bcom ldan 'das kyis de dag la 'di skad ces bka' stsal to ||
rigs kyi bu de dag la byaṅ chub sems dpa' sems dpa' chen po rnam par mi rtog pa'i dbaṅ du bya ba'i chos thos (2) te | rnam par mi rtog pa la bsam pa bźag nas rnam par rtog pa'i mtshan ma thams cad yoṅs su spoṅ ste |
de thog ma nyid du 'di lta ste | gzuṅ ba'am 'dzin pa'aṅ ruṅ raṅ bźin la rnam par rtog pa'i mtshan ma thams cad yoṅs su spoṅ ṅo ||
de la gaṅ zag pa daṅ bcas pa'i dṅos (3) po'i mtshan ma de ni raṅ bźin la rnam par rtog pa'i mtshan ma'o ||
zag pa daṅ bcas pa'i dṅos po ni nye bar len pa'i phuṅ po lṅa po rnams te |
'di lta ste | gzugs nye bar len pa'i phuṅ po daṅ |
tshor ba nye bar len pa'i phuṅ po daṅ |
'du śes nye bar len pa'i phuṅ po daṅ |
(4) 'du byed nye bar len pa'i phuṅ po daṅ |
rnam par śes pa nye bar len pa'i phuṅ po'o ||
ji ltar raṅ bźin la rnam par rtog pa'i mtshan ma de dag yoṅs su spoṅ źe na |
snaṅ bar 'gyur ba'i tshul gyis mṅon du gyur pa dag yid la mi byed pas yoṅs su spoṅ ṅo ||
