[Pāyantika 48]
saṅs rgyas bcom ldan ’das mñan yod na rgyal byed kyi (6) tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa maud gal gyi bu chen pos ñe ba ’khor la sogs pa sar pa skyes phran gźon nu bcu bdun sde’i tshogs dag rab tu phyuṅ | rdzogs par bsñen par byas pa de’i tshe na de dag drug sde dag la sten par byed | (7) bsñen par byed | bsñen bkur byed do || de nas ’char kas smras pa | bcu bdun sde dag tshur śeg | ’di daṅ ’di gyis śig | de dag gis smras pa | ci khyod kho bo cag gi slob dpon yin nam mkhan po yin mi byed do || des glen pa dag khyed gźan ci źig byed ces de (183a1) dag las gcig brdegs pa daṅ | de dag thams cad kyis bdag cag brdegs so || bdag cag brdegs so źes phyis gan du ’gyel te ṅu bar brtsams so || dge sloṅ rnams kyis smras pa | tshe daṅ ldan pa ’char ka ci’i phyir gźon nu dag la rdeg par byed | ’char (2) kas smras pa | tshe daṅ ldan pa dag kho bos gcig brdegs pa daṅ thams cad sa la ’gyel te ṅu’o || dge sloṅ rnams kyis bcu bdun sde dag la smras pa | tshe daṅ ldan pa dag khyed cag las gcig brdegs na ci’i phyir thams cad sa la ’gyel te ṅu | de dag gis smras pa | (3) gal te ma dus na thams cad rdeg par ’gyur ro || dge sloṅ don ñuṅ ṅu dag ci’i phyir dge sloṅ dag khros ’khrugs rṅam par gyur te yi ma raṅs nas dge sloṅ la rdeg par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan (4) ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu pa mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs (5) pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa | ’char ka khyod khros ’khrugs rṅam par gyur te yi ma raṅs nas dge sloṅ la brdegs pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | (6) rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan (7) yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ khros ’khrugs rṅam par gyur te yim raṅs (183b1) nas dge sloṅ la rdeg na ltuṅ byed do || yaṅ dge sloṅ gaṅ źes bya ba ni ’char ka’am | gźan yaṅ de lta bu gaṅ yin pa’o || khros ’khrugs rṅam par gyur te yi ma raṅs nas źes bya ba ni khros śiṅ khro ba’i zin gyi non nas so || dge sloṅ la źes bya ba ni chos ’di pa la’o || rdeg na źes bya (2) ba ni rdeg bar byed na’o | ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags (3) na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | naṅ gis zin pa daṅ | phyi rol du ’phags pa daṅ | de gñi ga daṅ ldan pas so || ji ltar naṅ gis zin pas śe na | dge sloṅ khros ’khrugs rṅam par gyur te yi ma (4) raṅs nas dge sloṅ la sor mo gcig gis rdeg par byed na ltuṅ byed du ’gyur ro || sor mo gñis daṅ | gsum daṅ | bźi daṅ | sor mo lṅas rdeg par byed na ltuṅ byed lṅar ’gyur ro || kha tshur daṅ | gru mo daṅ | phrag pa daṅ | mgo daṅ | glo daṅ | rgyab daṅ | rked pa daṅ | brla (5) daṅ | bus mo daṅ | rje ṅar daṅ | than rkaṅ pa’i mthe bos rdeg par byed na ltuṅ byed du ’gyur te | de ltar naṅ gis zin pas so || ji ltar phyi rol du ’phaṅs śe na | dge sloṅ khros ’khrugs rṅam par gyur te yi ma raṅs nas dge sloṅ la mdas ’phen par byed na ltuṅ byed du ’gyur ro || mdas (6) ji lta ba de bźin du lcags mda’ daṅ | mda’ phyed lcags las byas pa daṅ | mde’u ste’u ka ma daṅ | mde’u be’u so lta bu daṅ | mde’u zur bźi ma daṅ | mde’u ka ra bī ra’i ’dam ma lta bu daṅ | mde’u bye’u sñiṅ ma daṅ | ’khor lo daṅ | rdo rje rtse gcig daṅ | mda’ bo che daṅ | mtshon (7) rtse gcig pa daṅ | rgya śug gi tshig gu daṅ | than yuṅs kar spar gaṅ ’phen par byed na yuṅs kar ji sñed kyi ltuṅ byed du ’gyur ro | yuṅs kar ji sñed lus la ma phog pa de sñed kyi ñes byas su ’gyur te | de ltar phyi rol du ’phaṅs pas so || ji ltar de gñi ga (184a1) daṅ ldan pas śe na | dge sloṅ khros ’khrugs rṅam par gyur te yi ma raṅs nas dge sloṅ la ral gris ’debs na ltuṅ byed du ’gyur ro || ral gris ji lta ba de bźin du śaṅ laṅ daṅ | ral gri so gcig pa daṅ | ral gri so gñis pa daṅ | mduṅ daṅ | ’phaṅs (2) mduṅ daṅ | chu gri daṅ | rtsa’i ñag ma daṅ | than phyags mas rdeg par byed na ñag ma ji sñed lus la phog pa de sñed kyi ltuṅ byed du ’gyur ro || ñag ma ji sñed kyi ltuṅ byed du ’gyur ro || ñag ma ji sñed lus la ma phog pa de sñed kyi ñes byas su ’gyur te | de ltar gñi ga daṅ ldan pas so || brnaṅs pa daṅ | thal lcag gis (3) rig sṅags sgrub par byed pa la ltuṅ ba med do || las daṅ po pa daṅ | smyos pa daṅ | sems ’khrug pa daṅ | tshor ba dag gis ñen pa la ltuṅ ba med do || rdeg pa’i ltuṅ byed de bźi bcu rtsa brgyad pa rdzogs s+ho || ||

.