[Pāyantika 50]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || dgaṅ bo la lhan cig gnas pa’i dge sloṅ cos źes bya ba ṅo tsha śes pa | ’gyod pa daṅ ldan pa | bsdams (3) pa | bslab pa ’don pa źig yod pa des de ji srid du gnas ṅan len kun du spyod par mi śes pa de srid du de daṅ lhan cig gnas so || gaṅ gi tshe des de gnas ṅan len kun du spyod par śes pa de’i tshe na de raṅ bźin du gnas pa’i dge sloṅ rnams daṅ lhan cig gnas par brdams te | bcom ldan (4) ’das kyi bka’ luṅ gis dus gsum du rkaṅ pa la phyag ’tshal du ’gro ba ’ba’ źig byed do || de de’i gan du soṅ ste mkhan po gdugs la spyod du mchi’o źes źus pa daṅ | ñe dga’ sa thos nas smras pa | bu chos kho bo’i stan yaṅ khyer la soṅ śig | ci slob dpon yaṅ dgus la spyod (5) du bźug dam | glen pa khyod kyis kho bo la sor sor brtag gam | kho bos mi śes pa’i rnal ’byor spyod pa’i sa gaṅ yod | bdag slob dpon la so sor rtogs par mi bgyid de | ’di ltar ci slob dpon yaṅ gdugs la spyod du bźud dam źes źu bar byas te gdan ’tshal te mchi’o || des (6) de’i stan khyer te ñin ma spyod du soṅ nas | des de’i stan de śiṅ ljon pa’i druṅ du bźag ste dben pa’i phyogs su ’dug nas yid la byed pa bskyed par brtsams so || de’i ’og tu ñe dga’ ’oṅs nas chos kyis thag riṅ po kho na nas de mthog nas smras pa | slob dpon gdan śiṅ ljon pa’i druṅ du (7) bźag gis der bźud la bźugs śig | ñe dga’ der soṅ nas mgo g-yogs te ’dug pa daṅ | des der mos pa ma rñed nas stan las laṅs te phyogs bźin rnam par blta bar brtsams pa daṅ | ji tsam na bu mo źig rgyal byed kyi tshal gyi rib ma dral ba mthoṅ ba nas chos la chos (186a1) rib ma ’dral bar byed do źes bos pa daṅ | chos kyis de la smras pa | slob dpon rgyal byed kyi tshal gyi mdo dgoṅs śig | glen pa khyod mdo sde’i mtha’ la rton par gyur tam | bcom ldan ’das kyis dge ’dun gyi rtswa yaṅ yal bar mi ’dor ro źes ma gsuṅs sam | (2) kho bo raṅ ñid soṅ la bzlog par bya’o || slob dpon ñid mkhyen no || ñe dga’ soṅ ste smras pa | bu mo khyod ci’i phyir rgyal byed kyi tshal gyi rib ma ’dral bar byed | bu mo des ’dzum phyuṅ ba daṅ | ñe dga’ de’i yan lag daṅ ñid lag dag nas mnams te’o byas nas | de chos (3) kyi gan du soṅ ste dris pa | bu chos khyod kyis cuṅ zad mthoṅ ṅam | slob dpon gźug pa ’dzud pa ’ba’ źig ma gtogs pa gźan thams cad mthoṅ ṅo || bu chos su la yaṅ ma zer cig | slob dpon ji srid du ruṅ bźin du gnas pa’i dge sloṅ ma mthoṅ ba de srid kyi bar du su la yaṅ mi (4) mchi’o || ñe dga’ sa smras pa | kho bos khyod kyi mkhan po’i gnas ṅan len gyi ltuṅ ba ’chab par byed na khyod kho bo’i ’chab par mi byed dam | chos kyis smras pa | slob dpon khyod ’chab par mdzad kyaṅ bdag ni ’chab par mi bgyid do źes zer ba’i skabs de dge sloṅ rnams la brjod (5) pa daṅ | dge sloṅ don ñuṅ ṅu dag ci’i phyir dge sloṅ dag śes bźin du dge sloṅ gi gnas ṅan len gyi ltuṅ ba ’tshab par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das (6) kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par ste źes bya ba la sogs pa yaṅ sṅa ma bźin te | saṅs rgyas bcom ldan (7) ’das kyis tshe daṅ ldan pa ñe dga’ la rmas pa | ñe dag ’khyod śes bźin du dge sloṅ gi dge gnas ṅan len gyi ltuṅ ba ’chab pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul (186b1) daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la (2) ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ śes bźin du dge sloṅ gi gnas ṅan len gyi ltuṅ ba ’chab na ltuṅ byed do || yaṅ dge (3) gaṅ źes bya ba ni śākya ’i bu ñe dga’ ’am gźan yaṅ de lta bu gaṅ yin pa’o || śes bźin du źes bya ba ni de raṅ ñid kyis rig pa’am | gźan dag gis brjod pas so || dge sloṅ gi źes bya ba ni chos ’di pa’o || gnas ṅan len gyi ltuṅ ba źes bya ba ni gnas ṅan len gñis te | pham (4) par ’gyur ba kun nas sloṅ ba daṅ | dge ’dun lhag ma kun nas sloṅ ba’o | ci’i phyir de dag gnas ṅan len ces bya źe na | ṅo bo ñid daṅ kun nas sloṅ ba las so || ’chab na źes bya ba ni mkhyud na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan (5) soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar (6) ji ltar ’gyur źe na | dge sloṅ gis dge sloṅ pham par ’gyur ba’i ltuṅ ba ’byin pa mthoṅ źiṅ do de la bca’ pa’i sems skyed na ji srid du skya reṅs ma śar gyi bar du ñes su ’gyur la | skya reṅs śar na ltuṅ byed du ’gyur ro || dge sloṅ gis dge sloṅ dge ’dun lhag ma’i ltuṅ ba ’byin pa (7) mthoṅ źiṅ de de la bca’ pa’i sems skyed na ji srid du skya reṅs śar gyi bar du ñes byas su ’gyur la | skya reṅs śar na ltuṅ byed du ’gyur ro || dge sloṅ gis dge sloṅ ltuṅ byed kyi ltuṅ ba ’byin pa mthoṅ źiṅ de de la bcab pa’i sems skyed na ji srid du skya reṅs ma śar gyi bar du skya reṅs ma śar gyi bar du ñes byas su ’gyur (187a1) la skya reṅs śar na yaṅ ñes byas su ’gyur ro || dge sloṅ gis dge sloṅ so sor bśags par bya ba’i ltu ’byin pa mthoṅ źiṅ de de la bcab pa’i sems skyed na ji srid du skya reṅs ma śar gyi bar du ñes byas su ’gyur la | skya reṅs śar na yaṅ ñes byas ñid du ’gyur ro || dge (2) sloṅ gis dge sloṅ ñes byas kyi ltuṅ pa ’byin pa mthoṅ źiṅ de de la bcab pa’i sems skyed na ji srid du skya reṅs ma śar gyi bar du ñes byas su ’gyur la | skya reṅs śar na yaṅ ñes byas ñid du ’gyur ro || bdag la gźi ’dis bde ba la mi reg pa daṅ | dge sbyoṅ gi tshul daṅ tshaṅs par spyod pa’i bar (3) chad du ’gyur na ltuṅ ba med do || bdag la gźi ’dis dge ’dun dbye ba daṅ | dge ’dun ’khrugs pa daṅ | dge ’dun gñis su ’gyur ba daṅ | dge ’dun tha dad par ’gyur na ltuṅ ba med do || las daṅ po pa daṅ | smyos pa daṅ | sems pa daṅ | sems ’khrugs pa daṅ | tshor ba dag gis (4) ñen pa la ltuṅ ba med do || gnas ṅan len ’chab pa’i ltuṅ byed de lṅa bcu pa rdzogs s+ho || || ’dul ba rnam par ’byed pa | bam po lṅa bcu rtsa drug pa |

.