[Pāyantika 75]
saṅs rgyas bcom ldan ’das rgyal po’i khab na ’od ma’i tshal ka lan dka’i gnas na bźugs so || gaṅ gi tshe bcom ldan ’das kyis ’dul ba la ñan thos rnams kyi bslab pa’i gźi thun moṅ ’cha’ bar mdzad pa de’i tshan gñi (7) ga’i dge ’dun sdud par mdzad pas ’di yaṅ bcom ldan ’das kyis ’dul ba la ñan thos rnams kyi bslab pa’i gźi thun moṅ bca’ ba mdzad pa yin na ’di la gñi ga’i dge ’dun bsdu bam mdzad pas de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ (10a1) bo soṅ la dge sloṅ rnams la dge sloṅ źig dge sloṅ ma rnams kyi naṅ du thoṅ la ’di skad ces | sriṅ mo dag bcom ldan ’das kyis ’dul ba la ñan thos rnams kyi bslab pa’i gźi thun moṅ ’di ltar bca’ ba mdzad de | dge sloṅ gis zla ba bźir mgron du bos pa bdag gir bya’o || (2) de las lhag par bdag gir byed na ltuṅ byed do || so sor mgron du bos pa daṅ | yaṅ daṅ yaṅ mgron du bos pa daṅ | dus kyis mgron du bos pa daṅ | rtag tu mgron du bos pa ni ma gtogs te | de la de ni dus yin no źes bca’ ba mdzad kyis khyed kyis bslab pa ’di la bslab par (3) bya’o źes bsgo śig ces gyis śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas tshe daṅ ldan pa lam pa ga la ba der soṅ ste phyin nas tshe daṅ ldan pa lam pa la bsgo ba | tshe daṅ ldan pa lam pa khyod bźud la dge sloṅ ma rnams la (4) srid mo dag bcom ldan ’das kyis ’dul ba la ñan thos rnams kyi bslab pa’i gźi thun moṅ ’di ltar bca’ ba mdzad de | dge s+l+loṅa gis zla ba bźir mgron du bos pa bdag gir bya’o || de las lhag par bdag gir byed na ltuṅ byed do || so sor mgron du bos pa daṅ | yaṅ daṅ (5) yaṅ mgron du bos pa daṅ | dus kyis mgron du bos pa daṅ | rtag tu mgron du bos pa ni ma gtogs te | de la de ni dus yin no źes bca’ ba mdzad kyis khyed kyis bslab pa ’di la bslab par bya’o źes bsgo śig | tshe daṅ ldan pa lam pas btsun pa kun dga’ bo bka’ bźin (6) ’tshal źes tshe daṅ ldan pa kun dga’ bo las mñan nas dge sloṅ ma’i dbyar khaṅ ga la ba der soṅ ba daṅ | ji tsam na drug sde dag gis de mthoṅ nas de dag gis dris pa | tshe daṅ ldan pa lam pa khyod gar ’gro | tshe daṅ ldan pa lam pas bsams pa | ’di dag gis kyaṅ ma thos (7) pa ’dres ’di dag la yaṅ brjod par bya’o sñam nas des smras pa | tshe daṅ ldan pa dag bcom ldan ’das kyis ’dul ba la ñan thos rnams kyi bslab pa’i gźi thun moṅ ’di ltar bca’ ba mdzad de | dge sloṅ gis zla ba bźir mgron du bos pa bdag gir bya’o || de las lhag par (10b1) bdag gir byed na ltuṅ byed do || so sor mgron du bos pa daṅ | yaṅ daṅ yaṅ mgron du bos pa daṅ | dus kyis mgron du bos pa daṅ | rtag tu mgron du bos pa ni ma gtogs te | de la de ni dus yin no źes bca’ ba mdzad kyis khyed kyis kyaṅ bslab pa ’di la bslab par bya’o || de (2) dag gis smras pa | bdag cag dge sloṅ mdo sde ’dzin pa daṅ | ’dul ba ’dzin pa daṅ | ma mo ’dzin pa rnams la ’dri’i bar du byis pa | rmoṅs pa | mi gsal ba | mi mkhas pa | khyed kyi tshig gis bslab pa ’di la mi slob bo źes de dag gis byis pa daṅ | rmoṅs pa daṅ | mi (3) gsal ba daṅ | mi mkhas pa źes bya ba dag gis khur bslaṅ ṅo || tshe daṅ ldan pa lam pa de nas soṅ ste ’gro ba na dge sloṅ ma bcu gñis sde dag gis mthoṅ nas de dag gis de la smras pa | btsun pa lam pa gar bźud | des smras pa | sriṅ mo dag śes par gyis śig | bcom (4) ldan ’das kyis ’dul ba la ñan thos rnams kyi bslab pa’i gźi thun moṅ ’di ltar bca’ ba mdzad de | dge sloṅ gis zla ba bźir mgron du bos pa bdag gir bya’o || de las lhag par bdag gir byed na ltuṅ byed do || so sor mgron du bos pa daṅ | yaṅ daṅ yaṅ mgron du bos pa (5) | daṅ | dus kyis mgron du bos pa daṅ | rtag tu mgron du bos pa ni ma gtogs te | de la de ni dus yin no źes bca’ ba mdzad kyis khyed kyis kyaṅ bslab pa ’di la bslab par bya’o || de dag gis smras pa | bdag cag dge sloṅ ma mdo sde ’dzin pa daṅ | ’dul ba ’dzin pa daṅ | (6) ma mo ’dzin pa rnams la ’dri’i bar du byis pa | rmoṅs pa | mi gsal ba | mi mkhas pa khyed kyi tshig gis bslab pa ’di la mi slob bo źes byis pa daṅ | rmoṅs pa daṅ | mi gsal ba daṅ | mi mkhas pa źes bya ba dag gis khur bslaṅ ste doṅ ṅo | tshe daṅ ldan pa lam pas (7) bsams pa | bdag la gnas ṅan len kun du spyod pa ’di dag la brjod pas ci bya | da ni soṅ la skye dgu’i bdag mo chen mo gau ta mī ma gtogs pa gźan ’ga’ la yaṅ brjod par mi bya’o sñam nas de skye dgu’i bdag mo chen mo gau ta mī ga la ba der soṅ ste phyin nas skye dgu’i bdag mo (11a1) chen mo gau ta mī la ’di skad ces smras so || gau ta mī śes par gyis śig | bcom ldan ’das kyis ’dul ba la ñan thos rnams kyi bslab pa’i gźi thun moṅ ’di ltar bca’ ba mdzad de | dge sloṅ gis zla ba bźir mgron du bos pa bdag gir bya’o || de las lhag par (2) bdag gir byed na ltuṅ byed do || so sor mgron du bos pa daṅ | yaṅ daṅ yaṅ mgron du bos pa daṅ | dus kyis mgron du bos pa daṅ | rtag tu mgron du bos pa ni ma gtogs te | de la de ni dus yin no źes bca’ ba mdzad kyis khyed kyis bslab pa ’di la bslab pa ’di la bslab par bya’o || skye dgu’i (3) bdag mo chen mos smras pa | btsun pa lam pa bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad de || dge sloṅ gis zla ba bźir mgron du bos pa bdag gir bya’o || de las lhag par bdag gir byed na ltuṅ byed do || so sor mgron du bos (4) pa daṅ | yaṅ daṅ yaṅ mgron du bos pa daṅ | dus kyis mgron du bos pa daṅ | rtag tu mgron du bos pa ni ma gtogs te | de la de ni dus yin no źes bca’ ba mdzad pa gaṅ lags pa de bdag mgo daṅ | ṅag daṅ | yid kyis kyaṅ nod do || btsun pa lam pa ’di lta ste | dper (5) bgyi na rgyal rigs kyi phyugs cuṅ dag gam | bram ze’i phyugs cuṅ dag gam | rje’u rigs kyi phyugs cuṅ dag gam | dmaṅs rigs kyi phyugs cuṅ legs par khrus bgyis pa | byug pas legs par byugs pa | skra daṅ sen mo legs par bcos pa | rad pa dkar po ’tshal ba (6) dag gis ud pa la’i phreṅ ba’am | tsam pa ka’i phreṅ ba’am | bar śi ka’i phreṅ ba’am | bar śi ka’i phreṅ ba’am | a ti mug ta ka’i phreṅ ba ’ga’ źig stsal bar gyur na de yid dga’ bas sug pa gñis kyis blaṅs te yan lag gi dam pa mgo la gdags par bgyi ba de bźin du | btsun pa lam pa bcom (7) ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad de | dge sloṅ gis zla ba bźir mgron du bos pa bdag gir bya’o | de las lhag par bdag gir byed na ltuṅ byed do || so sor mgron du bos pa daṅ | yaṅ daṅ yaṅ mgron du bos pa daṅ | dus (11b1) kyis mgron du bos pa daṅ | rtag tu mgron du bos pa ni ma gtogs te | de la de ni dus yin no źes bca’ ba mdzad pa gaṅ lags pa de yaṅ bdag mgo daṅ | ṅag daṅ | yid kyis kyaṅ nod do || tshe daṅ ldan pa lam pas bsgo ste phyir ’oṅs pa daṅ | tshe daṅ ldan pa kun (2) dga’ bos de mthoṅ nas dris pa | tshe ldan pa lam pa khyod kyis dge sloṅ ma rnams la bsgo’am | des smras pa | bsgo ste | ’di ltar byis pa daṅ | rmoṅs pa daṅ | mi gsal ba daṅ | mi mkhas pa źes bya ba dag gis khur bslaṅ ṅo | sus | drug sde dag gis so || ci’i (3) phyir | des skabs de rgyas par brjod pa daṅ | dge sloṅ don ñuṅ du dag ci’i phyir dge sloṅ rnams kyis tshe daṅ ldan pa dag khyed kyis bslab pa ’di la bslab par bya’o źes bsgo ba na de dag la ’di skad ces bdag cag dge sloṅ mdo sde ’dzin pa daṅ | ’dul ba ’dzin pa daṅ | ma mo ’dzin (4) pa rnams la ’dri’i bar du byis pa | rmoṅs pa | mi gsal ba | mi mkhas pa khyed kyi tshig gis bslab pa ’di la mi slob bo źes zer źes smod par byed | phyar ka gtoṅ bar byed || kha zer bar byed pa’i skabs de dge sloṅ rnams kyis bcom ldan ’das la gsol to || de nas (5) bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma (6) baźi.ina te | saṅs rgyas bcom ldan ’das kyis drug sde dag la rmas pa | dge sloṅ dag khyed dge sloṅ rnams kyis tshe daṅ ldan pa dag khyed kyis bslab pa ’di la bslab par bya’o źes bsgo ba na de dag la ’di skad ces | bdag cag dge sloṅ mdo sde ’dzin pa daṅ | ’dul ba ’dzin pa (7) daṅ | ma mo ’dzin pa rnams la ’dri’i bar du byis pa | rmoṅs pa | mi gsal ba | mi mkhas pa khyed kyi tshig gis bslab ba ’di la mi slob bo źes zer ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma (12a1) yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon (2) bcu yaṅ dag par gzigs pas ’dul ba la ñan thos rnams kyis bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ rnams kyis tshe daṅ ldan pa khyod (3) kyis bslab pa ’di la bslab par bya’o źes bsgo ba na de dag la ’di skad ces | bdag dge sloṅ mdo sde ’dzin pa daṅ | ’dul ba ’dzin pa daṅ | ma mo ’dzin pa rnams la ’dri’i bar du byis pa | rmoṅs pa | mi gsal ba | mi mkhas pa khyed kyi tshig gis bslab pa ’di la mi slob (4) po źes zer na ltuṅ byed do || dge sloṅ kun śes par ’dod pas kyaṅ bslab pa de la bslab par bya’o || dge sloṅ mdo sde ’dzin pa daṅ | ’dul ba ’dzin pa daṅ | ma mo ’dzin pa rnams la yaṅ dri bar bya ste | de la de ni cho ga yin no | yaṅ dge sloṅ gaṅ źes bya ba ni drug sde’am | (5) gźan yaṅ de lta bu gaṅ yin pa’o || dge sloṅ rnams kyis źes bya ba ni chos ’di pa rnams kyis so || tshe daṅ ldan pa khyod kyis bslab par bya’o źes bsgo ba na źes bya ba ni bslab pa gaṅ yin pa de la’o || de dag la źes bya ba ni dge sloṅ de dag la’o | ’di skad ces (6) źes bya ba ni ’di skad ces zer na’o || dge sloṅ mdo sde ’dzin pa źes bya ba ni mdo sde mtha’ dag ’dzin pa gaṅ dag yin pa rnams so || ’dul ba ’dzin pa źes bya ba ni ’dul ba mtha’ dag ’dzin pa gaṅ dag yin pa rnams so || ma mo ’dzin pa rnams la ’dri’i bar du źes bya ba ni ma (7) mo mtha’ dag ’dzin pa gaṅ dag yin pa rnams la’o | byis pa źes bya ba la | byis pa źes bya ba ni ñes par bsam pa sems pa daṅ | ñes par smra brjod pa daṅ | ñes par bya ba’i las byed pa’o || rmoṅs pa źes bya ba la | rmoṅs pa źes bya ba ni mdo sde ’dzin pa ma yin pa (12b1) daṅ | ’dul ba ’dzin pa ma yin pa daṅ | ma mo ’dzin pa ma yin pa’o || mi gsal ba źes bya ba la | mi gsal ba źes bya ba ni mdo sde la mi gsal ba daṅ | ’dul ba la mi gsal ba daṅ | ma mo la mi gsal ba’o || mi mkhas pa źes bya ba la | mi mkhas pa źes bya ba (2) ni mdo sde la mi mkhas pa daṅ | ’dul ba la mi mkhas pa daṅ | ma mo la mi mkhas pa’o || khyed kyi tshig gis bslab pa ’di la mi slob bo źes zer na źes bya ba ni de skad ces zer na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan (3) ’gro daṅ | log par ltuṅ ba dag tu sreg par byed || ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des nas ltuṅ byed do źes gsuṅs so || dge sloṅ kun śes par ’dod (4) pas kyaṅ bslab pa de la bslab par bya’o || dge sloṅ mdo sde ’dzin pa daṅ | ’dul ba ’dzin pa daṅ | ma mo ’dzin pa rnams la yaṅ dri bar bya ste | de la de ni cho ga yin no źes bya ba ni de la de ni rjes su mthun pa’i chos yin pa’o || de la ltuṅ bar ji ltar ’gyur źe na | dge sloṅ gis ji (5) tsam cuṅ zad dge sloṅ rnams kyis tshe daṅ ldan pa khyod kyis bslab pa ’di la bslab par bya’o || źes bsgo ba na de dag la ’di skad ces | bdag dge sloṅ mdo sde ’dzin pa daṅ | ’dul ba ’dzin pa daṅ | ma mo ’dzin pa rnams la ’dri’i bar du byis pa | rmoṅs pa | mi gsal ba | mi (6) mkhas pa khyed kyi tshig gis bslab pa ’di la mi slob bo źes zer na thams cad ltuṅ byed du ’gyur ro || byis pa khyed kyi tshig gis bslab pa ’di la mi slob bo źes zer na ltuṅ byed du ’gyur ro || rmoṅs pa khyed kyi tshig gis bslab pa ’di la mi slob bo źes zer na ltuṅ byed du ’gyur ro | (7) | mi gsal ba khyed kyi tshig gis bslab pa ’di la mi slob bo źes zer na ltuṅ byed du ’gyur ro || mi mkhas pa khyed kyi tshig gis bslab pa ’di la mi slob bo źes zer na ltuṅ byed du ’gyur ro || yaṅ dag pa kho nar byis pa daṅ | rmoṅs pa daṅ | mi gsal ba daṅ | mi khams pa yin na ltuṅ ba (13a1) med do || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || bslab pa la ñe bar ’jog pa spaṅ ba’i ltuṅ byed de bdun bcu rtsa lṅa pa rdzogs so || ||

.