’od srung bzhi po ’di dag ni byang chub sems dpa’ cang shes pa ste | bzhi gang zhe na | ’di lta ste | legs par thos pa nyan cing de la nan tan du byed de don la rton kyi || tshig ’bru la mi rton pa yin | gdams ngag dang rjes su bstan pa la ’thun par ’dzin cig bka’ blo bde la legs par byed pa’i las byed cing bla ma la sri zhu bya ba tshar phyin pa yin | tshul khrims dang ting nge ’dzin las ma nyams te cang shes pas zas za ba yin | byang chub sems dpa’ dul ba cang shes rnams mthong na gus pa dang bcas shing rje sa dang bcas par de la gzhol || de la ’bab || de la bab cing de’i yon tan ’dod pa yin te | ’od srung bzhi po de [[123a.2]] dag ni byang chub sems dpa’ cang shes so || de la ’di skad ces bya ste
| gang gnyan de ni legs par thos par byed || chos don snying por byed cing nan tan gnas |
| rjes su bstan pa ’thun par ’dzin byed cing || chos ’dod bka’ blo bde bar bla ma sten |
| tshul khrims ting nge ’dzin la rtag gnas shing || tshul khrims bsdams nas de ni bza’ ba za |
| gus dang bcas shig rje sar bcas pa yin || de la gzhol zhing der ’bab yon tan ’dod |
| rgyal sras gang dag cang shes thob gyur pa || de dag la ni rtag tu dga’ bas lta |
| bde bar gshegs pas bstan pa ’di bzhi ni || bde gshegs sras po cang shes thob pa yin ||