[Pāyantika 63]
(5) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa maud gal gyi bu chen pos ñe ba ’khor la sogs pa sar pa skyes phran gźon nu bcu bdun sde’i tshogs dag rab tu (6) phyuṅ rdzogs par bsñen par byas pa de’i tshe na bcu bdun sde dag gal te cig la las su bsgo ba bab pa na yaṅ de dag thams cad bsdoṅs te byed do || ci tsam dus gźan źig na gtsug lag khaṅ der mtshan thog thag tu chos mñan pa byuṅ nas der de (7) dag tams ca kyis bsdoṅs te tron byas so || phyi de ñin par dge ’dun gyi bsro gaṅ du chos mñan ba byuṅ nas der yaṅ de dag thams cad kyis bsdoms te tron byas so || de’i phyi de ñin par bcu bdun sde las gcig la dge skos bab nas de’i ñin mo yaṅ thams cad (254a1) kyis gtsug lag khaṅ brgyan te ’khod do || de nas dge skos tron byed pa’i tshe bcu bdun sde las gcig la blo byuṅ ba bdag ni chad kyis ñal lo || mi bcu drug gis ci’i phyir tron mi nus sñam mo || de de bźin du re re la yaṅ blo de lta bu byuṅ nas gźan bcu drug (2) po thams cad so sor ñal du doṅ ṅo || dge skos de ’ba’ źig gcig pus mtshan thog thag las byas te mtshan mo nam naṅs pa daṅ mar me’i kor bu dag bsdus | sgo dag phye | gtsug lag khaṅ chag chag btab byug pa byas te dus śes par byas nas stan bśams (3) śiṅ mchod rten gyi ’khor sar bdug spos brims te gtsug lag khaṅ gi steṅ du ’greṅ nas gaṇ+ḍī brduṅ bar brtsams so || de nas bcu drug po dag gaṇ+ḍī’i sgras sad nas raṅ raṅ gi gnas khaṅ dag nas lhuṅ bzed thogs te byuṅ ba daṅ | de dag gis dge skos de (4) gcig pu phar rgyug tshur ciṅ ’dug pa mthoṅ nas | de dag gis phan tshun smras pa | tshe daṅ ldan pa dag ’di gcig pu phar rgyug tshur rgyug ciṅ ’dug pa mthoṅ nas | de dag gis phan tshun smras pa | tshe daṅ ldan pa dag ’di gcig pu phar rgyug tshur rgyug ciṅ ’dug na yu bu cag las sus kyaṅ ’di’i grogs ma byas sam | gcig gis smras pa | kho bo la blo byuṅ pa | bdag ni chad kyis (5) ñal lo || mi bcu drug gis ci’i phyir tron mi nus sñam mo || de bźin du gźan yaṅ de skad zer | gźan dag kyaṅ de skad zer te | thams cad kyis de skad smras so || de nas bcu drug po dag gis smras pa | tshe daṅ ldan pa dag ’di bdag cag gis ’phral gyi bya ba thams (6) cad la thog mar ’gro ba yin na | bdag cag gis ’di’i grogs ma byas pa ni yu bu cag gis ma legs pa byas te ’di bdag cag la gśe bar ’gyur gyis zan zos ma thag tu bzod pa gsol bar bya’o źes de dag gis zan zos nas bzod pa gsol bar brtsams te | (7) gźon pa rnams kyis ni de’i rkaṅ pa gñis la gtugs | rgan pa rnams kyis ni mgul nas ’khyud de tshe daṅ ldan pa bzod pa gsol lo źes byas na de caṅ mi smra ba ñid du ’dug go || de daṅ ches bśes pa cig yod pa des ga ga tshil byas pa daṅ des dgod bar brtsams (254b1) te bzod do źes kyaṅ zer ro || de dag gis bsams pa | de ni thabs legs pa yin no sñan nas gźan gyis kyaṅ ga ga tshil byas śiṅ de bźin du thams cad kyi bar gyi ga ga tshil byas pa daṅ | de rluṅ gyen du ’chugs te dus la bab po || de dag brtad ciṅ mya ṅan bya bar brtsams (2) pa daṅ | dge sloṅ rnams kyis smras pa | kye bcu bdun sde dag ci’i phyir brtad ciṅ mya ṅan byed | de dag gis smras pa | bdag cag sṅon ni bcu bdun sder gyur na de ni bcu drug sder gyur te | tshaṅs pa mtshuṅs par spyod pa yid du ’oṅ ba daṅ bral źiṅ pham par gyur pa’i (3) ltuṅ pa byuṅ ṅo || dge sloṅ de dag gis ma legs so źes smras te doṅ ṅo || bcu drug po de dag kyaṅ mtha’ gcig tu doṅ ste sems khoṅ du chud ciṅ ’khod pa dge sloṅ gźan dag gis mthoṅ nas dge sloṅ de dag gis spyo bar brtsams te | tshe daṅ ldan pa bcu bdun (4) sde ’di dag ni sog ma’i me bźin du skad cig gis ’bar źiṅ skad cig gis śi bar gyur te | yid tsam źig gis rgod bag byed ciṅ || yid tsam źig gis sems khoṅ du chud ciṅ ’khod do źes zer ro || de dag mya ṅan gyi mes yid gduṅs pas yoṅs su spyos kyaṅ (5) caṅ mi smra bar sems khoṅ du chud ciṅ ’khod do || de dag sems khoṅ du chud ciṅ ’khod pa ’char kas mthoṅ nas des smras pa | bcu bdun sde dag ci’i phyir sems khoṅ du chud ciṅ ’khod de dag gis smras pa | kho bo cag da duṅ yaṅ bcu bdun sde yin sñam mam | (6) ci’i phyir ma yin | de dag gis skabs de rgyas par brjod pa daṅ | dge sloṅ don ñuṅ ṅu dag ci’i phyir dge sloṅ dag dge sloṅ la sor mos ga ga tshil byed ces smod par byed | phyar ka gtoṅ bar byed kha zer bar byed pa’i skabs de dge sloṅ rnams kyis bcom ldan (7) ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ || skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par (255a1) mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis bcu bdun sde dag la rmas pa | dge sloṅ dag khyed sor mos ga ga tshil byed pa bden nam | btsun pa mad do || saṅs rgyas bcom ldan ’das kyis (2) dge sbyoṅ gi tshul ma yin pa rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das rnam graṅs du mas rnam par smad nas dge sloṅ rnams la bka’ (3) stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | sor (4) mos ga ga tshil byed na ltuṅ byed do || sor mos ga ga tshil byed na źes bya ba ni sor mos ga ga tshil bya ba’i bsam pas lus kyi las daṅ | lus kyi spyod pa daṅ | lus kyi g-yo ba gaṅ yin pa byed na’o || ltuṅ byed do źes bya ba ni sems can dmyal ba daṅ | dud ’gro daṅ | (5) yi dgas ṅan soṅ daṅ ṅan ’gro daṅ log par ltuṅ ba dag tu sreg par byed ’tshod par byed ltuṅ bar byed pa’o gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams sgrib par byed pa ste | des na ltuṅ byed do źes gsuṅs so || de la (6) ltuṅ bar ji ltar ’gyur źe na | dge sloṅ gis dge sloṅ la sor mo gcig gis ga ga tshil byed na ltuṅ byed du ’gyur ro || sor ma gñis daṅ | gsum daṅ || bźi daṅ | lṅas ga ga tshil byed na yag ltuṅ byed du ’gyur ro || khu tshur daṅ | gru mo daṅ | phrag pa (7) daṅ | mgo daṅ | glo daṅ | rgya ba dag | rked pa daṅ | brla daṅ | tha na rkaṅ pa’i mthe bos ga ga tshil byed na yaṅ ltuṅ byed du ’gyur ro || rma ston pa daṅ | sbraṅ bu daṅ | ’brum bu daṅ | sme ba daṅ | spu’i tshags ston pa la ltuṅ ba med do || (255b1) las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ga ga tshil byed pa’i ltuṅ byed de drug bcu rtsa gsum pa rdzogs so || ||

.