gaṅ gi tshe bcom (7) ldan ’das kyis blan med pa’i ye śes thugs su chuṅ ciṅ bstan pa rgyas par mgyur pa de’i tshe na dge sloṅ dag spa bgoṅ sla źiṅ khyim pa dag spa bgoṅ dka’ ba’i tshe ji tsam na dge slor rab tu maṅ po dag tshoṅ pa don mthun daṅ lhan cig ljoṅs rgyur ’doṅ ba na śo gam gyi gnas kyi druṅ du (73a1) phyin pa daṅ | de dag gis tshoṅ pa rnams la smras pa | bźin bzaṅs dag kho bo cag la śo gam gźal dgos pa’i rdzas cuṅ źig yod pa de śo gam pa dag gis śo gam ’jal du ’jug par mi ’gyur bar re źig śo gam gyi gnas nas zlos la phyir byin cig (2) tshoṅ pa dag gis smras pa | ’phags pa dag bka’ bźi ’tshal | bzla bar bgyi’o || tshoṅ pa de dag gis dge sloṅ de dag gi śo gam gźal dgos pa’i rdzas de śo gam gyi gnas nas bzlas te byin no || dge sloṅ dag mthar gyis rgyu źiṅ ’doṅ ba na gtsug lag khaṅ du phyir (3) phyin pa daṅ | de dag la dge sloṅ rnams kyis smras pa | tshe daṅ ldan pa dag ’oṅs pa legs so ’oṅs pa legs so || ji ltar bde bar brgyus sam | khyed cag śo gam pa dag daṅ | la gcan pa dag daṅ | gru btsas gcod pa dag gis yoṅs su gtses par ma gyur tam | de (4) dag gis smras pa | tshe daṅ ldan pa dag bde bar rgyus te | sus kyaṅ yoṅs su gtses par ma gyur to || ci khyed cag la śo gam gźan dgos pa’i rdzas med dam | de dag gis smras pa | bdag cag la śo gam gźal dgos pa’i rdzas yod mod kyi ’on kyaṅ tshoṅ pa bśes (5) pa dag gis śo gam gyi gnas nas bzlas te byin no || dge sloṅ de dag gis smras pa | khyed cag gis sar phyin pa’i śo gam bzlar ruṅ ṅam | de dag gis smras pa | ruṅ yaṅ sred mi ruṅ yaṅ srid de | ’di ltar bdag cag gis ni bzlas so || dge sloṅ de dag bdag (6) cag la pham par gyur pa’i ltuṅ ba ma byuṅ ṅam sñam du ’gyod pa skyes nas skabs de dge sloṅ rnams la rgyas par brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de dag la ni ltuṅ ba med (7) mod kyi | yaṅ dge sloṅ gis sar phyin pa’i śo gam bzlar gźug par mi bya’o || dge sloṅ gis sar phyin pa’i śo gam bzlar ’jud par byed na ’gal tshabs can du ’gyur ro || gaṅ gi tshe bcom ldan ’das kyis śa pa’i tshal gseb tu ma ga d+hāra byuṅ ba’i rgyal po bzo sbyaṅs gzugs (73b1) can sñiṅ po lha brgyad khri daṅ | ma ga d+hāra byuṅ ba’i bram ze daṅ khyim bdag ’bum phrag du mdag daṅ lhan cig bden pa dag la bkod nas mñan yod du gśegs te | ko sa lar byuṅ ba’i rgyal po gsal rgyal gźon nu’i dpe’i mdo sdes btul nas de gñis kyis dge sloṅ (2) rnams la gźon nu’i yoṅs su spaṅ ba byin źiṅ dge sloṅ ma rnams la btsun mo’i ’khor gyi yoṅs su sbaṅ ba byin te | dge sloṅ rnams śo gam med pa daṅ | la gcan med pa daṅ | gru btsas med par btaṅ bde’i tshe na bcom ldan ’das kyi bstan pa rgyas par gyur te | khyim (3) bdag spa bgoṅ sla źiṅ dge sloṅ dag spa bgoṅ dka’ ba’i tshe ji tsam dus gźan źig na dge sloṅ rab tu maṅ po dag tshoṅ pa don mthun daṅ lhan cig ljoṅs rgyur ’doṅ ba na śo gam gyi gnas kyi druṅ du phyin pa daṅ | tshoṅ pa de dag gis dge sloṅ rnams kyi rkaṅ pa gñis la gtugs te smras (4) pa | ’phags pa dag bdag cag graṅ ba na graṅ bas sbrebs bźin pa daṅ | tsha ba na tsha bas gduṅs bźin pa daṅ | bkres pa daṅ | skom pa dag gis gnod bźin pa daṅ | śa spraṅ daṅ | sbraṅ bu daṅ | rluṅ daṅ | ñi ma daṅ | sdig sbrul gyi reg pa dag gis ñen bźin du (5) loṅs spyod dag mṅon bar bsgrub pa’i slad du spro bar bgyid | ’bad par bgyid | rtsol bar bgyid pa gaṅ lags pa de dag thams cad saṅs rgyas daṅ | chos daṅ | dge ’dun la mchod pa dag bgyi’o sñam pa lags pas de’i slad du bdag cag la śo gam gźal ’tshal ba’i (6) rdzas mchis pa śo gam gyi gnas nas bzlas te stsal par rigs so || dge sloṅ de dag gis smras pa | bźin bzaṅs dag ’jal gyis bzla bar bya’o || dge sloṅ de dag gis tshoṅ pa de dag gi śo gam gźal dgos pa’i rdzas śog gam gyi gnas nas bzlas te byin no || dge sloṅ dag (7) mthar gyis rgyu źiṅ ’doṅ ba na mñan yod du phyir phyin pa daṅ | de dag la dge sloṅ rnams kyis smras pa | tshe daṅ ldan pa dag ’oṅs pa legs so ’oṅs pa legs so || ji lta bde bar brgyus sam | khyed cag śo gam pa dag daṅ | la gcan pa dag daṅ | gru btsas gcod pa dag (74a1) gis yoṅs su gtses par ma gyur tam | de dag gis smras pa | tshe daṅ ldan pa dag bdag cag gis re źig gźan dag kyaṅ dga’ bar byas na bdag cag lta ci smos te sus kyaṅ yoṅs su gtses par ma gyur to || dge sloṅ de dag gis smras pa | ji ltar gyur | de dag (2) gis skabs de dge sloṅ de dag la rgyas par brjod do || dge sloṅ de dag gis smras pa | khyed cag gis sar phyir pa’i śo gam ma bzlar ruṅ ṅam | de dag gis smras pa | ruṅ yaṅ srid mi ruṅ yaṅ srid de | ’di ltar bdag cag gis ni bzlas so || dge sloṅ de dag bdag cag la pham par (3) ’gyur ba’i ltuṅ ba ma byuṅ ṅam | sñam du ’gyod pa skyes nas skabs de dge sloṅ rnams la rgyas par brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de dag la ni ltuṅ ba med mod kyi yaṅ dge sloṅ (4) gis sar phyin pa’i śo gam bzla bar mi bya’o || dge sloṅ gis sar phyin pa’i śo gam bzla bar byed na ’gal tshabs can du ’gyur ro źes de ltar bcom ldan ’das kyis bslab pa’i gźi bca’ ba mdzad do || ji tsam dus gźan źig na dge sloṅ rab tu maṅ po dag tshoṅ pa da don mthun daṅ lhan cig (5) ljoṅs rgyur ’doṅ ba na śo gam gyi gnas kyi druṅ du phyin pa daṅ tshoṅ pa de dag gis dge sloṅ rnams kyi rkaṅ pa gñis la gtugs te smras pa | ’phags pa dag bdag cag graṅ ba na graṅ bas sbrebs bźin pa daṅ | tsha ba na tsha bas gduṅs bźin pa daṅ | bkres pa daṅ skom pa dag gis (6) gnod bźin pa daṅ | śa sbraṅ daṅ | sbraṅ bu daṅ | rluṅ daṅ | ñi ma daṅ | sdig sbrul gyi reg pa dag gis ñen bźin du loṅs spyod dag mṅon par bsgrub pa’i slad du spro bar bgyid | ’bad par bgyid | rtsol bar bgyid pa gaṅ lags pa de dag thams cad saṅs rgyas daṅ | (7) chos daṅ | dge ’dun la mchod pa dag bgyi’o sñam pa lags pas | de’i slad du bdag cag la śo gam gźal ’tshal ba’i rdzas mchis pa śogs gyi gnas nas bzlas te stsal bar rigs so || dge sloṅ de dag gis smras pa | bźin bzaṅs dag bcom ldam ’das kyis yaṅ (74b1) dge sloṅ gis sar phyir pa’i śo gam bzla bar mi bya’o źes bslab pa’i gźi bca’ mdzad pas bdag cag gis bzla bar mi bya’o || tshoṅ pa rnams kyis ’phags pa ’di dag ni mi mthun par byed pa yin pas bzla bar mi byed kyis thabs kyi rnam pa bya’o sñam du śes śiṅ rig nas de dag gis (2) phan tshun gros byas te smras pa | ’phags pa dag deṅ bdag cag brel bas khyed cag la bsod sñoms dbul ba’i rṅo mi thog gis bźud la groṅ du bsod sñoms la ’jug par mdzod cig | dge sloṅ de dag groṅ du bsod sñoms la źugs pa daṅ tshoṅ pa de dag gis dge sloṅ bsod sñoms (3) la źugs pa de dag gi gtur bu dag daṅ | lhuṅ bzed kyi snod dag daṅ | bar bur snod dag tu śo gam gźal dgos pa’i rdzas bcug go || dge sloṅ dag bsod sñoms brgyus nas groṅ nas phyir byuṅ ste | de dag zas kyi bya ba byas nas gaṅ gi tshe śo gam gyi gnas nas ’das pa (4) de’i tshe tshoṅ pa de dag gis dge sloṅ de dag gi snod la nom par brtsams pa daṅ | dge sloṅ rnams kyis smras pa | bźin bzaṅs dag ci’i phyir kho bo cag gi snod dag la nom par byed | tshoṅ pa dag gis smras pa | ’phags pa dag bdag cag gis ’dir śo gam gźal ’tshal (5) ba’i rdzas bcug pa de ’byin to || dge sloṅ dag gis smras pa | bźin bzaṅs dag khyed kyis ched du bsams te kho bo cag ltuṅ ba daṅ bcas par byas mod | tshoṅ pa dag gis smras pa | ’phags pa dag ’di la khyed kyi lus kyi las kyaṅ ma mchis || ṅag gi las kyaṅ ma mchis na ji (6) ltar khyed cag ltuṅ ba daṅ bcas pa lags | dge sloṅ de dag bcag cag la pham par ’gyur ba’i ltuṅ ba ma byuṅ ṅam sñam du ’gyod pa skyes nas de dag mthar gyis mñan yod du phyir phyir pa daṅ | de dag la dge sloṅ rnams kyis smras pa | tshe daṅ ldan pa dag ’oṅs pa legs so ’oṅs (7) pa legs so || ji lta bde bar brgyus sam | khyed cag śo gam pa dag daṅ | la gcan pa dag daṅ | gru btsas gcod pa dag gis yoṅs su gtses par ma gyur tam | de dag gis smras pa | tshe daṅ ldan pa dag bdag cag de dag gis yoṅs su gtses par ma gyur mod kyi (75a1) ’on kyaṅ bdag cag bsod sñoms la źugs pa dag gi gtur bu dag daṅ | chos gos kyi snod dag daṅ | bar bur snod dag tu tshoṅ pa dag gis śo gam gźal dgos pa’i rdzas bcug pa de bdag cag gis ma śes nas śo gam gyi gnas nas bzlas pas de’i (2) phyir bdag cag la pham par ’gyur ba’i ltuṅ ba ma byuṅ ṅam sñam du ’gyod pa skyes so || dge sloṅ rnams kyis skabs de bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de dag la ni ltuṅ ba med mod kyi | yaṅ dge sloṅ (3) gis snod dag yal bar bor te ’gro bar mi bya bar sruṅ ma dge sloṅ gźag par bya’o || de dag gis dge sloṅ bźag ste bsod sñoms la źugs pa na dge sloṅ de gaṅ gi tshe bśaṅ ba’am | gci pa ’am | chu ’tshag tu ’gro ba de’i tshe tshoṅ pa de dag gis de kho na bźin du śo gam gźal (4) dgos pa’i rdzas dag gtur bu dag daṅ | lhuṅ bzed kyi snod dag daṅ | bar bur snod dag tu ’dzud par byed ciṅ de kho na bźin du śo gam gyi gnas nas ’das pa de’i tshe tshoṅ pa dag dge sloṅ de dag gi snod dag la nom par byed nas dge sloṅ dag ’gyor par gyur pa na dge sloṅ rnams la (5) brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de dag la ni ltuṅ ba med mod kyi ’on kyaṅ sruṅ ma dge sloṅ gñis gźag par bya’o || dge slor rab tu maṅ po dag tshoṅ pa don mthun daṅ lhan (6) cig ’doṅ pa na sruṅ ma dge sloṅ gñis bźag ste bsod sñoms la źugs pa daṅ | de gñis las gcig ji srid du bśaṅ ba daṅ | gci pa’am | chu ’tshag tu soṅ ba de srid du tshoṅ pa de dag gis cig śos de’i lag pa la ’ju bar byed | rkaṅ pa la ’ju bar byed ciṅ | gźan (7) gyis snod dag tu ’dzud par byed do || dge sloṅ des tshaṅs pa mtshuṅs par spyod pa lhags pa rnams la bzla bar bya’o sñam du śes nas dge sloṅ de dag kyaṅ spyod yul nas lhags pa daṅ | tshoṅ pa rnams kyis ji nas kyaṅ dge sloṅ de gñis kyis dge sloṅ de dag la brjod mi nus par (75b1) ’gyur bde lta bu’i klag cor dag byas so || de dag gaṅ gi tshe śo gam gyi gnas nas ’das pa de’i tshe snod dag la nom par byed nas dge sloṅ rnams kyis de dag la smras pa | bźin bzaṅs dag ci’i phyir snod dag la nom par byed | de dag gis smras pa | ’phags pa dag ’dir bdag (2) cag gi śo gam gźal ba’i rdzas bcug pa ’byin to || dge sloṅ rnams kyis sruṅ ma’i dge sloṅ de gñis la khyed gñis ’dir bźag pa dag gis kho bo cag ltuṅ ba daṅ bcas par byas so || źes gyod rmas pa daṅ | de gñis kyis byuṅ ba’i mtha’ ji lta ba bźin du brjod (3) do|| dge sloṅ de dag bdag cag la pham par ’gyur ba’i ltuṅ ba ma byuṅ ṅam sñam du ’gyod pa skyes nas de dag gis skabs de dge sloṅ rnams la brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ (4) dag dge sloṅ de dag la ni ltuṅ ba med mod kyi | śo gam gźal dgos pa’i rdzas de khyim pa’am | dge tshul gyis phyuṅ ste tshoṅ pa de dag la phyir gtad par bya’o || khyim pa’am | dge tshul med na raṅ ñid kyis phyuṅ ste mdun du gźag par bya źiṅ khyed kyi rdzas ’di yin gyis (5) śes par gyis śis ces kyaṅ brjod par bya’o || || ’dul ba rnam par ’byed pa | bam po lṅa pa | saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na khyim bdag cig (6) ’dug pa des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i chuṅ ma las bu byuṅ nas sriṅ bar byed | skyed par byed ciṅ rdziṅ na (7) gnas pa’i pad ma bźin du myur du skyed par byed do źes bya ba’i bar du sda ma bźin no || de gaṅ gi tshe chen por gyur pa de’i tshe legs par gsuṅs pa’i chos ’dul ba la rab tu byuṅ ṅo || de ljoṅs rgyur soṅ bas ras yug chen gñis śig rñed nas | des bcom ldan ’das kyis (76a1) rab tu byuṅ bas kyaṅ pha ma dag la mkho ba bstabs par bya’o źes gsuṅs pas de’i phyir gcig ni phal dbul lo || cig śos ni ma la dbul lo sñam du śes nas | de ji dga’ bar ljoṅs su ’dug nas lhuṅ bzed daṅ chos gos thogs te mñan yod ga la ba (2) der rgyu źiṅ ’gro ba na mthar gyis rgyu źiṅ ’gro ba’i tshe śo gam gyi gnas su phyir pa daṅ | śo gam pas smras pa | ’phags pa khyod la śo gam gźal ’tshal ba’i rdzas cuṅ zad ma mchis sam | dge sloṅ des smras pa | bźin bzaṅs med do || śo gam pas smras pa | bltas (3) gźag tu gsol źes des brtag par brtsams pa daṅ ji tsam na ras yug chen gñis mthoṅ nas des smras pa | ’phags pa legs par gsuṅs pa’i chos ’dul ba la rab tu byuṅ bas ras yug chen gñis tsam gyi slad du brdzun du smra ba gsuṅ ṅam | dge sloṅ des smras pa | bźin (4) bzaṅs ’di gñis ni kho bo mi dbaṅ ṅo || ’phags pa ’o na su dbaṅ | bźin bzaṅs gcig ni pha’i ’o || cig śos ni ma’i ’o || ’phags pa bdag gis yab kyaṅ ma ’tshal yum yaṅ ma ’tshal gyis śo gam stsol la bźud cig | dge sloṅ de śo gam pa des yun riṅ źig (5) bsgyaṅs te btaṅ nas de mthar gyis mñan yod phyir phyin pa daṅ | de ’gyod pa skyes nas de skabs de dge sloṅ rnams la brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med mod (6) kyi | yaṅ dge sloṅ gis de bźin du ’gro bar mi bya bar ’di ltar śo gam pa’i mdun du pha ma’i bsṅags pa brjod par bya ste | bźin bzaṅs bcom ldan ’das kyis dge sloṅ dag bu’i pha ma bsñoṅ par byed pa | gso bar byed pa | skyed par byed pa | nu ma snun par byed pa | ’dzam (7) bu’i gliṅ sna tshogs ston par byed pa gñis ni bya dka’ ba byed pa dag yin te | bus phrag pa gcig gis ni pha | cig śos kyis ni ma lo brgya tham par yoṅs su baṅ ba byas sam | sa chen po ’dir nor bu daṅ | mu tig daṅ | bai ḍūr+ya daṅ | man śel dkar po daṅ | byi ru (76b1) daṅ | dṅul daṅ | sa le sbram daṅ | rdo’i sñiṅ po daṅ | spug daṅ | dmar po daṅ | g-yas su ’khyil pa daṅ | de lta bu’i dbaṅ phyug gi bdag po la bkod par gyur pa gaṅ yin pa de tsam gyis ni bus pha ma gñis la byas pa daṅ ñe bar byas par mi ’gyur gi | des pha ma (2) ma dad pa gñis daṅ pa phun sum tshogs pa yaṅ dag par ’dzin du ’jud | ’dul bar byed | ’jud par byed | rab tu ’god par byed pa daṅ | tshul khrims ’chal pa gñis tshul khrims phun sum tshogs pa daṅ | ser sna can gñis gtoṅ ba phun sum tshogs pa daṅ | śes (3) rab ’chal ba gñis ñes rab phun sum tshogs pa yaṅ dag par ’dzin du ’jud | ’dul bar byed | ’jud par byed | rab tu ’god par byed na | de tsam gyis ni bus pha ma gñis la byas pa daṅ | ñe bar byas par ’gyur źes gsuṅs so źes brjod par bya’o || gal te (4) de ltar pham gñis kyi bsṅags pa brjod pa na gtoṅ na de lta na legs | gal te mi gtoṅ na śo gam gźal te ’gro bar bya’o || de bźin du mi ’gron ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun (5) dga’ rab na bźugs so || mñan yod na khyim bdag cig ’dug pa des rigs mñam pa las chuṅ ma blaṅs nas | de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i (6) chuṅ ma las bu btsas nas sriṅ bar byed | skyed par byed ciṅ rdziṅ na gnas pa’i pad ma bźin du myur du skyed par byed do źes bya ba’i bar du sṅa ma bźin no || gaṅ gi tshe de chen por gyur pa de’i tshe legs par gsuṅs pa’i chos ’dul ba la rab tu byuṅ ṅo || bcom ldan ’das kyis | (7) bsod nams dag ni bya ba ste || bsod nams ma byas sdug bsṅal ’gyur || ’jig rten ’di daṅ pha rol du || bsod nams byas pa dga’ bar ’gyur || źes gsuṅs pa thos nas dge sloṅ dag gis ’dun pa las byuṅ ba’i sloṅ mo byas te | saṅs rgyas daṅ | chos daṅ | dge (77a1) ’dun dag la mchod pa dag bya bar brtsams śiṅ bcom ldan ’das kyi bstan pa rgyas par gyur pa na | dge sloṅ des dge sloṅ ’dun pa las byuṅ ba sloṅ ba maṅ źiṅ ’did gzad par gyis mñan yod khyab par gyur gyis bdag ljoṅs su ’gro źiṅ soṅ nas yaṅ (2) dag par sbyor du gźug go sñam du śes nas de ljoṅs su soṅ ba daṅ | des ljoṅs dag tu saṅs rgyas daṅ | chos daṅ | dge ’dun gyi phyir gos kha dog sna tshogs kyis gaṅ ba’i gtur bu gsum yaṅ dag par sbyor du bcug go || de ljoṅs su ci dgar ’dug nas lhuṅ bzed daṅ (3) chos gos thogs te mñan yod ga la ba der rgyu źiṅ soṅ ba na mthar gyis rgyu źiṅ ’gro ba’i tshe śo gam gyi gnas su phyin pa daṅ | śo gam pas smras pa | ’phags pa khyod la śo gam gźal ’tshal ba’i rdzas cuṅ zad ma mchis sam | dge sloṅ des smras pa | bźin bzaṅs (4) med do || śo gam pas smras pa | bltas bźag tu gsol źes des brtag par brtsams pa daṅ | ji tsam na gos kha dog sna tshogs kyis gaṅ ba gtur bu gsum mthoṅ nas | des smras pa | ’phags pa gos kha dog sna tshogs kyis gaṅ ba’i gtur bu gsum po ’di (5) dag ni ñuṅ bas gal te rṅa mo’i khal laṅs par gyur na de ltar na khyed kyis śo gam gźal dgos par ’gyur ro || dge sloṅ des smras pa | bźin bzaṅs ’di dag ni kho bo mi dbaṅ ṅo ’phags pa ’o na su dbaṅ | bźin bzaṅs gcig ni saṅs rgyas kyi’o || gcig ni chos (6) kyi’o || gcig ni dge ’dun gyi’o || ’phags pa bdag gis saṅs rgyas kyaṅ ma ’tshal | chos kyaṅ ma ’tshal | dge ’dun kyaṅ ma ’tshal gyis śo gam stsol la bźud cig | dge sloṅ de śo gam pa des yun riṅ źig bsgyaṅs te btaṅ nas de mthar gyis mñan yod du phyir phyin pa daṅ | (7) de ’gyod pa skyes nas des skabs de dge sloṅ rnams la brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med mod kyi yaṅ dge sloṅ gis de bźin du ’gro bar mi bya bar ’di ltar śo gam (77b1) pa’i mdun du saṅs rgyas daṅ | chos daṅ | dge ’dun gyi bsṅags pa brjod par bya ste | ’di ltar bcom ldan ’das de ni de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes (2) bu ’dul ba’i kha lo sbyar pa bla na med | lha daṅ mi rnams kyi ston pa saṅs rgyas bcon ’das yin no || bcom ldan ’das kyi chos ni legs par gsuṅs pa | yaṅ dag par mthoṅ ba | nad med pa | dus chad pa med pa ñe bar gtod pa | ’di mthoṅ ba la don yod pa | mkhas (3) pa rnams kyis so sor raṅ gis rig par bya ba yin no || bcom ldan ’das kyi ñan thos kyi dge ’dun ni legs par źugs pa | rigs par źugs pa | draṅ por źugs pa | mthun par źugs pa | chos kyi rjes su mthun pa’i chos la źugs pa | chos kyi rjes su mthun par (4) sbyod pa ste | dge ’dun la rgyun du źugs pa’i ’bras bu mṅon sum du bya ba’i phyir źugs pa dag kyaṅ yod | dge ’dun la phyir mi ’oṅ ba dag kyaṅ yod | dge ’dun la dgra bcom pa ñid kyi ’bras bu mṅon sum du bya ba’i phyir źugs pa dag kyaṅ yod | dge ’dun la lan (5) gcig phyir ’oṅ ba dag kyaṅ yod | dge ’dun la phyir mi ’oṅ ba’i ’bras su mṅon sum du bya ba’i phyir źugs pa dag kyaṅ yod | dge ’dun la phyir mi ’oṅ ba dag kyaṅ yod | dge ’dun la dgra bcom pa ñid kyi ’bras bu mṅon sum du bya ba’i phyir źugs pa dag kyaṅ yod | dge ’dun (6) la dgra bcom pa dag kyaṅ yod de de ltar de dag ni skyes bu zuṅ bźi daṅ | skyes bu gaṅ zag brgyad yin no || bcom ldan ’das kyi ñan thos kyi dge ’dun de ni tshul khrims phun sum tshogs pa | tiṅ ṅe ‘dzin phun sum tshogs pa | śes rab phun sum tshogs pa | rnam par grol (7) ba phun sum tshogs pa | rnam par grol ba’i śes pa daṅ mthoṅ ba phun sum tshogs pa | kun nas sbyin pa’i ’os su gyur pa | rab tu sbyin pa’i ’os su gyur pa | thal mo sbyar ba’i ’os su gyur pa | phyag bya ba’i ’os su gyur pa | bsod nams kyi źiṅ bla na med pa | ’jig rten gyi (78a1) yon gnas yin no źes brjod par bya’o || gal te de ltar saṅs rgyas daṅ | chos daṅ | dge ’dun gyi bsṅags pa brjod pa na gtoṅ na de ltan legs | gal te mi gtoṅ na śo gam gźal te ’gro bar bya’o || de bźin du ’gro na ’gal tshabs can du ’gyur ro || dge (2) sloṅ dag gis dkon mchog gsum gyi phyir śo gam gźal dgos pa’i rdzas bskur bar brtsams śiṅ śo gam gyi gnas su saṅs rgyas daṅ | chos daṅ | dge ’dun dag gi bsdags pa brjod pa na mi gtoṅ nas | dge sloṅ dag cig gi skal ba las sbyin par byed pa daṅ | bcom ldan (3) ’das kyis bka’ stsal pa | gsum car las kyaṅ spyir sbyin par bya’o || dge sloṅ dag gsum car las spyir sbyin par byed pa na don mthun daṅ yoṅs su bral nas de dag seṅ ge dag daṅ | stag dag daṅ | chom rkun pa dag gis bgrod par gyur nas | bcom ldan ’das kyis bka’ (4) stsal pa | gcig gi las byin la phyis skal ba bsab par bya’o || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || mñan yod na dge sloṅ sde snod gsum daṅ ldan pa | chos smra ba | rigs pa daṅ grol ba’i (5) sbobs pa daṅ ldan pa źig ’dug pa de ljoṅs rgyur soṅ ba na mthar gyis rgyal po’i khab tu phyin nas de rgyal po’i khab tu dbyar gnas te zla ba gsum ’das pa daṅ mñan yod du bcom ldan ’das kyi źabs la phyag ’tshal du ’phags pa na don mthun btsal ba daṅ ji tsam na ded dpon (6) źig gis rgyal po’i khab nas zoṅ blaṅs te mñan yod du ’phags nas | des de’i druṅ du soṅ ste bsod nams bya ba’i gźi gsum po dag gi bsṅags pa brjod ciṅ de dag la bkod nas ci nas kyaṅ de’i sems mṅon par dad par ’gyur ba de lta de ltar rnam par bśad pa daṅ | de dad pa (7) spyes pas dge sloṅ de la zan byin te ras yug chen rin che ba che bar ’os pas bkab nas de’i ’og tu rkaṅ pa gñis la phyag ’tshal te smras pa | ’phags pa bdag gis ci bgyi ba bka’ stsol cig | dge sloṅ des smras pa | bźin bzaṅs bdag mñan yod du ston pa’i źabs la (78b1) phyag ’tshal du ’gro ’dod kyis de’i phyir bdag la byams pas bskyaṅ ba gyis śig khyim bdag des smras pa | ’phags pa bka’ bźin ’tshal ma noṅs kyis gśegs so || dge sloṅ de ded dpon de daṅ lhan cig ’phags pa daṅ | ded dpon des smras pa | ’phags pa (2) byed ni bsod sñoms bźed pa lags la bdag ni bsod nams ’tshal ba lags kyis | rgyal po’i khab nas mñan yod kyi bar ji srid par chos gos daṅ | bsod sñoms daṅ | gnas mal daṅ | nad pa’i rkyen daṅ | sman gyi yo byad dag gis thugs las chuṅ dur mdzad du (3) gsol | dge sloṅ des daṅ du blaṅs nas ji tsam na śo gam gyi gnas kyi druṅ du phyin pa daṅ | ded dpon gyi rdzas śo gam pa cad nas ded dpon des bdag gi rdzas śo gam bcad ciṅ | ’phags pa’i ras yug chen ni śo gam ma bcad pas bdag kho nas śo gam gźal dgos par (4) ’byuṅ ba’i gnas de lta bur yod pas bdag ñid kyi snod du gźug par bya’o sñam du śes nas | ded dpon des dge sloṅ de la smras pa | ’phags pa ras yug chen slar stsol cig | dge sloṅ des smras pa | bźin bzaṅs ci zer khyod ’gyod pa skyes par ma gyur tam | ded (5) dpon gyis smras pa | ’phags pa bdag la ’gyod pa ma mchis te | ’di ltar bdag gi rdzas ni śo gam bkum la | khyod kyi ras yug chen ’di ni śo gam ma bkum pas gal te śo gam pa dag ras yug chen gyi śo gam ’tshal na don gyis bdag kho nas gźal bar bgyi ba lags (6) bas śo gam gyi gnas nas bzlas te dbul bar bgyi’o || dge sloṅ des smras pa | bźin bzaṅs bcom ldan ’das kyis dge sloṅ gis śo gam gźal dgos pa’i rdzas śo gam gyi gnas nas bzla bar mi bya’o źes bslab pa’i gźi bca’ ba mdzad pas bdag ltuṅ ba daṅ bcas par (7) gyur na mi ruṅ bas mi sbyin no || ded dpon des ’phags pa dag ni mi mthun par byed pa yin pas ’di la bdag gis dus śes par ’gyur ro sñam du śes nas ded dpon des dge sloṅ de la smras pa | ’phags pa deṅ bdag brel bas khyod kyi bsod sñoms ’ga’ yaṅ bsgrub par rdo mi (79a1) thog gis bźud la groṅ du bsod sñoms la ’jug par mdzod cig | dge sloṅ de bsod sñoms la źugs pa daṅ | ji srid du de źugs pa de’i bar du ded dpon des ras yug chen de bdag ñid kyi snod du bcug go || ji tsam na dge sloṅ de la śo gam pas dris pa | ’phags (2) pa khyod la śo gam gźal ’tshal ba’i rdzas cuṅ zad mchis sam | dge sloṅ des smras pa | bźin bzaṅs ras yug chen gcig yod do || śo gam pas smras pa | ’phags pa bltas gźag tu gsol | dge sloṅ des gtuṅ bur brtags pa daṅ | ras yug chen mi (3) snaṅ nas de bźin bsgyur źiṅ lag pa gñis ’dril par byed do || śo gam pas smras pa | ’phags pa ci’i slad du ’di ltar mdzad | dge sloṅ des smras pa | bźin bzaṅs kho bo’i ras yug chen de mkhyin par len pa dag gis brkus so || śo gam pa des smras pa | ’phags (4) pa de ni khyod kyi ma brkus kyi ’di ltar bdag gi brkus pa lag sate | des na bdag gis śo gam ma thob bo || gaṅ gi tshe dge sloṅ de śo gam gyi gnas nas ’das pa de’i tshe ded dpon des smras pa | ’phags pa ci’i slad du sems khoṅ du chud | bźin bzaṅs khyod la yoṅs su (5) btaṅ ba las byuṅ ba’i bsod nams skyes mod kyi yoṅs su loṅs spyad pa las byuṅ ba’i bsod nams ni ma skyes so || ’phags pa ci’i slad du kho bo’i ras yug chen de ma byin par len pa dag gis brkus so || ded dpon des smras pa | ’phags pa de ni ma byin par len pa (6) dag gis ma brkus te | ’di ltar bdag gis śo gam gyis ’jigs pas raṅ gi snod du stsal te ’tshal te mchis na ji ltar bgyi dbul lam | dge sloṅ des smras pa | bźin bzaṅs bdag la ma byin par len pa dag gis brkus pa ni legs kyi bdag ltuṅ ba daṅ bcas par gyur pa (7) ni ma legs so || ’phags pa ’di la khyod kyi lus kyi las kyaṅ ma mchis | ṅag gi las kyaṅ ma mchis na ci’i slad du khyod ltuṅ ba daṅ bcas par ’gyur | dge sloṅ de ’gyod pa skyes nas mthar gyis mñan yod du phyir phyin pa daṅ | dge sloṅ rnams kyis smras pa | tshe daṅ (79b1) ldan pa ’oṅs pa legs so || ’oṅs pa legs so || ji lta bde bar brgyus sam | dge sloṅ des skabs de dge sloṅ rnams la brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de (2) la ltuṅ ba med mod kyi ’on kyaṅ ṅas dge sloṅ lam du źugs pa’i kun tu spyad pa’i chos dag bca’ bar bya ste | dge sloṅ lam du źugs pa groṅ du bsod sñoms la ’jug pas snod la mtshan ma btab ste ’gro bar bya źiṅ phyir ’oṅs nas kyaṅ so sor brtag par bya’o || dge sloṅ (3) lam du źugs pas kun du spyad pa’i chos ji ltar bcas pa dag yaṅ dag par blaṅs te ’jug par mi byed na ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge (4) sloṅ rgan po źig daṅ gźon nu źig gñis ljoṅs rgyur ’phags so || de na rgan po ni śes pa daṅ ldan pa | rdzas maṅ ba | yo byad maṅ ba yin la | gźon nu ni śes pa chuṅ ba chos gos gsum la ’chel ba yin pas rgan po la śo gam gźal dgos pa’i rdzas yod (5) nas ci tsam na mthar gyis śo gam gyi gnas kyi druṅ du phyin pa daṅ | rgan pos bdag la śo gam gźal dgos pa’i rdzas yod pas gal te śo gam pa dag ’phags pa la śo gam gźal ’tshal ba’i rdzas cuṅ zad mchis sam źes ’drin | gal te med do źes brjod na ni brdzun du smra (6) bar ’gyur la | gal te yod do źes brjod na ni ṅes par śo gam gźal dgos par ’gyur bas de’i phyir gaṅ gis śo gam yaṅ gźal mi dgos la brdzun du smra bar yaṅ mi ’gyur ba’i thabs ci yod sñam du śes nas de ’di sñam du sems te | gźon nu ’di la sbyin (7) źiṅ śo gam gyi gnas nas ’das na blaṅ bar bya’o sñam nas | des gźon nu de la smras pa | tshe daṅ ldan pa re źig lhuṅ bzed daṅ chos gos loṅ śig | gźon nu des gnas brtan dal bar ’gyur bas des na bdag la sbyin gor ma chag sñam du śes nas des (80a1) blaṅs śiṅ des de khyer te mdun du ’phags pa daṅ | śo gam pas mthoṅ nas des smras pa | ’phags pa khyod la śo gam gźal ’tshal ba’i rdzas cuṅ zad mchis sam | dge sloṅ des smras pa | bźin bzaṅs med do || śo gam pa des dge sloṅ de yal (2) bar bor nas śo gam gyi gnas nas ’das pa daṅ | rgan po yaṅ stoṅ bar ’braṅ źiṅ ’oṅ nas śo gam pa des rgan po de la ni ma dris so || rgan po de gaṅ gi tsho śo gam gyi gnas nas ’das pa de’i tshe smras pa | tshe daṅ ldan pa rdzas khyer śog | gźon nus smras pa | gnas brtan ci (3) lags mñel ba sos lags sam | rgan pos smras pa | tshe daṅ ldan pa kho bo ṅal bas khyod la byin pa ni ma yin gyi | ’di ltar kho bo la śo gam gźal dgos pa’i rdzas yod pas gal te kho bo la śo gam pa ’phags pa la śo gam gźal ’tshal ba’i rdzas cuṅ zad mchis sam (4) źes ’dri na gal te med do źes brjod na ni brdzun du smras bar ’gyur la | gal te yod do źes brjod na ni ṅes par śo gam gźal dgos par ’gyur ro sñam pa’i blo skyes pas de’i phyir kho bos lhuṅ bzed daṅ chos gos byin pa yin pas da ni śo gam gyi gnas las ’das pa des na yaṅ phyir (5) len to || gźon nus smras pa | de ltan gnas brtan gyis bdag ñid thar bar mdzad laṅ na bu ni ltuṅ ba daṅ bcas par bgyis so || rgan pos smras pa | tshe daṅ ldan pa khyod kyis mi śes pas ’di la khyod kyi ltuṅ ba ci źig yod | dge sloṅ gźon nu de ’gyod pa skyes nas mthar (6) gyis mñan yod du phyir phyin pa daṅ | dge sloṅ rnams kyis smras pa | tshe daṅ ldan pa ’oṅs pa legs so || ’oṅs pa legs so || ji lta bde bar brgyus sam | dge sloṅ des smras pa | ’dir ga la bde bar brgyus | dge sloṅ rnams kyis smras pa | tshe daṅ ldan pa ci’i (7) phyir de skad zer | dge sloṅ des skabs de dge sloṅ rnams la brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med mod kyi yaṅ dge sloṅ lam du źugs pas | ma dris (80b1) bar rdzas blaṅ bar mi bya bar len pa ñid na ’di na śo gam gźal dgos pa’i rdzas cuṅ zad med dam źes dri bar bya’o || ma dris par len na ’gal tshabs can du ’gyur ro || gźan yaṅ dge sloṅ gis śo gam gźal dgos pa’i rdzas lam du bzla bar mi bya’o || zla bar byed na ’gal (2) tshabs can du ’gyur ro || bcom ldan ’das kyis dge sloṅ gis śo gam gźal dgos pa’i rdzas lam du bzla bar mi bya’o źes bka’ stsal pa na | dge sloṅ drug bcu ljoṅs rgyu źiṅ ’doṅ ba’i tshe ri brags śig tu phyin pa daṅ | ri brags de na khyim bdag phyug pa | nor maṅ ba | loṅs (3) spyod cheb źig ’dug ciṅ de yaṅ dad pa daṅ ldan pa yin pas des dge sloṅ de dag mgron du bos te zas byin nas re re la gos phrugs re bskon par byas pa daṅ | dge sloṅ rnams kyis smras pa | khyim bdag bcom ldan ’das kyis śo gam gźal dgos pa’i rdzas lam du bzla bar (4) mi bya’o źes dgag pa mdzad pas de’i phyir bdag cag gis ji ltar blaṅ bar bya | khyim bdag de caṅ mi smra bar ’dug pa daṅ | dge sloṅ rnams kyis yon bśad pa byas te doṅ nas mthar gyis mñan yod du phyir phyin pa daṅ | de dag la dge sloṅ rnams kyis smras pa | tshe daṅ (5) ldan pa dag ’oṅs pa legs so || ’oṅs pa legs so || ji ltar bde bar brgyus sam | ma de dag gis smras pa | bde bar brgyus mod kyi | ’on kyaṅ khyim bdag cig gis bdag cag la zan byin te gos phrugs re bskon par byas na | de la bdag cag gis khyim bdag (6) bcom ldan ’das kyis dge sloṅ gis śo gam gźal dgos pa’i rdzas lam du bzla bar mi bya’o || źes dgag pa mdzad pas de’i phyir bdag cag gis ji ltar blaṅ bar bya źes ma blaṅs so || dge sloṅ rnams kyis skabs de bcom ldan ’das la gsol pa daṅ | bcom ldan (7) ’das kyis bka’ stsal pa | blaṅ bar bya źiṅ blaṅs nas ruṅ bar byas te lam du bzla bar bya’o || dge sloṅ dag tshon rtsi daṅ | śiṅ daṅ | zaṅs daṅ | bum pa dag tshol ba na lam gyis dub ciṅ sgyid lug pa daṅ don mthun daṅ bral bar gyur nas de dag seṅ ge dgaṅ daṅ | stag (81a1) dag daṅ | chom rkun pa dag gis bgrod par gyur to || dge sloṅ rnams kyis skabs de bcon ldan ’das la gsol pa daṅ | bcom ldan ’das kyis bka’ stsal pa | mtha’ chags sam raṅ chags byas te ’gro bar bya’o || ñes dmigs de ñid du gyur nas | (2) bcom ldan ’das kyis bka’ stsal pa | ba laṅ gi lci ba btsir bas ruṅ bar bya ba ’am bkru bar bya’o || de ltan yaṅ ñes dmigs de ñid du gyur nas bcom ldan ’das kyis bka’ stsal pa | tha na kha tshaRa ram phun tshar yaṅ gcad par bya’o || ṅas phoṅs pa ṅag tu rjes su gnaṅ (3) ba gaṅ yin pa de gnas skabs tha mal pa dag tu lhag par spyad par mi bya’o || lhag par spyod par byed na ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na dge (4) sloṅ źiṅ rgyal po’i khab tu dbyar gnas par khas blaṅs nas de dbyar zla ba gsum ’das nas chos gos ma rñed pa kho nar bcom ldan ’das kyi źabs la phyag ’tshal du mñan yod du ’phags pa daṅ de la dge sloṅ rnams kyis smras pa | tshe daṅ ldan pa chos gos kyi rñed pa ma (5) thob kyi bar du khyod ma riṅs śig | de mṅon par mi dga’ bas mi sdod pa daṅ | de la dge sloṅ źig gis ras yug chen byin nas | des gal te ’di ruṅ bar byed na tshaṅs pa mtshuṅs par spyod pa dag mi mthoṅ bar ’gyur bas dge sloṅ bśes pa źig la ruṅ bar byed du (6) gźug go sñam du śes nas | des dge sloṅ bśes pa la smras pa | kho bo tshaṅs pa mtshuṅs par spyod pa dag la lta ba’i bar du | ras yug chen ’di ruṅ bar gyis la gtur bur chug śig | de le lo can źig yin pas des ruṅ bar ma byas pa | kho nar gtur bur bcug (7) go || ji tsam na dge sloṅ des gtur bu thogs te ’phags nas | mthar gyis śo gam gyi gnas su phyin pa daṅ | śo gam pas smras pa | ’phags pa khyod la śo gam gźal ’tshal ba’i rdzas cuṅ zad mchis sam | bźin bzaṅs med do || bltas gźag tu gsol || (81b1) des brtag par brtsams pa daṅ | ras yug chen mthoṅ nas des smras pa | ’phags pa legs par gsuṅs pa’i chos ’dul ba la rab tu byuṅ na ji ltar ras yug chen gyi slad du brdzun du smra ba gsuṅ | dge sloṅ des smras pa | bźin bzaṅs kho bos mi śes te | kho bo (2) ’phags pa na ras yug chen ’di rñed nas kho bos bśes pa la kho bo tshaṅs pa mtshuṅs par spyod pa dag la lta ba’i bar du ras yug chen ’di ruṅ bar gyis la gtur bur chug śig ces smras na | de le lo can źig pas des ’di ruṅ bar ma byas pa kho nar gtur bur bcug go || (3) śo gam pas smras pa | ’phags pa de ni khyod kyi bśes pa ma lags kyi ’di ltar de ni bdag gi bśes pa lags te des na bdag la śo gam byuṅ gis stsol la bźud cig | dge sloṅ de ’gyod pa skyes nas de mthar gyis mñan yod du phyin pa daṅ | dge sloṅ rnams kyis smras (4) pa | tshe daṅ ldan pa ’oṅs pa legs so || ’oṅs pa legs so || ji lta bde bar brgyus sam | des smras pa | tshe daṅ ldan pa dag ji ltar bde bar brgyas | de dag gis smras pa | tshe daṅ ldan pa ci’i phyir de skad zer | des skabs de dge sloṅ rnams la rgyas par brjod (5) do|| dge sloṅ rnams kyis bcom ldam ’das la gsol pa daṅ | bcom ldam ’das kyis bka’ stsal pa | dge sloṅ dag dge sloṅ de la ni ltuṅ ba med mod kyi yaṅ dge sloṅ gis ma dris par blaṅ bar mi bya bar ci khyod kyis ruṅ bar byas sam | ’on te ma byas źes dri bar (6) bya’o || ma dris par len na ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || drug sde dag gis smras pa | dga’ bo ñe dga’ lhuṅ bzed nag po can ’di dag ni rkaṅ pa (7) spre’u’i źag gis bskus te | ’gro na yaṅ ’gro bar chas pa’i rñed pa sgrub par byed | ’oṅ na yaṅ glo bur du ’oṅs pa’i rñed pa sgrub par byed ciṅ skye bo maṅ po dga’ ba daṅ | yid du ’oṅ bar yaṅ ’gyur ro || yu bu cag ni khron pa’i ru spal daṅ ’dra bar gar yaṅ mi ’doṅ || (82a1) gaṅ nas kyaṅ mi ’oṅ bas rñed pa ’thob pa daṅ | skye bo maṅ po dga’ ba daṅ | yid du ’oṅ bar ga la ’gyur gyis yu bu cag dag kyaṅ ’doṅ ṅo || gaṅ du ’doṅ | gaṅ du don mthun ’grub par ro || dedaga gis don mthun btsal bar brtsams (2) pa daṅ | de dag gis byaṅ lam du ’gro ba’i don mthun mthoṅ nas de’i druṅ du soṅ ste smras pa | bźin bzaṅs dag khyed gaṅ du ’phags | ’phags pa dag byaṅ lam du’o || bźin bzaṅs dag kho bo cag kyaṅ khyed daṅ lhan cig ’doṅ ṅo || ’phags pa dag byaṅ lam ni (3) mthon dman can | khyi zab | bud med kyi yul gnas ṅan len kun tu spyod pa lags pas khyed cag der dgyes par mi ’gyur ro || bźin bzaṅs dag gal te de lta bu yin du zin kyaṅ yul mthoṅ bar ’gyur bas ’doṅ bar bya’o || ’phags pa dag gal te de ltan tshur spyon bźud (4) do|| drug sde dag don mthun de daṅ lhan cig byaṅ lam du ’phags nas mtha’ gyis byaṅ lam du phyin pa daṅ | ñi ma gaṅ kho na la byaṅ lam du phyin pa’i ñi ma de ñid la mṅon par mi dga’ bar gyur nas | de dag naṅ par sṅar laṅs te lam sraṅ du ’doṅ ba daṅ | tshoṅ pa de dag gis (5) drug ste dag mthoṅ nas de dag gi rkaṅ pa la phyag ’tshal te smras pa | ’phags pa dag byaṅ lam ci ’dra | khyed cag mṅon bar mi dgyes par ma gyur tam | bźin bzaṅs dag ñi ma gaṅ kho na la byaṅ lam du phyin pa’i ñi ma de ñid la mṅon par mi dga’ bar gyur to || ’phags (6) pa dag bdag cag gis khyed la daṅ po kho na nas byaṅ lam ni mthon dman can | khyi zab | bud med kyi yul gnas ṅan len kun tu spyod pa lags pas khyed cag der dgyes par mi ’gyur ro źes ma bgyis sam | bźin bzaṅs dag ci te ltar na ’gro ’am ’doṅ ṅo || (7) ’phags pa dag bdag cag gis zoṅ ma bsgyur to || de lta lags mod kyi ’on kyaṅ bdag cag daṅ | bśes pa’i tshoṅ pa gźan dag mchis pa de dag gis zoṅ bsgyur bas de dag la gtad par bgyis de dag thabs cig bźud cig | drug sde dag gis smras pa | de (82b1]ma noṅs kyis de bźin bgyi’o || drug sde dag don mthun de dag gis gtad pa’i don mthun de daṅ lhan cig ’phags so || drug sde dag gis kun du spyod pa ni rdul gyis ’jigs pas yaṅ na ni non mthun gyi mdun du ’gro’o || yaṅ na ni phyi nas ’gro [(2) bar brtsams pa daṅ | ji tsam na yul dbus nas phyir ’oṅ ba’i don mthun ’oṅs nas tshoṅ pa de dag gis don mthun phyir ’oṅ ba de dag la ’oṅs pa legs so źes brjod pas so sor yaṅ dag par dga’ bar byas te smras pa | khyed ga las ’oṅs | yul dbus nas so || (3) śes ldan dag ji lta yul dbus su khe spogs maṅ po grub bam | śo gam mam || la gcan nam | gru btsas kyis yoṅs su yi chad pa med dam || de dag gis smras pa | śes ldan dag yul dbus su khe spogs maṅ po grub mod kyi ’on kyaṅ de na gos dkar po can chom (4) rkun pa lta bu śo gam daṅ | la gcan daṅ | gru btsas kyi lce rten gyis bden pas mi mgub dag ’khod pas rdzas thams cad ’phrog par byed pas śo gam daṅ | la gcan daṅ | gru btsas kyis yoṅs su yi chad pa yod do || de dag gis thos nas ’tsher źiṅ phyogs (5) gcig tu doṅ nas lag pa la ’gram pa gtad de sems khoṅ du chud ciṅ ’khod do || drug sde dag lhags nas de dag gis smras pa | śes ldan dag ci’i phyir lag pa la ’gram pa gtad de sems khoṅ du chud ciṅ ’dug | tshoṅ pa dag gis smras pa | ’phags (6) pa dag bdag cag graṅ ba na graṅ bas sbrebs bźin pa daṅ | tsha ba na tsha bas gduṅs bźin pa daṅ | bkres pa daṅ skom pa dag gis gnod bźin pa daṅ | śa sbraṅ daṅ | sbraṅ daṅ | ñi ma daṅ | sdig sbrul gyi reg pa dag gis ñen bźin du loṅs (7) spyod dag mṅon par bsgrub pa’i slad du spro bar bgyid || ’bad par bgyid | rtsol bar bgyid pa gaṅ lags pa de dag thams cad bdag yul dbus su ’phags pa lags te | yul dbus su khe spogs maṅ po ’grub pa lags mod kyi | ’on kyaṅ bcag cag (83a1) gis don mthun slar mchi ba dag las thos na de na gos dkar po can chom rkun pa lta bu śo gam daṅ | la gcan daṅ | gru btsas kyi lce rten gyis bden pas mi mgu bdag ’khod pas rdzas thams cad ’phrog par bgyid par bgyid pas śo gam daṅ | la gcan daṅ (2) gru btsas kyis yoṅs su yi chad par ’gyur ro źes mchi’o || drug sde dag gis smras pa | bźin bzaṅs dag gaṅ dag la kho bo cag bśes su bdog pa khyed kyaṅ sems khoṅ du chud ciṅ ’khod dam | ’phags pa dag ci lags khyed kyis bdag cag gi slad du rgyal (3) po la gsol ba bgyi’am | bźin bzaṅs dag rgyal po la ni gsol ba mi byed de | ’on kyaṅ mñan yod ni kun śes pa’i śo gam can yin la | de la sgo ni bcwa brgyad | sge’u chuṅ ni sum bcu rtsa drug yod pas khyed cag sge’u chuṅ nas ’jug tu gźug gis loṅs śig (4) ’doṅ ṅo || tshoṅ pa de dag yoṅs su mgu nas ’phags pa daṅ | mñan yod daṅ ha caṅ mi riṅ ba’i ri brag źig tu phyin nas | drug sde dag gis smras pa | bźin bzaṅs dag re źig ṅal bsos la mñan yod du mtshan mo ’jug par byas | rṅa mo daṅ | glaṅ daṅ | boṅ (5) bu dag thoṅ śig | tshoṅ pa de dag gis de dag btaṅ nas | ji tsam na ñi ma nub par ’gyur ba’i tshe dus yin no źes re źig ṅal bso bar byed do || mñan yod na śo gam pa dag gis byaṅ lam nas don mthun phun sum tshogs pa ’oṅs so || źes thos nas | de dag gis (6) gnod sbyin la gtor ma byas te sgo dag mnan te | sdod do || drug sde dag gis smras pa | śes ldan dag mig lam chad kyis loṅs śig ’doṅ ṅo || yoṅs su mi śes par sge’u chuṅ nas bde bar ’jug tu gźug go || de dag ’phags te mthar gyis boṅ bu daṅ | rṅa mo (7) daṅ | glaṅ dag ’debs śiṅ || sge’u chuṅ nas mñan yod du źugs nas mtshan mo nam naṅs pa daṅ | sraṅ du doṅ ste byaṅ lam ba’i zoṅ bkram nas btsoṅ bar brtsams so || mi źig don mthun de ñid daṅ bral ba sgo nas źugs pa śo gam pa dag gis mthoṅ nas smras pa | (83b1) kye naṅ rje ga las ’oṅs | mi des smras pa | ri brag che ge mo źig nas so || de dag gis smras pa | kye naṅ rje ri brag de na byaṅ lam pa’i don mthun ’dug ces grag na khyod kyis de ma mthoṅ ṅam | mi des smras pa | śes ldan dag kho bo ni don mthun de ñid daṅ bral źiṅ ’gro ba (2) yin te de ni sṅar soṅ zin to || śo gam pa dag gis thos nas yid mi bde bar gyur te smras pa | kye naṅ rje kho bo cag sgo gnon ciṅ ’khod na de ga las źugs | mi des smras pa | śes ldaṅ dag gal te khyed cag yid mi ches na tshur śog sraṅ du ’doṅ daṅ raṅ ñid kyis mthoṅ bar (3) ’gyur ro || de dag de daṅ lhan cig sraṅ du doṅ ba daṅ don mthun dag byaṅ lam pa’i zoṅ bkram źiṅ tshoṅ pa mthoṅ nas de dag gis dris pa | śes ldan dag khyed cag gaṅ gris źugs | don mthun dag gis smras pa | rkaṅ pa dag gis so || śo gam pa dag gis smras pa | (4) khyed cag ji ltar rkaṅ pa dag gis źugs pa lta kho bo cag gis kyaṅ śes kyi | ’di ltar khyed cag gaṅ gis ’jug tu bcug pa daṅ | sgo gaṅ nas źugs pa de ’dris smos śig daṅ | kyed cag daṅ bśes par bya’o || de dag gis smras pa | ’phags pa drug sde dag gis (5) sge’u chuṅ nas ’jug tu bcug go | śo gam pa de dag śākya ’i sras kyi dge sbyoṅ rnams kyi dge sbyoṅ gi tshul ni tshig pa yin no || bram ze’i tshul ni tshig pa yin te | gaṅ lad ltar gźan gyi ’tsho ba la yaṅ gnon pa byed do || źes smod par byed | phya ra ka gtoṅ bar byed | kha (6) zer bar byed pa’i skabs te dge sloṅ dag gis bcom ldan ’das la gsol nas | bcom ldan ’das kyis bka’ stsal pa | dge sloṅ gis gźan gyi ’tsho ba la gnod par mi bya’o || gnod pa byed na ’gal tshabs can du ’gyur ro || śo gam pa dag gis drug sde ’di (7) dag ni dge sbyoṅ mi srun pa dag yin pas do bya’o sñam du bsams nas | ji tsam dus gźan źig na tshe daṅ ldan pa ñe dga’ sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs pa śo gam pa źig gis mthoṅ nas des smras pa | ’phags (84a1) pa phyag ’tshal lo || lhuṅ bzed na cuṅ zad mchis sam gzigs | ñe daga’asa smras pa | bźin bzaṅs ci sems lhuṅ bzed na śo gam gźal dgos pa’i rdzas med do || des smras pa | ’phags pa sdig pa źi bar gyur cig | bdag de sñam mi (2) sems kyi ’di ltar bca’ ba daṅ bza’ ba bsod pa cuṅ zad mchis na | de khyod las bslaṅs te ’tshal sñam mo || ñe daga’asa smras pa | bźin bzaṅs ci chu kluṅ rgyun las bzlog phyogs su ’bab bam | khyod kyis kho bo la sbyin par bya ba yin gyi kho bos khyod la sbyin par bya (3) ba ma yin no || des smras pa | ’phags pa bźad gad bgyi’o || tshur spyon khyim du bźud do || śo gam pa des ñe dga’ khyim du khrid nas bca’ ba daṅ bza’ ba bsod pas lhuṅ bzed bkaṅ ste byin nas | smras pa | ’phags pa bdag la bka’ stsol cig daṅ | bka’ (4) bźin bgyid ciṅ ’phags pas bka’ stsal pa thams cad bsgrub par bgyi’o || ñe daga’asa bźin bzaṅs khyod naṅ med par gyur cig ces smras te soṅ ṅo || drug sde dag gi kun tu spyod pa ni ’dir bdag cag gis bram ze daṅ khyim bdag ’oṅs śiṅ lhags pa rnams la chos (5) bstan par bya | rgol ba dag tshar gcad par bya | raṅ gi grags pa bsgrub par bya | rñed pa yaṅ bsgrub par bya’o źes yaṅ na ni sgo druṅ du gtsug lag khaṅ nod par byed | yaṅ na ni lam daṅ ñe bar gtsug lag khaṅ nod par byed pas ñe daga’asa lam daṅ ñe bar gtsug lag (6) khaṅ mnos nas de de’i steṅ du nam gyi cha stoṅ daṅ nam gyi cha smad la mi ñal ba’i sbyor ba la rjes su brtson bar gnas so || ji tsam dus gźag gig na tshoṅ pa śo gam ’dral ba dag gtsug lag khaṅ daṅ ha caṅ thag mi riṅ ba nas ’doṅ ba daṅ | ñe dga’ sgra lam mkhas pas des (7) de dag gi rtiṅ sgra thos nas yoṅs su g-yo ba daṅ bcas bźin du smras pa | ’doṅ ba ’di dag su yin | tshoṅ pa de dag caṅ mi smra bar sdod pa daṅ | ñe dga’ myur ba myur bar gtsug khaṅ gi steṅ nas babs te | tshoṅ pa de dag gi druṅ du soṅ nas smras pa | śes (84b1) ldan dag mtshan mo nor daṅ bcas pa kho nar ’doṅ ba ’di dag su yin | tshoṅ pa de dag gis smras pa | ’phags pa bdag cag ni tshoṅ pa śo gam ’dral ba dag lags so || ñe daga’asa smras pa | bkren pa dag kho bo cag la rgyal po yo byad thams cad kyis ñe bar gnas pa yin te | (2) gnas brtan kun śes kauṇ+ḍi n+ya yaṅ de la ’di skad ces ji nas kyaṅ rgyal po ’di’i loṅs spyod ma byuṅ ba dag ni ’byuṅ bar gyur cig | byuṅ ba dag ni rgyas pa daṅ | ’phel ba daṅ | yaṅs par gyur cig ces yon bśad pa byed pa yin na | khyed cag de dbaṅ ba’i śo gam dral te (3) ’doṅ na kho bo cag gis ci’i phyir yal bar dor bar byam | deṅ khyed la gnod pa byed du gźug go || de dag skrag nas smras pa | ’phags pa khyed ni thugs rje can dag lags pas bzod par mdzod cig daṅ bdag cag gis ’phags pa la mkho ba dag bgyi’o || ñe daga’asa (4) smras pa | ci źig bya bca’ ba’i cha rin dag dbul lo || dbul lam | dbul lo deṅ śig | de dag de nas doṅ ste ñe dga’i druṅ nas bral ba daṅ | ’di skad ces yu bu cag kos lar byuṅ ba’i rgyal po gsal rgyal la yaṅ śo gam mi ’jal na | dge sbyoṅ mgo reg ñe dga’ (5) la ’jal ba lta smos kyaṅ ci dgos źes kun du rjod par byed do || ñe dga’ yaṅ myur ba myur bar zas kyi bya ba byas ge sgo druṅ nas lhuṅ bzed ’khru źiṅ phyogs bźir rnam par lta bar byed do || gźon nu źig gis ñe dga’ phyogs bźir rnam par lta bar byed pa mthoṅ nas | des (6) smras pa | gnas brtan ci’i slad du phan tshun rnam par gzigs par mdzad | ñe daga’asa smras pa | tshe daṅ ldan pa kho bo’i mdza’ bśes tshoṅ pa dag zoṅ thogs te mñan yod du źugs pa de dag lta’o || gźon nu des smras pa | gnas brtan khyod ji tsam na (7) zas kyi bya ba mdzad pa de tsam na de dag doṅ lags so || ñe dga’ mi bzod pa skyes nas kho bo yaṅ de dag gis bslus te spu gril khu tshur gyis brdegs śiṅ raṅ thags kyi rdo la rtswas phug gis kho bos de dag la gaṅ bya ba śes so sñam du sems so || ji tsam na tshoṅ pa de (85a1) dag yaṅ de kho na bźin du ’oṅs pa daṅ | ñe daga’asa kyaṅ de kho na bźin lan gñis su bzuṅ ste | khyed kyis kho bo yaṅ bsluṅ so źes smras pa daṅ | tshoṅ pa de dag gis smras pa | ’phags pa bdag cag la bgyi ba cuṅ źig byuṅ bas des na bcag cag ma (2) źus par mchis te | da ni de daṅ gźan yaṅ thams cad ’dul lo || dbul lam | ’bul lo || deṅ śig de dag de nas doṅ ste ñe dga’i druṅ nas bral ba daṅ | ’di skad ces yu bu cag ko sa lar byuṅ ba’i rgyal po gsal rgyal la yaṅ śo gam mi ’jal na | dge skyoṅ (3) mgo reg ñe dga’ la ’jal ba lta smos kyaṅ ci dgos źes kun du rjod par byed do || ñe daga’asa tshoṅ pa de dag gis bdag la maṅ po źig khas blaṅs pas yaṅ de kho na bźin du mi lta bar soṅ na mi ruṅ gis mtshan ma daṅ bcas pa kho nar laṅs te | de dag gi druṅ du ’gro bar (4) bya’o sñam du bsams nas des snam sbyar bgos te sraṅ du soṅ ba daṅ | tshoṅ pa de dag kyaṅ zoṅ bkram ste ’tshoṅ bar byed nas ñe daga’asa de dag la mtshan ma bstan par brtsams pa daṅ | de dag gis smras pa | ’phags pa je zoṅ bsgyur bar bgyis bźud cig daṅ bcag (5) cag mchis te dbul bar bgyi’o || ñe daga’asa smras pa | gal te bden na’o || de dag gis smras pa | ’phags pa khyod ni ’gal bar bgyi ba la lags kyis bźud cig | ñe dga’ soṅ ste myur ba myur bar gtsug lag khaṅ du soṅ nas zas kyi bya ba byas te | lhuṅ bzed (6) ’khru źiṅ phyogs su rnam par lta bar byed do || de bźin du gźon nu źig gis smras pa | gnas brtan ci’i slad du phan tshun rnam par gzigs par mdzad | ñe daga’asa smras pa | tshe daṅ ldan pa kho bo’i mdza’ bśes tshoṅ pa dag zoṅ thogs te mñan yod du źugs pa (7) de dag lta’o || gźon nu des smras pa | gnas brtan khyod ji tsam na zas kyi bya ba mdzad pa de tsam na de dag doṅ lags so || ñe dga’ rgya cher mi bzod pa skyes nas mgo bsigs te kho bo de dag gis lan gñis su bslus kyis | da ni gal te de dag mthoṅ na gaṅ (85b1) gis phyin chad tshoṅ par mi ’gyur ba de ’dra ba’i khrims ’char gźug go sñam du sems so || ji tsam na yaṅ tshoṅ pa de dag de kho na bźin du ’oṅs pa daṅ | ñe daga’asa smras pa | śes ldan dag khyed kyis yaṅ daṅ yaṅ du kho bo bslus pas | da ni gaṅ bya ba de ltos śig | (2) de dag gis smras pa | ’phags pa bzod pa mdzod cig | bdag cag tshoṅ pa dag ni rtag tu ’jal tshoṅs kyis sems g-yeṅs pa lags pas da ni sṅar mchid kyis ’tshal ba gaṅ lags pa daṅ | slad kyis mchid kyis ’tshal ba gaṅ lags pa de daṅ gźan (3) thams cad kyaṅ dbul bar bgyi’o || ñe daga’asa gal te ’di dag la gzu lums su ’dzud par byas na śes par ’gyur gyis mthun par brjod par bya’o sñam du śes śiṅ rig nas smras pa | bźin bzaṅs dag ṅes par ’bul lam | ’phags pa ṅes par ’bul lo | (4) gal te de lta na byed cag la ñes dmigs ’ga’ źig byuṅ bar gyur tam | kho bo cag la yaṅ gtsug lag khaṅ gi druṅ du tshoṅ pa dag tshoṅ pa ma yin par rnam par gźag par gyur nam legs kyis re źig las lta ba de srid kyi bar du sdod cig | de dag sdod pa daṅ ñe (5) dga’ de na śo gam pa dag gi druṅ du soṅ ṅo | de’i tshen śo gam pa dag śes ldan dag tshoṅ pa śo gam ’dral ba dag gis śo gam dral ciṅ sge’u chuṅ nas ’jug pas lo taṅ ’du ba mi ’byuṅ la dus la ni bab | rgyal po ni gtum pas bdag cag khu daṅ | chuṅ ma daṅ (6) rtsa lag daṅ bcas pa btson rar bcug ste gsad par ’gyur ba gaṅ yin pa de lta bu’i gnas yod do źes zer źiṅ sems khoṅ du chud ciṅ ’dug go || de dag de ltar sems khoṅ du chud ciṅ ’dug pa na ñe daga’asa smras pa | khyed cag ci’i phyir | ’di ltar sems khoṅ du (7) chud ciṅ ’dug | ’phags pa ji ltar sems khoṅ du chud ciṅ mi mchi | tshoṅ pa śo gam ’dral ba dag gis śo gam dral ciṅ sge’u chuṅ nas ’jug pas lo taṅ ’du ba mi ’byuṅ la dus la ni bab | rgyal po ni gtum pas bdag cag bu daṅ | chuṅ ma daṅ | rtsa lag dag (86a1) daṅ bcas pa btson rar bcug stegs dpar ’gyur ba gaṅ lags pa | de lta bu’i gnas mchis so || bkren pa dag khyed cag sus śo gam gyi gnas su bźag | khyed cag ni lcag rgod maṅ pos brims las skyes pa’am | śiṅ ’cheg tu gźug par bya ba yin no || (2) ci’i phyir khyed kyis tshoṅ pa śo gam ’dral ba gcig tsam yaṅ nor thams cad daṅ bral bar mi byed | ’phags ba mñan yod ni kun śes pa’i śo gam can lags kyi ñes pa byed pa’i śo gam cagana ma lags pas ji ltar nor thams cad daṅ bral bar bgyi | bkren pa dag mñan (3) yod ni ñes pa byed pa’i śo gam can yin gyi kun śes pa’i śo gam can ma yin no || ’phags pa bcag cag gis yun de srid du śo gam bsgrubs na lan ’ga’ yaṅ ñes pa bgyid pa’i śo gam can ma lags na | da ji ltar ñes pa bgyid pa’i śo gam can du ’gyur | bkren (4) pa dag sdod cig daṅ ṅa soṅ la tshoṅ pa śo gam ’dral ba dag gtaṅ bar byas | de dag khyed kyis zuṅ la nor thams cad daṅ bral bar gyis śig | gal te mñan yod ni kun śes pa’i śo gam can yin gyi ñes pa byed pa’i śo gam can ni ma yin no źes zer na | mñan yod (5) ni ñes pa byed pa’i śo gam can yin gyi kun śes pa’i śo gam can ma yin no źes brjod par bya’o || gal te yun de srid du kho bo cag tshoṅ pa’i tha sñad byed pa na | lan ’ga’ yaṅ mñan yod ñes pa byed pa’i śo gam can ma yin na | da ñes pa byed pa’i śo gam can du (6) gyur tam | tshur śog tshoṅ pa’i tshogs kyi naṅ du ’doṅ ṅo || źes zer na rgyal po’i pho braṅ du bkri bar bya’o || gal te rgyal po na re śes ldan dag yun de srid du ṅa’i rgyal srid byed du bcug na | lan ’ga’ yaṅ ṅas mñan yod ñes pa byed pa’i śo gam can du mthos na | (7) da ñes pa byed pa’i śo gam can du gyur tam źes zer na | rgyal po a ra da tshaṅs byin tshoṅ pa’i tshogs daṅ bcas pas gaṅ skyes mos tshal lam | ’dun sa ’am | lha’i nags che ge mo nas mñan yod du ’jug pa la de la ni kun śes pa’i śo gam can yin la | gaṅ (86b1) skyed mos tshal lam | ’dun sa’am | lha’i gnas che ge mo gnas mñan yod du ’jug pa del ñes pa byed pa’i śo gam can yin no || źes khrims su bya ba rnam par bźag par bźag pa de lha la brtsan nam źes brjod bar bya’o || gal te bran no źes zer na | (2) lha mdzod che ge mo źig na sbom mchis pa de na zaṅs ma’i glegs bu la yi ge bris pa mchis pa de lhas gzigs su gsol źes brjod par bya’o || mi tsamana na śo gam pa de dag gis tshoṅ pa śo gam ’dral ba de dag bzuṅ ste nor thams cad daṅ bral bar byas pa na tshoṅ pa de dag (3) gis smras pa | śes ldan dag ci’i phyir kho bo cag nor thams cad daṅ bral bar byed | mñan yod ni kun śes pa’i śo gam can yin gyi ñes pa byed pa’i śo gam can ni ma yin no || śo gam pa dag gis smras pa | mñan yod ni ñes pa byed pa’i śo gam can yin gyi kun (4) śes pa’i śo gam can ni ma yin no || tshoṅ pa dag gis smras pa | yun de srid du kho bo cag tshoṅ pa’i tha sñad byed byed na lan ’ga’ yaṅ mñan yod ñes pa byed pa’i śo gam can ma yin na da ñes pa bye dpa’i śo gam can du gyur tam | tshur śog tshoṅ pa’i tshogs kyi naṅ du (5) ’doṅ ṅo || śo gam pa dag gis smras pa | tshoṅ pa’i tshogs kyi naṅ du mi ’gros tshur śog | rgyal po’i pho braṅ du ’doṅ ṅo źes de dag ’khaṅ bźin du mthus rgyal po’i pho braṅ du khrid pa daṅ | de dag gis tshoṅ pa’i tshogs la śes ldan dag kho bo cag śo gam pa dag gis nor (6) thams cad daṅ bral bar byas kyis grogs gyis śig ces ra mda’ zlog pa’i skad phyuṅ ṅo || tshoṅ pa’i tshogs kyaṅ de dag daṅ lhan cig rgyal po’i sbyan sṅar soṅ nas | lha khyod kyi rgyal srid la śo gam pa dag gis tshoṅ pa glo bur du lhags pa dag nor thams cad daṅ bral bar (7) bgyis kyis yoṅs su bskyab tu gsol źes smras so || rgyal pos blon po rnams la śes ldan dag śo gam pa dag khug śig ces bsgo nas blon po rnams kyis śo gam pa dag bkug pa daṅ | rgyal pos smras pa | śes ldan dag ci’i phyir khyed kyis tshoṅ pa dag nor (87a1) thams cad daṅ bral bar byas | śo gam pa dag gis smras pa | lha tshoṅ pa ’di dag ni śo gam ’dral ba lags la | mñan yod ñi ñes pa bgyid pa bgyid pa’i śo gam can lags pas de’i slad du bcag cag gis ’di dag nor thams cad daṅ bral bar bgyis so | (2) rgyal pos smras pa || śes ldan dag yun de srid du ṅa’i rgyal srid byed du bcug na lan ’ga’ yaṅ ṅas mñan yod ñes pa byed pa’i śo gam can du ma thos na | da ñes pa byed pa’i śo gam can du gyur tam | śo gam yaṅ dag pa loṅ la thoṅ śig | śo gam pa dag gis smras (3) pa | rgyal po a raṅ tshaṅs byin tshoṅ pa’i tshogs daṅ bcas pas gaṅ skyed mos tshal lam | ’dun sa ’am | lha yi gnas che ge mo nas mñan yod du ’jug pa de la ni kun śes pa’i śo gam can yin la | gaṅ skyed mos tshal lam | ’dun sa ’am | lha’i gnas (4) che ge mo nas mñan yod du ’jug pa de la ni gnod pa byed pa’i śo gam can yin no źes khrims su bya ba rnam par gźag pa gaṅ lags pa de lha la brtsan nam | rgyal pos smras pa | śes ldan ldan dag ṅa’i yab kyis mdzad pa gaṅ yin pa de ni brgya byin gyis mdzad pa | tshaṅs (5) bas mdzad pa yin te mchog tu brtsan no || śo gam pa dag gis smras pa | lha mdzod che ge mo źig na sgrom mchis pa de na zaṅs ma’i glegs bu la yi ge bris pa mchis pa de lhas gzigs su gsol | rgyal pos gtogs par byas pa dag la zaṅs ma’i glegs bu de (6) ’on cig | ces bsgo nas blaṅs te bklags pa daṅ | rgyal pos pha’i bsṅags pa thos nas mchim daṅ bcas pa’i skad kyis smras pa | śes ldan dag ṅa’i yab kyis mdzad pa gaṅ yin pa de ni brgyan byin gyis mdzad pa | tshaṅs pas mdzad pa yin te | gal te nor (7) thams cad daṅ bral bar byas na legs so || tshoṅ pa de dag re ba med par gyur nas mchi ma daṅ bcas pa’i skad kyis doṅ nas de dag gis śo gam pa de dag la smras pa | śes ldan dag khyed la sus sbran pa smros śig | śo gam pa dag gis smras pa | kho bo cag la su (87b1) źig spron par ’gyur | kho bo cag ñid kyis śes mod kyi ’on kyaṅ kho bo cag khyed la sñiṅ rje bas yal bar bor ro || khyed cag ha caṅ bya ba byed par brtsams pas des na kho bo cag mi bzod pa skyes so || tshoṅ pa dag gis smras pa | khyed la sñiṅ rje ga la yod | smros śig (2) daṅ kho bo cag khyed daṅ mdza’ bor ’gyur ro || śo gam pa dag gis smras pa | ’phags pa drug sde dag gis so || tshoṅ pa de dag śākya ’i sras kyi dge sbyoṅ rnams kyi dge sbyoṅ gi tshul ni tshig pa yin no || bram ze’i tshul ni tshig pa yin te | gaṅ la de ltar gźan gyi ’tsho (3) ba la yaṅ gnod par byed do źes smod par byed | phyar ka btoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol nas | bcom ldan ’das kyis bka’ stsal pa | dge sloṅ gis gźan gyi ’tsho ba la gnod par mi bya’o || (4) gnod pa byed na ’gal tshabs can du ’gyur ro || ||

.