Bibliotheca Polyglotta

mtshar la ma ’gro mi dge’i lam la ma gnas śig | | rgyags par ma ’gro dga’ min mi bzod ma ñan cig | |
sñan grags mi bzad brdzun la blo gros ma ’dzin cig | | bstan bcos mthoṅ las lhag par gtor ma ma ’phrog cig | |

blo ni mñam (6)par źog ciṅ chos ni gyis mdzod cig | | dam pa rnams daṅ sbrel mdzod ri mo khod mdzod cig | |
ji ltar phul byuṅ ’di ni thob nas slar yaṅ ni | | rgya cher mṅon par ’gro ba de ltar gyis mdzod cig | |

brtson ’grus brtsams nas daṅ ni bstan pa yoṅs bzuṅ nas | | rigs pa rnams ni bskyed (7)nas skyon rnams zil mnan nas | |
’chi ba yaṅ dag dran nas ’phags pa’i bya ba gyis | | che ba’i bdag ñid thob nas źi lam thob par gyis | |

gaṅ gi ’bras bu ’di ni źi ba skyoṅ ba ni | | las de ñid ni slar yaṅ byed par ’os pa ste | |
yid gźuṅs ldan pa ’di daṅ byed pa byas pa ñid | | ’bras bu (72b1)gaṅ źig mthoṅ bas sa bon bskrun par byed | |

’di na mchog gyur gaṅ źig sdig pa byed pa ste | | snaṅ ba de ni mun par gnas pa bdag gi lugs | |
chos ni gtso bo skyes bu gtso bo ma yin pa | | mun pa snaṅ ba la ni gnas pa bdag gi lugs | |

khyad ’phags gaṅ źig chos kyi cho gar ’jug pa ste | | (2)dkar po dkar por mchog tu ’gro ba bdag gi lugs | |
dman pa gaṅ źig sdig pa’i las ni byed pa ste | | de yaṅ mun pa mun pa’i mtha’ ru ’gro ba lugs | |

de phyir phuṅ po bźi po de rnams śes byas nas | | rgyal po ’bad pa gyis śig de ltar ji ltar ’dir | |
bde nas bde bar gal te ’gro bar (3)’dod na ni | | phyogs ni gsum pa bsñen źiṅ sṅa ma ma yin no | |

gźan gyis gźan la dge ba byed pa ma yin źiṅ | | ci ste byed na de la rjes su ’gro ma yin | |
byis pa’i ñams pa yod min raṅ la ’thob pa ste | | ma byas pa yi ’oṅ ba ’grub pa yod ma yin | |

ma byas pa yaṅ brgya (4)la byed pa ma yin źiṅ | | ma byas pa ni gźan du dge legs ’gyur ma yin | |
der ni ’gro ba la yaṅ nor ni yod min te | | de phyir dge ba’i las kyi cho gar ’bad pa bgyis | |

gaṅ źig sdig pa lhag par spyod pa legs min źiṅ | | gson pa’i ’jig rten na de’i bdag la dga’ ma yin | |
bdag (5)gi ched du bdag gis sdig pa byas nas ni | | gźan bu ’bras bu bdag ñid kho nas loṅs spyod do | |

rgyal po chen po ri bo chen po bźi rnams ni | | ’oṅs pa rnams su ’gro ba kun nas srub pa ste | |
chos kyi bya ba rnam pa sna tshogs bsten las ni | | ji ltar ’thad pas gźan na bya ba ci źig (6)yod | |

rga daṅ rgud pa nad daṅ de nas ’chi ba ste | | bźi po ’di rnams de bźin du ni ’oṅs pa ste | |
ri bo rnams kyis kun nas bskor ba bźin du ni | | ’jig rten mtha’ dag dbaṅ med ’khol bar byed pa’o | |

de nas ’oṅs pa rnams su dbaṅ med sdug bsṅal te | | rten ni yod min mṅon du (7)’thab min sruṅ ba med | |
der ni byed pa’i ched du nor med chad pa med | | chos las ma gtogs sman gźan yod min na | |

de ltar mi rtag gyur na gson pa’i ’jig rten na | | glog ni g-yo ba’i yul la rab tu źugs pa na | |
’chi ba’i lag pa’i rtse la yoṅs su gnas pa ste | | chos ma yin pas (73a1)’bras bu loṅs spyod par ’os min | |

dbaṅ chen daṅ mtshuṅs mi dbaṅ de daṅ de rnams ni | | g-yul du lha yi mṅon par ’thab la phyin nas kyaṅ | |
rab tu rgyas pa rnams daṅ ṅes par zum pa rnams | | dus kyi dus su bde daṅ sdug bsṅal skal ba’o | |

’byuṅ po ’dzin (2)pa’i sa yaṅ zad par ’gro ba ste | | ’jig pa’i mes ni lhun po de bźin sreg par byed | |
rgya mtsho chen po yoṅs su bskams par ’gro ba ste | | dbu ba daṅ mtshuṅs mi yi ’jig rten kye ma ci | |

śugs byas nas kyaṅ rluṅ ni źi bar ’gro ba ste | | ’jig rten gduṅs nas kyaṅ ni ñi ma (3)nub par ’gro | |
bsregs nas kyaṅ ni me ñid ’da’ bar ñer ’gro ste | | gaṅ de ltar gnas par ’gyur ba yin sñam mam | |

2. =20.38; one line missing.

3. one line missing; The nineteen verses, starting with this one, have been misplaced, perhaps due to confusion of front and back of a folio. They correspond to verses 1-19 of this chapter.

me tog rab rgyas mya ṅan med pas gsal byas śiṅ | | yan lag dmar por gyur ciṅ khu byug skad sgrogs (5)pa | |
ti se’i gaṅs ltar mtho ba’i ldiṅ khaṅ phreṅ ba can | | dpal ldan rgyal byed tshal ni de nas rab tu thob | |

des ni gtsaṅ ma’i chus gaṅ phreṅ ba dkar po can | | gser gyi bum pa daṅ bcas bum pa blaṅs nas ni | |
de nas dus su rgyal byed tshal ni bzaṅ sbyin gyis | | de bźin gśegs pa la (6)ni rab tu phul bar gyur | |

de nas ś’akya thub pa lta ’dod rgyal po ni | | sde rab ’pham byed rgyal byed tshal du soṅ ba ste | |
soṅ nas de nas bkur sti byas te thub pa la | | rab tu btud ciṅ gdan byas tshig ’di gsol ba’o | |

thub pa groṅ khyer ’dir ni khyed kyi gnas bźed pa | | ṅes par raṅ ni ko (7)sa la rnams kyi dge ba’o | |
de ñid gzigs pa ’di ’dra brten pa med pa ni | | ñe bar ’tshe byas yul ni skal ba med pa’am | |

khyed mthoṅ ba ’am yaṅ na mṅon par phyag ’tshal ba | | yaṅ dag thob po bdag cag rnams kyi rjes bzuṅ phyir | |
dam pa rnams kyi ’dus pa thob nas ’jig rten na | | tshim (73b1)pa med kyaṅ ji ltar tshim pa ñid yin no | |

gaṅ gis rten can rluṅ ni rab tu g-yos pa ste | | de yi bdag ñid las ni ñe ba las ’gro ste | |
mkha’ ’gro’i bya rnams lhun po’i ’dus pa ñer thob nas | | raṅ bźin rnam par spaṅs nas gser du ’gyur ba’o | |

de phyir ’di daṅ che ge mor ni mgon gyur (2)źiṅ | | skye bo legs pa’i rten las gźan min bdag gi nags | |
ga ṅha’i sras po thub pa chen po rab thob nas | | phur bu gsum pa’i khyim ltar lta na mdzes par gyur | |

’jig rten dag na rñed pa rab rñed sna tshogs pa | | tshad daṅ ldan pa dag ni mdzad pa can yin la | |
khyod kyi ñe ba las ni don gaṅ (3)yin pa rnams | | de dag rnams kyi graṅs med ñams pa yod ma yin | |

legs pa khyod kyi ṅes pa’i lta ba’i lta ba las | | ’di las gźan du rñed pa śes pa ma yin źiṅ | |
khyab bdag bdag ni gnod pa rñed bla sdug bsṅal ba | | chags pa daṅ ldan rgyal po’i chos la spyod par ’gyur | |

de ltar dbaṅ (4)po daṅ mtshuṅs rgyal po de yis ni | | rnam pa de ltar mṅon du gyur te gsan nas ni | |
don daṅ ’dod pa dag gi chags pa mkhyen nas su | | de yi bsam pa yaṅ dag bskul ba thub pas gsuṅs | |

mi dbaṅ khyod kyi tshig ’di ṅo mtshar che ma yin | |
khyod kyi spyod pa ’di ni legs pa rnams la min | |

’og (5)nas ’phos pa ’gro bar ’dod pa rnams kyis ni | |
phan pa ’dod pa’i dam pa’i skyes bu rnams la sdaṅ | |

gaṅ phyir sa skyoṅ khyed kyi dgoṅs ba de ñid ni | | des na khyod la ’dir ni cuṅ zad smra ’dod de | |
de ni śes par gyis śig bdag gi lta ba ni | | ’bras bcas ji ltar gyur pa khyed kyi de ltar gyis | |

mi skyoṅ (6)rgyal bo’i dus kyis bciṅs nas bkug pa na | | mdza’ bśes ma yin gñen min phun tshogs rjes ’gro min | |
thams cad kyis ni dman źiṅ dbaṅ med ’gro ba ni | | grib ma bźin du las gcig rjes su ’gro ba ñid | |

de phyir mtho ris daṅ ni grags pa dam pa ni | | mṅon par ’dod bźin chos kyi rgyal (7)srid rjes su skyoṅs | |
rmoṅs pa las ni chos la ’khrul pa’i rgyal po yi | | rgyal srid de ñid mtho ris na yaṅ ma yin no | |

’dir ni rgyal srid yaṅ dag yoṅs su bskyaṅs nas ni | | chos las riṅ min rta rid mtho ris rab ’thob nas | |
’dir ni rmoṅs las mi yi bdag po ni kumbha | | chos las (74a1)’phos śiṅ ka śi rnams su sa la źugs | |

’phags pa yi daṅ sdig pa yi ni las kyi ni | | khyod la dper bstan źi ba bdag gis de smras te | |
raṅ gi skye dgu rnams ni rtag tu legs bsruṅs śiṅ | | dpyad nas de phyir brtan pa dge la ’bad pa gyis | |

4. =20.19.

5. =20.39.

’khor ba’i phyogs ni g-yo bar ’dzegs nas su | | ṅes par ltuṅ nas gźi bag med ’gyur ba’o |⁶

6. Two lines missing.

gaṅ źig bde ba ’brel min de ni bsñen bya min | | gaṅ gis ’bras bu legs min gaṅ de bya (4)ba min | |
gaṅ źig dge la sbyor min de ni bśes ma yin | | sdug bsṅal rnam par ’joms min gaṅ de ye śes min | |

gal te ye śes min na yaṅ srid ma yin źiṅ | | srid par gyur na lus med ñid la yin pa ste | |
lus su gyur na yul las thar pa ma yin źiṅ | | ñi tshe ma yin ’dod (5)pa’i srid pa don med do | |

gaṅ phyir lha na gnas rnams dus kyi dbaṅ gis ni | | gzugs med rnams kyaṅ mdzad pa can phyir mi rtag ste | |
de bźin ’jug pa min la blo gros źugs bya źiṅ | | gal te ’jug pa med na sdug bsṅal yod ma yin | |

gaṅ phyir lus ni ’gro daṅ gnas pa la sogs pa’i | | (6)sna tshogs rten gyi sdug bsṅal dag gi rtsa ba ste | |
de phyir lus med du ni ye śes nus pa gaṅ | | de yod lus kyi bu lon yod pa ma yin no | |

gaṅ las ’gro bas ’dod pa’i ched du bskyed pa yis | | sdug bsṅal chen po du ma rnams la ñer ’gro ste | |
’di las ’dod pa’i srid las rnam par (7)dben nus śiṅ | | sdug bsṅal rnams las chags med ñam thag yod ma yin | |

de phyir gzugs daṅ bral ba’i lha rnams na yaṅ ṅam | | ’dod pa rnams daṅ ldan pa’i gzugs ldan rnams na yaṅ | |
skor ba ñid phyir ’jug pa źi ba ma yin na | | ’dod pa spyod pa drug po rnams su sṅon ñid do | |

(74b1)rnam pa de ltar mi rtag sdug bsṅal de med ciṅ | | rtag par ’bar ba’i ’jig rten gsum po ñid mthoṅ nas | |
bya tshaṅ śiṅ la sgoṅ skyes rnams kyis gduṅ ba ltar | | gaṅ du ’jug la smon lam rigs pa ma yin no | |

7. One line missing.

chos ’di khyim daṅ ldan pa’i skye bo rnams kyis te | | yod pa min źes de ltar ṅes par rig bya min | |
nags sam khyim na gnas pa dag gi źi ba ni | | gaṅ gis sgrub pa yod pa de yis (3)yod pa’o | |

tshad pas mṅon par gduṅs pa chu la rnam źugs te | | spyi las thams cad tshim pa ñe bar ’gro ba ñid | |
sgron ma daṅ ldan mun pa ru ni mthoṅ ba ste | | rnal ’byor tshad ma’o na tshod ma yin rigs ma yin | |

kha cig nags na gnas kyaṅ na tshod la mi sbyor | | brtul źugs zad (4)ciṅ ṅan ’gro la ni bsñen pa ñid | |
kha cig khyim na gnas kyaṅ rnam dag las can ni | | bag daṅ ldan ba ṅes legs la ni bsñen pa’o | |

mun pa’i rgya mtsho la ni lta ṅan dpa’ rlabs can | | sred pa’i chu la srog chags rnam par ’phyo rnams su | |
śes rab gru bo dran daṅ brtson ’grus skya ba (5)ni | | gaṅ gis yod pa de ni de la sgrol ba yod | |

de ltar yul la mchog tu soṅ ba’i rgyal po de yis ni | | thams cad mkhyen las chos kyi de ñid ’di ni ñer thob nas | |
rgyal srid ṅan pa mi rtag g-yo źes ñer skyes blo can ni | | myos pa daṅ bral gñis ’thuṅ bźin du mñan yod ñid du źugs | |

(6)sa dbaṅ btud pa de ni śes nas mu stegs can gźan rnams | | der ni stobs bcu pa la rdzu ’phrul gyis ni ’gran btsugs gyur | |
sa skyoṅ las ni rnam par gsol nas de nas bdag ’pham pa’i | | draṅ sroṅ gis ni rdzu ’phrul ched du sdug pas gnas pa byas | |

de nas gsal źiṅ ’od zer ’phro (7)ba daṅ bcas dkyil ’khor can | | skar ma rnams ni ’bar bar gyur pa’i ñi ma śar ba bźin | |
yaṅ dag dga’ źiṅ rnam pa sna tshogs blo can ston pa rnams | | der ni thub pas rdzu ’phrul rnam pa maṅ pos pham par mdzad | |

de nas mñan yod kyi ni de las skyes pa’i grags pa daṅ | | bkur (75a1)sti ṅes pa mchog gi dpal gyis yoṅs su spaṅs par gyur | |
de ñid kyis ni srid ba gsum las gyen du ’dzegs pa ste | | de’i phyir chos dag gsuṅ bar bźed ciṅ yul la phan phyir ro | |

de nas thub pa mtho ris gnas pa’i yul ni ye śes kyis | | rnam par btul nas (2)mtho ris gśegs pa lo ni rnam phul des | |
mkha’ la lha yi rgyal po’i bsod sñoms cho ga bźin bźes nas | | lha yi ’jig rten dag nas s’a ma ka par ni yaṅ dag babs | |

de la gźal med gnam sa’i logs la babs pa yi | | źi ba thob ciṅ ltos pa daṅ bcas lha rnams rjes su ’oṅs | |
sar gnas nam (3)mkha’i logs la gyen du gdoṅ phyogs rgyal po ni | | de daṅ de rnams mgo bo rnams kyis btud ciṅ rab tu bzuṅ | |

saṅs rgyas kyi spyod pa źes bya ba’i sñan dṅags chen po las | rgyal byed kyi tshal rab tu bźes pa’i le’u ste ñi śu pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=854f6ac2-e7a7-102d-829a-001cc4df1abe

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ