rnam par mi rtog pa de yaṅ gaṅ źe na |
rnam par mi rtog pa ni gzugs med pa | bstan du med pa | rten med pa | snaṅ ba med pa | rnam par rig pa ma yin pa | gnas med pa'o ||
byaṅ chub sems dpa' sems dpa' (5) chen po rnam par mi rtog pa'i dbyiṅs la rab tu gnas pas ni śes bya daṅ khyad par med pa rnam par mi rtog pa'i ye śes kyis chos thams cad nam mkha'i dkyil daṅ mtshuṅs par mthoṅ ṅo ||
rnam par mi rtog pa'i rjes las thob pa'i śes pas ni chos thams cad sgyu ma daṅ | smig (6) rgyu daṅ | rmi lam daṅ | mig yor daṅ | brag ca daṅ | gzugs brnyan daṅ | chu zla daṅ | sprul pa daṅ mtshuṅs par mthoṅ ṅo ||
bde ba chen po la gnas pa śin tu rgyas pa yaṅ 'thob bo ||
sems phun sum tshogs pa chen po śin tu rgyas pa yaṅ 'thob bo ||
śes (7) rab daṅ ye śes che źiṅ śin tu rgyas pa yaṅ 'thob bo ||
bśad pa chen po la dbaṅ ba śin tu rgyas pa yaṅ 'thob bo ||
dus thams cad du sems can thams cad kyi don gyi rnam pa thams cad kyaṅ byed nus par 'gyur te |
saṅs rgyas kyi mdzad pa lhun gyis grub pa yaṅ rgyun mi gcod (4a1)do| |