[Pāyantika 53]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa ’char kas ñon moṅs pa thams cad spaṅs pas dgra bcom pa ñid mṅon sum du byas pa daṅ | tshe daṅ ldan pa ’dun pa ni ko.au śām+bīra soṅ (6) ste yid dal du ’dug pa daṅ | ’gro mgyogs daṅ na ba so gñis dus la bab pa daṅ | dga’ bo daṅ ñe dga’ gñis ni dge ’dun gyi naṅ na gnas pa de’i tshe na bcu bdun sde dag gdug pa daṅ pha rol gnon par gyur ciṅ | mdo sde ’dzin pa daṅ | ’dul ba ’dzin pa daṅ | ma mo ’dzin pa (7) yaṅ yin pas de dag gis smras pa | tshe daṅ ldan pa dag bdag cag yun riṅ po nas drug sde dag gis tho btsams te || ji ltar dga’ bo daṅ ñe dga’ gñis kyis tho btsams pa ltar yaṅ gźan dag gis thom btsams la | ji ltar ñe dga’ sa tho btsams pa ltar yaṅ dga’ bos tho (201b1) ma btsams kyis tshur śog | de gnas nas dbyuṅ ba’i las bya’o || de na gcig gis smras pa | phu nu bo dag de’i phu nu bo dga’ bo rtsod pa la mkhas pas bdag cag gis ñe dga’ gnas nas dbyuṅ ba’i las bya bar mi nus so || de brel ba bskyed par bya’o źes de dag dga’ bo’i (2) gan du soṅ ste smras pa | gnas brtan phyag ’tshal lo || tshe daṅ ldan pa dag a rog gya | gnas brtan gyi chos gos dag dri ma can du gyur to || bu dag kho bo rgas par gyur pas dge sloṅ lhan cig gnas pa daṅ | ñe gnas dag gis kyaṅ rgas pa’i phyir brñas te phyin chad chos (3) gos kyi las byed du mi btub bo || bdag cag gis gnas brtan gyi chos gos dag bkru bar bgyi yis chos gos dag tshur stsol | dga’ bos bcu bdun sde dag la chos gos dag byin no || de dag gis yaṅ smras pa | gnas brtan chos gos dag cig car bkrus chos gos thams (4) cad tshur stsol | dga’ bo rñaṅ rñiṅ dag gyon te chos gos thams cad bcu bdun sde dag la byin no || bcu bdun sde dag gis chos gos de dag ’gyur byed kyis btsal nas gnas mal bśams te || gaṇ+ḍī brduṅs nas dga’ bo’i gan du soṅ ste smras pa | gnas brtan dge ’dun gyi bya ba (5) cuṅ źig mchis te | gaṇ+ḍī brduṅs kyis tshur spyod | dga’ bos smras pa | bu dag kho bo ’di ’dra ba’i gnas skabs kyis dge ’dun gyi naṅ du ji ltar ’gro bar bya | dge ’dun gyi bya ba chos daṅ ldan pa la ’dun pa ’bul lo || de nas dge ’dun thams cad ’dug cig mthun par gyur pa na dge (6) sloṅ gleṅ pa po rgan pa’i mtha’ logs su ’dug ste ñe dga’ la rmas pa | btsun pa ñe dga’ khyod kyis bcu bdun sde dag gi lto dral te rgyu ma dag gis rgyal byed kyi tshal bskor bar bya’o źes bya ba de lta bu’i tshig smras pa gaṅ yin pa de dran nam | tshe daṅ ldan pa dag rma sos pa dag dral te ci bya | de ni (7) ’das pa’i don yin no || de dag gis smras pa | bcom ldan ’das kyis ’das pa’i dus ko na las brtsams te ’dul ba la ñan thos rnams kyi bslab pa’i gźi bca’ ba mdzad do źes de dag gis ne dga’ la rgya tshom du nan gyis gnas nas dbyuṅ ba’i las byas so || ñe dga’ gnas (202a1) nas dbyuṅ ba’i las byas nas phu bo dga’ bo’i gan du soṅ ste ṅu bar brtsams pa daṅ | dga’ bos smras pa | ñe dga’ ci’i phyir du | ñe dga’ sa smras pa | lhuṅ bzed nag po can dag gis kho bo gnas nas dbyuṅ ba’i las byas so || dga’ bos smras pa | gaṅ (2) dag gis kho bo’i nu bo gnas nas dbyuṅ ba’i las byas pa de dag groṅ daṅ | groṅ khyer daṅ | ljoṅs daṅ | khams gsum nas gnas nas phyuṅ bar gyur cig | ’on kyaṅ gnas nas dbyuṅ ba’i las byas pa rnams la groṅ daṅ | groṅ khyer med dam ci sdod cig daṅ bzod pa gsol bar (3) bya’o || ’di ltar de dag gis mi mthun pa kho nar las byas so || gaṅ źig der ma ’dus | kho bo’o || slob dpon gyis der ’dun pa phul lo || ci kho bos bdag gi nu bo gnas nas dbyuṅ ba’i las byed par śes sam | kho bo dge ’dun gyi bya ba de lta bu la ’dun pa mi ’bul gyis (4) bya’o || ’di ltar de dag gis mi mthun pa kho nar las byas so || gaṅ źig der ma ’dus | kho bo’o || slob dpon gyis der ’dun pa phul lo || ci kho bos bdag gi nu bo gnas nas dbyuṅ ba’i las byed par śes sam | kho bo dge ’dun gyi bya ba de lta bu la ’dun pa mi ’bul gyis (5) kho bos ’dun pa ma phul lo || kho bos ’dun pa ñes par phul lo || dge sloṅ don ñuṅ ṅu dag ci’i phyir dge sloṅ dag dge ’dun gyi bya ba chos daṅ ldan pa la dge sloṅ la ’dun pa phul nas de’i ’og tu khros ’khrugs rṅam par gyur te yi ma raṅs nas spoṅ ba’i chos su byed ciṅ ’di skad ces dge (5) sloṅ ’dun pa phyir byin cig | khyod la mi sbyin no źes zer źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la (6) dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis dga’ bo la rmas pa | dga’ bo khyod dge (7) ’dun gyi bya ba chos daṅ ldan pa la dge sloṅ la ’dun pa phul nas | de’i ’og tu khros ’khrugs rṅam par gyur te yi ma raṅs nas spoṅ ba’i chos su byed ciṅ ’di skad ces dge sloṅ ’dun pa phyir byin cig | khyod la mi sbyin no źes zer ba bden nam | btsun pa mad do || saṅs rgyas bcom (202b1) ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma rin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs su mas rnam par smad nas | dge sloṅ (2) rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | (3) yaṅ dge slauṅa gaṅ dge ’dun gyi bya ba chos daṅ ldan pa dge sloṅ la ’dun pa phul nas de’i ’og tu khros ’khrugs rṅam par gyur te yi ma raṅs nas spoṅ ba’i chos su byed ciṅ ’di skad ces dge sloṅ ’dun pa phyir byin cig | khyod la mi sbyin no źes zer na ltuṅ byed do || yaṅ dge sloṅ (4) gaṅ źes bya ba ni śākya ’i bu dga’ bo’am || gźan yaṅ de lta bu gaṅ yin pa’o || dge ’dun gyi źes bya ba ni de bźin gśegs pa’i ñan thos kyi dge ’dun gyi’o || bya ba chos daṅ ldan pa la źes bya ba ni las chos daṅ ldan pa la’o || dge sloṅ la źes bya ba ni chos ’di ba (5) la’o || ’dun pa phul nas źes bya ba ni ’dun pa byin nas so || de’i ’og tu źes bya ba ni dus gźan na’o || khros ’khrugs rṅam par gyur te yi ma raṅs nas źes bya ba ni khros śiṅ khro ba’i zil gyis non nas so || spod pa’i chos su byed ciṅ źes bya ba ni bsñon pa’i chos su byed (6) ciṅ ṅo || ’di skad ces źes bya ba ni ’di skad ces zer na’o || dge sloṅ ’dun pa phyir byin cig | khyod la mi sbyin no źes zer na źes bya ba ni ’di skad ces zer na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | (7) log par ltuṅ ba dag tu sreg par byed | ’tshod par byed | ltuṅ bar byed pa’o | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | (203a1) dge sloṅ gis ji tsam cuṅ zad dge ’dun gyi bya ba chos daṅ ldan pa la dge sloṅ la ’dun pa phul nas de’i ’og tu khros ’khrugs rṅam par gyur te yi ma raṅs nas spoṅ ba’i chos su byed ciṅ ’di skad ces dge sloṅ ’dun pa phyir byin cig | khyod la mi sbyin no źes zer na thams cad du ltuṅ (2) byed du ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || ’dun pa phyir sgyur ba’i ltuṅ byed de lṅa bcu rtsa gsum pa rdzogs s+ho || ||

.