[Pāyantika 17]
saṅs (4) rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na tshe daṅ ldan+pa ’char kas dge sloṅ gsar bu dag la tshe daṅ ldan pa dag tshur śog | ljoṅs rgyur ’doṅ daṅ der bdag cag gis rgol bdag kyaṅ tshar gcad par (5) bya | raṅ gi grags ba yaṅ bsgrag par bya | rñed pa yaṅ bsgru ba par bya źiṅ | khyed cag kyaṅ lhuṅ bzed daṅ | chos gos daṅ | dra ba daṅ | phor bu daṅ | ska rags daṅ | luṅ dpog pa daṅ | bklag pa daṅ | kha ton daṅ | rnam ’byor daṅ | yid la bya bas brel ba med (6) par bya’o źes spro bar byas pa daṅ | de dag gis slob dpon daṅ | mkhan po dag la źus pa mkhan po bdag cag ljoṅs rgyur mchi’o || su daṅ ldan cig tu || btsun pa ’char ka daṅ ṅo || tshe daṅ ldan pa dag de ni gnas ṅan len kun du spyod pa yin pas khyed la mtho ’tshem par ’gyur ro || (7) mkhan po btsun pa pa ’char ka ni bdag cag gi pha ma lta bur rnam par gnas pa lags pas ci’i slad du de bdag cag la mtho ’tsham par ’gyur źes de dag gis de dag gi tshig tshig ma yin pas byas te | de daṅ lhan cig ljoṅs rgyur ’phags so || ’char kas gaṅ gi tshe phyi rol gyi mtshams (28b1) ’das pa de’i cho na smras pa | tshe daṅ ldan pa dag khyed cag ci’i phyir gnas ma bcas par ljoṅs rgyur ’doṅ bar byed | tshur śog gnas chos śig ces des de dag mdun du tsog pur ’dug tu bcug ste gnas ’char bcug go || des de dag la la la gtur pu gtad | la la la lhuṅ (2) bzed kyi snod gtad | la la la bar bur gtad | la la la phor bu ga tad | la la la ril ba spyi blugs gtad nas de lag pa gñis brkyaṅ ste | rdul gzan las gźan med par ’jig rten la mtho ’tsham źiṅ ’gro ba na de dag ri brags śig tu phyin nas de dag de ba khron pa źig gi druṅ (3) du bal so bar byed pa na de na ri brags kyi gtsug lag khaṅ źig yod pa der gaṇ+ḍī brduṅs pa daṅ | de dag gis thos nas smras pa | slob dpon gtsug lag khaṅ du gaṇ+ḍī brduṅs kyis bźud do || ’char kas smras pa | lhuṅ bzed nag po can las med pa dag gis las kyi gaṇ+ḍī brduṅs (4) śiṅ bdag cag ṅal bdag gis las bya dgos par ’gyur ba de lta bu’i gnas yoṅ par ’gyur ro || slob dpon rñed pa’i gaṇ+ḍī ma lags sam | de yin na bdag cag mtshams su phyin na ’thob bo || slob dpon ni grags pa bsod nasama che ba lags pas thob kyi bdag cag la sus stsol (5) bar ’gyur | deṅ lag la te rñed pa yod na kho bo’i yaṅ nos śig | de dag doṅ ba daṅ ji tsam na der gnas mal gyi gaṇ+ḍī brduṅs nas dge sloṅ rnams kyis smras pa | tshe daṅ ldan pa dag gnas mal źos śig | de dag gis smras pa | bdag cag las ches rgan pa yaṅ yod do || su (6) yin | slob dpon ’char ka’o || de’i yaṅ nos śig | de dag gis gnas mal mnos so || tshe daṅ ldan pa ’char ka yaṅ de na ’du ’dzi’i gtam gyis ’dug ste | ri brags ’di su’i | gtsug lag khaṅ ’di su’i || lha khaṅ ’di su’o || skyed mos tshal ’di su’i || kun dga’ ra (7) ba ’di su’i || khron pa ’di su’i | źiṅ ’di su’i || bal ’di dag su’i || ma he ’di dag su’i źes ’du ’dzi’i gtam gyis ’dug go || de dag gis kyaṅ bsams pa | slob dpon ’char ka yun riṅ du thogs par ’gyur ro sñam nas de dag gis gcig la gcig źus te | tshe daṅ ldan (29a1) pa ’char ka’i mal bśams nas rkaṅ pa’i chu daṅ | rkaṅ pa bsku ba mtha’ gcig tu bźag ste | rkaṅ pa gñis bkrus nas me khaṅ du źugs te ñal lo || tshe daṅ ldan ka yaṅ ji srid du da’i ’du ’dzo’i gtam gyi zla yod pa de srid du ’dug ’dug nas | gaṅ gi (2) tshe de’i ’du ’dzi’i gtam gyi zla med pa de’i tshe na mig las chad pa’i dus kyi tshe gtsug lag khaṅ du ’oṅs te tshe daṅ ldan pa dag ces khod par brtsams pa daṅ | dge sloṅ rnams kyis de la smras pa | tshe daṅ ldan pa ’char ka ’dam bu thib po’i gseb tu źugs pa bźin du ci ’bod (3) ’char kas smras pa | ’di na kho bo’i gźon nu dag cig ’khod na de dag las ’ga’ źig na bar ma gyur tam | de dag gis de thos nas smras pa | slob dpon ma ’bod cig | gnas khaṅ ’o ni rig zims mal bśams te | źabs kyis chab daṅ | źabs bskub yaṅ bźag gis der (4) gzims śig | ’char kas smras pa | tshe daṅ ldan pa dag khyed kyis su la źus te rkaṅ pa dag bkrus | slob dpon yun riṅ du thogs par gyur nas gcig la gcig źus te sug pa dag bkrus so || ’char kas spyos te smras pa | kho bo khyed daṅ lhan cig bya ba cuṅ źig yod kyis sgo phye (5) śig | de dag gis sgo ma phye ba daṅ | des sbyos te sgo glegs la rdog bas brdabs nas des me khaṅ thams cad ’gul bar gyur to || de dag skrag nas bsams pa | ’di stobs daṅ ldan pa yin pas dge ’dun gyi gtsug lag khaṅ rdib par gyur na mi ruṅ gis sgo dbye’o sñam nas de dag gis (6) sgo phye ba daṅ | de naṅ du źugs nas de dag gi dbus su bsgyel te | des de dag kha cig la ni gru mos bsnun kha cig lani pus mos bsnun nas de dag gis smras pa | slob dpon bdag cag gnaṅ ṅo || bdag cag gnaṅ ṅo || ’char kas smras pa | su la gnod pa de ’gro bar ’gyur (7) ro|| de dag gis gcig lag gcig smras pa | tshe daṅ ldan pa dag ’di ni stobs daṅ ldan pa yin pas ’dis bdag cag thams cad kyi thams cad du srog daṅ bral bar byed par ’gyur ba gaṅ yin pa de lta bu’i gnas yod pa la ’gyur gyis phyir ’byuṅ bar bya’o źes de dag phyir byuṅ ṅo || de dag de (29b1) na mtshan thog thag blag pa med pa na lhags pas nen par gyur to || de dag naṅ par sṅar laṅs te smras pa | slob dpon phyag ’tshal lo || bdag cag mchi’o || gar ’doṅ | mñan yod du’o || sdod cig daṅ kho bos khyed cag na ba rnams kyi nad g-yog bya’o || slob dpon (2) khyod kyis bdag cag min pa yaṅ na bar byas pas na ba rnams kyi nad g-yog byas te skan źes de dag mñan yod du doṅ ba daṅ | dge sloṅ rnams kyis de dag la smras pa | tshe daṅ ldan pa dag ’oṅs pa legs so || ’oṅ pa legs so || ji lta bde bar brgyus sam | ji ltar bde bar (3) brgyus | bdag cag slob dpon ’char kas mtshan thog thag lhags pas tho btsams so || ci’i phyir | de dag gis skabs de rgyas par brjod pa daṅ | dge sloṅ don ñuṅ ṅu dag ci’i phyir dge sloṅ dag dge ’dun gyi gtsug lag khaṅ na dge sloṅ dag sṅa na ’khod par śes bźin du (4) phyis ’oṅs nas su la gnod pa de ’gro bar ’gyur ba de ’gro bar ’gyur pa de ñid rkyen du byas te phyis gnon byed ciṅ stan la ñal ba daṅ ba daṅ ’dug par byed ces smod par byed | phyar ka gtoṅ bar byed | kha zer par byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das (5) kyis byuṅ ba ’di daṅ | greṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs bsṅam bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma baźinate | saṅs rgyas bcom (6) ldan ’das kyis tshe daṅ ldan pa ’char ka la rmas pa | ’char ka khyod kyis dge ’dun gyi gtsug lag khaṅ na dge sloṅ dag sṅa na ’khod par śes bźin du phyis ’oṅs nas su la gnod pa de ’gro bar ’gyur ba de ñid rkyen du byas te phyis gnon byas nas stan la ñal lam ’dug pa bden nam | btsun (7) pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ bam yin pa | tshul daṅ mthun pa ma yin pa don rab tu byuṅ bas bya ba ma yin no źes rnam par smad par mdzad do || de nas bcom ldan ’das kyis rnam graṅs du mas rnam (30a1) bar smad nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs bas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa yaṅ sṅa ma bźin no || da’i ñan thos rnams kyis (2) ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge ’dun gyi gtsug lag khaṅ na dge sloṅ dag sṅa na ’khod par źes bźin du phyis ’oṅs nas sul gnod pa de ’gro bar ’gyur ba de ñid rkyen du byas te phyis gnon byas nas stan la ñal lam ’dug na lhuṅ byed do || (3) yaṅ dge sloṅ gaṅ źes bya ba ni ’char ka ’am | gźan yaṅ de lta bu gaṅ yin pa’o || dge ’dun gyi źes bya ba ni de bźin gśegs pa’i ñan thos kyi dge ’dun gyi’o || gtsug lag khaṅ na źes bya ba ni gaṅ du spyod lam bźi po ’gro ba daṅ | ’greṅ pa daṅ | ’dug pa daṅ | ñal ba dag (4) byar ruṅ ba na’o || dge sloṅ dag ces bya ba ni chos ’di bdag go || sṅa na ’khod pa źes bya ba ni sṅa na gnas par ro || śes bźin du źes bya ba ni de raṅ gis rig par gyur pa ’am | gźan dag gis bstan pas so || phyis ’oṅs nas źes bya ba ni de’i ’og tu ’oṅs nas so || su la gnod pa (5) źes bya bni su bde ba la reg par mi ’gyur ba’o || de ’gro bar ’gyur pa źes bya ba ni de de nas gźan du ’gro bar ’gyur ba’o || de ñid rkyen du byas te źes bya ba ni gźan ma yin pa’o || phyir gnon byas nas źes bya ba ni gnod pas zil gyis mnan nas so || stan la źes bya ba ni gnas mal (6) la’o|| ñal na źes bya ba ni lus bsñal na’o || ’dug na źes bya ba ni rkub tshos bźag na’o || ltuṅ byed do źes bya ba ni sems can dmyal ba dag dud ’gro daṅ | yi dgas ṅan soṅ daṅ || ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed ba’o|| (7) gźan yaṅ ji srid du lhuṅ bde ma bśags śiṅ so sor ma bśags na dge ba’i chos rnams la sgrib par byed pa ste | des na lhuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad dge ’dun gyi gtsug lag khaṅ na dge sloṅ dag sṅa na ’khod (30b1) bar śes bźin du phyis ’oṅs nas su la gnod pa de ’gro bar ’gyur de ñid rkyen du byas te phyis gnod byas te phyis gnon byas nas stan la ñal lam ’dug na thams cad du thams cad du ltuṅ byed du ’gyur ro || ||

.