[Pāyantika 5]
saṅs rgyas bcom ldan ’das mñan yod na rgyal (2) byed kyi tshal mgon med zas sbyin gyi kun dga’ ra ban bźugs so || tshe daṅ ldan pa ’char ka śa mtshan gyi rigs pa śes te | de sṅa dro śam thabs bgos | lhuṅ bzed daṅ chos gos thogs te mñan yod du bsod sñoms la ’jug go || de bram ze daṅ | (3) khyim bdag gi khyim dag tu soṅ ste chos ston par byed ciṅ chos bstan nas mna’ ma la dris pa | sru mo khyod kyi skyug mo ci ’dra | des smras pa | ’phags pa ri boṅ ma mdas phog pa ci ’dra ba de ’dra’o || ’char kas smras pa | sru mo ci de de’i ñes pa yin sñam mam | (4) ’di ltar de la gtum pa’i mtshan nu ma’i bar daṅ | mdoms kyi bar daṅ | rked pa’i bar dag na śa rman daṅ | mdzer bu daṅ | sme ba daṅ | sme ba dmar po daṅ | spu ’khyil ba dag yod pas de ni de’i ñes pa yin no || de’i ’og tu sgyug mo’i gan du soṅ ste (5) dris pa | sru mo khyod kyi mna’ ma ci ’dra | ’phags pa de’i skyon ni seg dar gyis bdar ’tshal te | le lo can sgrub mi phod pa | gtum pa | gśe ba | spyo bar bgyid pa lags so || sru mo ci de de’i ñes pa yin sñam mam | ’di ltar de la gtum pa’i (6) mtshan nu ma’i bar daṅ | mdoms kyi bar daṅ | rked pa’i bar dag na śa rman daṅ | mdzer bu daṅ | sme ba daṅ | sme ba dmar po daṅ | spu ’khyil ba dag yod pas de ni de’i ñes pa yin no || de dus gźan źig na yaṅ śam thabs bgos | lhuṅ bzed daṅ | (7) chos gos thogs te mñan yod du bsod sñoms la ’jug go || de bram ze daṅ | khyim bdag gi khyim dag tu soṅ ste chos ston par byed ciṅ | chos ston pa na sgyug mo la dris pa | sru mo khyod kyi mna’ ma ci ’dra | ’phags pa bu mo’am | nu mo ci ’dra ba de ’dra’o || sru mo (256a1) de ni ’di’i yon tan ma yin te | ’di ltar de la ṅes pa’i mtshan nu ma’i bar daṅ | mdoms kyi bar daṅ | rked pa’i bar dag na ’di lta ste | dpal be’u daṅ | bum pa gaṅ ba daṅ | bkra śis daṅ | g-yuṅ druṅ dag yod pas de ni de’i yon tan yin (2) no || de’i ’og tu de’i mna’ ma’i gan du soṅ ste dris pa | sru mo khyod kyi sgyug mo ci ’dra | ’phags pa ma’am | bu mo ci ’dra ba de ’dra’o || sru mo de ni de’i yon tan ma yin te | ’di ltar de la ṅes pa’i mtshan nu ma’i bar daṅ | mdo mas kyi bar daṅ | rked pa’i (3) bar dag na ’di lta ste | dpal be’u daṅ | bum pa gaṅ ba daṅ | bkra śis daṅ | g-yuṅ druṅ dag yod pas de ni de’i yon tan yin no || de nas dus gźan źig na bud med de dag bsku ma ñe daṅ | dril phyi daṅ | khrus bdag gir byed pa’i tshe gcig (4) la gcig gsaṅ ba’i gnas kyi mtshan ma rtog par byed pa na | ji tsam na tshe daṅ ldan pa ’char kas ji skad bstan pa de kho na lta bu’i mtshan bzaṅ po daṅ | mtshan ṅan pa dag mthoṅ ṅo || de dag gaṅ gi tshe thab mo byuṅ ba de’i tshe na gcig la gcig gleṅ bar byed de | (5) khyod kyaṅ kho mo daṅ lhan cig smra bar byed dam | khyod skyes pa gźan dag daṅ lhan cig ’di daṅ ’di ltar byed do || sdig pa źi’o || ’o na khyod kyi mdoms kyi bar dag na mtshan daṅ | mtshan ṅan pa dag yod pa skyes pa gźan gyis ji ltar śes | gal te de lta na kho (6) mo yaṅ ci’i phyir mi smra | khyod kyaṅ kho mo daṅ lhan cig smra bar byed dam | khyod skyes pa gźan dag daṅ lhan cig ’di daṅ ’di ltar byed do || sdig pa źi’o || ’o na khyod kyi mdoms kyi bar dag na mtshan daṅ | mtshan ṅan pa dag yod pa skyes pa gźan gyis ji ltar (7) śes | gaṅ gi tshe de dag gcig la gcig bzod pa gsol ba de’i tshe na gcig gis gcig la dris pa | khyod la sus smras | ’phags pa ’char kas so || khyod la yaṅ sus smras | ’phags pa ’char kas so || de dag ’phags pa ’char kas (256b1) bsams bźin du bdag cag ’thab tu bcug go źes smod par byed | phyar ka gtoṅ bar byed | kha zer bar byed do || de dag the tshom skyes nas dge sloṅ gnas brtan gnas brtan dag bsod sñoms la źugs pa na de dag gis de dag la dris pa | ’phags (2) pa dag ’phags pa ’char ka dge sloṅ ji lta bu lags | sriṅ mo dag de ni mdun na ’don gyi bu las rab tu byuṅ ba dge sloṅ tshul khrims daṅ ldan pa yin no || ’phags pa dag gal te dge sloṅ tshul khrims daṅ ldan pa lags na des ji ltar bud med kyi yul gyi (3) gsaṅ ba’i phyogs dag na śa rman mchis pa dag ’tshal | de dag gis smras pa | sriṅ mo dag des śa mtshan brtags pa’i rig pa śes pas de’i mthus śes so || ’phags pa dag ci ji tsam ’tshal ba de dag thams cad bstan par bgyi’am źes smod (4) par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das ’di sñam du dgoṅs te | gaṅ gi phyir ñes dmigs cuṅ zad ci byuṅ ba de dag thams cad dge sloṅ dag (5) bud med kyi yul la chos ston pa las gyur pa yin gyis | de’i phyir dge sloṅ gis bud med kyi yul la chos bstan par mi bya’o sñam du dgoṅs nas de lta bas na dge sloṅ gis bud med kyi yul la chos bstan par mi bya’o źes bka’ stsal to || bcom ldan ’das (6) kyis dge sloṅ gis bud med kyi yul la chos bstan par mi bya’o źes bka’ stsal nas dge sloṅ dag bsod sñoms la źugs pa na bud med kyi yul dag gis smras pa | ’phags pa dag chos bstan du gsol | sriṅ mo dag bcom ldan ’das kyis ma gnaṅ (7) ṅo || de dag gis smras pa | gal te khyod chos mi ston na bdag cag kyaṅ bsod sñoms mi ’bul lo źes zer ba’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | tshig lṅas chos bstan par bya ste | (257a1) sriṅ mo dag ’di ltar gzugs ni mi rtag pa’o || tshor ba daṅ | ’du śes daṅ | ’du byed rnams daṅ | rnam par śes pa ni mi rtag pa’o źes bya bas so || dge sloṅ dag bsod sñoms la źugs pa na bud med kyi yul dag gis smras pa | ’phags (2) pa dag chos bstan du gsol | dge sloṅ rnams kyis sriṅ mo dag ’di ltar gzugs ni mi rtag pa’o || tshor ba daṅ | ’du śes daṅ | ’du byed rnams daṅ | rnam par śes pa ni mi rtag pa’o źes tshig lṅas chos bstan pa daṅ | de dag gis smras pa | (3) ’phags pa dag yaṅ chos bstan du gsol | sriṅ mo dag bcom ldan ’das kyis re źig de tsam źig rjes gnaṅ ṅo || de dag gis smras pa | ’phags pa dag legs kyis bdag cag kyaṅ bsod sñoms cuṅ źig ’bul lo źes zer ba’i skabs (4) de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | tshig drug gis chos bstan par bya ste | sriṅ mo dag ’di ltar mig ni mi rtag pa’o || rna ba daṅ | sna daṅ | lce daṅ | lus daṅ | yid ni mi rtag (5) pa’o źes bya bas so || dge sloṅ dag bsod stoms la źugs pa na bud med kyi yul dag gis smras pa | ’phags pa dag chos bstan du gsol | dge sloṅ rnams kyis sriṅ mo dag ’di ltar mig ni mi rtag pa’o || rna ba daṅ | sna daṅ | lce daṅ | lus (6) daṅ | yid ni mi rtag pa’o źes tshig drug gis chos bstan pa daṅ | de dag gis smras pa | ’phags pa dag yaṅ chos bstan du gsol | sriṅ mo dag bcom ldan ’das kyis re źig de tsam źig rjes su gnaṅ ṅo || de dag gis smras pa | ’phags pa (7) dag legs kyis bdag cag kyaṅ bsod sñoms chuṅ źig ’bul lo źes zer ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | skyes pa bźag ste ji tsam ’dod par chos bstan par bya’o || dge (257b1) sloṅ dag bsod sñoms la źugs pa dag na bud med kyi yul dag gis smras pa | ’phags pa chos bstan du gsol | dge sloṅ rnams kyis smras pa | sriṅ mo dag skyes pa ’ga’ źig khrid de śog | ’phags pa dag skyes pas ci bgyi | sriṅ mo dag bcom ldan (2) ’das kyis skyes pa bźag ste | ci tsam ’dod par chos bstan par bya’o źes bslab ba’i gźi bca’ bar mdzad do || ’phags ba dag legs te bdag cag kyaṅ śin tu sbas pa daṅ | śin tu bsruṅs par ’gyur la | ’phags pa dag kyaṅ mi bsñeṅs par chos (3) ston par ’gyur ro źes de dag gis skyes pa khrid de ’oṅs nas dge sloṅ dag gis kyaṅ ci ’dod pas chos bstan te doṅ ṅo || drug sde dag bsod sñoms la źugs nas de dag gis bud med kyi yul dag la smras pa | sriṅ mo dag ’khod cig daṅ chos bstan (4) bar bya’o || de dag gis smras pa | ’phags pa dag skyes pa ’ga’ źig khrid de mchi’i bar du re źig yud tsam źig gźes su gsol drug sde dag gis smras pa | khyi daṅ | spre’u daṅ | be’u daṅ | phyi rgan du ñal ba daṅ | gog pa daṅ | khye’u ’dug pa ’di (5) las gźan pa’i skyes pa ci dgos źes de dag la chos bstan nas doṅ ṅo || dge sloṅ gnas brtan gnas brtan dag bsod sñoms la źugs pa na bud med kyi yul dag gis smras pa | ’phags pa dag chos bstan du gsol | sriṅ mo dag skyes pa ’ga’ źig khrid (6) de śog | de dag gis smras pa | ’phags pa dag ci lags khyi daṅ | spre’u daṅ | be’u daṅ | phyi rgan du ñal ba daṅ | gog pa daṅ | khye’u ’di dag ma mchis sam | sriṅ mo dag kho bo cag skyes pa ’di lta bu daṅ chos mi ston te | khyed cag la skyes pa ’di lta bu (7) daṅ chos ston par byed pa de su yin | de dag gis smras pa | ’phags pa drug sde dag go || de kho na’i phyir de dag gi gnas skabs de ’dra’o źes zer ba’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | (258a1) rig pa’i skyes pa bźag ste ci ’dod par chos bstan par bya’o || bcom ldan ’das kyis bud med kyi yul la tshig lṅa’am drug gis chos bstan par bya’o źes bka’ stsal nas | drug sde dag tshig lṅas chos ston pa na bsams bźin du (2) tshig drug pa la ’jug par byed ciṅ | tshig drug gis chos ston pa na yaṅ bsams bźin du tshig bdun pa la ’jug par byed nas dge sloṅ rnams kyis de dag la smras pa | tshe daṅ ldan pa dag bcom ldan ’das kyis tshig lṅa’am drug gis chos bstan par bya’o źes (3) bka’ stsal na | khyed cag tshig lṅas chos ston pa na bsams bźin du tshig drug pa la ’jug par byed ciṅ | tshig drug gis chos ston pa na yaṅ bsam bźin du tshig bdun pa la ’jug par byed dam | de dag gis smras pa | tshe daṅ ldan pa dag gaṅ la tshig lṅa (4) pa ruṅ ba de la tshig drug pa yaṅ ruṅ la | gaṅ la tshig drug pa ruṅ ba de la tshig bdun pa yaṅ ruṅ ste | tshig drug pa daṅ | bdun pas kun doṅ zos sam | chaṅ ’thuṅs sam | ji na dmigs kyis dgag par bya | dge sloṅ don ñuṅ ṅu dag bcom ldan ’das (5) kyis bud med kyi yul la tshig lṅa’am | drug gis chos bstan par bya’o źes bka’ stsal nas | ci’i phyir dge sloṅ dag tshig lṅas chos ston pa na bsams bźin du tshig drug pa la ’jug par byed ciṅ | tshig drug gis chos ston pa na yaṅ bsams bźin du tshig (6) bdun pa la ’jug par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi daṅ | skabs ’di la dge sloṅ gi dge ’dun (7) bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ drug sde dag la rmas pa | dge sloṅ dgaṅs (258b1) bud med kyi yul la tshig lṅa’am | drug gis chos bstan par bya’o źes bstan na | khyed tshig lṅas chos ston pa na bsams bźin du tshig drug pa la ’jug par byed ciṅ | tshig drug gis chos ston pa na yaṅ bsam bźin du tshig bdun pa la ’jug pa bden (2) nam | btsun ba mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas (3) bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs (4) pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ bud med kyi yul la tshig lṅa’am drug las lhag pa’i chos ston na | rig pa’i skyes pa ma gtogs te ltuṅ byed do || yaṅ dge sloṅ gaṅ (5) źes bya ba ni drug sde’am | gźan yaṅ de lta bu gaṅ yin pa’o || bud med kyi yul la źes bya ba ni bud med dam | gźon nu ma legs par smras pa daṅ | ñes par smras pa’i chos rnams kyi don kun du śes par nus pa la’o || tshig lṅa’am drug las lhag par (6) źes bya ba ni tshig lṅas chos ston pa na bsams bźin du tshig drug pa la thal bar byed pa daṅ | tshi ga drug gis chos ston pa na yaṅ bsams bźin du tshig bdun pa la thal bar byed pa’o || chos źes bya ba ni saṅs rgyas kyis gsuṅs pa’am | saṅs rgyas (7) kyi ñan thos kyis bśad pa’o || ston na źes bya ba ni ’chad na’o || rig pa’i skyes pa ma gtogs te źes bya ba ni rig pa’i skyes pa bźag ste’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | (259a1) log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar (2) ’gyur źe na | dge sloṅ steṅ gi khaṅ thog tu bud med kyi yul la chos ston par byed na | des tshig lṅa’am | drug gis chos bstan par bya ste | dge sloṅ gis tshig lṅas chos ston pa na bsams bźin du tshig drug pa la thal bar byed na ltuṅ byed du ’gyur ro || tshig drug (3) gis chos ston pa na bsams bźin du tshig bdun pa la thal bar byed na ltuṅ byed du ’gyur ro || chos bstan nas khaṅ thog bar mar źugs pa na de’i phyi bźin ’oṅ źiṅ ’phags pa chos bstan du gsol źes zer na de la sriṅ mo khyod la chos bstan zin to źes byas (4) nas | ’phags pa ’dir yaṅ chos bstan du gsol źes zer na der yaṅ tshig lṅa’am drug gis chos bstan par bya ste | dge sloṅ gis tshig lṅas chos ston pa na bsams bźin du tshig drug pa la thal bar byed na ltuṅ byed du ’gyur ro || tshig drug gis (5) chos ston pa na bsams bźin du tshig bdun pa la thal bar byed na ltuṅ byed du ’gyur ro || ’og gźi’i sa daṅ | sgo khaṅ daṅ | baṅ rim gyi bar du yaṅ de bźin du sbyar ro || bud med kyi yul mkhas pa’i raṅ bźin can gyis goṅ nas goṅ du dris pa (6) gtan la dbab pa byas pa daṅ | slob gñer gsod pa daṅ | kha ton źu ba daṅ | dmigs kyis ’dri ba daṅ | dus khrims dpog pa daṅ | yon bśad pa byed pa la ltuṅ ba med do || dge sloṅ gis ji tsam ’dod pa bkag pa daṅ | ldab ldib can daṅ | smra ba (7) myur ba la ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ston pa’i ltuṅ byed de lṅa pa rdzogs s+ho || ||

.