[Pāyantika 87]
(3) saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so | bcom ldan ’das kyis dge sloṅ gis gdiṅ ba byed du gźug go źes bka’ stsal nas || dge sloṅ dag tshad las ha caṅ lhag par byed du ’jug nas dge (4) sloṅ don ñuṅ du dag bcom ldan ’das kyis dge sloṅ gis gdiṅ ba byed du gźug go źes bka’ stsal nas || ci’i phyir dge sloṅ dag tshad las ha caṅ lhag par byed du ’jug ces smod par byed || phyar ka gtoṅ bar byed || kha zer bar byed pa’i skabs de dge sloṅ rnams (5) kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed (6) par mdzad pa ste źes bya ba la sogs pa yaṅ sṅa ma bźin te || saṅs rgyas bcom ldan ’das kyis dge sloṅ rnams la rmas pa || dge sloṅ dag ṅas dge sloṅ gis gdiṅ ba byed du gźug go źes bka’ stsal na || khyed cag tshad las ha caṅ lhag par byed du ’jug pa (7) bden nam | btsun pa mad do || saṅs rgyas bcom ldan ’das kyis ’dod pa che ba daṅ | chog mi śes pa daṅ | gso dka’ ba daṅ || dgaṅ dga’ ba rnam par smad pa mdzad do || de nas bcom ldan ’das kyis ’dod pa chuṅ ba daṅ | chog śes pa daṅ || gso (211a1) sla ba daṅ || dgaṅ sla ba daṅ | phri ba daṅ | yo byad bsñuṅs pa daṅ | sbyaṅs pa’i yon tan daṅ | mdzes pa daṅ | drod rig pa ñid kyi bsṅags pa brjod nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par (2) gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sga ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || dge sloṅ gis gdiṅ ba byed du ’jug na tshad bźin du byed du chug (3) śig | de la gdiṅ ba’i tshad ni yin te || srid du bde bar gśegs pa’i mtho’i mtho do || źeṅ du mtho phyed daṅ do’o || de las lhag par byed du ’jug na bcad nas ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ (4) ba mdzad do || tshe daṅ ldan pa ’char ka tshad las ha caṅ lhag pas de’i gdiṅ ba des mi chog nas des gnas mal sruṅ ba’i phyir rkaṅ pa’i mtha’ logs su lo ma’i chun po dag gźag go || saṅs rgyas bcom ’das ’tsho źiṅ bźugs la gson źiṅ gźes pa rnams (5) kyi chos ñid ni gdul bar gyur pa’i skye bo rjes su thugs brtse bas dus daṅ dus su sems can dmyal ba rgyur gśegs pa daṅ | dud ’gro rgyu ba daṅ || yi dgas rgyu ba daṅ | lha rgyu ba daṅ | ljoṅs rgyu ba daṅ | chu kluṅ rgyu ba daṅ | ri rgyu ba daṅ | dur khrod rgyu ba daṅ | gtsug (6) lag khaṅ rgyur gśegs pas don ’dir ni saṅs rgyas bcom ldan ’das gtsug lag khaṅ rgyur gśegs par bźed nas bcom ldan ’das tshe daṅ ldan ’das tshe daṅ ldan pa ’char ka’i gtsug lag khaṅ ga la ba der gśegs so || bcom ldan ’das kyis tshe daṅ ldan pa ’char ka’i rkaṅ pa’i mtha’ (7) logs na lo ma’i chun po dag bźag pa gzigs so || gzigs nas kyaṅ tshe daṅ ldan pa kun dga’ bo la bka’ stsal pa | kun dga’ bo ’di su’i mal || btsun pa tshe daṅ ldan pa ’char ka’i’o || ’o na ci’i phyir rkaṅ pa’i mtha’ logs su lo ma’i chun po dag bźag | btsun (211b1) pa bcom ldan ’das kyis dge sloṅ gis gdiṅ ba byed du ’jug na tshad bźin du byed du chug śig | de la gdiṅ ba’i tshad ni ’adi.i yin te || srid du bde bar gśegs pa’i mtho’i mtho do || źeṅ du mtho phyed daṅ do’o || de las lhag pa byed du ’jug na bcad nas ltuṅ byed do źes (2) ’dul ba la ñan thos rnams kyi bslab pa’i gźi de ltar bca’ ba mdzad nas tshe daṅ ldan pa ’char ka tshad las ha caṅ lhag pas de’i gdiṅ ba des mi ’tshal nas des gnas mal sruṅ ba’i slad du sug pa’i mtha’ logs su lo ma’i chun po dag bźag go || kun dga’ bo de lta bas na (3) srid du mtho gaṅ gis sriṅs śig | de nas bcom ldan ’das kyis bslab pa ’dod pa daṅ || bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ || de’i śas che ba daṅ || de daṅ ’tsham pa’i chos daṅ ldan pa’i (4) bka’ mchid mdzad nas dge sloṅ rnams la bka’ stsal pa dge sloṅ dag de lta bas na sṅa ma ni bcas pa yin la || ’di ni rjes su gnaṅ ba yin te || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || dge sloṅ gis gdiṅ ba byed du ’jug na tshad (5) bźin du byed du chug śig | de la gdiṅ ba’i tshad ni ’di yin te | srid du bde bar gśegs pa’i mtho’i mtho do || źeṅ du mtho phyed daṅ do’o || srid du mtho gaṅ gis sriṅs śig | de las lhag pa byed du ’jug na bcad nas ltuṅ byed do || dge sloṅ gis źes bya ba ni chos (6) ’di bas so || gdiṅ ba źes bya ba ni steṅ rim du gdiṅ ba’o || byed du ’jug na źes bya ba ni bdag ñid kyis sam gźan no || tshad bźin du byed du ’jug ces bya ba ni gdiṅ ba’i tshad gaṅ yin pa de bźin du’o || de la gdiṅ ba’i tshad ni ’di yin te || srid du bde bar (7) gśegs pa’i mtho’i mtho do || źeṅ du mtho phyed daṅ do źes bya ba la srid du źes bya ba ni chur ro || bde bar gśegs pa źes bya ba ni ston pa’o || de’i mtho’i mtho do gaṅ yin pa de la ni tshad daṅ ldan pa’i khru gsum mo || źeṅ du źes bya ba ni rgyar ro || mtho phyed daṅ (212a1) do źes bya ba la bde bar gśegs pa’i mtho phyed daṅ do gaṅ yin pa de la ni tshad daṅ ldan pa’i khru do daṅ sor drug go || srid du mtho gaṅ gis sriṅs śig ces bya ba ni mi chog na srid du bde bar gśegs pa’i mtho gaṅ gis bsriṅ ba ste || bde bar gśegs (2) pa’i mtho gaṅ yin pa de la ni tshad daṅ ldan pa’i khru phyed daṅ do ste | des na gdiṅ ba’i srid kyi tshad ni tshad daṅ ldan pa’i khru phyed daṅ lṅa’o || de las lhag pa byed du ’jug na źes bya ba ni de las goṅ ma’o || bcad nas ltuṅ byed do źes bya ba ni dṅos po de spaṅs pa’i bcad nas ltuṅ byed (3) kyi ltuṅ ba bśags par bya’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ || log par ltuṅ ba dag tu sreg par byed | ’tshod bar byed || ltuṅ bar byed pa’o || gźan yaṅ ji srid du ltuṅ ba de ma bśags śiṅ (4) so sor ma bśags na dge ba’i chos rnams la sgrib par byed pa ste || des na ltuṅ byed do źes gsuṅs so || de la ltuṅ bar ji ltar ’gyur źe na || dge sloṅ gis ji tsam cuṅ zad gdiṅ ba’i srid du khru phyed daṅ lṅa || źeṅ du khru do daṅ sor drug las lhag par byed du ’jug na thams cad (5) du ltuṅ byed du ’gyur ro || gaṅ gi mdun du ’chags par byed pa des khyod kyi dṅos po de bcad dam źes dri bar bya’o || ma dris par ’chags pa daṅ du len par byed na ñes byas su ’gyur ro || ltuṅ ba de yaṅ ma bśags pa yin pas yaṅ bśags par bya’o || las daṅ (6) po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || gdiṅ ba las gyur pa’i ltuṅ byed de brgyad bcu rtsa bdun pa rdzogs s+ho || ||

.