[Pāyantika 39]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || tshe daṅ ldan pa nag po chen po ni thams cad dur khrod pa daṅ ldan pa yin te | de’i lhuṅ bzed kyaṅ dur khrod pa yin | chos gos (3) kyaṅ dur khrod pa yin | bsod sñoms kyaṅ dur khrod pa yin | gnas mal yaṅ dur khrod pa yin no || ji ltar lhuṅ bzed dur khrod pa yin źe na | ’di lta ste | ñe du dag gis śi źiṅ dus la bab pa’i rdze’u dur khrod du ’dor bar byed pa de tshe daṅ ldan pa nag po chen pos gyo ma kha (4) bźogs te bsregs nas lhuṅ bzed du byin gyis brlabs śiṅ ’chaṅ bar byed de | de ltar lhuṅ bzed dur khrod pa yin no || ji ltar chos gos dur khrod pa yin źe na | ’di lta ste | ñe du dag gis śi źiṅ dus la bab pa’i gos dag dur khrod du ’dor bar byed pa de dag tshe daṅ ldan pa (5) nag po chen pos bkrus te dru bas śiṅ kha bsgyur nas chos gos su byin gyis brlabs śiṅ ’chaṅ bar byed de | de ltar chos gos dur khrod pa yin no || ji ltar bsod sñoms dur khrod pa yin źe na | ’di lta ste | ñe du dag gis śi źiṅ du sa la bab pa’i zas lṅa dur khrod du ’dor bar byed pa (6) de dag tshe daṅ ldan pa nag po chen pos blaṅs śiṅ za bar byed de | de ltar gsod sñoms dur khrod pa yin no || ji ltar gnas ma la dur khrod pa yin źe na | ’di lta ste | tshe daṅ ldan pa nag po chen po dur khrod na gnas par byed de | de ltar gnas mal dur khrod pa yin no || gaṅ (7) gi tshe skye bo phal po che la mi ṅas byuṅ ba de’i tshe na tshe daṅ ldan pa nag po chen po tsho ba daṅ | pags pa daṅ | śa daṅ | khrag rgyas par gyur ciṅ de yaṅ dag yaṅ du groṅ du bsod sñoms la ’jug par mi byed la | gaṅ gi tshe skye bo phal po che la mi ṅas ma byuṅ ba de’i tshe na tshe daṅ ldan pa nag po (155a1) chen po rid pa daṅ | ñam chuṅ ba daṅ | rke ba daṅ | skam pa daṅ | lus ma thob par gyur ciṅ | de yaṅ daṅ yaṅ du groṅ du bsod sñoms la ’jug par byed do || sgo ba de mtshan mar bzuṅ nas | ’phags pa nag po chen po ’di gaṅ gi tshe skye bo phal che la mi (2) ṅas byuṅ ba de’i tshe na tsho ba daṅ | pags pa daṅ | śa daṅ | khrag rgyas par gyur ciṅ ’di yaṅ daṅ yaṅ du groṅ du bsod sñoms la ’jug par mi byed la | gaṅ gi tshe skye bo phal po che la mi ṅas ma byuṅ ba de’i tshe na ’phags pa nag po chen po ’di rid pa daṅ | ñam chuṅ ba daṅ | rke ba daṅ | (3) skam pa dag | lus ma thob par gyur ciṅ ’di yaṅ daṅ yaṅ du groṅ du bsod sñoms la ’jug par byed pa las na ’phags pa nag po chen po ’di mi śi mi za’am sñam mo || thams cad du yaṅ ’phags pa nag po chen po mi śa za’o źes sgra grags so || mñan yod na bram ze źig ’dug (4) pa des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i bu mo źig byuṅ nas bsriṅs śiṅ bskyed de chen mor gyur to || dus gźan (5) źig na bram ze de dus la bab nas ñe du rnams kyis gos sṅon po daṅ | ser po daṅ | dmar po daṅ | dkar po dag gis khyogs spyil brgyan nas dur khrod du khyer te | bsregs śiṅ doṅ nas de’i chuṅ ma daṅ | bu mo gñis mtha’ gcig tu doṅ ste bsdad pa daṅ | tshe daṅ ldan pa nag (6) po chen po de’i gdoṅ du lta źiṅ sdod do || bu mo des ’phags pa nag po chen po de’i gdoṅ du lta źiṅ sdod pa mthoṅ ṅo || mthoṅ nas kyaṅ ma la mras pa | yum ’phags pa nag po chen po ’di bya rog mo źar ma bźin du ṅes par rtog ciṅ sdod cig || de nas bcom ldan ’das kyis dge sloṅ (7) rnams la bka’ stsal pa | dge sloṅ dag bram ze’i bu mo źig smras pa daṅ | ñe bar smras par gyur te | des ñan thos chen po ri rab daṅ ’dra ba la dag gi las rtsub po smras pas bram ze’i bu mo de tshe rabs lṅa brgyar bya rog mo źar mar ’gyur ro || thams cad du bcom ldan ’das kyis (155b1) bram ze’i bu mo de tshe rabs lṅa brgyar bya rog mo źar maṅ ’gyur ro źes luṅ bstan to źes sgra grags so || bram ze mo des bcom ldan ’das kyis bdag gi bu mo tshe rabs lṅa brgyar bya rog mo źar mar ’gyur bar luṅ bstan to źes thos so || de nas bram ze mo de khrid nas bcom ldan (2) ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te | bcom ldan ’das la ’di skad ces gsol to || bcom ldan ’das bu mo ’di la bzod pa mdzad du gsol | ’dis rab tu sdaṅ ba’i sems kyis ṅag gi las rtsub po ma smras (3) so|| bram ze mo ci ṅas ’ga’ źig la mna’ ’dor bar bya’am | gal te bu mo ’dis rab tu sdaṅ ba’i sems kyis ṅag gi las rtsub po smras par gyur na sems can dmyal ba rnams su skye bar ’gyur bde lta bu’i gnas yod par ’gyur ro || mñan yod na bram ze’i khye’u dag gis (4) ’phags pa nag po chen po mi śa za’o źes thos nas de dag gis smras pa | śes ldan dag ci yaṅ dag par yin nam | ’on te de yaṅ dag par ma yin pa bdag cag gis ’phags pa nag po chen po bag ma bar byas | bdag cag las gcig śi ba’i cha lugs su byas pa de bdag (5) cag gis dur khrod du bkur bar bya’o || bdag cag lag gaṅ źig śi ba’i cha lugs su bya | khyod śi ba’i pha lugs su gyis śig | des smras pa | kho bo mi zos sam | de dag gis smras pa | kho bo cag gis khyod bsruṅ bar bya’o || des śi ba’i cha lugs su byas pa (6) daṅ | de dag gis de yaṅ ba daṅ | ’bru mar gyis bskus te khyogs spyil du bźag nas mñan yod nas phyir ’byuṅ bar brtsams pa daṅ | tshe daṅ ldan pa nag po chen po yaṅ mñan yod du bsod sñoms la źugs te | des de mthoṅ nas bsams pa | bdag dgaṅ dka’ ba (7) ’di’i don du groṅ du bsod sñoms la źugs te ci ruṅ | phyir log la zas lṅa po ’di dag ñid bza’ bar bya’o sñam nas de phyir log go || bram ze’i khye’u des de dag la smras pa | śes ldan dag ’phags pa nag po chen po ’di phyir log pas kho bo zos par mi ’gyur ram | de (156a1) dag gis smras pa | kho bo cag ’khod bźin du ji ltar za bar ’gyur | de dag gis de dur khrod du bor te mtha’ gcig tu doṅ nas tshaṅ tshiṅ daṅ lha ba lhu ba dag gi naṅ du mgo bsriṅs te bsdad do || der wa źig gis bgrod par brtsams pa daṅ | tshe daṅ ldan pa nag (2) pa chen pos bsams pa | was zas lṅa po dag zos śiṅ bdag gi zan chaṅ bdag gi zan chaṅ par gyur na mi ruṅ ṅo sñam du rig nas des myur ba myur bar ’gro bar brtsams pa | bram ze’i bram ze’i khye’u de skrag ste kho bo zos kho bo zos źes du bar brtsams so || bram ze’i khye’u de dag dbyug pa thogs te (3) myur ba myur bar doṅ nas | de dag gis smras pa | ’phags pa draṅ sroṅ gi rgyal mtshan thogs śiṅ sdig pa’i las rtsub po ’di daṅ ’di lta bu lhag par spyod dam | des smras pa | ci byas mi śa za’o || bźin bzaṅs dag ci khyed kyis kho bo mtshon thogs te śa gcod ciṅ za ba (4) mthoṅ ṅam | de dag gis smras pa | ’on ci’i slad du myur ba myur bar byon | bźin bzaṅs dag kho bo la blo skyes pa | wa ’dis zas lṅa po dag zos śiṅ bdag gi zan chad par gyur na mi ruṅ ṅo sñam du rig nas myu ra ba myur bar ’oṅs so || ’phags pa zas lṅa po dag gsol (5) lam | mi śa gsol ni ma ’tshal gyi | ’di ltar thams cad du ’phags pa nag po chen po mi śa gsol źes sgra grags par gyur to źes zer ba’i skabs de dge sloṅ rnams kyis bcom ldan ’das la gsol to || de nas bcom ldan ’das ’di sñam du dgoṅs te | ñes dmigs (6) gaṅ cuṅ zad byuṅ ba de ni dge sloṅ dag byin len byed du ma bcug par za ba las gyur pa yin pas de lta bas na | dge sloṅ rnams kyis byin len byed du bcug ste zan de ñid dpaṅ por ’gyur ro sñam du dgoṅs nas bka’ stsal pa | de lta bas na dge sloṅ rnams kyis byin len byed du bcug ste (7) bza’ bar bya’o || bcom ldan ’das kyis dge sloṅ rnams kyis byin len byed du bcug ste | bza’ bar bya’o źes bka’ stsal nas | de dag gis byin len du yod mi śes nas bcom ldan ’das kyis bka’ stsal pa | byin len ni rnam pa lṅa ste | lṅa gaṅ źe na | lus kyis (156b1) lus su daṅ | lus daṅ ’brel pas lus su daṅ | lus kyis lus daṅ ’brel bar daṅ | lus daṅ ’brel bas lus daṅ ’brel bar daṅ | gźag pa’i cho ga ñid ni lṅa pa’o || ji ltar lus kyis lus su źe na | lus kyis sbyin par byed ciṅ lus su len par byed pa ste | de (2) ltar lus kyis lus su’o || ji ltar lus daṅ ’brel pas lus su źe na | lhuṅ bzed kyis sbyin par byed ciṅ lus su len par byed pa ste | de ltar lus daṅ ’brel pas lus su’o || ji ltar lus kyis lus daṅ ’brel par źe na | lus kyis sbyin par byed ciṅ lhuṅ bzed du len par (3) byed pa ste | de ltar lus kyis lus daṅ ’brel bar ro || ji ltar lus daṅ ’brel pas lus daṅ ’brel par źe na | lhuṅ bzed kyis sbyin par byed ciṅ lhuṅ bzed du len par byed pa ste | de ltar lus daṅ ’brel bas lus daṅ ’brel bar ro || ji ltar gźag pa’i cho ga ñid ni lṅa pa yin (4) źe na | dge sloṅ dag smad pa źes bya ba’i yul gyi mi dag yod de | de dag ma yaṅ smod par byed | pha yaṅ smod par byed | phu nu daṅ bu sriṅ yaṅ smod par byed de | dge sloṅ gaṅ der ’gro ba des dkyil ’khor byas te ’dir źog śig ces brjod par bya źiṅ | de dag gis der gaṅ (5) bźag pa de byin len byed par brjod par bya źiṅ | byaṅ gi sgra mi sñan gyi dus byin gyis brlabs te bza’ bar bya źiṅ ’di la ’gyod par mi bya ste | de ltar gźag pa’i cho ga ñid ni lṅa pa yin no || bram ze daṅ khyim bdag dad pa can dag gis dge sloṅ rnams la śiṅ tog dag ’bul bar (6) byed pa na dge sloṅ rnams de dag mi len nas de dag gis smras pa | ’phags pa dag gaṅ gi tshe bcom ldan ’das ’jig rten du ma gśegs pa de’i tshe na ni gźan mu stegs can dag sbyin gnas lags mod | da ni bcom ldan ’das ’jig rten du gśegs pas khyed cag sbyin gnas (7) lags na | gal te khyed cag mi bźes na ci bdag cag dge ba’i śul rgyags daṅ bral ba dag gis ’jig rten ’di nas ’jig rten pha rol du mchi bar bgyi ’am | bźes śig ces zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das (157a1) kyis bka’ stsal pa | blaṅ bar bya źiṅ blaṅs nas kyaṅ ruṅ bar byas te bza’ bar bya’o || de dag gis ruṅ ba ba du yod mi śes nas bcom ldan ’das kyis bka’ stsal pa | ruṅ ba ni rnam pa lṅa ste | lṅa gaṅ źe na | mes ruṅ ba daṅ | mtshon gyis ruṅ ba daṅ | sen (2) mos ruṅ ba daṅ | rñiṅ pas ruṅ ba daṅ | ne tsos rma phyuṅ bas ruṅ ba ñid ni lṅa pa’o || gźan yaṅ ruṅ ba lṅa ste | lṅag bźen | phyuṅ ba daṅ | gśegs pa daṅ | bcad pa daṅ | pug pa daṅ | pug pa daṅ | sa bon gyi chos med pa ñid ni lṅa pa’o || bcom ldan ’das kyis śiṅ (3) tog dag byin len byed du bcug ste bza’ bar bya’o źes bka’ bar bya’o źes bka’ stsal nas de dag gis byin len du yod mi śes nas | bcom ldan ’das kyis bka’ stsal pa | lag pa bkan par byin len lṅa ste | lṅa gaṅ źe na | man śel daṅ | khri daṅ | khri’u daṅ | thu ba daṅ | lhuṅ (4) bzed kyi gźi ñid ni lṅa pa’o || dge sloṅ rnams śiṅ tog dag re re nas ruṅ bar byed du ’jug pas yun riṅ du thogs nas bcom ldan ’das kyis bka’ stsal pa | phuṅapo byas te mes gnas gñis sam | gsum du reg par byas na thams cad du ruṅ bar ’gyur ro || mtshon daṅ | (5) sen mos ni re re nas so || khyim pa rnams śiṅ tog dag mi sñom par ’brim par byed nas bcom ldan ’das kyis bka’ stsal pa | dge tshul dag dag ’brim du gźug par bya’o || dge tshul dag kyaṅ mi sñoms par ’brim par byed nas bcom ldan ’das kyis bka’ stsal pa | dge (6) sloṅ dag gis lag pa dag bsñal te byin len byas nas brim par bya’o || ’on kyaṅ ma sñoms par gyur nas bcom ldan ’das kyis bka’ stsal pa | brim par bya ba gces pa daṅ | bar ma daṅ | tha ma dag so sor bya’o || gaṅ dag ’brim par byed pa de dag gis phyis (7) thams cad kyis tha cha da dag thob nas bcom ldan ’das kyis bka’ stsal pa | ’brim par byed pa’i skal pa ni mkhan po daṅ slob dpon dag gis mnod par bya’o || de dag gis bzaṅ po dag thob nas bcom ldan ’das kyis bka’ stsal pa | de dag gi druṅ na ’dug pa dag gis (157b1) mnod par bya’o || de dag laṅs śiṅ laṅs śiṅ rab tu maṅ po dag gi skal ba dag byin len byed du ’jug nas bcom ldan ’das kyis bka’ stsal pa | stan las ma ’phags pas ji tsam nus pa de tsam dag byin len byed du gźug go || ’brim pa na de dag yaṅ byin len (2) byed du ’jug nas bcom ldan ’das kyis bka’ stsal pa | stan las ma ’phags pas gaṅ dag ni byin len byed du bcug zin par brjod par bya’o || stan las ma ’phags pas gaṅ dag len mi nus pa de dag ni yaṅ byin len byed du gźug par bya’o || khyim (3) bdag na re ’phags pa dag bdag cag gis kyaṅ brim par bgyi’o źes zer ba na dge sloṅ dag mi btub nas bcom ldan ’das kyis bka’ stsal pa | ’brim du gźug par bya’o || de dag daṅ por ’dzin ciṅ dge sloṅ dag phyis ’dzin nas bcom ldan ’das kyis bka’ stsal pa | dge (4) sloṅ dag gis daṅ por gzuṅ bar bya źiṅ | phyis khyim pa dag gis gzuṅ bar bya’o || dge sloṅ rnams dge sloṅ dag las blaṅs pa gaṅ dag yin pa de dag yaṅ byin len byed du ’jug nas bcom ldan ’das kyis bka’ stsal pa | dge sloṅ dag las blaṅs pa gaṅ dag yin pa de (5) dag gi byin len ni ñid yin no || khyim pa dag las blaṅs pa gaṅ dag yin pa de dag ni byin len byed du gźug go || gtoṅ ba na daṅ por khyim pa dag gis gtoṅ źiṅ phyis dge sloṅ dag gis gtoṅ bar byed nas | dge sloṅ rnams de dag gsog ’jog byas pa yin no źes (6) ’dor bar byed nas bcom ldan ’das kyis bka’ stsal pa | daṅ por dge sloṅ dag gis gtaṅ bar bya źiṅ phyis khyim pa dag gis gtaṅ bar bya ste | phyi de ñid par dge ’dun la brim par bya’o || bram ze daṅ khyim bdag dad pacana dag gis dge ’dun la źun mar gyi bum pa daṅ | (7) ’bru mar gyi bum pa daṅ | sbraṅ rtsi’i bum pa daṅ | bu ram gyi dbu ba’i bum pa dag ’bul ba na dge sloṅ dag mi len nas bcom ldan ’das kyis bka’ stsal pa | blaṅ bar bya źiṅ blaṅs nas dge ’dun la brim par bya’o || de dag gis chos gos dag snums par gyur nas bcom (158a1) ldan ’das kyis bka’ stsal pa | bar du rtswa’am lo ma dag bcug ste brim par bya’o || de dag bzuṅ ste ’greṅ ba na ṅal bar gyur nas bcom ldan ’das kyis bka’ stsal pa | gźag par bya’o || de dag gis gźag pa daṅ ’dril nas bcom ldan ’das kyis bka’ (2) stsal pa | ’og gźi la gźag par bya’o || de dag gis de dag zos nas de dag ñid la phyir sbyin nas de dag gis smras pa | ’phags pa dag źun mar daṅ | ’bru mar daṅ | spraṅ rtsi daṅ | bu ram gyi dbu bdag phul na bum pa dag ma phul lam ci | bum pa dag kyaṅ khyed (3) ñid snoms śig | de dag gis mnos te ’dug pa daṅ | bcom ldan ’das kyis bka’ stsal pa | de dag chu’i rdziṅ bu zab mo’i naṅ du źag bdun nam | brgyad gźug par bya źiṅ | gaṅ gi tshe ña’am | rus sbal lam | sbal pa’am | chu srin byis pa gsod dam | ña (4) khyi bdag gis ma lus par ldags par gyur pa de’i tshe na ruṅ ba’i khaṅ par bcug ste spyad par bya’o || bcom ldan ’das kyis byin len byed du bcug ste bza’ bar bya’o źes bka’ stsal nas | de dag gis ji ltar byin len byed du bcug pa daṅ | ji ltar byin len byed du ma bcug pa mi (5) śes nas bcom ldan ’das kyis bka’ stsal pa | rnam pa lṅas ni byin len byed du ma bcug par brjod par bya la | rnam pa lṅas ni byin len byed du bcug par brjod par bya’o || rnam pa lṅa po gaṅ dag gis byin len du ma bcug par brjod par bya źe na | mtshams kyi phyi rol (6) na ’dug pas daṅ | mi ’thob pa’i phyogs nas daṅ | glo nas daṅ | rgyab nas daṅ | rgyab nas daṅ | lag pa khas phub pas byin len du ’jug pa ste | rnam pa lṅa po de dag gis ni byin len byed du ma bcug par brjod par bya’o || rnam pa lṅa po gaṅ dag gis byin len byed du bcur par (7) brjod par bya źe na | mtshams kyi phyi rol ma yin pa na ’dug pas daṅ | mi ’thob pa’i phyogs ma yin pa nas daṅ | glo ma yin pa nas daṅ | rgyab ma yin pa nas daṅ | lag pa khas phub pa ma yin pas byin len byed du ’jud par ste | rnam pa lṅa po de dag gis ni byin len (158b1) byed du bcug par brjod par bya’o || bcom ldan ’das kyis byin len du bcug ste bza’ bar bya’o źes bka’ stsal nas | drug sde dag byin len byed du bcug pa daṅ | byin len byed du ma bcug pa yaṅ za bar byed nas | dge sloṅ don ñuṅ ṅu dag bcom ldan ’das kyis byin (2) len byed du bcug ste bza’ bar bya’o źes bka’ stsal na | ci’i phyir dge sloṅ dag byin len byed du bcug pa daṅ | byin len byed du ma bcug pa yaṅ za bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das (3) la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad par pa ste źes bya ba la sogs (4) pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag ṅas byin len byed du bcug ste bza’ bar bya’o źes bka’ stsal na | khyed byin len byed du bcug pa daṅ | byin len byed bu ma btug pa yaṅ za bden nam | btsun pa mad do || (5) saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas (6) dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar (7) gdon par bya ste | yaṅ dge sloṅ gaṅ ma byin par kha nas mid pa’i zas zan ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || dge sloṅ dgon pa pa dgon pa na gnas pa rnams la chu daṅ so śiṅ gi byin len stobs pa (159a1) med nas de dag gis dgon pa’i gnas mal dag bor te groṅ mtha’i gnas mal dag tu źugs so || saṅs rgyas bcom ldan ’das ni mkhyen bźin du rmed par mdzad par saṅs rgyas bcom ldan ’das kyis tshe daṅ ldan pa kun dga’ bo la rmas pa | kun dga’ (2) bo ci’i phyir dge sloṅ dgon pa pa dag gis don pa’i gnas mal dag bor te groṅ mtha’i gnas mal dag tu źugs | btsun pa bcom ldan ’das kyis yaṅ dge sloṅ gaṅ ma byin par kha nas mid pa’i zas za na ltug byed do źes ’dul ba la ñan thos rnams kyi bslab pa’i gźi de ltar bca’ (3) ba mdzad pas | dge sloṅ dgon pa pa dgon pa na gnas pa rnams la chab daṅ | so śiṅ gi byin len stobs pa ma mchis nas de dag gis dgon pa’i gnas mal dag por te groṅ mtha’i gnas mal dag tu źugs so || bcom ldan ’das kyis bka’ stsal pa | de lta bas na chu daṅ so (4) śiṅ ma gtogs so || glaṅ po che caṅ śes daṅ | spre’u caṅ śes daṅ | dom caṅ śes dag yod nas de dag gis dge sloṅ rnams la śiṅ tog dag ’bul ba na dge sloṅ rnams ’gyod pas de dag mi len nas | bcom ldan ’das kyis bka’ stsal pa | gaṅ la len yon pa de la (5) stobs pa yaṅ yod pas | de lta bas na de dag gis bstabs pa ni byin len byas par brjod par bya ste | de la ’gyod par mi bya’o || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge (6) slob rnams la de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na lṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la (7) bslab pa’i gźi ’di ltar gdon par bya ste | yaṅ dge sloṅ gaṅ ma byin par kha nas mid pa’i zas za na chu daṅ so śiṅ ma gtogs te ltuṅ byed do || yaṅ dge sloṅ gaṅ źes bya ba ni drug sde ’am | gźan yaṅ de lta bu gaṅ yin pa’o || ma byin par źes bya ba ni de la skyes pa’am | bud (159b1) med dam | ma niṅ gaṅ gis kyaṅ ma sbyin par ro || kha nas mid pa’i zas źes byaṅ ni bca’ ba lṅa po daṅ | bza’ ba lṅa po dag go || za na źes bya ba ni mgul du mid na’o || chu daṅ so śiṅ ma gtogs te źes bya ba ni chu daṅ so śiṅ bźag ste’o || ltuṅ byed do źes bya ba ni sems (2) can dmyal ba daṅ | dud ’agrodaṅa | yi dgas ṅan soṅ daṅ | ṅan ’gro daṅ | log par lhuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid dultuṅa ba de ma bśags śiṅ so sor ma bśags na dge ba’i chos rnams la sgrib par byed pa ste | (3) des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis byin len ma byas pa la byin len byas par ’du śes pas bca’ ba daṅ bza’ ba ’cha’ ’am za na ltuṅ byed du ’gyur ro || dge sloṅ gis byin len ma byas ba la yid gñis za bas bca’ ba daṅ (4) bza’ ba ’cha’ ’am za na ltuṅ byed du ’gyur ro || dge sloṅ gis byin len ma byas par ’du śes pas bca’ ba daṅ | bza’ ba ’cha’ ’am za na ñes byas su ’gyur ro || dge sloṅ gis byin len ma byas pa la yid gñis za bas bca’ ba daṅ bza’ ba ’cha’ ’am | za (5) na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || saṅs rgyas bcom ldan ’das la dge sloṅ rnams kyis źus pa | bcun pa tshe daṅ ldan pa nag po chen pos las ci bgyis na las (6) de’i rnam par smin pas bcom ldan ’das kyi spyan sṅar rab tu byuṅ nas | thams cad dur khrod pa daṅ ldan źiṅ ñon moṅs pa thams cad spaṅs pas dgra bcom pa ñid mṅon sum du bgyis śiṅ | dgra bcom pa ñid thob nas yaṅ dag pa ma lags pas skur par gyur | bcom ldan (7) ’das kyis bka’ stsal pa | dge sloṅ dag rigs kyi bu nag po chen po ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ bsags pas | nag po chen po ñid kyis las byas (160a1) śiṅ bsags pa dag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur | rluṅ gi khams la mi ’gyur (2) kyi | ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ | khams daṅ | skye mched dag la rnam par smin par ’gyur te | las rnams bskal pa brgyar yaṅ ni || chud mi za ba’aṅ tshogs daṅ dus || rñed na lus can rnams la ni || (3) ’bras bu dag tu ’gyur ba ñid || dge sloṅ dag sṅon byuṅ ba ’das pa’i dus na groṅ khyer bā rā ṇa sī na raṅ saṅs rgyas bla ma źes bya ba źig ñe bar rten ciṅ gnas pa de lha’i tshogs ’bum phrag du mas yoṅs su bskor ciṅ mdun du bdar te | dur khrod chen po’i dbus nas bā rā ṇa sīra bsod (4) snoms la źugs so || dur krod chen po de na gnod sbyin gdug pa źig ’dug pa de de na mi ro myags pa za’o || gaṅ gi tshe raṅ saṅs rgyas bla ma dur khrod chen po der phyin pa de’i tshe na gnod sbyin gdug pa de lha’i mthus dur khrod chen po de nas bros pa daṅ | de’i mi ro myags pa de (5) dag wa la sogs pas zos nas gnod sbyin gdug pa des bsams pa | rab tu byuṅ ba ’di bdag gi lto’i bgegs su gyur gyis | bdag gis ’di la bsñen bkur ma yin pa bya’o sñam nas | des de’i lhuṅ bzed du mi’i lag ba bcug pa daṅ | bā rā ṇa sīra thams cad (6) du rab tu byuṅ ba de mi śa za’o źes sgra grags par gyur to || raṅ saṅs rgyas bdag ñid chen po des bsams pa | gnod sbyin gdug pa ñon moṅs pa ’di ha caṅ rmas pa daṅ | ñams par gyur na mi ruṅ gis ’di la lag nas draṅs pa sbyin no sñam nas | de de la sñiṅ brtse ba’i phyir (7) des daṅ pa’i rgyal po ’dab ma brkyaṅ ba ltar ste gi nam mkha’ la mṅon par ’phags nas ’bar ba daṅ | gsal ba daṅ | char phab pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed pa yin pas gnod (160b1) sbyin gdug pa de śiṅ ljon ba rtsa ba nas bcad pa bźin du raṅ saṅs rgyas de’i rkaṅ pa gñis kyi druṅ du ’gyel nas smras pa | yon gnas yaṅ dag par gyur pa mar gśegs su gsol | mar gśegs su gsol | ñon moṅs pa’i ’dam du byiṅ ba bdag gi sug pa nas draṅ pa stsal (2) du gsol | bdag gis khyod la yaṅ dag pa ma lags pa’i bsṅags pa ma lags pa brjod do || bā rā ṇa sī thams cad du yaṅ rab tu byuṅ ba de mi śa mi za’i | ’dis de la yaṅ dag pa ma yin pa’i mi bsṅags pa brjod do źes sgra grags par gyur to || rag saṅs rgyas de (3) gnod sbyin gdug pa de la rjes su sñiṅ brtse ba’i phyir steṅ gi nam mkha’ las śod du babs so || de nas gnod sbyin gdug pa des de’i lhuṅ bzed nas mi’i lag pas ’khor te rkaṅ pa gñis la phyag ’tshal nas smon lam ’di skad ces | bdag yon gnas yaṅ dag par gyur pa ’di (4) lta bu la gnod pa byas pa gaṅ yin pa’i las de’i cha daṅ mthun par ma gyur phar mchod pa byas pa gaṅ yin pa’i dge ba’i rtsa ba ’dis ’di bas ches khyad par du ’phags pa’i ston pa mñes par byed ciṅ thugs ’byuṅ bar mi byed pa’i yon tan gyi rnam pa de lta bu thob par gyur cig ces btab po || dge (5) sloṅ dag de la de’i tshe de’i dus na gnod sbyin gdug pa gaṅ yin pa de ni nag po chen po ’di yin te | des raṅ saṅs rgyas la yaṅ dag pa ma yin pas skur pa btab pa gaṅ yin pa’i las de’i rnam par smin pas tshe rabs maṅ po dag tu sems can dmyal ba rnams su gduṅs nas | las de (6) ñid kyi lhag mas tshe rabs lṅa brgyar yaṅ dag pa ma yin pas skur nas | da ltar dgra bcom pa thob kyaṅ yaṅ dag pa ma yin pas skur to || mchod pa byas nas smon lam btab pa gaṅ yin pa’i las de’i rnam par smin pas ni ṅa’i druṅ du rab tu byuṅ nas | ñon moṅs pa thams cad (7) spaṅs pas dgra bcom pa ñid mṅon sum du byas śiṅ | ’dis raṅ saṅs rgyas bye ba phrag ’bum pas ches khyad par du ’phags pa’i ston pa ṅa mñes par byas śiṅ thugs byuṅ bar ma byas so || ’di dur khrod de na gnas gnas pa gaṅ yin pa de’i bag chags kyis da ltar yaṅ thams (161a1) cad dur khrod pa daṅ ldan par gyur to || dge sloṅ dag de ltar na | las gcig tu gnag pa rnams kyi rnam par smin pa ni gcig tu gnag pa yin | las gcig tu dkar ba rnams kyi rnam par smin pa yaṅ gcig tu dkar ba yin | las ’dren ma rnams (2) kyi rnam par smin pa yaṅ ’dren ma yin no || dge sloṅ dag de lta bas na las gcig tu gnag pa rnams daṅ ’dren ma rnams spaṅs te | las gcig tu dkar ba rnams la brtsal bar bya ste | dge sloṅ dag khyed kyis de ltar bslab par bya’o || ||

.