dge ba’i rtsa ba thams cad yang dag par sgrub pa’i brtson ’grus dang | gzugs med pa’i khams rnam par gsal ba’i bsam gtan dang | thabs mkhas pas bsdu ba’i dngos po bzhi dang rab tu ldan pa’i thabs kyis zin pa’i shes rab dang | tshul khrims dang ldan pa dang tshul khrims ’chal pa rnams la gnyis su med pa’i byams pa dang | gus par byas te chos nyan pa dang | gus par byas te dgon pa la gnas par mngon par dga’ ba dang | ’jig rten gyi sna tshogs rnams la mi dga’ zhing ’jig rten las ’das pa’i chos rnams la mngon par dga’ ba dang | theg pa dman pa la mi ’dod cing theg pa chen po la phan yon du lta ba dang | sdig pa’i grogs po yongs su spong zhig dge ba’i bshes gnyen la sten pa dang | tshangs pa’i gnas bzhi sgrub pa dang | mngon par shes pa lngas rnam par rtsen pa dang | ye shes la rton pa dang | sgrub pa dang log par sgrub pa la gnas pa’i sems can rnams mi gtong ba dang | gcig tu chad par smra ba dang | bden pa gces su byed pa dang | byang chub kyi sems sngon du ’gro ba ste |