[Pāyantika 68]
saṅs rgyas bcom ldan ’das mñan yod na rgyal byed kyi tshal mgon zas sbyin gyi kun dga’ ra ba na bźugs so || gaṅ gi tshe tshe daṅ ldan pa ’char kas ni ñon moṅs pa thams cad spaṅs nas dgra bcom pa ñid mṅon du byas tshe daṅ ldan (3) pa ’dun pa ni kau śam+bīra soṅ ste sñiṅ las chuṅ ṅur ’dug ’gro mgyogs daṅ | nab so gñis ni dus la bab | dga’ bo daṅ | ñe dga’ gñis ni dge ’dun gyi naṅ na ’khod pa de’i tshe na tshe daṅ ldan pa ñe dga’ rgas par gyur nas de la lhan cig gnas pa daṅ | ñe gnas ’ga’ (4) yaṅ mi ñan pas de’i chos gos dag dri ma can du gyur kyaṅ des ’khru ba daṅ | kha bsgyur bar mi nus nas | de la blo byuṅ ba | thabs śig bya’o sñam nas des chos gos de dag lhan cig gnas pa daṅ | ñe gnas dag la | la la la snam sbyar byin | la la la bla gos byin | la la la mthaṅ gos byin (5) no|| de dag gis smras pa | mkhan po ci ’di dag bkrus śiṅ kha bsgyur te slar dbul lam | des smras pa | bu dag kho bo rgas pas ’di dag khyed ñid kyi yin no || de dag gis raṅ gi sred pas chos gos de dag legs par bkrus śiṅ legs par kha bsgyur ba byas so || de nas (6) bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo soṅ la dge sloṅ rnams la de bźin gśegs pa ko sa la dag tu ljoṅs rgyur gśegs kyis khyed cag las gaṅ de bźin gśegs pa daṅ thabs cig ko sa la dag tu ljoṅs rgyur ’gro bar (7) spro ba des chos gos kyi las gyis śig ces bsgo śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas | dge sloṅ rnams la tshe daṅ ldan pa dag de bźin gśegs pa ko sa la dag tu ljoṅs rgyur gśegs kyis khyed (275a1) cag las de bźin gśegs pa daṅ thabs cig kos la dag tu ljoṅs rgyur ’gro bar spro ba des chos gos kyi las gyis śig ces bsgo’o || de dag gis de skad bsgo ba thos nas chos gos de dag khyed te dge sloṅ źig gi gan du doṅ nas smras pa | btsun pa bdag (2) cag gi chos gos ’di dag re źig khyod la gtams so || bdag cag ni bcom ldan ’das daṅ thabs cig ljoṅs rgyur ’gro’o || des smras pa | ci khyed kyi mkhan po yaṅ ’gro ’am | de dag gis smras pa | mi ’gro’o || des smras pa | deṅ la de ñid la thoms śig | kho bo la (3) ’khor ’byed par byed do || źes zer daṅ mi ruṅ ṅo || de dag ñe dga’i gan du soṅ ste smras pa | mkhan po chos gos ’di dag re źig mkhan po’i gan du gtams so || bdag cag ni bcom ldan ’das daṅ thabs cig ljoṅs rgyur mchi’o || ñe dga’ sa smras pa | tshe daṅ ldan pa (4) dag kho bo ni dge sloṅ tshul khrims daṅ ldan pa rtswas bciṅs na yaṅ dus byed par ’gyur ba yin pas kho bo ’jog par mi spros dge sloṅ mdza’ bo gźan ’ga’ źig gi lag tu thoms śig | de dag gis smras pa | mkhan po bdag cag la mkhan po las ches lhag pa’i dge sloṅ (5) mdza’ bo su źig mchis | mkhan po ñid kyi phrag tu gźag go || ñe dga’ sa smras pa | gal te de lta na mkhan ma legs par thob la źog źig daṅ phyir lhags nas raṅ raṅ gis blaṅ sla bar ’gyur ro || de dag gis chos gos der bźag nas bcom ldan ’das daṅ thabs (6) cig ljoṅs rgyur doṅ ṅo || ñe dga’ sa gtur bu gcig nas snam sbyar źig phyuṅ ste ji tsam gyis śin tu dri ma can du gyur pa de tsam du gyon gyon nas gtuṅ bu de ñid kyi naṅ du phyir bcug go || de bźin du gtur bu gcig nas bla gos phyuṅ ste gyon źiṅ de bźin du chos gos (7) thams cad spyad danasa ji tsam na śin du gyur pa daṅ | des de dag sṅa ma kho na bźin du bciṅs te bźag go || ji tsam na bcom ldan ’das ljoṅs brgyus nas mñan yod du gśegs pa daṅ | khyim bdag cig gis bcom ldan ’das dge sloṅ gi dge ’dun daṅ (275b1) thabs cig ljoṅs brgyus nas mñan yod du byon ces thos nas | des saṅs rgyas la sogs pa dge sloṅ gi dge ’dun glo bur du gśegs pa rnams gdugs tshod la spyan draṅs so || de dag gis bsams pa | lam gyi chos gos dag bźag ste | chos gos gźan dag gyon (2) la ’adoṅaṅo sñam nas de dag ñe dga’i gan du doṅ ste chos gos gtams pa dag phyuṅ ste bltas pa daṅ || dri ma can du gyur pas ṅo ma śes nas de dag gis smras pa | mkhan po bdag cag gi chos gos de dag ’di dag lags sam | ñe dga’ sa smras pa | tshe daṅ ldan pa dag kho (3) bos khyed la kho bo ni dge sloṅ tshul khrims daṅ ldan pa yin pa rtswas bciṅs na yaṅ dus byed par ’gyur gyis | mtshan ma legs par thob la źog śig daṅ phyir lhags pa na raṅ raṅ gis blaṅ sla bar ’gyur ro || źes ma smras sam | ji tsam na dge sloṅ cig gis raṅ gi (4) chos gos srubs las ṅo śes nas des smras pa | tshe daṅ ldan pa dag chos gos ’di dag ni kho bo’i yin na mkhan pos spyad do || ñe dga’ sa smras pa | bkren pa dag khyed cag de ltar mi dga’ bar bya’o || de dag gis smras pa | tshe daṅ ldan pa dag ’di dag pas ni (5) lam gyi chos gos dag ches bzaṅ gi de dag gyon te ’doṅ ṅo źes de dag lam gyi chos gos dag gyon te der doṅ ba daṅ | dge sloṅ rnams kyis de dag la smras pa | tshe daṅ ldan pa dag khyed cag gis chos gos dag cig gtams te bźag na ci’i phyir lam gyi chos gos (6) dag gyon te ’oṅs | de dag gis smras pa | gtams te bźag go || ’o na chi’i phyir de dag mi gyon | de dag gis skabs de rgyas par brjod pa daṅ | dge sloṅ don ñuṅ ṅu dag ci’i phyir dge sloṅ dag dge sloṅ la chos gos byin nas de’i ’og tu rdeṅ med par spyod par byed (7) ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu (276a1) pa mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya la sogs pa yaṅ sṅa ma bźin te | saṅs rgyas bcom ldan ’das kyis śākya ’i bu ñe dga’ la rmas pa | ñe dga’ khyod dge (2) sloṅ la chos gos byin nas de’i ’og tu rdeṅ med par spyod pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no || źes rnam (3) par smad pa mdzad do || de nas bcom ldan ’das kyis rnam graṅs du mas rnam par smad nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la (4) sogs pa sṅa ma bźin no || ṅa’i ñan thos kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ la gos byin nas de’i ’og tu rdeṅ med par spyod na ltuṅ byed do || yaṅ dge sloṅ gaṅ źes bya ba ni śākya ’i bu ñe dga’ ’am | gźan yaṅ de lta bu gaṅ (5) yin pa’o || dge sloṅ la źes bya ba ni chos ’di pa la’o || gos źes bya ba ni snam sbyar daṅ | bla gos daṅ | mthaṅ gos daṅ gsum las gaṅ yaṅ ruṅ ba’o || byin nas źes bya ba ni blaṅ ba med par byin nas so || de’i ’og tu źes bya ba ni dus gźan du’o || rdeṅ med par źes bya ba ni ma (6) blaṅs par ro || spyod na źes bya ba ni gyon na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags (7) śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam cuṅ zad dge sloṅ la gos byin nas de ’og tu rdeṅ med par spyod na thams cad du ltuṅ byed du ’gyur ro dga’ (276b1) pa daṅ | gcugs pa daṅ | yid du ’oṅ ba yin źiṅ thos nas mchog tu dga’ ba bskyed par ’gyur na ltuṅ ba med do || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || byin pas ñe bar ’tsho ba’i ltuṅ byed de drug bcu rtsa brgyad (2) pa rdzogs s+ho || ||

.