| gaṅ (6)gi phyir thug pa ma mchis pa de’i phyir | ’di sñed bgyi ba’i mtha’ med na | | źes bya ba’i tshigs su bcad pa bśad pa | ’di sñed bgyi ba’i mtha’ med na | | ’di lta lags źes ci źig smos | | khyod kyi yon tan slad du bdag | bsod nams sñam nas spyi brtol skyes | | ’di (7)sñed ces bya ba ni tshad ’di daṅ ldan pa ste | brgya’am stoṅ źes bya ba de lta bu’i mtha’ ni yoṅs su chad pa’i yon tan rnams te mi mṅa’ źes bya ba’i don to | | de lta bus ni ’bras bu phun sum tshogs pa bśad pa yin no | | mthu phun sum tshogs pa bstan pa bśad pa ni ’di lta lags (123b1)źes ci źig smos źes smos pa la | ’di lta bu ni ’di lta bu’i mthu daṅ ldan pa khyod kyi yon tan źes bya ba ste | ci źig ni tshig gi skabs kho na ci źig smos źes bya ba ste dgoṅs pa’o | | khyod ni ji ltar bstod pa la brtson źes pa la bśad pa | bsod nams sñam nas źes bya ba ni bsod (2)nams kyi rgyu kho na yin pas na bsod nams so | | yaṅ na yon tan dag mdzad pas na bsod nams te sdig pa ’joms pa źes bśad do | | sñam gyi sgra ni ṅes par gzuṅ ba la’o | | yaṅ gi sgra ni don gźan brjod par ’dod pa la’o | bśad pa ni ’di yin te | khyod kyi yon tan rnams (3)la graṅs daṅ mthu dag gis thug pa ma mchis mod kyi | ’on kyaṅ khyod kyi yon tan ni bsod nams yin źes bdag ṅes pa skyes pa’o | | de’i phyir yon tan gyi slad du ni khyod kyi yon tan la brten pas so | | bdag spyi brtol skyes pa źes bya ba ni yon tan gyi khyad par ma ’tshal na yaṅ bdag (4)cag rnams la spyi brtol yod de | raṅ gi don la gus pas yon tan gyi phyogs gcig la bstod par bya ba’i phyir źes bstan to | | de lta bu’i tshigs su bcad pa gñis po ’dis bcom ldan ’das kyi rgyu daṅ ’bras bu phun sum tshogs pa la bstod pa rab tu brtsams so źes bśad do |