[Pāyantika 26]
saṅs rgyas bcom ldan ’das mñan yod rgyal byed kyi tshal mgon med zas sbyin gyi kun dga’ ba na bźugs so || drug sde dag gis smras pa | dga’ bo ñe dga’ ltuṅ bzed nag po can ’di dag ni rkaṅ pa spre’u źag gis bskus te ’gron yaṅ ’gro bar chas pa’i (3) rñed pa sgrub par byed | ’oṅ na yaṅ blu bur du ’oṅs pa’i rñed pa sgrub par byed ciṅ | skye bo maṅ po dga’ ba daṅ | yid du ’oṅ bar yaṅ ’gyur ro || yu bu cag ni khron pa’i rus sbal daṅ ’dra bar gar yaṅ mi ’doṅ | gaṅ nas kyaṅ mi ’oṅ bas rñed pa ’thob pa daṅ | skye bo maṅ po dga’ ba daṅ | (4) yid du ’oṅ bar ga la ’gyur gyis | yu bu cag kyaṅ ’doṅ ṅo || gaṅ du ’doṅ | ljoṅs rgyur ’doṅ ṅo || je sriṅ mo dag blta’o źes de dag sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs nas de dag dge sloṅ ma’i dbyar khaṅ du doṅ ste bcu (5) gnis sde dag gi gan du soṅ nas smras pa | sriṅ mo dag khyed cag bltas kho bo cag ljoṅs rgyur ’doṅ ṅo || de dag dus pa daṅ | drug sde dag gis smras pa | sriṅ mo dag dur ci yod | gal te khyed cag ljoṅs rgyur bźud na bdag cag la rgyal byed kyi tshal stoṅs par ’gyur ro || (6) drug sde dag gis smras pa | sriṅ mo dag bcom ldan ’das ’khor stoṅ ñis brgya lṅa bcu daṅ bźugs na khyed cag bdag cag la rgyal byed kyi tshal stoṅs par ’gyur ro źes zer ram | de dag gis smras pa | lhuṅ bzed nag po can dag bdag cag mthoṅ bar yaṅ mi dga’ na dga’ na mchi ba daṅ || (7) stan ’diṅ ba daṅ | chos ston par lhan cig ’doṅ ṅo || sbom dga’ mos smras pa | dge sloṅ ma dag dge sloṅ rnams daṅ lhan cig mchir ruṅ ṅam | ñe dga’ sa smras pa | legs par ruṅ ṅo śin tu ruṅ ṅo gaṅ du bkag (95b1) sus bkag lam rgyags maṅ po dag sta gon gyis śig | de dag gis lam rgyags maṅ po dag sta ton byas so || drug sde dag sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs nas | de dag mñan yod du bsod sñoms brgyus nas dge (2) sloṅ ma’i dbyar khaṅ du doṅ ba daṅ | de dag la bcu gñis sde deg gis smras pa | jo bo cag je źal tshus gsol cig | de dag gis g-yar tshus byas byas pa na de dag gis lam rgyags sbyar pa thams cad zos nas de dag gis smras pa | sriṅ mo dag khyed kyis lam rgyags ji sñed (3) sto gon byas pa bltas ’on cig | de dag gis smras pa | khyed kyis gsol ba de dag lags so || drug sde dag gis smras pa | lam rgyags de tsam gyis ljoṅs rgyur ji ltar nus | ’di ltar lam kar lhag par ’gyur gyis lam rgyags maṅ du sta gon gyis śig | de dag (4) gis lam rgyags maṅ po dag sta gon byas te drug sde dag daṅ lhan cig ljoṅs rgyur ’phags so || bsod sñoms pa źig kyaṅ de dag daṅ lhan cig ljoṅs rgyur ’phags pa daṅ dge sloṅ rnams kyis de la smras pa | bsod sñoms pa ’di dag ni gnas ṅan len kun du spyod pa yin gyis khyod (5) ’di dag daṅ lhan cig ljoṅs rgyur ma ’gro śig | khyod la mtho ’tsham par ’gyur ro || bsod sñoms pas smras pa | kho bo lo ’das pa yin pas ’di dag la luṅ mnod pa daṅ | bklag pa daṅ | kha tonadaṅa | yoṅs su dri ba daṅ | rnam ’byor daṅ | yid la bya ba ’ga’ yaṅ rag (6) ma las pas ’di dag gis kho bo la tho btsam du ci yod ces des de dag gis tshig tshig ma yin par byas te drug sde dag daṅ lhan cig ljoṅs rgyur ’phags so || de dag gis | gaṅ gi tshe mtshams kyi phyir rol tu son pa de’i tshe na smras pa | dga’ bo ñe dga’ bdag cag gis yun ji srid du gźan (7) gyi spyod lam gyis ’khod par bya | tshur śeg bdag cag raṅ raṅ gi spyod lam gyis ’khod par bya’o źes daṅ por dga’ bo ’dug nas de’i ’og tu dga’ mo ’dug | de’i ’og tu dga’ bo’i lhan cig gnas pa ’dug || de’i ’og tu dga’ mo’i lhan cig gnas pa ’dug | de’i ’og tu dga’ (96a1) bo’i dge tshul ’dug | de’i ’og tu dga’ mo’i dge tshul ’dug go || de bźin du ñe dga’ daṅ | gtsug dga’ mo la sogs pa yaṅ spel mar bakado de doṅ ṅo || don mthun de daṅ bram ze źig ’gro ba des de dag mthoṅ nas des smras pa | ’di ni dge sbyoṅ yin | de’i (2) chuṅ ma ni ’di yin | de’i bu ni ’di yin | de’i mna’ ma ni ’di yin | de’i tsha bo ’di yin | de’i tsha bo’i chuṅ ma ni ’di yin par śes so || ñe dga’ sa thos nas des smras pa | bkren pa khyod kyi gña’ ba rṅog pas mnan nas ’di ni kho bo’i chuṅ ma yin | ’di ni kho’i bu yin | ’di (3) ni kho’i mna’ ma yin | ’di ni kho bo’i tsha bo yin | ’di ni kho bo’i tsha bo’i chuṅ ma yin | bsod sñoms pa des bsams pa bdag śi ba ni bla’i gnas ṅan len kun tu spyod pa ’di dag dag lhan cig ljoṅs rgyur ’gro ba ni mi ruṅ ṅo sñam nas de phyir log ste rgyal byed kyi tshal du soṅ ba daṅ | dge (4) sloṅ rnams kyis de mthoṅ nas smras pa | bsod sñoms pa ji lta ba de bar brgyus sam | tshe daṅ ldan pa dag ji ltar bde bar brgyus | drug sde gnas ṅan len kun tu spyod pa dag gis ’drums pa ltuṅ bas bcom ldan ’das kyi bstan par byed do || ci byas | des skabs de (5) dge slog rnams la rgyas par brjod pa daṅ | dge sloṅ don ñuṅ ṅu dag ci’i phyir dge sloṅ ma’i don mthun daṅ lhan cig ’thams nas ’gro na lam du ’jug par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom (6) ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa (7) ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyed dge sloṅ ma’i don mthun daṅ lhan cig ’thams nas ’gro na lam du ’jug pa bden nam | btsun pa med do || saṅs rgyas bcom ldan ’das kyis dge (96b1) sbyoṅ gi tshul ma yin pa | rjes su mthun pa ma yin pa | ruṅ ba ma yin pa tshul daṅ mthun pa ma yin pa de ni rab tu byuṅ bas bya ba ma yin no || źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal (2) pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge (3) sloṅ gaṅ dge sloṅ ma’i don mthun daṅ lhan cig ’thams nas ’gron lam du ’jug na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || saṅs rgyas bcom ldan ’das mñan yod na rgyal byed kyi tshal mgon med (4) zas sbyin gyi kun dga’ ra ba na bźugs so | dge sloṅ ma rab tu maṅ po dag rgyal po’i khab tu dge sloṅ ma’i dbyar khaṅ rgyal po’i kun dga’ ra bar dbyar gnas par kas blaṅs nas de dag dbyar gyi zla ba gsum po dag ’das nas | bcom ldan ’das kyi źabs la phyag ’tshal (5) du mñan yod du ’phags nas de dag gis mñan yod du ’gro ba’i don mthun btsal bar brtsams pa daṅ | ji tsam na de dag gis dge sloṅ daṅ bcas pa’i don mthun mthoṅ nas smras pa | phu nu mo dag don mthun ’di ni dge sloṅ daṅ bcas pa yin gyis | dge sloṅ med pa’i (6) don mthun gźan btsal bar bya’o || źes de dag gis dge sloṅ med pa’i don mthun gźan btsal bar brtsams pa daṅ | ji tsam na dge sloṅ med pa’i dom mthun ma rñed nas de dag gis smras pa | phu nu mo dag bdag cag gis śin tu yun riṅ por bsdad na yaṅ dge sloṅ med (7) pa’i don mthun pa rñed kyis don mthun ’di ñid daṅ mgo snaṅ tsam gyis ’doṅ bar bya’o || źes de dag don mthun de daṅ lta na cig mgo snaṅ gyis ’phags so || don mthun de śin tu riṅs par soṅ nas de dag phyi bźin ’braṅ źiṅ ’gro ba na chom rkun pa dag gis bcom nas de (97a1) dag mthar gyis mñan yod du phyin te dge sloṅ ma’i dbyar khaṅ du doṅ ba daṅ dge sloṅ ma rnams kyis mthoṅ nas smras pa | phu nu mo dag ji lta ba bde bar brgyus sam | ji ltar bde bar brgyus | bdag cag chom rkun pa dag gis bcom mo || phu nu mo dag ji ltar (2) bdag cag bcom ldan ’das kyis yoṅs su btaṅ ba de ltar ni ya mtshan can dgu bcu rtsa drug po dag gis kyaṅ bud med kyi yul ’ga’ yaṅ yoṅs su ma btaṅ ṅo | źes zer ba’i skabs de dge sloṅ ma rnams kyis dge sloṅ rnams la brjod nas dge sloṅ rnams kyis bcom ldan ’das (3) la gsol pa daṅ | bcom ldan ’das kyis bka’ stsal pa | de lta bas na | dus ma gtogs so || dge sloṅ dag don mthun daṅ lhan cig ljoṅs rgyur ’doṅ ba na de dag bsod sñoms kyis phoṅs par gyur pa’i skabs de dge sloṅ rnams kyis bcom ldan ’das la gsol pa daṅ | (4) bcom ldan ’das kyis bka’ stsal ba lam rgyags bskur bar bya’o || bcom ldan ’das kyis lam rgyags bskur bar bya’o źes bka’ stsal nas de dag gis sus bskur bar bya ba mi śes nas bcom ldan ’das kyis bka’ stsal pa | rtse rgod kyis bskur bar bya’o || rtse rgod (5) med na rtse rgod mos bskur bas bya’o || rtse rgod mo med na dge tshul gyis bskur bar bya’o || dge tshul med na dge tshul mas bskur bar bya’o || dge tshul ma med na dge sloṅ rnams kyis dge sloṅ ma’i lam rgyags bskur bar bya źiṅ | dge sloṅ ma rnams kyis dge sloṅ rnams (6) kyi lam rgyags bskur bar bya ste | dge sloṅ rnams kyis dge sloṅ ma rnams kyi byin len bstab par bya źiṅ | dge sloṅ ma rnams kyis dge sloṅ rnams kyi byin len bstab par bya’o || dge sloṅ dag ljoṅs rgyu źiṅ ’doṅ ba na na bar gyur nas dge sloṅ ma dag gis de dag (7) bor te doṅ nas | bcom ldan ’das kyis bka’ stsal pa | dge sloṅ ma rnams kyis kyaṅ dge sloṅ dag bkur bar bya’o || dge sloṅ ma dag rkaṅ pa logs nas ’dzin ciṅ dge sloṅ dag mgo log nas ’dzin pa na dge sloṅ ma ṅag ’dod chags skyes nas bcom ldan ’das kyis (97b1) bka’ stsal pa | dge sloṅ dag gis rkaṅ pa logs nas gzuṅ bar bya źiṅ | dge sloṅ ma dag gis mgo logs nas gzuṅ bar bya’o || de dag groṅ du phyin nas thams cad sdod pa na | de dag bsod sñoms kyis phoṅs par gyur nas | bcom ldan ’das kyis bka’ stsal pa | (2) thams cad kyis bsdad par mi bya bar de na ba’i sman daṅ zan legs sbyar te dge sloṅ gcig bźag nas lhag ma rnams ’doṅ bar bya’o || dge sloṅ ma rnams la yaṅ de bźin du bya’o || de nas bcom ldan ’das kyis bslab pa ’dod pa daṅ | bslab pa la gus pa daṅ || (3) bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni (4) gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ ma’i don mthun daṅ lhan cig ’thams nas ’gron lam du ’jug na dus ma gtogs te ltuṅ byed do || de la dus ni ’di yin te | lam don mthun gyis (5) bgrod par bya ba dogs pa daṅ bcas par grags pa | ’jigs pa daṅ bcas par grags pa | ’jigs pa tha dad pas ’jigs su ruṅ ba daṅ bcas par grags pa źig na de la de ni dus yin no || yaṅ dge sloṅ gaṅ źes bya ba ni drug sde ’am gźan yaṅ de lta bu gaṅ yin pa’o || (6) dge sloṅ ma’i don mthun daṅ lhan cig ces bya ba ni chos ’di pa’o || ’thams nas źes bya ba ni brda’ byas nas so || ’gron lam du źes bya ba dgon pa’i lam du’o || ’jug na źes bya ba ni ’gro na’o || dus ma gtogs te źes bya ba ni dus bźag ste’o || ltuṅ byed do źes bya (7) ba ni sems can dmyal ba daṅ | dud ’gro daṅ | yi dgas ṅan soṅ daṅ | gan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams (98a1) la sgrib par byed pa ste | des na ltuṅ byed do źes gsuṅs so || de la dus ni ’di yin te lam don mthun gyis bgrod par bya ba źes bya ba ni don mthun med par bgrod mi nus pa’o || dogs pa daṅ bcas par grags pa źes bya ba ni chom rkun pa daṅ g-yon (2) can gyis ’jigs par grags pa’o || ’jigs pa daṅ bcas par grags pa źes bya ba ni seṅ ge daṅ | stag daṅ | guṅ gis ’jigs par grags pa’o || ’jigs pa tha dad pas ’jigs su ruṅ ba daṅ bcas par grags pa źig na źes bya ba ni śa sbraṅ daṅ | sbraṅ (3) bu mchu riṅs daṅ | rluṅ daṅ | ñi ma daṅ | sdig sbrul gyi ’jigs pa tha dad pas ’jigs su ruṅ ba daṅ bcas par grags pa źig na’o || de la ltuṅ bar ji ltar ’gyur źe na | dge sloṅ gis ji tsam cuṅ zad dge sloṅ ma’i don mthun daṅ lhan cig ’thams nas ’gro na lam du (4) ’jug na rgyaṅ grags phyed phyed du ñes byas su ’gyur ro || rgyaṅ grags re rer ltuṅ byed du ’gyur ro || dge sloṅ gis dge sloṅ ma’i don mthun daṅ lhan cig ’thams nas groṅ nas dgon pa’i ’gron lam du ’jug na groṅ rgyar grags kyis bar du chod pa bdun po dag gi rgyaṅ grags (5) phyed phyed du ñes byas su ’gyur la | rgyaṅ grags re rer ltuṅ byed du ’gyur ro || dge sloṅ gis dge sloṅ ma’i don mthun daṅ lhan cig ’thams nas dgon pa nas groṅ gi ’gron lam du ’jug na groṅ rgyaṅ grags kyis bar du chod pa bdun po dag gi rgyaṅ grags phyed phyed du ñes byas (6) su ’gyur la | rgyaṅ grags re rer ltuṅ byed du ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || dge sloṅ ma daṅ lhan cig ’gron lam du ’jug pa’i ltuṅ byed de ñi śu drug pa rdzogs s+ho || ||

.