[Pāyantika 9]
saṅs (3) rgyas bcom ldan ’das rgyal po’i khab na ’od ma’i tshal ka lan da ka’i gnas na bźugs so || gaṅ gi tshe tshe daṅ ldan pa gyad bu nor gnas mal ’bog pa daṅ | zas la sko bar bskos pa de tshe na de dad pa daṅ ldan źiṅ bzaṅ la dge ba’i bsam pa can yin pas (4) dge ’dun la chos daṅ ldan pas źal te byed pa’i las la brtson pa yin la | des saṅs rgyas sam | chos sam | dge ’dun nam | yid du ’thad pa’i dge sloṅ rnams lam phul ba’am | yoṅs su ma btaṅ ba ci yaṅ med de | des de ltar phul źiṅ yoṅs (5) su btaṅ bas chos gos gsum ṅan ciṅ snam sbyar yaṅ yoṅs su rñiṅs nas dge sloṅ rnams kyis smras pa | tshe daṅ ldan pa dag tshe daṅ ldan pa gyad bu nor ’di dad pa daṅ ldan źiṅ bzaṅ la dge ba’i bsam pa can yin pas dge ’dun la chos daṅ ldan pas źal ta byed pa’i las (6) la brtson pa yin la | des saṅs rgyas sam | chos sam | dge ’dun nam | yid du ’thad pa’i dge sloṅ rnams la ma phul ba’am | yoṅs su ma btaṅ ba ci yaṅ med de | des de ltar phul źiṅ yoṅs su btaṅ bas chos gos gsum ṅan ciṅ snam sbyar yaṅ (7) yoṅs su rñiṅs kyis | gal te dge ’dun gyis ras yug chen ’ga’ źig rñed na de tshe daṅ ldan pa gyad bu nor la sbyin par bya’o źes smras nas | dge ’dun gyis kyaṅ ras yug chen rñed pa’i skabs de dge sloṅ rnams kyis bcom ldan ’das gsol pa daṅ | bcom (275a1) ldan ’das kyis bka’ stsal pa | gsol ba byas te byin na mi g-yo bar ’gyur ro || ’di ltar bya ste | gnas ma la bśam pa byas nas gaṇ+ḍī de brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad (2) ’dug ciṅ mthun par gyur pa la dge sloṅ cig gis gsol ba bya ste | dge ’dun btsun pa rnams gsan du gsol | tshe daṅ ldan pa gyad bu nor ’di ni dad pa daṅ ldan źiṅ bzaṅ la dge ba’i bsam pa can de dge ’dun la yaṅ chos kyis źal ta bgyid pa’i las (3) la brtson pa lags la | des saṅs rgyas sam | chos sam | dge ’dun nam | yid du ’thad pa’i dge sloṅ rnams la ma phul ba’am | yoṅs su ma btaṅ ba ci yaṅ ma mchis te | des de ltar phul źiṅ yoṅs su btaṅ bas chos gos gsum (4) ṅan ciṅ snam sbyar yaṅ yoṅs su rñiṅs la dge ’dun la ni ras yug chen ’byor bar mṅa’ na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig daṅ dge ’dun gyis tshe daṅ ldan pa gyad bu nor la ras yug chen stsol to || (5) ’di ni gsol ba’o || phyis dge ’dun gyis de la ras yug chen byin pa daṅ | dge sloṅ mdza’ bo daṅ | sa las skyes gñis tshe daṅ ldan pa gyad bu nor daṅ tshe rabs tshe rabs nas rjes su ’brel pa’i khon yod pas de gñis dge sloṅ rnams kyi mdun na tshe daṅ ldan (6) pa dag ’di ltar dge ’dun gyi rñed pa rñed do cog gcig gis gaṅ zag la yoṅs su sṅo bar byed na | dge ’dun gyis rñed pa ’grub par ga la ’gyur źes smod par byed nas dge sloṅ rnams kyis de gñis la smras pa | tshe daṅ ldan pa gñis khyed gñis der (7) ma ’dus sam | ’dus so || ’o na ci’i phyir smod par byed | de gñis kyis smras pa | ci kho bo cag gñis ’dur yaṅ mi gnaṅ ṅam | dge sloṅ don ñuṅ du dag ci’i phyir dge sloṅ dag sṅar legs par ruṅ bar byas nas | de’i ’og tu ’di skad ces (275b1) tshe daṅ ldan pa dag gis ’di ltar bśes ṅor byas te dge ’dun gyi rñed par bsṅos pa bdag gi gaṅ zag la bsṅos źes zer źiṅ smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la (2) gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par (3) mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ mdza’ bo daṅ | sa las skyes gñis la rmas pa | dge sloṅ gñis khyed gñis kyis sṅar legs par ruṅ bar byas nas de’i ’og tu ’di skad ces tshe daṅ ldan (4) pa dag gis ’di ltar bśes ṅor byas te dge ’dun gyi rñed par bsṅos pa bdag gis gaṅ zag la bsṅos so źes smras pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | (5) ruṅ ba ma yin pa | tshul daṅ mthun pa ma yin pa | de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag (6) de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i bźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge (7) sloṅ gaṅ sṅar legs par ruṅ bar byas nas | de’i ’og tu ’di skad ces tshe daṅ ldan pa dag gis ’di ltar bśes ṅor byas te dge ’dun gyi rñed par bsṅos pa bdag gi gaṅ zag la bsṅos so źes zer na ltuṅ byed do || yaṅ dge sloṅ gaṅ źes bya (276a1) ba ni mdza’ bo dṅas las skyes sam | gźan yaṅ de lta bu gaṅ yin pa’o || sṅar legs par ruṅ bar byas nas źes bya ba ni sṅar dad pa phul nas so || de’i ’og tu źes bya ba ni dus gźan na’o || ’di skad ces źes bya ba ni ’di (2) skad ces zer na’o || tshe daṅ ldan pa dag gis ’di ltar bśes ṅor byas te źes bya ba la | dge sloṅ gi bśes pa gaṅ źe na | mkhan po’i ni lhan cig gnas pa’o || lhan cig gnas pa’i ni mkhan po’o || slob dpon gyi ni ñes gnas so || (3) ñe gnas kyi ni slob dpon no || mkhan po gcig pa’i ni mkhan po gcig pa’o || slob dpon gcig pa’i ni slob dpon gcig pa’o || mdza’ bo’i ni mdza’ bo’o || dge ’dun gyi źes bya ba ni de bźin gśegs pa’i ñan thos kyi dge ’dun gyi’o || (4) rñed pa źes bya ba la rñed pa ni gñis te | gos kyi rñed pa daṅ | zas kyi rñed pa ste | don ’dir ni gos kyi rñed pa yin par dgoṅs so || bsṅos pa źes bya ba ni dge ’dun gyi naṅ du grub pa’o || bdag gi gaṅ zag la bsṅos so źes bya ba ni bdag gi don (5) du’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags (6) śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam du cuṅ zad sṅar mthun źiṅ duṅ bar byas nas de’i ’og tu ’di skad ces tshe daṅ ldan pa (7) dag gis ’di ltar bśes ṅor byas te dge ’dun gyi rñed par bsṅos pa bdag gi gaṅ zag la bsṅos so źes zer na thams cad du ltuṅ byed du ’gyur ro || bśes ṅor byas te dge ’dun gyi rñed par bsṅos pa bdag gi gaṅ zag la bsṅos pa bden na ltuṅ ba med (276b1) do || las daṅ bo pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || skur ba ’debs pa’i ltuṅ byed de dgu pa rdzogs s+ho || ||

.