[Pāyantika 28]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de nas tshe daṅ ldan pa ’char ka sṅa dro śam thabs bgos lhuṅ bzed daṅ chos gos thogs (4) te mñan yod du bsod sñoms la źugs nas mthar gyis mñan yod du bsod sñoms la rgyu ba na khyim bdag gi chuṅ ma sbed ma’i khyim ga la ba der soṅ ṅo || khyim bdag gi chuṅ ma sbed mas tshe daṅ ldan pa ’char ka thag riṅ po kho nas mthoṅ ste | mthoṅ nas kyaṅ tshe daṅ (5) ldan pa ’char ka’i phyir stan śom par byed ciṅ ’di skad ces ’di skad ces kyaṅ smras || btsun pa ’char ka tshur spyon btsun pa ’char ka byon pa legs so || btsun pa ’char ka gdan bśams pa ñid la bźugs śig | tshe daṅ ldan pa ’char ka kha naṅ du bltas te ’dug go || (6) khyim bdag gi chuṅ ma sbed ma yaṅ tshe daṅ ldan pa ’char ka’i rkaṅ pa gñis la phyag ’tshal te kha phyir bltas te ’dug go || ’char kas de la ji tsam pa de tsam gyis chos bstan nas sṅon bgad pa daṅ | rtses pa daṅ | dga’ ba byas pa daṅ | dga’ mgur spyad pa dag dran (7) par bya bar brtsams te | sbed ma khyod kyis bdag cag gñis skyed mos tshal daṅ | ’dun sa daṅ | lha’i gnas ga ge mo źig tu bca’ ba ’di daṅ ’di lta bu ’chos pa daṅ | bza’ ba ’di daṅ ’di lta bu zos pa daṅ | btuṅ ba ’di daṅ ’di lta bu ’thuṅs pa (102a1) daṅ | gnas mal ’di daṅ ’di lta bu bśams pa daṅ | ’bru mar gyi mar me ’di daṅ ’di lta bu btsugs śiṅ der bdag cag gñis kyis ’adidaṅa ’di lta bu byas pa dran nam | sbed mas smras pa dran no || bsod sñoms pa źig sṅa dro śam thabs (2) bgos lhug bzed daṅ chos gos thogs te mñan yod du bsod sñoms la źugs na | de mthar gyis mñan yod du bsod sñosama la rgyu ba na khyim bdag gi chuṅ ma sbed ma’i khyim ga la ba der soṅ ba daṅ khyim bdag gi chuṅ ma sbed mas de mthoṅ nas des bsams (3) pa gal te laṅs te | bsod sñoms phul dbar gyur na btsun pa ’char ka’i gtam spaṅs par ’gyur ro sñam nas des lag pas soṅ śig ces brda byas+so || ’acharakasa sbed ma lag brda byed pa mthoṅ nas des smras pa | sbed ma khyod kho bo ’dug bźin du mdun (4) du skyes pa gźan daṅ lhan cig lag brda byed dam sbed mas smras pa | ’phags pa bdag skyes pa gźan daṅ lag brda mi bgyid de | ’di ltar bsod sñoms ba źig mchis nas bdag gis bsams pa lag te laṅs te | bsod sñoms phul bar gyur na ’phags pa de (5) baka’amachida spaṅs par ’gyur ro sñam nas bdag gis de la mchis śig ces lag brda bgyis so || ’char kas smras pa sbed ma khyod kyi sñiṅ lam na kho bos khyod la ’phags pa’i bden pa bźi’i gtam byas sñam mam ci ’di ltar lag pas bcal ba brgya dag (6) gis loṅs spyod dag bsgrubs na khyo da kyis sbyin pa dag byin źiṅ bsod nams dag byed kyaṅ mi nus sam | sbed mas bsod sñoms pa de bos te bca’ ba daṅ | bza’ ba gtsaṅ źiṅ bsod pa dag gis ltuṅ bzed bkaṅ ste byin nas des de khyer te soṅ ṅo || tshe daṅ (7) ldan pa ’char ka zas kyi bya ba byas te gtsug lag khaṅ du soṅ ba daṅ | bsod sñoms pa des bsams pa | btsun pa ’char ka la gtam bya źiṅ thos nas mchog tu dga’ ba bskyed par bya’o sñam nas des de la smras pa | btsun pa ’char ka mchog tu (102b1) dga’ ba skyed cig | deg don gyis na bdag gis khyod kyis khyod kyi bsod sñams zos so || bsod sñoms pa śes te des daṅ por khyod bos sñam mam ci des khyod soṅ śig ces lag brda byas nas kho bos de’i ’og tu de’i phyir ’bod du bcug go || ci byin | bca’ ba daṅ bza’ (2) ba gtsaṅ źiṅ bsod pas lhuṅ bzed bkaṅ ste byin te btsun pa ’char ka de ni khyod kyi yin no || de’i tshe na btsun pa ’char ka de ñid na ’dug par gyur tam ’dug go || khyod bud med med kyi yul daṅ lhan cig gcig pu cig daṅ dben pa skyabs yod pa na stan la ’dug tu (3) ruṅ ṅam ruṅ yaṅ srid mi ruṅ yaṅ srid de kho bo de ltar ’dug go || bsod sñoms pa khyod kyi deṅ de ltar kho bo’i bsod sñoms zos śiṅ gal te mi bzod na kho bo la sa brten te bslab pa’i gźi ’char chu ga śig | ci de kho bos yal bar bor du re’am źes zer ba’i (4) skabs de dge sloṅ rnams la brjod pa daṅ | dge sloṅ don ñuṅ du dag ci’i phyir dge sloṅ dag bud med kyi yul daṅ lhan cig gcig pu cig daṅ dben pa skyabs yod pa na stan la ’dug par byed ces smod par byed | phyar ka gtoṅ bar byed kha zer bar byed pa’i skabs (5) de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ gleṅ gźi ’di daṅ | skabs ’di la dge sloṅ gi dage’aduna bsdu mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni (6) mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa ’char ka khyod bud med kyi yul daṅ lhan cig gcig pu cig daṅ dben pa skyabs yod pa na stan la ’dug (7) par byed pa bden nam btsun pa med do || saṅs rgyas bcom ldan ’das kyis dge sbyoṅ gi tshul ma yin pa rjes sum mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas (103a1) bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas dul ba la ñan thos rnams kyi bslab pa’i gźi bca’ bar bya ste | źes bya ba la (2) sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ bud med kyi yul daṅ lhan cig gcig pu cig daṅ dben pa skyabs yod pa na stan la ’dug na ltuṅ byed do || yaṅ dge sloṅ gaṅ bud med kyi yul daṅ lhan cig gcig pu cig daṅ dben pa skyabs yod pa na stan la ’dug na ltuṅ byed do || yaṅ dge sloṅ gaṅ źes (3) bya ba ni ’char ka ’am | gźan yaṅ de lta bu gaṅ yin pa’o || bud med kyi yul daṅ źes bya ba ni bud med dam | gźon nu ma mi tshags par spyod pa sprod pa las byuṅ ba’i chos sten nus pa daṅ ṅo || lhan cig ces bya ba ni de daṅ lhan cig go || gcig bu cig daṅ źes bya ba ni (4) de daṅ ṅo || dben pa źes bya ba ni gaṅ na bud med daṅ skyes pa dag ma niṅ gźan ’ga’ yaṅ med pa’o || skyabs yod pa źes bya ba ni ldas bskyabs pa na ste | rtsis pas bskyabs pa daṅ | rib mas bskyabs pa dag | yol bas bskyabs pa daṅ | riṅs pos bskyabs pa (5) daṅ | mtshan mos bskyabs pa na’o || stan la źes bya ba ni gźi la’o || ’dug na źes bya ba ni ’dom gaṅ gi naṅ du rkub tshos ’jog par byed na’o || ltuṅ byed do źes bya ba ni sems dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log (6) par ltug ba dag tu sreg par byed | ’tshod par byed ltuṅ bar byed pa’o || gźan yaṅ ji srid du ltug ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na dge (7) sloṅ gis ji tsam cud bud med kyi yul daṅ lhan cig daṅ dben pa skyabs yoṅ pa na stan la ’dug na thams cad du ltuṅ byed du ’gyur ro || sgo khaṅ na ’dug padaṅa sman ’thag tu ’jud pa daṅ sgom bcad par ’dug pa daṅ | gźan dag ’jug ciṅ gźan (103b1) dag ’byuṅ na ltuṅ ba med do || las daṅ popa daṅ | smyos pa daṅ sems ’khrugs pa daṅ | tshor bdag gis ñen pa la ltuṅ ba med do || gcig pu ’dug pa’i ltuṅ byed de ñi śu brgyad pa rdzogs s+ho || ||

.