mdor bsdun na don rnam pa gsum gyis sems can thams cad ni rtag tu de bźin gśegs pa’i sñiṅ po can no źes bcom ldan ’das kyis gsuṅs te | saṅs rgyas ye śes sems can tshogs źugs phyir || raṅ bźin dri med de ni gñis med de || saṅs rgyas rigs la de ’bras ñer brtags phyir || ’gro kun saṅs rgyas sñiṅ po can du gsuṅs || don de rnam pa thams cad don gaṅ gis gsuṅs rab thams cad du khyad par med par bstan par ’gyur ba de’i dbaṅ du byas te bśad par bya’o || ’di lta ste | sems can thams cad la de bźin gśegs pa’i chos kyi skus ’phro ba’i don daṅ | de bźin gśegs pa’i de bźin ñid rnam par dbyer med pa’i don daṅ | de bźin gśegs pa’i rigs yod pa’i don gyis so || don gyi gnas gsum po ’di dag kyaṅ de bźin gśegs pa’i sñiṅ po’i mṅo’i rjes su ’braṅs te ’og nas ston par ’gyur ro ||