Bibliotheca Polyglotta

de nas thub pa sna tshogs tha dad blo can (4)gyi | | ston pas thams cad ye śes kyis ni zil mnan nas | | bcu phyed phrag ri nas daṅ groṅ khyer nas rim gyis | | rgyal po bum pas bsñen pa’i groṅ khyer du gśegs so | |

de nas slob ma stoṅ phrag tsam ni dul ba na | | gśegs so des ni yab kyi yul ni rab tu thob | |
de (5)nas de la rjes su ’dzin pa mdzad bźed pa | | raṅ gi groṅ gi gnas la mtha’ ru bsñen pa’o | |

de nas mdun na ’don daṅ blon po blo gros can | | dga’ ba’i gtam la dam pa rgyu ba de rnams kyis | |
yoṅs su rdzogs pa’i rab brñes ’phags pa ste | | sa skyoṅ rgyal po de la źus śiṅ (6)gsol ba’o | |

de nas de ni ’oṅs pa thos nas sa skyoṅ ni | | dga’ ba yoṅs ldan sems kyis blta bar ’dod pa yis | |
groṅ khyer ba ni kun gyis rjes su ’gro byas pa | | myur bas brtan pa spaṅs śiṅ bsu ba la gśegs so | |

draṅ sroṅ dbus su tshaṅs pa bźugs pa bźin du (7)ni | | slob mas bskor ba de ni rgyaṅ riṅ nas gzigs nas | |
draṅ sroṅ chen po’i chos la rjes su ’gro bas ni | | śiṅ rta spaṅs nas rkaṅ pa rnams kyis ñe bar gśegs | |

myur bar de yi ñe logs su ni yoṅs phyin nas | | thub pa mthoṅ ba ñid de des ni ma smras so | |
de la bu źes smra bar (69b1)nus pa ma yin źiṅ | | de bźin dge sloṅ źes ni nus pa ma yin no | |

de nas de yi dge sloṅ cha lugs de mthoṅ źiṅ | | bdag tu soṅ ba’i sna tshogs dpal la brtags nas ni | |
dbugs riṅ brgyus nas mchi ma rnam par bton pa de | | drag tu mun par gyur ciṅ rnam par zlos pa ñid | |

(2)lam ’gro sgrom par gyur pa mṅon par soṅ ba yis | | rgyaṅ riṅ dag nas rdziṅ bu skam po mthoṅ nas ltar | |
raṅ gnas rnam par daṅ bral ñe bar ñer bźugs pa | | mthoṅ nas bdag gi ñam thag stobs ldan mchog tu gyur | |

’jig rten mtha’ ru gnas pa’i sems gyur thim pa na | | sdug pa’i (3)rnam ’gyur ri mor soṅ ba ji lta bar | |
gzugs de ñid ni mthoṅ ba na ni bdag la ni | | dga’ ba yod pa ma yin ’di la dga’ ba thal | |

gaṅ gis mtha’ dag ri yis zlums pas sa gźi ni | | daṅ po’i dus su ṅa las nu ni gnas pa bźin | |
gaṅ źig dbaṅ po la yaṅ sloṅ bar ’os min pa | | (4)bdag gi de ni pha rol rnams la sloṅ mos ’tsho | |

gaṅs ’di sñiṅ po lhun po las ni khyad ’phags śiṅ | | gsal bas ñi ma la daṅ mdzes pas zla pa la | |
’gros kyis glaṅ po che la dbyaṅs kyis khyu mchog la | | des ni sloṅ mo za źiṅs ni rdzogs la min | |

de nas bu yi ’du śes kyis ni ’byo (5)ba ñid | | rgyal po’i bsam pa ’di ni rnam par mkhyen nas daṅ | |
’jig rten lhag ma la yaṅ rjas su brtse ba ste | | de yi don du saṅs rgyas mkha’ la ’phur bar gyur | |

ñi ma’i śiṅ rta phyag gis reg par mdzad nas ni | | rluṅ gis bsñen pa’i lam la źabs dag gis gśegs śiṅ | |
sku la (6)gcig tu gyur źiṅ du mar gyur pa daṅ | | maṅ po ñid du gyur nas gcig tu gyur pa’o | |

sa la chu bźin du yaṅ źugs śiṅ thogs med la | | chu yi logs las la bźin du spyod pa daṅ | |
ra ba daṅ ni ri la thad kar mdzad pa daṅ | | thogs pa med ciṅ mkha’ la bźin du rab tu źugs | |

lus kyi (7)byed kyis chu yi char pa ’bebs pa daṅ | | phyed kyis me bźin du ni ’bar bar gyur pa ste | |
ri bos ’bar ba’i slan daṅ rab tu ’bar ba bźin | | mkha’ la gaṅ źig ’bar daṅ ’bar bas mdzes par gyur | |

dbaṅ phyug mṅon par ’dod pa’i skye bo de yi ni | | sems kyi rab tu dga’ bde ltar skyed (70a1)nas ni | |
ñi ma gñis pa bźin du mkha’ la bźugs nas su | | mi skyoṅ la ni chos dag bgro bar mdzad pa’o | |

mi skyoṅ khyed kyis bdag la gaṅ źig ltos pa daṅ | | mya ṅan rjes su źugs pa sñiṅ rje’i bdag ñid śes | |
bu la dga’ ba de ni chod mdzod źi bar gśegs | | (2)bdag las bu yi ’bras bu gsar pa snoms mdzod cig | |

gaṅ źig sṅon chad bu yis pha la ma byin źiṅ | | sṅon ni pha yis bu las rab tu ma thob pa | |
rgyal srid las khyad ’phags śiṅ mtho ris las khyad ’phags | | rgyal po mchog gi bdud rtsi de ni bźes mdzod cig | |

sa skyoṅ las kyis bdag ñid las (3)kyi skye gnas daṅ | | las kyi rten daṅ las kyi rnam smin skal ba daṅ | |
las kyi dbaṅ gis gnas par ’gro ba śes nas ni | | phan pa’i ched du las gaṅ gyur pa de bsñen mdzod | |

’jig rten de ñid rtogs nas daṅ ni btsal nas su | | dam pa’i las ni mi yi bśes min gźan ma yin | |
(4)thams cad bor nas las daṅ lhan cig khyod kyi ni | | rten daṅ bral źiṅ gcig pur ’gro bar bya ba’o | |

lha ’am dmyal ba dud ’gro mi yi ’jig rten du | | las kyi rten las son pa’i ’jig rten ’gro ba ste | |
srid pa’i rgyu ni rnam pa gsum daṅ skye gnas gsum | | sna tshogs las ni ’jig rten pa (5)yis rab tu byed | |

de phyir sde tshan gñis ni yaṅ dag ’jug par yaṅ | | lus daṅ ṅag gi las ’di rnam par dag pa daṅ | |
yid kyis rab tu źi la ’bad par bya ba ste | | de ni bdag gi don yin gźan don ma yin no | |

’gro ba chu yi dba’ rlabs g-yo bar śes nas ni | | brtags nas khyod kyis (6)srid pa rnams su dga’ mi bya | |
las ni yoṅs su zad phyir dam pa’i las gaṅ de | | mchog tu bde ba’i don du gaṅ gyur bsñen par bya | |

rgyu skar ’khor lo mkha’ la bźin du rtag par ni | | ’jigs rten yoṅs su ’khor bar śes par byas nas ni | |
rtse mo ’das nas lha nas lha yaṅ lhuṅ ba (7)ste | | kye ma mir gyur smos ci blo gtad byed pa su | |

bde ba rnams las mchog tu thar pa’i bde ba daṅ | | dga’ ba rnams las bdag tu dga’ ba gtsor śes nas | |
lag ’gro rnams kyis braṅ la bźin du bdag ldan ni | | su źig ’jigs pa du ma’i dpal gyis bde la dga’ | |

de phyir (70b1)brten pa khyim la med bźin ’jig rten ni | | ’jigs pa chen po daṅ ni yoṅs ldan mthoṅ nas ni | |
gaṅ źig skye ’chi ṅal ba mya ṅan daṅ bral ba | | źi źiṅ brtan pa’i go ’phaṅ de ni sloṅs mdzod cig | |

don gyis ma yin g-yul gyis ma yin mtshon gyis min | | gaṅ la rta daṅ glaṅ pos don ni yod (2)ma yin | |
skyon ni dgra bo rnams kyi sde de choms mdzod daṅ | | de las rgyal na rnam par rgyal ba gźal du med | |

sdug bsṅal daṅ ni sdug bsṅal gyi rgyu źi ba daṅ | | źi ba yi yaṅ mṅon pa’i thabs ni śes par mdzod | |
bźi po ’di yi kun nas khoṅ du chud pa las | | ’jigs pa chen po daṅ (3)ni ṅan ’gro rnams ’gog go | |

de nas bde bar gśegs pas rdzu ’phrul gyi sṅon du | | źiṅ du byas pa’i sems la dga’ pa skyes pa ste | |
thos nas mi skyoṅ de yis chos ni rab thob ciṅ | | dga’ bźin thal mo sbyar nas ’di skad ces gsol to | |

blo ldan daṅ bcas ’bras bu daṅ bcas khyed (4)dgyes śiṅ | | sdug bsṅal chen po las ni rnam grol khyed dgyes so | |
mya ṅan ched du don med sa sbyin bdag dga’ la | | bu yi ’bras bu daṅ ldan bdag ni dga’ par gyur | |

phun tshogs spaṅs nas gśegs pa khyed ni gnas su gyur | | ṅal ba chen pos dub las khyed ni gnas su gyur | |
(5)dga’ ba’i gñen ’dun dga’ ba khyod kyis bor ba rnams | | bdag cag rnams ni sñiṅ rje bar du gnas su gyur | |

lha yi draṅ sroṅ rnams sam rgyal po’i draṅ sroṅ rnams | | de rnams sṅon dus na yaṅ gaṅ la ma gśegs pa | |
ñam thag ’jig rten dag gi dge ba’i ched du lam | | ṅes bar (6)legs pa ’di daṅ khyed kyis lhag par thob | |

khyod ni ’khor los sgyur bar gal te gyur na ni | | bdag gi dga’ pa de ltar ’gyur ba ma yin źiṅ | |
rnam pa de ltar rdzu ’phrul ’di daṅ khyod kyi chos | | mthoṅ nas ji ltar bdag gi bstan pa dga’ par ’gyur | |

’dir ni yaṅ srid ñid du sbyor (7)ba’i chos la ni | | ’khor los sgyur bas skyed gu rnams ni skyoṅ ba ste | |
’khor ba’i sdug bsṅal chen po rnams ni ’joms pa la | | ’jig rten chen du chos kyaṅ thub pa khyod kyis gsuṅs | |

gaṅ gi rdzu ’phrul ’di daṅ rnam rgyas blo gros daṅ | | ’khor ba’i ’jigs pa mtha’ dag ṅes bar (71a1)log pa ni | |
dpal daṅ bral yaṅ ’jig rten na khyod dbaṅ phyug ste | | dpal ni ’phel yaṅ dbaṅ med sred bcas ma yin no | |

brtse ba’i chos kyis bstan pa’i ’os gyur pa | | ś’akya’i rgyal pos maṅ po de dag smras nas ni | |
rgyal po ñid daṅ yab ñid du ni gnas na yab | | (2)sras la de ñid khoṅ du chud phyir phyag byas so | |

thub pa’i mthu ni lhag par thob pa mthoṅ nas daṅ | | de ñid rab tu ’bigs pa’i bstan bcos mthoṅ nas daṅ | |
bla ma rgyal pos sbyar ba’i mchod pa mthoṅ nas ni | | du ma rnams kyis rab tu ’byuṅ phyir re ’dod byas | |

de nas gźon nu maṅ po ’bras bu la gnas rnams | | chos kyi (3)cho ga de ñid rab tu thob gyur te | |
sṅags daṅ ’dod pa chen po rnams la ltos med nas | | byams pa’i gñen ’dun du ba rnams ni spaṅs nas so | |

kun dga’ mdzes dga’ kra mi la daṅ ma ’gags pa | | dga’ bo ñe dga’ dag daṅ de nas ’khyil pa ’dzin | |
slob ma’i lkog tu ston pa yis ni lha sbyin te | | thub pas rjes su (4)bslabs pa de rnams byuṅ bar gyur | |

de nas mdun na ’don gyi bu ni bdag ñid che | | ’char kas lam de ñid la rab tu soṅ ba ste | |
de yis ṅes pa rab tu mthoṅ nas de bźin du | | ñe ba ’khor daṅ rgyun śes bu yi blo byas so | |

rgyal po yis kyaṅ sras kyi mthu ni mthoṅ nas daṅ | | mchog gi bdud rtsi rgyun ni (5)rab tu thob byas nas | |
chags pa med par rgyal srid spun zla la byin źiṅ | | rgyal po’i draṅ sroṅ spyod pas khyim rnams la bsñen to | |

de skad ces pa la sogs legs pa’i gñen rnams daṅ | | ’khor daṅ gñen rnams rjes su brtul nas saṅs rgyas ni | |
mchi ma daṅ bcas groṅ khyer pa yis mṅon (6)dga’ ba | | raṅ gnas groṅ khyer la ni dus su rab źugs pa | |

don kun grub pa źes pa rgyal po’i sras po ni | | don mdzad grub pa groṅ khyer du ni rab źugs pa | |
źes ni don thos khaṅ pa rnams su mi mo rnams | | sgo rnams daṅ ni skar khuṅ rnams la mñam par brten | |

mtshams kyi sprin gyis phyed (7)bkag ’od zer ldan pa bźin | | ṅur smrig bsnams śiṅ mdzes pa de ni rab mthoṅ nas | |
bud med de rnams mig nas mchi ma phyuṅ ba ste | | padma daṅ mtshuṅs thal mo rnams kyis phyag ’tshal lo | |

chos kyis daṅ ni gzugs kyis gsal bar gyur pa ni | | ’og tu źal gzigs gśegs pa (71b1)de ni mthoṅ gyur nas | |
brtse ba daṅ ni gus pa rnam par ston pa ste | | mchi mas rñogs pa’i mig can rab myos ma rnams zlos | |

legs skyes dbu ni bźar bar rnam par mdzad nas daṅ | | na bza’ rñiṅ pa yoṅs su gsol nas daṅ | |
sku la gser gyi kha dog rab tu g-yogs nas (2)daṅ | | des ni spyan mig rab tu bkod nas gśegs | |

gaṅ źig gduṅ ba skyob pa’i gdugs dkar bsñen phyir daṅ | | sras po rnam par dul ba blta ba’i phyir ’oṅs śiṅ | |
kun nas gnas phyir ’os śiṅ rgyal ba’i phyir ’os pa | | des ni lhuṅ bzed yaṅ dag yoṅs su bzuṅ nas gśegs | |

(3)’gram par ta ma la yi lo ma rnam bkod pa’i | | mdzes ma’i gdoṅ daṅ gduṅ ba skyob pa’i gdugs dkar ni | |
gaṅ gis bsñen par ’os śiṅ mgyogs ’gro ’os pa ste | | des ni lhuṅ bzed yoṅs su bzuṅ nas rkaṅ pas gśegs | |

sa skyoṅ bdag skyes rnams kyi dgra rnams zad par daṅ | | dga’ (4)ba rnams kyi chags daṅ ’gro ba’i rjes chags par | |
blta bar ’os śiṅ sna tshogs dbu rgyan bsnams pa gaṅ | | des ni sa yi gña’ śiṅ gaṅ tsam gzigs śiṅ gśegs | |

’di yi blta ba ci źig mtshan ñid de ni ci | | don gñer ci źig rol pas dgra bor gyur pa ci | |
gaṅ ’di brtul źugs (5)daṅ ni lhan cig rol ba ste | | bu byis rnams daṅ mo btsun mdzaṅs ma rnams daṅ ni | |

rgyal po’i mna’ ma ṅes par mya ṅan ’dzin ma’o | | grags ’dzin ma de śin tu dka’ thub byed pa ste | |
gaṅ gis jo bo’i rab tu spyod pa ’di thos śiṅ | | thos nas kyaṅ ni gnas śiṅ ñams par ’gro ba med | |

’di (6)yi gzugs ni ṅes par rjes su mthun pa daṅ | | kha dog ṅan pa’i gzugs ’di snaṅ ba mthoṅ nas ni | |
sras ’dod mi dbaṅ rgyal po ji lta bur gyur źiṅ | | ’tshe ba’i dgra bo la yaṅ ji lta bur byed dam | |

mchi mas gaṅ ba’i sras po sgra gcan ’dzin mthoṅ nas | | gal te de lta ñid du ’di ni (7)chags ma yin | |
byams pa’i gñen rnams las kyaṅ gźan du kha bltas pa | | ’di ’dra ṅes pa’i brtul źugs la ni dge legs śog | |

gzi mdoṅs daṅ ni lus kyi dbyibs daṅ ’gros sam ste | | bde ba’i rab tu ’jug la ṅes par tshad ma yin | |
yon tan de rnams dag gis (72a1)’di ni mdzes pa ste | | źi bas ldan źiṅ yul rnams kyis ni rnam par bral | |

sna tshogs ston ni raṅ mtshuṅs bsam pa yaṅ dag yoṅs bzuṅ nas | | de skad ces sogs rab myos ma rnams maṅ po rnam par labs | |
saṅs rgyas ma chags thugs kyaṅ raṅ gi groṅ khyer (2)la gśegs nas | | bsod sñoms brñes śiṅ n+ya gro dha yi mtshan ma’i nags su gśegs | |

ñuṅ ṅu ñuṅ ṅu’i bsod sñoms sbyin pa rnams kyis nor rdzas phra źiṅ dge ba ma byas skye bo sgrol bar mdzad bźed pa | | spyod pa ’di yis yaṅ dag tshim pa ma yin dge sbyoṅ skye bo bsam pa ma thul ba la (3)brten par mdzad bźed la | |
’jig rten dag na skyid de ba źes rgol ba nub par mdzad bźed de bźin yoṅs su bris ñid ston par mdzad bźed pa | | brtag par sñam la bsod sñoms phyir ni yab kyi groṅ khyer la ni sred med thugs mṅa’ de bźin gśegs pa źugs par gyur | |

saṅs rgyas kyi (4)spyod pa źes bya ba’i sñan dṅags chen po las | yab daṅ sras mjal ba’i le’u ste bcu dgu pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=852c16c6-e7a7-102d-829a-001cc4df1abe

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ