Bibliotheca Polyglotta

de nas ṅaṅ pa stoṅ daṅ ldan pa’i lha yi ni | | gźal med khaṅ nas gdoṅ ni cuṅ źig rab btud nas | | yud tsam thams cad mkhyen pa la ni bltas nas su | | lha na gnas pa chen po gźan źig gis smras pa’o | |

kye ma ’gro na dṅos po thams cad (4)mi rtag ciṅ | | skye ba’i chos can daṅ ni ’dzad pa’i chos can la | |
skye ba rnams ni sdug bsṅal skyed par byed pa ste | | de dag rnams ni lhag med źi bas źi ba ñid | |

skye ba’i bud śiṅ tshad ma min pa bsregs mdzad nas | | ye śes me lce grags pas rnam khyab du ba can | |
chu yis (5)mi bźin du ni dus kyi chu yis ni | | de bźin gśegs pa’i me de mya ṅan ’da’ par bya | |

de nas mchog gi draṅ sroṅ daṅ mtshuṅs draṅ sroṅ gźan | | mtho ris gnas kyaṅ ’bras bu rnams la ma chags pas | |
rab tu źi ba’i dgra bcom draṅ sroṅ mthoṅ nas su | | ri dbaṅ brtan pas tshig (6)ni rnam par smras pa’o | |

’jig rten dag na ’ga’ źig ñams par mi ’gro med | | de ltar ’gor ba med ciṅ soṅ ba med pa ste | |
mchog daṅ mchog min mkhyen pa mchog gi don rig pa | | ston pa mtshuṅs med gaṅ du rab tu źi bar gyur | |

śes rab rnam par dag ciṅ mchog gi spyan mṅa’ (7)ba | | yoṅs su ’den pa po ñid ’di yis dman pa ni | |
rmoṅs pa ṅes par mig loṅ gson pa’i ’jig rten ni | | ’du śes ñams śiṅ lam ṅan la ni gnas par ’gyur | |

de nas ’gro ba’i ’gal ba ma yin ma ’gags pa | | rjes su chags pa ñams śiṅ skye ba ’gags byas (95a1)pas | |
’jig rten snaṅ bas dman pa mthoṅ nas su | | thub ba źi ba na ni źi ba’i yid kyis smras | |

śes rab ldan pa ’du byed cho ga la gnas pa | | dus ’dir ṅes par blo gtad bya ba ma yin źiṅ | |
mi rtag ñid kyi rdo rje ṅes par btuṅ ba yis | | gaṅ du thub (2)ba ri bo chen po bcom par ’gyur | |

sñiṅ po med ciṅ ṅa med rnam par ñams pa’i chos | | ’jig rten gson pa’i ’jig rten kye ma smod par śog | |
gaṅ du thub dka’ draṅ sroṅ chen po seṅ ge yaṅ | | ñes pa’i gñis ’thuṅ rnams ni ñams par mdzad nas ñams | |

’dod chags bral ba (3)min pa’i ’gro ba ’jug pa la | | da ni ’jigs pa chen po ma yin su yi lags | |
thun moṅ las ni gaṅ du de bźin gśegs pa yaṅ | | gser gyi ka ba lta bu kun nas chags par gyur | |

sa bon drug daṅ myu gu gcig daṅ lo ma gcig | | rtsa ba drug daṅ ’bras bu lṅa daṅ yal ga gñis | |
(4)phuṅ po gsum daṅ bdag ñid gcig la ñon moṅs kyi | | sdoṅ po ’di ni bcag nas thub pa gñis ’thuṅ gzims | |

’gro rgyal mda’ bźin dgra bo rnams ni bcom nas su | | chu med pa na rma bya bźin du chags bral źiṅ | |
mgyogs ’gro rta bźin du ni rnam rgyal lam soṅ ba | | me bźin (5)thub pa skye ba med ciṅ źi bar gyur | |

mtho ris dbaṅ phyug rdo rje ’dzin pa mig ’phel na | | rab tu tshim byed rgyun bźin gsuṅ rnams btaṅ nas su | |
’od kyis ñam thag ba laṅ bźin sar rnam brgyus nas | | grags pas phyogs ni mṅon par bkaṅ nas blam gzims | |

sñan grags (6)ldan pa ñid daṅ ’od zer ldan pa ste | | chu bo sin dhu bźin du gser skyug śugs ldan pa | |
rnam thos bu yi rdzu ’phrul mi skyoṅ sder bcas pa | | lam la bcug nas mi yi ñi ma nub par gyur | |

rmug pa’i do śal gyi ni phyogs rnams dkris pa bźin | | rgya chen sprin rnams kyis dkris ñi ma’i ’od rnams (7)bźin | |
mchod sbyin rdzogs tshe mar gyis sman pa’i me bźin du | | thub pa źi tshe de riṅ ’jig rten gsal ma gyur | |

mdud pa med pa bden pa’i lam ni bsñen nas su | | mdud pa med pa źi ba’i chos ’di brñes nas ni | |
rdzu ’phrul gyis ni sku lus ’dren par nus na yaṅ | | sdug bsṅal (95b1)dag gi gter ni lus yin źes spaṅs so | |

mun pa mun pa ñi mas bźin du zil mnan nas | | rdul ni rdul ni char pa bźin du mṅon bcom nas | |
slar yaṅ slar yaṅ sdug bsṅal ’khrul ’khor mi len te | | thub pa thub pa skar rgyal bźin du mṅon par gśegs | |

gaṅ źig skye ba’i (2)sdug bsṅal ’joms phyir skyes pa ste | | gaṅ la ’jig rten pas ni źi ba’i ched du bsñen | |
gaṅ źig ’od zer mchog gis rnam par gsal ba daṅ | | khyad par ’phags pa’i blo yis rnam par gsal bar gyur | |

gaṅ gis skye dgu rnams ni dge legs la bcug ste | | yon tan rgya chen rnams kyis sa (3)la rgyas pa ñid | |
’dod pa’i sñan grags gsal ba rnams kyis ’phel ba ste | | khyim na gnas pa yin kyaṅ grags pas ’phel ba ñid | |

gaṅ gis mkhyen źiṅ smod pas ’o dod ma bos śiṅ | | mi ni ñam thag rnams la brtse bas bos pa ste | |
bza’ ba ṅan pa rab tu ’joms śiṅ ma gsol la | | bza’ (4)ba legs pa rjes su ’gro źiṅ ma gsol to | |

mi gnas dbaṅ po źi ba gaṅ źig yul rnams la | | stobs rab dbaṅ po ñid las yaṅ dag me gnas śiṅ | |
gźan rnams kyis ma thob pa’i lam bzaṅs thob pa ste | | ro mkhyen pas ni ṅes par ’byuṅ ba’i ro gsol to | |

(5)gaṅ gis sṅar ma byin pa’i sbyin pa byin pa ste | | ’bras bu ’dod pas cuṅ zad źig ni mi byin la | |
mñam ñid rjes mthun phun sum tshogs pa dor ba ste | | dam pa rnams kyi yid rnams yon tan rnams kyis phrogs | |

brtan pas mi dge ba las mi dge rnam spaṅs nas | | dge legs kyi ni dgra bo skyon rnams spaṅs pa (7)ste | |
gaṅ źig blo yis ñes pa rnams ni kun spaṅs la | | de ni ’phags min mi rtag ñid kyis nub par gyur | |

gaṅ la chos ni ’dod pa yaṅ dag rjes soṅ źiṅ | | dga’ bas mchog tu ṅes pa rnam par bzuṅ ba ste | |
me yis nor ni zos pa ji lta ba bźin du | | khyab bdag ye (96a1)śes nor can de yaṅ srog soṅ ṅo | |

brgyad po rnams la mchog tu sde tshen lṅa thul źiṅ | | gsum gzigs spyod pa gsum ni zad byed spyan gsum pa | |
gcig ni bsruṅs nas gcig ni thob nas gcig rtogs nas | | lci ba bdun rnams spaṅs nas (2)bla ma gzims par gyur | |

gaṅ gi źi ba’i ched du lam ni gsal mdzad de | | legs pa’i skye bo źi bas rab tu daṅ mdzad ciṅ | |
ñon moṅs ljon śiṅ rab tu chags pa bcad pa ste | | srid pa rnams las gus pa ldan pa rnams bsgral to | |

gsuṅ gi bdud rtsis ’jig rten śin tu tshim (3)mdzad ciṅ | | bzod pa yis ni khro ba yoṅs su bzuṅ ba ste | |
slob ma’i sde ni dge legs la ni rol mdzad la | | dge legs don du gñer rnams phra mo rtogs su bcug | |

legs pa rnams la chos kyi sa bon skyed mdzad ciṅ | | rgyu yi bdag ñid ’phags pa’i lam ni thob mdzad la | |
(4)’jig rten ’das pas ’phags pa min pa ma brten źiṅ | | chos las ma gtogs gźan la sbyar ba ma yin no | |

k’a śi gnas su chos kyi ’khor lo bskor ba ste | | blo daṅ ldan pa ñid kyis ’jig rten tshim mdzad ciṅ | |
gdul bya rnams ni chos kyi cho gar spyad mdzad la | | bdag cag (5)rnams la phan pa’i ched du dge bar mdzad | |

gźan rnams kyis ma mthoṅ ba’i de ñid mthoṅ mdzad ciṅ | | yon tan rnams kyis chos byed rnams la sbyar ba ste | |
gźan gyi lugs rnams tshar bcad nas ni skul gyur la | | rtogs par dka’ ba’i don ni rnam par śes par mdzad | |

(6)thams cad mi rtag pa daṅ bdag med par gsuṅs śiṅ | | srid pa rnams su bde ba cuṅ zad ma bsruṅs la | |
sñan pa’i ba dan gyen du rnam par bsgreṅs pa ste | | ṅa rgyal ka ba mthon po rnam par bskyel ba mdzad | |

smad kyaṅ raṅ gi thugs ni bskyod pa ma yin źiṅ | | thams cad (7)la ni ’jug pa rnams la sred ma mdzad | |

raṅ ñid rgal źiṅ byiṅ ba bsgral bar mdzad pa ste | | źi źiṅ pha rol ’khrul pa źi bar mdzad gyur la | |
grol źiṅ pha rol bciṅs pa grol bar mdzad pa ste | | rtogs śiṅ pha rol rmoṅs pas rtogs pas mdzad pa’o | |

thub pa thub pas tshul daṅ (96b1)tshul min mkhyen ’di des | | sems can rnams ni yaṅ dag gtam gyis rjes bzuṅ nas | |
tshul min la dga’ tshul min ’byuṅ po rnams la ni | | bskal pa ’jig pa’i tshe na chos bźin rab tu gzims | |

chu ldan sbrin bźin sa ’dzin ri bo nags tshal bźin | | ’od ldan rgan po (2)bźin du ’od ldan gźon nu bźin | |
’jig rten dag gi lta byed bcom nas ’jig rten gyi | | lta byed ñe bar phrogs nas ’gros su ’di gśegs so | |

dbaṅ phyug dam pa gaṅ la ltuṅ bas me reg ciṅ | | gaṅ gis mchog tu źi ba’i lam ni brñes pa ste | |
źi ba brñes pa de ni gus (3)pas mthoṅ nas su | | de riṅ ’jig rten gñen ’dun med ciṅ rgud pa ’dra | |

’joms par ’dod ciṅ stobs ni rab źugs bdud kyaṅ ni | | sde daṅ bcas pas gaṅ ni thub par ma nus pa | |
’joms par ’dod ciṅ stobs źugs bdud kyis de riṅ ni | | de ni dus kyi sbyor las ’joms (4)par nus par gyur | |

’byuṅ po rnams ni thams cad rnams ni ’dus pa rnams | | sdug bsṅal rnams kyis zil non lha daṅ bcas pa rnams | |
’khor ba’i ’jigs pa gaṅ rnams zad pa ma yin źiṅ | | de ltar mchog tu mya ṅan ’das pa thob ma yin | |

skye dgu rnams kyi snaṅ mdzad (5)gaṅ gis ’jig rten ni | | ñe bar skye ba me loṅ bźin du gzigs pa ste | |
rgyaṅ riṅ du’am ñe bar mtho ris su’am mthar | | lha yi rna bas sgra ni rnam par thos pa’o | |

bar snaṅ dag la skar ma’i khaṅ par ’dzegs pa ste | | sa la rab tu źugs kyaṅ theg pa ma yin źiṅ | |
chu la rab (6)tu gśegs kyaṅ nub pa ma yin la | | sku yis rnam par ’gyur ba maṅ po rnams mdzad do | |

de rnams de rnams gnas rnams lam ’gros lam na bźin | | gaṅ gis skye ba du ma rnams kyaṅ dran pa ste | |
yid kyis pha rol rnams kyi yid kyi spyod pa rnams | | dbaṅ po las ’das sna (7)tshogs rnams kyaṅ mkhyen ba’o | |

thams cad mñam par rab źugs thams cad mkhyen pa des | | zag pa thams cad bcad ciṅ bya ba thams cad mdzad | |
ye śes kyis ni ñon moṅs thams cad rnam spaṅs nas | | ye śes de ñid kun nas brñes nas gzims par gyur | |

skyes bu (97a1)rnams kyi rno ba’i sems rnams btul ba ste | | rno ba ma yin blo rnams rim gyis drag par mdzad | |
rigs las chos kyi ñes pa spaṅ bar mdzad pa ste | | ’chi med ched du chos ni su yis ston par ’gyur | |

rten daṅ bral ba’i ’jig rten ñam thag pa la (2)ni | | źi ba’i ched du chos kyi ’thor ma su yis ster | |
thugs rje’i bdag ñid ldan la raṅ gi don mdzad nas | | gźan gyi ñon moṅs dra ba su yis ’byed par ’gyur | |

’khor ba’i rgya mtshor gźol ba’i ’jig rten dag gi ni | | źi ba’i ched du ye śes dam pa su yis smra | |
śes (3)pa med par gźol ba’i ’jig rten dag gi ni | | dge ba’i ched du ye śes dam pa su yis smra | |

ji ltar ñin mor byed pa ’od zer med pa daṅ | | ji ltar chu bo sin dhu ’bab pa med pa daṅ | |
sa bdag rgyal srid daṅ ni rnam par bral ba’am | | de phyir ’jig rten ’jig rten mkhyen (4)pas rnam par dman | |

blo yis rig pa bźin du bde bas dbyaṅ bźin du | | dpal gyis mi skyoṅ bźin du bzod pas chos bźin du | |
de bźin skyes bu mchog gis rnam par dman pa ni | | ’gro ba de ni yod pa daṅ ni med pa ñid | |

ji ltar kha lo sgyur bas śiṅ rta dor ba (5)daṅ | | skya ba ’dzin pas gru daṅ tshul gyis sde daṅ ni | |
tshoṅ dpon gyis ni tshoṅ pa sman pas nad pa ste | | de bźin ’jig rten bde bar gśegs pas rnam par sman | |

dbyar tha daṅ ni ston rar mkha’ la sprin med na | | rluṅ gis kyaṅ ni mkha’ la bsñen pa med pa na | |
’tsho bar (6)’dod pa rnams kyi sdug bsṅal ji lta ba | | de ltar thar ’dod rnams kyi ṅa ni ñam thag ’di | |

de ltar dam pa’i don mdzad dgra bcom yin na yaṅ | | byed pa śes pa ñid kyis bla ma la źugs pa | |
de ni chags bral yin kyaṅ srid pa’i skyon rnams daṅ | | ston pa’i yon tan rnams (7)ni maṅ po rnams smras so | |

de nas chags bral min rnams mchi ma ’thon pa ste | | brtan pa btaṅ nas dge sloṅ tshogs ni mya ṅan daṅ | |
’jig rten ’god pa’i bdag ñid can źes byar bzuṅ nas | | bya ba’i ’khor lo rnams ni brtan las ma g-yos so | |

de nas dus kyi dbaṅ gis (97b1)gyad rnams kyis thos nas | | gus pa’i dbaṅ gis skyen par ’thon źiṅ soṅ ba ste | |
khra yi stobs kyis zil mnan khruṅ khruṅ rnams bźin du | | kyi hud ’o brgyal źes ni ñam thag ’thon pa’o | |

mun pa rab tu rgyas phyir thub pa rab gzims pa | | ñi ma ’od med bźin du de (2)rnams kyis mthoṅ nas | |
seṅ ges khyu mchog rmugs tsha ba laṅ rnams bźin du | | gus pas drag tu cho ṅes btab ciṅ dus pa’o | |

chos dga’ chos kyi bla ma rab tu źi ba na | | gus pas ji lta ba daṅ bsam pa ji lta bar | |
’o dod ’bod ciṅ mchi mas mig bcom de (3)rnams kyi | | dpal ldan dam pa ’ga’ źig ’di ni smras pa’o | |

gaṅ źig gson pa’i ’jig rten gñid tshe rab sad pa | | ’di de mthar thug gzims mal la ni gzims pa ste | |
chos ni rnam par ’dzin pa’i rgyal mtshan ’di de ni | | mchod sbyin mtha’ na dbaṅ po’i rgyal (4)mtshan bźin du btul | |

de bźin gśegs pa’i ñi ma ṅes par blo gsal źiṅ | | brtson ’grus tshad gduṅ ye śes ’od zer stoṅ ldan pa | |
nub par gyur tshe mi śes mun pa rnams bcom nas | | ’jig rten dag na slar yaṅ mun pa ’di mdzad do | |

’das daṅ ma ’oṅs (5)pa daṅ da ltar gzigs nas su | | da ni ṅes par ’jig rten mig ni sgrib pa ste | |
sdug bsṅal rgya mtsho chen po rgod pa’i dba’ rlabs las | | ’dren mdzad zam pa ’di ni ṅes par de ni rgud | |

de ltar ’di na kha cig sñiṅ rje bar zlos śiṅ | | gźan rnams śiṅ rta’i rta rnams dud (6)pa bźin du sems | |
gźan rnams skad bton gźan rnams sa la ’gyel ba ste | | bya ba de rnams sems can dbaṅ gis byas | |

de nas dus su gser gyis spras śiṅ sna tshogs pa | | mche ba rin thaṅ chen po loṅs ma spyad pa’i khyogs | |
gyad rnams du bźin (7)draṅ sroṅ la ni glaṅ chen gyi | | lag pa daṅ mtshuṅs lag pa rnams ni btsugs pa’o | |

de nas dus daṅ mthun pa’i cho ga byas nas su | | de la phreṅ ba yid ’oṅ rnam pa sna tshogs daṅ | |
dri mchog dam pa rnams kyis de rnams kyis mchod ciṅ | | de nas dga’ daṅ gus pas (98a1)mtha’ dag bzuṅ ba’o | |

de nas śiṅ gźon lus can gźon nu ma rnams kyis | | gdu bu rab ’khrol zaṅs mdog lag pa rnams kyis ni | |
glog gi ’phan rnams dag gis sprin ni dkar po bźin | | ’di la rin thaṅ mchog gi bla re bzuṅ ba’o | |

de bźin (2)mi rnams kha cig dag gis gdugs rnams ni | | phreṅ ba dkar po ldan rnams kun nas bzuṅ ba ste | |
kha cig dag gis gser gyi yo byad daṅ ldan pa’i | | rṅa yab dkar po rnams ni rnam par g-yabs pa’o | |

de nas khyu mchog rnams kyis bźin du ṅal ba yis | | mig (3)dmar gyad rnams dag gis khyogs ni bzuṅ ba ste | |
sil sñan rnams ni rna ba’i yid du ’oṅ ba rnams | | dbyar dus chu gter bźin du mkha’ la rab tu grags | |

phyogs kyi glaṅ po’i dbaṅ po rnams kyi bskul ba yis | | mdzes pa daṅ ni rtsub ’gyur śiṅ rnams las bźin du | |
me tog (4)padma la sogs de rnams de rnams ni | | lha yi me tog rnams ni lha nas lhuṅ bar gyur | |

dbaṅ po’i glaṅ po las skyes glaṅ po che rnams kyis | | nor gnas sñiṅ po’i chu skyes padma rnams daṅ ni | |
man d’a ra yi me tog ’dab bcas chags pa rnams | | chu thigs zer mas ’thor (5)ba rnams kyis mṅon bar ’thor | |

de nas dga’ ba’i tshal skyes lus mchog ldan pa yi | | tsandan dmar bo’i ro ni rnam par dul ba daṅ | |
’bad pas ma bsgrubs bgo ba rnams ni dkar po rnams | | dri za’i bu mo rnams kyis yaṅ dag ’thor ba’o | |

rab tu g-yo ba’i ba dan rnams ni (6)bzuṅ ba ste | | phreṅ ba rnam pa sna tshogs rnams kyis bkram pa ste | |
sil sñan rgya chen rnams kyis rjes su ’gro ba ste | | źi ba’i ched du źi ba’i lam las khyogs te draṅs | |

gus pa daṅ ldan gyad rnams kyis de yoṅs bzuṅ nas | | thub pa’i mthu las lan brgyar mṅon (7)par phyag ’tshal źiṅ | |
de yi rnam par ñams las kun nas du ba ste | | groṅ khyer gyi ni dbus nas yoṅs su draṅs pa’o | |

klu yi sgo nas źugs te phyi rol byuṅ nas ni | | chu bo gser ldan źes pa yaṅ dag rgal nas su | |
cod pan źes bya’i mchod rten gyi ni rtsa ba ru | | grags (98b1)pas bsags phyir bsags pa de rnams kyis byas so | |

de nas śun pa ’dab ma dri bzaṅs aa ka ru | | tsandan ae la klu rnams kyis bsags bsags pa ru | |
mya ṅan las ni sbrul bźin dbugs rgyu de rnams ni | | brtan min mig can rnams kyis thub pa’i sku bźus so | |

(2)de nas lan gsum bkod kyaṅ me yi sgron ma yis | | de tshe draṅ sroṅ chen po’i bsags pa ma ’bar te | |
bag med ldan pa gźu ni rnam par ’khrugs pa yis | | mda’ ni raṅ bźin sa yi bdag po’i dpal bźin no | |

lam dag tu ni rnam par ’oṅ ba’i ’od sruṅs ni | | rnam (3)par dag pa’i sems kyis sems ni gyur pa ste | |
bcom ldan ’das kyi sku gduṅ tshaṅ ba lta ’dod de | | gaṅ gi mthu las me yi ’bar ba ma yin no | |

de nas de tshe bla ma blta ba’i don du ni | | der ni dge sloṅ skyen par ñe bar soṅ ba na | |
thub pa mchog la rab tu btud pa byas pa na | | (4)de ma thag tu me ni raṅ ñid ’bar bar gyur | |

ñon moṅs rnams kyis ma tshig thub pa’i sku gduṅ la | | pags pa śa daṅ spu daṅ cha śas rnams tshig nas | | mar daṅ rluṅ daṅ bud śiṅ yoṅ su rgyas na yaṅ | me yis rus pa tshig par nus pa ma yin no | |

de nas bdag ñid chen (5)po ’das pa’i de rnams ni | | chu mchog gis ni daṅ bar byas nas dus su ni | |
mṅon par bstod ciṅ gyad rnams dag gis groṅ khyer du | | gser gyi bum pa rnams kyis rab tu spyan draṅs so | |

’di ni ri bo chen po’i rin chen khams bźin no | | dge legs gaṅ ba chen po rnams ni (6)’dzin pa ste | |
mtho ris dag na lha yi gtso bo’i khams bźin du | | khams ni me yis log par sbyor ba ma yin ñid | |

byams pas yoṅ su rnam par bsgoms pa ’di rnams ni | | ’dod chags me yis tshig pas rnam par spaṅs pa ste | |
de yi gus pa’i dbaṅ gis gzuṅ (7)ba’i gduṅ rus rnams | | bsil ba yin kyaṅ bdag cag rnams kyi yid rnams bsregs | |

sred pa ’joms mdzad gaṅ gi mthu las khyab ba ’jug gi | mkha’ ldiṅ gis kyaṅ khur bar nus pa ma yin pa | | ’jig rten dag na mtshuṅs med de yi rus pa rnams | | mi rus gyur (99a1)pa kho bo cag gis khur bar gyis | |

ae ma ’jig rten chos ni ṅes par stobs ldan te | | chos la nus kyaṅ nus pas gaṅ gis ma bzlog ciṅ | |
gaṅ źig sñan pas ’gro ba mtha’ dag khyab pa ste | | de yi sku yi cha śas ’di ni bum par gnas | |

gaṅ źig bdag gi snaṅ bas ñi ma gźan snaṅ źiṅ | | de yi (2)sa ni snaṅ bas rnam par mdzad pa ste | |
gser gyi mdog daṅ ldan pa de yi sku lus ni | | me rnams kyis ni rus pa lhag mar byas pa’o | |

gaṅ gis ñon moṅs ri bo rgyas pa rnams phye sta | | sdug bsṅal thob pa na yaṅ bstan pa ma phye źiṅ | |
sdug bsṅal mtha’ dag rnams ni bkag par gyur pa ste | | draṅ sroṅ de yi sku lus (3)me yis bsregs pa’o | |

g-yul du dgra bo rnams kyis mchi ma phyuṅ nas su | | skyabs ’oṅs rnams kyi mchi ma rnam par btul nas su | |
sdug pa na yaṅ mchi ma bstan pas ma bton pa | | lam du mchi ma ’thon źiṅ de rnams rnam par zlos | |

de rnams ṅa rgyal ldan źiṅ lag pa stobs daṅ ldan na yaṅ | | de ltar (4)mya ṅan byed ciṅ nags bźin groṅ khyer der źugs śiṅ | |
lam rnams su ni gduṅ de rnams ni skye bos mchod pa ste | | mchod pa’i don du gźal yas khaṅ par mdzes par byas pa’o | |

saṅs rgyas kyi spyod pa źes bya ba’i sñan dṅags chen po las | | mya ṅan las ’da’ ba bsṅags pa’i le’u ste ñi śu rtsa bdun pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=869acad4-e7a7-102d-829a-001cc4df1abe

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ