[Pāyantika 35]
(6) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba bźugs so || mñan yod na khyim bdag cig ’dug pa des rigs mñam pa las chuṅ ma blaṅs nas | de de daṅ lhan cig rtse bar byed | dga’ bar byed | dga’ mgur spyod (7) bar byed do || de rgas pa’i gnas skabs su ñe du zad pa daṅ | nor zad pa daṅ | loṅs spyod zad par gyur nas des chuṅ ma la smras pa | bzaṅ mo kho bos rgas pa’i gnas skabs su nor bsgrub par mi nus kyis rab tu ’byuṅ du ’gro’o || rje’i sras de bźin mdzod cig | de rgyal byed kyi (146b1) tshal du soṅ ste | dge sloṅ gi gan du soṅ ste phyin nas rkaṅ pa gñis la phyag ’tshal te smras pa | ’phags pa bdag rab tu dbyuṅ du gsol | des smras pa | bźin bzaṅs kho bo rab tu byuṅ nas gsar bu yin pas kho bos rab tu ’byin du mi ruṅ ṅo || des smras pa | ’phags (2) pa bdag daṅ po kho nar khyod kyi gan du mchis pas | khyod kyis bdag dge sloṅ ’ga’ źig la gtad du gsol | dge sloṅ de’i mkhan po spoṅ ba pa dgon pa na bsam gtan byed pa źig yod nas des de khrid de mkhan po’i gan du soṅ nas smras pa | mkhan po rigs kyi bu ’di legs par (3) gsuṅs pa’i chos ’dul ba la rab tu ’byuṅ bar ’tshal na | mkhan po thugs brtse ba’i slad du ’di rab tu dbyuṅ du gsol | rdzogs par bsñen par mdzad du gsol | mkhan pos smras pa | bu bcom ldan ’das kyis dge sloṅ dag śan pa’i gnas su gtaṅ ba ni bla’i rab tu phyuṅ (4) źiṅ rdzogs par bsñen par byas nas ’doms par mi byed | rjes su ston par mi byed pa ni mi ruṅ ṅo źes bka’ stsal to || des smras pa | mkhan po rab tu ’byuṅ ba daṅ rdzogs par bsñen pa ’ba’ źig mdzod cig daṅ | bdag gis ’di klog pa daṅ | slob tu stsal to || dge (5) sloṅ des de rab tu phyuṅ źiṅ rdzogs par bsñen par byas nas smras pa | bźin bzaṅs ’di khyod kyi slob dpon yin pas klog pa daṅ | slob tu ’jud par ’gyur gyis kun du spyad pa gaṅ yin pa de ’di la dris te gyis śig | des de klog pa daṅ | slob tu ’jud pa na rgan źugs de brjed ṅas (6) bas yaṅ daṅ yaṅ du ltuṅ ba ’byin nas | des de mdun du tsog pur ’dug tu bcug ste ltuṅ ba ’chags su ’jud par byed do || rgan źugs des bsams pa | bdag gi slob dpon ’dis bdag rtag tu mdun du tsog pur ’dug tu bcug ste ltuṅ ba ’chags su ’jud pas | bdag gis (7) kyaṅ ’di mdun du tsog pur ’dug tu bcug ste ltuṅ ba ’chags su gźug pa’i thabs ci yod sñam mo || khyim bdag cig gis saṅs rgyas la sogs pa dge sloṅ gi dge ’dun khyim gźan du gdugs tshod la spyan draṅs nas saṅs rgyas la sogs pa dge sloṅ gi dge ’dun gśegs te | bcom (147a1) ldan ’das kyis gdugs tshod gsol nas khyim bdag de la chos bstan par brtsams so || dge sloṅ des rgan źugs de la smras pa | rgan źugs tshur śog | khyim du ’gro ba’i khyim dag ltar ’doṅ ṅo || de gñis khyim du ’gro ba’i khyim dag tu doṅ ba daṅ | de dag (2) gis smras pa | ’phags pa gñis gdugs tshod gsol cig | khyim bdag kho bo cag gñis zan zos zin to || des smras pa | snoms te bźud la lhag por mdzod de gsol cig | des rgan źugs kyi gdoṅ du bltas te smras pa | rgan źugs ’dod dam | ’tshal lo || (3) de gñis kyis byin len byas te doṅ nas rgyal byed kyi tshal du phyin pa daṅ | dge sloṅ des smras pa | rgan źugs khyod chu ’tshag gam | ’on te gtsug lag khaṅ du soṅ ste lhag por byed du ’jud | rgan źugs kyis smras pa | lhag por bgyid du stsal to || dge sloṅ des chu btsag par (4) brtsams pa daṅ | rgan źugs kyis bsod sñoms khyer te gtsug lag khaṅ du źugs nas | des bdag ñid kyis bsod sñoms la lhag por byed du bcug ciṅ de’i bsod sñoms la lhag por byed du ma bcug go || dge sloṅ des chu btsags te | gtsug lag khaṅ du źugs nas smras pa | rgan (5) źugs lhag por byed du bcug gam | des smras pa | bgyid du stsal to || dge sloṅ des ’dug ste zos pa daṅ | rgan źugs kyis smras pa | slob dpon je skabs phye śig | phye’o || rgan źugs kyis smras pa | khyod la ltuṅ ba byuṅ gis | chos bźin du slar mdzod cig | des (6) smras pa | ltuṅ ba ma mthoṅ ṅo || rgan źugs kyis smras pa || dge sloṅ des ’dug ste zos pa daṅ | rgan źugs kyis smras pa | khyod kyis lhag por ma byas pa’i bca’ ba daṅ bza’ ba zos so || des smras pa | kho bos khyod la lhag por byed du bcug gam źes ma dris sam | rgan źugs kyis smras pa | bdag gis bdag ñid kyi bgyid du (7) stsal to || des smras pa | rgan źugs kho bo ltuṅ ba mi ’chags kyi ’di ltar khyod ñid ltuṅ ba daṅ bcas par ’gyur ba gaṅ yin pa de lta bu’i gnas yod par ’gyur ro źes des dge sloṅ rnams la brjod pa daṅ | dge sloṅ don ñuṅ ṅu dag ci’i phyir dge sloṅ dag śes bźin du dge sloṅ zas (147b1) zos zin ciṅ spaṅs pa la skabs tshol źiṅ ci nas kyaṅ dge sloṅ ’di ñes pa ’byuṅ bar bya’o sñam pa de ñid rkyen du byas nas tshe daṅ ldan pa ’di ’tsho śig | ’di zo śig ces lhag por ma byas pa’i bca’ ba daṅ bza’ ba dus kyis stobs par byed ces smod par byed | phyar ka gtoṅ bar byed | kha (2) zer par byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das (3) rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dge sloṅ de la rmas pa | dge sloṅ khyod śes bźin du dge sloṅ zas zos zin ciṅ spaṅs pa la skabs tshol źiṅ | ci nas kyaṅ dge sloṅ ’di ñes pa ’byuṅ par (4) bya’o sñam pa de ñid rkyen du byas nas tshe daṅ ldan pa ’di ’tsho śig | ’di zo śig ces lhag por ma byas pa’i bca’ ba daṅ bza’ ba dus kyis stobs pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ (5) ba ma yin pa | tshul daṅ mthun ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs (6) pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ śes bźin du dge sloṅ zas zos ciṅ spaṅs pa la skabs tshol źiṅ ci (7) nas kyaṅ dge sloṅ ’di ñes pa ’byuṅ bar bya’o sñam pa de ñid rkyen du byas nas | tshe daṅ ldan pa ’di ’cho śig | ’di zo śig ces lhag por ma byas pa’i bca’ ba daṅ bza’ ba dus kyis stobs na ltuṅ byed do || yaṅ dge sloṅ gaṅ źes bya ba ni chos ’di pa’o || śes bźin du (148a1) źes bya ba ni de raṅ ñid kyis reg pa’am | gźan dag gis brjod pas so || dge sloṅ źes bya ba ni chos ’di pa’o || zas zos zin ciṅ spaṅ pa la źes bya ba ni yoṅs su rdzogs śig mthar thug bar byed la la’o || skabs tshol źiṅ źes bya ba ni klan ka tshol (2) źiṅ ṅo || ci nas kyaṅ dge sloṅ ’di ñes pa ’byuṅ bar bya’o źes sñam pa źes bya ba ni ci nas kyaṅ dge sloṅ ’di ltuṅ ba daṅ bcas par byas par ’gyur ro sñam pa’o || de ñid rkyen du byas nas źes bya ba ni gźan ma yin pa’o || tshe daṅ ldan pa ’di ’cho śig | ’di zo śig ces bya ba ni bca’ (3) ba daṅ bza’ ba’o || lhag por ma byas pa’i źes bya ba ni lhag mar ma byas śiṅ ma bor yoṅs sum btaṅ ba’o || bca’ ba daṅ bza’ ba źes bya ba ni bca’ ba lṅa po daṅ bcas ba lṅa po dag go || dus kyis stobs na źes bya ba ni yaṅ daṅ yaṅ du stobs na’o || ltuṅ byed do źes bya ba ni (4) gems can dmyal ba daṅ | dud ’gro daṅ | yi dgas ṅan soṅ daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par (5) byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam na cuṅ zad śes bźin du dge sloṅ zas zos zin ciṅ spaṅs pa la skabs tshol źiṅ ci nas kyaṅ dge sloṅ ’di ñes pa ’byuṅ bar bya’o sñam pa de ñid rkyen du byas nas | tshe daṅ ldan pa (6) ’di ’tsho śig | ’di zo śig ces lhag por ma byas pa’i bca’ bdaṅ bza’ ba dus kyis stobs na thams cad du ltuṅ byed du ’gyur ro || las daṅ po pa daṅ | smyos pa daṅ sems ’khrugs pa daṅ | tshor bdag gis ñen pa la ltuṅ ba med do || spaṅs pa la stobs pa’i ltuṅ (7) byed de sum bcu rtsa lṅa ba rdzogs so || || ’dul pa rnam par ’byed pa | bam po lṅa bcu rtsa gsum pa |

.