | (2) ’du pa daṅ ’bral ba med par de dag ’du ba sñam du sems ’du ba sñam du dmigs ’du ba źes bźag par mthoṅ źiṅ ’bral ba źes mṅon par źen to ||
rab kyi rtsal gyis rnam par gnon pa gaṅ na ’du bar ’gyur ba de na ’bral bar ’gyur ro ||
gaṅ ’du ba daṅ ’bral bar mi dmigs | (3) rlom sems su mi byed | mṅon par mi źen pa ni rab tu grol ba’o ||
gal te ’bral ba sñam du sems śiṅ dmigs la mṅon par źen na ni de ’du ba ñid du ’gyur gyi ’bral ba ma yin no ||
rab kyi rtsal gyis rnam par gnon pa de la byaṅ chub sems dpas don gyi dbaṅ ’di mtho (4) bas chos gaṅ daṅ yaṅ ’du bar yaṅ mi byed ’bral bar yaṅ mi byed | chos gaṅ ’du ba’i phyir ram | ’bral ba’i phyir yaṅ ñe bar gnas par mi ’gyur ro ||
rab kyi rtsal gyis rnam par gnon pa ’di ni śes rab kyi pha rol tu phyin pa la spyod pa’i byaṅ chub sems dpas ’du ba daṅ | ’bral (5) ba yoṅs su śes pa’o ||
rab kyi rtsal gyis rnam par gnon pa de ltar na byaṅ chub sems dpa’ myur du chos thams cad kyi pha rol khoṅ du chud par ’gyur ro ||
rab kyi rtsal gyis rnam par gnon pa gźan yaṅ śes rab kyi pha rol tu phyin pa la spyod pa’i byaṅ chub sems dpa’ ni (6) gzugs la mi chags pa ñid la mi spyod | tshor ba daṅ | ’du śes daṅ | ’du byed rnams daṅ | rnam par śes pa la mi chags pa ñid kyi la mi spyod | gzugs la mi chags pa ñid kyi rnam par dag pa la mi spyod | tshor ba daṅ | ’du śes daṅ | ’du byed rnams daṅ | rnam (7) par śes pa la mi chags pa ñid kyi rnam par dag pa la mi spyod | gzugs la mi chags pa ñid kyi dmigs pa la mi spyod | tshor ba daṅ | ’du śes daṅ | ’du byed rnams daṅ | rnam par śes pa la mi chags pa ñid kyi dmigs pa la mi spyod | gzugs la mi chags pa (93b1) ñid daṅ ’du ba la mi spyod | gzugs la mi chags pa ñid daṅ ’bral ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa la mi chags pa ñid daṅ ’du ba la mi spyod | rnam par śes pa la mi chags pa ñid daṅ ’bral ba la mi spyod | gzugs (2) la mi chags pa ñid kyi rnam par dag pa daṅ ’du ba la mi spyod | gzugs la mi chags pa ñid kyi rnam par dag pa daṅ ’bral ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa la mi spyod pa ñid kyi rnam par dag pa daṅ ’du ba la mi spyod | rnam par (3) śes pa la mi chags pa ñid kyi rnam par dag pa daṅ ’bral ba la mi spyod | gzugs kyi dmigs pa rnam par dag pa daṅ ’du ba la mi spyod | gzugs kyi dmigs pa rnam par dag pa daṅ ’bral ba la mi spyod | tshor ba daṅ | ’du śes daṅ | ’du byed rnams daṅ | rnam par śes pa’i (4) dmigs pa rnam par dag pa la mi spyod | rnam par śes pa’i dmigs pa rnam par dag pa daṅ ’bral ba la mi spyod do ||
de ci’i phyir źe na | rab kyi rtsal gyis rnam par gnon pa byaṅ chub sems dpas g-yo ba daṅ | rlom sems daṅ | ’gul ba daṅ | spyod pa daṅ | rnam par spyod pa de dag (5) thams cad yoṅs su śes nas gaṅ la yaṅ mi spyod | rnam par mi spyod pa’i phyir ro ||
rab kyi rtsal gyis rnam par gnon pa gźan yaṅ śes rab kyi pha rol tu phyin pa la spyod pa’i byaṅ chub sems dpa’ ni gzugs ’das pa daṅ | ma ’oṅs pa daṅ | da ltar byuṅ ba la chags par mi (6) spyod | gzugs ’das pa daṅ | ma ’oṅs pa daṅ | da ltar byuṅ ba la mi chags par mi spyod | tshor ba daṅ | ’du śes daṅ | ’du byed rnams daṅ | rnam par śes pa ’das pa daṅ | ma ’oṅs pa daṅ | da ltar byuṅ ba la chags par mi spyod | rnam par śes pa ’das (7) pa daṅ | ma ’oṅs pa daṅ | da ltar byuṅ ba la mi chags par mi spyod | gzugs ’das pa daṅ | ma ’oṅs pa daṅ | da ltar byuṅ ba rnam par dag pa la mi spyod | gzugs ’das pa daṅ | ma ’oṅs pa daṅ | da ltar byuṅ ba rnam par dag pa ma yin pa la mi spyod | tshor ba daṅ | (94a1) ’du śes daṅ | ’du byed rnams daṅ | rnam par śes pa ’das pa daṅ | ma ’oṅs pa daṅ | da ltar byuṅ ba rnam par dag pa la mi spyod | rnam par śes pa ’das pa daṅ | ma ’oṅs pa daṅ | da ltar byuṅ ba rnam par dag pa ma yin pa la mi spyod | gzugs ’das (2) ba daṅ | ma ’oṅs pa daṅ | da ltar byuṅ ba la mi chags pa’i dmigs pa rnam par dag pa la mi spyod | gzugs ’das pa daṅ | ma ’oṅs pa daṅ | da ltar byuṅ ba la mi chags pa’i dmigs pa rnam par dag pa ma yin pa la mi spyod | tshor ba daṅ | ’du śes daṅ | ’du byed (3) rnams daṅ | rnam par śes pa ’das pa daṅ | ma ’oṅs pa daṅ | da ltar byuṅ ba la mi chags pa’i dmigs pa rnam par dag pa la mi spyod | rnam par śes pa ’das pa daṅ | ma ’oṅs pa daṅ | da ltar byuṅ ba la mi chags pa’i dmigs pa rnam par dag pa ma yin pa la mi spyod do ||
(4) de ci’i phyir źe na | rab kyi rtsal gyis rnam par gnon pa śes rab kyi pha rol tu phyin pa la spyod pa’i byaṅ chub sems dpa’ ni spyod pa yaṅ dag par rjes su mi mthoṅ ba’i phyir ro ||
rab kyi rtsal gyis rnam par gnon pa śes rab kyi pha rol tu phyin pa la spyod pa’i byaṅ chub sems dpa’i spyod pa thams (5) cad la ’jug pa de ni spyod pa med pa’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni myur du thams cad mkhyen pa ñid kyi chos yoṅs su rdzogs par ’gyur ro ||
rab kyi rtsal gyis rnam par gnon pa gźan yaṅ śes rab kyi pha rol tu phyin pa la spyod pa’i byaṅ (6) chub sems dpa’ ni gzugs la ma bsgribs pa źes mi spyod | ma bsgribs pa ma yin pa źes mi spyod | tshor ba daṅ | ’du śes daṅ | ’du byed rnams daṅ | rnam par śes pa ma bsgribs pa źes mi spyod | rnam par śes pa ma bsgribs pa ma yin pa źes mi spyod | gzugs la źi ba (7) źes mi spyod | gzugs lam źi ba źes mi spyod | tshor ba daṅ | ’du śes daṅ | ’du śes daṅ | ’du byed rnams daṅ | rnam par śes pa la źi ba źes mi spyod | rnam par śes pa la ma źi ba źes mi spyod | gzugs la raṅ bźin gyis ma bsgribs pa źes mi spyod | gzugs la raṅ bźin gyis (94b1) ma bsgribs pa ma yin pa źes mi spyod | tshor ba daṅ | ’du śes daṅ | ’du byed rnams daṅ | rnam par śes pa la raṅ bźin gyis ma bsgribs pa źes mi spyod | rnam par śes pa la raṅ bźin gyis ma bsgribs pa ma yin pa źes mi spyod | gzugs la raṅ bźin gyis źi ba źes mi (2) spyod | gzugs la raṅ bźin gyis ma źi ba źes mi spyod | tshor ba daṅ | ’du śes daṅ | ’du byed rnams daṅ | rnam par śes pa la raṅ bźin gyis źi ba źes mi spyod | rnam par śes pa la raṅ bźin gyis ma źi ba źes mi spyod | gzugs ’das pa daṅ | ma ’oṅs pa daṅ | (3) da ltar byuṅ ba la raṅ bźin gyis dben pa’am | raṅ bźin gyis źi ba źes mi spyod | gzugs ’das pa daṅ | ma ’oṅs pa daṅ | da ltar byuṅ ba la raṅ bźin gyis dben pa’am | raṅ bźin gyis źi ba ma yin pa źes mi spyod | tshor ba daṅ | ’du śes daṅ | ’du byed rnams daṅ | (4) rnam par śes pa ’das pa daṅ | ma ’oṅs pa daṅ | da ltar byuṅ ba la raṅ bźin gyis dben pa ’am | raṅ bźin gyis źi ba źes mi spyod | rnam par śes pa ’das pa’am | ma ’oṅs pa’am | da ltar byuṅ ba la raṅ bźin gyis dben pa ma yin pa’am | raṅ bźin gyis źi ba ma yin (5) pa źes mi spyod do ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni myur du thams cad mkhyen pa ñid kyi chos yoṅs su rdzogs par ’gyur ro ||
rab kyi rtsal gyis rnam par gnon pa gźan yaṅ śes rab kyi pha rol tu phyin pa la spyod pa’i byaṅ chub sems (6) dpa’ ni gzugs la rlom sems su mi byed | de bźin du tshor ba daṅ | ’du śes daṅ | ’du byed rnams daṅ | rnam par śes pa la rlom sems su mi byed | gzugs kyi rnam par dag pa la rlom sems su mi byed | gzugs kyi dmigs pa rnam par dag pa la rlom sems (7) su mi byed | de bźin du tshor ba daṅ | ’du śes daṅ | ’du byed rnams daṅ | rnam par śes pa’i rnam par dag pa la rlom sems su mi byed | rnam par śes pa’i dmigs pa rnam par dag pa la rlom sems su mi byed do ||
rab kyi rtsal gyis rnam par gnon pa gźan yaṅ śes rab kyi (95a1) pha rol tu phyin pa la spyod pa’i byaṅ chub sems dpa’ ni gzugs la mṅon par mi źen | de bźin du tshor ba daṅ | ’du śes daṅ | ’du byed rnams daṅ | rnam par śes pa la mṅon par mi źen | gzugs kyi rnam par dag pa la mṅon par mi źen | tshor ba daṅ | (2) ’du śes daṅ | ’du byed rnams daṅ | rnam par śes pa’i rnam par dag pa la mṅon par mi źen | gzugs kyi dmigs pa rnam par dag pa la mṅon par mi źen | tshor ba daṅ | ’du śes daṅ | ’du byed rnams daṅ | rnam par śes pa’i dmigs pa rnam par dag pa la mṅon (3) par mi źen to ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni myur du thams cad mkhyen pa ñid kyi chos rnams yoṅs su rdzogs par ’gyur ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni de bźin gśegs pa’i stobs bcu (4) daṅ | de bźin gśegs pa’i mi ’jigs pa bźi daṅ | saṅs rgyas kyi chos ma ’dres pa bcwa brgyad daṅ | byams pa chen po daṅ | sñiṅ rje chen po daṅ | dga’ ba chen po daṅ | btaṅ sñoms chen po daṅ ñe bar ’gyur ro ||
rab kyi rtsal gyis rnam par gnon pa de ltar spyod pa’i byaṅ chub (5) sems dpa’ ni | skyes bu chen po’i mtshan sum cu rtsa gñis daṅ ñe bar ’gyur | gser gyi kha dog gi mdog daṅ ñe bar ’gyur | de bźin gśegs pa’i ’od mtha’ yas pa daṅ ñe bar ’gyur | glaṅ po ltar lta ba daṅ ñe bar ’gyur | spyi gtsug pa ltar mi mthoṅ ba daṅ ñe bar ’gyur | ’das (6) pa daṅ | ma ’oṅs pa daṅ | da ltar byuṅ ba la thogs pa med pa’i ye śes mthoṅ ba daṅ ñe bar ’gyur | de bźin gśegs pa’i gdams pa daṅ | rjes su bstan pa daṅ | cho ’phrul daṅ ñe bar ’gyur | ’das pa daṅ | ma ’oṅs pa daṅ | da ltar byuṅ pa la thogs pa med pa’i ye śes mthoṅ (7) ba luṅ bstan pa daṅ ñe bar ’gyur ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni myur du saṅs rgyas kyi chos yoṅs su dag pa thams cad thob par ’gyur ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni myur du saṅs (95b1) rgyas kyi źiṅ yoṅs su dag pa thob par ’gyur ro ||
myur du ñan thos daṅ byaṅ chub sems dpa’i bkod pa phun sum tshogs pa yoṅs su ’dzin par ’gyur ro ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni gzugs la rab tu mi gnas | tshor ba daṅ | ’du (2) śes daṅ | ’du byed rnams daṅ | rnam par śes pa la rab tu mi gnas | miṅ daṅ gzugs la rab tu mi gnas | phyin ci log daṅ sgrib pa daṅ lta bar gyur pa la rab tu mi gnas | ’dod pa daṅ gzugs daṅ gzugs med pa’i khams la rab tu mi gnas | bdag gi khams daṅ (3) sems can gyi khams la rab tu mi gnas | gaṅ zag daṅ srog tu ’du śes pa la rab tu mi gnas | sa daṅ | chu daṅ | me daṅ | rluṅ daṅ | nam mkha’ daṅ | rnam par śes pa’i khams la rab tu mi gnas | khams daṅ | skye mched la rab tu mi gnas | kun nas (4) ñon moṅs pa daṅ | rnam par byaṅ ba la rab tu mi gnas | rten ciṅ ’brel par ’byuṅ ba la rab tu mi gnas | gtoṅ ba daṅ ser sna la rab tu mi gnas | tshul khrims daṅ | ’chal pa’i tshul khrims la rab tu mi gnas | bzod pa daṅ | gnod sems la rab tu mi gnas | (5) brtson ’grus daṅ | le lo la rab tu mi gnas | bsam gtan daṅ | rnam par g-yeṅ ba la rab tu mi gnas | śes rab daṅ | ’chal pa’i śes rab la rab tu mi gnas | dran pa ñe bar gźag pa daṅ | yaṅ dag pa’i spoṅ ba daṅ | tshad med pa daṅ | rdzu ’phrul gyi rkaṅ pa daṅ | (6) dbaṅ po daṅ | stobs daṅ | byaṅ chub kyi yan lag la rab tu mi gnas | bsam gtan daṅ | rnam par thar pa daṅ | tiṅ ṅe ’dzin daṅ | sñoms par ’jug pa la rab tu mi gnas | sdug bsṅal daṅ | kun ’byuṅ ba daṅ | ’gog pa daṅ | lam la rab tu mi gnas | zad pa daṅ mṅon par (7) ’du mi byed pa daṅ | mi skye ba śes pa la rab tu mi gnas | źi gnas daṅ lhag mthoṅ la rab tu mi gnas | mṅon par śes pa la rab tu mi gnas | rig pa daṅ rnam par grol ba la rab tu mi gnas | so so’i skye bo daṅ | ñan thos daṅ | raṅ saṅs rgyas kyi sa la rab tu mi gnas | (96a1) so so’i skye bo daṅ | ñan thos daṅ | raṅ saṅs rgyas daṅ | saṅs rgyas kyi chos la rab tu mi gnas | mya ṅan las ’das pa la rab tu mi gnas | saṅs rgyas kyi ye śes daṅ | stobs daṅ | mi ’jigs pa la rab tu mi gnas (2) thogs pa med pa’i ye śes la rab tu mi gnas | ’das pa daṅ | ma ’oṅs pa daṅ | da ltar byuṅ ba’i ye śes mthoṅ ba la rab tu mi gnas | saṅs rgyas kyi źiṅ phun sum tshogs pa la rab tu mi gnas | ñan thos bkod pa phun sum tshogs pa la rab tu mi (3) gnas | byaṅ chub sems dpa’ bkod pa phun sum tshogs pa la rab tu mi gnas so ||
de ci’i phyir źe na | rab kyi rtsal gyis rnam par gnon pa chos thams cad mi gnas pa’i phyir ro ||
rab kyi rtsal gyis rnam par gnon pa chos thams cad ni gnas med pa’o (4) de ci’i phyir źe na | rab kyi rtsal gyis rnam par gnon pa chos thams cad ni gźi med pa ste gźi med pa’i phyir mi gnas so ||
rab kyi rtsal gyis rnam par gnon pa gal te chos thams cad la gnas yod par gyur na ni chos rnams kyi gźi yod pa’am | ther zug tu (5) gnas par ’gyur te | de bźin gśegs pas kyaṅ ’di ni chos rnams kyi rten | ’di ni chos rnams kyi gźi ’di ni chos rnams kyi bsags pa źes chos thams cad kyi gnas ston par ’gyur pa źig na | rab kyi rtsal gyis rnam par gnon pa gaṅ gi phyir chos thams cad (6) mi gnas śiṅ gźi med pa daṅ | sogs pa med pa de’i phyir chos gaṅ yaṅ ther zug tu gnas pa med de de bas na de bźin gśegs pas chos rnams kyi gnas daṅ gźi daṅ sogs pa ma bstan to ||
rab kyi rtsal gyis rnam par gnon pa chos thams cad ni yoṅs su ma (7) grub pa ste | raṅ bźin med pa’o ||
chos gaṅ yaṅ med ciṅ yoṅs su ma grub pas chos rnams ni gaṅ du yaṅ mi gnas te | de’i phyir chos thams cad ni mi gnas pa źes bya’o ||
rab kyi rtsal gyis rnam par gnon pa gnas med pa’i tshul daṅ | rten med (96b1) pa’i tshul gyis chos thams cad mi gnas pa ste | rab kyi rtsal gyis rnam par gnon pa chos thams cad ni gnas pa med do ||
rab kyi rtsal gyis rnam par gnon pa ’di lta ste | dper na chu bo chen po bźi ni mtsho ma dros pa las ’bab ste | mtsho chen po la ma thug (2) par rgyun mi ’chad do ||
rab kyi rtsal gyis rnam par gnon pa de bźin du chos thams cad kyaṅ mṅon par ’du byed pa zad par ma gyur gyi bar du gnas pa med do ||
rab kyi rtsal gyis rnam par gnon pa mṅon par ’du mi byed ces bya ba de la gnas kyaṅ med | gnas ma yin (3) pa yaṅ med | rgyun mi ’chad pa yaṅ med de | bgraṅ ba de thams cad de la med do ||
rab kyi rtsal gyis rnam par gnon pa gnas źes bya ba’am | rgyun chad ces bya ba’am | gnas med ces bya ba’am | mṅon par ’du byed pa źes bya ba de dag ni bgraṅ bar bstan (4) pa’o | |rab kyi rtsal gyis rnam par gnon pa gnas sam | rten tam gźi źes bya ba de ni sems can rnams kyi ji ltar ’jug pa bstan pa byas pa’o ||
mṅon par ’du byed pa med pa la ni bgraṅ ba ’di gaṅ yaṅ med de | de’i phyir chos thams cad mi gnas pa źes bya’o | (5) rab kyi rtsal gyis rnam par gnon pa ’di ni śes rab kyi pha rol tu phyin pa la spyod pa’i byaṅ chub sems dpa’i chos thams cad la mi gnas par sbyor ba’o ||
rab kyi rtsal gyis rnam par gnon pa de ltar spyod pa’i byaṅ chub sems dpa’ ni myur du thams cad mkhyen pa ñid kyi chos (6) rnams yoṅs su rdzogs par ’gyur | bla na med pa yaṅ dag par rdzogs pa’i byaṅ chub la ñe bar ’gyur | myur du byaṅ chub kyi sñiṅ por ’gro bar ’gyur | myur du thams cad mkhyen pa’i ye śes thob par ’gyur | myur du ’das pa daṅ | ma ’oṅs pa daṅ | da ltar (7) byuṅ ba’i ye śes yoṅs su rdzogs par ’gyur | myur du sems can thams cad kyi sems bskyed pa daṅ | g-yos pa’i pha rol tu ’gro bar ’gyur ro ||
rab kyi rtsal gyis rnam par gnon pa de bas na byaṅ chub sems dpa’ sems dpa’ chen po sems can thams cad kyi (97a1) don byed par ’dod pa daṅ | sems can thams cad la sbyin pa sbyin par ’dod pa daṅ | sems can thams cad la chos kyi sbyin pas tshim par byed par ’dod pa daṅ | sems can thams cad kyi ma rig pa’i sgo ṅa’i sbubs gcog par ’dod (2) pa daṅ | sems can thams cad la ye śes chen po saṅs rgyas kyi ye śes sgrub par ’dod pa daṅ | sems can thams cad la sñiṅ brtse bar ’dod pa daṅ | sems can thams cad la phan pa tshol bar ’dod pa daṅ | sems can thams cad la chos kyi (3) lo legs par byed par ’dod pa daṅ | sems can thams cad la loṅs spyod kyi lo legs par byed par ’dod pa daṅ | sems can thams cad la tshul khrims kyi lo legs par byed par ’dod pa daṅ | sems can thams cad la bzod pa daṅ des pa’i lo legs (4) par byed par ’dod pa daṅ | sems can thams cad la brtson ’grus kyi lo legs par byed par ’dod pa daṅ | sems can thams cad la bsam gtan gyi lo legs par byed par ’dod pa daṅ | sems can thams cad la śes rab kyi lo legs par byed par ’dod pa daṅ | sems (5) can thams cad la rnam par grol ba’i lo legs par byed par ’dod pa daṅ | sems can thams cad la mtho ris su skye ba’i lo legs par byed par ’dod pa daṅ | sems can thams cad la rig pa daṅ rnam par grol ba’i lo legs par byed par ’dod pa daṅ | sems can (6) can thams cad la rig pa daṅ rnam par grol ba’i ye śes mthoṅ ba’i lo legs par byed par ’dod pa daṅ | sems can thams cad la mya ṅan las ’das pa’i lo legs par byed par ’dod pa daṅ | sems can thams cad la saṅs rgyas kyi chos kyi lo legs par (7) byed par ’dod pa daṅ | sems can thams cad la yon tan phun sum tshogs pa thams cad kyi lo legs par byed par ’dod pa daṅ | dge sbyoṅ daṅ | bram ze daṅ | lha daṅ | bdud daṅ | gźan sus kyaṅ chos daṅ ’thun par sṅon ma bskor ba’i chos kyi ’khor (97b1) lo skor bar ’dod pa daṅ | chos kyi gtam byed par ’dod pa daṅ | saṅs rgyas kyi sar luṅ bstan par ’dod pa daṅ | ñan thos kyi sa la luṅ bstan par ’dod pa daṅ | raṅ saṅs rgyas kyi sa la luṅ bstan par ’dod pa daṅ | sems can rnams kyi sṅon gyi (2) smon lam daṅ | dge ba’i rtsa ba bskul bar ’dod pas śes rab kyi pha rol tu phyin pa ’di la bslab par bya | brtson par bya | ’bad par bya’o ||
śes rab kyi pha rol tu phyin pa la bsgom par sbyor ba la brtson par bya’o ||
rab kyi rtsal gyis rnam par gnon pa (3) ji ltar śes rab kyi pha rol tu phyin pa bstan pa ’di la brtson pa daṅ | nan tan byed pa daṅ | ’di lta ste | śes rab kyi pha rol tu phyin pa la gnas pa’i gnas pa de mi ’dor ba las saṅs rgyas kyi chos thams cad myur du yoṅs su rdzogs par byed pa de lta bu’i byaṅ chub sems (4) dpa’ chos gźan gaṅ yaṅ ṅas ma mthoṅ ṅo ||
rab kyi rtsal gyis rnam par gnon pa byaṅ chub sems dpa’ gaṅ la la śes rab kyi pha rol tu phyin pa ’di la spyod na | byaṅ chub sems dpa’ de bla na med pa yaṅ dag par rdzogs pa’i byaṅ chub daṅ ñe źiṅ der thug par (5) rig par bya’o ||
rab kyi rtsal gyis rnam par gnon pa śes rab kyi pha rol tu phyin pa ’di gaṅ la la’i rna lam du thos pa daṅ | thos nas kyaṅ mos pa daṅ | mṅon par dga’ ba daṅ | yaṅ dag par ’du śes bskyed pa de dag kyaṅ dge ba’i rtsa ba des bla na med pa (6) yaṅ dag par rdzogs pa’i byaṅ chub ’grub par ’gyur ro ||
źes ṅas bśad de der thug par yaṅ rig par bya’o ||
rigs kyi bu’am rigs kyi bu mo de dag ni tshogs chen po bsags pas dge ba’i rtsa ba gźan yaṅ yoṅs su sdud par ’gyur ro ||
rab kyi rtsal gyis (7) rnam par gnon pa śes rab kyi pha rol tu phyin pa’i thabs mkhas pa bstan pa’i le’u ’di byaṅ chub sems dpa’ gaṅ dag gi lag tu soṅ bar gyur pa de dag kha cig saṅs rgyas bcom ldan ’das rnams kyis mṅon sum du luṅ ma bstan kyaṅ de dag ni luṅ bstan pa daṅ (98a1) ñe ste | de dag ni riṅ po mi thogs par mṅon sum du luṅ bstan pa thob par ’gyur bar rig par bya’o ||
rab kyi rtsal gyis rnam par gnon pa ’di lta ste | dper na sems can gaṅ dag dge ba bcu’i las kyi lam yaṅ dag par bzuṅ ste | ’dug (2) ba’i sems can de dag byaṅ gi sgra mi sñan du skye ba daṅ ñe ba ste | der thug par rig par bya’o ||
rab kyi rtsal gyis rnam par gnon pa de bźin du śes rab kyi pha rol tu phyin pa ’di byaṅ chub sems dpa’ gaṅ gi lag tu ’gro bar ’gyur ba de yaṅ bla na med pa yaṅ dag par rdzogs pa’i (3) byaṅ chub daṅ ñe bar rig par bya’o ||
rab kyi rtsal gyis rnam par gnon pa ’di lta ste | dper na sems can gaṅ dag sbyin pa sbyin źiṅ | lhug par gtoṅ bar gyur la sems can rnams kyaṅ sbyin pa daṅ | sñan par smra ba daṅ | don spyod pa daṅ | don ’thun pas kun du sdud (4) ciṅ tshul khrims kyaṅ sruṅ la ṅa rgyal bcom pa’i sems can de dag myur du rigs mthon po daṅ loṅs spyod chen por ’gyur te | der thug par rig par bya’o ||
rab kyi rtsal gyis rnam par gnon pa ’di lta ste | dper na sems can gaṅ dag sbyin pa’i ṅaṅ tshul can du gyur pa | tshul (5) khrims phun sum tshogs par gyur pa | bzod pa phun sum tshogs par gyur pa | sems can la byams pa skyed pa | sems can rnams kyaṅ tshul khrims ’dzin du ’jug ciṅ dbaṅ por ’gyur ba’i las bsags pa de dag ni myur du ’khor los sgyur ba’i rgyal po byed par ’gyur bar (6) rig par bya’o ||
rab kyi rtsal gyis rnam par gnon pa de bźin du śes rab kyi pha rol tu phyin pa ’di byaṅ chub sems dpa’ gaṅ gi lag tu ’gro bar ’gyur ba de yaṅ myur du byaṅ chub kyi sñiṅ por ’gro bar rig par bya’o ||
rab kyi rtsal gyis rnam par gnon pa ’di lta ste | dper na rgyal (7) po rgyal rigs gaṅ zla ba ña tshes bcwa lṅa la don byed ciṅ ’dug pa’i mdun du ’khor lo rin po che byuṅ bar gyur na | de ñid ’khor los sgyur bar ’gyur źiṅ | myur du de’i rin po che sna bdun thams cad kyaṅ ’byuṅ bar ’gyur bar rig par bya’o ||
rab kyi rtsal gyis rnam par gnon pa de (98b1) bźin du śes rab kyi pha rol tu phyin pa’i le’u ’di byaṅ chub sems dpa’ gaṅ gi lag tu ’gro bar ’gyur ba de myur du thams cad mkhyen pa’i dmigs pa daṅ ldan par ’gyur bar rig par bya’o ||
rab kyi rtsal gyis rnam par gnon pa ’di lta ste | dper na sems can gaṅ dag (2) dge ba’i rtsa ba mchog daṅ ldan par gyur ciṅ spyod pa yaṅ bzaṅ rgya chen po la yaṅ mos par gyur la | de dag mi’i lus la mi ’thun par ’du śes ’jog ciṅ | tshul khrims pun sum tshogs par gyur pa | skye bo maṅ po’i bya ba byed par gyur pa lhar skye bar ’dod na | de dag ni (3) myur du rgyal chen bźi’i ris kyi lha rnams daṅ skal ba mñam par skye źiṅ de na yaṅ dbaṅ po byed par ’gyur bar rig par bya’o ||
rab kyi rtsal gyis rnam par gnon pa gaṅ su dag dge ba’i rtsa ba yoṅs su dag pa daṅ | dge ba’i rtsa ba mchog daṅ ldan la | sṅar sbyin pa sbyin źiṅ phyis bdag (4) spyod pa daṅ | sṅar sems can gźan dag gi bya ba byed de | phyis bdag gi byed pa daṅ | chos ma yin pa la ’dod ciṅ | chags pa med pa daṅ | mi bzad pa’i ’dod pa daṅ | chags pa med pa daṅ | lha’i dbaṅ po daṅ | bdag por ’dod pa de dag ni riṅ po mi thogs par mi (5) g-yo mi bskyod par sum cu rtsa gsum pa’i lha rnams kyi dbaṅ po daṅ bdag po byed par ’gyur te | lha’i dbaṅ po brgya byin du yaṅ ’gyur bar rig par bya’o ||
rab kyi rtsal gyis rnam par gnon pa de bźin du śes rab kyi pha rol tu phyin pa ’di byaṅ chub sems dpa’ gaṅ la ñe bar gyur (6) pa de myur du chos thams cad la dbaṅ byed pa’i dbaṅ po rjes su thob par ’gyur źiṅ der thug par rig par bya’o ||
rab kyi rtsal gyis rnam par gnon pa ’di lta ste | dper na sems can gaṅ dag tshaṅs pa’i gnas pa bźi rñed par ’gyur ba de dag ni myur du tshaṅs pa’i ’jig rten du skye bar ’gyur (7) bar rig par bya’o ||
rab kyi rtsal gyis rnam par gnon pa de bźin du śes rab kyi pha rol tu phyin pa ’di byaṅ chub sems dpa’ gaṅ la ñe bar gyur pa de myur du chos kyi ’khor lo bskor bar rig par bya’o ||
rab kyi rtsal gyis rnam par gnon pa ’di lta ste dper na dbyar gyi zla ba ñe bar gnas pa na | sa chen po (99a1) ’di sprin la brten nas snum par ’gyur źiṅ char mthar gyis bab pas bdas nas chu ’byuṅ ste | gaṅ du chu mig maṅ bo byuṅ ba des sa chen po’i steṅ ’di tshim bar byed de | de bźin du sa chen po’i khoṅ yaṅ bdas par ’gyur | steṅ ’di chus yog nas gaṅ ljoṅs daṅ | (2) thaṅ rnams tshim par byed de | de ltar sa chen po ’di thaṅ sthina gyis bdas par byas pas rtswa daṅ | śiṅ gel ba daṅ | sman daṅ nags tshal rnams kyaṅ ṅoms par ’gyur ro ||
de dag ṅoms pas yal ga daṅ | lo ma daṅ | ’dab ma maṅ po skye bar ’gyur | me tog daṅ ’bras bu maṅ (3) po yaṅ ’chags par ’gyur ro ||
de’i tshes chen po ’dis yid du ’oṅ ba’i dri ’byin te | de’i tshes chen po ’di me tog daṅ ’bras bu daṅ | chu mig daṅ | mtsho’u daṅ | lteṅ ka dag gis mdzes par byas par ’gyur | de na mi daṅ mi ma yin pa rnams me tog daṅ ’bras bu de rnams la za źiṅ (4) dri de dag la yaṅ snom pas dga’ bar ’gyur ro ||
rab kyi rtsal gyis rnam par gnon pa de bźin du nam byaṅ chub sems dpa’ la śes rab kyi pha rol tu phyin pa ’di mṅon du gyur ciṅ | śes rab kyi pha rol tu phyin pa ’di la sbyor bar byed na | rab kyi rtsal gyis rnam par gnon pa byaṅ chub (5) sems dpa’ ’di riṅ po mi thogs par thams cad mkhyen pa’i ye śes kyis rlan par byas nas thams cad mkhyen pa’i ye śes rnam par ’byed par ’gyur | thams cad mkhyen pa’i ye śes rab tu ston par ’gyur te | des bla na med pa’i chos rin po che rab tu bstan pa’i phyir sems can (6) rnams rlan par byed par rig par bya’o ||
rab kyi rtsal gyis rnam par gnon pa ’di lta ste | dper na gaṅ dag klu’i rgyal po ma dros pa’i gnas su skyes pa’i sems can de dag kyaṅ kluṅ chen po bźi ’bebs śiṅ rgya mtsho chen po ’geṅs par ’gyur ro ||
rab kyi rtsal gyis rnam par (7) gnon pa de bźin du śes rab kyi pha rol tu phyin pa ’di byaṅ chub sems dpa’ gaṅ dag gi lag tu soṅ źiṅ ’di la slob pa de dag thams cad kyaṅ chos chen po’i rgyun rab tu ’bebs śiṅ chos kyi sbyin pa des sems can thams cad la tshim par byed par ’gyur ro ||
rab kyi rtsal gyis rnam (99b1) par gnon pa ’di lta ste | dper na sems can gaṅ dag ri’i rgyal po ri rab kyi druṅ du phyin pa de dag thams cad ni ’di lta ste | gser gyi kha dog tu kha dog gcig par ’gyur ro ||
rab kyi rtsal gyis rnam par gnon pa de bźin du śes rab kyi pha rol tu phyin pa bstan pa ’di byaṅ chub (2) sems dpa’ gaṅ gi lag tu soṅ ba de dag thams cad kyaṅ ’di lta ste | de bźin gśegs pa’i ’gro ba’am | thams cad mkhyen pa’i ’gro bar ’gro ba gcig tu ’gyur ro ||
rab kyi rtsal gyis rnam par gnon pa ’di lta ste | dper na mtsho chen po rgya mtsho na chu thams cad kun tu (3) ’dzin te der rtag tu chu thams cad ’bab bo ||
rab kyi rtsal gyis rnam par gnon pa de bźin du śes rab kyi pha rol tu phyin pa bstan pa ’di byaṅ chub sems dpa’ gaṅ gi lag tu ’gro ba de myur du chos thams cad kyi rgya mtsho daṅ | chos thams cad kyi snod daṅ | chos thams cad yaṅ dag par (4) ’du bar ’gyur te | myur du chos kyi brdas mi ’khrugs par ’gyur źiṅ der thug par rig par bya’o ||
rab kyi rtsal gyis rnam par gnon pa ’di lta ste | dper na ñi ma’i dkyil ’khor śar na ’od thams cad mog mog por byed do ||
rab kyi rtsal gyis rnam par gnon pa de bźin du śes rab kyi (5) pha rol tu phyin pa ’di la śar ba’i byaṅ chub sems dpa’ yaṅ sems can thams cad la chos kyis snaṅ bar byed par ñe bar gnas par ’gyur te | rab kyi rtsal gyis rnam par gnon pa byaṅ chub sems dpa’ la ’di śar bas sems can thams cad kyi dge ba’i rtsa ba snaṅ bar byed par ñe bar (6) gnas par ’gyur | sems can thams cad kyi sbyin gnas su ’gyur | sems can thams cad kyi bsod nams kyi źiṅ rnam par dag par ’gyur | sems can thams cad kyi ’gro bar bya bar ’gyur | sems can thams cad kyis mchod par ’gyur | rab tu stod par ’gyur (7) ro ||
rab kyi rtsal gyis rnam par gnon pa śes rab kyi pha rol tu phyin pa ’di la slob pa’i byaṅ chub sems dpa’ ni byaṅ chub sems dpa’ mchog la slob pa’o ||
sems can thams cad kyi mya ṅan las ’das pa’i lam rnam par sbyaṅ ba’i phyir slob pa’o ||
de ci’i phyir źe na | rab kyi rtsal gyis (100a1) rnam par gnon pa śes rab kyi pha rol tu phyin pa’i bslab pa de ni mchog dam pa | rab phul du byuṅ ba bla na med pa’i bslab pa’o ||
rab kyi rtsal gyis rnam par gnon pa ’di la slob pa’i byaṅ chub sems dpa’ ni bslab pa thams cad kyi dam pa’i mchog rñed (2) par ’gyur ro ||
bslab pa thams cad bzuṅ bas ’byuṅ bar ’gyur | bslab pa thams cad kyaṅ ston par ’gyur | bslab pa thams cad kyaṅ thob par byed par ’gyur ro ||
rab kyi rtsal gyis rnam par gnon pa ’das pha daṅ | ma ’oṅs pa daṅ | da ltar byuṅ ba’i saṅs (3) rgyas bcom ldan ’das byaṅ chub sems dpa’i spyad pa spyod pa ni bslab pa ’di la bslabs so ||
saṅs rgyas bcom ldan ’das rnams bslab pa ’di la śin tu gnas nas sems can thams cad la bla na med pa’i bslab pa yoṅs su dag pa (4) rab tu bstan | yaṅ dag par rab tu ston | yaṅ dag par rab tu ston par ’gyur ro ||
de ci’i phyir źe na | rab kyi rtsal gyis rnam par gnon pa ’di lta ste | śes rab kyi pha rol tu phyin pa’i bslab pa ’di ni ’jig rten thams cad las mṅon par ’phags pa’i bslab (5) pa yin pa’i phyir ro ||
’di lta ste | śes rab kyi pha rol tu phyin pa’i bslab pa ni ’jig rten thams cad kyi mchog | ’jig rten thams cad na raṅ byuṅ gi bslab pa’o ||
rab kyi rtsal gyis rnam par gnon pa śes rab kyi pha rol tu phyin pa la slob pa’i byaṅ chub sems (6) dpa’ ni ’jig rten pa daṅ | ’jig rten las ’das pa daṅ | ’dus byas daṅ | ’dus ma byas daṅ | zag pa daṅ bcas pa daṅ | zag pa med pa daṅ | kha na ma tho ba daṅ bcas pa daṅ | kha na ma tho ba med pa daṅ | chos gdal yaṅ slob par mi ’gyur | gaṅ du yaṅ (7) tshags pa mi bskyed de | chos thams cad la mi chags par gnas par ’gyur ro ||
de ci’i phyir źe na | rab kyi rtsal gyis rnam par gnon pa chas thams cad chags pa med | bciṅs pa med | grol ba med de | chos gaṅ yaṅ ’du bar ram | bciṅs pa ñe bar (100b1) gnas pa ma yin pa’i phyir ro ||
rab kyi rtsal gyis rnam par gnon pa gzugs ni ma chags ma bciṅs ma grol ba’o ||
tshor ba daṅ | ’du śes daṅ | ’du byed rnams daṅ | rnam par śes pa yaṅ ma chags ma bciṅs ma grol ba’o ||
miṅ daṅ gzugs kyaṅ ma chags ma (2) bciṅs ma grol ba’o ||
phyin ci log daṅ sgrib pa daṅ lta bar gyur pa yaṅ ma chags ma bciṅs ma grol ba’o ||
’dod chags daṅ | źe sdaṅ daṅ | gti mug kyaṅ ma chags ma bciṅs ma grol ba’o ||
naṅ gi skye mched drug kyaṅ ma chags ma bciṅs ma grol ba’o ||
phyi’i skye mched (3) drug kyaṅ ma chags ma bciṅs ma grol ba’o ||
’dod pa daṅ gzugs daṅ gzugs med pa’i khams kyaṅ ma chags ma bciṅs ma grol ba’o ||
bdag gi khams daṅ sems can gyi khams kyaṅ ma chags ma bciṅs ma grol ba’o ||
rten ciṅ ’brel par ’byuṅ ba yaṅ ma chags ma bciṅs (4) ma grol ba’o ||
kun nas ñon moṅs pa daṅ rnam par byaṅ ba yaṅ ma chags ma bciṅs ma grol ba’o ||
de bźin du gtoṅ ba daṅ | ser sna daṅ | tshul khrims daṅ | ’chal pa’i tshul khrims daṅ | bzod pa daṅ | gnod sems daṅ | brtson ’grus daṅ | le lo daṅ | bsam gtan (5) daṅ | rnam par g-yeṅ ba daṅ | śes rab daṅ | ’chal pa’i śes rab kyaṅ ma chags ma bciṅs ma grol ba’o ||
sdug bsṅal daṅ | kun ’byuṅ ba daṅ | ’gog pa daṅ | lam yaṅ ma chags ma bciṅs ma grol ba’o ||
dran pa ñe bar gźag pa daṅ | yaṅ dag par spoṅ ba daṅ | (6) rdzu ’phrul gyi rkaṅ pa daṅ | tshad med pa daṅ | phyin ci ma log pa yaṅ ma chags ma bciṅs ma grol ba’o ||
dbaṅ po daṅ | stobs daṅ | byaṅ chub kyi yan lag daṅ | tiṅ ṅe ’dzin daṅ | sñoms par ’jug pa yaṅ ma chags ma bciṅs ma grol ba’o ||
sa daṅ | chu daṅ | me (7) daṅ | rluṅ daṅ | nam mkha’ daṅ | rnam par śes pa’i khams kyaṅ ma chags ma bciṅs ma grol ba’o ||
mi skye ba daṅ | zad pa daṅ | mṅon par ’du mi byed pa śes pa yaṅ ma chags ma bciṅs ma grol ba’o ||
rig pa daṅ | rnam par grol ba yaṅ ma chags ma bciṅs ma (101a1) grol ba’o ||
mṅon par śes pa yaṅ ma chags ma bciṅs ma grol ba’o ||
rnam par grol ba’i ye śes mthoṅ ba yaṅ ma chags ma bciṅs ma grol ba’o ||
so so’i skye bo daṅ | ñan thos daṅ | raṅ saṅs rgyas kyi chos kyaṅ ma chags ma bciṅs ma grol (2) ba’o ||
mya ṅan las ’das pa yaṅ ma chags ma bciṅs ma grol ba’o ||
saṅs rgyas kyi ye śes daṅ stobs daṅ mi ’jigs pa yaṅ ma chags ma bciṅs ma grol ba’o ||
’das pa daṅ | ma ’oṅs pa daṅ | da ltar byuṅ ba la thogs pa med pa’i ye śes mthoṅ ba yaṅ ma chags ma bciṅs (3) ma grol ba’o ||
de ci’i phyir źe na | rab kyi rtsal gyis rnam par gnon pa chos thams cad la bciṅ ba mi dmigs pas chos thams cad ni chags pa med bciṅs pa med do ||
de’i phyir de dag gi grol ba mi dmigs so ||
rab kyi rtsal gyis rnam par gnon pa chags pa med ces bya ba ni (4) de dag la dgrol ba gaṅ yaṅ med mod kyi ’on kyaṅ gaṅ de ltar chos rnams mthoṅ ba de ni chags pa med pa’i ye śes mthoṅ ba źes bya’o ||
rab kyi rtsal gyis rnam par gnon pa mi chags źes bya ba ni chags pa mi dmigs śiṅ chags pa med pa la chags pa yaṅ dag pa’i ma yin pa’i (5) phyir chags pa med pa źes bya ste | de la ni gaṅ chags par ’gyur ba’am | ’chiṅ bar ’gyur ba ci yaṅ mi dmigs so ||
gaṅ gi phyir gaṅ chags par ’gyur ba daṅ ’chiṅ par ’gyur ba mi dmigs pa de’i phyir mi chags pa źes bya’o ||
rab kyi rtsal gyis rnam par gnon pa (6) rtogs pa med ces bya ba ni rtogs pa mi dmigs śiṅ rtogs pa yod pa ma yin pa’i phyir rtogs pa med pa źes bya ste | de la ni rtogs par ’gyur ba ci yaṅ maṅ ṅo ||
de la gaṅ rtogs pa ci yaṅ mi dmigs te | gaṅ gi phyir gaṅ rtogs pa mi dmigs pa de’i phyir rtogs pa med (7) pa źes bya’o ||
gaṅ chags pa med ciṅ rtogs pa med pa de la rnam par grol ba gal yod | gaṅ chags par mi ’gyur ’chiṅ bar mi ’gyur ba ni grol ba bral ba | bsil bar gyur pa rab tu rnam par grol ba ste | de la ni phyir yaṅ rtogs par bya ba gaṅ yaṅ med pas de’i phyir grol ba (101b1) źes bya ste | de la thar pa yaṅ med do ||
rab kyi rtsal gyis rnam par gnon pa ’di ni śes rab kyi pha rol tu phyin pa la spyod pa’i byaṅ chub sems dpa’ chos thams cad ma chags ma bciṅs ma grol ba’i ye śes mthoṅ ba la ’jug pa’o ||
rab kyi rtsal gyis rnam par gnon (2) pa de ltar spyod pa’i byaṅ chub sems dpa’ ni | bla na med pa yaṅ dag par rdzogs pa’i byaṅ chub la ñe bar ’gyur | myur du thams cad mkhyen pa’i ye śes thob par ’gyur ro ||
rab kyi rtsal gyis rnam par gnon pa śes rab kyi pha rol tu phyin pa la brtson pa śes rab kyi pha rol tu (3) phyin pa la spyod pa’i byaṅ chub sems dpa’ thams cad kyi the tshom gcod pa’i phyir ṅas phyag rgya ’di bźag go ||
rab kyi rtsal gyis rnam par gnon pa phyi ma’i tshe phyi ma’i dus lṅa brgya pa tha ma la ṅa’i ñan thos rnams śes rab kyi pha rol tu phyin pa ’di ’dzin mi nus pa’i phyir ṅas phyag rgya ’di (4) bstan ciṅ byin gyis brlabs so ||
de nas bcom ldan ’das kyis bzaṅ skyoṅ daṅ | ded dpon bzaṅ po la sogs pa byaṅ chub sems dpa’ lṅa brgya daṅ | byaṅ chub sems dpa’ sems dpa’ chen po rab kyi rtsal gyis rnam par gnon pa la bka’ stsal pa | rigs kyi bu dag khyed kyis de bźin (5) gśegs pa yoṅs su mya ṅan las ’das nas phyi ma’i tshe phyi ma’i dus dam pa’i chos nub ciṅ rab tu rnam par ’jig ste | zad par ’gyur ba’i dus na de bźin gśegs pas bskal pa bye ba khrag khrig ’bum phrag maṅ por yaṅ dag par bsgrubs pa’i chos rin po che’i mdzod | śes rab (6) kyi pha rol tu phyin pa sṅon du ’gro ba śes rab kyi pha rol tu phyin pa ’byuṅ ba śes rab kyi pha rol tu phyin pa’i gnas ’di gzuṅ ba daṅ gźan la yaṅ rgya cher yaṅ dag par ston nus sam | de skad ces bka’ stsal pa daṅ | bcom ldan ’das la byaṅ chub sems dpa’ de dag gis ’di skad ces (7) gsol to ||
bcom ldan ’das bdag cag gis de bźin gśegs pas bskal pa bye ba khrag khrig ’bum phrag maṅ por yaṅ dag par bsgrubs pa bla na med pa’i chos rin po che’i mdzod | śes rab kyi pha rol tu phyin pa’i sṅon du ’gro ba śes rab kyi pha rol tu phyin pa ’byuṅ ba śes (102a1) rab kyi pha rol tu phyin pa’i gnas ’di gzuṅ ba daṅ | gźan dag la yaṅ rgya cher yaṅ dag par rab tu ston pa’i rdo thogs lags so ||
bcom ldan ’das dus de ni ’jigs pa chen po mya ṅan chen po ma ruṅs pa chen por ’gyur te | sems can chos kyis phoṅs par (2) ’gyur ba’i las daṅ ldan pa phal cher ’byuṅ | log par chags śiṅ brkam pa | log pa’i ’dod chags kyis chags pa | chos ma lags pa la ’dod chags kyis chags pa | phrag dog daṅ ’dod pas yoṅs su zin pa’i sems daṅ ldan pa | khro ba gtum pa | brlaṅ ba bka’ (3) blo mi bde ba | g-yon can mi srun pa sgyu can | chos ma lags pa spyod pa daṅ | ’thab pa daṅ | rtsod pa daṅ | mtshaṅ ’dru ba daṅ | ’dreg pa maṅ ba | sdom pa la mi gnas pa | ’dod pa daṅ | brkam pa’i zil gyis gnon pa | le lo can | brtson ’grus chuṅ ba | dran pa ñams pa | śes (4) bźin can ma lags pa | gcam bu mu cor smra ba | kha phyar can | sdig pa’i las khoṅ na sbed ciṅ ’chab pa | ’dod chags daṅ | źe sdaṅ daṅ | gti mug che ba | ma rig pa’i sgo ṅa’i sbubs daṅ | gti mug gi mun nag gi zil gyis gnon pa | bdud kyi phyogs dpa’ thun par spyod pa | chos (5) ’dul ba zab mo chos rin po che’i mdzod ’di la phyir rgol ba ’byuṅ | mi stsu ba’i ṅaṅ tshul can ’byuṅ lags mod kyi | bcom ldan ’das bdag cag rnams de bźin gśegs pas bskal pa bye ba khrag khrig ’bum phrag maṅ por dge ba’i rtsa ba bsgrubs pa bla na med pa’i chos rin po che’i (6) mdzod ’di ’dzin ciṅ klog par spro lags so ||
gaṅ dag tha ma’i dus de na chos ’di tshol ba chos ’di la slob ’tshal ba | g-yo ma mchis pa draṅ ba | sgyu ma mchis pa gaṅ srog gi phyir yaṅ mi gtoṅ ba | chos ’di lta bu la mi rgol ba chos kyi rnam graṅs ’di spoṅ bar mi ’gyur ba | chos (7) kyi rnam graṅs ’di la rgyab kyis phyogs par mi ’gyur ba ni rab tu ñuṅ bar ’gyur te | de dag gi don bgyi źiṅ spro ba stsal nas | chos ’di lta bu la yaṅ dag par gzeṅs bstod par bgyi | yaṅ dag par rab tu dga’ bar bgyi lags so ||
de nas bcom ldan ’das de’i dus (102b1) na chos kyi gnas śes rab kyi pha rol tu phyin pa bstan pa ’di byin gyis brlabs te chos kyi rnam graṅs ’di la bdud sdig can rnams kyi źags pa gcad pa’i phyir byin gyis brlab pa mdzad do ||
de nas bcom ldan ’das ’dzum pa mdzad pa daṅ | stoṅ gsum gyi stoṅ chen po’i ’jig (2) rten gyi khams ’di snaṅ ba chen pos khyab par gyur to ||
lha rnams kyis kyaṅ mi mthoṅ | mi rnams kyis kyaṅ lha mthoṅ ṅo ||
gaṅ der ’dus pa’i lha daṅ | klu daṅ | gnod sbyin daṅ | dri za daṅ | lha ma yin daṅ | nam mkha’ ldiṅ daṅ | mi ’am ci daṅ | lto ’phye chen po de dag (3) thams cad kyis lha’i me tog bcom ldan ’das la gtor | lha’i gos kyaṅ phul nas sgra skad chen po phyuṅ ste | a la la de bźin gśegs pas bdud sdig can rnams kyi spyod yul ma lags pa byin gyis brlabs pa ’di ni byin gyis rlabs chen po lags te | chos kyi byin gyi (4) rlabs ’dis bdud kyi źags pa thams cad bkum mo ||
rigs kyi bu’am rigs kyi bu mo de dag bdud sdig can gyis ’jigs so sñam du dogs par mi bgyi’o ||
gaṅ chos kyi rnam graṅs ’di ’dzin pa daṅ | klog pa daṅ | gźan dag la yaṅ rgya cher yaṅ dag par rab tu ston pa’i byaṅ (5) chub sems dpa’ de dag ni bdud sde daṅ bcas pa las rgal bar ’gyur lags so ||
gaṅ chos kyi rnam graṅs ’di ’dzin pa daṅ | klog pa daṅ | gźan la yaṅ rgya cher yaṅ dag par ston pa de dag ni bdud sdig can sde daṅ bcas pa las rgyal bar ’gyur ro ||
de nas bcom ldan ’das kyis byaṅ (6) chub sems dpa’ rab kyi rtsal gyis rnam par gnon pa la ’di skad ces bka’ stsal to ||
rab kyi rtsal gyis rnam par gnon pa de de bźin te | lha’i bu de dag gis tshig ji skad smras pa bźin te | rab kyi rtsal gyis rnam par gnon pa de bźin gśegs pas chos (7) kyi rnam graṅs ’di la bdud sdig can rnams kyi mtshams bcad do ||
rab kyi rtsal gyis rnam par gnon pa rigs kyi bu’am rigs kyi bu mo gaṅ chos kyi rnam graṅs ’di ’dzin pa daṅ | ’chaṅ ba daṅ | klog pa daṅ | gźan la yaṅ rgya cher yaṅ dag par rab tu ston pa de dag ni bdud sdig can (103a1) rnams kyi spyod yul du mi ’gyur te | rigs kyi bu daṅ rigs kyi bu mo de dag ni bdud sdig can rnams kyis mi tshugs par ’gyur ro ||
gaṅ dag chos kyi rnam graṅs ’di ’dzin pa daṅ | ’chaṅ ba daṅ | klog pa daṅ | gźan dag la yaṅ rgya cher yaṅ dag par rab tu (2) ston pa de dag ni bdud daṅ phyir rgol ba choms par ’gyur | g-yul las rgyal bar ’gyur ro ||
rab kyi rtsal gyis rnam par gnon pa chos kyi rnam graṅs ’di ni kun nas ñon moṅs pa can daṅ bdud kyi źags pas bciṅs pa’i sems can rnams kyi lag tu ’gro bar mi ’gyur te | rab kyi rtsal (3) gyis rnam par gnon pa ’di ni caṅ śes pa rnams kyi sa yin gyi caṅ śes pa ma yin pa rnams kyi sa ma yin no ||
rab kyi rtsal gyis rnam par gnon pa ’di lta ste dper na glaṅ po che caṅ śes daṅ rta caṅ śes gaṅ yin pa de dag ni khams kyi rgyal po rnams kyis yoṅs su spyod pa mi byed do ||
(4) de dag ni skye bo gtum po rnams kyis mthoṅ bar yaṅ mi ’gro’o ||
rab kyi rtsal gyis rnam par gnon pa glaṅ po che caṅ śes daṅ rta caṅ śes de lta bu ni ’khor los sgyur ba’i rgyal pos mthoṅ ba ñe bar ’gro ste | de dag gi loṅs spyod daṅ bsñen bkur bya ba daṅ yoṅs su spyad pa’i phyir yaṅ mṅon (5) par byuṅ bas de dag ni ’khor los sgyur ba’i rgyal po rnams kyi yoṅs su spyod par ’gyur ro ||
rab kyi rtsal gyis rnam par gnon pa de bźin du ’di lta bu’i chos kyi rnam graṅs ’di ni mi caṅ śes kyi sems can rnams kyi loṅs spyod kyi phyir lag tu ’gro bar ’gyur ro ||
rab kyi (6) rtsal gyis rnam par gnon pa ’di lta ste dper na klu’i rgyal po ñer rtsi daṅ | klu’i rgyal po rab gnas daṅ | klu’i rgyal po sa sruṅ gi bu daṅ | de dag ni mi rnams kyi loṅs spyod kyi phyir ñe bar mi ’gro | mi rnams kyis mthoṅ bar ñe bar mi ’gro | de dag ni gźan gyi ñe bar spyod pa (7) daṅ loṅs spyod kyi phyir yaṅ ñe bar mi ’gro’i | klu’i rgyal po de dag ni lha caṅ śes rnams kyi loṅs spyod kyi phyir ñe bar ’gro’o ||
ji lta ji lta bur lha’i dbaṅ po brgya byin bkod pa byas nas ’gro ba na | klu’i rgyal po de dag kyaṅ de lta de lta bur de ’dra ba’i bkod pa byas nas loṅs spyod kyi (103b1) phyir ñe bar ’gro’o ||
rab kyi rtsal gyis rnam par gnon pa de bźin du chos kyi rnam graṅs ’di ni ’di lta ste | mi’i dbaṅ po mi caṅ śes rnams kyis klog pa daṅ | bśad pa daṅ | rab tu bstan pa’i ñe bar spyod pa daṅ | loṅs spyod du ’gyur te | chos kyi rnam graṅs ’di (2) ni de dag gi bkod pa chen po daṅ | rgyas pa chen po daṅ | chos kyi snaṅ ba byed par ’gyur | de dag chos kyi rnam graṅs ’di la chos kyi dga’ ba bdun po myoṅ bar ’gyur ro ||
gaṅ chos kyi rnam graṅs ’di las tshul gcig tsam ’dzin pa de dag kyaṅ mchog tu dga’ ba daṅ ldan par ’gyur (3) na gaṅ thams cad rdzogs par bris pa daṅ | ’dzin pa daṅ | ’chaṅ ba daṅ | mchod pa daṅ | rgyas par byed pa lta ci smos | chos kyi rnam graṅs ’dis mi’i dbaṅ po daṅ mi caṅ śes de dag bzuṅ bar ’gyur ro ||
’di ni caṅ śes ma yin pa rnams kyi spyod yul ma yin no ||
rab kyis (4) rtsal gyis rnam par gnon pa ’di ni the tshom thams cad gcod pa’i phyir ṅas de dag smras so ||
chos kyi rnam graṅs ’di bśad pa na | byaṅ chub sems dpa’ du ma dpag tu med pa dag gis mi skye ba’i chos la bzod pa thob par gyur to ||
sems can graṅs med dpag tu med pa dag gis bla na med pa yaṅ (5) dag par rdzogs pa’i byaṅ chub tu sems bskyed de | de dag byaṅ chub tu ṅes par ’gyur ba de bźin gśegs pas bstan to ||
bcom ldan ’das kyis de skad ces bka’ stsal nas | byaṅ chub sems dpa’ sems dpa’ chen po rab kyi rtsal gyis rnam par gnon pa daṅ | ’khor bźi daṅ | lha daṅ | mi daṅ | (6) lha ma yin daṅ | klu daṅ | gnod sbyin daṅ | dri za daṅ | nam mkha’ ldiṅ daṅ | mi’am ci daṅ | lto ’phye chen po daṅ bcas pa’i ’jig rten yi raṅs te | bcom ldan ’das kyis gsuṅs pa la mṅon par bstod do ||
phan yon gyi le’u źes bgyi ste bdun pa’o || ||
