rigs kyi bu dag 'di ji ltar na yaṅ byaṅ chub sems dpa' sems dpa' chen po rnam par rtog (5) pa'i mtshan ma ji skad bstan pa de dag la nye bar rtog ciṅ rnam par mi rtog pa'i dbyiṅs su 'jug ce na |
rigs kyi bu dag 'di la byaṅ chub sems dpa' sems dpa' chen po de ltar rnam par mi rtog pa'i dbyiṅs la rab tu gnas pa ni gzuṅs kyi raṅ bźin la rnam par rtog pa'i mtshan (6) ma mṅon du gyur na | 'di ltar nye bar rtog ste |
gaṅ bdag gi gzugs źes spyod na rnam par rtog pa la spyod pa'o ||
gźan dag gi gzugs źes spyod na rnam par rtog pa la spyod pa'o ||
gzugs 'di yod do źes spyod na rnam par rtog pa la spyod pa'o ||
gzugs skye'o || (7) 'gag go || kun nas nyon moṅs pa'o || rnam par byaṅ ba'o źes spyod na rnam par rtog pa la spyod pa'o ||
gzugs med ces spyod na rnam par rtog pa la spyod pa'o ||
gzugs ṅo bo nyid kyis kyaṅ med |
rgyur yaṅ med |
'bras bur yaṅ med |
las su yaṅ med |
ldan(5a1)| par yaṅ med |
'jug par med ces spyod na rnam par rtog pa la spyod pa'o ||
gzugs ni rnam par rig pa tsam źes spyod na rnam par rtog pa la spyod pa'o ||
ji ltar gzugs med pa de bźin du gzugs su snaṅ ba'i rnam par rig pa yaṅ med do źes skyod na (2) rnam par rtog pa la spyod pa'o snyam mo ||
rig kyi bu dag 'di ltar byaṅ chub sems dpa' sems dpa' chen po gzugs kyaṅ mi dmigs |
gzugs su snaṅ ba'i rnam par rig pa yaṅ mi dmigs mod kyi |
rnam par rig pa thams cad kyi thams cad du chud gzon pa ni ma yin no ||
(3) rnam par rig pa ma gtogs par chos gaṅ yaṅ mi dmigs la
rnam par rig pa de yaṅ dṅos po med par yaṅ yaṅ dag par rjes su mi mthoṅ ||
rnam par rig pa ma gtogs par dṅos po med par yaṅ yaṅ dag par rjes su mi mthoṅ |
gzugs su snaṅ ba'i rnam par rig pa med pa de (4) daṅ rnam par rig pa de gcig par yaṅ yaṅ dag par rjes su mi mthoṅ |
tha dad par yaṅ yaṅ dag par rjes su mi mthoṅ |
rnam par rig pa dṅos po med pa de la dṅos por yaṅ yaṅ dag par rjes su mi mthoṅ |
dṅos po med par yaṅ yaṅ dag par rjes su mi mthoṅ ste |
(5) rigs kyi bu dag rnam pa thams cad pa'i rnam par rtog pa thams cad kyis gaṅ rnam par ma brtags pa de rnam par mi rtog pa'i dbyiṅs so źes kyaṅ yaṅ dag par rjes su mi mthoṅ ṅo ||
rigs kyi bu dag 'di ni rnam par mi rtog pa'i dbyiṅs su 'jug pa'i tshul yin te |
de ltar (6) na byaṅ chub sems dpa' sems dpa' chen po rnam par mi rtog pa'i dbyiṅs la rab tu gnas pa yin no ||
de bźin du tshor ba daṅ | 'du śes daṅ | 'du byed rnams daṅ | rnam par śes pa daṅ |
de bźin du sbyin pa'i pha rol tu phyin pa daṅ | tshul khrims kyi pha rol tu phyin pa daṅ | (7) bzod pa'i pha rol tu phyin pa daṅ |
brtson 'grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa daṅ |
de bźin du stoṅ pa nyid la sogs pa nas rnam pa thams cad mkhyen pa nyid kyi bar du sbyar ro ||