(144b6) || rgya gar skad du | bhagabatI pradzñāpāramitāhṛidayā | bod skad du | bcom ldan ’das ma śes rab kyi pha rol tu phyin pa’i sñiṅ po | bam po gcig go ||
bcom (7) ldan ’das ma śes rab kyi pha rol tu phyin pa la phyag ’tshal lo ||
’di skad bdag gis thos pa dus gcig na | bcom ldan ’das rgyal po’i khab na bya rgod phuṅ po’i ril | dge sloṅ gi dge ’dun chen po daṅ | byaṅ chub sems dpa’i dge ’dun chen po daṅ thabs cig (145a1) tu bźugs te | de’i tshe bcom ldan ’das zab mo snaṅ ba źes bya ba’i chos kyi rnam graṅs kyi tiṅ ṅe ’dzin la mo mas par źugs so ||
yaṅ de’i tshe byaṅ chub sems dpa’ sems dpa’ chen po ’phags pa spyan ras gzigs dbaṅ phyug śes rab kyi pha rol tu phyin (2) pa zab mo spyod pa ñid la rnam par lta źiṅ | phuṅ po lṅa po de dag la yaṅ raṅ bźin gyis stoṅ par rnam par lta’o ||
de nas saṅs rgyas kyi mthus | tshe daṅ ldan pa śā ri’i bus byaṅ chub sems dpa’ sems dpa’ chen po ’phags pa spyan ras gzigs dbaṅ phyug la ’di (3) skad ces smras so ||
rigs kyi bu’am | rigs kyi bu mo gaṅ la la śes rab kyi pha rol tu phyin pa zab mo spyod pa spyad par ’dod pa des ji ltar bslab par bya | de skad ces smras pa daṅ | byaṅ chub sems dpa’ sems dpa’ chen po ’phags pa spyan ras gzigs dbaṅ (4) phyug gis tshe daṅ ldan pa śa ra dwa ti’i bu la ’di skad ces smras so ||
śā ri’i bu rigs kyi bu’am | rigs kyi bu mo gaṅ la la śes rab kyi pha rol tu phyin pa zab mo spyod pa spyad par ’dod pa des ’di ltar rnam par blta bar bya ste | phuṅ po lṅa po de dag kyaṅ raṅ bźin gyis stoṅ (5) par rnam par yaṅ dag par rjes su blta’o ||
gzugs las stoṅ pa ñid gźan ma yin | stoṅ pa ñid las kyaṅ gzugs gźan ma yin no ||
de bźin du tshor ba daṅ | ’du śes daṅ | ’du byed daṅ | rnam par śes (6) pa rnams stoṅ pa’o ||
śā ri’i bu de lta bas ni chos thams cad stoṅ pa ñid de | mtshan ñid med pa | ma skyes pa | ma ’gags pa | dri ma med pa | dri ma daṅ bral ba med pa | bri ba med pa | gaṅ ba med pa’o ||
śā ri’i bu de lta bas na stoṅ pa ñid la gzugs (7) med | tshor ba med | ’du śes med | ’du byed rnams med | rnam par śes pa med | mig med | rna ba med | sna med | lce med | lus med | yid med | gzugs med | sgra med | dri med | ro med | reg bya med | chos med do ||
mig gi khams med (145b1) pa nas yid kyi khams med yid kyi rnam par śes pa’i khams kyi bar du yaṅ med do ||
ma rig pa med | ma rig pa zad pa med pa nas rga śi med | rga śi zad pa’i bar du yaṅ med do ||
sdug bsṅal pa daṅ | kun ’byuṅ ba daṅ | ’gog pa daṅ | lam med | ye śes med | (2) thob pa med | ma thob pa yaṅ med do ||
śā ri’i bu de lta bas na byaṅ chub sems dpa’ rnams thob pa med pa’i phyir | śes rab kyi pha rol tu phyin pa la brten ciṅ gnas te | sems la sgrib pa med pas skrag pa med de | phyi ci log las śin tu ’das nas mya ṅan las (3) ’das pa’i mthar phyin to ||
dus gsum du rnam par bźugs pa’i saṅs rgyas thams cad kyaṅ | śes rab kyi pha rol tu phyin pa la brten nas | bla na med pa yaṅ dag par rdzogs pa’i byaṅ chub tu mṅon par rdzogs par saṅs rgyas so ||
de lta bas na śes rab kyi (4) pha rol tu phyin pa’i sṅags | rig pa chen po’i sṅags | bla na med pa’i sṅags | mi mñam pa daṅ mñam pa’i sṅags | sdug bsṅal thams cad rab tu źi bar byed pa’i sṅags | mi rdzun pas na bden par śes par bya ste | śes rab kyi pha rol tu phyin pa’i sṅags (5) smras pa | tadya th | ga te ga te p ra ga te | p ra sam ga te | bo dhi sw h | śā ri’i bu byaṅ chub sems dpa’ sems dpa’ chen pos de ltar śes rab kyi pha rol tu phyin pa zab mo la bslab par bya’o ||
de nas bcom ldan ’das tiṅ ṅe ’dzin de las bźeṅs te | byaṅ chub (6) sems dpa’ sems dpa’ chen po ’phags pa spyan ras gzigs dbaṅ phyug la legs so źes bya ba byin nas | legs so legs so ||
rigs kyi bu de de bźin no ||
rigs kyi bu de de bźin te | ji ltar khyod kyis bstan pa de bźin du śes rab kyi pha rol tu phyin (7) pa zab mo la spyad par bya ste | de bźin gśegs pa rnams kyaṅ rjes su yi raṅ ṅo ||
bcom ldan ’das kyis de skad ces bka’ stsal nas | tshe daṅ ldan pa śa ra dwa ti’i bu daṅ | byaṅ chub sems dpa’ sems dpa’ chen po ’phags pa spyan ras gzigs dbaṅ phyug daṅ | (146a1) thams cad daṅ ldan pa’i ’khor de daṅ | lha daṅ | mi daṅ | lha ma yin daṅ | dri zar bcas pa’i ’jig rten yi raṅs te | bcom ldan ’das kyis gsuṅs pa la mṅon par bstod do ||
bcom ldan ’das ma śes rab kyi pha rol tu phyin pa’i sñiṅ po źes bya ba theg pa chen po’i (2) mdo rdzogs so || ||
rgya gar gyi mkhan po bi ma la mi tra daṅ | lotstsha ba dge sloṅ rin chen sdes bsgyur ciṅ | źu chen gyi lotstsha ba dge blo daṅ nam mkha’ la sogs pas źus te gtan la phab pa || ||
dpal bsam yas lhun gyis grub pa’i gtsug lag gi dge rgyas bye ma gliṅ gi rtsig ṅos la bris pa (3) ṅaṅ źu dag legs par bgyis so ||
http://www2.hf.uio.no/common/apps/permlink/permlink.php?app=polyglotta&context=ctext&uid=1ae5fa72-4ba3-11e6-98cc-0050569f23b2
