’od srung byang chub sems dpa’ chos bzhi dang ldan na skye ba thams cad du skyes ma thag tu byang chub kyi sems mngon du ’gyur te | byang chub kyi snying po la ’dug gi bar du bar mdor brjed par mi ’gyur ro || bzhi gang zhe na | ’di lta ste srog gi phyir ram | tha na bzhad gad kyi phyir yang brdzun gyi tshig mi smra ba dang | sgyu dang g.yo med par sems can thams cad kyi drung na lhag pa’i bsam pas gnas pa dang | byang chub sems dpa’ thams cad la ston par ’du shes skyed cing de dag gi yang dag pa’i bsngags pa phyogs bzhir rjod pa dang | nyi tshe ba’i theg pa mi ’dod pa’i phyir sems can gang rnams yongs su smin par byed pa de dag thams cad kyang bla na med pa yang dag rapa rdzogs pa’i byang chub yang dag par ’dzin du ’jug pa ste | ’od srung chos bzhi po de dag dang ldan pa’i byang chub sems dpa’ skye ba thams cad du skyes ma thag tu byang chub kyi sems mngon du ’gyur te | byang chub kyi snying po la ’dug gi bar du mdor brjed par mi ’gyur ro || de la ’di skad ces bya ste
| srog gi phyir yang brdzun tshig mi smra zhing | rtag tu don dang ldan pa’i tshig rnams smra |
| sgyu dang g.yo ni rtag tu rnam spangs te || lhag pa’i bsam pas rtag tu sems can lta |
| sems can dag pa byang chub gang zhugs pa || byang chub sems dpa’ de la ston par sems |
| ston pa’i ’du shes nye bar bzhag na kyang || de dag bsngags pa phyogs bzhir rjod par byed |
| sems can gang dag yongs su smin byed pa || bla med ye shes yang dag ’dzin du ’jug |
chos de dag la rab tu gnas pa rnams || byang chub sems ni nams kyang brjed mi ’gyur ||