de la ’di skad ces bya ste
| gang zhig lus dang ngag dang sems ma dag || ma dul ma bsrungs ma byang ’dod chen can |
| mgo bregs chos gos lhung bzed lag na thogs || de ni dbyibs rtags dge sbyong yin zhes bstan |
| cho ga spyod pa la sogs ldan gyur cing || kha zang ngan za tshul ’chos la sogs sten |
| ’du ’dzi rgyang ring yongs su spong byed cing || spyod lam ’phags pa’i rigs dang ldan gyur kyang |
| de yi de kun dul bar bya phyir min || zhi phyir ma yin skyo bar bya phyir min |
| stong pa mtshan med g.yang sar ’du shes pa || cho ga srung zhing tshul ’chos gnyis pa yin |
| tshul khrims ting ’dzin sbyangs pa’i yon tan thos || gzhan dag ngo mtshar ’dzin du gzhug phyir byed |
| zhi phyir ma yin skyo bar bya phyir min || brjod dang grags ’dod dge sbyong gsum pa yin |
| gang gis lus srog don du mi gnyer zhing || rnyed dang bkur sti la ni rgyab kyis phyogs |
| rnam par thar pa bskyed pa’i sgo thos nas || srid pa’i ’gro ba thams cad don mi gnyer |
| chos rnams shin tu stong par yongs brtags nas || myang ngan ’das dang ma ’das mthong mi ’gyur |
| chos la ’dod chags bral bar rtag tu rtog || ma byas chos rtogs mya ngan ’das par ’gyur ||