Bibliotheca Polyglotta

de nas de’i tshe kun (88a1)dga’ bo yi tshig thos nas | | mig nas chu yi char ldan de rnams du bźin du | |
seṅ ge’i ’jigs las sa ’dzin dag nas khyu mchog ltar | | brtan min rnam par gnon rnams groṅ khyer nas ’thon to | |

źen pa med pas gos rnams g-yeṅs śiṅ rnam bkram (2)ste | | ’gros kyis kun nas bskyod pas cod pan g-yo ba rnams | |
lha na gnas rnams bsod nams yoṅs su zad las bźin | | de na ñam thag ’oṅs pa rnams ni nags der soṅ | |

de ltar ’oṅs pa rnams kyis thub pa mthoṅ ba ste | | mthoṅ nas mchi ma’i gdod ldan rnams (3)kyis phyag ’tshal źiṅ | |
phyag ’tshal nas ni yoṅs gduṅ sems rnams gnas pa ste | | gnas pa de rnams la ni thub pas bka’ stsal to | |

dga’ ba’i dus su mya ṅan byed par rigs min źiṅ | | yid mi bde bas ṅon med bstan pa bsñen par gyis | |
bskal pa du ma rnams su (4)bdag gi ’dod pa gaṅ | | śin tu rñed dka’i don de bdag la ñe bar gnas | |

sa daṅ chu daṅ me daṅ rluṅ daṅ mkha’ med pa’i | | dge źiṅ ’gyur med dbaṅ po’i dbaṅ don las ’das pa | |
źi źiṅ dbrog bya ma yin mchog de gaṅ thob nas | | skye ba med ciṅ ’pho ba med la mya ṅan med | |

(5)g-ya rnams su byaṅ chub tshe na bdag gis sṅon | | dge min srid pa’i rgyu rnams sbrul bźin dor ba ste | |
sṅon tshe bsags pa’i lus kyis rnam par gnas pa ’di | | lus ’di ñid ni de riṅ ñe bar ’gro bar ’gyur | |

sdug bsṅal gyi ni gter chen phuṅ po soṅ ba na | | ’jigs pa chen po (6)yaṅ srid ñe bar źi ba na | |
gaṅ tshe sdug bsṅal chen po las ni byuṅ ba ste | | gaṅ gis du ba bdag la mya ṅan ’os ci yod | |

rab tu źi ba’i dus yin na yaṅ ’brug gi dbyaṅs | | ś’akya thub pa’i gsuṅ ni de rnams kyis thos nas | |
de nas kha rnams bye źiṅ smra ’dod gyur pa ste | | de dag (7)rnams kyi tshig de gnas brtan gyis gsol to | |

gaṅ gis du ba khyod kyi mya ṅan ’os ci yod | | me ni khaṅ pa ’bar las rnam par ’thon pa ltar | |
de ltar thub pa de ni lha gtso rnams kyis kyaṅ | | ṅes par bsñen bya yin na mi rnams kyis smros ci | |

khyab bdag skye bo gaṅ ’di de bźin (88b1)gśegs pa ni | | mya ṅan ’das ’di mthon min des na mya ṅan byed | |
’brog dgon dag na soṅ ba’i lam mkhan bzaṅ po ni | | rnam par ñams tshe kun nas ’khrul bar cis ma ’gyur | |

bla ma draṅ sroṅ chen po thams cad gzigs pa ni | | dṅos su mthoṅ nas gal te khyad par ma thob na | |
(2)gser gyi ’byuṅ gnas dag nas dbul po soṅ rnams bźin | | de tshe ’di na bźad gad ñid du ’gro ba ñid | |

de ltar don ldan maṅ po de de smra ba rnams | | bu rnams la bźin gus ldan thal mo sbyar ba rnams | |
dge źiṅ źi la dam pa’i don ni bsṅags pa yis | | gyad rnams dag la (3)mchog bdag rnams kyi mchog gis gsuṅs | |

de ltar ṅes pa de ni kho bo mthoṅ ba las | | rnal ’byor cho gar ’bad rtsol med par grol min te | |
bdag gi chos ’di gaṅ źig rjes su rtog byed pa | | sdug bsṅal dra ba las de ma mthoṅ na yaṅ grol | |

ji ltar sman ni bsñen par mi byed (4)skyes bu yis | | sman pa mthoṅ ba las kyaṅ nad ni ’joms min te | |
de bźin bdag gis ye śes ’di ni ma bsgoms na | | bdag ni mthoṅ ba las kyaṅ sdug bsṅal ’joms ma yin | |

’di ni bdag ldan gaṅ źig bdag gi chos mthoṅ ba | | rgyaṅ riṅ dag na gnas kyaṅ des ni bdag (5)mthoṅ ste | |
gaṅ źig dge legs la ni gźol źiṅ mi ’jug pa | | bdag gi ñe bar gnas kyaṅ de ni rgyaṅ riṅ ñid | |

de phyir brtson ’grus ma spaṅs bsdams pa’i sems rnams kyis | | dge ba’i las rnams la ni bag daṅ ldan par gyis | |
sdug bsṅal du ma ñe bar ’dus śiṅ g-yo ba (6)ste | | srog ni tho raṅs mar me daṅ ni mtshuṅs pa ñid | |

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=86267832-e7a7-102d-829a-001cc4df1abe

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ