Bibliotheca Polyglotta

de nas ’ga’ źig tshe na nor ldan khyim bdag ni | | skal ba med pa rnams la nor ni rab sbyin pa | | bzaṅ sbyin źes ni rab tu grags pa’i miṅ ldan pa | | byaṅ phyogs yul ko sa la rnams nas der soṅ (5)gyur | |

de yis der ni thub pa bźugs pa thos pa ste | | thos nas blta bar ’dod pas mtshan mo rab tu soṅ | |
rnam dag sems pa des ni rab sleb rab mkhyen nas | | rab tu phyag byas pa la bde bar gśegs pas bstan | |

gaṅ phyir chos la bsgoms pas ñid ni rnam spaṅs nas | | blo ldan (6)mtshan mor bdag la lta ’dod rab sleb ste | |
da lta ñid du ’oṅs pa de yi de ma thag | | ṅes par legs pa’i mgron ’di rab tu loṅ mdzod cig | |

gaṅ źig khyod kyis lhag bsam gaṅ źig bstan pa daṅ | | bdag gis grags pa ñid las gaṅ źig daṅ pa daṅ | |
gaṅ źig sṅon gyi rgyu las blo gros rab (7)źugs te | | des ni yon tan chen po rnams kyi snod yin no | |

de phyir ’jig rten dag na grags daṅ gźan du ni | | ’bras bu sbyin pa mchog las byuṅ bar rig nas ni | |
bkur sti byas nas dus su sñoms pa’i bdag ñid kyis | | chos las thob pa’i nor ni sbyin par bya ba’o | |

tshul khrims yaṅ dag (65a1)blaṅs nas spyad par bya ba ste | | tshul khrims ñid ni bsruṅ ba daṅ ni rgyan yin źiṅ | |
’og tu soṅ ba rnams kyi rnam par ldog byed do | | nam mkha’i steṅ gi ṅes par rdzogs pa po ñid yin | |

’dod pa rnams su gcig min źes pas rjes bciṅs pa’i | | yoṅs su tshol ba la (2)sogs skyon rnams thos nas ni | |
ṅes par ’byuṅ ba’i cho gar yon tan rnam śes nas | | rnam dpen las skyes śi ba’i bden pa bsñen par mdzod | |

’chi bas ñe bar gzir źiṅ rga bas zil non pa’i | | ’jig rten rab tu bskor ba yaṅ dag yoṅs śes nas | |
źi ba skye ba med phyir ’bad pa mdzod cig daṅ | | (3)skye ba bden pa med na rga med ’chi ba med | |

ji ltar mi rnams la ni mi rtag bdag ñid kyis | | rab chags sdug bsṅal mṅon sum du ni rig mdzod la | |
de bźin lha rnams la yaṅ sdug bsṅal rig mdzod daṅ | | ’jug pa rtag pa ñid ni su yaṅ yod ma yin | |

gaṅ du mi rtag pa ñid der ni sdug bsṅal źiṅ | | (4)gaṅ du raṅ ñid med pa der yaṅ sdug bsṅal te | |
gaṅ du bdag ces pa daṅ bdag gi ba źes pa | | de tshe mi rtag sdug bsṅal bdag med gaṅ la yin | |

de phyir sdug bsṅal las ni sdug bsṅal ’di daṅ ni | | mtshan ma las ni ’di yi mtshan ma ltos mdzod la | |
rnam par ñe bar źi las sdug bsṅal źi ba (5)daṅ | | lam las khyod kyi lam ni dge ba śes par gyis | |

’gro ba g-yo ba sdug bsṅal ’di ni śes nas su | | me daṅ rab mtshuṅs ṅus kyi me yis ’jig rten ’di | |
mtha’ dag rab tu tshig par yoṅs su rtogs bźin du | | srid daṅ srid min rnams su smon pa med par gyis | |

stoṅ pa ñid daṅ bdag (6)med bdag gi ba med pa | | sgyu ma daṅ mtshaṅs ’jig rten ’di ni śes byas nas | |
’du byed tsam źig rab tu yoṅs su rtogs bźin du | | lus ’di la ni khams kyi ’du śes ñid du gyis | |

sems ni srid pa g-yos las yaṅ dag g-yos nas daṅ | | ’khor ba’i ’gro ba rnam pa sna tshogs mthoṅ nas (7)ni | |
rtog pa med ciṅ źi la bden źiṅ chags med par | | sems ni sñoms śiṅ mtshan ma med pa bsñen par gyis | |

de nas draṅ sroṅ chen po’i chos de thos pa las | | chos kyi cho ga’i sṅon gyi ’bras bu thob gyur źiṅ | |
gaṅ źig thob nas ’di yi sdug bsṅal las lhag ma | | rgya mtsho chen po las ni thigs pa (65b1)gcig bźin gyur | |

chags bral rnams kyi dgon par yaṅ dag gnas kyaṅ dam | | lus med rnams kyis srid rtser yaṅ dag gnas na yaṅ | |
nags sam lha na de ñid mthoṅ min ma yin la | | khyim na gnas pa yin yaṅ lta bas dge legs gyur | |

rnam pa sna tshogs lta ba’i dra ba rnams kyis (2)daṅ | | ’khor ba’i sdug bsṅal rnams kyis de rnams rnam mi ’grol | |
de phyir rab tu ñams śiṅ de ñid ma mthoṅ bar | | chags pa rnam par bsal nas khyad par ’phags par gśegs | |

lta ba legs skyes des ni lta ba ṅan de rnams | | ston ka’i sprin gyis rdo yi char bźin spaṅs pa ste | |
dbaṅ phyug la (3)sogs mi mthun rgyu las ma yin źiṅ | | des ni ’jig rten rgyu med par min źes rtogs so | |

de phyir mi mñam rgyur ni ’thad pa ma yin źiṅ | | rgyu med par ni ’gal ba chen po yod pa ñid | |
’dir yaṅ rigs pa śes pas so sor mthoṅ ba ste | | the tshom med pas de ñid mthoṅ ba kye ma ci | |

gal (4)te dbaṅ phyug gis ni ’gro ba skyed gyur na | | ’gro ba rim gyis rab tu ’jug pa ma yin la | |
skye dgu rnams kyi ’khor ba’i ’khor lo ma yin źiṅ | | gaṅ du gaṅ źig bskyed nas de daṅ de ñid ’gyur | |

lus can rnams kyis mi ’dod thob pa ma yin źiṅ | | de yi bdag ñid rnams kyis ’dod pa’i spyod pa (5)med | |
gaṅ źig lus can rnams kyi dge daṅ mi dger gyur | | de ni dbaṅ phyug ñid phyir dbaṅ phyug la yin no | |

de yi dbaṅ phyug ñid la the tshom ’gyur min źiṅ | | der ni mi rnams dag gis byams pa pha bźin ’gyur | |
de la ñam thag pas ni smod pa smra min źiṅ | | lha rnams de daṅ de la ’jig rten mchod ma yin | |

(6)gal te ’di mi bskyed la dgoṅs par gyur na ni | | bya ldan ñid phyir deṅ ’dir dbaṅ phyug ma yin źiṅ | |
gal te ’di yis ’jug la ’dod par gyur na ni | | de ñid dbaṅ phyug yod pa ñid la byed par ’gyur | |

ci ste ’di yi skye la nus pa cuṅ źig med | | byis pa bźin du ’di yis spyod rnams rgyu med do | |
gal (7)te dbaṅ phyug gi ni bdag la mṅa’ ñid med | | ’jig rten bskyed la ’di yi stobs de ci źig yod | |

ji ltar ’dod la gal te bde sdug la bsñen na | | ’byuṅ po rnams ni ’jig rten na des byas pa ñid | |
gaṅ phyir ’dod la chags pa khoṅ khro la ’jug ste | | de phyir de yi dbaṅ ñid yod pa ma yin no | |

(66a1)de’i rten ñid la sems med rnams kyis gnas bya ste | | skyes bu’i ’bad rtsol tshad mar gyur pa ñid yin no | las ’bras med par ’gyur źiṅ luṅ ni byas min la | | las kyi sbyor ba rnams ni de yi rten yin na | |

gal te dbaṅ phyug raṅ gi las kyis ’gyur na ni | | thun moṅ gyur pa’i las (2)la dbaṅ phyug gyur ma yin | |
ci ste de yi khyab bdag rgyu med gyur na ni | | ’gro ba kun gyi dbaṅ phyug ñid ni rab tu grub | |

ci ste de yi dbaṅ phyug ñid gźan las yin źiṅ | | de ñid kyi yaṅ byed po’i dbaṅ phyug gźan yin la | |
de yis gźan źes de ltar ’dir ni rnam gźag med | | de phyir ’gro ba skyeṅ pa yod (3)pa ma yin ñid | |

dbaṅ phyug skyed por gyur na rigs pas tha dad du | | rnam par ’gal ba rnam pa du ma mthoṅ ba ste | |
de yi phyir yaṅ raṅ bźin la ni ñes pa de | | slar yaṅ rab tu chags par ’gyur ba ñid yin no | |

rgyu śes rnams kyi rten ni cuṅ zad rnam log pa’o | | rgyu ni bya ba’i cho gar smra ba ma yin źiṅ | |
bya (4)ba’i cho gar sa bon la sogs de daṅ de | | ltos pa yin te de phyir raṅ bźin rgyu ma yin | |

’bras mi rdzogs par byed pa po ni gcig pa ñid | | ’ga’ źig gi yaṅ rgyu ni cuṅ zad yod ma yin | |
gcig gi bdag ñid can gyi raṅ bźin rab bstan te | | de phyir rab tu ’jug la raṅ bźin rgyu ma yin | |

gaṅ gi raṅ (5)bźin gyis ni khyab pa ñid ’dod pa | | de yi bya ba med pa ñid kyaṅ rab chags śiṅ | |
bya ba ma gtogs ’bras bu’i chog mthoṅ min te | | de yi phyir yaṅ bskyed la raṅ bźin rgyu ma yin | |

de yi khyab pa po ñid la ni rgyu ñid phyir | | thams cad las ni thams cad rgyun mi ’chad par ’gyur | |
’bras bu’i rab tu (6)’jug la ṅes pa mthoṅ ba ste | | de phyir skyed pa la ni raṅ bźin rgyu ma yin | |

ji ltar ’di yi yon tan med ñid grub pa ste | | de ltar ’bras bu la ni yon tan med ñid ’gyur | |
rnam ’gyur yon tan can rnams ’jig rten na mthoṅ ste | | de phyir rab tu ’jug la raṅ bźin rgyu ma yin | |

rtag pa’i rgyu las (7)khyad par ’gyur ba ma yin phyir | | rnam ’gyur la ni tha dad yon tan ñid ma yin | |
rnam ’gyur la ni tha dad yon tan źugs pa ste | | de phyir raṅ bźin las ni skyed pa rigs ma yin | |

raṅ bźin gyis ni bskyed pa’i bdag ñid can ñid la | | ’bras bu rnams su ñams pa’i rgyu ni grub ma yin | |
gaṅ (66b1)phyir rnam ’gyur gyi ni ñams pa mthoṅ ba ste | | de phyir rtogs par bya ba rgyu ni gźan ñid do | |

nus par gyur pa’i sbyor la śin tu mthar thug pa’i | | thar pa ’dod pa’i sdom brtson rnams kyi ma yin źiṅ | |
skye dgu rnams kyi raṅ bźin rab tu ’jug pa’i phyir | | gaṅ las thar pa’i ched daṅ pha rol gnon (2)par gyur | |

skyed pa’i bdag ñid raṅ bźin gyis ni ṅes ñid phyir | | de yi bdag ñid rnam ’gyur la ni ṅes ñid yin | |
’jig rten dag na rnam ’gyur la ni brtan ñid med | | de phyir raṅ bźin gyis ni skyed par rigs ma yin | |

sems kyi spyod pa mi gsal raṅ bźin źes bya źiṅ | | rnam ’gyur (3)gsal ba ’di ni de nas grags pa ste | |
de phyir rab tu ’jug la raṅ bźin rgyu min źiṅ | | gsal ba’i rgyu la ’dir ni ’bras bu grub pa ñid | |

sems med raṅ bźin las ni sems daṅ bcas pa yi | | rta glaṅ boṅ bu la sogs ’bras bu rigs pa ma yin źiṅ | |
sems daṅ rnam par bral ba’i rgyu (4)rnams dag las ni | | sems daṅ ldan pa cuṅ zad źig ni ’jug ma yin | |

gal te ’gro ba skyed phyir dus ni ṅes pa ste | | de phyir yoṅs su rtog byed rnams kyis thar pa med | |
gaṅ phyir skye dgu rnams kyi mtha’ ni byas min te | | de phyir ’jig rten rgyun chad med par skye bar ’gyur | |

gaṅ źig (5)yon tan rnams kyi gcig daṅ du mas byas | | rjes rnams su ni raṅ ñid ṅes pa mthoṅ ba ste | |
gal te rgyu gcig ñid du gnas par gyur pa na | | de yaṅ tha dad khyad par gyur pa ma yin no | |

gaṅ źig smin pa las skyes rdzags kyi cho gar sar | | yon tan śes pas yon tan tha daṅ ñid du mthoṅ | |
gaṅ (6)phyir rgyu ni khyad par min pa ’dod pa ste | | stoṅ pa’i rdzas rnams su yaṅ ṅes par gyur pa ñid | |

gaṅ gi mi gsal ba las rdzas ni ’char ba ste | | de yi rjes su dpag pa ṅes par grub ma yin | |
’bras bu gsal ba yi ni yaṅ dag rab ’jug pa | | mi gsal ba las gaṅ gis mṅon du mthoṅ ma (7)yin | |

gsal ba gñis pa dag las rab tu ’jug pa bźin | | mi gsal ba las gaṅ gi ’bras bu daṅ por gyur | |
de yi ’dod pa las ’dir mi ’dod chen po’o | | raṅ bźin ñid kyis ñes pa gñis ni rab tu chags | |

ji ltar gser gyi phreṅ ba khyad par ’phags pa ste | | de ltar raṅ bźin (67a1)gyi ni rnam ’gyur khyad par ’phags | |
’bras bu khyad par yin źiṅ rgyu yi ma yin te | | de phyir skyed la raṅ bźin rigs pa ma yin no | |

gal te bya bar skyes bu de ni rgyu yin na | | gaṅ gis ṅes par gaṅ ’dod des de ’thob par ’gyur | |
’dod kyaṅ kha cig don ni (2)’thob pa ma yin la | | mi ’dod na yaṅ dbaṅ med ’dir ni ’thob par ’gyur | |

gaṅ źig ba glaṅ rta boṅ rṅa mo’i skye gnas ’gro | | mṅa’ bdag ñid du gyur na de ni bsñen min źiṅ | | de ru ’gro ba’i sdig pa’i las ni byed pa daṅ | sdug bsṅal mi ’dod su yis sdug bsṅal byed par ’gyur | |

gal te ’jig rten (3)dgan skyes bu byed par gyur | | sdug bsṅal byed pa ma yin bde ba kho na byed | |
’dod pa byed par ’dod kyaṅ mi ’dod byed pa ste | | dbaṅ phyug chen por ’gyur na mi ’dod su yis spyod | |

gaṅ tshe mi ni chos min pa la rnam ’jigs śiṅ | | ’bad pas chos ni rab tu son par byed pa ñid | |
sna tshogs (4)ñon moṅs rnams kyis dbaṅ med ’phrog ba ste | | de phyir ’di na mi ni pha rol rgyud du gyur | |

graṅ daṅ dro daṅ char daṅ thog daṅ glog sogs kyi | | bya ba rnams ni mi la bzlog nas mthoṅ ba ste | |
gaṅ phyir raṅ dbaṅ ma yin mi ni gźan ldan te | | de phyir bya ba rnams su skyes bu dbaṅ phyug min | |

gaṅ tshe (5)sa pon las daṅ sa chu’i rten las ni | | dus sbyor rab tu ’jug la lo thog phun tshogs śiṅ | |
mar me dag las rab gsal śiṅ las me yin te | | rgyu med las yin źes pa rgyu med ma yin no | |

rgyu med pa las gal te ’gro ba’i rab ’jug na | | mi yi byed pa yis ni med par ’gyur pa ste | |
(6)thams cad kyis ni thams cad ṅes par ’thob byed ciṅ | | rtag na ’di ni thams cad du ni soṅ bar grub | |

bde daṅ sdug bsṅal gal te rgyu med las yin na | | gaṅ char kun gyi bde daṅ sdug bsṅal skal min źiṅ | |
rgyu med las kyaṅ bde daṅ sdug bsṅal rtogs min te | | de phyir rgyu med las (7)śes ’di ni rgyu ma yin | |

de skad ces pa la sogs mi mñan rgyu rnams des | | ’jig rten rab tu ’jug la rgyu rnams śes ma yin | |
rgyu med par ni ’jig rten mthoṅ ba ma yin źiṅ | | ñes pa ’di rnams rgyu med las ni yaṅ dag rtogs | |

brtan pa daṅ ni g-yo ba’i ’byuṅ bo rnams su yaṅ | | (67b1)de daṅ de la brten nas de daṅ de ’byuṅ ste | |
’jig rten dag na rgyu med ci yaṅ yod min źiṅ | | kun kyi rgyu ni ’jig rten pa yis śes ma yin | |

de nas sbyin pa bzaṅ por byin pa’i bzaṅ byin des | | rgya che’i chos kyis dam pa’i chos ni rnam śes nas | |
g-yo ba med pa’i blo gros des par rab (2)daṅ bas | | draṅ sroṅ chen po la ni tshig ’di gsal ba’o | |

mñan yoṅ rta ljaṅ rta rid kyis bsñen groṅ khyer ni | | bdag gi gnas kyi sa ni bsod nams grags pa can | |
der ni bdag gis khyed kyi gnas ni byed ’dod de | | sdig med gnas mchog dam pa de ni bsñen par mdzod | |

gaṅ ltan yaṅ (3)thub pa khyed kyi gnas su sñoms pa ni | | gźal yas khaṅ gi logs sam rnam dben nags su ste | |
bdag la rjes su brtse phyir gnas kyi ched du ni | | dgra bcom rab tu gźes par mdzad par ’os pa lags | |

de nas gtoṅ bar lhag par mos pa ’di yis ni | | rnam par grol ba’i sems ni (4)rnam par mkhyen nas ni | |
chags pa med pa’i blo mṅa’ blo gros mkhyen pa yis | | mchog tu źi bas blo gros yaṅ dag bka’ stsal to | |

sems dpa’ brtan kye gaṅ źig rdzas glog g-yo rnams su | | khyod kyi sems dpa’ gtoṅ la lhag par mos pa ste | |
raṅ bźin gyis ni spyin la dga’ źiṅ chos (5)la dgyes | | de ñid mthoṅ ba khyed la de ni ṅo mtshar min | |

gaṅ źig khyim ni tshig las phyi rol ’thon byed pa | | de yi don de ’tshig par byed pa ma yin te | |
de bźin dus kyi me yis ’gro ba tshig pa na | | gaṅ gis gaṅ źig sbyin pa de yis de ñer ’thob | |

de phyir rnam spaṅs sems dpa’ (6)rnams kyis sbyin par daṅ | | yul rnams yaṅ dag loṅs spyod par ni śes pa ñid | |
bkren pa ’jig rten dag na zad pa’i skyon mthoṅ bas | | ñe bar loṅs spyod ma yin ’jigs las sbyin ma yin | |

dus su smod la don ni rnam par gtoṅ ba daṅ | | dpal daṅ ṅa rgyal las ni de bźin g-yul (7)’gyed par | |
sems dpa’ lhag pa ñid kyis śes te gźan kyis min | | sems dpa’ yis ni sbyin pa ñid daṅ g-yul ’gyed do | |

spyin byed dga’ pa ñid du ’gro la ’gro ba ste | | sñan pa daṅ ni dam par grags pa rab tu ’thob | |
sbyin pa po yod gaṅ źes dam pa rnams sbyin nas | | yaṅ (68a1)dag bkur ba daṅ ni mṅon du ’gro bar byed | |

de bźin ’jig rten dag na blo gtad ñid ’gyur źiṅ | | mi bzad pa rnams las kyaṅ ñes pa ’thob ma yin | |
bsod nams rnams ni bdag gis byas źes tshim pa ste | | ’chi ba’i dus su skrag par mṅon par ’gro ma yin | |

(2)sbyin pa’i ’bras bu ’dir ni me tog tsam źig ste | | sbyin pa po yi ’bras bu gźan ñid rab tu ’thob | |
’khor ba’i ’khor lo la ni ’khor ba’i skye bo yi | | gtoṅ ba daṅ mñam gñen ni yod pa ma yin no | |

mi yi ’jig rten na daṅ lhan skyes pa rnams | | gtoṅ ba las daṅ mñam pa rnams las lhag (3)par ’gyur | |
rta daṅ glaṅ po’i skye gnas su yaṅ gnas pa rnams | | ’bras bu de ni gtso bo thob par ’gyur ba’o | |

sbyin pas loṅs spyod rnams kyis yoṅs su ’dzin pa ste | | tshul khrims kyis bsruṅs mtho ris su ni ’gro bar ’gyur | |
ye śes sṅon du ’gro ba can gyi źi ba yis kyaṅ ni | | (4)rten daṅ bral ba gaṅ na graṅs su ’gro ba ’gro ma yin | |

’chi med bdud rtsi de yis ’thob pa’i ched du yaṅ | | sṅom par gyur pa rab tu sbyin pa yin pa ñid | |
sbyin pa dran nas rab tu dga’ bar gyur pa ste | | yid ni rab tu dga’ las ṅes par tiṅ ’dzin yin | |

mñam par gźag na yaṅ (5)dag mtho ba ’di ru ni | | skye daṅ ’god pa śes par rim gyis ’gyur ba ste | |
gźan la sbyin pa sbyin pa’i sbyin pa po yis ni | | sñiṅ la gnas pa’i ñon moṅs rnams ni bsrabs par ’gyur | |

gaṅ źig sbyin pa byin byed de yi don rnams su | | chags par grags pa de ni daṅ por chod pa (6)ñid | |
gaṅ la rab tu byams pa’i sems kyis sbyin pa ste | | de phyir źes daṅ daṅ ni ṅa rgyal spaṅs par gyur | |

rab tu len pa po ni bde ldan rnams mthoṅ nas | | gaṅ źig ’ga’ ste des na ser sna yod ma yin | |
sbyin pa pos ni sbyin pa’i ’bras bu mṅon rtogs nas | | med pa ñid daṅ (7)mi śes mun pa ’joms pa po | |

de phyir źi ba’i ’phags min gyis bsñen ser sna daṅ | | sred pa gaṅ las sbyin pa byed pa bcom pa ste | |
de nas thar pa’i yan lag gyur pa sbyin pa ni | | yin źiṅ ñes pa rab tu thob phyir thar pa’o | |

ji ltar gźan rnams grib ma’i don du śiṅ ’dod (68b1)ciṅ | | kha cig ’bras bu’i don du gźan rnams me tog phyir | |
de ltar sbyin pa yoṅs su sbyin par byed pa ste | | kha cig źi ba’i don du gźan rnams nor gyi phyir | |

de phyir khyad par du ni khyim na gnas rnams kyis | | sbyin pa ji ltar nus pa mchog ni gter yin źiṅ | |
sbyin pa sñiṅ po med pa’i nor (2)gyi sñiṅ po ste | | dam pa rnams kyi rjes su soṅ ba lam ’di yin | |

bza’ ba rab tu sbyin par stobs ni rab ster źiṅ | | bgo ba sbyin byed la yaṅ lus ni ster ba’o | |
gaṅ gis dam pa rnams la gnas ni sbyin byed pa | | des kyaṅ ’jig rten dag na thams cad byin pa yin | |

theg pa sbyin byed (3)la yaṅ bde pa byin pa ste | | mar me sbyin byed la ni sbyan mig sbyin pa ñid | |
de nas dbrog bya ma yin ’chi med rab sbyin źiṅ | | gaṅ gis mthar thug gyur pa’i chos kyis ston pa ñid | |

kha cig ’dod pa’i ched du sbyin pa gtoṅ ba ste | | gźan ni don gyi don du gcig ni grags pa’i phyir | |
(4)kha cig mtho ris don du gźan ni brtse ba’i phyir | | khyod kyi sbyin pa ’di ni chags pa med pa yin | |

de phyir legs so khyod ni sred pa de ltar gyur | | gaṅ źig yaṅ dag bsgrubs mdzod ’dod pa tshim par śog | |
rdul bcas mun pa daṅ ldan gaṅ khyed ’oṅs nas ni | | ye śes rnam dag blo ni rab (5)tu ’gro bar ’gyur | |

de ñid de bźin gśegs pas lam gyi yaṅ dag par | | dga’ ba byas pa daṅ yaṅ gźug pa byas pa ni | |
gtsug lag khaṅ de sñiṅ la rnam par byas nas ni | | ñe rgyal daṅ ni lhan cig dus su soṅ bar gyur | |

soṅ nas de na koo ś’am rgyal po’i khab daṅ ni | | gtsug (6)lag khaṅ gi sa la so sor yaṅ dag rgyus | |
dpal ldan mñam źiṅ mdzes la yid ’oṅ śiṅ ldan pa | | der ni de yis rgyal byed kyi ni tshal mthoṅ ṅo | |

de nas de yi don du rgyal byed la źus te | | de yis chags pa las ni de la ma byin no | |
khyod kyis gal te don gyis kun nas bkram na yaṅ | | (7)sa ni bdag gis sbyin pa ma yin źes smras so | |

de nas der ni bzaṅ sbyin gyis de la smras pa | | tshal de la ni rin byas śes ni mṅon ’dod do | |
de nas des ni nor gyis sa ni yoṅs g-yogs nas | | chos kyi tha sñad mthoṅ źiṅ ños par gyur pa’o | |

de yi gtoṅ ba de ni mthoṅ nas rgyal byed kyis | | (69a1)saṅs rgyas la ni mchog tu rab tu daṅ ba byas | |
nags tshal de yi lhag ma dag ni kun nas ni | | de bźin gśegs pa la ni phul bar gyur pa’o | |

de nas mgon med zas sbyin gyis ni draṅ sroṅ chen po yis | | ñe rgyal gyis ni ṅes par gzigs par bya ba’i don (2)ldan par | |
myur ba’i blo gros daṅ ldan ma chags grol ba’i sems kyis ni | | mdzes śiṅ dge ba mchog gis gtsug lag khaṅ ni byed du bcug | |

nor gyi dbaṅ phyug ñid kyi gnas ni ’phos pa lta bu daṅ | | byaṅ phyogs ko śa la yi khaṅ pa’i bde ba lta bu daṅ | |
de bźin gśegs pa (3)ñid kyi gźi ni mtshuṅs pa lta bu daṅ | | raṅ gi nor daṅ stobs kyi daṅ ni lta ba yi yaṅ ṅo | |

saṅs rgyas kyi spyod pa źes bya ba’i sñan dṅags chen po las | mgon med zas sbyin la rjes su ston pa’i le’u ste bco brgyad pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=8509e43e-e7a7-102d-829a-001cc4df1abe

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display