[Pāyantika 83]
saṅs rgyas bcom ldan ’das mñan yod (7) na rgyal byed kyi tshal mgon med zas sbyin gyi kun dga’ ra ba na bźugs so || bcom ldan ’das kyis zla ba phyed phyed ciṅ so sor thar pa’i mdo ’don pa gdon par bya’o źes bka’ stsal pa daṅ | zla ba phyed phyed ciṅ so sor thar pa’i mdo gdon pa ’don pa’i tshe drug sde dag gus par (202b1) byas te | chos ñan par mi byed || bla mar byas te mi byed | ru śiṅ ltar byas te mi byed | yid la byas te mi byed || sems rtse gcig tu mi byed || rna blags te mi byed || sems thams cad ma kyis bsams te chos ñan par mi byed ciṅ dge sloṅ rnams la yaṅ ’di skad ces tshe (2) daṅ ldan pa dag ’di ltar chos ’di yaṅ mdo’i naṅ du gtogs | mdo’i naṅ du ’dus par bdag cag gis da gdod śes so źes zer nas dge sloṅ rnams kyis de dag la smras pa | tshe daṅ ldan pa dag gis so sor thar pa’i mdo gdon pa ’don pa da gdod thos sam ci na gaṅ gi phyir (3) de skad zer || de dag gis smras pa | tshe daṅ ldan pa dag ci kho bo cag la las de tsam ’ba’ źig tu zad dam | ’dod pa’i rnam par rtog pa la yaṅ rnam par brtag dgos so || gnod sems kyi rnam par rtog pa daṅ | rnam par ’tshe ba’i rnam par rtog pa daṅ | rnam par ’tshe ba’i rnam par rtog pa la yaṅ rnam (4) par brtag dgos so || dge sloṅ don ñuṅ du dag ci’i phyir dge sloṅ dag zla ba phyed phyed ciṅ so sor thar pa’i mdo gdon pa ’don pa’i tshe gus par byas te chos ñan par mi byed || bla mar byas te mi byed | yid la byas te mi byed || sems rtse (5) gcig tu mi byed | rna blags te mi byed || sems thams cad kyis bsams te chos ñan par mi byed ciṅ || dge sloṅ rnams la yaṅ ’di skad ces | tshe daṅ ldan pa dag ’di ltar chos ’di yaṅ mdo’i naṅ du gtogs || mdo’i naṅ du ’dus par bdag cag gis da gzod śes so (6) źes zer nas smod par byed || phyar ka gtoṅ bar byed || kha zer bar byed pa’i skabs de || dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do (7) źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te || saṅs rgyas bcom ldan ’das kyis drug sde dag la rmas pa | dge sloṅ dag khyed zla ba phyed phyed ciṅ so sor (203a1) thar pa’i mdo gdon pa’i tshe gus par byas te chos ñan par mi byed || bla mar byas te mi byed | ru śiṅ ltar byas te mi byed | yid la byas te mi byed || sems rtse gcig tu mi byed | rna blags te mi byed | sems thams cad kyis bsams te chos ñan (2) par mi byed ciṅ | dge sloṅ rnams la yaṅ ’di skad ces tshe daṅ ldan pa dag ’di ltar chos ’di yaṅ mdo’i naṅ du gtogs || mdo’i naṅ du ’dus par bdag cag gis da gdod śes so źes zer ba bden nam btsun pa mad do || saṅs rgyas bcom ldan ’das kyis dge sbyoṅ gi tshul (3) ma yin pa | rjes su mthun ma yin pa | ruṅ ba ma yin pa tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa || dge sloṅ dag (4) de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ zla ba phyed phyed (5) ciṅ so sor thar pa’i mdo gdon pa ’don pa’i tshe ’di skad ces tshe daṅ ldan pa dag ’di ltar chos ’di yaṅ mdo’i naṅ du gtogs || mdo’i naṅ du ’dus par bdag gis dag gdod śes so źes zer la | de la gal te dge sloṅ rnams kyis kyaṅ tshe daṅ ldan pa ’di sṅon gso sbyoṅ gi las (6) gñis sam | gsum gyi tshe ’dug par śes śiṅ lan maṅ du lta ci smos na || tshe daṅ ldan pa de mi śes pas mi ’grol bas de ltuṅ ba gaṅ byuṅ ba de chos bźin du byed du gźug gi steṅ du khyod zla ba phyed phyed ciṅ so sor thar pa’i mdo gdon pa ’don pa’i tshe gus par byas te chos ñan par mi (7) byed | bla mar byas te mi byed || ru śiṅ ltar byas te mi byed | yid la byas te mi byed || sems rtse gcig tu mi byed || rna blags te mi byed || sems thams cad kyis bsams te chos ñan par mi byed pas tshe daṅ ldan pa khyod kyis ma rñed de || rñed pa ma yin źiṅ ñes pa rñed de || (203b1) legs pa rñed pa ma yin no źes ’gyod par bya’o || tshe daṅ ldan pa de la ’gyod par bya ba ni de yin te ltuṅ byed do || yaṅ dge sloṅ gaṅ źes bya ba ni drug sde’am | gźan yaṅ de lta bu gaṅ yin pa’o || zla ba phyed phyed ciṅ źes bya ba ni zla ba phyed phyed ciṅ so sor thar pa źes bya ba (2) la so sor thar pa źes bya ba ni pham par ’gyur ba’i chos bźi daṅ | dge ’dun lhag ma’i chos bcu gsum daṅ | ma ṅes pa’i chos gñis daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | so sor bśags par bya ba’i chos bźi daṅ | bslab (3) pa’i chos maṅ po daṅ || rtsod pa źi bar bya ba’i chos bdun po dag go || mdo gdon pa źes bya ba la | mdo gdon pa źes bya ba ni yaṅ dag par sbyor ba’o || ’don pa’i tshe źes bya ba ni rab tu ston pa’i tshe’o || ’di skad ces źes bya ba ni ’di skad ces zer na’o || tshe daṅ ldan pa dag ’di (4) ltar chos ’di yaṅ mdo’i naṅ du gtogs | mdo’i naṅ du ’dus par bdag gis da gdoṅ śes so źes zer la źes bya ba ni bcom ldan ’das kyis gsuṅs pa’i chos ’di yaṅ ṅo || de la gal de dge sloṅ rnams kyis kyaṅ źes bya ba ni de na dge sloṅ gaṅ dag ’khod pa rnams kyis kyaṅ (5) ṅo|| tshe daṅ ldan pa ’di źes bya ba ni dge sloṅ gaṅ yin pa ’di’o || sṅon gso sbyoṅ gi las gñis sam || gsum gyi tshe ’dug par śes śiṅ źes bya ba ni ’dis so sor thar pa lan gñis sam | gsum thos par śes śiṅ ṅo || lan maṅ du lta ci smos na źes bya ba ni (6) lan maṅ du ’dug par śes pa lta ci smos na’o || tshe daṅ ldan pa de mi śes pas mi ’gro la bas źes bya ba ni de des ltuṅ ba las mi ’grol bas de ltuṅ ba daṅ bcas pa ñid yin pa’o || de la ltuṅ ba gaṅ byuṅ ba źes bya ba ni ltuṅ byed do || de chos bźin du byed du gźug ces bya (7) ba ni ’chags su gźug pa’o || steṅ du khyod zla ba phyed phyed ciṅ so sor thar pa’i mdo gdon pa ’don pa’i tshe gyas par byas te chos ñan par mi byed || bla mar byas te mi byed || ru śiṅ ltar byas te mi byed || yid la byas te mi byed || sems rtse gcig tu mi byed || rna blags (204a1) te mi byed || sems thams cad kyis bsams te chos ñan par mi byed pas tshe daṅ ldan pa khyod kyis ma rñed de || rñed pa ma yin źiṅ ñes pa rñed de | legs pa rñed pa ma yin no źes ’gyod par bya’o || źes bya ba ni ’gyod du gźug par bya’o || tshe daṅ ldan (2) pa de la ’gyod par bya ba ’di yin te źes bya ba ni de ltar ’gyod par bya’o || ltuṅ byed do źes bya ba ni sems can dmyal ba daṅ | dud ’gro daṅ yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed || ’tshod par byed || ltuṅ bar byed pa’o || gźan (3) yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na || dge sloṅ gis ji tsam cuṅ zad pham par ’gyur ba’i chos bźi daṅ | dge ’dun lhag (4) ma’i chos bcu gsum daṅ | ma ṅes pa’i chos gñis daṅ || spaṅ ba’i ltuṅ byed kyi chos sum bcu daṅ || ltuṅ byed kyi chos dgu bcu daṅ | so sor bśags par bya ba’i chos bźi daṅ || bslab pa’i chos maṅ po daṅ | rtsod pa źi bar bya ba’i chos bdun po dag gdon pa ’don pa’i (5) tshe gus par byas te || chos ñan par mi byed || bla mar byas te mi byed || ru śiṅ ltar byas te mi byed || yid la byas te mi byed || sems rtse gcig tu mi byed || rna blags te mi byed || sems thams cad kyis bsams te chos ñan par mi byed ciṅ || ’di skad ces tshe daṅ ldan pa (6) dag ’di ltar chos ’di yaṅ mdo’i naṅ du gtogs || mdo’i naṅ du ’dus par bdag gis da gdod śes so || źes zer na thams cad du ltuṅ byed du ’gyur ro || lam gol bar rgas par gyur ciṅ yaṅ dag pa kho nar mi śes na ltuṅ ba med do || las daṅ po pa daṅ | smyos pa daṅ | (7) sems ’khrugs pa daṅ | tshor ba dag gis ñen pa la ltuṅ ba med do || bslab pa’i gźi’i dṅos po la khyad du gsod pa’i ltuṅ byed de || brgyad bcu rtsa gsum pa rdzogs so || || ’dul ba rnam par ’byed pa | bam po bdun bcu rtsa dgu pa ||

.