[Pāyantika 20]
(5) saṅs rgyas bcom ldan ’das kau śām+bī na gdaṅs can gyi kun dga’ ba na bźugs so || drug sde dag gźan gyis byed du bcug pa’i gtsug lag khaṅ dag na gnas śiṅ de dag de dag na gnas pa na dga’ bo ñe dga’ ltos śig | gtsug lag khaṅ ’di ni gyoṅ grugs su gyur pa yin (6) no|| ’di ni gas pa yin no || ’di ni mtshams ñams pa yin no || ’di ni ṅos ñams pa yin no || ’di ni ma mo’i khyim ’dra ba yin no źes ’phya bar byed pa daṅ | dge sloṅ rnams kyis de dag la smras pa | tshe daṅ ldan pa dag khyed cag re źig gźan gyis byed du bcug pa’i (7) gtsug lag khaṅ dag na gnas śiṅ khyed cag gis rdo yaṅ sgreṅ bar mi nus la ’on kyaṅ ’phya bar byed do || de skad ces smras pa daṅ | de dag ṅa rgyal gyis kheṅs par gyur nas phan tshun smras par brtsams pa | dga’ bo ñe dga’ lhuṅ bzed nag po can ’di dag gis bdag (44a1) cag la khyed cag re źig gźan gyis byed du bcug pa’i gtsug lag khaṅ dag na gnas śiṅ khyed cag gis rdo yaṅ sgreṅ bar mi nus la ’on kyaṅ ’phya bar byed drwo źes ha caṅ zil gyis mnan gyis tshug śeg bdag cag gis sṅon lhuṅ bzed nag po can gaṅ gis (2) kyaṅ byed du ma bcug pa’i gtsug lag khaṅ ci ’dra ba’i gtsug lag khaṅ byed du gźug go || gal te bdag cag thams cad la gi bla la brtson par gyur na lhuṅ bzed nag po can dag rtag pa kho nar bdag cag la skabs tshol bas de dag gis drug sde dag thams cad lag gi bla la źugs so | (3) źes skabs rñed par ’gyur la | bdag cag gi sloṅ mo’i khyim gaṅ dag yin pa de dag tu yaṅ brel bdag gi naṅ na mkhas pa | spyod pa gsal ba || bab gźug par gtun bu ’jud pa gaṅ yin pa de’i (4) gan du bdag cag de’i gan du doṅ la spro ba bskyed par bya gor ma chag na | de’i phyir bdag bdag cag gi naṅ na mkhas pa | spyod pa gsal ba | bab gźug par gtun bu ’jud par nus pa gaṅ yin pa | bdag cag gis naṅ na tshe daṅ ldan pa ’dun ba mkhas pa | spyod pa gsal ba | bab gźug par (5) gtun bu ’jud nus pa yin gyis bdag cag de’i gan du doṅ la spro ba skyed par bya’o || źes de dag ’dun pa’i gan du doṅ ste smras pa | tshe daṅ ldan pa ’dun pa lhuṅ bzed nag po can ’di dag gis bdag cag la re źig gźan gyis byed du bcug pa’i gtsug lag khaṅ dag na gnas śiṅ khyed (6) cag gis rdo yaṅ sgreṅ bar mi nus la ’on kyaṅ ’phya bar byed do || źes ha caṅ zil gyis mnan nas kho bo cag ’di sñam du sems te | lhuṅ bzed nag po can ’di dag gis bdag cag la khyed cag re źig gźan gyis byed du bcug pa’i gtsug lag khaṅ dag na gnas śiṅ khyed cag gis rdo yaṅ sgred (7) bar mi nus la ’on kyaṅ ’phya bar byed do źes ha caṅ zil gyis mnan gyis tshur śeg bdag cag gis sṅon lhuṅ bzed nag po can gaṅ dag gis kyaṅ byed du ma bcug pa’i gtsug lag khaṅ ci ’dra bde ’dra ba’i gtsug lag khaṅ byed du gźug go || gal te bdag cag thams cad lag gi bla la brtson (44b1) bar gyur na lhuṅ bzed nag po can dag rtag pa kho nar bdag cag la skabs tshor bas de dag gis drug sde dag thams sacada la gi bla la źugs so źes skabs rñed par yaṅ ’gyur la | bdag cag gi sloṅ mo’i khyim gaṅ dag yin pa de dag tu yaṅ brel ba dag gi skyon brjod nas rjes su ’jug (2) bar byed par ’gyur gyis | bdag cag gis bdag gi naṅ na mkhas pa | spyod pa gsal ba || bab gźug par gtun bu ’jud nus pa gaṅ yin pa de’i gan du bdag cag doṅ la spro ba bskyed par bya gor ma chag na | de’i phyir bdag cag gi naṅ na mkhas pa | spyod pa gsal (3) pa|| bab gźug par gtun bu ’jud nus pa gaṅ yin | bdag cag gi naṅ na tshe daṅ ldan pa ’dun pa mkhas pa | spyod pa gsal ba || bab gźug par gtun bu ’jud nus pa yin gyis bdag cag de’i gan du doṅ la spro ba bskyed par bya’o sñam nas | bdag cag gis tshe (4) daṅ ldan pa gtsug lag khaṅ gi phyir spro bar bya źiṅ khyod la gsol ba ’des kyis lhuṅ bzed nag pa can dag yan lag ’dis zil gyis non par gyis śig | ’dun pas smras pa | thabs yin gyis de ltar ba bya’o || de dag yidadaga’a nas doṅ ṅo || tshe daṅ ldan pa ’dun ba yaṅ (5) gtsug lag khaṅ gi phyi rol du rkaṅ pa gñis bkrus nas gtsug lag khaṅ du źugs te ’dug nas thabs ci yod na des dge ’dun gyi gtsug lag khaṅ ’grub par ’gyur sñam du sems pa la źugs so || des su źig su la mṅon par dad sñam du rnam par dpyad par brtsams pa (6) daṅ | de ’di sñam du sems te | re źig ’jig rten lha daṅ bcas pa ni bcom ldan ’das la mṅon par dad pa yin | khyim che ge mo źig ni tshe daṅ ldan pa kun śes kauṇ+ḍi n+yala | khyim che ge mo źig ga ni tshe daṅ ldan pa ’od sruṅ chen po la | khyim che ge mo źig ni tshe daṅ ldan pa śāri’i (7) bul | khyim che ge mo źig ni tshe daṅ ldan pa maud gal gyi bu chen pos | khyim che ge mo ni tshe daṅ ldan pa ma ’gags pa la | khyim che ge mo źig ni tshe daṅ ldan pa rta thul daṅ | khyim che ge mo źig ni tshe daṅ ldan pa bzaṅ ldan daṅ | khyim che ge mo źig ni tshe daṅ ldan pa rlaṅs pa la | (45a1) khyim che ge mo źig ni tshe daṅ ldan pa miṅ chen la | khyim che ge mo źig ni tshe daṅ ldan pa gaṅ po la | khyim che ge mo źig ni tshe daṅ ldan pa dri ma med pa la | khyim che ge mo źig ni tshe daṅ ldan pa ba laṅ bdag la | khyim che ge mo źig ni tshe daṅ ldan pa kun dga’ bo la | (2) khyim che ge mo źig ni bcom ldan ’das kyi gcuṅ sru’i sras tshe daṅ ldan pa mdzes dga’ la | khyim che ge mo źig ni bcom ldan ’das kyi sras tshe daṅ ldan pa sgra can zin la | khyim che ge mo źig ni tshe daṅ ldan pa gyad bu nor la | khyim che ge mo źig ni tshe daṅ ldan pa dga’ bo la | khyim che ge mo (3) źig ni tshe daṅ ldan pa ñe dga’ la | khyim che ge mo źig ni tshe daṅ ldan pa ’gro mgyogs la | khyim che ge mo źig ni tshe daṅ ldan pa ’char ka la | khyim che ge mo źig ni tshe daṅ ldan pa na ba sol mṅon par dad pa yin pas de’i phyir de dag sbyor du gźug tu ni mi nus kyis | ’di ltar ko.au śām+bīna (4) bram ze phyug pa | nor maṅ ba | loṅs spyod che ba | yoṅs su bzuṅ ba yaṅs śiṅ rgya che ba źig ’dug na de ni ser sna can | mig phra ba | bya rog la yaṅ tor ma mi ster ba | yo byad kun ’dzin ba yin la | del dbyig daṅ | gser maṅ po ba dog pas gal te de rjes su (5) ’jug par byed nus na dge ’dun gyi gtsug lag khaṅ ’grub par ’gyur ro sñam nas | de de ltar sems pa la źugs pas tshegs chen pos nam naṅs par byas nas sṅa dro śam thabs bgos lhuṅ bzed daṅ chos gos thogs te ko.au śām+bīra bsod sñoms la źugs so || khyim gñis (6) sam gsum du bsod sñoms brgyus nas phye ñuṅ śar śig khyer te bram ze de’i khyim du ’jug par brtsams pa daṅ | sgo bas ’phags pa sdod cig | ma ’jug śig ces bgags so || des smras pa | bźin bzaṅs bcom ldan ’das kyis kho bo cag gi spyod yul ma yin pa (7) ni rnam pa lṅa gsuṅs te | rol mo mkhan gyi gnas daṅ | ’jud mthun ma’i gnas daṅ | chaṅ pa’i gnas daṅ | dgol ba’i gnas daṅ | rgyal po’i pho braṅ yin na ci khyim ’di rol mo mkhan gyi gnas yin nam | ’on te ’jud mthun ma’i gnas sam | chad pa’i gnas (45b1) sam | gdol ba’i gnas sam | rgyal po’i pho braṅ yin nam ci na de’i phyir kho bo ’gog par byed | sgo bas smras pa | ’phags pa khyod maṅ du bkyon par gyur mod kyi ’di ni rol mo mkhan gyi gnas kyaṅ ma lags | ’jud mthun pa’i gnas daṅ | chaṅ pa’i gnas (2) daṅ | gdol pa’i gnas daṅ | rgyal po’i pho braṅ yaṅ ma lags te | ’di ltar ’di ni bram ze che ge mo źig gi khyim lags so || ’dun pas bsams pa | gaṅ du re źig ṅo srad pa yaṅ med pa der gźan ci źig yod par ’gyur sñam nas | de de ltar sgor bgags te (3) sems khoṅ du chud ciṅ ’dug pa na khyim bdag cig gi bu byuṅ ba der bcu gñis ’dus pa’i dga’ ’dun gar daṅ | glu daṅ sil sñan gyis źugs pa daṅ | sgo ba des de dag la te phor brtag par brtsams te | sgo la mi lta ba’i tshe tshe daṅ ldan pa ’jug pa thob ste źugs nas de’i spyod (4) lam gyis ’dod chags daṅ bral ba’i sa sbyoṅ bar byed pa de bram ze des mthoṅ nas smras pa | btsun pa ’dun pa byon pa legs so || gdan ’di la bźugs śig | ’dun pa don yod pas ’dug pa daṅ | gtam gyi skabs ma rñed nas ’dun pas smras pa | bram ze kho bos bsod (5) sñoms kyi phye ñuṅ śas śig rñed pa ’di ’tshag tu chug ste byin cig | bram zes bu mo la bsgo ba | bu mo ’phags pa’i bsod sñoms kyi phye tshogs te tshul cig | bu mo des btsag par brtsams pa daṅ | tshe daṅ ldan pa ’dun pas phye la brtag par brtsams so || bram zes smras (6) ba | ’phaṅs pa ci rtog | srog chags so || gal te mchis na ji ltar bgyi | bza’ bar mi bya’o || gal te gsol bar gyur na noṅs pa ci mchis | bram ze bcom ldan ’das kyis srog gcod pa kun du bsten ciṅ goms par byas lan maṅ du byas pas lus źig ste śi ba’i (7) ’og tuṅ na ’oṅ daṅ | ṅan ’gro daṅ | log par ltuṅ ba daṅ | sems can dmyal ba rnams su skye bar ’gyur źiṅ | gal te ’di lta bu ñid du mi rnams daṅ skal ba mñam par ’oṅ na yaṅ tshe thuṅ bar ’gyur ro źes gsuṅs so źes bya ba la sogs pa mi dge ba bcu daṅ | dge (46a1) ba bcu’i las kyi lam dag rgyas par brjod pa daṅ | bram ze de mṅon par dad par gyur nas raṅ ñid kyis bza’ ba daṅ bca’ ba gtsaṅ źiṅ bsod par snod bkaṅ ste smras pa | ’phags pa thugs brtse ba’i slad du ’di bźes su gsol | tshe daṅ ldan pa ’dun (2) pas bsams pa | gal te blaṅs par gyur na ’di lta ste | dper na śiṅ las byas pa’i snod du bskol ba daṅ ’dra bar bdag gi daṅ po ’di ñid tha mar ’gyur ro || sñam du rig nas smras pa | bram ze kho bos bsod sñoms kyi phye ñuṅ śas śig rñed pa ’di ñid yoṅs su loṅs spyad par (3) bya’i dad pas sbyin par bya ba blaṅs re dor dug la r-iMṅa | bram zes smras pa | ’phags pa bdag cag bram ze rnams kyi kun du spyod pa ni gal te ṅan pa rñed nas bzaṅ po rñed par gyur na ṅan baspaṅasa te bzaṅ po yoṅs su loṅs spyod par bgyid pa lags nad khyed cag la ci noṅs | bram ze (4) kho bo cag ni bslab pa’i gźi yaṅ dag par blaṅs pa yin la | khyed cag bram ze dag ni bslab pa’i gźi yaṅ dag par blaṅs pa ma yin pas khyed cag bram ze dag ni ci dgar ’ajugapara byed pa yin no || kho bo cag la ni bcom ldan ’das kyis ’phags pa’i rigs bźi bka’ stsal (5) te | bźi gaṅ źe na | chos gos gaṅ yaṅ ruṅ bas chog śes pa ’phags pa’i rigs daṅ | bsod sñoms gaṅ yaṅ ruṅ bas chog śes pa ’phags pa’i rigs daṅ | gnas mal gaṅ yaṅ ruṅ bas chog śes pa ’phaṅs pa’i rigs daṅ | spoṅ ba la dga’ ba daṅ sgom pa (6) la dga’ ba ’phags pa’i rigs so | bram ze de śin tu mṅon par dad par gyur nas smras pa | ’phags pa ’di ni khyod kyi khab lags kyis dus daṅ dus su gśegs su gsol | bram ze khyod kyi sgo ba ’di ni gśin rje’i dbyug pa daṅ ’dra ba yin pasasu yaṅ ’jug tu mi ster gyis legs (7) par sgo bgyis śig daṅ | des na kho bo la ’gog par mi byed do || bram zes sgo ba bkug ste legs par sgo ba | kwa’e naṅ rje khyim ’di ’phags pa ’dun pa’i yin gyis khyod kyis ma bgags sa śig || naṅ mi la yaṅ sgo ba | khyed cag gis ’aṅapasa pa ’dun pa la mi gus (46b1) par mi bya’o || tshe daṅ ldan+pa mdun pas bsams pa | rbam ze ’di ni mṅon par dad par gyur na | ’on kyaṅ gal te ’dir lhuṅ bzed nag po can ’jug par gyur na des ’di ci nas kyaṅ ’khrug par byed par ’gyur bas thabs kyi rnam pa źig bya’o sñam nas ’dun pas sgo ba de (2) la smras pa | kwa’i naṅ rje khyod kyis bram ze de ji ltar kho bo la mṅon par dad par gyur pa mthoṅ ṅam | ’phags pa mthoṅ ṅo | des kho bo ’ba’ źig ’dir ’jug tu gnaṅ gis lhuṅ bzed nag po can gźan su yaṅ ’jug tu ma gźug śig | gal te ’dir lhuṅ bzed nag po (3) can ’ga’ źig ’jug tu bcug na kho bos khyod la khrims chen po ’char gźugs par bya’o || ’phags pa śin tu bag yaṅs su bźud cig | khyod ñid kyaṅ re źig de’u ma chud pa lags na lhuṅ bzed nag po can gźan ’jug par ’gyur pa lta smos kyaṅ ci ’tshal | tshe daṅ ldan (4) pa ’dun pa yid bde ba skyes te soṅ nas de dus daṅ dus su bram ze de’i khyim du ’gro bar byed do || bram zes kyaṅ de kho na bźin du yaṅ daṅ yaṅ du stobs par byed pa na | tshe daṅ ldan pa ’dun pas daṅ du len par mi byed par sbyin pa daṅ ldan pa’i chos bstan pa ’ba’ źig byas (5) śiṅ ’gro bar byed do || ’dul ba rnam par ’byed pa | bam po bźi bcu rtsa drug pa | ji tsam dus gźan źig na tshe daṅ ldan pa ’dun pas bram ze de la rdzas las byuṅ ba’i bsod nams bya ba’i gźi bdun po dag gi bsṅags pa brjod ciṅ de dag rgya cher legs (6) par bśad pa daṅ | bram zes smras pa | ’phags pa bdag gis kyaṅ rdzas las byuṅ ba’i bsod nams bya ba’i gźi ’ga’ źig bgyi’o || bram ze de bźin gis śig | ’phaṅs pa ci źig bgyi | dge ’dun gyi gtsug lag khaṅ byed du chug śig | bram zes bsams (7) pa | bdag gis ’aṅapasa pa ’dun pa la rnam pa du mar bstabs na ’dir lan ’aga’aga yaṅ daṅ du ma blaṅs te da daṅ du blaṅs pa gaṅ yin pa ’di yaṅ dge ’dun gyi phyir ro sñam nas de ṅo mtshar skyes te smras pa | btsun pa bdag la kār ṣā pa ṇa dag ni mchis na bsod nams kyi grogs ma mchis so || (47a1) kho bos khyod kyis bsod nams kyi grogs byas ’di ltar khyod kyis kho bo dge ’dun gyis lag gi blar skor chug śig khyim bdag de gtsug lag khaṅ du soṅ ste rgan pa’i mtha’ logs su ’dug nasama smras pa | ’phags pa dag ’phaṅs ’dun pa ’di bdag gi gtsu (2) lag khaṅ bgyid du stsol par ’tshal na de’i slad du ’phags pa’i dge ’dun gyis bdag la thugs brtse ba’i slad du ’phags pa ’dun pa bdag gi gtsug lag khaṅ bgyid pa’i lag gi blar bskor gsol | de na dge ’dun gyi naṅ na tshe daṅ ldan pa śā ri’i bu dge ’dun gyi gnas brtan byed pa des (3) bsams pa | drug sde dag las su ma bskos na yaṅ dge sloṅ dag la mtho ’tsham par byed na gal te lag gi blar bskos par gyur na rgya cher dge sloṅ rnams la mtsho ’tsham par par ’gyur ro sñam nas tshe daṅ ldan pa śā ri’i bus ’dun pa la smras pa | tshe daṅ ldan pa ’dun pa gaṅ gi tshe kho bos rgyal (4) byed kyi tshal rtsi gtu bcug pa de’i tshe na yaṅ kho bo sus kyaṅ lag gi blar ma bskos so || gaṅ gi tshe tshe daṅ ldan pa skul byed chen pos gdaṅs can gyi kun dga’ ra ba rtsig tu bcug pa de’i tshe na yaṅ de sus kyaṅ lag gi blar ma bskos so || khyod kyaṅ gal te gtsug lag khaṅ byed du ’jud (5) par ’dod nam bskos pa ñid du byed du chug śig | tshe daṅ ldan pa ’dun pas bsams pa | lhuṅ bzed nag po can dag bdag cag mthoṅ bar yaṅ mi dga’ na lag gi blar bskor ster bar lha ga la ’gyur sñam nas | de bram ze de’i gan du soṅ ste | kār ṣā ba ṇa dag blaṅs nas so (6) phag mkhan dag gi gan du soṅ ste smras pa | bźin bzaṅs dag khyed kyis ñi ma gcig kho nas gtsug lag khaṅ sum rtseg gi so phag sbyin par nus sam | de dag gis smras pa | ’phaṅs pa kār ṣā pa ṇa dag stsol cig daṅ log ste dbul bar bgyi’o || des de dag la kār ṣā pa ṇa dag byin (7) no|| ’dun pa phya mkhan dag gi gan du soṅ ste smras pa | bźin bzaṅs dag khyed kyis ñi ma gcig kho nas gtsug lag khaṅ sum rtse gzin par nus sam | ’phags pa kār ṣā pa ṇa dag stsol cig daṅ log ste legs par bgyi’o || ṅes de dag la kār ṣā pa ṇa dag byin no || (47b1) ’dun pa śiṅ mkhan dag gi gan du soṅ ste smras pa | bźin bzaṅs dag khyed kyis ñi ma gcig kho nas gtsug lag khaṅ sum rtseg gi śiṅ dag ’jog nus sam | ’phags pa kār ṣā pa ṇa dag stsol cig daṅ log ste gźog par bgyi’o || des de dag la kār ṣā pa ṇa dag byin no || ’dun (2) pa źal źal mkhan dag gi gan du soṅ ste smras pa | bźin bzaṅs dag khyed kyis ñi ma gcig kho nas gtsug lag khaṅ sum rtseg źal źal skud nus sam | ’phags pa kār ṣā ṇa dag stsol cig daṅ log ste bsku bar bgyi’o || des de dag la kār ṣā pa ṇa dag byin no || ’dun pa (3) ri mo mkhan dag gi gan du soṅ ste smras pa | bźin bzaṅs dag khyed kyis ñi ma gcig kho nas gtsug lag khaṅ sum rtseg ri mo bri bar nus sam | ’phags pa kār ṣā pa ṇa dag byin no || ’dun pa (4) dag tu soṅ ste | gla mi maṅ po bkug nas gtsug lag khaṅ du ’oṅs te | des ñi ma gcig kho nas gtsug lag khaṅ sum rtseg zin par byas so || des de la sgo’i sbubs kyi gnas daṅ | gtan pa’i gnas daṅ | skar khuṅ daṅ | chu khuṅ gi gnas dag kyaṅ ma bźag (5) par de bźin kho nar spyad ’dra bar brtsigs so || de bram ze de’i gan ṅu soṅ ste smras pa | bram ze khyod kyi gtsug lag khaṅ zin gyis tshur śog | dge ’dun la phul cig | bram zes smras pa | ’phags deṅ bdag gis źal zas sta go nam bgyis kyis saṅ bdag gis (6) źal zas sta gon bgyis te mchi’o || bcom ldan ’das kyis dgoṅs pa | gtsug lag khaṅ ’di deṅ ñid du rtsib par ’gyur te | gal te yoṅs su ma spyad pa kho nar rdib par gyur na bram ze ’di khrag tsha ba skyugs te dus byed par ’gyur ba gaṅ yin pa de lta bu’i gnas yod par ’gyur ro sñam du (7) dgoṅs nas | de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la dge sloṅ rnams la ’di skad ces ṅas dge sloṅ dag khyed dge ba ma spyo mas pa daṅ | sdig pa bśags par gyis śig ces bstan mod kyi ’on kyaṅ khyed cag las (48a1) gaṅ gis gnas pa gaṅ gis sñoms par ’jug pa thob pa des gnas pa de’i sñoms par ’jug pa des bram ze de’i gtsug lag khaṅ du mtshan mo’i thun daṅ po ’da’ bar gyis śig ces sgo śig | tshe daṅ ldan pa kun dga’ bos btsun pa bka’ bźin ’tshal (2) źes bcom ldan ’das las mñan nas dge sloṅ rnams la smras pa | tshe daṅ ldan pa dag bcom ldan ’das kyis bka’ stsal pa | ṅas dge sloṅ dag khyed dge ba mi spyo mas pa daṅ | sdig pa bśags par gyis śig ces bstan mod kyi ’on kyaṅ khyed cad las gaṅ gis gnas (3) pa gaṅ gis sñoms par ’jug pa thob pa des gnas pa de’i sñoms par ’jug pa des bram ze ’di’i gtsug lag khaṅ du mtshan mo’i thun daṅ po ’da’ bar byas so || de nas bcom ldan ’das mtshan mo’i guṅ thun la der gśegs nas bcom ldan ’das kyis ’jig (4) las mñan nas gaṅ gis gnas pa gaṅ gis sñoms par ’jug pa thob pa des gnas pa’i sñoms par ’jug pa des bram ze de’i gtsug lag khaṅ du mtshan mo’i thun daṅ po ’da’ bar byas so || de nas bcom ldan ’das matshanamo’i guṅ thun la der gśegs nas bcom ldan ’das kyis ’jig (5) rten pa’i thugs bskyed par pa mdzad do || saṅs rgyas bcom ldan ’das rnams kyi chos ñid ni gal te ’jig rten pa’i thugs skyed par mdzad na ni than srog chags grog sbrur gyis kyaṅ bcom ldan ’das kyi thugs sems kyis śes la | ji ste ’jig rten las ’das pa’i (6) thugs skyed par mdzad na ni raṅ saṅs rgyas rnams kyis kyaṅ bcom ldan ’das kyi thugs sems kyis mi śes na ñan thos la sogs pas lta smos kyaṅ ci dgos | de nas tshaṅs pa daṅ | brgya byin la sogs pa lha rnams ’di sñam du sems te | ci ’a sled du bcom ldan ’das (7) kyis ’jig rten pa’i thugs bskyed pa mdzad sñam pa daṅ | bcom ldan ’das bram ze de’i gtsug lag khaṅ du mtshan mo’i guṅ thun la lha rnams la chos ston par bźed par mthoṅ ṅo || de nas brgya byin daṅ | tshaṅs pa la sogs pa lha rnams kyis bcom ldan ’das kyi thugs (48b1) sems kyis śes nas ’di lta ste | dper na skyes bu’i lag pa bskum pa las rkyoṅ pa ’am | brgyaṅ ba las skum par byed pa de bźin du tshags pa daṅ | brgya byin la sogs pa lha rnams pa lha rnams lha’i ’jig rten nas mi snaṅ bar gyur te | bcom ldan ’das kyi spyan sṅar (2) ltags nas bcom ldan ’das kyi źabs gñis la mgo bos phyag ’tshal te mtha’ gcig tu ’khod do || bcom ldan ’das kyis kyaṅ de dag la chos bstan pa mdzad nas de dag gis | bcom ldan ’das kyis bka’ stsal pa la mṅon par dga’ ba daṅ rjes su yi raṅ ba byas te | (3) bcom ldan ’das kyi źabs gñis lam mgo bos phyag te de ñid du mi snaṅ bar gyur to || bcom ldan ’das kyaṅ der mtshan mo’i guṅ thun ’da’ bar mdzad nas gśegs so || mtshan mo’i thun tha ma la sprin kha dog lṅa pa ’dus nas des gtsug lag khaṅ der ji tsam du dper na (4) spyad chus gaṅ bar gyur pa bźin du chus gaṅ bar gyur pa de tsam gyi char phab nas chu des ci nas kyaṅ gtsug lag khaṅ de thams cad rdib par gyur pa de tsam du ba ṅas par gyur to || drug sde dag gis de ltar gtsug lag khaṅ de thams cad rdib par gyur to źes thos so || thos nas kyaṅ de dag (5) skrag ste bros so || bram ze des kyaṅ phyi de ñin bar bca’ ba daṅ bza’ ba gtsaṅ źiṅ bsod pas śiṅ rta bkaṅ ste gtsug lag khaṅ du ’oṅs nas des dge sloṅ rnams la dris pa | ’phags pa dag bdag gi gtsug lag khaṅ de gaṅ lags | de na rgan źugs drug sde dag daṅ (6) kho na yod pa źig ’dug pas smras pa | bram ze khyed kyi gtsug lag khaṅ de ni rṅa mo skyes ba bźin du ’dug pa ’di yin gyis | ci nas kyaṅ skyes kyis dpral ba mi bcom pa de ltar bag gis la ’dir źugs śig | bram ze des smras pa | bdag gis gtsug lag khaṅ (7) la nor gyi phuṅ po ’di sñed cig yoṅs su btaṅ na gtsug lag khaṅ de yaṅ yoṅs sum spyad pa kho nar rdib po źes rigs nas brgyal tes la ’gyel to || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la bram ze de la ’di skad ces (49a1) lha daṅ mi maṅ po dag gis de bźin gśegs pa la bsṅos te gtsug lag khaṅ dag byed du bcug pa de dag ni de bźin gśegs pas yoṅs su ma spyad kyis | khyod kyi gtsug lag khaṅ gaṅ yin pa ’di ni dge slog gnas brtan gnas brtan dag gis mtshan (2) mo’i thun daṅ po la yoṅs su spyad ciṅ | bcom ldan ’das brgya byin daṅ tshaṅs pa la sogs pa lha rnams daṅ bcas pas kyaṅ mtshan mo’i guṅ thun la yoṅs su spyad pas khyod kyis ni rñed pa legs par rñed do źes gyis śig | tshe daṅ ldan pa kun dga’ bos btsun pa bka’ bźin ’tshal (3) źes bcom ldan ’das las mñan nas ze de ga la der soṅ ste phyin nas bram ze de la ’di skad ces smras so || bram ze bcom ldan ’das kyis bka’ stsal pa | lha daṅ mi maṅ po dag gis de bźin gśegs pa la bsṅos te gtsug lag khaṅ dag byed du bcug pa de dag ni de (4) bźin gśegs pas yoṅs su ma spyad kyis | khyod kyi gtsug lag khaṅ ’di ni dge sloṅ gnas brtan dag gis mtshan mo’i thun daṅ po la yoṅs su spyad ciṅ | bcom ldan ’das daṅ brgya byin daṅ | tshaṅs pa la sogs pa lha rnams daṅ bcas pas kyaṅ mtshan mo’i (5) guṅ thun la yoṅs su spyad ṅas kyod kyis ni rñed pa legs par rned do źes byuṅ ṅo || btsun pa kun dga’ bo bdag gis gtsug lag khaṅ bcom ldan ’das kyis yoṅasasu spyad dam | bram ze yoṅs su spyad do || btsun pa kun dga’ bo gal te bdag gi gtsug lag khaṅ (6) bcom ldan ’das kyis yoṅs su spyad na bdag bcom ldan ’das kyi slad du gduṅs re reźiṅa gtsug lag khaṅ ’di lta bu śa stag bgyid du stsol bar yaṅ spro’o || bdag gis dge ba’i bśes de dag gar mchis | drug sde dag gis bram ze de de ltar bdag cag ’di’o źes (7) thos so || thos nas kyaṅ ba myur bar lhags pa daṅ | bram ze des dag la ras yug chen sar pa re re bskon ciṅ yo byad thams cad kyis kyaṅ bstabs so || dge sloṅ rnams kyis de dgal drugasde dag gis gtsug lag khaṅ ’di ’dra ba byed du bcug go źes smras pa (49b1) daṅ | drug sde dag ges smras pa | kho bo cag gis de ltar bram ze de’i nor de rñed chud zos par gyur du zin kyaṅ ’on kyaṅ des ko bo cag la ras yug chen sar pa re re bskon ciṅ yo byad thams cad kyis kyaṅ bstabs pa de ltar kho bo cag gis bram ze de mṅon par dad par byas (2) so|| dge sloṅ don ñuṅ du dag ci’i phyir dge sloṅ dag yan lag gaṅ gis ṅo tsha bar bya ba’i yan lag de ñid kyis rlob par byed ces smod par byed phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’as la gsol to || de nas bcom ldan (3) ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs (4) rgyas bcom ldan ’das kyis drug sde dag la rmas pa | dge sloṅ dag khyed kyis mi mdzes pa de lta bu de byas par gyur pa bden nam | btsun pa med do || saṅs rgyas bcom ldan ’das kyis mi mdzes so || źes rnam par smad pa mdzad do | de nas bcom ldan ’das kyis (5) rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul pa la ñan thos rnams kyi bslab pa’i gźi bca’ bar bya ste źes bya ba la śes bya ba la sogs pa sṅa ma baźinano || ṅa’i ñan thos rnams kyis (6) ’dul ba la bslab pa’i gźi ’di ltar gdon par bya ste | dge sloṅ gis gtsug lag khag chen po źig rtsig tu ’jud na sgo’i sbubs daṅ | gtan pa daṅ snaṅ ba’i gnas ji tsam pa’i ’du śes kyis sa brtag pa nas bzuṅ ste pha gu’i rim pa ’dzim pa daṅ bcas pa gñis sam | (7) gsum brtsig par bya’o || de las lhag par brtsigs na lhuṅ byed do || dge sloṅ gis źes bya ba ni drug sde ’am | gźan yaṅ de lta bu gaṅ yin pas so || gtsug lag khaṅ źes bya ba ni gaṅ du spyod lam bźi po ’gro ba daṅ | ’greṅ pa daṅ | ’dug pa daṅ | ñal ba (50a1) dag byaṅ ruṅ ba’o || chen po źes bya ba ni chen po gñis te | sbyin par bya ba las daṅ | tshad las te don ’dir ni gñi ga yin par dgoṅs so || rtsig tu ’jud na źes bya ba ni bdag ñid kyis sam gźan no || sgo’i sbubs daṅ gtan pa źes bya ba ni sgo’i (2) sbubs daṅ | gtan pa gźug par bya’o || snaṅ ba’i gnas ji tsam pa’i ’du śes kyis źes bya ba ni skar khur dag daṅ chu chuṅ gi gnas ji tsam gdod par bya ba’i ’du śes kyis so || sa brtag pa nas bzuṅ ste pha gu’i rim pa ’jim pa daṅ bcas pa gñis sam | gsum (3) źes bya ba la | pha gu’i rim pa źes bya ba ni pha gu rtseg ma’o || ’jim pa daṅ bcas pa źes bya ba ni sa ’jim pa daṅ bcas pa’o || brtsig par bya’o źes bya ba ni gźag par bya’o | de las ltag par brtsigs na źes bya ba ni de las lhag par ’jog na’o || ltuṅ byed do źes (4) bya ba ni sems can dmyal ba daṅ | dud ’gro daṅ | yi dgas ṅan soṅ daṅ ṅan ’gro dag log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma baṅs na dge ba’i chos rnams la sgrib (5) par byed pa ste | des na lhuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad pa gu’i rim pa gñis sam | gsum las lhag par brtsigs nas thams cad du ltuṅ byed du ’gyur ro || rdo ’ba’ źig gam | so phag gam | thams (6) cad śiṅ las byas pa’am | sbyin bdag na re byas nas blta’o || zin nas blta’o źes zer ba la ltuṅ ba med do || saṅs rgyas bcom ldan ’das la dge sloṅ rnams kyis źus pa | btsun pa tshe daṅ ldan pa śā ri’i bus tshe daṅ ldan pa ’dun pa lag gi blar bsgo bar bgyis pa (7) bzlog pa la gzigs | dge sloṅ dag da ltar du ma zad de ’di ltar ’das pa’i dus na yaṅ ’dis de bya’i rgyal por dbaṅ bskur bar byas pa bzlog ste de ñon cig | dge sloṅ dag sṅon byuṅ ba ’das pa’i dus na gaṅs kyi ser ka na bya’i tshogs chen po ’khod pa de dag gis bya’i rgyal po dus la bab (50b1) nas de dag cig la gcig gnod par byed par brtsams pa daṅ | de dag gis smras pa | śes ldan dag bdag cag gis bdag cag gi naṅ na gaṅ bdag cag la chad pas gcod pa daṅ | phan ’dogs par nus pa ’aga’aga źig bya’i rgyal por dbaṅ bskur bar bya na bdag cag gis (2) gaṅ źig bya’i rgyal por daṅ dbaṅ bskur par bya | de na ha caṅ thag mi riṅ ba źig na ’ug pa rgan po źig ’dug nas de dag gis smras pa | ’ug pa rgan po ’dis bya’i rgyal por dbaṅ bskur bar bya’o || de daṅ ha caṅ thag mi riṅ ba źig na ne tso rgyan po źig ’dug nas | de dag gis smras (3) pa | re źig ne tso rgan po ’di la yaṅ dri bar bya’o źes de dag de’i gan du soṅ ste dris pa daṅ | ne tso rgan po des tshigs su bcad pa smras pa | bya rnams ’ug pa dbaṅ bskur du ||
bdag ni mos pa ma yin te ||
ma khros pa yi bźin la ltos ||
khros na ji lta byed par (4) ’gyur|| de dag gis de dbaṅ ma bskur bar ne tso rgan po de ñid bya’i rgyal por dbaṅ bskur to || dge sloṅ dag de’i tshe de’i dus na tso rgan po gaṅ yin pa de ni śā ri’i bu ’di yin no || de’i tshe de’i dus na ’ug pa rgan po gaṅ yin pa de ni ’dun pa ’di ñid yin te | de’i tshe na yaṅ (5) ’dis de bya’i rgyal por dbaṅ bskur bar byas par bzlogs la da ltar yaṅ ’dis de lag gi blar bsko bar byas pa bzlog go || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || gtsug lag khaṅ gi ltuṅ byed (6) de ñi śu pa rdzogs s+ho || ||

.